CLOSE WINDOW

D3790
བོད་ཡིག

@##/ /rgya gar skad du/ pany+tsa bing sha ti sa ha sri ka pradz+nyA pA ra mi ta / bod skad du/ shes rab kyi pha rol tu phyin pa stong phrag nyi shu lnga pa/ bam po dang po/ sangs rgyas dang byang chub sems dpa' thams cad la phyag 'tshal lo//nyan thos zhi ba tshol rnams kun shes nyid kyis nyer zhir khrid mdzad gang yin dang / /'gro la phan par byed rnams lam shes nyid kyis 'jig rten don sgrub mdzad pa gang //gang dang yang dag ldan pas thub rnams rnam pa kun ldan sna tshogs 'di gsungs pa / /nyan thos byang chub sems dpa'i tshogs bcas sangs rgyas kyi ni yum de la phyag 'tshal //rgyal sras gang dag skye bo ma lus bsgral phyir byang chub tu ni yid byas dang / /so sor byang chub rtogs nas gang dag slar yang mnyam med sgom par byed rnams dang / /slob ma dang ni slob ma'i lam 'gro nyon mongs zil mnan 'gro ba gang yin pa//de dag thams cad dam pa'i chos mnyan phyir na rab dga'i yid kyis 'dir spyon cig /gang phyir dri ma mang pos dus 'di de bzhin ma yin 'gro ba 'di yin zhing //lta ba mchog tu mi legs chags sdang mun pa rab tu lhag gyur mi g.yo la/ /tshe yang ring po med dang mun pas dri bral snang ba bzang po dang ldan pas / /the tshom yul min mdo 'di kye ma rnyed dka' bas na rig par bdag gis dbye//'di skad bdag gis thos pa dus gcig na/ bcom ldan 'das rgyal po'i khab kyi ri bya rgod 'phungs pa na bzhugs te/ dge slong lnga stong tsam gyi dge slong gi dge 'dun chen po thams cad kyang dgra bcom pa/zag pa zad pa/ nyon mongs pa med pa/ dbang du gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rab tu thob pa/ srid par kun tu sbyor ba yongs su zad pa/ yang dag par kun shes pas sems shin tu rnam par grol ba/ sems kyi dbang thams cad la pha rol tu phyin pa'i mchog thob pa rnams dang thabs cig go//gang zag gcig ma gtogs pa ni 'di ltar slob pa rgyun tu zhugs pa tshe dang ldan pa kun dga' bo'o/ /dge slong ma grags 'dzin dang / skye dgu'i bdag mo chen mo la sogs pa lnga brgya tsam dang / dge bsnyen ma dang / dge bsnyen ma shin tu mang ba kun kyang chos mthong ba dag dang yang thabs cig go/ /byang chub sems dpa' sems dpa' chen po tshad med pa bye ba khrag khrig brgya stong dang yang thabs cig ste/ thams cad kyang gzungs rab tu thob pa/ ting nge 'dzin rab tu thob pa/ stong pa nyid kyi rnam par spyod pa/mtshan ma med pa'i spyod yul can/ rtog pa med pa'i smon lam dang ldan pa/ chos thams cad la mnyam pa nyid kyis bzod pa rab tu thob pa/ chags pa med pa'i gzungs rab tu thob pa/ mngon par shes pa shin tu ma nyams pa/ mnyan par 'os pa'i tshig dang ldan pa/tshul 'chos pa med pa/ kha gsag med pa/ grags pa dang / khe dang bkur sti'i sems med pa/ zang zing med pa'i chos ston pa/ chos zab mo'i bzod pa dam pa rtogs par khong du chud pa/ mi 'jigs pa chen po thob pa/ bdud kyi las thams cad las yang dag par 'das pa/las kyi sgrib pa rgyun chad pa/ chos rab tu rtogs pas rnam par dbye zhing bstan pa la mkhas pa/ bskal pa grangs med pa nas smon lam shin tu brtsams pa/ bzhin 'dzum pa dang ldan pa/ sngon du smra ba/ khro gnyer med pa/ pha rol la tshigs su bcad pa'i dbyangs su brjod pa mkhas pa/zhum pa'i sems dang bral ba/ spobs pa mi chod pa/ 'khor mtha' yas pa zil gyis mnan pa'i mi 'jigs pa dang ldan pa/ bskal pa bye ba mtha' yas pa las nges par 'byung ba la mkhas pa/ chos thams cad sgyu ma dang / smig rgyu dang / chu zla dang / rmi lam dang / sgra brnyan dang / mig yor dang / gzugs brnyan dang / sprul pa lta bur lhag par mos pa dang / sems can thams cad kyi sems kyi rgyud dang / sems can thams cad kyi 'gro ba dang / spyod pa dang / mos pa phra mo sna tshogs la 'jug par mkhas pa/ sems can thams cad la sdang ba med pa'i sems dang ldan pa/bzod pa rlabs po che dang ldan pa/ bdag nyid ji lta ba bzhin 'jug pa la mkhas pa/ sangs rgyas kyi zhing thams cad du bkod pa mtha' yas par smon pa dang 'jug pa yongs su gzung ba/ 'jig rten gyi khams grangs med pa na bzhugs pa'i sangs rgyas rjes su dran pa'i ting nge 'dzin rtag tu rgyun mi 'chad par mngon du gyur pa/sangs rgyas dpag tu med pa la gsol ba 'debs pa la mkhas pa/ sems can gyi lta ba sna tshogs dang bag la nyal dang kun nas ldang ba'i nyon mongs pa zhi bar bya ba la mkhas pa/ting nge 'dzin gyis rnam par rtsen pa brgyad stong mngon par sgrub pa la mkhas pa/ yon tan brjod pa bskal pa mtha' yas par mi zad pa dang ldan pa sha stag dang thabs cig ste/ 'di lta ste skye ba gcig gis thogs pa'i byang chub sems dpa' sems dpa' chen po bzang skyong dang /rin chen 'byung gnas dang / ded dpon dam pa dang / skyes bus byin dang / chus byin dang / dbang pos byin dang / blo gros dam pa dang / khyad par blo gros dang / blo gros 'phel ba dang / don yod mthong ba dang / rab tu zhugs pa dang / rab kyi rtsal gyis rnam par gnon pa dang / rtag tu brtson pa dang / rtag tu sbyor ba dang / mi gtong brtson pa dang / nyi ma'i snying po dang / blo gros dpe med pa dang / spyan ras gzigs kyi dbang po dang / mthu chen thob pa dang / 'jam dpal gzhon nur gyur pa dang / rdo rje blo gros dang / lag na rin chen phyag rgya dang /rtag tu lag brkyang dang / byang chub sems dpa' sems dpa' chen po byams pa dang / de dag la sogs pa byang chub sems dpa' bye ba khrag khrig brgya stong du ma dag dang thabs cig go/ /de nas de'i tshe bcom ldan 'das nyid kyi gdan seng ge'i khri bshams nas/sku drang por bsrangs te dgongs pa mngon du bzhag nas skyil mo krung bcas te bzhugs so/ /der bzhugs nas ting nge 'dzin gang du ting nge 'dzin thams cad khongs su chud pas 'du ba dang rjes su 'brang bar 'gyur ba ting nge 'dzin gyi rgyal po zhes bya ba'i ting nge 'dzin la mnyam par gzhag go//de nas bcom ldan 'das dgongs shing yang dag par mkhyen pas ting nge 'dzin de las bzhengs te/ lha'i spyan gyis sangs rgyas kyi zhing thams cad la rnam par gzigs so/ /de ltar gzigs nas sku thams cad las 'od zer rab tu bkye ste/ de'i zhabs kyi mthil gnyis kyi 'khor lo'i rtsibs stong dang ldan pa gnyis las kyang 'od zer bye ba khrag khrig brgya stong drug cu drug cu byung ngo //zhabs kyi sor mo bcu las kyang 'od zer bye ba khrag khrig brgya stong drug cu drug cu byung ngo / /zhabs long bu gnyis dang / zhabs byin pa gnyis dang / zhabs pus mo gnyis dang /zhabs brla gnyis dang / sku lta zur gnyis dang / sku lte ba'i dkyil 'khor dang / sku rtsib logs gnyis dang / thugs ka'i skyes bu chen po'i mtshan dpal gyi be'u las kyang 'od zer bye ba khrag khrig brgya stong drug cu drug cu byung ngo / /phyag gi sor mo bcu las kyang 'od zer bye ba khrag khrig brgya stong drug cu drug cu byung ngo //de bzhin du phyag lag ngar gnyis dang / dpung pa gnyis dang / mgur dang / tshems mche ba bzhi dang / tshems bzhi bcu dang / spyan gnyis dang / snyan gnyis dang / shangs kyi sbubs gnyis dang / smin mtshams kyi mdzod spu dang / steng gi spyi gtsug dang / zhal gyi sgo nas kyang 'od zer bye ba khrag khrig brgya stong drug cu drug cu byung ste/ 'od zer bye ba khrag khrig brgya stong drug cu po de dag thams cad kyis stong gsum gyi stong chen po'i 'jig rten gyi khams 'di dag thams cad snang ba chen pos khyab par byas te/shar phyogs kyi 'jig rten gyi khams gang gA'i klung gi bye ma snyed snang ba chen pos khyab par byas so/ /de bzhin du/ lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang / steng gi phyogs su phyogs re re zhing 'jig rten gyi khams gang gA'i klung gi bye ma snyed snang ba chen pos khyab par byas so/ /sems can gang gis 'od zer de mthong ba dang / 'od zer des gang la reg par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//de nas yang bcom ldan 'das kyi ba spu'i sgo thams cad nas 'od zer rab tu dgye ba mdzad de/ ba spu'i bu ga re re nas kyang 'od zer bye ba khrag khrig brgya stong drug cu drug cu byung ngo / /'od zer des kyang stong gsum gyi stong chen po'i 'jig rten gyi khams 'di snang ba chen pos khyab par byas so//shar phyogs su 'jig rten gyi khams gang gA'i klung gi bye ma snyed snang ba chen pos khyab par byas so/ /de bzhin du lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang / steng gi phyogs su phyogs re re zhing 'jig rten gyi khams gang gA'i klung gi bye ma snyed snang ba chen pos khyab par byas so/ /sems can gang gis 'od de mthong ba dang / 'od des gang la reg par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//de nas yang bcom ldan 'das kyi de bzhin gshegs pa'i rang bzhin gyi 'od gang yin pa des/ stong gsum gyi stong chen po'i 'jig rten gyi khams 'di snang ba chen pos khyab par mdzad pa dang / phyogs bcu po rnams thams cad kyi phyogs re rer/ 'jig rten gyi khams gang gA'i klung gi bye ma snyed rang bzhin gyi 'od des khyab par mdzad nas/ 'od des gang la reg par gyur pa de dag thams cad kyang bla na med pa yang dag par rdzogs pa'i byang chub tu nges pa'i bar du gyur to//de nas de'i tshe bcom ldan 'das kyi zhal gyi sgo nas ljags kyi dbang po bkram ste/ stong gsum gyi stong chen po'i 'jig rten gyi khams 'di thams cad ljags kyi dbang po des khyab par mdzad nas/ ljags kyi dbang po de las 'od rab tu bkye ste/ 'od de las 'od zer bye ba khrag khrig brgya stong du ma 'thon to//'od zer gyi rtse mo re re las kyang rin po che'i rang bzhin gyi pad+ma gser gyi mdog tu snang ba 'dab ma stong dang ldan pa byung bar [##]gyur to/ /pad+mo de dag la'ang de bzhin gshegs pa'i sku chos ston par mdzad cing gnas pa rnams bzhugs te/ 'di lta ste pha rol tu phyin pa drug dang ldan pa'i chos bstan pa 'di nyid ston pa mdzad do//de dag shar phyogs kyi 'jig rten gyi khams gang gA'i klung gi bye ma snyed du gshegs shing de dag tu byon nas 'di lta ste/ pha rol tu phyin pa drug dang ldan pa'i chos bstan pa 'di nyid kyi chos ston to//de bzhin du de dag lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang steng gi phyogs su phyogs re re zhing 'jig rten gyi khams gang gA'i klung gi bye ma snyed dag tu gshegs shing / de dag tu byon nas kyang 'di lta ste/pha rol tu phyin pa drug dang ldan pa'i chos bstan pa 'di nyid kyi chos ston to/ /sems can gang gis chos de dag thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /de nas bcom ldan 'das kyis gdan seng ge'i khri de la bzhugs bzhin du sangs rgyas kyi ting nge 'dzin seng ge rnam par rol pa zhes bya ba la mnyam par bzhag ste/de lta bu'i gzugs kyis rdzu 'phrul mngon par 'du mdzad do/ /ji lta bu'i gzugs kyis rdzu 'phrul mngon par 'du mdzad pas stong gsum gyi stong chen po'i 'jig rten gyi khams 'di rnam par 'gyur ba drug tu g.yos so//rab tu g.yos so/ /kun tu rab tu g.yos so/ /'gul to/ /rab tu 'gul to/ /kun tu rab tu 'gul to/ /ldeg go/ /rab tu ldeg go/ /kun tu rab tu ldeg go/ /chem/ rab tu chem/ kun tu rab tu chem mo/ / 'khrugs/ rab tu 'khrugs/ kun tu rab tu 'khrugs so/ /'ur 'ur/ rab tu 'ur 'ur/ kun tu rab tu 'ur 'ur ro/ /mtha' mtho na ni dbus dma'/ dbus mtho na ni mtha' dma' ste/ dal bus bags kyis nyams su bde bar sems can thams cad la phan pa dang bde ba bskyed par gyur to//de nas de'i tshe skad cig yud tsam thang cig la/ stong gsum gyi stong chen po'i 'jig rten gyi khams 'di na/ sems can dmyal ba dang / byol song gi skye gnas dang gshin rje'i 'jig rten gang dag yod pa de dag rgyun chad cing stongs par gyur to/ /mi khom pa thams cad kyang zad par gyur to//sems can gang dag dmyal ba dang / dud 'gro'i skye gnas dang / gshin rje'i 'jig rten las shi 'phos pa de dag kyang dang ba dang rab tu dga' ba de nyid kyis mi rnams dang skal ba mnyam par skyes par gyur to/ /de bzhin du rgyal chen bzhi'i ris kyi lha dang /sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha dang skal ba mnyam par skyes par gyur to/ /de nas mi de dag dang lha de dag bcom ldan 'das nyid kyi mthus sngon gyi tshe rabs rjes su dran par gyur te/rjes su dran nas dang ba dang rab tu dga' bas bcom ldan 'das gang na ba der dong zhing phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la thal mo sbyor zhing 'dud par gyur to/ /de bzhin du shar phyogs kyi 'jig rten gyi khams gang gA'i klung gi bye ma snyed dang /lho phyogs dang / nub phyogs dang / byang phyogs dang / phyogs mtshams rnams dang / 'og dang / steng gi phyogs kyi phyogs bcu po rnams kun tu phyogs kyi cha re rer 'jig rten gyi khams gang gA'i klung gi bye ma snyed kyi sems can dmyal ba thams cad dang /byol song gi skye gnas thams cad dang / gshin rje'i 'jig rten thams cad kyang rgyun chad cing stongs par gyur/ mi khom pa thams cad kyang nub par gyur te/ sems can gang dag dmyal ba dang / dud 'gro'i skye gnas dang / gshin rje'i 'jig rten de dag nas shi 'phos pa de dag thams cad kyang mi dang lhar skal ba mnyam par skyes par gyur to/ /mi dang lha rnams su skyes pa de dag kyang bcom ldan 'das nyid kyi mthus sngon gyi gnas rjes su dran par gyur te/ rjes su dran nas kyang dang ba dang rab tu dga' ba de nyid kyis rang rang gi sangs rgyas kyi zhing rnams su sangs rgyas bcom ldan 'das byung bar gyur pa de dag gi drung du dong zhing phyin nas/sangs rgyas bcom ldan 'das de rnams kyi zhabs la phyag 'tshal te/ thams cad thal mo sbyar nas bcom ldan 'das rnams la 'dud par gyur to/ / de nas de'i tshe stong gsum gyi stong chen po'i 'jig rten gyi khams 'di na sems can dmus long ji snyed cig yod pa de dag thams cad kyang mig gis gzugs mthong bar gyur to/ /sems can 'on pa rnams kyang rna bas sgra thos par gyur to/ /smyon pa rnams kyang dran pa thob par gyur to//sems 'khrugs pa rnams kyang sems rtse gcig pa thob par gyur to/ /gos med pa rnams kyang gos thob par gyur to/ /dbul po rnams kyang nor thob par gyur to/ /bkres pa rnams kyang zas thob par gyur to/ /skom pa rnams kyang btung ba thob par gyur to/ / nad kyis btab pa rnams kyang nad med par gyur to/ /lus nyams pa dang dbang po ma tshang ba rnams kyang lus dang dbang po tshang zhing rgyas par gyur to/ /ngal ba rnams kyang ngal sos par gyur to/ /lus dang ngag dang yid kyi las kyi mtha' dang 'tsho ba mi dge ba ma spangs pa rnams kyang /lus dang ngag dang yid kyi las kyi mtha' dang 'tsho ba mi dge ba spangs par gyur to/ /sems can thams cad kyang sems can thams cad la dper na/ pha dang / ma dang / phu nu dang / sring mo dang / mdza' ba dang / gnyen dang / grogs po dang mtshungs pa'i sems kyis phan tshun sems mnyam pa nyid du gyur to//sems can thams cad kyang dge ba bcu'i las kyi lam dang ldan zhing tshangs par spyod pa dang / gtsang ba dang nyes pa'i dri nga ba med de/ mi dge ba'i rtog pa thams cad dang bral bar gyur to/ /de'i tshe sems can thams cad kyang bde ba thams cad dang ldan par gyur to//'di lta bu'i bde ba dang ldan par gyur te/ dper na dge slong bsam gtan gsum pa la snyoms par zhugs pa'i bde ba de lta bu'i bde ba thams cad dang ldan par gyur to/ /de'i tshe 'di lta bu'i rang bzhin dang ldan par gyur te/ sangs rgyas kyi zhing gzhan na bzhugs pa'i sangs rgyas bcom ldan 'das rnams kyi dul ba ni legs so//zhi ba ni legs so/ /yang dag par sdom pa ni legs so/ /yun ring du tshangs par spyod pa la gnas pa ni legs so/ /srog chags su gyur pa rnams la mi 'tshe ba ni legs so zhes ched du brjod pa ched du brjod par gyur to//de'i tshe bcom ldan 'das gdan seng ge'i khri de nyid la bzhugs pas 'di lta ste/ dper na nyi ma sgrib pa med pa nam mkha'i dbyings yongs su dag pa la 'dug pa'am/ zla ba nya ba'i dkyil 'khor ltar stong gsum gyi stong chen po'i 'jig rten gyi khams ri rab dang bcas pa/khor yug dang bcas pa/ lha'i gnas dang bcas pa/ dbang po dang bcas pa/ dbang byed dang bcas pa/ lha dang lha ma yin gyi ris dang bcas pa/ tshangs pa dang bcas pa/ gtsang ma'i gnas dang bcas pa 'di zil gyis mnan te bzhugs na/'od dang / sku mdog dang / gzi brjid dang dpal gyis mdzes shing lham me lhan ne lhang nge'o/ /ji ltar bcom ldan 'das kyis stong gsum gyi stong chen po'i 'jig rten gyi khams zil gyis mnan te/ 'od dang / sku mdog dang / gzi brjid dang / dpal gyis mdzes shing lham me lhan ne lhang nger bzhugs pa de bzhin du shar phyogs kyi 'jig rten gyi khams gang gA'i klung gi bye ma snyed zil gyis mnan te 'od dang /sku mdog dang / gzi brjid dang / dpal gyis mdzes shing lham me lhan ne lhang nger bzhugs so/ /lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed zil gyis mnan te/ 'od dang / sku mdog dang / gzi brjid dang / dpal gyis mdzes shing lham me lhan ne lhang nger bzhugs so//'di lta ste dper na/ ri'i rgyal po ri rab ri nag po gzhan thams cad zil gyis gnon par gnas pa ni mdzes shing lham me lhan ne lhang nge'o/ /'di lta ste dper na/ zla ba'i dkyil 'khor skar ma'i gzugs thams cad zil gyis non par gnas pa ni mdzes shing lham me lhan ne lhang nge'o//'di lta ste dper na/ nyi ma'i dkyil 'khor 'od gzhan thams cad zil gyis non par gnas pa ni mdzes shing lham me lhan ne lhang nge'o/ /de bzhin du bcom ldan 'das phyogs bcu'i 'jig rten lha dang bcas pa/ dbang po dang bcas pa/tshangs pa dang bcas pa/ gtsang ma'i gnas dang bcas pa zil gyis non par bzhugs pa yang 'od dang / sku mdog dang / gzi brjid dang bcas pa dpal gyis mdzes shing lham me lhan ne lhang nge'o/ /de nas yang bcom ldan 'das kyis stong gsum gyi stong chen po'i 'jig rten gyi khams 'dir bcom ldan 'das kyi rang bzhin gyi sku ci 'dra ba bzhin du bstan to//de nas stong gsum gyi stong chen po'i 'jig rten gyi khams 'di'i gtsang ma'i gnas kyi lha'i ris dang / kun snang dang ba dang / tshangs ris dang / gzhan 'phrul dbang byed dang /'phrul dga' dang / dga' ldan dang / 'thab bral dang / sum cu rtsa gsum dang / rgyal chen bzhi'i ris kyi lha gang ji snyed pa de dag thams cad kyis de bzhin gshegs pa dgra bcom pa yang dag par rdzogs pa'i sangs rgyas gdan seng ge'i khri la bzhugs pa mthong nas dga' zhing spro ba dang /yid bde zhing rab tu dga' la nyams bde ba dang yid bde ba skyes nas lha rdzas kyi me tog dang / phreng ba dang / spos dang / byug pa dang / phye ma dang / na bza' dang / lha rdzas kyi byug spos dang / lha rdzas kyi ut+pa la dang /pad+mo dang / ku mu ta dang / puN+Da rI ka dang / na li na dang / sau gan d+hi dang / lha rdzas kyi me tog ke sa ra dang / ta ma li'i lo ma dang / lha rdzas kyi na bza' dang / rgyan dang / gdugs dang / rgyal mtshan dang / lha rdzas kyi ba dan mang po thogs nas/ bcom ldan 'das gang na ba der dong ste phyin nas/me tog dang / phreng ba dang / spos dang / byug pa dang / phye ma dang / byug spos dang / ut+pa la dang / pad+mo dang / ku mu ta dang / puN+Da rI ka dang / na li na dang / sau gan d+hi dang / me tog ke sa ra dang / ta ma li'i lo ma dang / lha rdzas kyi na bza' dang / rgyan dang / gdugs dang / rgyal mtshan dang / lha'i ba dan dag gis bcom ldan 'das la gtor to/ /mngon par gtor to/ /rab tu gtor to/ /stong gsum gyi stong chen po'i 'jig rten gyi khams 'di na 'dul ba dang snod du gyur pa'i mi ji snyed cig yod pa de dag kyang me tog chu las skyes pa dang /thang las skyes pa mang po khyer nas/ bcom ldan 'das gang na ba der dong zhing phyin nas/ bcom ldan 'das la mchod pa byed par gyur to/ /me tog dang / phreng ba dang / spos dang / byug pa dang / phye ma la sogs pa dang / na bza' dang /rgyan dang / gdugs dang / rgyal mtshan dang / ba dan de dag thams cad kyang de ma thag tu bcom ldan 'das kyis byin gyis brlabs kyis/ bcom ldan 'das kyi dbu'i steng gi nam mkha' la me tog la sogs pa'i khang pa brtsegs pa stong gsum gyi stong chen po'i 'jig rten gyi khams tsam du red de gnas par gyur to//khang pa brtsegs pa de las kyang lha rdzas kyi me tog dang / dar gyi lda ldi mang po 'phyang bar gyur to/ /mngon par 'phyang bar gyur to/ /rab tu 'phyang bar gyur to/ /me tog dang dar gyi lda ldi de dag gis stong gsum gyi stong chen po'i 'jig rten gyi khams 'di shin tu mdzes par gyur to//bcom ldan 'das kyi 'od snang ba gser gyi kha dog lta bu des kyang shin tu mdzes shing lham me lhan ne lhang nger gyur te / stong gsum gyi stong chen po'i 'jig rten gyi khams 'dir ci lta ba de bzhin du shar phyogs kyi 'jig rten gyi khams gang gA'i klung gi bye ma snyed kyang bcom ldan 'das kyi 'od snang ba des khyab cing gsal bar gyur to//lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyang bcom ldan 'das kyi 'od snang ba des khyab cing gsal bar gyur to//de la 'dzam bu'i gling gi mi rnams kyis de bzhin gshegs pa'i sku blta bas chog mi shes pa de mthong nas 'di snyam du sems par gyur te/ de bzhin gshegs pa bdag cag gi mdun na bzhugs shing chos ston to snyam mo//'dzam bu'i gling gi mi rnams ji ltar sems pa de bzhin du nub kyi ba lang spyod dang / shar gyi lus 'phags po dang / byang gi sgra mi snyan dang / rgyal chen bzhi'i ris kyi lha rnams dang / 'og min gyi lha rnams kyi bar dang /de bzhin du stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams kyi mi thams cad dang / lha thams cad kyis de bzhin gshegs pa'i sku lta bas chog mi shes pa de mthong nas 'di snyam du sems par gyur te/de bzhin gshegs pa bdag cag gi mdun na bzhugs shing chos ston to snyam mo/ /de nas yang bcom ldan 'das kyis gdan seng ge'i khri de la bzhugs bzhin du 'od rab tu dgye bar mdzad de/ yang 'od des stong gsum gyi stong chen po'i 'jig rten gyi khams 'di rab tu snang bar gyur to//shar phyogs dang / lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed rab tu snang bar gyur to//'od des stong gsum gyi stong chen po'i 'jig rten gyi khams 'di na sems can gang ji snyed cig yod pa de dag thams cad kyis/ shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/byang chub sems dpa'i 'khor dang bcas pa mang po mthong bar gyur to/ /shar phyogs kyi 'jig rten gyi khams gang gA'i klung gi bye ma snyed po de dag na sems can gang ji snyed cig 'khod pa de dag gis kyang stong gsum gyi stong chen po'i 'jig rten gyi khams 'di na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dge slong gi dge 'dun dang bcas pa/byang chub sems dpa'i 'khor dang thabs cig tu bzhugs pa mthong bar gyur to/ / de bzhin du 'jig rten gyi khams 'di na sems can ji snyed cig yod pa de dag gis lho dang / nub dang / byang dang / byang shar dang / shar lho dang / lho nub dang / nub byang gi phyogs mtshams dang / 'og dang / steng gi phyogs su phyogs re re zhing 'jig rten gyi khams gang gA'i klung gi bye ma snyed po de dag na/de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa'i 'khor dang bcas pa mang po rnams mthong bar gyur to/ /'jig rten gyi khams gang gA'i klung gi bye ma snyed de dag na sems can gang dag yod pa de dag thams cad kyis kyang stong gsum gyi stong chen po'i 'jig rten gyi khams 'di na/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dge slong gi dge 'dun dang bcas pa/byang chub sems dpa'i 'khor dang thabs cig tu bzhugs pa mthong bar gyur to/ /de nas shar phyogs su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams rin po che dang ldan pa zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas zhes bya ba bzhugs shing /'tsho la skyong bar byed de/ de byang chub sems dpa' sems dpa' chen po rnams la shes rab kyi pha rol tu phyin pa'i chos 'di nyid ston par mdzad do//de nas 'jig rten gyi khams de na byang chub sems dpa' sems dpa' chen po kun nas 'od zer zhes bya ba 'dug 'dug pas snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas gang na ba der song ste phyin nas/bcom ldan 'das de'i zhabs la phyag 'tshal nas/ bcom ldan 'das de bzhin gshegs pa rin chen 'byung gnas de la 'di skad ces gsol to//bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di rgyu ci lags/ rkyen ci lags/ de skad ces gsol pa dang / bcom ldan 'das de bzhin gshegs pa rin chen 'byung gnas kyis byang chub sems dpa' sems dpa' chen po kun nas 'od zer la 'di skad ces bka' stsal to//rigs kyi bu 'di ni nub phyogs logs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo //des byang chub sems dpa' sems dpa' chen po rnams la shes rab kyi pha rol tu phyin pa ston te/ 'di 'dra ba 'di ni de'i mthu yin no/ /de nas byang chub sems dpa' sems dpa' chen po kun nas 'od zer gyis bcom ldan 'das de bzhin gshegs pa rin chen 'byung gnas la 'di skad ces gsol to//bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang /de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rin chen 'byung gnas kyis bka' stsal pa/ rigs kyi bu khyod kyis da ltar de'i dus la bab par shes na song shig /de nas de bzhin gshegs pa rin chen 'byung gnas kyis byang chub sems dpa' sems dpa' chen po kun nas 'od zer la pad+mo rin po che sna tshogs kyi rgyu las byung ba/gser gyi mdog tu snang ba 'dab ma stong dang ldan pa stong bskur te/ rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+ma 'di dag gis gtor te/'di skad du bcom ldan 'das rin chen 'byung gnas bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ gang dag 'jig rten gyi khams mi mjed der skyes pa'i byang chub sems dpa' sems dpa' chen po de dag ni bsten par dka' ba yin te/ der nyams par gyur ta re/ de nas byang chub sems dpa' sems dpa' chen po kun nas 'od zer gyis/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas de nas pad+mo rin po che sna tshogs kyi rgyu las byung ba gser gyi mdog tu snang ba 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur te/ shar phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang /spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gro bya ba dang / bkur sti bya ba dang / bsti stang du bya ba dang / mchod pa byed cing /byang chub sems dpa'i rdzu 'phrul chen po dang / byang chub sems dpa'i mthu chen pos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po kun nas 'od zer gyis bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas/bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+ma gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas kyis bcom ldan 'das la mchod pa'i slad du bskur ro//de nas bcom ldan 'das de bzhin gshegs pa shAkya thub pas pad+mo de dag bzhes nas/ shar phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par gyur te/ pad+mo de dag la de bzhin gshegs pa'i sku mang po bzhugs shing /sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' kun nas 'od zer dang lhan cig tu 'jig rten gyi khams rin chen yod pa de nas 'ongs pa de dag gis kyang / rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod par byas nas phyogs gcig tu 'khod do/ /de nas lho phyogs logs su 'jig rten gyi khams gang gA'i klung gi bye ma snyed las 'das te/de dag kun gyi pha rol na/ de thams cad las pha rol po'i 'jig rten gyi khams mya ngan thams cad dang bral ba zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal zhes bya ba bzhugs shing 'tsho la skyong bar byed de/byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston par mdzad do/ /de nas 'jig rten gyi khams de na byang chub sems dpa' sems dpa' chen po mya ngan med pa zhes bya ba 'dug 'dug pas snang ba chen po de dang /sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal gang na ba der song ste phyin nas/bcom ldan 'das de'i zhabs la phyag 'tshal nas/ bcom ldan 'das de bzhin gshegs pa mya ngan med pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang /dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di rgyu ci lags/ rkyen ci lags/ de skad ces gsol pa dang / bcom ldan 'das de bzhin gshegs pa mya ngan med pa'i dpal gyis byang chub sems dpa' sems dpa' chen po mya ngan med pa la 'di skad ces bka' stsal to//rigs kyi bu 'di nas byang phyogs logs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo //de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di 'dra ba 'di ni de'i mthu yin no/ /de nas byang chub sems dpa' sems dpa' chen po mya ngan dang bral bas/bcom ldan 'das de bzhin gshegs pa mya ngan med pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang /de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o//bcom ldan 'das de bzhin gshegs pa mya ngan med pa'i dpal gyis bka' stsal pa/ rigs kyi bu khyod kyis da ltar de'i dus la bab par shes na song shig /de nas de bzhin gshegs pa mya ngan med pa'i dpal gyis byang chub sems dpa' sems dpa' chen po mya ngan dang bral ba la pad+mo rin po che sna tshogs kyi rgyu las byung ba gser gyi mdog tu snang ba/'dab ma stong dang ldan pa stong bskur ro / /rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/'di skad du bcom ldan 'das mya ngan med pa'i dpal bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/bcom ldan 'das de bzhin gshegs pa mya ngan med pa'i dpal des bcom ldan 'das la pad+mo de dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/der nyams par gyur ta re/ de nas byang chub sems dpa' sems dpa' chen po mya ngan dang bral bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal de las pad+mo gser gyi mdog tu snang ba 'dab ma stong dang ldan pa de dag blangs te/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du mas lhan cig kun nas bskor cing mdun du bdar te/sangs rgyas kyi zhing de nas mi snang bar gyur nas/ lho phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ / phyogs gcig tu 'khod nas/ byang chub sems dpa' sems dpa' chen po mya ngan dang bral bas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal bcom ldan 'das la snyun mi mnga' 'am/thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa mya ngan med pa'i dpal gyis bcom ldan 'das la mchod pa'i slad du bskur ro//de nas bcom ldan 'das de bzhin gshegs pa shAkya thub pas pad+mo de dag bzhes nas/ lho phyogs kyi 'jig rten gyi khams gang gA'i klung gi bye ma snyed po de dag gi sangs rgyas bcom ldan 'das de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par khyab par gyur te/ pad+mo de dag la de bzhin gshegs pa'i sku mang po bzhugs shing sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to//chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' mya ngan med pa dang lhan cig tu 'jig rten gyi khams mya ngan med pa de nas 'ongs pa de dag gis kyang rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so// bkur stir byas so/ /bsti stang du byas so/ /mchod par byas nas phyogs gcig tu 'khod do/ /de nas nub phyogs logs su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams nye bar zhi ba zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya ba bzhugs shing 'tsho skyong bar byed de/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ / de nas 'jig rten gyi khams de na byang chub sems dpa' sems dpa' chen po spyod pa'i blo gros zhes bya ba 'dug 'dug pas snang ba chen po de dang / sa cher g.yos pa de dang / de bzhin gshegs pa'i sku blta bas chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro gang na ba der song ste phyin nas/bcom ldan 'das de'i zhabs la phyag 'tshal nas/ bcom ldan 'das de bzhin gshegs pa rin chen 'od 'phro la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang /dog sa 'di ltar cher g.yos pa dang / de bzhin gshegs pa'i sku 'di lta bu gda' ba rgyu ci lags/ rkyen ci lags/ de skad ces gsol pa dang / bcom ldan 'das rin chen 'od 'phros byang chub sems dpa' sems dpa' chen po spyod pa'i blo gros la 'di skad ces bka' stsal to//rigs kyi bu 'di nas shar phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo //de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di 'dra ba de ni de'i mthu yin no/ /de nas byang chub sems dpa' sems dpa' chen po spyod pa'i blo gros kyis/bcom ldan 'das rin chen 'od 'phro la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang /byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o//bcom ldan 'das de bzhin gshegs pa rin chen 'od 'phros bka' stsal pa/ rigs kyi bu khyod kyis da ltar de'i dus la bab par shes na song shig /de nas de bzhin gshegs pa rin chen 'od 'phros byang chub sems dpa' sems dpa' chen po spyod pa'i blo gros la pad+mo rin po che sna tshogs kyi rgyu las byung ba gser gyi mdog tu snang ba 'dab ma stong dang ldan pa stong bskur te/rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/ 'di skad du bcom ldan 'das rin chen 'od 'phros bcom ldan 'das la snyun mi mnga' 'am/thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/der nyams par gyur ta re/ de nas byang chub sems dpa' sems dpa' chen po spyod pa'i blo gros kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de las pad+mo gser gyi mdog tu snang ba 'dab ma stong dang ldan pa de dag blangs te/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ nub phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang /spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang /bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen pos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po spyod pa'i blo gros kyis/ bcom ldan 'das shAkya thub pa la 'di skad ces gsol to//bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phros bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa rin chen 'od 'phros bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad+mo de dag bzhes nas/nub phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor ro / /de nas pad+mo de dag gis 'jig rten gyi khams de dag thams cad rgyas par khyab par gyur te/pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' spyod pa'i blo gros dang lhan cig 'jig rten gyi khams nye bar zhi ba de nas 'ongs pa de dag gis kyang rang rang gi dge ba'i rtsa bas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod par byas nas phyogs gcig tu 'khod do//de nas byang phyogs su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams rgyal ba zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po zhes bya ba bzhugs shing 'tsho skyong ste/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston par mdzad do/ /de nas 'jig rten gyi khams de na byang chub sems dpa' sems dpa' chen po rgyal bas byin zhes bya ba 'dug 'dug pas snang ba chen po de dang /sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po gang na ba der song ste phyin nas/ bcom ldan 'das de bzhin gshegs pa rgyal ba'i dbang po de la 'di skad ces gsol to//bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di rgyu ci lags/ rkyen ci lags/ de skad ces gsol pa dang /bcom ldan 'das de bzhin gshegs pa rgyal ba'i dbang pos byang chub sems dpa' sems dpa' chen po rgyal bas byin la 'di skad ces bka' stsal to/ /rigs kyi bu 'di ni lho phyogs logs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/'di 'dra ba de ni de'i mthu yin no/ /de nas byang chub sems dpa' sems dpa' chen po rgyal bas byin gyis/ bcom ldan 'das de bzhin gshegs pa rgyal ba'i dbang po la 'di skad ces gsol to/ /bcom ldan 'das bdag kyang 'jig rten gyi khams mi mjed der/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rgyal ba'i dbang pos bka' stsal pa/ rigs kyi bu khyod kyis da ltar de'i dus la bab par shes na song shig /de nas de bzhin gshegs pa rgyal ba'i dbang pos byang chub sems dpa' sems dpa' chen po rgyal bas byin la/ pad+mo rin po che sna tshogs kyi rgyu las byung ba gser gyi mdog tu snang ba 'dab ma stong dang ldan pa stong bskur te/ rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/'di skad du/ bcom ldan 'das rgyal ba'i dbang pos bcom ldan 'das la snyun mi mnga' 'am/ thugs gzer ma mchis sam/ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/ der nyams par gyur ta re/ de nas byang chub sems dpa' sems dpa' chen po rgyal bas byin gyis/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po de las pad+mo gser gyi mdog tu snang ba 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ byang phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang /byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do//phyogs gcig tu 'khod nas byang chub sems dpa' sems dpa' chen po rgyal bas byin gyis/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang pos /bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa rgyal ba'i dbang pos bcom ldan 'das la mchod pa'i slad du bskur ro//de nas bcom ldan 'das de bzhin gshegs pa shAkya thub pas pad+mo de dag bzhes nas/ byang phyogs kyi 'jig rten gyi khams gang gA'i klung gi bye ma snyed po de dag gi sangs rgyas bcom ldan 'das de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par khyab par gyur te/ pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to//chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' rgyal bas byin dang lhan cig 'jig rten gyi khams rgyal ba de nas 'ongs pa de dag gis kyang /rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so//bkur stir byas so/ /bsti stang du byas so/ /mchod par byas nas phyogs gcig tu 'khod do/ /de nas byang shar gyi phyogs mtshams su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams ting nge 'dzin gyis brgyan pa zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal zhes bya ba bzhugs shing 'tsho skyong ste/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do//de nas 'jig rten gyi khams de na byang chub sems dpa' sems dpa' chen po rnam par rgyal bas rnam par gnon pa zhes bya ba 'dug 'dug pas snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal gang na ba der song ste phyin nas/ bcom ldan 'das de bzhin gshegs pa ting nge 'dzin gyi glang po dam pa'i dpal de la 'di skad ces gsol to//bcom ldan 'das 'od chen po 'di lta bu 'jig rten du 'byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di rgyu ci lags/ rkyen ci lags/ de skad ces gsol pa dang /bcom ldan 'das de bzhin gshegs pa ting nge 'dzin gyi glang po dam pa'i dpal gyis byang chub sems dpa' rnam par rgyal bas rnam par gnon pa la 'di skad ces bka' stsal to/ /rigs kyi bu 'di nas lho nub kyi phyogs mtshams logs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/'di 'dra ba 'di ni de'i mthu yin no/ /de nas byang chub sems dpa' sems dpa' chen po rnam par rgyal bas rnam par gnon pas/ bcom ldan 'das de bzhin gshegs pa ting nge 'dzin gyi glang po dam pa'i dpal la 'di skad ces gsol to/ / bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi shing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa dang /gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das ting nge 'dzin gyi glang po dam pa'i dpal gyis bka' stsal pa/rigs kyi bu khyod kyis da ltar de'i dus la bab par shes na song shig/ //bam po gnyis pa/ de nas de bzhin gshegs pa ting nge 'dzin gyi glang po dam pa'i dpal gyis/ byang chub sems dpa' rnam par rgyal bas rnam par gnon pa la pad+mo rin po che sna tshogs kyi rgyu las byung ba/gser gyi mdog tu snang ba 'dab ma stong dang ldan pa stong bskur te/ rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/'di skad du bcom ldan 'das ting nge 'dzin gyi glang po dam pa'i dpal la bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing 'dir bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/der nyams par gyur ta re/ de nas byang chub sems dpa' sems dpa' chen po rnam par rgyal bas rnam par gnon pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal de las pad+mo gser gyi mdog tu snang ba 'dab ma stong dang ldan pa de dag blangs te/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/sangs rgyas kyi zhing de nas mi snang bar gyur nas/ byang shar gyi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang / bdug spos dang /phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do//phyogs gcig tu 'khod nas/ byang chub sems dpa' sems dpa' chen po rnam par rgyal bas rnam par gnon pas/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal bcom ldan 'das la snyun mi mnga' 'am/thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa ting nge 'dzin gyi glang po dam pa'i dpal gyis bcom ldan 'das la mchod pa'i slad du bskur ro//de nas bcom ldan 'das de bzhin gshegs pa shAkya thub pas pad+mo de dag bzhes nas/ byang shar gyi phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par khyab par gyur te/ pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' rnam par rgyal bas rnam par gnon pa dang lhan cig 'jig rten gyi khams rgyal ba de nas 'ongs pa de dag kyang rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so//bkur stir byas so/ /bsti stang du byas so/ /mchod par byas nas phyogs gcig tu 'khod do/ / de nas shar lho'i phyogs mtshams kyi 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams snying po byang chub kyi rgyan shin tu yid du 'ong ba zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas pad+mo dam pa'i dpal zhes bya ba bzhugs shing 'tsho skyong ngo //de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po lag na pad+mo zhes bya ba 'dug 'dug pa snang ba chen po de dang /sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo dam pa'i dpal gang na ba der song ste phyin nas/bcom ldan 'das de bzhin gshegs pa pad+mo dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di'i rgyu ci lags/ rkyen ci lags/ de skad ces gsol pa dang / bcom ldan 'das de bzhin gshegs pa pad+mo dam pa'i dpal gyis byang chub sems dpa' sems dpa' chen po lag na pad+mo la 'di skad ces bka' stsal to/ / rigs kyi bu 'di ni nub byang gi phyogs mtshams logs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo //de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di 'dra ba 'di ni de'i mthu yin no/ /de nas byang chub sems dpa' sems dpa' chen po lag na pad+mos/ bcom ldan 'das de bzhin gshegs pa pad+mo dam pa'i dpal la 'di skad ces gsol to//bcom ldan 'das bdag kyang 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang /byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o//bcom ldan 'das de bzhin gshegs pa pad+mo dam pa'i dpal gyis bka' stsal pa/ rigs kyi bu khyod kyis da ltar de'i dus la bab par shes na song shig /de nas de bzhin gshegs pa pad+mo dam pa'i dpal gyis byang chub sems dpa' lag na pad+mo la pad+mo rin po che sna tshogs kyi rgyu las byung ba gser gyi mdog tu snang ba 'dab ma stong dang ldan pa stong bskur te/rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo de dag gis gtor te/ 'di skad du bcom ldan 'das pad+mo dam pa'i dpal bcom ldan 'das la snyun mi mnga' 'am/thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo dam pa'i dpal des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/der nyams par gyur ta re/ de nas byang chub sems dpa' sems dpa' chen po lag na pad+mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo dam pa'i dpal de las/ pad+mo gser gyi mdog tu snang ba 'dab ma stong dang ldan pa de dag blangs nas/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ shar lho'i phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang /spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang /bkur stir bya ba dang / bsti stang du bya dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen po dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po lag na pad+mos bcom ldan 'das la 'di skad ces gsol to//bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo dam pa'i dpal/ bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/pad+mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo dam pa'i dpal gyis bcom ldan 'das la mchod pa'i slad du bskur ro/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad+mo de dag bzhes nas/ shar lho'i phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par khyab par gyur te/ pad+mo de dag las de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' lag na pad+mo dang lhan cig 'jig rten gyi khams snying po byang chub kyi rgyan shin tu yid du 'ong ba de nas 'ongs pa de dag gis kyang rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so//bkur stir byas so/ /bsti stang du byas so/ /mchod par byas nas phyogs gcig tu 'khod do/ /de nas lho nub kyi phyogs mtshams su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams rdul gyi tshogs dang bral ba zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal zhes bya ba bzhugs shing 'tsho skyong ste/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston par mdzad do//de nas 'jig rten gyi khams de na byang chub sems dpa' sems dpa' chen po nyi ma rab tu snang ba zhes bya ba 'dug 'dug pas snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gang na ba der song ste phyin nas/ bcom ldan 'das de bzhin gshegs pa nyi ma'i dkyil 'khor snang ba dam pa'i dpal de la 'di skad ces gsol to//bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba ni rgyu ci lags/ rkyen ci lags/ de skad ces gsol pa dang /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis byang chub sems dpa' sems dpa' chen po nyi ma rab tu snang ba de la 'di skad ces bka' stsal to/ /rigs kyi bu 'di ni byang shar gyi phyogs mtshams logs su 'jig rten gyi khams gang gA'i klung gi bye ma snyed las 'das pa na 'jig rten gyi khams mi mjed ces bya ba yod de/de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/'di 'dra ba 'di ni de'i mthu yin no/ /de nas byang chub sems dpa' sems dpa' chen po nyi ma rab tu snang bas/ bcom ldan 'das nyi ma'i dkyil 'khor snang ba dam pa'i dpal la 'di skad ces gsol to//bcom ldan 'das bdag kyang 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang /byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ / bcom ldan 'das de bzhin gshegs pa nyi ma'i dkyil 'khor snang ba dam pa'i dpal gyis bka' stsal pa/ rigs kyi bu khyod kyis da ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis/byang chub sems dpa' sems dpa' chen po nyi ma rab tu snang ba la pad+mo rin po che sna tshogs kyi rgyu las byung ba/ gser gyi mdog tu snang ba 'dab ma stong dang ldan pa stong bskur te/ rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/'di skad du bcom ldan 'das nyi ma'i dkyil 'khor snang ba dam pa'i dpal bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/ der nyams par gyur ta re/ de nas byang chub sems dpa' sems dpa' chen po nyi ma rab tu snang bas bcom ldan 'das nyi ma'i dkyil 'khor snang ba dam pa'i dpal de las pad+mo gser gyi mdog tu snang ba 'dab ma stong dang ldan pa de dag blangs te/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/sangs rgyas kyi zhing de nas mi snang bar gyur nas/ lho nub kyi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/byang chub sems dpa' sems dpa' chen po nyi ma rab tu snang bas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal/ bcom ldan 'das la snyun mi mnga' 'am/thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+mo gser gyi mdog tu snang ba/ 'dab ma stong dang ldan pa 'di dag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis bcom ldan 'das la mchod pa'i slad du bskur ro//de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad+mo de dag bzhes nas/lho nub kyi phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad+mo de dag gis 'jig rten gyi khams de dag thams cad rgyas par khyab par gyur te/pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' nyi ma rab tu snang ba dang lhan cig 'jig rten gyi khams rdul gyi tshogs dang bral ba de nas 'ongs pa de dag gis kyang rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so//bkur stir byas so/ /bsti stang du byas so/ /mchod par byas nas phyogs gcig tu 'khod do//de nas nub byang gi phyogs mtshams su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams dbang du gyur pa zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas gdugs dam pa zhes bya ba bzhugs shing 'tsho skyong ste/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston par mdzad do/ /de nas 'jig rten gyi khams de na byang chub sems dpa' sems dpa' chen po rin chen mchog ces bya ba 'dug 'dug pas snang ba chen po de dang /sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa gang na ba der song ste phyin nas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba ni rgyu ci lags/ rkyen ci lags/ de skad ces gsol pa dang / bcom ldan 'das de bzhin gshegs pa gdugs dam pas/ byang chub sems dpa' sems dpa' chen po rin chen mchog la 'di skad ces bka' stsal to//rigs kyi bu 'di ni shar lho'i phyogs mtshams logs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo //de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di 'dra ba 'di ni de'i mthu yin no/ /de nas byang chub sems dpa' sems dpa' chen po rin chen mchog gis bcom ldan 'das de bzhin gshegs pa gdugs dam pa la 'di skad ces gsol to//bcom ldan 'das bdag kyang 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang /byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o//bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pas bka' stsal pa/ rigs kyi bu khyod kyis de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas gdugs dam pas/byang chub sems dpa' sems dpa' chen po rin chen mchog la/ pad+mo rin po che sna tshogs kyi rgyu las byung ba gser gyi mdog tu snang ba 'dab ma stong dang ldan pa stong bskur te/ rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/'di skad du bcom ldan 'das gdugs dam pas bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa des/ bcom ldan 'das la pad+ma 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/ der nyams par gyur ta re/ de nas byang chub sems dpa' sems dpa' chen po rin chen mchog gis/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa de las pad+mo gser gyi mdog tu snang ba 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ nub byang gi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang /spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod par byed cing /byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rin chen mchog gis/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa /bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pas bcom ldan 'das la mchod pa'i slad du bskur ro//de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad+mo de dag bzhes nas/nub byang gi phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad+mo de dag gis 'jig rten gyi khams de dag thams cad rgyas par khyab par gyur te/pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to//byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' rin chen mchog dang lhan cig 'jig rten gyi khams dbang du gyur pa de nas 'ongs pa de dag gis kyang rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so//bkur stir byas so/ /bsti stang du byas so//mchod par byas nas phyogs gcig tu 'khod do/ /de nas 'og gi phyogs su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams pad+mo zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal zhes bya ba bzhugs shing 'tsho skyong ste/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston par mdzad do/ /de nas 'jig rten gyi khams de na byang chub sems dpa' sems dpa' chen po pad+mo dam pa zhes bya ba 'dug 'dug pas snang ba chen po de dang /sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal gang na ba der song ste phyin nas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang /de bzhin gshegs pa'i sku 'di lta bu gda' ba 'di'i rgyu ci lags/ rkyen ci lags/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal gyis/ byang chub sems dpa' sems dpa' chen po pad+mo dam pa la 'di skad ces bka' stsal to//rigs kyi bu 'di ni steng gi phyogs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo //de byang chub sems dpa' sems dpa' chen po rnams la shes rab kyi pha rol tu phyin pa ston to / /'di 'dra ba 'di ni de'i mthu yin no/ /de nas byang chub sems dpa' sems dpa' chen po pad+mo dam pas/ bcom ldan 'das de bzhin gshegs pa pad+mo'i dpal la 'di skad ces gsol to//bcom ldan 'das bdag kyang 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang /byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa sgrub pa rab tu thob pa ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ / bcom ldan 'das de bzhin gshegs pa pad+mo'i dpal gyis bka' stsal pa/ rigs kyi bu khyod kyis da ltar de'i dus la bab par shes na song shig /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal gyis/ byang chub sems dpa' sems dpa' chen po pad+mo dam pa la pad+mo rin po che sna tshogs kyi rgyu las byung ba/gser gyi mdog tu snang ba 'dab ma stong dang ldan pa stong bskur te/ rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/'di skad du bcom ldan 'das pad+mo'i dpal bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bsten par dka' ba yin te/der nyams par gyur ta re/ de nas byang chub sems dpa' sems dpa' chen po pad+mo dam pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal de las pad+mo gser gyi mdog tu snang ba 'dab ma stong dang ldan pa de dag blangs te/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/'og gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la/ me tog dang / spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po pad+mo dam pas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal/ bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/ pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+mo'i dpal gyis bcom ldan 'das la mchod pa'i slad du bskur ro/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad+mo de dag bzhes nas/ 'og gi phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par khyab par gyur te/ pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to//chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' pad+mo dam pa dang lhan cig 'jig rten gyi khams pad+mo de nas 'ongs pa de dag gis kyang rang rang gi dge ba'i rtsa bas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ / bkur stir byas so/ /bsti stang du byas so/ /mchod par byas nas phyogs gcig tu 'khod do/ /de nas steng gi phyogs su 'jig rten gyi khams gang gA'i klung gi bye ma snyed las 'das te/ de thams cad las pha rol po'i 'jig rten gyi khams mdangs dga' ba zhes bya ba gang yin pa de na de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal zhes bya ba bzhugs shing 'tsho skyong ste/de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po dga' bas byin pa zhes bya ba 'dug 'dug pas snang ba chen po de dang /sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gang na ba der song ste phyin nas/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal de la 'di skad ces gsol to//bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di rgyu ci lags/ rkyen ci lags/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis/byang chub sems dpa' sems dpa' chen po dga' bas byin pa la 'di skad ces bka' stsal to/ /rigs kyi bu 'di ni 'og gi phyogs su 'jig rten gyi khams gang gA'i klung gi bye ma snyed 'das pa na 'jig rten gyi khams mi mjed ces bya ba yod de/de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/'di 'dra ba 'di ni de'i mthu yin no/ /de nas byang chub sems dpa' sems dpa' chen po dga' bas byin pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/gzungs dang so so yang dag par rig pa sgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa dga' ba'i dpal gyis bka' stsal pa/rigs kyi bu khyod kyis da ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis/ byang chub sems dpa' sems dpa' chen po dga' bas byin pa la pad+mo rin po che sna tshogs kyi rgyu las byung ba gser gyi mdog tu snang ba 'dab ma stong dang ldan pa stong bskur te/rigs kyi bu khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la pad+mo 'di dag gis gtor te/ 'di skad du bcom ldan 'das dga' ba'i dpal bcom ldan 'das la snyun mi mnga' 'am/thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes rmed de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal des bcom ldan 'das la pad+mo 'di dag kyang bskur ro zhes smros shig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni bstan par dka' ba yin te/der nyams par gyur ta re/ de nas byang chub sems dpa' sems dpa' chen po dga' ba byin pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal de las pad+mo gser gyi mdog tu snang ba 'dab ma stong dang ldan pa de dag blangs te/byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ steng gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang /spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang /bkur stir bya ba dang / bsti stang du bya ba dang / mchod par byed cing / byang chub sems dpa'i rdzu 'phrul chen po dang / byang chub sems dpa'i mthu chen pos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po dga' bas byin pas bcom ldan 'das la 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal/ bcom ldan 'das la snyun mi mnga' 'am/ thugs gzer ma mchis sam/ ldang ba yang ngam/ gshegs spyod dam/ bde ba la reg par gnas sam zhes 'dri ste/pad+mo gser gyi mdog tu snang ba 'dab ma stong dang ldan pa 'di dag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad+mo de dag bzhes nas/steng gi phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to//de nas pad+mo de dag gis 'jig rten gyi khams de dag thams cad rgyas par khyab par gyur te/ pad+mo de dag la de bzhin gshegs pa'i sku mang po bzhugs shing / sangs rgyas kyi zhing de dag tu 'di lta ste/ shes rab kyi pha rol tu phyin pa dang ldan pa'i chos bstan pa 'di nyid ston to//chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa byang chub sems dpa' dga' bas byin pa dang lhan cig 'jig rten gyi khams mdangs dga' ba de nas 'ongs pa de dag gis kyang rang rang gi dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so//bkur stir byas so//bsti stang du byas so/ /mchod par byas nas phyogs gcig tu 'khod do/ /de nas skad cig yud tsam thang cig de la stong gsum gyi stong chen po'i 'jig rten gyi khams 'di rin po che'i rang bzhin du kun nas gnas par gyur te/ me tog gi sil ma sna tshogs kyis kun tu gang ba dang /dar gyi lda ldi dang / chun po kun nas bres pa dang / snod sna tshogs nas bdug spos sna tshogs 'thul ba dang / dpag bsam gyi shing gi rgyan dang / 'bras bu sna tshogs kyi yal ga'i rtse mo g.yur za ba dang / me tog gi shing dang / 'bras bu'i shing dang / spos kyi shing dang / phreng ba'i shing dang / phye ma'i shing dang / bdug spos kyi shing sna tshogs kyis rab tu brgyan par kun nas gnas par gyur te/ 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas me tog kun nas rgyas pa'i sangs rgyas kyi zhing gang na 'jam dpal gzhon nur gyur pa 'dug pa dang /lha'i bu blo gros rab gnas dang / byang chub sems dpa' sems dpa' chen po gzhan yang gzi brjid chen po dag 'khod pa'i 'jig rten gyi khams pad+mo can bzhin du gyur te/ bcom ldan 'das kyis kyang lha dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa'i 'jig rten 'dus shing byang chub sems dpa' gzhon nur gyur pa rnams kyang 'dus par gzigs par gyur to zhes bya ba ni gleng gzhi'o// // de nas bcom ldan 'das kyis tshe dang ldan pa shA ri'i bu la bka' stsal pa/shA ri'i bu 'di la byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'dod pas shes rab kyi pha rol tu phyin pa la brtson par bya'o zhes bya ba ni yang dag par rdzogs pa'i byang chub 'dod pa dang ldan pa'i sems bskyed pa bsdus te bstan pa'o// de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'tshal bas ji ltar shes rab kyi pha rol tu phyin pa la brtson par bgyi/de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen pos gnas pa med pa'i tshul du shes rab kyi pha rol tu phyin pa la gnas te/sbyin pa dang / gtong ba dang / yongs su len pa mi dmigs pa'i phyir yongs su gtong ba med pa'i tshul gyis sbyin pa'i pha rol tu phyin pa yongs su rdzogs par bya'o/ /ltung ba dang mi ltung ba med pa'i phyir tshul khrims kyi pha rol tu phyin pa yongs su rdzogs par bya'o//'khrug pa med pa'i phyir bzod pa'i pha rol tu phyin pa yongs su rdzogs par bya'o/ /lus dang sems kyi brtson 'grus nyams pa med pa'i phyir brtson 'grus kyi pha rol tu phyin pa yongs su rdzogs par bya'o/ /ro myang ba med pa'i phyir bsam gtan gyi pha rol tu phyin pa yongs su rdzogs par bya'o//shes rab dang shes rab 'chal ba mi dmigs pa'i phyir shes rab kyi pha rol tu phyin pa yongs su rdzogs par bya'o zhes bya ba ni yang dag par rdzogs pa'i byang chub dang ldan pa'i sems bskyed pa rgyas par bstan pa'o// shA ri'i bu gzhan yang byang chub sems dpa' sems dpa' chen pos phyogs bcu re re zhing gang gA'i klung gi bye ma snyed kyi 'jig rten gyi khams kyi sems can gang ji snyed pa de dag thams cad phung po lhag ma med pa'i mya ngan las 'das pa'i dbyings su mya ngan las 'da' bar 'dod pas kyang shes rab kyi pha rol tu phyin pa la bslab par bya'o zhes bya ba ni gzhan gyi don la dmigs pa'i sems bskyed pa mdor bsdus pa'o// de bzhin du sems can ser sna can rnams sbyin pa la rab tu dgod par 'dod pa dang / tshul khrims 'chal ba can rnams tshul khrims la/ gnod sems mang ba rnams bzod pa la/ le lo can rnams brtson 'grus la/ sems rnam par g.yeng ba rnams bsam gtan la/ shes rab 'chal ba rnams shes rab phun sum tshogs pa la rab tu dgod par 'dod pa'i byang chub sems dpa' sems dpa' chen pos kyang shes rab kyi pha rol tu phyin pa la bslab par bya'o zhes bya ba ni gzhan gyi don la dmigs pa'i sems bskyed pa rgyas par bstan pa'o// shA ri'i bu gzhan yang 'di la chos thams cad rnam pa thams cad du mngon par rdzogs par 'tshang rgya bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni 'dun pa dang ldan pa sa lta bu'o// de bzhin du shA ri'i bu 'di la byang chub sems dpa' sems dpa' chen po gnas pa med pa'i tshul gyis shes rab kyi pha rol tu phyin pa la gnas te/ sbyin pa dang / gtong ba dang / len pa mi dmigs pa'i phyir/ yongs su gtong ba med pa'i tshul gyis sbyin pa'i pha rol tu phyin pa yongs su rdzogs par bya'o/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab dang shes rab 'chal pa mi dmigs pas shes rab kyi pha rol tu phyin pa yongs su rdzogs par bya'o zhes bya ba ni bsam pa dang ldan pa gser bzang po lta bu'o/ / de bzhin du shA ri'i bu byang chub sems dpa' sems dpa' chen pos shes rab kyi pha rol tu phyin pa la gnas te/dran pa nye bar gzhag pa bzhi yongs su rdzogs par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par bya'o//stong pa nyid kyi ting nge 'dzin bsgom par bya'o/ /mtshan ma med pa'i ting nge 'dzin bsgom par bya'o/ /smon pa med pa'i ting nge 'dzin bsgom par bya'o/ /de bzhin du bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang /rnam par thar pa brgyad dang / mthar gyis gnas pa'i snyoms par 'jug pa dgu dang / mi sdug pa'i 'du shes dgu bsgom par bya'o/ /dgu gang zhe na/ 'di lta ste/ rnam par bam pa'i 'du shes dang / rnam par 'bus gzhigs pa pa'i 'du shes dang / rnam par rnags pa pa'i 'du shes dang / rnam par dmar ba pa'i 'du shes dang / rnam par bsngos pa pa'i 'du shes dang / rnam par zos pa pa'i 'du shes dang / rnam par 'thor ba pa'i 'du shes dang / rus pa pa'i 'du shes dang / rnam par tshig pa pa'i 'du shes bsgom par bya'o/ / zas la mi mthun pa'i 'du shes bsgom par bya'o/ /sangs rgyas rjes su dran pa bsgom par bya'o/ /chos rjes su dran pa bsgom par bya'o/ /dge 'dun rjes su dran pa bsgom par bya'o/ /tshul khrims rjes su dran pa bsgom par bya'o/ /gtong ba rjes su dran pa bsgom par bya'o/ / lha rjes su dran pa bsgom par bya'o/ /dbugs phyi nang du rgyu ba rjes su dran pa bsgom par bya'o/ /skyo ba rjes su dran pa bsgom par bya'o/ /'chi ba rjes su dran pa bsgom par bya'o/ /lus kyi rnam pa rjes su dran pa bsgom par bya'o/ /mi rtag pa'i 'du shes bsgom par bya'o/ /sdug bsngal gyi 'du shes bsgom par bya'o//bdag med pa'i 'du shes bsgom par bya'o/ /mi sdug pa'i 'du shes bsgom par bya'o/ /'chi ba'i 'du shes bsgom par bya'o/ /'jig rten thams cad la mngon par mi dga' ba'i 'du shes bsgom par bya'o/ /'jig rten thams cad la yid brtan du mi rung ba'i 'du shes bsgom par bya'o//sdug bsngal shes pa bsgom par bya'o/ /kun 'byung ba shes pa bsgom par bya'o/ /'gog pa shes pa bsgom par bya'o/ /lam shes pa bsgom par bya'o/ /zad pa shes pa bsgom par bya'o/ /mi skye ba shes pa bsgom par bya'o//chos shes pa bsgom par bya'o/ /rjes su 'gro ba shes pa bsgom par bya'o/ /kun rdzob pa shes pa bsgom par bya'o/ /'dris pa shes pa bsgom par bya'o/ /sgra ji bzhin shes pa bsgom par bya'o/ /rnam par rtog pa dang bcas shing rnam par dpyod pa dang bcas pa'i ting nge 'dzin dang /rnam par rtog pa med cing rnam par dpyod pa tsam gyi ting nge 'dzin dang / rnam par rtog pa med cing rnam par dpyod pa med pa'i ting nge 'dzin dang / yongs su ma shes pa yongs su shes par bya ba'i dbang po bsgom par bya'o/ /kun shes pa'i dbang po bsgom par bya'o//kun shes pa dang ldan pa'i dbang po bsgom par bya'o/ /zil gyis gnon pa'i skye mched bsgom par bya'o/ /zad par gyi skye mched bsgom par bya'o/ /bsdu ba'i dngos po bzhi bsgom par bya'o/ /rnam par dgod pa bzhi bsgom par bya'o/ / sa bcu bsgom par bya'o/ /spyod pa bcu bsgom par bya'o/ /bzod pa bcu bsgom par bya'o/ /lhag pa'i bsam pa nyi shu bsgom par bya'o/ /thams cad mkhyen pa'i ye shes bsgom par bya'o/ /zhi gnas dang lhag mthong shes pa bsgom par bya'o/ /rig pa gsum bsgom par bya'o//so so yang dag par rig pa bzhi bsgom par bya'o/ /mi 'jigs pa bzhi bsgom par bya'o/ /ma nyams pa'i mngon par shes pa lnga bsgom par bya'o/ /pha rol tu phyin pa drug bsgom par bya'o/ /nor bdun bsgom par bya'o/ /skyes bu chen po'i rnam par rtog pa brgyad bsgom par bya'o//sems can gyi gnas dgu bsgom par bya'o/ /de bzhin gshegs pa'i stobs bcu bsgom par bya'o/ /sangs rgyas kyi chos ma 'dres pa bco brgyad bsgom par bya'o/ /byams pa chen po bsgom par bya'o/ /snying rje chen po bsgom par bya'o/ /dga' ba chen po bsgom par bya'o//btang snyoms chen po bsgom par bya'o zhes bya ba ni lhag pa'i bsam pa dang ldan pa zla ba tshes pa lta bu'o/ / thams cad shes pa nyid shes pa dang mthong bas rnam par bltas nas 'das par 'dod pa'i byang chub sems dpa' sems dpa' chen pos shes rab kyi pha rol tu phyin pa bsgom par bya'o//lam gyi rnam pa shes pa nyid yongs su rdzogs par 'dod pa dang / rnam pa thams cad mkhyen pa nyid rjes su thob par 'dod pa dang sems can thams cad kyis sems dang spyod pa dang / shes pa'i rnam par shes pa nyid yongs su rdzogs par bya bar 'dod pa dang /bag chags kyi mtshams sbyor ba'i nyon mongs pa thams cad spong bar 'dod pa'i byang chub sems dpa' sems dpa' chen pos shes rab kyi pha rol tu phyin pa la brtson par bya ste/ shA ri'i bu de ltar byang chub sems dpa' sems dpa' chen pos shes rab kyi pha rol tu phyin pa la bslab par bya'o//shA ri'i bu byang chub sems dpa'i skyon med par 'jug par 'dod pa dang / nyan thos dang rang sangs rgyas kyi sa las 'da' bar 'dod pa dang / phyir mi ldog pa'i sa la gnas par 'dod pa dang / gzhon nu'i sa las 'da' bar 'dod pa dang / mngon par shes pa drug thob par 'dod pa dang / sems can thams cad kyi sems dang spyod pa rnam par g.yo ba shes par 'dod pa dang / nyan thos dang rang sangs rgyas thams cad kyi shes pa zil gyis gnon par 'dod pa dang / gzungs kyi sgo dang ting nge 'dzin gyi sgo mang po thob par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni sbyor ba dang ldan pa me lta bu'o/ / sems can ser sna can rnams sbyin pa la dgod par 'dod pa dang / nyan thos dang rang sangs rgyas kyi theg pa pa'i rigs kyi bu dang rigs kyi bu mo sbyin pa gtong ba thams cad kyis dge ba'i rtsa ba thams cad la rjes su yi rang ba dang ldan pa'i sems bskyed pa gcig gis zil gyis gnon par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni sbyin pa'i pha rol tu phyin pa dang ldan pa gter chen po lta bu'o// tshul khrims 'chal pa rnams tshul khrims la dgod par 'dod pa dang / nyan thos dang rang sangs rgyas thams cad kyi tshul khrims rjes su yi rang ba dang ldan pa'i sems bskyed pa gcig gis zil gyis gnon par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni tshul khrims kyi pha rol tu phyin pa dang ldan pa rin po che'i 'byung gnas lta bu'o// gnod sems can rnams bzod pa la dgod par 'dod pa dang /nyan thos dang rang sangs rgyas thams cad kyi bzod pa rjes su yi rang ba dang ldan pa'i sems bskyed pa gcig gis zil gyis gnon par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni bzod pa dang ldan pa rgya mtsho chen po lta bu'o// le lo can rnams brtson 'grus la dgod par 'dod pa dang / nyan thos dang rang sangs rgyas thams cad brtson 'grus thams cad rjes su yi rang ba dang ldan pa'i sems bskyed pa gcig gis zil gyis gnon par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni brtson 'grus dang ldan pa rdo rje lta bu'o//sems rnam par g.yengs pa rnams bsam gtan la rab tu dgod par 'dod pa dang / nyan thos dang rang sangs rgyas thams cad kyi bsam gtan thams cad rjes su yi rang ba dang ldan pa'i sems bskyed pa gcig gis zil gyis gnon par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni bsam gtan dang ldan pa ri bo lta bu'o// sems can shes rab 'chal ba rnams shes rab la dgod par 'dod pa dang /nyan thos dang rang sangs rgyas thams cad kyi shes rab thams cad rjes su yi rang ba dang ldan pa'i sems bskyed pa gcig gis zil gyis gnon par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni shes rab dang ldan pa sman chen po lta bu'o// dge ba'i sems bskyed pa gcig tsam yang thabs mkhas pas rnam pa thams cad mkhyen pa nyid du yongs su bsngos pas gzhal du med cing grangs med par bya bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//de bzhin du sbyin pa chung ngu yang gtong ba dang / tshul khrims chung ngu yang bsrung ba dang / bzod pa chung ngu yang bsgom pa dang / brtson 'grus chung ngu yang rtsom pa dang / bsam gtan chung ngu yang mnyam par 'jog pa dang /shes rab chung ngu yang bsgom pa na thabs mkhas pas sems can thams cad kyi don du rnam pa thams cad mkhyen pa nyid du yongs su bsngos pas gzhal du med cing grangs med par bya bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po sbyin pa'i pha rol tu phyin pa la spyod pas shes rab kyi pha rol tu phyin pa la bslab par bya'o/ /de bzhin du byang chub sems dpa' sems dpa' chen po tshul khrims kyi pha rol tu phyin pa la spyod pa dang /bzod pa'i pha rol tu phyin pa la spyod pa dang / brtson 'grus kyi pha rol tu phyin pa la spyod pa dang / bsam gtan gyi pha rol tu phyin pa la spyod pa dang / shes rab kyi pha rol tu phyin pa la spyod pas shes rab kyi pha rol tu phyin pa la bslab par bya'o/ /sems can thams cad kyi don gyi phyir dmyal ba dang /dud 'gro'i skye gnas dang / gshin rje'i 'jig rten gyi sdug bsngal bzod par 'dod pa dang / bskal pa brgya stong du yang dag par bsags pa'i tshul khrims kyang sems can la ltos nas 'dor bar 'dod pa dang / sangs rgyas kyi rigs su skye bar 'dod pa dang /dpe byad bzang po brgyad cu dang / skyes bu chen po'i mtshan sum cu rtsa gnyis yongs su bsgrub par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni thabs dang ldan pa dge ba'i bshes gnyen lta bu'o// shA ri'i bu gzhan yang byang chub sems dpa' sems dpa' chen pos sangs rgyas kyi sku bsgrub par 'dod pas shes rab kyi pha rol tu phyin pa la bslab par bya'o/ /byang chub sems dpa' sems dpa' chen po gzhon nu'i sa las 'da' bar 'dod pas shes rab kyi pha rol tu phyin pa la bslab par bya'o//byang chub sems dpa' sems dpa' chen po sangs rgyas dang byang chub sems dpa' rnams dang mi 'bral bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po dbyangs gcig gis shar phyogs kyi 'jig rten gyi khams gang gA'i klung gi bye ma snyed du go bar byed par 'dod pas shes rab kyi pha rol tu phyin pa la bslab par bya'o//de bzhin du dbyangs gcig gis lho phyogs dang / nub phyogs dang / byang phyogs dang / phyogs mtshams rnams dang / 'og dang steng gi phyogs kyi 'jig rten gyi khams gang gA'i klung gi bye ma snyed go bar byed par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po dkon mchog gsum gyi rigs rgyun mi 'chad pa'i don du gnas par 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po dge ba'i rtsa ba gang dang gang gis de bzhin gshegs pa dgra bcom pa yang dag par rdzogs pa'i sangs rgyas rnams la bkur stir bya ba dang /bla mar bya ba dang / rim gror bya ba dang / mchod par bya bar 'dod pa'i bdag gi dge ba'i rtsa ba de dang de dag yang dag par grub par gyur cig snyam pas shes rab kyi pha rol tu phyin pa la bslab par bya'o zhes bya ba ni smon lam dang ldan pa yid bzhin gyi nor bu lta bu'o// shA ri'i bu gzhan yang byang chub sems dpa' sems dpa' chen po zas dang / skom dang / gos dang / dri dang / phreng ba dang / me tog dang / bdug spos dang / phye ma dang / byug pa dang / mal stan dang / khyim dang / nor dang / 'bru dang /rgyan dang / rin po che dang / nor bu dang / mu tig dang / bai DUr+ya dang / man shel dang / byi ru dang / sa le sbram dang / dngul dang / skyed mos tshal dang / rgyal srid la sogs pa'i yo byad rnams kyis sems can thams cad kyi yid la bsam pa yongs su rdzogs par 'dod pas shes rab kyi pha rol tu phyin pa la bslab par bya'o// //bam po gsum pa/ shA ri'i bu gzhan yang byang chub sems dpa' sems dpa' chen po chos kyi dbyings kyis klas pa/ nam mkha'i dbyings kyi mthas gtugs pa'i 'jig rten gyi khams kyi sems can thams cad sbyin pa'i pha rol tu phyin pa la dgod par 'dod pa dang /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la dgod par 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po dge ba'i sems bskyed pa gcig tsam yang ji srid byang chub kyi snying por mngon par rdzogs par byang chub kyi bar du mi zad par bya bar 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po phyogs bcu'i sangs rgyas bcom ldan 'das gang dag yin pa de dag gis bdag gi bsngags pa brjod par 'dod pas shes rab kyi pha rol tu phyin pa la bslab par bya'o zhes bya ba ni stobs dang ldan pa nyi ma lta bu'o// shA ri'i bu gzhan yang byang chub sems dpa' sems dpa' chen po nang stong pa nyid la slob par 'dod pas shes rab kyi pha rol tu phyin pa la bslab par bya'o/ /de bzhin du phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid dang / dngos po stong pa nyid dang / dngos po med pa stong pa nyid dang / rang gi ngo bo stong pa nyid dang / gzhan gyi ngo bo stong pa nyid la slob par 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po chos thams cad kyi de bzhin nyid rtogs par 'dod pas shes rab kyi pha rol tu phyin pa la bslab par bya'o/ /de bzhin du byang chub sems dpa' sems dpa' chen po chos kyi dbyings kyi de bzhin nyid rtogs par 'dod pas shes rab kyi pha rol tu phyin pa la bslab par bya'o//byang chub sems dpa' sems dpa' chen po yang dag pa'i mtha'i de bzhin nyid rtogs par 'dod pas shes rab kyi pha rol tu phyin pa la bslab par bya'o//shA ri'i bu de ltar byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi sa dang / chu dang / me dang / rlung gi rdul phra rab gang ji snyed cig yod pa de dag thams cad shes par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni sbyin pa 'di ltar byin pas ni 'bras bu ni chen por 'gyur ro//sbyin pa 'di ltar byin pas ni rgyal rigs shing sA la chen po lta bu rnams kyi rigs su skyed par byed do/ /bram ze shing sA la chen po lta bu rnams kyi rigs su skyed par byed do/ /khyim bdag shing sA la chen po lta bu rnams kyi rigs su skyed par byed do//sbyin pa 'di ltar byin pas ni rgyal chen ris bzhi pa'i lha rnams su skyed par byed do/ /sbyin pa 'di ltar byin pas ni sum cu rtsa gsum pa'i lha rnams su skyed par byed do/ /sbyin pa 'di ltar byin pas ni 'thab bral gyi lha rnams su skyed par byed do/ /sbyin pa 'di ltar byin pas ni dga' ldan gyi lha rnams su skyed par byed do//sbyin pa 'di ltar byin pas ni 'phrul dga'i lha rnams su skyed par byed do/ /sbyin pa 'di ltar byin pas ni gzhan 'phrul dbang byed kyi lha rnams su skyed par byed do/ /sbyin pa 'di ltar byin pas ni bsam gtan dang po thob par nus so//sbyin pa 'di ltar byin pas ni bsam gtan gnyis pa thob par nus so/ /sbyin pa 'di ltar byin pas ni bsam gtan gsum pa thob par nus so/ /sbyin pa 'di ltar byin pas ni bsam gtan bzhi pa thob par nus so/ /sbyin pa 'di ltar byin pas ni nam mkha' mtha' yas skye mched kyi snyoms par 'jug pa thob par nus so//sbyin pa 'di ltar byin pas ni rnam shes mtha' yas skye mched kyi snyoms par 'jug pa thob par nus so/ /sbyin pa 'di ltar byin pas ni cung zad med pa'i skye mched kyi snyoms par 'jug pa thob par nus so/ /sbyin pa 'di ltar byin pas ni 'du shes med 'du shes med min skye mched kyi snyoms par 'jug pa thob par nus so//sbyin pa 'di ltar byin pas ni byang chub kyi phyogs kyi chos sum cu rtsa bdun thob par nus so/ /sbyin pa 'di ltar byin pas ni rgyun tu zhugs pa'i 'bras bu thob par nus so/ /sbyin pa 'di ltar byin pas ni lan cig phyir 'ong ba'i 'bras bu thob par nus so//sbyin pa 'di ltar byin pas ni phyir mi 'ong ba'i 'bras bu thob par nus so/ /sbyin pa 'di ltar byin pas ni dgra bcom pa'i 'bras bu thob par nus so/ /sbyin pa 'di ltar byin pas ni rang byang chub nyid thob par nus so//sbyin pa 'di ltar byin pas ni yang dag par rdzogs pa'i byang chub thob par nus so zhes shes so/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sbyin pa 'di ltar sbyin na ni sbyin pa'i pha rol tu phyin pa yongs su rdzogs par byed do//sbyin pa 'di ltar sbyin na ni tshul khrims kyi pha rol tu phyin pa yongs su rdzogs par byed do/ /sbyin pa 'di ltar sbyin na ni bzod pa'i pha rol tu phyin pa yongs su rdzogs par byed do/ /sbyin pa 'di ltar sbyin na ni brtson 'grus kyi pha rol tu phyin pa yongs su rdzogs par byed do//sbyin pa 'di ltar sbyin na ni bsam gtan gyi pha rol tu phyin pa yongs su rdzogs par byed do/ /sbyin pa 'di ltar sbyin na ni shes rab kyi pha rol tu phyin pa yongs su rdzogs par byed do zhes bya bar shes par bya'o/ /de skad ces bka' stsal pa dang / de nas tshe dang ldan pa shA ri'i bus bcom ldan 'das la 'di skad ces gsol to//bcom ldan 'das byang chub sems dpa' sems dpa' chen pos sbyin pa stsol ba ni ji ltar sbyin pa'i pha rol tu phyin pa yongs su rdzogs par 'gyur ba lags/ sbyin pa stsol ba na ji ltar tshul khrims kyi pha rol tu phyin pa yongs su rdzogs par 'gyur ba lags/sbyin pa stsol ba na ji ltar bzod pa'i pha rol tu phyin pa yongs su rdzogs par 'gyur ba lags/ sbyin pa stsol ba na ji ltar brtson 'grus kyi pha rol tu phyin pa yongs su rdzogs par 'gyur ba lags/ sbyin pa stsol ba na ji ltar bsam gtan gyi pha rol tu phyin pa yongs su rdzogs par 'gyur ba lags/bcom ldan 'das byang chub sems dpa' sems dpa' chen pos sbyin pa stsol ba na ji ltar shes rab kyi pha rol tu phyin pa yongs su rdzogs par 'gyur ba lags/ bcom ldan 'das kyis bka' stsal pa/ shA ri'i bu sbyin par bya ba dang /sbyin pa po dang / len pa po mi dmigs pas sbyin pa'i pha rol tu phyin pa yongs su rdzogs par 'gyur ro/ /ltung ba dang mi ltung ba med pa'i phyir tshul khrims kyi pha rol tu phyin pa yongs su rdzogs par 'gyur ro/ /'khrug pa med cing rnam par 'khrug pa med pa'i phyir bzod pa'i pha rol tu phyin pa yongs su rdzogs par 'gyur ro//lus dang sems kyi brtson 'grus nyams pa med pa'i phyir brtson 'grus kyi pha rol tu phyin pa yongs su rdzogs par 'gyur ro/ /rnam par g.yeng ba med cing rtog pa med pa'i phyir bsam gtan gyi pha rol tu phyin pa yongs su rdzogs par 'gyur ro//chos thams cad rab tu shes pa mi dmigs pa'i tshul gyis shes rab kyi pha rol tu phyin pa yongs su rdzogs par 'gyur ro/ /de bzhin du byang chub sems dpa' sems dpa' chen po sbyin pa gtong ba ni pha rol tu phyin pa drug po yongs su rdzogs par 'gyur ro//de bzhin du tshul khrims kyi pha rol tu phyin par yang pha rol tu phyin pa drug po thams cad yongs su rdzogs par 'gyur ro/ /de bzhin du bzod pa'i pha rol tu phyin par yang pha rol tu phyin pa drug po thams cad yongs su rdzogs par 'gyur ro/ /de bzhin du brtson 'grus kyi pha rol tu phyin par yang pha rol tu phyin pa drug po thams cad yongs su rdzogs par 'gyur ro//de bzhin du bsam gtan gyi pha rol tu phyin par yang pha rol tu phyin pa drug po thams cad yongs su rdzogs par 'gyur ro zhes bya ba ni ye shes dang ldan pa sgra dbyangs snyan pa lta bu bsdus pa'o// shA ri'i bu gzhan yang byang chub sems dpa' sems dpa' chen po sems bskyed pa gcig gis shar phyogs kyi 'jig rten gyi khams gang gA'i klung gi bye ma snyed 'da' bar 'dod pa dang / de bzhin du lho dang / nub dang / byang dang / phyogs mtshams dang /'og dang steng gi phyogs kyi cha'i 'jig rten gyi khams gang gA'i klung gi bye ma snyed yang dag par 'da' bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi rgya mtsho chen po dang /chu klung dang chu klung chen po dang / chu bran dang / lteng ka dang / mtsho dang / rdzing dang / lu ma dag gi chu'i phung po de dag thams cad skra'i rtse mo brgyar bshags pas gyen du blang bar 'dod pa dang /de la gnas pa'i srog chags rnams la yang gnod par mi 'gyur bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams bskal pa sreg pa'i mes 'bar ba kha'i dbugs gcig gis zhi bar bya bar 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po rlung gis 'jig par 'gyur ba'i dus kyi rnam par 'thor byed kyi rlung gi dkyil 'khor chen po dang khor yug chen po nye bar bzung nas ri thams cad dang /sa chen po thams cad gtor zhing rnam par gtor la 'jig par byed pa'i rnam par 'thor byed kyi rlung gi dkyil 'khor chen po de sor mo'i rtse mo gcig gis dgab par 'dod pas shes rab kyi pha rol tu phyin pa la bslab par bya'o/ / shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi nam mkha'i khams ji tsam pa de thams cad skyil mo krung gcig gis rgyas par dgang bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na ri dang /ri rab chen po dang / khor yug dang / khor yug chen po ji snyed cig yod pa de dag thams cad skra nyag ma gcig gis sbams te gyen du bteg nas/ 'jig rten gyi khams tshad med grangs med par 'da' bar bya zhing 'phang ngo snyam na yang shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen pos phyogs bcu'i phyogs re rer yang sangs rgyas kyi zhing thams cad kyi sangs rgyas bcom ldan 'das rnams lha'i mig gis blta bar 'dod pa dang /de dag gis chos bstan pa lha'i rna bas mnyan par 'dod pa dang / sems can thams cad kyi sems kyi spyod pa shes par 'dod pa dang / de dag gi sngon gyi gnas rjes su dran par 'dod pa dang / zag pa zad pa'i mngon par shes pa mngon sum du bya bar 'dod cing yang dag pa'i mtha' mngon sum du yang mi byed par 'dod pas kyang shes rab kyi pha rol tu phyin pa la bslab par bya'o zhes bya ba ni mngon par shes pa dang ldan pa rgyal po chen po lta bu'o// shA ri'i bu gzhan yang byang chub sems dpa' sems dpa' chen po phyogs bcu re rer 'jig rten gyi khams gang gA'i klung gi bye ma snyed kyi 'jig rten gyi khams na sangs rgyas bcom ldan 'das nyan thos dang byang chub sems dpa'i dge 'dun dang bcas pa ji snyed cig bzhugs pa de dag thams cad bsod snyoms gcig gis khyed par bya bar 'dod pas shes rab kyi pha rol tu phyin pa la bslab par bya'o//de bzhin du me tog dang / bdug spos dang / dri dang / phreng ba dang / byug pa dang / phye ma dang / chos gos dang / rgyan dang / gdugs dang / rgyal mtshan dang / ba dan gcig gis de bzhin gshegs pa dgra bcom pa yang dag par rdzogs pa'i sangs rgyas de dag la bkur stir bya bar 'dod pa dang /bla mar bya bar 'dod pa dang / rjed par bya bar 'dod pa dang / mchod par bya bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na sems can ji snyed cig 'khod pa de dag thams cad kyang tshul khrims kyi phung po la dgod par 'dod pa dang /ting nge 'dzin gyi phung po dang / shes rab kyi phung po dang /rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / rgyun du zhugs pa'i 'bras bu la dgod par 'dod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang /rang byang chub dang / phung po ma lus pa'i mya ngan las 'das pa'i dbyings kyi bar la dgod par 'dod pas shes rab kyi pha rol tu phyin pa la bslab par bya'o/ /byang chub sems dpa' sems dpa' chen po lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na sems can ji snyed cig 'khod pa de dag thams cad tshul khrims kyi phung po la dgod par 'dod pa dang / ting nge 'dzin gyi phung po dang / shes rab kyi phung po dang /rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / rgyun tu zhugs pa'i 'bras bu la dgod par 'dod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la dgod par 'dod pa dang / phung po ma lus pa'i mya ngan las 'das pa'i dbyings kyi bar la dgod par 'dod pas shes rab kyi pha rol tu phyin pa la bslab par bya'o zhes bya ba ni bsod nams dang ye shes dang ldan pa bang mdzod lta bu'o/ / shA ri'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang /ma byon pa dang da ltar byung ba rnams kyis sangs rgyas kyi yon tan thams cad rjes su thob par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po chos 'dus byas dang /'dus ma byas rnams kyis pha rol tu phyin par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po 'das pa dang / ma 'ongs pa dang / da ltar byung ba'i chos thams cad kyi de bzhin nyid rtog par 'dod pa dang /chos rnams kyi skye ba med pa'i mtha' rjes su thob par 'dod pas kyang shes rab kyi pha rol tu phyin pa la bslab par bya'o zhes bya ba ni byang chub kyi phyogs dang ldan pa lam chen po lta bu'o/ / shA ri'i bu gzhan yang byang chub sems dpa' sems dpa' chen po nyan thos dang rang sangs rgyas thams cad kyi sngon du 'gro bar 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po sangs rgyas bcom ldan 'das thams cad la rim gror bya bar 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po sangs rgyas bcom ldan 'das thams cad kyi nang gi 'khor du 'gyur bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po 'khor chen po dang ldan par 'dod pa dang /byang chub sems dpa'i 'khor thob par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po yon yongs su dag par bya bar 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po sbyin pa la thogs pa med pa'i sems dang ldan par 'dod pa dang / tshul khrims ngan pa'i sems spang bar 'dod pa dang /gnod par sems pa'i yid dor bar 'dod pa dang / le lo'i sems dang / rnam par g.yeng ba'i sems dang / shes rab 'chal pa'i sems mi bskyed par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sems can thams cad sbyin pa las byung ba'i bsod nams bya ba'i dngos po la dgod par 'dod pa dang /tshul khrims las byung ba dang / sgom pa las byung ba dang / bkur sti las byung ba dang / rdzas las byung ba'i bsod nams bya ba'i dngos po la dgod par 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po mig lnga po rnams bskyed par 'dod pas shes rab kyi pha rol tu phyin pa la bslab par bya'o/ /mig lnga gang zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig yongs su sgrub par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/sangs rgyas bcom ldan 'das ji snyed cig bzhugs pa de dag thams cad lha'i mig gis blta bar 'dod pas shes rab kyi pha rol tu phyin pa la bslab par bya'o/ /de bzhin du lho phyogs kyi gang gA'i klung gi bye ma dang mnyam pa'i sangs rgyas bcom ldan 'das rnams lha'i mig gis blta bar 'dod pas shes rab kyi pha rol tu phyin pa la bslab par bya'o//nub phyogs su gang gA'i klung gi bye ma dang mnyam pa'i sangs rgyas bcom ldan 'das rnams lha'i mig gis blta bar 'dod pas shes rab kyi pha rol tu phyin pa la bslab par bya'o//byang phyogs su gang gA'i klung gi bye ma snyed dang mnyam pa'i sangs rgyas bcom ldan 'das rnams lha'i mig gis blta bar 'dod pas shes rab kyi pha rol tu phyin pa la bslab par bya'o/ /byang shar dang / shar lho dang / lho nub dang /nub byang dang / 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na sangs rgyas bcom ldan 'das gang ji snyed cig bzhugs pa de dag thams cad lha'i mig gis blta bar 'dod pa dang / sangs rgyas bcom ldan 'das de dag gi chos gang ston pa de dag thams cad lha'i rna bas mnyan par 'dod pa dang /sangs rgyas bcom ldan 'das de dag gi thugs sems kyi khong du chud par 'dod pa dang / sangs rgyas bcom ldan 'das de dag gi sngon gyi sbyor ba dang ldan pa'i byang chub sems dpa'i spyod pa rjes su dran par 'dod pa dang /sangs rgyas bcom ldan 'das de dag gi rdzu 'phrul dang rnam par 'phrul pa rnam pa mang po mthong bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po sangs rgyas bcom ldan 'das de dag phyogs bcu kun gyi 'jig rten gyi khams su chos gang thos pa de dag thams cad thos nas dran pa'i stobs bskyed pa mi chod pas yang dag par bzung bar 'dod pa dang /bla na med pa yang dag par rdzogs pa'i byang chub tu mngon par rdzogs par sangs rgyas kyi bar 'dir thams cad chud mi za bar bya bar 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po 'das pa'i sangs rgyas bcom ldan 'das rnams kyi sangs rgyas kyi zhing mthong bar 'dod pa dang / ma byon pa'i sangs rgyas rnams kyi sangs rgyas kyi zhing mthong bar 'dod pas shes rab kyi pha rol tu phyin pa la bslab par bya'o//gang dag da ltar phyogs bcu'i 'jig rten gyi khams kun na sangs rgyas bcom ldan 'das bzhugs te 'tsho zhing skyong ba'i sangs rgyas bcom ldan 'das rnams kyi sangs rgyas kyi zhing mthong bar 'dod pas kyang shes rab kyi pha rol tu phyin pa la bslab par bya'o zhes bya ba ni zhi gnas dang lhag mthong dang ldan pa bzhon pa lta bu'o// shA ri'i bu gzhan yang byang chub sems dpa' sems dpa' chen po phyogs bcu rnams su sangs rgyas bcom ldan 'das rnams kyis bshad par gyur pa dang /'chad pa dang / 'chad par 'gyur ba gang ji snyed pa 'di lta ste/ mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang /de lta bu byung ba dang / skyes pa'i rabs dang / shin tu rgyas pa dang / chos rmad du byung ba dang / gtan la phab par bstan pa dang / nyan thos dang / rang sangs rgyas kyis ma thos pa gang yin pa de dag thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par bstan par 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po shar phyogs su sangs rgyas bcom ldan 'das rnams kyis gang cung zad bshad par gyur pa dang /'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang /de bzhin nyid du bsgrub par 'dod pa dang / gzhan dag la yang rgya cher yang dag par bstan par 'dod pas shes rab kyi pha rol tu phyin pa la bslab par bya'o/ /lho phyogs su sangs rgyas bcom ldan 'das rnams kyis gang cung zad bshad par gyur pa dang /'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o//nub phyogs su sangs rgyas bcom ldan 'das rnams kyis gang cung zad bshad par gyur pa dang / 'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang /klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o/ /byang phyogs su sangs rgyas bcom ldan 'das rnams kyis gang cung zad bshad par gyur pa dang /'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang /gzhan dag la yang rgya cher yang dag par bstan par 'dod pas shes rab kyi pha rol tu phyin pa la bslab par bya'o/ /byang shar gyi phyogs su sangs rgyas bcom ldan 'das rnams kyis gang cung zad bshad par gyur pa dang / 'chad pa dang / 'chad par 'gyur ba de thams cad gzung bar 'dod pa dang /bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o//shar lho'i phyogs su sangs rgyas bcom ldan 'das rnams kyis gang cung zad bshad par gyur pa dang / 'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o/ /lho nub kyi phyogs su sangs rgyas bcom ldan 'das rnams kyis gang cung zad bshad par gyur pa dang /'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o//nub byang gi phyogs su sangs rgyas bcom ldan 'das rnams kyis gang cung zad bshad par gyur pa dang / 'chad pa dang / 'chad par 'gyur ba de thams cad gzung bar 'dod pa dang /bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o/ /'og gi phyogs su sangs rgyas bcom ldan 'das rnams kyis gang cung zad bshad par gyur pa dang /'chad pa dang / 'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o/ /steng gi phyogs su sangs rgyas bcom ldan 'das rnams kyis gang cung zad bshad par gyur pa dang / 'chad par dang /'chad par 'gyur ba de thams cad gzung bar 'dod pa dang / bcang bar 'dod pa dang / klag par 'dod pa dang / kun chub par bya bar 'dod pa dang / de bzhin nyid du bsgrub par 'dod pa dang / gzhan dag la yang rgya cher yang dag par ston par 'dod pas shes rab kyi pha rol tu phyin pa la bslab par bya'o zhes bya ba ni gzungs dang spobs pa dang ldan pa bkod ma lta bu'o//shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//lho phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//nub phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//byang phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//byang shar gyi phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//shar lho'i phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//lho nub kyi phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//nub byang gi phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//'og gi phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//steng gi phyogs kyi 'jig rten gyi khams gang gA'i klung gi bye ma snyed dag na mun pa mun nag smag tu gyur pa gang du nyi ma dang zla ba dag gi yang 'od kyi gnas med pa gang yin pa de thams cad snang bar byed 'dod pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang / chos kyi sgra dang / dge 'dun gyi sgra yang dag par sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o/ /lho phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra yang dag par sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o//nub phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang / chos kyi sgra dang / dge 'dun gyi sgra yang dag par sgrogs par 'dod pa dang /sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o/ /byang phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra yang dag par sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o/ /byang shar gyi phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra yang dag par sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o//shar lho'i phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra yang dag par sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o/ /lho nub kyi phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o//nub byang gi phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang / chos kyi sgra dang / dge 'dun gyi sgra sgrogs par 'dod pa dang /sems can de dag yang dag pa'i lta ba la sbyar bar 'dod par shes rab kyi pha rol tu phyin pa la bslab par bya'o/ /'og gi phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o/ /steng gi phyogs kyi 'jig rten gyi khams gang gA'i klung gi bye ma snyed rnams na sems can gang dag sangs rgyas kyi zhing sna tshogs su skyes par gyur pa de dag thams cad la sangs rgyas kyi sgra dang /chos kyi sgra dang / dge 'dun gyi sgra sgrogs par 'dod pa dang / sems can de dag yang dag pa'i lta ba la sbyar bar 'dod pas shes rab kyi pha rol tu phyin pa la bslab par bya'o zhes bya ba ni chos kyi dga' ston dang ldan pa sgra dbyangs snyan pa lta bu'o// shA ri'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na mun pa'i mthus ldongs par gyur pa'i sems can gang dag yin pa de dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang / smyon pa rnams dran pa thob par bya'o snyam pa dang /gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang / sems can log par ltung bar skyes pa rnams log par ltung ba thams cad las rnam par grol bar bya zhing mi'i lus thob par bya'o snyam pa dang /tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po la dgod par bya'o snyam pa dang / shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la rab tu dgod par bya'o snyam pa dang / lan cig phyir 'ong ba'i 'bras bu la dgod par bya'o snyam pa dang / phyir mi 'ong ba'i 'bras bu la dgod par bya'o snyam pa dang / dgra bcom pa nyid la dgod par bya'o snyam pa dang /rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /lho phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam na shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang /smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / skom pa rnams skom pa dang bral bar bya'o snyam pa dang / log par ltung bar skyes pa'i sems can rnams log par ltung ba de thams cad las rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang / sems mnyam par ma bzhag pa rnams ting nge 'dzin gyi phung po la dgod par bya'o snyam pa dang /shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang /rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /nub phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang /smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang / sems can log par ltung ba rnams log par ltung ba thams cad la rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po la dgod par bya'o snyam pa dang /shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /byang phyogs kyi 'jig rten gyi khams gang gA'i klung gi bye ma snyed kyi 'jig rten gyi khams kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag thams cad mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang /smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang / sems can log par ltung bar skyes pa rnams log par ltung ba thams cad las rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang / sems mnyam par ma bzhag pa rnams ting nge 'dzin gyi phung po la dgod par bya'o snyam pa dang /shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang /rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /byang shar gyi phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang /smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang /sems can log par ltung bar skyes pa rnams log par ltung ba thams cad las rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po la dgod par bya'o snyam pa dang / shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//shar lho'i phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang / smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang /sems can log par ltung bar skyes pa rnams log par ltung ba thams cad las grol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po la dgod par bya'o snyam pa dang / shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//lho nub kyi phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang / smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang /sems can log par ltung bar skyes pa rnams log par ltung ba thams cad las rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po la dgod par bya'o snyam pa dang / shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//nub byang gi phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa 'di dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang / smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang /sems can skom pa rnams skom pa dang bral bar bya'o snyam pa dang / sems can log par ltung bar skyes pa rnams log par ltung ba thams cad las rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang /mnyam par ma bzhag pa rnams ting nge 'dzin gyi phung po la dgod par bya'o snyam pa dang / shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang /rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang / bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//'og gi phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam pas shes rab kyi pha rol tu phyin pa la bslab par bya'o//de bzhin du 'on pa rnams rna bas sgra thos par bya'o snyam pa dang / smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang /sems can log par ltung bar skyes pa rnams log par ltung ba thams cad las rnam par bkrol te mi'i lus thob par bya'o snyam pa dang / tshul khrims 'chal pa rnams tshul khrims kyi phung po la dgod par bya'o snyam pa dang /mnyam par ma bzhag pa rnams ting nge 'dzin gyi phung po la dgod par bya'o snyam pa dang / shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang / bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /steng gi phyogs kyi 'jig rten gyi khams gang gA'i klung gi bye ma snyed kyi sangs rgyas kyi zhing thams cad na sems can gang dag mun pa'i mthus ldongs par gyur pa de dag mig gis gzugs mthong bar bya'o snyam pa dang /de bzhin du 'on pa rnams rna bas sgra thos par bya'o snyam pa dang /smyon pa rnams dran pa thob par bya'o snyam pa dang / gcer bu rnams gos thob par bya'o snyam pa dang / sems can bkres pa rnams lus yongs su rgyas par bya'o snyam pa dang / sems can skom pa rnams skom pa dang bral bar bya'o snyam pa dang / sems can log par ltung bar skyes pa rnams log par ltung ba thams cad las rnam par bkrol te mi'i lus thob par bya'o snyam pa dang /tshul khrims 'chal pa rnams tshul khrims kyi phung po la dgod par bya'o snyam pa dang / mnyam par ma bzhag pa rnams ting nge 'dzin gyi phung po la dgod par bya'o snyam pa dang /shes rab 'chal pa rnams shes rab kyi phung po la dgod par bya'o snyam pa dang / rnam par ma grol ba rnams rnam par grol ba'i phung po la dgod par bya'o snyam pa dang / rnam par grol ba'i ye shes ma mthong ba rnams rnam par grol ba'i ye shes mthong ba'i phung po la dgod par bya'o snyam pa dang /bden pa ma mthong ba rnams rgyun tu zhugs pa'i 'bras bu la dgod par bya'o snyam pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o snyam pa dang / rang byang chub la dgod par bya'o snyam pa dang /bla na med pa yang dag par rdzogs pa'i byang chub la dgod par bya'o snyam pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni bgrod pa gcig pa'i lam dang ldan pa chu bo'i rgyun lta bu'o// shA ri'i bu gzhan yang byang chub sems dpa' sems dpa' chen po de bzhin gshegs pa'i spyod lam ston par 'dod pa dang / de bzhin gshegs pa'i spyod pa dang / tshul rnam par dag pa dang / de bzhin gshegs pa'i sku'i phrin las dang / gsung gi phrin las dang /thugs kyi phrin las thams cad ye shes sngon du 'gro ba yongs su dag pa dang / glang po che'i lta stangs kyis blta bar 'dod pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/'di ltar yongs su brtag par bya ste/ ji ltar na bdag gis sems can rnams la thogs pa med par chos bstan par 'gyur/ ji ltar na bdag gis seng ge chen po'i rnam par 'gyings pas rnam par bsgyings par 'gyur/ ji ltar na bdag gis don yod pa'i rnam par gnon pas rnam par gnan par bya/ji ltar na bdag sa chen po la sor bzhi tsam gyis rkang pa mi reg par 'gro bar 'gyur/ ji ltar na bdag gis pad+mo 'dab ma stong dang ldan pa la rkang pa gnyis kyi mthil bzhag cing rkang pa'i 'og na gnas pa'i srog chags rnams la mi gnod par 'gro bar bya/ji ltar na bdag rkang pa'i mthil 'khor lo rtsibs stong dang ldan pa gnyis kyis sa chen po la rnam par bris te 'gro bar 'gyur/ ji ltar na bdag sa chen po la 'khor kun tu 'khor lo tsam gyi khyon yongs su bskor zhing 'chag sa na 'chag par 'gyur/ji ltar na bdag sa chen po thams cad du rgyu zhing song yang sa'i rdul gyis mi gos par 'gyur/ ji ltar na bdag dpag tshad gcig gam/ gnyis sam/ gsum mam/ bzhi 'am/ lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu 'am/ dpag tshad brgya 'am/ dpag tshad stong ngam/ dpag tshad brgya phrag stong nas/ dpag tshad tshad med pa 'am/ grangs med pa 'am/ bsam gyis mi khyab pa 'am/ mtshungs pa med pa 'am/ mtha' yas pa 'am/ kun tu mtha' yas pa 'am/ gzhal du med pa'am/brjod du med pa'i yang brjod du med pa'i bar gyi sangs rgyas kyi zhing dag tu rgyu ste song yang lus dang sems la dub pa med par 'gyur snyam na yang shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen po ji ltar bdag gi rkang pa'i mthil 'khor lo rtsibs stong dang ldan pa gnyis nas 'od zer bye ba khrag khrig brgya phrag stong bkye ste/mi khom pa dang ngan song gi sdug bsngal thams cad rab tu zhi bar byas nas/ sems can thams cad bde bar bya bar 'gyur snyam na yang shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ ji ltar na bdag rgyal po chen po bzhi'i ris kyi lha rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris pa rnams dang / tshangs pa'i mdun na 'don rnams dang / tshangs 'khor ba rnams dang / tshangs chen po rnams dang / 'od chung ba rnams dang / tshad med 'od rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / 'du shes med pa'i sems can rnams dang / mi spong ba rnams dang / mi gdung ba rnams dang /legs mthong ba rnams dang / rab lta ba rnams dang / 'og min pa rnams kyis kun nas bskor zhing mdun du bdar nas byang chub kyi snying po'i shing drung gang na ba der 'gro bar bya'o snyam pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/'di ltar yongs su brtag par bya ste/ ji ltar na bdag byang chub kyi snying po'i shing drung na 'dug pa'i tshe/ rgyal po chen po bzhi'i ris kyi lha dang / sum cu rtsa gsum dang / 'thab bral dang /dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can rnams dang / mi spong ba dang / mi gdung ba dang / legs mthong dang / rab lta dang / 'og min gyi lha rnams stan 'ding bar 'gyur snyam pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas nas/'gro ba dang / 'greng ba dang / 'dug pa dang / nyal ba'i sa phyogs de dag rdo rje'i rang bzhin du gnas par 'gyur snyam pas shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/'di ltar yongs su brtag par bya ste/ ji ltar na bdag nyi ma gang la mngon par byung ba na de nyid kyi nyi ma la nag po'i phyogs 'khor dang bcas pa pham par byas te / bla na med pa yang dag par rdzogs pa'i byang chub tu mngon par rdzogs par 'tshang rgya bar bya/mngon par rdzogs par sangs rgyas nas ni / ji ltar nyi ma de nyid la chos kyi 'khor lo bskor bar bya/ 'khor lo bskor nas ji ltar grangs med gzhal du med pa'i sems can rnams rdul dang bral te dri ma dang bral nas chos la chos kyi mig rnam par dag par bya/ grangs med gzhal du med pa'i sems can rnams ni ji ltar nye bar len pa med par zag pa rnams las sems rnam par grol bar bya/grangs med gzhal du med pa'i sems can rnams ni ji ltar bla na med pa yang dag par rdzogs pa'i byang chub las phyir mi ldog par bya snyam na yang shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar sems bskyed par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/nyan thos kyi dge 'dun ni gzhal du med grangs med par 'gyur snyam pa dang / chos bstan pa gcig gis stan gcig pa'i dgra bcom pa rnams gzhal du med grangs med par 'gyur snyam pa dang / byang chub sems dpa' sems dpa' chen po stan gcig pa rnams bla na med pa yang dag par rdzogs pa'i byang chub las phyir mi ldog par 'gyur snyam pa dang /byang chub sems dpa'i dge 'dun ni gzhal du med grangs med par 'gyur snyam pa dang / de'i tshe tshad ni dpag tu med par 'gyur snyam pa dang / 'od dpag tu med pa phun sum tshogs par 'gyur snyam pas shes rab kyi pha rol tu phyin pa la bslab par bya'o// shA ri'i bu gzhan yang byang chub sems dpa' sems dpa' chen pos 'di ltar yongs su brtag par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/sangs rgyas kyi zhing der 'dod chags dang / zhe sdang dang / gti mug gi sgra yang mi grag par bya snyam na yang shes rab kyi pha rol tu phyin pa la bslab par bya'o/ /shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/'di ltar yongs su brtag par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing der sems can rnams sangs rgyas kyi zhing gzhan na bzhugs pa'i sangs rgyas bcom ldan 'das rnams kyis 'di skad ces dul ba ni legs so//zhi ba ni legs so/ /yang dag par sdom pa ni legs so/ /tshangs par spyod pa la spyad pa ni legs so/ /srog chags 'byung po thams cad la mi 'tshe ba ni legs so zhes ched du brjod pa ched du brjod par mdzad pa gang yin pa de lta bu'i rang bzhin gyi shes rab dang ldan par 'gyur snyam pas shes rab kyi pha rol tu phyin pa la bslab par bya'o//shA ri'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/'di ltar yongs su brtag par bya ste/ ji ltar na bdag yongs su mya ngan las 'das kyang dam pa'i chos nub ces bya ba'i sgra yang mi grag par bya snyam pa dang / ji ltar na 'jig rten gyi khams gang gA'i klung gi bye ma snyed kyi sems can gang dag yin pa de dag bdag gi ming thos ma thag tu bla na med pa yang dag par rdzogs pa'i byang chub tu nges par 'gyur snyam na yang shes rab kyi pha rol tu phyin pa la bslab par bya'o//shA ri'i bu gang gi tshe de ltar byang chub sems dpa' sems dpa' chen po ni shes rab kyi pha rol tu phyin pa la spyod cing yon tan 'di dag bsgrub par gyur pa de'i tshe/rgyal po chen po bzhi po gang dag yin pa de dag 'di snyam du ji ltar sngon gyi de bzhin gshegs pa rnams la sngon gyi rgyal po chen po rnams kyis lhung bzed rnams phul ba bzhin du bdag cag gis kyang byang chub sems dpa' sems dpa' chen po 'di la lhung bzed bzhi po rnams dbul bar bya'o snyam du sems par 'gyur ro//bdag cag gis 'di la bsnyen bkur dang rim gro bya'o zhes sum cu rtsa gsum gyi lha rnams dga' bar 'gyur zhing / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyang spro bar 'gyur ro//de ltar lha ma yin gyi ris rnams ni 'grib par 'gyur ro/ /lha'i ris rnams ni 'phel bar 'gyur ro/ / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha gang dag yin pa de dag 'di snyam du bdag cag gis 'di mngon par rdzogs par sangs rgyas pa la chos kyi 'khor lo bskor ba'i don du gsol ba gdab par bya'o snyam du dga' bar 'gyur ro/ /shA ri'i bu gang gi tshe byang chub sems dpa' sems dpa' chen po shes rab kyi pha rol tu phyin pa la spyod cing /pha rol tu phyin pa drug gi rnam par 'phel bar 'gyur ba de'i tshe/ byang chub sems dpa'i theg pa pa'i rigs kyi bu dang / rigs kyi bu mo rnams kyang bdag cag ni sems can chen po 'di'i pha dang / ma dang / phu nu dang / sring mo dang / chung ma dang / bu dang / bu mo dang / mdza' bo dang / blon po dang / gnyen bshes dang / grogs po dang / bshes par 'gyur ro snyam ste dga' bar 'gyur ro/ /rgyal po chen po bzhi dang / rgyal po chen po bzhi'i ris kyi lha dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang /dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha rnams kyang byang chub sems dpa' sems dpa' chen po de la btsun mo'i 'khor dbul lo snyam pas dga' bar 'gyur ro//'on kyang byang chub sems dpa' sems dpa' chen po gang yin pa ni sems dang po bskyed pa nas bzung ste tshangs par spyod par 'gyur ba yin te/ 'dul ba dang mthun pa'i chos kyis sbyor ba ma yin gyi/ de ni 'di snyam du 'dod pa bsten cing mi tshangs par spyod pas ni tshangs pa'i 'jig rten du skye ba la yang bar du gcod na/bla na med pa yang dag par rdzogs pa'i byang chub la lta ci smos/ de bas na byang chub sems dpa' sems dpa' chen pos ni mngon par byung nas tshangs par spyad de/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'i/ tshangs par mi spyod par mi bya'o snyam du sems par 'gyur ro/ /de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to/ / ci lags/ bcom ldan 'das byang chub sems dpa' sems dpa' chen po la pha dang / ma dang / mchis 'brang dang / bu dang / bu mo rnams gdon mi za bar 'tshal lam/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po la la la ni pha dang /ma dag gam/ chung ma dang / bu dang / bu mo dang / grogs bshes dang / gnyen dang / snag gi gnyen mtshams rnams gdon mi za bar dgos so/ /shA ri'i bu byang chub sems dpa' sems dpa' chen po la la la ni sems dang po bskyed phyin chad tshangs par spyod pa yang dag len te/de dag ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du gzhon nur gyur pa kho na yin no/ /byang chub sems dpa' sems dpa' chen po la la la ni thabs mkhas pas sems can yongs su smin par bya ba'i phyir 'dod pa'i yon tan lnga la yongs su spyad de/chung ma'i 'khor gyi nang nas mngon par byung nas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /shA ri'i bu 'di lta ste dper na/ sgyu'i mkhan po'am/ sgyu ma'i mkhan po'i mchan bu sgyu ma la shin tu bslabs pa des 'dod pa'i yon tan lnga po rnams mngon par sprul nas 'dod pa'i yon tan lnga po de dag gis dga' zhing rtse la yongs su spyod na/shA ri'i bu de ji snyam du sems/ sgyu ma'i mkhan po dang / sgyu ma'i mkhan po'i mchan bu des 'dod pa'i yon tan lnga la myangs pa 'am yongs su spyad pa yod dam/gsol pa/ bcom ldan 'das de lta bu ma mchis so/ /bcom ldan 'das kyis bka' stsal pa/ shA ri'i bu de bzhin du byang chub sems dpa' sems dpa' chen po yang thabs mkhas pas sems can rnams yongs su smin pa'i rgyur 'dod pa'i yon tan rnams yongs su spyod de/byang chub sems dpa' sems dpa' chen po 'dod pa'i yon tan rnams kyis gos pa yang ma yin no/ /de ci'i phyir zhe na/ 'di ltar byang chub sems dpa' sems dpa' chen po rnams ni rnam grangs du mas 'dod pa rnams la skyon du brjod de/'dod pa rnams ni kun nas 'bar ba'o/ /'dod pa rnams ni rab tu smad pa'o/ /'dod pa rnams ni gsod pa'o/ /'dod pa rnams ni dgra'o/ /'dod pa rnams ni phyir rgol ba'o zhes rnam grangs du mar 'dod pa rnams la skyon brjod pa yin no//shA ri'i bu de ltar byang chub sems dpa' sems dpa' chen po ni sems can rnams yongs su smin pa'i rgyur 'dod pa'i yon tan lnga po rnams nye bar len pa yin no zhes bya ba ni chos kyi sku dang ldan pa sprin lta bu'o / /de ltar sems bskyed pa bshad pa yin no/ /de skad ces bka' stsal pa dang /tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das ji ltar byang chub sems dpa' sems dpa' chen pos shes rab kyi pha rol tu phyin pa la spyad par bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to//shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub sems dpa' nyid yod bzhin du byang chub sems dpa' yang dag par rjes su mi mthong ngo //byang chub sems dpa'i ming yang yang dag par rjes su mi mthong ngo / /byang chub kyang yang dag par rjes su mi mthong ngo / /shes rab kyi pha rol tu phyin pa yang yang dag par rjes su mi mthong ngo / /shes rab kyi pha rol tu phyin pa'i ming yang yang dag par rjes su mi mthong ngo / / spyod ces bya bar yang yang dag par rjes su mi mthong ngo / /mi spyod ces bya bar yang yang dag par rjes su mi mthong ngo / /spyod kyang spyod la mi spyod kyang mi spyod ces bya bar yang yang dag par rjes su mi mthong ngo / /spyod pa yang ma yin mi spyod pa yang ma yin no zhes bya bar yang yang dag par rjes su mi mthong ngo //gzugs kyang yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa yang yang dag par rjes su mi mthong ngo / /de ci'i phyir zhe na/ shA ri'i bu 'di ltar byang chub sems dpa' yang byang chub sems dpa'i rang bzhin gyis stong ngo //byang chub sems dpa'i ming yang byang chub sems dpa'i ming gis stong ngo / /de ci'i phyir zhe na/ de'i rang bzhin ni de yin te/ 'di ltar stong pa nyid kyis gzugs stong pa ma yin/ tshor ba dang / 'du shes dang /'du byed rnams dang / rnam par shes pa stong pa nyid kyis stong pa ma yin no/ /de ci'i phyir zhe na/ gzugs kyi stong pa nyid gang yin pa de ni gzugs ma yin/ tshor ba'i stong pa nyid gang yin pa de ni tshor ba ma yin/ 'du shes kyi stong pa nyid gang yin pa de ni 'du shes ma yin/'du byed rnams kyi stong pa nyid gang yin pa de ni 'du byed rnams ma yin/ rnam par shes pa'i stong pa nyid gang yin pa de ni rnam par shes pa ma yin no/ /gzugs las gzhan na stong pa nyid med/ tshor ba las gzhan na stong pa nyid med/ 'du shes las gzhan na stong pa nyid med/'du byed rnams las gzhan na stong pa nyid med/ rnam par shes pa las gzhan na stong pa nyid med do/ /de ci'i phyir zhe na/ gzugs nyid stong pa nyid do/ /tshor ba nyid stong pa nyid do/ /'du shes nyid stong pa nyid do/ /'du byed rnams nyid stong pa nyid do//rnam par shes pa nyid stong pa nyid do/ /stong pa nyid nyid gzugs so/ /stong pa nyid nyid tshor ba'o/ /stong pa nyid nyid 'du shes so/ /stong pa nyid nyid 'du byed rnams so/ /stong pa nyid nyid rnam par shes pa'o/ /de ci'i phyir zhe na/ 'di lta ste/ byang chub sems dpa' zhes bya ba 'di ni ming tsam mo//'di lta ste/ shes rab kyi pha rol tu phyin pa zhes bya ba 'di ni ming tsam mo/ /'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa zhes bya ba 'di ni ming tsam mo/ /'di lta ste/ gzugs ni sgyu ma lta bu'o/ /tshor ba dang / 'du shes dang / 'du byed rnams dang / rnam par shes pa ni sgyu ma lta bu'o/ /sgyu ma yang ming tsam ste/ yul na gnas pa ma yin/ phyogs na gnas pa yang ma yin no/ /sgyu ma mthong ba ni de bzhin nyid dang bral ba mthong ba dang mtshungs so/ / ngo bo nyid ni skye ba med pa/ 'gag pa med pa/ kun nas nyon mongs pa med pa rnam par byang ba med pa ste/ shes rab kyi pha rol tu phyin pa la de ltar spyod pa'i byang chub sems dpa' sems dpa' chen po ni chos gang la yang skye bar yang dag par rjes su mi mthong ngo / / 'gag par yang dag par rjes su mi mthong ngo / /kun nas nyon mongs par yang dag par rjes su mi mthong ngo / /rnam par byang bar yang dag par rjes su mi mthong ngo / /de ci'i phyir zhe na/ 'di ltar ming ni chos so so la bcos ma yin zhing de dag kyang brtags pa yin te/ ming glo bur la tha snyad du byed pa yin no//ming de dag thams cad ni byang chub sems dpa' shes rab kyi pha rol tu phyin pa la spyod pas yang dag par rjes su mi mthong ngo / /yang dag par rjes su ma mthong bas na mngon par mi zhen to/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/'di ltar yongs su rtog ste / 'di lta ste byang chub sems dpa' zhes bya ba 'di ni ming tsam mo/ /'di lta ste/ byang chub ces bya ba 'di ni ming tsam mo/ /'di lta ste/ shes rab kyi pha rol tu phyin pa zhes bya ba 'di ni ming tsam mo/ / 'di lta ste/ gzugs zhes bya ba 'di ni ming tsam mo/ /'di lta ste/ tshor ba dang / 'du shes dang / 'du byed rnams dang / rnam par shes pa zhes bya ba 'di ni ming tsam mo/ /shA ri'i bu 'di lta ste dper na/ bdag bdag ces bya ba 'di ni tha snyad du brjod mod kyi/ bdag dmigs su med do//sems can ma yin/ srog ma yin/ gso ba ma yin/ skyes bu ma yin/ gang zag ma yin/ shed las skyes pa ma yin/ shed bu dmigs su med de mi dmigs pa stong pa nyid kyi phyir ro/ /de ci'i phyir zhe na/ 'di ltar byang chub sems dpas ni gang gis mngon par chags par 'gyur ba de yang yang dag par mi dmigs te/shA ri'i bu de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa yin no/ /shA ri'i bu gal te 'dzam bu'i gling 'di dge slong shA ri'i bu dang maud gal gyi bu sha stag gis 'di lta ste dper na/'dam bu'i tshal lam/ 'od ma'i tshal lam/ bu ram shing gi tshal lam/ smyug ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang / de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi cha dang / brgya stong nas/ bye ba brgya stong gi cha dang / grangs su dang / char yang / bgrang bar yang / rgyur yang / dper yang nye bar mi 'gro'o//shA ri'i bu de ltar shes rab kyi pha rol tu phyin pa la spyod pa'i byang chub sems dpa'i shes rab nyin gcig bsgoms pa gang yin pa des ni nyan thos dang / rang sangs rgyas rnams kyi shes rab zil gyis gnon par byed do/ /de ci'i phyir zhe na/ shA ri'i bu 'di ltar byang chub sems dpa' sems dpa' chen po'i shes rab ni sems can thams cad yongs su mya ngan las 'da' ba'i don du nye bar gnas pa yin te/nyan thos dang / rang sangs rgyas kyi shes rab ni de lta ma yin no/ /shA ri'i bu 'dzam bu'i gling 'di dge slong shA ri'i bu dang / maud gal gyi bu lta bu sha stag gis yongs su gang ba lta zhog /shA ri'i bu gal te stong gsum gyi stong chen po'i 'jig rten gyi khams dge slong shA ri'i bu dang / maud gal gyi bu lta bu sha stag gis dper na 'dam bu'i tshal lam 'od ma'i tshal lam bu ram shing gi tshal lam/ smyig ma'i tshal lam/'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa de ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o/ /stong gi char yang /brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu stong gsum gyi stong chen po'i 'jig rten gyi khams dge slong shA ri'i bu dang maud gal gyi bu lta bu sha stag gis yongs su khengs pa lta zhog gi /shA ri'i bu gal te shar phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o/ / stong gi char yang / brgya stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu gal te lho phyogs kyi 'jig rten gyi khams gang gA'i klung gi bye ma snyed dge slong shA ri'i bu dang / maud gal gyi bu lta bu sha stag gis dper na 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ / shA ri'i bu gal te nub phyogs kyi 'jig rten gyi khams gang gA'i klung gi bye ma snyed dge slong shA ri'i bu dang / maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang /de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o/ /stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu gal te byang phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang ba yang / rgyur yang / dper yang nye bar mi 'gro'o/ /shA ri'i bu gal te byang shar gyi phyogs kyi 'jig rten gyi khams gang gA'i klung gi bye ma snyed dge slong shA ri'i bu dang /maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang /rgyur yang / dper yang nye bar mi 'gro'o/ /shA ri'i bu gal te shar lho'i phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu gal te lho nub kyi phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ / shA ri'i bu gal te nub byang gi phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o/ /stong gi char yang / brgya phrag stong gi char yang /grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu gal te 'og gi phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu gal te steng gi phyogs kyi 'jig rten gyi khams gang gA'i klung gi bye ma snyed dge slong shA ri'i bu dang maud gal gyi bu lta bu sha stag gis dper na/'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang de dag gi shes rab gang yin pa des ni byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang /rgyur yang / dper yang nye bar mi 'gro'o/ /de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i shes rab dang / gang yang rang sangs rgyas kyi shes rab dang / byang chub sems dpa' sems dpa' chen po'i shes rab dang / de bzhin gshegs pa dgra bcom pa yang dag par rdzogs pa'i sangs rgyas kyi shes rab gang lags pa'i shes rab de dag thams cad ni dbye ba med pa/ dben pa/ ma skyes pa/ ngo bo med pa/ stong pa nyid lags shing / bcom ldan 'das dbye ba med pa/ dben pa/ ma skyes pa/ ngo bo med pa/ stong pa la ni tha dad du bya ba 'am/ khyad par dmigs su ma mchis na/ bcom ldan 'das de ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i shes rab gdugs gcig bsgoms pa gang lags pa des nyan thos dang rang sangs rgyas zil gyis gnon par 'gyur ba lags/de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu de ji snyam du sems/byang chub sems dpa' sems dpa' chen po shes rab kyi pha rol tu phyin pa la spyod pa'i shes rab nyin gcig bsgoms pa rnam pa thams cad kyi mchog dang ldan pa'i rnam pa thams cad mkhyen pa nyid la spyod pa dang / bdag gis sems can thams cad kyi don byed pa dang /chos thams cad rnam pa thams cad du mngon par rdzogs par sangs rgyas par bya ste / sems can thams cad yongs su mya ngan las 'da'o zhes 'bras bu gang gi don du nye bar gnas pa de'i don du nyan thos dang / rang sangs rgyas thams cad kyi shes rab nye bar gnas sam ci/shA ri'i bus gsol pa/ bcom ldan 'das de lta ma lags so/ /bcom ldan 'das kyis bka' stsal pa/ shA ri'i bu de ji snyam du sems/ ci gang nyan thos dang rang sangs rgyas thams cad 'di snyam du bdag cag gis bla na med pa yang dag par rdzogs pa'i byang chub tu mngon par rdzogs par sangs rgyas nas sems can thams cad phung po lhag ma med pa'i mya ngan las 'das pa'i dbyings su yongs su mya ngan las 'da'o snyam du sems sam/shA ri'i bus gsol pa/ bcom ldan 'das de lta ma lags so/ /bcom ldan 'das kyis bka' stsal pa/shA ri'i bu des na rnam grangs 'dis kyang khyed kyis 'di ltar rig par bya ste/ gang 'di nyan thos dang rang sangs rgyas thams cad kyi shes rab gang yin pa des ni byang chub sems dpa' sems dpa' chen po'i shes rab nyin gcig bsgoms pa'i brgya'i char yang nye bar mi 'gro'o//stong gi char yang / brgya phrag stong gi char yang / grangs su yang / char yang / bgrang bar yang / rgyur yang / dper yang nye bar mi 'gro'o/ /shA ri'i bu de ji snyam du sems/ ci gang nyan thos dang rang sangs rgyas thams cad 'di snyam du bdag cag gis pha rol tu phyin pa drug la spyad de/sems can yongs su smin par byas la sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas te/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang /sangs rgyas kyi chos ma 'dres pa bco brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can gzhal du med grangs med tshad med pa rnams yongs su mya ngan las 'da'o snyam du sems sam/ shA ri'i bus gsol pa/ bcom ldan 'das de lta ma lags so/ /bcom ldan 'das kyis bka' stsal pa/ shA ri'i bu byang chub sems dpa' sems dpa' chen po 'di snyam du sems te/ bdag gis pha rol tu phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par byas te/bla na med pa yang dag par rdzogs pa'i byang chub tu mngon par rdzogs par sangs rgyas nas sems can gzhal du med tshad med grangs med pa rnams yongs su mya ngan las 'da' bar bya'o snyam du sems so/ /shA ri'i bu 'di lta ste dper na/ srog chags kyi rigs srin bu me khyer ni 'di ltar bdag gi snang bas 'dzam bu'i gling kun tu snang bar bya'o/ /bdag gi 'od kyis 'dzam bu'i gling gsal bar bya'o snyam du mi sems so/ /shA ri'i bu de bzhin du nyan thos dang rang sangs rgyas thams cad kyang 'di ltar bdag cag gis pha rol tu phyin pa drug la spyad de/sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can gzhal du med grangs med tshad med pa rnams yongs su mya ngan las 'da' bar bya'o snyam du mi sems so// //bam po bzhi pa/ shA ri'i bu 'di lta ste dper na/ nyi ma'i dkyil 'khor 'char ba ni 'dzam bu'i gling thams cad snang bas gsal bar byed do/ /shA ri'i bu de bzhin du byang chub sems dpa' sems dpa' chen po ni pha rol tu phyin pa drug la spyod do //sems can yongs su smin par byas shing sangs rgyas kyi zhing yongs su dag par byas nas/ de bzhin gshegs pa'i stobs bcu yongs su rdzogs par byas te/ mi 'jigs pa bzhi dang / so so yang dag par rig pa bzhi dang / byams pa chen po dang /snying rje chen po dang / sangs rgyas kyi chos ma 'dres pa bco brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can gzhal du med grangs med tshad med pa rnams yongs su mya ngan las 'da'o / / de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das ji ltar byang chub sems dpa' sems dpa' chen po nyan thos dang / rang sangs rgyas kyi sa thams cad las 'das shing phyir mi ldog pa'i byang chub sems dpa'i sa thob pa dang /byang chub sems dpa'i lam yongs su sbyong ba lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po sems dang po bskyed pa nas nye bar bzung nas pha rol tu phyin pa drug la spyod pa'i tshe/stong pa nyid dang / mtshan ma med pa dang / smon pa med pa'i chos la gnas te/ nyan thos dang / rang sangs rgyas kyi sa las 'da' bar byed de / phyir mi ldog pa'i byang chub sems dpa'i sa thob par byed/ byang chub kyi lam yang yongs su sbyong bar byed do//de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das gang la gnas pa'i byang chub sems dpa' sems dpa' chen po rtag tu rgyun mi 'chad par nyan thos dang / rang sangs rgyas thams cad kyi sbyin pa'i gnas su gyur pa lags/de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu byang chub sems dpa' sems dpa' chen po pha rol tu phyin pa drug la spyod pa ni sems dang po bskyed pa nas nye bar bzung ste/snying po byang chub la 'dug gi bar du 'dir rtag tu rgyun mi 'chad par nyan thos dang / rang sangs rgyas thams cad kyi sbyin pa'i gnas su gyur pa yin no/ /de ci'i phyir zhe na/ shA ri'i bu de ni 'di ltar byang chub sems dpa' sems dpa' chen po la brten nas dge ba'i chos thams cad 'jig rten du 'byung bar 'gyur/'di lta ste/ dge ba bcu'i las kyi lam rnams dang / bslab pa'i gnas lnga dang / yan lag brgyad dang ldan pa'i gso sbyong dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang /mngon par shes pa lnga dang / 'phags pa'i bden pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /'phags pa'i lam yan lag brgyad pa 'jig rten du 'byung bar 'gyur ro/ /mi 'jigs pa bzhi 'jig rten du 'byung bar 'gyur ro/ /so so yang dag par rig pa bzhi 'jig rten du 'byung bar 'gyur ro/ /pha rol tu phyin pa drug rnams dang / de bzhin gshegs pa'i stobs bcu rnams 'jig rten du 'byung bar 'gyur ro//rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa rnams dang / ting nge 'dzin thams cad dang / gzungs kyi sgo thams cad 'jig rten du 'byung bar 'gyur ro// byams pa chen po dang / snying rje chen po dang / sangs rgyas kyi chos ma 'dres pa bco brgyad 'jig rten du 'byung bar 'gyur ro/ /shA ri'i bu dge ba'i chos de dag la sogs pa mang po ji snyed 'jig rten du 'byung bar 'gyur te/ dge ba'i chos de dag 'jig rten du byung bas rgyal rigs shing sA la chen po lta bu dag rab tu gdags pa yin/bram ze'i rigs shing sA la chen po lta bu dag rab tu gdags pa yin/ khyim bdag gi rigs shing sA la chen po lta bu dag rab tu gdags pa yin/ 'khor los sgyur ba'i rgyal po'i rigs rnams rab tu gdags pa yin/ rgyal po chen po bzhi'i ris kyi lha rnams rab tu gdags pa yin/ sum cu rtsa gsum pa'i lha rnams rab tu gdags pa yin/ 'thab bral gyi lha rnams rab tu gdags pa yin/ dga' ldan gyi lha rnams rab tu gdags pa yin/'phrul dga'i lha rnams rab tu gdags pa yin/ gzhan 'phrul dbang byed kyi lha rnams rab tu gdags pa yin/ tshangs ris kyi lha rnams rab tu gdags pa yin/ tshangs pa'i mdun na 'don gyi lha rnams rab tu gdags pa yin/ tshangs 'khor ba'i lha rnams rab tu gdags pa yin/tshangs chen po'i lha rnams rab tu gdags pa yin/ 'od chung gi lha rnams rab tu gdags pa yin/ tshad med 'od kyi lha rnams rab tu gdags pa yin/ 'od gsal gyi lha rnams rab tu gdags pa yin/ dge chung gi lha rnams rab tu gdags pa yin/tshad med dge ba'i lha rnams rab tu gdags pa yin/ dge rgyas kyi lha rnams rab tu gdags pa yin/ sprin med kyi lha rnams rab tu gdags pa yin/ bsod nams skyes kyi lha rnams rab tu gdags pa yin/ 'du shes med pa'i sems can gyi lha rnams rab tu gdags pa yin/mi spong ba'i lha rnams rab tu gdags pa yin/ mi gdung ba'i lha rnams rab tu gdags pa yin/ legs mthong gi lha rnams rab tu gdags pa yin/ rab lta'i lha rnams rab tu gdags pa yin/ 'og min gyi lha rnams rab tu gdags pa yin/ nam mkha' mtha' yas skye mched kyi lha rnams rab tu gdags pa yin/rnam shes mtha' yas skye mched kyi lha rnams rab tu gdags pa yin/ cung zad med pa'i skye mched kyi lha rnams rab tu gdags pa yin/ 'du shes med 'du shes med min skye mched kyi lha rnams rab tu gdags pa yin/rgyun tu zhugs pa rnams 'jig rten du skye'o/ /lan cig phyir 'ong ba rnams 'jig rten du skye'o/ /phyir mi 'ong ba rnams 'jig rten du skye'o/ /dgra bcom pa rnams 'jig rten du skye'o/ /rang sangs rgyas rnams 'jig rten du skye'o/ /byang chub sems dpa' rnams 'jig rten du skye'o//de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du skye'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ci byang chub sems dpa' sems dpa' chen po rnams yon yongs su sbyong bar bgyid pa lags sam/bcom ldan 'das kyis bka' stsal pa/ shA ri'i bu byang chub sems dpa' sems dpa' chen po rnams ni yon yongs su sbyong bar byed pa yin no/ /de ci'i phyir zhe na/ byang chub sems dpa' sems dpa' chen po'i yon ni yongs su dag pa kho na'o //de ci'i phyir zhe na/ byang chub sems dpa' sems dpa' chen po ni sbyin pa po yin pa'i phyir ro/ /ci zhig gi sbyin pa po yin zhe na/ dge ba'i chos rnams kyi sbyin pa po yin no/ /dge ba'i chos gang dag gi sbyin pa po yin zhe na/ 'di lta ste/ dge ba bcu'i las kyi lam rnams dang / bslab pa'i gnas lnga rnams dang / yan lag brgyad dang ldan pa'i gso sbyong dang / bsam gtan bzhi rnams dang / tshad med pa bzhi rnams dang / gzugs med pa'i snyoms par 'jug pa bzhi rnams dang / mngon par shes pa rnams dang / 'phags pa'i bden pa bzhi rnams dang / rjes su dran pa drug rnams dang / dran pa nye bar gzhag pa bzhi rnams dang / yang dag par spong ba bzhi rnams dang / rdzu 'phrul gyi rkang pa bzhi rnams dang / dbang po lnga rnams dang / stobs lnga rnams dang / byang chub kyi yan lag bdun rnams dang /'phags pa'i lam yan lag brgyad pa rnams dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi rnams dang / pha rol tu phyin pa drug rnams dang / de bzhin gshegs pa'i stobs bcu rnams dang / sangs rgyas kyi chos ma 'dres pa bco brgyad rnams kyi sbyin pa po yin no zhes bya ba ni sgrub pa la gdams pa'o// de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po ji ltar shes rab kyi pha rol tu phyin pa la brtson par bgyis na brtson zhes brjod par bgyi/bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po gzugs stong pa nyid la brtson na brtson zhes brjod par bya'o/ /tshor ba stong pa nyid la brtson na brtson zhes brjod par bya'o//'du shes stong pa nyid la brtson na brtson zhes brjod par bya'o/ /'du byed rnams stong pa nyid la brtson na brtson zhes brjod par bya'o/ /rnam par shes pa stong pa nyid la brtson na brtson zhes brjod par bya'o/ /gzhan yang shA ri'i bu byang chub sems dpa' sems dpa' chen po mig stong pa nyid la brtson na brtson zhes brjod par bya'o//rna ba stong pa nyid la brtson na brtson zhes brjod par bya'o/ /sna stong pa nyid la brtson na brtson zhes brjod par bya'o/ /lce stong pa nyid la brtson na brtson zhes brjod par bya'o/ /lus stong pa nyid la brtson na brtson zhes brjod par bya'o//yid stong pa nyid la brtson na brtson zhes brjod par bya'o/ /gzugs stong pa nyid la brtson na brtson zhes brjod par bya'o/ /sgra stong pa nyid la brtson na brtson zhes brjod par bya'o/ /dri stong pa nyid la brtson na brtson zhes brjod par bya'o/ /ro stong pa nyid la brtson na brtson zhes brjod par bya'o//reg stong pa nyid la brtson na brtson zhes brjod par bya'o/ /chos stong pa nyid la brtson na brtson zhes brjod par bya'o/ /mig gi khams stong pa nyid la brtson na brtson zhes brjod par bya'o/ /gzugs kyi khams stong pa nyid la brtson na brtson zhes brjod par bya'o/ / mig gi rnam par shes pa'i khams stong pa nyid la brtson na brtson zhes brjod par bya'o/ /rna ba'i khams stong pa nyid la brtson na brtson zhes brjod par bya'o/ /sgra'i khams stong pa nyid la brtson na brtson zhes brjod par bya'o/ /rna ba'i rnam par shes pa'i khams stong pa nyid la brtson na brtson zhes brjod par bya'o//sna'i khams stong pa nyid la brtson na brtson zhes brjod par bya'o/ /dri'i khams stong pa nyid la brtson na brtson zhes brjod par bya'o/ /sna'i rnam par shes pa'i khams stong pa nyid la brtson na brtson zhes brjod par bya'o/ /lce'i khams stong pa nyid la brtson na brtson zhes brjod par bya'o//ro'i khams stong pa nyid la brtson na brtson zhes brjod par bya'o/ /lce'i rnam par shes pa'i khams stong pa nyid la brtson na brtson zhes brjod par bya'o/ /lus kyi khams stong pa nyid la brtson na brtson zhes brjod par bya'o/ /reg gi khams stong pa nyid la brtson na brtson zhes brjod par bya'o//lus kyi rnam par shes pa'i khams stong pa nyid la brtson na brtson zhes brjod par bya'o/ /yid kyi khams stong pa nyid la brtson na brtson zhes brjod par bya'o/ /chos kyi khams stong pa nyid la brtson na brtson zhes brjod par bya'o/ /yid kyi rnam par shes pa'i khams stong pa nyid la brtson na brtson zhes brjod par bya'o//sdug bsngal stong pa nyid la brtson na brtson zhes brjod par bya'o/ /kun 'byung ba stong pa nyid la brtson na brtson zhes brjod par bya'o/ /'gog pa stong pa nyid la brtson na brtson zhes brjod par bya'o/ /lam stong pa nyid la brtson na brtson zhes brjod par bya'o//ma rig pa stong pa nyid la brtson na brtson zhes brjod par bya'o/ /'du byed stong pa nyid la brtson na brtson zhes brjod par bya'o/ /rnam par shes pa stong pa nyid la brtson na brtson zhes brjod par bya'o/ /ming dang gzugs stong pa nyid la brtson na brtson zhes brjod par bya'o//skye mched drug stong pa nyid la brtson na brtson zhes brjod par bya'o/ /reg pa stong pa nyid la brtson na brtson zhes brjod par bya'o/ /tshor ba stong pa nyid la brtson na brtson zhes brjod par bya'o/ /sred pa stong pa nyid la brtson na brtson zhes brjod par bya'o/ / len pa stong pa nyid la brtson na brtson zhes brjod par bya'o/ /srid pa stong pa nyid la brtson na brtson zhes brjod par bya'o/ /skye ba stong pa nyid la brtson na brtson zhes brjod par bya'o/ /rga ba dang / na ba dang / 'chi ba dang / mya ngan dang / smre sngags 'don pa dang /sdug bsngal ba dang / yid mi bde ba dang / nye bar 'khrug pa stong pa nyid la brtson na brtson zhes brjod par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nang stong pa nyid la brtson na brtson zhes brjod par bya'o//phyi stong pa nyid la brtson na brtson zhes brjod par bya'o/ /phyi nang stong pa nyid la brtson na brtson zhes brjod par bya'o zhes bya ba nas/ gzhan gyi dngos po stong pa nyid kyi bar la brtson na brtson zhes brjod par bya'o/ /shA ri'i bu de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/stong pa nyid 'di dag thams cad la brtson na brtson zhes brjod par bya'o/ /de stong pa nyid 'di dag gis shes rab kyi pha rol tu phyin pa la brtson par byed pa na / byang chub sems dpa' sems dpa' chen pos brtson zhes [(]bya ba [,]bya [)] ba'am mi brtson zhes brjod par mi bya ste/de ci'i phyir zhe na/ 'di ltar des gzugs brtson zhes bya ba'am mi brtson zhes bya bar yang dag par rjes su mi mthong ngo / /tshor ba dang / 'du shes dang / 'du byed rnams dang / rnam par shes pa la brtson zhes bya ba 'am/ mi brtson zhes bya bar yang dag par rjes su mi mthong ngo zhes bya ba ni sdug bsngal gyi bden pa la gdams pa'o//gzugs skye ba'i chos can nam 'gag pa'i chos can du yang dag par rjes su mi mthong ngo / /tshor ba skye ba'i chos can nam 'gag pa'i chos can du yang dag par rjes su mi mthong ngo / /'du shes skye ba'i chos can nam 'gag pa'i chos can du yang dag par rjes su mi mthong ngo //'du byed rnams skye ba'i chos can nam 'gag pa'i chos can du yang dag par rjes su mi mthong ngo / /rnam par shes pa skye ba'i chos can nam 'gag pa'i chos can du yang dag par rjes su mi mthong ngo / / gzugs kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo / /tshor ba kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo / /'du shes kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo //'du byed rnams kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo / /rnam par shes pa kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo //shA ri'i bu gzhan yang byang chub sems dpa' sems dpa' chen pos gzugs ni tshor bar yang dag par 'du ba yin no zhes yang dag par rjes su mi mthong ngo / /tshor ba ni 'du shes su yang dag par 'du ba yin no zhes bya bar yang dag par rjes su mi mthong ngo / / 'du shes ni 'du byed rnams su yang dag par 'du ba yin no zhes yang dag par rjes su mi mthong ngo / /'du byed rnams ni rnam par shes par 'du ba yin no zhes yang dag par rjes su mi mthong ngo / /rnam par shes pa ni chos su yang dag par 'du ba yin no zhes bya bar yang dag par rjes su mi mthong ngo //chos ni chos 'ga' zhig tu 'du ba yin no zhes yang dag par rjes su mi mthong ngo / /de ci'i phyir zhe na/ rang bzhin stong pa nyid kyi phyir chos ni chos 'ga' zhig tu yang dag par 'du ba med do/ /de ci'i phyir zhe na/ shA ri'i bu 'di ltar gzugs kyi stong pa nyid gang yin pa de ni gzugs ma yin/tshor ba'i stong pa nyid gang yin pa de ni tshor ba ma yin/ 'du shes kyi stong pa nyid gang yin pa de ni 'du shes ma yin/ 'du byed rnams kyi stong pa nyid gang yin pa de ni 'du byed rnams ma yin/ rnam par shes pa'i stong pa nyid gang yin pa de ni rnam par shes pa ma yin no/ / de ci'i phyir zhe na/ 'di ltar gzugs stong pa nyid gang yin pa de thogs par mi bya'o / /tshor ba'i stong pa nyid gang yin pa de tshor bar mi byed do/ /'du shes kyi stong pa nyid gang yin pa de 'du shes su mi byed do/ /'du byed rnams kyi stong pa nyid gang yin pa de ni mngon par 'du mi byed do/ /rnam par shes pa'i stong pa nyid gang yin pa de ni rnam par shes par mi byed do//de ci'i phyir zhe na/ shA ri'i bu 'di ltar gzugs gzhan ma yin la stong pa nyid gzhan ma yin/ stong pa nyid gzhan ma yin la gzugs gzhan ma yin te/ gzugs nyid stong pa nyid stong pa nyid ni gzugs so//tshor ba gzhan ma yin la stong pa nyid gzhan ma yin/ stong pa nyid gzhan ma yin la tshor ba gzhan ma yin te/ tshor ba nyid stong pa nyid stong pa nyid ni tshor ba'o/ /'du shes gzhan ma yin la stong pa nyid gzhan ma yin/ stong pa nyid gzhan ma yin la 'du shes gzhan ma yin te/'du shes nyid stong pa nyid la stong pa nyid ni 'du shes so/ /'du byed rnams gzhan ma yin la stong pa nyid gzhan ma yin/ stong pa nyid gzhan ma yin la 'du byed rnams gzhan ma yin te/ 'du byed nyid stong pa nyid stong pa nyid ni 'du byed rnams so/ /rnam par shes pa gzhan ma yin la stong pa nyid gzhan ma yin/stong pa nyid gzhan ma yin la rnam par shes pa gzhan ma yin te/ rnam par shes pa nyid stong pa nyid la stong pa nyid ni rnam par shes pa'o zhes bya ba ni kun 'byung gi bden pa la gdams pa'o/ / de ci'i phyir zhe na/ shA ri'i bu stong pa nyid ni mi skye mi 'gag cing kun nas nyon mongs pa ma yin/rnam par byang ba ma yin/ 'grib pa ma yin/ 'phel ba ma yin/ 'das pa ma yin ma 'ongs pa ma yin da ltar byung ba ma yin no/ /gang yang 'di 'dra ba de la ni gzugs med/ tshor ba med/ 'du shes med / 'du byed rnams med/rnam par shes pa med do/ /mig med/ rna ba med/ sna med/ lce med/ lus med/ yid med do/ /gzugs med/ sgra med/ dri med/ ro med/ reg bya med/ chos med do/ /sa'i khams med/ chu'i khams med/ me'i khams med/ rlung gi khams med/ nam mkha'i khams med/rnam par shes pa'i khams med do/ /mig gi khams med/ gzugs kyi khams med/ mig gi rnam par shes pa'i khams med/ rna ba'i khams med/ sgra'i khams med/ rna ba'i rnam par shes pa'i khams med/ sna'i khams med/ dri'i khams med/ sna'i rnam par shes pa'i khams med/lce'i khams med/ ro'i khams med/ lce'i rnam par shes pa'i khams med/ lus kyi khams med/ reg bya'i khams med/ lus kyi rnam par shes pa'i khams med/ yid kyi khams med/ chos kyi khams med/ yid kyi rnam par shes pa'i khams med /ma rig pa skye ba med/ ma rig pa 'gag pa med/ 'du byed skye ba med/ 'du byed 'gag pa med/ rnam par shes pa skye ba med/ rnam par shes pa 'gag pa med/ ming dang gzugs skye ba med/ ming dang gzugs 'gag pa med/ skye mched drug skye ba med/ skye mched drug 'gag pa med/reg pa skye ba med/ reg pa 'gag pa med/ tshor ba skye ba med/ tshor ba 'gag pa med/ sred pa skye ba med/ sred pa 'gag pa med/ len pa skye ba med/ len pa 'gag pa med/ srid pa skye ba med/ srid pa 'gag pa med/ skye ba skye ba med/ skye ba 'gag pa med/ rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / nye bar 'du ba skye ba med/ rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / nye bar 'du ba 'gag pa med do/ /sdug bsngal med/ kun 'byung med/ 'gog pa med/ lam med/ thob pa med/ mngon par rtogs pa med do/ /rgyun du zhugs pa med/ rgyun du zhugs pa'i 'bras bu med/ lan cig phyir 'ong ba med/ lan cig phyir 'ong ba'i 'bras bu med/ phyir mi 'ong ba med/phyir mi 'ong ba'i 'bras bu med/ dgra bcom pa med/ dgra bcom pa'i 'bras bu med/ rang sangs rgyas med/ rang byang chub med/ byang chub sems dpa' med do/ /lam gyi rnam pa shes pa nyid med/ sangs rgyas med do/ /byang chub med do/ /shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa'i tshe/de ltar brtson pa ni brtson pa zhes brjod par bya'o zhes bya ba ni 'gog pa'i bden pa la gdams pa'o/ / shA ri'i bu gzhan yang byang chub sems dpa' sems dpa' chen po de ltar shes rab kyi pha rol tu phyin pa la spyod pa'i tshe/bdag nyid la sbyin pa'i pha rol tu phyin pa la brtson zhes bya ba 'am/ mi brtson zhes bya bar yang dag par rjes su mi mthong ngo / /tshul khrims kyi pha rol tu phyin pa la brtson zhes bya ba 'am/ mi brtson zhes bya bar yang dag par rjes su mi mthong ngo / / bzod pa'i pha rol tu phyin pa la brtson zhes bya ba 'am/ mi brtson zhes bya bar yang dag par rjes su mi mthong ngo / /brtson 'grus kyi pha rol tu phyin pa la brtson zhes bya ba 'am/ mi brtson zhes bya bar yang dag par rjes su mi mthong ngo / /bsam gtan gyi pha rol tu phyin pa la brtson zhes bya ba 'am/mi brtson zhes bya bar yang dag par rjes su mi mthong ngo / /shes rab kyi pha rol tu phyin pa la brtson zhes bya ba 'am/ mi brtson zhes bya bar yang dag par rjes su mi mthong ngo / /gzugs la brtson zhes bya ba 'am/ mi brtson zhes bya bar yang dag par rjes su mi mthong / /tshor ba la brtson zhes bya ba 'am/mi brtson zhes bya bar yang dag par rjes su mi mthong / 'du shes la brtson zhes bya ba 'am/ mi brtson zhes bya bar yang dag par rjes su mi mthong / 'du byed rnams la brtson zhes bya ba 'am/ mi brtson zhes bya bar yang dag par rjes su mi mthong / rnam par shes pa la brtson zhes bya ba 'am/mi brtson zhes bya bar yang dag par rjes su mi mthong ngo / /mig la brtson zhes bya ba 'am/ mi brtson zhes bya bar yang dag par rjes su mi mthong / rna ba la brtson zhes bya ba 'am/ mi brtson zhes bya bar yang dag par rjes su mi mthong / sna la brtson zhes bya ba 'am/mi brtson zhes bya bar yang dag par rjes su mi mthong / lce la brtson zhes bya ba 'am/ mi brtson zhes bya bar yang dag par rjes su mi mthong / lus la brtson zhes bya ba 'am/ mi brtson zhes bya bar yang dag par rjes su mi mthong / yid la brtson zhes bya ba 'am/ mi brtson zhes bya bar yang dag par rjes su mi mthong /gzugs la brtson zhes bya ba 'am/ mi brtson zhes bya bar yang dag par rjes su mi mthong / sgra la brtson zhes bya ba 'am/ mi brtson zhes bya bar yang dag par rjes su mi mthong / dri la brtson zhes bya ba 'am/ mi brtson zhes bya bar yang dag par rjes su mi mthong /ro la brtson zhes bya ba 'am/ mi brtson zhes bya bar yang dag par rjes su mi mthong / reg la brtson zhes bya ba 'am/ mi brtson zhes bya bar yang dag par rjes su mi mthong / chos la brtson zhes bya ba 'am/ mi brtson zhes bya bar yang dag par rjes su mi mthong ngo //dran pa nye bar gzhag pa rnams la brtson zhes bya ba 'am/ mi brtson zhes bya bar yang dag par rjes su mi mthong / yang dag par spong ba rnams la brtson zhes bya ba 'am/ mi brtson zhes bya bar yang dag par rjes su mi mthong / rdzu 'phrul gyi rkang pa rnams la brtson zhes bya ba 'am/mi brtson zhes bya bar yang dag par rjes su mi mthong / dbang po rnams la brtson zhes bya ba 'am/ mi brtson zhes bya bar yang dag par rjes su mi mthong / stobs rnams la brtson zhes bya ba 'am/ mi brtson zhes bya bar yang dag par rjes su mi mthong / byang chub kyi yan lag rnams la brtson zhes bya ba 'am/mi brtson zhes bya bar yang dag par rjes su mi mthong / lam rnams la brtson zhes bya ba 'am/ mi brtson zhes bya bar yang dag par rjes su mi mthong ngo / /mi 'jigs pa bzhi la brtson zhes bya ba 'am/ mi brtson zhes bya bar yang dag par rjes su mi mthong / so so yang dag par rig pa bzhi la brtson zhes bya ba 'am/mi brtson zhes bya bar yang dag par rjes su mi mthong / mngon par shes pa rnams la brtson zhes bya ba 'am/ mi brtson zhes bya bar yang dag par rjes su mi mthong / de bzhin gshegs pa'i stobs bcu la brtson zhes bya ba 'am/ mi brtson zhes bya bar yang dag par rjes su mi mthong /sangs rgyas kyi chos ma 'dres pa bco brgyad la brtson zhes bya ba 'am/ mi brtson zhes bya bar yang dag par rjes su mi mthong ba nas / rnam pa thams cad kyi mchog dang ldan pa rnam pa thams cad mkhyen pa'i ye shes kyi bar la brtson zhes bya ba 'am/ mi brtson zhes bya bar yang dag par rjes su mi mthong ngo //shA ri'i bu des na rnam grangs 'dis kyang khyod kyis 'di ltar rig par bya ste/ byang chub sems dpa' sems dpa' chen po shes rab kyi pha rol tu phyin pa la brtson pa ni brtson zhes brjod par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/stong pa nyid la stong pa nyid kyis sbyor bar mi byed de/ stong pa nyid kyi rnal 'byor la ma yin no/ /mtshan ma med pa la mtshan ma med pas sbyor bar mi byed de/ mtshan ma med pa'i rnal 'byor la ma yin no//smon pa med pa la smon pa med pas sbyor bar mi byed de/ smon pa med pa'i rnal 'byor la ma yin no/ /de ci'i phyir zhe na/ 'di ltar stong pa nyid ni sbyor ba ma yin mi sbyor ba yang ma yin no/ /de bzhin du mtshan ma med pa dang smon pa med pa ni sbyor ba yang ma yin/ mi sbyor ba yang ma yin no//shA ri'i bu de ltar brtson pa'i byang chub sems dpa' sems dpa' chen po ni shes rab kyi pha rol tu phyin pa la brtson zhes brjod par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos rnams kyi rang gi mtshan nyid stong pa nyid la 'jug ste/de de ltar 'jug pa na gzugs la sbyor bar mi byed 'byed par mi byed de/ tshor ba la sbyor bar mi byed 'byed par mi byed/ 'du shes dang / 'du byed dang / rnam par shes pa la sbyor bar mi byed 'byed par mi byed do/ /gzugs la sngon gyi mthar sbyor bar mi byed 'byed par mi byed de/de ci'i phyir zhe na/ shA ri'i bu 'di ltar byang chub sems dpas sngon gyi mtha' nyid yang dag par rjes su mi mthong ngo / /gzugs la phyi ma'i mthar sbyor bar mi byed 'byed par mi byed de/ de ci'i phyir zhe na/ shA ri'i bu 'di ltar byang chub sems dpas phyi ma'i mtha' nyid yang dag par rjes su mi mthong ngo //gzugs la da ltar byung bas sbyor bar mi byed 'byed par mi byed de/ de ci'i phyir zhe na/ shA ri'i bu 'di ltar byang chub sems dpas da ltar byung ba nyid yang dag par rjes su mi mthong ngo / /tshor ba la sngon gyi mthar sbyor bar mi byed 'byed par mi byed de/de ci'i phyir zhe na/ shA ri'i bu 'di ltar byang chub sems dpas sngon gyi mtha' nyid yang dag par rjes su mi mthong ngo / /tshor ba la phyi ma'i mthar sbyor bar mi byed 'byed par mi byed de/ de ci'i phyir zhe na/ shA ri'i bu 'di ltar byang chub sems dpas phyi ma'i mtha' nyid yang dag par rjes su mi mthong ngo //tshor ba la da ltar byung bar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas da ltar byung ba nyid yang dag par rjes su mi mthong ngo / /'du shes la sngon gyi mthar sbyor bar mi byed 'byed par mi byed de/de ci'i phyir zhe na/ 'di ltar byang chub sems dpas sngon gyi mtha' nyid yang dag par rjes su mi mthong ngo / /'du shes la phyi ma'i mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas phyi ma'i mtha' nyid yang dag par rjes su mi mthong ngo //'du shes la da ltar byung bar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas da ltar byung ba nyid yang dag par rjes su mi mthong ngo / /'du byed la sngon gyi mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas sngon gyi mtha' nyid yang dag par rjes su mi mthong ngo //'du byed la phyi ma'i mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas phyi ma'i mtha' nyid yang dag par rjes su mi mthong ngo / /'du byed la da ltar byung bar sbyor bar mi byed 'byed par mi byed de/de ci'i phyir zhe na/ 'di ltar byang chub sems dpas da ltar byung ba nyid yang dag par rjes su mi mthong ngo / /rnam par shes pa la sngon gyi mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas sngon gyi mtha' nyid yang dag par rjes su mi mthong ngo //rnam par shes pa la phyi ma'i mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas phyi ma'i mtha' nyid yang dag par rjes su mi mthong ngo / /rnam par shes pa la da ltar byung bar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas da ltar byung ba nyid yang dag par rjes su mi mthong ngo / /rnam pa thams cad mkhyen pa nyid kyi bar sngon gyi mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas sngon gyi mtha' nyid yang dag par rjes su mi mthong ngo //rnam pa thams cad mkhyen pa nyid la phyi ma'i mthar sbyor bar mi byed 'byed par mi byed de/ de ci'i phyir zhe na/ 'di ltar byang chub sems dpas phyi ma'i mtha' nyid yang dag par rjes su mi mthong ngo / /rnam pa thams cad mkhyen pa nyid la da ltar byung bas sbyor bar mi byed 'byed par mi byed de/de ci'i phyir zhe na/ 'di ltar byang chub sems dpas da ltar byung ba nyid yang dag par rjes su mi mthong ngo / /shA ri'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes brjod par bya'o/ / shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sngon gyi mtha' la phyi ma'i mthar sbyor bar mi byed do/ /phyi ma'i mtha' la sngon gyi mthar sbyor bar mi byed de / da ltar byung ba la sngon gyi mtha' 'am phyi ma'i mthar sbyor bar mi byed do//sngon gyi mtha' 'am phyi ma'i mtha' la da ltar byung bar sbyor bar mi byed de / de ci'i phyir zhe na/ dus gsum mnyam pa nyid kyi phyir ro/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar brtson pa ni brtson zhes brjod par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di ltar brtson par byed de/ ji ltar brtson pa ni rnam pa thams cad mkhyen pa nyid la 'das par sbyor bar mi byed de/ 'di ltar 'das pa nyid yang dag par rjes su mi mthong na/rnam pa thams cad mkhyen pa nyid la 'das par sbyor bar ji ltar byed/ rnam pa thams cad mkhyen pa nyid la ma 'ongs par sbyor bar mi byed de/ ma 'ongs pa nyid yang dag par rjes su ma mthong na/ rnam pa thams cad mkhyen pa nyid la ma 'ongs par sbyor bar ji ltar byed/rnam pa thams cad mkhyen pa nyid la da ltar byung bar sbyor bar mi byed de/ da ltar byung ba nyid yang dag par rjes su ma mthong na/ rnam pa thams cad mkhyen pa nyid la da ltar byung bar sbyor bar ci ltar byed/ shA ri'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes brjod par bya'o zhes bya ba ni lam gyi bden pa la gdams pa'o// shA ri'i bu gzhan yang byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ gzugs la rnam pa thams cad mkhyen pa nyid kyis sbyor bar mi byed de/'di ltar gzugs nyid yang dag par rjes su mi mthong ngo / /tshor ba la rnam pa thams cad mkhyen pa nyid kyis sbyor bar mi byed de/ 'di ltar tshor ba nyid yang dag par rjes su mi mthong ngo / /'du shes la rnam pa thams cad mkhyen pa nyid kyis sbyor bar mi byed de/'di ltar 'du shes nyid yang dag par rjes su mi mthong ngo / /'du byed rnams la rnam pa thams cad mkhyen pa nyid kyis sbyor bar mi byed de/ 'di ltar 'du byed rnams nyid yang dag par rjes su mi mthong ngo / /rnam par shes pa la rnam pa thams cad mkhyen pa nyid kyis sbyor bar mi byed de/'di ltar rnam par shes pa nyid yang dag par rjes su mi mthong ngo / /mig la rnam pa thams cad mkhyen pa nyid kyis sbyor bar mi byed de/ 'di ltar mig nyid yang dag par rjes su mi mthong ngo / /rna ba la rnam pa thams cad mkhyen pa nyid kyis sbyor bar mi byed de/ 'di ltar rna ba nyid yang dag par rjes su mi mthong ngo / /sna la rnam pa thams cad mkhyen pa nyid kyis sbyor bar mi byed de/ 'di ltar sna nyid yang dag par rjes su mi mthong ngo / /lce la rnam pa thams cad mkhyen pa nyid kyis sbyor bar mi byed de/ 'di ltar lce nyid yang dag par rjes su mi mthong ngo //lus la rnam pa thams cad mkhyen pa nyid kyis sbyor bar mi byed de/ 'di ltar lus nyid yang dag par rjes su mi mthong ngo / /yid la rnam pa thams cad mkhyen pa nyid kyis sbyor bar mi byed de/ 'di ltar yid nyid yang dag par rjes su mi mthong ngo / /gzugs la rnam pa thams cad mkhyen pa nyid kyis sbyor bar mi byed de/'di ltar gzugs nyid yang dag par rjes su mi mthong ngo / /sgra la rnam pa thams cad mkhyen pa nyid kyis sbyor bar mi byed de/ 'di ltar sgra nyid yang dag par rjes su mi mthong ngo / /dri la rnam pa thams cad mkhyen pa nyid kyis sbyor bar mi byed de/'di ltar dri nyid yang dag par rjes su mi mthong ngo / /ro la rnam pa thams cad mkhyen pa nyid kyis sbyor bar mi byed de/ 'di ltar ro nyid yang dag par rjes su mi mthong ngo / /reg la rnam pa thams cad mkhyen pa nyid kyis sbyor bar mi byed de/ 'di ltar reg nyid yang dag par rjes su mi mthong ngo //chos la rnam pa thams cad mkhyen pa nyid kyis sbyor bar mi byed de/ 'di ltar chos nyid yang dag par rjes su mi mthong ngo / /shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la brtson na brtson zhes bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa la rnam pa thams cad mkhyen pa nyid kyis sbyor bar mi byed de/ 'di ltar sbyin pa'i pha rol tu phyin pa nyid yang dag par rjes su mi mthong ngo //tshul khrims kyi pha rol tu phyin pa la rnam pa thams cad mkhyen pa nyid kyis sbyor bar mi byed de/ 'di ltar tshul khrims kyi pha rol tu phyin pa nyid yang dag par rjes su mi mthong ngo / /bzod pa'i pha rol tu phyin pa la rnam pa thams cad mkhyen pa nyid kyis sbyor bar mi byed de/'di ltar bzod pa'i pha rol tu phyin pa nyid yang dag par rjes su mi mthong ngo / /brtson 'grus kyi pha rol tu phyin pa la rnam pa thams cad mkhyen pa nyid kyis sbyor bar mi byed de/ 'di ltar brtson 'grus kyi pha rol tu phyin pa nyid yang dag par rjes su mi mthong ngo / /bsam gtan gyi pha rol tu phyin pa la rnam pa thams cad mkhyen pa nyid kyis sbyor bar mi byed de/'di ltar bsam gtan gyi pha rol tu phyin pa nyid yang dag par rjes su mi mthong ngo / /shes rab kyi pha rol tu phyin pa la rnam pa thams cad mkhyen pa nyid kyis sbyor bar mi byed de/ 'di ltar shes rab kyi pha rol tu phyin pa nyid yang dag par rjes su mi mthong ngo //dran pa nye bar gzhag pa rnams la rnam pa thams cad mkhyen pa nyid kyis sbyor bar mi byed de/ 'di ltar dran pa nye bar gzhag pa nyid yang dag par rjes su mi mthong ngo / /yang dag par spong ba rnams la rnam pa thams cad mkhyen pa nyid kyis sbyor bar mi byed de/'di ltar yang dag par spong ba nyid yang dag par rjes su mi mthong ngo / /rdzu 'phrul gyi rkang pa rnams la rnam pa thams cad mkhyen pa nyid kyis sbyor bar mi byed de/ 'di ltar rdzu 'phrul gyi rkang pa nyid yang dag par rjes su mi mthong ngo / / dbang po rnams la rnam pa thams cad mkhyen pa nyid kyis sbyor bar mi byed de/ 'di ltar dbang po nyid yang dag par rjes su mi mthong ngo / /stobs rnams la rnam pa thams cad mkhyen pa nyid kyis sbyor bar mi byed de/ 'di ltar stobs nyid yang dag par rjes su mi mthong ngo / / byang chub kyi yan lag rnams la rnam pa thams cad mkhyen pa nyid kyis sbyor bar mi byed de/ 'di ltar byang chub kyi yan lag nyid yang dag par rjes su mi mthong ngo / /lam rnams la rnam pa thams cad mkhyen pa nyid kyis sbyor bar mi byed de/ 'di ltar lam nyid yang dag par rjes su mi mthong ngo //so so yang dag par rig pa rnams la rnam pa thams cad mkhyen pa nyid kyis sbyor bar mi byed de/ 'di ltar so so yang dag par rig pa nyid yang dag par rjes su mi mthong ngo / /mi 'jigs pa rnams la rnam pa thams cad mkhyen pa nyid kyis sbyor bar mi byed de/ 'di ltar mi 'jigs pa nyid yang dag par rjes su mi mthong ngo / /mngon par shes pa rnams la rnam pa thams cad mkhyen pa nyid kyis sbyor bar mi byed de/ 'di ltar mngon par shes pa nyid yang dag par rjes su mi mthong ngo / /de bzhin gshegs pa'i stobs bcu rnams la rnam pa thams cad mkhyen pa nyid kyis sbyor bar mi byed de/'di ltar de bzhin gshegs pa'i stobs nyid yang dag par rjes su mi mthong ngo / /sangs rgyas kyi chos ma 'dres pa bco brgyad rnams la rnam pa thams cad mkhyen pa nyid kyis sbyor bar mi byed de/ 'di ltar sangs rgyas kyi chos ma 'dres pa nyid yang dag par rjes su mi mthong ngo //shA ri'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes brjod par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sangs rgyas la rnam pa thams cad mkhyen pa nyid kyis sbyor bar mi byed de/ 'di ltar sangs rgyas nyid yang dag par rjes su mi mthong ngo / /rnam pa thams cad mkhyen pa nyid la sangs rgyas kyis sbyor bar mi byed de/ 'di ltar rnam pa thams cad mkhyen pa nyid yang dag par rjes su mi mthong ngo //byang chub la rnam pa thams cad mkhyen pa nyid kyis sbyor bar mi byed de/ 'di ltar byang chub nyid yang dag par rjes su mi mthong ngo / /rnam pa thams cad mkhyen pa nyid la byang chub kyis sbyor bar mi byed de/ 'di ltar rnam pa thams cad mkhyen pa nyid yang dag par rjes su mi mthong ngo //de ci'i phyir zhe na/ sangs rgyas nyid rnam pa thams cad mkhyen pa nyid do/ /rnam pa thams cad mkhyen pa nyid sangs rgyas so/ /byang chub nyid rnam pa thams cad mkhyen pa nyid do/ /rnam pa thams cad mkhyen pa nyid byang chub bo/ / shA ri'i bu byang chub sems dpa' sems dpa' chen po de ltar brtson pa ni shes rab kyi pha rol tu phyin pa la brtson zhes brjod par bya'o zhes bya ba ni sangs rgyas dkon mchog la gdams pa'o/ / shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs dngos po yod ces bya bar mi sbyor ro/ /gzugs dngos po med ces bya bar mi sbyor ro/ /gzugs rtag ces bya bar mi sbyor ro/ /gzugs mi rtag ces bya bar mi sbyor ro/ /gzugs bde zhes bya bar mi sbyor ro/ /gzugs sdug bsngal zhes bya bar mi sbyor ro//gzugs bdag ces bya bar mi sbyor ro/ /gzugs bdag med ces bya bar mi sbyor ro/ /gzugs zhi zhes bya bar mi sbyor ro/ /gzugs ma zhi zhes bya bar mi sbyor ro/ /tshor ba dngos po yod ces bya bar mi sbyor ro/ /tshor ba dngos po med ces bya bar mi sbyor ro/ /tshor ba rtag ces bya bar mi sbyor ro//tshor ba mi rtag ces bya bar mi sbyor ro/ /tshor ba bde zhes bya bar mi sbyor ro/ /tshor ba sdug bsngal zhes bya bar mi sbyor ro/ /tshor ba bdag ces bya bar mi sbyor ro/ /tshor ba bdag med ces bya bar mi sbyor ro/ /tshor ba zhi zhes bya bar mi sbyor ro/ / tshor ba ma zhi zhes bya bar mi sbyor ro/ /'du shes dngos po yod ces bya bar mi sbyor ro/ /'du shes dngos po med ces bya bar mi sbyor ro/ /'du shes rtag ces bya bar mi sbyor ro/ /'du shes mi rtag ces bya bar mi sbyor ro/ /'du shes bde zhes bya bar mi sbyor ro/ /'du shes sdug bsngal zhes bya bar mi sbyor ro//'du shes bdag ces bya bar mi sbyor ro/ /'du shes bdag med ces bya bar mi sbyor ro/ /'du shes zhi zhes bya bar mi sbyor ro/ /'du shes ma zhi zhes bya bar mi sbyor ro/ /'du byed rnams dngos po yod ces bya bar mi sbyor ro//'du byed rnams dngos po med ces bya bar mi sbyor ro/ /'du byed rnams rtag ces bya bar mi sbyor ro/ /'du byed rnams mi rtag ces bya bar mi sbyor ro/ /'du byed rnams bde zhes bya bar mi sbyor ro/ /'du byed rnams sdug bsngal zhes bya bar mi sbyor ro/ /'du byed rnams bdag ces bya bar mi sbyor ro//'du byed rnams bdag med ces bya bar mi sbyor ro/ /'du byed rnams zhi zhes bya bar mi sbyor ro/ /'du byed rnams ma zhi zhes bya bar mi sbyor ro/ /rnam par shes pa dngos po yod ces bya bar mi sbyor ro/ /rnam par shes pa dngos po med ces bya bar mi sbyor ro//rnam par shes pa rtag ces bya bar mi sbyor ro/ /rnam par shes pa mi rtag ces bya bar mi sbyor ro/ /rnam par shes pa bde zhes bya bar mi sbyor ro/ /rnam par shes pa sdug bsngal zhes bya bar mi sbyor ro/ /rnam par shes pa bdag ces bya bar mi sbyor ro/ /rnam par shes pa bdag med ces bya bar mi sbyor ro//rnam par shes pa zhi zhes bya bar mi sbyor ro/ /rnam par shes pa ma zhi zhes bya bar mi sbyor ro/ /gzugs stong zhes bya bar mi sbyor ro / /gzugs mi stong zhes bya bar mi sbyor ro / /gzugs mtshan ma dang bcas zhes kyang mi sbyor ro / /gzugs mtshan ma med ces kyang mi sbyor ro //gzugs smon pa dang bcas zhes kyang mi sbyor ro / /gzugs smon pa med ces bya bar yang mi sbyor ro / /tshor ba stong zhes bya bar yang mi sbyor ro / /tshor ba mi stong zhes bya bar yang mi sbyor ro/ / tshor ba mtshan ma dang bcas zhes kyang mi sbyor ro / /tshor ba mtshan ma med ces kyang mi sbyor ro //tshor ba smon pa dang bcas zhes kyang mi sbyor ro / /tshor ba smon pa med ces kyang mi sbyor ro / /'du shes stong zhes bya bar yang mi sbyor ro / /'du shes mi stong zhes bya bar yang mi sbyor ro / /'du shes mtshan ma med ces kyang mi sbyor ro //'du shes mtshan ma dang bcas zhes kyang mi sbyor ro / /'du shes smon pa dang bcas zhes kyang mi sbyor ro / /'du shes smon pa med ces kyang mi sbyor ro / /'du byed rnams stong zhes bya bar yang mi sbyor ro / /'du byed rnams mi stong zhes bya bar yang mi sbyor ro / /'du byed rnams mtshan ma dang bcas zhes kyang mi sbyor ro //'du byed rnams mtshan ma med ces kyang mi sbyor ro / /'du byed rnams smon pa dang bcas zhes kyang mi sbyor ro / /'du byed rnams smon pa med ces kyang mi sbyor ro / /rnam par shes pa stong zhes bya bar yang mi sbyor ro/ /rnam par shes pa mi stong zhes bya bar yang mi sbyor ro //rnam par shes pa mtshan ma dang bcas zhes kyang mi sbyor ro / /rnam par shes pa mtshan ma med ces kyang mi sbyor ro / /rnam par shes pa smon pa dang bcas zhes kyang mi sbyor ro / /rnam par shes pa smon pa med ces kyang mi sbyor ro / /gang zhig de ltar spyod pa de ni shes rab kyi pha rol tu phyin pa la spyod ces bya bar mi dmigs so//mi spyod ces bya bar mi dmigs so/ /spyod kyang spyod la mi spyod kyang mi spyod ces bya bar mi dmigs so/ /spyod pa yang ma yin mi spyod pa yang ma yin zhes bya bar yang mi dmigs so/ /shA ri'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes brjod par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa'i don du shes rab kyi pha rol tu phyin pa la mi spyod do//tshul khrims kyi pha rol tu phyin pa'i don du shes rab kyi pha rol tu phyin pa la mi spyod do/ /bzod pa'i pha rol tu phyin pa'i don du shes rab kyi pha rol tu phyin pa la mi spyod do/ /brtson 'grus kyi pha rol tu phyin pa'i don du shes rab kyi pha rol tu phyin pa la mi spyod do/ / bsam gtan gyi pha rol tu phyin pa'i don du shes rab kyi pha rol tu phyin pa la mi spyod do/ /shes rab kyi pha rol tu phyin pa'i don du shes rab kyi pha rol tu phyin pa la mi spyod do/ /phyir mi ldog pa'i sa'i don du shes rab kyi pha rol tu phyin pa la mi spyod do/ /sems can yongs su smin par bya ba'i don du shes rab kyi pha rol tu phyin pa la mi spyod do//sangs rgyas kyi zhing yongs su dag par bya ba'i don du shes rab kyi pha rol tu phyin pa la mi spyod do/ /de bzhin gshegs pa'i stobs bcu'i don du shes rab kyi pha rol tu phyin pa la mi spyod do/ /mi 'jigs pa bzhi'i don du shes rab kyi pha rol tu phyin pa la mi spyod do//sangs rgyas kyi chos ma 'dres pa bco brgyad kyi don du shes rab kyi pha rol tu phyin pa la mi spyod do/ /nang stong pa nyid kyi don du shes rab kyi pha rol tu phyin pa la mi spyod do/ /phyi stong pa nyid kyi don du shes rab kyi pha rol tu phyin pa la mi spyod do//phyi nang stong pa nyid kyi don du shes rab kyi pha rol tu phyin pa la mi spyod do/ /stong pa nyid stong pa nyid kyi don du shes rab kyi pha rol tu phyin pa la mi spyod do/ /chen po stong pa nyid kyi don du shes rab kyi pha rol tu phyin pa la mi spyod do/ /don dam pa stong pa nyid kyi don du shes rab kyi pha rol tu phyin pa la mi spyod do//'dus byas stong pa nyid kyi don du shes rab kyi pha rol tu phyin pa la mi spyod do/ /'dus ma byas stong pa nyid kyi don du shes rab kyi pha rol tu phyin pa la mi spyod do/ /mtha' las 'das pa stong pa nyid kyi don du shes rab kyi pha rol tu phyin pa la mi spyod do//thog ma dang tha ma med pa stong pa nyid kyi don du shes rab kyi pha rol tu phyin pa la mi spyod do/ /dor ba med pa stong pa nyid kyi don du shes rab kyi pha rol tu phyin pa la mi spyod do/ /rang bzhin stong pa nyid kyi don du shes rab kyi pha rol tu phyin pa la mi spyod do/ / chos thams cad stong pa nyid kyi don du shes rab kyi pha rol tu phyin pa la mi spyod do/ /rang gi mtshan nyid stong pa nyid kyi don du shes rab kyi pha rol tu phyin pa la mi spyod do/ /mi dmigs pa stong pa nyid kyi don du shes rab kyi pha rol tu phyin pa la mi spyod do/ /dngos po med pa stong pa nyid kyi don du shes rab kyi pha rol tu phyin pa la mi spyod do//ngo bo nyid stong pa nyid kyi don du shes rab kyi pha rol tu phyin pa la mi spyod do/ /dngos po med pa'i ngo bo nyid stong pa nyid kyi don du shes rab kyi pha rol tu phyin pa la mi spyod do/ /de bzhin nyid kyi don du shes rab kyi pha rol tu phyin pa la mi spyod do//chos kyi dbyings kyi don du shes rab kyi pha rol tu phyin pa la mi spyod do/ /yang dag pa'i mtha'i don du shes rab kyi pha rol tu phyin pa la mi spyod do/ /de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la spyod pa ni/ chos gang la yang tha dad par yang dag par rjes su mi mthong ngo //shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni/ lha'i mig gi don du shes rab kyi pha rol tu phyin pa la mi spyod do/ /lha'i rna ba'i don du shes rab kyi pha rol tu phyin pa la mi spyod do//gzhan gyi sems shes pa'i don du shes rab kyi pha rol tu phyin pa la mi spyod do/ /sngon gyi gnas rjes su dran pa'i don du shes rab kyi pha rol tu phyin pa la mi spyod do/ /rdzu 'phrul sgrub pa'i don du shes rab kyi pha rol tu phyin pa la mi spyod do/ /zag pa zad pa'i ye shes kyi don du shes rab kyi pha rol tu phyin pa la mi spyod do//de ci'i phyir zhe na/ 'di ltar de shes rab kyi pha rol tu phyin pa la spyod pa'i tshe/ shes rab kyi pha rol tu phyin pa nyid kyang yang dag par rjes su mi mthong na/ byang chub sems dpa' lta gang zhig mngon par shes pa thams cad lta gang las yin/ shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni brtson zhes brjod par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di snyam du bdag gi lha'i mig gis shar phyogs kyi 'jig rten gyi khams gang gA'i klung gi bye ma snyed kyi sems can rnams kyi 'chi 'pho ba dang skye ba shes par bya'o snyam du mi sems so//lha'i rna bas de dag gi sgra thos par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so//shA ri'i bu de bzhin du byang chub sems dpa' sems dpa' chen po ni 'di snyam du bdag gi lha'i mig gis lho phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so/ /shA ri'i bu de bzhin du byang chub sems dpa' sems dpa' chen po ni 'di snyam du bdag gi lha'i mig gis nub phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ / de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so/ /shA ri'i bu de bzhin du byang chub sems dpa' sems dpa' chen po ni 'di snyam du bdag gi lha'i mig gis byang phyogs kyi 'jig rten gyi khams gang gA'i klung gi bye ma snyed kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so//shA ri'i bu de bzhin du byang chub sems dpa' sems dpa' chen po ni 'di snyam du/ bdag gis lha'i mig gis byang shar gyi phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so/ / shA ri'i bu de bzhin du byang chub sems dpa' sems dpa' chen po ni 'di snyam du bdag gis lha'i mig gis shar lho'i phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o/ /lha'i rna bas de rnams kyi sgra dag mnyan par bya'o//de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so/ /shA ri'i bu de bzhin du byang chub sems dpa' sems dpa' chen po ni 'di snyam du bdag gis lha'i mig gis lho nub kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so//shA ri'i bu de bzhin du byang chub sems dpa' sems dpa' chen po ni 'di snyam du bdag gi lha'i mig gis nub byang gi phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so/ /shA ri'i bu de bzhin du byang chub sems dpa' sems dpa' chen po ni 'di snyam du bdag gi lha'i mig gis 'og gi phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ / de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so/ /shA ri'i bu de bzhin du byang chub sems dpa' sems dpa' chen po ni 'di snyam du bdag gi lha'i mig gis steng gi phyogs kyi 'jig rten gyi khams gang gA'i klung gi bye ma snyed rnams kyi sems can rnams kyi 'chi 'pho ba dang skye ba shes par bya'o//lha'i rna bas de rnams kyi sgra dag mnyan par bya'o/ /de dag nyid kyi sems sems kyis shes par bya'o/ /de dag nyid kyi sngon gyi gnas rjes su dran nas rdzu 'phrul gyis song ste chos bstan par bya'o snyam du mi sems so//shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni sems can gzhal du med grangs med tshad med pa rnams yongs su mya ngan las zlo bar byed par brtson pa yin no zhes brjod par bya'o//shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa na bdud sdig can gyis glags rnyed par mi 'gyur ro/ /'di'i 'jig rten pa'i nyon mongs pa gang ji snyed yod pa de dag thams cad kyang rab tu bsal bar 'gyur ro//shA ri'i bu shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs shing 'tsho skyong ba rnams dang / de dag gi nyan thos gang dag yin pa rnams dang / rang sangs rgyas gang dag yin pa rnams dang /rgyal chen ris bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha gang dag yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon gang dag yod pa de dag thams cad kyang mthong ba'i chos dang ldan pa nyid du 'gyur te/ de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro/ /shA ri'i bu lho phyogs kyi 'jig rten gyi khams gang gA'i klung gi bye ma snyed dag na sangs rgyas bcom ldan 'das gang ji snyed cig bzhugs shing 'tsho skyong ba dang /de dag gi nyan thos gang dag yin pa rnams dang / rang sangs rgyas gang dag yin pa rnams dang / rgyal chen ris bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang /'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha gang yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon gang dag yod pa de dag thams cad kyang mthong ba'i chos dang ldan pa kho nar 'gyur te/ de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro/ /shA ri'i bu nub phyogs kyi 'jig rten gyi khams gang gA'i klung gi bye ma snyed dag na sangs rgyas bcom ldan 'das gang ji snyed cig bzhugs shing 'tsho skyong ba rnams dang /de dag gi nyan thos gang dag yin pa rnams dang / rang sangs rgyas gang dag yin pa rnams dang / rgyal chen ris bzhi pa dang /sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang /tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha gang dag yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon gang dag yod pa de dag thams cad kyang mthong ba'i chos dang ldan pa nyid du 'gyur te/ de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro//shA ri'i bu byang phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs shing 'tsho skyong ba rnams dang / de dag gi nyan thos gang dag yin pa rnams dang /rang sangs rgyas gang dag yin pa rnams dang / rgyal chen ris bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang /tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang /mi spong ba dang / mi gdung ba dang / legs mthong dang / rab lta dang / 'og min gyi lha gang yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do/ /de la lus kyi skyon du bya ba gang dag yod pa de dag thams cad kyang mthong ba'i chos dang ldan pa nyid du 'gyur te/de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro/ /shA ri'i bu byang shar gyi phyogs kyi 'jig rten gyi khams gang gA'i klung gi bye ma snyed dag na/sangs rgyas bcom ldan 'das gang ji snyed cig bzhugs shing 'tsho skyong ba rnams dang / de dag gi nyan thos gang dag yin pa rnams dang / rang sangs rgyas gang dag yin pa rnams dang / rgyal chen ris bzhi pa nas 'og min gyi bar gyi lha gang yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon du bya ba gang dag yod pa de dag thams cad kyang mthong ba'i chos dang ldan pa nyid du 'gyur te/de ci'i phyir zhe na/ 'di ltar byang chub sems dpa' sems dpa' chen po de sems can thams cad la byams pas khyab par byed pa'i phyir ro/ /shA ri'i bu shar lho'i phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs shing 'tsho skyong ba rnams dang /de dag gi nyan thos gang dag yin pa rnams dang / rang sangs rgyas gang dag yin pa rnams dang / rgyal chen ris bzhi pa nas 'og min gyi bar gyi lha gang dag yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon du bya ba gang dag yod pa de dag thams cad kyang mthong ba'i chos dang ldan pa nyid du 'gyur te/ de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro//shA ri'i bu lho nub kyi phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs shing 'tsho skyong ba rnams dang / de dag gi nyan thos gang dag yin pa rnams dang /rang sangs rgyas gang dag yin pa rnams dang / rgyal chen ris bzhi pa nas 'og min gyi bar gyi lha gang yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su skyong bar byed do/ / de la lus kyi skyon gang dag yod pa de dag thams cad kyang mthong ba'i chos dang ldan pa nyid du 'gyur te/ de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro/ /shA ri'i bu nub byang gi phyogs kyi 'jig rten gyi khams gang gA'i klung gi bye ma snyed dag na/sangs rgyas bcom ldan 'das gang ji snyed cig bzhugs shing 'tsho skyong ba rnams dang / de dag gi nyan thos gang dag yin pa rnams dang / rang sangs rgyas gang dag yin pa rnams dang / rgyal chen ris bzhi pa nas 'og min gyi bar gyi lha gang yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon gang dag yod pa de dag thams cad kyang mthong ba'i chos dang ldan pa nyid du 'gyur te/ de ci'i phyir zhe na/'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro/ /shA ri'i bu 'og gi phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs shing 'tsho skyong ba rnams dang /de dag gi nyan thos gang dag yin pa rnams dang / rang sangs rgyas gang dag yin pa rnams dang / rgyal chen ris bzhi pa nas 'og min gyi bar gyi lha gang dag yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do//de la lus kyi skyon gang dag yod pa de dag thams cad kyang mthong ba'i chos dang ldan pa nyid du 'gyur te/ de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro//shA ri'i bu steng gi phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs shing 'tsho skyong ba rnams dang / de dag gi nyan thos gang dag yin pa rnams dang / rang sangs rgyas gang dag yin pa rnams dang /rgyal chen ris bzhi pa nas 'og min gyi bar gyi lha gang dag yin pa de dag kyang byang chub sems dpa' sems dpa' chen po de la la la zhig bar chad byed par 'gyur du 'ong ngo zhes yongs su srung bar byed do/ /de la lus kyi skyon gang dag yod pa de dag thams cad kyang mthong ba'i chos dang ldan pa nyid du 'gyur te/de ci'i phyir zhe na/ 'di ltar byang chub sems dpa' sems dpa' chen po des sems can thams cad la byams pas khyab par byed pa'i phyir ro/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa la ni tshegs chung ngus gzungs kyi sgo dang /ting nge 'dzin gyi sgo rnams mngon du 'gyur ro/ /skye ba'i skye mched thams cad du yang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur te/bla na med pa yang dag par rdzogs pa'i byang chub tu mngon par rdzogs par sangs rgyas kyi bar du sangs rgyas bcom ldan 'das de dag dang nam yang bral bar mi 'gyur ro/ /shA ri'i bu de ltar byang chub sems dpa' sems dpa' chen po shes rab kyi pha rol tu phyin pa la spyod pa ni brtson zhes brjod par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa la ni 'di snyam du gang zhig chos rnams dang lhan cig ldan pa 'am/ bral ba 'am/ 'du ba 'am/ dbye ba'i chos 'ga' zhig yod do zhes sems par byed pa med de/ de ci'i phyir zhe na/ 'di ltar des gang zhig ldan pa 'am/ bral ba 'am/ 'du ba 'am/ dbye ba'i chos nyid yang dag par rjes su mi mthong ngo / /shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la brtson zhes brjod par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa la ni 'di snyam du bdag gis shin tu myur bar chos kyi dbyings mngon par rdzogs par sangs rgyas par 'gyur ram/ 'on te mi 'gyur zhes bya bar sems pa med de/de ci'i phyir zhe na/ chos kyi dbyings kyi chos kyi dbyings mngon par sangs rgyas pa med do/ /mngon par 'tshang rgya ba med do/ /mngon par 'tshang rgya bar 'gyur ba med do/ /shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni brtson zhes brjod par bya'o//shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'ga' yang chos kyi dbyings las tha dad par yang dag par rjes su mi mthong zhing chos kyi dbyings la chos sna tshogs su yang 'byed par mi byed la/de 'di snyam du chos kyi dbyings 'di yang 'di ltar rtogs sam mi rtogs snyam du sems pa yang med/ 'di ltar chos gang gis chos de dag rtogs par 'gyur ba'i chos 'ga' yang des yang dag par rjes su mthong ba med do/ /'di ltar des ni chos kyi dbyings la stong pa'o zhes sbyor bar mi byed mi stong zhes sbyor bar mi byed do//shA ri'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes brjod par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mig gi khams la stong pa nyid kyis sbyor bar mi byed/ stong pa nyid la mig gi khams kyis sbyor bar mi byed do/ /gzugs kyi khams la stong pa nyid kyis sbyor bar mi byed/ stong pa nyid la gzugs kyi khams kyis sbyor bar mi byed do/ /mig gi rnam par shes pa'i khams la stong pa nyid kyis sbyor bar mi byed/stong pa nyid la mig gi rnam par shes pa'i khams kyis sbyor bar mi byed do/ /rna ba'i khams la stong pa nyid kyis sbyor bar mi byed/ stong pa nyid la rna ba'i khams kyis sbyor bar mi byed do/ /sgra'i khams la stong pa nyid kyis sbyor bar mi byed/stong pa nyid la sgra'i khams kyis sbyor bar mi byed do/ /rna ba'i rnam par shes pa'i khams la stong pa nyid kyis sbyor bar mi byed/ stong pa nyid la rna ba'i rnam par shes pa'i khams kyis sbyor bar mi byed do/ /sna'i khams la stong pa nyid kyis sbyor bar mi byed/ stong pa nyid la sna'i khams kyis sbyor bar mi byed do//dri'i khams la stong pa nyid kyis sbyor bar mi byed/ stong pa nyid la dri'i khams kyis sbyor bar mi byed do/ /sna'i rnam par shes pa'i khams la stong pa nyid kyis sbyor bar mi byed/ stong pa nyid la sna'i rnam par shes pa'i khams kyis sbyor bar mi byed do//lce'i khams la stong pa nyid kyis sbyor bar mi byed/ stong pa nyid la lce'i khams kyis sbyor bar mi byed do/ /ro'i khams la stong pa nyid kyis sbyor bar mi byed/ stong pa nyid la ro'i khams kyis sbyor bar mi byed do/ /lce'i rnam par shes pa'i khams la stong pa nyid kyis sbyor bar mi byed/stong pa nyid la lce'i rnam par shes pa'i khams kyis sbyor bar mi byed do/ /lus kyi khams la stong pa nyid kyis sbyor bar mi byed/ stong pa nyid la lus kyi khams kyis sbyor bar mi byed do/ /reg bya'i khams la stong pa nyid kyis sbyor bar mi byed/stong pa nyid la reg bya'i khams kyis sbyor bar mi byed do/ /lus kyi rnam par shes pa'i khams la stong pa nyid kyis sbyor bar mi byed/ stong pa nyid la lus kyi rnam par shes pa'i khams kyis sbyor bar mi byed do/ /yid kyi khams la stong pa nyid kyis sbyor bar mi byed/ stong pa nyid la yid kyi khams kyis sbyor bar mi byed do/ /chos kyi khams la stong pa nyid kyis sbyor bar mi byed/ stong pa nyid la chos kyi khams kyis sbyor bar mi byed do/ /yid kyi rnam par shes pa'i khams la stong pa nyid kyis sbyor bar mi byed/ stong pa nyid la yid kyi rnam par shes pa'i khams kyis sbyor bar mi byed do//de ci'i phyir zhe na/ shA ri'i bu 'di ni byang chub sems dpa' sems dpa' chen po rnams kyi rnal 'byor dam pa yin te/ 'di lta ste/ stong pa nyid kyi rnal 'byor ro/ /shA ri'i bu byang chub sems dpa' sems dpa' chen po stong pa nyid la spyod pa ni nyan thos kyi sa 'am rang sangs rgyas kyi sar mi ltung ngo //sangs rgyas kyi zhing yongs su dag par byed do/ /sems can yongs su smin par byed do/ /myur du bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro/ /shA ri'i bu byang chub sems dpa' sems dpa' chen po'i rnal 'byor du bya ba gang ji snyed pa de dag gi nang na shes rab kyi pha rol tu phyin pa'i rnal 'byor ni rab ces bya'o//dam pa zhes bya'o/ /gtso bo zhes bya'o/ /mchog dang / rab mchog dang / bla ma dang / bla na med pa dang / mi mnyam pa dang / mnyam pa dang / gya nom pa zhes bya'o/ /de ci'i phyir zhe na/ shA ri'i bu rnal 'byor 'di ni bla na med pa yin te/ 'di lta ste/ shes rab kyi pha rol tu phyin pa'i rnal 'byor ni stong pa nyid kyi rnal 'byor dang / mtshan ma med pa'i rnal 'byor dang / smon pa med pa'i rnal 'byor ro/ /shA ri'i bu de ltar brtson pa'i byang chub sems dpa' sems dpa' chen po ni lung bstan pa zhes bya bar gzung ste/lung du bstan pa dang nye bar gyur pa yin no/ /shA ri'i bu de ltar brtson pa'i byang chub sems dpa' sems dpa' chen po ni sems can gzhal du med grangs med pa rnams kyi don byed par 'gyur/ yang 'di snyam du bdag la ni sangs rgyas bcom ldan 'das rnams lung ston par 'gyur ro/ /bdag ni lung bstan pa la nye bar gyur to/ /bdag gis ni sangs rgyas kyi zhing yongs su sbyong bar 'gyur ro/ /bdag gis ni sems can rnams yongs su smin par bya'o/ /bdag gis ni bla na med pa yang dag par rdzogs pa'i byang chub tu mngon par rdzogs par sangs rgyas te/chos kyi 'khor lo bskor bar bya'o snyam du mi sems so/ /de ci'i phyir zhe na/ 'di ltar des chos kyi dbyings la rnam par bral bar mi byed cing gang shes rab kyi pha rol tu phyin pa la spyod pa 'am/ gang la sangs rgyas bcom ldan 'das rnams kyis lung bstan par bya ba chos kyi dbyings las gzhan pa'i chos kyang yang dag par rjes su mi mthong ngo //de ci'i phyir zhe na/ 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems can gyi 'du shes mi skye'o//de ci'i phyir zhe na/ 'di ltar skye ba med pa dang / 'gag pa med pa'i chos can yin pa'i phyir sems can shin tu skye ba med cing 'gag pa med do/ /gang la skye ba med pa dang / 'gag pa med pa de shes rab kyi pha rol tu phyin pa la spyod par yang ji ltar 'gyur/ shA ri'i bu de ltar spyod pa'i byang chub sems dpa' sems dpa' chen po ni sems can skye ba med pas shes rab kyi pha rol tu phyin pa la spyod pa yin/sems can stong pa nyid kyis shes rab kyi pha rol tu phyin pa la spyod pa yin/ sems can mi dmigs pas shes rab kyi pha rol tu phyin pa la spyod pa yin/sems can dben pas shes rab kyi pha rol tu phyin pa la spyod pa yin te/ shA ri'i bu 'di ni byang chub sems dpa' sems dpa' chen po rnams kyi rnal 'byor dam pa yin te/ 'di lta ste/ stong pa nyid kyi rnal 'byor te/ des de ma yin pa'i rnal 'byor rnams zil gyis gnon te gnas so//shA ri'i bu rnal 'byor 'di la spyod pa'i byang chub sems dpa' sems dpa' chen po ni byams pa chen po mngon par sgrub bo/ /snying rje chen po mngon par sgrub bo/ /ser sna'i sems mi skyed do/ /tshul khrims ngan pa'i sems mi skyed do//gnod pa'i sems mi skyed / le lo'i sems mi skyed / rnam par g.yeng ba'i sems mi skyed / shes rab 'chal pa'i sems mi skyed do zhes bya ba ni chos dkon mchog la gdams pa'o/ / de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to//bcom ldan 'das byang chub sems dpa' sems dpa' chen po gang shes rab kyi pha rol tu phyin pa'i gnas pa 'dis gnas pa de gang nas shi 'phos te 'dir skyes pa lags/ 'di nas shi 'phos nas gang du skye bar 'gyur/ de skad ces gsol pa dang /bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu byang chub sems dpa' sems dpa' chen po gang shes rab kyi pha rol tu phyin pa'i gnas pa 'dis gnas pa 'di ni sangs rgyas kyi zhing gzhan nas shi 'phos te 'dir skyes pa'am / dga' ldan gyi lha'i ris dang / sangs rgyas kyi zhing 'di nyid nas shi 'phos nas 'dir skyes par shes par bya'o zhes bya ba ni byang chub sems dpa' brgyad pa'o/ /shA ri'i bu de la byang chub sems dpa' sems dpa' chen po gang mi'i nang nas shi 'phos nas mi dang skal ba mnyam pa nyid du skyes pa de ni phyir mi ldog pa'i byang chub sems dpa' sems dpa' chen po ma gtogs par dbang po rtul po yin te/shes rab kyi pha rol tu phyin pa'i rnal 'byor la yang myur du mnyam par gzhog par ma yin te/ de la gzungs kyi sgo dang / ting nge 'dzin gyi sgo rnams kyang myur du mngon du mi 'gyur ro//shA ri'i bu gang khyod kyis 'di skad ces byang chub sems dpa' sems dpa' chen po gang shes rab kyi pha rol tu phyin pa'i rnal 'byor 'di la snyoms par 'jug pa de 'di nas shi 'phos nas gang du skye bar 'gyur zhes smras pa ni/ shA ri'i bu byang chub sems dpa' sems dpa' chen po shes rab kyi pha rol tu phyin pa'i rnal 'byor 'di la snyoms par 'jug pa de ni sangs rgyas kyi zhing 'di nas shi 'phos nas sangs rgyas bcom ldan 'das rnams bzhugs shing 'tsho skyong ba'i sangs rgyas kyi zhing du 'gro zhing der sangs rgyas bcom ldan 'das rnams mnyes par byed par 'gyur te/nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam yang sangs rgyas bcom ldan 'das rnams dang bral bar mi 'gyur ro zhes bya ba ni byang chub sems dpa' dad pas rjes su 'brang ba'o/ / shA ri'i bu de la byang chub sems dpa' sems dpa' chen po gang sangs rgyas kyi zhing gzhan nas shi 'phos te/ 'dir skyes pa de'i dbang po rnams rno bar 'gyur zhing des myur du rnal 'byor 'di 'grub par 'gyur te/ 'di lta ste/ shes rab kyi pha rol tu phyin pa'i rnal 'byor ro/ / skye ba brjes kyang de la chos zab mo zab mo dag mngon du phyogs par 'gyur te/ des phyis shes rab kyi pha rol tu phyin pa'i rnal 'byor la snyoms par 'jug par 'gyur ro/ /gang dang gang du skye ba de dang der de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed do//shA ri'i bu de la byang chub sems dpa' sems dpa' chen po gang dga' ldan gyi lha'i ris nas shi 'phos nas 'dir skyes pa de yang dbang po shin tu rno bar 'gyur zhing pha rol tu phyin pa drug la nyams pa med pa dang / gzungs kyi sgo dang / ting nge 'dzin gyi sgo thams cad kyang mngon du phyogs par 'gyur ro zhes bya ba ni byang chub sems dpa' sems dpa' chen po chos kyis rjes su 'brang ba'o// shA ri'i bu byang chub sems dpa' sems dpa' chen po shes rab kyi pha rol tu phyin pa la spyod cing sbyor ba la brtson par byed pa na/sems can yongs su smin par bya ba'i phyir thabs la mi mkhas pa'i stobs kyis rgyun du zhugs pa'i 'bras bu mngon sum du byas kyang des nga rgyal du mi byed pa dag yod do zhes bya ba ni rgyun du zhugs pa'o// //bam po lnga pa/ /shA ri'i bu byang chub sems dpa' sems dpa' chen po thabs la mi mkhas pa gang dag bsam gtan bzhi po rnams sgrub par byed cing /pha rol tu phyin pa rnams la spyod par byed cing bsam gtan thob pa des kyang lha tshe ring po rnams su skyes te/ de nas shi 'phos nas de gal te 'dod pa'i khams kyi lha dang mi rnams su skye zhing sangs rgyas bcom ldan 'das rnams mnyes par 'gyur ba ni/de dag gi dbang po rnams rtul por 'gyur zhing rnon por 'gyur ba dag kyang yod do/ /shA ri'i bu gzhan yang byang chub sems dpa' sems dpa' chen po rnams bsam gtan la yang mnyam par gzhog la shes rab kyi pha rol tu phyin pa la yang spyod de/de dag thabs la mi mkhas pas bsam gtan rnams spangs nas phyir 'dod pa'i khams su skye ba yang yod de/ shA ri'i bu byang chub sems dpa' sems dpa' chen po de dag kyang dbang po rtul ba yin te dbang po rno ba ma yin no zhes bya ba ni 'bras bu gnyis pa dang gsum pa la zhugs pa dad pas rjes su 'brang ba yin no// shA ri'i bu byang chub sems dpa' sems dpa' chen po bsam gtan bzhi po rnams skyed de/ tshad med pa bzhi la snyoms par 'jug pa dang / gzugs med pa'i snyoms par 'jug pa bzhi dang /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la yang snyoms par 'jug cing / bsam gtan gyi dbang po dang / tshad med pa'i dbang po dang / gzugs med pa'i snyoms par 'jug pa'i dbang gis mi skye bar snying rje chen po can thabs mkhas pas gang du de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par skye ba yang yod de/ de dag ni shes rab kyi pha rol tu phyin pa'i rnal 'byor dang ma bral bas bskal pa bzang po 'di nyid la bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni 'bras bu gnyis pa dang gsum pa la zhugs pa mthong bas thob pa'o// shA ri'i bu byang chub sems dpa' sems dpa' chen po tshe gcig gis thogs pa shes rab kyi pha rol tu phyin pa la spyod pa gang dag thabs mkhas pas bsam gtan bzhi pa la yang snyoms par 'jug /tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams sgom par byed/ stong pa nyid kyi ting nge 'dzin la snyoms par 'jug par byed/ mtshan ma med pa'i ting nge 'dzin la snyoms par 'jug par byed/smon pa med pa'i ting nge 'dzin la snyoms par 'jug par byed cing / de dag gi dbang du mi 'gro bar sangs rgyas bcom ldan 'das mngon du gyur pa rnams mnyes par byas nas des tshangs par spyod pa spyad de/ slar yang dga' ldan gyi lha dang skal ba mnyam par skyes te / de dag der tshe ji srid du gnas nas dbang po mnyam pa dang dran zhing shes bzhin du lha bye ba khrag khrig brgya stong du mas bskor te/ mdun du byas nas 'dir skye ba bstan te/ sangs rgyas kyi zhing sna tshogs pa rnams su bla na med pa yang dag par rdzogs pa'i byang chub tu mngon par rdzogs par 'tshang rgya ba dag kyang yod do zhes bya ba ni lan cig phyir 'ong ba yin no// shA ri'i bu byang chub sems dpa' sems dpa' chen po mngon par shes pa drug po rnams thob pa gang dag 'dod pa'i khams su yang mi skye/ gzugs kyi khams dang / gzugs med pa'i khams su yang mi skye'o //'on kyang de bzhin gshegs pa dgra bcom pa yang dag par rdzogs pa'i sangs rgyas rnams la bkur stir byed/ bla mar byed/ ri mor byed/ mchod par byed cing sangs rgyas kyi zhing du 'dong ba dag kyang yod do/ /shA ri'i bu byang chub sems dpa' sems dpa' chen po mngon par shes pa drug thob pa gang dag mngon par shes pa drug po thob pa de dag gis rnam par rtse zhing sangs rgyas kyi zhing gang dag na nyan thos kyi theg pa dang /rang sangs rgyas kyi theg pa'i sgra yang mi grag pa de lta bu'i sangs rgyas kyi zhing nas sangs rgyas kyi zhing du 'dong ba dag kyang yod do//shA ri'i bu byang chub sems dpa' sems dpa' chen po mngon par shes pa drug thob pa gang dag mngon par shes pa de dag gis rnam par rtse zhing sangs rgyas kyi zhing gang dag na tshe dpag tu med pa de lta bu'i sangs rgyas kyi zhing nas sangs rgyas kyi zhing du 'dong ba dag kyang yod do//shA ri'i bu byang chub sems dpa' sems dpa' chen po mngon par shes pa drug thob pa 'jig rten gyi khams nas 'jig rten gyi khams su rgyu ba gang yin pa de dag der song nas/ 'jig rten gyi khams gang na sangs rgyas kyi sgra mi grag pa dang / chos kyi sgra mi grag pa dang /dge 'dun gyi sgra mi grag pa der 'dug nas sangs rgyas kyi sgra dang / chos kyi sgra dang / dge 'dun gyi sgra rnams sgrog par byed cing dkon mchog gsum po rnams kyi bsngags pa brjod de/ sangs rgyas kyi sgra dang / chos kyi sgra dang / dge 'dun gyi sgra des de dag sems dang bar gyur te/de nas shi 'phos nas gang na sangs rgyas bcom ldan 'das rnams bzhugs pa de dang der skye bar 'gyur bar byed pa dag kyang yod do zhes bya ba ni phyir mi 'ong ba yin no/ /shA ri'i bu byang chub sems dpa' sems dpa' chen po bsam gtan bzhi dang / tshad med pa bzhi dang /gzugs med pa'i snyoms par 'jug pa bzhi bskyed nas/ yang de dag thabs mkhas pas bsam gtan dang / ting nge 'dzin dang / snyoms par 'jug pa rnams las log nas 'dod pa'i khams su skye bar byed de/ sems can yongs su smin par bya ba'i phyir rgyal rigs shing sA la chen po lta bu'am/bram ze'i rigs shing sA la chen po lta bu 'am/ khyim bdag gi rigs shing sA la chen po lta bu rnams su skye ba yang yod do zhes bya ba ni mi'i rigs nas rigs su skye ba'o/ /shA ri'i bu byang chub sems dpa' sems dpa' chen po bsam gtan bzhi la yang snyoms par 'jug pa tshad med pa bzhi dang /gzugs med pa'i snyoms par 'jug pa bzhi la yang snyoms par 'jug cing de dag kyang thabs mkhas pa'i stobs kyis bsam gtan dang / tshad med pa dang / ting nge 'dzin dang / snyoms par 'jug pa'i dbang gis mi skye bar rgyal po chen po bzhi'i ris kyi lha rnams dang skal ba mnyam par skye/sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang skal ba mnyam par skye ste/ de dag der gnas shing sems can rnams yongs su smin par byed/sangs rgyas kyi zhing yongs su dag par byed/ sangs rgyas bcom ldan 'das kyang mnyes par byed pa dag kyang yod do/ /shA ri'i bu gzhan yang byang chub sems dpa' sems dpa' chen po bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi bskyed nas 'phos par 'gyur ba de dag thabs mkhas pas tshangs pa'i 'jig rten nas 'og min gyi bar du skye'o/ /de dag de na yang tshangs pa'i tshangs pa chen por 'gyur te/ tshangs pa'i gnas de dag tu gnas par 'gyur ro/ /de dag der gnas nas sangs rgyas kyi zhing nas sangs rgyas kyi zhing du 'gro ste/sangs rgyas kyi zhing de dag gi de bzhin gshegs pa dgra bcom pa yang dag par rdzogs pa'i sangs rgyas gang dag yin pa'i de bzhin gshegs pa de dag la chos kyi 'khor lo bskor ba'i don du gsol ba 'debs par byed pa dag yod do zhes bya ba ni lha'i rigs nas rigs su skye ba'o// shA ri'i bu byang chub sems dpa' sems dpa' chen po bsam gtan bzhi thob pa nas/ sangs rgyas kyi chos ma 'dres pa bco brgyad kyi bar du thob pa dang / de dag rjes su rtogs par byed pa'i phyir spyod pa gang dag 'phags pa'i bden pa bzhi po rnams thob pa yin yang de dag mngon du mi byed pa dag yod de/shA ri'i bu byang chub sems dpa' sems dpa' chen po de dag ni tshe gcig gis thogs par shes par bya'o zhes bya ba ni bar chad gcig pa yin no/ / shA ri'i bu byang chub sems dpa' sems dpa' chen po dang po sems bskyed pa nas nye bar bzung ste/ bsam gtan bzhi thob par gyur pa dang / tshad med pa bzhi thob par gyur pa dang / gzugs med pa'i snyoms par 'jug pa bzhi thob par gyur pa dang / dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam sgom par byed pa dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa thob pa dag thabs la mkhas pas tshangs ris kyi lha rnams nas 'og min gyi lha rnams kyi bar du skye bar 'gyur zhing des bla na med pa yang dag par rdzogs pa'i byang chub tu mngon par rdzogs par sangs rgyas nas sems can gyi don byed pa dag yod do zhes bya ba ni bar ma dor yongs su mya ngan las 'da' ba'o// shA ri'i bu byang chub sems dpa' sems dpa' chen po gang dag dang po sems bskyed pa nyid kyis bla na med pa yang dag par rdzogs pa'i byang chub tu mngon par rdzogs par 'tshang rgya zhing chos kyi 'khor lo bskor te/ sems can gzhal du med grangs med pa rnams kyi don byas nas phung po ma lus pa'i mya ngan las 'das pa'i dbyings su yongs su mya ngan las 'da' zhing /de dag yongs su mya ngan las 'das nas kyang dam pa'i chos bskal pa 'am/ bskal pa las lhag par gnas pa dag kyang yod do zhes bya ba ni skyes nas yongs su mya ngan las 'da' ba'o// shA ri'i bu byang chub sems dpa' sems dpa' chen po pha rol tu phyin pa drug la spyod pa gang dag 'jig rten gyi khams nas 'jig rten gyi khams su 'dong zhing de dag tu yang sems can rnams byang chub tu yang dag par 'jog par byed do/ /de dag sems can rnams kyi don la rtag par brtson te nam yang don med pa'i tshig mi smra'o//sems can gyi don du rtag tu brtson pas sangs rgyas kyi zhing nas sangs rgyas kyi zhing du 'gro'o/ /byang chub sems dpa' sems dpa' chen po de dag ni sems can rnams kyi don du bskal pa grangs med gzhal du med pa rnams kyi sangs rgyas kyi zhing sna tshogs su bla na med pa yang dag par rdzogs pa'i byang chub tu mngon par rdzogs par 'tshang rgya ba dag kyang yod do zhes bya ba ni mngon par 'du byed pa dang bcas pas yongs su mya ngan las 'da' ba'o// shA ri'i bu byang chub sems dpa' sems dpa' chen po gang dag dang po sems bskyed pa nyid kyis byang chub sems dpa'i skyon med pa las yang dag par 'das shing phyir mi ldog pa'i sa la yang nges par gnas na sangs rgyas kyi chos thams cad kyang bskrun par byed pa dag yod do//shA ri'i bu byang chub sems dpa' sems dpa' chen po gang dag sems dang po bskyed pa nyid kyis shes rab kyi pha rol tu phyin pa'i rnal 'byor la snyoms par 'jug cing de dag byang chub sems dpa' bye ba khrag khrig brgya stong du ma dang lhan cig sangs rgyas kyi zhing nas sangs rgyas kyi zhing du sangs rgyas bcom ldan 'das rnams blta ba dang /sems can yongs su smin par bya ba dang / rang gi sangs rgyas kyi zhing yongs su dag par bya ba'i don du 'dong zhing sangs rgyas kyi zhing sna tshogs su bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dag yod do zhes bya ba ni mngon par 'du byed pa med par yongs su mya ngan las 'da' ba'o// shA ri'i bu byang chub sems dpa' sems dpa' chen po pha rol tu phyin pa drug la spyod pa gang dag 'khor los sgyur ba'i rgyal por gyur nas sbyin pa'i pha rol tu phyin pa lhur byas te/ sems can thams cad la bde ba'i yo byad thams cad nye bar sgrub cing / zas 'dod pa rnams la zas dang / skom 'dod pa rnams la skom dang / de bzhin du dri dang / phreng ba dang / byug pa dang / bdug spos dang / mal stan dang / rten ma dang / khyim dang / nor dang / 'bru dang / mu tig dang / gser dang / dngul dang / byi ru rnams dang / 'tsho ba'i yo byad rnams nye bar sgrub par byed pa nas dge ba bcu'i las kyi lam rnams la sems can rnams rab tu bkod de/ tshangs ris nas 'og min gyi bar gyi lha rnams su skyes nas sangs rgyas kyi zhing sna tshogs rnams su bla na med pa yang dag par rdzogs pa'i byang chub tu mngon par rdzogs par 'tshang rgya ba dag yod do zhes bya ba ni 'og min gyi mthar thug par 'gro ba'o// shA ri'i bu byang chub sems dpa' sems dpa' chen po gang dag bsam gtan bzhi bsgrubs te/ bsam gtan rnams las yongs su nyams nas bsam gtan dang po bsgrubs te/tshangs ris kyi lha rnams su skye zhing de dag bsam gtan rnams bsgrubs nas 'og min gyi bar du skyes nas/ sangs rgyas kyi zhing sna tshogs rnams su bla na med pa yang dag par rdzogs pa'i byang chub tu mngon par rdzogs par 'tshang rgya ba dag yod do zhes bya ba ni 'phar ba'o//shA ri'i bu byang chub sems dpa' sems dpa' chen po gang dag tshangs pa'i 'jig rten nas shi 'phos nas gnas gtsang mar skyes te/ gnas gtsang ma'i gnas gcig gam gnyis las rgal te 'og min du skyes nas/sangs rgyas kyi zhing sna tshogs su bla na med pa yang dag par rdzogs pa'i byang chub tu mngon par rdzogs par 'tshang rgya ba yod do zhes bya ba ni phyed du 'phar ba'o/ / shA ri'i bu byang chub sems dpa' sems dpa' chen po gang dag bdag nyid kyi lus de bzhin gshegs pa'i sku lta bur sprul nas dga' ldan gyi gnas sbyangs shing tshangs ris kyi lha'i gnas nas 'og min gyi lha'i bar du skyes te/thabs la mkhas pas sems can dmyal ba rnams la chos ston cing / dud 'gro'i skye gnas dang / gshin rje'i 'jig rten pa rnams la yang chos ston pa dag yod do//shA ri'i bu byang chub sems dpa' sems dpa' chen po gang dag pha rol tu phyin pa drug la gnas shing bdag nyid kyi lus sangs rgyas kyi sku ci 'dra ba de 'dra ba'i lus su mngon par sprul nas/ shar phyogs kyi sangs rgyas kyi zhing gang gA'i klung gi bye ma snyed dag tu dong zhing sems can rnams la chos ston pa dang /de bzhin gshegs pa rnams la bsnyen bkur byed pa dang / chos nyan cing byang chub sems dpa'i dge 'dun dang sangs rgyas kyi zhing gi yon tan rnam par phye ba dag kyang mthong bar byed cing / de dag sangs rgyas kyi zhing de dag gi mtshan ma yongs su bzung ste/de bas kyang rgya che ba khyad par du 'phags pa'i sangs rgyas kyi zhing mang po yongs su sgrub cing / sangs rgyas kyi zhing de dag tu byang chub sems dpa' sems dpa' chen po tshe gcig gis thogs pa sha stag skye bar byed pa dang / de bzhin du lho dang / nub dang /byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing sangs rgyas kyi zhing gang gA'i klung gi bye ma snyed dag tu dong zhing sems can rnams la chos ston pa dang / de bzhin gshegs pa rnams la bsnyen bkur bar byed pa dang /chos nyan cing byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong bar byed cing de dag sangs rgyas kyi zhing de dag gi mtshan ma yongs su bzung ste/ de bas kyang rgya che ba dang khyad par du 'phags pa'i sangs rgyas kyi zhing mang po yongs su sgrub cing /sangs rgyas kyi zhing de dag tu byang chub sems dpa' sems dpa' chen po tshe gcig gis thogs pa sha stag skye bar byed cing / sangs rgyas kyi zhing sna tshogs su bla na med pa yang dag par rdzogs pa'i byang chub tu mngon par rdzogs par 'tshang rgya ba yang yod do zhes bya ba ni gnas thams cad du 'chi 'pho ba'o// shA ri'i bu byang chub sems dpa' sems dpa' chen po gang dag bsam gtan dang / gzugs med par sgrub par byed pa dag tshangs ris nas dge rgyas kyi bar gyi lha rnams su skye zhing / de nas nam mkha' mtha' yas skye mched nas srid pa'i rtse mo'i bar du skye bar byed de/de nas sangs rgyas kyi zhing sna tshogs su skye bar 'gyur ro zhes bya ba ni srid pa'i rtse mo'i mthar thug par 'gro ba'o/ /shA ri'i bu byang chub sems dpa' sems dpa' chen po bsam gtan dang / gzugs med pa'i snyoms par 'jug pa thob par 'gyur ba gang yin pa de dag nam mkha' mtha' yas skye mched nas srid pa'i rtse mo'i bar du skye bar 'gyur zhing /de nas sangs rgyas kyi zhing sna tshogs su skye bar 'gyur ba dag yod do zhes bya ba ni gzugs kyi 'dod chags dang bral ba'o// shA ri'i bu byang chub sems dpa' sems dpa' chen po gang dag pha rol tu phyin pa drug la spyod pa'i tshe/ lus la skyes bu chen po'i mtshan sum cu rtsa gnyis kyis brgyan cing dbang po yongs su dag pa bla na med pa rnams dang ldan te/ nam yang ngan song ngan 'gro log par ltung ba rnams su skye bar mi 'gyur ba nyid dang /bdag nyid la stod par mi byed/ gzhan la smod par mi byed de/ de dag dbang po yongs su dag pa de rnams dang ldan pas skye bo mang po byams shing yid du 'ong bar 'gyur ro/ /sems can gang dag gis byang chub sems dpa' sems dpa' chen po de dag mthong ba de dag kyang sems rab tu dang ba de nyid kyis theg pa gsum gyis rim gyis yongs su mya ngan las 'da' bar byed pa dag kyang yod do//shA ri'i bu de ltar na byang chub sems dpa' sems dpa' chen pos lus yongs su dag pa la bslab par bya'o//ngag yongs su dag pa dang / yid yongs su dag pa la bslab par bya'o/ /shA ri'i bu byang chub sems dpa' sems dpa' chen po pha rol tu phyin pa drug la spyod pa gang dag dbang po shin tu gsal ba thob nas/ de dag dbang po shin tu gsal ba de dag gis bdag la mi stod cing gzhan la mi smod pa dag kyang yod do//shA ri'i bu byang chub sems dpa' sems dpa' chen po gang dag dang po sems bskyed pa nas nye bar bzung ste/ sbyin pa'i pha rol tu phyin pa dang / tshul khrims kyi pha rol tu phyin pa la gnas shing phyir mi ldog pa'i sa ma thob kyi bar du nam yang ngan song ngan 'gro log par ltung ba rnams su mi skye ba dag yod do//shA ri'i bu byang chub sems dpa' sems dpa' chen po gang dag dang po sems bskyed pa nas nye bar bzung nas/ phyir mi ldog pa'i sa ma thob kyi bar du nam yang dge ba bcu'i las kyi lam mi gtong ba dag yod do//shA ri'i bu byang chub sems dpa' sems dpa' chen po gang dag sbyin pa'i pha rol tu phyin pa dang / tshul khrims kyi pha rol tu phyin pa la gnas shing 'khor los sgyur ba'i rgyal por gyur nas/ sems can rnams la sbyin pa byin te/ de dag nyid dge ba bcu'i las kyi lam rnams la rab tu dgod pa dag yod do//shA ri'i bu byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa la gnas shing 'khor los sgyur ba'i rgyal srid brgya phrag du ma yongs su bzung / 'khor los sgyur ba'i rgyal srid brgya stong phrag du ma yongs su bzung ste/de la gnas nas sangs rgyas bye ba khrag khrig brgya stong du ma mnyes par byed de/ sangs rgyas bcom ldan 'das de dag thams cad la bkur stir byed/ bla mar byed/ rim gror byed/ mchod par byed cing / de'i 'og tu bla na med pa yang dag par rdzogs pa'i byang chub tu mngon par rdzogs par 'tshang rgya ba dag yod do zhes bya ba ni mthong ba'i chos la mya ngan las 'da' ba'o// shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa gang dag bsam gtan bzhi thob pa dang / tshad med pa bzhi dang / gzugs med pa'i snyoms par 'jug pa bzhi thob pa de dag bsam gtan dang / tshad med pa dang / gzugs med pa'i snyoms par 'jug pa de dag gis rnam par rtse zhing bsam gtan dang po la snyoms par 'jug go/ /de las langs nas 'gog pa'i snyoms par 'jug pa la snyoms par 'jug go//de las langs nas bsam gtan gnyis pa la snyoms par 'jug go/ /de las langs nas 'gog pa'i snyoms par 'jug pa la snyoms par 'jug go/ /de las langs nas bsam gtan gsum pa la snyoms par 'jug go/ /de las langs nas 'gog pa'i snyoms par 'jug pa la snyoms par 'jug go//de las langs nas bsam gtan bzhi pa la snyoms par 'jug go/ /de las langs nas 'gog pa'i snyoms par 'jug pa la snyoms par 'jug go/ /de las langs nas nam mkha' mtha' yas skye mched la snyoms par 'jug go//de las langs nas 'gog pa'i snyoms par 'jug pa la snyoms par 'jug go/ /de las langs nas rnam shes mtha' yas skye mched la snyoms par 'jug go/ /de las langs nas 'gog pa'i snyoms par 'jug pa la snyoms par 'jug go/ /de las langs nas cung zad med pa'i skye mched la snyoms par 'jug go//de las langs nas 'gog pa'i snyoms par 'jug pa la snyoms par 'jug go/ /de las langs nas 'du shes med 'du shes med min skye mched la snyoms par 'jug go/ /de las langs nas 'gog pa'i snyoms par 'jug pa la snyoms par 'jug pa dag yod do//shA ri'i bu de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs mkhas pa dang ldan pa rnams bsam gtan dang / tshad med pa dang / ting nge 'dzin dang / snyoms par 'jug pa 'di dag yang dang yang du rnam par mnan cing snyoms par 'jug pas thod rgal la yang snyoms par 'jug pa nas/sangs rgyas kyi zhing sna tshogs su bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni lus kyi mngon sum du byed pa'o/ / shA ri'i bu byang chub sems dpa' sems dpa' chen po gang dag pha rol tu phyin pa drug la gnas nas sems can rnams la sangs rgyas kyi chos kyi snang ba byed cing bdag nyid kyang nam bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du sangs rgyas kyi chos snang ba de dang bral bar mi byed pa dag kyang yod do zhes bya ba ni dgra bcom pa'i 'bras bu la zhugs pa'o// shA ri'i bu byang chub sems dpa' sems dpa' chen po gang dag sangs rgyas mi bzhugs shing nyan thos rnams kyang med pa'i 'jig rten gyi khams su rang byang chub tu mngon par 'tshang rgya ba dag yod do/ /de dag thabs la mkhas pas srog chags brgya stong bye ba phrag mang po theg pa gsum gyis yongs su smin par byas nas bla na med pa yang dag par rdzogs pa'i byang chub tu mngon par 'tshang rgya ba yin no zhes bya ba ni rang sangs rgyas so//shA ri'i bu byang chub sems dpa' sems dpa' chen po gang dag dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag thob pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams thob pa dag rgyun tu zhugs pa'i 'bras bu thob par mi byed/lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par mi byed kyi/ de dag shes rab kyi pha rol tu phyin pa la spyod cing thabs mkhas pas sems can thams cad lam la btsud cing rnam par sbyangs nas/sems can de dag des rgyun tu zhugs pa'i 'bras bu thob par 'gyur ba dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur bar byed pa dag yod de/ bdag nyid kyis mngon sum du ma byas pa gzhan de la rab tu dgod par byed do zhes bya ba ni nyan thos dang / rang sangs rgyas kyi lam gyis thob par bya ba'i 'bras bu rnams yin no/ / shA ri'i bu nyan thos dang / rang sangs rgyas rnams kyi 'bras bu thob par bya ba'i ye shes dang / spong ba gang yin pa de ni byang chub sems dpa' sems dpa' chen po mi skye ba'i chos la bzod pa thob pa'i bzod pa yin te zhes bya ba ni rang gis ma thob pa'i chos la gzhan 'god pa yin no// shA ri'i bu byang chub sems dpa' sems dpa' chen po gang dag shes rab kyi pha rol tu phyin pa de lta bus de ltar rnam par spyod pa de dag ni phyir mi ldog pa yin par shes par bya'o//shA ri'i bu gzhan yang byang chub sems dpa' sems dpa' chen po gang dag pha rol tu phyin pa drug la gnas shing dga' ldan gyi gnas yongs su sbyong ba dag kyang yod do/ /shA ri'i bu byang chub sems dpa' sems dpa' chen po de dag ni skal ba bzang po par shes par bya'o//shA ri'i bu 'di ni sangs rgyas kyi chos rnams kyi mngon par rtogs pa 'di gang la yod pa'i byang chub sems dpa' sems dpa' chen po phyir mi ldog pa yin par shes par bya'o/ /shA ri'i bu de lta bas na byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/kha na ma tho ba dang bcas pa'i lus dang ngag dang yid kyi las rnams kyi go skabs mi dbye'o zhes bya ba 'di dag gis ni phyir mi ldog pa'i byang chub sems dpa'i dge 'dun gsal bar bstan to//dge 'dun dkon mchog la gdams pa'o/ / de skad ces bka' stsal pa dang / tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i lus kyi las kha na ma tho ba dang bcas pa dang /ngag gi las kha na ma tho ba dang bcas pa dang / yid kyi las kha na ma tho ba dang bcas pa gang lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la byang chub sems dpa' sems dpa' chen po 'di snyam du gang gi lus kyi las yang dag par rtsom pa'i lus de ni gang yin/gang gi ngag gi las yang dag par rtsom pa'i ngag de ni gang yin/ gang gi yid kyi las yang dag par rtsom pa'i yid de ni gang yin snyam pa 'di ni/ shA ri'i bu byang chub sems dpa' sems dpa' chen po'i lus dang ngag dang yid kyi las rtsom pa kha na ma tho ba dang bcas pa'o//shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pas ni lus gang dang / ngag gang dang / yid gang gis ser sna dang /tshul khrims 'chal pa dang / gnod sems dang / le lo dang / rnam par g.yeng ba dang / shes rab 'chal pa'i sems skyed par byed pa'i lus mi dmigs so/ /ngag mi dmigs so/ /yid mi dmigs so/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/lus dang ngag dang yid kyi gnas ngan len bskyed pa gang yin pa 'di ni gnas med cing go skabs med do/ /de ci'i phyir zhe na/ shA ri'i bu 'di ltar byang chub sems dpa' sems dpa' chen po pha rol tu phyin pa drug la spyod pa'i tshe/ lus kyi gnas ngan len sbyong bar byed/ngag gi gnas ngan len sbyong bar byed/ yid kyi gnas ngan len sbyong bar byed do/ /shA ri'i bus gsol pa/ bcom ldan 'das ji ltar na byang chub sems dpa' sems dpa' chen po lus kyi gnas ngan len sbyong ba dang / ngag gi gnas ngan len sbyong ba dang /yid kyi gnas ngan len sbyong ba lags/ bcom ldan 'das kyis bka' stsal pa/ shA ri'i bu gang gi tshe byang chub sems dpa' sems dpa' chen po lus mi dmigs pa dang / ngag mi dmigs pa dang / sems mi dmigs pa de'i tshe/ byang chub sems dpa' sems dpa' chen po lus dang ngag dang yid kyi gnas ngan len yongs su sbyong ba yin no//shA ri'i bu gzhan yang gal te byang chub sems dpa' sems dpa' chen po sems dang po bskyed pa nas nye bar bzung ste/ dge ba bcu'i las kyi lam rnams yang dag par blangs te gnas shing /nyan thos kyi sems sam/ rang sangs rgyas kyi sems bskyed pa med par de rtag tu rgyun mi 'chad par sems can thams cad la snying rje chen po'i sems nye bar 'jog pa de ltar na/ byang chub sems dpa' sems dpa' chen po'i lus dang ngag dang yid kyi gnas ngan len yongs su dag pa zhes ngas bshad do//shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa gang dag byang chub kyi lam yongs su sbyong zhing sbyin pa'i pha rol tu phyin pa la spyod par byed/ tshul khrims kyi pha rol tu phyin pa la spyod par byed/ bzod pa'i pha rol tu phyin pa la spyod par byed/ brtson 'grus kyi pha rol tu phyin pa la spyod par byed/ bsam gtan gyi pha rol tu phyin pa la spyod par byed/ shes rab kyi pha rol tu phyin pa la spyod par byed pa dag yod do/ /shA ri'i bus gsol pa/ bcom ldan 'das byang chub sems dpa' sems dpa' chen po'i byang chub kyi lam gang lags/bcom ldan 'das kyis bka' stsal pa/ shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam lus mi dmigs pa dang / ngag mi dmigs pa dang / yid mi dmigs pa dang / sbyin pa'i pha rol tu phyin pa mi dmigs pa dang / tshul khrims kyi pha rol tu phyin pa mi dmigs pa dang / bzod pa'i pha rol tu phyin pa mi dmigs pa dang / brtson 'grus kyi pha rol tu phyin pa mi dmigs pa dang / bsam gtan gyi pha rol tu phyin pa mi dmigs pa dang /shes rab kyi pha rol tu phyin pa mi dmigs pa dang / nyan thos mi dmigs pa dang / rang sangs rgyas mi dmigs pa dang / byang chub sems dpa' mi dmigs pa dang / sangs rgyas mi dmigs pa 'di ni/ shA ri'i bu byang chub sems dpa' sems dpa' chen po'i byang chub kyi lam yin te/'di lta ste/ chos thams cad mi dmigs pa'o/ /shA ri'i bu byang chub sems dpa' sems dpa' chen po lam 'dis 'gro zhing pha rol tu phyin pa drug po rnams la spyod pa ni thub par mi nus pa yin no zhes bya ba ni ma zhen pa la gdams pa'o//gsol pa/ bcom ldan 'das byang chub sems dpa' sems dpa' chen po tshul ji lta bur spyod pa rnams gzhan thams cad kyis thub pa ma mchis pa lags / bcom ldan 'das kyis bka' stsal pa/ shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa drug la spyod pa'i tshe/gzugs su mi rlom pa dang / tshor bar mi rlom pa dang / 'du shes su mi rlom pa dang / 'du byed rnams su mi rlom pa dang / rnam par shes par mi rlom pa dang / sa'i khams su mi rlom pa dang / chu'i khams su mi rlom pa dang /me'i khams su mi rlom pa dang / rlung gi khams su mi rlom pa dang / nam mkha'i khams su mi rlom pa dang / rnam par shes pa'i khams su mi rlom pa dang / mig gi khams su mi rlom pa dang / gzugs kyi khams su mi rlom pa dang / mig gi rnam par shes pa'i khams su mi rlom pa dang /rna ba'i khams su mi rlom pa dang / sgra'i khams su mi rlom pa dang / rna ba'i rnam par shes pa'i khams su mi rlom pa dang / sna'i khams su mi rlom pa dang / dri'i khams su mi rlom pa dang / sna'i rnam par shes pa'i khams su mi rlom pa dang / lce'i khams su mi rlom pa dang /ro'i khams su mi rlom pa dang / lce'i rnam par shes pa'i khams su mi rlom pa dang / lus kyi khams su mi rlom pa dang / reg bya'i khams su mi rlom pa dang / lus kyi rnam par shes pa'i khams su mi rlom pa dang / yid kyi khams su mi rlom pa dang / chos kyi khams su mi rlom pa dang /yid kyi rnam par shes pa'i khams su mi rlom pa dang / dran pa nye bar gzhag par mi rlom pa dang / yang dag par spong bar mi rlom pa dang / rdzu 'phrul gyi rkang par mi rlom pa dang / dbang por mi rlom pa dang / stobs su mi rlom pa dang / byang chub kyi yan lag tu mi rlom pa dang /lam du mi rlom pa dang / sbyin pa'i pha rol tu phyin par mi rlom pa dang / tshul khrims kyi pha rol tu phyin par mi rlom pa dang / bzod pa'i pha rol tu phyin par mi rlom pa dang / brtson 'grus kyi pha rol tu phyin par mi rlom pa dang / bsam gtan gyi pha rol tu phyin par mi rlom pa dang /shes rab kyi pha rol tu phyin par mi rlom pa dang / mi 'jigs par mi rlom pa dang / de bzhin gshegs pa'i stobs bcur mi rlom pa dang / sangs rgyas kyi chos ma 'dres pa bco brgyad du mi rlom pa dang / rgyun tu zhugs pa'i 'bras bur mi rlom pa dang / lan cig phyir 'ong ba'i 'bras bur mi rlom pa dang /phyir mi 'ong ba'i 'bras bur mi rlom pa dang / dgra bcom pa nyid du mi rlom pa dang / rang byang chub tu mi rlom pa dang / lam gyi rnam pa shes pa nyid du mi rlom pa dang / bla na med pa yang dag par rdzogs pa'i byang chub tu rlom pa med pa de lta na shA ri'i bu byang chub sems dpa' sems dpa' chen po de ni pha rol tu phyin pa drug gis rnam par 'phel te/sus kyang thub pa med pa yin no/ / shA ri'i bu byang chub sems dpa' sems dpa' chen po gang dag pha rol tu phyin pa drug la gnas te/ thams cad mkhyen pa nyid kyi ye shes yongs su rdzogs par byed pa dang /ye shes de dang ldan pas ngan song thams cad kyi sgo bcad par 'gyur ba dang / mi dbul zhing phongs pa yang nyams su myong bar mi 'gyur ba dang / lus gang dang ldan pas lha dang bcas pa'i 'jig rten gyi nang na smad par 'gyur ba de lta bu'i lus yongs su 'dzin par mi 'gyur ba dag kyang yod do zhes bya ba ni yongs su mi ngal bar gdams pa'o// de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i thams cad mkhyen pa'i ye shes gang lags/bcom ldan 'das kyis bka' stsal pa/ shA ri'i bu byang chub sems dpa' sems dpa' chen po ye shes gang dang ldan pas shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyang mthong ngo //de dag gis chos bstan pa yang nyan to/ /byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong ngo / /de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyang mthong ngo //de dag gis chos bstan pa yang nyan to/ /byang chub sems dpa'i dge 'dun la yang bsnyen bkur byed do/ /sangs rgyas kyi zhing gi yon tan rnam par phye ba dag kyang mthong ngo / /ye shes de lta bu dang ldan pa'i byang chub sems dpa' sems dpa' chen po ni sangs rgyas kyi 'du shes mi skyed do//byang chub sems dpa'i 'du shes mi skyed do/ /nyan thos kyi 'du shes mi skyed do/ /rang sangs rgyas kyi 'du shes mi skyed do/ /bdag gi 'du shes mi skyed do/ /gzhan gyi 'du shes mi skyed do/ /sangs rgyas kyi zhing gi 'du shes mi skyed do/ / ye shes de lta bu dang ldan pa'i byang chub sems dpa' sems dpa' chen po ni sbyin pa'i pha rol tu phyin pa la spyod par byed/ tshul khrims kyi pha rol tu phyin pa la spyod par byed/ bzod pa'i pha rol tu phyin pa la spyod par byed/ brtson 'grus kyi pha rol tu phyin pa la spyod par byed/ bsam gtan gyi pha rol tu phyin pa la spyod par byed/ shes rab kyi pha rol tu phyin pa la spyod par byed de/ pha rol tu phyin pa rnams su dmigs pa yang med do/ /ye shes de lta bu dang ldan pa'i byang chub sems dpa' sems dpa' chen po ni dran pa nye bar gzhag pa rnams sgom par byed de/dran pa nye bar gzhag pa rnams su dmigs pa yang med do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam sgom par byed de/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam du dmigs pa yang med do/ /stobs dang / mi 'jigs pa dang / sangs rgyas kyi chos ma 'dres pa rnams sgrub par byed la/ stobs dang / mi 'jigs pa dang / sangs rgyas kyi chos ma 'dres pa rnams su dmigs pa yang med do//shA ri'i bu 'di ni byang chub sems dpa' sems dpa' chen po'i ye shes te/ ye shes de dang ldan pa'i byang chub sems dpa' sems dpa' chen po ni sangs rgyas kyi chos thams cad kyang yongs su rdzogs par byed la/ sangs rgyas kyi chos thams cad du yang rlom pa med pa yin no zhes bya ba ni lam yongs su 'dzin pa la gdams pa'o// shA ri'i bu byang chub sems dpa' sems dpa' chen po gang dag mig lnga rab tu thob pa dang yongs su sbyong ba yod do/ /mig gang lnga rab tu thob pa dang yongs su sbyong zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig go/ /shA ri'i bus gsol pa/ bcom ldan 'das byang chub sems dpa' sems dpa' chen po'i sha'i mig yongs su dag pa gang lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po sha'i mig gang gis dpag tshad brgya mthong ba yod do//shA ri'i bu byang chub sems dpa' sems dpa' chen po sha'i mig gang gis dpag tshad nyis brgya dang / sum brgya dang / bzhi brgya dang / lnga brgya dang / stong gi bar du mthong ba yod do/ / shA ri'i bu byang chub sems dpa' sems dpa' chen po sha'i mig gang gis 'dzam bu'i gling mthong ba yod do/ /shA ri'i bu byang chub sems dpa' sems dpa' chen po'i sha'i mig gis gling gnyis dang / gling gsum dang / gling chen po bzhi pa'i 'jig rten gyi khams mthong ba yod do//shA'i mig gang gis stong gi 'jig rten gyi khams mthong ba yod do/ /sha'i mig gang gis stong gnyis pa'i 'jig rten gyi khams mthong ba yod do/ /shA ri'i bu byang chub sems dpa' sems dpa' chen po sha'i mig gis stong gsum gyi stong chen po'i 'jig rten gyi khams mthong ba yod do//shA ri'i bu 'di ni byang chub sems dpa' sems dpa' chen po'i sha'i mig yongs su dag pa'o/ /shA ri'i bus gsol pa/ bcom ldan 'das byang chub sems dpa' sems dpa' chen po'i lha'i mig yongs su dag pa gang lags/ bcom ldan 'das kyis bka' stsal pa/shA ri'i bu rgyal po chen po bzhi'i ris kyi lha rnams kyi lha'i mig gang yin pa de ni byang chub sems dpas rab tu shes so/ /sum cu rtsa gsum pa'i lha rnams kyi lha'i mig gang yin pa de ni byang chub sems dpas rab tu shes so/ /'thab bral gyi lha rnams kyi lha'i mig gang yin pa de ni byang chub sems dpas rab tu shes so//dga' ldan gyi lha rnams kyi lha'i mig gang yin pa de ni byang chub sems dpas rab tu shes so/ /'phrul dga'i lha rnams kyi lha'i mig gang yin pa de ni byang chub sems dpas rab tu shes so/ /gzhan 'phrul dbang byed kyi lha rnams kyi lha'i mig gang yin pa de ni byang chub sems dpas rab tu shes so//tshangs ris kyi lha rnams kyi lha'i mig gang yin pa de ni byang chub sems dpas rab tu shes so/ /tshangs pa mdun na 'don gyi lha rnams kyi lha'i mig gang yin pa de ni byang chub sems dpas rab tu shes so//tshangs 'khor gyi lha rnams kyi lha'i mig gang yin pa de ni byang chub sems dpas rab tu shes so/ /tshangs chen gyi lha rnams kyi lha'i mig gang yin pa de ni byang chub sems dpas rab tu shes so/ /'od chung gi lha rnams kyi lha'i mig gang yin pa de ni byang chub sems dpas rab tu shes so//tshad med 'od kyi lha rnams kyi lha'i mig gang yin pa de ni byang chub sems dpas rab tu shes so/ /'od gsal gyi lha rnams kyi lha'i mig gang yin pa de ni byang chub sems dpas rab tu shes so/ /dge chung gi lha rnams kyi lha'i mig gang yin pa de ni byang chub sems dpas rab tu shes so//tshad med dge ba'i lha rnams kyi lha'i mig gang yin pa de ni byang chub sems dpas rab tu shes so/ /dge rgyas kyi lha rnams kyi lha'i mig gang yin pa de ni byang chub sems dpas rab tu shes so/ /sprin med kyi lha rnams kyi lha'i mig gang yin pa de ni byang chub sems dpas rab tu shes so//bsod nams skyes kyi lha rnams kyi lha'i mig gang yin pa de ni byang chub sems dpas rab tu shes so/ /'bras bu che ba'i lha rnams kyi lha'i mig gang yin pa de ni byang chub sems dpas rab tu shes so/ /'du shes med pa'i sems can gyi lha rnams kyi lha'i mig gang yin pa de ni byang chub sems dpas rab tu shes so//mi spong ba'i lha rnams kyi lha'i mig gang yin pa de ni byang chub sems dpas rab tu shes so/ /mi gdung ba'i lha rnams kyi lha'i mig gang yin pa de ni byang chub sems dpas rab tu shes so//legs mthong gi lha rnams kyi lha'i mig gang yin pa de ni byang chub sems dpas rab tu shes so/ /rab lta'i lha rnams kyi lha'i mig gang yin pa de ni byang chub sems dpas rab tu shes so/ /'og min gyi lha rnams kyi lha'i mig gang yin pa de ni byang chub sems dpas rab tu shes so//shA ri'i bu byang chub sems dpa' sems dpa' chen po'i lha'i mig de ni rgyal chen bzhi'i lha rnams kyis mi shes so/ /sum cu rtsa gsum gyi lha rnams kyis mi shes so/ /'thab bral gyi lha rnams kyis mi shes so/ /dga' ldan gyi lha rnams kyis mi shes so/ /'phrul dga'i lha rnams kyis mi shes so//gzhan 'phrul dbang byed kyi lha rnams kyis mi shes so/ /tshangs ris pa'i lha rnams kyis mi shes so/ /tshangs pa mdun na 'don gyi lha rnams kyis mi shes so/ /tshangs 'khor ba'i lha rnams kyis mi shes so/ /tshangs chen gyi lha rnams kyis mi shes so/ / 'od chung gi lha rnams kyis mi shes so/ /tshad med 'od kyi lha rnams kyis mi shes so/ /'od gsal gyi lha rnams kyis mi shes so/ /dge chung gi lha rnams kyis mi shes so/ /tshad med dge ba'i lha rnams kyis mi shes so/ /dge rgyas kyi lha rnams kyis mi shes so/ / sprin med kyi lha rnams kyis mi shes so/ /bsod nams skyes kyi lha rnams kyis mi shes so/ /'bras bu che ba'i lha rnams kyis mi shes so/ /'du shes med pa'i sems can gyi lha rnams kyis mi shes so/ /mi spong ba'i lha rnams kyis mi shes so/ /mi gdung ba'i lha rnams kyis mi shes so/ /legs mthong gi lha rnams kyis mi shes so//rab lta'i lha rnams kyis mi shes so/ /'og min gyi lha rnams kyis mi shes so/ /lha'i mig yongs su dag pa de dag nyid kyis shar phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so//yongs su dag pa'i lha'i mig de nyid kyis lho phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so/ /yongs su dag pa'i lha'i mig de nyid kyis nub phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so//yongs su dag pa'i lha'i mig de nyid kyis byang phyogs kyi 'jig rten gyi khams gang gA'i klung gi bye ma snyed dag gi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so//de bzhin du byang shar gyi phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so/ /shar lho'i phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so//lho nub kyi phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so/ / nub byang gi phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so/ /'og gi phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so//steng gi phyogs kyi 'jig rten gyi khams gang gA'i klung gi bye ma snyed kyi sems can thams cad kyi 'chi 'pho ba dang skye ba yang dag pa ji lta ba bzhin du rab tu shes so/ /shA ri'i bu 'di ni byang chub sems dpa' sems dpa' chen po'i lha'i mig yongs su dag pa'o//shA ri'i bus gsol pa/ bcom ldan 'das byang chub sems dpa' sems dpa' chen po'i shes rab kyi mig yongs su dag pa gang lags/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po shes rab kyi mig gang dang ldan pas 'dus byas sam/'dus ma byas sam/ dge ba'am/ mi dge ba'am/ kha na ma tho ba dang bcas pa'am/ kha na ma tho ba med pa'am/ zag pa dang bcas pa'am/ zag pa med pa'am/ nyon mongs pa dang bcas pa'am/ nyon mongs pa med pa'am/'jig rten pa'am/ 'jig rten las 'das pa'am/ kun nas nyon mongs pa'am/ rnam par byang ba yang rung ste/ chos gang yang rab tu mi shes pa med pa dang / shes rab kyi mig gang gis byang chub sems dpa' sems dpa' chen pos chos gang yang ma mthong ma thos/ma bsams khong du ma chud pa med pa ni/ shA ri'i bu byang chub sems dpa' sems dpa' chen po'i shes rab kyi mig yongs su dag pa'o/ /shA ri'i bus gsol pa/ bcom ldan 'das byang chub sems dpa' sems dpa' chen po'i chos kyi mig yongs su dag pa gang lags/bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po'i chos kyi mig gi gang zag 'di ni dad pa'i rjes su 'brang ba'o/ /gang zag 'di ni chos kyi rjes su 'brang ba'o/ /gang zag 'di ni stong pa nyid la gnas pa ste/ gang zag 'di'i dbang po lnga ni rnam par thar pa'i sgo stong pa nyid kyis skye bar 'gyur ro//dbang po lngas de ma thag pa'i ting nge 'dzin la reg par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye'o/ /rnam par grol ba'i ye shes mthong bas 'jig tshogs la lta ba dang /the tshom dang / tshul khrims dang / brtul zhugs bsnyems pa'i kun tu sbyor ba gsum rab tu spong bar 'gyur te/ gang zag 'di ni rgyun du zhugs pa zhes bya'o/ /des bsgom pa'i lam rab tu thob nas 'dod pa'i 'dod chags dang / gnod sems rab tu bsrabs pa'i phyir na gang zag 'di ni lan cig phyir 'ong ba zhes bya'o/ /de bsgom pa'i lam cher bsgoms pa de nyid kyis 'dod pa'i 'dod chags dang / gnod sems rab tu spangs pa'i phyir na gang zag 'di ni phyir mi 'ong ba zhes bya'o/ /de bsgom pa'i lam cher bsgoms pa de nyid kyis gzugs kyi 'dod chags dang //gzugs med pa'i 'dod chags dang / ma rig pa dang / nga rgyal dang / rgod pa rab tu spangs pas gang zag 'di ni dgra bcom pa zhes bya'o/ /gang zag 'di ni mtshan ma med pa la gnas pa ste/ gang zag 'di'i dbang po lnga ni rnam par thar pa'i sgo mtshan ma med pas skye bar 'gyur ro//dbang po lngas de ma thag pa'i ting nge 'dzin la reg par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye bar 'gyur ba nas gang zag 'di ni dgra bcom pa'i bar zhes bya'o/ / gang zag 'di ni smon pa med pa la gnas pa ste/'di'i dbang po lnga ni rnam par thar pa'i sgo smon pa med pas skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye bar 'gyur ro/ /shA ri'i bu 'di ni byang chub sems dpa' sems dpa' chen po'i chos kyi mig yongs su dag pa'o//shA ri'i bu gzhan yang byang chub sems dpa' sems dpa' chen pos ni 'di ltar rab tu shes te/ gang cung zad kun 'byung ba'i chos de thams cad ni 'gog pa'i chos can no zhes rab tu shes shing shes rab kyi pha rol tu phyin pa la spyod pa na dbang po lnga 'thob ste/shA ri'i bu 'di ni byang chub sems dpa' sems dpa' chen po'i chos kyi mig yongs su dag pa'o/ /shA ri'i bu gzhan yang byang chub sems dpa' sems dpa' chen pos 'di ltar rab tu shes te/ gang zhig sbyin pa'i pha rol tu phyin pa dang / tshul khrims kyi pha rol tu phyin pa la spyod pa'i byang chub sems dpa' 'di ni sems dang po bskyed pa yin te/de ni de'i lam dad pa'i dbang po dang / brtson 'grus kyi dbang po thob ste/ thabs mkhas pa dang ldan pa de ni bsams bzhin du bdag gi lus yongs su 'dzin to/ /byang chub sems dpa' 'di ni dge ba'i rtsa ba brtan pa yin te/rgyal rigs shing sA la chen po lta bu rnams su skye bar 'gyur/ 'di ni bram ze'i rigs shing sA la chen po lta bu rnams su skye bar 'gyur/ 'di ni khyim bdag gi rigs shing sA la chen po lta bu rnams su skye bar 'gyur/ 'di ni rgyal chen bzhi'i ris kyi lha rnams su skye bar 'gyur/'di ni sum cu rtsa gsum gyi lha rnams su skye bar 'gyur/ 'di ni 'thab bral gyi lha rnams su skye bar 'gyur/ 'di ni dga' ldan gyi lha rnams su skye bar 'gyur/ 'di ni 'phrul dga'i lha rnams su skye bar 'gyur/ 'di ni gzhan 'phrul dbang byed kyi lha rnams su skye bar 'gyur/'di ni 'og min gyi bar du skye bar 'gyur te/ de der gnas nas sems can rnams yongs su smin par 'gyur te/ bde ba'i yo byad thams cad kyis de dag la rim gror byed par 'gyur ro/ /sangs rgyas kyi zhing yang yongs su dag par byed do/ /de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur/bkur stir byed par 'gyur/ bla mar byed par 'gyur/ ri mor byed par 'gyur/ mchod par byed par 'gyur / nyan thos kyi sa 'am/ rang sangs rgyas kyi sar yang mi ltung ngo / /byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du phyir ldog par mi 'gyur ro zhes bya bar rab tu shes te/shA ri'i bu 'di ni byang chub sems dpa' sems dpa' chen po'i chos kyi mig yongs su dag pa'o//shA ri'i bu gzhan yang byang chub sems dpa' sems dpa' chen pos 'di ltar shes te/ byang chub sems dpa' sems dpa' chen po 'di dag ni bla na med pa yang dag par rdzogs pa'i byang chub tu lung bstan pa'o/ /byang chub sems dpa' 'di dag ni lung ma bstan pa'o//byang chub sems dpa' 'di dag ni phyir ldog par mi 'gyur ba'o/ /byang chub sems dpa' 'di dag ni phyir ldog par 'gyur ba'o/ /byang chub sems dpa' 'di dag ni mngon par shes pa yongs su rdzogs pa'o/ /byang chub sems dpa' 'di dag ni mngon par shes pa yongs su ma rdzogs pa'o//byang chub sems dpa' sems dpa' chen po 'di dag ni mngon par shes pa yongs su rdzogs pas shar phyogs nas steng gi phyogs kyi bar du 'jig rten gyi khams gang gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams la bkur stir byed/bla mar byed/ rjed par byed/ mchod par byed do/ /byang chub sems dpa' 'di ni mngon par shes pa yongs su ma rdzogs pas mchod pa'i bar du mi byed do/ /'dis ni mngon par shes pa thob par 'gyur ro//'dis ni mngon par shes pa thob par mi 'gyur ro/ /byang chub sems dpa' sems dpa' chen po 'di'i sangs rgyas kyi zhing ni yongs su dag par 'gyur ro/ /byang chub sems dpa' sems dpa' chen po 'di'i sangs rgyas kyi zhing ni yongs su dag par mi 'gyur ro//byang chub sems dpa' 'dis ni sems can yongs su smin par byas so/ /byang chub sems dpa' 'dis ni sems can yongs su smin par ma byas so/ /byang chub sems dpa' sems dpa' chen po 'di la ni sangs rgyas bcom ldan 'das rnams bsngags pa brjod par mdzad do/ / byang chub sems dpa' sems dpa' chen po 'di la ni bsngags pa brjod par mi mdzad do/ /byang chub sems dpa' sems dpa' chen po 'di dag ni sangs rgyas bcom ldan 'das rnams dang nye bar gnas par 'gyur ro/ /byang chub sems dpa' 'di dag ni nye bar gnas par mi 'gyur ro/ / byang chub sems dpa' sems dpa' chen po 'di ni bla na med pa yang dag par rdzogs pa'i byang chub thob nas tshe dpag tu med par 'gyur ro/ /byang chub sems dpa' 'di'i tshe ni dpag tu yod par 'gyur ro/ /byang chub sems dpa' 'di'i dge 'dun ni tshad med par 'gyur ro//byang chub sems dpa' 'di'i dge 'dun ni tshad yod par 'gyur ro/ /byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par rdzogs par sangs rgyas nas byang chub sems dpa'i dge 'dun dang ldan par 'gyur ro/ / byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par rdzogs par sangs rgyas nas byang chub sems dpa'i dge 'dun dang ldan par mi 'gyur ro/ /byang chub sems dpa' sems dpa' chen po 'di ni dka' ba spyod par 'gyur ro/ / byang chub sems dpa' sems dpa' chen po 'di ni dka' ba spyod par mi 'gyur ba'o/ /byang chub sems dpa' 'di ni srid pa tha ma pa'o / /byang chub sems dpa' 'di ni srid pa tha ma pa ma yin pa'o/ /byang chub sems dpa' sems dpa' chen po 'di ni snying po byang chub la 'dug par 'gyur ro//byang chub sems dpa' 'di ni snying po byang chub la 'dug par mi 'gyur ro/ /byang chub sems dpa' sems dpa' chen po 'di dag la ni bdud yod par 'gyur te / /byang chub sems dpa' sems dpa' chen po 'di dag la ni bdud yod par mi 'gyur ro zhes bya bar rab tu shes te/de ltar na shA ri'i bu byang chub sems dpa' sems dpa' chen po chos kyi mig yongs su dag pa yin no/ /shA ri'i bus gsol pa/ bcom ldan 'das byang chub sems dpa' sems dpa' chen po'i sangs rgyas kyi mig yongs su dag pa gang lags/ bcom ldan 'das kyis bka' stsal pa/shA ri'i bu byang chub sems dpa' sems dpa' chen po byang chub kyi sems kyi rjes la rdo rje lta bu'i ting nge 'dzin la mnyam par bzhag nas/ sems kyi skad cig gcig dang ldan pa'i shes rab kyis rnam pa thams cad mkhyen pa nyid rjes su thob pa gang yin pa de ni de bzhin gshegs pa'i stobs bcu dang ldan pa yin/mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang ldan pa yin te/ mig gang gis byang chub sems dpa' sems dpa' chen pos rnam pa thams cad du ma mthong ba'am/ma thos pa'am/ ma bsams pa'am/ rnam par ma shes pa ci yang med pa ste/ shA ri'i bu 'di ni byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi mig yongs su dag pa'o//shA ri'i bu de ltar byang chub sems dpa' sems dpa' chen po mig lnga yongs su sbyang bar 'dod pa dang thob par 'dod pas pha rol tu phyin pa drug la brtson par bya'o/ /de ci'i phyir zhe na/shA ri'i bu 'di ltar pha rol tu phyin pa drug tu dge ba'i chos thams cad 'dus te/ nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos thams cad 'dus so/ /shA ri'i bu gang zhig dge ba'i chos thams cad 'dus par smra ba de dag ni yang dag par smra ba yin te/shes rab kyi pha rol tu phyin pa yang yang dag par smra bas smra ba yin no/ /de ci'i phyir zhe na/ shA ri'i bu 'di ltar shes rab kyi pha rol tu phyin pa ni pha rol tu phyin pa lnga po thams cad dang / byang chub sems dpa' rnams kyi mig lnga po 'di dag skyed par byed pa yin no//mig lnga po de dag la bslabs nas byang chub sems dpa' sems dpa' chen po rnams bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni spyan lnga la gdams pa'o/ /shA ri'i bu shes rab kyi pha rol tu phyin pa 'di la spyod pa'i byang chub sems dpa' sems dpa' chen po ni mngon par shes pa'i pha rol tu phyin pa rab tu thob ste/rdzu 'phrul gyi rkang pa rnam pa du ma nyams su myong bar byed do/ /de ni sa chen po 'di yang rab tu g.yo bar byed do/ /gcig tu gyur nas mang por 'gyur ro//mang por gyur nas gcig tu 'gyur ro/ /snang ba dang mi snang ba'ang nyams su myong bar byed do/ /rtsig pa la thad kar 'gro/ ra ba la thad kar 'gro/ /ri la yang thad kar thogs pa med par 'gyur te / dper na nam mkha' la bya ba bzhin no/ /nam mkha' la yang skyil mo krung gis 'gro ste/dper na 'dab chags bya bzhin no/ /sa la yang gyen du 'byung ba dang 'og tu 'dzul bar byed de/ dper na chu la bya ba bzhin no/ /chu la yang bying ba med par 'gro ste/ dper na sa la bya ba bzhin no/ /du bar 'thul zhing me 'bar te / dper na me'i phung po bzhin no//nyi ma dang zla ba 'di dag 'di ltar rdzu 'phrul che ba 'di ltar mthu che zhing 'di ltar dbang che ba dag kyang lag pas byugs shing tshangs pa'i 'jig rten gyi bar du lus kyis dbang sgyur te/ rdzu 'phrul des kyang rlom sems su 'gyur ba med do/ /'di ltar des rdzu 'phrul mi dmigs pa'i phyir ro//rang bzhin gyis stong pa'i phyir dang / rang bzhin gyis dben pa'i phyir dang / rang bzhin gyis mi dmigs pa'i phyir des rdzu 'phrul gang gis rlom sems su 'gyur ba'i rdzu 'phrul de lta bu mi dmigs te/ de thams cad mkhyen pa nyid la bya ba ma gtogs par rdzu 'phrul lam rdzu 'phrul mngon par sgrub pa'i bsam pa tsam yang mi skyed do//shA ri'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rdzu 'phrul gyi rnam pa mngon du bya ba'i mngon par shes pa'i ye shes mngon par sgrub pa yin no//de lha'i rna ba'i khams rnam par dag pa mi las 'das pas lha dang mi gnyis ka'i sgra thos te/ lha'i rna ba'i khams des bdag ni sgra nyan zhes bya bar rlom sems su 'gyur ba med do/ /'di ltar des rang bzhin stong pa nyid kyi phyir dang / rang bzhin dben pa'i phyir dang /rang bzhin mi dmigs pa'i phyir rna ba dang / sgra dmigs pa med de/ de thams cad mkhyen pa nyid yid la bya ba ma gtogs par lha'i rna ba'i khams la bsam pa'am/ rna ba mngon par sgrub pa'i bsam pa yang mi skyed do/ /shA ri'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/lha'i rna ba'i khams mngon du bya ba'i mngon par shes pa'i ye shes mngon par sgrub pa yin no// //bam po drug pa/ des sems can pha rol dang gang zag pha rol gyi sems sems kyis yang dag pa ji lta ba bzhin du rab tu shes so//'dod chags dang ldan pa'i sems la 'dod chags dang ldan pa'i sems zhes bya bar yang dag pa ji lta ba bzhin du rab tu shes so/ /'dod chags dang bral ba'i sems la 'dod chags dang bral ba'i sems zhes bya bar yang dag pa ji lta ba bzhin du rab tu shes so//zhe sdang dang ldan pa'i sems la zhe sdang dang ldan pa'i sems zhes bya bar yang dag pa ji lta ba bzhin du rab tu shes so/ /zhe sdang med pa'i sems la zhe sdang med pa'i sems zhes bya bar yang dag pa ji lta ba bzhin du rab tu shes so/ / gti mug dang ldan pa'i sems la gti mug dang ldan pa'i sems zhes bya bar yang dag pa ji lta ba bzhin du rab tu shes so/ /gti mug dang bral ba'i sems la gti mug dang bral ba'i sems zhes bya bar yang dag pa ji lta ba bzhin du rab tu shes so/ /sred pa dang ldan pa'i sems la sred pa dang ldan pa'i sems zhes bya bar yang dag pa ji lta ba bzhin du rab tu shes so//sred pa dang bral ba'i sems la sred pa dang bral ba'i sems zhes bya bar yang dag pa ji lta ba bzhin du rab tu shes so/ /nye bar len pa dang bcas pa'i sems la nye bar len pa dang bcas pa'i sems zhes bya bar yang dag pa ji lta ba bzhin du rab tu shes so//nye bar len pa med pa'i sems la nye bar len pa med pa'i sems zhes bya bar yang dag pa ji lta ba bzhin du rab tu shes so/ /kun nas 'dus pa'i sems la kun nas 'dus pa'i sems zhes bya bar yang dag pa ji lta ba bzhin du rab tu shes so//rnam par 'phros pa'i sems la rnam par 'phros pa'i sems zhes bya bar yang dag pa ji lta ba bzhin du rab tu shes so/ /rgya chung ngu'i sems la rgya chung ngu'i sems zhes bya bar yang dag pa ji lta ba bzhin du rab tu shes so/ /yangs pa'i sems la yangs pa'i sems zhes bya bar yang dag pa ji lta ba bzhin du rab tu shes so//che bar gyur pa'i sems la che bar gyur pa'i sems zhes bya bar yang dag pa ji lta ba bzhin du rab tu shes so/ /mnyam par gzhag pa'i sems la mnyam par gzhag pa'i sems zhes bya bar yang dag pa ji lta ba bzhin du rab tu shes so//mnyam par ma bzhag pa'i sems la mnyam par ma bzhag pa'i sems zhes bya bar yang dag pa ji lta ba bzhin du rab tu shes so/ /rnam par grol ba'i sems la rnam par grol ba'i sems zhes bya bar yang dag pa ji lta ba bzhin du rab tu shes so//rnam par ma grol ba'i sems la rnam par ma grol ba'i sems zhes bya bar yang dag pa ji lta ba bzhin du rab tu shes so/ /zag pa dang bcas pa'i sems la zag pa dang bcas pa'i sems zhes bya bar yang dag pa ji lta ba bzhin du rab tu shes so/ /zag pa med pa'i sems la zag pa med pa'i sems zhes bya bar yang dag pa ji lta ba bzhin du rab tu shes so//nyon mongs pa dang bcas pa'i sems la nyon mongs pa dang bcas pa'i sems zhes bya bar yang dag pa ji lta ba bzhin du rab tu shes so/ /nyon mongs pa med pa'i sems la nyon mongs pa med pa'i sems zhes bya bar yang dag pa ji lta ba bzhin du rab tu shes so//bla na yod pa'i sems la bla na yod pa'i sems zhes bya bar yang dag pa ji lta ba bzhin du rab tu shes so/ /bla na med pa'i sems la bla na med pa'i sems zhes bya bar yang dag pa ji lta ba bzhin du rab tu shes so//gzhan gyi sems shes pa des rlom sems su 'gyur ba yang med de/ 'di ltar sems de nyid bsam gyis mi khyab pa'i phyir te/ de ni bdag gis shes so zhes bya bar rlom sems med do/ /'di ltar rang bzhin stong pa'i phyir dang / rang bzhin dben pa'i phyir dang / rang bzhin mi dmigs pa'i phyir gang gis rlom sems su 'gyur ba de lta bu'i sems mi dmigs te/ thams cad mkhyen pa nyid yid la byed pa ma gtogs par sems shes par bya ba'i bsam pa'am sems shes pa mngon par sgrub pa'i bsam pa tsam yang mi skyed do/ /shA ri'i bu de [(]star [,]ltar [)]na byang chub sems dpa' sems dpa' chen po shes rab kyi pha rol tu phyin pa la spyod cing sems can thams cad kyi sems kyi spyod pa mngon du bya ba'i mngon par shes pa'i ye shes mngon par sgrub pa yin no//de sngon gyi gnas rjes su dran pa'i mngon par shes pas skye ba gcig kyang rjes su dran no//gnyis dang gsum nas skye ba brgya phrag stong gi bar du yang rjes su dran no/ /de sems gcig kyang rjes su dran pa nas sems brgya'i bar du yang rjes su dran no/ /nyi ma gcig nas nyi ma brgya dang / zla ba gcig nas zla ba brgya dang /lo gcig nas lo brgya dang / bskal pa gcig nas bskal pa brgya dang / bskal pa brgya phrag du ma nas bskal pa stong phrag du ma dang / bskal pa bye ba khrag khrig brgya stong du ma rjes su dran pa nas sngon gyi mtha'i mur thug pa yang rjes su dran no/ /bdag ga ge mo zhig tu 'dug par gyur te/ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za/ yun ni 'di srid cig tu 'dug 'dug /tshe'i mtha' ni 'di tsam cig tu gyur te/ bdag de nas shi 'phos nas che ge mo zhig tu skyes so zhes bya ba nas/de nas shi 'phos nas ni 'dir skyes so zhes bya ba'i bar du rnam pa dang bcas/ bstan pa dang bcas/ bshad pa dang bcas par bdag dang gzhan gyi sngon gyi gnas rnam pa du ma rjes su dran te/ sngon gyi gnas rjes su dran pa mngon du bya ba'i mngon par shes pa'i ye shes des kyang rlom sems su 'gyur ba med de/'di ltar ye shes de ye shes ma yin te/ bsam gyis mi khyab pa'i phyir ro/ /de ni bdag gis rab tu shes so zhes bya bar rlom sems med de/ 'di ltar des ye shes de nyid kyis kyang rang bzhin stong pa'i phyir dang / rang bzhin dben pa'i phyir dang /rang bzhin mi dmigs pa'i phyir gang gis rlom sems su 'gyur ba de lta bu'i ye shes mi dmigs so/ /de ni thams cad mkhyen pa nyid yid la bya ba ma gtogs par sngon gyi gnas rjes su dran pa'i bsam pa tsam mam sngon gyi gnas rjes su dran pa mngon par sgrub pa'i bsam pa tsam yang mi skyed do//shA ri'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sngon gyi gnas rjes su dran pa mngon du bya ba'i mngon par shes pa'i ye shes mngon par sgrub pa yin no/ /de lha'i mig rnam par dag pa mi las 'das pas sems can 'chi 'pho ba dang /skye ba dang / kha dog sdug pa dang / kha dog mi sdug pa dang / bzang ba dang / ngan pa dang / las ji lta ba bzhin bde 'gro dang ngan 'gror nye bar 'gro ba rnams rab tu shes te/ sems can 'di dag ni lus kyis ngan du spyod pa dang ldan pa ngag gis ngan du spyod pa dang /yid kyis ngan du spyod pa dang ldan pa/ 'phags pa la skur pa 'debs pa log par lta ba rnams te/ de dag log par lta ba'i las yang dag par blangs pa'i rgyus lus zhig nas shi ba'i 'og tu ngan song dang ngan 'gro log par ltung ba sems can dmyal ba dag tu skye'o/ / sems can de dag ni lus kyis legs par spyod pa dang ldan pa/ ngag gis legs par spyod pa dang / yid kyis legs par spyod pa dang ldan pa/ 'phags pa la skur pa mi 'debs pa yang dag par lta ba rnams te/ lus dang / ngag dang / yid kyis legs par spyod pa de'i rgyus lus zhig nas shi ba'i 'og tu bde 'gro mtho ris kyi 'jig rten du lha'i nang du skye bar 'gyur ro zhes bya ba de ltar rab tu shes te/de ltar lha'i mig rnam par dag pa mi las 'das pas phyogs bcu kun gyi 'jig rten gyi khams chos kyi dbyings kyis klas pa/ nam mkha'i mthas gtugs pa dag gi 'gro ba drug tu gtogs pa'i sems can rnams kyi skye ba dang 'chi 'pho ba yang dag pa ji lta ba bzhin du rab tu shes so//des kyang rlom sems su 'gyur ba med de/ de 'di ltar mig de mig ma yin zhing bsam gyis mi khyab pa'i phyir ro/ /de ni bdag gis mthong ngo zhes bya bar rlom sems med de/rang bzhin stong pa'i phyir dang / rang bzhin dben pa'i phyir dang / rang bzhin mi dmigs pa'i phyir gang gis rlom sems su 'gyur ba'i mig de lta bu des mi dmigs te/ de ni thams cad mkhyen pa nyid yid la bya ba ma gtogs par lha'i mig gi bsam pa'am/ lha'i mig mngon par sgrub pa'i bsam pa tsam yang mi skyed do/ /shA ri'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod cing lha'i mig mngon du bya ba'i mngon par shes pa'i ye shes mngon par sgrub pa yin no/ / de mi skye ba mngon du byed pa'i mngon par shes pa'i ye shes mngon par sgrub ste/ nyan thos kyi sa 'am rang sangs rgyas kyi sar mi ltung zhing / bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam pa ma gtogs pa chos gzhan gang la yang smon par mi byed do//de zag pa zad pa mngon du bya ba'i mngon par shes pa'i ye shes mngon par sgrub pa la mkhas pa des mi rlom mo/ /'di ltar ye shes de ni ye shes ma yin zhing bsam gyis mi khyab pa'i phyir ro/ /de bdag gis rab tu shes so zhes bya bar rlom sems med de/ 'di ltar rang bzhin stong pa'i phyir dang / rang bzhin dben pa'i phyir dang / rang bzhin mi dmigs pa'i phyir gang gis rlom sems su 'gyur ba'i zag pa zad pa'i ye shes mngon du bya ba'i mngon par shes pa'i ye shes de lta bu mi dmigs so/ /de ni thams cad mkhyen pa nyid yid la bya ba ma gtogs par zag pa zad pa'i ye shes kyi bsam pa'am/zag pa zad pa mngon du bya ba'i ye shes mngon du sgrub pa'i bsam pa tsam yang mi skyed do/ /de ltar shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ zag pa zad pa'i mngon du bya ba'i mngon par shes pa'i ye shes mngon par sgrub pa yin no//shA ri'i bu byang chub sems dpa' sems dpa' chen po shes rab kyi pha rol tu phyin pa la de ltar spyod cing mngon par shes pa drug yongs su rdzogs par byed pa dang yongs su dag par byed do/ / shA ri'i bu mngon par shes pa yongs su rdzogs shing yongs su dag pas ni rnam pa thams cad mkhyen pa nyid gtod par byed do/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa la gnas shing mtha' las 'das pa stong pa nyid kyis mngon par zhen pa med pa'i phyir/rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshul khrims kyi pha rol tu phyin pa la gnas shing mtha' las 'das pa stong pa nyid kyis ltung ba dang ltung ba med pa dang bral ba'i phyir/rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bzod pa'i pha rol tu phyin pa la gnas shing /mtha' las 'das pa stong pa nyid kyis 'khrug pa med pa'i phyir/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ brtson 'grus kyi pha rol tu phyin pa la gnas shing mtha' las 'das pa stong pa nyid kyis lus dang sems kyi brtson 'grus nyams pa med pa'i phyir rnam pa thams cad mkhyen pa nyid kyi lam sbyong ba dag kyang yod do//shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/bsam gtan gyi pha rol tu phyin pa la gnas shing mtha' las 'das pa stong pa nyid kyis sems rnam par g.yeng ba med pa'i phyir/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/shes rab kyi pha rol tu phyin pa la gnas shing mtha' las 'das pa stong pa nyid kyis shes rab 'chal pa'i sems yongs su spangs pa'i phyir/ rnam pa thams cad mkhyen pa nyid kyi lam sbyong ba dag kyang yod do/ /shA ri'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/pha rol tu phyin pa drug la gnas shing mtha' las 'das pa stong pa nyid kyis 'ong ba med pa dang 'gro ba med pa'i phyir dang / yongs su 'dzin pa med pa'i phyir rnam pa thams cad mkhyen pa nyid kyi lam yongs su sbyong ba yin no//de la sbyin pa ni yongs su 'dzin pa la brten nas gdags so/ /tshul khrims ni tshul khrims 'chal pa la brten nas gdags so/ /bzod pa ni mi bzod pa la brten nas gdags so/ /brtson 'grus ni le lo la brten nas gdags so//ting nge 'dzin ni mnyam par ma bzhag pa la brten nas gdags so/ /shes rab ni shes rab 'chal pa la brten nas gdags te/ de ni rgal to zhes bya bar rlom sems med do/ /ma brgal to zhes bya bar rlom sems med do/ / sbyin pa dang yongs su 'dzin pa zhes rlom sems med do/ /tshul khrims dang tshul khrims 'chal pa zhes rlom sems med do/ /bzod pa dang 'khrug pa zhes rlom sems med do/ /brtson 'grus dang le lo zhes rlom sems med do/ /ting nge 'dzin dang mnyam par ma bzhag pa zhes rlom sems med do//shes rab dang shes rab 'chal pa zhes rlom sems med do/ /bdag la spyos so zhes bya bar rlom sems med do/ /bdag la phyag byas so zhes bya bar rlom sems med do/ /bkur sti byas so zhes bya bar rlom sems med do/ /bkur sti ma byas so zhes bya bar rlom sems med do/ / de ci'i phyir zhe na/ shA ri'i bu ma skyes pa ni nga la spyos so zhes bya bar rlom sems med do/ /nga la phyag byas so zhes bya bar rlom sems med do/ /nga la bkur sti byas so zhes bya bar rlom sems med do/ /nga la bkur sti ma byas so zhes bya bar rlom sems med do/ /de ci'i phyir zhe na/ de ltar shes rab kyi pha rol tu phyin pa ni rlom sems thams cad yang dag par spyod pa'i phyir ro//shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ yon tan gang dag yod pa de dag ni nyan thos dang / rang sangs rgyas thams cad la med do/ /de yon tan 'di dag yongs su rdzogs par byed pa'i tshe/sems can rnams kyang yongs su smin par byed/ sangs rgyas kyi zhing yang yongs su dag par byed/ rnam pa thams cad mkhyen pa nyid kyang thob par byed do/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sems can thams cad la snyoms pa'i sems bskyed de/ sems can thams cad la mnyam pa'i sems bskyed nas/ chos thams cad mnyam pa nyid rab tu thob bo/ /chos thams cad mnyam pa nyid rab tu thob nas chos thams cad mnyam pa nyid la sems can thams cad rab tu dgod do//de ni tshe 'di nyid la yang sangs rgyas bcom ldan 'das rnams kyi thugs su byon cing dben par bya ba yin te/ byang chub sems dpa' thams cad dang / nyan thos thams cad dang / rang sangs rgyas thams cad kyis kyang yid du 'ong zhing dben par bya ba yin no//de ni skye ba gang dang gang du skyes kyang de dang de dag tu nam yang mig gis yid du mi 'ong ba'i gzugs mi mthong ngo / /rna bas yid du mi 'ong ba'i sgra mi thos so/ /snas yid du mi 'ong ba'i dri mi tshor ro/ /lces yid du mi 'ong ba'i ro mi myang ngo / /lus kyis yid du mi 'ong ba'i reg bya mi reg go//yid kyis yid du mi 'ong ba'i chos rnam par rig pa med do/ /shA ri'i bu byang chub sems dpa' sems dpa' chen po shes rab kyi pha rol tu phyin pa la de ltar spyod pa ni bla na med pa yang dag par rdzogs pa'i byang chub las yongs su nyams par mi 'gyur ro//shes rab kyi pha rol tu phyin pa 'di bstan pa'i tshe/ dge slong sum brgyas gos gyon gyon pa bcom ldan 'das la yon du gsol to / /bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis de'i tshe zhal 'dzum pa mdzad do/ / de nas tshe dang ldan pa kun dga' bo stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar bas btud de/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par bzhad pa mi mdzad na/zhal 'dzum pa mdzad pa 'di'i rgyu ci lags/ rkyen ci lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to//kun dga' bo dge slong sum brgya po 'di dag ni bskal pa drug cu rtsa gcig 'das nas bskal pa skar ma lta bu la de bzhin gshegs pa dgra bcom pa yang dag par rdzogs pa'i sangs rgyas dpal chen po zhes bya ba sha stag 'jig rten du 'byung ngo //'di dag ni 'di nas shi 'phos nas de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i sangs rgyas kyi zhing du skye'o/ /chos bstan pa 'dis yongs su smin par byas pa'i lha'i bu stong phrag drug cu gang dang gang dag yin pa de dang de dag de bzhin gshegs pa dgra bcom pa yang dag par rdzogs pa'i sangs rgyas byams pa'i thad du yongs su mya ngan las 'da' bar 'gyur ro//de nyid du rab tu byung nas tshangs par spyad pa spyod par 'gyur te/ de bzhin gshegs pa byams pa des kyang de dag bla na med pa yang dag par rdzogs pa'i byang chub tu lung bstan par 'gyur ro//de nas sangs rgyas kyi mthus de'i tshe bcom ldan 'das shAkya thub pa'i 'khor gyi dkyil 'khor nas 'khor bzhi po rnams kyis shar phyogs su sangs rgyas stong mthong bar gyur to / /de bzhin du lho phyogs su sangs rgyas stong mthong ngo //nub phyogs su sangs rgyas stong mthong ngo / /byang phyogs su sangs rgyas stong mthong ngo / /byang shar gyi phyogs su sangs rgyas stong mthong ngo / /shar lho'i phyogs su sangs rgyas stong mthong ngo / /lho nub kyi phyogs su sangs rgyas stong mthong ngo / /nub byang gi phyogs su sangs rgyas stong mthong ngo //'og dang steng gi phyogs re rer sangs rgyas stong mthong ngo / /sangs rgyas kyi zhing gi yon tan gyi bkod pa chen po mthong ste/ phyogs bcu'i sangs rgyas bcom ldan 'das de dag gi sangs rgyas kyi zhing gi yon tan gyi bkod pa mthong bar gyur pa gang yin pa'i sangs rgyas kyi zhing gi yon tan bkod pa de dag ni mi mjed 'di na yod par ma mthong ngo //de nas bcom ldan 'das shAkya thub pa'i 'khor gyi dkyil 'khor nas srog chags stong phrag bcus bdag cag gi las gang byas pas sangs rgyas kyi zhing de dag tu skye bar 'gyur ba de lta bu'i las spyad par bya'o zhes smon lam btab bo//de nas bcom ldan 'das kyis rigs kyi bu de dag gi bsam pa thugs su chud nas de'i tshe zhal 'dzum pa mdzad do/ /de nas tshe dang ldan pa kun dga' bo stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/bcom ldan 'das gang na ba de logs su thal mo sbyar bas btud de/ bcom ldan 'das la 'di skad ces gsol to / /bcom ldan 'das sangs rgyas bcom ldan 'das rnams ni rgyu dang rkyen ma mchis par bzhad pa mi mdzad na/ zhal 'dzum pa mdzad pa'i rgyu ci lags/rkyen ci lags/ bcom ldan 'das kyis bka' stsal pa/ kun dga' bo khyod kyis srog chags stong phrag bcu po 'di dag mthong ngam/ gsol pa bcom ldan 'das mthong ngo / /bcom ldan 'das kyis bka' stsal pa/ kun dga' bo srog chags stong phrag bcu po 'di dag ni 'di nas shi 'phos nas sangs rgyas kyi zhing de dang de dag tu skye bar 'gyur ro//de bzhin gshegs pa dgra bcom pa yang dag par rdzogs pa'i sangs rgyas rnams dang nam du yang mi 'bral te/ de nas phyi ma'i dus na de bzhin gshegs pa dgra bcom pa yang dag par rdzogs pa'i sangs rgyas bkod pa'i rgyal po zhes bya ba sha stag 'jig rten du 'byung bar 'gyur ro//de nas tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa rab 'byor dang / tshe dang ldan pa byams ma'i bu gang po dang / tshe dang ldan pa 'od srungs chen po ste/de dag dang mngon par shes pa mngon par shes pa'i dge slong gzhan rab tu mang po rnams dang / byang chub sems dpa' sems dpa' chen po shin tu mang ba dag dang / dge slong dag dang / dge slong ma dang / dge bsnyen dang / dge bsnyen ma shin tu mang ba dag gis bcom ldan 'das la 'di skad ces gsol to//bcom ldan 'das byang chub sems dpa' sems dpa' chen po rnams kyi pha rol tu phyin pa 'di ni chen po lags te 'di ltar shes rab kyi pha rol tu phyin pa'o/ /pha rol tu phyin pa 'di ni rab lags so/ /pha rol tu phyin pa 'di ni khyad par du 'phags pa lags so//pha rol tu phyin pa 'di ni mchog lags so/ /pha rol tu phyin pa 'di ni rab mchog lags so/ /pha rol tu phyin pa 'di ni bla na med pa lags so/ /pha rol tu phyin pa 'di ni gong na med pa lags so/ /pha rol tu phyin pa 'di ni mnyam pa med pa lags so//pha rol tu phyin pa 'di ni nam mkha' lta bu lags so/ /pha rol tu phyin pa 'di ni rang gi mtshan nyid stong pa nyid lags so/ /pha rol tu phyin pa 'di ni yon tan thams cad dang ldan pa lags so/ /bcom ldan 'das byang chub sems dpa' sems dpa' chen po rnams kyi pha rol tu phyin pa 'di ni brdzi ba ma mchis pa lags te/'di lta ste/ shes rab kyi pha rol tu phyin pa'o/ /bcom ldan 'das shes rab kyi pha rol tu phyin pa la spyod pa'i byang chub sems dpa' sems dpa' chen po rnams kyis ni mi mnyam pa dang mnyam pa'i sbyin pa yongs su btang ngo //de dag gis ni mi mnyam pa dang mnyam pa'i sbyin pa'i pha rol tu phyin pa yongs su rdzogs par byas so/ /de dag gis ni mi mnyam pa dang mnyam pa'i lus thob po/ /de dag gis ni mi mnyam pa dang mnyam pa'i chos 'thob par 'gyur te/ 'di lta ste/ bla na med pa yang dag par rdzogs pa'i byang chub bo//de dag gis ni mi mnyam pa dang mnyam pa'i tshul khrims bsrungs so/ /de dag gis ni mi mnyam pa dang mnyam pa'i tshul khrims kyi pha rol tu phyin pa yongs su rdzogs par byas so/ /de dag gis ni mi mnyam pa dang mnyam pa'i lus thob bo/ /de dag gis ni mi mnyam pa dang mnyam pa'i chos thob par 'gyur te/'di lta ste/ bla na med pa yang dag par rdzogs pa'i byang chub bo/ /de dag gis ni mi mnyam pa dang mnyam pa'i bzod pa bsgoms so/ /de dag gis ni mi mnyam pa dang mnyam pa'i bzod pa'i pha rol tu phyin pa yongs su rdzogs par byas so//de dag gis ni mi mnyam pa dang mnyam pa'i lus thob bo/ /de dag gis ni mi mnyam pa dang mnyam pa'i chos thob par 'gyur te/ 'di lta ste/ bla na med pa yang dag par rdzogs pa'i byang chub bo/ /de dag gis ni mi mnyam pa dang mnyam pa'i brtson 'grus brtsams so/ / de dag gis ni mi mnyam pa dang mnyam pa'i brtson 'grus kyi pha rol tu phyin pa yongs su rdzogs par byas so/ /de dag gis ni mi mnyam pa dang mnyam pa'i lus thob bo/ /de dag gis ni mi mnyam pa dang mnyam pa'i chos thob par 'gyur te/ 'di lta ste/ bla na med pa yang dag par rdzogs pa'i byang chub bo//de dag gis ni mi mnyam pa dang mnyam pa'i bsam gtan bskyed do/ /de dag gis ni mi mnyam pa dang mnyam pa'i bsam gtan gyi pha rol tu phyin pa yongs su rdzogs par byas so/ /de dag gis ni mi mnyam pa dang mnyam pa'i lus thob bo/ / de dag gis ni mi mnyam pa dang mnyam pa'i chos thob par 'gyur te/ 'di lta ste/ bla na med pa yang dag par rdzogs pa'i byang chub bo/ /de dag gis ni mi mnyam pa dang mnyam pa'i shes rab bsgoms so/ /de dag gis ni mi mnyam pa dang mnyam pa'i shes rab kyi pha rol tu phyin pa yongs su rdzogs par byas so//de dag gis ni mi mnyam pa dang mnyam pa'i lus thob bo/ /de dag gis ni mi mnyam pa dang mnyam pa'i chos thob par 'gyur ro / /'di lta ste/ bla na med pa yang dag par rdzogs pa'i byang chub bo/ /bcom ldan 'das khyod kyis kyang shes rab kyi pha rol tu phyin pa 'di nyid la spyad pas mi mnyam pa dang mnyam pa'i gzugs brnyes par gyur to//mi mnyam pa dang mnyam pa'i tshor ba dang / 'du shes dang / 'du byed rnams dang / rnam par shes pa brnyes par gyur to/ /mi mnyam pa dang mnyam pa'i byang chub mngon par byang chub nas/mi mnyam pa dang mnyam pa'i chos kyi 'khor lo bskor bar gyur to/ /de bzhin du 'das pa dang / ma byon pa dang / da ltar gyi sangs rgyas bcom ldan 'das rnams kyis shes rab kyi pha rol tu phyin pa 'di nyid la spyad pas bla na med pa yang dag par rdzogs pa'i byang chub tu mngon par rdzogs par sangs rgyas par gyur to//mngon par rdzogs par 'tshang rgya bar 'gyur ro/ /mngon par rdzogs par 'tshang rgya'o/ /bcom ldan 'das de ltar lags pa de bas na byang chub sems dpa' sems dpa' chen po chos thams cad kyi pha rol tu phyin par 'tshal bas shes rab kyi pha rol tu phyin pa la brtson par bgyi'o//bcom ldan 'das byang chub sems dpa' sems dpa' chen po gang shes rab kyi pha rol tu phyin pa 'di la spyod pa de dag ni lha dang mi dang lha ma yin du bcas pa'i 'jig rten gyis phyag bgyi ba lags so/ / de skad ces gsol pa dang / bcom ldan 'das kyis nyan thos chen po de dag thams cad dang / byang chub sems dpa' sems dpa' chen po de dag thams cad la 'di skad ces bka' stsal to/ /rigs kyi bu dag de de bzhin no/ /de de bzhin te/ ji skad du smras pa bzhin no/ /byang chub sems dpa' sems dpa' chen po shes rab kyi pha rol tu phyin pa 'di la spyod pa de dag ni lha dang mi dang lha ma yin du bcas pa'i 'jig rten gyis phyag bya bar 'os pa'o//de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa 'di la brten nas mi'i 'jig rten 'jig rten du 'byung bar 'gyur ro//lha'i 'jig rten 'jig rten du 'byung bar 'gyur ro/ /rgyal rigs shing sA la chen po lta bu dang / bram ze'i rigs shing sA la chen po lta bu dang / khyim bdag gi rigs shing sA la chen po lta bu dang / 'khor los sgyur ba'i rgyal po dang / rgyal chen bzhi'i ris kyi lha rnams dang /sum cu rtsa gsum gyi lha rnams dang / 'thab bral gyi lha rnams dang / dga' ldan gyi lha rnams dang / 'phrul dga'i lha rnams dang / gzhan 'phrul dbang byed kyi lha rnams dang / tshangs ris kyi lha rnams dang / tshangs pa'i mdun na 'don gyi lha rnams dang /tshangs 'khor gyi lha rnams dang / tshangs chen gyi lha rnams dang / 'od chung gi lha rnams dang / tshad med 'od kyi lha rnams dang / 'od gsal gyi lha rnams dang / dge ba'i lha rnams dang / tshad med dge ba'i lha rnams dang / dge rgyas kyi lha rnams dang / sprin med kyi lha rnams dang /bsod nams skyes kyi lha rnams dang / 'bras bu che ba'i lha rnams dang / 'du shes med pa'i sems can gyi lha rnams dang / mi spong ba'i lha rnams dang / mi gdung ba'i lha rnams dang / legs mthong gi lha rnams dang / rab lta'i lha rnams dang / 'og min gyi lha rnams dang / nam mkha' mtha' yas skye mched kyi lha rnams dang / rnam shes mtha' yas skye mched kyi lha rnams dang / ci yang med pa'i skye mched du nye bar 'gro ba'i lha rnams dang / 'du shes med 'du shes med min skye mched du nye bar 'gro ba'i lha rnams 'jig rten du 'byung bar 'gyur ro/ /rgyun du zhugs pa dang /lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro//rigs kyi bu dag byang chub sems dpa' sems dpa' chen po la brten nas dkon mchog gsum po rnams 'jig rten du 'byung bar 'gyur ro/ /'jig rten pa'i 'tsho ba'i yo byad thams cad de bza' ba dang / btung ba dang / gos dang / mal stan dang / na ba'i rkyen sman gyi yo byad rnams dang / nor bu dang / mu tig dang / bai DUr+ya dang / dung dang / men shel dang / byi ru dang / gser dang / dngul dag kyang 'jig rten du 'byung bar 'gyur ro/ /rigs kyi bu dag lha rdzas kyi bde ba'i cha rkyen thams cad nas mi ma yin pa rnams kyi srid pa'i bde ba rnams dang /mya ngan las 'das pa'i bde ba rnams dang / de dag thams cad kyang byang chub sems dpa' sems dpa' chen po la brten nas 'jig rten du 'byung bar 'gyur ro/ /de ci'i phyir zhe na/ rigs kyi bu dag byang chub sems dpa'i spyad pa spyod pa'i byang chub sems dpa' ni sems can rnams pha rol tu phyin pa drug po rnams la sbyor bar byed de/sbyin pa sbyin du 'jug go/ /tshul khrims yang dag par len du 'jug go/ /bzod pa la 'god do/ /brtson 'grus la nges par sbyor ro/ /bsam gtan la rab tu gnas par byed do/ /shes rab la yang dag par sbyor bar byed do//byang chub sems dpa' la brten nas sems can thams cad kyang shes rab kyi pha rol tu phyin pa la spyod pa yin no/ /rigs kyi bu dag de bas na byang chub sems dpa' sems dpa' chen po ni/ sems can thams cad la phan pa dang bde ba'i don du zhugs pa yin no//de nas bcom ldan 'das kyis de'i tshe zhal gyi sgo nas ljags kyi dbang po bkram ste/ stong gsum gyi stong chen po'i 'jig rten gyi khams 'di ljags kyi dbang pos khyab par mdzad do/ /de nas de'i tshe ljags kyi dbang po de las 'od 'phro ba kha dog du ma dang /kha dog sna tshogs su ldan pa mang po byung bar gyur to/ /byung nas shar phyogs kyi 'jig rten gyi khams gang gA'i klung gi bye ma snyed snang ba chen pos khyab par gyur to/ /de bzhin du lho phyogs kyi 'jig rten gyi khams gang gA'i klung gi bye ma snyed dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed snang ba chen pos rgyas par gyur to/ /de nas shar phyogs nas steng gi phyogs kyi bar gyi 'jig rten gyi khams gang gA'i klung gi bye ma snyed rnams nas byang chub sems dpa' gzhal du med grangs med pa rnams kyis 'od kyi tshogs de mthong nas/bcom ldan 'das gang gis 'di lta bur 'od kyis gsal bar snang ba 'di su'i mthu lags zhes rang rang gi sangs rgyas kyi zhing gi sangs rgyas bcom ldan 'das rnams la zhus par gyur to/ / sangs rgyas bcom ldan 'das de dag gis byang chub sems dpa' sems dpa' chen po de dag la 'di skad ces bka' stsal to/ /rigs kyi bu dag 'di ni nub phyogs nas steng gi phyogs kyi cha'i bar gyi 'jig rten gyi khams mi mjed ces bya ba yod pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ste/des zhal gyi sgo nas ljags kyi dbang po bkram ste/ shar phyogs nas steng gi phyogs kyi bar gyi 'jig rten gyi khams gang gA'i klung gi bye ma snyed 'od kyis snang bar mdzad do/ /'di lta ste/ byang chub sems dpa' sems dpa' chen po rnams la shes rab kyi pha rol tu phyin pa bstan pa'i phyir dang / yang dag par gsal bar bya ba'i phyir/ de ltar phyogs bcu rnams kyi 'jig rten gyi khams gang gA'i klung gi bye ma snyed 'od kyis gsal bar mdzad pa yin no/ /byang chub sems dpa' sems dpa' chen po de dag gis sangs rgyas bcom ldan 'das de dag la 'di skad ces gsol to//bcom ldan 'das bdag kyang 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de lta ba dang /de la phyag bgyi ba dang / bsnyen bkur ba dang / byang chub sems dpa' sems dpa' chen po phyogs bcu nas 'dus pa de dag kyang lta ba dang / shes rab kyi pha rol tu phyin pa de yang mnyan pa'i slad du mchi'o/ /sangs rgyas bcom ldan 'das de dag gis bka' stsal pa/rigs kyi bu dag da ltar de'i dus la bab par shes na song shig /de nas byang chub sems dpa' sems dpa' chen po de dag gis phyogs bcu rnams nas me tog dang / bdug spos dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i rgyal mtshan rnams khyer zhing rin po che sna tshogs dang / gser dang / dngul dang / me tog gi lan bu rnams kyang khyer nas glu dang / rol mo brdung ba dkrol ba mang pos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong bar gyur to//de nas rgyal chen bzhi'i ris kyi lha rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang /tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge ba dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang /mi spong ba dang / mi gdung ba dang / legs mthong dang / rab lta dang / 'og min gyi lha rnams kyis lha rdzas kyi me tog dang / bdug spos dang / dri dang / phreng ba dang / byug pa dang / phye ma dang / lha rdzas kyi me tog ut+pal dang / pad+mo dang / ku mu da dang / puN+Da rI ka dang / lha rdzas kyi me tog man+da ra ba dang / man+da ra ba chen po dang / ke sa ra dang / ta ma la'i 'dab ma mang po khyer te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga na ba der dong ngo //de nas byang chub sems dpa' sems dpa' chen po de dag dang / lha de dag gis me tog dang / bdug pa dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / lha'i ba dan de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la gtor to//mngon par gtor to/ /de nas me tog la sogs pa de dag stong gsum gyi stong chen po'i 'jig rten gyi khams 'di'i steng gi nam mkha' la mngon par 'phags te/ me tog gi khang pa brtsegs pa gru bzhi pa/ka ba bzhi dang ldan pa/ cha kun tu mnyam pa/ shin tu rnam par phye ba mdangs dga' zhing yid du 'ong bar red de 'dug go/ /de nas 'khor de'i nang nas srog chags bye ba khrag khrig brgya stong du ma stan las langs nas bla gos phrag pa gcig tu gzar zhing pus mo g.yas pa'i lha nga sa la btsugs nas/bcom ldan 'das gang na ba der thal mo sbyar bas btud de/ bcom ldan 'das la 'di skad ces/ bcom ldan 'das bdag cag gis kyang da ltar de bzhin gshegs pa dgra bcom pa yang dag par rdzogs pa'i sangs rgyas ji lta bar 'di lta bu'i rang bzhin gyis chos rnams thob par bgyi zhing da ltar bcom ldan 'das chos ston par mdzad pa ji lta bar 'khor 'di lta bur chos bstan par bgyi'o zhes gsol to//de nas bcom ldan 'das kyis rigs kyi bu de dag gi bsam pa thugs su chud de/ chos thams cad skye ba med pa dang / 'gag pa med pa dang / mngon par 'du bya ba med pa dang 'byung ba med pa la bzod par gyur pa yang mkhyen nas zhal 'dzum pa mdzad do/ /de nas bcom ldan 'das kyi zhal gyi sgo nas 'od zer kha dog sna tshogs dang ldan pa byung ste/ de dag gis thams cad dang ldan pa'i 'jig rten 'di la bskor ba byas nas yang slar 'dus nas bcom ldan 'das kyi dbu'i gtsug tu nub par gyur to//de nas tshe dang ldan pa kun dga' bo stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba der thal mo sbyar bas btud de/bcom ldan 'das la 'di skad ces gsol to/ /bcom ldan 'das sangs rgyas bcom ldan 'das rnams ni rgyu dang rkyen ma mchis par bzhad pa mi mdzad na/ zhal 'dzum pa mdzad pa'i rgyu ci lags/ rkyen ci lags/ bcom ldan 'das kyis bka' stsal pa/ kun dga' bo 'khor 'di'i nang nas srog chags bye ba khrag khrig brgya phrag stong gis mi skye ba'i chos la bzod pa thob par gyur to/ /de dag ni ma 'ongs pa'i dus na bskal pa bye ba phrag drug cu rtsa brgyad na bskal pa me tog gi 'byung gnas zhes bya ba la de bzhin gshegs pa dgra bcom pa yang dag par rdzogs pa'i sangs rgyas byang chub kyi yan lag me tog ces bya ba sha stag 'jig rten du 'byung bar 'gyur ro zhes bya ba ni mngon par shes pa drug la gdams pa'o// de nas bcom ldan 'das kyis de'i tshe tshe dang ldan pa rab 'byor la bka' stsal pa/ rab 'byor khyod byang chub sems dpa' sems dpa' chen po rnams kyi shes rab kyi pha rol tu phyin pa las brtsams te/ji ltar byang chub sems dpa' sems dpa' chen po rnams shes rab kyi pha rol tu phyin pa la nges par 'byung bar 'gyur ba de ltar spobs par gyis shig /de nas byang chub sems dpa' sems dpa' chen po de dag dang /nyan thos chen po de dag dang / lha'i bu de dag 'di snyam du ci tshe dang ldan pa rab 'byor 'di rang gi shes rab kyi spobs pa'i stobs bskyed pas byang chub sems dpa' sems dpa' chen po rnams la shes rab kyi pha rol tu phyin pa ston tam/ 'on te sangs rgyas kyi mthus ston par 'gyur snyam pa dang /de nas tshe dang ldan pa rab 'byor gyis sangs rgyas kyi mthus byang chub sems dpa' sems dpa' chen po de dag dang / nyan thos chen po de dag dang / lha'i bu de dag gi sems kyi kun tu rtog pa sems kyis yongs su shes nas tshe dang ldan pa shA ri'i bu la 'di skad ces smras so//tshe dang ldan pa shA ri'i bu bcom ldan 'das kyi nyan thos rnams gang cung zad 'chad pa dang ston pa dang nye bar ston pa de thams cad de bzhin gshegs pa'i skyes bu'i mthur rig par bya'o/ /de ci'i phyir zhe na/ 'di ltar de bzhin gshegs pas chos gang bstan pa'i chos de dag la bcom ldan 'das kyi nyan thos rnams kyis bslabs pas na chos nyid de mngon sum du byed do//chos nyid de mngon sum du byas nas gang dang gang nyid 'chad pa dang ston pa dang nye bar ston pa de dag thams cad chos nyid dang mi 'gal lo//shA ri'i bu 'di ni de bzhin gshegs pa nyid byang chub sems dpa' sems dpa' chen po rnams la shes rab kyi pha rol tu phyin pa thabs kyis ston pa yin te/ shA ri'i bu byang chub sems dpa' sems dpa' chen po rnams la shes rab kyi pha rol tu phyin pa bstan pa 'di ni nyan thos dang /rang sangs rgyas thams cad kyi yul ma yin no zhes bya ba ni mthong ba'i lam la gdams pa nye bar dgod pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' byang chub sems dpa' zhes gsungs na/bcom ldan 'das 'di chos gang gi tshig bla dgas lags te/ 'di lta ste/ byang chub sems dpa' zhes bgyi/ bcom ldan 'das bdag gis ni chos de yang yang dag par rjes su ma mthong ste/ 'di lta ste/ byang chub sems dpa' zhes bgyi ba'o//bcom ldan 'das de ltar bdag gis byang chub sems dpa' yang dag par rjes su ma mthong zhing / shes rab kyi pha rol tu phyin pa yang mi dmigs na/ byang chub sems dpa' gang zhig la shes rab kyi pha rol tu phyin pa gang zhig gdams par bgyi zhing rjes su bstan par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ rab 'byor 'di ni ming tsam yin te/ 'di lta ste/ byang chub sems dpa' zhes bya ba dang / shes rab kyi pha rol tu phyin pa zhes bya ba'o/ /byang chub sems dpa'i ming de yang nang na yang med/phyi rol na yang med/ gnyis ka las gzhan du yang mi dmigs so/ /rab 'byor 'di lta ste dper na/ sems can sems can zhes brjod mod kyi/ sems can ni 'ga' yang mi dmigs so/ /de'i ming gang yin pa de ni btags pa tsam dang / btags pa'i chos dang /btags par yod pa yin no zhes bya ba ni sdug bsngal la chos shes pa'i bzod pa'o/ / btags pa de yang ming gi brda tsam gyis tha snyad du byed pa ma gtogs par skye ba med cing 'gag pa med do/ /de bzhin du bdag dang / srog dang / gso ba dang / skyes bu dang / gang zag dang /shed las skyes dang / shed bu dang / byed pa po dang / tshor ba po dang / shes pa po dang / mthong ba po 'di dag thams cad ni btags pa'i chos te/ 'di thams cad ni skye ba med cing 'gag pa med pa nas ming gis tha snyad du byed pa'i bar yin no/ /rab 'byor de bzhin du shes rab kyi pha rol tu phyin pa gang yin pa dang /byang chub sems dpa' gang yin pa dang / byang chub sems dpa'i ming gang yin pa 'di dag thams cad ni btags pa'i chos te/ 'di dag thams cad ni skye ba med cing 'gag pa med pa nas ming tsam gyis tha snyad du byed pa yin no/ /rab 'byor 'di lta ste dper na/nang gi gzugs zhes bya ba 'di ni chos su btags pa tsam du zad de/ chos su btags pa de la ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /rab 'byor tshor ba zhes bya ba 'di ni chos su btags pa tsam mo/ /chos su btags pa de yang ming tsam brda tsam gyis tha snyad du gdags pa ma gtogs par skye ba med pa 'gag pa med pa'o//rab 'byor 'du shes zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o//rab 'byor 'du byed rnams zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med cing 'gag pa med pa'o/ /rab 'byor rnam par shes pa zhes bya ba 'di ni chos su btags pa tsam mo/ / chos su btags pa de yang ming gi brda tsam gyis tha snyad du gdags pa ma gtogs par skye ba med cing 'gag pa med pa'o/ /rab 'byor de bzhin du shes rab kyi pha rol tu phyin pa dang / byang chub sems dpa' dang / byang chub sems dpa'i ming zhes brjod pa de dag thams cad ni btags pa'i chos tsam mo//btags pa'i chos de dag la yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /rab 'byor mig ces bya ba 'di ni chos su btags pa tsam mo/ /chos su btags pa de yang ming gi brdar btags pa tsam gyis tha snyad du gdags pa 'di lta ste/mig ces bya ba ma gtogs par skye ba med pa 'gag pa med pa'o/ /mig de yang nang ma yin/ phyi rol ma yin/ gnyis las gzhan du mi dmigs so/ /rab 'byor rna ba zhes bya ba 'di ni chos su btags pa tsam mo/ / chos su btags pa de yang ming gi brda tsam gyis tha snyad du gdags pa 'di lta ste/ rna ba zhes bya ba ma gtogs par skye ba med pa 'gag pa med pa'o/ /rna ba de yang nang ma yin/ phyi rol ma yin/ gnyis las gzhan du mi dmigs so/ /rab 'byor sna zhes bya ba 'di ni chos su btags pa tsam mo//chos su btags pa de yang ming gi brda tsam gyis tha snyad du gdags pa 'di lta ste/ sna zhes bya ba ma gtogs par skye ba med pa 'gag pa med pa'o/ /sna de yang nang ma yin/ phyi rol ma yin/ gnyis las gzhan du mi dmigs so/ /rab 'byor lce zhes bya ba 'di ni chos su btags pa tsam mo//chos su btags pa de yang ming gi brda tsam gyis tha snyad du gdags pa 'di lta ste/ lce zhes bya ba ma gtogs par skye ba med pa 'gag pa med pa'o/ /lce de yang nang ma yin/ phyi rol ma yin/ gnyis las gzhan du mi dmigs so/ /rab 'byor lus zhes bya ba 'di ni chos su btags pa tsam mo//chos su btags pa de yang ming gi brda tsam gyis tha snyad du gdags pa 'di lta ste/ lus zhes bya ba ma gtogs par skye ba med pa 'gag pa med pa'o/ /lus de yang nang ma yin/ phyi rol ma yin/ gnyis las gzhan du mi dmigs so//rab 'byor yid ces bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa 'di lta ste/ yid ces bya ba ma gtogs par skye ba med pa 'gag pa med pa'o/ /yid de yang nang ma yin/ phyi rol ma yin/gnyis las gzhan du mi dmigs so/ /rab 'byor gzugs zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa 'di lta ste/ gzugs zhes bya ba ma gtogs par skye ba med pa 'gag pa med pa'o/ / gzugs de yang nang ma yin/ phyi rol ma yin/ gnyis las gzhan du mi dmigs so/ /rab 'byor sgra zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa 'di lta ste/ sgra zhes bya ba ma gtogs par skye ba med pa 'gag pa med pa'o//sgra de yang nang ma yin/ phyi rol ma yin/ gnyis las gzhan du mi dmigs so/ /rab 'byor dri zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa 'di lta ste/ dri zhes bya ba ma gtogs par skye ba med pa 'gag pa med pa'o//dri de yang nang ma yin/ phyi rol ma yin/ gnyis las gzhan du mi dmigs so/ /rab 'byor ro zhes bya ba 'di ni chos su btags pa tsam mo/ chos su btags pa de yang ming gi brda tsam gyis tha snyad du gdags pa 'di lta ste/ ro zhes bya ba ma gtogs par skye ba med pa 'gag pa med pa'o//ro de yang nang ma yin/ phyi rol ma yin/ gnyis las gzhan du mi dmigs so/ /rab 'byor reg ces bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa 'di lta ste/ reg ces bya ba ma gtogs par skye ba med pa 'gag pa med pa'o//reg de yang nang ma yin/ phyi rol ma yin/ gnyis las gzhan du mi dmigs so/ /rab 'byor chos zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa 'di lta ste/chos zhes bya ba ma gtogs par skye ba med pa 'gag pa med pa'o/ /chos de yang nang ma yin/ phyi rol ma yin/ gnyis las gzhan du mi dmigs so/ /rab 'byor mig gi khams dang / gzugs kyi khams dang / mig gi rnam par shes pa'i khams zhes bya ba 'di ni chos su btags pa tsam mo//chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /de dag kyang nang ma yin/ phyi rol ma yin/ gnyis las gzhan du mi dmigs so/ /rab 'byor rna ba'i khams dang /sgra'i khams dang / rna ba'i rnam par shes pa'i khams zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /de dag kyang nang ma yin/ phyi rol ma yin/gnyis las gzhan du mi dmigs so/ /rab 'byor sna'i khams dang / dri'i khams dang / sna'i rnam par shes pa'i khams zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o//de dag kyang nang ma yin/ phyi rol ma yin/ gnyis las gzhan du mi dmigs so/ /rab 'byor lce'i khams dang / ro'i khams dang / lce'i rnam par shes pa'i khams zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o//de dag kyang nang ma yin/ phyi rol ma yin/ gnyis las gzhan du mi dmigs so/ /rab 'byor lus kyi khams dang / reg bya'i khams dang / lus kyi rnam par shes pa'i khams zhes bya ba 'di ni chos su btags pa tsam mo//chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /de dag kyang nang ma yin/ phyi rol ma yin/ gnyis las gzhan du mi dmigs so//rab 'byor yid kyi khams dang / chos kyi khams dang / yid kyi rnam par shes pa'i khams zhes bya ba 'di ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ / de dag kyang nang ma yin/ phyi rol ma yin/ gnyis las gzhan du mi dmigs so/ /rab 'byor de bzhin du shes rab kyi pha rol tu phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes brjod pa gang yin pa 'di dag ni chos su btags pa tsam mo//chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /ming de yang nang ma yin/ phyi rol ma yin/ gnyis las gzhan du mi dmigs so/ /rab 'byor 'di lta ste dper na/ nang gi lus zhes bya ba gang yin pa de ni tha snyad du gdags pa yin zhing mgo dang /mgrin pa dang / thal gong dang / phrag pa dang / dpung pa dang / sgal tshigs dang / sog pa dang / rtsib ma dang / sta zur dang / brla dang / rje ngar dang / rkang pa dang / rus pa dag ces bya ba 'di ni gdags pa yin la/de yang btags pa'i chos yin no/ /de dag ni ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /ming de yang nang ma yin/ phyi rol ma yin/ gnyis las gzhan du mi dmigs so/ /rab 'byor de bzhin du shes rab kyi pha rol tu phyin pa zhes bya ba dang /byang chub sems dpa' zhes bya ba dang / byang chub sems dpa'i ming zhes brjod pa gang yin pa 'di dag thams cad ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o//ming de dag kyang nang ma yin/ phyi rol ma yin/ gnyis las gzhan du ma yin no/ /rab 'byor 'di lta ste dper na/ gang 'di phyi rol gyi rtswa dang shing dang yal ga dang lo ma dang 'dab ma zhes bya ba de dag thams cad la ming sna tshogs kyis tha snyad du brjod de /ming de dag kyang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /ming de dag kyang nang ma yin/ phyi rol ma yin/ gnyis las gzhan du mi dmigs so/ /rab 'byor de bzhin du shes rab kyi pha rol tu phyin pa zhes bya ba dang /byang chub sems dpa' zhes bya ba dang / byang chub sems dpa'i ming zhes brjod pa gang yin pa 'di thams cad ming sna tshogs kyis tha snyad du brjod pa'o/ /ming de dag kyang ming gi brda tsam gyis tha snyad du gdags pa ma gtogs par skye ba med pa 'gag pa med pa'o//ming de dag kyang nang ma yin/ phyi rol ma yin/ gnyis las gzhan du mi dmigs te/ rab 'byor de bzhin du byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /rab 'byor gzhan yang 'di lta ste dper na/rmi lam dang / sgra brnyan dang / smig rgyu dang / gzugs brnyan dang / sgyu ma dang / chu zla dang / de bzhin gshegs pa'i sprul pa'i chos de dag thams cad ni chos su btags pa tsam mo/ /chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o//ming de yang nang ma yin/ phyi rol ma yin/ gnyis las gzhan du mi dmigs so/ /rab 'byor de bzhin du shes rab kyi pha rol tu phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes brjod pa 'di dag thams cad ni chos su btags pa tsam mo//chos su btags pa de yang ming gi brda tsam gyis tha snyad du gdags pa ma gtogs par skye ba med pa 'gag pa med pa'o/ /ming de dag kyang nang ma yin/ phyi rol ma yin/ gnyis las gzhan du mi dmigs so/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas ming gi brdar btags pa dang /gdams ngag tu btags pa dang / chos su btags pa la bslab par bya'o zhes bya ba ni sdug bsngal la chos shes pa'o/ / rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod pas ni gzugs rtag ces bya bar yang dag par rjes su mi mthong ngo //gzugs mi rtag ces bya bar yang dag par rjes su mi mthong ngo / /gzugs bde zhes bya bar yang dag par rjes su mi mthong ngo / /gzugs sdug bsngal zhes bya bar yang dag par rjes su mi mthong ngo //gzugs bdag ces bya bar yang dag par rjes su mi mthong ngo / /gzugs bdag med ces bya bar yang dag par rjes su mi mthong ngo / /gzugs zhi zhes bya bar yang dag par rjes su mi mthong ngo / /gzugs ma zhi zhes bya bar yang dag par rjes su mi mthong ngo / /gzugs stong zhes bya bar yang dag par rjes su mi mthong ngo //gzugs mi stong zhes bya bar yang dag par rjes su mi mthong ngo / /gzugs mtshan ma yod ces bya bar yang dag par rjes su mi mthong ngo / /gzugs mtshan ma med ces bya bar yang dag par rjes su mi mthong ngo / /gzugs smon pa yod ces bya bar yang dag par rjes su mi mthong ngo //gzugs smon pa med ces bya bar yang dag par rjes su mi mthong ngo / /gzugs 'dus byas zhes bya bar yang dag par rjes su mi mthong ngo / /gzugs 'dus ma byas zhes bya bar yang dag par rjes su mi mthong ngo / /gzugs skye zhes bya bar yang dag par rjes su mi mthong ngo //gzugs mi skye zhes bya bar yang dag par rjes su mi mthong ngo / /gzugs 'gag ces bya bar yang dag par rjes su mi mthong ngo / /gzugs mi 'gag ces bya bar yang dag par rjes su mi mthong ngo / /gzugs dben zhes bya bar yang dag par rjes su mi mthong ngo //gzugs mi dben zhes bya bar yang dag par rjes su mi mthong ngo / /gzugs dge zhes bya bar yang dag par rjes su mi mthong ngo / /gzugs mi dge zhes bya bar yang dag par rjes su mi mthong ngo / /gzugs kha na ma tho ba dang bcas zhes bya bar yang dag par rjes su mi mthong ngo //gzugs kha na ma tho ba med ces bya bar yang dag par rjes su mi mthong ngo / /gzugs zag pa dang bcas zhes bya bar yang dag par rjes su mi mthong ngo / /gzugs zag pa med ces bya bar yang dag par rjes su mi mthong ngo / /gzugs nyon mongs pa dang bcas zhes bya bar yang dag par rjes su mi mthong ngo //gzugs nyon mongs pa med pa zhes bya bar yang dag par rjes su mi mthong ngo / /gzugs 'jig rten pa zhes bya bar yang dag par rjes su mi mthong ngo / /gzugs 'jig rten las 'das pa zhes bya bar yang dag par rjes su mi mthong ngo //gzugs kun nas nyon mongs pa zhes bya bar yang dag par rjes su mi mthong ngo / /gzugs rnam par byang ba zhes bya bar yang dag par rjes su mi mthong ngo / /gzugs 'khor ba zhes bya bar yang dag par rjes su mi mthong ngo / /gzugs mya ngan las 'das pa zhes bya bar yang dag par rjes su mi mthong ngo //tshor ba rtag ces bya bar yang dag par rjes su mi mthong ngo / /mi rtag ces bya bar yang dag par rjes su mi mthong ngo / /bde zhes bya bar yang dag par rjes su mi mthong ngo / /sdug bsngal zhes bya bar yang dag par rjes su mi mthong ngo //bdag ces bya bar ma yin/ bdag med ces bya bar ma yin/ zhi zhes bya bar ma yin/ ma zhi zhes bya bar ma yin/ tshor ba stong zhes bya bar ma yin/ mi stong zhes bya bar ma yin/ mtshan ma yod ces bya bar ma yin/ mtshan ma med ces bya bar ma yin/ smon pa yod ces bya bar ma yin/ smon pa med ces bya bar yang dag par rjes su mi mthong ngo / /'dus byas zhes bya bar ma yin/ 'dus ma byas zhes bya bar ma yin/ skye zhes bya bar ma yin/ mi skye zhes bya bar ma yin/ 'gag ces bya bar ma yin/ mi 'gag ces bya bar ma yin/dben zhes bya bar ma yin/ mi dben zhes bya bar ma yin/ dge zhes bya bar ma yin/ mi dge zhes bya bar ma yin/ kha na ma tho ba dang bcas pa zhes bya bar ma yin/ kha na ma tho ba med pa zhes bya bar ma yin/ zag pa dang bcas pa zhes bya bar ma yin/ zag pa med pa zhes bya bar ma yin/nyon mongs pa dang bcas pa zhes bya bar ma yin/ nyon mongs pa med pa zhes bya bar ma yin/ 'jig rten pa zhes bya bar ma yin/ 'jig rten las 'das pa zhes bya bar ma yin/ kun nas nyon mongs pa zhes bya bar ma yin/ rnam par byang ba zhes bya bar ma yin/ 'khor ba zhes bya bar ma yin te/tshor ba ni mya ngan las 'das pa zhes bya bar yang dag par rjes su mi mthong ngo / /'du shes rtag ces bya bar yang dag par rjes su mi mthong ngo / /mi rtag ces bya bar yang dag par rjes su mi mthong ngo / /bde zhes bya bar ma yin/ sdug bsngal zhes bya bar ma yin/bdag ces bya bar ma yin/ bdag med ces bya bar ma yin/ zhi zhes bya bar ma yin/ ma zhi zhes bya bar ma yin/ 'du shes stong zhes bya bar ma yin/ mi stong zhes bya bar ma yin/ mtshan ma yod ces bya bar ma yin/ mtshan ma med ces bya bar ma yin/ smon pa yod ces bya bar ma yin/smon pa med ces bya bar yang dag par rjes su mi mthong ngo / /'dus byas zhes bya bar ma yin/ 'dus ma byas zhes bya bar ma yin/ skye ba zhes bya bar ma yin/ skye ba med pa zhes bya bar ma yin/ 'gag ces bya bar ma yin/ mi 'gag ces bya bar ma yin/ dben zhes bya bar ma yin/mi dben zhes bya bar ma yin/ dge zhes bya bar ma yin/ mi dge zhes bya bar ma yin/ kha na ma tho ba dang bcas pa zhes bya bar ma yin/ kha na ma tho ba med ces bya bar ma yin/ zag pa dang bcas pa zhes bya bar ma yin/ zag pa med pa zhes bya bar ma yin/ nyon mongs pa dang bcas pa zhes bya bar ma yin/nyon mongs pa med pa zhes bya bar ma yin/ 'jig rten pa zhes bya bar ma yin/ 'jig rten las 'das pa zhes bya bar ma yin/ kun nas nyon mongs pa zhes bya bar ma yin/ rnam par byang ba zhes bya bar ma yin/ 'khor ba zhes bya bar ma yin te/ 'du shes mya ngan las 'das pa zhes bya bar yang dag par rjes su mi mthong ngo //'du byed rnams rtag ces bya bar yang dag par rjes su mi mthong ngo / /'du byed rnams mi rtag ces bya bar yang dag par rjes su mi mthong ngo / /bde zhes bya bar ma yin/ sdug bsngal zhes bya bar ma yin/ bdag ces bya bar ma yin/ bdag med ces bya bar ma yin/ zhi zhes bya bar ma yin/ ma zhi zhes bya bar ma yin/ 'du byed stong zhes bya bar ma yin/ mi stong zhes bya bar ma yin/ mtshan ma yod ces bya bar ma yin/ mtshan ma med ces bya bar ma yin/ smon pa yod ces bya bar ma yin/smon pa med ces bya bar yang dag par rjes su mi mthong ngo / /'dus byas zhes bya bar ma yin/ 'dus ma byas zhes bya bar ma yin/ skye zhes bya bar ma yin/ mi skye zhes bya bar ma yin/ 'gag ces bya bar ma yin/ mi 'gag ces bya bar ma yin/ dben zhes bya bar ma yin/mi dben zhes bya bar ma yin/ dge zhes bya bar ma yin/ mi dge zhes bya bar ma yin/ kha na ma tho ba dang bcas pa zhes bya bar ma yin/ kha na ma tho ba med pa zhes bya bar ma yin/ zag pa dang bcas pa zhes bya bar ma yin/ zag pa med pa zhes bya bar ma yin/nyon mongs pa dang bcas pa zhes bya bar ma yin/ nyon mongs pa med pa zhes bya bar ma yin/ 'jig rten pa zhes bya bar ma yin/ 'jig rten las 'das pa zhes bya bar ma yin/ kun nas nyon mongs pa zhes bya bar ma yin/ rnam par byang ba zhes bya bar ma yin/ 'khor ba zhes bya bar ma yin te/ 'du byed rnams mya ngan las 'das pa zhes bya bar yang dag par rjes su mi mthong ngo / /rnam par shes pa rtag ces bya bar yang dag par rjes su mi mthong ngo / /mi rtag ces bya bar yang dag par rjes su mi mthong ngo / /bde zhes bya bar ma yin/ sdug bsngal zhes bya bar ma yin/bdag ces bya bar ma yin/ bdag med ces bya bar ma yin/ zhi zhes bya bar ma yin/ ma zhi zhes bya bar ma yin/ rnam par shes pa stong zhes bya bar ma yin/ mi stong zhes bya bar ma yin/ mtshan ma yod ces bya bar ma yin/ mtshan ma med ces bya bar ma yin/smon pa yod ces bya bar ma yin/ smon pa med ces bya bar yang dag par rjes su mi mthong ngo / /'dus byas zhes bya bar ma yin/ 'dus ma byas zhes bya bar ma yin/ skye zhes bya bar ma yin/ mi skye zhes bya bar ma yin/ 'gag ces bya bar ma yin/ mi 'gag ces bya bar ma yin/dben zhes bya bar ma yin/ mi dben zhes bya bar ma yin/ dge zhes bya bar ma yin/ mi dge zhes bya bar ma yin/ kha na ma tho ba dang bcas pa zhes bya bar ma yin/ kha na ma tho ba med pa zhes bya bar ma yin/ zag pa dang bcas pa zhes bya bar ma yin/ zag pa med pa zhes bya bar ma yin/nyon mongs pa dang bcas pa zhes bya bar ma yin/ nyon mongs pa med pa zhes bya bar ma yin/ 'jig rten pa zhes bya bar ma yin/ 'jig rten las 'das pa zhes bya bar ma yin/ kun nas nyon mongs pa zhes bya bar ma yin/ rnam par byang ba zhes bya bar ma yin/'khor ba zhes bya bar ma yin te/ rnam par shes pa mya ngan las 'das pa zhes bya bar yang dag par rjes su mi mthong ngo // //bam po bdun pa/ de bzhin du mig gi khams rtag ces bya ba'am/ mi rtag ces bya bar yang dag par rjes su mi mthong ngo / / gzugs kyi khams rtag ces bya ba'am/ mi rtag ces bya bar yang dag par rjes su mi mthong ngo / /mig gi rnam par shes pa'i khams rtag ces bya ba'am/ mi rtag ces bya bar yang dag par rjes su mi mthong ngo / /mig gi khams bde zhes bya ba'am/ sdug bsngal zhes bya bar yang dag par rjes su mi mthong ngo //gzugs kyi khams bde zhes bya ba'am/ sdug bsngal zhes bya bar yang dag par rjes su mi mthong ngo / /mig gi rnam par shes pa'i khams bde zhes bya ba'am/ sdug bsngal zhes bya bar yang dag par rjes su mi mthong ngo / /mig gi khams bdag ces bya ba'am/bdag med ces bya bar yang dag par rjes su mi mthong ngo / /gzugs kyi khams bdag ces bya ba'am/ bdag med ces bya bar yang dag par rjes su mi mthong ngo / /mig gi rnam par shes pa'i khams bdag ces bya ba'am/ bdag med ces bya bar yang dag par rjes su mi mthong ngo //mig gi khams zhi zhes bya ba'am/ ma zhi zhes bya bar yang dag par rjes su mi mthong ngo / /gzugs kyi khams zhi zhes bya ba'am/ ma zhi zhes bya bar yang dag par rjes su mi mthong ngo / /mig gi rnam par shes pa'i khams zhi zhes bya ba'am/ma zhi zhes bya bar yang dag par rjes su mi mthong ngo / /mig gi khams stong zhes bya ba'am/ mi stong zhes bya bar yang dag par rjes su mi mthong ngo / /gzugs kyi khams stong zhes bya ba'am/ mi stong zhes bya bar yang dag par rjes su mi mthong ngo / /mig gi rnam par shes pa'i khams stong zhes bya ba'am/mi stong zhes bya bar yang dag par rjes su mi mthong ngo / /mig gi khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /gzugs kyi khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo //mig gi rnam par shes pa'i khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /mig gi khams smon pa yod ces bya ba'am/ smon pa med ces bya bar yang dag par rjes su mi mthong ngo / / gzugs kyi khams smon pa yod ces bya ba'am/ smon pa med ces bya bar yang dag par rjes su mi mthong ngo / /mig gi rnam par shes pa'i khams smon pa yod ces bya ba'am/ smon pa med ces bya bar yang dag par rjes su mi mthong ngo / /mig gi khams 'dus byas zhes bya ba'am/ 'dus ma byas zhes bya bar yang dag par rjes su mi mthong ngo //gzugs kyi khams 'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /mig gi rnam par shes pa'i khams 'dus byas zhes bya ba'am/ 'dus ma byas zhes bya bar yang dag par rjes su mi mthong ngo //mig gi khams skye zhes bya ba'am/ mi skye zhes bya bar yang dag par rjes su mi mthong ngo / /gzugs kyi khams skye zhes bya ba'am/ mi skye zhes bya bar yang dag par rjes su mi mthong ngo / /mig gi rnam par shes pa'i khams skye zhes bya ba'am/ mi skye zhes bya bar yang dag par rjes su mi mthong ngo //mig gi khams 'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /gzugs kyi khams 'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /mig gi rnam par shes pa'i khams 'gag pa zhes bya ba'am/mi 'gag pa zhes bya bar yang dag par rjes su mi mthong ngo / /mig gi khams dben zhes bya ba'am/ mi dben zhes bya bar yang dag par rjes su mi mthong ngo / /gzugs kyi khams dben zhes bya ba'am/ mi dben zhes bya bar yang dag par rjes su mi mthong ngo //mig gi rnam par shes pa'i khams dben zhes bya ba'am/ mi dben zhes bya bar yang dag par rjes su mi mthong ngo / /mig gi khams dge ba zhes bya ba'am/ mi dge ba zhes bya bar yang dag par rjes su mi mthong ngo / /gzugs kyi khams dge ba zhes bya ba'am/ mi dge ba zhes bya bar yang dag par rjes su mi mthong ngo //mig gi rnam par shes pa'i khams dge ba zhes bya ba'am/ mi dge ba zhes bya bar yang dag par rjes su mi mthong ngo / /mig gi khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo //gzugs kyi khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /mig gi rnam par shes pa'i khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo //mig gi khams zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /gzugs kyi khams zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /mig gi rnam par shes pa'i khams zag pa dang bcas pa zhes bya ba'am/zag pa med pa zhes bya bar yang dag par rjes su mi mthong ngo / /mig gi khams nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /gzugs kyi khams nyon mongs pa dang bcas pa zhes bya ba'am/nyon mongs pa med pa zhes bya bar yang dag par rjes su mi mthong ngo / /mig gi rnam par shes pa'i khams nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /mig gi khams 'jig rten pa zhes bya ba'am/'jig rten las 'das pa zhes bya bar yang dag par rjes su mi mthong ngo / /gzugs kyi khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /mig gi rnam par shes pa'i khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /mig gi khams kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /gzugs kyi khams kun nas nyon mongs pa zhes bya ba'am/rnam par byang ba zhes bya bar yang dag par rjes su mi mthong ngo / /mig gi rnam par shes pa'i khams kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /mig gi khams 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo //gzugs kyi khams 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo / /mig gi rnam par shes pa'i khams 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo //de bzhin du rna ba'i khams dang / sgra'i khams dang / rna ba'i rnam par shes pa'i khams rtag ces bya ba'am/ mi rtag ces bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams bde zhes bya ba'am/sdug bsngal zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams bdag ces bya ba'am/ bdag med ces bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams zhi zhes bya ba'am/ ma zhi zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams stong zhes bya ba'am/ mi stong zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams smon pa yod ces bya ba'am/ smon pa med ces bya bar yang dag par rjes su mi mthong ngo //rna ba'i khams dang / sgra'i khams dang / rna ba'i rnam par shes pa'i khams 'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams skye ba zhes bya ba'am/mi skye ba zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams 'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams dben zhes bya ba'am/mi dben zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams dge zhes bya ba'am/ mi dge zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /rna ba'i khams dang / sgra'i khams dang /rna ba'i rnam par shes pa'i khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /rna ba'i khams dang / sgra'i khams dang / rna ba'i rnam par shes pa'i khams kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo //rna ba'i khams dang / sgra'i khams dang / rna ba'i rnam par shes pa'i khams 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams rtag ces bya ba'am/ mi rtag ces bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams bde zhes bya ba'am/ sdug bsngal zhes bya bar yang dag par rjes su mi mthong ngo //sna'i khams dang / dri'i khams dang / sna'i rnam par shes pa'i khams bdag ces bya ba'am/ bdag med ces bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams zhi zhes bya ba'am/ ma zhi zhes bya bar yang dag par rjes su mi mthong ngo //sna'i khams dang / dri'i khams dang / sna'i rnam par shes pa'i khams stong zhes bya ba'am/ mi stong zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams smon pa yod ces bya ba'am/ smon pa med ces bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams 'dus byas zhes bya ba'am/'dus ma byas zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams skye ba zhes bya ba'am/ mi skye ba zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams 'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams dben zhes bya ba'am/ mi dben zhes bya bar yang dag par rjes su mi mthong ngo //sna'i khams dang / dri'i khams dang / sna'i rnam par shes pa'i khams dge zhes bya ba'am/ mi dge zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /sna'i khams dang / dri'i khams dang /sna'i rnam par shes pa'i khams nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo //sna'i khams dang / dri'i khams dang / sna'i rnam par shes pa'i khams kun nas nyon mongs pa'am/ rnam par byang ba zhes bya bar yang dag par rjes su mi mthong ngo / /sna'i khams dang / dri'i khams dang / sna'i rnam par shes pa'i khams 'khor ba zhes bya ba'am/mya ngan las 'das pa zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams rtag ces bya ba'am/ mi rtag ces bya bar yang dag par rjes su mi mthong ngo / /lce'i khams dang /ro'i khams dang / lce'i rnam par shes pa'i khams bde zhes bya ba'am/ sdug bsngal zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams bdag ces bya ba'am/ bdag med ces bya bar yang dag par rjes su mi mthong ngo //lce'i khams dang / ro'i khams dang / lce'i rnam par shes pa'i khams zhi zhes bya ba'am/ ma zhi zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams stong zhes bya ba'am/mi stong zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams smon pa yod ces bya ba'am/ smon pa med ces bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams 'dus byas zhes bya ba'am/ 'dus ma byas zhes bya bar yang dag par rjes su mi mthong ngo //lce'i khams dang / ro'i khams dang / lce'i rnam par shes pa'i khams skye ba zhes bya ba'am/ mi skye ba zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams 'gag ces bya ba'am/ mi 'gag ces bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams dben zhes bya ba'am/ mi dben zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams dge zhes bya ba'am/mi dge zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /lce'i khams dang /ro'i khams dang / lce'i rnam par shes pa'i khams zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo //lce'i khams dang / ro'i khams dang / lce'i rnam par shes pa'i khams kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /lce'i khams dang / ro'i khams dang / lce'i rnam par shes pa'i khams 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams rtag ces bya ba'am/ mi rtag ces bya bar yang dag par rjes su mi mthong ngo //lus kyi khams dang / reg bya'i khams dang / lus kyi rnam par shes pa'i khams bde zhes bya ba'am/ sdug bsngal zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams bdag ces bya ba'am/bdag med ces bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams zhi zhes bya ba'am/ ma zhi zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams stong zhes bya ba'am/ mi stong zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams mtshan ma yod ces bya ba'am/ mtshan ma med ces bya bar yang dag par rjes su mi mthong ngo //lus kyi khams dang / reg bya'i khams dang / lus kyi rnam par shes pa'i khams smon pa yod ces bya ba'am/ smon pa med ces bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams 'dus byas zhes bya ba'am/'dus ma byas zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams skye ba zhes bya ba'am/ mi skye ba zhes bya bar yang dag par rjes su mi mthong ngo / /lus kyi khams dang / reg bya'i khams dang /lus kyi rnam par shes pa'i khams 'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams dben zhes bya ba'am/ mi dben zhes bya bar yang dag par rjes su mi mthong ngo //lus kyi khams dang / reg bya'i khams dang / lus kyi rnam par shes pa'i khams dge zhes bya ba'am/ mi dge zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams kha na ma tho ba dang bcas pa zhes bya ba'am/kha na ma tho ba med pa zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo //lus kyi khams dang / reg bya'i khams dang / lus kyi rnam par shes pa'i khams nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /lus kyi khams dang / reg bya'i khams dang /lus kyi rnam par shes pa'i khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /lus kyi khams dang / reg bya'i khams dang / lus kyi rnam par shes pa'i khams kun nas nyon mongs pa zhes bya ba'am / rnam par byang ba zhes bya bar yang dag par rjes su mi mthong ngo //lus kyi khams dang / reg bya'i khams dang / lus kyi rnam par shes pa'i khams 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo / /yid kyi khams dang / chos kyi khams dang /yid kyi rnam par shes pa'i khams rtag ces bya ba'am/ mi rtag ces bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams bde zhes bya ba'am/ sdug bsngal zhes bya bar yang dag par rjes su mi mthong ngo / / yid kyi khams dang / chos kyi khams dang / yid kyi rnam par shes pa'i khams bdag ces bya ba'am/ bdag med ces bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams zhi zhes bya ba'am/ ma zhi zhes bya bar yang dag par rjes su mi mthong ngo //yid kyi khams dang / chos kyi khams dang / yid kyi rnam par shes pa'i khams stong zhes bya ba'am/ mi stong zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams mtshan ma yod ces bya ba'am/mtshan ma med ces bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams smon pa yod ces bya ba'am/ smon pa med ces bya bar yang dag par rjes su mi mthong ngo / /yid kyi khams dang /chos kyi khams dang / yid kyi rnam par shes pa'i khams 'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams skye ba zhes bya ba'am/ mi skye ba zhes bya bar yang dag par rjes su mi mthong ngo //yid kyi khams dang / chos kyi khams dang / yid kyi rnam par shes pa'i khams 'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams dben zhes bya ba'am/mi dben zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams dge zhes bya ba'am/ mi dge zhes bya bar yang dag par rjes su mi mthong ngo / /yid kyi khams dang / chos kyi khams dang /yid kyi rnam par shes pa'i khams kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams zag pa dang bcas pa zhes bya ba'am/zag pa med pa zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /yid kyi khams dang /chos kyi khams dang / yid kyi rnam par shes pa'i khams 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams kun nas nyon mongs pa zhes bya ba'am/rnam par byang ba zhes bya bar yang dag par rjes su mi mthong ngo / /yid kyi khams dang / chos kyi khams dang / yid kyi rnam par shes pa'i khams 'khor ba zhes bya ba'am/ mya ngan las 'das pa zhes bya bar yang dag par rjes su mi mi mthong ngo //mig dang / gzugs dang / mig gi rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de yang rtag ces bya ba'am/ mi rtag ces bya bar yang dag par rjes su mi mthong ngo //de bzhin du bde ba'am/ sdug bsngal zhes bya bar yang dag par rjes su mi mthong ngo / /bdag ces bya ba'am/ bdag med ces bya bar yang dag par rjes su mi mthong ngo / /zhi zhes bya ba'am/ ma zhi zhes bya bar yang dag par rjes su mi mthong ngo / /stong zhes bya ba'am/mi stong zhes bya bar yang dag par rjes su mi mthong ngo / /mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /smon pa yod ces bya ba'am/ smon pa med ces bya bar yang dag par rjes su mi mthong ngo / /'dus byas zhes bya ba'am/'dus ma byas zhes bya bar yang dag par rjes su mi mthong ngo / /skye ba zhes bya ba'am/ mi skye ba zhes bya bar yang dag par rjes su mi mthong ngo / /'gag ces bya ba'am/ mi 'gag ces bya bar yang dag par rjes su mi mthong ngo / /dben zhes bya ba'am/ mi dben zhes bya bar yang dag par rjes su mi mthong ngo //dge ba zhes bya ba'am/ mi dge ba zhes bya bar yang dag par rjes su mi mthong ngo / /kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /zag pa dang bcas pa zhes bya ba'am/zag pa med pa zhes bya bar yang dag par rjes su mi mthong ngo / /nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /'jig rten pa zhes bya ba'am/ 'jig rten las 'das pa zhes bya bar yang dag par rjes su mi mi mthong ngo //kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /mig dang gzugs dang mig gi rnam par shes pa'i reg pa'i rkyen gyis byung ba'i tshor ba gang yin pa bde ba'am/ sdug bsngal ba'am/ bde ba yang ma yin sdug bsngal ba yang ma yin pa gang yin pa de yang 'khor ba zhes bya ba'am/mya ngan las 'das pa zhes bya bar yang dag par rjes su mi mthong ngo / /rna ba dang sgra dang rna ba'i rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang yin pa de yang rtag ces bya ba'am/mi rtag ces bya bar yang dag par rjes su mi mthong ngo / /de bzhin du bde zhes bya ba'am/ sdug bsngal zhes bya bar yang dag par rjes su mi mthong ngo / /bdag ces bya ba'am/ bdag med ces bya bar yang dag par rjes su mi mthong ngo / /zhi zhes bya ba'am/ ma zhi zhes bya bar yang dag par rjes su mi mthong ngo / /stong zhes bya ba'am/ mi stong zhes bya bar yang dag par rjes su mi mthong ngo / /mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /smon pa yod ces bya ba'am/ smon pa med ces bya bar yang dag par rjes su mi mthong ngo //'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /skye ba zhes bya ba'am/ mi skye ba zhes bya bar yang dag par rjes su mi mthong ngo / /'gag pa zhes bya ba'am/ mi 'gag pa zhes bya bar yang dag par rjes su mi mthong ngo //dben zhes bya ba'am/ mi dben zhes bya bar yang dag par rjes su mi mthong ngo / /dge zhes bya ba'am/ mi dge zhes bya bar yang dag par rjes su mi mthong ngo / /kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / / zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo //kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /rna ba dang / sgra dang / rna ba'i rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/sdug bsngal ba yang ma yin pa gang yin pa de 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo / /sna dang / dri dang / sna'i rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/sdug bsngal ba yang ma yin pa gang yin pa de yang rtag ces bya ba'am/ mi rtag ces bya bar yang dag par rjes su mi mthong ngo / /de bzhin du bde zhes bya ba'am/ sdug bsngal zhes bya bar yang dag par rjes su mi mthong ngo / /bdag ces bya ba'am/ bdag med ces bya bar yang dag par rjes su mi mthong ngo //zhi zhes bya ba'am/ ma zhi zhes bya bar yang dag par rjes su mi mthong ngo / /stong zhes bya ba'am/ mi stong zhes bya bar yang dag par rjes su mi mthong ngo / /mtshan ma yod ces bya ba'am/ mtshan ma med ces bya bar yang dag par rjes su mi mthong ngo / / smon pa yod ces bya ba'am/ smon pa med ces bya bar yang dag par rjes su mi mthong ngo / /'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /skye ba zhes bya ba'am/ mi skye ba zhes bya bar yang dag par rjes su mi mthong ngo / /'gag pa zhes bya ba'am/mi 'gag pa zhes bya bar yang dag par rjes su mi mthong ngo / /dben zhes bya ba'am/ mi dben zhes bya bar yang dag par rjes su mi mthong ngo / /dge ba zhes bya ba'am/ mi dge ba zhes bya bar yang dag par rjes su mi mthong ngo / /kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / / 'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /sna dang / dri dang / sna'i rnam par shes pa'i reg pa'i rkyen gyis byung ba'i tshor ba bde ba'am/sdug bsngal ba'am/ bde ba yang ma yin/ sdug bsngal ba yang ma yin pa gang yin pa de 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo / /lce dang / ro dang / lce'i rnam par shes pa'i reg pa'i rkyen gyis byung ba'i tshor ba bde ba'am/sdug bsngal ba'am/ bde ba yang ma yin/ sdug bsngal ba yang ma yin pa gang yin pa de yang rtag ces bya ba'am/ mi rtag ces bya bar yang dag par rjes su mi mthong ngo / /de bzhin du bde zhes bya ba'am/ sdug bsngal zhes bya bar yang dag par rjes su mi mthong ngo //bdag ces bya ba'am/ bdag med ces bya bar yang dag par rjes su mi mthong ngo / /zhi zhes bya ba'am/ ma zhi zhes bya bar yang dag par rjes su mi mthong ngo / /stong zhes bya ba'am/ mi stong zhes bya bar yang dag par rjes su mi mthong ngo / / mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /smon pa yod ces bya ba'am/ smon pa med ces bya bar yang dag par rjes su mi mthong ngo / /'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /skye ba zhes bya ba'am/mi skye ba zhes bya bar yang dag par rjes su mi mthong ngo / /'gag ces bya ba 'am/ mi 'gag ces bya bar yang dag par rjes su mi mthong ngo / /dben zhes bya ba'am/ mi dben zhes bya bar yang dag par rjes su mi mthong ngo / /dge ba zhes bya ba'am/ mi dge ba zhes bya bar yang dag par rjes su mi mthong ngo //kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /nyon mongs pa dang bcas pa zhes bya ba'am/nyon mongs pa med pa zhes bya bar yang dag par rjes su mi mthong ngo / /'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo //lce dang / ro dang / lce'i rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo //lus dang / reg bya dang / lus kyi rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de yang rtag ces bya ba'am/ mi rtag ces bya bar yang dag par rjes su mi mthong ngo //de bzhin du bde zhes bya ba'am/ sdug bsngal zhes bya bar yang dag par rjes su mi mthong ngo / /bdag ces bya ba'am/ bdag med ces bya bar yang dag par rjes su mi mthong ngo / /zhi zhes bya ba'am/ ma zhi zhes bya bar yang dag par rjes su mi mthong ngo //stong zhes bya ba'am/ mi stong zhes bya bar yang dag par rjes su mi mthong ngo / /mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /smon pa yod ces bya ba'am/ smon pa med ces bya bar yang dag par rjes su mi mthong ngo / /'dus byas zhes bya ba'am/'dus ma byas zhes bya bar yang dag par rjes su mi mthong ngo / /skye ba zhes bya ba'am/ mi skye ba zhes bya bar yang dag par rjes su mi mthong ngo / /'gag pa zhes bya ba'am/ mi 'gag pa zhes bya bar yang dag par rjes su mi mthong ngo / /dben zhes bya ba'am/ mi dben zhes bya bar yang dag par rjes su mi mthong ngo //dge ba zhes bya ba'am/ mi dge ba zhes bya bar yang dag par rjes su mi mthong ngo / /kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo / /zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo //nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo / /'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /kun nas nyon mongs pa zhes bya ba'am/rnam par byang ba zhes bya bar yang dag par rjes su mi mthong ngo / /lus dang / reg bya dang / lus kyi rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de yang 'khor ba zhes bya ba'am/mya ngan las 'das pa zhes bya bar yang dag par rjes su mi mthong ngo / /yid dang / chos dang / yid kyi rnam par shes pa'i reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de yang rtag ces bya ba'am/mi rtag ces bya bar yang dag par rjes su mi mthong ngo / /de bzhin du bde zhes bya ba'am/ sdug bsngal zhes bya bar yang dag par rjes su mi mthong ngo / /bdag ces bya ba'am/ bdag med ces bya bar yang dag par rjes su mi mthong ngo / / zhi zhes bya ba'am/ ma zhi zhes bya bar yang dag par rjes su mi mthong ngo / /stong zhes bya ba'am/ mi stong zhes bya bar yang dag par rjes su mi mthong ngo / /mtshan ma yod ces bya ba'am/ mtshan ma med ces bya bar yang dag par rjes su mi mthong ngo / /smon pa yod ces bya ba'am/ smon pa med ces bya bar yang dag par rjes su mi mthong ngo / /'dus byas zhes bya ba'am/ 'dus ma byas zhes bya bar yang dag par rjes su mi mthong ngo / /skye ba zhes bya ba'am/ mi skye ba zhes bya bar yang dag par rjes su mi mthong ngo / /'gag pa zhes bya ba'am/ mi 'gag pa zhes bya bar yang dag par rjes su mi mthong ngo //dben zhes bya ba'am/ mi dben zhes bya bar yang dag par rjes su mi mthong ngo / /dge ba zhes bya ba'am/ mi dge ba zhes bya bar yang dag par rjes su mi mthong ngo / /kha na ma tho ba dang bcas pa zhes bya ba'am/ kha na ma tho ba med pa zhes bya bar yang dag par rjes su mi mthong ngo //zag pa dang bcas pa zhes bya ba'am/ zag pa med pa zhes bya bar yang dag par rjes su mi mthong ngo / /nyon mongs pa dang bcas pa zhes bya ba'am/ nyon mongs pa med pa zhes bya bar yang dag par rjes su mi mthong ngo //'jig rten pa zhes bya ba'am/ 'jig rten las 'das pa zhes bya bar yang dag par rjes su mi mthong ngo / /kun nas nyon mongs pa zhes bya ba'am/ rnam par byang ba zhes bya bar yang dag par rjes su mi mthong ngo / /yid dang chos dang / yid kyi rnam par shes pa'i reg pa'i rkyen gyis byung ba'i tshor ba bde ba'am/sdug bsngal ba'am/ bde ba yang ma yin/ sdug bsngal ba yang ma yin pa gang yin pa de 'khor ba zhes bya ba'am/ mya ngan las 'das pa zhes bya bar yang dag par rjes su mi mthong ngo zhes bya ba ni sdug bsngal la rjes su shes pa'i bzod pa'o/ / de ci'i phyir zhe na/ 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa de dang / byang chub sems dpa' dang / byang chub sems dpa'i ming de 'dus byas kyi khams sam/ 'dus ma byas kyi khams su yang dag par rjes su mi mthong ngo //de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol tu phyin pa la spyod pa na chos de dag thams cad la mi rtog rnam par mi rtog go/ /de rnam par mi rtog pa'i chos la gnas nas dran pa nye bar gzhag pa rnams sgom par byed cing shes rab kyi pha rol tu phyin pa la spyod pa ni rnam pa thams cad mkhyen pa nyid yid la bya ba ma gtogs par shes rab kyi pha rol tu phyin pa nyid kyang yang dag par rjes su mi mthong ngo //shes rab kyi pha rol tu phyin pa'i ming yang yang dag par rjes su mi mthong ngo / / byang chub sems dpa' yang yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo / /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / pha rol tu phyin pa rnams dang /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad sgom par byed cing shes rab kyi pha rol tu phyin pa la spyod pa na shes rab kyi pha rol tu phyin pa yang yang dag par rjes su mi mthong ngo //shes rab kyi pha rol tu phyin pa'i ming yang yang dag par rjes su mi mthong ngo / /byang chub sems dpa' yang yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo zhes bya ba ni sdug bsngal la rjes su shes pa'o/ / de ci'i phyir zhe na/byang chub sems dpa' sems dpa' chen po shes rab kyi pha rol tu phyin pa la spyod pa des ni chos rnams kyi chos kyi mtshan nyid shin tu rtogs pa yin te/ chos rnams kyi chos kyi mtshan nyid gang yin pa de ni kun nas nyon mongs par mi 'gyur/ rnam par byang bar mi 'gyur/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas ming gi brda dang ldan pa'i chos rnams rtag par khong du chud par bya'o zhes bya ba ni kun 'byung la chos shes pa'i bzod pa'o// des ming gi brda dang ldan pa'i chos su btags par khong du chud pas gzugs la chags pa med do// tshor ba la chags pa med do/ /'du shes la chags pa med do/ /'du byed rnams la chags pa med do/ /rnam par shes pa la chags pa med do/ /mig la mngon par chags pa med do/ /gzugs la mngon par chags pa med do/ /mig gi rnam par shes pa la mngon par chags pa med do//mig gi 'dus te reg pa la mngon par chags pa med do/ /mig dang gzugs dang / mig gi rnam par shes pa 'dus te reg pa'i rkyen las skyes pa'i tshor ba bde ba'am/ sdug bsngal ba'am/ bde ba yang ma yin sdug bsngal ba yang ma yin pa gang yin pa de la yang mngon par chags pa med do//rna ba la mngon par chags pa med do/ /sgra la mngon par chags pa med do/ /rna ba'i rnam par shes pa la mngon par chags pa med do/ /rna ba'i 'dus te reg pa la mngon par chags pa med do/ /rna ba dang sgra dang / rna ba'i rnam par shes pa 'dus te reg pa'i rkyen las skyes pa'i tshor ba bde ba'am/sdug bsngal ba'am/ bde ba yang ma yin sdug bsngal ba yang ma yin pa gang yin pa de la yang mngon par chags pa med do/ /sna la mngon par chags pa med do/ /dri la mngon par chags pa med do//sna'i rnam par shes pa la mngon par chags pa med do/ /sna'i 'dus te reg pa la mngon par chags pa med do/ /sna dang dri dang sna'i rnam par shes pa 'dus te reg pa'i rkyen las skyes pa'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de la yang mngon par chags pa med do//lce la mngon par chags pa med do/ /ro la mngon par chags pa med do/ /lce'i rnam par shes pa la mngon par chags pa med do/ /lce'i 'dus te reg pa la mngon par chags pa med do/ /lce dang / ro dang / lce'i rnam par shes pa 'dus te reg pa'i rkyen las skyes pa'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de la yang mngon par chags pa med do/ /lus la mngon par chags pa med do/ /reg bya la mngon par chags pa med do//lus kyi rnam par shes pa la mngon par chags pa med do/ /lus kyi 'dus te reg pa la mngon par chags pa med do/ /lus dang reg bya dang / lus kyi rnam par shes pa 'dus te reg pa'i rkyen las skyes pa'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa gang yin pa de la yang mngon par chags pa med do/ /yid la mngon par chags pa med do/ /chos la mngon par chags pa med do/ /yid kyi rnam par shes pa la mngon par chags pa med do/ /yid kyi 'dus te reg pa la mngon par chags pa med do//yid dang chos dang / yid kyi rnam par shes pa 'dus te reg pa'i rkyen las skyes pa'i tshor ba bde ba'am/ sdug bsngal ba'am/ bde ba yang ma yin sdug bsngal ba yang ma yin pa gang yin pa de la yang mngon par chags pa med do/ /'dus byas kyi khams la mngon par chags pa med do//'dus ma byas kyi khams la mngon par chags pa med do zhes bya ba ni kun 'byung la chos shes pa'o/ / de sbyin pa'i pha rol tu phyin pa la mngon par chags pa med do/ /tshul khrims kyi pha rol tu phyin pa la mngon par chags pa med do//bzod pa'i pha rol tu phyin pa la mngon par chags pa med do/ /brtson 'grus kyi pha rol tu phyin pa la mngon par chags pa med do/ /bsam gtan gyi pha rol tu phyin pa la mngon par chags pa med do/ /shes rab kyi pha rol tu phyin pa la mngon par chags pa med do/ / de dag ni ming dang mtshan nyid la yang mngon par chags pa med do/ /lus la mngon par chags pa med do/ /sha'i mig la mngon par chags pa med do/ /lha'i mig la mngon par chags pa med do/ /shes rab kyi mig la mngon par chags pa med do/ /chos kyi mig la mngon par chags pa med do//sangs rgyas kyi mig la mngon par chags pa med do/ /mngon par shes pa'i pha rol tu phyin pa rnams la mngon par chags pa med do/ /nang stong pa nyid la mngon par chags pa med do/ /phyi stong pa nyid la mngon par chags pa med do/ /phyi nang stong pa nyid la mngon par chags pa med do//stong pa nyid stong pa nyid la mngon par chags pa med do/ /chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang /dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid dang /rang gi dngos po stong pa nyid dang / gzhan gyi dngos po stong pa nyid la mngon par chags pa med do/ /de bzhin nyid la mngon par chags pa med do/ /yang dag pa'i mtha' la mngon par chags pa med do/ /chos kyi dbyings la mngon par chags pa med do//sems can yongs su smin par bya ba la mngon par chags pa med do/ /sangs rgyas kyi zhing yongs su dag par bya ba la mngon par chags pa med do/ /thabs la mkhas pa la mngon par chags pa med do/ /de ci'i phyir zhe na/ 'di ltar gang chags par byed pa'am/gang gis chags par bya ba'am/ gang la chags par bya ba de lta bu'i chos thams cad med pa'i phyir ro zhes bya ba ni kun 'byung la rjes su shes pa'i bzod pa'o/ / rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod cing chos thams cad la mngon par ma zhen pa ni sbyin pa'i pha rol tu phyin pas rnam par 'phel lo//tshul khrims kyi pha rol tu phyin pas rnam par 'phel lo/ /bzod pa'i pha rol tu phyin pas rnam par 'phel lo/ /brtson 'grus kyi pha rol tu phyin pas rnam par 'phel lo/ / bsam gtan gyi pha rol tu phyin pas rnam par 'phel lo//shes rab kyi pha rol tu phyin pas rnam par 'phel lo/ /byang chub sems dpa'i skyon med par yang dag par 'jug par 'gyur ro zhes bya ba ni kun 'byung la rjes su shes pa'o/ / rab 'byor de ltar spyod pa'i byang chub sems dpa' sems dpa' chen po shes rab kyi pha rol tu phyin pa la spyod pa ni phyir mi ldog pa'i sa yongs su gnon par 'gyur ro zhes bya ba ni 'gog pa la chos shes pa'i bzod pa'o// rab 'byor de ltar spyod pa'i byang chub sems dpa' sems dpa' chen po ni mngon par shes pa rnams yongs su rdzogs par byed do/ / mngon par shes pa rnams yongs su rdzogs nas sangs rgyas kyi zhing nas sangs rgyas kyi zhing du 'gro ste/ sems can rnams kyang yongs su smin par byed/ sangs rgyas bcom ldan 'das rnams la yang bkur stir byed/ bla mar byed/ ri mor byed/ mchod par byed do/ /de dge ba'i rtsa ba de nyid kyis sangs rgyas bcom ldan 'das de dag gi drung du skye bar 'gyur zhing chos kyang nyan par 'gyur ro//thos nas kyang byang chub kyi snying po ji srid par 'di'i chos rgyun chad par mi 'gyur ro/ /gzungs kyi sgo rnams kyang thob par 'gyur ro/ /ting nge 'dzin gyi sgo rnams kyang thob par 'gyur ro//rab 'byor byang chub sems dpa' sems dpa' chen po de ltar shes rab kyi pha rol tu phyin pa la spyod pas ming gi brda dang ldan pa'i chos su btags pa rnams khong du chud par bya'o zhes bya ba ni 'gog pa la chos shes pa'o/ /rab 'byor byang chub sems dpa' byang chub sems dpa' zhes gang brjod pa de la ji snyam du sems/gzugs byang chub sems dpa' yin snyam mam/ tshor ba byang chub sems dpa' yin snyam mam/ 'du shes byang chub sems dpa' yin snyam mam/ 'du byed rnams byang chub sems dpa' yin snyam mam/ rnam par shes pa byang chub sems dpa' yin snyam mam/rab 'byor de ji snyam du sems/ gzugs las gzhan zhig byang chub sems dpa' yin snyam mam/ tshor ba las gzhan zhig byang chub sems dpa' yin snyam mam/ 'du shes las gzhan zhig byang chub sems dpa' yin snyam mam/ 'du byed rnams las gzhan zhig byang chub sems dpa' yin snyam mam/ rnam par shes pa las gzhan zhig byang chub sems dpa' yin snyam mam/ rab 'byor de ji snyam du sems/ gzugs la byang chub sems dpa' yod snyam mam/ tshor ba la byang chub sems dpa' yod snyam mam/'du shes la byang chub sems dpa' yod snyam mam/ 'du byed rnams la byang chub sems dpa' yod snyam mam/ rnam par shes pa la byang chub sems dpa' yod snyam mam/ rab 'byor de ji snyam du sems/ byang chub sems dpa' la gzugs yod snyam mam/ byang chub sems dpa' la tshor ba yod snyam mam/ byang chub sems dpa' la 'du shes yod snyam mam/ byang chub sems dpa' la 'du byed rnams yod snyam mam/ byang chub sems dpa' la rnam par shes pa yod snyam mam/ rab 'byor de ji snyam du sems/ gzugs med pa zhig byang chub sems dpa' yin snyam mam/tshor ba med pa zhig byang chub sems dpa' yin snyam mam/ 'du shes med pa zhig byang chub sems dpa' yin snyam mam/ 'du byed rnams med pa zhig byang chub sems dpa' yin snyam mam/ rnam par shes pa med pa zhig byang chub sems dpa' yin snyam mam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ci snyam du sems/ mig byang chub sems dpa' yin snyam mam / mig las gzhan zhig yin snyam mam/mig la byang chub sems dpa' yod pa'am/ byang chub sems dpa' la mig yod pa'am/ mig med pa zhig byang chub sems dpa' yin snyam mam/ rab 'byor de ji snyam du sems/ rna ba byang chub sems dpa' yin pa'am/ rna ba las gzhan zhig yin pa'am/rna ba la byang chub sems dpa' yod pa'am/ byang chub sems dpa' la rna ba yod pa'am/ rna ba med pa zhig byang chub sems dpa' yin snyam mam/ rab 'byor de ji snyam du sems/ sna byang chub sems dpa' yin pa'am/ sna las gzhan zhig yin pa'am/ sna la byang chub sems dpa' yod pa'am/byang chub sems dpa' la sna yod pa'am/ sna med pa zhig byang chub sems dpa' yin snyam mam/ rab 'byor de ji snyam du sems/ lce byang chub sems dpa' yin pa'am/ lce las gzhan zhig yin pa'am/ lce la byang chub sems dpa' yod pa'am/ byang chub sems dpa' la lce yod pa'am/lce med pa zhig byang chub sems dpa' yin snyam mam/ rab 'byor de ji snyam du sems/ lus byang chub sems dpa' yin pa'am/ lus las gzhan zhig yin pa'am/ lus la byang chub sems dpa' yod pa'am/byang chub sems dpa' la lus yod pa'am/ lus pa med pa zhig byang chub sems dpa' yin snyam mam/ rab 'byor de ji snyam du sems/ yid byang chub sems dpa' yin pa'am/ yid las gzhan zhig yin pa'am/ yid la byang chub sems dpa' yod pa'am/ byang chub sems dpa' la yid yod pa'am/ yid med pa zhig byang chub sems dpa' yin snyam mam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs byang chub sems dpa' yin pa'am/gzugs las gzhan zhig yin pa'am/ gzugs la byang chub sems dpa' yod pa'am/ byang chub sems dpa' la gzugs yod pa'am/ gzugs med pa zhig byang chub sems dpa' yin snyam mam/ rab 'byor de ji snyam du sems/ sgra byang chub sems dpa' yin pa'am/sgra las gzhan zhig yin pa'am/ sgra la byang chub sems dpa' yod pa'am/ byang chub sems dpa' la sgra yod pa'am/ sgra med pa zhig byang chub sems dpa' yin snyam mam/ rab 'byor de ji snyam du sems/ dri byang chub sems dpa' yin pa'am/ dri las gzhan zhig yin pa'am/dri la byang chub sems dpa' yod pa'am/ byang chub sems dpa' la dri yod pa'am/ dri med pa zhig byang chub sems dpa' yin snyam mam/ rab 'byor de ji snyam du sems/ ro byang chub sems dpa' yin pa'am/ ro las gzhan zhig yin pa'am/ ro la byang chub sems dpa' yod pa'am/byang chub sems dpa' la ro yod pa'am/ ro med pa zhig byang chub sems dpa' yin snyam mam/ rab 'byor de ji snyam du sems/ reg byang chub sems dpa' yin pa'am/ reg las gzhan zhig yin pa'am/ reg la byang chub sems dpa' yod pa'am/byang chub sems dpa' la reg yod pa'am/ reg med pa zhig byang chub sems dpa' yin snyam mam/ rab 'byor de ji snyam du sems/ chos byang chub sems dpa' yin pa'am/ chos las gzhan zhig yin pa'am/ chos la byang chub sems dpa' yod pa'am/ byang chub sems dpa' la chos yod pa'am/ chos med pa zhig byang chub sems dpa' yin snyam mam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ mig dang / gzugs dang /mig gi rnam par shes pa'i khams rnams byang chub sems dpa' yin pa'am/ de rnams las gzhan zhig yin pa'am/ de rnams la de yod pa'am/ de la de rnams yod pa'am/ mig dang / gzugs dang / mig gi rnam par shes pa'i khams med pa zhig byang chub sems dpa' yin snyam mam/rab 'byor de ji snyam du sems/ rna ba dang / sgra dang / rna ba'i rnam par shes pa'i khams byang chub sems dpa' yin pa'am/ de rnams las gzhan zhig yin pa'am/ de rnams la de yod pa'am/ de la de rnams yod pa'am/rna ba dang / sgra dang / rna ba'i rnam par shes pa'i khams med pa zhig byang chub sems dpa' yin snyam mam/ rab 'byor de ji snyam du sems/ sna dang / dri dang / sna'i rnam par shes pa'i khams byang chub sems dpa' yin pa'am/ de rnams las gzhan zhig yin pa'am/de rnams la de yod pa'am/ de la de rnams yod pa'am/ sna dang / dri dang / sna'i rnam par shes pa'i khams med pa zhig byang chub sems dpa' yin snyam mam/ rab 'byor de ji snyam du sems/ lce dang / ro dang / lce'i rnam par shes pa'i khams byang chub sems dpa' yin pa'am/de rnams las gzhan zhig yin pa'am/ de rnams la de yod pa'am/ de la de rnams yod pa'am/ lce dang / ro dang / lce'i rnam par shes pa'i khams med pa zhig byang chub sems dpa' yin snyam mam/ rab 'byor de ji snyam du sems/ lus dang /reg bya dang / lus kyi rnam par shes pa'i khams byang chub sems dpa' yin pa'am/ de rnams las gzhan zhig yin pa'am/ de rnams la de yod pa'am/ de la de rnams yod pa'am/ lus dang / reg bya dang / lus kyi rnam par shes pa'i khams med pa zhig byang chub sems dpa' yin snyam mam/rab 'byor de ji snyam du sems/ yid dang / chos dang / yid kyi rnam par shes pa'i khams byang chub sems dpa' yin pa'am/ de rnams las gzhan zhig yin pa'am/ de rnams la de yod pa'am/ de la de rnams yod pa'am/ yid dang / chos dang /yid kyi rnam par shes pa'i khams med pa zhig byang chub sems dpa' yin snyam mam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams byang chub sems dpa' yin pa'am/sa'i khams las gzhan zhig yin pa'am/ de la byang chub sems dpa' yod pa'am/ byang chub sems dpa' la sa'i khams yod pa'am/ sa'i khams med pa zhig byang chub sems dpa' yin snyam mam/ rab 'byor de ji snyam du sems/ chu'i khams byang chub sems dpa' yin pa'am/chu'i khams las gzhan zhig yin pa'am/ de la byang chub sems dpa' yod pa'am/ byang chub sems dpa' la chu'i khams yod pa'am/ chu'i khams med pa zhig byang chub sems dpa' yin snyam mam/ rab 'byor de ji snyam du sems/ me'i khams byang chub sems dpa' yin pa'am/me'i khams las gzhan zhig yin pa'am/ de la byang chub sems dpa' yod pa'am/ byang chub sems dpa' la me'i khams yod pa'am/ me'i khams med pa zhig byang chub sems dpa' yin snyam mam/ rab 'byor de ji snyam du sems/ rlung gi khams byang chub sems dpa' yin pa'am / rlung gi khams las gzhan zhig yin pa'am/ de la byang chub sems dpa' yod pa'am/ byang chub sems dpa' la rlung gi khams yod pa'am/ rlung gi khams med pa zhig byang chub sems dpa' yin snyam mam/ rab 'byor de ji snyam du sems/nam mkha'i khams byang chub sems dpa' yin pa'am/ nam mkha'i khams las gzhan zhig yin pa'am/ de la byang chub sems dpa' yod pa'am/ byang chub sems dpa' la nam mkha'i khams yod pa'am/ nam mkha'i khams med pa zhig byang chub sems dpa' yin snyam mam/rab 'byor de ji snyam du sems/ rnam par shes pa'i khams byang chub sems dpa' yin pa'am/ rnam par shes pa'i khams las gzhan zhig yin pa'am/ de la byang chub sems dpa' yod pa'am/ byang chub sems dpa' la rnam par shes pa'i khams yod pa'am/rnam par shes pa'i khams med pa zhig byang chub sems dpa' yin snyam mam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa byang chub sems dpa' yin pa'am/ma rig pa las gzhan zhig yin pa'am/ ma rig pa la byang chub sems dpa' yod pa'am/ byang chub sems dpa' la ma rig pa yod pa'am/ ma rig pa med pa zhig byang chub sems dpa' yin snyam mam/ rab 'byor de ji snyam du sems/ 'du byed rnams byang chub sems dpa' yin pa'am/'du byed rnams las gzhan zhig yin pa'am/ 'du byed rnams la byang chub sems dpa' yod pa'am/ byang chub sems dpa' la 'du byed rnams yod pa'am/ 'du byed rnams med pa zhig byang chub sems dpa' yin snyam mam/ rab 'byor de ji snyam du sems/ rnam par shes pa byang chub sems dpa' yin pa'am/ rnam par shes pa las gzhan zhig yin pa'am/ rnam par shes pa la byang chub sems dpa' yod pa'am/ byang chub sems dpa' la rnam par shes pa yod pa'am/ rnam par shes pa med pa zhig byang chub sems dpa' yin snyam mam/rab 'byor de ji snyam du sems/ ming dang gzugs byang chub sems dpa' yin pa'am/ ming dang gzugs las gzhan zhig yin pa'am/ ming dang gzugs la byang chub sems dpa' yod pa'am/ byang chub sems dpa' la ming dang gzugs yod pa'am/ming dang gzugs med pa zhig byang chub sems dpa' yin snyam mam/ rab 'byor de ji snyam du sems/ skye mched drug byang chub sems dpa' yin pa'am/ skye mched drug las gzhan zhig yin pa'am/ skye mched drug la byang chub sems dpa' yod pa'am/byang chub sems dpa' la skye mched drug yod pa'am/ skye mched drug med pa zhig byang chub sems dpa' yin snyam mam/ rab 'byor de ji snyam du sems/ reg pa byang chub sems dpa' yin pa'am/ reg pa las gzhan zhig yin pa'am/ reg pa la byang chub sems dpa' yod pa'am/byang chub sems dpa' la reg pa yod pa'am/ reg pa med pa zhig byang chub sems dpa' yin snyam mam/ rab 'byor de ji snyam du sems/ tshor ba byang chub sems dpa' yin pa'am/ tshor ba las gzhan zhig yin pa'am/ tshor ba la byang chub sems dpa' yod pa'am/byang chub sems dpa' la tshor ba yod pa'am/ tshor ba med pa zhig byang chub sems dpa' yin snyam mam/ rab 'byor de ji snyam du sems/ sred pa byang chub sems dpa' yin pa'am/ sred pa las gzhan zhig yin pa'am/ sred pa la byang chub sems dpa' yod pa'am/byang chub sems dpa' la sred pa yod pa'am/ sred pa med pa zhig byang chub sems dpa' yin snyam mam/ rab 'byor de ji snyam du sems/ len pa byang chub sems dpa' yin pa'am/ len pa las gzhan zhig yin pa'am/ len pa la byang chub sems dpa' yod pa'am/byang chub sems dpa' la len pa yod pa'am/ len pa med pa zhig byang chub sems dpa' yin snyam mam/ rab 'byor de ji snyam du sems/ srid pa byang chub sems dpa' yin pa'am/ srid pa las gzhan zhig yin pa'am/ srid pa la byang chub sems dpa' yod pa'am/ byang chub sems dpa' la srid pa yod pa'am/ srid pa med pa zhig byang chub sems dpa' yin snyam mam/ rab 'byor de ji snyam du sems/ skye ba byang chub sems dpa' yin pa'am/ skye ba las gzhan zhig yin pa'am/ skye ba la byang chub sems dpa' yod pa'am/ byang chub sems dpa' la skye ba yod pa'am/ skye ba med pa zhig byang chub sems dpa' yin snyam mam/ rab 'byor de ji snyam du sems/ rga shi byang chub sems dpa' yin pa'am/ rga shi las gzhan zhig yin pa'am/ rga shi la byang chub sems dpa' yod pa'am/byang chub sems dpa' la rga shi yod pa'am/ rga shi med pa zhig byang chub sems dpa' yin snyam mam/ rab 'byor gyis gsol pa/ bcom ldan 'das de ni ma lags so zhes bya ba ni 'gog pa la rjes su shes pa'i bzod pa'o/ / bcom ldan 'das kyis bka' stsal pa/ rab 'byor de ji snyam du sems/ ci gzugs kyi de bzhin nyid gang yin pa de byang chub sems dpa' yin pa'am/ gzugs kyi de bzhin nyid las gzhan zhig yin pa'am/ gzugs kyi de bzhin nyid la byang chub sems dpa' yod pa'am/byang chub sems dpa' la gzugs kyi de bzhin nyid yod pa'am/ gzugs kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ tshor ba'i de bzhin nyid gang yin pa de byang chub sems dpa' yin pa'am/tshor ba'i de bzhin nyid las gzhan zhig yin pa'am/ tshor ba'i de bzhin nyid la byang chub sems dpa' yod pa'am/ byang chub sems dpa' la tshor ba'i de bzhin nyid yod pa'am/ tshor ba'i de bzhin nyid med pa zhig byang chub sems dpa' yin snyam mam/ rab 'byor de ji snyam du sems/'du shes kyi de bzhin nyid gang yin pa de byang chub sems dpa' yin pa'am/ 'du shes kyi de bzhin nyid las gzhan zhig yin pa'am/ 'du shes kyi de bzhin nyid la byang chub sems dpa' yod pa'am/ byang chub sems dpa' la 'du shes kyi de bzhin nyid yod pa'am/'du shes kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ 'du byed rnams kyi de bzhin nyid gang yin pa de byang chub sems dpa' yin pa'am/ 'du byed rnams kyi de bzhin nyid las gzhan zhig yin pa'am/ 'du byed rnams kyi de bzhin nyid la byang chub sems dpa' yod pa'am/byang chub sems dpa' la 'du byed rnams kyi de bzhin nyid yod pa'am/ 'du byed rnams kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ rnam par shes pa'i de bzhin nyid gang yin pa de byang chub sems dpa' yin pa'am/rnam par shes pa'i de bzhin nyid las gzhan zhig yin pa'am/ rnam par shes pa'i de bzhin nyid la byang chub sems dpa' yod pa'am/ byang chub sems dpa' la rnam par shes pa'i de bzhin nyid yod pa'am/ rnam par shes pa'i de bzhin nyid med pa zhig byang chub sems dpa' yin snyam mam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gal te phung po so so ba la byang chub sems dpa' med na tshogs pa la yod pa yin te/phung po'i de bzhin nyid gang yin pa de byang chub sems dpa' yin pa'am/ phung po'i de bzhin nyid las gzhan zhig yin pa'am/ phung po'i de bzhin nyid la byang chub sems dpa' yod pa'am/ byang chub sems dpa' la phung po'i de bzhin nyid yod pa'am/ phung po'i de bzhin nyid med pa zhig byang chub sems dpa' yin snyam mam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ mig dang / gzugs dang / mig gi rnam par shes pa'i de bzhin nyid gang yin pa de byang chub sems dpa' yin pa'am/mig dang / gzugs dang / mig gi rnam par shes pa'i de bzhin nyid las gzhan zhig yin pa'am/ mig dang / gzugs dang / mig gi rnam par shes pa'i de bzhin nyid la byang chub sems dpa' yod pa'am/ byang chub sems dpa' la mig dang /gzugs dang / mig gi rnam par shes pa'i de bzhin nyid yod pa'am/ mig dang / gzugs dang / mig gi rnam par shes pa'i de bzhin nyid med pa zhig byang chub sems dpa' yin snyam mam/ de bzhin du rna ba dang / sgra dang / rna ba'i rnam par shes pa'i de bzhin nyid dang /sna dang / dri dang / sna'i rnam par shes pa'i de bzhin nyid dang / lce dang / ro dang / lce'i rnam par shes pa'i de bzhin nyid dang / lus dang / reg bya dang / lus kyi rnam par shes pa'i de bzhin nyid dang / yid dang / chos dang / yid kyi rnam par shes pa'i de bzhin nyid gang yin pa de byang chub sems dpa' yin pa'am/yid dang / chos dang / yid kyi rnam par shes pa las gzhan zhig yin pa'am/ yid dang / chos dang / yid kyi rnam par shes pa la byang chub sems dpa' yod pa'am/ byang chub sems dpa' la yid dang / chos dang /yid kyi rnam par shes pa'i de bzhin nyid yod pa'am/ yid dang / chos dang / yid kyi rnam par shes pa'i de bzhin nyid med pa zhig byang chub sems dpa' yin snyam mam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/rab 'byor de ji snyam du sems/ sa'i khams kyi de bzhin nyid gang yin pa de byang chub sems dpa' yin pa'am/ sa'i khams kyi de bzhin nyid las gzhan zhig yin pa'am/ sa'i khams kyi de bzhin nyid la byang chub sems dpa' yod pa'am/ byang chub sems dpa' la sa'i khams kyi de bzhin nyid yod pa'am/ sa'i khams kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ chu'i khams kyi de bzhin nyid gang yin pa de byang chub sems dpa' yin pa'am/ chu'i khams kyi de bzhin nyid las gzhan zhig yin pa'am/chu'i khams kyi de bzhin nyid la byang chub sems dpa' yod pa'am/ byang chub sems dpa' la chu'i khams kyi de bzhin nyid yod pa'am/ chu'i khams kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/me'i khams kyi de bzhin nyid gang yin pa de byang chub sems dpa' yin pa'am/ me'i khams kyi de bzhin nyid las gzhan zhig yin pa'am/ me'i khams kyi de bzhin nyid la byang chub sems dpa' yod pa'am/ byang chub sems dpa' la me'i khams kyi de bzhin nyid yod pa'am/me'i khams kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ rlung gi khams kyi de bzhin nyid gang yin pa de byang chub sems dpa' yin pa'am/ rlung gi khams kyi de bzhin nyid las gzhan zhig yin pa'am/rlung gi khams kyi de bzhin nyid la byang chub sems dpa' yod pa'am/ byang chub sems dpa' la rlung gi khams kyi de bzhin nyid yod pa'am/ rlung gi khams kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ nam mkha'i khams kyi de bzhin nyid gang yin pa de byang chub sems dpa' yin pa'am/nam mkha'i khams kyi de bzhin nyid las gzhan zhig yin pa'am/ nam mkha'i khams kyi de bzhin nyid la byang chub sems dpa' yod pa'am/ byang chub sems dpa' la nam mkha'i khams kyi de bzhin nyid yod pa'am/nam mkha'i khams kyi de bzhin nyid med pa zhig byang chub sems dpa' yin snyam mam/ rab 'byor de ji snyam du sems/ rnam par shes pa'i khams kyi de bzhin nyid gang yin pa de byang chub sems dpa' yin pa'am/ rnam par shes pa'i khams kyi de bzhin nyid las gzhan zhig yin pa'am/rnam par shes pa'i khams kyi de bzhin nyid la byang chub sems dpa' yod pa'am/ byang chub sems dpa' la rnam par shes pa'i khams kyi de bzhin nyid yod pa'am/ rnam par shes pa'i khams kyi de bzhin nyid med pa zhig byang chub sems dpa' yin snyam mam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gal te khams so so la byang chub sems dpa' med na/ tshogs pa rnams la yod pa yin te/ khams kyi de bzhin nyid gang yin pa de byang chub sems dpa' yin pa'am/khams kyi de bzhin nyid las gzhan zhig yin pa'am/ khams kyi de bzhin nyid la byang chub sems dpa' yod pa'am/ byang chub sems dpa' la khams kyi de bzhin nyid yod pa'am/ khams kyi de bzhin nyid med pa zhig byang chub sems dpa' yin snyam mam/gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid gang yin pa de byang chub sems dpa' yin pa'am/ mig gi de bzhin nyid las gzhan zhig yin pa'am/mig gi de bzhin nyid la byang chub sems dpa' yod pa'am/ byang chub sems dpa' la mig gi de bzhin nyid yod pa'am/ mig gi de bzhin nyid med pa zhig byang chub sems dpa' yin snyam mam/ rna ba'i de bzhin nyid dang / sna'i de bzhin nyid dang / lce'i de bzhin nyid dang /lus kyi de bzhin nyid gang yin pa yang de bzhin te/ rab 'byor de ji snyam du sems/ yid kyi de bzhin nyid gang yin pa de byang chub sems dpa' yin pa'am/ yid kyi de bzhin nyid las gzhan zhig yin pa'am/ yid kyi de bzhin nyid la byang chub sems dpa' yod pa'am/byang chub sems dpa' la yid kyi de bzhin nyid yod pa'am/ yid kyi de bzhin nyid med pa zhig byang chub sems dpa' yin snyam mam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/gzugs kyi de bzhin nyid gang yin pa de byang chub sems dpa' yin pa'am/ gzugs kyi de bzhin nyid las gzhan zhig yin pa'am/ gzugs kyi de bzhin nyid la byang chub sems dpa' yod pa'am/ byang chub sems dpa' la gzugs kyi de bzhin nyid yod pa'am/gzugs kyi de bzhin nyid med pa zhig byang chub sems dpa' yin snyam mam/ de bzhin du sgra dang / dri dang / ro dang / reg bya'i de bzhin nyid gang yin pa de byang chub sems dpa' yin pa'am/ sgra dang / dri dang / ro dang / reg bya'i de bzhin nyid las gzhan zhig yin pa'am/ sgra dang / dri dang / ro dang / reg bya'i de bzhin nyid rnams la byang chub sems dpa' yod pa'am/ byang chub sems dpa' la sgra dang / dri dang / ro dang / reg bya'i de bzhin nyid yod pa'am/ sgra dang / dri dang / ro dang / reg bya'i de bzhin nyid med pa zhig byang chub sems dpa' yin snyam mam/rab 'byor de ji snyam du sems/ chos kyi de bzhin nyid gang yin pa de byang chub sems dpa' yin pa'am/ chos kyi de bzhin nyid las gzhan zhig yin pa'am/ chos kyi de bzhin nyid la byang chub sems dpa' yod pa'am/ byang chub sems dpa' la chos kyi de bzhin nyid yod pa'am/ chos kyi de bzhin nyid med pa zhig byang chub sems dpa' yin snyam mam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor gal te skye mched rnams so so la byang chub sems dpa' med na tshogs pa la yod par 'gyur te/ rab 'byor de ji snyam du sems/skye mched kyi de bzhin nyid gang yin pa de byang chub sems dpa' yin pa'am/ skye mched kyi de bzhin nyid las gzhan zhig yin pa'am/ skye mched kyi de bzhin nyid la byang chub sems dpa' yod pa'am/ byang chub sems dpa' la skye mched kyi de bzhin nyid yod pa'am/ skye mched kyi de bzhin nyid med pa zhig byang chub sems dpa' yin snyam mam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid gang yin pa de byang chub sems dpa' yin pa'am/ ma rig pa'i de bzhin nyid las gzhan zhig yin pa'am/ma rig pa'i de bzhin nyid la byang chub sems dpa' yod pa'am/ byang chub sems dpa' la ma rig pa'i de bzhin nyid yod pa'am/ ma rig pa'i de bzhin nyid med pa zhig byang chub sems dpa' yin snyam mam/ 'du byed kyi de bzhin nyid dang /rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid gang yin pa de bzhin te/ rab 'byor de ji snyam du sems/ rga shi'i de bzhin nyid gang yin pa de byang chub sems dpa' yin pa'am/ rga shi'i de bzhin nyid las gzhan zhig yin pa'am/ rga shi'i de bzhin nyid la byang chub sems dpa' yod pa'am/ byang chub sems dpa' la rga shi'i de bzhin nyid yod pa'am/rga shi'i de bzhin nyid med pa zhig byang chub sems dpa' yin snyam mam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gal te rten cing 'brel par 'byung ba so so ba rnams la byang chub sems dpa' med na tshogs pa rnams la yod pa yin te/rten cing 'brel par 'byung ba'i de bzhin nyid gang yin pa de byang chub sems dpa' yin pa'am/ rten cing 'brel par 'byung ba'i de bzhin nyid las gzhan zhig yin pa'am/ rten cing 'brel par 'byung ba'i de bzhin nyid la byang chub sems dpa' yod pa'am/byang chub sems dpa' la rten cing 'brel par 'byung ba'i de bzhin nyid yod pa'am/ rten cing 'brel par 'byung ba'i de bzhin nyid med pa zhig byang chub sems dpa' yin snyam mam/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor khyod kyis don gyi dbang gang zhig mthong nas 'di skad du gzugs byang chub sems dpa' ma yin no/ /tshor ba ma yin/ 'du shes ma yin/ 'du byed rnams ma yin/ rnam par shes pa ma yin no//mig dang gzugs dang mig gi rnam par shes pa'i khams ma yin/ rna ba dang sgra dang / rna ba'i rnam par shes pa'i khams ma yin/ sna dang dri dang sna'i rnam par shes pa'i khams ma yin/ lce dang / ro dang / lce'i rnam par shes pa'i khams ma yin/ lus dang reg bya dang lus kyi rnam par shes pa'i khams ma yin/yid dang chos dang yid kyi rnam par shes pa'i khams ma yin no/ /sa'i khams ma yin/ chu'i khams ma yin/ me'i khams ma yin/ rlung gi khams ma yin/ nam mkha'i khams ma yin/ rnam par shes pa'i khams ma yin no//mig ma yin/ rna ba ma yin/ sna ma yin/ lce ma yin/ lus ma yin/ yid ma yin/ gzugs ma yin/ sgra ma yin/ dri ma yin/ ro ma yin/ reg bya ma yin/ chos ma yin no/ /ma rig pa ma yin te/ de bzhin du 'du byed dang / rnam par shes pa dang / ming dang gzugs dang /skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi rnams byang chub sems dpa' ma yin no/ /gzugs kyi de bzhin nyid byang chub sems dpa' ma yin te/ tshor ba'i de bzhin nyid ma yin/ 'du shes kyi de bzhin nyid ma yin/'du byed rnams kyi de bzhin nyid ma yin/ rnam par shes pa'i de bzhin nyid byang chub sems dpa' ma yin no/ /mig dang gzugs dang mig gi rnam par shes pa'i de bzhin nyid ma yin te/ rna ba dang sgra dang / rna ba'i rnam par shes pa'i de bzhin nyid ma yin/ sna dang dri dang sna'i rnam par shes pa'i de bzhin nyid ma yin/lce dang ro dang lce'i rnam par shes pa'i de bzhin nyid ma yin/ lus dang reg bya dang lus kyi rnam par shes pa'i de bzhin nyid ma yin/ yid dang chos dang yid kyi rnam par shes pa'i de bzhin nyid ma yin no/ /sa'i khams kyi de bzhin nyid ma yin te /chu'i khams kyi de bzhin nyid ma yin/ me'i khams kyi de bzhin nyid ma yin/ rlung gi khams kyi de bzhin nyid ma yin/ nam mkha'i khams kyi de bzhin nyid ma yin/ rnam par shes pa'i khams kyi de bzhin nyid ma yin no/ /mig gi de bzhin nyid ma yin te/ rna ba'i de bzhin nyid ma yin/sna'i de bzhin nyid ma yin/ lce'i de bzhin nyid ma yin/ lus kyi de bzhin nyid ma yin/ yid kyi de bzhin nyid ma yin/ gzugs kyi de bzhin nyid ma yin/ sgra'i de bzhin nyid ma yin/ dri'i de bzhin nyid ma yin/ ro'i de bzhin nyid ma yin/ reg bya'i de bzhin nyid ma yin/chos kyi de bzhin nyid ma yin no/ /ma rig pa'i de bzhin nyid ma yin te/ 'du byed kyi de bzhin nyid ma yin/ rnam par shes pa'i de bzhin nyid ma yin/ ming dang gzugs kyi de bzhin nyid ma yin/ skye mched drug gi de bzhin nyid ma yin/ reg pa'i de bzhin nyid ma yin/ tshor ba'i de bzhin nyid ma yin/sred pa'i de bzhin nyid ma yin / len pa'i de bzhin nyid ma yin/ srid pa'i de bzhin nyid ma yin/ skye ba'i de bzhin nyid ma yin/ rga shi'i de bzhin nyid ma yin pa nas/ phung po dang / khams dang / skye mched dang / rten cing 'brel par 'byung ba'i de bzhin nyid byang chub sems dpa' ma yin no // //bam po brgyad pa/ rab 'byor gyis gsol pa/ bcom ldan 'das byang chub sems dpa' shin tu ma mchis shing mi dmigs te/ des na gzugs byang chub sems dpar 'gyur ba lta ga la mchis/ tshor ba dang / 'du shes dang /'du byed rnams dang / rnam par shes pa byang chub sems dpar 'gyur ba lta ga la mchis/ bcom ldan 'das byang chub sems dpa' shin tu ma mchis shing mi dmigs te/ des na mig dang gzugs dang / mig gi rnam par shes pa rnams byang chub sems dpar 'gyur ba lta ga la mchis/de bzhin du rna ba dang / sgra dang rna ba'i rnam par shes pa rnams dang / sna dang / dri dang / sna'i rnam par shes pa rnams dang / lce dang ro dang / lce'i rnam par shes pa rnams dang / lus dang reg bya dang lus kyi rnam par shes pa rnams dang / yid dang chos dang yid kyi rnam par shes pa rnams byang chub sems dpar 'gyur ba lta ga la mchis/bcom ldan 'das byang chub sems dpa' shin tu ma mchis shing mi dmigs te/ des na sa'i khams byang chub sems dpar 'gyur ba lta ga la mchis/ de bzhin du chu'i khams dang /me'i khams dang / rlung gi khams dang / nam mkha'i khams dang / rnam par shes pa'i khams byang chub sems dpar 'gyur ba lta ga la mchis/ bcom ldan 'das byang chub sems dpa' shin tu ma mchis shing mi dmigs te/ des na mig byang chub sems dpar 'gyur ba lta ga la mchis/de bzhin du rna ba dang / sna dang / lce dang / lus dang / yid byang chub sems dpar 'gyur ba lta ga la mchis/ bcom ldan 'das byang chub sems dpa' shin tu ma mchis shing mi dmigs te/ des na gzugs byang chub sems dpar 'gyur ba lta ga la mchis/de bzhin du sgra dang / dri dang / ro dang / reg bya dang chos byang chub sems dpar 'gyur ba lta ga la mchis/ bcom ldan 'das byang chub sems dpa' shin tu ma mchis shing mi dmigs te/ des na ma rig pa byang chub sems dpar 'gyur ba lta ga la mchis/ de bzhin du 'du byed rnams dang rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi byang chub sems dpar 'gyur ba lta ga la mchis/ bcom ldan 'das byang chub sems dpa' shin tu ma mchis shing mi dmigs te/des na gzugs 'di'i de bzhin nyid dmigs par lta yang ga la 'gyur/ de bzhin du tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid dang / rnam par shes pa 'di'i de bzhin nyid dmigs par lta yang ga la 'gyur/bcom ldan 'das byang chub sems dpa' shin tu ma mchis shing mi dmigs te/ des na mig dang gzugs dang mig gi rnam par shes pa rnams dang / rna ba dang / sgra dang / rna ba'i rnam par shes pa rnams dang / sna dang dri dang sna'i rnam par shes pa rnams dang /lce dang ro dang lce'i rnam par shes pa rnams dang / lus dang reg bya dang lus kyi rnam par shes pa rnams dang / yid dang chos dang yid kyi rnam par shes pa rnams 'di'i de bzhin nyid dmigs par lta yang ga la 'gyur/ bcom ldan 'das byang chub sems dpa' shin tu ma mchis shing mi dmigs te/des na sa'i khams 'di'i de bzhin nyid dmigs par lta yang ga la 'gyur/ de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams 'di'i de bzhin nyid dmigs par lta yang ga la 'gyur/bcom ldan 'das byang chub sems dpa' shin tu ma mchis shing mi dmigs te/ des na mig gi de bzhin nyid dmigs par lta yang ga la 'gyur/ de bzhin du rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid dmigs par lta yang ga la 'gyur/ bcom ldan 'das byang chub sems dpa' shin tu ma mchis shing mi dmigs te/ des na gzugs 'di'i de bzhin nyid dmigs par lta yang ga la 'gyur/ de bzhin du sgra dang / dri dang / ro dang / reg dang / chos 'di'i de bzhin nyid dmigs par 'gyur ba lta ga la yod/bcom ldan 'das byang chub sems dpa' shin tu ma mchis shing mi dmigs te/ des na ma rig pa 'di'i de bzhin nyid dmigs par lta ga la 'gyur/ de bzhin du 'du byed dang / rnam par shes pa dang / ming dang / gzugs dang /skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'di'i de bzhin nyid dmigs par lta yang ga la 'gyur/ bcom ldan 'das de ltar phung po dang / khams dang / skye mched dang / rten cing 'brel par 'byung ba so so re re ba rnams dang /bsdus pa rnams la byang chub sems dpa' shin tu ma mchis shing mi dmigs te/ des na phung po dang / khams dang skye mched 'di'i de bzhin nyid dmigs par lta ga la 'gyur te de ni gnas ma mchis so/ /bcom ldan 'das kyis bka' stsal pa/ rab 'byor legs so legs so/ /rab 'byor byang chub sems dpa' sems dpa' chen pos de ltar sems can mi dmigs pas shes rab kyi pha rol tu phyin pa mi dmigs pa la bslab par bya'o zhes bya ba ni 'gog pa la rjes su shes pa'o/ / rab 'byor de ji snyam du sems/byang chub sems dpa' zhes bya ba 'di gzugs kyi tshig bla dgas yin snyam mam/ rab 'byor de ji snyam du sems/ byang chub sems dpa' zhes bya ba 'di tshor ba dang / 'du shes dang / 'du byed rnams dang / rnam par shes pa'i tshig bla dgas yin snyam mam/ gsol pa/ bcom ldan 'das de ltar ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs rtag pa'am/ gzugs mi rtag pa'i tshig bla dgas yin snyam mam/ byang chub sems dpa' zhes bya ba 'di gzugs bde ba'am/gzugs sdug bsngal ba'am/ gzugs bdag yod pa'am/ gzugs bdag med pa'am/ gzugs zhi ba'am/ gzugs ma zhi ba'i tshig bla dgas yin snyam mam/ rab 'byor de ji snyam du sems/ byang chub sems dpa' zhes bya ba 'di tshor ba rtag pa'am/tshor ba mi rtag pa'i tshig bla dgas yin snyam mam/ byang chub sems dpa' zhes bya ba 'di tshor ba bde ba'am/ tshor ba sdug bsngal ba'am/ tshor ba bdag yod pa'am/ tshor ba bdag med pa'am/ tshor ba zhi ba'am/ tshor ba ma zhi ba'i tshig bla dgas yin snyam mam/rab 'byor de ji snyam du sems/ byang chub sems dpa' zhes bya ba 'di 'du shes rtag pa'am/ 'du shes mi rtag pa'i tshig bla dgas yin snyam mam/ byang chub sems dpa' zhes bya ba 'di 'du shes bde ba'am/ 'du shes sdug bsngal ba'am/ 'du shes bdag yod pa'am/'du shes bdag med pa'am/ 'du shes zhi ba'am/ 'du shes ma zhi ba'i tshig bla dgas yin snyam mam/ rab 'byor de ji snyam du sems/ byang chub sems dpa' zhes bya ba 'di 'du byed rnams rtag pa rnams sam/ 'du byed rnams mi rtag pa rnams kyi tshig bla dgas yin snyam mam/byang chub sems dpa' zhes bya ba 'di 'du byed rnams bde ba rnams sam/ 'du byed rnams sdug bsngal ba rnams sam/ 'du byed rnams bdag yod pa rnams sam/ 'du byed rnams bdag med pa rnams sam/ 'du byed rnams zhi ba rnams sam/ 'du byed rnams ma zhi ba rnams kyi tshig bla dgas yin snyam mam/rab 'byor de ji snyam du sems/ byang chub sems dpa' zhes bya ba 'di rnam par shes pa rtag pa'am/ rnam par shes pa mi rtag pa'i tshig bla dgas yin snyam mam/ byang chub sems dpa' zhes bya ba 'di rnam par shes pa bde ba'am/rnam par shes pa sdug bsngal ba'am/ rnam par shes pa bdag yod pa'am/ rnam par shes pa bdag med pa'am/ rnam par shes pa zhi ba'am/ rnam par shes pa ma zhi ba'i tshig bla dgas yin snyam mam/ rab 'byor de ji snyam du sems/ byang chub sems dpa' zhes bya ba 'di gzugs stong pa'am/gzugs mi stong pa'am/ gzugs mtshan ma yod pa'am/ gzugs mtshan ma med pa'am/ gzugs smon pa yod pa'am/ gzugs smon pa med pa'i tshig bla dgas yin snyam mam/ tshor ba dang / 'du shes dang / 'du byed rnams la de bzhin te/rab 'byor de ji snyam du sems/ byang chub sems dpa' zhes bya ba 'di rnam par shes pa stong pa'am/ rnam par shes pa mi stong pa'am/ rnam par shes pa mtshan ma yod pa'am/ rnam par shes pa mtshan ma med pa'am/ rnam par shes pa smon pa yod pa'am/ rnam par shes pa smon pa med pa'i tshig bla dgas yin snyam mam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor khyod kyis don gyi dbang gang zhig mthong nas 'di skad ces byang chub sems dpa' zhes bya ba 'di gzugs kyi tshig bla dgas ma yin zhing de bzhin du byang chub sems dpa' zhes bya ba 'di tshor ba dang /'du shes dang / 'du byed rnams dang / rnam par shes pa'i tshig bla dgas ma yin/ byang chub sems dpa' zhes bya ba 'di gzugs rtag pa'i tshig bla dgas ma yin/ mi rtag pa'i tshig bla dgas ma yin/de bzhin du bde ba'i tshig bla dgas ma yin/ sdug bsngal ba'i tshig bla dgas ma yin/ bdag yod pa'i tshig bla dgas ma yin/ bdag med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/stong pa'i tshig bla dgas ma yin/ mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin te/ gzugs smon pa yod pa'i tshig bla dgas ma yin/ smon pa med pa'i tshig bla dgas ma yin/ byang chub sems dpa' zhes bya ba 'di tshor ba rtag pa'i tshig bla dgas ma yin/mi rtag pa'i tshig bla dgas ma yin/ de bzhin du bde ba'i tshig bla dgas ma yin/ sdug bsngal ba'i tshig bla dgas ma yin/ bdag yod pa'i tshig bla dgas ma yin/ bdag med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/ stong pa'i tshig bla dgas ma yin/ mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin/ tshor ba smon pa yod pa'i tshig bla dgas ma yin/ smon pa med pa'i tshig bla dgas ma yin/ byang chub sems dpa' zhes bya ba 'di 'du shes rtag pa'i tshig bla dgas ma yin/ mi rtag pa'i tshig bla dgas ma yin/ de bzhin du bde ba'i tshig bla dgas ma yin/ sdug bsngal ba'i tshig bla dgas ma yin/ bdag yod pa'i tshig bla dgas ma yin/bdag med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/ stong pa'i tshig bla dgas ma yin/ mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin/'du shes smon pa yod pa'i tshig bla dgas ma yin/ smon pa med pa'i tshig bla dgas ma yin/ byang chub sems dpa' zhes bya ba 'di 'du byed rnams rtag pa'i tshig bla dgas ma yin/ mi rtag pa'i tshig bla dgas ma yin/ de bzhin du bde ba'i tshig bla dgas ma yin/sdug bsngal ba'i tshig bla dgas ma yin/ bdag yod pa'i tshig bla dgas ma yin/ bdag med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/ stong pa'i tshig bla dgas ma yin/ mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin/ 'du byed rnams smon pa yod pa'i tshig bla dgas ma yin/ smon pa med pa'i tshig bla dgas ma yin/ byang chub sems dpa' zhes bya ba 'di rnam par shes pa rtag pa'i tshig bla dgas ma yin/ mi rtag pa'i tshig bla dgas ma yin/de bzhin du bde ba'i tshig bla dgas ma yin/ sdug bsngal ba'i tshig bla dgas ma yin/ bdag yod pa'i tshig bla dgas ma yin/ bdag med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/ stong pa'i tshig bla dgas ma yin/mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin/ rnam par shes pa smon pa yod pa'i tshig bla dgas ma yin/ smon pa med pa'i tshig bla dgas ma yin zhes zer/ rab 'byor gyis gsol pa/bcom ldan 'das gzugs shin tu ma mchis shing mi dmigs na/ byang chub sems dpa' gzugs kyi tshig bla dgas su 'gyur ba lta ga la mchis/ bcom ldan 'das tshor ba shin tu ma mchis shing mi dmigs na/ byang chub sems dpa' tshor ba'i tshig bla dgas su 'gyur ba lta ga la mchis/bcom ldan 'das 'du shes shin tu ma mchis shing mi dmigs na/ byang chub sems dpa' 'du shes kyi tshig bla dgas su 'gyur ba lta ga la mchis/ bcom ldan 'das 'du byed rnams shin tu ma mchis shing mi dmigs na/ byang chub sems dpa' 'du byed rnams kyi tshig bla dgas su 'gyur ba lta ga la mchis/ bcom ldan 'das rnam par shes pa shin tu ma mchis shing mi dmigs na/ byang chub sems dpa' rnam par shes pa'i tshig bla dgas su 'gyur ba lta ga la mchis/ bcom ldan 'das rtag pa shin tu ma mchis shing mi dmigs na/byang chub sems dpa' gzugs rtag pa'i tshig bla dgas su 'gyur ba lta ga la mchis/ bcom ldan 'das mi rtag pa shin tu ma mchis shing mi dmigs na/ byang chub sems dpa' gzugs mi rtag pa'i tshig bla dgas su 'gyur ba lta ga la mchis/de bzhin du byang chub sems dpa' gzugs bde ba'i tshig bla dgas ma lags/ sdug bsngal ba'i tshig bla dgas ma lags/ bdag yod pa'i tshig bla dgas ma lags/ bdag med pa'i tshig bla dgas ma lags so/ /zhi ba'i tshig bla dgas ma lags/ma zhi ba'i tshig bla dgas ma lags/ stong pa'i tshig bla dgas ma lags/ mi stong pa'i tshig bla dgas ma lags/ mtshan ma yod pa'i tshig bla dgas ma lags/ mtshan ma med pa'i tshig bla dgas ma lags/ smon pa yod pa'i tshig bla dgas ma lags/ smon pa med pa'i tshig bla dgas su 'gyur ba ma lags so//tshor ba dang / 'du shes dang / 'du byed rnams kyang de bzhin te/ bcom ldan 'das rtag pa shin tu ma mchis shing mi dmigs na/ byang chub sems dpa' rnam par shes pa rtag pa'i tshig bla dgas su 'gyur ba lta ga la mchis/ bcom ldan 'das mi rtag pa shin tu ma mchis shing mi dmigs na/ byang chub sems dpa' rnam par shes pa mi rtag pa'i tshig bla dgas su 'gyur ba lta ga la mchis/ de bzhin du byang chub sems dpa' rnam par shes pa bde ba'i tshig bla dgas ma lags/ sdug bsngal gyi tshig bla dgas ma lags/bdag yod pa'i tshig bla dgas ma lags/ bdag med pa'i tshig bla dgas ma lags/ zhi ba'i tshig bla dgas ma lags/ ma zhi ba'i tshig bla dgas ma lags/ stong pa'i tshig bla dgas ma lags/ mi stong pa'i tshig bla dgas ma lags/ mtshan ma yod pa'i tshig bla dgas ma lags/mtshan ma med pa'i tshig bla dgas ma lags/ smon pa yod pa'i tshig bla dgas ma lags/ smon pa med pa'i tshig bla dgas su 'gyur ba lta ga la mchis / bcom ldan 'das kyis bka' stsal pa/ rab 'byor legs so legs so/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas gzugs kyi tshig bla dgas mi dmigs pa dang /tshor ba'i tshig bla dgas mi dmigs pa dang / 'du shes kyi tshig bla dgas mi dmigs pa dang / 'du byed rnams kyi tshig bla dgas mi dmigs pa dang /rnam par shes pa'i tshig bla dgas mi dmigs pa dang / gzugs rtag pa dang mi rtag pa'i tshig bla dgas mi dmigs pa dang / bde ba dang / sdug bsngal ba'i tshig bla dgas mi dmigs pa dang / bdag yod pa dang / bdag med pa'i tshig bla dgas mi dmigs pa dang /zhi ba dang / ma zhi ba'i tshig bla dgas mi dmigs pa dang / stong pa dang / mi stong pa'i tshig bla dgas mi dmigs pa dang / mtshan ma yod pa dang / mtshan ma med pa'i tshig bla dgas mi dmigs pa dang / smon pa yod pa dang / smon pa med pa'i tshig bla dgas mi dmigs pa dang /tshor ba rtag pa dang / mi rtag pa'i tshig bla dgas mi dmigs pa dang / bde ba dang / sdug bsngal ba'i tshig bla dgas mi dmigs pa dang / bdag yod pa dang / bdag med pa'i tshig bla dgas mi dmigs pa dang / zhi ba dang / ma zhi ba'i tshig bla dgas mi dmigs pa dang /stong pa dang / mi stong pa'i tshig bla dgas mi dmigs pa dang / mtshan ma yod pa dang / mtshan ma med pa'i tshig bla dgas mi dmigs pa dang / smon pa yod pa dang / smon pa med pa'i tshig bla dgas mi dmigs pa dang / 'du shes rtag pa dang / mi rtag pa'i tshig bla dgas mi dmigs pa dang /bde ba dang / sdug bsngal ba'i tshig bla dgas mi dmigs pa dang / bdag yod pa dang / bdag med pa'i tshig bla dgas mi dmigs pa dang / zhi ba dang / ma zhi ba'i tshig bla dgas mi dmigs pa dang / stong pa dang / mi stong pa'i tshig bla dgas mi dmigs pa dang /mtshan ma yod pa dang / mtshan ma med pa'i tshig bla dgas mi dmigs pa dang / smon pa yod pa dang / smon pa med pa'i tshig bla dgas mi dmigs pa dang / 'du byed rnams rtag pa dang / mi rtag pa'i tshig bla dgas mi dmigs pa dang / bde ba dang / sdug bsngal ba'i tshig bla dgas mi dmigs pa dang / bdag yod pa dang / bdag med pa'i tshig bla dgas mi dmigs pa dang / zhi ba dang / ma zhi ba'i tshig bla dgas mi dmigs pa dang / stong pa dang / mi stong pa'i tshig bla dgas mi dmigs pa dang / mtshan ma yod pa dang /mtshan ma med pa'i tshig bla dgas mi dmigs pa dang / smon pa yod pa dang / smon pa med pa'i tshig bla dgas mi dmigs pa dang / rnam par shes pa rtag pa dang / mi rtag pa'i tshig bla dgas mi dmigs pa dang / bde ba dang / sdug bsngal ba'i tshig bla dgas mi dmigs pa dang /bdag yod pa dang / bdag med pa'i tshig bla dgas mi dmigs pa dang / zhi ba dang / ma zhi ba'i tshig bla dgas mi dmigs pa dang / stong pa dang / mi stong pa'i tshig bla dgas mi dmigs pa dang / mtshan ma yod pa dang / mtshan ma med pa'i tshig bla dgas mi dmigs pa dang /smon pa yod pa dang / smon pa med pa'i tshig bla dgas mi dmigs par shes rab kyi pha rol tu phyin pa la bslab par bya'o zhes bya ba ni lam la chos shes pa'i bzod pa'o/ / rab 'byor gang yang khyod kyis 'di skad du bdag gis chos de yang dag par rjes su ma mthong ste/ 'di lta ste/byang chub sems dpa' zhes bya ba'o zhes zer ba ni rab 'byor chos kyis chos kyi dbyings yang dag par rjes su mi mthong ngo / /chos kyi dbyings kyis kyang chos yang dag par rjes su mi mthong ngo zhes bya ba ni lam la chos shes pa'o/ / rab 'byor gzugs kyi dbyings kyis chos kyi dbyings yang dag par rjes su mi mthong ngo //chos kyi dbyings kyis kyang gzugs kyi dbyings yang dag par rjes su mi mthong ngo / /rab 'byor tshor ba'i dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang tshor ba'i dbyings yang dag par rjes su mi mthong ngo / / rab 'byor 'du shes kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang 'du shes kyi dbyings yang dag par rjes su mi mthong ngo / /rab 'byor 'du byed rnams kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang 'du byed rnams kyi dbyings yang dag par rjes su mi mthong ngo //rab 'byor rnam par shes pa'i dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang rnam par shes pa'i dbyings yang dag par rjes su mi mthong ngo / /rab 'byor mig gi dbyings kyis chos kyi dbyings yang dag par rjes su mi mthong ngo //chos kyi dbyings kyis kyang mig gi dbyings yang dag par rjes su mi mthong ngo / /rna ba'i dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang rna ba'i dbyings yang dag par rjes su mi mthong ngo / / sna'i dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang sna'i dbyings yang dag par rjes su mi mthong ngo / /lce'i dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang lce'i dbyings yang dag par rjes su mi mthong ngo //lus kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang lus kyi dbyings yang dag par rjes su mi mthong ngo / /yid kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis kyang yid kyi dbyings yang dag par rjes su mi mthong ngo zhes bya ba ni lam la rjes su shes pa'i bzod pa'o// rab 'byor 'dus byas kyi dbyings kyis 'dus ma byas kyi dbyings yang dag par rjes su mi mthong ngo / /'dus ma byas kyi dbyings kyis kyang 'dus byas kyi dbyings yang dag par rjes su mi mthong ngo zhes bya ba ni lam la rjes su shes pa'o//'di dag gis ni mthong ba'i lam la gdams pa'o/ / rab 'byor 'dus byas kyi dbyings med par 'dus ma byas kyi dbyings su gdags par mi nus/ 'dus ma byas kyi dbyings med par yang 'dus byas kyi dbyings su gdags par mi nus pa'o//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos gang yang yang dag par rjes su mi mthong ngo / /yang dag par rjes su ma mthong bas mi dngang kun tu mi skrag kun tu skrag pas zin par mi 'gyur zhing / de'i sems chos gang la yang zhum par mi 'gyur yid 'gyod par mi 'gyur ro//de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs yang dag par rjes su mi mthong ngo / /tshor ba yang dag par rjes su mi mthong ngo //'du shes yang dag par rjes su mi mthong ngo / /'du byed rnams yang dag par rjes su mi mthong ngo / /rnam par shes pa yang dag par rjes su mi mthong ngo / /mig yang dag par rjes su mi mthong ngo / /rna ba yang dag par rjes su mi mthong ngo //sna yang dag par rjes su mi mthong ngo / /lce yang dag par rjes su mi mthong ngo / /lus yang dag par rjes su mi mthong ngo / /yid yang dag par rjes su mi mthong ngo / /gzugs yang dag par rjes su mi mthong ngo / /sgra yang dag par rjes su mi mthong ngo / / dri yang dag par rjes su mi mthong ngo / /ro yang dag par rjes su mi mthong ngo / /reg yang dag par rjes su mi mthong ngo / /chos yang dag par rjes su mi mthong ngo / /sa'i khams yang dag par rjes su mi mthong ngo / /chu'i khams dang / me'i khams dang / rlung gi khams dang / nam mkha'i khams dang /rnam par shes pa'i khams yang dag par rjes su mi mthong ngo / /ma rig pa yang dag par rjes su mi mthong ngo / /'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi yang dag par rjes su mi mthong ngo / /'dod chags yang dag par rjes su mi mthong ngo / /zhe sdang yang dag par rjes su mi mthong ngo / /gti mug yang dag par rjes su mi mthong ngo / /bdag yang dag par rjes su mi mthong ngo / /sems can dang / srog dang /gso ba dang / skyes bu dang / gang zag dang / shed can dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po yang dag par rjes su mi mthong ngo / /'dod pa'i khams yang dag par rjes su mi mthong ngo / /gzugs kyi khams yang dag par rjes su mi mthong ngo //gzugs med pa'i khams yang dag par rjes su mi mthong ngo / /nyan thos yang dag par rjes su mi mthong ngo / /rang sangs rgyas yang dag par rjes su mi mthong ngo / /byang chub sems dpa' yang dag par rjes su mi mthong ngo / /nyan thos kyi chos yang dag par rjes su mi mthong ngo //rang sangs rgyas kyi chos yang dag par rjes su mi mthong ngo / /byang chub sems dpa'i chos yang dag par rjes su mi mthong ngo / /sangs rgyas yang dag par rjes su mi mthong ngo / /sangs rgyas kyi chos yang dag par rjes su mi mthong ngo / /byang chub yang dag par rjes su mi mthong ngo //byang chub kyi chos yang dag par rjes su mi mthong ba nas/ 'jig rten pa dang / 'jig rten las 'das pa'i chos thams cad kyi bar du yang dag par rjes su mi mthong ngo / /de chos thams cad yang dag par rjes su mi mthong bas mi dngang kun tu mi skrag kun tu skrag pas zin par mi 'gyur ro//rab 'byor gyis gsol pa/ bcom ldan 'das de ci'i slad du byang chub sems dpa'i sems zhum par mi 'gyur ba lags/ bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos sems dang sems las byung ba'i chos mi dmigs shing yang dag par rjes su mi mthong ste/rab 'byor de ltar na byang chub sems dpa'i sems zhum par mi 'gyur / kun tu zhum par mi 'gyur ro/ /rab 'byor gyis gsol pa/ bcom ldan 'das ji ltar byang chub sems dpa' sems dpa' chen po'i yid dngang bar mi 'gyur ba lags/bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos yid dang yid kyi khams mi dmigs shing yang dag par rjes su mi mthong ste/ rab 'byor de ltar na byang chub sems dpa' sems dpa' chen po'i yid dngang bar mi 'gyur ro//rab 'byor de ltar byang chub sems dpa' sems dpa' chen pos chos thams cad mi dmigs pas shes rab kyi pha rol tu phyin pa la spyad par byas te/ rab 'byor gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/shes rab kyi pha rol tu phyin pa de mi dmigs shing / byang chub sems dpa' de yang mi dmigs / byang chub sems dpa'i ming de yang mi dmigs/ byang chub sems dpa' de yang mi dmigs shing yang dag par rjes su mi mthong na/ 'di nyid byang chub sems dpa' sems dpa' chen po'i gdams ngag yin te/'di nyid rjes su bstan pa yin no/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gzugs yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das tshor ba yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das 'du shes yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das 'du byed rnams yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das mig yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das rna ba yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das sna yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das lce yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das lus yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das yid yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das gzugs yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das sgra yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das dri yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das ro yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das reg yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das chos yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das mig gi rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ / bcom ldan 'das rna ba'i rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das sna'i rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das lce'i rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das lus kyi rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das yid kyi rnam par shes pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das mig gi 'dus te reg pa dang / mig gi 'dus te reg pa'i rkyen gyis tshor ba yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /rna ba'i 'dus te reg pa dang /rna ba'i 'dus te reg pa'i rkyen gyis tshor ba dang / sna'i 'dus te reg pa dang / sna'i 'dus te reg pa'i rkyen gyis tshor ba dang / lce'i 'dus te reg pa dang / lce'i 'dus te reg pa'i rkyen gyis tshor ba dang / lus kyi 'dus te reg pa dang / lus kyi 'dus te reg pa'i rkyen gyis tshor ba dang /yid kyi 'dus te reg pa dang / yid kyi 'dus te reg pa'i rkyen gyis tshor ba yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das ma rig pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa yongs su shes par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das 'dod chags dang /zhe sdang dang / gti mug spangs par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /de bzhin du 'jig tshogs su lta ba dang / tshul khrims dang / brtul zhugs mchog tu 'dzin pa dang / the tshom dang / 'dod pa'i 'dod chags dang / gnod sems dang / gzugs kyi 'dod chags dang / gzugs med pa'i 'dod chags dang / kun nas sbyor ba dang / bag la nyal ba dang / kun nas ldang ba spang bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//sbyor ba bzhi dang / chu bo bzhi dang / mdud pa bzhi dang / nye bar len pa bzhi dang / phyin ci log bzhi spang bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//mi dge ba bcu'i las kyi lam spang bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /dge ba bcu'i las kyi lam yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang /stobs lnga dang / byang chub kyi yan lag bdun dang / 'phags pa'i lam yan lag brgyad pa dang / so so yang dag par rig pa bzhi dang / mi 'jigs pa bzhi dang / mngon par shes pa drug dang / de bzhin gshegs pa'i stobs bcu dang / sangs rgyas kyi chos ma 'dres pa bco brgyad rnams yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das byang chub kyi yan lag ces bya ba'i ting nge 'dzin thob par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//seng ge rnam par rtse ba'i ting nge 'dzin dang / seng ge rnam par bsgyings pa'i ting nge 'dzin dang / gzungs kyi sgo'i ting nge 'dzin dang / dpa' bar 'gro ba'i ting nge 'dzin dang / rin chen phyag rgya'i ting nge 'dzin dang /zla ba'i 'od kyi ting nge 'dzin dang / zla ba'i rgyal mtshan tog gi ting nge 'dzin dang / chos thams cad phyag rgyar gyur pa'i ting nge 'dzin dang / spyan ras gzigs kyi phyag rgya'i ting nge 'dzin dang / chos kyi dbyings su nges pa'i ting nge 'dzin dang /nges pa'i rgyal mtshan dpal gyi ting nge 'dzin dang / rdo rje lta bu'i ting nge 'dzin dang / chos thams cad la 'jug pa'i sgo'i ting nge 'dzin dang / nam mkha' mdzod kyi rgya mtsho'i ting nge 'dzin dang / stobs rnam par dag pa'i ting nge 'dzin dang / yang dag par 'phags pa'i ting nge 'dzin dang /chos thams cad kyi nges pa'i tshig la gdon mi za bar 'jug pa'i ting nge 'dzin dang / chos kyi rnam pa thams cad shes pa'i phyag rgya la 'jug pa'i ting nge 'dzin dang / chos thams cad kyi gzungs kyi sgo'i ting nge 'dzin dang / chos thams cad nyams pa med pa'i ting nge 'dzin dang /chos thams cad yang dag par 'du ba'i rnam pa rgya mtsho'i ting nge 'dzin dang / nam mkha'i gnas la gnas pa'i ting nge 'dzin dang / 'khor gsum yongs su dag pa'i ting nge 'dzin dang / mngon par shes pa mi nyams pa'i rjes su 'gro ba'i ting nge 'dzin dang / snod du gyur pa'i ting nge 'dzin dang /rgyal mtshan rtse mo'i dpung rgyan gyi ting nge 'dzin dang / nyon mongs pa thams cad ma lus par sreg pa'i ting nge 'dzin dang / bdud bzhi'i dpung sel ba'i ting nge 'dzin dang / ye shes sgron ma'i ting nge 'dzin dang / stobs bcu'i stobs kyis 'phags pa'i ting nge 'dzin dang /nam mkha' ltar chags pa med pa rnam par grol ba gos pa med pa'i ting nge 'dzin dang / bcom ldan 'das ting nge 'dzin 'di dag dang gzhan dag kyang thob par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//bcom ldan 'das gzhan yang sems can thams cad kyi bsam pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das gzhan yang dge ba'i rtsa ba gang yongs su rdzogs pa'i ngan song rnams su mi ltung zhing rigs dma' bar mi skye ba dang /nyan thos dang / rang sangs rgyas kyi sa la mi gnas pa dang / byang chub sems dpa'i rtse mo'i skyon du mi ltung ba de lta bu'i dge ba'i rtsa ba thams cad yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o//de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na byang chub sems dpa' sems dpa' chen po'i rtse mo'i skyon du ltung ba yin/de skad ces smras pa dang / tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu byang chub sems dpa' sems dpa' chen po thabs mi mkhas pas pha rol tu phyin pa drug la spyod cing thabs mkhas pa mi shes pa bzhin du stong pa nyid dang /mtshan ma med pa dang / smon pa med pa'i ting nge 'dzin la brten te/ nyan thos dang / rang sangs rgyas kyi sar yang mi ltung la/ byang chub sems dpa'i skyon med par yang mi 'jug pa gang yin pa de ni byang chub sems dpa' sems dpa' chen po'i rtse mo'i skyon zhes brjod do//shA ri'i bus smras pa/ tshe dang ldan pa rab 'byor ci'i phyir na de byang chub sems dpa' sems dpa' chen po'i skyon du 'gyur/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po'i skyon zhes bya ba ni 'di lta ste chos la sred pa'o zhes bya ba ni sgom pa'i lam la gdams pa'o//gdams ngag bshad zin to/ / shA ri'i bus smras pa/ tshe dang ldan pa rab 'byor chos la sred pa gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs mi rtag ces bya bar mngon par zhen pa dang / lhag par gnas pa dang / kun shes pa dang / sdug bsngal ba dang / stong pa dang / bdag med pa zhes bya bar mngon par zhen pa dang / lhag par gnas pa dang /kun shes pa dang / gzugs stong pa zhes bya ba dang / smon pa med pa zhes bya bar mngon par zhen pa dang / lhag par gnas pa dang / kun shes pa dang / tshor ba dang / 'du shes dang / 'du byed rnams dang / rnam par shes pa mi rtag ces bya bar mngon par zhen pa dang /lhag par gnas pa dang / kun shes pa dang / sdug bsngal ba dang / stong pa dang / bdag med pa zhes mngon par zhen pa dang / lhag par gnas pa dang / kun shes pa dang / rnam par shes pa stong pa zhes bya ba dang / smon pa med pa zhes bya bar mngon par zhen pa dang /lhag par gnas pa dang / kun shes pa 'di ni shA ri'i bu byang chub sems dpa' sems dpa' chen po'i mthun pa'i chos la sred pa ste skyon yin no zhes bya ba ni sdug bsngal gyi bden pa'i dbang du byas nas drod chung ngu'i dmigs pa dang rnam pa'i khyad par ro/ / gzugs 'di ltar spang bar bya'o/ /'dis gzugs spang bar bya'o zhes mngon par zhen pa dang lhag par gnas pa dang kun shes pa dang / tshor ba 'di ltar spang bar bya'o/ /'dis tshor ba spang bar bya'o zhes bya ba dang / 'du shes 'di ltar spang bar bya'o/ /'dis 'du shes spang bar bya'o zhes bya ba dang /'du byed rnams 'di ltar spang bar bya'o/ /'dis 'du byed rnams spang bar bya'o zhes bya ba dang / rnam par shes pa 'di ltar spang bar bya'o/ /'dis rnam par shes pa spang bar bya'o zhes mngon par zhen pa dang lhag par gnas pa dang kun shes pa dang / sdug bsngal 'di ltar yongs su shes par bya'o//'dis sdug bsngal yongs su shes par bya'o/ /kun 'byung ba 'di ltar spang bar bya'o/ /'dis kun 'byung ba spang bar bya'o zhes mngon par zhen pa dang lhag par gnas pa dang kun shes pa dang zhes bya ba ni kun 'byung gi bden pa'i dbang du byas pa'i drod du gtogs pa chung ngu'i dmigs pa dang rnam pa'i khyad par yin no// 'gog pa 'di ltar mngon du bya'o/ /'dis 'gog pa mngon du bya'o zhes bya ba dang lam 'di ltar bsgom par bya'o/ /'dis lam bsgom par bya'o zhes bya ba dang / 'di ni kun nas nyon mongs pa'o/ /'di ni rnam par byang ba'o zhes bya ba dang /chos 'di dag ni bsten par bya'o/ /chos 'di dag ni bsten par mi bya'o zhes bya ba dang / 'di la ni spyad par bya'o/ /'di la ni spyad par mi bya'o/ /lam 'di dag ni bsgom par bya'o/ /'di dag ni bsgom par mi bya'o/ /'di ni byang chub sems dpa'i bslab pa'o/ / 'di ni bslab pa ma yin no/ /'di ni byang chub sems dpa'i sbyin pa'i pha rol tu phyin pa'o/ /'di ni tshul khrims kyi pha rol tu phyin pa'o/ /'di ni bzod pa'i pha rol tu phyin pa'o/ /'di ni brtson 'grus kyi pha rol tu phyin pa'o/ /'di ni bsam gtan gyi pha rol tu phyin pa'o/ /'di ni shes rab kyi pha rol tu phyin pa'o//'di ni byang chub sems dpa'i sbyin pa'i pha rol tu phyin pa ma yin no/ /'di ni tshul khrims kyi pha rol tu phyin pa ma yin no/ /'di ni bzod pa'i pha rol tu phyin pa ma yin no/ /'di ni brtson 'grus kyi pha rol tu phyin pa ma yin no/ /'di ni bsam gtan gyi pha rol tu phyin pa ma yin no//'di ni shes rab kyi pha rol tu phyin pa ma yin no/ /'di ni byang chub sems dpa'i thabs mkhas pa'o/ /'di ni thabs mkhas pa ma yin no/ /'di ni byang chub sems dpa'i skyon med pa'o/ /'di ni skyon du 'gyur ba'o zhes mngon par zhen pa dang lhag par gnas pa dang kun shes pa 'di ni byang chub sems dpa' sems dpa' chen po'i rtse mo'i skyon no//tshe dang ldan pa shA ri'i bu gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos 'di dag la 'di ltar mngon par zhen pa dang lhag par gnas pa dang / kun shes pa 'di ni byang chub sems dpa' sems dpa' chen po'i mthun pa'i chos la sred pa ste skyon yin no//shA ri'i bus smras pa/ tshe dang ldan pa rab 'byor byang chub sems dpa' sems dpa' chen po'i skyon med pa gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/phyi stong pa nyid la nang stong pa nyid du yang dag par rjes su mi mthong / nang stong pa nyid la phyi stong pa nyid du yang dag par rjes su mi mthong / phyi nang stong pa nyid la phyi stong pa nyid du yang dag par rjes su mi mthong /phyi stong pa nyid la phyi nang stong pa nyid du yang dag par rjes su mi mthong / stong pa nyid stong pa nyid la phyi nang stong pa nyid du yang dag par rjes su mi mthong / phyi nang stong pa nyid la stong pa nyid stong pa nyid du yang dag par rjes su mi mthong / chen po stong pa nyid la stong pa nyid stong pa nyid du yang dag par rjes su mi mthong / stong pa nyid stong pa nyid la chen po stong pa nyid du yang dag par rjes su mi mthong / don dam pa stong pa nyid la chen po stong pa nyid du yang dag par rjes su mi mthong / chen po stong pa nyid la don dam pa stong pa nyid du yang dag par rjes su mi mthong /'dus byas stong pa nyid la don dam pa stong pa nyid du yang dag par rjes su mi mthong / don dam pa stong pa nyid la 'dus byas stong pa nyid du yang dag par rjes su mi mthong / 'dus ma byas stong pa nyid la 'dus byas stong pa nyid du yang dag par rjes su mi mthong /'dus byas stong pa nyid la 'dus ma byas stong pa nyid du yang dag par rjes su mi mthong / mtha' las 'das pa stong pa nyid la 'dus ma byas stong pa nyid du yang dag par rjes su mi mthong / 'dus ma byas stong pa nyid la mtha' las 'das pa stong pa nyid du yang dag par rjes su mi mthong /thog ma dang tha ma med pa stong pa nyid la mtha' las 'das pa stong pa nyid du yang dag par rjes su mi mthong / mtha' las 'das pa stong pa nyid la thog ma dang tha ma med pa stong pa nyid du yang dag par rjes su mi mthong / dor ba med pa stong pa nyid la thog ma dang tha ma med pa stong pa nyid du yang dag par rjes su mi mthong /thog ma dang tha ma med pa stong pa nyid la dor ba med pa stong pa nyid du yang dag par rjes su mi mthong / rang bzhin stong pa nyid la dor ba med pa stong pa nyid du yang dag par rjes su mi mthong / dor ba med pa stong pa nyid la rang bzhin stong pa nyid du yang dag par rjes su mi mthong /chos thams cad stong pa nyid la rang bzhin stong pa nyid du yang dag par rjes su mi mthong / rang bzhin stong pa nyid la chos thams cad stong pa nyid du yang dag par rjes su mi mthong / rang gi mtshan nyid stong pa nyid la chos thams cad stong pa nyid du yang dag par rjes su mi mthong /chos thams cad stong pa nyid la rang gi mtshan nyid stong pa nyid du yang dag par rjes su mi mthong / mi dmigs pa stong pa nyid la rang gi mtshan nyid stong pa nyid du yang dag par rjes su mi mthong / rang gi mtshan nyid stong pa nyid la mi dmigs pa stong pa nyid du yang dag par rjes su mi mthong /dngos po med pa'i ngo bo nyid stong pa nyid la mi dmigs pa stong pa nyid du yang dag par rjes su mi mthong / mi dmigs pa stong pa nyid la dngos po med pa'i ngo bo nyid stong pa nyid du yang dag par rjes su mi mthong / dngos po med pa stong pa nyid la dngos po med pa'i ngo bo nyid stong pa nyid du yang dag par rjes su mi mthong /dngos po med pa'i ngo bo nyid stong pa nyid la dngos po med pa stong pa nyid du yang dag par rjes su mi mthong / dngos po stong pa nyid la dngos po med pa stong pa nyid du yang dag par rjes su mi mthong / dngos po med pa stong pa nyid la dngos po stong pa nyid du yang dag par rjes su mi mthong //rang gi ngo bo stong pa nyid la dngos po stong pa nyid du yang dag par rjes su mi mthong / dngos po stong pa nyid la rang gi ngo bo nyid stong pa nyid du yang dag par rjes su mi mthong / gzhan gyi ngo bo stong pa nyid la rang gi ngo bo stong pa nyid du yang dag par rjes su mi mthong /rang gi ngo bo stong pa nyid la gzhan gyi ngo bo stong pa nyid du yang dag par rjes su mi mthong ste/ shA ri'i bu 'di ni byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i skyon med pa yin no zhes bya ba ni 'gog pa'i bden pa'i dbang du byas pa'i dro ba chung ngu'i dmigs pa dang rnam pa'i khyad par ro// tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pas 'di ltar bslab par bya ste/ slob pa'i tshe ci nas kyang gzugs shes par bya ste/gzugs des kyang rlom sems su mi bya'o/ /tshor ba dang / 'du shes dang / 'du byed rnams dang / rnam par shes pa shes par bya ste/ de dag gis kyang rlom sems su mi bya'o/ /mig shes par bya ste/ mig des kyang rlom sems su mi bya'o/ /de bzhin du rna ba dang /sna dang / lce dang / lus dang / yid shes par bya ste/ de dag gis kyang rlom sems su mi bya'o/ /gzugs shes par bya ste/ des kyang rlom sems su mi bya'o/ /sgra dang / dri dang / ro dang / reg dang / chos shes par bya ste/ de dag gis kyang rlom sems su mi bya'o//sbyin pa'i pha rol tu phyin pa shes par bya ste/ des rlom sems su mi bya'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa shes par bya ste/shes rab kyi pha rol tu phyin pa des rlom sems su mi bya'o/ /de bzhin du mngon par shes pa lnga dang / mig lnga dang / dran pa nye bar gzhag pa rnams shes par bya ste/ de dag gis kyang rlom sems su mi bya'o// //bam po dgu pa/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa shes par bya ste/ de dag gis kyang rlom sems su mi bya'o/ /de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad shes par bya ste/ de dag gis kyang rlom sems su mi bya'o/ /tshe dang ldan pa shA ri'i bu de ltar byang chub sems dpa' sems dpa' chen po shes rab kyi pha rol tu phyin pa la spyod pas ni/byang chub kyi sems zhes bya ba shes par bya ste / mi mnyam pa dang mnyam pa zhes bya ba dang / rlabs po che'i sems zhes bya ba shes par bya ste/ de dag gis kyang rlom sems su mi bya'o/ /de ci'i phyir zhe na/ 'di ltar sems de sems ma yin te/ sems kyi rang bzhin ni 'od gsal ba'i phyir ro//shA ri'i bus smras pa/ tshe dang ldan pa rab 'byor sems kyi rang bzhin 'od gsal ba yang gang yin/ rab 'byor gyis smras pa/ tshe dang ldan pa shA ri'i bu sems gang 'dod chags dang ldan pa ma yin bral ba ma yin/ zhe sdang dang ldan pa ma yin bral ba ma yin/gti mug dang ldan pa ma yin bral ba ma yin/ kun nas ldang ba rnams dang ldan pa ma yin bral ba ma yin/ dmigs pa rnams dang ldan pa ma yin bral ba ma yin pa dang / bag la nyal ba rnams dang ldan pa ma yin bral ba ma yin pa dang / kun tu sbyor ba rnams dang ldan pa ma yin bral ba ma yin pa dang /lta bar byas pa rnams dang ldan pa ma yin bral ba ma yin pa dang / nyan thos dang rang sangs rgyas kyi sems dang ldan pa ma yin bral ba ma yin pa 'di ni tshe dang ldan pa shA ri'i bu byang chub sems dpa' sems dpa' chen po'i sems kyi rang bzhin 'od gsal ba'o//shA ri'i bus smras pa/ tshe dang ldan pa rab 'byor sems gang zhig sems med pa zhes bya ba de yod dam/ rab 'byor gyis smras pa/ tshe dang ldan pa shA ri'i bu yang ci sems med pa nyid gang yin pa de la yod pa nyid dam med pa nyid yod pa'am dmigs par 'gyur ram/ shA ri'i bus smras pa/ tshe dang ldan pa rab 'byor de lta ma yin no/ /rab 'byor gyis smras pa/ tshe dang ldan pa shA ri'i bu gal te sems med pa nyid de la yod pa nyid dam med pa nyid med pa'am mi dmigs pa yin na/ tshe dang ldan pa shA ri'i bu khyod kyis sems gang zhig sems med pa zhes bya ba de yod dam zhes de skad du smras pa 'am dri ba 'di 'thad dam/shA ri'i bus smras pa/ tshe dang ldan pa rab 'byor sems med pa nyid gang yin/ rab 'byor gyis smras pa/ tshe dang ldan pa shA ri'i bu chos rnams chos nyid 'gyur ba med cing rnam par rtog pa med pa gang yin pa de ni sems med pa yin te 'di ni sems med pa zhes brjod do//shA ri'i bus smras pa/ tshe dang ldan pa rab 'byor ci ltar sems la 'gyur ba med cing rnam par rtog pa med pa de kho na bzhin du gzugs kyang 'gyur ba med cing rnam par rtog pa med pa yin nam/ tshor ba yang 'gyur ba med cing rnam par rtog pa med pa yin nam/'du shes kyang 'gyur ba med cing rnam par rtog pa med pa yin nam/ 'du byed rnams kyang 'gyur ba med cing rnam par rtog pa med pa yin nam/ rnam par shes pa yang 'gyur ba med cing rnam par rtog pa med pa yin nam/ de kho na bzhin du mig gi khams dang gzugs kyi khams dang mig gi rnam par shes pa'i khams kyang 'gyur ba med cing rnam par rtog pa med pa yin nam/rna ba'i khams dang / sgra'i khams dang / rna ba'i rnam par shes pa'i khams kyang 'gyur ba med cing rnam par rtog pa med pa yin nam/ sna'i khams dang / dri'i khams dang / sna'i rnam par shes pa'i khams kyang 'gyur ba med cing rnam par rtog pa med pa yin nam/ lce'i khams dang / ro'i khams dang / lce'i rnam par shes pa'i khams kyang 'gyur ba med cing rnam par rtog pa med pa yin nam/ lus kyi khams dang / reg bya'i khams dang /lus kyi rnam par shes pa'i khams kyang 'gyur ba med cing rnam par rtog pa med pa yin nam/ yid kyi khams dang / chos kyi khams dang / yid kyi rnam par shes pa'i khams kyang 'gyur ba med cing rnam par rtog pa med pa yin nam/ de bzhin du skye mched dang / khams dang rten cing 'brel par 'byung ba dang / pha rol tu phyin pa rnams dang / mngon par shes pa rnams dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams nas/ bla na med pa yang dag par rdzogs pa'i byang chub kyi bar du 'gyur ba med cing rnam par rtog pa med pa yin nam/rab 'byor gyis smras pa/ tshe dang ldan pa shA ri'i bu de de bzhin te/ ji ltar sems la 'gyur ba med cing rnam par rtog pa med pa de bzhin du phung po dang / khams dang / skye mched dang / rten cing 'brel par 'byung ba dang / pha rol tu phyin pa rnams dang /mngon par shes pa dang / byang chub kyi phyogs kyi chos rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad nas/ bla na med pa yang dag par rdzogs pa'i byang chub kyi bar yang 'gyur ba med cing rnam par rtog pa med do//de nas tshe dang ldan pa shA ri'i bus tshe dang ldan pa rab 'byor la legs so zhes bya ba byin te/ tshe dang ldan pa rab 'byor legs so legs so/ /'di ltar yang khyod ni bcom ldan 'das kyi sras/ thugs las skyes pa/zhal nas byung ba/ chos las skyes pa/ chos kyi sprul pa/ chos kyi bgo skal la spyod pa zang zing gi bgo skal la spyod pa ma yin pa/ mngon sum gyi mig dang ldan pa chos rnams lus kyis mngon du gyur pa zhes bya ba yin te/ ji ltar nyon mongs pa med par gnas pa rnams kyi mchog dang ldan pa bcom ldan 'das kyis mchog tu gsungs pa zhes bya ba ltar 'di nye bar bstan to//tshe dang ldan pa rab 'byor de ltar byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /de'i phyir na byang chub sems dpa' sems dpa' chen po phyir mi ldog pa yang brtag par bya zhing shes rab kyi pha rol tu phyin pa dang ma bral bar rig par bya'o zhes bya ba ni lam gyi bden pa'i dbang du byas pa'i drod du gtogs pa chung ngu'i dmigs pa dang rnam pa'i khyad par yin no// tshe dang ldan pa rab 'byor nyan thos kyi sa la bslab par 'dod pas kyang shes rab kyi pha rol tu phyin pa 'di nyid mnyan par bya/gzung bar bya/ bcang bar bya/ klag par bya/ kun chub par bya/ tshul bzhin du yid la bya'o/ /rang sangs rgyas kyi sa la slob par 'dod pas kyang shes rab kyi pha rol tu phyin pa 'di nyid mnyan par bya/gzung bar bya/ bcang bar bya/ klag par bya/ kun chub par bya/ tshul bzhin du yid la bya'o/ /byang chub sems dpa'i sa la slob par 'dod pa'i byang chub sems dpa' sems dpa' chen pos kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/ tshul bzhin du yid la bya'o/ /sangs rgyas kyi sa la slob par 'dod pa'i byang chub sems dpa' sems dpa' chen pos kyang shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya/tshul bzhin du yid la bya'o/ /de ci'i phyir zhe na/ 'di ltar shes rab kyi pha rol tu phyin pa 'di las gang la byang chub sems dpa' sems dpa' chen po rnams kyis nyan thos kyi sa'am/ rang sangs rgyas kyi sa'am/ byang chub sems dpa'i sa'am/sangs rgyas kyi sa gang la bslab par bya ba'i theg pa gsum po rnams rgya cher bstan to zhes bya ba ni thams cad kyi rgyu nyid kyi khyad par yin no/ / de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das bdag gis byang chub sems dpa' dang /shes rab kyi pha rol tu phyin pa ma 'tshal ma dmigs yang dag par rjes su ma mthong ste/ des na byang chub sems dpa' gang zhig la shes rab kyi pha rol tu phyin pa gang zhig gdams par bgyi zhing rjes su bstan par bgyi/ bcom ldan 'das bdag gang lags pas ni dngos po ma 'tshal ma dmigs yang dag par rjes su ma mthong na/bcom ldan 'das dngos po ma 'tshal ma dmigs yang dag par rjes su ma mthong ba'i bdag des chos gang gis chos gang zhig la gdams par bgyi zhing rjes su bstan par bgyi ste/ bcom ldan 'das 'di nyid bdag gi 'gyod par 'gyur ba lags so//bcom ldan 'das bdag gis chos thams cad ma 'tshal ma dmigs yang dag par rjes su ma mthong bzhin du byang chub sems dpa' zhe 'am/ shes rab kyi pha rol tu phyin pa zhes ming tsam gyis 'du ba dang 'god par bgyis na de nyid bdag gi 'gyod par 'gyur ro//bcom ldan 'das de ltar lags mod kyi ming de yang gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /de ci'i slad du zhe na/ ming de ma mchis pa ste/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /bcom ldan 'das bdag gis gzugs kyi 'du ba dang 'god pa ma 'tshal ma dmigs yang dag par rjes su ma mthong / bcom ldan 'das bdag gis tshor ba'i 'du ba dang 'god pa ma 'tshal ma dmigs yang dag par rjes su ma mthong /bcom ldan 'das bdag gis 'du shes kyi 'du ba dang 'god pa ma 'tshal ma dmigs yang dag par rjes su ma mthong / bcom ldan 'das bdag gis 'du byed rnams kyi 'du ba dang 'god pa ma 'tshal ma dmigs yang dag par rjes su ma mthong /bcom ldan 'das bdag gis rnam par shes pa'i 'du ba dang 'god pa ma dmigs yang dag par rjes su ma mthong ste/ bcom ldan 'das bdag gang lags pas gzugs la sogs pa rnams kyi 'du ba dang 'god pa ma dmigs yang dag par rjes su ma mthong bzhin du byang chub sems dpa' zhes gang la ming du gdags par bgyi/bcom ldan 'das rnam grangs 'dis kyang ming de yang gnas pa ma lags/ mi gnas pa ma lags/ gnas pa dang bral ba ma lags/gnas pa dang bral ba ma lags pa ma lags so/ /de ci'i slad du zhe na/ ming de ma mchis pa ste/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /bcom ldan 'das bdag gis mig gi 'du ba dang 'god pa ma dmigs yang dag par rjes su ma mthong /bcom ldan 'das bdag gis rna ba'i 'du ba dang 'god pa ma dmigs yang dag par rjes su ma mthong / bcom ldan 'das bdag gis sna'i 'du ba dang 'god pa ma dmigs yang dag par rjes su ma mthong /bcom ldan 'das bdag gis lce'i 'du ba dang 'god pa ma dmigs yang dag par rjes su ma mthong / bcom ldan 'das bdag gis lus kyi 'du ba dang 'god pa ma dmigs yang dag par rjes su ma mthong / bcom ldan 'das bdag gis yid kyi 'du ba dang 'god pa ma dmigs yang dag par rjes su ma mthong ste/bcom ldan 'das bdag gis mig dang / rna ba dang / sna dang / lce dang / lus dang / yid kyi 'du ba dang 'god pa ma dmigs yang dag par rjes su ma mthong bzhin du byang chub sems dpa' zhes gang la ming du gdags par bgyi/bcom ldan 'das de lta mod kyi mig dang / rna ba dang / sna dang / lce dang / lus dang / yid kyi ming de yang gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so//de ci'i slad du zhe na/ ming de rnams ma mchis pa ste/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /bcom ldan 'das bdag gis gzugs kyi 'du ba dang 'god pa ma dmigs yang dag par rjes su ma mthong /de bzhin du sgra dang / dri dang / ro dang / reg dang / chos rnams kyi 'du ba dang 'god pa ma dmigs yang dag par rjes su ma mthong ste/ bcom ldan 'das bdag gis gzugs dang / sgra dang / dri dang / ro dang / reg dang / chos kyi 'du ba dang 'god pa ma dmigs yang dag par rjes su ma mthong bzhin du byang chub sems dpa' zhes gang la ming du gdags par bgyi/ bcom ldan 'das de lta mod kyi ming de yang gnas pa ma lags/ mi gnas pa ma lags/ gnas pa dang bral ba ma lags/gnas pa dang bral ba ma lags pa ma lags so/ /de ci'i slad du zhe na/ ming de ma mchis pa ste/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ / bcom ldan 'das bdag gis mig gi rnam par shes pa'i 'du ba dang 'god pa ma dmigs yang dag par rjes su ma mthong / bcom ldan 'das de bzhin du bdag gis rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang /yid kyi rnam par shes pa'i 'du ba dang 'god pa ma dmigs yang dag par rjes su ma mthong ste/ bcom ldan 'das bdag gis mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang /yid kyi rnam par shes pa'i 'du ba dang 'god pa ma dmigs yang dag par rjes su ma mthong bzhin du byang chub sems dpa' zhes gang la ming du gdags par bgyi/ bcom ldan 'das de lta mod kyi ming de yang gnas pa ma lags/ mi gnas pa ma lags/ gnas pa dang bral ba ma lags/gnas pa dang bral ba ma lags pa ma lags so/ /de ci'i slad du zhe na/ ming de ma mchis pa ste/ de ltar ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ / bcom ldan 'das bdag gis mig gi 'dus te reg pa dang / mig gi 'dus te reg pa'i rkyen las skyes pa'i tshor ba'i 'du ba dang 'god pa ma dmigs yang dag par rjes su ma mthong / rna ba'i 'dus te reg pa dang / rna ba'i 'dus te reg pa'i rkyen las skyes pa'i tshor ba'i 'du ba dang 'god pa ma dmigs yang dag par rjes su ma mthong /sna'i 'dus te reg pa dang / sna'i 'dus te reg pa'i rkyen las skyes pa'i tshor ba'i 'du ba dang 'god pa ma dmigs yang dag par rjes su ma mthong / lce'i 'dus te reg pa dang / lce'i 'dus te reg pa'i rkyen las skyes pa'i tshor ba'i 'du ba dang 'god pa ma dmigs yang dag par rjes su ma mthong /lus kyi 'dus te reg pa dang / lus kyi 'dus te reg pa'i rkyen las skyes pa'i tshor ba'i 'du ba dang 'god pa ma dmigs yang dag par rjes su ma mthong / bcom ldan 'das bdag gis yid kyi 'dus te reg pa dang /yid kyi 'dus te reg pa'i rkyen las skyes pa'i tshor ba'i 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis sa'i khams kyi 'du ba dang 'god pa ma dmigs yang dag par rjes su ma mthong ba de bzhin du chu'i khams dang /me'i khams dang / rlung gi khams dang / nam mkha'i khams dang / rnam par shes pa'i khams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das de bzhin du bdag gis ma rig pa nas rga shi'i bar gyi 'du ba dang 'god pa ma dmigs yang dag par rjes su ma mthong /bcom ldan 'das de bzhin du bdag gis ma rig pa 'gag pa nas/ rga shi 'gags pa'i bar gyi 'du ba dang 'god pa ma dmigs yang dag par rjes su ma mthong / bcom ldan 'das bdag gis phung po dang /khams dang / skye mched dang / rten cing 'brel par 'byung ba rnams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis 'dod chags dang / zhe sdang dang / gti mug rnams kyi 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis kun nas ldang ba dang / sgrib pa dang / bag la nyal ba dang / kun tu sbyor ba dang / lta bar byas pa rnams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis sbyin pa'i pha rol tu phyin pa'i 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis tshul khrims kyi pha rol tu phyin pa'i 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis bzod pa'i pha rol tu phyin pa'i 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis brtson 'grus kyi pha rol tu phyin pa'i 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis bsam gtan gyi pha rol tu phyin pa'i 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis shes rab kyi pha rol tu phyin pa'i 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis bdag gi 'du ba dang 'god pa ma dmigs yang dag par rjes su ma mthong ngo //bcom ldan 'das de bzhin du bdag gis sems can dang / srog dang / 'gro ba dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang /mthong ba po rnams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis dran pa nye bar gzhag pa rnams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das de bzhin du bdag gis yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis stong pa nyid dang mtshan ma med pa dang smon pa med pa rnams kyi 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis bsam gtan bzhi rnams dang / tshad med pa bzhi rnams dang / gzugs med pa'i snyoms par 'jug pa bzhi rnams kyi 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa rnams kyi 'du ba dang 'god pa ma dmigs yang dag par rjes su ma mthong ngo //bcom ldan 'das bdag gis dbugs 'byung ba dang rngub pa rjes su dran pa'i 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis mig lnga rnams dang / mngon par shes pa rnams dang / mi 'jigs pa rnams dang / de bzhin gshegs pa'i stobs bcu rnams kyi 'du ba dang 'god pa ma dmigs yang dag par rjes su ma mthong ngo / /bcom ldan 'das bdag gis sangs rgyas kyi chos ma 'dres pa bco brgyad rnams kyi 'du ba dang 'god pa ma dmigs yang dag par rjes su ma mthong ste/bcom ldan 'das bdag gis sangs rgyas kyi chos ma 'dres pa bco brgyad kyi 'du ba dang 'god pa ma dmigs yang dag par rjes su ma mthong bzhin du byang chub sems dpa' zhes gang la ming du gdags par bgyi/ bcom ldan 'das de lta mod kyi ming de yang gnas pa ma lags/mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /de ci'i slad du zhe na/ ming de ma mchis pa'i phyir te/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /bcom ldan 'das bdag gis rmi lam lta bu'i nye bar len pa'i phung po lnga rnams kyi 'du ba dang 'god pa ma dmigs yang dag par rjes su ma mthong / bcom ldan 'das de bzhin du bdag gis sgyu ma lta bu dang /sgra brnyan lta bu dang / mig yor lta bu dang / smig rgyu lta bu dang / chu zla lta bu dang / sprul pa lta bu'i nye bar len pa'i phung po lnga'i 'du ba dang 'god pa ma dmigs yang dag par rjes su ma mthong / bcom ldan 'das de bzhin du bdag gis dben pa dang / zhi ba dang /skye ba ma mchis pa dang / 'gag pa ma mchis pa dang / 'byung ba ma mchis pa dang / kun nas nyon mongs pa ma mchis pa dang / rnam par byang ba ma mchis pa'i 'du ba dang 'god pa ma dmigs yang dag par rjes su ma mthong / bcom ldan 'das de bzhin du bdag gis chos kyi dbyings dang /de bzhin nyid dang / yang dag pa'i mtha' dang / chos kyi gnas nyid dang / chos skyon med pa'i 'du ba dang 'god pa ma dmigs yang dag par rjes su ma mthong / bcom ldan 'das de bzhin du bdag gis dge ba dang / mi dge ba dang / kha na ma tho ba dang bcas pa dang /kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'dus byas dang / 'dus ma byas dang / kun nas nyon mongs pa dang /rnam par byang ba dang / 'khor ba dang / mya ngan las 'das pa'i chos rnams thams cad kyi 'du ba dang 'god pa ma dmigs yang dag par rjes su ma mthong / bcom ldan 'das bdag gis 'das pa dang ma 'ongs pa dang / da ltar byung ba'i chos rnams kyi 'du ba dang 'god pa ma dmigs yang dag par rjes su ma mthong /bcom ldan 'das bdag gis bcom ldan 'das kyi 'du ba dang 'god pa ma dmigs yang dag par rjes su ma mthong / bcom ldan 'das bdag gis shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/byang chub sems dpa'i dge 'dun dang bcas pa'i 'du ba dang 'god pa ma dmigs yang dag par rjes su ma mthong / bcom ldan 'das de bzhin du bdag gis lho phyogs kyi 'jig rten gyi khams gang gA'i klung gi bye ma snyed rnams dang /nub phyogs kyi 'jig rten gyi khams gang gA'i klung gi bye ma snyed rnams dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/byang chub sems dpa'i dge 'dun dang bcas pa'i 'du ba dang 'god pa ma dmigs yang dag par rjes su ma mthong ste/ bcom ldan 'das bdag gis de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/byang chub sems dpa'i dge 'dun dang bcas pa rnams kyi 'du ba dang 'god pa ma dmigs yang dag par rjes su ma mthong bzhin du byang chub sems dpa' gang zhig la shes rab kyi pha rol tu phyin pa gang zhig gdams par bgyi zhing rjes su bstan par bgyi/bcom ldan 'das de lta mod kyi ming de yang gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so//de ci'i slad du zhe na/ ming de ma mchis pa ste/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /bcom ldan 'das bdag gis chos thams cad kyi de bzhin nyid kyi 'du ba dang 'god pa ma dmigs yang dag par rjes su ma mthong ste/bcom ldan 'das bdag gis chos thams cad kyi de bzhin nyid kyi 'du ba dang 'god pa ma dmigs yang dag par rjes su ma mthong bzhin du byang chub sems dpa' gang zhig la shes rab kyi pha rol tu phyin pa gang zhig gdams par bgyi zhing rjes su bstan par bgyi/bcom ldan 'das chos thams cad kyi de bzhin nyid kyi ming de yang gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /de ci'i slad du zhe na/ ming de ma mchis pa ste/ de ltar na ming de gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so zhes bya ba ni drod du gtogs pa 'bring gi dmigs pa dang rnam pa yin no/ / bcom ldan 'das brda dang ldan pa'i chos btags pa 'di lta ste/byang chub sems dpa' zhes bgyi ba gang lags pa de yang phung po'am/ khams sam/ skye mched dam/ sangs rgyas kyi chos ma 'dres pa bco brgyad kyi bar gang gis kyang brjod par bgyi ba ma lags te/ chos su btags pa tsam du bas so//bcom ldan 'das 'di lta ste dper na rmi lam zhes bgyi ba'i ming de gang gis kyang brjod du ma mchis so/ /sgyu ma dang / sgra brnyan dang / mig yor dang / smig rgyu dang / chu zla dang / de bzhin gshegs pa'i sprul pa zhes bgyi ba'i ming ni gang gis kyang brjod du ma mchis so/ / bcom ldan 'das 'di lta ste dper na/ sa dang chu dang me dang rlung dang nam mkha'i ming ni gang gis kyang brjod du ma mchis so/ /bcom ldan 'das 'di lta ste/ tshul khrims zhes bgyi ba dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba zhes bgyi ba'i ming ni gang gis kyang brjod du ma mchis so//rgyun du zhugs pa zhes bgyi ba'i ming ni gang gis kyang brjod du ma mchis so/ /lan cig phyir 'ong ba zhes bgyi ba dang / phyir mi 'ong ba zhes bgyi ba dang / dgra bcom pa zhes bgyi ba dang / rang byang chub ces bgyi ba nas/byang chub sems dpa'i chos zhes bgyi ba dang / de bzhin gshegs pa zhes bgyi ba dang / sangs rgyas zhes bgyi ba dang / de bzhin nyid ces bgyi ba dang / sangs rgyas kyi chos rnams zhes bgyi ba'i ming ni dge ba'am/ mi dge ba'am/ kha na ma tho ba dang bcas pa'am/kha na ma tho ba med pa'am/ bde ba'am/ sdug bsngal ba'am/ bdag gam/ bdag med pa'am/ zhi ba'am/ ma zhi ba'am/ dben pa'am/ mi dben pa'am/ mtshan ma yod pa'am/ mtshan ma med pa'am/ dngos po yod pa'am/ dngos med pa gang gis kyang brjod du ma mchis so//bcom ldan 'das bdag gis don gyi dbang 'di yang mthong ste/ 'di skad ces bdag gis chos thams cad ma 'tshal ma dmigs yang dag par rjes su ma mthong bzhin du byang chub sems dpa' 'am shes rab kyi pha rol tu phyin pa zhes ming tsam gyis 'du ba dang 'god par bgyis na/de nyid bdag gi 'gyod par 'gyur ba lags so zhes gsol to/ /bcom ldan 'das de lta mod kyi ming de yang gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so//de ci'i slad du zhe na/ ming de ma mchis pas de ltar ming de ni gnas pa ma lags/ mi gnas pa ma lags/ gnas pa dang bral ba ma lags/ gnas pa dang bral ba ma lags pa ma lags so/ /bcom ldan 'das gal te de ltar shes rab kyi pha rol tu phyin pa bshad pa la byang chub sems dpa' sems dpa' chen po'i sems mi zhum mi 'gong yid la 'gyod par mi 'gyur zhing mi dngang kun tu mi skrag kun tu skrag pas zin par mi 'gyur na/des na nges par byang chub sems dpa' sems dpa' chen po'i phyir mi ldog pa'i byang chub sems dpa'i sa la mi gnas pa'i tshul gyis gnas par rig par bgyi'o zhes bya ba ni drod du gtogs pa chen po'i dmigs pa dang rnam pa'i khyad par ro// bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas gzugs la gnas par mi bgyi'o//tshor ba dang / 'du shes dang / 'du byed rnams dang / rnam par shes pa la gnas par mi bgyi'o/ /des mig la gnas par mi bgyi'o/ /rna ba dang / sna dang / lce dang / lus dang / yid la gnas par mi bgyi'o//des gzugs la gnas par mi bgyi'o/ /sgra dang / dri dang / ro dang / reg dang / chos la gnas par mi bgyi'o/ /des mig gi rnam par shes pa la gnas par mi bgyi'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang /yid kyi rnam par shes pa la gnas par mi bgyi'o/ /des mig gi 'dus te reg pa la gnas par mi bgyi'o/ /mig gi 'dus te reg pa'i rkyen gyis skyes pa'i tshor ba la gnas par mi bgyi'o/ /rna ba'i 'dus te reg pa dang / rna ba'i 'dus te reg pa'i rkyen gyis skyes pa'i tshor ba la gnas par mi bgyi'o//sna'i 'dus te reg pa dang / sna'i 'dus te reg pa'i rkyen gyis skyes pa'i tshor ba la gnas par mi bgyi'o/ /lce'i 'dus te reg pa dang / lce'i 'dus te reg pa'i rkyen gyis skyes pa'i tshor ba la gnas par mi bgyi'o//lus kyi 'dus te reg pa dang / lus kyi 'dus te reg pa'i rkyen gyis skyes pa'i tshor ba la gnas par mi bgyi'o/ /des yid kyi 'dus te reg pa dang / yid kyi 'dus te reg pa'i rkyen gyis skyes pa'i tshor ba la gnas par mi bgyi'o/ /des sa'i khams la gnas par mi bgyi'o/ / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la gnas par mi bgyi'o/ /des ma rig pa la gnas par mi bgyi'o/ /'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / nye bar 'tshe ba rnams la gnas par mi bgyi'o/ /de ci'i slad du zhe na/ bcom ldan 'das 'di ltar gzugs gzugs kyis stong /tshor ba tshor bas stong / 'du shes 'du shes kyis stong / 'du byed rnams 'du byed rnams kyis stong / rnam par shes pa rnam par shes pas stong ngo / /bcom ldan 'das gzugs kyi stong pa nyid gang lags pa de yang gzugs ma lags/ stong pa nyid las gzhan na yang gzugs ma mchis te/ gzugs nyid stong pa nyid stong pa nyid nyid gzugs so/ /bcom ldan 'das tshor ba'i stong pa nyid gang lags pa de yang tshor ba ma lags/ stong pa nyid las gzhan na yang tshor ba ma mchis te/ tshor ba nyid stong pa nyid/ stong pa nyid nyid tshor ba'o//bcom ldan 'das 'du shes kyi stong pa nyid gang lags pa de yang 'du shes ma lags/ stong pa nyid las gzhan na yang 'du shes ma mchis te/ 'du shes nyid stong pa nyid/ stong pa nyid nyid 'du shes so/ /bcom ldan 'das 'du byed rnams kyi stong pa nyid gang lags pa de yang 'du byed rnams ma lags/stong pa nyid las gzhan na yang 'du byed rnams ma mchis te/ 'du byed rnams nyid stong pa nyid stong pa nyid nyid 'du byed rnams so/ /bcom ldan 'das rnam par shes pa'i stong pa nyid gang lags pa de yang rnam par shes pa ma lags/stong pa nyid las gzhan na yang rnam par shes pa ma mchis te/ rnam par shes pa nyid stong pa nyid/ stong pa nyid nyid rnam par shes pa'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs la gnas par mi bgyi/tshor ba dang / 'du shes dang / 'du byed rnams dang / rnam par shes pa la gnas par mi bgyi'o/ /bcom ldan 'das 'di ltar mig mig gis stong ste/ mig gi stong pa nyid gang lags pa de yang mig ma lags/ stong pa nyid las gzhan na yang mig ma mchis te/ mig nyid stong pa nyid/ stong pa nyid nyid mig go/ /rna ba rna bas stong ste/ rna ba'i stong pa nyid gang lags pa de yang rna ba ma lags/ stong pa nyid las gzhan na yang rna ba ma mchis te/ rna ba nyid stong pa nyid/ stong pa nyid nyid rna ba'o//sna snas stong ste/ sna'i stong pa nyid gang lags pa de yang sna ma lags/ stong pa nyid las gzhan na yang sna ma mchis te/ sna nyid stong pa nyid/ stong pa nyid nyid sna'o/ /lce lces stong ste/ lce'i stong pa nyid gang lags pa de yang lce ma lags/stong pa nyid las gzhan na yang lce ma mchis te/ lce nyid stong pa nyid/ stong pa nyid nyid lce'o/ /lus lus kyis stong ste/ lus kyi stong pa nyid gang lags pa de yang lus ma lags/ stong pa nyid las gzhan na yang lus ma mchis te/ lus nyid stong pa nyid/ stong pa nyid nyid lus so/ /yid yid kyis stong ste/ yid kyi stong pa nyid gang lags pa de yang yid ma lags/ stong pa nyid las gzhan na yang yid ma mchis te/ yid nyid stong pa nyid/ stong pa nyid nyid yid do/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol tu phyin pa la spyod pas mig la gnas par mi bgyi/rna ba dang / sna dang / lce dang / lus dang / yid la gnas par mi bgyi'o/ /bcom ldan 'das 'di ltar gzugs gzugs kyis stong ste/ gzugs kyi stong pa nyid gang lags pa de yang gzugs ma lags/stong pa nyid las gzhan na yang gzugs ma mchis te/ gzugs nyid stong pa nyid/ stong pa nyid nyid gzugs so/ /sgra sgras stong ste/ sgra'i stong pa nyid gang lags pa de yang sgra ma lags/ stong pa nyid las gzhan na yang sgra ma mchis te/sgra nyid stong pa nyid/ stong pa nyid nyid sgra'o/ /dri dris stong ste/ dri'i stong pa nyid gang lags pa de yang dri ma lags/ stong pa nyid las gzhan na yang dri ma mchis te/ dri nyid stong pa nyid/ stong pa nyid nyid dri'o/ /ro ros stong ste/ ro'i stong pa nyid gang lags pa de yang ro ma lags/stong pa nyid las gzhan na yang ro ma mchis te/ ro nyid stong pa nyid/ stong pa nyid nyid ro'o/ /reg reg gis stong ste/ reg gi stong pa nyid gang lags pa de yang reg ma lags/ stong pa nyid las gzhan na yang reg ma mchis te/ reg nyid stong pa nyid/stong pa nyid nyid reg go/ /chos chos kyis stong ste/ chos kyi stong pa nyid gang lags pa de yang chos ma lags/ stong pa nyid las gzhan na yang chos ma mchis te/ chos nyid stong pa nyid/ stong pa nyid nyid chos so/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol tu phyin pa la spyod pas gzugs la gnas par mi bgyi/sgra dang / dri dang / ro dang / reg dang / chos la gnas par mi bgyi'o/ /bcom ldan 'das 'di ltar mig gi rnam par shes pa mig gi rnam par shes pas stong ste/mig gi rnam par shes pa'i stong pa nyid gang lags pa de yang mig gi rnam par shes pa ma lags/ stong pa nyid las gzhan na yang mig gi rnam par shes pa ma mchis te/ mig gi rnam par shes pa nyid stong pa nyid/ stong pa nyid nyid mig gi rnam par shes pa'o/ / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ste/ yid kyi rnam par shes pa'i stong pa nyid gang lags pa de yang yid kyi rnam par shes pa ma lags/stong pa nyid las gzhan na yang yid kyi rnam par shes pa ma mchis te/ yid kyi rnam par shes pa nyid stong pa nyid/ stong pa nyid nyid yid kyi rnam par shes pa'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas mig gi rnam par shes pa la gnas par mi bgyi'o//rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas par mi bgyi'o/ /bcom ldan 'das 'di ltar mig gi 'dus te reg pa mig gi 'dus te reg pas stong ste/mig gi 'dus te reg pa'i stong pa nyid gang lags pa de yang mig gi 'dus te reg pa ma lags/ stong pa nyid las gzhan na yang mig gi 'dus te reg pa ma mchis te/ mig gi 'dus te reg pa nyid stong pa nyid/stong pa nyid nyid mig gi 'dus te reg pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ste/yid kyi 'dus te reg pa'i stong pa nyid gang lags pa de yang yid kyi 'dus te reg pa ma lags/ stong pa nyid las gzhan na yang yid kyi 'dus te reg pa ma mchis te/ yid kyi 'dus te reg pa nyid stong pa nyid/ stong pa nyid nyid yid kyi 'dus te reg pa'o/ / bcom ldan 'das rnam grangs des na byang chub sems dpa' sems dpa' chen po shes rab kyi pha rol tu phyin pa la spyod pas mig gi 'dus te reg pa la gnas par mi bgyi/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang /yid kyi 'dus te reg pa la gnas par mi bgyi'o/ /bcom ldan 'das 'di ltar mig gi 'dus te reg pa'i rkyen gyis tshor ba mig gi 'dus te reg pa'i rkyen gyi tshor bas stong ste/ mig gi 'dus te reg pa'i rkyen gyis tshor ba'i stong pa nyid gang lags pa de yang mig gi 'dus te reg pa'i rkyen gyis tshor ba ma lags/stong pa nyid las gzhan na yang mig gi 'dus te reg pa'i rkyen gyis tshor ba ma mchis te/ mig gi 'dus te reg pa'i rkyen gyis tshor ba nyid stong pa nyid/ stong pa nyid nyid mig gi 'dus te reg pa'i rkyen gyis tshor ba'o//rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyi tshor bas stong ste/yid kyi 'dus te reg pa'i rkyen gyis tshor ba'i stong pa nyid gang lags pa de yang yid kyi 'dus te reg pa'i rkyen gyis tshor ba ma lags/ stong pa nyid las gzhan na yang yid kyi 'dus te reg pa'i rkyen gyis tshor ba ma mchis te/ yid kyi 'dus te reg pa'i rkyen gyis tshor ba nyid stong pa nyid/stong pa nyid nyid yid kyi 'dus te reg pa'i rkyen gyis tshor ba'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas/ mig gi 'dus te reg pa'i rkyen gyis tshor ba la gnas par mi bgyi/rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas par mi bgyi'o//bcom ldan 'das 'di ltar sa'i khams sa'i khams kyis stong ste/ sa'i khams kyi stong pa nyid gang lags pa de yang sa'i khams ma lags/ stong pa nyid las gzhan na yang sa'i khams ma mchis te/ sa'i khams nyid stong pa nyid/ stong pa nyid nyid sa'i khams so//chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par shes pa'i khams kyis stong ste/ rnam par shes pa'i khams kyi stong pa nyid gang lags pa de yang rnam par shes pa'i khams ma lags/stong pa nyid las gzhan na yang rnam par shes pa'i khams ma mchis te/ rnam par shes pa'i khams nyid stong pa nyid/ stong pa nyid nyid rnam par shes pa'i khams so/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas sa'i khams la gnas par mi bgyi/chu'i khams dang / me'i khams dang / rlung gi khams dang / nam mkha'i khams la gnas par mi bgyi/ rnam par shes pa'i khams la gnas par mi bgyi'o/ /bcom ldan 'das 'di ltar ma rig pa ma rig pas stong ste/ma rig pa'i stong pa nyid gang lags pa de yang ma rig pa ma lags/ stong pa nyid las gzhan na yang ma rig pa ma mchis te/ ma rig pa nyid stong pa nyid/ stong pa nyid nyid ma rig pa'o/ /'du byed dang / rnam par shes pa dang / ming dang gzugs dang /skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi rga shis stong ste/ rga shi'i stong pa nyid gang lags pa de yang rga shi ma lags/ stong pa nyid las gzhan na yang rga shi ma mchis te/rga shi nyid stong pa nyid/ stong pa nyid nyid rga shi'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas ma rig pa la gnas par mi bgyi'o/ /'du byed dang / rnam par shes pa dang /ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas dran pa nye bar gzhag pa bzhi la gnas par mi bgyi ste/de ci'i slad du zhe na/ bcom ldan 'das de ni 'di ltar dran pa nye bar gzhag pa rnams dran pa nye bar gzhag pa rnams kyis stong ste/ dran pa nye bar gzhag pa'i stong pa nyid gang lags pa de yang dran pa nye bar gzhag pa rnams ma lags/stong pa nyid las gzhan na yang dran pa nye bar gzhag pa rnams ma mchis te/ dran pa nye bar gzhag pa rnams nyid stong pa nyid/ stong pa nyid nyid dran pa nye bar gzhag pa rnams so/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas/dran pa nye bar gzhag pa rnams la gnas par mi bgyi'o/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la gnas par mi bgyi ste/ de ci'i slad du zhe na/ bcom ldan 'das de ni 'di ltar sangs rgyas kyi chos ma 'dres pa rnams sangs rgyas kyi chos ma 'dres pa rnams kyis stong ste/ sangs rgyas kyi chos ma 'dres pa rnams kyi stong pa nyid gang lags pa de yang sangs rgyas kyi chos ma 'dres pa rnams ma lags/ stong pa nyid las gzhan na yang sangs rgyas kyi chos ma 'dres pa rnams ma mchis te/sangs rgyas kyi chos ma 'dres pa rnams nyid stong pa nyid/ stong pa nyid nyid sangs rgyas kyi chos ma 'dres pa rnams so/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol tu phyin pa la spyod pas sangs rgyas kyi chos ma 'dres pa rnams la gnas par mi bgyi'o//bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas sbyin pa'i pha rol tu phyin pa la gnas par mi bgyi ste/ de ci'i slad du zhe na/bcom ldan 'das 'di ltar sbyin pa'i pha rol tu phyin pa sbyin pa'i pha rol tu phyin pas stong ste/ sbyin pa'i pha rol tu phyin pa'i stong pa nyid gang lags pa de yang sbyin pa'i pha rol tu phyin pa ma lags/ stong pa nyid las gzhan na yang sbyin pa'i pha rol tu phyin pa ma mchis te/sbyin pa'i pha rol tu phyin pa nyid stong pa nyid/ stong pa nyid nyid sbyin pa'i pha rol tu phyin pa'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas par mi bgyi ste/de ci'i slad du zhe na/ bcom ldan 'das 'di ltar shes rab kyi pha rol tu phyin pa shes rab kyi pha rol tu phyin pas stong ste/ shes rab kyi pha rol tu phyin pa'i stong pa nyid gang lags pa de yang shes rab kyi pha rol tu phyin pa ma lags/ stong pa nyid las gzhan na yang shes rab kyi pha rol tu phyin pa ma mchis te/shes rab kyi pha rol tu phyin pa nyid stong pa nyid/ stong pa nyid nyid shes rab kyi pha rol tu phyin pa'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas/pha rol tu phyin pa drug la gnas par mi bgyi'o/ /bcom ldan 'das rnam grangs des na byang chub sems dpa' sems dpa' chen po shes rab kyi pha rol tu phyin pa la spyod pas/ sbyin pa'i pha rol tu phyin pa la gnas par mi bgyi'o / / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas yi ge rnams la gnas par mi bgyi ste/yi ge mngon par sgrub pa la gnas par mi bgyi'o/ /gcig tu brjod pa la gnas par mi bgyi/ gnyis su brjod pa la gnas par mi bgyi/ tha dad du brjod pa la gnas par mi bgyi'o//de ci'i slad du zhe na/ bcom ldan 'das 'di ltar yi ge rnams yi ge rnams kyis stong ste/ yi ge rnams kyi stong pa nyid gang lags pa de yang yi ge rnams ma lags/ stong pa nyid las gzhan na yang yi ge rnams ma mchis te/ yi ge rnams nyid stong pa nyid/ stong pa nyid nyid yi ge rnams so//bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas yi ge rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas/mngon par shes pa rnams la gnas par mi bgyi ste/ de ci'i slad du zhe na/ bcom ldan 'das de ni 'di ltar mngon par shes pa rnams mngon par shes pa rnams kyis stong ste/ mngon par shes pa rnams kyi stong pa nyid gang lags pa de yang mngon par shes pa rnams ma lags/stong pa nyid las gzhan na yang mngon par shes pa rnams ma mchis te/ mngon par shes pa nyid stong pa nyid/ stong pa nyid nyid mngon par shes pa rnams so/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas mngon par shes pa rnams la gnas par mi bgyi'o//bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas/ gzugs mi rtag go zhes bgyi bar gnas par mi bgyi'o/ /de ci'i slad du zhe na/bcom ldan 'das de ni 'di ltar gzugs mi rtag pa gzugs mi rtag pa nyid kyis stong ste/ gzugs mi rtag pa nyid kyi stong pa nyid gang lags pa de yang gzugs mi rtag pa nyid ma lags/ stong pa nyid las gzhan na yang gzugs mi rtag pa nyid ma mchis te/gzugs mi rtag pa nyid stong pa nyid/ stong pa nyid nyid gzugs mi rtag pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs mi rtag go zhes bgyi bar gnas par mi bgyi'o/ / tshor ba dang / 'du shes dang / 'du byed rnams dang / rnam par shes pa mi rtag go zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar rnam par shes pa mi rtag pa nyid rnam par shes pa mi rtag pa nyid kyis stong ste/ rnam par shes pa mi rtag pa nyid kyi stong pa nyid gang lags pa de yang rnam par shes pa mi rtag pa nyid ma lags/stong pa nyid las gzhan na yang rnam par shes pa mi rtag pa nyid ma mchis te/ rnam par shes pa mi rtag pa nyid stong pa nyid/ stong pa nyid nyid rnam par shes pa mi rtag pa nyid do/ /bcom ldan 'das rnam grangs des na/byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa mi rtag go zhes bgyi bar gnas par mi bgyi'o/ /de bzhin du gzugs sdug bsngal lo zhes bgyi bar gnas par mi bgyi ste/ de ci'i slad du zhe na/bcom ldan 'das 'di ltar gzugs sdug bsngal ba nyid gzugs sdug bsngal ba nyid kyis stong ste/ gzugs sdug bsngal ba nyid kyi stong pa nyid gang lags pa de yang gzugs sdug bsngal ba nyid ma lags te / stong pa nyid las gzhan na yang gzugs sdug bsngal ba nyid ma mchis te/gzugs sdug bsngal ba nyid stong pa nyid/ stong pa nyid nyid gzugs sdug bsngal ba nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs sdug bsngal lo zhes bgyi bar gnas par mi bgyi'o//tshor ba dang / 'du shes dang / 'du byed rnams dang / rnam par shes pa sdug bsngal lo zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar rnam par shes pa sdug bsngal ba nyid rnam par shes pa sdug bsngal ba nyid kyis stong ste/rnam par shes pa sdug bsngal ba nyid kyi stong pa nyid gang lags pa de yang rnam par shes pa sdug bsngal ba nyid ma lags/ stong pa nyid las gzhan na yang rnam par shes pa sdug bsngal ba nyid ma mchis te / rnam par shes pa sdug bsngal ba nyid stong pa nyid/stong pa nyid nyid rnam par shes pa sdug bsngal ba nyid do/ /bcom ldan 'das rnam grangs des na / byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa sdug bsngal lo zhes bgyi bar gnas par mi bgyi'o//de bzhin du gzugs bdag med do zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar gzugs bdag med pa nyid gzugs bdag med pa nyid kyis stong ste/ gzugs bdag med pa nyid kyi stong pa nyid gang lags pa de yang gzugs bdag med pa nyid ma lags/stong pa nyid las gzhan na yang gzugs bdag med pa nyid ma mchis te/ gzugs bdag med pa nyid stong pa nyid/ stong pa nyid nyid gzugs bdag med pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs bdag med do zhes bgyi bar gnas par mi bgyi'o//tshor ba dang / 'du shes dang / 'du byed rnams dang / rnam par shes pa bdag med do zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar rnam par shes pa bdag med pa nyid rnam par shes pa bdag med pa nyid kyis stong ste/ rnam par shes pa bdag med pa nyid kyi stong pa nyid gang lags pa de yang rnam par shes pa bdag med pa nyid ma lags/ stong pa nyid las gzhan na yang rnam par shes pa bdag med pa nyid ma mchis te/rnam par shes pa bdag med pa nyid stong pa nyid/ stong pa nyid nyid rnam par shes pa bdag med pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa bdag med do zhes bgyi bar gnas par mi bgyi'o// //bam po bcu pa/ bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas gzugs zhi ba'o zhes bgyi bar gnas par mi bgyi ste/de ci'i slad du zhe na/ bcom ldan 'das de ni 'di ltar gzugs zhi ba nyid gzugs zhi ba nyid kyis stong ste/ gzugs zhi ba nyid kyi stong pa nyid gang lags pa de yang gzugs zhi ba nyid ma lags/ stong pa nyid las gzhan na yang gzugs zhi ba nyid ma mchis te/gzugs zhi ba nyid stong pa nyid/ stong pa nyid nyid gzugs zhi ba nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs zhi ba'o zhes bgyi bar gnas par mi bgyi'o/ / tshor ba dang / 'du shes dang / 'du byed rnams dang / rnam par shes pa zhi ba'o zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar rnam par shes pa zhi ba nyid rnam par shes pa zhi ba nyid kyis stong ste/ rnam par shes pa zhi ba'i stong pa nyid gang lags pa de yang rnam par shes pa zhi ba nyid ma lags/stong pa nyid las gzhan na yang rnam par shes pa zhi ba nyid ma mchis te/ rnam par shes pa zhi ba nyid stong pa nyid/ stong pa nyid nyid rnam par shes pa zhi ba nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa zhi ba'o zhes bgyi bar gnas par mi bgyi'o/ /de bzhin du/ rgyu dang / kun 'byung ba dang / rab tu skye ba dang / rkyen la gnas par mi bgyi'o// bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas gzugs stong ngo zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar gzugs stong pa nyid gzugs stong pa nyid kyis stong ste/gzugs stong pa nyid kyi stong pa nyid gang lags pa de yang gzugs stong pa nyid ma lags/ stong pa nyid las gzhan na yang gzugs stong pa nyid ma mchis te/ gzugs stong pa nyid stong pa nyid/ stong pa nyid nyid gzugs stong pa nyid do/ /bcom ldan 'das rnam grangs des na/byang chub sems dpa' sems dpa' chen po shes rab kyi pha rol tu phyin pa la spyod pas gzugs stong ngo zhes bgyi bar gnas par mi bgyi'o/ /tshor ba dang / 'du shes dang / 'du byed rnams dang / rnam par shes pa stong ngo zhes bgyi bar gnas par mi bgyi ste/de ci'i slad du zhe na/ bcom ldan 'das 'di ltar rnam par shes pa stong pa nyid rnam par shes pa stong pa nyid kyis stong ste/ rnam par shes pa stong pa nyid kyi stong pa nyid gang lags pa de yang rnam par shes pa stong pa nyid ma lags/ stong pa nyid las gzhan na yang rnam par shes pa stong pa nyid ma mchis te/rnam par shes pa nyid stong pa nyid/ stong pa nyid nyid rnam par shes pa stong pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa stong ngo zhes bgyi bar gnas par mi bgyi'o//gzugs mtshan ma med do zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar gzugs mtshan ma med pa nyid gzugs mtshan ma med pa nyid kyis stong ste/ gzugs mtshan ma med pa nyid kyi stong pa nyid gang lags pa de yang gzugs mtshan ma med pa nyid ma lags/stong pa nyid las gzhan na yang gzugs mtshan ma med pa nyid ma mchis te/ gzugs mtshan ma med pa nyid stong pa nyid/ stong pa nyid nyid gzugs mtshan ma med pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs mtshan ma med do zhes bgyi bar gnas par mi bgyi'o/ /tshor ba dang / 'du shes dang / 'du byed rnams dang / rnam par shes pa mtshan ma med do zhes bgyi bar gnas par mi bgyi ste/de ci'i slad du zhe na/ bcom ldan 'das 'di ltar rnam par shes pa mtshan ma med pa nyid rnam par shes pa mtshan ma med pa nyid kyis stong ste/ rnam par shes pa mtshan ma med pa nyid kyi stong pa nyid gang lags pa de yang rnam par shes pa mtshan ma med pa nyid ma lags/stong pa nyid las gzhan na yang rnam par shes pa mtshan ma med pa nyid ma mchis te/ rnam par shes pa mtshan ma med pa nyid stong pa nyid/ stong pa nyid nyid rnam par shes pa mtshan ma med pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa mtshan ma med pa nyid do zhes bgyi bar gnas par mi bgyi'o//gzugs smon pa med do zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar gzugs smon pa med pa nyid gzugs smon pa med pa nyid kyis stong ste/gzugs smon pa med pa nyid kyi stong pa nyid gang lags pa de yang gzugs smon pa med pa nyid ma lags/ stong pa nyid las gzhan na yang gzugs smon pa med pa nyid ma mchis te/ gzugs smon pa med pa nyid stong pa nyid/ stong pa nyid nyid gzugs smon pa med pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs smon pa med do zhes bgyi bar gnas par mi bgyi'o/ /tshor ba dang / /'du shes dang / 'du byed rnams dang / rnam par shes pa smon pa med do zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar rnam par shes pa smon pa med pa nyid rnam par shes pa smon pa med pa nyid kyis stong ste/ rnam par shes pa smon pa med pa nyid kyi stong pa nyid gang lags pa de yang rnam par shes pa smon pa med pa nyid ma lags/stong pa nyid las gzhan na yang rnam par shes pa smon pa med pa nyid ma mchis te/ rnam par shes pa smon pa med pa nyid stong pa nyid/ stong pa nyid nyid rnam par shes pa smon pa med pa nyid do//bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa smon pa med do zhes bgyi bar gnas par mi bgyi'o/ /gzugs dben no zhes bgyi bar gnas par mi bgyi ste/ de ci'i slad du zhe na/bcom ldan 'das 'di ltar gzugs dben pa nyid gzugs dben pa nyid kyis stong ste/ gzugs dben pa nyid kyi stong pa nyid gang lags pa de yang gzugs dben pa nyid ma lags/ stong pa nyid las gzhan na yang gzugs dben pa nyid ma mchis te/ gzugs dben pa nyid stong pa nyid/ stong pa nyid nyid gzugs dben pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas gzugs dben no zhes bgyi bar gnas par mi bgyi'o/ /tshor ba dang /'du shes dang / 'du byed rnams dang / rnam par shes pa dben no zhes bgyi bar gnas par mi bgyi ste/ de ci'i slad du zhe na/ bcom ldan 'das 'di ltar rnam par shes pa dben pa nyid rnam par shes pa dben pa nyid kyis stong ste/ rnam par shes pa dben pa nyid kyi stong pa nyid gang lags pa de yang rnam par shes pa dben pa nyid ma lags/stong pa nyid las gzhan na yang rnam par shes pa dben pa nyid ma mchis te/ rnam par shes pa dben pa nyid stong pa nyid/ stong pa nyid nyid rnam par shes pa dben pa nyid do/ /bcom ldan 'das rnam grangs des na/byang chub sems dpa' sems dpa' chen po shes rab kyi pha rol tu phyin pa la spyod pas rnam par shes pa dben no zhes bgyi bar gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pas de bzhin nyid la gnas par mi bgyi ste/de ci'i slad du zhe na/ bcom ldan 'das 'di ltar de bzhin nyid de bzhin nyid kyis stong ste/ de bzhin nyid kyi stong pa nyid gang lags pa de yang de bzhin nyid ma lags/ stong pa nyid las gzhan na yang de bzhin nyid ma mchis te/de bzhin nyid stong pa nyid/ stong pa nyid nyid de bzhin nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas de bzhin nyid la gnas par mi bgyi'o/ /de bzhin du chos nyid la gnas par mi bgyi ste/de ci'i slad du zhe na/ bcom ldan 'das 'di ltar chos nyid chos nyid kyis stong ste/ chos nyid kyi stong pa nyid gang lags pa de yang chos nyid ma lags/ stong pa nyid las gzhan na yang chos nyid ma mchis te/ chos nyid stong pa nyid/ stong pa nyid nyid chos nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas chos nyid la gnas par mi bgyi'o/ /de bzhin du chos kyi dbyings la gnas par mi bgyi ste/ de ci'i slad du zhe na/ bcom ldan 'das 'di ltar chos kyi dbyings chos kyi dbyings kyis stong ste/ chos kyi dbyings kyi stong pa nyid gang lags pa de yang chos kyi dbyings ma lags/ stong pa nyid las gzhan na yang chos kyi dbyings ma mchis te/ chos kyi dbyings nyid stong pa nyid/ stong pa nyid nyid chos kyi dbyings so//bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas chos kyi dbyings la gnas par mi bgyi'o/ /de bzhin du chos skyon med pa nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar chos skyon med pa nyid chos skyon med pa nyid kyis stong ste/chos skyon med pa nyid kyi stong pa nyid gang lags pa de yang chos skyon med pa nyid ma lags/ stong pa nyid las gzhan na yang chos skyon med pa nyid ma mchis te/ chos skyon med pa nyid stong pa nyid/stong pa nyid nyid chos skyon med pa nyid do/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas chos skyon med pa nyid la gnas par mi bgyi'o/ /de bzhin du yang dag pa'i mtha' la gnas par mi bgyi ste/de ci'i slad du zhe na/ bcom ldan 'das 'di ltar yang dag pa'i mtha' yang dag pa'i mthas stong ste/ yang dag pa'i mtha'i stong pa nyid gang lags pa de yang yang dag pa'i mtha' ma lags/ stong pa nyid las gzhan na yang yang dag pa'i mtha' ma mchis te/yang dag pa'i mtha' nyid stong pa nyid/ stong pa nyid nyid yang dag pa'i mtha'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pas yang dag pa'i mtha' la gnas par mi bgyi'o//bcom ldan 'das gzhan yang gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mi mkhas pas bdag tu bgyi ba dang / bdag gir bgyi ba la gnas pa'i yid kyis gzugs la gnas na/ de gzugs mngon par 'du bgyi ba la spyod kyi shes rab kyi pha rol tu phyin pa la mi spyod do//gal te tshor ba dang / 'du shes dang / 'du byed rnams dang / rnam par shes pa la gnas na/ de rnam par shes pa mngon par 'du bgyi ba la spyod kyi shes rab kyi pha rol tu phyin pa la mi spyod do/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen po shes rab kyi pha rol tu phyin pas yongs su zin par mi 'gyur/ shes rab kyi pha rol tu phyin pa'i rnal 'byor la snyoms par 'jug par mi 'gyur te/ shes rab kyi pha rol tu phyin pa yongs su rdzogs par ma gyur par rnam pa thams cad mkhyen pa nyid du 'byung bar mi 'gyur ro//de ci'i slad du zhe na/ bcom ldan 'das 'di ltar gzugs ni yongs su ma bzung ba'o/ /tshor ba dang / 'du shes dang / 'du byed rnams dang / rnam par shes pa ni yongs su ma bzung ba'o/ /de ci'i slad du zhe na/gzugs kyi 'dzin pa med pa gang lags pa de yang gzugs ma lags te/ rang bzhin gyis stong pa nyid kyi slad du'o/ /tshor ba dang / 'du shes dang / 'du byed rnams dang / rnam par shes pa yongs su 'dzin pa med pa gang lags pa de yang rnam par shes pa ma lags te/rang bzhin gyis stong pa nyid kyi slad du'o/ /de bzhin du yang dag pa'i mtha'i bar gyi bar ni yongs su ma bzung ba'o/ /de ci'i slad du zhe na/ yang dag pa'i mtha'i yongs su 'dzin pa med pa gang lags pa de yang yang dag pa'i mtha' ma lags te/ rang bzhin gyis stong pa nyid kyi slad du'o//shes rab kyi pha rol tu phyin pa de yang rang bzhin gyis stong pa'i slad du yongs su ma bzung ba'o/ /bcom ldan 'das gal te byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ thabs mi mkhas pas bdag tu bgyi ba dang /bdag gir bgyi ba la gnas pa'i yid kyis yang dag pa'i mtha'i bar la gnas na/ de yang dag pa'i mtha' mngon par 'du bgyi ba la spyod kyi/ shes rab kyi pha rol tu phyin pa la mi spyod do/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen po ni shes rab kyi pha rol tu phyin pas yongs su zin par mi 'gyur/shes rab kyi pha rol tu phyin pa'i rnal 'byor la snyoms par 'jug par mi 'gyur te/ shes rab kyi pha rol tu phyin pa yongs su rdzogs par ma gyur par rnam pa thams cad mkhyen pa nyid du 'byung bar mi 'gyur ro//bcom ldan 'das de ltar byang chub sems dpa' sems dpa' chen po shes rab kyi pha rol tu phyin pa la spyod pas/ chos thams cad rang bzhin gyis stong pa nyid du yongs su brtag par bgyi ste/ ci nas kyang chos gang la yang yid rnam par mi rgyu ba de ltar yongs su brtag par bgyi'o//bcom ldan 'das 'di ni byang chub sems dpa' sems dpa' chen po'i ting nge 'dzin gyi dkyil 'khor chos thams cad yongs su ma bzung ba zhes bgyi ba ste/ yangs pa/ rgya che ba/ mdun du bgyis pa/ tshad ma mchis par nges pa/ nyan thos dang / rang sangs rgyas thams cad kyis mi 'phrogs pa ste/ ting nge 'dzin gyi dkyil 'khor de la spyod pa'i byang chub sems dpa' sems dpa' chen po ni/ rnam pa thams cad mkhyen pa nyid du 'byung bar 'gyur te/rnam pa thams cad mkhyen pa nyid de yang nang stong pa nyid kyi phyir dang / phyi stong pa nyid kyi phyir dang / phyi nang stong pa nyid kyi phyir dang / stong pa nyid stong pa nyid kyi phyir dang / chen po stong pa nyid kyi phyir dang / don dam pa stong pa nyid kyi phyir dang / 'dus byas stong pa nyid kyi phyir dang /'dus ma byas stong pa nyid kyi phyir dang / mtha' las 'das pa stong pa nyid kyi phyir dang / thog ma dang tha ma med pa stong pa nyid kyi phyir dang / dor ba med pa stong pa nyid kyi phyir dang / rang bzhin stong pa nyid kyi phyir dang / chos thams cad stong pa nyid kyi phyir dang /rang gi mtshan nyid stong pa nyid kyi phyir dang / mi dmigs pa stong pa nyid kyi phyir dang / dngos po med pa'i ngo bo nyid stong pa nyid kyi phyir dang / dngos po stong pa nyid kyi phyir dang / dngos po med pa stong pa nyid kyi phyir dang / rang gi ngo bo stong pa nyid kyi phyir dang / gzhan gyi ngo bo stong pa nyid kyi phyir yongs su ma bzung ba'o zhes bya ba ni rtse mor gtogs pa chung ngu'i dmigs pa dang rnam pa'i khyad par ro// de ci'i slad du zhe na/ bcom ldan 'das 'di ltar rnam pa thams cad mkhyen pa nyid ni mtshan mar gzung bar bgyi ba ma lags te/ mtshan ma ni nyon mongs pa lags so//mtshan ma de yang gang zhe na/ gzugs ni mtshan ma'o/ /tshor ba ni mtshan ma'o/ /'du shes ni mtshan ma'o/ /'du byed rnams ni mtshan ma'o/ /rnam par shes pa ni mtshan ma'o/ /mig ni mtshan ma'o/ /rna ba ni mtshan ma'o/ /sna ni mtshan ma'o/ /lce ni mtshan ma'o/ / lus ni mtshan ma'o/ /yid ni mtshan ma'o/ /gzugs ni mtshan ma'o/ /sgra ni mtshan ma'o/ /dri ni mtshan ma'o/ /ro ni mtshan ma'o/ /reg ni mtshan ma'o/ /chos ni mtshan ma'o/ /mig gi rnam par shes pa ni mtshan ma'o/ /rna ba'i rnam par shes pa dang / sna'i rnam par shes pa dang /lce'i rnam par shes pa dang / lus kyi rnam par shes pa dang / yid kyi rnam par shes pa ni mtshan ma'o/ /mig gi 'dus te reg pa ni mtshan ma'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni mtshan ma'o//mig gi 'dus te reg pa las byung ba'i tshor ba ni mtshan ma'o/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang /yid kyi 'dus te reg pa las byung ba'i tshor ba ni mtshan ma'o/ /sa'i khams ni mtshan ma'o/ /chu'i khams ni mtshan ma'o/ /me'i khams dang / rlung gi khams dang / nam mkha'i khams dang / rnam par shes pa'i khams ni mtshan ma'o/ / ma rig pa ni mtshan ma'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ni mtshan ma'o/ /sbyin pa'i pha rol tu phyin pa ni mtshan ma'o/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni mtshan ma'o/ /nang stong pa nyid ni mtshan ma'o/ /phyi stong pa nyid dang / phyi nang stong pa nyid ni mtshan ma'o//dngos po med pa'i ngo bo nyid stong pa nyid kyi bar ni mtshan ma'o/ /dran pa nye bar gzhag pa rnams ni mtshan ma'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag bdun dang / 'phags pa'i lam yan lag brgyad pa dang / pha rol tu phyin pa rnams dang / mngon par shes pa rnams dang / yi ge rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang /stong pa nyid dang / mtshan ma med pa dang / smon pa med pa dang / chos kyi dbyings dang / chos nyid du chos nges pa dang / yang dag pa'i mtha' ni mtshan ma ste/ 'di ni nyon mongs pa zhes brjod pa lags so/ /gal te shes rab kyi pha rol tu phyin pa yang mtshan mar gzung ba zhig lags na ni/kun tu rgyu phreng ba can bstan pa 'dir thams cad mkhyen pa'i ye shes la dad pa thob par mi 'gyur ro/ /dad pa yang gang zhe na/ 'di lta ste/ shes rab kyi pha rol tu phyin pa la mngon par dad par byed pa nyid dang / rtogs pa nyid dang / mos pa dang / sems pa dang / 'jal ba dang / dpyod pa ste/ de yang mtshan ma'i tshul du ma lags/ mtshan ma ma mchis pa'i tshul du yang ma lags te/ de ltar mtshan ma med par gzung ba lags so/ /de ltar mtshan ma dang mtshan ma med par yongs su bzung bar ma mchis pas yongs su bzung ba ma lags so zhes bya ba yin no//'dir kun tu rgyu phreng ba can dad pa'i rjes su 'brang ba lhag par mos nas nyi tshe'i shes pas zhugs par gyur to/ /de zhugs nas gzugs yongs su ma bzung / tshor ba dang / 'du shes dang / 'du byed rnams dang / rnam par shes pa yongs su ma bzung ngo / /de ci'i slad du zhe na/ 'di ltar mtshan ma yid la mi bgyid pa'i slad du des rang gi mtshan nyid kyis stong pa'i chos rnams la chos gang yang yongs su ma bzung ngo / /de ci'i slad du zhe na/ 'di ltar des shes pa de la nang gi thob pa dang / mngon par rtogs par yang dag par rjes su ma mthong ngo //shes pa de la phyi rol gyi thob pa dang / mngon par rtogs par yang dag par rjes su ma mthong ngo / /shes pa de la phyi nang gi thob pa dang / mngon par rtogs par yang dag par rjes su ma mthong ngo / /shes pa de la de las gzhan pa'i thob pa dang /mngon par rtogs par yang dag par rjes su ma mthong ngo / /de ci'i slad du zhe na/ 'di ltar des gang zhig shes par bgyid pa'am/ gang zhig shes par bgyi ba'am/ gang gis shes par bgyid pa'i chos de yang yang dag par rjes su ma mthong ngo / / de ci'i slad du zhe na/ 'di ltar des shes pa de nang gi gzugs kyi yin par yang dag par rjes su ma mthong ngo / /shes pa de nang gi tshor ba'i yin par yang dag par rjes su ma mthong ngo / /shes pa de nang gi 'du shes kyi yin par yang dag par rjes su ma mthong ngo / /shes pa de nang gi 'du byed rnams kyi yin par yang dag par rjes su ma mthong ngo //shes pa de nang gi rnam par shes pa'i yin par yang dag par rjes su ma mthong ngo / /shes pa de phyi rol gyi gzugs kyi yin par yang dag par rjes su ma mthong ngo / /shes pa de phyi rol gyi tshor ba dang / phyi rol gyi 'du shes dang /phyi rol gyi 'du byed rnams dang / shes pa de phyi rol gyi rnam par shes pa'i yin par yang dag par rjes su ma mthong ngo / /shes pa de phyi nang gi gzugs kyi yin par yang dag par rjes su ma mthong / shes pa de phyi nang gi tshor ba dang / phyi nang gi 'du shes dang / phyi nang gi 'du byed rnams dang /shes pa de ni phyi nang gi rnam par shes pa'i yin par yang dag par rjes su ma mthong ngo / /phyi nang stong pa nyid kyi slad du shes pa de gzugs las gzhan du yang dag par rjes su ma mthong / shes pa de tshor ba dang / 'du shes dang / 'du byed rnams dang / shes pa de rnam par shes pa las gzhan du yang dag par rjes su ma mthong ngo / /gnas kyi rnam grangs 'di la kun tu rgyu phreng ba can mos par gyur to/ /de 'di la mos par gyur nas dad pa'i rjes su 'brang nas chos thams cad mi dmigs pa'i slad du chos nyid tshad mar bgyis nas/ rnam pa thams cad mkhyen pa nyid kyi ye shes la zhugs par gyur te/ de de ltar mos par gyur nas mtshan mar yid la mi bgyid pa'i slad du de chos gang yang yongs su ma bzung ngo / /chos thams cad gzung du med pa dang / gtang du med pa'i slad du gang zhig blang bar bgyi ba dang / dor bar bgyi ba'i chos 'ga' yang des nye bar ma dmigs so/ /chos thams cad gzung du med pa dang / gtang du med pa'i slad du de mya ngan las 'das pas kyang rlom sems su mi bgyid do/ /de ci'i slad du zhe na/ chos thams cad la yongs su mi 'dzin pa dang /mi 'dor ba gang lags pa de ni shes rab kyi pha rol tu phyin pa lags so/ /bcom ldan 'das chos thams cad yongs su gzung ba ma mchis pa nyid kyi slad du gzugs yongs su mi 'dzin pa gang lags pa dang / tshor ba yongs su mi 'dzin pa gang lags pa dang / 'du shes yongs su mi 'dzin pa gang lags pa dang / 'du byed rnams yongs su mi 'dzin pa gang lags pa dang / rnam par shes pa yongs su mi 'dzin pa gang lags pa dang / chos thams cad yongs su ma bzung ba'i slad du/ so so ba dang / bsdus pa'i khams dang / skye mched dang / rten cing 'brel par 'byung ba dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / pha rol tu phyin pa dang / 'phags pa'i bden pa rnams dang /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang /mngon par 'du bya ba med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa dang / de bzhin nyid dang /chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' yongs su mi 'dzin pa dang / sems can thams cad yongs su ma bzung ba nyid kyi slad du smon lam yongs su ma rdzogs pa nas/ ji srid du de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su ma rdzogs par/ bar ma dor yongs su mya ngan las mi 'da' ba 'di ni/ pha rol ma mchis pa'i pha rol tu phyin pa'i slad du byang chub sems dpa' sems dpa' chen po rnams kyi shes rab kyi pha rol tu phyin pa lags so//de ci'i slad du zhe na/ chos thams cad ni chos ma lags te/ dran pa nye bar gzhag pa'i bar ji srid pa dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang /stobs rnams dang / byang chub kyi yan lag rnams dang / 'phags pa'i lam yan lag brgyad pa dang / pha rol tu phyin pa rnams dang / mngon par shes pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad kyi bar de dag ni chos kyang ma lags/ chos ma lags pa yang ma lags so/ /bcom ldan 'das chos thams cad yongs su ma bzung ba'i slad du'o/ /bcom ldan 'das 'di ni byang chub sems dpa' sems dpa' chen po rnams kyi shes rab kyi pha rol tu phyin pa lags so zhes bya ba ni rtse mor gtogs pa 'bring gi dmigs pa dang rnam pa'i khyad par ro// bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pa na/ shes rab kyi pha rol tu phyin pa ni gang /shes rab kyi pha rol tu phyin pa 'di ni gang gi /shes rab kyi pha rol tu phyin pa 'di ni ci zhig /ci'i phyir na de la shes rab kyi pha rol tu phyin pa zhes bya zhes de ltar yongs su brtag par bgyi'o/ /byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gal te 'di ltar ci chos gang yod pa ma yin zhing mi dmigs pa de shes rab kyi pha rol tu phyin pa yin nam zhes bya bar nye bar rtogs na shes rab kyi pha rol tu phyin pa la mi spyod do/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so//tshe dang ldan pa rab 'byor chos gang rnams med cing mi dmigs pa de dag gang yin/ rab 'byor gyis smras pa/ tshe dang ldan pa shA ri'i bu nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang /chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang /chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid kyi phyir dang / dngos po stong pa nyid kyi phyir dang / dngos po med pa stong pa nyid kyi phyir dang / rang gi ngo bo stong pa nyid kyi phyir dang /gzhan gyi ngo bo stong pa nyid kyi phyir shes rab kyi pha rol tu phyin pa med cing mi dmigs so/ /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang med cing mi dmigs so//tshe dang ldan pa shA ri'i bu nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang /mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid dang /dngos po stong pa nyid dang / dngos po med pa stong pa nyid dang / rang gi dngos po stong pa nyid dang / gzhan gyi dngos po stong pa nyid kyi phyir gzugs med cing mi dmigs so/ /tshor ba med cing mi dmigs so/ /'du shes med cing mi dmigs so/ / 'du byed rnams med cing mi dmigs so/ /tshe dang ldan pa shA ri'i bu rnam par shes pa med cing mi dmigs so/ /tshe dang ldan pa shA ri'i bu nang stong pa nyid med cing mi dmigs so/ /phyi stong pa nyid med cing mi dmigs so/ /phyi nang stong pa nyid med cing mi dmigs so/ /stong pa nyid stong pa nyid med cing mi dmigs so//chen po stong pa nyid med cing mi dmigs so/ /don dam pa stong pa nyid med cing mi dmigs so/ /'dus byas stong pa nyid med cing mi dmigs so/ /'dus ma byas stong pa nyid med cing mi dmigs so/ /mtha' las 'das pa stong pa nyid med cing mi dmigs so//thog ma dang tha ma med pa stong pa nyid med cing mi dmigs so/ /dor ba med pa stong pa nyid med cing mi dmigs so/ /rang bzhin stong pa nyid med cing mi dmigs so/ /chos thams cad stong pa nyid med cing mi dmigs so/ /rang gi mtshan nyid stong pa nyid med cing mi dmigs so//mi dmigs pa stong pa nyid med cing mi dmigs so/ /dngos po med pa'i ngo bo nyid stong pa nyid med cing mi dmigs so/ /dngos po stong pa nyid med cing mi dmigs so/ /dngos po med pa stong pa nyid med cing mi dmigs so/ / rang gi dngos po stong pa nyid med cing mi dmigs so/ /gzhan gyi dngos po stong pa nyid med cing mi dmigs so/ /byang chub kyi phyogs kyi chos sum cu rtsa bdun gyi bar du med cing mi dmigs pa nas/ stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad kyi bar du med cing mi dmigs so/ /de bzhin nyid med cing mi dmigs so/ /chos nyid med cing mi dmigs so/ /chos gnas pa nyid med cing mi dmigs so/ /chos nges pa nyid med cing mi dmigs so/ /yang dag pa'i mtha' nyid med cing mi dmigs so//tshe dang ldan pa shA ri'i bu sangs rgyas kyang med cing mi dmigs so/ /tshe dang ldan pa shA ri'i bu rnam pa thams cad mkhyen pa nyid kyang med cing mi dmigs so/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gal te de ltar rtog cing sems pa dang / de ltar rtog cing sems pa'i tshe/ de'i sems zhum pa med cing yongs su zhum pa med la/ mi dngang kun tu mi skrag /kun tu skrag pas zin par mi 'gyur na/ byang chub sems dpa' sems dpa' chen po shes rab kyi pha rol tu phyin pa la spyod pa dang ma bral bar shes par bya'o zhes bya ba ni rtse mor gtogs pa chen po'i dmigs pa dang rnam pa'i khyad par yin no// de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir na byang chub sems dpa' sems dpa' chen po shes rab kyi pha rol tu phyin pa dang ma bral bar shes par bya/rab 'byor gyis smras pa/ tshe dang ldan pa shA ri'i bu/ gzugs ni gzugs kyi rang bzhin dang bral ba'o/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rnam par shes pa'i rang bzhin dang bral ba'o/ /tshe dang ldan pa shA ri'i bu sbyin pa'i pha rol tu phyin pa ni sbyin pa'i pha rol tu phyin pa'i rang bzhin dang bral ba'o/ /tshe dang ldan pa shA ri'i bu tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yang shes rab kyi pha rol tu phyin pa'i rang bzhin dang bral ba'o/ /de bzhin du bsam gtan dang / tshad med pa dang / gzugs med pa'i snyoms par 'jug pa dang /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / pha rol tu phyin pa dang / mngon par shes pa dang / yi ge rnams dang / stobs bcu dang / mi 'jigs pa dang /so so yang dag par rig pa dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyi rang bzhin dang bral ba'o/ /tshe dang ldan pa shA ri'i bu yang dag pa'i mtha'i bar yang yang dag pa'i mtha'i rang bzhin dang bral ba ste/ de byang chub sems dpa' sems dpa' chen po shes rab kyi pha rol tu phyin pa la spyod pas/yang dag pa ji lta ba bzhin du rab tu shes so/ /tshe dang ldan pa shA ri'i bu de'i phyir/ byang chub sems dpa' sems dpa' chen po shes rab kyi pha rol tu phyin pa dang ma bral bar shes par bya'o/ /shA ri'i bus smras pa/tshe dang ldan pa rab 'byor gzugs kyi rang bzhin ni ji lta bu/ tshor ba dang / 'du shes dang / 'du byed rnams dang / rnam par shes pa'i rang bzhin ni ji lta bu/ skye mched dang / khams dang / rten cing 'brel par 'byung ba so so ba dang / bsdus pa'i rang bzhin ni ji lta bu/yang dag pa'i mtha'i bar gyi rang bzhin ni ji lta bu/ rab 'byor gyis smras pa/ tshe dang ldan pa shA ri'i bu gzugs kyi rang bzhin ni dngos po med pa'o/ /tshor ba'i rang bzhin ni dngos po med pa'o/ /'du shes kyi rang bzhin ni dngos po med pa'o/ /'du byed rnams kyi rang bzhin ni dngos po med pa'o//rnam par shes pa'i rang bzhin ni dngos po med pa'o/ /skye mched dang / khams dang / rten cing 'brel par 'byung ba'i so so ba dang bsdus pa'i rang bzhin ni dngos po med pa'o/ /yang dag pa'i mtha'i bar gyi rang bzhin ni dngos po med pa'o/ /tshe dang ldan pa shA ri'i bu rnam grangs des na/khyod kyis 'di ltar gzugs ni gzugs kyi rang bzhin dang bral ba dang / tshor ba ni tshor ba'i rang bzhin dang bral ba dang / 'du shes ni 'du shes kyi rang bzhin dang bral ba dang / 'du byed rnams ni 'du byed rnams kyi rang bzhin dang bral ba dang /rnam par shes pa ni rnam par shes pa'i rang bzhin dang bral ba dang / skye mched rnams ni skye mched rnams kyi rang bzhin dang bral ba dang / khams rnams ni khams kyi rang bzhin dang bral ba dang / rten cing 'brel par 'byung ba ni rten cing 'brel par 'byung ba'i rang bzhin dang bral ba dang /yang dag pa'i mtha'i bar ni yang dag pa'i mtha'i rang bzhin dang bral bar shes par bya'o/ /tshe dang ldan pa shA ri'i bu gzhan yang gzugs ni gzugs kyi mtshan nyid dang bral ba'o/ /tshor ba ni tshor ba'i mtshan nyid dang bral ba'o/ /'du shes ni 'du shes kyi mtshan nyid dang bral ba'o//'du byed rnams ni 'du byed rnams kyi mtshan nyid dang bral ba'o/ /rnam par shes pa ni rnam par shes pa'i mtshan nyid dang bral ba'o/ /skye mched rnams ni skye mched rnams kyi mtshan nyid dang bral ba'o/ /khams rnams ni khams rnams kyi mtshan nyid dang bral ba'o//rten cing 'brel par 'byung ba'i bar ni rten cing 'brel par 'byung ba'i mtshan nyid dang bral ba'o/ /yang dag pa'i mtha'i bar ni yang dag pa'i mtha'i mtshan nyid dang bral ba'o/ /tshe dang ldan pa shA ri'i bu mtshan nyid kyang mtshan nyid kyi ngo bo dang bral ba'o/ /ngo bo yang ngo bo'i mtshan nyid dang bral ba'o//shA ri'i bus smras pa/ tshe dang ldan pa rab 'byor byang chub sems dpa' sems dpa' chen po gang zhig bslab pa 'di la slob pa de rnam pa thams cad mkhyen pa nyid du 'byung bar 'gyur ram/ rab 'byor gyis smras pa/ tshe dang ldan pa shA ri'i bu de de bzhin te/ byang chub sems dpa' sems dpa' chen po gang zhig bslab pa 'di la slob pa de ni/ rnam pa thams cad mkhyen pa nyid du 'byung bar 'gyur ro zhes bya ba ni bzod pa chung ngu'i dmigs pa dang rnam pa'i khyad par yin no/ / de ci'i phyir zhe na/ tshe dang ldan pa shA ri'i bu 'di ltar chos thams cad ni ma skyes shing nges par ma byung ba'o//smras pa/ tshe dang ldan pa rab 'byor rgyu gang gis na chos thams cad ma skyes shing nges par ma 'byung ba yin/ rab 'byor gyis smras pa/ tshe dang ldan pa shA ri'i bu gzugs ni gzugs kyi rang bzhin gyis stong ste/ de la skye ba'am/ nges par 'byung ba yang mi dmigs so//tshe dang ldan pa shA ri'i bu tshor ba ni tshor ba'i rang bzhin gyis stong ste/ de la skye ba'am nges par 'byung ba yang mi dmigs so/ /tshe dang ldan pa shA ri'i bu 'du shes ni 'du shes kyi rang bzhin gyis stong ste/ de la skye ba'am nges par 'byung ba yang mi dmigs so//tshe dang ldan pa shA ri'i bu 'du byed rnams ni 'du byed rnams kyi rang bzhin gyis stong ste/ de la skye ba'am nges par 'byung ba yang mi dmigs so/ /tshe dang ldan pa shA ri'i bu rnam par shes pa ni rnam par shes pa'i rang bzhin gyis stong ste/ de la skye ba'am nges par 'byung ba yang mi dmigs so//de bzhin du phung po dang / khams dang / skye mched dang / rten cing 'brel par 'byung ba dang / yang dag pa'i mtha'i bar du yang dag pa'i mtha'i rang bzhin gyis stong ste/ de la skye ba'am nges par 'byung ba yang mi dmigs so/ /tshe dang ldan pa shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni/rnam pa thams cad mkhyen pa nyid dang nye ba yin te/ de ji lta ji ltar rnam pa thams cad mkhyen pa nyid du nye bar gyur pa de lta de ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ro/ /de ji lta ji ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ba de lta de ltar byang chub sems dpa' sems dpa' chen po de 'dod chags dang ldan pa'i sems mi skyed do//zhe sdang dang ldan pa'i sems mi skyed do/ /gti mug dang ldan pa'i sems mi skyed do/ /nga rgyal dang ldan pa'i sems mi skyed do/ /g.yo dang sgyu dang ldan pa dang / phrag dog dang ser sna dang ldan pa dang / sred pa dang ldan pa dang / lta ba ngan pa dang ldan pa'i sems mi skyed do/ /de 'dod chags kyi sems mi skyed cing / zhe sdang dang / gti mug dang / nga rgyal dang / g.yo dang / sgyu dang / phrag dog dang / ser sna dang / sred pa dang / lta ba ngan pa dang ldan pa'i sems mi skyed pas nam yang ma'i mngal du skye bar mi 'gyur te/rtag tu rgyun mi 'chad par rdzus te skye bar 'gyur ro/ /sems can yongs su smin par bya ba'i don ma gtogs par nam yang ngan song rnams su skye bar mi 'gyur ro/ /de sangs rgyas kyi zhing nas sangs rgyas kyi zhing du 'gro zhing / sangs rgyas bcom ldan 'das rnams la yang bsnyen bkur byed/sems can rnams kyang yongs su smin par byed/ sangs rgyas kyi zhing yang sbyong bar byed de nas bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam yang sangs rgyas bcom ldan 'das rnams dang 'bral bar mi 'gyur ro//tshe dang ldan pa shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la de ltar spyod pa ni/ rnam pa thams cad mkhyen pa nyid du nye bar gyur pa yin no zhes bya ba ni bzod pa 'bring gi dmigs pa dang rnam pa'i khyad par yin no// de nas tshe dang ldan pa rab 'byor gyis bcom ldan 'das la 'di skad ces gsol te/ /bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mi mkhas pas gzugs la spyod na mtshan ma la spyod de/shes rab kyi pha rol tu phyin pa la mi spyod do/ /gal te tshor ba la spyod na mtshan ma la spyod do/ /'du shes la spyod na mtshan ma la spyod do/ /'du byed rnams la spyod na mtshan ma la spyod do/ /rnam par shes pa la spyod na mtshan ma la spyod de/ shes rab kyi pha rol tu phyin pa la mi spyod do//gal te gzugs rtag pa'am/ mi rtag pa zhes bgyi bar spyod na mtshan ma la spyod de/ shes rab kyi pha rol tu phyin pa la mi spyod do/ /gal te tshor ba rtag pa'am/ mi rtag pa zhes bgyi bar spyod na mtshan ma la spyod do/ /'du shes rtag pa'am/ mi rtag pa zhes bgyi bar spyod na mtshan ma la spyod do//'du byed rnams rtag pa'am/ mi rtag pa zhes bgyi bar spyod na mtshan ma la spyod do/ /rnam par shes pa rtag pa'am/ mi rtag pa zhes bgyi bar spyod na mtshan ma la spyod de/ shes rab kyi pha rol tu phyin pa la mi spyod do/ /gal te gzugs bde ba'am/sdug bsngal ba zhes bgyi bar spyod na mtshan ma la spyod de/ shes rab kyi pha rol tu phyin pa la mi spyod do/ /gal te tshor ba bde ba'am/ sdug bsngal ba zhes bgyi bar spyod na mtshan ma la spyod do/ /'du shes bde ba'am/ sdug bsngal ba zhes bgyi bar spyod na mtshan ma la spyod do/ / 'du byed rnams bde ba'am/ sdug bsngal ba zhes bgyi bar spyod na mtshan ma la spyod do/ /rnam par shes pa bde ba'am/ sdug bsngal ba zhes bgyi bar spyod na mtshan ma la spyod de/ shes rab kyi pha rol tu phyin pa la mi spyod do/ /gal te gzugs bdag gam/ bdag med ces bgyi bar spyod na mtshan ma la spyod de/shes rab kyi pha rol tu phyin pa la mi spyod do/ /tshor ba bdag gam bdag med ces bgyi bar spyod na mtshan ma la spyod do/ /'du shes bdag gam bdag med ces bgyi bar spyod na mtshan ma la spyod do/ /'du byed rnams bdag gam bdag med ces bgyi bar spyod na mtshan ma la spyod do//rnam par shes pa bdag gam bdag med ces bgyi bar spyod na mtshan ma la spyod de/ shes rab kyi pha rol tu phyin pa la mi spyod do/ /gal te gzugs zhi ba'am/ ma zhi ba zhes bgyi bar spyod na mtshan ma la spyod de/ shes rab kyi pha rol tu phyin pa la mi spyod do//tshor ba zhi ba'am/ ma zhi ba zhes bgyi bar spyod na mtshan ma la spyod do/ /'du shes zhi ba'am/ ma zhi ba zhes bgyi bar spyod na mtshan ma la spyod do/ /'du byed rnams zhi ba'am/ ma zhi ba zhes bgyi bar spyod na mtshan ma la spyod do/ /rnam par shes pa zhi ba'am/ ma zhi ba zhes bgyi bar spyod na mtshan ma la spyod do/shes rab kyi pha rol tu phyin pa la mi spyod do/ /gal te gzugs dben pa'am/ mi dben pa zhes bgyi bar spyod na mtshan ma la spyod de/ shes rab kyi pha rol tu phyin pa la mi spyod do/ /tshor ba dben pa'am/ mi dben pa zhes bgyi bar spyod na mtshan ma la spyod do//'du shes dben pa'am/ mi dben pa zhes bgyi bar spyod na mtshan ma la spyod do/ /'du byed rnams dben pa'am/ mi dben pa zhes bgyi bar spyod na mtshan ma la spyod do/ /rnam par shes pa dben pa'am mi dben pa zhes bgyi bar spyod na mtshan ma la spyod de/shes rab kyi pha rol tu phyin pa la mi spyod do/ /bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mi mkhas pas byang chub kyi phyogs kyi chos sum cu rtsa bdun gyi bar la spyod na mtshan ma la spyod de/ shes rab kyi pha rol tu phyin pa la mi spyod do/ /de bzhin du mngon par shes pa rnams dang / pha rol tu phyin pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / mig lnga rnams dang / de bzhin gshegs pa'i stobs bcu rnams dang /mi 'jigs pa bzhi rnams dang / so so yang dag par rig pa bzhi rnams dang / sangs rgyas kyi chos ma 'dres pa'i bar rnams la spyod na mtshan ma la spyod de/ shes rab kyi pha rol tu phyin pa la mi spyod do/ /bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mi mkhas pas 'di snyam du/ bdag ni shes rab kyi pha rol tu phyin pa la spyod do snyam du sems na dmigs pa la spyod pa ste/ bdag med do snyam du sems pa'i byang chub sems dpa' sems dpa' chen po de ni mtshan ma la spyod do//bcom ldan 'das gal te byang chub sems dpa' sems dpa' chen po 'di snyam du gang de ltar spyod pa de ni/ shes rab kyi pha rol tu phyin pa la spyod do/ /de ni shes rab kyi pha rol tu phyin pa sgom mo snyam du sems na de mtshan ma nyid la spyod pa ste /de ni byang chub sems dpa' sems dpa' chen po'i thabs mi mkhas par rig par bya'o / /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po 'di thabs mi mkhas par ji ltar rig par bya ba yin/rab 'byor gyis smras pa/ tshe dang ldan pa shA ri'i bu 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs la gnas pa dang / lhag par mos pa dang / kun shes pa dang / tshor ba la gnas pa dang /lhag par mos pa dang / kun shes pa dang / 'du shes la gnas pa dang / lhag par mos pa dang / kun shes pa dang / 'du byed rnams la gnas pa dang / lhag par mos pa dang / kun shes pa dang / rnam par shes pa la gnas pa dang / lhag par mos pa dang / kun shes par byed na de gzugs la gnas pa dang /lhag par mos pa dang / kun shes pa dang / tshor ba la gnas pa dang / lhag par mos pa dang / kun shes pa dang / 'du shes la gnas pa dang / lhag par mos pa dang / kun shes pa dang / 'du byed rnams la gnas pa dang / lhag par mos pa dang /kun shes pa dang / rnam par shes pa la gnas pa dang / lhag par mos pa dang / kun shes pa dang / gzugs mngon par 'du byed pa la spyod/ tshor ba dang / 'du shes dang / 'du byed rnams dang / rnam par shes pa mngon par 'du byed pa la spyod pa yin te/ des na de skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa las yongs su mi 'grol bas/ sdug bsngal chen po las yongs su mi 'grol bar brjod do/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mig la gnas pa dang / lhag par mos pa dang / kun shes pa dang / rna ba dang / sna dang / lce dang / lus dang / yid la gnas pa dang / lhag par mos pa dang / kun shes pa dang /gzugs la gnas pa dang / lhag par mos pa dang / kun shes pa dang / sgra dang / dri dang / ro dang / reg dang / chos la gnas pa dang / lhag par mos pa dang / kun shes pa dang / mig gi rnam par shes pa la gnas pa dang / lhag par mos pa dang / kun shes pa dang /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas pa dang / lhag par mos pa dang / kun shes pa dang / mig gi 'dus te reg pa la gnas pa dang / lhag par mos pa dang / kun shes pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas pa dang / lhag par mos pa dang / kun shes pa dang / mig gi 'dus te reg pa'i rkyen gyis tshor ba bde ba dang /sdug bsngal ba dang / bde ba yang ma yin/ sdug bsngal ba yang ma yin pa gang yin pa de la gnas pa dang / lhag par mos pa dang / kun shes pa dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang /lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba bde ba dang / sdug bsngal ba dang / bde ba yang ma yin/ sdug bsngal ba yang ma yin pa gang yin pa de la gnas pa dang /lhag par mos pa dang / kun shes pa dang / gal te byang chub kyi phyogs kyi chos sum cu rtsa bdun la gnas pa dang / lhag par mos pa dang / kun shes pa dang / de bzhin du mig lnga dang / mngon par shes pa drug dang / pha rol tu phyin pa drug dang /bsam gtan dang / tshad med pa dang / gzugs med pa'i snyoms par 'jug pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / dgra bcom pa nyid dang /rang sangs rgyas nyid dang / byang chub sems dpa' dang / sangs rgyas kyi chos rnams la gnas pa dang / lhag par mos pa dang / kun shes na de sangs rgyas kyi chos rnams la gnas pa dang / lhag par mos pa dang / kun shes pas sangs rgyas kyi chos rnams mngon par 'du byed pa la spyod pa yin te/mngon par 'du byed pa la spyod pas skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba las yongs su mi 'grol bas sdug bsngal chen po las yongs su mi 'grol bar brjod do//tshe dang ldan pa shA ri'i bu byang chub sems dpa' sems dpa' chen po de ni nyan thos kyi sa'am/ rang sangs rgyas kyi sa yang mngon du bya ba'i skal ba yang med na/ bla na med pa yang dag par rdzogs pa'i byang chub tu mngon par 'tshang rgya ba lta ci smos te/ de ni gnas med do//tshe dang ldan pa shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod na/ thabs mi mkhas par shes par bya'o/ /smras pa/ tshe dang ldan pa rab 'byor byang chub sems dpa' sems dpa' chen po shes rab kyi pha rol tu phyin pa la ji ltar spyod na thabs mkhas par shes par bya/rab 'byor gyis smras pa/ tshe dang ldan pa shA ri'i bu nam byang chub sems dpa' sems dpa' chen po shes rab kyi pha rol tu phyin pa la spyod pa na/ gzugs la gnas pa med pa dang / lhag par mos pa med pa dang / kun shes pa med pa dang /tshor ba dang / 'du shes dang / 'du byed rnams dang / rnam par shes pa la gnas pa med pa dang / lhag par mos pa med pa dang / kun shes pa med pa dang / de bzhin du sangs rgyas kyi chos rnams kyi bar la gnas pa med pa dang / lhag par mos pa med pa dang / kun shes pa med pas de gzugs la mi spyod/ tshor ba dang / 'du shes dang / 'du byed rnams dang / rnam par shes pa la mi spyod de/ gzugs kyi mtshan ma la mi spyod/ tshor ba dang / 'du shes dang / 'du byed rnams dang / rnam par shes pa'i mtshan ma la mi spyod/ gzugs rtag pa'am/mi rtag pa zhes bya bar mi spyod/ tshor ba dang / 'du shes dang / 'du byed rnams dang / rnam par shes pa rtag pa'am/ mi rtag pa zhes bya bar mi spyod/ gzugs bde ba'am/ sdug bsngal ba zhes bya ba dang / bdag yod pa'am/ bdag med pa zhes bya ba dang / zhi ba'am/ma zhi ba zhes bya ba dang / tshor ba dang / 'du shes dang / 'du byed rnams la yang de bzhin te/ rnam par shes pa bde ba'am/ sdug bsngal zhes bya ba dang / bdag gam bdag med pa zhes bya ba dang / zhi ba'am ma zhi ba zhes bya bar mi spyod/ gzugs stong pa'am/ mi stong pa zhes bya bar mi spyod/mtshan ma yod pa'am/ mtshan ma med pa zhes bya bar mi spyod/ smon pa yod pa'am/ smon pa med pa zhes bya bar mi spyod/ tshor ba dang / 'du shes dang / 'du byed rnams la de bzhin te/ rnam par shes pa stong pa'am/ mi stong pa zhes bya bar mi spyod/ mtshan ma yod pa'am/mtshan ma med pa zhes bya bar mi spyod/ smon pa yod pa'am/ smon pa med pa zhes bya bar mi spyod/ dben pa'am/ mi dben pa zhes bya bar mi spyod na/ de'i tshe byang chub sems dpa' sems dpa' chen po thabs mkhas par shes par bya'o/ /de ci'i phyir zhe na/ tshe dang ldan pa shA ri'i bu 'di ltar gzugs kyi stong pa nyid gang yin pa de gzugs ma yin/stong pa nyid las gzhan na gzugs med/ gzugs las gzhan na stong pa nyid med de/ gzugs nyid stong pa nyid/ stong pa nyid nyid gzugs so/ /tshor ba dang / 'du shes dang / 'du byed rnams dang /rnam par shes pa'i stong pa nyid gang yin pa de yang rnam par shes pa ma yin/ stong pa nyid las gzhan na yang / rnam par shes pa med/ rnam par shes pa las gzhan na yang / stong pa nyid med de/ stong pa nyid nyid rnam par shes pa / rnam par shes pa nyid stong pa nyid do/ /de bzhin du skye mched dang /khams dang / rten cing 'brel par 'byung ba dang / byang chub kyi phyogs kyi chos sum cu rtsa bdun rnams dang / pha rol tu phyin pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi bar gyi stong pa nyid gang yin pa de yang sangs rgyas kyi chos rnams ma yin/ stong pa nyid las gzhan na yang sangs rgyas kyi chos rnams med/ sangs rgyas kyi chos rnams las gzhan na yang stong pa nyid med de/stong pa nyid nyid sangs rgyas kyi chos ma 'dres pa rnams/ sangs rgyas kyi chos ma 'dres pa rnams stong pa nyid do/ /tshe dang ldan pa shA ri'i bu byang chub sems dpa' sems dpa' chen po shes rab kyi pha rol tu phyin pa la de ltar spyod pa ni thabs mkhas par shes par bya'o// //bam po bcu gcig pa/ tshe dang ldan pa shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni/ bla na med pa yang dag par rdzogs pa'i byang chub tu mngon par rdzogs par 'tshang rgya ba'i skal ba yod do/ / de shes rab kyi pha rol tu phyin pa la spyod pa na/ gal te chos 'ga' zhig nye bar rtogs na/ shes rab kyi pha rol tu phyin pa la mi spyod do/ /nye bar ma rtogs na shes rab kyi pha rol tu phyin pa la mi spyod do/ /nye bar rtogs pa yang ma yin la/ nye bar ma rtogs pa yang yin na/ shes rab kyi pha rol tu phyin pa la mi spyod do//nye bar rtogs pa yang ma yin la/ nye bar ma rtogs pa yang ma yin na shes rab kyi pha rol tu phyin pa la mi spyod do/ /shA ri'i bus smras pa/ tshe dang ldan pa rab 'byor ci'i phyir na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nye bar rtogs na shes rab kyi pha rol tu phyin pa la mi spyod pa yin/ nye bar ma rtogs na shes rab kyi pha rol tu phyin pa la mi spyod pa yin/ nye bar rtogs pa yang ma yin la/ nye bar ma rtogs pa yang yin na/ shes rab kyi pha rol tu phyin pa la mi spyod pa yin/ nye bar rtogs pa yang ma yin la nye bar ma rtogs pa yang ma yin na/shes rab kyi pha rol tu phyin pa la mi spyod pa yin/ rab 'byor gyis smras pa/ tshe dang ldan pa shA ri'i bu de ni 'di ltar shes rab kyi pha rol tu phyin pa la rang bzhin mi dmigs so/ /de ci'i phyir zhe na/ 'di ltar shes rab kyi pha rol tu phyin pa ni dngos po med pa'i rang bzhin te/tshe dang ldan pa shA ri'i bu rnam grangs des na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe spyod do zhes bya bar nye bar mi rtogs so/ /mi spyod do zhes bya bar nye bar mi rtogs so/ /spyod kyang spyod la mi spyod kyang mi spyod do zhes bya bar nye bar mi rtogs so//spyod pa yang ma yin mi spyod pa yang ma yin no zhes bya bar nye bar mi rtogs so/ /de ci'i phyir zhe na/ 'di ltar des chos thams cad dngos po med pa'i rang bzhin du khong du chud cing ma blangs pa'i phyir te/ tshe dang ldan pa shA ri'i bu de ltar shes rab kyi pha rol tu phyin pa la spyod pa'i byang chub sems dpa' sems dpa' chen po'i sems mi zhum zhing kun tu mi zhum ste/mi dngang kun tu mi skrag kun tu skrag pas zin par ma gyur na/ byang chub sems dpa' sems dpa' chen po de ni rnam pa thams cad mkhyen pa nyid la nye bar rig par bya'o zhes bya ba ni bzod pa chen po'i dmigs pa dang rnam pa'i khyad par ro// tshe dang ldan pa shA ri'i bu rnam pa thams cad mkhyen pa nyid de yang dngos po med pa'i ngo bo nyid kyi phyir gnyis su med cing gnyis su byar med pa'o/ /de ni byang chub sems dpa' sems dpa' chen po rnams kyi ting nge 'dzin ni chos thams cad skye ba med pa zhes bya ba de/yangs pa/ mdun du byas pa/ tshad med par nges pa/ nyan thos dang / rang sangs rgyas rnams kyis mi 'phrogs pa'o/ /shA ri'i bu ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o//shA ri'i bus smras pa/ tshe dang ldan pa rab 'byor ting nge 'dzin ni gang dag gis gnas pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/rab 'byor gyis smras pa/ tshe dang ldan pa shA ri'i bu ting nge 'dzin gang la gnas pas byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba byang chub sems dpa' sems dpa' chen po rnams kyi ting nge 'dzin dpa' bar 'gro ba zhes bya ba yod do//de bzhin du rin chen phyag rgya zhes bya ba'i ting nge 'dzin yod do/ /seng ge rnam par rtse ba zhes bya ba'i ting nge 'dzin yod do/ /zla ba bzang po zhes bya ba'i ting nge 'dzin yod do//zla ba'i rgyal mtshan tog ces bya ba'i ting nge 'dzin yod do/ /chos thams cad las shin tu 'phags pa zhes bya ba'i ting nge 'dzin yod do/ /chos thams cad kyi phyag rgya zhes bya ba'i ting nge 'dzin yod do/ /spyi gtsug rnam par lta ba zhes bya ba'i ting nge 'dzin yod do/ /chos kyi dbyings su nges pa zhes bya ba'i ting nge 'dzin yod do//nges pa'i rgyal mtshan dpal zhes bya ba'i ting nge 'dzin yod do/ /rdo rje lta bu zhes bya ba'i ting nge 'dzin yod do/ /chos thams cad la 'jug pa'i phyag rgya zhes bya ba'i ting nge 'dzin yod do/ /mnyam par gzhag pa'i gnas skabs su rab tu gnas pa zhes bya ba'i ting nge 'dzin yod do//rgyal po'i phyag rgya zhes bya ba'i ting nge 'dzin yod do/ /stobs kyi brtson 'grus zhes bya ba'i ting nge 'dzin yod do/ /chos thams cad las yang dag par 'phags pa zhes bya ba'i ting nge 'dzin yod do/ /ting nge 'dzin la rgyal po ltar rab tu gnas pa zhes bya ba'i ting nge 'dzin yod do//'od zer rab tu 'gyed pa zhes bya ba'i ting nge 'dzin yod do/ /dpung rnam par bkod pa zhes bya ba'i ting nge 'dzin yod do/ /yang dag par 'phags pa zhes bya ba'i ting nge 'dzin yod do/ /nges pa'i tshig la gdon mi za bar 'jug pa zhes bya ba'i ting nge 'dzin yod do//lta bas chog mi shes pa zhes bya ba'i ting nge 'dzin yod do/ /tshig bla dgas la yang dag par 'jug pa zhes bya ba'i ting nge 'dzin yod do/ /phyogs rnam par lta ba zhes bya ba'i ting nge 'dzin yod do/ /phyag rgya yongs su 'dzin pa zhes bya ba'i ting nge 'dzin yod do//nyams pa med pa zhes bya ba'i ting nge 'dzin yod do/ /chos thams cad yang dag par 'du ba rgya mtsho'i phyag rgya zhes bya ba'i ting nge 'dzin yod do/ /nam mkha' ltar rgyas par 'gengs pa zhes bya ba'i ting nge 'dzin yod do/ /rdo rje'i dkyil 'khor zhes bya ba'i ting nge 'dzin yod do//rgyal mtshan rtse mo'i dpung rgyan zhes bya ba'i ting nge 'dzin yod do/ /dbang po'i tog ces bya ba'i ting nge 'dzin yod do/ /rgyun gyi rjes su song ba zhes bya ba'i ting nge 'dzin yod do/ /seng ge rnam par bsgyings pa zhes bya ba'i ting nge 'dzin yod do/ /snrel zhi zhes bya ba'i ting nge 'dzin yod do//nyon mongs pa spong ba zhes bya ba'i ting nge 'dzin yod do/ /rnam par snang ba zhes bya ba'i ting nge 'dzin yod do/ /tshol ba med pa zhes bya ba'i ting nge 'dzin yod do/ /gnas la rten pa med pa zhes bya ba'i ting nge 'dzin yod do/ /sems med pa zhes bya ba'i ting nge 'dzin yod do/ / dri ma med pa'i sgron ma zhes bya ba'i ting nge 'dzin yod do/ /'od mtha' yas pa zhes bya ba'i ting nge 'dzin yod do/ /'od byed pa zhes bya ba'i ting nge 'dzin yod do/ /kun tu snang ba zhes bya ba'i ting nge 'dzin yod do/ /dag pa dam pa zhes bya ba'i ting nge 'dzin yod do/ /'od dri ma med pa zhes bya ba'i ting nge 'dzin yod do//dga' ba byed pa zhes bya ba'i ting nge 'dzin yod do/ /rgyal bar bya ba ma yin pa zhes bya ba'i ting nge 'dzin yod do/ /glog gi sgron ma zhes bya ba'i ting nge 'dzin yod do/ /zad mi shes pa zhes bya ba'i ting nge 'dzin yod do/ /mi 'pham pa zhes bya ba'i ting nge 'dzin yod do//gzi brjid yod pa zhes bya ba'i ting nge 'dzin yod do/ /zad pa dang bral ba zhes bya ba'i ting nge 'dzin yod do/ /mi g.yo ba zhes bya ba'i ting nge 'dzin yod do/ /rnam par phye ba zhes bya ba'i ting nge 'dzin yod do/ /'jigs pa med pa zhes bya ba'i ting nge 'dzin yod do//nyi ma'i sgron ma zhes bya ba'i ting nge 'dzin yod do/ /zla ba dri ma med pa zhes bya ba'i ting nge 'dzin yod do/ shes rab sgron ma zhes bya ba'i ting nge 'dzin yod do/ /snang ba gsal ba zhes bya ba'i ting nge 'dzin yod do/ /snang ba byed pa zhes bya ba'i ting nge 'dzin yod do/ /bya ba byed pa zhes bya ba'i ting nge 'dzin yod do//ye shes tog ces bya ba'i ting nge 'dzin yod do/ /rdo rje lta bu zhes bya ba'i ting nge 'dzin yod do/ /sems gnas pa zhes bya ba'i ting nge 'dzin yod do/ /kun tu snang ba zhes bya ba'i ting nge 'dzin yod do/ /rab tu gnas pa zhes bya ba'i ting nge 'dzin yod do/ /rin chen mtha' zhes bya ba'i ting nge 'dzin yod do//chos dam pa'i phyag rgya zhes bya ba'i ting nge 'dzin yod do/ /chos thams cad mnyam pa nyid ces bya ba'i ting nge 'dzin yod do/ /dga' ba spong ba zhes bya ba'i ting nge 'dzin yod do/ /chos kyis 'phags pa zhes bya ba'i ting nge 'dzin yod do/ /rnam par 'thor ba zhes bya ba'i ting nge 'dzin yod do//chos thams cad kyi tshig rab tu 'byed pa zhes bya ba'i ting nge 'dzin yod do/ /yi ge rnam par 'god pa zhes bya ba'i ting nge 'dzin yod do/ /yi ge dang bral ba zhes bya ba'i ting nge 'dzin yod do/ /dmigs pa gcod pa zhes bya ba'i ting nge 'dzin yod do/ /'gyur ba med pa zhes bya ba'i ting nge 'dzin yod do//rnam pa med pa zhes bya ba'i ting nge 'dzin yod do/ /ming nges par 'jug pa zhes bya ba'i ting nge 'dzin yod do/ /gnas med par spyod pa zhes bya ba'i ting nge 'dzin yod do/ /rab rib med pa zhes bya ba'i ting nge 'dzin yod do/ /spyod pa dang ldan pa zhes bya ba'i ting nge 'dzin yod do/ /g.yo ba med pa zhes bya ba'i ting nge 'dzin yod do//g.yul las rgal ba zhes bya ba'i ting nge 'dzin yod do/ /yon tan thams cad kyi tshogs su gyur pa zhes bya ba'i ting nge 'dzin yod do/ /sems med par gnas pa zhes bya ba'i ting nge 'dzin yod do/ /dge ba'i me tog rgyas shing gsal ba zhes bya ba'i ting nge 'dzin yod do/ / byang chub kyi yan lag yod pa zhes bya ba'i ting nge 'dzin yod do/ /spobs pa mtha' yas pa zhes bya ba'i ting nge 'dzin yod do/ /mi mnyam pa dang mnyam pa zhes bya ba'i ting nge 'dzin yod do/ /chos thams cad las 'da' ba zhes bya ba'i ting nge 'dzin yod do/ /yongs su gcod par byed pa zhes bya ba'i ting nge 'dzin yod do//nem nur rnam par sel ba zhes bya ba'i ting nge 'dzin yod do/ /gnas su bya ba med pa zhes bya ba'i ting nge 'dzin yod do/ /gcig tu rnam par bkod pa zhes bya ba'i ting nge 'dzin yod do/ /rnam pa mngon par sgrub pa zhes bya ba'i ting nge 'dzin yod do/ /rnam pa gcig tu gyur pa zhes bya ba'i ting nge 'dzin yod do/ / rnam pa dor ba med pa zhes bya ba'i ting nge 'dzin yod do/ /srid pa'i gzhi thams cad rtogs par khong du chud pa zhes bya ba'i ting nge 'dzin yod do/ /brda dang / sgra la 'jug pa zhes bya ba'i ting nge 'dzin yod do/ /sgra dbyangs dang ldan pa zhes bya ba'i ting nge 'dzin yod do/ /yi ge dang bral ba zhes bya ba'i ting nge 'dzin yod do//sgron ma 'bar ba zhes bya ba'i ting nge 'dzin yod do/ /mtshan nyid yongs su sbyong ba zhes bya ba'i ting nge 'dzin yod do/ /mngon par dmigs pa med pa zhes bya ba'i ting nge 'dzin yod do/ /rnam pa'i mchog thams cad dang ldan pa zhes bya ba'i ting nge 'dzin yod do/ /bde ba dang / sdug bsngal thams cad la mngon par mi dga' ba med pa zhes bya ba'i ting nge 'dzin yod do//zad mi shes pa'i za ma tog ces bya ba'i ting nge 'dzin yod do/ /gzungs kyi blo gros zhes bya ba'i ting nge 'dzin yod do/ /'jig rten thams cad rab tu sgom pa zhes bya ba'i ting nge 'dzin yod do/ /ting nge 'dzin mnyam pa nyid ces bya ba'i ting nge 'dzin yod do//tshul dang tshul med pa las rnam par grol ba zhes bya ba'i ting nge 'dzin yod do/ /rjes su 'brang ba thams cad yang dag par 'du ba zhes bya ba'i ting nge 'dzin yod do/ /gzhi med par nges pa zhes bya ba'i ting nge 'dzin yod do/ /de bzhin nyid la gnas par nges pa zhes bya ba'i ting nge 'dzin yod do//lus kyi skyon yang dag par 'joms pa zhes bya ba'i ting nge 'dzin yod do/ /ngag gi skyon rnam par 'jig pa zhes bya ba'i ting nge 'dzin yod do/ /nam mkha' 'dra ba zhes bya ba'i ting nge 'dzin yod do/ /nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin yod do/ / ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /tshe dang ldan pa shA ri'i bu de dag ni byang chub sems dpa' sems dpa' chen po rnams kyi ting nge 'dzin te/ ting nge 'dzin de dag gis rnam par spyod pa'i byang chub sems dpa' sems dpa' chen po rnams ni myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/de ltar ting nge 'dzin dang / gzungs kyi sgo gang la bslabs pas/ byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu tshad med grangs med pa gzhan dag kyang yod de /de la dpa' bar 'gro ba zhes bya ba'i ting nge 'dzin gang zhe na/ ting nge 'dzin gang gis ting nge 'dzin thams cad kyi spyod yul nyams su myong bar 'gyur ba ste/ de ni dpa' bar 'gro ba zhes bya ba'i ting nge 'dzin zhes bya'o/ /de la rin chen phyag rgya zhes bya ba'i ting nge 'dzin gang zhe na/ ting nge 'dzin gang gis ting nge 'dzin thams cad rgyas gdab par 'gyur ba ste/ de ni rin chen phyag rgya zhes bya ba'i ting nge 'dzin zhes bya'o/ /de bzhin du de la nam mkha' ltar chags pa med pa'i rnam par grol zhing gos pa med pa zhes bya ba'i bar gyi ting nge 'dzin gang zhe na/ting nge 'dzin gang la gnas na chos thams cad la nam mkha' ltar chags pa med cing rnam par grol bas gos pa med pa rjes su thob par 'gyur ba ste/ de ni nam mkha' ltar chags pa med pas rnam par grol zhing gos pa med pa'i ting nge 'dzin zhes bya ba'i bar du'o zhes bya ba ni chos kyi mchog chung ngu'i dmigs pa dang rnam pa'i khyad par yin no// de nas sangs rgyas kyi mthus tshe dang ldan pa rab 'byor gyis/ tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu byang chub sems dpa' sems dpa' chen po gang ting nge 'dzin de dag gi gnas pa ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang /bla na med pa yang dag par rdzogs pa'i byang chub tu lung bstan to/ /da ltar phyogs bcu'i 'jig rten gyi khams gang gA'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba gang dag yin pa de dag gis kyang byang chub sems dpa' sems dpa' chen po de lung bstan te/ des ni ting nge 'dzin yang yang dag par rjes su mi mthong / bdag ni snyoms par zhugs so zhes bya bar ting nge 'dzin des rlom sems su 'gyur ba yang med do//des ni ting nge 'dzin yang yang dag par rjes su mi mthong ngo / /bdag ni snyoms par 'jug go/ /bdag gis mnyam par gzhag par bya'o/ /bdag ni mnyam par gzhag par gyur to zhes rlom sems su 'gyur ba med de/ de la rnam par rtog pa de dag med cing mi rgyu'o zhes bya ba ni chos kyi mchog 'bring gi dmigs pa dang rnam pa'i khyad par yin no// shA ri'i bus smras pa/ tshe dang ldan pa rab 'byor ci ting nge 'dzin 'di la gnas pa'i byang chub sems dpa' sems dpa' chen po la/ de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan pa yod dam/rab 'byor gyis smras pa/ tshe dang ldan pa shA ri'i bu de ni med de/ de ci'i phyir zhe na/ tshe dang ldan pa shA ri'i bu 'di ltar shes rab kyi pha rol tu phyin pa yang gzhan la ting nge 'dzin yang gzhan/ byang chub sems dpa' yang gzhan zhes bya ba med kyi/shes rab kyi pha rol tu phyin pa nyid kyang ting nge 'dzin te/ ting nge 'dzin nyid kyang byang chub sems dpa'o/ /byang chub sems dpa' nyid kyang ting nge 'dzin te/ /smras pa/ tshe dang ldan pa rab 'byor gal te de ltar ting nge 'dzin kyang gzhan la/ byang chub sems dpa' yang gzhan zhes bya ba med / byang chub sems dpa' yang gzhan la/ ting nge 'dzin nyid kyang gzhan zhes bya ba med de/ chos thams cad mnyam pa nyid kyi phyir ting nge 'dzin nyid kyang byang chub sems dpa' byang chub sems dpa' nyid kyang ting nge 'dzin yin na/ de la ting nge 'dzin bstan par nus sam/ rab 'byor gyis smras pa/ tshe dang ldan pa shA ri'i bu de ni ma yin no/ /smras pa/ tshe dang ldan pa rab 'byor rigs kyi bu de ting nge 'dzin de la 'du shes su byed dam/ rab 'byor gyis smras pa/ tshe dang ldan pa shA ri'i bu 'du shes su byed pa med do/ /smras pa/ ji ltar de la 'du shes su byed par mi 'gyur/ rab 'byor gyis smras pa/ji ltar rnam par rtog pa med pa ltar ro/ /smras pa de la ji ltar rtog pa med pa yin/ rab 'byor gyis smras pa/ chos thams cad med pa'i phyir rtog pa med de/ de ltar na ting nge 'dzin de la rtog pa med do/ /tshe dang ldan pa shA ri'i bu rnam grangs des na/ rigs kyi bu de ting nge 'dzin de la rnam par shes par byed pa med do//'du shes su byed pa med do/ /smras pa/ ci'i phyir rnam par shes par byed pa med cing / 'du shes su 'gyur ba med/ rab 'byor gyis smras pa/ ting nge 'dzin de yang med la byang chub sems dpa' sems dpa' chen po de yang med pa'i phyir/ rnam par shes pa med do/ /'du shes su 'gyur ba med do zhes bya ba ni chos kyi mchog chen po'i dmigs pa dang rnam pa'i khyad par yin no/ / de nas bcom ldan 'das kyis/ tshe dang ldan pa rab 'byor la legs so zhes bya ba gnang ste/ ji ltar khyod nyon mongs pa med pa la gnas pa rnams kyi mchog tu bstan pa ltar ston pa ni legs so//legs so/ /byang chub sems dpa' sems dpa' chen pos/ de ltar shes rab kyi pha rol tu phyin pa la bslab par bya'o/ /de ltar bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa la bslab par bya'o/ /de ltar byang chub kyi phyogs kyi chos rnams dang / sangs rgyas kyi chos ma 'dres pa bco brgyad kyi bar la bslab par bya'o/ /de nas tshe dang ldan pa shA ri'i bus/ bcom ldan 'das la 'di skad ces gsol to/ /bcom ldan 'das de ltar slob pa'i byang chub sems dpa' sems dpa' chen po shes rab kyi pha rol tu phyin pa la slob pa lags sam/bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la slob pa lags sam/byang chub kyi phyogs kyi chos rnams dang / sangs rgyas kyi chos ma 'dres pa rnams kyi bar la slob pa lags sam/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po de ltar slob pa ni/ shes rab kyi pha rol tu phyin pa la mi dmigs pa'i tshul gyis slob pa yin/bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la mi dmigs pa'i tshul gyis slob pa yin/ byang chub kyi phyogs kyi chos rnams dang / bsam gtan dang /tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi bar la mi dmigs pa'i tshul gyis slob pa yin no/ /de nas tshe dang ldan pa shA ri'i bus/bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po de ltar shes rab kyi pha rol tu phyin pa la slob pa ni mi dmigs pa'i tshul gyis slob pa lags sam/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la mi dmigs pa'i tshul gyis slob pa yin no//shA ri'i bus gsol pa/ bcom ldan 'das ci'i slad du mi dmigs pa lags/ bcom ldan 'das kyis bka' stsal pa/ shA ri'i bu shin tu rnam par dag pa'i phyir bdag mi dmigs so//shin tu rnam par dag pa'i phyir sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po mi dmigs so/ /shin tu rnam par dag pa'i phyir sdug bsngal mi dmigs so//shin tu rnam par dag pa'i phyir kun 'byung ba dang / 'gog pa dang / lam mi dmigs so/ /shin tu rnam par dag pa'i phyir/ 'dod pa'i khams mi dmigs so/ /shin tu rnam par dag pa'i phyir/ gzugs kyi khams mi dmigs so/ /shin tu rnam par dag pa'i phyir/ gzugs med pa'i khams mi dmigs so//shin tu rnam par dag pa'i phyir/ bsam gtan dang / tshad med pa dang / gzugs med pa'i snyoms par 'jug pa mi dmigs so/ /shin tu rnam par dag pa'i phyir/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam mi dmigs so/ /shin tu rnam par dag pa'i phyir/ pha rol tu phyin pa rnams mi dmigs so/ /shin tu rnam par dag pa'i phyir/ stobs bcu dang / mi 'jigs pa bzhi dang / so so yang dag par rig pa bzhi dang / de bzhin gshegs pa'i stobs bcu mi dmigs so/ /shin tu rnam par dag pa'i phyir/ sangs rgyas kyi chos ma 'dres pa rnams mi dmigs so/ /shin tu rnam par dag pa'i phyir/ rgyun tu zhugs pa mi dmigs so/ /shin tu rnam par dag pa'i phyir/ lan cig phyir 'ong ba dang / phyir mi 'ong ba dang /dgra bcom pa dang / rang sangs rgyas mi dmigs so/ /shin tu rnam par dag pa'i phyir/ byang chub sems dpa' mi dmigs so/ /shin tu rnam par dag pa'i phyir/ byang chub mi dmigs so/ /shin tu rnam par dag pa'i phyir/ sangs rgyas mi dmigs so/ /gsol pa/ bcom ldan 'das rnam par dag pa gang lags/bcom ldan 'das kyis bka' stsal pa/ chos thams cad ma skyes pa dang / 'byung ba med pa dang / dmigs pa med pa dang / mngon par 'du bya ba med pa 'di ni rnam par dag pa zhes bya ste/ shA ri'i bu de ltar na/ byang chub sems dpa' sems dpa' chen po chos thams cad la mi dmigs pa'i tshul gyis slob pa yin no zhes bya ba ni rnam par rtog pa dang ldan pa spyi'i dbang du byas nas bstan pa yin no// gsol pa/ bcom ldan 'das de ltar slob pa'i byang chub sems dpa' sems dpa' chen po chos gang dang gang la slob pa lags/ bcom ldan 'das kyis bka' stsal pa/ shA ri'i bu de ltar slob pa'i byang chub sems dpa' sems dpa' chen po ni chos gang la yang slob pa med do/ /de ci'i phyir zhe na/ shA ri'i bu chos 'di dag ni/ byis pa so so'i skye bos ji ltar mngon par chags par bya ba de lta bu'i rnam pa yod pa ma yin no/ / gsol pa/ bcom ldan 'das 'o na chos 'di dag rnam pa ji ltar mchis pa lags/ bcom ldan 'das kyis bka' stsal pa/ ji ltar med pa de ltar yod de/ de ltar yod pa ma yin pa de'i phyir med ces bya'o zhes bya ba ni drod du gtogs pa'i rnam par rtog pa dang ldan pa'i dang po ma rig pa'i rtog pa yin no// gsol pa/ bcom ldan 'das ci'i slad du mchis pa ma lags pas ma mchis pa zhes bgyi/ bcom ldan 'das kyis bka' stsal pa/ shA ri'i bu gzugs nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /tshor ba dang / 'du shes dang /'du byed rnams dang / rnam par shes pa nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /byang chub kyi phyogs kyi chos rnams kyi bar du nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ / sangs rgyas kyi chos ma 'dres pa bco brgyad kyi bar du nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no zhes bya ba ni de nyid kyi rtog pa gnyis pa gzugs la sogs pa'i phung po la rtog pa yin no/ / de la byis pa so so'i skye bo rnams ni ma rig pa dang / sred pa la mngon par zhen to/ /de dag gis ni ma rig pa dang / sred pas brtags so/ /brtags nas ma rig pa dang / sred pa dag gis mngon par zhen te/ mtha' gnyis su chags pas de dag gis mtha' gnyis yang dag pa ji lta ba bzhin mi shes mi mthong ngo / /de dag gis ji lta ba bzhin med pa'i chos de dag brtags nas ming dang gzugs la mngon par zhen pa nas/sangs rgyas kyi chos rnams kyi bar la mngon par zhen par gyur to zhes bya ba ni de nyid kyi rtog pa gsum pa ming dang gzugs la mngon par zhen pa'i rtog pa yin no/ / chos rnams la mngon par zhen pa de dag ni med pa'i mtha' gnyis dag tu rtog par byed/brtags nas mi shes mi mthong ngo / /ci zhig mi shes mi mthong zhe na/ gzugs mi shes mi mthong ngo / /tshor ba dang / 'du shes dang / 'du byed rnams dang / rnam par shes pa mi shes mi mthong ba nas/ skye mched dang / khams dang / rten cing 'brel par 'byung ba'i bar du mi shes mi mthong ngo //byang chub kyi phyogs kyi chos sum cu rtsa bdun mi shes mi mthong ba nas/ sangs rgyas kyi chos ma 'dres pa rnams kyi bar du mi shes mi mthong ste/ de ltar de dag ni byis pa zhes bya ba'i grangs su 'gro'o zhes bya ba ni de nyid kyi rtog pa bzhi pa mtha' gnyis la chags pa'i rnam par rtog pa yin no// de dag ni ma rig pa dang / sred pa'i rkyen gyis mi shes mi mthong ngo / /ci zhig mi shes mi mthong zhe na/ gzugs kun nas nyon mongs pa'o zhes mi shes mi mthong ngo / /de bzhin du gzugs rnam par byang ba'o zhes mi shes mi mthong ngo / / tshor ba dang / 'du shes dang / 'du byed rnams dang / rnam par shes pa kun nas nyon mongs pa'o zhes mi shes mi mthong ngo / /de bzhin du rnam par shes pa rnam par byang ba'o zhes mi shes mi mthong ngo / /de dag ni nges par mi 'byung bar mi 'gyur ro/ /gang nas nges par mi 'byung zhe na/ 'dod pa'i khams nas nges par 'byung bar mi 'gyur ro/ /gzugs kyi khams nas nges par 'byung bar mi 'gyur ro/ /gzugs med pa'i khams nas nges par 'byung bar mi 'gyur ro/ /nyan thos dang / rang sangs rgyas kyi chos dag las nges par 'byung bar mi 'gyur ro zhes bya ba ni de nyid kyi rtog pa lnga pa kun nas nyon mongs pa dang /rnam par byang ba mi shes pa'i rnam par rtog pa yin no/ / de dag ni mi dad do/ /ji ltar mi dad ce na/ gzugs gzugs kyis stong zhes bya bar mi dad do/ /byang chub kyi bar du byang chub kyis stong zhes bya bar mi dad do/ /de dag ni gnas pa ma yin no//ji ltar gnas pa ma yin zhe na/ sbyin pa'i pha rol tu phyin pa la gnas pa ma yin/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la gnas pa ma yin/ shes rab kyi pha rol tu phyin pa la gnas pa ma yin/phyir mi ldog pa'i sa la gnas pa ma yin/ sangs rgyas kyi chos ma 'dres pa rnams kyi bar la gnas pa ma yin no/ /de dag ni mngon par zhen pa yin no/ /ji ltar mngon par zhen pa yin zhe na/ gzugs la mngon par zhen pa yin/ tshor ba dang / 'du shes dang / 'du byed rnams dang /rnam par shes pa la mngon par zhen pa yin/ mig la mngon par zhen pa yin/ rna ba dang / sna dang / lce dang / lus dang / yid la mngon par zhen pa yin no/ /skye mched dang / khams dang / rten cing 'brel par 'byung ba la mngon par zhen pa yin/ 'dod chags dang / zhe sdang dang / gti mug la mngon par zhen pa yin/ lta bar gyur pa rnams la mngon par zhen pa yin/ byang chub kyi bar la mngon par zhen pa yin te/ de'i phyir na byis pa zhes bya'o/ /gsol pa/ bcom ldan 'das de ltar slob pa'i byang chub sems dpa' sems dpa' chen po shes rab kyi pha rol tu phyin pa la mi slob cing rnam pa thams cad mkhyen pa nyid du mi 'byung ba lags sam/bcom ldan 'das kyis bka' stsal pa/ shA ri'i bu de ltar slob pa'i byang chub sems dpa' sems dpa' chen po shes rab kyi pha rol tu phyin pa la mi slob pa yin/ rnam pa thams cad mkhyen pa nyid du mi 'byung ba yin no/ / gsol pa/ bcom ldan 'das ci'i slad du zhe na / byang chub sems dpa' de shes rab kyi pha rol tu phyin pa la mi slob pa lags/ rnam pa thams cad mkhyen pa nyid du mi 'byung ba lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po thabs mi mkhas pas shes rab kyi pha rol tu phyin pa la rtog par byed/mngon par zhen par byed/ bsam gtan gyi pha rol tu phyin pa la rtog par byed/ mngon par zhen par byed/ brtson 'grus kyi pha rol tu phyin pa la rtog par byed/ mngon par zhen par byed/ bzod pa'i pha rol tu phyin pa la rtog par byed/mngon par zhen par byed/ tshul khrims kyi pha rol tu phyin pa la rtog par byed/ mngon par zhen par byed/ sbyin pa'i pha rol tu phyin pa la rtog par byed/ mngon par zhen par byed/ de bzhin du bsam gtan dang / tshad med pa dang / gzugs med pa'i snyoms par 'jug pa la rtog par byed/mngon par zhen par byed/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po rnams dang / stobs rnams dang / byang chub kyi yan lag rnams dang / lam la rtog par byed/ mngon par zhen par byed/ de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la rtog par byed/ mngon par zhen par byed pa nas/ chos thams cad dang / rnam pa thams cad mkhyen pa nyid kyi bar la rtog par byed/ mngon par zhen par byed do//shA ri'i bu rnam grangs des na/ byang chub sems dpa' sems dpa' chen po shes rab kyi pha rol tu phyin pa la mi slob pa yin/ rnam pa thams cad mkhyen pa nyid du mi 'byung ba yin no zhes bya ba ni de nyid kyi rtog pa drug pa 'phags pa'i lam la mi gnas pa'i rnam par rtog pa yin no// gsol pa/ bcom ldan 'das byang chub sems dpa' sems dpa' chen pos ji ltar bslabs pas rnam pa thams cad mkhyen pa nyid du nges par 'byung bar 'gyur ba'i shes rab kyi pha rol tu phyin pa la slob pa ji lta bu lags/ bcom ldan 'das kyis bka' stsal pa/ shA ri'i bu nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe shes rab kyi pha rol tu phyin pa de mi dmigs shing yang dag par rjes su mi mthong ba de ltar slob na/byang chub sems dpa' sems dpa' chen po mi dmigs pa'i tshul gyis rnam pa thams cad mkhyen pa nyid du nges par 'byung bar 'gyur/de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa dang / rnam pa thams cad mkhyen pa nyid kyi bar mi dmigs/ yang dag par rjes su mi mthong ba de ltar byang chub sems dpa' sems dpa' chen po shes rab kyi pha rol tu phyin pa la slob na/mi dmigs pa'i tshul gyis rnam pa thams cad mkhyen pa nyid du nges par 'byung bar 'gyur ro/ /shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa dang /de ltar shes rab kyi pha rol tu phyin pa la slob pa ni/ mi dmigs pa'i tshul gyis rnam pa thams cad mkhyen pa nyid du 'byung bar 'gyur ro zhes bya ba ni de nyid kyi rtog pa bdun pa dmigs pa la rtog pa yin no/ / shA ri'i bus gsol pa/ bcom ldan 'das gang mi dmigs pa'i tshul gyis rnam pa thams cad mkhyen pa nyid du 'byung ba lags/bcom ldan 'das kyis bka' stsal pa/ shA ri'i bu shin tu rnam par dag pa'i phyir bdag mi dmigs shing mi mthong ngo / /de bzhin du shin tu rnam par dag pa'i phyir/ rnam pa thams cad mkhyen pa nyid kyi bar du mi dmigs shing mi mthong ngo zhes bya ba de nyid kyi rtog pa brgyad pa bdag la sogs par rtog pa yin no// shA ri'i bu rnam par dag pa ni skye ba med pa ma byung ba mngon par 'du byed pa med pa'o zhes bya ba ni de nyid kyi rtog pa dgu pa rnam par dag pa skye ba la sogs pa'i rnam par rtog pa yin no/ / 'di dag ni gzung ba'i rtog pa dang po yin no/ / de thabs mi mkhas pas gzugs la rtog cing mngon par zhen pa yin/rnam par shes pa'i bar la rtog cing mngon par zhen pa yin no zhes bya ba ni rtse mor gtogs pa'i rnam par rtog pa dang ldan pa dang po phung po'i don la rnam par rtog pa yin no/ / mig la rtog cing mngon par zhen pa yin/ de bzhin du yid kyi bar dang gzugs la mngon par rtog cing mngon par zhen pa yin/de bzhin du chos kyi bar la rtog cing mngon par zhen pa yin zhes bya ba ni de nyid kyi rtog pa gnyis pa skye ba'i sgo'i don gyi rnam par rtog pa yin no/ / mig dang gzugs dang / mig gi rnam par shes pa'i khams su rtog cing mngon par zhen pa yin/ de bzhin du yid dang chos dang yid kyi rnam par shes pa'i khams kyi bar la rtog cing mngon par zhen pa yin zhes bya ba ni de nyid kyi rtog pa gsum pa rigs kyi don la rnam par rtog pa yin no// ma rig par rtog cing mngon par zhen pa yin/ de bzhin du rga shir rtog cing mngon par zhen pa yin zhes bya ba'i bar du'o zhes bya ba ni de nyid kyi rtog pa bzhi pa skye ba'i don la rnam par rtog pa yin no// de nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la rtog cing mngon par zhen pa yin zhes bya ba ni de nyid kyi rtog pa lnga pa stong pa nyid kyi don la rnam par rtog pa yin no// pha rol tu phyin pa drug la rtog cing mngon par zhen pa yin zhes bya ba ni de nyid kyi rtog pa drug pa pha rol tu phyin pa'i don la rnam par rtog pa yin no/ / byang chub kyi phyogs kyi chos sum cu rtsa bdun la rtog cing mngon par zhen pa yin zhes bya ba ni/ de nyid kyi rtog pa bdun pa mthong ba'i lam la rnam par rtog pa yin no// de bsam gtan dang / mngon par shes pa rnams dang / tshad med pa rnams dang / gzugs med pa'i snyoms par 'jug pa rnams la rtog cing / mngon par zhen pa yin zhes bya ba ni/ de nyid kyi rtog pa brgyad pa bsgom pa'i lam la rnam par rtog pa yin no/ / de bzhin gshegs pa'i stobs bcur rtog cing mngon par zhen pa yin/rnam pa thams cad mkhyen pa nyid kyi bar la rtog cing mngon par zhen pa yin zhes bya ba ni de nyid kyi rtog pa dgu pa mi slob pa'i lam la rtog pa yin no/ / 'di dag ni gzung ba'i rtog pa gnyis pa yin no/ / shA ri'i bu bdag nye bar mi dmigs/de bzhin du sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / rig pa po dang / shes pa po dang / mthong ba po mi dmigs so/ /de ci'i phyir zhe na/ shin tu rnam par dag pa'i phyir bdag med cing mi dmigs zhes bya ba ni bzod par gtogs pa'i rnam par rtog pa dang ldan pa las/rtog pa dang po bdag rang dbang can la rnam par rtog pa'o/ / shA ri'i bu gzugs nye bar mi dmigs zhes bya ba nas/ rnam par shes pa'i bar du nye bar mi dmigs zhes bya ba ni de nyid kyi rtog pa gnyis pa bdag gcig pur rnam par rtog pa yin no//shA ri'i bu mig mi dmigs so/ /de bzhin du yid kyi bar dang / gzugs mi dmigs/ chos kyi bar du mi dmigs so zhes bya ba ni de nyid kyi rtog pa gsum pa rgyu'i bdag nyid la rnam par rtog pa yin no/ / shA ri'i bu mig dang / gzugs dang / mig gi rnam par shes pa mi dmigs so//yid dang chos dang yid kyi rnam par shes pa'i bar mi dmigs so zhes bya ba ni de nyid kyi rtog pa bzhi pa lta ba po la sogs pa'i bdag tu rnam par rtog pa yin no/ / shA ri'i bu rten cing 'brel par 'byung ba mi dmigs so/ /gzugs med pa'i khams kyi bar du mi dmigs so zhes bya ba ni de nyid kyi rtog pa lnga pa kun nas nyon mongs pa'i rten gyi bdag tu rnam par rtog pa yin no// bsam gtan dang po mi dmigs so/ /gzugs med pa'i snyoms par 'jug pa'i bar du mi dmigs so zhes bya ba ni de nyid kyi rtog pa drug pa 'dod chags dang bral ba'i rten gyi bdag tu rnam par rtog pa yin no// 'phags pa'i bden pa rnams mi dmigs so zhes bya ba ni de nyid kyi rtog pa bdun pa mthong ba'i rten gyi bdag tu rnam par rtog pa yin no/ / rnam par thar pa brgyad dang / mthar gyis gnas pa'i snyoms par 'jug pa dgu mi dmigs so zhes bya ba ni de nyid kyi rtog pa brgyad pa sgom pa'i rten gyi bdag tu rnam par rtog pa yin no// stobs bcu mi dmigs so/ /rnam pa thams cad mkhyen pa nyid kyi bar du mi dmigs so/ /ji ltar mi dmigs she na/ bdag nyid du'o/ /de ci'i phyir zhe na/ bdag shin tu rnam par dag pa'i phyir ro zhes bya ba ni de nyid kyi rtog pa dgu pa don byas pa'i rten gyi rnam par rtog pa yin no 'di dag ni 'dzin pa'i rnam par rtog pa dang po yin no// de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das la la zhig 'di skad du 'dri zhing ci sgyu ma'i skyes bu 'di shes rab kyi pha rol tu phyin pa la bslabs shing /rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad du 'dri ba de la ji skad du bstan par bgyi/ ci sgyu ma'i skyes bu 'di bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la bslabs shing / rnam pa thams cad mkhyen pa nyid du 'byung bar 'gyur ram/ sgyu ma'i skyes bu 'di byang chub kyi phyogs kyi chos rnams kyi bar la bslabs shing /rnam pa thams cad mkhyen pa nyid du 'byung bar 'gyur ram/ sgyu ma'i skyes bu 'di sangs rgyas kyi chos ma 'dres pa rnams kyi bar la bslabs shing / rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/bcom ldan 'das de skad du 'dri ba de la ji skad du bstan par bgyi/ bcom ldan 'das kyis bka' stsal pa/ rab 'byor de lta bas na de khyod nyid la dris/ khyod kyis ji ltar bzod pa de ltar lung ston cig /ces bya ba ni 'dzin pa'i rtog pa gnyis pa phyir bstan pa yin no// rab 'byor de ji snyam du sems/ gzugs kyang gzhan la/ sgyu ma'ang gzhan zhig yin snyam mam/ tshor ba dang / 'du shes dang / 'du byed rnams dang / rnam par shes pa yang gzhan la sgyu ma yang gzhan zhig yin snyam mam/ gsol pa/ bcom ldan 'das de lta ma lags so zhes bya ba ni chos kyi mchog tu gtogs pa'i rnam par rtog pa dang ldan pa rtog pa dang po yin no// bcom ldan 'das kyis bka' stsal pa/ rab 'byor de ji snyam du sems/ mig kyang gzhan la sgyu ma yang gzhan zhig yin snyam mam/ rna ba dang / sna dang / lce dang / lus dang / yid kyang gzhan la sgyu ma yang gzhan zhig yin snyam mam/ gzugs kyang gzhan la sgyu ma yang gzhan zhig yin snyam mam/ sgra dang / dri dang / ro dang / reg dang / chos kyang gzhan la sgyu ma yang gzhan zhig yin snyam mam/ rab 'byor gyis gsol pa/ bcom ldan 'das de ni ma lags so zhes bya ba ni de nyid kyi rtog pa gnyis pa skye mched du btags pa la rnam par rtog pa yin no// bcom ldan 'das kyis bka' stsal pa/ rab 'byor de ji snyam du sems/ mig dang / gzugs dang / mig gi rnam par shes pa yang gzhan la sgyu ma yang gzhan zhig yin snyam mam/ rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa yang gzhan la sgyu ma yang gzhan zhig yin snyam mam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi 'dus te reg pa yang gzhan la sgyu ma yang gzhan zhig yin snyam mam/ rna ba'i 'dus te reg pa dang / sna'i 'dus te reg pa dang /lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan la sgyu ma yang gzhan zhig yin snyam mam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/mig gi 'dus te reg pa'i rkyen gyis tshor ba yang gzhan la sgyu ma yang gzhan zhig yin snyam mam/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang /yid kyi 'dus te reg pa'i rkyen gyis tshor ba yang gzhan la sgyu ma yang gzhan zhig yin snyam mam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyang gzhan la sgyu ma yang gzhan zhig yin snyam mam/rab 'byor gyis gsol pa/ bcom ldan 'das sa'i khams kyang gzhan ma lags/ sgyu ma yang gzhan ma lags te/ sa'i khams nyid kyang sgyu ma/ sgyu ma nyid kyang sa'i khams so/ /bcom ldan 'das chu'i khams kyang gzhan ma lags/ sgyu ma yang gzhan ma lags te/chu'i khams nyid kyang sgyu ma/ sgyu ma nyid kyang chu'i khams so/ /bcom ldan 'das me'i khams kyang gzhan ma lags/ sgyu ma yang gzhan ma lags te/ me'i khams nyid kyang sgyu ma/ sgyu ma nyid kyang me'i khams so/ /bcom ldan 'das rlung gi khams kyang gzhan ma lags/sgyu ma yang gzhan ma lags te/ rlung gi khams nyid kyang sgyu ma/ sgyu ma nyid kyang rlung gi khams so/ /bcom ldan 'das nam mkha'i khams kyang gzhan ma lags/ sgyu ma yang gzhan ma lags te/ nam mkha'i khams nyid kyang sgyu ma/ sgyu ma nyid kyang nam mkha'i khams so/ / bcom ldan 'das rnam par shes pa'i khams kyang gzhan ma lags/ sgyu ma yang gzhan ma lags te/ rnam par shes pa'i khams nyid kyang sgyu ma/ sgyu ma nyid kyang rnam par shes pa'i khams so zhes bya ba ni de nyid kyi rtog pa gsum pa khams su btags pa la rnam par rtog pa yin no/ / bcom ldan 'das kyis bka' stsal pa/ rab 'byor de ji snyam du sems/ sgyu ma yang gzhan la rten cing 'brel par 'byung ba yang gzhan zhig yin snyam mam/ rab 'byor gyis gsol pa/ bcom ldan 'das ma rig pa yang gzhan ma lags/ sgyu ma yang gzhan ma lags te/ ma rig pa nyid kyang sgyu ma/sgyu ma nyid kyang ma rig pa'o/ /bcom ldan 'das 'du byed kyang gzhan la sgyu ma yang gzhan ma lags te/ 'du byed nyid kyang sgyu ma/ sgyu ma nyid kyang 'du byed do/ /bcom ldan 'das rnam par shes pa yang gzhan la/ sgyu ma yang gzhan ma lags te/ rnam par shes pa nyid kyang sgyu ma/sgyu ma nyid kyang rnam par shes pa'o/ /bcom ldan 'das ming dang gzugs kyang gzhan la sgyu ma yang gzhan ma lags te/ ming dang gzugs nyid kyang sgyu ma/ sgyu ma nyid kyang ming dang gzugs so/ /bcom ldan 'das skye mched drug kyang gzhan la sgyu ma yang gzhan ma lags te/skye mched drug nyid kyang sgyu ma/ sgyu ma nyid kyang skye mched drug go/ /bcom ldan 'das reg pa yang gzhan la sgyu ma yang gzhan ma lags te/ reg pa nyid kyang sgyu ma/ sgyu ma nyid kyang reg pa'o/ /bcom ldan 'das tshor ba yang gzhan la sgyu ma yang gzhan ma lags te/tshor ba nyid kyang sgyu ma/ sgyu ma nyid kyang tshor ba'o/ /bcom ldan 'das sred pa yang gzhan la sgyu ma yang gzhan ma lags te/ sred pa nyid kyang sgyu ma/ sgyu ma nyid kyang sred pa'o/ /bcom ldan 'das len pa yang gzhan la sgyu ma yang gzhan ma lags te/ len pa nyid kyang sgyu ma/ sgyu ma nyid kyang len pa'o/ /bcom ldan 'das srid pa yang gzhan la sgyu ma yang gzhan ma lags te/ srid pa nyid kyang sgyu ma/ sgyu ma nyid kyang srid pa'o/ /bcom ldan 'das skye ba yang gzhan la sgyu ma yang gzhan ma lags te/ skye ba nyid kyang sgyu ma/ sgyu ma nyid kyang skye ba'o/ bcom ldan 'das rga shi yang gzhan la sgyu ma yang gzhan ma lags te/rga shi nyid kyang sgyu ma/ sgyu ma nyid kyang rga shi'o zhes bya ba ni/ de nyid kyi rtog pa bzhi pa rten cing 'brel par 'byung ba btags pa la rnam par rtog pa yin no/ / bcom ldan 'das kyis bka' stsal pa/ rab 'byor de ji snyam du sems/byang chub kyi phyogs kyi chos rnams kyi bar yang gzhan la sgyu ma yang gzhan zhig yin snyam mam/ gsol pa/ bcom ldan 'das de lta ma lags so zhes bya ba ni de nyid kyi rtog pa lnga pa rnam par byang bar btags pa la rnam par rtog pa yin no/ / bcom ldan 'das kyis bka' stsal pa/rab 'byor de ji snyam du sems/ stong pa nyid dang / mtshan ma med pa dang / smon pa med pa yang gzhan la sgyu ma yang gzhan zhig yin snyam mam/ rab 'byor gyis gsol pa/ bcom ldan 'das stong pa nyid dang / mtshan ma med pa dang / smon pa med pa yang gzhan la/sgyu ma yang gzhan ma lags so zhes bya ba ni de nyid kyi rtog pa drug pa mthong ba'i lam du btags pa la rnam par rtog pa yin no/ / bcom ldan 'das kyis bka' stsal pa/ rab 'byor de ji snyam du sems/ bsam gtan dang / gzugs med pa'i snyoms par 'jug pa yang gzhan la/sgyu ma yang gzhan zhig yin snyam mam/ rab 'byor gyis gsol pa/ bcom ldan 'das de lta ma lags so zhes bya ba ni de nyid kyi rtog pa bdun pa bsgom pa'i lam du btags pa la rnam par rtog pa yin no/ / bcom ldan 'das kyis bka' stsal pa/ rab 'byor de ji snyam du sems/ stong pa nyid thams cad kyang gzhan la/ sgyu ma yang gzhan zhig yin snyam mam/ rab 'byor gyis gsol pa/ bcom ldan 'das de ni ma lags so zhes bya ba ni de nyid kyi rtog pa brgyad pa khyad par gyi lam du btags pa la rnam par rtog pa yin no/ / bcom ldan 'das kyis bka' stsal pa/ rab 'byor de ji snyam du sems/ de bzhin gshegs pa'i stobs bcu dang / sangs rgyas kyi chos ma 'dres pa bco brgyad kyi bar yang gzhan la sgyu ma yang gzhan zhig yin snyam mam/ gsol pa/ bcom ldan 'das de ni ma lags so/ / bcom ldan 'das kyis bka' stsal pa/ rab 'byor de ji snyam du sems/ byang chub kyang gzhan la sgyu ma yang gzhan zhig yin snyam mam/ gsol pa/ bcom ldan 'das de lta ma lags so/ /bcom ldan 'das gzugs kyang gzhan ma lags/ sgyu ma yang gzhan ma lags te/gzugs nyid kyang sgyu ma/ sgyu ma nyid kyang gzugs so/ /bcom ldan 'das tshor ba yang gzhan ma lags/ sgyu ma yang gzhan ma lags te/ tshor ba nyid kyang sgyu ma/ sgyu ma nyid kyang tshor ba'o/ /bcom ldan 'das 'du shes kyang gzhan ma lags/ sgyu ma yang gzhan ma lags te/'du shes nyid kyang sgyu ma/ sgyu ma nyid kyang 'du shes so/ /bcom ldan 'das 'du byed rnams kyang gzhan ma lags/ sgyu ma yang gzhan ma lags te/ 'du byed rnams nyid kyang sgyu ma/ sgyu ma nyid kyang 'du byed rnams so/ /bcom ldan 'das rnam par shes pa yang gzhan ma lags/sgyu ma yang gzhan ma lags te/ rnam par shes pa nyid kyang sgyu ma/ sgyu ma nyid kyang rnam par shes pa'o/ /bcom ldan 'das mig kyang gzhan ma lags/ sgyu ma yang gzhan ma lags/ bcom ldan 'das gzugs kyang gzhan ma lags/sgyu ma yang gzhan ma lags/ bcom ldan 'das mig gi rnam par shes pa yang gzhan ma lags/ sgyu ma yang gzhan ma lags/ bcom ldan 'das mig gi 'dus te reg pa yang gzhan ma lags/ sgyu ma yang gzhan ma lags/ bcom ldan 'das mig gi 'dus te reg pa'i rkyen gyis skyes pa'i tshor ba bde ba'am/sdug bsngal ba'am/ bde ba yang ma yin/ sdug bsngal ba yang ma yin pa yang gzhan ma lags/ sgyu ma yang gzhan ma lags/ bcom ldan 'das rna ba dang / sna dang / lce dang / lus kyang gzhan ma lags/ sgyu ma yang gzhan ma lags/ bcom ldan 'das yid kyang gzhan ma lags/ sgyu ma yang gzhan ma lags/ bcom ldan 'das chos kyang gzhan ma lags/ sgyu ma yang gzhan ma lags/ bcom ldan 'das yid kyi rnam par shes pa yang gzhan ma lags/ sgyu ma yang gzhan ma lags/ bcom ldan 'das yid kyi 'dus te reg pa yang gzhan ma lags/sgyu ma yang gzhan ma lags/ bcom ldan 'das yid kyi 'dus te reg pa'i rkyen gyis skyes pa'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa yang gzhan ma lags/ sgyu ma yang gzhan ma lags/bcom ldan 'das byang chub kyi phyogs kyi chos rnams kyang gzhan ma lags/ sgyu ma yang gzhan ma lags te/ bcom ldan 'das byang chub kyi phyogs kyi chos rnams nyid sgyu ma/ sgyu ma nyid kyang byang chub kyi phyogs kyi chos rnams so/ /bcom ldan 'das sangs rgyas kyi chos ma 'dres pa bco brgyad kyang gzhan ma lags/sgyu ma yang gzhan ma lags te/ sangs rgyas kyi chos ma 'dres pa bco brgyad nyid sgyu ma/ sgyu ma nyid kyang sangs rgyas kyi chos ma 'dres pa bco brgyad do/ /bcom ldan 'das byang chub kyang gzhan ma lags/ sgyu ma yang gzhan ma lags te/ byang chub nyid kyang sgyu ma/ sgyu ma nyid kyang byang chub bo/ /bcom ldan 'das kyis bka' stsal pa/ rab 'byor de ji snyam du sems/ ci sgyu ma la skye ba'am/ 'gag pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de ji snyam du sems/sgyu ma la kun nas nyon mongs pa'am/ rnam par byang ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gang la skye ba med cing 'gag pa med pa dang / kun nas nyon mongs pa med cing rnam par byang ba med pa de/shes rab kyi pha rol tu phyin pa la slob par 'gyur ram/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la slob par 'gyur ram/tshad med pa dang / bsam gtan dang / gzugs med pa'i snyoms par 'jug pa la slob par 'gyur ram/ byang chub kyi phyogs kyi chos sum cu rtsa bdun dang / mngon par shes pa dang / stobs bcu dang / mi 'jigs pa bzhi dang / so so yang dag par rig pa dang /sangs rgyas kyi chos ma 'dres pa la slob par 'gyur ram/ thams cad shes pa nyid du 'byung bar 'gyur ram/ lam gyi rnam pa shes pa nyid dang / rnam pa thams cad mkhyen pa nyid thob par 'gyur ram/ gsol pa/ bcom ldan 'das de ni mi 'gyur ro/ / bcom ldan 'das kyis bka' stsal pa/ rab 'byor de ji snyam du sems/ nye bar len pa'i phung po lnga po 'di dag la 'di lta ste/ byang chub sems dpa' zhes bya bar 'du shes pa dang / kun shes pa dang / gdags pa dang / tha snyad du bya ba yin nam/ gsol pa/ bcom ldan 'das de lta ma lags so//bcom ldan 'das kyis bka' stsal pa/ rab 'byor de ji snyam du sems/ 'du shes pa dang / kun shes pa dang / gdags pa dang / tha snyad tsam gyis nye bar len pa'i phung po lnga po skye ba'am/ 'gag pa'am/ kun nas nyon mongs pa'am/ rnam par byang ba dmigs par 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ji snyam du sems/ gang la 'du shes med cing kun shes pa med pa dang / gdags pa med pa dang / tha snyad med pa dang / ming med pa dang / ming du gdags pa med pa dang / lus med pa dang / lus kyi las med pa dang / ngag med pa dang / ngag gi las med pa dang / yid med pa dang / yid kyi las med pa dang / skye ba med pa dang / 'gag pa med pa dang / kun nas nyon mongs pa med pa dang /rnam par byang ba med pa de/ ci shes rab kyi pha rol tu phyin pa la bslabs shing / rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ gsol pa/ bcom ldan 'das de ni mi 'gyur ro/ / bcom ldan 'das kyis bka' stsal pa/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la bslabs shing / mi dmigs pa'i tshul gyis rnam pa thams cad mkhyen pa nyid du nges par 'byung bar 'gyur ro/ /gsol pa/ bcom ldan 'das de ltar lags na shes rab kyi pha rol tu phyin pa la slob pa'i byang chub sems dpa' sems dpa' chen pos sgyu ma'i skyes bus bslabs pa ltar bla na med pa yang dag par rdzogs pa'i byang chub tu bslab par bgyi'o//de ci'i slad du zhe na/ bcom ldan 'das 'di nyid sgyu ma'i skyes bur rig par bgyi ste/'di lta ste nye bar len pa'i phung po lnga rnams so/ /bcom ldan 'das kyis bka' stsal pa/ rab 'byor de ji snyam du sems/ ci phung po lnga po 'di dag shes rab kyi pha rol tu phyin pa la bslabs shing rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das 'di ltar nye bar len pa'i phung po lnga po rnams ni dngos po ma mchis pa'i rang bzhin no/ /de bzhin du phung po lnga ni rmi lam lta bu'o/ /rmi lam yang dngos po med pa'i rang bzhin lags te/ dmigs su ma mchis so//de bzhin du phung po lnga po dngos po med pa'i rang bzhin gyis dmigs su ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgra brnyan lta bu dang / mig yor lta bu dang / sprul pa lta bu dang / gzugs brnyan lta bu'i phung po lnga po de dag shes rab kyi pha rol tu phyin pa la bslabs shing rnam pa thams cad mkhyen pa nyid du 'byung bar 'gyur ram/gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das 'di ltar rmi lam ni dngos po ma mchis pa'i rang bzhin te/ sgra brnyan ni dngos po ma mchis pa'i rang bzhin no//de bzhin du mig yor dang / sprul pa dang / gzugs brnyan ni dngos po ma mchis pa'i rang bzhin te/ dmigs su ma mchis so/ /de bzhin du phung po lnga po ni dngos po med pa'i rang bzhin gyis na dmigs su ma mchis so/ /bcom ldan 'das 'di ltar gzugs ni sgyu ma lta bu'o//tshor ba ni sgyu ma lta bu'o/ /'du shes ni sgyu ma lta bu'o/ /'du byed rnams ni sgyu ma lta bu'o/ /rnam par shes pa ni sgyu ma lta bu'o/ /rnam par shes pa gang yin pa de yang dbang po drug dang phung po lnga'o/ /de dag kyang nang stong pa nyid kyis mi dmigs so//phyi stong pa nyid kyis mi dmigs pa nas/ dngos po med pa'i ngo bo nyid stong pa nyid kyi bar gyis mi dmigs so/ /bcom ldan 'das gal te de skad du bshad pa dang / byang chub sems dpa' sems dpa' chen po gang zhig mi zhum/ kun tu mi zhum/ 'gyod par mi 'gyur/mi dngang / kun tu mi skrag /kun tu skrag pas zin par mi 'gyur na/ bcom ldan 'das de ni thams cad shes pa nyid du nges par 'byung bar 'gyur/ lam shes pa nyid du nges par 'byung bar 'gyur te/ rnam pa thams cad mkhyen pa nyid du rjes su thob par 'gyur bar rig par bya'o zhes bya ba ni dgu pa mi slob pa'i lam du btags pa'i rnam par rtog pa ste 'dzin rtog gnyis pa'o// de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po theg pa la gsar du zhugs pas bstan pa 'di thos nas zhum zhing kun tu zhum la 'gyod de/dngang ba dang / kun tu skrag pa dang / kun tu skrag pas zin par mi 'gyur lags sam/ bcom ldan 'das kyis bka' stsal pa/ shA ri'i bu gal te byang chub sems dpa' sems dpa' chen po theg pa la gsar du zhugs pa shes rab kyi pha rol tu phyin pa la spyod pa na/thabs mi mkhas pa dang / dge ba'i bshes gnyen gyi lag tu song bar ma gyur na ni dngang zhing kun tu skrag la skrag pas zin par 'gyur ro/ /rab 'byor gyis gsol pa/ bcom ldan 'das gang la spyod pas mi dngang / kun tu mi skrag /kun tu skrag pas zin par mi 'gyur ba shes rab kyi pha rol tu phyin pa la spyod pa'i byang chub sems dpa' sems dpa' chen po'i thabs mkhas pa de gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/rnam pa thams cad mkhyen pa nyid dang ldan pa'i sems kyis gzugs mi rtag ces bya bar so sor rtog kyang de mi dmigs so/ /rnam pa thams cad mkhyen pa nyid dang ldan pa'i sems kyis tshor ba mi rtag ces bya bar so sor rtog kyang de mi dmigs so//rnam pa thams cad mkhyen pa nyid dang ldan pa'i sems kyis 'du shes mi rtag ces bya bar so sor rtog kyang de mi dmigs so/ /rnam pa thams cad mkhyen pa nyid dang ldan pa'i sems kyis 'du byed rnams mi rtag ces bya bar so sor rtog kyang de mi dmigs so//rnam pa thams cad mkhyen pa nyid dang ldan pa'i sems kyis rnam par shes pa mi rtag ces bya bar so sor rtog kyang de mi dmigs so/ /rab 'byor de ni byang chub sems dpa' sems dpa' chen po shes rab kyi pha rol tu phyin pa la spyod pa'i thabs mkhas par rig par bya'o//rab 'byor gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems kyis/ gzugs sdug bsngal zhes bya sar so sor rtog kyang de mi dmigs so/ /rnam pa thams cad mkhyen pa nyid dang ldan pa'i sems kyis tshor ba dang /'du shes dang / 'du byed rnams dang / rnam par shes pa sdug bsngal zhes bya bar so sor rtog kyang de mi dmigs so/ /rab 'byor gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems kyis gzugs stong zhes bya bar rtog /gzugs bdag med ces bya ba dang / gzugs zhi zhes bya ba dang / gzugs dben zhes bya ba dang / gzugs stong zhes bya ba dang / gzugs mtshan ma med ces bya ba dang / gzugs smon pa med ces bya bar so sor rtog kyang de mi dmigs so/ /rnam pa thams cad mkhyen pa nyid dang ldan pa'i sems kyis tshor ba dang /'du shes dang / 'du byed rnams dang / rnam par shes pa stong zhes bya bar so sor rtog kyang de mi dmigs so/ /rnam par shes pa bdag med ces bya ba dang / rnam par shes pa zhi zhes bya ba dang / rnam par shes pa dben zhes bya ba dang /rnam par shes pa stong zhes bya ba dang / rnam par shes pa mtshan ma med ces bya ba dang / rnam par shes pa smon pa med ces bya bar so sor rtog kyang de dmigs so/ /rab 'byor de ni byang chub sems dpa' sems dpa' chen po rnam pa thams cad mkhyen pa nyid dang ldan pa'i sems kyis shes rab kyi pha rol tu phyin pa la spyod pa'i thabs mkhas pa yin par rig par bya'o//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i yid la byed pas mi dmigs pa'i tshul du chos ston pa gang yin pa 'di ni byang chub sems dpa' sems dpa' chen po'i sbyin pa'i pha rol tu phyin pa'o//rnam pa thams cad mkhyen pa nyid dang ldan pa'i yid la byed pa can de dag nyid kyi mchog tu 'dzin pa med pa nyid gang yin pa 'di ni byang chub sems dpa' sems dpa' chen po'i tshul khrims kyi pha rol tu phyin pa'o//rnam pa thams cad mkhyen pa nyid dang ldan pa'i yid la byed pa can de dag nyid kyi bzod pa dang / 'dod pa dang so sor rtog pa gang yin pa 'di ni/ byang chub sems dpa' sems dpa' chen po'i bzod pa'i pha rol tu phyin pa'o/ / rnam pa thams cad mkhyen pa nyid dang ldan pa'i yid la byed pa can de dag nyid kyi de mi 'dor ba gang yin pa 'di ni byang chub sems dpa' sems dpa' chen po'i brtson 'grus kyi pha rol tu phyin pa'o/ /rnam pa thams cad mkhyen pa nyid dang ldan pa'i yid la byed pa can de dag nyid kyi nyan thos dang /rang sangs rgyas dang ldan pa'i yid la byed pa'am/ mi dge ba'i chos gzhan gyis skabs mi 'byed pa gang yin pa 'di ni byang chub sems dpa' sems dpa' chen po'i bsam gtan gyi pha rol tu phyin pa ste/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mi dngang / kun tu mi skrag /kun tu skrag pas zin par mi 'gyur ro// //bam po bcu gnyis pa/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/rnam pa thams cad mkhyen pa nyid dang ldan pa'i yid la bya bas rnam pa 'di ltar rab tu rtog ste/ gzugs kyi stong pa nyid kyis gzugs stong pa ma yin gyi/ gzugs nyid stong pa nyid do/ /stong pa nyid nyid gzugs so/ /tshor ba'i stong pa nyid kyis tshor ba stong pa ma yin gyi/tshor ba nyid stong pa nyid/ stong pa nyid nyid tshor ba'o/ /'du shes kyi stong pa nyid kyis 'du shes stong pa ma yin gyi/ 'du shes nyid stong pa nyid/ stong pa nyid nyid 'du shes so/ /'du byed rnams kyi stong pa nyid kyis 'du byed rnams stong pa ma yin gyi/ 'du byed rnams nyid stong pa nyid/ stong pa nyid nyid 'du byed rnams so/ /rnam par shes pa'i stong pa nyid kyis rnam par shes pa stong pa ma yin gyi/ rnam par shes pa nyid stong pa nyid de / stong pa nyid nyid rnam par shes pa'o/ /mig gi stong pa nyid kyis mig stong pa ma yin gyi/ mig nyid stong pa nyid / stong pa nyid nyid mig go//rna ba'i stong pa nyid kyis rna ba stong pa ma yin gyi/ rna ba nyid stong pa nyid/ stong pa nyid nyid rna ba'o/ /sna'i stong pa nyid kyis sna stong pa ma yin gyi/ sna nyid stong pa nyid/ stong pa nyid nyid sna'o/ /lce'i stong pa nyid kyis lce stong pa ma yin gyi/ lce nyid stong pa nyid/ stong pa nyid nyid lce'o//lus kyi stong pa nyid kyis lus stong pa ma yin gyi/ lus nyid stong pa nyid/ stong pa nyid nyid lus so/ /yid kyi stong pa nyid kyis yid stong pa ma yin gyi/ yid nyid stong pa nyid/ stong pa nyid nyid yid do/ /gzugs kyi stong pa nyid kyis gzugs stong pa ma yin gyi/ gzugs nyid stong pa nyid/stong pa nyid nyid gzugs so/ /sgra'i stong pa nyid kyis sgra stong pa ma yin gyi/ sgra nyid stong pa nyid/ stong pa nyid nyid sgra'o/ /dri'i stong pa nyid kyis dri stong pa ma yin gyi/ dri nyid stong pa nyid/ stong pa nyid nyid dri'o/ /ro'i stong pa nyid kyis ro stong pa ma yin gyi/ ro nyid stong pa nyid/stong pa nyid nyid ro'o/ /reg gi stong pa nyid kyis reg stong pa ma yin gyi/ reg nyid stong pa nyid/ stong pa nyid nyid reg go/ /chos kyi stong pa nyid kyis chos stong pa ma yin gyi/ chos nyid stong pa nyid/ stong pa nyid nyid chos so/ /mig gi rnam par shes pa'i stong pa nyid kyis mig gi rnam par shes pa stong pa ma yin gyi/mig gi rnam par shes pa nyid stong pa nyid/ stong pa nyid nyid mig gi rnam par shes pa'o/ /rna ba'i rnam par shes pa'i stong pa nyid kyis rna ba'i rnam par shes pa stong pa ma yin gyi/ rna ba'i rnam par shes pa nyid stong pa nyid/ stong pa nyid nyid rna ba'i rnam par shes pa'o//sna'i rnam par shes pa'i stong pa nyid kyis sna'i rnam par shes pa stong pa ma yin gyi/ sna'i rnam par shes pa nyid stong pa nyid/ stong pa nyid nyid sna'i rnam par shes pa'o/ /lce'i rnam par shes pa'i stong pa nyid kyis lce'i rnam par shes pa stong pa ma yin gyi/lce'i rnam par shes pa nyid stong pa nyid/ stong pa nyid nyid lce'i rnam par shes pa'o/ /lus kyi rnam par shes pa'i stong pa nyid kyis lus kyi rnam par shes pa stong pa ma yin gyi/ lus kyi rnam par shes pa nyid stong pa nyid/ stong pa nyid nyid lus kyi rnam par shes pa'o/ / yid kyi rnam par shes pa'i stong pa nyid kyis yid kyi rnam par shes pa stong pa ma yin gyi/ yid kyi rnam par shes pa nyid stong pa nyid/ stong pa nyid nyid yid kyi rnam par shes pa'o/ /mig gi 'dus te reg pa'i stong pa nyid kyis mig gi 'dus te reg pa stong pa ma yin gyi/ mig gi 'dus te reg pa nyid stong pa nyid/stong pa nyid nyid mig gi 'dus te reg pa'o/ /rna ba'i 'dus te reg pa'i stong pa nyid kyis rna ba'i 'dus te reg pa stong pa ma yin gyi/ rna ba'i 'dus te reg pa nyid stong pa nyid/ stong pa nyid nyid rna ba'i 'dus te reg pa'o//sna'i 'dus te reg pa'i stong pa nyid kyis sna'i 'dus te reg pa stong pa ma yin gyi/ sna'i 'dus te reg pa nyid stong pa nyid/ stong pa nyid nyid sna'i 'dus te reg pa'o/ /lce'i 'dus te reg pa'i stong pa nyid kyis lce'i 'dus te reg pa stong pa ma yin gyi/ lce'i 'dus te reg pa nyid stong pa nyid/stong pa nyid nyid lce'i 'dus te reg pa'o/ /lus kyi 'dus te reg pa'i stong pa nyid kyis lus kyi 'dus te reg pa stong pa ma yin gyi/ lus kyi 'dus te reg pa nyid stong pa nyid/ stong pa nyid nyid lus kyi 'dus te reg pa'o/ /yid kyi 'dus te reg pa'i stong pa nyid kyis yid kyi 'dus te reg pa stong pa ma yin gyi/yid kyi 'dus te reg pa nyid stong pa nyid/ stong pa nyid nyid yid kyi 'dus te reg pa'o/ /mig gi 'dus te reg pa'i rkyen gyis tshor ba'i stong pa nyid kyis mig gi 'dus te reg pa'i rkyen gyis tshor ba stong pa ma yin gyi/ mig gi 'dus te reg pa'i rkyen gyis tshor ba stong pa nyid/stong pa nyid nyid mig gi 'dus te reg pa'i rkyen gyis tshor ba'o/ /rna ba'i 'dus te reg pa'i rkyen gyis tshor ba'i stong pa nyid kyis rna ba'i 'dus te reg pa'i rkyen gyis tshor ba stong pa ma yin gyi/ rna ba'i 'dus te reg pa'i rkyen gyis tshor ba nyid stong pa nyid/stong pa nyid nyid rna ba'i 'dus te reg pa'i rkyen gyis tshor ba'o/ /sna'i 'dus te reg pa'i rkyen gyis tshor ba'i stong pa nyid kyis sna'i 'dus te reg pa'i rkyen gyis tshor ba stong pa ma yin gyi/ sna'i 'dus te reg pa'i rkyen gyis tshor ba nyid stong pa nyid/ stong pa nyid nyid sna'i 'dus te reg pa'i rkyen gyis tshor ba'o//lce'i 'dus te reg pa'i rkyen gyis tshor ba'i stong pa nyid kyis lce'i 'dus te reg pa'i rkyen gyis tshor ba stong pa ma yin gyi/ lce'i 'dus te reg pa'i rkyen gyis tshor ba nyid stong pa nyid/ stong pa nyid nyid lce'i 'dus te reg pa'i rkyen gyis tshor ba'o/ / lus kyi 'dus te reg pa'i rkyen gyis tshor ba'i stong pa nyid kyis lus kyi 'dus te reg pa'i rkyen gyis tshor ba stong pa ma yin gyi/ lus kyi 'dus te reg pa'i rkyen gyis tshor ba nyid stong pa nyid/ stong pa nyid nyid lus kyi 'dus te reg pa'i rkyen gyis tshor ba'o/ /yid kyi 'dus te reg pa'i rkyen gyis tshor ba'i stong pa nyid kyis yid kyi 'dus te reg pa'i rkyen gyis tshor ba stong pa ma yin gyi/yid kyi 'dus te reg pa'i rkyen gyis tshor ba nyid stong pa nyid/ stong pa nyid nyid yid kyi 'dus te reg pa'i rkyen gyis tshor ba'o/ /dran pa nye bar gzhag pa'i bar gyi stong pa nyid kyis dran pa nye bar gzhag pa stong pa ma yin gyi/dran pa nye bar gzhag pa nyid stong pa nyid/ stong pa nyid nyid dran pa nye bar gzhag pa'o/ /yang dag par spong ba dang / rdzu 'phrul gyi rkang pa dang / dbang po dang / stobs rnams kyang de bzhin te/ sangs rgyas kyi chos ma 'dres pa'i bar gyi stong pa nyid kyis sangs rgyas kyi chos ma 'dres pa stong pa ma yin gyi/sangs rgyas kyi chos ma 'dres pa nyid stong pa nyid/ stong pa nyid nyid sangs rgyas kyi chos ma 'dres pa'o/ /rab 'byor 'di ni byang chub sems dpa' sems dpa' chen po'i shes rab kyi pha rol tu phyin pa ste/ byang chub sems dpa' sems dpa' chen po de ltar shes rab kyi pha rol tu phyin pa la spyod pa ni/skrag par mi 'gyur/ kun tu skrag par mi 'gyur/ kun tu skrag pa dang ldan par mi 'gyur ro zhes bya ba ni yongs su 'dzin pa dang po thabs la mkhas pas yongs su zin pa yin no/ / rab 'byor gyis gsol pa/ bcom ldan 'das gang dag gis yongs su bzung bas shes rab kyi pha rol tu phyin pa 'di bstan pa thos nas mi dngang / kun tu mi skrag /kun tu skrag pa dang ldan par mi 'gyur ba byang chub sems dpa' sems dpa' chen po'i dge ba'i bshes gnyen gang lags/ bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po'i dge ba'i bshes gnyen ni gang de la gzugs mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa dang / tshor ba dang / 'du shes dang / 'du byed rnams dang / rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni/gang de la gzugs sdug bsngal zhes bya bar de mi dmigs pa'i tshul gyis chos ston pa dang / gzugs bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang /smon pa med ces bya bar de mi dmigs pa'i tshul gyis chos ston cing / dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa dang / gang de la tshor ba dang /'du shes dang / 'du byed rnams dang / rnam par shes pa sdug bsngal zhes bya bar de mi dmigs pa'i tshul gyis chos ston pa dang / rnam par shes pa bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang /smon pa med ces bya bar de mi dmigs pa'i tshul gyis chos ston cing dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o//rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la mig mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang /bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa dang / gang de la rna ba dang / sna dang / lce dang / lus dang / yid mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de gzugs mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa dang / sgra dang / dri dang / ro dang / reg dang / chos mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang /dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing / dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa ste/rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la mig gi rnam par shes pa dang /mig gi 'dus te reg pa dang / mig gi 'dus te reg pa'i rkyen gyis tshor ba mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang /stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing / dge ba'i rtsa ba de dag thams cad dang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa dang /rna ba'i rnam par shes pa dang / rna ba'i 'dus te reg pa dang / rna ba'i 'dus te reg pa'i rkyen gyis tshor ba dang / sna'i rnam par shes pa dang / sna'i 'dus te reg pa dang / sna'i 'dus te reg pa'i rkyen gyis tshor ba dang / lce'i rnam par shes pa dang / lce'i 'dus te reg pa dang / lce'i 'dus te reg pa'i rkyen gyis tshor ba dang / lus kyi rnam par shes pa dang / lus kyi 'dus te reg pa dang / lus kyi 'dus te reg pa'i rkyen gyis tshor ba dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis tshor ba mi rtag ces bya bar de mi dmigs pa'i tshul gyis chos ston pa dang /sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing /dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o//rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la byang chub kyi phyogs kyi chos rnams kyi bar du mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing / dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa mi rtag ces bya bar de mi dmigs pa'i tshul gyis chos ston pa dang /sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa dang / bsam gtan dang / tshad med pa dang / gzugs med pa'i snyoms par 'jug pa dang / mngon par shes pa rnams mi rtag ces bya bar de mi dmigs pa'i tshul gyis chos ston pa dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams kyi bar du mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / dben zhes bya ba dang / stong zhes bya ba dang / mtshan ma med ces bya ba dang / smon pa med ces bya bar de mi dmigs pa'i tshul gyis chos ston cing / dge ba'i rtsa ba de dag thams cad kyang rnam pa thams cad mkhyen pa nyid ma gtogs par nyan thos kyi sa 'am/rang sangs rgyas kyi sar yongs su bsngor mi 'jug pa'o/ /rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya ste/ dge ba'i bshes gnyen des yongs su zin pa'i byang chub sems dpa' sems dpa' chen po ni shes rab kyi pha rol tu phyin pa 'di bstan pa thos nas /mi dngang / kun tu mi skrag /kun tu skrag pa dang ldan par mi 'gyur ro/ /rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gang gis shes rab kyi pha rol tu phyin pa bstan pa 'di thos nas dngang zhing kun tu skrag la kun tu skrag pa dang ldan par 'gyur ba thabs mi mkhas par 'gyur ba dang / sdig pa'i grogs po'i lag tu song bar 'gyur ba ji lta bu zhig lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i yid la byed pa dang bral bas shes rab kyi pha rol tu phyin pa sgom zhing dmigs te/ shes rab kyi pha rol tu phyin pa des kyang rlom sems su byed pa dang / rnam pa thams cad mkhyen pa'i yid la byed pa dang bral bas bsam gtan gyi pha rol tu phyin pa sgom zhing dmigs te/ bsam gtan gyi pha rol tu phyin pa des kyang rlom sems su byed pa dang / rnam pa thams cad mkhyen pa'i yid la byed pa dang bral bas brtson 'grus kyi pha rol tu phyin pa sgom zhing dmigs te/brtson 'grus kyi pha rol tu phyin pa des kyang rlom sems su byed pa dang / rnam pa thams cad mkhyen pa'i yid la byed pa dang bral bas bzod pa'i pha rol tu phyin pa sgom zhing dmigs te/ bzod pa'i pha rol tu phyin pa des kyang rlom sems su byed pa dang / rnam pa thams cad mkhyen pa'i yid la byed pa dang bral bas tshul khrims kyi pha rol tu phyin pa sgom zhing dmigs te/ tshul khrims kyi pha rol tu phyin pa des kyang rlom sems su byed pa dang / rnam pa thams cad mkhyen pa'i yid la byed pa dang bral bas sbyin pa'i pha rol tu phyin pa sgom zhing dmigs te/sbyin pa'i pha rol tu phyin pa des kyang rlom sems su byed pa de lta bu ni/ rab 'byor byang chub sems dpa' sems dpa' chen po'i shes rab kyi pha rol tu phyin pa la spyod pa'i thabs mi mkhas par rig par bya'o//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i yid la byed pa dang bral bas gzugs nang stong pa zhes bya bar yid la byed/ gzugs phyi stong pa zhes bya bar yid la byed/gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa nyid kyi bar zhes bya bar yid la byed/ rnam pa thams cad mkhyen pa nyid yid la byed pa dang bral bas tshor ba dang / 'du shes dang / 'du byed rnams dang / rnam par shes pa nang stong pa zhes bya bar yid la byed pa dang /rnam par shes pa phyi stong pa zhes bya bar yid la byed pa dang / rnam par shes pa phyi nang stong pa zhes bya bar yid la byed pa dang / rnam pa thams cad mkhyen pa nyid yid la byed pa dang bral bas rnam par shes pa dngos po med pa'i ngo bo nyid stong pa nyid kyi bar zhes bya bar yid la byed cing dngos po med pa'i ngo bo nyid stong pa nyid kyi bar de yang dmigs te/dmigs pa'i tshul gyis stong pa nyid de dag gis kyang rlom sems su byed do/ /mig nang stong pa zhes bya bar yid la byed/ mig phyi stong pa zhes bya bar yid la byed/ mig phyi nang stong pa zhes bya bar yid la byed/mig dngos po med pa'i ngo bo nyid stong pa nyid kyi bar zhes bya bar yid la byed cing stong pa nyid de yang dmigs te/ dmigs pa'i tshul gyis stong pa nyid de dag gis kyang rlom sems su byed pa dang / rna ba dang / sna dang / lce dang / lus dang / yid nang stong pa zhes bya bar yid la byed/yid phyi stong pa zhes bya bar yid la byed/ yid phyi nang stong pa zhes bya bar yid la byed/ yid dngos po med pa'i ngo bo nyid stong pa nyid kyi bar zhes bya bar yid la byed cing nang stong pa nyid de yang dmigs te/ dmigs pa'i tshul gyis stong pa nyid de dag gis kyang rlom sems su byed pa dang /gzugs nang stong pa zhes bya bar yid la byed/ gzugs phyi stong pa zhes bya bar yid la byed/ gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa nyid kyi bar zhes bya bar yid la byed/ sgra dang /dri dang / ro dang / reg dang / chos nang stong pa zhes bya bar yid la byed/ chos phyi stong pa zhes bya bar yid la byed/ chos phyi nang stong pa zhes bya bar yid la byed/ chos dngos po med pa'i ngo bo nyid stong pa nyid kyi bar zhes bya bar yid la byed cing nang stong pa nyid de yang dmigs te/dmigs pa'i tshul gyis stong pa nyid des kyang rlom sems su byed pa dang / mig gi rnam par shes pa nang stong pa zhes bya bar yid la byed/ mig gi rnam par shes pa phyi stong pa zhes bya bar yid la byed/ mig gi rnam par shes pa phyi nang stong pa zhes bya bar yid la byed/ mig gi rnam par shes pa dngos po med pa'i ngo bo nyid stong pa nyid kyi bar zhes bya bar yid la byed/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa nang stong pa zhes bya bar yid la byed/ yid kyi rnam par shes pa phyi stong pa zhes bya bar yid la byed/yid kyi rnam par shes pa phyi nang stong pa zhes bya bar yid la byed/ yid kyi rnam par shes pa dngos po med pa'i ngo bo nyid stong pa nyid kyi bar zhes bya bar yid la byed cing nang stong pa nyid de yang dmigs te/ dmigs pa'i tshul tshul gyis stong pa nyid des kyang rlom sems su byed pa dang /mig gi 'dus te reg pa nang stong pa zhes bya bar yid la byed/ mig gi 'dus te reg pa phyi stong pa zhes bya bar yid la byed/ mig gi 'dus te reg pa phyi nang stong pa zhes bya ba yid la byed/ mig gi 'dus te reg pa dngos po med pa'i ngo bo nyid stong pa nyid kyi bar zhes bya bar yid la byed/rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa nang stong pa zhes bya bar yid la byed/ yid kyi 'dus te reg pa phyi stong pa zhes bya bar yid la byed/yid kyi 'dus te reg pa phyi nang stong pa zhes bya bar yid la byed/ yid kyi 'dus te reg pa dngos po med pa'i ngo bo nyid stong pa nyid kyi bar zhes bya bar yid la byed cing nang stong pa nyid de yang dmigs te/ dmigs pa'i tshul gyis nang stong pa nyid des kyang rlom sems su byed pa dang /mig gi rnam par shes pa'i bar nas yid kyi rnam par shes pa'i bar dang / de bzhin du mig gi 'dus te reg pa nas yid kyi 'dus te reg pa'i bar dang / mig gi 'dus te reg pa'i rkyen gyis tshor ba nang stong pa zhes bya bar yid la byed/mig gi 'dus te reg pa'i rkyen gyis tshor ba phyi stong pa zhes bya bar yid la byed/ mig gi 'dus te reg pa'i rkyen gyis tshor ba phyi nang stong pa zhes bya bar yid la byed/ mig gi 'dus te reg pa'i rkyen gyis tshor ba dngos po med pa'i ngo bo nyid stong pa nyid kyi bar zhes bya bar yid la byed/rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba nang stong pa zhes bya bar yid la byed/yid kyi 'dus te reg pa'i rkyen gyis tshor ba phyi stong pa zhes bya bar yid la byed/ yid kyi 'dus te reg pa'i rkyen gyis tshor ba phyi nang stong pa zhes bya bar yid la byed/ yid kyi 'dus te reg pa'i rkyen gyis tshor ba dngos po med pa'i ngo bo nyid stong pa nyid kyi bar zhes bya bar yid la byed cing nang stong pa nyid de yang dmigs te/dmigs pa'i tshul gyis stong pa nyid des kyang rlom sems su byed pa dang / sa'i khams nang stong pa zhes bya bar yid la byed/ sa'i khams phyi stong pa zhes bya bar yid la byed/ sa'i khams phyi nang stong pa nyid ces bya bar yid la byed/ sa'i khams dngos po med pa'i ngo bo nyid stong pa nyid kyi bar zhes bya bar yid la byed/chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams nang stong pa nyid ces bya bar yid la byed/ rnam par shes pa'i khams phyi stong pa nyid ces bya bar yid la byed/rnam par shes pa'i khams phyi nang stong pa nyid ces bya bar yid la byed/ rnam par shes pa'i khams dngos po med pa'i ngo bo nyid stong pa nyid kyi bar zhes bya bar yid la byed/ ma rig pa nang stong pa nyid ces bya bar yid la byed/ ma rig pa phyi stong pa nyid ces bya bar yid la byed/ ma rig pa phyi nang stong pa nyid ces bya bar yid la byed/ma rig pa dngos po med pa'i ngo bo nyid stong pa nyid kyi bar zhes bya bar yid la byed/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang /sred pa dang / len pa dang / srid pa dang / skye ba dang / rga shi nang stong pa nyid ces bya bar yid la byed/ rga shi phyi stong pa nyid ces bya bar yid la byed/ rga shi phyi nang stong pa nyid ces bya bar yid la byed/ rga shi dngos po med pa'i ngo bo nyid stong pa nyid ces bya bar yid la byed cing nang stong pa nyid de yang dmigs te/dmigs pa'i tshul gyis stong pa nyid des kyang rlom sems su byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i yid la byed pa dang bral bas dran pa nye bar gzhag pa rnams sgom zhing /dran pa nye bar gzhag pa de dag kyang dmigs te/ dmigs pa'i tshul gyis dran pa nye bar gzhag pa de dag gis kyang rlom sems su byed do/ /de bzhin du yang dag par spong ba dang / rdzu 'phrul gyi rkang pa dang / dbang po dang /stobs dang / byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad rnams sgom par byed cing sangs rgyas kyi chos de dag kyang dmigs te/ dmigs pa'i tshul gyis sangs rgyas kyi chos de dag gis kyang rlom sems su byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/de ltar thabs mi mkhas pas na/ shes rab kyi pha rol tu phyin pa bstan pa 'di thos nas/ dngang zhing kun tu skrag la/ skrag pas zin par 'gyur ro/ /rab 'byor gyis gsol pa/ bcom ldan 'das sdig pa'i grogs pos zin pa gang gis shes rab kyi pha rol tu phyin pa bstan pa thos nas/dngang zhing kun tu skrag la skrag pas zin par 'gyur ba/ byang chub sems dpa' sems dpa' chen po sdig pa'i grogs pos zin par ji ltar 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po'i sdig pa'i grogs po ni gang zhig shes rab kyi pha rol tu phyin pa dang bral bar byed pa dang /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa dang bral bar byed pa ste/ 'di ni de bzhin gshegs pas gsungs pa ma yin/ 'di ni chos ma yin/ 'di ni 'dul ba ma yin gyi / 'di la bslab par bya ba'i mi cha'o / /mdo sde 'di dag ni rang bzor byas pa ste/ 'di dag ni mnyan par mi bya'o//gzung bar mi bya'o/ /bcang bar mi bya'o/ /klag par mi bya'o/ /kun chub par mi bya'o/ /tshul bzhin du yid la mi bya'o/ /'di dag ni gzhan la bstan par mi bya'o zhes zer ba 'di ni/ rab 'byor byang chub sems dpa' sems dpa' chen po'i sdig pa'i grogs por rig par bya'o//rab 'byor gzhan yang byang chub sems dpa' sems dpa' chen po'i sdig pa'i grogs po ni 'di ltar bdud sdig to can sangs rgyas kyi cha byad du byas pa dag byang chub sems dpa' sems dpa' chen po'i drung du 'ongs nas/ pha rol tu phyin pa drug las bzlog cing mos pa med par byed de/rigs kyi bu shes rab kyi pha rol tu phyin pa bsgoms pas khyod la ci zhig bya/ bsam gtan gyi pha rol tu phyin pa bsgoms pas khyod la ci zhig bya/ brtson 'grus kyi pha rol tu phyin pa bsgoms pas khyod la ci zhig bya/ bzod pa'i pha rol tu phyin pa bsgoms pas khyod la ci zhig bya/tshul khrims kyi pha rol tu phyin pa bsgoms pas khyod la ci zhig bya/ sbyin pa'i pha rol tu phyin pa bsgoms pas khyod la ci zhig bya zhes zer ba 'ong ngo zhes bdud kyi las mi ston/ bdud kyi nyes pa mi ston pa 'di ni/ rab 'byor byang chub sems dpa' sems dpa' chen po'i sdig pa'i grogs por rig par bya'o//rab 'byor gzhan yang bdud sdig can dag sangs rgyas kyi cha byad du byas shing byang chub sems dpa' sems dpa' chen po'i drung du phyin te/ nyan thos dang ldan pa'i mdo dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin tu rgyas pa dang / chos rmad du byung ba dang / rtog pa brjod pa dang / gtan la phab par bstan pa dag ston te/ 'grel to / /rnam par 'byed do//gsal bar byed do/ /yongs su ston to zhes bdud kyi las rnam pa 'di lta bu dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can dag sangs rgyas kyi cha byad du byas shing /byang chub sems dpa' sems dpa' chen po'i drung du phyin te/ 'di skad du rigs kyi bu khyod la ni byang chub kyi sems cung zad kyang med/ khyod ni phyir mi ldog pa yang ma yin/ khyod kyis ni bla na med pa yang dag par rdzogs pa'i byang chub tu mngon par rdzogs par 'tshang rgya bar yang mi nus so zhes zer ba ni 'di lta bu'i bdud kyi las dag mi smra mi ston pa 'di ni/rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can dag sangs rgyas kyi cha byad du byas shing / byang chub sems dpa' sems dpa' chen po de'i drung du phyin te/'di skad du rigs kyi bu mig ni bdag gam bdag gis stong ngo / /rna ba dang / sna dang / lce dang / lus dang / yid ni bdag gam bdag gis stong ngo / /gzugs ni bdag gam bdag gis stong ngo / /sgra dang / dri dang / ro dang / reg dang /chos ni bdag gam bdag gis stong ngo / /mig gi rnam par shes pa ni bdag gam bdag gis stong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni bdag gam bdag gis stong ngo //mig gi 'dus te reg pa ni bdag gam bdag gis stong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni bdag gam bdag gis stong ngo / /mig gi 'dus te reg pa'i rkyen gyis tshor ba ni bdag gam bdag gis stong ngo //rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni bdag gam bdag gis stong ngo //sbyin pa'i pha rol tu phyin pa ni bdag gam bdag gis stong ngo / /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa ni bdag gam bdag gis stong ngo / /dran pa nye bar gzhag pa rnams ni bdag gam bdag gis stong ngo / /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam rnams nas sangs rgyas kyi chos ma 'dres pa rnams kyi bar ni bdag gam bdag gis stong na/ bla na med pa yang dag par rdzogs pa'i byang chub tu mngon par rdzogs par sangs rgyas te yang ci zhig bya zhes zer ba de lta bu'i bdud kyi las dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o//rab 'byor gzhan yang bdud sdig can dag rang sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad du rigs kyi bu shar phyogs ni sangs rgyas bcom ldan 'das dang /byang chub sems dpa' dang / nyan thos rnams kyis stong ste/ 'di la ni sangs rgyas zhes bya ba yang med do/ /byang chub sems dpa' zhes bya ba yang med do/ /nyan thos zhes bya ba yang med do/ /lho dang / nub dang / byang dang / byang shar dang /shar lho dang / lho nub dang / nub byang dang / 'og dang / steng gi phyogs bcu kun kyang sangs rgyas bcom ldan 'das dang / byang chub sems dpa' dang / nyan thos rnams kyis stong ste/ 'di la ni sangs rgyas zhes bya ba yang med do/ /byang chub sems dpa' zhes bya ba yang med do//nyan thos zhes bya ba yang med do zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can dag nyan thos kyi cha byad du byas shing byang chub sems dpa' sems dpa' chen po'i drung du phyin te/rnam pa thams cad mkhyen pa nyid dang ldan pa'i yid la bya ba las bzlog cing nyan thos dang / rang sangs rgyas dang ldan pa'i yid la bya bas gdams pa dang / rjes su bstan pa de lta bu'i bdud kyi las dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o//rab 'byor gzhan yang bdud sdig can dag mkhan po dang slob dpon gyi cha byad du byas shing byang chub sems dpa' sems dpa' chen po'i drung du phyin te/ byang chub sems dpa'i spyod pa las bzlog cing rnam pa thams cad mkhyen pa nyid dang ldan pa'i yid la bya ba las bzlog ste/dran pa nye bar gzhag pa rnams la sbyor ba dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la sbyor ba dang / stong pa nyid dang / mtshan ma med pa dang / smon pa med pa'i bar gyi chos rnams la sbyor zhing / de ltar rigs kyi bu khyod kyis chos de dag yongs su bsgoms la nyan thos kyi sa mngon du byas shing bla na med pa yang dag par rdzogs pa'i byang chub kyis khyod la ci zhig bya zhes zer ba de lta bu'i bdud kyi las dag mi smra mi ston pa 'di ni/byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig can dag pha dang ma'i cha byad du byas shing /byang chub sems dpa' sems dpa' chen po'i drung du phyin te/ 'di ni bla na med pa yang dag par rdzogs pa'i byang chub tu mngon par rdzogs par sangs rgyas pas khyod la ci zhig bya/ de'i don du ni bskal pa tshad med grangs med par 'khor ba na 'khor zhing / rkang lag dang mgo bcad pa tshad med pas nyon mongs par 'gyur gyis/gang la rgyun du zhugs pa'i 'bras bu mngon du byar yod pa dang / lan cig phyir 'ong ba'i 'bras bu mngon du byar yod pa dang / phyir mi 'ong ba'i 'bras bu mngon du byar yod pa dang / dgra bcom pa'i 'bras bu mngon du byar yod pa de la brtson par gyis shig ces zer ba de lta bu'i bdud kyi las dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o//rab 'byor gzhan yang bdud sdig can dag dge slong gi cha byad du byas shing / byang chub sems dpa' sems dpa' chen po'i drung du phyin te/gzugs mi rtag ces bya bar dmigs pa'i tshul gyis ston pa dang / gzugs sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / tshor ba dang / 'du shes dang / 'du byed rnams dang / rnam par shes pa mi rtag ces bya bar dmigs pa'i tshul gyis ston pa dang / rnam par shes pa sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang /mig mi rtag ces bya ba dang / sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / rna ba dang / sna dang / lce dang / lus dang /yid mi rtag ces bya ba dang / sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / gzugs mi rtag ces bya ba dang / sdug bsngal ba dang /bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / sgra dang / dri dang / ro dang / reg dang / chos mi rtag ces bya ba dang / sdug bsngal ba dang / bdag med pa dang /zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / mig gi rnam par shes pa mi rtag ces bya ba dang / sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag ces bya ba dang / sdug bsngal ba dang /bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / mig gi 'dus te reg pa mi rtag ces bya ba dang / sdug bsngal ba dang / bdag med pa dang / zhi ba dang / dben pa dang /stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag ces bya ba dang / sdug bsngal ba dang /bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / mig gi 'dus te reg pa'i rkyen gyis tshor ba mi rtag ces bya ba dang / sdug bsngal ba dang / bdag med pa dang /zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi rtag ces bya ba dang / sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang /dran pa nye bar gzhag pa rnams kyi bar mi rtag ces bya ba dang / sdug bsngal ba dang / bdag med pa dang / zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa dang / de bzhin du yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa rnams mi rtag ces bya ba dang / sangs rgyas kyi chos ma 'dres pa rnams kyi bar du mi rtag ces bya ba dang / sdug bsngal ba dang / bdag med pa dang /zhi ba dang / dben pa dang / stong pa dang / mtshan ma med pa dang / smon pa med pa zhes bya bar dmigs pa'i tshul gyis ston pa de lta bu'i bdud kyi las dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o/ /de ltar byang chub sems dpa' sems dpa' chen po'i sdig pa'i grogs por rig par bya ste/de ltar shes nas kyang yongs su spang bar bya'o zhes bya ba ni yongs su 'dzin pa gnyis pa dge ba'i bshes gnyen gyis yongs su zin pa yin no/ /'di dag gis nges par 'byed pa'i yan lag bzhi bstan to// de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' byang chub sems dpa' zhes bgyi ba'i tshig 'di'i don gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to//rab 'byor byang chub sems dpa'i tshig gi don ni tshig gi don med pa ste/ de ci'i phyir zhe na/ byang chub la ni skye ba 'am/ yod pa nyid dam med pa nyid yod pa 'am dmigs pa ma yin te/ rab 'byor de'i phyir byang chub sems dpa'i tshig gi don med pa'o zhes bya ba ni rigs kyi rang gi ngo bo yin no// rab 'byor 'di lta ste dper na/ nam mkha' la bya'i rjes med cing mi dmigs so/ /rab 'byor de bzhin du byang chub sems dpa'i tshig gi don med cing mi dmigs so/ /rab 'byor 'di lta ste dper na/rmi lam la gnas med cing mi dmigs so/ /rab 'byor de bzhin du byang chub sems dpa'i tshig gi don med cing mi dmigs so/ /rab 'byor 'di lta ste dper na/ sgyu ma la gnas med cing mi dmigs so/ /rab 'byor de bzhin du byang chub sems dpa'i tshig gi don med cing mi dmigs so//rab 'byor 'di lta ste dper na/ smig rgyu la gnas med cing mi dmigs so/ /rab 'byor de bzhin du byang chub sems dpa'i tshig gi don med cing mi dmigs so/ /rab 'byor 'di lta ste dper na/ sgra brnyan dang / mig yor dang / gzugs brnyan dang / dri za'i grong khyer dang / de bzhin gshegs pa'i sprul pa la gnas med cing mi dmigs so/ /rab 'byor de bzhin du byang chub sems dpa'i tshig gi don med cing mi dmigs so zhes bya ba ni drod du gtogs pa'i rten yin no/ / rab 'byor 'di lta ste dper na/yang dag pa'i mtha' la gnas med cing mi dmigs so/ /rab 'byor de bzhin du byang chub sems dpa'i tshig gi don med cing mi dmigs so/ /rab 'byor 'di lta ste dper na/ de bzhin nyid la gnas med cing mi dmigs so/ /de bzhin du byang chub sems dpa'i tshig gi don med cing mi dmigs so//rab 'byor 'di lta ste dper na/ ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos nges pa nyid dang / dben pa nyid la gnas med cing mi dmigs so//rab 'byor de bzhin du byang chub sems dpa'i tshig gi don med cing mi dmigs so zhes bya ba ni rtse mor gtogs pa'i rten yin no/ / rab 'byor 'di lta ste dper na/ sgyu ma'i skyes bu'i gzugs la gnas med cing mi dmigs so/ /rab 'byor de bzhin du byang chub sems dpa' sems dpa' chen po'i shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//tshor ba dang / 'du shes dang / 'du byed rnams dang / rnam par shes pa la gnas med cing mi dmigs so/ /rab 'byor de bzhin du byang chub sems dpa' sems dpa' chen po'i shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ sgyu ma'i skyes bu'i mig la tshig gi don med cing mi dmigs so/ /rab 'byor de bzhin du 'di lta ste dper na/sgyu ma'i skyes bu'i rna ba dang / sna dang / lce dang / lus dang / yid la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ sgyu ma'i skyes bu'i gzugs la tshig gi don med cing mi dmigs so/ /sgra dang / dri dang / ro dang / reg dang / chos la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ sgyu ma'i skyes bu'i mig dang / gzugs dang / mig gi rnam par shes pa la tshig gi don med cing mi dmigs so/ / rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ sgyu ma'i skyes bu'i rna ba dang / sgra dang / rna ba'i rnam par shes pa la tshig gi don med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ sgyu ma'i skyes bu'i sna dang dri dang sna'i rnam par shes pa la tshig gi don med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ sgyu ma'i skyes bu'i lce dang /ro dang / lce'i rnam par shes pa la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ sgyu ma'i skyes bu'i lus dang / reg bya dang / lus kyi rnam par shes pa la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/sgyu ma'i skyes bu'i yid dang / chos dang / yid kyi rnam par shes pa la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni bzod par gtogs pa'i rten bstan pa yin no// //bam po bcu gsum pa/ rab 'byor 'di lta ste dper na/ sgyu ma'i skyes bu'i nang stong pa nyid la spyod pa'i byang chub sems dpa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ sgyu ma'i skyes bu'i phyi stong pa nyid la spyod pa'i byang chub sems dpa'i tshig gi don med cing mi dmigs so/ / rab 'byor 'di lta ste dper na/ sgyu ma'i skyes bu'i dngos po med pa'i ngo bo nyid stong pa nyid kyi bar la spyod pa'i byang chub sems dpa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ sgyu ma'i skyes bu'i pha rol tu phyin pa dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang /byang chub kyi yan lag rnams dang / 'phags pa'i lam yan lag brgyad pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / phung po rnams dang / khams rnams dang / skye mched rnams dang /rten cing 'brel par 'byung ba rnams dang / bsam gtan dang / tshad med pa dang / gzugs med pa'i snyoms par 'jug pa rnams la spyod pa'i byang chub sems dpa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni chos kyi mchog tu gtogs pa'i rten bstan pa yin no// rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi gzugs la tshig gi don med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshor ba dang /'du shes dang / 'du byed rnams dang / rnam par shes pa la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi mig la tshig gi don med cing mi dmigs so/ /rab 'byor de bzhin du/byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rna ba dang /sna dang / lce dang / lus dang / yid la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/de bzhin gshegs pa dgra bcom pa yang dag par rdzogs pa'i sangs rgyas kyi nang stong pa nyid nas dngos po med pa'i ngo bo nyid stong pa nyid kyi bar la spyod pa'i byang chub sems dpa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi byang chub kyi phyogs kyi chos sum cu rtsa bdun dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la spyod pa'i byang chub sems dpa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ 'dus ma byas kyi dbyings la 'dus byas kyi khams kyi gnas med cing mi dmigs so/ /'dus byas kyi khams la 'dus ma byas kyi dbyings kyi gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni mthong ba'i lam gyi rten bstan pa yin no/ / rab 'byor 'di lta ste dper na/skye ba med pa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ 'gag pa med pa dang /mngon par 'du bya ba med pa dang / 'byung ba med pa dang / mi dmigs pa dang / kun nas nyon mongs pa med pa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ rnam par byang ba med pa'i tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//de ci'i phyir zhe na/ rab 'byor gzugs kyi skye ba la tshig gi don med cing mi dmigs so/ /rab 'byor tshor ba dang / 'du shes dang / 'du byed rnams dang / rnam par shes pa'i skye ba la tshig gi don med cing mi dmigs so/ /de ci'i phyir zhe na/rab 'byor gzugs kyi 'gag pa dang / mngon par 'du byed pa dang / 'byung ba dang / dmigs pa dang / kun nas nyon mongs pa la tshig gi don med cing mi dmigs so/ /rab 'byor tshor ba dang / 'du shes dang / 'du byed rnams dang / rnam par shes pa'i 'gag pa dang mngon par 'du byed pa dang 'byung ba dang dmigs pa dang kun nas nyon mongs pa la tshig gi don med cing mi dmigs so//de ci'i phyir zhe na/ rab 'byor gzugs kyi rnam par byang ba la tshig gi don med cing mi dmigs so/ /rab 'byor tshor ba dang / 'du shes dang / 'du byed rnams dang rnam par shes pa'i rnam par byang ba la tshig gi don med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ / rab 'byor gzugs kyi skye ba la tshig gi don med cing mi dmigs so/ / gzugs kyi 'gag pa dang / mngon par 'du byed pa dang / 'byung ba dang / dmigs pa dang / kun nas nyon mongs pa dang / rnam par byang ba la tshig gi don med cing mi dmigs so/ /tshor ba dang / 'du shes dang /'du byed rnams dang / rnam par shes pa'i skye ba la tshig gi don med cing mi dmigs so/ /rnam par shes pa'i 'gag pa dang / mngon par 'du byed pa dang / 'byung ba dang / dmigs pa dang / kun nas nyon mongs pa dang / rnam par byang ba la tshig gi don med cing mi dmigs so//skye mched dang / khams dang / rten cing 'brel par 'byung ba'i skye ba la tshig gi don med cing mi dmigs so/ /skye mched dang / khams dang / rten cing 'brel par 'byung ba'i rnam par byang ba'i bar la tshig gi don med cing mi dmigs so/ /byang chub kyi phyogs kyi chos rnams kyi bar dang /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / mngon par shes pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams kyi skye ba la tshig gi don med cing mi dmigs so//de bzhin du sangs rgyas kyi chos ma 'dres pa rnams kyi rnam par byang ba'i bar la tshig gi don med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ shin tu dben pa'i phyir gzugs la mtshan ma'i gnas med cing mi dmigs so/ /shin tu dben pa'i phyir tshor ba dang / 'du shes dang / 'du byed rnams dang / rnam par shes pa la mtshan ma'i gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ shin tu dben pa'i phyir/ skye mched dang / khams dang / rten cing 'brel par 'byung ba so so ba dang / bsdus pa rnams la mtshan ma'i gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ dran pa nye bar gzhag pa shin tu rnam par dag pa la gnas med cing mi dmigs so/ /de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dang / mngon par shes pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams shin tu rnam par dag pa la gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ bdag med pa'i phyir bdag shin tu rnam par dag pa la gnas med cing mi dmigs so//sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po med pa'i phyir/ sems can dang / srog dang / gso ba dang /skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po rnams kyi shin tu rnam par dag pa la gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni bsgom pa'i lam gyi rten yin no// rab 'byor 'di lta ste dper na/ nyi ma'i dkyil 'khor mngon par 'char ba'i 'od la mun pa'i gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni gnyen po'i phyogs kyi rten yin no/ / rab 'byor 'di lta ste dper na/ bskal pa'i me 'bar ba'i tshe/'du byed kyi rnam pa thams cad kyi gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni mi mthun pa'i phyogs spong ba'i rten yin no// rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshul khrims la tshul khrims ngan pa'i gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi ting nge 'dzin la rnam par g.yeng ba'i gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi shes rab la shes rab 'chal pa'i gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba la rnam par ma grol ba'i gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba'i ye shes gzigs pa la rnam par grol ba'i ye shes ma gzigs pa'i gnas med cing mi dmigs so/ / rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni gnyen po dang mi mthun pa'i phyogs kyi rnam par rtog pa spong ba'i rten yin no/ / rab 'byor 'di lta ste dper na/nyi ma dang zla ba'i 'od la gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni shes rab dang snying rje'i rten yin no// rab 'byor 'di lta ste dper na/ nyan thos dang / rang sangs rgyas dang / gza' dang / skar ma dang / nor bu rin po che dang / glog gi 'od la gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni thun mong ma yin pa'i yon tan gyi rten yin no// rab 'byor 'di lta ste dper na/ rgyal chen bzhi'i ris kyi lha rnams kyi 'od la gnas med cing mi dmigs so/ /sum cu rtsa gsum gyi lha rnams dang /'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'og min gyi bar gyi lha rnams kyi 'od la gnas med cing mi dmigs so//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so zhes bya ba ni gzhan gyi don gyi go rims kyi rten yin no/ / rab 'byor 'di lta ste dper na/de bzhin gshegs pa dgra bcom pa yang dag par rdzogs pa'i sangs rgyas rnams kyi 'od la gnas med cing mi dmigs so/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med cing mi dmigs so//de ci'i phyir zhe na/ rab 'byor 'di ltar byang chub gang yin pa dang / byang chub sems dpa' dang / byang chub sems dpa'i tshig gi don gang yin pa'i chos de dag thams cad kyang ldan pa ma yin mi ldan pa ma yin te/ gzugs med pa dang / bstan du med pa dang /thogs pa med pa/ mtshan nyid gcig pa ste / 'di ltar mtshan nyid med pa'o/ /rab 'byor byang chub sems dpa' sems dpa' chen pos ni/ rtog pa med pa dang / rnam par rtog pa med pa'i phyir chos thams cad kyi chags pa med pa nyid dang / yod par gyur pa ma yin pa nyid la bslab par bya'o//byang chub sems dpa' sems dpa' chen pos chos thams cad rtogs par bya'o zhes bya ba ni ye shes lhun gyis grub par 'jug pa'i rten yin no/ / 'di dag gis ni sgrub pa'i rten bstan to/ /gsol pa/ bcom ldan 'das chos thams cad ni gang lags/ bcom ldan 'das byang chub sems dpa' sems dpa' chen pos ji ltar chos thams cad kyi yod par gyur pa ma yin pa nyid la bslab par bgyi/ bcom ldan 'das ji ltar byang chub sems dpa' sems dpa' chen pos chos thams cad rtogs par bgyi/ bcom ldan 'das kyis bka' stsal pa/ rab 'byor chos thams cad ces bya ba ni/ dge ba dang / mi dge ba dang / lung du ma bstan pa dang / 'jig rten pa dang / 'jig rten las 'das pa dang / zag pa dang bcas pa dang / zag pa med pa dang / 'dus byas dang / 'dus ma byas dang / kha na ma tho ba dang bcas pa dang / kha na ma tho ba med pa dang /thun mong ba dang / thun mong ma yin pa dag ste/ rab 'byor de dag ni chos thams cad ces bya ste / byang chub sems dpa' sems dpa' chen pos kyang / chos de dag thams cad kyi yod par gyur pa ma yin pa nyid la bslab par bya'o/ /byang chub sems dpa' sems dpa' chen pos chos 'di dag rtogs par bya'o zhes bya ba ni dmigs pa'i rang gi ngo bo yin no// gsol pa/ bcom ldan 'das 'jig rten pa'i dge ba'i chos gang lags/ bcom ldan 'das kyis bka' stsal pa/ rab 'byor 'jig rten pa'i chos dge ba zhes bya ba ni phar shes pa dang /mar shes pa dang / dge sbyong du shes pa dang / bram zer shes pa dang / rigs kyi rgan pa la rim gror byed pa dang / sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgoms pa las byung ba'i bsod nams bya ba'i dngos po dang /nyams su blang ba dang ldan pa'i dngos po dang / thabs mkhas pa dang / dge ba bcu'i las kyi lam rnams dang / 'jig rten pa'i 'du shes dgu ste/ 'di lta ste/ rnam par bam pa'i 'du shes dang / rnam par 'bus gzhigs pa'i 'du shes dang /rnam par rnags pa'i 'du shes dang / rnam par dmar ba'i 'du shes dang / rnam par bsngos pa pa'i 'du shes dang / rnam par zos pa pa'i 'du shes dang / rnam par 'thor ba pa'i 'du shes dang / rus pa pa'i 'du shes dang / rnam par tshig pa pa'i 'du shes dang / 'jig rten pa'i bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'jig rten pa'i mngon par shes pa lnga dang / 'jig rten pa'i rjes su dran pa bcu ste/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang /tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / skye ba rjes su dran pa dang / 'chi ba rjes su dran pa dang / lus kyi rnam pa rjes su dran pa dag ste/de dag ni 'jig rten pa'i dge ba'i chos zhes brjod do/ /gsol pa/ bcom ldan 'das 'jig rten pa'i mi dge ba'i chos gang lags/ bcom ldan 'das kyis bka' stsal pa/ mi dge ba bcu'i las kyi lam dag ste/ 'di lta ste/ rab 'byor srog gcod pa ni 'jig rten pa'i chos mi dge ba'o//ma byin par len pa dang / 'dod pas log par g.yem pa dang / brdzun du smra ba dang / phra ma dang / tshig rtsub mo dang / ngag 'khyal pa dang / brnab sems dang / gnod sems dang / log par lta ba dang / khro ba dang / khon du 'dzin pa dang / 'chab pa dang / 'tshig pa dang / rnam par 'tshe ba dang / phrag dog dang / ser sna dang / nga rgyal dang / log pa'i nga rgyal te/ rab 'byor de dag ni 'jig rten pa'i mi dge ba'i chos zhes brjod do/ /gsol pa/ bcom ldan 'das lung du ma bstan pa'i chos gang lags/ bcom ldan 'das kyis bka' stsal pa/lung du ma bstan pa'i lus kyi las dang / lung du ma bstan pa'i ngag gi las dang / lung du ma bstan pa'i yid kyi las dang / lung du ma bstan pa'i 'byung ba chen po bzhi dang / lung du ma bstan pa'i dbang po lnga dang / lung du ma bstan pa'i skye mched drug dang /lung du ma bstan pa'i gzugs med pa dang / lung du ma bstan pa'i phung po dang khams dang skye mched rnams dang / rnam par smin pa thams cad de/ de dag ni lung du ma bstan pa'i chos zhes brjod do/ /gsol pa/ bcom ldan 'das 'jig rten pa'i chos gang lags/ bcom ldan 'das kyis bka' stsal pa/rab 'byor phung po lnga dang / skye mched bcu gnyis dang / khams bco brgyad dang / dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dang / 'jig rten pa'i chos gzhan gang / gzhan yang 'jig rten pa'i chos gang dag yin pa ste/ 'di dag ni 'jig rten pa'i chos zhes brjod do/ / gsol pa/ bcom ldan 'das 'jig rten las 'das pa'i chos gang lags/ bcom ldan 'das kyis bka' stsal pa/ rab 'byor dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / rnam par thar pa'i sgo mtshan ma med pa dang /rnam par thar pa'i sgo smon pa med pa dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po dang / rtog pa dang bcas pa dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang /rtog pa med cing dpyod pa med pa'i ting nge 'dzin dang / rig pa dang / rnam par grol ba dang / dran pa dang / shes bzhin dang / tshul bzhin yid la byed pa dang / rnam par thar pa brgyad de/ brgyad gang zhe na/ gzugs can gzugs la lta ba 'di ni rnam par thar pa dang po'o//nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug par mos pa 'di ni rnam par thar pa gsum pa'o/ /gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so zhes te/nam mkha' mtha' yas skye mched nye bar bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/rnam par shes pa mtha' yas so zhes rnam shes mtha' yas skye mched nye bar bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ cung zad med do snyam pas ci yang med pa'i skye mched nye bar bsgrubs te gnas pa 'di ni rnam par thar pa drug pa'o//de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched nye bar bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/'du shes dang / tshor ba 'gog pa nye bar bsgrubs te gnas pa 'di ni rnam par thar pa brgyad pa ste/ 'di dag ni rnam par thar pa brgyad do/ /mthar gyis gnas pa'i snyoms par 'jug pa dgu ste/ dgu gang zhe na 'di lta ste/'dod pas dben pa sdig to mi dge ba'i chos kyis dben pa/ rtog pa dang bcas/ dpyod pa dang bcas/ dben pa las skyes pa'i dga' ba dang bde ba can bsam gtan dang po nye bar bsgrubs te gnas pa dang / de rnam par rtog pa dang rnam par dpyod pa nye bar zhi nas nang yongs su dang ste/sems kyi rgyud gcig tu gyur pas rnam par rtog pa med pa rnam par dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs te gnas pa dang / de dga' ba las 'dod chags dang bral bas dran pa dang ldan zhing shes bzhin du btang snyoms su gnas te/bde ba lus kyis myong la 'phags pa rnams kyis de la dran pa dang ldan pa bde ba la rnam par spyod pa btang snyoms pa'o zhes brjod pa dga' ba med pa'i bsam gtan gsum pa nye bar bsgrubs te gnas pa dang / de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang med/sdug bsngal ba yang med/ btang snyoms dang dran pa yongs su dag pa'i bsam gtan bzhi pa nye bar bsgrubs te gnas pa dang / de rnam pa thams cad du gzugs kyi 'du shes las yang dag par 'das te/thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so snyam ste/ nam mkha' mtha' yas skye mched nye bar bsgrubs te gnas pa dang / de rnam pa thams cad du nam mkha' mtha' yas skye mched las yang dag par 'das te/rnam par shes pa mtha' yas so snyam pas/ rnam shes mtha' yas skye mched nye bar bsgrubs te gnas pa dang / de rnam pa thams cad du rnam shes mtha' yas skye mched las yang dag par 'das te/ cung zad med do snyam pas cung zad med pa'i skye mched nye bar bsgrubs te gnas pa dang /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched nye bar bsgrubs te gnas pa dang / de rnam pa thams cad du 'du shes med 'du shes med min skye mched las yang dag par 'das te/'du shes dang tshor ba 'gog pa nye bar bsgrubs te gnas pa ste/ 'di dag ni mthar gyis gnas pa'i snyoms par 'jug pa dgu'o/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dag ste/ de dag ni 'jig rten las 'das pa'i chos zhes bya'o/ /gsol pa/ bcom ldan 'das zag pa dang bcas pa'i chos gang lags/bcom ldan 'das kyis bka' stsal pa/ rab 'byor phung po lnga dang / skye mched bcu gnyis dang / khams bco brgyad dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi ste/ de dag ni zag pa dang bcas pa'i chos zhes bya'o//gsol pa/ bcom ldan 'das zag pa ma mchis pa'i chos gang lags/ bcom ldan 'das kyis bka' stsal pa/ rab 'byor dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi bar dag ste/ de dag ni zag pa med pa'i chos zhes bya'o//gsol pa / bcom ldan 'das 'dus byas kyi chos gang lags/ bcom ldan 'das kyis bka' stsal pa/ rab 'byor 'dus byas kyi chos zhes bya ba ni/ 'dod pa'i khams dang / gzugs kyi khams dang / gzugs med pa'i khams dang / gzhan yang khams gsum par ma gtogs pa'i chos gang cung zad yod pa rnams dang / byang chub kyi phyogs kyi chos sum cu rtsa bdun dang / sangs rgyas kyi chos ma 'dres pa bco brgyad kyi bar dag ste/ de dag ni 'dus byas kyi chos zhes bya'o/ /gsol pa/ bcom ldan 'das 'dus ma byas kyi chos gang lags/bcom ldan 'das kyis bka' stsal pa/ rab 'byor gang la skye ba med cing 'jig pa med pa dang / gnas pa las gzhan du 'gyur ba mi mngon pa ste/ 'di lta ste/ 'dod chags zad pa/ zhe sdang zad pa/ gti mug zad pa/ de bzhin nyid ma nor ba de bzhin nyid/ gzhan ma yin pa de bzhin nyid/chos nyid/ chos kyi dbyings/ chos gnas pa nyid / chos nges pa nyid / bsam gyis mi khyab pa'i dbyings dang yang dag pa'i mtha' ste/ rab 'byor de dag ni 'dus ma byas kyi chos zhes bya'o/ /gsol pa/ bcom ldan 'das thun mong gi chos gang lags/ bcom ldan 'das kyis bka' stsal pa/ rab 'byor bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dag ste/ de dag ni byis pa so so'i skye bo rnams dang thun mong gi chos zhes bya'o/ /gsol pa/ bcom ldan 'das thun mong ma lags pa'i chos gang lags/bcom ldan 'das kyis bka' stsal pa/ rab 'byor byang chub kyi phyogs kyi chos sum cu rtsa bdun dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi bar dag ste/de dag ni thun mong ma yin pa'i chos zhes bya'o/ /de la byang chub sems dpa' sems dpa' chen po shes rab kyi pha rol tu phyin pa la spyod pas ni rtog pa med cing rnam par rtog pa med pa'i phyir rang gi mtshan nyid kyis stong pa'i chos thams cad la chags par mi bya zhing /chos thams cad ni gnyis su med pa'i tshul du rtogs par bya'o zhes bya ba ni sgrub pa'i dmigs pa bstan pa yin no/ / de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po zhes bgyi ba gang brjod pa ci'i slad du/bcom ldan 'das byang chub sems dpa' sems dpa' chen po zhes bgyi/ bcom ldan 'das kyis bka' stsal pa/ rab 'byor 'di la sems can gyi phung po chen po dang sems can gyi sde chen po'i mchog nyid du byed par 'gyur ba de'i phyir byang chub sems dpa' sems dpa' chen po zhes bya'o//gsol pa/ bcom ldan 'das byang chub sems dpa' sems dpa' chen po gang gi mchog nyid du byed par 'gyur ba sems can gyi phung po chen po dang / sems can gyi sde chen po de gang lags/ bcom ldan 'das kyis bka' stsal pa/rab 'byor sems can gyi phung po chen po dang / sems can gyi sde chen po zhes bya ba ni 'di lta ste/ rigs kyi sa dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang /sems bskyed pa'i byang chub sems dpa' dang / phyir mi ldog pa'i sa la gnas pa'i byang chub sems dpa' sems dpa' chen po'i bar dag ste/ rab 'byor de ni sems can gyi phung po chen po dang / sems can gyi sde chen po zhes bya ste/ byang chub sems dpa' sems dpa' chen po ni de'i phul byed par 'gyur ro//de la byang chub sems dpa' sems dpa' chen pos rdo rje lta bu'i sems bskyed do/ /sems can gyi phung po chen po dang / sems can gyi sde chen po'i mchog tu 'gyur bar bya'o/ /gsol pa/ bcom ldan 'das rdo rje lta bu'i sems bskyed pa gang lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos 'di snyam du bdag gis 'khor ba dpag tu med pa sems can thams cad kyi don du go cha bgos nas bdog pa thams cad yongs su gtang bar byas so / / bdag gis sems can thams cad la sems mnyam pa nyid bskyed par bya'o/ /bdag gis sems can thams cad theg pa gsum gyis yongs su mya ngan las bzla bar bya'o/ /bdag gis sems can thams cad yongs su mya ngan las 'das kyang sems can gang yang yongs su mya ngan las 'das par 'gyur ba med de/de ci'i phyir zhe na/ bdag gis chos thams cad skye ba med par rtogs par bya ba yin no/ /bdag gis rnam pa thams cad mkhyen pa nyid kyi sems ma 'dres pas pha rol tu phyin pa drug la spyad par bya'o/ /bdag gis chos thams cad rjes su rtogs pa thams cad du song ba la bslab par bya'o//bdag gis chos rnams kyi tshul gcig tu mngon par sgrub pa rtogs par bya'o/ /bdag gis pha rol tu phyin pa mngon par sgrub pa rtogs par bya ba'i don du chos rnams la bslab par bya'o/ /bdag gis byang chub kyi phyogs kyi chos sum cu rtsa bdun mngon par sgrub pa rtogs pa'i don du chos rnams la bslab par bya'o//bdag gis bsam gtan dang / tshad med pa dang / gzugs med pa'i snyoms par 'jug pa dang / mngon par shes pa mngon par sgrub pa rtogs par bya ba'i don du chos rnams la bslab par bya'o//bdag gis stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad mngon par sgrub pa rtogs par bya ba'i don du chos rnams la bslab par bya'o snyam du sems bskyed de/ rab 'byor 'di ni gang la gnas nas/byang chub sems dpa' sems dpa' chen po rnams sems can gyi tshogs chen po dang / sems can gyi sde chen po'i mchog nyid du mi dmigs pa'i tshul gyis byed par 'gyur ba rdo rje lta bu'i sems bskyed pa yin no/ /rab 'byor gzhan yang byang chub sems dpa' sems dpa' chen pos 'di snyam du sems can dmyal ba pa dang /byol song gi skye gnas pa dang / gshin rje'i 'jig rten pa'i sems can ji snyed cig gis sdug bsngal gyi tshor ba nyams su myong bar 'gyur ba de dag gi don du sdug bsngal gyi tshor ba de bdag gis nyams su myong bar bya'o snyam du sems bskyed do//de la byang chub sems dpa' sems dpa' chen pos sems bskyed par bya ba ni/ 'di ltar ji srid du/ sems can de dag phung po lhag ma med par yongs su mya ngan las 'das kyi bar du bdag gis sems can re re'i don du yang bskal pa bye ba khrag khrig brgya stong mang por de dag phung po lhag ma med pa'i dbyings su mya ngan las 'das kyi bar du sems can dmyal ba dang /dud 'gro'i skye gnas dang / gshin rje'i 'jig rten pa'i sdug bsngal nyams su myong bar bya'o snyam zhing tshul 'di nyid kyis sems can thams cad phung po ma lus pa'i mya ngan las 'das pa'i dbyings su yongs su mya ngan las 'das kyi bar du sems can thams cad kyi don du sems can dmyal ba la sogs pa'i sdug bsngal de dag thams cad nyams su myong bar byas te/de nas gdod bdag gi don du dge ba'i rtsa ba bskyed de/ bskal pa bye ba khrag khrig brgya stong du mas byang chub kyi tshogs bsags nas bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du sems bskyed par bya ste/rab 'byor 'di ni gang gis sems can gyi tshogs chen po dang / sems can gyi sde chen po'i mchog nyid du byed par 'gyur ba rdo rje lta bu'i sems bskyed pa yin no//rab 'byor gzhan yang byang chub sems dpa' sems dpa' chen pos sems bskyed pa gang gis sems can thams cad kyi mchog tu 'gyur bar bya ba rlabs po che'i sems su bya'o/ /de la byang chub sems dpa' sems dpa' chen po'i sems rlabs po che ni 'di yin te/sems dang po bskyed pa nas nye bar bzung nas 'dod chags kyi sems mi bskyed / zhe sdang gi sems mi bskyed / gti mug gi sems mi bskyed / brtse ba'i sems mi bskyed / nyan thos kyi sems dang / rang sangs rgyas kyi sems kyang mi bskyed pa gang yin pa ste/rab 'byor 'di ni gang gis sems can thams cad kyi mchog nyid du byed kyang des rlom sems su mi byed pa byang chub sems dpa' sems dpa' chen po'i sems rlabs po che'o/ /rab 'byor gzhan yang byang chub sems dpa' sems dpa' chen pos mi sgul ba'i sems dang ldan par bya ste/de la byang chub sems dpa' sems dpa' chen po'i sems mi sgul ba nyid ni 'di yin te/ rnam pa thams cad mkhyen pa nyid dang ldan pa yid la byed cing / des rlom sems su mi byed pa gang yin pa ste/ rab 'byor 'di ni gang gis sems can thams cad kyi mchog nyid du 'gyur ba byang chub sems dpa' sems dpa' chen po'i sems mi sgul ba'o//rab 'byor gzhan yang byang chub sems dpa' sems dpa' chen pos sems can thams cad la phan pa dang bde ba'i sems bskyed par bya'o/ /de la byang chub sems dpa' sems dpa' chen po'i phan pa dang /bde ba'i sems ni 'di yin te/ sems can thams cad skyob cing sems can thams cad yongs su mi gtong ba gang yin pa des kyang rlom sems su 'gyur ba med pa gang yin pa ste/ rab 'byor 'di ni gang la gnas na sems can gyi tshogs chen po dang /sems can gyi sde chen po'i mchog tu de mi dmigs pa'i tshul gyis byed par 'gyur ba'i byang chub sems dpa' sems dpa' chen po'i phan pa dang / bde ba'i sems so/ /rab 'byor gzhan yang byang chub sems dpa' sems dpa' chen pos ni chos la dga' ba dang / chos la kun dga' ba'i rnal 'byor la brtson par bya'o/ /de la chos gang zhe na/ chos thams cad dbyer med pa gang yin pa ste/ 'di ni chos zhes bya'o/ /de la chos la dga' ba gang zhe na/ chos la mngon par dga' ba gang yin pa ste/ 'di ni chos la dga' ba zhes bya'o//de la chos la kun dga' ba gang zhe na/ chos sgom zhing mang du byed pa gang yin pa ste/ 'di ni chos la kun dga' ba zhes bya'o/ /de la chos la dga' ba dang / kun dga' ba'i rnal 'byor la brtson pa gang zhe na/ mngon par sbyor ba ste/ 'di ni chos la dga' ba dang /chos la kun dga' ba'i rnal 'byor la brtson pa zhes bya'o/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas sems can gyi phung po chen po dang / sems can gyi sde chen po'i mchog nyid du 'gyur ba de mi dmigs pa'i tshul gyis bya'o//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pas nang stong pa nyid la gnas/ phyi stong pa nyid la gnas/ phyi nang stong pa nyid la gnas / dngos po med pa'i ngo bo nyid stong pa nyid kyi bar la gnas te/ sems can gyi phung po chen po dang / sems can gyi sde chen po'i mchog tu 'gyur bar mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pas/ byang chub kyi phyogs kyi chos rnams la gnas/ de bzhin gshegs pa'i stobs bcu dang / mi 'jigs pa bzhi rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la gnas te/ sems can gyi phung po chen po dang / sems can gyi sde chen po'i mchog tu 'gyur bar mi dmigs pa'i tshul gyis bya'o//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pas/ dpa' bar 'gro ba'i ting nge 'dzin la gnas/ nam mkha' ltar chags pa med pas/ rnam par grol zhing gos pa med pa'i ting nge 'dzin gyi bar la gnas te/sems can gyi phung po chen po dang / sems can gyi sde chen po'i mchog nyid du 'gyur bar mi dmigs pa'i tshul gyis bya ste / rab 'byor chos de dag la gnas shing byang chub sems dpa' sems dpa' chen po shes rab kyi pha rol tu phyin pa la spyod pas/chos 'di dag la gnas te/ sems can gyi tshogs chen po dang / sems can gyi sde chen po'i mchog nyid du 'gyur bar bya ba yin no/ /des na byang chub sems dpa' sems dpa' chen po zhes brjod do zhes bya ba ni/ sems can thams cad kyi mchog nyid du sems dpa'i sems chen po nyid do//de nas tshe dang ldan pa shA ri'i bus/ bcom ldan 'das la 'di skad ces gsol to/ /bcom ldan 'das don gang gi slad du/ byang chub sems dpa' sems dpa' chen po zhes bgyi ba de la bdag kyang spobs so//bcom ldan 'das kyis bka' stsal pa/ shA ri'i bu don gang gis byang chub sems dpa' sems dpa' chen po zhes brjod pa la khyod spobs par byos shig /shA ri'i bus gsol pa/ bcom ldan 'das bdag tu lta ba dang / sems can du lta ba dang /srog tu lta ba dang / skye ba por lta ba dang / gso bar lta ba dang / skyes bur lta ba dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba por lta ba dang / chad par lta ba dang / rtag par lta ba dang / yod par lta ba dang / med par lta ba dang / phung por lta ba dang / khams su lta ba dang / skye mched du lta ba dang / rten cing 'brel par 'byung bar lta ba dang / pha rol tu phyin par lta ba dang / byang chub kyi phyogs kyi chos su lta ba dang / stobs dang / mi 'jigs par lta ba dang / sangs rgyas kyi chos ma 'dres pa'i bar du lta ba dang / sems can yongs su smin par bya bar lta ba dang / sangs rgyas kyi zhing yongs su sbyong bar lta ba dang / byang chub rnam par rtog par lta ba dang / sangs rgyas su lta ba dang / chos su lta ba dang / dge 'dun du lta ba dang / chos kyi 'khor lo bskor bar lta ba rnams te/lta ba 'di dag thams cad rab tu spang ba'i slad du/ sems can rnams la chos ston par bgyid kyang de mi dmigs pa'i tshul gyis bgyid de/ de'i slad du/ byang chub sems dpa' sems dpa' chen po zhes bgyi'o/ /de nas tshe dang ldan pa rab 'byor gyis/tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu ci'i phyir na/ byang chub sems dpa' sems dpa' chen po gzugs su lta bar 'gyur ba yin/ tshor ba dang / 'du shes dang / 'du byed rnams dang / rnam par shes par lta bar 'gyur ba nas/chos kyi 'khor lo bskor ba'i bar du lta bar 'gyur ba yin/ smras pa/ tshe dang ldan pa rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod cing / thabs mi mkhas pas gzugs su dmigs shing / dmigs pa'i tshul gyis lta ba bskyed do//tshor ba dang / 'du shes dang / 'du byed rnams dang / rnam par shes par dmigs shing dmigs pa'i tshul gyis lta ba bskyed do / /de bzhin du rgya cher skye mched dang / khams dang / rten cing 'brel par 'byung bar so so ba dang / bsdus pa'i bar du dmigs shing dmigs pa'i tshul gyis lta ba bskyed do//de bzhin du dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang /pha rol tu phyin pa rnams dang / yi ge rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams su dmigs shing dmigs pa'i tshul gyis lta ba bskyed do/ /rnam par thar pa dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang /sangs rgyas kyi chos ma 'dres par dmigs shing dmigs pa'i tshul gyis lta ba bskyed do/ /chos kyi 'khor lo bskor ba'i bar du dmigs shing dmigs pa'i tshul gyis lta ba bskyed do/ /tshe dang ldan pa rab 'byor de'i phyir byang chub sems dpa' sems dpa' chen po gzugs su lta bar 'gyur ba yin/tshor ba dang / 'du shes dang / 'du byed rnams dang / rnam par shes par lta bar 'gyur ba yin/ chos kyi 'khor lo bskor ba'i bar du lta bar 'gyur ba yin te/ de la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas/ lta ba'i rnam pa de dag spang ba'i phyir/ mi dmigs pa'i tshul gyis chos ston to zhes bya ba ni spong ba chen po nyid do/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das don gang gi slad du byang chub sems dpa' sems dpa' chen po zhes bgyi ba de la bdag kyang spobs so//bcom ldan 'das kyis bka' stsal pa/ rab 'byor khyod kyis spobs pa skyed cig /rab 'byor gyis gsol pa/ bcom ldan 'das byang chub kyi sems dang mi mnyam pa dang / mnyam pa'i sems nyan thos dang rang sangs rgyas thams cad dang thun mong ma lags pa'i sems/zag pa ma mchis shing khams gsum du ma gtogs pa'i sems gang lags pa de la yang rang bzhin gyis stong pa'i slad du/ chags pa ma mchis pa de'i phyir byang chub sems dpa' sems dpa' chen po zhes bgyi ba'i grangs su mchi'o//de ci'i slad du zhe na/ 'di ltar sems de ni sems ma lags te/ des na de la chags pa ma mchis so/ /de nas tshe dang ldan pa shA ri'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po'i sems mi mnyam pa dang mnyam pa nyan thos dang /rang sangs rgyas thams cad dang thun mong ma yin pa'i sems gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen pos ni sems dang po bskyed pa nas nye bar bzung ste/ chos 'ga' yang skye ba'am/ 'gag par yang dag par rjes su mi mthong ngo / /'phel ba 'am/ 'grib pa 'am/ 'ong ba 'am/ 'gro ba 'am / kun nas nyon mongs pa dang / rnam par byang bar yang dag par rjes su mi mthong ste/ tshe dang ldan pa shA ri'i bu gang la skye ba med cing 'gag pa med pa dang /'phel ba med cing 'grib pa med pa dang / 'ong ba med cing 'gro ba med pa dang / kun nas nyon mongs pa med cing rnam par byang ba med pa de la nyan thos kyi sems med do/ /rang sangs rgyas kyi sems med do/ /tshe dang ldan pa shA ri'i bu 'di ni byang chub sems dpa' sems dpa' chen po sems mi mnyam pa dang mnyam pa ste/nyan thos dang rang sangs rgyas thams cad dang thun mong ma yin pa'i sems so/ /smras pa/ tshe dang ldan pa rab 'byor gang khyod kyis 'di skad du/ thams cad mkhyen pa nyid kyi sems zag pa med pa khong du chud pa med pa'i sems de la yang chags pa med do zhes gang smras pa/tshe dang ldan pa rab 'byor rang bzhin gyis stong pa nyid kyi phyir gzugs la chags pa med pa yin nam/ tshor ba dang / 'du shes dang / 'du byed rnams dang / rnam par shes pa la yang chags pa med pa yin nam/ rnam pa thams cad mkhyen pa nyid kyi bar yang chags pa med pa yin nam/smras pa/ tshe dang ldan pa shA ri'i bu de de bzhin te/ gzugs kyang chags pa med pa'o/ /tshor ba dang / 'du shes dang / 'du byed rnams dang / rnam par shes pa yang chags pa med pa'o/ /skye mched dang / khams dang / rten cing 'brel par 'byung ba'i bar yang chags pa med pa'o//bsam gtan dang / tshad med pa dang / gzugs med pa'i snyoms par 'jug pa yang chags pa med do / /byang chub kyi phyogs kyi chos rnams kyi bar yang chags pa med pa'o/ /sangs rgyas kyi chos ma 'dres pa bco brgyad kyi bar yang chags pa med pa'o//rnam pa thams cad mkhyen pa nyid kyi bar yang chags pa med pa'o/ /smras pa/ tshe dang ldan pa rab 'byor khyod kyis 'di skad du thams cad mkhyen pa nyid kyi sems de yang zag pa med cing khong du chud pa med pa zhes gang smras pa/ tshe dang ldan pa rab 'byor byis pa so so'i skye bo rnams kyi sems kyang rang bzhin stong pa nyid kyi phyir zag pa med cing khongs su ma gtogs pa yin nam/nyan thos dang / rang sangs rgyas kyi sems dang / sangs rgyas bcom ldan 'das rnams thams cad kyi sems kyang rang bzhin stong pa nyid kyi phyir zag pa med cing khongs su ma gtogs pa yin nam/rab 'byor gyis smras pa/ tshe dang ldan pa shA ri'i bu de ni de bzhin te/ byis pa so so'i skye bo rnams kyi thugs kyang rang bzhin stong pa nyid kyi phyir zag pa med cing khongs su chud pa med do/ /nyan thos dang rang sangs rgyas rnams kyi sems kyang rang bzhin stong pa nyid kyi phyir zag pa med cing khongs su chud pa med do//sangs rgyas bcom ldan 'das rnams kyi thugs kyang rang bzhin stong pa nyid kyi phyir zag pa med cing khongs su chud pa med do/ /smras pa/ tshe dang ldan pa rab 'byor de ltar yin na/ gzugs kyang rang bzhin stong pa nyid kyi phyir zag pa med cing khongs su ma gtogs pa yin nam/tshor ba dang / 'du shes dang / 'du byed rnams dang / rnam par shes pa yang rang bzhin stong pa nyid kyi phyir zag pa med cing khongs su ma gtogs pa yin nam/ byang chub kyi phyogs kyi chos sum cu rtsa bdun dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi bar yang rang bzhin stong pa nyid kyi phyir zag pa med cing khongs su chud pa med pa yin nam/ rnam pa thams cad mkhyen pa nyid kyi bar yang rang bzhin stong pa nyid kyi phyir zag pa med cing khongs su chud pa med pa yin nam/rab 'byor gyis smras pa/ tshe dang ldan pa shA ri'i bu ji skad smras pa de bzhin te/ gzugs kyang rang bzhin stong pa nyid kyi phyir zag pa med cing khongs su chud pa med do/ /tshor ba dang / 'du shes dang / 'du byed rnams dang / rnam par shes pa yang rang bzhin stong pa nyid kyi phyir zag pa med cing khongs su chud pa med do/ /sangs rgyas kyi chos ma 'dres pa rnams kyi bar yang rang bzhin stong pa nyid kyi phyir zag pa med cing khongs su chud pa med do/ /smras pa/ tshe dang ldan pa rab 'byor gang yang khyod kyis 'di skad du sems med pa'i phyir sems de la yang chags pa med do zhes smras pa/tshe dang ldan pa rab 'byor gzugs kyang gzugs med pa la chags pa med pa yin nam/ tshor ba yang tshor ba med pa la chags pa med pa yin nam/ 'du shes kyang 'du shes med pa la chags pa med pa yin nam/'du byed rnams kyang 'du byed med pa la chags pa med pa yin nam/ rnam par shes pa yang rnam par shes pa med pa la chags pa med pa yin nam/ byang chub kyi phyogs kyi chos rnams kyi bar yang byang chub kyi phyogs kyi chos rnams med pa la chags pa med pa yin nam/ sangs rgyas kyi chos ma 'dres pa rnams kyi bar yang sangs rgyas kyi chos ma 'dres pa rnams med pa la chags pa med pa yin nam/rnam pa thams cad mkhyen pa nyid kyi bar yang rnam pa thams cad mkhyen pa nyid med pa la chags pa med pa yin nam/ smras pa/ tshe dang ldan pa shA ri'i bu ji skad smras pa de de bzhin te/tshe dang ldan pa shA ri'i bu gzugs kyang gzugs med pa la chags pa med pa yin no / /tshor ba dang / 'du shes dang / 'du byed rnams dang / rnam par shes pa yang rnam par shes pa la chags pa med do/ /de bzhin du khams dang / skye mched dang / rten cing 'brel par 'byung ba so so ba dang /bsdus pa rnams dang / bsam gtan dang / tshad med pa dang / gzugs med pa'i snyoms par 'jug pa dang / rnam par shes pa yang rnam par shes pa med pa la chags pa med do/ /pha rol tu phyin pa dang / mngon par shes pa dang / byang chub kyi phyogs kyi chos dang /stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyang sangs rgyas kyi chos ma 'dres pa rnams med pa la chags pa med do/ /tshe dang ldan pa shA ri'i bu byang chub sems dpa' sems dpa' chen po de ltar shes rab kyi pha rol tu phyin pa la spyod pa ni byang chub kyi sems mi mnyam pa dang mnyam pa'i sems nyan thos dang rang sangs rgyas thams cad dang thun mong ma yin pa'i sems des kyang chos thams cad la mi dmigs pa'i tshul gyis rlom sems su 'gyur ba med mngon par chags par 'gyur ba med de/de'i phyir byang chub sems dpa' sems dpa' chen po zhes bya'o zhes bya ba ni rtogs pa chen po nyid do//'di dag gis ni sgrub pa'i ched du bya ba bstan to/ / de nas tshe dang ldan pa byams ma'i bu gang pos bcom ldan 'das la 'di skad ces gsol to/ /bcom ldan 'das don gang gi slad du byang chub sems dpa' sems dpa' chen po zhes bgyi ba de la bdag kyang spobs so//bcom ldan 'das kyis bka' stsal pa/ gang po khyod kyis spobs pa skyed cig /gang pos gsol pa/ bcom ldan 'das de ni go cha chen po bgos pa'i sems can lags te/ bcom ldan 'das de ni theg pa chen po la yang dag par zhugs pa'i sems can lags la/de ni theg pa chen por yang dag par gnas pa'i sems can lags te/ de'i slad du byang chub sems dpa' sems dpa' chen po zhes bgyi'o/ /de nas tshe dang ldan pa shA ri'i bus tshe dang ldan pa byams ma'i bu gang po la 'di skad ces smras so//tshe dang ldan pa gang po ji tsam gyis na byang chub sems dpa' sems dpa' chen pos go cha chen po bgos zhes bya/ gang pos smras pa/ tshe dang ldan pa shA ri'i bu 'di la byang chub sems dpa' sems dpa' chen po ni byang chub kyi don du spyod pa na sems can nyung zad nyi tshe zhig gi don du sbyin pa'i pha rol tu phyin pa la gnas shing sbyin pa yongs su gtong ba ma yin gyi/sems can thams cad kyi don du sbyin pa'i pha rol tu phyin pa la gnas nas sbyin pa yongs su gtong ngo / /de bzhin du byang chub kyi don du spyod pa na sems can nyi tshe ba zhig gi don du tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas shing shes rab kyi pha rol tu phyin pa sgom pa ma yin gyi 'on kyang sems can thams cad kyi don du shes rab kyi pha rol tu phyin pa la gnas nas shes rab kyi pha rol tu phyin pa sgom par byed do//byang chub sems dpa' sems dpa' chen po ni sems can 'di snyed cig ni phung po ma lus pa'i mya ngan las 'das pa'i dbyings su yongs su mya ngan las bzla bar bya'o/ / sems can 'di snyed cig ni yongs su mya ngan las bzla bar mi bya'o zhe'am/ sems can 'di snyed cig ni byang chub tu dgod par bya'o/ /sems can 'di snyed cig ni byang chub tu dgod par mi bya'o zhes sems can yongs su bcad pas go cha mi gyon gyi/ byang chub sems dpa' sems dpa' chen po ni sems can thams cad kyi don du go cha chen po gyon to//de 'di snyam du sems te/ bdag gis kyang sbyin pa'i pha rol tu phyin pa yongs su rdzogs par bya'o/ /sems can 'di dag kyang sbyin pa'i pha rol tu phyin pa la sbyar bar bya'o/ /bdag gis kyang tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par bya'o/ /sems can thams cad kyang shes rab kyi pha rol tu phyin pa la sbyar bar bya'o/ /de bzhin du bdag gis kyang byang chub kyi chos rnams dang /bsam gtan dang / tshad med pa dang / gzugs med pa'i snyoms par 'jug pa bsgom par bya/ gzhan yang de dag la dgod par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la gnas par bya'o//sems can thams cad kyang sangs rgyas kyi chos ma 'dres pa bco brgyad la sbyar bar bya'o zhes bya bar sems bskyed do/ /tshe dang ldan pa shA ri'i bu de tsam gyis na byang chub sems dpa' sems dpa' chen po go cha chen po bgos pa zhes bya ba ni bsgrub pa'i rang gi ngo bo yin no// //bam po bcu bzhi pa/ tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa gang yongs su gtong ba de dag rnam pa thams cad mkhyen pa nyid dang ldan pa'i yid la bya bas yongs su gtong ste/dge ba'i rtsa ba de yang sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/ 'di ni byang chub sems dpa' sems dpa' chen po shes rab kyi pha rol tu phyin pa la spyod cing sbyin pa yongs su gtong ba'i sbyin pa'i pha rol tu phyin pa'i go cha'o//tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya bas sbyin pa yongs su gtong zhing / nyan thos dang / rang sangs rgyas kyi sa yid la byed pa spong ba 'di ni byang chub sems dpa' sems dpa' chen po'i shes rab kyi pha rol tu phyin pa la spyod cing sbyin pa yongs su gtong ba'i tshul khrims kyi pha rol tu phyin pa'i go cha'o/ tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sbyin pa gtong ba na rnam pa thams cad mkhyen pa nyid dang ldan pa'i yid la bya bas chos de dag la brjod pa dang / mos pa dang / rtog pa 'di ni byang chub sems dpa' sems dpa' chen po shes rab kyi pha rol tu phyin pa la spyod cing / sbyin pa yongs su gtong ba'i bzod pa'i pha rol tu phyin pa'i go cha'o//tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya bas/ brtson 'grus mi gtong ba 'di ni byang chub sems dpa' sems dpa' chen po shes rab kyi pha rol tu phyin pa la spyod cing sbyin pa yongs su gtong ba'i brtson 'grus kyi pha rol tu phyin pa'i go cha'o//tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sbyin pa yongs su gtong ba na 'di ltar rnam pa thams cad mkhyen pa nyid dang ldan pa'i yid la bya bas sems rtse gcig tu byed cing de la dmigs pa gcig pas nyan thos dang / rang sangs rgyas dang ldan pa'i sems bskyed pa rnams kyi go mi 'byed pa 'di ni byang chub sems dpa' sems dpa' chen po shes rab kyi pha rol tu phyin pa la spyod cing sbyin pa yongs su gtong ba'i bsam gtan gyi pha rol tu phyin pa'i go cha'o//tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod cing sbyin pa yongs su gtong ba'i tshe/rnam pa thams cad mkhyen pa nyid dang ldan pa'i yid la bya bas chos thams cad sgyu mar byas pa'i 'du shes nye bar gnas te/ sbyin pa po yang mi dmigs/ len pa po yang mi dmigs/ sbyin par bya ba yang mi dmigs pa gang yin pa 'di ni byang chub sems dpa' sems dpa' chen po shes rab kyi pha rol tu phyin pa la spyod cing sbyin pa yongs su gtong ba'i shes rab kyi pha rol tu phyin pa'i go cha'o//tshe dang ldan pa shA ri'i bu nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas pha rol tu phyin pa de dag la mtshan mar mi byed cing mi dmigs pa de'i tshe/byang chub sems dpa' sems dpa' chen po shes rab kyi pha rol tu phyin pa la spyod pa'i go cha chen po bgos par shes par bya'o zhes bya ba ni sbyin pa'i pha rol tu phyin pa drug po'i go cha ste dang po'o/ / tshe dang ldan pa shA ri'i bu gzhan yang byang chub sems dpa' sems dpa' chen po tshul khrims kyi pha rol tu phyin pa la spyod cing rnam pa thams cad mkhyen pa nyid dang ldan pa'i yid la bya bas sbyin pa gang yongs su gtong ba de dag sems can thams cad dang thun mong du byas shing bla na med pa yang dag par rdzogs pa'i byang chub tu mi dmigs pa'i tshul gyis yongs su bsngo ba 'di ni byang chub sems dpa' sems dpa' chen po tshul khrims kyi pha rol tu phyin pa la spyod pa'i sbyin pa'i pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas tshul khrims kyi pha rol tu phyin pa la spyod cing /nyan thos dang / rang sangs rgyas kyi sa la yang mos pa mi bskyed na/ so so'i skye bo'i sa la lta smos kyang ci dgos pa 'di ni/ byang chub sems dpa' sems dpa' chen po tshul khrims kyi pha rol tu phyin pa la spyod pa'i tshul khrims kyi pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas tshul khrims kyi pha rol tu phyin pa la spyod cing / chos de dag la bzod pa dang / mos pa dang / rtog pa 'di ni byang chub sems dpa' sems dpa' chen po tshul khrims kyi pha rol tu phyin pa la spyod pa'i bzod pa'i pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas tshul khrims kyi pha rol tu phyin pa la spyod cing brtson 'grus nyams par mi byed pa 'di ni/byang chub sems dpa' sems dpa' chen po tshul khrims kyi pha rol tu phyin pa la spyod pa'i brtson 'grus kyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas tshul khrims kyi pha rol tu phyin pa la spyod cing gnas pa'i tshe/nyan thos dang / rang sangs rgyas kyi sems kyi go mi 'byed cing dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni byang chub sems dpa' sems dpa' chen po tshul khrims kyi pha rol tu phyin pa la spyod pa'i bsam gtan gyi pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas tshul khrims kyi pha rol tu phyin pa la spyod pa'i tshe/chos thams cad sgyu mar byas pa'i 'du shes nye bar gnas shing / tshul khrims des rlom sems su mi byed de/ rang bzhin stong pa nyid kyi phyir/ tshul khrims de yang mi dmigs shing /dge ba'i rtsa ba des sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po'i tshul khrims kyi pha rol tu phyin pa la spyod pa'i shes rab kyi pha rol tu phyin pa'o//tshe dang ldan pa shA ri'i bu byang chub sems dpa' sems dpa' chen po tshul khrims kyi pha rol tu phyin pa la de ltar spyod pa ni/ pha rol tu phyin pa drug po thams cad yongs su 'dzin te/ de'i phyir go cha chen po bgos zhes bya'o zhes bya ba ni tshul khrims kyi pha rol tu phyin pa drug po'i go cha ste gnyis pa'o// tshe dang ldan pa shA ri'i bu gzhan yang byang chub sems dpa' sems dpa' chen po bzod pa'i pha rol tu phyin pa la spyad cing / rnam pa thams cad mkhyen pa nyid dang ldan pa'i yid la bya bas sbyin pa gtong zhing dge ba'i rtsa ba de yang sems can thams cad dang thun mong du byas shing /bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bzod pa'i pha rol tu phyin pa la spyod pa'i sbyin pa'i pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po bzod pa'i pha rol tu phyin pa la spyod cing /nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas tshul khrims yongs su bsrung zhing / dge ba'i rtsa ba de yang sems can thams cad dang thun mong du byas te/bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bzod pa'i pha rol tu phyin pa la spyod pa'i tshul khrims kyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po bzod pa'i pha rol tu phyin pa la spyod cing /rnam pa thams cad mkhyen pa nyid dang ldan pa'i yid la bya bas chos de dag la bzod pa dang nges pa dang / rtog pa 'di ni byang chub sems dpa' sems dpa' chen po bzod pa'i pha rol tu phyin pa la spyod pa'i bzod pa'i pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas bzod pa'i pha rol tu phyin pa la spyod cing / brtson 'grus nyams par mi byed pa 'di ni/ byang chub sems dpa' sems dpa' chen po bzod pa'i pha rol tu phyin pa la spyod pa'i brtson 'grus kyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/rnam pa thams cad mkhyen pa nyid dang ldan pa'i yid la bya bas/ bzod pa'i pha rol tu phyin pa la spyod cing sems rtse gcig tu byed pa 'di ni/ byang chub sems dpa' sems dpa' chen po bzod pa'i pha rol tu phyin pa la spyod pa'i bsam gtan gyi pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas bzod pa'i pha rol tu phyin pa la spyod cing chos thams cad sgyu mar byas pa'i 'du shes nye bar gnas te/bzod pa des rlom sems su mi byed cing / bzod pa mi dmigs pa 'di ni byang chub sems dpa' sems dpa' chen po bzod pa'i pha rol tu phyin pa la spyod pa'i shes rab kyi pha rol tu phyin pa'o/ /tshe dang ldan pa shA ri'i bu byang chub sems dpa' sems dpa' chen po bzod pa'i pha rol tu phyin pa la de ltar spyod pa ni/pha rol tu phyin pa drug po thams cad yongs su 'dzin te/ de'i phyir go cha chen po bgos zhes bya'o zhes bya ba ni bzod pa'i pha rol tu phyin pa drug pa'i go cha ste gsum pa'o// tshe dang ldan pa shA ri'i bu gzhan yang byang chub sems dpa' sems dpa' chen po brtson 'grus kyi pha rol tu phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas sbyin pa yongs su gtong zhing /dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po brtson 'grus kyi pha rol tu phyin pa la spyod cing sbyin pa'i pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po brtson 'grus kyi pha rol tu phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas tshul khrims bsrung zhing dge ba'i rtsa ba de yang sems can thams cad dang thun mong du byas te/bla na med pa yang dag par rdzogs pa'i byang chub tu yongs su bsngo ba 'di ni byang chub sems dpa' sems dpa' chen po brtson 'grus kyi pha rol tu phyin pa la spyod pa'i tshul khrims kyi pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas brtson 'grus kyi pha rol tu phyin pa la spyod cing / chos de dag la de ltar bzod pa dang / mos pa dang / rtog pa 'di ni byang chub sems dpa' sems dpa' chen po brtson 'grus kyi pha rol tu phyin pa la spyod pa'i bzod pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/rnam pa thams cad mkhyen pa nyid dang ldan pa'i yid la bya bas brtson 'grus kyi pha rol tu phyin pa la spyod cing / sems can thams cad kyi don du brtson 'grus nyams par mi byed cing / brtun mi ngas pa 'di ni byang chub sems dpa' sems dpa' chen po brtson 'grus kyi pha rol tu phyin pa la spyod pa'i brtson 'grus kyi pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas sems rtse gcig tu byed pa 'di ni/byang chub sems dpa' sems dpa' chen po brtson 'grus kyi pha rol tu phyin pa la spyod pa'i bsam gtan gyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po brtson 'grus kyi pha rol tu phyin pa la spyod pa'i tshe/shes rab kyi pha rol tu phyin pa bsgom pa na nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas chos thams cad sgyu mar byas pa'i 'du shes nye bar gnas te/brtson 'grus des rlom sems su mi byed cing / brtson 'grus de yang mi dmigs te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po brtson 'grus kyi pha rol tu phyin pa la spyod pa'i shes rab kyi pha rol tu phyin pa'o//tshe dang ldan pa shA ri'i bu byang chub sems dpa' sems dpa' chen po de ltar brtson 'grus kyi pha rol tu phyin pa la spyod pa ni/ pha rol tu phyin pa drug po thams cad yongs su 'dzin te/ de'i phyir go cha chen po bgos zhes bya'o zhes bya ba ni brtson 'grus kyi pha rol tu phyin pa drug po'i go cha ste bzhi pa'o// tshe dang ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol tu phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/rnam pa thams cad mkhyen pa nyid dang ldan pa'i yid la bya bas sbyin pa yongs su gtong zhing dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol tu phyin pa la spyod pa'i sbyin pa'i pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol tu phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/rnam pa thams cad mkhyen pa nyid dang ldan pa'i yid la bya bas tshul khrims bsrung zhing dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol tu phyin pa la spyod pa'i tshul khrims kyi pha rol tu phyin pa'o//tshe dang ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol tu phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/rnam pa thams cad mkhyen pa nyid dang ldan pa'i yid la bya bas bzod pa yongs su bsgom ste/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol tu phyin pa la spyod pa'i bzod pa'i pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas bsam gtan gyi pha rol tu phyin pa la spyod cing /brtson 'grus nyams par mi byed de/ de'i dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/byang chub sems dpa' sems dpa' chen po bsam gtan gyi pha rol tu phyin pa la spyod pa'i brtson 'grus kyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol tu phyin pa la spyod cing / rnam pa thams cad mkhyen pa nyid dang ldan pa'i yid la bya bas sems rtse gcig tu byed de/de la dmigs pa gcig pa'i phyir nyan thos dang / rang sangs rgyas dang ldan pa'i yid la bya ba rnams kyi go mi 'byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/byang chub sems dpa' sems dpa' chen po bsam gtan gyi pha rol tu phyin pa la spyod pa'i bsam gtan gyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po bsam gtan gyi pha rol tu phyin pa la spyod pa'i tshe/shes rab kyi pha rol tu phyin pa sgom par byed na/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la byed pas/ chos thams cad sgyu ma'i rnam pa'i 'du shes nye bar gnas te/bsam gtan des kyang rlom sems su mi byed cing / bsam gtan de yang mi dmigs te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol tu phyin pa la spyod pa'i shes rab kyi pha rol tu phyin pa'o//tshe dang ldan pa shA ri'i bu byang chub sems dpa' sems dpa' chen po bsam gtan gyi pha rol tu phyin pa la de ltar spyod pa ni/ pha rol tu phyin pa drug po thams cad yongs su 'dzin te/ de'i phyir go cha chen po bgos zhes bya'o zhes bya ba ni bsam gtan gyi pha rol tu phyin pa drug po'i go cha ste lnga pa'o/ / tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/rnam pa thams cad mkhyen pa nyid dang ldan pa'i yid la bya bas 'khor gsum yongs su dag pas sbyin pa yongs su gtong zhing / dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/byang chub sems dpa' sems dpa' chen po shes rab kyi pha rol tu phyin pa la spyod pa'i sbyin pa'i pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod cing /nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas tshul khrims yongs su bsrung zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/byang chub sems dpa' sems dpa' chen po shes rab kyi pha rol tu phyin pa la spyod pa'i tshul khrims kyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod cing /nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas chos de dag la de ltar bzod la mos shing rtog pa ste/ dge ba'i rtsa ba de yang sems can thams cad dang thun mong du byas shing /bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol tu phyin pa la spyod pa'i bzod pa'i pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod cing /nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas brtson 'grus nyams par mi byed cing / dge ba'i rtsa ba de yang sems can thams cad dang thun mong du byas nas/bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol tu phyin pa la spyod pa'i brtson 'grus kyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod cing /nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas sems rtse gcig tu byed cing dge ba'i rtsa ba de yang sems can thams cad dang thun mong du byas te/bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol tu phyin pa la spyod pa'i bsam gtan gyi pha rol tu phyin pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/shes rab kyi pha rol tu phyin pa sgom par byed de/ de yang nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas pha rol tu phyin pa thams cad dang / chos thams cad la sgyu ma dang / rmi lam dang / mig yor dang / brag ca dang / gzugs brnyan dang / sprul pa'i 'du shes nye bar gnas par 'gyur la/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/byang chub sems dpa' sems dpa' chen po shes rab kyi pha rol tu phyin pa la spyod pa'i shes rab kyi pha rol tu phyin pa ste/ tshe dang ldan pa shA ri'i bu nam byang chub sems dpa' sems dpa' chen po rnam pa thams cad mkhyen pa nyid dang ldan pa'i sems kyi pha rol tu phyin pa drug po 'di dag dang /sems can dang / byang chub la mtshan mar mi byed/ mi dmigs pa de ltar na/ tshe dang ldan pa shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa ni/ go cha chen po bgos par 'gyur ba yin no/ /tshe dang ldan pa shA ri'i bu de ltar na/byang chub sems dpa' sems dpa' chen po pha rol tu phyin pa re res gnas nas pha rol tu phyin pa drug yongs su rdzogs par byed pa yin no zhes bya ba ni shes rab kyi pha rol tu phyin pa drug pa'i go cha ste drug pa'o/ / tshe dang ldan pa shA ri'i bu gzhan yang byang chub sems dpa' sems dpa' chen po bsam gtan rnams la snyoms par 'jug par byed kyang bsam gtan rnams kyi ro myong bar mi byed/de dag gis 'phrog par yang mi 'gyur te/ de dag gi dbang gis skye ba yang ma yin/ de bzhin du tshad med pa dang / gzugs med pa'i snyoms par 'jug par byed kyang de dag gi ro myong bar mi byed/ de dag gis 'phrog par yang mi 'gyur/ de dag gi dbang gis skye ba yang ma yin pa 'di ni/ byang chub sems dpa' sems dpa' chen po'i thabs mkhas pa dang ldan pa'i shes rab kyi pha rol [(]tu tu [,]tu [)]phyin pa dang ldan par rig par bya'o//tshe dang ldan pa shA ri'i bu gzhan yang byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa dag la stong pa nyid dang / mtshan ma med pa dang / smon pa med pa mthong bas gnas kyang yang dag pa'i mtha' sngon du byed pa ma yin pa 'di ni byang chub sems dpa' sems dpa' chen po shes rab kyi pha rol tu phyin pa la spyod pa'i thabs mkhas pa'i go cha chen po ste/tshe dang ldan pa shA ri'i bu de ltar na byang chub sems dpa' sems dpa' chen po go cha chen po bgos pa des na sems dpa' chen po zhes brjod do//tshe dang ldan pa shA ri'i bu byang chub sems dpa' sems dpa' chen po de ltar go cha chen po bgos pa la phyogs bcu'i sangs rgyas bcom ldan 'das rnams ched du brjod pa ched du brjod cing / ming yongs su sgrogs par mdzad de/ 'jig rten gyi khams che ge mo zhig na/byang chub sems dpa' sems dpa' chen po go cha chen po bgos pa 'di lta bu zhig sems can yongs su smin par byed do/ /sangs rgyas kyi zhing yongs su dag par byed do/ /rdzu 'phrul gyis rnam par rtse'o zhes sgra brjod pa mdzad cing dbyangs rjes su sgrog go zhes bya ba ni drug pa'i go cha'i mjug bsdu ba'o//go cha'i sgrub pa bstan zin to// //shA ri'i bus smras pa/ tshe dang ldan pa gang po ci tsam gyis na/ byang chub sems dpa' sems dpa' chen po theg pa chen po la yang dag par 'jug pa dang / theg pa chen po la 'dzeg par 'gyur ba yin/ gang pos smras pa/tshe dang ldan pa shA ri'i bu 'di la byang chub sems dpa' sems dpa' chen po sbyin pa'i pha rol tu phyin pa la spyod cing 'dod pas dben pa sdig to mi dge ba'i chos kyis dben pa rtog pa dang bcas dpyod pa dang bcas pa/ dben pa las skyes pa'i dga' ba dang / bde ba can bsam gtan dang po la nye bar bsgrubs te gnas so//de bzhin du bsam gtan gnyis pa dang / gsum pa dang / bzhi pa la nye bar bsgrubs te gnas so/ /de bzhin du nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang /'du shes med 'du shes med min skye mched la snyoms par 'jug pa ste/ 'di dag ni byang chub sems dpa' sems dpa' chen po'i bsam gtan dang gzugs med pa'o/ /gang gi tshe byang chub sems dpa' sems dpa' chen po bsam gtan dang / gzugs med pa'i snyoms par 'jug pa 'di dag gis sbyin pa'i pha rol tu phyin pa la spyad pa na/nam mkha'i rnam pa dang / rtags dang / mtshan mas mnyam par 'jog cing ldang ba na dge ba'i rtsa ba de yang bla na med pa yang dag par rdzogs pa'i byang chub tu yongs su sngo bar byed pa 'di ni/ byang chub sems dpa' sems dpa' chen po'i sbyin pa'i pha rol tu phyin pa'o//de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la yang brjod par bya'o/ /shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/bsam gtan bzhi la snyoms par 'jug par byed/ gzugs med pa'i snyoms par 'jug pa bzhi la yang snyoms par 'jug par byed/ gang gi tshe byang chub sems dpa' sems dpa' chen po bsam gtan 'di dag dang / gzugs med pa'i snyoms par 'jug pa 'di dag gis gnas shing / de bsam gtan dang / gzugs med pa'i snyoms par 'jug pa 'di dag la snyoms par 'jug pa dang ldan pa na/ nam mkha'i rnam pa dang / rtags dang / mtshan ma yid la byed pas shes rab kyi pha rol tu phyin pa la spyod cing dge ba'i rtsa ba de dang gzhan yang rnam pa thams cad mkhyen pa nyid dang ldan pa'i yid la byed pas/sems can thams cad dang thun mong du byas nas bla na med pa yang dag par rdzogs pa'i byang chub tu yongs su sngo bar byed pa 'di ni/ byang chub sems dpa' sems dpa' chen po'i shes rab kyi pha rol tu phyin pa'o//shA ri'i bu de bzhin du byang chub sems dpa' sems dpa' chen po pha rol tu phyin pa drug la spyod pa ni/ theg pa chen po la rab tu zhugs pa yin no/ /sems can rnams kyang yongs su smin par byed do/ /sangs rgyas kyi zhing yang yongs su dag par byed do zhes bya ba ni bsam gtan dang /gzugs med pa'i snyoms par 'jug pa la snyoms par 'jug pa dang ldan pa'i 'jug pa yin no/ / shA ri'i bu gzhan yang byang chub sems dpa' sems dpa' chen po de rnam pa thams cad mkhyen pa nyid dang ldan pa'i yid la byed pas sems can thams cad kyi nyon mongs pa rab tu spang ba'i phyir chos bstan par bya'o snyam pa 'di ni/byang chub sems dpa' sems dpa' chen po'i sbyin pa'i pha rol tu phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba de dag gis bsam gtan dang /tshad med pa dang / gzugs med pa'i snyoms par 'jug pa de dag la snyoms par gzhog cing rnam par ldang ba yang 'di lta ste/ nyan thos sam/ rang sangs rgyas kyi sems sam/ sems bskyed pa gzhan gyi go mi 'byed pa 'di ni/ byang chub sems dpa' sems dpa' chen po tshul khrims kyi pha rol tu phyin pa mchog tu 'dzin pa med pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas bsam gtan dang / tshad med pa dang / gzugs med pa'i snyoms par 'jug pa de dag gis gnas pa na 'di snyam ste/sems can thams cad kyi nyon mongs pa zad par bya ba'i phyir chos ston to snyam du sems shing yid la byed pa de dag la 'dod pa dang / bzod pa dang / nye bar rtog pa dang / rtogs pa dang / nges par sems par byed pa 'di ni/ byang chub sems dpa' sems dpa' chen po'i bzod pa'i pha rol tu phyin pa'o/ /nam byang chub sems dpa' sems dpa' chen po de rnam pa thams cad mkhyen pa nyid dang ldan pa'i yid la bya bas bsam gtan dang / tshad med pa dang / gzugs med pa'i snyoms par 'jug pa de dag gis rnam par spyod pa'i tshe/sems can thams cad kyi don dang / phan pa dang / rnam pa thams cad mkhyen pa nyid kyi phyir/ brtson 'grus mi gtong ba 'di ni/ byang chub sems dpa' sems dpa' chen po'i brtson 'grus kyi pha rol tu phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas bsam gtan dang /gzugs med pa la snyoms par 'jug kyang / mi dmigs pa 'di ni byang chub sems dpa' sems dpa' chen po'i bsam gtan gyi pha rol tu phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas bsam gtan dang po'i yan lag dang /bsam gtan gnyis pa dang / gsum pa dang / bzhi pa'i yan lag rnams la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang /zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam par rab tu rtogs kyang / bsam gtan dang / tshad med pa dang / gzugs med pa'i snyoms par 'jug pa de dag mi dmigs shing de dag gis rlom sems su mi byed pa 'di ni/byang chub sems dpa' sems dpa' chen po'i shes rab kyi pha rol tu phyin pa ste/ tshe dang ldan pa shA ri'i bu 'di ni/ byang chub sems dpa' sems dpa' chen po pha rol tu phyin pa drug la spyod pa'i theg pa chen po'o zhes bya ba ni pha rol tu phyin pa drug gi 'jug pa yin no// tshe dang ldan pa shA ri'i bu gzhan yang / byang chub sems dpa' sems dpa' chen po'i theg pa chen po ni rnam pa thams cad du byang chub kyi phyogs kyi chos sum cu rtsa bdun sgom pa dang / rnam pa thams cad du rnam par thar pa'i sgo stong pa nyid dang / mtshan ma med pa dang /smon pa med pa sgom pa dang / rnam pa thams cad du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams sgom par byed pa 'di ni/ tshe dang ldan pa shA ri'i bu byang chub sems dpa' sems dpa' chen po'i theg pa chen po'o zhes bya ba ni 'phags pa'i lam la 'jug pa'o// tshe dang ldan pa shA ri'i bu gzhan yang byang chub sems dpa' sems dpa' chen po de byams pa dang ldan pa'i sems yangs pa/ rgya chen por gyur pa/ mi gnyis pa/ tshad med pa/ khon med pa/ 'gran zla med pa/ sgrib pa med pa/ gnod pa med pa/ thams cad du song ba shin tu bsgoms pas phyogs gcig gi 'jig rten chos kyi dbyings kyis klas pa/ nam mkha'i mthas gtugs pa thams cad dang ldan pa'i 'jig rten khyab par byas shing / nye bar bsgrubs nas gnas pa nas/phyogs bcu'i 'jig rten gyi khams kyi bar du khyab par byas shing nye bar bsgrubs nas gnas so/ /de snying rje dang ldan pa dang / dga' ba dang ldan pa dang / btang snyoms dang ldan pa'i sems yangs pa/ rgya chen por gyur pa/ mi gnyis pa/ tshad med pa/khon med pa/ 'gran zla med pa/ sgrib pa med pa/ gnod pa med pa/ thams cad du song ba shin tu bsgoms pas phyogs gcig gi 'jig rten chos kyi dbyings kyis klas pa/ nam mkha'i mthas gtugs pa thams cad dang ldan pa'i 'jig rten khyab par byas shing / nye bar bsgrubs nas gnas pa nas/phyogs bcu'i 'jig rten gyi bar du khyab par byas shing nye bar bsgrubs nas gnas so/ /tshe dang ldan pa shA ri'i bu gzhan yang byang chub sems dpa' sems dpa' chen po byams pa'i ting nge 'dzin la mnyam par 'jog cing bdag gis sems can thams cad yongs su bskyab par bya'o zhes de la gzhol bar byed/snying rje'i ting nge 'dzin la mnyam par 'jog cing / sems can rnams la snying rje ba dang / snying brtse ba la gzhol bar byed/ dga' ba'i ting nge 'dzin la mnyam par 'jog cing / bdag nyid kyis sems can dga' bar bya'o zhes sems can rnams la gzhol bar byed/btang snyoms kyi ting nge 'dzin la mnyam par 'jog cing / sems can rnams zag pa zad pa la rab tu gzhol bar byed de/ 'di ni byang chub sems dpa' sems dpa' chen po tshad med pa rnams la spyod pa'i sbyin pa'i pha rol tu phyin pa'o/ / nam byang chub sems dpa' sems dpa' chen po bsam gtan dang / tshad med pa rnams kyi rnam pa dang / rtags dang mtshan ma la mnyam par gzhog cing / rnam par ldang yang rnam pa thams cad mkhyen pa nyid du bsngo ba ma gtogs par nyan thos dang / rang sangs rgyas kyi sar yongs su mi bsngo ba 'di ni/byang chub sems dpa' sems dpa' chen po tshad med pa rnams la spyod pa'i tshul khrims kyi pha rol tu phyin pa mchog tu 'dzin pa med pa'o/ /nam byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa de dag gis ma 'dres par rnam par spyod cing /sa gnyis po nyan thos kyi sa'am/ rang sangs rgyas kyi sar 'dod pa mi bskyed kyi/ rnam pa thams cad mkhyen pa nyid du bzod pa dang / 'dod pa 'di ni byang chub sems dpa' sems dpa' chen po tshad med pa rnams la spyod pa'i bzod pa'i pha rol tu phyin pa'o//nam byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas mi dge ba'i chos rnams rab tu spang ba dang / dge ba'i chos phun sum tshogs par bya ba'i don du brtson 'grus mi gtong bas rnam par spyod pa 'di ni byang chub sems dpa' sems dpa' chen po tshad med pa rnams la spyod pa'i brtson 'grus kyi pha rol tu phyin pa'o//nam byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa de dag la yang mnyam par 'jog la/ bsam gtan dang / tshad med pa dang / gzugs med pa'i snyoms par 'jug pa'i dbang gis kyang mi skye zhing / de dag gi ro myong bar byed pa yang med la/ de dag gis 'phrogs par yang mi 'gyur ba 'di ni/ byang chub sems dpa' sems dpa' chen po tshad med pa rnams la spyod pa'i bsam gtan gyi pha rol tu phyin pa'o//nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas bsam gtan dang / tshad med pa dang / gzugs med pa'i snyoms par 'jug pa de dag la yang mnyam par 'jog cing /rnam par ldang ba la / de dag la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam par rab tu rtog kyang nyan thos dang / rang sangs rgyas kyi skyon med par 'jug par mi byed pa 'di ni/byang chub sems dpa' sems dpa' chen po'i tshad med pa rnams la spyod pa'i shes rab kyi pha rol tu phyin pa ste/ tshe dang ldan pa shA ri'i bu 'di ni byang chub sems dpa' sems dpa' chen po'i theg pa chen po'o zhes bya ba ni tshad med pa la 'jug pa'o// tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni/ gang nang stong pa nyid shes kyang dmigs pa'i tshul gyis ma yin/ phyi stong pa nyid shes kyang dmigs pa'i tshul gyis ma yin pa dang / phyi nang stong pa nyid dang / dngos po med pa'i ngo bo nyid stong pa nyid kyi bar du shes kyang dmigs pa'i tshul gyis ma yin pa gang yin pa ste/tshe dang ldan pa shA ri'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni/chos thams cad la sems rnam par g.yeng ba med par mnyam par gzhag pa'i shes pa gang yin pa ste/ tshe dang ldan pa shA ri'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni rtag ces bya bar shes pa mi 'jug /mi rtag pa dang / bde ba dang / sdug bsngal ba dang / bdag dang / bdag med pa dang / zhi ba dang / ma zhi ba zhes bya ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang /smon pa med ces bya bar shes pa mi 'jug pa ste/ tshe dang ldan pa shA ri'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni gang 'das pa'i dus la shes pa mi 'jug /ma 'ongs pa dang / da ltar gyi dus la shes pa 'jug par mi byed de/ de gsum po 'di gsum la mi dmigs pa'i tshul gyis shes pa mi 'jug pa 'di ni/ tshe dang ldan pa shA ri'i bu byang chub sems dpa' sems dpa' chen po'i theg pa chen po'o/ / tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni 'dod pa'i khams su shes pa 'jug par mi byed/ gzugs dang gzugs med pa'i khams su shes pa 'jug par mi byed de/ 'dod pa dang / gzugs dang / gzugs med pa'i khams la de mi dmigs pa'i tshul gyis shes pa 'jug pa gang yin pa 'di ni byang chub sems dpa' sems dpa' chen po'i theg pa chen po'o//tshe dang ldan pa shA ri'i bu gzhan yang byang chub sems dpa' sems dpa' chen po'i theg pa chen po ni 'jig rten pa dang / 'jig rten las 'das pa'i chos dang /zag pa dang bcas pa dang / zag pa med pa dang / 'dus byas dang / 'dus ma byas kyi chos la shes pa 'jug par mi byed de/ de 'jig rten pa dang / 'jig rten las 'das pa'i chos mi shes pa yang med/ zag pa dang bcas pa dang / zag pa med pa dang / 'dus byas dang / 'dus ma byas kyi chos rnams la de mi dmigs pa'i tshul gyis shes pa mi 'jug pa 'di ni byang chub sems dpa' sems dpa' chen po'i theg pa chen po'o zhes bya ba ni mi dmigs pa la sbyor ba'i 'jug pa'o/ / shA ri'i bus smras pa/ tshe dang ldan pa gang po ci tsam gyis na/ byang chub sems dpa' sems dpa' chen po theg pa chen po la zhugs pa zhes bya/gang pos smras pa/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa la 'dzeg kyang / des sbyin pa'i pha rol tu phyin pa mi dmigs te/sbyin pa po dang / len pa po dang / sbyin pa rnams mi dmigs pa'i tshul gyis dmigs su med pa de lta na tshe dang ldan pa shA ri'i bu byang chub sems dpa' sems dpa' chen po theg pa chen po la 'dzeg pa zhes bya'o/ /de bzhin du shes rab kyi pha rol tu phyin pa la spyod pa'i tshe/tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la 'dzeg kyang de mi dmigs pa dang / shes rab kyi pha rol tu phyin pa la spyod pa'i tshe/ shes rab kyi pha rol tu phyin pa la 'dzeg kyang des shes rab kyi pha rol tu phyin pa mi dmigs /byang chub sems dpa' mi dmigs / yid la byed pa mi dmigs pa'i tshul gyis dmigs su med pa de ltar na tshe dang ldan pa shA ri'i bu/ byang chub sems dpa' sems dpa' chen po theg pa chen po la 'dzeg pa zhes bya'o zhes bya ba ni 'khor gsum yongs su dag pa la 'jug pa'o// tshe dang ldan pa shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba ma 'dres pas sgom pa rnam par gzhig pa'i don du/ byang chub kyi phyogs kyi chos sum cu rtsa bdun mi dmigs pa'i tshul gyis sgom par byed de/shA ri'i bu de ltar na byang chub sems dpa' sems dpa' chen po theg pa chen po la 'dzeg pa zhes bya'o/ /shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la byed pa ma 'dres pas sgom pa rnam par gzhig pa'i don du stong pa nyid dang /mtshan ma med pa dang / smon pa med pa'i ting nge 'dzin rnams de mi dmigs pa'i tshul gyis sgom par byed de/ shA ri'i bu de ltar na/ byang chub sems dpa' sems dpa' chen po theg pa chen po la 'dzeg pa zhes bya'o//shA ri'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba ma 'dres pas sgom pa rnam par gzhig pa'i don du de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad rnams de mi dmigs pa'i tshul gyis sgom par byed de/ shA ri'i bu de ltar na byang chub sems dpa' sems dpa' chen po theg pa chen po la 'dzeg pa zhes bya'o/ /tshe dang ldan pa shA ri'i bu gzhan yang byang chub sems dpa' sems dpa' chen pos byang chub sems dpa' dmigs su med pa'i phyir 'di ni tha snyad tsam ste/'di lta ste / byang chub sems dpa' zhes bya'o zhes bya ba de ltar shes so/ /gzugs dmigs su med pa'i phyir 'di ni tha snyad tsam ste/ 'di lta ste/ gzugs zhes bya bar shes so/ /tshor ba dang / 'du shes dang / 'du byed rnams dang / rnam par shes pa dmigs su med pa'i phyir 'di ni tha snyad tsam ste/ 'di lta ste/ rnam par shes pa zhes bya'o zhes bya bar de ltar shes so/ /skye mched dang / khams dang / rten cing 'brel par 'byung ba dmigs su med pa'i phyir/'di ni tha snyad tsam ste/ 'di lta ste/ rten cing 'brel par 'byung ba zhes bya bar shes so/ /sbyin pa'i pha rol tu phyin pa dmigs su med pa'i phyir 'di ni tha snyad tsam ste/ 'di lta ste/ sbyin pa'i pha rol tu phyin pa zhes bya bar de ltar shes so/ / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dmigs su med pa'i phyir 'di ni tha snyad tsam ste/ 'di lta ste/ shes rab kyi pha rol tu phyin pa zhes bya bar shes so//byang chub kyi phyogs kyi chos rnams dmigs su med pa'i phyir 'di ni tha snyad tsam ste/ 'di lta ste/ byang chub kyi phyogs kyi chos rnams zhes bya bar shes so/ /de bzhin gshegs pa'i stobs rnams dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa rnams dmigs su med pa'i phyir 'di ni tha snyad tsam ste/ 'di lta ste/ sangs rgyas kyi chos ma 'dres pa bco brgyad ces bya bar shes so/ /nang stong pa nyid dmigs su med pa'i phyir 'di ni tha snyad tsam ste/ 'di lta ste/ nang stong pa nyid ces bya bar shes so/ /phyi stong pa nyid dmigs su med pa'i phyir 'di ni tha snyad tsam ste/ 'di lta ste/ phyi stong pa nyid ces bya bar shes so/ /phyi nang stong pa nyid dmigs su med pa'i phyir 'di ni tha snyad tsam ste/ 'di lta ste/ phyi nang stong pa nyid ces bya bar shes so//dngos po med pa'i ngo bo nyid stong pa nyid kyi bar du dmigs su med pa'i phyir 'di ni tha snyad tsam ste/ 'di lta ste/ dngos po med pa'i ngo bo nyid stong pa nyid ces bya bar shes so/ /de bzhin nyid dmigs su med pa'i phyir 'di ni tha snyad tsam ste/ 'di lta ste/ de bzhin nyid ces bya bar shes so//ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' dmigs su med pa'i phyir 'di ni tha snyad tsam ste/ 'di lta ste/ yang dag pa'i mtha' zhes bya bar shes so//byang chub dmigs su med pa'i phyir 'di ni tha snyad tsam ste/ 'di lta ste/ byang chub ces bya bar shes so/ /sangs rgyas dmigs su med pa'i phyir/ 'di ni tha snyad tsam ste/ 'di lta ste/ sangs rgyas zhes bya bar yang dag par shes te/ tshe dang ldan pa shA ri'i bu de ltar na/byang chub sems dpa' sems dpa' chen po theg pa chen po la 'dzeg pa zhes bya'o zhes bya ba ni ched du bya ba la 'jug pa'o/ / tshe dang ldan pa shA ri'i bu gzhan yang byang chub sems dpa' sems dpa' chen po sems dang po bskyed pa nas nye bar bzung ste/ snying po byang chub la 'dug gi bar du mngon par shes pa thams cad yongs su rdzogs pa'i phyir na sems can yongs su smin par byed do//sangs rgyas kyi zhing dang / sangs rgyas kyi zhing du sangs rgyas gang la mchod pa dang bkur sti gang bya bar 'os pa'i mchod pas/ sangs rgyas bcom ldan 'das rnams la bkur stir byed/bla mar byed/ ri mor byed/ mchod par byed do/ /sangs rgyas bcom ldan 'das de dag las kyang chos nyan te/ 'di lta ste/ theg pa chen po 'di nyid do/ /de byang chub sems dpa'i theg pa de la 'dzegs nas/ sangs rgyas kyi zhing nas sangs rgyas kyi zhing du 'gro zhing /sangs rgyas kyi zhing yongs su dag par byed/ sems can rnams yongs su smin par byed kyang / de la sangs rgyas kyi zhing gi 'du shes kyang mi 'byung / sems can gyi 'du shes kyang mi 'byung / sangs rgyas kyi 'du shes kyang mi 'byung ngo / /de gnyis su med pa'i sa la gnas shing /lus ji lta bus sems can rnams kyi don bya ba'i mthu yod pa de lta bu'i lus ched du bsam zhing yongs su 'dzin to/ /de rnam pa thams cad mkhyen pa nyid kyi ye shes thob par ma gyur gyi bar du theg pa chen po de dang nam yang mi 'bral lo zhes bya ba ni mngon par shes pa la 'jug pa'o// des rnam pa thams cad mkhyen pa nyid kyi ye shes thob nas kyang / nyan thos dang / rang sangs rgyas thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang /mi dang / mi ma yin pa dang bcas pa'i 'jig rten gyis bskor bar mi nus pa'i chos kyi 'khor lo rab tu bskor ro/ /de bla na med pa yang dag par rdzogs pa'i byang chub tu mngon par rdzogs par sangs rgyas nas/ shar phyogs kyi 'jig rten gyi khams gang gA'i klung gi bye ma snyed dag na/sangs rgyas bcom ldan 'das bzhugs pa rnams yon tan brjod pa mdzad cing / 'jig rten gyi khams che ge mo zhig tu byang chub sems dpa' sems dpa' chen po che ge mo zhes bya ba zhig theg pa chen po bla na med pa'i theg pa theg pa'i mchog la 'dzegs nas rnam pa thams cad mkhyen pa nyid thob bo//rnam pa thams cad mkhyen pa nyid thob nas kyang chos kyi 'khor lo skor bar byed do zhes grags pa sgrog cing dbyangs su brjod pa mdzad do/ /de bzhin du lho dang / nub dang / byang dang / byang shar dang / shar lho dang / lho nub dang / nub byang dang /'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams yon tan brjod pa mdzad cing / 'jig rten gyi khams che ge mo zhig tu byang chub sems dpa' sems dpa' chen po che ge mo zhes bya ba zhig /theg pa chen po bla na med pa'i theg pa theg pa'i mchog la 'dzegs nas rnam pa thams cad mkhyen pa nyid thob bo/ /rnam pa thams cad mkhyen pa nyid thob nas kyang chos kyi 'khor lo skor bar byed do zhes grags pa sgrog cing dbyangs su brjod pa mdzad do//tshe dang ldan pa shA ri'i bu de ltar na byang chub sems dpa' sems dpa' chen po theg pa chen po la yang dag par 'dzeg pa zhes bya'o zhes bya ba ni rnam pa thams cad mkhyen pa nyid la 'jug pa'o/ / 'di dag gis ni 'jug pa'i sgrub pa bstan to// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das go cha chen po bgos pa/ go cha chen po bgos pa zhes brjod pa/ bcom ldan 'das ji tsam gyis na byang chub sems dpa' sems dpa' chen pos go cha chen po bgos zhes bgyi ba lags/de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen pos theg pa chen po'i go cha 'di lta ste/ sbyin pa'i pha rol tu phyin pa'i go cha dang / tshul khrims kyi pha rol tu phyin pa'i go cha dang / bzod pa'i pha rol tu phyin pa'i go cha dang / brtson 'grus kyi pha rol tu phyin pa'i go cha dang / bsam gtan gyi pha rol tu phyin pa'i go cha dang / shes rab kyi pha rol tu phyin pa'i go cha bgos/ nang stong pa nyid kyi go cha bgos/ phyi stong pa nyid kyi go cha bgos/phyi nang stong pa nyid kyi go cha bgos/ dngos po med pa'i ngo bo nyid stong pa nyid kyi bar gyi go cha bgos/ dran pa nye bar gzhag pa'i go cha bgos/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi go cha bgos/bsam gtan dang / tshad med pa dang / gzugs med pa'i snyoms par 'jug pa'i go cha bgos/ mngon par shes pa dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad kyi go cha bgos/rnam pa thams cad mkhyen pa nyid kyi go cha bgos/ sangs rgyas kyi sku'i go cha bgos nas/ stong gsum gyi stong chen po'i 'jig rten gyi khams 'di snang bas rgyas par bkang ste/ shar phyogs kyi 'jig rten gyi khams gang gA'i klung gi bye ma snyed snang bas rgyas par 'gengs so//lho phyogs dang / nub phyogs dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed snang bas rgyas par 'gengs so/ /stong gsum gyi stong chen po'i 'jig rten gyi khams 'di rnam par 'gyur ba drug tu rab tu bskyod do//shar phyogs kyi 'jig rten gyi khams gang gA'i klung gi bye ma snyed rnam par 'gyur ba drug tu rab tu bskyod do/ /lho phyogs dang / nub phyogs dang / byang phyogs dang / byang shar dang / shar lho dang /lho nub dang / nub byang dang / 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed rnam par 'gyur ba drug tu rab tu bskyod do/ /des stong gsum gyi stong chen po'i 'jig rten gyi khams 'di na sems can dmyal ba'i me'i phung po ji snyed cig yod pa de dag thams cad zhi bar byas shing sems can dmyal ba pa rnams kyi sdug bsngal rab tu bcil nas/de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo zhes bya ba'i sgra brjod do/ /dbyangs sgrog go/ /de'i tshe sems can dmyal ba pa'i sems can de dag kyang sangs rgyas kyi sgra de thos nas/dga' ba dang / bde ba thob ste/ de dag dga' ba dang bde ba des sems can dmyal ba de dag nas rnam par ldang ngo / /de dag sems can dmyal ba de dag nas rnam par langs nas/ sangs rgyas kyi zhing gang dang gang nas /sangs rgyas bcom ldan 'das rnams bzhugs shing 'tsho skyong ba dang / de dang de dag tu skyes te / lha dang mi'i skye ba yongs su 'dzin to/ /de bzhin du byol song gi skye gnas pa'i sems can rnams dang / gshin rje'i 'jig rten pa'i sems can de dag nas rnam par ldang ngo //de dag byol song gi skye gnas dang / 'jig rten de dag nas rnam par langs nas sangs rgyas kyi zhing gang dang gang na sangs rgyas bcom ldan 'das rnams bzhugs shing 'tsho skyong ba de dang de dag tu skye ste/ lha dang mi'i skye ba yongs su 'dzin to/ /rab 'byor 'di lta ste dper na/sgyu ma'i mkhan po'am/ sgyu ma'i mkhan po'i mchan bu mkhas pa zhig lam po che'i bzhi mdor 'dug ste/ skye bo mang po'i tshogs kyi mdun du sems can dmyal ba dang / byol song gi skye gnas dang / gshin rje'i 'jig rten dag cig mngon par sprul la/ de ltar mngon par sprul nas ngan song gi sems can de dag la sangs rgyas kyi sgra dang /chos kyi sgra dang / dge 'dun gyi sgra sgrogs par gyur te/ de nas sprul pa de dag sangs rgyas kyi sgra dang / chos kyi sgra dang / dge 'dun gyi sgra des sems can dmyal ba dang / byol song gi skye gnas dang / gshin rje'i 'jig rten de dang de dag las rnam par langs par gyur na/ rab 'byor de la ji snyam du sems/ sgyu ma'i mkhan po dang / sgyu ma'i mkhan po'i mchan bu de sems can gang yang / sems can dmyal ba dang / byol song gi skye gnas dang / gshin rje'i 'jig rten de dag nas rnam par blang ba yod dam/gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du/ byang chub sems dpa' sems dpa' chen pos phyogs bcu'i 'jig rten gyi khams tshad med grangs med pa'i sems can rnams ngan song gsum las yongs su bkrol yang sems can gang yang yongs su grol bar byas pa med do//de ci'i phyir zhe na/ rab 'byor sgyu ma'i chos nyid nye bar bzung na chos rnams kyi chos nyid kyis de bzhin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos zhes bya'o zhes bya ba ni snying rje'i tshogs so// rab 'byor gzhan yang byang chub sems dpa' sems dpa' chen po go cha chen po bgos pa ni/ sbyin pa'i pha rol tu phyin pa la gnas shing stong gsum gyi stong chen po'i 'jig rten gyi khams bai DUr+ya'i rgyu las byung ba mngon par sprul par byed do//de ltar bai DUr+ya'i rgyu las byung ba mngon par sprul nas/ 'khor los sgyur ba'i bkod pa mngon par sprul par byed do/ /de ltar 'khor los sgyur ba'i bkod pa mngon par sprul nas/ zas 'dod pa rnams la zas kyi sbyin pa byed do/ /skom 'dod pa rnams la skom/ bzhon pa 'dod pa rnams la bzhon pa/gos 'dod pa rnams la gos/ me tog 'dod pa rnams la me tog /phreng ba 'dod pa rnams la phreng ba/ spos 'dod pa rnams la spos/ byug pa 'dod pa rnams la byug pa/ mal cha 'dod pa rnams la mal cha/ khyim 'dod pa rnams la khyim/ 'tsho ba 'dod pa rnams la 'tsho ba/yo byad 'dod pa rnams la yo byad/ nad kyi rkyen rtsi dang yo byad 'dod pa rnams la nad kyi rkyen rtsi dang yo byad kyi sbyin pa byed do/ /nor bu dang / mu tig dang / be+e DUr+ya dang / dung dang / man shel dang / byi ru dang / gser dang dngul 'dod pa rnams la nor bu dang / mu tig dang / bai DUr+ya dang / dung dang / man shel dang / byi ru dang / gser dang dngul gyi sbyin pa byed cing / mi'i yo byad gang ci yang rung ba'i bar du sbyin par byed / des de ltar zas 'dod pa rnams la zas byin/ mi'i yo byad gang ci yang rung ba'i bar du sbyin nas/ sems can de dag la chos ston pa ni 'di lta ste/pha rol tu phyin pa drug dang ldan pa'i chos bstan pa 'di nyid ston to/ /sems can de dag gis kyang chos bstan pa de thos nas bla na med pa yang dag par rdzogs pa'i byang chub tu sangs ma rgyas kyi bar du pha rol tu phyin pa drug dang nam yang 'bral bar mi 'gyur ro/ / rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs shig mngon par sprul te/ zas 'dod pa rnams la zas sbyin/ mi'i yo byad gang ci yang rung ba'i bar du byin na/rab 'byor de la ji snyam du sems/ ci sgyu ma'i mkhan po'am/ sgyu ma'i mkhan po'i mchan bu mkhas pa des/ sems can gang la yang ci yang sbyin pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/rab 'byor de bzhin du/ byang chub sems dpa' sems dpa' chen pos 'khor los sgyur ba'i bkod pa mngon par sprul te/ zas 'dod pa rnams la zas byin/ mi'i yo byad gang ci yang rung ba'i bar du byin yang / sems can gang la ci yang byin pa med do/ / de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po na go cha chen po bgos pa zhes bya'o zhes bya ba ni sbyin pa'i tshogs so/ / rab 'byor gzhan yang byang chub sems dpa' sems dpa' chen po tshul khrims kyi pha rol tu phyin pa la gnas shing ched du bsams te skye ba yongs su bzung bas 'khor los sgyur ba'i rigs su skye zhing de 'khor los sgyur ba'i dbang phyug de la gnas nas/sems can rnams dge ba bcu'i las kyi lam la rab tu dgod do//bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos rnams dang / de bzhin gshegs pa'i stobs bcu'i bar dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la sems can rnams rab tu 'god de/sems can de dag kyang bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du/ chos bstan pa de dang nam yang 'bral bar mi 'gyur ro/ /rab 'byor 'di lta ste dper na/sgyu ma'i mkhan po'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du skye bo mang po'i tshogs shig mngon par sprul te/ sems can de dag dge ba bcu'i las kyi lam la bkod dam/ sangs rgyas kyi chos ma 'dres pa bco brgyad kyi bar la bkod na/rab 'byor de la ji snyam du sems/ sgyu ma'i mkhan po'am/ sgyu ma'i mkhan po'i mchan bu mkhas pa des sems can gang yang dge ba bcu'i las kyi lam la bkod pa yod dam/ sangs rgyas kyi chos ma 'dres pa bco brgyad kyi bar la bkod pa yod dam/gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du/ byang chub sems dpa' sems dpa' chen pos sems can tshad med grangs med pa/ dge ba bcu'i las kyi lam la rab tu bkod de/sangs rgyas kyi chos ma 'dres pa bco brgyad kyi bar la bkod kyang / sems can gang yang de dag la bkod pa med do/ /rab 'byor de ci'i phyir zhe na/ de sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos zhes bya'o zhes bya ba ni tshul khrims kyi tshogs so// //bam po bco lnga pa/ rab 'byor gzhan yang byang chub sems dpa' sems dpa' chen po bzod pa'i pha rol tu phyin pa la gnas shing / sems can thams cad bzod pa'i pha rol tu phyin pa la sbyor zhing 'jog la rab tu 'god do//rab 'byor ji ltar na byang chub sems dpa' sems dpa' chen po bzod pa'i pha rol tu phyin pa la gnas shing / sems can thams cad bzod pa'i pha rol tu phyin pa la sbyor zhing 'jog la rab tu 'god pa yin zhe na/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/'di ltar go cha gyon te/ brgya la sems can thams cad bdag la rdo dang dbyig pa dang / khu tshur gyis rdeg cing mtshon gyis 'debs kyang de la bdag gis 'khrug pa'i sems 'ga' tsam yang bskyed par mi bya zhing sems can thams cad kyang bzod pa de dang 'dra ba la rab tu dgod par bya'o snyam mo//rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/skye bo mang po'i tshogs shig mngon par sprul te/ bzod pa'i pha rol tu phyin pa la sbyar zhing gzhog la rab tu 'god pa byas na/ rab 'byor de ji snyam du sems/ sgyu ma'i mkhan po'am/ sgyu ma'i mkhan po'i mchan bu mkhas pa des sems can gang yang bzod pa'i pha rol tu phyin pa la bkod pa yod dam/gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa de snyed dag bzod pa'i pha rol tu phyin pa la bkod kyang /sems can yang bzod pa'i pha rol tu phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na / chos rnams kyi chos nyid kyis de bzhin pa'i phyir dang / rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o zhes bya ba ni bzod pa'i tshogs so// rab 'byor gzhan yang byang chub sems dpa' sems dpa' chen po brtson 'grus kyi pha rol tu phyin pa la gnas shing / sems can thams cad brtson 'grus kyi pha rol tu phyin pa la yang dag par sbyor zhing gzhog la rab tu 'god do//rab 'byor ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing / sems can thams cad brtson 'grus kyi pha rol tu phyin pa la yang dag par sbyor ba dang / gzhog la rab tu 'god pa yin zhe na/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/sems can thams cad lus dang sems kyi brtson 'grus la yang dag par sbyor zhing gzhog la rab tu 'god do/ /rab 'byor 'di lta ste dper na/ sgyu ma'i mkhan po'am/sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du skye bo mang po'i tshogs shig mngon par sprul te/ lus dang sems kyi brtson 'grus la bkod na/ rab 'byor de la ji snyam du sems/ sgyu ma'i mkhan po'am/sgyu ma'i mkhan po'i mchan bu mkhas pa des sems can gang yang lus dang sems kyi brtson 'grus la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa de snyed pa de dag lus dang sems kyi brtson 'grus la bkod kyang /sems can gang yang lus dang sems kyi brtson 'grus la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o zhes bya ba ni brtson 'grus kyi tshogs so/ / rab 'byor gzhan yang byang chub sems dpa' sems dpa' chen po bsam gtan gyi pha rol tu phyin pa la gnas shing sems can thams cad bsam gtan gyi pha rol tu phyin pa la yang dag par sbyor zhing gzhog la rab tu 'god do//rab 'byor ji ltar na byang chub sems dpa' sems dpa' chen po bsam gtan gyi pha rol tu phyin pa la gnas te/ sems can thams cad bsam gtan gyi pha rol tu phyin pa la yang dag par sbyor zhing gzhog la/rab tu 'god pa yin zhe na/ rab 'byor 'di la byang chub sems dpa' sems dpa' chen po chos thams cad kyi chos nyid mnyam pa nyid la gnas shing / chos gang la yang rnam par g.yeng ba'am rnam par mi g.yeng bar yang dag par rjes su mi mthong na/bsam gtan gyi pha rol tu phyin pa la gnas pa yin te/ de de bzhin du sems can thams cad kyang bsam gtan gyi pha rol tu phyin pa la yang dag par sbyor zhing gzhog pa dang rab tu 'god pa byed de/ de ltar yang dag par sbyor ba rnams kyang nam bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du nam yang bsam gtan gyi pha rol tu phyin pa dang 'bral bar mi 'gyur ro//rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/skye bo mang po'i tshogs kyi mdun du skye bo mang po'i tshogs shig mngon par sprul te/ bsam gtan gyi pha rol tu phyin pa la bkod na/ rab 'byor de ji snyam du sems/ sgyu ma'i mkhan po'am/ sgyu ma'i mkhan po'i mchan bu mkhas pa des sems can gang yang bsam gtan gyi pha rol tu phyin pa la bkod pa yod dam/gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can thams cad bsam gtan gyi pha rol tu phyin pa la bkod kyang sems can gang yang bsam gtan gyi pha rol tu phyin pa la bkod pa med do//de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya ba ni bsam gtan gyi tshogs so// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la gnas shing / sems can thams cad shes rab kyi pha rol tu phyin pa la yang dag par sbyor zhing gzhog la rab tu 'god do/ / rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la gnas shing sems can thams cad shes rab kyi pha rol tu phyin pa la yang dag par sbyor ba dang / gzhog la rab tu 'god pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos gang yang tshu rol tam/ pha rol du mi dmigs te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas pa yin te/ de de bzhin du sems can thams cad kyang shes rab kyi pha rol tu phyin pa la yang dag par sbyor zhing gzhog la rab tu 'god do//rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs shig mngon par sprul te/shes rab kyi pha rol tu phyin pa la yang dag par sbyar te gzhog la rab tu bkod na/ rab 'byor de la ji snyam du sems/ sgyu ma'i mkhan po'am/ sgyu ma'i mkhan po'i mchan bu mkhas pa des sems can gang yang shes rab kyi pha rol tu phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can thams cad shes rab kyi pha rol tu phyin pa la bkod kyang sems can gang yang shes rab kyi pha rol tu phyin pa la bkod pa med do//de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o zhes bya ba ni shes rab kyi tshogs so/ / rab 'byor gzhan yang byang chub sems dpa' sems dpa' chen po go cha chen po bgos shing /shar phyogs kyi 'jig rten gyi khams gang gA'i klung gi bye ma snyed dag tu song zhing ji ltar bdag sbyin pa'i pha rol tu phyin pa la gnas pa de bzhin du 'jig rten gyi khams de dag na sems can ji snyed 'khod pa de dag thams cad kyang sbyin pa'i pha rol tu phyin pa la sbyor zhing gzhog la rab tu 'god do//ji ltar bdag tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas pa de bzhin du 'jig rten gyi khams de dag na/sems can ji snyed cig 'khod pa de dag thams cad kyang shes rab kyi pha rol tu phyin pa la yang dag par sbyor zhing gzhog la rab tu 'god do/ /chos kyang ston te/ 'di lta ste/ pha rol tu phyin pa drug dang ldan pa 'di nyid do//sems can de dag kyang chos de thos nas bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du pha rol tu phyin pa drug dang nam yang 'bral bar mi 'gyur ro/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag tu song zhing / ji ltar bdag sbyin pa'i pha rol tu phyin pa la gnas pa dang / shes rab kyi pha rol tu phyin pa'i bar la gnas pa de bzhin du 'jig rten gyi khams de dag na sems can gang ji snyed cig yod pa de dag thams cad kyang sbyin pa'i pha rol tu phyin pa la yang dag par sbyor zhing gzhog la rab tu 'god do//de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la yang dag par sbyor zhing gzhog la rab tu 'god do/ /'di lta ste/ pha rol tu phyin pa drug po 'di nyid kyi chos kyang ston to/ /sems can de dag kyang chos de thos nas/ bla na med pa yang dag par rdzogs pa'i byang chub tu mngon par sangs ma rgyas kyi bar du/pha rol tu phyin pa drug dang nam yang 'bral bar mi 'gyur ro/ /rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/skye bo mang po'i tshogs shig mngon par sprul te/ pha rol tu phyin pa drug la yang dag par sbyor zhing gzhog la rab tu bkod par gyur na/ rab 'byor de la ji snyam du sems/ sgyu ma'i mkhan po'am/ sgyu ma'i mkhan po'i mchan bu mkhas pa des sems can gang yang pha rol tu phyin pa drug la yang dag par sbyor zhing gzhog la rab tu bkod pa yod dam/gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos shar phyogs kyi 'jig rten gyi khams gang gA'i klung gi bye ma snyed dang /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyi sems can gang ji snyed cig yod pa de dag thams cad pha rol tu phyin pa drug la bkod kyang sems can gang yang pha rol tu phyin pa drug la bkod pa med do//de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o//rab 'byor gzhan yang byang chub sems dpa' sems dpa' chen po go cha chen po bgos pa ni/ rnam pa thams cad mkhyen pa nyid dang ldan pa'i sems kyis gnas shing sems bskyed pa gzhan gyi go mi 'byed de/ bdag gis sems can 'di snyed cig ni sbyin pa'i pha rol tu phyin pa la dgod par bya'o//'di snyed cig ni dgod par mi bya'o/ /bdag gis sems can 'di snyed cig ni tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni byang chub kyi phyogs kyi chos sum cu rtsa bdun la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni sangs rgyas kyi chos ma 'dres pa bco brgyad kyi bar la dgod par bya'o//'di snyed cig ni dgod par mi bya'o/ /bdag gis sems can 'di snyed cig ni rgyun du zhugs pa'i 'bras bu la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rang byang chub la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rnam pa thams cad mkhyen pa nyid la dgod par bya'o//'di snyed cig ni dgod par mi bya'o zhes bya bar sems bskyed pa'i go mi 'byed kyi/ de 'di snyam du sems te/ bdag gis sems can tshad med grangs med pa sbyin pa'i pha rol tu phyin pa la dgod par bya'o//bdag gis sems can tshad med grangs med pa tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la dgod par bya'o/ / byang chub kyi phyogs kyi chos sum cu rtsa bdun la dgod par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la dgod par bya'o/ /rgyun tu zhugs pa'i 'bras bu la dgod par bya'o//lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /rang byang chub la dgod par bya'o/ /rnam pa thams cad mkhyen pa nyid la dgod par bya'o zhes bya bar sems bskyed do zhes bya ba ni zhi gnas kyi tshogs so/ / rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs shig mngon par sprul te/ 'di snyam du bdag gis sems can tshad med grangs med pa 'di dag pha rol tu phyin pa drug la dgod par bya'o//rnam pa thams cad mkhyen pa nyid kyi bar la dgod par bya'o snyam du sems bskyed par gyur na/ rab 'byor de la ji snyam du sems/ sgyu ma'i mkhan po'am/ sgyu ma'i mkhan po'i mchan bu mkhas pa des/ sems can gang yang pha rol tu phyin pa drug la dgod par byas pa yod dam/rnam pa thams cad mkhyen pa nyid kyi bar la dgod par byas pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa pha rol tu phyin pa drug dang /rnam pa thams cad mkhyen pa nyid kyi bar la dgod par sems bskyed kyang / sems can gang gi don du yang sems bskyed pa med do / /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/rab 'byor de ltar na byang chub sems dpa' sems dpa' chen po go cha chen po bgos zhes bya'o/ /rab 'byor gyis gsol pa/ bcom ldan 'das bdag gis bcom ldan 'das kyis gsungs pa'i don 'tshal te/ byang chub sems dpa' sems dpa' chen pos ni/rang gi mtshan nyid stong pa nyid kyi slad du go cha ma mchis pa'i go cha bgos par rig par bgyi'o/ /de ci'i slad du zhe na/ bcom ldan 'das de ni 'di ltar gzugs gzugs kyis stong ngo / /tshor ba dang / 'du shes dang / 'du byed rnams dang / rnam par shes pa rnam par shes pas stong ngo //mig mig gis stong ngo / /de bzhin du rna ba dang / sna dang / lce dang / lus dang / yid yid kyis stong ngo / /gzugs gzugs kyis stong ngo / /sgra dang / dri dang / ro dang / reg dang / chos chos kyis stong ngo / /mig gi rnam par shes pa mig gi rnam par shes pas stong ngo //rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ngo / /mig gi 'dus te reg pa mig gi 'dus te reg pas stong ngo / /rna ba'i 'dus te reg pa dang /sna'i 'dus te reg dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ngo / /mig gi 'dus te reg pa'i rkyen gyis tshor ba mig gi 'dus te reg pa'i rkyen gyis tshor bas stong ngo / /rna ba'i 'dus te reg pa'i rkyen gyis tshor ba dang /sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong ngo / / sbyin pa'i pha rol tu phyin pa sbyin pa'i pha rol tu phyin pas stong ngo / /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa shes rab kyi pha rol tu phyin pas stong ngo //nang stong pa nyid nang stong pa nyid kyis stong ngo / /phyi stong pa nyid phyi stong pa nyid kyis stong ngo / /phyi nang stong pa nyid phyi nang stong pa nyid kyis stong ngo / /dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid kyis stong ngo / / byang chub kyi phyogs kyi chos sum cu rtsa bdun byang chub kyi phyogs kyi chos sum cu rtsa bdun gyis stong ngo / /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad rnams sangs rgyas kyi chos ma 'dres pa rnams kyis stong ngo //bcom ldan 'das byang chub sems dpa' byang chub sems dpas stong ngo / /go cha chen po yang go cha chen pos stong ste/ bcom ldan 'das rnam grangs des na/ byang chub sems dpa' sems dpa' chen pos go cha ma mchis pa'i go cha bgos par rig par bgyi'o//bcom ldan 'das kyis bka' stsal pa/ rab 'byor ji skad du smras pa bzhin te/ de de bzhin no/ /de de bzhin te/ de ci'i phyir zhe na/ rab 'byor de ni rnam pa thams cad mkhyen pa nyid kyang ma byas mi 'gyur mngon par 'dus ma byas/ byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas mi 'gyur mngon par 'dus ma byas so//gsol pa/ bcom ldan 'das ci'i slad du/ rnam pa thams cad mkhyen pa nyid ma bgyis mi 'gyur/ mngon par 'dus ma bgyis pa lags/ byang chub sems dpa' sems dpa' chen pos gang gi don du go cha chen po bgos pa'i sems can de dag kyang ci'i slad du ma bgyis/mi 'gyur mngon par 'dus ma bgyis pa lags/ bcom ldan 'das kyis bka' stsal pa/ rab 'byor byed pa po dmigs su med pa'i phyir/ rnam pa thams cad mkhyen pa nyid ma byas mi 'gyur/mngon par 'dus ma byas so/ /byang chub sems dpa' sems dpa' chen po gang gi don du go cha chen po bgos pa'i sems can de dag kyang ma byas mi 'gyur/ mngon par 'dus ma byas pa'o/ /de ci'i phyir zhe na/ rab 'byor 'di ltar gzugs mi byed mi 'gyur/mngon par 'du mi byed do/ /tshor ba dang / 'du shes dang / 'du byed rnams dang / rnam par shes pa mi byed mi 'gyur/ mngon par 'du mi byed do/ /rab 'byor mig mi byed mi 'gyur mngon par 'du mi byed do/ /rna ba dang / sna dang / lce dang / lus dang / yid mi byed mi 'gyur/mngon par 'du mi byed do/ /rab 'byor gzugs mi byed mi 'gyur/ mngon par 'du mi byed do/ /sgra dang / dri dang / ro dang / reg dang / chos mi byed mi 'gyur/ mngon par 'du mi byed do/ /rab 'byor mig gi rnam par shes pa mi byed mi 'gyur/ mngon par 'du mi byed do//rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi byed mi 'gyur/ mngon par 'du mi byed do/ /rab 'byor mig gi 'dus te reg pa mi byed mi 'gyur/ mngon par 'du mi byed do/ / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi byed mi 'gyur/ mngon par 'du mi byed do/ /rab 'byor mig gi 'dus te reg pa'i rkyen gyis tshor ba mi byed mi 'gyur/ mngon par 'du mi byed do/ / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi byed mi 'gyur/ mngon par 'du mi byed do/ /de ci'i phyir zhe na/'di ltar de dag ni shin tu med cing mi dmigs pa'i phyir ro/ /rab 'byor bdag ni mi byed mi 'gyur mngon par 'du mi byed do/ /de ci'i phyir zhe na/ de shin tu mi dmigs pa'i phyir ro/ /de bzhin du sems can dang / srog dang / gso ba dang / skyes bu dang / gang zag dang /shed las skyes dang / shed bu dang / byed pa po dang / tshor ba po dang / shes pa po dang / mthong ba po mi byed mi 'gyur/ mngon par 'du mi byed do/ /de ci'i phyir zhe na/ de dag thams cad shin tu mi dmigs pa'i phyir ro/ /rab 'byor rmi lam ni mi byed mi 'gyur/ mngon par 'du mi byed de /de ci'i phyir zhe na/ de shin tu mi dmigs pa'i phyir ro/ /sgyu ma dang / sgra brnyan dang / mig yor dang / gzugs brnyan dang / smig rgyu dang / sprul pa ni mi byed mi 'gyur/ mngon par 'du mi byed do/ /de ci'i phyir zhe na/ de shin tu mi dmigs pa'i phyir ro//rab 'byor nang stong pa nyid ni mi byed mi 'gyur/ mngon par 'du mi byed do/ /rab 'byor dngos po med pa'i ngo bo nyid stong pa nyid kyi bar du mi byed mi 'gyur/ mngon par 'du mi byed de/ de ci'i phyir zhe na/ de shin tu mi dmigs pa'i phyir ro/ /rab 'byor byang chub kyi phyogs kyi chos sum cu rtsa bdun ni mi byed mi 'gyur/mngon par 'du mi byed de/ de ci'i phyir zhe na/ de shin tu mi dmigs pa'i phyir ro/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ni mi byed mi 'gyur/mngon par 'du mi byed de/ de ci'i phyir zhe na/ de shin tu mi dmigs pa'i phyir ro/ /rab 'byor de bzhin nyid ni mi byed mi 'gyur/ mngon par 'du mi byed de/ de ci'i phyir zhe na/ de shin tu mi dmigs pa'i phyir ro/ /ma nor ba de bzhin nyid dang / gzhan ma yin pa de bzhin nyid dang /chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' dang / bsam gyis mi khyab pa'i dbyings ni mi byed mi 'gyur/ mngon par 'du mi byed de/ de ci'i phyir zhe na/ de shin tu mi dmigs pa'i phyir ro//rab 'byor byang chub ni mi byed mi 'gyur/ mngon par 'du mi byed de/ de ci'i phyir zhe na/ de shin tu mi dmigs pa'i phyir ro/ /rab 'byor rnam pa thams cad mkhyen pa nyid ni mi byed mi 'gyur/ mngon par 'du mi byed de/ de ci'i phyir zhe na/ de shin tu mi dmigs pa'i phyir ro/ /rab 'byor rnam grangs des na 'di ltar rnam pa thams cad mkhyen pa nyid de ma byas mi 'gyur mngon par 'du ma byas par rig par bya'o//byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas mi 'gyur mngon par 'dus ma byas par rig par bya'o//rab 'byor de ltar na byang chub sems dpa' sems dpa' chen po go cha chen po bgos pa ni go cha med pa'i go cha chen po bgos zhes bya'o zhes bya ba ni lhag mthong gi tshogs so/ / gsol pa/ bcom ldan 'das bdag gis bcom ldan 'das kyis gsungs pa'i don 'tshal te/bcom ldan 'das gzugs ni ma bcings ma grol ba'o/ /tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /de nas tshe dang ldan pa byams ma'i bu gang pos/ tshe dang ldan pa rab 'byor la 'di skad ces smras so/ /tshe dang ldan pa rab 'byor gzugs ma bcings ma grol ba yin nam/tshor ba dang / 'du shes dang / 'du byed rnams dang / rnam par shes pa ma bcings ma grol ba yin nam/ smras pa/ tshe dang ldan pa gang po de de bzhin no/ /tshe dang ldan pa gang po gzugs ni ma bcings ma grol ba'o/ / tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /gang pos smras pa/ tshe dang ldan pa rab 'byor ma bcings ma grol ba'i gzugs de gang yin/ ma bcings ma grol ba'i tshor ba dang / 'du shes dang / 'du byed rnams dang / rnam par shes pa de gang yin/smras pa/ tshe dang ldan pa gang po rmi lam lta bu'i gzugs gang yin pa de ni ma bcings ma grol ba'o/ /rmi lam lta bu'i tshor ba dang / 'du shes dang / 'du byed rnams dang / rnam par shes pa gang yin pa de ni ma bcings ma grol ba'o/ /tshe dang ldan pa gang po de bzhin du sgyu ma lta bu dang /sgra brnyan lta bu dang / mig yor lta bu dang / gzugs brnyan lta bu dang / smig rgyu lta bu dang / sprul pa lta bu'i gzugs gang yin pa de ni ma bcings ma grol ba'o/ /sprul pa lta bu'i tshor ba dang / 'du shes dang / 'du byed rnams dang / sprul pa lta bu'i rnam par shes pa gang yin pa de ni ma bcings ma grol ba'o//tshe dang ldan pa gang po 'das pa'i gzugs ni ma bcings ma grol ba'o/ /'das pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang po ma 'ongs pa'i gzugs ni ma bcings ma grol ba'o//ma 'ongs pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang po da ltar byung ba'i gzugs ni ma bcings ma grol ba'o/ /da ltar byung ba'i tshor ba dang / 'du shes dang /'du byed rnams dang / rnam par shes pa ni ma bcings ma grol ba'o/ /de ci'i phyir zhe na/ tshe dang ldan pa gang po gzugs med pa'i phyir gzugs de ma bcings ma grol ba'o/ /tshor ba dang / 'du shes dang / 'du byed rnams dang / rnam par shes pa med pa'i phyir rnam par shes pa de ma bcings ma grol ba'o//tshe dang ldan pa gang po gzugs dben pa'i phyir ma bcings ma grol ba'o/ /tshor ba dang / 'du shes dang / 'du byed rnams dang / rnam par shes pa dben pa'i phyir rnam par shes pa ma bcings ma grol ba'o/ /gzugs ma skyes pa'i phyir gzugs ma bcings ma grol ba'o//tshor ba dang / 'du shes dang / 'du byed rnams dang / rnam par shes pa ma skyes pa'i phyir/ rnam par shes pa ma bcings ma grol ba'o/ /tshe dang ldan pa gang po gzugs ni ma bcings ma grol ba'o/ /dge ba'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang po mi dge ba'i gzugs ni ma bcings ma grol ba'o/ /mi dge ba'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang bo lung du ma bstan pa'i gzugs ni ma bcings ma grol ba'o//lung du ma bstan pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang po 'jig rten pa'i gzugs ni ma bcings ma grol ba'o/ /'jig rten pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang po 'jig rten las 'das pa'i gzugs ni ma bcings ma grol ba'o/ /'jig rten las 'das pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o//tshe dang ldan pa gang po zag pa dang bcas pa'i gzugs ni ma bcings ma grol ba'o/ /zag pa dang bcas pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o/ /tshe dang ldan pa gang po zag pa med pa'i gzugs ni ma bcings ma grol ba'o//zag pa med pa'i tshor ba dang / 'du shes dang / 'du byed rnams dang / rnam par shes pa ni ma bcings ma grol ba'o / /tshe dang ldan pa gang po de ci'i phyir zhe na/ gzugs med pa'i phyir gzugs ma bcings ma grol ba'o/ /tshor ba dang / 'du shes dang / 'du byed rnams dang /rnam par shes pa med pa'i phyir rnam par shes pa ma bcings ma grol ba'o/ /gzugs dben pa'i phyir gzugs ma bcings ma grol ba'o/ /tshor ba dang / 'du shes dang / 'du byed rnams dang / rnam par shes pa dben pa'i phyir rnam par shes pa ma bcings ma grol ba'o/ / gzugs ma skyes pa'i phyir gzugs ma bcings ma grol ba'o/ /tshor ba dang / 'du shes dang / 'du byed rnams dang / rnam par shes pa ma skyes pa'i phyir rnam par shes pa ma bcings ma grol ba'o/ /tshe dang ldan pa gang po chos thams cad kyang ma bcings ma grol ba'o / /med pa'i phyir ma bcings ma grol ba'o//dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po de bzhin du dben pa'i phyir dang / zhi ba'i phyir dang / stong pa'i phyir dang / mtshan ma med pa'i phyir dang / smon pa med pa'i phyir dang / mngon par 'dus ma byas pa'i phyir dang /ma skyes pa'i phyir dang / dge ba dang / mi dge ba dang / nyon mongs pa dang bcas pa dang / nyon mongs pa med pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang /kun nas nyon mongs pa dang / rnam par byang ba'i gzugs ni ma bcings ma grol ba'o/ /de ci'i phyir zhe na/ gzugs med pa'i phyir te/ de ltar gzugs de ma bcings ma grol ba'o/ /tshor ba dang / 'du shes dang / 'du byed rnams kyang de bzhin te/ tshe dang ldan pa gang po nyon mongs pa dang bcas pa dang /nyon mongs pa med pa'i rnam par shes pa ni ma bcings ma grol ba'o/ /de ci'i phyir zhe na/ rnam par shes pa med pa'i phyir te/ de ltar na rnam par shes pa ni ma bcings ma grol ba'o/ /tshe dang ldan pa gang po chos thams cad kyang ma bcings ma grol ba'o//de ci'i phyir zhe na/ chos thams cad med pa'i phyir te/ de ltar chos de dag thams cad ni ma bcings ma grol ba'o/ /tshe dang ldan pa gang po sbyin pa'i pha rol tu phyin pa ni ma bcings ma grol ba'o/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni ma bcings ma grol ba ste/ tshe dang ldan pa gang po med pa'i phyir shes rab kyi pha rol tu phyin pa ma bcings ma grol ba'o/ /de bzhin du dben pa'i phyir ma bcings ma grol ba nas/ma skyes pa'i bar gyi phyir ma bcings ma grol ba'o/ /tshe dang ldan pa gang po nang stong pa nyid kyang ma bcings ma grol ba'o/ /phyi stong pa nyid kyang ma bcings ma grol ba'o/ /phyi nang stong pa nyid kyang ma bcings ma grol ba'o/ /dngos po med pa'i ngo bo nyid stong pa nyid kyi bar yang ma bcings ma grol ba'o//tshe dang ldan pa gang po de ci'i phyir zhe na/ tshe dang ldan pa gang po med pa'i phyir dngos po med pa'i ngo bo nyid stong pa nyid kyi bar ma bcings ma grol ba'o/ /de bzhin du dben pa'i phyir ma bcings ma grol ba nas/ ma skyes pa'i bar gyi phyir ma bcings ma grol ba'o//tshe dang ldan pa gang po byang chub kyi phyogs kyi chos sum cu rtsa bdun yang ma bcings ma grol ba'o/ /de ci'i phyir zhe na/ tshe dang ldan pa gang po med pa'i phyir byang chub kyi phyogs kyi chos sum cu rtsa bdun ma bcings ma grol ba'o/ /dben pa'i phyir ma bcings ma grol ba nas/ma skyes pa'i bar gyi phyir ma bcings ma grol ba'o/ /de bzhin du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa'i bar rnams ma bcings ma grol ba'o / /de ci'i phyir zhe na/ tshe dang ldan pa gang po med pa'i phyir sangs rgyas kyi chos ma 'dres pa rnams ma bcings ma grol ba'o//de bzhin du dben pa'i phyir ma bcings ma grol ba nas/ ma skyes pa'i bar gyi phyir ma bcings ma grol ba'o/ /tshe dang ldan pa gang po byang chub kyang ma bcings ma grol ba'o/ /rnam pa thams cad mkhyen pa nyid kyang ma bcings ma grol ba'o//byang chub sems dpa' yang ma bcings ma grol ba'o/ /de ci'i phyir zhe na/ med pa'i phyir byang chub sems dpa' ma bcings ma grol ba'o/ /de bzhin du dben pa'i phyir ma bcings ma grol ba nas/ ma skyes pa'i bar gyi phyir ma bcings ma grol ba'o//tshe dang ldan pa gang po de bzhin nyid kyang ma bcings ma grol ba'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' ma bcings ma grol ba ste/de ci'i phyir zhe na/ tshe dang ldan pa gang po med pa'i phyir yang dag pa'i mtha'i bar du ma bcings ma grol ba'o/ /de bzhin du dben pa'i phyir ma bcings ma grol ba nas/ ma skyes pa'i bar gyi phyir ma bcings ma grol ba'o/ /tshe dang ldan pa gang po 'dus ma byas kyang ma bcings ma grol ba ste/tshe dang ldan pa gang po med pa'i phyir 'dus ma byas ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po 'di ni byang chub sems dpa' sems dpa' chen po rnams kyi ma bcings ma grol ba zhes bya ba'i chos kyi sgo ste/de ni sbyin pa'i pha rol tu phyin pa ma bcings ma grol ba'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni ma bcings ma grol ba'o//rnam pa thams cad mkhyen pa nyid kyi bar du ma bcings ma grol ba'o/ /byang chub sems dpa' ma bcings ma grol ba'o/ /sangs rgyas ma bcings ma grol ba'o/ /de bzhin nyid ma bcings ma grol ba'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' ma bcings ma grol ba'o/ /'dus ma byas kyi dbyings ma bcings ma grol ba'o/ /de ma bcings ma grol ba'i sbyin pa'i pha rol tu phyin pa la gnas/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas/ ma bcings ma grol ba'i rnam pa thams cad mkhyen pa nyid kyi bar la gnas/ ma bcings ma grol ba'i de bzhin nyid la gnas/ma bcings ma grol ba'i ma nor ba de bzhin nyid dang / ma bcings ma grol ba'i gzhan ma yin pa de bzhin nyid dang / ma bcings ma grol ba'i chos kyi dbyings dang / ma bcings ma grol ba'i chos nges pa nyid dang / ma bcings ma grol ba'i yang dag pa'i mtha' la gnas/ma bcings ma grol ba'i 'dus ma byas la gnas te/ ma bcings ma grol ba de ma bcings ma grol ba'i sems can rnams yongs su smin par byed do/ /ma bcings ma grol ba de ma bcings ma grol ba'i sangs rgyas kyi zhing yongs su dag par byed do/ /ma bcings ma grol ba de ma bcings ma grol ba'i sangs rgyas bcom ldan 'das rnams la bsnyen bkur byed do//ma bcings ma grol ba de ma bcings ma grol ba'i chos nyan to/ /ma bcings ma grol ba de ma bcings ma grol ba'i sangs rgyas bcom ldan 'das rnams dang nam yang 'bral bar mi 'gyur ro/ /ma bcings ma grol ba de ma bcings ma grol ba'i mngon par shes pa rnams dang nam yang 'bral bar mi 'gyur ro//ma bcings ma grol ba de ma bcings ma grol ba'i mig lnga dang nam yang 'bral bar mi 'gyur ro/ /ma bcings ma grol ba de ma bcings ma grol ba'i gzugs rnams dang nam yang 'bral bar mi 'gyur ro//ma bcings ma grol ba de ma bcings ma grol ba'i ting nge 'dzin rnams dang nam yang 'bral bar mi 'gyur ro/ /ma bcings ma grol ba de ma bcings ma grol ba'i lam gyi rnam par shes pa nyid sgrub par 'gyur ro/ /ma bcings ma grol ba de ma bcings ma grol ba'i rnam pa thams cad mkhyen pa nyid du mngon par rdzogs par 'tshang rgya bar 'gyur ro//ma bcings ma grol ba de ma bcings ma grol ba'i chos kyi 'khor lo bskor bar 'gyur ro/ /ma bcings ma grol ba de ma bcings ma grol ba'i sems can rnams theg pa gsum la rab tu 'god par 'gyur ro//tshe dang ldan pa gang po de ltar na byang chub sems dpa' sems dpa' chen po ma bcings ma grol ba'i pha rol tu phyin pa drug po ma bcings ma grol ba rnams kyis med pa dang / dben pa nas ma skyes pa'i bar nye bar bzung zhing chos thams cad khong du chud par byed do//tshe dang ldan pa gang po de ltar na byang chub sems dpa' sems dpa' chen po ma bcings ma grol ba'i theg pa chen po'i go cha bgos par rig par bya'o zhes bya ba ni zung du 'brel bar 'jug pa'i lam gyi tshogs so/ / de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das byang chub sems dpa' sems dpa' chen po'i theg pa chen po ni gang lags/ bcom ldan 'das ji tsam gyis na byang chub sems dpa' sems dpa' chen po'i theg pa chen po la yang dag par zhugs par rig par bgyi ba lags/ theg pa de gang nas byung ba lags/ theg pa de gang du gnas par 'gyur ba lags/ theg pa de gang zhig tu 'byung bar 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang khyod de skad du/byang chub sems dpa' sems dpa' chen po'i theg pa chen po gang lags zhes zer ba ni/ rab 'byor pha rol tu phyin pa drug ni byang chub sems dpa' sems dpa' chen po'i theg pa chen po ste drug gang zhe na/ sbyin pa'i pha rol tu phyin pa dang / tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'o/ /gsol pa/ bcom ldan 'das byang chub sems dpa' sems dpa' chen po'i sbyin pa'i pha rol tu phyin pa gang lags/ bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas don du gnyer ba rnams la sbyin pa 'di lta ste/ phyi nang gi dngos po yongs su gtong ste/ de yang sems can thams cad dang thun mong du byas shing bla na med pa yang dag par rdzogs pa'i byang chub tu mi dmigs pa'i tshul gyis yongs su bsngo zhing /mi dmigs pa'i tshul gyis gzhan dag kyang de la yang dag par 'god pa 'di ni byang chub sems dpa' sems dpa' chen po'i sbyin pa'i pha rol tu phyin pa'o/ /gsol pa/bcom ldan 'das byang chub sems dpa' sems dpa' chen po'i tshul khrims kyi pha rol tu phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas bdag kyang dge ba bcu'i las kyi lam yang dag par blangs shing gnas la/sems can pha rol yang / dge ba bcu'i las kyi lam la mi dmigs pa'i tshul gyis yang dag par rab tu 'god pa 'di ni/ byang chub sems dpa' sems dpa' chen po'i tshul khrims kyi pha rol tu phyin pa mchog tu 'dzin pa med pa'o//gsol pa/ bcom ldan 'das byang chub sems dpa' sems dpa' chen po'i bzod pa'i pha rol tu phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas bdag kyang bzod pa phun sum tshogs pa yin la/gzhan yang mi dmigs pa'i tshul gyis bzod pa la yang dag par rab tu 'god pa 'di ni/ byang chub sems dpa' sems dpa' chen po'i bzod pa'i pha rol tu phyin pa'o/ /gsol pa/ bcom ldan 'das byang chub sems dpa' sems dpa' chen po'i brtson 'grus kyi pha rol tu phyin pa gang lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas bdag kyang pha rol tu phyin pa drug la brtson pa mi 'dor zhing gzhan yang pha rol tu phyin pa drug la mi dmigs pa'i tshul gyis yang dag par 'god pa 'di ni/byang chub sems dpa' sems dpa' chen po'i brtson 'grus kyi pha rol tu phyin pa'o/ /gsol pa/ bcom ldan 'das byang chub sems dpa' sems dpa' chen po'i bsam gtan gyi pha rol tu phyin pa gang lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag nyid bsam gtan rnams la thabs mkhas pas mnyam par gzhog kyang de dag gi dbang gis mi skye zhing /gzhan yang bsam gtan rnams la mi dmigs pa'i tshul gyis yang dag par 'god pa 'di ni/ byang chub sems dpa' sems dpa' chen po'i bsam gtan gyi pha rol tu phyin pa'o/ /gsol pa/ bcom ldan 'das byang chub sems dpa' sems dpa' chen po'i shes rab kyi pha rol tu phyin pa gang lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang chos thams cad la mngon par zhen par mi byed pa dang /chos thams cad kyi rang bzhin la so sor rtog par byed cing / sems can rnams kyang chos thams cad la mngon par zhen par mi byed pa dang / chos thams cad kyi rang bzhin rtogs par bya ba la mi dmigs pa'i tshul gyis/ yang dag par rab tu 'god pa 'di ni byang chub sems dpa' sems dpa' chen po'i shes rab kyi pha rol tu phyin pa ste/de ni rab 'byor byang chub sems dpa' sems dpa' chen po'i theg pa chen po'o zhes bya ba ni thabs la mkhas pa'i tshogs so/ / rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid dang / dngos po stong pa nyid dang /dngos po med pa stong pa nyid dang / rang gi ngo bo stong pa nyid dang / gzhan gyi ngo bo stong pa nyid do/ /de la nang stong pa nyid gang zhe na/ nang gi chos zhes bya ba ni 'di lta ste/ mig dang / rna ba dang / sna dang / lce dang / lus dang / yid la brjod do/ /de la ther zug tu gnas pa med pa dang 'jig pa med pa'i phyir mig ni mig gis stong ngo //de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir rna ba ni rna bas stong ngo / /de ci'i phyir zhe na/ de'i rang bzhin de yin pa'i phyir ro/ /sna dang / lce dang / lus dang / ther zug tu gnas pa med pa dang / 'jig pa med pa'i phyir yid ni yid kyis stong ngo / /de ci'i phyir zhe na/ de'i rang bzhin de yin pa'i phyir ro / /'di ni nang stong pa nyid ces bya'o/ /de la phyi stong pa nyid gang zhe na/ phyi'i chos zhes bya ba ni 'di lta ste/ gzugs dang / sgra dang / dri dang / ro dang / reg dang / chos rnams la brjod do/ /de la ther zug tu gnas pa med pa dang / 'jig pa med pa'i phyir gzugs gzugs kyis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du ther zug tu gnas pa med pa dang / 'jig pa med pa'i phyir/ sgra dang / dri dang / ro dang / reg dang / chos chos kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni phyi stong pa nyid ces bya'o/ /de la phyi nang stong pa nyid gang zhe na/ phyi nang gi chos zhes bya ba ni 'di lta ste/ nang gi skye mched drug dang / phyi'i skye mched drug la brjod do/ /de la ther zug tu gnas pa med pa dang /'jig pa med pa'i phyir nang gi chos rnams ni phyi'i chos rnams kyis stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang / 'jig pa med pa'i phyir phyi'i chos rnams ni nang gi chos rnams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni phyi nang stong pa nyid ces bya'o/ /de la stong pa nyid stong pa nyid gang zhe na/ ther zug tu gnas pa med pa dang / 'jig pa med pa'i phyir chos rnams kyi stong pa nyid gang yin pa'i stong pa nyid des stong pa nyid stong pa nyid do/ /de ci'i phyir zhe na/ de'i rang bzhin de yin pa'i phyir te/'di ni stong pa nyid stong pa nyid ces bya'o/ /de la chen po stong pa nyid gang zhe na/ ther zug tu gnas pa med pa dang / 'jig pa med pa'i phyir shar phyogs shar phyogs kyis stong / lho phyogs lho phyogs kyis stong / nub phyogs nub phyogs kyis stong / byang phyogs byang phyogs kyis stong /'og gi phyogs 'og gi phyogs kyis stong / steng gi phyogs steng gi phyogs kyis stong / phyogs mtshams phyogs mtshams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni chen po stong pa nyid ces bya'o/ /de la don dam pa stong pa nyid gang zhe na/don dam pa zhes bya ba ni mya ngan las 'das pa la brjod do/ /de la ther zug tu gnas pa med pa dang / 'jig pa med pa'i phyir mya ngan las 'das pa de yang mya ngan las 'das pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni don dam pa stong pa nyid ces bya'o//de la 'dus byas stong pa nyid gang zhe na/ 'dus byas zhes bya ba ni 'dod pa'i khams dang / gzugs kyi khams dang / gzugs med pa'i khams la brjod do/ /de la ther zug tu gnas pa med pa dang / 'jig pa med pa'i phyir 'dod pa'i khams 'dod pa'i khams kyis stong ngo / / gzugs kyi khams gzugs kyi khams kyis stong ngo / /gzugs med pa'i khams gzugs med pa'i khams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni 'dus byas stong pa nyid ces bya'o/ /de la 'dus ma byas stong pa nyid gang zhe na/ 'dus ma byas zhes bya ba ni gang la skye ba med pa dang /'gag pa med pa dang / gnas pa las gzhan du 'gyur ba med pa 'di ni 'dus ma byas zhes brjod do/ /de la ther zug tu gnas pa med pa dang / 'jig pa med pa'i phyir 'dus ma byas ni 'dus ma byas kyis stong ngo / /de ci'i phyir zhe na/ de'i rang bzhin de yin pa'i phyir te/'di ni 'dus ma byas stong pa nyid ces bya'o/ /de la mtha' las 'das pa stong pa nyid gang zhe na/ gang la mtha' mi dmigs pa 'di ni mtha' las 'das pa zhes brjod do/ /de la ther zug tu gnas pa med pa dang / 'jig pa med pa'i phyir mtha' las 'das pa mtha' las 'das pas stong ngo //de ci'i phyir zhe na/ de'i rang bzhin de yin pa'i phyir te/ 'di ni mtha' las 'das pa stong pa nyid ces bya'o/ /de la thog ma dang tha ma med pa stong pa nyid gang zhe na/ gang la thog ma dang tha ma mi dmigs pa ste/ de la dbus med do/ / gang la thog ma med cing dbus med la tha ma mi dmigs pa de la 'gro ba mi dmigs 'ong ba yang mi dmigs te/ ther zug tu gnas pa med pa dang / 'jig pa med pa'i phyir thog ma dang tha ma med pa thog ma dang tha ma med pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni thog ma dang tha ma med pa stong pa nyid ces bya'o/ /de la dor ba med pa stong pa nyid gang zhe na/ chos gang la yang dor ba med pa ste/ dor ba zhes bya ba ni/ dor ba dang / spangs pa dang btang ba'o/ /de la ther zug tu gnas pa med pa dang / 'jig pa med pa'i phyir dor ba med pa dor ba med pas stong ngo //de ci'i phyir zhe na/ de'i rang bzhin de yin pa'i phyir te/ 'di ni dor ba med pa stong pa nyid ces bya'o/ /de la rang bzhin stong pa nyid gang zhe na/ 'dus byas sam 'dus ma byas kyang rung ste/ chos thams cad kyi rang bzhin gang yin pa de ni nyan thos rnams kyis ma byas/ rang sangs rgyas rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas rnams kyis ma byas te/ de la ther zug tu gnas pa med pa dang / 'jig pa med pa'i phyir rang bzhin rang bzhin gyis stong ngo / /de ci'i phyir zhe na/ de'i rang bzhin de yin pa'i phyir te/'di ni rang bzhin stong pa nyid ces bya'o/ /de la chos thams cad stong pa nyid gang zhe na/ chos thams cad ces bya ba ni/ gzugs dang / tshor ba dang / 'du shes dang / 'du byed rnams dang / rnam par shes pa dang / mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / mig gi 'dus te reg pa dang /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa dang / mig gi 'dus te reg pa'i rkyen gyis tshor ba dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang /lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba dang / gzugs yod pa'i chos dang / gzugs med pa'i chos dang / 'dus byas kyi chos dang / 'dus ma byas kyi chos te/'di dag ni chos thams cad ces bya'o/ /de la ther zug tu gnas pa med pa dang / 'jig pa med pa'i phyir chos thams cad chos thams cad kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni chos thams cad stong pa nyid ces bya'o/ /de la rang gi mtshan nyid stong pa nyid gang zhe na/gzugs ni 'jig pa'i mtshan nyid/ tshor ba ni myong ba'i mtshan nyid/ 'du shes ni 'dzin pa'i mtshan nyid/ 'du byed ni mngon par 'du byed pa'i mtshan nyid/ rnam par shes pa ni rnam par shes pa'i mtshan nyid de/ de la ther zug tu gnas pa med pa dang 'jig pa med pa'i phyir 'dus byas kyi chos rnams kyi mtshan nyid gang yin pa dang /'dus ma byas kyi chos rnams kyi mtshan nyid gang yin pa'i chos rnams kyi rang gi mtshan nyid ni rang gi mtshan nyid kyis stong ngo / /de ci'i phyir zhe na/ de dag gi rang bzhin ni de yin pa'i phyir te/ 'di ni rang gi mtshan nyid stong pa nyid ces bya'o//de la mi dmigs pa stong pa nyid gang zhe na/ gang la 'das pa mi dmigs pa dang / ma 'ongs pa mi dmigs pa dang / da ltar byung ba mi dmigs pa ste/ de ci'i phyir zhe na/ 'das pa la ma 'ongs pa mi dmigs/ ma 'ongs pa la 'das pa mi dmigs/ da ltar byung ba la yang 'das pa dang /ma 'ongs pa mi dmigs/ 'das pa dang ma 'ongs pa dag la da ltar byung ba mi dmigs so/ /ther zug tu gnas pa med pa dang / 'jig pa med pa'i phyir mi dmigs pa de dag ni mi dmigs pas stong ngo / /de ci'i phyir zhe na/ de'i rang bzhin de yin pa'i phyir te/'di ni mi dmigs pa stong pa nyid ces bya'o/ /de la dngos po med pa'i ngo bo nyid stong pa nyid gang zhe na/ sbyor ba las byung ba'i chos rnams kyi ngo bo nyid yod pa ma yin te/ rten cing 'brel par 'byung ba yin pa'i phyir ro/ /ther zug tu gnas pa med pa dang 'jig pa med pa'i phyir sbyor ba ni sbyor bas stong ngo //de ci'i phyir zhe na/ de'i rang bzhin de yin pa'i phyir te/ 'di ni dngos po med pa'i ngo bo nyid stong pa nyid ces bya'o// //bam po bcu drug pa / de la dngos po stong pa nyid gang zhe na/ dngos po zhes bya ba ni nye bar len pa po'i phung po la brjod do/ /ther zug tu gnas pa med pa dang /'jig pa med pa'i phyir dngos po de yang dngos pos stong ngo / /de ci'i phyir zhe na/ de'i rang bzhin de yin pa'i phyir te/ 'di ni dngos po stong pa nyid ces bya'o/ /de la dngos po med pa stong pa nyid gang zhe na/ dngos po med pa zhes bya ba ni 'dus ma byas la brjod do//ther zug tu gnas pa med pa dang / 'jig pa med pa'i phyir dngos po med pa de yang dngos po med pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni dngos po med pa stong pa nyid ces bya'o/ /de la rang gi ngo bo stong pa nyid gang zhe na/ rang gi ngo bo ni shes pa dang mthong bas ma byas pa'i phyir na phyin ci ma log pa'i rang bzhin no//ther zug tu gnas pa med pa dang 'jig pa med pa'i phyir rang gi ngo bo ni rang gi ngo bos stong ngo / /de ci'i phyir zhe na/ de'i rang bzhin de yin pa'i phyir te/ 'di ni rang gi ngo bo stong pa nyid ces bya'o/ /de la gzhan gyi ngo bo stong pa nyid gang zhe na/de bzhin gshegs pa rnams byung yang rung ma byung yang rung ste/ chos rnams kyi chos gnas pa nyid dang / chos kyi dbyings dang / chos nges pa nyid dang / de bzhin nyid dang / gzhan ma yin pa de bzhin nyid dang / yang dag pa'i mtha' gang yin pa 'di ni gnas pa nyid de gzhan gyis ma byas so//ther zug tu gnas pa med pa dang / 'jig pa med pa'i phyir de ni des stong ngo / /de ci'i phyir zhe na/ de'i rang bzhin de yin pa'i phyir te/ 'di ni gzhan gyi ngo bo stong pa nyid ces bya'o/ /rab 'byor 'di ni byang chub sems dpa' sems dpa' chen po'i theg pa chen po'o zhes bya ba ni ye shes kyi tshogs so// rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dpa' bar 'gro ba zhes bya ba'i ting nge 'dzin dang / rin chen phyag rgya zhes bya ba'i ting nge 'dzin dang / seng ge rnam par rtse ba zhes bya ba'i ting nge 'dzin dang / zla ba bzang po zhes bya ba'i ting nge 'dzin dang /zla ba'i rgyal mtshan tog ces bya ba'i ting nge 'dzin dang / chos thams cad las shin tu 'phags pa zhes bya ba'i ting nge 'dzin dang / spyi gtsug rnam par lta ba zhes bya ba'i ting nge 'dzin dang / chos kyi dbyings su nges pa zhes bya ba'i ting nge 'dzin dang / nges pa'i rgyal mtshan tog ces bya ba'i ting nge 'dzin dang / rdo rje zhes bya ba'i ting nge 'dzin dang / chos thams cad la 'jug pa'i phyag rgya zhes bya ba'i ting nge 'dzin dang / ting nge 'dzin gyi rgyal po ltar rab tu gnas pa zhes bya ba'i ting nge 'dzin dang / 'od zer rab tu 'gyed pa zhes bya ba'i ting nge 'dzin dang /dpung rnam par bkod pa zhes bya ba'i ting nge 'dzin dang / yang dag par 'phags pa zhes bya ba'i ting nge 'dzin dang / nges pa'i tshig la gdon mi za bar 'jug pa zhes bya ba'i ting nge 'dzin dang / tshig bla dgas la yang dag par 'jug pa zhes bya ba'i ting nge 'dzin dang / phyogs la rnam par lta ba zhes bya ba'i ting nge 'dzin dang / phyag rgya yongs su 'dzin pa zhes bya ba'i ting nge 'dzin dang / nyams pa med pa zhes bya ba'i ting nge 'dzin dang / chos thams cad yang dag par 'du ba rgya mtsho'i phyag rgya zhes bya ba'i ting nge 'dzin dang / nam mkha' rgyas par 'gengs pa zhes bya ba'i ting nge 'dzin dang /rdo rje'i dkyil 'khor zhes bya ba'i ting nge 'dzin dang / gzi brjid dang ldan pa zhes bya ba'i ting nge 'dzin dang / tshad med par snang ba zhes bya ba'i ting nge 'dzin dang / chags pa dang sgrib pa med pa zhes bya ba'i ting nge 'dzin dang / chos thams cad kyi 'jug pa chad pa zhes bya ba'i ting nge 'dzin dang /nyon mongs pa spong ba zhes bya ba'i ting nge 'dzin dang / rnam par snang byed ces bya ba'i ting nge 'dzin dang / tshol ba med pa zhes bya ba'i ting nge 'dzin dang / gnas la brten pa med pa zhes bya ba'i ting nge 'dzin dang / sems med pa zhes bya ba'i ting nge 'dzin dang /dri ma med pa'i sgron ma zhes bya ba'i ting nge 'dzin dang / 'od mtha' yas pa zhes bya ba'i ting nge 'dzin dang / 'od byed pa zhes bya ba'i ting nge 'dzin dang / kun tu snang ba zhes bya ba'i ting nge 'dzin dang / dag pa dam pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang /dga' bar byed pa zhes bya ba'i ting nge 'dzin dang / glog gi sgron ma zhes bya ba'i ting nge 'dzin dang / zad mi shes pa zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / 'jig pa med pa zhes bya ba'i ting nge 'dzin dang / nyi ma'i sgron ma zhes bya ba'i ting nge 'dzin dang /zla ba dri ma med pa zhes bya ba'i ting nge 'dzin dang / dag par rab tu snang ba zhes bya ba'i ting nge 'dzin dang / snang bar byed pa zhes bya ba'i ting nge 'dzin dang / bya ba byed pa zhes bya ba'i ting nge 'dzin dang / ye shes tog ces bya ba'i ting nge 'dzin dang / rdo rje lta bu zhes bya ba'i ting nge 'dzin dang /sems gnas pa zhes bya ba'i ting nge 'dzin dang / kun tu snang ba zhes bya ba'i ting nge 'dzin dang / legs par rab tu gnas pa zhes bya ba'i ting nge 'dzin dang / rin chen mtha' yas zhes bya ba'i ting nge 'dzin dang / chos dam pa'i phyag rgya zhes bya ba'i ting nge 'dzin dang / chos thams cad mnyam pa nyid ces bya ba'i ting nge 'dzin dang / dga' ba spong ba zhes bya ba'i ting nge 'dzin dang / chos thams cad 'phags pas khengs pa zhes bya ba'i ting nge 'dzin dang / rnam par 'thor ba zhes bya ba'i ting nge 'dzin dang / chos thams cad kyi tshig rab tu 'byed pa zhes bya ba'i ting nge 'dzin dang /yi ge rnam par 'god pa zhes bya ba'i ting nge 'dzin dang / yi ge dang bral ba zhes bya ba'i ting nge 'dzin dang / dmigs pa gcod pa zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / rnam pa med pa zhes bya ba'i ting nge 'dzin dang / ming dang mtshan ma med pa la 'jug pa med pa zhes bya ba'i ting nge 'dzin dang /gnas med par spyod pa zhes bya ba'i ting nge 'dzin dang / rab rib dang bral ba zhes bya ba'i ting nge 'dzin dang / spyod pa dang ldan pa zhes bya ba'i ting nge 'dzin dang / spyod pa med pa zhes bya ba'i ting nge 'dzin dang / yul las brgal ba zhes bya ba'i ting nge 'dzin dang /yon tan thams cad kyi tshogs su gyur pa zhes bya ba'i ting nge 'dzin dang / sems med par gnas pa zhes bya ba'i ting nge 'dzin dang / dge ba'i me tog rgyas shing 'phel ba zhes bya ba'i ting nge 'dzin dang / byang chub kyi yan lag dang ldan pa zhes bya ba'i ting nge 'dzin dang /spobs pa mtha' yas pa zhes bya ba'i ting nge 'dzin dang / mi mnyam pa dang mnyam pa zhes bya ba'i ting nge 'dzin dang / chos thams cad las 'da' ba zhes bya ba'i ting nge 'dzin dang / yongs su gcod pa zhes bya ba'i ting nge 'dzin dang / nem nur rnam par sel ba zhes bya ba'i ting nge 'dzin dang /gnas su bya ba med pa zhes bya ba'i ting nge 'dzin dang / gcig tu rnam par bkod pa zhes bya ba'i ting nge 'dzin dang / rnam par mngon par sgrub pa zhes bya ba'i ting nge 'dzin dang / rnam pa gcig tu gyur pa zhes bya ba'i ting nge 'dzin dang / rnam par 'dor ba med pa zhes bya ba'i ting nge 'dzin dang /rtogs pas srid pa'i gzhi thams cad khong du chud pa zhes bya ba'i ting nge 'dzin dang / brda dang sgra la 'jug pa zhes bya ba'i ting nge 'dzin dang / sgra dbyangs kyi yi ge dang bral ba zhes bya ba'i ting nge 'dzin dang / sgron ma 'bar ba zhes bya ba'i ting nge 'dzin dang / mtshan nyid yongs su sbyong ba zhes bya ba'i ting nge 'dzin dang /mngon par dmigs pa med pa zhes bya ba'i ting nge 'dzin dang / rnam pa'i mchog thams cad dang ldan pa zhes bya ba'i ting nge 'dzin dang / bde ba dang sdug bsngal thams cad la mngon par dga' ba med pa zhes bya ba'i ting nge 'dzin dang / zad mi shes pa'i za ma tog ces bya ba'i ting nge 'dzin dang /gzungs kyi blo gros zhes bya ba'i ting nge 'dzin dang / yang dag pa dang log pa thams cad yang dag par sel ba zhes bya ba'i ting nge 'dzin dang / 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin dang / mthun pa dang 'gal ba med pa zhes bya ba'i ting nge 'dzin dang /'od dri ma med pa zhes bya ba'i ting nge 'dzin dang / snying po dang ldan pa zhes bya ba'i ting nge 'dzin dang / zla ba dri ma med par rgyas pa'i 'od ces bya ba'i ting nge 'dzin dang / bkod pa chen po zhes bya ba'i ting nge 'dzin dang / rnam pa thams cad du 'od byed pa zhes bya ba'i ting nge 'dzin dang / ting nge 'dzin mnyam pa nyid ces bya ba'i ting nge 'dzin dang / rdul med cing rdul dang bral ba'i tshul dang ldan pa zhes bya ba'i ting nge 'dzin dang / nyon mongs pa med par yang dag par gzhol ba zhes bya ba'i ting nge 'dzin dang / nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin dang /gnas dmigs su med pa la brtson pa zhes bya ba'i ting nge 'dzin dang / de bzhin nyid la gnas shing sems med pa zhes bya ba'i ting nge 'dzin dang / lus kyi skyon yang dag par sel ba zhes bya ba'i ting nge 'dzin dang /ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin dang / nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin to/ /de la dpa' bar 'gro ba zhes bya ba'i ting nge 'dzin gang zhe na/ ting nge 'dzin gang gis ting nge 'dzin thams cad kyi spyod yul la spyod pa ste/'di ni dpa' bar 'gro ba zhes bya ba'i ting nge 'dzin to/ /de la rin chen phyag rgya zhes bya ba'i ting nge 'dzin gang zhe na/ ting nge 'dzin gang gis ting nge 'dzin thams cad rgyas btab pa lta bur gyur pa ste/ 'di ni rin chen phyag rgya zhes bya ba'i ting nge 'dzin to//de la seng ge rnam par rtse ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi rnam par rtse ba ste/ 'di ni seng ge rnam par rtse ba zhes bya ba'i ting nge 'dzin to/ /de la zla ba bzang po zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad snang bar byed pa ste/'di ni zla ba bzang po zhes bya ba'i ting nge 'dzin to/ /de la zla ba'i rgyal mtshan tog ces bya ba'i ting nge 'dzin gang zhe na/ ting nge 'dzin de ni ting nge 'dzin thams cad kyi rgyal mtshan 'dzin pa ste/ 'di ni zla ba'i rgyal mtshan tog ces bya ba'i ting nge 'dzin to//de la chos thams cad las shin tu 'phags pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi mngon par 'phags pa ste/ 'di ni chos thams cad las shin tu 'phags pa zhes bya ba'i ting nge 'dzin to/ /de la spyi gtsug rnam par lta ba zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi spyi gtsug rnam par lta ba ste/ 'di ni spyi gtsug rnam par lta ba zhes bya ba'i ting nge 'dzin to/ /de la chos kyi dbyings su nges pa zhes bya ba'i ting nge 'dzin gang zhe na/ ting nge 'dzin gang la gnas shing chos kyi dbyings su rtog par 'gro ba ste/'di ni chos kyi dbyings su nges pa zhes bya ba'i ting nge 'dzin to/ /de la nges pa'i rgyal mtshan tog ces bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi rgyal mtshan nges par 'dzin pa ste/'di ni nges pa'i rgyal mtshan tog ces bya ba'i ting nge 'dzin to/ /de la rdo rje zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyis 'jig par mi 'gyur ba ste/ 'di ni rdo rje zhes bya ba'i ting nge 'dzin to/ /de la chos thams cad la 'jug pa'i phyag rgya zhes bya ba'i ting nge 'dzin gang zhe na/ting nge 'dzin gang la gnas shing chos thams cad kyi phyag rgya la 'jug pa ste/ 'di ni chos thams cad kyi phyag rgya la 'jug pa zhes bya ba'i ting nge 'dzin to/ /de la ting nge 'dzin la rgyal po ltar rab tu gnas pa zhes bya ba'i ting 'dzin gang zhe na/ting nge 'dzin gang la gnas shing ting nge 'dzin thams cad la rgyal po ltar rab tu gnas pa ste/ 'di ni ting nge 'dzin la rgyal po ltar rab tu gnas pa zhes bya ba'i ting nge 'dzin to/ /de la 'od zer rab tu 'gyed pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi 'od zer rab tu 'gyed pa ste/'di ni 'od zer rab tu 'gyed pa zhes bya ba'i ting nge 'dzin to/ /de la dpung rnam par bkod pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi stobs rnam par bkod pa ste/ 'di ni dpung rnam par bgod pa zhes bya ba'i ting nge 'dzin to/ /de la yang dag par 'phags pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad yang dag par 'phags par 'gyur ba ste/ 'di ni yang dag par 'phags pa zhes bya ba'i ting nge 'dzin to//de la nges pa'i tshig la gdon mi za bar 'jug pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi nges pa'i tshig bstan pa la 'jug pa ste/ 'di na nges pa'i tshig la gdon mi za bar 'jug pa zhes bya ba'i ting nge 'dzin to//de la tshig bla dgas la yang dag par 'jug pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi tshig bla dgas la 'jug pa ste/ 'di ni tshig bla dgas la yang dag par 'jug pa zhes bya ba'i ting nge 'dzin to/ /de la phyogs la rnam par lta ba zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi phyogs la rnam par lta ba ste/ 'di ni phyogs la rnam par lta ba zhes bya ba'i ting nge 'dzin to/ /de la phyag rgya yongs su 'dzin pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi phyag rgya yongs su 'dzin pa ste/ 'di ni phyag rgya yongs su 'dzin pa zhes bya ba'i ting nge 'dzin to/ /de la nyams pa med pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad mnyam par mi 'gyur ba ste/'di ni nyams pa med pa zhes bya ba'i ting nge 'dzin to/ /de la chos thams cad yang dag par 'du ba rgya mtsho'i phyag rgya zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad 'du zhing khong du chud par 'dod pa ste/ 'di ni chos thams cad yang dag par 'du ba rgya mtsho'i phyag rgya zhes bya ba'i ting nge 'dzin to/ /de la nam mkha' rgyas par 'gengs pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyis nam mkha' rgyas par 'gengs pa ste/ 'di ni nam mkha' rgyas par 'gengs pa zhes bya ba'i ting nge 'dzin to//de la rdo rje'i dkyil 'khor zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi dkyil 'khor yongs su 'dzin pa ste/ 'di ni rdo rje'i dkyil 'khor zhes bya ba'i ting nge 'dzin to/ / de la gzi brjid dang ldan pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad gzi brjid dang blos 'bar bar byed pa ste/ 'di ni gzi brjid dang ldan pa zhes bya ba'i ting nge 'dzin to/ /de la tshad med par snang ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad tshad med par snang ba ste/ 'di ni tshad med par snang ba zhes bya ba'i ting nge 'dzin to/ /de la chags pa dang sgrib pa med pa zhes bya ba'i ting nge 'dzin gang zhe na/ ting nge 'dzin gang la gnas shing chags pa thams cad dang bral ba nyid la brten nas ting nge 'dzin thams cad sgrib pa med par snang ste/'di ni chags pa dang sgrib pa med pa zhes bya ba'i ting nge 'dzin to/ /de la chos thams cad kyi 'jug pa chad pa zhes bya ba'i ting nge 'dzin gang zhe na/ ting nge 'dzin gang la gnas shing chos thams cad la 'jug pa yang dag par gcod pa ste/'di ni chos thams cad la 'jug pa chad pa zhes bya ba'i ting nge 'dzin to/ /de la nyon mongs pa spong ba zhes bya ba'i ting nge 'dzin gang zhe na/ ting nge 'dzin gang la gnas shing nyon mongs pa thams cad kyi dri ma rab tu sel ba ste/ 'di ni nyon mongs pa spong ba zhes bya ba'i ting nge 'dzin to/ /de la rnam par snang byed ces bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad lham me lhan ne lhang nger byed pa ste/ 'di ni rnam par snang byed ces bya ba'i ting nge 'dzin to/ /de la tshol ba med pa zhes bya ba'i ting nge 'dzin gang zhe na/ ting nge 'dzin gang la gnas shing chos gang la yang tshol ba med pa ste/'di ni tshol ba med pa zhes bya ba'i ting nge 'dzin to/ /de la gnas la brten pa med pa zhes bya ba'i ting nge 'dzin gang zhe na/ ting nge 'dzin gang la gnas shing chos gang yang gnas la brten par yang dag par rjes su mi mthong ba ste/ 'di ni gnas la brten pa med pa zhes bya ba'i ting nge 'dzin to//de la sems med pa zhes bya ba'i ting nge 'dzin gang zhe na/ ting nge 'dzin gang la gnas shing sems mi 'byung sems las byung ba rnams kyang mi rgyu ba ste/ 'di ni sems med pa zhes bya ba'i ting nge 'dzin to/ /de la dri ma med pa'i sgron ma zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi sgron ma dri ma med par byed pa ste/ 'di ni dri ma med pa'i sgron ma zhes bya ba'i ting nge 'dzin to/ /de la 'od mtha' yas pa zhes bya ba'i ting nge 'dzin gang zhe na/ ting nge 'dzin gang la gnas shing 'od mtha' yas par byed pa ste/'di ni 'od mtha' yas pa zhes bya ba'i ting nge 'dzin to/ /de la 'od byed pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin 'di thob ma thag tu ting nge 'dzin thams cad kyi 'od byed pa ste/ 'di ni 'od byed pa zhes bya ba'i ting nge 'dzin to/ / de la kun tu snang ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin de thob ma thag tu ting nge 'dzin thams cad kyi sgo snang bar byed pa ste/ 'di ni kun tu snang ba zhes bya ba'i ting nge 'dzin to/ /de la dag pa dam pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi dag pa mnyam pa nyid thob pa ste/'di ni dag pa dam pa zhes bya ba'i ting nge 'dzin to/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi dri ma sel ba ste/ 'di ni 'od dri ma med pa zhes bya ba'i ting nge 'dzin to//de la dga' bar byed pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi dga' ba nyams su myong bar 'gyur ba ste/ 'di ni dga' bar byed pa zhes bya ba'i ting nge 'dzin to/ /de la glog gi sgron ma zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi sgron ma byed pa ste/ 'di ni glog gi sgron ma zhes bya ba'i ting nge 'dzin to/ /de la zad mi shes pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad zad mi shes par yang dag par rjes su mthong nas chos rdul tsam yang yang dag par rjes su mi mthong ste/'di ni zad mi shes pa zhes bya ba'i ting nge 'dzin to/ /de la mi g.yo ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad mi g.yo mi 'gul rab tu mi 'byed rlom sems su mi byed pa ste/'di ni mi g.yo ba zhes bya ba'i ting nge 'dzin to/ /de la 'jig pa med pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad 'jig pa med par yang dag par rjes su mthong ba ste/ 'di ni 'jig pa med pa zhes bya ba'i ting nge 'dzin to//de la nyi ma'i sgron ma zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi sgo snang bar byed pa ste/ 'di ni nyi ma'i sgron ma zhes bya ba'i ting nge 'dzin to/ /de la zla ba dri ma med pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad mun pa med par byed pa ste/'di ni zla ba dri ma med pa zhes bya ba'i ting nge 'dzin to/ /de la dag par rab tu snang ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi so so yang dag par rig pa bzhi rab tu thob pa ste/'di ni dag par rab tu snang ba zhes bya ba'i ting nge 'dzin to/ /de la snang bar byed pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi sgo snang bar byed pa ste/ 'di ni snang bar byed pa zhes bya ba'i ting nge 'dzin to/ /de la bya ba byed pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi bya ba rnams byed pa ste/ 'di ni bya ba byed pa zhes bya ba'i ting nge 'dzin to/ /de la ye shes tog ces bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi ye shes tog yang dag par rjes su mthong ba ste/'di ni ye shes tog ces bya ba'i ting nge 'dzin to/ /de la rdo rje lta bu zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad nges par 'jig cing ting nge 'dzin nyid kyang yang dag par rjes su mi mthong ba ste/ 'di ni rdo rje lta bu zhes bya ba'i ting nge 'dzin to//de la sems gnas pa zhes bya ba'i ting nge 'dzin gang zhe na/ ting nge 'dzin gang la gnas shing sems mi g.yo/ /rnam par mi g.yo/ /rnam par mi ldog /yongs su yi chad par mi 'gyur/ nyams su mi bde ba med pa de la sems zhes bya ba 'di yin zhes bya bar sems mi 'byung ba ste/'di ni sems gnas pa zhes bya ba'i ting nge 'dzin to/ /de la kun tu snang ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad snang bar yang dag par rjes su mthong ba ste/ 'di ni kun tu snang ba zhes bya ba'i ting nge 'dzin to//de la legs par rab tu gnas pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad la rab tu gnas par 'gyur ba ste/ 'di ni legs par rab tu gnas pa zhes bya ba'i ting nge 'dzin to/ /de la rin chen mtha' zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad rin chen mtha' ltar kun nas snang ba ste/ 'di ni rin chen mtha' zhes bya ba'i ting nge 'dzin to/ /de la chos dam pa'i phyag rgya zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad phyag rgya med pa'i mthas phyag rgyas btab pa nye bar gzungs gdab par 'gyur ba ste/'di ni chos dam pa'i phyag rgya zhes bya ba'i ting nge 'dzin to/ /de la chos thams cad mnyam pa nyid ces bya ba'i ting nge 'dzin gang zhe na/ ting nge 'dzin gang la gnas shing chos gang yang mnyam pa nyid du ma chud pa med par yang dag par rjes su mthong ba ste/'di ni chos thams cad mnyam pa nyid ces bya ba'i ting nge 'dzin to/ /de la dga' ba spong ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad dang / chos thams cad kyi dga' ba spong ba ste/ 'di ni dga' ba spong ba zhes bya ba'i ting nge 'dzin to//de la chos thams cad 'phags pas khengs pa zhes bya ba'i ting nge 'dzin gang zhe na/ ting nge 'dzin gang la gnas shing chos thams cad yang dag par 'phags par 'gyur zhing / chos thams cad kyis kun tu khengs par 'gyur ba ste/ 'di ni chos thams cad 'phags pas khengs pa zhes bya ba'i ting nge 'dzin to//de la rnam par 'thor ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi chos thams cad rnam par 'thor zhing rnam par sel bar byed pa ste/ 'di ni chos thams cad rnam par 'thor ba zhes bya ba'i ting nge 'dzin to//de la chos thams cad kyi tshig rab tu 'byed pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad dang chos thams cad kyi tshig rab tu 'byed pa ste/ 'di ni chos thams cad kyi tshig rab tu 'byed pa zhes bya ba'i ting nge 'dzin to//de la yi ge mnyam par 'god pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi yi ge mnyam pa nyid rab tu 'thob pa ste/ 'di ni yi ge mnyam par 'god pa zhes bya ba'i ting nge 'dzin to/ /de la yi ge dang bral ba zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi yi ge gcig kyang dmigs pa med pa ste/ 'di ni yi ge dang bral ba zhes bya ba'i ting nge 'dzin to/ /de la dmigs pa gcod pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi dmigs pa chad par 'gyur ba ste/'di ni dmigs pa gcod pa zhes bya ba'i ting nge 'dzin to/ /de la 'gyur ba med pa zhes bya ba'i ting nge 'dzin gang zhe na/ ting nge 'dzin gang la gnas shing chos thams cad 'gyur ba mi dmigs te/ 'di ni 'gyur ba med pa zhes bya ba'i ting nge 'dzin to//de la rnam pa med pa zhes bya ba'i ting nge 'dzin gang zhe na/ ting nge 'dzin gang la gnas shing chos thams cad kyi rnam pa tsam yang dmigs pa med pa ste/ 'di ni rnam pa med pa zhes bya ba'i ting nge 'dzin to/ /de la ming dang mtshan ma med pa la 'jug pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi ming dang mtshan ma yang dag par rjes su mi mthong ba ste/ 'di ni ming dang mtshan ma med pa la 'jug pa zhes bya ba'i ting nge 'dzin to/ /de la gnas med par spyod pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi gnas dmigs pa med pa ste/ 'di ni gnas med par spyod pa zhes bya ba'i ting nge 'dzin to/ /de la rab rib dang bral ba zhes bya ba'i ting nge 'dzin gang zhe na/ ting nge 'dzin gang la gnas shing chos thams cad kyi rab rib rnam par sel ba ste/'di ni rab rib dang bral ba zhes bya ba'i ting nge 'dzin to/ /de la spyod pa dang ldan pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi spyod pa yang dag par rjes su mi mthong ba ste/ 'di ni spyod pa dang ldan pa zhes bya ba'i ting nge 'dzin to//de la spyod pa med pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad g.yo ba med par yang dag par rjes su mthong ba ste/ 'di ni spyod pa med pa zhes bya ba'i ting nge 'dzin to/ /de la yul las brgal ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi spyod yul las yang dag par 'da' ba ste/'di ni yul las brgal ba zhes bya ba'i ting nge 'dzin to/ /de la yon tan thams cad kyi tshogs su 'gyur ba zhes bya ba'i ting nge 'dzin gang zhe na/ ting nge 'dzin gang la gnas shing chos thams cad ting nge 'dzin thams cad kyi yon tan gyi tshogs rjes su 'thob pa ste/'di ni yon tan thams cad kyi tshogs su gyur pa zhes bya ba'i ting nge 'dzin to/ /de la sems med par gnas pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad la sems mi 'jug pa ste/'di ni sems med par gnas pa zhes bya ba'i ting nge 'dzin to/ /de la dge ba'i me tog rgyas shing 'phel ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi dge ba'i me tog rgyas shing 'phel bar rab tu 'thob pa ste/ 'di ni dge ba'i me tog rab tu rgyas shing 'phel ba zhes bya ba'i ting nge 'dzin to//de la byang chub kyi yan lag dang ldan pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi byang chub kyi yan lag rab tu 'thob pa ste/ 'di ni byang chub kyi yan lag dang ldan pa zhes bya ba'i ting nge 'dzin to//de la spobs pa mtha' yas pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad la spobs pa mtha' yas pa rab tu 'thob pa ste/ 'di ni spobs pa mtha' yas pa zhes bya ba'i ting nge 'dzin to/ /de la mi mnyam pa dang mnyam pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad la mi mnyam pa dang mnyam pa rab tu 'thob pa ste/ 'di ni mi mnyam pa dang mnyam pa zhes bya ba'i ting nge 'dzin to/ /de la chos thams cad las 'da' ba zhes bya ba'i ting nge 'dzin gang zhe na/ting nge 'dzin gang la gnas shing khams gsum pa thams cad las yang dag par 'da' ba ste/ 'di ni chos thams cad las 'da' ba zhes bya ba'i ting nge 'dzin to/ /de la yongs su gcod pa zhes bya ba'i ting nge 'dzin gang zhe na/ ting nge 'dzin gang la gnas shing chos thams cad dang ting nge 'dzin thams cad kyi rgyud mthong ba ste/'di ni yongs su gcod pa zhes bya ba'i ting nge 'dzin to/ /de la nem nur rnam par sel ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad dang / chos thams cad la nem nur rnam par sel ba rab tu 'thob pa ste/'di ni nem nur rnam par sel ba zhes bya ba'i ting nge 'dzin to/ /de la gnas su bya ba med pa zhes bya ba'i ting nge 'dzin gang zhe na/ ting nge 'dzin gang la gnas shing chos thams cad kyi gnas yang dag par rjes su mi mthong ba ste/ 'di ni gnas su bya ba med pa zhes bya ba'i ting nge 'dzin to//de la gcig tu bkod pa zhes bya ba'i ting nge 'dzin gang zhe na/ ting nge 'dzin gang la gnas shing chos gang yang gnyis su yang dag par rjes su mi mthong ba ste/ 'di ni gcig tu bkod pa zhes bya ba'i ting nge 'dzin to/ /de la rnam pa mngon par bsgrub pa zhes bya ba'i ting nge 'dzin gang zhe na/ting nge 'dzin gang la gnas shing chos thams cad dang ting nge 'dzin thams cad kyi rnam pa mngon par bsgrub pa yang dag par rjes su mi mthong ba ste/ 'di ni rnam pa mngon par bsgrub pa zhes bya ba'i ting nge 'dzin to/ /de la rnam pa gcig tu gyur pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi rnam pa yang dag par rjes su mi mthong ba ste/ 'di ni rnam pa gcig tu gyur pa zhes bya ba'i ting nge 'dzin to/ /de la rnam par 'dor ba med pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad gnyis su med par yang dag par rjes su mthong ba ste/'di ni rnam par 'dor ba med pa zhes bya ba'i ting nge 'dzin to/ /de la rtogs pas srid pa'i gzhi thams cad khong du chud pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad rtogs par byed pa'i ye shes la bzhugs nas de la zhugs pa'i phyir khong du mi chud pa gang yang med pa ste/'di ni rtogs pas srid pa'i gzhi thams cad khong du chud pa zhes bya ba'i ting nge 'dzin to/ /de la brda dang sgra la 'jug pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi brda dang sgra la 'jug pa ste/ 'di ni brda dang sgra la 'jug pa zhes bya ba'i ting nge 'dzin to/ /de la sgra dbyangs kyi yi ge dang bral ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad yi ge dang bral bar rjes su mthong ba ste/'di ni sgra dbyangs kyi yi ge dang bral ba zhes bya ba'i ting nge 'dzin to/ /de la sgron ma 'bar ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad gzi brjid kyis lham me lhan ne lhang nger byed pa ste/ 'di ni sgron ma 'bar ba zhes bya ba'i ting nge 'dzin to//de la mtshan nyid yongs su sbyong ba zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi mtshan nyid yongs su dag par 'gyur ba ste/ 'di ni mtshan nyid yongs su sbyong ba zhes bya ba'i ting nge 'dzin to/ /de la mngon par dmigs pa med pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad mngon par dmigs pa med par yang dag par rjes su mthong ba ste/ 'di ni mngon par dmigs pa med pa zhes bya ba'i ting nge 'dzin to/ /de la rnam pa'i mchog thams cad dang ldan pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad rnam pa'i mchog thams cad dang ldan par 'gyur ba ste/ 'di ni rnam pa'i mchog thams cad dang ldan pa zhes bya ba'i ting nge 'dzin to/ /de la bde ba dang sdug bsngal thams cad la mngon par dga' ba med pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad la bde ba dang sdug bsngal yang dag par rjes su mi mthong ba ste/ 'di ni bde ba dang sdug bsngal thams cad la mngon par dga' ba med pa zhes bya ba'i ting nge 'dzin to//de la zad mi shes pa'i za ma tog ces bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad du zad du rung bar yang dag par rjes su mi mthong ba ste/ 'di ni zad mi shes pa'i za ma tog ces bya ba'i ting nge 'dzin to/ /de la gzungs kyi blo gros zhes bya ba'i ting nge 'dzin gang zhe na/ting nge 'dzin gang la gnas shing gzungs thams cad yongs su 'dzin pa ste/ 'di ni gzungs kyi blo gros zhes bya ba'i ting nge 'dzin to/ /de la yang dag pa dang log pa thams cad yang dag par sel ba zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad yang dag pa dang log par yang dag par rjes su mi mthong ba ste/ 'di ni yang dag pa dang log pa thams cad yang dag par sel ba zhes bya ba'i ting nge 'dzin to/ /de la 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad 'gal ba dang 'gog pa yang dag par rjes su mi mthong ba ste/ 'di ni 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin to/ /de la mthun pa dang 'gal ba med pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad la mthun pa dang 'gal ba yang dag par rjes su mi mthong ba ste/ 'di ni mthun pa dang 'gal ba med pa zhes bya ba'i ting nge 'dzin to/ /de la 'od dri ma med pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi 'od kyi dkyil 'khor mi dmigs pa ste/ 'di ni 'od dri ma med pa zhes bya ba'i ting nge 'dzin to/ /de la snying po dang ldan pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi snying po yang dag par rjes su mi mthong ba ste/'di ni snying po dang ldan pa zhes bya ba'i ting nge 'dzin to/ /de la zla ba dri ma med par rgyas pa'i 'od ces bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad 'di lta ste dper na/ zla ba nya ba'i dkyil 'khor ltar yongs su rgyas par 'gyur ba ste/'di ni zla ba dri ma med par rgyas pa'i 'od ces bya ba'i ting nge 'dzin to/ /de la bkod pa chen po zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad rgyan chen po dang ldan par 'gyur ba ste/ 'di ni rgyan chen po zhes bya ba'i ting nge 'dzin to/ /de la rnam pa thams cad du 'od byed pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad snang bar byed pa ste/ 'di ni rnam pa thams cad du 'od byed pa zhes bya ba'i ting nge 'dzin to/ /de la ting nge 'dzin mnyam pa nyid ces bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad la 'khrug pa yang mi dmigs rtse gcig kyang mi dmigs pa ste/ 'di ni ting nge 'dzin mnyam pa nyid ces bya ba'i ting nge 'dzin to/ / de la nyon mongs pa med par yang dag par gzhol ba zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad nyon mongs pa med par 'gyur ba ste/ 'di ni nyon mongs pa med par yang dag par gzhol ba zhes bya ba'i ting nge 'dzin to/ /de la nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin gang zhe na/ting nge 'dzin gang la gnas shing nyon mongs pa dang bcas pa thams cad nyon mongs pa med par yang dag par gzhol ba 'thob par 'gyur ba ste/ 'di ni nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin to//de la gnas dmigs su med pa la brtson pa zhes bya ba'i ting nge 'dzin gang zhe na/ ting nge 'dzin gang la gnas shing ting nge 'dzin thams cad kyi kun gzhi nye bar mi dmigs pa ste/ 'di ni gnas dmigs su med pa la brtson pa zhes bya ba'i ting nge 'dzin to/ /de la de bzhin nyid la gnas shing sems med pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi de bzhin nyid las phyir mi ldog pa ste/ 'di ni de bzhin nyid la gnas shing sems med pa zhes bya ba'i ting nge 'dzin to/ /de la lus kyi skyon yang dag par sel ba zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi lus mi dmigs pa ste/ 'di ni lus kyi skyon yang dag par sel ba zhes bya ba'i ting nge 'dzin to/ /de la ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin gang zhe na/ting nge 'dzin gang la gnas shing ting nge 'dzin thams cad kyi ngag gi las mi dmigs pa ste/ 'di ni ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin to/ /de la nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin gang zhe na/ting nge 'dzin gang la gnas shing chos thams cad nam mkha' ltar chags pa med pas rnam par grol zhing gos pa med pa 'thob pa ste/ 'di ni nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin to/ /rab 'byor 'di ni byang chub sems dpa' sems dpa' chen po'i shes rab kyi pha rol tu phyin pa la spyod pa'i theg pa chen po'o zhes bya ba ni bsod nams kyi tshogs so// rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dran pa nye bar gzhag pa bzhi ste/ bzhi gang zhe na/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa'o/ /de la lus dran pa nye bar gzhag pa gang zhe na/ rab 'byor 'di la byang chub sems dpa' sems dpa' chen po brtun pa dang ldan pa/ dran pa dang ldan pa/shes bzhin can dran pa dang ldan pas 'jig rten la chags sems dang yid mi bde ba rnam par bsal nas nang gi lus la lus kyi rjes su lta zhing de yang mi dmigs pa'i tshul gyis gnas te/ lus dang ldan pa'i rnam par rtog pa la rnam par mi rtog go/ / phyi'i lus la lus kyi rjes su lta zhing de yang mi dmigs pa'i tshul gyis gnas te/ lus dang ldan pa'i rnam par rtog pa la rnam par mi rtog go/ /phyi nang gi lus la lus kyi rjes su lta zhing de yang mi dmigs pa'i tshul gyis gnas te/ lus dang ldan pa'i rnam par rtog pa la rnam par mi rtog go/ / de bzhin du nang gi tshor ba dang sems dang chos la chos kyi rjes su lta zhing de yang mi dmigs pa'i tshul gyis gnas te chos dang ldan pa'i rnam par rtog pa la rnam par mi rtog go/ /phyi'i tshor ba dang sems dang chos la chos kyi rjes su lta zhing de yang mi dmigs pa'i tshul gyis gnas te chos dang ldan pa'i rnam par rtog pa la rnam par mi rtog go//phyi nang gi tshor ba dang sems dang chos la chos kyi rjes su lta zhing de yang mi dmigs pa'i tshul gyis gnas te/ chos dang ldan pa'i rnam par rtog pa la rnam par mi rtog go/ /rab 'byor ji ltar na byang chub sems dpa' sems dpa' chen po nang gi lus la lus kyi rjes su lta zhing gnas she na/rab 'byor 'di la byang chub sems dpa' sems dpa' chen po 'gro na 'gro'o zhes bya bar rab tu shes so/ /'greng na 'greng ngo zhes bya bar rab tu shes so/ /'dug na 'dug go zhes bya bar rab tu shes so/ /nyal na nyal lo zhes bya bar rab tu shes so/ / lus de gya nom pa'am gya nom pa ma yin par gnas pa de lta de ltar rab tu shes so/ /rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pa 'jig rten la chags sems dang yid mi bde ba rnam par bsal nas nang gi lus la lus kyi rjes su lta zhing de yang mi dmigs pa'i tshul gyis gnas te/lus dang ldan pa'i rnam par rtog pa la rnam par mi rtog pa yin no/ /rab 'byor gzhan yang byang chub sems dpa' sems dpa' chen po nang gi lus la lus kyi rjes su lta zhing gnas pa ni 'gro 'am ldog kyang shes bzhin du spyod pa yin/kun tu lta ba'am rnam par lta ba yang shes bzhin du spyod pa yin/ bskum pa dang / brkyang ba dang / snam sbyar dang / lhung bzed dang / chos gos thogs pa dang / za ba dang / 'thung ba dang / 'cha' ba dang / nyal ba dang / gnyid kyis non pa bsang ba dang / 'ong ba dang / 'gro ba dang / 'greng ba dang / 'dug pa dang / nyal ba dang / gnyid kyis log pa dang / sad pa dang / smra ba dang / mi smra ba dang / nang du yang dag par 'jog pa na yang shes bzhin du spyod pa yin te/ rab 'byor de ltar na byang chub sems dpa' sems dpa' chen po brtun pa dang / shes bzhin can dran pa dang ldan pas 'jig rten la chags sems dang yid mi bde ba rnam par bsal nas nang gi lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po dran bzhin du dbugs 'byung na dran bzhin du dbugs 'byung ngo zhes yang dag pa ji lta ba bzhin du rab tu shes so//dran bzhin du dbugs rngubs na dran bzhin du dbugs rngubs so zhes bya bar yang dag pa ji lta ba bzhin du rab tu shes so/ /dbugs ring du 'byung na yang dbugs ring du 'byung ngo zhes bya bar yang dag pa ji lta ba bzhin du rab tu shes so//dbugs ring du rngubs na yang dbugs ring du rngubs so zhes bya bar yang dag pa ji lta ba bzhin du rab tu shes so/ /dbugs thung du 'byung na yang dbugs thung du 'byung ngo zhes bya bar yang dag pa ji lta ba bzhin du rab tu shes so//dbugs thung du rngubs na yang dbugs thung du rngubs so zhes bya bar yang dag pa ji lta ba bzhin du rab tu shes so/ /rab 'byor 'di lta ste/ dper na rdza mkhan nam rdza mkhan gyi mchan bu mkhas pas 'khor lo skor bar byed pa ni ring du bskor ba ring du bskor ro zhes bya bar yang dag pa ji lta ba bzhin du rab tu shes so//thung du bskor na thung du bskor ro zhes bya bar yang dag pa ji lta ba bzhin du rab tu shes so/ /rab 'byor de bzhin du byang chub sems dpa' sems dpa' chen po ni dran bzhin du dbugs 'byung na dran bzhin du dbugs 'byung ngo zhes yang dag pa ji lta ba bzhin du rab tu shes so//dran bzhin du dbugs rngubs na dran bzhin du dbugs rngubs so zhes bya bar yang dag pa ji lta ba bzhin du rab tu shes so/ /dbugs ring du 'byung na dbugs ring du 'byung ngo zhes bya bar yang dag pa ji lta ba bzhin du rab tu shes so//dbugs thung du 'byung na dbugs thung du 'byung ngo zhes bya bar yang dag pa ji lta ba bzhin du rab tu shes so/ /dbugs thung du nang du 'byung na dbugs thung du 'byung ngo zhes bya bar yang dag pa ji lta ba bzhin du rab tu shes so/ / dbugs thung du rngubs na dbugs thung du rngubs so zhes bya bar yang dag pa ji lta ba bzhin du rab tu shes so//rab 'byor de ltar byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas/ rang gi lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ lus 'di nyid las sa'i khams dang / chu'i khams dang / me'i khams dang / rlung gi khams kyang yod do zhes bya bar khams rnams la so so yang dag pa ji lta ba bzhin du rtogs par byed do/ /rab 'byor 'di lta ste dper na/ ba lang gi shan pa'am ba lang gi shan pa'i mchan bu mkhas pas mtshon rnon pos ba lang bsad nas cha bzhir byed do/ / cha bzhir byas nas 'greng ngam 'dug ste de la rab tu rtog pa de bzhin du/ byang chub sems dpa' sems dpa' chen po shes rab kyi pha rol tu phyin pa la spyod pa yang lus 'di nyid las sa'i khams dang / chu'i khams dang / me'i khams dang / rlung gi khams kyang yod do zhes bya bar khams rnams so sor yang dag pa ji lta ba bzhin du rab tu rtog ste/rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas rang gi lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ lus 'di nyid la rkang pa'i mthil yan chad nas spyi bo man chad kyi skra dang /klad pa dang / sen mo dang / spu dang pags pa'i mthar thug par mi gtsang ba sna tshogs kyis gang bar yang dag pa ji lta ba bzhin du rab tu rtog ste/ lus 'di la skra dang / spu dang / sen mo dang / so dang / pags pa dang / skyi dang / sha dang / chu ba dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mcher pa dang / long ka dang / rgyu ma dang / gnye ma dang / nang grol dang / gcin dang / phyi sa dang / mchi ma dang / rngul dang / tshil dang / mchil ma dang / snabs dang / rnag dang / khrag rul dang /mkhris pa dang / bad kan dang / chu ser dang / kha chu dang / dri ma dang / klad pa dang / klad rgyas dang / mig rnag dang / rna spabs dag kyang yod do zhes bya bar yang dag pa ji lta ba bzhin du rab tu rtog ste / rab 'byor 'di lta ste dper na/ zhing pa'i bang ba 'bras so ba dang / 'bru dang / til dang / 'bras drus ma dang / mon sran sde'u dang / mon sran gre'u dang / nas dang / gro dang / sran chung dang / nyungs kar sna tshogs kyis gang ba de phye ste/ mig dang ldan pa'i mi zhig gis de dag la bltas nas/ 'di ni 'bras so ba'o/ /'di ni 'bru'o/ /'di ni til lo//'di ni 'bras drus ma'o/ /'di ni mon sran sde'u'o / /'di ni mon sran gre'u'o/ /'di ni nas so/ /'di ni gro'o/ /'di ni sran chung ngo / /'di ni nyungs kar ro zhes bya bar shes so/ /rab 'byor de bzhin du byang chub sems dpa' sems dpa' chen pos yang lus 'di nyid la rkang pa'i mthil yan chad nas/spyi bo man chad kyi skra dang / klad pa dang / sen mo dang / spu dang / pags pa'i mthar thug par mi gtsang ba sna tshogs kyis gang bar yang dag pa ji lta ba bzhin du rab tu rtog ste/ lus 'di la skra dang / spu dang / sen mo dang / so dang / pags pa dang / skyi dang / sha dang / chu dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mcher pa dang / long ka dang / rgyu ma dang / gnye ma dang / nang grol dang / gcin dang / phyi sa dang / mchi ma dang / rngul dang / tshil dang / mchil ma dang / snabs dang / rnag dang / khrag rul dang / mkhris pa dang / bad kan dang / chu ser dang / kha chu dang / dri ma dang / klad pa dang / klad rgyas dang / mig rnag dang / rna spabs dag kyang yod do zhes bya bar yang dag pa ji lta ba bzhin du rab tu rtog ste/ rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas nang gi lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam dur khrod du song bas dur khrod du bor zhing shi ba'i lam na yod pa'i gzugs sna tshogs shi nas zhag gcig lon pa'am/ shi nas zhag gnyis lon pa'am/ shi nas zhag gsum lon pa'am/ shi nas zhag bzhi lon pa'am/ shi nas zhag lnga lon pa'am/ rnam par bam pa dang / rnam par bsngos pa dang / rnam par rnags pa dang / rnam par zos pa dang / rnam par 'thor ba mthong na/ de lus 'di yang 'di lta bu'i chos can no//'di lta bu'i rang bzhin can te/ chos nyid 'di las ma 'das so/ /zhes lus 'di nyid kyang tshul de dang nye bar sbyor ro/ /rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas nang gi lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nam dur khrod du bor ba'i ro shi nas zhag drug lon pa'am/ shi nas zhag bdun lon pa 'am/ bya rog gam/ khwa'am/ 'ol ba 'am/ bya rgod dam/ spyang ki 'am/ wa dang / khyi dang / de ma yin pa'i srog chags kyi rigs sna tshogs kyis za ba mthong ba nas/de la lus sna tshogs kyang 'di lta bu'i chos can/ 'di lta bu'i rang bzhin can te chos nyid 'di lta bu las ma 'das so zhes lus 'di nyid kyang tshul de dang nye bar sbyor ro/ /rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nam ro gang dang gang dag dur khrod du bor ba rnam par zos pa/ mi gtsang ba / rnags pa/ dri nga ba mthong ba na de lus 'di yang 'di lta bu'i chos can 'di lta bu'i rang bzhin can/ 'di lta bu'i chos nyid las ma 'das pa'o zhes lus 'di nyid kyang tshul de nyid dang nye bar sbyor ro//rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam dur khrod du keng rus kyi phreng ba sha ra ri dang / khrag ra ri chags pa/ rgyus pas brang breng du 'brel pa mthong ba nas/de lus 'di nyid kyang 'di lta bu'i chos can 'di lta bu'i rang bzhin can te/ 'di lta bu'i chos nyid las ma 'das pa'o zhes lus 'di nyid kyang tshul de dang nye bar sbyar ro/ /rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nam dur khrod du rus pa keng rus sha dang khrag med par rgyus pa'i zungs med pa dung gi mdog ltar gyur pa mthong ba na/ lus 'di nyid kyang 'di lta bu'i chos can 'di lta bu'i rang bzhin can te/ 'di lta bu'i chos nyid las ma 'das pa'o zhes lus 'di nyid kyang tshul de dang nye bar sbyar ro/ /rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no// //bam po bcu bdun pa/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam dur khrod du keng rus kyi tshogs zungs med pa gyes pa dung gi mdog ltar gyur pa/ sa la rnam par 'thor ba mthong ba na/ lus 'di yang 'di lta bu'i chos can 'di lta bu'i rang bzhin can te/ 'di lta bu'i chos nyid las ma 'das pa'o zhes lus 'di nyid kyang tshul de dang nye bar sbyar ro/ /rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam dur khrod kyi rus pa sa la phyogs dang phyogs mtshams su rnam par 'thor ba 'di lta ste/ rkang pa'i rus pa rnams kyang gzhan du/ byin pa'i rus pa rnams kyang gzhan du/brla'i rus pa rnams kyang gzhan du/ dpyi'i rus pa rnams kyang gzhan du/ tshigs pa'i rus pa rnams kyang gzhan du/ rtsib ma'i rus pa rnams kyang gzhan du/ mjing pa'i rus pa rnams kyang gzhan du/ dpung pa'i rus pa rnams kyang gzhan du/ mgo'i rus pa rnams kyang gzhan du 'thor ba mthong na/de lus 'di yang 'di lta bu'i chos can/ 'di lta bu'i rang bzhin can te/ chos nyid 'di lta bu las ma 'das pa'o / /zhes lus 'di nyid kyang tshul de dang nye bar sbyor ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam dur khrod kyi rus pa lo du ma lon pa/ rlung dang nyi mas gdungs pa/ dung gi mdog ltar gyur pa mthong ba na/ de lus 'di yang 'di lta bu'i chos can 'di lta bu'i rang bzhin can te/'di lta bu'i chos nyid las ma 'das pa'o zhes lus 'di nyid kyang tshul de dang nye bar sbyor ro/ /rab 'byor de ltar na byang chub sems dpa' sems dpa' chen po brtun pa dang ldan pa/ shes bzhin can dran pa dang ldan pas 'jig rten la chags sems dang yid mi bde ba rnam par bsal nas phyi'i lus la lus kyi rjes su lta zhing gnas kyang de la mi dmigs pa'i tshul gyis lus dang ldan pa'i rnam par rtog pa la rnam par mi rtog pa yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nam dur khrod kyi rus pa lo du ma song ba rab rib snang ba sngon por gyur pa/ thi ba'i mdog ltar gyur pa/ zegs pa brul ba sa'i rdul dang 'dres par gyur pa mthong na/ de lus 'di nyid kyang 'di lta bu'i chos can 'di lta bu'i rang bzhin can te/ 'di lta bu'i chos nyid las ma 'das pa'o zhes lus 'di nyid kyang tshul de dang nye bar sbyor ro//rab 'byor de ltar na byang chub sems dpa' sems dpa' chen po brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas nang gi lus la lus kyi rjes su lta zhing gnas so//phyi'i lus la lus kyi rjes su lta zhing gnas so/ /nang dang phyi'i lus la lus kyi rjes su lta zhing gnas so/ /de bzhin du brtun pa dang ldan pa shes bzhin can dran pa dang ldan pas 'jig rten la chags sems dang yid mi bde ba rnam par bsal nas tshor ba dang /sems dang / chos rnams la chos kyi rjes su lta zhing gnas kyang de mi dmigs pa'i tshul gyis chos dang ldan pa'i rnam par rtog pa la rnam par mi rtog go/ /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/yang dag par spong ba bzhi ste/ bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sdig to mi dge ba'i chos ma skyes pa rnams mi bskyed pa'i phyir 'dun pa bskyed do//rtsol lo/ /brtson 'grus rtsom mo/ /sems rab tu 'dzin to/ /yang dag par rab tu 'jog go/ /sdig to mi dge ba'i chos skyes pa rnams spong ba'i phyir 'dun pa bskyed do/ /rtsol lo/ /brtson 'grus rtsom mo/ /sems rab tu 'dzin to/ /yang dag par rab tu 'jog go//dge ba'i chos ma skyes pa rnams bskyed pa'i phyir 'dun pa bskyed do/ /rtsol lo/ /brtson 'grus rtsom mo/ /sems rab tu 'dzin to/ /yang dag par rab tu 'jog go/ /de dge ba'i chos skyes pa rnams gnas pa dang / phyir zhing 'byung ba dang / mi brjed pa dag nyams par mi 'gyur ba dang /yongs su rdzogs par bya ba'i phyir 'dun pa bskyed do/ /rtsol lo/ /brtson 'grus rtsom mo/ /sems rab tu 'dzin to/ /yang dag par rab tu 'jog go/ /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/rdzu 'phrul gyi rkang pa bzhi ste/ bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/'dod chags dang bral ba la gnas pa/ 'gog pa la gnas pa / rnam par spong bas yongs su bsgyur ba de yang mi dmigs pa'i tshul gyis bsgom mo/ /de bzhin du brtson 'grus kyi ting nge 'dzin dang / sems kyi ting nge 'dzin dang /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba de yang mi dmigs pa'i tshul gyis bsgom ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o//rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ dbang po lnga ste/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ rab 'byor de yang mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/stobs lnga ste/ lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o//rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ byang chub kyi yan lag bdun te/ bdun gang zhe na/ dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/rnam par spong bas yongs su bsgyur ba de yang mi dmigs pa'i tshul gyis bsgom mo/ /chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang /shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba de yang mi dmigs pa'i tshul gyis bsgom ste/rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ 'phags pa'i lam yan lag brgyad pa ste/de yang gang zhe na/ yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba de yang mi dmigs pa'i tshul gyis bsgom mo/ /yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba de yang mi dmigs pa'i tshul gyis bsgom ste /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste / ting nge 'dzin gsum ste/ gsum gang zhe na/ stong pa nyid kyi ting nge 'dzin dang /mtshan ma med pa'i ting nge 'dzin dang / smon pa med pa'i ting nge 'dzin to/ /de la stong pa nyid kyi ting nge 'dzin gang zhe na/ chos thams cad rang gi mtshan nyid kyis stong pa nyid du so sor rtog pa'i sems gnas pa rnam par thar pa'i sgo stong pa nyid gang yin pa ste/ 'di ni stong pa nyid kyi ting nge 'dzin zhes bya'o//de la mtshan ma med pa'i ting nge 'dzin gang zhe na/ chos thams cad mtshan ma med par so sor rtog pa'i sems gnas pa rnam par thar pa'i sgo mtshan ma med pa gang yin pa ste/ 'di ni mtshan ma med pa'i ting nge 'dzin zhes bya'o/ /de la smon pa med pa'i ting nge 'dzin gang zhe na/chos thams cad mngon par 'du bya ba med par so sor rtog pa'i sems gnas pa rnam par thar pa'i sgo smon pa med pa gang yin pa ste/ 'di ni smon pa med pa'i ting nge 'dzin zhes bya'o/ /rnam par thar pa'i sgo gsum po 'di dag ni ting nge 'dzin gsum yin te/ rab 'byor 'di yang byang chub sems dpa' sems dpa' chen po'i theg pa chen po'o//rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ shes pa bcu gcig ste/ bcu gcig gang zhe na/ sdug bsngal shes pa dang / kun 'byung ba shes pa dang /'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / yongs su 'dris pa shes pa dang / sgra ji bzhin shes pa'o/ /de la sdug bsngal shes pa gang zhe na/sdug bsngal mi skye bar shes pa gang yin pa ste/ de ni sdug bsngal shes pa'o/ /de la kun 'byung ba shes pa gang zhe na/ kun 'byung ba spang bar shes pa gang yin pa ste/ 'di ni kun 'byung ba shes pa'o/ /de la 'gog pa shes pa gang zhe na/ sdug bsngal 'gog par shes pa gang yin pa ste/de ni 'gog par shes pa'o/ /de la lam shes pa gang zhe na/ 'gog pa mngon du byed pa shes pa gang yin pa ste/ 'di ni lam shes pa'o/ /de la zad pa shes pa gang zhe na/ 'dod chags dang zhe sdang dang gti mug zad par shes pa gang yin pa ste/ de ni zad pa shes pa'o/ /de la mi skye ba shes pa gang zhe na/mi skye ba la mi skye bar shes pa gang yin pa ste/ 'di ni mi skye ba shes pa'o/ /de la chos shes pa gang zhe na/ phung po lnga po rnams kyi chos nye bar gcod pa'i shes pa gang yin pa ste/ 'di ni chos shes pa'o/ /de la rjes su 'gro ba shes pa gang zhe na/ mig mi rtag pa dang /rna ba dang / sna dang / lce dang / lus dang / yid mi rtag pa nas/ phung po dang / khams dang / skye mched dang / rten cing 'brel par 'byung ba so so ba dang / bsdus pa rnams kyi bar la de ltar shes pa gang yin pa ste/ 'di ni rjes su 'gro ba shes pa'o/ /de la kun rdzob shes pa gang zhe na/sems can gzhan dang gang zag gzhan gyi sems sems kyis shes pa gang yin pa ste/ 'di ni kun rdzob shes pa'o/ /de la yongs su 'dris pa shes pa gang zhe na/ lam yongs su 'dris pa shes pa gang yin pa ste/ 'di ni 'dris pa shes pa'o/ /sgra ji bzhin shes pa gang zhe na/de bzhin gshegs pa'i rnam pa thams cad mkhyen pa nyid kyi ye shes de yang mi dmigs pa'i tshul gyis shes pa gang yin pa ste/ 'di ni sgra ji bzhin shes pa zhes bya'o/ /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/dbang po gsum ste/ gsum gang zhe na/ mi shes pa kun shes par byed pa'i dbang po dang / kun shes pa'i dbang po dang / kun shes pa bsrung ba'i dbang po'o/ /de la mi shes pa kun shes par byed pa'i dbang po gang zhe na/slob pa'i gang zag mngon par rtogs par ma gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po yongs su snang ba med cing 'dul bar byed pa gang yin pa ste/ 'di ni mi shes pa kun shes par byed pa'i dbang po zhes bya'o//de la kun shes pa'i dbang po gang zhe na/ slob pa'i gang zag kun shes pa dang ldan pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po snang ba med cing 'dul bar byed pa gang yin pa ste/'di ni kun shes pa'i dbang po zhes bya'o/ /de la kun shes pa bsrung ba'i dbang po gang zhe na/ mi slob pa'i gang zag dgra bcom pa dang / rang sangs rgyas dang / byang chub sems dpa' dang / de bzhin gshegs pa rnams kyi dad pa'i dbang po dang /brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po gang yin pa ste/ rab 'byor 'di ni kun shes pa bsrung ba'i dbang po zhes bya ba ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o//rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ ting nge 'dzin gsum ste/ gsum gang zhe na/ rtog pa dang bcas shing dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang /rtog pa med cing dpyod pa med pa'i ting nge 'dzin to/ /de la rtog pa dang bcas shing dpyod pa dang bcas pa'i ting nge 'dzin gang zhe na/ rab 'byor 'di la byang chub sems dpa' sems dpa' chen po 'dod pa rnams kyis dben/ sdig to mi dge ba'i chos rnams kyis dben/ rtog pa dang bcas pa dpyod pa dang bcas pa/dben pa las skyes pa'i dga' ba dang bde ba can bsam gtan dang po la nye bar bsgrubs nas gnas pa gang yin pa ste/ 'di ni rtog pa dang bcas dpyod pa dang bcas pa'i ting nge 'dzin zhes bya'o/ /de la rtog pa med la dpyod pa tsam gyi ting nge 'dzin gang zhe na/bsam gtan dang po dang bsam gtan gnyis pa'i bar gang yin pa ste/ 'di ni rtog pa med la dpyod pa tsam gyi ting nge 'dzin zhes bya'o/ /de la rtog pa med cing dpyod pa med pa'i ting nge 'dzin gang zhe na/ bsam gtan gnyis pa nas 'du shes med 'du shes med min skye mched kyi bar la snyoms par 'jug pa gang yin pa ste/'di ni rtog pa med cing dpyod pa med pa'i ting nge 'dzin zhes bya ste/ rab 'byor 'di yang mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/rjes su dran pa bcu ste/ bcu gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / 'chi ba rjes su dran pa dang / lus su gtogs pa rjes su dran pa dang / dbugs rngubs pa dang 'byung ba rjes su dran pa ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu ste/ rab 'byor 'di yang byang chub sems dpa' sems dpa' chen po'i theg pa chen po yin no//rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ de bzhin gshegs pa'i stobs bcu ste/ bcu gang zhe na/ rab 'byor 'di la byang chub sems dpa' sems dpa' chen po gnas la yang gnas su gnas ma yin pa la yang gnas ma yin par yang dag pa ji lta ba bzhin du rab tu shes pa dang /'das pa dang / ma 'ongs pa dang / da ltar byung ba las yang dag par len pa rnam par smin pa gnas dang rgyu'i sgo nas yang dag pa ji lta ba bzhin du rab tu shes pa dang / 'jig rten gyi khams sna tshogs can dang mos pa du ma can yang dag pa ji lta ba bzhin du rab tu shes pa dang / sems can gzhan dang gang zag gzhan rnams kyi mos pa sna tshogs pa dang / mos pa du ma yang dag pa ji lta ba bzhin du rab tu shes pa dang / sems can gzhan dang gang zag gzhan rnams kyi dbang po mchog dang mchog ma yin pa nyid yang dag pa ji lta ba bzhin du rab tu shes pa dang /thams cad du 'gro ba'i lam yang dag pa ji lta ba bzhin du rab tu shes pa dang / sems can gzhan dang gang zag gzhan rnams kyi bsam gtan dang / rnam par thar pa dang / ting nge 'dzin dang /snyoms par 'jug pa dang / kun nas nyon mongs pa dang / rnam par byang ba dang ldan pa yang dag pa ji lta ba bzhin du rab tu shes pa dang / de sngon gyi gnas rnam pa du ma rjes su dran pa dang / de lha'i mig gis sems can rnams kyi 'chi 'pho ba dang / skye ba yang dag pa ji lta ba bzhin du rab tu shes pa dang /de zag pa zad pa'i phyir zag pa med pa'i phyir sems rnam par grol ba dang / shes rab rnam par grol ba mthong ba'i chos nyid la rang gi mngon par shes pas mngon du byas nas nye bar bsgrubs nas gnas shing bdag gi skye ba zad do/ /tshangs par spyod pa bsten to/ / bya ba byas so/ /'di lta bu nyid las gzhan mi shes so snyam du yang dag pa ji lta ba bzhin du rab tu shes pa ste/ rab 'byor de yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/mi 'jigs pa bzhi ste/ bzhi gang zhe na/ kye ma bdag gi chos 'di dag mngon par rdzogs par sangs rgyas so zhes dam bcas na/ 'dir nga la chos 'di rnams mngon par rdzogs par sangs ma rgyas so zhes bya bar dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung bas 'jig rten na chos dang ldan par rgol bar 'gyur ba de lta bu'i rgyu yang dag par rjes su mi mthong ste/ 'dir rgyu de yang dag par rjes su ma mthong bas bdag bde ba thob pa dang / bag tsha ba med pa thob pa dang / mi 'jigs pa thob pas gnas te/khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan sus kyang rung bas chos dang ldan par 'jig rten du bskor bar mi nus pa bdag gis rab tu bskor bar bya zhes bya ba dang /kye ma bdag zag pa zad do zhes dam bcas na / 'dir nga la zag pa 'di rnams ma zad do/ /yongs su zad par ma gyur to zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung bas 'jig rten na chos dang ldan pa rgol bar 'gyur ba de lta bu'i rgyu yang dag par rjes su mi mthong ba ste/'dir rgyu de yang yang dag par rjes su ma mthong bas de la bdag bde ba thob pa dang / bag tsha ba med pa thob pa dang / mi 'jigs pa thob pas gnas te/ khyu mchog rlabs po che'i gnas su dam bca'o//'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung bas chos dang ldan pas 'jig rten du bskor bar mi nus pa bdag gis rab tu bskor bar bya zhes bya ba dang /gang yang ngas bar chad kyi chos su bstan pa de dag bsten na bar chad kyi chos su mi 'gyur ba de lta bu'i gnas med de/ 'dir nga la dge sbyong ngam/ bram ze'am/ lha 'am/ bdud dam/ tshangs pa 'am/ gzhan su yang rung bas 'jig rten na chos dang ldan par rgol bar 'gyur ba de lta bu'i rgyu yang yang dag par rjes su mi mthong ste/'dir rgyu de yang yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob pas gnas te/ khyu mchog rlabs po che'i gnas su dam bca'o//'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung ste/ chos dang ldan par 'jig rten du bskor bar mi nus par bdag gis rab tu bskor bar bya'o/ /ngas 'phags pa nges par 'byin pa'i lam de byed pa'i sdug bsngal yang dag par zad pa'i rgyu nges par 'byin pa bstan pa gang yin pa de bsgrubs na sdug bsngal yang dag par zad pa'i don du nges par 'byin par mi 'gyur ba de lta bu'i gnas med de/'dir yang nga la de yang dag par bsgrubs kyang sdug bsngal yang dag par zad par mi 'gyur ro zhes dge sbyong ngam/bram ze'am/ lha'am/ bdud dam/ tshangs pa'am/ gzhan su yang rung bas 'jig rten na chos dang ldan par rgol bar 'gyur ba de lta bu'i rgyu yang yang dag par rjes su mi mthong ste/ 'dir rgyu de yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob pas gnas te/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung bas chos dang ldan pa 'jig rten du bskor bar mi nus pa bdag gis rab tu bskor bar bya'o zhes bya ba 'di dag ni mi 'jigs pa bzhi ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po 'di lta ste/so so yang dag par rig pa bzhi ste/ bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ sangs rgyas kyi chos ma 'dres pa bco brgyad de/bco brgyad gang zhe na/ gang gi mtshan mo la de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas pa nas gang gi mtshan mo la lha dang bcas pa'i 'jig rten bdud dang bcas pa tshangs pa dang bcas pa dang / dge sbyong dang bram zer bcas pa'i skye dgu dang /lha dang mi dang / lha ma yin du bcas pa sdug bsngal zad par 'gyur ba'i lam gyis rjes su bstan te/ phung po ma lus pa'i mya ngan las 'das pa'i dbyings su yongs su mya ngan las 'da' bar 'gyur ba de'i bar du de bzhin gshegs pa la 'khrul pa mi mnga' ba dang /ca co mi mnga' ba dang / bsnyel ba mi mnga' ba dang / 'du shes sna tshogs mi mnga' ba dang / thugs mnyam par ma bzhag pa mi mnga' ba dang / ma brtags pa'i btang snyoms mi mnga' ba dang / 'dun pa yongs su nyams pa mi mnga' ba dang / brtson 'grus yongs su nyams pa mi mnga' ba dang /dran pa yongs su nyams pa mi mnga' ba dang / ting nge 'dzin yongs su nyams pa mi mnga' ba dang / shes rab yongs su nyams pa mi mnga' ba dang / rnam par grol ba yongs su nyams pa mi mnga' ba dang / rnam par grol ba'i ye shes gzigs pa yongs su nyams pa mi mnga' ba dang /sku'i phrin las thams cad ye shes sngon du 'gro zhing ye shes kyi rjes su 'brang ba dang / gsung gi phrin las thams cad ye shes sngon du 'gro zhing ye shes kyi rjes su 'brang ba dang / thugs kyi phrin las thams cad kyang ye shes sngon du 'gro zhing ye shes kyi rjes su 'brang ba dang /'das pa'i dus la ma thogs ma chags pa'i ye shes gzigs pa 'jug pa dang / ma 'ongs pa'i dus la ma thogs ma chags pa'i ye shes gzigs pa 'jug pa dang / da ltar byung ba'i dus la ma thogs ma chags pa'i ye shes gzigs pa 'jug pa ste/ 'di dag ni sangs rgyas kyi chos ma 'dres pa bco brgyad de/rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o zhes bya ba ni lam gyi tshogs so/ / rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/gzungs kyi sgo rnams te/ de yang yi ge'i tshul mnyam pa nyid dang / yi ge'i sgo dang / yi ges rab tu 'jug pa'o/ /de yang yi ge'i tshul mnyam pa nyid dang / yi ge'i sgo dang / yi ges 'jug pa gang zhe na/ a zhes bya ba ni gdod ma nas ma skyes pa'i phyir chos thams cad kyi sgo'o/ / ra zhes bya ba ni rdul dang bral ba'i phyir chos thams cad kyi sgo'o/ /pa zhes bya ba ni don dam pa ston pa'i phyir chos thams cad kyi sgo'o/ /tsa zhes bya ba ni 'chi 'pho dang skye ba mi dmigs pa'i phyir chos thams cad kyi sgo'o/ /na zhes bya ba ni ming dang bral ba'i phyir chos thams cad kyi sgo'o/ / la zhes bya ba ni 'jig rten las 'das shing srid pa'i 'khri shing gi rgyu dang rkyen yang dag par bcom pa'i phyir chos thams cad kyi sgo'o/ /da zhes bya ba ni dul ba dang dul ba'i gnas yongs su chad pa'i phyir chos thams cad kyi sgo'o/ /ba zhes bya ba ni 'ching ba dang bral ba'i phyir chos thams cad kyi sgo'o//Da zhes bya ba ni dkrugs ma dang bral ba'i phyir chos thams cad kyi sgo'o/ /sa zhes bya ba ni chags pa mi dmigs pa'i phyir chos thams cad kyi sgo'o/ /wa zhes bya ba ni ngag gi lam gyi sgra yang dag par chad pa'i phyir chos thams cad kyi sgo'o/ /ta zhes bya ba ni de bzhin nyid las ma g.yos pa'i phyir chos thams cad kyi sgo'o//ya zhes bya ba ni yang dag pa ji lta ba bzhin du ma skyes pa'i phyir chos thams cad kyi sgo'o/ /sta zhes bya ba ni khengs pa dmigs su med pa'i phyir chos thams cad kyi sgo'o/ /ka zhes bya ba ni byed pa po dmigs su med pa'i phyir chos thams cad kyi sgo'o//sa zhes bya ba ni mnyam pa nyid las mi 'da' ba'i phyir chos thams cad kyi sgo'o/ /ma zhes bya ba ni bdag gir bya ba mi dmigs pa'i phyir chos thams cad kyi sgo'o/ /ga zhes bya ba ni 'gro ba mi dmigs pa'i phyir chos thams cad kyi sgo'o/ /tha zhes bya ba ni gnas mi dmigs pa'i phyir chos thams cad kyi sgo'o//dza zhes bya ba ni skye ba mi dmigs pa'i phyir chos thams cad kyi sgo'o/ /shwa zhes bya ba ni dbugs dmigs su med pa'i phyir chos thams cad kyi sgo'o/ /d+ha zhes bya ba ni chos thams cad kyi dbyings dmigs su med pa'i phyir chos thams cad kyi sgo'o/ /sha zhes bya ba ni zhi gnas dmigs su med pa'i phyir chos thams cad kyi sgo'o//kha zhes bya ba ni nam mkha' dang mnyam pas dmigs su med pa'i phyir chos thams cad kyi sgo'o/ /k+Sha zhes bya ba ni zad pa mi dmigs pa'i phyir chos thams cad kyi sgo'o/ /sta zhes bya ba ni stong pa mi dmigs pa'i phyir chos thams cad kyi sgo'o//dz+nyA zhes bya ba ni ye shes dmigs su med pa'i phyir chos thams cad kyi sgo'o/ /Na zhes bya ba ni gzhan mi dmigs pa'i phyir chos thams cad kyi sgo'o/ /ha zhes bya ba ni rgyu mi dmigs pa'i phyir chos thams cad kyi sgo'o/ /b+ha zhes bya ba ni 'jig pa med pa'i phyir chos thams cad kyi sgo'o//tsha zhes bya ba ni mdog mi dmigs pa'i phyir chos thams cad kyi sgo'o/ /sma zhes bya ba ni dran pa mi dmigs pa'i phyir chos thams cad kyi sgo'o/ /hwa zhes bya ba ni bad pa mi dmigs pa'i phyir chos thams cad kyi sgo'o/ /sa zhes bya ba ni spro ba mi dmigs pa'i phyir chos thams cad kyi sgo'o/ / g+ha zhes bya ba ni stug po mi dmigs pa'i phyir chos thams cad kyi sgo'o/ /Tha zhes bya ba ni rnam par bsgrub pa mi dmigs pa'i phyir chos thams cad kyi sgo'o/ /Na zhes bya ba ni nyon mongs pa dang bral ba'i phyir chos thams cad kyi sgo'o/ /pha zhes bya ba ni 'bras bu mi dmigs pa'i phyir chos thams cad kyi sgo'o//ska zhes bya ba ni phung po mi dmigs pa'i phyir chos thams cad kyi sgo'o/ /dzA zhes bya ba ni dga' ba mi dmigs pa'i phyir chos thams cad kyi sgo'o/ /tse zhes bya ba ni spyod pa mi dmigs pa'i phyir chos thams cad kyi sgo'o/ /Ta zhes bya ba ni 'tshe ba mi dmigs pa'i phyir chos thams cad kyi sgo'o//ha zhes bya ba ni ngar 'dzin pa mi dmigs pa'i phyir chos thams cad kyi sgo'o/ /de yan chad yi ge'i tha snyad med do/ /de ci'i phyir zhe na/ 'di ltar gang la yang gang gis tha snyad du bya ba dang / gang gis rjod pa dang / gang gis bstan pa dang / gang gis rtogs par byed pa dang /gang gis mthong ba'i ming ni 'ga' yang med do/ /rab 'byor 'di lta ste/ chos thams cad ni dpe nam mkha' bzhin du khong du chud par bya ste/ rab 'byor 'di ni gzungs kyi sgo la 'jug pa/ a la sogs pa'i yi ge bstan pa la 'jug pa'o/ /rab 'byor gzhan yang byang chub sems dpa' sems dpa' chen po gang la la zhig gis a la sogs pa'i yi ge la mkhas par bya ba 'di yongs su shes na de ni sgra gang la yang thogs par mi 'gyur zhing de thams cad mnyam pa nyid kyi chos nyid du sgrub par 'gyur te/sgra shes par bya ba la mkhas pa thob par 'gyur ro/ / rab 'byor byang chub sems dpa' gang la la zhig a la sogs pa'i yi ge'i phyag rgya 'di dag la sogs pa'i yi ge la nyan cing thos nas kyang 'dzin pa dang / 'chang ba dang / klog pa dang / kun chub par byed cing / gzhan dag la yang tshul dang ldan pa'i blos ston na/ de la legs pa nyi shu yod par shes par bya'o//nyi shu gang zhe na/ 'di lta ste/ dran pa dang ldan par 'gyur/ blo gros dang ldan par 'gyur/ rtogs pa dang ldan par 'gyur ro / /blo dang ldan par 'gyur/ brtan pa dang ldan par 'gyur/ ngo tsha shes pa dang ldan par 'gyur/ shes rab dang ldan par 'gyur/spobs pa dang ldan par 'gyur ba dang / gzungs kyi sgo 'di yang tshegs chung ngus thob par 'gyur/ de la som nyi med par 'gyur/ yid gnyis med par 'gyur/ gzhan la sgra'i ngag snyan pa thos kyang chags par 'gyur ba med cing tshig rtsub pos khong khro bar mi 'gyur zhing mtho bar mi 'gyur/dma' bar mi 'gyur te/ ji lta ba bzhin gnas par 'gyur ba dang / sgra la mkhas par 'gyur ba dang / phung po la mkhas par 'gyur ba dang / khams la mkhas par 'gyur ba dang / skye mched la mkhas par 'gyur ba dang / bden pa la mkhas par 'gyur ba dang / rten cing 'brel par 'byung ba la mkhas par 'gyur ba dang / rgyu la mkhas par 'gyur ba dang / rkyen la mkhas par 'gyur ba dang / chos nyid la mkhas par 'gyur ba dang / dbang po mchog dang mchog ma yin pa shes pa la mkhas par 'gyur ba dang / pha rol gyi sems shes pa la mkhas par 'gyur ba dang /rdzu 'phrul gyi bya ba shes pa la mkhas par 'gyur ba dang / lha'i rna ba'i shes pa la mkhas par 'gyur ba dang / sngon gyi gnas rjes su dran pa shes pa la mkhas par 'gyur ba dang / 'chi 'pho ba dang skye ba shes pa la mkhas par 'gyur ba dang / zag pa zad pa shes pa la mkhas par 'gyur ba dang /gnas dang gnas ma yin pa bstan pa shes pa la mkhas par 'gyur ba dang / 'gro ba la mkhas shing ldog pa la mkhas par 'gyur ba dang / spyod lam la mkhas par 'gyur ba ste / phan yon nyi shu po 'di dag thob par 'gyur ro/ /rab 'byor gzungs kyi sgo a la sogs pa'i yi ge la 'jug pa 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o zhes bya ba ni gzungs kyi tshogs so// rab 'byor gang yang khyod kyis 'di skad du ji ltar na byang chub sems dpa' sems dpa' chen po theg pa chen po la yang dag par zhugs pa yin zhes zer ba ni/rab 'byor 'di la byang chub sems dpa' sems dpa' chen po pha rol tu phyin pa drug la spyod cing sa nas sar 'phar te/ rab 'byor ji ltar na byang chub sems dpa' sems dpa' chen po pha rol tu phyin pa drug la spyod cing sa nas sar 'phar ba yin zhe na/'di lta ste/ chos thams cad la 'pho ba med pas so/ /de ci'i phyir zhe na/ chos gang yang 'ong ba'am 'gro ba 'am/ 'pho ba 'am/ nye bar 'pho ba med de/ 'on kyang chos thams cad kyi sa gang yin pa de la rlom sems su mi byed cing mi sems la sa yongs su sbyong ba yang byed cing sa de yang yang dag par rjes su mi mthong ngo //de la byang chub sems dpa' sems dpa' chen po'i sa yongs su sbyong ba gang zhe na/ rab 'byor sa dang po la gnas pa'i byang chub sems dpa' sems dpa' chen pos yongs su sbyang ba bcu po 'di dag bya ste/bcu gang zhe na/ de mi dmigs pa'i tshul gyis lhag pa'i bsam pa yongs su sbyang ba dang / mtshan ma mi dmigs pa'i phyir phan pa'i dngos po yongs su sbyang zhing / sems can mi dmigs pa'i phyir sems can thams cad la sems mnyam pa nyid yongs su sbyang ba dang / sbyin pa dang gtong ba dang / len pa mi dmigs pa'i phyir gtong ba yongs su sbyang ba dang / des rlom sems su mi bya ba'i phyir dge ba'i bshes gnyen bsten pa yongs su sbyang ba dang / chos thams cad mi dmigs pa'i phyir chos btsal ba yongs su sbyang ba dang / khyim mi dmigs pa'i phyir yang dang yang du 'byung ba yongs su sbyang ba dang /mtshan dang dpe byad bzang po'i mtshan ma mi dmigs pa'i phyir sangs rgyas kyi sku la 'dod pa yongs su sbyang ba dang / chos kyi dbye ba mi dmigs pa'i phyir chos rnam par 'grel pa yongs su sbyang ba dang / chos kyi yod pa nyid mi dmigs pa'i phyir nga rgyal gyi khengs pa bsal ba nyid yongs su sbyang ba dang /tshig mi dmigs pa'i phyir bden pa'i tshig yongs su sbyang ba ste/ rab 'byor yongs su sbyang ba bcu po de dag ni byang chub sems dpa' sems dpa' chen po sa dang po la gnas pas bya ba dag go/ /rab 'byor gzhan yang byang chub sems dpa' sems dpa' chen po sa gnyis pa la gnas pas chos brgyad po 'di dag yang dang yang du yid la bya zhing de dag la nan tan du bya'o//brgyad gang zhe na/ 'di lta ste/ tshul khrims yongs su dag pa dang / byas pa shes shing byas pa tshor ba dang / bzod pa'i stobs la gnas pa dang /rab tu dga' ba nyams su myong bar byas pa dang / sems can thams cad yongs su mi gtong ba dang / snying rje chen po mngon du bya ba dang / bla ma la dad pas bsnyen bkur byed cing ston pa'i 'du shes kyis gus par nyan pa dang / pha rol tu phyin pa rnams la brtson pas 'tshol ba ste/ rab 'byor chos brgyad po 'di dag ni byang chub sems dpa' sems dpa' chen po sa gnyis pa la gnas pas yang dang yang du yid la bya zhing de dag la nan tan du bya ba dag go/ /rab 'byor gzhan yang byang chub sems dpa' sems dpa' chen po sa gsum pa la gnas pas chos lnga la gnas par bya ste/lnga gang zhe na/ 'di lta ste/ mang du thos pas mi ngoms shing de la yang yi ge la mngon par ma zhen pa dang / zang zing med par chos kyi sbyin pa rnam par 'byed cing des kyang rlom sems su mi 'gyur ba dang / sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo na yang des rlom sems su mi 'gyur ba dang /dpag tu med pa'i 'khor bas yongs su skyo ba med cing des kyang rlom sems su mi 'gyur ba dang / ngo tsha shes shing khrel yod pa la gnas kyang des rlom sems su mi 'gyur ba ste/ rab 'byor chos lnga po 'di dag ni byang chub sems dpa' sems dpa' chen po sa gsum pa la gnas pas gnas par bya ba dag go//rab 'byor gzhan yang byang chub sems dpa' sems dpa' chen po sa bzhi pa la gnas pas chos bcu po 'di dag yongs su blangs shing gnas par bya ste/ de dag yongs su gtang bar mi bya'o/ /bcu gang zhe na/'di lta ste/ dgon pa la gnas pa dang / 'dod pa chung ba dang / chog shes pa dang / sbyangs pa'i yon tan dang yo byad bsnyungs pa mi gtong ba dang / bslab pa yongs su mi gtong ba dang / 'dod pa'i yon tan la smod pa dang / mya ngan las 'das pa dang ldan pa'i sems bskyed pa dang /rdzas thams cad yongs su gtong ba dang / sems zhum pa med pa dang / dngos po thams cad la ltos pa med pa ste/ rab 'byor chos bcu po 'di dag ni byang chub sems dpa' sems dpa' chen po sa bzhi pa la gnas pas yongs su gtang bar mi bya zhing / yang dag par blangs te gnas par bya ba dag go//rab 'byor gzhan yang byang chub sems dpa' sems dpa' chen po sa lnga pa la gnas pas chos bcu po 'di dag yongs su spang bar bya ste/ bcu gang zhe na/ 'di lta ste/ khyim pa dang rab tu byung ba dang bsten pa yongs su spang bar bya ba dang / rigs la ser sna byed pa yongs su spang bar bya ba dang /'du 'dzi'i gnas yongs su spang bar bya ba dang / gnod sems yongs su spang bar bya ba dang / bdag la bstod par bya ba dang / gzhan la smod pa yongs su spang bar bya ba'o / /mi dge ba bcu'i lam yongs su spang bar bya'o//lhag pa'i nga rgyal dang / khengs pa dang / phyin ci log rnams dang / the tshom dang / 'dod chags dang / zhe sdang dang / gti mug nyams rangs su gzhag pa yongs su spang bar bya'o/ /chos bcu po de dag ni byang chub sems dpa' sems dpa' chen po sa lnga pa la gnas pas yongs su spang bar bya'o//rab 'byor gzhan yang byang chub sems dpa' sems dpa' chen po sa drug pa la gnas pas chos drug po yongs su rdzogs par bya ste/ drug gang zhe na/ 'di lta ste/ pha rol tu phyin pa drug go/ /gzhan yang chos drug yongs su spang bar bya ste/drug gang zhe na/ nyan thos kyi sems yongs su spang bar bya'o/ /rang sangs rgyas kyi sems yongs su spang bar bya'o/ /skrag pa'i sems yongs su spang bar bya'o/ /slong mo pa mthong na zhum pa med par bya ste/ zhum pa'i sems yongs su spang bar bya'o/ /dngos po thams cad yongs su btang bas yid mi bde bar mi bya ste/yid mi bde ba yongs su spang bar bya'o / /slong mo pa mthong na slong mo pas 'khrugs par mi bya ste/ 'khrugs pa'i sems yongs su spang bar bya'o/ /rab 'byor chos drug po de dag ni byang chub sems dpa' sems dpa' chen po sa drug pa la gnas pas yongs su spang bar bya'o//rab 'byor gzhan yang byang chub sems dpa' sems dpa' chen po sa bdun pa la gnas pas chos nyi shu mi bya ste/ nyi shu gang zhe na/ 'di lta ste/ bdag tu 'dzin par mi bya'o/ /sems can du 'dzin pa dang / srog tu 'dzin pa dang / gang zag tu 'dzin pa dang /chad par 'dzin pa dang / rtag par 'dzin pa dang / mtshan ma'i 'du shes dang / rgyur lta ba dang / ming dang gzugs la mngon par chags pa dang / phung po la mngon par chags pa dang / khams la mngon par chags pa dang / skye mched la mngon par chags pa dang / khams gsum na gnas pa dang /khams gsum la mngon par zhen pa dang / khams gsum la brten pa dang / sangs rgyas la brten pa'i lta ba la mngon par chags pa dang / chos la brten pa'i lta ba la mngon par chags pa dang / dge 'dun la brten pa'i lta ba la mngon par chags pa dang / tshul khrims la brten pa'i lta ba la mngon par chags pa dang /chos rnams stong ngo zhes zhum par 'gyur ba dang / stong pa nyid dang 'gal ba ste/ rab 'byor chos nyi shu po 'di dag ni byang chub sems dpa' sems dpa' chen po sa bdun pa la gnas pas mi bya'o/ /des chos nyi shu po 'di dag yongs su rdzogs par bya ste/nyi shu gang zhe na/ stong pa nyid rdzogs par bya ba dang / mtshan ma med pa mngon du bya ba dang / smon pa med pa shes par bya ba dang / 'khor gsum yongs su dag pa dang / sems can thams cad la snying rje zhing snying brtse ba dang / sems can de dag la brnyas par mi bya ba dang /chos thams cad mnyam pa nyid du lta zhing de la yang mngon par zhen pa med pa dang / yang dag pa'i tshul rab tu rtogs te des kyang mi rlom pa dang / mi skye ba shes pa dang / chos thams cad tshul gcig tu bstan pa dang / rtogs pa yang dag par gsal ba dang /lta ba rnam par bzlog pa dang / nyon mongs pa rnam par bzlog pa dang / zhi gnas la nges par sems pa dang / lhag mthong la mkhas pa dang / sems dul ba dang / thams cad thogs pa med pa'i shes pa dang / chags pa'i sa ma yin pa dang / gang du 'dod pa'i zhing du 'gro ba dang / der yang sangs rgyas kyi 'khor gyi dkyil 'khor du gnas nas bdag gi dngos po ston pa ste/ rab 'byor chos nyi shu po de dag ni byang chub sems dpa' sems dpa' chen po sa bdun pa la gnas pas yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa brgyad pa la gnas pas chos bzhi po 'di dag yongs su rdzogs par bya ste/bzhi gang zhe na/ 'di ltar sems can thams cad kyi sems kyi rjes su 'jug pa dang / mngon par shes pas rnam par brtse ba dang / sangs rgyas kyi zhing lta zhing sangs rgyas kyi zhing ji ltar mthong ba de dag yongs su sgrub pa dang /sangs rgyas bsnyen bkur zhing sangs rgyas kyi sku yang dag pa ji lta ba bzhin du brtag pa ste/ rab 'byor chos bzhi po 'di dag ni byang chub sems dpa' sems dpa' chen po sa brgyad pa la gnas pas yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa brgyad pa la gnas pas chos bzhi yongs su rdzogs par bya ste/bzhi gang zhe na/ 'di lta ste/ dbang po mchog dang mchog ma yin pa shes pa dang / sangs rgyas kyi zhing yongs su sbyong ba dang / sgyu ma lta bu'i ting nge 'dzin la yang dang yang mnyam par 'jog pa dang /sems can rnams kyi dge ba'i rtsa ba ji lta ji ltar 'grub par 'gyur ba de lta de lta bu'i lus yongs su sgrub cing ched du bsams shing srid pa nye bar len pa ste/ rab 'byor chos bzhi po de dag ni byang chub sems dpa' sems dpa' chen po sa brgyad pa la gnas pas yongs su rdzogs par bya'o//rab 'byor gzhan yang byang chub sems dpa' sems dpa' chen po sa dgu pa la gnas pas chos bcu gnyis yongs su rdzogs par bya ste/ bcu gnyis gang zhe na/ 'di ltar smon lam mtha' yas yongs su bzung ba ste/ ji lta ji ltar smon pa de lta de ltar phun sum tshogs par 'gyur ba dang /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i skad shes pa dang / yongs su rdzogs pa'i spobs pas nges par bstan pa shes pa dang / ma'i mngal du 'gro ba phun sum tshogs pa dang / rigs phun sum tshogs pa dang / rus phun sum tshogs pa dang / rgyud phun sum tshogs pa dang / 'khor phun sum tshogs pa dang / skye ba phun sum tshogs pa dang / mngon par 'byung ba phun sum tshogs pa dang / byang chub kyi shing gi rgyan phun sum tshogs pa dang / yon tan thams cad yongs su rdzogs pa phun sum tshogs pa ste/rab 'byor chos bcu gnyis po de dag ni byang chub sems dpa' sems dpa' chen po sa dgu pa la gnas pas yongs su rdzogs par bya'o/ /rab 'byor sa bcu pa la gnas pa'i byang chub sems dpa' sems dpa' chen po ni de bzhin gshegs pa nyid du brjod do//de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i lhag pa'i bsam pa la sogs pa yongs su sbyang ba gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas dge ba'i rtsa ba mang po yang dag par sdud pa gang yin pa 'di ni/ rab 'byor byang chub sems dpa' sems dpa' chen po lhag pa'i bsam pa yongs su sbyang ba'o//de la byang chub sems dpa' sems dpa' chen po phan pa'i dngos po yongs su sbyang ba gang zhe na/ byang chub sems dpa' sems dpa' chen po gang sems can thams cad kyi don du theg pa chen po'i ye shes tshol zhing sgrub par byed pa 'di ni byang chub sems dpa' sems dpa' chen po phan pa'i dngos po yongs su sbyang ba yin no//de la byang chub sems dpa' sems dpa' chen po'i sems can thams cad la sems mnyam pa nyid yongs su sbyang ba gang zhe na/ rnam pa thams cad mkhyen pa nyid dang ldan pa'i sems bskyed pas tshad med pa bzhi po byams pa dang /snying rje dang / dga' ba dang / btang snyoms mngon par sgrub pa gang yin pa 'di ni byang chub sems dpa' sems dpa' chen po'i sems can thams cad la sems mnyam pa nyid yongs su sbyang ba'o/ /de la byang chub sems dpa' sems dpa' chen po'i gtong ba yongs su sbyang ba gang zhe na/sems can thams cad la rnam par rtog pa med par sbyin pa yongs su gtong ba gang yin pa ste/ 'di ni byang chub sems dpa' sems dpa' chen po gtong ba yongs su sbyang bar bya ba'o/ /de la byang chub sems dpa' sems dpa' chen po'i dge ba'i bshes gnyen bsten pa yongs su sbyang ba gang zhe na/'di lta ste/ gang de la rnam pa thams cad mkhyen pa nyid du yang dag par bskul ba dang / gzhog pa dang / rab tu gzhog par byed pa de dag ni byang chub sems dpa' sems dpa' chen po'i dge ba'i bshes gnyen te/ dge ba'i bshes gnyen de dag bsten pa dang /rim gror bya ba dang / bkur stir bya ba dang / bsti stang du bya ba gang yin pa ste/ 'di ni byang chub sems dpa' sems dpa' chen po'i dge ba'i bshes gnyen bsten pa yongs su sbyang ba'o/ /de la byang chub sems dpa' sems dpa' chen po'i chos btsal ba yongs su sbyang ba gang zhe na/rnam pa thams cad mkhyen pa nyid dang ldan pa'i sems bskyed pas chos tshol zhing nyan thos dang rang sangs rgyas kyi sar mi ltung ba 'di ni byang chub sems dpa' sems dpa' chen po'i chos btsal ba yongs su sbyang ba'o/ /de la byang chub sems dpa' sems dpa' chen po'i yang dang yang nges par 'byung ba yongs su sbyang ba gang zhe na/tshe rabs thams cad du 'du 'dzi med par nges par 'byung zhing de bzhin gshegs pa'i bstan pa la rab tu 'byung zhing der yang bar chad byed pa gang yang med pa gang yin pa 'di ni byang chub sems dpa' sems dpa' chen po'i yang dang yang nges par 'byung ba yongs su sbyang ba'o//de la byang chub sems dpa' sems dpa' chen po'i sangs rgyas kyi sku la 'dod pa yongs su sbyang ba gang zhe na/ sangs rgyas kyi sku mthong nas nam rnam pa thams cad mkhyen pa nyid thob par 'gyur gyi bar du sangs rgyas kyi sku yid la bya ba dang / nam yang 'bral bar mi 'gyur ba gang yin pa ste/'di ni byang chub sems dpa' sems dpa' chen po'i sangs rgyas kyi sku la mos pa yongs su sbyang ba'o/ /de la byang chub sems dpa' sems dpa' chen po'i chos rnam par 'grel pa yongs su sbyang ba gang zhe na/ byang chub sems dpa' sems dpa' chen po de bzhin gshegs pa mngon du 'gyur ba 'am yongs su mya ngan las 'das pa'i tshe/sems can rnams la chos ston cing thog mar yang dge /bar du yang dge /tha mar yang dge /yi ge bzang po/ don bzang po/ ma 'dres pa/ yongs su rdzogs pa/ yongs su dag pa/ yongs su byang ba'i tshangs par spyod pa 'di lta ste/mdo dang dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin tu rgyas pa dang / rmad du byung ba dang / rtogs pa brjod pa dang / gtan la dbab par bstan pa dag yang dag par ston pa gang yin pa ste/'di ni byang chub sems dpa' sems dpa' chen po'i chos rnam par dbye ba yongs su sbyang ba'o/ /de la byang chub sems dpa' sems dpa' chen po'i nga rgyal dang khengs pa bsal ba yongs su sbyang ba gang zhe na/ nga rgyal dang khengs pa yongs su bsal ba des nam yang rigs dma' bar mi skye ba 'di ni byang chub sems dpa' sems dpa' chen po'i nga rgyal dang khengs pa bsal ba yongs su sbyang ba'o// //bam po bco brgyad pa/ de la byang chub sems dpa' sems dpa' chen po'i bden pa'i tshig yongs su sbyang ba gang zhe na/ 'di lta ste/ ji skad smras pa de ltar byed pa gang yin pa ste/'di ni byang chub sems dpa' sems dpa' chen po'i bden pa'i tshig yongs su sbyang ba'o/ /rab 'byor de dag ni byang chub sems dpa' sems dpa' chen po sa dang po la gnas pa'i yongs su sbyong ba bcu'o/ /rab 'byor de la byang chub sems dpa' sems dpa' chen po tshul khrims yongs su dag pa gang zhe na/'di lta ste/ nyan thos dang rang sangs rgyas kyi sems yid la mi byed cing de ma yin pa'i tshul khrims ngan par byed pa dang / byang chub kyi gegs su 'gyur ba'i chos gzhan dag kyang yid la mi byed pa gang yin pa ste/ 'di ni byang chub sems dpa' sems dpa' chen po'i tshul khrims yongs su dag pa'o//de la byang chub sems dpa' sems dpa' chen po'i byas pa shes shing drin du gzo ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa'i tshe phan pa chung ngu zhig kyang 'khor ba ma zad kyi bar du chud mi gson na/mang po lta ci smos te/ 'di ni byang chub sems dpa' sems dpa' chen po'i byas pa shes shing drin du gzo ba'o / /de la byang chub sems dpa' sems dpa' chen po bzod pa'i mthu la gnas pa gang zhe na/ sems can thams cad la gnod sems med cing 'tshe ba med pa'i sems gang yin pa ste/'di ni byang chub sems dpa' sems dpa' chen po'i bzod pa'i mthu la gnas pa'o/ /de la byang chub sems dpa' sems dpa' chen po'i rab tu dga' zhing spro ba myong bar bya ba gang zhe na/ 'di lta ste/ sems can thams cad theg pa gsum la yongs su smin par byed pa gang yin pa ste/'di ni byang chub sems dpa' sems dpa' chen po'i rab tu dga' zhing spro ba myong bar bya ba'o/ /de la byang chub sems dpa' sems dpa' chen po'i sems can thams cad yongs su mi gtong ba gang zhe na/ 'di lta ste/sems can thams cad yongs su skyob pa gang yin pa ste/ 'di ni byang chub sems dpa' sems dpa' chen po'i sems can thams cad yongs su mi gtong ba'o/ /de la byang chub sems dpa' sems dpa' chen po'i snying rje chen po mngon du bya ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa'i tshe/'di snyam du sems shing bdag gis sems can re re'i don du yang bskal pa gang gA'i klung gi bye ma snyed du sems can dmyal bar gnas par bya ste/ sems can thams cad sangs rgyas kyi ye shes la ma bkod kyi bar du de dag tu gtub cing gshegs pa dang /brdung zhing btso ba dang / sreg pa la sogs pa nyams su myong bar bya'o snyam nas/ de bzhin du sems can thams cad kyi don du spro zhing skyo ba med pa gang yin pa ste/ 'di ni byang chub sems dpa' sems dpa' chen po'i snying rje chen po mngon du bya ba'o/ /de la byang chub sems dpa' sems dpa' chen po dad pas bkur sti byed pa gang zhe na/byang chub sems dpa' sems dpa' chen po gang thams cad la nga rgyal bcag pa nyid kyis yang dag par 'dud pa gang yin pa ste/ 'di ni byang chub sems dpa' sems dpa' chen po'i dad pas bkur sti byed pa zhes bya'o//de la byang chub sems dpa' sems dpa' chen po'i bla ma bsnyen bkur zhing dad pas gus par bya ba gang zhe na/ 'di ltar bla ma rnams la ston pa'i 'du shes su byed pa gang yin pa ste/ 'di ni byang chub sems dpa' sems dpa' chen po'i bla ma bsnyen bkur zhing dad pas gus par bya ba'o//de la byang chub sems dpa' sems dpa' chen po'i pha rol tu phyin pa rnams la brtson zhing tshol ba gang zhe na/ 'di lta ste/ sems can thams cad yongs su smin par bya ba'i phyir las gzhan med par pha rol tu phyin pa rnams yongs su tshol ba gang yin pa ste/ 'di ni byang chub sems dpa' sems dpa' chen po'i pha rol tu phyin pa rnams la brtson zhing tshol ba'o//de la byang chub sems dpa' sems dpa' chen po'i mang du thos pas mi ngoms pa gang zhe na/ 'di lta ste/ sangs rgyas bcom ldan 'das rnams kyis 'jig rten gyi khams 'di 'am/ phyogs bcu kun gyi 'jig rten gyi khams su gang ji bstan pa de dag thams cad yongs su bzung bar bya'o zhes mi ngoms pa gang yin pa ste/'di ni byang chub sems dpa' sems dpa' chen po mang du thos pas mi ngoms pa'o/ /de la byang chub sems dpa' sems dpa' chen po'i zang zing med par chos kyi sbyin pa rnam par 'byed pa gang zhe na/ byang chub sems dpa' sems dpa' chen po chos ston pa'i tshe/ chos kyi sbyin pa de chung ngu na byang chub tu yang re ba med pa gang yin pa ste/ 'di ni byang chub sems dpa' sems dpa' chen po'i zang zing med par chos kyi sbyin pa rnam par 'byed pa'o/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba gang zhe na/dge ba'i rtsa ba gang gis sangs rgyas kyi zhing yongs su dag par byed cing bdag dang gzhan gyi sems yongs su sbyong ba'i tshe dge ba'i rtsa ba de dag yongs su bsngo ba gang yin pa ste/ 'di ni byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba'o//de la byang chub sems dpa' sems dpa' chen po'i dpag tu med pa'i 'khor bas yongs su skyo ba med pa gang zhe na/ dge ba'i rtsa ba gang gis nye bar bstan na sems can yongs su smin par 'gyur ba dang /sangs rgyas kyi zhing yongs su dag par 'gyur ba de lta bu'i dge ba'i rtsa ba nye bar ston cing rnam pa thams cad mkhyen pa nyid yongs su ma rdzogs kyi bar du nam yang skyo bar mi 'gyur ba 'di ni byang chub sems dpa' sems dpa' chen po'i dpag tu med pa'i 'khor bas yongs su skyo ba med pa'o//de la byang chub sems dpa' sems dpa' chen po'i ngo tsha shes shing khrel yod pa la gnas pa gang zhe na/ 'di lta ste/ nyan thos dang / rang sangs rgyas kyi sems la smod pa ste/ 'di ni byang chub sems dpa' sems dpa' chen po'i ngo tsha shes shing khrel yod pa la gnas pa'o//de la byang chub sems dpa' sems dpa' chen po'i dgon pa la gnas pa yongs su mi gtong ba gang zhe na/ nyan thos dang / rang sangs rgyas kyi sa las 'da' ba gang yin pa ste/ 'di ni byang chub sems dpa' sems dpa' chen po'i dgon pa la gnas pa yongs su mi gtong ba'o//de la byang chub sems dpa' sems dpa' chen po'i 'dod pa chung ba gang zhe na/ byang chub sems dpa' sems dpa' chen po byang chub la yang 'dod pa mi skyed pa gang yin pa ste/ 'di ni byang chub sems dpa' sems dpa' chen po'i 'dod pa chung ba'o//de la byang chub sems dpa' sems dpa' chen po'i chog shes pa gang zhe na/ rnam pa thams cad mkhyen pa nyid thob kyang rlom sems su mi byed pa ste/ 'di ni byang chub sems dpa' sems dpa' chen po'i cho ga shes pa'o/ /de la byang chub sems dpa' sems dpa' chen po'i sbyangs pa'i yon tan dang yo byad bsnyungs pa yongs su mi gtong ba gang zhe na/'di ltar chos zab mo rnams la rtog par 'jog pa'i bzod pa ste/ 'di ni byang chub sems dpa' sems dpa' chen po'i sbyangs pa'i yon tan gyi sdom pa mi gtong ba'o/ /de la byang chub sems dpa' sems dpa' chen po'i bslab pa yongs su mi gtong ba gang zhe na/bslab pa thams cad la sgyu med pa gang yin pa ste/ 'di ni byang chub sems dpa' sems dpa' chen po'i bslab pa yongs su mi gtong ba'o/ /de la byang chub sems dpa' sems dpa' chen po'i 'dod pa'i yon tan la smod pa gang zhe na/'dod pa'i sems mi bskyed pa gang yin pa ste/ 'di ni byang chub sems dpa' sems dpa' chen po'i 'dod pa'i yon tan la smod pa'o/ /de la byang chub sems dpa' sems dpa' chen po'i mya ngan las 'das pa dang ldan pa'i sems bskyed pa gang zhe na/ 'di ltar chos thams cad mngon par 'du byed pa med pa gang yin pa ste/'di ni byang chub sems dpa' sems dpa' chen po'i mya ngan las 'das pa dang ldan pa'i sems bskyed pa'o/ /de la byang chub sems dpa' sems dpa' chen po'i rdzas thams cad yongs su gtong ba gang zhe na/ phyi nang gi chos thams cad la 'dzin pa med pa gang yin pa ste/'di na byang chub sems dpa' sems dpa' chen po'i rdzas thams cad yongs su gtong ba'o/ /de la byang chub sems dpa' sems dpa' chen po'i sems zhum pa med pa gang zhe na/ rnam par shes pa gnas pa la de'i sems mi gnas pa gang yin pa ste/'di ni byang chub sems dpa' sems dpa' chen po'i sems zhum pa med pa'o/ /de la byang chub sems dpa' sems dpa' chen po'i dngos po thams cad la ltos pa med pa gang zhe na/ dngos po thams cad yid la mi byed pa gang yin pa ste/ 'di ni byang chub sems dpa' sems dpa' chen po'i dngos po thams cad la ltos pa med pa'o//de la byang chub sems dpa' sems dpa' chen po'i khyim pa dang bsten pa yongs su spang ba gang zhe na/ 'di lta ste/ sangs rgyas kyi zhing nas sangs rgyas kyi zhing du 'gro zhing rdzus te skye ba dang / mgo bregs shing ngur smrig gi gos bgo ba gang yin pa ste/'di ni byang chub sems dpa' sems dpa' chen po'i khyim pa dang bsten pa yongs su spang ba'o/ /de la byang chub sems dpa' sems dpa' chen po'i dge slong ma dang bsten pa yongs su spang ba gang zhe na/ dge slong ma dang se gol gtogs pa tsam yang lhan cig mi gnas shing de'i rgyus yongs su brkam pa'i sems mi bskyed de/de'i rgyus gos 'thob par yang mi byed pa gang yin pa 'di ni byang chub sems dpa' sems dpa' chen po'i dge slong ma dang bsten pa yongs su spang ba'o/ /de la byang chub sems dpa' sems dpa' chen po'i rigs la ser sna byed pa yongs su spong ba gang zhe na/rab 'byor 'di la byang chub sems dpa' sems dpa' chen pos 'di ltar sems bskyed par bya ste/ gang bdag gis sems can thams cad la bde ba'i rnam pa bsgrub par bya ba de dag sems can 'di dag rang rang gi bsod nams kyis bde bar 'gyur na/de la bdag gis ser sna'i sems bskyed par mi bya'o zhes bya ba gang yin pa ste/ 'di ni byang chub sems dpa' sems dpa' chen po'i rigs la ser sna byed pa yongs su spang ba'o/ /de la ji ltar na byang chub sems dpa' sems dpa' chen pos 'du 'dzi'i gnas yongs su spang bar bya ba gang zhe na/byang chub sems dpa' sems dpa' chen po'i 'du 'dzi'i gnas gang du gnas pas nyan thos sam/ rang sangs rgyas yod pa'am/ de dang ldan pa'i gtam 'byung bar 'gyur ba 'am/ de dang ldan pa'i sems skyed pa skye bar 'gyur ba de lta bur byang chub sems dpa' sems dpa' chen pos gnas par mi bya ba gang yin pa ste/'di ni byang chub sems dpa' sems dpa' chen po'i 'du 'dzi'i gnas yongs su spang bar bya ba'o/ /de la ji ltar na byang chub sems dpa' sems dpa' chen pos gnod sems yongs su spang bar bya ba gang yin zhe na/ gnod sems dang 'tshe ba'i sems kyi skabs mi 'byed cing 'thab mo'i sems sam rtsod pa'i sems kyi go mi 'byed pa gang yin pa ste/ 'di ni byang chub sems dpa' sems dpa' chen po'i gnod sems yongs su spang bar bya ba'o/ /de la byang chub sems dpa' sems dpa' chen po'i bdag bstod pa yongs su spang ba gang zhe na/nang gi chos rnams yang dag par rjes su mi mthong ba gang yin pa ste/ 'di ni byang chub sems dpa' sems dpa' chen po'i bdag bstod pa yongs su spang ba'o/ /de la byang chub sems dpa' sems dpa' chen po'i gzhan smod pa yongs su spang ba gang zhe na/'di lta ste/ phyi rol gyi chos rnams yang dag par rjes su mi mthong ba gang yin pa ste/ 'di ni byang chub sems dpa' sems dpa' chen po'i gzhan smod pa yongs su spang ba'o/ /de la ji ltar na byang chub sems dpa' sems dpa' chen pos mi dge ba bcu'i las kyi lam yongs su spang bar bya ba gang zhe na/de dag ni 'di ltar bde 'gro la yang bar du gcod na/ 'phags pa'i lam la lta ci smos te/ bla na med pa yang dag par rdzogs pa'i byang chub la lta ci smos kyang mi dgos kyis spang bar bya'o zhes spong ba gang yin pa ste/ 'di ni byang chub sems dpa' sems dpa' chen po'i mi dge ba bcu'i las kyi lam yongs su spang bar bya ba'o //de la ji ltar na byang chub sems dpa' sems dpa' chen po'i lhag pa'i nga rgyal yongs su spang bar bya ba gang zhe na/ de ni 'di ltar des chos gang yang yang dag par rjes su ma mthong na/ gang gis nga rgyal du 'gyur ba'i lhag pa la lta ci smos zhes nga rgyal du mi byed pa gang yin pa ste/'di ni byang chub sems dpa' sems dpa' chen po'i lhag pa'i nga rgyal yongs su spang bar bya ba'o/ /de la ji ltar na byang chub sems dpa' sems dpa' chen pos khengs pa yongs su spang bar bya ba gang yin zhe na/'di ltar des gang la khengs pa skye bar 'gyur ba de lta bu'i dngos po yang dag par rjes su mi mthong ba gang yin pa ste/ 'di ni byang chub sems dpa' sems dpa' chen po'i khengs pa yongs su spang bar bya ba'o/ /de la ji ltar na byang chub sems dpa' sems dpa' chen po'i phyin ci log rnams yongs su spang bar bya ba gang zhe na/dngos po mi dmigs pa gang yin pa ste/ 'di ni byang chub sems dpa' sems dpa' chen po'i phyin ci log rnams yongs su spang bar bya ba'o/ /de la ji ltar na byang chub sems dpa' sems dpa' chen pos yid gnyis spang bar bya ba gang zhe na/gang gi phyir chos thams cad yid gnyis dang bral bar mthong ba gang yin pa ste/ rab 'byor 'di ni byang chub sems dpa' sems dpa' chen po'i yid gnyis spang bar bya ba yin no/ /de la ji ltar na byang chub sems dpa' sems dpa' chen po'i 'dod chags dang zhe sdang dang / gti mug nyams rangs su mi 'dor ba yin zhe na/de ni 'di ltar 'dod chags dang / zhe sdang dang / gti mug yang dag par rjes su mi mthong ba gang yin pa ste/ 'di ni byang chub sems dpa' sems dpa' chen po'i 'dod chags dang zhe sdang dang gti mug nyams rangs su mi 'dor ba'o/ / de la sa drug pa la chos drug yongs su rdzogs par bya ba gang yin zhe na/ 'di ltar pha rol tu phyin pa drug ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa yongs su rdzogs par bya ba gang yin pa ste/ de ci'i phyir zhe na/ de ni 'di ltar pha rol tu phyin pa drug po 'di dag la gnas te/ sangs rgyas bcom ldan 'das rnams dang / nyan thos dang rang sangs rgyas shes par bya ba'i rgya mtsho lnga'i pha rol tu phyin par gyur to//phyin to/ /phyin par 'gyur ro/ /lnga gang zhe na/ 'di lta ste/ 'das pa dang / ma 'ongs pa dang / da ltar byung ba dang / brjod du med pa dang / 'dus ma byas pa ste/ de ltar na byang chub sems dpa' sems dpa' chen pos pha rol tu phyin pa drug yongs su rdzogs par bya ba'o//de la ji ltar na byang chub sems dpa' sems dpa' chen pos chos drug yongs su spang bar bya ba yin zhe na/ 'di lta ste/ nyan thos kyi sems yongs su spang bar bya ste/ de ci'i phyir zhe na/ 'di ltar de ni byang chub kyi lam ma yin no/ /rang sangs rgyas kyi sems spang bar bya ste/de ci'i phyir zhe na/ 'di ltar de ni byang chub kyi lam ma yin no/ /yongs su chad pa'i sems spang bar bya ste/ de ci'i phyir zhe na/ 'di ltar de ni byang chub kyi lam ma yin no/ /slong ba mthong na zhum pa'i sems bskyed par mi bya ste/ de ci'i phyir zhe na/ 'di ltar de ni byang chub kyi lam ma yin no//dngos po thams cad yongs su btang bas yid mi bde bar mi bya ste/ de ci'i phyir zhe na/ 'di ltar de ni byang chub kyi lam ma yin no/ /slong ba po spang bar mi bya ste/ de ci'i phyir zhe na/ 'di ltar de ni byang chub kyi lam ma yin te/ de ltar byang chub sems dpa' sems dpa' chen pos chos drug yongs su spang bar bya'o//de la ji ltar na byang chub sems dpa' sems dpa' chen pos bdag tu 'dzin par mi bya zhe na/ de ni 'di ltar de dag shin tu med pa'i phyir te/ de ltar byang chub sems dpa' sems dpa' chen pos bdag tu 'dzin par mi bya'o//de la ji ltar na sems can dang / srog dang gang zag tu 'dzin par mi bya zhe na/ de ni 'di ltar de dag shin tu med pa'i phyir te/ de ltar byang chub sems dpa' sems dpa' chen pos sems can dang / srog dang / gang zag tu 'dzin par mi bya'o/ /de la ji ltar na byang chub sems dpa' sems dpa' chen pos chad par 'dzin par mi bya zhe na/de ni 'di ltar chos thams cad shin tu ma skyes pa'i phyir chos gang yang chad pa med pa'i phyir te/ de ltar byang chub sems dpa' sems dpa' chen pos chad par 'dzin par mi bya'o/ /de la ji ltar na byang chub sems dpa' sems dpa' chen pos rtag par 'dzin par mi bya zhe na/de ni 'di ltar chos gang la yang skye ba med / de la rtag pa med pa'i phyir te/ de ltar byang chub sems dpa' sems dpa' chen pos rtag par 'dzin par mi bya'o/ /de la ji ltar na byang chub sems dpa' sems dpa' chen pos mtshan ma'i 'du shes su mi bya zhe na/de ni 'di ltar kun nas nyon mongs pa shin tu med pa'i phyir te/ de ltar byang chub sems dpa' sems dpa' chen pos mtshan ma'i 'du shes su mi bya'o/ /de la ji ltar na byang chub sems dpa' sems dpa' chen pos rgyur lta bar mi bya zhe na/ de ni 'di ltar lta ba de yang dag par rjes su mi mthong ba'i phyir te/de ltar byang chub sems dpa' sems dpa' chen pos rgyur lta bar mi bya'o/ /de la ji ltar na byang chub sems dpa' sems dpa' chen pos phung po dang / skye mched dang / khams la mngon par chags par mi bya zhe na/ de ni 'di ltar chos de dag shin tu med pa'i phyir te/de ltar phung po dang / skye mched dang / khams la mngon par chags par mi bya'o/ /de la ji ltar na byang chub sems dpa' sems dpa' chen pos khams gsum la mngon par chags par mi bya zhe na/ de ni 'di ltar de'i rang bzhin med pa'i phyir te/ de ltar byang chub sems dpa' sems dpa' chen pos khams gsum la mngon par chags par mi bya'o/ /de la ji ltar na byang chub sems dpa' sems dpa' chen pos khams gsum la mngon par zhen par mi bya zhe na/ de ni 'di ltar de'i dngos po med cing mi dmigs pa'i phyir / de ltar byang chub sems dpa' sems dpa' chen pos khams gsum la mngon par zhen par mi bya'o/ /de la ji ltar na byang chub sems dpa' sems dpa' chen pos khams gsum la brten pa dang gnas par mi bya zhe na/ de ni 'di ltar de'i dngos po med pa'i phyir te/ de ltar byang chub sems dpa' sems dpa' chen pos khams gsum la brten pa dang gnas par mi bya'o//de la ji ltar na byang chub sems dpa' sems dpa' chen pos sangs rgyas la brten pa'i lta ba la mngon par chags par mi bya zhe na/ de ni 'di ltar sangs rgyas su lta ba la brten nas/ sangs rgyas su mthong bar mi 'gyur ba'i phyir te/ de ltar byang chub sems dpa' sems dpa' chen pos sangs rgyas la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos chos la brten pa'i lta ba la mngon par chags par mi bya zhe na/de ni 'di ltar chos su lta ba la brten pas chos mthong bar mi 'gyur ba'i phyir te/ de ltar byang chub sems dpa' sems dpa' chen pos chos la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos dge 'dun la brten pa'i lta ba la mngon par chags par mi bya zhe na/de ni 'di ltar dge 'dun du lta ba la brten pas dge 'dun mthong bar mi 'gyur ba'i phyir / de ltar byang chub sems dpa' sems dpa' chen pos dge 'dun la brten pa'i lta ba la mngon par chags par mi bya'o//de la ji ltar na byang chub sems dpa' sems dpa' chen pos tshul khrims la brten pa'i lta ba la mngon par chags par mi bya zhe na/ de ni 'di ltar tshul khrims su lta ba la brten pa'i tshul khrims rnam par dag par mi 'gyur ba'i phyir te/ de ltar byang chub sems dpa' sems dpa' chen pos tshul khrims la brten pa'i lta ba la mngon par chags par mi bya'o//de la ji ltar na byang chub sems dpa' sems dpa' chen pos chos rnams stong ngo zhes zhum par mi bya zhe na/ de ni 'di ltar chos thams cad stong pa nyid kyis stong pa ma yin gyi/ rang gi mtshan nyid kyis stong pa'i phyir te/de ltar byang chub sems dpa' sems dpa' chen pos chos rnams stong ngo zhes zhum par mi bya'o/ /de la ji ltar na byang chub sems dpa' sems dpa' chen pos stong pa nyid dang 'gal bar mi bya zhe na/ de ni 'di ltar chos thams cad stong pas stong pa nyid dang 'gal bar mi byed pa'i phyir te/de ltar na byang chub sems dpa' sems dpa' chen pos stong pa nyid dang 'gal bar mi bya'o/ /de la ji ltar na byang chub sems dpa' sems dpa' chen pos stong pa nyid yongs su rdzogs par bya ba yin zhe na/ rang gi mtshan nyid stong pa nyid nye bar bzung nas yongs su rdzogs pa ni byang chub sems dpa' sems dpa' chen po'i stong pa nyid yongs su rdzogs pa ste/de ni byang chub sems dpa' sems dpa' chen po'i stong pa nyid yongs su rdzogs par bya ba'o / /de la ji ltar na byang chub sems dpa' sems dpa' chen pos mtshan ma med pa mngon du bya ba yin zhe na/'di lta ste/ mtshan ma thams cad yid la mi byed pa'i phyir te/ de ni byang chub sems dpa' sems dpa' chen po'i mtshan ma med pa mngon du bya ba'o/ /de la ji ltar na byang chub sems dpa' sems dpa' chen po'i smon pa med pa shes pa zhe na/de ni khams gsum thams cad du sems mi gnas pa ste/ de ni byang chub sems dpa' sems dpa' chen po'i smon pa med pa shes pa'o/ /de la ji ltar na byang chub sems dpa' sems dpa' chen po'i 'khor gsum yongs su dag pa yin zhe na/ dge ba bcu'i las kyi lam yongs su rdzogs pa ste/de ni byang chub sems dpa' sems dpa' chen po'i 'khor gsum yongs su dag pa'o/ /de la ji ltar na byang chub sems dpa' sems dpa' chen pos sems can thams cad la snying rje zhing snying brtse ba yongs su rdzogs pa yin zhe na/ snying rje chen po thob pa gang yin pa ste/de ltar byang chub sems dpa' sems dpa' chen pos sems can thams cad la snying rje zhing snying brtse ba yongs su rdzogs par bya ba'o/ /de la ji ltar na byang chub sems dpa' sems dpa' chen pos sems can thams cad la brnyas par mi bya zhe na/ byams pa yongs su rdzogs pa'i phyir te/ de ltar byang chub sems dpa' sems dpa' chen pos sems can thams cad la brnyas par mi bya'o/ /de la byang chub sems dpa' sems dpa' chen po'i chos thams cad mnyam pa nyid du lta ba gang zhe na/ chos thams cad la bsnan pa dang dbri ba med pa gang yin pa ste/de ni byang chub sems dpa' sems dpa' chen pos chos thams cad la mnyam pa nyid du lta ba'o/ /de la byang chub sems dpa' sems dpa' chen po'i yang dag pa'i tshul rab tu rtogs pa gang zhe na/ chos thams cad tshul gcig tu rtogs kyang rtogs pa med pa gang yin pa ste/de ni byang chub sems dpa' sems dpa' chen po'i yang dag pa'i tshul rab tu rtogs pa'o/ /de la byang chub sems dpa' sems dpa' chen po'i mi skye ba la bzod pa gang zhe na/ chos thams cad skye ba med pa dang / 'gag pa med pa dang /mngon par 'du bya ba med pa la bzod pa gang yin pa ste/ de ni byang chub sems dpa' sems dpa' chen po'i mi skye ba la bzod pa'o/ /de la byang chub sems dpa' sems dpa' chen po'i mi skye ba shes pa gang zhe na/ ming dang gzugs mi skye ba shes pa gang yin pa ste/ de ni byang chub sems dpa' sems dpa' chen po'i mi skye ba shes pa'o//de la byang chub sems dpa' sems dpa' chen po'i chos thams cad tshul gcig tu bstan pa gang zhe na/ gnyis la yongs su rgyu ba med pa gang yin pa ste/ de ni byang chub sems dpa' sems dpa' chen po'i chos thams cad tshul gcig tu bstan pa'o//de la byang chub sems dpa' sems dpa' chen po'i rtog pa yang dag par bsal ba gang zhe na/ chos thams cad la rnam par rtog pa med pa gang yin pa ste/ de ni byang chub sems dpa' sems dpa' chen po'i rtog pa yang dag par bsal ba'o//de la byang chub sems dpa' sems dpa' chen po'i 'du shes dang / lta ba rnam par bzlog pa gang zhe na/ nyan thos kyi sa dang / rang sangs rgyas kyi sa rnam par spong ba gang yin pa ste/ de ni byang chub sems dpa' sems dpa' chen po'i 'du shes dang / lta ba rnam par ldog pa'o/ / de la byang chub sems dpa' sems dpa' chen po'i nyon mongs pa rnam par bzlog pa gang zhe na/ bag chags kyis mtshams sbyor ba'i nyon mongs pa thams cad zad pa gang yin pa ste/ de ni byang chub sems dpa' sems dpa' chen po'i nyon mongs pa rnam par bzlog pa'o/ /de la byang chub sems dpa' sems dpa' chen po'i zhi gnas dang /lhag mthong gi sa gang zhe na/ 'di lta ste/ rnam pa thams cad mkhyen pa nyid kyi ye shes te/ de ni byang chub sems dpa' sems dpa' chen po'i zhi gnas dang lhag mthong gi sa'o/ /de la byang chub sems dpa' sems dpa' chen po'i sems dul ba gang zhe na/khams gsum la dga' bar sems pa med pa gang yin pa ste/ de ni byang chub sems dpa' sems dpa' chen po'i dul ba'i sems so/ /de la byang chub sems dpa' sems dpa' chen po'i zhi ba'i sems gang zhe na/ dbang po drug yang dag par 'dus pa gang yin pa ste/de ni byang chub sems dpa' sems dpa' chen po'i zhi ba'i sems so/ /de la byang chub sems dpa' sems dpa' chen po'i thogs pa med pa'i ye shes gang zhe na/ 'di lta ste/ sangs rgyas kyi spyan thob pa gang yin pa ste/ de ni byang chub sems dpa' sems dpa' chen po'i thogs pa med pa'i ye shes so//de la byang chub sems dpa' sems dpa' chen po'i chags pa'i sa ma yin pa'i shes pa gang zhe na/ skye mched drug gi btang snyoms gang yin pa ste/ de ni byang chub sems dpa' sems dpa' chen po'i chags pa'i sa ma yin pa'i shes pa'o/ / de la byang chub sems dpa' sems dpa' chen po'i gang du 'dod pa'i zhing du 'gro ba gang zhe na/ gang sangs rgyas kyi zhing gcig nas kyang ma g.yos bzhin du sangs rgyas kyi zhing thams cad du yang yang dag par mthong zhing 'di las sangs rgyas kyi zhing gi 'du shes kyang mi 'byung ba yin pa ste/'di ni byang chub sems dpa' sems dpa' chen po'i gang du 'dod pa'i zhing du 'gro ba'o/ /de la byang chub sems dpa' sems dpa' chen po'i thams cad du bdag gi ngo bo ston pa gang zhe na/ 'khor gyi dkyil 'khor rnams su gang dang gang la dga' ba de la ji ltar dga' bar rang gi ngo bo de dang de ston pa gang yin pa ste/'di ni byang chub sems dpa' sems dpa' chen po'i thams cad du bdag gi ngo bo ston pa'o/ /de la byang chub sems dpa' sems dpa' chen po'i sems can thams cad kyi sems kyi spyod pa'i rjes su 'jug pa gang zhe na/ sems gcig gis sems can thams cad kyi sems kyi spyod pa shes pa gang yin pa ste/'di ni byang chub sems dpa' sems dpa' chen po'i sems can thams cad kyi sems kyi spyod pa rjes su 'jug pa'o/ /de la ji ltar na byang chub sems dpa' sems dpa' chen po'i mngon par shes pas rnam par rtse ba gang zhe na/mngon par shes pa gang dag gis rnam par rtse ba na sangs rgyas kyi zhing du sangs rgyas lta ba'i phyir 'gro yang sangs rgyas kyi 'du shes mi 'byung ba gang yin pa ste/ 'di ni byang chub sems dpa' sems dpa' chen po'i mngon par shes pas rnam par rtse ba'o/ / de la byang chub sems dpa' sems dpa' chen po'i sangs rgyas kyi zhing ji ltar mthong ba bzhin du yongs su bsgrub pa gang zhe na/ stong gsum gyi stong chen po'i 'jig rten gyi khams kyi dbang phyug gi 'khor los sgyur ba'i sa la gnas te/ stong gsum gyi stong chen po'i 'jig rten gyi khams yongs su gtong zhing des rlom sems su mi byed pa gang yin pa ste/de ni byang chub sems dpa' sems dpa' chen po'i sangs rgyas kyi zhing ji ltar mthong ba bzhin du bsgrub pa'o/ /de la byang chub sems dpa' sems dpa' chen po'i sangs rgyas la bsnyen bkur ba gang zhe na/ sems can thams cad la phan gdags pa'i don du chos la bsnyen bkur ba gang yin pa ste/de ni byang chub sems dpa' sems dpa' chen po'i sangs rgyas la bsnyen bkur ba'o/ /de la byang chub sems dpa' sems dpa' chen po'i sangs rgyas kyi sku yang dag pa ji lta ba bzhin du rtogs pa gang zhe na/ chos kyi sku yang dag pa ji lta ba bzhin du rtogs par byed pa gang yin pa ste/de ni byang chub sems dpa' sems dpa' chen po'i sangs rgyas kyi sku yang dag pa ji lta ba bzhin du brtag pa'o/ /de la byang chub sems dpa' sems dpa' chen po'i dbang po mchog dang mchog ma yin pa shes pa gang zhe na/ stobs bcu la gnas shing sems can thams cad kyi dbang po yongs su rdzogs par shes pa gang yin pa ste/ de ni byang chub sems dpa' sems dpa' chen po'i dbang po mchog dang mchog ma yin pa shes pa'o/ /de la byang chub sems dpa' sems dpa' chen po'i sangs rgyas kyi zhing yongs su sbyong ba gang zhe na/mi dmigs pa'i tshul gyis sems can thams cad kyi sems yongs su sbyong ba gang yin pa ste/ de ni byang chub sems dpa' sems dpa' chen po'i sangs rgyas kyi zhing yongs su sbyong ba'o/ /de la byang chub sems dpa' sems dpa' chen po'i sgyu ma lta bu'i ting nge 'dzin gang zhe na/ting nge 'dzin gang la gnas pas byang chub sems dpa' sems dpa' chen po'i bya ba thams cad byed kyang de'i sems chos gang la yang mi 'jug pa gang yin pa ste/ de ni byang chub sems dpa' sems dpa' chen po'i sgyu ma lta bu'i ting nge 'dzin to/ /de la byang chub sems dpa' sems dpa' chen po'i yang dang yang mnyam par gzhag pa gang zhe na/byang chub sems dpa' sems dpa' chen po'i rnam par smin pa las skyes pa'i ting nge 'dzin te/ de ni byang chub sems dpa' sems dpa' chen po'i yang dang yang mnyam par gzhag pa'o/ /de la ji ltar na byang chub sems dpa' sems dpa' chen po'i sems can rnams kyi dge ba'i rtsa ba ji lta ji ltar 'grub par 'gyur ba de lta de ltar lus yongs su bsgrub pa gang yin zhe na/'di la byang chub sems dpa' sems dpa' chen po sems can rnams ji lta ji ltar yongs su smin par 'gyur ba de lta de ltar ched du bsams shing lus yongs su bsgrub pa gang yin pa ste/de ni byang chub sems dpa' sems dpa' chen po'i sems can rnams kyi dge ba'i rtsa ba ji lta ji ltar 'grub pa de lta de ltar lus yongs su bsgrub pa'o/ /de la ji ltar na byang chub sems dpa' sems dpa' chen po'i ched du bsams shing srid pa nye bar len pa yin zhe na/'di lta ste sems can yongs su smin par bya ba'i phyir te/ de ni byang chub sems dpa' sems dpa' chen po'i ched du bsams shing srid pa nye bar len pa'o/ /de la ji ltar na byang chub sems dpa' sems dpa' chen po'i ji lta ji ltar smon pa de lta de ltar phun sum tshogs par 'gyur ba yin zhe na/de la byang chub sems dpa' sems dpa' chen po pha rol tu phyin pa drug yongs su rdzogs pa'i phyir te/ de ni byang chub sems dpa' sems dpa' chen po'i ji lta ji ltar smon pa de lta de ltar phun sum tshogs par 'gyur ba'o / /de la ji ltar na byang chub sems dpa' sems dpa' chen po lha dang /klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i skad shes par bya ba khong du chud pa yin zhe na/ 'di lta ste/ nges pa'i tshig so so yang dag par rig pas khong du chud pa gang yin pa ste/de ni byang chub sems dpa' sems dpa' chen po'i sems can thams cad kyi skad shes par bya ba khong du chud pa'o/ /de la ji ltar na byang chub sems dpa' sems dpa' chen po'i yongs su rdzogs pa'i spobs pas nges par bstan pa shes par bya ba rtogs pa yin zhe na/'di lta ste/ spobs pa so so yang dag par rig pas khong du chud pa ste/ de ni byang chub sems dpa' sems dpa' chen po'i yongs su rdzogs pa'i spobs pas nges par bstan pa shes par bya ba rtogs pa'o/ /de la byang chub sems dpa' sems dpa' chen po'i ma'i mngal du 'gro ba phun sum tshogs pa gang zhe na/'di la byang chub sems dpa' sems dpa' chen po'i tshe rabs thams cad du rdzus shing skye ba gang yin pa ste/ de ni byang chub sems dpa' sems dpa' chen po'i ma'i mngal du 'gro ba phun sum tshogs pa'o/ /de la byang chub sems dpa' sems dpa' chen po'i rigs phun sum tshogs pa gang zhe na/byang chub sems dpa' sems dpa' chen po rigs chen por skye ba gang yin pa ste/ de ni byang chub sems dpa' sems dpa' chen po'i rigs phun sum tshogs pa'o/ /de la byang chub sems dpa' sems dpa' chen po'i rus phun sum tshogs pa gang zhe na/byang chub sems dpa' sems dpa' chen po'i rgyal rigs che zhing mtho ba 'am/ bram ze'i rigs che zhing mtho bar skye ba gang yin pa ste/ de ni byang chub sems dpa' sems dpa' chen po'i rus phun sum tshogs pa'o/ /de la byang chub sems dpa' sems dpa' chen po'i rgyud phun sum tshogs pa gang zhe na/byang chub sems dpa' sems dpa' chen po gang gi rigs su sngon gyi byang chub sems dpa' sems dpa' chen po rnams byung bar gyur pa de'i rgyud du skye ba gang yin pa ste/ de ni byang chub sems dpa' sems dpa' chen po'i rgyud phun sum tshogs pa'o//de la byang chub sems dpa' sems dpa' chen po'i 'khor phun sum tshogs pa gang zhe na/ byang chub sems dpa' sems dpa' chen po byang chub la sems can rnams bkod cing byang chub sems dpa'i 'khor dang ldan pa nyid du 'gyur ba de ni byang chub sems dpa' sems dpa' chen po'i 'khor phun sum tshogs pa'o//de la byang chub sems dpa' sems dpa' chen po'i skye ba phun sum tshogs pa gang zhe na/ byang chub sems dpa' sems dpa' chen po skyes ma thag tu 'jig rten gyi khams snang bas rgyas par bkang zhing de dag thams cad rnam par 'gyur ba drug tu g.yo bar byed pa gang yin pa ste/de ni byang chub sems dpa' sems dpa' chen po'i skye ba phun sum tshogs pa'o/ /de la byang chub sems dpa' sems dpa' chen po'i mngon par 'byung ba phun sum tshogs pa gang zhe na/ byang chub sems dpa' sems dpa' chen po rab tu 'byung ba'i phyir sems can bye ba khrag khrig brgya stong du ma dang lhan cig tu mngon par 'byung zhing /sems can de dag kyang theg pa gsum la nges par 'byung ba gang yin pa ste/ de ni byang chub sems dpa' sems dpa' chen po'i mngon par 'byung ba phun sum tshogs pa'o/ / de la byang chub sems dpa' sems dpa' chen po'i byang chub kyi shing gi rgyan phun sum tshogs pa gang zhe na/ byang chub sems dpa' sems dpa' chen po'i byang chub kyi shing gi rtsa ba gser gyi rgyu las byung ba dang / lhun bai DUr+yar 'dug pa dang / yal ga rin po che sna bdun gyi rang bzhin las grub pa dang /me tog dang lo ma rin po che sna tshogs las gyur pa dang / shing de'i dri zhim po dang / 'od bzang pos 'jig rten gyi khams mtha' yas pa rgyas par bkang ba gang yin pa ste/ de ni byang chub sems dpa' sems dpa' chen po'i byang chub kyi zhing gi rgyan phun sum tshogs pa'o//de la byang chub sems dpa' sems dpa' chen po'i yon tan thams cad yongs su rdzogs pa phun sum tshogs pa gang zhe na/ byang chub sems dpa' sems dpa' chen po'i sems can yongs su smin par bya ba rnam par dag pa dang / sangs rgyas kyi zhing rnam par dag pa gang yin pa ste/ de ni byang chub sems dpa' sems dpa' chen po'i yon tan thams cad yongs su rdzogs pa phun sum tshogs pa'o/ /de la byang chub sems dpa' sems dpa' chen po sa bcu pa la gnas pa de bzhin gshegs pa nyid ces bya ba gang zhe na/ byang chub sems dpa' sems dpa' chen po gang gis pha rol tu phyin pa thams cad yongs su rdzogs par gyur pa dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi ye shes dang /bag chags kyis mtshams sbyor ba'i nyon mongs pa thams cad spangs pa dang / snying rje chen po dang / sangs rgyas kyi chos thams cad kyang yongs su rdzogs par gyur pa dag ste/ rab 'byor de ltar na byang chub sems dpa' sems dpa' chen po sa bcu pa la gnas pa ni de bzhin gshegs pa nyid ces bya'o//rab 'byor de la byang chub sems dpa' sems dpa' chen po'i sa bcu pa gang zhe na/ rab 'byor 'di ltar byang chub sems dpa' sems dpa' chen po thabs mkhas pas pha rol tu phyin pa rnams la spyod pa dang / stong pa nyid thams cad dang / byang chub kyi phyogs kyi chos sum cu rtsa bdun dang /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la spyod pa'i tshe/rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa las yang dag par 'das te/ rab 'byor de ltar byang chub sems dpa' sems dpa' chen pos sa dgu pa las yongs su 'das nas sangs rgyas kyi sa la gnas pa ste/rab 'byor de ni byang chub sems dpa' sems dpa' chen po'i sa bcu pa'o/ /rab 'byor de ltar byang chub sems dpa' sems dpa' chen po theg pa chen po la yang dag par zhugs par rig par bya'o zhes bya ba ni sa'i tshogs so// rab 'byor khyod kyis gang yang 'di skad du theg pa chen po des gang nas nges par 'byung bar 'gyur zhes smras pa ni de mi dmigs pa'i tshul gyis khams gsum nas nges par 'byung bar 'gyur ro/ /rnam pa thams cad mkhyen pa nyid du gnas par 'gyur ro//de ci'i phyir zhe na/ rab 'byor de ni 'di ltar theg pa chen po gang yin pa dang / rnam pa thams cad mkhyen pa nyid gang yin pa'i chos de gnyis ka yang ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa mtshan nyid gcig pa ste/'di lta ste/ mtshan nyid med par ro/ /de ci'i phyir zhe na/ rab 'byor mtshan nyid med pa'i chos ni nges par 'byung ba'am/ 'byung bar 'gyur ba'am/ 'byung bar 'gyur ba med de/ rab 'byor gang mtshan nyid med pa'i chos rnams nges par 'byung bar 'dod pa de ni chos kyi dbyings nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni de bzhin nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni yang dag pa'i mtha' nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni bsam gyis mi khyab pa'i dbyings nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni nam mkha'i dbyings nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni 'dod chags spangs pa'i dbyings nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni 'dod chags dang bral ba'i dbyings nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni 'gog pa'i dbyings nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni gzugs stong pa nyid nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni tshor ba stong pa nyid dang / 'du shes stong pa nyid dang / 'du byed rnams stong pa nyid dang / rnam par shes pa stong pa nyid nges par 'byung bar 'dod du zad do//de ci'i phyir zhe na/ rab 'byor gzugs stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /tshor ba stong pa nyid dang / 'du shes stong pa nyid dang / 'du byed rnams stong pa nyid dang / rnam par shes pa stong pa nyid ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /de ci'i phyir zhe na/ 'di ltar gzugs gzugs kyis stong pa'i phyir ro/ /tshor ba dang / 'du shes dang / 'du byed rnams dang / rnam par shes pa rnam par shes pas stong pa'i phyir ro//rab 'byor gang mtshan nyid med pa'i chos rnams nges par 'byung bar 'dod pa de ni mig stong pa nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni rna ba stong pa nyid dang / sna stong pa nyid dang / lce stong pa nyid dang /lus stong pa nyid dang / yid stong pa nyid nges par 'byung bar 'dod du zad do/ /de ci'i phyir zhe na/ rab 'byor mig stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /rna ba stong pa nyid dang / sna stong pa nyid dang /lce stong pa nyid dang / lus stong pa nyid dang / yid stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ 'di ltar mig mig gis stong pa'i phyir ro/ /rna ba dang / sna dang / lce dang / lus dang / yid yid kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni gzugs stong pa nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni sgra stong pa nyid dang / dri stong pa nyid dang /ro stong pa nyid dang / reg stong pa nyid dang / chos stong pa nyid nges par 'byung bar 'dod du zad do/ /de ci'i phyir zhe na/ rab 'byor gzugs stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /sgra dang / dri dang / ro dang / reg dang / chos stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar gzugs gzugs kyis stong pa'i phyir ro/ /sgra dang / dri dang / ro dang / reg dang / chos chos kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni mig gi rnam par shes pa stong pa nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni rna ba'i rnam par shes pa stong pa nyid dang /sna'i rnam par shes pa stong pa nyid dang / lce'i rnam par shes pa stong pa nyid dang / lus kyi rnam par shes pa stong pa nyid dang / yid kyi rnam par shes pa stong pa nyid nges par 'byung bar 'dod du zad do/ /de ci'i phyir zhe na/ rab 'byor mig gi rnam par shes pa stong pa nyid ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /rna ba'i rnam par shes pa stong pa nyid dang / sna'i rnam par shes pa stong pa nyid dang / lce'i rnam par shes pa stong pa nyid dang / lus kyi rnam par shes pa stong pa nyid dang / yid kyi rnam par shes pa stong pa nyid ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi rnam par shes pa mig gi rnam par shes pas stong pa'i phyir ro/ /rna ba'i rnam par shes pa dang / sna'i rnam par shes pa dang /lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni mig gi 'dus te reg pa stong pa nyid nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang /yid kyi 'dus te reg pa stong pa nyid nges par 'byung bar 'dod du zad do/ /de ci'i phyir zhe na/ rab 'byor mig gi 'dus te reg pa stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /rna ba'i 'dus te reg pa stong pa nyid dang /sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/'di ltar mig gi 'dus te reg pa mig gi 'dus te reg pas stong pa'i phyir ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong pa'i phyir ro//rab 'byor gang mtshan nyid med pa'i chos rnams nges par 'byung bar 'dod pa de ni mig gi 'dus te reg pa'i rkyen gyis tshor ba stong pa nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni rna ba'i 'dus te reg pa'i rkyen gyis tshor ba stong pa nyid dang /sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen gyis tshor ba stong pa nyid nges par 'byung bar 'dod du zad do//de ci'i phyir zhe na/ rab 'byor de ni mig gi 'dus te reg pa'i rkyen gyis tshor ba stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang /lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen gyis tshor ba stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do//rab 'byor de ci'i phyir zhe na/ 'di ltar mig gi 'dus te reg pa'i rkyen gyis tshor ba mig gi 'dus te reg pa'i rkyen gyis tshor bas stong pa'i phyir ro/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni rmi lam nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni sgyu ma dang / smig rgyu dang / sgra brnyan dang / mig yor dang / gzugs brnyan dang / dri za'i grong khyer dang / de bzhin gshegs pa'i sprul pa nges par 'byung bar 'dod du zad do//de ci'i phyir zhe na/ rab 'byor rmi lam ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /sgyu ma dang / smig rgyu dang / sgra brnyan dang / mig yor dang / gzugs brnyan dang / dri za'i grong khyer dang / de bzhin gshegs pa'i sprul pa ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar rmi lam ni rmi lam gyis stong pa'i phyir ro/ /sgyu ma dang / smig rgyu dang / sgra brnyan dang / mig yor dang / gzugs brnyan dang / dri za'i grong khyer dang / de bzhin gshegs pa'i sprul pa ni de bzhin gshegs pa'i sprul pas stong pa'i phyir ro zhes bya ba ni mthong ba'i lam gyis bzung ba'i rtog pa dang po'i gnyen po yin no/ /rab 'byor gang mtshan nyid med pa'i chos rnams nges par 'byung bar 'dod pa de ni sbyin pa'i pha rol tu phyin pa nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa nges par 'byung bar 'dod du zad do/ /de ci'i phyir zhe na/ rab 'byor sbyin pa'i pha rol tu phyin pa'i ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do//de ci'i phyir zhe na/ rab 'byor 'di ltar sbyin pa'i pha rol tu phyin pa'i ngo bo nyid ni sbyin pa'i pha rol tu phyin pa'i ngo bo nyid kyis stong pa'i phyir ro/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid ni shes rab kyi pha rol tu phyin pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni nang stong pa nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni phyi stong pa nyid nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni phyi nang stong pa nyid nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni/dngos po med pa'i ngo bo nyid stong pa nyid kyi bar du nges par 'byung bar 'dod du zad do/ /de ci'i phyir zhe na/ rab 'byor nang stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do//phyi stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /phyi nang stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /dngos po med pa'i ngo bo nyid stong pa nyid kyi bar ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor 'di ltar nang stong pa nyid nang stong pa nyid kyis stong pa'i phyir ro/ /phyi stong pa nyid phyi stong pa nyid kyis stong pa'i phyir ro/ / phyi nang stong pa nyid phyi nang stong pa nyid kyis stong pa'i phyir ro/ / dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni dran pa nye bar gzhag pa rnams nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa nges par 'byung bar 'dod du zad do//de ci'i phyir zhe na/ rab 'byor dran pa nye bar gzhag pa rnams kyi ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ / yang dag par spong ba rnams dang / rdzu 'phrul gyi rkang pa rnams dang /dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor 'di ltar dran pa nye bar gzhag pa rnams kyi ngo bo nyid ni dran pa nye bar gzhag pa rnams kyi ngo bo nyid kyis stong pa'i phyir ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid ni 'phags pa'i lam yan lag brgyad pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni bsam gtan rnams dang / tshad med pa rnams dang /gzugs med pa'i snyoms par 'jug pa rnams nges par 'byung bar 'dod du zad do/ /de ci'i phyir zhe na/ rab 'byor bsam gtan rnams kyi ngo bo nyid dang / tshad med pa rnams kyi ngo bo nyid dang / gzugs med pa'i snyoms par 'jug pa rnams kyi ngo bo nyid ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor bsam gtan rnams kyi ngo bo nyid dang / tshad med pa rnams kyi ngo bo nyid dang / gzugs med pa'i snyoms par 'jug pa rnams kyi ngo bo nyid ni gzugs med pa'i snyoms par 'jug pa rnams kyi ngo bo nyid kyis stong pa'i phyir ro//rab 'byor gang mtshan nyid med pa'i chos rnams nges par 'byung bar 'dod pa de ni de bzhin gshegs pa'i stobs bcu nges par 'byung bar 'dod du zad do/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad nges par 'byung bar 'dod du zad do//de ci'i phyir zhe na/ rab 'byor de bzhin gshegs pa'i stobs bcu'i ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /mi 'jigs pa bzhi'i ngo bo nyid dang / so so yang dag par rig pa bzhi'i ngo bo nyid dang /sangs rgyas kyi chos ma 'dres pa bco brgyad kyi ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor de ni 'di ltar de bzhin gshegs pa'i stobs rnams kyi ngo bo nyid ni de bzhin gshegs pa'i stobs rnams kyi ngo bo nyid kyis stong pa'i phyir ro//mi 'jigs pa bzhi'i ngo bo nyid dang / so so yang dag par rig pa bzhi'i ngo bo nyid dang / sangs rgyas kyi chos ma 'dres pa bco brgyad kyi ngo bo nyid ni sangs rgyas kyi chos ma 'dres pa bco brgyad kyi ngo bo nyid kyis stong pa'i phyir ro zhes bya ba ni mthong ba'i lam gyis gzung ba'i rtog pa gnyis pa'i gnyen po yin no// rab 'byor gang mtshan nyid med pa'i chos rnams nges par 'byung bar 'dod pa de ni dgra bcom pa nges par 'byung bar 'dod du zad do/ /rab 'byor mtshan nyid med pa'i chos rnams nges par 'byung bar 'dod pa de ni rang sangs rgyas nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni byang chub sems dpa' nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni de bzhin gshegs pa dgra bcom pa yang dag par rdzogs pa'i sangs rgyas nges par 'byung bar 'dod du zad do//de ci'i phyir zhe na/ rab 'byor dgra bcom pa zag pa zad pa ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ / rang sangs rgyas dang byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor 'di ltar dgra bcom pa'i ngo bo nyid ni dgra bcom pa'i ngo bo nyid kyis stong pa'i phyir ro//rang sangs rgyas dang / byang chub sems dpa' dang / de bzhin gshegs pa'i ngo bo nyid ni de bzhin gshegs pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni rgyun du zhugs pa'i 'bras bu nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid nges par 'byung bar 'dod du zad do/ /de ci'i phyir zhe na/ rab 'byor rgyun du zhugs pa'i 'bras bu ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do//de ci'i phyir zhe na/ rab 'byor 'di ltar rgyun du zhugs pa'i 'bras bu'i ngo bo nyid ni rgyun du zhugs pa'i 'bras bu'i ngo bo nyid kyis stong pa'i phyir ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid kyi ngo bo nyid ni rnam pa thams cad mkhyen pa nyid kyi ngo bo nyid kyis stong pa'i phyir ro zhes bya ba ni mthong ba'i lam la 'dzin pa'i rtog pa dang po'i gnyen po yin no/ / rab 'byor gang mtshan nyid med pa'i chos rnams nges par 'byung bar 'dod pa de ni ming nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni mtshan ma nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni brda nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni tha snyad nges par 'byung bar 'dod du zad do/ /rab 'byor gang mtshan nyid med pa'i chos rnams nges par 'byung bar 'dod pa de ni bdag med pa nges par 'byung bar 'dod du zad do/ / rab 'byor de ci'i phyir zhe na/ rab 'byor ming stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /mtshan ma stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ / brda stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /tha snyad stong pa nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /gdags pa stong pa nyid ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor 'di ltar ming stong pa nyid ming stong pa nyid kyi ngo bo nyid kyis stong pa'i phyir ro/ /mtshan ma stong pa nyid mtshan ma stong pa nyid kyi ngo bo nyid kyis stong pa'i phyir ro/ /brda stong pa nyid brda stong pa nyid kyi ngo bo nyid kyis stong pa'i phyir ro//tha snyad stong pa nyid ni tha snyad stong pa nyid kyi ngo bo nyid kyis stong pa'i phyir ro/ /gdags pa stong pa nyid gdags pa stong pa nyid kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams nges par 'byung bar 'dod pa de ni skye ba med pa nges par 'byung bar 'dod du zad do//rab 'byor gang mtshan nyid med pa'i chos rnams nges par 'byung bar 'dod pa de ni 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa nges par 'byung bar 'dod du zad do//de ci'i phyir zhe na/ rab 'byor skye ba med pa'i ngo bo nyid ni khams gsum nas nges par 'byung ba med do/ /rnam pa thams cad mkhyen pa nyid du gnas pa med do/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa'i ngo bo nyid ni khams gsum nas nges par 'byung ba med do//rnam pa thams cad mkhyen pa nyid du gnas pa med do/ /de ci'i phyir zhe na/ rab 'byor 'di ltar skye ba med pa ni skye ba med pa'i ngo bo nyid kyis stong pa'i phyir ro/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa de ni mngon par 'du bya ba med pa'i ngo bo nyid kyis stong pa'i phyir ro/ /rab 'byor de ltar rnam grangs 'dis ni 'di ltar theg pa chen po ni khams gsum nas nges par 'byung nas rnam pa thams cad mkhyen pa nyid du gnas par shes par bya ste/theg pa de ni bskyod du med pa'o zhes bya ba ni mthong ba'i lam la 'dzin pa'i rtog pa gnyis pa'i gnyen po yin no// //bam po bcu dgu pa/ rab 'byor gzhan yang khyod kyis gang 'di skad du theg pa chen po de gang du gnas par 'gyur zhes smras pa de ni theg pa chen po de gang du'ang gnas par 'gyur ba med de /de ci'i phyir zhe na/ 'di lta ste/ chos thams cad mi gnas pa ste/ rab 'byor 'on kyang theg pa chen po de ni mi gnas pa'i tshul gyis gnas par 'gyur ro/ /rab 'byor 'di lta ste dper na/ chos kyi dbyings ni gnas pa ma yin mi gnas pa ma yin no//rab 'byor de bzhin du theg pa chen po de yang gnas pa ma yin/ mi gnas pa ma yin no/ /rab 'byor 'di lta ste dper na/ ma skyes pa dang / ma 'gags pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa ni gnas pa ma yin/mi gnas pa ma yin no/ /rab 'byor de bzhin du theg pa chen po de yang gnas pa ma yin mi gnas pa ma yin no/ /de ci'i phyir zhe na/ rab 'byor chos kyi dbyings ni chos kyi dbyings kyis stong ngo / /de ci'i phyir zhe na/ rab 'byor chos kyi dbyings kyi rang bzhin ni gnas pa ma yin mi gnas pa yang ma yin no//de ci'i phyir zhe na/ rab 'byor chos kyi dbyings kyi rang bzhin ni chos kyi dbyings kyi rang bzhin gyis stong ngo / /de bzhin du ma skyes pa dang / ma 'gags pa dang / kun nas nyon mongs pa med pa dang / rnam par byang ba med pa dang / mngon par 'du byed pa med pa ni mngon par 'du byed pa med pas stong ngo //de ci'i phyir zhe na/ rab 'byor mngon par 'du byed pa med pa'i rang bzhin ni gnas pa ma yin/ mi gnas pa yang ma yin no/ /de ci'i phyir zhe na/ rab 'byor 'di ltar mngon par 'du byed pa med pa'i rang bzhin gyis stong ngo / /rab 'byor de ltar na theg pa chen po de ni gang du yang mi gnas te/gnas pa med pa'i tshul dang / g.yo ba med pa'i tshul gyis gnas pa ma yin no zhes bya ba ni bsgom pa'i lam la gzung ba'i rnam par rtog pa dang po'i gnyen po yin no/ / rab 'byor gang yang khyod kyis 'di skad du theg pa des gang zhig nges par 'byung bar 'gyur zhes smras pa ni/ theg pa des gang yang nges par 'byung bar 'gyur ba med do/ /de ci'i phyir zhe na/ rab 'byor de ni 'di ltar theg pa de gang yin pa dang / gang nges par 'byung bar 'gyur ba dang / gang gis nges par 'byung bar 'gyur ba dang / gang nas nges par 'byung bar 'gyur ba'i chos de dag thams cad med cing mi dmigs pa'i phyir te/de ltar chos thams cad med cing mi dmigs na chos gang zhig chos gang gis nges par 'byung bar 'gyur/ de ci'i phyir zhe na/ rab 'byor de ni 'di ltar bdag mtha' las 'das pas rnam par dag pa dang / sems can dang / srog dang / 'gro ba dang / gso ba dang / skyes bu dang /gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po mtha' las 'das pas rnam par dag pa'i phyir bdag dmigs su med do/ /mtha' las 'das pas rnam par dag pa'i phyir sems can dang / srog dang / 'gro ba dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po dmigs su med do/ /mtha' las 'das pas rnam par dag pa'i phyir chos kyi dbyings dmigs su med do/ /de bzhin du mtha' las 'das pas rnam par dag pa'i phyir skye ba med pa dang /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du byed pa med pa rnams dmigs su med do/ /mtha' las 'das pas rnam par dag pa'i phyir phung po dang / khams dang / skye mched rnams dmigs su med do/ /mtha' las 'das pas rnam par dag pa'i phyir rten cing 'brel par 'byung ba dmigs su med do//mtha' las 'das pas rnam par dag pa'i phyir sbyin pa'i pha rol tu phyin pa dmigs su med do/ /mtha' las 'das pas rnam par dag pa'i phyir tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dmigs su med do/ /mtha' las 'das pas rnam par dag pa'i phyir nang stong pa nyid dmigs su med do/ /mtha' las 'das pas rnam par dag pa'i phyir phyi stong pa nyid dmigs su med do//mtha' las 'das pas rnam par dag pa'i phyir phyi nang stong pa nyid dmigs su med do/ /mtha' las 'das pas rnam par dag pa'i phyir dngos po med pa'i ngo bo nyid stong pa nyid kyi bar du dmigs su med do/ /mtha' las 'das pas rnam par dag pa'i phyir dran pa nye bar gzhag pa dmigs su med do//mtha' las 'das pas rnam par dag pa'i phyir yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dmigs su med do//mtha' las 'das pas rnam par dag pa'i phyir bsam gtan dang / tshad med pa dang / gzugs med pa'i snyoms par 'jug pa rnams dmigs su med do/ /mtha' las 'das pas rnam par dag pa'i phyir de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dmigs su med do/ /mtha' las 'das pas rnam par dag pa'i phyir rgyun du zhugs pa dmigs su med do/ /mtha' las 'das pas rnam par dag pa'i phyir lan cig phyir 'ong ba dmigs su med do/ /mtha' las 'das pas rnam par dag pa'i phyir phyir mi 'ong ba dmigs su med do//mtha' las 'das pas rnam par dag pa'i phyir dgra bcom pa nyid dmigs su med do/ /mtha' las 'das pas rnam par dag pa'i phyir rang sangs rgyas dmigs su med do/ /mtha' las 'das pas rnam par dag pa'i phyir byang chub sems dpa' dmigs su med do//mtha' las 'das pas rnam par dag pa'i phyir de bzhin gshegs pa dgra bcom pa yang dag par rdzogs pa'i sangs rgyas dmigs su med do/ /mtha' las 'das pas rnam par dag pa'i phyir rgyun du zhugs pa'i 'bras bu dmigs su med do//mtha' las 'das pas rnam par dag pa'i phyir lan cig phyir 'ong ba'i 'bras bu dmigs su med do/ /phyir mi 'ong ba'i 'bras bu dang / dgra bcom pa nyid dang / rang byang chub dmigs su med do/ /mtha' las 'das pas rnam par dag pa'i phyir lam gyi rnam pa shes pa nyid dang rnam pa thams cad mkhyen pa nyid dmigs su med do//mtha' las 'das pas rnam par dag pa'i phyir rab tu dga' ba'i sa dmigs su med do/ /de bzhin du mtha' las 'das pas rnam par dag pa'i phyir dri ma med pa dang / 'od byed pa dang / 'od 'phro ba dang / sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dmigs su med do/ /mtha' las 'das pas rnam par dag pa'i phyir sngon gyi mtha' dmigs su med do/ /mtha' las 'das pas rnam par dag pa'i phyir phyi ma'i mtha' dmigs su med do/ / mtha' las 'das pas rnam par dag pa'i phyir da ltar byung ba dmigs su med do/ /mtha' las 'das pas rnam par dag pa'i phyir 'ong ba dang / 'gro ba dang / gnas pa dang / 'chi 'pho dang / skye ba dang / 'grib pa dang 'phel ba dmigs su med do/ /gang mi dmigs pas dmigs su med pa yin zhe na/chos kyi dbyings mi dmigs pas dmigs su med do/ /de bzhin du skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du byed pa med pas mi dmigs pas mngon par 'du byed pa med pa dmigs su med do/ /de ci'i phyir zhe na/rab 'byor chos kyi dbyings ni mi dmigs pas chos kyi dbyings dmigs su med do/ /skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du mi byed pa med pa mi dmigs pas mngon par 'du mi byed pa med pa dmigs su med do//phung po dang / khams dang / skye mched mi dmigs pas phung po dang / khams dang / skye mched dmigs su med do/ /rten cing 'brel par 'byung ba mi dmigs pas rten cing 'brel par 'byung ba dmigs su med do/ /sbyin pa'i pha rol tu phyin pa mi dmigs pas sbyin pa'i pha rol tu phyin pa dmigs su med do//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa mi dmigs pas shes rab kyi pha rol tu phyin pa dmigs su med do/ /nang stong pa nyid mi dmigs pas nang stong pa nyid dmigs su med do//phyi stong pa nyid nas/ dngos po med pa'i ngo bo nyid stong pa nyid kyi bar mi dmigs pas dngos po med pa'i ngo bo nyid stong pa nyid kyi bar du dmigs su med do/ /dran pa nye bar gzhag pa mi dmigs pas dran pa nye bar gzhag pa dmigs su med do/ /yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam mi dmigs pas lam dmigs su med do/ /bsam gtan dang / tshad med pa dang / gzugs med pa'i snyoms par 'jug pa mi dmigs pas bsam gtan dang / tshad med pa dang /gzugs med pa'i snyoms par 'jug pa dmigs su med de / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams mi dmigs pas/gzungs kyi sgo rnams dmigs su med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad mi dmigs pas sangs rgyas kyi chos ma 'dres pa bco brgyad dmigs su med do zhes bya ba ni bsgom pa'i lam gzung ba'i rtog pa gnyis pa'i gnyen po yin no// rgyun du zhugs pa mi dmigs pas rgyun du zhugs pa dmigs su med do/ /de ci'i phyir zhe na/ rab 'byor rgyun du zhugs pa mtha' las 'das pas rnam par dag pa'i phyir dmigs su med do/ /lan cig phyir 'ong ba dang /phyir mi 'ong ba dang / dgra bcom pa mi dmigs pas dgra bcom pa dmigs su med do/ /rang sangs rgyas mi dmigs pas rang sangs rgyas dmigs su med do/ /byang chub sems dpa' mi dmigs pas byang chub sems dpa' dmigs su med do/ /rab 'byor de bzhin gshegs pa mi dmigs pas de bzhin gshegs pa dmigs su med do//de ci'i phyir zhe na/ mtha' las 'das pas rnam par dag pa'i phyir de bzhin gshegs pa mi dmigs pas de bzhin gshegs pa dmigs su med do zhes bya ba ni bsgom pa'i lam la 'dzin pa'i rtog pa dang po'i gnyen po yin no/ / mtha' las 'das pas rnam par dag pa'i phyir rgyun du zhugs pa'i 'bras bu mi dmigs pas rgyun du zhugs pa'i 'bras bu dmigs su med do//de bzhin du mtha' las 'das pas rnam par dag pa'i phyir/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas nyid dang /sangs rgyas nyid mi dmigs pas sangs rgyas nyid dmigs su med do/ /de bzhin du mtha' las 'das pas rnam par dag pa'i phyir sa rab tu dga' ba mi dmigs pas sa rab tu dga' ba dmigs su med do/ /mtha' las 'das pas rnam par dag pa'i phyir sa dri ma med pa mi dmigs pas sa dri ma med pa dmigs su med do//mtha' las 'das pas rnam par dag pa'i phyir sa 'od byed pa mi dmigs pas sa 'od byed pa dmigs su med do/ /mtha' las 'das pas rnam par dag pa'i phyir sa 'od 'phro ba mi dmigs pas sa 'od 'phro ba dmigs su med do/ /mtha' las 'das pas rnam par dag pa'i phyir sa sbyang dka' ba mi dmigs pas sa sbyang dka' ba dmigs su med do//mtha' las 'das pas rnam par dag pa'i phyir sa mngon du gyur pa mi dmigs pas sa mngon du gyur pa dmigs su med do/ /mtha' las 'das pas rnam par dag pa'i phyir sa ring du song ba mi dmigs pas sa ring du song ba dmigs su med do//mtha' las 'das pas rnam par dag pa'i phyir sa mi g.yo ba mi dmigs pas sa mi g.yo ba dmigs su med do/ /mtha' las 'das pas rnam par dag pa'i phyir sa legs pa'i blo gros mi dmigs pas sa legs pa'i blo gros dmigs su med do//mtha' las 'das pas rnam par dag pa'i phyir sa bcu pa chos kyi sprin mi dmigs pas sa bcu pa chos kyi sprin dmigs su med do/ /rab 'byor gzhan yang sa bcu rnams mi dmigs pas sa bcu rnams dmigs su med do/ /sa bcu gang zhe na/ 'di lta ste/ dkar po rnam par mthong ba'i sa dang /rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa dang / byang chub sems dpa'i sa dang / sangs rgyas kyi sa ste/ nang stong pa nyid kyi phyir sa dang po dmigs su med do//dngos po med pa'i ngo bo nyid stong pa nyid kyi bar gyi phyir sa dang po dmigs su med do/ /nang stong pa nyid kyi phyir sa bcu pa'i bar du dmigs su med do/ /dngos po med pa'i ngo bo nyid stong pa nyid kyi bar gyi phyir sa bcu pa'i bar du dmigs su med do/ /de ci'i phyir zhe na/ rab 'byor mtha' las 'das pas rnam par dag pa'i phyir ro//mtha' las 'das pas rnam par dag pa nye bar bzung na nang stong pa nyid kyi phyir sems can yongs su smin par bya ba dmigs su med do/ /mtha' las 'das pas rnam par dag pa nye bar bzung na dngos po med pa'i ngo bo nyid stong pa nyid kyi bar gyi phyir sems can yongs su smin par bya ba dmigs su med do//mtha' las 'das pas rnam par dag pa nye bar bzung na nang stong pa nyid kyi phyir sangs rgyas kyi zhing yongs su dag par bya ba dmigs su med do/ /mtha' las 'das pas rnam par dag pa nye bar bzung na dngos po med pa'i ngo bo nyid stong pa nyid kyi bar gyi phyir sangs rgyas kyi zhing yongs su dag par bya ba dmigs su med do//mtha' las 'das pas rnam par dag pa nye bar bzung na nang stong pa nyid kyi phyir mig lnga dmigs su med do/ /mtha' las 'das pas rnam par dag pa nye bar bzung na dngos po med pa'i ngo bo nyid stong pa nyid kyi bar gyi phyir mig lnga dmigs su med do//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni chos thams cad mi dmigs pa'i tshul gyis theg pa chen pos rnam pa thams cad mkhyen pa nyid du nges par 'byung bar 'gyur ro zhes bya ba ni bsgom pa'i lam la 'dzin pa'i rtog pa gnyis pa'i gnyen po yin no// de dag gis ni tshogs kyi bsgrub pa bstan to/ / de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das theg pa chen po theg pa chen po zhes bgyi ba 'di ni lha dang mi dang / lha ma yin du bcas pa'i 'jig rten zil gyis mnan te 'byung bar 'gyur ba de'i slad du theg pa chen po zhes bgyi'o//bcom ldan 'das theg pa de ni nam mkha' dang mnyam pa ste/ bcom ldan 'das 'di lta ste dper na/ nam mkha' sems can gzhal du med pa/ grangs dang tshad ma mchis pa'i go 'byed pa de bzhin du theg pa chen po 'di yang sems can gzhal du ma mchis/grangs ma mchis/ tshad ma mchis pa'i go 'byed de/ bcom ldan 'das rnam grangs des na byang chub sems dpa' sems dpa' chen po rnams kyi theg pa chen po lags so/ /bcom ldan 'das 'di lta ste dper na/ nam mkha' la 'gro ba mi mthong / 'ong ba dang gnas pa yang mi mthong ngo //de bzhin du theg pa chen po 'di la yang 'gro ba mi dmigs/ 'ong ba mi dmigs/ gnas pa mi dmigs so/ /bcom ldan 'das 'di lta ste dper na/ nam mkha' ni dus gsum mnyam pa nyid kyi slad du sngon gyi mtha' mi dmigs/ phyi ma'i mtha' mi dmigs/ dbus mi dmigs so//de bzhin du theg pa chen po 'di yang dus gsum mnyam pa nyid kyi slad du sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /de ltar na 'di ni theg pa chen po theg pa chen po zhes bgyi'o/ /bcom ldan 'das kyis bka' stsal pa/ rab 'byor de de bzhin no//de de bzhin te/ pha rol tu phyin pa drug po gang yin pa 'di dag ni/ byang chub sems dpa' sems dpa' chen po'i theg pa chen po ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste/ 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ gzungs kyi sgo thams cad dang /ting nge 'dzin gyi sgo thams cad de / dpa' bar 'gro ba'i ting nge 'dzin dang / nam mkha' ltar chags pa med pas rnam par grol zhing gos pa med pa'i ting nge 'dzin gyi bar du ste/ rab 'byor 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/nang stong pa nyid dang / dngos po med pa'i ngo bo nyid stong pa nyid kyi bar du ste/ 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / bsam gtan bzhi dang /tshad med pa bzhi dang / gzugs med pa'i snyoms par 'jug pa bzhi dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dag ste/ 'di ni byang chub sems dpa' sems dpa' chen po'i theg pa chen po'o//rab 'byor gzhan yang khyod kyis 'di skad du theg pa chen po de ni lha dang / mi dang lha ma yin du bcas pa'i 'jig rten zil gyis mnan te 'byung bar 'gyur ro/ /zhes smras pa ni lha dang / mi dang / lha ma yin du bcas pa'i 'jig rten gang zhe na/'di lta ste 'dod pa'i khams dang / gzugs kyi khams dang / gzugs med pa'i khams te/ rab 'byor gal te 'dod pa'i khams de bzhin nyid du gyur cing ma nor ba de bzhin nyid gzhan ma yin pa de bzhin nyid yin te/ phyin ci ma log pa yang dag pa de kho na ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur ba zhig na/ rab 'byor 'on kyang 'dod pa'i khams de rnam par brtags pa/rnam par bsgrubs pa/ kun tu bstan pa tsam ji lta ba bzhin ma yin zhing 'di thams cad mi rtag cing mi brtan la ther zug ma yin 'gyur ba'i chos can te/ dngos po med pas de'i phyir theg pa chen po 'dis lha dang mi dang / lha ma yin du bcas pa'i 'jig rten zil gyis mnan te 'byung ba yin no//rab 'byor gal te gzugs kyi khams de bzhin nyid du 'gyur zhing ma nor ba de bzhin nyid gzhan ma yin pa de bzhin nyid ma yin te/ phyin ci ma log pa yang yang dag pa de kho na ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/dngos po med pa ma yin na ni theg pa chen po 'dis kyang lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur ba zhig na/ rab 'byor 'on kyang gzugs kyi khams de rnam par brtags pa/ rnam par bsgrubs pa kun tu [(]bsdan [,]bstan [)]pa tsam ji lta ba bzhin ma yin te/'di thams cad ni mi rtag cing mi brtan la ther zug ma yin/ 'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs med pa'i khams de bzhin nyid du gyur cing ma nor ba de bzhin nyid gzhan ma yin pa de bzhin nyid yin te/phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung bar mi 'gyur te/rab 'byor gzugs med pa'i khams de rnam par brtags pa/ rnam par bsgrubs pa/ kun du bstan pa tsam ji lta ba bzhin ma yin te/ 'di thams cad mi rtag cing mi brtan la ther zug ma yin/ 'gyur ba'i chos can te/dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs de bzhin nyid du 'gyur zhing ma nor ba de bzhin nyid gzhan ma yin pa de bzhin nyid de/ phyin ci ma log pa yang dag pa ji lta ba bzhin yin zhing rtag cing mi brtan la ther zug mi 'gyur ba'i chos can gyi dngos po zhig yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor gzugs de rnam par brtags pa/ rnam par bsgrubs pa/ kun du bstan pa tsam ji lta ba bzhin ma yin pa yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no/ /tshor ba dang / 'du shes dang /'du byed rnams dang / rnam par shes pa de bzhin nyid ma nor ba de bzhin nyid gzhan ma yin pa de bzhin nyid de phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor rnam par shes pa de rnam par brtags pa/ rnam par bsgrubs pa/ kun du bstan pa tsam ji lta ba bzhin ma yin pa yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig de bzhin nyid ma nor ba de bzhin nyid gzhan ma yin pa de bzhin nyid de/ phyin ci ma log pa de bzhin nyid yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/dngos po med pa ma yin na ni theg pa chen po 'dis kyang lha dang mi dang lha yin du bcas pa'i 'jig rten zil gyis mnan cing 'byung bar mi 'gyur gyi / rab 'byor mig de rnam par brtags pa/rnam par bsgrubs pa/ kun du bstan pa tsam ji lta ba bzhin ma yin pa yin zhing 'di thams cad mi rtag cing mi brtan la ther zug ma yin/ 'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no//rab 'byor gal te rna ba dang / sna dang / lce dang / lus dang / yid de bzhin nyid ma nor ba de bzhin nyid gzhan ma yin pa de bzhin nyid de/ phyin ci ma log pa yang dag pa ji lta ba bzhin rtag cing brtan la ther zug mi 'gyur ba'i chos can gyi dngos po zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyi mnan te 'byung bar mi 'gyur te/ rab 'byor yid de rnam par brtags pa/ rnam par bsgrubs pa/ kun du bstan pa tsam ji lta ba bzhin ma yin pa yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs de bzhin nyid ma nor ba de bzhin nyid gzhan ma yin pa de bzhin nyid de/phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor gzugs de rnam par brtags pa/ rnam par bsgrubs pa/ kun du bstan pa tsam yang dag pa ji lta ba bzhin ma yin pa yin zhing 'di thams cad mi rtag cing mi brtan la ther zug ma yin/ 'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no//rab 'byor gal te sgra dang / dri dang / ro dang / reg dang / chos de bzhin nyid ma nor ba de bzhin nyid gzhan ma yin pa de bzhin nyid de/ phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung bar mi 'gyur te/ rab 'byor chos de rnam par brtags pa/ rnam par bsgrubs pa/ kun du bstan pa tsam yang dag pa ji lta ba bzhin ma yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig gi rnam par shes pa de bzhin nyid ma nor ba de bzhin nyid gzhan ma yin pa de bzhin nyid do /phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor mig gi rnam par shes pa de rnam par brtags pa/ rnam par bsgrubs pa/ kun du bstan pa tsam yang dag pa ji lta ba bzhin ma yin pa yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa de bzhin nyid ma nor ba de bzhin nyid gzhan ma yin pa de bzhin nyid de/ phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi rnam par shes pa de rnam par brtags pa/ rnam par bsgrubs pa/ kun du bstan pa tsam yang dag pa ji lta ba bzhin ma yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no// //bam po nyi shu pa/ rab 'byor gal te mig gi 'dus te reg pa de bzhin nyid ma nor ba de bzhin nyid gzhan ma yin pa de bzhin nyid de /phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor mig gi 'dus te reg pa de rnam par brtags pa/ rnam par bsgrubs pa/ kun du bstan pa tsam yang dag pa ji lta ba bzhin ma yin zhing 'di thams cad mi rtag cing mi brtan la ther zug ma yin/ 'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa de bzhin nyid ma nor ba de bzhin nyid gzhan ma yin pa de bzhin nyid de/phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor yid kyi 'dus te reg pa de rnam par brtags pa/ rnam par bsgrubs pa / kun du bstan pa tsam yang dag pa ji lta ba bzhin ma yin zhing 'di thams cad mi rtag cing mi brtan la ther zug ma yin/ 'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no//rab 'byor gal te mig gi 'dus te reg pa'i rkyen gyis tshor ba de bzhin nyid ma nor ba de bzhin nyid gzhan ma yin pa de bzhin nyid de / phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi 'dus te reg pa'i rkyen gyis tshor ba de rnam par brtags pa/rnam par bsgrubs pa/ kun du bstan pa tsam yang dag pa ji lta ba bzhin ma yin zhing 'di thams cad mi rtag cing mi brtan la ther zug ma yin/ 'gyur ba'i chos can te/ dngos po med pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te 'byung ba yin no//rab 'byor gal te rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba de bzhin nyid ma nor ba de bzhin nyid gzhan ma yin pa de bzhin nyid de /phyin ci ma log pa yang dag pa ji lta ba bzhin yin zhing rtag cing brtan la ther zug mi 'gyur ba'i chos can gyi dngos po zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor yid kyi 'dus te reg pa'i rkyen gyis tshor ba de rnam par brtags pa/ rnam par bsgrubs pa/ kun du bstan pa tsam yang dag pa ji lta ba bzhin ma yin zhing 'di thams cad mi rtag cing mi brtan la ther zug ma yin/'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te chos kyi dbyings dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor chos kyi dbyings dngos po med la dngos po ma yin pas de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te de bzhin nyid dang / yang dag pa'i mtha' dang / bsam gyis mi khyab pa'i dbyings dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor bsam gyis mi khyab pa'i dbyings dngos po med pa la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te sbyin pa'i pha rol tu phyin pa dngos po yod pa zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sbyin pa'i pha rol tu phyin pa dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dngos po yod pa zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor shes rab kyi pha rol tu phyin pa dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te nang stong pa nyid dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor nang stong pa nyid dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te phyi stong pa nyid dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor phyi stong pa nyid dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te phyi nang stong pa nyid dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor phyi nang stong pa nyid dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te dngos po med pa'i ngo bo nyid stong pa nyid kyi bar du dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor dngos po med pa'i ngo bo nyid stong pa nyid dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te dran pa nye bar gzhag pa rnams dngos po yod pa zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor dran pa nye bar gzhag pa rnams dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor 'phags pa'i lam yan lag brgyad pa dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sangs rgyas kyi chos ma 'dres pa bco brgyad dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no zhes bya ba ni mchog nyid du nges par 'byung ba yin no// rab 'byor gal te rigs kyi sa'i chos dngos po yod pa zhig yin te/dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te / rab 'byor rigs kyi sa'i chos dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te brgyad pa'i sa'i chos dang / rgyun du zhugs pa'i chos dang / lan cig phyir 'ong ba'i chos dang / phyir mi 'ong ba'i chos dang / dgra bcom pa'i chos dang / rang sangs rgyas kyi chos dang / byang chub sems dpa'i chos dang /sangs rgyas kyi chos dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sangs rgyas kyi chos dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te rigs kyis dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor rigs kyi sa dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor de bzhin gshegs pa dgra bcom pa yang dag par rdzogs pa'i sangs rgyas dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te lha dang mi dang lha ma yin du bcas pa'i 'jig rten dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor lha dang mi dang lha ma yin du bcas pa'i 'jig rten dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no zhes bya ba ni spang ba'i nges par 'byung ba'o/ / rab 'byor gal te byang chub sems dpa' sems dpa' chen pos sems dang po bskyed pa nas nye bar bzung ste/ snying po byang chub la 'dug gi bar du sems bskyed pa ji snyed cig byung ba de dag dngos po yod pa zhig yin te/ dngos po med pa ma yin na ni theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor byang chub sems dpa' sems dpa' chen pos sems dang po bskyed pa phyin chad snying po byang chub la 'dug gi bar du sems bskyed pa ji snyed cig byung ba de dag thams cad dngos po med la dngos po ma yin pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan cing 'byung ba yin no//rab 'byor gal te byang chub sems dpa' sems dpa' chen po'i ye shes rdo rje lta bu dngos po yod pa zhig yin te/ dngos po med pa ma yin na ni byang chub sems dpa' sems dpa' chen pos kyang bag chags kyis mtshams sbyor ba'i nyon mongs pa thams cad dngos po med par khong du chud cing /de rnam pa thams cad mkhyen pa nyid kyi ye shes rnam pa thams cad kyi mchog dang ldan pa thob par yang mi 'gyur/ lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/rab 'byor byang chub sems dpa' sems dpa' chen po'i ye shes rdo rje lta bu dngos po med la dngos po ma yin pas de'i phyir byang chub sems dpa' sems dpa' chen pos bag chags kyis mtshams sbyor ba'i nyon mongs pa thams cad dngos po med par khong du chud de rnam pa thams cad mkhyen pa nyid kyi ye shes rnam pa thams cad kyi mchog dang ldan pa yang thob /lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi mtshan sum cu rtsa gnyis dngos po yod pa zhig yin te/dngos po med pa ma yin na ni de bzhin gshegs pa dgra bcom pa yang dag par rdzogs pa'i sangs rgyas kyis kyang lha dang mi dang lha ma yin du bcas pa'i 'jig rten zil gyis mnan cing gzi brjid dang dpal gyis lham mer mi 'gyur/lhan ner mi 'gyur/ lhang nger mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi mi chen po'i mtshan sum cu rtsa gnyis dngos po med la dngos po ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyis lha dang mi dang lha ma yin du bcas pa'i 'jig rten zil gyis mnan te gzi brjid dang dpal gyis mdzes shing lham me/lhan ne/ lhang nger gyur pa yin no/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po yod pa zhig yin te/dngos po med pa ma yin na ni de bzhin gshegs pa dgra bcom pa yang dag par rdzogs pa'i sangs rgyas kyis 'jig rten gyi khams gang gA'i klung gi bye ma snyed snang bas rgyas par mi mdzad de/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po med de dngos po ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas 'jig rten gyi khams gang gA'i klung gi bye ma snyed dag 'od kyis rgyas par 'gengs par mdzad do//rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi gsung yan lag drug cu dang ldan pa dngos po yod pa zhig yin te/ dngos po med pa ma yin na ni de bzhin gshegs pa dgra bcom pa yang dag par rdzogs pa'i sangs rgyas phyogs bcu'i 'jig rten gyi khams gang gA'i klung gi bye ma snyed gsung gis mngon par go bar yang mi mdzad de/rab 'byor de bzhin gshegs pa dgra bcom pa yang dag par rdzogs pa'i sangs rgyas kyi gsung yan lag drug cu dang ldan pa dngos po med la dngos po yod pa ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas phyogs bcu'i 'jig rten gyi khams gang gA'i klung gi bye ma snyed gsung gis mngon par go bar mdzad do//rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po yod pa zhig yin te/dngos po med pa ma yin na ni de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dge sbyong ngam/ bram ze'am/ lha'am/ bdud dam/ tshangs pa'am gzhan sus kyang rung ste/'jig rten du chos dang ldan par bskor bar mi nus pa bskor bar yang mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po med de/ dngos po ma yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dge sbyong ngam/bram ze 'am/ lha 'am/ bdud dam/ tshangs pa 'am/ gzhan sus kyang rung ste/ 'jig rten du chos dang ldan par bskor bar mi nus pa rab tu bskor ro/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyis gang gi don du chos kyi 'khor lo bskor ba'i sems can de dag dngos po yod pa zhig yin te/dngos po med pa ma yin na ni sems can de dag phung po ma lus pa'i mya ngan las 'das pa'i dbyings su yongs su mya ngan las 'da' bar yang mi 'gyur te/rab 'byor de bzhin gshegs pa dgra bcom pa yang dag par rdzogs pa'i sangs rgyas kyis gang gi don du chos kyi 'khor lo bskor ba'i sems can de dag dngos po med de/ dngos po ma yin pas de'i phyir sems can rnams phung po ma lus pa'i mya ngan las 'das pa'i dbyings su yongs su mya ngan las 'da'o//yongs su mya ngan las 'da' bar 'gyur ro zhes bya ba ni rtogs pa'i nges par 'byung ba'o/ / gsum po 'di dag ni ched du bya ba'i nges par 'byung ba yin no/ / rab 'byor gang yang khyod kyis 'di skad du theg pa de ni nam mkha' dang mnyam pa'o zhes smras pa ni de de bzhin no/ /rab 'byor de de bzhin te/theg pa de ni nam mkha' dang mnyam pa'o/ /rab 'byor 'di lta ste dper na/ nam mkha' la ni shar phyogs dmigs su med do/ /lho dang / nub dang / byang dang / bla dang / 'og dang / phyogs mtshams dmigs su med do/ /rab 'byor de bzhin du theg pa chen po de la shar phyogs dmigs su med do//lho dang / nub dang / byang dang / bla dang / 'og dang / phyogs mtshams dmigs su med do/ /de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni ring po ma yin/ thung ngu ma yin/ zlum po ma yin/ gru bzhi ma yin/mnyam pa ma yin/ mi mnyam pa ma yin no/ /rab 'byor de bzhin du theg pa chen po de yang ring po ma yin/ thung ngu ma yin/ zlum po ma yin/ gru bzhi ma yin/ mnyam pa ma yin/ mi mnyam pa ma yin te/ de'i phyir theg pa chen po de ni nam mkha' dang mnyam pa zhes bya'o/ / rab 'byor 'di lta ste dper na nam mkha' ni sngon po ma yin/ ser po ma yin/ dmar po ma yin/ dkar po ma yin/ le brgan ma yin/ shel dang dngul gyi kha dog ma yin no/ /rab 'byor de bzhin du theg pa chen po de yang sngon po ma yin/ ser po ma yin/ dmar po ma yin/ dkar po ma yin/le brgan ma yin/ shel dang dngul gyi kha dog ma yin te / de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni 'das pa ma yin/ ma 'ongs pa ma yin/ da ltar byung ba ma yin no/ /rab 'byor de bzhin du theg pa chen po de yang 'das pa ma yin /ma 'ongs pa ma yin/ da ltar byung ba ma yin te/ de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la ni 'grib pa med do/ /'phel ba med do/ /'bri ba med do/ /rab 'byor de bzhin du theg pa chen po de la yang 'grib pa med 'phel ba med/'bri ba med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la kun nas nyon mongs pa med do/ /rnam par byang ba med do/ /rab 'byor de bzhin du theg pa chen po de la yang kun nas nyon mongs pa med rnam par byang ba med de/de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la skye ba med do/ /'gag pa med do/ /gnas pa med do/ /mthar thug pa med do/ /gnas pa las gzhan du 'gyur ba mi dmigs so//rab 'byor de bzhin du theg pa chen po de la yang skye ba med do/ /'gag pa med do/ /gnas pa med do/ /mthar thug pa med do/ /gnas pa las gzhan du 'gyur ba mi dmigs te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni dge ba ma yin/mi dge ba ma yin/ lung du ma bstan pa ma yin no/ /rab 'byor de bzhin du theg pa chen po de yang dge ba ma yin/ mi dge ba ma yin/ lung du ma bstan pa ma yin te/ de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni mthong ba ma yin/thos pa ma yin / rig pa ma yin/ rnam par shes pa ma yin no/ /rab 'byor de bzhin du theg pa chen po de yang mthong ba ma yin/ thos pa ma yin/ rig pa ma yin/ rnam par shes pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni shes par bya ba yang ma yin/shes par mi bya ba yang ma yin / rnam par shes par bya ba yang ma yin/ yongs su shes par bya ba yang ma yin/ mngon du bya ba yang ma yin/ spang ba yang ma yin/ bsgom pa yang ma yin no/ /rab 'byor de bzhin du theg pa chen po de yang shes par bya ba yang ma yin/shes par mi bya ba yang ma yin/ rnam par shes par bya ba yang ma yin/ yongs su shes par bya ba yang ma yin/ mngon du bya ba yang ma yin/ spang ba yang ma yin/ bsgom pa yang ma yin te/ de'i phyir theg pa de ni nam mkha' dang mnyam pa zhes bya'o//rab 'byor 'di lta ste dper na nam mkha' ni rnam par smin pa yang ma yin / rnam par smin pa'i chos can yang ma yin no/ /rab 'byor de bzhin du theg pa chen po de yang rnam par smin pa yang ma yin no/ /rnam par smin pa'i chos can yang ma yin te/ de'i phyir theg pa de ni nam mkha' dang mnyam pa zhes bya'o//rab 'byor 'di lta ste dper na nam mkha' ni 'dod pa'i khams kyi khongs su chud pa ma yin/ gzugs kyi khams kyi khongs su chud pa ma yin/ gzugs med pa'i khams kyi khongs su chud pa ma yin no/ /rab 'byor de bzhin du theg pa chen po de yang 'dod pa'i khams kyi khongs su chud pa ma yin/gzugs kyi khams kyi khongs su chud pa ma yin/ gzugs med pa'i khams kyi khongs su chud pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la ni sems dang po bskyed pa med do/ / gnyis pa med do/ /gsum pa med do/ /bzhi pa med do/ /lnga pa med do/ /drug pa med do/ /bdun pa med do/ /brgyad pa med do/ /dgu pa med do/ /sems bcu pa bskyed pa med do/ /rab 'byor de bzhin du theg pa chen po de la yang sems dang po bskyed pa med do/ /gnyis pa med do/ / gsum pa med do/ /bzhi pa med do/ /lnga pa med do/ /drug pa med do/ /bdun pa med do/ /brgyad pa med do/ /dgu pa med do/ /sems bcu pa bskyed pa med do/ /de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la ni dkar po rnam par mthong ba'i sa med do//rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med do/ /rab 'byor de bzhin du theg pa chen po de la yang dkar po rnam par mthong ba'i sa med do/ / rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med do/ /de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la ni rgyun du zhugs pa'i 'bras bu med do//lan cig phyir 'ong ba'i 'bras bu med do/ /phyir mi 'ong ba'i 'bras bu med do/ /dgra bcom pa nyid med do/ /rang sangs rgyas med do/ /sangs rgyas med do/ /rab 'byor de bzhin du theg pa chen po de la yang rgyun du zhugs pa'i 'bras bu med do/ / lan cig phyir 'ong ba'i 'bras bu med do/ /phyir mi 'ong ba'i 'bras bu med do/ /dgra bcom pa nyid med do/ /rang sangs rgyas med do/ /sangs rgyas med do/ /de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' la ni nyan thos kyi sa med do//rang sangs rgyas kyi sa med do/ /byang chub sems dpa'i sa med do/ /yang dag par rdzogs pa'i sangs rgyas kyi sa med do/ /rab 'byor de bzhin du theg pa chen po de la yang nyan thos kyi sa med do / /rang sangs rgyas kyi sa med do / /byang chub sems dpa'i sa med do / / yang dag par rdzogs pa'i sangs rgyas kyi sa med do / /de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni gzugs dang ldan pa ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa yod pa ma yin/thogs pa med pa ma yin/ ldan pa ma yin/ mi ldan pa ma yin no/ /rab 'byor de bzhin du theg pa chen po de yang gzugs dang ldan pa ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa yod pa ma yin/thogs pa med pa ma yin/ ldan pa ma yin/ mi ldan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni rtag pa ma yin/ mi rtag pa ma yin/ bde ba ma yin/ sdug bsngal ba ma yin/ bdag yod pa ma yin/ bdag med pa ma yin/ sdug pa ma yin/mi sdug pa ma yin no/ /rab 'byor de bzhin du theg pa chen po de yang rtag pa ma yin/ mi rtag pa ma yin/ bde ba ma yin/ sdug bsngal ba ma yin/ bdag yod pa ma yin/ bdag med pa ma yin/ sdug pa ma yin/ mi sdug pa ma yin te/ de'i phyir theg pa de ni nam mkha' dang mnyam pa zhes bya'o//rab 'byor 'di lta ste dper na nam mkha' ni stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin no/ /rab 'byor de bzhin du theg pa chen po de yang stong pa ma yin/ mi stong pa ma yin/mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin te / de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni zhi ba ma yin/ ma zhi ba ma yin/ dben pa ma yin/ mi dben pa ma yin no//rab 'byor de bzhin du theg pa chen po de yang zhi ba ma yin/ ma zhi ba ma yin/ dben pa ma yin/ mi dben pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni snang ba ma yin/ mun pa ma yin no/ /rab 'byor de bzhin du theg pa chen po de yang snang ba ma yin/mun pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni dmigs su yod pa yang ma yin/ dmigs su med pa yang ma yin no/ /rab 'byor de bzhin du theg pa chen po de yang dmigs su yod pa yang ma yin/dmigs su med pa yang ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni brjod du yod pa yang ma yin/ brjod du med pa yang ma yin no/ /rab 'byor de bzhin du theg pa chen po de yang brjod du yod pa yang ma yin/brjod du med pa yang ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor rnam grangs des kyang theg pa chen po de ni nam mkha' dang mnyam pa ste/ 'di ltar theg pa chen po'o zhes bya ba ni mnyam pa nyid du nges par 'byung ba yin no/ / rab 'byor gang yang 'di skad du ji ltar nam mkha' la sems can gzhal du med grangs med tshad med pa rnams kyi go skabs yod pa de bzhin du theg pa chen po 'di la yang sems can gzhal du med grangs med tshad med pa rnams kyi go skabs yod pa yin no zhes smras pa de ni de bzhin te/de de bzhin no/ / ji ltar na nam mkha' la sems can gzhal du med grangs med tshad med pa rnams kyi go skabs yod pa de bzhin du theg pa chen po 'di la yang sems can tshad med grangs med pa'i go skabs yod do/ /de ci'i phyir zhe na/ rab 'byor sems can med pa'i phyir nam mkha' med par rig par bya'o/ / nam mkha' med pa'i phyir theg pa chen po med par rig par bya ste/ rab 'byor rnam grangs 'dis kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / nam mkha' gang yin pa dang /theg pa chen po gang yin pa de dag thams cad kyang dmigs su med pa'i phyir ro/ /gzhan yang rab 'byor sems can med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir gzhal du med par rig par bya ste/rab 'byor rnam grangs des na theg pa chen po de la sems can gzhal du med grangs med tshad med pa rnams kyi go skabs yod pa yin no/ /de ci'i phyir zhe na/ rab 'byor 'di ltar sems can gang yin pa dang / nam mkha' gang yin pa dang / theg pa chen po gang yin pa dang /gzhal du med pa gang yin pa 'di dag thams cad mi dmigs pa'i phyir ro/ /rab 'byor gzhan yang sems can med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir grangs med pa med par rig par bya'o//rab 'byor de ltar na theg pa chen po de la sems can gzhal du med grangs med tshad med pa'i go skabs yod par rig par bya'o/ /de ci'i phyir zhe na/ rab 'byor 'di ltar sems can gang yin pa dang / nam mkha' gang yin pa dang / theg pa chen po gang yin pa dang /grangs med pa gang yin pa 'di dag thams cad dmigs su med pa'i phyir ro/ /rab 'byor gzhan yang sems can tshad med pa'i phyir nam mkha' med par rig par bya'o/ /nam mkha' tshad med pa'i phyir theg pa chen po med par rig par bya'o/ /theg pa chen po med pa'i phyir tshad med pa med par rig par bya ste/rab 'byor de ltar na theg pa chen po de la sems can gzhal du med/ grangs med/ tshad med pa rnams kyi go skabs yod pa ma yin no/ /de ci'i phyir zhe na/ sems can gang yin pa dang / nam mkha' gang yin pa dang / theg pa chen po gang yin pa dang /tshad med pa gang yin pa de dag thams cad dmigs su med pa'i phyir ro/ /rab 'byor gzhan yang sems can tshad med pa'i phyir nam mkha' tshad med par rig par bya'o/ /nam mkha' tshad med pa'i phyir theg pa chen po tshad med par rig par bya'o/ /rab 'byor gzhan yang rnam grangs 'dis kyang theg pa chen po des sems can gzhal du med grangs med tshad med pa'i go 'byed do//de ci'i phyir zhe na/ rab 'byor 'di ltar sems can gang yin pa dang / nam mkha' gang yin pa dang / theg pa chen po gang yin pa de dag thams cad dmigs su med pa'i phyir ro/ / rab 'byor gzhan yang sems can med pa'i phyir de bzhin gshegs pa med par rig par bya'o/ /de bzhin gshegs pa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir 'dus ma byas med par rig par bya'o//'dus ma byas med pa'i phyir gzhal du med pa med par rig par bya'o/ /gzhal du med pa med pa'i phyir grangs med pa med par rig par bya'o/ /grangs med pa med pa'i phyir tshad med pa med par rig par bya'o/ /tshad med pa med pa'i phyir chos thams cad med par rig par bya ste/rab 'byor de ltar na theg pa chen po 'di la sems can gzhal du med grangs med tshad med pa'i go skabs yod do/ /de ci'i phyir zhe na/ rab 'byor 'di ltar sems can gang yin pa dang / de bzhin gshegs pa gang yin pa dang / nam mkha' gang yin pa dang / theg pa chen po gang yin pa dang /'dus ma byas gang yin pa dang / gzhal du med pa gang yin pa dang / grangs med pa gang yin pa dang / tshad med pa gang yin pa dang / chos thams cad gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med pa dang /srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po med par rig par bya'o/ /mthong ba po med pa'i phyir yang dag pa'i mtha' med par rig par bya'o/ /yang dag pa'i mtha' med pa'i phyir nam mkha' med par rig par bya'o//nam mkha' med pa'i phyir theg pa chen po med par rig par bya'o/ /theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o/ /gzhal du med pa dang /grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na theg pa chen po de la sems can gzhal du med/ grangs med/ tshad med pa rnams kyi go skabs yod pa yin no/ /de ci'i phyir zhe na/ rab 'byor 'di ltar bdag gang yin pa nas/mthong ba po'i bar gang yin pa dang / yang dag pa'i mtha' gang yin pa dang / gzhal du med pa dang / grangs med pa dang / tshad med pa gang yin pa dang / chos thams cad gang yin pa de dag thams cad dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o//sems can med pa'i phyir shes pa po med par rig par bya'o/ /shes pa po med pa'i phyir mthong ba po med par rig par bya'o/ /mthong ba po med pa'i phyir bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir gzugs med par rig par bya'o//gzugs med pa'i phyir tshor ba dang / 'du shes dang / 'du byed rnams dang / rnam par shes pa med par rig par bya'o/ /rnam par shes pa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o//theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o/ /gzhal du med pa dang / grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na theg pa chen po de la sems can gzhal du med/grangs med/ tshad med pa'i go skabs yod pa yin te/ de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa de dag thams cad dmigs su med pa'i phyir / rab 'byor gzhan yang bdag med pa'i phyir sems can med par rig par bya'o//sems can med pa'i phyir shes pa po'i bar du med par rig par bya'o/ /shes pa po med pa'i phyir mthong ba po med par rig par bya'o/ /mthong ba po med pa'i phyir bsam gyis mi khyab pa'i dbyings med par rig par bya'o/ / bsam gyis mi khyab pa'i dbyings med pa'i phyir mig med par rig par bya'o/ /mig med pa'i phyir rna ba dang / sna dang / lce dang / lus dang / yid med par rig par bya'o/ /yid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o//theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o/ /gzhal du med pa dang / grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar theg pa chen po de la sems can gzhal du med/grangs med/ tshad med pa'i go skabs yod pa yin no/ /de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa de dag thams cad kyang dmigs su med pa'i phyir ro // //bam po nyi shu gcig pa/ rab 'byor gzhan yang bdag med pa'i phyir sems can med par rig par bya'o/ /sems can med pa'i phyir shes pa po'i bar du med par rig par bya'o/ /shes pa po med pa'i phyir mthong ba po med par rig par bya'o/ / mthong ba po med pa'i phyir sbyin pa'i pha rol tu phyin pa med par rig par bya'o/ /sbyin pa'i pha rol tu phyin pa med pa'i phyir tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med par rig par bya'o//shes rab kyi pha rol tu phyin pa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o//gzhal du med pa dang / grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar theg pa chen po de la sems can gzhal du med/ grangs med tshad med pa'i go skabs yod pa yin no//de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o/ /sems can med pa'i phyir shes pa po'i bar du med par rig par bya'o//shes pa po med pa'i phyir mthong ba po med par rig par bya'o/ /mthong ba po med pa'i phyir nang stong pa nyid med par rig par bya'o/ /nang stong pa nyid med pa'i phyir phyi stong pa nyid med par rig par bya'o/ /phyi stong pa nyid med pa'i phyir phyi nang stong pa nyid med par rig par bya'o//phyi nang stong pa nyid med pa'i phyir dngos po med pa'i ngo bo nyid stong pa nyid kyi bar du med par rig par bya'o/ /dngos po med pa'i ngo bo nyid stong pa nyid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o//theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o/ /gzhal du med pa dang / grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na theg pa chen po de la sems can gzhal du med/grangs med pa tshad med pa'i go skabs yod pa yin te/ de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o//sems can med pa'i phyir shes pa po'i bar du med par rig par bya'o/ /shes pa po med pa'i phyir mthong ba po med par rig par bya'o/ /mthong ba po med pa'i phyir dran pa nye bar gzhag pa med par rig par bya'o/ /dran pa nye bar gzhag pa med pa'i phyir yang dag par spong ba med par rig par bya'o//yang dag par spong ba med pa'i phyir rdzu 'phrul gyi rkang pa med par rig par bya'o/ /rdzu 'phrul gyi rkang pa med pa'i phyir dbang po med par rig par bya'o/ /dbang po med pa'i phyir stobs med par rig par bya'o/ /stobs med pa'i phyir byang chub kyi yan lag med par rig par bya'o//byang chub kyi yan lag med pa'i phyir lam med par rig par bya'o/ /lam med pa'i phyir bsam gtan med par rig par bya'o/ /bsam gtan med pa'i phyir tshad med pa med par rig par bya'o/ /tshad med pa med pa'i phyir gzugs med pa'i snyoms par 'jug pa med par rig par bya'o//gzugs med pa'i snyoms par 'jug pa med pa'i phyir so so yang dag par rig pa med par rig par bya'o/ /so so yang dag par rig pa med pas stobs rnams med par rig par bya'o/ /stobs rnams med pas mi 'jigs pa rnams med par rig par bya'o//mi 'jigs pa med pas sangs rgyas kyi chos ma 'dres pa rnams med par rig par bya'o/ /sangs rgyas kyi chos ma 'dres pa rnams med pas nam mkha' med par rig par bya'o/ /nam mkha' med pas theg pa chen po med par rig par bya'o/ /theg pa chen po med pas gzhal du med pa dang /grangs med pa dang / tshad med pa med par rig par bya'o/ /gzhal du med pa dang / grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na theg pa chen po de la sems can gzhal du med/ grangs med/ tshad med pa rnams kyi go skabs yod pa yin te/de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa 'di dag thams cad dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir shes pa po'i bar du med par rig par bya'o//shes pa po med pa'i phyir mthong ba po med par rig par bya'o/ /mthong ba po med pa'i phyir rigs kyi sa med par rig par bya'o/ /rigs kyi sa med pa'i phyir brgyad pa'i sa med par rig par bya'o/ /brgyad pa'i sa med pa'i phyir mthong ba'i sa med par rig par bya'o//mthong ba'i sa med pa'i phyir bsrabs pa'i sa med par rig par bya'o/ /bsrabs pa'i sa med pa'i phyir 'dod chags dang bral ba'i sa med par rig par bya'o/ /'dod chags dang bral ba'i sa med pa'i phyir byas pa rtogs pa'i sa med par rig par bya'o//byas pa rtogs pa'i sa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o/ /gzhal du med pa dang /grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na/ theg pa chen po de la sems can gzhal du med/ grangs med/ tshad med pa'i go skabs yod pa yin te/ de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o/ /sems can med pa'i phyir shes pa po'i bar du med par rig par bya'o/ /shes pa po med pa'i phyir mthong ba po med par rig par bya'o//mthong ba po med pa'i phyir rgyun du zhugs pa med par rig par bya'o/ /rgyun du zhugs pa med pa'i phyir lan cig phyir 'ong ba med par rig par bya'o/ /lan cig phyir 'ong ba med pa'i phyir phyir mi 'ong ba med par rig par bya'o/ /phyir mi 'ong ba med pa'i phyir dgra bcom pa med par rig par bya'o//dgra bcom pa med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir gzhal du med pa dang / grangs med pa dang / tshad med pa med par rig par bya'o/ /gzhal du med pa dang /grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na theg pa chen po de la sems can gzhal du med/ grangs med/ tshad med pa'i go skabs yod pa yin te / de ci'i phyir zhe na/ rab 'byor 'di ltar bdag gang yin pa nas/chos thams cad kyi bar gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o/ /sems can med pa'i phyir shes pa po'i bar du med par rig par bya'o/ /shes pa po med pa'i phyir mthong ba po med par rig par bya'o//mthong ba po med pa'i phyir nyan thos kyi theg pa med par rig par bya'o/ /nyan thos kyi theg pa med pa'i phyir rang sangs rgyas kyi theg pa med par rig par bya'o/ /rang sangs rgyas kyi theg pa med pa'i phyir de bzhin gshegs pa med par rig par bya'o/ /de bzhin gshegs pa med pa'i phyir rnam pa thams cad mkhyen pa nyid med par rig par bya'o//rnam pa thams cad mkhyen pa nyid med pa'i phyir nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir gzhal du med pa dang /grangs med pa dang / tshad med pa med par rig par bya'o/ /gzhal du med pa dang / grangs med pa dang / tshad med pa med pa'i phyir chos thams cad med par rig par bya'o/ /rab 'byor de ltar na theg pa chen po de la sems can gzhal du med/ grangs med/ tshad med pa'i go skabs yod pa yin te/de ci'i phyir zhe na/ rab 'byor 'di ltar bdag gang yin pa nas/ chos thams cad kyi bar gang yin pa de dag thams cad kyang dmigs su med pa'i phyir ro/ /rab 'byor 'di lta ste dper na mya ngan las 'das pa'i dbyings la ni sems can gzhal du med/ grangs med/ tshad med pa rnams kyi go skabs yod do/ /rab 'byor de bzhin du theg pa chen po de la yang sems can gzhal du med/ grangs med/ tshad med pa rnams kyi go skabs yod do/ /rab 'byor nam mkha' ni sems can gzhal du med/ grangs med/ tshad med pa'i go skabs yod pa yin no/ / de bzhin du theg pa chen po de la yang sems can gzhal du med/ grangs med/ tshad med pa'i go skabs yod pa yin no zhes bya ba ni sems can gyi don du nges par 'byung ba yin no/ / rab 'byor gang yang khyod kyis 'di skad du theg pa chen po de la 'ong ba 'am/ 'gro ba yang mi mthong gnas pa yang mi mthong ngo zhes smras pa ni rab 'byor de de bzhin no//de de bzhin te/ theg pa chen po de la 'ong ba 'am/ 'gro ba yang mi mthong / gnas pa yang mi mthong ngo / /de ci'i phyir zhe na/ rab 'byor chos thams cad ni g.yo ba med pa ste/ de dag gang nas kyang 'ong ba med do//gang du yang 'dong ba med do/ /gar yang gnas par 'gyur ba med do/ /de ci'i phyir zhe na/ rab 'byor de ni de ltar gzugs kyi rang bzhin ni gang nas kyang 'ong ba med gang du yang 'gro ba med/ gar yang gnas par 'gyur ba med do/ /tshor ba dang / 'du shes dang / 'du byed rnams dang / rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor gzugs kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ / tshor ba dang / 'du shes dang / 'du byed rnams dang / rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do//tshor ba dang / 'du shes dang / 'du byed rnams dang / rnam par shes pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang / 'du shes dang / 'du byed rnams dang / rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor mig gi rang bzhin ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /rna ba dang / sna dang / lce dang / lus dang / yid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi de bzhin nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /rna ba dang / sna dang / lce dang / lus dang / yid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi ngo bo nyid ni gang nas kyang 'ong ba med / gang du yang 'gro ba med/ gar yang gnas par 'gyur ba med do/ /rna ba dang / sna dang / lce dang / lus dang / yid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang / sna dang / lce dang / lus dang / yid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor sa'i khams kyi rang bzhin ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do//sa'i khams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi de bzhin nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /sa'i khams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang / me'i khams dang /rlung gi khams dang / nam mkha'i khams dang / rnam par shes pa'i khams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do//rab 'byor yang dag pa'i mtha'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /yang dag pa'i mtha'i de bzhin nyid dang / yang dag pa'i mtha'i ngo bo nyid dang / yang dag pa'i mtha'i mtshan nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /rab 'byor bsam gyis mi khyab pa'i dbyings kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /bsam gyis mi khyab pa'i dbyings kyi de bzhin nyid dang /bsam gyis mi khyab pa'i dbyings kyi ngo bo nyid dang / bsam gyis mi khyab pa'i dbyings kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor sbyin pa'i pha rol tu phyin pa'i rang bzhin ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i rang bzhin ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /sbyin pa'i pha rol tu phyin pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol tu phyin pa'i ngo bo nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /sbyin pa'i pha rol tu phyin pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do//dran pa nye bar gzhag pa rnams kyi rang bzhin ni gang nas kyang 'ong ba med / gang du yang 'gro ba med/ gar yang gnas par 'gyur ba med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /'phags pa'i lam yan lag brgyad pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi ngo bo nyid ni gang nas kyang 'ong ba med/ gang du yang 'gro ba med/gar yang gnas par 'gyur ba med do/ /'phags pa'i lam yan lag brgyad pa'i bar gyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi mtshan nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor bsam gtan dang /tshad med pa dang / gzugs med pa'i snyoms par 'jug pa rnams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs med pa'i snyoms par 'jug pa rnams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs med pa'i snyoms par 'jug pa rnams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs med pa'i snyoms par 'jug pa rnams kyi mtshan nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /rab 'byor de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyi rang bzhin ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /sangs rgyas kyi chos ma 'dres pa rnams kyi de bzhin nyid dang / sangs rgyas kyi chos ma 'dres pa rnams kyi ngo bo nyid dang / sangs rgyas kyi chos ma 'dres pa rnams kyi mtshan nyid ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /rab 'byor yang dag par rdzogs pa'i byang chub kyi bar gyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /yang dag par rdzogs pa'i byang chub kyi de bzhin nyid dang /yang dag par rdzogs pa'i byang chub kyi ngo bo nyid dang / yang dag par rdzogs pa'i byang chub kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor 'dus ma byas kyi rang bzhin ni gang nas kyang 'ong ba med/gang du yang 'gro ba med/ gar yang gnas par 'gyur ba med do/ /'dus ma byas kyi de bzhin nyid dang / 'dus ma byas kyi ngo bo nyid dang / 'dus ma byas kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do//rab 'byor de ltar na theg pa chen po de ni 'ong ba yang med/ 'gro ba yang med/ gnas pa yang med do zhes bya ba ni 'bad pa med par nges par 'byung ba yin no/ / rab 'byor gang yang 'di skad du theg pa chen po 'di la sngon gyi mtha' mi dmigs/ phyi ma'i mtha' mi dmigs/dbus mi dmigs te/ theg pa de ni dus gsum mnyam pa nyid lags pas de'i phyir theg pa chen po zhes bgyi'o zhes smras pa de ni de bzhin te/ de de bzhin no/ /theg pa 'di la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ theg pa de ni dus gsum mnyam pa nyid yin pa de'i phyir theg pa chen po zhes brjod do//de ci'i phyir zhe na/ rab 'byor 'di ltar 'das pa'i dus kyang 'das pa'i dus kyis stong ngo / /ma 'ongs pa'i dus kyang ma 'ongs pa'i dus kyis stong ngo / /da ltar byung ba'i dus kyang da ltar byung ba'i dus kyis stong ngo //dus gsum mnyam pa nyid kyang dus gsum mnyam pa nyid kyis stong ngo / /theg pa chen po yang theg pa chen pos stong ngo / /byang chub sems dpa' yang byang chub sems dpas stong ste/ rab 'byor stong pa nyid la gcig ces bya ba med do/ /gnyis sam/ gsum mam/ bzhi 'am/ lnga 'am/ drug gam/ bdun nam/ brgyad dam/ dgu 'am/ bcu zhes bya ba med do/ /de bas na 'di ni byang chub sems dpa' sems dpa' chen po rnams kyi mnyam pa nyid kyi theg pa ste/ de la mnyam pa nyid dang mi mnyam pa mi dmigs so/ /de la 'dod chags dang 'dod chags dang bral ba yang mi dmigs so//zhe sdang dang zhe sdang med pa yang mi dmigs so/ /gti mug dang gti mug med pa yang mi dmigs so/ /ming dang ming med pa yang mi dmigs so/ /'dus byas dang 'dus ma byas kyang mi dmigs so/ /dge ba dang / mi dge ba yang mi dmigs so//kha na ma tho ba yod pa dang / kha na ma tho ba med pa yang mi dmigs so/ /zag pa dang bcas pa dang / zag pa med pa yang mi dmigs so/ /kun nas nyon mongs pa dang / kun nas nyon mongs pa med pa yang mi dmigs so/ /'jig rten pa dang / 'jig rten las 'das pa yang mi dmigs so/ /kun nas nyon mongs pa dang / rnam par byang ba yang mi dmigs so/ /'khor ba dang / mya ngan las 'das pa yang mi dmigs so/ /de la rtag pa dang / mi rtag pa yang mi dmigs so/ /bde ba dang / sdug bsngal ba yang mi dmigs so//bdag dang / bdag med pa yang mi dmigs so/ /zhi ba dang / ma zhi ba yang mi dmigs so/ /'dod pa'i khams dang / 'dod pa'i khams las yang dag par 'da' ba yang mi dmigs so/ /gzugs kyi khams dang / gzugs kyi khams las yang dag par 'da' ba yang mi dmigs so//gzugs med pa'i khams dang / gzugs med pa'i khams las yang dag par 'da' ba yang mi dmigs so/ /de ci'i phyir zhe na/ 'di ltar de'i rang bzhin mi dmigs pa'i phyir / rab 'byor 'das pa'i gzugs ni 'das pa'i gzugs kyis stong ngo //rab 'byor 'das pa'i tshor ba dang / 'du shes dang / 'du byed rnams dang / 'das pa'i rnam par shes pa ni 'das pa'i rnam par shes pas stong ngo / /rab 'byor ma 'ongs pa'i gzugs ni ma 'ongs pa'i gzugs kyis stong ngo / /rab 'byor ma 'ongs pa'i tshor ba dang /'du shes dang / 'du byed rnams dang / ma 'ongs pa'i rnam par shes pa ni ma 'ongs pa'i rnam par shes pas stong ngo / /rab 'byor da ltar byung ba'i gzugs ni da ltar byung ba'i gzugs kyis stong ngo / /rab 'byor da ltar byung ba'i tshor ba dang / 'du shes dang / 'du byed rnams dang /da ltar byung ba'i rnam par shes pa ni da ltar byung ba'i rnam par shes pas stong ngo / /de ci'i phyir zhe na/ stong pa nyid la 'das pa'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i gzugs dmigs par 'gyur ba lta ci zhig smos/re zhig stong pa nyid la 'das pa'i tshor ba dang / 'du shes dang / 'du byed rnams dang / stong pa nyid la 'das pa'i rnam par shes pa dmigs su med do/ /stong pa nyid kyang stong pa nyid kyis stong pas dmigs su med na/ stong pa nyid la 'das pa'i tshor ba dang /'du shes dang / 'du byed rnams dang / rnam par shes pa dmigs par 'gyur ba lta ci zhig smos/ stong pa nyid la ma 'ongs pa'i gzugs dmigs su med de / stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i gzugs dmigs par 'gyur ba lta ci zhig smos/re zhig stong pa nyid la ma 'ongs pa'i tshor ba dang / 'du shes dang / 'du byed rnams dang / stong pa nyid la ma 'ongs pa'i rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i tshor ba dang /'du shes dang / 'du byed rnams dang / rnam par shes pa dmigs par 'gyur ba lta ci zhig smos/ stong pa nyid la da ltar byung ba'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i gzugs dmigs par 'gyur ba lta ci zhig smos/stong pa nyid la da ltar byung ba'i tshor ba dang / 'du shes dang / 'du byed rnams dang / rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i tshor ba dang /'du shes dang / 'du byed rnams dang / rnam par shes pa dmigs par 'gyur ba lta ci zhig smos/ rab 'byor sbyin pa'i pha rol tu phyin pa ni dus gsum mnyam pa nyid kyis mi dmigs te/ sbyin pa'i pha rol tu phyin pa ni sngon gyi mthar mi dmigs/ sbyin pa'i pha rol tu phyin pa ni phyi ma'i mthar mi dmigs/sbyin pa'i pha rol tu phyin pa ni da ltar byung bar mi dmigs so/ /de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang re zhig mnyam pa nyid la mi dmigs na/mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni sngon gyi mthar mi dmigs/ shes rab kyi pha rol tu phyin pa ni phyi ma'i mthar mi dmigs/ shes rab kyi pha rol tu phyin pa ni da ltar byung bar mi dmigs te/shes rab kyi pha rol tu phyin pa ni dus gsum mnyam pa nyid kyis mi dmigs so/ /de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang re zhig mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor dran pa nye bar gzhag pa rnams ni sngon gyi mthar mi dmigs/ dran pa nye bar gzhag pa rnams ni phyi ma'i mthar mi dmigs/ dran pa nye bar gzhag pa rnams ni da ltar byung bar mi dmigs te/ dran pa nye bar gzhag pa rnams ni dus gsum mnyam pa nyid kyis mi dmigs so/ /de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba dmigs pa lta ci zhig smos/rab 'byor yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni sngon gyi mthar mi dmigs/ 'phags pa'i lam yan lag brgyad pa ni phyi ma'i mthar mi dmigs/'phags pa'i lam yan lag brgyad pa ni da ltar byung bar mi dmigs te/ 'phags pa'i lam yan lag brgyad pa ni dus gsum mnyam pa nyid kyis mi dmigs so/ /de ci'i phyir zhe na/ rab 'byor mnyam pa nyid la 'das pa'i dus mi dmigs/mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/rab 'byor de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ni sngon gyi mthar mi dmigs/ sangs rgyas kyi chos ma 'dres pa bco brgyad ni phyi ma'i mthar mi dmigs/sangs rgyas kyi chos ma 'dres pa bco brgyad ni da ltar byung bar mi dmigs te/ sangs rgyas kyi chos ma 'dres pa bco brgyad ni dus gsum mnyam pa nyid kyis mi dmigs so/ /de ci'i phyir zhe na/ rab 'byor mnyam pa nyid la 'das pa'i dus mi dmigs/mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/rab 'byor gzhan yang so so'i skye bo ni sngon gyi mthar mi dmigs/ so so'i skye bo ni phyi ma'i mthar mi dmigs/ so so'i skye bo ni da ltar byung bar mi dmigs/ so so'i skye bo ni dus gsum mnyam pa nyid kyis mi dmigs so/ /de ci'i phyir zhe na/ sems can dmigs su med pa'i phyir ro/ /rab 'byor gzhan yang nyan thos ni sngon gyi mthar mi dmigs/ nyan thos ni phyi ma'i mthar mi dmigs/ nyan thos ni da ltar byung bar mi dmigs/ nyan thos ni dus gsum mnyam pa nyid la mi dmigs te / de ci'i phyir zhe na/ sems can dmigs su med pa'i phyir ro//rab 'byor gzhan yang rang sangs rgyas ni sngon gyi mthar mi dmigs/ rang sangs rgyas ni phyi ma'i mthar mi dmigs/ rang sangs rgyas ni da ltar byung bar mi dmigs/ rang sangs rgyas ni dus gsum mnyam pa nyid la mi dmigs te /de ci'i phyir zhe na/ sems can dmigs su med pa'i phyir ro/ /rab 'byor gzhan yang byang chub sems dpa' ni sngon gyi mthar mi dmigs/ byang chub sems dpa' ni phyi ma'i mthar mi dmigs/ byang chub sems dpa' ni da ltar byung bar mi dmigs/ byang chub sems dpa' ni dus gsum mnyam pa nyid kyis mi dmigs te/de ci'i phyir zhe na/ sems can dmigs su med pa'i phyir ro// //bam po nyi shu gnyis pa/ rab 'byor gzhan yang de bzhin gshegs pa ni sngon gyi mthar mi dmigs/ de bzhin gshegs pa ni phyi ma'i mthar mi dmigs/de bzhin gshegs pa ni da ltar byung bar mi dmigs/ de bzhin gshegs pa ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor de ltar na byang chub sems dpa' sems dpa' chen pos shes rab kyi pha rol tu phyin pa la gnas te/dus gsum mnyam pa nyid la bslabs shing rnam pa thams cad mkhyen pa nyid yongs su rdzogs par bya'o/ /rab 'byor 'di ni byang chub sems dpa' sems dpa' chen po'i theg pa chen po ni dus gsum mnyam pa nyid kyi theg pa chen po zhes bya ba ste/de la gnas shing byang chub sems dpa' sems dpa' chen po lha dang / mi dang lha ma yin du bcas pa'i 'jig rten zil gyis mnan te/ rnam pa thams cad mkhyen pa nyid du nges par 'byung ngo zhes bya ba ni mtha' las 'das par nges par 'byung ba yin no/ / de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das bcom ldan 'das kyis de ltar byang chub sems dpa' sems dpa' chen po rnams kyi theg pa chen po dus gsum mnyam pa nyid ces bgyi ba 'di legs par gsungs pa ni legs so/ / legs so/ /bcom ldan 'das theg pa chen po 'di la bslabs shing 'das pa'i byang chub sems dpa' sems dpa' chen po rnams kyis kyang rnam pa thams cad mkhyen pa nyid thob bo/ /bcom ldan 'das ma 'ongs pa'i byang chub sems dpa' sems dpa' chen po rnams kyis kyang shes rab kyi pha rol tu phyin pa 'di nyid la bslabs shing rnam pa thams cad mkhyen pa nyid 'thob par 'gyur ro//bcom ldan 'das phyogs bcu'i 'jig rten gzhal du ma mchis/ grangs ma mchis/ tshad ma mchis pa dag na byang chub sems dpa' sems dpa' chen po gang dag mchis pa rnams kyang theg pa chen po 'di la bslabs shing rnam pa thams cad mkhyen pa nyid thob ste/bcom ldan 'das de'i slad du 'di ni byang chub sems dpa' sems dpa' chen po rnams kyi theg pa chen po lags te/ 'di lta ste/ dus gsum mnyam pa nyid ces bya'o / /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to//rab 'byor de de bzhin no/ /de de bzhin te/ theg pa chen po 'di la bslabs shing 'das pa dang / ma byon pa dang / da ltar byung ba'i byang chub sems dpa' sems dpa' chen po rnams kyis rnam pa thams cad mkhyen pa nyid brnyes par gyur to//brnyes so/ /brnyes par 'gyur ro/ /de nas tshe dang ldan pa byams ma'i bu gang pos bcom ldan 'das la 'di skad ces gsol to/ /bcom ldan 'das gnas brtan rab 'byor de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol tu phyin pa'i slad du bsko ba mdzad pas 'di ni theg pa chen po bstan par sems so//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das bdag gis shes rab kyi pha rol tu phyin pa dang 'gal bar theg pa chen po bstan par ma gyur pa lags grang /bcom ldan 'das kyis bka' stsal pa/ rab 'byor de ltar gyur pa med de/ rab 'byor khyod ni shes rab kyi pha rol tu phyin pa dang rjes su mthun par theg pa chen po ston to/ /de ci'i phyir zhe na/ rab 'byor de ni 'di ltar dge ba'i chos byang chub kyi phyogs gang yang rung ste/nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos de dag thams cad ni shes rab kyi pha rol tu phyin pa'i nang du 'dus shing khongs su chud do/ /rab 'byor gyis gsol pa/bcom ldan 'das dge ba'i chos byang chub kyi phyogs gang dag shes rab kyi pha rol tu phyin pa'i nang du 'dus shing khongs su chud pa nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos de dag gang lags/ bcom ldan 'das kyis bka' stsal pa/'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang /mtshan ma med pa dang / smon pa med pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa drug dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang /snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa bco brgyad dang / mi brjed pa'i chos nyid dang / rtag tu btang snyoms kyis rnam par spyod pa ste/ rab 'byor de dag ni dge ba'i chos byang chub kyi phyogs gang shes rab kyi pha rol tu phyin pa'i nang du 'dus shing khongs su chud par 'dod pa ste/nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos so/ /rab 'byor de la theg pa chen po gang yin pa dang / shes rab kyi pha rol tu phyin pa gang yin pa dang /bsam gtan gyi pha rol tu phyin pa gang yin pa dang / brtson 'grus kyi pha rol tu phyin pa gang yin pa dang / bzod pa'i pha rol tu phyin pa gang yin pa dang / tshul khrims kyi pha rol tu phyin pa gang yin pa dang / sbyin pa'i pha rol tu phyin pa gang yin pa dang / gzugs gang yin pa dang /tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / mig gang yin pa dang / gzugs gang yin pa dang / mig gi rnam par shes pa gang yin pa dang / mig gi 'dus te reg pa gang yin pa dang / mig gi 'dus te reg pa'i rkyen gyis tshor ba gang yin pa dang / rna ba gang yin pa dang / sgra gang yin pa dang / rna ba'i rnam par shes pa gang yin pa dang / rna ba'i 'dus te reg pa gang yin pa dang / rna ba'i 'dus te reg pa'i rkyen gyis tshor ba gang yin pa dang / sna gang yin pa dang / dri gang yin pa dang /sna'i rnam par shes pa gang yin pa dang / sna'i 'dus te reg pa gang yin pa dang / sna'i 'dus te reg pa'i rkyen gyis tshor ba gang yin pa dang / lce gang yin pa dang / ro gang yin pa dang / lce'i rnam par shes pa gang yin pa dang / lce'i 'dus te reg pa gang yin pa dang / lce'i 'dus te reg pa'i rkyen gyis tshor ba gang yin pa dang / lus gang yin pa dang / reg gang yin pa dang / lus kyi rnam par shes pa gang yin pa dang / lus kyi 'dus te reg pa gang yin pa dang / lus kyi 'dus te reg pa'i rkyen gyis tshor ba gang yin pa dang / yid gang yin pa dang / chos gang yin pa dang /yid kyi rnam par shes pa gang yin pa dang / yid kyi 'dus te reg pa gang yin pa dang / yid kyi 'dus te reg pa'i rkyen gyis tshor ba gang yin pa dang / dran pa nye bar gzhag pa rnams gang yin pa dang / yang dag par spong ba rnams gang yin pa dang / rdzu 'phrul gyi rkang pa rnams gang yin pa dang /dbang po rnams gang yin pa dang / stobs rnams gang yin pa dang / byang chub kyi yan lag rnams gang yin pa dang / 'phags pa'i lam yan lag brgyad pa gang yin pa dang / rnam par thar pa'i sgo stong pa nyid dang / mtshan ma med pa dang / smon pa med pa gang yin pa dang /sdug bsngal gang yin pa dang / kun 'byung ba gang yin pa dang / 'gog pa gang yin pa dang / lam gang yin pa dang / 'dod pa'i khams gang yin pa dang / gzugs kyi khams gang yin pa dang / gzugs med pa'i khams gang yin pa dang /nang stong pa nyid gang yin pa dang / phyi stong pa nyid gang yin pa dang / phyi nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / ting nge 'dzin gang yin pa dang / gzungs kyi sgo gang yin pa dang / de bzhin gshegs pa'i stobs bcu gang yin pa dang /mi 'jigs pa bzhi gang yin pa dang / so so yang dag par rig pa bzhi gang yin pa dang / byams pa chen po dang / snying rje chen po gang yin pa dang / sangs rgyas kyi chos ma 'dres pa bco brgyad gang yin pa dang / de bzhin gshegs pas bstan pa'i chos gang yin pa dang /'dul ba gang yin pa dang / chos kyi dbyings gang yin pa dang / de bzhin nyid gang yin pa dang / yang dag pa'i mtha' gang yin pa dang / bsam gyis mi khyab pa'i dbyings gang yin pa dang / mya ngan las 'das pa'i dbyings gang yin pa'i chos de dag thams cad ni ldan pa yang ma yin mi ldan pa yang ma yin te/gzugs med pa bstan du med pa / thogs pa med pa / mtshan nyid gcig pa ste/ 'di lta ste mtshan nyid med par ro/ /rab 'byor rnam grangs 'dis kyang khyod shes rab kyi pha rol tu phyin pa dang mthun par theg pa chen po ston to//de ci'i phyir zhe na/ theg pa chen po yang gzhan la shes rab kyi pha rol tu phyin pa yang gzhan zhes bya ba med de/ de ltar na theg pa chen po dang shes rab kyi pha rol tu phyin pa yang gnyis su med de gnyis su byar med do/ /theg pa chen po yang gzhan la bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang gzhan zhes bya ba med de / de ltar na theg pa chen po dang / sbyin pa'i pha rol tu phyin pa yang gnyis su med de gnyis su byar med do//theg pa chen po yang gzhan la dran pa nye bar gzhag pa rnams kyang gzhan zhes bya ba med de/ de ltar na theg pa chen po dang dran pa nye bar gzhag pa rnams kyang gnyis su med de gnyis su byar med do/ /theg pa chen po yang gzhan la yang dag par spong ba rnams dang / rdzu 'phrul gyi rkang pa rnams dang /dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang gzhan zhes bya ba med de/ de ltar na theg pa chen po dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang gnyis su med de gnyis su byar med do/ /theg pa chen po yang gzhan la bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang gzhan zhes bya ba med de/de ltar na theg pa chen po dang / gzugs med pa'i snyoms par 'jug pa gnyis su med de gnyis su byar med do/ /theg pa chen po yang gzhan la de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad dang /mya ngan las 'das pa'i dbyings kyi bar yang gzhan zhes bya ba med de/ de ltar na theg pa chen po dang / sangs rgyas kyi chos ma 'dres pa dang mya ngan las 'das pa'i dbyings kyi bar yang gnyis su med de gnyis su byar med do/ /rab 'byor rnam grangs des na theg pa chen po bstan pas shes rab kyi pha rol tu phyin pa bstan par 'gyur ro//shes rab kyi pha rol tu phyin pa bstan pas theg pa chen po bstan par 'gyur ro zhes bya ba ni thob pa'i nges par 'byung ba'o/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das 'di ltar yang byang chub sems dpa' ni sngon gyi mthar mi dmigs so/ /byang chub sems dpa' ni phyi ma'i mthar mi dmigs so/ /byang chub sems dpa' ni dbus su mi dmigs te/ gzugs kun du mtha' yas pa'i slad du byang chub sems dpa' kun du mtha' yas par rig par bgyi'o//tshor ba dang / 'du shes dang / 'du byed rnams dang / rnam par shes pa kun du mtha' yas pa'i slad du byang chub sems dpa' kun du mtha' yas par rig par bgyi ste/ gzugs byang chub sems dpa' zhes bgyi ba de lta bu yang ma mchis mi dmigs so//tshor ba dang / 'du shes dang / 'du byed rnams dang / rnam par shes pa byang chub sems dpa' zhes bgyi ba de lta bu yang ma mchis mi dmigs te/ bcom ldan 'das de ltar bdag gis byang chub sems dpa' thams cad du thams cad rnam pa thams cad du thams cad yang dag par rjes su ma mthong ste mi dmigs na/byang chub sems dpa' gang zhig shes rab kyi pha rol tu phyin pa gang la gdams shing rjes su bstan par bgyi/ bcom ldan 'das byang chub sems dpa' zhes bgyi ba 'di ni ming tsam du byas te/ bcom ldan 'das ji ltar bdag bdag ces bgyi ba yang bdag shin tu mngon par grub pa ma mchis so//bcom ldan 'das de bzhin du byang chub sems dpa' byang chub sems dpa' zhes bgyi ba yang byang chub sems dpa' mngon par grub pa ma mchis so/ /de ltar rang bzhin ma mchis pa'i chos rnams la/gang mngon par grub pa'i gzugs lta yang ga la mchis/ gang mngon par grub pa'i tshor ba dang / 'du shes dang / 'du byed rnams dang / rnam par shes pa lta yang ga la mchis/ bcom ldan 'das gang mngon par ma grub pa de ni gzugs ma lags so//gang mngon par ma grub pa de ni tshor ba dang / 'du shes dang / 'du byed rnams dang / rnam par shes pa ma lags so/ /bcom ldan 'das de ltar lags la/ mngon par ma grub pa zhig shes rab kyi pha rol tu phyin pa la gdams shing rjes su bstan par bgyi ba'am/ mngon par ma grub pa las gud na yang gang byang chub tu spyod par 'gyur ba'i byang chub sems dpa' sems dpa' chen po zhes bgyi bar dmigs su ma mchis na/ gal te de ltar bstan pa'i tshe byang chub sems dpa' sems dpa' chen po'i sems mi 'jum yongs su mi 'jum/ 'gyod par mi 'gyur zhing / yid mi 'jigs/ mi dngang skrag par mi 'gyur na/ byang chub sems dpa' sems dpa' chen po de ni shes rab kyi pha rol tu phyin pa la spyod do/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir na/byang chub sems dpa' sems dpa' chen po sngon gyi mthar dmigs su med pa yin/ phyi ma'i mthar dmigs su med pa yin/ dbus su dmigs su med pa yin/ tshe dang ldan pa rab 'byor ci'i phyir zhe na/ gzugs kun tu mtha' yas pa'i phyir byang chub sems dpa' kun du mtha' yas par rig par bya ba yin/tshor ba dang / 'du shes dang / 'du byed rnams dang / rnam par shes pa kun du mtha' yas pa'i phyir byang chub sems dpa' kun du mtha' yas par rig par bya ba yin/ tshe dang ldan pa rab 'byor ci'i phyir na gzugs byang chub sems dpa' zhes bya ba de lta bu yang med cing mi dmigs pa yin/tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs pa yin/ tshe dang ldan pa rab 'byor ci'i phyir na/ de skad du de ltar byang chub sems dpa' sems dpa' chen po thams cad du thams cad rnam pa thams cad du thams cad yang dag par rjes su ma mthong mi dmigs na/byang chub sems dpa' sems dpa' chen po gang zhig shes rab kyi pha rol tu phyin pa la ji ltar gdams shing rjes su bstan par bgyi zhes smra/ tshe dang ldan pa rab 'byor ci'i phyir na/de skad du bcom ldan 'das byang chub sems dpa' sems dpa' chen po zhes bgyi ba 'di ni ming tsam du bas so zhes smra/ tshe dang ldan pa rab 'byor ci'i phyir na de skad du bdag bdag ces bgyi yang bdag ni shin tu mngon par grub pa ma mchis so//bcom ldan 'das de bzhin du byang chub sems dpa' byang chub sems dpa' zhes bgyi yang byang chub sems dpa' ni mngon par grub pa ma mchis so/ /de ltar chos thams cad dngos po ma mchis pa'i rang bzhin la gzugs mngon par grub pa lta yang ga la mchis/ tshor ba dang /'du shes dang / 'du byed rnams dang / rnam par shes pa mngon par grub pa lta yang ga la mchis/ gang mngon par ma grub pa ni gzugs ma lags so/ /gang mngon par ma grub pa ni tshor ba dang / 'du shes dang / 'du byed rnams dang / rnam par shes pa ma lags so zhes smra / tshe dang ldan pa rab 'byor ci'i phyir na de skad du mngon par ma grub pa zhig mngon par ma grub pa'i shes rab kyi pha rol tu phyin pa la gdams shing rjes su bstan par bgyi 'am zhes smra / tshe dang ldan pa rab 'byor ci'i phyir na/ de skad du mngon par ma grub pa las gud na yang byang chub sems dpa' sems dpa' chen po zhes bgyi ba dmigs su ma mchis so zhes smra/tshe dang ldan pa rab 'byor ci'i phyir na/ de skad du gal te de ltar bstan pa'i tshe/ byang chub sems dpa' sems dpa' chen po'i sems mi 'jum/ yongs su mi 'jum/'gyod par mi 'gyur zhing / yid mi 'jigs/ mi dngang / skrag par mi 'gyur na byang chub sems dpa' sems dpa' chen po de ni shes rab kyi pha rol tu phyin pa la spyod do zhes smra/ de skad ces smras pa dang / tshe dang ldan pa rab 'byor gyis tshe dang ldan pa shA ri'i bu la 'di skad ces smras so//tshe dang ldan pa shA ri'i bu sems can med pa'i phyir byang chub sems dpa' sngon gyi mthar mi dmigs so/ /sems can stong pa nyid dang / sems can dben pa dang / sems can rang bzhin med pa'i phyir/ byang chub sems dpa' sngon gyi mthar mi dmigs so//tshe dang ldan pa shA ri'i bu sems can med pa'i phyir byang chub sems dpa' phyi ma'i mthar mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' phyi ma'i mthar mi dmigs so/ /tshe dang ldan pa shA ri'i bu sems can med pa'i phyir byang chub sems dpa' dbus su mi dmigs so//sems can stong pa dang / sems can dben pa dang / sems can rang bzhin med pa'i phyir/ byang chub sems dpa' dbus su mi dmigs so/ /tshe dang ldan pa shA ri'i bu de ci'i phyir zhe na/sems can med pa dang / sems can stong pa dang / sems can dben pa dang / sems can rang bzhin med pa la sngon gyi mthar mi dmigs so/ /phyi ma'i mthar mi dmigs so/ /dbus su mi dmigs so/ /sems can med pa yang gzhan/ sems can stong pa yang gzhan/ sems can dben pa yang gzhan/ sems can rang bzhin med pa yang gzhan zhig la/ byang chub sems dpa' yang gzhan zhig ste/ sngon gyi mtha' yang gzhan/ phyi ma'i mtha' yang gzhan/ dbus kyang gzhan zhes bya ba med de/ tshe dang ldan pa shA ri'i bu de ltar na sems can med pa gang yin pa dang /sems can stong pa gang yin pa dang / sems can dben pa gang yin pa dang / sems can rang bzhin med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do//tshe dang ldan pa shA ri'i bu gzugs med pa'i phyir byang chub sems dpa' sngon gyi mthar mi dmigs so/ /tshor ba dang / 'du shes dang / 'du byed rnams dang / rnam par shes pa med pa'i phyir/ byang chub sems dpa' sngon gyi mthar mi dmigs so//gzugs stong pa nyid kyi phyir byang chub sems dpa' sngon gyi mthar mi dmigs so/ /tshor ba dang / 'du shes dang / 'du byed rnams dang / rnam par shes pa stong pa nyid kyi phyir byang chub sems dpa' sngon gyi mthar mi dmigs so/ /gzugs dben pa'i phyir byang chub sems dpa' sngon gyi mthar mi dmigs so//tshor ba dang / 'du shes dang / 'du byed rnams dang / rnam par shes pa dben pa'i phyir byang chub sems dpa' sngon gyi mthar mi dmigs so/ /gzugs ngo bo nyid med pa'i phyir byang chub sems dpa' sngon gyi mthar mi dmigs so//tshor ba dang / 'du shes dang / 'du byed rnams dang / rnam par shes pa'i ngo bo nyid med pa'i phyir byang chub sems dpa' sngon gyi mthar mi dmigs so/ /gzugs med pa'i phyir byang chub sems dpa' phyi ma'i mthar mi dmigs so/ /tshor ba dang / 'du shes dang /'du byed rnams dang / rnam par shes pa med pa'i phyir byang chub sems dpa' phyi ma'i mthar mi dmigs so/ /gzugs stong pa nyid kyi phyir byang chub sems dpa' phyi ma'i mthar mi dmigs so/ /tshor ba dang / 'du shes dang / 'du byed rnams dang /rnam par shes pa stong pa nyid kyi phyir byang chub sems dpa' phyi ma'i mthar mi dmigs so/ /gzugs dben pa'i phyir byang chub sems dpa' phyi ma'i mthar mi dmigs so/ /tshor ba dang / 'du shes dang / 'du byed rnams dang / rnam par shes pa dben pa'i phyir byang chub sems dpa' phyi ma'i mthar mi dmigs so//gzugs ngo bo nyid med pa'i phyir byang chub sems dpa' phyi ma'i mthar mi dmigs so/ /tshor ba dang / 'du shes dang / 'du byed rnams dang / rnam par shes pa ngo bo nyid med pa'i phyir byang chub sems dpa' phyi ma'i mthar mi dmigs so//gzugs med pa'i phyir byang chub sems dpa' dbus su mi dmigs so/ /tshor ba dang / 'du shes dang / 'du byed rnams dang / rnam par shes pa med pa'i phyir byang chub sems dpa' dbus su mi dmigs so/ /gzugs stong pa nyid kyi phyir byang chub sems dpa' dbus su mi dmigs so//tshor ba dang / 'du shes dang / 'du byed rnams dang / rnam par shes pa stong pa nyid kyi phyir byang chub sems dpa' dbus su mi dmigs so/ /gzugs dben pa'i phyir byang chub sems dpa' dbus su mi dmigs so/ /tshor ba dang / 'du shes dang / 'du byed rnams dang / rnam par shes pa dben pa'i phyir byang chub sems dpa' dbus su mi dmigs so/ /gzugs ngo bo nyid med pa'i phyir byang chub sems dpa' dbus su mi dmigs so/ /tshor ba dang / 'du shes dang / 'du byed rnams dang / rnam par shes pa ngo bo nyid med pa'i phyir byang chub sems dpa' dbus su mi dmigs so//de ci'i phyir zhe na/ tshe dang ldan pa shA ri'i bu gzugs dang / tshor ba dang / 'du shes dang / 'du byed rnams dang / rnam par shes pa med pa dang / gzugs dang / tshor ba dang / 'du shes dang / 'du byed rnams dang /rnam par shes pa stong pa nyid dang / gzugs dang / tshor ba dang / 'du shes dang / 'du byed rnams dang / rnam par shes pa dben pa dang / gzugs dang / tshor ba dang / 'du shes dang / 'du byed rnams dang / rnam par shes pa ngo bo nyid med pa la sngon gyi mtha' mi dmigs so//phyi ma'i mtha' mi dmigs/ dbus mi dmigs te/ gzugs dang / tshor ba dang / 'du shes dang / 'du byed rnams dang / rnam par shes pa med pa dang / stong pa nyid dang / dben pa nyid dang / ngo bo nyid med pa yang gzhan ma yin/ byang chub sems dpa' yang gzhan ma yin/sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no / /tshe dang ldan pa shA ri'i bu de ltar na gzugs dang / tshor ba dang / 'du shes dang / 'du byed rnams dang / rnam par shes pa med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de thams cad kyang gnyis su med de gnyis su byar med do/ /tshe dang ldan pa shA ri'i bu skye mched dang / khams dang / rten cing 'brel par 'byung ba med pa'i phyir byang chub sems dpa' sngon gyi mthar mi dmigs so/ /skye mched dang / khams dang / rten cing 'brel par 'byung ba stong pa nyid kyi phyir byang chub sems dpa' sngon gyi mthar mi dmigs so/ /skye mched dang / khams dang /rten cing 'brel par 'byung ba dben pa'i phyir byang chub sems dpa' sngon gyi mthar mi dmigs so/ /skye mched dang / khams dang / rten cing 'brel par 'byung ba ngo bo nyid med pa'i phyir byang chub sems dpa' sngon gyi mthar mi dmigs so/ /skye mched dang / khams dang /rten cing 'brel par 'byung ba med pa'i phyir byang chub sems dpa' phyi ma'i mthar mi dmigs so/ /skye mched dang / khams dang / rten cing 'brel par 'byung ba stong pa nyid kyi phyir byang chub sems dpa' phyi ma'i mthar mi dmigs so/ /skye mched dang / khams dang / rten cing 'brel par 'byung ba dben pa'i phyir byang chub sems dpa' phyi ma'i mthar mi dmigs so/ /skye mched dang / khams dang / rten cing 'brel par 'byung ba ngo bo nyid med pa'i phyir byang chub sems dpa' phyi ma'i mthar mi dmigs so/ /skye mched dang /khams dang / rten cing 'brel par 'byung ba med pa'i phyir byang chub sems dpa' dbus su mi dmigs so/ /skye mched dang / khams dang / rten cing 'brel par 'byung ba stong pa nyid kyi phyir byang chub sems dpa' dbus su mi dmigs so/ /skye mched dang / khams dang /rten cing 'brel par 'byung ba dben pa'i phyir byang chub sems dpa' dbus su mi dmigs so/ /skye mched dang / khams dang / rten cing 'brel par 'byung ba ngo bo nyid med pa'i phyir byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ri'i bu skye mched dang /khams dang / rten cing 'brel par 'byung ba med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ skye mched dang / khams dang / rten cing 'brel par 'byung ba med pa dang /stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ri'i bu de ltar na skye mched dang /khams dang / rten cing 'brel par 'byung ba med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do//tshe dang ldan pa shA ri'i bu sbyin pa'i pha rol tu phyin pa med pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa med pa'i phyir/ byang chub sems dpa' sngon gyi mthar mi dmigs so/ /sbyin pa'i pha rol tu phyin pa stong pa nyid kyi phyir/ byang chub sems dpa' sngon gyi mthar mi dmigs so/ / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong pa nyid kyi phyir byang chub sems dpa' sngon gyi mthar mi dmigs so/ /sbyin pa'i pha rol tu phyin pa dben pa'i phyir/byang chub sems dpa' sngon gyi mthar mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dben pa'i phyir byang chub sems dpa' sngon gyi mthar mi dmigs so//sbyin pa'i pha rol tu phyin pa ngo bo nyid med pa'i phyir byang chub sems dpa' sngon gyi mthar mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa ngo bo nyid med pa'i phyir byang chub sems dpa' sngon gyi mthar mi dmigs so/ /sbyin pa'i pha rol tu phyin pa med pa'i phyir byang chub sems dpa' phyi ma'i mthar mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med pa'i phyir byang chub sems dpa' phyi ma'i mthar mi dmigs so/ /sbyin pa'i pha rol tu phyin pa stong pa nyid kyi phyir byang chub sems dpa' phyi ma'i mthar mi dmigs so//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong pa nyid kyi phyir byang chub sems dpa' phyi ma'i mthar mi dmigs so/ /sbyin pa'i pha rol tu phyin pa dben pa'i phyir byang chub sems dpa' phyi ma'i mthar mi dmigs so//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dben pa'i phyir byang chub sems dpa' phyi ma'i mthar mi dmigs so//sbyin pa'i pha rol tu phyin pa ngo bo nyid med pa'i phyir byang chub sems dpa' phyi ma'i mthar mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa ngo bo nyid med pa'i phyir byang chub sems dpa' phyi ma'i mthar mi dmigs so/ /sbyin pa'i pha rol tu phyin pa med pa'i phyir byang chub sems dpa' dbus su mi dmigs so/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med pa'i phyir byang chub sems dpa' dbus su mi dmigs so/ /sbyin pa'i pha rol tu phyin pa stong pa nyid kyi phyir byang chub sems dpa' dbus su mi dmigs so//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong pa nyid kyi phyir byang chub sems dpa' dbus su mi dmigs so//sbyin pa'i pha rol tu phyin pa dben pa'i phyir byang chub sems dpa' dbus su mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dben pa'i phyir byang chub sems dpa' dbus su mi dmigs so//sbyin pa'i pha rol tu phyin pa ngo bo nyid med pa'i phyir byang chub sems dpa' dbus su mi dmigs so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin dang /bsam gtan gyi pha rol tu phyin pa dang / shes rab kyi pha rol tu phyin pa ngo bo nyid med pa'i phyir byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ri'i bu sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs so / /phyi ma'i mtha' mi dmigs / dbus mi dmigs te/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med pa dang / stong pa nyid dang / dben pa dang / ngo bo nyid med pa yang gzhan ma yin/byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ri'i bu de ltar na sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang /phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ri'i bu nang stong pa nyid med pa'i phyir byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du med pa'i phyir byang chub sems dpa' sngon gyi mthar mi dmigs so//nang stong pa nyid stong pa nyid kyi phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir byang chub sems dpa' sngon gyi mthar mi dmigs so//nang stong pa nyid dben pa'i phyir byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du dben pa'i phyir byang chub sems dpa' sngon gyi mthar mi dmigs so/ /nang stong pa nyid ngo bo nyid med pa'i phyir byang chub sems dpa' sngon gyi mthar mi dmigs so//dngos po med pa'i ngo bo nyid stong pa nyid kyi bar du ngo bo nyid med pa'i phyir byang chub sems dpa' sngon gyi mthar mi dmigs so/ /nang stong pa nyid med pa'i phyir byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du med pa'i phyir byang chub sems dpa' phyi ma'i mthar mi dmigs so//nang stong pa nyid stong pa nyid kyi phyir byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir byang chub sems dpa' phyi ma'i mthar mi dmigs so/ /nang stong pa nyid dben pa'i phyir byang chub sems dpa' phyi ma'i mthar mi dmigs so//dngos po med pa'i ngo bo nyid stong pa nyid kyi bar du dben pa'i phyir byang chub sems dpa' phyi ma'i mthar mi dmigs so/ /nang stong pa nyid ngo bo nyid med pa'i phyir byang chub sems dpa' phyi ma'i mthar mi dmigs so/ / dngos po med pa'i ngo bo nyid stong pa nyid kyi bar du ngo bo nyid med pa'i phyir byang chub sems dpa' phyi ma'i mthar mi dmigs so/ /nang stong pa nyid med pa'i phyir byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' dbus su mi dmigs so//nang stong pa nyid stong pa nyid kyi phyir byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' dbus su mi dmigs so/ /nang stong pa nyid dben pa'i phyir byang chub sems dpa' dbus su mi dmigs so//dngos po med pa'i ngo bo nyid stong pa nyid kyi bar du dben pa'i phyir byang chub sems dpa' dbus su mi dmigs so/ /nang stong pa nyid ngo bo nyid med pa'i phyir byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ri'i bu/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/dbus mi dmigs te/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ri'i bu de ltar na nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang /sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ri'i bu dran pa nye bar gzhag pa med pa'i phyir byang chub sems dpa' sngon gyi mthar mi dmigs so/ / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa rnams dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/byang chub sems dpa' sngon gyi mthar mi dmigs so/ /dran pa nye bar gzhag pa stong pa nyid kyi phyir byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir byang chub sems dpa' sngon gyi mthar mi dmigs so//dran pa nye bar gzhag pa dben pa'i phyir byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / bsam gtan dang / tshad med pa dang /gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa ngo bo nyid med pa'i phyir byang chub sems dpa' sngon gyi mthar mi dmigs so//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir byang chub sems dpa' sngon gyi mthar mi dmigs so/ /dran pa nye bar gzhag pa med pa'i phyir byang chub sems dpa' phyi ma'i mthar mi dmigs so/ /yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa med pa'i phyir byang chub sems dpa' phyi ma'i mthar mi dmigs so/ /dran pa nye bar gzhag pa stong pa nyid kyi phyir byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang /byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir byang chub sems dpa' phyi ma'i mthar mi dmigs so//dran pa nye bar gzhag pa dben pa'i phyir byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / bsam gtan dang /tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir byang chub sems dpa' phyi ma'i mthar mi dmigs so/ /dran pa nye bar gzhag pa ngo bo nyid med pa'i phyir byang chub sems dpa' phyi ma'i mthar mi dmigs so//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir byang chub sems dpa' phyi ma'i mthar mi dmigs so/ /dran pa nye bar gzhag pa med pa'i phyir byang chub sems dpa' dbus su mi dmigs so//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir byang chub sems dpa' dbus su mi dmigs so/ /dran pa nye bar gzhag pa stong pa nyid kyi phyir byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / lam dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/byang chub sems dpa' dbus su mi dmigs so/ /dran pa nye bar gzhag pa dben pa'i phyir byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /'phags pa'i lam yan lag brgyad pa dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir byang chub sems dpa' dbus su mi dmigs so//dran pa nye bar gzhag pa ngo bo nyid med pa'i phyir byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang /bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' dbus su mi dmigs so//de ci'i phyir zhe na/ tshe dang ldan pa shA ri'i bu dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/phyi ma'i mtha' mi dmigs/ dbus mi dmigs te/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / bsam gtan dang /tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ri'i bu de ltar na sangs rgyas kyi chos ma 'dres pa'i bar du med pa dang / stong pa nyid dang / dben pa dang / ngo bo nyid med pa gang yin pa dang /byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ri'i bu rnam grangs 'dis kyang sngon gyi mtha' dang / phyi ma'i mtha' dang /dbus su byang chub sems dpa' nye bar mi dmigs so/ /tshe dang ldan pa shA ri'i bu gzhan yang ting nge 'dzin thams cad med pa dang / gzungs kyi sgo thams cad med pa dang / chos kyi dbyings med pa dang / de bzhin nyid med pa dang / yang dag pa'i mtha' med pa dang / yang dag pa'i mtha' stong pa nyid dang /yang dag pa'i mtha' dben pa nyid dang / yang dag pa'i mtha' ngo bo nyid med pa'i phyir byang chub sems dpa'i sngon gyi mtha' dang phyi ma'i mtha' dang dbus rnams mi dmigs so/ /de ci'i phyir zhe na/ tshe dang ldan pa shA ri'i bu ting nge 'dzin med pa nas/ yang dag pa'i mtha'i bar du med pa dang /yang dag pa'i mtha' stong pa nyid dang / yang dag pa'i mtha' dben pa nyid dang / yang dag pa'i mtha' ngo bo nyid med pa la sngon gyi mtha' dang / phyi ma'i mtha' dang / dbus mi dmigs te/ tshe dang ldan pa shA ri'i bu med pa yang gzhan ma yin/ stong pa nyid kyang gzhan ma yin/dben pa yang gzhan ma yin/ ngo bo nyid med pa yang gzhan ma yin/ byang chub sems dpa' yang gzhan ma yin/ ting nge 'dzin kyang gzhan ma yin/ gzungs kyi sgo yang gzhan ma yin/ chos kyi dbyings kyang gzhan ma yin/ de bzhin nyid kyang gzhan ma yin/yang dag pa'i mtha' yang gzhan ma yin/ sngon gyi mtha' dang phyi ma'i mtha' dang dbus kyang gzhan ma yin te/ tshe dang ldan pa shA ri'i bu de ltar na ting nge 'dzin med pa gang yin pa nas/ yang dag pa'i mtha'i bar du med pa dang / stong pa nyid dang / dben pa dang / ngo bo nyid med pa dang /byang chub sems dpa' gang yin pa dang / sngon gyi mtha' dang / phyi ma'i mtha' dang / dbus gang yin pa de dag thams cad ni gnyis su med de gnyis su byar med do/ /tshe dang ldan pa shA ri'i bu rnam grangs des na byang chub sems dpa' sngon gyi mtha' dang / phyi ma'i mtha' dang /dbus rnams dmigs su med do/ /tshe dang ldan pa shA ri'i bu gzhan yang nyan thos med pa'i phyir byang chub sems dpa' sngon gyi mthar mi dmigs so/ /nyan thos stong pa nyid dang / dben pa dang / ngo bo nyid med pa'i phyir byang chub sems dpa' sngon gyi mthar mi dmigs so/ /nyan thos med pa'i phyir byang chub sems dpa' phyi ma'i mthar mi dmigs so//nyan thos stong pa nyid dang / dben pa dang / ngo bo nyid med pa'i phyir byang chub sems dpa' phyi ma'i mthar mi dmigs so/ /nyan thos med pa'i phyir byang chub sems dpa' dbus su mi dmigs so/ /nyan thos stong pa nyid dang /dben pa dang / ngo bo nyid med pa'i phyir byang chub sems dpa' dbus su mi dmigs so/ /tshe dang ldan pa shA ri'i bu gzhan yang rang sangs rgyas med pa'i phyir byang chub sems dpa' sngon gyi mthar mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir byang chub sems dpa' sngon gyi mthar mi dmigs so//rang sangs rgyas med pa'i phyir byang chub sems dpa' phyi ma'i mthar mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir byang chub sems dpa' phyi ma'i mthar mi dmigs so//rang sangs rgyas med pa'i phyir byang chub sems dpa' dbus su mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir byang chub sems dpa' dbus su mi dmigs so// //bam po nyi shu gsum pa/ tshe dang ldan pa shA ri'i bu gzhan yang byang chub sems dpa' med pa'i phyir byang chub sems dpa' sngon gyi mthar mi dmigs so//byang chub sems dpa' stong pa nyid dang / dben pa dang / ngo bo nyid med pa'i phyir byang chub sems dpa' sngon gyi mthar mi dmigs so/ /byang chub sems dpa' med pa'i phyir byang chub sems dpa' phyi ma'i mthar mi dmigs so//byang chub sems dpa' stong pa nyid dang / dben pa dang / ngo bo nyid med pa'i phyir byang chub sems dpa' phyi ma'i mthar mi dmigs so/ /byang chub sems dpa' med pa'i phyir byang chub sems dpa' dbus su mi dmigs so/ / byang chub sems dpa' stong pa nyid dang / dben pa dang / ngo bo nyid med pa'i phyir byang chub sems dpa' dbus su mi dmigs so/ /tshe dang ldan pa shA ri'i bu gzhan yang sangs rgyas med pa'i phyir byang chub sems dpa' sngon gyi mthar mi dmigs so/ /sangs rgyas stong pa nyid dang /dben pa dang / ngo bo nyid med pa'i phyir byang chub sems dpa' sngon gyi mthar mi dmigs so/ /sangs rgyas med pa'i phyir byang chub sems dpa' phyi ma'i mthar mi dmigs so/ /sangs rgyas stong pa nyid dang / dben pa dang / ngo bo nyid med pa'i phyir byang chub sems dpa' phyi ma'i mthar mi dmigs so//sangs rgyas med pa'i phyir byang chub sems dpa' dbus su mi dmigs so/ /sangs rgyas stong pa nyid dang / dben pa dang / ngo bo nyid med pa'i phyir byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ri'i bu nyan thos med pa dang /stong pa nyid dang / dben pa dang / ngo bo nyid med pa nas rnam pa thams cad mkhyen pa nyid kyi bar du med pa dang / stong pa nyid dang / dben pa dang / ngo bo nyid med pa la sngon gyi mtha' dang / phyi ma'i mtha' dang / dbus mi dmigs te/ shA ri'i bu med pa yang gzhan ma yin/stong pa yang gzhan ma yin/ dben pa yang gzhan ma yin/ ngo bo nyid med pa yang gzhan ma yin/ nyan thos kyang gzhan ma yin/ rang sangs rgyas kyang gzhan ma yin/ byang chub sems dpa' yang gzhan ma yin/ rnam pa thams cad mkhyen pa nyid kyang gzhan ma yin/sngon gyi mtha' dang / phyi ma'i mtha' dang / dbus kyang gzhan ma yin no / /tshe dang ldan pa shA ri'i bu de ltar na nyan thos med pa dang / stong pa dang / dben pa dang / ngo bo nyid med pa gang yin pa nas/ rnam pa thams cad mkhyen pa nyid kyi bar med pa dang / stong pa dang / dben pa dang /ngo bo nyid med pa'i bar dang / byang chub sems dpa' gang yin pa dang / sngon gyi mtha' dang / phyi ma'i mtha' dang / dbus gang yin pa 'di dag thams cad kyang gnyis su med de gnyis su byar med do/ /tshe dang ldan pa shA ri'i bu rnam grangs des na/ byang chub sems dpa' sngon gyi mthar mi dmigs so//phyi ma'i mtha' dang dbus rnams su mi dmigs so zhes bya ba ni thob par bya ba dgag pa yin no/ /tshe dang ldan pa shA ri'i bu gang yang 'di skad du ci'i phyir na gzugs kun du mtha' yas pa'i phyir/ byang chub sems dpa' kun du mtha' yas par rig par bya'o / /tshor ba dang /'du shes dang / 'du byed rnams dang / rnam par shes pa kun du mtha' yas pa'i phyir/ byang chub sems dpa' kun du mtha' yas par rig par bya zhes zer ba ni/ tshe dang ldan pa shA ri'i bu gzugs ni nam mkha' dang mnyam/ tshor ba dang / 'du shes dang / 'du byed rnams dang / rnam par shes pa ni nam mkha' dang mnyam pa ste/ de ci'i phyir zhe na/ tshe dang ldan pa shA ri'i bu 'di lta ste/ dper na nam mkha' ni sngon gyi mtha' mi dmigs/ phyi ma'i mtha' dang / dbus mi dmigs te/ mtha' yas kun du mtha' yas pa'i phyir/ nam mkha' zhes ming du brjod do/ /tshe dang ldan pa shA ri'i bu de bzhin du gzugs stong pa nyid kyi phyir gzugs sngon gyi mtha' mi dmigs/phyi ma'i mtha' dang / dbus mi dmigs/ tshor ba dang / 'du shes dang / 'du byed rnams dang / rnam par shes pa stong pa nyid kyi phyir rnam par shes pa sngon gyi mtha' mi dmigs/ phyi ma'i mtha' dang /dbus mi dmigs te/ stong pa nyid la mtha' 'am dbus mi dmigs so/ /tshe dang ldan pa shA ri'i bu rnam grangs des na gzugs kun du mtha' yas/ tshor ba dang / 'du shes dang / 'du byed rnams dang / rnam par shes pa kun du mtha' yas pa'i phyir byang chub sems dpa' kun du mtha' yas par rig par bya'o//tshe dang ldan pa shA ri'i bu skye mched rnams dang / khams rnams dang / rten cing 'brel par 'byung ba dang / pha rol tu phyin pa dang / stong pa nyid thams cad dang / byang chub kyi phyogs kyi chos dang / 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni nam mkha' dang mnyam pa ste/ de ci'i phyir zhe na/ tshe dang ldan pa shA ri'i bu 'di lta ste dper na/nam mkha' la sngon gyi mtha' mi dmigs/ phyi ma'i mtha' dang / dbus mi dmigs te/ mtha' yas kun tu mtha' yas pa'i phyir/ nam mkha' zhes ming du brjod do/ /tshe dang ldan pa shA ri'i bu de bzhin du sangs rgyas kyi chos ma 'dres pa stong pa nyid kyi phyir sangs rgyas kyi chos ma 'dres pa rnams sngon gyi mtha' mi dmigs/phyi ma'i mtha' dang / dbus mi dmigs te/ stong pa nyid la mtha' 'am dbus mi dmigs so/ /tshe dang ldan pa shA ri'i bu rnam grangs des na sangs rgyas kyi chos ma 'dres pa kun du mtha' yas pa'i phyir byang chub sems dpa' kun du mtha' yas par rig par bya'o//tshe dang ldan pa shA ri'i bu gang yang 'di skad du ci'i phyir na gzugs byang chub sems dpa' zhes bya ba de lta bu yang med cing mi dmigs so/ /tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs zhes zer ba ni/tshe dang ldan pa shA ri'i bu gzugs ni gzugs kyis stong ngo / /tshor ba dang / 'du shes dang / 'du byed rnams dang / rnam par shes pa ni rnam par shes pas stong ste/ de ci'i phyir zhe na/ stong pa nyid la gzugs med/ stong pa nyid la byang chub sems dpa' med/stong pa nyid la tshor ba dang / 'du shes dang / 'du byed rnams dang / rnam par shes pa med/ stong pa nyid la byang chub sems dpa' med do/ /tshe dang ldan pa shA ri'i bu rnam grangs des na gzugs byang chub sems dpa' zhes bya ba de lta bu yang med cing mi dmigs so//tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs so/ /tshe dang ldan pa shA ri'i bu gzhan yang sbyin pa'i pha rol tu phyin pa ni sbyin pa'i pha rol tu phyin pas stong ste/ de ci'i phyir zhe na/ stong pa nyid la ni sbyin pa'i pha rol tu phyin pa med/ byang chub sems dpa' med do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni shes rab kyi pha rol tu phyin pas stong ste/de ci'i phyir zhe na/ stong pa nyid la shes rab kyi pha rol tu phyin pa med/ byang chub sems dpa' med do/ /tshe dang ldan pa shA ri'i bu gzhan yang nang stong pa nyid ni nang stong pa nyid kyis stong ste/ de ci'i phyir zhe na/ stong pa nyid la nang stong pa nyid med/ byang chub sems dpa' med do/ /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid kyis stong ste/ de ci'i phyir zhe na/ stong pa nyid la dngos po med pa'i ngo bo nyid stong pa nyid med/ byang chub sems dpa' med do//tshe dang ldan pa shA ri'i bu gzhan yang dran pa nye bar gzhag pa rnams ni dran pa nye bar gzhag pa rnams kyis stong ngo / /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni 'phags pa'i lam yan lag brgyad pas stong ste/de ci'i phyir zhe na/ stong pa nyid la dran pa nye bar gzhag pa rnams med/ yang dag par spong ba dang / rdzu 'phrul gyi rkang pa rnams dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa med/byang chub sems dpa' med do/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyis stong ste/ de ci'i phyir zhe na/ stong pa nyid la 'phags pa'i bden pa dang / sangs rgyas kyi chos ma 'dres pa rnams kyi bar du med/ byang chub sems dpa' med do/ /chos kyi dbyings ni chos kyi dbyings kyis stong /de bzhin nyid ni de bzhin nyid kyis stong / yang dag pa'i mtha' ni yang dag pa'i mthas stong / bsam gyis mi khyab pa'i dbyings ni bsam gyis mi khyab pa'i dbyings kyis stong / thams cad shes pa nyid ni thams cad shes pa nyid kyis stong / lam gyi rnam pa shes pa nyid ni lam gyi rnam pa shes pa nyid kyis stong /rnam pa thams cad mkhyen pa nyid ni rnam pa thams cad mkhyen pa nyid kyis stong ste/ de ci'i phyir zhe na/ stong pa nyid la chos kyi dbyings dang / rnam pa thams cad mkhyen pa nyid kyi bar du med/ byang chub sems dpa' med do/ / nyan thos kyi theg pa ni nyan thos kyi theg pas stong /rang sangs rgyas kyi theg pa ni rang sangs rgyas kyi theg pas stong / sangs rgyas kyi theg pa ni sangs rgyas kyi theg pas stong / nyan thos ni nyan thos kyis stong / rang sangs rgyas ni rang sangs rgyas kyis stong / de bzhin gshegs pa ni de bzhin gshegs pas stong ste/de ci'i phyir zhe na/ stong pa nyid la nyan thos kyi theg pa med/ rang sangs rgyas kyi theg pa'i bar du med/ nyan thos med/ de bzhin gshegs pa'i bar du med/ byang chub sems dpa' med do/ /tshe dang ldan pa shA ri'i bu rnam grangs des na gzugs byang chub sems dpa' zhes bya ba de lta bu yang med cing mi dmigs so//tshor ba dang / 'du shes dang / 'du byed rnams dang / rnam par shes pa byang chub sems dpa' zhes bya ba de lta bu yang med cing mi dmigs so/ /tshe dang ldan pa shA ri'i bu gang yang 'di skad du bdag gis byang chub sems dpa' thams cad du thams cad rnam pa thams cad du thams cad mi dmigs na byang chub sems dpa' ni gang zhig shes rab kyi pha rol tu phyin pa gang la gdams shing rjes su bstan par bya zhes zer ba ci'i phyir de skad du smra zhes zer ba ni/tshe dang ldan pa shA ri'i bu gzugs ni gzugs la med cing mi dmigs so//gzugs ni tshor ba la med cing mi dmigs so/ /tshor ba ni tshor ba la med cing mi dmigs so/ /tshor ba ni gzugs la med cing mi dmigs so/ /gzugs dang tshor ba ni 'du shes la med cing mi dmigs so/ /'du shes ni 'du shes la med cing mi dmigs so//'du shes ni gzugs dang tshor ba la med cing mi dmigs so/ /gzugs dang tshor ba dang 'du shes ni 'du byed rnams la med cing mi dmigs so/ /'du byed rnams ni 'du byed rnams la med cing mi dmigs so/ /'du byed rnams ni gzugs dang tshor ba dang 'du shes la med cing mi dmigs so//gzugs dang / tshor ba dang / 'du shes dang / 'du byed rnams ni rnam par shes pa la med cing mi dmigs so/ /rnam par shes pa ni rnam par shes pa la med cing mi dmigs so/ /rnam par shes pa ni gzugs dang / tshor ba dang / 'du shes dang / 'du byed rnams la med cing mi dmigs so//tshe dang ldan pa shA ri'i bu mig ni mig la med cing mi dmigs so/ /mig ni rna ba la med cing mi dmigs so/ /rna ba ni rna ba la med cing mi dmigs so/ /rna ba ni mig la med cing mi dmigs so/ /mig dang rna ba ni sna la med cing mi dmigs so//sna ni sna la med cing mi dmigs so/ /sna ni mig dang rna ba la med cing mi dmigs so/ /mig dang / rna ba dang / sna ni lce la med cing mi dmigs so/ /lce ni lce la med cing mi dmigs so/ /lce ni mig dang rna ba dang sna la med cing mi dmigs so/ /mig dang / rna ba dang / sna dang lce ni lus la med cing mi dmigs so/ /lus ni lus la med cing mi dmigs so/ /lus ni mig dang rna ba dang sna dang lce la med cing mi dmigs so/ /mig dang rna ba dang sna dang / lce dang lus ni yid la med cing mi dmigs so/ /yid ni yid la med cing mi dmigs so/ / yid ni mig dang rna ba dang sna dang lce dang lus la med cing mi dmigs so/ /gzugs ni gzugs la med cing mi dmigs so/ /gzugs ni sgra la med cing mi dmigs so/ /sgra ni sgra la med cing mi dmigs so/ /sgra ni gzugs la med cing mi dmigs so/ /gzugs dang sgra ni dri la med cing mi dmigs so//dri ni dri la med cing mi dmigs so/ /dri ni gzugs dang sgra la med cing mi dmigs so/ /gzugs dang sgra dang dri ni ro la med cing mi dmigs so/ /ro ni ro la med cing mi dmigs so/ /ro ni gzugs dang sgra dang dri la med cing mi dmigs so/ /gzugs dang / sgra dang dri dang ro ni reg la med cing mi dmigs so//reg ni reg la med cing mi dmigs so/ /reg ni gzugs dang sgra dang dri dang ro la med cing mi dmigs so/ /gzugs dang sgra dang dri dang ro dang reg ni chos la med cing mi dmigs so/ /chos ni chos la med cing mi dmigs so/ /chos ni gzugs dang sgra dang dri dang ro dang reg la med cing mi dmigs so//mig gi rnam par shes pa ni mig gi rnam par shes pa la med cing mi dmigs so/ /mig gi rnam par shes pa ni rna ba'i rnam par shes pa la med cing mi dmigs so/ /rna ba'i rnam par shes pa ni rna ba'i rnam par shes pa la med cing mi dmigs so//rna ba'i rnam par shes pa ni mig gi rnam par shes pa la med cing mi dmigs so/ /mig gi rnam par shes pa dang rna ba'i rnam par shes pa ni/ sna'i rnam par shes pa la med cing mi dmigs so/ /sna'i rnam par shes pa ni sna'i rnam par shes pa la med cing mi dmigs so// sna'i rnam par shes pa ni mig gi rnam par shes pa dang / rna ba'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa ni lce'i rnam par shes pa la med cing mi dmigs so/ /lce'i rnam par shes pa ni lce'i rnam par shes pa la med cing mi dmigs so//lce'i rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa dang /lce'i rnam par shes pa ni lus kyi rnam par shes pa la med cing mi dmigs so/ /lus kyi rnam par shes pa ni lus kyi rnam par shes pa la med cing mi dmigs so/ /lus kyi rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa dang /lce'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa ni yid kyi rnam par shes pa la med cing mi dmigs so/ /yid kyi rnam par shes pa ni yid kyi rnam par shes pa la med cing mi dmigs so//yid kyi rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa la med cing mi dmigs so/ / mig gi 'dus te reg pa ni mig gi 'dus te reg pa la med cing mi dmigs so/ /mig gi 'dus te reg pa ni rna ba'i 'dus te reg pa la med cing mi dmigs so/ /rna ba'i 'dus te reg pa ni rna ba'i 'dus te reg pa la med cing mi dmigs so/ /rna ba'i 'dus te reg pa ni mig gi 'dus te reg pa la med cing mi dmigs so//mig gi 'dus te reg pa dang / rna ba'i 'dus te reg pa ni sna'i 'dus te reg pa la med cing mi dmigs so/ /sna'i 'dus te reg pa ni sna'i 'dus te reg pa la med cing mi dmigs so/ /sna'i 'dus te reg pa ni mig gi 'dus te reg pa dang / rna ba'i 'dus te reg pa la med cing mi dmigs so//mig gi 'dus te reg pa dang / rna ba'i 'dus te reg pa dang / sna'i 'dus te reg pa ni lce'i 'dus te reg pa la med cing mi dmigs so/ /lce'i 'dus te reg pa ni lce'i 'dus te reg pa la med cing mi dmigs so/ /lce'i 'dus te reg pa ni mig gi 'dus te reg pa dang /rna ba'i 'dus te reg pa dang / sna'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa ni lus kyi 'dus te reg pa la med cing mi dmigs so/ /lus kyi 'dus te reg pa ni lus kyi 'dus te reg pa la med cing mi dmigs so//lus kyi 'dus te reg pa ni mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang /sna'i 'dus te reg pa dang / lce'i 'dus te reg pa dang / lus kyi 'dus te reg pa ni yid kyi 'dus te reg pa la med cing mi dmigs so/ /yid kyi 'dus te reg pa ni yid kyi 'dus te reg pa la med cing mi dmigs so/ /yid kyi 'dus te reg pa ni mig gi 'dus te reg pa dang /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa la med cing mi dmigs so/ /mig gi 'dus te reg pa las byung ba'i tshor ba ni mig gi 'dus te reg pa las byung ba'i tshor ba la med cing mi dmigs so/ / mig gi 'dus te reg pa las byung ba'i tshor ba ni rna ba'i 'dus te reg pa las byung ba'i tshor ba la med cing mi dmigs so/ /rna ba'i 'dus te reg pa las byung ba'i tshor ba ni/ rna ba'i 'dus te reg pa las byung ba'i tshor ba la med cing mi dmigs so/ /rna ba'i 'dus te reg pa las byung ba'i tshor ba ni mig gi 'dus te reg pa las byung ba'i tshor ba la med cing mi dmigs so//mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba ni sna'i 'dus te reg pa las byung ba'i tshor ba la med cing mi dmigs so/ /sna'i 'dus te reg pa las byung ba'i tshor ba ni sna'i 'dus te reg pa las byung ba'i tshor ba la med cing mi dmigs so//sna'i 'dus te reg pa las byung ba'i tshor ba ni mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba ni lce'i 'dus te reg pa las byung ba'i tshor ba la med cing mi dmigs so/ /lce'i 'dus te reg pa las byung ba'i tshor ba ni lce'i 'dus te reg pa las byung ba'i tshor ba la med cing mi dmigs so//lce'i 'dus te reg pa las byung ba'i tshor ba ni mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba ni lus kyi 'dus te reg pa las byung ba'i tshor ba la med cing mi dmigs so/ /lus kyi 'dus te reg pa las byung ba'i tshor ba ni lus kyi 'dus te reg pa las byung ba'i tshor ba la med cing mi dmigs so//lus kyi 'dus te reg pa las byung ba'i tshor ba ni mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang /lce'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang /lus kyi 'dus te reg pa las byung ba'i tshor ba ni yid kyi 'dus te reg pa las byung ba'i tshor ba la med cing mi dmigs so/ /yid kyi 'dus te reg pa las byung ba'i tshor ba ni yid kyi 'dus te reg pa las byung ba'i tshor ba la med cing mi dmigs so/ /yid kyi 'dus te reg pa las byung ba'i tshor ba ni mig gi 'dus te reg pa las byung ba'i tshor ba dang /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba la med cing mi dmigs so//nang stong pa nyid ni nang stong pa nyid la med cing mi dmigs so/ /nang stong pa nyid ni dngos po med pa'i ngo bo nyid stong pa nyid kyi bar la med cing mi dmigs so/ /dngos po med pa'i ngo bo nyid stong pa nyid ni dngos po med pa'i ngo bo nyid stong pa nyid la med cing mi dmigs so/ / dngos po med pa'i ngo bo nyid stong pa nyid ni nang stong pa nyid la med cing mi dmigs so/ /ting nge 'dzin ni ting nge 'dzin la med cing mi dmigs so/ /ting nge 'dzin ni gzungs kyi sgo la med cing mi dmigs so/ /gzungs kyi sgo ni gzungs kyi sgo la med cing mi dmigs so/ /gzungs kyi sgo ni ting nge 'dzin la med cing mi dmigs so// dran pa nye bar gzhag pa ni dran pa nye bar gzhag pa la med cing mi dmigs so/ /dran pa nye bar gzhag pa rnams ni yang dag par spong ba la med cing mi dmigs so/ /lam gyi bar ni lam la med cing mi dmigs so/ /lam ni dran pa nye bar gzhag pa dang / yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag la med cing mi dmigs so/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ni/ sangs rgyas kyi chos ma 'dres pa bco brgyad rnams kyi bar rnams la med cing mi dmigs pa de de dang gzhan rnams la yang med cing mi dmigs so/ /de bzhin gshegs pa'i stobs bcu ni de bzhin gshegs pa'i stobs bcu la med cing mi dmigs so//de bzhin gshegs pa'i stobs bcu ni mi 'jigs pa bzhi la med cing mi dmigs so/ /sangs rgyas kyi chos ma 'dres pa bco brgyad ni sangs rgyas kyi chos ma 'dres pa bco brgyad la med cing mi dmigs so//sangs rgyas kyi chos ma 'dres pa bco brgyad ni de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi la med cing mi dmigs so/ /bsam gtan ni bsam gtan la med cing mi dmigs so/ / bsam gtan ni tshad med pa la med cing mi dmigs so//gzugs med pa'i snyoms par 'jug pa'i bar ni gzugs med pa'i snyoms par 'jug pa'i bar la med cing mi dmigs so/ /gzugs med pa'i snyoms par 'jug pa ni bsam gtan dang / tshad med pa la med cing mi dmigs so/ /so so'i skye bo'i sa ni so so'i skye bo'i sa la med cing mi dmigs so//so so'i skye bo'i sa ni rigs kyi sa la med cing mi dmigs so/ /yang dag par rdzogs pa'i sangs rgyas kyi sa'i bar ni yang dag par rdzogs pa'i sangs rgyas kyi sa la med cing mi dmigs so/ /yang dag par rdzogs pa'i sangs rgyas kyi sa ni so so'i skye bo'i sa dang /rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa dang / byang chub sems dpa'i sa la med cing mi dmigs so/ /thams cad shes pa nyid ni thams cad shes pa nyid la med cing mi dmigs so//thams cad shes pa nyid ni lam gyi rnam pa shes pa nyid la med cing mi dmigs so/ /rnam pa thams cad mkhyen pa nyid kyi bar ni rnam pa thams cad mkhyen pa nyid kyi bar la med cing mi dmigs so/ /rnam pa thams cad mkhyen pa nyid ni thams cad shes pa nyid dang /lam gyi rnam pa shes pa nyid la med cing mi dmigs so/ /rgyun du zhugs pa ni rgyun du zhugs pa la med cing mi dmigs so/ /rgyun du zhugs pa ni lan cig phyir 'ong ba la med cing mi dmigs so/ /de bzhin gshegs pa'i bar ni de bzhin gshegs pa'i bar la med cing mi dmigs so//de bzhin gshegs pa ni rgyun du zhugs pa dang / lan cig phyir 'ong ba dang phyir mi 'ong ba dang / dgra bcom pa dang / rang sangs rgyas dang / byang chub sems dpa' la med cing mi dmigs so/ /byang chub sems dpa' ni byang chub sems dpa' la med cing mi dmigs so//byang chub sems dpa' ni shes rab kyi pha rol tu phyin pa la med cing mi dmigs so/ /shes rab kyi pha rol tu phyin pa ni shes rab kyi pha rol tu phyin pa la med cing mi dmigs so/ /shes rab kyi pha rol tu phyin pa ni byang chub sems dpa' la med cing mi dmigs so//byang chub sems dpa' dang / shes rab kyi pha rol tu phyin pa ni gdams shing rjes su bstan pa la med cing mi dmigs so/ /gdams shing rjes su bstan pa ni gdams shing rjes su bstan pa la med cing mi dmigs so/ /gdams shing rjes su bstan pa ni byang chub sems dpa' dang /shes rab kyi pha rol tu phyin pa la med cing mi dmigs so/ /tshe dang ldan pa shA ri'i bu de ltar na chos thams cad med cing dmigs su med pas byang chub sems dpa' med cing mi dmigs so zhes bya ba ni thob pa'i nges par 'byung ba las thob pa po dgag pa yin no/ / tshe dang ldan pa shA ri'i bu gang yang 'di skad du ci'i phyir na 'di lta ste/byang chub sems dpa' zhes bya ba 'di ni ming tsam du zad ces smra zhes zer ba ni/ tshe dang ldan pa shA ri'i bu 'di lta ste/ byang chub sems dpa' zhes bya ba 'di ni glo bur du ming du btags pa ste/ de'i phyir na 'di lta ste/ byang chub sems dpa' zhes bya ba 'di ni ming tsam zhes bya'o//chos thams cad kyi ming ni phyogs bcu po rnams gang nas kyang mi 'ong / gang du yang mi 'gro/ /gang du yang mi gnas so/ /de bzhin du byang chub sems dpa'i ming yang gang nas kyang mi 'ong / gang du yang mi 'gro/ /gar yang mi gnas so/ / tshe dang ldan pa shA ri'i bu 'di lta ste/ gzugs zhes bya ba dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba 'di ni glo bur du ming du btags pa ste/ 'di ltar ming ni gang nas kyang 'ong ba med/ gang du yang mi 'gro/ gang na yang mi gnas so/ /ming tsam zhes bya ba gang yin pa de ni gzugs ma yin/ tshor ba ma yin/ 'du shes ma yin/ 'du byed rnams ma yin/ rnam par shes pa rnams ma yin no/ /de ci'i phyir zhe na/ 'di ltar ming ni ming gi rang bzhin gyis stong ngo / /stong pa gang yin pa de ni ming ma yin te/de'i phyir 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa shA ri'i bu 'di lta ste/ skye mched ces bya ba dang / khams zhes bya ba dang / rten cing 'brel par 'byung ba zhes bya ba 'di ni glo bur du ming du btags pa ste/ 'di ltar ming ni gang nas kyang mi 'ong /gang du yang mi 'gro/ /gang na yang mi gnas so/ /ming tsam zhes bya ba gang yin pa de ni skye mched ma yin/ khams ma yin/ rten cing 'brel par 'byung ba ma yin no/ /de ci'i phyir zhe na/ 'di ltar ming ni ming gi rang bzhin gyis stong ngo / /stong pa nyid gang yin pa de ni ming ma yin te/de'i phyir 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa shA ri'i bu gzhan yang 'di ni ming tsam ste/ 'di lta ste/ sbyin pa'i pha rol tu phyin pa zhes bya'o/ /ming la yang sbyin pa'i pha rol tu phyin pa med/ sbyin pa'i pha rol tu phyin pa la yang ming med do/ /de ci'i phyir zhe na/ 'di ltar ming gang yin pa dang / sbyin pa'i pha rol tu phyin pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa 'di ni ming tsam ste/ ming la yang shes rab kyi pha rol tu phyin pa med/ shes rab kyi pha rol tu phyin pa la yang ming med do/ / de ci'i phyir zhe na/ 'di ltar ming gang yin pa dang / shes rab kyi pha rol tu phyin pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /'di lta ste nang stong pa nyid ni ming tsam ste/ ming la yang nang stong pa nyid med/nang stong pa nyid la yang ming med do/ /de ci'i phyir zhe na/ 'di ltar ming gang yin pa dang / nang stong pa nyid gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /dngos po med pa'i ngo bo nyid stong pa nyid kyi bar ni ming tsam ste/ming la yang dngos po med pa'i ngo bo nyid stong pa nyid med/ dngos po med pa'i ngo bo nyid stong pa nyid la yang ming med do/ /de ci'i phyir zhe na/ 'di ltar ming gang yin pa dang / dngos po med pa'i ngo bo nyid stong pa nyid gang yin pa de gnyis ka yang med cing mi dmigs te/de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ri'i bu rnam grangs des na 'di lta ste/ byang chub sems dpa' zhes bya ba 'di ni ming tsam mo zhes bya'o/ /tshe dang ldan pa shA ri'i bu 'di lta ste/ dran pa nye bar gzhag pa rnams zhes bya ba 'di ni glo bur du ming du btags pa ste/ ming la yang dran pa nye bar gzhag pa rnams med/ dran pa nye bar gzhag pa rnams la yang ming med do/ /de ci'i phyir zhe na/ 'di ltar ming gang yin pa dang / dran pa nye bar gzhag pa gang yin pa de gnyis ka yang med cing mi dmigs te/de'i phyir 'di lta ste/ byang chub sems dpa' zhes bya ba 'di ni ming tsam mo/ tshe dang ldan pa shA ri'i bu 'di lta ste/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /'phags pa'i lam yan lag brgyad pa zhes bya ba 'di ni glo bur du ming du btags pa ste/ ming la yang 'phags pa'i lam yan lag brgyad pa med/ 'phags pa'i lam yan lag brgyad pa la yang ming med do/ /de ci'i phyir zhe na/ 'di ltar ming gang yin pa dang / 'phags pa'i lam yan lag brgyad pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ces bya ba 'di ni glo bur du ming du btags pa ste/ ming la yang sangs rgyas kyi chos ma 'dres pa bco brgyad med/ sangs rgyas kyi chos ma 'dres pa rnams la yang ming med do//de ci'i phyir zhe na/ 'di ltar ming gang yin pa dang / sangs rgyas kyi chos ma 'dres pa rnams gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ri'i bu 'di lta ste/rnam pa thams cad mkhyen pa nyid ces bya ba 'di ni glo bur du ming du btags pa ste/ ming la yang rnam pa thams cad mkhyen pa nyid med/ rnam pa thams cad mkhyen pa nyid la yang ming med do/ /de ci'i phyir zhe na/ 'di ltar ming gang yin pa dang / rnam pa thams cad mkhyen pa nyid gang yin pa de gnyis ka yang med cing mi dmigs te/de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ri'i bu gang yang 'di skad du dper na/ bdag bdag ces brjod kyang bdag shin tu mngon par ma grub po zhes smra zhes zer ba ni/ tshe dang ldan pa shA ri'i bu bdag shin tu med cing mi dmigs na/ de mngon par 'grub par 'gyur ba lta ga la yod/ tshe dang ldan pa shA ri'i bu sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang /shes pa po dang / lta ba po shin tu med cing mi dmigs na/ de dag mngon par 'grub par 'gyur ba lta ga la yod/ gzugs shin tu med cing mi dmigs na/ de mngon par 'grub par 'gyur ba lta ga la yod/ tshor ba dang / 'du shes dang / 'du byed rnams dang / rnam par shes pa shin tu med cing mi dmigs na/de mngon par 'grub par 'gyur ba lta ga la yod/ mig shin tu med cing mi dmigs na/ de mngon par 'grub par 'gyur ba lta ga la yod/ rna ba dang sna dang / lce dang / lus dang / yid shin tu med cing mi dmigs na/ de mngon par 'grub par 'gyur ba lta ga la yod/gzugs shin tu med cing mi dmigs na/ de mngon par 'grub par 'gyur ba lta ga la yod/ sgra dang / dri dang / ro dang / reg dang / chos shin tu med cing mi dmigs na/ de mngon par 'grub par 'gyur ba lta ga la yod/ mig gi rnam par shes pa shin tu med cing mi dmigs na/de mngon par 'grub par 'gyur ba lta ga la yod/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa shin tu med cing mi dmigs na/ de mngon par 'grub par 'gyur ba lta ga la yod/mig gi 'dus te reg pa shin tu med cing mi dmigs na/ de mngon par 'grub par 'gyur ba lta ga la yod/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa shin tu med cing mi dmigs na/de mngon par 'grub par 'gyur ba lta ga la yod/ mig gi 'dus te reg pa las byung ba'i tshor ba shin tu med cing mi dmigs na/ de mngon par 'grub par 'gyur ba lta ga la yod/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang /lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba shin tu med cing mi dmigs na/ de mngon par 'grub par 'gyur ba lta ga la yod/ sbyin pa'i pha rol tu phyin pa shin tu med cing mi dmigs na/de mngon par 'grub par 'gyur ba lta ga la yod/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa shin tu med cing mi dmigs na/de mngon par 'grub par 'gyur ba lta ga la yod/ nang stong pa nyid shin tu med cing mi dmigs na/ de mngon par 'grub par 'gyur ba lta ga la yod/ dngos po med pa'i ngo bo nyid stong pa nyid kyi bar du shin tu med cing mi dmigs na/ de mngon par 'grub par 'gyur ba lta ga la yod/dran pa nye bar gzhag pa rnams shin tu med cing mi dmigs na/ de mngon par 'grub par 'gyur ba lta ga la yod/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa shin tu med cing mi dmigs na/ de mngon par 'grub par 'gyur ba lta ga la yod/ bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad shin tu med cing mi dmigs na/ de mngon par 'grub par 'gyur ba lta ga la yod/ ting nge 'dzin dang / gzungs kyi sgo rnams shin tu med cing mi dmigs na/ de mngon par 'grub par 'gyur ba lta ga la yod/nyan thos shin tu med cing mi dmigs na/ de mngon par 'grub par 'gyur ba lta ga la yod/ rang sangs rgyas shin tu med cing mi dmigs na/ de mngon par 'grub par 'gyur ba lta ga la yod/ nyan thos dang / rang sangs rgyas dang / byang chub sems dpa' shin tu med cing mi dmigs na/de mngon par 'grub par 'gyur ba lta ga la yod/ de bzhin gshegs pa dgra bcom pa yang dag par rdzogs pa'i sangs rgyas shin tu med cing mi dmigs na/ de mngon par 'grub par 'gyur ba lta ga la yod/ tshe dang ldan pa shA ri'i bu rnam grangs des na/ bdag bdag ces kyang bya ste bdag shin tu med na/de mngon par 'grub pa med do/ /tshe dang ldan pa shA ri'i bu gzhan yang gang chos thams cad kyang de bzhin du dngos po med pa'i ngo bo nyid yin nam zhes zer ba de ni/ tshe dang ldan pa shA ri'i bu de de bzhin te/ de ci'i phyir zhe na/ 'di lta ste tshe dang ldan pa shA ri'i bu sbyor ba las byung ba'i ngo bo nyid med do//shA ri'i bus smras pa/ tshe dang ldan pa rab 'byor gang la sbyor ba las byung ba'i ngo bo nyid med pa yin/ smras pa/ gzugs la sbyor ba las byung ba'i ngo bo nyid med do/ /tshor ba dang / 'du shes dang / 'du byed rnams dang / rnam par shes pa la sbyor ba las byung ba'i ngo bo nyid med do//tshe dang ldan pa shA ri'i bu mig la sbyor ba las byung ba'i ngo bo nyid med do/ /rna ba dang / sna dang / lce dang / lus dang / yid la sbyor ba las byung ba'i ngo bo nyid med do/ /gzugs la sbyor ba las byung ba'i ngo bo nyid med do/ /sgra dang / dri dang / ro dang / reg dang / chos la sbyor ba las byung ba'i ngo bo nyid med do/ /mig gi rnam par shes pa la sbyor ba las byung ba'i ngo bo nyid med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la sbyor ba las byung ba'i ngo bo nyid med do//mig gi 'dus te reg pa la sbyor ba las byung ba'i ngo bo nyid med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la sbyor ba las byung ba'i ngo bo nyid med do/ /mig gi 'dus te reg pa las byung ba'i tshor ba la sbyor ba las byung ba'i ngo bo nyid med do//rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang /yid kyi 'dus te reg pa las byung ba'i tshor ba la sbyor ba las byung ba'i ngo bo nyid med do/ /sbyin pa'i pha rol tu phyin pa la sbyor ba las byung ba'i ngo bo nyid med do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la sbyor ba las byung ba'i ngo bo nyid med do/ /nang stong pa nyid la sbyor ba las byung ba'i ngo bo nyid med do/ /phyi stong pa nyid la sbyor ba las byung ba'i ngo bo nyid med do/ /phyi nang stong pa nyid la sbyor ba las byung ba'i ngo bo nyid med do//dngos po med pa'i ngo bo nyid stong pa nyid kyi bar la sbyor ba las byung ba'i ngo bo nyid med do/ /dran pa nye bar gzhag pa rnams la sbyor ba las byung ba'i ngo bo nyid med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la sbyor ba las byung ba'i ngo bo nyid med do/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams la sbyor ba las byung ba'i ngo bo nyid med do/ /tshe dang ldan pa shA ri'i bu rnam grangs des na/ chos thams cad ni dngos po med pa'i ngo bo nyid do/ /tshe dang ldan pa shA ri'i bu gzhan yang chos thams cad ni mi rtag pa ste/gang dang yang bral bas ma yin no/ /smras pa/ tshe dang ldan pa rab 'byor chos thams cad mi rtag pa ste/ gang dang yang bral bas ma yin pa de dag gang yin/ smras pa/ tshe dang ldan pa shA ri'i bu gzugs mi rtag pa ste/ gang dang yang bral bas ma yin no//tshor ba dang / 'du shes dang / 'du byed rnams dang / rnam par shes pa mi rtag pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ri'i bu mi rtag pa gang yin pa de ni dngos po med cing mi zad pa yin no//de bzhin du chos thams cad ni sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ri'i bu 'di ltar smon pa med pa gang yin pa de ni dngos po med cing zad pa'o//tshe dang ldan pa shA ri'i bu chos thams cad ni dge ba dang / kha na ma tho ba med pa dang / zag pa med pa dang / nyon mongs pa med pa dang / 'jig rten las 'das pa dang / rnam par byang ba dang / 'dus ma byas pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ri'i bu 'di ltar 'dus ma byas pa gang yin pa de ni dngos po med cing zad pa ste/tshe dang ldan pa shA ri'i bu rnam grangs des na/ chos thams cad ni ngo bo nyid med pa ste/ gang dang yang bral bas ma yin no/ /tshe dang ldan pa shA ri'i bu gzhan yang chos thams cad ni ther zug tu gnas pa ma yin 'jig pa ma yin no//smras pa/ tshe dang ldan pa rab 'byor ci'i phyir na chos thams cad ni ther zug tu gnas pa ma yin zhing / 'jig pa ma yin/ rab 'byor gyis smras pa/ tshe dang ldan pa shA ri'i bu gzugs ther zug tu gnas pa ma yin 'jig pa ma yin te/ de ci'i phyir zhe na/ de'i rang bzhin ni de yin no//tshor ba dang / 'du shes dang / 'du byed rnams dang / rnam par shes pa ther zug tu gnas pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /de bzhin du dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang /zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'dus byas dang / 'dus ma byas dang / kun nas nyon mongs pa dang / rnam par byang ba'i chos rnams dang / 'khor ba dang /mya ngan las 'das pa yang ther zug tu gnas pa ma yin zhing 'jig pa ma yin no/ /de ci'i phyir zhe na/ de'i rang bzhin ni de yin pa'i phyir ro/ /[##]tshe dang ldan pa shA ri'i bu rnam grangs des na chos thams cad ni dngos po med pa'i ngo bo nyid yin no// // bam po nyi shu bzhi pa/ tshe dang ldan pa shA ri'i bu gang yang 'di skad du ci'i phyir gzugs mngon par ma grub/ ci'i phyir tshor ba dang / 'du shes dang / 'du byed rnams dang / rnam par shes pa mngon par ma grub ces smra zhes zer ba ni/ tshe dang ldan pa shA ri'i bu de ni de bzhin te/ de ci'i phyir zhe na/ tshe dang ldan pa shA ri'i bu 'di ltar gzugs ni mngon par 'dus ma byas pa'o/ /tshor ba dang / 'du shes dang / 'du byed rnams dang / rnam par shes pa ni mngon par 'dus ma byas pa'o/ /de ci'i phyir zhe na/ 'di ltar de dag la mngon par 'du byed pa po med do/ /tshe dang ldan pa shA ri'i bu mig ni mngon par 'dus ma byas pa ste/de ci'i phyir zhe na/ 'di ltar de la mngon par 'du byed pa po med do/ /rna ba dang / sna dang / lce dang / lus dang / yid ni mngon par 'dus ma byas pa ste/ de ci'i phyir zhe na/ 'di ltar de dag la mngon par 'du byed pa po med do/ /tshe dang ldan pa shA ri'i bu gzugs ni mngon par 'dus ma byas pa ste/de ci'i phyir zhe na/ 'di ltar de dag la mngon par 'du byed pa po med do/ /sgra dang / dri dang / ro dang / reg dang / chos ni mngon par 'dus ma byas pa ste/ de ci'i phyir zhe na/ 'di ltar de dag la mngon par 'du byed pa po med do/ / tshe dang ldan pa shA ri'i bu mig gi rnam par shes pa ni mngon par 'dus ma byas pa ste/ de ci'i phyir zhe na/ 'di ltar de dag la mngon par 'du byed pa po med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang /yid kyi rnam par shes pa ni mngon par 'dus ma byas pa ste/ de ci'i phyir zhe na/ 'di ltar de dag la mngon par 'du byed pa po med do/ /tshe dang ldan pa shA ri'i bu chos thams cad kyi bar du mngon par 'dus ma byas pa ste/ de ci'i phyir zhe na/ 'di ltar de dag la mngon par 'du byed pa po med do//tshe dang ldan pa shA ri'i bu rnam grangs des na/ gzugs dang / tshor ba dang / 'du shes dang / 'du byed rnams dang / rnam par shes pa ni mngon par ma grub pa'o/ /tshe dang ldan pa shA ri'i bu gang yang 'di skad du ci'i phyir tshe dang ldan pa rab 'byor gang mngon par ma grub pa de ni gzugs ma yin/tshor ba dang / 'du shes dang / 'du byed rnams dang / rnam par shes pa ma yin zhes smra zhes zer ba ni/ tshe dang ldan pa shA ri'i bu de ni de bzhin te/ de ci'i phyir zhe na/ 'di ltar tshe dang ldan pa shA ri'i bu gzugs rang bzhin gyis stong pa ste/rang bzhin gyis stong pa gang yin pa de la skye ba med cing 'jig pa med pa ste / gang la skye ba med cing 'jig pa med pa de la gnas pa las gzhan du 'gyur ba med do/ /tshor ba dang / 'du shes dang / 'du byed rnams dang / rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do//gang la skye ba med cing 'jig pa med pa de la gnas pa las gzhan du 'gyur ba med do/ /de bzhin du chos thams cad kyi bar rang bzhin gyis stong pa ste/ gang rang bzhin gyis stong pa de dag la ni skye ba med cing 'jig pa med do/ / gang la skye ba med cing 'jig pa med pa de la ni gnas pa las gzhan du 'gyur ba med do/ /tshe dang ldan pa shA ri'i bu rnam grangs des na/ gang mngon par ma grub pa de ni gzugs ma yin/ tshor ba ma yin/ 'du shes ma yin/ 'du byed rnams dang / rnam par shes pa ma yin no/ /tshe dang ldan pa shA ri'i bu gang yang 'di skad du ci'i phyir na mngon par ma grub pa la shes rab kyi pha rol tu phyin pa la ci zhig gdams shing rjes su bstan par bgyi zhes smra zhes zer ba ni/tshe dang ldan pa shA ri'i bu 'di ltar mngon par ma grub pa gang yin pa de shes rab kyi pha rol tu phyin pa'o/ /shes rab kyi pha rol tu phyin pa gang yin pa de ni mngon par ma grub pa ste/de ltar na mngon par ma grub pa dang / shes rab kyi pha rol tu phyin pa zhes bya ba'i chos de gnyis ni gnyis su med de gnyis su byar med do/ /tshe dang ldan pa shA ri'i bu rnam grangs des na/ 'di skad du mngon par ma grub pa shes rab kyi pha rol tu phyin pa la ji ltar gdams shing rjes su bstan par bgyi zhes smras so//tshe dang ldan pa shA ri'i bu gang yang 'di skad du ci'i phyir na gang mngon par ma grub pa ma gtogs par gang byang chub tu spyod pa'i byang chub sems dpa' de lta bu mi dmigs so zhes smra zhes zer ba ni/ tshe dang ldan pa shA ri'i bu 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mngon par ma grub pa yang gzhan la byang chub sems dpa' yang gzhan du yang dag par rjes su mi mthong ste/ de ltar na mngon par ma grub pa dang / byang chub sems dpa' zhes bya ba'i chos de gnyis ni gnyis su med de gnyis su byar med do//mngon par ma grub pa ma gtogs par gzugs yang dag par rjes su mi mthong ste/ de ltar mngon par ma grub pa dang gzugs zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par tshor ba dang /'du shes dang / 'du byed rnams dang / rnam par shes pa yang dag par rjes su mi mthong ste/ de ltar na mngon par ma grub pa dang rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par mig yang dag par rjes su mi mthong ste/de ltar na mngon par ma grub pa dang mig ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par rna ba dang / sna dang / lce dang / lus dang / yid yang dag par rjes su mi mthong ste/ de ltar mngon par ma grub pa dang yid ces bya ba'i chos de gnyis ni gnyis su med de gnyis su byar med do//mngon par ma grub pa ma gtogs par gzugs yang dag par rjes su mi mthong ste/ de ltar na mngon par ma grub pa dang / gzugs zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par sgra dang /dri dang / ro dang / reg dang / chos yang dag par rjes su mi mthong ste/ de ltar na mngon par ma grub pa dang / chos zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par mig gi rnam par shes pa yang dag par rjes su mi mthong ste/de ltar na mngon par ma grub pa dang mig gi rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par rna ba'i rnam par shes pa dang / sna'i rnam par shes pa dang /lce'i rnam par shes pa dang / lus kyi rnam par shes pa dang / yid kyi rnam par shes pa yang dag par rjes su mi mthong ste/ de ltar na mngon par ma grub pa dang / yid kyi rnam par shes pa zhes bya ba'i chos de gnyis ni gnyis su med de gnyis byar med do/ /mngon par ma grub pa ma gtogs par mig gi 'dus te reg pa yang dag par rjes su mi mthong ste/de ltar na mngon par ma grub pa dang / mig gi 'dus te reg pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang dag par rjes su mi mthong ste/ de ltar na mngon par ma grub pa dang / yid kyi 'dus te reg pa zhes bya ba'i chos de gnyis ni gnyis su med de gnyis su byar med do/ / mngon par ma grub pa ma gtogs par mig gi 'dus te reg pa'i rkyen gyis tshor ba yang dag par rjes su mi mthong ste/ de ltar na mngon par ma grub pa dang / mig gi 'dus te reg pa'i rkyen gyis tshor ba zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par rna ba'i 'dus te reg pa'i rkyen gyis tshor ba dang /sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yang dag par rjes su mi mthong ste/de ltar na mngon par ma grub pa dang / yid kyi 'dus te reg pa'i rkyen gyis tshor ba zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par dran pa nye bar gzhag pa rnams yang dag par rjes su mi mthong ste/ de ltar na mngon par ma grub pa dang dran pa nye bar gzhag pa rnams zhes bya ba'i chos de gnyis ni gnyis su med de gnyis su byar med do//mngon par ma grub pa ma gtogs par yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang dag par rjes su mi mthong ste/de ltar na mngon par ma grub pa dang / 'phags pa'i lam yan lag brgyad pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par bsam gtan dang / tshad med pa dang / gzugs med pa'i snyoms par 'jug pa yang dag par rjes su mi mthong ste/de ltar na mngon par ma grub pa dang / gzugs med pa'i snyoms par 'jug pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par sbyin pa'i pha rol tu phyin pa yang dag par rjes su mi mthong ste/de ltar na mngon par ma grub pa dang sbyin pa'i pha rol tu phyin pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa yang dag par rjes su mi mthong ste/ de ltar na mngon par ma grub pa dang shes rab kyi pha rol tu phyin pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par de bzhin gshegs pa'i stobs dang /mi 'jigs pa dang / so so yang dag par rig pa dang / sangs rgyas kyi chos ma 'dres pa rnams yang dag par rjes su mi mthong ste/ de ltar na mngon par ma grub pa dang / sangs rgyas kyi chos ma 'dres pa rnams zhes bya ba'i chos de gnyis ni gnyis su med de gnyis su byar med do//mngon par ma grub pa ma gtogs par rnam pa thams cad mkhyen pa nyid kyi bar du yang dag par rjes su mi mthong ste/ de ltar na mngon par ma grub pa dang / rnam pa thams cad mkhyen pa nyid ces bya ba'i chos de gnyis ni gnyis su med de gnyis su byar med do/ / tshe dang ldan pa shA ri'i bu rnam grangs des na mngon par ma grub pa ma gtogs par gang byang chub tu spyod pa'i byang chub sems dpa' de lta bu mi dmigs so/ /tshe dang ldan pa shA ri'i bu gang yang 'di skad du ci'i phyir na de ltar bstan pa'i tshe byang chub sems dpa' sems dpa' chen po gal te mi 'jigs mi dngang skrag par mi 'gyur na byang chub sems dpa' sems dpa' chen po shes rab kyi pha rol tu phyin pa la spyod do zhes smra zhes zer ba ni/tshe dang ldan pa shA ri'i bu 'di ltar byang chub sems dpa' sems dpa' chen pos chos thams cad byed pa med par yang dag par rjes su mthong la/chos thams cad rmi lam dang 'dra bar yang dag par rjes su mthong / chos thams cad sgyu ma dang 'dra bar / smig rgyu dang 'dra ba/ sgra brnyan dang 'dra ba/ mig yor dang 'dra ba/ sprul pa dang 'dra bar yang dag par rjes su mthong bas tshe dang ldan pa shA ri'i bu rnam grangs des na/byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bstan pa 'di thos nas mi 'jigs mi dngang skrag par mi 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ / bcom ldan 'das gang gi tshe byang chub sems dpa' sems dpa' chen po shes rab kyi pha rol tu phyin pa la spyod cing chos de dag la 'di ltar yongs su rtog pa de'i tshe/ 'di ni gzugs zhes bgyi bar gzugs la mi dmigs shing mi len te/ lhag par gnas par mi bgyid/ mngon par zhen par mi bgyid la 'dogs par mi bgyid do//de'i tshe 'di ni tshor ba dang / 'du shes dang / 'du byed rnams dang / rnam par shes pa zhes bgyi bar rnam par shes pa la mi dmigs shing mi len te/ lhag par gnas par mi bgyid/ mngon par zhen par mi bgyid la 'dogs par mi bgyid do/ / de'i tshe 'di ni mig ces bgyi bar mig la mi dmigs shing mi len te/ lhag par gnas par mi bgyid/ mngon par zhen par mi bgyid la 'dogs par mi bgyid do/ /de'i tshe 'di ni rna ba dang / sna dang / lce dang / lus dang / yid ces bgyi bar yid la mi dmigs shing mi len te/ lhag par gnas par mi bgyid/mngon par zhen par mi bgyid la 'dogs par mi bgyid do/ /bcom ldan 'das gang gi tshe byang chub sems dpa' sems dpa' chen po shes rab kyi pha rol tu phyin pa la spyod cing chos de dag las 'di ltar yongs su rtog pa de'i tshe/ 'di ni sbyin pa'i pha rol tu phyin pa zhes bgyi bar sbyin pa'i pha rol tu phyin pa la mi dmigs shing mi len te/lhag par gnas par mi bgyid/ mngon par zhen par mi bgyid la 'dogs par mi bgyid do/ /de'i tshe 'di ni tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa zhes bgyi bar shes rab kyi pha rol tu phyin pa la mi dmigs shing mi len te/ lhag par gnas par mi bgyid/ mngon par zhen par mi bgyid la 'dogs par mi bgyid do/ /de'i tshe 'di ni nang stong pa nyid ces bgyi bar nang stong pa nyid la mi dmigs shing mi len te/lhag par gnas par mi bgyid/ mngon par zhen par mi bgyid la 'dogs par mi bgyid do/ /de'i tshe 'di ni dngos po med pa'i ngo bo nyid stong pa nyid kyi bar zhes bgyi bar dngos po med pa'i ngo bo nyid stong pa nyid la mi dmigs shing mi len te/lhag par gnas par mi bgyid/ mngon par zhen par mi bgyid la 'dogs par mi bgyid do/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod cing chos de dag la 'di ltar yongs su rtog pa de'i tshe 'di ni dran pa nye bar gzhag pa rnams zhes bgyi bar dran pa nye bar gzhag pa rnams la mi dmigs shing mi len te/lhag par gnas par mi bgyid/ mngon par zhen par mi bgyid la 'dogs par mi bgyid do/ /yang dag par spong ba rnams dang / rdzu 'phrul gyi rkang pa rnams dang /dbang po rnams dang / stobs rnams dang / /byang chub kyi yan lag rnams dang / 'phags pa'i lam yan lag brgyad pa zhes bgyi bar 'phags pa'i lam yan lag brgyad pa la mi dmigs shing mi len te/ lhag par gnas par mi bgyid/ mngon par zhen par mi bgyid la 'dogs par mi bgyid do//de'i tshe 'di ni bsam gtan rnams dang / tshad med pa rnams dang / gzugs med pa'i snyoms par 'jug pa rnams zhes bgyi bar gzugs med pa'i snyoms par 'jug pa rnams la mi dmigs shing mi len te/ lhag par gnas par mi bgyid / mngon par zhen par mi bgyid la 'dogs par mi bgyid do/ /de'i tshe 'di ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ces bgyi bar sangs rgyas kyi chos ma 'dres pa rnams la mi dmigs shing mi len te/lhag par gnas par mi bgyid/ mngon par zhen par mi bgyid la 'dogs par mi bgyid do/ /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod cing chos 'di dag la yongs su rtog pa de'i tshe 'di dag ni ting nge 'dzin dang /gzungs kyi sgo zhes bgyi bar ting nge 'dzin dang / gzungs kyi sgo thams cad la mi dmigs shing mi len te/ lhag par gnas par mi bgyid/ mngon par zhen par mi bgyid la 'dogs par mi bgyid do/ /de ci'i slad du zhe na/ 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs yang dag par rjes su mi mthong / tshor ba dang / 'du shes dang / 'du byed rnams dang / rnam par shes pa yang dag par rjes su mi mthong / skye mched dang / khams dang / rten cing 'brel par 'byung ba so so ba dang bsdus pa yang dag par rjes su mi mthong ngo //byang chub kyi phyogs kyi chos thams cad yang dag par rjes su mi mthong / shes rab kyi pha rol tu phyin pa yang dag par rjes su mi mthong / bsam gtan dang / tshad med pa dang / gzugs med pa'i snyoms par 'jug pa dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yang dag par rjes su mi mthong / rnam pa thams cad mkhyen pa nyid kyi bar du yang dag par rjes su mi mthong ngo / /bcom ldan 'das de ci'i slad du zhe na/de ni 'di ltar gzugs kyi ma skyes pa gang lags pa de gzugs ma lags/ bcom ldan 'das tshor ba dang / 'du shes dang / 'du byed rnams dang / rnam par shes pa'i ma skyes pa gang lags pa de rnam par shes pa ma lags te/ de ltar na rnam par shes pa dang ma skyes pa de gnyis su ma mchis te gnyis su bgyir ma mchis so//bcom ldan 'das mig gi ma skyes pa gang lags pa de mig ma lags te/ de ltar na mig dang ma skyes pa de gnyis su ma mchis te gnyis su bgyir ma mchis so/ /bcom ldan 'das rna ba dang /sna dang / lce dang / lus dang / yid kyi ma skyes pa gang lags pa de yid ma lags te/ de ltar na yid dang ma skyes pa de gnyis su ma mchis te gnyis su bgyir ma mchis so/ /bcom ldan 'das gzugs kyi ma skyes pa gang lags pa de gzugs ma lags/ bcom ldan 'das sgra dang / dri dang / ro dang / reg dang / chos kyi ma skyes pa gang lags pa de chos ma lags te/ de ltar na chos dang ma skyes pa de gnyis su ma mchis te gnyis su bgyir ma mchis so/ /bcom ldan 'das sbyin pa'i pha rol tu phyin pa'i ma skyes pa gang lags pa de sbyin pa'i pha rol tu phyin pa ma lags/bcom ldan 'das tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ma skyes pa gang lags pa de shes rab kyi pha rol tu phyin pa ma lags te/de ltar na shes rab kyi pha rol tu phyin pa dang ma skyes pa de gnyis su ma mchis te gnyis su bgyir ma mchis so/ /bcom ldan 'das nang stong pa nyid kyi ma skyes pa gang lags pa de nang stong pa nyid ma lags so / /bcom ldan 'das dngos po med pa'i ngo bo nyid stong pa nyid kyi bar gyi ma skyes pa gang lags pa de dngos po med pa'i ngo bo nyid stong pa nyid ma lags te/de ltar na dngos po med pa'i ngo bo nyid stong pa nyid dang ma skyes pa de gnyis su ma mchis te gnyis su bgyir ma mchis so/ /bcom ldan 'das dran pa nye bar gzhag pa rnams kyi ma skyes pa gang lags pa de dran pa nye bar gzhag pa rnams ma lags/bcom ldan 'das yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ma skyes pa gang lags pa de 'phags pa'i lam yan lag brgyad pa ma lags te/de ltar na 'phags pa'i lam yan lag brgyad pa dang / ma skyes pa de gnyis su ma mchis te gnyis su bgyir ma mchis so/ /bcom ldan 'das bsam gtan dang / tshad med pa dang / gzugs med pa'i snyoms par 'jug pa dang /mngon par shes pa dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad kyi ma skyes pa gang lags pa de sangs rgyas kyi chos ma 'dres pa rnams ma lags te/de ltar na sangs rgyas kyi chos ma 'dres pa rnams dang ma skyes pa de gnyis su ma mchis te gnyis su bgyir ma mchis so/ /bcom ldan 'das de bzhin nyid kyi ma skyes pa gang lags pa de de bzhin nyid ma lags te/ de ltar na de bzhin nyid dang ma skyes pa de gnyis su ma mchis te/gnyis su bgyir ma mchis so/ /bcom ldan 'das chos kyi dbyings kyi ma skyes pa gang lags pa de ni chos kyi dbyings ma lags/ de bzhin nyid dang nam mkha'i khams dang / yang dag pa'i mtha' dang / bsam gyis mi khyab pa'i dbyings dang / byang chub dang / rnam pa thams cad mkhyen pa nyid kyi ma skyes pa gang lags pa de rnam pa thams cad mkhyen pa nyid ma lags te/de ltar na rnam pa thams cad mkhyen pa nyid dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags/gnyis ma lags/ mang ba ma lags/ tha dad pa ma lags te/ de'i slad du rnam pa thams cad mkhyen pa nyid kyi bar gyi ma skyes pa gang lags pa de/ rnam pa thams cad mkhyen pa nyid ma lags te / bcom ldan 'das gzugs kyi 'grib pa gang lags pa de gzugs ma lags/bcom ldan 'das tshor ba dang / 'du shes dang / 'du byed rnams dang / rnam par shes pa'i 'grib pa gang lags pa de ni rnam par shes pa ma lags te/ de ltar na rnam par shes pa dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/bcom ldan 'das de ni 'di ltar/ 'grib pa ni gcig ma lags/ gnyis ma lags/ mang ba ma lags/ tha dad pa ma lags te/ de'i slad du rnam par shes pa'i 'grib pa gang lags pa de ni rnam par shes pa ma lags so// //bam po nyi shu lnga pa/ bcom ldan 'das sbyin pa'i pha rol tu phyin pa'i 'grib pa gang lags pa de ni sbyin pa'i pha rol tu phyin pa ma lags/ bcom ldan 'das tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i 'grib pa gang lags pa de ni shes rab kyi pha rol tu phyin pa ma lags te/ de ltar na shes rab kyi pha rol tu phyin pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags/gnyis ma lags/ mang ba ma lags/ tha dad pa ma lags te/ de'i slad du shes rab kyi pha rol tu phyin pa'i 'grib pa gang lags pa ste/ shes rab kyi pha rol tu phyin pa ma lags so/ /bcom ldan 'das nang stong pa nyid kyi 'grib pa gang lags pa de ni nang stong pa nyid ma lags te/de ltar na nang stong pa nyid dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags/ gnyis ma lags/ mang ba ma lags/ tha dad pa ma lags te/ de'i slad du nang stong pa nyid kyi 'grib pa gang lags pa de nang stong pa nyid ma lags so/ /bcom ldan 'das dngos po med pa'i ngo bo nyid stong pa nyid kyi 'grib pa gang lags pa de ni dngos po med pa'i ngo bo nyid stong pa nyid ma lags te/ de ltar na dngos po med pa'i ngo bo nyid stong pa nyid dang 'grib pa de gnyis su ma mchis te gnyis su bgyir ma mchis so//de ci'i slad du zhe na/ bcom ldan 'das de ni 'di ltar 'grib pa ni gcig ma lags/ gnyis ma lags/ mang ba ma lags/ tha dad pa ma lags te/ de'i slad du dngos po med pa'i ngo bo nyid stong pa nyid kyi 'grib pa gang lags pa de dngos po med pa'i ngo bo nyid stong pa nyid ma lags so//bcom ldan 'das dran pa nye bar gzhag pa rnams kyi 'grib pa gang lags pa de ni dran pa nye bar gzhag pa rnams ma lags te/ de ltar na dran pa nye bar gzhag pa rnams dang / 'grib pa de gnyis su ma mchis te gnyis su bgyir ma mchis so//de ci'i slad du zhe na/ bcom ldan 'das de ni 'di ltar 'grib pa ni gcig ma lags/ gnyis ma lags/ mang ba ma lags/ tha dad pa ma lags te/ de'i slad du dran pa nye bar gzhag pa rnams kyi 'grib pa gang lags pa de dran pa nye bar gzhag pa rnams ma lags so//bcom ldan 'das yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i 'grib pa gang lags pa de ni 'phags pa'i lam yan lag brgyad pa ma lags te/de ltar na 'phags pa'i lam yan lag brgyad pa rnams dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags/gnyis ma lags/ mang ba ma lags/ tha dad pa ma lags te/ de'i slad du 'phags pa'i lam yan lag brgyad pa'i 'grib pa gang lags pa de 'phags pa'i lam yan lag brgyad pa ma lags so/ /bcom ldan 'das bsam gtan dang / tshad med pa dang / gzugs med pa'i snyoms par 'jug pa dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad kyi 'grib pa gang lags pa de ni sangs rgyas kyi chos ma 'dres pa bco brgyad ma lags te/de ltar na sangs rgyas kyi chos ma 'dres pa rnams dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags/ gnyis ma lags/ mang ba ma lags/ tha dad pa ma lags te/de'i slad du sangs rgyas kyi chos ma 'dres pa rnams kyi 'grib pa gang lags pa de sangs rgyas kyi chos ma 'dres pa rnams ma lags so/ /bcom ldan 'das rnam pa thams cad mkhyen pa nyid kyi bar gyi 'grib pa gang lags pa de ni rnam pa thams cad mkhyen pa nyid ma lags te/ de ltar na rnam pa thams cad mkhyen pa nyid dang 'grib pa de gnyis su ma mchis te gnyis su bgyir ma mchis so//de ci'i slad du zhe na/ bcom ldan 'das de ni 'di ltar 'grib pa ni gcig ma lags/ gnyis ma lags/ mang ba ma lags/ tha dad pa ma lags te/ de'i slad du rnam pa thams cad mkhyen pa nyid kyi 'grib pa gang lags pa de rnam pa thams cad mkhyen pa nyid ma lags so//bcom ldan 'das gang yang gzugs zhes bgyi ba 'di ni gnyis su ma mchis pa'i chos kyi rnam grangs su bgyis pa'o/ /gang yang tshor ba dang / 'du shes dang / 'du byed rnams dang /rnam par shes pa zhes bgyi ba 'di ni gnyis su ma mchis pa'i chos kyi rnam grangs su bgyis pa'o/ /gang yang mig ces bgyi ba nas rnam pa thams cad mkhyen pa nyid ces bgyi ba'i bar 'di ni gnyis su ma mchis pa'i chos kyi rnam grangs su bgyis pa'o zhes bya ba 'di ni thob par nges par 'byung ba las thob par bya ba dang thob par byed pa'i 'brel pa dgag pa yin no// de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos 'di dag la ji ltar yongs su rtog /tshe dang ldan pa rab 'byor byang chub sems dpa' ni gang shes rab kyi pha rol tu phyin pa ni gang / yongs su rtog pa ni gang / de skad ces smras pa dang / tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu gang yang 'di skad du byang chub sems dpa' gang zhes zer ba ni gang gi phyir sems can nyid byang chub yin pa de'i phyir byang chub sems dpa' zhes bya'o//byang chub des kyang chos thams cad kyi rnam par shes te/ chos de dag la mngon par chags pa med do/ /chos gang dag gi rnam par shes she na/gzugs kyi rnam par shes te/ de la mngon par zhen pa med do/ /tshor ba dang / 'du shes dang / 'du byed rnams dang / rnam par shes pa'i rnam par shes te/ de la mngon par zhen pa med do/ /skye mched dang / khams dang / rten cing 'brel par 'byung ba so so ba dang bsdus pa'i rnam par shes te/de la mngon par zhen pa med do/ /byang chub kyi phyogs kyi chos sum cu rtsa bdun gyi rnam par shes te/ de la mngon par zhen pa med do/ /bsam gtan dang / tshad med pa dang / gzugs med pa'i snyoms par 'jug pa dang / pha rol tu phyin pa rnams dang de bzhin gshegs pa'i stobs bcu dang /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyi rnam par shes te/ de la mngon par zhen pa med do/ /smras pa/ tshe dang ldan pa rab 'byor chos thams cad kyi rnam pa gang yin/ rab 'byor gyis smras pa/tshe dang ldan pa shA ri'i bu rnam pa gang dag dang / rtags gang dag dang / mtshan ma gang dag gis gzugs dang / sgra dang / dri dang / ro dang / reg dang / chos rnams sam/ nang gi chos sam/ phyi'i chos sam/ 'dus byas sam/ 'dus ma byas rnams 'dzin par byed pa de dag ni chos thams cad kyi rnam pa zhes bya'o//tshe dang ldan pa shA ri'i bu gang yang 'di skad du shes rab kyi pha rol tu phyin pa ni gang zhes zer ba ni tshe dang ldan pa shA ri'i bu gang la shes rab kyi pha rol tu phyin pa zhes bya ba de ni ring du song zhing kun dga' ba 'phags pa ste/ des na shes rab kyi pha rol tu phyin pa zhes bya'o//gang la ring du song zhing kun dga' ba 'phags she na/ tshe dang ldan pa shA ri'i bu phung po rnams las ring du song zhing kun dga' ba 'phags zhes bya'o/ /skye mched rnams dang / khams rnams las ring du song zhing kun dga' ba 'phags so/ /de'i phyir pha rol tu phyin pa zhes bya'o//rten cing 'brel par 'byung ba las ring du song zhing kun dga' ba 'phags so/ /nyon mongs pa thams cad dang / lta ba'i rnam pa thams cad dang / 'gro ba [(]dug [,]drug [)]las ring du song zhing kun dga' ba 'phags so/ /de'i phyir pha rol tu phyin pa zhes bya'o/ /sbyin pa'i pha rol tu phyin pa las ring du song zhing kun dga' ba 'phags so//de'i phyir ring du song ba zhes bya'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las ring du song zhing kun dga' ba 'phags so//de'i phyir ring du song ba zhes bya'o/ /nang stong pa nyid las ring du song zhing kun dga' ba 'phags so/ /de'i phyir ring du song ba zhes bya'o/ /phyi stong pa nyid las ring du song zhing kun dga' ba 'phags so/ /de'i phyir ring du song ba zhes bya'o/ /phyi nang stong pa nyid las ring du song zhing kun dga' ba 'phags so//de'i phyir ring du song ba zhes bya'o/ /dngos po med pa'i ngo bo nyid stong pa nyid kyi bar las ring du song zhing kun dga' ba 'phags so/ /de'i phyir ring du song ba zhes bya'o/ /dran pa nye bar gzhag pa rnams las ring du song zhing kun dga' ba 'phags so//de'i phyir ring du song ba zhes bya'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa las ring du song zhing kun dga' ba 'phags so/ / de'i phyir ring du song ba zhes bya'o/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams las ring du song zhing kun dga' ba 'phags so/ /de'i phyir ring du song ba zhes bya'o/ /de bzhin gshegs pa'i stobs rnams dang / mi 'jigs pa rnams dang /so so yang dag par rig pa rnams dang / sangs rgyas kyi chos ma 'dres pa rnams las ring du song zhing kun dga' ba 'phags so/ /des na ring du song zhing 'phags pa gang yin pa 'di ni shes rab kyi pha rol tu phyin pa zhes bya'o/ /de'i phyir ring du song ba zhes bya'o//tshe dang ldan pa shA ri'i bu rnam grangs des na 'di ni ring du song zhing kun dga' ba 'phags pa yin te/ 'di lta ste/ shes rab kyi pha rol tu phyin pa'o/ /tshe dang ldan pa shA ri'i bu gang yang 'di skad du yongs su rtog pa de ni gang zhes zer ba ni/ tshe dang ldan pa shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go//bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go//smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /mi rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go//bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go//smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /rna ba dang / sna dang / lce dang / lus dang / yid rtag ces bya ba dang / mi rtag ces bya bar yongs su mi rtog go/ /bde zhes bya ba dang /sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /gzugs rtag ces bya ba dang / mi rtag ces bya bar yongs su mi rtog go/ /bde zhes bya ba dang /sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang /mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /sgra dang / dri dang / ro dang / reg dang / chos rtag ces bya ba dang / mi rtag ces bya bar yongs su mi rtog go//bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go//mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /mig gi rnam par shes pa rtag ces bya ba dang /mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang /mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /rna ba'i rnam par shes pa dang /sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go//zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go//dben zhes bya ba dang / mi dben zhes bya bar yongs su mi rtog go/ /mig gi 'dus te reg pa rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go//dben zhes bya ba dang / mi dben zhes bya bar yongs su mi rtog go/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rtag ces bya ba dang / mi rtag ces bya bar yongs su mi rtog go//bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ / mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /mig gi 'dus te reg pa'i rkyen gyis tshor ba rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go//mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /rna ba'i 'dus te reg pa'i rkyen gyis tshor ba dang /sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go//bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go//smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /sbyin pa'i pha rol tu phyin pa rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go//bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go//smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ / zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ / dben zhes bya ba dang / mi dben zhes bya bar yongs su mi rtog go/ /nang stong pa nyid rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ / zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang /mi dben zhes bya bar yongs su mi rtog go/ /dngos po med pa'i ngo bo nyid stong pa nyid kyi bar du rtag ces bya ba dang / mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go//zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go//dben zhes bya ba dang / mi dben zhes bya bar yongs su mi rtog go/ /dran pa nye bar gzhag pa rnams rtag ces bya ba dang mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go//zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ / dben zhes bya ba dang / mi dben zhes bya bar yongs su mi rtog go/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rtag ces bya ba dang / mi rtag ces bya bar yongs su mi rtog go//bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go//mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / mngon par shes pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams rtag ces bya ba dang / mi rtag ces bya bar yongs su mi rtog go//bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang / mi stong zhes bya bar yongs su mi rtog go//mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /rnam pa thams cad mkhyen pa nyid kyi bar du rtag ces bya ba dang /mi rtag ces bya bar yongs su mi rtog go/ /bde zhes bya ba dang / sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /zhi zhes bya ba dang / ma zhi zhes bya bar yongs su mi rtog go/ /stong zhes bya ba dang mi mi stong zhes bya bar yongs su mi rtog go//mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /dben zhes bya ba dang / mi dben zhes bya bar yongs su mi rtog go/ /'di lta ste tshe dang ldan pa shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos 'di dag la yongs su rtog pa'i tshul gyis de ltar yongs su mi rtog go/ /smras pa/ tshe dang ldan pa rab 'byor ci'i phyir na de skad du gzugs kyi ma skyes pa gang yin pa de ni gzugs ma yin/ tshor ba dang /'du shes dang / 'du byed rnams dang / rnam par shes pa'i ma skyes pa gang yin pa de ni rnam par shes pa ma yin zhes zer/ tshe dang ldan pa rab 'byor ci'i phyir na de skad du skye mched dang / khams dang / rten cing 'brel par 'byung ba dang / pha rol tu phyin pa rnams dang / stong pa nyid thams cad dang /byang chub kyi phyogs kyi chos rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang /rnam pa thams cad mkhyen pa nyid kyi ma skyes pa gang yin pa de ni rnam pa thams cad mkhyen pa nyid ma yin zhes zer/ rab 'byor gyis smras pa/ tshe dang ldan pa shA ri'i bu gzugs ni gzugs kyis stong ste/ gang stong pa de ni gzugs ma yin te skye ba med do/ /tshe dang ldan pa shA ri'i bu rnam grangs des na gzugs kyi ma skyes pa gang yin pa de ni gzugs ma yin no//tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rnam par shes pas stong ste/ gang stong pa de ni rnam par shes pa ma yin te skye ba med do/ /tshe dang ldan pa shA ri'i bu rnam grangs des na rnam par shes pa'i ma skyes pa gang yin pa de rnam par shes pa ma yin no//tshe dang ldan pa shA ri'i bu skye mched dang / khams dang / rten cing 'brel par 'byung ba ni rten cing 'brel par 'byung bas stong ste/ gang stong pa de ni rten cing 'brel par 'byung ba ma yin te skye ba med do/ /tshe dang ldan pa shA ri'i bu rnam grangs des na rten cing 'brel par 'byung ba'i ma skyes pa gang yin pa de ni rten cing 'brel par 'byung ba ma yin no//tshe dang ldan pa shA ri'i bu sbyin pa'i pha rol tu phyin pa ni sbyin pa'i pha rol tu phyin pas stong ste/ gang stong pa de ni sbyin pa'i pha rol tu phyin pa ma yin te skye ba med do/ /tshe dang ldan pa shA ri'i bu rnam grangs des na sbyin pa'i pha rol tu phyin pa'i ma skyes pa gang yin pa de ni sbyin pa'i pha rol tu phyin pa ma yin no//tshe dang ldan pa shA ri'i bu tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa ni shes rab kyi pha rol tu phyin pas stong ste/ gang stong pa de ni shes rab kyi pha rol tu phyin pa ma yin te skye ba med do/ /tshe dang ldan pa shA ri'i bu rnam grangs des na/ shes rab kyi pha rol tu phyin pa'i ma skyes pa gang yin pa de ni shes rab kyi pha rol tu phyin pa ma yin no//tshe dang ldan pa shA ri'i bu nang stong pa nyid ni nang stong pa nyid kyis stong ste/ gang stong pa de ni nang stong pa nyid ma yin te skye ba med do/ /tshe dang ldan pa shA ri'i bu rnam grangs des na nang stong pa nyid kyi ma skyes pa gang yin pa de nang stong pa nyid ma yin no/ /tshe dang ldan pa shA ri'i bu phyi stong pa nyid ni phyi stong pa nyid kyis stong ste/gang stong pa de ni phyi stong pa nyid ma yin te skye ba med do/ /tshe dang ldan pa shA ri'i bu rnam grangs des na phyi stong pa nyid kyi ma skyes pa gang yin pa de ni phyi stong pa nyid ma yin no/ /tshe dang ldan pa shA ri'i bu phyi nang stong pa nyid ni phyi nang stong pa nyid kyis stong ste/ gang stong pa de ni phyi nang stong pa nyid ma yin te skye ba med do/ /tshe dang ldan pa shA ri'i bu rnam grangs des na phyi nang stong pa nyid kyi ma skyes pa gang yin pa de phyi nang stong pa nyid ma yin no/ /tshe dang ldan pa shA ri'i bu dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa nyid kyi bar gyis stong ste/gang stong pa de ni dngos po med pa'i ngo bo nyid stong pa nyid ma yin te skye ba med do/ /tshe dang ldan pa shA ri'i bu rnam grangs des na dngos po med pa'i ngo bo nyid stong pa nyid kyi ma skyes pa gang yin pa de dngos po med pa'i ngo bo nyid stong pa nyid ma yin no/ /tshe dang ldan pa shA ri'i bu dran pa nye bar gzhag pa rnams ni dran pa nye bar gzhag pa rnams kyis stong ste/gang stong pa de ni dran pa nye bar gzhag pa rnams ma yin te skye ba med do/ /tshe dang ldan pa shA ri'i bu rnam grangs des na dran pa nye bar gzhag pa rnams kyi ma skyes pa gang yin pa de ni dran pa nye bar gzhag pa rnams ma yin no//tshe dang ldan pa shA ri'i bu yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni 'phags pa'i lam yan lag brgyad pas stong ste/ gang stong pa de ni 'phags pa'i lam yan lag brgyad pa ma yin te skye ba med do//tshe dang ldan pa shA ri'i bu rnam grangs des na 'phags pa'i lam yan lag brgyad pa'i ma skyes pa gang yin pa de 'phags pa'i lam yan lag brgyad pa ma yin no/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyis stong ste/ gang stong pa de ni sangs rgyas kyi chos ma 'dres pa rnams ma yin te skye ba med do//tshe dang ldan pa shA ri'i bu rnam grangs des na sangs rgyas kyi chos ma 'dres pa rnams kyi ma skyes pa gang yin pa de ni sangs rgyas kyi chos ma 'dres pa rnams ma yin no/ /tshe dang ldan pa shA ri'i bu rnam pa thams cad mkhyen pa nyid kyi bar ni rnam pa thams cad mkhyen pa nyid kyis stong ste/gang stong pa de ni rnam pa thams cad mkhyen pa nyid ma yin te skye ba med do/ /tshe dang ldan pa shA ri'i bu rnam grangs nges na rnam pa thams cad mkhyen pa nyid kyi ma skyes pa gang yin pa de ni rnam pa thams cad mkhyen pa nyid ma yin no/ / smras pa tshe dang ldan pa rab 'byor ci'i phyir na de skad du gzugs kyi 'grib pa gang yin pa de ni gzugs ma yin/ tshor ba dang / 'du shes dang / 'du byed rnams dang / rnam par shes pa'i 'grib pa gang yin pa de ni rnam par shes pa ma yin / skye mched dang / khams dang / rten cing 'brel par 'byung ba dang /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dang / bsam gtan dang / tshad med pa dang / gzugs med pa'i snyoms par 'jug pa dang / de bzhin gshegs pa'i stobs dang / mi 'jigs pa dang /so so yang dag par rig pa dang / sangs rgyas kyi chos ma 'dres pa rnams kyi 'grib pa gang yin pa de ni sangs rgyas kyi chos ma 'dres pa rnams ma yin / rnam pa thams cad mkhyen pa nyid kyi bar gyi 'grib pa gang yin pa de ni rnam pa thams cad mkhyen pa nyid ma yin zhes zer/ rab 'byor gyis smras pa/tshe dang ldan pa shA ri'i bu 'di ltar 'grib pa gang yin pa dang / gzugs gang yin pa dang / gnyis su byar med pa gang yin pa dang / 'grib pa gang yin pa dang / tshor ba dang / 'du shes dang / 'du byed rnams dang / rnam par shes pa gang yin pa dang / gnyis su byar med pa gang yin pa'i chos de dag thams cad ni ldan pa yang ma yin/mi ldan pa yang ma yin te/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med pa'o/ /'grib pa gang yin pa dang / skye mched dang / khams dang / rten cing 'brel par 'byung ba dang / gnyis su byar med pa gang yin pa'i chos de dag thams cad kyang ldan pa yang ma yin/ mi ldan pa yang ma yin te / gzugs med pa/ bltar med pa/ thogs pa med pa'i mtshan nyid gcig pa ste/ 'di ltar mtshan nyid med pa'o//'grib pa gang yin pa dang / pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs rnams dang /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gang yin pa dang / gnyis su byar med pa'i chos gang yin pa'i chos de dag thams cad kyang ldan pa yang ma yin/mi ldan pa yang ma yin/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med do / /tshe dang ldan pa shA ri'i bu rnam grangs des na gzugs kyi 'grib pa gang yin pa de yang gzugs ma yin/ tshor ba dang /'du shes dang / 'du byed rnams dang / rnam par shes pa'i 'grib pa gang yin pa de yang rnam par shes pa ma yin/ skye mched dang / khams dang / rten cing 'brel par 'byung ba'i 'grib pa gang yin pa de yang rten cing 'brel par 'byung ba ma yin/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gyi 'grib pa gang yin pa de yang rnam pa thams cad mkhyen pa nyid ma yin no/ /smras pa tshe dang ldan pa rab 'byor ci'i phyir na/ de skad du gzugs zhes de ltar brjod pa gang yin pa 'di ni gnyis su med pa'i grangs su byas pa'o//tshor ba dang / 'du shes dang / 'du byed rnams dang / rnam par shes pa zhes de ltar brjod pa gang yin pa 'di ni gnyis su med pa'i grangs su byas pa'o/ /rnam pa thams cad mkhyen pa zhes bya ba'i bar de ltar brjod pa gang yin pa 'di ni gnyis su ma mchis pa'i grangs su byas pa'o zhes zer/rab 'byor gyis smras pa/ tshe dang ldan pa shA ri'i bu 'di ltar gzugs kyang gzhan ma yin/ ma skyes pa yang gzhan ma yin te/ ma skyes pa nyid kyang gzugs/ gzugs nyid kyang ma skyes pa ste/ tshe dang ldan pa shA ri'i bu rnam grangs des na gang 'di gzugs zhes de ltar brjod pa gang yin pa 'di ni gnyis su med pa'i grangs su byas pa'o//'di ltar tshor ba dang / 'du shes dang / 'du byed rnams dang / rnam par shes pa yang gzhan ma yin/ ma skyes pa yang gzhan ma yin te/ ma skyes pa nyid kyang rnam par shes pa/rnam par shes pa nyid kyang ma skyes pa ste/ tshe dang ldan pa shA ri'i bu rnam grangs des na/ gang 'di rnam par shes pa zhes de ltar brjod pa gang yin pa 'di ni gnyis su ma mchis pa'i grangs su byas pa'o/ /'di lta ste skye mched dang / khams dang / rten cing 'brel par 'byung ba dang / pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / mngon par shes pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang gzhan ma yin/ ma skyes pa yang gzhan ma yin te/ ma skyes pa nyid kyang sangs rgyas kyi chos ma 'dres pa rnams dang sangs rgyas kyi chos ma 'dres pa nyid kyang ma skyes pa ste/tshe dang ldan pa shA ri'i bu rnam grangs des na/ gang 'di sangs rgyas kyi chos ma 'dres pa rnams zhes 'di ltar brjod pa gang yin pa de ni gnyis su med pa'i grangs su byas pa'o/ /'di ltar ting nge 'dzin dang / gzungs kyi sgo dang / rnam pa thams cad mkhyen pa nyid kyi bar yang gzhan ma yin/ ma skyes pa yang gzhan ma yin te/ ma skyes pa nyid kyang rnam pa thams cad mkhyen pa nyid/ rnam pa thams cad mkhyen pa nyid kyang ma skyes pa ste/ tshe dang ldan pa shA ri'i bu rnam grangs des na/ gang 'di rnam pa thams cad mkhyen pa nyid ces de ltar brjod pa gang yin pa 'di ni gnyis su med pa'i grangs su byas pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gang gi tshe byang chub sems dpa' sems dpa' chen po shes rab kyi pha rol tu phyin pa la spyod cing /chos de dag la de ltar yongs su rtog pa de'i tshe shin tu rnam par dag pa'i slad du gzugs kyi ma skyes pa mthong bar 'gyur/ shin tu rnam par dag pa'i slad du tshor ba dang / 'du shes dang / 'du byed rnams dang / rnam par shes pa'i ma skyes pa mthong bar 'gyur/shin tu rnam par dag pa'i slad du skye mched rnams dang / khams rnams dang / rten cing 'brel par 'byung ba rnams kyi ma skyes pa mthong bar 'gyur/ shin tu rnam par dag pa'i slad du sbyin pa'i pha rol tu phyin pa'i ma skyes pa mthong bar 'gyur/ shin tu rnam par dag pa'i slad du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ma skyes pa mthong bar 'gyur/ shin tu rnam par dag pa'i slad du nang stong pa nyid kyi ma skyes pa mthong bar 'gyur /shin tu rnam par dag pa'i slad du dngos po med pa'i ngo bo nyid stong pa nyid kyi bar gyi ma skyes pa mthong bar 'gyur/ shin tu rnam par dag pa'i slad du dran pa nye bar gzhag pa rnams kyi ma skyes pa mthong bar 'gyur/ shin tu rnam par dag pa'i slad du yang dag par spong ba rnams dang /rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ma skyes pa mthong bar 'gyur/ shin tu rnam par dag pa'i slad du bsam gtan rnams dang /tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mngon par shes pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyi ma skyes pa mthong bar 'gyur/ shin tu rnam par dag pa'i slad du rnam pa thams cad mkhyen pa nyid kyi bar gyi ma skyes pa mthong bar 'gyur/ shin tu rnam par dag pa'i slad du so so'i skye bo'i ma skyes pa mthong bar 'gyur/shin tu rnam par dag pa'i slad du so so'i skye bo'i chos rnams kyi ma skyes pa mthong bar 'gyur/ shin tu rnam par dag pa'i slad du rgyun du zhugs pa dang / rgyun du zhugs pa'i chos rnams kyi ma skyes pa mthong bar 'gyur/ shin tu rnam par dag pa'i slad du lan cig phyir 'ong ba dang /lan cig phyir 'ong ba'i chos rnams dang / phyir mi 'ong ba dang / phyir mi 'ong ba'i chos rnams dang / dgra bcom pa dang / dgra bcom pa'i chos rnams dang / rang sangs rgyas dang / rang sangs rgyas kyi chos rnams dang / byang chub sems dpa' dang /byang chub sems dpa'i chos rnams dang / sangs rgyas kyi chos ma skyes pa mthong bar 'gyur/ shin tu rnam par dag pa'i slad du sangs rgyas kyi chos rnams kyi ma skyes pa mthong bar 'gyur ro/ /de nas tshe dang ldan pa shA ri'i bus tshe dang ldan pa rab 'byor la 'di skad ces smras so//tshe dang ldan pa rab 'byor gyis smras pa'i don bdag gis shes pa ltar na gzugs kyang ma skyes la / tshor ba dang / 'du shes dang / 'du byed rnams dang / rnam par shes pa yang ma skyes/ skye mched rnams kyang ma skyes/ khams rnams kyang ma skyes/ rten cing 'brel par 'byung ba rnams kyang ma skyes/ pha rol tu phyin pa rnams kyang ma skyes/ stong pa nyid thams cad kyang ma skyes/ byang chub kyi phyogs kyi chos sum cu rtsa bdun yang ma skyes/ bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang ma skyes/de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyang ma skyes/ rnam pa thams cad mkhyen pa nyid kyi bar yang ma skyes so so'i skye bo yang ma skyes/so so'i skye bo'i chos rnams kyang ma skyes/ rgyun du zhugs pa yang ma skyes/ rgyun du zhugs pa'i chos kyang ma skyes/ lan cig phyir 'ong ba yang ma skyes/ lan cig phyir 'ong ba'i chos kyang ma skyes/ phyir mi 'ong ba yang ma skyes/ phyir mi 'ong ba'i chos kyang ma skyes/dgra bcom pa yang ma skyes/ dgra bcom pa'i chos kyang ma skyes/ rang sangs rgyas kyang ma skyes/ rang sangs rgyas kyi chos kyang ma skyes/ byang chub sems dpa' yang ma skyes/ byang chub sems dpa'i chos kyang ma skyes/ sangs rgyas kyang ma skyes / sangs rgyas kyi chos kyang ma skyes pa yin no//tshe dang ldan pa rab 'byor de ltar gal te gzugs kyang skye ba med pa nas sangs rgyas kyi chos ma 'dres pa bco brgyad kyi bar yang skye ba med/ rnam pa thams cad mkhyen pa nyid kyi bar yang skye ba med/ so so'i skye bo yang skye ba med/ so so'i skye bo'i chos kyang skye ba med/ rgyun du zhugs pa dang / rgyun du zhugs pa'i chos kyang skye ba med/ lan cig phyir 'ong ba dang / lan cig phyir 'ong ba'i chos kyang skye ba med/ phyir mi 'ong ba dang / phyir mi 'ong ba'i chos kyang skye ba med/ dgra bcom pa dang / dgra bcom pa'i chos kyang skye ba med/ rang sangs rgyas dang / rang sangs rgyas kyi chos kyang skye ba med/ byang chub sems dpa' yang skye ba med/ byang chub sems dpa'i chos kyang skye ba med/ sangs rgyas kyang skye ba med/ sangs rgyas kyi chos kyang skye ba med na ni nyan thos kyi theg pa pa rnams kyis kyang rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid thob zin par 'gyur ro/ /rang sangs rgyas kyi theg pa pa rnams kyis kyang rang sangs rgyas kyi byang chub thob zin par 'gyur ro/ /byang chub sems dpa' sems dpa' chen pos kyang rnam pa thams cad mkhyen pa nyid thob zin par 'gyur ro//'gro ba lnga rnams kyang tha dad par mi 'gyur ro/ /byang chub sems dpa' sems dpa' chen pos kyang byang chub lnga thob zin par 'gyur ro/ / tshe dang ldan pa rab 'byor gal te chos thams cad kyang ma skyes pa ma yin na/ ci'i phyir rgyun du zhugs pas kun du sbyor ba gsum spangs pa'i phyir lam bsgom par bya/lan cig phyir 'ong ba ni 'dod chags dang / zhe sdang dang / gti mug bsrabs pa'i phyir lam bsgom par bya/ phyir mi 'ong bas ni 'og ma'i cha dang mthun pa'i kun du sbyor ba lnga spang ba'i phyir lam bsgom par bya/dgra bcom pas ni gong ma'i cha dang mthun pa'i kun du sbyor ba rnams spang ba'i phyir lam bsgom par bya/ rang sangs rgyas kyi theg pa la zhugs pas ni rang byang chub kyi don lam bsgom par bya/ ci'i phyir byang chub sems dpa' sems dpa' chen po ni sems can rnams kyi don du da ltar sdug bsngal nyams su myong bar byed cing dka' ba'i spyad pa spyod/ci'i phyir na de bzhin gshegs pas ni bla na med pa yang dag par rdzogs pa'i byang chub tu mngon par rdzogs par sangs rgyas/ ci'i phyir de bzhin gshegs pas ni chos kyi 'khor lo bskor/ de skad ces smras pa dang /tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu bdag ni chos ma skyes pa la thob pa'am mngon par rtogs par mi 'dod do/ /bdag ni ma skyes pa la rgyun du zhugs pa mi 'dod do / /rgyun du zhugs pa'i 'bras bu mi 'dod do //ma skyes pa la lan cig phyir 'ong ba mi 'dod do / /lan cig phyir 'ong ba'i 'bras bu mi 'dod do/ /ma skyes pa la phyir mi 'ong ba mi 'dod do/ /phyir mi 'ong ba'i 'bras bu mi 'dod do/ /ma skyes pa la dgra bcom pa mi 'dod do / /dgra bcom pa'i 'bras bu mi 'dod do//ma skyes pa la rang sangs rgyas mi 'dod do / /rang sangs rgyas nyid mi 'dod do/ /tshe dang ldan pa shA ri'i bu bdag ni byang chub sems dpa' sems dpa' chen po'i dka' ba spyad pa spyod par mi 'dod do/ /byang chub sems dpa' sems dpa' chen po ni dka' ba'i 'du shes kyis spyod pa yang ma yin no//de ci'i phyir zhe na/ tshe dang ldan pa shA ri'i bu sdug bsngal gyi 'du shes la gnas pas ni sems can gzhal du med/ grangs med/ tshad med pa rnams kyi don bya bar mi nus kyi/ tshe dang ldan pa shA ri'i bu 'on kyang sems can thams cad la mar 'du shes bskyed pa dang /phar 'du shes bskyed pa dang / bdag tu 'du shes bskyed pa dang / bur 'du shes bskyed pas sems can gzhal du med/ grangs med/ tshad med pa rnams kyi don bya bar nus te/ de yang mi dmigs pa'i tshul gyis so//byang chub sems dpa' sems dpa' chen po ni 'di ltar sems bskyed do/ /ji ltar bdag bdag ces brjod kyang de ni thams cad du thams cad rnam pa thams cad du thams cad med cing mi dmigs pa de bzhin du phyi nang gi chos rnams la yang 'du shes bskyed de/ de ltar 'du shes bskyed kyang dka' ba'i 'du shes mi bskyed de/ / de ci'i phyir zhe na/ 'di ltar de ni chos gang yang mi len mi dmigs pa'i phyir ro/ /tshe dang ldan pa shA ri'i bu bdag ni ma skyes pa la de bzhin gshegs pa mi 'dod do/ /bla na med pa yang dag par rdzogs pa'i byang chub kyang mi 'dod do//chos kyi 'khor lo bskor bar yang mi 'dod do/ /chos ma skyes pas thob pa ma skyes pa thob par yang mi 'dod do/ /smras pa/ tshe dang ldan pa rab 'byor ci ma skyes pa'i chos kyis thob pa skyes pa thob pa'am/ 'on te skyes pa'i chos kyis thob pa ma skyes pa thob/rab 'byor gyis smras pa/ tshe dang ldan pa shA ri'i bu bdag ni skyes pa'i chos kyis thob pa ma skyes pa thob par yang mi 'dod la/ ma skyes pa'i chos kyis thob pa skyes pa thob par yang mi 'dod do/ /smras pa/ tshe dang ldan pa rab 'byor ci 'o na thob pa med la mngon par rtogs pa med dam/rab 'byor gyis smras pa/ tshe dang ldan pa shA ri'i bu thob pa yang yod/ mngon par rtogs pa yang yod de / gnyis ni ma yin no/ /tshe dang ldan pa shA ri'i bu thob pa 'am/ mngon par rtogs pa ni 'jig rten gyi tha snyad kyis gdags pa'o/ /rgyun du zhugs pa'am/ lan cig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas sam/ byang chub sems dpa' 'am/ sangs rgyas kyang 'jig rten gyi tha snyad kyis gdags pa ste/ don dam par ni thob pa'am/ mngon par rtogs pa'am/ rgyun du zhugs pa 'am/ lan cig phyir 'ong ba'am/phyir mi 'ong ba'am/ dgra bcom pa'am/ rang sangs rgyas sam/ byang chub sems dpa' 'am/ sangs rgyas kyang med do/ /shA ri'i bus smras pa/ tshe dang ldan pa rab 'byor ma skyes pa'i chos ma skyes pa'i chos zhes smra bar nus sam/ rab 'byor gyis smras pa/ tshe dang ldan pa shA ri'i bu ma skyes pa'i chos ma skyes pa'i chos zhes smra bar spobs sam zhes zer ba ni/tshe dang ldan pa shA ri'i bu kho bo la ni chos ma skyes pa yang smra ba'i spobs pa med do/ /de ci'i phyir zhe na/ tshe dang ldan pa shA ri'i bu 'di ltar ma skyes pa'i chos gang yin pa dang / spobs pa gang yin pa dang /smra ba gang yin pa dang / ma skyes pa gang yin pa'i chos 'di dag thams cad ni ldan pa yang ma yin/ mi ldan pa yang ma yin zhing gzugs can ma yin zhing bstan du med pa/ thogs pa med pa/ mtshan nyid gcig pa ste/ 'di lta ste mtshan nyid med pa'o / /shA ri'i bus smras pa/tshe dang ldan pa rab 'byor smra ba yang skye ba med pa/ spobs pa yang skye ba med pa/ chos kyang skye ba med pa gang las brtsams te spobs pa'i chos de dag kyang skye ba med pa yin nam/ rab 'byor gyis smras pa/ tshe dang ldan pa shA ri'i bu de de bzhin te/ smra ba ni skye ba med do/ /spobs pa ni skye ba med do//chos ni skye ba med do/ /gang las brtsams nas smra bar spobs par skye ba yang med do/ /de ci'i phyir zhe na/ tshe dang ldan pa shA ri'i bu 'di ltar gzugs skye ba med do/ /tshor ba dang / 'du shes dang / 'du byed rnams dang / rnam par shes pa ni skye ba med do/ /de bzhin du so so ba dang /bsdus pa'i skye mched dang / khams dang / rten cing 'brel par 'byung ba dang / pha rol tu phyin pa rnams dang / byang chub kyi phyogs kyi chos sum cu rtsa bdun dang / stong pa nyid thams cad dang / bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dang / ting nge 'dzin dang / gzungs kyi sgo rnams dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams skye ba med do/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang /rang sangs rgyas dang / byang chub sems dpa' dang / thams cad shes pa dang / rnam pa thams cad mkhyen pa nyid kyang skye ba med do/ /shA ri'i bus smras pa/ tshe dang ldan pa rab 'byor de ni de bzhin te/ smra ba ni skye ba med do/ /spobs pa ni skye ba med do/ /chos ni skye ba med do/ /gang las brtsams nas smra bar spobs pa'i chos de dag kyang skye ba med do//phung po dang / khams dang / skye mched dang / rten cing 'brel par 'byung ba dang / pha rol tu phyin pa dang / byang chub kyi phyogs kyi chos dang / stong pa nyid thams cad dang / ting nge 'dzin dang / gzungs kyi sgo thams cad dang / stobs dang / mi 'jigs pa dang / so so yang dag par rig pa dang /sangs rgyas kyi chos ma 'dres pa nas de bzhin du sbyar te rnam pa thams cad mkhyen pa nyid kyi bar du skye ba med do/ /de ltar na 'jig rten gyi tha snyad du 'gro ba lnga po rnams tha dad pa yin gyi/ don dam par ni ma yin no/ /shA ri'i bus smras pa/ tshe dang ldan pa rab 'byor thob pa dang /mngon par rtogs par bya ba 'jig rten gyi tha snyad du yod pa de bzhin du 'gro ba lnga dag kyang 'jig rten gyi tha snyad du tha dad kyi/ don dam par ni ma yin nam/ smras pa/ tshe dang ldan pa shA ri'i bu de de bzhin te/ ji ltar thob pa dang / mngon par rtogs pa 'jig rten gyi tha snyad du yod pa de bzhin du 'gro ba lnga dag kyang 'jig rten gyi tha snyad du tha dad kyi/don dam par ni ma yin no/ /de ci'i phyir zhe na/ tshe dang ldan pa shA ri'i bu don dam par ni las kyang med/ las kyi rnam par smin pa yang med/ skye ba yang med/ 'gag pa yang med/ kun nas nyon mongs pa yang med/ rnam par byang ba yang med do//smras pa/ tshe dang ldan pa rab 'byor ma skyes pa'i chos skye bar 'gyur ram/ 'on te skyes pa'i chos skye bar 'gyur/ rab 'byor gyis smras pa/ tshe dang ldan pa shA ri'i bu bdag ni ma skyes pa'i chos kyang skye bar mi 'dod do / /skyes pa'i chos kyang skye bar mi 'dod do// // @##/ /shes rab kyi pha rol tu phyin pa stong phrag nyi shu lnga pa/ bam po nyi shu drug pa/ smras pa/ tshe dang ldan pa rab 'byor ma skyes pa'i chos skye bar mi 'dod pa gang yin/ rab 'byor gyis smras pa/tshe dang ldan pa shA ri'i bu bdag ni gzugs ma skyes pa rang bzhin gyis stong pa skye bar mi 'dod do/ /tshe dang ldan pa shA ri'i bu bdag ni tshor ba dang / 'du shes dang / 'du byed rnams dang /rnam par shes pa ma skyes pa rang bzhin gyis stong pa skye bar mi 'dod do/ /tshe dang ldan pa shA ri'i bu bdag ni skye mched rnams dang / khams rnams dang / rten cing 'brel par 'byung ba rnams dang /pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /mngon par shes pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ma skyes pa rang bzhin gyis stong pa skye bar mi 'dod do/ /tshe dang ldan pa shA ri'i bu bdag ni rnam pa thams cad mkhyen pa nyid kyi bar du ma skyes pa rang bzhin gyis stong pa skye bar mi 'dod do//smras pa/ tshe dang ldan pa rab 'byor ci skyes pa skye'am / 'on te ma skyes pa skye/ rab 'byor gyis smras pa/ tshe dang ldan pa shA ri'i bu skyes pa mi skye ste/ ma skyes pa yang mi skye'o/ /de ci'i phyir zhe na/ tshe dang ldan pa shA ri'i bu 'di ltar skyes pa gang yin pa dang / ma skyes pa gang yin pa'i chos 'di gnyis ni ldan pa yang ma yin/ mi ldan pa yang ma yin te/ gzugs can yang ma yin pa/ bstan du med pa/ thogs pa med pa/mtshan nyid gcig pa ste/ 'di lta ste mtshan nyid med pa'o/ /tshe dang ldan pa shA ri'i bu rnam grangs des na skyes pa yang mi skye ste/ ma skyes pa yang mi skye'o/ /tshe dang ldan pa shA ri'i bu rnam grangs des na smra ba skye ba med spobs pa skye ba med do//chos skye ba med do/ /gang las brtsams nas smra bar spobs pa'i chos de dag kyang skye ba med do/ /smras pa/ tshe dang ldan pa rab 'byor ni chos smra ba'i nang nas mchog tu bya bar 'os pa ste/ de ci'i phyir zhe na/ 'di ltar gnas brtan rab 'byor ni gang dang gang yongs su dris pa de dang de la thogs pa med do/ /rab 'byor gyis smras pa/ tshe dang ldan pa shA ri'i bu de ni bcom ldan 'das kyis nyan thos chos thams cad la gnas pa med pa dag gi chos nyid do / /de dag ni gang dang gang la yongs su dris pa de dang de la thogs pa med do//de ci'i phyir zhe na/ 'di ltar chos thams cad ni mi gnas pa'i phyir ro/ /smras pa/ tshe dang ldan pa rab 'byor ji ltar na chos thams cad mi gnas pa yin/ rab 'byor gyis smras pa/ tshe dang ldan pa shA ri'i bu gzugs ni rang bzhin gyis stong pa ste/de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu tshor ba dang / 'du shes dang / 'du byed rnams dang / rnam par shes pa ni rang bzhin gyis stong pa ste/ de ni nang na yang mi gnas/phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu mig ni rang bzhin gyis stong pa ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu rna ba dang /sna dang / lce dang / lus dang / yid ni rang bzhin gyis stong pa ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu sbyin pa'i pha rol tu phyin pa ni rang bzhin gyis stong pa ste/ de ni nang na yang mi gnas/phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni rang bzhin gyis stong pa ste/de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu nang stong pa nyid ni rang bzhin gyis stong pa ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so// dngos po med pa'i ngo bo nyid stong pa nyid kyi bar ni rang bzhin gyis stong pa ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu dran pa nye bar gzhag pa rnams ni rang bzhin gyis stong pa ste/de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni rang bzhin gyis stong pa ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / mngon par shes pa rnams dang /ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni rang bzhin gyis stong pa ste/ de ni nang na yang mi gnas/phyi rol na yang mi gnas/ gnyis ka med par yang mi dmigs so/ /tshe dang ldan pa shA ri'i bu rnam pa thams cad mkhyen pa nyid kyi bar ni rang bzhin gyis stong pa ste/ de ni nang na yang mi gnas/ phyi rol na yang mi gnas/ gnyis ka med par yang mi dmigs so/ / tshe dang ldan pa shA ri'i bu rnam grangs des na chos thams cad ni rang bzhin gyis stong pa nyid kyi phyir mi dmigs so/ /tshe dang ldan pa shA ri'i bu byang chub sems dpa' sems dpa' chen po pha rol tu phyin pa drug la spyod pas de ltar gzugs yongs su sbyang bar bya'o/ /tshor ba dang / 'du shes dang 'du byed rnams dang /rnam par shes pa yongs su sbyang bar bya'o/ /de bzhin du so so ba dang bsdus pa'i skye mched dang / khams dang / rten cing 'brel par 'byung ba yongs su sbyang bar bya'o/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun dang /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bcwa brgyad kyi bar yongs su sbyang bar bya'o/ /rnam pa thams cad mkhyen pa nyid kyi bar yongs su sbyang bar bya'o zhes bya ba ni/ rnam pa thams cad mkhyen pa nyid du nges par 'byung ba yin no/ / de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na byang chub sems dpa' sems dpa' chen po pha rol tu phyin pa drug la spyod pa'i tshe/ byang chub kyi lam yongs su sbyong ba yin/ rab 'byor gyis smras pa/ tshe dang ldan pa shA ri'i bu sbyin pa'i pha rol tu phyin pa ni 'jig rten pa yang yod/ 'jig rten las 'das pa yang yod do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni 'jig rten pa yang yod/ 'jig rten las 'das pa yang yod do/ /smras pa/ tshe dang ldan pa rab 'byor 'jig rten pa'i sbyin pa'i pha rol tu phyin pa ni gang / 'jig rten las 'das pa ni gang / rab 'byor gyis smras pa/ tshe dang ldan pa shA ri'i bu 'di la byang chub sems dpa' sems dpa' chen po sbyin pa byed cing sbyin bdag tu gyur pa/dge sbyong dang / bram ze dang / phongs pa dang / ltogs pa dang / 'gron pa dang / slong ba zas 'dod pa la ni zas skom dang / theg pa dang / gos dang / me tog dang / phreng ba dang / spos dang / byug pa dang /gnas dang / mal stan dang / yo byad dang / sman dang / mi'i yo byad gang ci yang rung ba'i bar du gtong ste/ bu pho 'dod pa la ni bu pho yongs su gtong ngo / /bu mo 'dod pa la ni bu mo/ /chung ma 'dod pa la ni chung ma/ rgyal srid 'dod pa la ni rgyal srid/ mgo 'dod pa la ni mgo /yan lag dang nying lag 'dod pa la ni yan lag dang nying lag /sha dang khrag dang / rkang 'dod pa la ni/ sha dang khrag dang / rkang yongs su gtong ste/ de yang gnas shing yongs su gtong la 'di snyam du bdag ni yongs su gtong ba'o/ /'di ni len pa'o//'di ni sbyin pa'o/ /bdag ni ser sna med pa'o/ /bdag ni sbyin pa'i bdag po'o/ /bdag ni bdog pa thams cad yongs su gtong ba'o/ /bdag ni sangs rgyas kyi bka' bzhin byed pa'o/ /bdag ni sbyin pa'i pha rol tu phyin pa la spyod pa'o zhes te/ sbyin pa de byin nas kyang dmigs pa'i tshul gyis sems can thams cad dang thun mong du byas te /bla na med pa yang dag par rdzogs pa'i byang chub tu bsngo zhing bdag gi sbyin pa'i 'bras bu 'dis sems can 'di dag tshe 'di nyid la bde ba dang nye bar len pa med par yongs su mya ngan las 'das par gyur cig ces yongs su bsngo ste/de chags pa gsum la chags shing sbyin pa de yongs su gtong ngo / /gsum gang zhe na/ 'di ltar bdag tu 'du shes pa dang / gzhan du 'du shes pa dang / sbyin par 'du shes pa 'di gsum la chags nas sbyin pa de dag yongs su gtong ste/'di ni 'jig rten pa'i sbyin pa'i pha rol tu phyin pa zhes bya'o/ /ci'i phyir na 'jig rten pa'i sbyin pa'i pha rol tu phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas de'i phyir 'jig rten pa'i sbyin pa'i pha rol tu phyin pa zhes bya'o/ /de la 'jig rten las 'das pa'i sbyin pa'i pha rol tu phyin pa gang zhe na/'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa shA ri'i bu 'di la byang chub sems dpa' sems dpa' chen po sbyin pa gtong ba'i tshe bdag mi dmigs/ len pa mi dmigs/ sbyin pa mi dmigs/ rnam par smin pa la yang dga' bar mi byed cing / tshe dang ldan pa shA ri'i bu 'di ni byang chub sems dpa' sems dpa' chen po'i 'khor gsum yongs su dag pa'o/ /tshe dang ldan pa shA ri'i bu de ci'i phyir 'jig rten las 'das pa'i sbyin pa'i pha rol tu phyin pa zhes bya zhe na/de ni 'di ltar 'jig rten las g.yo zhing 'phags la 'da' bas de'i phyir 'jig rten las 'das pa'i sbyin pa'i pha rol tu phyin pa zhes bya'o/ /tshul khrims dang / bzod pa dang / brtson 'grus dang / bsam gtan yang de bzhin no/ /shA ri'i bus smras pa/tshe dang ldan pa rab 'byor shes rab kyi pha rol tu phyin pa 'jig rten pa ni gang yin/ 'jig rten las 'das pa ni gang yin/ rab 'byor gyis smras pa/ shA ri'i bu 'di la 'jig rten pa'i shes rab kyi pha rol tu phyin pa ni byang chub sems dpa' sems dpa' chen po bdag gis ser sna'i sems bskyed par mi bya'o snyam ste/dmigs pa la brten nas sbyin pa gtong zhing de yang bdag dang sems can dang sbyin pa'i 'du shes la gnas nas bdog pa thams cad gtong zhing yongs su gtong ste/ phyi 'am nang gi dngos po zin pa'am ma zin pa yang rung ste/ mi gtong ba'i dngos po gang yin pa de ni 'ga' yang med la dge ba'i rtsa ba de yang sems can thams cad dang thun mong du byas nas dmigs pa la brten pas byang chub tu yongs su sngo bar byed pa dang /de lus dang ngag dang yid dmigs pa la brten cing sbyangs pa'i yon tan la rab tu gnas pa'i tshul khrims la rten par byed la/dge ba bcu'i las kyi lam de la brten pa na yang bdag tu lta ba dang / sems can du lta ba dang / dge bar lta ba la brten nas byang chub tu dmigs te/ sems can thams cad dang thun mong du byas shing tshul khrims de yang byang chub tu yongs su sngo bar byed la/de yang dmigs pa'i tshul gyis bdag la [(]stod [,]bstod [)#]cing gzhan la smod par byed pa dang / de bdag dang / sems can dang / bzod pa la brten pas sems can thams cad kyis nyes par byas pa bzod cing dge ba'i rtsa ba de yang dmigs pa'i tshul gyis sems can thams cad dang thun mong du byas shing bla na med pa yang dag par rdzogs pa'i byang chub tu yongs su sngo bar byed pa dang /de lus dmigs bzhin pa dang / sems dmigs bzhin pa dang / bsod nams kyi tshogs dang ye shes kyi tshogs dmigs bzhin pa dang / bdag dmigs bzhin pa dang / byang chub dmigs bzhin pas brtson 'grus rtsom zhing brtson 'grus des rlom sems su byed la/brtson 'grus de yang dmigs pa'i tshul gyis bla na med pa yang dag par rdzogs pa'i byang chub tu yongs su bsngo ba dang / de byams pa dang / snying rje dang / dga' ba dang / btang snyoms sgom par byed cing bsam gtan la snyoms par 'jug pa la snyoms par zhugs pa dang btang na yang de'i ro myong bar byed cing ro myang ba des kyang rlom sems su byed pas dmigs pa'i tshul gyis dge ba'i rtsa ba sems can thams cad dang thun mong du byas nas bla na med pa yang dag par rdzogs pa'i byang chub tu sngo bar byed pa dang /de gzugs stong pa'o snyam du dmigs par byed/ tshor ba dang / 'du shes dang / 'du byed rnams dang / rnam par shes pa stong pa zhes bya bar dmigs pa nas/ byang chub dang sangs rgyas kyi bar du dmigs pas/ dmigs pa'i tshul gyis stong pa nyid thams cad sgom par byed cing dge ba'i rtsa ba de yang dmigs pa'i tshul gyis sems can thams cad dang thun mong du byas nas bla na med pa yang dag par rdzogs pa'i byang chub tu sngo bar byed la/dmigs pa'i tshul gyis sdig pa thams cad so sor 'chags par byed bdag dang gzhan gyi dge ba la rjes su yi rang bar byed/dmigs bzhin pas bdag dang gzhan gyi don du/ sangs rgyas thams cad la gsol ba 'debs par byed/ thabs mi mkhas pas sems can thams cad dang thun mong du byas nas dus gsum du dge ba'i rtsa ba rnam pa thams cad mkhyen pa nyid du yongs su bsngo ba 'di ni 'jig rten pa'i shes rab kyi pha rol tu phyin pa zhes bya'o//de la 'jig rten las 'das pa'i shes rab kyi pha rol tu phyin pa gang zhe na/ bdag dang / sems can dang / sbyin par bya ba dang / byang chub mi dmigs pa'i shes rab 'khor gsum yongs su dag pas byang chub kyi phyir sbyin pa'i pha rol tu phyin pa yongs su sbyong bar byed pa dang /bdag dang sems can dang / tshul khrims dang byang chub mi dmigs pas 'khor gsum yongs su dag pas byang chub kyi phyir tshul khrims yongs su sbyong bar byed pa dang / bdag dang / sems can dang / bzod pa dang / byang chub mi dmigs pas 'khor gsum yongs su dag pas/ byang chub kyi phyir bzod pa'i pha rol tu phyin pa yongs su sbyong bar byed pa dang / bdag dang / lus dang / sems dang / brtson 'grus dang / bsod nams dang / ye shes dang byang chub mi dmigs pas 'khor gsum yongs su dag pas/byang chub kyi phyir brtson 'grus kyi pha rol tu phyin pa yongs su sbyong bar byed pa dang / bdag dang / sems can dang / bsam gtan dang / ting nge 'dzin dang / snyoms par 'jug pa dang / byang chub mi dmigs pas 'khor gsum yongs su dag pas/byang chub kyi phyir bsam gtan gyi pha rol tu phyin pa yongs su sbyong bar byed pa dang / bdag dang / sems can dang / chos thams cad byang chub mi dmigs pas 'khor gsum yongs su dag pas/ byang chub kyi phyir shes rab kyi pha rol tu phyin pa yongs su sbyong bar byed pa dang /dge ba'i rtsa ba thams cad kyang yongs su bsngo ba dug med pa dang / yongs su bsngo ba bla na med pa dang / yongs su bsngo ba mi mnyam pa dang mnyam pa dang / yongs su bsngo ba bsam gyis mi khyab pa dang / yongs su bsngo ba mtshungs pa med pa dang /yongs su bsngo ba gzhal du med pas bla na med pa yang dag par rdzogs pa'i byang chub tu yongs su sngo bar byed pa ste/ de ni 'jig rten las 'das pa'i shes rab kyi pha rol tu phyin pa zhes bya'o/ /ci'i phyir na 'jig rten pa zhes bya/ ci'i phyir na 'jig rten las 'das pa zhes bya zhe na de la 'jig rten pa zhes bya ba ni gang dag gis 'jig rten du 'gyur ba dang /gang dag 'jig rten du 'grub par byed pa dang / gang dag 'jig rten dang mnyam pa dang / gang dag 'jig rten gyi phyir sbyin pa dang / gang dag 'jig rten las 'byung bar mi 'gyur ba dang / gang dag 'jig rten gyi yin pa dang / gang dag 'jig rten du 'byung bar 'gyur ba ste/ de dag ni 'jig rten pa zhes bya'o/ /de la 'jig rten las 'das pa gang zhe na/ gang dag gis 'jig rten sgrol ba dang / gang dag 'jig rten sgrol ba yin pa'am/ gang dag gis 'jig rten gyi rgal bar bar byed pa'am/gang dag 'jig rten gyi don du mi 'gyur ba'am/ gang dag 'jig rten las 'byung bar 'gyur ba'am/ gang dag 'jig rten gyi sgrol byed yin pa'am/ gang dag 'jig rten na sgrol byed yin pa de dag ni 'jig rten las 'das pa zhes bya'o/ / tshe dang ldan pa shA ri'i bu byang chub sems dpa' sems dpa' chen po pha rol tu phyin pa drug la spyod pa ni de ltar byang chub kyi lam yongs su sbyor bar byed do/ /shA ri'i bus smras pa/ tshe dang ldan pa rab 'byor byang chub sems dpa' sems dpa' chen po'i byang chub kyi lam gang yin/ rab 'byor gyis smras pa/ tshe dang ldan pa shA ri'i bu dran pa nye bar gzhag pa bzhi ni byang chub sems dpa' sems dpa' chen po'i byang chub kyi lam yin no/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / nang stong pa nyid nas dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dag ste/ tshe dang ldan pa shA ri'i bu de dag ni byang chub sems dpa' sems dpa' chen po'i byang chub kyi lam zhes bya'o//shA ri'i bus smras pa/ tshe dang ldan pa rab 'byor de ni pha rol tu phyin pa gang gi skyes bu'i rtsal yin/ rab 'byor gyis smras pa/ tshe dang ldan pa shA ri'i bu de ni shes rab kyi pha rol tu phyin pa'i skyes bu'i rtsal yin no/ /de ci'i phyir zhe na/ tshe dang ldan pa shA ri'i bu 'di ltar shes rab kyi pha rol tu phyin pa ni nyan thos kyi chos rnams dang /rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams dang / dge ba'i chos thams cad skyed par byed pa yin pa ste/ tshe dang ldan pa shA ri'i bu shes rab kyi pha rol tu phyin pa ni nyan thos kyi chos rnams dang /rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams dang / dge ba'i chos thams cad yongs su 'dzin cing yang dag par 'dzin par byed pa yin no/ /tshe dang ldan pa shA ri'i bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang shes rab kyi pha rol tu phyin pa 'di la spyad de/bla na med pa yang dag par rdzogs pa'i byang chub tu mngon par rdzogs par sangs rgyas par gyur to/ /tshe dang ldan pa shA ri'i bu ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang shes rab kyi pha rol tu phyin pa 'di nyid la bslabs nas/bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /tshe dang ldan pa shA ri'i bu de bzhin gshegs pa dgra bcom pa yang dag par rdzogs pa'i sangs rgyas gang dag da ltar phyogs bcu'i 'jig rten na bzhugs te 'tsho zhing gzhes pa de dag kyang shes rab kyi pha rol tu phyin pa 'di nyid la bslabs nas bla na med pa yang dag par rdzogs pa'i byang chub tu mngon par rdzogs par sangs rgyas so//tshe dang ldan pa shA ri'i bu shes rab kyi pha rol tu phyin pa 'di bshad pa na gal te byang chub sems dpa' sems dpa' chen po nem nur med cing rmongs par ma gyur na/ byang chub sems dpa' sems dpa' chen po de ni gnas pa 'dis gnas shing yid la byed pa 'di dang ma bral bar rig par bya ste/'di lta ste/ sems can thams cad yongs su bskyab pa'i don du sems can thams cad yongs su mi gtang ba'i yid la byed pa dang / snying rje chen po'i yid la byed pa dang ma bral ba'o/ /smras pa/ tshe dang ldan pa rab 'byor byang chub sems dpa' sems dpa' chen po de ni gnas pa 'dis gnas shing yid la byed pa 'di dang ma bral bar rig par bya'o zhes gang smras pa/rnam par spyod pa 'dis rnam par spyod cing 'di lta ste/ snying rje chen po yid la byed pa de dang ma bral bas byang chub sems dpa' sems dpa' chen por 'dod na tshe dang ldan pa rab 'byor de lta na ni sems can thams cad kyang byang chub sems dpar 'gyur ro//de ci'i phyir zhe na/ tshe dang ldan pa rab 'byor sems can thams cad kyang snying rje chen po yid la byed pa dang ni ma bral lo/ /rab 'byor gyis smras pa/ tshe dang ldan pa shA ri'i bu legs so legs so/ /tshe dang ldan pa shA ri'i bus yang dag pa'i tshig tu brjod pas don 'di nyid du bzung na khyod la yang klan kar 'gyur ro//de ci'i phyir zhe na/ 'di ltar tshe dang ldan pa shA ri'i bu sems can med pa'i phyir yid la byed pa med par rig par bya'o/ /sems can stong pa nyid kyi phyir yid la byed pa stong pa nyid du rig par bya'o//sems can rang bzhin med pa'i phyir yid la byed pa rang bzhin med par rig par bya'o/ /sems can dben pa'i phyir yid la byed pa dben par rig par bya'o/ /sems can mngon par rdzogs par 'tshang mi rgya ba'i phyir yid la byed pa mngon par rdzogs par 'tshang mi rgya bar rig par bya'o//tshe dang ldan pa shA ri'i bu gzugs med pa'i phyir yid la byed pa med par rig par bya'o/ /gzugs stong pa nyid kyi phyir yid la byed pa stong pa nyid du rig par bya'o/ /gzugs rang bzhin med pa'i phyir yid la byed pa rang bzhin med par rig par bya'o/ /gzugs dben pa'i phyir yid la byed pa dben par rig par bya'o//gzugs mngon par rdzogs par 'tshang mi rgya ba'i phyir yid la byed pa mngon par rdzogs par 'tshang mi rgya bar rig par bya'o/ /de bzhin du tshor ba dang / 'du shes dang / 'du byed rnams dang / rnam par shes pa med pa'i phyir yid la byed pa med par rig par bya'o//rnam par shes pa stong pa nyid kyi phyir yid la byed pa stong pa nyid du rig par bya'o/ /rnam par shes pa rang bzhin med pa'i phyir yid la byed pa rang bzhin med par rig par bya'o/ /rnam par shes pa dben pa'i phyir yid la byed pa dben par rig par bya'o/ / rnam par shes pa mngon par rdzogs par 'tshang mi rgya ba'i phyir yid la byed pa mngon par rdzogs par 'tshang mi rgya bar rig par bya'o/ /de bzhin du khams rnams dang / skye mched rnams dang / rten cing 'brel par 'byung ba rnams dang / bden pa dang / byang chub kyi phyogs kyi chos dang / pha rol tu phyin pa dang /stong pa nyid thams cad dang / mngon par shes pa thams cad dang / ting nge 'dzin thams cad dang / gzungs kyi sgo thams cad dang / rnam pa thams cad mkhyen pa nyid kyi bar du med pa'i phyir yid la byed pa med par rig par bya'o/ /de bzhin du rnam pa thams cad mkhyen pa nyid ngo bo nyid med pa dang /rnam pa thams cad mkhyen pa nyid dben pa dang / rnam pa thams cad mkhyen pa nyid mngon par rdzogs par 'tshang rgya ba med pa'i phyir yid la byed pa mngon par rdzogs par 'tshang rgya ba med par rig par bya'o / /tshe dang ldan pa shA ri'i bu rnam grangs des na byang chub sems dpa' sems dpa' chen po ni gnas pa 'di dang yid la byed pa 'di dang ma bral lo zhes kho bo smra'o//de nas bcom ldan 'das kyis tshe dang ldan pa rab 'byor la legs so zhes bya ba gnang ste/ rab 'byor legs so legs so/ /'di ltar de bzhin gshegs pa'i mthus rab 'byor khyod ji ltar ston pa de bzhin du byang chub sems dpa' sems dpa' chen po rnams la yang shes rab kyi pha rol tu phyin pa bstan par bya'o//byang chub sems dpa' sems dpa' chen pos kyang ji ltar khyod kyis bstan pa de bzhin du shes rab kyi pha rol tu phyin pa la bslab par bya'o/ / shes rab kyi pha rol tu phyin pa'i le'u 'di bshad pa na stong gsum gyi stong chen po'i 'jig rten gyi khams 'di rnam par 'gyur ba drug tu g.yos te/ g.yos rab tu g.yos kun du rab tu g.yos so/ /'gul rab tu 'gul kun du rab tu 'gul lo/ /ldeg rab tu ldeg kun du rab tu ldeg go//'khrugs rab tu 'khrugs kun du rab tu 'khrugs so/ /'ur 'ur rab tu 'ur kun du rab tu 'ur 'ur ro/ /shar phyogs dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ dbus dma' na mtha' mtho/mtha' dma' na dbus mtho bar gyur to/ /de nas de'i tshe bcom ldan 'das kyis 'dzum pa mdzad do/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ rab 'byor ji ltar 'jig rten gyi khams mi mjed 'di nang shes rab kyi pha rol tu phyin pa ston pa de bzhin du shar phyogs kyi 'jig rten gyi khams tshad med grangs med pa dag na yang de bzhin gshegs pa dgra bcom pa yang dag par rdzogs pa'i sangs rgyas rnams shes rab kyi pha rol tu phyin pa 'di nyid byang chub sems dpa' sems dpa' chen po rnams la ston par mdzad do//de bzhin du phyogs bcu kho ra khor yug kun gyi 'jig rten gyi khams tshad med grangs med pa dag na yang de bzhin gshegs pa dgra bcom pa yang dag par rdzogs pa'i sangs rgyas rnams shes rab kyi pha rol tu phyin pa 'di nyid byang chub sems dpa' sems dpa' chen po rnams la ston par mdzad do//tshe dang ldan pa rab 'byor gyis shes rab kyi pha rol tu phyin pa bstan pa 'di bshad pa'i tshe lha dang mi'i skye dgu rnams las khrag khrig phrag bcu gnyis mi skye ba'i chos la bzod pa skyes so//phyogs bcu kun gyi 'jig rten gyi khams su sangs rgyas bcom ldan 'das rnams kyi shes rab kyi pha rol tu phyin pa 'di bstan pa'i tshe yang sems can grangs med tshad med pa dag gis bla na med pa yang dag par rdzogs pa'i byang chub tu sems bskyed par gyur to zhes bya ba ni lam la nges par 'byung ba'o//'di dag gis ni nges par 'byung ba'i sgrub pa bstan pa yin no/ /rnam pa thams cad mkhyen pa nyid bstan zin to/ /'phags pa bcom ldan 'das ma shes rab kyi pha rol tu phyin pa stong phrag nyi shu lnga pa mngon par rtogs pa'i rgyan dang rjes su mthun par dag par gtugs pa las rnam pa thams cad mkhyen pa nyid kyi dbang du byas pa rab 'byor gyi le'u ste dang po'o// //de'i tshe yang stong gsum gyi stong chen po'i 'jig rten gyi khams 'di na rgyal po chen po bzhi ji snyed yod pa de dag thams cad kyang lha'i bu stong phrag du ma dang lhan cig 'khor de nyid du 'dus par gyur/de bzhin du lha rnams kyi dbang po brgya byin rnams dang / 'thab bral rnams dang / dga' ldan rnams dang / 'phrul dga' rnams dang gzhan 'phrul dbang byed rnams dang / tshangs 'khor rnams nas tshangs pa chen po rnams kyi bar dang /gang yang stong gsum gyi stong chen po'i 'jig rten gyi khams 'di na 'od chung rnams nas gnas gtsang ma'i ris kyi lha rnams kyi bar gyi lha'i bu rnams gnas gtsang ma'i ris kyi lha'i bu bye ba khrag khrig brgya stong du ma dang lhan cig 'khor de nyid du 'dus par gyur te/ rgyal chen bzhi'i ris kyi lha rnams kyi las kyi rnam par smin pa las skyes pa'i lus kyi 'od gang yin pa dang / sum cu rtsa gsum pa rnams dang / 'thab bral ba rnams dang / dga' ldan ba rnams dang / 'phrul dga' ba rnams dang / gzhan 'phrul dbang byed pa rnams nas/ gnas gtsang ma'i ris kyi bar gyi lha'i bu rnams kyi las kyi rnam par smin pa las skyes pa'i lus kyi 'od gang yin pa de dag gis de bzhin gshegs pa'i rang bzhin gyi 'od kyi brgya'i char yang nye bar mi 'gro /stong gi char yang / brgya phrag stong gi char yang / bye ba brgya phrag stong gi char yang /grangs su yang / char yang / bgrang bar yang / dper yang / rgyur yang nye bar mi 'gro mi bzod de/ de bzhin gshegs pa'i 'od kyi drung na lha de rnams kyi 'od pas de bzhin gshegs pa'i 'od 'ba' zhig rab ces bya'o/ /dam pa dang / gtso bo dang / mchog dang / rab mchog dang / phul du phyin pa dang / bla na med pa dang / gong na med pa dang / gong ma'i yang gong ma zhes bya ste/ dper na 'dzam bu'i chu klung gi gser gyi drung na lcags nag po lham me ma yin/ lhan ne ma yin/ lhang nge ma yin no/ /de bzhin du gang de bzhin gshegs pa'i rang bzhin gyi 'od kyi drung na lha rnams kyi las kyi rnam par smin pa las skyes pa'i 'od ni lham me ma yin/lhan ne ma yin/ lhang nge ma yin gyi/ de bzhin gshegs pa'i 'od 'ba' zhig rab ces bya'o/ /dam pa dang / gtso bo dang / mchog dang / rab mchog dang / phul du phyin pa dang / bla na med pa dang / gong na med pa dang / gong ma'i yang gong ma zhes bya'o zhes bya ba ni lha rnams kyi 'od mog mog por mdzad pa yin no/ / de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor stong gsum gyi stong chen po'i 'jig rten gyi khams na rgyal chen bzhi'i ris kyi lha rnams dang /sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams dang / gnas gtsang ma'i ris kyi lha rnams kyi bar gyi lha'i bu gang ji snyed pa de dag thams cad tshe dang ldan pa rab 'byor gyis shes rab kyi pha rol tu phyin pa rgyas par bstan pa thos par 'dod nas shes rab kyi pha rol tu phyin pa nye bar bstan pa mnyan pa'i phyir lhags nas /btsun pa rab 'byor byang chub sems dpa' sems dpa' chen pos ji ltar shes rab kyi pha rol tu phyin pa la ji ltar gnas par bya/byang chub sems dpa' sems dpa' chen po'i shes rab kyi pha rol tu phyin pa ni gang yin zhes bya ba ni snod du rung bar bya ba yin no/ /de skad ces smras pa dang / tshe dang ldan pa rab 'byor gyis lha rnams kyi dbang po brgya byin la 'di skad ces smras so// // bam po nyi shu bdun pa/ kau shi ka de'i phyir sangs rgyas kyi mthu dang / sangs rgyas kyi byin gyi rlabs kyis byang chub sems dpa' sems dpa' chen po rnams kyi shes rab kyi pha rol tu phyin pa dang / byang chub sems dpa' sems dpa' chen po rnams kyis shes rab kyi pha rol tu phyin pa la ji ltar gnas par bya ba nye bar bstan par bya ste/lha'i bu gang dag gis bla na med pa yang dag par rdzogs pa'i byang chub tu sems ma bskyed pa de dag gis kyang bla na med pa yang dag par rdzogs pa'i byang chub tu sems bskyed par bya'o/ /gang yang dag par skyon med par zhugs par gyur pa de dag la ni bla na med pa yang dag par rdzogs pa'i byang chub tu sems bskyed pa'i mthu med de/de ci'i phyir zhe na/ de dag gis 'khor ba'i rgyud kyis mtshams bcad pa'i phyir ro zhes pa ni yul so sor nges pa yin no/ /'on kyang yang gal te de dag bla na med pa yang dag par rdzogs pa'i byang chub tu sems bskyed pa de dag la yang rjes su yi rang bar bya'o zhes bya ba ni khyab pa yin no//kho bo ni de dag gi dge ba'i phyogs la bar chad mi byed de zhes bya ba ni rang bzhin yin no/ /khyad par du 'phags pa'i chos rnams las mchog tu khyad par du 'phags pa'i chos rnams thob par bya'o zhes pa ni las yin no//'di dag gis ni mog mog por mdzad pa la sogs pa bstan to/ / kau shi ka de la byang chub sems dpa' sems dpa' chen po'i shes rab kyi pha rol tu phyin pa gang zhe na/ 'di la byang chub sems dpa' sems dpa' chen pos rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis gzugs ni mi rtag pa nyid du yid la bya'o//sdug bsngal ba nyid dang / bdag med pa nyid dang / zhi ba nyid dang / nad nyid dang / 'bras nyid dang / zug rngu nyid dang / sdig pa nyid dang / pha rol nyid dang /'jig pa'i chos can nyid dang / g.yo ba nyid dang / rab tu 'jigs pa nyid dang / 'jigs pa nyid dang / 'go ba'i nad nyid dang / nye bar 'tshe ba nyid du yid la bya'o/ /rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis tshor ba dang / 'du shes dang / 'du byed rnams dang / rnam par shes pa dang / mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / de bzhin du sa'i khams dang / chu'i khams dang / me'i khams dang / rlung gi khams dang /nam mkha'i khams dang / rnam par shes pa'i khams mi rtag pa nyid du yid la bya'o/ /sdug bsngal ba nyid dang / bdag med pa nyid dang / zhi ba nyid dang / nad nyid dang / 'bras nyid dang / zug rngu nyid dang / sdig pa nyid dang / pha rol nyid dang / 'jig pa'i chos can nyid dang /g.yo ba nyid dang / rab tu 'jigs pa nyid dang / 'jigs pa nyid dang / 'go ba'i nad nyid dang / nye bar 'tshe ba nyid du yid la bya'o/ /rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis ma rig pa'i rkyen gyis 'du byed ni mi rtag pa nyid du yid la bya'o//sdug bsngal ba nyid dang / bdag med pa nyid dang / zhi ba nyid dang / nad nyid dang / 'bras nyid dang / zug rngu nyid dang / sdig pa nyid dang / pha rol nyid dang / 'jig pa'i chos can nyid dang / g.yo ba nyid dang / rab tu 'jigs pa nyid dang / 'jigs pa nyid dang / 'go ba'i nad nyid dang / nye bar 'tshe ba nyid du yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis 'du byed kyi rkyen gyis rnam par shes pa dang / rnam par shes pa'i rkyen gyis ming dang gzugs dang /ming dang gzugs kyi rkyen gyis skye mched drug dang / skye mched drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang / skye ba'i rkyen gyis rga shi dang /mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa 'byung bar 'gyur ro/ /de ltar sdug bsngal gyi phung po chen po 'ba' zhig 'byung bar 'gyur ba de yang mi rtag pa nyid du yid la bya'o/ /sdug bsngal ba nyid dang / bdag med pa nyid dang / zhi ba nyid dang / nad nyid dang / 'bras nyid dang / zug rngu nyid dang / sdig pa nyid dang / pha rol nyid dang / 'jig pa'i chos can nyid dang / g.yo ba nyid dang / rab tu 'jigs pa nyid dang / 'jigs pa nyid dang / 'go ba'i nad nyid dang / nye bar 'tshe ba nyid du yid la bya'o//rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis ma rig pa 'gags pas/ 'du byed 'gag pa ni bdag med pa nyid du yid la bya'o/ /zhi ba nyid dang / dben pa nyid dang / stong pa nyid dang / mtshan ma med pa nyid dang / smon pa med pa nyid dang / mngon par 'du bya ba med pa nyid du yid la bya'o/ /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrug pa 'gag par 'gyur ro/ /de ltar sdug bsngal gyi phung po chen po 'di rnams 'ba' zhig 'gag par 'gyur ba yang bdag med pa nyid dang / zhi ba nyid dang / dben pa nyid dang / stong pa nyid dang / mtshan ma med pa nyid dang / smon pa med pa nyid dang / mngon par 'du bya ba med pa nyid du yid la bya'o/ /kau shi ka gzhan yang byang chub sems dpa' sems dpa' chen po ni rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis dran pa nye bar gzhag pa bzhi bsgom mo/ / de bzhin du yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad bsgom mo/ /kau shi ka gzhan yang byang chub sems dpa' sems dpa' chen po ni rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis sbyin pa'i pha rol tu phyin pa la spyod do//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod do/ /kau shi ka gzhan yang byang chub sems dpa' sems dpa' chen po shes rab kyi pha rol tu phyin pa la sbyod pa'i tshe/ chos kyis chos rnams sbyor bar byed pa dang / chos kyis chos rnams snyoms par byed pa dang / yongs su rdzogs par byed pa dang /yongs su rgyas par byed la so sor brtags pas bdag med pas na chos thams cad ni 'di tsam ste/ bdag gam bdag gi ba dang bral ba'o/ /de ci'i phyir zhe na/ de ni 'di ltar byang chub sems dpa' sems dpa' chen po'i dge ba'i rtsa ba'i sems gang yin pa de yang byang chub kyi sems dang 'grogs pa ma yin/yongs su bsngo ba'i sems gang yin pa de yang byang chub kyi sems dang dge ba'i rtsa ba'i sems dang 'grogs pa ma yin/ byang chub kyi sems gang yin pa de yang yongs su bsngo ba'i sems dang 'grogs pa ma yin pas so/ / de ci'i phyir zhe na/ kau shi ka byang chub kyi sems gang yin pa de ni yongs su bsngo ba'i sems la med cing mi dmigs la/ yongs su bsngo ba'i sems gang yin pa de yang byang chub kyi sems la med cing mi dmigs so/ /kau shi ka de ltar na chos thams cad la so sor yang brtags pas/chos gang la yang mngon par zhen par mi byed cing mi dmigs pa 'di ni byang chub sems dpa' sems dpa' chen po'i shes rab kyi pha rol tu phyin pa'o/ /de skad ces smras pa dang / lha rnams kyi dbang po brgya byin gyis gnas brtan rab 'byor la 'di skad ces smras so/ / btsun pa rab 'byor ji ltar na yongs su bsngo ba'i sems byang chub kyi sems dang 'grogs pa ma yin/ ji ltar na byang chub kyi sems yongs su bsngo ba'i sems dang 'grogs pa ma yin/ ji ltar na yongs su bsngo ba'i sems byang chub kyi sems la med cing mi dmigs/ ji ltar na byang chub kyi sems yongs su bsngo ba'i sems la med cing mi dmigs/rab 'byor gyis smras pa/ kau shi ka yongs su bsngo ba'i sems gang yin pa de ni sems ma yin/ byang chub kyi sems gang yin pa de yang sems ma yin te/ sems ma yin pa de ni sems ma yin pas yongs su bsngo ba med do//de ltar na sems ma yin pa gang yin pa de ni bsam gyis mi khyab pa'o / /bsam gyis mi khyab pa gang yin pa de ni sems ma yin pa ste/ sems ma yin pa de ni sems ma yin pas yongs su bsngo ba med do/ /kau shi ka 'di ni byang chub sems dpa' sems dpa' chen po'i shes rab kyi pha rol tu phyin pa'o zhes bya ba ni/nyan thos kyi lam gyi bden pa bzhi la dmigs pa'i rnam pa bcu drug rnam par gzhag pa yin no/ / de nas bcom ldan 'das kyis tshe dang ldan pa rab 'byor la bka' stsal pa/ rab 'byor legs so legs so/ /de ltar byang chub sems dpa' sems dpa' chen po rnams la shes rab kyi pha rol tu phyin pa ston cing spro ba bskyed pa rab 'byor khyod yang legs so legs so //rab 'byor gyis gsol pa/ bcom ldan 'das bdag cag gis ni bka' drin dran par bgyi ste bka' drin mi dran par mi bgyi'o/ /de ni 'di ltar sngon bcom ldan 'das byang chub sems dpa'i spyad pa spyod pa'i tshe/sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung na gnas pa'i nyan thos de dag gis pha rol tu phyin pa drug la gdams pa dang / rjes su bstan pa dang / yang dag par bstan pa dang /len du gzhug pa dang / gzengs bstod pa dang / yang dag par rab tu dga' bar bya ba dang / nges par gzhug par bya ba dang / rab tu gnas par bgyis nas sngon gyi byang chub sems dpar gyur pa'i tshe/ pha rol tu phyin pa drug la bslabs pa gang gis bcom ldan 'das kyis bla na med pa yang dag par rdzogs pa'i byang chub tu mngon par rdzogs par sangs rgyas so//bcom ldan 'das de kho na bzhin du bdag cag gis kyang byang chub sems dpa' sems dpa' chen po rnams pha rol tu phyin pa drug la gdams par bgyi'o/ /rjes su bstan par bgyi'o//yang dag par bstan par bgyi'o/ /len du gzhug par bgyi'o/ /gzengs bstod par bgyi'o/ /yang dag par rab tu dga' bar bgyi'o/ /nges par gzhug par bgyi'o/ /rab tu gnas par bgyi'o/ /bdag cag gis byang chub sems dpa' sems dpa' chen po pha rol tu phyin pa drug la gdams pa dang /rjes su bstan pa dang / yang dag par bstan pa dang / len du gzhug pa dang / gzengs bstod pa dang / yang dag par rab tu dga' bar bya ba dang / nges par gzhug pa dang / rab tu gnas par bya ba dag kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//de nas tshe dang ldan pa rab 'byor gyis lha rnams kyi dbang po brgya byin la 'di skad ces smras so/ /kau shi ka de'i phyir shin tu legs par nyon la yid la [(]zung [,]zungs [)]shig dang / ji ltar byang chub sems dpa' sems dpa' chen pos shes rab kyi pha rol tu phyin pa la gnas par bya ba dang /ji ltar mi gnas par bya ba dag bdag gis bshad do/ /kau shi ka gzugs ni gzugs kyis stong ngo / /kau shi ka tshor ba dang / 'du shes dang / 'du byed rnams dang / rnam par shes pa ni rnam par shes pas stong ngo //byang chub sems dpa' ni byang chub sems dpas stong ngo / /kau shi ka de ltar na gzugs kyi stong pa nyid gang yin pa dang / tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa dang / byang chub sems dpa'i stong pa nyid gang yin pa de la gnyis su med cing gnyis su byar med do//kau shi ka byang chub sems dpa' sems dpa' chen pos shes rab kyi pha rol tu phyin pa la de ltar gnas par bya'o/ /kau shi ka gzhan yang mig ni mig gis stong ngo / /de bzhin du rna ba dang /sna dang / lce dang / lus dang / yid ni yid kyis stong ngo / /byang chub sems dpa' ni byang chub sems dpas stong ngo / /kau shi ka de ltar mig gi stong pa nyid gang yin pa dang / rna ba dang / sna dang / lce dang / lus dang / yid kyi stong pa nyid gang yin pa dang / byang chub sems dpa'i stong pa nyid gang yin pa de la gnyis su med cing gnyis su byar med do//kau shi ka byang chub sems dpa' sems dpa' chen pos shes rab kyi pha rol tu phyin pa la de ltar gnas par bya'o/ /kau shi ka gzhan yang sa'i khams ni sa'i khams kyis stong ngo / /de bzhin du chu'i khams dang /me'i khams dang / rlung gi khams dang / nam mkha'i khams dang / rnam par shes pa'i khams ni rnam par shes pa'i khams kyis stong ngo / /byang chub sems dpa' ni byang chub sems dpas stong ngo / /kau shi ka de ltar na sa'i khams stong pa nyid dang / chu'i khams stong pa nyid dang /me'i khams stong pa nyid dang / rlung gi khams stong pa nyid dang / nam mkha'i khams stong pa nyid dang / rnam par shes pa'i khams stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol tu phyin pa la de ltar gnas par bya'o//kau shi ka gzhan yang ma rig pa ni ma rig pas stong ngo / /de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ni rga shis stong ngo / /ma rig pa 'gag pa ni ma rig pa 'gags pas stong ngo / /de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang /len pa dang / srid pa dang / skye ba dang / rga shi 'gag pa ni rga shi 'gags pas stong ngo / /byang chub sems dpa' ni byang chub sems dpas stong ngo / /de ltar na ma rig pa stong pa nyid dang / ma rig pa 'gag pa stong pa nyid nas/ rga shi stong pa nyid dang / rga shi 'gag pa'i bar du stong pa nyid dang /byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol tu phyin pa la de ltar gnas par bya'o/ /kau shi ka gzhan yang sbyin pa'i pha rol tu phyin pa ni sbyin pa'i pha rol tu phyin pas stong ngo //de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni shes rab kyi pha rol tu phyin pas stong ngo //byang chub sems dpa' ni byang chub sems dpas stong ngo / /de ltar na sbyin pa'i pha rol tu phyin pa stong pa nyid dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang nang stong pa nyid ni nang stong pa nyid kyis stong ngo / /de bzhin du phyi stong pa nyid ni phyi stong pa nyid kyis stong ngo / /dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa nyid kyi bar gyis stong ngo //byang chub sems dpa' ni byang chub sems dpas stong ngo / /de ltar na nang stong pa nyid dang / phyi stong pa nyid dang / phyi nang stong pa nyid nas / dngos po med pa'i ngo bo nyid kyi bar stong pa nyid dang /byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang dran pa nye bar gzhag pa rnams ni dran pa nye bar gzhag pa rnams kyis stong ngo / /de bzhin du yang dag par spong ba rnams dang / rdzu 'phrul gyi rkang pa rnams dang /dbang po rnams dang / stobs rnams dang / byang chub kyi yan lag rnams dang / lam rnams dang / mngon par shes pa rnams dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad ni sangs rgyas kyi chos ma 'dres pa bco brgyad kyis stong ngo / /de ltar na dran pa nye bar gzhag pa rnams stong pa nyid nas sangs rgyas kyi chos ma 'dres pa bco brgyad kyi bar stong pa nyid dang /byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang ting nge 'dzin ni ting nge 'dzin gyis stong ngo / /gzungs kyi sgo ni gzungs kyi sgos stong ngo / /byang chub sems dpa' ni byang chub sems dpas stong ngo //de ltar na ting nge 'dzin stong pa nyid dang / gzungs kyi sgo stong pa nyid dang / byang chub sems dpa' stong pa nyid gang yin pa de la gnyis su med cing gnyis su byar med do/ /kau shi ka gzhan yang nyan thos kyi theg pa ni nyan thos kyi theg pas stong ngo //rang sangs rgyas kyi theg pa ni rang sangs rgyas kyi theg pas stong ngo / /theg pa chen po ni theg pa chen pos stong ngo / /nyan thos ni nyan thos kyis stong ngo / /rang sangs rgyas ni rang sangs rgyas kyis stong ngo / /byang chub sems dpa' ni byang chub sems dpas stong ngo / /sangs rgyas ni sangs rgyas kyis stong ngo //de ltar na nyan thos kyi theg pa stong pa nyid nas/ theg pa chen po stong pa nyid kyi bar dang / nyan thos stong pa nyid nas/ sangs rgyas stong pa nyid kyi bar de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol tu phyin pa la de ltar gnas par bya'o zhes bya ba ni drod du gtogs pa yin no// de nas lha rnams kyi dbang po brgya byin gyis gnas brtan rab 'byor la 'di skad ces smras so/ /btsun pa rab 'byor ji ltar na byang chub sems dpa' sems dpa' chen pos shes rab kyi pha rol tu phyin pa la gnas par mi bya/rab 'byor gyis smras pa/ kau shi ka 'di la byang chub sems dpa' sems dpa' chen pos dmigs pa'i tshul gyis gzugs la gnas par mi bya'o/ /tshor ba dang / 'du shes dang / 'du byed rnams dang / rnam par shes pa la gnas par mi bya'o//dmigs pa'i tshul gyis mig la gnas par mi bya'o/ /gzugs la gnas par mi bya'o/ /mig gi rnam par shes pa la gnas par mi bya'o/ /mig gi 'dus te reg pa la gnas par mi bya'o/ /mig gi 'dus te reg pa las byung ba'i tshor ba la gnas par mi bya'o//de bzhin du rna ba dang / sna dang / lce dang / lus dang / yid la gnas par mi bya'o/ /chos la gnas par mi bya'o/ /yid kyi rnam par shes pa la gnas par mi bya'o/ /yid kyi 'dus te reg pa la gnas par mi bya'o/ /yid kyi 'dus te reg pa las byung ba'i tshor ba la gnas par mi bya'o//dmigs pa'i tshul gyis sa'i khams la gnas par mi bya'o/ /chu'i khams la gnas par mi bya'o/ /me'i khams la gnas par mi bya'o/ /rlung gi khams la gnas par mi bya'o/ /nam mkha'i khams la gnas par mi bya'o/ /rnam par shes pa'i khams la gnas par mi bya'o//dmigs pa'i tshul gyis dran pa nye bar gzhag pa rnams la gnas par mi bya'o/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / mngon par shes pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la gnas par mi bya'o/ / dmigs pa'i tshul gyis rgyun du zhugs pa'i 'bras bu la gnas par mi bya'o/ /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu dang / rang sangs rgyas nas/ sangs rgyas kyi bar la gnas par mi bya'o zhes pa ni rtse mor gtogs pa yin no// dmigs pa'i tshul gyis gzugs rtag ces bya bar gnas par mi bya'o/ /de bzhin du mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / dben zhes bya ba dang / mi dben zhes bya bar gnas par mi bya'o/ /gzugs stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar gnas par mi bya'o/ /dmigs pa'i tshul gyis tshor ba dang /'du shes dang / 'du byed rnams dang / rnam par shes pa rtag ces bya bar gnas par mi bya'o/ /de bzhin du mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang /dben zhes bya ba dang / mi dben zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar gnas par mi bya'o/ /de bzhin du dmigs pa'i tshul gyis so so ba dang /bsdus pa'i phung po dang / khams dang / skye mched dang / rten cing 'brel par 'byung ba rnams dang / pha rol tu phyin pa rnams dang / byang chub kyi phyogs kyi chos rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /bden pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / stobs dang / mi 'jigs pa dang / so so yang dag par rig pa rnams dang / sangs rgyas kyi chos ma 'dres pa bco brgyad nas/ rnam pa thams cad mkhyen pa nyid kyi bar de rnams thams cad la rtag ces bya bar gnas par mi bya'o//de bzhin du mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / dben zhes bya ba dang / mi dben zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya bar gnas par mi bya'o/ /kau shi ka gzhan yang rgyun du zhugs pa'i 'bras bu 'dus ma byas las gdags zhes bya bar dmigs pa'i tshul gyis gnas par mi bya'o//de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub 'dus ma byas las gdags zhes bya bar gnas par mi bya'o/ /rang sangs rgyas nyid 'dus ma byas las gdags zhes bya bar gnas par mi bya'o//rgyun du zhugs pa sbyin pa'i gnas zhes bya bar gnas par mi bya'o/ /de bzhin du lan cig phyir 'ong ba dang / phyir mi 'ong ba dang / dgra bcom pa nyid dang / rang byang chub dang / de bzhin gshegs pa sbyin pa'i gnas zhes bya bar gnas par mi bya'o zhes bya ba ni bzod par gtogs pa yin no// kau shi ka gzhan yang byang chub sems dpa' sems dpa' chen pos sa dang po la dmigs pa'i tshul gyis gnas par mi bya'o/ /sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa la dmigs pa'i tshul gyis gnas par mi bya'o/ /sems dang po bskyed pa la gnas te sbyin pa'i pha rol tu phyin pa yongs su rdzogs par bya'o zhes bya bar dmigs pa'i tshul gyis gnas par mi bya'o//de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par bya'o zhes bya bar dmigs pa'i tshul gyis gnas par mi bya'o//de bzhin du dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams yongs su rdzogs par bya'o zhes bya bar dmigs pa'i tshul gyis gnas par mi bya'o//byang chub sems dpa' sems dpa' chen pos byang chub sems dpa'i skyon med par 'jug par bya'o zhes bya bar dmigs pa'i tshul gyis gnas par mi bya'o/ /byang chub sems dpa'i skyon med par zhugs nas phyir mi ldog pa'i sa la gnas par bya'o zhes de ltar yang dmigs pa'i tshul gyis gnas par mi bya'o//byang chub sems dpa' sems dpa' chen pos mngon par shes pa lnga yongs su rdzogs par bya'o zhes dmigs pa'i tshul gyis gnas par mi bya'o/ /byang chub sems dpa'i mngon par shes pa lnga la gnas te/sangs rgyas bcom ldan 'das rnams la blta ba dang / phyag bya ba dang / mchod pa dang / bsnyen bkur ba dang / chos nyan pa dang / thos nas kyang de bzhin du gzhan la bstan par bya ba'i phyir sangs rgyas kyi zhing grangs med pa dang /gzhal du med pa dang / tshad med par 'gro'o zhes de ltar yang byang chub sems dpa' sems dpa' chen pos dmigs pa'i tshul gyis gnas par mi bya'o/ /sangs rgyas bcom ldan 'das de rnams kyi sangs rgyas kyi zhing ma 'dres pa ci 'dra ba de 'dra ba nyid du yongs su bsgrub par bya'o zhes byang chub sems dpa' sems dpa' chen pos dmigs pa'i tshul gyis gnas par mi bya'o//sems can rnams bla na med pa yang dag par rdzogs pa'i byang chub tu yongs su smin par bya'o zhes de ltar yang byang chub sems dpa' sems dpa' chen pos dmigs pa'i tshul gyis gnas par mi bya'o//'jig rten gyi khams grangs med tshad med par song ste/ de bzhin gshegs pa dgra bcom pa yang dag par rdzogs pa'i sangs rgyas rnams la me tog dang / spos dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan mang pos rim gror bya'o/ /bkur stir bya'o/ /bsti stang du bya'o/ /mchod par bya'o/ /de bzhin gshegs pa de dag la na bza' bye ba khrag khrig brgya stong du ma dag gis kyang mchod par bya'o zhes bya ba de ltar yang dmigs pa'i tshul gyis gnas par mi bya'o/ / sems can tshad med grangs med pa bla na med pa yang dag par rdzogs pa'i byang chub tu rab tu dgod par bya'o zhes bya bar dmigs pa'i tshul gyis gnas par mi bya'o/ /mig lnga bsgrub par bya'o zhes gnas par mi bya ste/ sha'i mig dang / lha'i mig dang / shes rab kyi mig dang / chos kyi mig dang /sangs rgyas kyi mig bsgrub par bya'o zhes gnas par mi bya'o/ /ting nge 'dzin thams cad yongs su bsgrub par bya'o zhes gnas par mi bya'o/ /ting nge 'dzin gang dang gang gis rnam par rtse bar 'dod pa'i ting nge 'dzin de dang des rnam par rtse bar bya'o zhes gnas par mi bya'o/ / gzungs kyi sgo thams cad yongs su bsgrub par bya'o zhes gnas par mi bya'o/ /tshad med pa dang / bsam gtan dang / gzugs med pa'i snyoms par 'jug pa rnams yongs su bsgrub par bya'o zhes gnas par mi bya'o/ /de bzhin gshegs pa'i stobs bcu yongs su bsgrub par bya'o zhes gnas par mi bya'o//mi 'jigs pa bzhi yongs su bsgrub par bya'o zhes gnas par mi bya'o/ /so so yang dag par rig pa bzhi yongs su bsgrub par bya'o zhes gnas par mi bya'o/ /sangs rgyas kyi chos ma 'dres pa bco brgyad yongs su bsgrub par bya'o zhes dmigs pa'i tshul gyis gnas par mi bya'o//byams pa chen po dang / snying rje chen po yongs su bsgrub par bya'o zhes gnas par mi bya'o/ /lus la skyes bu chen po'i mtshan sum cu rtsa gnyis yongs su bsgrub par bya'o zhes gnas par mi bya'o/ /dpe byad bzang po brgyad cu yongs su bsgrub par bya'o zhes de ltar yang byang chub sems dpa' sems dpa' chen pos dmigs pa'i tshul gyis gnas par mi bya'o//dad pa'i rjes su 'brang ba'o/ /chos kyi rjes su 'brang ba'o/ /brgyad pa'o/ /rgyun du zhugs pa'o/ /po zos na srid pa lan bdun pa'o zhes gnas par mi bya'o/ / rigs nas rigs su 'gro ba'o zhes bya ba dang / gcig gis mchod pa'o zhes gnas par mi bya'o/ /gang zag mgo mnyam pa'o zhes gnas par mi bya'o/ /tshe zad pa'o/ /nyon mongs pa zad pa'o zhes gnas par mi bya'o/ /rgyun du zhugs pa'i chos la nyams pa med pa'o zhes gnas par mi bya'o//lan cig phyir 'ong ba ste/ 'jig rten 'dir lan cig 'ongs nas sdug bsngal mthar 'byin to zhes gnas par mi bya'o/ /phyir mi 'ong ba'i 'bras bu mngon du bya ba'i phyir zhugs pa'o zhes gnas par mi bya'o/ /phyir mi 'ong ste de nyid du yongs su mya ngan las 'da' ba'o zhes gnas par mi bya'o//dgra bcom pa'i 'bras bu mngon du bya ba'i phyir zhugs pa'o zhes gnas par mi bya'o/ /dgra bcom pa ste tshe 'di nyid la phung po ma lus pa'i mya ngan las 'das pa'i dbyings su yongs su mya ngan las 'da'o zhes gnas par mi bya'o/ /rang sangs rgyas so zhes gnas par mi bya'o//byang chub sems dpa' nyan thos kyi sa dang / rang sangs rgyas kyi sa las 'das te byang chub sems dpa'i sa la gnas par bya'o zhes gnas par mi bya'o/ /lam shes pa nyid la gnas par bya'o zhes gnas par mi bya'o/ /rnam pa thams cad mkhyen pa nyid kyi ye shes la gnas par bya'o zhes dmigs pa'i tshul gyis gnas par mi bya'o//bag chags kyis mtshams sbyor ba'i nyon mongs pa thams cad zad de/ chos thams cad rnam pa thams cad du mngon par rdzogs par byang chub nas bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o//bla na med pa yang dag par rdzogs pa'i byang chub tu mngon par rdzogs par sangs rgyas nas chos kyi 'khor lo bskor bar bya'o zhes gnas par mi bya'o/ /sangs rgyas kyi bya ba byas te 'jig rten gyi khams tshad med grangs med pa'i sems can rnams yongs su mya ngan las 'da'o zhes bya ba de ltar yang gnas par mi bya'o//rdzu 'phrul gyi rkang pa bzhi la gnas te ting nge 'dzin gang la snyoms par zhugs pas bskal pa gang gA'i klung gi bye ma snyed du gnas par 'gyur ba de lta bu'i ting nge 'dzin la mnyam par gzhag go zhes dmigs pa'i tshul gyis gnas par mi bya'o//bdag gi tshe'i tshad ni dpag tu med par gyur cig ces dmigs pa'i tshul gyis gnas par mi bya'o/ /bdag gi skyes bu chen po'i mtshan sum cu rtsa gnyis las mtshan re re zhing bsod nams brgyas yongs su bsgrub par gyur cig ces gnas par mi bya'o//shar phyogs kyi 'jig rten gyi khams gang gA'i klung gi bye ma snyed dang / de bzhin du lho dang / nub dang / byang gi 'jig rten gyi khams gang gA'i klung gi bye ma snyed ji tsam yod pa de tsam bdag gi sangs rgyas kyi zhing gcig tu gyur cig ces gnas par mi bya'o/ / bdag gi stong gsum gyi stong chen po'i 'jig rten gyi khams rdo rje'i rang bzhin du gyur cig ces gnas par mi bya'o/ /bdag gi byang chub kyi shing de las dri byung ste/ dri de gang gis tshor ba'i sems can thams cad la 'dod chags kyi sems mi 'byung zhing / zhe sdang gi sems mi 'byung ba dang /gti mug gi sems mi 'byung ba dang / res 'ga' tsam yang nyan thos kyi sems sam/ rang sangs rgyas kyi sems mi 'byung bar sems can de dag thams cad kyang bla na med pa yang dag par rdzogs pa'i byang chub tu nges par gyur cig ces bya ba dang / sems can gang gis de'i dri tshor bar gyur pa rnams la nad gang yang med par gyur cig ces bya ba de ltar yang gnas par mi bya'o//bdag gi sangs rgyas kyi zhing der gzugs kyi sgra 'byung bar ma gyur cig /tshor ba'i 'byung bar ma gyur cig /'du shes kyi 'byung bar ma gyur cig /'du byed rnams kyi 'byung bar ma gyur cig /rnam par shes pa'i sgra 'byung bar ma gyur cig ces gnas par mi bya'o/ /sbyin pa'i pha rol tu phyin pa'i sgra 'byung bar ma gyur cig /de bzhin du tshul khrims kyi pha rol tu phyin pa'i 'byung bar ma gyur cig /bzod pa'i pha rol tu phyin pa'i 'byung bar ma gyur cig /brtson 'grus kyi pha rol tu phyin pa'i 'byung bar ma gyur cig /bsam gtan gyi pha rol tu phyin pa'i 'byung bar ma gyur cig /shes rab kyi pha rol tu phyin pa'i sgra 'byung bar ma gyur cig ces gnas par mi bya'o/ /dran pa nye bar gzhag pa rnams kyi sgra 'byung bar ma gyur cig / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / tshad med pa dang / bsam gtan dang / gzugs med pa'i snyoms par 'jug pa dang / mngon par shes pa dang / 'phags pa'i bden pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams kyi sgra 'byung bar ma gyur cig ces bya ba nas de bzhin du rgyun tu zhugs pa'i dang / lan cig phyir 'ong ba'i dang / phyir mi 'ong ba'i dang / dgra bcom pa'i dang /rang sangs rgyas kyi dang / byang chub sems dpa'i dang / rang sangs rgyas kyi sgra yang 'byung bar ma gyur cig ces gnas par mi bya'o zhes rgyas par bya'o/ /de ci'i phyir zhe na/ 'di ltar de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub tu mngon par rdzogs par sangs rgyas nas chos thams cad mi dmigs pa'i phyir ro//kau shi ka de ltar byang chub sems dpa' sems dpa' chen pos shes rab kyi pha rol tu phyin pa la dmigs pa'i tshul gyis gnas par mi bya'o/ /de nas tshe dang ldan pa shA ri'i bu 'di snyam ste ji ltar byang chub sems dpa' sems dpa' chen pos shes rab kyi pha rol tu phyin pa la gnas par bya snyam pa dang /de nas yang tshe dang ldan pa rab 'byor gyis/ tshe dang ldan pa shA ri'i bu'i sems kyi rnam par rtog pa sems kyis shes nas tshe dang ldan pa shA ri'i bu la smras pa/tshe dang ldan pa shA ri'i bu de ji snyam du sems/ de bzhin gshegs pa ci zhig la gnas/ smras pa/ tshe dang ldan pa rab 'byor de bzhin gshegs pa ni ci la yang gnas pa ma yin te/ de ni gzugs la gnas pa ma yin/ tshor ba la gnas pa ma yin/ 'du shes la gnas pa ma yin/'du byed rnams la gnas pa ma yin/ rnam par shes pa rnams la gnas pa ma yin/ 'dus byas kyi khams la gnas pa ma yin/ 'dus ma byas kyi khams la gnas pa ma yin/ phung po dang / khams dang / skye mched dang / rten cing 'brel par 'byung ba'i yan lag rnams la ma yin/pha rol tu phyin pa rnams la ma yin/ byang chub kyi phyogs kyi chos rnams la ma yin/ tshad med pa rnams la ma yin/ bsam gtan rnams la ma yin/ gzugs med pa'i snyoms par 'jug pa rnams la ma yin/ mngon par shes pa rnams la ma yin/bden pa rnams la ma yin/ stong pa nyid thams cad la ma yin / ting nge 'dzin thams cad la ma yin/ gzungs kyi sgo thams cad la gnas pa ma yin/ stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la gnas pa ma yin/thams cad mkhyen pa nyid la gnas pa ma yin te/ de bzhin gshegs pa dgra bcom pa yang dag par rdzogs pa'i sangs rgyas kyi thugs rab tu mi gnas pa'i phyir ro// //bam po nyi shu brgyad pa/ de nas yang tshe dang ldan pa rab 'byor gyis tshe dang ldan pa shA ri'i bu la 'di skad ces smras so//tshe dang ldan pa shA ri'i bu byang chub sems dpa' sems dpa' chen pos shes rab kyi pha rol tu phyin pa la 'di ltar gnas par bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas gzugs la gnas pa yang ma yin/mi gnas pa yang ma yin/ tshor ba la ma yin/ 'du shes la ma yin/ 'du byed rnams la ma yin/ rnam par shes pa la gnas pa yang ma yin/ mi gnas pa yang ma yin no/ /tshe dang ldan pa shA ri'i bu de ltar na byang chub sems dpa' sems dpa' chen pos shes rab kyi pha rol tu phyin pa la gnas par bya ste/gnas pa med pa'i tshul gyis gnas par 'gyur ro zhes bya ba ni chos kyi mchog tu gtogs pa yin no/ /'di dag gis ni nyan thos kyi lam bstan pa yin no/ / de nas yang 'khor de rnams las lha'i bu kha cig 'di snyam du sems par gyur te/gang gnod sbyin rnams kyis gnod sbyin gyi skad dang / gnod sbyin rnams kyi tshig dang / gnod sbyin rnams kyis smras pa dang / gnod sbyin rnams kyis rab tu bsnyad pa gang yin pa de dag ni smras par gyur na shes par rung gi /gang 'phags pa rab 'byor shes rab kyi pha rol tu phyin pa 'chad pa dang /rab tu brjod pa dang / ston pa dang / nye bar ston pa de ni shes par mi rung ngo snyam mo/ /de nas yang tshe dang ldan pa rab 'byor gyis lha'i bu de dag gi sems kyi rtog pa sems kyis yongs su shes nas/ lha'i bu de dag la smras pa/lha'i bu dag gang smras pa de shes par mi rung ngam/ lha'i bu rnams kyis smras pa/ 'phags pa rab 'byor shes par mi rung ngo / /rab 'byor gyis smras pa/ lha'i bu dag 'di ltar yi ge cig kyang ma brjod kyis gang ma brjod pa de ni thos par mi rung ngo / /gang thos par mi rung ba de ni shes par mi rung ngo //de ci'i phyir zhe na/ shes rab kyi pha rol tu phyin pa ni yi ge ma yin pa ste/ des na shes pa med do/ /nyan pa med do/ /ston pa med do/ /de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub ni yi ge med pa'o//lha'i bu dag 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas kyi sprul pa zhig sprul te/ des kyang dge slong dang / dge slong ma dang / dge bsnyen dang / dge bsnyen ma'i 'khor rnam bzhi mngon par sprul nas des 'khor bzhi po de dag la chos bstan par gyur na lha'i bu dag de la ji snyam du sems/der sus kyang bstan par gyur pa'am/ thos pa'am/ shes par gyur pa yod dam/ lha'i bu dag gis smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang sprul pa lta bu ste/de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag 'di lta ste/ dper na/ skyes bu gnyid kyis log pa'i rmi lam na de bzhin gshegs pa dgra bcom pa yang dag par rdzogs pa'i sangs rgyas zhig chos ston pa mthong na/lha'i bu dag de la ji snyam du sems/ de la sus kyang bstan pa'am/ thos pa'am/ shes par gyur pa yod dam/ lha'i bu dag gis smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang rmi lam lta bu ste/de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag 'di lta ste dper na/ skyes bu gnyis shig ri'i sul du 'khod de sangs rgyas kyi legs pa yang brjod/ chos kyi legs pa yang brjod/ dge 'dun gyi legs pa yang brjod la de gnyis las kyang sgra brnyan gyi dbyangs byung na/lha'i bu dag de la ji snyam du sems/ sgra brnyan gcig pu des kyang sgra brnyan gnyis pa'i sgra shes par 'gyur ba yod dam/ lha'i bus smras pa/ btsun pa rab 'byor de ni med do/ /rab 'byor gyis smras pa/lha'i bu dag de bzhin du chos thams cad kyang sgra brnyan lta bu ste/ de la sus kyang bstan pa med do/ /thos pa med do/ /shes pa med do/ /lha'i bu dag 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor de bzhin gshegs pa dgra bcom pa yang dag par rdzogs pa'i sangs rgyas zhig mngon par sprul/'khor bzhi yang mngon par sprul nas/ des sprul pa'i 'khor bzhi la chos bstan na/ lha'i bu dag de ji snyam du sems/ de la sus kyang bstan pa'am/ thos pa'am/ shes par gyur pa yod dam/ lha'i bus smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang sgyu ma lta bu ste/ de la sus kyang bstan pa med do/ /thos pa med do/ /shes pa med do zhes bya ba ni gzhan gyis bstan mi dgos pa bstan pa yin no//de nas lha'i bu de dag 'di snyam du sems par gyur te/ kye ma gnas brtan rab 'byor 'phags pa 'di ni shes rab kyi pha rol tu phyin pa gsal bar byed pa ste/ zab pa bas kyang shin tu zab pa ston par byed pa/ phra ba bas kyang shin tu phra ba ston pa'o zhes bya ba ni zab pa'i ye shes bstan pa yin no// de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag gzugs ni zab pa ma yin phra ba ma yin no/ /tshor ba ma yin/ 'du shes ma yin/ 'du byed rnams ma yin/ rnam par shes pa zab pa ma yin phra ba ma yin no//de ci'i phyir zhe na/ gzugs kyi rang bzhin ni zab pa ma yin phra ba ma yin no/ /tshor ba'i ma yin/ 'du shes kyi ma yin/ 'du byed rnams kyi ma yin/ rnam par shes pa'i rang bzhin ni zab pa ma yin phra ba ma yin no/ /mig gi rang bzhin ni zab pa ma yin phra ba ma yin no//rna ba'i ma yin/ sna'i ma yin/ lce'i ma yin/ lus kyi ma yin/ yid kyi rang bzhin ni zab pa ma yin phra ba ma yin no/ /sa'i khams kyi rang bzhin ni zab pa ma yin phra ba ma yin no/ /chu'i khams kyi ma yin/ me'i khams kyi ma yin/rlung gi khams kyi ma yin/ nam mkha'i khams kyi ma yin/ rnam par shes pa'i khams kyi rang bzhin ni zab pa ma yin phra ba ma yin no/ /sbyin pa'i pha rol tu phyin ba'i rang bzhin ni zab pa ma yin phra ba ma yin no/ /tshul khrims kyi pha rol tu phyin pa'i ma yin/ bzod pa'i pha rol tu phyin pa'i ma yin/brtson 'grus kyi pha rol tu phyin pa'i ma yin/ bsam gtan gyi pha rol tu phyin pa'i ma yin/ shes rab kyi pha rol tu phyin pa'i rang bzhin ni zab pa ma yin phra ba ma yin no/ /nang stong pa nyid kyi rang bzhin ni zab pa ma yin phra ba ma yin no/ /phyi stong pa nyid kyi ma yin/phyi nang stong pa nyid kyi ma yin/ dngos po med pa'i ngo bo nyid stong pa nyid kyi bar gyi rang bzhin ni zab pa ma yin phra ba ma yin no/ /dran pa nye bar gzhag pa rnams kyi rang bzhin ni zab pa ma yin phra ba ma yin no/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / mngon par shes pa rnams dang / tshad med pa bzhi dang / bsam gtan bzhi dang /gzugs med pa'i snyoms par 'jug pa bzhi dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi rang bzhin ni zab pa ma yin phra ba ma yin no/ /ting nge 'dzin dang / gzungs kyi sgo thams cad kyi rang bzhin ni zab pa ma yin phra ba ma yin no/ /rnam pa thams cad mkhyen pa nyid kyi bar ni zab pa ma yin phra ba ma yin no/ /de ci'i phyir zhe na/ 'di ltar rnam pa thams cad mkhyen pa nyid kyi rang bzhin ni zab pa ma yin phra ba ma yin no/ /de nas lha'i bu de dag 'di snyam du sems par gyur te/chos bstan pa 'di la ni gzugs su btags pa med do/ /tshor ba med do/ /'du shes su med do/ /'du byed rnams su med do/ /rnam par shes par btags pa med do/ /skye mched du med do/ /khams su med do/ /rten cing 'brel par 'byung bar btags pa med do//pha rol tu phyin par btags pa med do/ /byang chub kyi phyogs kyi chos rnams su btags pa med do/ /tshad med pa dang / bsam gtan rnams dang / gzugs med pa'i snyoms par 'jug pa rnams dang / stong pa nyid thams cad du med do/ /ting nge 'dzin thams cad du med do//gzungs kyi sgo thams cad du med do/ /de bzhin gshegs pa'i stobs rnams su med do/ /mi 'jigs pa rnams su med do/ /so so yang dag par rig pa rnams su med do/ /sangs rgyas kyi chos ma 'dres pa bco brgyad du btags pa med do/ /chos bstan pa 'di la ni rgyun du zhugs pa'i 'bras bur btags pa med do//lan cig phyir 'ong ba'i 'bras bu dang / phyir mi 'ong ba'i 'bras bur med do/ /dgra bcom pa nyid du med do/ /rang byang chub med do/ /byang chub sems dpa' rnams su med do/ /byang chub tu btags pa med do/ / yi ge rnams su btags pa med do snyam mo/ /de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag de de bzhin no/ /de de bzhin te/ de bzhin gshegs pa'i byang chub ni brjod du med do/ /smrar med do/ /de ni sus kyang bstan pa med do/ /sus kyang thos pa med do//sus kyang shes pa med do/ /lha'i bu dag de lta bas na gang rgyun du zhugs pa'i 'bras bu gnas par 'dod cing / rgyun du zhugs pa'i 'bras bu mngon du bya bar 'dod na yang bzod pa 'di la dmigs rten du mi rung ngo / /gang lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid dang / gang rang byang chub nyid la gnas par 'dod pa dang / gang rang byang chub nyid thob par 'dod pas kyang bzod pa 'di la dmigs rten du mi rung ngo / /lha'i bu dag de ltar byang chub sems dpa' sems dpa' chen pos sems dang po bskyed pa nas brjod pa dang /mnyan du med pa las bzung ste/ shes rab kyi pha rol tu phyin pa la gnas par bya'o zhes bya ba ni rang sangs rgyas rnams kyis gzung ba'i rtog pa spangs pa bstan pa yin no/ / de nas lha'i bu de dag 'di snyam du sems par gyur te/ gnas brtan rab 'byor la chos nyan pa rnam pa ji lta bu dag btsal bar bya snyam pa dang /de nas tshe dang ldan pa rab 'byor gyis lha'i bu de dag gi sems kyi rnam par rtog pa sems kyis yongs su shes nas lha'i bu de dag la 'di skad ces smras so/ /lha'i bu dag bdag la chos nyan pa ni sgyu ma lta bu dang / lha'i bu dag bdag la chos nyan pa ni sprul pa lta bur btsal bar bya ste/ des na ci yang mnyan pa med cing ci yang mngon du bya ba med do/ /de nas lha'i bu de dag gis tshe dang ldan pa rab 'byor la 'di skad ces smras so/ /btsun pa rab 'byor ci sems can de dag sgyu ma lta bu ste/ / nyan pa de dag kyang sgyu ma lta bu yin nam/sems can de dag sprul pa lta bu ste/ chos nyan pa de dag kyang sprul pa lta bu yin nam/ rab 'byor gyis smras pa/ lha'i bu dag de de bzhin no/ /de de bzhin te/ sems can de dag ni sgyu ma lta bu ste/ chos nyan pa de dag kyang sgyu ma lta bu'o/ / sems can de dag ni sprul pa lta bu ste/ chos nyan pa de dag kyang sprul pa lta bu'o / /lha'i bu dag gzugs kyang rmi lam lta bu sgyu ma lta bu'o/ /lha'i bu dag tshor ba dang / 'du shes dang / 'du byed rnams dang / rnam par shes pa yang rmi lam lta bu sgyu ma lta bu'o/ /lha'i bu dag mig kyang rmi lam lta bu sgyu ma lta bu'o//de bzhin du rna ba dang / sna dang / lce dang / lus dang / yid kyang rmi lam lta bu sgyu ma lta bu'o/ /lha'i bu dag gzugs kyang rmi lam lta bu sgyu ma lta bu'o/ /de bzhin du sgra dang / dri dang / ro dang / reg dang / lha'i bu dag chos kyang rmi lam lta bu sgyu ma lta bu'o//mig gi rnam par shes pa dang / mig gi 'dus te reg pa dang / mig gi 'dus te reg pa las byung ba'i tshor ba yang rmi lam lta bu sgyu ma lta bu'o/ /de bzhin du rna ba dang / sna dang / lce dang / lus dang / yid kyi rnam par shes pa dang / yid kyi 'dus te reg pa dang /yid kyi 'dus te reg pa las byung ba'i tshor ba yang rmi lam lta bu sgyu ma lta bu'o/ /sbyin pa'i pha rol tu phyin pa yang rmi lam lta bu sgyu ma lta bu'o/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa yang rmi lam lta bu sgyu ma lta bu'o/ /de bzhin du nang stong pa nyid dang / phyi stong pa nyid dang / phyi nang stong pa nyid nas/ dngos po med pa'i ngo bo nyid stong pa nyid kyi bar yang rmi lam lta bu sgyu ma lta bu'o/ / dran pa nye bar gzhag pa rnams kyang rmi lam lta bu sgyu ma lta bu'o/ /de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / tshad med pa dang / bsam gtan rnams dang / gzugs med pa'i snyoms par 'jug pa rnams dang / mngon par shes pa rnams dang / bden pa rnams dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyi bar rnams kyang rmi lam lta bu sgyu ma lta bu'o//rgyun du zhugs pa'i 'bras bu yang rmi lam lta bu sgyu ma lta bu'o/ /rgyun du zhugs pa yang rmi lam lta bu sgyu ma lta bu'o/ /de bzhin du lan cig phyir 'ong ba'i 'bras bu dang / phyir 'ong ba dang / phyir mi 'ong ba'i 'bras bu dang /phyir mi 'ong ba dang / dgra bcom pa'i 'bras bu dang / dgra bcom pa yang rmi lam lta bu sgyu ma lta bu'o/ /rang byang chub nyid kyang rmi lam lta bu sgyu ma lta bu'o/ /rang byang chub kyang rmi lam lta bu sgyu ma lta bu'o/ /byang chub sems dpa' nyid kyang rmi lam lta bu sgyu ma lta bu'o//byang chub sems dpa' yang rmi lam lta bu sgyu ma lta bu'o/ /bla na med pa yang dag par rdzogs pa'i byang chub nyid kyang rmi lam lta bu sgyu ma lta bu'o/ /sangs rgyas kyang rmi lam lta bu sgyu ma lta bu'o/ /de nas lha'i bu de dag gis tshe dang ldan pa rab 'byor la 'di skad ces smras so//gnas brtan rab 'byor byang chub kyang rmi lam lta bu sgyu ma lta bur bshad dam/ ci de mya ngan las 'das pa yang rmi lam lta bu sgyu ma lta bur bshad dam/ rab 'byor gyis smras pa/ lha'i bu dag bdag ni mya ngan las 'das pa yang rmi lam lta bu sgyu ma lta bur smra ste/gal te mya ngan las 'das pa las khyad par du 'phags pa'i chos gzhan zhig yod na yang de yang bdag ni rmi lam lta bu sgyu ma lta bur smra'o/ /de ci'i phyir zhe na/ lha'i bu dag 'di ltar rmi lam lta bu dang sgyu ma lta bu dang / mya ngan las 'da' ba la gnyis su med cing gnyis su byar med do zhes bya ba ni rang sangs rgyas rnams kyi 'dzin pa'i rtog pa spangs pa bstan pa yin no// de nas tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa mdzod ldan chen po dang / tshe dang ldan pa kA ta ya'i bu chen po dang / tshe dang ldan pa byams gang gi bu dang /tshe dang ldan pa 'od srungs chen po dang / lha'i bu bye ba khrag khrig brgya stong phrag du mas gnas brtan tshe dang ldan pa rab 'byor la 'di skad ces smras so/ /btsun pa rab 'byor shes rab kyi pha rol tu phyin pa 'di ltar zab pa/ 'di ltar brtag par bya ba ma yin pa/ 'di ltar rtog ge'i spyod yul ma yin pa/'di ltar phra ba/ 'di ltar zhib pa dang / 'di ltar blta dka' ba/ 'di ltar rjes su rtogs par dka' ba/ 'di ltar gya nom pa/ 'di ltar shin tu 'phags pa la nus pa yod pa/ 'di ltar mkhas shing mdzangs pas rig par bya ba 'di len par byed pa su dag 'byung bar 'gyur/de nas tshe dang ldan pa rab 'byor gyis nyan thos chen po de dag dang / lha'i bu de dag la 'di skad ces smras so/ /tshe dang ldan pa dag phyir mi ldog pa'i byang chub sems dpa' sems dpa' chen po rnams sam/ bden pa mthong ba'i gang zag gam/ dgra bcom pa zag pa zad pa bsam pa yongs su rdzogs pa'am/sngon gyi rgyal ba la bya ba byas pa'i dbang du byas pa'am/ sangs rgyas bye ba mang po la dge ba'i rtsa ba bskyed pa dag gam/ dge ba'i bshes gnyen gyis yongs su zin pa'i rigs kyi bu'am/ rigs kyi bu mo dag shes rab kyi pha rol tu phyin pa 'di ltar zab pa/'di ltar brtag par bya ba ma yin pa/ 'di ltar rtog ge'i spyod yul ma yin pa/ 'di ltar phra ba/ 'di ltar zhib pa/ 'di ltar blta dka' ba/ 'di ltar rjes su rtogs par dka' ba/ 'di ltar gya nom pa/ 'di ltar shin tu 'phags pa la nus pa yod pa/'di ltar mkhas shing mdzangs pas rig par bya ba 'di len par 'gyur te/ shes rab kyi pha rol tu phyin pa 'di ltar zab pa/ 'di ltar brtag par bya ba ma yin pa/ 'di ltar rtog ge'i spyod yul ma yin pa/ 'di ltar phra ba/ 'di ltar zhib pa/ 'di ltar blta dka' ba/'di ltar rjes su rtogs par dka' ba/ 'di ltar gya nom pa/ 'di ltar shin tu 'phags pa la nus pa yod pa/ 'di ltar mkhas shing mdzangs pas rig par bya ba 'di len par gyur pa de dag ni nges pa kho nar gzugs stong zhes bya bar rnam par rtog par mi 'gyur/ stong pa nyid gzugs zhes bya bar rnam par rtog par mi 'gyur ro//tshor ba dang / 'du shes dang / 'du byed rnams dang / rnam par shes pa stong zhes bya bar rnam par rtog par mi 'gyur/ stong pa nyid rnam par shes pa zhes bya bar rnam par rtog par mi 'gyur ro/ /gzugs mtshan ma med ces bya bar rnam par rtog par mi 'gyur/mtshan ma med pa gzugs zhes bya bar rnam par rtog par mi 'gyur ro/ /tshor ba dang / 'du shes dang / 'du byed rnams dang / rnam par shes pa mtshan ma med ces bya bar rnam par rtog par mi 'gyur/ mtshan ma med pa rnam par shes pa zhes bya bar rnam par rtog par mi 'gyur ro//gzugs smon pa med ces bya bar rnam par rtog par mi 'gyur/ smon pa med pa gzugs zhes bya bar rnam par rtog par mi 'gyur ro/ /tshor ba dang / 'du shes dang / 'du byed rnams dang / rnam par shes pa smon pa med ces bya bar rnam par rtog par mi 'gyur/smon pa med pa rnam par shes pa zhes bya bar rnam par rtog par mi 'gyur ro/ /gzugs skye ba med ces bya bar rnam par rtog par mi 'gyur/ skye ba med pa gzugs zhes bya bar rnam par rtog par mi 'gyur ro/ /tshor ba dang / 'du shes dang /'du byed rnams dang / rnam par shes pa skye ba med ces bya bar rnam par rtog par mi 'gyur ro / /skye ba med pa rnam par shes pa zhes bya bar rnam par rtog par mi 'gyur ro/ /gzugs 'gag pa med ces bya bar rnam par rtog par mi 'gyur/ 'gag pa med pa gzugs zhes bya bar rnam par rtog par mi 'gyur ro//tshor ba dang / 'du shes dang / 'du byed rnams dang / rnam par shes pa 'gag pa med ces bya bar rnam par rtog par mi 'gyur/ 'gag pa med pa rnam par shes pa zhes bya bar rnam par rtog par mi 'gyur ro/ / gzugs zhi zhes bya bar rnam par rtog par mi 'gyur/ zhi ba gzugs zhes bya bar rnam par rtog par mi 'gyur ro/ /tshor ba dang / 'du shes dang / 'du byed rnams dang / rnam par shes pa zhi zhes bya bar rnam par rtog par mi 'gyur/ zhi ba rnam par shes pa zhes bya bar rnam par rtog par mi 'gyur ro//gzugs dben zhes bya bar rnam par rtog par mi 'gyur/ dben pa gzugs zhes bya bar rnam par rtog par mi 'gyur ro/ /tshor ba dang / 'du shes dang / 'du byed rnams dang / rnam par shes pa dben zhes bya bar rnam par rtog par mi 'gyur/ dben pa rnam par shes pa zhes bya bar rnam par rtog par mi 'gyur ro//de bzhin du skye zhes bya ba dang / 'gag ces bya ba dang / ma zhi zhes bya ba dang / mi dben zhes bya bar rnam par rtog par mi 'gyur ro/ /de bzhin du so so ba dang / bsdus pa'i khams dang / skye mched dang / rten cing 'brel par 'byung ba'i yan lag dang /pha rol tu phyin pa dang / de bzhin du nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / de bzhin du dran pa nye bar gzhag pa dang / yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / tshad med pa dang / bsam gtan dang / gzugs med pa'i snyoms par 'jug pa dang / mngon par shes pa dang / bden pa dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / ting nge 'dzin thams cad dang / gzungs kyi sgo thams cad dang / de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa dang / rang byang chub dang / rnam pa thams cad mkhyen pa nyid stong zhes bya bar rnam par rtog par mi 'gyur/ stong pa nyid rnam pa thams cad mkhyen pa nyid ces bya bar rnam par rtog par mi 'gyur ro/ /rnam pa thams cad mkhyen pa nyid mtshan ma med ces bya bar rnam par rtog par mi 'gyur/mtshan ma med pa rnam pa thams cad mkhyen pa nyid ces bya bar rnam par rtog par mi 'gyur ro/ /rnam pa thams cad mkhyen pa nyid smon pa med ces bya bar rnam par rtog par mi 'gyur/ smon pa med pa rnam pa thams cad mkhyen pa nyid ces bya bar rnam par rtog par mi 'gyur ro//rnam pa thams cad mkhyen pa nyid skye ba med ces bya bar rnam par rtog par mi 'gyur/ skye ba med pa rnam pa thams cad mkhyen pa nyid ces bya bar rnam par rtog par mi 'gyur ro / /rnam pa thams cad mkhyen pa nyid 'gag pa med ces bya bar rnam par rtog par mi 'gyur/'gag pa med pa rnam pa thams cad mkhyen pa nyid ces bya bar rnam par rtog par mi 'gyur ro/ /rnam pa thams cad mkhyen pa nyid zhi zhes bya bar rnam par rtog par mi 'gyur/ zhi ba rnam pa thams cad mkhyen pa nyid ces bya bar rnam par rtog par mi 'gyur ro//rnam pa thams cad mkhyen pa nyid dben zhes bya bar rnam par rtog par mi 'gyur/ dben pa rnam pa thams cad mkhyen pa nyid ces bya bar rnam par rtog par mi 'gyur ro/ /'dus byas kyi khams stong zhes bya bar rnam par rtog par mi 'gyur/ stong pa nyid 'dus byas kyi khams zhes bya bar rnam par rtog par mi 'gyur ro//'dus byas kyi khams mtshan ma med ces bya bar rnam par rtog par mi 'gyur/ mtshan ma med pa 'dus byas kyi khams zhes bya bar rnam par rtog par mi 'gyur ro / /'dus byas kyi khams smon pa med ces bya bar rnam par rtog par mi 'gyur/smon pa med pa 'dus byas kyi khams zhes bya bar rnam par rtog par mi 'gyur ro/ /'dus byas kyi khams skye ba med ces bya bar rnam par rtog par mi 'gyur/ skye ba med pa 'dus byas kyi khams zhes bya bar rnam par rtog par mi 'gyur ro/ /'dus byas kyi khams 'gag pa med ces bya bar rnam par rtog par mi 'gyur/'gag pa med pa 'dus byas kyi khams zhes bya bar rnam par rtog par mi 'gyur ro/ /'dus byas kyi khams zhi zhes bya bar rnam par rtog par mi 'gyur/ zhi ba 'dus byas kyi khams zhes bya bar rnam par rtog par mi 'gyur ro/ / 'dus byas kyi khams dben zhes bya bar rnam par rtog par mi 'gyur/ dben pa 'dus byas kyi khams zhes bya bar rnam par rtog par mi 'gyur ro/ /'dus ma byas kyi khams stong zhes bya bar rnam par rtog par mi 'gyur/ stong pa nyid 'dus ma byas kyi khams zhes bya bar rnam par rtog par mi 'gyur ro//'dus ma byas kyi khams mtshan ma med ces bya bar rnam par rtog par mi 'gyur/ mtshan ma med pa 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams smon pa med ces bya bar rnam par rtog par mi 'gyur/ smon pa med pa 'dus ma byas kyi khams zhes bya bar rnam par rtog par mi 'gyur ro//'dus ma byas kyi khams skye ba med ces bya bar rnam par rtog par mi 'gyur/ skye ba med pa 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams 'gag pa med ces bya bar rnam par rtog par mi 'gyur/'gag pa med pa 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams zhi zhes bya bar rnam par rtog par mi 'gyur/ zhi ba 'dus ma byas kyi khams zhes bya bar rnam par rtog par mi 'gyur ro/ / 'dus ma byas kyi khams dben zhes bya bar rnam par rtog par mi 'gyur/ dben pa 'dus ma byas kyi khams zhes bya bar rnam par rtog par mi 'gyur ro/ /de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag shes rab kyi pha rol tu phyin pa zab pa nas/de ltar shin tu 'phags pa la nus pa yod pa dang / de ltar mkhas shing mdzangs pas rig par bya ba'i bar 'di len par byed pa su yang med do/ /de ci'i phyir zhe na/ de ni 'di ltar 'di las chos 'ga' yang ma brjod/ ma bstan/ yongs su snang bar ma byas pa ste/ 'dir chos 'ga' yang ma bshad/ ma bstan/ yongs su snang bar ma byas pa de kho na ltar 'di len par byed pa'i sems can su yang mi 'byung ngo / /de nas tshe dang ldan pa shA ri'i bus gnas brtan tshe dang ldan pa rab 'byor la 'di skad ces smras so/ /tshe dang ldan pa rab 'byor shes rab kyi pha rol tu phyin pa 'di las theg pa gsum po nyan thos kyi theg pa dang /rang sangs rgyas kyi theg pa dang / yang dag par rdzogs pa'i sangs rgyas kyi theg pa rnams kyang rgya cher bstan pa ma yin nam/ byang chub sems dpa' sems dpa' chen po rnams kyi sems yongs su gzung ba'i phyir yang bstan pa ma yin nam/sems dang po bskyed pa nas sems bcu pa bskyed pa'i bar gyi byang chub sems dpa'i lam 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang /tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / mngon par shes pa dang / 'phags pa'i bden pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub sems dpa' sems dpa' chen po rnams yongs su gzung ba'i phyir yang bstan pa ma yin nam/ de bzhin du byang chub sems dpa' sems dpa' chen po rnams kyang shes rab kyi pha rol tu phyin pa la spyod cing rdzus te skye bar 'gyur ba ma yin nam/de bzhin du mngon par shes pa rnams las yongs su nyams pa med pa'i chos can du 'gyur ba ma yin nam/ sangs rgyas kyi zhing nas sangs rgyas kyi zhing du 'dong zhing dge ba'i rtsa ba gang gis sangs rgyas bcom ldan 'das de dag la rim gror bya ba dang /bkur stir bya ba dang / bsti stang du bya ba dang / mchod par bya bar 'dod pa de lta bu'i dge ba'i rtsa ba de dag kyang phun sum tshogs par 'gyur ba ma yin nam/ sangs rgyas bcom ldan 'das de dag la chos gang thos par gyur pa de dag skye ba gzhan du yang rgyun 'chad par mi 'gyur ba ma yin nam/bla na med pa yang dag par rdzogs pa'i sangs rgyas kyi bar du 'khrug pa med pa dang / mnyam par gzhag pa med pa'i tshul gyis rtag tu mnyam par gzhag par 'gyur ba ma yin nam/thogs pa med pa'i spobs pa dang ldan par 'gyur ba ma yin nam/ rgyun chad pa med pa'i spobs pa dang / mnyam par gzhag pa'i spobs pa dang / rig pa'i spobs pa dang / 'brel pa'i spobs pa dang / don dang ldan pa'i spobs pa dang / 'jig rten thams cad las mngon par 'phags shing khyad zhugs pa'i spobs pa dang ldan par 'gyur ba ma yin nam/rab 'byor gyis smras pa/ tshe dang ldan pa shA ri'i bu de de bzhin no/ /ji skad smras pa de bzhin te/ shes rab kyi pha rol tu phyin pa 'di las theg pa gsum po 'di lta ste/ nyan thos kyi theg pa dang / rang sangs rgyas kyi theg pa dang /yang dag par rdzogs pa'i sangs rgyas kyi theg pa rnams kyang rgya cher bstan/ byang chub sems dpa' sems dpa' chen po yongs su gzung ba yang bstan/ byang chub sems dpa' sems dpa' chen po 'jig rten thams cad las mngon par 'phags shing khyad zhugs pa'i spobs pa dang ldan pa'i bar du yang 'gyur te/de yang mi dmigs pa'i tshul gyis so/ /gang mi dmigs pa'i tshul gyis she na/ bdag dang / sems can dang / srog dang / 'gro ba dang / gso ba dang / skyes bu dang / gang zag dang / shed las skyes dang / shed bu dang /byed pa po dang / tshor ba po dang / shes pa po dang / mthong ba po mi dmigs pa'i tshul dang / gzugs dang / tshor ba dang / 'du shes dang / 'du byed rnams dang / rnam par shes pa mi dmigs pa'i tshul dang / mig mi dmigs pa'i tshul dang / de bzhin du rna ba dang /sna dang / lce dang / lus dang / yid mi dmigs pa'i tshul dang / mig gi rnam par shes pa dang / mig gi 'dus te reg pa dang / mig gi 'dus te reg pa las byung ba'i tshor ba mi dmigs pa'i tshul dang / de bzhin du rna ba dang / sna dang / lce dang / lus dang /yid kyi rnam par shes pa dang / yid kyi 'dus te reg pa dang / yid kyi 'dus te reg pa las byung ba'i tshor ba mi dmigs pa'i tshul dang / de bzhin du gzugs dang / sgra dang / dri dang / ro dang / reg bya dang / chos rnams mi dmigs pa'i tshul dang / sa'i khams mi dmigs pa'i tshul dang /de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi dmigs pa'i tshul dang / sbyin pa'i pha rol tu phyin pa mi dmigs pa'i tshul dang / de bzhin du tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa mi dmigs pa'i tshul dang / nang stong pa nyid mi dmigs pa'i tshul dang / dngos po med pa'i ngo bo nyid stong pa nyid nyid kyi bar du mi dmigs pa'i tshul dang /dran pa nye bar gzhag pa rnams mi dmigs pa'i tshul dang / de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /'phags pa'i lam yan lag brgyad pa mi dmigs pa'i tshul dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / mngon par shes pa rnams dang / 'phags pa'i bden pa rnams mi dmigs pa'i tshul dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad mi dmigs pa'i tshul dang / ting nge 'dzin thams cad dang / gzungs kyi sgo thams cad dang / rnam pa thams cad mkhyen pa nyid kyi bar du mi dmigs pa'i tshul gyis so//de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir na shes rab kyi pha rol tu phyin pa 'di las mi dmigs pa'i tshul gyis theg pa gsum rgya cher bstan/ ci'i phyir na mi dmigs pa'i tshul gyis byang chub sems dpa' sems dpa' chen po yongs su bzung ba bstan/ ci'i phyir na mi dmigs pa'i tshul gyis 'jig rten thams cad las mngon par 'phags shing khyad zhugs pa'i spobs pa dang ldan pa'i bar du 'gyur ba yin/ rab 'byor gyis smras pa/tshe dang ldan pa shA ri'i bu nang stong pa nyid kyi phyir mi dmigs pa'i tshul gyis theg pa gsum rgya cher bstan to/ /phyi stong pa nyid kyi phyir dang / phyi nang stong pa nyid kyi phyir dang / dngos po med pa'i ngo bo nyid stong pa nyid kyi bar gyi phyir mi dmigs pa'i tshul gyis theg pa gsum rgya cher bstan to//dngos po med pa'i ngo bo nyid stong pa nyid kyi bar gyi phyir/ mi dmigs pa'i tshul gyis byang chub sems dpa' sems dpa' chen po rnams yongs su bzung ba bstan to/ /mi dmigs pa'i tshul gyis byang chub sems dpa' sems dpa' chen po rnams 'jig rten thams cad las mngon par 'phags shing khyad zhugs pa'i spobs pa dang ldan pa'i bar du 'gyur ro//de nas lha rnams kyi dbang po brgya byin dang / stong gsum gyi stong chen po'i 'jig rten gyi khams 'di na rgyal chen bzhi'i ris kyi lha ji snyed yod pa dang / 'og min gyi bar gyi lha de rnams 'di snyam du sems par gyur te/gnas brtan rab 'byor gyis chos kyi char 'di ltar phab cing bstan na/ de la bdag cag gis kyang me tog dag mngon par sprul te/ me tog rnams kyis sangs rgyas bcom ldan 'das rnams dang / byang chub sems dpa' sems dpa' chen po rnams dang / dge slong gi dge 'dun rnams dang / gnas brtan rab 'byor dang / shes rab kyi pha rol tu phyin pa 'di la mngon par gtor bar bya'o snyam mo/ /de nas lha rnams kyi dbang po brgya byin dang / stong gsum gyi stong chen po'i 'jig rten gyi khams kyi rgyal chen bzhi'i ris kyi lha nas brtsams te/ 'og min gyi bar gyi lha de dag gis kyang lha rdzas kyi me tog man da ra ba mang po mngon par sprul te/ me tog de dag gis sangs rgyas bcom ldan 'das dang / byang chub sems dpa' sems dpa' chen po rnams dang / dge slong gi dge 'dun rnams dang / gnas brtan rab 'byor dang / shes rab kyi pha rol tu phyin pa 'di la mngon par gtor bar gyur to//mngon par rab tu gtor bar gyur to/ /kun tu rab tu 'thor bar gyur to/ /lha rnams kyi dbang po brgya byin nas/ 'og min gyi bar gyi lha rnams kyi me tog de dag gis stong gsum gyi stong chen po'i 'jig rten gyi khams 'di'i gzhi me tog gi khengs par gyur nas steng gi bar snang la yang me tog gi khang pa brtsegs pa mdangs dga' zhing yid du 'ong ba kun nas gnas par gyur to//de nas gnas brtan rab 'byor 'di snyam du sems par gyur te/ 'di ltar lha rnams kyis mngon par gtor ba'i me tog 'di dag ni bdag gis sngon chad lha'i gnas thams cad na yang yod par ma mthong ste/me tog 'di dag ni sprul pa'o/ /'di ltar lha'i bu dag gis mngon par gtor ba'i me tog 'di dag ni shing dang / ldum bu dang / 'khri shing las byung ba ma yin gyi/ 'di ltar lha'i bu dag gis mngon par gtor ba'i me tog 'di dag ni yid las byung ba ste me tog 'di dag ni shing dang /ldum bu dang / 'khri shing las byung ba ma yin no snyam mo/ /de nas lha rnams kyi dbang po brgya byin gyis gnas brtan rab 'byor la 'di skad ces smras so/ /btsun pa rab 'byor me tog 'di dag ni ma byung ste me tog 'di dag ni yid las byung ba ma yin no//shing dang / ldum bu dang / 'khri shing las byung ba ma yin no/ /rab 'byor gyis smras pa/ kau shi ka 'di skad du me tog 'di dag ni ma skyes pa ste/ me tog 'di dag ni yid las byung ba ma yin /shing dang / ldum bu dang / 'khri shing las byung ba ma yin no zhes zer na/ kau shi ka gang ma skyes pa de ni me tog kyang ma yin no/ /lha rnams kyi dbang po brgya byin gyis smras pa/ btsun pa rab 'byor me tog 'di dag kho na ma byung ba yin nam/ 'on te gzugs kyang ma byung /tshor ba dang / 'du shes dang / 'du byed rnams dang / rnam par shes pa yang ma byung ba yin/ rab 'byor gyis smras pa/ kau shi ka me tog 'di dag kho na ma byung ba ma yin gyi / kau shi ka gzugs kyang ma byung ba ste/ gang ma byung ba de ni gzugs ma yin no/ /kau shi ka tshor ba dang /'du shes dang / 'du byed rnams dang / rnam par shes pa yang ma byung ba ste/ gang ma byung ba de ni rnam par shes pa ma yin no/ /kau shi ka mig ni ma byung ba ste/ gang ma byung ba de ni mig ma yin no/ /kau shi ka de bzhin du rna ba dang / sna dang / lce dang / lus dang / yid ni ma byung ba ste gang ma byung ba de ni yid ma yin no/ /kau shi ka sa'i khams ni ma byung ba ste/ gang ma byung ba de ni sa'i khams ma yin no/ /kau shi ka de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni ma byung ba ste/gang ma byung ba de ni rnam par shes pa'i khams ma yin no/ /kau shi ka sbyin pa'i pha rol tu phyin pa ni ma byung ba ste/ gang ma byung ba de ni sbyin pa'i pha rol tu phyin pa ma yin no/ /kau shi ka de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni ma byung ba ste/ gang ma byung ba de ni shes rab kyi pha rol tu phyin pa ma yin no/ /kau shi ka nang stong pa nyid ni ma byung ba ste/ gang ma byung ba de ni nang stong pa nyid ma yin no/ / kau shi ka dngos po med pa'i ngo bo nyid stong pa nyid kyi bar ni ma byung ba ste/ gang ma byung ba de ni dngos po med pa'i ngo bo nyid stong pa nyid ma yin no/ /kau shi ka dran pa nye bar gzhag pa rnams ni ma byung ba ste/ gang ma byung ba de ni dran pa nye bar gzhag pa rnams ma yin no/ /kau shi ka de bzhin du yang dag par spong ba rnams dang /rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni ma byung ba ste/ gang ma byung ba de ni 'phags pa'i lam yan lag brgyad pa ma yin no//kau shi ka de bzhin du mngon par shes pa rnams dang / bden pa dang / tshad med pa dang / bsam gtan dang / gzugs med pa'i snyoms par 'jug pa dang / de bzhin gshegs pa'i stobs dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ni ma byung ba ste/ gang ma byung ba de ni sangs rgyas kyi chos ma 'dres pa rnams ma yin no/ /kau shi ka rgyun du zhugs pa'i 'bras bu ni ma byung ba ste/ gang ma byung ba de ni rgyun du zhugs pa'i 'bras bu ma yin no/ /kau shi ka de bzhin du lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid dang / rang sangs rgyas dang / rnam pa thams cad mkhyen pa nyid ni ma byung ba ste/ gang ma byung ba de ni rnam pa thams cad mkhyen pa nyid ma yin no/ /kau shi ka rgyun du zhugs pa ni ma byung ba ste/gang ma byung ba de ni rgyun du zhugs pa ma yin no/ /kau shi ka de bzhin du lan cig phyir 'ong ba dang / phyir mi 'ong ba dang / dgra bcom ba nyid dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas ni ma byung ba ste/ gang ma byung ba de ni de bzhin gshegs pa ma yin no zhes bya bas ni mngon par rtogs pa'i rigs bstan pa yin no//de nas lha'i dbang po brgya byin gyis bcom ldan 'das la 'di skad ces gsol to/ /kye ma gnas brtan rab 'byor 'di ltar btags pa dang yang mi 'gal la/ chos nyid kyang ston pa ni shes rab zab mo dang ldan no/de nas bcom ldan 'das kyis lha rnams kyi dbang po brgya byin la bka' stsal pa/ de de bzhin no/ /kau shi ka de de bzhin te/ gnas brtan rab 'byor 'di ni shes rab zab mo dang ldan pa ste/ de ltar btags pa dang yang mi 'gal la chos nyid kyang ston to//de nas lha rnams kyi dbang po brgya byin gyis bcom ldan 'das la gsol pa/ bcom ldan 'das ji ltar gnas brtan rab 'byor 'di ni btags pa dang yang mi 'gal la chos nyid kyang ston pa lags/ bcom ldan 'das kyis bka' stsal pa/ kau shi ka gzugs ni btags pa tsam mo//btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka tshor ba dang / 'du shes dang / 'du byed rnams dang / rnam par shes pa ni btags pa tsam mo/ /btags pa tsam gang yin pa de ni chos nyid de//de ni gnas brtan rab 'byor gyis mi 'gal bar bstan to/ /kau shi ka de ci'i phyir zhe na/ chos rnams kyi chos nyid gang yin pa de ni mi 'gal rnam par mi 'gal lo/ /gang mi 'gal rnam par mi 'gal ba de ni/ gnas brtan rab 'byor gyis bstan te 'gal ba med do/ / kau shi ka so so ba dang / bsdus pa'i phung po dang / khams dang / skye mched dang / rten cing 'brel par 'byung ba'i yan lag rnams dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang dang /bsam gtan gyi pha rol tu phyin pa dang / shes rab kyi pha rol tu phyin pa dang / de bzhin du nang stong pa nyid dang / dngos po med pa'i ngo bo nyid stong pa nyid kyi bar dang / de bzhin du dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / mngon par shes pa rnams dang / bden pa rnams dang /de bzhin gshegs pa'i stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad po rnams dang / de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom ba nyid dang / rang byang chub nyid dang / rnam pa thams cad mkhyen pa nyid dang / rgyun du zhugs pa ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to//kau shi ka de bzhin du lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka de ci'i phyir zhe na/ chos rnams kyi chos nyid de ni mi 'gal ba ste/ gang mi 'gal ba de ni gnas brtan rab 'byor gyis bstan te 'gal ba med do/ /kau shi ka de ltar na gnas brtan rab 'byor ni btags pa dang 'gal bar mi byed la chos nyid kyang ston to//rab 'byor gyis smras pa/ kau shi ka de de bzhin no/ /de de bzhin te/ de ltar bcom ldan 'das kyis kyang chos thams cad ni btags pa tsam du bstan to/ /kau shi ka byang chub sems dpa' sems dpa' chen pos kyang de ltar chos thams cad btags pa tsam du rig nas shes rab kyi pha rol tu phyin pa la bslab par bya'o//kau shi ka byang chub sems dpa' sems dpa' chen pos de ltar slob pa ni gzugs la mi slob/ tshor ba dang / 'du shes dang / 'du byed rnams dang / rnam par shes pa la mi slob po//de ci'i phyir zhe na/ de ni 'di ltar des gang la bslab par bya ba'i gzugs yang dag par rjes su mi mthong / de bzhin du gang la bslab par bya ba'i tshor ba dang / 'du shes dang / 'du byed rnams dang / rnam par shes pa yang dag par rjes su mi mthong ngo //byang chub sems dpa' sems dpa' chen po de ltar slob pa ni sbyin pa'i pha rol tu phyin pa la mi slob ste/ de ci'i phyir zhe na/ 'di ltar des gang la bslab par bya ba'i sbyin pa'i pha rol tu phyin pa de yang dag par rjes su mi mthong bas so/ /de bzhin du tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la mi slob ste/ de ci'i phyir zhe na/ 'di ltar des gang la bslab par bya ba'i shes rab kyi pha rol tu phyin pa de yang dag par rjes su mi mthong bas so//nang stong pa nyid la mi slob/ dngos po med pa'i ngo bo nyid stong pa nyid kyi bar la yang mi slob ste/ de ci'i phyir zhe na/ 'di ltar des gang la bslab par bya ba'i nang stong pa nyid de yang dag par rjes su mi mthong ba dang / dngos po med pa'i ngo bo nyid stong pa nyid kyi bar de yang dag par rjes su mi mthong bas so//byang chub sems dpa' sems dpa' chen po de ltar slob na ni dran pa nye bar gzhag pa bzhi la mi slob ste/ de ci'i phyir zhe na/ 'di ltar des gang la bslab par bya ba'i dran pa nye bar gzhag pa de yang dag par rjes su mi mthong bas so//de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /mngon par shes pa rnams dang / bden pa rnams dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams la mi slob po / /rgyun tu zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid dang / rang byang chub la mi slob/ rnam pa thams cad mkhyen pa nyid la mi slob ste/ de ci'i phyir zhe na/ 'di ltar des gang la bslab par bya ba'i rnam pa thams cad mkhyen pa nyid de yang dag par rjes su mi mthong bas so/ /de nas lha rnams kyi dbang po brgya byin gyis gnas brtan rab 'byor la 'di skad ces smras so//btsun pa rab 'byor byang chub sems dpa' sems dpa' chen pos gzugs yang dag par rjes su mi mthong / tshor ba dang / 'du shes dang / 'du byed rnams dang / rnam par shes pa yang dag par rjes su mi mthong bas so//de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba'am/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams yang dag par rjes su mi mthong / tshad med pa dang / bsam gtan dang / gzugs med pa'i snyoms par 'jug pa yang dag par rjes su mi mthong / gang la bslab par bya ba'i bden pa rnams dang / mngon par shes pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa rnams dang / sangs rgyas kyi chos ma 'dres pa bco brgyad yang dag par rjes su mi mthong / rnam pa thams cad mkhyen pa nyid kyi bar du yang dag par rjes su mi mthong ngo / /rab 'byor gyis smras pa/ kau shi ka 'di ltar gzugs gzugs kyis stong ngo / /tshor ba dang / 'du shes dang / 'du byed rnams dang /rnam par shes pa rnam par shes pas stong ngo / /de bzhin du phung po dang / khams dang / skye mched dang / rten cing 'brel par 'byung ba dang / pha rol tu phyin pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun dang / tshad med pa dang / bsam gtan dang / gzugs med pa'i snyoms par 'jug pa dang / bden pa rnams dang / mngon par shes pa rnams dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar rnam pa thams cad mkhyen pa nyid kyis stong ngo / /de ci'i phyir zhe na/ kau shi ka gzugs stong pa nyid kyis gzugs stong pa nyid yang dag par rjes su mi mthong bas so/ / rnam pa thams cad mkhyen pa nyid kyi bar stong pa nyid kyis rnam pa thams cad mkhyen pa nyid kyi bar stong pa nyid yang dag par rjes su mi mthong bas so/ /kau shi ka gang stong pa nyid la slob pa de ni gnyis su byar med pas gzugs stong pa nyid la slob po/ /gnyis su byar med pas tshor ba dang 'du shes dang /'du byed rnams dang / rnam par shes pa stong pa nyid la slob po/ /gnyis su byar med pas so so ba dang / bsdus pa'i phung po rnams dang / khams rnams dang / skye mched rnams dang / rten cing 'brel par 'byung ba rnams dang / pha rol tu phyin pa rnams dang /byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang /gzungs kyi sgo thams cad dang / de bzhin gshegs pa'i stobs bcu po rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar stong pa nyid la slob po//kau shi ka gang gzugs stong pa nyid la gnyis su byar med pas slob pa dang / rnam pa thams cad mkhyen pa nyid kyi bar stong pa nyid la gnyis su byar med pas slob pa de ni gnyis su byar med pas sbyin pa'i pha rol tu phyin pa la slob po/ /de ni gnyis su byar med pas tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la slob po/ /de ni gnyis su byar med pas nang stong pa nyid la slob po/ /dngos po med pa'i ngo bo nyid stong pa nyid kyi bar la slob po//de ni gnyis su byar med pas dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rnams la slob po//de ni gnyis su byar med pas tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / de bzhin gshegs pa'i stobs bcu po dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams la slob po/ /gnyis su byar med pas ting nge 'dzin rnams dang / gzungs kyi sgo thams cad la slob po/ /gnyis su byar med pas sangs rgyas kyi chos grangs med gzhal du med pa la slob po/ /gnyis su byar med pas rgyun du zhugs pa'i 'bras bu dang /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub nyid la slob po/ /gnyis su byar med pas sangs rgyas nyid dang / thams cad shes pa nyid dang / rnam pa thams cad mkhyen pa nyid la slob po zhes bya ba ni rang sangs rgyas kyi lam nges par 'byed pa'i cha dang mthun pa las drod du gtogs pa yin no// gzugs 'phel bar bya ba'i phyir mi slob/ 'grib par bya ba'i phyir mi slob po/ /tshor ba dang / 'du shes dang / 'du byed rnams dang / rnam par shes pa 'phel bar bya ba'i phyir mi slob/'grib par bya ba'i phyir mi slob po/ /de bzhin du so so ba dang / bsdus pa'i phung po dang / khams dang / skye mched 'phel bar bya ba'i phyir mi slob/ 'grib par bya ba'i phyir mi slob po/ /rten cing 'brel par 'byung ba 'phel bar bya ba dang / 'grib par bya ba'i phyir mi slob po//sbyin pa'i pha rol tu phyin pa 'phel bar bya ba dang 'grib par bya ba'i phyir mi slob po/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa 'phel bar bya ba dang 'grib par bya ba'i phyir mi slob po//dran pa nye bar gzhag pa rnams 'phel bar bya ba dang 'grib par bya ba'i phyir mi slob po/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang /byang chub kyi yan lag rnams dang / 'phags pa'i lam yan lag brgyad pa 'phel bar bya ba dang 'grib par bya ba'i phyir mi slob po/ /tshad med pa rnams dang / bsam gtan rnams dang / gzugs med pa'i snyoms par 'jug pa rnams 'phel bar bya ba dang 'grib par bya ba'i phyir mi slob po//nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du 'phel bar bya ba dang 'grib par bya ba'i phyir mi slob po/ /bden pa rnams dang / mngon par shes pa rnams dang / de bzhin gshegs pa'i stobs rnams dang /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar 'phel bar bya ba dang 'grib par bya ba'i phyir mi slob po/ /gang gzugs 'phel bar bya ba dang 'grib par bya ba'i phyir mi slob pa dang /rnam pa thams cad mkhyen pa nyid kyi bar 'phel bar bya ba dang / 'grib par bya ba'i phyir mi slob pa de ni gzugs yongs su gzung bar bya ba dang med par bya ba'i phyir mi slob po/ /tshor ba dang / 'du shes dang / 'du byed rnams dang / rnam par shes pa yongs su gzung bar bya ba dang /med par bya ba'i phyir mi slob bo/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba yongs su gzung bar bya ba dang / med par bya ba'i phyir mi slob po/ /de bzhin du pha rol tu phyin pa rnams dang / byang chub kyi phyogs kyi chos sum cu rtsa bdun dang /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stong pa nyid thams cad dang / bden pa rnams dang / mngon par shes pa rnams dang / ting nge 'dzin rnams dang / gzungs kyi sgo thams cad yongs su gzung bar bya ba dang /med par bya ba'i phyir mi slob po/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du yongs su gzung bar bya ba dang /med par bya ba'i phyir mi slob po zhes bya ba ni/ de nyid kyi rtse mor gtogs pa yin no// //bam po nyi shu dgu pa/ shA ri'i bus smras pa/ tshe dang ldan pa rab 'byor ci'i phyir byang chub sems dpa' sems dpa' chen po gzugs yongs su gzung bar bya ba dang / med par bya ba'i phyir mi slob pa yin/tshor ba dang / 'du shes dang / 'du byed rnams dang / rnam par shes pa yongs su gzung bar bya ba dang / med par bya ba'i phyir mi slob pa yin/ rnam pa thams cad mkhyen pa nyid kyi bar yongs su gzung bar bya ba dang / med par bya ba'i phyir mi slob pa yin/ rab 'byor gyis smras pa/ tshe dang ldan pa shA ri'i bu 'di ltar gzugs yongs su gzung du med de / de ci'i phyir zhe na/ nang stong pa nyid nas dngos po med pa'i ngo bo nyid stong pa nyid kyi bar gyi phyir gzugs kyis gzugs yongs su gzung du med pas so / /tshor ba dang / 'du shes dang / 'du byed rnams dang / shA ri'i bu 'di ltar rnam par shes pa yongs su gzung du med de/ de ci'i phyir zhe na/ rnam par shes pa rnam par shes pas yongs su gzung du med pas so/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba dang /pha rol tu phyin pa dang / byang chub kyi phyogs kyi chos dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa yongs su gzung du med de/ de ci'i phyir zhe na/ 'di lta ste/ chos ma 'dres pa chos ma 'dres pas yongs su gzung du med pas so/ /shA ri'i bu 'di lta ste/ rnam pa thams cad mkhyen pa nyid yongs su gzung du med de/ de ci'i phyir zhe na/ 'di lta ste/ rnam pa thams cad mkhyen pa nyid rnam pa thams cad mkhyen pa nyid kyis yongs su gzung du med pas so/ /tshe dang ldan pa shA ri'i bu de ltar byang chub sems dpa' sems dpa' chen pos chos thams cad yongs su gzung ba rnam pa thams cad mkhyen pa nyid la slob cing chos thams cad yongs su 'dzin pa med pa'i tshul gyis rnam pa thams cad mkhyen pa nyid du nges par 'byung ngo //shA ri'i bus smras pa/ tshe dang ldan pa rab 'byor byang chub sems dpa' sems dpa' chen po de ltar slob na shes rab kyi pha rol tu phyin pa la slob bam/rnam pa thams cad mkhyen pa nyid du nges par 'byung ngam/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po de ltar slob na shes rab kyi pha rol tu phyin pa la slob cing rnam pa thams cad mkhyen pa nyid du nges par 'byung ngo zhes bya ba ni de nyid kyi bzod par gtogs pa'o// tshe dang ldan pa shA ri'i bus smras pa/ tshe dang ldan pa rab 'byor de ltar slob pa'i byang chub sems dpa' sems dpa' chen po chos thams cad yongs su gzung bar bya ba dang / med par bya ba'i phyir mi slob na rnam pa thams cad mkhyen pa nyid du ji ltar nges par 'byung bar 'gyur/rab 'byor gyis smras pa/ tshe dang ldan pa shA ri'i bu 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs kyi skye ba mi mthong / 'gag pa dang / blang ba dang / dor ba dang /kun nas nyon mongs pa dang / rnam par byang ba dang / stsogs pa dang / 'bri ba dang / 'grib pa dang / 'phel ba mi mthong ngo / /de ci'i phyir zhe na/ tshe dang ldan pa shA ri'i bu de ni 'di ltar gzugs gzugs kyi rang bzhin gyis med pas so/ /tshe dang ldan pa shA ri'i bu byang chub sems dpa' sems dpa' chen pos tshor ba dang /'du shes dang / 'du byed rnams dang / rnam par shes pa'i skye ba mi mthong ngo / /'gag pa dang / blang ba dang / dor ba dang / kun nas nyon mongs pa dang / rnam par byang ba dang / stsogs pa dang / 'bri ba dang / 'grib pa dang / 'phel ba mi mthong ngo / /de ci'i phyir zhe na/ tshe dang ldan pa shA ri'i bu de ni 'di ltar rnam par shes pa rnam par shes pa'i rang bzhin gyis med pas so/ /de bzhin du so so ba dang / bsdus pa'i phung po rnams dang / khams rnams dang / skye mched rnams dang / stong pa nyid thams cad dang / rten cing 'brel par 'byung ba rnams dang / pha rol tu phyin pa rnams dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / bden pa rnams dang / mngon par shes pa rnams dang /ting nge 'dzin rnams dang / stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gyi skye ba mi mthong / 'gag pa dang /blang ba dang / dor ba dang / kun nas nyon mongs pa dang / rnam par byang ba dang / stsogs pa dang / 'bri ba dang / 'grib pa dang / 'phel ba mi mthong ngo / /de ci'i phyir zhe na/ de ni 'di ltar rnam pa thams cad mkhyen pa nyid rnam pa thams cad mkhyen pa nyid kyi bar gyi rang bzhin gyis med cing mi dmigs pas so//tshe dang ldan pa shA ri'i bu de ltar na byang chub sems dpa' sems dpa' chen po chos thams cad skye ba med pa dang / 'gag pa med pa dang / blang ba med pa dang / dor ba med pa dang / kun nas nyon mongs pa med pa dang / rnam par byang ba med pa dang / stsogs pa med pa dang /'bri ba med pa dang / 'grib pa med pa dang / 'phel ba med pa'i phyir slob na/ mi slob pa dang / nges par mi 'byung ba'i tshul gyis shes rab kyi pha rol tu phyin pa la bslabs nas rnam pa thams cad mkhyen pa nyid du nges par 'byung ngo zhes bya ba ni de nyid kyi chos kyi mchog tu gtogs pa yin no// 'di dag gis ni rang sangs rgyas kyi lam gsungs pa yin no/ / de nas lha rnams kyi dbang po brgya byin gyis tshe dang ldan pa shA ri'i bu la 'di skad ces smras so/ /btsun pa shA ri'i bu shes rab kyi pha rol tu phyin pa gang las btsal bar bya/ shA ri'i bus smras pa/ kau shi ka shes rab kyi pha rol tu phyin pa ni rab 'byor gyi le'u las btsal bar bya'o//de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor 'phags pa shA ri'i bu 'di skad du kau shi ka shes rab kyi pha rol tu phyin pa ni rab 'byor gyi le'u las btsal bar bya'o zhes zer ba de khyod kyi mthu yin nam/khyod kyi byin gyi rlabs yin nam / rab 'byor gyis smras pa/ kau shi ka 'di ni bdag gi mthu ma yin/ 'di ni bdag gi byin gyi rlabs ma yin no/ /brgya byin gyis smras pa/ btsun pa rab 'byor 'o na de su'i mthu su'i byin gyi rlabs/ rab 'byor gyis smras pa/kau shi ka 'di ni de bzhin gshegs pa'i mthu/ 'di ni de bzhin gshegs pa'i byin gyi rlabs so/ /lha rnams kyi dbang po byin gyi rlabs med pa'i chos nyid las gzhan na yang de bzhin gshegs pa mi dmigs de bzhin nyid las gzhan na yang de bzhin gshegs pa mi dmigs te/chos thams cad byin gyi rlabs med pa'o/ /lha rnams kyi dbang pos smras pa/ 'phags pa rab 'byor chos thams cad byin gyi rlabs med pa yin na/ ci'i phyir de skad du 'di ni de bzhin gshegs pa'i mthu'o/ /'di ni de bzhin gshegs pa'i byin gyi rlabs so zhes smra /rab 'byor gyis smras pa/ kau shi ka de de bzhin no/ /de de bzhin te/ byin gyi rlabs med pa'i chos nyid las gzhan na yang de bzhin gshegs pa mi dmigs la/ de bzhin nyid las gzhan na yang de bzhin gshegs pa mi dmigs so/ /byin gyi rlabs med pa'i chos nyid la yang de bzhin gshegs pa mi dmigs la/de bzhin gshegs pa la yang byin gyi rlabs med pa'i chos nyid mi dmigs so/ /de bzhin nyid la yang de bzhin gshegs pa mi dmigs so/ /de bzhin gshegs pa la yang de bzhin nyid mi dmigs so/ / gzugs kyi de bzhin nyid la yang de bzhin gshegs pa mi dmigs so//de bzhin gshegs pa la yang gzugs kyi de bzhin nyid mi dmigs so/ /gzugs kyi chos nyid la yang de bzhin gshegs pa mi dmigs so/ /de bzhin gshegs pa la yang gzugs kyi chos nyid mi dmigs so/ / tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid dang / rnam par shes pa'i de bzhin nyid la yang de bzhin gshegs pa mi dmigs so/ /de bzhin gshegs pa la yang rnam par shes pa'i de bzhin nyid mi dmigs so/ /rnam par shes pa'i chos nyid la yang de bzhin gshegs pa mi dmigs so//de bzhin gshegs pa la yang rnam par shes pa'i chos nyid mi dmigs so/ /de bzhin du phung po rnams dang / khams dang / skye mched dang / rten cing 'brel par 'byung ba dang / pha rol tu phyin pa rnams dang / mngon par shes pa rnams dang / 'phags pa'i bden pa rnams dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stong pa nyid thams cad dang / ting nge 'dzin thams cad dang /gzungs kyi sgo thams cad dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar gyi de bzhin nyid la yang de bzhin gshegs pa mi dmigs so/ /de bzhin gshegs pa la yang rnam pa thams cad mkhyen pa nyid kyi de bzhin nyid mi dmigs so//rnam pa thams cad mkhyen pa nyid kyi chos nyid la yang de bzhin gshegs pa mi dmigs so/ /de bzhin gshegs pa la yang rnam pa thams cad mkhyen pa nyid kyi chos nyid mi dmigs so/ / de ci'i phyir zhe na/ kau shi ka de bzhin gshegs pa dang / gzugs kyi de bzhin nyid gang yin pa de ni ldan pa yang ma yin/ bral ba yang ma yin pas so/ /tshor ba dang / 'du shes dang / 'du byed rnams dang / rnam par shes pa'i de bzhin nyid ni ldan pa yang ma yin/ bral ba yang ma yin pas so//kau shi ka de bzhin gshegs pa dang gzugs kyi chos nyid gang yin pa ldan pa yang ma yin bral ba yang ma yin pas so/ /tshor ba dang / 'du shes dang / 'du byed rnams dang / rnam par shes pa'i chos nyid ldan pa yang ma yin/ bral ba yang ma yin pas so//gzugs kyi de bzhin nyid ma yin pa gzhan dang ldan pa yang ma yin/ bral ba yang ma yin pas so/ /gzugs kyi chos nyid ma yin pa gzhan dang ldan pa yang ma yin/ bral ba yang ma yin pas so/ /tshor ba dang / 'du shes dang / 'du byed rnams dang /rnam par shes pa'i de bzhin nyid ma yin pa gzhan dang ldan pa yang ma yin/ bral ba yang ma yin pas so/ /rnam par shes pa'i chos nyid ma yin pa gzhan dang ldan pa yang ma yin/ bral ba yang ma yin pas so/ /rgyas par de bzhin gshegs pa dang / rnam pa thams cad mkhyen pa nyid kyi de bzhin nyid kyi bar du ldan pa yang ma yin/bral ba yang ma yin pas so/ /rnam pa thams cad mkhyen pa nyid kyi chos nyid dang ldan pa yang ma yin/ bral ba yang ma yin pas so/ /rnam pa thams cad mkhyen pa nyid kyi de bzhin nyid ma yin pa gzhan dang ldan pa yang ma yin/bral ba yang ma yin pas so/ /rnam pa thams cad mkhyen pa nyid kyi chos nyid ma yin pa gzhan dang ldan pa yang ma yin/ bral ba yang ma yin pas so/ /kau shi ka 'dir chos thams cad dang ldan pa yang ma yin/ bral ba yang ma yin pa gang yin pa de ni de'i mthu ste/ de'i byin gyi rlabs kyi tshul gyis so/ /kau shi ka gang yang 'di skad du/ byang chub sems dpa' sems dpa' chen pos shes rab kyi pha rol tu phyin pa gang nas btsal bar bya zhes zer ba ni gzugs las btsal bar mi bya/ gzugs las gzhan du yang btsal bar mi bya'o/ /tshor ba dang / 'du shes dang / 'du byed rnams dang / rnam par shes pa las btsal bar mi bya/ rnam par shes pa las gzhan du yang btsal bar mi bya'o/ /de ci'i phyir zhe na/ kau shi ka de ni 'di ltar shes rab kyi pha rol tu phyin pa gang yin pa dang / gzugs gang yin pa dang / tshor ba gang yin pa dang /'du shes gang yin pa dang / 'du byed rnams gang yin pa dang / rnam par shes pa gang yin pa dang / btsal ba gang yin pa'i chos de dag thams cad ni ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa/ mtshan nyid gcig pa ste/ 'di ltar mtshan nyid med pa'i phyir ro/ /kau shi ka gzhan yang byang chub sems dpa' sems dpa' chen pos shes rab kyi pha rol tu phyin pa ni khams rnams dang / skye mched rnams dang / rten cing 'brel par 'byung ba rnams dang / pha rol tu phyin pa rnams dang / byang chub kyi phyogs kyi chos rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin rnams dang / gzungs kyi sgo rnams dang / stobs rnams dang / mi 'jigs pa rnams dang /so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar las kyang btsal bar mi bya/ rnam pa thams cad mkhyen pa nyid las gzhan du yang btsal bar mi bya'o/ /de ci'i phyir zhe na/ kau shi ka de ni 'di ltar shes rab kyi pha rol tu phyin pa gang yin pa dang /rnam pa thams cad mkhyen pa nyid gang yin pa dang / btsal ba gang yin pa'i chos de dag thams cad ni ldan pa yang ma yin mi ldan pa yang ma yin no/ /gzugs med pa/ bstan du med pa/ thogs pa med pa mtshan nyid gcig pa ste/'di ltar mtshan nyid med pa'i phyir ro/ /de ci'i phyir zhe na/ kau shi ka de ni 'di ltar gzugs shes rab kyi pha rol tu phyin pa ma yin/ gzugs las gzhan shes rab kyi pha rol tu phyin pa ma yin/ tshor ba ma yin/ 'du shes ma yin/ 'du byed rnams ma yin/ rnam par shes pa shes rab kyi pha rol tu phyin pa ma yin/rnam par shes pa las gzhan shes rab kyi pha rol tu phyin pa ma yin pa'i phyir ro/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba dang / pha rol tu phyin pa rnams dang / byang chub kyi phyogs kyi chos sum cu rtsa bdun dang /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang /stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar yang shes rab kyi pha rol tu phyin pa ma yin/ rnam pa thams cad mkhyen pa nyid las gzhan shes rab kyi pha rol tu phyin pa ma yin/de bzhin du gzugs kyi de bzhin nyid shes rab kyi pha rol tu phyin pa ma yin/ gzugs kyi de bzhin nyid las gzhan shes rab kyi pha rol tu phyin pa ma yin/ tshor ba'i de bzhin nyid ma yin/ 'du shes kyi de bzhin nyid ma yin/ 'du byed rnams kyi de bzhin nyid ma yin/rnam par shes pa'i de bzhin nyid shes rab kyi pha rol tu phyin pa ma yin/ rnam par shes pa'i de bzhin nyid las gzhan shes rab kyi pha rol tu phyin pa ma yin/ gzugs kyi chos nyid shes rab kyi pha rol tu phyin pa ma yin/ gzugs kyi chos nyid las gzhan shes rab kyi pha rol tu phyin pa ma yin/tshor ba'i chos nyid ma yin/ 'du shes kyi chos nyid ma yin/ 'du byed rnams kyi chos nyid ma yin/ rnam par shes pa'i chos nyid shes rab kyi pha rol tu phyin pa ma yin/ rnam par shes pa'i chos nyid las gzhan shes rab kyi pha rol tu phyin pa ma yin/rnam pa thams cad mkhyen pa nyid kyi bar gyi de bzhin nyid shes rab kyi pha rol tu phyin pa ma yin/ rnam pa thams cad mkhyen pa nyid kyi de bzhin nyid las gzhan shes rab kyi pha rol tu phyin pa ma yin/ rnam pa thams cad mkhyen pa nyid kyi chos nyid shes rab kyi pha rol tu phyin pa ma yin/rnam pa thams cad mkhyen pa nyid kyi chos nyid las gzhan shes rab kyi pha rol tu phyin pa ma yin pa'i phyir ro/ /de ci'i phyir zhe na/ kau shi ka de ni 'di ltar chos de dag thams cad ni med cing mi dmigs pas te / de ltar chos thams cad med cing mi dmigs pas na gzugs shes rab kyi pha rol tu phyin pa ma yin/gzugs las gzhan shes rab kyi pha rol tu phyin pa ma yin/ gzugs kyi de bzhin nyid shes rab kyi pha rol tu phyin pa ma yin/ gzugs kyi de bzhin nyid las gzhan shes rab kyi pha rol tu phyin pa ma yin/gzugs kyi chos nyid shes rab kyi pha rol tu phyin pa ma yin/ gzugs kyi chos nyid las gzhan shes rab kyi pha rol tu phyin pa ma yin/ tshor ba ma yin/ 'du shes ma yin/ 'du byed rnams ma yin/ rnam par shes pa shes rab kyi pha rol tu phyin pa ma yin/ rnam par shes pa las gzhan shes rab kyi pha rol tu phyin pa ma yin/rnam par shes pa'i de bzhin nyid shes rab kyi pha rol tu phyin pa ma yin/ rnam par shes pa'i de bzhin nyid las gzhan shes rab kyi pha rol tu phyin pa ma yin/ rnam par shes pa'i chos nyid shes rab kyi pha rol tu phyin pa ma yin/rnam par shes pa'i chos nyid las gzhan shes rab kyi pha rol tu phyin pa ma yin/ de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba dang / pha rol tu phyin pa rnams dang / byang chub kyi phyogs kyi chos sum cu rtsa bdun dang /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid shes rab kyi pha rol tu phyin pa ma yin/ rnam pa thams cad mkhyen pa nyid las gzhan shes rab kyi pha rol tu phyin pa ma yin/rnam pa thams cad mkhyen pa nyid kyi de bzhin nyid shes rab kyi pha rol tu phyin pa ma yin/ rnam pa thams cad mkhyen pa nyid kyi de bzhin nyid las gzhan shes rab kyi pha rol tu phyin pa ma yin/ rnam pa thams cad mkhyen pa nyid kyi chos nyid shes rab kyi pha rol tu phyin pa ma yin/ rnam pa thams cad mkhyen pa nyid kyi chos nyid las gzhan shes rab kyi pha rol tu phyin pa ma yin no zhes bya ba ni mthong ba'i lam la phan yon dang bcas pa'i dbang du byas nas sdug bsngal la chos shes pa'i bzod pa yin no/ /de nas lha rnams kyi dbang po brgya byin gyis gnas brtan rab 'byor la 'di skad ces smras so//btsun pa rab 'byor byang chub sems dpa' sems dpa' chen po rnams kyi pha rol tu phyin pa 'di ni chen po ste/ 'di ltar shes rab kyi pha rol tu phyin pa'o/ / btsun pa rab 'byor byang chub sems dpa' sems dpa' chen po rnams kyi pha rol tu phyin pa 'di ni tshad med pa ste/'di ltar shes rab kyi pha rol tu phyin pa'o/ /btsun pa rab 'byor byang chub sems dpa' sems dpa' chen po rnams kyi pha rol tu phyin pa 'di ni mtha' yas pa ste/ 'di ltar shes rab kyi pha rol tu phyin pa'o/ /gang la bslabs shing rgyun du zhugs pa rnams kyis ni rgyun du zhugs pa'i 'bras bu 'thob po//de bzhin du lan cig phyir 'ong ba dang / phyir mi 'ong ba dang / dgra bcom pa rnams dang / rang sangs rgyas kyis kyang rang byang chub rab tu 'thob po/ /byang chub sems dpa' sems dpa' chen pos ni rnam pa thams cad mkhyen pa nyid rjes su thob nas/bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /rab 'byor gyis smras pa/ kau shi ka de de bzhin no/ /de de bzhin te/ byang chub sems dpa' sems dpa' chen po rnams kyi pha rol tu phyin pa 'di ni chen po ste/'di ltar shes rab kyi pha rol tu phyin pa'o/ /byang chub sems dpa' sems dpa' chen po rnams kyi pha rol tu phyin pa 'di ni tshad med pa ste/ 'di ltar shes rab kyi pha rol tu phyin pa'o/ /byang chub sems dpa' sems dpa' chen po rnams kyi pha rol tu phyin pa 'di ni mtha' yas pa ste/'di ltar shes rab kyi pha rol tu phyin pa'o/ /gang la bslabs shing rgyun du zhugs pa rnams kyis ni rgyun du zhugs pa'i 'bras bu 'thob po/ /de bzhin du lan cig phyir 'ong ba dang / phyir mi 'ong ba dang / dgra bcom pa rnams dang / rang sangs rgyas rnams kyis ni rang byang chub 'thob po/ /byang chub sems dpa' sems dpa' chen po rnams kyis rnam pa thams cad mkhyen pa nyid rjes su thob nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ / mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /de ci'i phyir zhe na/ gzugs chen po nyid yin pa'i phyir/ byang chub sems dpa' sems dpa' chen po rnams kyi pha rol tu phyin pa 'di ni chen po nyid de/ de ci'i phyir zhe na/ kau shi ka de ni 'di ltar gzugs kyi sngon gyi mtha' mi dmigs/phyi ma'i mtha' mi dmigs/ dbus mi dmigs so/ /kau shi ka tshor ba dang / 'du shes dang / 'du byed rnams dang / rnam par shes pa chen po nyid yin pa'i phyir/ byang chub sems dpa' sems dpa' chen po rnams kyi pha rol tu phyin pa 'di ni chen po nyid de/de ci'i phyir zhe na/ kau shi ka de ni 'di ltar rnam par shes pa'i sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba dang /pha rol tu phyin pa rnams dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar du chen po yin pa'i phyir/byang chub sems dpa' sems dpa' chen po rnams kyi pha rol tu phyin pa 'di ni chen po nyid de/ de ci'i phyir zhe na/ kau shi ka de ni 'di ltar rnam pa thams cad mkhyen pa nyid kyi sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /kau shi ka rnam grangs des na byang chub sems dpa' sems dpa' chen po rnams kyi pha rol tu phyin pa 'di chen po nyid yin no zhes bya ba ni sdug bsngal la chos shes pa yin no/ /kau shi ka gzugs la tshad med pa'i phyir byang chub sems dpa' sems dpa' chen po rnams kyi pha rol tu phyin pa 'di ni tshad med pa'o//de ci'i phyir zhe na/ kau shi ka de ni 'di ltar gzugs tshad med pa ni dmigs su med pas so/ /kau shi ka 'di lta ste dper na nam mkha'i tshad ni dmigs su med de/ kau shi ka de bzhin du gzugs kyi tshad kyang dmigs su med de/nam mkha' la tshad med pa'i phyir gzugs la tshad med de / gzugs la tshad med pa'i phyir byang chub sems dpa' sems dpa' chen po rnams kyi shes rab kyi pha rol tu phyin pa la tshad med pa'o/ /kau shi ka tshor ba dang / 'du shes dang / 'du byed rnams dang / rnam par shes pa la tshad med pa'i phyir byang chub sems dpa' sems dpa' chen po rnams kyi pha rol tu phyin pa 'di ni tshad med pa'o/ /de ci'i phyir zhe na/ kau shi ka de ni 'di ltar rnam par shes pa'i tshad ni dmigs su med do/ /kau shi ka 'di lta ste dper na nam mkha'i tshad ni dmigs su med do//kau shi ka de bzhin du rnam par shes pa'i tshad ni dmigs su med de/ nam mkha' la tshad med pa'i phyir/ rnam par shes pa la tshad med do/ /rnam par shes pa la tshad med pa'i phyir/ byang chub sems dpa' sems dpa' chen po rnams kyi shes rab kyi pha rol tu phyin pa ni tshad med pas so//kau shi ka de bzhin du phung po dang / khams dang / skye mched dang / rten cing 'brel bar 'byung ba'i yan lag dang pha rol tu phyin pa rnams dang / byang chub kyi phyogs kyi chos sum cu rtsa bdun dang / bden pa rnams dang / mngon par shes pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stong pa nyid thams cad dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang /rnam pa thams cad mkhyen pa nyid kyi bar la tshad med pa'i phyir byang chub sems dpa' sems dpa' chen po rnams kyi pha rol tu phyin pa 'di ni tshad med pa'o/ /de ci'i phyir zhe na/ kau shi ka de ni 'di ltar rnam pa thams cad mkhyen pa nyid kyi tshad ni dmigs su med pas so/ / kau shi ka 'di lta ste dper na nam mkha'i tshad ni dmigs su med do/ /kau shi ka de bzhin du rnam pa thams cad mkhyen pa nyid kyi tshad kyang dmigs su med de/ nam mkha' la tshad med pa'i phyir rnam pa thams cad mkhyen pa nyid la tshad med do/ /rnam pa thams cad mkhyen pa nyid la tshad med pa'i phyir byang chub sems dpa' sems dpa' chen po rnams kyi pha rol tu phyin pa tshad med pa'o//kau shi ka rnam grangs des na byang chub sems dpa' sems dpa' chen po rnams kyi pha rol tu phyin pa 'di ni tshad med pa yin no zhes bya ba ni sdug bsngal la rjes su shes pa bzod pa yin no//kau shi ka gzugs tshad med pa'i phyir byang chub sems dpa' sems dpa' chen po rnams kyi pha rol tu phyin pa 'di ni tshad med pa'o/ /de ci'i phyir zhe na/ kau shi ka de ni 'di ltar gzugs kyi tshad ni dmigs su med pas so/ /kau shi ka 'di lta ste dper na nam mkha'i tshad ni dmigs su med do//kau shi ka de bzhin du gzugs kyi tshad kyang dmigs su med do/ /nam mkha' la tshad med pa'i phyir gzugs la tshad med do/ /gzugs la tshad med pa'i phyir byang chub sems dpa' sems dpa' chen po rnams kyi pha rol tu phyin pa ni tshad med do/ / de bzhin du rnam pa thams cad mkhyen pa nyid kyi bar la yang brjod par bya'o zhes bya ba ni sdug bsngal la rjes su shes pa yin no/ / kau shi ka gzugs mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di ni mtha' yas pa'o/ /de ci'i phyir zhe na/kau shi ka de ni 'di ltar gzugs kyi mtha' dang dbus mi dmigs so/ /tshor ba dang / 'du shes dang / 'du byed rnams dang / rnam par shes pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di ni mtha' yas pa'o/ / de ci'i phyir zhe na/ kau shi ka de ni 'di ltar rnam par shes pa'i mtha' dang dbus mi dmigs so/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba dang / pha rol tu phyin pa rnams dang / dran ba nye bar gzhag pa rnams dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / bden pa rnams dang / stong pa nyid thams cad dang / mngon par shes pa dang / ting nge 'dzin thams cad dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di ni mtha' yas pa'o//de ci'i phyir zhe na/ kau shi ka de ni 'di ltar rnam pa thams cad mkhyen pa nyid kyi mtha' dang dbus mi dmigs so/ /kau shi ka rnam grangs des na byang chub sems dpa' sems dpa' chen po rnams kyi pha rol tu phyin pa 'di ni gzugs mtha' yas pa'i phyir dang /rnam pa thams cad mkhyen pa nyid kyi bar mtha' yas pa'i phyir mtha' yas pa yin no zhes bya ba ni rgyu dgag pa yin no/ / kau shi ka gzhan yang dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di ni mtha' yas pa ste/'di ltar shes rab kyi pha rol tu phyin pa'o/ /lha rnams kyi dbang pos smras pa/ btsun pa rab 'byor ji ltar na dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di ni mtha' yas pa ste/'di ltar shes rab kyi pha rol tu phyin pa zhes bya/ rab 'byor gyis smras pa/ kau shi ka rnam pa thams cad mkhyen pa nyid dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa mtha' yas pa ste/'di ltar shes rab kyi pha rol tu phyin pa'o zhes bya ba ni kun 'byung ba dgag pa yin no/ /kau shi ka gzhan yang chos dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di ni mtha' yas pa ste/ 'di ltar shes rab kyi pha rol tu phyin pa'o//lha rnams kyi dbang po brgya byin gyis smras pa/ btsun pa rab 'byor ci'i phyir chos dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa zhes bya/rab 'byor gyis smras pa/ chos kyi dbyings mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa'o zhes bya ba ni rab tu skye ba dgag pa yin no// kau shi ka gzhan yang de bzhin nyid dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa'o/ /lha rnams kyi dbang pos smras pa/ btsun pa rab 'byor ci'i phyir na de bzhin nyid dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/'di ltar shes rab kyi pha rol tu phyin pa zhes bya/ rab 'byor gyis smras pa/ kau shi ka 'di ltar de bzhin nyid mtha' yas pa'i phyir dmigs pa mtha' yas so//de ltar de bzhin nyid dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa'o zhes bya ba ni rkyen dgag pa yin no/ / kau shi ka gzhan yang sems can mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/'di ltar shes rab kyi pha rol tu phyin pa'o/ /lha rnams kyi dbang pos smras pa/ btsun pa rab 'byor ci'i phyir sems can mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/'di ltar shes rab kyi pha rol tu phyin pa zhes bya/ rab 'byor gyis smras pa/ kau shi ka de ji snyam du sems/ 'di lta ste/ sems can sems can zhes bya ba de chos gang gi tshig bla dgas yin/ lha rnams kyi dbang pos smras pa/ btsun pa rab 'byor 'di lta ste/ sems can sems can zhes bya ba 'di ni chos kyi tshig bla dgas ma yin gyi/ 'di ni glo bur du ming du btags pa'o/ /'di ni dngos po med pa'i ming du btags pa'o/ /'di ni dmigs pa med pa'i ming du btags pa'o//rab 'byor gyis smras pa/ kau shi ka 'di ji snyam du sems/ shes rab kyi pha rol tu phyin pa 'di las sems can du bshad pa gang yang yod dam/ lha rnams kyi dbang pos smras pa/ btsun pa rab 'byor de ni med do/ /rab 'byor gyis smras pa/ kau shi ka gal te sems can du bshad pa med na de la sems can mtha' yas pa ci yang med pa'o//kau shi ka gal te de bzhin gshegs pa dgra bcom pa yang dag par rdzogs pa'i sangs rgyas bskal pa gang gA'i klung gi bye ma snyed du bzhugs te/ sems can sems can zhes tshig tu brjod na/ kau shi ka de ji snyam du sems/ de la sems can gang yang skye ba'am/ 'gag par 'gyur ba yod dam/ lha rnams kyi dbang pos smras pa/ btsun pa rab 'byor de ni med do/ /de ci'i phyir zhe na/ sems can thog ma nas rnam par dag pa'i phyir ro/ /rab 'byor gyis smras pa/ kau shi ka rnam grangs des na sems can mtha' yas pa'i phyir shes rab kyi pha rol tu phyin pa mtha' yas par rig par bya'o zhes bya ba ni de nyid kyi sems can gyi khams kyi ched du 'jug pa gsal bar bstan pa yin te/'di dag gis ni kun 'byung la chos shes pa'i bzod pa bstan pa yin no/ / de nas dbang po dang bcas pa'i lha rnams dang / tshangs pa dang bcas pa'i lha rnams dang / skye dgu'i bdag po dang bcas pa'i lha rnams dang / skyes pa dang / bud med du bcas pa dag gis lan gsum du ched du brjod pa ched du brjod pa ni 'di lta ste/ e ma'o chos/ e ma'o chos/ chos rnams kyi chos nyid 'di ni de bzhin gshegs pa'i mthu dang / de bzhin gshegs pa'i byin gyi rlabs kyis gnas brtan rab 'byor gyis bstan te bshad cing brjod la rab tu gsal bar byas so/ /bcom ldan 'das bdag cag gis kyang byang chub sems dpa' sems dpa' chen po gang shes rab kyi pha rol tu phyin pa 'di dang ma bral bar gyur pa de ni de bzhin gshegs pa nyid du gzung bar bgyi'o//gzugs sam/ tshor ba'am/ 'du shes dang / 'du byed rnams sam/ rnam par shes pa'am/ rnam pa thams cad mkhyen pa nyid kyi bar gyi chos zhes bya ba gang yang dmigs su ma mchis kyang theg pa gsum gyi rnam par gzhag pa mchis te/gang zhe na/ nyan thos kyi theg pa'am/ rang sangs rgyas kyi theg pa'am/ theg pa chen po'o/ /de nas bcom ldan 'das kyis lha'i bu de rnams la bka' stsal pa/ lha'i bu dag de de bzhin no//ji skad smras pa de bzhin te/ gzugs sam/ tshor ba'am/ 'du shes sam/ 'du byed rnams sam/ rnam par shes pa'am/ rnam pa thams cad mkhyen pa nyid kyi bar gyi chos zhes bya ba gang yang dmigs su med kyang theg pa gsum rnam par gzhag pa yod de/nyan thos kyi theg pa'am/ rang sangs rgyas kyi theg pa'am/ theg pa chen po'o/ /lha'i bu dag byang chub sems dpa' sems dpa' chen po gang mi dmigs pa'i tshul gyis shes rab kyi pha rol tu phyin pa 'di dang ma bral bar gyur pa de ni de bzhin gshegs pa nyid du gzung bar bya'o//de ci'i phyir zhe na/ de ni 'di ltar shes rab kyi pha rol tu phyin pa 'di las theg pa gsum rgya cher bstan te/ nyan thos kyi theg pa'am/ rang sangs rgyas kyi theg pa'am/ theg pa chen po'o/ /sbyin pa'i pha rol tu phyin pa las gzhan na yang de bzhin gshegs pa mi dmigs so//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las gzhan na yang de bzhin gshegs pa mi dmigs so/ /nang stong pa nyid las gzhan dang /phyi stong pa nyid las gzhan dang / phyi nang stong pa nyid las gzhan dang / dngos po med pa'i ngo bo nyid stong pa nyid kyi bar las gzhan na yang de bzhin gshegs pa mi dmigs so/ /dran pa nye bar gzhag pa rnams las gzhan na yang de bzhin gshegs pa mi dmigs so/ / de bzhin du yang dag par spong ba rnams las gzhan dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / mngon par shes pa dang / bden pa dang / tshad med pa dang / bsam gtan dang / gzugs med pa'i snyoms par 'jug pa dang /ting nge 'dzin rnams dang / gzungs kyi sgo rnams las gzhan na yang de bzhin gshegs pa mi dmigs so/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams las gzhan na yang de bzhin gshegs pa mi dmigs so//rnam pa thams cad mkhyen pa nyid las gzhan na yang de bzhin gshegs pa mi dmigs so/ /lha'i bu dag byang chub sems dpa' sems dpa' chen po ni chos thams cad la slob pa ste/ sbyin pa'i pha rol tu phyin pa dang por byas nas rnam pa thams cad mkhyen pa nyid kyi bar la slob po//lha'i bu dag de bas na byang chub sems dpa' sems dpa' chen po shes rab kyi pha rol tu phyin pa 'di dang ma bral bar spyod pa gang yin pa de ni de bzhin gshegs pa nyid du brjod par bya'o/ /lha'i bu dag gang gi tshe nga rgyal po'i pho brang gi nang mar me can zhes bya ba'i tshong 'dus kyi dbus na de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung na 'dug pa'i tshe/sbyin pa'i pha rol tu phyin pa dang bral bar ma gyur/ de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang bral bar ma gyur/ de bzhin du nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang bral bar ma gyur/ de bzhin du dran pa nye bar gzhag pa rnams dang bral bar ma gyur/ de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang bral bar ma gyur/ de bzhin du tshad med pa bzhi dang /bsam gtan bzhi dang / gzugs med pa'i snyoms par 'jug pa rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams dang /sangs rgyas kyi tshad med pa gzhan dag dang yang bral bar ma gyur te/ de yang mi dmigs pa'i tshul gyis so/ /lha'i bu dag de'i tshe de bzhin gshegs pa dgra bcom pa yang dag par rdzogs pa'i sangs rgyas des khyod ma 'ongs pa'i dus bskal pa grangs med pa na 'jig rten gyi khams 'di nyid du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/sangs rgyas bcom ldan 'das shAkya thub pa zhes bya bar 'gyur ro zhes nga lung bstan to zhes bya ba ni kun 'byung la chos shes pa yin no/ /de nas lha'i bu de dag gis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rnams kyi pha rol tu phyin pa 'di ni gzugs mi len mi 'dor ba'i tshul dang /de bzhin du so so ba dang / bsdus pa'i phung po rnams dang / khams rnams dang / skye mched rnams dang / rten cing 'brel bar 'byung ba rnams dang / pha rol tu phyin pa rnams dang / dran pa nye bar gzhag pa rnams dang /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag dang / lam dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad dang /rnam pa thams cad mkhyen pa nyid kyi bar du mi len mi 'dor ba'i tshul gyis rnam pa thams cad mkhyen pa nyid kyi bar du mthun par 'dzin pa ngo mtshar che'o/ /de nas bcom ldan 'das kyis dge slong dang / dge slong ma dang / dge bsnyen dang / dge bsnyen ma'i 'khor bzhi dang /byang chub sems dpa' sems dpa' chen po rnams dang / rgyal po chen po bzhi dang / rgyal chen bzhi'i ris kyi lha'i bu dang / 'og min gyi bar gyi lha'i bu rnams 'dus shing tshogs pa rnams dbang du btsugs te/ lha rnams kyi dbang po brgya byin la bka' stsal pa/ kau shi ka byang chub sems dpa' sems dpa' chen po'am/dge slong ngam/ dge slong ma'am/ dge bsnyen nam/ dge bsnyen ma'am/ rigs kyi bu'am/ rigs kyi bu mo'am/ lha'i bu'am/ lha'i bu mo gang la la zhig shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang /klog par 'gyur ba dang / kun chub par byed par 'gyur ba dang / sgom par 'gyur ba dang / gzhan rnams la rgya cher yang dag par rab tu gsal bar byed par 'gyur ba dang / tshul bzhin du yid la byed par 'gyur ba dang / gang yang rnam pa thams cad mkhyen pa nyid kyi sems dang mi 'bral bar byed pa de dag ni bdud dam/bdud kyi ris kyi lha rnams kyis glags rnyed par mi 'gyur ro/ /de ci'i phyir zhe na/ de ni 'di ltar rigs kyi bu dang / rigs kyi bu mo de dag gis gzugs stong pa nyid la legs par gnas par 'gyur bas so/ /de bzhin du tshor ba dang /'du shes dang / 'du byed rnams dang / rnam par shes pa stong pa nyid la legs par gnas par 'gyur bas so/ /de ci'i phyir zhe na/ de ni 'di ltar stong pa nyid kyis stong pa nyid la glags mi rnyed/ mtshan ma med pas mtshan ma med pa la glags mi rnyed/ smon pa med pas smon pa med pa la glags mi rnyed pas so/ /de bzhin du rigs kyi bu'am/ rigs kyi bu mo de dag gis phung po dang / khams dang / skye mched dang / rten cing 'brel bar 'byung ba stong pa nyid la legs par gnas par 'gyur/ pha rol tu phyin pa rnams dang / bden pa rnams dang /mngon par shes pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa stong pa nyid la legs par gnas par 'gyur/ de bzhin du stong pa nyid thams cad dang / ting nge 'dzin thams cad dang / gzungs kyi sgo thams cad dang /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams stong pa nyid la legs par gnas par 'gyur/ de bzhin du stobs bcu dang / mi 'jigs pa dang /so so yang dag par rig pa dang / sangs rgyas kyi chos ma 'dres pa bco brgyad la legs par gnas par 'gyur/ rnam pa thams cad mkhyen pa nyid kyi bar stong pa nyid la legs par gnas par 'gyur ro/ /de ci'i phyir zhe na/ de ni 'di ltar stong pa nyid kyis stong pa nyid la glags mi rnyed/mtshan ma med pas mtshan ma med pa la glags mi rnyed/ smon pa med pas smon pa med pa la glags mi rnyed pas so/ /de ci'i phyir zhe na/ de ni 'di ltar gang gis glags rnyed par 'gyur ba dang / gang du glags rnyed par 'gyur ba dang / gang la glags rnyed par 'gyur ba de dag gi ngo bo nyid med pas so zhes bya ba ni kun 'byung la rjes su shes pa'i bzod pa yin no//kau shi ka gzhan yang rigs kyi bu'am/ rigs kyi bu mo de dag la mi'am/ mi ma yin pa dag gis glags rnyed par mi 'gyur ro/ /de ci'i phyir zhe na/ de ni 'di ltar rigs kyi bu'am rigs kyi bu mo de dag gis de mi dmigs pa'i tshul gyis sems can thams cad kyi don du byams pa dang /snying rje dang / dga' ba dang / btang snyoms shin tu bsgom pa'i phyir ro/ /rigs kyi bu dang / rigs kyi bu mo de dag ni nyam nga ba ma spongs par dus byed par mi 'gyur ro/ /de ci'i phyir zhe na/de ni 'di ltar rigs kyi bu'am/ rigs kyi bu mo sbyin pa'i pha rol tu phyin pa la spyod pa de dag gis sems can thams cad la yang dag pa'i rim gros bsnyen bkur byas pa'i phyir ro/ /kau shi ka gang stong gsum gyi stong chen po'i 'jig rten gyi khams 'di na rgyal chen bzhi'i ris kyi lha'am/sum cu rtsa gsum pa'am/ 'thab bral ba'am/ dga' ldan pa'am/ 'phrul dga' ba'am/ gzhan 'phrul dbang byed pa'am/ tshangs ris pa'am/ tshangs pa mdun na 'don pa'am/ tshangs 'khor ba'am/ 'og min gyi bar gyi lha'i bu rnams kyis bla na med pa yang dag par rdzogs pa'i byang chub tu sems bskyed pa gang yin pa dang /lha'i bu gang gis shes rab kyi pha rol tu phyin pa 'di ma thos pa / ma bzung ba dang / ma bcangs pa dang / ma klags pa dang / kun chub par ma byas pa dang / tshul bzhin du yid la ma byas pa de dag gis kyang shes rab kyi pha rol tu phyin pa 'di mnyan par bya'o//gzung bar bya'o/ /bcang bar bya'o/ /klag par bya'o/ /kun chub par bya'o/ /tshul bzhin du yid la bya'o/ /rnam pa thams cad mkhyen pa nyid kyi sems dang yang ma bral bar bya'o zhes bya ba ni kun 'byung la rjes su shes pa yin no//kau shi ka gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed cing rnam pa thams cad mkhyen pa nyid kyi sems dang yang ma bral bar byed pa'i rigs kyi bu'am/rigs kyi bu mo de dag ni kau shi ka khyim stong pa na 'dug kyang rung / bla gab med pa na 'dug kyang rung / lam gol ba na 'dug kyang rung ste/ 'jigs pa'am rengs par mi 'gyur ro/ /de ci'i phyir zhe na/ de ni 'di ltar rigs kyi bu dang / rigs kyi bu mo de dag gis nang stong pa nyid mi dmigs pa'i tshul gyis shin tu bsgoms pa'i phyir ro//phyi stong pa nyid mi dmigs pa'i tshul gyis shin tu bsgoms pa'i phyir ro/ /phyi nang stong pa nyid mi dmigs pa'i tshul gyis shin tu bsgoms pa'i phyir ro/ /dngos po med pa'i ngo bo nyid stong pa nyid kyi bar du mi dmigs pa'i tshul gyis shin tu bsgoms pa'i phyir ro//de nas de'i tshe stong gsum gyi stong chen po'i 'jig rten gyi khams na rgyal po chen po bzhi'i ris kyi lha dang / sum cu rtsa gsum gyi lha dang / 'thab bral dang / dga' ldan dang / 'phrul dga' dang / gzhan 'phrul dbang byed dang / gnas gtsang ma'i bar gyi lha'i bu ji snyed yod pa de dag thams cad kyis bcom ldan 'das la 'di skad ces gsol to//bcom ldan 'das bdag cag gis rigs kyi bu dang / rigs kyi bu mo gang shes rab kyi pha rol tu phyin pa 'di la mos shing 'dzin pa dang / 'chang ba dang / klog pa dang / kun chub par bgyid pa dang /tshul bzhin du yid la bgyid cing gzhan la yang rgya cher ston pa dang / rnam pa thams cad mkhyen pa nyid yid la bgyid pa dang ma bral ba de dag la rtag tu rgyun mi 'chad par bsrung ba dang / sba ba dang / bskyab par bgyi'o/ /de ci'i phyir zhe na/ de ni 'di ltar bcom ldan 'das byang chub sems dpa' sems dpa' chen po la brten nas sems can dmyal ba thams cad rgyun 'chad par 'gyur/byol song gi skye gnas dang / gshin rje'i 'jig rten dang / lha las phongs pa dang / mi las dbul ba dang / gnod pa dang 'go ba'i nad thams cad rgyun 'chad par 'gyur/byang chub sems dpa' sems dpa' chen po la brten nas dge ba bcu'i las kyi lam rnams 'jig rten du 'byung bar 'gyur/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa 'jig rten du 'byung bar 'gyur/ nang stong pa nyid dang / phyi stong pa nyid dang /phyi nang stong pa nyid dang / dngos po med pa'i ngo bo nyid stong pa nyid kyi bar du 'jig rten du 'byung bar 'gyur/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /'phags pa'i lam yan lag brgyad pa dang / 'phags pa'i bden pa bzhi dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams 'jig rten du 'byung bar 'gyur ro//ting nge 'dzin du ma rnams dang / gzungs kyi sgo du ma rnams dang / rnam pa thams cad mkhyen pa nyid dang / byang chub sems dpa'i lam 'jig rten du 'byung bar 'gyur ro/ /gzhan yang byang chub sems dpa' sems dpa' chen po la brten nas rgyal rigs sA la chen po rnams 'jig rten du gdags so//bram ze'i rigs sA la chen po rnams 'jig rten du gdags so/ /khyim bdag gi rigs sA la chen po rnams 'jig rten du gdags so/ /'khor los sgyur ba'i rgyal po sA la chen po rnams 'jig rten du gdags so//rgyal chen bzhi'i ris kyi lha rnams 'jig rten du gdags so/ /de bzhin du sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa mdun na 'don dang / tshangs 'khor dang /tshangs chen dang / 'og min gyi bar gyi lha'i bu rnams 'jig rten du gdags so/ /gzhan yang byang chub sems dpa' sems dpa' chen po la brten nas rgyun du zhugs pa'i 'bras bur gdags so/ /rgyun du zhugs par gdags so/ /de bzhin du lan cig phyir 'ong ba'i 'bras bu dang /lan cig phyir 'ong ba dang / phyir mi 'ong ba'i 'bras bu dang / phyir mi 'ong ba dang / dgra bcom pa nyid dang / dgra bcom par 'jig rten du gdags so/ /rang byang chub dang / rang sangs rgyas su 'jig rten du rab tu gdags so/ /gzhan yang byang chub sems dpa' sems dpa' chen po la brten nas sems can yongs su smin par gdags so//sangs rgyas kyi zhing yongs su dag par gdags so/ /de bzhin gshegs pa dgra bcom pa yang dag par rdzogs pa'i sangs rgyas 'jig rten du gdags so/ /chos kyi 'khor lo bskor bar gdags so/ /sangs rgyas dkon mchog gdags so//chos dkon mchog gdags so/ /dge 'dun dkon mchog 'jig rten du gdags so/ /bcom ldan 'das rnam grangs des na lha dang / mi dang / lha ma yin dang / dri za dang / gnod sbyin dang / nam mkha' lding dang / mi'am ci dang / lto 'phye chen po dang / mi dang mi ma yin par bcas pa'i 'jig rten gyi byang chub sems dpa' sems dpa' chen po la bsrung ba dang /sba ba dang / bskyab par bgyi'o/ /de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ byang chub sems dpa' sems dpa' chen po la brten nas sems can dmyal ba dang / byol song gi skye gnas dang / gshin rje'i 'jig rten thams cad rgyun chad par 'gyur ro/ /lha las phongs pa dang / mi las dbul ba dang / gnod pa dang / 'go ba'i nad thams cad rgyun chad par 'gyur ro/ / byang chub sems dpa' sems dpa' chen po la brten nas dge ba bcu'i las kyi lam rnams 'jig rten du 'byung bar 'gyur ro/ /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / byang chub kyi phyogs kyi chos sum cu rtsa bdun rnams dang / bden pa rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad 'jig rten du 'byung bar 'gyur ro/ /byang chub sems dpa' sems dpa' chen po yod na stobs bcu dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams dang / rnam pa thams cad mkhyen pa nyid 'jig rten du 'byung bar 'gyur ro/ /byang chub sems dpa' sems dpa' chen po la brten nas rgyal rigs sA la chen po dang / bram ze'i rigs sA la chen po dang / khyim bdag gi rigs sA la chen po 'jig rten du gdags so//'khor los sgyur ba'i rgyal po 'jig rten du rab tu gdags so/ /rgyal chen bzhi'i ris kyi lha'i bu rnams dang / 'og min gyi bar gyi lha'i bu rnams 'jig rten du rab tu gdags so/ /rgyun du zhugs pa'i 'bras bu dang / rgyun du zhugs pa dang / de bzhin du lan cig phyir 'ong ba'i 'bras bu dang / lan cig phyir 'ong ba dang / phyir mi 'ong ba'i 'bras bu dang / phyir mi 'ong ba dang / dgra bcom pa nyid dang / dgra bcom pa 'jig rten du rab tu gdags so/ rang byang chub dang / rang sangs rgyas 'jig rten du rab tu gdags so/ / byang chub sems dpa' sems dpa' chen po la brten nas sems can yongs su smin par rab tu gdags so/ /sangs rgyas kyi zhing yongs su dag par rab tu gdags so/ /de bzhin gshegs pa dgra bcom pa yang dag par rdzogs pa'i sangs rgyas 'jig rten du rab tu gdags so//chos kyi 'khor lo bskor bar rab tu gdags so/ /byang chub sems dpa' sems dpa' chen po la brten nas sangs rgyas dkon mchog dang / chos dkon mchog dang / dge 'dun dkon mchog 'jig rten du 'byung bar 'gyur ro/ /kau shi ka de bas na lha dang mi dang / lha ma yin du bcas pa'i 'jig rten gyis byang chub sems dpa' sems dpa' chen po la rim gror bya'o//bla ma dang bsti stang du bya'o/ /mchod par bya'o/ /rtag tu rgyun mi 'chad par de la bsrung ba dang / sba ba dang / bskyab par bya'o/ / kau shi ka gang shes rab kyi pha rol tu phyin pa 'di la rim gror bya ba dang /bla mar bya ba dang / bsti stang du bya ba dang / mchod par bya bar sems pa de ni byang chub sems dpa' sems dpa' chen po la rim gror byed pa'o/ /de bas na lha dang mi dang / lha ma yin du bcas pa'i 'jig rten gyis byang chub sems dpa' sems dpa' chen po la rim gror bya'o/ / rtag tu rgyun mi 'chad par de la bsrung ba dang / sba ba dang / bskyab par bya'o/ /kau shi ka stong gsum gyi stong chen po'i 'jig rten gyi khams 'di lta ste dper na/ 'dam bu'i tshal lam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing bzhin du nyan thos dang /rang sangs rgyas kyis gang bar gyur la/ de dag la rigs kyi bu'am/ /rigs kyi bu mo gang la la zhig gis rim gror byas pa dang / bla mar byas pa dang / bsti stang du byas pa dang / mchod par byas pa bas byang chub sems dpa' sems dpa' chen po gang sems dang po bskyed pa pha rol tu phyin pa drug dang ma bral ba zhig la rim gror byas/bla mar byas/ bsti stang du byas/ mchod par byas na de ni de bas ches bsod nams mang du 'phel lo/ /de ci'i phyir zhe na/ 'di ltar kau shi ka nyan thos dang / rang sangs rgyas de dag la brten nas byang chub sems dpa' sems dpa' chen po rnams dang /de bzhin gshegs pa dgra bcom pa yang dag par rdzogs pa'i sangs rgyas 'jig rten du gdags pa ma yin gyi/ kau shi ka byang chub sems dpa' sems dpa' chen po la brten nas ni nyan thos dang / rang sangs rgyas thams cad dang / de bzhin gshegs pa dgra bcom pa yang dag par rdzogs pa'i sangs rgyas 'jig rten du gdags so//kau shi ka de bas na lha dang mi dang / lha ma yin du bcas pa'i 'jig rten gyis byang chub sems dpa' sems dpa' chen po la rim gror bya'o/ /bla mar bya'o/ /bsti stang du bya'o/ /mchod par bya'o/ / rtag tu rgyun mi 'chad par de la bsrung ba dang / sba ba dang / bskyab par bya'o zhes bya ba ni 'gog pa la chos shes pa'i bzod pa yin no/ / de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das ji tsam du byang chub sems dpa' sems dpa' chen po shes rab kyi pha rol tu phyin pa 'di 'dzin pa'am/'chang ba'am/ klog pa'am/ kun chub par bgyid pa'am/ tshul bzhin du yid la bgyid pa de dag gis mthong ba'i chos 'di la yon tan 'di dag yongs su 'dzin par 'gyur zhing / sems can rnams yongs su smin par bgyid pa dang /sangs rgyas kyi zhing yongs su dag par bgyid pa dang / sangs rgyas bcom ldan 'das rnams la bsnyen bkur bgyi ba'i slad du sangs rgyas kyi zhing nas sangs rgyas kyi zhing du mchi ba dang / sangs rgyas bcom ldan 'das rnams la bsnyen bkur byas pa'i dge ba'i rtsa ba gang gis 'dod na sangs rgyas bcom ldan 'das de dag la mchod par bgyi bar 'tshal ba'i mchod pa des de dag de bzhin du 'phel bar byed cing /gang yang sangs rgyas bcom ldan 'das de dag gi drung na gnas te chos nyan par byed do/ /chos gang thos pa de dag gis kyang bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du dran pa mi nyams pa dang /rigs phun sum tshogs pa yongs su 'dzin pa dang / ma ma phun sum tshogs pa dang / tshe phun sum tshogs pa dang / 'khor phun sum tshogs pa dang / mtshan phun sum tshogs pa dang / 'od phun sum tshogs pa dang / mig phun sum tshogs pa dang / dbyangs phun sum tshogs pa dang / ting nge 'dzin phun sum tshogs pa dang / gzugs phun sum tshogs pa dang / thabs mkhas pas bdag kyang sangs rgyas kyi skur mngon par sprul zhing 'jig rten gyi khams nas 'jig rten gyi khams su mchi ba dang /gang du sangs rgyas bcom ldan 'das rnams 'byung bar mi 'gyur ba de dag tu mchis shing sbyin pa'i pha rol tu phyin pa'i yon tan brjod pa dang / de bzhin du tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i yon tan brjod pa dang / nang stong pa nyid kyi yon tan brjod pa dang / de bzhin du phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyi yon tan brjod pa dang /bsam gtan gyi yon tan brjod pa dang / tshad med pa dang / gzugs med pa'i snyoms par 'jug pa'i yon tan brjod pa dang / dran pa nye bar gzhag pa rnams kyi yon tan brjod pa dang / de bzhin du yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa'i yon tan brjod pa dang / 'phags pa'i bden pa bzhi dang / mngon par shes pa dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa'i yon tan brjod pa dang / thabs mkhas pa bas chos ston pa dang / sems can rnams nyan thos kyi theg pa dang / rang sangs rgyas kyi theg pa dang / theg pa chen po sangs rgyas kyi theg pa gsum la 'dul ba ni ngo mtshar che'o zhes bya ba ni 'gog pa la chos shes pa yin no//de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das ji tsam du shes rab kyi pha rol tu phyin pa zab mo 'di yongs su gzung na/ pha rol tu phyin pa drug po thams cad yongs su gzung bar 'gyur ba ni 'di lta ste/sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / byang chub kyi phyogs kyi chos thams cad dang / ting nge 'dzin thams cad dang /gzungs kyi sgo thams cad dang / stong pa nyid thams cad dang / tshad med pa dang / bsam gtan dang / gzugs med pa'i snyoms par 'jug pa dang / bden pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa bco brgyad dang / so so ba dang / bsdus pa'i phung po dang / khams dang / skye mched kyi bar yongs su gzung bar 'gyur ba dang / rgyun du zhugs pa'i 'bras bu yongs su gzung bar 'gyur ba dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang rnam pa thams cad mkhyen pa nyid kyi bar du yongs su gzung bar 'gyur ba yang ngo mtshar che'o/ /de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to/ / kau shi ka de de bzhin no/ /de de bzhin te/ shes rab kyi pha rol tu phyin pa yongs su gzung bas pha rol tu phyin pa thams cad yongs su gzung bar 'gyur ro/ /de bzhin du byang chub kyi phyogs kyi chos thams cad dang / ting nge 'dzin thams cad dang / gzungs kyi sgo thams cad dang / stong pa nyid thams cad dang /tshad med pa dang / bsam gtan dang / gzugs med pa'i snyoms par 'jug pa dang / bden pa dang / mngon par shes pa dang / dge ba'i las kyi lam thams cad dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / so so ba dang / bsdus pa'i phung po dang / khams dang / skye mched dang / rten cing 'brel par 'byung ba'i bar dang / rnam pa thams cad mkhyen pa'i bar du yongs su gzung bar 'gyur ro/ /kau shi ka gzhan yang shes rab kyi pha rol tu phyin pa 'di bzung ba dang /bcangs pa dang / klags pa dang / kun chub par byas pa dang / bri bar byas pa dang / tshul bzhin du yid la byas na rigs kyi bu'am/ rigs kyi bu mos mthong ba'i chos 'di la yon tan gang yongs su 'dzin par 'gyur ba de dag bstan gyi shin tu legs par nyon la yid la gyis shig /bcom ldan 'das de ltar bgyi'o zhes nas lha rnams kyi dbang po brgya byin bcom ldan 'das la phyir nyan te/ bcom ldan 'das kyis de la 'di skad ces bka' stsal to/ /kau shi ka mu stegs can gzhan dang / bdud dam/ bdud kyi rigs su gtogs pa'i lha'am/gang zag nga rgyal can la la zhig byang chub sems dpa' sems dpa' chen po shes rab kyi pha rol tu phyin pa 'di dang bral bar 'dod pa dang / brgal bar 'dod pa dang / brtsad par 'dod pa dang / 'gal bar 'dod pa zhig byung na/ dbral bar 'dod pa dang / brgal bar 'dod pa dang /brtsad par 'dod pa dang / 'gal bar 'dod pa de dag gi dbral ba dang / brgal ba dang / brtsad pa dang / 'gal bar byed pa gang dang gang byung ba kun kyang myur du nub cing med par 'gyur te/ dbral bar 'dod pa dang / brgal bar 'dod pa dang / brtsad par 'dod pa dang / 'gal bar 'dod pa de dag gi bsam pa yongs su rdzogs par mi 'gyur ro/ /de ci'i phyir zhe na/ kau shi ka de ni 'di ltar byang chub sems dpa' sems dpa' chen po yun ring por sbyin pa'i pha rol tu phyin pa la spyod pa dang / de bzhin du tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa'i tshe/ gang gi don du sems can rnams yun ring por 'thab pa dang / rtsod pa dang / 'gal bar 'gyur ba'i phyi nang gi chos de dag thams cad nas thams cad du yongs su btang ste/sems can de dag sbyin pa'i pha rol tu phyin pa la rab tu bkod pa'i phyir ro/ /gang gi don du sems can de dag yun ring por tshul khrims ngan par gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag tshul khrims kyi pha rol tu phyin pa la rab tu bkod pa'i phyir ro//gang gi don du sems can de dag yun ring por khro ba dang / gnod sems dang / 'tshe bar gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag bzod pa'i pha rol tu phyin pa la rab tu bkod pa'i phyir ro//gang gi don du sems can de dag yun ring por le lor byed par gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag brtson 'grus kyi pha rol tu phyin pa la rab tu bkod pa'i phyir ro/ /gang gi don du sems can de dag yun ring por sems g.yengs par gyur pa'i phyi nang gi chos de dag byang chub sems dpa' sems dpa' chen pos yongs su btang ste/sems can de dag bsam gtan gyi pha rol tu phyin pa la rab tu bkod pa'i phyir ro/ /gang gi don du sems can de dag yun ring por shes rab 'chal bar gyur pa'i phyi nang gi chos de dag byang chub sems dpa' sems dpa' chen pos yongs su btang ste/shes rab kyi pha rol tu phyin pa la rab tu bkod pa'i phyir ro/ /kau shi ka gang gi don du sems can de dag 'di lta ste/ rjes su chags pa dang / khong khro ba dang / kun nas ldang ba 'khor ba nas 'khor bar gyur pa de dag byang chub sems dpa' sems dpa' chen pos rnam par bcil te/sems can de dag bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la rab tu bkod pa'i phyir ro/ /dran pa nye bar gzhag pa bzhi la rab tu bkod pa'i phyir ro//de bzhin du yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rnams dang / stong pa nyid rnams dang / mtshan ma med pa rnams dang / smon pa med pa rnams dang / ting nge 'dzin rnams dang / gzungs kyi sgo rnams la rab tu bkod pa'i phyir ro/ /'phags pa'i bden pa bzhi po rnams dang / mngon par shes pa rnams dang / stobs bcu po rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad po rnams la rab tu bkod pa'i phyir ro//rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu la rab tu bkod pa'i phyir ro/ /rang byang chub la rab tu bkod pa'i phyir ro//bla na med pa yang dag par rdzogs pa'i byang chub la rab tu bkod pa'i phyir ro/ /kau shi ka de ltar byang chub sems dpa' sems dpa' chen po byang chub sems dpa'i spyad pa spyod pa na mthong ba'i chos 'di la phan yon 'di dag 'byung ste/ tshe rabs gzhan la yang bla na med pa yang dag par rdzogs pa'i byang chub tu mngon par rdzogs par sangs rgyas nas chos kyi 'khor lo bskor te/sems can rnams smon lam ji lta ba bzhin du rab tu bkod nas phung po lhag ma ma lus pa'i mya ngan las 'das pa'i dbyings su yongs su mya ngan las 'da' bar 'gyur ro/ / kau shi ka 'di ni byang chub sems dpa' sems dpa' chen po rnams kyi tshe rabs gzhan la 'byung ba'i phan yon zhes bya ba ni 'gog pa la rjes su shes pa'i bzod pa yin no/ / kau shi ka gzhan yang sa'i phyogs gang na rigs kyi bu'am/ rigs kyi bu mo shes rab kyi pha rol tu phyin pa 'di 'dzin pa dang / 'chang ba dang /klog pa dang / kun chub par byed pa dang / tshul bzhin du yid la byed pa yod pa'i sa phyogs der bdud dang / bdud kyi rigs su gtogs pa'i lha'am/ mu stegs can gzhan dag kun tu rgyu ba'am/ gang zag nga rgyal can rnams kyis shes rab kyi pha rol tu phyin pa 'di la sems rnam par g.yengs pa'am/brgal ba'am/ brtsad pa'am/ 'gal bar bya ba'i phyir 'ong bar mi nus te/ de'i 'og tu de dag la phan yon 'byung bar 'gyur ba ni shes rab kyi pha rol tu phyin pa 'di mnyan pa'i rim pas theg pa gsum gyis nges par byung nas sdug bsngal mthar phyin par 'gyur ro/ /kau shi ka 'di lta ste dper na/rtsi ma g+hi zhes bya ba dug thams cad zhi bar byed pa zhig yod de/ der sbrul lam srog chags bkres pas mnar zhing zas tshol ba zhig gis srog chags kyi rigs la la zhig mthong bar gyur te/ des srog chags kyi rigs de bza' bar 'dod nas de'i rjes su 'brangs te bsnyen par gyur na/de nas srog chags kyi rigs de 'chi bas 'jigs shing skrag ste/ rtsi ma g+hi zhes bya ba gang na yod pa der song nas de nas rtsi de'i dri tshor ba tsam gyis phyir ldog par 'gyur ro/ /de ci'i phyir zhe na/ kau shi ka 'di ltar sbrul gyi gdug pa zil gyis gnon pa de ni rtsi ma g+hi'i rtsi'i yon tan yin pa'i phyir te/kau shi ka rtsi de ni de lta bu'i mthu dang ldan no/ /kau shi ka de bzhin du rigs kyi bu'am/ rigs kyi bu mo gang la la shes rab kyi pha rol tu phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed pa de la kau shi ka rgol ba dang / rtsod pa dang / 'gal bar byed pa gang dang gang byung ba de dag shes rab kyi pha rol tu phyin pa'i gzi brjid dang /shes rab kyi pha rol tu phyin pa'i mthus de dag myur du nye bar zhi ba dang med par 'gyur te/ gang dang gang nas byung ba de dang de nyid du med par 'gyur zhing rnam par 'phel bar mi 'gyur ro zhes bya ba ni 'gog pa la rjes su shes pa yin no// de ci'i phyir zhe na/ kau shi ka de ni 'di ltar shes rab kyi pha rol tu phyin pa ni chos thams cad nye bar zhi bar byed pa ste/ rnam par 'phel bar byed pa ma yin no/ /chos gang dag nye bar zhi bar byed cing rnam par 'phel bar byed pa ma yin zhe na/ 'di lta ste/ 'dod chags dang /zhe sdang dang / gti mug dang / ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / sdug bsngal gyi phung po chen po 'ba' zhig gi bar du nye bar zhi bar byed de/ rnam par 'phel bar byed pa ma yin no/ /bar du gcod pa dang / sgrib pa dang / bag la nyal ba dang / kun nas ldang ba dang / bdag tu lta ba dang / sems can du lta ba dang / srog tu lta ba dang / gso bar lta ba dang / skyes bur lta ba dang / gang zag tu lta ba dang / shed bur lta ba dang / shed las skyes su lta ba dang / byed pa por lta ba dang / tshor ba por lta ba dang / shes pa por lta ba dang / mthong ba por lta ba dang / chad par lta ba dang / rtag par lta ba dang / yod par lta ba dang / med par lta ba dang / lta ba'i rnam pa thams cad dang / ser sna dang / tshul khrims ngan pa dang / gnod sems dang / le lo dang / 'khrug pa dang / shes rab 'chal pa dang / rtag par 'du shes pa dang / bde bar 'du shes pa dang /bdag tu 'du shes pa dang / gtsang bar 'du shes pa dang / sdug par 'du shes pa dang / sred pa'i rnam par dpyod pa dang / gzugs su 'dzin pa dang / tshor ba dang / 'du shes dang / 'du byed rnams dang / rnam par shes par 'dzin pa dang / sbyin pa'i pha rol tu phyin par 'dzin pa dang /tshul khrims kyi pha rol tu phyin par 'dzin pa dang / bzod pa'i pha rol tu phyin par 'dzin pa dang / brtson 'grus kyi pha rol tu phyin par 'dzin pa dang / bsam gtan gyi pha rol tu phyin par 'dzin pa dang / shes rab kyi pha rol tu phyin par 'dzin pa dang / nang stong pa nyid du 'dzin pa dang / phyi stong pa nyid du 'dzin pa dang / phyi nang stong pa nyid du 'dzin pa dang / dngos po med pa'i ngo bo nyid stong pa nyid kyi bar du 'dzin pa dang / dran pa nye bar gzhag par 'dzin pa dang / yang dag par spong bar 'dzin pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /'phags pa'i lam rnams su 'dzin pa dang / tshad med pa dang / bsam gtan dang / gzugs med pa'i snyoms par 'jug par 'dzin pa dang / bden pa dang / mngon par shes par 'dzin pa dang / ting nge 'dzin thams cad dang / gzungs kyi sgo thams cad du 'dzin pa dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres par 'dzin pa dang / rnam pa thams cad mkhyen pa nyid du 'dzin pa dang / mya ngan las 'das par 'dzin pa nye bar zhi bar byed de/ rnam par 'phel bar byed pa ma yin no zhes bya ba ni lam la chos shes pa'i bzod pa yin no//de nas stong gsum gyi stong chen po'i 'jig rten gyi khams thams cad na 'jig rten skyong ba'i rgyal po chen po rnams dang / lha rnams kyi dbang po brgya byin dang / tshangs pa ji snyed yod pa dang / mi mjed kyi bdag po tshangs pa dang / 'og min gyi bar gyi lha'i bu de dag byang chub sems dpa' sems dpa' chen po gang shes rab kyi pha rol tu phyin pa 'di 'dzin cing 'chang ba dang / klog cing kun chub par byed pa dang / 'dri bar byed pa dang / tshul bzhin du yid la byed pa de dag la rtag tu rgyun mi 'chad par bsrung ba dang / bskyab pa dang /sba bar byed do// //bam po sum cu pa/ phyogs bcu'i 'jig rten gyi khams na sangs rgyas bcom ldan 'das gang bzhugs shing 'tsho skyong ba de dag kyang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang / klog cing kun chub par byed pa dang /tshul bzhin du yid la byed pa de la rtag tu rgyun mi 'chad par de bsrung ba dang / bskyab pa dang / sba bar mdzad de/ de ni mi dge ba'i chos rnams yongs su spangs shing / dge ba'i chos rnams yongs su 'phel bar 'gyur te/ 'di lta ste/ mi dmigs pa'i tshul gyis sbyin pa'i pha rol tu phyin pa dang /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pas rnam par 'phel bar 'gyur gyi yongs su 'grib par mi 'gyur ro/ /mi dmigs pa'i tshul gyis nang stong pa nyid kyis rnam par 'phel bar 'gyur gyi yongs su 'grib par mi 'gyur ro//de bzhin du mi dmigs pa'i tshul gyis phyi stong pa nyid dang / phyi nang stong pa nyid dang / dngos po med pa'i ngo bo nyid kyi bar gyis rnam par 'phel bar 'gyur gyi yongs su 'grib par mi 'gyur ro//mi dmigs pa'i tshul gyis dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyis rnam par 'phel bar 'gyur gyi yongs su 'grib par mi 'gyur ro/ /tshad med pa dang /bsam gtan dang / gzugs med pa'i snyoms par 'jug pa rnams kyis rnam par 'phel bar 'gyur gyi yongs su 'grib par mi 'gyur ro/ /bden pa rnams dang / mngon par shes pa rnams dang / stobs bcu rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams kyis rnam par 'phel bar 'gyur gyi yongs su 'grib par mi 'gyur ro/ /ting nge 'dzin thams cad dang / gzungs kyi sgo thams cad kyis rnam par 'phel bar 'gyur gyi yongs su 'grib par mi 'gyur ro/ /rnam pa thams cad mkhyen pa nyid kyi bar gyis rnam par 'phel bar 'gyur gyi yongs su 'grib par mi 'gyur ro zhes bya ba ni lam la chos shes pa yin no//de'i tshig blang bar 'os pa dang ldan par 'gyur ro/ /tshig ran par 'gyur ro/ /khro bas zil gyis non par mi 'gyur ro/ /nga rgyal gyis zil gyis non par mi 'gyur ro//ser sna can du mi 'gyur ro/ /phrag dog can du mi 'gyur ro/ /bdag kyang srog gcod pa spong bar 'gyur ro/ /gzhan yang srog gcod pa spong ba la yang dag par bskul bar 'gyur ro/ /srog gcod pa spong ba'i legs pa brjod par 'gyur/ gzhan srog gcod pa spong ba de rnams kyi legs pa brjod par 'gyur zhing /mthun pas dga' bar byed do/ /bdag kyang ma byin par len pa spong bar 'gyur/ gzhan yang ma byin par len pa spong ba la yang dag par bskul bar 'gyur/ ma byin par len pa spong ba'i legs pa brjod par 'gyur/ gzhan ma byin par len pa spong ba de rnams kyi yang legs pa brjod par 'gyur zhing mthun pas dga' bar byed do/ /bdag kyang 'dod pas log par spyod pa spong bar 'gyur/ gzhan yang 'dod pas log par spyod pa spong ba la bskul bar 'gyur/ 'dod pas log par spyod pa spong ba'i legs pa brjod par 'gyur/gzhan 'dod pas log par spyod pa spong ba de rnams kyi yang legs pa brjod par 'gyur zhing mthun pas dga' bar byed do/ /bdag kyang brdzun du smra ba spong bar 'gyur/ gzhan yang brdzun du smra ba spong ba la bskul bar 'gyur/ brdzun du smra ba spong ba'i legs pa brjod par 'gyur/gzhan yang brdzun du smra ba spong bar 'gyur ba de rnams kyi legs pa brjod par 'gyur zhing mthun pas dga' bar byed do/ /bdag kyang phra ma smra ba spong bar 'gyur/ gzhan yang phra ma smra ba spong ba la bskul bar 'gyur/ phra ma smra ba spong ba'i legs pa brjod par 'gyur/ gzhan yang phra ma'i tshig spong bar 'gyur ba de rnams kyi yang legs pa brjod par 'gyur zhing mthun pas dga' bar byed do//bdag kyang zhe gcod pa'i tshig spong bar 'gyur/ gzhan yang zhe gcod pa'i tshig spong ba la bskul bar 'gyur/ zhe gcod pa'i tshig spong ba'i legs pa brjod par 'gyur/ gzhan zhe gcod pa'i tshig spong ba gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang tshig kyal pa spong bar 'gyur/ gzhan yang tshig kyal pa spong ba la bskul bar 'gyur/ tshig kyal pa spong ba'i legs pa brjod par 'gyur/ gzhan tshig kyal pa spong bar 'gyur ba gang yin pa de rnams kyi legs pa brjod par 'gyur zhing mthun pas dga' bar byed do//bdag kyang brnab sems las rab tu ldog par 'gyur/ gzhan yang brnab sems spong ba la bskul bar 'gyur/ brnab sems las ldog pa'i bsngags pa brjod par 'gyur/ gzhan yang brnab sems las rab tu ldog par 'gyur ba gang yin pa de rnams kyi legs pa brjod par 'gyur zhing mthun pas dga' bar byed do/ /bdag kyang gnod sems las rab tu ldog par 'gyur/ gzhan yang gnod sems las rab tu ldog pa la bskul bar 'gyur/ gnod sems las rab tu ldog pa'i legs pa brjod par 'gyur/gzhan yang gnod sems rab tu ldog par 'gyur ba gang yin pa de rnams kyi legs pa brjod par 'gyur zhing mthun pas dga' bar byed do/ /bdag kyang log par lta ba las rab tu ldog par 'gyur/ gzhan yang log par lta ba las rab tu ldog pa la bskul bar 'gyur/log par lta ba las rab tu ldog pa'i legs pa brjod par 'gyur/ gzhan yang log par lta ba las rab tu ldog pa gang yin pa de rnams kyi legs pa brjod par 'gyur zhing mthun pas dga' bar byed do/ /bdag kyang sbyin pa'i pha rol tu phyin pa la gnas par 'gyur/ gzhan yang sbyin pa'i pha rol tu phyin pa la rab tu 'god par 'gyur/ sbyin pa'i pha rol tu phyin pa'i legs pa brjod par 'gyur/ gzhan yang sbyin pa'i pha rol tu phyin pa la 'jug par 'gyur ba gang yin pa de rnams kyi legs pa brjod par 'gyur zhing mthun pas dga' bar byed do/ /bdag kyang tshul khrims kyi pha rol tu phyin pa la gnas par 'gyur/gzhan yang tshul khrims kyi pha rol tu phyin pa la rab tu 'god par 'gyur/ tshul khrims kyi pha rol tu phyin pa'i legs pa brjod par 'gyur/ gzhan tshul khrims kyi pha rol tu phyin pa la spyod pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang bzod pa'i pha rol tu phyin pa la gnas par 'gyur/ gzhan yang bzod pa'i pha rol tu phyin pa la rab tu 'god par 'gyur/ bzod pa'i pha rol tu phyin pa'i legs pa brjod par 'gyur/ gzhan bzod pa'i pha rol tu phyin pa la spyod pa gang yin pa de rnams kyi legs pa brjod par 'gyur zhing mthun pas dga' par byed do//bdag kyang brtson 'grus kyi pha rol tu phyin pa la gnas par 'gyur/ gzhan yang brtson 'grus kyi pha rol tu phyin pa la 'god par 'gyur/ brtson 'grus kyi pha rol tu phyin pa'i legs pa brjod par 'gyur/gzhan brtson 'grus kyi pha rol tu phyin pa la spyod par 'gyur ba gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang bsam gtan gyi pha rol tu phyin pa la gnas par 'gyur/ gzhan yang bsam gtan gyi pha rol tu phyin pa la rab tu 'god par 'gyur/bsam gtan gyi pha rol tu phyin pa'i legs pa brjod par 'gyur/ gzhan bsam gtan gyi pha rol tu phyin pa la spyod pa gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang shes rab kyi pha rol tu phyin pa la gnas par 'gyur/gzhan yang shes rab kyi pha rol tu phyin pa la rab tu 'god par 'gyur/ shes rab kyi pha rol tu phyin pa'i legs pa brjod par 'gyur/ gzhan shes rab kyi pha rol tu phyin pa la spyod pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang nang stong pa nyid bsgom par 'gyur/ gzhan yang nang stong pa nyid la rab tu 'god par 'gyur/ nang stong pa nyid kyi legs pa brjod par 'gyur/ gzhan yang nang stong pa nyid bsgom pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang phyi stong pa nyid la rab tu gnas par 'gyur/ gzhan yang phyi stong pa nyid la rab tu 'god par 'gyur/ phyi stong pa nyid kyi legs pa brjod par 'gyur/ gzhan phyi stong pa nyid bsgom pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang phyi nang stong pa nyid la rab tu gnas par 'gyur/ gzhan yang phyi nang stong pa nyid la rab tu 'god par 'gyur/ phyi nang stong pa nyid kyi legs pa brjod par 'gyur/ gzhan phyi nang stong pa nyid bsgom pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang dngos po med pa'i ngo bo nyid stong pa nyid kyi bar la gnas par 'gyur/ gzhan yang dngos po med pa'i ngo bo nyid stong pa nyid kyi bar la rab tu 'god par 'gyur / dngos po med pa'i ngo bo nyid stong pa nyid kyi legs pa brjod par 'gyur/ gzhan dngos po med pa'i ngo bo nyid stong pa nyid sgom par byed pa de rnams kyi yang legs pa brjod par 'gyur zhing mthun pas dga' bar byed do//bdag kyang ting de 'dzin thams cad la snyoms par 'jug par 'gyur/ gzhan yang ting nge 'dzin thams cad la snyoms par 'jug pa la rab tu 'god par 'gyur/ting nge 'dzin thams cad la snyoms par 'jug pa'i legs pa brjod par 'gyur/ gzhan ting nge 'dzin thams cad la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang gzungs rnams thob par byed par 'gyur/gzhan yang gzungs rnams thob par byed pa la rab tu 'god par 'gyur/ gzungs rnams thob par byed pa'i legs pa brjod par 'gyur/ gzhan gzungs rnams thob pa gang yin pa de rnams kyi yang legs pa brjod par 'gyur zhing mthun pas dga' bar byed do/ / bdag kyang bsam gtan dang po la snyoms par 'jug par 'gyur/ gzhan yang bsam gtan dang po la snyoms par 'jug pa la rab tu 'god par 'gyur/ bsam gtan dang po la rab tu gnas pa'i legs pa brjod par 'gyur/ gzhan yang bsam gtan dang po la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang bsam gtan gnyis pa la snyoms par 'jug par 'gyur/ bsam gtan gsum pa la snyoms par 'jug par 'gyur/ bdag kyang bsam gtan bzhi pa la snyoms par 'jug par 'gyur/gzhan yang bsam gtan bzhi pa la rab tu 'god par 'gyur/ bsam gtan bzhi pa'i legs pa brjod par 'gyur/ gzhan bsam gtan bzhi pa la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do/ / bdag kyang byams pa la snyoms par 'jug par 'gyur/ gzhan yang byams pa la snyoms par 'jug pa la rab tu 'god par 'gyur/ byams pa la snyoms par 'jug pa'i legs pa brjod par 'gyur/ gzhan byams pa la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang snying rje dang dga' ba dang / btang snyoms la snyoms par 'jug par 'gyur/ gzhan yang snying rje dang dga' ba dang / btang snyoms la snyoms par 'jug pa la rab tu 'god par 'gyur/ snying rje dang dga' ba dang / btang snyoms la snyoms par 'jug pa'i legs pa brjod par 'gyur/gzhan snying rje dang dga' ba dang / btang snyoms la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang nam mkha' mtha' yas skye mched la snyoms par 'jug par 'gyur/gzhan yang nam mkha' mtha' yas skye mched la snyoms par 'jug pa la rab tu 'god par 'gyur/ nam mkha' mtha' yas skye mched la snyoms par 'jug pa'i legs pa brjod par 'gyur/ gzhan nam mkha' mtha' yas skye mched la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang rnam shes mtha' yas skye mched la snyoms par 'jug /bdag kyang cung zad med pa'i skye mched la snyoms par 'jug /bdag kyang 'du shes med 'du shes med min skye mched la snyoms par 'jug par 'gyur/ gzhan yang 'du shes med 'du shes med min skye mched la snyoms par 'jug pa la rab tu 'god par 'gyur/'du shes med 'du shes med min skye mched la snyoms par 'jug pa'i legs pa brjod par 'gyur/ gzhan 'du shes med 'du shes med min skye mched la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang dran pa nye bar gzhag pa bsgom par 'gyur/ gzhan dran pa nye bar gzhag pa bsgom pa la rab tu 'god par 'gyur/ dran pa nye bar gzhag pa sgom pa'i legs pa brjod par 'gyur/ gzhan dran pa nye bar gzhag pa sgom pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun bsgom par 'gyur/ bdag kyang 'phags pa'i lam yan lag brgyad pa bsgom par 'gyur/ gzhan yang lam bsgom pa la rab tu 'god par 'gyur/ lam sgom pa'i legs pa brjod par 'gyur/ gzhan lam sgom pa gang yin pa de rnams kyi yang legs pa brjod par 'gyur zhing mthun pas dga' bar byed do/ / bdag kyang 'phags pa'i bden pa bzhi bsgom par 'gyur/ gzhan yang 'phags pa'i bden pa bzhi bsgom pa la rab tu 'god par 'gyur/ 'phags pa'i bden pa bzhi sgom pa'i legs pa brjod par 'gyur/ gzhan 'phags pa'i bden pa bzhi sgom pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang stong pa nyid dang / mtshan ma med pa dang / smon pa med pa'i ting nge 'dzin bsgom par 'gyur/ gzhan yang stong pa nyid dang / mtshan med pa dang / smon pa med pa'i ting nge 'dzin la rab tu 'god par 'gyur/ stong pa nyid dang / mtshan ma med pa dang / smon pa med pa'i ting nge 'dzin gyi legs pa brjod par 'gyur/ gzhan stong pa nyid dang / mtshan ma med pa dang / smon pa med pa'i ting nge 'dzin sgom pa gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang rnam par thar pa brgyad la snyoms par 'jug par 'gyur/gzhan yang rnam par brgyad la snyoms par 'jug pa la rab tu 'god par 'gyur/ rnam par thar pa brgyad kyi legs pa brjod par 'gyur/ gzhan rnam par thar pa brgyad la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang mthar gyis gnas pa'i snyoms par 'jug pa dgu la snyoms par 'jug par 'gyur/ gzhan yang mthar gyis gnas pa'i snyoms par 'jug pa dgu la snyoms par 'jug pa la rab tu 'god par 'gyur/ mthar gyis gnas pa'i snyoms par 'jug pa dgu'i legs pa brjod par 'gyur/gzhan mthar gyis gnas pa'i snyoms par 'jug pa dgu la snyoms par 'jug pa gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi la snyoms par 'jug par 'gyur/ gzhan yang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la rab tu 'god par 'gyur/ de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi'i legs pa brjod par 'gyur/ gzhan de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la snyoms par 'jug par 'gyur ba gang yin pa de rnams kyi yang legs pa brjod par 'gyur zhing mthun pas dga' bar byed do//bdag kyang sangs rgyas kyi chos ma 'dres pa bco brgyad bsgrub par 'gyur/ gzhan yang sangs rgyas kyi chos ma 'dres pa bco brgyad bsgrub ba la rab tu 'god par 'gyur/ sangs rgyas kyi chos ma 'dres pa bco brgyad bsgrub pa'i legs pa brjod par 'gyur/gzhan sangs rgyas kyi chos ma 'dres pa bco brgyad bsgrub pa gang yin pa de rnams kyi yang legs pa brjod par 'gyur zhing mthun pas dga' bar byed do/ /bdag kyang yongs su mi nyams pa'i chos thob par 'gyur/ gzhan yang yongs su mi nyams pa'i chos thob pa la yongs su 'god par 'gyur/yongs su mi nyams pa'i chos kyi legs pa brjod par 'gyur/ gzhan gang yongs su mi nyams pa'i chos nyid thob pa de dag gi yang legs pa brjod cing mthun pas dga' bar byed do/ /bdag kyang rnam pa thams cad mkhyen pa nyid la rab tu gnas par 'gyur/ gzhan yang rnam pa thams cad mkhyen pa nyid thob par bya ba la rab tu 'god par 'gyur/ rnam pa thams cad mkhyen pa nyid kyi legs pa brjod par 'gyur/ gzhan rnam pa thams cad mkhyen pa nyid thob par byed pa gang yin pa de rnams kyi yang legs pa brjod par 'gyur zhing mthun pas dga' bar byed do zhes bya ba ni lam la rjes su shes pa'i bzod pa yin no//kau shi ka gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sbyin pa yongs su gtong ba gang yin pa de yang sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo bar 'gyur ro//tshul khrims srung ba gang yin pa de yang sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su sngo bar byed do/ /bzod pa skom pa gang yin pa de yang sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su sngo bar byed do//brtson 'grus rtsom pa gang yin pa de yang sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su sngo bar byed do//bsam gtan la snyoms par 'jug pa gang yin pa de yang sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su sngo bar byed do/ /shes rab sgom pa gang yin pa de yang sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su sngo bar byed do//kau shi ka rigs kyi bu'am rigs kyi bu mo de ltar pha rol tu phyin pa drug la spyod pa'i tshe/ 'di ltar gal te bdag gis sbyin pa ma btang na ngan song gi rgyud du skye bar 'gyur te/bdag gis sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur te/ gal te de ltar gyur na rnam pa thams cad mkhyen pa nyid thob par yang lta ga la 'gyur ro/ /gal te bdag gis tshul khrims ma bsrungs na log pa'i sgo nas ngan song gsum du 'jug par 'gyur te/bdag lha dang mir skye bar yang mi 'gyur/ bdag gis sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur te/ de ltar gyur na rnam pa thams cad mkhyen pa nyid thob par yang ga la 'gyur ro//gal te bdag gis bzod pa bsgoms par ma gyur na/ bdag gi dbang po rnams kyang nyams par 'gyur/ bdag gi bzhin gyi dkyil 'khor yang gzi brjid med par 'gyur/ gzugs phun sum tshogs pa thob par yang mi 'gyur te/ gzugs phun sum tshogs pa gang gis byang chub sems dpa'i spyad pa spyod pa'i tshe/sems can rnams kyis bdag mthong ma thag tu bla na med pa yang dag par rdzogs pa'i byang chub tu nges par mi 'gyur ro / /gzugs phun sum tshogs pas sems can yongs su smin par yang mi 'gyur/ sangs rgyas kyi zhing yongs su dag par mi 'gyur /de ltar na rnam pa thams cad mkhyen pa nyid thob par ga la 'gyur/ gal te bdag le lo can du gyur na byang chub sems dpa'i lam sgom par yang mi 'gyur/ sems can yongs su smin par yang mi 'gyur/ sangs rgyas kyi zhing yongs su dag par mi 'gyur/brtson 'grus ma brtsams na 'di ltar sangs rgyas kyi chos yongs su rdzogs par mi 'gyur te/ de ltar gyur na rnam pa thams cad mkhyen pa nyid thob par yang ga la 'gyur/ gal te bdag gi sems rnam par g.yengs par gyur na rnam par g.yengs pas ni ting nge 'dzin thams cad yongs su rdzogs par mi 'gyur/sems can yongs su smin par yang mi 'gyur/ sangs rgyas kyi zhing yongs su dag par mi 'gyur te/ de ltar gyur na rnam pa thams cad mkhyen pa nyid thob par ga la 'gyur ro/ /gal te bdag thabs mi mkhas pa dang shes rab 'chal par gyur na nyan thos kyis dang /rang sangs rgyas kyi sa las 'das te sems can rnams yongs su smin par byas nas sangs rgyas kyi zhing yongs su sbyangs te/ rnam pa thams cad mkhyen pa nyid du mngon par rdzogs par 'tshang mi rgya bas mi slob ste / de la bdag 'di ltar yang dag par slob ste/ bdag gis ser sna'i dbang gis sbyin pa'i pha rol tu phyin pa yongs su rdzogs par mi bya ba dang /tshul khrims ngan pa'i dbang gis tshul khrims kyi pha rol tu phyin pa dang / gnod sems kyi dbang gis bzod pa'i pha rol tu phyin pa dang / le lo'i dbang gis brtson 'grus kyi pha rol tu phyin pa dang / rnam par g.yengs pa'i dbang gis bsam gtan gyi pha rol tu phyin pa dang /shes rab 'chal pa'i dbang gis shes rab kyi pha rol tu phyin pa yongs su rdzogs par mi bya ba 'di ni mi rigs par 'gyur te/ sbyin pa'i pha rol tu phyin pa yongs su rdzogs par ma byas/ de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par ma byas par rnam pa thams cad mkhyen pa nyid du nges par 'byung bar mi 'gyur ro zhes dran pa skyed par byed do/ /kau shi ka de ltar rigs kyi bu'am/ rigs kyi bu mo gang shes rab kyi pha rol tu phyin pa 'dzin cing 'chang ba dang /klog cing kun chub par byed pa dang / 'dri bar byed pa dang / tshul bzhin du yid la byed cing rnam pa thams cad mkhyen pa nyid kyi sems dang yang ma bral ba de dag gis tshe 'di dang / tshe rabs gzhan gyi phan yon rab tu 'thob par 'gyur ro zhes bya ba ni lam la rjes su shes pa yin te/'di dag gis ni byang chub sems dpa'i mthong ba'i lam gsungs pa yin no/ /de skad ces bka' stsal pa dang / lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa 'di de ltar byang chub sems dpa' sems dpa' chen po rnams yongs su dul ba dang nga rgyal ma mchis pa'i don du nye bar gnas pa ngo mtshar che'o//bcom ldan 'das kyis bka' stsal pa/ kau shi ka ji ltar na shes rab kyi pha rol tu phyin pa 'di byang chub sems dpa' sems dpa' chen po rnams yongs su dul ba dang nga rgyal med pa'i don du nye bar gnas pa yin/de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das 'di la byang chub sems dpa' sems dpa' chen po 'jig rten pa'i sbyin pa'i pha rol tu phyin pa la spyod cing sangs rgyas bcom ldan 'das rnams dang /rang sangs rgyas rnams dang / nyan thos rnams la sbyin pa yongs su gtong bar bgyid cing de 'di ltar bdag ni sangs rgyas rnams dang / byang chub sems dpa' rnams dang / rang sangs rgyas rnams dang / nyan thos rnams dang / nyam thag pa rnams dang / 'gron po dang /slong ba rnams la sbyin pa yongs su gtong ngo snyam nas de thabs mi mkhas pa'i sbyin pa des nga rgyal du 'gyur ro/ /byang chub sems dpa' sems dpa' chen po de 'jig rten pa'i tshul khrims bsrung zhing / bcom ldan 'das bdag ni tshul khrims kyi pha rol tu phyin pa 'di lta bu la spyod do/ /bdag ni tshul khrims kyi pha rol tu phyin pa yongs su rdzogs par byed do snyam ste/de des nga rgyal du 'gyur ro/ /byang chub sems dpa' sems dpa' chen po de 'jig rten pa'i bzod pa sgom par byed cing bcom ldan 'das bdag ni bzod pa'i pha rol tu phyin pa 'di lta bu la spyod do/ /bdag ni bzod pa'i pha rol tu phyin pa yongs su rdzogs par byed do snyam nas de des nga rgyal du 'gyur ro//byang chub sems dpa' sems dpa' chen po de 'jig rten pa'i brtson 'grus rtsom par byed cing / bcom ldan 'das bdag ni brtson 'grus kyi pha rol tu phyin pa 'di lta bu la spyod do/ /bdag ni brtson 'grus kyi pha rol tu phyin pa yongs su rdzogs par byed do snyam nas de des nga rgyal du 'gyur ro//byang chub sems dpa' sems dpa' chen po de 'jig rten pa'i bsam gtan la snyoms par 'jug par byed cing / bcom ldan 'das bdag ni bsam gtan gyi pha rol tu phyin pa 'di lta bu la spyod do/ /bdag ni bsam gtan gyi pha rol tu phyin pa yongs su rdzogs par byed do snyam nas de des nga rgyal du 'gyur ro//byang chub sems dpa' sems dpa' chen po de 'jig rten pa'i shes rab kyi pha rol tu phyin pa la spyod cing thabs mi mkhas pas/ bcom ldan 'das bdag ni shes rab kyi pha rol tu phyin pa la spyod do/ / bdag ni shes rab kyi pha rol tu phyin pa yongs su rdzogs par byed do snyam nas de des nga rgyal du 'gyur ro/ /byang chub sems dpa' sems dpa' chen po de 'jig rten pa'i dran pa nye bar gzhag pa sgom par byed cing 'di snyam du bdag ni dran pa nye bar gzhag pa sgom par byed do/ /bdag ni yang dag par spong ba dang /bdag ni rdzu 'phrul gyi rkang pa dang / bdag ni dbang po dang / bdag ni stobs dang / bdag ni byang chub kyi yan lag dang / bdag ni 'phags pa'i lam yan lag brgyad pa sgom par byed do/ /bdag ni stong pa nyid dang / mtshan ma med pa dang / smon pa med pa'i ting nge 'dzin sgom par byed do/ /bdag ni ting nge 'dzin thams cad dang / bdag ni gzungs kyi sgo thams cad dang / bdag ni tshad med pa dang / bdag ni bsam gtan dang / bdag ni gzugs med pa'i snyoms par 'jug pa sgom par byed do/ /bdag ni 'phags pa'i bden pa bzhi dang /bdag ni mngon par shes pa dang / bdag ni stobs bcu dang / bdag ni mi 'jigs pa bzhi dang / bdag ni so so yang dag par rig pa bzhi dang / bdag ni sangs rgyas kyi chos ma 'dres pa bco brgyad sgom par byed do/ /bdag ni sems can rnams yongs su smin par byed do//bdag ni sangs rgyas kyi zhing yongs su dag par byed do/ /bdag ni rnam pa thams cad mkhyen pa nyid thob par byed do snyam du sems nas bdag dang bdag gir bgyi ba la mngon par chags pa des nga rgyal du 'gyur ro/ /bcom ldan 'das byang chub sems dpa' sems dpa' chen po de ltar 'jig rten pa'i chos rnams la spyod cing /bdag dang bdag gir bgyi ba la mngon par chags pas nga rgyal du 'gyur ba de la shes rab kyi pha rol tu phyin pa yongs su dul ba dang nga rgyal ma mchis pa'i slad du nye bar gnas so zhes bya ba ni kun nas dul ba'i byed pa'o/ /bcom ldan 'das 'di la byang chub sems dpa' sems dpa' chen po 'jig rten las 'das pa'i chos la spyad cing sbyin pa gtong ba na sbyin pa yang mi dmigs/gtong ba yang mi dmigs/ len pa yang mi dmigs te / de ltar shes rab kyi pha rol tu phyin pa la spyod pa'i byang chub sems dpa' sems dpa' chen po yongs su dul ba dang nga rgyal ma mchis pa'i slad du nye bar gnas par 'gyur ro//de bzhin du tshul khrims srung ba dang / bzod pa sgrub pa dang / brtson 'grus rtsom pa dang / bsam gtan la snyoms par 'jug pa dang / shes rab sgom pa'i shes rab tu yang mi dmigs so/ /de bzhin du dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams sgom pa mi dmigs so/ /tshad med pa dang / bsam gtan dang / gzugs med pa'i snyoms par 'jug pa dang / 'phags pa'i bden pa dang /mngon par shes pa sgom pa mi dmigs so/ /stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad sgom pa mi dmigs so/ /stong pa nyid thams cad dang / ting nge 'dzin thams cad dang / gzungs kyi sgo thams cad sgom pa mi dmigs so//de bzhin du byams pa chen po dang / snying rje chen po sgom pa mi dmigs so/ /rnam pa thams cad mkhyen pa nyid kyi bar sgom pa mi dmigs so/ /bcom ldan 'das de ltar shes rab kyi pha rol tu phyin pa ni byang chub sems dpa' sems dpa' chen po yongs su dul ba dang nga rgyal ma mchis pa'i slad du nye bar gnas par 'gyur ro zhes bya ba ni thams cad nas 'dud pa'i byed pa dag bstan pa yin no//de nas bcom ldan 'das kyis lha rnams kyi dbang po brgya byin la 'di skad ces bka' stsal to/ /kau shi ka rigs kyi bu'am rigs kyi bu mo gang shes rab kyi pha rol tu phyin pa zab mo 'di 'dzin pa'am/'chang ba'am/ klog pa'am/ kun chub par byed pa'am/ kha ton byed pa'am/ tshul bzhin du yid la byed pa zhig 'thab mo'i nang du 'dug cing g.yul ngor chas pa'i tshe/ der gal te rigs kyi bu'am/ rigs kyi bu mo des shes rab kyi pha rol tu phyin pa 'di kha ton du byas nas song ste 'dug na rigs kyi bu'am rigs kyi bu mo de pham par mi 'gyur te/gdon mi za bar rgyal bar 'gyur ro/ /rgyal nas ma smas ma nyams par 'thab mo de las thar bar 'gyur te/ kau shi ka rigs kyi bu'am rigs kyi bu mo gang shes rab kyi pha rol tu phyin pa zab mo 'di kha ton du byed cing g.yul ngor song song ba las srog gi bar chad du 'gyur ba ni mi srid de/gnas med skabs med do/ /gal te de'i lus la la la zhig gis mda' 'phangs sam/ mtshon gyis btab na lus la phog cing 'dzugs par mi 'gyur ro/ /de ci'i phyir zhe na/ de ni 'di ltar rigs kyi bu'am/ rigs kyi bu mo de yun ring por shes rab kyi pha rol tu phyin pa 'di nyid la spyad de/ bdag gi 'dod chags kyi mtshon dang / 'dod chags kyi mda' yang bcom/ gzhan gyi 'dod chags kyi mtshon dang / 'dod chags kyi mda' yang bcom/ bdag gi zhe sdang gi mtshon dang / zhe sdang gi mda' yang bcom/gzhan gyi zhe sdang gi mtshon dang / zhe sdang gi mda' yang bcom/ bdag gi gti mug gi mda' dang / gti mug gi mtshon yang bcom/ gzhan gyi gti mug gi mtshon dang / gti mug gi mda' yang bcom/ bdag gi lta bas byas pa'i mtshon dang / lta bas byas pa'i mda' yang bcom/gzhan gyi lta bas byas pa'i mtshon dang / lta bas byas pa'i mda' yang bcom/ bdag gi kun nas ldang ba'i mtshon dang / kun nas ldang ba'i mda' yang bcom/ gzhan gyi kun nas ldang ba'i mtshon dang / kun nas ldang ba'i mda' yang bcom/ bdag gi bag la nyal ba'i mtshon dang /bag la nyal ba'i mda' yang bcom/ gzhan gyi bag la nyal ba'i mtshon dang / bag la nyal ba'i mda' yang bcom pa'i phyir ro/ /kau shi ka rnam grangs des na rigs kyi bu'am/ rigs kyi bu mo de'i lus la mtshon nam/ mda' 'phangs kyang 'dzugs par mi 'gyur ro zhes bya ba ni nyon mongs pa las rgyal ba'i byed pa yin no//kau shi ka gzhan yang gal te rigs kyi bu'am/ rigs kyi bu mo shes rab kyi pha rol tu phyin pa zab mo 'di 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ kha ton byed par 'gyur/ tshul bzhin du yid la byed par 'gyur/rnam pa thams cad mkhyen pa nyid kyi sems dang yang ma bral bar 'gyur ba de la la la zhig gis dug gis gtor ram/ byad byas sam/ me'i 'obs su gtor ram/ mtshon gyis btab bam/ dug blud dam/ chur bor yang rung ste/ de dag thams cad kyis de la gnod par mi 'gyur ro//de ci'i phyir zhe na/ kau shi ka 'di lta ste shes rab kyi pha rol tu phyin pa 'di ni rig sngags chen mo'o/ /kau shi ka 'di lta ste shes rab kyi pha rol tu phyin pa 'di ni rig sngags bla na med pa'o/ /kau shi ka 'di la slob pa'i rigs kyi bu'am/ rigs kyi bu mo ni bdag la yang gnod par mi byed/gzhan la yang gnod par mi byed/ gnyis ka la yang gnod par mi byed do zhes bya ba ni gnod pas brdzi ba med pa'i byed pa yin no/ /de ci'i phyi zhe na/ de ni 'di ltar bdag mi dmigs pa'i phyir ro/ /gzhan mi dmigs pa'i phyir ro/ /gzugs mi dmigs pa'i phyir ro//tshor ba dang / 'du shes dang / 'du byed rnams dang / rnam par shes pa mi dmigs pa'i phyir ro/ /so so ba dang / bsdus pa'i phung po dang / khams dang / skye mched dang / rten cing 'brel par 'byung ba dang / pha rol tu phyin pa dang / byang chub kyi phyogs kyi chos dang / tshad med pa dang / bsam gtan dang / gzugs med pa'i snyoms par 'jug pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang /rnam pa thams cad mkhyen pa nyid kyi bar du yang mi dmigs pa'i phyir ro/ /mi dmigs pas bdag la yang gnod par mi byed/ gzhan la yang gnod par mi byed/ gnyis ka la yang gnod par mi byed de/ de bla na med pa yang dag par rdzogs pa'i byang chub 'thob cing sems can thams cad la rnam par blta bar 'gyur ro//de ci'i phyir zhe na/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis rig sngags 'di nyid la bslabs nas bla na med pa yang dag par rdzogs pa'i byang chub tu mngon par rdzogs par sangs rgyas so/ /ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang /shes rab kyi pha rol tu phyin pa 'di nyid la bslabs nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /da ltar phyogs bcu'i 'jig rten gyi khams kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang shes rab kyi pha rol tu phyin pa 'di nyid la bslabs te/bla na med pa yang dag par rdzogs pa'i byang chub tu mngon par rdzogs par sangs rgyas so zhes bya ba ni yang dag par rdzogs pa'i byang chub pa'i byed pa yin no/ / kau shi ka gzhan yang shes rab kyi pha rol tu phyin pa ni bris nas 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ ston par 'gyur/ tshul bzhin du yid la byed par 'gyur ba der mi'am/ mi ma yin pas glags lta ba dang / glags tshol bas glags rnyed par mi 'gyur ro//de ci'i phyir zhe na/ de ni 'di ltar 'dir shes rab kyi pha rol tu phyin pa 'chad pa'i phyir/ stong gsum gyi stong chen po'i 'jig rten gyi khams kyi rgyal chen bzhi'i ris kyi lha'i bu rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang /tshangs ris dang / tshangs pa mdun na 'don dang / tshangs 'khor dang / 'og min gyi bar gyi lha rnams dang / 'jig rten gyi khams tshad med grangs med pa rnams kyi rgyal chen bzhi'i ris kyi lha rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa mdun na 'don dang / tshangs 'khor dang / 'og min gyi bar gyi lha'i bu gang ji snyed pa de dag thams cad kyang rigs kyi bu'am/ rigs kyi bu mo gang gis shes rab kyi pha rol tu phyin pa zab mo 'di bris nas 'chang bar 'gyur/ klog par 'gyur ba de dag la bsrung ba dang / bskyab pa dang / sbed par byed de/ de ltar lha'i bu dag 'ongs nas kyang shes rab kyi pha rol tu phyin pa 'di la rim gror byed par 'gyur/ bla mar byed par 'gyur/ bsti stang du byed par 'gyur/ mchod par byed par 'gyur te/ mchod pa byas shing 'dong bar 'gyur ro/ / gang shes rab kyi pha rol tu phyin pa 'di bris te 'chang bar 'gyur/ klog par 'gyur ba de la mthong ba'i chos la phan yon 'di dag 'byung bar 'gyur ro/ /kau shi ka 'di lta ste dper na/ byang chub kyi snying po la 'dug gam/ snying po byang chub kyi khor yug na 'dug gam/ snying po byang chub kyi nang na 'dug pa'i dud 'gro'i skye gnas su gtogs nas bzung ba gang su dag kyang rung ste/de dag la mi'am mi ma yin pas gtse ba'am/ tho 'tshams par mi nus so/ /de ci'i phyir zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang de la bzhugs nas/bla na med pa yang dag par rdzogs pa'i byang chub tu mngon par rdzogs par sangs rgyas la/ ma byon pa dang / da ltar gyi de bzhin gshegs pa dgra bcom pa yang dag par rdzogs pa'i sangs rgyas kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//mngon par rdzogs par 'tshang rgya'o/ /mngon par rdzogs par sangs rgyas nas kyang / sems can thams cad bde ba dang / 'jigs pa med pa dang / 'khon med pa dang / gcugs med pa dang / mi skrag pa dang / rtsod pa med pa dang / 'gran zla med pa la 'god par byed do//bde ba dang / 'jigs pa med pa dang / 'khon med pa dang / gcugs med pa dang / mi skrag pa dang / rtsod pa med pa dang / 'gran zla med pa la bkod nas kyang sems can tshad med pa grangs med pa thams cad lha dang mi'i phun sum tshogs pa la 'god par byed do//rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub nyid dang / bla na med pa yang dag par rdzogs pa'i byang chub la 'god par byed do/ /de ci'i phyir zhe na/ shes rab kyi pha rol tu phyin pa 'di nyid kyis sa'i phyogs de sems can thams cad kyi mchod rten du gyur par byas pas me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos phyag bya ba dang / bla mar bya ba dang / bsti stang du bya ba dang /mchod par bya ba dang / rim gror bya ba dang / bkur stir bya bar 'gyur ro zhes bya ba ni rten pa'i yul mchod pa byed pa yin te/ 'di dag gis ni byed pa gsungs so/ /de nas yang bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das rigs kyi bu'am rigs kyi bu mo gang la las shes rab kyi pha rol tu phyin pa 'di bris shing glegs bam du chud par bgyid de bcangs la/de la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / kho ra khor yug tu mar me'i phreng ba dang /mchod pa rnam pa mang po dag gis rim gro dang / bla ma dang / bsti stang dang / mchod par bgyid pa dang / gang la las de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i sku gdung rnams mchod rten du stsal te stsal nas kyang de la me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gro dang / bla ma dang / bsti stang dang / mchod pa bgyid na de dag las bsod nams kyi phung po gang mang du 'phel ba lags/de skad ces gsol pa dang / bcom ldan 'das kyi lha rnams kyi dbang po brgya byin la bka' stsal pa/ kau shi ka de bas na khyod nyid la dris/ ji ltar bzod pa de bzhin du 'dir lung ston cig /kau shi ka de ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas kyi rnam pa thams cad mkhyen pa nyid dang /gang yang de bzhin gshegs pa'i bdag gi dngos po 'di mngon par grub pa de lam gang la bslabs pas de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas te bdag gi dngos po 'di lta bu mngon par 'grub par 'gyur/de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das shes rab kyi pha rol tu phyin pa 'di nyid la bslabs te/de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas te bdag gi dngos po 'di mngon par grub po/ /bcom ldan 'das kyis bka' stsal pa/ kau shi ka de de bzhin no//de de bzhin te/ shes rab kyi pha rol tu phyin pa 'di nyid la bslabs nas de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas te bdag gi dngos po 'di mngon par grub po//des na kau shi ka bdag gi dngos po 'di thob pas ni de bzhin gshegs pa de bzhin gshegs pa zhes bya ba'i grangs su mi 'gro'i/ rnam pa thams cad mkhyen pa nyid thob pas de bzhin gshegs pa de bzhin gshegs pa zhes bya ba'i grangs su 'gro'o/ /kau shi ka rnam pa thams cad mkhyen pa nyid gang yin pa de ni shes rab kyi pha rol tu phyin pa las byung ngo //de ltar na de bzhin gshegs pa'i bdag gi dngos po 'di thob pa ni shes rab kyi pha rol tu phyin pa las byung ba nyid de/ thams cad mkhyen pa'i ye shes kyi rten du gyur pa yin no/ /de ltar na rten 'di la brten nas thams cad mkhyen pa'i ye shes thob pa 'byung bar 'gyur/sangs rgyas 'byung bar 'gyur/ chos 'byung bar 'gyur/ dge 'dun 'byung bar 'gyur ro/ /de ltar bdag gi dngos po 'di thob pa yang rnam pa thams cad mkhyen pa nyid kyi ye shes 'di'i rgyu can dang gzhir gyur pas sems can thams cad kyi mchod rten du gyur cing phyag bya ba dang /rim gror bya ba dang / bla mar bya ba dang / bsti stang du bya ba dang / mchod par bya ba dang / rjed par bya ba dang / bkur sti bya bar 'gyur te/ nga yongs su mya ngan las 'das par gyur kyang de ltar sku gdung 'di rnams la mchod par 'gyur ro//kau shi ka de bas na rigs kyi bu'am/ rigs kyi bu mo gang la las shes rab kyi pha rol tu phyin pa 'di bris nas glegs bam du chud par byas te 'chang bar 'gyur/ klog par 'gyur te/ me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnam pa sna tshogs pa mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na 'di nyid de bas ches bsod nams mang du 'phel lo/ /de ci'i phyir zhe na/ de ni rigs kyi bu'am/ rigs kyi bu mo de dag gis thams cad mkhyen pa'i ye shes la mchod pa byas par 'gyur bas so//kau shi ka rigs kyi bu'am rigs kyi bu mo gang la las de bzhin gshegs pa yongs su mya ngan las 'das pa'i sku gdung rin po che sna bdun gyi rang bzhin gyi mchod rten du bcug gam/ rin po che sna bdun gyi rang bzhin gyi snod du blugs shing gces par byas te/de la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas pa nas/ bkur sti'i bar du byas pa bas/ gang gis shes rab kyi pha rol tu phyin pa 'di bris shing bsti stang du byed pa'am glegs bam du chud par byas kyang rung ste/de la rim gror bya ba dang / bla mar bya ba dang / bsti stang du bya ba dang / mchod par bya ba dang / rjed par bya ba dang / bkur stir byas na 'di nyid de bas ches bsod nams mang du 'phel lo//de ci'i phyir zhe na/ de ni thams cad mkhyen pa'i ye shes la mchod pa byas par 'gyur la pha rol tu phyin pa lnga yang 'di las byung ngo / /nang stong pa nyid dang / dngos po med pa'i ngo bo nyid stong pa nyid kyi bar yang 'di nyid las byung ngo / /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / mngon par shes pa dang / bden pa rnams kyang 'di las byung ngo / /tshad med pa dang / bsam gtan dang / gzugs med pa'i snyoms par 'jug pa yang 'di las byung ngo //de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa bco brgyad kyang 'di las byung ngo / /ting nge 'dzin thams cad dang / gzungs kyi sgo thams cad kyang 'di las byung ngo / /sems can yongs su smin pa yang 'di las byung ngo //sangs rgyas kyi zhing yongs su dag par bya ba yang 'di las byung ngo / /byang chub sems dpa' sems dpa' chen po'i rigs phun sum tshogs pa dang / longs spyod phun sum tshogs pa dang / 'khor phun sum tshogs pa yang 'di las byung ngo / /byams pa chen po dang / snying rje chen po yang 'di las byung ngo / /rgyal rigs sA la chen po nyid dang / bram ze'i rigs sA la chen po nyid dang / khyim bdag gi rigs sA la chen po nyid kyang 'di las byung ngo / /rgyal chen bzhi'i ris kyi lha'i bu rnams dang / sum cu rtsa gsum dang / 'thab bral dang /dga' ldan dang / 'phrul dga' dang / gzhan 'phrul dbang byed dang / tshangs 'khor dang / tshangs pa mdun na 'don dang / tshangs pa chen po dang / 'og min gyi bar gyi lha'i bu rnams kyang 'di las byung ngo / /rgyun du zhugs pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa dang / rang sangs rgyas rnams kyang 'di las byung ngo / /byang chub sems dpa' sems dpa' chen po yang 'di las byung ngo / /de bzhin gshegs pa dgra bcom pa yang dag par rdzogs pa'i sangs rgyas kyang 'di las byung ngo / /bsam gyis mi khyab pa dang /mi mnyam pa dang / bla na med pa dang / gong na med pa dang / mi mnyam pa dang mnyam pa'i rnam pa thams cad mkhyen pa nyid kyang 'di las byung ngo zhes bya ba ni rang gi don gyi mos pa chung ngu'i chung ngu yin no/ /de nas yang bcom ldan 'das la lha rnams kyi dbang po brgya byin gyis 'di skad ces gsol to//bcom ldan 'das 'dzam bu'i gling gi mi gang lags pa 'di rnams shes rab kyi pha rol tu phyin pa 'di la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror mi bgyid/ bla mar mi bgyid/ bsti stang du mi bgyid/ mchod par mi bgyid/ rjed par mi bgyid/ bkur stir mi bgyid pa de ni bcom ldan 'das ci lags de dag gis shes rab kyi pha rol tu phyin pa mchod pa de ltar don chen po lags par ma 'tshal lam/ mchod par bgyid par mi 'gyur ba shes rab kyi pha rol tu phyin pa de ltar phan yon che bar ma 'tshal lam/de skad ces gsol pa dang / bcom ldan 'das kyis lha rnams kyi dbang po brgya byin la bka' stsal pa/ kau shi ka de ji snyam du sems/ 'dzam bu'i gling gi mi de dag las gang sangs rgyas la mi phyed pa'i dad pa dang ldan pa dang /gang chos la mi phyed pa'i dad pa dang ldan pa dang / gang dge 'dun la mi phyed pa'i dad pa dang ldan pa dang / gang sangs rgyas la nem nur med pa dang / gang chos la nem nur med pa dang / gang dge 'dun la nem nur med pa dang / gang sangs rgyas la shin tu rton pa dang / gang chos la shin tu rton pa dang /gang dge 'dun la shin tu rton pa de lta bu ni ji snyed cig yod/ de nas yang bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das 'dzam bu'i gling gi mi de dag las gang sangs rgyas la mos pa mi phyed pa'i dad pa dang ldan pa dang / gang chos la mi phyed pa'i dad pa dang ldan pa dang / gang dge 'dun la mi phyed pa'i dad pa dang ldan pa dang / gang sangs rgyas la nem nur ma mchis pa dang / gang chos la nem nur ma mchis pa dang / gang dge 'dun la nem nur ma mchis pa dang / gang sangs rgyas la shin tu rton pa dang / gang chos la shin tu rton pa dang /gang dge 'dun la shin tu rton pa de lta bu ni shin tu nyung ngo / /bcom ldan 'das kyis bka' stsal pa/ kau shi ka de de bzhin no/ /de de bzhin te/ kau shi ka de ji snyam du sems/ 'dzam bu'i gling gi mi de dag las byang chub kyi phyogs kyi chos sum cu rtsa bdun thob pa ni ji snyed cig yod/'dzam bu'i gling gi mi de dag las rnam par thar pa'i sgo gsum thob pa ni ji snyed cig yod/ 'dzam bu'i gling gi mi de dag las rnam par thar pa brgyad thob pa ni ji snyed cig yod/ 'dzam bu'i gling gi mi de dag las mthar gyis gnas pa'i snyoms par 'jug pa dgu thob pa de lta bu ni ji snyed cig yod/'dzam bu'i gling gi mi de dag las gang so so yang dag par rig pa bzhi thob pa ni ji snyed cig yod/ 'dzam bu'i gling gi mi de dag las gang mngon par shes pa drug thob pa ni ji snyed cig yod/ 'dzam bu'i gling gi mi de dag las gang kun tu sbyor ba gsum spangs pa'i phyir rgyun du zhugs par gyur pa ni ji snyed cig yod/'dzam bu'i gling gi mi de dag las gang 'dod chags dang / zhe sdang dang / gti mug bsrabs pa'i phyir lan cig phyir 'ong bar gyur pa ni ji snyed cig yod/ 'dzam bu'i gling gi mi de dag las gang dam pa ma yin pa'i cha'i kun tu sbyor ba lnga spangs pa'i phyir/ phyir mi 'ong bar gyur pa ni ji snyed cig yod/'dzam bu'i gling gi mi de dag las gang bla ma'i cha'i kun tu sbyor ba lnga spangs pa'i phyir dgra bcom par gyur pa ni ji snyed cig yod/ 'dzam bu'i gling gi mi de dag las gang rang byang chub tu yang dag par zhugs par gyur pa ni ji snyed cig yod/'dzam bu'i gling gi mi de dag las gang bla na med pa yang dag par rdzogs pa'i byang chub tu yang dag par zhugs par gyur pa ni ji snyed cig yod/ brgya byin gyis gsol pa/ bcom ldan 'das 'dzam bu'i gling gi mi de dag las kyang byang chub kyi phyogs kyi chos sum cu rtsa bdun thob pa ni nyung ngo //rnam par thar pa'i sgo gsum thob pa ni de bas kyang ches nyung ngo / /gang rnam par thar pa brgyad thob pa ni de bas kyang ches nyung ngo / /gang mthar gyis gnas pa'i snyoms par 'jug pa dgu thob pa ni de bas kyang ches nyung ngo / /gang so so yang dag par rig pa bzhi thob pa ni de bas kyang ches nyung ngo //gang mngon par shes pa drug thob pa ni de bas kyang ches nyung ngo / /'dzam bu'i gling gi mi de dag las gang kun tu sbyor ba gsum spangs pas rgyun du zhugs par gyur pa ni de bas kyang ches nyung ngo / /gang 'dod chags dang / zhe sdang dang / gti mug bsrabs pas lan cig phyir 'ong bar gyur pa ni de bas kyang ches nyung ngo //gang dam pa ma yin pa'i cha can gyi kun tu sbyor ba lnga spangs pas phyir mi 'ong bar gyur pa de ni de bas kyang ches nyung ngo / /gang bla ma'i cha can gyi kun tu sbyor ba lnga spangs pas dgra bcom par gyur pa ni de bas kyang ches nyung ngo / /gang rang byang chub tu yang dag par zhugs par gyur pa ni de bas kyang ches nyung ngo //'dzam bu'i gling gi mi de dag las gang bla na med pa yang dag par rdzogs pa'i byang chub tu yang dag par zhugs par gyur pa ni de bas kyang ches nyung ngo / /bcom ldan 'das kyis bka' stsal pa/ kau shi ka de de bzhin no/ /de de bzhin te/'dzam bu'i gling gi mi de dag las gang sangs rgyas dang / chos dang / dge 'dun la mi phyed pa'i dad pa dang ldan pa dang / gang sangs rgyas dang / chos dang / dge 'dun la nem nur med pa dang / gang sangs rgyas dang / chos dang / dge 'dun la shin tu rton pa ni nyung ba de dag bas kyang ches nyung ngo //gang byang chub kyi phyogs kyi chos sum cu rtsa bdun sgom par byed pa ni nyung ba de dag bas kyang ches nyung ngo / /gang rnam par thar pa'i sgo gsum sgom par byed pa ni nyung ba de dag bas kyang ches nyung ngo / /gang rnam par thar pa brgyad sgom par byed pa ni nyung ba de dag bas kyang ches nyung ngo //gang mthar gyis gnas pa'i snyoms par 'jug pa dgu sgom par byed pa ni nyung ba de dag bas kyang ches nyung ngo / /gang so so yang dag par rig pa bzhi sgom par byed pa ni nyung ba de dag bas kyang ches nyung ngo / /gang mngon par shes pa drug sgom par byed pa ni nyung ba de dag bas kyang ches nyung ngo //gang rgyun du zhugs par gyur pa ni de bas kyang ches nyung ngo / /gang lan cig phyir 'ong bar gyur pa de ni de bas kyang ches nyung ngo / /gang phyir mi 'ong bar gyur pa ni de bas kyang ches nyung ngo / /gang dgra bcom par gyur pa ni de bas kyang ches nyung ngo / /gang rang byang chub tu yang dag par zhugs par gyur pa ni de bas kyang ches nyung ngo //gang bla na med pa yang dag par rdzogs pa'i byang chub tu yang dag par zhugs par gyur pa ni nyung ba de dag bas kyang ches nyung ngo / /gang byang chub tu spyod par gyur pa ni de dag bas kyang ches nyung ngo / /de ci'i phyir zhe na/ de ni 'di ltar sngon 'khor ba na 'khor ba'i tshe/ sangs rgyas ma mthong ba dang / chos ma thos pa dang / dge 'dun la bsnyen bkur ma byas pa dang / sbyin pa ma byin pa dang / tshul khrims ma bsrungs pa dang / bzod pa ma bsgoms pa dang / brtson 'grus ma brtsams pa dang / bsam gtan ma bsgoms pa dang /shes rab ma bsgoms pa dang / sbyin pa'i pha rol tu phyin pa ma thos pa dang / de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ma thos pa dang /thabs mkhas pa ma thos pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du ma thos pa dang / byang chub kyi phyogs kyi chos sum cu rtsa bdun ma thos pa dang / ting nge 'dzin rnams dang /gzungs kyi sgo thams cad dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams ma thos pa dang / 'phags pa'i bden pa rnams ma thos pa dang / mngon par shes pa rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad ma thos pa dang / rnam pa thams cad mkhyen pa nyid ma thos pa dang / mang du ma thos pa'i phyir ro/ /kau shi ka rnam grangs des na sems can de dag las gang sangs rgyas la mi phyed pa'i dad pa dang ldan pa dang / chos la mi phyed pa'i dad pa dang ldan pa dang / dge 'dun la mi phyed pa'i dad pa dang ldan pa ni nyung ngo / /gang sangs rgyas dang / chos dang / dge 'dun la nem nur med pa ni nyung ngo / /gang sangs rgyas dang / chos dang / dge 'dun la shin tu rton pa ni nyung ngo //'dzam bu'i gling gi mi de dag las gang dge ba bcu'i las kyi lam la rton pa ni nyung ngo / /de dag las gang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab bsgoms pa dang ldan pa ni nyung ngo //de dag las gang byang chub kyi phyogs kyi chos sum cu rtsa bdun sgom par byed pa ni nyung ngo / /de dag las gang rnam par thar pa'i sgo gsum sgom par byed pa ni nyung ngo / /de dag las gang rnam par thar pa brgyad sgom par byed pa ni nyung ngo / / de dag las gang mthar gyis gnas pa'i snyoms par 'jug pa dgu sgom par byed pa ni nyung ngo //de dag las gang so so yang dag par rig pa bzhi sgom pa ni nyung ngo / /de dag las gang mngon par shes pa drug sgom par byed pa ni nyung ngo / /'dzam bu'i gling gi mi de dag las gang kun tu sbyor ba gsum spangs nas rgyun du zhugs pa dang /'dod chags dang / zhe sdang dang / gti mug bsrabs pa las lan cig phyir 'ong ba dang / dam pa ma yin pa'i cha can gyi kun tu sbyor ba lnga spangs pas phyir mi 'ong ba dang / bla ma'i cha can gyi kun tu sbyor ba lnga spangs pas dgra bcom par gyur pa ni ches nyung ngo / /'dzam bu'i gling gi mi de dag las gang rang sangs rgyas kyi theg pa la yang dag par gnas pa ni nyung ba de dag bas kyang ches nyung ngo //gang bla na med pa yang dag par rdzogs pa'i byang chub tu yang dag par zhugs par gyur pa ni nyung ba de dag bas kyang ches nyung ngo / /gang byang chub tu spyod par gyur pa ni de bas kyang ches nyung ngo //gang byang chub kyi sems 'phel bar byed pa ni de bas kyang ches nyung ngo / /gang shes rab kyi pha rol tu phyin pa'i sbyor ba la zhugs pa ni de bas kyang ches nyung ngo / /gang phyir mi ldog pa'i sa la gnas nas bla na med pa yang dag par rdzogs pa'i byang chub tu mngon par rdzogs par 'tshang rgya ba ni de nas kyang ches nyung ngo //kau shi ka ngas 'di nas sangs rgyas kyi spyan sgrib pa med pas shar phyogs kyi 'jig rten gyi khams gang gA'i klung gi bye ma snyed dag na sems can tshad med pa grangs med pa bla na med pa yang dag par rdzogs pa'i byang chub tu sems pa bskyed pa nas shes rab kyi pha rol tu phyin pa la spyod kyang /shes rab kyi pha rol tu phyin pa'i thabs mkhas pa dang mi ldan pas de dag las gcig gam gnyis shig byang chub sems dpa'i sa phyir mi ldog pa la gnas par 'gyur gyi/ de las phal cher nyan thos dang / rang sangs rgyas kyi sa la gnas par 'gyur ba ma mthong ngo //de ci'i phyir zhe na/ kau shi ka bla na med pa yang dag par rdzogs pa'i byang chub ni le lo can/ brtson 'grus dman pa/ mos pa dman pa/ sems dman pa/ shes rab 'chal pa can rnams kyis bsgrub par dka'o/ /de bzhin du kau shi ka ngas 'di nas sangs rgyas kyi spyan sgrib pa med pas/lho dang / nub dang / byang dang / steng dang / 'og dang / phyogs mtshams kyi 'jig rten gyi khams gang gA'i klung gi bye ma snyed dag na sems can tshad med grangs med pa bla na med pa yang dag par rdzogs pa'i byang chub tu spyod kyang / shes rab kyi pha rol tu phyin pa'i thabs mkhas pa dang mi ldan pas de dag las gcig gam gnyis shig phyir mi ldog pa'i sa la gnas par 'gyur gyi /de las phal cher nyan thos dang / rang sangs rgyas kyi sa la gnas par 'gyur ba mthong ngo / /de ci'i phyir zhe na/ kau shi ka bla na med pa yang dag par rdzogs pa'i byang chub ni le lo can dang / brtson 'grus dman pa/mos pa dman pa/ sems dman pa/ shes rab 'chal pa rnams kyis bsgrub par dka'o zhes bya ba ni rang gi don gyi mos pa chung ngu'i 'bring yin no/ / kau shi ka de bas na rigs kyi bu'am/ rigs kyi bu mo gang bla na med pa yang dag par rdzogs pa'i byang chub tu myur ba dang /bde bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas yang dang yang du shes rab kyi pha rol tu phyin pa 'di nyid mnyan par bya'o/ /gzung bar bya'o/ /bcang bar bya'o/ /klag par bya'o/ /kun chub par bya'o/ /rab tu bskor bar bya'o/ / yongs su dri bar bya'o/ /tshul bzhin du yid la bya'o/ /me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror bya'o/ /bsti stang du bya'o/ /mchod par bya'o/ /dge ba'i chos gang ci snyed pa gzhan yang shes rab kyi pha rol tu phyin pa 'di'i nang du 'dus te/de dag kyang gzung bar bya/ bcang bar bya/ klag par bya/ kun chub par bya/ tshul bzhin du yid la bya ste/ 'di ltar sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / tshad med pa bzhi dang / bsam gtan bzhi dang /gzugs med pa'i snyoms par 'jug pa bzhi dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang /gzhan yang sangs rgyas kyi chos tshad med pa gang ji snyed cig shes rab kyi pha rol tu phyin pa 'di'i nang du 'dus pa de dag kyang gzung bar bya'o/ /bcang bar bya'o/ /tshul bzhin du yid la bya ba'i bar du bya'o/ /de ci'i phyir zhe na/ kau shi ka de ni 'di ltar rigs kyi bu'am rigs kyi bu mo de dag 'di ltar shes par 'gyur te/de bzhin gshegs pa sngon byang chub sems dpa'i spyad pa spyod pa'i tshe de yang 'di lta ste/ shes rab kyi pha rol tu phyin pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun rnams dang /tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang /byams pa chen po dang / snying rje chen po dang / gzhan yang sangs rgyas kyi chos gzhal du med pa dag la bslabs pa'i phyir/ bdag cag gis kyang 'dir bslab par bya'o/ /shes rab kyi pha rol tu phyin pa 'di de bzhin gshegs pa bzhugs kyang rung / yongs su mya ngan las 'das kyang rung ste 'di ni bdag cag gi ston pa'o//byang chub sems dpa' sems dpa' chen pos shes rab kyi pha rol tu phyin pa 'di nyid rab tu spel bar bya'o zhes bya ba 'di ni rang gi don gyi mos pa chung ngu'i chen po yin no/ /de nas lha rnams kyi dbang po brgya byin gyis bcom ldan 'das la 'di skad ces gsol to//bcom ldan 'das rigs kyi bu'am/ rigs kyi bu mo shes rab kyi pha rol tu phyin pa la rim gror bgyid pa dang / bla mar bgyid pa dang / bsti stang du bgyid pa dang / mchod par bgyid pa de bsod nams ji snyed cig 'phel bar 'gyur ba lags// // bam po sum cu gcig pa/ bcom ldan 'das kyis bka' stsal pa/ kau shi ka rigs kyi bu'am/ rigs kyi bu mo gang la la zhig gis de bzhin gshegs pa yongs su mya ngan las 'das nas mchod pa'i phyir rin po che sna bdun gyi mchod rten 'phang du dpag tshad tsam bya ste/ byas nas kyang nam 'tsho'i bar du khor yug tu lha rdzas kyi me tog dang /spos dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas na/ kau shi ka de la ji snyam du sems/rigs kyi bu'am rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am rigs kyi bu mo gang shes rab kyi pha rol tu phyin pa 'di bris shing 'dzin pa dang /'chang ba dang / klog pa dang / kun chub par byed pa dang / tshul bzhin du yid la byed pa dang / gzhan dag la yang rgya cher ston cing / rnam pa thams cad mkhyen pa nyid dang ldan pa'i sems dang mi bral bar me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed/ bla mar byed/ bsti stang du byed/ mchod par byed na de'i bsod nams ches mang du 'phel lo zhes bya ba ni rang gi don gyi mos pa 'bring gi chung ngu yin no/ / kau shi ka rin po che'i rang bzhin gyi mchod rten lta zhog gi /kau shi ka rigs kyi bu'am rigs kyi bu mos de bzhin gshegs pa yongs su mya ngan las 'das nas mchod pa'i phyir/ 'dzam bu'i gling 'dir rin po che sna bdun gyi rang bzhin gyi mchod rten 'phang du dpag tshad tsam byas nas yongs su bkang ste/de dag la lha rdzas kyi me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na kau shi ka de la ji snyam du sems/rigs kyi bu'am rigs kyi bu mo de de'i rgyus bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am rigs kyi bu mo gang shes rab kyi pha rol tu phyin pa 'di bris shing 'dzin pa dang /'chang ba dang / klog pa dang / kun chub par byed pa dang / rab tu ston par byed pa dang / tshul bzhin du yid la byed cing rnam pa thams cad mkhyen pa nyid kyi sems dang mi bral bar me tog dang / spos dang / dri dang / phreng ba dang /byug pa dang / phye ma dang / na bza' dang / gdugs dang / rgyal mtshan dang / ba dan dang / mchod pa rnam pa mang pos rim gror byed/ bla mar byed/ bsti stang du byed/ mchod par byed/ rjed par byed/ bkur stir byed na bsod nams ches mang du 'phel lo zhes bya ba ni rang gi don gyi mos pa 'bring gi 'bring yin no//kau shi ka 'dzam bu'i gling 'di de bzhin gshegs pa'i mchod rten gyis yongs su bkang ba lta zhog gi /kau shi ka gal te rigs kyi bu'am/ rigs kyi bu mos de bzhin gshegs pa yongs su mya ngan las 'das nas mchod pa'i phyir gling bzhi pa'i 'jig rten gyi khams 'di rin po che sna bdun las byas pa'i mchod rten 'phang du dpag tshad tsam byas pas yongs su bkang ste/de dag la lha rdzas kyi me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na/ kau shi ka de ji snyam du sems/ rigs kyi bu'am/ rigs kyi bu mo de de'i rgyus bsod nams ches mang du 'phel lam/ brgya byin gyis gsol pa/ bcom ldan 'das mang ngo //bde bar gshegs pa mang ngo / /bcom ldan 'das kyi bka' stsal pa/ kau shi ka de bas kyang rigs kyi bu'am rigs kyi bu mo gang shes rab kyi pha rol tu phyin pa 'di glegs bam du byas te 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang /bris shing me tog dang / spos dang / dri dang / phreng ba dang / byug ba dang / phye ma dang / na bza' dang / gdugs dang / rgyal mtshan dang / ba dan mang pos rim gror byed/ bla mar byed/ bsti stang du byed/ mchod par byed/ rjed par byed/ bkur stir byed na bsod nams ches mang du 'phel lo zhes bya ba ni rang gi don gyi mos pa 'bring gi chen po yin no/ /kau shi ka gling bzhi pa'i 'jig rten gyi khams de bzhin gshegs pa'i mchod rten gyis yongs su gang ba lta zhog gi /kau shi ka gal te rigs kyi bu'am rigs kyi bu mo gang la la zhig gis de bzhin gshegs pa yongs su mya ngan las 'das nas mchod pa'i phyir/stong gi 'jig rten gyi khams rin po che sna bdun las byas pa'i mchod rten 'phang du dpag tshad tsam pas yongs su bkang ste/ de dag la lha rdzas kyi me tog dang / spos dang / dri dang / phreng ba dang / byug pa dang /phye ma dang / na bza' dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na / kau shi ka de ji snyam du sems/ rigs kyi bu'am rigs kyi bu mo de de'i gzhi las bsod nams ches mang du 'phel lam/brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di chung ngu na bris te glegs bam du byas shing 'dzin pa dang /'chang ba dang / klog pa dang / kun chub par byed pa dang / tshul bzhin du yid la byed cing me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed/ bla mar byed/bsti stang du byed/ mchod par byed/ rjed par byed/ bkur stir byed na bsod nams ches mang du 'phel lo zhes bya ba ni rang gi don gyi mos pa chen po'i chung ngu yin no/ /kau shi ka stong gi 'jig rten gyi khams de bzhin gshegs pa'i mchod rten gyis bkang ba lta zhog gi /kau shi ka rigs kyi bu'am/rigs kyi bu mo gang la la zhig gis de bzhin gshegs pa yongs su mya ngan las 'das nas mchod pa'i phyir/ stong gnyis pa'i 'jig rten gyi khams rin po che sna tshogs pa las byas pa'i mchod rten 'phang du dpag tshad tsam pas yongs su bkang ste/ de dag la lha rdzas kyi me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na/ kau shi ka de ji snyam du sems/ rigs kyi bu'am rigs kyi bu mo de de'i gzhi las bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di chung ngu na bris shing glegs bam du chud par byas te/'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed/ bla mar byed/ bsti stang du byed/ mchod par byed/ rjed par byed/ bkur stir byed na bsod nams ches mang du 'phel lo zhes bya ba ni rang gi don gyi mos pa chen po'i 'bring yin no/ /kau shi ka stong gnyis pa'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi /kau shi ka gal te rigs kyi bu dang / rigs kyi bu mo gang la la zhig gis de bzhin gshegs pa yongs su mya ngan las 'das nas mchod pa'i phyir/ stong gsum gyi stong chen po'i 'jig rten gyi khams rin po che sna bdun las byas pa'i mchod rten 'phang du dpag tshad tsam pas yongs su bkang ste/bkang nas kyang de dag la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na/ kau shi ka de ji snyam du sems/ rigs kyi bu'am/ rigs kyi bu mo de de'i gzhi las bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo //bcom ldan 'das kyis bka' stsal pa/ kau shi ka de bas kyang rigs kyi bu'am rigs kyi bu mo gang shes rab kyi pha rol tu phyin pa 'di chung ngu nas glegs bam du chud par byas nas 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed/ bla mar byed/ bsti stang du byed/ mchod par byed/ rjed par byed/ bkur stir byed na bsod nams ches mang du 'phel lo zhes bya ba ni rang gi don gyi mos pa chen po'i chen po yin no// kau shi ka stong gsum gyi stong chen po'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi /kau shi ka stong gsum gyi stong chen po'i 'jig rten gyi khams kyi sems can ji snyed cig yod pa de dag las sems can re res de bzhin gshegs pa yongs su mya ngan las 'das nas mchod pa'i phyir/rin po che sna bdun las byas pa'i mchod rten 'phang du dpag tshad tsam byas te de dag la lha rdzas kyi me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas na/ kau shi ka de ji snyam du sems/ sems can de de'i gzhi las bsod nams mang du 'phel lam/ brgya byin gyis gsol pa/ bcom ldan 'das mang ngo / / bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang la las shes rab kyi pha rol tu phyin pa 'di chung ngu na glegs bam du chud par byas nas 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang /rnam pa thams cad mkhyen pa nyid kyi sems dang ma bral bar byas te/ me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan rnams kyis rim gror byas/ bla mar byas/bsti stang du byas/ mchod par byas/ rjed par byas/ bkur stir byas na 'di nyid ches bsod nams mang du 'phel lo/ /de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das de de ltar lags so//bde bar gshegs pa de de ltar lags so/ /bcom ldan 'das shes rab kyi pha rol tu phyin pa la rim gror bgyis pa dang / bla mar bgyis pa dang / bsti stang du bgyis pa dang / mchod par bgyis pa ni 'das pa dang / ma byon pa dang / da ltar byung ba'i sangs rgyas bcom ldan 'das rnams la rim gror bgyis pa dang /bla mar bgyis pa dang / bsti stang du bgyis pa dang / mchod par bgyis par 'gyur ro/ /shar phyogs kyi 'jig rten gyi khams gang gA'i klung gi bye ma snyed dag na sems can ji snyed cig mchis pa de dag las sems can re res kyang de bzhin gshegs pa yongs su mya ngan las 'das nas mchod pa'i slad du rin po che sna bdun las bgyis pa'i mchod rten 'phang du dpag tshad tsam pa bgyis te de dag la bskal pa'am/bskal pa las lhag par me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan rnams kyis rim gror bgyis/ bla mar bgyis/ bsti stang du bgyis/ mchod par bgyis/ rjed par bgyis/ bkur stir bgyis na/ bcom ldan 'das rigs kyi bu'am/ rigs kyi bu mo de de'i gzhi las bsod nams mang du 'phel lags sam/de bzhin du lho dang / nub dang / byang dang / 'og dang / steng dang / phyogs mtshams kyi phyogs re re zhing 'jig rten gyi khams gang gA'i klung gi bye ma snyed dag na sems can ji snyed cig mchis pa de dag las sems can re res kyang de bzhin gshegs pa yongs su mya ngan las 'das nas mchod pa'i slad du rin po che sna bdun las bgyis pa'i mchod rten 'phang du dpag tshad tsam bgyis te/de dag la bskal pa'am bskal pa las lhag par me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang /ba dan dang / sil snyan rnams kyis rim gror bgyis/ bla mar bgyis/ bsti stang du bgyis/ mchod par bgyis/ rjed par bgyis/ bkur stir bgyis na rigs kyi bu'am/ rigs kyi bu mo de de'i gzhi las bsod nams mang du 'phel lags sam/ bcom ldan 'das kyis bka' stsal pa/kau shi ka de de bzhin te/ /de de bzhin no/ /brgya byin gyis gsol pa/ bcom ldan 'das de bas kyang rigs kyi bu'am/ rigs kyi bu mo gang la la shes rab kyi pha rol tu phyin pa 'di glegs bam du bris shing 'dzin pa dang / 'chang ba dang / klog pa dang / kun chub par bgyid cing de la me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan rnams kyis rim gror bgyis/ bla mar bgyis/ bsti stang du bgyis/ mchod par bgyis/ rjed par bgyis/ bkur stir bgyis na rigs kyi bu'am/rigs kyi bu mo 'di nyid sngar gyi rigs kyi bu'am/ rigs kyi bu mo de bas bsod nams ches mang du 'phel te/ bcom ldan 'das 'di ltar shes rab kyi pha rol tu phyin pa 'di'i nang du dge ba'i chos thams cad 'dus pas so/ /'di lta ste dge ba bcu'i las kyi lam dang / bsam gtan bzhi dang /tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos sum cu rtsa bdun dang / rnam par thar pa'i sgo gsum dang / 'phags pa'i bden pa bzhi dang / mngon par shes pa drug dang / rnam par thar pa brgyad dang / mthar gyis gnas pa'i snyoms par 'jug pa dgu dang /sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / phyi stong pa nyid dang /phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang /byams pa chen po dang / snying rje chen po dang / lam gyi rnam pa shes pa nyid dang / thams cad shes pa nyid dang / rnam pa thams cad mkhyen pa nyid 'dus so/ /de ni sangs rgyas bcom ldan 'das rnams kyis bstan pa ste/ gang la bslabs shing 'das pa dang / ma byon pa dang / da ltar byung ba'i byang chub sems dpa' dang /rang sangs rgyas dang / nyan thos rnams nges par 'byung ngo / /zhes nges par 'byung bar gyur to/ /nges par 'byung bar 'gyur ro/ /de nas bcom ldan 'das kyis lha rnams kyi dbang po brgya byin la 'di skad ces bka' stsal to/ / kau shi ka de de bzhin no/ /de de bzhin te/ rigs kyi bu'am rigs kyi bu mo gang shes rab kyi pha rol tu phyin pa 'di bris shing glegs bam du chud par byas te/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing gong du me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed par 'gyur/ bla mar byed par 'gyur/ bsti stang du byed par 'gyur/ mchod par byed par 'gyur/ rjed par byed par 'gyur/ bkur stir byed par 'gyur na/ de de'i gzhi las bsod nams tshad med pa dang grangs med pa dang /bsam gyis mi khyab pa dang / mtshungs pa med pa dang / gzhal du med cing mang du 'phel bar 'gyur ro/ /de ci'i phyir zhe na/ kau shi ka shes rab kyi pha rol tu phyin pa las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams dang /pha rol tu phyin pa lnga dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /'phags pa'i bden pa rnams dang / stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / spyan lnga dang / mngon par shes pa drug dang / rnam par thar pa brgyad dang / mthar gyis gnas pa'i snyoms par 'jug pa dgu dang / sems can yongs su smin pa dang / sangs rgyas kyi zhing phun sum tshogs pa yin pas so/ /kau shi ka shes rab kyi pha rol tu phyin pa las byung ba ni thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid yin pas so//kau shi ka shes rab kyi pha rol tu phyin pa las byung ba ni nyan thos kyi theg pa dang / rang sangs rgyas kyi theg pa dang theg pa chen po yin pas so/ /kau shi ka shes rab kyi pha rol tu phyin pa las byung ba ni bla na med pa yang dag par rdzogs pa'i byang chub yin pas so/ /kau shi ka de bas na rigs kyi bu'am/rigs kyi bu mo gang la las shes rab kyi pha rol tu phyin pa 'di bris te glegs bam du chud par byas shing 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing me tog dang / spos dang / dri dang / phreng ba dang /byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan rnams kyis rim gror byed par 'gyur/ bla mar byed par 'gyur/ bsti stang du byed par 'gyur/ mchod par byed par 'gyur/ brjed par byed par 'gyur/ bkur stir byed par 'gyur na/bsod nams mngon par 'du bya ba 'di la bsod nams mngon par 'du bya ba snga mas brgya'i char yang nye bar mi 'gro'o/ /stong gi char yang / brgya phrag stong gi char yang / bye ba khrag khrig brgya phrag stong gi cha'i bar du yang nye bar ma song / grangs dang / cha dang / bgrang ba dang / dper yang nye bar mi 'gro /rgyur yang nye bar mi bzod do/ /de ci'i phyir zhe na/ kau shi ka shes rab kyi pha rol tu phyin pa 'di ji srid du 'dzam bu'i gling na gnas pa de srid du sangs rgyas dkon mchog nub par mi 'gyur bas so/ /chos dkon mchog dang dge 'dun dkon mchog nub par mi 'gyur bas so/ /de srid du dge ba bcu'i las kyi lam 'jig rten du 'byung bar 'gyur bas so//tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /lam rnams dang / 'phags pa'i bden pa rnams dang / mngon par shes pa drug dang / rnam par thar pa brgyad dang / mthar gyis gnas pa'i snyoms par 'jug pa dgu dang / so so yang dag par rig pa bzhi dang / de bzhin gshegs pa'i stobs bcu rnams dang / mi 'jigs pa bzhi rnams dang /sangs rgyas kyi chos ma 'dres pa bco brgyad rnams dang / lam gyi rnam pa shes pa nyid dang / thams cad shes pa nyid dang / rnam pa thams cad mkhyen pa nyid dang / rgyal rigs sA la chen po rnams dang / bram ze'i rigs sA la chen po rnams dang / khyim bdag gi rigs sA la chen po rnams dang / rgyal chen bzhi'i ris kyi lha rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed pa rnams 'jig rten du 'byung bar 'gyur bas so/ /'og min gyi bar gyi lha rnams 'jig rten du 'byung bar 'gyur bas so/ /rgyun du zhugs pa'i 'bras bu rnams dang /lan cig phyir 'ong ba'i 'bras bu rnams dang / phyir mi 'ong ba'i 'bras bu rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams 'byung bar yod pas so/ /bla na med pa'i sangs rgyas kyi ye shes dang / chos kyi 'khor lo bskor ba dang /sems can yongs su smin pa dang / sangs rgyas kyi zhing yongs su dag pa yod pas so zhes bya ba ni rang dang gzhan gyi don gyi mos pa chung ngu'i chung ngu yin no/ / de nas stong gsum gyi stong chen po'i 'jig rten gyi khams 'di na rgyal chen bzhi'i ris kyi lha rnams dang / 'og min gyi bar gyi lha'i bu gang ji snyed cig yod pa de dag gis lha rnams kyi dbang po brgya byin la smras pa/grogs po shes rab kyi pha rol tu phyin pa gzung bar bya'o/ /bcang bar bya'o/ /klag par bya'o/ /kun chub par bya'o/ /tshul bzhin du yid la bya'o/ /grogs po shes rab kyi pha rol tu phyin pa gzung bar byas/ bcang bar byas/ klag par byas/ kun chub par byas na mi dge ba'i chos thams cad ni 'grib par 'gyur/ dge ba'i chos thams cad ni 'phel bar 'gyur/ lha ma yin gyi tshogs thams cad ni 'grib par 'gyur/ lha'i tshogs thams cad ni 'phel bar 'gyur ro/ /grogs po shes rab kyi pha rol tu phyin pa 'di gzung ba dang /bcangs pa dang / klags pa dang / kun chub par byas pas ni sangs rgyas kyi tshul rgyun mi 'chad par 'gyur ro/ /chos kyi tshul rgyun mi 'chad par 'gyur ro/ /dge 'dun gyi tshul rgyun mi 'chad par 'gyur ro/ /grogs po dkon mchog gsum gyi tshul 'di rgyun ma chad na/pha rol tu phyin pa thams cad 'jig rten du 'byung bar 'gyur ro/ /byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / rnam par thar pa'i sgo gsum dang / mthar gyis gnas pa'i snyoms par 'jug pa dgu dang / mngon par shes pa drug dang / de bzhin gshegs pa'i stobs bcu po rnams dang / mi 'jigs pa bzhi po rnams dang / so so yang dag par rig pa bzhi po rnams dang / sangs rgyas kyi chos ma 'dres pa bco brgyad rnams 'jig rten du 'byung bar 'gyur ro//stong pa nyid thams cad dang / ting nge 'dzin thams cad dang / gzungs kyi sgo thams cad dang / lam gyi rnam pa shes pa nyid dang / thams cad shes pa nyid dang / rnam pa thams cad mkhyen pa nyid 'jig rten du 'byung bar 'gyur ro/ /byang chub sems dpa'i spyod pa 'jig rten du 'byung bar 'gyur ro//rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa nyid dang / rang byang chub dang / byang chub sems dpa' rnams 'jig rten du 'byung bar 'gyur ro/ /de nas bcom ldan 'das kyis lha rnams kyi dbang po brgya byin la bka' stsal pa/kau shi ka khyod kyis shes rab kyi pha rol tu phyin pa 'di zung shig /kau shi ka khyod kyis shes rab kyi pha rol tu phyin pa 'di chongs shig /lhogs shig /kun chub par gyis shig /de ci'i phyir zhe na/ kau shi ka nam lha ma yin rnams 'di snyam du sum cu rtsa gsum pa'i lha rnams dang 'thab mo bya'o//sum cu rtsa gsum gyi lha rnams dang mtshams brdal lo snyam du sems par gyur na/ de'i tshe kau shi ka khyod kyis shes rab kyi pha rol tu phyin pa 'di yid la soms la kha ton gyis shig /de lta na lha ma yin rnams kyi bsam pa de dag phyir nub par gyur te sems bskyed bzlos shing yang skye bar mi 'gyur ro//lha'i bu dang lha'i bu mo gang dag 'chi ba'i dus byed par 'gyur ba'i tshe bdag ngan song du skye ba mthong ba gang yin pa de dag gi mdun du yang kha ton du gyis shig dang / de dag gis shes rab kyi pha rol tu phyin pa 'di thos pas de dag gis ngan song du skye bar sems bskyed par nus par 'gyur te lha'i gnas de nyid du skye bar 'gyur ba'i phyir ro//kau shi ka shes rab kyi pha rol tu phyin pa 'di thos pa ni de ltar don chen po dang ldan pa ste/ rigs kyi bu'am/ rigs kyi bu mo'am/ lha'i bu pho'am/ lha'i bu mo'am gang su yang rung ste shes rab kyi pha rol tu phyin pa 'di thos nas gsal bar gyur pa de dag thams cad kyang dge ba'i rtsa ba des mthar gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//de ci'i phyir zhe na/ 'di ltar 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa ji snyed cig byung ba de dag kyang shes rab kyi pha rol tu phyin pa 'di nyid la brten nas phung po ma lus pa'i mya ngan las 'das pa'i dbyings su yongs su mya ngan las 'das so//gang yang ma 'ongs pa'i dus kyi sangs rgyas bcom ldan 'das nyan thos kyi dge 'dun dang bcas pa de dag thams cad kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//gang yang da ltar phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa bzhugs shing 'tsho skyong ba de dag thams cad kyang shes rab kyi pha rol tu phyin pa 'di nyid la bslabs shing /bla na med pa yang dag par rdzogs pa'i byang chub tu mngon par rdzogs par sangs rgyas so/ /de ci'i phyir zhe na/ de ni 'di ltar shes rab kyi pha rol tu phyin pa 'di'i nang du sangs rgyas kyi chos thams cad 'dus pas so//byang chub sems dpa'i chos thams cad dang / rang sangs rgyas kyi chos thams cad dang / nyan thos kyi chos thams cad 'dus pas so / /de skad ces bka' stsal pa dang / lha rnams kyi dbang po brgya byin gyis bcom ldan 'das la 'di skad ces gsol to//bcom ldan 'das 'di lta ste/ shes rab kyi pha rol tu phyin pa 'di ni rig sngags chen mo'o/ /'di lta ste/ shes rab kyi pha rol tu phyin pa 'di ni bla na med pa'i rig sngags so/ /'di lta ste/ shes rab kyi pha rol tu phyin pa 'di ni mi mnyam pa dang mnyam pa'i rig sngags so//de ci'i slad du zhe na/ bcom ldan 'das 'di ltar shes rab kyi pha rol tu phyin pa 'di ni mi dge ba'i chos thams cad spong ba'o/ /dge ba'i chos thams cad sgrub pas so/ /de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to//kau shi ka de de bzhin no/ /de de bzhin te/ 'di ltar shes rab kyi pha rol tu phyin pa 'di ni rig sngags chen mo'o/ /'di lta ste/ shes rab kyi pha rol tu phyin pa 'di ni bla na med pa'i rig sngags so/ /'di lta ste/ shes rab kyi pha rol tu phyin pa 'di ni mi mnyam pa dang mnyam pa'i rig sngags so//de ci'i phyir zhe na/ kau shi ka de ni 'di ltar 'das pa dang / ma byon pa dang / da ltar phyogs bcu'i 'jig rten gyi khams kyi de bzhin gshegs pa dgra bcom pa yang dag par rdzogs pa'i sangs rgyas de dag kyang shes rab kyi pha rol tu phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas par gyur to//mngon par rdzogs par 'tshang rgya'o/ /mngon par rdzogs par 'tshang rgya bar 'gyur ba'i phyir ro/ /shes rab kyi pha rol tu phyin pa 'di nyid la [(]brtan [,]brten [)]nas dge ba bcu'i las kyi lam rnams yod pa yin/ tshad med pa bzhi dang / bsam gtan bzhi dang /gzugs med pa'i snyoms par 'jug pa bzhi dang / pha rol tu phyin pa thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu rnams dang /mi 'jigs pa bzhi dang / so so yang dag par rig pa bzhi rnams dang / sangs rgyas kyi chos ma 'dres pa bco brgyad rnams yod pa yin/ rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang /mngon par shes pa drug dang / chos kyi dbyings dang / yang dag pa'i mtha' dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi gnas nyid dang / chos skyon med pa nyid 'jig rten na yod pa yin/ mig lnga dang /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid 'jig rten na yod pa yin/ kau shi ka byang chub sems dpa' yod na dge ba bcu'i las kyi lam rnams 'jig rten na gdags su yod pa yin/byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang /rnam par thar pa'i sgo gsum dang / mngon par shes pa drug dang / pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad dang / lam gyi rnam pa shes pa nyid dang / thams cad shes pa nyid dang / rnam pa thams cad mkhyen pa nyid 'jig rten na gdags su yod pa yin/ chos kyi dbyings dang / yang dag pa'i mtha' dang / de bzhin nyid dang / ma nor ba de bzhin dang / gzhan ma yin pa de bzhin nyid dang / chos nyid dang / chos kyi gnas nyid dang / chos skyon med pa nyid 'jig rten na yod pa yin/ mig lnga dang / rgyun du zhugs pa'i 'bras bu dang / rgyun du zhugs pa dang / lan cig phyir 'ong ba'i 'bras bu dang /lan cig phyir 'ong ba dang / phyir mi 'ong ba'i 'bras bu dang / phyir mi 'ong ba dang / dgra bcom pa nyid dang / dgra bcom pa dang / rang byang chub dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas 'jig rten na gdags su yod pa yin no//kau shi ka 'di lta ste dper na/ zla ba'i dkyil 'khor la brten nas/ sman dang skar ma'i tshogs thams cad 'od 'byin par byed do/ /kau shi ka de bzhin du byang chub sems dpa'i zla ba'i dkyil 'khor la brten nas dge ba bcu'i las kyi lam dang / dge ba'i spyod pa dang / yang dag pa'i spyod pa thams cad dang /pha rol tu phyin pa thams cad dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa drug dang / ting nge 'dzin thams cad dang / gzungs kyi sgo thams cad dang / stong pa nyid thams cad dang / mtshan ma med pa dang / smon pa med pa'i ting nge 'dzin rnams kyi sman 'od 'byin par byed do/ /stobs bcu dang /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa'i sman 'od 'byin par byed do/ /slob pa dang mi slob pa thams cad dang / nyan thos dang / rang sangs rgyas thams cad kyi rgyu skar thams cad dang / skar ma thams cad kyang gdags su yod do//rnam pa thams cad mkhyen pa nyid gdags su yod do/ /de bzhin gshegs pa dgra bcom pa yang dag par rdzogs pa'i sangs rgyas gdags su yod par 'gyur ro/ /gang gi tshe sangs rgyas bcom ldan 'das 'jig rten 'dir sangs rgyas pa de'i tshe na yang byang chub sems dpa' sems dpa' chen po rnams sems can rnams la 'jig rten pa dang /'jig rten las 'das pa'i chos ston to/ /de ci'i phyir zhe na/ byang chub sems dpa' las byung ba ni lha'i theg pa dang / mi'i theg pa dang / nyan thos kyi theg pa dang / rang sangs rgyas kyi theg pa dang / theg pa chen po rnams te/ byang chub sems dpa' sems dpa' chen po ni thabs la mkhas pa gang dang ldan pas pha rol tu phyin pa drug yongs su rdzogs par byed do/ /stong pa nyid thams cad sgom par byed do/ /ting nge 'dzin thams cad la snyoms par 'jug par byed do/ /gzungs kyi sgo thams cad thob par byed do/ / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / byang chub kyi phyogs kyi chos sum cu rtsa bdun sgom par byed do/ /'phags pa'i bden pa rnams sgom par byed do/ /rnam par thar pa brgyad sgom par byed do/ /mthar gyis gnas pa'i snyoms par 'jug pa dgu la snyoms par 'jug par byed do//rnam par thar pa'i sgo gsum sgom par byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad rab tu 'thob par byed do//skyes bu chen po'i mtshan sum cu rtsa gnyis dang / dpe byad bzang po brgyad cu thob par byed do / nyan thos kyi sa'am rang sangs rgyas kyi sa mngon du mi byed do/ /sems can yongs su smin par byed do/ /sangs rgyas kyi zhing yongs su dag par byed do/ /byang chub sems dpa'i phun sum tshogs pa yongs su 'dzin to//rnam pa thams cad mkhyen pa nyid rjes su thob par byed do/ /kau shi ka gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/tshul bzhin du yid la byed par 'gyur ba de ni tshe 'di'i yon tan 'di dag dang yang ldan par 'gyur ro/ /de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das rigs kyi bu'am rigs kyi bu mo gang shes rab kyi pha rol tu phyin pa 'di 'dzin par 'gyur ba dang /'chang bar 'gyur ba dang / klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur ba de'i tshe 'di'i yon tan ji tsam dang ldan par 'gyur ba lags/ bcom ldan 'das kyis bka' stsal pa/kau shi ka de bas na rigs kyi bu'am/ rigs kyi bu mo de sngon gyi las kyi rnam par smin pa ma gtogs par dug gis dus byed par mi 'gyur ro/ /mtshon gyis dus byed par mi 'gyur ro/ /mes dus byed par mi 'gyur ro/ /chus dus byed par mi 'gyur ro/ /nad kyi bar gyis kyang dus byed par mi 'gyur ro//rgyal rigs kyi nye bar 'tshe ba 'byung bar mi 'gyur ro/ /gal te rigs kyi bu'am/ rigs kyi bu mo shes rab kyi pha rol tu phyin pa 'di kha ton byed cing rgyal rigs kyi nang du song na de la glags lta ba dang / glags tshol ba de dag gis glags mi rnyed do/ /de ci'i phyir zhe na/ 'di ltar shes rab kyi pha rol tu phyin pa 'di nyid kyi gzi brjid yin pa'i phyir ro/ /gal te rigs kyi bu'am/ rigs kyi bu mo de shes rab kyi pha rol tu phyin pa 'di kha ton byed cing rgyal po'i pho brang gi 'khor du song na de la rgyal po'am/ rgyal po'i bu'am/ blon po'am/ blon po chen po dag kyang / sngon la gtam 'dri ba dang /gtam bya bar sems shing zil gyis gnon par mi 'gyur ro/ /de ci'i phyir zhe na/ de ni 'di ltar rigs kyi bu'am/ rigs kyi bu mo de dag gis sems can thams cad kyi don du byams pa'i sems dang / snying rje'i sems dang / dga' ba'i sems dang / btang snyoms kyi sems nye bar bzhag par gyur pa'i phyir te/kau shi ka rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang / klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur ba ni tshe 'di'i yon tan de dag dang ldan par 'gyur ro//kau shi ka gzhan yang rigs kyi bu'am rigs kyi bu mo gang shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang / klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur ba de dag ni tshe rabs gzhan gyi yon tan gang dang ldan par 'gyur zhe na/'di lta ste/ nam yang dge ba bcu'i las kyi lam dang 'bral bar mi 'gyur te/ tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / pha rol tu phyin pa dang / byang chub kyi phyogs kyi chos sum cu rtsa bdun dang /'phags pa'i bden pa rnams dang / rnam par thar pa brgyad rnams dang / mthar gyis gnas pa'i snyoms par 'jug pa rnams dang / rnam par thar pa'i sgo gsum dang / mngon par shes pa drug dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu po rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang nam yang 'bral bar mi 'gyur ro/ /mtshan dang dpe byad rnams dang nam yang 'bral bar mi 'gyur ro/ /de sems can yongs su smin par bya ba'i smon lam gyi dbang ma gtogs par nam yang sems can dmyal ba dang /byol song gi skye gnas dang / gshin rje'i 'jig rten du skye bar mi 'gyur/ de nam yang dbang po ma tshang bar mi 'gyur ro/ /nam yang yan lag ma tshang bar mi 'gyur ro/ /nam yang dbul po'i rigs su mi skye'o//smyig ma mkhan gyi rigs su mi skye'o/ /sme sha can gyi rigs su mi skye'o/ /mgar ba'i rigs su mi skye'o/ /gdol pa'am/ shan pa'am/ phag bsod ba'i rigs su mi skye'o/ /dman pa'i rigs su mi skye'o/ /rgyal rigs sA la chen po dang / bram ze'i rigs sA la chen po dang / khyim bdag gi rigs sA la chen po rnams su'ang gong nas gong du skye bar 'gyur ro/ /rtag tu rgyun mi 'chad par mi chen po'i mtshan sum cu rtsa gnyis dang / dpe byad bzang po brgyad cu legs par brgyan pa'i lus dang ldan par 'gyur ro/ /'jig rten gyi khams gang dang gang na sangs rgyas bcom ldan 'das rnams 'byung bar 'gyur ba de dag tu sangs rgyas bcom ldan 'das rnams kyi drung du pad+ma las rdzus shing skye bar 'gyur ro//nam yang mngon par shes pa dang 'bral bar mi 'gyur ro/ /de 'dod na sangs rgyas bcom ldan 'das rnams la bsnyen bkur bya ba dang /chos mnyan pa'i phyir sangs rgyas kyi zhing nas sangs rgyas kyi zhing du 'gro bar 'gyur te/ de sangs rgyas kyi zhing nas sangs rgyas kyi zhing du 'gro zhing sems can rnams yongs su smin par byed do/ /sangs rgyas kyi zhing yongs su dag par byed do/ / kau shi ka de bas na rigs kyi bu'am/ rigs kyi bu mos shes rab kyi pha rol tu phyin pa 'di gzung bar bya/ bcang bar bya/ klag par bya/ kun chub par bya/ tshul bzhin du yid la bya/ rnam pa thams cad mkhyen pa nyid kyi sems dang yang ma bral bar bya'o/ /de dag ni nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du tshe 'di'i yon tan dang /tshe rabs gzhan gyi yon tan de dag dang ldan par 'gyur ro/ /de nas mu stegs can gzhan kun tu rgyu ba brgya tsam zhig klan ka tshol ba'i bsam pas bcom ldan 'das ga la ba der 'ong bar gyur to/ / de nas lha rnams kyi dbang po brgya byin 'di snyam du sems par gyur te/ mu stegs can gzhan kun tu rgyu ba brgya po 'di dag klan ka tshol ba'i bsam pas bcom ldan 'das ga la ba der 'ongs kyi bdag gis ci nas kyang mu stegs can gzhan kun tu rgyu ba brgya po 'di dag bcom ldan 'das kyi drung du 'ongs nas bar chad byed par mi 'gyur bar bdag gis bcom ldan 'das la shes rab kyi pha rol tu phyin pa 'di las ji snyed cig gzung ba de dag kha ton du byas te/de ltar na shes rab kyi pha rol tu phyin pa 'di bshad pa la bar chad du mi 'gyur ro zhes bsams so/ /de nas lha rnams kyi dbang po brgya byin gyis bcom ldan 'das las shes rab kyi pha rol tu phyin pa ji snyed cig gzung ba de dag kha ton du byas so//de nas mu stegs can gzhan kun tu rgyu ba de dag rgyang ring ba bas kyang ches ring ba nas bcom ldan 'das la g.yas phyogs su bskor ba byas te/ lam de nyid dang sgo de nyid nas phyir ldog ste dong ngo / / de nas tshe dang ldan pa shA ri'i bu 'di snyam du sems te/ ci'i phyir de ltar mu stegs can gzhan kun tu rgyu ba de dag rgyang ring ba bas kyang ches ring ba nas bcom ldan 'das la g.yas phyogs su bskor ba byas nas lam de nyid las phyir log ste dong snyam mo/ /de nas bcom ldan 'das kyis tshe dang ldan pa shA ri'i bu'i sems kyi rtog pa thugs kyis mkhyen nas/tshe dang ldan pa shA ri'i bu la bka' stsal pa/ shA ri'i bu lha rnams kyi dbang po brgya byin gyis shes rab kyi pha rol tu phyin pa yang dag par bsams te/ de'i phyir mu stegs can gzhan kun tu rgyu ba de dag rgyang ring ba bas kyang ches ring ba nas nga la g.yas phyogs su bskor ba byas nas lam de nyid dang /sgo de nyid nas phyir log ste dong ngo / /shA ri'i bu mu stegs can kun tu rgyu ba 'di rnams las 'ga' tsam yang dkar po'i sems dang ldan pa ma mthong ste/ mu stegs can gzhan kun tu rgyu ba de dag thams cad ni gnod par bya ba'i sems dang ldan pa klan ka tshol ba'i bsam pa can sha stag go//shA ri'i bu 'khor 'dir 'ong bar sems pa 'jig rten lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu 'di dag thams cad kyi nang na yang gang shes rab kyi pha rol tu phyin pa 'di nyid bstan pa'i tshe/zhe sdang ba'i sems sam/ klan ka tshol ba'i bsam pas nye bar 'ong ba ma mthong ste de dag ni gnas med do/ /de ci'i phyir zhe na/ shA ri'i bu de ni 'di ltar stong gsum gyi stong chen po'i 'jig rten gyi khams 'di na rgyal chen bzhi'i ris dang / sum cu rtsa gsum pa rnams dang / 'thab bral dang /dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa mdun na 'don dang / tshangs 'khor dang / 'og min gyi bar gyi lha'i bu gang ji snyed cig yod pa dang / nyan thos dang rang sangs rgyas gang ji snyed cig yod pa dang / byang chub sems dpa' sems dpa' chen po gang ji snyed cig yod pa de dag gis kyang shes rab kyi pha rol tu phyin pa 'di yongs su gzung ba'i phyir ro//de ci'i phyir zhe na/ 'di ltar de dag thams cad ni shes rab kyi pha rol tu phyin pa las byung ba sha stag yin pa'i phyir ro/ /shA ri'i bu gzhan yang shar phyogs kyi 'jig rten gyi khams gang gA'i klung gi bye ma snyed dag dang /phyogs bcu'i 'jig rten gyi khams gang gA'i klung gi bye ma snyed las phyogs re re'i sangs rgyas bcom ldan 'das nyan thos kyi dge 'dun dang / byang chub sems dpa'i dge 'dun dang bcas pa dang / lha dang / klu dang / gnod sbyin dang / dri za dang / lha ma yin dang /nam mkha' lding dang / mi 'am ci dang / lto 'phye chen po gang ji snyed cig yod pa de dag thams cad kyis kyang shes rab kyi pha rol tu phyin pa 'di yongs su bzung ngo / /de ci'i phyir zhe na/ 'di ltar de dag thams cad ni shes rab kyi pha rol tu phyin pa las byung ba sha stag yin pa'i phyir ro//de nas bdud sdig can 'di snyam du sems par gyur te/ de bzhin gshegs pa dgra bcom pa yang dag par rdzogs pa'i sangs rgyas kyi 'khor bzhi po 'di dag kyang mngon du gyur/ 'dod pa na spyod pa dang / gzugs na spyod pa'i lha'i bu 'di dag kyang mngon du gyur nas gnas pas 'dir ni gdon mi za bar byang chub sems dpa' sems dpa' chen po dag bla na med pa yang dag par rdzogs pa'i byang chub tu lung ston par 'gyur gyis/de la bdag gis bcom ldan 'das ga la ba der phyin la mig gis mi rtsol bar bya'o snyam mo/ /de nas bdud sdig can gyi dpung gi tshogs yan lag bzhi pa mngon par sprul nas bcom ldan 'das ga la ba der 'gro 'dod par gyur to//de nas lha rnams kyi dbang po brgya byin gyis 'di snyam du sems te/ kye ma bdud sdig to can dpung gi tshogs yan lag bzhi pa mngon par sprul cing bcom ldan 'das ga la ba der 'gro bar 'dod la/ bdud sdig to can gyi dpung gi tshogs yan lag bzhi pa'i tshul rnam par bkod pa 'di ni rgyal po gzugs can snying po'i dpung gi tshogs yan lag bzhi pa'i bkod pas kyang de tsam mi phod/rgyal po sde rab tu pham byed kyi dpung gi tshogs yan lag bzhi pa'i bkod pas kyang de tsam mi phod/ shAkya rnams kyi dpung gi tshogs yan lag bzhi pa'i bkod pas kyang de tsam mi phod/lits+tsha bI rnams kyi dpung gi tshogs yan lag bzhi'i bkod pas kyang de tsam mi phod de/ bdud sdig can gyi dpung gi tshogs yan lag bzhi pa gang yin pa 'di ni bdud sdig can gyis mngon par sprul te/ bdud sdig to can 'di ni yun ring po nas bcom ldan 'das la glags lta zhing glags tshol la sems can rnams la yang 'tshe ba'i bsam pa can yin no// bdag gis shes rab kyi pha rol tu phyin pa 'di dran pas bsam par bya'o gdon par bya'o snyam mo/ /de nas lha rnams kyi dbang po brgya byin gyis shes rab kyi pha rol tu phyin pa 'di dran pas yang dag par bsams te gsal bar ston par gyur to//lha rnams kyi dbang po brgya byin gyis ji lta ji ltar shes rab kyi pha rol tu phyin pa 'di dran pas bsams shing gsal bar brjod pa de lta de ltar bdud sdig to can de dag lam de nyid dang / sgo de nyid nas slar log ste song bar gyur to//de nas 'khor de na rgyal chen bzhi'i ris kyi lha'i bu dang / 'og min gyi bar gyi lha'i bu ji snyed cig 'khod pa de dag gis lha rdzas kyi me tog mang po mngon par sprul nas mdun gyi nam mkha' la 'khod bzhin du bcom ldan 'das ga la ba der gtor to/ /mngon par gtor nas tshig 'di skad du brjod do//'dzam bu'i gling gi mi rnams la shes rab kyi pha rol tu phyin pa yun ring por dar bar gyur cig /'dzam bu'i gling gi mi rnams la shes rab kyi pha rol tu phyin pa ji srid dar bar gyur pa de srid du de bzhin gshegs pa dgra bcom pa yang dag par rdzogs pa'i sangs rgyas nub par mi 'gyur la/dam pa'i chos kyang yun ring por gnas par 'gyur te / /dge 'dun yang 'jig rten du 'byung bar 'gyur ro/ /de bzhin du stong gsum gyi stong chen po'i 'jig rten gyi khams dang / de bzhin du phyogs bcu'i 'jig rten gyi khams kyi sangs rgyas kyi zhing thams cad du byang chub sems dpa' sems dpa' chen po rnams kyi spyod pa khyad par du 'phags pa yang yod par 'gyur ro//phyogs kyi cha gang du rigs kyi bu'am/ rigs kyi bu mo de dag gis shes rab kyi pha rol tu phyin pa 'di bris shing 'chang bar 'gyur/ klog par 'gyur/ bris shing glegs bam du byas nas kyang 'jog par 'gyur zhing gang dang gang du shes rab kyi pha rol tu phyin pa 'di dar bar 'gyur ba'i phyogs de dag ni snang ba dang ldan par 'gyur ro//phyogs de ni mgon dang bcas shing mun pa dang bral bar 'gyur ro/ /de skad ces gsol pa dang / bcom ldan 'das kyis lha rnams kyi dbang po brgya byin la 'di skad ces bka' stsal to//kau shi ka de de bzhin no/ /de de bzhin te/ phyogs gang dang gang gi 'jig rten gyi khams rnams su shes rab kyi pha rol tu phyin pa 'di glegs bam du bris shing dar bar 'gyur ba'i phyogs de ni snang ba dang ldan par 'gyur ro/ /phyogs de ni mgon dang bcas shing mun pa dang bral bar 'gyur ro/ /de nas lha'i bu de dag gis lha rdzas kyi me tog mang po mngon par sprul te/bcom ldan 'das gang na ba der mngon par gtor te 'di skad ces gsol to/ /bcom ldan 'das rigs kyi bu'am/ rigs kyi bu mo gang la la shes rab kyi pha rol tu phyin pa 'di 'dzin par 'gyur/ 'chang bar 'gyur/klog par 'gyur/ kun chub par bgyid par 'gyur zhing tshul bzhin du yid la bgyid par 'gyur ba de la bdud dam/ bdud kyi ris su gtogs pa'i lha'i bu rnams kyis glags mi rnyed do/ /bcom ldan 'das bdag cag gis kyang rigs kyi bu'am/ rigs kyi bu mo de la yang rgyun mi 'chad par bsrung ba dang bskyab par bgyi'o//rigs kyi bu'am rigs kyi bu mo gang la la shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur ba de ni ston pa bcom ldan 'das su bdag cag sems lags so//de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das rigs kyi bu'am/ rigs kyi bu mo shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/tshul bzhin du yid la bgyid par 'gyur ba de dag ni dge ba'i rtsa ba dman pa dang ldan par 'gyur ba ma lags te/ bcom ldan 'das rigs kyi bu'am/ rigs kyi bu mo shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/tshul bzhin du yid la bgyid par 'gyur ba de dag ni sngon gyi rgyal ba la bgyi ba bgyis par 'gyur ro/ /bcom ldan 'das rigs kyi bu'am/ rigs kyi bu mo shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur ba de dag ni sangs rgyas mang po la bsnyen bkur bgyis pa dang / dge ba'i bshes gnyen gyis yongs su zin par 'gyur ro/ /de ci'i slad du zhe na/ 'di ltar shes rab kyi pha rol tu phyin pa 'di las byung ba ni rnam pa thams cad mkhyen pa nyid do/ /'di lta ste/ rnam pa thams cad mkhyen pa nyid las byung ba yang shes rab kyi pha rol tu phyin pa'o/ /de ci'i slad du zhe na/ de ni 'di ltar shes rab kyi pha rol tu phyin pa yang gzhan la/ rnam pa thams cad mkhyen pa nyid kyang gzhan ma lags te/ 'di ltar shes rab kyi pha rol tu phyin pa dang rnam pa thams cad mkhyen pa nyid de la gnyis su ma mchis te gnyis su bgyir ma mchis so//de skad ces gsol ba dang / bcom ldan 'das kyis lha rnams kyi dbang po brgya byin la bka' stsal pa/ kau shi ka de de bzhin no/ /de de bzhin te/ ji skad du shes rab kyi pha rol tu phyin pa dang / rnam pa thams cad mkhyen pa nyid de la gnyis su med de gnyis su byar med par brjod do zhes bya ba ni rang dang gzhan gyi don la mos pa chung ngu'i 'bring yin no/ /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das kyis 'di ltar shes rab kyi pha rol tu phyin pa'i ming yongs su bsgrags pa de ltar sbyin pa'i pha rol tu phyin pa'i ming yang yongs su bsgrags/tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ming yang yongs su bsgrags/de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams kyi ming yang yongs su bsgrags lags so/ /de skad ces gsol pa dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo shes rab kyi pha rol tu phyin pa ni 'di lta ste/ pha rol tu phyin pa drug gi sngon du 'gro zhing 'dren pa'o/ /byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang /bsam gtan rnams dang / gzugs med pa'i snyoms par 'jug pa rnams kyi sngon du 'gro zhing 'dren pa'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang /mngon par shes pa drug po rnams kyi sngon du 'gro zhing 'dren pa'o/ /stong pa nyid thams cad dang / ting nge 'dzin thams cad dang / gzungs kyi sgo rnams kyi yang sngon du 'gro zhing 'dren pa'o/ /de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad dag gi sngon du 'gro zhing 'dren pa'o/ /shes rab kyi pha rol tu phyin pa ni sangs rgyas kyi chos thams cad kyi sngon du 'gro zhing 'dren pa'o/ /kun dga' po de ji snyam du sems/ rnam pa thams cad mkhyen pa nyid du yongs su ma bsngos pa'i sbyin pa'i pha rol tu phyin pa'i ming 'thob bam/kun dga' po de ji snyam du sems/ rnam pa thams cad mkhyen pa nyid du yongs su ma bsngos pa'i tshul khrims dang / yongs su ma bsngos pa'i bzod pa dang / yongs su ma bsngos pa'i brtson 'grus dang / yongs su ma bsngos pa'i bsam gtan dang /yongs su ma bsngos pa'i shes rab kyi pha rol tu phyin pa'i ming 'thob bam/ kun dga' bos gsol pa/ bcom ldan 'das de ni ma lags te / bde bar gshegs pa de ni ma lags so/ /bcom ldan 'das rnam pa thams cad mkhyen pa nyid du ji ltar yongs su bsngos pa'i sbyin pa'i pha rol tu phyin pa'i ming 'thob pa lags/rnam pa thams cad mkhyen pa nyid du ji ltar yongs su bsngos pa'i tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa'i ming 'thob pa lags / bcom ldan 'das kyis bka' stsal pa/kun dga' bo gnyis su med pa'i tshul gyis rnam pa thams cad mkhyen pa nyid du yongs su bsngos pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa'i ming 'thob bo/ /mi skye ba'i tshul dang /mi dmigs pa'i tshul gyis rnam pa thams cad mkhyen pa nyid du yongs su bsngos pa'i sbyin pa dang / shes rab kyi bar gyi pha rol tu phyin pa'i ming 'thob po/ /kun dga' bos gsol pa/ bcom ldan 'das ji ltar na gnyis su ma mchis pa'i tshul gyis rnam pa thams cad mkhyen pa nyid du yongs su bsngos pa'i sbyin pas pha rol tu phyin pa'i ming 'thob pa lags/de bzhin du bcom ldan 'das ji ltar na gnyis su ma mchis pa'i tshul gyis rnam pa thams cad mkhyen pa nyid du yongs su bsngos pa'i tshul khrims dang / bzod pa dang / brtson 'grus dang / bsam gtan dang /shes rab kyi pha rol tu phyin pa'i ming 'thob pa lags/ bcom ldan 'das kyis bka' stsal pa/ kun dga' bo gzugs kyi gnyis su med pa'i tshul dang / tshor ba dang / 'du shes dang / 'du byed rnams dang / rnam par shes pa'i dang / byang chub kyi bar gyi gnyis su med pa'i tshul gyis so/ / kun dga' bos gsol pa/ bcom ldan 'das ji ltar na gzugs kyi gnyis su ma mchis pa'i tshul gyis dang / ji ltar na tshor ba dang / 'du shes dang / 'du byed rnams dang / rnam par shes pa'i gnyis su ma mchis pa'i tshul gyis dang / ji ltar byang chub kyi bar gyi gnyis su ma mchis pa'i tshul gyis lags/bcom ldan 'das kyis bka' stsal pa/ kun dga' bo 'di ltar gzugs ni gzugs kyis stong ngo / /tshor ba ni tshor bas stong ngo / /'du shes ni 'du shes kyis stong ngo / /'du byed rnams ni 'du byed rnams kyis stong ngo / /rnam par shes pa ni rnam par shes pas stong ste/ de ci'i phyir zhe na/de na 'di ltar gzugs dang / tshor ba dang / 'du shes dang / 'du byed rnams dang / rnam par shes pa dang / shes rab kyi pha rol tu phyin pa 'di dag la gnyis su med de gnyis su byar med pa'i phyir ro/ /byang chub kyi bar dang pha rol tu phyin pa 'di dag la gnyis su med de gnyis su byar med pa'i phyir ro/ /kun dga' bo de lta bas na pha rol tu phyin pa thams cad kyi thog mar 'gro zhing 'dren pa ni shes rab kyi pha rol tu phyin pa nyid do//stong pa nyid thams cad dang / ting nge 'dzin thams cad dang / gzugs kyi sgo thams cad dang / byang chub kyi phyogs kyi chos sum cu rtsa bdun dang / tshad med pa dang / bsam gtan rnams dang /gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad dang / byang chub dang / rnam pa thams cad mkhyen pa nyid kyi bar gyi thog mar 'gro zhing 'dren pa ni shes rab kyi pha rol tu phyin pa nyid do/ /kun dga' bo 'di lta ste dper na/ sa chen po la sa bon btab pa rgyu rkyen tshogs pa'i dbang gis 'phel bar 'gyur ro//kun dga' bo de bzhin du shes rab kyi pha rol tu phyin pa la brten cing shes rab kyi pha rol tu phyin pa dang ldan pas pha rol tu phyin pa thams cad dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams dang / mngon par shes pa drug dang / gzungs kyi sgo rnams rnam par 'phel lo/ /de bzhin gshegs pa'i stobs bcu rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa bco brgyad rnams rnam par 'phel lo/ /rnam pa thams cad mkhyen pa nyid kyi bar du rnam par 'phel lo/ /rnam pa thams cad mkhyen ba nyid la brten cing pha rol tu phyin pa thams cad dang / stong pa nyid thams cad dang / ting nge 'dzin thams cad dang /gzungs kyi sgo thams cad dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa bco brgyad rnam par 'phel lo/ /kun dga' bo de lta bas na shes rab kyi pha rol tu phyin pa ni pha rol tu phyin pa rnams dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar gyi yongs su 'dren pa'o zhes bya ba ni rang dang gzhan gyi don la mos pa chung ngu'i chen po yin no// //bam po sum cu gnyis pa/ brgya byin gyis gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang /'chang ba dang / klog pa dang / kun chub par bgyid pa dang / tshul bzhin du yid la bgyid pa des yon tan ji snyed cig yongs su 'dzin pa'i shes rab kyi pha rol tu phyin pa'i yon tan thams cad yongs su bsgrags pa ma lags te/ bcom ldan 'das shes rab kyi pha rol tu phyin pa 'di gzung zhing bcangs pa dang /bklags pa dang / kun chub par bgyis pa dang / tshul bzhin du yid la bgyis pas dge ba bcu'i las kyi lam rnams 'jig rten du 'byung bar 'gyur ro/ /tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang /byang chub kyi phyogs kyi chos sum cu rtsa bdun dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa drug dang / rnam par thar pa'i sgo gsum dang / pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad 'jig rten du 'byung bar 'gyur ro/ /bcom ldan 'das shes rab kyi pha rol tu phyin pa bzung ba dang bcangs pa dang /bklags pa dang / kun chub par bgyis pa dang / tshul bzhin du yid la bgyis pas rgyal rigs sA la chen po rnams gdags so/ /bram ze'i rigs sA la chen po rnams gdags so/ /khyim bdag gi rigs sA la chen po rnams gdags so//rgyal chen bzhi'i lha rnams dang / 'og min gyi bar gyi lha rnams gdags so/ /bcom ldan 'das shes rab kyi pha rol tu phyin pa bzung ba dang / bcangs pa dang / bklags pa dang / kun chub par bgyis pa dang / tshul bzhin du yid la bgyis pas ni rgyun du zhugs pa rnams gdags so//lan cig phyir 'ong ba dang / phyir mi 'ong ba dang / dgra bcom pa rnams gdags so/ /rang sangs rgyas rnams gdags so/ /byang chub sems dpa' rnams gdags so/ /bcom ldan 'das shes rab kyi pha rol tu phyin pa 'di bzung ba dang / bcangs pa dang / bklags pa dang /kun chub par bgyis pa dang / tshul bzhin du yid la bgyis pas ni de bzhin gshegs pa dgra bcom pa yang dag par rdzogs pa'i sangs rgyas kyang 'jig rten du gdags so/ /de skad ces gsol pa dang / bcom ldan 'das kyis lha rnams kyi dbang po brgya byin la bka' stsal pa/kau shi ka rigs kyi bu'am/ rigs kyi bu mo gang gis shes rab kyi pha rol tu phyin pa 'di bzung ba dang / bcangs pa dang / bklags pa dang / kun chub par byas pa dang / tshul bzhin du yid la byas pa ni de'i yon tan ni der zad par yang ma bshad do/ /kau shi ka de ci'i phyir zhe na/rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing rnam pa thams cad mkhyen pa nyid kyi sems dang ma bral bar byed par 'gyur ba de dag ni tshul khrims kyi phung po tshad med pa dang ldan par 'gyur ba'i phyir ro//rigs kyi bu'am rigs kyi bu mo gang la la shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing rnam pa thams cad mkhyen pa nyid kyi sems dang yang ma bral bar byed par 'gyur ba de dag ni ting nge 'dzin gyi phung po dang /shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po tshad med pa dang ldan par 'gyur ba'i phyir ro/ /kau shi ka rigs kyi bu'am rigs kyi bu mo gang shes rab kyi pha rol tu phyin pa 'di 'dzin par 'gyur/'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing / rnam pa thams cad mkhyen pa nyid kyi sems dang ma bral bar byed par 'gyur ba de dag ni de bzhin gshegs ba'i skur rig par bya'o//kau shi ka nyan thos dang rang sangs rgyas thams cad kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang / rigs kyi bu dang / rigs kyi bu mo shes rab kyi pha rol tu phyin pa la gnas pa gang yin pa'i tshul khrims kyi phung po dang /ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po las/ kau shi ka tshul khrims kyi phung po dang / ting nge 'dzin gyi phung po dang / shes rab kyi phung po dang /rnam par grol ba'i phung po dang / rnam par grol ba'i ye shes mthong ba'i phung po 'di la ni nyan thos dang / rang sangs rgyas thams cad kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung pos brgya'i char yang nye bar mi 'gro /stong gi char yang nye bar mi 'gro /brgya phrag stong gi char yang nye bar mi 'gro'o/ /grangs su yang / bgrang bar yang / dper yang / rgyur yang nye bar bstan par yang nye bar mi 'gro'o/ /rgyur yang mi bzod do/ /de ci'i phyir zhe na/ de ni 'di ltar rigs kyi bu'am/ rigs kyi bu mo de dag nyan thos dang / rang sangs rgyas kyi sa las sems rnam par grol yang chos dang / rtogs pa dang / yongs su shes pa gang yang med pa'i phyir ro/ /kau shi ka rigs kyi bu'am/ rigs kyi bu mo gang shes rab kyi pha rol tu phyin pa 'di la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byed par 'gyur/ bla mar byed par 'gyur/ bsti stang du byed par 'gyur/ mchod par byed par 'gyur ba de dag gis kyang tshe 'di nyid dang / tshe rabs phyi ma la yon tan 'di dag 'dod par bya'o zhes bya ba ni rang dang gzhan gyi don la mos pa 'bring gi chung ngu yin no//de skad ces bka' stsal pa dang / bcom ldan 'das la lha rnams kyi dbang po brgya byin gyis 'di skad ces gsol to/ /bcom ldan 'das rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur ba dang /'chang bar 'gyur ba dang / klog par 'gyur ba dang / kun chub par bgyid par 'gyur ba dang / tshul bzhin du yid la bgyid par 'gyur zhing rnam pa thams cad mkhyen pa nyid kyi sems dang ma bral bar bgyid pa dang / shes rab kyi pha rol tu phyin pa 'di la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bgyid par 'gyur ba dang / bla mar bgyid par 'gyur ba dang / bsti stang du bgyid par 'gyur ba dang / mchod par bgyid par 'gyur ba de la ni bdag gis kyang rtag tu rgyun mi 'chad par bsrung ba dang /bskyab pa dang / sba bar bya'o/ /de skad ces gsol pa dang / lha rnams kyi dbang po brgya byin la bcom ldan 'das kyis bka' stsal pa/ kau shi ka rigs kyi bu'am/ rigs kyi bu mo de rnams la yang shes rab kyi pha rol tu phyin pa 'di kha ton byed pa'i tshe/ lha'i bu brgya stong mang po chos nyan pa'i phyir nye bar 'ong bar 'gyur te/ rigs kyi bu'am rigs kyi bu mo shes rab kyi pha rol tu phyin pa dang mtshungs par ldan pa de rnams la yang lha'i bu de dag spobs pa nye bar bsgrub par sems so/ /gang gi tshe chos smra ba de dag smra bar mi 'dod par 'gyur ba de'i tshe yang lha'i bu de dag chos la gus pas spobs pa nye bar bsgrub par sems so//kau shi ka rigs kyi bu'am rigs kyi bu mo gang shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang / klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur ba dang /de bris shing me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byed par 'gyur ba dang / bla mar byed par 'gyur ba dang / bsti stang du byed par 'gyur ba dang /mchod par byed par 'gyur ba de dag gis tshe 'di'i yon tan 'di yang yongs su 'dzin par 'gyur ro/ /kau shi ka gzhan yang rigs kyi bu'am/ rigs kyi bu mo de dag shes rab kyi pha rol tu phyin pa 'di ston pa'i tshe/ bdag la klan ka tshol ba'i bsam pas 'ga' zhig rgol na mi rung ngo snyam du 'khor bzhi'i mdun du sems zhum par mi 'gyur ro//de ci'i phyir zhe na/ de ni 'di ltar rigs kyi bu'am/ rigs kyi bu mo de rnams la shes rab kyi pha rol tu phyin pa 'di nyid bsrung ba dang / bskyab pa dang / sba bar byed par 'gyur ba'i phyir te/ 'di ltar shes rab kyi pha rol tu phyin pa 'di ni 'jig rten pa dang /'jig rten las 'das pa dang / thun mong pa dang / thun mong ma yin pa dang / dge ba dang / mi dge ba dang / 'dus byas dang / 'dus ma byas dang / nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos dang / chos thams cad tha mi dad do//de ci'i phyir zhe na/ de ni 'di ltar rigs kyi bu'am/ rigs kyi bu mo de yang nang stong pa nyid la gnas/ dngos po med pa'i ngo bo nyid stong pa nyid kyi bar la gnas pas shes rab kyi pha rol tu phyin pa la klan ka tshol ba gang yin pa de yang yang dag par rjes su mi mthong / klan ka tshol bar byed pa gang yin pa de yang yang dag par rjes su mi mthong /gang la klan ka btsal bar bya ba gang yin pa de yang yang dag par rjes su mi mthong ba'i phyir te/ de ltar shes rab kyi pha rol tu phyin pa yongs su bzung ba'i rigs kyi bu'am/ rigs kyi bu mo de rnams la rgol ba gang yang mi 'byung ngo //kau shi ka gzhan yang rigs kyi bu'am/ rigs kyi bu mo shes rab kyi pha rol tu phyin pa 'di 'dzin par byed pa dang / 'chang bar byed pa dang / klog par byed pa dang / kun chub par byed pa dang / tshul bzhin du yid la byed pa de'i sems mi zhum/ yongs su mi zhum/ mi dngang / kun tu mi skrag /kun tu skrag pa dang ldan par mi 'gyur ro/ /de ci'i phyir zhe na/ de ni 'di ltar rigs kyi bu'am/ rigs kyi bu mo de dag gis gang zhum par 'gyur ba'am/ yongs su zhum par 'gyur ba'am/ dngang bar 'gyur ba'am/ kun tu skrag par 'gyur ba'am/ kun tu skrag pa dang ldan par 'gyur ba de lta bu'i dngos po yang dag par rjes su mi mthong ba'i phyir ro//kau shi ka rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang / klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur zhing me tog dang /spos dang / dri dang / phreng ba dang / byug ba dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byed par 'gyur ba dang / bla mar byed par 'gyur ba dang / bsti stang du byed par 'gyur ba dang / mchod par byed par 'gyur ba de dag gis tshe 'di'i yon tan 'di dag kyang yongs su 'dzin par 'gyur ro zhes bya ba ni rang dang gzhan gyi don la mos pa 'bring gi 'bring yin no// kau shi ka gzhan yang rigs kyi bu'am/ rigs kyi bu mo gang la la shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang /klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur ba dang / bris shing de la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed par 'gyur ba dang /bla mar byed par 'gyur ba dang / bsti stang du byed par 'gyur ba dang / mchod par byed par 'gyur ba de la pha dang ma dang / gnyen bshes dang / blon po dang nye du dang / snag gi gnyen mtshams dang / dge sbyong dang / bram ze rnams dga' bar 'gyur ro/ / gang yang phyogs bcu'i 'jig rten gyi khams kyi sangs rgyas bcom ldan 'das dang / byang chub sems dpa' rnams dang / rang sangs rgyas dang / dgra bcom pa dang / slob pa dang / mi slob pa thams cad kyang byang chub sems dpa' de rnams la dga' bar 'gyur ro/ /'jig rten lha dang bcas pa dang / bdud dang bcas pa dang / dge sbyong dang bram zer bcas pa'i skye dgu dang / lha dang mi dang lha ma yin du bcas pa'i skye dgu rnams kyi yang yid du 'ong bar 'gyur ro zhes bya ba ni rang dang gzhan gyi don la mos pa 'bring gi chen po yin no/ / spobs pa mi 'phrogs pa dang ldan par 'gyur ba yin/ sbyin pa'i pha rol tu phyin pa mi 'phrogs pa dang ldan par 'gyur ba yin/de bzhin du tshul khrims kyi pha rol tu phyin pa mi 'phrogs pa dang / bzod pa'i pha rol tu phyin pa mi 'phrogs pa dang / brtson 'grus kyi pha rol tu phyin pa mi 'phrogs pa dang / bsam gtan gyi pha rol tu phyin pa mi 'phrogs pa dang / shes rab kyi pha rol tu phyin pa mi 'phrogs pa dang ldan par 'gyur ba yin/nang stong pa nyid mi 'phrogs pa dang / dngos po med pa'i ngo bo nyid stong pa nyid kyi bar mi 'phrogs pa dang ldan par 'gyur ba yin/ dran pa nye bar gzhag pa mi 'phrogs pa dang ldan par 'gyur ba yin/ yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / lam rnams mi 'phrogs pa dang ldan par 'gyur ba yin/ 'phags pa'i bden pa mi 'phrogs pa dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams mi 'phrogs pa dang /rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / 'phags pa'i bden pa rnams dang / ting nge 'dzin rnams dang / gzungs kyi sgo thams cad mi 'phrogs pa dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad mi 'phrogs pa dang / sems can yongs su smin par bya ba mi 'phrogs pa dang / sangs rgyas kyi zhing yongs su dag par bya ba mi 'phrogs pa dang / rnam pa thams cad mkhyen pa nyid mi 'phrogs pa dang ldan par 'gyur ba dang rab tu 'thob par 'gyur ba yin no//mu stegs can pha rol po'i rgol ba skyes shing byung ba la yang chos dang mthun par tshar bcad pa'i mthu yod par 'gyur ro/ /kau shi ka rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur ba dang /'chang bar 'gyur ba dang / klog par 'gyur ba dang / kun chub par byed par 'gyur ba dang / tshul bzhin du yid la byed par 'gyur zhing rnam pa thams cad mkhyen pa nyid kyi sems dang yang ma bral bar byed par 'gyur la de bris shing me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byed par 'gyur ba dang / bla mar byed par 'gyur ba dang / bsti stang du byed par 'gyur ba dang / mchod par byed par 'gyur ba des tshe 'di'i yon tan 'di dag kyang yongs su 'dzin par 'gyur ro zhes bya ba ni rang dang gzhan gyi don la mos pa chen po'i chung ngu yin no// kau shi ka gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing glegs bam du byas te 'chang bar 'gyur/ klog par 'gyur/ kun chub par byed par 'gyur ba der stong gsum gyi stong chen po'i 'jig rten gyi khams kyi rgyal chen bzhi'i ris kyi lha'i bu bla na med pa yang dag par rdzogs pa'i byang chub tu yang dag par zhugs pa de dag der 'ongs nas shes rab kyi pha rol tu phyin pa 'di 'dzin par 'gyur/'chang bar 'gyur/ klog par 'gyur/ kun chub par byed par 'gyur/phyag byed par 'gyur/ 'dud par 'gyur / phyag byas 'dud pa byas nas phyir 'ong bar 'gyur ro/ /de bzhin du sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs 'khor dang / tshangs pa mdun na 'don dang / tshangs chen dang /'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che ba'i lha'i bu bla na med pa yang dag par rdzogs pa'i byang chub tu yang dag par zhugs pa de dag kyang 'ongs nas shes rab kyi pha rol tu phyin pa 'di gzung bar byas/kun chub par byas/ bcangs/ bklags te/ phyag byas shing phyir 'dong bar sems so/ /gnas gtsang ma'i ris mi spong ba dang mi gdung ba dang legs mthong dang rab lta dang / 'og min gyi lha'i bu de dag kyang der 'ongs nas shes rab kyi pha rol tu phyin pa 'di gzung bar byas/kun chub par byas/ bcangs/ bklags te/ phyag byas shing phyir 'dong bar sems so/ /kau shi ka de bas na rigs kyi bu'am/ rigs kyi bu mos sems 'di ltar bskyed par bya ste/ phyogs bcu'i 'jig rten gyi khams kyi rgyal chen bzhi'i ris kyi lha'i bu ji snyed yod pa dang / 'bras bu che ba'i bar gyi lha'i bu bla na med pa yang dag par rdzogs pa'i byang chub tu yang dag par zhugs pa ji snyed yod pa dang /gnas gtsang ma'i ris kyi lha'i bu ji snyed yod pa dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po ji snyed yod pa de dag kyang der 'ongs nas shes rab kyi pha rol tu phyin pa 'di gzung ba dang /kun chub par byas pa dang / bcangs pa dang / bklags pa dang / mchod pa dang / phyag byas shing phyir 'gro ba de dag la yang chos kyi sbyin pa 'di byin par gyur cig ces sems bskyed par bya'o/ /phyogs bcu'i 'jig rten gyi khams kyi rgyal chen bzhi'i ris kyi lha'i bu bla na med pa yang dag par rdzogs pa'i byang chub tu yang dag par zhugs pa ji snyed yod pa de rnams dang /gnas gtsang ma'i ris kyi lha'i bu ji snyed yod pa de dag kyang der 'ongs nas shes rab kyi pha rol tu phyin pa 'di gzung bar byas/ bcang bar byas/ bklag par byas/ kun chub par byas/ mchod par byas shing phyag byas te/ 'dud par byas nas phyir dong ngo / /rigs kyi bu'am rigs kyi bu mo de la stong gsum gyi stong chen po'i 'jig rten gyi khams 'di'i rgyal chen bzhi'i ris kyi lha rnams dang / 'og min gyi bar gyi lha'i bu ji snyed yod pa de dag dang /phyogs bcu'i 'jig rten gyi khams kyi rgyal chen bzhi'i ris kyi lha'i bu rnams dang / 'og min gyi bar gyi lha'i bu ji snyed yod pa de dag kyang rigs kyi bu'am/ rigs kyi bu mo de la bsrung ba dang / bskyab pa dang / sba bar byed do/ /de la las kyi rnam par smin pa ma gtogs par glags lta ba dang /klan ka tshol ba rnams kyis glags mi rnyed do/ /kau shi ka rigs kyi bu'am/ rigs kyi bu mo de tshe 'di la yon tan de lta bu dag kyang yongs su 'dzin par 'gyur ro/ /de ci'i phyir zhe na/ 'di ltar lha'i bu gang bla na med pa yang dag par rdzogs pa'i byang chub tu yang dag par zhugs pa de dag kyang der 'ong bar bya bar sems te/kau shi ka 'di ltar lha'i bu de dag gis sems can thams cad bskyab pa dang / phan pa dang / bde ba'i don du bla na med pa yang dag par rdzogs pa'i byang chub tu yang dag par zhugs pa yin no zhes bya ba ni rang dang gzhan gyi don la mos pa chen po'i 'bring yin no// de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das rigs kyi bu'am/ rigs kyi bu mo des 'dir phyogs bcu kun gyi 'jig rten gyi khams nas shes rab kyi pha rol tu phyin pa 'di gzung ba'am/ bcangs pa'am/ bklags pa'am/kun chub par byas pa'am/ rim gror byas pa'am/ bla mar byas pa'am/ bsti stang du byas pa'am/ mchod par bya ba'i phyir rgyal chen bzhi'i ris kyi lha'i bu rnams mchis pa dang / 'og min gyi bar gyi lha'i bu dag 'dir mchis so zhes bgyi ba ji ltar 'tshal bar bgyi/ de skad ces gsol pa dang /bcom ldan 'das kyis lha rnams kyi dbang po brgya byin la bka' stsal pa/ kau shi ka gal te rigs kyi bu'am/ rigs kyi bu mos snang ba chen po dag mthong ba des 'dis lha mthu chen po dag shes rab kyi pha rol tu phyin pa 'di bklags pa dang / gzung ba dang / kun chub par bya ba dang /bcang bar bya ba dang / rim gror bya ba dang / bla mar bya ba dang / bsti stang du bya ba dang / mchod par bya ba dang / 'dud par bya ba dang / phyag bya ba'i phyir lhags so zhes bya bar nges par khong du chud par bya'o/ /kau shi ka gzhan yang gal te rigs kyi bu'am/ rigs kyi bu mos lha rdzas kyi dri mi'i las 'das pa sngon chad de lta bu ma bsnams pa ma myangs pa bro bar gyur na/des 'dir ni lha'i bu mthu chen po dag shes rab kyi pha rol tu phyin pa 'di klag pa dang / mnyan pa dang / gzung ba dang / bcang ba dang / kun chub par bya ba dang / rim gror bya ba dang / bla mar bya ba dang / bsti stang du bya ba dang / mchod par bya ba'i phyir lhags so zhes bya bar nges par khong du chud par bya'o/ /kau shi ka gzhan yang gal te rigs kyi bu'am/ rigs kyi bu mo gtsang sbra'i spyod pa dang ldan par gyur te/ de gtsang sbra'i spyod pa des lha de dag nye bar 'ongs shing shes rab kyi pha rol tu phyin pa 'di gzung ba dang /bcang ba dang / bklag par bya ba dang / kun chub par bya ba dang / rim gror bya ba dang / bla mar bya ba dang / bsti stang du bya ba dang / mchod par bya ba shin tu yid la spro bar 'gyur ro/ /sa phyogs de na lha mthu chung ngu mthu chung ngu ji snyed cig gnas pa de dag kyang lha mthu chen po mthu chen po de dag gi gzi brjid dang /dpal dang / zil mi bzod pa'i phyir de nas 'byol bar sems so/ /ji lta ji ltar lha mthu chen po nye bar 'ong bar 'gyur ba de lta de ltar rigs kyi bu'am/ rigs kyi bu mo de yang mos pa brgya chen po dang ldan par 'gyur ro/ / sa phyogs der gtsang sbra med pa'i spyod pa mi 'jug par bya'o/ /sa phyogs der spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis kun tu brgyan par bya'o/ /dri'i chag chag dang / me tog gi sil ma rnams kyis kun tu gtor bar bya'o//dar gyi lda ldi dang / gos kyi bla re bres shing sa phyogs de yang rnam pa du mas brgyan par bya'o/ /kau shi ka gzhan yang rigs kyi bu'am/ rigs kyi bu mo de'i lus la ngal ba med par 'gyur ro/ /lus bde bar 'gyur ro/ /lus yang ba dang / skye ba mang po la phan pa dang / skye bo mang po rnams la bde ba'i phyir zhugs par 'gyur ro/ /kau shi ka rigs kyi bu'am/ rigs kyi bu mo des lus yang ba dang / lus las su rung ba dang / lus bde ba dang / sems yang ba dang / sems las su rung ba dang / sems bde bar shes par 'gyur ro/ /de shes rab kyi pha rol tu phyin pa 'di nyid la sems pas bde bar nyal bar sems par 'gyur zhing sdig to'i rmi lam mthong bar mi 'gyur ro//rmi lam mthong na yang de bzhin gshegs pa dgra bcom pa yang dag par rdzogs pa'i sangs rgyas skyes bu chen po'i mtshan sum cu rtsa gnyis kyis spras pa'i sku gser gyi kha dog tu bzhugs pa/dge slong gi dge 'dun gyis kun nas bskor ba/ byang chub sems dpa'i tshogs kyis mdun na gnas nas chos ston pa mthong bar 'gyur te/ pha rol tu phyin pa drug dang mtshungs par ldan pa nyid thos par 'gyur ro/ /byang chub kyi phyogs kyi chos sum cu rtsa bdun dang / sangs rgyas kyi chos ma 'dres pa bco brgyad kyi bar dang mtshungs par ldan pa thos par 'gyur ro//pha rol tu phyin pa de'i don yang thos par 'gyur ro/ /sangs rgyas kyi chos ma 'dres pa bco brgyad kyi bar de dag gi don yang thos par 'gyur ro/ /byang chub kyi shing yang mthong bar 'gyur ro/ /byang chub sems dpa' sems dpa' chen po byang chub kyi snying por 'gro ba yang mthong bar 'gyur ro//bla na med pa yang dag par rdzogs pa'i byang chub tu mngon par rdzogs par sangs rgyas pa yang mthong bar 'gyur ro/ /mngon par rdzogs par sangs rgyas nas chos kyi 'khor lo bskor ba yang mthong bar 'gyur ro/ /byang chub sems dpa' bye ba khrag khrig brgya stong mang po rnam pa thams cad mkhyen pa nyid ni 'di ltar yongs su gzung bar bya'o//sems can mang po ni 'di ltar yongs su smin par bya'o/ /sangs rgyas kyi zhing ni 'di ltar yongs su sbyang bar bya'o zhes chos yang dag par 'gro bar byed pa dag kyang mthong bar 'gyur ro/ /shar phyogs kyi sangs rgyas bye ba khrag khrig brgya stong mang po'i sgra yang thos par 'gyur ro//de bzhin du lho dang / nub dang / byang dang / 'og dang / steng gi phyogs dang / phyogs mtshams kyi sangs rgyas bye ba khrag khrig brgya stong mang po mthong ba dang / yongs su mya ngan las 'da' bar bzhed pa rnams kyi sgra yang thos par 'gyur te/'jig rten gyi khams che ge mo zhig na de bzhin gshegs pa dgra bcom pa yang dag par rdzogs pa'i sangs rgyas che ge mo zhes bya ba byang chub sems dpa' bye ba khrag khrig brgya stong 'di snyed cig gis yongs su bskor zhing mdun du byas te chos ston to zhes bya ba dang /shar phyogs kyi sangs rgyas bye ba khrag khrig brgya stong mang po mthong ba dang / yongs su mya ngan las 'da' bar bzhed pa dang / phyogs bcu'i bar gyi sangs rgyas bye ba khrag khrig brgya stong mang po mthong ba dang / yongs su mya ngan las 'da' bar bzhed pa dang / de bzhin gshegs pa de rnams kyi yang ring bsrel gyi mchod rten rin po che'i mchog sna tshogs kyi rang bzhin gyi mchod rten bye ba khrag khrig brgya stong mang po yang mthong bar 'gyur ro//mchod rten de dag la yang me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed pa dang / bla mar byed pa dang / bsti stang du byed pa dang / mchod par byed pa mthong bar 'gyur ro/ /kau shi ka de ltar rigs kyi bu'am/ rigs kyi bu mo de dag gi rmi lam bzang po de lta bu dag mthong bar 'gyur ro/ / de dag bde bar nyal zhing bde bar sad par 'gyur ro//lus mdangs dang ldan par shes par 'gyur ro/ /lus yang bar 'du shes shing lci ba dang / zas la cher chags pa med par 'gyur/ chos gos dang / lhung bzed dang / mal stan dang / nad kyi rkyen sman dang / yo byad la chags pa med par 'gyur ro//kau shi ka 'di lta ste dper na/ dge slong rnal 'byor spyod pa ting nge 'dzin las langs pa'i sems yid la byed pas yongs su brlan pa ni zas la der chags par mi 'gyur ro/ /kau shi ka de bzhin du rigs kyi bu'am/ rigs kyi bu mo de dag kyang zas la cher chags pa med par 'gyur ro//de ci'i phyir zhe na/ de ni 'di ltar de'i lus la mi ma yin pa rnams mdangs nye bar bsgrub pa'i phyir ro/ /phyogs bcu'i sangs rgyas bcom ldan 'das dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang bcas pa gang ji snyed pa/de dag kyang de'i lus la mdangs nye bar bsgrub pa'i phyir ro/ /kau shi ka rigs kyi bu'am/ rigs kyi bu mo de tshe 'di la yon tan 'di dag yongs su gzung bar 'dod pas shes rab kyi pha rol tu phyin pa 'di nyid gzung bar bya'o/ /bcang bar bya'o/ /bklags par bya'o//kun chub par bya'o/ /tshul bzhin du yid la bya'o/ /rnam pa thams cad mkhyen pa nyid kyi sems dang yang mi bral bar bya'o zhes bya ba ni rang dang gzhan gyi don la mos pa chen po'i chen po yin no/ / kau shi ka de ste rigs kyi bu'am/ rigs kyi bu mo de dag gis shes rab kyi pha rol tu phyin pa 'di ma bzung /ma bcangs/ ma bklags/ kun chub par ma byas/ tshul bzhin du yid la ma byas/ gzhan la yang rgya cher bstan par ma byas na/ 'on kyang bris shing glegs bam du byas te me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byas/ bla mar byas/ bsti stang du byas/ mchod par byas na/ kau shi ka rigs kyi bu'am/ rigs kyi bu mo 'di nyid de'i gzhi las bsod nams mang du 'phel gyi/ kau shi ka rigs kyi bu'am/ rigs kyi bu mo gang la la shes rab kyi pha rol tu phyin pa 'di gzung ba dang /bcang ba dang / bklag pa dang / kun chub par bya ba dang / tshul bzhin du yid la byed pa dang / gzhan rnams la rab tu ston par byed cing / de bris te me tog dang / spos dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan rnams kyis rim gror byas/ bla mar byas/ bsti stang du byas/ mchod par byas pa dang / phyogs bcu kun tu 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams la chos gos dang / lhung bzed dang /gzims cha dang / snyun gyi rkyen sman dang / yo byad mang pos rim gror byas/ bla mar byas/ bsti stang du byas/ mchod par byas pa dang / de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag mya ngan las 'das nas kyang rin po che sna bdun gyi rang bzhin gyi mchod rten brtsigs te/de dag la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byas/ bla mar byas / bsti stang du byas/ mchod par byas pas ni ma yin no zhes bya ba ni gzhan gyi don la mos pa chung ngu'i chung ngu yin no// de nas bcom ldan 'das kyis lha rnams kyi dbang po brgya byin la bka' stsal pa/ kau shi ka yongs su brtag pa bzung na khyod la rigs kyi bu'am/ rigs kyi bu mo gang la la zhig gis 'dzam bu'i gling 'di de bzhin gshegs pa'i sku gdung gis byur bur gang ba zhig kyang gtad la/gang la la zhig gis shes rab kyi pha rol tu phyin pa 'di glegs bam du bris pa zhig kyang gtad na/ cha gzhag pa de gnyis las gang len/ brgya byin gyis gsol pa/ bcom ldan 'das gal te 'dzam bu'i gling 'di de bzhin gshegs pa'i sku gdung gis byur bur gang ba zhig kyang la las stsal la /shes rab kyi pha rol tu phyin pa 'di bris nas glegs bam du byas pa zhig kyang la las stsal na/ cha gzhag pa de gnyis las shes rab kyi pha rol tu phyin pa 'di nyid len lags so/ /de ci'i slad du zhe na/ bcom ldan 'das de bzhin gshegs pa'i sku gdung de dag la bdag mi gus pa yang ma lags/bcom ldan 'das bdag ni de bzhin gshegs pa'i sku gdung de dag la ston par mi 'tshal ba dang / rim gror bgyid par mi 'tshal ba dang / bla mar bgyid bar mi 'tshal ba dang / bsti stang du bgyid par mi 'tshal ba dang / mchod par bgyid par yang mi 'tshal ba yang ma lags te/bcom ldan 'das 'on kyang de bzhin gshegs pa'i sku gdung de dag kyang shes rab kyi pha rol tu phyin pa 'di nyid las byung bas rim gror bgyid pa lags/ bla mar bgyid pa lags/ bsti stang du bgyid pa lags/ mchod par bgyid pa lags te/ shes rab kyi pha rol tu phyin pa bsgrub pa de bzhin gshegs pa'i sku gdung de dag gis mchod pa brnyes so//de nas tshe dang ldan pa shA ri'i bus lha rnams kyi dbang po brgya byin la 'di skad ces smras so/ /kau shi ka shes rab kyi pha rol tu phyin pa 'di gzung du med pa/ bstan du med pa/ thogs pa med pa/ mtshan nyid gcig pa ste/ 'di ltar mtshan nyid med pa yin na shes rab kyi pha rol tu phyin pa gzung du med pa/ bstan du med pa/ thogs pa med pa/ mtshan nyid gcig pa ste/ 'di ltar mtshan nyid med pa de la ji ltar gzung bar bya bar sems/ de ci'i phyir zhe na/ shes rab kyi pha rol tu phyin pa 'di 'dzin pa dang / dor bar bya ba'i phyir nye bar gnas pa ma yin/'grib pa'i phyir ma yin/ 'phel ba'i phyir ma yin/ bskyed pa'i phyir ma yin/ bskyung ba'i phyir ma yin/ dbri ba'i phyir ma yin/ bsnan pa'i phyir ma yin/ kun nas nyon mongs pa'i phyir ma yin/ rnam par byang ba'i phyir ma yin/ sangs rgyas kyi chos rnams ster bar byed pa ma yin/so so'i skye bo'i chos rnams ster bar byed pa ma yin no/ /byang chub sems dpa'i chos rnams dang / rang sangs rgyas kyi chos rnams dang / nyan thos kyi chos rnams dang / slob pa dang / mi slob pa'i chos rnams ster bar byed pa ma yin/ 'dus ma byas kyi dbyings ster bar byed pa ma yin/nang stong pa nyid nas dngos po med pa'i ngo bo nyid stong pa nyid kyi bar ster bar byed pa ma yin/ pha rol tu phyin pa rnams ster bar byed pa ma yin/ dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po dang / stobs dang / byang chub kyi yan lag dang / lam rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ster bar byed pa ma yin/rnam pa thams cad mkhyen pa nyid kyi bar du ster bar byed pa ma yin pa'i phyir ro/ /brgya byin gyis smras pa/ btsun pa shA ri'i bu de de bzhin no/ /de de bzhin te/ btsun pa shA ri'i bu ji skad du shes rab kyi pha rol tu phyin pa ni sangs rgyas kyi chos ma 'dres pa rnams ster bar byed pa ma yin/ rnam pa thams cad mkhyen pa nyid kyi bar du ster bar byed pa ma yin no zhes zer ba/ de ci'i phyir zhe na/ shes rab kyi pha rol tu phyin pa ni gnyis su yod pa ma yin te/ shes rab kyi pha rol tu phyin pa ni gnyis su med pa'i phyir ro/ /de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni gnyis su yod pa ma yin te/ sbyin pa'i pha rol tu phyin pa ni gnyis su med pa'i phyir ro/ /de nas bcom ldan 'das kyis lha rnams kyi dbang po brgya byin la legs so zhes bya ba gnang ste/kau shi ka legs so legs so/ /de de bzhin no/ /de de bzhin te/ ji skad smras pa de bzhin no/ /shes rab kyi pha rol tu phyin pa ni gnyis su yod pa ma yin te/ shes rab kyi pha rol tu phyin pa ni gnyis su med pa'o/ /de bzhin du bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni gnyis su yod pa ma yin te/ sbyin pa'i pha rol tu phyin pa ni gnyis su med pa'o/ /kau shi ka gang shes rab kyi pha rol tu phyin pa la gnyis su 'dod pa de ni chos kyi dbyings la gnyis su 'dod du zad do//de ci'i phyir zhe na/ kau shi ka de ni 'di ltar chos kyi dbyings dang / shes rab kyi pha rol tu phyin pa de la gnyis su med de gnyis su byar med pa'i phyir ro/ /de bzhin du chos kyi dbyings dang / bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa de la gnyis su med de gnyis su byar med pa'i phyir ro/ /kau shi ka shes rab kyi pha rol tu phyin pa la gnyis su 'dod pa de ni de bzhin nyid la gnyis su 'dod du zad de/de ci'i phyir zhe na/ kau shi ka de ni 'di ltar de bzhin nyid dang / shes rab kyi pha rol tu phyin pa la gnyis su med de gnyis su byar med pa'i phyir ro/ /de bzhin du de bzhin nyid dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang /tshul khrims kyi pha rol tu phyin pa dang / sbyin pa'i pha rol tu phyin pa 'di la gnyis su med de gnyis su byar med pa'i phyir ro/ /kau shi ka shes rab kyi pha rol tu phyin pa 'di la gnyis su 'dod pa de ni yang dag pa'i mtha' dang / bsam gyis mi khyab pa'i dbyings la gnyis su 'dod du zad do//de ci'i phyir zhe na/ kau shi ka de ni 'di ltar yang dag pa'i mtha' dang / bsam gyis mi khyab pa'i dbyings dang / shes rab kyi pha rol tu phyin pa la gnyis su med de gnyis su byar med pa'i phyir ro/ /de bzhin du yang dag pa'i mtha' dang / bsam gyis mi khyab pa'i dbyings dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la gnyis su med de gnyis su byar med pa'i phyir ro/ /brgya byin gyis gsol pa/ bcom ldan 'das shes rab kyi pha rol tu phyin pa la phyag 'tshal lo//'di ni lha dang mi dang lha ma yin du bcas pa'i 'jig rten gyis phyag bgyi bar 'os pa ste/ gang la byang chub sems dpa' sems dpa' chen po rnams kyis bslabs pas bla na med pa yang dag par rdzogs pa'i byang chub tu mngon par rdzogs par sangs rgyas so/ / bcom ldan 'das gang gi tshe bdag chos bzangs lha'i 'dun sa na lha rnams kyi dbang po'i stan la mchis par gyur pa de'i tshe/ der lha'i bu gang ji snyed cig bdag gi rim gro la mchis pa de dag kun kyang bdag la mchod par bgyid de/ nam bdag seng ge'i khri la mchis par gyur pa de'i tshe yang lha'i bu de dag gnas der mchis shing lha rnams kyi dbang po brgya byin chos kyi stan 'di la 'dug cing sum cu rtsa gsum gyi lha rnams la chos ston to zhes lha'i bu de dag bdag gi stan de la phyag 'tshal te slar mchi'o //bcom ldan 'das de bzhin du gang na shes rab kyi pha rol tu phyin pa 'di bris shing gzhag pa'am/ kha ton du bgyid pa'am/ gzhan la rgya cher ston pa de phyogs bcu'i 'jig rten gyi khams kyi lha'i bu ji snyed cig mchis pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po ji snyed cig mchis pa de dag kyang de bzhin gshegs pa dgra bcom pa yang dag par rdzogs pa'i sangs rgyas rnams ni 'di las byung ngo //sems can thams cad kyi bde ba'i yo byad thams cad kyang 'di las byung ngo zhes shes rab kyi pha rol tu phyin pa la phyag bgyis nas slar mchi bar 'gyur ro/ /de bzhin gshegs pa'i sku gdung ji snyed pa de snyed kyis mchod pa brnyes pa yang shes rab kyi pha rol tu phyin pas bsgrubs pa'i slad du'o//bcom ldan 'das byang chub sems dpa'i spyad pa spyod pa'i tshe/ shes rab kyi pha rol tu phyin pa ni thams cad mkhyen pa'i ye shes kyi gzhir gyur to/ /rkyen du gyur to/ /bcom ldan 'das de bas na cha de gnyis las bdag ni shes rab kyi pha rol tu phyin pa 'di nyid len to//bcom ldan 'das gang gi tshe bdag gis shes rab kyi pha rol tu phyin pa 'di blangs te/ chos nyid kyi khongs su gtogs pa'i yid kyis kha ton bgyid cing shes rab kyi pha rol tu phyin pa yid la bgyid pa de'i tshe 'jigs pa'am/bag tsha ba'i mtshan ma tsam yang yang dag par rjes su mi mthong ngo / /bcom ldan 'das de ci'i slad du zhe na/ shes rab kyi pha rol tu phyin pa ni mtshan ma ma mchis/ rtags ma mchis/ brjod du ma mchis pa ste/ bcom ldan 'das shes rab kyi pha rol tu phyin pa ni smos su ma mchis pa'o//de bzhin du bcom ldan 'das bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni mtshan ma ma mchis/ rtags ma mchis/ brjod du ma mchis pa ste/bcom ldan 'das sbyin pa'i pha rol tu phyin pa dang / rnam pa thams cad mkhyen pa nyid kyi bar ni smos su ma mchis pa'o/ /bcom ldan 'das gal te shes rab kyi pha rol tu phyin pa ni mtshan ma dang bcas pa/ rtags dang bcas pa/ brjod pa dang bcas pa/ smos pa dang bcas pa zhig lags kyi/mtshan ma ma mchis/ rtags ma mchis/ brjod du ma mchis/ smos su ma mchis pa ma lags na ni de bzhin gshegs pa dgra bcom pa yang dag par rdzogs pa'i sangs rgyas rnams kyis chos thams cad la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis pa thugs su chud de/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis pa'i chos mi ston pa zhig na/ bcom ldan 'das gang gi slad du shes rab kyi pha rol tu phyin pa mtshan ma ma mchis/rtags ma mchis/ brjod du ma mchis/ smos su ma mchis pas de'i slad du de bzhin gshegs pas chos thams cad mtshan ma mchis pa dang / rtags ma mchis pa dang / brjod du ma mchis pa dang / smos su ma mchis par thugs su chud de/bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis pa'i chos ston to zhes bya ba ni gzhan gyi don la mos pa chung ngu'i 'bring yin no// bcom ldan 'das de lta bas na shes rab kyi pha rol tu phyin pa 'di ni lha dang mi dang lha ma yin du bcas pa'i 'jig rten gyis me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bgyid/ bla mar bgyid/ bsti stang du bgyid/ mchod par bgyid pa des nam bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du sems can dmyal ba dang / byol song gi skye gnas dang / gshin rje'i 'jig rten gyi rgyud kyi dogs pa ma mchis par bgyi'o//nyan thos kyi sa dang / rang sangs rgyas kyi sa'i dogs pa ma mchis par bgyi'o/ /de ni de bzhin gshegs pa mthong ba dang / sems can yongs su smin par bgyi ba dang mi 'bral bar yang 'gyur te/ de bzhin gshegs pa de dag la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bya ba dang / bla ma dang / bsti stang dang / mchod pa bgyid cing 'di lta ste/ sangs rgyas kyi zhing nas sangs rgyas kyi zhing du mchi bar 'gyur ro zhes bya ba ni gzhan gyi don la mos pa chung ngu'i chen po yin no// bcom ldan 'das gzhan yang gal te stong gsum gyi stong chen po'i 'jig rten gyi khams 'di de bzhin gshegs pa'i sku gdung gis byur bur gtams pa zhig stsal la/ shes rab kyi pha rol tu phyin pa 'di yang bris nas glegs bam du bgyis te stsal na/bcom ldan 'das cha gzhag pa de gnyis las bdag ni shes rab kyi pha rol tu phyin pa 'di nyid len to/ /de ci'i phyir zhe na/ 'di las byung ba ni de bzhin gshegs pa'i sku gdung rnams lags pa'i slad du ste/ de bas na rim gror bgyi ba dang / bla mar bgyi ba dang / bsti stang du bgyi ba dang /mchod par bgyi ba lags so/ /rigs kyi bu'am/ rigs kyi bu mo de dag gis de la rim gror bgyis/ bkur stir bgyis/ bsti stang du bgyis/ mchod par bgyis na log par ltung ba dang / ngan song du mchi bar mi 'gyur te/ lha dang mi'i phun sum tshogs pa myong nas smon lam ji lta ba bzhin du nyan thos kyi theg pa'am/rang sangs rgyas kyi theg pa'am/ theg pa chen pos yongs su mya ngan las 'da' bar 'gyur ro / /bcom ldan 'das de lta bas na gang gis de bzhin gshegs pa mthong ba dang / gang gis shes rab kyi pha rol tu phyin pa mthong ba de dag la mi 'dra ba ma mchis te/bcom ldan 'das 'di ltar shes rab kyi pha rol tu phyin pa dang / de bzhin gshegs pa la gnyis su ma mchis te gnyis su bgyir ma mchis pa'i phyir ro zhes bya ba ni gzhan gyi don la mos pa 'bring gi chung ngu yin no/ / bcom ldan 'das gzhan yang de bzhin gshegs pa dgra bcom pa yang dag par rdzogs pa'i sangs rgyas rnams cho 'phrul rnam pa gsum gyi mdo dang /dbyangs kyis bsnyad pa dang / lung bstan pa dang / gtan la phab pa bstan pa'i bar du gsung rab yan lag bcu gnyis kyis chos ston par mdzad pa dang / rigs kyi bu'am/ rigs kyi bu mo la las shes rab kyi pha rol tu phyin pa 'di gzung zhing /kun chub par bgyis te/ gzhan la rgya cher ston pa de dag nyid kyang mi 'dra ba ma mchis so/ /bcom ldan 'das de ci'i slad du zhe na/ 'di las byung ba ni cho 'phrul rnam pa gsum lags pa'i phyir ro/ /'di las byung ba ni mdo dang / dbyangs kyis bsnyad pa dang / lung bstan pa dang / gtan la phab pa'i bar du bstan pa dag lags pa'i phyir ro/ /bcom ldan 'das gzhan yang shar phyogs kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed mang po cho 'phrul rnam pa gsum gyi mdo dang / dbyangs kyis bsnyad pa dang /lung bstan pa dang / gtan la phab pa bstan pa'i bar du chos ston par mdzad pa dang / de bzhin du lho dang nub dang / byang dang 'og dang / steng gi phyogs dang phyogs mtshams kyi bar gyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed mang po cho 'phrul rnam pa gsum gyi mdo dang dbyangs kyis bsnyad pa dang /lung bstan pa dang / gtan la phab pa bstan pa'i bar gyi chos ston par mdzad pa dang / rigs kyi bu'am/ rigs kyi bu mo la la shes rab kyi pha rol tu phyin pa ni gzung ba dang / gzhan la rgya cher ston pa'i bar de gnyis kyang mi 'dra ba ma mchis so//bcom ldan 'das de ci'i slad du zhe na/ 'di las byung ba ni cho 'phrul rnam pa gsum lags pa'i slad du'o/ /'di las byung ba ni mdo dang / dbyangs kyis bsnyad pa dang / lung bstan pa dang / gtan la phab pa bstan pa'i bar dag lags pa'i slad du'o/ / bcom ldan 'das gzhan yang phyogs re re'i phyogs bcu'i bar gyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas de dag la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gro dang / bla ma dang / bsti stang dang / mchod par bgyid pa dang / shes rab kyi pha rol tu phyin pa 'di bris shing glegs bam du byas te/ me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang /rgyal mtshan dang / ba dan rnams kyis rim gro dang / bla ma dang / bsti stang dang / mchod ba bgyis pa yang mi 'dra ba ma mchis so/ /de ci'i slad du zhe na/ 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams lags pa'i phyir ro zhes bya ba ni gzhan gyi don la mos pa 'bring gi 'bring yin no// bcom ldan 'das gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur zhing gzhan la rgya cher ston par 'gyur ba des ni sems can dmyal ba dang /byol song gi skye gnas dang / gshin rje'i 'jig rten gyi rgyud kyi dogs pa ma mchis par bgyi'o/ /nyan thos kyi sa'am/ rang sangs rgyas kyi sa'i dogs pa ma mchis par bgyi ste/ 'di ltar rigs kyi bu'am/ rigs kyi bu mo de ni phyir mi ldog pa'i sa la gnas par rig par bya'o//de ci'i slad du zhe na/ 'di ltar rigs kyi bu'am/ rigs kyi bu mo de ni shes rab kyi pha rol tu phyin pa 'di bris shing 'dzin par bgyid / 'chang bar bgyid / klog par bgyid / kun chub par bgyid / tshul bzhin du yid la bgyid cing bris pa de la yang me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bgyid/ bla mar bgyid/ bsti stang du bgyid/ mchod par bgyid pa ste/ de la gang nas kyang 'jigs pa 'byung ba'i dogs pa ma mchis par bgyi'o//bcom ldan 'das 'di lta ste dper na/ skyes bu nor gyi bdag po zhig 'jigs nas rgyal po la brten pas de gang la 'jigs par 'gyur ba de dag nyid kyang de nyid la brten pas de dag gis 'jigs par mi 'gyur ro/ /de ci'i phyir zhe na/ bcom ldan 'das de ni 'di ltar mthu dang ldan pa la brten nas 'jigs pa ma mchis par 'gyur ro//bcom ldan 'das de bzhin du de bzhin gshegs pa'i sku gdung rnams shes rab kyi pha rol tu phyin pas yongs su bsgrubs pas na mchod pa brnyes so/ /bcom ldan 'das de la rgyal po ji lta ba bzhin du shes rab kyi pha rol tu phyin pa de lta bar bgyi'o//rgyal po la brten pa'i skyes bu ji lta ba bzhin du mchod pa brnyes pa de lta bar bgyi'o/ /de ltar na de bzhin gshegs pa'i sku gdung rnams shes rab kyi pha rol tu phyin pas yongs su bsgrubs pas mchod pa brnyes so/ /bcom ldan 'das rnam pa thams cad mkhyen pa'i ye shes gang lags pa de yang shes rab kyi pha rol tu phyin pas yongs su bsgrub par blta'o//bcom ldan 'das de bas na cha de gnyis las 'dam du stsal na bdag ni shes rab kyi pha rol tu phyin pa 'di nyid len to/ /de ci'i slad du zhe na/ 'di las byung ba ni de bzhin gshegs pa'i sku gdung rnams lags pa'i phyir ro/ / 'di las byung ba ni mi chen po'i mtshan sum cu rtsa gnyis lags pa'i phyir ro/ /'di las byung ba ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad lags pa'i phyir ro/ /'di las byung ba ni byams pa chen po dang snying rje chen po lags pa'i phyir ro//'di las byung ba ni pha rol tu phyin pa lngas pha rol tu phyin pa'i ming thob pa lags pa'i phyir ro/ /'di las byung ba ni de bzhin gshegs pa'i rnam pa thams cad mkhyen pa nyid lags pa'i phyir ro/ /bcom ldan 'das stong gsum gyi stong chen po'i 'jig rten gyi khams gang na sems can rnams shes rab kyi pha rol tu phyin pa 'di 'dzin par 'gyur/'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur ba der sems can de rnams la mi'am mi ma lags pas glags lta zhing glags tshol ba rnams kyis glags rnyed par mi 'gyur te/sems can de dag thams cad mthar gyis yongs su mya ngan las 'da' ba'i chos can du 'gyur ro/ /bcom ldan 'das de ltar shes rab kyi pha rol tu phyin pa 'di ni don chen po dang ldan pa lags so/ /bcom ldan 'das shes rab kyi pha rol tu phyin pa 'di ni stong gsum gyi stong chen po'i 'jig rten gyi khams gang na sems can ji snyed cig mchis pa de rnams sangs rgyas kyi bya bas nye bar gnas pa lags so//bcom ldan 'das 'jig rten gyi khams gang na shes rab kyi pha rol tu phyin pa 'di dar bar 'gyur ba'i 'jig rten gyi khams der ni sangs rgyas 'byung ba dang 'dra bar blta'o//bcom ldan 'das 'di lta ste dper na/ nor bu rin po che rin thang ma mchis pa zhig mchis par gyur la/ nor bu rin po che chen po de la yon tan gyi rnam pa 'di lta bu dag ldan te/ gang dang gang du nor bu rin po che chen po de gzhag pa dang der mi ma lags pa rnams kyis glags mi rnyed do//skyes pa'am/ bud med gang dang gang mi ma lags pas zin par 'gyur ba de dang de la nor bu rin po che chen po de bstan na/ nor bu rin po che chen po de bstan pa tsam kho nas mi ma lags pa de nor bu rin po che chen po de'i gzi brjid mi bzod pas de myur du mchi'o //gang gi tshe mkhris pas gdungs pa'i lus la nor bu rin po che chen po de btags na mkhris pa de yang 'byang bar 'gyur la 'phel bar mi 'gyur te nye bar zhi bar 'gyur ro/ /rlung gis gdungs pa'i lus la nor bu rin po che chen po de btags na rlung de yang 'byang bar 'gyur ro/ / bad kan gyis gdungs pa'i lus la nor bu rin po che chen po de btags na bad kan de rnams thams cad kyang 'byang bar 'gyur ro/ /'dus pa'i nad kyis btab pa'i lus la nor bu rin po che chen po de btags na 'dus pa'i nad de zhi bar 'gyur gyi rnam par mi 'phel lo/ /nub mo ni nor bu rin po che chen po des snang bar bgyid do//tsha ba'i dus na ni nor bu rin po chen po des phyogs gang du gzhag pa'i sa phyogs de bsil bar bgyid par 'gyur bar bgyid do/ /grang ba'i dus na ni nor bu rin po che chen po de sa phyogs gang du gzhag pa'i sa phyogs de dro bar bgyid par 'gyur ro/ /nor bu rin po che chen po de gang du gzhag pa'i sa phyogs de ha cang yang mi dro ha cang yang mi grang zhing dus bde bar 'gyur ro//nor bu rin po che chen po de dogs sa'i phyogs gang du gzhag pa'i sa phyogs der sbrul lam/ sdig pa la sogs pa'am gdug pa can rgyu bar mi 'gyur ro// //bam po sum cu gsum pa/skyes pa'am bud med la la zhig sbrul gdug pas zin par gyur pa la nor bu rin po che chen po bstan na de des mthong ma thag tu yang dug de yang 'byung bar 'gyur ro/ /bcom ldan 'das nor bu rin po che chen po de ni yon tan gyi rnam pa de lta bu dag dang ldan par 'gyur te/ skyes pa'am bud med la la zhig nad sna tshogs kyis btab par gyur pa las/de rnams kyi lus la nor bu rin po che chen po de btags na de dag gi nad de thams cad kyang zhi bar 'gyur ro/ /bcom ldan 'das nor bu rin po che chen po de gang gi tshe chab kyi nang du stsal na de'i tshe chab de thams cad kyang gser gyi kha dog dang 'dra bar bgyid do//bcom ldan 'das gal te nor bu rin po che chen po de ras sngon pos dkris te/ chab kyi nang du stsal na chab de yang sngon por bgyid do/ /gal te nor bu rin po che chen po de ras ser po'am/ dmar po'am/ le brgan nam/ shel gyi kha dog gi ras kyis dkris te chab kyi nang du stsal na chab de yang de'i kha dog tu bgyid do//tshon kha dog sna tshogs kyi ras kyis nor bu rin po che chen po de dkris te chab kyi nang du stsal na chab de yang kha dog sna tshogs su bgyid do/ /bcom ldan 'das nor bu rin po che chen po de chab rnyog pa can gyi nang du stsal na/ chab de thams cad shin tu dang bar bgyid de/ nor bu rin po che chen po de yon tan gyi rnam pa 'di lta bu dag dang ldan par 'gyur ro/ /de nas tshe dang ldan pa kun dga' bos lha rnams kyi dbang po brgya byin la 'di skad ces smras so/ /kau shi ka de ji snyam du sems/ nor bu rin po che chen po de lha rdzas zhig yin nam/ 'on te nor bu rin po che chen po de 'dzam bu'i gling gi mi rnams la yang yod/brgya byin gyis smras pa/ btsun pa kun dga' bo nor bu rin po che chen po de ni lha rdzas so/ /'dzam bu'i gling gi mi rnams la nor bu rin po che chen po gang yod pa de ni chung zhing lci la lha rdzas kyi nor bu rin po che chen po gang yin pa de dag ni che zhing yang la/ 'dzam bu'i gling gi mi de rnams kyi nor bu rin po che ni de ltar yon tan gyi rnam pa yongs su rdzogs pa ni ma yin no//'dzam bu'i gling gi nor bu rin po che de dag gis ni lha rdzas kyi nor bu rin po che de'i grangs su yang nye bar mi 'gro/ cha'am/ bgrang ba'am/ dpe'am/ rgyur yang nye bar mi 'gro'o/ /nor bu rin po che chen po de yang snod la la zhig gi nang du bcug pa las/gang gi tshe snod de nas nor bu rin po che chen po de phyung bar gyur kyang / de'i tshe 'dir ni nor bu rin po che chen po de gnas par gyur pa'o zhes snod de la dga' bar 'gyur ro/ /bcom ldan 'das de bzhin du shes rab kyi pha rol tu phyin pa 'di gang du dar bar 'gyur ba'i sa phyogs der rigs kyi bu'am/rigs kyi bu mo de dag gi lus sam/ sems kyi sdug bsngal dang / gnod pa mi las gyur pa'am/ mi ma lags pa las gyur pa thams cad kyang ma mchis par 'gyur te/ nor bu rin po che chen po zhes bya ba 'di ni shes rab kyi pha rol tu phyin pa dang rnam pa thams cad mkhyen pa'i ye shes kyi tshig bla dgas so//btsun pa kun dga' bo shes rab kyi pha rol tu phyin pa'i yon tan ji snyed cig brjod par nus te/ shes rab kyi pha rol tu phyin pa'i yon tan tshad med pa'o/ /de bzhin du de bzhin gshegs pa'i sku gdung ni bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam dang / tshad med pa dang / bsam gtan dang / gzugs med pa'i snyoms par 'jug pa dang / 'phags pa'i bden pa dang / rnam par thar pa brgyad dang /mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang /rnam pa thams cad mkhyen pa nyid kyi bar gyi ye shes dang / chos kyi dbyings dang / chos skyon med pa nyid dang / de bzhin nyid dang / yang dag pa'i mtha' dang / bsam gyis mi khyab pa'i dbyings dang / rnam pa thams cad mkhyen pa'i ye shes te/ yon tan de rnams kyi snod do/ / des na de bzhin gshegs pa mya ngan las 'das pa'i ring bsrel gyis mchod pa brnyes so/ /de bzhin gshegs pa'i sku gdung 'di dag ni thams cad mkhyen pa'i ye shes te/ bag chags kyi mtshams sbyor ba'i nyon mongs pa thams cad spangs pa dang / rtag tu btang snyoms la gnas pa dang / bsnyel ba mi mnga' ba'i chos nyid kyi snod du [(]gyar [,]gyur [)]pa yin no//de bas na de bzhin gshegs pa'i sku gdung de dag gis mchod pa brnyes so zhes bya ba ni gzhan gyi don la mos pa 'bring gi chen po yin no/ / de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das de bzhin gshegs pa'i sku gdung de dag ni pha rol tu phyin pa rin po che'i snod du gyur pa'o//de bzhin gshegs pa'i sku gdung de dag ni pha rol tu phyin pa kun nas nyon mongs pa ma mchis pa rnam par byang ba ma mchis pa dang / pha rol tu phyin pa mi skye mi 'gag pa dang / pha rol tu phyin pa 'ong ba ma mchis 'gro ba ma mchis pa'i snod do//de bzhin gshegs pa'i sku gdung de dag ni pha rol tu phyin pa'i chos nyid kyi snod do/ /de bzhin gshegs pa'i sku gdung de dag ni pha rol tu phyin pa'i chos nyid kyis yongs su bsgos pas mchod pa brnyes so/ /bcom ldan 'das gzhan yang stong gsum gyi stong chen po'i 'jig rten gyi khams de bzhin gshegs pa'i sku gdung gis byur bur gtams par lta zhog gi /bcom ldan 'das gal te 'jig rten gyi khams gang gA'i klung gi bye ma snyed cig de bzhin gshegs pa'i sku gdung gis byur bur gtams pa dang / shes rab kyi pha rol tu phyin pa glegs bam du bris pa zhig 'dam du stsal na/bcom ldan 'das cha gzhag pa de gnyis las bdag ni shes rab kyi pha rol tu phyin pa 'di nyid len to/ /de ci'i slad du zhe na/ bcom ldan 'das 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas kyi sku gdung rnams kyis mchod pa brnyes pa lags pa'i phyir ro//bcom ldan 'das rigs kyi bu'am/ rigs kyi bu mo gang de bzhin gshegs pa'i sku gdung rnams la rim gror bgyid pa dang / bla mar bgyid pa dang / bsti stang du bgyid pa dang / mchod par bgyid pa des dge ba'i rtsa ba de'i mthar ma bgyis par rgyal rigs sA la chen po'am/bram ze'i rigs sA la chen po'am/ khyim bdag gi rigs sA la chen po'am/ rgyal chen bzhi'i ris kyi lha rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang /gzhan 'phrul dbang byed kyi lha'i bu rnams kyi nang du mi dang lha'i phun sum tshogs pa dang / bde ba myong ba'i dge ba'i rtsa ba bskyed pa dang / sdug bsngal gyi mthar bgyid par 'gyur ro/ /rigs kyi bu'am/ rigs kyi bu mo des shes rab kyi pha rol tu phyin pa 'di gzung zhing bcangs pa dang bklags shing kun chub par bgyid pa dang /tshul bzhin du yid la bgyid pas ni bsam gtan gyi pha rol tu phyin pa yongs su rdzogs par bgyis/ bsam gtan gyi pha rol tu phyin pa yongs su rdzogs pas / brtson 'grus kyi pha rol tu phyin pa yongs su rdzogs par bgyis/ brtson 'grus kyi pha rol tu phyin pa yongs su rdzogs pas /bzod pa'i pha rol tu phyin pa yongs su rdzogs par bgyis/ bzod pa'i pha rol tu phyin pa yongs su rdzogs pas / tshul khrims kyi pha rol tu phyin pa yongs su rdzogs par bgyis/ tshul khrims kyi pha rol tu phyin pa yongs su rdzogs pas / sbyin pa'i pha rol tu phyin pa yongs su rdzogs par bgyis/sbyin pa'i pha rol tu phyin pa yongs su rdzogs/ de bzhin du byang chub kyi phyogs kyi chos sum cu rtsa bdun dang / sangs rgyas kyi chos ma 'dres pa bco brgyad kyi bar du yongs su rdzogs par bgyis nas nyan thos kyi sa'am/ rang sangs rgyas kyi sa las 'das te/byang chub sems dpa'i skyon med par zhugs shing byang chub sems dpa'i mngon par shes pa thob ste sangs rgyas kyi zhing nas sangs rgyas kyi zhing du mchi bar 'gyur ro/ /de ched du bsams shing lus yongs su 'dzin par 'gyur ro/ lus de dag gis kyang sems can yongs su smin par bgyid par 'gyur te/res 'ga' ni 'khor los sgyur ba'i rgyal po'i lus yongs su 'dzin/ rgyal rigs sA la chen po'i lus yongs su 'dzin/ bram ze'i rigs sA la chen po'i lus yongs su 'dzin/ khyim bdag gi rigs sA la chen po'i lus yongs su 'dzin cing sems can yongs su smin par bgyid do//bcom ldan 'das de bas na bdag ni de bzhin gshegs pa'i sku gdung rnams la mi gus pa yang ma lags kyi gus pa lags la/ bcom ldan 'das 'di nyid yongs su gzung bar ma 'tshal ba yang ma lags te/ 'on kyang shes rab kyi pha rol tu phyin pa la rim gro dang / bla ma dang /bsti stang dang / mchod par bgyid na/ de bzhin gshegs pa'i sku gdung rnams la yang rim gror bgyid par 'gyur/ bla ma dang / bsti stang dang / mchod par bgyid par 'gyur ro/ /bcom ldan 'das gzhan yang phyogs bcu'i 'jig rten gyi khams tshad ma mchis/ grangs ma mchis pa dag na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong la chos ston pa de dag kyang chos sku dang /gzugs kyi skur mthong bar 'tshal bas shes rab kyi pha rol tu phyin pa 'di nyid gzung bar bgyi/ bcang bar bgyi/ bklag par bgyi/ kun chub par bgyi/ mchod par bgyi/ gzhan la yang rgya cher yang dag par bstan par bgyi/ tshul bzhin du yid la bgyi ste/ rigs kyi bu'am/ rigs kyi bu mo des ni phyogs bcu'i 'jig rten gyi khams grangs dang / tshad ma mchis pa'i de bzhin gshegs pa dgra bcom pa yang dag par rdzogs pa'i sangs rgyas rnams mthong bar 'gyur ro//de bas na rigs kyi bu'am/ rigs kyi bu mo shes rab kyi pha rol tu phyin pa la spyod pas chos nyid du sangs rgyas rjes su dran pa bsgom par bgyi'o/ /bcom ldan 'das gnyis po 'di dag ni chos nyid de/ chos nyid gnyis gang zhe na/'dus byas kyi chos nyid dang / 'dus ma byas kyi chos nyid do/ /bcom ldan 'das de la 'dus byas kyi chos nyid gang zhe na/ 'di lta ste nang stong pa nyid kyi ye shes dang / phyi stong pa nyid kyi ye shes dang / phyi nang stong pa nyid kyi ye shes dang / dngos po med pa'i ngo bo nyid stong pa nyid kyi bar gyi ye shes dang /byang chub kyi phyogs kyi chos sum cu rtsa bdun gang yin pa rnams dang / 'phags pa'i bden pa gang yin pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa gang yin pa rnams dang / de bzhin gshegs pa'i stobs bcu'i ye shes dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi ye shes dang / dge ba dang / mi dge ba'i rtsa ba rnams dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba'i chos rnams kyi ye shes gang lags pa de ni 'dus byas kyi chos nyid ces bgyi'o/ /de la 'dus ma byas kyi chos nyid gang zhe na/ de ni gang la skye ba ma mchis pa dang / 'gag pa ma mchis pa dang / gnas pa ma mchis pa dang / mi gnas pa ma mchis pa dang / kun nas nyon mongs pa ma mchis pa dang / rnam par byang ba ma mchis pa dang / 'phel ba ma mchis pa dang / 'grib pa ma mchis pa dang / chos thams cad kyi dngos po med pa'i ngo bo nyid la brjod par bgyi'o//chos thams cad kyi dngos po med pa'i ngo bo nyid gang lags she na/ gang nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang /mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid dang / gzhan gyi ngo bo stong pa nyid dang / chos thams cad kyi rang bzhin stong pa nyid gang yin pa de mi dmigs pa dang / chos thams cad brjod du med pa dang / tshig gi spyod yul ma yin pa'i bar gang yin pa 'di dag 'dus ma byas kyi chos nyid ces bya ba'o zhes bya ba ni gzhan gyi don la mos pa chen po'i chung ngu yin no// de nas bcom ldan 'das kyis lha rnams kyi dbang po brgya byin la bka' stsal pa/ kau shi ka de de bzhin no/ /de de bzhin te/ 'das pa'i dus su byung ba'i de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba de dag kyang shes rab kyi pha rol tu phyin pa 'di nyid la brten te bla na med pa yang dag par rdzogs pa'i byang chub tu mngon par rdzogs par sangs rgyas so//ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba de dag kyang shes rab kyi pha rol tu phyin pa 'di nyid la brten cing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//de ltar byung ba'i phyogs bcu'i 'jig rten gyi khams rnams na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang /chos ston pa de dag kyang shes rab kyi pha rol tu phyin pa 'di nyid la brten cing bla na med pa yang dag par rdzogs pa'i byang chub tu mngon par rdzogs par sangs rgyas so / /'das pa'i dus su byung ba dang /ma 'ongs pa'i dus su byung ba dang / nyan thos dang rang sangs rgyas gang ji snyed pa de dag kyang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya bar 'gyur ro//gang rgyun du zhugs pa'i 'bras bu thob par gyur to/ /'thob par 'gyur ro/ /gang yang lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par gyur to/ /'thob par 'gyur ro/ /gang yang da ltar phyogs bcu'i 'jig rten gyi khams grangs med pa dag na nyan thos dang /rang sangs rgyas gang ji snyed cig bzhugs shing 'tsho skyong ba de dag gis kyang shes rab kyi pha rol tu phyin pa 'di nyid la brten te/ nyan thos kyi byang chub dang / rang byang chub 'thob po/ /de ci'i phyir zhe na/ de ni 'di ltar shes rab kyi pha rol tu phyin pa 'di las theg pa gsum po thams cad kyang rgya cher bstan pa ste/de dag kyang mtshan ma med pa'i tshul dang / skye ba med pa'i tshul dang / 'gag pa med pa'i tshul dang / kun nas nyon mongs pa med pa'i tshul dang / rnam par byang ba med pa'i tshul dang / mngon par 'du bya ba med pa'i tshul dang / len pa med pa'i tshul dang / dor ba med pa'i tshul dang / dbri ba dang / bsnan pa med pa'i tshul dang / blang ba dang / spang ba med pa'i tshul gyis te/ de yang 'jig rten gyi tha snyad du yin gyi don dam par ni ma yin no/ /de ci'i phyir zhe na/ shes rab kyi pha rol tu phyin pa 'di tshu rol lam/ pha rol lam/ thang ngam gshong ngam/ mnyam pa'am/ mi mnyam pa'am/ mtshan ma yod pa'am/ mtshan ma med pa'am/ 'jig rten pa'am/ 'jig rten las 'das pa'am/ 'dus byas sam/ 'dus ma byas sam/ dge ba'am/ mi dge ba'am/ 'das pa'am/ ma 'ongs pa'am / da ltar byung bar btags pa med pa'i phyir te/ kau shi ka shes rab kyi pha rol tu phyin pa la ni chos gang yang rab tu ster bar byed pa ma yin te/ rang sangs rgyas kyi chos rnams dang / dgra bcom pa'i chos rnams rab tu ster bar byed pa ma yin no zhes bya ba ni gzhan gyi don la mos pa chen po'i 'bring yin no//brgya byin gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni pha rol tu phyin pa chen po ste/ bcom ldan 'das 'dir byang chub sems dpa' sems dpa' chen po shes rab kyi pha rol tu phyin pa la spyod pa rnams sems can thams cad kyi sems dang spyod pa 'tshal kyang sems can du dmigs pa ma mchis so//srog dang / gso bar ma mchis pa dang / skyes bur ma mchis/ shed bur ma mchis/ shed las skyes su ma mchis/ byed pa por ma mchis/ tshor ba por ma mchis/ shes pa por ma mchis/ mthong ba por dmigs pa ma mchis so//gzugs su dmigs pa ma mchis so/ /tshor bar ma mchis so/ /'du shes su ma mchis so/ /'du byed rnams su ma mchis so/ /rnam par shes par dmigs pa ma mchis so/ /sa'i khams su dmigs pa ma mchis so/ /chu'i khams su dmigs pa ma mchis so//me'i khams su dmigs pa ma mchis so/ /rlung gi khams su dmigs pa ma mchis so/ /nam mkha'i khams su dmigs pa ma mchis so/ /rnam par shes pa'i khams su dmigs pa ma mchis so/ /mig tu dmigs pa ma mchis so/ /gzugs su dmigs pa ma mchis so//mig gi rnam par shes par dmigs pa ma mchis so/ /mig gi 'dus te reg par dmigs pa ma mchis so/ /mig dang / gzugs dang / mig gi rnam par shes pa'i 'dus te reg pa'i rkyen gyis byung ba'i tshor ba gang yin pa bde ba'am/ sdug bsngal ba'am/ sdug bsngal ba yang ma yin/bde ba yang ma yin pa de lta bu yang dmigs pa ma mchis so/ /de bzhin du rna ba dang / sna dang / lce dang / lus dang / yid kyi dmigs pa ma mchis so/ /sgra dang / dri dang / ro dang / reg dang / chos su dmigs pa ma mchis so/ /rna ba'i rnam par shes pa dang / yid kyi rnam par shes pa'i bar dang /rna ba'i 'dus te reg pa dang / yid kyi 'dus te reg pa'i bar du dmigs pa ma mchis so/ /yid dang / chos dang / yid kyi rnam par shes pa'i 'dus te reg pa'i rkyen gyis byung ba'i tshor ba gang yin pa bde ba'am/ sdug bsngal ba'am/ sdug bsngal ba yang ma yin/ bde ba yang ma yin pa de lta bur yang dmigs pa ma mchis so/ /dran pa nye bar gzhag pa rnams su dmigs pa ma mchis so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams su dmigs pa ma mchis so/ / tshad med pa dang / bsam gtan dang / gzugs med pa'i snyoms par 'jug pa rnams su dmigs pa ma mchis so/ /'phags pa'i bden pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa drug tu dmigs pa ma mchis so//ting nge 'dzin rnams su dmigs pa ma mchis so/ /gzungs kyi sgo rnams su dmigs pa ma mchis so/ /de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad du dmigs pa ma mchis so//nang stong pa nyid du dmigs pa ma mchis so/ /phyi stong pa nyid du dmigs pa ma mchis so/ /phyi nang stong pa nyid du dmigs pa ma mchis so/ /dngos po med pa'i ngo bo nyid stong pa nyid kyi bar du dmigs pa ma mchis so/ /ting nge 'dzin rnams su dmigs pa ma mchis so//gzungs kyi sgo rnams su dmigs pa ma mchis so/ /stong pa nyid dang / mtshan ma med pa dang / smon pa med par dmigs pa ma mchis so/ /byang chub tu dmigs pa ma mchis so/ /sangs rgyas su dmigs pa ma mchis so/ /sangs rgyas kyi chos rnams su dmigs pa ma mchis te/ shes rab kyi pha rol tu phyin pa ni dmigs pa'i tshul gyis nye bar gnas su ma mchis so/ /de ci'i slad du zhe na/ de ni 'di ltar gang dmigs pa dang gang gis dmigs par bgyi ba dang / gang la dmigs par bgyi ba'i ngo bo nyid ma mchis shing mi dmigs so/ /bcom ldan 'das kyis bka' stsal pa/kau shi ka de de bzhin no/ /de de bzhin te/ sngon byang chub sems dpa' sems dpa' chen pos mi dmigs pa'i tshul du shes rab kyi pha rol tu phyin pa la spyad pas byang chub kyang mi dmigs na/ byang chub sems dpa'i chos nyid lta ci smos/ brgya byin gyis gsol pa/bcom ldan 'das ci byang chub sems dpa' sems dpa' chen po shes rab kyi pha rol tu phyin pa kho na la spyod kyi pha rol tu phyin pa gzhan rnams la ma lags sam/ bcom ldan 'das kyis bka' stsal pa/ kau shi ka byang chub sems dpa' sems dpa' chen po ni mi dmigs pa'i tshul gyis pha rol tu phyin pa thams cad la spyod kyi/shes rab kyi pha rol tu phyin pa 'ba' zhig la ni ma yin te/ des sbyin pa'i pha rol tu phyin pa yang mi dmigs/ gtong ba yang mi dmigs/ len pa yang mi dmigs so/ /tshul khrims kyi pha rol tu phyin pa yang mi dmigs/ tshul khrims dang ldan pa yang mi dmigs/tshul khrims bsrung ba yang mi dmigs so/ /bzod pa'i pha rol tu phyin pa yang mi dmigs/ bzod pa dang ldan pa yang mi dmigs/ bzod par bya ba yang mi dmigs so/ /brtson 'grus kyi pha rol tu phyin pa yang mi dmigs/ bya ba yang mi dmigs/ lus dang sems kyang mi dmigs so/ /bsam gtan gyi pha rol tu phyin pa yang mi dmigs/ sems kyang mi dmigs te / ting nge 'dzin yang mi dmigs so/ /shes rab kyi pha rol tu phyin pa yang mi dmigs/ shes rab dang ldan pa yang mi dmigs/ shes par bya ba yang mi dmigs so/ / kau shi ka 'on kyang chos thams cad mi dmigs pa'i tshul gyis shes rab kyi pha rol tu phyin pa ni byang chub sems dpa' sems dpa' chen po'i sbyin pa gtong ba'i sngon du 'gro zhing 'dren pa'o/ /shes rab kyi pha rol tu phyin pa ni byang chub sems dpa' sems dpa' chen po'i tshul khrims bsrung ba'i sngon du 'gro zhing 'dren pa'o//shes rab kyi pha rol tu phyin pa ni byang chub sems dpa' sems dpa' chen po'i bzod pa sgom pa dang / brtson 'grus rtsom pa dang / bsam gtan la snyoms par 'jug pa dang / chos rnams la rnam par lta ba'i sngon du 'gro zhing 'dren pa'o/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba mi dmigs pa'i tshul dang / byang chub kyi phyogs kyi chos sum cu rtsa bdun mi dmigs pa'i tshul dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams mi dmigs pa'i tshul dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa drug mi dmigs pa'i tshul dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad mi dmigs pa'i tshul dang / stong pa nyid thams cad dang / ting nge 'dzin thams cad dang / gzungs kyi sgo thams cad mi dmigs pa'i tshul dang / chos thams cad kyi bar du mi dmigs pa'i tshul gyis so/ /kau shi ka 'di lta ste dper na/ 'dzam bu'i gling gi shing rnams lo ma dang yal ga sna tshogs can/ me tog dang / 'bras bu sna tshogs can/ dbyibs dang / chu zheng sna tshogs can du 'khod kyang shing de dag gi grib ma la khyad par ram/ bye brag tu bya ba mi dmigs te/ 'di ni grib ma grib ma zhes bya ba'i grangs su 'gro bar zad do/ /kau shi ka pha rol tu phyin pa lnga shes rab kyi pha rol tu phyin pas yongs su zin cing thams cad mkhyen pa'i ye shes su bsngos pa rnams la khyad par ram bye brag tu bya ba mi dmigs so zhes bya ba ni gzhan gyi don la mos pa chen po'i chen po yin te /'di dag gis ni mos pa yid la byed pa gsungs pa yin no/ / brgya byin gyis gsol pa/ bcom ldan 'das shes rab kyi pha rol tu phyin pa 'di ni yon tan thams cad yongs su rdzogs par bgyi ba'i slad du yon tan chen po dang ldan pa'o/ /bcom ldan 'das shes rab kyi pha rol tu phyin pa 'di ni tshad ma mchis pa'i yon tan dang ldan pa'o//bsam gyis mi khyab pa'i yon tan dang ldan pa'o/ / mi mnyam pa'i yon tan dang ldan pa'o/ /gzhal du ma mchis pa'i yon tan dang ldan pa'o/ /mtha' yas pa'i yon tan dang ldan pa'o/ /bcom ldan 'das rigs kyi bu'am/rigs kyi bu mo gang la la zhig gis shes rab kyi pha rol tu phyin pa 'di bris shing glegs bam du bgyis te 'chang bar 'gyur/ klog par 'gyur/ kun chub par 'gyur zhing de la me tog dang / spos dang / dri dang / phreng ba dang / byug pa dang / phye ma dang /na bza' dang / gdugs dang / rgyal mtshan dang / ba dan rnams kyis rim gror bgyis/ bla mar bgyis/ bsti stang du bgyis/ mchod par bgyis te/ ji skad du bstan pa bzhin du shes rab kyi pha rol tu phyin pa tshul bzhin du yid la bgyis pa dang / rigs kyi bu dang / rigs kyi bu mo la las shes rab kyi pha rol tu phyin pa 'di bris shing glegs bam du bgyis te gzhan la stsal na de gnyis las gang gi bsod nams ches 'phel bar 'gyur /bcom ldan 'das kyis bka' stsal pa/ kau shi ka de bas na khyod nyid la 'di dris/ ji ltar bzod pa de ltar lung ston cig /kau shi ka de ji snyam du sems/rigs kyi bu'am/ rigs kyi bu mo gang la las de bzhin gshegs pa'i sku gdung mang po la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byas/ bla mar byas/ bsti stang du byas/ mchod par byas pa dang / rigs kyi bu dang / rigs kyi bu mo la la de bzhin gshegs pa'i sku gdung bgo bshar byas te/ yungs kar gyi 'bru tsam zhig gzhan la byin pa dang / rigs kyi bu'am rigs kyi bu mo la las de bzhin gshegs pa'i sku gdung yungs kar gyi 'bru tsam pa de la me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byas/ bla mar byas/ bsti stang du byas/ mchod par byas na de dag las gang gi bsod nams cher 'phel ba yin/ brgya byin gyis gsol pa/bcom ldan 'das bdag gis bcom ldan 'das kyis gsungs pa'i don 'tshal te/ rigs kyi bu'am/ rigs kyi bu mo rang nyid kyis de bzhin gshegs pa'i sku gdung 'di la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bgyis/ bla mar bgyis/ bsti stang du bgyis/ mchod par bgyis/ rjed par bgyis/ bkur stir bgyis pa bas gang la las de bzhin gshegs pa'i sku gdung yungs kar gyi 'bru tsam gzhan la stsal na 'di ni de bas bsod nams cher 'phel lo/ /don gyi dbang 'di nyid gzigs te rdo rje lta bu'i ting nge 'dzin la mnyam par bzhag nas rdo rje lta bu'i sku bshig ste/sems can gyi ris na de bzhin gshegs pa'i ring bsrel gyis 'dul ba'i sems can mchis pa rnams kyi slad du thugs rje chen pos de bzhin gshegs pa'i sku gdung du byin gyis brlabs so/ /de ci'i slad du zhe na/bcom ldan 'das gang la las chung ngu na de bzhin gshegs pa'i sku gdung yungs kar gyi 'bru tsam rnams la mchod par bgyis na/ de dag thams cad kyang dge ba'i rtsa ba de'i mtha' rtogs par mi nus pa dang / mya ngan las 'das pa'i bar du 'gyur ro/ /bcom ldan 'das kyis bka' stsal pa/kau shi ka de de bzhin no/ /de de bzhin te/ rigs kyi bu'am/ rigs kyi bu mo gang la las shes rab kyi pha rol tu phyin pa 'di glegs bam du byas te/ me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror byas/bla mar byas/ bsti stang du byas/ mchod par byas/ rjed par byas pa bas/ bris te gzhan la byin na/ rigs kyi bu'am/ rigs kyi bu mo de'i gzhi las bsod nams cher 'phel bar 'gyur ro zhes bya ba ni bstod pa tsam dang po yin no/ / kau shi ka gzhan yang rigs kyi bu'am/rigs kyi bu mo gang la las shes rab kyi pha rol tu phyin pa 'di ji skad du bstan pa 'di gzhan gyi drung du song ste ston/ 'grel rnam par 'byed/ gsal bar byed na/ rigs kyi bu'am/ rigs kyi bu mo de ni rigs kyi bu'am/ rigs kyi bu mo snga ma de dag pas bsod nams cher 'phel te /de ni ston pa yin par bsam mo/ /gzhan dang gzhan gyi yang bla ma'i gnas su 'gyur ro/ /de ni tshangs par spyad pa yin no/ /de ci'i phyir zhe na/ kau shi ka de ni shes rab kyi pha rol tu phyin pa 'di nyid 'dir ston par lta bar bya ba yin pa'i phyir te/ ston pa ni gzhan shes rab kyi pha rol tu phyin pa ni gzhan zhes bya ba med kyi/shes rab kyi pha rol tu phyin pa nyid ston pa/ ston pa nyid kyang shes rab kyi pha rol tu phyin pa'o/ /de ci'i phyir zhe na/ rigs kyi bu'am/ rigs kyi bu mos shes rab kyi pha rol tu phyin pa 'di nyid la bslabs pas 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ba'i phyir ro//gang yang mkhas pa tshangs par spyod pa gzhan dang gzhan du phyir mi ldog par gnas pa'i byang chub sems dpa' sems dpa' chen po de dag kyang shes rab kyi pha rol tu phyin pa 'di nyid la bslabs shing bla na med pa yang dag par rdzogs pa'i byang chub tu mngon par rdzogs par sangs rgyas so//kau shi ka nyan thos rnams kyis shes rab kyi pha rol tu phyin pa 'di nyid la bslabs shing dgra bcom pa dang / dgra bcom pa nyid thob po/ /rang sangs rgyas kyis rang byang chub thob po//byang chub sems dpa' rnams byang chub sems dpa'i skyon med par zhugs so/ /'jug go/ /'jug par 'gyur ro/ /kau shi ka de bas na rigs kyi bu'am/ rigs kyi bu mo de bzhin gshegs pa dgra bcom pa yang dag par rdzogs pa'i sangs rgyas rnams la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis mngon du rim gror bya bar 'dod pa dang / bla mar bya bar 'dod pa dang / bsti stang du bya bar 'dod pa dang / mchod par bya bar 'dod pas shes rab kyi pha rol tu phyin pa 'di bris te me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bya'o/ /bla mar bya'o/ /bsti stang du bya'o/ /mchod par bya'o/ /ngas don gyi dbang 'di nyid yang dag par mthong ste bla na med pa yang dag par rdzogs pa'i byang chub tu mngon par rdzogs par sangs rgyas nas 'di lta ste/chos gang zhig la bdag rim gro dang / bla ma dang / bsti stang dang / mchod pa byas te/ rten cing rnam par spyad par bya snyam na/ kau shi ka de la ngas 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze dang bcas pa'i skye dgu dang / lha dang / mi dang / lha ma yin du bcas pa'i nang du nga dang 'dra ba'am/ lhag par yang dag par rjes su ma mthong na/ de la ngas 'di snyam du bsams te/ de lta yin na bdag gis chos zhi ba bzang po gang bdag nyid kyis mngon par sangs rgyas pa de nyid la rim gro dang /bla ma dang / bsti stang dang / mchod par bya ste/ rten cing rnam par spyad par bya'o snyam du bsams so/ /kau shi ka chos 'di nyid shes rab kyi pha rol tu phyin pa yin te/ nga nyid kyang shes rab kyi pha rol tu phyin pa 'di nyid la rim gror byed/ bla mar byed/bsti stang du byed/ mchod par byed de/ de ltar rim gro dang / bla ma dang / bsti stang dang / mchod par byas shing rnam par spyod na/ kau shi ka ci rigs kyi bu'am/ rigs kyi bu mo bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa la me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror mi bya ba dang / bla mar mi bya ba dang / bsti stang du mi bya ba dang / mchod par mi bya ba yin nam/ de ci'i phyir zhe na/ de ni 'di ltar nyan thos dang / rang sangs rgyas kyi theg pa pa'i rigs kyi bu'am/ rigs kyi bu mos shes rab kyi pha rol tu phyin pa 'di nyid la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bya ba dang /bla mar bya ba dang / bsti stang du bya ba dang / mchod par bya ba yin pas so/ /de ci'i phyir zhe na/ shes rab kyi pha rol tu phyin pa las byung ba ni byang chub sems dpa' rnams so/ /byang chub sems dpa' las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so//de bzhin gshegs pa dgra bcom pa yang dag par rdzogs pa'i sangs rgyas rnams las byung ba ni nyan thos dang / rang sangs rgyas rnams so/ /kau shi ka de lta bas na theg pa chen po'am/ nyan thos kyi theg pa'am/ rang sangs rgyas kyi theg pa pa'i rigs kyi bu'am/rigs kyi bu mos shes rab kyi pha rol tu phyin pa 'di nyid la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis rim gror bya'o/ /bla mar bya'o/ bsti stang du bya'o//mchod par bya'o/ /gang la slob pa'i rigs kyi bu'am/ rigs kyi bu mo de ni bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro zhes bya ba ni bstod pa tsam gnyis pa yin no//kau shi ka sems can gcig cig rgyun du zhugs pa'i 'bras bu la bzhag na de'i bsod nams mang du 'phel gyi/ 'dzam bu'i gling gi sems can rnams dge ba bcu'i las kyi lam la bkod pas ni ma yin no/ /de ci'i phyir zhe na/ kau shi ka dge ba bcu'i las kyi lam la bkod pa'i sems can rnams la sems can dmyal ba dang /byol song gi skye gnas dang / gshin rje'i 'jig rten las yongs su grol ba ma yin no/ /rgyun du zhugs pa'i 'bras bu la bkod pas ni ngan 'gro thams cad las yongs su grol ba'i phyir ro zhes bya ba ni bstod pa tsam gsum pa yin no/ / de bzhin du lan cig phyir 'ong ba'i 'bras bu la sems can gcig cig bzhag na de'i bsod nams mang du 'phel gyi/ 'dzam bu'i gling gi sems can rnams dge ba bcu'i las kyi lam la bkod pas ni ma yin no zhes bya ba ni bstod pa tsam bzhi pa yin no/ / de bzhin du phyir mi 'ong ba'i 'bras bu la sems can gcig cig bzhag na de'i bsod nams mang du 'phel gyi/'dzam bu'i gling gi sems can rnams dge ba bcu'i las kyi lam la bkod pas ni ma yin no zhes bya ba ni bstod pa tsam lnga pa yin no/ / de bzhin du sems can gcig cig dgra bcom pa nyid la bzhag na de'i bsod nams mang du 'phel gyi/'dzam bu'i gling gi sems can rnams dge ba bcu'i las kyi lam la bkod pas ni ma yin no zhes bya ba ni bstod pa tsam drug pa yin no/ / de bzhin du sems can gcig cig rang byang chub la bzhag na de'i bsod nams mang du 'phel gyi/ 'dzam bu'i gling gi sems can rnams dge ba bcu'i las kyi lam la bkod pas ni ma yin no zhes bya ba ni bstod pa tsam bdun pa yin no// rigs kyi bu'am/ rigs kyi bu mo la la zhig gis 'dzam bu'i gling gi sems can rnams rgyun du zhugs pa'i 'bras bu la bkod pa bas/ rigs kyi bu'am/ rigs kyi bu mo gzhan la la zhig gis sems can gcig cig bla na med pa yang dag par rdzogs pa'i byang chub la bzhag na des bsod nams ches mang du 'phel lo/de ci'i phyir zhe na/ /de ni 'di ltar sangs rgyas kyi tshul rgyun mi gcod pa'i don du zhugs pa'i phyir ro zhes bya ba ni bstod pa tsam brgyad pa yin no/ / de bzhin du la la zhig gis 'dzam bu'i gling gi sems can thams cad lan cig phyir 'ong pa'i 'bras bu la bkod pa bas/gzhan la la zhig gis sems can gcig cig bla na med pa yang dag par rdzogs pa'i byang chub la bzhag na de'i bsod nams ches mang du 'phel lo zhes bya ba ni bstod pa tsam dgu pa yin no/ / 'di dag gis ni bstod pa gsungs so//de bzhin du la la zhig gis 'dzam bu'i gling gi sems can thams cad phyir mi 'ong ba'i 'bras bu la bkod pa bas/ gzhan la la zhig gis sems can gcig cig bla na med pa yang dag par rdzogs pa'i byang chub la bzhag na de'i bsod nams ches mang du 'phel lo zhes bya ba ni bkur ba tsam dang po yin no// de bzhin du la la zhig gis 'dzam bu'i gling gi sems can thams cad dgra bcom pa nyid la rab tu bkod pa bas/ gzhan la la zhig gis sems can gcig cig bla na med pa yang dag par rdzogs pa'i byang chub la bzhag na de'i bsod nams ches mang du 'phel lo zhes bya ba ni bkur ba tsam gnyis pa yin no//de bzhin du rigs kyi bu'am/ rigs kyi bu mo gzhan la la zhig gis 'dzam bu'i gling gi sems can thams cad rang byang chub la bkod pa bas/ rigs kyi bu'am/ rigs kyi bu mo la la zhig gis sems can gcig cig bla na med pa yang dag par rdzogs pa'i byang chub la bzhag na de'i bsod nams ches mang du 'phel lo//de ci'i phyir zhe na/ sems can gcig po bla na med pa yang dag par rdzogs pa'i byang chub la 'jog pa de ni sangs rgyas kyi gdung mi gcod pa'i don du zhugs pa'i phyir ro/ /de ci'i phyir zhe na/ kau shi ka byang chub sems dpa' las byung ba ni de bzhin gshegs pa dgra bcom pa yang dag par rdzogs pa'i sangs rgyas kyi bar rnams yin pa'i phyir ro/ /kau shi ka rnam grangs des na 'di ltar rig par bya ste/ 'jig rten lha dang / mi dang / lha ma yin du bcas pas byang chub sems dpa' rnams mchod par bya'o zhes bya ba ni bkur ba tsam gsum pa yin no// kau shi ka gzhan yang rigs kyi bu'am/ rigs kyi bu mo la la zhig gis 'dzam bu'i gling gi sems can rnams dge ba bcu'i las kyi lam nas/ rang sangs rgyas kyi bar la bkod par gyur na/ kau shi ka de ji snyam du sems/rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal ba/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di bris shing glegs bam du byas te/chung ngu na bri ba'am/ bklags pa'i phyir gzhan la byin na bsod nams ches mang du 'phel lo/ /de ci'i phyir zhe na/ shes rab kyi pha rol tu phyin pa 'di las zag pa med pa'i chos rnams rgya cher bstan pa'i phyir ro/ /gang la bslabs shing rigs kyi bu'am/rigs kyi bu mo dag la yang dag par skyon med par zhugs par gyur to/ /'jug go/ /'jug par 'gyur ro/ /dgra bcom pa nyid kyi bar du thob po/ /'thob po/ /'thob par 'gyur ro/ /rang byang chub thob po/ /'thob po/ /'thob par 'gyur ro/ /byang chub sems dpa' sems dpa' chen po rnams yang dag pa'i skyon med par zhugs par gyur to//'jug go/ /'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ / kau shi ka zag pa med pa'i chos de dag kyang gang zhe na/ 'di lta ste/ pha rol tu phyin pa dang / byang chub kyi phyogs kyi chos sum cu rtsa bdun dang / 'phags pa'i bden pa bzhi dang / tshad med pa bzhi dang / bsam gtan bzhi dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / sangs rgyas kyi chos gzhal du med pa'i bar du de bzhin gshegs pa dgra bcom pa yang dag par rdzogs pa'i sangs rgyas rnams kyis shes rab kyi pha rol tu phyin pa 'di las rgya cher bstan to//kau shi ka rnam grangs des kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di bris shing glegs bam du byas te/ bri ba dang / bklag pa'i phyir gzhan la byin na de'i bsod nams ches mang du 'phel bar shes par bya'o//de ci'i phyir zhe na/ kau shi ka shes rab kyi pha rol tu phyin pa 'di las chos thams cad rgya cher bstan te/ de dag yod pas rgyal rigs sA chen po rnams dang / bram ze'i rigs sA la chen po rnams dang / khyim bdag gi rigs sA la chen po rnams yod do/ / rgyal chen bzhi'i ris kyi lha rnams yod do/ /sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs 'khor dang / tshangs pa mdun na 'don dang / tshangs pa chen po dang / 'du shes med 'du shes med min skye mched kyi bar gyi lha rnams yod do//pha rol tu phyin pa thams cad yod do/ /byang chub kyi phyogs kyi chos sum cu rtsa bdun yod do/ /'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu yod do/ /stong pa nyid dang / mtshan ma med pa dang / smon pa med pa dang / mngon par shes pa drug yod do/ /stong pa nyid thams cad dang / ting nge 'dzin thams cad dang / gzungs kyi sgo rnams yod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yod do/ / byams pa chen po dang / snying rje chen po yod do/ /rnam pa thams cad mkhyen pa nyid yod do/ /rgyun du zhugs pa yod do/ /lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams yod do/ /de bzhin gshegs pa dgra bcom pa yang dag par rdzogs pa'i sangs rgyas rnams yod do//kau shi ka 'dzam bu'i gling gi sems can rnams rang byang chub kyi bar la bkod pa lta zhog gi /kau shi ka gling bzhi pa'i 'jig rten gyi khams kyi sems can ji snyed pa de dag rigs kyi bu'am/ rigs kyi bu mo gang la las dge ba bcu'i las kyi lam dang /rang byang chub kyi bar la rab tu bkod na/ kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/kau shi ka de bas kyang rigs kyi bu'am/ rigs bu mo gang gis shes rab kyi pha rol tu phyin pa 'di bris shing glegs bam du byas te/ chung ngu na bri ba dang / bklag par bya ba'i phyir gzhan la byin na bsod nams mang du 'phel lo/ /de ci'i phyir zhe na/ kau shi ka de ni 'di ltar shes rab kyi pha rol tu phyin pa las skyes pa ni nyan thos dang /rang sangs rgyas dang / byang chub sems dpa'i chos thams cad dang / sangs rgyas kyi chos thams cad do/ /kau shi ka gling chen po bzhi pa'i 'jig rten gyi khams kyi sems can rnams dge ba bcu'i las kyi lam dang / rang byang chub nyid kyi bar las bkod pa lta zhog gi /kau shi ka stong gi 'jig rten gyi khams kyi sems can ji snyed yod pa de dag rigs kyi bu'am/ rigs kyi bu mo gang la las dge ba bcu'i las kyi lam la rab tu bkod pa dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub la rab tu bkod pa bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di bris shing glegs bam du byas nas chung ngu na bri ba dang / bklag pa'i phyir gzhan la byin na bsod nams ches mang du 'phel lo/ / kau shi ka stong gi 'jig rten gyi khams kyi sems can rnams rang byang chub kyi bar la bkod pa lta zhog gi /kau shi ka stong gnyis pa bar ma'i 'jig rten gyi khams kyi sems can ji snyed pa de dag rigs kyi bu'am/ rigs kyi bu mo gang la las dge ba bcu'i las kyi lam dang / rang byang chub kyi bar la rab tu bkod na/kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/rigs kyi bu mo gang gis shes rab kyi pha rol tu phyin pa 'di bris shing glegs bam du byas te/ chung ngu na bri ba dang / bklag pa'i phyir gzhan la byin na bsod nams ches mang du 'phel lo/ /kau shi ka stong gnyis pa bar ma'i 'jig rten gyi khams kyi sems can rnams rang byang chub kyi bar la bkod pa lta zhog gi /kau shi ka stong gsum gyi stong chen po'i 'jig rten gyi khams kyi sems can ji snyed pa de dag rigs kyi bu'am/ rigs kyi bu mo la las dge ba bcu'i las kyi lam dang / rang byang chub kyi bar la rab tu bkod pa bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di bris shing glegs bam du byas te/chung ngu na bri ba dang / bklag pa'i phyir gzhan la byin na bsod nams ches mang du 'phel lo/ /kau shi ka stong gsum gyi stong chen po'i 'jig rten gyi khams kyi sems can rnams rang byang chub kyi bar la bkod pa lta zhog gi /kau shi ka phyogs bcu'i 'jig rten gyi khams gang gA'i klung gi bye ma snyed rnams na sems can ji snyed yod pa de dag thams cad rigs kyi bu'am/rigs kyi bu mo gang la las dge ba bcu'i las kyi lam la rab tu bkod pa dang / rang byang chub kyi bar la rab tu bkod pa bas rigs kyi bu'am/ rigs kyi bu mo gang gis shes rab kyi pha rol tu phyin pa 'di bris shing glegs bam du byas nas chung ngu na bri ba dang /bklag pa'i phyir gzhan la byin na/ kau shi ka de bas kyang rigs kyi bu'am/ rigs kyi bu mo 'di'i bsod nams ches mang du 'phel lo/ /de ci'i phyir zhe na/ shes rab kyi pha rol tu phyin pa 'di las zag pa med pa'i chos rnams rgya cher bstan te/de dag la bslabs shing rigs kyi bu'am/ rigs kyi bu mo de dag yang dag pa'i skyon med par zhugs par gyur to/ /'jug go 'jug par 'gyur ro/ /dgra bcom pa nyid kyi bar du thob par gyur to/ /'thob po/ /'thob par 'gyur ro/ /rang byang chub thob par gyur to//'thob po/ /'thob par 'gyur ro/ /byang chub sems dpa' sems dpa' chen po rnams kyang byang chub sems dpa'i skyon med par zhugs par gyur to/ /'jug go 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o//mngon par rdzogs par 'tshang rgya bar 'gyur ro/ /kau shi ka zag pa med pa'i chos de dag kyang gang zhe na/ 'di lta ste/ pha rol tu phyin pa rnams dang / de bzhin gshegs pa'i stobs rnams dang / byang chub kyi phyogs kyi chos sum cu rtsa bdun dang / 'phags pa'i bden pa bzhi dang /nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / dngos po med pa'i ngo bo nyid stong pa nyid kyi bar dang / tshad med pa rnams dang / ting nge 'dzin rnams dang / gzungs kyi sgo rnams dang / gzugs med pa'i snyoms par 'jug pa rnams dang /de bzhin gshegs pa'i stobs bcu rnams dang / sangs rgyas kyi chos gzhal du med pa'i bar dang / de bzhin gshegs pa dgra bcom pa yang dag par rdzogs pa'i sangs rgyas rnams kyis shes rab kyi pha rol tu phyin pa las rgya cher bstan to/ /kau shi ka rnam grangs des kyang rigs kyi bu'am/rigs kyi bu mo gang gis shes rab kyi pha rol tu phyin pa 'di bris shing glegs bam du byas te bri ba dang / bklag pa'i phyir gzhan la byin na de bas de'i bsod nams mang du 'phel par shes par bya'o/ /de ci'i phyir zhe na/ kau shi ka de ni 'di ltar shes rab kyi pha rol tu phyin pa 'di las chos thams cad rgya cher bstan pa'i phyir te/de dag yod pas rgyal rigs sA la chen po dang / bram ze'i rigs sA la chen po dang / khyim bdag gi rigs sA la chen po rnams yod do/ /rgyal chen bzhi'i ris kyi lha rnams yod do/ /'du shes med 'du shes med min skye mched kyi bar gyi lha rnams yod do/ / pha rol tu phyin pa rnams yod do/ /byang chub kyi phyogs kyi chos sum cu rtsa bdun yod do/ /rnam pa thams cad mkhyen pa nyid kyi bar du yod do/ /rgyun du zhugs pa'i 'bras bu rnams yod do/ /lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams yod do//de bzhin gshegs pa dgra bcom pa yang dag par rdzogs pa'i sangs rgyas rnams yod do/ /kau shi ka gzhan yang 'dzam bu'i gling gi sems can ji snyed pa de dag rigs kyi bu'am/ rigs kyi bu mo la la zhig gis bsam gtan bzhi la bkod/ tshad med pa bzhi dang / gzugs med pa'i snyoms par 'jug pa bzhi dang /mngon par shes pa lnga la bkod na/ kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo //bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di bris shing glegs bam du chud par byas te/ chung ngu na bri ba dang / bklag pa'i phyir gzhan la byin na bsod nams ches mang du 'phel lo/ / de ci'i phyir zhe na/ shes rab kyi pha rol tu phyin pa 'di las zag pa med pa'i chos rnams rgya cher bstan pa'i phyir ro/ /kau shi ka gzhan yang rigs kyi bu'am/ rigs kyi bu mo gang la las shes rab kyi pha rol tu phyin pa 'di 'dzin par 'gyur ba dang / 'chang bar 'gyur ba dang / klog par 'gyur ba dang /kun chub par byed par 'gyur ba dang / tshul bzhin du yid la byed par 'gyur ba ni rigs kyi bu'am/ rigs kyi bu mo de'i bsod nams ches mang du 'phel bar 'gyur gyi/ 'dzam bu'i gling gi sems can rnams dang / gling bzhi pa rnams dang / stong gnyis pa bar ma'i 'jig rten gyi khams kyi sems can thams cad dge ba bcu'i las kyi lam dang /bsam gtan dang / tshad med pa dang / gzugs med pa dang / mngon par shes pa rnams la bkod pas ni ma yin no/ /de la tshul bzhin du yid la byed pa ni 'di yin te/ gnyis la spyod pa ma yin pa'i blos shes rab kyi pha rol tu tu phyin pa 'di 'dzin par 'gyur/'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur ba'o/ /gnyis la spyod pa ma yin pa'i blos bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / gnyis la spyod pa ma yin pa'i blos sbyin pa'i pha rol tu phyin pa 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur ba'o/ /gnyis la spyod pa ma yin pa'i blos nang stong pa nyid dang /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du tshul bzhin du yid la byed par 'gyur ba'o// //bam po sum cu bzhi pa/ gnyis la spyod pa ma yin pa'i blos dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams tshul bzhin du yid la byed par 'gyur ba'o/ /gnyis la spyod pa ma yin pa'i blos sangs rgyas kyi chos ma 'dres pa bco brgyad dang / rnam pa thams cad mkhyen pa nyid tshul bzhin du yid la byed par 'gyur ba'o zhes bya ba ni bkur pa tsam bzhi pa yin no// kau shi ka gzhan yang rigs kyi bu'am/ rigs kyi bu mo la la zhig gis shes rab kyi pha rol tu phyin pa'i don gzhan la rnam grangs du mas rgya cher ston par byed/ 'chad par byed/ rnam par 'byed/ gsal bar byed na/de la shes rab kyi pha rol tu phyin pa'i don 'di yin te/ shes rab kyi pha rol tu phyin pa ni gnyis su med par mthong gi gnyis su ni ma yin pa ste/ mtshan mar ma yin/ mtshan ma med par ma yin/ 'ong bar ma yin/ 'gro bar ma yin/ dbri bar ma yin/ bsnan par ma yin/ kun nas nyon mongs par ma yin/ rnam par byang bar ma yin/ skye bar ma yin/ 'gag par ma yin/ len par ma yin/ dor bar ma yin/ gnas par ma yin/ mi gnas par ma yin/ yang dag par ma yin/ yang dag pa ma yin par ma yin/ ldan par ma yin/ mi ldan par ma yin/bag tsam ma yin/ bag tsam ma yin par ma yin/ cha so so bar ma yin/ cha so so ba ma yin par ma yin/ chos nyid ma yin/ chos nyid ma yin par ma yin/ de bzhin nyid ma yin/ de bzhin nyid ma yin par ma yin/ yang dag pa'i mtha' ma yin/ yang dag pa'i mtha' ma yin par ma yin te/rigs kyi bu'am/ rigs kyi bu mo gang shes rab kyi pha rol tu phyin pa 'di'i don gzhan la rgya cher ston par byed/ 'chad pa dang / rnam par 'byed pa dang / gsal bar byed na 'di nyid bsod nams mang du 'phel gyi/ bdag 'ba' zhig 'dzin par 'gyur/'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur bas ni ma yin no zhes bya ba ni bkur ba tsam lnga pa yin no/ / kau shi ka gzhan yang rigs kyi bu'am/ rigs kyi bu mo la la zhig bdag nyid kyang shes rab kyi pha rol tu phyin pa 'di 'dzin par 'gyur/'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing / gzhan la yang rgya cher ston par byed/ 'chad par byed/ rnam par 'byed par byed/ gsal bar byed na 'di nyid de bas bsod nams shin tu mang du 'phel lo//brgya byin gyis gsol pa/ bcom ldan 'das de de ltar lags so/ /bde bar gshegs pa de de ltar lags so/ /bcom ldan 'das kyis bka' stsal pa/ kau shi ka rigs kyi bu'am/ rigs kyi bu mos shes rab kyi pha rol tu phyin pa de ltar don dang ldan la yi ge dang ldan par bstan par bya ste/kau shi ka de ltar ston pa'i rigs kyi bu'am/ rigs kyi bu mo de ni bsod nams kyi phung po tshad med grangs med/ gzhal du med pa dang ldan par 'gyur ro zhes bya ba ni bkur ba tsam drug pa yin no/ / kau shi ka gal te rigs kyi bu'am/rigs kyi bu mo phyogs bcu'i phyogs re re zhing 'jig rten gyi khams tshad med pa rnams kyi de bzhin gshegs pa dgra bcom pa yang dag par rdzogs pa'i sangs rgyas tshad med grangs med/ gzhal du med pa dag la nam 'tsho'i bar du me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams dang / bde ba'i yo byad rnams kyis rim gror bya ba dang / bla mar bya ba dang / bsti stang du bya ba dang / mchod par byas pa bas kau shi ka rigs kyi bu'am/ rigs kyi bu mo la la zhig gis shes rab kyi pha rol tu phyin pa 'di gzhan la rgya cher don dang ldan/yi ge dang ldan par rnam grangs du mar go bar byas/ yang dag par rab tu gsal bar byas/ rnam par bsgoms par byas/ rnam par grol bar byas yang dag par bstan par byas na/ rigs kyi bu'am/ rigs kyi bu mo 'di nyid kyi bsod nams ches mang du 'phel lo//de ci'i phyir zhe na/ shes rab kyi pha rol tu phyin pa 'di la bslabs te/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu mngon par rdzogs par sangs rgyas so//mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro zhes bya ba ni bkur ba tsam bdun pa yin no/ / kau shi ka gzhan yang rigs kyi bu'am/ rigs kyi bu mo gang la las bskal pa grangs med gzhal du med par sbyin pa'i pha rol tu phyin pa dang /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la dmigs pa'i tshul gyis spyod pa bas/ mi dmigs pa'i tshul gyis gzhan la rgya cher yang dag par rab tu gsal bar byed/rjod par byed/ mtshon par byed na de'i bsod nams ches mang du 'phel lo/ /kau shi ka de la dmigs pa gang zhe na/ byang chub sems dpa' dmigs pa'i tshul gyis sbyin pa gtong zhing 'di snyam du sbyin pa gtong ngo / /sbyin pa ni 'di gtong ngo //'di la sbyin par bya'o snyam na des sbyin pa de ltar btang bas sbyin pa nyid du 'gyur gyi / sbyin pa'i pha rol tu phyin pa ni ma yin no/ /'di ni tshul khrims so/ /bdag ni tshul khrims dang ldan pa'o/ /sems can 'di rnams la bsrung bar bya'o snyam na/ 'di ni tshul khrims nyid du 'gyur gyi/ tshul khrims kyi pha rol tu phyin pa ni ma yin no//bdag ni bzod pa sgom pa'o/ /bzod pa ni 'di'o/ /pha rol la bzod par bya'o snyam na 'di ni bzod pa nyid du 'gyur gyi/ bzod pa'i pha rol tu phyin pa ni ma yin no/ /bdag ni brtson 'grus rtsom mo/ /'di ni brtson 'grus so/ /'di rnams kyi don du'o snyam na/'di ni brtson 'grus nyid du 'gyur gyi/ brtson 'grus kyi pha rol tu phyin pa ni ma yin no/ /bdag ni bsam gtan la snyoms par 'jug go/ /bsam gtan 'di'o/ /'di la ni mnyam par gzhag go snyam na/ 'di ni bsam gtan nyid du 'gyur gyi/ bsam gtan gyi pha rol tu phyin pa ni ma yin no//bdag ni shes rab sgom mo/ /shes rab ni 'di'o/ /'di rnams kyi don du'o snyam na shes rab nyid du 'gyur gyi/ shes rab kyi pha rol tu phyin pa ni ma yin no/ /kau shi ka rigs kyi bu'am/ rigs kyi bu mo de ltar dmigs pa la spyod pas ni sbyin pa'i pha rol tu phyin pa yongs su rdzogs par mi 'gyur ro//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par mi 'gyur ro/ /brgya byin gyis gsol pa/ bcom ldan 'das byang chub sems dpa' sems dpa' chen pos ji ltar spyad na sbyin pa'i pha rol tu phyin pa yongs su rdzogs par 'gyur/ ji ltar tshul khrims kyi pha rol tu phyin pa yongs su rdzogs par 'gyur/ ji ltar bzod pa'i pha rol tu phyin pa yongs su rdzogs par 'gyur/ ji ltar brtson 'grus kyi pha rol tu phyin pa yongs su rdzogs par 'gyur/ji ltar bsam gtan gyi pha rol tu phyin pa yongs su rdzogs par 'gyur/ ji ltar shes rab kyi pha rol tu phyin pa yongs su rdzogs par 'gyur/ bcom ldan 'das kyis bka' stsal pa/ kau shi ka 'di la byang chub sems dpa' sems dpa' chen po sbyin pa gtong pa'i tshe/yongs su gtong ba mi dmigs/ sbyin pa mi dmigs/ len pa mi dmigs pa 'di ni sbyin pa'i pha rol tu phyin pa zhes brjod do/ /tshul khrims mi dmigs/ tshul khrims dang ldan pa mi dmigs/ sems can mi dmigs pa 'di ni tshul khrims kyi pha rol tu phyin pa zhes brjod do//bzod pa mi dmigs/ bzod par bya ba mi dmigs/ bzod pa po mi dmigs pa 'di ni bzod pa'i pha rol tu phyin pa zhes brjod do/ /brtson 'grus mi dmigs/ brtson par bya ba mi dmigs/ lus dang sems mi dmigs pa 'di ni brtson 'grus kyi pha rol tu phyin pa zhes brjod do//bsam gtan mi dmigs/ bsam gtan bsgom pa mi dmigs/ bsgom par bya ba mi dmigs pa 'di ni bsam gtan gyi pha rol tu phyin pa zhes brjod do/ /shes rab mi dmigs/ shes rab dang ldan pa mi dmigs/ sems can mi dmigs pa 'di ni shes rab kyi pha rol tu phyin pa zhes brjod do//kau shi ka de ltar spyod pa'i byang chub sems dpa' sems dpa' chen po ni sbyin pa'i pha rol tu phyin pa yongs su rdzogs par 'gyur ro/ /tshul khrims kyi pha rol tu phyin pa yongs su rdzogs par 'gyur ro/ /bzod pa'i pha rol tu phyin pa yongs su rdzogs par 'gyur ro//brtson 'grus kyi pha rol tu phyin pa yongs su rdzogs par 'gyur ro/ /bsam gtan gyi pha rol tu phyin pa yongs su rdzogs par 'gyur ro/ /shes rab kyi pha rol tu phyin pa yongs su rdzogs par 'gyur ro/ /kau shi ka rigs kyi bu'am/ rigs kyi bu mo de ltar mi dmigs pa'i tshul gyis shes rab kyi pha rol tu phyin pa 'di don dang ldan yi ge dang ldan par bstan par bya'o//de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa 'di don dang ldan yi ge dang ldan par brjod par bya'o//de ci'i phyir zhe na/ kau shi ka ma 'ongs pa'i dus na rigs kyi bu'am/ rigs kyi bu mo gang la las shes rab kyi pha rol tu phyin pa'i gzugs brnyan ston pa 'byung ba'i phyir te/ der rigs kyi bu'am/ rigs kyi bu mo gang bla na med pa yang dag par rdzogs pa'i byang chub tu zhugs pas shes rab kyi pha rol tu phyin pa'i gzugs brnyan de thos nas chud zos par 'gyur te/de dag la yang shes rab kyi pha rol tu phyin pa 'di don dang ldan yi ge dang ldan par bstan par bya'o/ /brgya byin gyis gsol pa/ bcom ldan 'das shes rab kyi pha rol tu phyin pa'i gzugs brnyan de gang lags/bcom ldan 'das kyis bka' stsal pa/ kau shi ka 'di la rigs kyi bu'am/ rigs kyi bu mo dag shes rab kyi pha rol tu phyin pa 'di bstan to snyam zhing shes rab kyi pha rol tu phyin pa'i gzugs brnyan ston par byed do/ /de la 'di ni shes rab kyi pha rol tu phyin pa'i gzugs brnyan te/gzugs ni mi rtag go zhes bya bar ston par 'gyur/ tshor ba dang / 'du shes dang / 'du byed rnams dang / rnam par shes pa mi rtag go zhes bya bar ston par 'gyur zhing gang de ltar spyod pa de ni shes rab kyi pha rol tu phyin pa la spyod do zhes rigs kyi bu'am/ rigs kyi bu mo rnams la ston par 'gyur te/de dag kyang gzugs mi rtag ces bya bar ston par 'gyur ro/ /de bzhin du tshor ba dang / 'du shes dang / 'du byed rnams dang / rnam par shes pa mi rtag go zhes bya bar ston par 'gyur zhing / de dag kyang shes rab kyi pha rol tu phyin pa'i gzugs brnyan ston par 'gyur ro/ / de dag mig mi rtag go zhes bya bar ston par 'gyur/ de bzhin du rna ba dang / sna dang / lce dang / lus dang / yid mi rtag go zhes bya bar ston par 'gyur/ gzugs mi rtag go zhes bya bar ston par 'gyur/ de bzhin du sgra dang / dri dang / ro dang / reg dang / chos mi rtag go zhes bya bar ston par 'gyur/ sa'i khams mi rtag go zhes bya bar ston par 'gyur/ de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi rtag go zhes bya bar ston par 'gyur/ mig gi khams mi rtag go zhes bya bar ston par 'gyur/ rna ba'i khams dang / sna'i khams dang / lce'i khams dang / lus kyi khams dang / yid kyi khams mi rtag go zhes bya bar ston par 'gyur/ gzugs kyi khams mi rtag ces bya bar ston par 'gyur/ sgra'i khams dang / dri'i khams dang / ro'i khams dang / reg gi khams dang / chos kyi khams mi rtag ces bya bar ston par 'gyur/mig gi rnam par shes pa'i khams mi rtag ces bya bar ston par 'gyur/ rna ba'i rnam par shes pa'i khams dang / sna'i rnam par shes pa'i khams dang / lce'i rnam par shes pa'i khams dang / lus kyi rnam par shes pa'i khams dang / yid kyi rnam par shes pa'i khams mi rtag ces bya bar ston par 'gyur/mig gi 'dus te reg pa'i khams mi rtag ces bya bar ston par 'gyur/ rna ba'i 'dus te reg pa'i khams dang / sna'i 'dus te reg pa'i khams dang / lce'i 'dus te reg pa'i khams dang / lus kyi 'dus te reg pa'i khams dang / yid kyi 'dus te reg pa'i khams mi rtag ces bya bar ston par 'gyur/mig gi 'dus te reg pa'i rkyen gyis tshor ba mi rtag ces bya bar ston par 'gyur/ de bzhin du rna ba dang / sna dang / lce dang / lus dang / yid kyi 'dus te reg pa'i rkyen gyis tshor ba mi rtag ces bya bar ston par 'gyur/ gzugs sdug bsngal ba dang /bdag med pa dang / mi sdug go zhes bya bar chos ston par 'gyur/ tshor ba dang / 'du shes dang / 'du byed rnams dang / rnam par shes pa sdug bsngal ba dang / bdag med pa dang / mi sdug pa'o zhes bya bar ston par 'gyur/ sa'i khams dang / chu'i khams dang / me'i khams dang /rlung gi khams dang / nam mkha'i khams dang / rnam par shes pa'i khams sdug bsngal ba dang / bdag med pa dang / mi sdug pa'o zhes bya bar ston par 'gyur/ gzugs dang / sgra dang / dri dang / ro dang / reg dang / chos sdug bsngal ba dang / bdag med pa dang / mi sdug pa'o zhes bya bar ston par 'gyur/mig sdug bsngal ba dang / bdag med pa dang / mi sdug pa'o zhes bya bar ston par 'gyur/ rna ba dang / sna dang / lce dang / lus dang / yid sdug bsngal ba dang / bdag med pa dang / mi sdug pa'o zhes bya bar ston par 'gyur/ gzugs kyi khams dang / sgra'i khams dang / dri'i khams dang / ro'i khams dang / reg gi khams dang / chos kyi khams sdug bsngal ba dang / bdag med pa dang / mi sdug pa'o zhes bya bar ston par 'gyur/ mig gi khams sdug bsngal ba dang / bdag med pa dang / mi sdug pa'o zhes bya bar ston par 'gyur/ rna ba'i khams dang / sna'i khams dang / lce'i khams dang / lus kyi khams dang / yid kyi khams sdug bsngal ba dang / bdag med pa dang / mi sdug pa'o zhes bya bar ston par 'gyur/ mig gi rnam par shes pa'i khams sdug bsngal ba dang / bdag med pa dang / mi sdug pa'o zhes bya bar ston par 'gyur/rna ba'i rnam par shes pa'i khams dang / sna'i rnam par shes pa'i khams dang / lce'i rnam par shes pa'i khams dang / lus kyi rnam par shes pa'i khams dang / yid kyi rnam par shes pa'i khams sdug bsngal ba dang / bdag med pa dang / mi sdug pa'o zhes bya bar ston par 'gyur/mig gi 'dus te reg pa dang / mig gi 'dus te reg pa'i rkyen gyis tshor ba sdug bsngal ba dang / bdag med pa dang / mi sdug pa'o zhes bya bar ston par 'gyur/ de bzhin du rna ba dang / sna dang / lce dang / lus dang / yid kyi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'i rkyen gyis tshor ba sdug bsngal ba dang / bdag med pa dang / mi sdug pa'o zhes bya bar ston par 'gyur te/ de ltar de dag shes rab kyi pha rol tu phyin pa'i gzugs brnyan ston par 'gyur ro/ /de bzhin du bsam gtan gyi pha rol tu phyin pa'i gzugs brnyan dang /brtson 'grus kyi pha rol tu phyin pa'i gzugs brnyan dang / bzod pa'i pha rol tu phyin pa'i gzugs brnyan dang / tshul khrims kyi pha rol tu phyin pa'i gzugs brnyan dang / sbyin pa'i pha rol tu phyin pa'i gzugs brnyan ston par 'gyur ro/ /de ltar gzugs dang / tshor ba dang / 'du shes dang / 'du byed rnams dang / rnam par shes pa mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/ mig dang / gzugs dang / mig gi rnam par shes pa'i khams kyi bar du mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/de bzhin du rna ba dang / sna dang / lce dang / lus dang / yid kyi rnam par shes pa'i khams kyi bar du mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/ de ltar shes rab kyi pha rol tu phyin pa mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/ de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/ de bzhin du tshad med pa dang / bsam gtan dang / gzugs med pa'i snyoms par 'jug pa mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur te/shes rab kyi pha rol tu phyin pa la spyod pa'i tshe de ltar ston par 'gyur ro/ /dran pa nye bar gzhag pa mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/ de bzhin du yang dag par spong ba dang / rdzu 'phrul gyi rkang pa dang / dbang po dang /stobs dang / byang chub kyi yan lag dang / lam rnams mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur/ shes rab kyi pha rol tu phyin pa la spyod pa'i tshe rnam pa thams cad mkhyen pa'i bar du mi rtag pa dang / sdug bsngal ba dang / bdag med pa dang / mi sdug pa'o zhes bya bar ston par 'gyur te/ gang de ltar spyod pa de ni shes rab kyi pha rol tu phyin pa la spyod pa'o zhes de ltar brjod pa 'di ni kau shi ka shes rab kyi pha rol tu phyin pa'i gzugs brnyan no/ /kau shi ka gzhan yang rigs kyi bu'am/ rigs kyi bu mo de dag shes rab kyi pha rol tu phyin pa ston na 'di ltar ston te/tshur rigs kyi bu khyod kyis de ltar shes rab kyi pha rol tu phyin pa sgoms shig /khyod kyis shes rab kyi pha rol tu phyin pa bsgoms na sa dang po la gnas par 'gyur ro/ /de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang /bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa bsgoms na sa dang po la gnas par 'gyur ro/ /sa bcu pa'i bar la gnas par 'gyur ro zhes de yang mtshan ma'i tshul dang dmigs pa'i tshul gyis ston te/ de dus kyi 'du shes kyis shes rab kyi pha rol tu phyin pa bsgom par 'gyur ro//kau shi ka de ni 'di ltar shes rab kyi pha rol tu phyin pa'i gzugs brnyan no/ /kau shi ka gzhan yang rigs kyi bu'am/ rigs kyi bu mo de dag 'di ltar ston to / tshur rigs kyi bu khyod kyis de ltar shes rab kyi pha rol tu phyin pa sgoms shig /khyod kyis shes rab kyi pha rol tu phyin pa bsgoms na nyan thos kyi sa las 'da' bar 'gyur ro//rang sangs rgyas kyi sa las 'da' bar 'gyur ro zhes ston te/ kau shi ka de ni shes rab kyi pha rol tu phyin pa'i gzugs brnyan no/ /kau shi ka gzhan yang rigs kyi bu'am/ rigs kyi bu mo de dag theg pa chen po pa'i rigs kyi bu'am/rigs kyi bu mo de dag la shes rab kyi pha rol tu phyin pa ston na 'di ltar ston te/ tshur rigs kyi bu khyod kyis shes rab kyi pha rol tu phyin pa sgoms shig /khyod kyis shes rab kyi pha rol tu phyin pa bsgoms na byang chub sems dpa'i skyon med par 'jug par 'gyur ro/ /kau shi ka gzhan yang rigs kyi bu'am/rigs kyi bu mo de dag la shes rab kyi pha rol tu phyin pa ston na 'di ltar ston te/ tshur rigs kyi bu shes rab kyi pha rol tu phyin pa sgoms shig /khyod kyis shes rab kyi pha rol tu phyin pa bsgoms na mi skye ba'i chos la bzod pa thob par 'gyur ro/ /khyod kyis de ltar mi skye ba'i chos la bzod pa thob pa dang /byang chub sems dpa'i mngon par shes pa la gnas par 'gyur te/ khyod de ltar mngon par shes pa la gnas na sangs rgyas bcom ldan 'das rnams la rim gro dang / bla ma dang / bsti stang dang / mchod pa dang / rjed pa dang / bkur sti'i phyir sangs rgyas kyi zhing nas sangs rgyas kyi zhing du 'gro bar 'gyur ro zhes de ltar ston par 'gyur te/kau shi ka de ltar ston pa'i rigs kyi bu'am/ rigs kyi bu mo de dag ni shes rab kyi pha rol tu phyin pa'i gzugs brnyan ston to/ /kau shi ka gzhan yang rigs kyi bu'am/ rigs kyi bu mo de dag byang chub sems dpa'i theg pa pa'i rigs kyi bu'am rigs kyi bu mo de dag la 'di ltar ston te/rigs kyi bu dag su shes rab kyi pha rol tu phyin pa 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur ba de'i bsod nams kyi phung po tshad med grangs med gzhal du med par 'phel bar 'gyur ro zhes zer te/kau shi ka de ltar ston par 'gyur ba'i rigs kyi bu'am rigs kyi bu mo de dag ni shes rab kyi pha rol tu phyin pa'i gzugs brnyan ston to/ /kau shi ka gzhan yang rigs kyi bu'am/ rigs kyi bu mo de dag ni byang chub sems dpa'i theg pa pa'i rigs kyi bu'am/rigs kyi bu mo de dag la 'di ltar ston te/ tshur rigs kyi bu khyod kyis 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis thugs dang po bskyed pa nas phung po ma lus pa'i mya ngan las 'das pa'i dbyings su yongs su mya ngan las 'das pa'i bar gyi dge ba'i rtsa ba gang ji snyed pa de dag thams cad gcig tu bsdus te rjes su yi rang bar bgyis la bla na med pa yang dag par rdzogs pa'i byang chub tu yongs su sngos shig ces zer te/de ltar ston par 'gyur ba'i rigs kyi bu'am/rigs kyi bu mo de dag ni shes rab kyi pha rol tu phyin pa'i gzugs brnyan ston to/ /brgya byin gyis gsol pa/ bcom ldan 'das rigs kyi bu'am/ rigs kyi bu mo de dag byang chub sems dpa'i theg pa pa'i rigs kyi bu'am/ rigs kyi bu mo de dag la ji ltar ston na shes rab kyi pha rol tu phyin pa'i gzugs brnyan mi ston pa lags/bcom ldan 'das kyis bka' stsal pa/ kau shi ka 'di la rigs kyi bu'am/ rigs kyi bu mo de dag theg pa chen po la yang dag par rab tu zhugs pa'i rigs kyi bu'am/ rigs kyi bu mo de dag la shes rab kyi pha rol tu phyin pa 'di ltar ston te/tshur rigs kyi bu khyod kyis shes rab kyi pha rol tu phyin pa sgoms shig /gzugs mi rtag ces bya bar ma lta zhig /de ci'i phyir zhe na/ gzugs ni rang bzhin gyis stong pa ste/ gzugs kyi rang bzhin gang yin pa de ni dngos po med pa'o/ /dngos po med pa gang yin pa de ni shes rab kyi pha rol tu phyin pa ste/shes rab kyi pha rol tu phyin pa gang yin pa de ni gzugs rtag ces bya ba'am/ mi rtag ces bya bar mi dmigs so/ /de ci'i phyir zhe na/ de ni 'di ltar gzugs nyid kyang med na rtag pa'am/ mi rtag par lta ga la 'gyur zhes ston pa'i phyir te/ kau shi ka de ltar ston pa'i rigs kyi bu'am/ rigs kyi bu mo de dag ni shes rab kyi pha rol tu phyin pa'i gzugs brnyan mi ston to/ /de bzhin du tshor ba dang / 'du shes dang / 'du byed rnams dang / rnam par shes pa mi rtag ces bya bar ma lta zhig /de ci'i phyir zhe na/ rnam par shes pa ni rang bzhin gyis stong pa'i phyir te/ rnam par shes pa'i rang bzhin gang yin pa de ni dngos po med pa'o//dngos po med pa gang yin pa de ni shes rab kyi pha rol tu phyin pa ste/ shes rab kyi pha rol tu phyin pa gang yin pa de la ni rnam par shes pa rtag ces bya ba'am/ mi rtag ces bya bar mi dmigs so/ /de ci'i phyir zhe na/ de ni 'di ltar de la rnam par shes pa nyid kyang med na rtag pa'am/mi rtag par lta ga la 'gyur zhes ston pa'i phyir te/ kau shi ka de ltar ston pa'i rigs kyi bu'am/ rigs kyi bu mo de dag ni shes rab kyi pha rol tu phyin pa'i gzugs brnyan mi ston to/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba rnams dang / pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun dang / rnam par thar pa brgyad dang / mthar gyis gnas pa'i snyoms par 'jug pa dgu dang /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la bya'o/ /tshur rigs kyi bu khyod kyis shes rab kyi pha rol tu phyin pa sgoms shig /rnam pa thams cad mkhyen pa nyid mi rtag ces bya bar ma lta zhig /de ci'i phyir zhe na/ de ni 'di ltar rnam pa thams cad mkhyen pa nyid rang bzhin gyis stong pa'i phyir te/rnam pa thams cad mkhyen pa nyid kyi rang bzhin gang yin pa de ni dngos po med pa'o/ /dngos po med pa gang yin pa de ni shes rab kyi pha rol tu phyin pa ste/ shes rab kyi pha rol tu phyin pa gang yin pa de la ni rnam pa thams cad mkhyen pa nyid rtag ces bya ba'am/ mi rtag ces bya bar mi dmigs so/ /de ci'i phyir zhe na/ de ni 'di ltar rnam pa thams cad mkhyen pa nyid kyang med na rtag pa'am/ mi rtag pa lta ga la yod ces ston pa'i phyir te/ kau shi ka de ltar ston pa'i rigs kyi bu'am/ rigs kyi bu mo de dag ni shes rab kyi pha rol tu phyin pa'i gzugs brnyan mi ston to//kau shi ka gzhan yang rigs kyi bu'am/ rigs kyi bu mo de dag byang chub sems dpa'i theg pa pa'i rigs kyi bu'am/ rigs kyi bu mo de dag la shes rab kyi pha rol tu phyin pa 'di ltar ston te/ tshur rigs kyi bu khyod kyis shes rab kyi pha rol tu phyin pa sgoms shig / chos gang la yang lta bar ma byed cig /chos gang la yang gnas par ma byed cig /de ci'i phyir zhe na/ de ni 'di ltar shes rab kyi pha rol tu phyin pa la chos gang la yang blta bar bya ba'am/ gang la yang gnas par bya ba'i chos med pa'i phyir ro/ /de ci'i phyir zhe na/ kau shi ka de ni 'di ltar chos thams cad ni rang bzhin gyis stong pa'i phyir te/rang bzhin gyis stong pa'i chos gang yin pa de ni dngos po med pa'o/ /dngos po med pa gang yin pa de ni shes rab kyi pha rol tu phyin pa ste/ shes rab kyi pha rol tu phyin pa gang yin pa de la ni blang ba'am/ dor ba'am/ skye ba'am/ 'gag pa'am/chad pa'am/ rtag pa'am/ don gcig pa'am/ don du ma yod pa'am/ 'ong ba'am/ 'gro ba'i chos gang yang med do zhes ston te/ kau shi ka de ltar ston pa'i rigs kyi bu'am/ rigs kyi bu mo de dag ni shes rab kyi pha rol tu phyin pa'i gzugs brnyan mi ston to/ /kau shi ka de bas na rigs kyi bu'am/rigs kyi bu mos de ltar shes rab kyi pha rol tu phyin pa'i don bstan par bya ste/ de ltar ston pa'i rigs kyi bu'am/ rigs kyi bu mo de dag gi bsod nams kyi phung po ni ches mang du 'phel bar 'gyur gyi/ rigs kyi bu'am/ rigs kyi bu mo snga ma dag ni ma yin no zhes bya ba ni bkur ba tsam brgyad pa yin no// kau shi ka gzhan yang 'dzam bu'i gling gi sems can ji snyed pa de dag rigs kyi bu'am/ rigs kyi bu mo la la zhig gis rgyun du zhugs pa'i 'bras bu la bkod na/ kau shi ka de ji snyam du sems/ rigs kyi bu'am/ rigs kyi bu mo de'i bsod nams mang du 'phel lam/brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan pa yi ge dang ldan par rnam grangs du mas gzhan la rgya cher brjod par 'gyur/ston par 'gyur/ rnam par 'grel par 'gyur/ yang dag par ston par byed par 'gyur/ yang dag par rab tu gsal bar byed par 'gyur zhing / 'di skad du tshur rigs kyi bu khyod kyis shes rab kyi pha rol tu phyin pa zung shig /kun chub par gyis shig chongs shig /lhogs shig /tshul bzhin du yid la gyis shig /ji skad du bstan pa'i shes rab kyi pha rol tu phyin pa la nan tan du gyis shig ces bsgo na ches de'i bsod nams mang du 'phel lo/ /de ci'i phyir zhe na/ kau shi ka shes rab kyi pha rol tu phyin pa 'di las rgyun du zhugs pa rnams dang / rgyun du zhugs pa'i 'bras bu rnams yod par 'gyur ba'i phyir ro/ /kau shi ka 'dzam bu'i gling gi sems can thams cad rgyun du zhugs pa'i 'bras bu la bkod pa lta zhog gi /gling chen po bzhi pa'i 'jig rten gyi khams kyi sems can thams cad rgyun du zhugs pa'i 'bras bu la bkod pa lta zhog gi /stong gi 'jig rten gyi khams kyi sems can thams cad rgyun du zhugs pa'i 'bras bu la bkod pa lta yang zhog /stong gnyis pa bar ma'i 'jig rten gyi khams kyi sems can thams cad rgyun du zhugs pa'i 'bras bu la bkod pa lta yang zhog /kau shi ka stong gsum gyi stong chen po'i 'jig rten gyi khams kyi sems can thams cad rgyun du zhugs pa'i 'bras bu la bkod pa lta yang zhog /kau shi ka shar phyogs kyi 'jig rten gyi khams gang gA'i klung gi bye ma snyed kyi sems can ji snyed pa de dag thams cad rigs kyi bu'am/ rigs kyi bu mo gang la las rgyun du zhugs pa'i 'bras bu la bkod par byas pa dang / de bzhin du lho dang /nub dang / byang dang / phyogs mtshams rnams dang / steng dang / 'og gi 'jig rten gyi khams gang gA'i klung gi bye ma snyed kyi sems can ji snyed pa de dag thams cad rigs kyi bu'am/ rigs kyi bu mo gang la las zhig gis rgyun du zhugs pa'i 'bras bu la bkod na/ kau shi ka de ji snyam du sems/rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/yi ge dang ldan par gzhan la rgya cher brjod de bstan pa dang / don yang dag par rab tu gsal bar byas pa dang / rnam par bkrol zhing rnam par phye ste gsal bar byas/ yang dag par bstan par byas pa dang / 'di skad du tshur rigs kyi bu khyod kyis shes rab kyi pha rol tu phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji skad bstan pa'i shes rab kyi pha rol tu phyin pa la nan tan du gyis shig ces bsgo na/ ches de'i bsod nams mang du 'phel lo/ /de ci'i phyir zhe na/kau shi ka shes rab kyi pha rol tu phyin pa 'di las rgyun du zhugs pa rnams yod par 'gyur ba'i phyir ro zhes bya ba ni bkur ba tsam dgu pa yin no/ /'di dag gis ni bkur ba tsam gsungs pa yin no/ / kau shi ka gzhan yang 'dzam bu'i gling gi sems can ji snyed pa de dag rigs kyi bu'am rigs kyi bu mo la la zhig gis lan cig phyir 'ong ba'i 'bras bu la bkod zhes bya ba ni bsngags pa tsam dang po yin no// ji snyed pa phyir mi 'ong ba'i 'bras bu la bkod ces bya ba ni bsngags pa tsam gnyis pa yin no/ /ji snyed pa dgra bcom pa nyid la rab tu bkod na/ kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/yi ge dang ldan par gzhan la rgya cher brjod de bstan pa dang / yang dag par rab tu gsal bar byas pa dang / rnam par bkrol zhing rnam par phye ste gsal ba dang / yang dag par bstan par byas pa dang / 'di skad du tshur rigs kyi bu khyod kyis shes rab kyi pha rol tu phyin pa zung shig / kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig ces bsgo na/ ches de'i bsod nams mang du 'phel lo/ /de ci'i phyir zhe na/ kau shi ka shes rab kyi pha rol tu phyin pa 'di las lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid yod par 'gyur ba'i phyir ro/ /kau shi ka 'dzam bu'i gling gi sems can thams cad lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la bkod pa lta yang zhog gi /rigs kyi bu 'am/rigs kyi bu mo gang la las gling chen po bzhi pa'i 'jig rten gyi khams kyi sems can thams cad dgra bcom pa nyid la bkod pa dang / stong gi 'jig rten gyi khams kyi sems can thams cad dgra bcom pa nyid la bkod pa dang / stong gnyis pa bar ma'i 'jig rten gyi khams kyi sems can thams cad dgra bcom pa nyid la bkod pa dang /stong gsum gyi stong chen po'i 'jig rten gyi khams kyi sems can thams cad dgra bcom pa nyid la bkod pa dang / kau shi ka shar phyogs kyi 'jig rten gyi khams gang gA'i klung gi bye ma snyed kyi sems can ji snyed pa de dag thams cad rigs kyi bu'am/rigs kyi bu mo gang la la zhig gis dgra bcom pa nyid kyi bar la bkod pa dang / de bzhin du lho dang / nub dang / byang gi phyogs dang mtshams rnams dang / steng dang / 'og rnams kyi 'jig rten gyi khams gang gA'i klung gi bye ma snyed kyi sems can ji snyed pa de dag thams cad rigs kyi bu'am/ rigs kyi bu mo la la zhig gis dgra bcom pa nyid kyi bar la bkod na/ kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa / bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/ yi ge dang ldan par gzhan la rgya cher yang dag par rab tu gsal bar byed cing brjod de bstan pa dang / rnam par bkrol zhing rnam par phye ste gsal ba dang / yang dag par bstan par byas pa dang /'di skad du tshur rigs kyi bu khyod kyis shes rab kyi pha rol tu phyin pa 'di zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig ces bsgo na/ ches de bsod nams mang du 'phel lo//de ci'i phyir zhe na/ kau shi ka shes rab kyi pha rol tu phyin pa 'di las lan cig phyir 'ong ba dang / phyir mi 'ong ba dang / dgra bcom pa rnams yod par 'gyur ba'i phyir ro zhes bya ba ni bsngags pa tsam gsum pa yin no/ / kau shi ka gzhan yang phyogs bcu'i phyogs re re zhing sangs rgyas kyi zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag thams cad rigs kyi bu'am/rigs kyi bu mo gang la la zhig gis rang sangs rgyas nyid la rab tu bkod na/ kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/ yi ge dang ldan par gzhan la rgya cher brjod de bstan pa dang /yang dag par rab tu gsal bar byed la rnam par bkrol zhing rnam par phye ste gsal ba dang / yang dag par bstan par byas pa dang / 'di skad du tshur rigs kyi bu khyod kyis shes rab kyi pha rol tu phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /ces gzhan la byin na 'di ni de dag pas bsod nams mang du 'phel bar 'gyur ro/ /de ci'i phyir zhe na/ kau shi ka shes rab kyi pha rol tu phyin pa 'di las rang sangs rgyas rnams rab tu 'byung ba'i phyir ro zhes bya ba ni bsngags pa tsam bzhi pa yin no//kau shi ka gzhan yang 'dzam bu'i gling gi sems can ji snyed pa de dag rigs kyi bu'am/ rigs kyi bu mo la la zhig gis bla na med pa yang dag par rdzogs pa'i byang chub tu yang dag par bskul ba byas na/ kau shi ka de ji snyam bu sems/rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/yi ge dang ldan par gzhan la rgya cher brjod de/ bstan pa dang yang dag par rab tu gsal bar byed la rnam par bkrol zhing rnam par phye ste gsal ba dang yang dag par bstan par byas pa dang / 'di skad du khyod kyis shes rab kyi pha rol tu phyin pa zung shig / kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa nan tan du gyis shig /rigs kyi bu khyod kyis ji lta ji ltar shes rab kyi pha rol tu phyin pa ji skad du bstan pa la nan tan du byed par 'gyur ba de lta de ltar rigs kyi bu khyod kyis rnam pa thams cad mkhyen pa nyid thob par byed par 'gyur ro//ji lta ji ltar rnam pa thams cad mkhyen pa nyid thob par byed par 'gyur ba de lta de ltar cher yang shes rab kyi pha rol tu phyin pa bsgoms pa yongs su rdzogs par byed par 'gyur ro/ /ji lta ji ltar shes rab kyi pha rol tu phyin pa bsgoms pa yongs su rdzogs par byed par 'gyur ba de lta de ltar khyod bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bsgo na/ches de'i bsod nams mang du 'phel lo/ /de ci'i phyir zhe na/ kau shi ka 'di las byung ba ni sems dang po bskyed pa'i byang chub sems dpa' sems dpa' chen po rnams yin pa'i phyir ro//phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi byang chub sems dpa' sems dpa' chen po sems dang po bskyed pa'i sa la gang ji snyed cig yod pa de dag thams cad kyang shes rab kyi pha rol tu phyin pa 'di nyid las nges par 'byung ba yin pa'i phyir ro zhes bya ba ni bsngags pa tsam lnga pa yin no// gling bzhi pa'i sems can ji snyed pa dang zhes bya ba ni bsngags pa tsam drug pa yin no/ / stong spyi phud kyi sems can ji snyed pa dang zhes bya ba ni bsngags pa tsam bdun pa yin no/ / stong gnyis pa bar ma dang /stong gsum gyi stong chen po'i sems can ji snyed pa dang / kau shi ka gzhan yang phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag rigs kyi bu'am/ rigs kyi bu mo gang la la zhig gis bla na med pa yang dag par rdzogs pa'i byang chub tu yang dag par bskul bar byas na/kau shi ka de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/kau shi ka de bas kyang rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/ yi ge dang ldan par gzhan la rgya cher bstan pa dang / yang dag par bstan par byas pa'i bar dang / 'di skad du tshur rigs kyi bu khyod kyis shes rab kyi pha rol tu phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /rigs kyi bu khyod ji lta ji ltar shes rab kyi pha rol tu phyin pa ji skad bstan pa la nan tan du byed par 'gyur ba de lta de ltar rigs kyi bu khyod thams cad mkhyen pa nyid thob par byed par 'gyur ro//ji lta ji ltar thams cad mkhyen pa nyid yongs su rdzogs par byed par 'gyur ba de lta de ltar cher yang shes rab kyi pha rol tu phyin pa bsgoms pa yongs su rdzogs par 'gyur ro/ /ji lta ji ltar shes rab kyi pha rol tu phyin pa bsgoms pa yongs su rdzogs par byed par 'gyur ba de lta de ltar khyod bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bsgo na/ches de'i bsod nams mang du 'phel lo/ /de ci'i phyir zhe na/ kau shi ka 'di las byung ba ni sems dang po bskyed pa'i byang chub sems dpa' sems dpa' chen po rnams yin pa'i phyir ro//phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi byang chub sems dpa' sems dpa' chen po sems dang po bskyed pa'i sa la gang ji snyed pa de dag thams cad kyang shes rab kyi pha rol tu phyin pa 'di nyid las nges par 'byung ba yin pa'i phyir ro zhes bya ba ni bsngags pa tsam brgyad pa yin no// kau shi ka gzhan yang 'dzam bu'i gling gi sems can ji snyed pa de dag rigs kyi bu'am/ rigs kyi bu mo la la zhig gis phyir mi ldog pa'i sa la bkod pa bas rigs kyi bu'am/ rigs kyi bu mo gang gis shes rab kyi pha rol tu phyin pa 'di don dang ldan/ yi ge dang ldan par gzhan la rgya cher bstan pa dang / yang dag par bstan par byas pa'i bar dang / 'di skad du tshur rigs bu khyod kyis shes rab kyi pha rol tu phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /ji lta ji ltar ji skad bstan pa'i shes rab kyi pha rol tu phyin pa la nan tan du byed par 'gyur ba de lta de ltar khyod kyis shes rab kyi pha rol tu phyin pa la bslabs par gyur na phyir mi ldog pa la gnas par 'gyur te/ mthar gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bsgo na/kau shi ka rigs kyi bu'am/ rigs kyi bu mo 'di nyid ches bsod nams mang du 'phel lo/ /gling bzhi pa'i 'jig rten gyi khams kyi sems can ji snyed pa dang / stong gi 'jig rten gyi khams kyi sems can ji snyed pa dang /stong gnyis pa bar ma'i 'jig rten gyi khams kyi sems can ji snyed pa dang / stong gsum gyi stong chen po'i 'jig rten gyi khams kyi sems can ji snyed pa dang / phyogs bcu'i phyogs re re zhing 'jig rten gyi khams gang gA'i klung gi bye ma snyed kyi sems can ji snyed pa de dag thams cad rigs kyi bu'am rigs kyi bu mo gang la la zhig gis phyir mi ldog pa'i sa la bkod pa bas/rigs kyi bu'am rigs kyi bu mo gang gis shes rab kyi pha rol tu phyin pa 'di don dang ldan/ yi ge dang ldan par gzhan la rgya cher bstan pa dang / yang dag par bstan pa'i bar dang / 'di skad du tshur rigs kyi bu khyod kyis shes rab kyi pha rol tu phyin pa 'di zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /khyod kyis 'di la nan tan du byas na phyir mi ldog pa'i sa la gnas par 'gyur te/ mthar gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bsgo na/ 'di nyid de bas ches bsod nams mang du 'phel lo/ /kau shi ka gzhan yang 'dzam bu'i gling gi sems can ji snyed yod pa de dag thams cad bla na med pa yang dag par rdzogs pa'i byang chub las phyir mi ldog pa la rab tu bkod de/de dag la rigs kyi bu'am/ rigs kyi bu mo la la zhig gis shes rab kyi pha rol tu phyin pa 'di don dang ldan/ yi ge dang ldan par bstan pa dang / yang dag par rab tu gsal bar byed pa dang / rnam par bkrol zhing rnam par phye ste yang dag par bstan pa bas de rnams kyi nang nas la la zhig bdag ni myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes zer ba la rigs kyi bu'am/rigs kyi bu mo la la zhig gis de la shes rab kyi pha rol tu phyin pa 'di rgya cher don dang ldan/ yi ge dang ldan par nye bar ston cing yang dag par rab tu gsal bar byed/rnam par 'grel par byed/ rnam par phye ste yang dag par ston par byed na 'di nyid de bas ches bsod nams mang du 'phel lo/ /phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag rigs kyi bu'am/rigs kyi bu mo la la zhig gis phyir mi ldog pa'i sa la bkod de/ de dag la la la zhig gis shes rab kyi pha rol tu phyin pa 'di bstan pa bas de rnams kyi nang nas la la zhig 'di skad du bdag ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes zer na/la la zhig gis de la shes rab kyi pha rol tu phyin pa 'di don dang ldan/ yi ge dang ldan par nye bar bstan/ yang dag par rab tu gsal bar byas/ rnam par bkrol / rnam par phye ste/ rnam par bshad cing yang dag par bstan par byas na 'di nyid de bas bsod nams ches mang du 'phel lo//de ci'i phyir zhe na/ phyir mi ldog pa'i byang chub sems dpa' de dag ni rdzogs pa'i byang chub tu nges par 'gyur zhing bla na med pa yang dag par rdzogs pa'i byang chub las phyir mi ldog par 'gyur ba'i phyir na/ de dag la ni de tsam du chos bstan kyang mi dgos kyi/ 'di ni 'khor ba las 'byung bar 'dod la/snying rje chen pos mnar ba'i phyir ro zhes bya ba ni bsngags pa tsam dgu pa yin te/ 'di dag gis ni bsngags pa gsungs pa yin no/ / brgya byin gyis gsol pa/ bcom ldan 'das ji lta ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu nye bar gyur pa de lta de ltar byang chub sems dpa' sems dpa' chen po shes rab kyi pha rol tu phyin pa la gdams shing rjes su bstan par bgyi'o//bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa la gdams shing rjes su bstan par bgyi'o/ /stong pa nyid thams cad la gdams shing rjes su bstan par bgyi'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po dang / stobs rnams dang / byang chub kyi yan lag rnams dang / lam rnams la gdams shing rjes su bstan par bgyi'o/ /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams dang / stong pa nyid dang / mtshan ma med pa dang /smon pa med pa rnams la gdams shing rjes su bstan par bgyi'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams la gdams shing rjes su bstan par bgyi'o/ /ting nge 'dzin thams cad dang / gzungs kyi sgo thams cad dang /de bzhin gshegs pa'i stobs rnams dang / mi 'jigs pa rnams dang / so so yang dag par rig pa bzhi dang / sangs rgyas kyi chos ma 'dres pa bco brgyad la gdams shing rjes su bstan par bgyi'o/ /gos dang / bsod snyoms dang / mal cha dang / nad kyi rkyen sman dang / yo byad kyis kyang rjes su gzung bar bgyi ste/byang chub sems dpa' sems dpa' chen po chos dang / zang zing gis bsdu bas rjes su 'dzin pa'i rigs kyi bu'am/ rigs kyi bu mo 'di nyid kyi bsod nams de ni de bas ches mang du 'phel lo/ /de ci'i slad du zhe na/ bcom ldan 'das de ni 'di ltar 'gyur ba'i phyir te/byang chub sems dpa' sems dpa' chen po gang lags pa de ni pha rol tu phyin pa rnams la gdams shing rjes su bstan pa'o/ /stong pa nyid thams cad dang / byang chub kyi phyogs kyi chos sum cu rtsa bdun dang / tshad med pa dang / bsam gtan rnams dang / gzugs med pa'i snyoms par 'jug pa rnams dang /'phags pa'i bden pa rnams dang / stong pa nyid dang / mtshan ma med pa dang / smon pa med pa rnams dang / mngon par shes pa rnams dang / ting nge 'dzin rnams dang / gzungs kyi sgo thams cad la gdams shing rjes su bstan pa'o/ / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa rnams dang / sangs rgyas kyi chos ma 'dres pa bco brgyad la gdams shing rjes su bstan pa'o/ /de nas tshe dang ldan pa rab 'byor gyis lha rnams kyi dbang po brgya byin la smras pa/ kau shi ka de ltar khyod byang chub sems dpa'i theg pa pa'i rigs kyi bu'am/rigs kyi bu mo 'di rnams la mos pa bskyed pa legs so legs so/ /khyed kyis de bzhin du bya'o/ /'phags pa nyan thos gang sems can rnams la phan 'dogs par 'dod pa des kyang byang chub sems dpa' sems dpa' chen po rnams rjes su gzung bar bya'o//bla na med pa yang dag par rdzogs pa'i byang chub tu mos pa bskyed par bya'o/ /zang zing dang chos kyis phan 'dogs shing yongs su bskyang bar bya'o/ /de ci'i phyir zhe na/ 'di las bcom ldan 'das kyi nyan thos kyi dge 'dun dang / 'di las rang sangs rgyas dang / 'di las theg pa chen po rnams 'byung ba'i phyir ro//gal te byang chub sems dpa' sems dpa' chen pos bla na med pa yang dag par rdzogs pa'i byang chub tu sems bskyed par ma gyur na ni/ byang chub sems dpa' sems dpa' chen po pha rol tu phyin pa drug po 'di la slob par mi 'gyur/ byang chub kyi phyogs kyi chos sum cu rtsa bdun dang /'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa rnams dang / mngon par shes pa rnams dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs rnams dang /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad la slob par mi 'gyur te/ chos de rnams la ma bslabs na bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ / bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur na de'i tshe bla na med pa yang dag par rdzogs pa'i byang chub dang / rang sangs rgyas kyi byang chub dang / nyan thos kyi byang chub kyang yod par mi 'gyur te/ kau shi ka gang gis na byang chub sems dpa' sems dpa' chen po ni pha rol tu phyin pa drug dang /stong pa nyid thams cad dang / gzungs kyi sgo thams cad dang / stong pa nyid dang / mtshan ma med pa dang / smon pa med pa dang / byang chub kyi phyogs kyi chos sum cu rtsa bdun dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / chos thams cad kyi bar la yang slob pa des na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba yin te/ 'jig rten gyi khams thams cad du sems can dmyal ba rnams rgyun 'chad do//byol song gi skye gnas dang / gshin rje'i 'jig rten gyi skye gnas rnams rgyun 'chad do/ /rgyal rigs sA la chen po rnams 'byung ngo / /bram ze'i rigs sA la chen po rnams 'byung ngo / /khyim bdag gi rigs sA la chen po rnams 'byung ngo //rgyal chen bzhi'i ris kyi lha rnams 'byung ngo / /sum cu rtsa gsum pa rnams dang / 'thab bral ba dang / dga' ldan dang / 'phrul dga' dang / gzhan 'phrul dbang byed rnams dang / tshangs 'khor dang / tshangs pa'i mdun na 'don dang / tshangs chen dang / 'od chung dang / tshad med 'od dang /'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che dang / gnas gtsang ma dang / mi che ba dang / mi gdung ba dang / legs mthong dang / rab lta dang / 'og min pa rnams dang /nam mkha' mtha' yas skye mched kyi lha rnams dang / rnam shes mtha' yas skye mched kyi lha rnams dang / 'du shes med 'du shes med min skye mched kyi lha rnams 'jig rten du 'byung ngo / /sbyin pa'i pha rol tu phyin pa 'jig rten du 'byung ngo / /tshul khrims kyi pha rol tu phyin pa 'jig rten du 'byung ngo //bzod pa'i pha rol tu phyin pa 'jig rten du 'byung ngo / /brtson 'grus kyi pha rol tu phyin pa 'jig rten du 'byung ngo / /bsam gtan gyi pha rol tu phyin pa 'jig rten du 'byung ngo / /shes rab kyi pha rol tu phyin pa 'jig rten du 'byung ngo / /nang stong pa nyid dang / phyi stong pa nyid dang / phyi nang stong pa nyid dang /dngos po med pa'i ngo bo nyid stong pa nyid kyi bar du 'jig rten du 'byung ngo / /byang chub kyi phyogs kyi chos sum cu rtsa bdun dang / 'phags pa'i bden pa bzhi rnams 'jig rten du 'byung ngo / /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams 'jig rten du 'byung ngo / /ting nge 'dzin thams cad dang / gzungs kyi sgo thams cad dang / byang chub sems dpa'i sa rnams 'jig rten du 'byung ngo //de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad 'jig rten du 'byung ngo / /rnam pa thams cad mkhyen pa nyid 'jig rten du 'byung ngo //nyan thos kyi theg pa'am/ rang sangs rgyas kyi theg pa'am/ theg pa chen po 'jig rten du 'byung ngo zhes bya ba ni bstod pa la sogs pa nye bar bsdu ba yin no/ / de nas byang chub sems dpa' sems dpa' chen po byams pas gnas brtan rab 'byor la smras pa/ btsun pa rab 'byor byang chub sems dpa' sems dpa' chen po'i rjes su yi rang ba dang ldan pa'i bsod nams bya ba'i dngos po gang yin pa de sems can thams cad dang thun mong du byas te/de yang mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo ba gang yin pa dang / sems can thams cad kyi rjes su yi rang ba dang ldan pa'i bsod nams bya ba'i dngos po dang /nyan thos kyi theg pa la zhugs pa rnams dang / rang sangs rgyas kyi theg pa la zhugs pa rnams kyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang /bsgoms pa las byung ba'i bsod nams bya ba'i dngos po gang yin pa de dag las byang chub sems dpa' sems dpa' chen po'i rjes su yi rang ba dang ldan pa'i bsod nams bya ba'i dngos po sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di nyid rab ces bya'o//dam pa zhes bya'o/ /gtso bo zhes bya'o/ /mchog ces bya'o/ /rab mchog ces bya'o/ /phul du phyin pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /zhes bya ba ni yongs su bsngo ba khyad par can yin no// //bam po sum cu lnga pa/ de ci'i phyir zhe na/ 'di ltar nyan thos dang / rang sangs rgyas kyi theg pa pa rnams kyi sbyin pa las byung ba dang / tshul khrims las byung ba dang / bsgoms pa las byung ba'i bsod nams bya ba'i dngos po gang yin pa de dag thams cad bdag dul ba dang /bdag zhi ba dang / bdag yongs su mya ngan las 'da' bar bya ba'i phyir nye bar gnas pa ste/ byang chub kyi phyogs kyi chos sum cu rtsa bdun ji snyed yod pa dang / stong pa nyid dang / mtshan ma med pa dang / smon pa med pa dang / 'phags pa'i bden pa bzhi dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / so so yang dag par rig pa bzhi dang / mngon par shes pa drug kyang bdag dul ba dang / bdag zhi bar bya ba dang / bdag yongs su mya ngan las 'da' bar bya ba'i phyir nye bar gnas par zad kyi/ byang chub sems dpa' ni sems can thams cad dul ba dang / zhi bar bya ba dang / yongs su mya ngan las 'da' bar bya ba'i phyir/ rjes su yi rang ba dang ldan pa'i bsod nams bya ba'i dngos po sems can thams cad dang thun mong du byas shing mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo'o zhes bya ba ni yongs su bsngo ba'i byed pa yin no// de nas tshe dang ldan pa rab 'byor gyis byang chub sems dpa' sems dpa' chen po byams pa la 'di skad ces smras so//byams pa gang yang byang chub sems dpa' 'dis shar phyogs kyi 'jig rten gyi khams kyi sangs rgyas bcom ldan 'das grangs med tshad med gzhal du med pa dang / de bzhin du lho dang / nub dang / byang gi phyogs rnams dang / mtshams rnams dang / 'og dang / steng gi phyogs kyi phyogs re re'i sangs rgyas bcom ldan 'das grangs med tshad med gzhal du med pa yongs su mya ngan las 'das par gyur pa de dag gis thugs dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang /phung po ma lus pa'i mya ngan las 'das pa'i dbyings su yongs su mya ngan las 'das pa'i bar dang /dam pa'i chos ma nub pa'i bar du dge ba'i rtsa ba pha rol tu phyin pa drug dang ldan pa gang ji snyed cig yod pa dang / nyan thos kyi theg pa pa gang yin pa de rnams dang / rang sangs rgyas kyi theg pa pa gang yin pa de rnams kyi sbyin pa las byung ba dang / tshul khrims las byung ba dang /bsgoms pa las byung ba'i bsod nams bya ba'i dngos po gang yin pa dang / slob pa'i dge ba'i rtsa ba zag pa med pa gang yin pa dang / de bzhin gshegs pa de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang /rnam par grol ba'i ye shes gzigs pa'i phung po gang yin pa dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi chos grangs med tshad med gzhal du med pa gang yin pa dang / sangs rgyas bcom ldan 'das de dag gis chos bstan pa gang yin pa dang /chos bstan pa de la bslabs shing rgyun du zhugs pa'i 'bras bu thob pa dang / lan cig phyir 'ong ba'i 'bras bu thob pa dang / phyir mi 'ong ba'i 'bras bu thob pa dang / dgra bcom pa nyid thob pa dang / rang byang chub thob pa dang / byang chub sems dpa'i skyon med par zhugs pa de dag gi dge ba'i rtsa ba gang ji snyed pa dang / gang gis de bzhin gshegs pa de dag bzhugs kyang rung / yongs su mya ngan las 'das kyang rung / de dag la dge ba'i rtsa ba gang ji snyed cig bskyed pa de dag thams cad gcig tu bsdus te/ rjes su yi rang ba rab/dam pa/ gtso bo/ mchog phul du phyin pa/ gong na med pa/ mnyam pa med pa/ mi mnyam pa dang mnyam pas rjes su yi rang ba ste/ de ltar rjes su yi rangs nas rjes su yi rang ba dang ldan pa'i dge ba'i rtsa ba sems can thams cad dang thun mong du byas te bla na med pa yang dag par rdzogs pa'i byang chub tu bsgrub par gyur cig ces bla na med pa yang dag par rdzogs pa'i byang chub tu yongs su bsngo bar bya'o//gang yang theg pa chen po pa 'dis sems can gyi rnam pa de lta bur yongs su bsngo bar bya na dmigs pa gang dang / dngos po gang dag gis sems de bskyed pa'i dngos po de dag dang /dmigs pa de dag theg pa chen po pa'i rigs kyi bu de dag gis ji ltar mtshan mar byas pa de bzhin du yod dam/ de bzhin du dmigs sam/ byams pas smras pa/ btsun pa rab 'byor theg pa chen po pa'i rigs kyi bu de dag gis ji ltar mtshan mar byas te bla na med pa yang dag par rdzogs pa'i byang chub tu yongs su bsngos pa de bzhin du dngos po de dag dang dmigs pa de dag dmigs su yod pa ma yin no//rab 'byor gyis smras pa/ gal te de ltar dngos po med pa dang / dmigs su med pa yin na/ sangs rgyas bcom ldan 'das phyogs bcu'i 'jig rten gyi khams na bzhugs shing 'tsho skyong ba de dag gi yang thugs dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang /phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos gnas pa'i bar gyi dge ba'i rtsa ba dang /nyan thos kyi theg pa pa'i gang zag de rnams kyi dge ba'i rtsa ba gang ji snyed pa dang / rang sangs rgyas kyi theg pa pa'i gang zag de rnams kyi dge ba'i rtsa ba gang ji snyed pa rnams dang / slob pa rnams kyi dge ba'i rtsa ba gang ji snyed pa dang / mi slob pa rnams kyi dge ba'i rtsa ba gang ji snyed pa de dag thams cad gcig tu bsdus te rjes su yi rangs nas /bla na med pa yang dag par rdzogs pa'i byang chub tu mtshan mar byas shing mtshan ma'i tshul gyis yongs su bsngo na/ mi rtag pa la rtag go zhes bya bar 'du shes phyin ci log dang / sems phyin ci log dang / lta ba phyin ci log tu gyur pa dang / sdug bsngal ba la bde ba zhes bya ba dang bdag med pa la bdag ces bya ba dang / zhi ba la ma zhi zhes bya bar 'du shes phyin ci log dang / sems phyin ci log dang / lta ba phyin ci log tu gyur pa de lta de ltar de'i phyin ci log tu ma gyur tam/ de ste dngos po ji lta ba dang /dmigs pa ji lta ba bzhin du byang chub kyang de bzhin/ sems kyang de bzhin/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yang de bzhin/byang chub kyi phyogs kyi chos sum cu rtsa bdun yang de bzhin/ tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams kyang de bzhin/ nang stong pa nyid dang / dngos po med pa'i ngo bo nyid stong pa nyid kyi bar dang /stong pa nyid dang / mtshan ma med pa dang / smon pa med pa yang de bzhin/ rnam par thar pa brgyad kyang de bzhin/ mthar gyis gnas pa'i snyoms par 'jug pa dgu yang de bzhin/ mngon par shes pa drug kyang de bzhin/ ting nge 'dzin thams cad kyang de bzhin/gzungs kyi sgo rnams kyang de bzhin/ de bzhin gshegs pa'i stobs bcu yang de bzhin/ mi 'jigs pa rnams kyang de bzhin/ so so yang dag par rig pa rnams kyang de bzhin/ sangs rgyas kyi chos ma 'dres pa bco brgyad kyang de bzhin/ rnam pa thams cad mkhyen pa nyid kyang de bzhin no//gal te de ltar dngos po ji lta ba dang / dmigs pa ji lta bar byang chub kyang de bzhin/ sems kyang de bzhin/ gzugs dang / tshor ba dang / 'du shes dang / 'du byed rnams dang / rnam par shes pa yang de bzhin/ mig dang / rna ba dang / sna dang / lce dang / lus dang / yid kyang de bzhin/nang stong pa nyid dang / dngos po med pa'i ngo bo nyid stong pa nyid kyi bar yang de bzhin/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyang de bzhin/ tshad med pa dang / bsam gtan rnams dang / gzugs med pa'i snyoms par 'jug pa rnams kyang de bzhin/ rnam par thar pa brgyad dang / mthar gyis gnas pa'i snyoms par 'jug pa dgu yang de bzhin/ rnam par thar pa'i sgo gsum kyang de bzhin/ mngon par shes pa yang de bzhin/ ting nge 'dzin thams cad kyang de bzhin/gzungs kyi sgo thams cad kyang de bzhin/ de bzhin gshegs pa'i stobs bcu yang de bzhin/ mi 'jigs pa bzhi yang de bzhin/ so so yang dag par rig pa bzhi yang de bzhin/ sangs rgyas kyi chos ma 'dres pa bco brgyad kyang de bzhin na / bla na med pa yang dag par rdzogs pa'i byang chub tu yongs su bsngo bar bya ba'i dngos po ni gang zhig yin/dmigs pa ni gang zhig yin/ byang chub ni gang zhig yin/ sems ni gang zhig yin/ dge ba'i rtsa ba ni gang zhig yin/ rjes su yi rang ba dang ldan pa'i bsod nams bya ba'i dngos po ni gang zhig yin / byams pas smras pa/btsun pa rab 'byor gal te byang chub sems dpa' pha rol tu phyin pa drug la spyod par 'gyur/ sangs rgyas mang po la bsnyen bkur bar 'gyur/ dge ba'i rtsa ba bskyed par 'gyur/ dge ba'i bshes gnyen gyis kyang yongs su 'dzin par 'gyur/ rang gi mtshan nyid kyis stong pa'i chos thams cad la slob par 'gyur ba ni dngos po de dag dang /dmigs pa de dag dang / sangs rgyas bcom ldan 'das de dag dang / dge ba'i rtsa ba de dag dang / rjes su yi rang ba dang ldan pa'i bsod nams bya ba'i dngos po de dag mtshan mar byas shing bla na med pa yang dag par rdzogs pa'i byang chub tu yongs su bsngo bar mi 'gyur gyi/ji ltar gnyis kyi tshul gyis ma yin/ gnyis su med pa'i tshul gyis ma yin/ mtshan ma'i tshul gyis ma yin/ mtshan ma med pa'i tshul gyis ma yin/ dmigs pa'i tshul gyis ma yin/ dmigs su med pa'i tshul gyis ma yin/ kun nas nyon mongs pa med pa'i tshul gyis ma yin/ rnam par byang ba'i tshul gyis ma yin/ skye ba'i tshul gyis ma yin/ 'gag pa'i tshul gyis ma yin pa de ltar yongs su bsngo bar 'gyur ro/ /gal te byang chub sems dpa' de dag pha rol tu phyin pa drug la spyod par gyur pa yang ma yin/ sangs rgyas mang po la bsnyen bkur bar gyur pa yang ma yin/dge ba'i rtsa ba bskyed par gyur pa yang ma yin/ dge ba'i bshes gnyen gyis yongs su zin par gyur pa yang ma yin/ rang gi mtshan nyid kyis stong pa'i chos rnams la slob par gyur pa yang ma yin na / dngos po de dag dang / dmigs pa de dag dang / sangs rgyas bcom ldan 'das de dag dang / dge ba'i rtsa ba de dag dang / rjes su yi rang ba dang ldan pa'i sems bskyed pa de dag la mtshan mar byas shing bla na med pa yang dag par rdzogs pa'i byang chub tu yongs su bsngo bar 'gyur ro/ /btsun pa rab 'byor shes rab kyi pha rol tu phyin pa de ltar bstan pa ni theg pa la gsar du zhugs pa'i byang chub sems dpa'i mdun du bshad par mi bya'o//de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa dang / nang stong pa nyid dang /dngos po med pa'i ngo bo nyid stong pa nyid kyi bar du de ltar bstan pa ni theg pa la gsar du zhugs pa'i byang chub sems dpa' sems dpa' chen po'i mdun du bshad par mi bya'o/ /de ci'i phyir zhe na/ de ni de la dad pa tsam mam/ rab tu dang ba tsam mam/ dga' ba tsam mam/ gus pa tsam zhig yod pa gang yin pa de yang med par gyur pa'i phyir te/phyir mi ldog pa'i byang chub sems dpa' sems dpa' chen po'i mdun du bshad par bya'o/ /bstan par bya'o/ /dngos bo med pa'i ngo bo nyid stong pa nyid kyi bar du bstan par bya bar bshad pa ste/ des de ltar thos nas mi dngang / kun tu mi skrag kun tu skrag pa dang ldan par mi 'gyur ro//gal te dge ba'i bshes gnyen gyis yongs su zin pa dang / sngon gyi rgyal ba la brten te dge ba'i rtsa ba bskrun pa dang / sangs rgyas mang po la bsnyen bkur ba yin na yang ngo / /btsun pa rab 'byor de ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo bar bya'o//rab 'byor gyis smras pa/ 'o na byams pa sems gang gis rjes su yi rangs nas yongs su sngo bar byed pa'i sems de ni zad cing 'gags pa dang bral zhing rnam par gyur pa dang /dngos po de dag dang / dmigs pa de dag dang / dge ba'i rtsa ba de dag kyang zad cing 'gags la bral zhing rnam par gyur na/ rjes su yi rang ba dang ldan pa'i sems gang zhig dang / dngos po gang zhig dang / dmigs pa gang zhig dang / dge ba'i rtsa ba gang zhig bla na med pa yang dag par rdzogs pa'i byang chub tu yongs su bsngo bar bya/ci sems gang gis sems yongs su bsngo bar bya ba'am/ de lta na ni sems gnyis phrad par 'gyur ba med la/ sems kyi rang bzhin gang yin pa de yang yongs su bsngo bar mi nus so/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/'di ltar shes rab kyi pha rol tu phyin pa ni dngos po med pa'o/ /de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni dngos po med pa'o//gzugs dang / tshor ba dang / 'du shes dang / 'du byed rnams dang / rnam par shes pa ni dngos po med pa'o/ /byang chub kyi phyogs kyi chos sum cu rtsa bdun ni dngos po med pa'o/ /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /'phags pa'i bden pa rnams dang / rnam par thar pa brgyad rnams dang / mthar gyis gnas pa'i snyoms par 'jug pa dgu rnams ni dngos po med pa'o/ /stong pa nyid dang / mtshan ma med pa dang / smon pa med pa dang / mngon par shes pa drug rnams ni dngos po med pa'o/ / stong pa nyid thams cad dang / ting nge 'dzin thams cad dang / gzungs kyi sgo thams cad ni dngos po med pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ni dngos po med pa'o zhes bya bar shes na /byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo bar bya'o/ /gal te de ltar yongs su bsngo na bla na med pa yang dag par rdzogs pa'i byang chub tu yongs su bsngos par 'gyur ro//de nas byang chub sems dpa' sems dpa' chen po byams pas gnas brtan rab 'byor la smras pa/ btsun pa rab 'byor ji ltar na theg pa la gsar du zhugs pa'i rigs kyi bu'am/ rigs kyi bu mos dge ba'i rtsa ba de dag bla na med pa yang dag par rdzogs pa'i byang chub tu yongs su bsngos pa yin/ji ltar rjes su yi rang ba dang ldan pa'i bsod nams bya ba'i dngos po yongs su bzung zhing yongs su bsngos pa yin/ rab 'byor gyis smras pa/ byams pa gal te theg pa la gsar du zhugs pa'i byang chub sems dpa' sems dpa' chen po de shes rab kyi pha rol tu phyin pa la spyod cing /shes rab kyi pha rol tu phyin pa de yang mi dmigs pa'i tshul dang / mtshan ma med pa'i tshul gyis 'dzin par 'gyur/ de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa mi dmigs pa'i tshul dang / mtshan ma med pa'i tshul gyis 'dzin par 'gyur na/ nang stong pa nyid la mos pa mang bar 'gyur/ phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la mos pa mang bar 'gyur/ tshad med pa rnams dang /bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams la mos pa mang bar 'gyur/ rnam par thar pa brgyad dang / mthar gyis gnas pa'i snyoms par 'jug pa dgu la mos pa mang bar 'gyur/ stong pa nyid dang / mtshan ma med pa dang /smon pa med pa la mos pa mang bar 'gyur/ mngon par shes pa rnams dang / ting nge 'dzin thams cad dang / gzungs kyi sgo thams cad la mos pa mang bar 'gyur/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad la mos pa mang bar 'gyur/dge ba'i bshes gnyen gyis yongs su zin par 'gyur/ 'di'i dge ba'i bshes gnyen de dag kyang shes rab kyi pha rol tu phyin pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang /tshul khrims kyi pha rol tu phyin pa dang / sbyin pa'i pha rol tu phyin pa don dang ldan yi ge dang ldan par ston par 'gyur te/ de yang byang chub sems dpa'i skyon med par chud kyi bar du ci nas kyang shes rab kyi pha rol tu phyin pa dang 'bral bar mi 'gyur ba dang / de bzhin du pha rol tu phyin pa rnams dang 'bral bar mi 'gyur ba dang /stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang /smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi bar dang 'bral bar mi 'gyur ba de ltar ston to/ /bdud kyi las rnams kyang ston par 'gyur te/ des bdud kyi las de dag thos nas 'grib pa'am 'phel ba med par 'gyur ro/ /de ci'i phyir zhe na/ de ni 'di ltar bdud kyi las de dag la ngo bo nyid med pa'i phyir te/de ni byang chub sems dpa'i skyon med par chud kyi bar du sangs rgyas bcom ldan 'das rnams dang 'bral bar mi 'gyur te/ de dag la yang dge ba'i rtsa ba bskyed par 'gyur ro/ /dge ba'i rtsa ba de dag gis kyang byang chub sems dpa'i rigs yongs su 'dzin par 'gyur ro//byang chub sems dpa'i rigs de dang yang bla na med pa yang dag par rdzogs pa'i byang chub tu mngon par rdzogs par sangs rgyas pa'i bar du nam yang 'bral bar mi 'gyur ro/ /gzhan yang byang chub sems dpa' sems dpa' chen po theg pa la gsar du zhugs pas phyogs bcu'i 'jig rten gyi khams grangs med pa tshad med pa dag na de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba dang chos ston pa'i sangs rgyas bcom ldan 'das lam chad pa/'jug pa chad pa / spros pa dang srid par 'dren pa chad pa /mchi ma zad pa / tsher ma bcom pa/ khur shin tu bor ba/ bdag gi don rjes su thob pa/ srid par sbyor ba yongs su zad pa/ yang dag par kun shes pas sems shin tu rnam par grol ba/ sems kyi dbang dam pa'i pha rol tu phyin pa'i sangs rgyas bcom ldan 'das nyan thos kyi dge 'dun dang bcas pa de dag gis bsod nams mngon par 'du mdzad de dge ba'i rtsa ba bskyed pa dang /rgyal rigs sA la chen po rnams sam/ bram ze'i rigs sA la chen po rnams sam / khyim bdag gi rigs sA la chen po rnams sam / rgyal chen bzhi'i ris kyi lha'am/ sum cu rtsa gsum pa'am /'thab bral lam/ dga' ldan nam/ 'phrul dga'a'am/ gzhan 'phrul dbang byed dam/ tshangs rigs sam/ tshangs pa'i mdun na 'don nam/ tshangs chen nam/ 'od chung ngam/ tshad med 'od dam/ 'od gsal lam/ dge chung ngam/ tshad med dge'am/ dge rgyas sam/sprin med dam/ bsod nams 'phel lam/ 'bras bu che ba'am/ gnas gtsang ma pa'am/ mi che ba'am/ mi gdung ba'am/ legs mthong ba'am/ rab lta ba'am/ 'og min gyi lha rnams kyi yang rung ste/ dge ba'i rtsa ba bskyed pa de dag thams cad mngon par bsdus te gcig tu btul nas bsnyams te/rjes su yi rang ba/ rab/ dam pa/ gtso bo mchog rab/ mchog phul du phyin pa/ gong na med pa'i rjes su yi rang bas rjes su yi rang ste/ rjes su yi rang nas kyang rjes su yi rang ba dang ldan pa'i dge ba'i rtsa ba bla na med pa yang dag par rdzogs pa'i byang chub tu yongs su bsngo bar bya'o zhes bya ba ni dmigs su med pa'i yongs su bsngo ba yin no//byams pas smras pa/ btsun pa rab 'byor gal te theg pa la gsar du zhugs pa'i byang chub sems dpa' sems dpa' chen po de sangs rgyas bcom ldan 'das nyan thos kyi dge 'dun dang bcas pa rnams kyi dge ba'i rtsa ba de dag thams cad la sems shing bsams nas rjes su yi rang ba'i rab kyis rjes su yi rang bar byas te/rjes su yi rang ba gong na med pa'i bar gyis rjes su yi rang bas rjes su yi rang bar byas nas/ bla na med pa yang dag par rdzogs pa'i byang chub tu yongs su sngo bar byed na/ ji ltar byang chub sems dpa' sems dpa' chen po 'du shes phyin ci log tu mi 'gyur ba yin/sems phyin ci log tu mi 'gyur ba yin/ lta ba phyin ci log tu mi 'gyur ba yin/ rab 'byor gyis smras pa/ byams pa gal te byang chub sems dpa' sems dpa' chen po sangs rgyas bcom ldan 'das de nyan thos kyi dge 'dun dang bcas pa de dag las kyang de la sangs rgyas su 'du shes par mi 'gyur/nyan thos su 'du shes par mi 'gyur/ dge ba'i rtsa bar 'du shes par mi 'gyur zhing / sems gang gis yongs su bsngo ba'i sems de la yang sems kyi 'du shes su mi 'gyur na/ de ltar yongs su bsngo ba'i byang chub sems dpa' sems dpa' chen po la 'du shes phyin ci log tu 'gyur ba med do//sems phyin ci log tu 'gyur ba med do/ /lta ba phyin ci log tu 'gyur ba med do/ /gal te byang chub sems dpa' sems dpa' chen po sangs rgyas bcom ldan 'das de dag kyang / dge ba'i rtsa ba de dag sems kyis sems shing mtshan mar 'dzin pas mtshan mar bzung nas/ bla na med pa yang dag par rdzogs pa'i byang chub tu yongs su bsngo na/ de ltar yongs su sngo bar byed pa'i 'du shes phyin ci log tu 'gyur ro/ /sems phyin ci log tu 'gyur ro/ /lta ba phyin ci log tu 'gyur ro// gal te yang byang chub sems dpa' sems dpa' chen po sangs rgyas bcom ldan 'das de dag dang / dge ba'i rtsa ba de dag la sems gang gis yang dag par sems shing 'di ltar zad pa la zad ces bya bar shes na gang zag des yongs su bsngo bar mi nus so/ /sems gang gis yongs su bsngo ba'i sems de nyid kyi chos nyid kyang de yin la/der yongs su bsngo ba de yang chos nyid do zhes gal te de ltar yongs su bsngo na yang dag par yongs su bsngo ba ste/ log pa ma yin no/ /de ltar byang chub sems dpa' sems dpa' chen pos yongs su bsngo bar bya'o/ /gal te byang chub sems dpa' sems dpa' chen pos 'das pa dang /ma byon pa dang / da ltar byung ba'i sangs rgyas bcom ldan 'das rnams kyis thugs dang po bskyed pa nas yongs su mya ngan las 'das pa'i bar dang / dam pa'i chos nub pa'i bar dang / nyan thos dang / rang sangs rgyas de dag dang / so so'i skye bo mang pos dge ba'i rtsa ba gang ci snyed cig bskyed pa dang / chos bstan pa gang ci snyed cig thos pa dang / de dag tu lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dag gis dge ba'i rtsa ba gang ji snyed cig bskyed pa dang /rgyal rigs sA la chen po rnams sam/ bram ze'i rigs sA la chen po rnams sam/ khyim bdag gi rigs sA la chen po rnams sam/ rgyal chen bzhi'i ris kyi lha rnams sam/ 'og min gyi bar gyi lha rnams kyis dam pa'i chos thos pa dang / dge ba'i rtsa ba bskyed pa dang / bla na med pa yang dag par rdzogs pa'i byang chub tu sems bskyed pa de thams cad mngon par bsdus te gcig tu btul nas bsnyams te/ rjes su yi rang ba'i bar gyis rjes su yi rang zhing rjes su yi rang ba dam pa/ gtso bo/ mchog rab/ mchog /phul du phyin pa/ gong na med pa/ mnyam pa med pa/mi mnyam pa dang mnyam pas rjes su yi rang ste/ rjes su yi rang bar byas nas de thams cad bla na med pa yang dag par rdzogs pa'i byang chub tu yongs su bsngo zhing gal te 'di ltar chos 'di dag ni zad do/ /'gags so/ /med do/ /rnam par gyur to/ /gang du yongs su bsngo ba'i sems de yang rang bzhin gyis stong pa'o zhes shes par byas la/gal te de ltar yongs su bsngo na bla na med pa yang dag par rdzogs pa'i byang chub tu yongs su bsngos pa yin no/ /gal te 'di ltar chos kyis chos yongs su bsngo bar mi bya ste/ de ci'i phyir zhe na/ de ni 'di ltar chos thams cad rang bzhin gyis stong pa'i phyir ro zhes bya bar shes la/gal te de ltar yongs su bsngo na bla na med pa yang dag par rdzogs pa'i byang chub tu yongs su bsngo ba yin no/ /de ltar na byang chub sems dpa' sems dpa' chen po shes rab kyi pha rol tu phyin pa la spyod pa dang / de bzhin du bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la spyod pa'i tshe/ 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro//de ci'i phyir zhe na/ de ni 'di ltar byang chub sems dpa' sems dpa' chen po yongs su bsngo ba de la mngon par chags pa med pa'i phyir ro/ /gang du chags par 'gyur ba'i dge ba'i rtsa ba de dag dang / byang chub kyi sems de yang dag par rjes su mi mthong ba'i phyir ro/ / 'di ni byang chub sems dpa' sems dpa' chen po'i yongs su bsngo ba bla na med pa'o zhes bya ba ni phyin ci ma log pa'i mtshan nyid kyis yongs su bsngo ba yin no/ / gal te byang chub sems dpa' sems dpa' chen pos bsod nams bya ba'i dngos po mngon par 'du bya ba de phung po dang / khams dang /skye mched rnams kyis dben par shes / shes rab kyi pha rol tu phyin pas dben par shes te / de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pas dben par shes/nang stong pa nyid kyis dben par shes/ dngos po med pa'i ngo bo nyid stong pa nyid kyi bar gyis dben par shes/ byang chub kyi phyogs kyi chos sum cu rtsa bdun gyis dben par shes/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad kyis dben par shes na/ de ltar byang chub sems dpa' sems dpa' chen pos bsod nams bya ba'i dngos po mngon par 'du bya ba de bla na med pa yang dag par rdzogs pa'i byang chub tu yongs su bsngos pa yin no/ / gal te byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po de bsod nams bya ba'i dngos po'i ngo bo nyid kyis dben par shes te/ sangs rgyas bcom ldan 'das de dag ni sangs rgyas kyi ngo bo nyid kyis dben no/ /dge ba'i rtsa ba de dag ni dge ba'i rtsa ba'i ngo bo nyid kyis dben no//mngon par 'du bya ba de dag ni mngon par 'du bya ba'i ngo bo nyid kyis dben no/ /byang chub kyi sems de ni byang chub sems kyi ngo bo nyid kyis dben no/ /yongs su bsngo ba'i sems ni yongs su bsngo ba'i sems kyi ngo bo nyid kyis dben no/ /byang chub kyang byang chub kyi ngo bo nyid kyis dben no//shes rab kyi pha rol tu phyin pa ni shes rab kyi pha rol tu phyin pa'i ngo bo nyid kyis dben no/ /bsam gtan gyi pha rol tu phyin pa ni bsam gtan gyi pha rol tu phyin pa'i ngo bo nyid kyis dben no/ /brtson 'grus kyi pha rol tu phyin pa ni brtson 'grus kyi pha rol tu phyin pa'i ngo bo nyid kyis dben no//bzod pa'i pha rol tu phyin pa ni bzod pa'i pha rol tu phyin pa'i ngo bo nyid kyis dben no/ /tshul khrims kyi pha rol tu phyin pa ni tshul khrims kyi pha rol tu phyin pa'i ngo bo nyid kyis dben no/ /sbyin pa'i pha rol tu phyin pa ni sbyin pa'i pha rol tu phyin pa'i ngo bo nyid kyis dben no/ /nang stong pa nyid ni nang stong pa nyid kyi ngo bo nyid kyis dben no//phyi stong pa nyid ni phyi stong pa nyid kyi ngo bo nyid kyis dben no/ /phyi nang stong pa nyid ni phyi nang stong pa nyid kyi ngo bo nyid kyis dben no/ /dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa nyid kyi bar gyis dben no/ /de bzhin du byang chub kyi phyogs kyi chos sum cu rtsa bdun dang /'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa rnams dang / so so yang dag par rig pa dang / sangs rgyas kyi chos ma 'dres pa bco brgyad ni sangs rgyas kyi chos ma 'dres pa bco brgyad kyi ngo bo nyid kyis dben no zhes de ltar byang chub sems dpa' sems dpa' chen pos dben pa'i shes rab kyi pha rol tu phyin pa la spyad par bya ste /'di ni byang chub sems dpa' sems dpa' chen po'i shes rab kyi pha rol tu phyin pa'o zhes bya ba ni dben pa'i yongs su bsngo ba yin no// gzhan yang byang chub sems dpa' sems dpa' chen pos sangs rgyas bcom ldan 'das de dag gi dge ba'i rtsa ba de dag thams cad rjes su dran par byas nas 'di ltar yongs su bsngo bar bya ste/ yongs su bsngo ba ci 'dra ba kho nar gang gis yongs su sngo bar byed pa'i sems kyang de 'dra ba kho na ste/de'i rigs can dang / de'i rang bzhin can no zhes gal te de ltar yongs su shes na bla na med pa yang dag par rdzogs pa'i byang chub tu yongs su bsngo ba yin/ de ltar yongs su bsngo na 'du shes phyin ci log pa ma yin/ sems phyin ci log pa ma yin/lta ba phyin ci log pa ma yin no/ / gal te byang chub sems dpa' sems dpa' chen po mtshan ma'i tshul gyis shes rab kyi pha rol tu phyin pa la spyod cing / sangs rgyas bcom ldan 'das de dag gi dge ba'i rtsa ba de dag yongs su shes na/ bla na med pa yang dag par rdzogs pa'i byang chub tu yongs su bsngo ba ma yin no//'das pa'i sangs rgyas bcom ldan 'das ji snyed pa yongs su mya ngan las 'das pa de dag kyang mtshan ma ma yin/ yul ma yin no zhes gal te de ltar sems na yang mtshan mar byed pa yin gyi/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ma yin te/de ltar na de'i 'du shes phyin ci log pa ma yin no/ /sems phyin ci log pa ma yin no/ /lta ba phyin ci log pa ma yin no/ /gal te sangs rgyas bcom ldan 'das de dag dang / dge ba'i rtsa ba de dag dang / mngon par 'du bya ba de dag dang / sems bskyed pa de dag yongs su shes pa med cing mtshan mar mi byed par yongs su bsngo na dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba yin te/ de ltar na byang chub sems dpa' sems dpa' chen po'i 'du shes phyin ci log pa ma yin/ sems phyin ci log pa ma yin/lta ba phyin ci log pa ma yin no zhes bya ba ni sangs rgyas kyi bsod nams kyi rigs dang rang bzhin rjes su dran pa'i yongs su bsngo ba yin no/ / byams pas smras pa/ btsun pa rab 'byor ji ltar na byang chub sems dpa' sems dpa' chen po mtshan mar mi byed cing yongs su bsngo ba ma yin/rab 'byor gyis smras pa/ byang chub sems dpa' sems dpa' chen po de dag gis shes rab kyi pha rol tu phyin pa 'dir thabs mkhas pa la bslab par bya'o/ /des na shes rab kyi pha rol tu phyin pa 'di byang chub sems dpa' sems dpa' chen po'i thabs mkhas par rig par bya ste/shes rab kyi pha rol tu phyin pa la ma brten par bsod nams bya ba'i dngos po yongs su bsngo bar mi nus so/ /byams pas smras pa/ btsun pa rab 'byor shes rab kyi pha rol tu phyin pa las sangs rgyas bcom ldan 'das de dag dang / dge ba'i rtsa ba de dag dang / mngon par 'du bya ba de dag dang / gang gis bla na med pa yang dag par rdzogs pa'i byang chub tu yongs su bsngo ba'i sems bskyed pa de dag kyang med do zhes bya ba 'di ni skyon du smos par mi 'gyur ram/ rab 'byor gyis smras pa/ de la byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/bdag gi lus de dag dang / dge ba'i rtsa ba de dag dang / mngon par 'du bya ba de dag dang / sems bskyed pa de dag 'gag par 'gyur du zin kyang / mtshan mar byas nas rnam par rtog par mi bya'o zhes de ltar yongs su brtag par bya ste/ sangs rgyas bcom ldan 'das de dag dang /dge ba'i rtsa ba de dag dang / mngon par 'du bya ba de dag dang / sems bskyed pa de dag la mtshan mar byas shing rnam par rtog pa de lta na de bzhin gshegs pa dgra bcom pa yang dag par rdzogs pa'i sangs rgyas rnams kyis ni de ltar mtshan ma'i tshul gyis yongs su bsngo ba la rjes su dgyes pa dang /mngon par bsngags pa mi mdzad do/ /de ci'i phyir zhe na/ da ltar sangs rgyas bcom ldan 'das yongs su mya ngan las 'das pa rnams mtshan mar byas shing rnam par brtags te/ dmigs pa ni de'i dmigs pa chen por 'gyur ba'i phyir ro/ /de bas na byang chub sems dpa' sems dpa' chen po'i dge ba'i rtsa ba de dag yongs su bsngo bar 'dod pas mi dmigs shing mtshan ma med par byas te yongs su bsngo bar bya'o //de bzhin gshegs pa dgra bcom pa yang dag par rdzogs pa'i sangs rgyas rnams kyis ni dmigs pa'i 'du shes can dang / mtshan ma'i 'du shes can gyis yongs su bsngo ba de ni don che bar ma gsungs so//de ci'i phyir zhe na/ yongs su bsngo ba de ni dug can dang zug rngu can yin pa'i phyir ro zhes bya ba ni thabs mkhas pa'i yongs su bsngo ba yin no/ / 'di lta ste dper na kha zas bsod pa kha dog phun sum tshogs pa dang / dri phun sum tshogs pa zhig yod kyang dug dang bsres par gyur na/kha dog dang dri dang / ros yid du 'ong ba yin mod kyi/ 'on kyang de la skyes bu byis pa'i ngang tshul can bza' bar sems te/ des de zos na yang kha dog dang / dri dang ro zhim por tshor mod kyi/ zhu bar gyur pa na sdug bsngal gyi rnam par smin par 'gyur ro//de bzhin du 'di la log par rig pa dang / log par shes pa dang / log par bslabs pa la don ma rtogs par mi shes shing 'di skad du ston te/ tshur rigs kyi bu khyod kyis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi thugs dang po bskyed pa nas nye bar bzung ste/bla na med pa yang dag par rdzogs pa'i byang chub tu mngon par rdzogs par sangs rgyas kyi bar du phung po ma lus pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos nub par ma gyur gyi bar du shes rab kyi pha rol tu phyin pa la spyad de/dge ba'i rtsa ba gang ji snyed cig mngon par 'du mdzad par gyur pa dang / de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la spyad de/dge ba'i rtsa ba gang ji snyed cig mngon par 'du mdzad pa dang / bsam gtan bzhi dang ldan pa dang / tshad med pa bzhi dang ldan pa dang / gzugs med pa'i snyoms par 'jug pa bzhi dang ldan pa dang / byang chub kyi phyogs kyi chos sum cu rtsa bdun dang ldan pa dang / 'phags pa'i bden pa bzhi dang ldan pa dang /stong pa nyid dang / mtshan ma med pa dang / smon pa med pa dang ldan pa dang / rnam par thar pa brgyad dang / mthar gyis gnas pa'i snyoms par 'jug pa dgu dang ldan pa dang / mngon par shes pa lnga dang ldan pa dang / stong pa nyid thams cad dang /gzungs kyi sgo thams cad dang / de bzhin gshegs pa'i stobs bcu dang ldan pa dang / mi 'jigs pa bzhi dang ldan pa dang / so so yang dag par rig pa bzhi dang ldan pa dang / sangs rgyas kyi chos ma 'dres pa bco brgyad dang ldan pa dang / dge ba'i rtsa ba gang ji snyed cig mngon par 'du mdzad pa dang /dge ba'i rtsa ba mngon par 'du mdzad pa gang dag gis sangs rgyas kyi zhing yongs su dag pa dang / sems can mang po yongs su smin par mdzad pa dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang /rnam par grol ba'i phung po dang / rnam par grol ba'i ye shes mthong ba'i phung po dang / rnam pa thams cad mkhyen pa nyid kyi ye shes dang / bsnyel ba mi mnga' ba'i chos nyid kyi ye shes dang / rtag tu btang snyoms su gnas pa dang / der nyan thos gang dag gis dge ba'i rtsa ba mngon par 'du byas pa dang /gang yang rang sangs rgyas rnams nyid lung bstan pa dang / der lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang dag gis dge ba'i rtsa ba mngon par 'du byas pa de dag thams cad mngon par bsdus te gcig tu btul zhing bsnyams te/bla na med pa yang dag par rdzogs pa'i byang chub tu yongs su sngos shig ces bya bar ston te/ de ltar mtshan ma'i tshul dang dmigs pa'i tshul gyis yongs su bsngo na dug tu 'gyur ba yin te/ 'di lta ste dper na/ zas dug can de dang 'dra na dmigs pa'i tshul 'du shes can la yongs su bsngo ba med do//de ci'i phyir zhe na/ dmigs pa ni dug can dang bcas pa mtshan ma dang bcas pa/ rgyu dang bcas pa/ rkyen dang bcas pa'i phyir te/ gang de ltar yongs su bsngo ba de ni de bzhin gshegs pas bshad par mi 'gyur te/ de bzhin gshegs pas gsungs pa bzhin du smra ba ma yin/chos bzhin du smra bar mi 'gyur te/ de la byang chub sems dpa'i theg pa pa'i rigs kyi bu'am/ rigs kyi bu mos de ltar bslab par mi bya'o zhes bya ba ni mtshan ma med pa'i yongs su bsngo ba yin no/ / byams pas smras pa/ ji ltar 'das pa dang /ma byon pa dang / da ltar byung ba'i sangs rgyas bcom ldan 'das rnams kyi dge ba'i rtsa ba rnams la rjes su yi rang ba yongs su bsngo bar bya/ ji ltar na thugs dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang /phung po ma lus pa'i mya ngan las 'das pa'i dbyings su yongs su mya ngan las 'das pa'i bar dang / nyan thos kyi dge 'dun dang bcas pa'i dam pa'i chos nub par ma gyur gyi bar du shes rab kyi pha rol tu phyin pa la spyad de/ dge ba'i rtsa ba gang ji snyed cig mngon par 'du mdzad pa dang / rnam pa thams cad mkhyen pa nyid thob pa'i bar dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa gang dag gis dge ba'i rtsa ba bskyed pa rnams la rjes su yi rang ste yongs su bsngo bar bya/ji ltar yongs su bsngos na dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba yin/ rab 'byor gyis smras pa/ 'di ltar theg pa chen po pa'i rigs kyi bu'am/ rigs kyi bu mo shes rab kyi pha rol tu phyin pa la spyod pa de bzhin gshegs pas ma gsungs pa ma yin par 'dod pas 'di ltar yongs su bsngo bar bya ste/ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi ye shes bla na med pas dge ba'i rtsa ba de dag gi rigs gang yin pa dang / rang bzhin gang yin pa dang / mtshan nyid gang yin pa mkhyen cing chos nyid gang gis yod pa de bzhin du bdag gis rjes su yi rang bar bya'o//ji ltar sangs rgyas bcom ldan 'das de dag gis thugs su chud pa de bzhin du bdag gis bla na med pa yang dag par rdzogs pa'i byang chub tu yongs su bsngo'o zhes de ltar theg pa chen po pa'i rigs kyi bu'am/rigs kyi bu mos dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya ste/ de ltar yongs su bsngo na de bzhin gshegs pas ma gsungs pa ma yin pa dang / de bzhin gshegs pas gsungs pa bzhin du smra ba dang / chos bzhin du smra ba yin no/ /de ltar na byang chub sems dpa' sems dpa' chen po'i yongs su bsngo ba de dug med pa yin no zhes bya ba na sangs rgyas kyis rjes su gnang ba'i yongs su bsngo ba yin no/ / gzhan yang theg pa chen po la yang dag par zhugs pa'i rigs kyi bu'am/ rigs kyi bu mos shes rab kyi pha rol tu phyin pa la spyod pa'i tshe/dge ba'i rtsa ba de rnams 'di ltar yongs su bsngo bar bya ste/ ji ltar 'dod pa'i khams dang / gzugs kyi khams dang / gzugs med pa'i khams su ma gtogs pa/ de bzhin du tshor ba dang / 'du shes dang / 'du byed rnams dang / rnam par shes pa 'dod pa'i khams dang / gzugs kyi khams dang / gzugs med pa'i khams su ma gtogs/ khams rnams dang / skye mched rnams dang / rten cing 'brel par 'byung ba 'dod pa'i khams dang / gzugs kyi khams dang / gzugs med pa'i khams su ma gtogs/ shes rab kyi pha rol tu phyin pa 'dod pa'i khams dang / gzugs kyi khams dang / gzugs med pa'i khams su ma gtogs/ de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa 'dod pa'i khams dang / gzugs kyi khams dang / gzugs med pa'i khams su ma gtogs pa de ni 'das pa ma yin/ ma 'ongs pa ma yin/ da ltar byung ba ma yin no/ /de bzhin du nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du 'dod pa'i khams dang /gzugs kyi khams dang / gzugs med pa'i khams su ma gtogs/ byang chub kyi phyogs kyi chos sum cu rtsa bdun 'dod pa'i khams dang / gzugs kyi khams dang / gzugs med pa'i khams su ma gtogs/ tshad med pa rnams dang /bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams 'dod pa'i khams dang / gzugs kyi khams dang / gzugs med pa'i khams su ma gtogs/ rnam par thar pa brgyad dang / mthar gyis gnas pa'i snyoms par 'jug pa dgu 'dod pa'i khams dang /gzugs kyi khams dang / gzugs med pa'i khams su ma gtogs/ stong pa nyid dang / mtshan ma med pa dang / smon pa med pa dang / mngon par shes pa drug rnams 'dod pa'i khams dang / gzugs kyi khams dang / gzugs med pa'i khams su ma gtogs/ting nge 'dzin dang / gzungs kyi sgo rnams 'dod pa'i khams dang / gzugs kyi khams dang / gzugs med pa'i khams su ma gtogs/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad 'dod pa'i khams dang /gzugs kyi khams dang / gzugs med pa'i khams su ma gtogs/ de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang /bsam gyis mi khyab pa'i dbyings 'dod pa'i khams dang / gzugs kyi khams dang / gzugs med pa'i khams su ma gtogs/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / rnam pa thams cad mkhyen pa nyid dang /bsnyel ba mi mnga' ba'i chos nyid dang / rtag tu btang snyoms su gnas pa 'dod pa'i khams dang / gzugs kyi khams dang / gzugs med pa'i khams su ma gtogs te gang ma gtogs pa de ni 'das pa ma yin/ ma 'ongs pa ma yin/ da ltar byung ba ma yin no/ /de ci'i phyir zhe na/ji ltar de dag ma gtogs pa'i phyir te/ de bzhin du yongs su bsngo ba yang ma gtogs/ chos gang du yongs su sngo bar byed pa'i chos de yang ma gtogs/ gang yongs su bsngo ba de yang ma gtogs/ sangs rgyas bcom ldan 'das de dag kyang 'dod pa dang / gzugs dang / gzugs med pa'i khams su ma gtogs/de dag gi dge ba'i rtsa ba de dag kyang 'dod pa dang / gzugs dang / gzugs med pa'i khams su ma gtogs/ nyan thos de dag dang / rang sangs rgyas de dag kyang 'dod pa dang / gzugs dang / gzugs med pa'i khams su ma gtogs/ de dag gi dge ba'i rtsa ba de dag kyang 'dod pa dang /gzugs dang / gzugs med pa'i khams su ma gtogs te/ gang ma gtogs pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs gang yin pa de 'dod pa'i khams dang / gzugs kyi khams dang / gzugs med pa'i khams su ma gtogs pa / de bzhin du tshor ba dang / 'du shes dang / 'du byed rnams dang / rnam par shes pa gang yin pa de 'dod pa'i khams dang / gzugs kyi khams dang /gzugs med pa'i khams su ma gtogs/ de bzhin du khams dang / skye mched dang / rten cing 'brel par 'byung ba'i yan lag rnams 'dod pa'i khams dang / gzugs kyi khams dang / gzugs med pa'i khams su ma gtogs pa yin la/ gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs gang 'dod pa'i khams dang / gzugs kyi khams dang / gzugs med pa'i khams su ma gtogs pa de ni 'das pa ma yin/ ma 'ongs pa ma yin/ da ltar byung ba ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la rang bzhin med pa'i phyir ro/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so/ /de bzhin du tshor ba dang / 'du shes dang / 'du byed rnams dang /rnam par shes pa dang / khams dang / skye mched dang / rten cing 'brel par 'byung ba'i yan lag dang / de bzhin du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa dang / de bzhin du nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / de bzhin du byang chub kyi phyogs kyi chos sum cu rtsa bdun ji snyed pa dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa drug po rnams dang / ting nge 'dzin rnams dang /gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid dang / bsnyel ba mi mnga' ba'i chos nyid dang / rtag tu btang snyoms su gnas pa gang 'dod pa'i khams su ma gtogs/gzugs kyi khams su ma gtogs/ gzugs med pa'i khams su ma gtogs pa de ni 'das pa ma yin/ ma 'ongs pa ma yin/ da ltar byung ba ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so//de ci'i phyir zhe na/ de la rang bzhin med pa'i phyir ro/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so zhes de ltar shes na byang chub sems dpa' sems dpa' chen po'i bsngo ba dug med pa yin no/ /yang theg pa chen po pa'i rigs kyi bu'am/rigs kyi bu mo gang mtshan ma'i tshul lam/ dmigs pa'i tshul gyis dge ba'i rtsa ba de dag yongs su bsngo na/ de lta bu'i yongs su bsngo ba ni log par yongs su bsngo ba yin gyi/ yang dag par yongs su bsngo ba ni ma yin te/ sangs rgyas bcom ldan 'das rnams kyis bsngags pa ma mdzad do//gang sangs rgyas bcom ldan 'das rnams kyis bsngags pa ma mdzad pa'i yongs su bsngo ba gang yin pa de ni yongs su bsngo ba ma yin te/ sbyin pa'i pha rol tu phyin pa yongs su bsngo ba ma yin/ tshul khrims kyi pha rol tu phyin pa yongs su bsngo ba ma yin/ bzod pa'i pha rol tu phyin pa yongs su bsngo ba ma yin/ brtson 'grus kyi pha rol tu phyin pa yongs su bsngo ba ma yin/ bsam gtan gyi pha rol tu phyin pa yongs su bsngo ba ma yin/ shes rab kyi pha rol tu phyin pa yongs su bsngo ba ma yin/ pha rol tu phyin pa drug yongs su rdzogs par mi 'gyur ro//byang chub kyi phyogs kyi chos sum cu rtsa bdun yongs su rdzogs par mi 'gyur ro/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang /gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su rdzogs par mi 'gyur ro// //bam po sum cu drug pa/ sangs rgyas kyi zhing yongs su sbyong bar mi 'gyur ro//sems can rnams yongs su smin par mi 'gyur ro/ /gang gis sangs rgyas kyi zhing yongs su dag par ma gyur pa dang / sems can rnams yongs su smin par ma gyur pa de ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro//de ci'i phyir zhe na/ 'di ltar yongs su bsngo ba de ni dug dang bcas pa'i phyir ro/ /gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ 'di ltar sangs rgyas bcom ldan 'das de dag gi chos nyid 'dis dge ba'i rtsa ba de dag yongs su bsngo bar bya ste/de ltar yongs su bsngos na yongs su bsngo bar 'gyur ro zhes bya bar thugs su chud pa de bzhin du bdag gis kyang chos nyid des bla na med pa yang dag par rdzogs pa'i byang chub tu yongs su bsngo bar bya'o zhes yongs su brtag par bya'o zhes bya ba ni khams gsum du ma gtogs pa'i yongs su bsngo ba yin no// de nas bcom ldan 'das kyis tshe dang ldan pa rab 'byor la bka' stsal pa/ rab 'byor legs so legs so/ /de ltar khyod byang chub sems dpa' sems dpa' chen po rnams kyis yongs su bsngo ba'i phung po gang yin pa mtshan ma med pa'i tshul dang /skye ba med pa'i tshul dang / 'gag pa med pa'i tshul dang / kun nas nyon mongs pa med pa'i tshul dang / rnam par byang ba med pa'i tshul dang / dngos po med pa'i ngo bo nyid kyi tshul dang / rang gi mtshan nyid stong pa nyid kyi tshul dang / chos kyi dbyings kyi tshul dang / de bzhin nyid kyi tshul dang /ma nor ba de bzhin nyid kyi tshul dang / gzhan ma yin pa de bzhin nyid kyi tshul gyis ston pa ni yang rab 'byor khyod legs so/ /rab 'byor gal te stong gsum gyi stong chen po'i 'jig rten gyi khams kyi sems can gang yin pa de dag thams cad dge ba bcu'i las kyi lam thob par gyur/tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / mngon par shes pa lnga thob par gyur na/ rab 'byor de ji snyam du sems/ de dag gis bsod nams de'i rgyus mang du 'phel lam/ rab 'byor gyis gsol pa/ bcom ldan 'das mang ngo //bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang dge ba'i rtsa ba rnams chags pa med pa'i yongs su bsngo bas yongs su bsngo ba'i bsod nams ni ches mang du 'phel lo/ /rab 'byor de bas na rigs kyi bu'am/rigs kyi bu mo de'i dge ba'i rtsa ba yongs su bsngo ba ni rab ces bya'o/ /dam pa zhes bya'o/ /gtso bo zhes bya'o/ /mchog ces bya'o/ /rab mchog ces bya'o/ /phul du phyin pa zhes bya'o/ /bla na med pa zhes bya'o/ /gong na med pa zhes bya'o zhes bya ba ni bsod nams chen po 'byung ba'i yongs su bsngo ba chung ngu yin no// rab 'byor gzhan yang stong gsum gyi stong chen po'i 'jig rten gyi khams 'di na sems can ji snyed cig yod pa de dag thams cad rgyun du zhugs par gyur/ lan cig phyir 'ong ba dang / phyir mi 'ong ba dang / dgra bcom par gyur te/ de dag thams cad la yang rigs kyi bu'am/rigs kyi bu mo la la zhig gis nam 'tsho'i bar du gos dang / bsod snyoms dang / mal cha dang / nad kyi rkyen sman dang / yo byad mang pos rim gror byas/ bla mar byas/ bsti stang du byas/ mchod par byas na/ rab 'byor de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/ rab 'byor gyis gsol ba/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang de ltar dge ba'i rtsa ba rnams chags pa med pa'i yongs su bsngo bas yongs su bsngo ba de'i bsod nams ches mang du 'phel lo//rab 'byor gzhan yang stong gsum gyi stong chen po'i 'jig rten gyi khams na sems can ji snyed cig yod pa de dag thams cad rang sangs rgyas su gyur te/ rang sangs rgyas de dag la rigs kyi bu'am/ rigs kyi bu mo la la zhig gis chos gos dang / bsod snyoms dang / mal cha dang / nad kyi rkyen rtsi dang / yo byad mang pos rim gror byas/ bla mar byas/ bsti stang du byas/ mchod par byas na/ rab 'byor de ji snyam du sems/ rigs kyi bu'am/ rigs kyi bu mo de'i bsod nams de'i rgyus mang du 'phel lam/rab 'byor gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo la la zhig gis de ltar dge ba'i rtsa ba rnams chags pa med pa'i yongs su bsngo bas yongs su bsngo ba de'i bsod nams ches mang du 'phel lo zhes bya ba ni bsod nams chen po 'byung ba'i yongs su bsngo ba 'bring po yin no// rab 'byor gzhan yang stong gsum gyi stong chen po'i 'jig rten gyi khams na sems can ji snyed cig yod pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/de la shar phyogs kyi 'jig rten gyi khams gang gA'i klung gi bye ma snyed kyi sems can ji snyed cig yod pa de dag thams cad kyis byang chub sems dpa' sems dpa' chen po re re la yang chos gos dang / bsod snyoms dang / mal cha dang / nad kyi rkyen sman dang / yo byad mang pos bskal pa gang gA'i klung gi bye ma snyed du rim gror byas/bla mar byas/ bsti stang du byas/ mchod par byas te/ bde ba'i yo byad thams cad kyis bsnyen bkur byas pa dang / de bzhin du lho dang / nub dang / byang dang / mtshams dang / 'og dang / steng gi phyogs kyi 'jig rten gyi khams gang gA'i klung gi bye ma snyed na sems can ji snyed cig yod pa de dag thams cad kyis byang chub sems dpa' sems dpa' chen po re re la yang chos gos dang /bsod snyoms dang / mal cha dang / nad kyi rkyen sman dang / yo byad mang pos bskal pa gang gA'i klung gi bye ma snyed du rim gror byas/ bla mar byas/ bsti stang du byas/mchod par byas te/ bde ba'i yo byad thams cad kyis bsnyen bkur byas na/ rab 'byor de ji snyam du sems/ rigs kyi bu'am/ rigs kyi bu mo de dag gi bsod nams de'i rgyus mang du 'phel lam/ rab 'byor gyis gsol pa/ bcom ldan 'das mang ngo / /bde bar gshegs pa mang ngo //bcom ldan 'das de ni 'di ltar tshad ma mchis/ grangs ma mchis/ gzhal du ma mchis te / bsod nams bgyi ba'i dngos po de'i dper bgyi ba yang dka'o/ /bcom ldan 'das gal te bsod nams bgyi ba'i dngos po de gzugs can zhig lags na ni de thams cad 'jig rten gyi khams gang gA'i klung gi bye ma snyed du yang shong bar mi 'gyur ro//de skad ces gsol pa dang / bcom ldan 'das kyis tshe dang ldan pa rab 'byor la bka' stsal pa/ rab 'byor legs so legs so/ /rab 'byor khyod legs so/ /khyod kyis ji skad du smras pa de bzhin te/ rab 'byor de bas kyang rigs kyi bu'am/rigs kyi bu mo gang de ltar dge ba'i rtsa ba rnams chags pa med pa'i yongs su bsngo bas bla na med pa yang dag par rdzogs pa'i byang chub tu yongs su bsngo ba de'i bsod nams ches mang du 'phel te/ rab 'byor de ltar na rigs kyi bu'am/ rigs kyi bu mo de'i dge ba'i rtsa pa yongs su bsngo ba 'di ni rab ces bya'o//dam pa zhes bya'o/ /gtso bo zhes bya'o/ /mchog ces bya'o/ /rab mchog ces bya'o/ /phul du phyin pa zhes bya'o/ /gong na med pa zhes bya'o/ /bla na med pa zhes bya'o/ rab 'byor chags pa med pa'i yongs su bsngo ba'i bsod nams kyi phung po 'di la bsod nams snga ma des brgya'i char yang nye bar mi 'gro'o//stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / zla dang / rgyur yang mi bzod do/ /de ci'i phyir zhe na/ de ni 'di ltar rigs kyi bu'am/rigs kyi bu mo gang sems can dge ba bcu'i las kyi lam dang ldan par gyur pa dang / tshad med pa bzhi dang / bsam gtan bzhi dang / gzugs med pa'i snyoms par 'jug pa bzhi dang / mngon par shes pa lnga dang ldan par gyur pa de dag dmigs pa'i 'du shes can yin pa'i phyir ro//de ci'i phyir zhe na/ de ni 'di ltar rigs kyi bu'am/ rigs kyi bu mo gang sems can de dag thams cad rgyun du zhugs par gyur pa dang / dgra bcom pa'i bar du gyur pa dang / sems can thams cad rang sangs rgyas su gyur pa la chos gos dang / bsod snyoms dang / mal cha dang / nad kyi rkyen rtsi dang /yo byad mang pos rim gror byed/ bla mar byed/ bsti stang du byed/ mchod par byed cing bde ba'i yo byad thams cad kyis bsnyen bkur bar 'gyur ba de ni dmigs pa'i 'du shes can te/ 'di ltar byang chub sems dpa' la rim gror byed/ bla mar byed/ bsti stang du byed/ mchod par byed pa de dag ni dmigs pa can yin pa'i phyir ro zhes bya ba ni bsod nams chen po 'byung ba'i yongs su bsngo ba chen po yin no// de nas rgyal po chen po bzhi/ rgyal po chen po bzhi'i ris kyi lha'i bu stong phrag nyi shu dag thal mo sbyar nas bcom ldan 'das la phyag 'tshal te 'di skad ces gsol to/ /kye ma bcom ldan 'das de ltar thabs mkhas pa gang yin pa de ni dmigs su ma mchis pa'i tshul dang /chags pa ma mchis pa'i tshul dang / mtshan ma ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing ci nas kyang gnyis su mi 'gyur ba dang / gnyis ma lags par yang mi 'gyur ba de ltar yongs su bsngo ba de ni byang chub sems dpa' sems dpa' chen po rnams kyi yongs su bsngo ba chen po dang ldan pa'o//de nas lha rnams kyi dbang po brgya byin sum cu rtsa gsum gyi ris kyi lha'i bu rnams dang 'grogs te/ lha rdzas kyi me tog dang / spos dang / phreng ba dang /byug pa dang / phye ma dang / na bza' dang / gdugs dang / rgyal mtshan dang / ba dan mang po dang / lha rdzas kyi rol mo rnams brdung zhing / bcom ldan 'das la mchod pa byas nas 'di skad ces tshig brjod do/ /bcom ldan 'das de ltar thabs mkhas pa gang yin pa 'dis dmigs su ma mchis pa'i tshul dang /chags pa ma mchis pa'i tshul dang / mtshan ma ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing ci nas kyang gnyis su mi 'gyur ba dang / gnyis ma lags par yang mi 'gyur de ltar yongs su bsngo ba de ni byang chub sems dpa' sems dpa' chen po rnams kyi yongs su bsngo ba chen po dang ldan pa'o//de nas lha'i bu rab 'thab bral dang / rab dga' ldan dang / 'phrul dga' dang / gzhan 'phrul dbang byed kyi lha'i bu stong phrag du ma dang 'grogs te/ bcom ldan 'das la 'di skad kyi tshig brjod do/ /bcom ldan 'das de ltar thabs mkhas pa gang yin pa 'dis dmigs su ma mchis pa'i tshul dang /mtshan ma ma mchis pa'i tshul dang / bgyid pa ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing ci nas kyang gnyis su mi 'gyur ba dang / gnyis ma lags par yang mi 'gyur ba de ltar yongs su bsngo ba de ni byang chub sems dpa' sems dpa' chen po rnams kyi yongs su bsngo ba chen po dang ldan pa'o//de nas tshangs 'khor gyi lha bye ba khrag khrig brgya stong du ma bcom ldan 'das gang na ba der lhags nas/ bcom ldan 'das kyi zhabs gnyis la spyi bos phyag 'tshal te/bcom ldan 'das de ltar byang chub sems dpa' sems dpa' chen po shes rab kyi pha rol tu phyin pa dang / thabs mkhas pas yongs su gzung ba de dag gis rigs kyi bu'am/ rigs kyi bu mo gang snga ma dmigs pa'i spyod pa can de dag gi dge ba'i rtsa ba de dag zil gyis mnan pa ngo mtshar che'o zhes sgra phyung zhing dbyangs rjes su bsgrags so//de bzhin du tshangs pa'i mdun na 'don dang / tshangs pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che ba dang / gnas gtsang ma dang /'og min pa yang bye ba khrag khrig brgya stong du ma bcom ldan 'das gang na ba der lhags nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das de ltar byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su gzung ba de dag gis rigs kyi bu'am/rigs kyi bu mo snga ma dmigs pa'i spyod pa can de dag gi dge ba'i rtsa ba zil gyis mnan pa ngo mtshar che'o zhes sgra phyung zhing dbyangs rjes su bsgrags so/ /de nas bcom ldan 'das kyis rgyal chen bzhi'i ris kyi lha'i bu rnams dang / gnas gtsang ma'i ris kyi lha'i bu rnams la bka' stsal pa/lha'i bu dag gal te stong gsum gyi stong chen po'i 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub tu zhugs par gyur te/ de dag thams cad kyis 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang /rang sangs rgyas dang bcas pas sems dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang /dam pa'i chos gnas pa'i bar gyi sangs rgyas bcom ldan 'das de dag dang / nyan thos de dag dang / rang sangs rgyas de dag gi dge ba'i rtsa ba gang yin pa dang / de dag las gzhan pa'i sems can thams cad kyi yang dge ba'i rtsa ba sbyin pa'i pha rol tu phyin pa las byung ba dang /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las byung ba dang / tshul khrims kyi phung po dang / ting nge 'dzin gyi phung po dang /shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang / sangs rgyas kyi chos gzhal du med pa gzhan dag kyang rung ste/ de dag thams cad gcig tu bsdus nas dmigs pa'i tshul gyis bla na med pa yang dag par rdzogs pa'i byang chub tu yongs su bsngo ba bas/rigs kyi bu'am/ rigs kyi bu mo gang bla na med pa yang dag par rdzogs pa'i byang chub tu yang dag par zhugs par gyur te/ des 'das pa dang / ma byon pa dang / da ltar byung ba'i sangs rgyas bcom ldan 'das nyan thos kyi dge 'dun dang bcas pa dang / rang sangs rgyas dang bcas pa de dag gi sems dang po bskyed pa nas/bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos gnas pa'i bar gyi sangs rgyas bcom ldan 'das de rnams dang /nyan thos de rnams dang / rang sangs rgyas de rnams dang / de las gzhan pa'i sems can thams cad kyi dge ba'i rtsa ba sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / sangs rgyas kyi chos gzhal du med pa'i bar de dag thams cad gcig tu bsdus shing gcig tu bsdoms te/ gzhal nas dmigs su med pa'i tshul dang / gnyis su med pa'i tshul dang / mtshan ma med pa'i tshul dang / chags pa med pa'i tshul dang / byed pa med pa'i tshul dang / rjes su yi rang ba'i bar gyis rjes su yi rang zhing rjes su yi rang nas bla na med pa yang dag par rdzogs pa'i byang chub tu yongs su bsngo na/ rigs kyi bu'am/ rigs kyi bu mo de ni rigs kyi bu'am/ rigs kyi bu mo snga ma de dag pas bsod nams ches mang du 'phel te/dge ba'i rtsa ba 'di la ni dge ba'i rtsa ba snga ma des brgya'i char yang nye bar mi 'gro/ rgyu'i bar du yang mi bzod de/ byang chub sems dpa' sems dpa' chen po'i dmigs su med pa'i tshul gyis yongs su bsngo ba 'di ni rab ces bya'o/ /bla na med pa'i bar gyis zhes bya ba ni yongs su bsngo ba'i byed pa yin te/'di dag gis ni yongs su bsngo ba yid la byed pa gsungs pa yin no/ / de nas tshe dang ldan pa rab 'byor gyis bcom ldan 'das la 'di skad ces gsol to/ / bcom ldan 'das rigs kyi bu'am/ rigs kyi bu mo gang gis rjes su yi rang ba dang / yongs su bsngo ba'i bsod nams kyi phung po'i dge ba'i rtsa ba de dag thams cad gcig tu bsdus shing bsdoms te gzhal nas rjes su yi rang ba'i bar gyis rjes su yi rang na/bcom ldan 'das ji tsam gyis rjes su yi rang bar rab tu 'gyur/ rjes su yi rang ba gong na med pa'i bar du 'gyur ba lags/bcom ldan 'das kyis bka' stsal pa/ nam rigs kyi bu'am/ rigs kyi bu mo de 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams dang / rang sangs rgyas dang bcas pa dang /gzhan yang sems can thams cad kyi dge ba'i rtsa ba de dag mi len mi gtong ba dang / mi rlom zhing dmigs pa yang ma yin la/ de 'di snyam du 'di la chos gang yang skye ba yang med/ 'gag pa yang med/ kun nas nyon mongs par 'gyur ba yang med/ rnam par byang bar 'gyur ba yang med de/chos de dag la 'grib pa yang med/ 'phel ba yang med/ 'ong ba yang med/ 'gro ba yang med/ phung por 'gyur ba yang med/ dngos po yang med/ dngos po med pa yang med do zhes rnam grangs de lta bus 'das pa dang / ma 'ongs pa dang / da ltar byung ba'i chos rnams kyi de bzhin nyid dang /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi gnas nyid dang / chos skyon med pa nyid ji lta ba de ltar bdag gis rjes su yi rang bar bya'o rjes su yi rang nas bla na med pa yang dag par rdzogs pa'i byang chub tu yongs su bsngo ba'o zhes de ltar yongs su bsngo ba'i byang chub sems dpa' sems dpa' chen po'i rjes su yi rang ba de ni rab tu 'gyur ba /rjes su yi rang ba gong na med pa'i bar du 'gyur ro/ /rab 'byor rjes su yi rang ba 'di la ni de ma yin pa'i rjes su yi rang ba gzhan thams cad kyis brgya'i char yang nye bar mi 'gro / rgyu'i bar du yang nye bar mi bzod de/ rjes su yi rang ba 'di ni de ma yin pa'i rjes su yi rang ba gzhan yang dag pas rab ces bya'o/ /gtso bo zhes bya'o/ /rab 'byor gzhan yang theg pa la gsar du zhugs pa'i rigs kyi bu'am/ rigs kyi bu mo 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa dang /rang sangs rgyas su bcas pa de dag gis sems dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang /dam pa'i chos gnas pa'i bar gyi dge ba'i rtsa ba sbyin pa'i pha rol tu phyin pa dang ldan pa dang / de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang ldan pa dang /sangs rgyas kyi chos gzhal du med pa'i bar dang ldan pa dang / de las gzhan pa'i sems can thams cad kyi dge ba'i rtsa ba sbyin pa las byung ba dang / tshul khrims las byung ba dang / bsgom pa las byung ba ji snyed pa de dag thams cad rjes su yi rang bar 'dod na 'di ltar rjes su yi rang bar bya'o//rnam par grol ba ji lta ba de lta bu ni sbyin pa'i pha rol tu phyin pa'o/ /rnam par grol ba ji lta ba de lta bu ni tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'o//rnam par grol ba ji lta ba de lta bu ni gzugs so/ / rnam par grol ba ji lta ba de lta bu ni tshor ba dang / 'du shes dang / 'du byed rnams dang / rnam par shes pa'o/ /rnam par grol ba ji lta ba de lta bu ni skye mched rnams dang / khams rnams so/ /rnam par grol ba ji lta ba de lta bu ni rten cing 'brel bar 'byung ba'o//rnam par grol ba ji lta ba de lta bu ni nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar [(]re[,]ro[)]/ /rnam par grol ba ji lta ba de lta bu ni byang chub kyi phyogs kyi chos rnams so/ /rnam par grol ba ji lta ba de lta bu ni tshad med pa rnams dang /bsam gtan rnams dang / gzugs med pa'i snyoms par 'jug pa rnams so/ /rnam par grol ba ji lta ba de lta bu ni 'phags pa'i bden pa rnams so/ /rnam par grol ba ji lta ba de lta bu ni rnam par thar pa brgyad dang / mthar gyis gnas pa'i snyoms par 'jug pa dgu po'o/ /rnam par grol ba ji lta ba de lta bu ni rnam par thar pa'i sgo stong pa nyid dang /mtshan ma med pa dang / smon pa med pa dang / mngon par shes pa drug rnams so/ /rnam par grol ba ji lta ba de lta bu ni ting nge 'dzin rnams dang / gzungs kyi sgo rnams so/ /rnam par grol ba ji lta ba de lta bu ni de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad do/ /rnam par grol ba ji lta ba de lta bu ni rnam par grol ba'i ye shes mthong ba'o/ /rnam par grol ba ji lta ba de lta bu ni rjes su yi rang ba'o/ /rnam par grol ba ji lta ba de lta bu ni 'das pa dang /ma byon pa dang / da ltar byung ba'i sangs rgyas kyi chos rnams so/ /rnam par grol ba ji lta ba de lta bu ni sangs rgyas bcom ldan 'das dag go/ /rnam par grol ba ji lta ba de lta bu ni sangs rgyas bcom ldan 'das rnams mngon par rdzogs par byang chub pa'o/ / rnam par grol ba ji lta ba de lta bu ni sangs rgyas bcom ldan 'das rnams de dag gi yongs su mya ngan las 'das pa'o/ /rnam par grol ba ji lta ba de lta bu ni sangs rgyas bcom ldan 'das de dag gi nyan thos rnams dang / rang sangs rgyas rnams so/ /rnam par grol ba ji lta ba de lta bu ni nyan thos dang / rang sangs rgyas de dag gi yongs su mya ngan las 'das pa'o//rnam par grol ba ji lta ba de lta bu ni sangs rgyas bcom ldan 'das de dag gi chos nyid do/ /rnam par grol ba ji lta ba de lta bu ni nyan thos dang / rang sangs rgyas de dag gi chos nyid do/ /rnam par grol ba ji lta ba de lta bu ni chos rnams dang / sems can rnams dang /ma grol ba dang / ma zhi ba dang / kun nas nyon mongs pa can ma yin pa dang / rnam par ma dag pa'i chos rnams kyi chos nyid dang / ma skyes pa dang / yongs su ma skyes pa dang / ma byung ba dang / ma 'gags pa'i chos rnams ni chos nyid ji lta ba bzhin du 'pho ba med pa dang / 'jig pa med par nye bar bzung ste/bla na med pa yang dag par rdzogs pa'i byang chub tu yongs su bsngo ste/ rab 'byor 'di ni byang chub sems dpa' sems dpa' chen po rnams kyi rjes su yi rang ba'i bar dang / bla na med pa'i bar ro/ /rab 'byor rjes su yi rang ba de dang ldan pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor gzhan yang phyogs bcu'i phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa gang ji snyed cig bzhugs pa dang /'tsho skyong ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag la theg pa chen po la yang dag par zhugs pa'i rigs kyi bu'am/ rigs kyi bu mo gang la la zhig gis nam 'tsho'i bar du chos gos dang / bsod snyoms dang /gzims cha dang / snyun gyi rkyen rtsi dang / yo byad mang po dang / bde ba'i yo byad thams cad kyis rim gror byas/ bla mar byas/ bsti stang du byas/ mchod par byas pa dang / sangs rgyas bcom ldan 'das de dag yongs su mya ngan las 'das nas kyang nyin mtshan du so sor me tog dang /spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed pa dang / bla mar byed pa dang / bsti stang du byed pa dang / mchod par byed pa dang / dmigs pa'i tshul gyis tshul khrims srung ba dang / bzod pa sgom pa dang /brtson 'grus rtsom pa dang / bsam gtan la snyoms par 'jug pa dang / dmigs pa'i tshul gyis shes rab sgom pa bas rigs kyi bu'am/ rigs kyi bu mo bla na med pa yang dag par rdzogs pa'i byang chub tu yang dag par zhugs pa gang mi dmigs pa'i tshul gyis sbyin pa'i pha rol tu phyin pa la spyod pa dang /tshul khrims kyi pha rol tu phyin pa la spyod pa dang / bzod pa'i pha rol tu phyin pa la spyod pa dang / brtson 'grus kyi pha rol tu phyin pa la spyod pa dang / bsam gtan gyi pha rol tu phyin pa la spyod pa dang / shes rab kyi pha rol tu phyin pa la spyod pa'i dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na bsod nams mngon par 'du bya ba 'di dang /dge ba'i rtsa ba mngon par 'du bya ba 'di la bsod nams mngon par 'du bya ba snga ma des brgya'i char yang nye bar mi 'gro / rgyu'i bar du yang mi bzod de yongs su bsngo ba de nyid rab ces bya'o/ /gong na med pa'i bar zhes bya'o/ / rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa dang / tshul khrims kyi pha rol tu phyin pa la spyod pa dang / bzod pa'i pha rol tu phyin pa la spyod pa dang / brtson 'grus kyi pha rol tu phyin pa la spyod pa dang / bsam gtan gyi pha rol tu phyin pa la spyod pa dang /shes rab kyi pha rol tu phyin pa la spyod pa'i tshe/ thabs mkhas pas mi dmigs pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya'o zhes bya ba ni rjes su yi rang ba'i yid la byed pa yin no/ /'dis ni rjes su yi rang ba'i yid la byed pa gsungs so// de nas tshe dang ldan pa shA ri'i bus bcom ldan 'das la 'di skad ces gsol to/ / bcom ldan 'das shes rab kyi pha rol tu phyin pa ni snang bar bgyid pa'o/ /bcom ldan 'das shes rab kyi pha rol tu phyin pa ni phyag bgyi bar 'os pa ste/ bcom ldan 'das shes rab kyi pha rol tu phyin pa la phyag 'tshal lo//bcom ldan 'das shes rab kyi pha rol tu phyin pa ni khams gsum pa thams cad kyis ma gos pa'o/ /bcom ldan 'das shes rab kyi pha rol tu phyin pa ni nyon mongs pa dang / lta ba'i mun pa thams cad spong ba'i slad du rab rib ma mchis par bgyid pa'o/ /bcom ldan 'das shes rab kyi pha rol tu phyin pa ni byang chub kyi phyogs kyi chos rnams kyi nang na mchog tu bgyid pa'o//bcom ldan 'das shes rab kyi pha rol tu phyin pa ni 'jigs pa dang / gnod pa dang 'tshe ba thams cad rab tu spong ba'i slad du bde bar bgyid pa'o/ /bcom ldan 'das shes rab kyi pha rol tu phyin pa ni sems can thams cad kyi mig lnga yongs su 'thob par bgyi ba'i slad du snang bar bgyid pa'o//bcom ldan 'das shes rab kyi pha rol tu phyin pa ni sems can lam log par zhugs pa rnams mtha' gnyis las bzlog pa'i slad du shul ston pa'o/ /bcom ldan 'das shes rab kyi pha rol tu phyin pa ni bag chags kyi mtshams sbyor ba'i nyon mongs pa thams cad spong ba'i slad du thams cad mkhyen pa nyid du bgyid pa'o//bcom ldan 'das shes rab kyi pha rol tu phyin pa ni sangs rgyas kyi chos bskyed pa'i slad du byang chub sems dpa' sems dpa' chen po rnams kyi ma'o/ / bcom ldan 'das shes rab kyi pha rol tu phyin pa ni rang gi mtshan nyid stong pa nyid kyi slad du ma skyes ma 'gags pa'o//bcom ldan 'das shes rab kyi pha rol tu phyin pa ni tshogs par gnas pa 'jig pa'i slad du 'khor ba'i gnyen po'o/ /bcom ldan 'das shes rab kyi pha rol tu phyin pa ni chos rin po che thams cad stobs pa'i slad du sems can mgon ma mchis pa rnams kyi mgon bgyid pa'o//bcom ldan 'das shes rab kyi pha rol tu phyin pa ni brdzi ba ma mchis pa'i slad du stobs bcu bgyid pa'o/ /bcom ldan 'das shes rab kyi pha rol tu phyin pa ni 'gro ba dang ldog pa ma mchis pa'i slad du rnam pa bcu gnyis lan gsum du 'khor ba'i chos kyi 'khor lo bskor ba'o//bcom ldan 'das shes rab kyi pha rol tu phyin pa ni dngos po ma mchis pa'i ngo bo nyid stong pa nyid kyi slad du chos thams cad kyi ngo bo nyid yang dag par ston par bgyid pa'o zhes bya ba ni ngo bo nyid yin no/ / bcom ldan 'das ji ltar shes rab kyi pha rol tu phyin pa la gnas par bgyi /bcom ldan 'das kyis bka' stsal pa/ shA ri'i bu ston pa la ji lta ba bzhin du shes rab kyi pha rol tu phyin pa la gnas par bya'o/ /ston pa la ji ltar phyag bya ba de bzhin du shes rab kyi pha rol tu phyin pa la phyag bya'o/ /de ci'i phyir zhe na/ shes rab kyi pha rol tu phyin pa 'di nyid ston pa yin pa'i phyir te /ston pa yang gzhan ma yin la/ shes rab kyi pha rol tu phyin pa yang gzhan ma yin gyi/ ston pa nyid kyang shes rab kyi pha rol tu phyin pa/ shes rab kyi pha rol tu phyin pa nyid kyang ston pa'o/ /shA ri'i bu de'i phyir shes rab kyi pha rol tu phyin pa las de bzhin gshegs pa dgra bcom pa yang dag par rdzogs pa'i sangs rgyas thams cad 'byung ba'o//byang chub sems dpa' sems dpa' chen po rnams dang / rang sangs rgyas rnams dang / dgra bcom pa dang / phyir mi 'ong ba dang / lan cig phyir 'ong ba dang / rgyun du zhugs pa rnams 'byung ba'o//de'i phyir dge ba bcu'i las kyi lam rnams 'byung ba'o/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi 'byung ba'o/ /mngon par shes pa lnga dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang /byang chub kyi phyogs kyi chos sum cu rtsa bdun dang / 'phags pa'i bden pa dang / stong pa nyid dang / mtshan ma med pa dang / smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /pha rol tu phyin pa thams cad dang / ting nge 'dzin thams cad dang / gzungs kyi sgo thams cad dang / byang chub sems dpa'i sa bcu 'byung ba'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad 'byung ba'o//rnam pa thams cad mkhyen pa nyid kyi bar du 'byung ba'o/ /de nas lha rnams kyi dbang po brgya byin 'di snyam du gyur te/ btsun pa shA ri'i bu ci'i phyir 'di 'dri bar 'gyur snyam mo/ /de nas tshe dang ldan pa shA ri'i bus lha rnams kyi dbang po brgya byin gyi sems kyi rnam par rtog pa sems kyis yongs su shes nas lha rnams kyi dbang po brgya byin la 'di skad ces smras so//kau shi ka de ltar tshe dang ldan pa shA ri'i bu ci'i phyir 'di 'dri bar 'gyur snyam du rnam par rtog par 'gyur ba gang yin pa de ni/ kau shi ka byang chub sems dpa' sems dpa' chen po shes rab kyi pha rol tu phyin pas yongs su bzung ba rnams ni thabs mkhas pas 'das pa dang /ma byon pa dang / da ltar byung ba'i sangs rgyas bcom ldan 'das de dag gis thugs dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang / dam pa'i chos gnas pa'i bar gyi dge ba'i rtsa ba gang cung zad yod pa de dag rnam pa thams cad mkhyen pa nyid du yongs su bsngo ste/de'i phyir 'dri bar gyur to/ /kau shi ka byang chub sems dpa' sems dpa' chen po rnams kyi shes rab kyi pha rol tu phyin pa 'dis ni sbyin pa'i pha rol tu phyin pa zil gyis gnon to/ /de bzhin du tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa zil gyis gnon to/ /kau shi ka 'di lta ste dper na/ dmus long brgya'am/ stong ngam/ brgya phrag stong yang rung ste/ yongs su 'dren pa med pas lam du 'jug pa yang skal ba med na/grong khyer du 'gro bar lta ga la nus/ kau shi ka de bzhin du pha rol tu phyin pa lnga po 'di dag ni dmus long lta bur gyur pa ste/ shes rab kyi pha rol tu phyin pa med na yongs su 'dren pa med pas/ lam du 'jug pa'i skal ba yang med na/ rnam pa thams cad mkhyen pa nyid kyi grong khyer chen por 'jug par lta ga la nus/kau shi ka pha rol tu phyin pa lnga nam shes rab kyi pha rol tu phyin pas yongs su zin par gyur pa de'i tshe mig dang ldan par 'gyur te/ pha rol tu phyin pa zhes bya ba'i ming yang rab tu 'thob po/ /brgya byin gyis smras pa/ btsun pa shA ri'i bu gang yang pha rol tu phyin pa lnga po shes rab kyi pha rol tu phyin pas yongs su bzung na pha rol tu phyin pa zhes bya ba'i ming yang 'thob po zhes zer ba de ltar/btsun pa shA ri'i bu pha rol tu phyin pa lnga sbyin pa'i pha rol tu phyin pas yongs su bzung yang pha rol tu phyin pa zhes bya ba'i ming mi 'thob po/ /de bzhin du pha rol tu phyin pa lnga ni tshul khrims dang /bzod pa dang / brtson 'grus dang / bsam gtan gyi pha rol tu phyin pas yongs su bzung yang pha rol tu phyin pa zhes bya ba'i ming mi 'thob po/ /shA ri'i bus smras pa/ kau shi ka de de bzhin no/ /de de bzhin te/ kau shi ka pha rol tu phyin pa lnga sbyin pas yongs su bzung yang pha rol tu phyin pa zhes bya ba'i ming 'thob par mi 'gyur ro//kau shi ka de bzhin du pha rol tu phyin pa lnga tshul khrims dang / bzod pa dang / brtson 'grus dang / bsam gtan gyi pha rol tu phyin pas yongs su bzung yang pha rol tu phyin pa zhes bya ba'i ming 'thob par mi 'gyur ro/ /kau shi ka de bas na shes rab kyi pha rol tu phyin pa kho na pha rol tu phyin pa lnga po 'di dag gi rab ces bya'o//dam pa zhes bya'o/ /gtso bo zhes bya'o/ /mchog ces bya'o/ rab mchog ces bya'o/ /phul du phyin pa zhes bya'o/ /shin tu phul du phyin pa zhes bya'o/ /mi mnyam pa zhes bya'o/ /mi mnyam pa dang mnyam pa zhes bya'o zhes bya ba ni mchog nyid yin no// de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ji ltar mngon par bsgrub par bgyi / bcom ldan 'das kyis bka' stsal pa/ shA ri'i bu gzugs mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o//tshor ba dang / 'du shes dang / 'du byed rnams dang / rnam par shes pa mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o/ /de bzhin du skye mched dang /khams dang / rten cing 'brel bar 'byung ba'i yan lag rnams dang / sbyin pa'i pha rol tu phyin pa mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /de bzhin du tshul khrims dang / bzod pa dang / brtson 'grus dang / bsam gtan gyi pha rol tu phyin pa mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o//nang stong pa nyid mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar du mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o//byang chub kyi phyogs kyi chos sum cu rtsa bdun mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o/ /stobs bcu po rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o/ /chos thams cad mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o/ /de bzhin du rnam pa thams cad mkhyen pa nyid kyi bar du mngon par bsgrub pa med pa'i phyir shes rab kyi pha rol tu phyin pa mngon par bsgrub par bya'o//shA ri'i bus gsol pa/ bcom ldan 'das ji ltar gzugs mngon par bsgrub pa ma mchis pa'i slad du shes rab kyi pha rol tu phyin pa mngon par bsgrub par bgyi/ ji ltar rnam pa thams cad mkhyen pa nyid kyi bar du mngon par bsgrub pa ma mchis pa'i slad du shes rab kyi pha rol tu phyin pa mngon par bsgrub par bgyi/bcom ldan 'das kyis bka' stsal pa/ gzugs mngon par 'du bya ba med pa dang / skye ba med pa dang / dngos po med pa dang / 'byung ba med pa dang / dmigs pa med pa dang / 'jig pa med pa dang /rnam pa thams cad mkhyen pa nyid kyi bar du mngon par 'du bya ba med pa dang / skye ba med pa dang / dngos po med pa dang / 'byung ba med pa dang / dmigs pa med pa dang / 'jig pa med pas shes rab kyi pha rol tu phyin pa mngon par bsgrub par bya'o zhes bya ba ni chos thams cad la mngon par 'du mi byed pa yin no// shA ri'i bus gsol pa/ bcom ldan 'das de ltar mngon par bsgrubs pa'i shes rab kyi pha rol tu phyin pa chos gang zhig gtod par bgyi/ bcom ldan 'das kyis bka' stsal pa/ shA ri'i bu de ltar mngon par bsgrubs pa'i shes rab kyi pha rol tu phyin pa ni chos gang yang gtod par mi byed de/nam chos gang yang gtod par mi byed pa de'i tshe shes rab kyi pha rol tu phyin pa'i grangs su 'gro ba'o/ /shA ri'i bus gsol pa/ chos gang zhig gtod par mi bgyid pa lags/ bcom ldan 'das kyis bka' stsal pa/ mi dge ba'i chos rnams gtod par byed pa ma yin/dge ba'i chos rnams gtod par byed pa ma yin/ de bzhin du kha na ma tho ba dang bcas pa'i ma yin/ kha na ma tho ba med pa'i ma yin/ zag pa dang bcas pa'i ma yin/ zag pa med pa'i ma yin/ 'dus byas kyi ma yin/ 'dus ma byas kyi ma yin/ kun nas nyon mongs pa'i ma yin/kun nas nyon mongs pa med pa'i ma yin/ 'jig rten pa'i ma yin/ 'jig rten las 'das pa'i ma yin/ kun nas nyon mongs pa can gyi ma yin/ rnam par byang ba'i ma yin/ 'khor ba'i ma yin/ mya ngan las 'das pa'i chos rnams gtod par byed pa ma yin no/ /de ci'i phyir zhe na/shes rab kyi pha rol tu phyin pa ni chos gang la yang dmigs pa'i tshul gyis nye bar mi gnas pa ste/ de'i phyir chos gang yang gtod par byed pa ma yin no/ /de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das ci lags/ shes rab kyi pha rol tu phyin pa 'di rnam pa thams cad mkhyen pa nyid kyang gtod par mi bgyid dam/bcom ldan 'das kyis bka' stsal pa/ kau shi ka gang de skad du ci lags/ shes rab kyi pha rol tu phyin pa 'di rnam pa thams cad mkhyen pa nyid kyang gtod par mi bgyid dam/ zhes zer ba ni kau shi ka de de bzhin no//de de bzhin te/ kau shi ka shes rab kyi pha rol tu phyin pa ni chos gang yang gtod par mi byed dmigs par mi byed do/ /rnam pa thams cad mkhyen pa nyid kyang gtod par mi byed dmigs par mi byed do/ /lha rnams kyi dbang pos gsol pa/ bcom ldan 'das ji ltar na shes rab kyi pha rol tu phyin pa rnam pa thams cad mkhyen pa nyid kyang gtod par mi bgyid dmigs par mi bgyid pa lags/bcom ldan 'das kyis bka' stsal pa/ kau shi ka shes rab kyi pha rol tu phyin pa ni ming ji lta ba dang / mtshan ma ji lta ba dang / mngon par 'du byed pa ji lta ba de bzhin du gtod par mi byed pa yin no//lha rnams kyi dbang pos gsol pa/ bcom ldan 'das 'o na ji ltar gtod par bgyid pa lags/ bcom ldan 'das kyis bka' stsal pa/ ji ltar mi dmigs pa dang / mi len pa dang / mi gnas pa dang / mi 'dor ba dang / mngon par chags pa med pa de ltar gtod par byed de/chos gang yang gtod par byed pa ma yin/ 'dor bar byed pa ma yin/ rab tu 'dzin par byed pa ma yin no/ /kau shi ka de ltar na shes rab kyi pha rol tu phyin pa ni chos thams cad gtod par byed pa ma yin/ 'dor bar byed pa ma yin/ rab tu 'dzin par byed pa ma yin no//brgya byin gyis gsol pa/ bcom ldan 'das shes rab kyi pha rol tu phyin pa 'di chos thams cad kyi bar du skye ba ma mchis pa dang / 'gag pa ma mchis pa dang / mngon par 'du bgyi ba ma mchis pa dang / dmigs pa ma mchis pa dang / 'jig pa ma mchis pa'i slad du nye bar gnas pa ngo mtshar che'o//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa ni chos thams cad 'thob par mi bgyid pa'o zhes de lta bu'i 'du shes su gyur na/bcom ldan 'das shes rab kyi pha rol tu phyin pa 'dor bar 'gyur ba ma mchis sam/ bcom ldan 'das shes rab kyi pha rol tu phyin pa ring du bgyid par 'gyur ba ma mchis sam/ bcom ldan 'das kyis bka' stsal pa/ rab 'byor rnam grangs gang gis byang chub sems dpa' sems dpa' chen po shes rab kyi pha rol tu phyin pa 'dor bar byed pa dang /shes rab kyi pha rol tu phyin pa ring du byed pa de lta bu'i rnam grangs yod de/ gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ kye ma shes rab kyi pha rol tu phyin pa 'di ni gsob po//kye ma shes rab kyi pha rol tu phyin pa 'di ni gsog go/ /kye ma shes rab kyi pha rol tu phyin pa 'di ni snying po med pa'o snyam du de ltar 'du shes na byang chub sems dpa' sems dpa' chen po shes rab kyi pha rol tu phyin pa 'dor bar byed pa'o/ /byang chub sems dpa' sems dpa' chen po shes rab kyi pha rol tu phyin pa ring du byed pa'o//rab 'byor de ni rnam grangs gang gis byang chub sems dpa' sems dpa' chen po shes rab kyi pha rol tu phyin pa 'dor bar byed pa dang / byang chub sems dpa' sems dpa' chen po shes rab kyi pha rol tu phyin pa ring du byed pa'i rnam grangs so//rab 'byor gyis gsol pa/ bcom ldan 'das shes rab kyi pha rol tu phyin pa la yid ches pas chos gang la yid ches pa ma lags/ bcom ldan 'das kyis bka' stsal pa/ rab 'byor shes rab kyi pha rol tu phyin pa la yid ches par gzugs la yid ches pa ma yin/tshor ba dang / 'du shes dang / 'du byed rnams dang / rnam par shes pa la yid ches pa ma yin/ mig la yid ches pa ma yin/ rna ba dang / sna dang / lce dang / lus dang / yid la yid ches pa ma yin/ gzugs la yid ches pa ma yin/ sgra dang / dri dang / ro dang / reg dang / chos la yid ches pa ma yin/ sbyin pa'i pha rol tu phyin pa la yid ches pa ma yin/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la yid ches pa ma yin/ nang stong pa nyid la yid ches pa ma yin/ phyi stong pa nyid la yid ches pa ma yin/ phyi nang stong pa nyid la yid ches pa ma yin/ dngos po med pa'i ngo bo nyid stong pa nyid kyi bar la yid ches pa ma yin/ byang chub kyi phyogs kyi chos sum cu rtsa bdun la yid ches pa ma yin/ stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bco brgyad la yid ches pa ma yin/ rgyun du zhugs pa'i 'bras bu la yid ches pa ma yin/ lan cig phyir 'ong ba'i 'bras bu la yid ches pa ma yin/ phyir mi 'ong ba'i 'bras bu la yid ches pa ma yin/dgra bcom pa nyid la yid ches pa ma yin/ rang byang chub nyid la yid ches pa ma yin/ bla na med pa yang dag par rdzogs pa'i byang chub la yid ches pa ma yin no/ /rab 'byor gyis gsol pa/ bcom ldan 'das ji ltar na shes rab kyi pha rol tu phyin pa la yid ches par gzugs la yid ches pa ma lags/rnam pa thams cad mkhyen pa nyid kyi bar la yid ches pa ma lags/ bcom ldan 'das kyis bka' stsal pa/ rab 'byor gzugs su mi dmigs pas shes rab kyi pha rol tu phyin pa la yid ches so/ /rnam pa thams cad mkhyen pa nyid kyi bar du mi dmigs pas shes rab kyi pha rol tu phyin pa la yid ches so//de ltar na shes rab kyi pha rol tu phyin pa la yid ches pas gzugs la yid ches pa ma yin/ rnam pa thams cad mkhyen pa nyid kyi bar la yid ches pa ma yin no zhes bya ba ni chos thams cad dmigs pa med pa'i mngon par rtogs par gtod par byed pa yin no// rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni pha rol tu phyin pa chen mo'o/ /bcom ldan 'das kyis bka' stsal pa/ rab 'byor de ji snyam du sems/ rnam grangs gang gis na shes rab kyi pha rol tu phyin pa 'di pha rol tu phyin pa chen mo yin/rab 'byor gyis gsol pa/ bcom ldan 'das shes rab kyi pha rol tu phyin pa ni gzugs che bar mi bgyid/ chung bar mi bgyid/ de bzhin du tshor ba dang / 'du shes dang / 'du byed rnams dang / rnam par shes pa che bar mi bgyid/ chung bar mi bgyid/ de bzhin du skye mched dang /khams dang / rten cing 'brel bar 'byung ba'i yan lag che bar mi bgyid/ chung bar mi bgyid/ sbyin pa'i pha rol tu phyin pa che bar mi bgyid/ chung bar mi bgyid/ de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa che bar mi bgyid chung bar mi bgyid/ nang stong pa nyid che bar mi bgyid chung bar mi bgyid/ dngos po med pa'i ngo bo nyid stong pa nyid kyi bar du che bar mi bgyid chung bar mi bgyid/ byang chub kyi phyogs kyi chos sum cu rtsa bdun che bar mi bgyid chung bar mi bgyid/'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams che bar mi bgyid chung bar mi bgyid/de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad che bar mi bgyid chung bar mi bgyid/ byang chub che bar mi bgyid chung bar mi bgyid/ sangs rgyas kyi chos che bar mi bgyid chung bar mi bgyid/sangs rgyas kyi bar du che bar mi bgyid chung bar mi bgyid/ gzhan yang shes rab kyi pha rol tu phyin pa ni gzugs 'du bar mi bgyid yangs par mi bgyid/ gzugs stobs dang ldan par mi bgyid stobs med par mi bgyid de / bcom ldan 'das rnam grangs des na 'di ltar shes rab kyi pha rol tu phyin pa 'di ni byang chub sems dpa' sems dpa' chen po rnams kyi pha rol tu phyin pa chen mo'o//gal te yang byang chub sems dpa' sems dpa' chen po theg pa la gsar du zhugs pas shes rab kyi pha rol tu phyin pa la brten nas / bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la brten nas/ shes rab kyi pha rol tu phyin pa ni gzugs che bar mi bgyid chung bar mi bgyid do/ /sangs rgyas kyi chos rnams kyi bar du che bar mi bgyid chung bar mi bgyid do//gzugs stobs dang ldan par mi bgyid stobs med par mi bgyid do zhes bgyi bar 'du shes su gyur na/ de ltar 'du shes su gyur pa'i byang chub sems dpa' sems dpa' chen po ni shes rab kyi pha rol tu phyin pa la spyod pa ma lags so/ /de ci'i phyir zhe na/bcom ldan 'das gang gzugs che bar bgyid pa'am chung bar bgyid pa de ni shes rab kyi pha rol tu phyin pa dang mthun pa'i 'bras bu ma lags pa'i phyir ro/ /sangs rgyas kyi chos rnams kyi bar du che bar bgyid pa'am chung bar bgyid pa de ni shes rab kyi pha rol tu phyin pa dang mthun pa'i 'bras bu ma lags pa'i phyir ro//de ci'i slad du zhe na/ dmigs pa'i 'du shes can la byang chub ma mchis pa ste/ de ni 'di ltar sems can skye ba ma mchis pa'i slad du shes rab kyi pha rol tu phyin pa skye ba ma mchis par blta'o/ /gzugs skye ba ma mchis pa'i slad du shes rab kyi pha rol tu phyin pa skye ba ma mchis par blta'o//tshor ba dang / 'du shes dang / 'du byed rnams dang / rnam par shes pa skye ba ma mchis pa'i slad du shes rab kyi pha rol tu phyin pa skye ba ma mchis par blta'o/ /sangs rgyas kyi bar du skye ba ma mchis pa'i slad du shes rab kyi pha rol tu phyin pa skye ba ma mchis par blta'o//sems can rang bzhin ma mchis pa'i slad du shes rab kyi pha rol tu phyin pa rang bzhin ma mchis par blta'o/ /gzugs rang bzhin ma mchis pa'i slad du shes rab kyi pha rol tu phyin pa rang bzhin ma mchis par blta'o/ /tshor ba dang / 'du shes dang / 'du byed rnams dang /rnam par shes pa rang bzhin ma mchis pa'i slad du shes rab kyi pha rol tu phyin pa rang bzhin ma mchis par blta'o/ /sangs rgyas kyi bar du rang bzhin ma mchis pa'i slad du shes rab kyi pha rol tu phyin pa rang bzhin ma mchis par blta'o/ /sems can dngos po ma mchis pa'i slad du shes rab kyi pha rol tu phyin pa dngos po ma mchis par blta'o//gzugs dngos po ma mchis pa'i slad du shes rab kyi pha rol tu phyin pa dngos po ma mchis par blta'o/ /tshor ba dang / 'du shes dang / 'du byed rnams dang / rnam par shes pa dngos po ma mchis pa'i slad du shes rab kyi pha rol tu phyin pa dngos po ma mchis par blta'o//sangs rgyas kyi bar du dngos po ma mchis pa'i slad du shes rab kyi pha rol tu phyin pa dngos po ma mchis par blta'o/ /sems can stong pa nyid kyi slad du shes rab kyi pha rol tu phyin pa stong pa nyid du blta'o/ /gzugs stong pa nyid kyi slad du shes rab kyi pha rol tu phyin pa stong pa nyid du blta'o//tshor ba dang / 'du shes dang / 'du byed rnams dang / rnam par shes pa stong pa nyid kyi slad du shes rab kyi pha rol tu phyin pa stong pa nyid du blta'o/ /sangs rgyas kyi bar du stong pa nyid kyi slad du shes rab kyi pha rol tu phyin pa stong pa nyid du blta'o//sems can mtshan ma ma mchis pa dang / sems can smon pa ma mchis pa'i slad du shes rab kyi pha rol tu phyin pa mtshan ma ma mchis pa dang smon pa ma mchis par blta'o/ /gzugs mtshan ma ma mchis pa dang smon pa ma mchis pa'i slad du shes rab kyi pha rol tu phyin pa mtshan ma ma mchis pa dang smon pa ma mchis par blta'o//tshor ba dang / 'du shes dang / 'du byed rnams dang / rnam par shes pa mtshan ma ma mchis pa dang smon pa ma mchis pa'i slad du shes rab kyi pha rol tu phyin pa mtshan ma ma mchis pa dang smon pa ma mchis pa nyid du blta'o//sangs rgyas kyi bar du mtshan ma ma mchis pa dang / smon pa ma mchis pa'i slad du shes rab kyi pha rol tu phyin pa mtshan ma ma mchis pa dang smon pa ma mchis par blta'o/ /de bzhin du sems can ma mchis pa'i slad du shes rab kyi pha rol tu phyin pa ma mchis par blta'o/ /sems can bsam gyis mi khyab pa'i slad du shes rab kyi pha rol tu phyin pa bsam gyis mi khyab par blta'o//sems can rnam par 'jig pa ma mchis pa'i slad du shes rab kyi pha rol tu phyin pa rnam par 'jig pa ma mchis par blta'o/ /sems can mngon par rdzogs par 'tshang rgya ba ma mchis pa'i slad du shes rab kyi pha rol tu phyin pa mngon par rdzogs par 'tshang rgya ba ma mchis par blta'o//gzugs mngon par rdzogs par 'tshang rgya ba ma mchis pa'i slad du shes rab kyi pha rol tu phyin pa mngon par rdzogs par 'tshang rgya ba ma mchis par blta'o/ /tshor ba dang / 'du shes dang / 'du byed rnams dang /rnam par shes pa mngon par rdzogs par 'tshang rgya ba ma mchis pa'i slad du shes rab kyi pha rol tu phyin pa mngon par rdzogs par 'tshang rgya ba ma mchis par blta'o/ /sangs rgyas kyi bar du mngon par rdzogs par 'tshang rgya ba ma mchis pa'i slad du shes rab kyi pha rol tu phyin pa mngon par rdzogs par 'tshang rgya ba ma mchis par blta'o//sems can stobs dang ldan pa ma mchis pa'i slad du shes rab kyi pha rol tu phyin pa stobs dang ldan pa ma mchis par blta'o/ /gzugs stobs dang ldan pa ma mchis pa'i slad du shes rab kyi pha rol tu phyin pa stobs dang ldan pa ma mchis par blta'o//tshor ba dang / 'du shes dang / 'du byed rnams dang / rnam par shes pa stobs dang ldan pa ma mchis pa'i slad du shes rab kyi pha rol tu phyin pa stobs dang ldan pa ma mchis par blta'o/ /sangs rgyas kyi bar du stobs dang ldan pa ma mchis pa'i slad du shes rab kyi pha rol tu phyin pa stobs dang ldan pa ma mchis par blta'o//bcom ldan 'das rnam grangs des na 'di lta ste/ shes rab kyi pha rol tu phyin pa 'di ni byang chub sems dpa' sems dpa' chen po rnams kyi pha rol tu phyin pa chen mo'o zhes bya ba ni don chen po nyid yin no/ / 'di dag gis ni mngon par bsgrub pa gsungs so// de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol tu phyin pa 'di la mos par 'gyur ba de gang nas shi 'phos te 'dir mchis pa lags/rigs kyi bu'am rigs kyi bu mo des yun ring po ji srid cig nas bla na med pa yang dag par rdzogs pa'i byang chub tu zhugs pa lags/ des de bzhin gshegs pa dgra bcom pa yang dag par rdzogs pa'i sangs rgyas ni yun ring po ji srid cig nas bsnyen bkur ba lags/ gang shes rab kyi pha rol tu phyin pa zab mo 'di la don dang tshul gyis mos par 'gyur ba des sbyin pa'i pha rol tu phyin pa ni yun ring po ji srid cig nas spyad pa lags/tshul khrims kyi pha rol tu phyin pa la yun ring po ji srid cig nas spyad pa lags/ bzod pa'i pha rol tu phyin pa la yun ring po ji srid cig nas spyad pa lags/brtson 'grus kyi pha rol tu phyin pa la yun ring po ji srid cig nas spyad pa lags/ bsam gtan gyi pha rol tu phyin pa la yun ring po ji srid cig nas spyad pa lags/ shes rab kyi pha rol tu phyin pa la yun ring po ji srid cig nas spyad pa lags/ de skad ces gsol pa dang / bcom ldan 'das kyis tshe dang ldan pa shA ri'i bu la bka' stsal pa/shA ri'i bu byang chub sems dpa' sems dpa' chen po de ni phyogs bcu'i 'jig rten gyi khams kyi de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bsnyen bkur nas 'dir 'ongs shing 'dir skyes pa ste zhes bya ba ni sangs rgyas la brten pa yin no// shA ri'i bu byang chub sems dpa' sems dpa' chen po gang bskal pa bye ba khrag khrig brgya stong grangs med tshad med pa nas bla na med pa yang dag par rdzogs pa'i byang chub dang yang dag par ldan par 'gyur ba ste/sems dang po bskyed pa nas sbyin pa'i pha rol tu phyin pa la spyad/ tshul khrims kyi pha rol tu phyin pa la spyad/ bzod pa'i pha rol tu phyin pa la spyad/ brtson 'grus kyi pha rol tu phyin pa la spyad/ bsam gtan gyi pha rol tu phyin pa la spyad/ shes rab kyi pha rol tu phyin pa la spyad cing 'dir 'ong bar 'gyur ro//shA ri'i bu byang chub sems dpa' sems dpa' chen po des shes rab kyi pha rol tu phyin pa mthong ngam/ thos na bdag gis ston pa mthong ngo zhes bya bar sems bskyed par 'gyur ro/ /shA ri'i bu byang chub sems dpa' sems dpa' chen po de ni shes rab kyi pha rol tu phyin pa 'di la mtshan ma med pa dang /mi gnyis pa dang / mi dmigs pa'i tshul gyis don dang rigs pa'i rjes su 'brang bar 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa la mnyan pa'am blta bar nus pa lags sam/bcom ldan 'das kyis bka' stsal pa/ rab 'byor de ni ma yin no/ /rab 'byor shes rab kyi pha rol tu phyin pa ni mnyan du med cing bltar med do/ /chos rnams bems po yin pa'i phyir shes rab kyi pha rol tu phyin pa de dag gis mi mthong mi thos so/ / de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa de dag gis mi mthong mi thos so/ /chos rnams bems po yin pa'i phyir nang stong pa nyid dang / dngos po med pa'i ngo bo nyid stong pa nyid kyi bar ni de dag gis mi mthong mi thos so//chos rnams bems po yin pa'i phyir dran pa nye bar gzhag pa rnams ni de dag gis mi mthong mi thos so/ /chos rnams bems po yin pa'i phyir yang dag par spong ba rnams dang / rdzu 'phrul gyi rkang pa rnams dang /dbang po rnams dang / stobs rnams dang / byang chub kyi yan lag rnams dang / lam rnams de dag gis mi mthong mi thos so/ /de bzhin du chos rnams bems po yin pa'i phyir 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi po rnams dang / so so yang dag par rig pa bzhi po rnams dang / sangs rgyas kyi chos ma 'dres pa bco brgyad ni de dag gis mi mthong mi thos so/ / sangs rgyas dang byang chub ni de dag gis mi mthong mi thos so zhes bya ba ni sbyin pa la sogs pa'i pha rol tu phyin pa yongs su bsags pa yin no// // bam po sum cu bdun pa/ de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa zab mo 'di la brtson par bgyid pa de yun ring po ji srid cig nas spyod pa lags/bcom ldan 'das kyis bka' stsal pa/ rab 'byor 'di ni rnam par phye nas lung bstan par bya ba yin te/ rab 'byor byang chub sems dpa' sems dpa' chen po gang sems dang po bskyed pa nas nye bar bzung nas shes rab kyi pha rol tu phyin pa zab mo 'di la de mi dmigs pa'i tshul gyis brtson par byed pa dang /de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la brtson par byed cing 'phel ba dang / 'grib par mthong ba med pa de ltar thabs mkhas pas chos gang yang mi spong ste/nam yang pha rol tu phyin pa drug dang 'bral bar mi 'gyur la sangs rgyas bcom ldan 'das rnams mchod pa'i khyad par gang gis sangs rgyas bcom ldan 'das de dag la rim gro dang / bla ma dang / bsti stang dang / mchod par bya bar 'dod pa'i mchod pa'i khyad par de dag kyang sems bskyed pa tsam gyis 'grub par 'gyur te/sangs rgyas kyi zhing nas sangs rgyas kyi zhing du 'gro zhing nam yang ma'i mngal du mi skye la/ nam yang mngon par shes pa rnams dang mi 'bral zhing nyon mongs pa rnams dang lhan cig mi 'grogs la/ nyan thos kyi sems dang rang sangs rgyas kyi sems dang lhan cig mi gnas shing sems can yongs su smin par bya ba dang /sangs rgyas kyi zhing yongs su dag par byed cing sangs rgyas kyi zhing nas sangs rgyas kyi zhing du 'gro ba de lta bu'i rnam grangs yod de/ rab 'byor byang chub sems dpa' sems dpa' chen po de lta bu dag ni sems dang po bskyed pa nas bzung ste/shes rab kyi pha rol tu phyin pa zab mo 'di la brtson par byed do zhes bya ba ni thabs la mkhas pa yin no/ / rab 'byor theg pa chen po pa'i rigs kyi bu'am/ rigs kyi bu mo gang gis sangs rgyas brgya phrag mang po dang / sangs rgyas stong phrag mang po dang /sangs rgyas bye ba khrag khrig stong phrag mang po mthong bar 'gyur te/ de dag gi drung du dmigs pa'i tshul gyis sbyin pa sbyin par 'gyur ba dang / tshul khrims bsrung ba dang / bzod pa bsgom pa dang / brtson 'grus brtsam pa dang / bsam gtan bskyed pa dang / shes rab bsgom pa la slob par 'gyur ba yod de/de dag ni shes rab kyi pha rol tu phyin pa zab mo 'di ston par 'gyur ba'i tshe 'khor de nas gud du 'dong bar 'gyur ro/ /rigs kyi bu'am rigs kyi bu mo de dag ni shes rab kyi pha rol tu phyin pa zab mo 'di ston par 'gyur ba'i tshe gus pa med pas sangs rgyas bcom 'das de dag gi drung nas gud du 'dong bar 'gyur te/theg pa chen po pa'i rigs kyi bu'am/ rigs kyi bu mo de dag ni shes rab kyi pha rol tu phyin pa zab mo 'di nyid ston par 'gyur ba'i tshe 'khor de nas gud du 'dong bar 'gyur ro/ /de ci'i phyir zhe na/ de ni 'di ltar byang chub sems dpa'i theg pa pa'i rigs kyi bu'am rigs kyi bu mo de dag ni sngon gyi mthar yang shes rab kyi pha rol tu phyin pa zab mo 'di bstan pa'i tshe 'khor de nas gud du 'dong 'dong ba ste/de dag ni da ltar byung ba'i tshe yang shes rab kyi pha rol tu phyin pa zab mo 'di bstan pa'i tshe 'khor de nas gud du 'dong bar 'gyur gyi/lus dang sems kyi mthun par spyod par mi 'gyur bar shes rab 'chal par 'gyur ba'i las bsog par 'gyur ro/ /de dag shes rab 'chal par 'gyur ba'i las byas shing bsags pa des shes rab kyi pha rol tu phyin pa zab mo 'di bstan pa'i tshe spong bar 'gyur te/ de spangs pas 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid spangs par 'gyur ro/ /rnam pa thams cad mkhyen pa nyid de spangs nas/ chos kyis phongs par 'gyur ba'i las byas shing bsags pa des lo mang po dang /lo brgya phrag mang po dang / lo stong phrag mang po dang / lo bye ba khrag khrig brgya stong phrag mang po'i bar du sems can dmyal ba chen por 'phen par 'gyur ro/ /de dag sems can dmyal ba chen po nas sems can dmyal ba chen por 'dong ba'i tshe/ mes yongs su 'jig pa'am/chus yongs su 'jig pa'am/ rlung gis yongs su 'jig pa 'byung bar 'gyur la/ de rnams de dag gis yongs su 'jig pa 'byung ba'i tshe/ yang 'jig rten gyi khams gzhan dag gi sems can dmyal ba chen po de dag tu 'phen par 'gyur ro/ /de dag der skye ste dmyal ba chen po nas dmyal ba chen por 'dong bar 'gyur ro//de dag dmyal ba chen po nas dmyal ba chen por 'dong ba'i tshe yang yongs su 'jig pa 'byung bar 'gyur te/ de dag yongs su 'jig pa de dag 'byung ba'i tshe yang shar phyogs kyi dmyal ba chen po de dag tu 'phen par 'gyur ro/ /lho dang / nub dang /byang dang / mtshams rnams dang / 'og dang / steng gi phyogs rnams kyi dmyal ba chen po de dag tu 'phen par 'gyur ro/ /de dag tu yang yongs su 'jig pa 'byung ba'i tshe yang 'jig rten gyi khams gzhan dag gi dmyal ba chen po de dag tu 'phen par 'gyur ro/ /de dag 'jig rten gyi khams de rnams las yongs su 'jig pa 'byung ba'i tshe yang dmyal ba chen po rnams nas shi 'phos nas chos kyis phongs par 'gyur ba'i las de ma zad pas yang 'dir skye bar 'gyur te/de dag dmyal ba chen po nas dmyal ba chen por 'dong bar 'gyur ro/ /de dag dmyal ba chen po de rnams su skyes nas dmyal ba chen po'i sdug bsngal shin tu drag la bzod par dka' ba nyams su myong bar 'gyur ro//de dag gis yang ji srid yongs su 'jig pa ma byung gi bar du dmyal ba'i sdug bsngal de dag nyams su myong bar 'gyur ro/ /de dag yongs su 'jig pa byung nas kyang de dag nas shi 'phos nas yang 'jig rten gyi khams gzhan dag rnams su dmyal ba chen por skye bar 'gyur ro//de bzhin du yang de dag chos kyis phongs par 'gyur ba'i las byas shing bsags pa des phyogs bcu'i 'jig rten gyi khams dag tu byol song gi skye gnas rnams dang skal ba mnyam par skye bar 'gyur ro//de dag tu yang phyogs bcu kun gyi 'jig rten gyi khams kyi gshin rje'i 'jig rten du skyes nas shin tu drag cing bzod par dka' ba'i sdug bsngal gyi tshor ba nyams su myong bar byas nas las de zad par 'gyur te/ de dag gi sdug bsngal mang po nyams su myong bar 'gyur ba'i las zad par byas nas ci ste brgya la mir skye ba thob par gyur na yang gang dang gang du skyes pa de dang der dmus long du 'gyur/dmus long gi rigs su skye bar 'gyur/ gdol pa'i rigs rnams sam/ g.yung po'i rigs rnams sam/ bya ba'i rigs rnams sam/ phag 'tshong gi rigs rnams sam/shan pa'i rigs rnams sam/ dmangs rigs rnams sam/ phyag dar ba'i rigs rnams sam/ dman pa'i spyod pa byed pa rnams su skye bar 'gyur ro/ /de dang der skyes nas kyang long ba'am/ zhar ba'am/ lce med pa'am/ lag pa med pa'am/ rkang pa med pa'am/ rna ba med pa'am/ sna med par 'gyur ba yin/ gang las sangs rgyas kyi sgra mi thos par 'gyur ba dang / chos kyi sgra med pa dang / dge 'dun gyi sgra med pa dang / byang chub sems dpa'i sgra med pa dang / rang sangs rgyas kyi sgra thos pa med par 'gyur ba dang / dgra bcom pa'i sgra thos pa med par 'gyur ba yin no//de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das mtshams ma mchis pa lngas ni chos kyis phongs par 'gyur ba'i sug las bgyis pa dang / bsags pa 'di'i gzugs brnyan tsam du yang mi spyod do//bcom ldan 'das kyis bka' stsal pa/ shA ri'i bu des ni shes rab kyi pha rol tu phyin pa zab mo 'di bshad pa'i tshe phyir spang bar sems shing 'di la bslab par mi bya ste/ 'di ni chos ma yin no/ /'di ni 'dul ba ma yin no/ /'di ni ston pa'i bstan pa ma yin no/ / 'di ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ma yin no zhes zer zhing / de bdag nyid kyang phyir spang bar bya bar sems la/ sems can gzhan yang mos pa med par byed par 'gyur ro/ /bdag gi rgyud nyams par byas nas gzhan gyi rgyud nyams par byed pa dang /bdag gi rgyud dug can du byas nas gzhan gyi rgyud dug can du byed par 'gyur ro/ /bdag kyang chud gson zhing gzhan chud gson par byed par 'gyur ba dang / bdag nyid shes rab kyi pha rol tu phyin pa zab mo 'di mi shes mi rig pas phyir spang bar 'dod la gzhan yang de bzhin du 'dzin du 'jug par 'gyur ba de'i gzugs brnyan tsam du yang 'gyur re skan/shA ri'i bu ngas ni gang zag de lta bu thos par bya bar yang ma gnang la smra ba dang phrad par yang mi bya ste/ 'grogs pa lta smos kyang ci dgos/ de ci'i phyir zhe na/ shA ri'i bu gang zag de lta bu dag ni chos la skyon 'dogs par rig par bya ste/shA ri'i bu gang zag de lta bu dag ni lo 'dab rul pa'i tshul can nag po'i phyogs kyi tshul can du rig par bya'o/ /shA ri'i bu gang zag de lta bu dag gi ngag mnyan par sems pa'am/ de dag la yid ches par bya bar sems pa de dag kyang phung bar 'gyur ro//shA ri'i bu gang shes rab kyi pha rol tu phyin pa la skyon 'dogs pa de ni chos la skyon 'dogs pa'i gang zag tu rig par bya'o/ /shA ri'i bus gsol pa/ bcom ldan 'das chos la skyon 'dogs pa'i gang zag der skyes pa de'i lus kyi tshad bcom ldan 'das kyis da dung ma gsungs so/ /bcom ldan 'das kyis bka' stsal pa/shA ri'i bu chos la skyon 'dogs pa'i gang zag de'i der skyes pa'i lus kyi tshad ni zhog shig /de ci'i phyir zhe na/ gang zag chos la skyon 'dogs pa de'i lus kyi tshad thos na mod la khrag skyug par 'gyur ba'am/ 'chi ba'am/ srog la bab pa'i sdug bsngal ba'am/ mya ngan gyi zug rngu skye ba'am/ ldum bu brngas pa ltar bskam pa'am/ dri ma can nam/ sngon po'am/ sngo skyar 'gyur du 'ong ba'i phyir te/ gang zag chos la skyon 'dogs pa de'i lus kyi tshad de 'dra ba thos na yang nyes pa de lta bu yod pas/ de'i lus kyi tshad ni 'di yin no zhes bcom ldan 'das kyis tshe dang ldan pa shA ri'i bu la skabs dbye ba ma mdzad do//shA ri'i bus gsol pa/ bcom ldan 'das kyis bstan du gsol/ chos kyis phongs par 'gyur ba'i sug las bgyis shing bsags pa des chos la skyon 'dogs pa'i gang zag lus 'di 'dra ba yongs su 'dzin par 'gyur ro zhes bgyi bas ni ma byung ba'i ngo bo rnams la snang ba bgyis par 'gyur ro//bcom ldan 'das kyis bka' stsal pa/ shA ri'i bu 'dis chos kyis phongs par gyur pa'i las byas pa dang / bsags pa 'dis dmyal ba chen po'i sdug bsngal nyams su myong bar 'gyur ro/ /sdug bsngal tshad med pa mang po 'di lta bu dus ring por sdug bsngal myong bar 'gyur ro zhes bya ba de gnyis kyis kyang ma byung ba'i skye bo rnams la snang bar byas par 'gyur te/dkar po'i cha dang ldan pa'i gang zag rnams nged kyis kyang de lta bu'i sdug bsngal nyams su myong bar 'gyur du 'ong zhes srog gi don du yang dam pa'i chos mi spong zhing de dag chos kyis phongs par 'gyur ba'i lam rnams las bzlog par 'gyur ro//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das sdug bsngal gyi rnam pa de lta bu myong du 'ong ngo / /de bzhin gshegs pa mi mthong ba dang / chos mi thos pa dang / dge 'dun mi mthong bar 'gyur du 'ong ngo / /sangs rgyas 'byung ba med pa'i sangs rgyas kyi zhing du skyes bu 'ong ngo / /mi phongs par 'gyur du 'ong ngo / /ngag mi btsun par 'gyur du 'ong ngo zhes bgyi bar lus dang / ngag dang / yid kyi las shin tu bsdams par bgyi'o/ /bcom ldan 'das chos spong ba'i tshig gi las bgyis shing bsags pa 'dis ni chos kyis phongs par 'gyur ba'i las bgyis shing bsags par 'gyur ro//bcom ldan 'das kyis bka' stsal pa/ rab 'byor dam pa'i chos spong ba'i tshig gi las byas shing bsags pa 'dis chos kyis phongs par 'gyur ba'i las byas shing bsags par 'gyur te/rab 'byor skyes bu glen pa de ni rang nyid kyis dam pa'i chos 'dul ba de nyid las rab tu 'byung bar 'gyur ro/ /rab 'byor shes rab kyi pha rol tu phyin pa la skyon 'dogs par bya bar sems par 'gyur/ phyir spang bar bya bar sems par 'gyur/phyir brgal bar sems par 'gyur ba de ni shes rab kyi pha rol tu phyin pa la skyon 'dogs par 'gyur/ phyir rgol bar 'gyur/ sangs rgyas bcom ldan 'das rnams kyi byang chub la skyon 'dogs shing phyir rgol bar 'gyur ro/ /sangs rgyas kyi byang chub la skyon 'dogs shing phyir spangs pas 'das pa dang /ma byon pa dang / da ltar byung ba'i sangs rgyas bcom ldan 'das rnams kyis rnam pa thams cad mkhyen pa nyid la skyon btags shing phyir spang bar 'gyur ro/ /rnam pa thams cad mkhyen pa nyid la skyon btags shing phyir spangs pas/ chos phyir spang bar 'gyur ro//chos phyir spangs pas dge 'dun phyir spang bar 'gyur ro/ /dge 'dun phyir spangs pas 'jig rten pa'i yang dag pa'i lta ba dang / 'jig rten las 'das pa'i yang dag pa'i lta ba phyir spangs pa yin no/ /de bzhin du pha rol tu phyin pa drug dang / byang chub kyi phyogs kyi chos sum cu rtsa bdun dang /'phags pa'i bden pa dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams phyir spangs pa yin no/ /stong pa nyid dang / mtshan ma med pa dang / smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /mngon par shes pa rnams phyir spangs pa yin no/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad phyir spangs pa yin no/ /de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad phyir spangs pa yin no/ /rnam pa thams cad mkhyen pa nyid kyi bar du phyir spangs pa yin no/ /rnam pa thams cad mkhyen pa nyid kyi bar du phyir spangs pas bsod nams ma yin pa'i phung po tshad med grangs med gzhal du med pa yongs su gzung ba yin no//bsod nams ma yin pa'i phung po tshad med grangs med gzhal du med pas yongs su bzung ba des sdug bsngal ba dang / yid mi bde ba tshad med grangs med gzhal du med pa myong ba yin no zhes bya ba ni chos kyis phongs pa'i las yin no// rab 'byor gyis gsol pa/ bcom ldan 'das skyes bu glen pa gang shes rab kyi pha rol tu phyin pa 'di slar spong bar 'gyur ba de rnam pa du zhig gis shes rab kyi pha rol tu phyin pa 'di slar spong bar 'gyur/ bcom ldan 'das kyis bka' stsal pa/ rab 'byor skyes bu glen pa de dag rnam pa bzhis shes rab kyi pha rol tu phyin pa phyir spong bar 'gyur ro//bzhi gang zhe na/ 'di lta ste/ skyes bu glen pa de dag ni bdud kyis byin gyis brlabs par 'gyur ba dang / chos zab mo rnams la mos pa med par 'gyur zhing rab tu dad par mi 'gyur ba dang / phung po lnga la sogs pa la mngon par zhen par 'gyur ba dang /sdig pa'i grogs po'i lag tu song bas zhe sdang gi spyod pa can bdag la stod cing gzhan la smod par 'gyur ba yin te/ rab 'byor rnam pa bzhi po de dag dang ldan na skyes bu glen pa de dag shes rab kyi pha rol tu phyin pa zab mo 'di phyir spang bar 'gyur ro//rab 'byor gyis gsol pa/ bcom ldan 'das shes rab kyi pha rol tu phyin pa zab mo 'di ni brtson 'grus chung ba dang / dge ba'i rtsa ba dang mi ldan zhing sdig pa'i grogs po'i sug par mchis pa rnams kyis mos par dka'o/ /bcom ldan 'das kyis bka' stsal pa/ rab 'byor de de bzhin te/shes rab kyi pha rol tu phyin pa 'di ni brtson 'grus chung ba dang / dge ba'i rtsa ba dang mi ldan zhing sdig pa'i grogs po'i lag tu lhung ba rnams kyis mos par dka'o/ /rab 'byor gyis gsol pa/ bcom ldan 'das de ltar mos par dka' ba'i shes rab kyi pha rol tu phyin pa 'di ji tsam du zab pa lags/bcom ldan 'das kyis bka' stsal pa/ rab 'byor gzugs ni ma bcings ma grol ba ste/ de ci'i phyir zhe na/ rab 'byor gzugs la rang bzhin med pa de ni gzugs yin pa'i phyir ro/ /tshor ba la rang bzhin med pa de ni tshor ba yin pa'i phyir ro//'du shes la rang bzhin med pa de ni 'du shes yin pa'i phyir ro/ /'du byed rnams la rang bzhin med pa de ni 'du byed rnams yin pa'i phyir ro/ /rnam par shes pa ni ma bcings ma grol ba ste/ de ci'i phyir zhe na/ rnam par shes pa la rang bzhin med pa ni rnam par shes pa yin pa'i phyir ro/ / rab 'byor de bzhin du sbyin pa'i pha rol tu phyin pa ni ma bcings ma grol ba ste/ de ci'i phyir zhe na/ sbyin pa'i pha rol tu phyin pa la rang bzhin med pa de ni sbyin pa'i pha rol tu phyin pa yin pa'i phyir ro/ /rab 'byor de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni ma bcings ma grol ba ste/ de ci'i phyir zhe na/ shes rab kyi pha rol tu phyin pa la rang bzhin med pa ni shes rab kyi pha rol tu phyin pa yin pa'i phyir ro/ /rab 'byor nang stong pa nyid ni ma bcings ma grol ba ste/de ci'i phyir zhe na/ rab 'byor nang stong pa nyid la rang bzhin med pa ni nang stong pa nyid yin pa'i phyir ro/ /rab 'byor dngos po med pa'i ngo bo nyid stong pa nyid kyi bar la rang bzhin med pa ni dngos po med pa'i ngo bo nyid stong pa nyid yin pa'i phyir ro/ /rab 'byor dran pa nye bar gzhag pa rnams ni ma bcings ma grol ba ste/de ci'i phyir zhe na/ rab 'byor dran pa nye bar gzhag pa rnams la rang bzhin med pa ni dran pa nye bar gzhag pa rnams yin pa'i phyir ro/ /rab 'byor lam rnams kyi bar du ma bcings ma grol ba ste/ de ci'i phyir zhe na/ rab 'byor lam rnams la rang bzhin med pa ni lam rnams yin pa'i phyir ro//rab 'byor de bzhin du stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad rnams dang / rnam pa thams cad mkhyen pa nyid ni ma bcings ma grol ba ste / de ci'i phyir zhe na/ rab 'byor rnam pa thams cad mkhyen pa nyid la rang bzhin med pa ni rnam pa thams cad mkhyen pa nyid yin pa'i phyir ro//rab 'byor gzugs kyi sngon gyi mtha' ni ma bcings ma grol ba ste/ de ci'i phyir zhe na/ rab 'byor sngon gyi mtha' dngos po med pa'i rang bzhin ni gzugs yin pa'i phyir ro/ /tshor ba dang / 'du shes dang / 'du byed rnams dang / rnam par shes pa'i sngon gyi mtha' ni ma bcings ma grol ba ste/ de ci'i phyir zhe na/ rab 'byor sngon gyi mtha' dngos po med pa'i rang bzhin ni rnam par shes pa ma yin pa'i phyir ro/ /rab 'byor rnam pa thams cad mkhyen pa nyid kyi bar gyi sngon gyi mtha' ni ma bcings ma grol ba ste/de ci'i phyir zhe na/ rab 'byor sngon gyi mtha' dngos po med pa'i rang bzhin ni rnam pa thams cad mkhyen pa nyid kyi phyir ro/ /rab 'byor gzugs kyi phyi ma'i mtha' ni ma bcings ma grol ba ste/ de ci'i phyir zhe na/ rab 'byor phyi ma'i mtha' dngos po med pa'i rang bzhin ni gzugs yin pa'i phyir ro//rab 'byor tshor ba dang / 'du shes dang / 'du byed rnams dang / rnam par shes pa'i phyi ma'i mtha' ni ma bcings ma grol ba ste/ de ci'i phyir zhe na/ rab 'byor phyi ma'i mtha' dngos po med pa'i rang bzhin ni rnam par shes pa yin pa'i phyir ro/ /rab 'byor rnam pa thams cad mkhyen pa nyid kyi bar gyi phyi ma'i mtha' ni ma bcings ma grol ba ste/de ci'i phyir zhe na/ rab 'byor phyi ma'i mtha' dngos po med pa'i rang bzhin ni rnam pa thams cad mkhyen pa nyid yin pa'i phyir ro/ /rab 'byor gzugs kyi da ltar byung ba ni ma bcings ma grol ba ste/ de ci'i phyir zhe na/rab 'byor da ltar byung ba'i dngos po med pa'i rang bzhin ni gzugs yin pa'i phyir ro/ /rab 'byor tshor ba dang / 'du shes dang / 'du byed rnams dang / rnam par shes pa'i da ltar byung ba ni ma bcings ma grol ba ste/ de ci'i phyir zhe na/ rab 'byor da ltar byung ba'i dngos po med pa'i rang bzhin ni rnam par shes pa yin pa'i phyir ro//rab 'byor rnam pa thams cad mkhyen pa nyid kyi bar gyi da ltar byung ba ni ma bcings ma grol ba ste/ de ci'i phyir zhe na/ rab 'byor da ltar byung ba'i dngos po med pa'i rang bzhin ni rnam pa thams cad mkhyen pa nyid yin pa'i phyir ro/ /rab 'byor gyis gsol pa/bcom ldan 'das shes rab kyi pha rol tu phyin pa ni brtson 'grus chung ba dang / dge ba'i rtsa ba ma skyes pa/ sdig pa'i grogs po'i lag tu ltung ba/ bdud kyi dbang du gyur pa/ le lo can/ brtson 'grus btang ba/ dran pa nyams pa shes bzhin dang mi ldan pa rnams kyis mos par dka'o//bcom ldan 'das kyis bka' stsal pa/ rab 'byor de de bzhin te / rab 'byor shes rab kyi pha rol tu phyin pa ni brtson 'grus chung ba dang / dge ba'i rtsa ba ma bskyed pa dang / sdig pa'i grogs po'i lag tu ltung ba dang / bdud kyi dbang du gyur pa dang / le lo can dang /brtson 'grus btang ba/ dran pa nyams pa/ shes bzhin dang mi ldan pa rnams kyis mos par dka'o zhes bya ba ni las kyi sgrib pa'i rgyu bzhi yin no/ / rab 'byor gzugs rnam par dag pa gang yin pa de ni 'bras bu rnam par dag pa nyid do/ /tshor ba dang / 'du shes dang / 'du byed rnams dang / rnam par shes pa rnam par dag pa gang yin pa de ni 'bras bu rnam par dag pa'o/ /khams dang / skye mched dang / rten cing 'brel bar 'byung ba rnam par dag pa gang yin pa de ni 'bras bu rnam par dag pa nyid do/ /sbyin pa'i pha rol tu phyin pa rnam par dag pa gang yin pa de ni 'bras bu rnam par dag pa nyid do//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa rnam par dag pa gang yin pa de ni 'bras bu rnam par dag pa nyid do/ / nang stong pa nyid rnam par dag pa gang yin pa de ni 'bras bu rnam par dag pa nyid do/ /dngos po med pa'i ngo bo nyid stong pa nyid kyi bar rnam par dag pa gang yin pa de ni 'bras bu rnam par dag pa nyid do/ /byang chub kyi phyogs kyi chos sum cu rtsa bdun rnam par dag pa gang yin pa de ni 'bras bu rnam par dag pa nyid do//'phags pa'i bden pa dang / bsam gtan rnams dang / tshad med pa dang / gzugs med pa'i snyoms par 'jug pa rnam par dag pa gang yin pa de ni 'bras bu rnam par dag pa nyid do/ /stong pa nyid dang / mtshan ma med pa dang / smon pa med pa rnam par dag pa gang yin pa de ni 'bras bu rnam par dag pa nyid do//rnam par thar pa brgyad dang / mthar gyis gnas pa'i snyoms par 'jug pa dgu rnam par dag pa gang yin pa de ni 'bras bu rnam par dag pa nyid do/ /mngon par shes pa drug rnam par dag pa gang yin pa de ni 'bras bu rnam par dag pa nyid do/ /ting nge 'dzin thams cad dang / gzungs kyi sgo rnam par dag pa gang yin pa de ni 'bras bu rnam par dag pa nyid do/ /byang chub sems dpa'i sa bcu rnam par dag pa gang yin pa de ni 'bras bu rnam par dag pa nyid do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad rnam par dag pa gang yin pa de ni 'bras bu rnam par dag pa nyid do/ /byang chub rnam par dag pa gang yin pa de ni 'bras bu rnam par dag pa nyid do/ /rab 'byor gzhan yang gzugs rnam par dag pa gang yin pa de ni 'bras bu rnam par dag pa nyid do/ / 'bras bu rnam par dag pa gang yin pa de ni shes rab kyi pha rol tu phyin pa rnam par dag pa/ shes rab kyi pha rol tu phyin pa rnam par dag pa gang yin pa de ni gzugs rnam par dag pa ste/ de ltar na gzugs rnam par dag pa dang / 'bras bu rnam par dag pa dang / shes rab kyi pha rol tu phyin pa rnam par dag pa gang yin pa 'di la gnyis su med cing gnyis su byar med de tha mi dad cing ma chad pa'o//de ltar rnam pa thams cad mkhyen pa nyid kyi bar du rnam par dag pa gang yin pa de ni shes rab kyi pha rol tu phyin pa rnam par dag pa nyid do/ /shes rab kyi pha rol tu phyin pa rnam par dag pa gang yin pa de ni rnam pa thams cad mkhyen pa nyid rnam par dag pa nyid de/de ltar rnam pa thams cad mkhyen pa nyid rnam par dag pa dang / shes rab kyi pha rol tu phyin pa rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni rnam par dag pa spyir bstan pa yin no// rab 'byor gzhan yang bdag rnam par dag pa gang yin pa de ni gzugs rnam par dag pa gzugs rnam par dag pa gang yin pa de ni bdag rnam par dag pa ste/ de ltar na bdag rnam par dag pa dang / gzugs rnam par dag pa 'di la gnyis su med cing gnyis su byar med de tha mi dad cing ma chad pa'o//de bzhin du sems can dang / srog dang / gso ba dang / skyes bu dang / gang zag dang / shed bu dang / shed las skyes pa dang / byed pa po dang / tshor ba po dang / shes pa po dang / mthong ba po rnam par dag pa gang yin pa de ni gzugs rnam par dag pa gzugs rnam par dag pa gang yin pa de ni mthong ba po'i bar du rnam par dag pa ste/de ltar na mthong ba po'i bar du rnam par dag pa dang / gzugs rnam par dag pa gang yin pa 'di la gnyis su med cing gnyis su byar med de tha mi dad cing ma chad pa'o/ /de bzhin du mthong ba po'i bar du rnam par dag pa gang yin pa de ni rnam pa thams cad mkhyen pa nyid kyi bar du rnam par dag pa/rnam pa thams cad mkhyen pa nyid rnam par dag pa gang yin pa de ni mthong ba po'i bar du rnam par dag pa ste/ de ltar na mthong ba po rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o//rab 'byor gzhan yang 'dod chags rnam par dag pas gzugs rnam par dag pa dang / rnam pa thams cad mkhyen pa nyid kyi bar du rnam par dag pa ste/ de ltar na 'dod chags rnam par dag pa dang / rnam pa thams cad mkhyen pa nyid kyi bar du rnam par dag pa 'di la gnyis su med cing gnyis su byar med de tha mi dad cing ma chad pa'o/ /de bzhin du zhe sdang dang / gti mug rnam par dag pas gzugs rnam par dag pa dang / rnam pa thams cad mkhyen pa nyid kyi bar du rnam par dag pa ste/ de ltar na zhe sdang dang / gti mug rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o/ /rab 'byor gzhan yang de ltar 'dod chags dang / zhe sdang dang / gti mug rnam par dag pas/ gzugs rnam par dag pa dang /rnam pa thams cad mkhyen pa nyid kyi bar du rnam par dag pa ste/ de ltar na 'dod chags dang / zhe sdang dang / gti mug rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni nyan thos rnams kyi nyon mongs pa'i sgrib pa rnam par dag pa yin no// rab 'byor gzhan yang gzugs rnam par dag pa gang yin pa de ni 'bras bu rnam par dag pa/ de bzhin du tshor ba dang / 'du shes dang / 'du byed rnams dang / rnam par shes pa rnam par dag pa gang yin pa de ni 'bras bu rnam par dag pa/de bzhin du ma rig pa'i bar du rnam par dag pas/ 'du byed rnam par dag pa 'du byed rnam par dag pas/ rnam par shes pa rnam par dag pa rnam par shes pa rnam par dag pas/ ming dang gzugs rnam par dag pa ming dang gzugs rnam par dag pas/ skye mched drug rnam par dag pa skye mched drug rnam par dag pas/reg pa rnam par dag pa reg pa rnam par dag pas/ tshor ba rnam par dag pa tshor ba rnam par dag pas/ sred pa rnam par dag pa sred pa rnam par dag pas/ len pa rnam par dag pa len pa rnam par dag pas/ srid pa rnam par dag pa srid pa rnam par dag pas/skye ba rnam par dag pa skye ba rnam par dag pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam par dag pa dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam par dag pas/ rnam pa thams cad mkhyen pa nyid rnam par dag pa ste/ de ltar na rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni rang sangs rgyas rnams kyi shes bya'i sgrib pa phyogs gcig pa rnam par dag pa yin no// rab 'byor gzhan yang sbyin pa'i pha rol tu phyin pa rnam par dag pas/ tshul khrims kyi pha rol tu phyin pa rnam par dag pa tshul khrims kyi pha rol tu phyin pa rnam par dag pas/bzod pa'i pha rol tu phyin pa rnam par dag pa bzod pa'i pha rol tu phyin pa rnam par dag pas/ brtson 'grus kyi pha rol tu phyin pa rnam par dag pa brtson 'grus kyi pha rol tu phyin pa rnam par dag pas/ bsam gtan gyi pha rol tu phyin pa rnam par dag pa bsam gtan gyi pha rol tu phyin pa rnam par dag pas/shes rab kyi pha rol tu phyin pa rnam par dag pa shes rab kyi pha rol tu phyin pa rnam par dag pas/ nang stong pa nyid rnam par dag pa nang stong pa nyid rnam par dag pas/ phyi stong pa nyid rnam par dag pa phyi stong pa nyid rnam par dag pas/phyi nang stong pa nyid rnam par dag pa phyi nang stong pa nyid rnam par dag pas/ de bzhin du dngos po med pa'i ngo bo nyid stong pa nyid kyi bar du rnam par dag pa/ dngos po med pa'i ngo bo nyid stong pa nyid kyi bar du rnam par dag pas/ dran pa nye bar gzhag pa rnam par dag pa/dran pa nye bar gzhag pa rnam par dag pas/ yang dag par spong ba rnam par dag pa/ yang dag par spong ba rnam par dag pas/ rdzu 'phrul gyi rkang pa rnam par dag pa/ rdzu 'phrul gyi rkang pa rnam par dag pas/ dbang po rnam par dag pa/ dbang po rnam par dag pas/ stobs rnam par dag pa/stobs rnam par dag pas/ byang chub kyi yan lag rnam par dag pa/ byang chub kyi yan lag rnam par dag pas/ lam rnam par dag pa/ lam rnam par dag pas/ 'phags pa'i bden pa rnam par dag pa/ 'phags pa'i bden pa rnam par dag pas/ tshad med pa rnam par dag pa/ tshad med pa rnam par dag pas/ bsam gtan rnam par dag pa/ bsam gtan rnam par dag pas/ gzugs med pa'i snyoms par 'jug pa rnam par dag pa/ gzugs med pa'i snyoms par 'jug pa rnam par dag pas/ rnam par thar pa brgyad rnam par dag pa/ rnam par thar pa brgyad rnam par dag pas/mthar gyis gnas pa'i snyoms par 'jug pa dgu rnam par dag pa/ mthar gyis gnas pa'i snyoms par 'jug pa dgu rnam par dag pas/ ting nge 'dzin thams cad rnam par dag pa/ ting nge 'dzin thams cad rnam par dag pas/ gzungs kyi sgo thams cad rnam par dag pa/ gzungs kyi sgo thams cad rnam par dag pas/stobs bcu dang / mi 'jigs pa rnam par dag pa/ stobs bcu dang / mi 'jigs pa rnam par dag pas/ so so yang dag par rig pa rnam par dag pa/ so so yang dag par rig pa rnam par dag pas/ sangs rgyas kyi chos ma 'dres pa bco brgyad rnam par dag pa/sangs rgyas kyi chos ma 'dres pa bco brgyad rnam par dag pas/ rnam pa thams cad mkhyen pa nyid rnam par dag pa/ rnam pa thams cad mkhyen pa nyid rnam par dag pas/ sangs rgyas kyi chos ma 'dres pa rnam par dag pa ste/ de ltar na sangs rgyas kyi chos ma 'dres pa rnam par dag pa dang /rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni byang chub sems dpa' rnams kyi theg pa gsum gyi sgrib pa rnam par dag pa yin no/ / rab 'byor gzhan yang shes rab kyi pha rol tu phyin pa rnam par dag pa gang yin pa de ni gzugs rnam par dag pa/gzugs rnam par dag pa gang yin pa de ni rnam pa thams cad mkhyen pa nyid kyi bar du rnam par dag pa ste/ de ltar na shes rab kyi pha rol tu phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o//tshor ba dang / 'du shes dang / 'du byed rnams dang / shes rab kyi pha rol tu phyin pa rnam par dag pa gang yin pa de ni rnam par shes pa rnam par dag pa/ rnam par shes pa rnam par dag pa gang yin pa de ni rnam pa thams cad mkhyen pa nyid rnam par dag pa ste/de ltar na shes rab kyi pha rol tu phyin pa rnam par dag pa dang / rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o//de bzhin du bsam gtan gyi pha rol tu phyin pa rnam par dag pa dang / brtson 'grus kyi pha rol tu phyin pa rnam par dag pa dang / bzod pa'i pha rol tu phyin pa rnam par dag pa dang / tshul khrims kyi pha rol tu phyin pa rnam par dag pa dang / sbyin pa'i pha rol tu phyin pa rnam par dag pa gang yin pa de ni gzugs rnam par dag pa/gzugs rnam par dag pa gang yin pa de ni/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o//tshor ba dang / 'du shes dang / 'du byed rnams dang / sbyin pa'i pha rol tu phyin pa rnam par dag pa gang yin pa de ni rnam par shes pa rnam par dag pa/ rnam par shes pa rnam par dag pa gang yin pa de ni rnam pa thams cad mkhyen pa nyid rnam par dag pa ste/de ltar na sbyin pa'i pha rol tu phyin pa rnam par dag pa dang / rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni lam chung ngu'i chung ngu'o// rab 'byor gzhan yang nang stong pa nyid rnam par dag pa nyid dang / dngos po med pa'i ngo bo nyid stong pa nyid kyi bar du rnam par dag pa gang yin pa de ni rnam pa thams cad mkhyen pa nyid rnam par dag pa ste/ de ltar na nang stong pa nyid rnam par dag pa dang / dngos po med pa'i ngo bo nyid stong pa nyid kyi bar du rnam par dag pa dang /rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o/ /phung po dang / khams dang / skye mched dang / rten cing 'brel bar 'byung ba rnam par dag pas/ stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa'i bar du rnam par dag pa gang yin pa de ni rnam pa thams cad mkhyen pa nyid rnam par dag pa ste/ de ltar na phung po dang / khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin thams cad dang / gzungs kyi sgo thams cad rnam par dag pa dang / stobs bcu dang / mi 'jigs pa rnams dang / so so yang dag par rig pa dang / sangs rgyas kyi chos ma 'dres pa'i bar rnam par dag pa gang yin pa de ni rnam pa thams cad mkhyen pa nyid rnam par dag pa ste/de ltar na sangs rgyas kyi chos ma 'dres pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med cing gnyis su byar med de tha mi dad cing ma chad pa'o/ /rab 'byor gzhan yang rnam pa thams cad mkhyen pa nyid rnam par dag pa dang /shes rab kyi pha rol tu phyin pa rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni lam chung ngu'i 'bring yin no// //bam po sum cu brgyad pa/ rab 'byor gzhan yang 'dus byas rnam par dag pas/'dus ma byas rnam par dag pa 'dus ma byas rnam par dag pas/ 'dus byas rnam par dag pa ste/ de ltar na 'dus byas rnam par dag pa dang / 'dus ma byas rnam par dag pa 'di la gnyis su med cing gnyis su byar med de tha mi dad cing ma chad pa'o/ /rab 'byor gzhan yang 'das pa rnam par dag pas/ma 'ongs pa rnam par dag pa/ ma 'ongs pa rnam par dag pas/ 'das pa rnam par dag pa/ 'das pa dang / ma 'ongs pa rnam par dag pas/ da ltar byung ba rnam par dag pa/ da ltar byung ba rnam par dag pas/ 'das pa dang / ma 'ongs pa rnam par dag pa ste/de ltar na 'das pa dang / ma 'ongs pa rnam par dag pa dang / da ltar byung ba rnam par dag pa 'di la gnyis su med cing gnyis su byar med de tha mi dad cing ma chad pa'o zhes bya ba ni lam chung ngu'i chen po yin no/ / de nas tshe dang ldan pa shA ri'i bus bcom ldan 'das la 'di skad ces gsol to//bcom ldan 'das rnam par dag pa 'di ni zab po/ /bcom ldan 'das kyis bka' stsal pa/ shin tu rnam par dag pa'i phyir ro/ /shA ri'i bus gsol pa/ gang shin tu rnam par dag pa'i slad du lags/ bcom ldan 'das kyis bka' stsal pa/ shA ri'i bu gzugs rnam par dag pa'i phyir ro //rnam par dag pa zab po/ /tshor ba dang / 'du shes dang / 'du byed rnams dang / rnam par shes pa rnam par dag pa'i phyir rnam par dag pa zab po/ /sa'i khams dang / chu'i khams dang / me'i khams dang / rlung gi khams dang / nam mkha'i khams dang /rnam par shes pa'i khams rnam par dag pa'i phyir zab po/ /mig dang / rna ba dang / sna dang / lce dang / lus dang / yid rnam par dag pa'i phyir zab po/ /gzugs dang / sgra dang / dri dang / ro dang / reg dang / chos rnam par dag pa'i phyir zab po//sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rnam par dag pa'i phyir zab po/ /nang stong pa nyid rnam par dag pa'i phyir zab po/ /dngos po med pa'i ngo bo nyid stong pa nyid kyi bar rnam par dag pa'i phyir zab po//dran pa nye bar gzhag pa rnams rnam par dag pa'i phyir zab po/ /yang dag par spong ba rnams dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams rnam par dag pa'i phyir zab po/ /stong pa nyid dang / mtshan ma med pa dang / smon pa med pa rnams rnam par dag pa'i phyir zab po/ /rnam par thar pa brgyad dang / mthar gyis gnas pa'i snyoms par 'jug pa dgu rnam par dag pa'i phyir zab po/ /mngon par shes pa rnams rnam par dag pa'i phyir zab po/ /ting nge 'dzin thams cad dang / gzungs kyi sgo thams cad rnam par dag pa'i phyir zab po//de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa rnams rnam par dag pa'i phyir zab po/ /byang chub sems dpa' dang / rnam pa thams cad mkhyen pa nyid rnam par dag pa'i phyir rnam par dag pa zab po zhes bya ba ni lam 'bring gi chung ngu yin no// shA ri'i bus gsol pa/ bcom ldan 'das shes rab kyi pha rol tu phyin pa ni snang bar gyur pa'o/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir shin tu rnam par dag pa ni snang ba'o/ / shA ri'i bus gsol pa/ bcom ldan 'das gang rnam par dag pa'i slad du lags/ bcom ldan 'das kyis bka' stsal pa/ shes rab kyi pha rol tu phyin pa rnam par dag pa'i phyir shin tu rnam par dag pa snang ba'o/ /de bzhin du bsam gtan gyi pha rol tu phyin pa rnam par dag pa'i phyir dang / brtson 'grus kyi pha rol tu phyin pa rnam par dag pa'i phyir dang / bzod pa'i pha rol tu phyin pa rnam par dag pa'i phyir dang / tshul khrims kyi pha rol tu phyin pa rnam par dag pa'i phyir dang / sbyin pa'i pha rol tu phyin pa rnam par dag pa'i phyir shin tu rnam par dag pa snang ba'o/ /nang stong pa nyid rnam par dag pa'i phyir shin tu rnam par dag pa snang ba'o//dngos po med pa'i ngo bo nyid stong pa nyid kyi bar du rnam par dag pa'i phyir shin tu rnam par dag pa snang ba'o/ /dran pa nye bar gzhag pa rnam par dag pa'i phyir shin tu rnam par dag pa snang ba'o/ /yang dag par spong ba dang / rdzu 'phrul gyi rkang pa dang / dbang po dang /stobs dang / byang chub kyi yan lag dang / lam rnam par dag pa'i phyir shin tu rnam par dag pa snang ba'o/ /'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnam par dag pa'i phyir shin tu rnam par dag pa snang ba'o/ / rnam par thar pa brgyad dang / mthar gyis gnas pa'i snyoms par 'jug pa dgu rnam par dag pa'i phyir shin tu rnam par dag pa snang ba'o/ /stong pa nyid dang / mtshan ma med pa dang / smon pa med pa dang / mngon par shes pa rnams rnam par dag pa'i phyir shin tu rnam par dag pa snang ba'o/ / ting nge 'dzin thams cad dang / gzungs kyi sgo thams cad rnam par dag pa'i phyir shin tu rnam par dag pa snang ba'o/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnam par dag pa'i phyir shin tu rnam par dag pa snang ba'o/ / rnam pa thams cad mkhyen pa nyid kyi bar du rnam par dag pa'i phyir shin tu rnam par dag pa snang ba'o zhes bya ba ni lam 'bring gi 'bring yin no/ / shA ri'i bus gsol pa/ bcom ldan 'das rnam par dag pa ni nying mtshams sbyor ba ma mchis pa'o/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das gang la 'pho ba med cing nying mtshams sbyor ba med pa rnam par dag pa lags/ bcom ldan 'das kyis bka' stsal pa/ gzugs la 'pho ba med cing nying mtshams sbyor ba med pa ni rnam par dag pa'o/ /tshor ba dang /'du shes dang / 'du byed rnams dang / rnam par shes pa la 'pho ba med cing nying mtshams sbyor ba med pa ni rnam par dag pa'o/ /de bzhin du rnam pa thams cad mkhyen pa nyid kyi bar du 'pho ba med cing nying mtshams sbyor ba med pa ni rnam par dag pa'o zhes bya ba ni lam 'bring gi chen po yin no// shA ri'i bus gsol pa/ bcom ldan 'das rnam par dag pa ni kun nas nyon mongs pa ma mchis pa'o/ /bcom ldan 'das kyis bka' stsal pa/ shin tu kun nas nyon mongs pa med pa'i phyir ro/ /shA ri'i bus gsol pa/ bcom ldan 'das gang la kun nas nyon mongs pa ma mchis pa'i rnam par dag pa lags/bcom ldan 'das kyis bka' stsal pa/ gzugs rang bzhin gyis kun nas nyon mongs pa med pa'i phyir rnam par dag pa'o/ /tshor ba dang / 'du shes dang / 'du byed rnams dang / rnam par shes pa rang bzhin gyis kun nas nyon mongs pa med pa'i phyir rnam par dag pa'o//de bzhin du rnam pa thams cad mkhyen pa nyid kyi bar du rang bzhin gyis kun nas nyon mongs pa med pa'i phyir rnam par dag pa'o zhes bya ba ni lam chen po'i chung ngu yin no/ / gsol pa/ bcom ldan 'das rnam par dag pa ni thob pa dang / mngon par rtogs pa ma mchis pa'o/ /bcom ldan 'das kyis bka' stsal pa/ shA ri'i bu shin tu thob pa dang / mngon par rtogs pa med pa'i phyir ro/ /shA ri'i bus gsol pa/ bcom ldan 'das gang la thob pa ma mchis pa dang / mngon par rtogs pa ma mchis pa rnam par dag pa lags/bcom ldan 'das kyis bka' stsal pa/ gzugs thob pa med pa dang / mngon par rtogs pa med pa ni rnam par dag pa'o/ /tshor ba dang / 'du shes dang / 'du byed rnams dang / rnam par shes pa thob pa med pa dang / mngon par rtogs pa med pa ni rnam par dag pa'o/ /de bzhin du rnam pa thams cad mkhyen pa nyid kyi bar du thob pa med pa dang /mngon par rtogs pa med pa ni rnam par dag pa'o zhes bya ba ni lam chen po'i 'bring yin no/ / shA ri'i bus gsol pa/ bcom ldan 'das rnam par dag pa ni mngon par ma grub pa'o/ /bcom ldan 'das kyis bka' stsal pa/ shA ri'i bu shin tu mngon par ma grub pa'i phyir ro/ /shA ri'i bus gsol pa/ bcom ldan 'das gang mngon par ma grub pa rnam par dag pa lags/ bcom ldan 'das kyis bka' stsal pa/ shA ri'i bu gzugs mngon par ma grub pa ni rnam par dag pa'o/ /tshor ba dang / 'du shes dang /'du byed rnams dang / rnam par shes pa mngon par ma grub pa ni rnam par dag pa'o/ /de bzhin du rnam pa thams cad mkhyen pa nyid kyi bar du mngon par ma grub pa ni rnam par dag pa'o zhes bya ba ni lam chen po'i chen po yin no/ / shA ri'i bus gsol pa/ bcom ldan 'das rnam par dag pa ni 'dod pa'i khams su skye ba ma lags so//bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pas 'dod pa'i khams su skye ba ma lags/ bcom ldan 'das kyis bka' stsal pa/shA ri'i bu 'dod pa'i khams rang bzhin gyis mi skye ba'i phyir rnam par dag pa mi skye ba'o/ /shA ri'i bus gsol pa/ bcom ldan 'das rnam par dag pa ni gzugs kyi khams su skye ba ma lags so/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro//shA ri'i bus gsol pa/ bcom ldan 'das ji ltar na rnam par dag pa gzugs kyi khams su skye ba ma lags so/ /bcom ldan 'das kyis bka' stsal pa/ shA ri'i bu gzugs kyi khams rang bzhin gyis mi skye ba'i phyir rnam par dag pa mi skye ba'o/ /shA ri'i bus gsol pa/bcom ldan 'das rnam par dag pa ni gzugs med pa'i khams su skye ba ma lags so / /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pa gzugs med pa'i khams su skye ba ma lags/bcom ldan 'das kyis bka' stsal pa/ shA ri'i bu gzugs med pa'i khams rang bzhin gyis mi skye ba'i phyir rnam par dag pa mi skye ba'o zhes bya ba ni khams gsum pa'i gnyen po'i bsgom pa'i lam yin no/ / shA ri'i bus gsol pa/ bcom ldan 'das rnam par dag pa ni 'tshal ba ma mchis pa'o//bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pa 'tshal ba ma mchis pa lags/ bcom ldan 'das kyis bka' stsal pa/shA ri'i bu chos rnams bems po yin pa'i phyir rnam par dag pa la shes pa med pa'o / /shA ri'i bus gsol pa/ bcom ldan 'das rnam par dag pas gzugs ma 'tshal to/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/bcom ldan 'das ji ltar na rnam par dag pas gzugs ma 'tshal ba lags/ bcom ldan 'das kyis bka' stsal pa/ shA ri'i bu rang gi mtshan nyid stong pa nyid kyi phyir rnam par dag pas gzugs mi shes so/ /shA ri'i bus gsol pa/ bcom ldan 'das rnam par dag pas tshor ba dang /'du shes dang / 'du byed rnams dang / rnam par shes pa ni 'tshal ba ma mchis pa'o/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das ji ltar rnam par dag pas/ tshor ba dang / 'du shes dang / 'du byed rnams dang / rnam par shes pa ma 'tshal ba lags/ bcom ldan 'das kyis bka' stsal pa/ shA ri'i bu rang gi mtshan nyid stong pa nyid kyi phyir rnam par dag pas tshor ba dang / 'du shes dang / 'du byed rnams dang / rnam par shes pa mi shes so/ /shA ri'i bus gsol pa/bcom ldan 'das rnam par dag pas chos thams cad ma 'tshal to/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das ji ltar na rnam par dag pas chos thams cad ma 'tshal ba lags/ bcom ldan 'das kyis bka' stsal pa/ shA ri'i bu chos thams cad mi dmigs pa'i phyir chos thams cad mi shes so zhes bya ba ni shes pa dang shes bya ma nyams pa nyid kyi lam yin no/ / shA ri'i bus gsol pa/ bcom ldan 'das shes rab kyi pha rol tu phyin pa ni rnam pa thams cad mkhyen pa nyid la smad par mi bgyid/gnod par mi bgyid do/ /bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /gsol pa/ bcom ldan 'das ji ltar na shes rab kyi pha rol tu phyin pa rnam pa thams cad mkhyen pa nyid la smad par mi bgyid/ gnod par mi bgyid pa lags/bcom ldan 'das kyis bka' stsal pa/ shA ri'i bu chos gnas pa nyid kyi phyir shes rab kyi pha rol tu phyin pa rnam pa thams cad mkhyen pa nyid la phan par mi byed/ gnod par mi byed do/ /shA ri'i bus gsol pa/ bcom ldan 'das shes rab kyi pha rol tu phyin pa rnam par dag pa ni chos 'ga' yang yongs su 'dzin par mi bgyid pa lags so/bcom ldan 'das kyis bka' stsal pa/ shA ri'i bu shin tu rnam par dag pa'i phyir ro/ /shA ri'i bus gsol pa/ bcom ldan 'das ji ltar na shes rab kyi pha rol tu phyin pa rnam par dag pa chos 'ga' yang yongs su 'dzin par mi bgyid pa lags/bcom ldan 'das kyis bka' stsal pa/ shA ri'i bu chos kyi dbyings yongs su gzung ba med pa'i phyir ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das bdag rnam par dag pa'i slad du gzugs rnam par dag pa'o//bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas gzugs rnam par dag pa lags/ bcom ldan 'das kyis bka' stsal pa/ rab 'byor bdag med pa'i phyir gzugs med pa ni shin tu rnam par dag pa'o/ /rab 'byor gyis gsol pa/ bcom ldan 'das bdag rnam par dag pa'i slad du tshor ba dang / 'du shes dang / 'du byed rnams dang / rnam par shes pa rnam par dag pa'o/ /bcom ldan 'das kyis bka' stsal pa/rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas/ tshor ba dang / 'du shes dang / 'du byed rnams dang / rnam par shes pa rnam par dag pa lags/ bcom ldan 'das kyis bka' stsal pa/ rab 'byor bdag med pa'i phyir/ tshor ba dang / 'du shes dang / 'du byed rnams dang / rnam par shes pa med pa ni shin tu rnam par dag pa'o/ /rab 'byor gyis gsol pa/ bcom ldan 'das bdag rnam par dag pa'i slad du sbyin pa'i pha rol tu phyin pa rnam par dag pa'o//bcom ldan 'das de bzhin du bdag rnam par dag pa'i slad du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa rnam par dag pa'o/ / bcom ldan 'das bdag rnam par dag pa'i slad du dran pa nye bar gzhag pa rnam par dag pa'o/ /bcom ldan 'das de bzhin du bdag rnam par dag pa'i slad du yang dag par spong ba dang / rdzu 'phrul gyi rkang pa dang / dbang po dang / stobs bcu dang / byang chub kyi yan lag dang / lam rnam par dag pa'o/ /bcom ldan 'das bdag rnam par dag pa'i slad du 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnam par dag pa'o/ /bcom ldan 'das bdag rnam par dag pa'i slad du stong pa nyid dang / mtshan ma med pa dang / smon pa med pa rnam par dag pa'o/ /bcom ldan 'das bdag rnam par dag pa'i slad du rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnam par dag pa'o/ /bcom ldan 'das bdag rnam par dag pa'i slad du nang stong pa nyid rnam par dag pa dang /dngos po med pa'i ngo bo nyid stong pa nyid kyi bar du rnam par dag pa'o/ /bcom ldan 'das bdag rnam par dag pa'i slad du ting nge 'dzin dang gzungs kyi sgo rnam par dag pa'o/ /bcom ldan 'das bdag rnam par dag pa'i slad du stobs bcu dang /mi 'jigs pa dang / so so yang dag par rig pa rnam par dag pa'o/ /bcom ldan 'das bdag rnam par dag pa'i slad du sangs rgyas kyi chos ma 'dres pa bco brgyad rnam par dag pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/bcom ldan 'das bdag rnam par dag pas chos thams cad rnam par dag pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas chos thams cad rnam par dag pa lags/bcom ldan 'das kyis bka' stsal pa/ rab 'byor bdag med pa'i phyir chos thams cad bdag med pa ni shin tu rnam par dag pa'o/ /rab 'byor gyis gsol pa/ bcom ldan 'das bdag rnam par dag pa'i slad du rgyun du zhugs pa'i 'bras bu rnam par dag pa'o//bcom ldan 'das de bzhin du bdag rnam par dag pa'i slad du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub rnam par dag pa'o/ /bcom ldan 'das kyis bka' stsal pa/ rang gi mtshan nyid stong pa nyid kyi phyir ro/ / rab 'byor gyis gsol pa/ bcom ldan 'das bdag rnam par dag pa'i slad du byang chub sems dpa' rnam par dag pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas byang chub sems dpa' rnam par dag pa lags/bcom ldan 'das kyis bka' stsal pa/ rang gi mtshan nyid stong pa nyid kyi phyir ro/ /rab 'byor gyis gsol pa/ bcom ldan 'das gnyis su ma mchis shing rnam par dag pa la ni thob pa ma mchis/ mngon par rtogs pa ma mchis pa lags so// bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas rnam pa thams cad mkhyen pa nyid rnam par dag pa lags/ bcom ldan 'das kyis bka' stsal pa/rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag rnam par dag pas rnam pa thams cad mkhyen pa nyid rnam par dag pa lags/ bcom ldan 'das kyis bka' stsal pa/ rang gi mtshan nyid stong pa nyid kyi phyir ro/ /rab 'byor gyis gsol pa/bcom ldan 'das gnyis su ma mchis shing rnam par dag pa la ni thob pa ma mchis/ mngon par rtogs pa ma mchis pa lags so/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du gnyis su ma mchis shing rnam par dag pa la thob pa ma mchis mngon par rtogs pa ma mchis pa lags/ bcom ldan 'das kyis bka' stsal pa/ kun nas nyon mongs pa med pa dang / rnam par byang ba med pa'i chos nyid kyi phyir ro/ /rab 'byor gyis gsol pa/ bcom ldan 'das bdag kun tu mtha' yas pa'i slad du gzugs kun tu mtha' yas pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag kun tu mtha' yas pas/ gzugs kun tu mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /rab 'byor gyis gsol pa/ bcom ldan 'das bdag kun tu mtha' yas pa'i slad du tshor ba dang /'du shes dang / 'du byed rnams dang / rnam par shes pa kun tu mthas yas pa'o/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du bdag kun tu mtha' yas pas tshor ba dang /'du shes dang / 'du byed rnams dang / rnam par shes pa kun tu mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /rab 'byor gyis gsol pa/bcom ldan 'das de lta bu ni byang chub sems dpa' sems dpa' chen po'i shes rab kyi pha rol tu phyin pa lags so/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du de lta bu byang chub sems dpa' sems dpa' chen po'i shes rab kyi pha rol tu phyin pa lags/bcom ldan 'das kyis bka' stsal pa/ lam gyi rnam pa shes pa nyid kyi phyir/ rab 'byor 'di ni byang chub sems dpa' sems dpa' chen po rnams kyi shes rab kyi pha rol tu phyin pa yin no zhes bya ba ni lam gyi klan ka yongs su spangs pa yin no//'di dag ni shin tu rnam par dag pa'i bsgom pa'i lam yin te/ de ltar lam shes pa nyid gsungs pa yin no/ / 'phags pa bcom ldan 'das ma shes rab kyi pha rol tu phyin pa stong phrag nyi shu lnga pa mngon par rtogs pa'i rgyan gyi rjes su 'brangs nas dag par gtugs pa las/lam shes pa'i dbang du mdzad pa mtha' gnyis rnam par dag pa'i le'u ste gnyis pa'o// //rab 'byor gyis gsol pa/ bcom ldan 'das byang chub sems dpa' sems dpa' chen po rnams kyi shes rab kyi pha rol tu phyin pa ni tshu rol gyi mtha' ma lags/pha rol gyi mtha' ma lags/ gnyis ka'i bar na mi dmigs pa lags so/ /bcom ldan 'das kyis bka' stsal pa/ rab 'byor shin tu rnam par dag pa'i phyir ro/ /rab 'byor gyis gsol pa/ bcom ldan 'das ci'i slad du byang chub sems dpa' sems dpa' chen po rnams kyi shes rab kyi pha rol tu phyin pa tshu rol gyi mtha' ma lags/pha rol gyi mtha' ma lags/ gnyis ka'i bar na mi dmigs te shin tu rnam par dag pa'i phyir lags/ bcom ldan 'das kyis bka' stsal pa/ rab 'byor dus gsum gyi chos thams cad mnyam pa nyid kyi phyir ro zhes bya ba ni 'khor ba dang mya ngan las 'das pa la mi gnas pa yin no// rab 'byor gyis gsol pa/ bcom ldan 'das gal te theg pa chen po pa'i rigs kyi bu'am/ rigs kyi bu mo thabs mi mkhas pas shes rab kyi pha rol tu phyin pa 'di la dmigs pa'i tshul du shes par bgyid na shes rab kyi pha rol tu phyin pa 'di 'dor bar 'gyur/ring du bgyid do/ /bcom ldan 'das kyis bka' stsal pa/ rab 'byor legs so legs so/ /de de bzhin te/ rab 'byor ming las kyang chags so/ /mtshan ma las kyang chags so/ /de ci'i phyir zhe na/ rab 'byor chos thams cad ni mtshan ma med pa ming med pa'o//rab 'byor gyis gsol pa/ bcom ldan 'das ji ltar na ming las kyang chags/ mtshan ma las kyang chags pa lags/ bcom ldan 'das kyis bka' stsal pa/ rab 'byor 'di la theg pa chen po pa'i rigs kyi bu'am/ rigs kyi bu mo shes rab kyi pha rol tu phyin pa ming dang / mtshan ma las kyang 'dzin par 'gyur zhing ming dang mtshan mar 'dzin pas shes rab kyi pha rol tu phyin pa 'dor bar 'gyur ring du byed par 'gyur te/ des shes rab kyi pha rol tu phyin pas rlom sems su byed pas shes rab kyi pha rol tu phyin pa 'dor bar 'gyur/ring du byed par 'gyur ro zhes bya ba ni thabs ma yin pas ring ba yin no/ / rab 'byor gyis gsol pa/ bcom ldan 'das byang chub sems dpa' sems dpa' chen po rnams chags pa dang / ma chags pa ma mchis par shes rab kyi pha rol tu phyin pa 'di legs par bshad pa dang /legs par mthar phyung ba'i bar ni ngo mtshar che'o zhes bya ba ni thabs kyis mi ring ba yin no/ / de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po rnams shes rab kyi pha rol tu phyin pa la spyod pa'i tshe chags pa dang bcas pa ni gang yin/ma chags pa ni gang yin/ rab 'byor gyis smras pa/ tshe dang ldan pa shA ri'i bu 'di la byang chub sems dpa'i theg pa pa'i rigs kyi bu'am/ rigs kyi bu mo thabs mi mkhas pas gzugs stong zhes bya bar 'du shes na chags pa'o//tshor ba dang / 'du shes dang / 'du byed rnams dang / rnam par shes pa stong zhes bya bar 'du shes na chags pa'o/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba stong zhes bya bar 'du shes na chags pa'o/ / sbyin pa'i pha rol tu phyin pa stong zhes bya bar 'du shes na chags pa'o/ /tshul khrims kyi pha rol tu phyin pa stong zhes bya bar 'du shes na chags pa'o/ /bzod pa'i pha rol tu phyin pa stong zhes bya bar 'du shes na chags pa'o/ /brtson 'grus kyi pha rol tu phyin pa stong zhes bya bar 'du shes na chags pa'o//bsam gtan gyi pha rol tu phyin pa stong zhes bya bar 'du shes na chags pa'o/ /shes rab kyi pha rol tu phyin pa stong zhes bya bar 'du shes na chags pa'o/ /de bzhin du dran pa nye bar gzhag pa rnams stong zhes bya bar 'du shes na chags pa'o/ /yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / lam rnams stong zhes bya bar 'du shes na chags pa'o/ /'phags pa'i bden pa rnams stong zhes bya bar 'du shes na chags pa'o/ /tshad med pa dang / bsam gtan dang / gzugs med pa'i snyoms par 'jug pa rnams stong zhes bya bar 'du shes na chags pa'o//rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa stong zhes bya bar 'du shes na chags pa'o/ /de bzhin du mngon par shes pa rnams dang /ting nge 'dzin thams cad dang / gzungs kyi sgo thams cad stong zhes bya bar 'du shes na chags pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi stong zhes bya bar 'du shes na chags pa'o/ /sangs rgyas kyi chos ma 'dres pa bco brgyad stong zhes bya bar 'du shes na chags pa'o//rnam pa thams cad mkhyen pa nyid kyi bar du stong zhes bya bar 'du shes na chags pa'o/ / tshe dang ldan pa shA ri'i bu gzhan yang byang chub sems dpa' sems dpa' chen po thabs mi mkhas pas 'das pa'i chos rnams la 'das pa'i chos zhes bya bar 'du shes na chags pa'o//ma 'ongs pa'i chos rnams la ma 'ongs pa'i chos zhes bya bar 'du shes na chags pa'o/ /da ltar byung ba'i chos rnams la da ltar byung ba'i chos zhes bya bar 'du shes na chags pa'o/ /tshe dang ldan pa shA ri'i bu gzhan yang byang chub sems dpa' sems dpa' chen po dmigs pa'i tshul gyis sems dang po bskyed pa nas nye bar bzung nas sbyin pa'i pha rol tu phyin pa la spyod na chags pa'o//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la spyod na chags pa'o/ /dran pa nye bar gzhag pa rnams la spyod na chags pa'o/ /yang dag par spong pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam la spyod na chags pa'o/ /de bzhin du tshad med pa dang / bsam gtan dang / gzugs med pa'i snyoms par 'jug pa rnams la spyod na chags pa'o/ /'phags pa'i bden pa dang / stong pa nyid dang / mtshan ma med pa dang / smon pa med pa dang / rnam par thar pa brgyad dang /mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin thams cad dang / gzungs kyi sgo thams cad la spyod na chags pa'o/ /stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad la spyod na chags pa'o//rnam pa thams cad mkhyen pa nyid kyi bar la spyod na chags pa'o zhes bya ba ni mi mthun pa'i phyogs yin no/ / tshe dang ldan pa shA ri'i bu gang yang 'di skad du byang chub sems dpa' sems dpa' chen po rnams shes rab kyi pha rol tu phyin pa la spyod pa'i tshe/ma chags pa ni gang yin zhes zer ba ni tshe dang ldan pa shA ri'i bu 'di la byang chub sems dpa' sems dpa' chen po thabs mkhas pas shes rab kyi pha rol tu phyin pa la spyod pa'i tshe/ 'di snyam du gzugs la gzugs zhes bya bar 'du shes pa med do/ /de bzhin du tshor ba dang / 'du shes dang /'du byed rnams dang / rnam par shes pa la rnam par shes pa zhes bya bar 'du shes pa med do/ /'das pa'i chos rnams la 'das pa'i chos zhes bya bar 'du shes pa med do/ /ma 'ongs pa'i chos rnams la ma 'ongs pa'i chos zhes bya bar 'du shes pa med do/ /da ltar byung ba'i chos rnams la da ltar byung ba'i chos zhes bya bar 'du shes pa med do//shA ri'i bu byang chub sems dpa' sems dpa' chen po thabs mkhas pas shes rab kyi pha rol tu phyin pa la spyod pa'i tshe/ 'di snyam du bdag gis sbyin pa zhig sbyin no/ /'di la sbyin pa zhig sbyin no/ /sbyin pa ni 'di lta bu zhig sbyin no zhe'am/bdag gis tshul khrims bsrung ngo / /tshul khrims ni 'di lta bu zhig bsrung ngo / /'di rnams la tshul khrims bsrung ngo zhe'am/ bdag gis bzod pa zhig bsgom mo/ /bzod pa ni 'di lta bu zhig bsgom mo/ /'di rnams la bzod pa bsgom mo zhe'am/ /bdag gis brtson 'grus shig brtsam mo//brtson 'grus ni 'di lta bu zhig brtsam mo/ /'di rnams kyi don du brtson 'grus brtsam mo zhe'am/ bdag gis bsam gtan zhig la mnyam par gzhag go/ /bsam gtan ni 'di lta bu zhig la mnyam par gzhag go/ /'di ltar bsam gtan la mnyam par gzhag go zhe'am/ bdag gis shes rab cig bsgom mo/ /shes rab ni 'di lta bu zhig bsgom mo/ /'di rnams la shes rab bsgom mo zhe'am/ bdag gis bsod nams shig bskyed do/ /bsod nams 'di lta bu zhig bskyed do/ /bsod nams 'di tsam zhig bskyed do zhe'am/ bdag gis ni byang chub sems dpa'i skyon med par chud par bya'o zhe'am/bdag gis ni sangs rgyas kyi zhing yongs su dag par bya'o zhe'am/ bdag gis ni sems can yongs su smin par bya'o zhe'am/ bdag gis ni rnam pa thams cad mkhyen pa nyid thob par bya'o snyam du sems pa med do/ /tshe dang ldan pa shA ri'i bu byang chub sems dpa' sems dpa' chen po rnams thabs mkhas pas shes rab kyi pha rol tu phyin pa la spyod pa'i tshe/rnam par rtog pa de lta bu thams cad mi 'byung ngo / /de ci'i phyir zhe na/ nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyi phyir ro//tshe dang ldan pa shA ri'i bu de dag ni byang chub sems dpa' sems dpa' chen po'i thabs mkhas pas ni shes rab kyi pha rol tu phyin pa la spyod pa'i tshe/ ma chags pa'o zhes bya ba ni gnyen po'i phyogs yin no/ / de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so//btsun pa rab 'byor rnam grangs gang gis byang chub sems dpa' sems dpa' chen po rnams kyi chags par 'gyur ba yin/ rab 'byor gyis smras pa/ kau shi ka 'di la byang chub sems dpa' sems su 'du shes pa dang / sbyin par 'du shes pa dang /de bzhin du tshul khrims dang / bzod pa dang / brtson 'grus dang / bsam gtan dang / shes rab tu 'du shes pa dang / nang stong pa nyid du 'du shes pa dang / phyi stong pa nyid du 'du shes pa dang / phyi nang stong pa nyid du 'du shes pa dang / dngos po med pa'i ngo bo nyid stong pa nyid kyi bar du 'du shes pa dang /de bzhin du byang chub kyi phyogs kyi chos sum cu rtsa bdun dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnams dang / ting nge 'dzin dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad du 'du shes pa dang / sangs rgyas bcom ldan 'das su 'du shes pa dang / sangs rgyas la bskyed pa'i dge ba'i rtsa ba dag tu 'du shes nas dge ba de dag mngon par bsdus te gcig tu bsdoms shing gzhal nas bla na med pa yang dag par rdzogs pa'i byang chub tu yongs su sngo bar byed pa 'di ni/kau shi ka byang chub sems dpa' sems dpa' chen po rnams kyi chags pa ste/ gang gis chags pa med pa'i shes rab kyi pha rol tu phyin pa la spyod par mi nus so//de ci'i phyir zhe na/ kau shi ka gzugs kyi rang bzhin yongs su bsngo bar mi nus pa'i phyir ro/ /tshor ba dang / 'du shes dang / 'du byed rnams dang / rnam par shes pa'i rang bzhin yongs su bsngo bar mi nus pa'i phyir ro/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel par 'byung ba'i rang bzhin yongs su bsngo bar mi nus pa'i phyir ro/ /de bzhin du pha rol tu phyin pa rnams dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang /bsam gtan rnams dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang /gzungs kyi sgo rnams dang / stong pa nyid thams cad dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi rang bzhin yongs su bsngo bar mi nus pa'i phyir ro/ /kau shi ka rnam pa thams cad mkhyen pa nyid kyi rang bzhin yongs su bsngo bar mi nus pa'i phyir ro zhes bya ba ni mi mthun pa'i phyogs yin no// kau shi ka gzhan yang byang chub sems dpa' sems dpa' chen pos gzhan bla na med pa yang dag par rdzogs pa'i byang chub tu yang dag par bstan par 'dod pa dang /len du gzhug par 'dod pa dang / gzengs bstod par 'dod pa dang / yang dag par rab tu dga' bar bya bar 'dod pas yang dag pa ji lta ba bzhin du rjes su song ba'i yid kyis gzhan la yang dag par bstan par bya'o/ /len du gzhug par bya'o/ /gzengs bstod par bya'o/ /yang dag par rab tu dga' bar bya'o//ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bdag ni sbyin pa gtong ba'o/ /bdag ni tshul khrims bsrung ba'o/ /bdag ni bzod pa bsgom pa'o/ /bdag ni brtson 'grus brtsam pa'o/ /bdag ni bsam gtan la snyoms par 'jug pa'o//bdag ni shes rab bsgom pa'o/ /bdag ni nang stong pa nyid la spyod do / /bdag ni phyi stong pa nyid la spyod do/ /bdag ni phyi nang stong pa nyid la spyod do/ /bdag ni dngos po med pa'i ngo bo nyid stong pa nyid kyi bar la spyod do/ /bdag ni byang chub kyi phyogs kyi chos sum cu rtsa bdun bsgom pa'o//bdag ni 'phags pa'i bden pa rnams bsgom pa'o/ /bdag ni tshad med pa dang / bsam gtan dang / gzugs med pa'i snyoms par 'jug pa rnams la snyoms par 'jug go/ /bdag ni stong pa nyid dang / mtshan ma med pa dang / smon pa med pa bsgom pa'o/ / bdag ni rnam par thar pa brgyad bsgom pa'o/ /bdag ni mthar gyis gnas pa'i snyoms par 'jug pa dgu la snyoms par 'jug go/ /bdag ni mngon par shes pa rnams len no/ /bdag ni ting nge 'dzin rnams la snyoms par 'jug go/ /bdag ni gzungs kyi sgo rnams la snyoms par 'jug go/ /bdag ni stobs bcu dang /mi 'jigs pa dang / so so yang dag par rig pa dang / sangs rgyas kyi chos ma 'dres pa rnams bsgom mo/ / bdag ni byang chub la spyod do zhes bya bar rnam par rtog par mi 'gyur ba de ltar byang chub sems dpa' sems dpa' chen pos gzhan la yang dag par bstan par bya/len du gzhug par bya/ gzengs bstod par bya/ yang dag par rab tu dga' bar bya ste/ bdag nyid kyang rma 'byung bar mi 'gyur zhing gzhan yang sangs rgyas kyis gnang ba'i len du gzhug pas len du gzhug par bya/ yang dag par rab tu dga' bar bya'o/ /kau shi ka de ltar byang chub sems dpa' sems dpa' chen po bla na med pa yang dag par rdzogs pa'i byang chub tu yang dag par bstan par bya'o//len du gzhug par bya'o/ /gzengs bstod par bya'o/ /yang dag par rab tu dga' bar bya'o/ /de ltar na rigs kyi bu'am/ rigs kyi bu mo des chags pa'i mtha' thams cad yongs su spong bar 'gyur ba yin no zhes bya ba ni gnyen po'i phyogs yin no// de nas bcom ldan 'das kyis tshe dang ldan pa rab 'byor la bka' stsal pa/ rab 'byor byang chub sems dpa' sems dpa' chen po rnams la chags pa'i mtha' 'di dag mdor bstan pa legs so legs so/ /rab 'byor de bas na nga chags pa'i mtha' phra ba ngas rgyas par bstan par byas/de shin tu legs par nyon la yid la zung shig dang bstan par bya'o/ /bcom ldan 'das de ltar bgyi'o zhes nas tshe dang ldan pa rab 'byor bcom ldan 'das la phyir nyan to/ /bcom ldan 'das kyis 'di skad ces bka' stsal to/ /rab 'byor 'di ltar rigs kyi bu'am/rigs kyi bu mo gang bla na med pa yang dag par rdzogs pa'i byang chub tu yang dag par zhugs pa de bzhin gshegs pa mtshan mar yid la byed na/ rab 'byor ji tsam du mtshan mar gyur pa de tsam du chags pa'o/ /gang yang de bzhin gshegs pa de dag gis thugs dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas kyi bar dang /phung po lhag ma med pa'i mya ngan las 'das pa'i bar dang / dam pa'i chos gnas kyi bar gyi dge ba'i rtsa ba gang ji snyed pa de dag thams cad mtshan mar yid la byed cing yid la byas nas bla na med pa yang dag par rdzogs pa'i byang chub tu yongs su bsngo na/rab 'byor ji tsam du mtshan mar yid la byed pa de tsam du chags pa'o/ /gang yang de bzhin gshegs pa chags pa thams cad dang bral ba dang / chags pa thams cad dang bral ba'i dge ba'i rtsa ba de dag dang / de ma yin pa'i sems can gzhan rnams kyi dge ba'i rtsa ba gang ji snyed pa de dag thams cad mtshan mar yid la byed cing yid la byas nas bla na med pa yang dag par rdzogs pa'i byang chub tu yongs su bsngo na/rab 'byor ji tsam du mtshan mar yid la byed pa de tsam du chags pa'o/ /de ci'i phyir zhe na/ rab 'byor de bzhin gshegs pa ni mtshan mar yid la byar med pa'i phyir ro//de rnams sam gzhan rnams kyi dge ba'i rtsa ba yang mtshan mar yid la byar med pa'i phyir ro zhes bya ba ni chags pa phra mo yin no/ / de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni zab po//bcom ldan 'das kyis bka' stsal pa/ rab 'byor chos thams cad rang bzhin gyis dben pa'i phyir ro/ /rab 'byor gyis gsol pa/ bcom ldan 'das shes rab kyi pha rol tu phyin pa la phyag 'tshal lo/ /bcom ldan 'das kyis bka' stsal pa/rab 'byor de ni 'di ltar ma byas mngon par 'dus ma byas te/ de ni sus kyang mngon par 'tshang rgya bar bya bar mi nus so zhes bya ba ni chos zab mo nyid yin no/ / rab 'byor gyis gsol pa/ bcom ldan 'das chos thams cad ni mngon par rdzogs par byang chub par dka'o/ /bcom ldan 'das kyis bka' stsal pa/rab 'byor de ni 'di ltar chos kyi rang bzhin ni gnyis ma yin te/ rab 'byor chos kyi rang bzhin ni gcig tu zad do/ /chos kyi rang bzhin gang yin pa de ni rang bzhin ma yin no/ /gang rang bzhin ma yin pa de ni mngon par 'dus ma byas pa'o/ /rab 'byor de ltar na byang chub sems dpa' sems dpa' chen pos chos kyi rang bzhin gcig por rang bzhin ma yin par mngon par 'dus ma byas pa shes shing mthong na chags pa'i mtha' thams cad yongs su spangs pa yin no zhes bya ba ni chags pa thams cad spong ba yin no// rab 'byor gyis gsol pa/ bcom ldan 'das shes rab kyi pha rol tu phyin pa ni rtogs par dka' ba'o//bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa ni sus kyang ma mthong ma thos ma nges rnam par ma shes mngon par sangs rgyas so zhes bya ba ni rtogs par dka' ba yin no// rab 'byor gyis gsol pa/ bcom ldan 'das shes rab kyi pha rol tu phyin pa ni bsam gyis mi khyab pa'o / /bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa ni sus kyang rnam par ma shes te/ gzugs dang /tshor ba dang / 'du shes dang / 'du byed rnams dang / rnam par shes pas ma shes so/ /so so ba dang / bsdus pa'i phung po dang / khams dang / skye mched dang / rten cing 'brel bar 'byung bas ma shes so/ /rten cing 'brel bar 'byung ba'i yan lag dang / pha rol tu phyin pa rnams dang /byang chub kyi phyogs kyi chos rnams dang / tshad med pa dang / bsam gtan dang / gzugs med pa'i snyoms par 'jug pa rnams kyis mi shes so/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /smon pa med pa dang / mngon par shes pa rnams kyis ma shes so/ /stong pa nyid thams cad dang / ting nge 'dzin thams cad dang / gzungs kyi sgo thams cad kyis ma shes so/ /de bzhin gshegs pa'i stobs bcu dang / mi 'jigs pa dang / so so yang dag par rig pa rnams dang /sangs rgyas kyi chos ma 'dres pa bco brgyad kyis ma shes so/ /rab 'byor gyis gsol pa/ bcom ldan 'das shes rab kyi pha rol tu phyin pa ni bgyid pa po ma mchis pa'o/ /bcom ldan 'das kyis bka' stsal pa/ rab 'byor chos thams cad mi dmigs pa'i phyir shes rab kyi pha rol tu phyin pa ni byed pa po med pa'o zhes bya ba ni bsam gyis mi khyab pa yin no// 'di dag gis ni mi mthun pa'i phyogs dang gnyen po'i phyogs gsungs so/ / rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas ji ltar spyad par bgyi/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs la mi spyod na shes rab kyi pha rol tu phyin pa la spyod do/ /gal te tshor ba dang / 'du shes dang / 'du byed rnams dang /rnam par shes pa la mi spyod na shes rab kyi pha rol tu phyin pa la spyod do/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba la mi spyod na shes rab kyi pha rol tu phyin pa la spyod do/ /de bzhin du pha rol tu phyin pa thams cad dang /stong pa nyid thams cad dang / ting nge 'dzin thams cad dang / gzungs kyi sgo thams cad dang / dran pa nye bar gzhag pa rnams dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag rnams dang / 'phags pa'i lam yan lag brgyad pa rnams la mi spyod na shes rab kyi pha rol tu phyin pa la spyod do//'phags pa'i bden pa rnams la mi spyod na shes rab kyi pha rol tu phyin pa la spyod do/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /smon pa med pa rnams la mi spyod na shes rab kyi pha rol tu phyin pa la spyod do/ /de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad la mi spyod na shes rab kyi pha rol tu phyin pa la spyod do//rnam pa thams cad mkhyen pa nyid la mi spyod na shes rab kyi pha rol tu phyin pa la spyod do zhes bya ba ni gzugs la sogs pa'i sbyor ba yin no/ / gal te gzugs rtag ces bya ba'am mi rtag ces bya bar mi spyod na shes rab kyi pha rol tu phyin pa la spyod do/ /gzugs bde zhes bya ba'am/sdug bsngal zhes bya bar mi spyod na shes rab kyi pha rol tu phyin pa la spyod do/ /gzugs bdag ces bya ba'am/ bdag med ces bya bar mi spyod na shes rab kyi pha rol tu phyin pa la spyod do/ /gzugs sdug ces bya ba'am/ mi sdug ces bya bar mi spyod na shes rab kyi pha rol tu phyin pa la spyod do//tshor ba dang / 'du shes dang / 'du byed rnams dang / rnam par shes pa rtag ces bya ba'am/ mi rtag ces bya bar mi spyod na shes rab kyi pha rol tu phyin pa la spyod do/ /rnam par shes pa bde zhes bya ba'am/ sdug bsngal zhes bya bar mi spyod na shes rab kyi pha rol tu phyin pa la spyod do//rnam par shes pa bdag ces bya ba'am/ bdag med ces bya bar mi spyod na shes rab kyi pha rol tu phyin pa la spyod do/ /rnam par shes pa sdug ces bya ba'am/ mi sdug ces bya bar mi spyod na shes rab kyi pha rol tu phyin pa la spyod do/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang /tshad med pa dang / bsam gtan dang / gzugs med pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du rtag ces bya ba'am/ mi rtag ces bya bar mi spyod na shes rab kyi pha rol tu phyin pa la spyod do/ / rnam pa thams cad mkhyen pa nyid bde zhes bya ba'am / sdug bsngal zhes bya bar mi spyod na shes rab kyi pha rol tu phyin pa la spyod do/ /rnam pa thams cad mkhyen pa nyid bdag ces bya ba'am/ bdag med ces bya bar mi spyod na shes rab kyi pha rol tu phyin pa la spyod do/ /rnam pa thams cad mkhyen pa nyid sdug ces bya ba'am/mi sdug ces bya bar mi spyod na shes rab kyi pha rol tu phyin pa la spyod do/ /de ci'i phyir zhe na/ gang rtag pa'am mi rtag pa'am/ bde ba'am/ sdug bsngal ba'am/ bdag gam bdag med pa'am/ sdug pa'am mi sdug par 'gyur ba de bzhin du gzugs de ni med do/ / gang rtag pa'am mi rtag pa'am/ bde ba'am sdug bsngal ba'am/ bdag gam bdag med pa'am/ sdug pa'am mi sdug par 'gyur ba de bzhin du tshor ba dang / 'du shes dang / 'du byed rnams dang / rnam par shes pa de ni med do/ /de bzhin du gang rtag pa'am mi rtag pa'am/ bde ba'am sdug bsngal ba'am/bdag gam bdag med pa'am/ sdug pa'am mi sdug par 'gyur ba de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos dang / 'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar de ni med do zhes bya ba ni gzugs la sogs pa mi rtag pa la sogs pa'i sbyor ba yin no// //bam po sum cu dgu pa/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do//tshor ba dang / 'du shes dang / 'du byed rnams dang / rnam par shes pa yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do/ /de bzhin du pha rol tu phyin pa thams cad dang / stong pa nyid thams cad dang / ting nge 'dzin thams cad dang /gzungs kyi sgo thams cad yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do/ /de bzhin du dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang /stobs rnams dang / byang chub kyi yan lag rnams dang / lam rnams yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do/ /de bzhin du 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do//de bzhin du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do//rnam pa thams cad mkhyen pa nyid kyi bar du yongs su ma rdzogs pa dang rdzogs pa'o zhes bya bar mi spyod na shes rab kyi pha rol tu phyin pa la spyod do/ /de ci'i phyir zhe na/ gzugs yongs su ma rdzogs pa dang rdzogs pa gang yin pa de gzugs ma yin pa'i phyir ro zhes bya ba de ltar yang mi spyod na shes rab kyi pha rol tu phyin pa la spyod do//tshor ba dang / 'du shes dang / 'du byed rnams dang / rnam par shes pa yongs su ma rdzogs pa dang rdzogs pa gang yin pa de rnam par shes pa ma yin pa'i phyir ro zhes bya bar mi spyod na shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du yongs su ma rdzogs pa dang rdzogs pa gang yin pa de rnam pa thams cad mkhyen pa nyid ma yin pa'i phyir ro zhes bya ba de ltar yang mi spyod na shes rab kyi pha rol tu phyin pa la spyod do zhes bya ba ni gzugs la sogs pa ma rdzogs pa dang rdzogs pa'i sbyor ba yin no// de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de ltar byang chub sems dpa' sems dpa' chen po 'di rnams la chags pa dang ma chags pa legs par bstan pa ngo mtshar che'o/ /bcom ldan 'das kyis bka' stsal pa/ rab 'byor de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rnams la chags pa dang ma chags pa legs par bstan to/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do/ /tshor ba dang / 'du shes dang / 'du byed rnams dang / rnam par shes pa chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do//mig chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do/ /de bzhin du rna ba dang / sna dang / lce dang / lus dang / yid chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do//de bzhin du khams dang / skye mched dang / sbyin pa'i pha rol tu phyin pa chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do/ /de bzhin du tshul khrims dang / bzod pa dang / brtson 'grus dang / bsam gtan rnams dang / shes rab kyi pha rol tu phyin pa chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do/ /de bzhin du byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang /gzugs med pa'i snyoms par 'jug pa rnams chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do/ /stong pa nyid dang / mtshan ma med pa dang / smon pa med pa dang / mngon par shes pa rnams dang / stong pa nyid thams cad chags pa dang bcas pa dang /ma chags pa zhes bya bar mi spyod na shes rab kyi pha rol tu phyin pa la spyod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad rnams dang /ting nge 'dzin dang / gzungs kyi sgo thams cad dang / rnam pa thams cad mkhyen pa nyid chags pa dang bcas pa dang / ma chags pa zhes bya bar mi spyod na shes rab kyi pha rol tu phyin pa la spyod do/ /rab 'byor byang chub sems dpa' sems dpa' chen po de ltar spyod na gzugs chags pa dang bcas pa dang /ma chags pa zhes bya bar 'du shes pa med do/ /tshor ba dang / 'du shes dang / 'du byed rnams dang / rnam par shes pa chags pa dang bcas pa dang / ma chags pa zhes bya bar 'du shes pa med do/ /de bzhin du phung po dang / khams dang / skye mched dang / rten cing 'brel bar 'byung ba dang / pha rol tu phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /mngon par shes pa rnams dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams chags pa dang bcas pa dang /ma chags pa zhes bya bar 'du shes pa med do/ /rnam pa thams cad mkhyen pa nyid chags pa dang bcas pa dang / ma chags pa zhes bya bar 'du shes pa med do/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub dang / bla na med pa yang dag par rdzogs pa'i byang chub chags pa dang bcas pa dang / ma chags pa zhes bya bar 'du shes pa med do zhes bya ba ni gzugs la sogs pa la chags pa med pa'i sbyor ba yin no/ / de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das de ltar shes rab kyi pha rol tu phyin pa zab mo 'di bstan kyang yongs su mi 'grib ma bstan kyang yongs su mi 'grib/ bstan kyang yongs su mi 'phel/ ma bstan kyang yongs su mi 'phel ba ngo mtshar che'o/ /de skad ces gsol pa dang /bcom ldan 'das kyis tshe dang ldan pa rab 'byor la bka' stsal pa/ rab 'byor de de bzhin no/ /de de bzhin te/ shes rab kyi pha rol tu phyin pa zab mo 'di bstan kyang yongs su mi 'grib/ ma bstan kyang yongs su mi 'grib/ bstan kyang yongs su mi 'phel/ ma bstan kyang yongs su mi 'phel lo//rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas nam 'tsho'i bar du bzhugs shing nam mkha'i bsngags pa'am/ bsngags pa ma yin pa brjod kyang / nam mkha' la ni bsngags pa brjod pas yongs su 'phel ba med do//bsngags pa ma yin pa brjod pas yongs su 'grib pa med do/ /nam mkha' ni bsngags pa brjod kyang mi 'phel ba med do/ /bsngags pa ma yin pa brjod kyang mi 'grib pa med do zhes bya ba ni gzhan du mi 'gyur ba'i sbyor ba yin no/ / rab 'byor 'di lta ste dper na/ sgyu ma'i skyes bu ni bsngags pa brjod kyang 'phel ba med do//bsngags pa ma yin pa brjod kyang yongs su 'grib pa med do/ /bsngags pa brjod kyang chags par 'gyur ba med do/ /bsngags pa ma yin pa brjod kyang khong khro bar 'gyur ba med do/ /rab 'byor de bzhin du chos rnams kyi chos nyid gang yin pa de bstan kyang de bzhin/ma bstan kyang de bzhin no zhes bya ba ni byed pa po ma yin pa'i sbyor ba yin no/ / rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa bstan pa na sems zhum pa dang / g.yengs par mi 'gyur ba dang / shes rab kyi pha rol tu phyin pa 'dir brtson par byed cing bla na med pa yang dag par rdzogs pa'i byang chub las slar mi ldog pa na dka' ba bgyid pa'o/ /de ci'i slad du zhe na/ bcom ldan 'das 'di lta ste byang chub sems dpa' sems dpa' chen po rnams kyi shes rab kyi pha rol tu phyin pa bsgom pa 'di ni nam mkha' bsgom pa'i slad du ste/nam mkha' la ni shes rab kyi pha rol tu phyin par btags pa ma mchis so/ /bsam gtan gyi pha rol tu phyin par ma mchis so/ /brtson 'grus kyi pha rol tu phyin par ma mchis so/ /bzod pa'i pha rol tu phyin par ma mchis so//tshul khrims kyi pha rol tu phyin par ma mchis so/ /sbyin pa'i pha rol tu phyin par btags pa ma mchis so/ /nam mkha' la ni gzugs su btags pa ma mchis so/ /tshor bar ma mchis so/ /'du shes su ma mchis/ 'du byed rnams su ma mchis/nam mkha' la ni rnam par shes par btags pa ma mchis so/ /nam mkha' la ni nang stong pa nyid du btags pa ma mchis so/ /phyi stong pa nyid du btags pa ma mchis so/ /phyi nang stong pa nyid du btags pa ma mchis so/ /dngos po med pa'i ngo bo nyid stong pa nyid kyi bar du btags pa ma mchis so//nam mkha' la ni dran pa nye bar gzhag pa rnams su btags pa ma mchis so/ /nam mkha' la ni yang dag par spong pa rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams su btags pa ma mchis so/ /nam mkha' la ni 'phags pa'i bden pa rnams su btags pa ma mchis so/ /tshad med pa rnams dang / bsam gtan rnams dang / gzugs med pa'i snyoms par 'jug pa rnams su btags pa ma mchis so/ /nam mkha' la ni rnam par thar pa brgyad dang /mthar gyis gnas pa'i snyoms par 'jug pa dgur btags pa ma mchis so/ /nam mkha' la ni stong pa nyid dang / mtshan ma med pa dang / smon pa med pa dang / mngon par shes pa rnams su btags pa ma mchis so/ /nam mkha' la ni ting nge 'dzin rnams dang / gzungs kyi sgo rnams su btags pa ma mchis so/ /nam mkha' la ni zhi gnas dang lhag mthong du btags pa ma mchis so/ /nam mkha' la ni de bzhin gshegs pa'i stobs bcur btags pa ma mchis so/ /nam mkha' la ni mi 'jigs pa bzhi dang / so so yang dag par rig pa bzhir btags pa ma mchis so//nam mkha' la ni sangs rgyas kyi chos ma 'dres pa bco brgyad du btags pa ma mchis so/ /nam mkha' la ni rgyun du zhugs pa'i 'bras bur btags pa ma mchis so/ /nam mkha' la ni lan cig phyir 'ong ba'i 'bras bur btags pa ma mchis so/ /nam mkha' la ni lan cig phyir mi 'ong ba'i 'bras bur btags pa ma mchis so//nam mkha' la ni dgra bcom pa nyid du btags pa ma mchis so/ /nam mkha' la ni rang byang chub tu btags pa ma mchis so/ /nam mkha' la ni bla na med pa yang dag par rdzogs pa'i byang chub tu btags pa ma mchis so/ / rab 'byor gyis gsol pa/ bcom ldan 'das gang gis go cha 'di 'tshal ba'i byang chub sems dpa' sems dpa' chen po rnams la phyag 'tshal lo/ /bcom ldan 'das gang gis go cha 'di bgos pa de dag ni nam mkha'i don du sbyor bar 'tshal/ bskul bar 'tshal/ khyab par 'tshal ba dag ste/bcom ldan 'das gang gis sems can rnams kyi slad du go cha bgos pa de dag ni nam mkha' yongs su dgrol bar 'tshal lo/ /bcom ldan 'das sems can rnams kyi slad du go cha bgos pa de dag ni go cha chen po bgos pa lags te/ bcom ldan 'das byang chub sems dpa' sems dpa' chen po nam mkha' dang mnyam pa'i chos rnams kyi slad du go cha bgos pa'o zhes bya ba ni ched du bya ba dka' ba'i sbyor ba yin no// bcom ldan 'das sems can rnams kyi don du go cha 'chal ba de dag ni nam mkha' bar snang la ldeg par 'tshal ba'o zhes bya ba ni sbyor ba dka' ba nyid kyi sbyor ba yin no// bcom ldan 'das byang chub sems dpa' sems dpa' chen po gang sems can rnams kyi slad du bla na med pa yang dag par rdzogs pa'i byang chub 'tshal ba de dag ni brtson 'grus chen po thob pa'o/ /de ci'i slad du zhe na/ bcom ldan 'das gal te stong gsum gyi stong chen po'i 'jig rten gyi khams 'di/'di lta ste dper na/ 'dam bu'i tshal lam/ 'od ma'i tshal lam/ bu ram shing gi tshal lam/ 'bras kyi zhing ltar de bzhin gshegs pa rnams kyis yongs su gang bar gyur la de bzhin gshegs pa de dag gis kyang bskal pa'am/ bskal pa las lhag par chos bstan te/de bzhin gshegs pa re res sems can tshad ma mchis/ grangs ma mchis/ gzhal du ma mchis pa yongs su mya ngan las 'das kyang bcom ldan 'das sems can gyi khams la 'bri ba'am gang bar btags pa mi gda'o/ /de ci'i slad du zhe na/sems can ma mchis pa'i slad du dang / sems can dben pa'i slad du'o/ /de bzhin du phyogs bcu'i phyogs re re zhing yang 'jig rten gyi khams gang gA'i klung gi bye ma snyed dag 'di lta ste dper na/ 'dam bu'i tshal lam/ 'od ma'i tshal lam/ bu ram shing gi tshal lam/ 'bras kyi zhing ltar de bzhin gshegs pa rnams kyis yongs su gang bar gyur la de bzhin gshegs pa de dag gis kyang bskal pa'am/ bskal pa las lhag par chos bstan te/ de bzhin gshegs pa re res sems can tshad ma mchis pa grangs ma mchis pa/ gzhal du ma mchis pa yongs su mya ngan las 'das kyang sems can gyi khams la 'bri ba'am gang bar btags pa mi gda'o//de ci'i slad du zhe na/ sems can ma mchis pa'i slad du dang sems can dben pa'i slad du ste/ bcom ldan 'das rnam grangs des na sems can rnams kyi slad du bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni nam mkha' yongs su dgrol bar 'tshal ba lags zhes mchi'o zhes bya ba ni las bya dka' ba nyid kyi sbyor ba yin no// de nas dge slong gzhan zhig gis 'di snyam du gyur te/ gang la chos gang yang skye ba'am 'gag pa yang med la/tshul khrims kyi phung por gdags su yod/ ting nge 'dzin gyi phung por gdags su yod / shes rab kyi phung por gdags su yod/ rnam par grol ba'i phung por gdags su yod/ rnam par grol ba'i ye shes mthong ba'i phung por gdags su yod/ rgyun du zhugs pa'i 'bras bur gdags su yod/lan cig phyir 'ong ba'i 'bras bur gdags su yod/ phyir mi 'ong ba'i 'bras bur gdags su yod/ dgra bcom pa nyid du gdags su yod/ rang byang chub tu gdags su yod/ de bzhin gshegs pa dgra bcom pa yang dag par rdzogs pa'i sangs rgyas su gdags su yod/dkon mchog gsum du gdags su yod/ chos kyi 'khor lo bskor bar gdags su yod pa'i bcom ldan 'das ma shes rab kyi pha rol tu phyin pa la phyag 'tshal lo snyam pa dang zhes bya ba ni don yod pa'i sbyor ba yin no/ / de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so//btsun pa rab 'byor byang chub sems dpa' sems dpa' chen po gang shes rab kyi pha rol tu phyin pa zab mo 'di la brtson par byed pa zhig yod na de gang la brtson par byed pa yin/ rab 'byor gyis smras pa/ kau shi ka gang shes rab kyi pha rol tu phyin pa zab mo 'di la bslab par bya bar sems pa de dag ni nam mkha' la brtson pa'o//de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur ba de dag la bcom ldan 'das bdag gis bsrung ba dang / bskyab pa dang / sba ba ji lta bu zhig tu bgyi/ rab 'byor gyis smras pa/ kau shi ka gang khyod kyis gang la bsrung ba dang / bskyab pa dang / sba bar bya ba'i chos de lta bu yang dag par rjes su mthong ngam/brgya byin gyis smras pa/ btsun pa rab 'byor bdag gis gang la bsrung ba dang / bskyab pa dang / sba bar bya ba de lta bu'i chos yang dag par rjes su ma mthong ngo / /rab 'byor gyis smras pa/ kau shi ka gal te rigs kyi bu'am/ rigs kyi bu mo ji skad bstan pa'i shes rab kyi pha rol tu phyin pa la gnas na de nyid de'i bsrung ba dang /bskyab pa dang / sba bar 'gyur ro/ /gal te ji skad bstan pa'i shes rab kyi pha rol tu phyin pa dang bral bar gyur na de la mi'am mi ma yin pa glags tshol ba rnams kyis glags rnyed par 'gyur ro/ /kau shi ka byang chub sems dpa' sems dpa' chen po shes rab kyi pha rol tu phyin pa la spyod pa rnams la bsrung ba dang /bskyab pa dang / sba bar sems pa de dag ni nam mkha' la bsrung ba dang / bskyab pa dang / sba bar sems pa'o/ /kau shi ka de ji snyam du sems/ khyod kyis sgyu ma dang / smig rgyu dang / rmi lam dang / sgra brnyan dang / mig yor dang / gzugs brnyan dang / dri za'i grong khyer rnams la bsrung ba dang / bskyab pa dang / sba bar nus sam/ brgya byin gyis smras pa/ btsun pa rab 'byor de ni mi nus so/ /rab 'byor gyis smras pa/ kau shi ka de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams la bsrung ba dang /bskyab pa dang / sba bar gang sems pa de ni bsams pa ltar mi 'grub cing dub pa'i skal ba can du 'gyur ro/ /kau shi ka de ji snyam du sems/ khyod kyis de bzhin gshegs pa'am/ de bzhin gshegs pa'i sprul pa la bsrung ba dang / bskyab pa dang / sba bar nus sam/ brgya byin gyis smras pa/ btsun pa rab 'byor de ni mi nus so/ /rab 'byor gyis smras pa/ kau shi ka de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams la bsrung ba dang /bskyab pa dang / sba bar gang sems pa de ni bsams pa ltar mi 'grub cing dub pa'i skal ba can du 'gyur ro/ /kau shi ka de ji snyam du sems/ khyod kyis chos kyi dbyings dang / yang dag pa'i mtha' dang / de bzhin nyid dang / bsam gyis mi khyab pa'i dbyings la bsrung ba dang /bskyab pa dang / sba bar nus sam/ brgya byin gyis smras pa/ btsun pa rab 'byor de ni mi nus so/ /rab 'byor gyis smras pa/ kau shi ka de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams la bsrung ba dang / bskyab pa dang / sba bar gang sems pa de ni bsams pa ltar mi 'grub cing dub pa'i skal ba can du 'gyur ro zhes bya ba ni gzhan gyi rkyen gyis mi 'gro ba'i sbyor ba yin no// brgya byin gyis smras pa/ btsun pa rab 'byor ji tsam gyis na byang chub sems dpa' sems dpa' chen po shes rab kyi pha rol tu phyin pa la spyod na chos thams cad rmi lam lta bu dang /sgyu ma lta bu dang / smig rgyu lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang / sprul pa lta bur chos thams cad yongs su shes par 'gyur ba yin/ rab 'byor gyis smras pa/ gang gi tshe byang chub sems dpa' sems dpa' chen pos rmi lam rlom sems su mi byed/rmi lam gyis rlom sems su mi byed/ rmi lam la rlom sems su mi byed/ de bzhin du sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed pa de'i tshe/ byang chub sems dpa' sems dpa' chen pos chos thams cad sgyu ma lta bu dang /chos thams cad sprul pa lta bu'i bar du yongs su shes par 'gyur ba yin no zhes bya ba ni rnam pa bdun du snang ba'i shes pa'i sbyor ba yin te/ 'di dag gis ni sbyor ba gsungs so/ / kau shi ka gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs rlom sems su mi byed/ gzugs kyis rlom sems su mi byed/ gzugs bdag gi zhes rlom sems su mi byed/ gzugs la rlom sems su mi byed/ rmi lam rlom sems su mi byed/ rmi lam gyis rlom sems su mi byed/rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do//tshor ba dang / 'du shes dang / 'du byed rnams dang / rnam par shes pa rlom sems su mi byed/ rnam par shes pas rlom sems su mi byed/ rnam par shes pa bdag gi zhes rlom sems su mi byed/ rnam par shes pa la rlom sems su mi byed/ rmi lam rlom sems su mi byed/rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed/ sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed/de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba'i yan lag dang / pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun dang /'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang /mtshan ma med pa dang / smon pa med pa dang / mngon par shes pa rnams dang / stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar du rlom sems su mi byed/rnam pa thams cad mkhyen pa nyid kyis rlom sems su mi byed/ rnam pa thams cad mkhyen pa nyid bdag gi zhes rlom sems su mi byed/ rnam pa thams cad mkhyen pa nyid la rlom sems su mi byed/ rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/rmi lam la rlom sems su mi byed/ sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /zhes bya ba ni sbyor ba'i mnyam pa nyid yin no/ / de nas sangs rgyas kyi mthus stong gsum gyi stong chen po'i 'jig rten gyi khams 'di na rgyal chen bzhi'i ris kyi lha rnams dang / sum cu rtsa gsum pa rnams dang / 'thab bral pa rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams dang / tshangs 'khor ba rnams dang / tshangs pa'i mdun na 'don pa rnams dang / tshangs pa chen po rnams dang / gnas gtsang ma'i ris kyi bar gyi lha'i bu gang ji snyed cig yod pa de thams cad lha rdzas kyi tsan dan gyi phye mas bcom ldan 'das la mngon par 'thor zhing bcom ldan 'das gang na ba der dong ste lhags nas bcom ldan 'das kyi zhabs gnyis la spyi bos phyag 'tshal te/phyogs gcig tu 'khod do/ /de nas rgyal po chen po bzhi dang / brgya byin dang / tshangs pa dang / gnas gtsang ma'i ris kyi bar gyi lha'i bu rnams kyis sangs rgyas kyi mthus/ sangs rgyas stong yi ge 'di nyid dang /ming 'di nyid dang / rab 'byor zhes bya ba'i dge slong kho nas shes rab kyi pha rol tu phyin pa 'di nyid yongs su zhu ba byas shing ston par byed pa dang / lha rnams kyi dbang po brgya byin shes rab kyi pha rol tu phyin pa 'di nyid yongs su zhu bar byed cing chos ston par mdzad pa sems kyis mthong bar gyur to//de bzhin du shar phyogs dang / lho dang / nub dang / byang dang / steng dang / 'og gi phyogs rnams dang / mtshams rnams thams cad na sangs rgyas stong yi ge 'di nyid dang / ming 'di nyid dang / rab 'byor zhes bya ba'i dge slong kho nas shes rab kyi pha rol tu phyin pa 'di nyid zhu ba byas shing ston par byed pa dang /thams cad du lha rnams kyi dbang po brgya byin shes rab kyi pha rol tu phyin pa 'di nyid zhu bar byed cing chos ston par mdzad pa rnams sems kyis mthong bar gyur to/ /de nas bcom ldan 'das kyis tshe dang ldan pa rab 'byor la 'di skad ces bka' stsal to / / rab 'byor byang chub sems dpa' sems dpa' chen po byams pa yang sa'i phyogs 'di nyid du bla na med pa yang dag par rdzogs pa'i byang chub tu mngon par rdzogs par sangs rgyas te/ shes rab kyi pha rol tu phyin pa 'di nyid 'chad par 'gyur ro/ /gang yang bskal pa bzang po 'di la de bzhin gshegs pa dgra bcom pa yang dag par rdzogs pa'i sangs rgyas gang 'byung ba de dag kyang sa'i phyogs 'di nyid du bla na med pa yang dag par rdzogs pa'i byang chub tu mngon par rdzogs par sangs rgyas te/shes rab kyi pha rol tu phyin pa 'di nyid 'chad par 'gyur ro zhes bya ba ni mthong ba'i lam gyi skad cig ma bcu drug po dbang du gyur par shes par byed pa yin no// de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das rnam pa gang dag dang / rtags gang dag dang / mtshan ma gang dag gis byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas shes rab kyi pha rol tu phyin pa 'di nyid 'chad par 'gyur/bcom ldan 'das kyis bka' stsal pa/ rab 'byor 'dir byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas gzugs rtag ces bya ba'am mi rtag ces bya bar chos ston par mi 'gyur ro//de bzhin du bde zhes bya ba'am/ sdug bsngal zhes bya ba'am/ bdag ces bya ba'am/ bdag med ces bya ba'am/sdug ces bya ba'am/ mi sdug ces bya bar chos ston par mi 'gyur ro/ /gzugs bcings zhes bya ba'am grol zhes bya bar chos ston par mi 'gyur ro/ /de bzhin du tshor ba dang / 'du shes dang / 'du byed rnams dang / rnam par shes pa rtag ces bya ba'am/ mi rtag ces bya bar chos ston par mi 'gyur ro//de bzhin du bde zhes bya ba'am/ sdug bsngal zhes bya ba'am/ bdag ces bya ba'am/ bdag med ces bya ba'am/ sdug ces bya ba'am mi sdug ces bya bar chos ston par mi 'gyur ro/ /rnam par shes pa bcings zhes bya ba'am/ grol zhes bya bar chos ston par mi 'gyur ro//gzugs 'das zhes bya ba'am/ ma 'ongs pa zhes bya ba'am/ da ltar byung ba zhes bya bar chos ston par mi 'gyur ro/ /de bzhin du tshor ba dang / 'du shes dang / 'du byed rnams dang / rnam par shes pa 'das pa zhes bya ba'am/ ma 'ongs pa zhes bya ba'am/ da ltar byung ba zhes bya bar chos ston par mi 'gyur ro/ /de bzhin du so so ba dang / bsdus pa'i phung po dang / khams dang / skye mched dang / rten cing 'brel bar 'byung ba rnams dang / pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang /byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang /stong pa nyid dang / mtshan ma med pa dang / smon pa med pa rnams dang / mngon par shes pa rnams dang / stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du 'das pa zhes bya ba dang /ma 'ongs pa zhes bya ba dang / da ltar byung ba zhes bya bar chos ston par mi 'gyur ro zhes bya ba ni sdug bsngal la chos shes pa'i bzod pa yin no/ / de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas ji ltar chos ston par 'gyur/bcom ldan 'das kyis bka' stsal pa/ gzugs shin tu rnam par dag go zhes bya bar chos ston par 'gyur ro/ /tshor ba dang /'du shes dang / 'du byed rnams dang / rnam par shes pa shin tu rnam par dag go zhes bya bar chos ston par 'gyur ro/ /de bzhin du phung po dang / khams dang / skye mched dang / rten cing 'brel bar 'byung ba rnams dang / pha rol tu phyin pa rnams dang / stong pa nyid dang / byang chub kyi phyogs kyi chos rnams dang /'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / ting nge 'dzin rnams dang / gzungs kyi sgo rnams dang / rnam pa thams cad mkhyen pa nyid kyi bar du shin tu rnam par dag go zhes bya bar chos ston par 'gyur ro zhes bya ba ni sdug bsngal la chos shes pa yin no// rab 'byor gyis gsol pa/ bcom ldan 'das shes rab kyi pha rol tu phyin pa ni yongs su dag pa'o/ /bcom ldan 'das kyis bka' stsal pa/ rab 'byor gzugs yongs su dag pa'i phyir shes rab kyi pha rol tu phyin pa yongs su dag pa'o//tshor ba dang / 'du shes dang / 'du byed rnams dang / rnam par shes pa yongs su dag pa'i phyir shes rab kyi pha rol tu phyin pa yongs su dag pa'o/ /de bzhin du phung po dang / khams dang / skye mched dang /rten cing 'brel bar 'byung ba rnams dang / pha rol tu phyin pa rnams dang / stong pa nyid rnams dang / byang chub kyi phyogs kyi chos rnams dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / stobs bcu dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du yongs su dag pa'i phyir/ shes rab kyi pha rol tu phyin pa yongs su dag pa'o zhes bya ba ni sdug bsngal la rjes su shes pa'i bzod pa yin no/ / rab 'byor gyis gsol pa/ bcom ldan 'das ji ltar na gzugs yongs su dag pa'i slad du shes rab kyi pha rol tu phyin pa yongs su dag pa lags/ji ltar na tshor ba dang / 'du shes dang / 'du byed rnams dang / rnam par shes pa yongs su dag pa'i slad du shes rab kyi pha rol tu phyin pa yongs su dag pa lags/ de bzhin du phung po dang /khams dang / skye mched dang / rten cing 'brel bar 'byung ba rnams dang / pha rol tu phyin pa rnams dang / byang chub kyi phyogs kyi chos rnams dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / stobs bcu rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du yongs su dag pa'i slad du shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor gzugs kyi skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni gzugs yongs su dag pa'o/ /tshor ba dang / 'du shes dang / 'du byed rnams dang / rnam par shes pa'i skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni rnam par shes pa yongs su dag pa'o//de bzhin du phung po dang / khams dang / skye mched dang / rten cing 'brel bar 'byung ba'i yan lag rnams dang / pha rol tu phyin pa rnams dang / stong pa nyid rnams dang / ting nge 'dzin rnams dang / gzungs kyi sgo rnams dang / byang chub kyi phyogs kyi chos sum cu rtsa bdun rnams dang /tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / de bzhin gshegs pa'i stobs bcu rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bco brgyad kyi skye ba med pa dang / 'gag pa med pa dang / kun nas nyon mongs pa med pa dang /rnam par byang ba med pa ni sangs rgyas kyi chos ma 'dres pa bco brgyad yongs su dag pa'o/ /rnam pa thams cad mkhyen pa nyid kyi skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni rnam pa thams cad mkhyen pa nyid yongs su dag pa'o zhes bya ba ni sdug bsngal la rjes su shes pa yin no// rab 'byor gzhan yang nam mkha' yongs su dag pa'i phyir shes rab kyi pha rol tu phyin pa yongs su dag pa'o/ /rab 'byor gyis gsol pa/ bcom ldan 'das ji ltar na nam mkha' yongs su dag pa'i slad du shes rab kyi pha rol tu phyin pa yongs su dag pa lags/bcom ldan 'das kyis bka' stsal pa/ gzugs nas rnam pa thams cad mkhyen pa nyid kyi bar gyi nam mkha' ltar skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir shes rab kyi pha rol tu phyin pa yongs su dag pa'o zhes bya ba ni kun 'byung la chos shes pa'i bzod pa yin no// rab 'byor nam mkha' gos pa med pa'i phyir shes rab kyi pha rol tu phyin pa yongs su dag pa'o/ /rab 'byor gyis gsol pa/ bcom ldan 'das ji ltar na nam mkha' gos pa ma mchis pa'i slad du shes rab kyi pha rol tu phyin pa yongs su dag pa lags/bcom ldan 'das kyis bka' stsal pa/ nam mkha' la gzugs nas rnam pa thams cad mkhyen pa nyid kyi bar du gos ba med pa'i phyir shes rab kyi pha rol tu phyin pa yongs su dag pa'o zhes bya ba ni kun 'byung la chos shes pa yin no// rab 'byor gzhan yang nam mkha' gzung du med pa'i phyir shes rab kyi pha rol tu phyin pa yongs su dag pa'o/ /rab 'byor gyis gsol pa/ bcom ldan 'das ji ltar na nam mkha' gzung du ma mchis pa'i slad du shes rab kyi pha rol tu phyin pa yongs su dag pa lags/bcom ldan 'das kyis bka' stsal pa/ nam mkha' ltar gzugs nas rnam pa thams cad mkhyen pa nyid kyi bar du gzung du med pa'i phyir shes rab kyi pha rol tu phyin pa yongs su dag pa'o zhes bya ba ni kun 'byung la rjes su shes pa'i bzod pa yin no/ / gang rab 'byor nam mkha' la tha snyad med pa'i phyir shes rab kyi pha rol tu phyin pa yongs su dag pa'o//rab 'byor gyis gsol pa/ bcom ldan 'das ji ltar na nam mkha' la tha snyad ma mchis pa'i slad du shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor 'di lta ste dper na/nam mkha' la brag ca gnyis kyi sgra ji lta ba de bzhin du rab 'byor nam mkha' ltar gzugs nas rnam pa thams cad mkhyen pa nyid kyi bar du tha snyad med pa'i phyir shes rab kyi pha rol tu phyin pa yongs su dag pa'o zhes bya ba ni kun 'byung la rjes su shes pa yin no/ / gang rab 'byor nam mkha' brjod du med pa'i phyir shes rab kyi pha rol tu phyin pa yongs su dag pa'o//rab 'byor gyis gsol pa/ bcom ldan 'das ji ltar na nam mkha' brjod du ma mchis pa'i slad du shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' la ni gang yang brjod du med pa'o//rab 'byor de bzhin du gzugs nas rnam pa thams cad mkhyen pa nyid kyi bar du brjod du med pa'i phyir shes rab kyi pha rol tu phyin pa yongs su dag pa'o zhes bya ba ni 'gog pa la chos shes pa'i bzod pa yin no/ / gang nam mkha' dmigs su med pa'i phyir shes rab kyi pha rol tu phyin pa yongs su dag pa'o//rab 'byor gyis gsol pa/ bcom ldan 'das ji ltar na nam mkha' dmigs su ma mchis pa'i slad du shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' la gang yang dmigs su med do/ /rab 'byor de bzhin du gzugs nas rnam pa thams cad mkhyen pa nyid kyi bar du dmigs su med pa'i phyir shes rab kyi pha rol tu phyin pa yongs su dag pa'o zhes bya ba ni 'gog pa la chos shes pa yin no// rab 'byor chos thams cad skye ba med pa dang / 'gag pa med pa dang / kun nas nyon mongs pa med pa dang /rnam par byang ba med pa'i phyir shes rab kyi pha rol tu phyin pa yongs su dag pa'o/ /rab 'byor gyis gsol pa/ bcom ldan 'das ji ltar na chos thams cad skye ba ma mchis pa dang / 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa'i slad du shes rab kyi pha rol tu phyin pa yongs su dag pa lags/bcom ldan 'das kyis bka' stsal pa/ gzugs nas rnam pa thams cad mkhyen pa nyid kyi bar du shin tu rnam par dag pa'i phyir shes rab kyi pha rol tu phyin pa yongs su dag pa'o zhes bya ba ni 'gog pa la rjes su shes pa'i bzod pa yin no// rab 'byor gyis gsol pa/ bcom ldan 'das rigs kyi bu'am/ rigs kyi bu mo gang la la zhig shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid na/ bcom ldan 'das de la mig gi nad 'byung bar mi 'gyur ro//rna ba'i nad dang / sna'i nad dang / lce'i nad dang / lus kyi nad dang / yid kyi nad 'byung bar mi 'gyur ro/ /yan lag ma tshang bar mi 'gyur ro/ /lus rgas pa dang / 'khogs par mi 'gyur ro/ /rigs kyi bu'am/ rigs kyi bu mo de ni mi bde ba spangs nas dus byed par 'gyur ro//chos mnyan pa'i phyir lha'i bu stong phrag mang po yang de'i slad bzhin du 'brang bar 'gyur ro/ /rgyal chen bzhi'i ris kyi lha rnams dang / gnas gtsang ma'i ris kyi bar gyi lha rnams kyang slad bzhin du 'brang bar 'gyur ro/ /gang na chos smra ba'i rigs kyi bu'am/rigs kyi bu mo des shes rab kyi pha rol tu phyin pa 'di ston pa der yang tshes brgyad dang / bcu bzhi dang / bco lnga dag la lha'i tshogs chen po 'du bar 'gyur ro/ /rigs kyi bu'am/ rigs kyi bu mo de yang shes rab kyi pha rol tu phyin pa 'di ston pa'i tshe bsod nams mang du 'phel bar 'gyur te/bsod nams tshad ma mchis pa grangs ma mchis pa gzhal du ma mchis pa bsam gyis mi khyab pa mtshungs pa ma mchis pa rab tu 'phel bar 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu'am/ rigs kyi bu mo gang tshes brgyad dam/bcu bzhi dang / bco lnga dag la shes rab kyi pha rol tu phyin pa 'di lha'i 'khor gyi mdun du ston pa de'i bsod nams tshad med pa/ grangs med pa/ gzhal du med pa/ bsam gyis mi khyab pa/ mtshungs pa med pa rab tu 'phel bar 'gyur ro/ /rab 'byor de ci'i phyir zhe na/'di lta ste shes rab kyi pha rol tu phyin pa 'di ni rin po che chen po yin pa'i phyir ro zhes bya ba ni 'gog pa la rjes su shes pa yin no/ / rab 'byor de la shes rab kyi pha rol tu phyin pa rin po che chen po 'di ston par gyur na dmyal ba las yongs su grol bar 'gyur ro/ /byol song gi skye gnas las yongs su grol bar 'gyur ro//gshin rje'i 'jig rten las yongs su grol bar 'gyur ro/ /dbul po las yongs su grol bar 'gyur ro/ /rgyal rigs sA la chen por skye bar 'gyur ro/ /bram ze'i rigs sA la chen por skye bar 'gyur ro/ /khyim bdag gi rigs sA la chen por skye bar 'gyur ro//rgyal chen bzhi'i ris kyi lha rnams su skye bar byed do/ /'du shes med 'du shes med min skye mched kyi bar gyi lha rnams su skye bar byed do/ /shes rab kyi pha rol tu phyin pa 'di ni rgyun du zhugs pa'i 'bras bu sbyin par byed do/ /lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi bar sbyin par byed do/ /de ni 'di ltar shes rab kyi pha rol tu phyin pa 'di las dge ba bcu'i las kyi lam rgyas par bstan pa'i phyir te/ de la bslabs pas rgyal rigs sA la chen po rnams yod do//bram ze'i rigs sA la chen po rnams yod do/ /khyim bdag gi rigs sA la chen po rnams yod do/ /rgyal chen bzhi'i ris kyi lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang /gzhan 'phrul dbang byed kyi lha rnams yod do/ /tshangs 'khor gyi lha rnams yod do/ /tshangs pa'i mdun na 'don gyi lha rnams yod do/ /tshangs chen gyi lha rnams yod do/ /'od chung gi lha rnams yod do/ /tshad med 'od kyi lha rnams yod do/ /'od gsal gyi lha rnams yod do//dge chung gi lha rnams yod do/ /tshad med dge ba'i lha rnams yod do/ /dge rgyas kyi lha rnams yod do/ /sprin med kyi lha rnams yod do/ /bsod nams 'phel gyi lha rnams yod do/ /'bras bu che ba'i lha rnams yod do/ /gnas gtsang ma'i lha rnams yod do/ / mi che ba'i lha rnams yod do/ /mi gdung ba'i lha rnams yod do/ /rab lta'i lha rnams yod do/ /legs mthong gi lha rnams yod do/ /'og min gyi lha rnams yod do/ /nam mkha' mtha' yas skye mched kyi lha rnams yod do/ /rnam shes mtha' yas skye mched kyi lha rnams yod do/ / cung zad med pa'i skye mched kyi lha rnams yod do/ /'du shes med 'du shes med min skye mched kyi lha rnams yod do/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu yod do/ /dgra bcom pa nyid yod do/ /rang byang chub yod do/ /bla na med pa yang dag par rdzogs pa'i byang chub yod do//shes rab kyi pha rol tu phyin pa yod na / bsam gtan bzhi rnams yod do/ /tshad med pa bzhi rnams yod do/ /gzugs med pa'i snyoms par 'jug pa bzhi rnams yod do/ /sbyin pa'i pha rol tu phyin pa yod do/ /tshul khrims kyi pha rol tu phyin pa yod do//bzod pa'i pha rol tu phyin pa yod do/ /brtson 'grus kyi pha rol tu phyin pa yod do/ /bsam gtan gyi pha rol tu phyin pa yod do/ /shes rab kyi pha rol tu phyin pa yod do/ /thabs mkhas pa'i pha rol tu phyin pa yod do/ /smon lam gyi pha rol tu phyin pa yod do//stobs kyi pha rol tu phyin pa yod do/ /ye shes kyi pha rol tu phyin pa yod do/ /dran pa nye bar gzhag pa rnams yod do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs dang / byang chub kyi yan lag dang / lam rnams yod do/ / nang stong pa nyid yod do/ /phyi stong pa nyid yod do/ /phyi nang stong pa nyid yod do/ /dngos po med pa'i ngo bo nyid stong pa nyid kyi bar du yod do/ /'phags pa'i bden pa bzhi rnams yod do/ /rnam par thar pa brgyad rnams yod do/ /mthar gyis gnas pa'i snyoms par 'jug pa dgu rnams yod do/ / stong pa nyid dang / mtshan ma med pa dang / smon pa med pa rnams yod do/ /mngon par shes pa drug rnams yod do/ /ting nge 'dzin rnams yod do/ /gzungs kyi sgo rnams yod do/ /byang chub sems dpa'i sa bcu rnams yod do/ /de bzhin gshegs pa'i stobs bcu rnams yod do/ /mi 'jigs pa bzhi rnams yod do//so so yang dag par rig pa bzhi rnams yod do/ /sangs rgyas kyi chos ma 'dres pa bco brgyad rnams yod do/ /rnam pa thams cad mkhyen pa nyid kyi bar du yod do/ /byang chub sems dpa' sems dpa' chen po rnams yod do/ /dkon mchog gsum rnams yod do/ / sangs rgyas dkon mchog yod do/ /chos dkon mchog yod do/ /dge 'dun dkon mchog yod do/ /shes rab kyi pha rol tu phyin pa 'di las chos de dag thams cad rgya cher bstan to/ /de bas na 'di lta ste/ shes rab kyi pha rol tu phyin pa 'di ni pha rol tu phyin pa rin po che zhes brjod do zhes bya ba ni lam la chos shes pa'i bzod pa yin no// rab 'byor pha rol tu phyin pa rin po che la ni chos gang yang skye ba'am/ 'gag pa'am/ kun nas nyon mongs pa'am/ rnam par byang ba'am/ yongs su gzung ba'am/ dor ba med do/ /de ci'i phyir zhe na/ de ni 'di ltar skye ba'am/ 'gag pa'am/ kun nas nyon mongs pa'am/ rnam par byang ba'am/ yongs su gzung ba'am/ dor bar bya ba'i chos rnams med do/ /rab 'byor pha rol tu phyin pa rin po che 'di la ni skye ba'am/ 'gag pa'am/ dge ba'am/ mi dge ba'am/ zag pa dang bcas pa'am/ zag pa med pa'am / kha na ma tho ba dang bcas pa'am/kha na ma tho ba med pa'am / kun nas nyon mongs pa'am/ kun nas nyon mongs pa med pa'am/ 'jig rten pa'am/ 'jig rten las 'das pa'am/ 'dus byas pa'am / 'dus ma byas kyi chos gang yang med de/ rab 'byor rnam grangs des na 'di lta ste/ shes rab kyi pha rol tu phyin pa 'di ni pha rol tu phyin pa rin po che'o zhes bya ba ni lam la chos shes pa yin no// rab 'byor 'di la pha rol tu phyin pa rin po che 'di la ni chos gang gis kyang gos pa med do/ /de ci'i phyir zhe na/ de ni 'di ltar gang gis gos par 'gyur ba'i chos de dag dmigs su med pa'i phyir te/ rab 'byor de ci'i phyir zhe na/ pha rol tu phyin pa rin po che 'di ni gos pa med pa'o zhes bya ba ni lam la rjes su shes pa'i bzod pa yin no/ / rab 'byor gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar rnam par rtog par mi byed/ de ltar mi dmigs te/de ltar 'phro bar yang mi byed na/ shes rab kyi pha rol tu phyin pa la spyod pa'o/ / shes rab kyi pha rol tu phyin pa la bsgom pa'o/ /sangs rgyas bcom ldan 'das rnams mthong ba'o/ /sangs rgyas bcom ldan 'das rnams la rim gror bya ba dang / bla mar bya ba dang / bsti stang du bya ba dang /mchod par bya ba dang / rjed par bya ba dang / bkur stir bya ba'i phyir/ sangs rgyas kyi zhing nas sangs rgyas kyi zhing du 'gro la/ sems can yongs su smin par bya ba dang / sangs rgyas kyi zhing yongs su sbyang bar bya ba'i phyir/ sangs rgyas kyi zhing nas sangs rgyas kyi zhing du 'gro'o//rnam pa thams cad mkhyen pa nyid kyang rjes su thob par 'gyur ro zhes bya ba ni lam la rjes su shes pa yin te/ 'di dag gis ni mthong ba'i lam bstan pa yin no/ / rab 'byor yang shes rab kyi pha rol tu phyin pa 'di ni chos gang yang mthong bar byed pa ma yin/ mi mthong bar byed pa ma yin/ ston par byed pa ma yin/ mi ston par byed pa ma yin/ ster bar byed pa ma yin/ 'phrog par byed pa ma yin/ skye bar byed pa ma yin/ 'gag par byed pa ma yin/ 'chad par byed pa ma yin/ rtag par byed pa ma yin/ don gcig par byed pa ma yin/ don sna tshogs pa ma yin/'ong bar byed pa ma yin/ 'gro bar byed pa ma yin/ kun nas nyon mongs par byed pa ma yin/ rnam par byang bar byed pa ma yin/ 'grib par byed pa ma yin/ 'phel bar byed pa ma yin/ 'das par ma yin/ ma 'ongs par ma yin/ da ltar byung bar byed pa ma yin no zhes bya ba ni thams cad shes pa nyid kyi dbang du byas pa yongs su rdzogs par bstan pa ste dang po'o// rab 'byor yang shes rab kyi pha rol tu phyin pa 'di ni 'dod pa'i khams las shin tu 'da' bar byed pa'am/ gnas par byed pa ma yin/ gzugs kyi khams las 'da' bar byed pa'am/ gnas par byed pa ma yin/ gzugs med pa'i khams las 'da' bar byed pa'am/ gnas par byed pa ma yin/ sbyin pa'i pha rol tu phyin pa ster bar byed pa'am/ 'phrog par byed pa ma yin/ tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa dang / thabs dang / smon lam dang /stobs dang / ye shes kyi pha rol tu phyin pa ster bar byed pa'am/ 'phrog par byed pa ma yin/ nang stong pa nyid ster bar byed pa ma yin/ 'phrog par byed pa ma yin/ phyi stong pa nyid ster bar byed pa ma yin/ 'phrog par byed pa ma yin/ phyi nang stong pa nyid ster bar byed pa ma yin/ 'phrog par byed pa ma yin/ dngos po med pa'i ngo bo nyid stong pa nyid kyi bar du ster bar byed pa'am/ 'phrog par byed pa ma yin/ tshad med pa dang / bsam gtan dang / gzugs med pa'i snyoms par 'jug pa rnams ster ba'am/ 'phrog par byed pa ma yin/ 'phags pa'i bden pa bzhi rnams dang /rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang / stong pa nyid dang / mtshan ma med pa dang / smon pa med pa rnams ster bar byed pa'am/ 'phrog par byed pa ma yin/ mngon par shes pa rnams ster bar byed pa'am/ 'phrog par byed pa ma yin/byang chub sems dpa'i sa bcu rnams ster bar byed pa'am/ 'phrog par byed pa ma yin/ de bzhin gshegs pa'i stobs bcu ster bar byed pa'am/ 'phrog par byed pa ma yin/ dran pa nye bar gzhag pa bzhi rnams ster bar byed pa'am/ 'phrog par byed pa ma yin/ de bzhin du yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams ster bar byed pa'am/ 'phrog par byed pa ma yin/ stobs rnams dang / mi 'jigs pa rnams dang / so so yang dag par rig pa rnams ster bar byed pa'am/ 'phrog par byed pa ma yin/sangs rgyas kyi chos ma 'dres pa bco brgyad rnams ster bar byed pa'am/ 'phrog par byed pa ma yin/ ting nge 'dzin rnams dang / gzungs kyi sgo rnams ster bar byed pa'am/ 'phrog par byed pa ma yin/ rgyun du zhugs pa'i 'bras bu ster bar byed pa'am/ 'phrog par byed pa ma yin/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid ster bar byed pa'am/ 'phrog par byed pa ma yin zhes bya ba ni lam shes pa'i dbang du byas pa yongs su rdzogs par bstan pa ste/ gnyis pa'o// //bam po bzhi bcu pa/ rab 'byor yang shes rab kyi pha rol tu phyin pa 'di ni sangs rgyas kyi chos rnams ster bar byed pa'am/ 'phrog par byed pa ma yin/ so so'i skye bo'i chos rnams ster ba'am/ 'phrog par byed pa ma yin/ nyan thos dang / rang sangs rgyas kyi chos rnams ster bar byed pa'am/'phrog par byed pa ma yin/ sangs rgyas kyi chos rnams ster bar byed pa'am/ 'phrog par byed pa ma yin/ 'dus byas kyi khams ster bar byed pa'am/ 'phrog par byed pa ma yin no/ /de ci'i phyir zhe na/ de bzhin gshegs pa rnams byung yang rung / de bzhin gshegs pa rnams ma byung yang rung /chos rnams kyi chos nyid dang / chos kyi dbyings nyid dang / chos skyon med pa nyid de dag ni de bzhin du gnas pa nyid kyi phyir te/ de ni de bzhin gshegs pas mngon par rdzogs par sangs rgyas so/ /mngon par rdzogs par thugs su chud do/ /mngon par rdzogs par sangs rgyas te/mngon par rdzogs par thugs su chud nas kyang gsung ngo / /ston to/ /'grel to/ /rnam par 'byed do/ /gsal bar mdzad do/ /yang dag par ston to/ /de nas lha'i bu brgya stong phrag mang po steng gi bar snang la 'khod de ga zha phyung nas kyang lha rdzas kyi me tog ut+pal dang /ku mu da dang / puN+Da rI ka dang / man dA ra ba rnams 'thor zhing 'di skad kyi tshig brjod par gyur to/ /kye ma shes rab kyi pha rol tu phyin pa 'di bstan pas lha'i bu stong phrag du ma skye ba med pa'i chos la bzod pa skyes par gyur te/ 'dzam bu'i gling du chos kyi 'khor lo lan gnyis pa bskor bar mthong ngo //de nas bcom ldan 'das kyis tshe dang ldan pa gnas brtan rab 'byor la bka' stsal pa/ rab 'byor 'di ni chos kyi 'khor lo gnyis su bskor ba yang ma yin/ gcig tu bskor ba yang ma yin te/ shes rab kyi pha rol tu phyin pa 'di ni chos gang yang 'khor ba'am mi 'khor bar bya ba'i phyir nye bar gnas pa ma yin no//de ci'i phyir zhe na/ dngos po med pa'i ngo bo nyid stong pa nyid kyi phyir ro/ /rab 'byor gyis gsol pa/ bcom ldan 'das de ltar shes rab kyi pha rol tu phyin pa 'di chos gang yang 'khor bar bgyi ba'am/ mi 'khor bar bgyi ba'i slad du nye bar mi gnas pa'i dngos po ma mchis pa'i ngo bo nyid stong pa nyid de gang lags/bcom ldan 'das kyis bka' stsal pa/ rab 'byor shes rab kyi pha rol tu phyin pa shes rab kyi pha rol tu phyin pa'i stong pa nyid kyis stong ngo / /de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang /bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa sbyin pa'i pha rol tu phyin pa'i stong pa nyid kyis stong ngo / /nang stong pa nyid nang stong pa nyid kyis stong ngo / /dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid kyis stong ngo //dran pa nye bar gzhag pa rnams dran pa nye bar gzhag pa rnams kyi stong pa nyid kyis stong ngo / /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams lam rnams kyi stong pa nyid kyis stong ngo / /tshad med pa dang / bsam gtan dang /gzugs med pa'i snyoms par 'jug pa rnams tshad med pa dang / bsam gtan dang / gzugs med pa'i snyoms par 'jug pa rnams kyi stong pa nyid kyis stong ngo / /'phags pa'i bden pa rnams 'phags pa'i bden pa rnams kyi stong pa nyid kyis stong ngo / /rnam par thar pa brgyad rnams rnam par thar pa brgyad kyi stong pa nyid kyis stong ngo //mthar gyis gnas pa'i snyoms par 'jug pa dgu rnams mthar gyis gnas pa'i snyoms par 'jug pa dgu rnams kyi stong pa nyid kyis stong ngo / /stong pa nyid dang / mtshan ma med pa dang / smon pa med pa rnams stong pa nyid dang / mtshan ma med pa dang /smon pa med pa'i stong pa nyid kyis stong ngo / /mngon par shes pa rnams mngon par shes pa rnams kyi stong pa nyid kyis stong ngo / /ting nge 'dzin thams cad ting nge 'dzin thams cad kyi stong pa nyid kyis stong ngo / /gzungs kyi sgo rnams gzungs kyi sgo rnams kyi stong pa nyid kyis stong ngo / / de bzhin gshegs pa'i stobs bcu rnams de bzhin gshegs pa'i stobs rnams kyi stong pa nyid kyis stong ngo / /mi 'jigs pa bzhi rnams mi 'jigs pa bzhi rnams kyi stong pa nyid kyis stong ngo / /so so yang dag par rig pa rnams so so yang dag par rig pa rnams kyi stong pa nyid kyis stong ngo / / sangs rgyas kyi chos ma 'dres pa bco brgyad rnams sangs rgyas kyi chos ma 'dres pa bco brgyad rnams kyi stong pa nyid kyis stong ngo / /rgyun du zhugs pa'i 'bras bu rgyun du zhugs pa'i 'bras bu'i stong pa nyid kyis stong ngo / /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub dang / rnam pa thams cad mkhyen pa nyid rnam pa thams cad mkhyen pa nyid kyi stong pa nyid kyis stong ngo / /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni pha rol tu phyin pa chen mo'o/ /chos thams cad kyi rang bzhin yang chos thams cad kyi rang bzhin gyis stong la/byang chub sems dpa' sems dpa' chen po rnams kyang shes rab kyi pha rol tu phyin pa la gnas shing bla na med pa yang dag par rdzogs pa'i byang chub tu mngon par rdzogs par 'tshang rgya yang chos gang yang mngon par rdzogs par 'tshang rgya ba ma mchis/chos kyi 'khor lo yang bskor la chos gang yang bskor ba'am mi bskor ba yang ma mchis te/ de dag gis chos gang yang yongs su mthong ba yang ma mchis yongs su mi mthong ba yang ma mchis so/ /de ci'i slad du zhe na/ de ni 'di ltar gang bskor bar bgyi ba'am/mi bskor bar bgyi ba'i chos thams cad dmigs su ma mchis pa'i phyir ro/ /de ci'i slad du zhe na/ de ni 'di ltar chos thams cad shin tu mngon par ma grub pa ste/ stong pa nyid bskor bar bgyi ba'am mi bskor bar bgyi ba ma lags/ mtshan ma ma mchis pa bskor bar bgyi ba'am/ mi bskor bar bgyi ba ma lags so//smon pa ma mchis pa bskor bar bgyi ba'am/ mi bskor bar bgyi ba ma lags so/ /de ltar na shes rab kyi pha rol tu phyin pa bstan pa dang / rab tu gsal bar byas pa dang / brjod pa dang / btags pa dang / rab tu bkod pa dang / rnam par dbye ba dang / rnam par dgrol ba dang / mtshon pa dang / yang dag par rab tu gsal bar bgyid pa dang / yang dag par bstan pa 'di ni shes rab kyi pha rol tu phyin pa bstan pa yongs su dag pa'o/ /shes rab kyi pha rol tu phyin pa bstan pa de yang sus kyang ma bstan/ sus kyang ma bzung / gang sus kyang ma bzung ba de ni sus kyang mngon du ma bgyis so//gang sus kyang mngon du ma bgyis pa de la ni yongs su mya ngan las 'da' ba ma mchis te/ chos bstan pa 'di la ni gang sus kyang sbyin pa'i gnas su gyur pa ma mchis so zhes bya ba ni rnam pa thams cad mkhyen pa nyid kyi dbang du byas pa yongs su rdzogs par bstan pa ste gsum pa'o// 'di dag gis ni thams cad shes pa nyid gsungs so/ /'phags pa bcom ldan 'das ma shes rab kyi pha rol tu phyin pa stong phrag nyi shu lnga pa mngon par rtogs pa'i rgyan gyi rjes su 'brangs nas dag par gtugs pa las thams cad shes pas dbang du byas pa spyod pa'i khyad par gyi le'u ste gsum pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das 'di lta ste/ shes rab kyi pha rol tu phyin pa 'di ni ma mchis pa'i pha rol tu phyin pa'o/ /bcom ldan 'das kyis bka' stsal pa/ rab 'byor nam mkha' med pa'i phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mnyam pa nyid kyi pha rol tu phyin pa'o/ /bcom ldan 'das kyis bka' stsal pa/ chos thams cad mi dmigs par mnyam pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni rnam par dben pa'i pha rol tu phyin pa'o/ /bcom ldan 'das kyis bka' stsal pa/ mtha' las 'das pa stong pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni brdzi ba ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni gzhi ma mchis pa'i pha rol tu phyin pa'o/ / bcom ldan 'das kyis bka' stsal pa/ ming dang lus med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni nam mkha'i pha rol tu phyin pa'o/ /bcom ldan 'das kyis bka' stsal pa/ dbugs phyi nang du rgyu ba dmigs su med pa'i phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni brjod du ma mchis pa'i pha rol tu phyin pa'o/ /bcom ldan 'das kyis bka' stsal pa/ rnam par rtog pa dang rnam par dpyod pa dmigs su med pa'i phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni ming ma mchis pa'i pha rol tu phyin pa'o/ /bcom ldan 'das kyis bka' stsal pa/ tshor ba dang / 'du shes dang / 'du byed rnams dang / rnam par shes pa dmigs su med pa'i phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni 'gro ba ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad 'gro ba med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi 'phrogs pa'i pha rol tu phyin pa'o//bcom ldan 'das kyis bka' stsal pa/ chos thams cad gzung du med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni zad pa ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad byang zhing zad pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni skye ba ma mchis pa'i pha rol tu phyin pa'o/ /bcom ldan 'das kyis bka' stsal pa/chos thams cad skye ba dang 'gag pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni byed pa po ma mchis pa'i pha rol tu phyin pa'o/ /bcom ldan 'das kyis bka' stsal pa/ byed pa po dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni shes pa po ma mchis pa'i pha rol tu phyin pa'o/ /bcom ldan 'das kyis bka' stsal pa/ shes pa po dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni 'pho ba ma mchis pa'i pha rol tu phyin pa'o/ /bcom ldan 'das kyis bka' stsal pa/ 'chi 'pho ba dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni 'dul ba ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad 'dul ba med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rmi lam gyi pha rol tu phyin pa'o/ /bcom ldan 'das kyis bka' stsal pa/rmi lam mthong ba dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni sgra brnyan gyi pha rol tu phyin pa'o/ /bcom ldan 'das kyis bka' stsal pa/ sgrar brjod pa dmigs su med pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni mig yor gyi pha rol tu phyin pa'o/ /bcom ldan 'das kyis bka' stsal pa/ gzugs dang gzugs brnyan dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni smig rgyu'i pha rol tu phyin pa'o/ /bcom ldan 'das kyis bka' stsal pa/ chu 'bab pa dmigs su med pa'i phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni sgyu ma'i pha rol tu phyin pa'o/ / bcom ldan 'das kyis bka' stsal pa/ mtshan ma dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni kun nas nyon mongs pa ma mchis pa'i pha rol tu phyin pa'o/ /bcom ldan 'das kyis bka' stsal pa/ kun nas nyon mongs pa'i rang bzhin dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rnam par byang ba ma mchis pa'i pha rol tu phyin pa'o/ /bcom ldan 'das kyis bka' stsal pa/ nyon mongs pa can gyi sems can dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni gos pa ma mchis pa'i pha rol tu phyin pa'o/ /bcom ldan 'das kyis bka' stsal pa/ nam mkha' dmigs su med pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni spros pa ma mchis pa'i pha rol tu phyin pa'o/ /bcom ldan 'das kyis bka' stsal pa/ spros pa thams cad yang dag par bcom pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rlom sems ma mchis pa'i pha rol tu phyin pa'o/ /bcom ldan 'das kyis bka' stsal pa/ rlom sems thams cad yang dag par bcom pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi g.yo ba'i pha rol tu phyin pa'o//bcom ldan 'das kyis bka' stsal pa/ chos kyi dbyings gnas pa nyid kyi phyir ro zhes bya ba ni thams cad shes pa nyid kyi rnam pa yin no/ / rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni 'dod chags dang bral ba'i pha rol tu phyin pa'o//bcom ldan 'das kyis bka' stsal pa/ 'dod chags dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni gnas ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad rnam par rtog pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni zhi ba'i pha rol tu phyin pa'o/ /bcom ldan 'das kyis bka' stsal pa/ chos thams cad phyin ci ma log par de bzhin du mngon par rdzogs par byang chub pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni 'dod chags ma mchis pa'i pha rol tu phyin pa'o/ /bcom ldan 'das kyis bka' stsal pa/ 'dod chags dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni zhe sdang ma mchis pa'i pha rol tu phyin pa'o/ /bcom ldan 'das kyis bka' stsal pa/ zhe sdang yod pa ma yin pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni gti mug ma mchis pa'i pha rol tu phyin pa'o/ /bcom ldan 'das kyis bka' stsal pa/ mi shes pa'i mun pa thams cad sel ba nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni nyon mongs pa ma mchis pa'i pha rol tu phyin pa'o/ /bcom ldan 'das kyis bka' stsal pa/ yongs su rtog pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni sems ma mchis pa'i pha rol tu phyin pa'o//bcom ldan 'das kyis bka' stsal pa/ sems can dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni tshad ma mchis pa'i pha rol tu phyin pa'o/ /bcom ldan 'das kyis bka' stsal pa/chos thams cad kun nas ldang ba med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mtha' gnyis su mi 'gyur ba'i pha rol tu phyin pa'o/ /bcom ldan 'das kyis bka' stsal pa/ mtha' dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni tha mi dad pa'i pha rol tu phyin pa'o/ /bcom ldan 'das kyis bka' stsal pa/ chos thams cad tha dad pa med pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni mchog tu 'dzin pa ma mchis pa'i pha rol tu phyin pa'o/ /bcom ldan 'das kyis bka' stsal pa/ nyan thos kyi sa dang / rang sangs rgyas kyi sa las 'da' bar byed pa nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni rnam par rtog pa ma mchis pa'i pha rol tu phyin pa'o/ /bcom ldan 'das kyis bka' stsal pa/ rnam par rtog pa thams cad dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni gzhal bya ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad kyi tshad dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni chags pa ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad nam mkha'i rang bzhin dang mnyam pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi rtag pa'i pha rol tu phyin pa'o/ /bcom ldan 'das kyis bka' stsal pa/chos thams cad 'jig pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni sdug bsngal gyi pha rol tu phyin pa'o/ /bcom ldan 'das kyis bka' stsal pa/ chos thams cad lhag par chags pa med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni stong pa nyid kyi pha rol tu phyin pa'o/ /bcom ldan 'das kyis bka' stsal pa/ chos thams cad dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni bdag ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad mngon par zhen pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mtshan nyid ma mchis pa'i pha rol tu phyin pa'o//bcom ldan 'das kyis bka' stsal pa/ chos thams cad mtshan ma med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni nang stong pa nyid kyi pha rol tu phyin pa'o//bcom ldan 'das kyis bka' stsal pa/ nang gi chos dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni phyi stong pa nyid kyi pha rol tu phyin pa'o/ /bcom ldan 'das kyis bka' stsal pa/ phyi'i chos dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni phyi nang stong pa nyid kyi pha rol tu phyin pa'o/ /bcom ldan 'das kyis bka' stsal pa/ phyi nang gi chos dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni stong pa nyid stong pa nyid kyi pha rol tu phyin pa'o/ /bcom ldan 'das kyis bka' stsal pa/ stong pa nyid stong pa nyid dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni chen po stong pa nyid kyi pha rol tu phyin pa'o//bcom ldan 'das kyis bka' stsal pa/ chen po stong pa nyid dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni don dam pa stong pa nyid kyi pha rol tu phyin pa'o//bcom ldan 'das kyis bka' stsal pa/ don dam pa stong pa nyid dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni 'dus byas stong pa nyid kyi pha rol tu phyin pa'o/ /bcom ldan 'das kyis bka' stsal pa/'dus byas stong pa nyid dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni 'dus ma byas stong pa nyid kyi pha rol tu phyin pa'o/ /bcom ldan 'das kyis bka' stsal pa/ 'dus ma byas stong pa nyid dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mtha' las 'das pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ mtha' las 'das pa stong pa nyid dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni thog ma dang tha ma med pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ thog ma dang tha ma med pa stong pa nyid dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni dor ba med pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ dor ba med pa stong pa nyid dmigs su med pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni rang bzhin stong pa nyid kyi pha rol tu phyin pa'o/ /bcom ldan 'das kyis bka' stsal pa/ 'dus byas dang 'dus ma byas kyi chos rnams dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni chos thams cad stong pa nyid kyi pha rol tu phyin pa'o/ /bcom ldan 'das kyis bka' stsal pa/ chos thams cad dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rang gi mtshan nyid stong pa nyid kyi pha rol tu phyin pa'o//bcom ldan 'das kyis bka' stsal pa/ rang gi mtshan nyid dben pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi dmigs pa stong pa nyid kyi pha rol tu phyin pa'o//bcom ldan 'das kyis bka' stsal pa/ dus gsum la dus gsum po dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni dngos po med pa'i ngo bo nyid stong pa nyid kyi pha rol tu phyin pa'o//bcom ldan 'das kyis bka' stsal pa/ dngos po med pa'i ngo bo nyid stong pa nyid dmigs su med pa nyid kyi phyir ro zhes bya ba ni lam gyi rnam pa shes pa nyid kyi rnam pa yin no/ / rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni dran pa nye bar gzhag pa'i pha rol tu phyin pa'o//bcom ldan 'das kyis bka' stsal pa/ lus dang / tshor ba dang / sems dang / chos dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni yang dag par spong ba'i pha rol tu phyin pa'o//bcom ldan 'das kyis bka' stsal pa/ dge ba dang mi dge ba'i chos dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rdzu 'phrul gyi rkang pa'i pha rol tu phyin pa'o/ /bcom ldan 'das kyis bka' stsal pa/'dun pa dang / brtson 'grus dang / sems dang / dpyod pa dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni dbang po'i pha rol tu phyin pa'o/ /bcom ldan 'das kyis bka' stsal pa/dad pa la sogs pa rnams dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni stobs kyi pha rol tu phyin pa'o/ /bcom ldan 'das kyis bka' stsal pa/ stobs lnga dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni byang chub kyi yan lag gi pha rol tu phyin pa'o/ /bcom ldan 'das kyis bka' stsal pa/ byang chub kyi yan lag bdun dmigs su med pa nyid kyi phyir ro/ /rab 'byor gyis gsol pa/bcom ldan 'das 'di lta ste/ shes rab kyi pha rol tu phyin pa 'di ni lam gyi pha rol tu phyin pa'o/ /bcom ldan 'das kyis bka' stsal pa/ 'phags pa'i lam yan lag brgyad pa dmigs su med pa nyid kyi phyir ro zhes bya ba ni thams cad shes pa'i lam la brten pa'i rnam pa yin no/ / rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni stong pa nyid kyi pha rol tu phyin pa'o/ /bcom ldan 'das kyis bka' stsal pa/ lta bas byas pa'i rnam pa dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mtshan ma ma mchis pa'i pha rol tu phyin pa'o/ /bcom ldan 'das kyis bka' stsal pa/ rnam par rtog pa dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni smon pa ma mchis pa'i pha rol tu phyin pa'o//bcom ldan 'das kyis bka' stsal pa/ smon lam dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rnam par thar pa brgyad kyi pha rol tu phyin pa'o/ /bcom ldan 'das kyis bka' stsal pa/rnam par thar pa brgyad dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mthar gyis gnas pa'i snyoms par 'jug pa'i pha rol tu phyin pa'o/ /bcom ldan 'das kyis bka' stsal pa/ mthar gyis gnas pa'i snyoms par 'jug pa dgu dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni bden pa bzhi'i pha rol tu phyin pa'o/ /bcom ldan 'das kyis bka' stsal pa/ sdug bsngal dang / kun 'byung dang /'gog pa dang lam dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni sbyin pa'i pha rol tu phyin pa'o/ /bcom ldan 'das kyis bka' stsal pa/ ser sna dmigs su med pa nyid kyi phyir ro/ / rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni tshul khrims kyi pha rol tu phyin pa'o/ /bcom ldan 'das kyis bka' stsal pa/ tshul khrims 'chal pa dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni bzod pa'i pha rol tu phyin pa'o/ /bcom ldan 'das kyis bka' stsal pa/ gnod sems dmigs su ma mchis pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni brtson 'grus kyi pha rol tu phyin pa'o//bcom ldan 'das kyis bka' stsal pa/ le lo dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni bsam gtan gyi pha rol tu phyin pa'o/ /bcom ldan 'das kyis bka' stsal pa/ rnam par g.yeng ba dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni shes rab kyi pha rol tu phyin pa'o/ /bcom ldan 'das kyis bka' stsal pa/ 'chal ba'i shes rab dmigs su med pa nyid kyi phyir ro/ / rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni thabs kyi pha rol tu phyin pa'o/ /bcom ldan 'das kyis bka' stsal pa/ thabs ma yin pa dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni smon lam gyi pha rol tu phyin pa'o//bcom ldan 'das kyis bka' stsal pa/ smon lam ma yin pa dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni stobs kyi pha rol tu phyin pa'o/ /bcom ldan 'das kyis bka' stsal pa/stobs chung ba dmigs su med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni ye shes kyi pha rol tu phyin pa'o/ /bcom ldan 'das kyis bka' stsal pa/ mi shes pa dmigs su med pa nyid kyi phyir ro zhes bya ba ni lam gyi rnam pa shes pa la brten pa'i rnam pa yin no//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni stobs bcu'i pha rol tu phyin pa'o/ /bcom ldan 'das kyis bka' stsal pa/ chos thams cad dmigs su med pa nyid kyi phyir ro//rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi 'jigs pa'i pha rol tu phyin pa'o/ /bcom ldan 'das kyis bka' stsal pa/ lam gyi rnam pa shes pa nyid zhum pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni so so yang dag par rig pa'i pha rol tu phyin pa'o/ /bcom ldan 'das kyis bka' stsal pa/ thams cad la ye shes chags pa med pa dang thogs pa med pa nyid kyi phyir ro/ /rab 'byor gyis gsol pa/ bcom ldan 'das 'di lta ste/shes rab kyi pha rol tu phyin pa 'di ni sangs rgyas kyi chos ma 'dres pa'i pha rol tu phyin pa'o/ /bcom ldan 'das kyis bka' stsal pa/ chos thams cad las yang dag par 'das pa nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni de bzhin nyid kyi pha rol tu phyin pa'o//bcom ldan 'das kyis bka' stsal pa/ sangs rgyas thams cad kyis gsungs pa'i de bzhin nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni rang byung gi pha rol tu phyin pa'o/ /bcom ldan 'das kyis bka' stsal pa/chos thams cad la dbang sgyur ba nyid kyi phyir ro/ /rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa 'di ni sangs rgyas kyi pha rol tu phyin pa'o/ /bcom ldan 'das kyis bka' stsal pa/ chos thams cad rnam pa thams cad du mngon par rdzogs par 'tshang rgya ba'i phyir ro zhes bya ba ni rnam pa thams cad mkhyen pa nyid la brten pa'i rnam pa yin te/'di dag gis ni rnam pa gsungs so/ /de nas lha rnams kyi dbang po brgya byin 'di snyam du gyur te/ shes rab kyi pha rol tu phyin pa 'di rigs kyi bu'am/ rigs kyi bu mo gang dag gi rna lam du grag par gyur pa de dag kyang sngon gyi rgyal ba la bsnyen bkur byas pa'o/ /shes rab kyi pha rol tu phyin pa 'di sems can gang dag gi rna lam du grag par gyur pa de dag kyang de bzhin gshegs pa la dge ba'i rtsa ba bskyed pa'o/ /shes rab kyi pha rol tu phyin pa 'di sems can gang dag gi rna lam du grag par gyur pa de dag kyang dge ba'i bshes gnyen gyis yongs su bzung ba yin na /gang 'dzin par 'gyur/ 'chang bar 'gyur/ klog par 'gyur/ tshul bzhin du yid la byed par 'gyur zhing / bzung / bcangs/ klags/ kun chub par byas nas de kho na nyid du bsgrub par 'gyur ba lta ci zhig smos te/rigs kyi bu'am rigs kyi bu mo gang shes rab kyi pha rol tu phyin pa 'di thos nas 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing / bzung / bcangs/ klags/ kun chub par byas nas kyang de kho na nyid du sgrub par byed par 'gyur te/ de dag ni sangs rgyas mang po la bsnyen bkur byas pa'o/ /rigs kyi bu'am rigs kyi bu mo gang shes rab kyi pha rol tu phyin pa 'di thos nas dngang bar mi 'gyur/ kun tu skrag par mi 'gyur/ kun tu skrag pas zin par mi 'gyur ba de dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yongs su dris / yongs su zhus/ brten cing bsnyen bkur ba'o/ /gang shes rab kyi pha rol tu phyin pa 'di thos nas dngang bar mi 'gyur/ kun tu skrag par mi 'gyur/ kun tu skrag pas zin par mi 'gyur ba de dag ni sangs rgyas bye ba mang po las sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la spyad pa'o/ /de dag ni sangs rgyas bye ba mang po las shes rab kyi pha rol tu phyin pa la spyad pa'o snyam pa dang /de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das rigs kyi bu'am/ rigs kyi bu mo gang 'di ltar shes rab kyi pha rol tu phyin pa 'di ltar zab pa 'di thos nas dngang bar mi 'gyur/kun tu skrag par mi 'gyur/ kun tu skrag pas zin par mi 'gyur zhing thos nas kyang 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur ba'i rigs kyi bu'am/ rigs kyi bu mo de dag ni phyir mi ldog pa'i byang chub sems dpa' sems dpa' chen po ji lta ba de bzhin du gzung bar bgyi'o//de ci'i slad du zhe na/ bcom ldan 'das shes rab kyi pha rol tu phyin pa 'di ni zab pa'i slad du ste/ sngon pha rol tu phyin pa drug rnams la ma spyad pas ni shes rab kyi pha rol tu phyin pa zab mo 'di la mos par nus pa ma lags so//bcom ldan 'das rigs kyi bu'am/ rigs kyi bu mo gang shes rab kyi pha rol tu phyin pa zab mo 'di thos nas spang bar bya bar sems pa'i rigs kyi bu'am/ rigs kyi bu mo de dag gis ni sngon gyi mthar yang shes rab kyi pha rol tu phyin pa zab mo 'di spangs par gyur to//de ci'i slad du zhe na/ de ni 'di ltar rigs kyi bu'am/ rigs kyi bu mo gang shes rab kyi pha rol tu phyin pa zab mo 'dir dad pa ma mchis/ rab tu dang ba ma mchis/ dga' ba ma mchis/ mos pa ma mchis pa'i slad du ste/ rigs kyi bu'am rigs kyi bu mo de dag gis sangs rgyas rnams sam/byang chub sems dpa' rnams sam/ rang sangs rgyas rnams sam/ nyan thos rnams la ji ltar sbyin pa'i pha rol tu phyin pa la spyad par bgyi/ ji ltar tshul khrims kyi pha rol tu phyin pa la spyad par bgyi/ ji ltar bzod pa'i pha rol tu phyin pa la spyad par bgyi/ ji ltar brtson 'grus kyi pha rol tu phyin pa la spyad par bgyi/ji ltar bsam gtan gyi pha rol tu phyin pa la spyad par bgyi/ ji ltar shes rab kyi pha rol tu phyin pa la spyad par bgyi/ ji ltar nang stong pa nyid la spyad par bgyi/ ji ltar phyi stong pa nyid la spyad par bgyi/ ji ltar phyi nang stong pa nyid la spyad par bgyi/ji ltar dngos po med pa'i ngo bo nyid stong pa nyid kyi bar la spyad par bgyi/ ji ltar dran pa nye bar gzhag pa rnams bsgom par bgyi/ ji ltar yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / ji ltar byang chub kyi yan lag rnams dang /ji ltar 'phags pa'i lam yan lag brgyad pa rnams bsgom par bgyi/ ji ltar tshad med pa dang / bsam gtan dang / gzugs med pa'i snyoms par 'jug pa rnams bsgom par bgyi/ ji ltar 'phags pa'i bden pa rnams bsgom par bgyi/ ji ltar rnam par thar pa brgyad rnams bsgom par bgyi/ji ltar mthar gyis gnas pa'i snyoms par 'jug pa dgu rnams bsgom par bgyi/ ji ltar stong pa nyid dang / mtshan ma med pa dang / smon pa med pa rnams bsgom par bgyi/ ji ltar mngon par shes pa rnams bsgom par bgyi/ ji ltar ting nge 'dzin rnams la snyoms par 'jug par bgyi/ji ltar gzungs kyi sgo rnams la 'jug par bgyi/ ji ltar de bzhin gshegs pa'i stobs rnams bsgom par bgyi/ ji ltar mi 'jigs pa rnams bsgom par bgyi/ ji ltar so so yang dag par rig pa rnams bsgom par bgyi/ ji ltar sangs rgyas kyi chos ma 'dres pa bco brgyad bsgom par bgyi zhes yongs su ma dris so//de nas lha rnams kyi dbang po brgya byin gyis tshe dang ldan pa shA ri'i bu la 'di skad ces smras so/ /btsun pa shA ri'i bu shes rab kyi pha rol tu phyin pa 'di de ltar zab pa yin na/ byang chub sems dpa' sems dpa' chen po gang sngon gyi mthar yang shes rab kyi pha rol tu phyin pa zab mo 'di la mos par ma gyur pa 'di bas ngo mtshar ba ci yod/sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la mos par ma gyur/nang stong pa nyid la mos par ma gyur/ dngos po med pa'i ngo bo nyid stong pa nyid kyi bar la mos par ma gyur/ byang chub kyi phyogs kyi chos sum cu rtsa bdun rnams la mos par ma gyur/ tshad med pa dang / bsam gtan dang / gzugs med pa'i snyoms par 'jug pa rnams la mos par ma gyur/stong pa nyid dang / mtshan ma med pa dang / smon pa med pa rnams la mos par ma gyur/ rnam par thar pa brgyad dang / mthar gyis gnas pa'i snyoms par 'jug pa dgu rnams la mos par ma gyur/ mngon par shes pa rnams dang / ting nge 'dzin rnams dang /gzungs kyi sgo rnams dang / de bzhin gshegs pa'i stobs bcu rnams dang / mi 'jigs pa bzhi rnams dang / so so yang dag par rig pa bzhi rnams dang / sangs rgyas kyi chos ma 'dres pa bco brgyad rnams la mos par ma gyur par spangs par gyur pa de dag las 'dir ngo mtshar che ba ci yod/bcom ldan 'das ma shes rab kyi pha rol tu phyin pa la phyag 'tshal lo/ /gang shes rab kyi pha rol tu phyin pa la phyag 'tshal bar byed pa de ni thams cad mkhyen pa'i ye shes la phyag 'tshal bar byed pa'o/ /de nas bcom ldan 'das kyis lha rnams kyi dbang po brgya byin la bka' stsal pa/de de bzhin te/ kau shi ka de de bzhin no/ /gang shes rab kyi pha rol tu phyin pa la phyag 'tshal bar byed pa de ni thams cad mkhyen pa'i ye shes la phyag 'tshal bar byed pa'o/ /de ci'i phyir zhe na/ kau shi ka 'di las byung ba ni sangs rgyas bcom ldan 'das rnams kyi rnam pa thams cad mkhyen pa nyid yin pa'i phyir ro//rnam pa thams cad mkhyen pa'i ye shes las byung ba ni shes rab kyi pha rol tu phyin pas rab tu brjod pa'o/ /kau shi ka thams cad shes pa nyid las 'da' bar 'dod pa'i rigs kyi bu'am/ rigs kyi bu mos shes rab kyi pha rol tu phyin pa la gnas par bya'o//de bzhin du lam gyi rnam pa shes pa nyid la gnas par 'dod pa dang / rnam pa thams cad mkhyen pa nyid kyi ye shes bskyed par 'dod pa dang / bag chags kyi mtshams sbyor ba'i nyon mongs pa thams cad spang bar 'dod pa dang / bla na med pa yang dag par rdzogs pa'i byang chub tu mngon par rdzogs par byang chub par 'dod pa dang /chos kyi 'khor lo bskor bar 'dod pa'i rigs kyi bu'am/ rigs kyi bu mos shes rab kyi pha rol tu phyin pa la gnas par bya'o/ /de bzhin du rgyun du zhugs pa'i 'bras bu la sems can rnams 'god par 'dod pa dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid la 'god par 'dod pa dang / rang byang chub la sems can 'god par 'dod pa dang / bla na med pa yang dag par rdzogs pa'i byang chub la sems can rnams 'god par 'dod pa dang / dge slong gi dge 'dun bsdu bar 'dod pa'i byang chub sems dpa' sems dpa' chen pos shes rab kyi pha rol tu phyin pa 'di la gnas par bya'o//de skad ces bka' stsal pa dang / lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas par 'gyur ba lags/ji ltar na sbyor bar 'gyur ba lags/ de bzhin du ji ltar na bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la gnas par 'gyur ba lags/ji ltar na brtson par bgyid pa lags/ ji ltar na shes rab kyi pha rol tu phyin pa la spyod pa'i tshe/ nang stong pa nyid la brtson par bgyid pa lags/ dngos po med pa'i ngo bo nyid stong pa nyid kyi bar la brtson par bgyid pa lags/ ji ltar na byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/byang chub kyi phyogs kyi chos sum cu rtsa bdun la brtson par bgyid pa lags/ de bzhin du tshad med pa dang / bsam gtan dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa rnams la brtson par bgyid pa lags/ de bzhin du rnam par thar pa brgyad dang / mthar gyis gnas pa'i snyoms par 'jug pa dgu rnams la brtson par bgyid pa lags/ ji ltar na mngon par shes pa rnams la brtson par bgyid pa lags/ de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ji ltar de bzhin gshegs pa'i stobs bcu rnams dang / mi 'jigs pa bzhi rnams dang / so so yang dag par rig pa bzhi rnams dang / sangs rgyas kyi chos ma 'dres pa bco brgyad rnams la brtson par bgyid pa lags/de skad ces gsol pa dang / bcom ldan 'das kyis lha rnams kyi dbang po brgya byin la bka' stsal pa/ kau shi ka khyod legs so legs so/ /gang yang khyod de bzhin gshegs pa dgra bcom pa yang dag par rdzogs pa'i sangs rgyas la don 'di yongs su 'dri bar sems pa khyod legs so//kau shi ka spobs pa 'di yang sangs rgyas kyi byin gyi rlabs las byung ngo / /kau shi ka de'i phyir legs par rab tu nyon la yid la zung shig dang / de ngas khyod la bshad par bya'o zhes bya ba ni sbyor ba po rnam pa bzhi yin no/ / kau shi ka 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs la mi gnas te/ gang gi tshe gzugs la mi gnas pa de'i tshe gzugs la rnal 'byor du byed pa yin no/ /tshor ba dang / 'du shes dang / 'du byed rnams dang / rnam par shes pa la mi gnas te/ gang gi tshe rnam par shes pa la mi gnas pa de'i tshe/rnam par shes pa la rnal 'byor du byed pa yin no/ /mig la mi gnas/ de bzhin du rna ba dang / sna dang / lce dang / lus dang / yid la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /gzugs la mi gnas pa de bzhin du sgra dang / dri dang / ro dang / reg bya dang / chos la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /mig gi rnam par shes pa la mi gnas/ mig gi 'dus te reg pa la mi gnas/ mig gi 'dus te reg pa'i rkyen gyis tshor ba la mi gnas/ de bzhin du rna ba dang / sna dang / lce dang / lus dang / yid kyi rnam par shes pa la mi gnas/ yid kyi 'dus te reg pa la mi gnas/ yid kyi 'dus te reg pa'i rkyen gyis tshor ba la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /sa'i khams la mi gnas/ de bzhin du chu'i khams dang /me'i khams dang / rlung gi khams dang / nam mkha'i khams dang / rnam par shes pa'i khams la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /ma rig pa la mi gnas/ de bzhin du 'du byed dang / rnam par shes pa dang /ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams la mi gnas pa de ltar na shes rab kyi pha rol tu phyin pa la rnal 'byor du byed pa yin no//sbyin pa'i pha rol tu phyin pa la mi gnas/ de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la mi gnas pa de ltar na shes rab kyi pha rol tu phyin pa la rnal 'byor du byed pa yin no//nang stong pa nyid la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /dngos po med pa'i ngo bo nyid stong pa nyid kyi bar la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /dran pa nye bar gzhag pa rnams la mi gnas pa de ltar na shes rab kyi pha rol tu phyin pa la rnal 'byor du byed pa yin no//de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la mi gnas pa de ltar na shes rab kyi pha rol tu phyin pa la rnal 'byor du byed pa yin no//de bzhin du tshad med pa bzhi rnams dang / bsam gtan bzhi rnams dang / gzugs med pa'i snyoms par 'jug pa bzhi rnams dang / mngon par shes pa lnga rnams dang / stong pa nyid dang / mtshan ma med pa dang / smon pa med pa rnams dang / rnam par thar pa brgyad rnams dang /mthar gyis gnas pa'i snyoms par 'jug pa dgu rnams dang gzungs kyi sgo rnams la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /de bzhin du de bzhin gshegs pa'i stobs bcu rnams dang / mi 'jigs pa bzhi rnams dang / so so yang dag par rig pa rnams dang /sangs rgyas kyi chos ma 'dres pa bco brgyad la mi gnas pa de ltar na shes rab kyi pha rol tu phyin pa la rnal 'byor du byed pa yin no/ /de ci'i phyir zhe na/ de ni 'di ltar gang la gnas par bya ba dang / gang la rnal 'byor du bya ba de lta bu'i gzugs mi dmigs pa'i phyir ro//gang la gnas par bya ba dang / gang la rnal 'byor du bya ba de lta bu'i tshor ba dang / 'du shes dang / 'du byed rnams dang / rnam par shes pa mi dmigs pa'i phyir ro/ /gang la gnas par bya ba dang / gang la rnal 'byor du bya ba de lta bu'i khams dang / skye mched dang / rten cing 'brel bar 'byung ba'i yan lag dang /pha rol tu phyin pa dang / byang chub kyi phyogs kyi chos sum cu rtsa bdun rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang /rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang / stong pa nyid dang / mtshan ma med pa dang / smon pa med pa rnams dang / mngon par shes pa rnams dang / stobs bcu rnams dang / mi 'jigs pa bzhi rnams dang /so so yang dag par rig pa bzhi rnams dang / sangs rgyas kyi chos ma 'dres pa bco brgyad rnams mi dmigs pa'i phyir ro zhes bya ba ni gzugs la sogs pa la mi gnas pa'i sbyor ba yin no/ / kau shi ka gzhan yang byang chub sems dpa' sems dpa' chen po gzugs la sbyor bar mi byed de/gang gi tshe gzugs la sbyor bar mi byed pa de'i tshe/ gzugs la rnal 'byor du byed pa yin no/ /tshor ba dang / 'du shes dang / 'du byed rnams dang / rnam par shes pa la sbyor bar mi byed de/ gang gi tshe rnam par shes pa la sbyor bar mi byed pa de'i tshe rnam par shes pa la rnal 'byor du byed pa yin no//de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos dang / stong pa nyid dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnams dang /stong pa nyid dang / mtshan ma med pa dang / smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa dang / ting nge 'dzin dang / gzungs kyi sgo rnams dang / stobs bcu dang / mi 'jigs pa dang / so so yang dag par rig pa rnams dang / sangs rgyas kyi chos ma 'dres pa bco brgyad rnams la sbyor bar mi byed de/ gang gi tshe sangs rgyas kyi chos ma 'dres pa bco brgyad rnams la sbyor bar mi byed pa de'i tshe sangs rgyas kyi chos ma 'dres pa rnams la rnal 'byor du byed pa yin no/ /rnam pa thams cad mkhyen pa nyid kyi bar du sbyor bar mi byed de/gang gi tshe rnam pa thams cad mkhyen pa nyid la sbyor bar mi byed pa de'i tshe/ rnam pa thams cad mkhyen pa nyid la rnal 'byor du byed pa yin no/ /de ci'i phyir zhe na/ de ni 'di ltar byang chub sems dpa' sems dpa' chen po de gzugs sngon gyi mthar mi dmigs pa'i phyir ro//gzugs phyi ma'i mthar mi dmigs pa'i phyir ro/ /gzugs dbus su mi dmigs pa'i phyir ro/ /tshor ba dang / 'du shes dang / 'du byed rnams dang / rnam par shes pa sngon gyi mthar mi dmigs pa'i phyir ro/ /rnam par shes pa phyi ma'i mthar mi dmigs pa'i phyir ro//rnam par shes pa dbus su mi dmigs pa'i phyir ro/ /de bzhin du khams dang / skye mched dang / rten cing 'brel bar 'byung ba'i yan lag rnams dang / pha rol tu phyin pa dang / byang chub kyi phyogs kyi chos sum cu rtsa bdun rnams dang / 'phags pa'i bden pa rnams dang / tshad med pa rnams dang /bsam gtan dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams sngon gyi mthar mi dmigs pa'i phyir ro/ /phyi ma'i mthar mi dmigs pa'i phyir ro//dbus su mi dmigs pa'i phyir ro zhes bya ba ni sbyor ba med pa'i sbyor ba yin no/ / de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa zab po/ /bcom ldan 'das kyis bka' stsal pa/ shA ri'i bu gzugs kyi de bzhin nyid zab pa'i phyir shes rab kyi pha rol tu phyin pa zab po/shA ri'i bu tshor ba dang / 'du shes dang / 'du byed rnams dang / rnam par shes pa'i de bzhin nyid zab pa'i phyir shes rab kyi pha rol tu phyin pa zab po/ /shA ri'i bu de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa bco brgyad rnams kyi de bzhin nyid zab pa'i phyir shes rab kyi pha rol tu phyin pa zab po zhes bya ba ni zab pa'i sbyor ba yin no/ / shA ri'i bus gsol pa/ bcom ldan 'das shes rab kyi pha rol tu phyin pa ni gting dpag dka' ba'o/ / bcom ldan 'das kyis bka' stsal pa/ shA ri'i bu gzugs gting dpag dka' ba'i phyir shes rab kyi pha rol tu phyin pa gting dpag dka'o/ /tshor ba dang / 'du shes dang / 'du byed rnams dang / rnam par shes pa gting dpag dka' ba'i phyir shes rab kyi pha rol tu phyin pa gting dpag dka'o/ / de bzhin du khams dang / skye mched dang / rten cing 'brel bar 'byung ba'i yan lag rnams dang / pha rol tu phyin pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang /so so yang dag par rig pa dang / sangs rgyas kyi chos ma 'dres pa bco brgyad gting dpag dka' ba'i phyir shes rab kyi pha rol tu phyin pa gting dpag dka'o zhes bya ba ni gting dpag dka' ba'i sbyor ba yin no/ / shA ri'i bus gsol pa/ bcom ldan 'das shes rab kyi pha rol tu phyin pa 'di tshad ma mchis pa'o//bcom ldan 'das kyis bka' stsal pa/ shA ri'i bu gzugs tshad med pa'i phyir shes rab kyi pha rol tu phyin pa tshad med pa'o/ /shA ri'i bu tshor ba dang / 'du shes dang / 'du byed rnams dang / rnam par shes pa tshad med pa'i phyir shes rab kyi pha rol tu phyin pa tshad med pa'o//shA ri'i bu de bzhin du khams dang / skye mched dang / rten cing 'brel bar 'byung ba'i yan lag dang / pha rol tu phyin pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos dang / 'phags pa'i bden pa dang / tshad med pa dang /bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang /so so yang dag par rig pa dang / sangs rgyas kyi chos ma 'dres pa tshad med pa'i phyir shes rab kyi pha rol tu phyin pa tshad med do zhes bya ba ni tshad med pa'i sbyor ba yin no/ / shA ri'i bus gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa lags/bcom ldan 'das kyis bka' stsal pa/ shA ri'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs zab ces bya bar mi spyod na shes rab kyi pha rol tu phyin pa la spyod do/ /tshor ba dang / 'du shes dang / 'du byed rnams dang /rnam par shes pa zab ces bya bar mi spyod na shes rab kyi pha rol tu phyin pa la spyod do/ /de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos dang / 'phags pa'i bden pa dang / tshad med pa dang / bsam gtan dang /gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stong pa nyid thams cad dang / gzungs kyi sgo thams cad dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa zab ces bya bar mi spyod na shes rab kyi pha rol tu phyin pa la spyod do// //bam po bzhi bcu gcig pa/ de ci'i phyir zhe na/ shA ri'i bu de ni 'di ltar sangs rgyas kyi chos rnams kyi bar gyi zab pa nyid gang yin pa de ni sangs rgyas kyi chos ma yin no zhes bya ba ni zab pa'i sbyor ba'i rnam grangs gzhan chung ngu yin no// shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs gting dpag dka'o zhes bya bar mi spyod na shes rab kyi pha rol tu phyin pa la spyod do//tshor ba dang / 'du shes dang / 'du byed rnams dang / rnam par shes pa rnams gting dpag dka'o zhes bya bar mi spyod na shes rab kyi pha rol tu phyin pa la spyod do/ /de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos dang / 'phags pa'i bden pa dang / tshad med pa dang / bsam gtan rnams dang / gzugs med pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa gting dpag dka'o zhes bya bar mi spyod na shes rab kyi pha rol tu phyin pa la spyod do/ /de ci'i phyir zhe na/ shA ri'i bu de ni 'di ltar sangs rgyas kyi chos kyi bar gyi gting dpag dka' ba gang yin pa de ni sangs rgyas kyi chos kyi bar du yang ma yin no zhes bya ba ni gting dpag dka' ba'i sbyor ba'i rnam grangs gzhan 'bring po yin no// shA ri'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs tshad med do zhes bya bar mi spyod na shes rab kyi pha rol tu phyin pa la spyod do/ /gal te tshor ba dang / 'du shes dang / 'du byed rnams dang / rnam par shes pa tshad med do zhes bya bar mi spyod na shes rab kyi pha rol tu phyin pa la spyod do/ / de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa tshad med do zhes bya bar mi spyod na shes rab kyi pha rol tu phyin pa la spyod do/ /de ci'i phyir zhe na/ shA ri'i bu de ni 'di ltar sangs rgyas kyi chos kyi bar du tshad med pa gang yin pa de ni sangs rgyas kyi chos kyi bar du ma yin no zhes bya ba ni tshad med pa'i sbyor ba'i rnam grangs gzhan chen po yin no//shA ri'i bus gsol pa/ bcom ldan 'das shes rab kyi pha rol tu phyin pa 'di ltar zab pa gting dpag dka' ba tshad ma mchis pa/ de ltar bcom ldan 'das shes rab kyi pha rol tu phyin pa 'di byang chub sems dpa' sems dpa' chen po theg pa la gsar du zhugs pa'i mdun du brjod par mi bgyid de /shes rab kyi pha rol tu phyin pa zab mo 'di thos na dngang bar 'gyur/ kun tu skrag par 'gyur/ kun tu skrag pas zin par 'gyur du mchis pa'i slad du'o/ /bcom ldan 'das phyir mi ldog pa'i byang chub sems dpa' sems dpa' chen po'i mdun du 'di bstan par bgyi ste/des shes rab kyi pha rol tu phyin pa zab mo 'di thos nas dngang bar mi 'gyur/ kun tu skrag par mi 'gyur/ kun tu skrag pas zin par mi 'gyur/ nem nur du mi 'gyur/ the tshom du mi 'gyur te/ thos nas kyang gong nas gong du mos par 'gyur ro//de nas lha'i dbang po brgya byin gyis tshe dang ldan pa shA ri'i bu la 'di skad ces smras so/ /btsun pa shA ri'i bu gal te theg pa la gsar du zhugs pa'i byang chub sems dpa' sems dpa' chen po'i mdun du shes rab kyi pha rol tu phyin pa zab mo 'di bshad na nyes pa cir 'gyur/ shA ri'i bus smras pa/kau shi ka gal te theg pa la gsar du zhugs pa'i byang chub sems dpa' sems dpa' chen po'i mdun du shes rab kyi pha rol tu phyin pa zab mo 'di bshad na dngang bar 'gyur/ kun tu skrag par 'gyur/ kun tu skrag pas zin par 'gyur te/ phyir rgol bar 'gyur la spong bar 'gyur zhing mos par mi 'gyur te/kau shi ka theg pa la gsar du zhugs pa'i byang chub sems dpa' sems dpa' chen po gang yin pa de dag shes rab kyi pha rol tu phyin pa zab mo 'di thos nas spangs te log par ltung bar 'gyur ba'i tshogs bsags par 'gyur ba des tshegs chen po yun ring mo zhig nas bla na med pa yang dag par rdzogs pa'i byang chub tu 'tshang rgya bar 'gyur ba'i gnas yod do zhes bya ba ni tshegs chen pos yun ring mo zhig nas mngon par rdzogs par byang chub pa'i sbyor ba yin no// brgya byin gyis smras pa/ btsun pa shA ri'i bu byang chub sems dpa' sems dpa' chen po lung ma bstan pa shes rab kyi pha rol tu phyin pa zab mo 'di thos nas dngang bar mi 'gyur/kun tu skrag par mi 'gyur/ kun tu skrag pas zin par mi 'gyur ba ni yod do/ /shA ri'i bus smras pa/ kau shi ka byang chub sems dpa' sems dpa' chen po shes rab kyi pha rol tu phyin pa zab mo 'di thos nas dngang bar mi 'gyur/ kun tu skrag par mi 'gyur/kun tu skrag pas zin par mi 'gyur ba de dag ni ring po mi thogs par bla na med pa yang dag par rdzogs pa'i byang chub tu lung bstan pa thob par 'gyur te/ de ni de bzhin gshegs pa gcig gam gnyis sam gsum las mi 'da' bar de nas bla na med pa yang dag par rdzogs pa'i byang chub tu lung bstan pa thob par 'gyur ro//de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu de de bzhin no/ /de de bzhin te/ shA ri'i bu byang chub sems dpa' sems dpa' chen po yun ring por theg pa chen po la yang dag par zhugs pa/ yun ring por pha rol tu phyin pa drug la spyad pa/sangs rgyas mang po la bsnyen bkur bar byas pa de lta bu 'byung bar 'gyur te/ shA ri'i bu byang chub sems dpa' sems dpa' chen po de dag ni shes rab kyi pha rol tu phyin pa zab mo 'di thos nas dngang bar mi 'gyur/ kun tu skrag par mi 'gyur/ kun tu skrag pas zin par mi 'gyur zhing thos nas kyang gong nas gong du 'dzin par 'gyur/'chang bar 'gyur/ klog par 'gyur/ kun chub par byed par 'gyur zhing / ji skad bstan pa'i shes rab kyi pha rol tu phyin pa la gnas par 'gyur ba yin no/ /de nas tshe dang ldan pa shA ri'i bus bcom ldan 'das la 'di skad ces gsol to//bcom ldan 'das bdag gis spobs pa lags so/ /bde bar gshegs pa bdag gis spobs pa lags so/ /bcom ldan 'das kyis bka' stsal pa/ rigs kyi bu de spobs par gyis shig /shA ri'i bus gsol pa/ bcom ldan 'das 'di lta ste dper na/ theg pa chen po la yang dag par zhugs pa'i rigs kyi bu'am/rigs kyi bu mo rmi lam gyi nang na shes rab kyi pha rol tu phyin pa bsgom/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa snying po byang chub la mchis kyi bar du bsgom par bgyid pa'i rigs kyi bu'am/rigs kyi bu mo de yang bcom ldan 'das bla na med pa yang dag par rdzogs pa'i byang chub dang nye bar gyur pa de ltar rig par bgyi na/ bcom ldan 'das rigs kyi bu'am/ rigs kyi bu mo gnyid ma log pa na shes rab kyi pha rol tu phyin pa dang /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa bsgom par bgyid pa gang lags pa de bcom ldan 'das bla na med pa yang dag par rdzogs pa'i byang chub dang de ltar nye bar gyur par rig par bgyi ba la lta smos su ci mchis zhes bya ba ni lung bstan pa thob pa'i sbyor ba yin no// bcom ldan 'das rigs kyi bu'am/ rigs kyi bu mo shes rab kyi pha rol tu phyin pa zab mo 'di nyan pa thos par 'gyur te/ thos nas kyang sgrub par 'gyur ba de dag ni dge ba'i rtsa ba yongs su smin par 'gyur ro//bcom ldan 'das rigs kyi bu'am rigs kyi bu mo gang shes rab kyi pha rol tu phyin pa zab mo 'di thos nas 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur ba de dag ni yun ring po nas theg pa la yang dag par zhugs pa'o//bcom ldan 'das rigs kyi bu'am/ rigs kyi bu mo de dag ni dge ba'i rtsa ba bskyed pa'o/ /sangs rgyas mang po la bsnyen bkur ba'o/ /dge ba'i bshes gnyen gyis yongs su bzung ba'o/ /bcom ldan 'das rigs kyi bu'am/ rigs kyi bu mo de dag ni bla na med pa yang dag par rdzogs pa'i byang chub tu lung bstan pa dang nye bar 'gyur ro/ /bcom ldan 'das rigs kyi bu'am/ rigs kyi bu mo gang shes rab kyi pha rol tu phyin pa 'di bdag nyid la bskyed par 'gyur te/ bskyed nas kyang 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur ba de dag ni bla na med pa yang dag par rdzogs pa'i byang chub tu lung ston par 'gyur ba'am/ phyir mi ldog par 'gyur ba lags so zhes bya ba ni phyir mi ldog pa'i sbyor ba yin no/ / bcom ldan 'das 'di lta ste dper na/skyes bu la la zhig 'brog dgon pa dpag tshad brgya pa zhig nas 'byung ngam/ 'brog dgon pa dpag tshad nyis brgya pa dang / sum brgya pa dang / dpag tshad bzhi brgya pa dang / dpag tshad lnga brgya pa nas byung ba zhig mchis la mchis pa'i tshe/ grong dang / grong khyer dang / grong rdal dang /khams dang / rgyal po'i pho brang gi 'khor gyi snga ltas ba lang rdzi'am/ sa mtshams sam/ bza' shing gi ra ba'am/ nags tshal lam/ skyed mos tshal mthong ngam/ grong dang / grong khyer dang / grong rdal dang / khams dang / rgyal po'i pho brang 'khor dag mthong na de 'di snyam du gyur te/ snga ltas 'di dag snang ba las na 'di nas grong ngam/grong khyer ram/ grong rdal lam/ khams sam/ rgyal po'i pho brang 'khor ni nye'o snyam ste/ dbugs phyin par 'gyur zhing de la slan chad rkun po'i 'jigs pa'am/ gdol pa'i 'jigs pa'am/ gcan gzan khro bo'i 'jigs pa'am/bkres pa'i 'jigs pa'am/ skom pa'i 'jigs pa ma mchis so/ /bcom ldan 'das de bzhin du byang chub sems dpa' sems dpa' chen po gang shes rab kyi pha rol tu phyin pa 'di rang nyid la bskyed par 'gyur te/ bskyed par gyur nas kyang 'dzin par 'gyur/ 'chang bar 'gyur/klog par 'gyur/ kun chub par bgyid par 'gyur/ tshul bzhin du yid la bgyid par 'gyur na/ bcom ldan 'das de'i tshe byang chub sems dpa' sems dpa' chen po de ni lung bstan pa la nye bar gyur par rig par bgyi ste/ ring po mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//byang chub sems dpa' sems dpa' chen po des de slan chad nyan thos kyi sa'am/ rang sangs rgyas kyi sas 'jigs par mi bgyi'o/ /de ci'i slad du zhe na/ 'di lta ste/ byang chub sems dpa' sems dpa' chen po shes rab kyi pha rol tu phyin pa zab mo 'dis lta ba dang /phyag bgyi ba dang / bsnyen bkur bgyi ba dang / mnyan du mchis pa de nyid 'di'i snga ltas lags pa'i phyir ro/ /de skad ces gsol pa dang / bcom ldan 'das kyis tshe dang ldan pa shA ri'i bu la bka' stsal pa/ shA ri'i bu de de bzhin no/ /de de bzhin te/zhes bya ba ni nges par 'byung ba'i sbyor ba yin no/ / shA ri'i bu khyod kyis da dung yang sangs rgyas kyi mthus spobs pa skyed cig /shA ri'i bus gsol pa/ bcom ldan 'das 'di lta ste dper na/ skyes bu la la zhig rgya mtsho chen po zhums par 'tshal bar gyur la/ de rgya mtsho chen po zhums pa'i slad du ji lta ji ltar rgya mtsho chen por mchis pa de lta de ltar sdong po'am/sdong po'i mtshan ma'am/ ri'am ri'i mtshan ma mthong na des 'di nas rgya mtsho chen po ni thag ring ste rgya mtsho chen po ni nye bar ma gyur to/ /de ci'i phyir zhe na/ rgya mtsho chen po de'i drung na sdong po'am sdong po'i mtshan ma'am/ ri'am ri'i mtshan ma cung zhig kyang mthong ba ma mchis pa'i phyir ro zhes rig par bgyi'o//bcom ldan 'das 'di lta ste dper na/ skyes bu zhig rgya mtsho chen po zhums par 'tshal bar gyur la de rgya mtsho chen po zhums pa'i slad du ji lta ji ltar mchis pa de lta de ltar sdong po'am sdong po'i mtshan ma'am ri'am ri'i mtshan ma mthong na des 'di nas rgya mtsho chen po ni ring po med de 'di nas rgya mtsho chen po ni nye bar gyur to//de ci'i phyir zhe na/ rgya mtsho chen po'i drung na sdong po'am sdong po'i mtshan ma'am ri'am ri'i mtshan ma ci yang ma mchis pa'i phyir ro zhes rig par bgyi'o/ /de ltar skyes bu de'i mig gis rgya mtsho chen po ma mthong du lags kyang des bdag ni rgya mtsho chen po dang nye bar mchis par gyur te/rgya mtsho chen po ni 'di na yod do/ /rgya mtsho chen po ni 'di phan chad mi ring ngo zhes bgyi bar 'tshal to/ /bcom ldan 'das de bzhin du shes rab kyi pha rol tu phyin pa 'di nyan cing 'dzin pa dang / 'chang zhing klog pa dang / kun chub par bgyid pa dang /tshul bzhin du yid la bgyid pa'i byang chub sems dpa' sems dpa' chen po de 'di ltar rig par bgyi/ 'di ltar bsam par bgyi ste/ bdag de bzhin gshegs pa dgra bcom pa yang dag par rdzogs pa'i sangs rgyas kyis khyod bskal pa 'di snyed cig /bskal pa brgya phrag ni 'di snyed cig /bskal pa stong phrag ni 'di snyed cig /bskal pa bye ba khrag khrig brgya stong phrag ni 'di snyed cig nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bla na med pa yang dag par rdzogs pa'i byang chub tu mngon sum du lung ma bstan te/ de lta na yang byang chub sems dpa' sems dpa' chen pos bla na med pa yang dag par rdzogs pa'i byang chub tu lung bstan pa dang /nye bar gnas par gyur to zhes de ltar rig par bgyi'o/ /de ci'i phyir zhe na/ 'di ltar bdag gis shes rab kyi pha rol tu phyin pa zab mo 'di lta ba dang / phyag bya ba dang / bsnyen bkur du yod la mnyan du yod pa'i phyir ro//thos nas kyang gzung du yod do/ /bcang du yod do/ /klag tu yod do/ /kun chub par byar yod do/ /tshul bzhin du yid la byar yod pa'i phyir ro zhes bgyi bar rig par bgyi'o zhes bya ba ni bar chad med pa'i sbyor ba yin no/ / bcom ldan 'das 'di lta ste dper na/ dpyid kyi dus la bab ste rtsi shing gi lo ma dang / 'dab ma lhags nas kha dog gyur pa'i tshe/ 'dzam bu'i gling gi mi rnams kyis ring por mi thogs par lo ma dang / me tog dang 'bras bu 'byung bar 'gyur ro/ /de ci'i slad du zhe na/ de ni 'di ltar snga ltas 'di dag rtsi shing la snang bas da ni 'di nas ring por mi thogs par lo ma dang /me tog dang / 'bras bu 'byung bar 'gyur ro zhes 'dzam bu gling pa'i mi rnams rtsi shing la snga ltas de dag mthong nas nyams bde bar 'gyur ro/ /bcom ldan 'das de bzhin du byang chub sems dpa' sems dpa' chen po yang gang gi tshe shes rab kyi pha rol tu phyin pa zab mo 'di blta ba dang /phyag bgyi ba dang / bsnyen bkur ba dang / mnyan du mchis te/ thos nas kyang 'dzin par 'gyur/ 'chang bar 'gyur/ klog cing kun chub par bgyi ba dang / tshul bzhin du yid la bgyid pa'i byang chub sems dpa' sems dpa' chen po de ni bcom ldan 'das dge ba'i rtsa ba yongs su smin par 'tshal bar bgyi'o//bcom ldan 'das rigs kyi bu dang rigs kyi bu mo de dag ni sangs rgyas mang po la bsnyen bkur bar 'tshal bar bgyi ste/ bcom ldan 'das byang chub sems dpa' sems dpa' chen po des kyang 'di ltar bdag gis shes rab kyi pha rol tu phyin pa zab mo 'di blta ba dang /phyag bya ba dang / bsnyen bkur ba dang / mnyan du yod pa dang / ji skad du bstan pa'i shes rab kyi pha rol tu phyin pa la bsgrub par bya bar yod pa ni sngon gyi dge ba'i rtsa bas bla na med pa yang dag par rdzogs pa'i byang chub tu nye bar gyur to zhes bgyi bar 'tshal bar bgyi'o//de nas lha'i bu sngon sangs rgyas mthong ba ji snyed cig mchis pa de dag kyang byang chub sems dpa' sems dpa' chen po'i snga ltas de dag mthong nas sngon gyi byang chub sems dpa' sems dpa' chen po rnams lung bstan par gyur pa la snga ltas 'di dag byung gi byang chub sems dpa' sems dpa' chen po de yang ring por mi thogs par bla na med pa yang dag par rdzogs pa'i byang chub tu lung ston par 'gyur ro zhes rab tu dga' zhing spro la yid bde bar 'gyur ro zhes bya bar ni mngon par rdzogs par byang chub pa la nye ba'i sbyor ba yin no// bcom ldan 'das 'di lta ste dper na/ bud med sbrum ma ni ji lta ji ltar btsar nye bar gyur pa de lta de ltar lus 'gyur zhing lus la sdug bsngal drag pa dang /nyam chung bar 'gyur te/ mchi snying mi 'tshal bar 'gyur/ dran pa chung bar 'gyur/ kha zas chung ngu 'tshal bar 'gyur/ rmugs pa dang / gnyid kyang chung ngur 'gyur te/ tshor ba de dag gis smra ba nyung bar 'gyur/ mchis mi zug par 'gyur/ sngon tshul bzhin du ma lags pa yid la bgyis pa bsten pa dang / yid la bgyis pa dang / bsnyen pa des rnam pa de lta bu'i tshor ba myong bar 'gyur te/ de las gzhan pa'i bud med rnams kyis bud med de'i mtshan ma ji lta ji ltar mthong ba las bud med 'di ni ring por mi thogs par btsa' bar 'gyur ro zhes bgyi bar 'tshal lo//bcom ldan 'das de bzhin du byang chub sems dpa' sems dpa' chen po dge ba'i rtsa ba bskyed pa/ sangs rgyas mang po la bsnyen bkur ba/ legs pa'i spyod pa spyad pa/ dge ba'i bshes gnyen gyis yongs su bzung ba/ dge ba'i rtsa ba yongs su smin pa rnams la yang shes rab kyi pha rol tu phyin pa zab mo 'di 'thad par gyur te/'thad par gyur nas kyang 'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la bgyid par 'gyur na/ bcom ldan 'das byang chub sems dpa' sems dpa' chen po de dag ring por mi thogs par bla na med pa yang dag par rdzogs pa'i byang chub tu lung bstan par 'gyur bar rig par bgyi'o//bcom ldan 'das kyis bka' stsal pa/ shA ri'i bu legs so legs so/ /shA ri'i bu khyod kyi spobs pa de ni sangs rgyas kyi mthus skyes so zhes bya ba ni myur du mngon par rdzogs par byang chub pa'i sbyor ba yin no// de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyis byang chub sems dpa' sems dpa' chen po de dag de ltar yongs su bzung ba ni ngo mtshar che'o//bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po de dag ni skye bo mang po la phan pa dang / skye bo mang po la bde ba'i phyir dang / 'jig rten la snying brtse ba dang / lha dang / mi'i skye bo'i tshogs phal po che'i don dang / phan pa dang bde ba'i phyir bla na med pa yang dag par rdzogs pa'i byang chub tu yang dag par zhugs te/ byang chub sems dpa'i spyad pa spyod pa'i tshe/ bsdu ba'i dngos po sbyin pa dang / snyan par smra ba dang / don spyod pa dang / don mthun pa bzhis sems can brgya phrag du ma dang / sems can stong phrag du ma dang / sems can bye ba khrag khrig brgya stong phrag du ma rjes su 'dzin par 'gyur te/ dge ba bcu'i las kyi lam la yang dag par len du 'jug go/ /bsam gtan bzhi rnams dang / tshad med pa bzhi rnams dang / gzugs med pa'i snyoms par 'jug pa bzhi rnams yang dag par len du 'jug go/ /bdag nyid kyang chos de rnams la gnas par 'gyur ro/ /bdag kyang sbyin pa'i pha rol tu phyin pa la spyod do/ /gzhan yang sbyin pa'i pha rol tu phyin pa la yang dag par 'god do/ /bdag kyang tshul khrims kyi pha rol tu phyin pa la yang dag par spyod cing gzhan yang tshul khrims kyi pha rol tu phyin pa rab tu 'god do//bdag kyang bzod pa'i pha rol tu phyin pa la spyod cing gzhan yang bzod pa'i pha rol tu phyin pa la rab tu 'god do/ /bdag kyang brtson 'grus kyi pha rol tu phyin pa la spyod cing gzhan yang brtson 'grus kyi pha rol tu phyin pa la rab tu 'god do//bdag kyang bsam gtan gyi pha rol tu phyin pa la spyod cing gzhan yang bsam gtan gyi pha rol tu phyin pa la rab tu 'god do/ /bdag kyang shes rab kyi pha rol tu phyin pa la spyod cing gzhan yang shes rab kyi pha rol tu phyin pa la rab tu 'god do/ /de dag shes rab kyi pha rol tu phyin pa la gnas shing thabs mkhas pas sems can rnams rgyun du zhugs pa'i 'bras bu la rab tu 'god kyang bdag nyid rgyun du zhugs pa'i 'bras bu mngon du mi byed do//de bzhin du sems can rnams lan cig phyir 'ong ba dang / phyir mi 'ong ba dang / dgra bcom pa la rab tu 'god kyang bdag nyid dgra bcom pa'i bar mngon du mi byed do//sems can rnams rang sangs rgyas la rab tu 'god kyang bdag nyid rang byang chub mngon du mi byed do/ /bdag kyang phyir mi ldog pa'i sa gnon la/ gzhan yang phyir mi ldog pa'i sa la rab tu 'god do/ /bdag kyang sangs rgyas kyi zhing yongs su dag par byed cing byang chub sems dpa' gzhan rnams kyang sangs rgyas kyi zhing yongs su dag par bya ba la yang dag par bskul lo//bdag kyang sems can yongs su smin par byed la/ gzhan yang sems can yongs su smin par bya ba la yang dag par bskul lo/ /bdag kyang byang chub sems dpa'i mngon par shes pa bskyed la/gzhan yang mngon par shes pa thob par bya ba la yang dag par bskul lo/ /bdag kyang gzungs kyi sgo yongs su sbyong la/ gzhan yang gzungs kyi sgo yongs su sbyong ba la yang dag par bskul lo/ /bdag kyang spobs pa phun sum tshogs pa thob par byed la/ gzhan yang spobs pa phun sum tshogs pa la yang dag par bskul lo//bdag kyang gzugs phun sum tshogs pa yongs su 'dzin la/ gzhan yang gzugs phun sum tshogs pa thob par bya ba la yang dag par bskul lo/ /bdag kyang mtshan phun sum tshogs pa yongs su 'dzin la/ gzhan yang mtshan phun sum tshogs pa thob par bya ba la yang dag par bskul lo//bdag kyang gzhon nu'i sa phun sum tshogs pa yongs su 'dzin la/ gzhan yang gzhon nu'i sa phun sum tshogs pa thob par bya ba la yang dag par bskul lo/ /bdag kyang byang chub kyi phyogs kyi chos yongs su rdzogs par byed la/ gzhan yang byang chub kyi phyogs kyi chos yongs su rdzogs par bya ba la yang dag par bskul lo//bdag kyang 'phags pa'i bden pa dang / rnam par thar pa dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / gzungs kyi sgo skyed par byed la/gzhan dag kyang de rnams la 'god par byed do/ /bdag kyang de bzhin gshegs pa'i stobs bcu dang / mi 'jigs pa bzhi skyed par byed la/ gzhan yang mi 'jigs pa bzhi la yang dag par bskul lo/ /bdag kyang so so yang dag par rig pa bzhi skyed par byed la/ gzhan yang so so yang dag par rig pa bzhi thob pa la yang dag par bskul lo//bdag kyang byams pa chen po dang / snying rje chen po dang / btang snyoms chen po dang / dga' ba chen po sgom par byed la/ gzhan yang tshad med pa bzhi bsgom pa la yang dag par bskul lo/ /bdag kyang sangs rgyas kyi chos ma 'dres pa bco brgyad sgrub la/gzhan yang sangs rgyas kyi chos ma 'dres pa bco brgyad la yang dag par bskul lo/ /bdag kyang rnam pa thams cad mkhyen pa'i ye shes sgrub la/ gzhan yang rnam pa thams cad mkhyen pa'i ye shes la yang dag par bskul lo/ /bdag kyang bag chags kyi mtshams sbyor ba'i nyon mongs pa spong la/gzhan yang bag chags kyi mtshams sbyor ba'i nyon mongs pa spong ba la yang dag par bskul lo/ /bdag kyang bla na med pa yang dag par rdzogs pa'i byang chub tu mngon par rdzogs par byang chub par byed la/ gzhan yang bla na med pa yang dag par rdzogs pa'i byang chub tu yang dag par bskul lo//bdag kyang chos kyi 'khor lo bskor la/ gzhan yang chos kyi 'khor lo bskor ba la yang dag par bskul lo zhes bya ba ni gzhan gyi don gyi sbyor ba yin no/ / de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to//de ltar byang chub sems dpa' sems dpa' chen po rnams kyi yon tan mang po dang ldan pa de dag sems can thams cad kyi slad du shes rab kyi pha rol tu phyin pa la spyod cing bla na med pa yang dag par rdzogs pa'i byang chub tu mngon par rdzogs par 'tshang rgya ba ni bcom ldan 'das ngo mtshar to//bde bar gshegs pa ngo mtshar to/ /bcom ldan 'das ji ltar na byang chub sems dpa' sems dpa' chen po rnams kyi shes rab kyi pha rol tu phyin pa bsgom pa yongs su rdzogs par 'gyur ba lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nam gzugs kyi 'phel ba yang dag par rjes su ma mthong ba dang / tshor ba dang / 'du shes dang / 'du byed rnams dang / rnam par shes pa'i 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ khams dang / skye mched dang / rten cing 'brel bar 'byung ba'i yan lag rnams dang / pha rol tu phyin pa rnams dang /byang chub kyi phyogs kyi chos sum cu rtsa bdun rnams dang / 'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu rnams dang / stong pa nyid dang / mtshan ma med pa dang / smon pa med pa rnams dang / mngon par shes pa drug rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu rnams dang / mi 'jigs pa bzhi rnams dang / so so yang dag par rig pa bzhi rnams dang /sangs rgyas kyi chos ma 'dres pa bco brgyad rnams kyi 'phel ba yang dag par rjes su ma mthong ba dang / rnam pa thams cad mkhyen pa nyid kyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro//bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam gzugs kyi 'grib pa yang dag par rjes su ma mthong ba dang / tshor ba dang / 'du shes dang /'du byed rnams dang / rnam par shes pa'i 'grib pa yongs su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /de bzhin du khams dang / skye mched dang / rten cing 'brel bar 'byung ba dang /pha rol tu phyin pa rnams dang / byang chub kyi phyogs kyi chos rnams dang / 'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu rnams dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa bco brgyad rnams dang /rnam pa thams cad mkhyen pa nyid kyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po rnams shes rab kyi pha rol tu phyin pa bsgom pa yongs su rdzogs par 'gyur ro zhes bya ba ni 'phel 'grib med pa'i sbyor ba yin no// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos zhes bya bar yang dag par rjes su mi mthong / chos ma yin pa zhes bya bar yang dag par rjes su mi mthong / 'das zhes bya bar yang dag par rjes su mi mthong /ma 'ongs pa zhes bya bar yang dag par rjes su mi mthong / da ltar byung ba zhes bya bar yang dag par rjes su mi mthong / dge zhes bya ba dang / mi dge zhes bya ba dang / lung ston zhes bya ba dang / lung mi ston zhes bya bar yang dag par rjes su mi mthong / 'dus byas zhes bya bar yang dag par rjes su mi mthong /'dus ma byas zhes bya bar yang dag par rjes su mi mthong / 'dod pa'i khams zhes bya bar yang dag par rjes su mi mthong / gzugs kyi khams zhes bya bar yang dag par rjes su mi mthong / gzugs med pa'i khams zhes bya bar yang dag par rjes su mi mthong / sbyin pa'i pha rol tu phyin pa zhes bya bar yang dag par rjes su mi mthong /tshul khrims kyi pha rol tu phyin pa zhes bya bar yang dag par rjes su mi mthong / bzod pa'i pha rol tu phyin pa zhes bya bar yang dag par rjes su mi mthong / brtson 'grus kyi pha rol tu phyin pa zhes bya bar yang dag par rjes su mi mthong / bsam gtan gyi pha rol tu phyin pa zhes bya bar yang dag par rjes su mi mthong / shes rab kyi pha rol tu phyin pa zhes bya bar yang dag par rjes su mi mthong / rnam pa thams cad mkhyen pa nyid kyi bar zhes bya bar yang dag par rjes su mi mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro//de ci'i phyir zhe na/ rab 'byor de ni 'di ltar chos rnams kyi chos kyi mtshan nyid ni phyir mi ldog pa med pa dang / gsog dang / gsob dang / snying po med pa dang / dbang du gyur pa med pa'i phyir ro zhes bya ba ni chos dang chos ma yin pa mi dmigs pa'i sbyor ba yin no// rab 'byor gyis gsol pa/ bcom ldan 'das kyis bsam gyis mi khyab pa bstan to/ /bcom ldan 'das kyis bka' stsal pa/ rab 'byor gzugs bsam gyis mi khyab pa'i phyir bsam gyis mi khyab pa bstan to/ /tshor ba dang / 'du shes dang / 'du byed rnams dang /rnam par shes pa bsam gyis mi khyab pa'i phyir bsam gyis mi khyab pa bstan to/ /rab 'byor sbyin pa'i pha rol tu phyin pa bsam gyis mi khyab pa'i phyir bsam gyis mi khyab pa bstan to/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa bsam gyis mi khyab pa'i phyir bsam gyis mi khyab pa bstan to/ /de bzhin du byang chub kyi phyogs kyi chos sum cu rtsa bdun rnams dang / 'phags pa'i bden pa dang / tshad med pa dang / bsam gtan dang /gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stong pa nyid thams cad dang / ting nge 'dzin thams cad dang /gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams dang / rnam pa thams cad mkhyen pa nyid bsam gyis mi khyab pa'i phyir bsam gyis mi khyab pa bstan to/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gal te gzugs bsam gyis mi khyab ces bya bar 'du shes pa med pa dang / tshor ba dang / 'du shes dang / 'du byed rnams dang / rnam par shes pa bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed par 'gyur ro//de bzhin du khams dang / skye mched dang / rten cing 'brel bar 'byung ba'i yan lag dang / pha rol tu phyin pa rnams dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos rnams dang /'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /smon pa med pa dang / mngon par shes pa rnams dang / stobs bcu rnams dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed par 'gyur ro zhes bya ba ni bsam gyis mi khyab pa'i rnam pa'i 'du shes 'gog pa'i sbyor ba yin no// rab 'byor gyis gsol pa/ bcom ldan 'das shes rab kyi pha rol tu phyin pa zab mo 'di la mos par 'gyur ba su lags/ bcom ldan 'das kyis bka' stsal pa/rab 'byor byang chub sems dpa' sems dpa' chen po gang sngon yang pha rol tu phyin pa drug la spyad par gyur pa / de bzhin gshegs pa la dge ba'i rtsa ba bskyed par gyur pa/ sangs rgyas mang po la bsnyen bkur ba/ dge ba'i bshes gnyen gyis yongs su bzung bar gyur pa de dag ni shes rab kyi pha rol tu phyin pa zab mo 'di la mos par 'gyur ro//rab 'byor gyis gsol pa/ bcom ldan 'das ji tsam gyis na byang chub sems dpa' sems dpa' chen po sngon yang pha rol tu phyin pa drug la spyad par gyur pa dang / de bzhin gshegs pa la dge ba'i rtsa ba bskyed par gyur pa dang /sangs rgyas mang po la bsnyen bkur ba dang / dge ba'i bshes gnyen gyis yongs su bzung bar gyur pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs mi rtog rnam par mi rtog go/ /gzugs kyi mtshan mar mi rtog rnam par mi rtog go/ /gzugs kyi rang bzhin du mi rtog rnam par mi rtog go/ /tshor ba dang / 'du shes dang / 'du byed rnams dang / rnam par shes par mi rtog rnam par mi rtog go/ /rnam par shes pa'i mtshan mar mi rtog rnam par mi rtog go//rnam par shes pa'i rang bzhin du mi rtog rnam par mi rtog go/ /de bzhin du khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag dang / 'dod pa'i khams dang / gzugs kyi khams dang / gzugs med pa'i khams dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / phyi stong pa nyid dang / phyi nang stong pa nyid dang /dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin thams cad dang / gzungs kyi sgo thams cad dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid du mi rtog rnam par mi rtog go/ /rnam pa thams cad mkhyen pa nyid kyi mtshan mar mi rtog rnam par mi rtog go/ /rnam pa thams cad mkhyen pa nyid kyi rang bzhin du mi rtog rnam par mi rtog go//de ci'i phyir zhe na/ rab 'byor de ni 'di ltar gzugs bsam gyis mi khyab pa'i phyir ro/ /tshor ba dang / 'du shes dang / 'du byed rnams dang / rnam par shes pa bsam gyis mi khyab pa'i phyir ro/ /de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos rnams dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid bsam gyis mi khyab pa'i phyir ro/ /rab 'byor de ltar na byang chub sems dpa' sems dpa' chen po sngon yang pha rol tu phyin pa drug la spyad par gyur pa dang / de bzhin gshegs pa la dge ba'i rtsa ba bskyed par gyur pa dang /sangs rgyas mang po la bsnyen bkur ba dang / dge ba'i bshes gnyen gyis yongs su bzung bar gyur pa yin no/ /rab 'byor gyis gsol pa/ bcom ldan 'das shes rab kyi pha rol tu phyin pa ni zab po/ /bcom ldan 'das kyis bka' stsal pa/ rab 'byor gzugs zab pa'i phyir shes rab kyi pha rol tu phyin pa zab po//tshor ba dang / 'du shes dang / 'du byed rnams dang / rnam par shes pa zab pa'i phyir shes rab kyi pha rol tu phyin pa zab po/ /de bzhin du khams dang / skye mched dang / rten cing 'brel bar 'byung ba dang / pha rol tu phyin pa rnams dang / byang chub kyi phyogs kyi chos rnams dang /'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang /mngon par shes pa dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams zab pa'i phyir shes rab kyi pha rol tu phyin pa zab po//rnam pa thams cad mkhyen pa nyid zab pa'i phyir shes rab kyi pha rol tu phyin pa zab po zhes bya ba ni rnam par mi rtog pa'i sbyor ba yin no/ / rab 'byor gyis gsol pa/ bcom ldan 'das shes rab kyi pha rol tu phyin pa ni rin po che'i phung po ste/ rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub rin po che sbyin pa'i phyir ro/ /bcom ldan 'das shes rab kyi pha rol tu phyin pa ni chos kyi 'khor lo bskor ba'o zhes bya ba ni 'bras bu rin po che sbyin pa'i sbyor ba yin no// rab 'byor gyis gsol pa/ bcom ldan 'das shes rab kyi pha rol tu phyin pa ni chos thams cad rnam par dag pa'i phung po lags so/ /bcom ldan 'das kyis bka' stsal pa/ gzugs rnam par dag pa'i phyir ro/ /tshor ba dang / 'du shes dang / 'du byed rnams dang / rnam par shes pa rnam par dag pa'i phyir ro/ /de bzhin du khams dang / skye mched dang / rten cing 'brel bar 'byung ba dang / pha rol tu phyin pa dang / byang chub kyi phyogs kyi chos rnams dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang /rnam pa thams cad mkhyen pa nyid rnam par dag pa'i phyir ro zhes bya ba ni rnam par dag pa'i sbyor ba yin no/ / rab 'byor gyis gsol pa/ bcom ldan 'das shes rab kyi pha rol tu phyin pa ji tsam du zab pa 'di bstan pa'i tshe bar chad mang du 'byung ba ni ngo mtshar che'o//bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor shes rab kyi pha rol tu phyin pa zab mo 'di ni bar chad mang ngo / /de bas na shes rab kyi pha rol tu phyin pa zab mo 'di bri bar bya ba dang / bstan pa dang / bcangs pa dang / bklags pa dang /kha ton du bya ba dang / tshul bzhin du yid la bya ba dang / bsgom par bya ba la bar chad med par gyur cig ces rigs kyi bu'am/ rigs kyi bu mos shes rab kyi pha rol tu phyin pa zab mo 'di bri na yang myur du bri bar bya'o/ /bstan pa dang / bcangs pa dang / bklags pa dang / kha ton du bya ba dang /tshul bzhin du yid la bya ba dang / sgom na yang myur du bsgom par bya'o/ /de ci'i phyir zhe na/ rab 'byor gal te rigs kyi bu'am/ rigs kyi bu mo gang gis shes rab kyi pha rol tu phyin pa zab mo 'di zla ba gcig gis bri bar bya na yang des bri bar byas par 'gyur ba yin pa'i phyir ro//gal te gnyis sam/ gsum mam/ bzhi'am/ lnga'am/ drug gam/ bdun nam/ brgyad dam/ lo'i bar gyis bri bar bya bar gyur na yang des bri bar bya ba nyid du 'gyur ba yin pa'i phyir ro/ /gal te zla ba gcig gis bstan par bya ba dang / bcang bar bya ba dang / bklag par bya ba dang / kha ton du bya ba dang / tshul bzhin du yid la bya ba dang / bsgom par bya na yang des de bzhin du bsgom par bya bar 'gyur ba yin pa'i phyir ro/ /lo'i bar gyis bsgom par bya na yang des de bsgom par bya bar 'gyur ba'i phyir ro/ /de ci'i phyir zhe na/ rab 'byor rin po che chen po la bar chad mang du 'byung ba'i phyir ro//rab 'byor gyis gsol pa/ bcom ldan 'das shes rab kyi pha rol tu phyin pa zab mo 'di ci nas kyang mi 'dri ba dang / mi bstan pa dang / mi bcang ba dang / mi klag pa dang / tshul bzhin du yid la mi bgyid ba dang / mi bsgom pa'i slad du bdud sdig to can dag bar chad byed pa'i sbyor ba la mi 'jug pa ngo mtshar che'o//bcom ldan 'das kyis bka' stsal pa/ rab 'byor shes rab kyi pha rol tu phyin pa zab mo 'di ci nas kyang mi bri bar bya ba nas mi bsgom par bya ba'i bar gyi phyir bdud sdig to can dag bar chad byed pa'i sbyor ba la mi 'jug pa ma yin mod kyi/ byang chub sems dpa' sems dpa' chen po shes rab kyi pha rol tu phyin pa zab mo 'di bri ba dang /ston pa dang / 'chang ba dang / klog pa dang / kha ton du bya ba dang / tshul bzhin du yid la byed pa dang / bsgom pa rnams la bar chad bya bar mi nus pa yin no zhes bya ba ni sa mtshams la sbyor ba yin te/ 'di dag gis sbyor ba gsungs pa yin no// de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das su'i mthus byang chub sems dpa' sems dpa' chen po rnams shes rab kyi pha rol tu phyin pa zab mo 'di 'dri ba dang / ston pa dang / 'chang ba dang / klog pa dang / kha ton du bgyid pa dang / tshul bzhin du yid la bgyid pa dang / bsgom pa la bdud sdig to can gyis bar chad bgyid par mi nus pa lags/ bcom ldan 'das kyis bka' stsal pa/ shA ri'i bu sangs rgyas kyi mthus byang chub sems dpa' sems dpa' chen po shes rab kyi pha rol tu phyin pa zab mo 'di 'dri ba dang /ston pa dang / 'chang ba dang / klog pa dang / kha ton du byed pa dang / tshul bzhin du yid la byed pa dang / bsgom pa dag la bdud sdig can gyis bar chad bya bar mi nus pa yin no/ /shA ri'i bu phyogs bcu kun gyi sangs rgyas bcom ldan 'das gang ji snyed cig bzhugs shing 'tsho skyong ba'i sangs rgyas de snyed kyis byang chub sems dpa' sems dpa' chen po de dag la dgongs par 'gyur/rjes su 'dzin par 'gyur la/ sangs rgyas bcom ldan 'das de dag gis rjes su bzung ba'i byang chub sems dpa' sems dpa' chen po rnams shes rab kyi pha rol tu phyin pa zab mo 'di 'dri ba dang / ston pa dang / 'chang ba dang / klog pa dang / kha ton du byed pa dang / tshul bzhin du yid la byed pa dang / bsgom pa rnams la sangs rgyas bcom ldan 'das de rnams kyi mthus bdud sdig to can gyis bar chad bya bar mi nus pa yin no/ /de ci'i phyir zhe na/ shA ri'i bu phyogs bcu kun gyi 'jig rten gyi khams tshad med grangs med pa dag na de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa ji snyed cig bzhugs shing 'tsho skyong ba'i sangs rgyas bcom ldan 'das de snyed cig kyang byang chub sems dpa' sems dpa' chen po shes rab kyi pha rol tu phyin pa zab mo 'di 'dri ba dang /'chang ba dang / klog pa dang / ston pa dang / kha ton byed pa dang / tshul bzhin du yid la byed pa dang / bsgom pa la dgongs pa mdzad pa 'di ni chos nyid yin no zhes bya ba ni bdud kyi mthu bcom pa'i yon tan yin no/ / shA ri'i bu rigs kyi bu'am/ rigs kyi bu mo shes rab kyi pha rol tu phyin pa zab mo 'di 'dri ba dang /'chang ba dang / klog pa dang / ston pa dang / kha ton byed pa dang / tshul bzhin du yid la byed pa dang / bsgom pa des bdag ni sangs rgyas kyi mthus shes rab kyi pha rol tu phyin pa zab mo 'di 'dri'o/ /'chang ngo / /klog go/ /ston to/ /kha ton byed do/ / tshul bzhin du yid la byed do/ /sgom mo zhes bya ba khong du chud par bya'o/ /shA ri'i bus gsol pa/ bcom ldan 'das rigs kyi bu'am/ rigs kyi bu mo gang su yang rung ste/ shes rab kyi pha rol tu phyin pa zab mo 'di 'dri bar 'gyur/ 'chang bar 'gyur/ klog par 'gyur/ ston par 'gyur/ kha ton du bgyid par 'gyur/ tshul bzhin du yid la bgyid par 'gyur/ sgom par 'gyur ba thams cad kyang bcom ldan 'das sangs rgyas kyi mthu lags sam/ thams cad kyang sangs rgyas kyis gzung bar 'gyur ba lags sam/ bcom ldan 'das kyis bka' stsal pa/ shA ri'i bu de de bzhin no/ /de de bzhin te/ ji skad du smras pa de bzhin du rigs kyi bu'am/ rigs kyi bu mo gang su yang rung ste/ shes rab kyi pha rol tu phyin pa zab mo 'di 'dri bar 'gyur/ 'chang bar 'gyur/ klog par 'gyur/ ston par 'gyur/ kha ton bgyid par 'gyur/ tshul bzhin du yid la byed par 'gyur/sgom par 'gyur ba de dag thams cad kyang sangs rgyas kyi mthu dang / sangs rgyas kyis gzung bar gyur par rig par bya'o zhes bya ba ni sangs rgyas kyis dgongs shing mkhyen pa'i yon tan yin no/ / shA ri'i bus gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di 'dri bar 'gyur/'chang bar 'gyur/ klog par 'gyur/ ston par 'gyur/ kha ton du bgyid par 'gyur/ tshul bzhin du yid la bgyid par 'gyur/ sgom par 'gyur/ de kho na bzhin du sgrub par 'gyur ba'i rigs kyi bu'am/ rigs kyi bu mo de dag ni shar phyogs kyi cha nas phyogs bcu'i bar gyi 'jig rten gyi khams tshad ma mchis grangs ma mchis pa na/de bzhin gshegs pa dgra bcom pa yang dag par rdzogs pa'i sangs rgyas tshad ma mchis grangs ma mchis pa bzhugs shing 'tsho skyong ba'i sangs rgyas bcom ldan 'das de dag gi ye shes kyis mkhyen to// bcom ldan 'das rigs kyi bu'am/ rigs kyi bu mo de dag ni sha'i spyan gyis gzigs so/ /bcom ldan 'das kyis bka' stsal pa/ shA ri'i bu de de bzhin no/ /de de bzhin te/ shA ri'i bu byang chub sems dpa' sems dpa' chen po gang shes rab kyi pha rol tu phyin pa zab mo 'di 'dri bar 'gyur/'chang bar 'gyur/ klog par 'gyur/ ston par 'gyur/ kha ton du bgyid par 'gyur/ sgom par 'gyur/ tshul bzhin du yid la byed par 'gyur/ de kho na bzhin du sgrub par 'gyur ba'i rigs kyi bu'am/ rigs kyi bu mo de dag ni shar phyogs nas phyogs bcu'i 'jig rten gyi khams tshad med grangs med pa na de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bzhugs shing 'tsho skyong ba'i sangs rgyas bcom ldan 'das de dag gi ye shes kyis mkhyen to//shA ri'i bu rigs kyi bu'am/ rigs kyi bu mo de dag ni sha'i spyan gyis gzigs so zhes bya ba ni sangs rgyas rnams kyis mngon du mdzad pa'i yon tan yin no// //bam po bzhi bcu gnyis pa/ theg pa chen po pa'i rigs kyi bu'am/ rigs kyi bu mo de dag gis yang bla na med pa yang dag par rdzogs pa'i byang chub tu nye bar gyur to zhes bya bar rig par bya'o zhes bya ba ni yang dag par rdzogs pa'i byang chub dang nye ba'i yon tan yin no// shA ri'i bu rigs kyi bu'am/ rigs kyi bu mo gang shes rab kyi pha rol tu phyin pa zab mo 'di bris shing glegs bam du byas te 'chang bar 'gyur ba'i byang chub sems dpa'i theg pa pa'i rigs kyi bu'am/rigs kyi bu mo de dag yang shA ri'i bu shes rab kyi pha rol tu phyin pa zab mo 'di la mos pa mang bar 'gyur ro/ /gang yang shes rab kyi pha rol tu phyin pa zab mo 'di la me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang /rgyal mtshan dang / ba dan mang pos rim gror byed par 'gyur/ bla mar byed par 'gyur/ bsti stang du byed par 'gyur/ mchod par byed par 'gyur ba'i byang chub sems dpa'i theg pa pa'i rigs kyi bu'am/ rigs kyi bu mo de dag kyang sangs rgyas bcom ldan 'das kyis mkhyen cing gzigs par 'gyur la/de bzhin gshegs pa'i sangs rgyas kyi spyan gyis gzigs te/ rigs kyi bu'am/ rigs kyi bu mo gang shes rab kyi pha rol tu phyin pa zab mo 'di bris shing 'chang bar 'gyur ba de dag kyang don che ba dang / phan yon che ba dang / 'bras bu che ba dang / rnam par smin pa che bar 'gyur ro//de dag ni dge ba'i rtsa ba des sangs rgyas bcom ldan 'das rnams dang 'bral bar mi 'gyur te/ de ngan song du skye bar mi 'gyur bar lha dang mi rnams su skye bar 'gyur te/ sangs rgyas dang byang chub sems dpa' rnams dang 'bral bar mi 'gyur zhing phyir mi ldog pa'i sa non par 'gyur ro//byang chub sems dpa'i theg pa pa'i rigs kyi bu'am/ rigs kyi bu mo de dag dge ba'i rtsa ba de nyid kyis pha rol tu phyin pa drug dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang 'bral bar mi 'gyur ro//dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnams dang 'bral bar mi 'gyur ro//rnam par thar pa'i sgo stong pa nyid dang / mtshan ma med pa dang / smon pa med pa rnams dang 'bral bar mi 'gyur ro/ /rnam par thar pa brgyad dang / mthar gyis gnas pa'i snyoms par 'jug pa dgu rnams dang nam yang 'bral bar mi 'gyur ro/ /mngon par shes pa dang /ting nge 'dzin dang / gzungs kyi sgo rnams dang 'bral bar mi 'gyur ro/ /de bzhin gshegs pa'i stobs bcu rnams dang / mi 'jigs pa bzhi rnams dang / so so yang dag par rig pa bzhi rnams dang / sangs rgyas kyi chos ma 'dres pa bco brgyad dang 'bral bar mi 'gyur ro/ / rnam pa thams cad mkhyen pa nyid dang 'bral bar mi 'gyur ro zhes bya ba ni don chen po nyid la sogs pa'i yon tan yin no/ / shA ri'i bu shes rab kyi pha rol tu phyin pa 'di de bzhin gshegs pa mya ngan las 'das nas lho phyogs kyi rgyud du dar bar 'gyur te/ de na dge slong dang / dge slong ma dang / dge bsnyen dang /dge bsnyen ma dag shes rab kyi pha rol tu phyin pa zab mo 'di 'dri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur te/ de dag dge ba'i rtsa ba des ngan song log par ltung bar 'gro bar mi 'gyur bar de dag gis lha dang mi'i phun sum tshogs pa myong zhing pha rol tu phyin pa drug gis mngon par 'phags par 'gyur te/sangs rgyas bcom ldan 'das rnams la rim gro dang / bla ma dang / bsti stang dang / mchod par byed cing theg pa gsum gyis rim gyis mya ngan las 'da' bar 'gyur ba ni 'di lta ste/ nyan thos kyi theg pa'am/rang sangs rgyas kyi theg pa'am/ theg pa chen po'o/ /shA ri'i bu de nas yang shes rab kyi pha rol tu phyin pa zab mo 'di lho phyogs kyi rgyud nas bar ta nir dar bar gyur to/ /der yang dge slong dang / dge slong ma dang / dge bsnyen dang / dge bsnyen ma dag shes rab kyi pha rol tu phyin pa zab mo 'di 'dri bar 'gyur/'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur zhing / me tog dang / spos dang / dri dang / phreng ba dang / byug pa dang / bye ma dang / na bza' dang / gdugs dang / rgyal mtshan dang /ba dan mang pos rim gror byed/ bla mar byed/ bsti stang du byed/ mchod par byed par 'gyur te/ de dag dge ba'i rtsa ba des ngan song log par ltung bar 'gro bar mi 'gyur bar de dag gis lha dang mi'i phun sum tshogs pa myong zhing pha rol tu phyin pa drug gis mngon par 'phags par 'gyur te/ sangs rgyas bcom ldan 'das rnams la rim gro dang /bkur sti dang / bsti stang dang / mchod par byed cing theg pa gsum gyis rim gyis mya ngan las 'da' ba ni 'di lta ste/ nyan thos kyi theg pa'am/ rang sangs rgyas kyi theg pa'am/ theg pa chen po'o/ /shA ri'i bu de nas yang shes rab kyi pha rol tu phyin pa zab mo 'di bar ta ni nas byang phyogs kyi rgyud du dar bar 'gyur te/der yang dge slong dang / dge slong ma dang / dge bsnyen dang / dge bsnyen ma dag shes rab kyi pha rol tu phyin pa zab mo 'di 'dri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/tshul bzhin du yid la byed par 'gyur te/ de dag dge ba'i rtsa ba des ngan song log par ltung bar 'gro bar mi 'gyur bar de dag gis lha dang mi'i phun sum tshogs pa myong zhing pha rol tu phyin pa drug gis mngon par 'phags par 'gyur te/ sangs rgyas bcom ldan 'das rnams la rim gro dang / bla ma dang / bsti stang dang / mchod par byed cing theg pa gsum gyis rim gyis mya ngan las 'da' bar 'gyur ba ni 'di lta ste/ nyan thos kyi theg pa'am/ rang sangs rgyas kyi theg pa'am/ theg pa chen po'o/ /shA ri'i bu de ltar shes rab kyi pha rol tu phyin pa zab mo 'dis sangs rgyas kyi bya ba byed par 'gyur ro//de ci'i phyir zhe na/ shA ri'i bu chos dang 'dul ba dar la bab pa'i tshe dam pa'i chos nub par mi 'gyur ba'i phyir ro/ /shA ri'i bu rigs kyi bu'am/ rigs kyi bu mo gang shes rab kyi pha rol tu phyin pa zab mo 'di 'dzin par 'gyur/ 'chang bar 'gyur/ klog par 'gyur/kun chub par byed par 'gyur/ tshul bzhin du yid la byed par 'gyur/ de bzhin nyid du bsgrub par 'gyur ba de dag la ni ngas dgongs so/ /shA ri'i bu rigs kyi bu'am/ rigs kyi bu mo gang shes rab kyi pha rol tu phyin pa zab mo 'di 'dri bar 'gyur zhing bris nas kyang me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byed par 'gyur/ bla mar byed par 'gyur/ bsti stang du byed par 'gyur/ mchod par byed par 'gyur ba'i rigs kyi bu'am/ rigs kyi bu mo de dag ni dge ba'i rtsa ba des ngan song log par ltung bar 'gro bar mi 'gyur bar de dag lha dang mi'i phun sum tshogs pa myong zhing pha rol tu phyin pa drug gis mngon par 'phags par 'gyur ro//mngon par 'phags par gyur nas sangs rgyas bcom ldan 'das rnams la rim gror byed pa dang / bla mar byed pa dang / bsti stang du byed pa dang /mchod par byed cing theg pa gsum gyis rim gyis mya ngan las 'da' bar 'gyur ba ni 'di lta ste/ nyan thos kyi theg pa'am/ rang sangs rgyas kyi theg pa'am/ theg pa chen po'o/ /de ci'i phyir zhe na/ shA ri'i bu rigs kyi bu'am/ rigs kyi bu mo de dag ni de bzhin gshegs pas sangs rgyas kyi spyan gyis gzigs pa'i phyir ro// rigs kyi bu'am/ rigs kyi bu mo de dag ni de bzhin gshegs pas bstod pa'i phyir ro/ /de dag ni de bzhin gshegs pas bsngags pa'i phyir ro/ /rigs kyi bu'am rigs kyi bu mo de dag phyogs bcu kun gyi 'jig rten gyi khams kyi sangs rgyas bcom ldan 'das bzhugs shing 'tshol gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang sangs rgyas kyi spyan gyis gzigs pa'i phyir ro//rigs kyi bu'am/ rigs kyi bu mo de dag ni bstod pa'i phyir ro/ /rigs kyi bu'am rigs kyi bu mo de dag ni bsngags pa'i phyir ro//shA ri'i bus gsol pa/ bcom ldan 'das shes rab kyi pha rol tu phyin pa zab mo 'di slad ma'i dus slad ma'i tshe na/ byang phyogs su rgyas par 'gyur ba lags so/ /bcom ldan 'das kyis bka' stsal pa/ shA ri'i bu de de bzhin no/ /de de bzhin te/ shA ri'i bu shes rab kyi pha rol tu phyin pa zab mo 'di phyi ma'i dus phyi ma'i tshe na byang phyogs su rgyas par 'gyur te/der shA ri'i bu phyi ma'i dus phyi ma'i tshe na/ rigs kyi bu'am rigs kyi bu mo de dag shes rab kyi pha rol tu phyin pa zab mo 'di nyan par 'gyur te/ thos nas kyang 'dri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur/ de bzhin nyid du sgrub par 'gyur ro/ /de dag ni yun ring po nas theg pa la yang dag par zhugs pa dang / sangs rgyas mang po la bsnyen bkur ba'o/ /shA ri'i bu rigs kyi bu'am/ rigs kyi bu mo gang shes rab kyi pha rol tu phyin pa zab mo 'di nyan par 'gyur zhing thos nas kyang 'dri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur/ de bzhin du sgrub par 'gyur ba de dag ni yun ring po nas theg pa la yang dag par zhugs pa dang /sangs rgyas mang po la bsnyen bkur ba dang / de bzhin gshegs pa la dge ba'i rtsa ba bskyed pa yin no/ /shA ri'i bus gsol pa/ bcom ldan 'das slad ma'i dus slad ma'i tshe na byang phyogs kyi cha der rigs kyi bu'am / rigs kyi bu mo gang shes rab kyi pha rol tu phyin pa zab mo 'di thos nas 'dri bar 'gyur/'dzin par 'gyur/ 'chang bar 'gyur/ klog par 'gyur/ kun chub par bgyid par 'gyur/ tshul bzhin du yid la byed par 'gyur/ de bzhin nyid du sgrub par 'gyur ba ji snyed cig 'byung bar 'gyur lags/ bcom ldan 'das kyis bka' stsal pa/shA ri'i bu phyi ma'i dus phyi ma'i tshe na byang gi phyogs kyi cha der byang chub sems dpa' sems dpa' chen po mang du 'byung mod kyi/ shA ri'i bu 'on kyang byang chub sems dpa' sems dpa' chen po'i rigs kyi bu'am/ rigs kyi bu mo gang shes rab kyi pha rol tu phyin pa zab mo 'di thos nas 'dri bar 'gyur/'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur/ de bzhin nyid du sgrub par 'gyur ba ni nyung bar 'gyur ro zhes bya ba ni yul spyad pa'i yon tan no//shA ri'i bu byang chub sems dpa' sems dpa' chen po'i rigs kyi bu dang rigs kyi bu mo gang yin pa de dag kyang shes rab kyi pha rol tu phyin pa zab mo 'di bstan pa'i tshe/ thos nas dngang bar mi 'gyur/ kun tu skrag par mi 'gyur/ kun tu skrag pas zin par mi 'gyur te / de ci'i phyir zhe na/rigs kyi bu dang rigs kyi bu mo de dag gis de bzhin gshegs pa dgra bcom pa yang dag par rdzogs pa'i sangs rgyas dang rjes su 'brel bar yongs su zhus/ yongs su 'dri ba'i phyir ro/ /de ci'i phyir zhe na/ rigs kyi bu dang rigs kyi bu mo de dag ni shes rab kyi pha rol tu phyin pa yongs su rdzogs par 'gyur ba'i phyir ro//de bzhin du rigs kyi bu dang / rigs kyi bu mo de dag ni bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yongs su rdzogs par 'gyur ro//rigs kyi bu dang rigs kyi bu mo de dag ni nang stong pa nyid yongs su rdzogs par 'gyur ro/ /rigs kyi bu dang rigs kyi bu mo de dag ni phyi stong pa nyid yongs su rdzogs par 'gyur ro/ /rigs kyi bu dang rigs kyi bu mo de dag ni phyi nang stong pa nyid yongs su rdzogs par 'gyur ro/ /rigs kyi bu dang rigs kyi bu mo de dag ni dngos po med pa'i ngo bo nyid stong pa nyid kyi bar du yongs su rdzogs par 'gyur ro//de bzhin du rigs kyi bu dang rigs kyi bu mo de dag ni dran pa nye bar gzhag pa yongs su rdzogs par 'gyur ro/ /de bzhin du rigs kyi bu dang rigs kyi bu mo de dag ni yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa yongs su rdzogs par 'gyur ro/ /rigs kyi bu dang rigs kyi bu mo de dag ni tshad med pa dang / bsam gtan dang / gzugs med pa'i snyoms par 'jug pa yongs su rdzogs par 'gyur ro//rigs kyi bu dang rigs kyi bu mo de dag ni 'phags pa'i bden pa yongs su rdzogs par 'gyur ro/ /rigs kyi bu dang rigs kyi bu mo de dag ni rnam par thar pa brgyad dang / mthar gyis gnas pa'i snyoms par 'jug pa dgu yongs su rdzogs par 'gyur ro/ /rigs kyi bu dang rigs kyi bu mo de dag ni stong pa nyid dang /mtshan ma med pa dang / smon pa med pa dang / mngon par shes pa yongs su rdzogs par 'gyur ro/ /rigs kyi bu dang rigs kyi bu mo de dag ni ting nge 'dzin dang gzungs kyi sgo yongs su rdzogs par 'gyur ro/ /rigs kyi bu dang rigs kyi bu mo de dag ni stobs bcu dang mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad yongs su rdzogs par 'gyur ro/ /shA ri'i bu rigs kyi bu dang rigs kyi bu mo de dag ni dge ba'i rtsa ba mang po dang ldan par 'gyur te/ bla na med pa yang dag par rdzogs pa'i byang chub las brtsams te/ skye bo mang po'i don byed par 'gyur ba'i phyir ro zhes bya ba ni zag pa med pa'i chos thams cad yongs su rdzogs par byed pa'i yon tan no// de ci'i phyir zhe na/ de ni 'di ltar rigs kyi bu dang rigs kyi bu mo de dag la ni ngas rnam pa thams cad mkhyen pa nyid dang ldan pa'i gtam brjod pa'i phyir ro/ /'das pa'i de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gis kyang rigs kyi bu dang /rigs kyi bu mo de dag la rnam pa thams cad mkhyen pa nyid dang ldan pa'i gtam brjod pa'i phyir te/ de dag tshe 'das nas kyang de nyid bla na med pa yang dag par rdzogs pa'i byang chub las brtsams nas spyod par 'gyur la/de dag gzhan la yang bla na med pa yang dag par rdzogs pa'i byang chub las brtsams te/ de lta bu nyid brjod par 'gyur ro zhes bya ba ni smra ba'i skyes bu'i yon tan no/ / shA ri'i bu rigs kyi bu dang rigs kyi bu mo de dag ni mnyam par gzhag par 'gyur te/de dag ni bdud dam bdud kyi ris kyi lha rnams kyis bla na med pa yang dag par rdzogs pa'i byang chub las phyir ldog par mi nus na/ sdig to la mos pa dang / sdig to'i spyod pa can shes rab kyi pha rol tu phyin pa zab mo 'di spong ba gzhan gyis lta ci smos zhes bya ba ni mi phyed pa'i yon tan no// shA ri'i bu byang chub sems dpa'i theg pa pa'i rigs kyi bu dang / rigs kyi bu mo de dag ni shes rab kyi pha rol tu phyin pa zab mo 'di thos nas dga' ba dang / dang ba dang / rab tu mgu ba rgya chen po skye bar 'gyur ro/ /de yang bla na med pa yang dag par rdzogs pa'i byang chub las brtsams pa'i dge ba'i chos la skye bo mang po 'god par 'gyur ro zhes bya ba ni dge ba'i rtsa ba thun mong ma yin pa bskyed pa'i yon tan no// rigs kyi bu dang rigs kyi bu mo de dag gis ni nga'i mdun du 'di skad du bcom ldan 'das bdag cag gis bla na med pa yang dag par rdzogs pa'i byang chub las brtsams pa'i dge ba'i rtsa ba la srog chags brgya phrag mang po dang /srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong mang po byang chub la rab tu 'god par bgyi'o/ /yang dag par bstan par bgyi'o/ /yang dag par len du gzhug par bgyi'o//yang dag par gzengs bstod par bgyi'o/ /yang dag par rab tu dga' bar bgyi'o/ /phyir mi ldog par lung bstan par bgyi'o zhes bya ba'i tshig smras so/ /de ci'i phyir zhe na/ byang chub sems dpa'i theg pa pa'i rigs kyi bu dang / rigs kyi bu mo de dag gi tshig smras pa ni sems la sems kyis rnam par bltas te ngas rjes su dgyes pa mdzad do//'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi spyan sngar yang rigs kyi bu dang / rigs kyi bu mo de dag gis 'di skad du bdag cag byang chub sems dpa'i spyad pa spyod pa'i tshe/srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po byang chub la 'god par bgyi'o/ /yang dag par len du gzhug par bgyi'o/ /yang dag par gzengs bstod par bgyi'o/ / yang dag par rab tu dga' bar bgyi'o/ /phyir mi ldog par lung bstan par bgyi'o zhes bya ba'i tshig smras so/ /de ci'i phyir zhe na/ 'das pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang byang chub sems dpa'i theg pa pa'i rigs kyi bu dang / rigs kyi bu mo de dag gi tshig smras pa ni sems la thugs kyis rnam par gzigs te rjes su dgyes par mdzad do//shA ri'i bu byang chub sems dpa'i theg pa pa'i rigs kyi bu dang / rigs kyi bu mo de dag byang chub tu spyod pa'i tshe/ srog chags brgya phrag mang po dang / srog chags stong phrag mang po dang /srog chags brgya stong phrag mang po dang / srog chags bye ba khrag khrig brgya stong phrag mang po bla na med pa yang dag par rdzogs pa'i byang chub tu rab tu 'god par 'gyur/ yang dag par ston par 'gyur/ yang dag par len du 'jug par 'gyur/ yang dag par gzengs bstod par 'gyur/yang dag par rab tu dga' bar byed par 'gyur/ phyir mi ldog par lung ston par 'gyur ba de dag la ngas rjes su yi rang bar mdzad do zhes bya ba ni dam bcas pa ji lta ba bzhin du sgrub pa'i yon tan yin no/ / shA ri'i bu des na rigs kyi bu dang / rigs kyi bu mo gzugs dang / sgra dang / dri dang / ro dang / reg dang / chos la mos pa rlabs po cher 'gyur ro/ /de dag sbyin pa rlabs po che gtong bar 'gyur ro/ /sbyin pa rlabs po che gtong zhing dge ba'i rtsa ba rlabs po che mngon par 'du byed par 'gyur ro/ /de dag dge ba'i rtsa ba rlabs po che mngon par 'du byas nas rnam par smin pa rlabs po che yongs su 'dzin par 'gyur ro zhes bya ba ni 'bras bu rgya chen po yongs su 'dzin pa'i yon tan yin no// de ltar phyi'am nang gi dngos po thams cad sems can de dag nyid la yongs su gtong bar 'gyur ro/ /de dag dge ba'i rtsa ba de nyid kyis sangs rgyas kyi zhing gzhan gang dag na/ de bzhin gshegs pa dgra bcom pa yang dag par rdzogs pa'i sangs rgyas chos ston pa mngon du gyur par brten par 'gyur te/der shes rab kyi pha rol tu phyin pa zab mo 'di thos nas sangs rgyas kyi zhing de dag tu yang srog chags brgya phrag mang po dang / srog chags stong phrag mang po dang / srog chags brgya stong phrag mang po dang /srog chags bye ba brgya stong mang po bla na med pa yang dag par rdzogs pa'i byang chub tu yang dag par 'god par 'gyur ro/ /yang dag par len du 'jug par 'gyur ro/ /yang dag par gzengs bstod par 'gyur ro/ /yang dag par rab tu dga' bar byed par 'gyur ro//shA ri'i bus gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis chos gang thugs su ma chud pa de lta bu gang yang ma mchis la/ de bzhin nyid dang chos nyid gang thugs su ma chud pa de lta bu gang yang ma mchis shing / sems can rnams kyi spyod pa thugs su ma chud pa de lta bu gang yang ma mchis pa ngo mtshar che ste/ 'di ltar 'das pa'i de bzhin gshegs pa rnams kyi byang chub sems dpa' rnams dang / sangs rgyas kyi zhing rnams dang / nyan thos rnams kyang yongs su mkhyen to/ /ma byon pa'i de bzhin gshegs pa rnams kyis byang chub sems dpa' rnams dang /sangs rgyas kyi zhing rnams dang / nyan thos rnams kyang yongs su mkhyen to/ /de ltar byung ba'i de bzhin gshegs pa rnams kyis byang chub sems dpa' rnams dang / sangs rgyas kyi zhing dang / nyan thos rnams kyang yongs su mkhyen to//phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho la gzhes pa dang / chos ston pa'i de bzhin gshegs pa dgra bcom pa yang dag par rdzogs pa'i sangs rgyas de dag gi byang chub sems dpa' rnams dang /sangs rgyas kyi zhing rnams dang / nyan thos rnams kyang yongs su mkhyen to zhes bya ba ni sems can gyi don sgrub pa'i yon tan yin no/ / bcom ldan 'das gang yang byang chub sems dpa' sems dpa' chen po pha rol tu phyin pa drug po 'di dag gi slad du brtson par bgyid pa de dag kyang pha rol tu phyin pa drug po 'di dag tshol bar 'gyur ba dang /yongs su tshol bar 'gyur ba'i tshe/ rigs kyi bu dang rigs kyi bu mo de dag pha rol tu phyin pa drug po 'di dag tshol ba dang yongs su tshol bar 'gyur ba las kyang pha rol tu phyin pa drug po 'di dag la las rnyed par 'gyur/la las rnyed par mi 'gyur ba lags/ bcom ldan 'das kyis bka' stsal pa/ shA ri'i bu rigs kyi bu dang / rigs kyi bu mo de dag phal cher gyis pha rol tu phyin pa drug po 'di dag thams cad rnyed par 'gyur ro/ /de ci'i phyir zhe na/ shA ri'i bu de ni 'di ltar rigs kyi bu dang / rigs kyi bu mo de dag pha rol tu phyin pa drug po 'di dag gi don du brtson par byed pa'i phyir ro//shA ri'i bus gsol pa/ ci lags bcom ldan 'das rigs kyi bu dang / rigs kyi bu mo de dag gis mdo sde zab mo zab mo pha rol tu phyin pa drug dang ldan pa 'di dag rnyed par 'gyur ba lags sam/ bcom ldan 'das kyis bka' stsal pa/ shA ri'i bu rigs kyi bu dang / rigs kyi bu mo de dag gis mdo sde zab mo zab mo pha rol tu phyin pa drug dang ldan pa 'di dag rnyed par 'gyur ba yin no/ /shA ri'i bus gsol pa/ bcom ldan 'das rigs kyi bu dang / rigs kyi bu mo gang dag gis rnyed par 'gyur ba lags/bcom ldan 'das kyis bka' stsal pa/ shA ri'i bu byang chub sems dpa'i theg pa pa'i rigs kyi bu dang / rigs kyi bu mo gang dag pha rol tu phyin pa drug po 'di'i phyir lus dang / srog la mi ltos par dang ba'i dad pa drag pos brtson pa la 'jug par 'gyur ba de dag gis rnyed par 'gyur ro//de ci'i phyir zhe na/ shA ri'i bu sems can rnams bla na med pa yang dag par rdzogs pa'i byang chub tu rab tu 'god cing yang dag par ston pa dang / yang dag par len du 'jug pa dang / yang dag par gzengs bstod pa dang / yang dag par dga' bar byed pa dang /nges par 'jug pas de 'di ltar 'gyur ba yin no/ /shA ri'i bu rigs kyi bu dang / rigs kyi bu mo de dag skye ba brjes nas kyang pha rol tu phyin pa drug po 'di dag rnyed par 'gyur ro/ /de dag sangs rgyas kyi zhing yongs su dag par ma byas/ sems can yongs su smin par ma byas/ bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar/ de srid ji skad du bstan pa'i pha rol tu phyin pa drug po rnams la 'jug pa las brtson 'grus nyams par mi 'gyur ro zhes bya ba ni shes rab kyi pha rol tu phyin pa ma rnyed pa dang / ma tshang ba rnyed pa las bzlog pa tshang ba rnyed pa'i yon tan yin te/'di dag gis ni yon tan gsungs so/ / de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das rigs kyi bu dang / rigs kyi bu mo gang bla na med pa yang dag par rdzogs pa'i byang chub la yang dag par gnas pa dang /pha rol tu phyin pa drug la legs par spyod par 'gyur ba dang / sems can yongs su smin par byed par 'gyur ba dang / sangs rgyas kyi zhing yongs su sbyong bar byed par 'gyur ba de dag gi yon tan yongs su brjod pa ni 'di dag lags na/bcom ldan 'das rigs kyi bu dang / rigs kyi bu mo de dag la bar du gcod pa'i rnam pa ji lta bu zhig 'byung bar 'gyur ba lags/ bcom ldan 'das kyis bka' stsal pa/ rab 'byor spobs pa ha cang 'phyi ste skye na/ rab 'byor de ni byang chub sems dpa' sems dpa' chen pos bdud kyi las su rig par bya'o//rab 'byor gyis gsol pa/ bcom ldan 'das ci'i slad du spobs pa ha cang 'phyi ste skye bar 'gyur te byang chub sems dpa' sems dpa' chen pos bdud kyi las su rig par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/tshegs chen pos shes rab kyi pha rol tu phyin pa yongs su rdzogs par byed/ tshegs chen pos bsam gtan gyi pha rol tu phyin pa yongs su rdzogs par byed/ tshegs chen pos brtson 'grus kyi pha rol tu phyin pa yongs su rdzogs par byed/tshegs chen pos bzod pa'i pha rol tu phyin pa yongs su rdzogs par byed/ tshegs chen pos tshul khrims kyi pha rol tu phyin pa yongs su rdzogs par byed/ tshegs chen pos sbyin pa'i pha rol tu phyin pa yongs su rdzogs par byed pa ste/ rab 'byor rnam grangs des na spobs pa ha cang 'phyi ste skye bar 'gyur ba yin te/rab 'byor 'di ni byang chub sems dpa' sems dpa' chen pos bdud kyi las su rig par bya'o zhes bya ba ni tshegs chen pos 'thob pa yin no/ / rab 'byor gzhan yang shin tu myur bar spobs pa skye bar 'gyur la/ des kyang nga rgyal du byed na 'di yang byang chub sems dpa' sems dpa' chen pos bdud kyi las su rig par bya'o//rab 'byor gyis gsol pa/ bcom ldan 'das ci'i slad du shin tu myur bar spobs pa skye bar 'gyur ba bdud kyi las su 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa'i pha rol tu phyin pa la spyod pa dang /tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod pa'i tshe/ thabs mi mkhas pas ha cang myur bar spobs pa skye la des kyang rlom sems su byed na/ rab 'byor rnam grangs des spobs pa ha cang myur bar skye ba ste/byang chub sems dpa' sems dpa' chen pos bdud kyi las su rig par bya'o zhes bya ba ni spobs pa ha cang myur ches pa yin no/ / rab 'byor gzhan yang glal zhing shes rab kyi pha rol tu phyin pa 'di 'dri bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang shes rab kyi pha rol tu phyin pa 'di dgod cing 'dri bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shes rab kyi pha rol tu phyin pa 'di phan tshun steg cing 'dri bar gyur na/rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni lus kyi rnam par 'gyur ba'i gnas ngan len rnam pa gsum yin no/ / rab 'byor gzhan yang sems g.yengs zhing 'dri bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang phan tshun rnam par shes pa chags shing 'dri bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang byang chub sems dpa' sems dpa' chen po 'di ltar bdag gis 'di'i ro ma rnyed do zhes zer zhing stan las langs nas 'gro na/rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba ni sems kyi gnas ngan len gsum yin no/ / rab 'byor gzhan yang glal zhing stan las langs nas 'gro bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /glal zhing kha ton byed par 'gyur/ 'dzin par 'gyur/ 'chang bar 'gyur/ klog par 'gyur/ ston par 'gyur/glal zhing tshul bzhin du yid la byed par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun dgod cing 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/phan tshun dgod cing tshul bzhin du yid la byed par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun steg cing 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/tshul bzhin du yid la byed par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang sems rnam par g.yeng bas 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/tshul bzhin du yid la byed par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang yi ge gzhan dang gzhan la chags shing 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni rigs pa ma yin pas bskyed pa'i kha ton la sogs pa yin no/ / de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das kyis gang 'di skad du bdag gis 'di'i ro ma rnyed do zhes zer zhing stan las langs te 'gro bar 'gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bka' stsal na/bcom ldan 'das ci'i slad du 'di'i ro ma rnyed par 'gyur ba lags/ bcom ldan 'das kyis bka' stsal pa/ rab 'byor 'di ltar sngon yang shes rab kyi pha rol tu phyin pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa la ma spyad la/ rab 'byor 'di ltar sngon yang sbyin pa'i pha rol tu phyin pa la ma spyad de/ rab 'byor de'i phyir shes rab kyi pha rol tu phyin pa 'di bstan pa'i tshe/ ro ma rnyed de stan las langs nas 'gro bar 'gyur ro/ /rab 'byor gzhan yang byang chub sems dpa' sems dpa' chen po 'di snyam du bdag shes rab kyi pha rol tu phyin pa 'dir lung ma bstan to snyam du sems par 'gyur zhing /ma dad pa'i sems kyis stan las langs nas 'gro bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gyis gsol pa/ bcom ldan 'das ci'i slad du shes rab kyi pha rol tu phyin pa las lung ma bstan par stan las langs shing mchi bar 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po skyon med par ma chud pa ni/bla na med pa yang dag par rdzogs pa'i byang chub tu lung mi ston pas shes rab kyi pha rol tu phyin pa 'dir bdag gis ming yang yongs su ma brjod do zhes dad pas rnyed par ma gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gyis gsol pa/ bcom ldan 'das ci'i slad du shes rab kyi pha rol tu phyin pa 'di las/ byang chub sems dpa' sems dpa' chen po'i ming yongs su ma brjod pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po lung ma bstan pa rnams kyi ming yongs su ma brjod pas 'di las bdag gang du skyes pa'i grong ngam/grong khyer ram/ grong rdal lam/ rgyal po'i pho brang 'khor ram/ yul 'khor gyi ming yang ma brjod do zhes te shes rab kyi pha rol tu phyin pa mnyan par mi bya'o snyam du sems shing /de 'khor de nas 'gro bar bya bar sems na/ ji lta ji ltar 'gro bar bya bar sems par gyur pa de lta de ltar sangs rgyas dang / chos dang / dge 'dun las ring du 'gyur la/ ji srid 'gro bar sems bskyed pa log par ma gyur na de nyid kyi bskal pa yongs su 'dzin par 'gyur te/de dag la gzod brtson par bya dgos so zhes bya ba ni phyir phyogs pa'i rgyu mtshan 'dzin pa yin no/ / thams cad mkhyen pa nyid kyi ye shes yongs su sgrub pa'i shes rab kyi pha rol tu phyin pa bor zhing mdo sde gang dag rnam pa thams cad mkhyen pa nyid kyi ye shes yongs su mi sgrub pa de dag btsal bar bya bar sems shing de dag kun chub par bya bar sems par gyur te/de ltar byang chub sems dpa'i theg pa pa'i rigs kyi bu dang / rigs kyi bu mo de dag rnam pa thams cad mkhyen pa nyid kyi ye shes kyi rtogs pa'i rtsa ba spangs te/ yal ga dang / 'dab ma dang /lo ma gzung bar bya bar sems par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gyis gsol pa/ bcom ldan 'das gang rnam pa thams cad mkhyen pa nyid kyi ye shes yongs su sgrub par mi 'gyur ba'i mdo sde kun chub par bgyi bar sems pa de gang lags/bcom ldan 'das kyis bka' stsal pa/ mdo sde gang nyan thos dang / rang sangs rgyas kyi theg pa dang ldan pa dag ste 'di ltar dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang /byang chub kyi yan lag dang / lam rnams dang / rnam par thar pa'i sgo stong pa nyid dang / mtshan ma med pa dang / smon pa med pa ste/ de la gnas shing rigs kyi bu dang / rigs kyi bu mos rgyun du zhugs pa'i 'bras bu 'thob po/ /lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub thob par 'gyur ro/ /rab 'byor shes rab kyi pha rol tu phyin pa gang thams cad mkhyen pa nyid sgrub pa de la mi 'jug par bor nas/ kun chub par bya bar sems pa'i mdo sde nyan thos dang / rang sangs rgyas kyi sa dang ldan pa ni de dag go/ / de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol tu phyin pa las byung ba ni 'jig rten pa dang 'jig rten las 'das pa las byung ba'i chos kyi mthar thug par 'gyur ba'i phyir te/ rab 'byor shes rab kyi pha rol tu phyin pa la slob pa'i byang chub sems dpa' sems dpa' chen po rnams ni 'jig rten pa dang 'jig rten las 'das pa'i chos rnams la slob par 'gyur ba yin no zhes bya ba ni rgyu las nyams pa yin no// rab 'byor 'di lta ste dper na/ khyi jo bo las zan nar ma bor te las mi las zan btsal bar sems pa dang 'dra bar de bzhin du rab 'byor ma 'ongs pa'i dus na theg pa chen po pa'i rigs kyi bu dang /rigs kyi bu mo shes rab kyi pha rol tu phyin pa zab mo sangs rgyas kyi chos thams cad kyi rtsa bar gyur pa 'di bor te yal ga dang / lo ma dang / 'dab ma lta bu'i mdo sde nyan thos kyi theg pa dang ldan pa dang / rang sangs rgyas kyi theg pa dang ldan pa dag kun chub par bya bar sems pa 'byung ste/rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang ma 'ongs pa'i dus na byang chub sems dpa'i theg pa pa'i rigs kyi bu dang / rigs kyi bu mo gang shes rab kyi pha rol tu phyin pa zab mo 'di bor nas khe dang bkur sti'i phyir nyan thos dang /rang sangs rgyas kyi sa dang ldan pa'i mdo sde rnams kun chub par bya bar sems pa 'byung ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni gya nom pa'i ro myang ba las nyams pa yin no// rab 'byor 'di lta ste dper na/ mi la la zhig glang po che don du gnyer bar 'gyur ba des glang po che rnyed nas glang po che'i rjes btsal bar bya bar sems par gyur na/ rab 'byor de ji snyam du sems/ skyes bu de mkhas pa'i rigs su gyur pa yin nam/ rab 'byor gyis gsol pa/bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa'i theg pa pa'i gang zag shes rab kyi pha rol tu phyin pa 'di bor zhing mdo sde gang nyan thos kyi theg pa dang ldan pa dang / rang sangs rgyas kyi theg pa dang ldan pa de dag kun chub par bya bar sems pa de dag kyang de ltar rig par bya ste/rab 'byor de ji snyam du sems/ byang chub sems dpa'i theg pa pa'i rigs kyi bu dang / rigs kyi bu mo de ci mkhas pa'i rigs su yin nam/ rab 'byor gyis gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni theg pa mchog las nyams pa yin no/ / rab 'byor 'di lta ste dper na/ mi zhig rgya mtsho chen po blta bar 'dod par gyur te/rgya mtsho chen po mthong nas ba lang gi rjes btsal bar bya bar sems shing / des ba lang gi rjes mthong nas kyang 'di snyam du rgya mtsho chen po'i tshad 'di tsam mo snyam du gyur na/ rab 'byor de ji snyam du sems/ skyes bu de mkhas pa'i rigs su gyur pa yin nam/ rab 'byor gyis gsol pa/bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du theg pa chen po pa'i rigs kyi bu dang / rigs kyi bu mo gang gis shes rab kyi pha rol tu phyin pa thos sam/ rnyed kyang de spangs te nyan thos dang / rang sangs rgyas dang ldan pa'i mdo sde dag gzung ba dang /kun chub par bya bar sems pa de dag kyang rnam pa de ltar rig par bya ste/ rab 'byor de ji snyam du sems/ theg pa chen po pa'i rigs kyi bu dang rigs kyi bu mo de mkhas pa'i rigs yin nam/ rab 'byor gyis gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni ched du bya ba las nyams pa yin no/ / rab 'byor 'di lta ste dper na/ phywa mkhan nam/ phywa mkhan gyi slob mas rnam par rgyal ba'i khang bzangs kyi tshad du khang bzangs shig bya bar 'dod par gyur te/de nyi ma dang zla ba'i gzhal med khang las tshad gzung bar bya bar sems par gyur na/ rab 'byor de ji snyam du sems/ rnam par rgyal ba'i khang bzangs tshol zhing rnam par rgyal ba'i khang bzangs dang mnyam pa zhig bya bar 'dod pas /nyi ma dang zla ba'i gzhal med khang las tshad 'dzin pa'i skyes bu de mkhas pa'i rigs yin nam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na byang chub sems dpa'i theg pa pa'i rigs kyi bu dang /rigs kyi bu mo la la shes rab kyi pha rol tu phyin pa zab mo 'di thos shing rnyed nas kyang bor zhing spangs te/ nyan thos dang / rang sangs rgyas dang ldan pa'i mdo sde dag las rnam pa thams cad mkhyen pa nyid yongs su btsal bar sems pa byung na/ rab 'byor de ji snyam du sems/byang chub sems dpa'i theg pa pa'i rigs kyi bu dang / rigs kyi bu mo de mkhas pa'i rigs su gyur pa yin nam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni rgyu dang 'bras bu 'brel pa las nyams pa yin no// rab 'byor gzhan yang 'di lta ste dper na/ skyes bu la la zhig gis khams kyi rgyal phran mthong nas 'di snyam du kha dog dang dbyibs kyis 'khor los sgyur ba'i rgyal po yang khams kyi rgyal phran 'di ci 'dra ba de 'dra'o snyam du sems te/khams kyi rgyal phran gyi kha dog dang dbyibs kyi mtshan ma dang / rtags bzung nas 'di skad du 'khor los sgyur ba'i rgyal po'i kha dog dang dbyibs kyang 'di 'dra ste khyad par med do zhes snyoms par byed na/rab 'byor de ji snyam du sems/ skyes bu de mkhas pa'i rigs yin nam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na theg pa chen po pa'i rigs kyi bu'am/ rigs kyi bu mo la las shes rab kyi pha rol tu phyin pa zab mo 'di thos shing rnyed kyang de bor zhing spangs te/nyan thos dang / rang sangs rgyas dang ldan pa'i mdo sde las rnam pa thams cad mkhyen pa nyid yongs su btsal bar sems pa byung na/ rab 'byor de ji snyam du sems/ byang chub sems dpa'i theg pa pa'i rigs kyi bu dang /rigs kyi bu mo de dag mkhas pa'i rigs yin nam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni gong na med pa'i gnas las nyams pa'o// rab 'byor gzhan yang rigs kyi bu dang / rigs kyi bu mo de dag shes rab kyi pha rol tu phyin pa zab mo 'di 'dri ba de'i tshe/ spobs pa mang po 'byung bar 'gyur te/ gang gis shes rab kyi pha rol tu phyin pa zab mo 'di 'dri ba'i tshe rnam par g.yeng bar 'gyur ba ni 'di lta ste/gzugs kyi spobs pa dang / sgra dang / dri dang / ro dang / reg dang / chos kyi spobs pa dang / sbyin pa'i pha rol tu phyin pa'i spobs pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa'i spobs pa dang /'dod pa'i khams kyi spobs pa dang / gzugs kyi khams kyi spobs pa dang / gzugs med pa'i khams kyi spobs pa dang / lung 'bogs pa dang / kha ton bya ba'i spobs pa dang / rim gro bya ba'i spobs pa dang / dran pa nye bar gzhag pa'i spobs pa dang /yang dag par spong ba rnams kyi spobs pa dang / rdzu 'phrul gyi rkang pa rnams kyi spobs pa dang / dbang po dang / stobs dang / byang chub kyi yan lag dang / lam rnams kyi spobs pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / gzungs kyi sgo thams cad kyi spobs pa dang / nang stong pa nyid kyi spobs pa dang / phyi stong pa nyid kyi spobs pa dang / phyi nang stong pa nyid kyi spobs pa dang / stong pa nyid stong pa nyid kyi spobs pa dang / chen po stong pa nyid kyi spobs pa dang / don dam pa stong pa nyid kyi spobs pa dang / 'dus byas stong pa nyid kyi spobs pa dang /'dus ma byas stong pa nyid kyi spobs pa dang / mtha' las 'das pa stong pa nyid kyi spobs pa dang / dngos po med pa'i ngo bo nyid stong pa nyid kyi bar gyi spobs pa dang / stobs rnams kyi spobs pa dang / mi 'jigs pa rnams kyi spobs pa dang / so so yang dag par rig pa rnams kyi spobs pa dang /sangs rgyas kyi chos ma 'dres pa bco brgyad rnams kyi spobs pa dang / bla na med pa yang dag par rdzogs pa'i byang chub kyi bar gyi spobs pa'o/ /de ci'i phyir zhe na/ rab 'byor shes rab kyi pha rol tu phyin pa ni spobs pa med pa'i phyir ro/ /rab 'byor shes rab kyi pha rol tu phyin pa ni bsam gyis mi khyab pa'i phyir ro//rab 'byor shes rab kyi pha rol tu phyin pa ni sems med cing bsam pa dang bral ba'i phyir ro/ /rab 'byor shes rab kyi pha rol tu phyin pa ni skye ba med cing 'gag pa med pa'i phyir ro/ /rab 'byor shes rab kyi pha rol tu phyin pa ni kun nas nyon mongs pa med cing rnam par byang ba med pa'i phyir ro//rab 'byor shes rab kyi pha rol tu phyin pa ni 'khrug pa med pa'i phyir ro/ /rab 'byor shes rab kyi pha rol tu phyin pa ni brjod du med pa'i phyir ro/ /rab 'byor shes rab kyi pha rol tu phyin pa ni rnam par byang ba med pa'i phyir ro/ / rab 'byor shes rab kyi pha rol tu phyin pa ni dmigs pa med pa'i phyir ro//de ci'i phyir zhe na/ rab 'byor chos de dag ni shes rab kyi pha rol tu phyin pa zab mo 'di la med cing mi dmigs pa'i phyir ro/ /rab 'byor gal te byang chub sems dpa'i theg pa pa'i rigs kyi bu'am/ rigs kyi bu mo shes rab kyi pha rol tu phyin pa zab mo 'di thos nas/'dri ba'i tshe chos de dag gis rnam par g.yeng bar gyur na/ rab 'byor 'di yang byang chub sems dpa'i theg pa pa'i rigs kyi bu dang / rigs kyi bu mos bdud kyi las su rig par bya'o zhes bya ba ni yul rnam pa mang po la rnam par rtog pa'i spobs pa 'byung ba yin no// rab 'byor gyis gsol pa/ bcom ldan 'das shes rab kyi pha rol tu phyin pa bri bar nus pa lags sam/ /bcom ldan 'das kyis bka' stsal pa/ rab 'byor de lta ma yin no/ /rab 'byor de ci'i phyir zhe na/ shes rab kyi pha rol tu phyin pa'i ngo bo nyid yod pa ma yin pa'i phyir ro/ / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa'i ngo bo nyid yod pa ma yin pa'i phyir ro/ /stong pa nyid thams cad dang / byang chub kyi phyogs kyi chos sum cu rtsa bdun dang /'phags pa'i bden pa rnams kyi ngo bo nyid yod pa ma yin pa'i phyir ro/ /tshad med pa dang / bsam gtan dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / rnam par thar pa brgyad rnams dang /mthar gyis gnas pa'i snyoms par 'jug pa dgu rnams dang / mngon par shes pa rnams kyi ngo bo nyid yod pa ma yin pa'i phyir ro/ /ting nge 'dzin rnams dang / gzungs kyi sgo rnams kyi ngo bo nyid yod pa ma yin pa'i phyir ro/ /stobs bcu rnams dang / mi 'jigs pa rnams dang /so so yang dag par rig pa rnams dang / sangs rgyas kyi chos ma 'dres pa bco brgyad rnams kyi ngo bo nyid yod pa ma yin pa'i phyir ro/ / rnam pa thams cad mkhyen pa nyid kyi ngo bo nyid yod pa ma yin pa'i phyir ro/ /ngo bo nyid mi dmigs pa gang yin pa de ni dngos po med pa'o/ / dngos po med pa gang yin pa de ni shes rab kyi pha rol tu phyin pa ste/ dngos po med pas dngos po med pa bri bar mi nus so zhes bya ba ni yi ger 'dri ba la mngon par zhen pa yin no/ / rab 'byor gal te theg pa chen po pa'i rigs kyi bu dang / rigs kyi bu mos shes rab kyi pha rol tu phyin pa 'di dngos po med ces bya bar 'du shes na 'di yang de dag gis bdud kyi las su rig par bya'o zhes bya ba ni dngos po med pa la mngon par zhen pa yin no// rab 'byor gyis gsol pa/ bcom ldan 'das theg pa chen po pa'i rigs kyi bu'am/ rigs kyi bu mo gang la las shes rab kyi pha rol tu phyin pa zab mo 'di yi ger bris shing bris nas/shes rab kyi pha rol tu phyin pa zab mo 'di bdag gis bris so zhes mchi na/ de ni shes rab kyi pha rol tu phyin pa zab mo 'di bris pa'i yi ge la mngon par zhen pa lags te/ bcom ldan 'das 'di yang de dag gis bdud kyi las su rig par bya'o zhes bya ba ni bris pa'i yi ge la shes rab kyi pha rol tu phyin par mngon par zhen pa yin no// de ci'i phyir zhe na/ bcom ldan 'das shes rab kyi pha rol tu phyin pa 'di ni yi ge ma mchis pa'i phyir ro/ /bsam gtan gyi pha rol tu phyin pa 'di ni yi ge ma mchis pa'i phyir ro//brtson 'grus kyi pha rol tu phyin pa ni yi ge ma mchis pa'i phyir ro/ /bzod pa'i pha rol tu phyin pa ni yi ge ma mchis pa'i phyir ro/ /tshul khrims kyi pha rol tu phyin pa ni yi ge ma mchis pa'i phyir ro/ /sbyin pa'i pha rol tu phyin pa ni yi ge ma mchis pa'i phyir ro/ /bcom ldan 'das gzugs dang /tshor ba dang / 'du shes dang / 'du byed rnams ni yi ge ma mchis pa'i phyir ro/ /bcom ldan 'das rnam par shes pa ni yi ge ma mchis pa'i phyir ro/ /skye mched rnams ni yi ge ma mchis pa'i phyir ro/ /bcom ldan 'das rten cing 'brel bar 'byung ba'i yan lag ni yi ge ma mchis pa'i phyir ro//byang chub kyi phyogs kyi chos sum cu rtsa bdun ni yi ge ma mchis pa'i phyir ro/ /stong pa nyid thams cad ni yi ge ma mchis pa'i phyir ro/ /ting nge 'dzin thams cad ni yi ge ma mchis pa'i phyir ro/ /gzungs kyi sgo thams cad ni yi ge ma mchis pa'i phyir ro//stong pa nyid dang / mtshan ma med pa dang / smon pa med pa ni yi ge ma mchis pa'i phyir ro/ /'phags pa'i bden pa rnams ni yi ge ma mchis pa'i phyir ro/ /tshad med pa dang / bsam gtan dang / gzugs med pa'i snyoms par 'jug pa thams cad ni yi ge ma mchis pa'i phyir ro/ / rnam par thar pa brgyad ni yi ge ma mchis pa'i phyir ro/ /mthar gyis gnas pa'i snyoms par 'jug pa dgu ni yi ge ma mchis pa'i phyir ro/ /mngon par shes pa rnams ni yi ge ma mchis pa'i phyir ro/ /de bzhin gshegs pa'i stobs rnams ni yi ge ma mchis pa'i phyir ro/ /mi 'jigs pa rnams ni yi ge ma mchis pa'i phyir ro//so so yang dag par rig pa rnams ni yi ge ma mchis pa'i phyir ro/ /sangs rgyas kyi chos ma 'dres pa bco brgyad ni yi ge ma mchis pa'i phyir ro/ /bcom ldan 'das rnam pa thams cad mkhyen pa nyid ni yi ge ma mchis pa'i phyir ro/ /bcom ldan 'das gal te theg pa chen po pa'i rigs kyi bu'am/rigs kyi bu mo yi ge ma mchis pa'i shes rab kyi pha rol tu phyin pa la mngon par zhen par bgyid la/ de bzhin du yi ge ma mchis pa'i bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang /tshul khrims kyi pha rol tu phyin pa dang / sbyin pa'i pha rol tu phyin pa la mngon par zhen par bgyid/ yi ge ma mchis pa'i gzugs la mngon par zhen par bgyid/ yi ge ma mchis pa'i tshor ba dang / 'du shes dang / 'du byed rnams dang / rnam par shes pa la mngon par zhen par bgyid/de bzhin du yi ge ma mchis pa'i phung po dang / khams dang / skye mched dang / rten cing 'brel bar 'byung ba dang / byang chub kyi phyogs kyi chos sum cu rtsa bdun dang / rnam par thar pa'i sgo dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la mngon par zhen par bgyid/ yi ge ma mchis pa'i rnam pa thams cad mkhyen pa nyid kyi bar la mngon par zhen par bgyid na/ bcom ldan 'das 'di yang byang chub sems dpa' sems dpa' chen po rnams kyis bdud kyi las su rig par bya'o zhes bya ba ni shes rab kyi pha rol tu phyin pa'i yi ge med pa la mngon par zhen pa yin no// rab 'byor gzhan yang rigs kyi bu'am/ rigs kyi bu mo de dag shes rab kyi pha rol tu phyin pa zab mo 'di 'dri ba'i tshe/yul yid la byed na/ rab 'byor 'di yang byang chub sems dpa' sems dpa' chen po rnams kyis bdud kyi las su rig par bya'o// //bam po bzhi bcu gsum pa/ rab 'byor gzhan yang byang chub sems dpa'i theg pa chen po pa'i rigs kyi bu'am/ rigs kyi bu mo de dag shes rab kyi pha rol tu phyin pa zab mo 'di 'dri ba'i tshe/grong yid la byed pa dang / grong khyer yid la byed pa dang / grong rdal yid la byed pa dang / khams yid la byed pa dang / rgyal po'i pho brang 'khor yid la byed pa dang / lha yid la byed pa dang / bla ma yid la byed pa dang / mkhan po yid la byed pa dang /pha ma dang / spun zla dang / sring mo dang / gnyen bshes dang ldan pa'i yid la byed pa dang / rkun po yid la byed pa dang / gdol pa dang ldan pa yid la byed pa dang / 'dod pa'i rnam par rtog pa dang ldan pa yid la byed pa dang / smad 'tshong ma dang ldan pa yid la byed pa dang / yid la bya ba gzhan mang po skye na/rab 'byor shes rab kyi pha rol tu phyin pa zab mo 'di 'dri ba dang / ston pa dang / kha ton bya ba dang / tshul bzhin du yid la byed pa'i tshe/ bar chad bya ba'i phyir bdud sdig to can rnam par g.yeng bar 'gyur bar nye bar sbyor te/ de dag byang chub sems dpa' sems dpa' chen pos bdud kyi las su rig par bya'o zhes bya ba ni yul la sogs pa yid la byed pa yin no// rab 'byor gzhan yang byang chub sems dpa'i theg pa pa'i rigs kyi bu'am/ rigs kyi bu mo shes rab kyi pha rol tu phyin pa zab mo 'di 'dri ba dang / ston pa dang / kha ton byed pa dang / tshul bzhin du yid la byed pa'i tshe/ khe dang / bkur sti dang / tshigs su bcad pa dang / chos gos dang / bsod snyoms dang / mal stan dang / nad kyi rkyen rtsi dang / yo byad mang po byung la/ byang chub sems dpa'i theg pa pa'i rigs kyi bu'am/ rigs kyi bu mo shes rab kyi pha rol tu phyin pa zab mo 'di 'dri bar 'gyur ba dang / lung 'bogs par 'gyur ba dang / kha ton byed par 'gyur ba dang / tshul bzhin du yid la byed par 'gyur ba'i tshe/ de dag gi ro myong bar byed na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni rnyed pa dang / bkur sti dang / tshigs su bcad pa'i ro myong ba yin no// rab 'byor gzhan yang byang chub sems dpa' sems dpa' chen po de rnams shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i tshe/ bdud sdig to can dag mdo sde zab mo dag nye bar bsnyen par byed de/de la byang chub sems dpa'i thabs mkhas pas bdud kyis bsnyen pa'i mdo sde zab mo de dag la 'dod pa mi bskyed do/ /rab 'byor de ci'i phyir zhe na/ mdo sde de dag ni rnam pa thams cad mkhyen pa nyid thob par byed pa ma yin pa'i phyir ro/ /rab 'byor de la byang chub sems dpa' sems dpa' chen po thabs mkhas pa dag ni shes rab kyi pha rol tu phyin pa zab mo 'di thos nas spang bar sems pa'i byang chub sems dpa' sems dpa' chen po de rnams la yang thabs mkhas pa yang rgya cher bstan la/shes rab kyi pha rol tu phyin pa zab mo 'di las kyang thabs mkhas pa rgya cher btsal bar bya'o//rab 'byor de ltar theg pa chen po pa'i rigs kyi bu'am/ rigs kyi bu mo shes rab kyi pha rol tu phyin pa zab mo 'di bor zhing nyan thos dang / rang sangs rgyas dang ldan pa'i mdo sde de dag las thabs mkhas pa btsal bar bya bar sems pa yod na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni lam ma yin pas thabs mkhas pa tshol ba yin no// rab 'byor gzhan yang chos nyan pa ni shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton du bya bar 'dun par gyur la/ chos smra ba ni phyi bshol byed par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni 'dun pa dang snyom las kyis nyams pa yin no/ / rab 'byor gzhan yang chos smra ba ni shes rab kyi pha rol tu phyin pa zab mo 'di 'dri ba dang / lung 'bogs pa dang /kha ton bya bar 'dun par gyur la/ chos nyan pa ni yul gzhan du 'gro bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ / rab 'byor gzhan yang chos nyan pa ni shes rab kyi pha rol tu phyin pa zab mo 'di 'dri bar 'dod pa dang /gzung bar 'dod pa dang / lung 'bogs par 'dod pa dang / kha ton du bya bar 'dod par 'gyur la/ chos smra ba ni yul gzhan du 'gro bar gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni 'dun pa'i yul tha dad pas nyams pa yin no// rab 'byor gzhan yang chos smra ba ni rnyed pa dang / bkur sti dang / tshigs su bcad pa dang / bla ma lhur len pa dang / chos gos dang / bsod snyoms dang / mal cha dang / nad kyi rkyen rtsi dang / yo byad lhur len par gyur la/ chos nyan pa ni 'dod pa chung zhing chog shes la rab tu dben zhing brtson 'grus brtsams pa/dran pa nye bar gzhag pa mi g.yeng ba dang / sems rtse gcig tu gnas pa/ shes rab dang ldan pa zhig tu gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang /tshul bzhin du yid la byed pa'i rgyu rkyen dang mi ldan pa ste/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'dod pa chung zhing chog shes la rab tu dben zhing brtson 'grus brtsams pa/ dran pa nye bar gzhag pa mi g.yeng ba /sems rtse gcig tu 'dus pa/ shes rab dang ldan pa zhig tu gyur la/ chos nyan pa ni 'dod pa che ba/ sdig pa 'dod pa/ rnyed pa dang / bkur sti dang / tshigs su bcad pa dang / bla ma lhur len pa dang / chos gos dang / zas dang / mal cha dang / nad kyi rkyen rtsi dang / yo byad lhur len par gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton du byed pa dang / tshul bzhin du yid la byed pa'i rgyu rkyen dang mi ldan pa ste/ byang chub sems dpa' sems dpa' chen pos bdud kyi las su rig par bya'o zhes bya ba ni rnyed pa dang /bkur sti dang / 'dod pa che ba dang / 'dod pa chung ba nyid kyis tshogs pa dang mi ldan pa yin no/ / rab 'byor gzhan yang chos smra ba'i dgon pa pa/ bsod snyoms pa/ phyag dar khrod pa/ zas phyis mi len pa/ stan gcig pa/ ci thob pa'i bsod snyoms len pa/ dur khrod pa/ bla gab med pa/shing drung pa/ cog bu pa/ gzhi ji bzhin pa/ chos gos gsum par gyur la/ chos nyan pa ni dgon pa pa ma yin/ bsod snyoms pa ma yin/ phyag dar khrod pa ma yin/ zas phyis mi len pa ma yin/ stan gcig pa ma yin/ ci thob pa'i bsod snyoms len pa ma yin/ dur khrod ba ma yin/bla gab med pa ma yin/ shing drung pa ma yin/ cog bu pa ma yin/ gzhi ji bzhin pa ma yin/ chos gos gsum pa ma yin na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan pa ste/byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni dgon pa pa dang / chos gos gsum pa'i bar du gyur la/ chos smra ba ni dgon pa pa ma yin/ chos gos gsum pa'i bar du ma yin na/ rab 'byor 'di yang shes rab kyi pha rol tu phyin pa zab mo 'di 'dri ba dang /lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan pa ste/ byang chub sems dpa' sems dpa' chen pos bdud kyi las su rig par bya'o zhes bya ba ni sbyangs pa'i yon tan dang ldan pa dang mi ldan pas tshogs pa dang mi ldan pa yin no// rab 'byor gzhan yang chos nyan pa ni dad cing dge ba'i chos can te/ shes rab kyi pha rol tu phyin pa zab mo 'di 'dri bar 'dod/ lung 'bogs par 'dod/ kha ton byed par 'dod par gyur la/ chos smra ba ni dad pa med pa mi dge ba'i chos can te/shes rab kyi pha rol tu phyin pa zab mo 'di 'dri bar mi 'dod/ lung 'bogs par mi 'dod/ kha ton bya bar mi 'dod par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni dad cing dge ba'i chos can te/shes rab kyi pha rol tu phyin pa zab mo 'di bri bar 'dod cing don du gnyer bas gzung bar 'dod par gyur la/ chos nyan pa ni dad pa med cing mi dge ba'i chos can te/ shes rab kyi pha rol tu phyin pa zab mo 'di bri bar mi 'dod cing don du gnyer bas gzung bar mi 'dod par gyur na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni dge ba dang dge ba ma yin pa'i chos nyid kyis tshogs pa dang mi ldan pa yin no/ / rab 'byor gzhan yang chos smra ba ni bdog pa thams cad yongs su gtong bar gyur cing sems la chags pa med la chos nyan pa ni ser sna can 'dod pa che ba/sdig pa la dga' ba/ rnyed pa dang / bkur sti dang / tshigs su bcad pa dang / chos gos dang / bsod snyoms dang / mal stan dang / nad kyi rkyen sman dang / yo byad kyis bla mar bya bar 'dod par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /lung 'bogs pa dang / kha ton byed pa'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni bdog pa thams cad yongs su gtong bar gyur cing sems la chags pa med la/chos smra ba ni ser sna can 'jungs par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan pa ste/ 'di yang byang chub sems dpa' sems dpa' chen pos bdud kyi las su rig par bya'o zhes bya ba ni gtong ba dang ser sna byed pas tshogs pa dang mi ldan pa'o// rab 'byor gzhan yang chos nyan pa ni chos smra ba la chos gos dang / zas dang / mal cha dang / nad kyi rkyen rtsi dang / yo byad yongs su gtong 'dod par gyur la/ chos smra ba ni len par 'dod par mi 'gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni chos nyan pa las blang bar 'dod par gyur pa las chos nyan pa ni ster 'dod par ma gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton bya ba dang / tshul bzhin du yid la byed pa'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni gtong ba dang mi len pas tshogs pa dang mi ldan pa yin no// rab 'byor gzhan yang chos smra ba ni mgo smos pas go la/ chos nyan pa ni rnam par spros pas go zhing tshig lhur len par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /lung 'bogs pa dang / kha ton byed pa'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni mgo smos pas go la /chos smra ba ni rnam par spros pas go zhing tshig lhur len par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste / rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni mgo smos pas go ba dang rnam par spros pas go bas tshogs pa dang mi ldan pa yin no// rab 'byor gzhan yang chos smra ba ni mdo dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin tu rgyas pa dang / chos rmad du byung ba dang / rtogs pa brjod pa dang / gtan la phab par bstan pa'i chos kyi khyad par shes la chos nyan pa ni mdo dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang /shin tu rgyas pa dang / chos rmad du byung ba dang / rtogs pa brjod pa dang / gtan la phab par bstan pa'i chos kyi khyad par mi shes na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang chos nyan pa ni mdo dang dbyangs kyis bsnyad pa dang / lung bstan pa dang / gtan la phab par bstan pa'i bar gyi chos kyi khyad par shes par 'gyur la/ chos smra ba ni mdo dang dbyangs kyis bsnyad pa dang / lung bstan pa dang / gtan la phab par bstan pa'i bar gyi chos kyi khyad par mi shes par gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni mdo la sogs pa'i chos shes pa dang mi shes pas tshogs pa dang mi ldan pa yin no// rab 'byor gzhan yang chos smra ba ni pha rol tu phyin pa drug dang ldan par gyur la chos nyan pa ni pha rol tu phyin pa drug dang ldan par ma gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni pha rol tu phyin pa drug dang ldan par gyur la chos smra ba ni pha rol tu phyin pa drug dang ldan par ma gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan par gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni pha rol tu phyin pa drug dang ldan pa dang mi ldan pas tshogs pa dang mi ldan pa yin no// rab 'byor gzhan yang chos smra ba ni pha rol tu phyin pa drug la thabs mkhas par gyur la/ chos nyan pa ni pha rol tu phyin pa drug la thabs mi mkhas par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang tshul bzhin du yid la byed pa'i rgyu rkyen dang mi ldan pa ste/rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni pha rol tu phyin pa drug la thabs mkhas par gyur la/ chos smra ba ni pha rol tu phyin pa drug la thabs mi mkhas par gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni thabs la mkhas pa dang thabs la mi mkhas pas tshogs pa dang mi ldan pa yin no// rab 'byor gzhan yang chos smra ba ni gzungs thob par gyur la/ chos nyan pa ni gzungs ma thob par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /lung 'bogs pa dang / kha ton byed pa dang / tshul bzhin du yid la byed pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gzungs thob par gyur la/ chos smra ba ni gzungs ma thob par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni gzungs thob pa dang /gzungs ma thob pas tshogs pa dang mi ldan pa yin no/ / rab 'byor gzhan yang chos smra ba ni 'dri bar 'dod/ klag par 'dod/ kha ton bya bar 'dod/ tshul bzhin du yid la bya ba'i bar du 'dod par gyur la/chos nyan pa ni bri bar mi 'dod pa nas tshul bzhin du yid la bya ba'i bar du mi 'dod par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / klog pa dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang chos nyan pa ni bri bar 'dod pa nas tshul bzhin du yid la bya ba'i bar du 'dod par gyur la/ chos smra ba ni bri bar mi 'dod pa nas tshul bzhin du yid la byed pa'i bar du mi 'dod par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /klog pa dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni yi ge bri bar 'dod pa dang / bri bar mi 'dod pas tshogs pa dang mi ldan pa yin no// rab 'byor gzhan yang chos smra ba ni 'dod pa'i sred pa dang / gnod sems dang / snyom pa dang / gnyid dang / rgod pa dang / 'gyod pa dang / the tshom dang bral bar gyur la/ chos nyan pa ni 'dod pa'i sred pa dang / gnod sems dang / snyom pa dang / gnyid dang / rgod pa dang / 'gyod pa dang / the tshom dang bcas par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni 'dod pa'i sred pa dang /gnod sems dang / snyom pa dang / gnyid dang / rgod pa dang / 'gyod pa dang / the tshom dang bral bar gyur la/ chos smra ba ni 'dod pa'i sred pa dang / gnod sems dang / snyom pa dang / gnyid dang / rgod pa dang / 'gyod pa dang / the tshom dang bcas par gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni 'dod pa la 'dun pa la sogs pa dang bral ba dang ma bral bas tshogs pa dang mi ldan pa yin no// rab 'byor gzhan yang shes rab kyi pha rol tu phyin pa zab mo 'di 'dri ba dang / sgom pa'i bar gyi tshe la la zhig der 'ongs te/ sems can dmyal ba rnams kyi mi bsngags pa brjod par 'gyur/ byol song gi skye gnas dang / yi dgas rnams kyi mi bsngags pa brjod par 'gyur te/sems can dmyal ba rnams ni 'di lta bur sdug bsngal/ byol song gi skye gnas pa rnams ni 'di ltar sdug bsngal/ yi dags kyi yul pa rnams ni 'di lta bur sdug bsngal gyi khyod kyis sdug bsngal 'di nyid du mthar phyin par gyis shig /bla na med pa yang dag par rdzogs pa'i byang chub kyis khyod la ci zhig bya zhes zer na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni ngan 'gror 'gro ba la phyir phyogs pa yin no/ / rab 'byor gzhan yang shes rab kyi pha rol tu phyin pa zab mo 'di 'dri ba dang /tshul bzhin du yid la byed pa'i bar gyi tshe la la zhig der 'ongs te/ rgyal chen bzhi'i ris kyi lha rnams kyi legs pa brjod/ 'du shes med 'du shes med min gyi skye mched kyi bar gyi lha rnams kyi legs pa brjod cing / 'dod pa'i khams ni 'dod pa la longs spyod pas 'di ltar bde'o//gzugs kyi khams ni snyoms par 'jug pa rnams kyis 'di ltar bde'o/ /gzugs med pa'i khams ni zhi ba la snyoms par 'jug pa rnams kyis 'di ltar bde ste/ de dag thams cad kyang mi rtag pa/ sdug bsngal ba/ stong pa bdag med pa/ rnam par 'gyur ba'i chos can/zad pa'i chos can/ 'jig pa'i chos can/ 'gag pa'i chos can yin gyi khyod kyis 'di nyid du rgyun du zhugs pa'i 'bras bu thob par gyis shig /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par gyis shig / 'di nyid du rang byang chub thob par gyis shig /yun ring por 'khor bar mi 'khor bar gyis shig ces zer na/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni bde 'gror 'gro ba la legs par phyogs pa yin no/ / rab 'byor gzhan yang chos smra ba ni gcig pu ste zla med cing bdag gis byed par gyur pa yin la/ chos nyan pa ni 'khor gyi nang na gnas par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / klog pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang chos nyan pa ni gcig pu ste zla med cing bdag gis byed par gyur pa yin la/ chos smra ba ni 'khor gyi nang na gnas par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /klog pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni gcig pu nyid dang 'khor la dga' ba nyid kyis tshogs pa dang mi ldan pa yin no/ / rab 'byor gzhan yang chos smra ba ni 'di skad du su nga'i rjes su 'brel par 'gyur ba de la shes rab kyi pha rol tu phyin pa zab mo 'di 'dri ba dang /klog pa dang / lung 'bogs pa dang / kha ton bya ba dang / tshul bzhin du yid la bya ba dang / bsgom pa sbyin no zhes zer na/ chos nyan pa dang rjes su 'brel par mi 'gyur na ni /rab 'byor 'di yang shes rab kyi pha rol tu phyin pa zab mo 'di 'dri ba dang / klog pa dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni chos smra ba'i rjes su 'brel par 'dod la/chos smra ba ni rjes su 'brel ba'i skabs mi 'byed na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni rjes su 'brel bar 'dod pa nyid dang go skabs mi 'byed pas tshogs pa dang mi ldan pa yin no// rab 'byor gzhan yang chos smra ba ni zang zing cung zad kyi phyir shes rab kyi pha rol tu phyin pa zab mo 'di 'dri ba dang / lung 'bogs pa dang / sgom pa'i bar du sbyin par 'dod par gyur la/ chos nyan pa ni zang zing cung zad kyi phyir drung du 'gro 'dod par mi 'gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang chos nyan pa ni zang zing cung zad kyi phyir shes rab kyi pha rol tu phyin pa bri bar 'dod/ mnyan pa'i bar du 'dod la/ chos smra ba ni zang zing cung zad kyi phyir shes rab kyi pha rol tu phyin pa sbyin par mi 'dod de/nyan par gzhug pa'i bar du mi 'dod na rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni zang zing cung zad 'dod pa dang de sbyin par mi 'dod pa nyid kyis tshogs pa dang mi ldan pa yin no// rab 'byor gzhan yang chos smra ba ni gang du srog gi bar chad du 'gyur ba'i phyogs der 'gro 'dod par gyur la/ chos nyan pa ni der 'gro mi 'dod par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang /lung 'bogs pa dang / kha ton byed pa dang / tshul bzhin du yid la byed pa dang / sgom pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang chos nyan pa ni gang du srog gi bar chad du 'gro ba'i phyogs der 'gro 'dod par gyur la/ chos smra ba ni der 'gro mi 'dod par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni srog gi bar chad du 'gyur bar 'gro ba dang mi 'gro bas tshogs pa dang mi ldan pa yin no// rab 'byor gzhan yang chos smra ba ni gang na mu ge dang chu med pa'i phyogs der 'gro 'dod par gyur la/ chos nyan pa ni 'gro mi 'dod par gyur na/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang chos smra ba ni gang na zas mod pa dang / chu mod pa'i phyogs der 'gro 'dod par gyur la/ chos nyan pa yang rjes su 'brang bar gyur na/ des de la 'di skad du rigs kyi bu khyod zang zing gi don du song ste ci ma rung / legs par bsam pa sems par gyis shig / zas thob pa dang / ma thob pa dang / gsod pa dang mi gsod pa dag gis 'gyod par gyur ta re zhes zer te / de ltar chos ston pa des kyang thabs phra mos chos nyan pa la spong ba byas par 'gyur te/ de yang mi dga' ba'i tshul can du 'gyur zhing 'di snyam du sems te/ 'di ni sbyin par 'dod pa'i mtshan ma ma yin gyi /'di ni spong ba'i mtshan ma yin no snyam na/ rab 'byor de yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni mu ge byung ba dang /lo legs pa'i phyogs su 'gro ba dang mi 'gro bas tshogs pa dang mi ldan pa yin no/ / rab 'byor gzhan yang dge slong chos smra ba ni gang na rkun po las 'jigs pa dang / gdol pa las 'jigs pa dang / rngon pa las 'jigs pa dang / gcan gzan khro bo las 'jigs pa dang / sbrul las 'jigs pa dang / 'brog dgon pa las 'jigs pa dang / g.yang sa las 'jigs pa yod pa der 'gro bar gyur la/ chos nyan pa shes rab kyi pha rol tu phyin pa zab mo 'di nyan par 'dod pas chos smra ba'i rjes su 'brang bar gyur na/ dge slong chos smra bas chos nyan pa de dag la 'di skad ces smras te/rigs kyi bu dag khyod gang na rkun po las 'jigs pa dang / gdol pa las 'jigs pa dang / rngon pa las 'jigs pa dang / gcan gzan khro bo las 'jigs pa dang / sbrul las 'jigs pa dang / 'brog dgon pa las 'jigs pa dang /g.yang sa las 'jigs pa yod pa der song ste ci rung bar gyur zhes zer yang chos nyan pa shes rab kyi pha rol tu phyin pa zab mo 'di nyid nyan par 'dod pas chos smra ba'i rjes su 'brang bar 'gyur na/ dge slong chos smra ba des chos mi bstan pa'i phyir shes rab kyi pha rol tu phyin pa zab mo 'di 'chang bar mi 'dod/'drir 'jug par mi 'dod/ lung 'bogs par mi 'dod/ nyan du gzhug par mi 'dod par gyur la/ de dag gis dge slong chos smra ba'i tshig de dag thos nas mi dga' ba'i tshul can du gyur te/ dge slong chos smra ba gang du 'gro bar 'gyur ba der 'gro bar mi 'gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni chom rkun la sogs pa'i rgyu mtshan gyis 'gro ba dang mi 'gro bas tshogs pa dang mi ldan pa yin no// rab 'byor gzhan yang dge slong chos smra ba ni bsod snyoms gtong ba'i khyim gtso bor byed par 'gyur te/ de bsod snyoms gtong ba'i khyim gtso bor 'gyur bas bsod snyoms gtong ba'i khyim de dag blta bar sems shing / bsod snyoms gtong ba'i khyim de lta bas chos nyan pa'i phyir zlog ste/tshe dang ldan pa dag nga ni bsod snyoms gtong ba'i khyim bltar 'gro dgos so zhes zer na/ des chos nyan pa de dag phyir bzlog pas phyir dong na/ rab 'byor 'di yang shes rab kyi pha rol tu phyin pa zab mo 'di 'dri ba dang / sgom pa dang / lung 'bogs pa dang / kha ton byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni khyim la blta bas tshogs pa dang mi ldan pa yin no/ / rab 'byor gzhan yang bdud sdig to can de dag dge slong gi cha byad du byas shing ci nas kyang thabs gang dang gang gis shes rab kyi pha rol tu phyin pa zab mo 'di su yang 'dri bar mi 'gyur ba dang /'dzin par mi 'gyur ba dang / kun chub par byed par mi 'gyur ba dang / 'chang bar mi 'gyur ba dang / klog par mi 'gyur ba dang / kha ton byed par mi 'gyur ba dang /tshul bzhin du yid la byed par mi 'gyur ba'i thabs de dang de la sbyor ro/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ci'i slad du bdud sdig to can dag dge slong gi cha byad du byas shing ci nas kyang thabs gang dang gang gis shes rab kyi pha rol tu phyin pa zab mo 'di su yang 'dri bar mi 'gyur ba dang /'dzin par mi 'gyur ba dang / kun chub par mi 'gyur ba dang / 'chang bar mi 'gyur ba dang / kha ton bgyid par mi 'gyur ba dang / tshul bzhin du yid la bgyid par mi 'gyur ba'i thabs de dang de la sbyor ba lags/bcom ldan 'das kyis bka' stsal pa/ shes rab kyi pha rol tu phyin pa las byung ba ni sems can thams cad kyi nyon mongs pa spangs pa ste/ de ltar na gang dang gang gis shes rab kyi pha rol tu phyin pa zab mo 'di su yang 'dri bar mi 'gyur ba dang / 'dzin par mi 'gyur ba dang /kun chub par byed par mi 'gyur ba dang / 'chang bar mi 'gyur ba dang / kha ton byed par mi 'gyur ba dang / tshul bzhin du yid la byed par mi 'gyur ba'i thabs de dang de la sbyor ba yin no/ /rab 'byor gzhan yang shes rab kyi pha rol tu phyin pa 'di 'dri ba dang / lung 'bogs pa dang / kun chub par byed pa dang / tshul bzhin du yid la byed pa dang / sgom par byed pa'i tshe bdud sdig to can dge slong gi cha byad du 'ongs nas bdag cag gi mdo sde nas ji ltar byung ba de ltar na shes rab kyi pha rol tu phyin pa 'di ma yin no zhes dbyen 'jug par byed cing 'byed par byed na/ rab 'byor 'di yang byang chub sems dpa' sems dpa' chen pos bdud kyi las su rig par bya'o//rab 'byor gzhan yang bdud sdig to can dge slong gi cha byad du byas nas byang chub sems dpa' sems dpa' chen po rnams kyi drung du 'ongs shing 'di skad du byang chub sems dpa' sems dpa' chen po gang shes rab kyi pha rol tu phyin pa zab mo 'di la spyod pa de ni yang dag pa'i mtha' mngon du byed par 'gyur te/rgyun du zhugs pa'i 'bras bu thob par 'gyur ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur ro/ /rang byang chub thob par 'gyur ro zhes zer la des tshig de thos nas shes rab kyi pha rol tu phyin pa la spyod par mi 'gyur na/rab 'byor 'di yang shes rab kyi pha rol tu phyin pa zab mo 'di 'dri ba dang / 'chang ba dang / ston pa dang / klog pa dang / sgom pa'i bar gyi rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o zhes bya ba ni bdud sdig to can gyis 'byed pa'i sbyor ba yin no// rab 'byor gzhan yang shes rab kyi pha rol tu phyin pa zab mo 'di 'dri ba dang / sgom pa'i bar gyi tshe bar chad du 'gyur ba'i bdud kyi las mang du 'byung bar 'gyur te/bdud kyi las de dag byang chub sems dpa' sems dpa' chen pos rnam par spang bar bya'o/ /rab 'byor gyis gsol pa/ bcom ldan 'das gang byang chub sems dpa' sems dpa' chen pos rtogs par bgyis te/ rtogs par bgyis nas spang bar bgyi ba'i bdud kyi las de dag gang lags/bcom ldan 'das kyis bka' stsal pa/ rab 'byor shes rab kyi pha rol tu phyin pa'i gzugs brnyan gyi bdud kyi las 'byung bar 'gyur/ de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa'i gzugs brnyan can gyi bdud kyi las 'byung bar 'gyur te/ de dag byang chub sems dpa' sems dpa' chen pos rtogs par bya zhing rtogs par byas nas rnam par spang bar bya'o/ /rab 'byor gzhan yang nang stong pa nyid kyi gzugs brnyan dang /dngos po med pa'i ngo bo nyid stong pa nyid kyi bar du gzugs brnyan can gyi bdud kyi las 'byung bar 'gyur/ nyan thos dang rang sangs rgyas dang ldan pa'i bdud kyi las 'byung bar 'gyur te/ de dag byang chub sems dpa' sems dpa' chen pos rtogs par bya zhing rtogs par byas nas rnam par spang bar bya ste/'di skad du khyod kyis dran pa nye bar gzhag pa bzhi bsgoms pa dang / yang dag par spong ba bzhi bsgoms pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams bsgoms pa dang / rnam par thar pa'i sgo stong pa nyid dang /rnam par thar pa'i sgo mtshan ma med pa dang / rnam par thar pa'i sgo smon pa med pa bsgoms pa dang / 'di dag ni khong du chud par bya ba yin no/ /'di dag khong du chud par byas na 'di nyid du rgyun du zhugs pa'i 'bras bu 'thob par 'gyur/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid 'thob par 'gyur gyi bla na med pa yang dag par rdzogs pa'i byang chub kyis ci zhig bya zhes zer na/ rab 'byor 'di yang shes rab kyi pha rol tu phyin pa zab mo 'di 'dri ba dang / 'dzin pa dang / ston pa dang / tshul bzhin du yid la byed pa dang / sgom par byed pa'i rgyu rkyen dang mi ldan par 'gyur ba yin no//de ltar bdud sdig can gyis bdud kyi las de lta bu nye bar sgrub par byed do zhes bya ba ni bcos ma nye bar sgrub pa yin no/ /rab 'byor gzhan yang bdud sdig to can dag sangs rgyas kyi cha byad du byas lus gser gyi kha dog dang 'od 'dom gang bar byas shing byang chub sems dpa'i drung du 'ongs te/de mthong nas 'dod pa bskyed pas thams cad mkhyen pa nyid las yongs su nyams par 'gyur te/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / 'chad pa dang / tshul bzhin du yid la byed pa dang / bsgom par bya ba'i rgyu rkyen dang mi ldan pa ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dag rigs kyi bu'am/ rigs kyi bu mo de dag gi mdun du sangs rgyas la sogs pa dge slong gi dge 'dun nye bar ston te/de la des 'dod pa bskyed par 'gyur zhing bdag kyang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas 'di lta bur shog shig /ji ltar de bzhin gshegs pa 'dis dge slong gi tshogs yongs su bsdus nas chos ston par mdzad pa de bzhin du bdag gis kyang chos bstan par bya'o zhes de de la 'dod pa bskyed par 'gyur te/'dod pa bskyed pas rnam pa thams cad mkhyen pa nyid las yongs su nyams par 'gyur te/ rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang /kun chub par byed pa dang / 'chad par byed pa dang / tshul bzhin du yid la byed pa dang / sgom par byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dag byang chub sems dpa' brgya phrag mang po dang /byang chub sems dpa' stong phrag du ma sbyin pa'i pha rol tu phyin pa la spyod par 'gyur ba dang / de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod par 'gyur ba de lta bu dag nye bar ston te/ byang chub sems dpa' de yang bdud kyi sprul pa de dag la 'dod pa bskyed par 'gyur ro/ /de dag la 'dod pa bskyed nas rnam pa thams cad mkhyen pa nyid las yongs su nyams par 'gyur te/rab 'byor 'di yang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / sgom pa dang / tshul bzhin du yid la byed pa'i rgyu rkyen dang mi ldan par 'gyur ba ste/ rab 'byor 'di yang byang chub sems dpa' sems dpa' chen pos bdud kyi las su rig par bya'o//de ci'i phyir zhe na/ rab 'byor shes rab kyi pha rol tu phyin pa zab mo 'di la gzugs med pa'i phyir ro/ /tshor ba dang / 'du shes dang / 'du byed rnams dang / rnam par shes pa med pa'i phyir ro/ /phung po dang / khams dang / skye mched dang / rten cing 'brel bar 'byung ba dang /rten cing 'brel bar 'byung ba'i yan lag rnams med pa'i phyir ro/ /pha rol tu phyin pa rnams dang / byang chub kyi phyogs kyi chos rnams dang / 'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / stong pa nyid thams cad dang / ting nge 'dzin thams cad dang / gzungs kyi sgo rnams med pa'i phyir ro//de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam par thar pa'i sgo rnams dang / byang chub med pa'i phyir ro/ /rab 'byor gang la gzugs med/ tshor ba dang / 'du shes dang /'du byed rnams dang / rnam par shes pa med/ phung po dang / khams dang / skye mched dang / rten cing 'brel bar 'byung ba dang / rten cing 'byung ba'i yan lag rnams dang / pha rol tu phyin pa rnams dang / byang chub kyi phyogs kyi chos rnams dang / 'phags pa'i bden pa rnams dang /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang / rnam par thar pa'i sgo stong pa nyid dang / mtshan ma med pa dang / smon pa med pa rnams dang / mngon par shes pa rnams dang / stong pa nyid thams cad dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang /rnam par thar pa'i sgo rnams dang / byang chub med de gang la byang chub med pa de la sangs rgyas dang byang chub sems dpa' dang nyan thos kyi dge 'dun rnams med do/ /de ci'i phyir zhe na/ rab 'byor chos thams cad ni rang bzhin gyis stong pa'i phyir ro zhes bya ba ni yul ji lta ba bzhin ma yin pa la sogs pa la dga' ba bskyed pa yin no// rab 'byor gzhan yang shes rab kyi pha rol tu phyin pa 'di la bar chad mang du 'byung ste/ rigs kyi bu'am rigs kyi bu mos shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / lung 'bogs pa dang /kha ton byed pa dang / tshul bzhin du yid la byed pa de dag la yang bar chad mang du 'byung ngo / /rab 'byor 'di lta ste dper na/ 'dzam bu'i gling 'di'i rin po che 'di lta ste/ gser dang / nor bu dang / mu tig dang / baiDUr+ya dang / dung dang / man shel dang / byi ru dang / dngul la sogs pa gang ji snyed yod pa de dag ni bar chad mang du 'byung zhing phyir rgol ba mang bar 'gyur ro//rab 'byor de bzhin du rigs kyi bu'am/ rigs kyi bu mo de shes rab kyi pha rol tu phyin pa zab mo 'di 'dri ba dang / lung 'bogs pa dang / kun chub par byed pa dang / kha ton byed pa dang / ston pa dang / tshul bzhin du yid la byed pa dang / sgom par byed pa de dag la yang bar chad mang po 'byung bar 'gyur ro/ /phyir rgol ba mang po 'byung bar 'gyur ro/ /rab 'byor gyis gsol pa/ bcom ldan 'das de de bzhin no/ /bde bar gshegs pa de de bzhin te/ shes rab kyi pha rol tu phyin pa dang mtshungs par ldan pa'i mdo sde la yang slar rgol ba mang du 'byung bar 'gyur ro//gang shes rab kyi pha rol tu phyin pa zab mo 'di 'dri ba dang / lung 'bogs pa dang / klog pa dang / kha ton bgyid pa dang / sgom pa la bar chad bgyid par 'gyur ba'i skyes bu glen pa de dag ni bdud kyis byin gyis brlabs par 'gyur ba lags so//bcom ldan 'das gang shes rab kyi pha rol tu phyin pa zab mo 'di 'dri ba dang / bsgom par bgyid pa'i bar la bar chad bgyid par 'gyur ba'i skyes bu glen pa de dag ni blo chung ba dang blo zhan par 'gyur ba lags so/ /gang shes rab kyi pha rol tu phyin pa zab mo 'di 'dri ba na 'dri bar mi 'gyur bar bar chad bgyid par 'gyur ba nas/sgom par bgyid pa na/ sgom par mi 'gyur bar bar chad bgyid par 'gyur ba de dag ni chos rgya chen po la blo mi 'jug par 'gyur ba lags so/ /bcom ldan 'das kyis bka' stsal pa/ rab 'byor de de bzhin no//de de bzhin te/ rigs kyi bu'am/ rigs kyi bu mo gang shes rab kyi pha rol tu phyin pa zab mo 'di 'dri bar mi 'gyur/ klog par mi 'gyur/ lung 'bogs par mi 'gyur/ kha ton byed par mi 'gyur/ tshul bzhin du yid la byed par mi 'gyur bar bar chad byed par 'gyur ba de dag ni bdud kyis byin gyis brlabs pa/theg pa la gsar du zhugs pa/ dge ba'i rtsa ba ma bskyed pa/ dge ba'i rtsa ba shin tu chung ba/ sngon gyi rgyal ba la lhag par ma byas pa/ dge ba'i bshes gnyen gyis yongs su ma bzung bar 'gyur ba yin no/ /rigs kyi bu dang / rigs kyi bu mo gang shes rab kyi pha rol tu phyin pa zab mo 'di 'dri bar mi 'gyur/klog par mi 'gyur/ lung 'bogs par mi 'gyur/ kha ton byed par mi 'gyur/ tshul bzhin du yid la byed par mi 'gyur/ sgom pa'i bar du mi 'gyur zhing gzhan 'dri ba dang / sgom pa'i bar la bar chad byed pa de ni blo chung ba/ blo zhen pa/ blo rgya shin tu chung bar 'gyur te/ de dag ni chos rgya chen po rlabs chen po de dag la sems 'jug par mi 'gyur ro/ /rab 'byor shes rab kyi pha rol tu phyin pa zab mo 'di 'dri ba dang / sgom pa'i bar la bdud kyi las 'di dag 'byung bar 'gyur mod kyi/ rab 'byor rigs kyi bu dang / rigs kyi bu mo dag gang shes rab kyi pha rol tu phyin pa zab mo 'di 'dri ba dang / lung 'bogs pa dang / kha ton byed pa dang / tshul bzhin du yid la byed pa dang / sgom pa la bdud kyi las 'byung bar 'gyur ba de lta na yang gong nas gong du bsam gtan gyi pha rol tu phyin pa yongs su rdzogs par byed par 'gyur/brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yongs su rdzogs par byed par 'gyur/ stong pa nyid thams cad dang / byang chub kyi phyogs kyi chos sum cu rtsa bdun yongs su rdzogs par byed par 'gyur/ting nge 'dzin thams cad dang / gzungs kyi sgo thams cad dang / tshad med pa dang / bsam gtan dang / gzugs med pa'i snyoms par 'jug pa rnams dang / mngon par shes pa lnga rnams dang / byang chub sems dpa'i sa bcu dang / stobs rnams dang / mi 'jigs pa rnams dang /so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du yongs su rdzogs par 'gyur ba 'di ni rab 'byor sangs rgyas kyi mthu yin par rig par bya ste/ gang gis rigs kyi bu dang / rigs kyi bu mo de dag shes rab kyi pha rol tu phyin pa zab mo 'di 'dri ba dang /klog pa dang / lung 'bogs pa dang / kha ton byed pa dang / tshul bzhin du yid la byed pa la bar du gcod pa mi 'byung bar gong nas gong du pha rol tu phyin pa thams cad yongs su rdzogs par 'gyur/ stong pa nyid thams cad dang / byang chub kyi phyogs kyi chos thams cad dang / ting nge 'dzin thams cad dang / gzungs kyi sgo thams cad dang / rnam par thar pa'i sgo thams cad yongs su rdzogs par 'gyur/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga yongs su rdzogs par 'gyur/byang chub sems dpa'i sa bcu yongs su rdzogs par 'gyur/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su rdzogs par 'gyur/rnam pa thams cad mkhyen pa nyid yongs su rdzogs par 'gyur/ phyogs bcu'i sangs rgyas bcom ldan 'das gang ji snyed cig bzhugs shing 'tsho skyong la chos ston pa de dag kyang rigs kyi bu dang / rigs kyi bu mo shes rab kyi pha rol tu phyin pa zab mo 'di 'dri ba dang / klog pa dang / lung 'bogs pa dang / kha ton byed pa dang / tshul bzhin du yid la byed pa de dag gi don du brtson par mdzad par 'gyur ro/ /phyogs bcu'i byang chub sems dpa' sems dpa' chen po phyir mi ldog pa gang ji snyed pa de dag kyang rigs kyi bu dang / rigs kyi bu mo shes rab kyi pha rol tu phyin pa zab mo 'di 'dri ba dang /klog pa dang / lung 'bogs pa dang / kha ton byed pa dang / tshul bzhin du yid la byed pa dang / sgom pa de dag gi don du brtson par byed par 'gyur zhing yongs su 'dzin par 'gyur ro// //bam po bzhi bcu bzhi pa/ rab 'byor 'di lta ste dper na/ bud med la la zhig la bu mang bar gyur te/ lnga'am/ bcu'am/ nyi shu'am/ sum cu'am/ bzhi bcu'am/ lnga bcu'am/ brgya'am/ brgya phrag stong zhig yod la de dag gi ma de na bar gyur na/ thams cad kyang bdag cag gi ma 'di la ji ltar na bar chad du mi 'gyur/ bdag cag gi ma 'di ji ltar na ring du 'tsho bar 'gyur/bdag cag gi ma 'di'i lus la mi bde ba'i nyams med par bya na ji ltar bya/ 'di ni bdag cag gi skyed byed de lus kyi sbyin bdag go zhes brtson par byed cing de dag ma de la rim gro legs par byas pas rim gror byed do/ /de dag gis 'di'i lus la srog gi bar chad dam/nyam chung ba'am/ sha sbrang ngam / sbrul lam/ dus ma yin pa'i 'chi ba'am/ tsha ba'am/ grang ba'am/ bkres pa'am/ skom pa la sogs pa'am/ mi bde ba 'byung bar ma gyur cig ces bsti stang legs par byas nas bsti stang du byed do//de lta bu de dag ma de la 'di ni bdag cag la 'jig rten 'di ston ston pa'o zhes bde ba'i yo byad thams cad kyis rgyun du rim gror byed bsti stang dang bkur sti cher byed do/ /rab 'byor de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang shes rab kyi pha rol tu phyin pa zab mo 'di la sangs rgyas kyi spyan gyis rtag tu rgyun mi 'chad par dgongs so//de ci'i phyir zhe na/ shes rab kyi pha rol tu phyin pa 'dis ni bdag sangs rgyas thams cad kyi chos rnams bskyed pa'i phyir ro/ /'jig rten ston pa'i phyir ro zhes rgyun du dgongs so/ /phyogs bcu'i 'jig rten gyi khams gang gA'i klung gi bye ma snyed de dag na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba de dag kyang shes rab kyi pha rol tu phyin pa zab mo 'di la sangs rgyas kyi spyan gyis rtag tu rgyun mi 'chad par dgongs so//de ci'i phyir zhe na/ shes rab kyi pha rol tu phyin pa zab mo 'di ni de bzhin gshegs pa rnams bskyed cing skyed par byed pa'i phyir ro/ /rnam pa thams cad mkhyen pa nyid kyi ye shes 'di yang ston par byed pa'i phyir ro/ /de bas na de bzhin gshegs pa rnams byas pa shes pa'i phyir shes rab kyi pha rol tu phyin pa zab mo 'di ni sangs rgyas kyi spyan gyis rtag tu rgyun mi 'chad par dgongs so//de ci'i phyir zhe na/ 'di las byung ba ni de bzhin gshegs pa rnams kyi bsam gtan dang / brtson 'grus dang / bzod pa dang / tshul khrims dang / sbyin pa'i pha rol tu phyin pa yin pa'i phyir ro//'di las byung ba ni de bzhin gshegs pa rnams kyi nang stong pa nyid dang / dngos po med pa'i ngo bo nyid stong pa nyid kyi bar yin pa'i phyir ro/ /'di las byung ba ni dran pa nye bar gzhag pa bzhi rnams dang / yang dag par spong ba bzhi rnams dang / rdzu 'phrul gyi rkang pa bzhi rnams dang /dbang po lnga rnams dang / stobs lnga rnams dang / byang chub kyi yan lag bdun rnams dang / 'phags pa'i lam yan lag brgyad pa rnams yin pa'i phyir ro/ /'di las byung ba ni rnam par thar pa'i sgo gsum rnams yin pa'i phyir ro/ /'di las byung ba ni 'phags pa'i bden pa bzhi rnams yin pa'i phyir ro//'di las byung ba ni bsam gtan bzhi rnams dang / tshad med pa bzhi rnams dang / gzugs med pa'i snyoms par 'jug pa bzhi rnams yin pa'i phyir ro/ /'di las byung ba ni rnam par thar pa brgyad rnams dang / mthar gyis gnas pa'i snyoms par 'jug pa dgu rnams yin pa'i phyir ro//'di las byung ba ni ting nge 'dzin thams cad dang / gzungs kyi sgo thams cad yin pa'i phyir ro/ /'di las byung ba ni de bzhin gshegs pa'i stobs bcu rnams dang / mi 'jigs pa bzhi rnams dang / so so yang dag par rig pa bzhi rnams dang / sangs rgyas kyi chos ma 'dres pa bco brgyad rnams yin pa'i phyir ro//'di las byung ba ni mngon par shes pa drug yin pa'i phyir ro/ /'di las byung ba ni sangs rgyas thams cad kyi rnam pa thams cad mkhyen pa'i ye shes yin pa'i phyir ro/ /'di las byung ba ni sangs rgyas kyi chos tshad med grangs med pa rnams yin pa'i phyir ro//'di las byung ba ni rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams yin pa'i phyir ro/ /'di las byung ba ni dgra bcom pa rnams dang / rang sangs rgyas rnams yin pa'i phyir ro/ /'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams yin pa'i phyir ro//rab 'byor de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bla na med pa yang dag par rdzogs pa'i byang chub tu mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba de dag thams cad shes rab kyi pha rol tu phyin pa zab mo 'di la brten te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro//rab 'byor theg pa chen po la yang dag par zhugs pa'i rigs kyi bu'am/ rigs kyi bu mo gang shes rab kyi pha rol tu phyin pa zab mo 'di 'dri bar 'gyur/ 'chang bar 'gyur/ klog par 'gyur/ lung 'bogs par 'gyur/ kha ton byed par 'gyur/ tshul bzhin du yid la byed par 'gyur ba de dag thams cad de bzhin gshegs pa dgra bcom pa yang dag par rdzogs pa'i sangs rgyas kyi spyan gyis rtag tu rgyun mi 'chad par dgongs so//rab 'byor byang chub sems dpa'i theg pa pa'i rigs kyi bu'am/ rigs kyi bu mo de dag la ni de bzhin gshegs pa dgra bcom pa yang dag par rdzogs pa'i sangs rgyas rnams ci nas kyang bla na med pa yang dag par rdzogs pa'i byang chub las yongs su nyams par mi 'gyur bar rtag tu rgyun mi 'chad par bsrung ba dang /bskyab pa dang / sba ba mdzad par 'gyur ro zhes bya ba ni 'dzam bu'i gling gi rin po che chen po'i dpes mthu chen po nyid bstan te/'di dag gis ni bar chad rnams gsungs so/ / rab 'byor gyis gsol pa/ bcom ldan 'das kyis gang 'di skad du shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams skyed par byed pa'o/ / 'jig rten 'di ston par byed pa'o zhes bka' stsal na/bcom ldan 'das ji ltar na shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas rnams skyed par bgyid pa lags/ bcom ldan 'das ji ltar na shes rab kyi pha rol tu phyin pa 'jig rten 'di ston par bgyid pa lags/bcom ldan 'das ji ltar na shes rab kyi pha rol tu phyin pas de bzhin gshegs pa bskyed pa la 'jig rten ni de bzhin gshegs pas ji tsam la gsungs/ bcom ldan 'das kyis bka' stsal pa/ rab 'byor shes rab kyi pha rol tu phyin pa zab mo 'dis de bzhin gshegs pa'i stobs bcu bskyed do//mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar du bskyed do//rab 'byor de dag gis ni de bzhin gshegs pa de bzhin gshegs pa zhes brjod do / /rab 'byor de bas na shes rab kyi pha rol tu phyin pa zab mo 'dis de bzhin gshegs pa bskyed do zhes bya ba ni de bzhin gshegs pa 'byung ba shes pa yin no/ / rab 'byor gyis gsol pa/bcom ldan 'das de bzhin gshegs pas gsungs pa'i 'jig rten gang lags/ bcom ldan 'das kyis bka' stsal pa/ rab 'byor phung po lnga ni de bzhin gshegs pas 'jig rten du gsungs so/ /rab 'byor gyis gsol pa/ bcom ldan 'das shes rab kyi pha rol tu phyin pas phung po lnga ni ji ltar bstan pa lags/bcom ldan 'das kyis bka' stsal pa/ rab 'byor shes rab kyi pha rol tu phyin pa ni phung po lnga po 'di dag 'jig par ston pa ma yin/ rab tu 'jig par ston pa ma yin/ skye bar ston pa ma yin/ 'gag par ston pa ma yin/kun nas nyon mongs par ma yin/ rnam par byang bar ston pa ma yin/ 'phel bar ma yin/ 'grib par ma yin/ blang bar ma yin/ dor bar ston pa ma yin/ 'das par ma yin/ ma 'ongs par ma yin/ da ltar byung bar ston pa ma yin no/ /de ci'i phyir zhe na/ stong pa nyid ni 'jig pa'am rab tu 'jig pa med pas so//mtshan ma med pa ni 'jig pa'am rab tu 'jig pa med pas so/ /smon pa med pa ni 'jig pa'am rab tu 'jig pa med pas so/ /mngon par 'du bya ba med pa dang / skye ba med pa dang / 'gag pa med pa dang / dngos po med pa dang / rang bzhin med pa ni 'jig pa'am rab tu 'jig pa med pas so//rab 'byor de ltar na de bzhin gshegs pas shes rab kyi pha rol tu phyin pa 'jig rten gyi ston byed du gsungs te zhes bya ba ni 'jig rten 'jig pa med pa shes pa yin no/ / rab 'byor sems can tshad med/ sems can grangs med/ sems can gzhal du med pa'i sems dang spyod pa rab tu mkhyen pa dang /sems can pha rol po tshad med pa'i sems mkhyen pa de dag kyang shes rab kyi pha rol tu phyin pa 'di nyid la brten cing rab tu mkhyen kyang / rab 'byor yang shes rab kyi pha rol tu phyin pa zab mo 'di la ni sems can med do//sems can du gdags pa dmigs su med do/ /gzugs med do/ /gzugs su gdags pa dmigs su med do/ /tshor ba med do/ /'du shes med do/ /'du byed rnams med do/ /rnam par shes pa med do/ /rnam par shes par gdags pa dmigs su med do//mig dang gzugs med do/ /mig gi rnam par shes pa med do/ /mig gi 'dus te reg pa med do/ /mig gi 'dus te reg pa'i rkyen gyis tshor ba dmigs su med do/ /mig dang gzugs su gdags pa dmigs su med do/ /mig gi rnam par shes par gdags pa dmigs su med do//mig gi 'dus te reg par gdags pa dmigs su med do/ /mig gi 'dus te reg pa'i rkyen gyis tshor bar gdags pa dmigs su med do/ /de bzhin du rna ba med do/ /sgra med do/ /sna med do/ /dri med do/ /lce med do/ /ro med do/ /lus med do/ / reg med do/ /yid med do/ /chos med do/ /yid kyi rnam par shes pa med do/ /yid kyi 'dus te reg pa med do/ /yid kyi 'dus te reg pa'i rkyen gyis tshor bar gdags pa dmigs su med do/ /pha rol tu phyin pa rnams med do/ /byang chub kyi phyogs kyi chos rnams med do/ /rnam par thar pa'i sgo rnams med do//stobs rnams dang / mi 'jigs pa rnams med do/ /so so yang dag par rig pa rnams dang / sangs rgyas kyi chos ma 'dres pa rnams med do/ /rnam pa thams cad mkhyen pa nyid kyi bar du dmigs su med do/ /rab 'byor de ltar na shes rab kyi pha rol tu phyin pa zab mo 'di ni de bzhin gshegs pa rnams 'jig rten gyi ston byed yin kyang shes rab kyi pha rol tu phyin pa zab mo 'di ni gzugs kyi ston byed ma yin no//rnam pa thams cad mkhyen pa nyid kyi bar du ston byed ma yin no/ /de ci'i phyir zhe na/ rab 'byor shes rab kyi pha rol tu phyin 'di nyid kyang shes rab kyi pha rol tu phyin pa zab mo 'di nyid la med cing mi dmigs na gzugs dmigs par lta ga la 'gyur/tshor ba dang / 'du shes dang / 'du byed rnams dang / rnam par shes pa dmigs par lta ga la 'gyur/ rnam pa thams cad mkhyen pa'i bar du dmigs par lta ga la 'gyur zhes bya ba ni sems can gyi sems kyi spyod pa thams cad shes pa yin no// rab 'byor gzhan yang sems can du gdags pas gdags par 'gyur ba gzugs yod pa'am/ gzugs med pa'am/ 'du shes yod pa'am/ 'du shes med pa'am/ 'du shes yod pa yang ma yin/ 'du shes med pa'ang ma yin pa'i sems can ji snyed pa dang /'jig rten gyi khams 'di dang phyogs bcu kun gyi 'jig rten gyi khams gzhan dag gi yang rung ste/ sems can ji snyed yod pa de dag gi sems bsdus pa dang sems rnam par g.yengs pa de dag thams cad kyi sems bsdus pa dang / sems rnam par g.yengs par yang dag pa ji lta ba bzhin du rab tu mkhyen to //rab 'byor ji ltar na de bzhin gshegs pas sems can de dag gi sems bsdus pa dang / rnam par g.yengs pa yang dag pa ji lta ba bzhin du rab tu mkhyen ce na/ rab 'byor de bzhin gshegs pas sems can de dag gi sems bsdus pa dang sems rnam par g.yengs pa ni chos nyid kyis yang dag pa ji lta ba bzhin du rab tu mkhyen to//rab 'byor gyis gsol pa/ bcom ldan 'das de bzhin gshegs pas sems can de dag gi sems bsdus pa dang / sems rnam par g.yengs pa chos nyid gang gis yang dag pa ji lta ba bzhin du rab tu mkhyen ce na /bcom ldan 'das kyis bka' stsal pa/ rab 'byor de ni chos nyid gang la chos nyid kyang mi dmigs na/ sems bsdus pa dang sems rnam par g.yengs pa lta smos su med pa'i chos nyid des de bzhin gshegs pas sems can de dag gi sems bsdus pa dang /sems rnam par g.yengs pa yang dag pa ji lta ba bzhin du rab tu mkhyen to zhes bya ba ni sems bsdus pa dang rnam par g.yengs pa shes pa yin no/ / rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis sems can de dag gi sems bsdus pa dang /sems rnam par g.yengs pa mi zad pa nyid du yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pas sems can de dag gi sems bsdus pa dang / sems rnam par g.yengs pa mi zad pa'i rnam par yang dag pa ji lta ba bzhin du mkhyen ce na/rab 'byor de bzhin gshegs pas sems can de dag gi sems 'dod chags dang bral ba dang 'gog pa dang rnam par spong ba'i rnam par yang dag pa ji lta ba bzhin du rab tu mkhyen to/ /de bzhin gshegs pa dgra bcom pa yang dag par rdzogs pa'i sangs rgyas kyis sems can de dag gi sems bsdus pa dang /sems rnam par g.yengs pa zhi ba dang med pa dang dben pa'i rnam par yang dag pa ji lta ba bzhin du rab tu mkhyen to zhes bya ba ni sems mi zad pa'i rnam par shes pa yin no/ / rab 'byor gzhan yang de bzhin gshegs pas sems can de dag gi sems 'dod chags dang bcas pa la 'dod chags dang bcas pa'i sems zhes bya bar yang dag pa ji lta ba bzhin du rab tu mkhyen to//'dod chags dang bral ba'i sems la 'dod chags dang bral ba'i sems zhes bya bar yang dag pa ji lta ba bzhin du rab tu mkhyen to/ /zhe sdang dang bcas pa'i sems la zhe sdang dang bcas pa'i sems zhes bya bar yang dag pa ji lta ba bzhin du rab tu mkhyen to//zhe sdang dang bral ba'i sems la zhe sdang dang bral ba'i sems zhes bya bar yang dag pa ji lta ba bzhin du rab tu mkhyen to/ /gti mug dang bcas pa'i sems la gti mug dang bcas pa'i sems zhes bya bar yang dag pa ji lta ba bzhin du rab tu mkhyen to//gti mug dang bral ba'i sems la gti mug dang bral ba'i sems zhes bya bar yang dag pa ji lta ba bzhin du rab tu mkhyen to/ /rab 'byor gyis gsol pa/ bcom ldan 'das ji ltar na de bzhin gshegs pa dgra bcom pa yang dag par rdzogs pa'i sangs rgyas kyis sems can de dag gi sems 'dod chags dang bcas pa la 'dod chags dang bcas pa'i sems zhes bgyi bar yang dag pa ji lta ba bzhin du rab tu mkhyen pa lags/ji ltar zhe sdang dang bcas pa'i sems la zhe sdang dang bcas pa'i sems zhes bgyi bar yang dag pa ji lta ba bzhin du rab tu mkhyen pa lags/ji ltar na gti mug dang bcas pa'i sems la gti mug dang bcas pa'i sems zhes bgyi bar yang dag pa ji lta ba bzhin du rab tu mkhyen pa lags/ bcom ldan 'das kyis bka' stsal pa/ rab 'byor sems kyi 'dod chags dang zhe sdang dang gti mug dang bcas pa gang yin pa de ni sems kyi yang dag pa ji lta ba bzhin ma yin no//de ci'i phyir zhe na/ rab 'byor yang dag pa ji lta ba bzhin du gyur pa'i sems ni dmigs su med cing sems las byung ba'i chos rnams kyang dmigs su med na/ 'dod chags dang bcas pa'am/ zhe sdang dang bcas pa'am/ gti mug dang bcas pa'i sems dmigs pa lta ci zhig smos/ rab 'byor de ltar na de bzhin gshegs pas shes rab kyi pha rol tu phyin pa 'di la brten te/ sems can de dag gi sems 'dod chags dang bcas pa la 'dod chags dang bcas pa'i sems zhes bya bar yang dag pa ji lta ba bzhin du rab tu mkhyen to//zhe sdang dang bcas pa'i sems la zhe sdang dang bcas pa'i sems zhes bya bar yang dag pa ji lta ba bzhin du rab tu mkhyen to/ /gti mug dang bcas pa'i sems la gti mug dang bcas pa'i sems zhes bya bar yang dag pa ji lta ba bzhin du rab tu mkhyen to//rab 'byor ji ltar na de ltar de bzhin gshegs pas sems can de dag gi sems 'dod chags dang bral ba la 'dod chags dang bral ba'i sems zhes bya bar yang dag pa ji lta ba bzhin du rab tu mkhyen/ zhe sdang dang bral ba'i sems la zhe sdang dang bral ba'i sems zhes bya bar yang dag pa ji lta ba bzhin du rab tu mkhyen/gti mug dang bral ba'i sems la gti mug dang bral ba'i sems zhes bya bar yang dag pa ji lta ba bzhin du rab tu mkhyen ce na/ rab 'byor sems kyi 'dod chags dang bral ba gang yin pa de ni sems kyi 'dod chags dang bcas pa nyid ma yin no//de ci'i phyir zhe na/ sems gnyis 'grogs shing phrad pa med pas so/ /rab 'byor de ltar na sems kyi zhe sdang dang bral ba gang yin pa de ni sems kyi zhe sdang dang bcas pa ma yin/ rab 'byor sems kyi gti mug dang bral ba gang yin pa de ni sems kyi gti mug dang bcas pa ma yin no//de ci'i phyir zhe na/ sems gnyis 'grogs shing phrad pa med pas so/ /rab 'byor de ltar na de bzhin gshegs pas sems can de dag gi sems 'dod chags dang bral ba la 'dod chags dang bral ba'i sems zhes bya bar yang dag pa ji lta ba bzhin du rab tu mkhyen to//sems zhe sdang dang bral ba la sems zhe sdang dang bral ba'i sems zhes bya bar yang dag pa ji lta ba bzhin du rab tu mkhyen to/ /sems gti mug dang bral ba la gti mug dang bral ba'i sems zhes bya bar yang dag pa ji lta ba bzhin du rab tu mkhyen to zhes bya ba ni 'dod chags dang bcas pa la sogs pa shes pa yin no// rab 'byor gzhan yang de bzhin gshegs pas shes rab kyi pha rol tu phyin pa zab mo 'di la brten te/ sems can pha rol po rnams dang gang zag pha rol po rnams kyi sems rgya che ba la sems rgya che ba zhes bya bar yang dag pa ji lta ba bzhin du rab tu mkhyen to//rab 'byor ji ltar de bzhin gshegs pas shes rab kyi pha rol tu phyin pa la brten nas/ sems can pha rol po rnams dang gang zag pha rol po rnams kyi sems rgya che ba la sems rgya che ba zhes bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pas shes rab kyi pha rol tu phyin pa zab mo 'di la brten te/sems can pha rol po rnams dang gang zag pha rol po rnams kyi sems rgya che ba ma yin/ sems rgya chung ba ma yin/ sems 'phel ba ma yin/ sems 'grib pa ma yin/ sems 'ong ba ma yin/ sems 'gro ba ma yin zhes bya bar yang dag pa ji lta ba bzhin du rab tu mkhyen to//de ci'i phyir zhe na/ rab 'byor de ni 'di ltar sems rgya chen po nas 'ong ba'am / 'gro ba ma yin pa'i bar gyi ngo bo nyid med pa'i phyir ro/ /rab 'byor de ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang /gang zag pha rol po rnams kyi sems rgya che ba la sems rgya che ba zhes bya bar yang dag pa ji lta ba bzhin du rab tu mkhyen to zhes bya ba ni sems rgya chen po shes pa yin no/ / rab 'byor gzhan yang de bzhin gshegs pas shes rab kyi pha rol tu phyin pa la brten te/ sems can pha rol po rnams dang /gang zag pha rol po rnams kyi sems rgya chen por gyur pa la sems rgya chen por gyur ces bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems rgya chen por gyur pa la sems rgya chen por gyur ces bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pas sems can pha rol po rnams dang / gang zag pha rol po rnams kyi sems de dag la 'ong ba dang / 'gro ba dang /skye ba dang / 'gag pa dang / gnas pa dang / gzhan du gyur pa yang dag par rjes su mi gzigs so/ /de ci'i phyir zhe na/ rab 'byor sems de dag la gang 'ong bar 'gyur ba'am/ 'gro bar 'gyur ba'am/ skye bar 'gyur ba'am/ 'gag par 'gyur ba'am/ gnas par 'gyur ba'am/ gzhan du 'gyur ba'i ngo bo nyid med pa'i phyir ro/ /rab 'byor de ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems chen por gyur pa la chen por 'gyur ba zhes bya bar yang dag pa ji lta ba bzhin du rab tu mkhyen to zhes bya ba ni sems chen por gyur pa shes pa yin no// rab 'byor gzhan yang de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems tshad med pa la sems tshad med ces bya bar yang dag pa ji lta ba bzhin du rab tu mkhyen to//rab 'byor ji ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems tshad med pa la sems tshad med ces bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pas sems can pha rol po rnams dang / gang zag pha rol po rnams kyi sems kun nas gnas pa dang / kun nas mi gnas pa dang / rnam par gnas pa dang / rnam par mi gnas par yang dag par rjes su mi gzigs so/ /de ci'i phyir zhe na/ rab 'byor sems kyi rgyun ni rten med cing tshad med pa ste gang la gnas par 'gyur ba de dag ni rten med pa'i phyir ro//rab 'byor de ltar de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems tshad med pa la sems tshad med ces bya bar yang dag pa ji lta ba bzhin du rab tu mkhyen to zhes bya ba ni sems tshad med pa shes pa yin no// rab 'byor gzhan yang de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems bstan du med pa la sems bstan du med ces bya bar yang dag pa ji lta ba bzhin du rab tu mkhyen to//rab 'byor ji ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems bstan du med pa la sems bstan du med ces bya bar yang dag pa ji lta ba bzhin du rab tu mkhyen ce na/rab 'byor 'di la de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi rang gi mtshan nyid kyis stong pa'i phyir mtshan nyid med pa'i sems dang /rang bzhin dang bral ba'i sems zhes bya bar yang dag pa ji lta ba bzhin du rab tu mkhyen to/ /rab 'byor de ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems bstan du med pa la bstan du med pa'i sems zhes bya bar yang dag pa ji lta ba bzhin du rab tu mkhyen to zhes bya ba ni sems bstan du med pa shes pa yin no// rab 'byor gzhan yang de bzhin gshegs pas shes rab kyi pha rol tu phyin pa 'di la brten te/ sems can pha rol tu rnams dang / gang zag pha rol po rnams kyi sems bltar med pa la bltar med pa'i sems zhes bya bar yang dag pa ji lta ba bzhin du rab tu mkhyen to// rab 'byor ji ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems bltar med pa la bltar med pa'i sems zhes bya bar yang dag pa ji lta ba bzhin du rab tu mkhyen ce na/rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyi spyan lnga la pha rol po rnams kyi sems de dag snang bar ma gyur to/ /rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyi shes rab kyi pha rol tu phyin pa 'di la brten te/sems can pha rol po rnams dang / gang zag pha rol po rnams kyi sems bltar med pa la bltar med pa'i sems zhes bya bar yang dag pa ci lta ba bzhin du rab tu mkhyen to zhes bya ba ni sems bltar med pa shes pa yin no// rab 'byor gzhan yang de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems g.yo ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen to//rab 'byor ji ltar na de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems g.yo ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems g.yo ba dang / 'du ba dang / bkram pa dang / bcum pa de dag kyang 'di ltar rab tu mkhyen to/ /sems can rnams kyi sems 'phro ba'am/'du ba'am/ bkram pa'am/ bcum pa gang ji snyed pa skye zhing 'byung ba de dag thams cad gzugs la brten/ tshor ba dang / 'du shes dang / 'du byed rnams dang / rnam par shes pa la brten nas skye zhing 'byung bar 'gyur ro zhes bya bar rab tu mkhyen to/ /rab 'byor de ltar na de bzhin gshegs pas shes rab kyi pha rol tu phyin pa zab mo 'di la brten te/sems can de dag gi sems g.yeng ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen to/ /de bzhin gshegs pa grongs nas 'byung zhes bya ba 'di ni gzugs la brten pa'o/ / de bzhin gshegs pa grongs nas mi 'byung zhes bya ba dang / 'byung ba yang ma yin/ mi 'byung ba yang ma yin zhes bya ba dang / 'byung ba yang ma yin/ mi 'byung ba yang ma yin zhes bya ba 'di ni gzugs la brten pa'o/ /de bzhin gshegs pa grongs nas 'byung zhes bya ba ni/tshor ba dang / 'du shes dang / 'du byed rnams dang rnam par shes pa la brten pa'o/ /de bzhin gshegs pa grongs nas mi 'byung zhes bya ba dang / 'byung ba yang yin/ mi 'byung ba yang yin zhes bya ba dang / 'byung ba yang ma yin/ mi 'byung ba yang ma yin zhes bya ba 'di ni rnam par shes pa la brten pa'o//bdag dang 'jig rten rtag ces bya ba de nyid bden gyi/ gzhan ni gti mug go zhes bya ba 'di ni gzugs la brten pa'o/ /bdag dang 'jig rten mi rtag ces bya ba dang / rtag pa yang yin mi rtag pa yang yin zhes bya ba dang / rtag pa yang ma yin mi rtag pa yang ma yin zhes pa 'di nyid bden gyi/ gzhan ni gti mug go zhes bya ba 'di ni gzugs la brten pa'o/ /bdag dang 'jig rten rtag ces bya ba 'di nyid ni bden gyi/ gzhan ni gti mug go zhes bya ba de ni tshor ba dang / 'du shes dang / 'du byed rnams dang /rnam par shes pa la brten pa'o/ /bdag dang 'jig rten mi rtag ces bya ba dang / rtag pa yang yin mi rtag pa yang yin zhes bya ba dang / rtag pa yang ma yin mi rtag pa yang ma yin zhes bya ba 'di nyid bden gyi/ gzhan ni gti mug go zhes bya ba de ni rnam par shes pa la brten pa'o//de bzhin du bdag dang 'jig rten ni mtha' dang ldan pa zhes bya ba de nyid bden gyi/ gzhan ni gti mug go zhes bya ba de ni gzugs la brten pa'o/ / de bzhin du bdag dang 'jig rten mtha' dang ldan pa zhes bya ba de nyid bden gyi/ gzhan ni gti mug go zhes bya ba de ni tshor ba dang /'du shes dang / 'du byed rnams dang / rnam par shes pa la brten pa'o/ /bdag dang 'jig rten mtha' med ces bya ba de nyid bden gyi/ gzhan ni gti mug go zhes bya ba de ni gzugs la brten pa'o/ /de bzhin du bdag dang 'jig rten mtha' med ces bya ba 'di nyid bden gyi/ gzhan ni gti mug go zhes bya ba de ni gzugs la brten pa'o//de bzhin du bdag dang 'jig rten mtha' dang ldan pa yang yin mtha' med pa yang yin zhes bya ba 'di nyid bden gyi/ gzhan ni gti mug go zhes bya ba de ni/ tshor ba dang / 'du shes dang / 'du byed rnams dang / rnam par shes pa la brten pa'o/ / bdag dang 'jig rten mtha' dang ldan pa yang ma yin/ mtha' med pa yang ma yin zhes bya ba 'di nyid bden gyi/ gzhan ni gti mug go zhes bya ba de ni gzugs la brten pa'o/ /de bzhin du bdag dang 'jig rten mtha' dang ldan pa yang ma yin/ mtha' med pa yang ma yin zhes bya ba 'di nyid bden gyi/gzhan ni gti mug go zhes bya ba de ni/ tshor ba dang / 'du shes dang / 'du byed rnams dang / rnam par shes pa la brten pa'o/ /srog gang yin pa de nyid lus so zhes bya ba dang / srog kyang gzhan la lus kyang gzhan no zhes bya ba 'di nyid bden gyi/ gzhan ni gti mug go zhes bya ba de ni gzugs la brten pa'o//srog gang yin pa de ni lus so zhes bya ba dang / srog kyang gzhan la lus kyang gzhan no zhes bya ba de nyid bden gyi/ gzhan ni gti mug go zhes bya ba 'di ni tshor ba dang / 'du shes dang / 'du byed rnams dang / rnam par shes pa la brten pa'o/ /rab 'byor de ltar na de bzhin gshegs pas sems can pha rol po rnams dang /gang zag pha rol po rnams kyi sems g.yo ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen to zhes bya ba ni sems g.yo ba la sogs pa shes pa yin no/ / rab 'byor gzhan yang de bzhin gshegs pas shes rab kyi pha rol tu phyin pa 'di la brten te gzugs mkhyen to//gzugs ji ltar mkhyen ce na de bzhin nyid dang / ma nor ba de bzhin nyid dang / 'gyur ba med pa dang / rnam par rtog pa med pa dang / mtshan ma med pa dang / 'bad pa med pa dang / spros pa med pa dang / dmigs su med pa ji lta ba de ltar mkhyen to/ /tshor ba dang / 'du shes dang / 'du byed rnams dang / rnam par shes pa mkhyen to/ /rnam par shes pa ji ltar mkhyen ce na/ de bzhin nyid dang / ma nor ba de bzhin nyid dang / 'gyur ba med pa dang / rnam par rtog pa med pa dang / mtshan ma med pa dang /'bad pa med pa dang / spros pa med pa dang / dmigs su med pa ji lta ba de ltar mkhyen to/ /rab 'byor de ltar de bzhin gshegs pas shes rab kyi pha rol tu phyin pa 'di la brten te/ sems can pha rol po rnams dang / gang zag pha rol po rnams kyi sems g.yo ba dang /'du ba dang / bkram pa dang / bcum pa rnams kyang de bzhin nyid dang / ma nor ba de bzhin nyid dang / 'gyur ba med pa dang / rnam par rtog pa med pa dang / mtshan ma med pa dang / 'bad pa med pa dang / spros pa med pa dang / dmigs pa med pa ji lta ba de ltar mkhyen to zhes bya ba ni de bzhin nyid kyi rnam par shes pa yin no// rab 'byor de ltar na g.yo ba dang / 'du ba dang / bkram pa dang / bcum pa'i de bzhin nyid gang yin pa de ni phung po dang / khams dang / skye mched dang / rten cing 'brel bar 'byung ba'i de bzhin nyid do/ /phung po dang / khams dang / skye mched dang / rten cing 'brel bar 'byung ba'i de bzhin nyid gang yin pa de ni chos thams cad kyi de bzhin nyid do/ /chos thams cad kyi de bzhin nyid gang yin pa de ni pha rol tu phyin pa drug gi de bzhin nyid do/ /pha rol tu phyin pa drug gi de bzhin nyid gang yin pa de ni byang chub kyi phyogs kyi chos sum cu rtsa bdun gyi de bzhin nyid do//byang chub kyi phyogs kyi chos sum cu rtsa bdun gyi de bzhin nyid gang yin pa de ni stong pa nyid thams cad kyi de bzhin nyid do/ /stong pa nyid thams cad kyi de bzhin nyid gang yin pa de ni rnam par thar pa brgyad rnams dang / mthar gyis gnas pa'i snyoms par 'jug pa dgu rnams kyi de bzhin nyid do//rnam par thar pa brgyad rnams dang / mthar gyis gnas pa'i snyoms par 'jug pa dgu rnams kyi de bzhin nyid gang yin pa de ni tshad med pa dang / bsam gtan dang / gzugs med pa'i snyoms par 'jug pa rnams kyi de bzhin nyid do//tshad med pa dang / bsam gtan dang / gzugs med pa'i snyoms par 'jug pa rnams kyi de bzhin nyid gang yin pa de ni 'phags pa'i bden pa bzhi'i de bzhin nyid do/ /'phags pa'i bden pa bzhi'i de bzhin nyid gang yin pa de ni rnam par thar pa'i sgo stong pa nyid dang / mtshan ma med pa dang /smon pa med pa'i de bzhin nyid do/ /rnam par thar pa'i sgo stong pa nyid dang / mtshan ma med pa dang / smon pa med pa'i de bzhin nyid gang yin pa de ni mngon par shes pa drug gi de bzhin nyid do/ /mngon par shes pa drug gi de bzhin nyid gang yin pa de ni ting nge 'dzin thams cad kyi de bzhin nyid do//ting nge 'dzin thams cad kyi de bzhin nyid gang yin pa de ni gzungs kyi sgo thams cad kyi de bzhin nyid do/ /gzungs kyi sgo thams cad kyi de bzhin nyid gang yin pa de ni de bzhin gshegs pa'i stobs bcu'i de bzhin nyid do/ /de bzhin gshegs pa'i stobs bcu'i de bzhin nyid gang yin pa de ni mi 'jigs pa bzhi'i de bzhin nyid do//mi 'jigs pa bzhi'i de bzhin nyid gang yin pa de ni so so yang dag par rig pa bzhi'i de bzhin nyid do/ /so so yang dag par rig pa bzhi'i de bzhin nyid gang yin pa de ni byams pa chen po dang snying rje chen po'i de bzhin nyid do/ /byams pa chen po dang snying rje chen po'i de bzhin nyid gang yin pa de ni sangs rgyas kyi chos ma 'dres pa bco brgyad kyi de bzhin nyid do//sangs rgyas kyi chos ma 'dres pa bco brgyad kyi de bzhin nyid gang yin pa de ni rnam pa thams cad mkhyen pa nyid kyi de bzhin nyid do/ /rnam pa thams cad mkhyen pa nyid kyi de bzhin nyid gang yin pa de ni dge ba dang mi dge ba'i chos rnams kyi de bzhin nyid do//dge ba dang mi dge ba'i chos rnams kyi de bzhin nyid gang yin pa de ni 'jig rten pa dang / 'jig rten las 'das pa'i chos dang / zag pa dang bcas pa dang / zag pa med pa rnams dang / kha na ma tho ba dang bcas pa dang /kha na ma tho ba med pa dang / kun nas nyon mongs pa dang / kun nas nyon mongs pa med pa dang / rnam par byang ba rnams dang / 'dus byas dang / 'dus ma byas kyi chos rnams kyi de bzhin nyid do/ /'dus byas dang / 'dus ma byas kyi chos rnams kyi de bzhin nyid gang yin pa de ni 'das pa dang / ma 'ongs pa dang / da ltar byung ba'i chos rnams kyi de bzhin nyid do/ /'das pa dang / ma 'ongs pa dang / da ltar byung ba'i chos rnams kyi de bzhin nyid gang yin pa de ni rgyun du zhugs pa'i de bzhin nyid do/ /rgyun du zhugs pa'i de bzhin nyid gang yin pa de ni rgyun du zhugs pa'i 'bras bu'i de bzhin nyid do//rgyun du zhugs pa'i 'bras bu'i de bzhin nyid gang yin pa de ni lan cig phyir 'ong ba'i 'bras bu'i de bzhin nyid do/ /lan cig phyir 'ong ba'i 'bras bu'i de bzhin nyid gang yin pa de ni phyir mi 'ong ba'i 'bras bu'i de bzhin nyid do/ /phyir mi 'ong ba'i 'bras bu'i de bzhin nyid gang yin pa de ni dgra bcom pa nyid kyi de bzhin nyid do//dgra bcom pa nyid kyi de bzhin nyid gang yin pa de ni dgra bcom pa'i 'bras bu'i de bzhin nyid do/ /dgra bcom pa'i 'bras bu'i de bzhin nyid gang yin pa de ni rang sangs rgyas kyi de bzhin nyid do/ /rang sangs rgyas kyi de bzhin nyid gang yin pa de ni rang byang chub kyi de bzhin nyid do//rang byang chub kyi de bzhin nyid gang yin pa de ni bla na med pa yang dag par rdzogs pa'i byang chub kyi de bzhin nyid do/ /bla na med pa yang dag par rdzogs pa'i byang chub kyi de bzhin nyid gang yin pa de ni de bzhin gshegs pa'i de bzhin nyid do/ /de bzhin gshegs pa'i de bzhin nyid gang yin pa de ni sems can thams cad kyi de bzhin nyid do//de ltar na de bzhin gshegs pa'i de bzhin nyid gang yin pa dang / sems can thams cad kyi de bzhin nyid gang yin pa de ni de bzhin nyid gcig pa nyid de/ de ni lhun gyis grub pa'i de bzhin nyid do//lhun gyis grub pa'i de bzhin nyid gang yin pa de ni mi zad pa'o/ /mi zad pa de ni mi zad pa nyid kyis gnyis su med de gnyis su byar med do/ /rab 'byor chos thams cad kyi de bzhin nyid gang yin pa de de bzhin gshegs pas shes rab kyi pha rol tu phyin pa 'di la brten te mngon par shes par sangs rgyas so//rab 'byor de lta bas na shes rab kyi pha rol tu phyin pa 'di ni de bzhin gshegs pa rnams skyed par byed pa'o/ /rab 'byor de ltar shes rab kyi pha rol tu phyin pa 'di ni 'jig rten gyi ston par byed pa'o/ /rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis chos thams cad kyi de bzhin nyid thugs su chud do//ma nor ba de bzhin nyid dang / gzhan ma yin pa de bzhin nyid thugs su chud de/ de bzhin nyid gang gis de bzhin gshegs pa dgra bcom pa yang dag par rdzogs pa'i sangs rgyas zhes brjod do/ / rab 'byor gyis gsol pa/ bcom ldan 'das 'di lta ste/ chos thams cad kyi de bzhin nyid dang / ma nor ba de bzhin nyid dang / gzhan ma yin pa de bzhin nyid 'di ni zab ste/ bcom ldan 'das de bzhin nyid 'dis ni sangs rgyas bcom ldan 'das rnams kyi byang chub bstan to/ /bcom ldan 'das 'dir slar mi ldog pa'i byang chub sems dpa' sems dpa' chen po rnams dang /gang zag lta ba phun sum tshogs pa rnams dang / dgra bcom pa zag pa zad pa rnams ma gtogs par gzhan su zhig mos par 'gyur/ bcom ldan 'das de bzhin gshegs pas chos 'di mngon par sangs rgyas nas gsungs pa'i bar ni shin tu zab po//bcom ldan 'das kyis bka' stsal pa/ rab 'byor 'di ltar de bzhin nyid ni mi zad pa ste/ ci'i phyir mi zad ce na/ chos thams cad mi zad pa'i phyir mi zad pa'i de bzhin nyid de/ rab 'byor de bzhin nyid ni de bzhin gshegs pas bla na med pa yang dag par rdzogs pa'i byang chub tu mngon par rdzogs par sangs rgyas nas gsungs te/'di lta ste/ chos thams cad kyi de bzhin nyid do zhes bya ba ni yang dag par rdzogs pa'i sangs rgyas kyi de bzhin nyid thugs su chud pa de mchog tu yang dag par gsungs shing btags pa zhes bya ba yin no// de nas stong gsum gyi stong chen po'i 'jig rten gyi khams 'di na 'dod pa na spyod pa dang / gzugs na spyod pa'i lha'i bu gang ji snyed pa de dag thams cad lha rdzas kyi tsan+dan gyi phye ma yongs su bzung nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas 'dod pa na spyod pa dang / gzugs na spyod pa'i lha'i bu de dag gis bcom ldan 'das la 'di skad ces gsol te / bcom ldan 'das shes rab kyi pha rol tu phyin pa zab mo 'di bshad na/bcom ldan 'das shes rab kyi pha rol tu phyin pa'i mtshan nyid ji lta bu lags/ bcom ldan 'das kyis bka' stsal pa/ lha'i bu dag shes rab kyi pha rol tu phyin pa zab mo 'di'i mtshan nyid ni stong pa nyid do/ /lha'i bu dag shes rab kyi pha rol tu phyin pa zab mo 'di'i mtshan nyid ni mtshan ma med pa'o//lha'i bu dag shes rab kyi pha rol tu phyin pa zab mo 'di'i mtshan nyid ni smon pa med pa'o zhes bya ba ni stong pa nyid dang mtshan ma med pa dang smon pa med pa shes pa yin no/ / lha'i bu dag shes rab kyi pha rol tu phyin pa zab mo 'di'i mtshan nyid ni skye ba med pa'o//mtshan nyid 'gag pa med pa'o/ /mtshan nyid kun nas nyon mongs pa med pa'o/ /mtshan nyid rnam par byang ba med pa'o/ /mtshan nyid dngos po med pa'o/ /mtshan nyid rang bzhin med pa'i mtshan nyid rten pa med pa'o/ /mtshan nyid nam mkha'o/ /mtshan nyid rtag pa med pa'o//mtshan nyid chad pa med pa'o/ /mtshan nyid mngon par 'du byed pa med pa'o/ /mtshan nyid don gcig pa ma yin pa'o/ /mtshan nyid sna tshogs pa ma yin pa'o/ /mtshan nyid 'gro ba med pa ste mtshan nyid med pa'o/ /lha'i bu dag shes rab kyi pha rol tu phyin pa zab mo 'di'i mtshan nyid de lta bu yin yang de bzhin gshegs pas 'jig rten gyi brdar tha snyad du mdzad de/don dam par ni ma yin no zhes bya ba ni skye ba dang 'gag pa med pa la sogs pa shes pa yin no/ / lha'i bu dag mtshan nyid de dag ni lha dang mi dang lha ma yin du bcas pa'i 'jig rten gyis dkrugs par nus pa med do//de ci'i phyir zhe na/ lha dang mi dang lha ma yin du bcas pa'i 'jig rten pa yang mtshan nyid de nyid de lha'i bu dag mtshan nyid 'khrugs par byed pa med pa de mtshan nyid med pa'i mtshan nyid shes par mi byed do/ /de ltar mtshan nyid dang mtshan nyid med pa dang / mtshan nyid yod pa dang /mtshan nyid med pa de gnyis ka la yang gang gis shes par bya ba'am/ gang shes par bya ba mi srid do zhes bya ba ni chos nyid rnam par 'khrug pa med pa shes pa yin no/ / lha'i bu dag mtshan nyid de dag ni gzugs kyis 'dus byas pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pas 'dus byas pa ma yin no/ /khams kyis 'dus byas pa ma yin no/ /skye mched kyis 'dus byas pa ma yin no/ /rten cing 'brel bar 'byung bas 'dus byas pa ma yin no/ /sbyin pa'i pha rol tu phyin pas 'dus byas pa ma yin no/ /tshul khrims kyi pha rol tu phyin pas 'dus byas pa ma yin no//bzod pa'i pha rol tu phyin pas 'dus byas pa ma yin no/ /brtson 'grus kyi pha rol tu phyin pas 'dus byas pa ma yin no/ /bsam gtan gyi pha rol tu phyin pas 'dus byas pa ma yin no/ /shes rab kyi pha rol tu phyin pas 'dus byas pa ma yin no//stong pa nyid thams cad kyis 'dus byas pa ma yin no/ /byang chub kyi phyogs kyi chos rnams kyis 'dus byas pa ma yin no/ /'phags pa'i bden pa rnams kyis 'dus byas pa ma yin no/ /tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgus 'dus byas pa ma yin no/ /stong pa nyid dang / mtshan ma med pa dang / smon pa med pas 'dus byas pa ma yin no/ /mngon par shes pas 'dus byas pa ma yin no/ /ting nge 'dzin thams cad kyis 'dus byas pa ma yin no//gzungs kyi sgo thams cad kyis 'dus byas pa ma yin no/ /de bzhin gshegs pa'i stobs rnams kyis 'dus byas pa ma yin no/ /mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad kyis 'dus byas pa ma yin no/ / rnam pa thams cad mkhyen pa nyid kyis 'dus byas pa ma yin no zhes bya ba ni mngon par 'du mi byed pa shes pa yin no/ / lha'i bu dag mtshan nyid de dag ni mi'am/ mi ma yin pa'am/ zag pa dang bcas pa'am/ zag pa med pa'am/ 'jig rten pa'am/ 'jig rten las 'das pa'am/ 'dus byas pa'am/ 'dus ma byas kyi ma yin no/ /de nas bcom ldan 'das kyis 'dod pa na spyod pa dang / gzugs na spyod pa'i lha'i bu de dag la bka' stsal pa/ lha'i bu dag gal te la la zhig nam mkha'i mtshan nyid gang yin pa zhes zer na/ ci de yang dag par smra bas smra ba yin nam/ lha'i bu dag gis gsol pa/ bcom ldan 'das yang dag par smra bas smra ba ma lags so/ /de ci'i slad du zhe na/ bcom ldan 'das kyis nam mkha'i khams 'dus ma bgyis pa'i slad du nam mkha' la mtshan nyid cung zad kyang ma mchis so zhes bya ba ni rnam par mi rtog pa shes pa'o/ / bcom ldan 'das kyis bka' stsal pa/ lha'i bu dag de bzhin gshegs pa rnams byung yang rung / de bzhin gshegs pa rnams ma byung yang rung ste/ chos kyi dbyings 'di gnas pa nyid de/ de ltar mtshan nyid gnas pa de yang dag pa ji lta ba bzhin du gnas pa de ltar de bzhin gshegs pas mngon par rdzogs par sangs rgyas te /de'i phyir de bzhin gshegs pa de bzhin gshegs pa zhes brjod do/ /lha'i bu dag gis gsol pa/ bcom ldan 'das mtshan nyid zab mo 'di de bzhin gshegs pas mngon par rdzogs par sangs rgyas te/ mtshan nyid gang rnams mngon par rdzogs par sangs rgyas pa'i slad du de bzhin gshegs pa chags pa mi mnga' ba'i ye shes can no//mtshan nyid gang dag la bzhugs nas de bzhin gshegs pas mtshan nyid thams cad yang dag par rab tu bstan to/ /bcom ldan 'das shes rab kyi pha rol tu phyin pa yang dag par rab tu bstan pas/mtshan nyid de dag yang dag par rab tu bstan to/ /bcom ldan 'das ji tsam du shes rab kyi pha rol tu phyin pa zab pa de tsam du de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul du 'gyur te/ gang la spyad pas de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas te bla na med pa yang dag par rdzogs pa'i byang chub tu mngon par rdzogs par sangs rgyas nas kyang mtshan nyid thams cad rab tu dbye ba mdzad de/gzugs kyi mtshan nyid dang / tshor ba'i mtshan nyid dang /'du shes kyi mtshan nyid dang / 'du byed rnams kyi mtshan nyid dang / rnam par shes pa'i mtshan nyid dang / de bzhin du phung po'i mtshan nyid dang / khams kyi mtshan nyid dang / skye mched kyi mtshan nyid dang / rten cing 'brel bar 'byung ba'i mtshan nyid rab tu dbye bar mdzad pa dang / rnam pa thams cad mkhyen pa nyid kyi bar gyi mtshan nyid rab tu dbye bar mdzad pa ngo mtshar che'o zhes bya ba ni rab tu dbye ba shes pa yin no// de nas bcom ldan 'das kyis 'dod pa na spyod pa dang / gzugs na spyod pa'i lha'i bu rnams la bka' stsal pa/ lha'i bu dag gzugs kyi mtshan nyid ni gzugs su rung ba ste/ de de bzhin gshegs pas mtshan nyid med par mngon par rdzogs par sangs rgyas so/ /tshor ba'i mtshan nyid ni nyams su myong ba'o/ /'du shes kyi mtshan nyid ni mtshan mar 'dzin pa'o/ /'du byed rnams kyi mtshan nyid ni mngon par 'du byed pa'o/ /rnam par shes pa'i mtshan nyid ni so so'i rang bzhin shes pa ste/de ni de bzhin gshegs pas mtshan nyid med par mngon par rdzogs par sangs rgyas so/ /phung po rnams kyi mtshan nyid ni spungs pa'o/ /khams rnams kyi mtshan nyid ni rigs so/ /skye mched rnams kyi mtshan nyid ni skye ba'i sgo'o/ /rten cing 'brel bar 'byung ba'i mtshan nyid ni tshogs pa ste/de dag ni de bzhin gshegs pas mtshan nyid med par mngon par rdzogs par sangs rgyas so/ /sbyin pa'i pha rol tu phyin pa'i mtshan nyid ni yongs su gtong ba ste/ de bzhin gshegs pas mtshan nyid med par mngon par rdzogs par sangs rgyas so/ / tshul khrims kyi pha rol tu phyin pa'i mtshan nyid ni gdung ba med pa'o/ /bzod pa'i pha rol tu phyin pa'i mtshan nyid ni 'khrug pa med pa'o/ /brtson 'grus kyi pha rol tu phyin pa'i mtshan nyid ni brdzi ba med pa'o/ /bsam gtan gyi pha rol tu phyin pa'i mtshan nyid ni rjes su 'dzin pa'o/ /shes rab kyi pha rol tu phyin pa'i mtshan nyid ni chags pa med pa ste/de dag ni de bzhin gshegs pas mtshan nyid med par mngon par rdzogs par sangs rgyas so/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi rnams kyi mtshan nyid ni mi 'khrug pa ste/ de dag ni de bzhin gshegs pas mtshan nyid med par mngon par rdzogs par sangs rgyas so/ /byang chub kyi phyogs kyi chos sum cu rtsa bdun gyi mtshan nyid ni nges par 'byin pa ste/ de dag ni de bzhin gshegs pas mtshan nyid med par mngon par rdzogs par sangs rgyas so/ /stong pa nyid kyi mtshan nyid ni dben pa'o//mtshan ma med pa'i mtshan nyid ni zhi ba'o/ /smon pa med pa'i mtshan nyid ni 'bad rtsol med pa ste/ de dag ni de bzhin gshegs pas mtshan nyid med par mngon par rdzogs par sangs rgyas so/ /rnam par thar pa rnams kyi mtshan nyid ni grol ba ste/ de dag ni de bzhin gshegs pas mtshan nyid med par mngon par rdzogs par sangs rgyas so//stobs rnams kyi mtshan nyid ni shin tu rnam par gdon mi za ba'o/ /mi 'jigs pa rnams kyi mtshan nyid ni shin tu brtan pa'o/ so so yang dag par rig pa rnams kyi mtshan nyid ni yongs su mi chod pa'o/ /byams pa chen po'i mtshan nyid ni phan pa bsgrub pa'o//snying rje chen po'i mtshan nyid ni skyob pa'o/ /dga' ba'i mtshan nyid ni sangs rgyas kyi chos rnams la dang zhing rab tu dga' ba'o/ /btang snyoms kyi mtshan nyid ni bde ba dang / sdug bsngal ba dang / rnyed pa dang / ma rnyed pa dang / grags pa dang / grags pa med pa dang /bstod pa dang / smad pa ste/ skyon thams cad snyoms pa'o/ /sangs rgyas kyi chos ma 'dres pa bco brgyad rnams kyi mtshan nyid ni mi 'phrogs pa ste/ de dag ni de bzhin gshegs pas mtshan nyid med par mngon par rdzogs par sangs rgyas so/ /rnam pa thams cad mkhyen pa nyid kyi ye shes kyi mtshan nyid ni mngon sum ste/de dag ni de bzhin gshegs pas mtshan nyid med par mngon par rdzogs par sangs rgyas so/ /lha'i bu dag de ltar de bzhin gshegs pas chos thams cad mtshan nyid med par mngon par rdzogs par sangs rgyas te/ des na de bzhin gshegs pa chags pa mi mnga' ba'i ye shes can zhes brjod do zhes bya ba ni mtshan nyid med par shes pa yin no// de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas kyi skyed par byed pa'o//'jig rten 'di ston par byed pa'o/ /de'i phyir de bzhin gshegs pa rnams shes rab kyi pha rol tu phyin pa'i chos 'di la brten cing gnas so zhes bya ba ni nyid kyi chos la brten nas gnas pa shes pa yin no/ / de ltar chos la rim gror mdzad/ bla mar mdzad/ bsti stang du mdzad/ mchod par mdzad/ rjed par mdzad/ bkur stir mdzad de/ rab 'byor chos nyid 'di ni shes rab kyi pha rol tu phyin pa'o/ /des na shes rab kyi pha rol tu phyin pa 'di la de bzhin gshegs pas rim gror mdzad pa dang / bla mar mdzad pa dang / bsti stang du mdzad pa dang /mchod par mdzad pa dang / rjed par mdzad pa dang / bkur stir mdzad do/ /de ci'i phyir zhe na/ rab 'byor sangs rgyas bcom ldan 'das rnams ni shes rab kyi pha rol tu phyin pa las byung ba'i phyir te/ rab 'byor de bzhin gshegs pa ni byas pa mkhyen pa'o/ /rab 'byor gang la la zhig yang dag par smra bas byas pa shes shing byas pa tshor ba'o zhes smra na/de de bzhin gshegs pa la byas pa mkhyen cing byas pa tshor ba'o zhes yang dag par smra bas yang dag par smra ba'o/ /rab 'byor ji ltar na de bzhin gshegs pa byas pa mkhyen cing byas pa tshor bar 'gyur ba yin zhe na/ rab 'byor de bzhin gshegs pa theg pa gang gis byon pa dang lam gang gis bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ba'i theg pa de nyid dang /lam de nyid la de bzhin gshegs pa rim gror mdzad pa dang / bla mar mdzad pa dang / bsti stang du mdzad pa dang / mchod par mdzad pa dang / rjed par mdzad pa dang / bkur stir mdzad pa dang / rjes su 'dzin par mdzad pa dang / yongs su bsrung bar mdzad pa'i phyir ro/ / rab 'byor de bzhin gshegs pas byas pa mkhyen pa dang byas pa rig par blta bar bya'o zhes bya ba ni gus par bya ba la sogs pas shes pa yin no// rab 'byor gzhan yang de bzhin gshegs pas byed pa po med pa'i phyir/ chos thams cad ma byas zhes bya bar mngon par rdzogs par sangs rgyas so/ /lus med pa'i phyir ma byas zhes bya bar mngon par rdzogs par sangs rgyas so/ /rab 'byor 'di yang de bzhin gshegs pa'i byas pa mkhyen pa dang /byas pa rig par blta bar bya'o zhes bya ba ni byed pa med pa can shes pa yin no/ / rab 'byor gzhan yang shes rab kyi pha rol tu phyin pa la brten te/ de bzhin gshegs pa'i byed pa med pa can shes pa chos thams cad la 'jug pa med pa'i brdas 'jug ste/ rab 'byor rnam grangs des na shes rab kyi pha rol tu phyin pa ni de bzhin gshegs pa skyed par byed pa'o//'jig rten 'di ston par byed pa'o zhes bya ba ni thams cad du 'gro ba shes pa yin no/ / rab 'byor gyis gsol pa/ bcom ldan 'das gang gi tshe chos thams cad shes pa po ma mchis shing mthong ba po ma mchis pa de'i tshe ji ltar na shes rab kyi pha rol tu phyin pa de bzhin gshegs pa skyed par byed pa lags/bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni shes pa po med cing mthong ba po med pa'o/ /rab 'byor ji ltar na chos thams cad shes pa po med cing mthong ba po med pa yin zhe na/rab 'byor chos thams cad ni stong pa gsog gsob snying po med pa ste/ rab 'byor rnam grangs des na chos thams cad ni shes pa po med cing mthong ba po med pa'o/ /rab 'byor gzhan yang chos thams cad ni shes pa po med cing mthong ba po med pa ste/rab 'byor ji ltar na chos thams cad shes pa po med cing mthong ba po med pa yin zhe na/ rab 'byor chos thams cad ni mi rten cing khongs su chud pa ma yin pa ste/ rab 'byor rnam grangs des na chos thams cad shes pa po med cing mthong ba po med pa'o/ /rab 'byor de ltar na shes rab kyi pha rol tu phyin pa ni de bzhin gshegs pa skyed par byed pa'o//'jig rten 'di ston par byed pa'o/ /de yang gzugs kyi mthong ba med pa'i phyir ston par byed pa'o/ /de bzhin du tshor ba dang / 'du shes dang / 'du byed rnams dang / rnam par shes pa'i mthong ba po med pa'i phyir ston par byed pa'o//phung po dang / khams dang skye mched dang / rten cing 'brel bar 'byung ba'i mthong ba med pa'i phyir ston par byed pa'o/ /de bzhin du rnam pa thams cad mkhyen pa nyid kyi bar gyi mthong ba med pa'i phyir ston par byed pa'o/ /rab 'byor de ltar na shes rab kyi pha rol tu phyin pa ni de bzhin gshegs pa skyed par byed pa'o//'jig rten 'di ston par byed pa'o/ /rab 'byor gyis gsol pa/ bcom ldan 'das ji ltar na gzugs kyi mthong ba ma mchis pa'i slad du ston par bgyid pa lags/ ji ltar na tshor ba dang / 'du shes dang / 'du byed rnams dang / ji ltar na rnam par shes pa'i mthong ba po ma mchis pa'i slad du ston par bgyid par 'gyur ba lags/ji ltar na phung po dang / khams dang / skye mched dang / rten cing 'brel bar 'byung ba'i mthong ba ma mchis pa'i slad du ston par bgyid pa lags/ ji ltar na rnam pa thams cad mkhyen pa nyid kyi bar gyi mthong ba ma mchis pa'i slad du ston par bgyid pa lags// //bam po bzhi bcu lnga pa/ bcom ldan 'das kyis bka' stsal pa/ rab 'byor gang gi tshe gzugs la dmigs pa'i rnam par shes pa mi 'byung ba de'i tshe gzugs kyi mthong ba med pa'i phyir ston par byed pa'o/ /de bzhin du gang gi tshe tshor ba dang /'du shes dang / 'du byed rnams dang / gang gi tshe rnam par shes pa la dmigs pa'i rnam par shes pa mi 'byung ba de'i tshe rnam par shes pa mthong ba med pa'i phyir ston par byed pa'o/ /gang gi tshe phung po dang / khams dang / skye mched dang / rten cing 'brel bar 'byung ba la dmigs pa'i rnam par shes pa mi 'byung ba de'i tshe/rten cing 'brel bar 'byung ba'i mthong ba med pa'i phyir ston par byed pa'o/ /gang gi tshe pha rol tu phyin pa rnams la dmigs pa'i rnam par shes pa mi 'byung ba de'i tshe pha rol tu phyin pa rnams kyi mthong ba med pa'i phyir ston par byed pa'o//gang gi tshe stong pa nyid rnams dang / byang chub kyi phyogs kyi chos sum cu rtsa bdun rnams dang / 'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang /rnam par thar pa'i sgo stong pa nyid dang / mtshan ma med pa dang / smon pa med pa rnams dang / mngon par shes pa lnga rnams dang / gzugs kyi sgo rnams dang / de bzhin gshegs pa'i stobs bcu rnams dang / mi 'jigs pa rnams dang /so so yang dag par rig pa rnams dang / gang gi tshe sangs rgyas kyi chos ma 'dres pa rnams la dmigs pa'i rnam par shes pa mi 'byung ba de'i tshe sangs rgyas kyi chos ma 'dres pa rnams kyi mthong ba med pa'i phyir ston par byed pa'o/ /rab 'byor gang gi tshe rnam pa thams cad mkhyen pa nyid la dmigs pa'i rnam par shes pa mi 'byung ba de'i tshe rnam pa thams cad mkhyen pa nyid kyi mthong ba med pa'i phyir ston par byed pa'o//rab 'byor de ltar na shes rab kyi pha rol tu phyin pa zab mo 'di ni de bzhin gshegs pa'i skyed par byed pa'o/ /'jig rten 'di ston par byed pa'o zhes bya ba ni ma mthong ba'i don ston pa shes pa yin no// rab 'byor gzhan yang ji ltar na shes rab kyi pha rol tu phyin pa zab mo 'di ni de bzhin gshegs pa'i skyed par byed pa dang / 'jig rten 'di ston par byed pa yin zhe na/ rab 'byor 'di la shes rab kyi pha rol tu phyin pa ni 'jig rten stong ngo zhes brjod par mdzad do//ji ltar 'jig rten stong ngo zhes brjod par mdzad ce na/ phung po lnga'i 'jig rten stong ngo zhes bya bar brjod par mdzad do/ /skye mched bcu gnyis kyi 'jig rten stong ngo zhes bya bar brjod par mdzad do/ /khams bco brgyad kyi 'jig rten stong ngo zhes bya bar brjod par mdzad do/ /dge ba bcu'i las kyi lam gyi 'jig rten stong ngo zhes bya bar brjod par mdzad do//bsam gtan bzhi dang / tshad med pa bzhi dang / gzugs med pa'i snyoms par 'jug pa rnams kyi 'jig rten stong ngo zhes bya bar brjod par mdzad do/ /ma rig pa'i rkyen gyis rten cing 'brel bar 'byung ba'i yan lag bcu gnyis kyi 'jig rten stong ngo zhes bya bar brjod par mdzad do//'jig tshogs la lta ba sngon du 'gro ba can gyi lta bas byas pa drug cu rtsa gnyis kyi 'jig rten stong ngo zhes bya bar brjod par mdzad do/ /byang chub kyi phyogs kyi chos sum cu rtsa bdun gyi 'jig rten stong ngo zhes bya bar brjod par mdzad do/ /pha rol tu phyin pa drug gi 'jig rten stong ngo zhes bya bar brjod par mdzad do//nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / dngos po med pa'i ngo bo nyid stong pa nyid kyi bar gyi 'jig rten stong ngo zhes bya bar brjod par mdzad do/ /stobs bcu dang / mi 'jigs pa rnams dang /so so yang dag par rig pa rnams dang / sangs rgyas kyi chos ma 'dres pa rnams kyi 'jig rten stong ngo zhes bya bar brjod par mdzad do/ /rnam pa thams cad mkhyen pa nyid kyi bar gyi 'jig rten stong ngo zhes bya bar brjod par mdzad do/ /rab 'byor de ltar na shes rab kyi pha rol tu phyin pa 'di de bzhin gshegs pa skyed par byed pa'o//'jig rten 'di ston par byed pa'o/ /rab 'byor gzhan yang shes rab kyi pha rol tu phyin pa ni 'jig rten stong ngo zhes bya bar shes par mdzad do/ /ji ltar na 'jig rten stong zhes bya bar shes par mdzad ce na/ phung po dang / khams dang / skye mched dang / rten cing 'brel bar 'byung ba dang /dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'jig tshogs la lta ba sngon du 'gro ba can lta bas byas pa drug cu rtsa gnyis dang / pha rol tu phyin pa drug dang / byang chub kyi phyogs kyi chos sum cu rtsa bdun dang /stong pa nyid thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams dang / rnam pa thams cad mkhyen pa nyid kyi bar gyi 'jig rten stong ngo zhes bya bar shes par mdzad do/ /rab 'byor de ltar na shes rab kyi pha rol tu phyin pa ni de bzhin gshegs pa'i skyed par byed pa'o//'jig rten ston par byed pa'o/ /rab 'byor gzhan yang shes rab kyi pha rol tu phyin pa ni de bzhin gshegs pa la 'jig rten stong ngo zhes bya bar ston par mdzad do/ /ji ltar 'jig rten stong ngo zhes bya bar ston par mdzad ce na/ phung po dang / khams dang / skye mched dang / rten cing 'brel bar 'byung ba dang / dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'jig tshogs la lta ba sngon du 'gro ba can lta bas byas pa drug cu rtsa gnyis dang /pha rol tu phyin pa drug dang / byang chub kyi phyogs kyi chos sum cu rtsa bdun dang / stong pa nyid thams cad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams dang / rnam pa thams cad mkhyen pa nyid kyi bar gyi 'jig rten stong ngo zhes bya bar ston par mdzad do//rab 'byor de ltar na shes rab kyi pha rol tu phyin pa ni de bzhin gshegs pa'i skyed par byed pa'o/ /'jig rten 'di ston par mdzad pa'o zhes bya ba ni stong pa nyid kyi rnam par brjod par mdzad pa dang / shes par mdzad pa dang / ston par mdzad pa shes pa yin no// rab 'byor gzhan yang shes rab kyi pha rol tu phyin pa ni de bzhin gshegs pa la 'jig rten bsam gyis mi khyab ces bya bar ston te/ ji ltar 'jig rten bsam gyis mi khyab ces bya bar ston zhe na/ phung po lnga dang / khams dang / skye mched dang / rten cing 'brel bar 'byung ba dang /rnam pa thams cad mkhyen pa nyid kyi bar gyi 'jig rten bsam gyis mi khyab ces bya bar ston to/ /de bzhin du rnam par dben zhes bya ba dang / shin tu stong zhes bya ba dang / rang bzhin stong zhes bya bar ston to/ /rab 'byor gzhan yang shes rab kyi pha rol tu phyin pa zab mo 'di ni de bzhin gshegs pa la 'jig rten zhi zhes bya bar ston to//phung po lnga'i 'jig rten zhi zhes bya bar ston to/ /de bzhin du khams dang / skye mched dang / rten cing 'brel bar 'byung ba dang / rnam pa thams cad mkhyen pa nyid kyi bar gyi 'jig rten zhi zhes bya bar ston to/ / rab 'byor de ltar na shes rab kyi pha rol tu phyin pa ni de bzhin gshegs pa skyed par byed pa'o/ /'jig rten 'di ston par byed pa'o zhes bya ba ni bsam gyis mi khyab pa dang zhi ba nyid shes pa yin no/ / rab 'byor gzhan yang shes rab kyi pha rol tu phyin pa ni de bzhin gshegs pa la 'jig rten stong pa nyid ces bya bar ston te/phung po lnga'i 'jig rten stong pa nyid ces bya bar ston to/ /de bzhin du khams dang / skye mched kyi 'jig rten stong pa nyid ces bya bar ston to/ /rten cing 'brel bar 'byung ba dang / rten cing 'brel bar 'byung ba'i yan lag gi 'jig rten stong pa nyid ces bya bar ston to//de bzhin du rnam pa thams cad mkhyen pa nyid kyi bar gyi 'jig rten stong pa nyid ces bya bar ston to/ /rab 'byor de ltar na shes rab kyi pha rol tu phyin pa de bzhin gshegs pa skyed par byed pa'o/ /'jig rten 'di ston par byed pa'o/ /rab 'byor shes rab kyi pha rol tu phyin pa zab mo 'di yang de bzhin gshegs pa la 'jig rten 'di'i 'du shes dang /'jig rten pha rol gyi 'du shes su yang mi 'gyur ba de ltar 'jig rten ston to/ /de ci'i phyir zhe na/ de ni 'di ltar gang gis 'jig rten 'di'i 'du shes dang / 'jig rten pha rol gyi 'du shes su 'gyur ba'i chos de lta bu med do zhes bya ba ni 'jig rten 'du shes 'gog pa shes pa yin te shes pa'i mtshan nyid yin no// rab 'byor gyis gsol pa/ bcom ldan 'das shes rab kyi pha rol tu phyin pa 'di ni bya ba chen pos nye bar gnas so/ /bcom ldan 'das shes rab kyi pha rol tu phyin pa 'di ni bsam gyis mi khyab pa'i bya bas dang / mnyam pa ma mchis pa'i bya bas dang / gzhal du ma mchis pa'i bya bas dang / grangs ma mchis pa'i bya bas dang / mi mnyam pa dang mnyam pa'i bya bas nye bar gnas so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol tu phyin pa 'di ni de bzhin gshegs pa rnams la bya ba chen pos nye bar gnas so//rab 'byor ji ltar na shes rab kyi pha rol tu phyin pa 'di bya ba chen pos nye bar gnas pa yin zhe na/ 'di ltar sems can thams cad kyi skyabs dang gnas dang yongs su mi gtong ba'i don gyis so/ /rab 'byor ji ltar na shes rab kyi pha rol tu phyin pa 'di bsam gyis mi khyab pa'i bya bas nye bar gnas pa yin zhe na/rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid ni bsam gyis mi khyab pa ste/ rab 'byor rnam grangs des na shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas rnams la bsam gyis mi khyab pa'i bya bas nye bar gnas so//rab 'byor ji ltar na shes rab kyi pha rol tu phyin pa 'di mi mnyam pa'i bya bas nye bar gnas pa yin zhe na/ rab 'byor sems can gyi ris na de bzhin gshegs pa dgra bcom pa yang dag par rdzogs pa'i sangs rgyas dang rim gror bya ba mnyam pa'i sems can ni 'ga' yang med do//rab 'byor rnam grangs des na shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la mnyam pa med pa'i bya bas nye bar gnas so / /rab 'byor ji ltar na shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas rnams la gzhal du med pa'i bya bas nye bar gnas pa gang yin zhe na/rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid ni sus kyang tshad bya bar mi nus pas gzhal du med pa ste/rab 'byor rnam grangs des na shes rab kyi pha rol tu phyin pa ni de bzhin gshegs pa rnams la gzhal du med pa'i bya bas nye bar gnas so/ /rab 'byor ji ltar na shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams la grangs med pa'i bya bas nye bar gnas she na/rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid ni sus kyang bgrang bar mi nus pas grangs med pa ste/ rab 'byor rnam grangs des na shes rab kyi pha rol tu phyin pa ni de bzhin gshegs pa rnams la grangs med pa'i bya bas nye bar gnas so//rab 'byor ji ltar na shes rab kyi pha rol tu phyin pa mi mnyam pa dang mnyam pa'i bya bas nye bar gnas pa yin zhe na/ rab 'byor de bzhin gshegs pa rnams dang / mnyam pa yang med na lhag pa lta ci smos te/ rab 'byor rnam grangs des na shes rab kyi pha rol tu phyin pa ni de bzhin gshegs pa rnams la mi mnyam pa dang mnyam pa'i bya bas nye bar gnas so//rab 'byor gyis gsol pa/ bcom ldan 'das ci yang sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid bsam gyis mi khyab pa dang / mnyam pa ma mchis pa dang /gzhal du ma mchis pa dang / grangs ma mchis pa dang / mi mnyam pa dang mnyam pa lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid ni bsam gyis mi khyab pa'o/ /rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid ni mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ /rab 'byor gzugs kyang bsam gyis mi khyab pa dang /mi mnyam pa dang gzhal du med pa dang / grangs med pa dang / mi mnyam pa dang mnyam pa'o/ /rab 'byor tshor ba dang / 'du shes dang / 'du byed rnams dang / rnam par shes pa yang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ /khams dang / skye mched dang / rten cing 'brel bar 'byung ba rnams kyang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ /de bzhin du rnam pa thams cad mkhyen pa nyid kyi bar yang bsam gyis mi khyab pa dang /mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ /rab 'byor chos thams cad kyang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa'o//rab 'byor chos thams cad kyi chos nyid gang yin pa de la ni sems sam sems las byung ba rnams kyang dmigs par mi 'gyur ro/ /de ci'i phyir zhe na/ rab 'byor gzugs bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa shes su med pa'i phyir ro//rab 'byor tshor ba dang / 'du shes dang / 'du byed rnams dang / rnam par shes pa bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa shes su med pa'i phyir ro/ /de bzhin du khams dang / skye mched dang / rten cing 'brel bar 'byung ba bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa shes su med pa'i phyir ro/ /rab 'byor rnam pa thams cad mkhyen pa nyid kyi bar du bsam gyis mi khyab pa dang / mi mnyam pa dang / gzhal du med pa dang /grangs med pa dang / mi mnyam pa dang mnyam pa shes su med pa'i phyir ro/ /rab 'byor gyis gsol pa/ bcom ldan 'das ci'i slad du gzugs bsam gyis mi khyab pa dang / mi mnyam pa dang / gzhal du ma mchis pa dang / grangs ma mchis pa dang / mi mnyam pa dang mnyam pa shes su ma mchis pa lags/tshor ba dang / 'du shes dang / 'du byed rnams dang / rnam par shes pa bsam gyis mi khyab pa dang / mi mnyam pa dang / gzhal du ma mchis pa dang / grangs ma mchis pa dang / mi mnyam pa dang mnyam pa shes su ma mchis pa lags/ de bzhin du khams dang / skye mched dang / rten cing 'brel bar 'byung ba rnams bsam gyis mi khyab pa dang / mi mnyam pa dang / gzhal du ma mchis pa dang / grangs ma mchis pa dang / mi mnyam pa dang mnyam pa shes su ma mchis pa lags/ de bzhin du rnam pa thams cad mkhyen pa nyid kyi bar gyi bsam gyis mi khyab pa dang / mi mnyam pa dang / gzhal du ma mchis pa dang / grangs ma mchis pa dang / mi mnyam pa dang mnyam pa shes su ma mchis pa lags/ bcom ldan 'das kyis bka' stsal pa/ rab 'byor gzugs la yang bsam pa dang / mnyam pa dang / tshad dang / grangs dang / mi mnyam pa dang mnyam pa shes su med do//de bzhin du rnam pa thams cad mkhyen pa nyid kyi bar la yang bsam pa dang / mnyam pa dang / tshad dang / grangs dang / mi mnyam pa dang mnyam pa shes su med do/ /rab 'byor gyis gsol pa/ bcom ldan 'das ci'i slad du gzugs nas rnam pa thams cad mkhyen pa nyid kyi bar gyi bsam pa dang /mnyam pa dang / tshad dang / grangs dang / mi mnyam pa dang mnyam pa shes su ma mchis pa lags/ bcom ldan 'das kyis bka' stsal pa/ rab 'byor gzugs kyi ngo bo nyid ni bsam gyis mi khyab pa dang / mnyam pa med pa dang / gzhal du med pa dang / grangs med pa dang / mi mnyam pa dang mnyam pa ste/ rang bzhin med pa'i phyir ro/ /rab 'byor tshor ba dang / 'du shes dang / 'du byed rnams dang / rnam par shes pa'i ngo bo nyid ni bsam gyis mi khyab pa dang / mnyam pa med pa dang / gzhal du med pa dang / grangs med pa dang / mi mnyam pa dang mnyam pa ste/rang bzhin med pa'i phyir ro/ /de bzhin du khams dang / skye mched dang / rten cing 'brel bar 'byung ba'i ngo bo nyid ni bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa ste/ rang bzhin med pa'i phyir ro/ / de bzhin du rnam pa thams cad mkhyen pa nyid kyi bar gyi ngo bo nyid ni bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa ste/ rang bzhin med pa'i phyir ro/ /rab 'byor de ji snyam du sems/ gzugs gang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa de la gzugs dmigs su yod dam/ tshor ba dang / 'du shes dang / 'du byed rnams dang / rnam par shes pa gang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa med pa de la tshor ba dang / 'du shes dang / 'du byed rnams dang / rnam par shes pa dmigs su yod dam/ khams dang / skye mched dang / rten cing 'brel bar 'byung ba gang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa de la rten cing 'brel bar 'byung ba dmigs su yod dam/ rnam pa thams cad mkhyen pa nyid kyi bar du gang bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa de la rnam pa thams cad mkhyen pa nyid dmigs su yod dam/rab 'byor gyis gsol pa/ bcom ldan 'das ma mchis so/ /bcom ldan 'das kyis bka' stsal pa/ rab 'byor rnam grangs des na chos thams cad bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ /rab 'byor de bzhin gshegs pa'i chos 'di dag ni bsam pa dang bral ba'i phyir bsam gyis mi khyab pa'o//mnyam pa dang bral ba'i phyir mi mnyam pa'o/ /tshad dang bral ba'i phyir gzhal du med pa'o/ /bgrang ba dang bral ba'i phyir grangs med pa'o/ /mnyam pa dang mi mnyam pa dang bral ba'i phyir mi mnyam pa dang mnyam pa ste/rab 'byor rnam grangs des na chos thams cad bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ /rab 'byor de bzhin gshegs pa'i chos de dag ni bsam pa las yongs su 'das pas na bsam gyis mi khyab pa'o//mnyam pa las yongs su 'das pas na mi mnyam pa'o/ /tshad ma las yongs su 'das pas na gzhal du med pa'o/ /bgrang ba las yongs su 'das pas na grangs med pa'o/ /mnyam pa dang mi mnyam pa las yongs su 'das pas na mi mnyam pa dang mnyam pa'o/ /rab 'byor bsam gyis mi khyab ces bya ba ni bsam du med pa'i tshig bla dgas so//rab 'byor mi mnyam pa zhes bya ba ni dpag tu mi rung ba'i tshig bla dgas so/ /rab 'byor gzhal du med pa zhes bya ba ni tshad med pa'i tshig bla dgas so/ /rab 'byor grangs med pa zhes bya ba ni bgrang du med pa'i tshig bla dgas so/ /rab 'byor mi mnyam pa dang mnyam pa zhes bya ba ni mnyam pa dang mi mnyam pa med pa'i tshig bla dgas te/rab 'byor de bzhin gshegs pa'i chos 'di dag ni bsam gyis mi khyab pa dang / mi mnyam pa dang / gzhal du med pa dang / grangs med pa dang / mi mnyam pa dang mnyam pa'o/ / rab 'byor bsam gyis mi khyab ces bya ba ni nam mkha' bsam gyis mi khyab pa'i phyir ro/ /de bzhin du mi mnyam pa zhes bya ba dang / gzhal du med ces bya ba dang / grangs med ces bya ba dang / mi mnyam pa dang mnyam pa zhes bya ba ni nam mkha' mi mnyam pa dang mnyam pa'i phyir te/ rab 'byor de bzhin gshegs pa'i chos de dag ni bsam gyis mi khyab pa dang /mi mnyam pa dang / gzhal du med pa dang / grangs med pa dang / mi mnyam pa dang mnyam pa ste/ de dag ni nyan thos dang / rang sangs rgyas thams cad dang / lha dang bcas pa'i 'jig rten gyi bsam pa'am/ mnyam par ram/ tshad mar ram/ grangs su'am mnyam pa dang / mi mnyam par bya bar mi nus te/ de ltar na sangs rgyas gzhal du med do/ /sangs rgyas kyi chos rnams gzhal du med do/ /de ltar bcom ldan 'das kyis bsam gyis mi khyab pa dang / mi mnyam pa dang / gzhal du med pa dang / grangs med pa dang mi mnyam pa dang mnyam pa'i le'u 'di bstan pa'i tshe/dge slong lnga brgya nye bar len pa med par zag pa rnams las sems rnam par grol lo/ /dge slong ma brgya phrag nyi shu nye bar len pa med par zag pa rnams las sems rnam par grol lo/ /dge bsnyen stong phrag drug cu dang / dge bsnyen ma stong phrag nyi shu ni chos rnams la rdul dang bral zhing dri ma dang bral ba'i chos kyi mig rnam par dag go// byang chub sems dpa' stong phrag nyi shus ni mi skye ba'i chos la bzod pa thob par gyur te/ de dag bcom ldan 'das kyis bskal pa bzang po 'di la sangs rgyas su 'gyur ro zhes lung bstan to zhes bya ba ni bsam gyis mi khyab pa la sogs pa'i sdug bsngal gyi skad cig ma bzhi yin no// de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa 'di ni zab ste/ bcom ldan 'das shes rab kyi pha rol tu phyin pa 'di ni bya ba chen pos nye bar gnas pa'o/ / bcom ldan 'das shes rab kyi pha rol tu phyin pa 'di ni bya ba tshad ma mchis pa dang / bya ba mi mnyam pa dang / bya ba gzhal du ma mchis pa dang / bya ba grangs med pa dang / bya ba mi mnyam pa dang mnyam pa'i slad du nye bar gnas pa'o/ /de skad ces gsol pa dang / bcom ldan 'das kyis tshe dang ldan pa rab 'byor la bka' stsal pa/rab 'byor de de bzhin no/ /de de bzhin te/ rab 'byor shes rab kyi pha rol tu phyin pa 'di ni bya ba chen pos nye bar gnas pa'o/ /rab 'byor shes rab kyi pha rol tu phyin pa 'di ni bya ba tshad med pa dang / bya ba mi mnyam pa dang / bya ba gzhal du med pa dang / bya ba grangs med pa dang /bya ba mi mnyam pa dang mnyam pas nye bar gnas pa'o/ /de ci'i phyir zhe na/ rab 'byor shes rab kyi pha rol tu phyin pa zab mo 'di ni pha rol tu phyin pa lnga dang yang dag par ldan pa'o/ /rab 'byor shes rab kyi pha rol tu phyin pa 'di ni nang stong pa nyid dang yang dag par ldan pa'o/ / dngos po med pa'i ngo bo nyid stong pa nyid kyi bar dang yang dag par ldan pa'o/ /dran pa nye bar gzhag pa bzhi rnams dang / yang dag par spong ba bzhi rnams dang / rdzu 'phrul gyi rkang pa bzhi rnams dang / dbang po lnga rnams dang / stobs lnga rnams dang / byang chub kyi yan lag bdun rnams dang / 'phags pa'i lam yan lag brgyad pa rnams dang yang dag par ldan pa'o//rab 'byor shes rab kyi pha rol tu phyin pa zab mo 'di ni bsam gtan bzhi rnams dang / tshad med pa bzhi rnams dang / gzugs med pa'i snyoms par 'jug pa bzhi rnams dang / 'phags pa'i bden pa bzhi rnams dang / rnam par thar pa brgyad rnams dang /mthar gyis gnas pa'i snyoms par 'jug pa dgu rnams dang / stong pa nyid dang / mtshan med pa dang / smon pa med pa rnams dang / mngon par shes pa drug rnams dang / ting nge 'dzin rnams dang / gzungs kyi sgo rnams dang yang dag par ldan pa'o/ /rab 'byor shes rab kyi pha rol tu phyin pa 'di ni de bzhin gshegs pa'i stobs bcu dang yang dag par ldan pa'o//mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad rnams dang yang dag par ldan pa'o/ /rab 'byor shes rab kyi pha rol tu phyin pa 'di ni sangs rgyas kyi chos dang yang dag par ldan pa'o//rnam pa thams cad mkhyen pa nyid kyi bar dang yang dag par ldan pa'o/ /rab 'byor 'di lta ste dper na/ rgyal po rgyal rigs spyi bo nas dbang bskur ba yul 'khor thob pa'i rgyal po'i bya bar gyur pa gang dang gang yin pa de dag thams cad blon po dang ldan na rgyal po'i bya ba'am/yul 'khor gyi bya ba la rgyal po snying las chung zhing khur bor bar gyur pa yin no/ /rab 'byor de bzhin du nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos gang ci yang rung ste/ de dag thams cad shes rab kyi pha rol tu phyin pa dang yang dag par ldan na shes rab kyi pha rol tu phyin pa ni de dag gi bya ba byed do//rab 'byor de bas na shes rab kyi pha rol tu phyin pa 'di ni bya ba chen pos nye bar gnas pa'o / /shes rab kyi pha rol tu phyin pa 'di ni bya ba bsam gyis mi khyab pas dang / bya ba mi mnyam pas dang / bya ba gzhal du med pas dang /bya ba grangs med pas dang / bya ba mi mnyam pa dang mnyam pas nye bar gnas pa'o/ /de ci'i phyir zhe na/ rab 'byor de ni 'di ltar shes rab kyi pha rol tu phyin pa zab mo 'di ni gzugs kyi yongs su ma bzung ba dang / mngon par ma zhen pas nye bar gnas pa'o/ /tshor ba dang /'du shes dang / 'du byed rnams dang / rnam par shes pa'i yongs su ma bzung ba dang / mngon par ma zhen pas nye bar gnas pa'o/ /sangs rgyas kyi chos ma 'dres pa bco brgyad kyi bar gyi yongs su ma bzung ba dang / mngon par ma zhen pas nye bar gnas pa'o/ /rgyun du zhugs pa'i 'bras bu'i yongs su ma bzung ba dang /mngon par ma zhen pas nye bar gnas pa'o/ /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi bar gyi yongs su ma bzung ba dang / mngon par ma zhen pas nye bar gnas so/ / rab 'byor gyis gsol pa/ bcom ldan 'das ji ltar na shes rab kyi pha rol tu phyin pa 'di gzugs kyi yongs su ma bzung ba dang / mngon par ma zhen pas nye bar gnas pa lags/ bcom ldan 'das ji ltar na tshor ba dang / 'du shes dang / 'du byed rnams dang /rnam par shes pa'i yongs su ma bzung ba dang / mngon par ma zhen pas nye bar gnas pa lags/ bcom ldan 'das ji ltar na bla na med pa yang dag par rdzogs pa'i byang chub kyi bar gyi yongs su ma bzung ba dang / mngon par ma zhen pas nye bar gnas pa lags/ bcom ldan 'das kyis bka' stsal pa/rab 'byor khyod kyis gzugs gang yongs su gzung bar bya ba'am/ mngon par zhen par bya ba de lta bu yang dag par rjes su mthong ngam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor khyod kyis tshor ba dang / 'du shes dang / 'du byed rnams dang / rnam par shes pa yongs su gzung bar bya ba'am/ mngon par zhen par bya ba de lta bu yang dag par rjes su mthong ngam/ rab 'byor khyod kyis bla na med pa yang dag par rdzogs pa'i byang chub kyi bar gang yongs su gzung bar bya ba'am/ mngon par zhen par bya ba de lta bu yang dag par rjes su gzung ngam/rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor legs so legs so/ /rab 'byor ngas kyang gang yongs su gzung bar bya ba'am/ mngon par zhen par bya ba'i gzugs de lta bu yang dag par rjes su ma mthong /rab 'byor ngas kyang gang yongs su gzung bar bya ba'am/ mngon par zhen par bya ba'i tshor ba dang / 'du shes dang / 'du byed rnams dang / rnam par shes pa yang dag par rjes su ma mthong / rab 'byor ngas kyang bla na med pa yang dag par rdzogs pa'i byang chub yang dag par rjes su ma mthong /yang dag par rjes su ma mthong bas yongs su ma bzung / yongs su ma bzung bas mngon par ma zhen to/ /rab 'byor ngas kyang sangs rgyas nyid dang / thams cad shes pa nyid dang / rnam pa thams cad mkhyen pa nyid dang / de bzhin gshegs pa nyid yang dag par rjes su ma mthong /yang dag par rjes su ma mthong bas yongs su ma bzung / yongs su ma bzung bas mngon par ma zhen to/ /rab 'byor de lta bas na byang chub sems dpa' sems dpa' chen pos gzugs yongs su gzung bar mi bya/ mngon par zhen par mi bya'o/ /rab 'byor byang chub sems dpa' sems dpa' chen pos tshor ba dang /'du shes dang / 'du byed rnams dang / rnam par shes pa yongs su gzung bar mi bya/ mngon par zhen par mi bya'o/ /de bzhin du phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams yongs su gzung bar mi bya/mngon par zhen par mi bya'o/ /de bzhin du pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu rnams dang / stong pa nyid dang / mtshan ma med pa dang / smon pa med pa rnams dang / mngon par shes pa rnams dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad rnams yongs su gzung bar mi bya/ mngon par zhen par mi bya'o/ /bla na med pa yang dag par rdzogs pa'i byang chub kyi bar yongs su gzung bar mi bya/ mngon par zhen par mi bya'o//de bzhin du sangs rgyas nyid dang / thams cad shes pa nyid dang / rnam pa thams cad mkhyen pa nyid dang / de bzhin gshegs pa nyid yongs su gzung bar mi bya/ mngon par zhen par mi bya'o zhes bya ba ni 'phags pa'i gang zag thams cad sdud pa'i khyad par kun 'byung gi skad cig ma dang po yin no//de nas 'dod pa na spyod pa dang / gzugs na spyod pa'i lha'i bu de dag gis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa zab cing blta dka' la rtogs par dka' ba brtag tu ma mchis pa rtog ge'i spyod yul ma lags pa ste/ bcom ldan 'das shes rab kyi pha rol tu phyin pa ni zhi ba/phra ba/ mdzangs pa/ mkhas pa/ rnam par shes pas rig par bgyi ba ste/ bcom ldan 'das byang chub sems dpa' gang shes rab kyi pha rol tu phyin pa zab mo 'di la mos par 'gyur ba de dag ni nges par sngon gyi rgyal ba la bgyi ba bgyis pa lags/ bcom ldan 'das byang chub sems dpa' shes rab kyi pha rol tu phyin pa zab mo 'di la mos par 'gyur ba 'di dag ni nges par dge ba'i bshes gnyen gyis yongs su bzung ba'o/ /dge ba'i rtsa ba bskyed pa'o zhes bya ba ni skyes bu mkhas pas rig par bya ba nyid kyi khyad par kun 'byung gi skad cig ma gnyis pa yin no// bcom ldan 'das gal te stong gsum gyi stong chen po'i 'jig rten gyi khams kyi sems can gang ji snyed pa de dag thams cad dad pa'i rjes su 'brang bar 'gyur/ chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom par 'gyur / rang sangs rgyas su 'gyur te/ de dag thams cad kyi shes pa dang spangs pa gang ji snyed pa dang / shes rab kyi pha rol tu phyin pa zab mo 'di la gdugs gcig tu bzod cing mos pa dang / bsam pa dang / gzhal ba dang / nye bar bstan pa dang / bgrang ba'i tshul de ltar shes rab kyi pha rol tu phyin pa la bzod cing mos na 'di nyid de dag las mchog dang gtso bor khums lags so//de ci'i slad du zhe na/ de ni 'di ltar dad pa'i rjes su 'brang ba dang / chos kyi rjes su 'brang ba dang / brgyad pa dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa nyid dang /rang sangs rgyas kyi shes pa dang / spong ba gang yin pa de ni byang chub sems dpa' sems dpa' chen po mi skye ba'i chos la bzod pa thob pa'i bzod pa'o/ /de nas bcom ldan 'das kyis lha'i bu de dag la bka' stsal pa/ lha'i bu dag de de bzhin no/ /de de bzhin te/ rang sangs rgyas kyi bar gyi shes pa dang /spangs pa gang yin pa de ni byang chub sems dpa' mi skye ba'i chos la bzod pa thob pa'i bzod pa'o zhes bya ba ni thun mong ma yin pa'i khyad par te kun 'byung gi skad cig ma gsum pa yin no/ / lha'i bu dag rigs kyi bu'am/ rigs kyi bu mo gang la las shes rab kyi pha rol tu phyin pa zab mo 'di nyan cing thos nas bri ba dang /bris nas lung 'bogs pa dang / tshul bzhin du yid la byed pa'i rigs kyi bu'am/ rigs kyi bu mo de dag ni shin tu myur bar mya ngan las 'da' bar 'dod par bya'i/ nyan thos kyi theg pa rnams dang / rang sangs rgyas kyi theg pa rnams dang / shes rab kyi pha rol tu phyin pa dang bral ba'i mdo sde gzhan la spyod pa dag ni ma yin no/ /de ci'i phyir zhe na/ de ni 'di ltar shes rab kyi pha rol tu phyin pa zab mo 'di las phul du byung ba'i chos gang la dad pa'i rjes su 'brang ba dang / chos kyi rjes su 'brang ba dang / brgyad pas bslab par bya ba dang /gang la rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams kyis bslab par bya ba dang / gang la byang chub sems dpa' sems dpa' chen po theg pa chen po la yang dag par zhugs pa rnams kyis bslab par bya ba dang /ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyis bslabs te/ bla na med pa yang dag par rdzogs pa'i byang chub tu mngon par rdzogs par sangs rgyas par gyur pa de dag rgya cher bstan pa'i phyir ro zhes bya ba ni mngon par shes pa myur ba'i khyad par kun 'byung gi skad cig ma bzhi pa yin no// de nas 'dod pa na spyod pa dang / gzugs na spyod pa'i lha'i bu de dag gis ched du brjod pa ched du brjod de/ bcom ldan 'das 'di lta ste/ shes rab kyi pha rol tu phyin pa 'di ni pha rol tu phyin pa chen po ste/ bcom ldan 'das 'di lta ste/ shes rab kyi pha rol tu phyin pa 'di ni bsam gyis mi khyab pa'i pha rol tu phyin pa'o//mi mnyam pa'i pha rol tu phyin pa'o/ /tshad ma mchis pa'i pha rol tu phyin pa'o/ /gzhal du ma mchis pa'i pha rol tu phyin pa'o/ /grangs ma mchis pa'i pha rol tu phyin pa'o/ /mi mnyam pa dang mnyam pa'i pha rol tu phyin pa ste/ bcom ldan 'das shes rab kyi pha rol tu phyin pa zab mo gang la bslabs shing dad pa'i rjes su 'brang ba rnams 'byung bar 'gyur/chos kyi rjes su 'brang ba rnams dang / brgyad pa dang / rgyun du zhugs pa rnams dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams 'byung bar 'gyur/gang la bslabs shing byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par sangs rgyas/ mngon par rdzogs par 'tshang rgya mngon par rdzogs par 'tshang rgya bar 'gyur yang shes rab kyi pha rol tu phyin pa zab mo 'di 'grib pa'am/'phel bar yang 'tshal bar mi gda'o zhes bya ba ni 'grib pa dang 'phel ba med pa'i khyad par te/ 'gog pa'i skad cig ma dang po yin no/ / de nas 'dod pa na spyod pa dang / gzugs na spyod pa'i lha'i bu de dag gis bcom ldan 'das kyi zhabs gnyis la spyi bos phyag 'tshal te/ bcom ldan 'das la lan gsum du g.yas phyogs su bskor nas/ bcom ldan 'das kyi spyan snga nas dong ste/ de nas shin tu yang mi ring ba zhig tu phyin nas 'dod pa na spyod pa'i lha'i bu gang yin pa de dag ni 'dod pa'i khams su 'khod do/ /gzugs na spyod pa'i lha'i bu gang yin pa de dag ni gzugs kyi khams su 'khod do//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di thos ma thag tu mos par 'gyur ba de dag gang nas shi 'phos nas 'dir skyes par gyur pa lags/bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa zab mo 'di thos nas thos ma thag tu mos par 'gyur/ zhum par mi 'gyur/ yongs su zhum par mi 'gyur/ rmongs par mi 'gyur/ the tshom za bar mi 'gyur/ nem nur du mi 'gyur la shes rab kyi pha rol tu phyin pa zab mo 'di nyan par mngon par brtson par 'gyur zhing / shes rab kyi pha rol tu phyin pa zab mo 'di thos nas kyang yid la byed pa de dag dang 'bral bar mi 'gyur bar yid la bya ba de dag 'gro'am 'ong ngam 'greng ngam 'dug gam nyal yang rung ste/rtag tu rgyun mi 'chad par 'jig par mi byed cing chos smra ba'i gang zag de la yang rtag tu rgyun mi 'chad par rjes su 'brang bar 'gyur te/ rab 'byor 'di lta ste dper na/ ba drus ma be'u gzhon nu mi 'dor ba ltar rab 'byor byang chub sems dpa' sems dpa' chen pos shes rab kyi pha rol tu phyin pa zab mo 'di'i don du ji srid shes rab kyi pha rol tu phyin pa zab mo 'di ni khong du chud par bya ba dang /'chang ba dang / klog pa dang / yongs su bsams pa dang / yid kyis rtogs par bya ba dang / lta bas legs par rab tu rtogs par ma byas pa de srid du chos smra ba de stong par mi 'gyur na/ rab 'byor theg pa la gsar du zhugs pa'i gang zag byang chub sems dpa' sems dpa' chen po de ni mi'i nang nyid nas shi 'phos nas mi'i nang du skyes pa'o//de ci'i phyir zhe na/ de ni 'di ltar theg pa la gsar du zhugs pa'i byang chub sems dpa' sems dpa' chen po des sngon yang shes rab kyi pha rol tu phyin pa 'di bris shing glegs bam du byas te/me tog dang / spos dang / dri dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / khor yug tu mar me'i phreng ba mang pos rim gror byas/ bla mar byas/ bsti stang du byas/ mchod par byas/ rjed par byas/ bkur stir byas te/ de dag dge ba'i rtsa ba des mi'i nang nas shi 'phos nas mi'i nang du skyes te/ shes rab kyi pha rol tu phyin pa zab mo 'di thos ma thag tu mos par 'gyur ro zhes bya ba ni drag tu 'grub pa'i khyad par te/ 'gog pa'i skad cig ma gnyis pa yin no// rab 'byor gyis gsol pa/ bcom ldan 'das byang chub sems dpa' sems dpa' chen po sangs rgyas kyi zhing gzhan dag tu sangs rgyas bcom ldan 'das gzhan dag la bsnyen bkur bgyis shing 'phos te 'dir skye ba gang shes rab kyi pha rol tu phyin pa zab mo 'di thos ma thag tu mos shing mos par gyur nas kyang 'dri bar 'gyur ba dang /bris nas kyang 'dzin par 'gyur ba dang / lung 'bogs par 'gyur ba dang / kha ton bgyid par 'gyur zhing / tshul bzhin du yid la bgyid par 'gyur ba'i yon tan 'di dag nyid dang ldan pa'i rnam grangs de lta bu dag mchis sam/ bcom ldan 'das kyis bka' stsal pa/rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po sangs rgyas bcom ldan 'das gzhan dag la bsnyen bkur byas shing / de nas shi 'phos nas 'dir skyes pa gang shes rab kyi pha rol tu phyin pa zab mo 'di thos ma thag tu mos par 'gyur/mos par gyur nas kyang 'dri bar 'gyur/ bris nas kyang 'dzin par 'gyur/ lung 'bogs par 'gyur/ kha ton byed par 'gyur/ tshul bzhin du yid la byed par 'gyur ba'i yon tan 'di dag nyid dang ldan pa'i rnam grangs de lta bu dag yod do/ /de ci'i phyir zhe na/ de ni 'di ltar byang chub sems dpa' sems dpa' chen po des sangs rgyas bcom ldan 'das de dag las shes rab kyi pha rol tu phyin pa zab mo 'di thos so//thos nas kyang bzung ngo / /bcangs so/ /bklags so/ /kha ton byas so/ /tshul bzhin du yid la byas so/ /de ni dge ba'i rtsa ba de nyid dang yid la byed pa de dag gis 'dir skye ba'o//rab 'byor gzhan yang byang chub sems dpa' sems dpa' chen po dga' ldan gyi lha rnams nas shi 'phos nas 'dir mi rnams dang skal ba mnyam par skye ba gang yin pa de yang yon tan 'di nyid dang ldan par rig par bya'o/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po byams pa la shes rab kyi pha rol tu phyin pa zab mo 'di yongs su dris pa ste/de dag dge ba'i rtsa ba des 'dir skye'o/ /rab 'byor gzhan yang byang chub sems dpa' sems dpa' chen po gang gis sngon gyi mthar yang shes rab kyi pha rol tu phyin pa zab mo 'di ma thos la/thos nas kyang yongs su dri ba ma byas par mi'i 'jig rten du skye bar 'gyur ba de ni nem nur du 'gyur/ rmongs par 'gyur/ sems zhum par 'gyur te/ rab 'byor gzhan yang byang chub sems dpa' sems dpa' chen po des sngon gyi mthar yang shes rab kyi pha rol tu phyin pa zab mo 'di ma thos la/thos nas kyang yongs su dri bar ma byas pa de ni shes rab kyi pha rol tu phyin pa zab mo 'di bshad pa'i tshe the tshom du 'gyur/ rmongs par 'gyur/ sems zhum par 'gyur ro/ /rab 'byor gzhan yang de bzhin du byang chub sems dpa' sems dpa' chen po gang gis sngon gyi mthar yang bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ma thos yongs su dri ba ma byas pa de ni sbyin pa'i pha rol tu phyin pa 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mthar yang nang stong pa nyid dang / dngos po med pa'i ngo bo nyid stong pa nyid kyi bar du ma thos yongs su dri ba ma byas pa de ni shes rab kyi pha rol tu phyin pa zab mo 'di bstan pa'i tshe/ thos nas nem nur du 'gyur/rmongs par 'gyur/ sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mthar yang dran pa nye bar gzhag pa bzhi yongs su dri bar ma byas pa'am/ ma thos pa de ni shes rab kyi pha rol tu phyin pa zab mo 'di bstan pa'i tshe/thos nas kyang nem nur du 'gyur/ rmongs par 'gyur/ sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mthar yang yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ma thos la/ thos nas kyang yongs su dri bar ma byas pa de ni shes rab kyi pha rol tu phyin pa zab mo 'di bstan pa'i tshe/ thos nas nem nur du 'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro//rab 'byor gzhan yang byang chub sems dpa' sems dpa' chen po gang gis sngon gyi mthar yang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / 'phags pa'i bden pa bzhi dang / mngon par shes pa lnga dang / stong pa nyid dang / mtshan ma med pa dang / smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin thams cad dang / gzungs kyi sgo thams cad dang / byang chub sems dpa'i sa bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ma thos la/ thos nas kyang yongs su dri bar ma byas pa de ni shes rab kyi pha rol tu phyin pa zab mo 'di bstan pa'i tshe/ thos nas nem nur du 'gyur/ rmongs par 'gyur/ sems zhum par 'gyur/sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa' sems dpa' chen po gang gis sngon gyi mthar yang bla na med pa yang dag par rdzogs pa'i byang chub ma thos yongs su dri bar ma byas pa de ni shes rab kyi pha rol tu phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur ro/ /rab 'byor gzhan yang byang chub sems dpa' sems dpa' chen po gang gis sngon gyi mthar yang shes rab kyi pha rol tu phyin pa zab mo 'di nyi ma gcig gam/ nyi ma gnyis sam/ nyi ma gsum mam/ nyi ma bzhi'am/ lnga'am/ drug gam/ nyi ma bcu las ma thos yongs su dri bar ma byas ma bsgoms mang du ma byas/ tshul bzhin du yid la ma byas pa de ni shes rab kyi pha rol tu phyin pa zab mo 'di 'phrog par 'gyur/ shes rab kyi pha rol tu phyin pa dang bral bar 'gyur ro/ /de ci'i phyir zhe na/ rab 'byor de ni 'di ltar 'gyur te/byang chub sems dpa' sems dpa' chen po gang gis sngon gyi mthar yang shes rab kyi pha rol tu phyin pa zab mo 'di ma thos/ yongs su ma dris/ yongs su ma bsgoms/ mang du ma byas/ tshul bzhin du yid la ma byas pa de ni shes rab kyi pha rol tu phyin pa zab mo la bar bar mos par 'gyur/bar bar mos pa med par 'gyur te/ de yang ldam ldem gyis blo phrogs shing shing bal gyi zegs ma bzhin du 'gyur ro/ /rab 'byor gang zag byang chub sems dpa' sems dpa' chen po de ni yun ring po nas theg pa chen po la zhugs pa ma yin/ dge ba'i bshes gnyen gyis yongs su bzung ba ma yin/yang dag par rdzogs pa'i sangs rgyas la bsnyen bkur byas pa ma yin par rig par bya'o/ /rab 'byor byang chub sems dpa' sems dpa' chen po des ni shes rab kyi pha rol tu phyin pa zab mo 'di'i lung ma mnos/ kha ton ma byas la / tshul bzhin du yid la ma byas/ shes rab kyi pha rol tu phyin pa la ma bslabs so/ /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la ma bslabs so/ /nang stong pa nyid la ma bslabs so/ / dngos po med pa'i ngo bo nyid stong pa nyid kyi bar la ma bslabs so/ /dran pa nye bar gzhag pa rnams la ma bslabs so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la ma bslabs so//mngon par shes pa lnga dang / tshad med pa dang / bsam gtan dang / gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa brgyad la ma bslabs/ mthar gyis gnas pa'i snyoms par 'jug pa dgu dang /stong pa nyid dang / mtshan ma med pa rnams la ma bslabs/ mngon par shes pa la ma bslabs/ ting nge 'dzin rnams dang / gzungs kyi sgo rnams la ma bslabs/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /sangs rgyas kyi chos ma 'dres pa bco brgyad la ma bslabs so/ /rnam pa thams cad mkhyen pa nyid la ma bslabs so// //bam po bzhi bcu drug pa/ rab 'byor gang zag byang chub sems dpa' sems dpa' chen po de ni theg pa la gsar du zhugs par rig par bya ste/de ni chos 'dir dad pa tsam dang / dga' ba tsam dang ldan par zad de/ shes rab kyi pha rol tu phyin pa zab mo 'di bri ba'am/ klog pa'am/ lung 'bogs pa'am/ kha ton bya ba'am/ tshul bzhin du yid la byed par mi nus so/ /rab 'byor byang chub sems dpa'i theg pa pa'i rigs kyi bu'am/rigs kyi bu mo shes rab kyi pha rol tu phyin pa zab mo 'di 'dri bar mi 'gyur/ lung 'bogs par mi 'gyur/ kha ton byed par mi 'gyur/ tshul bzhin du yid la byed par mi 'gyur la/ shes rab kyi pha rol tu phyin pa zab mo 'dis gzhan la phan 'dogs par mi 'gyur/ de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa dang / rnam pa thams cad mkhyen pa nyid kyi bar gyis gzhan la phan 'dogs par mi 'gyur/ shes rab kyi pha rol tu phyin pa zab mo 'di dang mthun par spyod par mi 'gyur/de bzhin du bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa dang / rnam pa thams cad mkhyen pa nyid kyi bar dang mthun par spyod par mi 'gyur na/de rnams ni sa gzhan gnyis po las sa gcig 'dod par bya ste/ 'di lta ste/ nyan thos kyi sa'am/ rang sangs rgyas kyi sa'o/ /de ci'i phyir zhe na/ de ni 'di ltar rigs kyi bu'am/ rigs kyi bu mo de dag gis sngon gyi mthar yang shes rab kyi pha rol tu phyin pa zab mo 'di ma bris/ma bstan/ kha ton du ma byas/ tshul bzhin du yid la ma byas la/ shes rab kyi pha rol tu phyin pa 'dis gang su la yang phan ma btags/ byang chub sems dpa' sems dpa' chen po des shes rab kyi pha rol tu phyin pa zab mo 'di dang yang mthun par ma spyad de/de'i phyir rigs kyi bu'am/ rigs kyi bu mo de rnams kyis sa gnyis rab tu 'dod par bya'o zhes bya ba ni yang dag par 'grub pa'i khyad par 'gog pa'i skad cig ma gsum pa yin no/ / rab 'byor 'di lta ste dper na gang gi tshe rgya mtshor gru zhig par gyur pa de'i tshe der skyes bu gang shing ngam rkyal pa'am/ro la mi 'ju mi 'dzin na/ rab 'byor skyes bu de dag ni rgya mtsho chen po'i pha rol tu ma phyin par dus byed par 'gyur bar rig par bya'o/ /rab 'byor gang rgya mtsho'i dbus su gru zhig pa ni/ shing ngam rkyal pa'am/ ro la 'ju zhing 'dzin pa'i skyes bu de dag ni rgya mtshor dus byed par mi 'gyur te/bde zhing nyams nyes med par rgya mtsho chen po nas pha rol gyi 'gram du phyin par 'gyur te/ ma smas ma nyams par thang la phyin par 'gyur ro/ /rab 'byor de bzhin du byang chub sems dpa'i theg pa pa'i rigs kyi bu'am rigs kyi bu mo dad pa tsam dang rab tu dad pa tsam dang /dga' ba tsam dang / ldan pa gang shes rab kyi pha rol tu phyin pa zab mo 'di 'dri bar mi 'gyur/ ston par mi 'gyur/ kha ton du byed par mi 'gyur/ tshul bzhin du yid la byed par mi 'gyur/ rten par mi 'gyur na/ rab 'byor byang chub sems dpa'i theg pa pa'i rigs kyi bu'am/rigs kyi bu mo de dag ni bar ma dor byang chub las nyams par 'gyur bar rig par bya ste/ rnam pa thams cad mkhyen pa nyid ma thob par nyan thos kyi sa'am/ rang sangs rgyas kyi sa mngon du byed par 'gyur ro/ /bsam gtan gyi pha rol tu phyin pa dang / brtson 'grus kyi pha rol tu phyin pa dang /bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa 'di 'dri bar mi 'gyur/ ston par mi 'gyur/ kha ton byed par mi 'gyur/ tshul bzhin du yid la byed par mi 'gyur/ rten par mi 'gyur ba'i bar dang / de bzhin du byang chub kyi phyogs kyi chos sum cu rtsa bdun dang /'phags pa'i bden pa bzhi dang / tshad med pa dang / bsam gtan dang / gzugs med pa'i snyoms par 'jug pa rnams dang / nang stong pa nyid dang / dngos po med pa'i ngo bo nyid stong pa nyid kyi bar dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa rnams dang / mngon par shes pa rnams dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar dang / mtshungs par ldan pa'i mdo sde 'dri bar mi 'gyur/ ston par mi 'gyur/ kha ton byed par mi 'gyur/ tshul bzhin du yid la byed par mi 'gyur / rten par mi 'gyur na/ rab 'byor byang chub sems dpa'i theg pa pa'i rigs kyi bu'am/ rigs kyi bu mo de dag ni bar ma dor byang chub las nyams par 'gyur bar rig par bya ste/ rnam pa thams cad mkhyen pa nyid ma thob par nyan thos kyi sa'am/ rang sangs rgyas kyi sa mngon du byed par 'gyur ro/ /rab 'byor gang zag byang chub sems dpa'i theg pa pa gang bla na med pa yang dag par rdzogs pa'i byang chub tu mngon par rdzogs par 'tshang rgya ba'i don du dad pa yod/bzod pa yod/ dga' ba yod/ lhag pa'i bsam pa yod/ 'dod pa yod/ mos pa yod/ 'dun pa yod/ mi gtong ba yod/ brtson 'grus mi gtong ba yod la/de dag shes rab kyi pha rol tu phyin pa 'di 'dri bar 'gyur/ lung 'bogs par 'gyur/ kha ton byed par 'gyur/ tshul bzhin du yid la byed par 'gyur/ rten par 'gyur te/ rab 'byor rigs kyi bu'am/ rigs kyi bu mo gang bla na med pa yang dag par rdzogs pa'i byang chub tu dad pa dang /bzod pa dang / rab tu dang ba dang / lhag pa'i bsam pa dang / 'dod pa dang / mos pa dang / 'dun pa dang / mi gtong ba dang / brtson 'grus mi 'dor ba yod pa des shes rab kyi pha rol tu phyin pa yongs su bzung ba yin/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yongs su bzung ba yin/ des nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang /byang chub kyi phyogs kyi chos sum cu rtsa bdun dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa yongs su bzung ba yin/ des rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa yongs su bzung ba yin/ des stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad yongs su bzung ba yin/ des ting nge 'dzin rnams dang / gzungs kyi sgo rnams dang / mngon par shes pa rnams yongs su bzung ba yin/ des rnam pa thams cad mkhyen pa nyid kyi bar yongs su bzung ba yin te/ de ni bar ma dor byang chub las nyams par mi 'gyur te/ de dag ni nyan thos kyi sa dang / rang sangs rgyas kyi sa las 'das te/ sems can yongs su smin par byas nas sangs rgyas kyi zhing yongs su dag par byas te / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba ni dmigs pa'i khyad par 'gog pa'i skad cig ma bzhi pa yin no/ / rab 'byor 'di lta ste dper na/bud med dam skyes pa la la zhig bum pa so ma btang bas chu gzung bar bya bar sems na/ rab 'byor bum pa de ni ring por mi gnas te myur du 'gyes shing 'jig par 'gyur bar rig par bya'o/ /de ci'i phyir zhe na/ bum pa de so ma btang ba'i phyir te/ de ni tha mar sa nyid du 'gyur ro/ /rab 'byor de bzhin du byang chub sems dpa'i theg pa pa'i rigs kyi bu'am/rigs kyi bu mo bla na med pa yang dag par rdzogs pa'i byang chub tu mngon par rdzogs par 'tshang rgya ba'i phyir dad pa yang yod/ bzod pa yang yod/ dga' ba yang yod/ lhag pa'i bsam pa yang yod/'dod pa yang yod/ mos pa yang yod/ 'dun pa yang yod/ mi gtong ba yang yod/ brtson 'grus mi 'dor ba yang yod mod kyi/ de dag shes rab kyi pha rol tu phyin pas yongs su ma bzung / thabs mkhas pas yongs su ma bzung / bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pas yongs su ma bzung / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyis yongs su ma bzung /dran pa nye bar gzhag pas yongs su ma bzung / yang dag par spong bas yongs su ma bzung / rdzu 'phrul gyi rkang pas yongs su ma bzung / dbang pos yongs su ma bzung / stobs kyis yongs su ma bzung / byang chub kyi yan lag gis yongs su ma bzung / 'phags pa'i lam yan lag brgyad kyis yongs su ma bzung / mngon par shes pa lngas yongs su ma bzung / 'phags pa'i bden pa dang / bsam gtan bzhi dang / tshad med pa bzhis yongs su ma bzung / gzugs med pa'i snyoms par 'jug pa bzhis yongs su ma bzung /rnam par thar pa brgyad kyis yongs su ma bzung / mthar gyis gnas pa'i snyoms par 'jug pa dgus yongs su ma bzung / rnam par thar pa'i sgo stong pa nyid dang / mtshan ma med pa dang / smon pa med pas yongs su ma bzung / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyis yongs su ma bzung / rnam pa thams cad mkhyen pa nyid kyi bar gyis yongs su ma bzung na byang chub sems dpa'i theg pa pa'i rigs kyi bu'am/rigs kyi bu mo de dag ni bar ma dor nye zhor 'gyur bar rig par bya'o/ /rab 'byor byang chub sems dpa'i theg pa pa'i rigs kyi bu'am/ rigs kyi bu mo de dag gi bar ma dor nye zhor 'gyur ba gang zhe na/ 'di lta ste/ nyan thos kyi sa'am/ rang sangs rgyas kyi sa'o/ /rab 'byor 'di lta ste dper na/skyes pa'am bud med la la zhig bum pa so legs par btang bas chu klung ngam/ mtsho'am / mtshe'u'am / khron pa nas chu 'chu na/ rab 'byor chu 'chu ba de'i bum pa de ni bde bar khyim du phyin par rig par bya'o/ /de bzhin du byang chub sems dpa' sems dpa' chen po gang bla na med pa yang dag par rdzogs pa'i byang chub kyi phyir dad pa yang yod/bzod pa yang yod/ rab tu dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ 'dun pa yang yod/ mi gtong ba yang yod/ brtson 'grus mi 'dor ba yang yod la/de yang shes rab kyi pha rol tu phyin pas yongs su bzung / thabs mkhas pas yongs su bzung / bsam gtan gyi pha rol tu phyin pas yongs su bzung / brtson 'grus kyi pha rol tu phyin pas yongs su bzung / bzod pa'i pha rol tu phyin pas yongs su bzung / tshul khrims kyi pha rol tu phyin pas yongs su bzung /sbyin pa'i pha rol tu phyin pas yongs su bzung / de bzhin du rnam pa thams cad mkhyen pa nyid kyi bar gyis yongs su bzung na/ rab 'byor byang chub sems dpa' sems dpa' chen po de ni 'di lta ste/ nyan thos kyi sa'am/ rang sangs rgyas kyi sar bar ma dor nye zhor mi 'gyur te/ma smas ma nyams par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba ni rten gyi khyad par lam gyi skad cig ma dang po yin no/ / rab 'byor 'di lta ste dper na/ rgya mtsho'i gru ma bsdams shing zags lhan ma byas par rdzas bcug ste chu la btang na/rab 'byor gru de ni bar du zhig par 'gyur te/ gru yang logs shig /rdzas kyang logs shig tu 'gyur bar rig par bya ste/ de ltar tshong pa de thabs mi mkhas pas gnod pa chen po dang ldan par 'gyur zhing rin po che chen po las yongs su nyams par 'gyur bar rig par bya'o//rab 'byor de bzhin du byang chub sems dpa' yang bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ lhag pa'i bsam pa yang yod/ 'dod pa yang yod/ mos pa yang yod/ 'dun pa yang yod/ mi gtong ba yang yod/ brtson 'grus mi 'dor ba yod mod kyi/ de dag shes rab kyi pha rol tu phyin pas yongs su ma bzung / thabs mkhas pas yongs su ma bzung / bsam gtan gyi pha rol tu phyin pas yongs su ma bzung / brtson 'grus kyi pha rol tu phyin pas yongs su ma bzung /bzod pa'i pha rol tu phyin pas yongs su ma bzung / tshul khrims kyi pha rol tu phyin pas yongs su ma bzung / sbyin pa'i pha rol tu phyin pas yongs su ma bzung / stong pa nyid thams cad kyis yongs su ma bzung / byang chub kyi phyogs kyi chos sum cu rtsa bdun gyis yongs su ma bzung /tshad med pa dang / bsam gtan dang / gzugs med pa'i snyoms par 'jug pa rnams kyis yongs su ma bzung / 'phags pa'i bden pa rnams kyis yongs su ma bzung / rnam par thar pa brgyad kyis yongs su ma bzung / mthar gyis gnas pa'i snyoms par 'jug pa dgus yongs su ma bzung /stong pa nyid dang / mtshan ma med pa dang / smon pa med pas yongs su ma bzung / ting nge 'dzin thams cad dang / gzungs kyi sgo rnams dang / mngon par shes pa rnams kyis yongs su ma bzung / de bzhin gshegs pa'i stobs bcus yongs su ma bzung /mi 'jigs pa bzhi rnams kyis yongs su ma bzung / so so yang dag par rig pa rnams dang / sangs rgyas kyi chos ma 'dres pa bco brgyad rnams kyis yongs su ma bzung / rnam pa thams cad mkhyen pa nyid kyi bar gyis yongs su ma bzung na/ rab 'byor byang chub sems dpa' de ni bar ma dor nye zhor 'gyur te/'di ltar thams cad mkhyen pa nyid kyi rin po che'i phung po'i don chen po las yongs su nyams par 'gyur bar rig par bya'o/ /rab 'byor byang chub sems dpa' sems dpa' chen po rnams kyi bar ma do'i nye zho gang zhe na/ 'di lta ste nyan thos kyi sa'am/rang sangs rgyas kyi sa'o/ /rab 'byor 'di lta ste dper na/ skyes bu mkhas pa'i ngang tshul can la la zhig rgya mtsho chen po'i gru shin tu bsdams shing shin tu bstar bar rdzas bcug nas mthun pa'i rlung dang bstun te chu la gtong na/ rab 'byor rgya mtsho'i gru de ni bar ma dor zhig par mi 'gyur te/gru de ni phyogs gang du bgrod pa der phyin par 'gyur bar rig par bya'o/ /rab 'byor de bzhin du byang chub sems dpa' sems dpa' chen po gang bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ rab tu dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ 'dun pa yang yod/ mi gtong ba yang yod/ brtson 'grus mi 'dor ba yang yod la/ de yang shes rab kyi pha rol tu phyin pas yongs su bzung / thabs mkhas pas yongs su bzung / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pas yongs su bzung / stong pa nyid thams cad dang / byang chub kyi phyogs kyi chos rnams dang / ting nge 'dzin rnams dang /gzungs kyi sgo thams cad dang / tshad med pa dang / bsam gtan dang / gzugs med pa'i snyoms par 'jug pa rnams kyis yongs su bzung / 'phags pa'i bden pa rnams kyis yongs su bzung / rnam par thar pa brgyad dang / mthar gyis gnas pa'i snyoms par 'jug pa dgus yongs su bzung /stong pa nyid dang / mtshan ma med pa dang / smon pa med pa rnams kyis yongs su bzung / mngon par shes pa rnams kyis yongs su bzung / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad kyis yongs su bzung / rnam pa thams cad mkhyen pa nyid kyi bar gyis yongs su bzung na/ rab 'byor byang chub sems dpa' sems dpa' chen po de ni bla na med pa yang dag par rdzogs pa'i byang chub tu bar ma dor nye zhor mi 'gyur bar rig par bya'o//de ci'i phyir zhe na/ rab 'byor de ni 'di ltar yang 'gyur te/ byang chub sems dpa' sems dpa' chen po gang bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ rab tu dang ba yang yod/ lhag pa'i bsam pa yang yod/'dod pa yang yod/ mos pa yang yod/ 'dun pa yang yod/ mi gtong ba yang yod/ brtson 'grus mi 'dor ba yang yod la/ de yang shes rab kyi pha rol tu phyin pas yongs su zin par 'gyur/ thabs mkhas pas yongs su zin par 'gyur/ bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pas yongs su zin par 'gyur/ de bzhin du rnam pa thams cad mkhyen pa nyid kyi bar gyis yongs su zin par 'gyur na/ byang chub sems dpa' sems dpa' chen po de ni nyan thos kyi sa dang / rang sangs rgyas kyi sar mi ltung ngo zhes bya ba ni ma tshang ba med pa'i khyad par lam gyi skad cig ma gnyis pa yin no/ / rab 'byor 'di lta ste dper na/ skyes bu lo brgya nyi shu lon pa gya ba rgas pa 'chal ba zhig yod la/ de'i lus la rlung ngam/ mkhris pa'am/ bad kan nam/ 'dus pa'i nad 'ga' zhig gis btab na/ rab 'byor de la ji snyam du sems/ skyes bu de ma brtan par rang nyid kyis 'gro nus sam/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/rab 'byor skyes bu de yang khri las cung zad ldang bar nus sam/ rab 'byor gyis gsol pa/ bcom ldan 'das de ni khri las ldang nus su lags kyang rgyang grags gcig gi bar du mchi bar mi nus te/ de rgas pa de dang bro 'tshal bas nyams dmas pa'i slad du khri de las ldang nus su lags kyang des mchi mi nus so//bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po la bla na med pa yang dag par rdzogs pa'i byang chub kyi phyir dad pa yang yod/ bzod pa yang yod/ dga' ba yang yod/ rab tu dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ 'dun pa yang yod/ mi gtong ba yang yod/ brtson 'grus mi 'dor ba yang yod mod kyi/ de yang shes rab kyi pha rol tu phyin pas yongs su ma bzung / thabs mkhas pas yongs su ma bzung / bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pas yongs su ma bzung / nang stong pa nyid dang / dngos po med pa'i ngo bo nyid stong pa nyid kyi bar gyis yongs su ma bzung / dran pa nye bar gzhag pas yongs su ma bzung /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyis yongs su ma bzung / tshad med pa dang / bsam gtan dang / gzugs med pa'i snyoms par 'jug pa dang / 'phags pa'i bden pa rnams kyis yongs su ma bzung /stong pa nyid dang / mtshan ma med pa dang / smon pa med pa rnams kyis yongs su ma bzung / stobs bcu dang / mi 'jigs pa dang / sangs rgyas kyi chos ma 'dres pa rnams kyis yongs su ma bzung na/ rab 'byor byang chub sems dpa' de ni bar ma dor nyan thos kyi sa'am/rang sangs rgyas kyi sar ltung bar 'gyur bar rig par bya'o/ /de ci'i phyir zhe na/ de ni 'di ltar shes rab kyi pha rol tu phyin pas yongs su ma bzung ba dang / thabs mkhas pas yongs su ma bzung ba dang / de rnam pa thams cad mkhyen pa nyid kyi bar gyis yongs su ma bzung ba'i phyir ro//rab 'byor 'di lta ste dper na/ mi na tshod kyis lo brgya nyi shu lon pa gya ba rgas pa 'cha' ba de rlung ngam/ mkhris pa'am/ bad kan nam/ 'dus pa'i nad kyis btab par gyur la/ de khri las ldang bar 'dod na/ de la skyes bu stobs dang ldan pa gnyis kyis glo g.yas g.yon nas bzung ste brten nas 'di skad du/kye skyes bu khyod ci dga' ba'i don du gar 'dod par 'dong ngo / /khyod ni bdag cag gis gzung gi gnas der ma phyin gyi bar du lam der bar ma dor rdeg 'cha' bas 'jigs par mi 'gyur ro zhes bsgo ba de bzhin du/ rab 'byor byang chub sems dpa' sems dpa' chen po gang la bla na med pa yang dag par rdzogs pa'i byang chub kyi phyir dad pa yang yod/bzod pa yang yod/ dga' ba yang yod/ rab tu dang ba yang yod/ lhag pa'i bsam pa yang yod/ 'dod pa yang yod/ mos pa yang yod/ 'dun pa yang yod/mi gtong ba yang yod/ brtson 'grus mi 'dor ba yang yod la/ de yang shes rab kyi pha rol tu phyin pas yongs su bzung / thabs mkhas pas yongs su bzung / bsam gtan gyi pha rol tu phyin pas yongs su bzung / brtson 'grus kyi pha rol tu phyin pas yongs su bzung / bzod pa'i pha rol tu phyin pas yongs su bzung / tshul khrims kyi pha rol tu phyin pas yongs su bzung / sbyin pa'i pha rol tu phyin pas yongs su bzung / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyis yongs su bzung na/ rab 'byor byang chub sems dpa' sems dpa' chen po de ni bar ma dor nye zhor mi 'gyur te/ byang chub sems dpa' sems dpa' chen po des ni 'di lta ste/ bla na med pa yang dag par rdzogs pa'i byang chub kyi gnas der phyin par nus so/ /de ci'i phyir zhe na/ de ltar shes rab kyi pha rol tu phyin pa dang /thabs mkhas pa dang ma bral ba'i phyir ro/ /rab 'byor gyis gsol pa/ bcom ldan 'das ji ltar na byang chub sems dpa'i theg pa pa'i rigs kyi bu dang / rigs kyi bu mo de shes rab kyi pha rol tu phyin pas yongs su ma bzung / thabs mkhas pas yongs su ma bzung na/ nyan thos kyi sa 'am/rang sangs rgyas kyi sar ltung ba lags/ bcom ldan 'das kyis bka' stsal pa/ rab 'byor khyod de ltar de bzhin gshegs pa dgra bcom pa yang dag par rdzogs pa'i sangs rgyas la don de 'dri bar sems pa legs so legs so/ /rab 'byor 'di la byang chub sems dpa' sems dpa' chen po thog mar sbyin pa gang gtong ba de yang bdag dang bdag gir ltung ba'i sems kyis gtong /tshul khrims gang srung ba dang / bzod pa gang sgom pa dang / brtson 'grus gang rtsom pa dang / bsam gtan gang la snyoms par 'jug pa dang / shes rab gang sgom par byed pa de yang bdag dang bdag gir ltung ba'i sems kyis sgom par byed do//de sbyin pa yongs su gtong ba'i tshe 'di snyam du sems te/ bdag ni sbyin pa yongs su gtong ngo / /sbyin pa ni 'di lta bu zhig yongs su gtong ngo / /'di dag la sbyin pa sbyin par byed pa'o/ /bdag ni tshul khrims yongs su srung ngo / / tshul khrims ni 'di lta bu zhig srung ngo / /bdag ni tshul khrims dang ldan pa'o / /bdag ni bzod pa sgom pa'o/ /bdag ni bzod pa yongs su rdzogs par byed pa'o/ /bdag ni bzod pa dang ldan pa'o/ /bdag ni brtson 'grus rtsom mo/ /brtson 'grus ni 'di lta bu zhig rtsom mo/ /bdag ni brtson 'grus dang ldan pa'o//bdag ni bsam gtan dag la snyoms par 'jug pa'o/ /bdag ni bsam gtan pa'o/ /bdag ni bsam gtan dang ldan pa'o/ /bdag ni shes rab sgom mo/ /shes rab ni 'di lta bu zhig sgom mo/ /bdag ni shes rab dang ldan pa'o snyam nas/ de sbyin pa des rlom sems su byed do//sbyin pa rlom sems su byed/ bdag ni sbyin pa byed pa'o zhes rlom sems su byed/ de bzhin du tshul khrims dang / bzod pa dang / brtson 'grus dang / bsam gtan rnams dang / shes rab des rlom sems su byed de/ /shes rab rlom sems su byed/ bdag ni shes rab dang ldan pa'o zhes rlom sems su byed do/ /de ci'i phyir zhe na/ sbyin pa'i pha rol tu phyin pa la rtog pa de dag med de/ ring du song ba ni sbyin pa'i pha rol tu phyin pa yin pa'i phyir ro/ /de bzhin du tshul khrims kyi pha rol tu phyin pa la med/ bzod pa'i pha rol tu phyin pa la med/ brtson 'grus kyi pha rol tu phyin pa la med/ bsam gtan gyi pha rol tu phyin pa la med/ shes rab kyi pha rol tu phyin pa la rtog pa de dag med de/ de ci'i phyir zhe na/ ring du song ba ni shes rab kyi pha rol tu phyin pa yin pa'i phyir ro/ /de ltar yin yang gang zag byang chub sems dpa'i theg pa pa des tshu rol yang mi shes/pha rol yang mi shes te/ de sbyin pa'i pha rol tu phyin pas yongs su ma bzung / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pas yongs su ma bzung /rnam pa thams cad mkhyen pa nyid kyi bar gyis yongs su ma bzung bas/ nyan thos kyi sa'am/ rang sangs rgyas kyi sar ltung ste/ rnam pa thams cad mkhyen pa nyid du mi 'byung ngo / /rab 'byor ji ltar na byang chub sems dpa'i thabs mi mkhas par 'gyur ba yin zhe na/rab 'byor 'di la byang chub sems dpa'i theg pa pa'i rigs kyi bu'am/ rigs kyi bu mo gang thog mar thabs med par sbyin pa yongs su gtong ngo / /thabs med par tshul khrims srung / thabs med par bzod pa sgom / thabs med par brtson 'grus rtsom / thabs med par bsam gtan la snyoms par 'jug /thabs med par shes rab sgom zhing de 'di snyam du sems te/ bdag ni sbyin pa yongs su gtong ngo / /sbyin pa ni 'di yongs su gtong ngo / /bdag ni tshul khrims srung ngo / /tshul khrims ni 'di srung ngo / /bdag ni bzod pa sgom mo/ /bzod pa ni 'di sgom mo//bdag ni brtson 'grus rtsom mo/ /brtson 'grus ni 'di rtsom mo/ /bdag ni bsam gtan la snyoms par 'jug go/ /bsam gtan ni 'di dag la snyoms par 'jug go/ /bdag ni shes rab sgom mo/ /shes rab ni 'di sgom mo zhes de sbyin pa rlom sems su byed de / sbyin pas rlom sems su byed/bdag ni sbyin pa byed pa'o zhes rlom sems su byed/ tshul khrims rlom sems su byed/ tshul khrims kyis rlom sems su byed/ bdag ni tshul khrims dang ldan pa'o zhes rlom sems su byed/ bzod pa rlom sems su byed/ bzod pas rlom sems su byed/ bdag ni bzod pa dang ldan pa'o zhes rlom sems su byed/brtson 'grus rlom sems su byed/ brtson 'grus kyis rlom sems su byed/ bdag ni brtson 'grus dang ldan pa'o zhes rlom sems su byed/ bsam gtan rlom sems su byed/ bsam gtan gyis rlom sems su byed/ bdag ni bsam gtan dang ldan pa'o zhes rlom sems su byed/shes rab rlom sems su byed/ shes rab kyis rlom sems su byed/ bdag ni shes rab dang ldan pa'o zhes rlom sems su byed pa ste/ de ci'i phyir zhe na/ 'dis ji ltar rnam par brtags pa'i rnam par rtog pa ni sbyin pa'i pha rol tu phyin pa la med pa'i phyir ro//de ci'i phyir zhe na/ de ni 'di lta ste/ sbyin pa'i pha rol tu phyin pa 'di ni ring du song ba'i phyir ro/ /'di lta ste/ tshul khrims kyi pha rol tu phyin pa 'di ni ring du song ba'i phyir ro/ /'di lta ste/ bzod pa'i pha rol tu phyin pa 'di ni ring du song ba'i phyir ro/ /'di lta ste/ brtson 'grus kyi pha rol tu phyin pa 'di ni ring du song ba'i phyir ro//'di lta ste/ bsam gtan gyi pha rol tu phyin pa 'di ni ring du song ba'i phyir ro/ /'dis ji ltar rnam par brtags pa'i rnam par rtog pa ni shes rab kyi pha rol tu phyin pa la med pa'i phyir ro/ /de ci'i phyir zhe na/ de ni 'di lta ste/ shes rab kyi pha rol tu phyin pa 'di ni ring du song ba'i phyir ro//de lta yin yang byang chub sems dpa'i theg pa pa'i rigs kyi bu des tshu rol mi shes/ pha rol yang mi shes te / de sbyin pa'i pha rol tu phyin pas yongs su ma bzung / tshul khrims kyi pha rol tu phyin pas yongs su ma bzung / bzod pa'i pha rol tu phyin pas yongs su ma bzung /brtson 'grus kyi pha rol tu phyin pas yongs su ma bzung / bsam gtan gyi pha rol tu phyin pas yongs su ma bzung / shes rab kyi pha rol tu phyin pas yongs su ma bzung / de bzhin du rnam pa thams cad mkhyen pa nyid kyi bar gyis yongs su ma bzung bas nyan thos kyi sa'am/rang sangs rgyas kyi sar ltung ste/ de rnam pa thams cad mkhyen pa nyid du mi 'byung ngo / /rab 'byor de ltar na byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su ma bzung na nyan thos dang rang sangs rgyas kyi sar ltung ngo //rab 'byor ji ltar na byang chub sems dpa' sems dpa' chen po shes rab kyi pha rol tu phyin pa dang thabs mkhas pas yongs su bzung na / nyan thos kyi sa'am/ rang sangs rgyas kyi sar mi ltung zhing bla na med pa yang dag par rdzogs pa'i byang chub 'grub par 'gyur ba yin zhe na/rab 'byor 'di la byang chub sems dpa' sems dpa' chen po thog mar sbyin pa yongs su gtong ba na bdag dang bdag gir bya bar ma ltung ba'i sems kyis sbyin pa yongs su gtong ngo / /bdag dang bdag gir bya bar ma ltung ba'i sems kyis tshul khrims srung ngo / /bdag dang bdag gir bya bar ma ltung ba'i sems kyis bzod pa sgom mo//bdag dang bdag gir bya bar ma ltung ba'i sems kyis brtson 'grus rtsom mo/ /bdag dang bdag gir bya bar ma ltung ba'i sems kyis bsam gtan sgom mo/ /bdag dang bdag gir bya bar ma ltung ba'i sems kyis shes rab sgom ste/de 'di snyam du bdag ni sbyin pa yongs su gtong ngo / /sbyin pa ni 'di gtong ngo / /'di la sbyin pa gtong ngo zhes bya bar mi sems so/ /bdag ni tshul khrims srung ngo / /tshul khrims ni 'di srung ngo / /'di dag la tshul khrims srung ngo / /bdag ni bzod pa sgom mo//bzod pa ni 'di sgom mo/ /'di dag la bzod pa sgom mo/ /bdag ni brtson 'grus rtsom mo/ /brtson 'grus ni 'di rtsom mo/ /'di dag la brtson 'grus rtsom mo/ /bdag ni bsam gtan rnams la snyoms par 'jug go/ /bsam gtan ni 'di dag la snyoms par 'jug go/ / 'di rnams la bsam gtan la snyoms par 'jug go/ /bdag ni shes rab sgom mo/ /shes rab ni 'di sgom mo/ /'di'i don du shes rab sgom mo zhes bya bar mi sems te sbyin pa rlom sems su mi byed/ sbyin pas rlom sems su mi byed/ bdag ni sbyin pa byed pa zhes bya bar rlom sems su mi byed/tshul khrims rlom sems su mi byed/ tshul khrims kyis rlom sems su mi byed/ bdag ni tshul khrims dang ldan pa'o zhes bya bar rlom sems su mi byed do/ /bzod pa rlom sems su mi byed/ bzod pas rlom sems su mi byed/ bdag ni bzod pa dang ldan pa'o zhes rlom sems su mi byed do//brtson 'grus rlom sems su mi byed/ brtson 'grus kyis rlom sems su mi byed/ bdag ni brtson 'grus dang ldan pa'o zhes rlom sems su mi byed do/ /bsam gtan rlom sems su mi byed/ bsam gtan gyis rlom sems su mi byed/ bdag ni bsam gtan dang ldan pa'o zhes rlom sems su mi byed do//shes rab rlom sems su mi byed/ shes rab kyis rlom sems su mi byed/ bdag ni shes rab dang ldan pa'o zhes bya bar rlom sems su mi byed do/ /de ci'i phyir zhe na/ de ni 'di ltar gang gis rlom sems su byed pa'i rnam par rtog pa de dag ni sbyin pa'i pha rol tu phyin pa la med pa'i phyir ro//de bzhin du gang gis rlom sems su byed pa'i rnam par rtog pa de dag ni tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la med pa'i phyir ro/ /'di ltar gang gis rlom sems su 'gyur ba'i rnam par rtog pa de dag ni shes rab kyi pha rol tu phyin pa la med pa'i phyir ro//de ci'i phyir zhe na/ 'di lta ste/ shes rab kyi pha rol tu phyin pa ni ring du song ba yin pa'i phyir ro/ /de ltar yin pas byang chub sems dpa' sems dpa' chen po de yang tshu rol dang pha rol gyis kyang rlom sems su mi byed na/de sbyin pa'i pha rol tu phyin pas yongs su bzung / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pas yongs su bzung ba dang /rnam pa thams cad mkhyen pa nyid kyi bar gyis yongs su bzung bas nyan thos kyi sa'am/ rang sangs rgyas kyi sar mi ltung ste/ rnam pa thams cad mkhyen pa nyid kyang 'grub par 'gyur/ rab 'byor de ltar na gang zag byang chub sems dpa'i theg pa pa'i shes rab kyi pha rol tu phyin pas yongs su bzung /thabs mkhas pas yongs su bzung bas nyan thos kyi sa'am/ rang sangs rgyas kyi sar mi ltung gi de ltar thabs mkhas pas yongs su bzung bas bla na med pa yang dag par rdzogs pa'i byang chub 'grub par 'gyur ro zhes bya ba ni yongs su bzung ba'i khyad par lam gyi skad cig ma gsum pa yin no// de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das las dang po pa'i byang chub sems dpa' sems dpa' chen pos ji ltar shes rab kyi pha rol tu phyin pa la bslab par bgyi/ ji ltar bsam gtan gyi pha rol tu phyin pa la bslab par bgyi/ji ltar brtson 'grus kyi pha rol tu phyin pa la bslab par bgyi/ ji ltar bzod pa'i pha rol tu phyin pa la bslab par bgyi/ ji ltar tshul khrims kyi pha rol tu phyin pa la bslab par bgyi/ ji ltar sbyin pa'i pha rol tu phyin pa la bslab par bgyi/ ji ltar sangs rgyas kyi chos ma 'dres pa'i bar la bslab par bgyi/bcom ldan 'das kyis bka' stsal pa/ rab 'byor 'di la las dang po pa'i byang chub sems dpa' sems dpa' chen po shes rab kyi pha rol tu phyin pa la bslab par 'dod pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la bslab par 'dod pa dang / rnam pa thams cad mkhyen pa nyid kyi bar la bslab par 'dod pas dge ba'i bshes gnyen gang shes rab kyi pha rol tu phyin pa ston pa/bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ston pa de dag la brten par bya'o/ /bsnyen bkur bar bya'o/ /de dag la shes rab kyi pha rol tu phyin pa 'di ltar ston te/tshur rigs kyi bu sbyin pa gang dang gang sbyin pa de thams cad bla na med pa yang dag par rdzogs pa'i byang chub tu yongs su sngos shig /tshur rigs kyi bu tshul khrims gang dang gang srung ba dang / bzod pa sgrub pa dang / brtson 'grus rtsom pa dang / bsam gtan la snyoms par 'jug pa dang /shes rab sgom pa de dag thams cad bla na med pa yang dag par rdzogs pa'i byang chub tu yongs su sngos shig /rigs kyi bu khyod bla na med pa yang dag par rdzogs pa'i byang chub gzugs kyi sgo nas tshol bar ma byed cig /tshor ba las ma byed/ 'du shes las ma byed/'du byed rnams las ma byed/ rnam par shes pa'i sgo nas tshol bar ma byed cig /rigs kyi bu khyod bla na med pa yang dag par rdzogs pa'i byang chub sbyin pa'i pha rol tu phyin pa'i sgo nas tshol bar ma byed cig /tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa rnams kyi sgo nas tshol bar ma byed cig /nang stong pa nyid las ma byed cig /phyi stong pa nyid las ma byed cig /phyi nang stong pa nyid las ma byed cig /dngos po med pa'i ngo bo nyid stong pa nyid kyi bar las ma byed cig /dran pa nye bar gzhag pa rnams las ma byed cig /yang dag par spong ba rnams kyi sgo nas tshol bar ma byed cig /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyi sgo nas tshol bar ma byed cig /mngon par shes pa lnga dang / tshad med pa dang / bsam gtan dang / gzugs med pa'i snyoms par 'jug pa rnams las ma byed cig /'phags pa'i bden pa rnams las ma byed cig /rnam par thar pa brgyad rnams las ma byed cig /mthar gyis gnas pa'i snyoms par 'jug pa dgu rnams las ma byed cig /stong pa nyid dang / mtshan ma med pa dang / smon pa med pa rnams kyi sgo nas tshol bar ma byed cig /ting nge 'dzin rnams las tshol bar ma byed cig /gzungs kyi sgo rnams las ma byed cig /de bzhin gshegs pa'i stobs bcu rnams las ma byed cig /mi 'jigs pa bzhi rnams las ma byed cig /so so yang dag par rig pa bzhi rnams las ma byed cig /sangs rgyas kyi chos ma 'dres pa bco brgyad rnams kyi sgo nas tshol bar ma byed cig /rigs kyi bu khyod bla na med pa yang dag par rdzogs pa'i byang chub rnam pa thams cad mkhyen pa nyid kyi bar gyi sgo nas tshol bar ma byed cig /de ci'i phyir zhe na/ gzugs su mngon par zhen pa med pas ni bla na med pa yang dag par rdzogs pa'i byang chub thob par 'gyur ba'i phyir ro/ /tshor ba dang / 'du shes dang / 'du byed rnams su mngon par zhen pa med pa dang / rnam par shes par mngon par zhen pa med pas ni bla na med pa yang dag par rdzogs pa'i byang chub thob bar 'gyur ba'i phyir ro//sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la mchog tu 'dzin pa med pa dang /shes rab kyi pha rol tu phyin pa la mchog tu 'dzin pa med pa dang / nang stong pa nyid dang / dngos po med pa'i ngo bo nyid stong pa nyid kyi bar du mngon par zhen pa med pa dang / dran pa nye bar gzhag pa rnams su mngon par zhen pa med pa dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams su mngon par zhen pa med pa dang / mngon par shes pa rnams su mngon par zhen pa med pa dang / tshad med pa dang / bsam gtan dang / gzugs med pa'i snyoms par 'jug pa rnams su mngon par zhen pa med pa dang /'phags pa'i bden pa rnams su mngon par zhen pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu rnams su mngon par zhen pa med pa dang / stong pa nyid dang / mtshan ma med pa dang / smon pa med pa rnams su mngon par zhen pa med pa dang / ting nge 'dzin dang / gzungs kyi sgo rnams su mngon par zhen pa med pa dang / de bzhin gshegs pa'i stobs bcu dang / mi 'jigs pa bzhi rnams su mngon par zhen pa med pa dang / so so yang dag par rig pa bzhi dang / sangs rgyas kyi chos ma 'dres pa bco brgyad dang /rnam pa thams cad mkhyen pa nyid kyi bar du mngon par zhen pa med pas ni bla na med pa yang dag par rdzogs pa'i byang chub thob par 'gyur ba'i phyir ro/ /rigs kyi bu khyod shes rab kyi pha rol tu phyin pa la spyod pa'i tshe/ gzugs la 'dod pa ma bskyed cig /de ci'i phyir zhe na/rigs kyi bu 'dod pa med pa ni gzugs yin pa'i phyir ro/ /tshor ba dang / 'du shes dang / 'du byed rnams dang / rnam par shes pa la 'dod pa ma bskyed cig /de ci'i phyir zhe na/ rigs kyi bu 'dod pa med pa ni rnam par shes pa yin pa'i phyir ro/ /rigs kyi bu khyod sbyin pa'i pha rol tu phyin pa la 'dod pa ma bskyed cig /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la 'dod pa ma bskyed cig /nang stong pa nyid la 'dod pa ma bskyed cig /dngos po med pa'i ngo bo nyid stong pa nyid kyi bar la 'dod pa ma bskyed cig /dran pa nye bar gzhag pa rnams la 'dod pa ma bskyed cig /yang dag par spong ba rnams dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la 'dod pa ma bskyed cig /tshad med pa dang / bsam gtan dang / gzugs med pa'i snyoms par 'jug pa rnams dang / 'phags pa'i bden pa rnams la 'dod pa ma bskyed cig /rnam par thar pa brgyad dang / mthar gyis gnas pa'i snyoms par 'jug pa dgu la 'dod pa ma bskyed cig /stong pa nyid dang /mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la 'dod pa ma bskyed cig /ting nge 'dzin thams cad dang / gzungs kyi sgo rnams la 'dod pa ma bskyed cig /rigs kyi bu khyod rnam pa thams cad mkhyen pa nyid la 'dod pa ma bskyed cig /de ci'i phyir zhe na/ rigs kyi bu 'dod pa med pa ni rnam pa thams cad mkhyen pa nyid yin pa'i phyir ro/ /rigs kyi bu khyod rgyun du zhugs pa'i 'bras bu la 'dod pa ma bskyed cig /lan cig phyir 'ong ba dang /phyir mi 'ong ba dang / dgra bcom pa nyid dang / rang byang chub la 'dod pa ma bskyed cig /byang chub sems dpa'i skyon med pa la 'dod pa ma bskyed cig /bla na med pa yang dag par rdzogs pa'i byang chub la 'dod pa ma bskyed cig /de ci'i phyir zhe na/ rigs kyi bu chos thams cad ni ngo bo nyid kyis stong pa'i phyir ro zhes bya ba ni ro myang ba med pa'i khyad par gyi lam gyi skad cig ma bzhi pa yin no//'di dag ni khyad par gyi mtshan nyid yin no/ / rab 'byor gyis gsol pa/ bcom ldan 'das chos thams cad rang gi mtshan nyid kyis stong pa la byang chub sems dpa' sems dpa' chen po gang bla na med pa yang dag par rdzogs pa'i byang chub don du gnyer zhing /bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba ni dka' ba bgyid pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad rang gi mtshan nyid kyis stong pa la byang chub sems dpa' sems dpa' chen po gang rnams bla na med pa yang dag par rdzogs pa'i byang chub don du gnyer zhing bla na med pa yang dag par rdzogs pa'i byang chub 'dod pa ni dka' ba byed pa'o//rab 'byor 'on kyang byang chub sems dpa' sems dpa' chen po rnams ni 'jig rten gyis phan pa'i phyir yang dag par zhugs pa'o//rab 'byor byang chub sems dpa' sems dpa' chen po rnams ni 'jig rten gyi bde ba'i phyir yang dag par zhugs pa'o/ /'jig rten gyi skyob par 'gyur bar bya'o zhes bla na med pa yang dag par rdzogs pa'i byang chub tu yang dag par zhugs pa'o//'jig rten gyi skyabs su 'gyur bar bya ba dang / 'jig rten gyi gnas dang / 'jig rten gyi dpung gnyen dang / 'jig rten gyi gling dang / 'jig rten gyi yongs su 'dren pa dang / thugs brtse ba dang / mgon po dang / 'jig rten gyi rten du 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so//rab 'byor ji ltar na byang chub sems dpa' sems dpa' chen po 'jig rten gyi phan pa'i phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po sems can rnams 'gro ba rgyud lnga nas yongs su bkrol zhing mi 'jigs pa'i thang bde ba mya ngan las 'das pa la 'god do//rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing 'jig rten la phan pa'i phyir yang dag par zhugs pa yin no zhes bya ba ni phan pa'i byed pa yin no// rab 'byor ji ltar na byang chub sems dpa' sems dpa' chen po 'jig rten la bde ba'i phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas sems can rnams sdug bsngal ba dang /yid mi bde ba dang / 'khrug pa rnams las yongs su bkrol zhing mi 'jigs pa'i thang bde ba mya ngan las 'das pa la rab tu 'god do/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing 'jig rten la bde ba'i phyir yang dag par zhugs pa yin no zhes bya ba ni bde ba'i byed pa yin no// rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing 'jig rten gyi skyob pa'i byed pa yin zhe na/rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'khor ba na spyod pa'i sdug bsngal gang ci yang rung ste de dag las yang sems can rnams yongs su skyob cing de dag spang ba'i phyir chos ston te/de dag gis kyang chos de thos nas rim gyis theg pa gsum gyis yongs su mya ngan las 'da' bar 'gyur te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten gyi skyob par byed pa yin no zhes bya ba ni skyob pa'i byed pa yin no// //bam po bzhi bcu bdun pa/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa 'jig rten gyi skyabs su 'gyur ba yin zhe na/rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrug pa'i chos can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su bkrol zhing phung po ma lus pa'i mya ngan las 'das pa'i dbyings su yongs su mya ngan las 'das pa la rab tu 'god do//rab 'byor de ltar na byang chub sems dpa' sems dpa' chen po 'jig rten gyi skyabs byed pa yin no zhes bya ba ni skyabs kyi byed pa yin no/ / rab 'byor ji ltar na byang chub sems dpa' sems dpa' chen po sems can rnams kyi gnas su 'gyur ba yin zhe na/rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos thams cad 'dre ba med par ston to/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi gnas su 'gyur ba yin no//rab 'byor gyis gsol pa/ bcom ldan 'das ji ltar na chos thams cad 'dre ba ma mchis pa lags/ bcom ldan 'das kyis bka' stsal pa/rab 'byor gzugs kyi 'dre ba med pa gang yin pa de ni gzugs kyi 'brel pa med pa'o/ /gzugs kyi 'brel pa med pa gang yin pa de ni gzugs kyi skye ba med pa'o/ /gzugs kyi skye ba med pa gang yin pa de ni gzugs kyi 'gag pa med pa'o/ /gzugs kyi 'gag pa med pa gang yin pa de ni gzugs kyi 'dre ba med pa'o//tshor ba dang / 'du shes dang / 'du byed rnams dang / rnam par shes pa'i 'dre ba med pa gang yin pa de ni rnam par shes pa'i 'brel pa med pa'o/ /rnam par shes pa'i 'brel pa med pa gang yin pa de ni rnam par shes pa'i skye ba med pa'o/ /rnam par shes pa'i skye ba med pa gang yin pa de ni rnam par shes pa'i 'gag pa med pa'o//rnam par shes pa'i 'gag pa med pa gang yin pa de ni rnam par shes pa'i 'dre ba med pa'o/ /de bzhin du phung po dang / khams dang / skye mched dang / rten cing 'brel bar 'byung ba'i yan lag rnams dang / pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / rnam par thar pa brgyad rnams dang / mthar gyis gnas pa'i snyoms par 'jug pa dgu rnams dang /stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin thams cad dang / gzungs kyi sgo thams cad dang / stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa rnams dang / rnam pa thams cad mkhyen pa nyid kyi 'dre ba med pa gang yin pa de ni rnam pa thams cad mkhyen pa nyid kyi 'brel pa med pa'o/ /rnam pa thams cad mkhyen pa nyid kyi 'brel pa med pa gang yin pa de ni rnam pa thams cad mkhyen pa nyid kyi skye ba med pa'o//rnam pa thams cad mkhyen pa nyid kyi skye ba med pa gang yin pa de ni rnam pa thams cad mkhyen pa nyid kyi 'gag pa med pa'o/ /rnam pa thams cad mkhyen pa nyid kyi 'gag pa med pa gang yin pa de ni rnam pa thams cad mkhyen pa nyid kyi 'dre ba med pa'o/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos thams cad 'dre ba med par chos ston to zhes bya ba ni gnas kyi byed pa yin no// rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa 'jig rten gyi dpung gnyen du 'gyur ba yin zhe na/rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos 'di ltar ston te/gzugs kyi pha rol gang yin pa de ni gzugs ma yin no/ /tshor ba dang / 'du shes dang / 'du byed rnams dang / rnam par shes pa'i pha rol gang yin pa de ni rnam par shes pa ma yin no/ /phung po dang / khams dang / skye mched dang / rten cing 'brel par 'byung ba'i pha rol gang yin pa de ni phung po dang /khams dang / skye mched dang / rten cing 'brel bar 'byung ba ma yin no/ /pha rol tu phyin pa thams cad kyi pha rol gang yin pa [(]da [,]de [)]ni pha rol tu phyin pa ma yin no/ /stong pa nyid thams cad kyi pha rol gang yin pa de ni stong pa nyid ma yin no/ /byang chub kyi phyogs kyi chos rnams kyi pha rol gang yin pa de ni byang chub kyi phyogs kyi chos rnams ma yin no//de bzhin du 'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi pha rol gang yin pa de ni sangs rgyas kyi chos ma 'dres pa rnams ma yin no//rnam pa thams cad mkhyen pa nyid kyi bar gyi pha rol gang yin pa de ni rnam pa thams cad mkhyen pa nyid ma yin no/ / rab 'byor gzugs ji lta bar chos thams cad kyang de bzhin no/ /rnam pa thams cad mkhyen pa nyid kyi bar yang de bzhin no/ / rab 'byor gyis gsol pa/ bcom ldan 'das gal te gzugs ji lta bar chos thams cad kyang de bzhin lags na/ 'o na byang chub sems dpa' sems dpa' chen po rnam pa thams cad mkhyen pa nyid du mngon par rdzogs par sangs rgyas pa nyid do/ /de ci'i phyir zhe na/ bcom ldan 'das gzugs kyi pha rol na rnam par rtog pa gang yang ma mchis pa'i phyir ro//tshor ba dang / 'du shes dang / 'du byed rnams dang / rnam par shes pa'i pha rol na rnam par rtog pa gang yang ma mchis pa'i phyir ro/ /mngon par shes pa rnams dang / stobs bcu dang / mi 'jigs pa rnams dang / so so yang dag par rig pa dang /sangs rgyas kyi chos ma 'dres pa rnams kyi pha rol na rnam par rtog pa gang yang ma mchis pa'i phyir ro/ /rnam pa thams cad mkhyen pa nyid kyi bar gyi pha rol na rnam par rtog pa gang yang ma mchis pa'i phyir te/ 'di ni gzugs so/ /'di ni tshor ba'o/ /'di ni 'du shes so/ /'di ni 'du byed rnams so/ / 'di ni rnam par shes pa'o/ /'di ni phung po rnams so/ /'di ni khams rnams so/ /'di ni skye mched rnams so/ /'di ni rten cing 'brel bar 'byung ba rnams so/ /'di ni rten cing 'brel bar 'byung ba'i yan lag rnams so/ /'di ni pha rol tu phyin pa rnams so/ /'di ni stong pa nyid rnams so/ /'di ni byang chub kyi phyogs kyi chos rnams so//'di ni 'phags pa'i bden pa rnams so/ /'di ni mngon par shes pa rnams so/ /'di ni tshad med pa dang / bsam gtan dang / gzugs med pa'i snyoms par 'jug pa rnams so/ /'di ni rnam par thar pa dang / ting nge 'dzin dang / gzungs kyi sgo rnams so/ /'di ni stong pa nyid dang /mtshan ma med pa dang / smon pa med pa rnams so/ /'di ni stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams so/ /'di ni rnam pa thams cad mkhyen pa nyid do zhes bya ba'i rnam par rtog pa gang yang ma mchis pa'i phyir ro/ /bcom ldan 'das kyis bka' stsal pa/rab 'byor de de bzhin no/ /de de bzhin te/ gzugs kyi pha rol na rnam par rtog pa gang yang med do/ /tshor ba dang / 'du shes dang / 'du byed rnams dang / rnam par shes pa'i pha rol na rnam par rtog pa gang yang med do/ /de bzhin du phung po dang / khams dang / skye mched dang /rten cing 'brel bar 'byung ba dang / rten cing 'brel bar 'byung ba'i yan lag rnams kyi pha rol na rnam par rtog pa gang yang med do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dang / tshad med pa rnams dang / bsam gtan rnams dang / gzugs med pa'i snyoms par 'jug pa rnams kyi pha rol na rnam par rtog pa gang yang med do//stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi pha rol na rnam par rtog pa gang yang med do/ /rnam pa thams cad mkhyen pa nyid kyi bar gyi pha rol na rnam par rtog pa gang yang med de/de ltar na yang rab 'byor byang chub sems dpa' sems dpa' chen po rnams de lta bu'i chos 'di la rtog pa med la zhum par mi byed pas bdag gis 'di ltar chos de dag mngon par rdzogs par sangs rgyas par bya'o/ /bla na med pa yang dag par rdzogs pa'i byang chub 'di ltar mngon par rdzogs par sangs rgyas nas chos de ltar zhi ba dang /de ltar bzang ba de dag bshad par bya'o snyam du sems pa ni dka' ba byed pa ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten pa rnams kyi dpung gnyen byed pa yin no zhes bya ba ni dpung gnyen gyi byed pa yin no// rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten gyi gling yin zhe na/ rab 'byor 'di lta ste dper na/ chu klung chen po rnams sam/ rgya mtsho chen po rnams sam / chus yongs su chad pa'i gnas gang yin pa de dag ni gling zhes brjod do/ /rab 'byor de bzhin du gzugs ni sngon gyi mtha' dang / phyi ma'i mtha' yongs su chad pa'o/ /rab 'byor de bzhin du/ tshor ba dang / 'du shes dang / 'du byed rnams dang /rnam par shes pa ni sngon gyi mtha' dang / phyi ma'i mtha' yongs su chad pa'o/ /de bzhin du phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams kyi sngon gyi mtha' dang / phyi ma'i mtha' yongs su chad pa'o//de bzhin du sbyin pa'i pha rol tu phyin pa ni sngon gyi mtha' dang / phyi ma'i mtha' yongs su chad pa'o/ /de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa ni sngon gyi mtha' dang / phyi ma'i mtha' yongs su chad pa'o/ / nang stong pa nyid ni sngon gyi mtha' dang / phyi ma'i mtha' yongs su chad pa'o/ /phyi stong pa nyid ni sngon gyi mtha' dang / phyi ma'i mtha' yongs su chad pa'o/ /phyi nang stong pa nyid ni sngon gyi mtha' dang / phyi ma'i mtha' yongs su chad pa'o/ /dngos po med pa'i ngo bo nyid stong pa nyid kyi bar ni sngon gyi mtha' dang /phyi ma'i mtha' yongs su chad pa'o/ /byang chub kyi phyogs kyi chos sum cu rtsa bdun rnams ni sngon gyi mtha' dang / phyi ma'i mtha' yongs su chad pa'o/ /tshad med pa dang / bsam gtan dang / gzugs med pa'i snyoms par 'jug pa rnams ni sngon gyi mtha' dang / phyi ma'i mtha' yongs su chad pa'o//'phags pa'i bden pa rnams ni sngon gyi mtha' dang / phyi ma'i mtha' yongs su chad pa'o/ /rnam par thar pa dang / ting nge 'dzin dang / snyoms par 'jug pa dang / gzungs kyi sgo rnams ni sngon gyi mtha' dang / phyi ma'i mtha' yongs su chad pa'o/ /stong pa nyid dang / mtshan ma med pa dang / smon pa med pa dang / mngon par shes pa rnams ni sngon gyi mtha' dang / phyi ma'i mtha' yongs su chad pa'o/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni sngon gyi mtha' dang / phyi ma'i mtha' yongs su chad pa'o//rnam pa thams cad mkhyen pa nyid kyi bar ni sngon gyi mtha' dang / phyi ma'i mtha' yongs su chad pa'o/ /rab 'byor sngon gyi mtha' dang / phyi ma'i mtha' yongs su chad pa des ni chos thams cad yongs su chad pa ste/ rab 'byor chos thams cad kyi sngon gyi mtha' dang / phyi ma'i mtha' yongs su chad pa gang yin pa de ni zhi ba'o//de ni bzang ba'o / /de ni yang dag pa'o/ / 'di lta ste stong pa nyid dang / dmigs su med pa dang / lam gyi rgyun chad pa dang / sred pa zad pa dang / 'dod chags dang bral ba dang / 'gog pa dang / mya ngan las 'das pa ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas chos thams cad kyi sngon gyi mtha' dang /phyi ma'i mtha' yongs su chad pa ston pas 'jig rten pa rnams kyi gling gi byed pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten pa rnams kyi snang ba byed pa yin zhe na/rab 'byor 'di la byang chub sems dpa' sems dpa' chen po yun ring du ma rig pa'i sgo nga'i sbubs kyis kun nas g.yogs shing mun pas zil gyis gnon pa'i sems can rnams la shes rab kyi snang bas ma rig pa'i mun pa mun nag sel bar byed cing rab rib med par byed do//rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten gyi snang ba byed pa yin no//rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi sgron ma 'dzin cing 'od 'byin pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas mdo sde gang pha rol tu phyin pa drug dang ldan pa bsdu ba'i dngos po bzhi dang ldan pa de dag gi don ma nor bar sems can rnams la yang dag par ston te sems can rnams kyang de la yang dag par bskul zhing sbyor ba la rab tu 'god de/rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi sgron ma 'dzin cing 'od 'byin pa yin no//rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi ded dpon byed pa yin zhe na/rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can lam ngan par zhugs pa'i 'gro ba bzhi po rnams la sems can rnam par dag par bya ba'i don du mya ngan dang gnod pa las yang dag par bzla ba dang /sdug bsngal ba dang / yid mi bde ba nub par bya ba dang / 'phags pa'i chos rtogs par bya ba dang / mya ngan las 'das pa mngon du bya ba'i phyir theg pa chen po gcig pa'i lam ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi ded dpon byed pa yin no zhes bya ba ni gling gi byed pa yin no/ / rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten pa rnams kyi yongs su 'dren pa byed pa yin zhe na/rab 'byor 'di la byang chub sems dpa' sems dpa' chen po sems can gyi ris la thugs rje chen po bskyed de bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la gzugs kyi skye ba med pa dang /'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /tshor ba dang / 'du shes dang / 'du byed rnams dang / rnam par shes pa skye ba med pa dang /'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /de bzhin du sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa skye ba med pa dang /'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /thabs kyi pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du skye ba med pa dang / 'gag pa med pa dang /kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /byang chub kyi phyogs kyi chos sum cu rtsa bdun rnams dang / 'phags pa'i bden pa rnams dang / tshad med pa rnams dang / bsam gtan dang / gzugs med pa'i snyoms par 'jug pa rnams dang /mngon par shes pa rnams kyi skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa rnams kyi skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /de bzhin du ting nge 'dzin thams cad dang /gzungs kyi sgo thams cad dang / stobs bcu rnams dang / mi 'jigs pa bzhi dang / so so yang dag par rig pa bzhi rnams dang / sangs rgyas kyi chos ma 'dres pa bco brgyad rnams skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/yang dag par rab tu gsal bar byed do/ /rnam pa thams cad mkhyen pa nyid skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /rang byang chub skye ba med pa dang /'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /rgyun du zhugs pa'i 'bras bu skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/yang dag par rab tu gsal bar byed do/ /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ yang dag par rab tu gsal bar byed do/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi yongs su 'dren pa byed pa yin no zhes bya ba ni yongs su 'dren pa byed pa yin no/ / rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi rten byed pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rmongs pa rten med pa rnams kyi rten byed pa yin te/gzugs ni nam mkha'i ngang tshul can no zhes bya bar sems can rnams la chos ston te / tshor ba dang / 'du shes dang / 'du byed rnams dang / rnam par shes pa ni nam mkha'i ngang tshul can zhes bya bar sems can rnams la chos ston te /phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams ni nam mkha'i ngang tshul can zhes bya bar sems can rnams la chos ston to/ /de bzhin du pha rol tu phyin pa thams cad dang / stong pa nyid thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos sum cu rtsa bdun dang / tshad med pa dang / bsam gtan dang / gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa brgyad dang /mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams ni nam mkha'i ngang tshul can zhes bya bar sems can rnams la chos ston to//rnam pa thams cad mkhyen pa nyid ni nam mkha'i ngang tshul can zhes bya bar sems can rnams la chos ston to/ /gzugs kyi stong pa nyid ni 'ong ba med pa'i ngang tshul can te/ de ni mi 'ong mi 'gro zhes bya bar sems can rnams la chos ston to/ /tshor ba dang /'du shes dang / 'du byed rnams dang / rnam par shes pa'i stong pa nyid ni 'ong ba med pa'i ngang tshul can te de dag ni mi 'ong mi 'gro zhes bya bar sems can rnams la chos ston to/ /de bzhin du phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams kyi stong pa nyid ni 'ong ba med pa'i ngang tshul can te/de ni mi 'ong mi 'gro zhes bya bar sems can rnams la chos ston to/ /de bzhin du pha rol tu phyin pa thams cad dang / stong pa nyid thams cad dang / rnam par thar pa thams cad dang / ting nge 'dzin dang / snyoms par 'jug pa dang /gzungs kyi sgo rnams kyi stong pa nyid ni 'ong ba med pa'i ngang tshul can te/ de ni mi 'ong mi 'gro zhes bya bar sems can rnams la chos ston to/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang /byang chub kyi yan lag rnams dang / 'phags pa'i lam rnams kyi stong pa nyid 'ong ba med pa'i ngang tshul can te/ de ni mi 'ong mi 'gro zhes bya bar sems can rnams la chos ston to/ /tshad med pa dang / bsam gtan dang / gzugs med pa'i snyoms par 'jug pa rnams kyi stong pa nyid ni 'ong ba med pa'i ngang tshul can te/de ni mi 'ong mi 'gro zhes bya bar sems can rnams la chos ston to/ /stong pa nyid dang / mtshan ma med pa dang / smon pa med pa dang / mngon par shes pa rnams kyi stong pa nyid ni 'ong ba med pa'i ngang tshul can te/ de ni mi 'ong mi 'gro zhes bya bar sems can rnams la chos ston to//de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi stong pa nyid ni 'ong ba med pa'i ngang tshul can te/ de ni mi 'ong mi 'gro zhes bya bar sems can rnams la chos ston to/ /rnam pa thams cad mkhyen pa nyid kyi stong pa nyid ni 'ong ba med pa'i ngang tshul can te/de ni mi 'ong mi 'gro zhes bya bar sems can rnams la chos ston to/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi rten byed pa yin no//de ci'i phyir zhe na/ rab 'byor chos thams cad ni stong pa nyid kyi ngang tshul can te/ de dag ni ngang tshul de las mi 'da' ba'o/ /de ci'i phyir zhe na/ rab 'byor stong pa nyid la 'ong ba'am 'gro ba mi dmigs pa'i phyir ro/ /rab 'byor chos thams cad ni mtshan ma med pa'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor mtshan ma med pa la 'ong ba'am 'gro ba mi dmigs pa'i phyir ro/ /rab 'byor chos thams cad ni smon pa med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor smon pa med pa la 'ong ba'am 'gro ba mi dmigs pa'i phyir ro//rab 'byor chos thams cad ni mngon par 'du bya ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor mngon par 'du bya ba med pa la 'ong ba'am 'gro ba mi dmigs pa'i phyir ro zhes bya ba ni lhun gyis grub pa'i byed pa yin no// rab 'byor chos thams cad ni skye ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor skye ba med pa la 'ong ba'am 'gro ba mi dmigs pa'i phyir ro/ /rab 'byor chos thams cad ni 'gag pa med pa'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor 'gag pa med pa la ni 'ong ba'am 'gro ba mi dmigs pa'i phyir ro/ /rab 'byor chos thams cad ni kun nas nyon mongs pa med pa dang / rnam par byang ba med pa'i ngang tshul can te/ de dag ni ngang tshul de las mi 'da'o//de ci'i phyir zhe na/ rab 'byor kun nas nyon mongs pa med pa dang / rnam par byang ba med pa la 'ong ba'am 'gro ba mi dmigs pa'i phyir ro/ /rab 'byor chos thams cad ni skye ba med pa dang / dngos po med pa'i ngang tshul can te/ de dag ni ngang tshul de las mi 'da'o/ / de ci'i phyir zhe na/ rab 'byor skye ba med pa dang / dngos po med pa la ni 'ong ba'am 'gro ba mi dmigs pa'i phyir ro/ /rab 'byor chos thams cad ni rmi lam gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor rmi lam la 'ong ba'am 'gro ba mi dmigs pa'i phyir ro//rab 'byor chos thams cad ni sgyu ma'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor sgyu ma la 'ong ba'am 'gro ba mi dmigs pa'i phyir ro/ /rab 'byor chos thams cad ni sgra brnyan gyi ngang tshul can te/ de dag ni ngang tshul de las mi 'da'o/ /de ci'i phyir zhe na/rab 'byor sgra brnyan la 'ong ba'am 'gro ba mi dmigs pa'i phyir ro/ /rab 'byor chos thams cad ni mig yor gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor mig yor la 'ong ba'am 'gro ba mi dmigs pa'i phyir ro/ /rab 'byor chos thams cad ni sprul pa'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor sprul pa la 'ong ba'am 'gro ba mi dmigs pa'i phyir ro/ /rab 'byor chos thams cad ni smig rgyu'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor smig rgyu la 'ong ba'am 'gro ba mi dmigs pa'i phyir ro//rab 'byor chos thams cad ni dri za'i grong khyer gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor dri za'i grong khyer la 'ong ba'am 'gro ba mi dmigs pa'i phyir ro/ /rab 'byor chos thams cad ni mtha' yas kun tu mtha' yas pa'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor mtha' yas kun tu mtha' yas pa la 'ong ba'am 'gro ba mi dmigs pa'i phyir ro/ /rab 'byor chos thams cad ni dbyung ba dang mi dbyung ba med pa'i ngang tshul can te/ de dag ni ngang tshul de las mi 'da'o//de ci'i phyir zhe na/ rab 'byor dbyung ba dang mi dbyung ba med pa la 'ong ba'am 'gro ba mi dmigs pa'i phyir ro/ /rab 'byor chos thams cad ni dbri ba dang bsnan pa med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor dbri ba dang bsnan pa med pa la 'ong ba'am 'gro ba mi dmigs pa'i phyir ro//rab 'byor chos thams cad ni phrad pa med pa dang / 'bral ba med pa dang / 'dre ba med pa dang / mi 'dre ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor phrad pa med pa dang /'bral ba med pa dang / 'dre ba med pa dang mi 'dre ba med pa la 'ong ba'am 'gro ba mi dmigs pa'i phyir ro/ /rab 'byor chos thams cad ni bdag gi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor bdag la 'ong ba'am 'gro ba mi dmigs pa'i phyir ro//rab 'byor chos thams cad ni sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po dang / slong ba po dang // yongs su slong ba po'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po dang / slong ba po dang / yongs su slong ba po nyid kyang shin tu med pa /de la 'ong ba'am 'gro ba lta dmigs su ga la yod/ rab 'byor chos thams cad ni mi rtag pa'i ngang tshul can te/ de dag ni ngang tshul de las mi 'da'o/ /rab 'byor chos thams cad ni bde ba'i ngang tshul can te/ de dag ni ngang tshul de las mi 'da'o/ /rab 'byor chos thams cad ni bdag gi ngang tshul can te/de dag ni ngang tshul de las mi 'da'o/ /rab 'byor chos thams cad ni sdug pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor rtag pa dang / bde ba dang / bdag dang / sdug pa nyid kyang shin tu med na/ de dag la 'ong ba'am 'gro ba lta dmigs su ga la yod/ rab 'byor chos thams cad ni mi rtag pa'i ngang tshul can te/ de dag ni ngang tshul de las mi 'da'o/ /rab 'byor chos thams cad ni sdug bsngal ba'i ngang tshul can te/ de dag ni ngang tshul de las mi 'da'o/ /rab 'byor chos thams cad ni bdag med pa'i ngang tshul can te/de dag ni ngang tshul de las mi 'da'o/ /rab 'byor chos thams cad ni mi sdug pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor mi rtag pa dang / sdug bsngal ba dang / bdag med pa dang / mi sdug pa nyid kyang shin tu med na de la 'ong ba'am 'gro ba lta dmigs su ga la yod/rab 'byor chos thams cad ni 'dod chags kyi ngang tshul can te/ de dag ni ngang tshul de las mi 'da'o/ /rab 'byor chos thams cad ni zhe sdang gi ngang tshul can te/ de dag ni ngang tshul de las mi 'da'o/ /rab 'byor chos thams cad ni gti mug gi ngang tshul can te/de dag ni ngang tshul de las mi 'da'o/ /rab 'byor chos thams cad ni lta ba'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor lta bas byas pa'i dngos po nyid kyang shin tu med na/ de dag la 'ong ba'am 'gro ba lta dmigs su ga la yod/rab 'byor chos thams cad ni de bzhin nyid kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor de bzhin nyid la 'ong ba'am 'gro ba mi dmigs pa'i phyir ro/ /rab 'byor chos thams cad ni chos kyi dbyings kyi ngang tshul can te/ de dag ni ngang tshul de las mi 'da'o//rab 'byor chos thams cad ni yang dag pa'i mtha'i ngang tshul can te/ de dag ni ngang tshul de las mi 'da'o/ /rab 'byor chos thams cad ni mnyam pa nyid kyi ngang tshul can te/ de dag ni ngang tshul de las mi 'da'o/ /rab 'byor chos thams cad ni bsam gyis mi khyab pa'i dbyings kyi ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor chos kyi dbyings dang / yang dag pa'i mtha' dang / mnyam pa nyid dang / bsam gyis mi khyab pa'i dbyings la 'ong ba'am 'gro ba mi dmigs pa'i phyir ro/ /rab 'byor chos thams cad ni mi g.yo ba'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor g.yo ba med pa'i chos la 'ong ba'am 'gro ba mi dmigs pa'i phyir ro zhes bya ba ni theg pa gsum gyis nges par 'byung ba'i 'bras bu mngon sum du mi byed pa'i byed pa yin no/ / rab 'byor chos thams cad ni gzugs kyi ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor gzugs nyid kyang shin tu med na/ de la 'ong ba'am 'gro ba lta ga la 'gyur/ rab 'byor chos thams cad ni tshor ba dang / 'du shes dang / 'du bye rnams dang / rnam par shes pa'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor rnam par shes pa nyid kyang shin tu med na/ de la 'ong ba'am 'gro ba lta ga la 'gyur/ rab 'byor de bzhin du chos thams cad ni phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag gi ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams nyid kyang shin tu med na/ de la 'ong ba'am 'gro ba lta ga la 'gyur/rab 'byor chos thams cad ni sbyin pa'i pha rol tu phyin pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor sbyin pa'i pha rol tu phyin pa nyid kyang shin tu med na/ de la 'ong ba'am 'gro ba lta ga la 'gyur/ rab 'byor de bzhin du chos thams cad ni tshul khrims kyi pha rol tu phyin pa'i ngang tshul can te/de dag ni ngang tshul de las mi 'da'o/ /rab 'byor chos thams cad ni bzod pa'i pha rol tu phyin pa'i ngang tshul can te/ de dag ni ngang tshul de las mi 'da'o/ /rab 'byor chos thams cad ni brtson 'grus kyi pha rol tu phyin pa'i ngang tshul can te/ de dag ni ngang tshul de las mi 'da'o//rab 'byor chos thams cad ni bsam gtan gyi pha rol tu phyin pa'i ngang tshul can te/ de dag ni ngang tshul de las mi 'da'o/ /rab 'byor chos thams cad ni shes rab kyi pha rol tu phyin pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor tshul khrims dang /bzod pa dang / brtson 'grus dang / bsam gtan dang / shes rab kyi pha rol tu phyin pa nyid kyang shin tu med na/ de la 'ong ba'am 'gro ba lta ga la 'gyur/ rab 'byor chos thams cad ni nang stong pa nyid kyi ngang tshul can te/ de dag ni ngang tshul de las mi 'da'o/ /rab 'byor chos thams cad ni dngos po med pa'i ngo bo nyid stong pa nyid kyi bar gyi ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor nang stong pa nyid dang / dngos po med pa'i ngo bo nyid stong pa nyid kyi bar dag kyang shin tu mi dmigs na/ de la 'ong ba'am 'gro ba lta ga la 'gyur/ rab 'byor chos thams cad ni dran pa nye bar gzhag pa'i ngang tshul can te/de dag ni ngang tshul de las mi 'da'o/ /de ci'i phyir zhe na/ rab 'byor dran pa nye bar gzhag pa rnams nyid kyang shin tu mi dmigs na/ de la 'ong ba'am 'gro ba lta ga la 'gyur/ rab 'byor de bzhin du chos thams cad ni yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam rnams kyang shin tu mi dmigs na/ de la 'ong ba'am 'gro ba lta ga la 'gyur/ rab 'byor chos thams cad ni tshad med pa dang / bsam gtan dang / stong pa nyid dang / mtshan ma med pa dang / smon pa med pa dang / gzugs med pa'i snyoms par 'jug pa'i ngang tshul can te/ de dag ni ngang tshul de las mi 'da'o//'phags pa'i bden pa dang / rnam par thar pa dang / ting nge 'dzin dang / snyoms par 'jug pa dang / gzungs kyi sgo'i ngang tshul can te/ de dag ni ngang tshul de las mi 'da'o/ /mngon par shes pa dang / stobs bcu dang / mi 'jigs pa dang / so so yang dag par rig pa dang /stong pa nyid dang / mtshan ma med pa dang / smon pa med pa dang / sangs rgyas kyi chos ma 'dres pa bco brgyad kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor chos de dag thams cad kyang shin tu mi dmigs na/ de la 'ong ba'am 'gro ba lta ga la 'gyur/rab 'byor chos thams cad ni rgyun du zhugs pa'i 'bras bu'i ngang tshul can te/ de dag ni ngang tshul de las mi 'da'o/ /rab 'byor chos thams cad ni lan cig phyir 'ong ba'i 'bras bu'i ngang tshul can te/ de dag ni ngang tshul de las mi 'da'o/ /rab 'byor chos thams cad ni phyir mi 'ong ba'i 'bras bu'i ngang tshul can te/de dag ni ngang tshul de las mi 'da'o/ /rab 'byor chos thams cad ni dgra bcom pa nyid dang / rang byang chub kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor de rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa nyid dang / rang byang chub nyid kyang shin tu med na/ de la 'ong ba'am 'gro ba lta ga la 'gyur/ rab 'byor chos thams cad ni bla na med pa yang dag par rdzogs pa'i byang chub kyi ngang tshul can te/ de dag ni ngang tshul de las mi 'da'o/ /de ci'i phyir zhe na/rab 'byor bla na med pa yang dag par rdzogs pa'i byang chub nyid kyang shin tu med na/ de la 'ong ba'am 'gro ba lta ga la 'gyur/ rab 'byor gyis gsol pa/ bcom ldan 'das shes rab kyi pha rol tu phyin pa zab mo 'di la su zhig mos par 'gyur/ bcom ldan 'das kyis bka' stsal pa/rab 'byor byang chub sems dpa' sems dpa' chen po gang bla na med pa yang dag par rdzogs pa'i byang chub tu sngon gyi rgyal ba rnams kyi dbang du byas nas sngon spyad par gyur pa/ sngon gyi rgyal ba la dge ba'i rtsa ba yongs su smin par gyur pa/ sangs rgyas bye ba khrag khrig brgya stong phrag mang po la bsnyen bkur bar gyur pa/dge ba'i bshes gnyen gyis yongs su bzung ba de dag shes rab kyi pha rol tu phyin pa zab mo 'di la mos par 'gyur ro zhes bya ba ni rten gyi mdzad pa ste/ 'di dag gis ni byed pa'i mtshan nyid yin no/ / rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di 'tshal bar 'gyur ba de dag gi rtags dang rnam pa dang mtshan ma dang rang bzhin ji lta bu zhig tu 'gyur/de skad ces gsol pa dang / bcom ldan 'das kyis tshe dang ldan pa rab 'byor la bka' stsal pa/ rab 'byor byang chub sems dpa' sems dpa' chen po de dag ni 'dod chags rnam par gsal bas dben pa'i rang bzhin du 'gyur ro//byang chub sems dpa' sems dpa' chen po de dag ni zhe sdang dang gti mug rnam par gsal bas dben pa'i rang bzhin du 'gyur ro zhes bya ba ni nyon mongs pa las dben pa'i ngo bo nyid yin no/ / rab 'byor byang chub sems dpa' sems dpa' chen po de dag ni 'dod chags kyi rtags kyis dben pa'i rang bzhin du 'gyur ro//rab 'byor byang chub sems dpa' sems dpa' chen po de dag ni zhe sdang dang gti mug gi rtags kyis dben pa'i rang bzhin du 'gyur ro zhes bya ba ni de'i rtags kyis dben pa'i ngo bo nyid yin no/ / rab 'byor byang chub sems dpa' sems dpa' chen po de dag ni 'dod chags kyi mtshan mas dben pa'i rang bzhin du 'gyur ro/ /byang chub sems dpa' sems dpa' chen po de dag ni zhe sdang dang gti mug gi mtshan mas dben pa'i rang bzhin du 'gyur ro zhes bya ba ni de'i mtshan mas dben pa'i ngo bo nyid yin no/ / rab 'byor byang chub sems dpa' sems dpa' chen po gang shes rab kyi pha rol tu phyin pa zab mo 'di la mos par 'gyur ba de dag ni 'dod chags dang 'dod chags med pas rnam par dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni zhe sdang dang zhe sdang med pa dang gti mug dang gti mug med pas rnam par dben pa'i rang bzhin du 'gyur ro//rab 'byor gyis gsol pa/ bcom ldan 'das byang chub sems dpa' sems dpa' chen po gang gis shes rab kyi pha rol tu phyin pa zab mo 'di yongs su 'tshal bar 'gyur ba de dag gi ngang tshul ji lta bur 'gyur/ bcom ldan 'das kyis bka' stsal pa/rab 'byor byang chub sems dpa' sems dpa' chen po gang shes rab kyi pha rol tu phyin pa zab mo 'di yongs su shes par 'gyur ba de dag ni rnam pa thams cad mkhyen pa nyid kyi ngang tshul can du 'gyur ro / /rab 'byor gyis gsol pa/ bcom ldan 'das byang chub sems dpa' sems dpa' chen po rnam pa thams cad mkhyen pa nyid kyi ngang tshul can de dag sems can thams cad kyi rten bgyid pa lags sam/bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po rnam pa thams cad mkhyen pa nyid kyi ngang tshul can gang shes rab kyi pha rol tu phyin pa zab mo 'di la mos par 'gyur ba de dag ni sems can thams cad kyi rten du 'gyur ba yin no zhes bya ba ni mi mthun pa dang gnyen po'i phyogs dag gis dben pa'i ngo bo nyid do// rab 'byor gyis gsol pa/ bcom ldan 'das byang chub sems dpa' sems dpa' chen po gang gis sems can thams cad yongs su mya ngan las bzla bar bya'o zhes go cha 'di 'tshal yang de la sems can dang sems can du gdags pa mi dmigs pa de dag ni dka' ba bgyid par 'gyur ro//bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang gis sems can thams cad yongs su mya ngan las 'da' bar bya'o zhes go cha 'di bgos pa de dag ni dka' ba byed par 'gyur ba'o/ /rab 'byor byang chub sems dpa' sems dpa' chen po'i go cha de ni gzugs dang 'brel ba ma yin te/ de ci'i phyir zhe na/ rab 'byor gzugs kyang shin tu med la/byang chub sems dpa' yang med/ byang chub sems dpa'i go cha yang med pas/ rab 'byor de'i phyir go cha de ni gzugs dang 'brel pa ma yin zhes bya'o/ /rab 'byor byang chub sems dpa' sems dpa' chen po'i go cha de ni tshor ba dang / 'du shes dang / 'du byed rnams dang /rnam par shes pa dang 'brel pa ma yin te/ de ci'i phyir zhe na/ rab 'byor rnam par shes pa yang shin tu med la/ byang chub sems dpa' yang med/ byang chub sems dpa'i go cha yang med pas/ rab 'byor de'i phyir go cha de ni rnam par shes pa dang 'brel pa ma yin zhes bya'o/ /rab 'byor byang chub sems dpa' sems dpa' chen po'i go cha de ni phung po dang /khams dang / skye mched dang / rten cing 'brel bar 'byung ba'am/ rten cing 'brel bar 'byung ba'i yan lag dang 'brel pa ma yin te/ de ci'i phyir zhe na/ rab 'byor phung po dang / khams dang / skye mched dang / rten cing 'brel par 'byung ba'am /rten cing 'brel bar 'byung ba'i yan lag kyang shin tu med la/ byang chub sems dpa' yang med/ byang chub sems dpa'i go cha yang med pas/ rab 'byor de'i phyir go cha de ni rten cing 'brel bar 'byung ba dang 'brel pa ma yin te / rten cing 'brel bar 'byung ba'i yan lag dang 'brel pa ma yin no zhes bya'o//rab 'byor de bzhin du go cha de ni bdag dang / sems can dang / srog dang / skye ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po dang / 'brel pa ma yin pa nas rgyas par rab 'byor go cha de ni rnam pa thams cad mkhyen pa nyid kyi bar dang 'brel pa ma yin te/de ci'i phyir zhe na/ rab 'byor rnam pa thams cad mkhyen pa nyid kyang shin tu med la/ byang chub sems dpa' yang med/ byang chub sems dpa'i go cha yang med pas/ rab 'byor de'i phyir byang chub sems dpa' sems dpa' chen po'i go cha de ni rnam pa thams cad mkhyen pa nyid kyi bar dang 'brel pa ma yin zhes bya'o//rab 'byor byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa gang gis sems can thams cad bdag gis yongs su mya ngan las bzla bar bya'o zhes de ltar go cha bgos pa de dag gi go cha ni chos thams cad dang 'brel pa ma yin no zhes bya ba ni dka' ba nyid kyi ngo bo nyid yin no// rab 'byor gyis gsol pa/ bcom ldan 'das byang chub sems dpa' sems dpa' chen po sems can thams cad yongs su mya ngan las bzla bar bya'o zhes go cha 'tshal ba des nyan thos kyi sa 'am/rang sangs rgyas kyi sa'i mtshan nyid du dogs par mi bgyi ste/ bcom ldan 'das gang sems can thams cad yongs su mya ngan las bzla bar bya'o zhes de ltar go cha 'tshal ba'i byang chub sems dpa' sems dpa' chen po de nyan thos kyi sa'am/ rang sangs rgyas kyi sar ltung ba'i gnas dang skabs ma mchis te/de ni gnas ma mchis so/ /de ci'i slad du zhe na/ bcom ldan 'das byang chub sems dpa' sems dpa' chen pos sa mtshams bcad de sems can rnams kyi don du go cha 'tshal ba ma lags pa'i phyir ro zhes bya ba ni mtha' gcig tu nges pa'i ngo bo nyid yin no/ / de skad ces gsol pa dang /bcom ldan 'das kyis tshe dang ldan pa rab 'byor la bka' stsal pa/ rab 'byor khyod kyis don gyi dbang gang zhig mthong nas de skad du byang chub sems dpa' sems dpa' chen po go cha chen po bgos shing shes rab kyi pha rol tu phyin pa zab mo 'di la spyod pa des nyan thos kyi sa'am/ rang sangs rgyas kyi sa'i gnas gzhan gnyis su dogs par mi bya'o zhes smras/rab 'byor gyis gsol pa/ bcom ldan 'das 'di ltar byang chub sems dpa' sems dpa' chen pos sems can nyung zad nyi tshe zhig gi slad du go cha 'tshal ba ma lags te/ bcom ldan 'das byang chub sems dpa' sems dpa' chen pos ni sems can thams cad yongs su mya ngan las 'da' ba dang /rnam pa thams cad mkhyen pa nyid kyi ye shes kyi slad du go cha 'tshal to/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos sems can nyung zad nyi tshe'i don du go cha chen po bgos pa ma yin no//rab 'byor byang chub sems dpa' sems dpa' chen pos ni sems can thams cad yongs su mya ngan las 'da' ba dang / rnam pa thams cad mkhyen pa nyid kyi ye shes kyi don du go cha bgos so zhes bya ba ni ched du bya ba'i ngo bo nyid yin no// rab 'byor gyis gsol pa/ bcom ldan 'das shes rab kyi pha rol tu phyin pa zab pa yin te / de ni sus kyang bsgom par mi bgyi ci yang bsgom par mi bgyi/ ji ltar yang bsgom par mi bgyi'o/ /de ci'i slad du zhe na/ bcom ldan 'das kyis shes rab kyi pha rol tu phyin pa zab mo 'di la gang bsgom par bgyi ba'am bsgom pa gang lags pa'am gang gis bsgom par bgyi ba'i chos gang yang yongs su grub par dmigs su ma mchis te/bcom ldan 'das 'di lta ste/ shes rab kyi pha rol tu phyin pa bsgom pa 'di ni nam mkha' bsgom pa'o/ /bcom ldan 'das 'di lta ste/shes rab kyi pha rol tu phyin pa bsgom pa 'di ni chos thams cad bsgom pa'o/ /bcom ldan 'das 'di lta ste/ shes rab kyi pha rol tu phyin pa bsgom pa 'di ni ma mchis pa bsgom pa'o/ /bcom ldan 'das 'di lta ste/ shes rab kyi pha rol tu phyin pa bsgom pa 'di ni yongs su 'dzin pa ma mchis pa bsgom pa'o//bcom ldan 'das 'di lta ste/ shes rab kyi pha rol tu phyin pa bsgom pa 'di ni bsgom pa rnam par mi bsgom pa bsgom pa'o/ /bcom ldan 'das kyis bka' stsal pa/ rab 'byor 'di lta ste/ shes rab kyi pha rol tu phyin pa bsgom pa 'di ni gang bsgom pa rnam par mi bsgom pa yin/ rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa bsgom pa 'di ni gzugs bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni tshor ba dang / 'du shes dang / 'du byed rnams dang / rnam par shes pa bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni bdag bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po bsgom pa rnam par mi bsgom pa'o/ /bcom ldan 'das 'di lta ste/ shes rab kyi pha rol tu phyin pa bsgom pa 'di ni sbyin pa'i pha rol tu phyin pa bsgom pa rnam par mi bsgom pa'o/ /bcom ldan 'das 'di lta ste/ shes rab kyi pha rol tu phyin pa bsgom pa 'di ni tshul khrims kyi pha rol tu phyin pa bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni bzod pa'i pha rol tu phyin pa bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni brtson 'grus kyi pha rol tu phyin pa bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni bsam gtan gyi pha rol tu phyin pa bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni shes rab kyi pha rol tu phyin pa bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni nang stong pa nyid bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni dngos po med pa'i ngo bo nyid stong pa nyid kyi bar du bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni dran pa nye bar gzhag pa rnams bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni tshad med pa dang / bsam gtan dang / gzugs med pa'i snyoms par 'jug pa rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni stong pa nyid dang / mtshan ma med pa dang / smon pa med pa dang /mngon par shes pa rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni rnam par thar pa dang / ting nge 'dzin dang / gzungs kyi sgo rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni 'phags pa'i bden pa rnams bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni stobs bcu bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni mi 'jigs pa dang / so so yang dag par rig pa dang / sangs rgyas kyi chos ma 'dres pa rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni rgyun du zhugs pa'i 'bras bu bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni lan cig phyir 'ong ba'i 'bras bu bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni phyir mi 'ong ba'i 'bras bu bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni dgra bcom pa nyid bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni rang byang chub bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni byang chub sems dpa'i sa bsgom pa rnam par mi bsgom pa'o/ /bcom ldan 'das 'di lta ste/ shes rab kyi pha rol tu phyin pa bsgom pa 'di ni rnam pa thams cad mkhyen pa nyid kyi bar bsgom pa rnam par mi bsgom pa'o//bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor 'di lta ste/ shes rab kyi pha rol tu phyin pa bsgom pa 'di ni gzugs bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni tshor ba dang /'du shes dang / 'du byed rnams dang / rnam par shes pa bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni phung po bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni khams bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni skye mched bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni rten cing 'brel bar 'byung ba bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni rten cing 'brel bar 'byung ba'i yan lag bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni mig dang / gzugs dang / mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis tshor ba bsgom pa rnam par mi bsgom pa'o//de bzhin du 'di lta ste/ shes rab kyi pha rol tu phyin pa bsgom pa 'di ni rna ba dang / sna dang / lce dang / lus dang / yid dang / chos dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis tshor ba bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni sa'i khams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni chu'i khams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni me'i khams bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni rlung gi khams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni nam mkha'i khams bsgom pa rnam par mi bsgom pa'o/ /'di lta ste/shes rab kyi pha rol tu phyin pa bsgom pa 'di ni rnam par shes pa'i khams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni ma rig pa bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni 'du byed bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni rnam par shes pa bsgom pa rnam par mi bsgom pa'o/ /'di ni ming dang / gzugs bsgom pa rnam par mi bsgom pa'o/ /'di ni skye mched drug bsgom pa rnam par mi bsgom pa'o/ /'di ni reg pa bsgom pa rnam par mi bsgom pa'o//'di ni tshor ba bsgom pa rnam par mi bsgom pa'o/ /'di ni sred pa bsgom pa rnam par mi bsgom pa'o/ /'di ni len pa bsgom pa rnam par mi bsgom pa'o/ /'di ni srid pa bsgom pa rnam par mi bsgom pa'o/ /'di ni skye ba bsgom pa rnam par mi bsgom pa'o/ / 'di lta ste rgas pa dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni pha rol tu phyin pa thams cad bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni stong pa nyid thams cad bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni byang chub kyi phyogs kyi chos rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni tshad med pa dang /bsam gtan dang / gzugs med pa'i snyoms par 'jug pa rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni 'phags pa'i bden pa dang / mngon par shes pa dang / stong pa nyid dang / mtshan ma med pa dang / smon pa med pa dang /rnam par thar pa dang / ting nge 'dzin dang / snyoms par 'jug pa dang / gzungs kyi sgo rnams bsgom pa rnam par mi bsgom pa'o/ /'di lta ste/ shes rab kyi pha rol tu phyin pa bsgom pa 'di ni stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams bsgom pa rnam par mi bsgom pa'o//'di lta ste/ shes rab kyi pha rol tu phyin pa bsgom pa 'di ni rnam pa thams cad mkhyen pa nyid kyi bar du bsgom pa rnam par mi bsgom pa'o zhes bya ba ni mi dmigs pa'i ngo bo nyid yin no/ / rab 'byor shes rab kyi pha rol tu phyin pa zab mo 'di phyir mi ldog pa'i byang chub sems dpa' sems dpa' chen pos yongs su brtag par bya ste/byang chub sems dpa' sems dpa' chen po 'ga' zhig gis gang shes rab kyi pha rol tu phyin pa zab mo 'di la mngon par zhen par mi byed pa de ni phyir mi ldog pa'i byang chub sems dpa' sems dpa' chen por yongs su brtag par bya'o/ /de bzhin du byang chub sems dpa' sems dpa' chen po gang bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la mngon par zhen par mi byed pa de ni phyir mi ldog pa'i byang chub sems dpa' sems dpa' chen por yongs su brtag par bya'o//de bzhin du byang chub sems dpa' sems dpa' chen po gang zhig gis gang nang stong pa nyid dang / dngos po med pa'i ngo bo nyid stong pa nyid kyi bar la mngon par zhen par mi byed pa dang / de bzhin du byang chub kyi phyogs kyi chos rnams la mngon par zhen par mi byed pa dang /'phags pa'i bden pa rnams dang / tshad med pa dang / bsam gtan dang / gzugs med pa'i snyoms par 'jug pa rnams la mngon par zhen par mi byed pa dang / rnam par thar pa brgyad rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa la mngon par zhen par mi byed pa dang / ting nge 'dzin dang / gzungs kyi sgo dang / mngon par shes pa rnams la mngon par zhen par mi byed pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la mngon par zhen par mi byed pa dang /rnam pa thams cad mkhyen pa nyid kyi bar la mngon par zhen par mi byed pa de ni phyir mi ldog pa'i byang chub sems dpa' sems dpa' chen po'o/ /byang chub sems dpa' sems dpa' chen po gang zhig gis gang shes rab kyi pha rol tu phyin pa zab mo 'di la spyod pa'i tshe/ pha rol gyis smras pa dang /pha rol gyis bstan pa la snying po dang / mchog tu mi lta ba de ni phyir mi ldog pa'i byang chub sems dpa' sems dpa' chen po'o/ /byang chub sems dpa' sems dpa' chen po gang zhig gis gang shes rab kyi pha rol tu phyin pa zab mo 'di la spyod pa'i tshe/ pha rol gyi dad pas mi 'gro na de ni phyir mi ldog pa'i byang chub sems dpa' sems dpa' chen po'o//byang chub sems dpa' sems dpa' chen po gang zhig gis gang shes rab kyi pha rol tu phyin pa zab mo 'di la spyod pa'i tshe/ 'dod chags dang bcas pa'i sems bskyed pas 'phrog pa ma yin/ zhe sdang dang gti mug dang bcas pa'i sems bskyed pas 'phrog pa ma yin na/de ni phyir mi ldog pa'i byang chub sems dpa' sems dpa' chen po'o zhes yongs su brtag par bya ste/ phyir mi ldog pa'i byang chub sems dpa' sems dpa' chen po 'ga' zhig gang shes rab kyi pha rol tu phyin pa zab mo 'di 'chad pa'i tshe/ mi dngang kun tu mi skrag kun du skrag pas zin par mi 'gyur la/zhum par mi 'gyur/ yongs su zhum par mi 'gyur zhing / de'i yid phyir phyogs par mi byed/ shes rab kyi pha rol tu phyin pa dang 'bral bar mi byed par shes rab kyi pha rol tu phyin pa nyan par dga' la thos nas kyang 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / de bzhin du nan tan byed na/ rab 'byor phyir mi ldog pa'i byang chub sems dpa' sems dpa' chen po des ni sngon gyi mthar yang shes rab kyi pha rol tu phyin pa zab mo 'di thos la/ thos nas bzung / bcangs/ kun chub par byas/ bklags / tshul bzhin du yid la byas/ de bzhin nyid du nan tan du byas par rig par bya'o/ /de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po de shes rab kyi pha rol tu phyin pa zab mo 'di 'chad pa'i tshe/ mi dngang kun du mi skrag /kun du skrag pas zin par mi 'gyur la zhum par mi 'gyur zhing de'i yid phyir phyogs par mi byed cing slar ldog par mi 'gyur bar thos nas kyang gong nas gong du 'dzin pa dang /'chang ba dang / klog pa dang / kun chub par byed pa dang / tshul bzhin du yid la byed pa dang / de bzhin nyid du sgrub par byed pa'i phyir ro zhes bya ba ni mngon par zhen pa med pa'i ngo bo nyid yin no// rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di bstan pa'i tshe/ mi dngang kun du mi skrag /kun du skrag pas zin par mi 'gyur zhing zhum par mi 'gyur/ yongs su zhum par mi 'gyur/ de'i yid phyir phyogs par mi 'gyur na/bcom ldan 'das byang chub sems dpa' sems dpa' chen po des shes rab kyi pha rol tu phyin pa zab mo 'di la ji ltar brtag par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po des rnam pa thams cad mkhyen pa nyid la gzhol ba'i bsam pas shes rab kyi pha rol tu phyin pa zab mo 'di la brtag par bya'o//rab 'byor gyis gsol pa/ bcom ldan 'das ji ltar na rnam pa thams cad mkhyen pa nyid la gzhol ba'i bsam pas byang chub sems dpa' sems dpa' chen po shes rab kyi pha rol tu phyin pa zab mo 'di la rtog pa lags/bcom ldan 'das kyis bka' stsal pa/ rab 'byor stong pa nyid la gzhol ba dang / stong pa nyid la 'bab pa dang / stong pa nyid la nus pa'i bsam pas byang chub sems dpa' sems dpa' chen pos shes rab kyi pha rol tu phyin pa zab mo 'di la rtog pa yin/ rab 'byor mtshan ma med pa la gzhol ba dang /mtshan ma med pa la 'bab pa dang / mtshan ma med pa la nus pa'i bsam pa dang / rab 'byor smon pa med pa la gzhol ba dang / smon pa med pa la 'bab pa dang / smon pa med pa la nus pa'i bsam pa dang / rab 'byor nam mkha' la gzhol ba dang / nam mkha' la 'bab pa dang / nam mkha' la nus pa'i bsam pa dang / rab 'byor yang dag pa'i mtha'i bar la gzhol ba dang / yang dag pa'i mtha' la 'bab pa dang / yang dag pa'i mtha' la nus pa'i bsam pa dang / rab 'byor mngon par 'du bya ba med pa la gzhol ba dang / mngon par 'du bya ba med pa la 'bab pa dang /mngon par 'du bya ba med pa la nus pa'i bsam pas shes rab kyi pha rol tu phyin pa zab mo 'di la rtog pa yin/ rab 'byor rmi lam la gzhol ba'i bsam pa dang / sprul pa la gzhol ba'i bsam pa dang / sgyu ma la gzhol ba'i bsam pa dang / smig rgyu la gzhol ba'i bsam pa dang / sgra brnyan la gzhol ba'i bsam pa dang /mig yor la gzhol ba'i bsam pa dang / gzugs brnyan la gzhol ba'i bsam pa dang / dri za'i grong khyer la gzhol ba'i bsam pas shes rab kyi pha rol tu phyin pa zab mo 'di la rtog pa yin no// //bam po bzhi bcu brgyad pa/ rab 'byor gyis gsol pa/bcom ldan 'das de ltar stong pa nyid la gzhol ba dang / stong pa nyid la 'bab pa dang / stong pa nyid la nus pa'i bsam pas byang chub sems dpa' sems dpa' chen po shes rab kyi pha rol tu phyin pa zab mo 'di la rtog par 'gyur zhing de bzhin du mtshan ma ma mchis pa dang / smon pa ma mchis pa dang /nam mkha' dang / skye ba ma mchis pa dang / 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa dang / de bzhin nyid dang / chos kyi dbyings dang / chos kyi gnas nyid dang / chos skyon med pa nyid dang /bsam gyis mi khyab pa dang / yang dag pa'i mtha' dang / mngon par 'du bgyi ba ma mchis pa dang / rmi lam dang / sprul pa dang / sgyu ma dang / smig rgyu dang / sgra brnyan dang / mig yor dang / gzugs brnyan dang / dri za'i grong khyer la gzhol ba dang / 'bab pa dang / nus pa'i bsam pas shes rab kyi pha rol tu phyin pa zab mo 'di la rtog par 'gyur na/bcom ldan 'das byang chub sems dpa' sems dpa' chen po gzugs la yang rtog pa lags sam/ tshor ba dang / 'du shes dang / 'du byed rnams dang / rnam par shes pa la rtog pa lags sam/ de bzhin du phung po dang / khams dang / skye mched dang / rten cing 'brel bar 'byung ba'i yan lag rnams la rtog pa lags sam/ pha rol tu phyin pa thams cad dang / stong pa nyid thams cad dang / rnam par thar pa rnams dang / ting nge 'dzin rnams dang / gzungs kyi sgo rnams la rtog pa lags sam/ byang chub kyi phyogs kyi chos rnams la rtog pa lags sam/tshad med pa dang / bsam gtan dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams la rtog pa lags sam/ stobs dang / mi 'jigs pa dang / so so yang dag par rig pa dang /sangs rgyas kyi chos ma 'dres pa rnams la rtog pa lags sam/ ci yang bcom ldan 'das rnam pa thams cad mkhyen pa nyid kyi bar la rtog pa lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni gzugs la rtog pa ma yin no// tshor ba dang / 'du shes dang / 'du byed rnams dang / rnam par shes pa la rtog pa ma yin no/ /phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag la rtog pa ma yin no/ /pha rol tu phyin pa thams cad dang / stong pa nyid thams cad la rtog pa ma yin no//byang chub kyi phyogs kyi chos rnams la rtog pa ma yin no/ /tshad med pa dang / bsam gtan dang / gzugs med pa'i snyoms par 'jug pa rnams dang / 'phags pa'i bden pa rnams la rtog pa ma yin no/ /rnam par thar pa dang / snyoms par 'jug pa dang / gzungs kyi sgo rnams la rtog pa ma yin no/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la rtog pa ma yin no/ /rab 'byor byang chub sems dpa' sems dpa' chen po rnam pa thams cad mkhyen pa nyid kyi bar la rtog pa ma yin no/ / de ci'i phyir zhe na/ rab 'byor 'di ni 'di ltar rnam pa thams cad mkhyen pa nyid gang yin pa de ni sus kyang ma byas/ gang nas kyang ma 'ongs/ gang du yang ma song / gang na yang mi gnas/ yul na yang mi gnas/ phyogs na yang mi gnas te/ de la grangs mi dmigs so/ /'gro ba dang 'ong ba mi dmigs so//gang la grangs mi dmigs shing / 'gro ba dang 'ong ba mi dmigs pa de ni gang gis kyang mngon par rdzogs par 'tshang rgya bar mi nus te/ gzugs kyis ma yin/ tshor bas ma yin/ 'du shes kyis ma yin/ 'du byed rnams kyis ma yin/ rnam par shes pas ma yin/ phung pos ma yin/khams kyis ma yin/ skye mched rnams kyis ma yin/ rten cing 'brel bar 'byung bas ma yin/ rten cing 'brel bar 'byung ba'i yan lag gis ma yin no/ /sbyin pas ma yin/ tshul khrims kyis ma yin/ bzod pas ma yin/ brtson 'grus kyis ma yin/ bsam gtan gyis ma yin/shes rab kyis ma yin/ rnam pa thams cad mkhyen pa nyid kyi ye shes kyi bar gyis mngon par rdzogs par sangs rgyas pa ma yin no/ /de ci'i phyir zhe na/ gzugs nyid kyang rnam pa thams cad mkhyen pa nyid dang / tshor ba dang 'du shes dang / 'du byed rnams nyid dang / rnam par shes pa nyid kyang rnam pa thams cad mkhyen pa nyid do//sangs rgyas kyi chos ma 'dres pa bco brgyad kyi bar yang rnam pa thams cad mkhyen pa nyid do/ /de ci'i phyir zhe na/ de ni 'di ltar gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa dang / sangs rgyas kyi chos ma 'dres pa rnams kyi de bzhin nyid gang yin pa de ni de bzhin nyid gcig pa ste/gnyis su med cing gnyis su byar med do/ /tshor ba dang / 'du shes dang / 'du byed rnams dang / rnam par shes pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa dang /sangs rgyas kyi chos rnams kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /phung po dang / khams dang / skye mched pa dang / rten cing 'brel bar 'byung ba dang / rten cing 'brel bar 'byung ba'i yan lag rnams kyi bar gyi de bzhin nyid gang yin pa dang /'phags pa'i bden pa rnams kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa dang / sangs rgyas kyi chos rnams kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do//de bzhin du pha rol tu phyin pa rnams kyi de bzhin nyid gang yin pa dang / stong pa nyid rnams kyi de bzhin nyid gang yin pa dang / byang chub kyi phyogs kyi chos rnams kyi de bzhin nyid gang yin pa dang / tshad med pa dang / bsam gtan dang / gzugs med pa'i snyoms par 'jug pa rnams dang / ting nge 'dzin dang / snyoms par 'jug pa'i de bzhin nyid gang yin pa dang / gzungs kyi sgo'i de bzhin nyid gang yin pa dang / rnam par thar pa'i de bzhin nyid gang yin pa dang / mngon par shes pa'i de bzhin nyid gang yin pa dang / stobs bcu dang / mi 'jigs pa bzhi dang / so so yang dag par rig pa'i de bzhin nyid gang yin pa dang /sangs rgyas kyi chos ma 'dres pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa dang / sangs rgyas kyi chos rnams kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do//de nas 'dod pa na spyod pa dang gzugs na spyod pa'i lha'i bu rnams kyis lha rdzas kyi tsan dan gyi phye ma dang / lha rdzas kyi me tog ut+pal dang / ku mu da dang / puN+Da rI ka dang / sau gan+d+hi ka dang / man dA ra ba dang / man dA ra ba chen po mang po thogs te bcom ldan 'das ga la ba der gtor to//gtor nas bcom ldan 'das gang na ba der dong ste/ bcom ldan 'das kyi zhabs gnyis la spyi bos phyag 'tshal nas phyogs gcig tu 'khod do/ /'khod nas 'dod pa na spyod pa dang / gzugs na spyod pa'i lha'i bu de dag gis bcom ldan 'das la 'di skad ces gsol to/ / bcom ldan 'das shes rab kyi pha rol tu phyin pa zab cing blta dka' ba/ rtogs par dka' ba/ brtag tu ma mchis pa/ rtog ge'i spyod yul ma lags pa/ zhi ba/ phra ba/ mdzangs pa/ mkhas pa/ rnam par shes pas rig par bgyi ba/ 'jig rten thams cad dang mi mthun pa 'di lta ste/ de bzhin gshegs pa rnams kyi byang chub ces bgyi ba gang du de bzhin gshegs pa dgra bcom pa yang dag par rdzogs pa'i sangs rgyas rnams kyis shes rab kyi pha rol tu phyin pa 'di ltar zab pa/'di ltar phra ba bstan pa ni gzugs nyid rnam pa thams cad mkhyen pa ste/ rnam pa thams cad mkhyen pa nyid kyang gzugs so//tshor ba dang / 'du shes dang / 'du byed rnams dang / rnam par shes pa nyid rnam pa thams cad mkhyen pa ste/ rnam pa thams cad mkhyen pa nyid kyang rnam par shes pa'o/ /de ci'i phyir zhe na/ gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/gnyis su ma mchis shing gnyis su bgyir ma mchis so/ /tshor ba'i de bzhin nyid gang yin pa dang / 'du shes kyi de bzhin nyid gang yin pa dang / 'du byed rnams kyi de bzhin nyid gang yin pa dang / rnam par shes pa'i de bzhin nyid gang yin pa dang /rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su ma mchis shing gnyis su bgyir ma mchis so/ /de bzhin du phung po dang / khams dang / skye mched dang / rten cing 'brel bar 'byung ba nyid rnam pa thams cad mkhyen pa ste/ rnam pa thams cad mkhyen pa nyid kyang rten cing 'brel bar 'byung ba'o//de ci'i phyir zhe na/ phung po dang / khams dang / skye mched dang / rten cing 'brel bar 'byung ba'i de bzhin nyid gang yin pa dang / rnam pa thams cad mkhyen pa'i de bzhin nyid gang yin pa de ni de bzhin nyid gcig pa ste/ gnyis su ma mchis shing gnyis su bgyir ma mchis so//sangs rgyas bcom ldan 'das rnams kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su ma mchis shing gnyis su bgyir ma mchis so zhes bgyi ba'o//de nas bcom ldan 'das kyis 'dod pa na spyod pa dang / gzugs na spyod pa'i lha'i bu de dag la 'di skad ces bka' stsal to/ /lha'i bu dag de de bzhin no/ /de de bzhin te/ lha'i bu dag gzugs nyid rnam pa thams cad mkhyen pa nyid de / lha'i bu dag rnam pa thams cad mkhyen pa nyid kyang gzugs so//lha'i bu dag tshor ba dang / 'du shes dang / 'du byed rnams dang / rnam par shes pa nyid rnam pa thams cad mkhyen pa nyid de lha'i bu dag rnam pa thams cad mkhyen pa nyid kyang rnam par shes pa'o/ /de ci'i phyir zhe na/ gzugs kyi de bzhin nyid gang yin pa dang rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/gnyis su med cing gnyis su byar med do/ /tshor ba'i de bzhin nyid gang yin pa dang / 'du shes kyi de bzhin nyid gang yin pa dang / 'du byed rnams kyi de bzhin nyid gang yin pa dang / rnam par shes pa'i de bzhin nyid gang yin pa dang /rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /de bzhin du phung po dang / khams dang / skye mched dang / rten cing 'brel bar 'byung ba nyid rnam pa thams cad mkhyen pa ste/ rnam pa thams cad mkhyen pa nyid kyang phung po dang /khams dang / skye mched dang / rten cing 'brel bar 'byung ba'o/ /de ci'i phyir zhe na/ phung po dang / khams dang / skye mched dang / rten cing 'brel bar 'byung ba'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/gnyis su med cing gnyis su byar med do/ /lha'i bu dag sbyin pa'i pha rol tu phyin pa nyid rnam pa thams cad mkhyen pa ste/ rnam pa thams cad mkhyen pa nyid kyang sbyin pa'i pha rol tu phyin pa'o/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa nyid rnam pa thams cad mkhyen pa ste/ lha'i bu dag rnam pa thams cad mkhyen pa nyid kyang shes rab kyi pha rol tu phyin pa'o/ /de ci'i phyir zhe na/ sbyin pa'i pha rol tu phyin pa'i de bzhin nyid gang yin pa dang /rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /nang stong pa nyid rnam pa thams cad mkhyen pa ste/rnam pa thams cad mkhyen pa nyid kyang nang stong pa nyid do/ /de bzhin du dngos po med pa'i ngo bo nyid stong pa nyid kyi bar du rnam pa thams cad mkhyen pa ste/ rnam pa thams cad mkhyen pa nyid kyang dngos po med pa'i ngo bo nyid stong pa nyid do/ /de ci'i phyir zhe na/dngos po med pa'i ngo bo nyid stong pa nyid kyi bar gang yin pa dang / rnam pa thams cad mkhyen pa nyid kyi bar gyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /dran pa nye bar gzhag pa nyid rnam pa thams cad mkhyen pa ste/ rnam pa thams cad mkhyen pa nyid kyang dran pa nye bar gzhag pa'o//de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam nyid rnam pa thams cad mkhyen pa ste/ rnam pa thams cad mkhyen pa nyid kyang yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam mo/ /de ci'i phyir zhe na/ dran pa nye bar gzhag pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do//de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/gnyis su med cing gnyis su byar med do/ /tshad med pa dang / bsam gtan dang / gzugs med pa'i snyoms par 'jug pa nyid rnam pa thams cad mkhyen pa ste/ rnam pa thams cad mkhyen pa nyid kyang tshad med pa dang / bsam gtan dang / gzugs med pa'i snyoms par 'jug pa'o//de ci'i phyir zhe na/ tshad med pa dang / bsam gtan dang / gzugs med pa'i snyoms par 'jug pa rnams kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do//de bzhin du 'phags pa'i bden pa dang / stong pa nyid dang / mtshan ma med pa dang / smon pa med pa dang / mngon par shes pa dang / rnam par thar pa dang / ting nge 'dzin dang / snyoms par 'jug pa dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa rnams nyid rnam pa thams cad mkhyen pa ste/ rnam pa thams cad mkhyen pa nyid kyang sangs rgyas kyi chos ma 'dres pa rnams so/ /de ci'i phyir zhe na/ sangs rgyas kyi chos ma 'dres pa rnams kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/gnyis su med cing gnyis su byar med do/ /de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas dang /sangs rgyas nyid rnam pa thams cad mkhyen pa ste/ rnam pa thams cad mkhyen pa nyid kyang sangs rgyas so/ /de ci'i phyir zhe na/ sangs rgyas bcom ldan 'das rnams kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /lha'i bu dag don gyi dbang 'di gzigs pas de bzhin gshegs pa thugs las chung ba la gzhol ba ste/ chos bstan pa la gzhol ba ma yin no/ /de ci'i phyir zhe na/ 'di lta ste/ de bzhin gshegs pa rnams kyi chos byang chub 'di ni zab cing blta dka' la khong du chud par dka' zhing brtag tu med la rtog ge'i spyod yul ma yin te/zhi ba/ phra ba/ mkhas pa rnam par shes pas rig par bya ba 'jig rten thams cad dang mi mthun pa ste/ de ni sus kyang mngon par sangs ma rgyas/ nam yang mngon par sangs ma rgyas/ gang yang mngon par sangs ma rgyas pa ste/gang la gnyis su kun nas spyod pa yang med la gnyis su med par kun nas spyod pa yang med pa de ni chos rnams kyi de bzhin nyid zab pa nyid do zhes bya ba 'di ni dmigs pa'i ngo bo nyid yin no/ /lha'i bu dag nam mkha' zab pa'i phyir chos 'di zab po/ /lha'i bu dag de bzhin nyid zab pa'i phyir chos 'di zab po//chos kyi dbyings zab pa'i phyir dang / yang dag pa'i mtha' zab pa'i phyir dang / bsam gyis mi khyab pa'i dbyings zab pa'i phyir chos 'di zab po/ /lha'i bu dag nam mkha' mtha' yas mu med pa'i phyir dang / 'ong ba dang 'gro ba med pa'i phyir dang /mi skye mi 'gag par mnyam pa nyid kyi phyir dang / kun nas nyon mongs pa med pa dang / rnam par byang ba med par mnyam pa nyid kyi phyir dang / mngon par 'du byed pa med par mnyam pa nyid kyi phyir dang / bdag zab pa'i phyir dang / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po zab pa'i phyir chos 'di zab po/ /lha'i bu dag gzugs zab pa'i phyir chos 'di zab po/ /tshor ba dang / 'du shes dang / 'du byed rnams dang / rnam par shes pa zab pa'i phyir chos 'di zab po//lha'i bu dag phung po dang / khams dang / skye mched zab pa'i phyir chos 'di zab po/ /rten cing 'brel bar 'byung ba zab pa'i phyir chos 'di zab po/ /lha'i bu dag sbyin pa'i pha rol tu phyin pa zab pa'i phyir chos 'di zab po/ /tshul khrims kyi pha rol tu phyin pa zab pa'i phyir chos 'di zab po//bzod pa'i pha rol tu phyin pa zab pa'i phyir chos 'di zab po/ /brtson 'grus kyi pha rol tu phyin pa zab pa'i phyir chos 'di zab po/ /bsam gtan gyi pha rol tu phyin pa zab pa'i phyir chos 'di zab po/ /shes rab kyi pha rol tu phyin pa zab pa'i phyir chos 'di zab po//lha'i bu dag nang stong pa nyid zab pa'i phyir chos 'di zab po/ /dngos po med pa'i ngo bo nyid stong pa nyid kyi bar du zab pa'i phyir chos 'di zab po/ /lha'i bu dag dran pa nye bar gzhag pa zab pa'i phyir chos 'di zab po/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams zab pa'i phyir chos 'di zab po/ /lha'i bu dag tshad med pa dang / bsam gtan dang / gzugs med pa'i snyoms par 'jug pa rnams zab pa'i phyir chos 'di zab po/ /lha'i bu dag 'phags pa'i bden pa zab pa'i phyir chos 'di zab po/ / stong pa nyid dang / mtshan ma med pa dang / smon pa med pa rnams zab pa'i phyir dang / mngon par shes pa rnams zab pa'i phyir dang / rnam par thar pa thams cad dang / ting nge 'dzin dang / gzungs kyi sgo rnams zab pa'i phyir dang / stobs bcu dang / mi 'jigs pa dang / so so yang dag par rig pa rnams zab pa'i phyir dang /sangs rgyas kyi chos ma 'dres pa bco brgyad zab pa'i phyir dang / lha'i bu dag rnam pa thams cad mkhyen pa nyid kyi bar du zab pa'i phyir chos 'di zab po/ /de skad ces bka' stsal pa dang / lha'i bu rnams kyis bcom ldan 'das la 'di skad ces gsol to/ /bcom ldan 'das chos bstan pa 'di ni 'jig rten thams cad dang mi mthun pa'o//de ci'i slad du zhe na/ bcom ldan 'das chos de ni gzugs gzung ba'am mi gzung ba'i slad du chos bstan pa ma lags/ tshor ba dang / 'du shes dang / 'du byed rnams dang / rnam par shes pa gzung ba'am mi gzung ba'i slad du chos bstan pa ma lags/phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag gzung ba'am mi gzung ba'i slad du chos bstan pa ma lags/ de bzhin du stong pa nyid thams cad dang / byang chub kyi phyogs kyi chos sum cu rtsa bdun rnams dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad rnams gzung ba'am mi gzung ba'i slad du bstan pa ma lags/ chos thams cad gzung ba'am mi gzung ba'i slad du bstan pa ma lags/ bcom ldan 'das chos 'di ni rgyun du zhugs pa'i 'bras bu gzung ba'am mi gzung ba'i slad du bstan pa ma lags/de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar du gzung ba'am mi gzung ba'i slad du bstan pa ma lags/bcom ldan 'das 'jig rten ni bdag gi gzugs so/ /bdag gi tshor ba'o/ /bdag gi 'du shes so/ /bdag gi 'du byed rnams so/ /bdag gi rnam par shes pa'o/ /bdag gi phung po rnams so/ /bdag gi khams rnams so / /bdag gi skye mched rnams so//bdag gi rten cing 'brel bar 'byung ba'o/ /bdag gi rten cing 'brel bar 'byung ba'i yan lag go/ /bdag gi sbyin pa'o/ /bdag ni sbyin bdag go/ /bdag gi tshul khrims rnams so/ /bdag ni tshul khrims dang ldan pa'o/ /bdag gi bzod pa'o/ /bdag ni bzod pa dang ldan pa'o//bdag gi brtson 'grus so/ /bdag ni brtson 'grus dang ldan pa'o/ /bdag gi bsam gtan no/ /bdag ni bsam gtan dang ldan pa'o/ /bdag gi shes rab po/ /bdag ni shes rab dang ldan pa'o/ /bdag gi nang stong pa nyid do/ /bdag ni nang stong pa nyid sgom pa'o//bdag gi dngos po med pa'i ngo bo nyid stong pa nyid kyi bar ro/ /bdag ni dngos po med pa'i ngo bo nyid stong pa nyid kyi bar sgom pa'o/ /bdag gi dran pa nye bar gzhag pa rnams so/ /bdag gi yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam rnams so/ /bdag gi tshad med pa dang / bsam gtan dang / gzugs med pa'i snyoms par 'jug pa rnams dang / bdag gi 'phags pa'i bden pa rnams dang / bdag gi mngon par shes pa rnams dang / bdag gi rnam par thar pa dang / ting nge 'dzin dang / snyoms par 'jug pa dang /gzungs kyi sgo rnams dang / bdag gi stong pa nyid dang / mtshan ma med pa dang / smon pa med pa rnams so/ /bdag ni stong pa nyid dang / mtshan ma med pa dang / smon pa med pa rnams dang ldan pa'o/ /bdag gi stobs bcu dang / mi 'jigs pa dang / so so yang dag par rig pa rnams so//bdag gi sangs rgyas kyi chos ma 'dres pa bco brgyad dang / bdag gi rgyun du zhugs pa'i 'bras bu'o/ /bdag ni rgyun du zhugs pa'o/ /bdag gi lan cig phyir 'ong ba'i 'bras bu'o/ /bdag ni lan cig phyir 'ong ba'o/ /bdag gi phyir mi 'ong ba'i 'bras bu'o/ /bdag ni phyir mi 'ong ba'o//bdag gi dgra bcom pa nyid do/ / bdag ni dgra bcom pa'o/ /bdag gi rang byang chub po/ /bdag ni rang sangs rgyas so/ /bdag gi rnam pa thams cad mkhyen pa nyid do/ /bdag ni rnam pa thams cad mkhyen pa nyid dang ldan pa'o zhes bya bar 'dzin pa la spyod do/ /bcom ldan 'das kyis bka' stsal pa/lha'i bu dag de de bzhin no/ /de de bzhin te/ lha'i bu dag chos 'di ni gzugs gzung ba'i phyir bstan pa ma yin/ mi gzung ba'i phyir bstan pa ma yin/ tshor ba dang / 'du shes dang / 'du byed rnams dang / rnam par shes pa gzung ba'i phyir ma yin/ mi gzung ba'i phyir ma yin te/lha'i bu dag gang yang gzugs gzung ba'i phyir spyod pa dang / tshor ba dang / 'du shes dang / 'du byed rnams dang / gang rnam par shes pa gzung ba'i phyir spyod pa de dag ni shes rab kyi pha rol tu phyin pa bsgom pa'i skal ba dang ldan ba ma yin no/ /gang phung po dang / khams dang / skye mched dang / rten cing 'brel bar 'byung ba gzung ba'i phyir bstan pa ma yin/ mi gzung ba'i phyir ma yin/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun gzung ba'i phyir bstan pa ma yin/ mi gzung ba'i phyir ma yin/'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa gzung ba'i phyir bstan pa ma yin/ mi gzung ba'i phyir ma yin/ mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa gzung ba'i phyir bstan pa ma yin/mi gzung ba'i phyir ma yin/ rnam pa thams cad mkhyen pa nyid kyi bar du gzung ba'i phyir bstan pa ma yin/ mi gzung ba'i phyir ma yin no/ /lha'i bu dag gang yang gzugs gzung ba'i phyir ram/ mi gzung ba'i phyir spyod pa dang / tshor ba dang / 'du shes dang / 'du byed rnams dang / rnam par shes pa gzung ba'i phyir ram/ mi gzung ba'i phyir spyod pa dang / skye mched dang / khams dang / rten cing 'brel bar 'byung ba gzung ba'i phyir ram/ mi gzung ba'i phyir spyod pa dang / gang pha rol tu phyin pa thams cad dang / stong pa nyid thams cad dang / ting nge 'dzin dang / snyoms par 'jug pa dang /gzungs kyi sgo rnams gzung ba'i phyir ram/ mi gzung ba'i phyir spyod pa dang / tshad med pa dang / bsam gtan dang / gzugs med pa'i snyoms par 'jug pa dang / 'phags pa'i bden pa dang / stong pa nyid dang / mtshan ma med pa dang / smon pa med pa dang / mngon par shes pa dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams gzung ba'i phyir ram/ mi gzung ba'i phyir spyod pa dang / gang rnam pa thams cad mkhyen pa nyid gzung ba'i phyir ram/ mi gzung ba'i phyir spyod pa de dag ni shes rab kyi pha rol tu phyin pa bsgom pa'i skal ba dang ldan pa ma yin no//bsam gtan dang / brtson 'grus dang / bzod pa dang / tshul khrims dang / sbyin pa'i pha rol tu phyin pa bsgom par mi nus so/ /rnam pa thams cad mkhyen pa nyid kyi bar du bsgom par mi nus so zhes bya ba ni 'jig rten thams cad dang mi mthun pa'i ngo bo nyid yin no//rab 'byor gyis gsol pa/ bcom ldan 'das chos 'di ni chos gzhan thams cad dang rjes su mthun te/ bcom ldan 'das chos gzhan gang rnams dang rjes su mthun pa lags she na/ bcom ldan 'das chos 'di ni shes rab kyi pha rol tu phyin pa dang rjes su mthun pa'o//bcom ldan 'das chos 'di ni bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa dang rjes su mthun pa'o//chos 'di ni nang stong pa nyid dang rjes su mthun pa'o/ /bcom ldan 'das chos 'di ni dngos po med pa'i ngo bo nyid stong pa nyid kyi bar dang rjes su mthun pa'o/ /bcom ldan 'das chos 'di ni dran pa nye bar gzhag pa rnams dang rjes su mthun pa'o/ /bcom ldan 'das chos 'di ni yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams dang rjes su mthun pa'o/ /bcom ldan 'das chos 'di ni 'phags pa'i bden pa rnams dang rjes su mthun pa'o/ /bcom ldan 'das chos 'di ni tshad med pa dang / bsam gtan dang /gzugs med pa'i snyoms par 'jug pa rnams dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams dang rjes su mthun pa'o/ /bcom ldan 'das chos 'di ni stong pa nyid dang / mtshan ma med pa dang / smon pa med pa dang / mngon par shes pa rnams dang rjes su mthun pa'o/ /bcom ldan 'das chos 'di ni stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang rjes su mthun pa'o/ /bcom ldan 'das chos 'di ni rnam pa thams cad mkhyen pa nyid dang rjes su mthun pa'o//chos 'di ni gang la yang thogs pa ma mchis te/ gzugs la thogs pa ma mchis so/ /tshor ba dang / 'du shes dang / 'du byed rnams dang / rnam par shes pa la thogs pa ma mchis so/ /phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams la thogs pa ma mchis so/ /pha rol tu phyin pa thams cad dang / stong pa nyid thams cad la thogs pa ma mchis so/ /byang chub kyi phyogs kyi chos sum cu rtsa bdun rnams la thogs pa ma mchis so/ /'phags pa'i bden pa rnams dang / tshad med pa dang /bsam gtan dang / gzugs med pa'i snyoms par 'jug pa rnams dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams la thogs pa ma mchis so/ /stong pa nyid dang / mtshan ma med pa dang / smon pa med pa rnams dang / mngon par shes pa rnams dang /stobs bcu dang / mi 'jigs pa dang / so so yang dag par rig pa rnams dang / sangs rgyas kyi chos ma 'dres pa rnams la thogs pa ma mchis so/ /rnam pa thams cad mkhyen pa nyid la thogs pa ma mchis so/ /chos 'di ni nam mkha' dang mnyam pa nyid kyi slad dang / de bzhin nyid dang mnyam pa nyid kyi slad dang / chos kyi dbyings gnas pa nyid kyi slad dang / yang dag pa'i mtha' dang mnyam pa nyid kyi slad dang / bsam gyis mi khyab pa'i dbyings dang mnyam pa nyid kyi slad dang / stong pa nyid dang / mtshan ma med pa dang / smon pa med pa dang / mnyam pa nyid kyi slad dang /skye ba ma mchis pa dang / 'gag pa ma mchis pa dang / mnyam pa nyid kyi slad dang / kun nas nyon mongs pa ma mchis pa dang / rnam par byang ba ma mchis pa dang mnyam pa nyid kyi slad du thogs pa ma mchis pa'i mtshan nyid do/ / chos 'di ni gzugs kyi skye ba dang / 'gag pa ma mchis pa'i slad dang /tshor ba dang / 'du shes dang / 'du byed rnams dang / rnam par shes pa skye ba dang 'gag pa ma mchis pa'i slad dang / phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag gi skye ba dang 'gag pa ma mchis pa'i slad dang /pha rol tu phyin pa rnams dang / stong pa nyid thams cad kyi skye ba dang 'gag pa ma mchis pa'i slad dang / byang chub kyi phyogs kyi chos sum cu rtsa bdun dang / tshad med pa dang / bsam gtan dang / gzugs med pa'i snyoms par 'jug pa dang / 'phags pa'i bden pa dang / mngon par shes pa dang / stong pa nyid dang / mtshan ma med pa dang / smon pa med pa dang / rnam par thar pa thams cad dang / ting nge 'dzin dang / gzungs kyi sgo rnams kyi skye ba dang 'gag pa ma mchis pa'i slad dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi skye ba dang 'gag pa ma mchis pa'i slad du skye ba ma mchis pa'o zhes bya ba ni thogs pa med pa'i ngo bo nyid yin no//chos 'di ni gzhi ma mchis pa dang ldan pa ste/ gzugs kyi gzhi mi dmigs pa'i slad du dang / tshor ba dang / 'du shes dang / 'du byed rnams dang / rnam par shes pa'i gzhi mi dmigs pa'i slad dang / phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag gi gzhi mi dmigs pa'i slad dang / rnam par thar pa thams cad dang / ting nge 'dzin dang / gzungs kyi sgo rnams kyi gzhi mi dmigs pa'i slad dang / pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams kyi gzhi mi dmigs pa'i slad dang / tshad med pa dang / bsam gtan dang / gzugs med pa'i snyoms par 'jug pa dang / stong pa nyid dang /mtshan ma med pa dang / smon pa med pa'i gzhi mi dmigs pa'i slad dang / 'phags pa'i bden pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi gzhi mi dmigs pa'i slad dang /rnam pa thams cad mkhyen pa nyid kyi gzhi mi dmigs pa'i slad du chos 'di ni gzhi ma mchis pa'o zhes bya ba ni gzhi med pa'i ngo bo nyid yin no/ /de nas 'dod pa na spyod pa dang / gzugs na spyod pa'i lha'i bu dag gis bcom ldan 'das la 'di skad ces gsol to/ /bcom ldan 'das gnas brtan rab 'byor 'di ni bcom ldan 'das kyi rjes su skyes so//de ci'i slad du zhe na/ de ni 'di ltar gnas brtan rab 'byor ni ci dang ci ston pa de dang de thams cad stong pa nyid dang / mtshan ma ma mchis pa dang / smon pa ma mchis pa las brtsams shing ston pa'i phyir ro/ /de nas tshe dang ldan pa rab 'byor gyis 'dod pa na spyod pa dang /gzugs na spyod pa'i lha'i bu de rnams la 'di skad ces smras so/ /lha'i bu dag gang 'di skad du bcom ldan 'das gnas brtan rab 'byor 'di ni bcom ldan 'das kyi rjes su skyes so zhes zer ba ni ji ltar rjes su skyes pas gnas brtan rab 'byor de bzhin gshegs pa'i rjes su skyes pa yin zhe na/ji ltar de bzhin gshegs pa'i de bzhin nyid ma 'ongs ma song ba de bzhin du gnas brtan rab 'byor gyi de bzhin nyid kyang ma 'ongs ma song ba ste/ de ltar gnas brtan rab 'byor de bzhin gshegs pa'i rjes su skyes so/ /de bzhin gshegs pa'i de bzhin nyid gang yin pa de ni chos thams cad kyi de bzhin nyid do//chos thams cad kyi de bzhin nyid gang yin pa de ni de bzhin gshegs pa'i de bzhin nyid dang / ma nor ba'i de bzhin nyid dang / gzhan ma yin pa'i de bzhin nyid de/ de ltar na gnas brtan rab 'byor ni de bzhin gshegs pa'i rjes su skyes so/ / de bzhin gshegs pa'i de bzhin nyid gang yin pa de ni gnas pa'i de bzhin nyid do/ /gnas pa'i de bzhin nyid gang yin pa de ni de bzhin gshegs pa'i de bzhin nyid de/ de ltar na gnas brtan rab 'byor de bzhin gshegs pa'i rjes su skyes so/ /ji ltar de bzhin gshegs pa'i de bzhin nyid mi 'gyur rnam par mi 'gyur ba de bzhin du gnas brtan rab 'byor gyi de bzhin nyid kyang mi 'gyur rnam par mi 'gyur la/ji ltar de bzhin gshegs pa'i de bzhin nyid ci la yang thogs pa med pa de bzhin du chos thams cad kyi de bzhin nyid ci la yang thogs pa med de / de bzhin gshegs pa'i de bzhin nyid gang yin pa dang /chos thams cad kyi de bzhin nyid gang yin pa de ni de bzhin nyid gcig cing gnyis su med de/ gnyis su byar med pa de ni nam yang de bzhin nyid ma yin te/ gang gis de nam yang de bzhin nyid ma yin pa des de bzhin nyid de ni gnyis su med cing gnyis su byar med de/ de ltar na gnas brtan rab 'byor ni de bzhin gshegs pa'i rjes su skyes so//gnyis su med pa'i de bzhin gshegs pa'i de bzhin nyid gang yin pa de ni thams cad du rtog pa med cing rnam par rtog pa med pa ste/ de bzhin du gnas brtan rab 'byor gyi de bzhin nyid kyang thams cad du rtog pa med cing rnam par rtog pa med la/ji ltar de bzhin gshegs pa'i de bzhin nyid tha mi dad cing de bzhin nyid dbyer med pa dmigs su med pa de bzhin du gnas brtan rab 'byor gyi de bzhin nyid kyang tha mi dad cing de bzhin nyid dbyer med pa dmigs su med pa ste/ de ltar na gnas brtan rab 'byor ni de bzhin gshegs pa'i rjes su skyes so/ / ji ltar na de bzhin gshegs pa'i de bzhin nyid de chos thams cad kyi de bzhin nyid kyis gzhan ma yin pa'i de bzhin nyid de ni nam yang de bzhin nyid ma yin pa ma yin zhing / de rtag tu de bzhin nyid yin pa de bzhin du gnas brtan rab 'byor yang rnam pa gzhan ma yin pa'i de bzhin nyid kyis de bzhin gshegs pa'i rjes su skyes shing gang gi yang rjes su ma skyes so//de ltar na gnas brtan rab 'byor ni de bzhin gshegs pa'i rjes su skyes so/ /ji ltar de bzhin gshegs pa'i de bzhin nyid 'das pa yang ma yin/ ma 'ongs pa yang ma yin/ da ltar byung ba yang ma yin pa de bzhin du chos thams cad kyi de bzhin nyid kyang 'das pa yang ma yin/ma 'ongs pa yang ma yin/ da ltar byung ba yang ma yin no/ /de bzhin du gnas brtan rab 'byor gyi de bzhin nyid kyang 'das pa yang ma yin/ ma 'ongs pa yang ma yin/ da ltar byung ba yang ma yin no/ /de ltar na gnas brtan rab 'byor ni de bzhin gshegs pa'i rjes su skyes so zhes bya ba ste/'das pa'i de bzhin nyid mnyam pa nyid kyis de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid mnyam pa nyid kyis 'das pa'i de bzhin nyid mnyam pa nyid do/ /ma 'ongs pa'i de bzhin nyid mnyam pa nyid kyis de bzhin gshegs pa'i de bzhin nyid mnyam pa nyid do//de bzhin gshegs pa'i de bzhin nyid mnyam pa nyid kyis ma 'ongs pa'i de bzhin nyid mnyam pa nyid do/ /da ltar byung ba'i de bzhin nyid mnyam pa nyid kyis de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid mnyam pa nyid kyis da ltar byung ba'i de bzhin nyid mnyam pa nyid do//de ltar na 'das pa dang / ma 'ongs pa dang / da ltar byung ba'i de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /gzugs kyi de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis gzugs kyi de bzhin nyid do/ /tshor ba dang / 'du shes dang / 'du byed rnams dang / rnam par shes pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rnam par shes pa'i de bzhin nyid de/de ltar na de bzhin gshegs pa'i de bzhin nyid dang / gzugs dang / tshor ba dang / 'du shes dang / 'du byed rnams dang / rnam par shes pa'i de bzhin nyid de la gnyis su med de gnyis su byar med do/ /phung po'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis phung po'i de bzhin nyid do//khams kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis khams kyi de bzhin nyid do/ /skye mched kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis skye mched kyi de bzhin nyid do//rten cing 'brel bar 'byung ba'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rten cing 'brel bar 'byung ba'i de bzhin nyid do/ /rten cing 'brel bar 'byung ba'i yan lag gi de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis rten cing 'brel bar 'byung ba'i yan lag gi de bzhin nyid do/ /de ltar na phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag gi de bzhin nyid dang /de bzhin gshegs pa'i de bzhin nyid de la gnyis su med cing gnyis su byar med do/ /gzhan ma yin pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis gzhan ma yin pa'i de bzhin nyid do/ /de bzhin du sems can dang /srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po'i de bzhin nyid dang / de bzhin gshegs pa'i de bzhin nyid de la gnyis su med cing gnyis su byar med do//sbyin pa'i pha rol tu phyin pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis sbyin pa'i pha rol tu phyin pa'i de bzhin nyid do/ /de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis shes rab kyi pha rol tu phyin pa'i de bzhin nyid de / /de ltar na sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa'i de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /nang stong pa nyid kyi de bzhin nyid kyis de bzhin gshegs pa'i de bzhin nyid do/ / de bzhin gshegs pa'i de bzhin nyid kyis nang stong pa nyid kyi de bzhin nyid do/ /de bzhin du dngos po med pa'i ngo bo nyid stong pa nyid kyi bar gyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis dngos po med pa'i ngo bo nyid stong pa nyid kyi bar gyi de bzhin nyid de de ltar na nang stong pa nyid kyi de bzhin nyid dang /de bzhin gshegs pa'i de bzhin nyid dang / dngos po med pa'i ngo bo nyid stong pa nyid kyi bar gyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /dran pa nye bar gzhag pa rnams kyi de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis dran pa nye bar gzhag pa rnams kyi de bzhin nyid do/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams kyi de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis lam rnams kyi de bzhin nyid de/ de ltar na dran pa nye bar gzhag pa'i de bzhin nyid dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam rnams kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /tshad med pa dang / bsam gtan dang / gzugs med pa'i snyoms par 'jug pa rnams kyi de bzhin nyid kyis de bzhin gshegs pa'i de bzhin nyid do/ / de bzhin gshegs pa'i de bzhin nyid kyis tshad med pa dang / bsam gtan dang / gzugs med pa'i snyoms par 'jug pa'i de bzhin nyid do/ /mngon par shes pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo'i de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis mngon par shes pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo'i de bzhin nyid do/ / de ltar na tshad med pa dang / bsam gtan dang / gzugs med pa'i snyoms par 'jug pa'i de bzhin nyid dang /mngon par shes pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo'i de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /stong pa nyid dang /mtshan ma med pa dang / smon pa med pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis stong pa nyid dang / mtshan ma med pa dang / smon pa med pa'i de bzhin nyid do/ /'phags pa'i bden pa'i de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis 'phags pa'i bden pa'i de bzhin nyid do/ /mngon par shes pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis mngon par shes pa rnams kyi de bzhin nyid de/de ltar na stong pa nyid dang / mtshan ma med pa dang / smon pa med pa'i de bzhin nyid dang / 'phags pa'i bden pa'i de bzhin nyid dang / mngon par shes pa rnams kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ / stobs bcu dang / mi 'jigs pa dang / so so yang dag par rig pa rnams kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis stobs dang / mi 'jigs pa dang / so so yang dag par rig pa rnams kyi de bzhin nyid do/ /sangs rgyas kyi chos ma 'dres pa rnams kyi de bzhin nyid kyis de bzhin gshegs pa'i de bzhin nyid do//de bzhin gshegs pa'i de bzhin nyid kyis sangs rgyas kyi chos ma 'dres pa rnams kyi de bzhin nyid de/ de ltar na stobs bcu dang / mi 'jigs pa dang / so so yang dag par rig pa rnams kyi de bzhin nyid dang /sangs rgyas kyi chos ma 'dres pa rnams kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /rnam pa thams cad mkhyen pa nyid kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rnam pa thams cad mkhyen pa nyid kyi de bzhin nyid de/de ltar na rnam pa thams cad mkhyen pa nyid kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /'di ni rab 'byor dang de bzhin gshegs pa'i de bzhin nyid de/de bzhin gshegs pas yang dag pa'i de bzhin nyid 'di la brten te/ bla na med pa yang dag par rdzogs pa'i byang chub tu mngon par rdzogs par sangs rgyas shing de bzhin gshegs pa zhes bya ba'i ming 'thob po/ /de bzhin nyid kyi le'u 'di bshad pa'i tshe/ stong gsum gyi stong chen po'i 'jig rten gyi khams 'di rnam par 'gyur ba drug dang ltas chen po bco brgyad du g.yos te/g.yos rab tu g.yos/ kun du rab tu g.yos so/ /'gul lo/ /rab tu 'gul lo/ /kun du rab tu 'gul lo/ /ldeg go/ rab tu ldeg go/ /kun du rab tu ldeg go/ /chem chem/ rab tu chem chem/ kun du rab tu chem chem mo/ / 'ur 'ur/ rab tu 'ur 'ur/ kun du rab tu 'ur 'ur ro/ /'khrugs/ rab tu 'khrugs/ kun du rab tu 'khrugs so/ /shar phyogs mtho na ni nub phyogs dma'/ nub phyogs mtho na ni shar phyogs dma'/ byang phyogs mtho na ni lho phyogs dma'/ lho phyogs mtho na ni byang phyogs dma'/ mtha' mtho na ni dbus dma'/dbus mtho na ni mtha' dma' bar gyur to/ /de nas 'dod pa na spyod pa dang / gzugs na spyod pa'i lha'i bu de dag gis bcom ldan 'das dang gnas brtan rab 'byor la lha rdzas kyi tsan dan gyi phye mas mngon par gtor nas 'di skad du bcom ldan 'das de ltar gnas brtan rab 'byor 'di de bzhin gshegs pa'i de bzhin nyid kyis de bzhin gshegs pa'i rjes su skyes pa ngo mtshar to zhes tshig tu brjod do zhes bya ba ni 'gro ba med pa'i ngo bo nyid yin no// de nas gnas brtan rab 'byor gyis lha'i bu de dag gi gtam gyi rjes su 'brel bar byas te/ de ltar lha'i bu dag gnas brtan rab 'byor ni gzugs kyi rjes su ma skyes/gzugs kyi de bzhin nyid kyi rjes su ma skyes/ gzugs kyi de bzhin nyid las gzhan gyi rjes su ma skyes so/ /tshor ba dang / 'du shes dang / 'du byed rnams dang / rnam par shes pa'i rjes su ma skyes/ rnam par shes pa'i de bzhin nyid kyi rjes su ma skyes/ rnam par shes pa'i de bzhin nyid las gzhan gyi rjes su ma skyes so//phung po dang / khams dang / skye mched kyi rjes su ma skyes/ phung po dang / khams dang / skye mched kyi de bzhin nyid kyi rjes su ma skyes/ phung po dang / khams dang / skye mched kyi de bzhin nyid las gzhan gyi rjes su ma skyes so/ /rten cing 'brel bar 'byung ba'i rjes su ma skyes/rten cing 'brel bar 'byung ba'i de bzhin nyid kyi rjes su ma skyes/ rten cing 'brel bar 'byung ba'i de bzhin nyid las gzhan gyi rjes su ma skyes so/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun dang /'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo dang / stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi rjes su ma skyes/ rnam pa thams cad mkhyen pa nyid kyi de bzhin nyid kyi rjes su ma skyes/ rnam pa thams cad mkhyen pa nyid kyi de bzhin nyid las gzhan gyi rjes su ma skyes so//'dus byas kyi rjes su ma skyes/ 'dus ma byas kyi de bzhin nyid kyi rjes su ma skyes/ 'dus byas kyi de bzhin nyid las gzhan gyi rjes su ma skyes so/ /de ci'i phyir zhe na/ de ni 'di ltar gang rjes su skyes pa dang / gang gis rjes su skyes pa dang /gang rjes su skyed pa dang / gang rjes su skye bar 'gyur ba'am/ gang gi rjes su skye bar 'gyur ba'i chos de dag thams cad med cing mi dmigs pa'i phyir ro zhes bya ba ni skye ba med pa'i ngo bo nyid yin no/ / de nas tshe dang ldan pa shA ri'i bus bcom ldan 'das la 'di skad ces gsol to//bcom ldan 'das de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha'i de bzhin nyid 'di ni zab pa ste/ de la gzugs dang gzugs kyi de bzhin nyid mi dmigs te/gang gi tshe gzugs nyid mi dmigs pa de'i tshe gzugs kyi de bzhin nyid lta dmigs par ga la 'gyur/ de la tshor ba dang / 'du shes dang / 'du byed rnams dang / rnam par shes pa dang / rnam par shes pa'i de bzhin nyid mi dmigs te/ gang gi tshe rnam par shes pa nyid mi dmigs pa de'i tshe rnam par shes pa'i de bzhin nyid lta dmigs par ga la 'gyur/de la phung po dang / khams dang / skye mched kyi de bzhin nyid mi dmigs te/ gang gi tshe phung po dang / khams dang / skye mched nyid mi dmigs pa de'i tshe phung po dang / khams dang / skye mched kyi de bzhin nyid lta dmigs par ga la 'gyur/ de la rten cing 'brel bar 'byung ba dang / rten cing 'brel bar 'byung ba'i yan lag dang / rten cing 'brel bar 'byung ba'i de bzhin nyid dang / rten cing 'brel bar 'byung ba'i yan lag gi de bzhin nyid mi dmigs te/ gang gi tshe rten cing 'brel bar 'byung ba dang /rten cing 'brel bar 'byung ba'i yan lag nyid mi dmigs pa de'i tshe/ rten cing 'brel bar 'byung ba'i de bzhin nyid dang / rten cing 'brel bar 'byung ba'i yan lag gi de bzhin nyid lta dmigs par ga la 'gyur/ de bzhin du pha rol tu phyin pa thams cad dang / stong pa nyid thams cad dang /rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo dang / byang chub kyi phyogs kyi chos sum cu rtsa bdun dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnams dang /stong pa nyid dang / mtshan ma med pa dang / smon pa med pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid dang / rnam pa thams cad mkhyen pa nyid kyi de bzhin nyid mi dmigs te/gang gi tshe rnam pa thams cad mkhyen pa nyid mi dmigs pa de'i tshe rnam pa thams cad mkhyen pa nyid kyi de bzhin nyid lta dmigs par ga la 'gyur/ bcom ldan 'das kyis bka' stsal pa/ shA ri'i bu de de bzhin no/ /de de bzhin te/ de bzhin nyid 'di ni zab pa ste/ de la gzugs mi dmigs/gzugs kyi de bzhin nyid mi dmigs te/ gzugs kyi de bzhin nyid mi dmigs na gzugs kyi de bzhin nyid lta dmigs par ga la 'gyur/ de la tshor ba dang / 'du shes dang / 'du byed rnams dang / rnam par shes pa mi dmigs/ rnam par shes pa'i de bzhin nyid mi dmigs te/rnam par shes pa nyid mi dmigs na rnam par shes pa'i de bzhin nyid lta dmigs par ga la 'gyur/ de la phung po dang / khams dang / skye mched dang / rten cing 'brel bar 'byung ba mi dmigs/ phung po dang / khams dang / skye mched dang / rten cing 'brel bar 'byung ba'i de bzhin nyid mi dmigs te /phung po dang / khams dang / skye mched dang / rten cing 'brel bar 'byung ba nyid mi dmigs na/ phung po dang / khams dang / skye mched dang / rten cing 'brel bar 'byung ba'i de bzhin nyid lta dmigs par ga la 'gyur/ de bzhin du rnam pa thams cad mkhyen pa nyid kyi bar du mi dmigs/rnam pa thams cad mkhyen pa nyid kyi de bzhin nyid mi dmigs te/ rnam pa thams cad mkhyen pa nyid kyang mi dmigs na rnam pa thams cad mkhyen pa nyid kyi de bzhin nyid lta dmigs par ga la 'gyur/ shA ri'i bu de bzhin nyid dang / ma nor ba de bzhin nyid dang / gzhan ma yin pa de bzhin nyid kyi le'u 'di bshad pa'i tshe/dge slong nyis brgya nye bar len pa med par zag pa las sems rnam par grol lo/ /dge slong ma lnga brgya ni chos rnams la chos kyi mig rdul med cing dri ma dang bral ba rnam par dag go/ /byang chub sems dpa' lnga stong gis mi skye ba'i chos la bzod pa rab tu thob po//byang chub sems dpa' yongs su mi nyams pa'i chos can drug cu ni nye bar len pa med par zag pa las sems rnam par grol lo/ /de nas tshe dang ldan pa shA ri'i bus byang chub sems dpa' sems dpa' chen po de rnams nye bar len pa med par zag pa las sems rnam par grol bar shes nas bcom ldan 'das la 'di skad ces gsol to//bcom ldan 'das ci'i rgyu ci'i rkyen gyis byang chub sems dpa' de dag zag pa rnams las sems rnam par grol bar 'gyur/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po de dag gis sangs rgyas lnga brgya la bsnyen bkur te/thams cad du yang sbyin pa byin/ tshul khrims bsrungs/ bzod pa bsgoms/ brtson 'grus brtsams/ bsam gtan bsgrubs/ shes rab bsgoms kyang de dag shes rab kyi pha rol tu phyin pa dang bral ba dang / thabs mkhas pas yongs su ma bzung bas bdag ni sbyin pa gtong ba'o//bdag ni tshul khrims srung ba'o/ /bdag ni bzod pa sgom pa'o/ /bdag ni brtson 'grus rtsom pa'o / /bdag ni bsam gtan la snyoms par gzhog pa'o/ /bdag ni shes rab sgom pa'o zhes de ltar spyod pas de dag shes rab kyi pha rol tu phyin pa dang bral zhing thabs mi mkhas pas sbyin pa dang /tshul khrims dang / bzod pa dang / brtson 'grus dang / bsam gtan dang / shes rab goms par byed cing de dag 'du shes sna tshogs kyi spyod pas tha mi dad pas mi dmigs pa'i phyir byang chub sems dpa'i skyon med par ma zhugs so/ / de dag byang chub sems dpa'i skyon med par ma zhugs pas rgyun du zhugs pa'i 'bras bu thob po/ /dgra bcom pa nyid kyi bar du thob po/ /shA ri'i bu byang chub sems dpa' sems dpa' chen po rnams kyi lam stong pa nyid dang / mtshan ma med pa dang / smon pa med pa yod mod kyi de dag shes rab kyi pha rol tu phyin pa dang bral zhing thabs mkhas pas yongs su ma bzung na yang dag pa'i mtha' mngon du byas nas nyan thos su gyur to//shA ri'i bus gsol pa/ bcom ldan 'das ci'i slad du stong pa nyid dang / mtshan ma ma mchis pa dang / smon pa ma mchis pa'i chos de dag nyid la bsgom du 'dra yang shes rab kyi pha rol tu phyin pa dang bral zhing thabs mkhas pa dang bral ba rnams ni yang dag pa'i mtha' mngon du bgyis shing nyan thos su yang 'gyur la byang chub sems dpa' shes rab kyi pha rol tu phyin pa dang /thabs mkhas pa la brten nas stong pa nyid dang / mtshan ma ma mchis pa dang /smon pa ma mchis pa de dag nyid bsgom pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ shA ri'i bu 'di la kha cig rnam pa thams cad mkhyen pa'i sems dang bral ba stong pa nyid dang / mtshan ma med pa dang /smon pa med pa'i chos 'ba' zhig bsgom pa ni thabs mkhas pa lam brten pas nyan thos su 'gyur ro/ /shA ri'i bu 'di la byang chub sems dpa' sems dpa' chen po rnam pa thams cad mkhyen pa nyid kyi sems dang ma bral ba rnams ni stong pa nyid dang / mtshan ma med pa dang /smon pa med pa'i chos rnams la bsgom zhing thabs mkhas pas byang chub sems dpa'i skyon med par 'jug cing bla na med pa yang dag par rdzogs pa'i byang chub tu mngon par rdzogs par 'tshang rgya'o/ /shA ri'i bu 'di lta ste dper na/ 'dab chags bya zhig la lus dpag tshad brgya pa'am/dpag tshad nyis brgya pa'am/ dpag tshad sum brgya pa'am/ dpag tshad bzhi brgya pa'am/ dpag tshad lnga brgya pa zhig yod la de sum cu rtsa gsum gyi lha'i ris nas 'dzam bu'i gling du 'gro bar bya bar sems par 'gyur la/ 'dab chags bya de yang 'dab ma med pa zhig ste/ de 'dzam bu'i gling du 'gro bar bya'o snyam nas sum cu rtsa gsum gyi lha'i ris nas bdag nyid mchongs te/gal te 'dab chags bya des lam bar du kye ma ma la bdag gis phyir sum cu rtsa gsum gyi lha'i ris su gnas par bya'o snyam du bsams na/ shA ri'i bu de la ji snyam du sems/ 'dab chags bya de phyir sum cu rtsa gsum gyi lha'i ris su gnas par nus sam/shA ri'i bus gsol pa/ bcom ldan 'das de ni ma lags so/ /bcom ldan 'das kyis bka' stsal pa/ gal te lam bar nas 'di snyam du kye ma ma la bdag gis ci nas kyang ma smas ma snad par 'dzam bu'i gling du 'dug par bya'o snyam na/ shA ri'i bu de la ji snyam du sems/ 'dab chags bya de 'dzam bu'i gling du ma smas ma snad par 'dug par 'gyur ram/ shA ri'i bus gsol pa/ bcom ldan 'das de ni ma lags so/ /bcom ldan 'das de ni 'dzam bu'i gling du lhung nas smas pa'am/ snad par yang 'gyur bar mchi'o//de ci'i slad du zhe na/ bcom ldan 'das de ltar lus che la 'dab ma ma skyes pa dang / thag ring po nas mchongs pas de ni 'di ltar 'gyur du gdon mi 'tshal lo/ /bcom ldan 'das kyis bka' stsal pa/ shA ri'i bu de bzhin du byang chub sems dpa' bskal pa gang gA'i klung gi bye ma snyed du sbyin pa gtong zhing tshul khrims srung /bzod pa sgom / brtson 'grus rtsom/ bsam gtan la mnyam par gzhog cing bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba'i phyir de'i 'jug pa yang che/ de'i sems bskyed pa yang che/ yongs su 'dzin pa tshad med du zin kyang de shes rab kyi pha rol tu phyin pa dang thabs mkhas pa dang bral na nyan thos kyi sa'am rang sangs rgyas kyi sar ltung ngo / /de ci'i phyir zhe na/ de ni 'di ltar byang chub sems dpa' des rnam pa thams cad mkhyen pa nyid kyi sems dang mi ldan par sbyin pa byin/ tshul khrims bsrungs/ bzod pa bsgoms/ brtson 'grus brtsams/ bsam gtan bsgrubs kyang byang chub sems dpa' de shes rab kyi pha rol tu phyin pa dang / thabs mkhas pa dang bral bar gyur pas nyan thos kyi sa'am rang sangs rgyas kyi sar ltung ngo / /shA ri'i bu byang chub sems dpa' 'das pa dang /ma 'ongs pa dang / da ltar byung ba'i de bzhin gshegs pa rnams kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa de sems shing mtshan mar 'dzin la mtshan mar byed kyang de bzhin gshegs pa rnams kyi tshul khrims mi shes/ting nge 'dzin mi shes/ shes rab mi shes/ rnam par grol pa mi shes/ rnam par grol ba'i ye shes gzigs pa mi shes na/ de mi shes khong du ma chud pas stong pa nyid dang / mtshan ma med pa dang / smon pa med pa zhi bar thos nas de ni de dag la zhi bar mtshan mar 'dzin te/ de dag la mtshan mar gzung zhing bla na med pa yang dag par rdzogs pa'i byang chub tu bsngo'o//de ltar yongs su bsngo ba'i byang chub sems dpa' ni nyan thos kyi sa'am rang sangs rgyas kyi sa la gnas par 'gyur ro/ /shA ri'i bu de ci'i phyir zhe na/ de ltar shes rab kyi pha rol tu phyin pa dang thabs mkhas pa dang bral bas dge ba'i rtsa ba bla na med pa yang dag par rdzogs pa'i byang chub tu yongs su bsngos pa ma yin te/de ni nyan thos kyi sa'am rang sangs rgyas kyi sar lhung ngo zhes bya ba ni de bzhin nyid mi dmigs pa'i ngo bo nyid yin te 'di dag gis ni ngo bo nyid kyi mtshan nyid gsungs so/ / shA ri'i bu 'di la byang chub sems dpa' sems dpa' chen po thog ma sems bskyed pa nas nye bar bzung ste/rnam pa thams cad mkhyen pa'i sems dang ma bral bar sbyin pa gtong ba dang / tshul khrims srung ba dang / bzod pa sgom pa dang / brtson 'grus rtsom pa dang / bsam gtan la snyoms par 'jog cing mtshan mar mi byed/ dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams sgom zhing mtshan mar mi byed/ rnam pa thams cad mkhyen pa nyid kyi bar du sgom zhing mtshan mar mi byed ces bya ba ni thar pa'i cha dang mthun pa spyir bstan pa'o//de yang shes rab kyi pha rol tu phyin pa dang thabs la mkhas pa dang ma bral bar dus gsum gyi sangs rgyas rnams dang / 'das pa dang / ma byon pa dang / da ltar byung ba'i sangs rgyas bcom ldan 'das de rnams kyi tshul khrims kyi phung po dang / ting nge 'dzin gyi phung po dang / shes rab kyi phung po dang /rnam par grol ba'i phung po dang / rnam par grol ba'i ye shes gzigs pa'i phung po de dag thams cad yid la sems kyang mtshan mar mi byed/ stong pa nyid kyi ting nge 'dzin la mtshan mar mi byed / mtshan ma med pa'i ting nge 'dzin dang / smon pa med pa'i ting nge 'dzin la mtshan mar mi byed na/shA ri'i bu byang chub sems dpa' sems dpa' chen po de ni nyan thos kyi sa'am/ rang sangs rgyas kyi sa la gnas par mi 'gyur zhing de ni ma smas ma nyams par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar rig par bya'o zhes bya ba ni dad pa'i bdag nyid can gyi thar pa'i cha dang mthun pa'o//de ci'i phyir zhe na/ de ni 'di ltar byang chub sems dpa' sems dpa' chen po des/ thog mar sems bskyed pa nas nye bar bzung ste/ sbyin pa byin yang mtshan mar mi byed/ tshul khrims bsrungs/ bzod pa bsgoms/ brtson 'grus brtsams/ bsam gtan la mnyam par bzhag /shes rab bsgoms kyang mtshan mar mi byed/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi tshul khrims dang / ting nge 'dzin dang / shes rab dang / rnam par grol ba dang /rnam par grol ba'i ye shes gzigs pa rnams la mtshan mar mi byed de/ shA ri'i bu mtshan ma dang bral ba'i sems kyis sbyin pa gtong ba dang / tshul khrims srung ba dang / bzod pa sgrub pa dang / brtson 'grus rtsom pa dang / bsam gtan la mnyam par gzhog pa dang / shes rab sgom pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams sgom pa dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa sgom pa dang /rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams la snyoms par 'jug pa dang / stong pa nyid dang / mtshan ma med pa dang / smon pa med pa rnams sgom zhing mtshan mar mi byed/ stobs dang / mi 'jigs pa dang /so so yang dag par rig pa dang / sangs rgyas kyi chos ma 'dres pa rnams sgom pa dang / rnam pa thams cad mkhyen pa nyid kyi bar du spyod pa 'di ni byang chub sems dpa' sems dpa' chen po'i thabs la mkhas pa'o zhes bya ba ni brtson 'grus kyi bdag nyid thar pa'i cha dang mthun pa'o// // bam po bzhi bcu dgu pa/ shA ri'i bus gsol pa/ bcom ldan 'das bdag gis bcom ldan 'das kyis gsungs pa'i don 'tshal ba ltar na/ bcom ldan 'das byang chub sems dpa' sems dpa' chen po shes rab kyi pha rol tu phyin pa dang / thabs mkhas pa dang ma bral ba'i bsam pa can gang yin pa de ni bla na med pa yang dag par rdzogs pa'i byang chub ni the tshom ma mchis so zhes bya ba ni dran pa'i bdag nyid can gyi thar pa'i cha dang mthun pa'o// de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po des sems dang po bskyed pa nas nye bar bzung ste gang mngon par rdzogs par 'tshang rgya ba dang /gang gis mngon par rdzogs par 'tshang rgya ba dang / gang du mngon par rdzogs par 'tshang rgya bar bgyi ba'i gzugs sam/ tshor ba'am/ 'du shes sam/ 'du byed rnams sam / rnam par shes pa'am/ de bzhin du phung po dang / khams dang / skye mched dang / rten cing 'brel bar 'byung ba'am / rten cing 'brel bar 'byung ba'i yan lag gam/ pha rol tu phyin pa thams cad dam/ stong pa nyid thams cad dam/ byang chub kyi phyogs kyi chos sum cu rtsa bdun rnams sam/ 'phags pa'i bden pa rnams sam/tshad med pa dang / bsam gtan dang / gzugs med pa'i snyoms par 'jug pa rnams sam/ rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams sam/ stong pa nyid dang / mtshan ma med pa dang / smon pa med pa rnams sam/mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid dam/ chos gang yang dmigs pa ma mchis so/ /bcom ldan 'das byang chub sems dpa'i theg pa pa'i rigs kyi bu'am/rigs kyi bu mo gang shes rab kyi pha rol tu phyin pa dang bral la/ thabs mkhas pa dang bral ba de dag gis bla na med pa yang dag par rdzogs pa'i byang chub ni the tshom ma mchis pa lags te/ de ci'i slad du zhe na/ bcom ldan 'das de ni 'di ltar byang chub sems dpa'i theg pa pa'i rigs kyi bu'am/rigs kyi bu mo de dag shes rab kyi pha rol tu phyin pa dang thabs mkhas pa dang bral bas sbyin pa ji ltar btang ba de thams cad kyang mtshan mar bzung ste btang / de bzhin du tshul khrims gang bsrungs pa dang / bzod pa gang bsgrubs pa dang / brtson 'grus gang brtsams pa dang / bsam gtan la mnyam par gzhag pa dang / shes rab gang dang gang la rnam par dpyad pa de dag thams cad mtshan mar bzung ste rnam par dpyad pas de'i slad du byang chub sems dpa'i theg pa pa'i rigs kyi bu'am/ rigs kyi bu mo de dag gis bla na med pa yang dag par rdzogs pa'i byang chub ni the tshom ma mchis lags so//bcom ldan 'das de'i slad du byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal bas shes rab kyi pha rol tu phyin pa dang thabs mkhas pa dang ma bral bar bsgom par bgyi'o//shes rab kyi pha rol tu phyin pa dang thabs mkhas pa la gnas te mi dmigs pa'i tshul gyis mtshan ma med pa dang ldan pa'i sems kyis sbyin pa yongs su gtang bar bgyi'o/ /tshul khrims bsrung bar bgyi'o/ /bzod pa bsgrub par bgyi'o/ /brtson 'grus brtsam par bgyi'o//bsam gtan la mnyam par gzhag par bgyi'o/ /shes rab bsgom par bgyi'o/ /mtshan ma med pa dang ldan pa'i sems kyis nang stong pa nyid bsgom par bgyi'o/ /dngos po med pa'i ngo bo nyid stong pa nyid kyi bar bsgom par bgyi'o/ /mtshan ma med pa dang ldan pa'i sems kyis dran pa nye bar gzhag pa rnams bsgom par bgyi'o//de bzhin du mtshan ma med pa dang ldan pa'i sems kyis yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa bsgom par bgyi'o/ /mtshan ma med pa dang ldan pa'i sems kyis tshad med pa dang /bsam gtan dang / gzugs med pa'i snyoms par 'jug pa la snyoms par 'jug par bgyi'o/ /mtshan ma med pa dang ldan pa'i sems kyis 'phags pa'i bden pa rnams bsgom par bgyi'o/ /mtshan ma med pa dang ldan pa'i sems kyis rnam par thar pa thams cad dang /ting nge 'dzin dang / snyoms par 'jug pa dang / gzungs kyi sgo rnams bsgom par bgyi'o/ /mtshan ma med pa dang ldan pa'i sems kyis mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams bsgom par bgyi'o//mtshan ma med pa dang ldan pa'i sems kyis rnam pa thams cad mkhyen pa nyid la spyad par bgyi'o zhes bya ba ni ting nge 'dzin gyi bdag nyid can gyi thar pa'i cha dang mthun pa'o/ /de nas 'dod pa na spyod pa dang / gzugs na spyod pa'i lha'i bu de dag gis bcom ldan 'das la 'di skad ces gsol to//bcom ldan 'das gang du byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar yang bgyi la/ chos de dag kyang ma mchis shing mi dmigs pas bla na med pa yang dag par rdzogs pa'i byang chub ni 'byung bar dka'o//bcom ldan 'das mos par dka'o/ /bcom ldan 'das kyis bka' stsal pa/ lha'i bu dag de de bzhin no/ /de de bzhin te/ lha'i bu dag bla na med pa yang dag par rdzogs pa'i byang chub ni 'byung bar dka'o/ /lha'i bu dag mos par dka'o/ /lha'i bu dag ngas kyang chos thams cad rnam pa thams cad du mngon par rdzogs par sangs rgyas te/ngas gang mngon par rdzogs par 'tshang rgya ba'am/ gang gis mngon par rdzogs par 'tshang rgya ba'am/ gang zhig mngon par rdzogs par 'tshang rgya bar bya ba'i chos gang yang mi dmigs so/ /de ci'i phyir zhe na/ lha'i bu dag chos thams cad ni shin tu rnam par dag pa'i phyir ro zhes bya ba ni shes rab kyi bdag nyid can gyi thar pa'i cha dang mthun pa'o// de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das kyis gang 'di skad du bla na med pa yang dag par rdzogs pa'i byang chub ni 'byung bar dka'o zhes gsungs pa bcom ldan 'das kyis ji ltar gsungs pa'i don bdag gis 'tshal ba dang bdag sems pa ltar na/bcom ldan 'das bla na med pa yang dag par rdzogs pa'i byang chub ni mngon par rdzogs par 'tshang rgya bar bgyi bar mi dka'o/ /de ci'i slad du zhe na/ bcom ldan 'das de ni 'di ltar gang yang mngon par rdzogs par 'tshang rgya bar ma mchis/ gang gis mngon par rdzogs par 'tshang rgya bar ma mchis/ gang yang mngon par rdzogs par 'tshang rgya bar bgyi ba ma mchis pa ste/ bcom ldan 'das chos thams cad ni stong pa'o/ /chos thams cad stong pa la ni gang mngon par rdzogs par 'tshang rgya ba dang /gang gis mngon par rdzogs par 'tshang rgya ba dang / gang mngon par rdzogs par 'tshang rgya bar bgyi ba'i chos de lta bu ma mchis so/ /de ci'i slad du zhe na/ bcom ldan 'das de ni 'di ltar chos thams cad ni stong pa ste/ chos gang yang 'phel ba'am/yongs su 'grib par bgyi ba'i slad du sbyin pa yongs su gtang ba'am/ tshul khrims bsrung ba'am/ bzod pa bsgom pa'am/ brtson 'grus brtsam pa'am/ bsam gtan la mnyam par gzhag pa'am/ de bzhin du rnam pa thams cad mkhyen pa nyid kyi bar la bslab par bgyi ba'i chos de dag kyang ma mchis shing mi dmigs te/gang mngon par rdzogs par 'tshang rgya ba'am/ gang gis mngon par rdzogs par 'tshang rgya ba'am/ gang mngon par rdzogs par 'tshang rgya bar bgyi ba'i chos de dag kyang stong pa ste/ bcom ldan 'das rnam grangs des na byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar sla'o//de ci'i slad du zhe na/ de ni 'di ltar gzugs ni gzugs kyi rang bzhin gyis stong ngo / /tshor ba dang / 'du shes dang / 'du byed rnams dang / rnam par shes pa ni rnam par shes pa'i rang bzhin gyis stong ngo //de bzhin du phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag ni rten cing 'brel bar 'byung ba'i yan lag gi rang bzhin gyis stong ngo / /pha rol tu phyin pa thams cad dang / stong pa nyid thams cad dang / byang chub kyi phyogs kyi chos thams cad dang / tshad med pa dang / bsam gtan dang / gzugs med pa'i snyoms par 'jug pa rnams dang / 'phags pa'i bden pa rnams dang / stong pa nyid dang / mtshan ma med pa dang / smon pa med pa rnams dang / rnam par thar pa thams cad dang /ting nge 'dzin dang / snyoms par 'jug pa dang / gzungs kyi sgo rnams dang / stobs bcu dang / mi 'jigs pa dang so so yang dag par rig pa dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyi rang bzhin gyis stong ngo / /rnam pa thams cad mkhyen pa nyid ni rnam pa thams cad mkhyen pa nyid kyi rang bzhin gyis stong ngo zhes bya ba ni thar pa'i cha dang mthun pa chen po yin no//de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor rnam grangs des na bla na med pa yang dag par rdzogs pa'i byang chub tu mngon par rdzogs par 'tshang rgya bar dka' ste/de ci'i phyir zhe na/ tshe dang ldan pa rab 'byor de ni 'di ltar nam mkha' ni 'di snyam du bdag ni bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam du mi sems so/ /tshe dang ldan pa rab 'byor de bzhin du byang chub sems dpa' sems dpa' chen po yang 'di snyam du bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam du mi sems so//de ci'i phyir zhe na/ rab 'byor chos thams cad nam mkha' dang mnyam pa'i phyir te/ 'on kyang byang chub sems dpa' sems dpa' chen po ni chos thams cad nam mkha' dang mnyam par mos nas bla na med pa yang dag par rdzogs pa'i byang chub tu mngon par rdzogs par 'tshang rgya'o//gal te byang chub sems dpa' sems dpa' chen po chos thams cad nam mkha' lta bur mos par byed kyang bla na med pa yang dag par rdzogs pa'i byang chub tu mngon par rdzogs par 'tshang rgya bar sla ste/mngon par rdzogs par 'tshang rgya bar dka' ba med na ni byang chub sems dpa' gang gA'i klung gi bye ma snyed bla na med pa yang dag par rdzogs pa'i byang chub las yang phyir mi ldog par mi 'gyur ro/ /tshe dang ldan pa rab 'byor rnam grangs des na/bla na med pa yang dag par rdzogs pa'i byang chub tu mngon par rdzogs par 'tshang rgya ba ni dka' ste/ mngon par rdzogs par 'tshang rgya ba sla ba yin par shes so zhes bya ba ni thar pa'i cha dang mthun pa chung ngu yin no/ / de nas tshe dang ldan pa rab 'byor gyis tshe dang ldan pa shA ri'i bu la smras pa/tshe dang ldan pa shA ri'i bu de ji snyam du sems/ gzugs bla na med pa yang dag par rdzogs pa'i byang chub las ldog gam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ shA ri'i bu de ji snyam du sems/ tshor ba dang / 'du shes dang / 'du byed rnams dang / rnam par shes pa bla na med pa yang dag par rdzogs pa'i byang chub las ldog gam/ shA ri'i bus smras pa/ tshe dang ldan pa rab 'byor de ni ma yin no/ /de bzhin du rgyas par phung po dang / khams dang / skye mched dang / rten cing 'brel bar 'byung ba dang /rten cing 'brel bar 'byung ba'i yan lag dang / pha rol tu phyin pa thams cad dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo dang / byang chub kyi phyogs kyi chos rnams dang / tshad med pa dang / bsam gtan dang / gzugs med pa'i snyoms par 'jug pa rnams dang / 'phags pa'i bden pa rnams dang / rnam par thar pa'i sgo rnams dang / mngon par shes pa rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du bla na med pa yang dag par rdzogs pa'i byang chub las ldog gam/shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu de ji snyam du sems/ gzugs las gud na yang bla na med pa yang dag par rdzogs pa'i byang chub las ldog pa'i chos de lta bu dmigs sam/shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ shA ri'i bu de ji snyam du sems/ tshor ba dang / 'du shes dang / 'du byed rnams dang / rnam par shes pa las gud na yang bla na med pa yang dag par rdzogs pa'i byang chub las ldog pa'i chos de lta bu dmigs sam/shA ri'i bus smras pa/ tshe dang ldan pa rab 'byor de ni ma yin no/ /de bzhin du phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag dang /pha rol tu phyin pa thams cad dang / stong pa nyid thams cad dang / byang chub kyi phyogs kyi chos thams cad dang / tshad med pa dang / bsam gtan dang / gzugs med pa'i snyoms par 'jug pa rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar las gud na yang bla na med pa yang dag par rdzogs pa'i byang chub las ldog pa'i chos de lta bu dmigs sam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu de ji snyam du sems/gzugs kyi de bzhin nyid gang yin pa de bla na med pa yang dag par rdzogs pa'i byang chub las ldog gam/ tshor ba dang / 'du shes dang / 'du byed rnams dang / rnam par shes pa'i de bzhin nyid gang yin pa de ni bla na med pa yang dag par rdzogs pa'i byang chub las ldog gam/de bzhin du rgyas par phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag rnams kyi de bzhin nyid gang yin pa de bla na med pa yang dag par rdzogs pa'i byang chub las ldog gam/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun dang / tshad med pa dang / bsam gtan dang / gzugs med pa'i snyoms par 'jug pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo dang / stong pa nyid dang / mtshan ma med pa dang / smon pa med pa dang / 'phags pa'i bden pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi de bzhin nyid gang yin pa de bla na med pa yang dag par rdzogs pa'i byang chub las ldog gam/rnam pa thams cad mkhyen pa nyid kyi bar gyi de bzhin nyid gang yin pa de bla na med pa yang dag par rdzogs pa'i byang chub las ldog gam/ smras pa/ tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu de ji snyam du sems/ gzugs kyi de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/shA ri'i bu de ji snyam du sems/ tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid dang / rnam par shes pa'i de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/de bzhin du rgyas par phung po dang / khams dang / skye mched dang / rten cing 'brel bar 'byung ba'i de bzhin nyid las gzhan dang / rten cing 'brel bar 'byung ba'i yan lag gi de bzhin nyid las gud na dang /pha rol tu phyin pa thams cad dang / stong pa nyid thams cad dang / rnam par thar pa thams cad dang / ting nge 'dzin dang / snyoms par 'jug pa thams cad dang / gzungs kyi sgo'i de bzhin nyid las gud na dang / byang chub kyi phyogs kyi chos sum cu rtsa bdun dang / tshad med pa dang / bsam gtan dang / gzugs med pa'i snyoms par 'jug pa rnams kyi de bzhin nyid las gud na dang / stong pa nyid dang / mtshan ma med pa dang / smon pa med pa dang / mngon par shes pa dang / 'phags pa'i bden pa dang / stobs bcu dang / mi 'jigs pa dang / so so yang dag par rig pa rnams kyi de bzhin nyid las gud na dang /sangs rgyas kyi chos ma 'dres pa rnams kyi de bzhin nyid las gud na dang / rnam pa thams cad mkhyen pa nyid kyi de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ shA ri'i bus smras pa/ tshe dang ldan pa rab 'byor de ni ma yin no//rab 'byor gyis smras pa/ tshe dang ldan pa shA ri'i bu de ji snyam du sems/ de bzhin nyid bla na med pa yang dag par rdzogs pa'i byang chub las ldog gam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ de bzhin du tshe dang ldan pa shA ri'i bu de ji snyam du sems/chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' dang / bsam gyis mi khyab pa'i dbyings bla na med pa yang dag par rdzogs pa'i byang chub las ldog gam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu de ji snyam du sems/ de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ de bzhin du chos nyid dang / chos kyi dbyings dang / chos kyi gnas nyid dang / chos nges pa nyid dang / yang dag pa'i mtha' dang / bsam gyis mi khyab pa'i dbyings las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ de ltar chos rnams bden pa dang / gnas pas chos de dag mi dmigs na/ gang bla na med pa yang dag par rdzogs pa'i byang chub las ldog pa'i chos de lta bu gang zhig yod/ de skad ces smras pa dang / tshe dang ldan pa shA ri'i bus tshe dang ldan pa rab 'byor la smras pa/ gnas brtan rab 'byor gyis chos gang tshul dang rnam pa des bstan pa ltar na byang chub sems dpa' gang yang bla na med pa yang dag par rdzogs pa'i byang chub las ldog pa med do//de ltar na gang zag byang chub sems dpa'i theg pa pa gsum de bzhin gshegs pas bstan pa'i byang chub sems dpa'i theg pa pa'i gang zag gsum po 'di dag gis rnam par gzhag par yang mi 'gyur te/tshe dang ldan pa rab 'byor gyis ji ltar byang chub sems dpa'i theg pa pa bstan pa ltar na 'di lta ste/ byang chub sems dpa' sems dpa' chen po ni gcig kho nar 'gyur ro/ /de nas tshe dang ldan pa byams ma'i bu gang pos tshe dang ldan pa shA ri'i bu la 'di skad ces smras so//tshe dang ldan pa shA ri'i bu ci yang gnas brtan rab 'byor byang chub sems dpa' sems dpa' chen po gcig tu 'dod dam re zhig gnas brtan rab 'byor la dri bar bya'o/ /de skad ces smras pa dang / tshe dang ldan pa shA ri'i bus tshe dang ldan pa rab 'byor la 'di skad ces smras so//tshe dang ldan pa rab 'byor ci yang byang chub sems dpa'i theg pa pa'i byang chub sems dpa' gcig 'dod dam/ de skad ces smras pa dang / tshe dang ldan pa rab 'byor gyis tshe dang ldan pa shA ri'i bu la smras pa/ tshe dang ldan pa shA ri'i bu ci yang de bzhin nyid la byang chub sems dpa'i nyan thos kyi theg pa pa'am/byang chub sems dpa'i [(]dang [,]rang [)]sangs rgyas kyi theg pa pa'am/ byang chub sems dpa' byang chub sems dpa'i theg pa pa gsum du 'dod dam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu ci yang de bzhin nyid la byang chub sems dpa' gsum du dmigs sam/shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu ci yang de bzhin nyid rnam pa gcig gam/ gnyis sam/ gsum du dmigs sam/ shA ri'i bus smras pa/tshe dang ldan pa rab 'byor de ni ma yin no/ /rab 'byor gyis smras pa/ tshe dang ldan pa shA ri'i bu ci yang de bzhin nyid la byang chub sems dpa' gcig tu dmigs sam/ shA ri'i bus smras pa/ tshe dang ldan pa rab 'byor de ni ma yin no/ /rab 'byor gyis smras pa/ de ltar bden pa dang gnas pas chos de dag mi dmigs na ci lags /tshe dang ldan pa shA ri'i bu 'di snyam du byang chub sems dpa' 'di ni nyan thos kyi theg pa pa'o/ /byang chub sems dpa' 'di ni rang sangs rgyas kyi theg pa pa'o/ /byang chub sems dpa' 'di ni sangs rgyas kyi theg pa pa'o zhes bya bar sems par gyur/ de ltar byang chub sems dpa' sems dpa' chen po chos thams cad kyi de bzhin nyid la rab tu sems pa na/ byang chub sems dpa' sems dpa' chen po gang gi sems mi zhum mi 'gong yid la 'gyod pa med cing mi dngang kun du mi skrag kun du skrag pas zin par mi 'gyur na/ byang chub sems dpa' sems dpa' chen po de ni bla na med pa yang dag par rdzogs pa'i byang chub las 'byung bar 'gyur ro//de nas bcom ldan 'das kyis tshe dang ldan pa rab 'byor la bka' stsal pa/ rab 'byor legs so legs so/ /rab 'byor 'di ni 'di ltar sangs rgyas kyi mthus spobs so/ /rab 'byor de ltar byang chub sems dpa' sems dpa' chen po chos thams cad kyi de bzhin nyid la rab tu sems pa na/byang chub sems dpa' sems dpa' chen po gang gi sems mi zhum mi 'gong yid la 'gyod pa med cing mi dngang kun du mi skrag kun du skrag pas zin par mi 'gyur na/ byang chub sems dpa' sems dpa' chen po bla na med pa yang dag par rdzogs pa'i byang chub tu 'byung bar 'gyur ro//de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po byang chub ni ji tsam zhig tu nges par 'byung bar 'gyur / bcom ldan 'das kyis bka' stsal pa/rab 'byor byang chub sems dpa' sems dpa' chen po de ni bla na med pa yang dag par rdzogs pa'i byang chub tu nges par 'byung bar 'gyur ro zhes bya ba ni thar pa'i cha dang mthun pa 'bring yin te/ 'di dag gis ni thar pa'i cha dang mthun pa gsungs pa yin no/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'tshal bas ji ltar gnas par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas sems can rnams kyi drung du sems mnyam pa nyid du gnas par bya/sems can thams cad kyi drung du mnyam pa'i sems bskyed par bya'i mi mnyam pa'i sems bskyed par mi bya/sems can thams cad la mnyam pa'i sems kyis dmigs par bya/ sems can thams cad kyi drung du byams pa chen po bskyed par bya/ sems can thams cad la snying rje chen po bskyed par bya/ sems can thams cad la byams pa'i sems kyis dmigs par bya/sems can thams cad la snying rje chen po'i sems kyis dmigs par bya'i/ brlang ba'i sems kyis dmigs par mi bya'o/ /sems can rnams kyi drung du nga rgyal bcom pa'i sems bskyed par bya/ sems can thams cad la g.yo ba med par dmigs par bya'o zhes bya ba ni drod du gtogs pa chung ngu yin no// sems can thams cad kyi drung du phan pa'i sems bskyed par bya'i/ gnod pa'i sems bskyed par mi bya'o/ /sems can rnams la phan pa'i sems kyis dmigs par bya'i/ gnod pa'i sems kyis dmigs par mi bya'o/ /sems can thams cad kyi drung du khong khro ba med pa'i sems bskyed par bya'o//sems can thams cad la khong khro ba med pa'i sems kyis dmigs par bya'o/ /sems can thams cad kyi drung du mi 'tshe ba'i sems bskyed par bya'o/ /sems can thams cad la mi 'tshe ba'i sems kyis dmigs par bya'o zhes bya ba ni drod du gtogs pa 'bring yin no// byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas sems can thams cad kyi drung du ma'i sems bskyed par bya'o/ /pha'i sems bskyed par bya'o/ /spun zla'i sems bskyed par bya'o//sring mo'i sems bskyed par bya'o/ /bu'i sems bskyed par bya'o/ /bu mo'i sems bskyed par bya'o/ /grogs po dang yid brtan pa dang gnyen dang snag gi gnyen mtshams kyi sems bskyed par bya'o/ /sems can thams cad la ma'i sems dang pha'i sems kyis dmigs par bya/spun zla'i sems dang sring mo'i sems kyis dmigs par bya/ bu'i sems dang bu mo'i sems kyis dmigs par bya/ grogs dang yid brtan pa dang gnyen dang snag gi gnyen mtshams kyi sems kyis dmigs par bya'o zhes bya ba ni drod du gtogs pa chen po yin no/ / bdag nyid kyang srog gcod pa las ldog par bya/gzhan yang srog gcod pa las ldog pa la yang dag par bskul bar bya/ srog gcod pa las ldog pa'i legs pa brjod par bya/ gzhan gang dag srog gcod pa las ldog pa de dag gi legs pa brjod cing mthun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas mi dmigs pa'i tshul gyis gnas par bya'o//bdag nyid kyang ma byin par len pa las ldog par bya/ gzhan yang ma byin par len pa las ldog pa la yang dag par bskul bar bya/ma byin par len pa las ldog pa'i legs pa brjod par bya/ gzhan gang dag ma byin par len pa las ldog pa de dag gi legs pa brjod cing mthun pas dga' bar bya'o/ /bdag nyid kyang 'dod pas log par g.yem pa las ldog par bya/ gzhan yang 'dod pas log par g.yem pa las ldog pa la yang dag par bskul bar bya/'dod pas log par g.yem pa las ldog pa'i legs pa brjod par bya/ gzhan gang dag 'dod pas log par g.yem pa las ldog pa de dag gi legs pa brjod cing mthun pas dga' bar bya'o/ /de bzhin du bdag nyid kyang brdzun gyi tshig smra ba dang / phra ma'i tshig dang / zhe gcod pa'i tshig dang / tshig kyal pa dang / brnab sems dang / gnod sems dang / log par lta ba las ldog par bya/ gzhan yang log par lta ba las ldog pa la yang dag par bskul bar bya/ log par lta ba las ldog pa'i legs pa brjod par bya/ gzhan gang dag log par lta ba las ldog pa de dag gi legs pa brjod cing mthun pas dga' bar bya'o//bdag nyid kyang bsam gtan dang po la mnyam par gzhag par bya/ gzhan yang bsam gtan dang po la yang dag par bskul bar bya/ bsam gtan dang po la snyoms par 'jug pa'i legs pa brjod par bya/ gzhan gang bsam gtan dang po la snyoms par 'jug pa de dag gi legs pa brjod cing mthun pas dga' bar bya'o/ /de bzhin du bdag nyid kyang bsam gtan gnyis pa la snyoms par 'jug par bya/ de bzhin du bsam gtan gsum pa la snyoms par 'jug par bya/ de bzhin du bsam gtan bzhi pa la snyoms par 'jug par bya/gzhan yang bsam gtan bzhi pa la yang dag par bskul bar bya/ bsam gtan bzhi pa la snyoms par 'jug pa'i legs pa brjod par bya/ gzhan gang bsam gtan bzhi pa la snyoms par 'jug pa de dag gi legs pa brjod cing mthun pas dga' bar bya'o//bdag nyid kyang byams pa bsgom par bya/ gzhan yang byams pa bsgom pa la yang dag par bskul bar bya/ byams pa bsgom pa'i legs pa brjod par bya/ gzhan gang byams pa la gnas pa de dag gi legs pa brjod cing mthun pas dga' bar bya'o/ /de bzhin du snying rje dang dga' ba la yang bya'o//de bzhin du bdag nyid kyang btang snyoms la gnas par bya / gzhan yang btang snyoms la yang dag par bskul bar bya/ btang snyoms la gnas pa'i legs pa brjod par bya/ gzhan gang btang snyoms la gnas pa de dag gi legs pa brjod cing mthun pas dga' bar bya'o//bdag nyid kyang nam mkha' mtha' yas skye mched kyi snyoms par 'jug pa la mnyam par gzhag par bya/ gzhan yang nam mkha' mtha' yas skye mched kyi snyoms par 'jug pa la yang dag par bskul bar bya/ nam mkha' mtha' yas skye mched kyi snyoms par 'jug pa'i legs pa brjod par bya/gzhan gang nam mkha' mtha' yas skye mched kyi snyoms par 'jug pa la snyoms par 'jug pa de dag gi legs pa brjod cing mthun pas dga' bar bya'o/ /de bzhin du bdag nyid kyang rnam shes mtha' yas skye mched kyi snyoms par 'jug pa dang / ci yang med pa'i skye mched dang /'du shes med 'du shes med min skye mched kyi snyoms par 'jug pa la mnyam par gzhag par bya/ gzhan yang 'du shes med 'du shes med min skye mched kyi snyoms par 'jug pa la yang dag par bskul bar bya/ 'du shes med 'du shes med min skye mched la snyoms par 'jug pa'i legs pa brjod par bya /gzhan gang 'du shes med 'du shes med min skye mched la snyoms par 'jug pa de dag gi legs pa brjod cing mthun pas dga' bar bya'o zhes bya ba ni rtse mor gtogs pa chung ngu yin no/ / bdag nyid kyang sbyin pa'i pha rol tu phyin pa yongs su rdzogs par bya/ gzhan yang sbyin pa'i pha rol tu phyin pa la yang dag par bskul bar bya/ sbyin pa'i pha rol tu phyin pa'i legs pa brjod par bya/ gzhan gang sbyin pa'i pha rol tu phyin pa yongs su rdzogs par byed pa de dag gi legs pa brjod cing mthun pas dga' bar byed do / /de bzhin du bdag nyid kyang tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par bya/ gzhan yang shes rab kyi pha rol tu phyin pa la yang dag par bskul bar bya/ shes rab kyi pha rol tu phyin pa'i legs pa brjod par bya/gzhan gang shes rab kyi pha rol tu phyin pa yongs su rdzogs par byed pa de dag gi legs pa brjod cing mthun pas dga' bar bya'o zhes bya ba ni rtse mor gtogs pa 'bring yin no/ / bdag nyid kyang nang stong pa nyid bsgom par bya/ gzhan yang nang stong pa nyid bsgom pa la yang dag par bskul bar bya/nang stong pa nyid bsgom pa'i legs pa brjod par bya/ sems can gzhan gang nang stong pa nyid bsgom pa de dag gi legs pa brjod cing mthun pas dga' bar bya'o/ /de bzhin du bdag kyang phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar bsgom par bya/gzhan yang dngos po med pa'i ngo bo nyid stong pa nyid la yang dag par bskul bar bya/ dngos po med pa'i ngo bo nyid stong pa nyid kyi legs pa brjod par bya/ sems can gzhan gang dngos po med pa'i ngo bo nyid stong pa nyid bsgom pa de dag gi legs pa brjod cing mthun pas dga' bar bya'o//bdag nyid kyang dran pa nye bar gzhag pa bzhi bsgom par bya'o/ /gzhan yang dran pa nye bar gzhag pa bzhi la yang dag par bskul bar bya/ dran pa nye bar gzhag pa bzhi'i legs pa brjod par bya/ sems can gzhan gang dran pa nye bar gzhag pa bzhi bsgom pa de dag gi legs pa brjod cing mthun pas dga' bar bya'o//de bzhin du bdag nyid kyang yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa bsgom par bya/ gzhan yang 'phags pa'i lam yan lag brgyad pa la yang dag par bskul bar bya/'phags pa'i lam yan lag brgyad pa'i legs pa brjod par bya/ sems can gzhan gang 'phags pa'i lam yan lag brgyad pa bsgom pa de dag gi legs pa brjod cing mthun pas dga' bar bya'o/ /bdag nyid kyang stong pa nyid dang /mtshan ma med pa dang / smon pa med pa'i ting nge 'dzin bsgom par bya/ gzhan yang stong pa nyid dang / mtshan ma med pa dang / smon pa med pa'i ting nge 'dzin la yang dag par bskul bar bya/ stong pa nyid dang / mtshan ma med pa dang / smon pa med pa'i ting nge 'dzin gyi legs pa brjod par bya/sems can gzhan gang stong pa nyid dang / mtshan ma med pa dang / smon pa med pa'i ting nge 'dzin bsgom pa de dag gi legs pa brjod cing mthun pas dga' bar bya'o/ /bdag nyid kyang 'phags pa'i bden pa bzhi bsgom par bya/ gzhan yang 'phags pa'i bden pa bzhi bsgom pa la yang dag par bskul bar bya/'phags pa'i bden pa'i legs pa brjod par bya/ sems can gzhan gang 'phags pa'i bden pa bzhi bsgom pa de dag gi legs pa brjod cing mthun pas dga' bar bya'o/ /bdag nyid kyang rnam par thar pa brgyad bsgom par bya/ gzhan yang rnam par thar pa brgyad bsgom pa la yang dag par bskul bar bya/rnam par thar pa brgyad kyi legs pa brjod par bya/ gzhan gang rnam par thar pa brgyad la snyoms par 'jug pa de dag gi legs pa brjod cing mthun pas dga' bar bya'o/ /bdag nyid kyang mthar gyis gnas pa'i snyoms par 'jug pa dgu bsgom par bya/gzhan yang mthar gyis gnas pa'i snyoms par 'jug pa dgu la yang dag par bskul bar bya/ mthar gyis gnas pa'i snyoms par 'jug pa dgu'i legs pa brjod par bya/ sems can gzhan gang mthar gyis gnas pa'i snyoms par 'jug pa dgu bsgom pa de dag gi legs pa brjod cing mthun pas dga' bar bya'o//bdag nyid kyang mngon par shes pa rnams yongs su rdzogs par bya/ gzhan yang mngon par shes pa rnams thob pa la yang dag par bskul bar bya/ mngon par shes pa rnams kyi legs pa brjod par bya/ sems can gzhan gang mngon par shes pa rnams thob pa de dag gi legs pa brjod cing mthun pas dga' bar bya'o/ /bdag nyid kyang de bzhin gshegs pa'i stobs bcu yongs su rdzogs par bya/ gzhan yang de bzhin gshegs pa'i stobs bcu la yang dag par bskul bar bya/ de bzhin gshegs pa'i stobs bcu'i legs pa brjod par bya/sems can gzhan gang de bzhin gshegs pa'i stobs bcu yongs su rdzogs par byed pa de dag gi legs pa brjod cing mthun pas dga' bar bya'o/ /de bzhin du bdag nyid kyang mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad yongs su rdzogs par bya/ gzhan yang sangs rgyas kyi chos ma 'dres pa bco brgyad la rab tu 'god par bya'o/ /sangs rgyas kyi chos ma 'dres pa bco brgyad kyi legs pa brjod par bya/ gzhan gang sangs rgyas kyi chos ma 'dres pa bco brgyad yongs su rdzogs par byed pa de dag gi legs pa brjod cing mthun pas dga' bar bya'o//bdag nyid kyang byams pa chen po dang / snying rje chen po yongs su rdzogs par bya/ gzhan yang byams pa chen po dang / snying rje chen po la yang dag par bskul bar bya/ byams pa chen po dang /snying rje chen po'i legs pa brjod par bya/ sems can gzhan gang byams pa chen po dang / snying rje chen po yongs su rdzogs par byed pa de dag gi legs pa brjod cing mthun pas dga' bar bya'o/ /bdag nyid kyang rten cing 'brel bar 'byung ba lugs dang lugs ma yin pa la mnyam par gzhag par bya/gzhan yang rten cing 'brel bar 'byung ba lugs dang lugs ma yin pa'i snyoms par 'jug pa la yang dag par bskul bar bya/ rten cing 'brel bar 'byung ba lugs dang lugs ma yin pa la snyoms par 'jug pa'i legs pa brjod par bya/ sems can gzhan gang rten cing 'brel bar 'byung ba lugs dang lugs ma yin pa la snyoms par 'jug pa de dag gi legs pa brjod cing mthun pas dga' bar bya ste/rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas mi dmigs pa'i tshul gyis gnas par bya'o zhes bya ba ni rtse mor gtogs pa chen po yin no// bdag nyid kyang sdug bsngal yongs su shes par bya/ kun 'byung rab tu spang bar bya/ 'gog pa mngon du bya/ lam bsgom par bya/ gzhan yang sdug bsngal yongs su shes par bya ba dang / kun 'byung rab tu spong ba dang /'gog pa mngon du bya ba dang / lam bsgom pa la yang dag par bskul bar bya/ sdug bsngal yongs su shes pa dang / kun 'byung rab tu spong ba dang / 'gog pa mngon du byed pa dang / lam bsgom pa'i legs pa brjod par bya/ sems can gzhan gang sdug bsngal yongs su shes par byed pa dang /kun 'byung rab tu spong ba dang / 'gog pa mngon du byed pa dang / lam bsgom pa de dag gi legs pa brjod cing mthun pas dga' bar bya'o zhes bya ba ni bzod par gtogs pa chung ngu yin no/ / bdag nyid kyang rgyun du zhugs pa'i 'bras bu shes pa mngon du bya ba'i phyir shes pa bskyed de yang dag pa'i mtha' mngon du mi bya/gzhan yang rgyun du zhugs pa'i 'bras bu shes pa mngon du bya ba la yang dag par bskul bar bya/ rgyun du zhugs pa'i 'bras bu shes pa mngon du bya ba'i legs pa brjod par bya/ sems can gzhan gang rgyun du zhugs pa'i 'bras bu shes pa mngon du byed pa de dag gi legs pa brjod cing mthun par dga' bar bya'o//de bzhin du bdag nyid kyang lan cig phyir 'ong ba'i 'bras bu shes pa mngon du bya ba'i phyir shes pa bskyed de/ yang dag pa'i mtha' mngon du mi bya/ bdag nyid kyang phyir mi 'ong ba'i 'bras bu shes pa mngon du bya ba'i phyir shes pa bskyed de yang dag pa'i mtha' mngon du mi bya/bdag nyid kyang dgra bcom pa'i 'bras bu shes pa mngon du bya ba'i phyir shes pa bskyed de yang dag pa'i mtha' mngon du mi bya/ gzhan yang dgra bcom pa'i 'bras bu shes pa mngon du bya ba la rab tu dgod par bya/ dgra bcom pa'i 'bras bu shes pa mngon du bya ba'i legs pa brjod par bya/sems can gzhan gang dgra bcom pa'i 'bras bu mngon du bya ba'i phyir shes pa bskyed pa de dag gi legs pa brjod cing mthun pas dga' bar bya'o/ /bdag nyid kyang rang byang chub kyi 'bras bu mngon du bya ba'i phyir shes pa bskyed de/ rang byang chub kyi 'bras bu mngon du bya bas yang dag pa'i mtha' mngon du mi bya/ gzhan yang rang byang chub kyi 'bras bu shes pa mngon du bya ba la rab tu 'god par bya/ rang byang chub kyi 'bras bu shes pa mngon du bya ba'i legs pa brjod par bya/ sems can gzhan gang rang byang chub kyi 'bras bu mngon du bya ba'i phyir shes pa bskyed pa de dag gi legs pa brjod cing mthun pas dga' bar bya'o zhes bya ba ni bzod par gtogs pa 'bring yin no// bdag nyid kyang byang chub sems dpa'i skyon med par 'jug par bya/ gzhan yang byang chub sems dpa'i skyon med par 'jug pa la yang dag par bskul bar bya/byang chub sems dpa'i skyon med par 'jug pa'i legs pa brjod par bya/ sems can gzhan gang byang chub sems dpa'i skyon med par 'jug pa de dag gi legs pa brjod cing mthun pas dga' bar bya ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu nges par 'byung bar 'dod pas mi dmigs pa'i tshul gyis gnas par bya'o zhes bya ba ni bzod par gtogs pa chen po yin no// bdag nyid kyang sems can rnams yongs su smin par bya/ gzhan yang sems can yongs su smin par bya ba la yang dag par bskul bar bya/ sems can yongs su smin par bya ba'i legs pa brjod par bya/ sems can gzhan gang sems can yongs su smin par bya ba de dag gi legs pa brjod cing mthun pas dga' bar bya'o/ /bdag nyid kyang sangs rgyas kyi zhing yongs su sbyang bar bya/ gzhan yang sangs rgyas kyi zhing yongs su sbyong ba la yang dag par bskul bar bya/sangs rgyas kyi zhing yongs su sbyong ba'i legs pa brjod par bya/ sems can gzhan gang sangs rgyas kyi zhing yongs su sbyong ba la rab tu gnas pa de dag gi legs pa brjod cing mthun pas dga' bar bya'o zhes bya ba ni chos kyi mchog chung ngu yin no/ / bdag nyid kyang byang chub sems dpa'i mngon par shes pa bskyed par bya/gzhan yang byang chub sems dpa'i mngon par shes pa bskyed pa la yang dag par bskul bar bya/ mngon par shes pa bskyed pa'i legs pa brjod par bya/ sems can gzhan gang byang chub sems dpa'i mngon par shes pa bskyed pa de dag gi legs pa brjod cing mthun pas dga' bar bya'o zhes bya ba ni chos kyi mchog 'bring yin no// bdag nyid kyang rnam pa thams cad mkhyen pa nyid kyi ye shes bskyed par bya/ gzhan yang rnam pa thams cad mkhyen pa nyid kyi ye shes la yang dag par bskul bar bya/ rnam pa thams cad mkhyen pa nyid kyi ye shes kyi legs pa brjod par bya/sems can gzhan gang rnam pa thams cad mkhyen pa nyid kyi ye shes bskyed pa de dag gi legs pa brjod cing mthun pas dga' bar bya'o/ /bdag nyid kyang bag chags kyi mtshams sbyor ba'i nyon mongs pa thams cad spang bar bya/ gzhan yang bag chags kyi mtshams sbyor ba'i nyon mongs pa thams cad spong ba la yang dag par bskul bar bya/bag chags kyi mtshams sbyor ba'i nyon mongs pa thams cad spong ba'i legs pa brjod par bya/ sems can gzhan gang bag chags kyi mtshams sbyor ba'i nyon mongs pa spong ba de dag gi legs pa brjod cing mthun pas dga' bar bya'o//bdag nyid kyang tshe phun sum tshogs pa yongs su gzung bar bya/ gzhan yang tshe phun sum tshogs pa la yang dag par bskul bar bya/ tshe phun sum tshogs pa'i legs pa brjod par bya/ sems can gzhan gang skyes bu chen po'i tshe phun sum tshogs pa la gnas pa de dag gi legs pa brjod cing mthun pas dga' bar bya'o//bdag nyid kyang dam pa'i chos yongs su gnas pa gzung bar bya/ gzhan yang dam pa'i chos gnas pa la yang dag par bskul bar bya/ dam pa'i chos la gnas pa'i legs pa brjod par bya/ sems can gzhan gang dam pa'i chos gnas pa yongs su 'dzin pa skyes bu khyu mchog de dag gi legs pa brjod cing mthun pas dga' bar bya ste/rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu 'byung bar 'dod pas mi dmigs pa'i tshul gyis gnas par bya'o//rab 'byor de ltar byang chub sems dpa' sems dpa' chen pos shes rab kyi pha rol tu phyin pa dang thabs mkhas pa la gnas par bya'o/ /de ltar slob cing de ltar gnas pas de'i gzugs sgrib pa med par 'gyur ro/ /tshor ba sgrib pa med pa dang / 'du shes sgrib pa med pa dang / 'du byed rnams sgrib pa med pa dang / rnam par shes pa sgrib pa med par 'gyur ro/ /de bzhin du rgyas par dam pa'i chos gnas pa'i bar du sgrib pa med par 'gyur ro/ /de ci'i phyir zhe na/ de ni 'di ltar byang chub sems dpa' sems dpa' chen po des sngon gyi mtha' nas gzugs yongs su ma bzung /tshor ba dang / 'du shes dang / 'du byed rnams dang / rnam par shes pa yongs su ma bzung / de bzhin du rnam pa thams cad mkhyen pa nyid kyi bar du yongs su ma bzung ba'i phyir ro/ /de ci'i phyir zhe na/ rab 'byor de ni 'di ltar gzugs yongs su gzung du med pa gang yin pa de ni gzugs ma yin no//'di ltar tshor ba dang / 'du shes dang / 'du byed rnams dang / rnam par shes pa yongs su gzung du med pa gang yin pa de ni rnam par shes pa ma yin/ de bzhin du rnam pa thams cad mkhyen pa nyid kyi bar du yongs su gzung du med pa gang yin pa de ni rnam pa thams cad mkhyen pa nyid ma yin pa'i phyir ro//byang chub sems dpa'i gnas pa 'di bshad pa'i tshe byang chub sems dpa' nyis stong gis mi skye ba'i chos la bzod pa thob par gyur to zhes bya ba ni chos kyi mchog chen po ste 'di dag gis nges par 'byed pa'i cha dang mthun pa gsungs so/ / de skad ces bka' stsal pa dang /tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po'i rnam pa ni gang lags/ rtags ni gang lags/ mtshan ma ni gang lags/ bcom ldan 'das ji ltar bdag cag gis byang chub sems dpa' sems dpa' chen po 'di ni phyir mi ldog pa'o zhes bgyi bar 'tshal bar bgyi/de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la so so'i skye bo'i sa dang / nyan thos kyi sa dang / rang sangs rgyas kyi sa dang /byang chub sems dpa'i sa dang / de bzhin gshegs pa'i sar bshad pa de dag thams cad kyang de bzhin nyid las 'gyur ba med cing rnam par rtog pa med la gnyis su byar med de/ de ni de bzhin nyid rnam par rtog pa med pa ji lta ba de ltar rnam par rtog par mi byed cing rnam par rtog par mi byed pas de ltar 'jug go//de ltar zhugs te de bzhin nyid ji lta ba de bzhin du thos nas de las 'das te de bzhin nyid de la re rer med/ gnyis su med/ gnyis su ma yin pa yang med de cung zhig kyang rnam par rtog par mi byed do/ /de ni cung zad tsam yang byung rgyal du smra ba ma yin te/ don dang ldan pa'i tshig smra'i/don dang mi ldan pa'i tshig smra ba ma yin/ gzhan gyis byas pa dang ma byas pa la mi blta zhing legs pa brjod pa tshol ba yin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni phyir mi ldog pa spyir bstan pa yin no// rab 'byor gyis gsol pa/ bcom ldan 'das rnam pa ji tsam dang / rtags ji tsam dang mtshan ma ji tsam gyis byang chub sems dpa' sems dpa' chen po phyir mi ldog par rig par bgyi/ bcom ldan 'das kyis bka' stsal pa/ rab 'byor chos thams cad ni rnam pa med pa rtags med pa mtshan ma med pa'o//de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos thams cad rnam pa ma mchis/ rtags ma mchis/ mtshan ma ma mchis pa lags na chos ji lta bu zhig dang ldan pa'i slad du byang chub sems dpa' sems dpa' chen po phyir mi ldog pa zhes bgyi bar bstan pa lags/bcom ldan 'das kyis bka' stsal pa/ rab 'byor byang chub sems dpa' sems dpa' chen po gang gzugs las phyir ldog pa dang / tshor ba las phyir ldog pa dang /'du shes las phyir ldog pa dang / 'du byed rnams las phyir ldog pa dang / rnam par shes pa las phyir ldog pa de ni byang chub sems dpa' sems dpa' chen po de ni phyir mi ldog par rig par bya'o/ /rab 'byor byang chub sems dpa' sems dpa' chen po gang phung po rnams las phyir ldog pa dang /khams rnams las phyir ldog pa dang / skye mched rnams las phyir ldog pa dang / rten cing 'brel bar 'byung ba las phyir ldog pa dang / rten cing 'brel bar 'byung ba'i yan lag las phyir ldog pa de ni rab 'byor byang chub sems dpa' sems dpa' chen po phyir mi ldog par rig par bya'o//rab 'byor byang chub sems dpa' sems dpa' chen po sbyin pa'i pha rol tu phyin pa las phyir ldog pa dang / de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa las phyir ldog pa dang / nang stong pa nyid dang / dngos po med pa'i ngo bo nyid stong pa nyid kyi bar las phyir ldog pa dang / dran pa nye bar gzhag pa rnams las phyir ldog pa dang / de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang /byang chub kyi yan lag dang / lam rnams las phyir ldog pa dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa rnams las phyir ldog pa dang / rnam par thar pa thams cad dang / ting nge 'dzin dang / snyoms par 'jug pa dang /gzungs kyi sgo rnams las phyir ldog pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams las phyir ldog pa dang / nyan thos dang / rang sangs rgyas kyi sa las phyir ldog pa dang / bla na med pa yang dag par rdzogs pa'i byang chub las phyir ldog pa de ni rab 'byor byang chub sems dpa' sems dpa' chen po phyir mi ldog par rig par bya'o//de ci'i phyir zhe na/ rab 'byor de ni 'di ltar gang la byang chub sems dpa' sems dpa' chen po gnas par 'gyur ba'i gzugs kyi ngo bo nyid med do/ / de bzhin du tshor ba dang / 'du shes dang / 'du byed rnams dang / rnam par shes pa'i ngo bo nyid med do/ /de bzhin du gang la byang chub sems dpa' sems dpa' chen po gnas par 'gyur ba'i phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag gi ngo bo nyid med do//de bzhin du gang la byang chub sems dpa' sems dpa' chen po gnas par 'gyur ba'i bla na med pa yang dag par rdzogs pa'i byang chub kyi bar gyi ngo bo nyid med do zhes bya ba ni nges par 'byed pa'i yan lag la gnas pa'i phyir mi ldog pa'i rtags dang po yin no// rab 'byor gzhan yang byang chub sems dpa' sems dpa' chen po ni dge sbyong dang bram ze 'di dag ni shes par bya ba shes pa'o/ /blta bar bya ba mthong ba'o/ /yang dag ba'i lta ba rab tu shes par byed pa'o zhes 'di las phyir ldog pa'i dge sbyong dang bram ze gzhan dag gi dor mi blta ste/de ni gnas med cing the tshom mi za'o/ /tshul khrims dang brtul zhugs mchog tu mi 'dzin/ lta ba ngan par mi ltung ngo / /ngo mtshar gyi bkra shis kyis yang dag par mi rtsi ste/ lha gzhan la phyag mi 'tshal zhing me tog gam/ dri'am/ spos sam/ byug pa'am/ phye ma'am/ gos sam/ gdugs sam/ rgyal mtshan nam/ ba dan nam/ gzhan dag de la sbyin par bya ba'am/ bya bar mi sems te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags gnyis pa yin no// rab 'byor gzhan yang phyir mi ldog pa'i byang chub sems dpa' sems dpa' chen po ni log par lta bar mi 'gyur/ sems can dmyal bar mi skye/ gshin rje'i 'jig rten du mi skye/ lha ma yin gyi lus su mi skye/ yul mtha' 'khob tu mi skye/ glen zhing lkugs par mi 'gyur la/ lha tshe ring po rnams kyi nang du mi skye/ dud 'gro'i skye gnas su mi skye zhing bud med kyi dngos po yongs su mi 'dzin te/ rab 'byor rnam pa de dag dang / rtags de dag dang /mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags gsum pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po dge ba bcu'i las kyi lam la yang dag par bskul zhing spyod pa de bdag nyid kyang srog gcod pa las ldog//gzhan yang srog gcod pa las ldog pa la yang dag par bskul ba yin/ srog gcod pa las ldog pa'i legs pa brjod pa yin/ gzhan gang srog gcod pa las ldog pa de dag gi legs pa brjod cing mthun pas dga' ba yin/de bzhin du bdag nyid kyang ma byin par len pa dang / 'dod pa log par spyod pa dang / brdzun du smra ba dang / phra ma dang / zhe gcod pa dang / tshig kyal pa dang / brnab sems dang / gnod sems dang / log par lta ba las ldog /gzhan yang log par lta ba las ldog pa la yang dag par bskul ba yin/ log par lta ba las ldog pa'i legs pa brjod pa yin/ gzhan gang log par lta ba las log pa de dag gi legs pa brjod cing mthun pas dga' ba yin te/ rab 'byor rnam pa de dag dang /rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po'i rmi lam gyi nang na yang dge ba bcu'i las kyi lam rmi na/ rab 'byor rnam pa de dag dang /rtags de dag dang / mtshan ma de dag dang ldan pa'i byang chub sems dpa' sems dpa' chen po de dag ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bzhi pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po ni gang gi tshe sbyin pa'i pha rol tu phyin pa la gnas pa dang /tshul khrims kyi pha rol tu phyin pa la gnas pa dang / bzod pa'i pha rol tu phyin pa la gnas pa dang / brtson 'grus kyi pha rol tu phyin pa la gnas pa dang / bsam gtan gyi pha rol tu phyin pa la gnas pa dang /gang gi tshe shes rab kyi pha rol tu phyin pa la gnas pa de'i tshe sems can thams cad kyi don du sbyin pa yongs su gtang ngo / / de bzhin du tshul khrims bsrung ngo / /bzod pa bsgom mo/ /brtson 'grus brtsam mo/ /bsam gtan la mnyam par gzhag go/ /sems can thams cad kyi don du shes rab bsgom mo//rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni mdo dang /dbyangs kyis bsnyad pa dang / lung bstan pa dang / de lta bu byung ba dang / gtan la phab par bstan pa'i bar byi chos gang yin pa de dag chos kyi sbyin pa sbyin par bya ba'i don du kun chub par byas nas de chos kyi sbyin pa de yongs su gtong ba'i tshe 'di snyam du chos kyi sbyin pa 'dis sems can thams cad kyi chos de dang ldan pa'i bsam pa yongs su rdzogs par gyur cig ces bsams nas de chos kyi sbyin pa de sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags lnga pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po ni chos zab mo la dogs pa dang /yid gnyis dang the tshom med do/ /rab 'byor gyis gsol pa/ bcom ldan 'das ci'i slad du phyir mi ldog pa'i byang chub sems dpa' sems dpa' chen po chos zab mo la nem nur ma mchis/ the tshom ma mchis yid gnyis ma mchis pa lags/ bcom ldan 'das kyis bka' stsal pa/rab 'byor de ni 'di ltar phyir mi ldog pa'i byang chub sems dpa' sems dpa' chen po chos gang yang yang dag par rjes su mi mthong ste/ gang la nem nur ram/ yid gnyis sam/ the tshom du 'gyur ba'i gzugs sam/ tshor ba'am/ 'du shes sam/'du byed rnams sam/ rnam par shes pa'am/ phung po'am/ khams sam/ skye mched dam/ rten cing 'brel bar 'byung ba'am/ rten cing 'brel bar 'byung ba'i yan lag rnams yang dag par rjes su mi mthong ngo / /pha rol tu phyin pa'am/ stong pa nyid dam/ rnam par thar pa thams cad dang /ting nge 'dzin dang / snyoms par 'jug pa dang / gzungs kyi sgo rnams sam/ byang chub kyi phyogs kyi chos sum cu rtsa bdun dang / tshad med pa dang / bsam gtan dang / gzugs med pa'i snyoms par 'jug pa'am/ 'phags pa'i bden pa'am/ stong pa nyid dang /mtshan ma med pa dang / smon pa med pa'am/ de bzhin gshegs pa'i stobs bcu'am/ mi 'jigs pa'am/ so so yang dag par rig pa'am/ sangs rgyas kyi chos ma 'dres pa rnams yang dag par rjes su mi mthong ngo / /bla na med pa yang dag par rdzogs pa'i byang chub yang dag par rjes su mi mthong ngo //rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags drug pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po ni lus kyi las 'jam pa dang ldan pa yin/ ngag gi las 'jam pa dang ldan pa yin/ yid kyi las 'jam pa dang ldan pa yin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o//rab 'byor gzhan yang byang chub sems dpa' sems dpa' chen po ni byams pa'i lus kyi las dang / ngag gi las dang / byams pa'i yid kyi las dang ldan pa yin te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bdun pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po ni 'di lta ste/'dod pa la 'dun pa dang / gdod sems dang / rmugs pa dang / gnyid dang / rgod pa dang / 'gyod pa dang / the tshom gyi sgrib pa lnga po 'di dag dang lhan cig tu mi gnas te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags brgyad pa yin no// rab 'byor gzhan yang phyir mi ldog pa'i byang chub sems dpa' sems dpa' chen po ni bag la nyal ba thams cad du thams cad med de/rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags dgu pa yin no// rab 'byor gzhan yang phyir mi ldog pa'i byang chub sems dpa' sems dpa' chen po ni 'gro zhing 'ong yang 'khrul pa'i sems kyis mi 'gro mi 'ong ste/ de 'gro ba'am 'ong na yang dran pa nye bar gzhag cing 'ong ste dran bzhin du 'gro 'chag sdod 'dug nyal te/ de 'phral la sa la rkang pa mi 'jog 'phral la las la rkang pa mi 'degs te/dran bzhin du rkang pa 'degs 'jog cing sa de'i phyogs mthong bzhin du 'gro ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bcu pa yin no// rab 'byor gzhan yang phyir mi ldog pa'i byang chub sems dpa' sems dpa' chen po ni chos gos longs spyod pa la sro ma med pas slad du med pa yin te/ rab 'byor phyir mi ldog pa'i byang chub sems dpa' sems dpa' chen po gtsang sbra kun du spyod pa dang ldan pa ste/kun du spyod pas gtsang ba dang / nad nyung ba yin no/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bcu gcig pa yin no// rab 'byor gzhan yang byang chub sems dpa' sems dpa' chen po gang gi lus la srin bu'i rigs stong phrag brgyad cu gnas shing lus la za ba yod pa de dag kyang phyir mi ldog pa'i byang chub sems dpa' sems dpa' chen po'i lus thams cad nas thams cad du med do//de ci'i phyir zhe na/ rab 'byor de ni 'di ltar byang chub sems dpa' sems dpa' chen po'i dge ba'i rtsa ba de dag 'jig rten thams cad las mngon par 'phags pa ste/ de'i phyir byang chub sems dpa' sems dpa' chen po de'i lus la srin bu'i rigs stong phrag brgyad cu po de dag med de/rab 'byor ji lta ji ltar byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar byang chub sems dpa' sems dpa' chen po'i lus yongs su dag pa dang /ngag yongs su dag pa dang / sems yongs su dag pa 'dzin to/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bcu gnyis pa yin no// de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po'i lus yongs su dag pa lags/ ngag yongs su dag pa lags/sems yongs su dag pa lags/ bcom ldan 'das kyis bka' stsal pa/ rab 'byor ji lta ji ltar byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar dge ba'i rtsa ba de dag gis lus mi drang ba nyid dang / ngag mi drang ba nyid dang / sems mi drang ba nyid de lus dang ngag dang sems kyi gya gyu yongs su sbyong bar byed do//rab 'byor 'di ni byang chub sems dpa' sems dpa' chen po'i lus yongs su dag pa dang / ngag yongs su dag pa dang / sems yongs su dag pa'o/ /de lus yongs su dag pa dang / ngag yongs su dag pa dang / sems yongs su dag pa des nyan thos kyi sa dang /rang sangs rgyas kyi sa las 'da'o/ /rab 'byor 'di yang byang chub sems dpa' sems dpa' chen po'i lus yongs su dag pa dang / ngag yongs su dag pa dang / sems yongs su dag pa ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bcu gsum pa yin no// rab 'byor gzhan yang phyir mi ldog pa'i byang chub sems dpa' sems dpa' chen po ni khe dang bkur sti lhur len pa ma yin no// chos gos gsum pa'i bar du lhur len pa ma yin zhing de sbyangs pa'i yon tan bcu gnyis kyang yang dag par blangs te spyod do/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bcu bzhi pa yin no// rab 'byor gzhan yang phyir mi ldog pa'i byang chub sems dpa' sems dpa' chen po la ser sna'i sems skye ba med do/ /tshul khrims ngan pa'i sems skye ba med do/ / 'khrug pa'i sems skye ba med do/ /le lo'i sems skye ba med do/ /mnyam par ma bzhag pa'i sems skye ba med do/ /shes rab 'chal ba'i sems skye ba med do/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bco lnga pa yin no// rab 'byor gzhan yang byang chub sems dpa' sems dpa' chen po phyir mi ldog pa ni blo brtan pa yin/ gus pas gzhan la chos nyan pa yin/ gzhan las chos gang thos pa de dag thams cad kyang shes rab kyi pha rol tu phyin pa dang yang dag par sbyor ba yin/'jig rten pa'i bya ba gang ji snyed pa de dag thams cad kyang shes rab kyi pha rol tu phyin pa la brten nas chos nyid dang yang dag par sbyor bar byed de/ chos gang chos kyi dbyings dang mi sbyor ba de lta bu gang yang yang dag par rjes su mi mthong ste/thams cad kyang shes rab kyi pha rol tu phyin pa dang sbyor bar yang dag par rjes su mthong ba yin no/ /rab 'byor de dag ni phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bcu drug pa yin no// rab 'byor gzhan yang phyir mi ldog pa'i byang chub sems dpa' sems dpa' chen po'i mdun du bdud sdig to can gyis sems can dmyal ba chen po brgyad mngon par sprul nas sems can dmyal ba chen po de re rer yang byang chub sems dpa' brgya phrag mang po dang /byang chub sems dpa' stong phrag mang po dang / byang chub sems dpa' brgya stong phrag mang po dang / byang chub sems dpa' bye ba khrag khrig brgya stong phrag mang po sreg cing btso ba dang / sdug bsngal mi bzad pa dang / rtsub pa dang / tsha ba'i tshor ba myong bar mngon par sprul nas bstan te/ 'di skad du byang chub sems dpa' sems dpa' chen po 'di dag ni phyir mi ldog par de bzhin gshegs pas lung bstan pa yin te/ de dag sems can dmyal ba chen po 'dir skyes so/ /khyod kyang de bzhin gshegs pa dgra bcom pa yang dag par rdzogs pa'i sangs rgyas rnams kyis phyir mi ldog par lung bstan pa ni sems can dmyal bar lung bstan te/da dung yang khyod kyis byang chub kyi sems 'di [(]thong zhig [,]thongs shig [)]dang khyod sems can dmyal bar skye bar mi 'gyur te/ de ltar byas na khyod mtho ris su 'gro bar 'gyur ro zhes zer yang / rab 'byor gal te byang chub sems dpa' sems dpa' chen po sems mi 'khrug cing dogs pa med the tshom med na/ byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis lung bstan par rig par bya'o/ / byang chub sems dpa' sems dpa' chen po de dag ni nges pa yin te/ phyir mi ldog pa'i khams su gnas pa'o/ /rab 'byor 'di ni gnas ma yin zhing skabs med pa ste/ phyir mi ldog pa'i byang chub sems dpa' sems dpa' chen po sems can dmyal ba pa'am/ byol song gi skye gnas sam/gshin rje'i 'jig rten nam/ lha ma yin du skye bar 'gyur ba de ni gnas med do/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni rtse mor gtogs pa'i gnas skabs las phyir mi ldog pa'i rtags bcu bdun pa yin no// rab 'byor gzhan yang gal te byang chub sems dpa' sems dpa' chen po'i drung du bdud sdig to can dge sbyong gi cha byad du 'ongs te/ 'di skad du gang khyod kyis sngon 'di ltar bdag gis sbyin pa'i pha rol tu phyin pa yongs su sbyang bar bya'o//'di ltar bdag gis tshul khrims kyi pha rol tu phyin pa yongs su sbyang bar bya'o/ /'di ltar bdag gis bzod pa'i pha rol tu phyin pa yongs su sbyang bar bya'o/ /'di ltar bdag gis brtson 'grus kyi pha rol tu phyin pa yongs su sbyang bar bya'o/ / 'di ltar bdag gis bsam gtan gyi pha rol tu phyin pa yongs su sbyang bar bya'o/ /'di ltar bdag gis shes rab kyi pha rol tu phyin pa yongs su sbyang bar bya'o/ /'di ltar bdag gis bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar bya'o zhes bya ba de dag thams cad shogs shig /gang khyod kyis 'das pa dang / ma byon pa dang / de ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos dang bcas pa rnams kyi thugs dang po bskyed pa nas nye bar bzung ste/ dam pa'i chos gnas pa'i bar gyi dge ba'i rtsa ba gang ji snyed pa de dag thams cad la rjes su yi rang ba de dag so sor shogs shig [(]thong [,]thongs [)]shig /gang khyod kyis thos pa de ni sangs rgyas kyi bka' ma yin/ yang dag par rdzogs pa'i sangs rgyas kyis gsungs pa ma yin te/ de ni rang bzor byas pa'o/ /gang ngas bshad pa ni sangs rgyas kyi bka' ste/de bzhin gshegs pas gsungs pa'o zhes zer la/ gal te byang chub sems dpa' sems dpa' chen po 'khrug cing dogs par byed dam/ the tshom za na byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis lung ma bstan par rig par bya'o//byang chub sems dpa' de ni ma nges pa yin te/ byang chub sems dpa' de ni phyir mi ldog pa'i khams su gnas pa ma yin/ gal te byang chub sems dpa' sems dpa' chen po ni mi 'khrug cing dogs par mi byed the tshom mi za la chos nyid la brten cing mngon par 'dus ma byas pa dang ma skyes pa la brten te/gzhan la yid ches pas mi 'gro la gzhan gyi dring mi 'jog cing sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa dang / bla na med pa yang dag par rdzogs pa'i byang chub kyi bar la gzhan gyi dring mi 'jog cing 'di lta ste dper na dgra bcom pa zag pa zad pas gzhan la yid ches pas mi 'gro zhing chos nyid mngon sum du 'gyur bas bdud sdig to can gyis mi 'phrogs pa de bzhin du/rab 'byor byang chub sems dpa' sems dpa' chen po nyan thos kyi theg pa pa rnams dang / rang sangs rgyas kyi theg pa pa rnams kyis mi brdzi zhing nyan thos kyi theg pa pa'am/ rang sangs rgyas kyi theg pa pa'am/ sangs rgyas kyi theg pa pas bla na med pa yang dag par rdzogs pa'i byang chub kyi chos las phyir mi ldog na byang chub sems dpa' sems dpa' chen po de ni nges pa yin te/ phyir mi ldog pa'i khams su gnas shing gzhan gyi dring mi 'jog pa yin no/ /de ni de bzhin gshegs pa dgra bcom pa yang dag par rdzogs pa'i sangs rgyas la yid ches pas kyang mi 'gro na/nyan thos kyi theg pa pa'am/ rang sangs rgyas kyi theg pa pa'am/ sangs rgyas kyi theg pa pa'am/ bdud sdig can nam/ mu stegs can nam/ kun du rgyu ba gzhan dag la yid ches pas 'gro bar 'gyur ba lta ci smos te/ de ni gnas med do/ /de ci'i phyir zhe na/ rab 'byor 'di ltar byang chub sems dpa' sems dpa' chen po des gang la yid ches pas 'gro ba'i chos gang yang yang dag par rjes su mi mthong ba'i phyir te/ gzugs sam/ tshor ba'am / 'du shes sam/ 'du byed rnams sam/ rnam par shes pa'am/gzugs kyi de bzhin nyid dam/ tshor ba'i de bzhin nyid dam/ 'du shes kyi de bzhin nyid dam/ 'du byed rnams kyi de bzhin nyid dam/ rnam par shes pa'i de bzhin nyid dam/ de bzhin du phung po dang / khams dang / skye mched dang / rten cing 'brel bar 'byung ba dang / rten cing 'brel bar 'byung ba'i yan lag dang /pha rol tu phyin pa thams cad dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams dang / byang chub kyi phyogs kyi chos rnams dang / tshad med pa dang / bsam gtan dang / gzugs med pa'i snyoms par 'jug pa rnams dang /'phags pa'i bden pa rnams dang / mngon par shes pa rnams dang / stong pa nyid dang / mtshan ma med pa dang / smon pa med pa rnams dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang /bla na med pa yang dag par rdzogs pa'i byang chub yang dag par rjes su mi mthong ngo / /bla na med pa yang dag par rdzogs pa'i byang chub kyi bar gyi de bzhin nyid yang dag par rjes su mi mthong ba'i phyir te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni nges par 'byed pa'i yan lag la gnas pa'i phyir mi ldog pa'i rtags bco brgyad pa yin no// //bam po lnga bcu pa/ rab 'byor gzhan yang byang chub sems dpa' sems dpa' chen po'i drung du bdud sdig to can dge sbyong gi cha byad du 'ongs nas 'di skad du rnam pa thams cad mkhyen pa nyid la spyod pa 'di ni 'khor bar spyod pa yin gyi/'di nyid du khyod kyis sdug bsngal mthar phyin par gyis shig ces zer zhing bdud sdig to can de byang chub sems dpa' sems dpa' chen po la lam gyi gzugs brnyan ston te/gang 'khor bar spyod pa'i 'jig rten pa'i rnam pas lam gyi gzugs brnyan yang na rus par 'du shes pa dang / yang na bsam gtan dang po dang / 'du shes med 'du shes med min skye mched kyi bar ston cing / tshe dang ldan pa lam gang dang nan tan gang gis rgyun du zhugs pa'i 'bras bu thob par 'gyur ba'am/lan cig phyir 'ong ba'i 'bras bu'am/ phyir mi 'ong ba'i 'bras bu dang / lam gang gis dgra bcom pa nyid 'thob par 'gyur ba'i lam 'di dag dang nan tan 'dis 'di nyid du khyod kyis sdug bsngal gyi mthar [(]phyung [,]phyungs [)]shig dang /phyin chad khyod kyis 'khor ba na spyod pa'i sdug bsngal de dag myong bar mi 'gyur ro/ /kye ma bdag gi lus 'di nyid du mngon par ma grub na khyod lus gzhan yang ji ltar yongs su gzung bar sems zhes zer yang / rab 'byor gal te byang chub sems dpa' sems dpa' chen po'i sems mi 'khrugs mi g.yo zhing gong du yang 'di snyam du sems te/'di ltar bdag la lam gyi gzugs brnyan ston pa ni dge slong 'di ni bdag la phan 'dogs par ston pa ste/ lam gyi gzugs brnyan des rgyun du zhugs pa'i 'bras bu mngon du byed par yang mi 'gyur/ lan cig phyir 'ong ba'i 'bras bu mngon du byed par yang mi 'gyur/phyir mi 'ong ba'i 'bras bu mngon du byed par yang mi 'gyur/ dgra bcom pa nyid mngon du byed par yang mi 'gyur/ rang byang chub mngon du byed par yang mi 'gyur/ bla na med pa yang dag par rdzogs pa'i byang chub mngon du byed par yang mi 'gyur ro snyam ste/de las kyang gong du gang bdag la yan lag 'di dag ston pa'i dge slong 'di ni bdag la phan 'dogs pa yin gyi / bdag gis de dag shes par bya ste theg pa gsum po kun la bslab par bya'o zhes dga' ba bskyed la/ bdud sdig to can des kyang byang chub sems dpa' sems dpa' chen po de dga' bar gyur par shes pas de la 'di skad du rigs kyi bu byang chub sems dpa' sems dpa' chen po sangs rgyas bcom ldan 'das gang gA'i klung gi bye ma snyed la na bza' dang /bsod snyoms dang / gzims cha dang / snyun gyi rkyen sman dang / yo byad kyis rim gror byas pa dang /gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas kyi drung du gang gis sbyin pa'i pha rol tu phyin pa yongs su rdzogs par byas pa dang / tshul khrims kyi pha rol tu phyin pa yongs su rdzogs par byas pa dang / bzod pa'i pha rol tu phyin pa yongs su rdzogs par byas pa dang /brtson 'grus kyi pha rol tu phyin pa yongs su rdzogs par byas pa dang / bsam gtan gyi pha rol tu phyin pa yongs su rdzogs par byas pa dang / shes rab kyi pha rol tu phyin pa yongs su rdzogs par byas pa dang / sangs rgyas bcom ldan 'das gang gA'i klung gi bye ma snyed la bsnyen bkur byas te/ji ltar byang chub sems dpa' sems dpa' chen pos sbyin pa'i pha rol tu phyin pa la spyod pa dang / tshul khrims kyi pha rol tu phyin pa la spyod pa dang / bzod pa'i pha rol tu phyin pa la spyod pa dang / brtson 'grus kyi pha rol tu phyin pa la spyod pa dang /bsam gtan gyi pha rol tu phyin pa la spyod pa dang / shes rab kyi pha rol tu phyin pa la spyod pa'i tshe gnas par bgyi ba dang / de bzhin du dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag rnams dang /lam rnams dang / stong pa nyid thams cad dang / ting nge 'dzin thams cad dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams dang / tshad med pa dang / bsam gtan dang / gzugs med pa'i snyoms par 'jug pa dang /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / byams pa chen po dang / snying rje chen po'i bar la spyod pa'i tshe gnas par bgyi'o zhes byang chub sems dpa'i theg pa pa 'di nyid kyi don du kun dris shing yongs su zhus pa'i byang chub sems dpa' sems dpa' chen po rnams la lta bar 'dod dam/ji ltar sangs rgyas bcom ldan 'das de dag gis bshad pa la de ltar gnas/ de ltar spyod de ltar brtson par byas kyang byang chub sems dpa' sems dpa' chen po de lta bu dag gis bla na med pa yang dag par rdzogs pa'i byang chub tu mngon par rdzogs par sangs ma rgyas te/de ltar gdams pa dang / de ltar yongs su bstan pa dang / de ltar gnas pa dang / de ltar slob pa rnams kyis kyang rnam pa thams cad mkhyen pa nyid ma thob na/ khyod kyis bla na med pa yang dag par rdzogs pa'i sangs rgyas thob par 'gyur re skan zhes brjod de/gal te byang chub sems dpa' sems dpa' chen po de phyir bzlog tu zin kyang de'i sems gzhan du mi 'gyur la mi dngang / kun du mi skrag /kun du skrag pas zin par mi 'gyur zhing gang du yang dge slong 'di ni de ltar bdag la chags pa gang gis rgyun du zhugs pa'i 'bras bu dang /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar du thob par mi 'gyur ba'i chags pa ston pa ni bdag la phan 'dogs pa'o zhes dga' ba skyed pas bdud sdig to can gyis byang chub sems dpa' sems dpa' chen po de'i sems la zhum pa med par rig nas sa'i phyogs de nyid du dge slong mang po mngon par sprul nas 'di skad du dgra bcom pa zag pa zad pa 'di dag kyang bla na med pa yang dag par rdzogs pa'i byang chub tu 'jug 'jug pa sha stag ste/de dag kyang dgra bcom pa nyid la gnas par 'gyur na/ khyod ltas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur re skan zhes zer yang gal te byang chub sems dpa' sems dpa' chen po de 'di snyam ste/ 'di ni bdud sdig to can te lam gyi gzugs brnyan ston pa'o zhes byang chub sems dpa' sems dpa' chen po shes rab kyi pha rol tu phyin pa la spyod pa'i tshe/bla na med pa yang dag par rdzogs pa'i byang chub las phyir mi ldog cing nyan thos kyi sa dang / rang sangs rgyas kyi sar yang mi ltung la de las kyang gong du 'di snyam ste/byang chub sems dpa' sems dpa' chen po sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang /nang stong pa nyid la spyod pa dang / phyi stong pa nyid la spyod pa dang / phyi nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa rnams la spyod pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la spyod pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams la spyod pa dang / tshad med pa dang / bsam gtan dang / gzugs med pa'i snyoms par 'jug pa rnams la spyod pa dang / 'phags pa'i bden pa dang /mngon par shes pa rnams la spyod pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la spyod pa dang / rnam pa thams cad mkhyen pa nyid bsgoms pas ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ba de ni gnas ma yin no zhes bya ba ni bzod par gtogs pa'i gnas skabs te phyir mi ldog pa'i rtags bcu dgu pa yin no// rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa'i tshe/'di snyam du gal te de bzhin gshegs pas ji skad du bstan pa de ltar bslab pa la spyod pa de dang ma bral zhing shes rab kyi pha rol tu phyin pa dang ldan pa'i yid la byed pa de dag gis spyod pa de ni sbyin pa'i pha rol tu phyin pa las yongs su mi nyams/ tshul khrims kyi pha rol tu phyin pa las yongs su mi nyams/bzod pa'i pha rol tu phyin pa las yongs su mi nyams/ brtson 'grus kyi pha rol tu phyin pa las yongs su mi nyams/ bsam gtan gyi pha rol tu phyin pa las yongs su mi nyams/ shes rab kyi pha rol tu phyin pa las yongs su mi nyams/ nang stong pa nyid dang / phyi stong pa nyid dang /dngos po med pa'i ngo bo nyid stong pa nyid kyi bar las yongs su mi nyams/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams las yongs su mi nyams/ tshad med pa dang / bsam gtan dang / gzugs med pa'i snyoms par 'jug pa las yongs su mi nyams/ stong pa nyid dang / mtshan ma med pa dang / smon pa med pa dang / mngon par shes pa rnams las yongs su mi nyams/ rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams las yongs su mi nyams/ stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid las yongs su mi nyams so snyam la/ rab 'byor gzhan yang byang chub sems dpa' sems dpa' chen po 'di snyam du sus bdud kyi las su rig pa de ni bla na med pa yang dag par rdzogs pa'i byang chub las yongs su mi nyams so snyam na/rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni chos kyi mchog tu gtogs pa'i gnas skabs te phyir mi ldog pa'i rtags nyi shu pa yin no// de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po ci las slar mi ldog pa'i slad du phyir mi ldog pa zhes bgyi ba lags/bcom ldan 'das kyis bka' stsal pa/ rab 'byor de ni gzugs kyi 'du shes las phyir ldog go/ /tshor ba'i 'du shes dang / 'du shes kyi 'du shes dang /'du byed rnams kyi 'du shes dang / rnam par shes pa'i 'du shes las phyir ldog go/ /khams kyi 'du shes dang / skye mched kyi 'du shes dang / rten cing 'brel bar 'byung ba'i 'du shes dang / rten cing 'brel bar 'byung ba'i yan lag gi 'du shes dang / 'dod chags kyi 'du shes dang /zhe sdang gi 'du shes dang / gti mug gi 'du shes dang / lta ba'i 'du shes dang / sbyin pa'i pha rol tu phyin pa'i 'du shes dang / tshul khrims kyi pha rol tu phyin pa'i 'du shes dang / bzod pa'i pha rol tu phyin pa'i 'du shes dang / brtson 'grus kyi pha rol tu phyin pa'i 'du shes dang / bsam gtan gyi pha rol tu phyin pa'i 'du shes dang / shes rab kyi pha rol tu phyin pa'i 'du shes las phyir ldog go/ /nang stong pa nyid dang / dngos po med pa'i ngo bo nyid stong pa nyid kyi bar gyi 'du shes dang / dran pa nye bar gzhag pa'i 'du shes dang / yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / lam gyi 'du shes dang / tshad med pa dang / bsam gtan dang / gzugs med pa'i snyoms par 'jug pa'i 'du shes las phyir ldog go/ /rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo'i 'du shes dang / stong pa nyid dang / mtshan ma med pa dang / smon pa med pa'i 'du shes dang / mngon par shes pa'i 'du shes las phyir ldog go/ /stobs bcu dang / mi 'jigs pa'i 'du shes dang / so so yang dag par rig pa'i 'du shes dang / sangs rgyas kyi chos ma 'dres pa'i 'du shes las phyir ldog go//rnam pa thams cad mkhyen pa'i 'du shes las phyir ldog go/ /nyan thos dang rang sangs rgyas kyi 'du shes las phyir ldog go/ /byang chub sems dpa'i 'du shes las phyir ldog go/ /sangs rgyas kyi bar gyi 'du shes las phyir ldog go/ / de ci'i phyir zhe na/ rab 'byor de ni 'di ltar phyir mi ldog pa'i byang chub sems dpa' sems dpa' chen po chos thams cad rang gi mtshan nyid kyis stong pas byang chub sems dpa'i skyon med par 'jug ste/ des rdul tsam yang dmigs pa med do/ /dmigs pa med pas mngon par 'du mi byed do/ / mngon par 'du mi byed pas skye ba med de/ de ni phyir mi ldog pa'i byang chub sems dpa' mi skye ba la bzod pa zhes bya ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni mthong ba'i lam gyi sdug bsngal la chos shes pa'i bzod pa yin no// rab 'byor gzhan yang byang chub sems dpa' sems dpa' chen po'i drung du bdud sdig to can nye bar 'ongs te/ mos pa bzlog cing rnam pa thams cad mkhyen pa nyid 'di ni rnam mkha' dang mtshungs pa dngos po med pa'i ngo bo nyid rang gi mtshan nyid kyis stong pa'o//chos 'di dag kyang nam mkha' dang mtshungs pa dngos po med pa'i ngo bo nyid de rang gi mtshan nyid kyis stong pa'o/ /de ltar chos thams cad nam mkha' dang mtshungs pa dngos po med pa'i ngo bo nyid kyis stong pa la gang mngon par rdzogs par 'tshang rgya ba dang /gang gis mngon par rdzogs par 'tshang rgya ba dang / gang mngon par rdzogs par 'tshang rgya bar bya ba'i chos de dag gang yang mi dmigs te/ chos 'di dag thams cad nam mkha' dang mtshungs pa dngos po med pa'i ngo bo nyid de rang gi mtshan nyid kyis stong pas 'di lta ste/bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam pa 'di ni khyod nyon mongs pa don med par 'gyur ba ste/ 'di ni bdud kyis bstan pa'o/ /'di ni yang dag par rdzogs pa'i sangs rgyas kyis bshad pa ma yin no/ /des na rigs kyi bu yid la byed pa de dag [(]thong [,]thongs [)]la khyod yun ring por gnod pa med pa dang don med par ma spyod cig /sdug bsngal dang log par ltung ngo zhes zer na/ de la byang chub sems dpa'i theg pa pa'i rigs kyi bu dang rigs kyi bu mo des tshig de dag thos nas 'di snyam du brtag par bya ste/ de ltar bdag bla na med pa yang dag par rdzogs pa'i byang chub las zlog pa de ni bdud kyi las te/chos thams cad ni nam mkha' dang mtshungs pa dngos po med pa'i ngo bo nyid de rang gi mtshan nyid kyis stong mod kyi/ de dag sems can rnams kyis ma shes ma mthong khong du ma chud kyi de'i phyir bdag gis nam mkha' dang mtshungs pa dngos po med pa'i ngo bo nyid rang gi mtshan nyid kyis stong pa'i go cha bgos te/rnam pa thams cad mkhyen pa nyid du mngon par rdzogs par sangs rgyas par byas la sems can thams cad la chos bstan to/ /sems can tshad med pa rnams rgyun du zhugs pa'i 'bras bu la rab tu dgod par bya'o//lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu dgod par bya'o/ /rang byang chub la rab tu dgod par bya'o/ /bla na med pa yang dag par rdzogs pa'i byang chub la rab tu dgod par bya'o/ /de la byang chub sems dpa' sems dpa' chen po des sems dang po bskyed pa nas nye bar bzung ste/chos de dag thos nas sems brtan par bya'o/ /sems mi g.yo bar bya'o/ /sems mi 'phrogs par bya'o/ /sems brtan pa dang / sems mi g.yo ba dang / sems mi 'phrogs pa dang ldan pas pha rol tu phyin pa la spyod na byang chub sems dpa'i skyon med par 'jug par 'gyur ro zhes bya ba ni sdug bsngal la chos shes pa yin no// de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das slar mi ldog pa'i byang chub sems dpa' sems dpa' chen po la phyir mi ldog pa zhes bgyi ba'am/'on tam slar ldog pa'i byang chub sems dpa' sems dpa' chen po la phyir mi ldog pa'o zhes bgyi/ bcom ldan 'das kyis bka' stsal pa/ rab 'byor phyir mi ldog pa'i byang chub sems dpa' sems dpa' chen po ni phyir mi ldog pa zhes bya'o/ /rab 'byor gyis gsol pa/ bcom ldan 'das ci'i slad du slar mi ldog pa'i byang chub sems dpa' sems dpa' chen po la phyir mi ldog pa zhes bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang nyan thos kyi sa'am rang sangs rgyas kyi sa las phyir phyogs pa de ni/ rab 'byor slar mi ldog pa'i byang chub sems dpa' sems dpa' chen po yin te phyir mi ldog pa'i byang chub sems dpa' sems dpa' chen po zhes bya'o//rab 'byor byang chub sems dpa' sems dpa' chen po gang nyan thos kyi sa'am/ rang sangs rgyas kyi sa las phyir phyogs pa de ni/ rab 'byor byang chub sems dpa' sems dpa' chen po phyir ldog pa zhes bya'o//rab 'byor rnam pa de dag dang / rtags de dag dang / mtshan ma de dag gis byang chub sems dpa' sems dpa' chen po phyir mi ldog pa'i mtshan nyid du rig par bya'o / /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni bdud sdig to can gyis bla na med pa yang dag par rdzogs pa'i byang chub las ldog par mi nus so zhes bya ba ni sdug bsngal la rjes su shes pa'i bzod pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po ni 'dod na bsam gtan dang po la snyoms par 'jug go//bsam gtan bzhi pa'i bar la snyoms par 'jug go/ /'gog pa'i bar la snyoms par 'jug go/ /phyir mi ldog pa'i byang chub sems dpa' sems dpa' chen po ni 'dod na dran pa nye bar gzhag pa bzhi la snyoms par 'jug go//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la snyoms par 'jug go/ /stong pa nyid dang / mtshan ma med pa dang / smon pa med pa'i ting nge 'dzin gyi bar la snyoms par 'jug go//mngon par shes pa lnga'i bar mngon par bsgrub po/ /de bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi po rnams la 'dris par byed/ dran pa nye bar gzhag pa rnams goms par byed/ yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa rnams dang / stong pa nyid dang / mtshan ma med pa dang / smon pa med pa'i ting nge 'dzin la snyoms par 'jug go/ / bsam gtan gyi 'bras bu yongs su mi 'dzin to/ /'gog pa'i bar gyi snyoms par 'jug pa'i 'bras bu yongs su mi 'dzin to//rgyun du zhugs pa'i 'bras bu yongs su mi 'dzin to/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid yongs su mi 'dzin to/ /rang byang chub yongs su 'dzin par mi byed do/ /de 'dod na ched du bsams shing lus yongs su 'dzin te/lus gang gis sems can rnams kyi don bya bar 'gyur ba de lta bu'i lus yongs su 'dzin to/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni sdug bsngal la rjes su shes pa yin no// rab 'byor gzhan yang phyir mi ldog pa'i byang chub sems dpa' sems dpa' chen po ni byang chub yid la byed pa dang ldan te/ byang chub kyi sems dang mi 'bral zhing gzugs lhur len pa ma yin/ mtshan nyid lhur len pa ma yin/lus lhur len pa ma yin/ sbyin pa lhur len pa ma yin/ tshul khrims lhur len pa ma yin/ bzod pa lhur len pa ma yin/ brtson 'grus lhur len pa ma yin/ bsam gtan lhur len pa ma yin/ shes rab lhur len pa ma yin/ tshad med pa lhur len pa ma yin/ gzugs med pa'i snyoms par 'jug pa lhur len pa ma yin no//mngon par shes pa lhur len pa ma yin/ byang chub kyi phyogs kyi chos sum cu rtsa bdun rnams lhur len pa ma yin/ rnam par thar pa thams cad dang / ting nge 'dzin dang / snyoms par 'jug pa rnams lhur len pa ma yin/ stong pa nyid dang /mtshan ma med pa dang / smon pa med pa rnams lhur len pa ma yin/ 'phags pa'i bden pa rnams lhur len pa ma yin/ de bzhin gshegs pa'i stobs bcu lhur len pa ma yin/ mi 'jigs pa lhur len pa ma yin/ so so yang dag par rig pa lhur len pa ma yin/ sangs rgyas kyi chos ma 'dres pa rnams lhur len pa ma yin/ yang dag par rdzogs pa'i byang chub lhur len pa ma yin/ sangs rgyas kyi zhing yongs su dag par bya ba lhur len pa ma yin/ sems can yongs su smin par bya ba lhur len pa ma yin/ sangs rgyas blta ba lhur len pa ma yin/ dge ba'i rtsa ba bskyed pa lhur len pa ma yin no/ / de ci'i phyir zhe na/ de ni 'di ltar chos thams cad nam mkha' dang mtshungs pa dngos po med pa'i ngo bo nyid de rang gi mtshan nyid kyis stong pa'i phyir ro/ /rab 'byor phyir mi ldog pa'i byang chub sems dpa' sems dpa' chen po de yid la byed pa de dang ldan pas spyod lam bzhir 'gro ba'am 'ong na yang nor ba'i sems kyis mi 'gro/nor ba'i sems kyis mi 'ong / nor ba'i sems kyis mi sdod/ nor ba'i sems kyis mi 'chag mi 'dug mi nyal te/ dran bzhin du 'gro'o/ /'ong ngo / /'chag go/ /sdod do/ /'dug go/ / nyal lo/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni kun 'byung la chos shes pa'i bzod pa yin no/ / rab 'byor gzhan yang gal te phyir mi ldog pa'i byang chub sems dpa' sems dpa' chen po ni khyim gyi nang na gnas kyang thabs mkhas pas sems can yongs su smin par bya ba'i phyir 'dod pa'i yon tan lnga la gnas nas sems can rnams la sbyin pa yongs su gtong ste/zas 'dod pa la zas/ skom 'dod pa la skom nas mi'i yo byad gzhan dang gzhan dag gi bar du yang yongs su gtong ste/de bdag kyang sbyin pa'i pha rol tu phyin pa la spyod la gzhan yang sbyin pa'i pha rol tu phyin pa la yang dag par bskul lo/ /sbyin pa'i pha rol tu phyin pa'i legs pa brjod do/ /gzhan gang sbyin pa'i pha rol tu phyin pa la spyod pa de dag gi yang legs pa brjod cing mthun pas dga' bar byed do//de bzhin du bdag kyang tshul khrims kyi pha rol tu phyin pa dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod de / gzhan yang shes rab kyi pha rol tu phyin pa la yang dag par bskul lo//shes rab kyi pha rol tu phyin pa'i legs pa brjod do/ /gzhan gang shes rab kyi pha rol tu phyin pa la spyod pa de dag gi yang legs pa brjod cing mthun pas dga' bar byed do zhes bya ba ni kun 'byung la chos shes pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po de ni khyim gyi nang na gnas nas 'dzam bu'i gling rin po che sna bdun gyis bkang zhing sbyin pa yongs su gtong ngo //de bzhin du gling bzhi pa'i 'jig rten gyi khams dang / stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams ji snyed yod pa rin po che sna bdun gyis yongs su bkang zhing sbyin pa yongs su gtong yang 'dod pa'i yon tan lnga la yongs su mi spyod do//de rtag tu rgyun mi chad par tshangs par spyod cing gnod pa gang gis gzhan mi dga' bar 'gyur ba'i gnod pa de lta bu gang yang mi bskyed do//rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po'i phyi bzhin du byang chub sems dpa' sems dpa' chen po 'di ni ring po mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya ste/bla na med pa yang dag par rdzogs pa'i byang chub tu mngon par rdzogs par sangs rgyas nas kyang bdag gis rtag tu rgyun mi 'chad par rjes su 'brang bar bya'o zhes gnod sbyin lag na rdo rje rtag tu rgyun mi 'chad par rjes su 'brang bar 'gyur ro//ji tsam du lag na rdo rje rigs lnga rnams rtag tu rgyun mi 'chad par rjes su 'brang bar 'gyur ba de tsam du de la mi'am mi ma yin pa dag gis gnod par mi nus te/ de la 'jig rten na lha'am/ bdud dam/ lha ma yin nam/ tshangs pa'am/ gang sus kyang chos dang mthun par rdzi ba med do zhes bya ba ni kun 'byung la rjes su shes pa'i bzod pa yin no/ / de'i sems byang chub yid la byed pa nas bla na med pa yang dag par rdzogs pa'i byang chub tu mngon par rdzogs par sangs rgyas kyi bar du rnam par g.yeng bar mi byed de/byang chub sems dpa' sems dpa' chen po de'i dbang po 'di dag ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dag ma tshang bar mi 'gyur ro/ /de ni skyes bu dam par 'gyur te/skyes bu dma' ba ma yin no/ /rab 'byor gyis gsol pa/ bcom ldan 'das ji tsam gyis na byang chub sems dpa' sems dpa' chen po skyes bu dam pa lags shing skyes bu dma' ba ma lags/ bcom ldan 'das kyis bka' stsal pa/ rab 'byor gang gi tshe byang chub sems dpa' sems dpa' chen po byang chub kyi sems mi brjed pa de'i tshe/rab 'byor byang chub sems dpa' sems dpa' chen po skyes bu dam par 'gyur ba yin gyi/ skyes bu dma' ba ma yin no/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o//rab 'byor gzhan yang phyir mi ldog pa'i byang chub sems dpa' sems dpa' chen po de ni byang chub yid la bya ba dang ldan zhing bud med dbang du bya ba'i sngags dang rig pa dang sman dang rtsi la sogs pa thams cad rnam pa thams cad kyi thams cad du mi sbyor sbyor du mi 'jug ste/bud med dang skyes pa ze slong ba'i bag gzhan dang gzhan dag kyang mi byed do/ /bud med dam skyes pa gang yang rung ste/ de dag la bu btsa' bar 'gyur ro zhe'am/ bu mo btsa' bar 'gyur ro zhe'am/ rigs kyi lha lta bu yod par 'gyur ro zhe'am/tshe ring bar 'gyur ro zhes yongs su ston pa'i cho 'phrul mi byed do/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po rang gi mtshan nyid kyis stong pa'i chos rnams la mtshan ma yang dag par rjes su ma mthong ba'i phyir te/ des mtshan ma yang dag par rjes su ma mthong bas 'tsho ba yongs su dag pas gnas pa yin te/rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o zhes bya ba ni kun 'byung la rjes su shes pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po phyir mi ldog par rig par bya ba'i rnam pa de dag dang / rtags de dag dang / mtshan ma de dag bstan gyi shin tu legs par nyon la yid la [(]zung [,]zungs [)]shig dang ngas bshad do/ /bcom ldan 'das de ltar bgyi'o zhes gsol nas tshe dang ldan pa rab 'byor bcom ldan 'das la phyir nyan to//bcom ldan 'das kyis de la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub yid la byed pa dang mi 'bral ba yin te/ phung po'i sbyor ba dang rjes su sbyor bar mi gnas/ phung po dang / khams dang / skye mched kyi sbyor ba dang rjes su sbyor bar mi gnas/ rten cing 'brel bar 'byung ba'i yan lag gi sbyor ba dang rjes su sbyor bar mi gnas so/ /de ci'i phyir zhe na/ de ni 'di ltar stong pa nyid la gnas nas chos gang yang dman pa'am mchog tu yang dag par rjes su mi mthong ba'i phyir ro zhes bya ba ni 'gog pa la chos shes pa'i bzod pa yin no// rkun po'i gtam gyi sbyor ba dang rjes su sbyor bar mi gnas te/ de ci'i phyir zhe na/ de ni 'di ltar byang chub sems dpa' sems dpa' chen po des rang bzhin gyis stong pa'i chos rnams la chos gang yang 'phrogs pa'am mi 'phrogs pa yang rjes su mi mthong ba'i phyir ro zhes bya ba ni 'gog pa la chos shes pa yin no// dmag gi gtam gyi sbyor ba dang rjes su sbyor bar mi gnas te/ de ci'i phyir zhe na/ de ni 'di ltar de rang bzhin stong pa nyid la gnas pas chos gang yang nyung ngu'am mang por yang dag par rjes su mi mthong ba'i phyir ro zhes bya ba ni 'gog pa la rjes su shes pa'i bzod pa yin no// g.yul gyi gtam gyi sbyor ba dang rjes su sbyor bar mi gnas te/ de ci'i phyir zhe na/ de ni 'di ltar chos nyid la gnas pas chos gang yang rjes su chags pa'am khong khro bar yang dag par rjes su mi mthong ba'i phyir ro//grong gi gtam gyi sbyor ba dang rjes su sbyor ba la mi gnas te/ de ci'i phyir zhe na/ de ni 'di ltar chos thams cad stong pa nyid la gnas pas chos gang yang tshogs sam tshogs ma yin par yang dag par rjes su mi mthong ba'i phyir ro//grong khyer gyi gtam gyi sbyor ba dang rjes su sbyor ba la mi gnas te/ de ci'i phyir zhe na/ de ni 'di ltar de nam mkha' stong pa nyid la gnas pas chos gang yang bsdu ba'am mi bsdu bar yang dag par rjes su mi mthong ba'i phyir ro/ /grong rdal gyi gtam gyi sbyor ba dang rjes su sbyor ba la mi gnas te/ de ci'i phyir zhe na/ de ni 'di ltar yang dag pa'i mtha' la gnas pas chos gang yang 'phel ba'am 'grib pa yang dag par rjes su mi mthong ba'i phyir ro/ /de bdag gi gtam gyi sbyor ba dang rjes su sbyor ba la brtson par mi gnas te/ de bzhin du sems can dang / srog dang / 'gro ba dang / gso ba dang /skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po'i gtam gyi sbyor ba dang rjes su sbyor ba la mi gnas te/ de ci'i phyir zhe na/ chos thams cad shin tu rnam par dag pa'i phyir gzhan du na shes rab kyi pha rol tu phyin pa'i gtam gyi sbyor ba dang rjes su sbyor bar gnas pa rnam pa thams cad mkhyen pa nyid dang ldan pa'i yid la bya ba dang ma bral ba yin no zhes bya ba ni 'gog pa la rjes su shes pa yin no// de sbyin pa'i pha rol tu phyin pa la spyod cing ser sna'i gtam gyi sbyor ba dang rjes su sbyor ba la mi gnas so//tshul khrims kyi pha rol tu phyin pa la spyod cing tshul khrims ngan pa'i gtam gyi sbyor ba dang rjes su sbyor ba la mi gnas so/ /bzod pa'i pha rol tu phyin pa la spyod cing 'khrug pa'i gtam gyi sbyor ba dang rjes su sbyor bar mi gnas so/ /brtson 'grus kyi pha rol tu phyin pa la spyod cing le lo'i gtam gyi sbyor ba dang rjes su sbyor bar mi gnas so//bsam gtan gyi pha rol tu phyin pa la spyod cing g.yeng ba'i gtam gyi sbyor ba dang rjes su sbyor bar mi gnas so/ /shes rab kyi pha rol tu phyin pa la spyod cing shes rab 'chal ba'i gtam gyi sbyor ba dang rjes su sbyor bar mi gnas so//de chos thams cad stong pa nyid la spyod cing chos 'dod pa yin gyi chos mi 'dod pa ma yin pa dang / de chos kyi dbyings la spyod cing chos tha mi dad pa'i legs pa brjod pa dang de bshes gnyen 'dod pa yin te/ sangs rgyas bcom ldan 'das rnams dang byang chub sems dpa' sems dpa' chen po rnams kyi tha dad du gshes gnyen 'dod pa dang /nyan thos dang rang sangs rgyas kyi theg pa pa'i rigs kyi bu gang ji snyed pa de dag kyang bla na med pa yang dag par rdzogs pa'i byang chub tu yang dag par bskul ba dang / des par 'jug pa dang rab tu 'god de/ de 'dod na de bzhin gshegs pa dgra bcom pa yang dag par rdzogs pa'i sangs rgyas rnams blta ba'i phyir 'jig rten gyi khams gang na bzhugs shing 'tsho skyong zhing gzhes pa der skye bar 'gyur zhing sangs rgyas yid la bya bas nyin mtshan du rnam par gnas so/ /de ci'i phyir zhe na/ rab 'byor de ni 'di ltar phyir mi ldog pa'i byang chub sems dpa' sems dpa' chen po de dag ni phal cher 'dod pa'i khams dang ldan pa'i yid la byed pa skyed cing dge ba bcu'i las kyi lam la gnas nas gang na de bzhin gshegs pa dgra bcom pa yang dag par rdzogs pa'i sangs rgyas mngon du gyur par bzhugs shing 'tsho skyong ba'i sangs rgyas kyi zhing de dag tu skye bar 'gyur ba'i phyir ro//de bsam gtan dang po bskyed 'du shes med 'du shes med min skye mched la snyoms par 'jug pa'i bar du bskyed cing gang na de bzhin gshegs pa dgra bcom pa yang dag par rdzogs pa'i sangs rgyas mngon du gyur par bzhugs shing 'tsho skyong ba der skye bar 'gyur te/rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po de dag ni phyir mi ldog par rig par bya'o zhes bya ba ni lam la chos shes pa'i bzod pa yin no/ / rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa na nang stong pa nyid la gnas pa dang /dngos po med pa'i ngo bo nyid stong pa nyid kyi bar la gnas pa dang / dran pa nye bar gzhag pa rnams la gnas pa dang / yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams la gnas pa dang / tshad med pa dang / bsam gtan dang / gzugs med pa'i snyoms par 'jug pa rnams la gnas pa dang / 'phags pa'i bden pa la gnas pa dang / rnam par thar pa'i sgo stong pa nyid dang / mtshan ma med pa dang / smon pa med pa rnams la gnas pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams la gnas pa dang / mngon par shes pa dang / stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa rnams la gnas pa ni 'di snyam du bdag ni phyir ldog pa'am/ phyir ldog pa ma yin no snyam yang mi byed de the tshom mi skye zhing rang gi sa la dogs pa med do/ /de ci'i phyir zhe na/ de ni 'di ltar des phyir ldog pa dang / phyir ldog pa ma yin pa'i chos rdul tsam yang yang dag par rjes su mi mthong ba'i phyir ro//rab 'byor 'di lta ste dper na/ rgyun du zhugs pa'i 'bras bu rgyun du zhugs pa'i 'bras bu'i sa la gnas pa ni rang gi sa la nem nur med cing the tshom mi za'o/ /de bzhin du lan cig phyir 'ong ba dang / phyir mi 'ong ba dang / dgra bcom pa'i sa la gnas pa dang / rang sangs rgyas kyi sa la gnas pa ni rang gi sa la nem nur med cing the tshom mi za'o// rab 'byor de bzhin du byang chub sems dpa' sems dpa' chen po yang rang gi sa la nem nur med cing the tshom mi za'o/ /de phyir mi ldog pa'i sa la gnas te sangs rgyas kyi zhing yongs su sbyong ngo / /sems can rnams kyang yongs su smin par byed do//bdud kyi las skyes shing byung ba rnams kyang shes te bdud kyi las kyi dbang du yang mi 'gro/ /bdud kyi las de dag thams cad kyang shes te shes nas kyang rnam par 'joms shing srab mor byed do/ /rab 'byor 'di lta ste dper na/ mtshams med pa'i las byed pa'i skyes bu ni 'chi ka'i bar du yang mtshams med pa'i sems dang mi bral zhing mtshams med pa'i sems de'i rjes su 'brang ngo //mtshams med pa'i sems de thabs mkhas pas thams cad kyis kyang rnam par gzhil bar mi nus so/ /kun nas ldang ba de 'chi ka'i bar du yang rjes su 'brang ngo / /rab 'byor de bzhin du phyir mi ldog pa'i byang chub sems dpa' sems dpa' chen po gang gis phyir mi ldog pa'i sems de dag kyang phyir mi ldog pa'i sa la gnas te/sems de mi sgul bas de ni lha dang mi dang lha ma yin du bcas pa'i 'jig rten gyis phyir ldog par mi nus so/ /de ci'i phyir zhe na/ de ni 'di ltar phyir mi ldog pa'i sems des lha dang mi dang lha ma yin du bcas pa'i 'jig rten las 'das te/yang dag pa'i skyon med par zhugs pa'i phyir ro/ /de rang gi sa la gnas shing mngon par shes pa rnams la pha rol tu phyin pa'i mchog thob pas sangs rgyas kyi zhing yongs su dag par byed do/ /sems can rnams kyang yongs su smin par byed cing sangs rgyas kyi zhing nas sangs rgyas kyi zhing du yang 'gro/sangs rgyas kyi zhing de dag gi sangs rgyas bcom ldan 'das rnams la dge ba'i rtsa ba mang po bskyed cing sangs rgyas bcom ldan 'das de dag la kun 'dri zhing yongs su zhu ba byed bsnyen bkur byed do/ /rab 'byor byang chub sems dpa' sems dpa' chen po de de ltar gnas pas bdud kyi las skyes shing byung ba rnams khong du chud de bdud kyi las skyes shing byung ba de dag gi dbang du yang mi 'gro'o//bdud kyi las de dag kyang thabs mkhas pas yang dag pa'i mtha' la sbyor bar byed cing de rang gi sa la nem nur med cing the tshom mi za'o//de ci'i phyir zhe na/ de ni 'di ltar de yang dag pa'i mtha' la nem nur med pas yang dag pa'i mtha' la gcig gam gnyis su rnam par rtog par mi byed de/ tshe 'phos nas kyang nyan thos dang rang sangs rgyas kyi sems mi skye'o/ /de ci'i phyir zhe na/ de ni 'di ltar byang chub sems dpa' sems dpa' chen po ni chos thams cad rang gi mtshan nyid kyis stong pa la chos gang yang skye ba'am/'gag pa'am/ kun nas nyon mongs pa'am/ rnam par byang bar yang dag par rjes su mi mthong ba'i phyir ro zhes bya ba ni lam la chos shes pa yin no/ / rab 'byor chos thams cad rang gi mtshan nyid kyis stong pa la chos gang yang skye ba'am/ 'gag pa'am/ kun nas nyon mongs pa'am/ rnam par byang bar yang dag par rjes su mi mthong ba'i byang chub sems dpa' sems dpa' chen po de tshe 'phos nas kyang 'di snyam du bdag ni bla na med pa yang dag par rdzogs pa'i byang chub tu mngon par rdzogs par sangs rgyas par mi 'gyur ro snyam du mi byed de/ bdag ni gdon mi za bar bla na med pa yang dag par rdzogs pa'i byang chub tu mngon par rdzogs par sangs rgya bar 'gyur ro snyam du sems so/ /de ci'i phyir zhe na/ rab 'byor de ni 'di ltar bla na med pa yang dag par rdzogs pa'i byang chub ni rang gi mtshan nyid kyis stong pa'i phyir ro/ /rab 'byor byang chub sems dpa' sems dpa' chen po de ni rang gi sa la gnas pa dang /rang gi sa la gzhan gyi kha na ma tho ba las 'das pa dang / rang gi sa la rdzi ba med pa yin no/ /de ci'i phyir zhe na/ rab 'byor de ni 'di ltar phyir mi ldog pa'i byang chub sems dpa' sems dpa' chen po de ltar gnas pa ni mi 'phrogs pa'i ye shes dang ldan pa yin pa'i phyir ro//rab 'byor gal te phyir mi ldog pa'i byang chub sems dpa' sems dpa' chen po'i drung du bdud sdig to can sangs rgyas kyi cha byad du nye bar 'ongs nas 'di skad du khyod kyis 'di nyid du dgra bcom pa nyid thob par gyis shig /khyod ni bla na med pa yang dag par rdzogs pa'i byang chub tu lung ma bstan te/de bzhin gshegs pa dgra bcom pa yang dag par rdzogs pa'i sangs rgyas de dag gis gang gis khyod bla na med pa yang dag par rdzogs pa'i byang chub tu lung bstan par 'gyur ba'i mi skye ba'i chos la bzod pa khyod kyis ma thob po/ /rnam pa gang dag dang / rtags gang dag dang / mtshan ma gang dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan pa'i rnam pa de dag dang / rtags de dag dang / mtshan ma de dag kyang khyod la med do zhes zer yang rab 'byor gal te byang chub sems dpa' sems dpa' chen pos sgra de thos nas mi 'dzum mi dngang kun du mi skrag kun du skrag pas zin par mi 'gyur/de'i sems gzhan du mi 'gyur na/ rab 'byor byang chub sems dpa' sems dpa' chen pos bdag ni de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan to//de ci'i phyir zhe na/ de ni 'di ltar chos gang dang ldan pas byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur ba'i chos de dag bdag la yod pa'i phyir ro zhes bya bar rig par bya'o zhes bya ba ni lam la rjes su shes pa'i bzod pa yin no// rab 'byor gal te bdud sdig to can nam bdud kyis byin gyis brlabs pa'i skyes bu zhig byang chub sems dpa' sems dpa' chen po'i drung du sangs rgyas kyi cha byad du nye bar 'ongs nas 'di skad du rigs kyi bu khyod nyan thos nyid du lung bstan gyi khyod bla na med pa yang dag par rdzogs pa'i byang chub tu ni ma yin na /bla na med pa'i byang chub kyis ci zhig bya zhes zer yang / rab 'byor gal te byang chub sems dpa' sems dpa' chen po 'di snyam du de bzhin gshegs pa dgra bcom pa yang dag par rdzogs pa'i sangs rgyas rnams ni byang chub sems dpa' sems dpa' chen po nyan thos kyi sa'am/rang sangs rgyas kyi sa la yang dag par bskul bar mi mdzad de/ kye ma 'di ni bdud sdig to can gyis byin gyis brlabs pa'i skyes bu zhig sangs rgyas kyi cha byad du nye bar 'ongs so snyam du sems pa dang / gal te rab 'byor byang chub sems dpa' sems dpa' chen po'i drung du bdud sdig to can gyis sangs rgyas kyi cha byad du nye bar 'ongs nas de la 'di skad du gang la khyod spyod pa'i mdo sde 'di dag ni bdud kyis bshad pa ste/'di dag ni sangs rgyas bcom ldan 'das rnams dang nyan thos rnams kyis bshad pa ma yin no zhes zer na/ rab 'byor de la byang chub sems dpa' sems dpa' chen pos kye ma gang bdag bla na med pa yang dag par rdzogs pa'i byang chub dang 'bral bar byed pa 'di ni bdud sdig to can nam bdud kyis byin gyis brlabs pa'i skyes bu'o zhes bya bar rig par byed na/rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan pa yin te/byang chub sems dpa' sems dpa' chen po de ni phyir mi ldog pa'i sa la gnas par rig par bya'o/ /de ci'i phyir zhe na/ gang phyir mi ldog pa'i byang chub sems dpa' sems dpa' chen po rnams kyi rnam pa de dag dang /rtags de dag dang / mtshan ma de dag ni de la yod pa'i phyir ro/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni shes rab kyi pha rol tu phyin pa la spyod pa'i tshe/dam pa'i chos yongs su gzung ba'i phyir bdag yongs su gtong bar byed/ srog yongs su gtong bar yang byed do/ /rab 'byor byang chub sems dpa' sems dpa' chen po de ni dam pa'i chos yongs su gzung ba'i phyir 'di ltar brtson par byed do/'das pa dang / ma byon pa dang / da ltar byung ba'i sangs rgyas bcom ldan 'das kyi dam pa'i chos yongs su 'dzin par byed do/ /de la chos gang gi don du byang chub sems dpa' sems dpa' chen po bdag yongs su gtong bar yang byed/srog yongs su gtong bar yang byed ce na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyis chos thams cad stong ngo zhes bstan to/ /de la skyes bu blun pa la las 'di ni chos ma yin/ 'di ni 'dul ba ma yin/ 'di ni ston pas bstan pa ma yin no zhes phyir rgol zhing ngan du brjod do//rab 'byor chos de'i phyir byang chub sems dpa' sems dpa' chen po bdag yongs su gtong bar yang byed srog yongs su gtong bar yang byed do/ /rab 'byor de la byang chub sems dpa' sems dpa' chen pos 'di ltar brtag par bya ste/ gang de bzhin gshegs pa dgra bcom pa yang dag par rdzogs pa'i sangs rgyas kyi chos 'byung bar 'gyur ba der bdag kyang 'grang ngo bdag kyang der lung bstan te/chos gang gi phyir bdag yongs su gtong bar yang byed pa dang / srog yongs su gtong bar yang byed pa de yang bdag gis chos so zhes yongs su brtag par bya'o//rab 'byor byang chub sems dpa' sems dpa' chen pos don gyi dbang 'di mthong nas dam pa'i chos yongs su gzung ba'i phyir bdag yongs su gtong bar byed/ srog yongs su gtong bar yang byed do/ /rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas chos ston pa la nem nur med/ the tshom mi za zhing gang sangs rgyas bcom ldan 'das de dag [(]gsung [,]gsungs [)]pa de thams cad yongs su 'dzin to/ /'di ltar bzung nas kyang chud za bar mi byed do/ /de ci'i phyir zhe na/ de ni 'di ltar gzungs rab tu thob pa'i phyir ro/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das gzungs gang thob pas byang chub sems dpa' sems dpa' chen po'i de bzhin gshegs pas gsungs pa'i mdo rnams 'chab mi 'tshal ba lags/ bcom ldan 'das kyis bka' stsal pa/ rab 'byor de bzhin gshegs pas gsungs pa'i mdo rnams 'dzin pa'i byang chub sems dpa' sems dpa' chen po'i gzungs rab tu thob pas chud mi za'o//rab 'byor gyis gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis gsungs pa 'ba' zhig gis 'chab mi 'tshal du bas kyi nyan thos kyis bshad pa ma lags sam/lhas bshad pa ma lags sam/ klus bshad pa ma lags sam/ gnod sbyin gyis bshad pa ma lags sam/ dri zas bshad pa ma lags sam/ lha ma yin gyis bshad pa ma lags sam/ nam mkha' lding gis bshad pa ma lags sam/ mi'am cis bshad pa ma lags sam/lto 'phye chen pos bshad pa ma lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni skad dang brda dang sgra gang yang rung ste/ de dag thams cad la nem nur med cing the tshom mi za'o/ /de ci'i phyir zhe na/ de ltar de 'dzin pa'i gzungs zhes bya ba rab tu thob pa'i phyir ro//rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das phyir mi ldog pa'i byang chub sems dpa' sems dpa' chen po 'di ni yon tan chen po dang ldan pa'o/ /bcom ldan 'das phyir mi ldog pa'i byang chub sems dpa' sems dpa' chen po ni yon tan gzhal du ma mchis pa dang ldan pa'o/ /bcom ldan 'das phyir mi ldog pa'i byang chub sems dpa' sems dpa' chen po 'di ni yon tan dpag tu ma mchis pa dang ldan pa'o//bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor phyir mi ldog pa'i byang chub sems dpa' sems dpa' chen po ni yon tan chen po dang ldan pa'o//rab 'byor phyir mi ldog pa'i byang chub sems dpa' sems dpa' chen po ni yon tan gzhal du ma mchis pa dang ldan pa'o/ /rab 'byor phyir mi ldog pa'i byang chub sems dpa' sems dpa' chen po ni yon tan dpag tu med pa dang ldan pa'o/ /de ci'i phyir zhe na/ de ni 'di ltar des nyan thos dang rang sangs rgyas thams cad dang /thun mong ma yin pa'i ye shes mtha' yas mu med pa rab tu 'thob pa'i phyir ro/ /ye shes de la gnas shing phyir mi ldog pa'i byang chub sems dpa' sems dpa' chen po so so yang dag par rig pa mngon par bsgrub pa gang gis lha dang mi dang lha ma yin du bcas pa'i 'jig rten gyis dris kyang lan zad par mi 'gyur ba'i so so yang dag par rig pa mngon par bsgrub po zhes bya ba ni lam la rjes su shes pa yin no// 'di dag gis ni mthong ba'i lam la gnas pa'i phyir mi ldog pa'i rtags bstan pa yin no/ / de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis rnam pa gang dag dang / rtags gang dag dang / mtshan ma gang gis phyir mi ldog pa'i byang chub sems dpa' sems dpa' chen po rab tu dbye bar bgyi ba phyir mi ldog pa'i byang chub sems dpa' sems dpa' chen po'i rnam pa dang /rtags dang / mtshan ma rnams bskal pa gang gA'i klung gi bye ma snyed du ston par spyod lags na/ bcom ldan 'das byang chub sems dpa' sems dpa' chen po pha rol tu phyin pa drug la spyod pa'i tshe/gang la gnas shing dran pa nye bar gzhag pa bzhi yongs su rdzogs par bgyid pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnams yongs su rdzogs par bgyid pa dang / nang stong pa nyid dang /dngos po med pa'i ngo bo nyid stong pa nyid kyi bar du yongs su rdzogs par bgyid pa dang / 'phags pa'i bden pa dang / tshad med pa dang / bsam gtan dang / gzugs med pa'i snyoms par 'jug pa yongs su rdzogs par bgyid pa dang / stong pa nyid dang / mtshan ma med pa dang / smon pa med pa dang / mngon par shes pa yongs su rdzogs par bgyid pa dang / rnam par thar pa thams cad dang / ting nge 'dzin dang / snyoms par 'jug pa dang / gzungs kyi sgo rnams yongs su rdzogs par bgyid pa dang / stobs bcu dang / mi 'jigs pa dang / so so yang dag par rig pa dang /sangs rgyas kyi chos ma 'dres pa rnams yongs su rdzogs par bgyid pa dang / rnam pa thams cad mkhyen pa nyid yongs su rdzogs par bgyid pa'i gnas zab mo zab mo rnams legs par bstan du gsol zhes bya ba ni bsgom pa'i lam zab pa yin no/ / bcom ldan 'das kyis bka' stsal pa/ rab 'byor de ltar khyod phyir mi ldog pa'i byang chub sems dpa' sems dpa' chen po rnams kyi don du de bzhin gshegs pa la gnas zab mo zab mo rnams zhu bar sems pa legs so/ /legs so/ /rab 'byor zab mo zab mo zhes bya ba 'di ni stong pa nyid kyi tshig bla dgas so/ /'di ni mtshan ma med pa dang /smon pa med pa dang / mngon par 'du bya ba med pa dang / skye ba med pa dang / 'dod chags dang bral ba dang / 'gag pa dang / mya ngan las 'das pa dang / zhi ba dang / de bzhin nyid dang / chos kyi dbyings dang / yang dag pa'i mtha'i tshig bla dgas so/ /rab 'byor gnas zab mo zab mo gang dag yin pa 'di dag ni mya ngan las 'das pa'i tshig bla dgas so//rab 'byor gyis gsol pa/ bcom ldan 'das ci zab mo zhes bgyi ba 'di mya ngan las 'das pa 'ba' zhig gi tshig bla dgas lags sam/ 'on te chos thams cad kyi yang lags/ bcom ldan 'das kyis bka' stsal pa/rab 'byor zab mo zhes bya ba ni chos thams cad kyi tshig bla dgas kyang yin no/ /de ci'i phyir zhe na/ rab 'byor gzugs zab po/ /tshor ba dang / 'du shes dang / 'du byed rnams dang / rnam par shes pa zab po/ /rab 'byor mig zab po/ /rab 'byor de bzhin du rna ba dang /sna dang / lce dang / lus dang / yid zab po/ /rab 'byor gzugs zab po/ /sgra dang / dri dang / ro dang / reg dang / chos zab po/ /rab 'byor mig gi rnam par shes pa zab po/ /rab 'byor mig gi 'dus te reg pa dang / rab 'byor mig gi 'dus te reg pa'i rkyen gyis tshor ba zab po/ / rab 'byor de bzhin du rna ba dang / sna dang / lce dang / lus dang / yid kyi rnam par shes pa zab po/ /yid kyi 'dus te reg pa zab po/ /rab 'byor yid kyi 'dus te reg pa'i rkyen gyis tshor ba zab po/ /rab 'byor sa'i khams zab po/ /chu'i khams dang / me'i khams dang / rlung gi khams dang / nam mkha'i khams dang /rnam par shes pa'i khams zab po/ /rab 'byor rten cing 'brel bar 'byung ba zab po/ /rab 'byor ma rig pa zab po/ /rab 'byor de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / srid pa dang / len pa dang / srid pa dang / skye ba dang / rga shi zab po/ /rab 'byor pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun zab po/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa thams cad dang /mthar gyis gnas pa'i snyoms par 'jug pa dang / stong pa nyid dang / tshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo zab po/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad zab po/ /rab 'byor rnam pa thams cad mkhyen pa nyid kyi bar du zab po/ /rab 'byor ji ltar na gzugs zab/ ji ltar na tshor ba dang / 'du shes dang / 'du byed rnams dang / rnam par shes pa zab/ ji ltar na sangs rgyas kyi chos ma 'dres pa bco brgyad kyi bar du zab/ji ltar na rnam pa thams cad mkhyen pa nyid kyi bar du zab ce na/ gzugs kyi de bzhin nyid ji lta ba de bzhin du gzugs zab po/ /tshor ba dang / 'du shes dang / 'du byed rnams dang / rnam par shes pa'i de bzhin nyid ji lta ba bzhin du rnam par shes pa zab po//skye mched dang / khams dang / rten cing 'brel bar 'byung ba'i de bzhin nyid ji lta ba de bzhin du rten cing 'brel bar 'byung ba zab po/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams kyi de bzhin nyid ji lta ba de bzhin du byang chub kyi phyogs kyi chos rnams zab po//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo rnams kyi de bzhin nyid ji lta ba de bzhin du gzungs kyi sgo zab po/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyi de bzhin nyid ji lta ba de bzhin du sangs rgyas kyi chos ma 'dres pa rnams zab po//rnam pa thams cad mkhyen pa nyid kyi bar gyi de bzhin nyid ji lta ba de bzhin du rnam pa thams cad mkhyen pa nyid zab po zhes bya ba ni bsgom pa'i lam gyi zab pa nyid yin no/ / gsol pa/ bcom ldan 'das gzugs kyi de bzhin nyid ni ji lta bu lags/ bcom ldan 'das tshor ba dang / 'du shes dang / 'du byed rnams dang / rnam par shes pa'i de bzhin nyid ni ji lta bu lags/ bcom ldan 'das skye mched dang / khams dang / rten cing 'brel bar 'byung ba'i de bzhin nyid ni ji lta bu lags/ bcom ldan 'das pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams kyi de bzhin nyid ni ji lta bu lags/bcom ldan 'das sangs rgyas kyi chos ma 'dres pa bco brgyad kyi bar gyi de bzhin nyid ni ji lta bu lags/ bcom ldan 'das rnam pa thams cad mkhyen pa nyid kyi bar gyi de bzhin nyid ni ji lta bu lags/ bcom ldan 'das kyis bka' stsal pa/ rab 'byor gzugs kyi de bzhin nyid de la gzugs kyang med/gzugs las gud na yang de bzhin nyid med de/ gzugs kyi de bzhin nyid ni de lta bu'o/ /rab 'byor tshor ba dang / 'du shes dang / 'du byed rnams dang / rnam par shes pa'i de bzhin nyid de la rnam par shes pa yang med/ rnam par shes pa las gud na yang de bzhin nyid med de/rnam par shes pa'i de bzhin nyid ni de lta bu'o/ /rab 'byor skye mched dang / khams dang / rten cing 'brel bar 'byung ba'i de bzhin nyid de la rten cing 'brel bar 'byung ba yang med/ rten cing 'brel bar 'byung ba las gud na yang de bzhin nyid med de/ rten cing 'brel bar 'byung ba'i de bzhin nyid ni de lta bu'o/ / rab 'byor pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams kyi de bzhin nyid de la byang chub kyi phyogs kyi chos rnams kyang med/ byang chub kyi phyogs kyi chos rnams las gud na yang de bzhin nyid med de/ byang chub kyi phyogs kyi chos rnams kyi de bzhin nyid ni de lta bu'o//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa'i de bzhin nyid de la gzugs med pa'i snyoms par 'jug pa yang med/ gzugs med pa'i snyoms par 'jug pa las gud na yang de bzhin nyid med de/ gzugs med pa'i snyoms par 'jug pa'i de bzhin nyid ni de lta bu'o//rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa'i de bzhin nyid de la stong pa nyid dang / mtshan ma med pa dang / smon pa med pa yang med/ stong pa nyid dang / mtshan ma med pa dang / smon pa med pa las gud na yang de bzhin nyid med de/stong pa nyid dang / mtshan ma med pa dang / smon pa med pa'i de bzhin nyid ni de lta bu'o/ /mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa'i de bzhin nyid de la sangs rgyas kyi chos ma 'dres pa rnams kyang med/ sangs rgyas kyi chos ma 'dres pa rnams las gud na yang de bzhin nyid med de/ sangs rgyas kyi chos ma 'dres pa rnams kyi de bzhin nyid ni de lta bu'o/ /rab 'byor rnam pa thams cad mkhyen pa nyid kyi bar gyi de bzhin nyid de la rnam pa thams cad mkhyen pa nyid kyang med/rnam pa thams cad mkhyen pa nyid las gud na yang de bzhin nyid med de/ rnam pa thams cad mkhyen pa nyid kyi de bzhin nyid ni de lta bu'o/ /gsol pa/ bcom ldan 'das de ltar thabs phra bas phyir mi ldog pa'i byang chub sems dpa' sems dpa' chen po gzugs las kyang bzlog//mya ngan las 'das pa yang bstan/ tshor ba dang / 'du shes dang / 'du byed rnams dang / rnam par shes pa las kyang bzlog /mya ngan las 'das pa yang bstan/ skye mched dang / khams dang / rten cing 'brel bar 'byung ba las kyang bzlog /mya ngan las 'das pa yang bstan/ pha rol tu phyin pa rnams dang / stong pa nyid rnams dang / byang chub kyi phyogs kyi chos rnams las kyang bzlog /mya ngan las 'das pa yang bstan/ sangs rgyas kyi chos ma 'dres pa rnams kyi bar las kyang bzlog /mya ngan las 'das pa yang bstan/ rnam pa thams cad mkhyen pa nyid kyi bar las kyang bzlog /mya ngan las 'das pa yang bstan/ 'jig rten pa dang / 'jig rten las 'das pa dang / thun mong ba dang / thun mong ma yin pa dang / zag pa dang bcas pa dang / zag pa ma mchis pa'i 'dzin pa thams cad las kyang bzlog /mya ngan las 'das pa yang bstan pa de ni ngo mtshar che'o zhes bya ba ni bsgom pa'i lam gyi sgro 'dogs pa dang / skur pa 'debs pa'i mtha' las grol ba nyid yin no/ /de skad ces gsol pa dang /bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa las ji ltar gsungs pa bzhin bdag gis 'di ltar gnas par bya'o/ /shes rab kyi pha rol tu phyin pa las ji ltar nye bar bstan pa bzhin bdag gis 'di ltar bslab par bya'o//shes rab kyi pha rol tu phyin pa las ji skad bshad pa bzhin bdag gis 'di ltar bsgrub par bya'o snyam pas shes rab kyi pha rol tu phyin pa dang ldan pa'i gnas zab mo zab mo 'di dag la sems par 'gyur 'jal bar 'gyur nges par rtogs par 'gyur na zhes bya ba ni bsgom pa'i lam gyi mtshan nyid do//de bzhin du sgrub par byed/ de bzhin du nges par rtog par byed/ de bzhin du nye bar rtog par byed/ de bzhin du tshor ba dang / de bzhin du sbyor ba dang / de bzhin du 'bad par byed pa na sems bskyed pa gcig gi dge ba'i rtsa ba grangs med gzhal du med tshad med pa yongs su 'dzin cing bskal pa tshad med par 'khor ba spong bar byed na/shes rab kyi pha rol tu phyin pa la ma 'dres par spyod cing byang chub yid la bya ba dang ldan par rnam pa thams cad mkhyen pa nyid dang ldan pa'i yid la byed pas gnas pa lta ci smos zhes bya ba ni nges par 'byed pa'i cha dang mthun pa la sogs pa'i bsgom pa'i lam yin no//rab 'byor 'di lta ste dper na/ skyes bu 'dod chags la spyod cing rnam par rtog pa zhig gis bud med gzugs bzang zhing mdzes pa blta na sdug pa 'ga' zhig btus la/ bud med de gzhan gyi yongs su bzung ba zhig ste khyim nas phyir 'byung bar ma nus na/rab 'byor de ji snyam du sems/ skyes bu de la rnam par rtog pa ji lta bu dang ldan pa dag 'byung bar 'gyur/ gsol pa/ bcom ldan 'das skyes bu de la ni bud med dang ldan pa'i rnam par rtog pa nyid 'byung bar 'gyur te/ de 'ong bar 'gyur ro/ /'ongs nas kyang de dang lhan cig nyal bar bgyi'o/ / rtse bar bgyi'o/ /dga' bar bgyi'o/ /yongs su spyad par bgyi'o snyam mo/ /bcom ldan 'das kyis bka' stsal pa/ rab 'byor de ji snyam du sems/ nyin mtshan 'das pas skyes bu de'i rtog pa ji snyed cig 'byung bar 'gyur ro / /gsol pa/ bcom ldan 'das de ni mang ngo / /bde bar gshegs pa de ni mang ngo / / skyes bu de'i rnam par rtog pa de nyin mtshan 'das pas shin tu mang bar 'gyur ro/ /bcom ldan 'das kyis bka' stsal pa/ rab 'byor skyes bu de'i rnam par rtog pa nyin mtshan 'das pa ji snyed cig 'byung ba de snyed kyi bskal par byang chub sems dpa' sems dpa' chen po 'khor ba spong zhing rgyab kyis bltas pas mthar byed par 'gyur ro//gang shes rab kyi pha rol tu phyin pa zab mo 'di ji skad du bstan pa 'di la slob pa dang / nye bar rtog pa dang / sems pa dang / nyes pa gang gis byang chub sems dpa' sems dpa' chen po bla na med pa yang dag par rdzogs pa'i byang chub las phyir ldog par 'gyur ba'i nyes pa de dag ci nas kyang spang bar 'gyur ba de ltar brtson par byed na/rab 'byor de ltar brtson pas rjes su brtson pa'i byang chub sems dpa' sems dpa' chen po shes rab kyi pha rol tu phyin pa las ji skad bstan pa bzhin du gnas pa des nyin gcig la dge ba'i rtsa ba gang yongs su gzung ba des gang gA'i klung gi bye ma snyed kyi 'jig rten gyi khams rnams yongs su gang bar gyur kyang des ni dge ba'i rtsa ba de'i lhag ma las brgya'i char yang nye bar mi 'gro'o//stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyu'i bar du yang nye bar mi 'gro'o zhes bya ba ni phan yon rnam pa gsum yin no// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa dang bral bas bskal pa gang gA'i klung gi bye ma snyed kyi sangs rgyas dkon mchog dang / chos dkon mchog dang / dge 'dun dkon mchog dang / dkon mchog gsum la sbyin pa byin na / rab 'byor ji snyam du sems/ ci byang chub sems dpa' sems dpa' chen po de de'i rgyus bsod nams mang du 'phel lam/ gsol pa/ bcom ldan 'das mang ngo / /bde bar gshegs pa mang ste/ gzhal du ma mchis grangs ma mchis tshad ma mchis/ mtshungs pa ma mchis so zhes bya ba ni mi mthun pa'i phyogs chen po'i chen po yin no// bcom ldan 'das kyis bka' stsal pa/ rab 'byor de bas kyang byang chub sems dpa' sems dpa' chen po gang shes rab kyi pha rol tu phyin pa zab mo ji skad du bstan pa 'di la brtson par byed na/ de'i bsod nams ches mang du 'phel lo//de ci'i phyir zhe na/ theg pa gang gis bla na med pa yang dag par rdzogs pa'i byang chub tu mngon par rdzogs par 'tshang rgya ba'i byang chub sems dpa' sems dpa' chen po rnams kyi theg pa de ni 'di yin no zhes bya ba ni gnyen po'i phyogs chung ngu'i chung ngu yin no// // @##/ /shes rab kyi pha rol tu phyin pa stong phrag nyi shu lnga pa/ bam po lnga bcu gcig pa/ rab 'byor de ji snyam du sems/ byang chub sems dpa' sems dpa' chen po gang shes rab kyi pha rol tu phyin pa dang bral bas gang gA'i klung gi bye ma snyed kyi bskal par 'dug cing rgyun du zhugs pa la yon phul/lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas rnams la yon phul na/ rab 'byor de ji snyam du sems/ ci byang chub sems dpa' sems dpa' chen po de de'i rgyus bsod nams mang du 'phel lam/gsol pa/ bcom ldan 'das mang ngo / /bde bar gshegs pa mang ngo / /zhes bya ba ni mi mthun pa'i phyogs chen po'i 'bring yin no// // bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang shes rab kyi pha rol tu phyin pa zab mo ji skad du bstan pa 'di la brtson par byed na de'i bsod nams mang du 'phel lo//de ci'i phyir zhe na/ shes rab kyi pha rol tu phyin pa 'di la spyod pa'i byang chub sems dpa' sems dpa' chen po ni nyan thos dang / rang sangs rgyas kyi sa las 'das nas byang chub sems dpa' skyon med par 'jug cing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//zhes bya ba ni gnyen po'i phyogs chung ngu'i 'bring yin no// // rab 'byor de ji snyam du sems/ byang chub sems dpa' sems dpa' chen po shes rab kyi pha rol tu phyin pa dang bral ba gang zhig bskal pa gang gA'i klung gi bye ma snyed du 'dug cing sbyin pa byin/ tshul khrims bsrungs/ bzod pa bsgrubs/ brtson 'grus brtsams/ bsam gtan la mnyam par gzhag /shes rab bsgoms na de de'i rgyus bsod nams mang du 'phel lam/ gsol pa/ bcom ldan 'das mang ngo / /bde bar gshegs pa mang ngo //zhes bya ba ni mi mthun pa'i phyogs chen po'i chung ngu yin no// //bcom ldan 'das kyis bka' stsal pa/ rab 'byor de bas kyang rigs kyi bu'am rigs kyi bu mo gang gis ji ltar bstan pa'i shes rab kyi pha rol tu phyin pa zab mo 'di la gnas te/nyi ma 'ga' zhig sbyin pa byin pa dang / tshul khrims bsrungs pa dang / bzod pa bsgrubs pa dang / brtson 'grus brtsams pa dang / bsam gtan la mnyam par gzhag pa dang / shes rab bsgoms pa de'i bsod nams ches mang du 'phel lo//de ci'i phyir zhe na/ rab 'byor 'di ni byang chub sems dpa' sems dpa' chen po rnams kyi ma ste/ 'di lta ste/ shes rab kyi pha rol tu phyin pa'o/ /'di ni byang chub sems dpa' sems dpa' chen po rnams kyi skyed byed de/ 'di lta ste/ shes rab kyi pha rol tu phyin pa'o/ /shes rab kyi pha rol tu phyin pa 'di la gnas nas byang chub sems dpa' sems dpa' chen po rnams chos thams cad yongs su rdzogs par byed de/ bla na med pa yang dag par rdzogs pa'i byang chub tu mngon par rdzogs par 'tshang rgya'o//zhes bya ba ni gnyen po'i phyogs chung ngu'i chen po yin no// //rab 'byor de ji snyam du sems/ byang chub sems dpa' sems dpa' chen po shes rab kyi pha rol tu phyin pa dang bral ba gang zhig gis bskal pa gang gA'i klung gi bye ma snyed du gnas te chos kyi sbyin pa byin na rigs kyi bu'am rigs kyi bu mo de de'i rgyus bsod nams mang du 'phel lam/gsol pa/ bcom ldan 'das mang ngo / /bde bar gshegs pa mang ngo / /zhes bya ba ni mi mthun pa'i phyogs 'bring gi chen po yin no// //bcom ldan 'das kyis bka' stsal pa/rab 'byor de bas kyang rigs kyi bu'am rigs kyi bu mo gang gis shes rab kyi pha rol tu phyin pa 'di las ji skad bstan pa bzhin du gnas te nyi ma 'ga' zhig chos kyi sbyin pa byin na/ de de'i rgyus bsod nams mang du 'phel lo/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po gang shes rab kyi pha rol tu phyin pa dang ma bral ba ni rnam pa thams cad mkhyen pa nyid dang ma bral ba'o//rab 'byor byang chub sems dpa' sems dpa' chen po gang shes rab kyi pha rol tu phyin pa dang ma bral ba de ni rnam pa thams cad mkhyen pa nyid dang ma bral ba ste/rab 'byor de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa dang ma bral bar bya'o/ / zhes bya ba ni gnyen po'i phyogs 'bring gi chung ngu yin no// //rab 'byor de ji snyam du sems/ shes rab kyi pha rol tu phyin pa dang bral ba'i byang chub sems dpa' sems dpa' chen po gang zhig gis bskal pa gang gA'i klung gi bye ma snyed du gnas te/ dran pa nye bar gzhag pa bzhi dang /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang /tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa'i ting nge 'dzin dang / sangs rgyas kyi chos ma 'dres pa'i bar la brtson par byas na/ rab 'byor de ji snyam du sems/ rigs kyi bu'am rigs kyi bu mo de de'i rgyus bsod nams mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /zhes bya ba ni mi mthun pa'i phyogs 'bring gi 'bring yin no// //bcom ldan 'das kyis bka' stsal pa/ rab 'byor de bas kyang rigs kyi bu'am rigs kyi bu mo gang gis ji ltar bstan pa'i shes rab kyi pha rol tu phyin pa zab mo 'di la gnas te nyi ma 'ga' zhig dran pa nye bar gzhag pa bzhi dang /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang /tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa'i ting nge 'dzin dang / sangs rgyas kyi chos ma 'dres pa'i bar la brtson par byas na de'i bsod nams ches mang du 'phel lo//de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa dang ma bral ba gang yin pa rnam pa thams cad mkhyen pa nyid las phyir ldog pa de ni gnas med skabs med de/de ni gnas ma yin no/ /rab 'byor 'di ni gnas yin te/ byang chub sems dpa' sems dpa' chen po shes rab kyi pha rol tu phyin pa dang bral ba gang yin pa rnam pa thams cad mkhyen pa nyid las phyir ldog pa'i gnas skabs yod de/ de ni gnas yin no//rab 'byor de lta bas na byang chub sems dpa' sems dpa' chen pos shes rab kyi pha rol tu phyin pa dang ma bral bar bya'o zhes bya ba ni gnyen po'i phyogs 'bring gi 'bring yin no// //rab 'byor de ji snyam du sems byang chub sems dpa' sems dpa' chen po shes rab kyi pha rol tu phyin pa dang bral ba gang zhig gis bskal pa gang gA'i klung gi bya ma snyed du gnas te/zang zing gi sbyin pa de dang / chos kyi sbyin pa de dang / nang du yang dag par 'jog pa dang ldan pa'i yid la byed pa de dag bla na med pa yang dag par rdzogs pa'i byang chub tu yongs su bsngos na/ci rigs kyi bu'am rigs kyi bu mo gang de de'i rgyus bsod nams mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /zhes bya ba ni mi mthun pa'i phyogs 'bring gi chung ngu yin no// //bcom ldan 'das kyis bka' stsal pa/rab 'byor de bas kyang rigs kyi bu'am rigs kyi bu mo gang gis shes rab kyi pha rol tu phyin pa zab mo 'di las ji skad bstan pa bzhin du gnas te/ nyi ma 'ga' zang zing gi sbyin pa de dang chos kyi sbyin pa de dang nang du yang dag par 'jog pa dang ldan pa'i yid la byed pa de dag bla na med pa yang dag par rdzogs pa'i byang chub tu yongs su bsngos na/rigs kyi bu'am rigs kyi bu mo de'i bsod nams ches mang du 'phel lo/ /de ci'i phyir zhe na/ rab 'byor 'di ni bsngo ba mchog yin te/ 'di lta ste/shes rab kyi pha rol tu phyin pa'i yongs su bsngo ba'o/ /gang shes rab kyi pha rol tu phyin pa dang bral bar yongs su bsngo ba de ni yongs su bsngo ba ma yin no/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa'i yongs su bsngo ba la mkhas par bya'o zhes bya ba ni gnyen po'i phyogs 'bring gi chen po yin no// //rab 'byor de ji snyam du sems/ rigs kyi bu'am rigs kyi bu mo shes rab kyi pha rol tu phyin pa dang bral ba gang la las bskal pa gang gA'i klung gi bye ma snyed du gnas te/'das pa dang / ma byon pa dang / da ltar byung ba'i sangs rgyas bcom ldan 'das/ nyan thos kyi dge 'dun dang byang chub sems dpa'i dge 'dun dang bcas pa rnams kyi dge ba'i rtsa ba gang ji snyed pa de dag thams cad la rjes su yi rang nas bla na med pa yang dag par rdzogs pa'i byang chub tu yongs su bsngos na/ci rigs kyi bu'am rigs kyi bu mo de de'i rgyus bsod nams mang du 'phel lam/ gsol pa/ bcom ldan 'das mang ngo / /bde bar gshegs pa mang ngo zhes bya ba ni mi mthun pa'i phyogs chung ngu'i chen po yin no// //bcom ldan 'das kyis bka' stsal pa/ rab 'byor de bas kyang rigs kyi bu'am rigs kyi bu mo gang gis shes rab kyi pha rol tu phyin pa zab mo ji skad du bstan pa 'di la gnas te/ nyi ma 'ga'i dge ba'i rtsa ba de bla na med pa yang dag par rdzogs pa'i byang chub tu yongs su bsngos na rigs kyi bu'am rigs kyi bu mo de'i bsod nams ches mang du 'phel lo//de ci'i phyir zhe na/ rab 'byor bsngo ba 'di ni mchog yin te/ 'di lta ste/ shes rab kyi pha rol tu phyin pa'i bsngo ba'o/ / rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa'i yongs su bsngo ba la mkhas par bya'o zhes bya ba ni gnyen po'i phyogs chen po'i chung ngu yin no// //gsol pa/ bcom ldan 'das mngon par 'dus bgyis pa thams cad ni yongs su brtags pa'o zhes bcom ldan 'das kyis bka' stsal na/ de ji ltar rigs kyi bu'am rigs kyi bu mo de'i bsod nams ches mang du 'phel bar 'gyur lags/ bcom ldan 'das mngon par 'dus bgyis pas ni yang dag pa'i lta ba bskyed pa'am skyon ma mchis par 'jug par yang mi nus so//rgyun du zhugs pa'i 'bras bu thob pa'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid thob pa'am/bla na med pa yang dag par rdzogs pa'i byang chub tu mngon par rdzogs par 'tshang rgya ba'i bar du yang mi nus so zhes bya ba ni mi mthun pa'i phyogs chung ngu'i 'bring yin no// //bcom ldan 'das kyis bka' stsal pa/ rab 'byor de de bzhin no/ /de de bzhin te/mngon par 'du byed pas ni yang dag pa'i lta ba bskyed pa'am skyon med par 'jug pa'am/ rgyun du zhugs pa'i 'bras bu thob pa'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid thob pa'am/ bla na med pa yang dag par rdzogs pa'i byang chub tu mngon par rdzogs par 'tshang rgya bar yang mi nus te/rab 'byor 'on kyang byang chub sems dpa' sems dpa' chen po shes rab kyi pha rol tu phyin pa la spyod pa'i mngon par 'du bya ba de yang de ltar stong pa nyid du snang ngo / /gsog nyid du snang ngo //gsob nyid du snang ngo / /snying po med pa nyid du snang ngo / /de ci'i phyir zhe na/ rab 'byor 'di ltar byang chub sems dpa' sems dpa' chen po ni nang stong pa nyid la shin tu bslabs pa'o/ /dngos po med pa'i ngo bo nyid stong pa nyid kyi bar la shin tu bslabs pa'o zhes bya ba ni gnyen po'i phyogs chen po'i 'bring yin no// //rab 'byor byang chub sems dpa' sems dpa' chen po de ni stong pa nyid de dag la gnas shing ji lta ji ltar mngon par 'du byed pa de dag la rab tu rtogs pa de lta de ltar byang chub sems dpa' sems dpa' chen po shes rab kyi pha rol tu phyin pa dang ma bral bar 'gyur te/ji lta ji ltar byang chub sems dpa' sems dpa' chen po shes rab kyi pha rol tu phyin pa dang ma bral ba de lta de ltar grangs med gzhal du med tshad med pa'i bsod nams 'phel bar 'gyur ro zhes bya ba ni don gyi shugs kyis 'phangs pa'i mi mthun pa'i phyogs chung ngu'i chung ngu gnyen po'i phyogs chen po'i chen po yin te/'di ni bsgom pa'i lam la gnas pa'i phyir mi ldog pa'i rtags bstan pa yin no/ /gsol pa/ bcom ldan 'das grangs ma mchis pa dang /gzhal du ma mchis pa dang / tshad du ma mchis pa la bye brag ni ci mchis/ tha dad du bgyi ba ni gang zhig lags/ bcom ldan 'das kyis bka' stsal pa/ rab 'byor grangs med pa zhes bya ba ni gang 'dus byas kyi khams sam 'dus ma byas kyi khams su bgrang bar nye bar mi 'gro'o //rab 'byor gzhal du med pa zhes bya ba ni 'das pa dang ma 'ong pa dang da ltar byung ba'i chos rnams la tshad mi dmigs pa'o/ /rab 'byor tshad med pa zhes bya ba ni gang zhig bya ba ni gang zhig rnam pa gzhan gang gis kyang tshad gzung bar mi nus pa'o/ /gsol pa/ bcom ldan 'das rnam grangs gang gis gzugs kyang grangs ma mchis gzhal du ma mchis tshad ma mchis par 'gyur zhing /tshor ba dang / 'du shes dang / 'du byed rnams dang / rnam par shes pa yang grangs ma mchis gzhal du ma mchis tshad ma mchis par 'gyur ba'i rnam grangs de lta bu mchis sam/bcom ldan 'das kyis bka' stsal pa/ rab 'byor rnam grangs gang gis gzugs kyang grangs med gzhal du med tshad med par 'gyur ba dang / tshor ba dang / 'du shes dang / 'du byed rnams dang / rnam par shes pa yang grangs med gzhal du med tshad med par 'gyur ba'i rnam grangs de lta bu yod do zhes bya ba ni grangs med pa la sogs pa nye bar mtshon pa'i mtshan nyid yin no// //gsol pa/ bcom ldan 'das grangs gang gis na gzugs kyang grangs ma mchis gzhal du ma mchis tshad ma mchis par 'gyur ba lags/tshor ba dang / 'du shes dang / 'du byed rnams dang / rnam par shes pa ste yang grangs ma mchis gzhal du ma mchis tshad ma mchis par 'gyur ba lags/ bcom ldan 'das kyis bka' stsal pa/ rab 'byor gzugs kyang stong pa ste grangs med gzhal du med tshad med pa'o//tshor ba dang / 'du shes dang / 'du byed rnams dang / rnam par shes pa yang stong pa ste grangs med gzhal du med tshad med pa'o/ /gsol pa/ bcom ldan 'das gzugs 'ba' zhig stong tshor ba dang / 'du shes dang / 'du byed rnams dang / rnam par shes pa 'ba' zhig stong du bas kyi chos thams cad stong pa ma lags sam/ bcom ldan 'das kyis bka' stsal pa/ rab 'byor de ji snyam du sems ngas chos thams cad stong pa'o zhes ma bshad dam/ gsol pa/ bcom ldan 'das de bzhin gshegs pas chos thams cad stong pa'o zhes gsungs te/stong pa nyid gang lags pa de ni mi bas pa ste/ grangs ma mchis pa yang de lags/ gzhal du ma mchis pa yang de lags/ tshad ma mchis pa yang de lags te/ bcom ldan 'das stong pa nyid la ni zad pa mi dmigs/ grangs kyang mi dmigs/gzhal ba yang mi dmigs/ tshad kyang mi dmigs te/ bcom ldan 'das de bas na chos de dag la don nam yi ges tha dad du bgyi ba mi dmigs so zhes bya ba ni grangs med pa la sogs pa bstan pa la brtsad pa yin no/ /bcom ldan 'das kyis bka' stsal pa/ rab 'byor de de bzhin no//de de bzhin te/ chos de dag la don nam yi ges tha dad du bya ba mi dmigs so/ /rab 'byor 'on kyang brjod du med pa'i don la de bzhin gshegs pas mi zad pa zhes bya ba'am/ grangs med pa zhes bya ba'am/ gzhal du med pa zhes bya ba'am/ tshad med pa zhes bya ba'am/stong pa zhes bya ba'am/ mtshan ma med pa zhes bya ba 'am/ smon pa med pa zhes bya ba'am/ mngon par 'du bya ba med pa zhes bya ba'am/ skye ba med pa zhes bya ba'am/ 'dod chags dang bral ba zhes bya ba'am/ 'gag pa med pa zhes bya ba'am/mya ngan 'das pa zhes mngon par brjod pa gang yin pa de ni de bzhin gshegs pa'i thugs rje chen po'i rgyu mthun gyis bstan pa yin no zhes bya ba ni rtsod pa khas blangs pa sngon du 'gro ba'i lan btab pa'o// //gsol pa/ bcom ldan 'das chos rnams kyi chos nyid de bzhin gshegs pas bstan la chos nyid de yang brjod du ma mchis pa ni ngo mtshar che'o//bcom ldan 'das kyis gsungs pa'i don bdag gis 'tshal ba ltar na/ bcom ldan 'das chos thams cad ni brjod du ma mchis pa'o/ /bcom ldan 'das kyis bka' stsal pa/rab 'byor de de bzhin no/ /de de bzhin te/ rab 'byor chos thams cad ni brjod du med pa'o/ /rab 'byor chos thams cad kyi brjod du med pa gang yin pa de ni stong pa nyid de stong pa nyid la ni brjod pa gang yang med de stong pa nyid ni brjod par mi nus pa'o / / gsol pa/ bcom ldan 'das brjod du ma mchis pa'i don la 'phel ba'am yongs su 'grib pa mchis sam/ bcom ldan 'das kyis bka' stsal pa/ rab 'byor de ni ma yin no / /rab 'byor brjod du med pa'i don la ni 'phel ba'am yongs su 'grib pa med do/ / gsol pa/ bcom ldan 'das gal te brjod du ma mchis pa'i don la 'phel ba'am yongs su 'grib pa ma mchis na/ bcom ldan 'das des na sbyin pa'i pha rol tu phyin pa yang 'phel ba'am/ yongs su 'grib pa ma mchis par 'gyur ro/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yang 'phel ba dang / yongs su 'grib pa ma mchis par 'gyur ro/ /bcom ldan 'das nang stong pa nyid la yang 'phel ba dang yongs su 'grib pa ma mchis par 'gyur ro//phyi stong pa nyid dang / phyi nang stong pa nyid nas dngos po med pa'i ngo bo nyid stong pa nyid kyi bar la yang 'phel ba dang yongs su 'grib pa ma mchis par 'gyur ro/ /bcom ldan 'das dran pa nye bar gzhag pa bzhi yang 'phel ba dang 'grib pa ma mchis par 'gyur ro//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang 'phel ba dang 'grib pa ma mchis par 'gyur ro//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /smon pa med pa yang 'phel ba dang yongs su 'grib pa ma mchis par 'gyur ro/ /mngon par shes pa rnams dang / ting nge 'dzin rnams dang / gzungs kyi sgo rnams kyang 'phel ba dang yongs su 'grib pa ma mchis par 'gyur ro/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa [(]bcwa [,]bco[)]brgyad kyang 'phel ba dang yongs su 'grib pa ma mchis par 'gyur ro/ /bcom ldan 'das de ltar gyur na pha rol tu phyin pa drug ma mchis par 'gyur ro//sangs rgyas kyi chos ma 'dres pa bcwa brgyad kyi bar du ma mchis par 'gyur ro/ /chos de dag ma mchis pas na rnam pa thams cad mkhyen pa nyid kyang ma mchis par 'gyur ro/ /rnam pa thams cad mkhyen pa nyid ma mchis na su zhig bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bya ba ni brjod du med pa la nyams pa dang 'phel ba med par brgal ba yin no// //bcom ldan 'das kyis bka' stsal pa/ rab 'byor de de bzhin no/ /de de bzhin te/ brjod du med pa'i don la ni 'phel ba'am yongs su 'grib pa med do//rab 'byor gal te thabs mkhas pa'i byang chub sems dpa' sems dpa' chen po shes rab kyi pha rol tu phyin pa la spyod pa dang / shes rab kyi pha rol tu phyin pa la bsgoms pa dang / shes rab kyi pha rol tu phyin pa la brtson par byed pa'i tshe 'di snyam du bdag ni shes rab kyi pha rol tu phyin pas rnam par 'phel lo//bdag ni bsam gtan [(]kyi [,]gyi [)]pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang /sbyin pa'i pha rol tu phyin pa rnam par 'phel lo snyam du mi sems shing / 'on kyang de 'di snyam du 'di ni ming tsam yin te/ 'di lta ste sbyin pa'i pha rol tu phyin pa dang / 'di lta ste tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa 'di ni ming tsam mo snyam zhing / de sbyin pa'i pha rol tu phyin pa la spyod pa'i tshe yid la byed pa de dag dang / sems bskyed pa de dag dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/de yang bla na med pa yang dag par rdzogs pa'i byang chub ji lta ba de bzhin du yongs su bsngo'o zhes bya ba ni lan yin no// //gsol pa/ bcom ldan 'das bla na med pa yang dag par rdzogs pa'i byang chub ji lta bu lags/ bcom ldan 'das kyis bka' stsal pa/ rab 'byor chos thams cad kyi de bzhin nyid ji lta ba de bzhin du bla na med pa yang dag par rdzogs pa'i byang chub bo/ /gsol pa/ bcom ldan 'das ji ltar chos thams cad kyi de bzhin nyid ji lta ba de bzhin du bla na med pa yang dag par rdzogs pa'i byang chub lags/bcom ldan 'das kyis bka' stsal pa/ rab 'byor gzugs kyi de bzhin nyid ji lta ba de bzhin du bla na med pa yang dag par rdzogs pa'i byang chub bo/ /tshor ba dang / 'du shes dang / 'du byed rnams dang / rnam par shes [(]pa'i pa'i [,]pa'i [)]de bzhin nyid ji lta ba de bzhin du bla na med pa yang dag par rdzogs pa'i byang chub bo//skye mched dang / khams dang / rten cing 'brel bar 'byung ba'i de bzhin nyid ji lta ba de bzhin du bla na med pa yang dag par rdzogs pa'i byang chub bo/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos sum cu rtsa bdun gyi de bzhin nyid ji lta ba de bzhin du bla na med pa yang dag par rdzogs pa'i byang chub bo/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi de bzhin nyid ji lta ba de bzhin du bla na med pa yang dag par rdzogs pa'i byang chub bo//de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams kyi de bzhin nyid ji lta ba de bzhin du bla na med pa yang dag par rdzogs pa'i byang chub bo//rnam pa thams cad mkhyen pa nyid kyi bar gyi de bzhin nyid ji lta ba de bzhin du bla na med pa yang dag par rdzogs pa'i byang chub bo/ /mya ngan las 'das pa'i de bzhin nyid ji lta ba de bzhin du bla na med pa yang dag par rdzogs pa'i byang chub ste/de ni 'phel ba yang med do/ /yongs su 'grib pa yang med do/ /rab 'byor de la ni byang chub sems dpa' sems dpa' chen po shes rab kyi pha rol tu phyin pa dang ma bral ba rgyun mi 'chad par rtag tu rnam par spyod pas chos gang la yang 'phel ba'am yongs su 'grib par yang dag par rjes su mi mthong ste/gzugs sam/ tshor ba'am/ 'du shes sam/ 'du byed rnams sam/ rnam par shes pa'am/ bla na med pa yang dag par rdzogs pa'i byang chub kyi bar gyi 'phel ba'am 'grib pa yang dag par rjes su mi mthong ngo //rab 'byor de ltar na brjod du med pa'i don la 'phel ba med cing yongs su 'grib pa med pa ste/ rab 'byor de ltar na sbyin pa'i pha rol tu phyin pa la 'phel ba yang med yongs su 'grib pa yang med do//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la 'phel ba yang med yongs su 'grib pa yang med do/ / nang stong pa nyid la 'phel ba'am yongs su 'grib pa med do/ /dngos po med pa'i ngo bo nyid stong pa nyid kyi bar la 'phel ba yang med yongs su 'grib pa yang med do/ /dran pa nye bar gzhag pa rnams la 'phel ba yang med yongs su 'grib pa yang med do/ /yang dag par spong ba rnams dang /rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la 'phel ba yang med yongs su 'grib pa yang med do/ /'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo la 'phel ba yang med yongs su 'grib pa yang med do/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams la 'phel ba yang med yongs su 'grib pa yang med do//rab 'byor de ltar byang chub sems dpa' sems dpa' chen pos 'phel ba med pa dang / yongs su 'grib pa med pa'i tshul gyis shes rab kyi pha rol tu phyin pa la spyad par bya'o zhes bya ba ni byang chub kyi mtshan nyid gtsor gyur pa yin no//gsol pa/ bcom ldan 'das ci lags/ sems dang po bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'am/ 'on te sems slad ma bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya/bcom ldan 'das re zhig gal te sems dang po bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya na ni sems dang po bskyed pa yang sems slad ma bskyed pa dang mi grogs/sems slad ma bskyed pa yang sems dang po bskyed pa dang mi 'grogs te/ bcom ldan 'das de ltar sems dang sems las byung ba'i chos rnams mi grogs na ji ltar dge ba'i rtsa ba rnams tshogs su 'gyur/dge ba'i rtsa ba ma bsags par ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so zhes bya ba ni sems phrad pa med par rgal ba yin no/ /bcom ldan 'das kyis bka' stsal pa/ rab 'byor des na don 'di nyid shes par bya ba'i don du khyod la dpe bstan par bya ste/'di na skyes bu mkhas pa la bshad pa'i don dpes yongs su shes par 'gyur ro/ /rab 'byor de ji snyam du sems/ 'bru mar gyi mar me 'bar bas snying po tshig par gyur na/ me lce dang po phrad pas snying po de tshig gam/de te me lce phyi ma dang phrad pas snying po de tshig /gsol pa/ bcom ldan 'das me lce dang po dang mjal bas kyang snying po de tshig pa ma lags/ me lce dang po la ma brten par yang snying po de tshig pa ma lags/ bcom ldan 'das me lce slad ma dang mjal bas kyang snying po de tshig pa ma lags/me lce slad ma la ma brten par yang snying po de tshig pa ma lags so/ /bcom ldan 'das kyis bka' stsal pa/ rab 'byor de ji snyam du sems/ 'on kyang snying po de tshig mod/ gsol pa/ bcom ldan 'das de ni tshig go/ / bde bar gshegs pa de ni tshig go/ /bcom ldan 'das kyis bka' stsal pa/ rab 'byor de bzhin du sems dang po bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya/sems dang po bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya/ sems phyi ma bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya/sems phyi ma bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba yang ma yin no//rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe sems dang po bskyed pa nas nye bar bzung ste/ sa bcu yongs su rdzogs par byas nas bla na med pa yang dag par rdzogs par byang chub tu mngon par rdzogs par 'tshang rgya'o/ /gsol pa/ bcom ldan 'das sa bcu po gang dang gang yongs su rdzogs par bgyis na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba lags/bcom ldan 'das kyis bka' stsal pa/ rab 'byor dkar po rnam par mthong ba'i sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o//rigs kyi sa dang / brgyad pa'i sa dang / mthong ba'i sa dang / bsrabs pa sa dang / 'dod chags dang bral ba'i sa dang / byas pa rtogs pa'i sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o//rang sangs rgyas kyi sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o//byang chub sems dpa'i sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /sangs rgyas kyi sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o//de la byang chub sems dpa' sems dpa' chen po sa bcu po 'di la slob pa ni sems dang po bskyed pas kyang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin/sems dang po bskyed pa la ma brten par yang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin/ sems phyi ma bskyed pas kyang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin/sems phyi ma bskyed pa la ma brten par yang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin mod kyi/ bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni mar me'i dpes lan btab pa yin no//gsol pa/ bcom ldan 'das de ltar sems dang po bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags la/ sems dang po bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags pa dang /sems slad ma bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags la/sems slad ma bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags shing /bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba rten cing 'brel par 'byung ba zab pa de ni ngo mtshar to/ /bcom ldan 'das kyis bka' stsal pa/ rab 'byor de ji snyam du sems/ci sems gang 'gags pa de phyir skye bar 'gyur ram/ gsol pa/ bcom ldan 'das de ni ma lags so zhes bya ba ni skye ba zab pa yin no/ /bcom ldan 'das kyis bka' stsal pa/ rab 'byor de ji snyam du sems/ ci sems gang skyes pa de 'gag pa'i chos can yin nam/rab 'byor gyis gsol pa/ bcom ldan 'das 'gag pa'i chos can lags so/ /bde bar gshegs pa 'gag pa'i chos can lags so/ /bcom ldan 'das kyis bka' stsal pa/ rab 'byor de ji snyam du sems/ 'gag pa'i chos can gang yin pa de 'gag par 'gyur ram/gsol pa/ bcom ldan 'das de ni ma lags so zhes bya ba ni 'gag pa zab pa yin no/ /bcom ldan 'das kyis bka' stsal pa/ rab 'byor de ji snyam du sems/ gang de bzhin nyid ji lta ba de kho na ltar gnas par 'gyur ram/gsol pa/ bcom ldan 'das de bzhin nyid ji lta ba de kho na ltar gnas par 'gyur ro/ /bcom ldan 'das kyis bka' stsal pa/ rab 'byor de ji snyam du sems/ gang de bzhin nyid ji lta ba de kho na ltar gnas par 'gyur ba de rtag par 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ de bzhin nyid zab bam/ gsol pa/ bcom ldan 'das zab bo/ /bde bar gshegs pa zab po zhes bya ba ni de bzhin nyid zab pa yin no/ /bcom ldan 'das kyis bka' stsal pa/rab 'byor de ji snyam du sems/de bzhin nyid sems yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ de bzhin nyid las gzhan na sems yod dam/ rab 'byor gyis gsol pa/ bcom ldan 'das de ni ma lags so zhes bya ba ni shes bya zab pa yin no/ /bcom ldan 'das kyis bka' stsal pa/ de bzhin nyid kyis de bzhin nyid yang dag par rjes su mthong ngam/ gsol pa/ bcom ldan 'das de ni ma lags so zhes bya ba ni shes pa zab pa yin no//bcom ldan 'das kyis bka' stsal pa/ rab 'byor de ji snyam du sems/ gang de ltar spyod pa de shes rab kyi pha rol tu phyin pa zab mo la spyod pa yin nam/ gsol pa/ bcom ldan 'das gang de ltar spyod pa de ni shes rab kyi pha rol tu phyin pa zab mo la spyod pa'o//bcom ldan 'das kyis bka' stsal pa/ rab 'byor de ji snyam du sems/ gang de ltar spyod pa de gang la spyod pa yin/ gsol pa/ bcom ldan 'das de ltar spyod pa de ni ci la yang mi spyod do/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen po shes rab kyi pha rol tu phyin pa la spyod cing de bzhin nyid la gnas pa la ni kun tu sbyor ba 'di dag mi 'byung zhing mi rgyu'o//de ci'i slad du zhe na/ bcom ldan 'das de bzhin nyid ni gang la yang kun tu sbyor ba ma mchis shing de la yang kun tu spyod pa 'ga' yang ma mchis so zhes bya ba ni spyod pa zab pa yin no//bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa la spyod de de gang la spyod pa yin/ gsol pa/ de ni gang la gnyis kyis yongs su rgyu ba ma mchis pa'i don dam pa la spyod do //bcom ldan 'das kyis bka' stsal pa/ rab 'byor de ji snyam du sems/ gang don dam pa la spyod pa de kun tu spyod pa la spyod pa'am mtshan ma la spyod pa yin nam/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor de ji snyam du sems/ des mtshan mar 'du shes pa'am mtshan ma med par 'du shes pa rnam par bshig pa yin nam/ gsol pa/ bcom ldan 'das de ni ma lags so zhes bya ba ni gnyis su med pa zab pa yin no//bcom ldan 'das kyis bka' stsal pa/ rab 'byor 'o na ji ltar byang chub sems dpa' sems dpa' chen pos mtshan ma'am mtshan ma med pa'i 'du shes rnam par bshig pa yin/ gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa de ni 'di ltar mtshan ma rnam par bshig par bya'o zhe'am/mtshan ma med pa rnam par gzhig par bya'o snyam du mi sbyor ro/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa 'di ni de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par ma bgyis par bla na med pa yang dag par rdzogs pa'i byang chub tu mngon par rdzogs par 'tshang mi rgya ste/bcom ldan 'das 'di ni byang chub sems dpa' sems dpa' chen po'i thabs mkhas pa ste/ thabs mkhas pa des chos gang yang dngos por yang mi bgyid/ dngos po ma mchis par yang mi bgyid do//de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen pos chos thams cad kyi rang gi mtshan nyid stong pa nyid du rig pa'i slad du ste/ rang gi mtshan nyid stong pa nyid de la gnas nas sems can rnams kyi don du ting nge 'dzin gsum la snyoms par 'jug pa ste/ting nge 'dzin de dag gis sems can rnams yongs su smin par bgyid na/ bcom ldan 'das ji ltar na byang chub sems dpa' sems dpa' chen po sems can rnams kyi don du ting nge 'dzin rnams la snyoms par 'jug cing ting nge 'dzin de dag gis sems can rnams yongs su smin par bgyid pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po ting nge 'dzin gsum la gnas shing sems can gang rnam par rtog pa'i 'du shes la spyod pa de dag ni stong pa nyid la rab tu 'god do//sems can gang mtshan ma la spyod pa de dag ni mtshan ma med pa la rab tu 'god do/ /sems can gang smon pa la spyod pa de dag ni smon pa med pa la sbyor ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod cing ting nge 'dzin gsum la gnas te sems can rnams yongs su smin par byed do zhes bya ba ni thabs la mkhas pa zab pa yin te/'di dag gis ni phyir mi ldog pa'i dge 'dun gsungs so/ /de nas yang tshe dang ldan pa shA ri'i bus tshe dang ldan pa rab 'byor la 'di skad ces smras so//tshe dang ldan pa rab 'byor byang chub sems dpa' sems dpa' chen po gang la la rmi lam du stong pa nyid dang mtshan ma med pa dang smon pa med pa'i ting nge 'dzin gsum la snyoms par zhugs na ci shes rab kyi pha rol tu phyin pas rnam par 'phel lam/rab 'byor gyis smras pa/ tshe dang ldan pa shA ri'i bu gal te nyin par bsgoms pas rnam par 'phel na rmi lam bsgoms pas kyang rnam par 'phel lo/ /de ci'i phyir zhe na/ tshe dang ldan pa shA ri'i bu rmi lam dang nyin par ni rnam par rtog pa med do//tshe dang ldan pa shA ri'i bu gal te byang chub sems dpa' sems dpa' chen po nyin par shes rab kyi pha rol tu phyin pa la spyod pa de'i shes rab kyi pha rol tu phyin pa la bsgom pa yod na ni byang chub sems dpa' sems dpa' chen po rmi lam na shes rab kyi pha rol tu phyin pa bsgom pa yang yod par 'gyur ro zhes bya ba ni srid pa dang zhi bar mi rtog pa yin no//de skad ces smras pa dang / tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen pos rmi lam du las gang zhig byas pa'i las de dag la sogs pa'am 'bri bar 'gyur ba yod dam/rab 'byor gyis smras pa/ tshe dang ldan pa shA ri'i bu ji ltar bcom ldan 'das kyis chos thams cad rmi lam lta bur gsungs pa de ltar na de la sogs pa'am 'bri bar 'gyur ba med do//de ci'i phyir zhe na/ rmi lam gyi chos gang la yang sogs pa'am 'bri ba mi dmigs pa'i phyir ro / /'on te sad nas rnam par rtog na ni de la sogs pa'am 'bri bar yang 'gyur ro/ /rab 'byor gyis smras pa/ nyin par srog bcad pa dang rmi lam na srog bcad pa de la 'di snyam du de bdag gis bsad do//de bdag gis bsad pa lags so zhes sad de rnam par rtog na tshe dang ldan pa shA ri'i bu las de la khyod ji skad zer/ smras pa/ tshe dang ldan pa rab 'byor dmigs pa med par las mi skye ste/ las ni dmigs pa dang bcas pa kho nar skye/dmigs pa med par sems pa mi 'byung ste/ sems pa ni dmigs pa dang bcas pa kho nar skye'o/ /rab 'byor gyis smras pa/ tshe dang ldan pa shA ri'i bu de de bzhin te/ dmigs pa med par las mi skye'o/ /dmigs pa med par sems pa mi 'byung ngo //dmigs pa dang bcas par las skye ste/ dmigs pa med par ma yin no/ /dmigs pa dang bcas par sems pa 'byung ste/ dmigs pa med par ma yin no/ /mthong ba dang thos pa dang bsam pa dang rnam par rig pa'i chos rnams la blo 'jug ste/ ma mthong ma thos ma bsams rnam par ma rig pa'i chos la ni blo mi 'jug go//de la blo la la ni kun nas nyon mongs pa yongs su 'dzin to/ /blo la la ni rnam par byang ba yongs su 'dzin to/ /de bas na tshe dang ldan pa shA ri'i bu dmigs pa dang bcas par las skye ste/ dmigs pa med par ma yin no//dmigs pa dang bcas par sems pa 'byung ste/ dmigs pa med par ma yin no/ /smras pa/ tshe dang ldan pa rab 'byor las thams cad dang sems pa thams cad dben pa'o zhes bcom ldan 'das kyis gsungs na de ji ltar dmigs pa dang bcas par las skye ste/dmigs pa med par ma yin no/ /dmigs pa dang bcas par sems pa 'byung ste/ dmigs pa med par ma yin no/ /rab 'byor gyis smras pa/ tshe dang ldan pa shA ri'i bu mtshan mar byas nas dmigs pa dang bcas par las skye ste/ dmigs pa med par ma yin no//dmigs pa dang bcas par sems pa 'byung ste/ dmigs pa med par ma yin no/ /de skad ces smras pa dang / tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor gal te byang chub sems dpa' sems dpa' chen pos rmi lam du sbyin pa byin/tshul khrims bsrungs/ bzod pa bsgoms / brtson 'grus brtsams/ bsam gtan la mnyam par gzhag /shes rab bsgoms te dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/des bla na med pa yang dag par rdzogs pa'i byang chub tu yongs su bsngos par 'gyur ram/ rab 'byor gyis smras pa/ tshe dang ldan pa shA ri'i bu byang chub sems dpa' sems dpa' chen po byams pa skye ba gcig gis thogs pa/ bcom ldan 'das kyis phyir mi ldog par lung bstan pa 'di mngon du gyur na 'di la dris shig dang 'dis la na ldon par 'gyur ro//de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so/ /rigs kyi bu gnas brtan rab 'byor 'di ni 'di skad du byang chub sems dpa' sems dpa' chen po byams pa 'di mngon du gyur pa skye ba gcig gis thogs pa/phyir mi ldog par bcom ldan 'das kyis lung bstan pa ste/ 'di la dris shig dang 'dis lan ldon par 'gyur ro zhes zer ro/ /de skad ces smras pa dang / byang chub sems dpa' sems dpa' chen po byams pas/tshe dang ldan pa shA ri'i bu la 'di skad ces smras so/ /ci byang chub sems dpa' sems dpa' chen po byams pa zhes bya ba'i ming 'di lan ldon nam/ 'on te gzugs lan ldon nam / tshor ba dang / 'du shes dang / 'du byed rnams dang / rnam par shes pa lan ldon par 'gyur/'on te gzugs kyi stong pa nyid gang yin pa de lan ldon par 'gyur ram/ tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa de lan ldon par 'gyur/ 'on te gzugs kyi de bzhin nyid gang yin pa de lan ldon par 'gyur ram/tshor ba dang / 'du shes dang / 'du byed rnams dang / rnam par shes pa'i de bzhin nyid gang yin pa de lan ldon par 'gyur/ gzugs kyi stong pa nyid gang yin pa de dang / tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa de la ni lan ldon pa'i mthu med do//gzugs kyi de bzhin nyid gang yin pa de dang / tshor ba dang / 'du shes dang / 'du byed rnams dang / rnam par shes pa'i de bzhin nyid gang yin pa de la ni lan ldon pa'i mthu med do/ /bdag gis ni gang lan ldon pa dang /bdag gis lan glan pa dang / gang gi lan glan pa dang / gang la lan glan pa'i chos de lta bu yang dag par rjes su ma mthong ngo / /gang bla na med pa yang dag par rdzogs pa'i byang chub tu lung bstan pa dang / gang gis lung bstan pa dang / gang la lung bstan pa'i chos de yang bdag gis yang dag par rjes su ma mthong ste/chos de dag thams cad ni gnyis su med cing gnyis su byar med pa'o/ /shA ri'i bus smras pa/ chos de dag ji skad du bshad pa de bzhin du chos de dag khyod kyis mngon du byas sam/ byams pas smras pa/ chos de dag ji skad kho bos bshad pa de ltar chos de dag bdag gis mngon du byas pa med do/ /de nas tshe dang ldan pa shA ri'i bu 'di snyam du sems par gyur te/ ma la byang chub sems dpa' sems dpa' chen po byams pa 'di ni shes rab zab mo dang ldan pa ste/ 'di ni yun ring por sbyin pa'i pha rol tu phyin pa la spyod pa dang /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod cing mi dmigs par spyad pas mi dmigs pa nyid bstan pa yin snyam mo//de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu de ji snyam du sems/ chos gang gis khyod dgra bcom par brjod pa'i chos de khyod kyis yang dag par rjes su mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu de de bzhin te/ byang chub sems dpa' sems dpa' chen po shes rab kyi pha rol tu phyin pa la spyod pa ni 'di snyam du lung bstan pa'i chos de ni 'di'o/ /lung bstan par 'gyur ba'i chos de ni 'di'o// bla na med pa yang dag par rdzogs pa'i byang chub tu mngon par rdzogs par 'tshang rgya ba'i chos de ni 'di'o zhes bya bar mi sems te/ de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa ste/ de la the tshom skye ba med cing bdag ni bla na med pa yang dag par rdzogs pa'i byang chub tu mngon par rdzogs par 'tshang mi rgya ba ma yin gyi/bdag ni gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam ste/ shA ri'i bu gang de ltar spyod pa de ni shes rab kyi pha rol tu phyin pa la spyod pa'o//shA ri'i bu de ltar spyod pa'i byang chub sems dpa' sems dpa' chen po ni mi 'jigs mi dngang skrag par mi 'gyur zhing bdag ni bla na med pa yang dag par rdzogs pa'i byang chub tu mngon par rdzogs par 'tshang mi rgya ba ma yin gyi/ bdag ni gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam mo zhes bya ba ni klan ka brgyud pa yin te/'di dag gis ni srid pa dang zhi ba mnyam pa nyid gsungs so/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das ji ltar na byang chub sems dpa' sems dpa' chen po pha rol tu phyin pa drug yongs su rdzogs par bgyid cing rnam pa thams cad mkhyen pa nyid dang yang nye bar 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to//rab 'byor 'di la byang chub sems dpa' sems dpa' chen po sbyin pa'i pha rol tu phyin pa la spyod pa'i tshe/ sems can bkres pa rnams mthong zhing sems can skom pa dang / gos ngan pa dang /zas dang gos dang mal chas phongs pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang /rgyal chen bzhi'i ris kyi lha rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi che ba dang /mi gdung ba dang / legs mthong dang / rab lta dang / 'og min gyi lha rnams kyi longs spyod dang skyid pa ji lta ba de bzhin du sangs rgyas kyi zhing de'i longs spyod dang skyid par 'gyur ba de lta de ltar sbyin pa'i pha rol tu phyin pa la spyad par bya'o/ /zhes yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni sbyin pa'i pha rol tu phyin pa yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po tshul khrims kyi pha rol tu phyin pa la spyod pa'i tshe/sems can srog gcod pa dag mthong ngam sems can ma byin par len pa dang / 'dod pas log par g.yem pa dang / brdzun du smra ba dang / phra ma zer ba dang / zhe gcod pa'i tshig dang / tshig kyal pa smra ba dang /brnab sems can dang / gnod sems can dang / log par lta ba can dag mthong ngam/ sems can tshe thung ba dang / nad mang ba dang / mdog ngan pa dang / mthu chung ba dang / longs spyod chung ba dang / rigs dma' ba dang / sems can yan lag dang nying lag ma tshang ba dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad kyi thams cad mi 'byung zhing mi srid pa dang sems can thams cad dge ba bcu'i las kyi lam la rab tu gnas par gyur pa de lta de ltar tshul khrims kyi pha rol tu phyin pa la spyod par bya'o zhes yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni tshul khrims kyi pha rol tu phyin pa yang yongs su rdzogs par byed/bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po bzod pa'i pha rol tu phyin pa la spyod pa'i tshe/sems can phan tshun du gnod par sems pa rdo ba dang dbyig pa dang mtshon gyis 'debs shing rdeg pa dang gsod pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs par byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang /sems can thams cad kyang sems can thams cad la ma lta bu'i sems su 'gyur ba dang / pha lta bu'i sems su 'gyur ba dang / phu nu lta bu'i sems su 'gyur ba dang /sring mo lta bu'i sems su 'gyur ba dang / bu dang bu mo lta bu'i sems su 'gyur ba dang / byams pa'i sems su 'gyur ba dang / phan pa'i sems su 'gyur ba de lta de ltar bzod pa'i pha rol tu phyin pa la spyod par bya'o zhes yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni bzod pa'i pha rol tu phyin pa yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po brtson 'grus kyi pha rol tu phyin pa la spyod pa'i tshe/sems can brtson 'grus zhan pa dang / le lo'i sems dang ldan pa dang / theg pa gsum po 'di lta ste/ nyan thos kyi theg pa dang / rang sangs rgyas kyi theg pa dang / sangs rgyas kyi theg pa la rgyab kyis phyogs pa dag mthong na 'di ltar yongs su brtag par bya ste/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang /sems can thams cad kyang brtson 'grus brtan pa brtsams shing theg pa gsum gyis yongs su mya ngan las 'da' bar 'gyur bar bya'o zhes yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni brtson 'grus kyi pha rol tu phyin pa yongs su rdzogs par byed/bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po bsam gtan gyi pha rol tu phyin pa la spyod pa'i tshe/sems can 'dod pa la 'dun pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom dang sgrib pa lngas bsgribs pa mthong ngam/ bsam gtan dang po dang mi ldan pa mthong ngam/ bsam gtan gnyis pa dang /bsam gtan gsum pa dang / bsam gtan bzhi pa dang mi ldan pa mthong ngam/ byams pa dang mi ldan pa mthong ngam/ snying rje dang / dga' ba dang / btang snyoms dang mi ldan pa mthong ngam/ nam mkha' mtha' yas skye mched kyi snyoms par 'jug pa dang mi ldan pa mthong ngam/rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa dang mi ldan pa dag mthong na 'di ltar yongs su brtag par bya ste/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang / sems can thams cad bsam gtan dang /tshad med pa dang / gzugs med pa'i snyoms par 'jug pa thob par 'gyur ba de lta de ltar bsam gtan gyi pha rol tu phyin pa la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni bsam gtan gyi pha rol tu phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/shes rab 'chal pa can gyi 'jig rten pa dang 'jig rten las 'das pa'i yang dag pa'i lta ba dang bral ba/ bya ba ma yin par smra ba/ med par smra ba/ chad par smra ba dang / rtag par lta ba/ sems can du smra ba dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang /sems can thams cad lta ba'i rnam pa thams cad spangs shing shes rab kyi pha rol tu phyin pa la gnas par 'gyur ba de lta de ltar shes rab kyi pha rol tu phyin pa la spyad par bya'o/ /sangs rgyas kyi zhing yongs su dag par bya'o//sems can rnams yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa yang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can phung po gsum la gnas pa nges pa dang / ma nges pa dang / log par nges pa dag mthong na 'di ltar yongs su brtag par bya ste/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na chung ngu na sems can log par nges pa'i sgra yang mi grag cing mi srid pa de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de lta de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can dmyal ba pa'i sems can dag mthong ngam/ byol song gi skye gnas pa dang /gshin rje'i 'jig rten pa'i sems can dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na chung ngu na ngan song gsum gyi sgra yang mi grag cing mi srid pa de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de lta de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sa chen po 'di la sdong dum dang /tsher ma dang / sab sub dang / bya skyibs dang / gcong rong dang / g.yang sa dang / ljan ljin dang lud khung dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa de dag thams cad du thams cad mi 'byung zhing mi srid pa dang /bdag gi sangs rgyas kyi zhing de lag mthil ltar mnyam par 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o//sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sa chen po 'di sa'i rgyu las grub pa dang gser dngul dang mi ldan pa mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sa chen po 'di gzhi bai DUr+ya sngon po'i rgyu las grub pa gser gyi bye ma bdal bar 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o//sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can bdag tu bya ba yongs su 'dzin pa la gnas pa dag mthong na/ 'di ltar yongs su brtag par bya ste/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams bdag gir bya ba la yongs su 'dzin pa mi 'byung zhing mi srid pa dang / sems can thams cad bdag gi ba med pa dang /yongs su 'dzin par mi 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/rgyal rigs dang / bram ze'i rigs dang / rje'u'i rigs dang / dmangs rigs dang / rigs bzhi po mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na chung ngu na rigs bzhi'i sgra yang mi grag cing mi srid pa de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can rab dang / 'bring dang / tha ma mthong ba dang / sems can rigs mtho ba dang / rigs dma' ba mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag mi 'byung zhing mi srid pa de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can kha dog tha dad pa dag mthong ba 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can kha dog tha dad pa mi 'byung zhing mi srid pa dang /gzhan du na sems can thams cad gzugs bzang zhing mdzes pa / blta na sdug pa dang / kha dog bzang ba'i mchog rgyas pa dang ldan par 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can de dag la bdag po yod par mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na bdag por gdags pa mi 'byung zhing mi srid pa dang /gzhan du na chos kyi rgyal po de bzhin gshegs pa dgra bcom pa yang dag par rdzogs pa'i sangs rgyas rnams bzhugs par 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can rnams yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can rnams kyi 'gro ba tha dad pa mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can lha dang mi dang /sems can dmyal ba pa dang / byol song gi skye gnas pa dang / gshin rje'i 'jig rten pa 'gro ba tha dad pa med cing mi srid pa dang / gzhan du na sems can thams cad las gcig tu 'gyur zhing dran pa nye bar gzhag pa bzhi dang ma bral ba dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang ma bral ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can gnas bzhir skyes pa sgo nga las skyes pa dang / mngal las skyes pa dang / drod gsher las skyes pa dang / brdzus te skyes pa rnams mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sgo nga las skyes pa dang /mngal nas skyes pa dang / drod gsher las skyes pa'i gnas gsum po rnams mi 'byung zhing mi srid pa dang / gzhan du na sems can thams cad brdzus te skye bar 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o//sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can mngon par shes pa lnga dang mi ldan pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can thams cad mngon par shes pa lnga dang ldan par 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can rnams kyi bshang gci mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can thams cad chos dang dga' ba dang bsam gtan gyi zas za bar 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no// //bam po lnga bcu gnyis pa/ rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/'od dang mi ldan pa'i sems can dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can thams cad la rang rang las 'od 'byung ba sha stag yod pa de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can rnams kyi nyin mtshan dang / zla ba dang / zla ba phyed pa dang / zla ba zung dang / lo dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyin mtshan dang /zla ba dang / zla ba phyed pa dang / zla ba zung dang / lo'i sgra yang mi grag cing mi srid pa de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o/ /sems can rnams yongs su smin par bya'o zhes de ltar yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can tshe dang mi ldan pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can thams cad tshe dpag tu med par 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can mtshan ma dang mi ldan pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can thams cad mi chen po'i mtshan sum cu rtsa gnyis dang ldan par 'gyur ba de lta de ltar pha rol tu phyin pa drug la spyad par bya'o //sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can dge ba'i rtsa ba dag dang mi ldan pa dag mthong na 'di ltar yongs su brtag par bya ste/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can thams cad dge ba'i rtsa ba dang ldan par 'gyur ba dang / dge ba'i rtsa ba gang dang ldan pas sangs rgyas bcom ldan 'das rnams la bsnyen bkur byed par 'gyur ba de lta de ltar pha rol tu phyin pa drug la spyod par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can nad kyis btab pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams la rlung dang mkhris pa dang bad kan 'dus pa'i nad bzhi med par 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ nyon mongs pa gsum gyis nyon mongs par gyur pa'i sems can dag mthong na 'di ltar yongs su brtag par bya ste/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na 'di lta ste/ sems can rnams la 'dod chags dang zhe sdang dang gti mug gi nyon mongs pa gsum mi 'byung zhing sems can thams cad 'dod chags dang bral ba zhe sdang dang bral ba gti mug dang bral bar gyur pa de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/sems can mos pa chung ngu dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na nyan thos kyi theg pa dang /rang sangs rgyas kyi theg pa dang / theg pa gnyis kyi sgra yang mi grag cing / sems can thams cad kyang rnam pa thams cad mkhyen pa nyid du yang dag par zhugs par 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o//sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ sems can nga rgyal can dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na nga rgyal can gyi sgra yang mi grag cing gzhan du na sems can thams cad yang dag pa'i don shes shing nga rgyal med par 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o//sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na tshe la tshad du 'gyur ba dang /'od la tshad du 'gyur ba dang / dge slong gi dge 'dun la tshad du 'gyur ba de tsam gyis bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bya'i/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na tshe tshad med par 'gyur ba dang /'od tshad med par 'gyur ba dang / dge slong gi dge 'dun tshad med par 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o//sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ 'di ltar yongs su brtag par bya ste/ 'jig rten gyi khams 'ga' zhig bdag gi sangs rgyas kyi zhing du 'gyur ba de tsam gyis bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bya'i/ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ gang gA'i klung gi bye ma ji snyed cig yod pa de snyed kyi 'jig rten gyi khams dag gi sangs rgyas kyi zhing gcig tu 'gyur ba de lta de ltar pha rol tu phyin pa drug la spyad par bya'o//sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa'i tshe/ 'di ltar yongs su brtag par bya ste/kye ma 'khor ba 'di ni ring ngo / /kye ma sems can gyi khams 'di ni mtha' yas so/ /des 'di ltar tshul bzhin du yid la bya ste/ kye ma 'khor ba 'di ni nam mkha' ltar mu med pa'o/ /kye ma sems can gyi khams 'di ni nam mkha' ltar mu med pa ste 'di la gang yang 'khor ba yang med/mya ngan las 'das pa yang med/ gzhan du na chos kyi brdar sems can nam 'khor ba'am/ mya ngan las 'das pa zhes tha snyad du gdags par zad do zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/rnam pa thams cad mkhyen pa nyid dang yang nye bar gyur pa yin no/ /de nas 'khor der gang gA'i lha mo zhes bya ba'i bud med gcig 'dus te 'dug par gyur pa de stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag gis kyang pha rol tu phyin pa drug yongs su rdzogs par bgyi ste/ de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol tu phyin pa 'di las ji skad du bstan pa'i sangs rgyas kyi zhing de lta bu yongs su gzung bar bgyi'o zhes nas/bud med des gser gyi me tog dang dngul gyi me tog dang / chu las skyes pa dang / thang las skyes pa'i me tog dang / rgyan thams cad dang / gser gyi kha dog gi na bza' phrugs su sbyar te/ bcom ldan 'das ga la ba de logs su gtor ro/ /me tog dang rgyan dang na bza' phrugs su sbyar ba de dag gtor ma thag tu de nas sangs rgyas kyi mthus bcom ldan 'das kyi dbu'i drang thad steng gi nam mkha' la khang pa brtsegs pa grwa bzhi dang ldan pa/ka ba bzhi zug pa cha mnyam pa/ shin tu sba ba/ mdangs dga' ba/ yid du 'ong ba gnas par gyur to/ /de nas bud med des khang pa brtsegs pa de yang sems can thams cad dang thun mong du byas te bla na med pa yang dag par rdzogs pa'i byang chub tu yongs su bsngos so //de nas bcom ldan 'das kyis bud med de'i bsam pa thugs su chud nas/ de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe bcom ldan 'das kyi zhal gyi sgo nas 'od zer kha dog sna tshogs rnam pa du ma 'di lta ste/sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu 'thon par gyur nas/ de dag mtha' yas mu med pa'i 'jig rten gyi khams su dong ste phyir 'ongs nas/bcom ldan 'das la g.yas logs nas lan gsum bskor ba byas te/ bcom ldan 'das kyi dbu'i gtsug tu nub bo/ /de nas tshe dang ldan pa kun dga' bos bla gos phrag pa gcig la gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/bcom ldan 'das la 'di skad ces gsol to/ /bcom ldan 'das rgyu dang rkyen ma mchis par ni de bzhin gshegs pa dgra bcom pa yang dag par rdzogs pa'i sangs rgyas 'dzum pa mi mdzad na/ 'dzum pa mdzad pa'i rgyu ci lags/ rkyen ci lags/ bcom ldan 'das kyis bka' stsal pa/ kun dga' bo gang gA'i lha mo zhes bya ba'i sring mo 'di ma 'ongs pa'i dus na dpe skar ma lta bu zhes bya ba'i bskal pa la/ gser gyi me tog ces bya ba'i de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung bar 'gyur ro//kun dga' bo bud med 'di ni bud med kyi lus tha ma yin te/ kun dga' bo sring mo 'di ni bud med kyi lus brjes te skyes pa'i lus thob par gyur nas de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i sangs rgyas kyi zhing mngon par dga' ba'i 'jig rten gyi khams su skye ste der tshangs pa'i spyad pa spyod par 'gyur ro//kun dga' bo byang chub sems dpa' sems dpa' chen po de'i ming yang gser gyi me tog ces bya bar 'gyur te/ kun dga' bo byang chub sems dpa' sems dpa' chen po gser gyi me tog de nas shi 'phos nas sangs rgyas kyi zhing nas sangs rgyas kyi zhing du 'gro bar 'gyur te/sangs rgyas bcom ldan 'das rnams dang nam yang 'bral bar mi 'gyur ro/ /kun dga' bo 'di lta ste dper na/ 'khor los sgyur ba'i rgyal po khang pa nas khang par 'gro yang ji srid 'tsho'i bar du rkang pa'i mthil gnyis kyis sa la mi 'gro'o//kun dga' bo de bzhin du byang chub sems dpa' sems dpa' chen po gser gyi me tog kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur gyi bar du yang sangs rgyas kyi zhing nas sangs rgyas kyi zhing du 'gro bar 'gyur ro//de nas tshe dang ldan pa kun dga' bo 'di snyam du sems par gyur te/ sangs rgyas kyi zhing der byang chub sems dpa' sems dpa' chen po ji snyed cig 'dus par gyur pa de dag ni de bzhin gshegs pa'i tshogs su blta'o snyam pa dang / de nas bcom ldan 'das kyis tshe dang ldan pa kun dga' bo'i sems kyi rnam par rtog pa thugs kyis thugs su chud nas/tshe dang ldan pa kun dga' bo la 'di skad ces bka' stsal to/ /kun dga' bo de de bzhin te/ ji skad yongs su rtog pa de de bzhin no/ /de bzhin gshegs pa dgra bcom pa yang dag par rdzogs pa'i sangs rgyas gser gyi me tog gi sangs rgyas kyi zhing du byang chub sems dpa' sems dpa' chen po ji snyed cig 'du bar 'gyur ba de dag ni de bzhin gshegs pa 'dus par blta ste/de'i dge slong gi dge 'dun yang tshad zin par mi 'gyur ro//de'i dge slong gi dge 'dun la nyan thos brgya phrag ni 'di snyed cig yod do/ /nyan thos stong phrag ni 'di snyed cig yod do/ /nyan thos brgya stong phrag ni 'di snyed cig yod do/ /nyan thos bye ba phrag ni 'di snyed cig yod do/ /nyan thos bye ba brgya phrag ni 'di snyed cig yod do/ / nyan thos bye ba stong phrag ni 'di snyed cig yod do/ /nyan thos bye ba brgya stong phrag ni 'di snyed cig yod do/ /nyan thos bye ba khrag khrig phrag ni 'di snyed cig yod do/ / zhes dge slong gi dge 'dun de'i tshad gzung bar mi nus so/ /gzhan du na nyan thos bye ba khrag khrig brgya stong grangs med gzhal du med par 'gyur ro//kun dga' bo de bzhin gshegs pa dgra bcom pa yang dag par rdzogs pa'i sangs rgyas gser gyi me tog de bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na shes rab kyi pha rol tu phyin pa 'di las bstan pa'i skyon 'di dag thams cad du thams cad mi 'byung zhing mi srid do//kun dga' bos gsol pa/ bcom ldan 'das sring mo 'dis de bzhin gshegs pa dgra bcom pa yang dag par rdzogs pa'i sangs rgyas gang zhig la mchod pa bgyis nas dge ba'i rtsa ba bskyed de slar mi ldog pa'i sems bskyed par gyur/bcom ldan 'das kyis bka' stsal pa/ kun dga' bo sring mo 'dis ni de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du dge ba'i rtsa ba bskyed nas bla na med pa yang dag par rdzogs pa'i byang chub tu sems bskyed de/dge ba'i rtsa ba de yang bla na med pa yang dag par rdzogs pa'i byang chub tu yongs su bsngos so/ /de bzhin gshegs pa dgra bcom pa yang dag par rdzogs pa'i sangs rgyas mar me mdzad de la yang bla na med pa yang dag par rdzogs pa'i byang chub don du gnyer ba'i phyir gser gyi me tog nyid kyis gtor ro//kun dga' bo ngas gang gi tshe bla na med pa yang dag par rdzogs pa'i byang chub don du gnyer ba'i phyir/ de bzhin gshegs pa dgra bcom pa yang dag par rdzogs pa'i sangs rgyas mar me mdzad la ut+pal lnga gtor ba de'i tshe/ de bzhin gshegs pa dgra bcom pa yang dag par rdzogs pa'i sangs rgyas mar me mdzad des nga dge ba'i rtsa ba dang ldan par mkhyen nas nga bla na med pa yang dag par rdzogs pa'i byang chub tu lung bstan to//de'i tshe sring mo 'dis nga'i lung bstan pa de thos nas 'di snyam du bdag kyang ji ltar bram ze'i khye'u 'di lung bstan pa de bzhin du ma 'ongs pa'i dus na bla na med pa yang dag par rdzogs pa'i byang chub tu lung bstan par gyur cig ces sems bskyed de/kun dga' bo de ltar sring mo 'dis de bzhin gshegs pa dgra bcom pa yang dag par rdzogs pa'i sangs rgyas de'i drung du bla na med pa yang dag par rdzogs pa'i byang chub tu sems dang po bskyed do//kun dga' bos gsol pa/ bcom ldan 'das sring mo 'di ni bla na med pa yang dag par rdzogs pa'i byang chub kyi don du yongs su sbyang bar bgyis so / /bcom ldan 'das kyis bka' stsal pa/ kun dga' bo de de bzhin no/ / de de bzhin te/ ji skad du smras pa de bzhin no/ /kun dga' bo sring mo 'dis ni bla na med pa yang dag par rdzogs pa'i byang chub kyi don du yongs su sbyang ba byas pa'o zhes bya ba ni zhing dag pa bla na med pa gsungs pa yin no/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das shes rab kyi pha rol tu phyin pa la spyod pa'i byang chub sems dpa' sems dpa' chen pos ji ltar stong pa nyid la yongs su 'dris par bgyi/ ji ltar stong pa nyid kyi ting nge 'dzin la snyoms par 'jug par bgyi/ ji ltar mtshan ma med pa la yongs su 'dris par bgyi/ji ltar mtshan ma med pa'i ting nge 'dzin la snyoms par 'jug par bgyi/ ji ltar smon pa med pa la yongs su 'dris par bgyi/ ji ltar smon pa med pa'i ting nge 'dzin la snyoms par 'jug par bgyi/ ji ltar byang chub kyi phyogs kyi chos rnams kyi bar la yongs su 'dris par bgyi/ji ltar byang chub kyi phyogs kyi chos rnams bsgom par bgyi zhes bya ba ni thabs la mkhas pa'i yul lo/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas gzugs stong zhes bya bar brtag par bya'o//tshor ba dang / 'du shes dang / 'du byed rnams dang / rnam par shes pa stong zhes bya bar brtag par bya'o/ /skye mched dang / khams dang / rten cing 'brel par 'byung ba stong zhes bya bar brtag par bya'o//pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun stong zhes bya bar brtag par bya'o/ /sangs rgyas kyi chos ma 'dres pa bco brgyad kyi bar du stong zhes bya bar brtag par bya'o//'dod pa'i khams stong zhes ba bar brtag par bya'o/ /gzugs yod pa'i khams dang / gzugs med pa'i khams stong zhes bya bar brtag par bya'o/ /de yang ci las kyang de ltar brtags na sems g.yeng bar mi 'gyur ba de ltar brtag par bya ste/ de sems mi g.yeng ba dang ldan pas chos gang mngon sum du bya ba'i chos de yang dag par rjes su mi mthong ste/chos de yang dag par rjes su mi mthong bas mngon du mi byed do/ /de ci'i phyir zhe na/ de ni 'di ltar byang chub sems dpa' sems dpa' chen po de chos thams cad rang gi mtshan nyid kyis stong pa'i chos la legs par bslabs pas chos gang la yang rnam par gcod par mi byed do//gang zhig mngon du byed pa dang / gang mngon du bya ba dang / gang gis mngon du bya ba'i chos de thams cad ldan pa'am mi ldan par yang dag par rjes su mi mthong ngo / /rab 'byor gyis gsol pa/ bcom ldan 'das kyis 'di skad du byang chub sems dpa' sems dpa' chen pos stong pa'i chos rnams mngon du mi bya'o zhes bka' stsal pa de la/bcom ldan 'das ji ltar na byang chub sems dpa' sems dpa' chen po stong pa nyid la gnas pa stong pa nyid mngon sum du mi bgyid pa lags/ bcom ldan 'das kyis bka' stsal pa/rab 'byor gang gi tshe byang chub sems dpa' sems dpa' chen po rnam pa'i mchog thams cad dang ldan pa'i stong pa nyid la so sor rtog na/ mngon du bya'o snyam du rtog par mi byed cing mngon du bya ba ma yin no snyam du rtog par mi byed kyi/ yongs su 'dris par bya'o snyam du so sor rtog ste/'di ni mngon du bya ba'i dus ma yin gyi yongs su 'dris par bya ba'i dus yin no snyam du so sor rtog go/ /byang chub sems dpa' sems dpa' chen po ni mnyam par ma bzhag pa nyid du sems dmigs pa la 'dogs te/ bar ma dor byang chub sems dpa' sems dpa' chen po byang chub kyi phyogs kyi chos rnams la yongs su nyams par mi 'gyur te/zag pa zad pa'ang mngon du mi byed do/ /de ci'i phyir zhe na/ byang chub sems dpa' sems dpa' chen po ni de lta bu ye shes rlabs po che dang ldan pa ste/ 'di ni byang chub kyi phyogs kyi chos rnams la gnas shing 'di ltar 'di ni yongs su 'dris par bya ba'i dus te/'di ni mngon du bya ba'i dus ma yin no zhes bya bar rab tu shes so/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa des 'di ltar 'di ni sbyin pa'i pha rol tu phyin pa'i dus so//'di ni tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i dus so/ /'di ni dran pa nye bar gzhag pa sgom pa'i dus so/ / 'di ni yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa sgom pa'i dus so/ /'di ni stong pa nyid dang / mtshan ma med pa dang / smon pa med pa sgom pa'i dus so/ /'di ni nang stong pa nyid sgom pa'i dus so//'di ni phyi stong pa nyid nas/ dngos po med pa'i ngo bo nyid stong pa nyid kyi bar du sgom pa'i dus so/ /'di ni bsam gtan dang / tshad med pa dang / gzugs med pa'i snyoms par 'jug pa sgom pa'i dus so/ /'di ni 'phags pa'i bden pa rnams sgom pa'i dus so//'di ni mngon par shes pa rnams dang / ting nge 'dzin rnams dang / gzungs kyi sgo rnams thob par bya ba'i dus so/ /'di ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad thob par bya ba'i dus so//'di ni byams pa chen po dang / snying rje chen po thob par bya ba'i dus yin no/ /'di ni rgyun du zhugs pa'i 'bras bu mngon du bya ba'i dus ma yin no/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid mngon du bya ba'i dus ma yin/ rang sangs rgyas kyi ye shes mngon du bya ba'i dus ma yin to / /'di ni rnam pa thams cad mkhyen pa nyid thob par bya ba'i lam yongs su mi gtang ba'i dus so zhes bya bar brtag par bya ste/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/stong pa nyid la yongs su 'dris par byed cing stong pa nyid la gnas pa ma yin/ mtshan ma med pa la yongs su 'dris par byed cing mtshan ma med pa la gnas pa ma yin/ smon pa med pa la yongs su 'dris par byed cing smon pa med pa la gnas pa ma yin/dran pa nye bar gzhag pa rnams la sgom zhing dran pa nye bar gzhag pa rnams kyis gnas kyang mngon du mi byed do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag rnams la sgom zhing byang chub kyi yan lag rnams kyis gnas kyang mngon du mi byed do//'phags pa'i lam yan lag brgyad pa la sgom zhing / 'phags pa'i lam yan lag brgyad pas gnas kyang mngon du mi byed do/ /rab 'byor de ltar na byang chub sems dpa' sems dpa' chen po byang chub kyi phyogs kyi chos rnams la yongs su 'dris par byed pa yin/byang chub kyi phyogs kyi chos rnams sgom pa yin/ byang chub kyi phyogs kyi chos rnams kyi rnam par spyod pa yin te/ rgyun du zhugs pa'i 'bras bu mngon du mi byed/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang /rang byang chub mngon du mi byed do zhes bya ba ni thabs la mkhas pa'i sbyor ba yin no/ /rab 'byor 'di lta ste dper na/ skyes bu zhig dpa' ba dang / rtul phod pa dang / rtsal che la shin tu brten pa dang / gzugs mdzes pa dang / byad bzhin bzang zhing blta na sdug pa dang / kha dog bzang po mchog tu rgyas pa dang ldan pa/ 'phong rtsal mchog tu byang ba/ mtshon cha sra ba thogs pa/ sgyu rtsal drug cu rtsa bzhi po thams cad yongs su rdzogs pa/ bzo'i gnas dang / las kyi gnas thams cad rtogs par rig pa/ 'gro ba mang po'i yid du 'ong zhing sdug pa ni bya ba gang dang gang rtsom yang thams cad du rnyed pa chen po dang ldan te/rnyed pa des skye bo mang po la rim gror byed/ bkur stir byed/ bsti stang du byed/ mchod par byed la/ de shin tu dga' zhing spro ba dang / nyams dga' zhing yid bde nas dgos pa 'ga' zhig gi phyir pha ma dang / bu dang chung ma dag khrid de/'brog dgon par byis pa rnams 'jigs shing skyi g.ya' bar song ste/ skyes bu des der phyin nas pha ma dang / bu dang chung ma la mi 'jigs pa byin te/ 'jigs par ma byed cig /ma 'jigs shig /bdag gis khyed 'brog dgon pa 'jigs shing nyams mi bde ba 'di las myur du gdon zhing myur du thar bar bya'o zhes mi 'jigs pa byin te/'brog dgon pa der skyes bu de la gsod pa'i dgra phyir rgol ba mang po nye bar gnas par gyur nas/ skyes bu de yang shes rab kyi mthu dam pa dang ldan par gyur te/ des pha ma dang bu dang chung ma dag 'brog dgon pa de nas bton te/bde zhing nyon ma mongs par thar bar byas nas/ phyir grong ngam/ grong khyer ram/ grong rdal lam/ ljongs kyi 'dab tu ma smas ma nyams par phyin nas dga' zhing yid bde ba skyes te/ dgra phyir rgol ba'i sems can de dag la yang sems kyis sdang bar mi byed do //de ci'i phyir zhe na/ skyes bu des sgyu rtsal thams cad la byang par byas pas des 'brog dgon pa der phyir rgol ba de dag las phyir rgol ba gzhan ches phal che ba ches mang ba/ ches dpa' ba/ ches mtshon cha sra ba dang ldan pa dag sprul te/ phyir rgol ba de dag thams cad 'jigs pa des med par gyur nas/skyes bu des pha ma dang / bu dang chung ma de dag nyon ma mongs par byas nas bde bar rnam par spyod pa zhig yod na/ rab 'byor de bzhin du gang gi tshe byang chub sems dpa' sems dpa' chen po sems can thams cad la byams par dmigs pa'i sems dang /snying rje dang / dga' ba dang / btang snyoms su dmigs pa'i sems kyis khyab par byas nas gnas te/ de'i skabs su byang chub sems dpa' sems dpa' chen po tshad med pa bzhi la gnas shing pha rol tu phyin pa drug kyang yongs su rdzogs par byed do/ / yongs su rdzogs par byas nas zag pa zad pa ma thob bzhin du rnam pa thams cad mkhyen pa nyid la yongs su 'dris par byed do/ /rnam par thar pa'i sgo stong pa nyid dang / mtshan ma med pa dang / smon pa med pa la gnas shing rnam pa thams cad mkhyen pa nyid la yongs su 'dris par byed do / / de'i skabs su byang chub sems dpa' sems dpa' chen po mtshan mas kyang rnam par mi spyod/ mtshan ma med pa'i ting nge 'dzin gang mngon du byas pas nyan thos kyi sa'am/ rang sangs rgyas kyi sa la gnas par 'gyur ba de lta bu yang mngon du mi byed do zhes bya ba ni bar chad kyi chos rnams las yang dag par 'da' ba yin no//rab 'byor 'di lta ste dper na/ 'dab chags bya ni bar snang la rgyu zhing sa la mi ltung ste/ nam mkha' bar snang la gnas kyang de la gnas pa med do/ /rab 'byor de bzhin du byang chub sems dpa' sems dpa' chen po yang stong pa nyid la yongs su 'dris par byed cing stong pa nyid la'ang gnas/mtshan ma med pa dang / smon pa med pa la yongs su 'dris par ci mtshan ma med pa dang / smon pa med pa la yang rnam par spyod de/ stong pa nyid dang / mtshan ma med pa dang / smon pa med pa gang mngon du byas pas de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwo brgyad yongs su ma rdzogs par nyan thos kyi sa'am/ rang sangs rgyas kyi sar ltung bar 'gyur ba'ang mngon du mi byed de/sangs rgyas kyi chos tshad med pa la spyad nas rnam pa thams cad mkhyen pa nyid thob par byed do zhes bya ba ni mi gnas par gnas pa'i thabs la mkhas pa yin no// //rab 'byor 'di lta ste dper na skyes bu mthu dang ldan pa/ 'phong rtsal gyi slob dpon du gyur pa/'phong rtsal bslab pa la shin tu byang ba zhig yod la/ des mda' zhig gnam du 'phangs te/ mda' de gnam du 'phangs nas mda' gzhan gcig nas gcig tu brgyud de 'phangs pas mda' snga ma de sa la lhung du ma bcug ste/ ji srid du skyes bu des da ni mda' 'di sa la lhung bar bya'o snyam du 'dod par ma byas pa de srid du mda' de sa la mi lhung ste/nam mda' phyi ma ma 'phangs pa de'i tshe/ mda' gcig nas gcig tu brgyud pa de dag sa la ltung ngo / /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pas yongs su bzung ba yang ji srid du dge ba'i rtsa ba de dag bla na med pa yang dag par rdzogs pa'i byang chub tu yongs su smin par ma gyur pa de srid du yang dag pa'i mtha' dam pa mngon du mi byed do//nam dge ba'i rtsa ba de de dag bla na med pa yang dag par rdzogs pa'i byang chub tu yongs su smin par gyur pa de na yang dag pa'i mtha' dam pa mngon du byed do//rab 'byor de bas na byang chub sems dpa' sems dpa' chen po shes rab kyi pha rol tu phyin pa la spyod pas chos de dag gis chos nyid de ltar yongs su brtag par bya'o zhes bya ba ni smon lam gyi shugs kyis 'phangs pa'i thabs mkhas pa yin no/de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang chos nyid la slob pa/ yang dag pa'i mtha' la slob pa/de bzhin nyid la slob pa/ chos kyi dbyings la slob pa/ rang gi mtshan nyid stong pa nyid kyi bar la slob pa/ rnam par thar pa'i sgo gsum la slob cing bar ma dor bla na med pa yang dag par rdzogs pa'i byang chub las nyams par mi 'gyur ba ni dka' ba bgyid pa ste/bcom ldan 'das ngo mtshar che'o/ /bde bar gshegs pa shin tu ngo mtshar che'o/ /bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos sems can thams cad yongs su ma btang ba'i phyir te/ rab 'byor byang chub sems dpa' sems dpa' chen po gang gis sems can thams cad yongs su ma btang ba de dag gi smon lam gyi khyad par ni rnam pa de lta bur 'gyur ro//rab 'byor byang chub sems dpa' sems dpa' chen po gang sems can thams cad ni bdag gis yongs su ma btang ste/ dam pa ma yin pa'i chos la gnas pa 'di dag ni bdag gis yongs su sgrol bar bya'o zhes de lta bu'i sems mngon par sgrub cing nam byang chub sems dpa' sems dpa' chen po thabs la mkhas pa dang ldan pas rnam par thar pa'i sgo stong pa nyid kyi ting nge 'dzin mngon par sgrub pa dang /rnam par thar pa'i sgo mtshan ma med pa'i ting nge 'dzin mngon par sgrub pa dang /rnam par thar pa'i sgo smon pa med pa'i ting nge 'dzin mngon par sgrub pa de'i tshe/ ji srid du rnam pa thams cad mkhyen pa nyid ma thob kyi bar du bar mdor yang dag pa'i mtha' mngon du mi byed par rig par bya'o zhes bya ba ni thun mong ma yin pa'i thabs la mkhas pa yin no// //rab 'byor gzhan yang byang chub sems dpa' sems dpa' chen po gang gi tshe 'di lta ste/ nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / rnam par thar pa'i sgo gsum dang / gnas zab mo de dag la brtag par 'dod par gyur na/ des 'di ltar 'di snyam du sems can 'di dag ni yun ring po nas bdag tu 'du shes pa dang /sems can du 'du shes pa dang / srog tu 'du shes pa dang / 'gro bar 'du shes pa dang / gso bar 'du shes pa dang / skyes bur 'du shes pa dang / gang zag tu 'du shes pa dang / shed las skyes su 'du shes pa dang /shed bur 'du shes pa dang / byed pa por 'du shes pa dang / tshor ba por 'du shes pa dang / tshor du 'jug pa por 'du shes pas dmigs pa la spyod kyis de dag gis dmigs pa spang ba'i phyir bla na med pa yang dag par rdzogs pa'i byang chub tu mngon par rdzogs par sangs rgyas te chos bstan par bya'o snyam du sems mngon par bsgrub par bya'o//de'i tshe byang chub sems dpa' sems dpa' chen po rnam par thar pa'i sgo stong pa nyid dang mtshan ma med pa dang smon pa med pa'i ting nge 'dzin la snyoms par 'jug kyang yang dag pa'i mtha' gang mngon du byas pas rgyun tu zhugs pa'i 'bras bu thob pa dang /lan cig phyir 'ong ba dang / phyir mi 'ong ba'i 'bras bu dang / dgra bcom pa nyid thob pa dang / rang byang chub thob par 'gyur ba mngon du mi byed do/ /rab 'byor de ltar byang chub sems dpa' sems dpa' chen po sems bskyed pa de'i dge ba'i rtsa ba de dag dang /thabs mkhas pa dang ldan pa ni bar ma dor yang dag pa'i mtha' yang mngon du mi byed do/ / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang /rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid dang / mtshan ma med pa dang / smon pa med pa'i ting nge 'dzin rnams dang / nang stong pa nyid nas dngos po med pa'i ngo bo nyid stong pa nyid kyi bar las yongs su nyams par mi 'gyur ro// sbyin pa'i pha rol tu phyin pa las yongs su mi nyams so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa yang yongs su mi nyams so/ /nang stong pa nyid dang / dngos po med pa'i ngo bo nyid stong pa nyid kyi bar yang yongs su mi nyams so/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang /dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yang yongs su mi nyams so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa yang yongs su mi nyams so//rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa yang yongs su mi nyams so/ mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / bla na med pa yang dag par rdzogs pa'i byang chub kyang yongs su mi nyams so/ / rab 'byor de ltar na byang chub sems dpa' sems dpa' chen po de'i tshe byang chub kyi phyogs kyi chos rnams dang ldan pa yin te/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du yongs su nyams par mi 'gyur te/ thabs mkhas pas yongs su bzung ba'i byang chub sems dpa' sems dpa' chen po de ni dge ba'i chos rnams kyi rnam par 'phel zhing /de'i dbang po rnams kyang ches rno bar 'gyur te/ nyan thos dang rang sangs rgyas kyis lta bu ma yin par 'gyur ro zhes bya ba ni ma chags pa'i thabs la mkhas pa yin no// //rab 'byor gzhan yang byang chub sems dpa' sems dpa' chen po ni 'di snyam du sems can 'di dag ni yun ring po nas phyin ci log bzhi la spyod spyod pa/rtag par 'du shes pa dang / bde bar 'du shes pa dang / bdag tu 'du shes pa dang / sdug par 'du shes pa la spyod spyod pa yin gyis/ de dag gi phyir byang chub tu spyad par bya'o//bla na med pa yang dag par rdzogs pa'i byang chub tu mngon par rdzogs par sangs rgyas nas/ ci nas kyang rtag ces bya ba'am/ bde zhes bya ba'am/ bdag ces bya ba'am/ sdug ces bya bar yongs su rgyu ba med par chos bstan par bya'o snyam ste/ sems bskyed pa de lta bu dag dang ldan la thabs mkhas pas shes rab kyi pha rol tu phyin pa la spyod pas de bzhin gshegs pa'i stobs bcu yongs su ma rdzogs/mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang /snying rje chen po yongs su ma rdzogs par yang dag pa'i mtha' mngon du mi byed do/ /de'i tshe byang chub sems dpa' sems dpa' chen po rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin la snyoms par 'jug kyang bla na med pa yang dag par rdzogs pa'i byang chub tu mngon par rdzogs par sangs rgyas kyi bar du yang dag pa'i mtha' mngon du mi byed do//rab 'byor gzhan yang byang chub sems dpa' sems dpa' chen po ni 'di snyam du sems can 'di dag ni yun ring po nas dmigs pa la spyod spyod pa ste/ bdag ces bya ba 'am/ sems can dang / srog dang / 'gro ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba po zhes bya ba'am/ gzugs zhes bya ba'am/ tshor ba dang / 'du shes dang /'du byed rnams dang / rnam par shes pa zhes bya ba'am/ skye mched ces bya ba'am/ khams zhes bya ba'am/ rten cing 'brel par 'byung ba zhes bya ba'am/ pha rol tu phyin pa rnams zhes bya ba'am/ stong pa nyid rnams zhes bya ba'am/ byang chub kyi phyogs kyi chos rnams zhes bya ba'am/'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa zhes bya ba'am/ rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa zhes bya ba'am/mngon par shes pa dang / ting nge 'dzin dang / gzungs kyi sgo zhes bya ba'am/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams zhes bya bar dmigs pa la spyod spyod pa yin gyis/de la bdag gis ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi dmigs pa'i nyes pa de dag med par bya'o snyam ste/ sems bskyed pa de lta bu dag dang ldan la/ thabs mkhas pas shes rab kyi pha rol tu phyin pa la spyod pas de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang /snying rje chen po yongs su ma rdzogs par yang dag pa'i mtha' mngon du mi byed de/ de'i tshe byang chub sems dpa' sems dpa' chen po rnam par thar pa'i sgo stong pa nyid dang mtshan ma med pa dang / smon pa med pa'i ting nge 'dzin sgom pa yongs su rdzogs par 'gyur ro/ / zhes bya ba ni mi dmigs pa'i thabs la mkhas pa yin no// //rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di snyam du sems can 'di dag ni yun ring po nas mtshan ma la spyod spyod pa ste/ bud med kyi mtshan ma'am/skyes pa'i mtshan ma'am/ gzugs kyi mtshan ma'am/ tshor ba dang / 'du shes dang / 'du byed rnams dang / rnam par shes pa'i mtshan ma'am/ skye mched dang / khams dang / rten cing 'brel par 'byung ba'i mtshan ma'am/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyi mtshan ma'am/ sangs rgyas kyi chos ma 'dres pa'i bar gyi mtshan ma'am/ rnam pa thams cad mkhyen pa nyid kyi bar gyi mtshan ma la spyod spyod pa yin gyi/ de la bdag gis ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas nas/sems can rnams kyi nyes pa de dag med par bya'o snyam ste/ de sems bskyed pa de lta bu dang ldan la/ thabs mkhas pas shes rab kyi pha rol tu phyin pa la spyod pas/ de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po yongs su ma rdzogs par yang dag pa'i mtha' mngon du mi byed de/ de'i tshe byang chub sems dpa' sems dpa' chen po'i rnam par thar pa'i sgo stong pa nyid dang mtshan ma med pa dang /smon pa med pa'i ting nge 'dzin sgom pa yongs su rdzogs par 'gyur ro zhes bya ba ni mtshan ma med pa'i thabs la mkhas pa yin no// //rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/'di snyam du sems can 'di dag ni yun ring po nas smon lam la spyod spyod pa ste/ 'di ltar brgya byin dang / tshangs pa dang / 'jig rten skyong ba dang / 'khor los sgyur ba la mngon par dga'o/ /gzugs la mngon par dga'o/ /tshor ba dang / 'du shes dang / 'du byed rnams dang /rnam par shes pa la mngon par dga'o/ /rnam pa thams cad mkhyen pa nyid kyi bar la mngon par dga'o/ /de lta bas na de dag gi don du bla na med pa yang dag par rdzogs pa'i byang chub tu mngon par rdzogs par sangs rgyas te/ ci nas kyang sems can thams cad kyi smon lam gyi nyes pa de dag med par 'gyur ba de ltar chos bstan par bya'o snyam ste/rab 'byor de ltar na byang chub sems dpa' sems dpa' chen po sems bskyed pa de dag dang ldan la/ thabs mkhas pas shes rab kyi pha rol tu phyin pa la spyod pas rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin sgom pa yongs su rdzogs par 'gyur te/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang /snying rje chen po yongs su ma rdzogs shing / bla na med pa yang dag par rdzogs pa'i byang chub tu mngon par rdzogs par sangs rgyas kyi bar du yang dag pa'i mtha' mngon du mi byed do/ /rab 'byor byang chub sems dpa' sems dpa' chen po pha rol tu phyin pa drug la spyod pa dang /nang stong pa nyid dang / dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa rnams la spyod pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /'phags pa'i lam yan lag brgyad pa la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa la spyod pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod pa dang / 'dris par byed cing de lta bu'i ye shes mthong ba dang ldan pa'i byang chub sems dpa' sems dpa' chen po ni mngon par 'du bya ba med par ltung ba'am/ khams gsum pa dang lhan cig gnas pa'i gnas med skabs med de/de ni gnas ma yin no zhes bya ba ni smon pa med pa'i thabs la mkhas pa yin no// //rab 'byor byang chub sems dpa' sems dpa' chen po de ltar spyod cing / byang chub kyi phyogs kyi chos 'di dag la yongs su 'dris par byed pa de la ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas chos 'di dag la spyad de yongs su 'dris par byas nas/stong pa nyid dang / yang dag pa'i mtha' gang rtogs pas rgyun du zhugs pa'i 'bras bu thob par 'gyur ba dang /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ba'i stong pa nyid mngon du mi byed cing / yang dag pa'i mtha' mngon du mi byed pa yin no / /ji ltar na mtshan ma med pa dang /smon pa med pa dang / mngon par 'du bya ba med pa dang / skye ba med pa dang / dngos po med pa mngon du mi byed la / shes rab kyi pha rol tu phyin pa yang sgom pa yin zhes dri bar bya'o/ /rab 'byor gal te byang chub sems dpa' sems dpa' chen po de la byang chub sems dpa' dag gis 'di skad du dris pa na/'di skad du khyed kyis stong pa nyid kho na yid la bya/ khyed kyis mtshan ma med pa nyid yid la bya/ khyed kyis smon pa med pa nyid yid la bya/ khyed kyis mngon par 'du bya ba med pa nyid yid la bya/ khyed kyis skye ba med pa nyid yid la bya/ khyed kyis 'gag pa med pa nyid yid la bya/khyed kyis dngos po med pa nyid yid la bya ste/ sems can thams cad kyang yongs su mi gtang bar bya'o zhes lung ston par byed na/ rab 'byor byang chub sems dpa' sems dpa' chen po de dag gis byang chub sems dpa' sems dpa' chen po 'di ni sangs rgyas bcom ldan 'das de dag gis bla na med pa yang dag par rdzogs pa'i byang chub tu lung bstan pa yin no zhes bya bar rig par bya'o//de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po'i yongs su 'dris par bya ba de brjod do/ /de lung ston to//de rab tu 'byed do/ /rab 'byor gal te byang chub sems dpa' sems dpa' chen po de la de skad du dris na 'di skad khyed kyis stong pa nyid la yongs su 'dres par mi bya'o/ /khyed kyis mtshan ma med pa dang / smon pa med pa dang / mngon par 'du bya ba med pa dang / skye ba med pa dang /dngos po med pa la yongs su 'dris par mi bya ste/ khyed kyis byang chub kyi phyogs kyi chos rnams la yongs su 'dris par mi bya'o/ /sems can thams cad la kun tu dmigs par yang mi bya'o zhes lung ston na/ rab 'byor byang chub sems dpa' sems dpa' chen po de dag gis byang chub sems dpa' sems dpa' chen po 'di ni sangs rgyas bcom ldan 'das de dag gis bla na med pa yang dag par rdzogs pa'i byang chub tu lung bstan pa ma yin no zhes bya bar rig par bya'o//de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po'i yongs su 'dris par bya ba de mi brjod cing lung mi ston la/rab tu mi 'byed pa'i phyir te/ phyir mi ldog pa'i byang chub sems dpa' sems dpa' chen po'i chos gang yin pa de mi brjod pa dang / lung mi ston pa dang / rab tu mi 'byed pa'i byang chub sems dpa' sems dpa' chen po de dag gis byang chub sems dpa' sems dpa' chen po 'di ni yongs su 'dris par byas nas/phyir mi ldog pa'i byang chub sems dpa' sems dpa' chen pos phyir mi ldog pa'i sa non pas bsrabs pa'i sa non pa ma yin no zhes bya bar rig par bya'o zhes bya ba ni phyir mi ldog pa'i rtags kyi thabs la mkhas pa yin no// //gsol pa/ bcom ldan 'das gang gis slar mi ldog par 'gyur ba'i rnam grangs de lta bu mchis sam/ bcom ldan 'das kyis bka' stsal pa/ rab 'byor de ni yod de/ gal te byang chub sems dpa' sems dpa' chen pos pha rol tu phyin pa drug thos kyang rung / ma thos kyang rung ste/ phyir mi ldog pa'i byang chub sems dpa' sems dpa' chen po ji lta ba bzhin du lan ldon pa'o//gsol pa/ bcom ldan 'das de'i slad du byang chub tu spyod pa ni mang ste/ phyir mi ldog pa'i byang chub sems dpa' sems dpa' chen pos yongs su sbyangs pa'i sa'am/yongs su sbyangs pa ma lags pa'i sa la gnas pa bzhin du lan 'debs pa ni nyung ngo //bcom ldan 'das kyis bka' stsal pa/ rab 'byor de de bzhin no/ /de de bzhin te/ de ci'i phyir zhe na/ rab 'byor de ni 'di ltar byang chub sems dpa' sems dpa' chen po gang phyir mi ldog pa'i ye shes kyi sar lung bstan pa de dag ni nyung ste/gang lung bstan pa de dag ni rnam pa de bzhin du lan ldon te/ gang rnam pa ltar lan ldon pa de dag ni dge ba'i rtsa ba 'bar ba bskyed par rig par bya'o/ /rab 'byor byang chub sems dpa' sems dpa' chen po de ni lha dang mi dang lha ma yin du bcas pa'i 'jig rten gyis mi 'phrogs pa yin no zhes bya ba ni yul tshad med pa la thabs mkhas pa yin te/'di dag gis ni thabs la mkhas pa gsungs so/ /de ltar rnam pa kun mngon par rdzogs par rtogs pa gsungs pa yin no/ /bcom ldan 'das ma shes rab kyi pha rol tu phyin pa stong phrag nyi shu lnga pa/ mngon par rtogs pa rgyan gyi rjes su 'brangs nas dag par gtugs pa las/ rnam pa kun mngon par rdzogs par rtogs pa'i dbang du byas pa de bzhin nyid kyi le'u ste bzhi pa'o// //de nas yang bcom ldan 'das kyis tshe dang ldan pa rab 'byor la 'di skad ces bka' stsal to//rab 'byor gal te byang chub sems dpa' sems dpa' chen pos rmi lam na yang chos thams cad rmi lam dang 'dra ba nyid du lta / chos thams cad sgra brnyan dang 'dra ba dang / mig yor dang 'dra ba dang / sprul pa dang 'dra ba dang / dri za'i grong khyer dang 'dra bar lta ba mngon du byed na/ rab 'byor 'di ni phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba ni rtags dang po yin no// //rab 'byor gzhan yang gal te byang chub sems dpa' sems dpa' chen pos rmi lam na yang nyan thos kyi sa'am/ rang sangs rgyas kyi sa'am/ khams gsum pa la 'dod pa'i sems mi bskyed/ legs pa'i sems mi bskyed na/ rab 'byor 'di ni phyir mi ldog pa'i byang chub sems dpa' sems dpa' chen po'i phyir mi ldog pa'i rtags su rig par bya'o zhes bya ba ni rtags gnyis pa yin no// //rab 'byor gzhan yang gal te byang chub sems dpa' sems dpa' chen pos rmi lam na yang de bzhin gshegs pa dgra bcom pa yang dag par rdzogs pa'i sangs rgyas zham 'bring brgya phrag du ma dang /zham 'bring stong phrag du ma dang / zham 'bring brgya stong phrag du ma dang / zham 'bring bye ba phrag du ma dang /zham 'bring bye ba brgya phrag du ma dang / zham 'bring bye ba brgya stong phrag du ma dang / zham 'bring bye ba khrag khrig brgya stong phrag du ma mnga' ba/ dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po mang pos kun nas bskor zhing mdun du byas te chos ston pa mthong la/ des chos de thos te thos nas chos de'i don shes par bya'o zhes chos dang rjes su mthun pa'i chos la zhugs shing gnas pa dang /mthun par zhugs te rjes su mthun pa'i chos la spyod pa mthong na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba ni rtags gsum pa yin no// //rab 'byor gzhan yang gal te byang chub sems dpa' sems dpa' chen pos rmi lam na yang de bzhin gshegs pa dgra bcom pa yang dag par rdzogs pa'i sangs rgyas nam mkha' la yang 'phags shing dge slong gi dge 'dun la chos ston pa mi chen po'i mtshan sum cu rtsa gnyis dang ldan pa/'od 'dom gang pa mnga' ba/rdzu 'phrul dang cho 'phrul mang po ston pa/ sprul pa mang pos sprul pa mdzad cing / sprul pa de dag kyang 'jig rten gyi khams gzhan dag tu sangs rgyas kyi bya ba byed pa mthong na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba ni rtags bzhi pa yin no// //rab 'byor gzhan yang gal te byang chub sems dpa' sems dpa' chen pos rmi lam na yang grong bcom pa dang / grong khyer bcom pa dang / me thar pa'am/ gcan gzan khro bo mthong ngam/ de ma yin pa'i ri dwags gtum po'i rnam pa mthong ngam/mgo bcad par gyur pa mthong ngam/ de ma yin pa'i 'jigs shing mi bzad pa dang dngang bar gyur pa mthong ngam/ sdug bsngal ba dang / yid mi bde ba dang / 'khrug pa mthong ngam/ bkres pa'am skom pa mthong ngam/ pha shi ba'am/ma shi ba'am/ phu nu shi ba'am/ bu sring shi ba'am/ grogs po'am gnyen bshes shi ba mthong na mya ngan dang / 'jigs pa dang / bred pa dang / kun tu skrag par mi 'gyur te/ mi dngang / kun tu mi skrag /kun tu skrag pas zin par mi 'gyur te/ rmi lam de rmis pa'i 'og tu sad nas kyang 'di snyam ste/kye ma khams gsum pa 'di dag kyang rmi lam lta bu ste/ bdag gis kyang bla na med pa yang dag par rdzogs pa'i byang chub tu mngon par rdzogs par sangs rgyas nas khams gsum pa'i sems can thams cad rmi lam lta bur bstan par bya'o snyam na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba ni rtags lnga pa yin no// //rab 'byor gzhan yang phyir mi ldog pa'i byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/de'i sangs rgyas kyi zhing na ngan song gsum po thams cad du thams cad rnam pa thams cad du thams cad med par 'gyur bar ji ltar rig par bya zhe na/ gal te byang chub sems dpa' sems dpa' chen po rmi lam du sems can dmyal ba pa'i sems can mthong ngam/byol song gi skye gnas pa'i sems can nam/ gshin rje'i 'jig rten pa'i sems can mthong na/ dran pa gang thob pas 'di snyam du bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ sangs rgyas kyi zhing de na ngan song gsum po thams cad du rnam pa thams cad du thams cad med par 'gyur na de ltar spyad do snyam pa de lta bu'i dran pa thob po//de ci'i phyir zhe na/ 'di ltar rmi lam gang yin pa dang / rmi lam gyi mtha' gang yin pa de la gnyis su med cing gnyis su byang med do snyam ste / rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba ni rtags drug pa yin no// //rab 'byor gzhan yang gal te byang chub sems dpa' sems dpa' chen po rmi lam mam sad pa'i tshe/ grong khyer tshig par gyur pa na 'di snyam du bdag gi rmi lam mam sad pa'i tshe/rnam pa gang dag dang / rtags gang dag dang / mtshan ma gang dag mthong ba'i rnam pa dang / rtags dang / mtshan ma de dag dang ldan pa'i byang chub sems dpa' sems dpa' chen po phyir mi ldog par rig par bya ba'i rnam pa de dag dang /rtags de dag dang / mtshan ma de dag gal te bdag la yod na/ bden pa de dang bden pa'i tshig 'dis grong khyer mes tshig pa de zhi bar gyur cig /bsil bar gyur cig /med par gyur cig snyam du sems pa la gnyid log par gyur pa'am sad pas rnam pa gang dag dang rtags gang dag dang mtshan ma gang dag mthong ba dag gal te rnam pa gang dag dang rtags gang dag dang mtshan ma gang dag dang ldan pas byang chub sems dpa' sems dpa' chen po phyir mi ldog pa yin pa'i rnam pa de dag dang rtags de dag dang mtshan ma de dag nga la yod pa yin na/bden pa dang bden pa'i tshig des grong khyer tshig pa zhi bar gyur cig /bsil bar gyur cig /med par gyur cig snyam du sems pas/ gal te zhi ba dang bsil ba dang med par gyur na/ rab 'byor byang chub sems dpa' sems dpa' chen po de ni bla na med pa yang dag par rdzogs pa'i byang chub las phyir mi ldog par lung bstan par rig par bya'o//rab 'byor gal te yang me'i phung po de bden pa'i tshig de las 'das te khyim nas khyim du tshig srang nas srang du tshig ste/ khyim la la ni tshig /khyim la la ni ma tshig /srang la la ni tshig /srang la la ni ma tshig na/ rab 'byor byang chub sems dpa' sems dpa' chen pos sems can 'di dag gi khyim la la ni tshig /khyim la la ni ma tshig pa las na/ sems can de dag gis chos spong ba'i las byas pas/ de dag gi las tshe 'di la rnam par smin te/de dag chos la skur pa de nyid kyi las kyi lhag ma la yang rnam par smin par 'gyur ro zhes bya bar rig par bya ste/ rab 'byor 'di ni phyir mi ldog pa'i byang chub sems dpa' sems dpa' chen po'i rgyu dang rkyen te/ rgyu de dag dang rkyen de dag gis phyir mi ldog pa'i byang chub sems dpa' sems dpa' chen por rig par bya'o zhes bya ba ni rtags bdun pa yin no// //rab 'byor gzhan yang rnam pa gang dag dang rtags gang dag dang / mtshan ma gang dag gis phyir mi ldog pa'i byang chub sems dpa' sems dpa' chen por rig par bya ba'i rnam pa de dag dang rtags de dag dang /mtshan ma de dag bstan par bya'o/ /rab 'byor gal te bud med dam skyes pa gang la la zhig mi ma yin pas byin gyis brlabs na de la byang chub sems dpa' sems dpa' chen pos 'di snyam du/ gal te bdag sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan te/bdag gi bsam pa yongs su dag cing / bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod la/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhing /bdag bla na med pa yang dag par rdzogs pa'i byang chub tu yid la byed pa yongs su dag pa ste/ bdag la nyan thos kyi sems med/ bdag la rang sangs rgyas kyi sems med / nyan thos dang rang sangs rgyas kyi sems med pas bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhing /bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ba ma yin gyis/ bdag gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/'jig rten gyi khams grangs med tshad med pa dag na sangs rgyas bcom ldan 'das ji snyed cig bzhugs shing / 'tsho skyong ba dang / chos ston pa'i de bzhin gshegs pa dgra bcom pa yang dag par rdzogs pa'i sangs rgyas de dag gis ni gang ci yang ma mkhyen pa'am/ma gzigs pa'am/ thugs su ma chud pa'am/ mngon du ma mdzad pa'am/ mngon par rdzogs par sangs ma rgyas pa gang yang med de/ sangs rgyas bcom ldan 'das de dag gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bya bar bdag gi bsam pa thugs su chud ce na/bden pa de dang bden pa'i tshig des skyes pa'am bud med 'di mi ma yin pa gang gis bzung ba'am gtses par gyur pa'i mi ma yin pa de gud du 'gro bar gyur cig ces bsams te smras na/rab 'byor gal te byang chub sems dpa' sems dpa' chen pos de skad du brjod pas mi ma yin pa de gud du ma song na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung ma bstan par rig par bya'o//rab 'byor gal te byang chub sems dpa' sems dpa' chen pos de skad ces brjod pas/ mi ma yin pa de gud du song na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan par rig par bya ste/rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o//rab 'byor gzhan yang byang chub sems dpa' sems dpa' chen po pha rol tu phyin pa drug la spyod pa la thabs la mkhas pa dang mi ldan pa/ dran pa nye bar gzhag pa rnams dang / yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa la ma spyad pa dang / byang chub sems dpa' skyon med par ma chud pa'i bden pa'i byin gyi rlabs la bdud sdig can nye bar 'ongs te/ rab 'byor gal te byang chub sems dpa' sems dpa' chen po bden pa'i byin gyi rlabs byed cing bden pa dang bden pa'i tshig gang gis bdag sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan pa'i bden pa dang /bden pa'i tshig des mi ma yin pa de gud du 'gro bar gyur cig ces brjod pas / bdud sdig can des mi ma yin par gyur pa de ci nas kyang gud du 'gro bar bya ba'i phyir nan tan du byed de/ de ci'i phyir zhe na/ de ni 'di ltar bdud sdig can ni mi ma yin pa de bas kyang ches mthu dang ldan zhing ches gzi brjid dang ldan pas/de'i phyir bdud sdig can de'i byin gyi rlabs kyis mi ma yin pa de gud du song bar gyur pa la byang chub sems dpa' sems dpa' chen po de 'di snyam ste/ 'di ltar bdag gi mthus mi ma yin pa de gud du song ngo snyam nas/ bdud kyi mthus mi ma yin pa de gud du song bar ni ma shes te/de de'i rgyus byang chub sems dpa' sems dpa' chen po gzhan dag la brnyas pa dang / 'phya ba dang / 'thing slad byed cing smod pa khyad du gsod cing / bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan pa yin gyi/'di dag gzhan ni bla na med pa yang dag par rdzogs pa'i byang chub tu lung ma bstan to zhes / de de tsam gyis nga rgyal 'phel bar byed pa dang / nga rgyal skyed cing rnam pa thams cad mkhyen pa nyid ring du byed bla na med pa yang dag par rdzogs pa'i sangs rgyas kyi ye shes ring du byed na/de ltar thabs mi mkhas pa'i byang chub sems dpa' sems dpa' chen po de ni de tsam gyis lhag pa'i nga rgyal skyes pa des sa gnyis por 'gro bar rig par bya ste/ 'di ltar nyan thos kyi sa'am/rang sangs rgyas kyi sa'o/ /de ltar na bden pa'i byin gyi rlabs kyis byang chub sems dpa' sems dpa' chen po de'i bdud kyi las 'byung ste de la dge ba'i bshes gnyen la mi brten cing mi 'grogs la bsnyen bkur mi byed na/ de nyid du bdud kyis bcings pa de dam por byed pa yin no//de ci'i phyir zhe na/ de ni pha rol tu phyin pa drug la ma spyad pa dang / thabs mkhas pas yongs su ma bzung ba'i phyir te/ rab 'byor de lta bu yang byang chub sems dpa' sems dpa' chen pos bdud kyi las su rig par bya'o// // bam po lnga bcu gsum pa/ rab 'byor ji ltar na byang chub sems dpa' sems dpa' chen po pha rol tu phyin pa drug la ma spyad pa/ byang chub kyi phyogs kyi chos sum cu rtsa bdun la ma spyad pa/ rnam par thar pa'i sgo gsum la ma spyad pa/ skyon med par ma chud pa'i drung du bdud sdig can ming gi byin gyi rlabs kyis nye bar 'ong ba yin zhe na/rab 'byor 'di la bdud sdig can cha byad gang yang rung bas nye bar 'ongs shing byang chub sems dpa' sems dpa' chen po la 'di skad du/ rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan pa ste/khyod kyi ming ni 'di zhes bya'o/ /khyod kyi pha'i ming ni 'di zhes bya'o/ /khyod kyi ma'i ming ni 'di zhes bya'o/ /khyod kyi phu nu'i ming ni 'di zhes bya'o/ /khyod kyi bu sring gi ming ni 'di zhes bya'o//khyod kyi mdza' bo dang / blon po dang / gnyen bshes kyi ming ni 'di zhes bya'o zhes bya ba nas pha ma'i zung rabs bdun nye bar ston zhing / khyod ni yul che ge mo zhig dang / grong khyer che ge mo zhig dang / phyogs che ge mo zhig nas/ yul che ge mo zhig tu skyes so//grong khyer che ge mo zhig dang / grong rdal che ge mo zhig tu skyes so/ /gal te ngang gis 'jam pa zhig yin na de de la 'di skad du khyod ni sngon yang 'di bzhin du 'jam par gyur to zhes zer/ gal te rno ba zhig yin na de de la 'di skad du khyod ni sngon yang 'di bzhin du rno bar gyur to zhes zer/gal te dgon pa pa zhig yin na/ de de la 'di skad du khyod ni sngon yang dgon pa par gyur to zhes zer/ gal te bsod snyoms pa zhig yin na/ gal te phyag dar khrod pa zhig yin nam/ gal te bsod snyoms phyis mi len pa zhig yin nam/ gal te stan gcig pa zhig yin nam/gal te ci thob pa'i bsod snyoms pa zhig yin nam/ gal te dur khrod pa zhig yin nam/ gal te bla gab med pa zhig yin nam/ gal te shing drung pa zhig yin nam/ gal te cog bu pa zhig yin nam/ gal te gzhi ji bzhin pa zhig yin nam/gal te chos gos gsum pa zhig yin nam/ gal te 'dod pa chung ba zhig yin nam/ gal te chog shes pa zhig yin nam/ gal te dben pa zhig yin nam/ gal te rkang pa bsku ba dang bral ba zhig yin nam/ gal te smra ba nyung ba zhig yin na de de la 'di skad du khyod ni sngon yang smra ba nyung bar gyur to zhes zer/gal te 'thab pa nyung ba zhig yin na de de la 'di skad du khyod ni sngon yang 'thab pa nyung bar gyur to zhes zer te/ de ci'i phyir zhe na/ de ni 'di ltar khyod la rnam pa de lta bu'i sbyangs pa'i yon tan dag yod pas na/ gdon mi za bar sngon yang sbyangs pa'i yon tan dang sdom pa 'di dag dang ldan par ma gyur mi srid do zhes zer ba la/de de ltar sngon gyi ming dang rus bstan pa dang / de ltar byung ba'i sbyangs pa'i yon tan dang sdom pa bstan pas rlom sems bskyed pas de ltar bdud sdig can de'i drung du nye bar 'ongs shing / 'di skad du rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis khyod la yon tan yod pa ci 'dra ba bzhin du bla na med pa yang dag par rdzogs pa'i byang chub las phyir mi ldog par lung bstan to zhes zer te /res 'ga' ni dge slong gi cha byad du nye bar 'ong / res 'ga' ni dge slong ma'i cha byad du nye bar 'ong / res 'ga' ni khyim bdag gi cha byad du nye bar 'ong / res 'ga' ni ma'i cha byad du nye bar 'ong / res 'ga' ni pha'i cha byad du nye bar 'ong zhing 'ongs nas kyang 'di skad du rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan to//de ci'i phyir zhe na/ de ni 'di ltar khyod la phyir mi ldog pa'i byang chub sems dpa' sems dpa' chen po rnams kyi yon tan gang ji snyed pa de dag yod do zhes zer la/ rab 'byor ngas phyir mi ldog pa'i byang chub sems dpa' sems dpa' chen po rnams kyi rnam pa dang /rtags dang / mtshan ma gang dag bshad pa de dag byang chub sems dpa' sems dpa' chen po de la med na/ rab 'byor de la byang chub sems dpa' gzhan gyis byang chub sems dpa' sems dpa' chen po 'di ni bdud kyis byin gyis brlabs pa yin no zhes bya bar rig par bya'o//de ci'i phyir zhe na/ rab 'byor de ni 'di ltar gang phyir mi ldog pa'i byang chub sems dpa' sems dpa' chen po'i rnam pa dang / rtags dang / mtshan ma de dag kyang med la ming bstan pa des kyang byang chub sems dpa' sems dpa' chen po gzhan la brnyas pa dang /'phya ba dang / smad pa byed cing khyad du gsod pas smod par byed pa'i phyir ro/ /rab 'byor 'di yang byang chub sems dpa' sems dpa' chen pos ming gi byin gyi rlabs kyis bdud kyi las su rig par bya'o//rab 'byor gzhan yang byang chub sems dpa' sems dpa' chen pos ming gi byin gyi rlabs kyis bdud kyi las su rig par bya ste/ de ci'i phyir zhe na/ rab 'byor de ni 'di ltar byang chub sems dpa' sems dpa' chen po pha rol tu phyin pa drug la ma spyad pas phung po'i bdud mi shes te/gzugs mi shes/ tshor ba dang / 'du shes dang / 'du byed rnams dang / rnam par shes pa mi shes pas de la bdud sdig can ming gi byin gyi rlabs kyis lung ston zhing / khyod bla na med pa yang dag par rdzogs pa'i byang chub tu mngon par rdzogs par sangs rgyas nas ming 'di zhes bya bar 'gyur ro zhes /byang chub sems dpa' sems dpa' chen pos ming gang bsams pa dang / dpyad pa de nyid brjod de/ de la byang chub sems dpa' shes rab 'chal pa'i ngang tshul can thabs la mi mkhas pa de 'di snyam ste/ bdag gis ming gang yid kyis rnam par brtags te bsams pa dang /rjes su dpyad pa de nyid bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i ming du 'gyur ro snyam ste/ ji lta ji ltar bdud sdig can nam/ bdud kyi ris kyi lha'am/ bdud kyis byin gyis brlabs pa'i dge slong dag ston pa de lta de ltar sems shing /ji ltar bdag gis sems bskyed pa dang / bdag gi ming ji lta ba bzhin du dge slong 'dis bstan te ming dang ming du mthun gyi/ bdag ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan to snyam nas/rab 'byor byang chub sems dpa' sems dpa' chen po de la gang ngas phyir mi ldog pa'i byang chub sems dpa' sems dpa' chen po'i rnam pa dang / rtags dang / mtshan mar bshad pa de dag kyang med la/ ming de dang lung bstan par brjod pa des kyang byang chub sems dpa' sems dpa' chen po gzhan dag la khyad du gsod na/de rlom sems des bla na med pa yang dag par rdzogs pa'i byang chub las ring du 'gyur ro/ /de ltar thabs la mkhas pa dang mi ldan la/ shes rab kyi pha rol tu phyin pa dang bral zhing / dge ba'i bshes gnyen dang bral te/ sdig pa'i grogs pos yongs su bzung ba de'i sa ni gnyis su rig par bya ste/ 'di ltar nyan thos kyi sa dang / rang sangs rgyas kyi sa'o/ /yang na ni shin tu yun ring por 'khor zhing 'phyan 'phyan nas/ dge ba'i bshes gnyen la bsnyen pa dang /bsten pa dang / rim gror byas nas shes rab kyi pha rol tu phyin pa 'di nyid la brten te bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /rab 'byor gal te byang chub sems dpa' yang dang yang dge ba'i bshes gnyen blta ba dang bsnyen bkur bar ma gyur la/lus thob pa des sems bskyed pa snga ma dag mi smod mi chags na de ni sa gnyis su 'gro bar rig par bya ste/ 'di ltar nyan thos kyi sa'am/ rang sangs rgyas kyi sa'o/ /'di lta ste dper na/ dge slong nyan thos kyi theg pa pas ltung ba'i rtsa ba bzhi las ltung ba gang yang rung ba zhig byas na/dge slong ma yin/ shAkya'i bu ma yin par 'gyur te/ de ni lus de nyid kyis dge sbyong gi 'bras bu bzhi las dge sbyong gi 'bras bu gang yang rung ba la la thob par 'gyur ba'i skal ba med do/ /rab 'byor de bzhin du byang chub sems dpa' sems dpa' chen po gang ming bstan pa tsam gyis rlom sems dang ldan pa'i sems bskyed cing ming tsam brjod pa des byang chub sems dpa' gzhan dag la brnyas pa dang /'phya ba dang / khyad du gsod pa'i sems bskyed pa de ni de bas kyang shin tu lci ste/ sems bskyed pa de ni de bas kyang shin tu lci bar rig par bya'o//rab 'byor de ltar ming bstan pas bdud kyi las shin tu phra ba de dag skya bar 'gyur ro/ /rab 'byor ltung ba'i rtsa ba bzhi po lta zhog gi byang chub sems dpa'i ming bstan pa tsam gyis rlom sems dang ldan pa'i sems bskyed pa skyes pa de ni mtshams med pa lnga bas kyang shin tu lci ba ste/sems bskyed pa de ni de bas kyang shin tu lci bar rig par bya'o/ /rab 'byor gzhan yang bdud sdig can dben pa'i yon tan ston cing byang chub sems dpa' sems dpa' chen po'i drung du nye bar 'ongs te/ 'di skad du de bzhin gshegs pa dgra bcom pa yang dag par rdzogs pa'i sangs rgyas ni dben pa'i yon tan gsungs pa'o zhes zer te/rab 'byor ngas ni 'di lta ste/ byang chub sems dpa' sems dpa' chen po'i dgon pa'am/ nags 'dab bam / bas mtha'i gnas dben par ma bshad do/ / gsol pa/ bcom ldan 'das gal te dgon pa dang / nags 'dab dang / bas mtha'i gnas dben pa ma lags na/ byang chub sems dpa' sems dpa' chen po'i dben pa gzhan ni gang zhig mchis/ bcom ldan 'das byang chub sems dpa' sems dpa' chen po'i dben pa gzhan ni ci lta bu zhig mchis/bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po nyan thos dang rang sangs rgyas dang ldan pa'i yid la byed pas dben na/ dgon pa dang / nags 'dab dang / bas mtha'i gnas na rnam par spyod pa ni yin te/ rab 'byor de ni dben pa ste/byang chub sems dpa' sems dpa' chen po rnams la ngas gnang ba'o/ /gal te dben pa 'dis nyin mtshan du rnam par spyod na byang chub sems dpa' sems dpa' chen po de ni 'di lta ste byang chub sems dpa'i dben pas dben pa rnam par spyod pa yin no/ /byang chub sems dpa' sems dpa' chen po dgon pa dang /nags 'dab dang / bas mtha'i gnas na rnam par spyod kyang nyan thos dang rang sangs rgyas dang ldan pa'i yid la bya ba dang 'dres pas rnam par spyod na/ byang chub sems dpa' sems dpa' chen po de ni dben pa rnam par spyod pa ma yin no/ /gal te grong na spyod kyang nyan thos dang /rang sangs rgyas dang ldan pa'i yid la bya ba dang ma 'dres na/ byang chub sems dpa' sems dpa' chen po de ni dben pa rnam par spyod pa yin no/ /rab 'byor byang chub sems dpa' sems dpa' chen po rnams la dben pa'i rnam pa de lta bu ngas gnang ba las drangs shing / bdud sdig can de la dgon pa dang / nags 'dab dang / bas mtha'i gnas su rnam par spyod cig ces dben pa ston te/ de dben pa des 'du 'dzir gyur cing / nyan thos dang / rang sangs rgyas kyi sa dang ldan pa'i yid la bya ba dang 'dres par gnas pa yin te/ shes rab kyi pha rol tu phyin pa la brtson pa ma yin zhing rnam pa thams cad mkhyen pa nyid yongs su rdzogs par mi 'gyur ro// de ltar rnam par spyod cing / yid la bya ba yongs su ma dag pa byang chub sems dpa' sems dpa' chen po gzhan grong 'dab na gnas par spyod cing / yid la bya ba yongs su dag pa dang ldan pa/nyan thos kyi sems dang ma 'dres pa/ rang sangs rgyas kyi sems dang ma 'dres pa/ de ma yin pa'i sdig pa'i sems gzhan dang ma 'dres pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa yongs su rdzogs par gyur pa dag la brnyas pa'i sems bskyed de/thabs mi mkhas pa'i byang chub sems dpa' des dgon pa dang / sbrul dang / ri dwags dang / bya yod pa dang / rkun po dang / sme sha can dang / gcan gzan mche ba can dang / srin po rgyu ba/ dpag tshad brgya tsam du 'phags pa de'i nang na 'dug cing /lo gcig gam/ lo brgya'am/ lo stong ngam/ lo brgya phrag stong ngam/ lo bye ba'am/ lo bye ba phrag brgya'am/ lo bye ba phrag stong ngam/lo bye ba brgya phrag stong ngam/ lo bye ba khrag khrig brgya phrag stong ngam/ de bas kyang lhag par gnas su zin kyang /dben pa gang gis byang chub sems dpa' sems dpa' chen po lhag pa'i bsam pa la yang dag par gnas shing rnam par spyod pa de lta bu'i dben pa shes par mi 'gyur te/ byang chub sems dpa' sems dpa' chen po de ni nyan thos dang / rang sangs rgyas dang ldan pa'i yid la bya bas mang po dang 'dres pa nyid du rnam par spyod par 'gyur te/dben pa de gnas shing chags pa dang / mngon par zhen pa dang / kun nas nyon mongs par 'gyur zhing de tsam gyis ni nga'i sems rangs par mi 'gyur te/ ngas byang chub sems dpa' sems dpa' chen po rnams la dben pa gang bshad pa'i dben pa de dang mi ldan pas dben pa de la mi gnas so//de ci'i phyir zhe na/ de ni 'di ltar dben pa de dang bral ba'i phyir te/ de ltar de'i drung du bdud sdig can nye bar 'ongs shing / steng gi bar snang la gnas te/ 'di skad du rigs kyi bu legs so//legs so/ /'di ni de bzhin gshegs pas bstan pa'i dben pa ma nor ba yin gyis/ khyod dben pa 'di nyid kyis rnam par spyod cing / des khyod myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes zer / de'i rgyus dben pa de bas dben pa de gces par 'dzin zhing phyir grong 'dab tu 'ongs nas/dge slong byang chub sems dpa'i theg pa ba sems dang yid la bya ba yongs su dag pa des dge ba'i chos dang ldan pa gzhan dag la/ tshe dang ldan pa 'di dag ni 'du 'dzi'i rnam par spyod pas rnam par spyod do zhes khyad du gsod cing byang chub sems dpa' sems dpa' chen po dben par spyod pa de dag la 'du 'dzis rnam par spyod pa skyon du gdags pa dang /'dres par rnam par spyod pa skyon du gdags pas brnyas pa'i sems bskyed do/ /gang 'du 'dzi'i rnam par spyod pas rnam par spyod pa de dag la ni/dben pas rnam par spyod par 'dzin zhing de dag la rim gro bskyed do/ /gang la rim gro bskyed par bya ba de dag la ni nga rgyal bskyed do/ /de ci'i phyir zhe na/ de ni 'di ltar bdag ni mi ma yin pas bskul ba'o/ /mi ma yin pas dran par byas pa'o/ /rnam par spyod pa gang gis bdag spyod pa de ni rnam par spyod pa ma nor ba ste/grong 'dab na spyod pa lta la su zhig bskul bar 'gyur/ grong 'dab na spyod pa lta la su zhig dran par byed par 'gyur zhes nga rgyal bskyed de/ de ltar byang chub sems dpa' de byang chub sems dpa'i theg pa pa'i rigs kyi bu gzhan dag la smod par byed de rab 'byor gang zag de ni byang chub sems dpa' gdol par rig par bya'o//byang chub sems dpa' sun 'byin par rig par bya'o/ /byang chub sems dpa'i gzugs brnyan du rig par bya'o / /de ni lha dang mi dang lha ma yin du bcas pa'i 'jig rten gyi rkun po ste/de ni lha dang mi dang lha ma yin du bcas pa'i 'jig rten gyis dge sbyong gi cha byad can gyi rkun por rig par bya ste/ ngang tshul de lta bu dang ldan pa'i gang zag ni byang chub sems dpa'i theg pa pa'i rigs kyi bu'am rigs kyi bu mo de dag gis bsnyen par mi bya/ bsten par mi bya/rim gror mi bya'o/ /de ci'i phyir zhe na/ rab 'byor gang zag de lta bu dag ni lhag pa'i nga rgyal can du rig par bya ste zhes bya ba ni rtags brgyad pa yin no// //byang chub sems dpa' sems dpa' chen pos rnam pa thams cad mkhyen pa nyid kyang yongs su ma btang la/bla na med pa yang dag par rdzogs pa'i byang chub kyang yongs su ma btang na/ byang chub sems dpa' sems dpa' chen po bsam pa thag pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing sems can thams cad kyi don bya bar 'dod pas des gang zag de lta bu'i ngang tshul can bsnyen par mi bya/bsten par mi bya/ rim gro mi bya'i/ rang gi don dang ldan par 'gyur ba la brtson par bya ste/ 'khor ba la rtag tu skyo zhing 'jigs pa'i yid kyis khams gsum dang ma 'dres par spyad par bya'o/ /byang chub sems dpa' gdol pa de la yang byams pa bskyed par bya ste/de nyid la snying brtse ba'i phyir snying rje bskyed par bya'o/ /dga' ba dang btang snyoms bskyed par bya'o/ /des sems 'di ltar bskyed par bya ste/ ci nas kyang bdag gis nyes pa 'di dag thams cad du thams cad med cing mi skye bar 'gyur ba de ltar bya'o//gal te skyes nas da myur du spang bar bya'o zhes bslab par bya ste/ rab 'byor 'di ni byang chub sems dpa' sems dpa' chen po rnams kyi rang gi mngon par shes pas pha rol gnon pa yin par rig par bya'o/ /rab 'byor gzhan yang byang chub sems dpa' sems dpa' chen pos lhag pa'i bsam pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas dge ba'i bshes gnyen dag la bsnyen par bya'o//bsten par bya'o/ /rim gro bya'o/ /gsol pa/ bcom ldan 'das byang chub sems dpa' sems dpa' chen po dge ba'i bshes gnyen du rig par bgyi ba de dag gang lags/bcom ldan 'das kyis bka' stsal pa/ rab 'byor sangs rgyas bcom ldan 'das rnams ni byang chub sems dpa' sems dpa' chen po rnams kyi dge ba'i bshes gnyen du rig par bya'o//rab 'byor byang chub sems dpa' sems dpa' chen po rnams ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor nyan thos gang pha rol tu phyin pa drug brjod cing ston pa dang / 'chad cing 'grel pa dang /rnam par 'byed cing gsal bar byed pa dang / yang dag par ston pa de dag kyang byang chub sems dpa' sems dpa' chen po rnams dge ba'i bshes gnyen du rig par bya'o/ /rab 'byor gzhan yang pha rol tu phyin pa drug ni byang chub sems dpa' sems dpa' chen po rnams kyi dge ba'i bshes gnyen du rig par bya'o//dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang /ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ni byang chub sems dpa' sems dpa' chen po rnams kyi dge ba'i bshes gnyen du rig par bya'o//de bzhin nyid dang / yang dag pa'i mtha' dang / chos kyi dbyings ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ / rab 'byor gzhan yang pha rol tu phyin pa drug ni byang chub sems dpa' sems dpa' chen po rnams kyi ston par rig par bya ste/ pha rol tu phyin pa drug ni lam mo/ /pha rol tu phyin pa drug ni snang ba'o/ /pha rol tu phyin pa drug ni sgron ma'o/ /blo'o/ /shes pa'o/ /shes rab bo/ /pha rol tu phyin pa drug ni dpung gnyen no//pha rol tu phyin pa drug ni skyabs so/ /pha rol tu phyin pa drug ni mgon no/ /pha rol tu phyin pa drug ni ma'o/ /pha rol tu phyin pa drug ni pha'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang /stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / lam gyi rnam pa shes pa nyid ni byang chub sems dpa' sems dpa' chen po rnams kyi ston par rig par bya ste/ lam gyi rnam pa shes pa nyid ni lam mo//lam gyi rnam pa shes pa nyid ni snang ba'o/ /lam gyi rnam pa shes pa nyid ni sgron ma'o/ /blo'o/ /shes pa'o/ /shes rab bo/ /lam gyi rnam pa shes pa nyid ni dpung gnyen no/ /lam gyi rnam pa shes pa nyid ni skyabs so/ /lam gyi rnam pa shes pa nyid ni mgon no/ / lam gyi rnam pa shes pa nyid ni ma'o/ /lam gyi rnam pa shes pa nyid ni pha'o/ /rnam pa thams cad mkhyen pa nyid ni bag chags kyi mtshams sbyor ba thams cad spong bar byed pa ste/ de ci'i phyir zhe na/ rab 'byor de ni 'di ltar byang chub kyi phyogs kyi chos sum cu rtsa bdun po 'di dag ni 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gi yang yab dang yum du gyur to//rab 'byor byang chub kyi phyogs kyi chos sum cu rtsa bdun po 'di dag ni ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba'i sangs rgyas bcom ldan 'das de dag gi yang yab dang yum du 'gyur ro//rab 'byor byang chub kyi phyogs kyi chos sum cu rtsa bdun po 'di dag ni da ltar phyogs bcu'i 'jig rten gyi khams 'di na sangs rgyas bcom ldan 'das gang ji snyed cig bzhugs shing 'tsho skyong ba'i sangs rgyas bcom ldan 'das de dag gi yang yab dang yum du gyur to//de ci'i phyir zhe na/ rab 'byor 'di ltar 'di las byung ba ni 'das pa dang / ma byon pa dang / da ltar byung ba'i sangs rgyas bcom ldan 'das rnams te/rab 'byor de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa dang / byang chub sems dpa' sems dpa' chen po gzhan gyi dring mi 'jog par 'gro bar 'dod pa dang /gzhan gyi dring mi 'jog pa la gnas par 'dod pa dang / sems can thams cad kyi som nyi gcad par 'dod pa dang / sangs rgyas kyi zhing yongs su dag par bya bar 'dod pa dang / sems can yongs su smin par bya bar 'dod pas bsdu ba'i dngos po bzhis sems can rnams yongs su bsdu bar bya'o//bzhi gang zhe na/ sbyin pa dang / tshig snyan pa dang / don spyod pa dang / don mthun pa ste/ rab 'byor ngas don gyi dbang de mthong bas 'di lta ste/ byang chub kyi phyogs kyi chos sum cu rtsa bdun po 'di dag ni byang chub sems dpa' sems dpa' chen po rnams kyi ston pa dang /ma dang / pha dang / gnas dang / skyob pa dang / gling dang / skyabs dang / dpung gnyen yin no zhes brjod do zhes bya ba ni rtags dgu pa yin no// //rab 'byor de bas na byang chub sems dpa' sems dpa' chen po gzhan gyi dring mi 'jog par bya bar 'dod pa dang /gzhan gyi dring mi 'jog pa la gnas par 'dod pa dang / sems can thams cad kyi the tshom gcad par 'dod pa dang / sangs rgyas kyi zhing yongs su dag par bya bar 'dod pa dang / sems can yongs su smin par bya bar 'dod pas shes rab kyi pha rol tu phyin pa 'di nyid la bslab par bya'o//de ci'i phyir zhe na/ byang chub sems dpa' sems dpa' chen pos chos gang la bslab par bya ba de dag shes rab kyi pha rol tu phyin pa 'di las rgya cher bstan to zhes bya ba ni rtags bcu pa yin no// //rab 'byor gyis gsol pa/ bcom ldan 'das shes rab kyi pha rol tu phyin pa'i mtshan nyid ji lta bu lags/bcom ldan 'das kyis bka' stsal pa/ rab 'byor nam mkha' ltar chags pa med pa'i mtshan nyid ni shes rab kyi pha rol tu phyin pa'o/ /rab 'byor shes rab kyi pha rol tu phyin pa ni mtshan nyid med pa ste/ shes rab kyi pha rol tu phyin pa la mtshan nyid gang yang med do//gsol pa/ bcom ldan 'das mtshan nyid gang gis shes rab kyi pha rol tu phyin pa mchis pa'i mtshan nyid des chos thams cad mchis par 'gyur ba'i rnam grangs de lta bu mchis sam/ bcom ldan 'das kyis bka' stsal pa/ rab 'byor de de bzhin no//de de bzhin te/ mtshan nyid gang gis shes rab kyi pha rol tu phyin pa yod pa'i mtshan nyid de nyid kyis chos thams cad yod do/ /de ci'i phyir zhe na/ rab 'byor chos thams cad ni rang bzhin gyis dben pa ste/ chos thams cad ni chos thams cad kyis dben pa'o/ /chos thams cad ni chos thams cad kyis stong pa'o //rab 'byor rnam grangs des na 'di ltar stong pa nyid kyi mtshan nyid dang / dben pa'i mtshan nyid du mtshan nyid gang gis shes rab kyi pha rol tu phyin pa yod pa'i mtshan nyid des chos thams cad yod do/ /rab 'byor gyis gsol pa/ bcom ldan 'das gal te chos thams cad kyang chos thams cad kyis dben pa chos thams cad kyang chos thams cad kyis stong na/ sems can rnams kyi kun nas nyon mongs pa dang / rnam par byang ba yang ci ltar mchis par 'gyur/ bcom ldan 'das dben pa ni kun nas nyon mongs par mi 'gyur/rnam par byang bar mi 'gyur/ stong pa ni kun nas nyon mongs par mi 'gyur/ rnam par byang bar mi 'gyur/ dben pa dang stong pa nyid ni bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ dben pa dben pas ni stong pa nyid la chos gang yang mi dmigs/dben pas ni stong pa nyid la sems can gang yang byang chub tu mngon par rdzogs par 'tshang rgya ba de lta bu mi dmigs na/ bcom ldan 'das kyis bstan pa de'i don bdag gis ji ltar 'tshal bar bgyi/ bcom ldan 'das kyis bka' stsal pa/rab 'byor de ji snyam du sems/ sems can rnams yun ring po nas bdag dang bdag gi zhes bya ba la spyod dam/ gsol pa/ bcom ldan 'das de de lags so/ /bde bar gshegs pa de de lags te/ sems can rnams yun ring po nas bdag dang bdag gir bgyi ba la spyod do//bcom ldan 'das kyis bka' stsal pa/ rab 'byor de ji snyam du sems/ ci 'on kyang bdag dang bdag gir bya ba dben zhing stong ngam/ gsol pa/ bcom ldan 'das dben no/ /bde bar gshegs pa stong ngo / /bcom ldan 'das kyis bka' stsal pa/rab 'byor de ji snyam du sems/ 'on kyang bdag dang bdag gir bya bas sems can rnams kun tu rgyug cing kun tu 'khor bar gyur tam/ gsol pa/ bcom ldan 'das de de lags so/ /bde bar gshegs pa de de lags te/ bdag dang bdag gir bgyi bas sems can rnams kun tu rgyug cing 'khor bar gyur to//bcom ldan 'das kyis bka' stsal pa/ rab 'byor de ltar na sems can rnams kyi kun nas nyon mongs pa yod pa yin te/ gang la bdag tu bya ba med pa dang / bdag gir bya ba med pa de la 'dzin pa med/ gang la 'dzin pa med pa de la sems can kun tu rgyug cing kun tu 'khor ba med de/de la kun nas nyon mongs pa gang yang med pas/ rab 'byor de ltar na sems can rnams kyi rnam par byang ba yod pa yin no zhes bya ba ni rtags bcu gcig pa yin no// //gsol pa/ bcom ldan 'das byang chub sems dpa' sems dpa' chen po de ltar spyod pa ni gzugs la mi spyod/tshor ba dang / 'du shes dang / 'du byed rnams dang / rnam par shes pa la mi spyod do / /skye mched dang / khams dang / rten cing 'brel par 'byung ba la mi spyod/ sbyin pa'i pha rol tu phyin pa la mi spyod/tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la mi spyod / nang stong pa nyid la mi spyod/ dngos po med pa'i ngo bo nyid stong pa nyid kyi bar la mi spyod/dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la mi spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mi spyod/de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa la mi spyod/ rnam pa thams cad mkhyen pa nyid kyi bar la mi spyod / de ci'i slad du zhe na/de ni 'di ltar gang la spyod pa dang / gang gis spyod pa dang / gang la spyod par 'gyur ba'i chos de dag thams cad mi dmigs so/ /bcom ldan 'das de ltar spyod pa'i byang chub sems dpa' sems dpa' chen po ni lha dang mi dang lha ma yin du bcas pa'i 'jig rten gyis mi thub ste/bcom ldan 'das de ltar spyod pa'i byang chub sems dpa' sems dpa' chen po ni nyan thos dang / rang sangs rgyas thams cad kyis zil gyis gnon par mi nus so/ /de ci'i slad du zhe na/ de ni 'di ltar/ 'di lta ste/ byang chub sems dpa'i skyon ma mchis pa'i gnas zil gyis mi gnon pa la gnas pas/bcom ldan 'das byang chub sems dpa' sems dpa' chen po rnam pa thams cad mkhyen pa nyid yid la bgyid pa dang ma bral ba ni zil gyis mi gnon pa ste/ bcom ldan 'das de ltar spyod pa'i byang chub sems dpa' sems dpa' chen po ni rnam pa thams cad mkhyen pa nyid dang nye bar gyur pa lags so zhes bya ba ni rtags bcu gnyis pa ste/'di dag gis ni rtags gsungs pa yin no// //bcom ldan 'das kyis bka' stsal pa/ rab 'byor gal te 'dzam bu'i gling gi sems can ji snyed pa de dag thams cad snga phyi med par mi'i lus thob par gyur te/bla na med pa yang dag par rdzogs pa'i byang chub tu mngon par rdzogs par sangs rgyas par gyur la/ de dag nam 'tsho'i bar du bzhugs pa la rigs kyi bu'am/ rigs kyi bu mo la la zhig gis rim gror byas/bkur stir byas/ bsti stong du byas/ mchod par byas te/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ ci rigs kyi bu'am rigs kyi bu mo de de'i rgyus bsod nams mang du 'phel lam/ gsol pa/bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di gzhan la ston pa dang / 'chad pa dang / rnam par gzhog pa dang /rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par ston pa dang / shes rab kyi pha rol tu phyin pa dang ldan pa'i yid la byed pas rnam par spyod na/ de'i bsod nams mang du 'phel lo/ /rab 'byor gal te stong gsum gyi stong chen po'i 'jig rten gyi khams kyi bar gyi sems can gang ji snyed pa de dag thams cad snga phyi med par mi'i lus thob par gyur te/bla na med pa yang dag par rdzogs pa'i byang chub tu mngon par rdzogs par sangs rgyas par gyur pa de dag nam 'tsho'i bar du bzhugs pa la rigs kyi bu'am rigs kyi bu mo gang la la zhig gis rim gror byas/bkur stir byas/ bsti stang du byas/ mchod par byas te/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ rigs kyi bu'am rigs kyi bu mo de de'i rgyus bsod nams mang du 'phel lam/gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di gzhan la ston pa dang /'chad pa dang / rnam par gzhog pa dang / rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par ston pa dang / shes rab kyi pha rol tu phyin pa dang ldan pa'i yid la byed pas rnam par spyod na/de'i bsod nams mang du 'phel lo/ /rab 'byor gal te 'dzam bu'i gling gi sems can gang ji snyed pa de dag thams cad snga phyi med par mi'i lus thob par gyur la/ de dag rigs kyi bu'am/ rigs kyi bu mo gang la la zhig gis dge ba bcu'i las kyi lam la rab tu bkod pa dang /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la rab tu bkod de/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ rigs kyi bu'am/ rigs kyi bu mo de de'i rgyus bsod nams mang du 'phel lam/gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di gzhan la ston pa dang /'chad pa dang / rnam par gzhog pa dang / rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par ston na de'i bsod nams ches mang du 'phel lo/ /rab 'byor de ltar spyod pa'i byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas rnam par 'byed pa ni sems can thams cad kyi sbyin pa'i gnas su 'gro ba yin te/de ci'i phyir zhe na/ de ni 'di ltar de bzhin gshegs pa dgra bcom pa yang dag par rdzogs pa'i sangs rgyas ma gtogs par byang chub sems dpa' sems dpa' chen po'i rnam par spyod pa de lta bu ni sems can gang la yang med de/de ci'i phyir zhe na/ de ni 'di ltar rigs kyi bu'am rigs kyi bu mo de dag shes rab kyi pha rol tu phyin pa la spyod pa'i tshe byams pa chen po mngon par bsgrubs te / de dag shes rab kyi pha rol tu phyin pa la spyod pa'i tshe/sems can thams cad gsad par 'gyur ba dang 'dra bar blta ste/ de dag snying rje chen po thob bo/ /de dag gnas pa des gnas pa na dga' bas rab tu dga' ba dang / mngon par dga' bar 'gyur te/ de dag dga' ba chen po mngon par sgrub po//de dag mtshan ma de dag lhan cig tu mi gnas te/ de dag btang snyoms chen po 'thob bo/ /rab 'byor de ni byang chub sems dpa' sems dpa' chen po rnams kyi shes rab kyi snang ba chen po ste/ 'di ltar sbyin pa'i pha rol tu phyin pa'i snang ba'o/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i snang ba'o/ /rigs kyi bu de dag ni rnam pa thams cad mkhyen pa nyid du mngon par rdzogs par sangs ma rgyas kyang sems can thams cad kyi sbyin pa'i gnas su 'gyur te/bla na med pa yang dag par rdzogs pa'i byang chub las phyir mi ldog pa / de dag shes rab kyi pha rol tu phyin pa dang ldan pa'i yid la bya bas rnam par spyod pa'i phyir/ su'i gos dang / bsod snyoms dang / mal cha dang / nad kyi rkyen rtsi dang / yo byad la yongs su spyod pa'i gtong ba dang /sbyin bdag gi sbyin pa dag par 'gyur te/ rnam pa thams cad mkhyen pa nyid dang yang nye bar 'gyur ro/ /rab 'byor de bas na byang chub sems dpa' sems dpa' chen po don yod par kham gyi bsod snyoms la yongs su spyad par 'dod pa dang / sems can thams cad kyi lam bstan par 'dod pa dang / snang ba chen po dbyung bar 'dod pa dang / khams gsum gyi btson ra na gnas pa'i sems can rnams yongs su dgrol bar 'dod pa dang / sems can thams cad kyi bla na med pa'i shes rab kyi mig bskyed par 'dod pas shes rab kyi pha rol tu phyin pa dang ldan pa'i yid la bya bas rtag tu rgyun mi 'chad par gnas par bya'o//gal te byang chub sems dpa' sems dpa' chen po shes rab kyi pha rol tu phyin pa dang ldan pa'i yid la bya ba 'di yid la bya'o snyam na des shes rab kyi pha rol tu phyin pa dang ldan pa 'di nyid kyi gtam brjod par bya'o zhes bya ba ni rnam par 'phel ba dang po'o// //des shes rab kyi pha rol tu phyin pa dang ldan pa'i gtam brjod nas shes rab kyi pha rol tu phyin pa dang ldan pa'i yid la byed pa nyid yid la bya ste/ shes rab kyi pha rol tu phyin pa dang ldan pa'i yid la byed pas gnas pa des ni yid la byed pa gzhan rnams yid la byed par 'gyur ba'i go skabs dbye bar ji ltar shes rab kyi pha rol tu phyin pa dang ldan pa'i yid la byed pa de dag nyid kyis nyin mtshan du brtson pa mi 'dor bar gnas pa de ltar bya'o//rab 'byor 'di lta ste dper na/ sngan chad nor bu rin po che rnyed ma myong ba'i skyes bu zhig yod la/des dus gzhan zhig na nor bu rin po che rnyed par gyur te/ de nor bu rin po che de rnyed pas dga' ba dang / spro ba dang / yid bde ba dang ldan par gyur pa las/ des nor bu rin po che de rnyed ma thag tu stor bar gyur na/ de'i rgyus sdug bsngal ba dang / yid mi bde ba chen po dang ldan par 'gyur te/rtag tu rgyun mi 'chad par kyi hud bdag ni yid du 'ong ba'i nor bu rin po che de dang bral bar gyur to zhes nor bu rin po che dang ldan pa'i yid la bya ba sha stag rgyun du 'byung bar 'gyur ro/ /rab 'byor de bzhin du byang chub sems dpa' sems dpa' chen pos 'di ni rin po che'o snyam du bsams te/rnam pa thams cad mkhyen pa nyid dang ldan pa'i yid la bya ba dang ma bral bar bya'o/ /rnam pa thams cad mkhyen pa nyid kyi rin po che de stor bar yang mi bya ste/ de ltar ni rtag tu bde ba dang / yid bde ba mang po dang ldan par 'gyur ro/ /gsol pa/ bcom ldan 'das yid la bgyi ba de dag thams cad kyang rang bzhin dang bral ba ste/ yid la bgyi ba thams cad kyang rang bzhin gyis stong pa lags na/ ji ltar na byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bgyi ba dang ma bral ba lags/ yid la bgyi ba dang ma bral ba la ni byang chub sems dpa' mi dmigs/ yid la bgyi ba mi dmigs/ rnam pa thams cad mkhyen pa nyid mi dmigs so/ /bcom ldan 'das kyis bka' stsal pa/ rab 'byor gal te byang chub sems dpa' sems dpa' chen pos 'di ltar chos thams cad ni rang bzhin dang bral ba ste/de dag ni nyan thos kyis ma byas/ rang sangs rgyas kyis ma byas/ sangs rgyas bcom ldan 'das rnams kyis ma mdzad de/ chos rnams kyi chos nyid dang / chos gnas pa nyid dang / chos nges pa nyid dang / de bzhin nyid dang /ma nor ba de bzhin nyid dang / gzhan ma yin pa de bzhin nyid dang / chos kyi dbyings dang / yang dag pa'i mtha' 'di ni gnas pa yin no zhes bya bar shes na/ byang chub sems dpa' sems dpa' chen po de ni shes rab kyi pha rol tu phyin pa dang ma bral ba yin te/ de ci'i phyir zhe na/ rab 'byor de ni 'di ltar shes rab kyi pha rol tu phyin pa ni rang bzhin gyis dben/rang bzhin gyis stong pa ste/ de la 'phel ba med do/ /yongs su 'grib pa med do zhes bya ba ni rnam par 'phel ba gnyis pa yin no// //gsol pa/ bcom ldan 'das gal te shes rab kyi pha rol tu phyin pa rang bzhin gyis dben zhing rang bzhin gyis stong pa lags na/bcom ldan 'das ci ltar byang chub sems dpa' sems dpa' chen po shes rab kyi pha rol tu phyin pa la yang dag par bsgrubs shing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lags/ bcom ldan 'das kyis bka' stsal pa/rab 'byor byang chub sems dpa' sems dpa' chen po ni shes rab kyi pha rol tu phyin pa la yang dag par bsgrubs kyang rnam par 'phel ba'am yongs su 'grib pa med de/ yang dag pa'i mtha' la rnam par 'phel ba'am yongs su 'grib pa med do/ /chos kyi dbyings la rnam par 'phel ba'am yongs su 'grib pa med do//de ci'i phyir zhe na/ shes rab kyi pha rol tu phyin pa ni gcig kyang ma yin/ gnyis kyang ma yin no/ /rab 'byor gal te de skad du bshad pa la byang chub sems dpa' sems dpa' chen po'i sems mi 'jum / mi 'gong / mi 'jigs/mi dngang / skrag par mi 'gyur ba'i byang chub sems dpa' sems dpa' chen po ni phyir mi ldog pa'i dbyings la gnas pa ste/ byang chub sems dpa' sems dpa' chen po ni shes rab kyi pha rol tu phyin pa la spyod do zhes bya bar gtogs par rig par bya'o/ /rab 'byor gyis gsol pa/bcom ldan 'das shes rab kyi pha rol tu phyin pa ni stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa gang lags pa de shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no//gsol pa/ bcom ldan 'das shes rab kyi pha rol tu phyin pa las gud na gang shes rab kyi pha rol tu phyin pa la spyod pa'i chos gang yang dmigs su mchis sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/shes rab kyi pha rol tu phyin pa shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ stong pa nyid shes rab kyi pha rol tu phyin pa la spyod dam/ bcom ldan 'das kyis bka' stsal pa/rab 'byor de ni ma yin no/ /gsol pa/ bcom ldan 'das ci lags/ stong pa nyid las gud du stong pa nyid la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/gzugs shes rab kyi pha rol tu phyin pa la spyod dam/ tshor ba dang / 'du shes dang / 'du byed rnams dang / rnam par shes pa shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/skye mched dang / khams dang / rten cing 'brel par 'byung ba shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ pha rol tu phyin pa rnams dang / stong pa nyid thams cad dang /byang chub kyi phyogs kyi chos rnams shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ rnam pa thams cad mkhyen pa nyid kyi bar du shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ gzugs kyi stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid gang / chos nges pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ tshor ba dang / 'du shes dang /'du byed rnams dang / rnam par shes pa'i stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang /chos gnas pa nyid dang / chos nges pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/skye mched dang / khams dang / rten cing 'brel par 'byung ba'i stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos nges pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ / gsol pa/ bcom ldan 'das ci lags/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar gyi stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos nges pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol tu phyin pa la spyod dam/bcom ldan 'das kyis bka' stsal pa/ rab 'byor de ni ma yin no/ / gsol pa/ bcom ldan 'das gal te chos de dag shes rab kyi pha rol tu phyin pa la mi spyod na/ bcom ldan 'das byang chub sems dpa' sems dpa' chen po ji ltar shes rab kyi pha rol tu phyin pa la spyod pa lags/bcom ldan 'das kyis bka' stsal pa/ rab 'byor de ji snyam du sems/ chos gang shes rab kyi pha rol tu phyin pa la spyod pa'i chos de khyod kyis mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/rab 'byor de ji snyam du sems/ gang la byang chub sems dpa' sems dpa' chen po spyod pa'i shes rab kyi pha rol tu phyin pa de lta bu khyod kyis mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ chos gang khyod kyis ma mthong ba'i chos de dmigs su yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ chos gang dmigs su med pa de skye ba'am 'gag par 'gyur ram ci/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/rab 'byor de ni byang chub sems dpa' sems dpa' chen po rnams kyi mi skye ba'i chos la bzod pa ste/ rab 'byor bzod pa de lta bu'i rang bzhin dang ldan pa'i byang chub sems dpa' sems dpa' chen po ni sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung ston te/rab 'byor de ni stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa'i lam zhes bya ste/ lam der zhugs pa'i byang chub sems dpa' sems dpa' chen po ni de ltar spyod/de ltar rtsol / de ltar 'bad pa ni bla na med pa yang dag par rdzogs pa'i sangs rgyas kyi ye shes chen po rnam pa thams cad mkhyen pa'i ye shes thob par mi 'gyur zhes bya ba'i gnas med do/ /de ci'i phyir zhe na/ de ni 'di ltar byang chub sems dpa' sems dpa' chen po des mi skye ba'i chos la bzod pa thob pa'i phyir te/'di ltar ji srid bla na med pa yang dag par rdzogs pa'i byang chub tu mngon par rdzogs par sangs rgyas kyi bar du de la gzhol bar 'gyur ro zhes bya ba ni rnam par 'phel ba gsum pa yin no// //rab 'byor gyis gsol pa/ bcom ldan 'das ci lags/chos thams cad mi skye ba'i slad du byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur ram/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ skye ba'i slad du byang chub sems dpa' sems dpa' chen po bla na med pa yang dag par rdzogs pa'i byang chub tu lung ston par 'gyur ram/bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das gal te mi skye ba'i slad dang / skye ba'i slad du byang chub sems dpa' sems dpa' chen po bla na med pa yang dag par rdzogs pa'i byang chub tu lung mi bstan na/byang chub sems dpa' sems dpa' chen po ji ltar bla na med pa yang dag par rdzogs pa'i byang chub tu lung bstan par 'gyur/ bcom ldan 'das kyis bka' stsal pa/ rab 'byor de ji snyam du sems/gang bla na med pa yang dag par rdzogs pa'i byang chub tu lung bstan par 'gyur ba'i chos de lta bu khyod kyis yang dag par rjes su mthong ngam/ gsol pa/ bcom ldan 'das de ni ma lags te/ bcom ldan 'das chos gang bla na med pa yang dag par rdzogs pa'i byang chub tu lung bstan par 'gyur ba'i chos de dag ni bdag gis yang dag par rjes su ma mthong ngo //bcom ldan 'das chos gang mngon par rdzogs par 'tshang rgya ba dang / gang gis mngon par rdzogs par 'tshang rgya ba dang / gang la mngon par rdzogs par 'tshang rgya bar bgyi ba de lta bu'i chos kyang bdag gis yang dag par rjes su ma mthong ngo //bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad mi dmigs pa'i byang chub sems dpa' sems dpa' chen po ni 'di snyam du bdag ni mngon par rdzogs par 'tshang rgya'o//'dis ni mngon par rdzogs par 'tshang rgya bar bya'o/ /'di ni mngon par rdzogs par 'tshang rgya bar bya'o snyam du mi sems so/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod pa la rnam par rtog pa de thams cad med pa'i phyir te/de ci'i phyir zhe na/ rab 'byor shes rab kyi pha rol tu phyin pa ni rnam par mi rtog pa'o zhes bya ba ni rnam par 'phel ba bzhi pa yin no// //de nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni shin tu dben pa'i slad du zab pa'o//blta dka' ba'o/ /rtogs par dka' ba'o/ /brtag tu ma mchis pa'o/ /brtag pa'i spyod yul ma lags so/ /zhi ba phra ba zhib pa'o/ /mkhas shing rig pas rtogs par bgyi ba'o/ /bcom ldan 'das sems can gang shes rab kyi pha rol tu phyin pa zab mo 'di nyan cing 'dzin pa dang /'chang zhing klog pa dang / kun chub par bgyid pa dang / de bzhin nyid du nan tan bgyid cing bla na med pa yang dag par rdzogs pa'i byang chub tu mngon par rdzogs par sangs rgyas kyi bar du sems dang sems las byung ba'i chos gzhan gyi go mi 'byed pa de dag ni dge ba'i rtsa ba ngan don dang ldan pa ma lags so//bcom ldan 'das kyis bka' stsal pa/ kau shi ka de de bzhin no/ /de de bzhin te/ sems can gang shes rab kyi pha rol tu phyin pa zab mo 'di nyan cing 'dzin pa dang / 'chang zhing klog pa dang / kun chub par byed pa dang /de bzhin nyid du nan tan byed cing bla na med pa yang dag par rdzogs pa'i byang chub tu mngon par rdzogs par sangs rgyas kyi bar du sems dang sems las byung ba'i chos gzhan gyi go mi 'byed pa de dag ni dge ba'i rtsa ba ngan ngon dang ldan pa ma yin no/ /kau shi ka de ji snyam du sems/'dzam bu'i gling gi sems can gang ji snyed pa de dag thams cad dge ba bcu'i las kyi lam dang ldan par gyur/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang ldan par gyur la/ rigs kyi bu dang rigs kyi bu mo gang la la zhig kyang shes rab kyi pha rol tu phyin pa 'di 'dzin zhing 'chang ba dang /klog cing kun chub par byed par 'gyur te/ bzung zhing bcangs te/ bklags shing kun chub par byas nas kyang de bzhin nyid du nan tan du byed na kau shi ka dge ba'i rtsa ba 'di la snga ma'i dge ba'i rtsa ba des brgya'i char yang nye bar mi 'gro ste/stong gi cha dang / brgya phrag stong gi bar gyi cha dang / bye ba khrag khrig brgya phrag stong gi bar gyi cha dang / grangs dang / cha dang / bgrang ba dang / dpe dang / rgyur yang mi bzod do/ /de nas dge slong gcig gis lha'i dbang po brgya byin la 'di skad ces smras so//kau shi ka 'dzam bu'i gling gi sems can dge ba bcu'i las kyi lam dang ldan pa/ bsam gtan bzhi dang ldan pa/ tshad med pa bzhi dang ldan pa/ gzugs med pa'i snyoms par 'jug pa bzhi dang ldan pa/ mngon par shes pa lnga dang ldan pa/ de dag thams cad ni rigs kyi bu'am rigs kyi bu mo gang shes rab kyi pha rol tu phyin pa zab mo 'di mi g.yeng ba'i sems kyis 'dzin pa dang /'chang ba dang / klog pa dang / kun chub par byed pa dang / tshul bzhin du yid la byed pa dang / de bzhin nyid du nan tan byed cing bla na med pa yang dag par rdzogs pa'i byang chub tu mngon par rdzogs par sangs rgyas kyi bar du sems dang sems las byung ba'i chos gzhan gyi go mi 'byed pa de dag gis zil gyis gnon to//de skad ces smras pa dang / lha'i dbang po brgya byin gyis dge slong de la 'di skad ces smras so/ / dge slong 'dzam bu'i gling gi sems can dge ba bcu'i las kyi lam dang ldan pa/ bsam gtan bzhi dang ldan pa/ tshad med pa bzhi dang ldan pa/ gzugs med pa'i snyoms par 'jug pa bzhi dang ldan pa/ mngon par shes pa lnga dang ldan pa de dag thams cad byang chub sems dpa' sems dpa' chen pos rnam pa thams cad mkhyen pa nyid dang ldan pa'i sems bskyed pa gcig gis kyang zil gyis gnon na/gang shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang /bzung zhing bcangs te/ bklags shing kun chub par byas nas kyang de bzhin nyid du nan tan byed pa lta smos kyang ci dgos te/ lha dang mi dang lha ma yin du bcas pa'i 'jig rten zil gyis gnon par 'gyur te/ byang chub sems dpa' sems dpa' chen po des ni lha dang mi dang lha ma yin du bcas pa'i 'jig rten zil gyis gnon zhing 'gro bar 'gyur ro//byang chub sems dpa' sems dpa' chen po de ni lha dang mi dang lha ma yin du bcas pa'i 'jig rten zil gyis mnan zhing 'gro bar yang ma zad de/ byang chub sems dpa' sems dpa' chen po de ni rgyun du zhugs pa dang /lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas gang ji snyed pa de dag thams cad zil gyis gnon zhing 'gro bar 'gyur ro/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang /rang sangs rgyas su yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang sbyin pa'i pha rol tu phyin pa la spyod pa thabs mkhas pa dang bral ba/ shes rab kyi pha rol tu phyin pa dang bral ba de dag kyang zil gyis gnon zhing 'gro bar 'gyur ro//sbyin pa'i pha rol tu phyin pa la spyod pa yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang tshul khrims kyi pha rol tu phyin pa la spyod pa thabs mkhas pa dang bral ba dang / shes rab kyi pha rol tu phyin pa dang bral ba de dag kyang zil gyis gnon zhing 'gro bar 'gyur ro//tshul khrims kyi pha rol tu phyin pa la spyod pa yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang bzod pa'i pha rol tu phyin pa la spyod pa thabs mkhas pa dang bral ba/ shes rab kyi pha rol tu phyin pa dang bral ba gang ji snyed pa de dag kyang zil gyis gnon zhing 'gro bar 'gyur ro//bzod pa'i pha rol tu phyin pa la spyod pa yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang brtson 'grus kyi pha rol tu phyin pa la spyod pa thabs mkhas pa dang bral ba de /shes rab kyi pha rol tu phyin pa dang bral ba gang ji snyed pa de dag thams cad kyang zil gyis gnon zhing 'gro bar 'gyur ro/ /brtson 'grus kyi pha rol tu phyin pa la spyod pa yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang bsam gtan gyi pha rol tu phyin pa la spyod pa thabs mkhas pa dang bral ba de /shes rab kyi pha rol tu phyin pa dang bral ba gang ji snyed pa de dag kyang zil gyis gnon zhing 'gro bar 'gyur ro/ /bsam gtan gyi pha rol tu phyin pa la spyod pa yang ma zad de/byang chub sems dpa' sems dpa' chen po gang shes rab kyi pha rol tu phyin pa la ji skad du bstan pa bzhin du spyod pa de dag ni lha dang mi dang lha ma yin du bcas pa'i 'jig rten zil gyis gnon par mi nus so/ /byang chub sems dpa' sems dpa' chen po gang shes rab kyi pha rol tu phyin pa ji skad bstan pa dang mthun par spyod pa ste/byang chub sems dpa' sems dpa' chen po de ni rnam pa thams cad mkhyen pa nyid kyi rigs rgyun mi 'chad pa'i don du gnas pa'o/ /byang chub sems dpa' sems dpa' chen po de ni de bzhin gshegs pa ring du mi byed pa'o//de ltar zhugs pa'i byang chub sems dpa' sems dpa' chen po de ni snying po byang chub dang 'phang bar mi 'gyur ro/ /byang chub sems dpa' sems dpa' chen po de ni sems can bying ba rnams gdon par 'dod pa'o/ / de ltar slob pa'i byang chub sems dpa' sems dpa' chen po de ni byang chub sems dpa'i bslab pa la slob pa ste/ nyan thos kyi bslab pa la slob pa ma yin no/ /rang sangs rgyas kyi bslab pa la slob pa ma yin no zhes bya ba ni rnam par 'phel ba lnga pa yin no// //de ltar slob pa'i byang chub sems dpa' sems dpa' chen po'i drung du rgyal po chen po bzhis kyang 'gro bar bya bar sems te/nye bar 'dong zhing 'di skad ces smras so / /kye skyes bu chen po myur du slobs shig /skyes bu chen po skyen par slobs shig /lhung bzed bzhi po 'di dag ni khyod kyis snying po byang chub la 'dug ste/bla na med pa yang dag par rdzogs pa'i byang chub tu mngon par rdzogs par sangs rgyas nas blang bar bya ba ste/ 'di dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas kyis bzhes pa'o zhes zer zhing ston pa'o / /de ltar shes rab kyi pha rol tu phyin pa la spyod pa'i byang chub sems dpa' sems dpa' chen po'i drung du rgyal po chen po bzhi dag kyang /rgyal po chen po bzhi'i ris kyi lha'i bu rnams dang lhan cig 'gro bar sems so/ /de'i drung du bdag kyang sum cu rtsa gsum gyi lha'i bu rnams dang lhan cig 'gro bar sems so/ / lha'i dbang po rab 'thab bral yang 'thab bral gyi lha'i bu rnams dang lhan cig 'gro bar sems so/ /lha'i rgyal po rab dga' ldan yang dga' ldan gyi lha'i bu rnams dang lhan cig 'gro bar sems so/ /lha'i rgyal po rab 'phrul dga' yang 'phrul dga'i lha'i bu rnams dang lhan cig 'gro bar sems so/ / lha'i rgyal po dbang sgyur yang gzhan 'phrul dbang byed kyi lha'i bu rnams dang lhan cig 'gro bar sems so/ /tshangs pa mi mjed kyi bdag po yang tshangs ris kyi lha'i bu rnams dang lhan cig 'gro bar sems so/ /tshad med dge ba'i lha rnams kyang nye bar 'dong bar sems so/ / dge rgyas dang / 'bras bu che ba dang / mi spong ba dang / mi gdung ba dang / legs mthong dang / rab blta dang / gnas gtsang ma'i ris kyi lha rnams kyang nye bar 'dong bar sems so/ /byang chub sems dpa' sems dpa' chen po gang shes rab kyi pha rol tu phyin pa zab mo 'di la de ltar spyod pa de ni de bzhin gshegs pa rnams kyis kyang rtag tu dgongs pa yin te/byang chub sems dpa' sems dpa' chen po shes rab kyi pha rol tu phyin pa zab mo 'di la de ltar spyod pa de'i lus la ni 'jig rten pa'i sdug bsngal gzhan gyis gnod par byas pa gang ji snyed cig lus la 'byung ba de dag kyang thams cad du thams cad lus la mi 'byung zhing mi 'bab ste/de dge slong de ni byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe 'di'i yon tan du 'gyur ba ste/ 'dus pa'i nad rnams gang ji snyed pa 'di lta ste/ mig gi nad dang /rna ba'i nad dang / sna'i nad dang / lce'i nad dang / lus kyi nad dang / snying gi nad gang ji snyed pa de dag thams cad kyang lus la mi 'byung zhing mi 'bab ste/ 'di dag kyang byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe 'di'i yon tan du rig par bya'o zhes bya ba ni rnam par 'phel ba drug pa yin no// //de nas tshe dang ldan pa kun dga' bo 'di snyam du gyur te/ lha'i dbang po brgya byin 'di rang gi spobs pas shes rab kyi pha rol tu phyin pa 'di ston zhing shes rab kyi pha rol tu phyin pa'i yon tan dang legs pa brjod dam/'on te sangs rgyas kyi mthus ston snyam pa dang / de nas lha'i dbang po brgya byin gyis tshe dang ldan pa kun dga' bo'i sems kyi yongs su rtog pa sems kyis yongs su shes nas/ tshe dang ldan pa kun dga' bo la 'di skad ces smras so/ /btsun pa kun dga' bo bdag de ltar shes rab kyi pha rol tu phyin pa ston pa dang /shes rab kyi pha rol tu phyin pa'i yon tan dang / legs pa brjod pa ni sangs rgyas kyi mthus rig par bya'o/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de de bzhin no/ /de de bzhin te/ lha'i dbang po brgya byin gyis shes rab kyi pha rol tu phyin pa 'di ston pa dang /shes rab kyi pha rol tu phyin pa 'di'i yon tan dang legs pa brjod pa de ni de bzhin gshegs pa'i mthu'o/ /de ni de bzhin gshegs pas byin gyis brlabs so / /kun dga' bo gang gi tshe byang chub sems dpa' sems dpa' chen po shes rab kyi pha rol tu phyin pa la slob pa dang /shes rab kyi pha rol tu phyin pa la brtson par byed pa dang / shes rab kyi pha rol tu phyin pa la sgom pa de'i tshe gang stong gsum gyi stong chen po'i 'jig rten gyi khams na bdud sdig can gang ji snyed cig yod pa de dag thams cad ci byang chub sems dpa' sems dpa' chen po 'di yang dag pa'i mtha' mngon du byas te/rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ram/'on te ma yin gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur snyam ste/ dogs pa rnyed par 'gyur ro/ /kun dga' bo gzhan yang gang gi tshe byang chub sems dpa' sems dpa' chen po shes rab kyi pha rol tu phyin pa dang ma bral bar gyur pa de'i tshe/bdud sdig can mya ngan gyi zug rngus zug par 'gyur ro/ /kun dga' bo gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bdud sdig can ci nas kyang byang chub sems dpa' sems dpa' chen po 'di rnam pa thams cad mkhyen pa nyid yid la byed pa las sems gcig tsam 'khrug par 'gyur ba dang /zhum par 'gyur ba dang / spu g.yo bar 'gyur bar skar mda' ltung ba gtong zhing 'jigs pa bskyed do/ /de nas tshe dang ldan pa kun dga' bos bcom ldan 'das la 'di skad ces gsol to /bcom ldan 'das ci lags/ byang chub sems dpa' sems dpa' chen po thams cad kyi drung du bdud sdig can brtse ba'i bsam pas mchi bar 'gyur ram/ bcom ldan 'das kyis bka' stsal pa/ kun dga' bo byang chub sems dpa' sems dpa' chen po thams cad kyi drung du bdud sdig to can brtse ba'i bsam pas 'ong ba ma yin no//kun dga' bos gsol pa/ bcom ldan 'das 'on ji lta bus drung du mchi bar 'gyur/ bcom ldan 'das kyis bka' stsal pa/ kun dga' bo byang chub sems dpa' gang gis sngon gyi mthar shes rab kyi pha rol tu phyin pa zab mo 'di bstan pa'i tshe/sems mos par ma byas pa de'i drung du bdud sdig can dag brtse ba'i bsam pas nye bar 'ong ngo / /kun dga' bo gzhan yang byang chub sems dpa' sems dpa' chen po gang shes rab kyi pha rol tu phyin pa zab mo 'di bstan pa'i tshe/'di shes rab kyi pha rol tu phyin pa yin nam/ 'on tam ma yin zhes the tshom du gyur pa de dag gi drung du bdud sdig to can brtse ba'i bsam pas nye bar 'ong ngo / /kun dga' bo gzhan yang byang chub sems dpa' dge ba'i bshes gnyen dang bral na des dge ba'i bshes gnyen ma mthong bas shes rab kyi pha rol tu phyin pa zab mo 'di mi thos so//ma thos pas mi shes so/ /shes rab kyi pha rol tu phyin pa ji ltar sgom pa ma shes pas de bzhin nyid du nan tan mi byed de/ kun dga' bo byang chub sems dpa' de la yang bdud sdig can gyis glags rnyed par 'gyur ro//kun dga' bo gzhan yang byang chub sems dpa' shes rab kyi pha rol tu phyin pa dang bral ba dam pa'i chos ma yin pa yongs su 'dzin par byed na/ kun dga' bo byang chub sems dpa' de la yang bdud sdig can gyis glags rnyed par 'gyur ro//kun dga' bo gzhan yang shes rab kyi pha rol tu phyin pa dang bral ba'i byang chub sems dpa' dam pa'i chos ma yin pa la bsngags pa brjod na/ de la bdud sdig can 'di snyam du sems te/ gang dam pa'i chos ma yin pa'i bsngags pa smra ba ni bdag gi grogs yin te/ gang dam pa'i chos ma yin pa'i bsngags pa smra ba de ni byang chub sems dpa'i theg pa pa mang po'i nang nas bdag gi grogs su rnyed pa ste/de ltar gang zag byang chub sems dpa'i theg pa pa 'di lta ste/ nyan thos kyi sa dang / rang sangs rgyas kyi sa gnyis las gcig tu gnas par gyur pa ni de bdag gi bsam pa yongs su rdzogs par byed pa'o snyam ste/kun dga' bo byang chub sems dpa' de la yang bdud sdig can gyis glags rnyed par 'gyur ro/ /kun dga' bo gzhan yang byang chub sems dpa' ji lta bu la bdud kyis glags rnyed par 'gyur zhe na/byang chub sems dpa' gang shes rab kyi pha rol tu phyin pa zab mo 'di bstan pa'i tshe/ 'di skad du/ shes rab kyi pha rol tu phyin pa ni shin tu zab ste / khyod kyis shes rab kyi pha rol tu phyin pa zab mo 'di thos pas ci zhig bya/ bsgom pa dang / gzung ba dang / bcang ba dang / kun chub par byas pas khyod la ci zhig bya/ ngas kyang de'i gting ma rnyed na/ khyod kyis lta rnyed re skan zhes zer na/ kun dga' bo byang chub sems dpa' de la yang bdud sdig can gyis glags rnyed par 'gyur ro/ /kun dga' bo gzhan yang gang gi tshe byang chub sems dpa' sems dpa' chen po gzhan la byang chub sems dpa' brnyas pa bskyed cing /nga ni sbyin pa'i pha rol tu phyin pa la spyod pa'o/ /nga ni tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod pa'o/ /khyod ni sbyin pa'i pha rol tu phyin pa la spyod pa ma yin no//khyod ni tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod pa ma yin no zhes rlom sems su byed na/ kun dga' bo byang chub sems dpa' de la yang bdud sdig can gyis glags rnyed par 'gyur ro//kun dga' bo gzhan yang gang gi tshe byang chub sems dpa' bdag nyid mchog tu rlom sems bskyed na/ kun dga' bo de'i tshe bdud sdig can dga' ba dang / spro ba dang / nyams bde ba dang / rab tu dga' ba dang / tshim zhing yid bde ba skye bar 'gyur te/ kun dga' bo byang chub sems dpa' de la yang bdud sdig can gyis glags rnyed par 'gyur ro//kun dga' bo gzhan yang gang gi tshe byang chub sems dpa'i ming brjod pa'am/ rus brjod pa kun tu grags par gyur na/ de ming brjod pa'am/ rus brjod pa des byang chub sems dpa' sems dpa' chen po gzhan dge ba'i chos can dag khyad du gsod cing bdag bstod gzhan la smod la/phyir mi ldog pa'i byang chub sems dpa' sems dpa' chen po rnams kyi rnam pa dang / rtags dang / mtshan mar bya ba'i yon tan de dag kyang de la med par rnam pa dang / rtags dang /mtshan ma de dag gis nyon mongs pa bskyed cing / bdag bstod gzhan smad de/ 'di skad du ji ltar nga byang chub sems dpa'i theg pa dang / byang chub sems dpa'i rigs la gnas par snang ba de ltar khyod byang chub sems dpa'i theg pa la gnas par mi snang ngo / /byang chub sems dpa'i rigs la gnas par mi snang ngo zhes de de ltar byang chub sems dpa'i theg pa de dag la mi snyan pa brjod cing smod na/de la bdud sdig can 'di snyam du sems te/ bdag gi gnas ni stongs par mi 'gyur ro/ /sems can dmyal ba chen po dang / byol song gi skye gnas dang /gshin rje'i 'jig rten dang / yi dwags kyi yul shin tu 'phel bar 'gyur ro zhes ci nas kyang / de'i tshig bzung du rung bar 'gyur ba de lta de ltar bdud sdig can byang chub sems dpa' de byin gyis rlob ste/ de'i tshig bzung du rung bar skye bo mang po dag kyang mnyan pa dang yid ches par bya bar sems te/de la de dag gis thos sam mthong na mthun par spyod par 'gyur te/ de la de dag gis thos sam mthong na mthun par spyod cing de bzhin du slob ste/ de dag de bzhin du slob cing de bzhin nyid du nan tan byed pa'i tshe/ nyon mongs pa shin tu 'phel bar 'gyur te/de ltar de dag bsam pa phyin ci log tu gyur pas lus dang ngag dang yid kyi las gang dang gang brtsams pa de dag thams cad mi 'dod pa dang / mi sdug pa dang / yid du mi 'ong bar 'grub par 'gyur te/ de ltar na sems can dmyal ba chen po de dag kyang rab tu 'phel bar 'gyur/byol song gi skye gnas dang / gshin rje'i 'jig rten dang / yi dwags kyi yul yang rab tu 'phel bar 'gyur te/ bdud kyi gnas kyang shin tu 'phel bar 'gyur bas/ kun dga' bo don gyi dbang de mthong bas bdud sdig to can dga' ba dang / spro ba dang / tshim pa dang /yid bde ba skye bar 'gyur ro/ /kun dga' bo gzhan yang gal te gang zag byang chub sems dpa'i theg pa pa gang zag nyan thos kyi theg pa pa dang rtsod cing nga ni mchog tu gyur pa yin gyi/ khyod ni ma yin no zhes zer na/ de la bdud sdig can 'di snyam du sems te/kye rigs kyi bu 'di ni rnam pa thams cad mkhyen pa nyid ring du byed pa ste/ 'di ni rnam pa thams cad mkhyen pa nyid dang nye bar gyur pa ma yin no/ /de ci'i phyir zhe na/ 'thab mo dang / 'khrug pa dang / rtsod pa dang / mtshang 'bru ba 'di dag ni rnam pa thams cad mkhyen pa nyid kyi lam ma yin te//de ni sems can dmyal ba pa'i lam mo/ /de ni byol song gi skye gnas kyi lam mo/ /de ni gshin rje'i 'jig rten gyi lam mo/ /de ni rnam pa thams cad mkhyen pa nyid kyi lam ma yin no snyam du sems par 'gyur ro/ /kun dga' bo gzhan yang gang zag byang chub sems dpa'i theg pa pa dang /gang zag byang chub sems dpa'i theg pa can gzhan du 'thab cing rtsod la 'khrug cing mtshang 'bru na de la bdud sdig can 'di snyam du sems te/ 'di gnyis ka yang rnam pa thams cad mkhyen pa nyid ring du byed pa'o/ /'di gnyis ka yang bla na med pa yang dag par rdzogs pa'i byang chub tu mngon par rdzogs par 'tshang mi rgya'o//de ci'i phyir zhe na/ rigs kyi bu 'di gnyis kyis gang brtsams pa de ni thams cad mkhyen pa nyid kyi lam ma yin/ rigs kyi bu 'di gnyis kyis ni sems can dmyal ba dang / byol song gi skye gnas dang /gshin rje'i 'jig rten gyi lam brtsams so zhes nas dga' zhing spro ba dang / tshim zhing yid bde ba skye bar 'gyur ro/ /kun dga' bo gzhan yang gal te byang chub sems dpa' lung ma bstan pa byang chub sems dpa' lung bstan pa la gnod par sems shing 'thab cing rtsod la 'khrug cing mtshang 'bru na/gal te des rnam pa thams cad mkhyen pa nyid yongs su mi gtong zhe na/ ci tsam du sdig pa'i sems bskyed pa skyes pa dang / 'thab cing rtsod pa dang 'khrug cing mtshang 'bru bar gyur pa de srid du bskal par go cha bgo bar bya'o/ /kun dga' bos gsol pa/bcom ldan 'das de dag gis sems bskyed pa de dag la 'byung ba gzhan mchis sam/ 'on te ma lags kyis bskal pa de snyed kho nar go cha bgo 'tshal/ bcom ldan 'das kyis bka' stsal pa/ kun dga' bo gang zag nyan thos kyi theg pa pa rnams dang /rang sangs rgyas kyi theg pa pa rnams dang / byang chub sems dpa'i theg pa pa rnams la ngas 'byung ba dang bcas pa'i chos bstan te/ kun dga' bo de la gang zag de byang chub sems dpa'i theg pa pa'i gang zag dang 'thab cing rtsod la/ gshe ba'i mi snyan pa brjod pa dang / 'thab cing rtsod de gshe ba dang / mi snyan pa brjod pa byas nas/ phyir mi 'chags par mdud par 'dzin zhing 'khon du bzung ste gnas na/ kun dga' bo de la gang zag de ni 'byung bar nga mi smra ste/ gang zag des gal te rnam pa thams cad mkhyen pa nyid yongs su mi gtong zhe na/gdon mi za bar bskal pa de snyed du go cha bgo bar bya'o/ /kun dga' bo byang chub sems dpa' sems dpa' chen po gang 'thab cing rtsod de/ gshe ba dang mi snyan par brjod par gyur na yang mdud par mi 'dzin la/ phyin chad sdom pa 'dzin zhing bdag gis ni thob par bya ba nyes par thob ste/bdag gis sems can thams cad kyi sdug bsngal bsal dgos na de ltar bdag smras pa la phyir smra ba dang / bdag gis sems can thams cad kyi zam par gyur par bya dgos na/ de ltar bdag gzhan la mi snyan par smra zhing phyir bzlog pa ni mi tshul gyis bdag gis de ltar mi bya'i/bdag gis glan pa dang lkugs pa bzhin du bya'o/ /bdag gis bsam pa la 'khrug pa med par bya'o/ /sems can 'di dag ni bdag gis bla na med pa yang dag par rdzogs pa'i byang chub tu mngon par rdzogs par sangs rgyas te/ yongs su mya ngan las 'da' bar bya dgos na/de dag nyid la bdag ngan sems su byed pa dang / de dag nyid la bdag 'khrug pa ni tshul ma yin gyis/ bdag gis de dag la gnod sems su mi bya'o/ /bdag gis de dag la 'khrug par mi bya'o snyam na/ kun dga' bo byang chub sems dpa' sems dpa' chen po de ni 'byung ba yod par ngas bshad de/de la bdud sdig can glags lta zhing glags tshol bas kyang glags mi rnyed do/ /kun dga' bo gzhan yang byang chub sems dpa' sems dpa' chen pos gang zag nyan thos kyi theg pa pa dag dang 'grogs par mi bya'o//de dag dang lhan cig tu gnas par mi bya'o/ /'dug par mi bya'o/ /gal te 'dug na yang des su la gnod sems su mi bya/ 'khrug par mi bya'o/ /de ci'i phyir zhe na/ gang bdag gis 'di dag la gnod sems su bya ba dang / 'khrug par bya ba de ni bdag la mi tshul lo//de ci'i phyir zhe na/ 'di ltar de dag ni bdag gis bla na med pa yang dag par rdzogs pa'i byang chub tu mngon par rdzogs par sangs rgyas te/ sdug bsngal thams cad las yongs su dgrol bar bya ba dag go snyam du bya'o zhes bya ba ni rnam par 'phel ba bdun pa yin no// // bam po lnga bcu bzhi pa/ kun dga' bos gsol pa/ bcom ldan 'das ji ltar byang chub sems dpa' sems dpa' chen pos gang zag byang chub sems dpa'i theg pa pa dag dang gnas par bgyi/ bcom ldan 'das kyis bka' stsal pa/ kun dga' bo 'di lta ste dper na/ ston pa dang ji ltar gnas pa de bzhin du byang chub sems dpa' sems dpa' chen pos gang zag byang chub sems dpa'i theg pa pa dang gnas par bya ste/de ci'i phyir zhe na/ 'di ni bdag gi grogs te gru gcig tu zhugs pa'o/ /'dis ji ltar bslab par bya ba de bzhin du bdag gis kyang bslab par bya'o//'dis sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang /smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa dang /rnam pa thams cad mkhyen pa nyid kyi bar gang la bslab par bya ba de nyid la bdag gis kyang bslab par bya'o snyam du sems bskyed do/ /des gzhan yang sems 'di ltar bskyed par bya ste/ 'di ni yang dag par rdzogs pa'i byang chub kyi lam ston pa ste/ gal te des 'dres par spyod cing rnam pa thams cad mkhyen pa nyid dang ldan pa'i yid la bya ba dang bral bar gyur na/de la bdag gis bslab par mi bya'i/ gal te byang chub sems dpa' sems dpa' chen po 'di rnam pa thams cad mkhyen pa nyid dang ldan pa'i yid la bya ba dang ma bral bar gnas na/ bdag gis kyang de ltar bslab par bya'o snyam du sems bskyed de/de ltar slob pa'i byang chub sems dpa' sems dpa' chen po ni bslab pa nyams pa yin no/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen pos mnyam pa nyid gang la bslab par bgyi ba'i byang chub sems dpa' sems dpa' chen po rnams kyi mnyam pa nyid gang lags/bcom ldan 'das kyis bka' stsal pa/ rab 'byor nang stong pa nyid ni byang chub sems dpa' sems dpa' chen po rnams kyi mnyam pa nyid do//phyi stong pa nyid ni byang chub sems dpa' sems dpa' chen po rnams kyi mnyam pa nyid do/ /phyi nang stong pa nyid ni byang chub sems dpa' sems dpa' chen po rnams kyi mnyam pa nyid do/ /rab 'byor dngos po med pa'i ngo bo nyid stong pa nyid kyi bar ni byang chub sems dpa' sems dpa' chen po rnams kyi mnyam pa nyid do//gzugs ni gzugs kyis stong / tshor ba dang / 'du shes dang / 'du byed rnams dang / rnam par shes pa ni rnam par shes pas stong ngo / /skye mched dang / khams dang / rten cing 'brel par 'byung ba ni rten cing 'brel par 'byung bas stong /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams ni byang chub kyi phyogs kyi chos rnams kyis stong / 'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa ni mthar gyis gnas pa'i snyoms par 'jug pas stong / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo ni gzungs kyi sgos stong / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ni sangs rgyas kyi chos ma 'dres pas stong / rnam pa thams cad mkhyen pa nyid kyi bar ni rnam pa thams cad mkhyen pa nyid kyis stong ste/rab 'byor 'di ni byang chub sems dpa' sems dpa' chen po rnams kyi mnyam pa nyid de/ de la gnas shing byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni rnam par 'phel ba brgyad pa yin no// //gsol pa/ bcom ldan 'das ci lags/ byang chub sems dpa' sems dpa' chen po gzugs bas par bgyi ba'i slad du slob na rnam pa thams cad mkhyen pa nyid la slob pa lags sam/ gzugs 'dod chags dang bral bar bgyi ba'i slad du slob na rnam pa thams cad mkhyen pa nyid du slob pa lags sam/gzugs 'gag par bgyi ba'i slad du slob na rnam pa thams cad mkhyen pa nyid du slob pa lags sam/ gzugs mi skye bar bgyi ba'i slad du slob na rnam pa thams cad mkhyen pa nyid la slob pa lags sam/ tshor ba dang / 'du shes dang / 'du byed rnams dang / rnam par shes pas bas par bgyi ba'i slad du slob na rnam pa thams cad mkhyen pa nyid du slob pa lags sam/ rnam par shes pa 'dod chags dang bral bar bgyi ba'i slad du slob na rnam pa thams cad mkhyen pa nyid la slob pa lags sam/ rnam par shes pa 'gag par bgyi ba'i slad du slob na rnam pa thams cad mkhyen pa nyid du slob pa lags sam/rnam par shes pa mi skye bar bgyi ba'i slad du slob na rnam pa thams cad mkhyen pa nyid du slob pa lags sam/ skye mched dang / khams dang / rten cing 'brel par 'byung ba bas par bgyi ba'i slad du slob na rnam pa thams cad mkhyen pa nyid du slob pa lags sam/'dod chags dang bral bar bgyi ba dang / 'gag par bgyi ba dang / mi skye bar bgyi ba'i slad du slob na rnam pa thams cad mkhyen pa nyid du slob pa lags sam/ pha rol tu phyin pa thams cad dang / stong pa nyid thams cad dang /byang chub kyi phyogs kyi chos sum cu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad bas par bgyi ba dang /'dod chags dang bral bar bgyi ba dang / 'gag par bgyi ba dang / mi skye bar bgyi ba'i slad du slob na rnam pa thams cad mkhyen pa nyid du slob pa lags sam/ rnam pa thams cad mkhyen pa nyid kyi bar du bas par bgyi ba dang /'dod chags dang bral bar bgyi ba dang / 'gag par bgyi ba dang / mi skye bar bgyi ba'i slad du slob na rnam pa thams cad mkhyen pa nyid du slob pa lags sam/ bcom ldan 'das kyis bka' stsal pa/ rab 'byor de ni ma yin no/ /gnas brtan rab 'byor gyis gang 'di skad du gzugs zad par bya ba'i phyir slob na rnam pa thams cad mkhyen pa nyid du slob pa yin nam/gzugs 'dod chags dang bral bar bya ba'i phyir slob na rnam pa thams cad mkhyen pa nyid du slob pa yin nam/ gzugs 'gag par bya ba'i phyir slob na rnam pa thams cad mkhyen pa nyid du slob pa yin nam/gzugs mi skye bar bya ba'i phyir slob na rnam pa thams cad mkhyen pa nyid la slob pa yin nam/ tshor ba dang / 'du shes dang / 'du byed rnams dang / rnam par shes pa zad par bya ba'i phyir slob na rnam pa thams cad mkhyen pa nyid du slob pa yin nam/rnam par shes pa 'dod chags dang bral bar bya ba'i phyir slob na rnam pa thams cad mkhyen pa nyid du slob pa yin nam/ rnam par shes pa 'gag par bya ba'i phyir slob na rnam pa thams cad mkhyen pa nyid du slob pa yin nam/ rnam par shes pa mi skye bar bya ba'i phyir slob na rnam pa thams cad mkhyen pa nyid du slob pa yin nam/ skye mched dang / khams dang / rten cing 'brel par 'byung ba zad par bya ba dang / 'dod chags dang bral bar bya ba dang / 'gag par bya ba dang / mi skye bar bya ba'i phyir slob na rnam pa thams cad mkhyen pa nyid du slob pa yin nam/pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad zad par bya ba dang / 'dod chags dang bral bar bya ba dang / 'gag par bya ba dang / mi skye bar bya ba'i phyir slob na rnam pa thams cad mkhyen pa nyid du slob pa yin nam/ rnam pa thams cad mkhyen pa nyid kyi bar du zad par bya ba dang /'dod chags dang bral bar bya ba dang / 'gag par bya ba dang / mi skye bar bya ba'i phyir slob na rnam pa thams cad mkhyen pa nyid du slob pa yin nam zhes smras pa de ni ma yin no/ /rab 'byor de ji snyam du sems/ gzugs kyi de bzhin nyid gang yin pa dang /tshor ba dang / 'du shes dang / 'du byed rnams dang / rnam par shes pa'i de bzhin nyid gang yin pa dang / skye mched dang / khams dang / rten cing 'brel par 'byung ba'i de bzhin nyid gang yin pa dang / pha rol tu phyin pa rnams kyi de bzhin nyid gang yin pa dang /stong pa nyid thams cad kyi de bzhin nyid gang yin pa dang / byang chub kyi phyogs kyi chos sum cu rtsa bdun gyi de bzhin nyid gang yin pa dang / 'phags pa'i bden pa'i de bzhin nyid gang yin pa dang / bsam gtan dang / tshad med pa dang / gzugs med pa'i snyoms par 'jug pa rnams kyi de bzhin nyid gang yin pa dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa'i de bzhin nyid gang yin pa dang / mngon par shes pa dang / ting nge 'dzin dang /gzungs kyi sgo'i de bzhin nyid gang yin pa dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi de bzhin nyid gang yin pa dang / rgyun du zhugs pa dang / lan cig phyir 'ong ba dang /phyir mi 'ong ba dang / dgra bcom pa dang / rang sangs rgyas dang / de bzhin gshegs pa la gang gis de bzhin gshegs pas zhes brjod pa'i de bzhin nyid de dang / rnam pa thams cad mkhyen pa nyid kyi bar gyi de bzhin nyid gang yin pa de zad pa'am/ spang ba'am/ skye ba'am/ 'gag par 'gyur ram/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de ltar slob pa'i byang chub sems dpa' sems dpa' chen po ni de bzhin nyid la slob ste/rnam pa thams cad mkhyen pa nyid la slob pa yin/ de bzhin nyid ni zad pa'am/ spang ba'am/ skye ba'am/ 'gag par 'gyur ba med de/ rab 'byor de ltar slob pa'i byang chub sems dpa' sems dpa' chen po de ni de bzhin nyid la slob pa ste/ rnam pa thams cad mkhyen pa nyid la slob pa yin/rab 'byor de ltar slob pa'i byang chub sems dpa' sems dpa' chen po ni pha rol tu phyin pa drug la slob pa yin/ stong pa nyid thams cad la slob pa yin/ dran pa nye bar gzhag pa rnams la slob pa yin/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la slob pa yin/ 'phags pa'i bden pa rnams la slob pa yin/ bsam gtan dang / tshad med pa dang / gzugs med pa'i snyoms par 'jug pa rnams la slob pa yin/rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa la slob pa yin/ mngon par shes pa dang / ting nge 'dzin dang / gzungs kyi sgo la slob pa yin/de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la slob pa yin/ rnam pa thams cad mkhyen pa nyid kyi bar la slob pa yin/ rab 'byor de ltar slob pa'i byang chub sems dpa' sems dpa' chen po ni bslab pa thams cad kyi pha rol tu phyin pa thob par 'gyur ba yin/rab 'byor de ltar slob pa'i byang chub sems dpa' sems dpa' chen po ni bdud dam/ bdud kyi ris kyi lha rnams kyis pham par mi nus pa yin/ rab 'byor de ltar slob pa'i byang chub sems dpa' sems dpa' chen po ni myur du phyir mi ldog pa'i sa thob pa yin/rab 'byor de ltar slob pa'i byang chub sems dpa' sems dpa' chen po ni bdag gi pa de bzhin gshegs pa'i spyod yul la spyod pa yin/ rab 'byor de ltar slob pa'i byang chub sems dpa' sems dpa' chen po ni mgon du 'gyur ba'i chos rnams la slob pa yin/rab 'byor de ltar slob pa'i byang chub sems dpa' sems dpa' chen po ni byams pa chen po dang / snying rje chen po la slob pa yin/ rab 'byor de ltar slob pa'i byang chub sems dpa' sems dpa' chen po ni sangs rgyas kyi zhing yongs su dag par bya ba'i phyir slob pa yin/rab 'byor de ltar slob pa'i byang chub sems dpa' sems dpa' chen po ni sems can yongs su smin par bya ba'i phyir slob pa yin/ rab 'byor de ltar slob pa'i byang chub sems dpa' sems dpa' chen po ni rnam pa bcu gnyis lan gsum du bskor ba'i chos kyi 'khor lo bskor bar bya ba'i phyir slob pa yin/rab 'byor de ltar slob pa'i byang chub sems dpa' sems dpa' chen po ni de bzhin gshegs pa'i rigs rgyun mi gcad pa'i phyir slob pa yin/ rab 'byor de ltar slob pa'i byang chub sems dpa' sems dpa' chen po ni 'chi ba med pa'i sgo dbye bar bya'o zhes slob pa yin/rab 'byor de ltar slob pa'i byang chub sems dpa' sems dpa' chen po ni 'dus ma byas kyi khams bstan par bya'o zhes slob pa yin te/ rab 'byor sems can dman pas ni bslab pa rgya chen po 'di dag la bslab par mi nus so//byang chub sems dpa' sems dpa' chen po gang bslab pa 'di la slob pa de ni sems can thams cad 'khor ba las gdon par 'dod pa ste/ rab 'byor de ltar slob pa'i byang chub sems dpa' sems dpa' chen po ni sems can dmyal bar mi skye/ byol song gi skye gnas dang / gshin rje'i 'jig rten du mi skye'o/ /yul mtha' 'khob tu mi skye'o/ /gdol pa'i rigs su mi skye'o/ /dma' ba dang dman pa'i spyod pa dang / btsog pa'i rigs rnams su mi skye'o/ /zhar bar mi 'gyur ro/ /sgur por mi 'gyur ro/ /zha bor mi 'gyur ro/ / yan lag skyon can du mi 'gyur ro/ /'on par mi 'gyur ro/ /lag pa med par mi 'gyur ro/ /dbang po dang mi ldan par mi 'gyur te / dbang po yongs su tshang zhing dbang po ma tshang bar mi 'gyur ro/ /srog gcod par mi 'gyur ro / /ma byin par len pa dang 'dod pas log par g.yem par mi 'gyur ro //brdzun du smra ba dang / phra ma can dang / tshig rtsub po smra ba dang / tshig kyal pa can dang / brnab sems can dang / gnod sems can dang / log par lta bar mi 'gyur ro/ /'tsho ba log pas 'tsho bar mi 'gyur ro//yang dag pa ma yin pa yongs su 'dzin par mi 'gyur ro/ /tshul khrims ngan pa can du mi 'gyur ro/ /tshul khrims ngan pa yongs su 'dzin par mi 'gyur ro/ /rab 'byor de ltar slob pa'i byang chub sems dpa' sems dpa' chen po ni lha tshe ring po'i nang du mi skye'o//de ci'i phyir zhe na/ thabs mkhas pa de dag dang / gang gis byang chub sems dpa' sems dpa' chen po lha tshe ring por mi skye ba'i thabs mkhas pa de lta bu de la yod de/ de yang gang zhe na/ 'di lta ste/ shes rab kyi pha rol tu phyin pa 'di nyid las thabs mkhas pa bstan pa ste/thabs mkhas pa de dag dang ldan pa'i byang chub sems dpa' sems dpa' chen po ni bsam gtan rnams la yang snyoms par 'jug /tshad med pa rnams la yang snyoms par 'jug /gzugs med pa'i snyoms par 'jug pa rnams la yang snyoms par 'jug ste/bsam gtan dang / tshad med pa dang / gzugs med pa'i snyoms par 'jug pa rnams kyi dbang gis kyang mi skye'o/ /rab 'byor de ltar slob pa'i byang chub sems dpa' sems dpa' chen po ni 'di lta ste/nyan thos dang / rang sangs rgyas kyi yid la bya ba'i dri ma yongs su dag pas sangs rgyas kyi chos thams cad kyi stobs yongs su dag pa thob par 'gyur ro/ /gsol pa/ bcom ldan 'das chos thams cad rang bzhin gyis yongs su dag pa lags na/ byang chub sems dpa' sems dpa' chen po chos gang gi yongs su dag pa thob par 'gyur ba lags/ bcom ldan 'das kyis bka' stsal pa/ rab 'byor de de bzhin no / /de de bzhin te/ ji skad smras pa de bzhin no/ /rab 'byor chos thams cad ni rang bzhin gyis yongs su dag pa ste/rab 'byor de ltar chos thams cad yongs su dag pa la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems zhum pa med cing 'gong ba med pa de ni rab 'byor shes rab kyi pha rol tu phyin pa ste/ byis pa so so'i skye bo thams cad kyis ni chos nyid de mi shes mi mthong bas sems can de dag gi don du byang chub sems dpa' sems dpa' chen po sbyin pa'i pha rol tu phyin pa la spyod/tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la spyod/ nang stong pa nyid la spyod/ dngos po med pa'i ngo bo nyid stong pa nyid kyi bar la spyod/ dran pa nye bar gzhag pa rnams la spyod/ yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams la spyod/ rnam par thar pa brgyad la spyod/ mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa la spyod/ mngon par shes pa dang / ting nge 'dzin dang / gzungs kyi sgo rnams la spyod/ de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod/ rnam pa thams cad mkhyen pa nyid kyi bar la spyod de/ rab 'byor de ltar spyod pa'i byang chub sems dpa' sems dpa' chen po ni chos thams cad kyi stobs dang /mi 'jigs pa nyid rab tu thob par 'gyur te/ nyan thos dang / rang sangs rgyas kyi sar mi ltung ngo / /rab 'byor de ltar slob pa'i byang chub sems dpa' sems dpa' chen po ni sems can thams cad kyi sems dang spyod pa dang / g.yo ba rnams kyi pha rol tu phyin par 'gyur ro zhes bya ba ni rnam par 'phel ba dgu pa yin no// //rab 'byor 'di lta ste dper na/ sa chen po'i phyogs gang na 'dzam bu'i chu klung gi gser gyi sa le sbram 'byung ba de lta bu ni nyung ngo / /rab 'byor de bzhin du 'di lta ste/ shes rab kyi pha rol tu phyin pa'i bslab pa 'di la slob pa'i sems can de lta bu yang nyung ste/sems can gang nyan thos kyi sa'am/ rang sangs rgyas kyi sa la gnas par 'gyur ba de lta bu ni de bas ches mang ngo zhes bya ba ni rnam par 'phel ba bcu pa yin no// //rab 'byor 'di lta ste dper na/ sems can gang 'khor los sgyur ba'i rgyal por 'gyur ba'i las yang dag par blangs te gnas pa de lta bu ni nyung ste/sems can gang khams kyi rgyal phran du 'gyur ba'i las yang dag par blangs shing gnas pa de lta bu ni ches mang ngo / /rab 'byor de bzhin du sems can gang rnam pa thams cad mkhyen pa'i lam 'dir 'jug pa de lta bu yang nyung ste/sems can gang nyan thos kyi sa'am/ rang sangs rgyas kyi sa la gnas par 'gyur ba de lta bu ni de bas ches mang ngo / /rab 'byor gang yang byang chub sems dpa' sems dpa' chen po bla na med pa yang dag par rdzogs pa'i byang chub tu yang dag par zhugs pa de dag pas ni byang chub sems dpa' sems dpa' chen po gang de bzhin nyid du nan tan byed pa de lta bu ni ches nyung ngo //de bas kyang sems can gang nyan thos sam/ rang sangs rgyas su gnas par 'gyur ba de lta bu ni ches mang ngo / /rab 'byor gang yang byang chub sems dpa'i theg pa pa'i rigs kyi bu'am rigs kyi bu mo shes rab kyi pha rol tu phyin pa zab mo 'di la spyod cing the tshom med par phyir mi ldog pa'i sa gnon pa de dag pas ni gang phyir mi ldog pa'i sa gnon par 'gyur ba de lta bu ches mang ngo //rab 'byor de bas na byang chub sems dpa' sems dpa' chen po phyir mi ldog pa'i sa thob par 'dod pa dang /phyir mi ldog pa'i sar chud par 'dod pas shes rab kyi pha rol tu phyin pa zab mo 'di nyid la bslab par bya'o zhes bya ba ni rnam par 'phel ba bcu gcig pa yin no// //rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ser sna dang ldan pa'i sems mi skye'o/ /tshul khrims ngan pa dang ldan pa'i sems mi skye'o/ /'khrugs pa dang ldan pa'i sems mi skye'o/ /le lo dang ldan pa'i sems mi skye'o/ /g.yeng ba dang ldan pa'i sems mi skye'o/ /shes rab 'chal pa dang ldan pa'i sems mi skye'o//'dod chags dang ldan pa'i sems mi skye'o/ /zhe sdang dang ldan pa'i sems mi skye'o/ /gti mug dang ldan pa'i sems mi skye'o/ /tha ba dang ldan pa'i sems mi skye'o zhes bya ba ni rnam par 'phel ba bcu gnyis pa yin no// //gzugs dang ldan pa'i sems mi skye'o//tshor ba dang / 'du shes dang / 'du byed rnams dang / rnam par shes pa dang ldan pa'i sems mi skye'o/ /skye mched dang / khams dang / rten cing 'brel par 'byung ba dang ldan pa'i sems mi skye'o/ /pha rol tu phyin pa rnams dang / stong pa nyid thams cad dang /byang chub kyi phyogs kyi chos sum cu rtsa bdun dang ldan pa'i sems mi skye'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang ldan pa'i sems mi skye'o/ /de bzhin gshegs pa'i stobs dang / mi 'jigs pa dang / so so yang dag par rig pa dang /sangs rgyas kyi chos ma 'dres pa dang ldan pa'i sems mi skye'o/ /rnam pa thams cad mkhyen pa nyid kyi bar dang ldan pa'i sems mi skye'o/ /de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe chos gang yang dmigs su med de/ma dmigs pas chos gang la yang sems bskyed pa med do/ /rab 'byor de ltar shes rab kyi pha rol tu phyin pa zab mo 'di la slob pa'i byang chub sems dpa' sems dpa' chen pos pha rol tu phyin pa thams cad yongs su zin par 'gyur ro/ /pha rol tu phyin pa thams cad 'dus par 'gyur ro//pha rol tu phyin pa thams cad dang mthun par spyod par 'gyur ro/ /de ci'i phyir zhe na/ rab 'byor de ni 'di ltar shes rab kyi pha rol tu phyin pa zab mo 'dir pha rol tu phyin pa thams cad 'dus so zhes bya ba ni rnam par 'phel ba bcu gsum pa yin no// //rab 'byor 'di lta ste dper na/ 'jig tshogs su lta bar lta ba'i rnam pa drug cu rtsa gnyis po thams cad kyang 'dus pa yin te/ rab 'byor de bzhin du shes rab kyi pha rol tu phyin pa zab mo 'dir pha rol tu phyin pa thams cad 'dus so/ /rab 'byor 'di lta ste dper na/skyes bu dus byas par gyur pa'i 'tsho ba'i dbang po 'gags pas dbang po thams cad 'gag par 'gyur ro/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa zab mo 'di la spyod pas pha rol tu phyin pa thams cad 'dus pa yin no / / rab 'byor de bas na byang chub sems dpa' sems dpa' chen po pha rol tu phyin pa thams cad kyi pha rol tu 'gro bar 'dod pas shes rab kyi pha rol tu phyin pa zab mo 'di la bslab par bya'o zhes bya ba ni rnam par 'phel ba bcu bzhi pa yin no// //rab 'byor shes rab kyi pha rol tu phyin pa zab mo 'di la slob pa'i byang chub sems dpa' sems dpa' chen po ni sems can thams cad kyi mchog tu 'gyur ba la slob pa yin no//rab 'byor de ji snyam du sems/ stong gsum gyi stong chen po'i 'jig rten gyi khams na sems can gang ji snyed cig 'khod pa de dag ci mang ba yin nam/ gsol pa/bcom ldan 'das mang ngo / /bde bar gshegs pa mang ngo / /bcom ldan 'das 'dzam bu'i gling gi sems can rnams kyang mang ba lags na/ stong gsum gyi stong chen po'i 'jig rten gyi khams kyi sems can rnams lta smos kyang ci 'tshal/ bcom ldan 'das kyis bka' stsal pa/rab 'byor stong gsum gyi stong chen po'i 'jig rten gyi khams kyi sems can gang ji snyed pa de dag thams cad snga phyi med par mi'i lus thob par gyur te/ bla na med pa yang dag par rdzogs pa'i byang chub tu mngon par rdzogs par sangs rgyas la/ de bzhin gshegs pa de dag thams cad re re la yang sku tshe'i mthar phyin gyi bar du byang chub sems dpa' sems dpa' chen pos rgyun ma chad par na bza' dang /bsod snyoms dang / gzims cha dang /[ (]snyan [,]snyun [)]gyi rkyen sman dang / yo byad mang pos bsnyen bkur byas na/ rab 'byor de ji snyam du sems/byang chub sems dpa' sems dpa' chen po de de'i rgyus bsod nams mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu'am/ rigs kyi bu mo gang shes rab kyi pha rol tu phyin pa zab mo 'di 'dzin cing 'chang ba dang / klog cing kun chub par byed pa dang / tshul bzhin du yid la byed cing / de bzhin nyid du nan tan byed na/ de'i bsod nams ches mang du 'phel lo/ /de ci'i phyir zhe na/ rab 'byor byang chub sems dpa' sems dpa' chen po rnams kyi shes rab kyi pha rol tu phyin pa ni de ltar don chen por 'gyur ba ste/bla na med pa yang dag par rdzogs pa'i byang chub sgrub pa'o/ /rab 'byor de bas na byang chub sems dpa' sems dpa' chen po sems can thams cad kyi bla na med par 'gyur bar 'dod pa dang /sems can mgon med pa rnams kyi mgon du 'gyur bar 'dod pa dang / skyabs med pa rnams kyi skyabs su 'gyur bar 'dod pa dang / dpung gnyen med pa rnams kyi dpung gnyen du 'gyur bar 'dod pa dang / skyob med pa rnams kyi skyob par 'gyur bar 'dod pa dang /gnas med pa rnams kyi gnas su 'gyur bar 'dod pa dang / gling med pa rnams kyi gling du 'gyur bar 'dod pa dang / mun par gnas pa rnams kyi sgron mer 'gyur bar 'dod pa dang / sangs rgyas su 'gyur bar 'thob par 'dod pa dang / sangs rgyas kyi yul khong du chud par 'dod pa dang /sangs rgyas kyi rnam par rol pas rnam par rtse bar 'dod pa dang / sangs rgyas kyi seng ge'i sgra'i nga ro bsgrags par 'dod pa dang / sangs rgyas kyi rnga brdung bar 'dod pa dang / sangs rgyas kyi dung 'bud par 'dod pa dang / sangs rgyas kyi gtam bya bar 'dod pas shes rab kyi pha rol tu phyin pa zab mo 'di la bslab par bya'o//rab 'byor shes rab kyi pha rol tu phyin pa zab mo 'di la slob pa'i byang chub sems dpa' sems dpa' chen pos ni phun sum tshogs pa gang thob par bya ba de dag las mi thob pa gang yang med do//rab 'byor gyis gsol pa/ bcom ldan 'das nyan thos kyi phun sum tshogs pa yang des thob par bgyi ba lags sam/ rang sangs rgyas kyi phun sum tshogs pa yang des thob par bgyi ba lags sam/ bcom ldan 'das kyis bka' stsal pa/ rab 'byor nyan thos kyi phun sum tshogs pa yang des thob par bya la/ rang sangs rgyas kyi phun sum tshogs pa yang des thob par bya ba des/ de la gnas par mi bya/ 'dug par mi bya/ shes pa dang mthong bas de dag bltas nas 'da' bar bya ste/ byang chub sems dpa'i skyon med par 'jug par bya'o//rab 'byor de ltar slob pa'i byang chub sems dpa' sems dpa' chen po ni rnam pa thams cad mkhyen pa nyid dang nye bar gyur pa yin te/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor de ltar slob pa'i byang chub sems dpa' sems dpa' chen po ni lha dang mi dang lha ma yin du bcas pa'i 'jig rten na sbyin pa'i gnas su gyur pa yin te/rab 'byor de ltar slob pa'i byang chub sems dpa' sems dpa' chen po ni de ma yin pa'i sbyin pa'i gnas nyan thos dang / rang sangs rgyas gang ji snyed pa de dag thams cad zil gyis mnan zhing 'gro bar 'gyur ba yin/rnam pa thams cad mkhyen pa nyid dang yang nye bar gyur pa yin te / rab 'byor de ltar slob pa'i byang chub sems dpa' sems dpa' chen po ni shes rab kyi pha rol tu phyin pa mi gtong zhing shes rab kyi pha rol tu phyin pa la spyod pa ste/shes rab kyi pha rol tu phyin pa dang ma bral ba'o/ /rab 'byor de ltar shes rab kyi pha rol tu phyin pa zab mo 'di la spyod pa'i byang chub sems dpa' sems dpa' chen po ni rnam pa thams cad mkhyen pa nyid las yongs su mi nyams pa'i chos can du rig par bya ste/ nyan thos kyi sa dang /rang sangs rgyas kyi sa ring du byed cing / bla na med pa yang dag par rdzogs pa'i byang chub dang nye bar gyur pa yin no zhes bya ba ni rnam par 'phel ba bco lnga pa yin no// //gal te yang 'di snyam du 'di ni shes rab kyi pha rol tu phyin pa'o/ /shes rab kyi pha rol tu phyin pa ni 'di na'o//shes rab kyi pha rol tu phyin pa 'dis rnam pa thams cad mkhyen pa nyid bsgrub par bya'o snyam ste/ gal te de ltar shes na shes rab kyi pha rol tu phyin pa la mi spyod do/ /gal te 'di ni shes rab kyi pha rol tu phyin pa'o/ /shes rab kyi pha rol tu phyin pa ni 'di na yod do zhes bya bar shes pa med de /gang gi shes rab kyi pha rol tu phyin par 'gyur ba dang / gang gis shes rab kyi pha rol tu phyin par 'gyur ba dang / gang shes rab kyi pha rol tu phyin pas byung ste/ bla na med pa yang dag par rdzogs pa'i byang chub tu mngon par rdzogs par 'tshang rgya ba de lta bu yang mi shes mi mthong zhing /de 'di snyam ste/ chos kyi dbyings dang / chos nyid dang / yang dag pa'i mtha' gnas pa'i phyir 'di ni shes rab kyi pha rol tu phyin pa yang ma yin/ shes rab kyi pha rol tu phyin pa ni 'di na yod pa yang ma yin/ shes rab kyi pha rol tu phyin pa 'dis ni chos gang yang 'byung bar 'gyur ba yang med do zhes rab 'byor de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa yin no zhes bya ba ni rnam par 'phel ba bcu drug pa yin te/'di dag ni rnam par 'phel ba bstan pa yin no// //de nas lha'i dbang po brgya byin 'di snyam du 'di la byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa rnams dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la yang spyod bzhin du sems can thams cad zil gyis gnon na bla na med pa yang dag par rdzogs pa'i byang chub tu mngon par rdzogs par sangs rgyas par gyur na lta ci smos/sems can gang gi sems rnam pa thams cad mkhyen pa nyid du 'jug pa de dag kyang thob pa legs par thob cing de dag gi 'tsho ba legs par 'tsho ba yin na/gang gis bla na med pa yang dag par rdzogs pa'i byang chub tu sems bskyed pa dag lta ci smos/ sems can gang gis yang dag par rdzogs pa'i byang chub tu sems bskyed de/ shes rab kyi pha rol tu phyin pa 'di nyan pa de dag ni kun gyi yid du 'ong bar bya ba yin no snyam du sems par gyur to//de nas lha'i dbang po brgya byin gyis me tog man da ra ba mang po blangs te/ bcom ldan 'das ga la ba der song nas me tog man da ra ba de dag gis de bzhin gshegs pa dgra bcom pa yang dag par rdzogs pa'i sangs rgyas la gtor to/ /mngon par gtor to//rab tu gtor to/ /de ltar mngon par gtor rab tu gtor nas tshig 'di skad brjod do/ /dge ba'i rtsa ba 'dis gang zag byang chub sems dpa'i theg pa pa gang gis bla na med pa yang dag par rdzogs pa'i byang chub tu dmigs pa de dag gis sangs rgyas kyi chos rnams yongs su rdzogs par gyur cig /rnam pa thams cad mkhyen pa nyid kyi chos rnams yongs su rdzogs par gyur cig /rang byung gi chos rnams yongs su rdzogs par gyur cig /zag pa med pa'i chos rnams yongs su rdzogs par gyur cig ces bya ba ni kun mkhyen nyid gsum gyi chos rnams bla na med pa yang dag par yongs su rdzogs pa yin no// //bcom ldan 'das bdag ni gang zag byang chub sems dpa'i theg pa pa bla na med pa yang dag par rdzogs pa'i byang chub tu yang dag par zhugs pas / slar ldog par 'gyur ba sems 'ga' tsam yang skye ba ma mchis so/ / bcom ldan 'das bdag ni byang chub sems dpa' sems dpa' chen po slar log ste/ nyan thos sam/ rang sangs rgyas su 'gyur bar sems 'ga' tsam yang skye ba ma mchis kyi/ bla na med pa yang dag par rdzogs pa'i byang chub tu mos pa bskyed cing yang dang yang bla na med pa yang dag par rdzogs pa'i byang chub tu smon lam 'debs pa dang 'khor ba'i sdug bsngal mang po 'di dag mthong nas/lha dang mi dang lha ma yin du bcas pa'i 'jig rten gyi don du sman par mos/ bde bar mos zhing legs par bgyi bar mos te/ sems bskyed pa de lta bu dag dang ldan pa'i byang chub sems dpa' sems dpa' chen po ni 'di ltar rtog ste/ci bdag brgal nas sems can ma brgal ba sgrol bar 'gyur ram/ ci bdag grol nas sems can ma grol ba 'grol bar 'gyur ram/ bdag dbugs phyin nas sems can dbugs ma byung ba dbugs 'byin par 'gyur/ci bdag yongs su mya ngan las 'das nas sems can yongs su mya ngan las ma 'das pa yongs su mya ngan las zlo bar 'gyur ram zhes rtog ste zhes bya ba ni sems can gyi don yongs su mi gtong ba yin te/ nges par brten pa gsungs pa yin no// // bcom ldan 'das de ltar theg pa la gsar du zhugs pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid pa dang / yun ring po nas spyod spyod pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid pa dang /phyir mi ldog pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid pa dang / skye ba gcig gis thogs pa'i byang chub sems dpa' sems dpa' chen po rnams kyi sems bskyed pa de la rjes su yi rang bar bgyid na/rigs kyi bu'am rigs kyi bu mo de'i bsod nams ji tsam zhig tu 'phel bar 'gyur/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka gling chen po bzhi pa'i 'jig rten gyi khams ni srang la gzhal ba'i tshad kyis tshad gzung bar rung yang srid kyi /de dag gi rjes su yi rang ba dang ldan pa'i sems bskyed pa'i bsod nams la ni tshad med do/ /kau shi ka stong gi 'jig rten gyi khams dang / stong gnyis kyi 'jig rten gyi khams dang /stong gsum gyi stong chen po'i 'jig rten gyi khams ni srang la gzhal ba'i tshad kyis tshad gzung bar rung yang srid kyi/ de dag gi rjes su yi rang ba dang ldan pa'i sems bskyed pa'i bsod nams la ni tshad med do/ /kau shi ka stong gsum gyi stong chen po'i 'jig rten gyi khams kyi rgya mtsho chen po rnams la chu'i phung po chen po ji snyed yod pa de dag ni skra'i rtse mo brgyar gshegs pa'i cha gcig gis chu'i thigs pa blangs pa'i tshad kyis tshad gzung bar rung yang srid kyi/de dag gi rjes su yi rang ba dang ldan pa'i sems bskyed pa'i bsod nams la ni tshad med do/ / de skad ces bka' stsal pa dang / lha'i dbang po brgya byin gyis bcom ldan 'das la 'di skad ces gsol to/ /bcom ldan 'das gang sems bskyed pa de dag la rjes su yi rang bar mi bgyid pa'i sems can de dag ni bdud kyis byin gyis brlabs pa'o/ /bcom ldan 'das gang sems bskyed pa de dag la rjes su yi rang bar mi bgyid pa'i sems can de dag ni bdud kyi phyogs su gyur pa'o//bcom ldan 'das gang sems bskyed pa de dag la rjes su yi rang bar mi bgyid pa'i sems can de dag ni bdud kyi gnas nas shi 'phos pa'o/ /de ci'i slad du zhe na/ bcom ldan 'das gang gis sems bskyed pa 'di bsgrubs te/ bla na med pa yang dag par rdzogs pa'i byang chub tu yongs su bsngo ba'i sems can de dag ni bdud kyi gnas 'jig par bgyid pa ste/ gang bla na med pa yang dag par rdzogs pa'i byang chub tu sems bskyed pa'i sems bskyed pa de dag ni rjes su yi rang bar bgyid pa ste/gang gis sangs rgyas yongs su ma btang ba dang / chos yongs su ma btang ba dang / dge 'dun yongs su ma btang ba de dag gis sems bskyed pa de dag la rjes su yi rang bar bgyi'o/ /rjes su yi rang bar bgyis nas bla na med pa yang dag par rdzogs pa'i byang chub tu bsngo bar bgyi ste/ji ltar gnyis kyi 'du shes su mi 'gyur ba dang / gnyis su ma mchis pa'i 'du shes su yang mi 'gyur ba de ltar yongs su bsngo bar bgyi'o/ /bcom ldan 'das kyis bka' stsal pa/ kau shi ka de de bzhin no/ / de de bzhin te/ ji skad smras pa de bzhin no/ /kau shi ka gang sems bskyed pa 'di dag la rjes su yi rang bar byas pa de dag ni myur du de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur ba ste/ mnyes par byas nas kyang thugs byung bar mi 'gyur ro//de ltar rjes su yi rang ba dang ldan pa'i sems bskyed pa'i dge ba'i rtsa ba de dag dang ldan pa dag ni gang dang gang du skyes pa de dang de dag tu rim gror bya bar 'gyur ro/ /bkur stir bya bar 'gyur ro/ /bsti stang du bya bar 'gyur ro/ /mchod pa bya bar 'gyur ro//des nam yang gzugs yid du mi 'ong ba mthong bar mi 'gyur ro/ /nam yang sgra yid du mi 'ong ba thos par mi 'gyur ro/ /nam yang dri yid du mi 'ong ba tshor bar mi 'gyur ro/ /nam yang ro yid du mi 'ong ba myong bar mi 'gyur ro/ /nam yang reg yid du mi 'ong ba reg par mi 'gyur ro//nam yang chos yid du mi 'ong ba shes par mi 'gyur ro/ /nam yang sangs rgyas bcom ldan 'das rnams dang 'bral bar mi 'gyur te/ sangs rgyas kyi zhing nas sangs rgyas kyi zhing du 'gro zhing sangs rgyas bcom ldan 'das de dag la bsnyen bkur byed pa dang / dge ba'i rtsa ba bskyed par 'gyur ro/ /de ci'i phyir zhe na/ kau shi ka de ni 'di ltar rigs kyi bu dang / rigs kyi bu mo de dag gis byang chub sems dpa' sems dpa' chen po theg pa la gsar du zhugs pa gzhal du med grangs med tshad med pa rnams kyi dge ba'i rtsa ba la rjes su yi rang bar byas shing bla na med pa yang dag par rdzogs pa'i byang chub tu yongs su bsngos so//sa dang po la gnas pa rnams kyi dge ba'i rtsa ba dang / sa gnyis pa la gnas pa rnams kyi dge ba'i rtsa ba dang / sa gsum pa la gnas pa rnams kyi dge ba'i rtsa ba dang / sa bzhi pa la gnas pa rnams kyi dge ba'i rtsa ba dang /sa bcu pa la gnas pa rnams kyi dge ba'i rtsa ba dang / skye ba gcig gis thogs pa'i byang chub sems dpa' sems dpa' chen po rnams kyi dge ba'i rtsa ba de dag la rjes su yi rang zhing dge ba'i rtsa ba de dag gis rnam par 'phel bas bla na med pa yang dag par rdzogs pa'i byang chub dang nye bar gyur pa'i phyir ro//de dag ni bla na med pa yang dag par rdzogs pa'i byang chub dang nye bar gyur pa yin te/ de dag bla na med pa yang dag par rdzogs pa'i byang chub tu mngon par rdzogs par sangs rgyas nas sems can grangs med gzhal du med tshad med pa rnams yongs su mya ngan las zlo bar 'gyur ro//kau shi ka de ltar rnam grangs des na rigs kyi bu'am rigs kyi bu mo des byang chub sems dpa' sems dpa' chen po sems dang po bskyed pa rnams kyi dge ba'i rtsa ba de dag la rjes su yi rang nas/ bla na med pa yang dag par rdzogs pa'i byang chub tu bsngo bar bya ste/ji ltar sems gzhan la mi rgyu ba de ltar yongs su bsngo bar bya'o/ /spyod pa rnams dang / phyir mi ldog pa rnams dang / skye ba gcig gis thogs pa rnams kyi dge ba'i rtsa ba de dag la rjes su yi rang nas bla na med pa yang dag par rdzogs pa'i byang chub tu yongs su bsngo bar bya ste/ji ltar sems gzhan du mi rgyu ba de ltar yongs su bsngo bar bya'o zhes bya ba ni sems kun tu gnas pa'o// //phyir mi ldog pa rnams dang / skye ba gcig gis thogs pa de dag gi dge ba'i rtsa ba la rjes su yi rang ba nas bla na med pa yang dag par rdzogs pa'i byang chub tu yongs su bsngo bar bya ste/ji ltar gnyis kyi 'du shes su mi 'gyur ba dang / gnyis su med pa'i 'du shes su mi 'gyur ba de ltar yongs su bsngo bar bya'o zhes bya ba ni gzung ba'i rnam par rtog pa dang po 'jug pa'i phyogs la brten pa'o// //de nas tshe dang ldan pa shA ri'i bus tshe dang ldan pa rab 'byor la 'di skad ces smras so//tshe dang ldan pa rab 'byor ci shes rab kyi pha rol tu phyin pa 'ba' zhig rnam par mi rtog pa yin nam/ 'on te bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang rnam par mi rtog pa yin/ rab 'byor gyis smras pa/ tshe dang ldan pa shA ri'i bu shes rab kyi pha rol tu phyin pa ni rnam par mi rtog pa'o/ /bsam gtan gyi pha rol tu phyin pa yang rnam par mi rtog pa'o/ /brtson 'grus kyi pha rol tu phyin pa dang /bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang rnam par mi rtog pa'o/ /smras pa/ tshe dang ldan pa rab 'byor ci gzugs kyang rnam par mi rtog pa ma yin nam/ tshor ba dang / 'du shes dang /'du byed rnams dang / rnam par shes pa'ang rnam par mi rtog pa yin nam/ skye mched dang / khams dang / rten cing 'brel par 'byung ba'ang rnam par mi rtog pa yin nam/ pha rol tu phyin pa rnams kyang rnam par mi rtog pa yin nam/ stong pa nyid thams cad kyang rnam par mi rtog pa yin nam/byang chub kyi phyogs kyi chos sum cu rtsa bdun yang rnam par mi rtog pa yin nam/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang rnam par mi rtog pa yin nam/rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa yang rnam par mi rtog pa yin nam/ mngon par shes pa rnams dang / ting nge 'dzin rnams dang / gzungs kyi sgo rnams kyang rnam par mi rtog pa yin nam/de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams kyang rnam par mi rtog pa yin nam/rnam pa thams cad mkhyen pa nyid kyi bar yang rnam par mi rtog pa yin nam/ byang chub kyang rnam par mi rtog pa yin nam/ sangs rgyas kyang rnam par mi rtog pa yin nam/ 'dus byas kyi khams dang / 'dus ma byas kyi khams kyang rnam par mi rtog pa yin nam/rab 'byor gyis smras pa/ tshe dang ldan pa shA ri'i bu chos thams cad ni rnam par mi rtog pa'o/ /smras pa/ tshe dang ldan pa rab 'byor gal te de ltar chos thams cad rnam par mi rtog pa yin na/ sems can dmyal ba dang / byol song gi skye gnas dang /gshin rje'i 'jig rten dang / lha dang / mi'i 'gro ba lngar 'khor ba zhes tha dad du dbye ba ci las 'ong / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / sangs rgyas bcom ldan 'das su brjod pa'ang ci las gyur/ rab 'byor gyis smras pa/ tshe dang ldan pa shA ri'i bu sems can gang phyin ci log las byung ba'i lus dang / ngag dang yid kyi las mngon par 'du byed pa de dag 'di lta bu'i skye mched mngon par bsgrubs shing las kyi rnam par smin pa phung po'i gzhi can rnam par rtog pa las byung ba yongs su bzung ste/sems can dmyal ba dang / byol song gi skye gnas dang / gshin rje'i 'jig rten dang / lha dang mi'i 'gro ba mngon par sgrub po/ /tshe dang ldan pa shA ri'i bu gang khyod kyis 'di skad du rgyun du zhugs par brjod pa ci las gyur/lan cig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas su brjod pa ci las gyur zhes zer ba ni/tshe dang ldan pa shA ri'i bu rnam par mi rtog pa las rgyun du zhugs par brjod do/ /rnam par mi rtog pa las rgyun du zhugs pa'i 'bras bur brjod do/ /rnam par mi rtog pa las lan cig phyir 'ong ba dang / phyir mi 'ong ba dang / dgra bcom pa nyid du brjod do/ / rnam par mi rtog pa las rang sangs rgyas dang / rang byang chub tu brjod do/ /rnam par mi rtog pa las sangs rgyas su brjod do/ /rnam par mi rtog pa las byang chub tu brjod do/ /tshe dang ldan pa shA ri'i bu 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag kyang rnam par rtog pa mi mnga' zhing rnam par rtog pa spangs par gyur to//tshe dang ldan pa shA ri'i bu ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung bar 'gyur ba'i sangs rgyas bcom ldan 'das de dag kyang rnam par rtog pa mi mnga' zhing rnam par rtog pa spang bar 'gyur ro//tshe dang ldan pa shA ri'i bu da ltar byung ba'i dus na phyogs bcu'i 'jig rten gyi khams su sangs rgyas bcom ldan 'das gang ji snyed cig bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas bcom ldan 'das de dag kyang rnam par rtog pa mi mnga' zhing rnam par rtog pa spangs pa sha stag go//de ltar tshe dang ldan pa shA ri'i bu rnam grangs des na chos thams cad rnam par rtog pa med pa'i de bzhin nyid dang / yang dag pa'i mtha'i de bzhin dang / chos kyi dbyings kyi de bzhin nyid la brtson par byas te rnam par rtog pa med par rig par bya'o/ /tshe dang ldan pa shA ri'i bu byang chub sems dpa' sems dpa' chen pos de ltar rnam par mi rtog pa'i shes rab kyi pha rol tu phyin pa la spyad par bya ste/rnam par mi rtog pa'i shes rab kyi pha rol tu phyin pa la spyod pas rnam par mi rtog pa'i chos thams cad mngon par rdzogs par 'tshang rgya'o zhes bya ba ni ldog pa'i phyogs kyi rten can gzung ba'i rnam par rtog pa gnyis pa yin no// //bam po lnga bcu lnga pa/ de nas tshe dang ldan pa shA ri'i bus tshe dang ldan pa rab 'byor la 'di skad ces smras so//kye ma tshe dang ldan pa rab 'byor byang chub sems dpa' sems dpa' chen po gang shes rab kyi pha rol tu phyin pa la spyod pa ni snying po la spyod pa'o/ /de skad ces smras pa dang / tshe dang ldan pa rab 'byor gyis tshe dang ldan pa shA ri'i bu la 'di skad ces smras so//kye ma tshe dang ldan pa shA ri'i bu byang chub sems dpa' sems dpa' chen po gang shes rab kyi pha rol tu phyin pa la spyod pa de ni snying po med pa la spyod pa'o/ /de ci'i phyir zhe na/ tshe dang ldan pa shA ri'i bu shes rab kyi pha rol tu phyin pa ni snying po med pa'o//bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni snying po med pa'o/ /nang stong pa nyid ni snying po med pa'o/ / dngos po med pa'i ngo bo nyid stong pa nyid kyi bar ni snying po med pa'o/ /dran pa nye bar gzhag pa rnams ni snying po med pa'o/ /yang dag par spang ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni snying po med pa'o/ /sangs rgyas kyi chos ma 'dres pa bcwa brgyad kyi bar ni snying po med pa'o/ /rnam pa thams cad mkhyen pa nyid kyi bar ni snying po med pa'o/ /de ci'i phyir zhe na/ de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod pas ni snying po med pa nyid kyang mi dmigs shing yang dag par rjes su mi mthong na/snying po dmigs pa lta ga la yod/ de nas 'dod pa na spyod pa dang / gzugs yod pa na spyod pa'i lha'i bu shin tu mang po dag 'di snyam du gyur te/ rigs kyi bu'am rigs kyi bu mo gang gis bla na med pa yang dag par rdzogs pa'i byang chub tu sems bskyed pa dang /gang shes rab kyi pha rol tu phyin pa zab mo ji skad du bstan pa 'di la spyod pa dang / don 'di la spyod kyang yang dag pa'i mtha' gang mngon du byas pas nyan thos kyi sa'am/ rang sangs rgyas kyi sa la gnas par 'gyur ba'i yang dag pa'i mtha' mngon du mi byed pa de dag ni phyag bgyi ba'i gnas te/rnam grangs des kyang byang chub sems dpa' sems dpa' chen po chos kyi mnyam pa nyid 'di mngon du mi byed pa de dag ni phyag bya bar 'os pa'o/ /de nas tshe dang ldan pa rab 'byor gyis lha'i bu de dag la 'di skad ces smras so//lha'i bu dag byang chub sems dpa' sems dpa' chen po de dag la ni chos kyi mnyam pa nyid gang mngon du byas pas/ nyan thos kyi sa'am/ rang sangs rgyas kyi sa la gnas par 'gyur ba de mngon du mi byed pa de ni mi dka'i/ lha'i bu dag sems can tshad med grangs med dpag tu med pa thams cad yongs su mya ngan las 'da'o zhes go cha bgos la/gang yongs su mya ngan las 'da' bar bya ba'i sems can de dag shin tu mi dmigs pa de ni de dag la de bas dka' ste/ de ltar spyod pa'i byang chub sems dpa' sems dpa' chen po ni sems can thams cad gdul bar bya'o zhes bla na med pa yang dag par rdzogs pa'i byang chub tu yang dag par zhugs pa yin te/gang sems can gdul bar sems pa de ni nam mkha' gdul bar sems pa dang 'dra'o/ /de ci'i phyir zhe na/ nam mkha' dben pa'i phyir sems can dben par blta'o//nam mkha' stong pa nyid kyi phyir sems can stong pa nyid du blta'o/ /nam mkha' snying po med pa'i phyir sems can snying po med par blta'o/ /nam mkha' gsog gi phyir sems can gsog tu blta'o/ /lha'i bu dag rnam grangs des na byang chub sems dpa' sems dpa' chen po gang sems can med pa rnams kyi don du go cha gyon pa de dag ni dka' ba byed pa ste/gang sems can rnams kyi don du go cha gyon pa de dag ni nam mkha' dang brtsad par 'dod pa ste/ byang chub sems dpa' sems dpa' chen po go cha de yang bgos la/sems can gang gi don du byang chub sems dpa' sems dpa' chen pos go cha bgos pa'i sems can de dag kyang mi dmigs so/ /de ci'i phyir zhe na/ sems can dben pa'i phyir go cha dben par blta'o/ /gal te de ltar bstan pa'i tshe byang chub sems dpa' sems dpa' chen po zhum par mi 'gyur na/byang chub sems dpa' sems dpa' chen po shes rab kyi pha rol tu phyin pa la spyod pa yin no/ /de ci'i phyir zhe na/ gzugs dben pa'i phyir sems can dben pa'o/ /tshor ba dang / 'du shes dang / 'du byed rnams dang / rnam par shes pa dben pa'i phyir sems can dben pa'o//skye mched dang / khams dang / rten cing 'brel par 'byung ba dben pa'i phyir sems can dben pa'o/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dben pa'i phyir sems can dben pa'o/ / sangs rgyas kyi chos ma 'dres pa bcwa brgyad kyi bar du dben pa'i phyir sems can dben pa'o/ /rnam pa thams cad mkhyen pa nyid kyi bar du dben pa'i phyir sems can dben pa'o/ /gzugs dben pa'i phyir shes rab kyi pha rol tu phyin pa dben pa'o/ /tshor ba dang / 'du shes dang / 'du byed rnams dang / rnam par shes pa dben pa'i phyir shes rab kyi pha rol tu phyin pa dben pa'o/ /skye mched dang / khams dang / rten cing 'brel par 'byung ba dben pa'i phyir shes rab kyi pha rol tu phyin pa dben pa'o/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams dben pa'i phyir shes rab kyi pha rol tu phyin pa dben pa'o/ /sangs rgyas kyi chos ma 'dres pa bcwa brgyad kyi bar du dben pa'i phyir shes rab kyi pha rol tu phyin pa dben pa'o/ /rnam pa thams cad mkhyen pa nyid kyi bar du dben pa'i phyir shes rab kyi pha rol tu phyin pa dben pa'o//lha'i bu dag gal te byang chub sems dpa' sems dpa' chen po chos thams cad dben par bshad pa la sems mi zhum/ yongs su zhum par mi 'gyur la/ de'i yid 'jigs par mi 'gyur la byang chub sems dpa' sems dpa' chen po shes rab kyi pha rol tu phyin pa la spyod pa'o zhes bya ba ni skyes bu rdzas su yod pa la brten pa'i rtogs pa dang po yin no//de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ci'i phyir byang chub sems dpa' sems dpa' chen po shes rab kyi pha rol tu phyin pa la zhum par mi 'gyur ba yin/gsol pa/ bcom ldan 'das chos thams cad ma mchis pa'i slad du byang chub sems dpa' sems dpa' chen po shes rab kyi pha rol tu phyin pa la zhum par mi 'gyur ro/ /bcom ldan 'das chos thams cad dben pa dang /zhi ba dang / ma skyes pa'i slad du byang chub sems dpa' sems dpa' chen po shes rab kyi pha rol tu phyin pa la zhum par mi 'gyur ro / /bcom ldan 'das de'i slad du byang chub sems dpa' sems dpa' chen po shes rab kyi pha rol tu phyin pa la zhum par mi 'gyur ro/ / de ci'i slad du zhe na/ bcom ldan 'das de ni 'di ltar gang zhum par 'gyur ba dang / gang gis zhum par 'gyur ba dang / gang la zhum par 'gyur ba'i chos de dag thams cad ni ma mchis pa ste/ dmigs su ma mchis so/ /bcom ldan 'das gal te byang chub sems dpa' sems dpa' chen po de skad du bshad pa la mi 'jum mi 'gong zhing yid ches pa dang /sgyid lug par mi 'gyur la/ mi 'jigs mi dngang / skrag par mi 'gyur na shes rab kyi pha rol tu phyin pa la spyod pa lags so/ /de ci'i slad du zhe na/ bcom ldan 'das de ni 'di ltar gang zhum par 'gyur ba'am/gang gis zhum par 'gyur ba'am/ gang la zhum par 'gyur ba'i chos de dag thams cad ni ma mchis pa ste/ bcom ldan 'das de ltar spyod pa'i byang chub sems dpa' sems dpa' chen po ni dbang po dang bcas/ tshangs pa dang bcas/ skye dgu'i bdag po dang bcas pa'i lha rnams kyis phyag bgyi bar 'gyur ro//bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa la spyod pa de ni dbang po dang bcas/ tshangs pa dang bcas/ skye dgu'i bdag po dang bcas pa'i lha rnams kyis phyag bya bar yang ma zad de gang 'phags pa mngon par 'phags pa'i kha dog dang ldan pa/dge rgyas dang / 'bras bu che ba dang / gnas gtsang ma'i ris kyi lha rnams kyis kyang shes rab kyi pha rol tu phyin pa la de ltar spyod pa'i byang chub sems dpa' sems dpa' chen po de la phyag bya bar 'gyur ro//rab 'byor phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas grangs med tshad med pa gang ji snyed cig bzhugs shing 'tsho skyong ba de dag kyang byang chub sems dpa' sems dpa' chen po shes rab kyi pha rol tu phyin pa la spyod pa de dag la dgongs par mdzad de/byang chub sems dpa' sems dpa' chen po shes rab kyi pha rol tu phyin pa la spyod pa de ni sbyin pa'i pha rol tu phyin pa yongs su rdzogs par byed pa'o/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par byed pa'o/ /nang stong pa nyid yongs su rdzogs par byed pa'o/ /dngos po med pa'i ngo bo nyid stong pa nyid kyi bar du yongs su rdzogs par byed pa'o//byang chub kyi phyogs kyi chos sum cu rtsa bdun yongs su rdzogs par byed pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams yongs su rdzogs par byed pa'o//rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams yongs su rdzogs par byed pa'o//de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams yongs su rdzogs par byed pa'o/ /rnam pa thams cad mkhyen pa nyid kyi bar du yongs su rdzogs par byed pa'o zhes dgongs pa mdzad do//rab 'byor byang chub sems dpa' sems dpa' chen po shes rab kyi pha rol tu phyin pa la spyod pa gang la sangs rgyas bcom ldan 'das rnams kyis dgongs pa mdzad pa'i byang chub sems dpa' sems dpa' chen po de ni sangs rgyas su 'gyur bar zhugs par rig par bya'o//rab 'byor gang gA'i klung gi bye ma [(]snyad [,]snyed [)]kyi 'jig rten gyi khams dag na sems can gang ji snyed cig yod pa de dag thams cad bdud sdig can du gyur te/ bdud sdig can de dag re res kyang de snyed kyi bdud sdig can mngon par sprul kyang de dag thams cad kyis byang chub sems dpa' sems dpa' chen po de la bar chad bya bar mi nus so//rab 'byor chos gnyis dang ldan pa'i byang chub sems dpa' sems dpa' chen po de ni bdud sdig can rnams kyis mi thub pa yin te/ gnyis gang zhe na/ des chos thams cad stong pa'o zhes bya bar rnam par bltas pa yin/des sems can thams cad kyang yongs su ma btang ba yin te/ rab 'byor chos 'di gnyis dang ldan pa'i byang chub sems dpa' sems dpa' chen po bdud sdig can rnams kyis mi thub pa yin no/ /rab 'byor gzhan yang shes rab kyi pha rol tu phyin pa la spyod pa'i byang chub sems dpa' sems dpa' chen po chos gnyis dang ldan pa ni bdud sdig can rnams kyis mi thub pa yin te/gnyis gang zhe na/ ji skad du smras pa bzhin du byed pa yin/ sangs rgyas bcom ldan 'das rnams kyis dgongs pa yin te/ rab 'byor shes rab kyi pha rol tu phyin pa la spyod pa'i byang chub sems dpa' sems dpa' chen po chos de gnyis dang ldan pa ni bdud sdig can rnams kyis mi thub pa yin no//rab 'byor de ltar spyod pa'i byang chub sems dpa' sems dpa' chen po'i drung du ni lha'i bu rnams kyang nye bar 'ong bar sems so/ /bsnyen bkur ba dang /yongs su 'dri ba dang / kun 'dri ba yang byed par 'gyur te/ rigs kyi bu khyod sangs rgyas kyi byang chub myur du thob par 'gyur gyis/ de bas na rigs kyi bu khyod kyis 'di lta ste/ stong pa nyid kyis rnam par spyod pa dang / mtshan ma med pas rnam par spyod pa dang / smon pa med pas rnam par spyod pa de nyid kyis rnam par spyod par gyis shig /de ci'i phyir zhe na/ rigs kyi bu khyod kyis rnam par spyod pa des rnam par spyad pa dang / sems can mgon med pa rnams kyi mgon du 'gyur ro/ /sems can skyabs med pa rnams kyi skyabs su 'gyur ro/ / sems can skyob pa med pa rnams kyi skyob par 'gyur ro/ /sems can dpung gnyen med pa rnams kyi dpung gnyen du 'gyur ro/ /sems can gnas med pa rnams kyi gnas su 'gyur ro/ /sems can rten med pa rnams kyi rten du 'gyur ro/ /sems can gling med pa rnams kyi gling du 'gyur ro//sems can mun par gyur pa rnams kyi snang bar 'gyur ro zhes de la spro ba bskyed par 'gyur ro/ /de ci'i phyir zhe na/ de ni 'di ltar 'jig rten gyi khams tshad med grangs med pa dag na sangs rgyas bcom ldan 'das gang ji snyed cig dge slong gi dge 'dun gyis yongs su bskor te bzhugs shing 'tsho skyong ba dang /chos ston pa de dag kyang byang chub sems dpa' sems dpa' chen po gang shes rab kyi pha rol tu phyin pa la spyod cing / 'di lta ste shes rab kyi pha rol tu phyin pa'i yon tan de dag dang ldan pa'i byang chub sems dpa' sems dpa' chen po de'i ming dang rigs yongs su brjod pa'i tshul gyis chos ston zhing ched du brjod pa'ang ched du brjod pa mdzad do//rab 'byor 'di lta ste dper na/ nga da ltar byang chub sems dpa' sems dpa' chen po rin chen tog gi ming yongs su brjod pa'i tshul gyis chos ston zhing ched du brjod pa ched du brjod pa dang /byang chub sems dpa' sems dpa' chen po gtsug phud kyi ming yongs su brjod pa'i tshul gyis chos ston zhing ched du brjod pa ched du brjod pa dang / de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i zham 'bring na tshangs pa'i spyad pa spyod pa shes rab kyi pha rol tu phyin pa dang ma bral ba de dag gi ming yongs su brjod pa'i tshul gyis chos ston zhing ched du brjod pa ched du brjod pa bzhin no//shar phyogs kyi sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag kyang de na byang chub sems dpa' sems dpa' chen po gang ji snyed cig tshangs pa'i spyad pa spyod cing shes rab kyi pha rol tu phyin pa dang ma bral ba de dag la spro bar mdzad pa'i tshul gyis chos ston te ched du brjod pa'ang ched du brjod pa mdzad do//lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi 'jig rten gyi khams kyi sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag kyang de na byang chub sems dpa' sems dpa' chen po gang ji snyed cig tshangs pa'i spyad pa spyod cing shes rab kyi pha rol tu phyin pa dang ma bral ba de dag spro bar mdzad pa'i tshul gyis chos ston te ched du brjod pa'ang ched du brjod pa mdzad do//byang chub sems dpa' sems dpa' chen po sems dang po bskyed pa nas nye bar bzung ste/ thams cad mkhyen pa nyid thob kyi bar du byang chub kyi lam yongs su sbyong ba gang ji snyed cig yod pa de dag la yang sangs rgyas bcom ldan 'das de dag spro bar mdzad pa'i tshul gyis chos ston te ched du brjod pa'ang ched du brjod pa mdzad do//de ci'i phyir zhe na/ rab 'byor byang chub sems dpa' sems dpa' chen po gang sangs rgyas kyi tshul rgyun mi 'chad pa'i don du zhugs pa de dag ni dka' ba byed pa'o//gsol pa/ bcom ldan 'das sangs rgyas bcom ldan 'das de dag byang chub sems dpa' sems dpa' chen po slar ldog pa'am/ slar mi ldog pa'am/ gang gi ming yongs su brjod pa'i tshul gyis chos ston pa mdzad/bcom ldan 'das kyis bka' stsal pa/ rab 'byor byang chub sems dpa' sems dpa' chen po ni phyir mi ldog pa gang dag shes rab kyi pha rol tu phyin pa la spyod pa yang yod/ byang chub sems dpa' sems dpa' chen po phyir mi ldog pa gang dag shes rab kyi pha rol tu phyin pa la spyod pa yang yod de/de dag la sangs rgyas bcom ldan 'das de dag spro ba mdzad pa'i tshul gyis chos ston zhing ched du brjod pa'ang ched du brjod pa mdzad do/ /gsol pa/ bcom ldan 'das de dag gang lags/ bcom ldan 'das kyis bka' stsal pa/byang chub sems dpa' sems dpa' chen po gang byang chub sems dpa'i spyad pa spyod pa'i tshe/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i rjes su slob pa'i tshul gyis rnam par spyod pa de dag la sangs rgyas bcom ldan 'das de dag spro ba mdzad pa'i tshul gyis chos ston zhing ched du brjod pa'ang ched du brjod pa mdzad do//rab 'byor gang byang chub sems dpa' sems dpa' chen po rin po che tog gi rjes su slob pa'i tshul gyis byang chub sems dpa'i spyad pa spyod pa de dag la yang sangs rgyas bcom ldan 'das de dag spro bar mdzad pa'i tshul gyis chos ston zhing ched du brjod pa'ang ched du brjod pa mdzad do//rab 'byor gzhan yang byang chub sems dpa' sems dpa' chen po gang shes rab kyi pha rol tu phyin pa la spyod cing chos thams cad skye ba med par mos kyang mi skye ba'i chos la bzod pa ma thob pa/chos thams cad stong pa'o zhes bya ba dang / chos thams cad zhi ba'o zhes bya ba dang / chos thams cad gsog gsob ste rag lus pa'o zhes bya ba dang / snying po med pa'o zhes bya bar mos kyang mi skye ba'i chos la bzod pa ma thob pa de dag la yang sangs rgyas bcom ldan 'das de dag spro bar mdzad pa'i tshul gyis chos ston zhing ched du brjod pa'ang ched du brjod pa mdzad do//rab 'byor byang chub sems dpa' sems dpa' chen po gang la sangs rgyas bcom ldan 'das rnams ming yongs su brjod pa'i tshul gyis chos ston zhing ched du brjod pa'ang ched du brjod pa mdzad pa'i byang chub sems dpa' sems dpa' chen po de dag gis ni nyan thos kyi sa dang rang sangs rgyas kyi sa spangs pa yin te/bla na med pa yang dag par rdzogs pa'i byang chub tu'ang lung bstan pa yin/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa gang la sangs rgyas bcom ldan 'das rnams ming yongs su brjod pa'i tshul gyis chos ston zhing ched du brjod pa'ang ched du brjod pa mdzad pa'i byang chub sems dpa' sems dpa' chen po de ni phyir mi ldog pa nyid la gnas par 'gyur te/de la gnas pas rnam pa thams cad mkhyen pa nyid thob par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa zab mo bshad pa thos na 'di ni de bzhin gshegs pa dgra bcom pa yang dag par rdzogs pa'i sangs rgyas kyis ji ltar bshad pa de bzhin no zhes nem nur med cing the tshom mi za la rmongs par mi 'gyur na/des ni phyis kyang rgya cher de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dang / byang chub sems dpa'i theg pa pa'i rigs kyi bu de dag las thos par 'gyur te/byang chub sems dpa'i theg pa pa'i rigs kyi bu de yang shes rab kyi pha rol tu phyin pa 'di la mos shing shes rab kyi pha rol tu phyin pa zab mo 'di de bzhin gshegs pas ji skad bstan pa de bzhin du mos pas phyir mi ldog pa nyid la gnas par 'gyur te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa thos pa ni phan pa mang por 'gyur ba yin te/gang gis mos shing mos nas de bzhin nyid du gnas pa dang / de bzhin nyid du nan tan byed pa de dag ni smos kyang ci smos te/ de dag de bzhin nyid la gnas/ de bzhin nyid la nan tan du byas nas rnam pa thams cad mkhyen pa nyid la gnas par 'gyur ro//gsol pa/ bcom ldan 'das de bzhin nyid du gnas nas de bzhin nyid du nan tan bgyis te/ chos gang yang ma dmigs na/ de ji ltar rnam pa thams cad mkhyen pa nyid la gnas par 'gyur ba lags/bcom ldan 'das de ltar de bzhin nyid las ma gtogs pa'i chos kyang gang yang ma dmigs na su zhig de bzhin nyid la gnas par 'gyur/ de bzhin nyid la gnas nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ su zhig de bzhin nyid la gnas shing chos ston par 'gyur/de bzhin nyid kyang dmigs su ma mchis na de bzhin nyid la gnas par 'gyur ba dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang / de bzhin nyid la gnas shing chos ston par 'gyur ba lta ci smos te/de ni gnas ma mchis so/ /bcom ldan 'das kyis bka' stsal pa/ rab 'byor gang khyod 'di skad du gang de bzhin nyid la gnas pa dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang /de bzhin nyid la gnas shing chos ston par 'gyur ba de lta bu'i chos gang yang de bzhin nyid ma gtogs par gzhan dmigs su med de/ de bzhin nyid kyang dmigs su med na/ de bzhin nyid la gnas par 'gyur ba dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang /de bzhin nyid la gnas shing chos ston par 'gyur ba lta ci smos te/ de ni gnas med do zhes zer ba ni/ rab 'byor de de bzhin no/ /de de bzhin te/ ji skad smras pa bzhin no/ /rab 'byor gang de bzhin gshegs pa'i sprul pa de bzhin nyid la gnas pa dang /gang de bzhin nyid la gnas te/ bla na med pa yang dag par rdzogs pa'i byang chub tu mngon par rdzogs par 'tshang rgya ba dang / gang de bzhin nyid la gnas shing chos ston par 'gyur ba de lta bu'i chos gang yang de bzhin nyid las ma gtogs par gzhan dmigs su med de /de bzhin nyid kyang dmigs su med na/ gang de bzhin nyid la gnas par 'gyur ba dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang / de bzhin nyid la gnas shing chos ston par 'gyur ba lta ci smos te de ni gnas med do//de ci'i phyir zhe na/ rab 'byor de bzhin gshegs pa rnams ma byung yang rung / de bzhin gshegs pa rnams ma byung yang rung ste/ chos rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid de ni gnas pa'o/ /chos rnams kyi chos kyi dbyings dang / chos kyi gnas pa nyid dang / chos nges pa nyid dang / yang dag pa'i mtha' de ni gnas pa ste/ rab 'byor de bzhin nyid 'di la ni gang yang gnas par 'gyur ba med de/ de la gnas shing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba su yang med na/ de la gnas shing chos ston par 'gyur ba lta ci smos te/ de ni gnas med do zhes bya ba ni 'phags pa'i gang zag btags par yod pa la brten pa'i 'dzin pa'i rtog pa gnyis pa yin no// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na sgyu ma lta bu'i sems bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lags/bcom ldan 'das kyis bka' stsal pa/ rab 'byor de ji snyam du sems/ sgyu ma lta bu'i sems de khyod kyis yang dag par rjes su mthong ngam/ gsol pa/ bcom ldan 'das de ni ma lags te/ bcom ldan 'das bdag gis sgyu ma yang yang dag par rjes su ma mthong /sgyu ma lta bu'i sems de yang yang dag par rjes su ma mthong ngo / /bcom ldan 'das kyis bka' stsal pa/ rab 'byor de ji snyam du sems/ gang la sgyu ma dang sgyu ma lta bu'i sems khyod kyis ma mthong ba'i sems gang yin pa de bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur snyam mam/gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ sgyu ma dang sgyu ma lta bu'i sems las gzhan du chos gang bla na med pa yang dag par rdzogs pa'i byang chub tu mngon par rdzogs par 'tshang rgya ba'i chos de khyod kyis yang dag par rjes su mthong ngam/gsol pa/ bcom ldan 'das de ni ma lags te/ bcom ldan 'das sgyu ma dang sgyu ma lta bu'i sems las gzhan du chos gang bla na med pa yang dag par rdzogs pa'i byang chub tu mngon par rdzogs par 'tshang rgya ba de bdag gis yang dag par rjes su ma mthong ngo //bcom ldan 'das de ltar bdag gis chos gzhan yang dag par rjes su ma mthong na mchis pa 'am ma mchis pa'i chos gang zhig bdag gis bstan par bgyi/ chos gang shin tu dben pa de ni mchis pa'am/ ma mchis par rtogs par mi 'gyur ro//chos gang shin tu dben pa de ni bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ ma mchis pa'i chos ni bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /de ci'i slad du zhe na/ bcom ldan 'das de ni 'di ltar gang nyon mongs par 'gyur ba'am/rnam par byang bar 'gyur ba'i chos thams cad ni ma mchis shing yang dag par ma mchis pa'o/ /de ci'i slad du zhe na/ bcom ldan 'das de ni 'di ltar shes rab kyi pha rol tu phyin pa ni shin tu dben pa'o/ /bsam gtan gyi pha rol tu phyin pa ni shin tu dben pa'o//brtson 'grus kyi pha rol tu phyin pa ni shin tu dben pa'o/ /bzod pa'i pha rol tu phyin pa ni shin tu dben pa'o/ /tshul khrims kyi pha rol tu phyin pa ni shin tu dben pa'o/ /sbyin pa'i pha rol tu phyin pa ni shin tu dben pa'o/ /nang stong pa nyid ni shin tu dben pa'o//dngos po med pa'i ngo bo nyid stong pa nyid kyi bar ni shin tu dben pa'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /'phags pa'i lam yan lag brgyad pa ni shin tu dben pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams ni shin tu dben pa'o/ /rnam par thar pa rnams dang /mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa ni shin tu dben pa'o/ /mngon par shes pa rnams dang / ting nge 'dzin rnams dang / gzungs kyi sgo rnams ni shin tu dben pa'o/ /de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad ni shin tu dben pa'o/ /rnam pa thams cad mkhyen pa nyid kyi bar ni shin tu dben pa'o//chos gang shin tu dben pa de ni bsgom par bgyi ba yang ma lags/ bsgom pa rnam par 'jig par bgyi ba yang ma lags te/ de ni shes rab kyi pha rol tu phyin pa shin tu dben pa'i slad du chos gang yang sgrub pa ma mchis so/ /shes rab kyi pha rol tu phyin pa ni shin tu dben pa lags na/ji ltar shes rab kyi pha rol tu phyin pa la brten zhing byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bla na med pa yang dag par rdzogs pa'i byang chub kyang shin tu dben pa lags na/ ji ltar na dben pas dben pa 'tshang rgya bar 'gyur/ bcom ldan 'das kyis bka' stsal pa/ rab 'byor legs so legs so/ /rab 'byor de de bzhin no/ /de de bzhin te/ rab 'byor shes rab kyi pha rol tu phyin pa ni shin tu dben pa'o/ /bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni shin tu dben pa'o/ /nang stong pa nyid ni shin tu dben pa'o/ /dngos po med pa'i ngo bo nyid stong pa nyid kyi bar ni shin tu dben pa'o/ / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni shin tu dben pa'o/ /'phags pa'i bden pa rnams dang /bsam gtan rnams dang / tshad med pa rnams dang / gzugs med pa'i snyoms par 'jug pa rnams ni shin tu dben pa'o/ /rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa ni shin tu dben pa'o/ /mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang /sangs rgyas kyi chos ma 'dres pa rnams ni shin tu dben pa'o/ /rnam pa thams cad mkhyen pa nyid kyi bar ni shin tu dben pa'o/ /rab 'byor ji ltar shes rab kyi pha rol tu phyin pa shin tu dben pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang /bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa shin tu dben pa dang / nang stong pa nyid shin tu dben pa dang / dngos po med pa'i ngo bo nyid stong pa nyid kyi bar du shin tu dben pa dang / dran pa nye bar gzhag pa rnams shin tu dben pa dang /'phags pa'i lam yan lag brgyad pa'i bar du shin tu dben pa dang / rnam pa thams cad mkhyen pa nyid kyi bar du shin tu dben pa de bzhin du bla na med pa yang dag par rdzogs pa'i byang chub tu mngon par rdzogs par 'tshang rgya ba yang shin tu dben pa'o//rab 'byor gal te shes rab kyi pha rol tu phyin pa yang shin tu dben par ma gyur/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa shin tu dben par ma gyur/nang stong pa nyid shin tu dben par ma gyur/ dngos po med pa'i ngo bo nyid stong pa nyid kyi bar du shin tu dben par ma gyur/ dran pa nye bar gzhag pa rnams shin tu dben par ma gyur/ 'phags pa'i lam yan lag brgyad pa'i bar du shin tu dben par ma gyur/ rnam pa thams cad mkhyen pa nyid kyi bar du shin tu dben par ma gyur na/ de shes rab kyi pha rol tu phyin par mi 'gyur ro/ /de bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin par mi 'gyur ro/ /de nang stong pa nyid du mi 'gyur ro/ /dngos po med pa'i ngo bo nyid stong pa nyid kyi bar du mi 'gyur ro/ /dran pa nye bar gzhag pa rnams su mi 'gyur ro/ /'phags pa'i lam yan lag brgyad pa'i bar du mi 'gyur ro/ /rnam pa thams cad mkhyen pa nyid kyi bar du mi 'gyur ro//rab 'byor de bas na ji ltar shes rab kyi pha rol tu phyin pa shin tu dben pa dang / ji ltar bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa shin tu dben pa dang /ji ltar nang stong pa nyid shin tu dben pa dang / dngos po med pa'i ngo bo nyid stong pa nyid kyi bar du shin tu dben pa dang / ji ltar dran pa nye bar gzhag pa rnams shin tu dben pa dang / 'phags pa'i lam yan lag brgyad pa'i bar du shin tu dben pa dang /ji ltar rnam pa thams cad mkhyen pa nyid kyi bar du shin tu dben pa de ltar shes rab kyi pha rol tu phyin pa la ma brten par bla na med pa yang dag par rdzogs pa'i byang chub tu mngon par rdzogs par 'tshang mi rgya/ dben pas dben pa mngon par rdzogs par 'tshang mi rgya ste/ bla na med pa yang dag par rdzogs pa'i byang chub tu mngon par rdzogs par 'tshang mi rgya bas na/shes rab kyi pha rol tu phyin pa la ma brten par mngon par rdzogs par 'tshang mi rgya'o/ /gsol pa/ bcom ldan 'das byang chub sems dpa' sems dpa' chen po ni don zab mo la spyod pa'o/ /bcom ldan 'das kyis bka' stsal pa/rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni don zab mo la spyod pa'o/ /rab 'byor byang chub sems dpa' sems dpa' chen po de ltar don zab mo la spyod cing 'di lta ste/ nyan thos kyi sa'am/ rang sangs rgyas kyi sar 'gro ba'i don de mngon du mi byed pa ni dka' ba byed pa'o/ /gsol pa/ bcom ldan 'das kyis gsungs pa'i don bdag gis 'tshal ba ltar na dka' ba cung zad kyang mi bgyid na ji ltar byang chub sems dpa' sems dpa' chen po dka' ba bgyid pa lags/ de ci'i slad du zhe na/bcom ldan 'das de ni 'di ltar gang mngon du bgyi ba'i don de yang mi dmigs/ gang gis mngon du bgyi ba'i shes rab kyi pha rol tu phyin pa de yang mi dmigs/ gang gi don du bgyi ba'i chos de yang mi dmigs te/ bcom ldan 'das gang chos thams cad mngon du bgyis pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i don mngon du bgyi ba de lta bu yang gang zhig mchis/shes rab kyi pha rol tu phyin pa yang gang zhig gis mngon du bgyi/ chos mngon du bgyi ba de lta bu yang gang zhig mchis/ bcom ldan 'das 'di ni mi dmigs pa'i spyod pa ste/de ltar spyod pa'i byang chub sems dpa' sems dpa' chen po chos thams cad la mun pa ma mchis pa thob pa'o/ /bcom ldan 'das gal te de skad du bstan pa la byang chub sems dpa' sems dpa' chen po'i sems mi zhum/ yongs su mi 'jum zhing /mi 'jigs/ mi dngang / skrag par mi 'gyur na/ bcom ldan 'das de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa ste/ de ni spyod do zhes bgyi bar yang dag par rjes su mi mthong / shes rab kyi pha rol tu phyin pa yang dag par rjes su mi mthong /bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bgyi bar yang dag par rjes su mi mthong ngo / /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ni 'di snyam du bdag gis nyan thos kyi sa dang rang sangs rgyas kyi sa ni bsring bar bya ste/bdag ni rnam pa thams cad mkhyen pa nyid du nye bar gyur to snyam du mi bgyid do zhes bya ba ni ngo bo nyid kyi rnam par rtog pa yin no// //bcom ldan 'das 'di lta ste dper na nam mkha' ni 'di ltar bdag ni la la dang ni ring ngo //la la dang ni nye'o zhes bgyi bar mi sems so/ /de ci'i slad du zhe na/ bcom ldan 'das nam mkha' la bye brag ma mchis shing mi g.yo ba dang rnam par rtog pa ma mchis pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'di ltar bdag la nyan thos sam/rang sangs rgyas kyi sa ni ring gi /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/ bcom ldan 'das shes rab kyi pha rol tu phyin pa rnam par mi rtog pa'i slad du'o zhes bya ba ni rigs kyi rnam par rtog pa yin no// //bcom ldan 'das 'di lta ste dper na sgyu ma'i skyes bu ni 'di ltar bdag las sgyu ma ni ring ngo / /sgyu ma'i mkhan po ni nye'o/ /skye bo'i tshogs 'di ltar 'dus pa ni bdag las ring ngo zhe'am/ nye'o zhes bgyi bar mi sems so/ /de ci'i slad du zhe na/ bcom ldan 'das sgyu ma'i skyes bu ni rnam par mi rtog pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'di ltar bdag las nyan thos sam/ rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi sems so//de ci'i slad du zhe na/ bcom ldan 'das shes rab kyi pha rol tu phyin pa rnam par mi rtog pa'i slad du'o zhes bya ba ni yang dag par sgrub pa'i rnam par rtog pa yin no// //bcom ldan 'das 'di lta ste dper na/ gzugs brnyan ni 'di ltar bdag las dmigs pa gang gis gzugs brnyan 'byung ba de ni nye la/gang me long dang snod chus gang ba'i nang du 'byung ba de ni bdag las ring ngo zhes bgyi bar mi sems so/ /de ci'i slad du zhe na/ bcom ldan 'das gzugs brnyan rnam par mi rtog pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'di ltar bdag la nyan thos sam/rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/bcom ldan 'das shes rab kyi pha rol tu phyin pa rnam par mi rtog pa'i slad du'o zhes bya ba ni dmigs pa'i rnam par rtog pa yin no// //bcom ldan 'das 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas la ni sdug pa'am mi sdug par 'gyur ba gang yang ma mchis so//bcom ldan 'das de bzhin du shes rab kyi pha rol tu phyin pa la yang sdug pa'am mi sdug par 'gyur ba gang yang ma mchis so zhes bya ba ni mi mthun pa dang gnyen po'i phyogs kyi rnam par rtog pa yin no/ /bcom ldan 'das 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas ni rnam par rtog pa thams cad spangs pa'o//bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang rnam par rtog pa thams cad spang ba ste / de ci'i slad du zhe na/ bcom ldan 'das shes rab kyi pha rol tu phyin pa rnam par mi rtog pa'i slad du'o zhes bya ba ni rang gi rtog pa'i rnam par rtog pa yin no// //bcom ldan 'das 'di lta ste dper na/ de bzhin gshegs pa'i sprul pa ni 'di ltar nga las nyan thos kyi sa'am/ rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi dgongs so//de ci'i slad du zhe na/ bcom ldan 'das de bzhin gshegs pa dang de bzhin gshegs pa'i sprul pa rnam par mi rtog pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'ang 'di ltar bdag las nyan thos kyi sa'am/rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/ bcom ldan 'das shes rab kyi pha rol tu phyin pa rnam par mi rtog pa'i slad du'o zhes bya ba ni byed pa po'i rnam par rtog pa yin no// //bcom ldan 'das 'di lta ste dper na/ de bzhin gshegs pas sprul pa zhig sprul pa mdzad na de ni don gang gi slad du sprul pa'i don de sbyor te/ sprul pa ni mi rtog rnam par mi rtog go/ /bcom ldan 'das de bzhin du shes rab kyi pha rol tu phyin pa yang don gang gi slad du brjod pa'i don de yang bgyid la shes rab kyi pha rol tu phyin pa de ni mi rtog rnam par mi rtog pa'o zhes bya ba ni bya ba'i rnam par rtog pa yin no// //bcom ldan 'das 'di lta ste dper na shing mkhan nam/ shing mkhan gyi slob ma mkhas pa zhig gis bud med kyi gzugs sam/skyes pa'i gzugs sam/ glang po'i gzugs sam/ chibs rta'i gzugs sam/ glang gi gzugs kyi 'khrul 'khor zhig sbyar na/ de don gang gi slad du bgyis pa'i don de bsgrubs kyang 'khrul 'khor de ni rnam par mi rtog go /bcom ldan 'das de bzhin du shes rab kyi pha rol tu phyin pa yang don gang gi slad du brjod pa'i don de bgyid kyang shes rab kyi pha rol tu phyin pa ni rnam par mi rtog pa'o zhes bya ba ni bya ba 'bras bu dang bcas pa'i rnam par rtog pa yin te/ 'di dag gis ni 'jug pa'i phyogs kyi rten can gzung ba'i rtog pa dang po rnam pa dgu gsungs pa yin no// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang thabs mkhas pa de lta bu dang ldan pa de yun ring por ji srid cig nas yang dag par zhugs pa lags/bcom ldan 'das kyis bka' stsal pa/ rab 'byor thabs mkhas pa de lta bu dang ldan pa'i byang chub sems dpa' sems dpa' chen po de ni bskal pa bye ba khrag khrig grangs med pa nas yang dag par zhugs pa yin no/ /gsol pa/ bcom ldan 'das byang chub sems dpa' sems dpa' chen po thabs mkhas pa de lta bu dang ldan pa des sangs rgyas ji snyed cig la bsnyen bkur ba lags/bcom ldan 'das kyis bka' stsal pa/ rab 'byor thabs mkhas pa de lta bu dang ldan pa'i byang chub sems dpa' sems dpa' chen po de ni sangs rgyas gang gA'i klung gi bye ma snyed bsnyen bkur bar rig par bya'o//gsol pa/ bcom ldan 'das byang chub sems dpa' sems dpa' chen po thabs mkhas pa de lta bu dang ldan pa des dge ba'i rtsa ba ci zhig bskyed pa lags/ bcom ldan 'das kyis bka' stsal pa/ sems dang po bskyed pa nas nye bar bzung ste/byang chub sems dpa' sems dpa' chen po thabs mkhas pa dang ldan pa des yongs su rdzogs par ma byas pa'i sbyin pa'i pha rol tu phyin pa'i bya ba de lta bu gang yang med do/ /byang chub sems dpa' sems dpa' chen po des yongs su rdzogs par ma byas pa'i tshul khrims kyi pha rol tu phyin pa'i bya ba dang /bzod pa'i pha rol tu phyin pa'i bya ba dang / brtson 'grus kyi pha rol tu phyin pa'i bya ba dang / bsam gtan gyi pha rol tu phyin pa'i bya ba dang / shes rab kyi pha rol tu phyin pa'i bya ba de lta bu gang yang med do/ /gsol pa/ bcom ldan 'das byang chub sems dpa' sems dpa' chen po thabs mkhas pa de lta bu dang ldan pa de dag ni ngo mtshar che'o//bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po thabs mkhas pa de lta bu dang ldan pa de dag ni ngo mtshar che'o//rab 'byor 'di lta ste dper na/ nyi ma'i dkyil 'khor dang zla ba'i dkyil 'khor ni gling bzhir las byed cing gling bzhi'i rjes su 'gro'o/ /gling bzhi'i rjes su 'brang ngo / /rab 'byor de bzhin du shes rab kyi pha rol tu phyin pa yang pha rol tu phyin pa lnga'i las byed cing pha rol tu phyin pa lnga'i rjes su 'gro zhing rjes su 'brang ste/shes rab kyi pha rol tu phyin pa dang ma bral na pha rol tu phyin pa lngas pha rol tu phyin pa'i ming thob po/ /shes rab kyi pha rol tu phyin pa dang bral na pha rol tu phyin pa lngas pha rol tu phyin pa'i ming mi 'thob bo/ / rab 'byor 'di lta ste dper na/ 'khor los sgyur ba'i rgyal po rin po che sna bdun dang bral na 'khor los sgyur ba'i ming mi 'thob po/ /rab 'byor de bzhin du pha rol tu phyin pa lnga yang shes rab kyi pha rol tu phyin pa dang bral na pha rol tu phyin pa'i ming mi 'thob bo zhes bya ba ni rtog pa dman pa'i rnam par rtog pa yin no// //rab 'byor 'di lta ste dper na/ khyim thab med pa'i bud med rnams ni 'phyon ma ba rnams kyis tshugs par sla ba yin no/ /rab 'byor de bzhin du pha rol tu phyin pa lnga yang shes rab kyi pha rol tu phyin pa dang bral na/ bdud dam bdud kyi ris kyi lha rnams kyis tshugs par sla ba yin no//rab 'byor 'di lta ste dper na/ khyim thab dpa' bos shin tu bsrungs pa'i bud med shin tu phun sum tshogs pa'i khyim na 'dug pa ni 'phyon ma pa rnams kyis mi tshugs pa yin no/ /rab 'byor de bzhin du pha rol tu phyin pa lnga yang shes rab kyi pha rol tu phyin pa dang ma bral na bdud dam bdud kyi ris kyi lha rnams kyis mi tshugs pa yin no zhes bya ba ni yongs su 'dzin pa med pa'i rnam par rtog pa yin no// //rab 'byor 'di lta ste dper na/ g.yul ngor 'gro ba'i skyes bu go cha tshang bar gyon pa mtshon cha thams cad thogs pa ni g.yul ngo na 'dug pa'i tshe/rgyal po 'gran zla'am phyir rgol ba dang dgra rnams kyis thub par dka'o/ /rab 'byor de bzhin du pha rol tu phyin pa lnga yang shes rab kyi pha rol tu phyin pa dang ma bral na bdud dam bdud kyi ris kyi lha rnams dang / gang zag lhag pa'i nga rgyal can nam/ byang chub sems dpa'i gdol pa rnams kyis kyang thub par dka'o zhes bya ba ni sgrub pa'i lam tshang ba'i rnam par rtog pa yin no// //rab 'byor 'di lta ste dper na/ mkhar gyi rgyal po rnams ni 'khor los sgyur ba'i rgyal po'i rjes su mthun par sgrub cing nang dang nub bsnyen bkur bya ba'i phyir 'ong bar byed do//rab 'byor de bzhin du pha rol tu phyin pa lnga yang shes rab kyi pha rol tu phyin pas yongs su zin na rnam pa thams cad mkhyen pa nyid gang na ba der 'dong ngo zhes bya ba ni gzhan gyi rkyen gyis 'gro ba'i rnam par rtog pa yin no// //rab 'byor 'di lta ste dper na/ chu klung phra mo gang ji snyed cig yod pa de dag thams cad ni chu klung chen po gang gA gang na ba der dong ste/de dag chu klung gang gA dang 'grogs shing rgya mtsho chen po'i nang du 'dong ngo / /rab 'byor de bzhin du pha rol tu phyin pa lnga yang shes rab kyi pha rol tu phyin pas yongs su zin na rnam pa thams cad mkhyen pa nyid gang na ba der dong ngo zhes bya ba ni ched du bya ba las lhag pa'i rnam par rtog pa yin no// //rab 'byor 'di lta ste dper na/ skyes bu'i lag pa g.yas pa ni dgos pa thams cad byed do/ /rab 'byor shes rab kyi pha rol tu phyin pa yang de bzhin du blta ste/ pha rol tu phyin pa lnga ni lag pa g.yon pa ji lta ba de bzhin du blta'o zhes bya ba ni nyi tshe ba'i byed pa'i rnam par rtog pa yin no// //rab 'byor 'di lta ste dper na/ chu klung phra mo rnams kyi chu dang / chu klung chen po rnams kyi chu gang ji [(]snyad [,]snyed [)]cig yod pa de dag thams cad kyang rgya mtsho chen por phyin na 'di lta ste/lan tshwa'i ror ro gcig par 'gyur ro/ /rab 'byor de bzhin du pha rol tu phyin pa lnga yang shes rab kyi pha rol tu phyin pas yongs su zin na rnam pa thams cad mkhyen pa nyid du phyin pa'i tshe 'di lta ste/ rnam pa thams cad mkhyen pa nyid kyi ror ro gcig par 'gyur ro zhes bya ba ni rtog pa tha dad pa nyid kyi rnam par rtog pa yin no// //rab 'byor 'di lta ste dper na/ 'khor los sgyur ba'i rgyal po dpung gi tshogs yan lag bzhi dang ldan pa'i mdun du ni 'khor lo rin po che 'gro zhing 'dug ste/ gang du 'khor los sgyur ba'i rgyal po zas kyi don du 'dug par 'gyur ba 'khor los sgyur ba'i rgyal po'i dpung gi tshogs thams cad yongs su tshim par byed cing 'khor lo rin po che gnas nas g.yo ba med do//rab 'byor de bzhin du pha rol tu phyin pa lnga po 'di dag kyang shes rab kyi pha rol tu phyin pas yongs su bkri ba yin te/ rnam pa thams cad mkhyen pa nyid gang na ba der 'dong zhing der gnas so//der gnas par gyur nas kyang gnas de las mi 'da'o zhes bya ba ni gnas pa dang 'jug pa mi shes pa'i rnam par rtog pa yin no// //rab 'byor 'di lta ste dper na/ 'khor los sgyur ba'i rgyal po'i 'khor lo rin po che de dang /blon po rin po che de dang / khyim bdag rin po che de dang / bud med rin po che de dang / nor bu rin po che de dang / glang po rin po che de dang / rta rin po che de dag ni dpung gi tshogs yan lag bzhi dang ldan pa'i mdun du 'dong ngo / /rab 'byor de bzhin du shes rab kyi pha rol tu phyin pa yang pha rol tu phyin pa lnga po 'di dag gi mdun du 'gro ste/mdun du song nas kyang rnam pa thams cad mkhyen pa nyid gang na ba der gnas par 'gyur te/ shes rab kyi pha rol tu phyin pa ni 'di snyam du bdag gi phyi bzhin du sbyin pa'i pha rol tu phyin pa 'brang ngo snyam du mi sems so/ / 'di snyam du bdag gi phyi bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa 'brang ngo snyam du mi sems so/ /sbyin pa'i pha rol tu phyin pa'ang 'di snyam du bdag ni shes rab kyi pha rol tu phyin pa'i rjes su 'brang ngo snyam du mi sems so//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa yang 'di snyam du bdag ni shes rab kyi pha rol tu phyin pa'i rjes su 'brang ngo snyam du mi sems so//de ci'i phyir zhe na/ de dag gi rang bzhin ni de yin te/ ci yang nus pa med pa/ ngo bo nyid kyis stong zhing gsog ste/ smig rgyu lta bu'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos thams cad rang bzhin gyis stong pa lags na/bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la spyod pa bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po pha rol tu phyin pa drug la spyod pa'i tshe 'di snyam du kye ma 'jig rten gnas pa 'di ni sems phyin ci log tu gyur pa ste/de dag ni thabs la mi mkhas pas 'khor ba nas yongs su gdon par mi nus kyi/ ma la bdag gis sems can de dag gi don du sbyin pa'i pha rol tu phyin pa la spyad par bya'o//tshul khrims kyi pha rol tu phyin pa la spyad par bya'o/ /bzod pa'i pha rol tu phyin pa la spyad par bya'o/ /brtson 'grus kyi pha rol tu phyin pa la spyad par bya'o/ /bsam gtan gyi pha rol tu phyin pa la spyad par bya'o/ /shes rab kyi pha rol tu phyin pa la spyad par bya'o snyam nas/ de nas de sems can de dag gi don du phyi nang gi dngos po rnams yongs su gtong ste/de yongs su gtong ba'i tshe 'di snyam ste/ bdag gis gang yang yongs su btang ba med do/ /de ci'i phyir zhe na/ 'di ltar dngos po de dag ni ngo bo nyid kyis stong ngo snyam mo/ /rab 'byor de ltar yongs su rtogs pa'i byang chub sems dpa' sems dpa' chen po ni sbyin pa'i pha rol tu phyin pa yongs su rdzogs par byed do//de sems can de dag nyid kyi don du tshul khrims ngan pa'i skabs mi 'byed do / /de ci'i phyir zhe na/ 'di ltar de ni 'di snyam du sems te/ bdag bla na med pa yang dag par rdzogs pa'i byang chub tu yang dag par zhugs la/srog gcod pa dang / ma byin par len pa dang / 'dod pas log par g.yem pa dang / brdzun gyi tshig smra ba dang / phra ma can du 'gyur ba dang / zhe gcod pa'i tshig smra ba dang / tshig 'khyal pa can du 'gyur ba dang / brnab sems can du 'gyur ba dang /gnod sems su byed pa dang / log par lta ba can du 'gyur ba dang / yul la smon pa dang / lha dang / tshangs pa dang / nyan thos kyi sa dang / rang sangs rgyas kyi sar smon pa 'di dag ni bdag la tshul khrims dang mi 'dra'o snyam ste/ rab 'byor de ltar yongs su rtogs pa'i byang chub sems dpa' sems dpa' chen po ni tshul khrims kyi pha rol tu phyin pa la spyod pa yin no/ /de sems can de nyid kyi don du tshig rtsub mo dang / brlang bas rtag tu spyos shing brgyad kyang 'khrugs pa'i sems mi bskyed/rdo dbyug dang / bong ba dang / mtshon gyis btab cing bsnun pa dang / lus kyi yan lag gshags sam/ yan lag dang nying lag bcad kyang zhe sdang gi sems mi bskyed do/ /de ci'i phyir zhe na/ 'di ltar de ni sgra thams cad sgra brnyan lta bur yongs su rtog go//gzugs thams cad dbu ba lta bur yongs su rtog go/ /rab 'byor de ltar yongs su rtogs pa'i byang chub sems dpa' sems dpa' chen po ni bzod pa'i pha rol tu phyin pa la spyod pa yin no/ /de sems can de dag nyid kyi don du dge ba'i rtsa ba thams cad yongs su btsal ba'i phyir le lo'i sems mi bskyed de/de ci'i phyir zhe na/ 'di ltar de ni 'di snyam du sems te/ mtho ris su skye ba'ang le lo can gyis rnyed par dka' na/ bla na med pa yang dag par rdzogs pa'i byang chub lta ci smos kyis de bas na bdag gis nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du brtson 'grus brtsam par bya'o//rtag tu brtson pa mi 'dor bar bya'o snyam ste/ rab 'byor de ltar yongs su rtogs pa'i byang chub sems dpa' sems dpa' chen po ni brtson 'grus kyi pha rol tu phyin pa la spyod pa yin no//de sems can de dag nyid kyi don du sems mi g.yeng ba yin te/ de ci'i phyir zhe na/ 'di ltar de ni 'di snyam du sems te/ 'jig rten pa'i bsam gtan du skye ba'ang sems 'khrugs pas rnyed par dka' na/ bla na med pa yang dag par rdzogs pa'i byang chub lta ci smos kyis/de bas na bdag gis nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du bdag gis sems mi 'khrugs par bya'o snyam ste/ rab 'byor de ltar yongs su rtogs pa'i byang chub sems dpa' sems dpa' chen po ni bsam gtan gyi pha rol tu phyin pa la spyad pa yin no//de sems can de dag nyid kyi don du nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam yang shes rab dang bral bar mi 'gyur te/ de ci'i phyir zhe na/ 'di ltar de ni 'di snyam du sems te/ shes rab kyi pha rol tu phyin pa la ma zhugs par rnam pa gzhan gyis sems can yongs su smin par bya ba mi nus kyis/ de bas na bdag gis shes rab 'chal ba dang ldan pa'i sems 'ga' tsam bskyed par mi bya'o snyam ste/rab 'byor de ltar yongs su rtogs pa'i byang chub sems dpa' sems dpa' chen po ni sems can rnams kyi don du shes rab kyi pha rol tu phyin pa la spyod pa yin no/ /gsol pa/ bcom ldan 'das gal te pha rol tu phyin pa rnams la tha dad pa ma mchis na/shes rab kyi pha rol tu phyin pa 'di ci'i slad du pha rol tu phyin pa lnga'i rab ces bgyi/ gtso bo zhes bgyi/ mchog ces bgyi/ dam pa zhes bgyi/ phul zhes bgyi/ gya nom pa zhes bgyi/ bla na med pa zhes bgyi/ gong na med pa zhes bgyi/ mnyam pa med pa zhes bgyi/mi mnyam pa dang mnyam pa zhes bgyi/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor pha rol tu phyin pa rnams la ni rnam pa tha dad pa gang yang med de/ gal te shes rab kyi pha rol tu phyin pa med na ni pha rol tu phyin pa lnga po 'di dag gis kyang pha rol tu phyin pa'i ming 'thob par mi 'gyur te/shes rab kyi pha rol tu phyin pa la brten nas pha rol tu phyin pa lnga po 'di dag gis kyang pha rol tu phyin pa'i ming 'thob par 'gyur ro/ /rab 'byor 'di lta ste dper na/ lus rnam pa tha dad pa rnams ni ri'i rgyal po ri rab kyi drung du phyin na kha dog gcig tu 'gyur ro //rab 'byor de bzhin du shes rab kyi pha rol tu phyin pa la brten nas pha rol tu phyin pa lnga po 'di dag gis pha rol tu phyin pa'i ming 'thob par 'gyur te/ de dag kyang rnam pa thams cad mkhyen pa nyid du phyin/ 'di ltar rnam pa thams cad mkhyen pa nyid kyi kha dog tu kha dog gcig par 'gyur te/'di ni sbyin pa'i pha rol tu phyin pa'o/ /'di ni tshul khrims kyi pha rol tu phyin pa'o/ /'di ni bzod pa'i pha rol tu phyin pa'o/ /'di ni brtson 'grus kyi pha rol tu phyin pa'o/ /'di ni bsam gtan gyi pha rol tu phyin pa'o//'di ni shes rab kyi pha rol tu phyin pa'o zhes khyad par gang yang med do/ /de ci'i phyir zhe na/ 'di ltar de la ngo bo nyid med pa de'i phyir khyad par med do/ /gsol pa/ bcom ldan 'das gal te don gyi rjes su zhugs pa la bye brag gam tha dad du bgyi ba ma mchis na/shes rab kyi pha rol tu phyin pa ni ci'i slad du pha rol tu phyin pa lnga po de dag gi rab ces bgyi/ gtso bo zhes bgyi/ mchog ces bgyi/ dam pa zhes bgyi/ phul zhes bgyi/ gya nom pa zhes bgyi/ bla na med pa zhes bgyi/ gong na med pa zhes bgyi/ mnyam pa med pa zhes bgyi/mi mnyam pa dang mnyam pa zhes bgyi/ bcom ldan 'das kyis bka' stsal pa/ rab 'byor de de bzhin no/ /de de bzhin te/ don rjes su thob par bya ba la chos gang la yang bye brag dang khyad par med de/ 'on kyang 'jig rten gyi tha snyad dang / brdar nye bar bzung nas/sems can rnams 'khor ba las yongs su gdon pa'i don du sbyin pa'i pha rol tu phyin pa yang yod do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yang yod de/sems can de dag la yang skye ba med/ 'chi ba med/ 'pho ba med/ 'byung ba med de/ sems can med pas chos thams cad med par rig par bya'o/ /rab 'byor rnam grangs des na shes rab kyi pha rol tu phyin pa ni pha rol tu phyin pa lnga po 'di dag gi rab ces bya/gtso bo zhes bya/ mchog ces bya/ dam pa zhes bya/ phul zhes bya/ gya nom pa zhes bya/ bla na med pa zhes bya/ gong na med pa zhes bya/ mnyam pa med pa zhes bya/ mi mnyam pa dang mnyam pa zhes bya ste/ rab 'byor 'di lta ste dper na/ 'dzam bu'i gling gi bud med gang ji snyed pa de dag gi nang du bud med rin po che ni rab ces bya/ gtso bo zhes bya/ mchog ces bya/ dam pa zhes bya/ phul zhes bya/ gya nom pa zhes bya/ bla na med pa zhes bya/ gong na med pa zhes bya/ mnyam pa med pa zhes bya/ mi mnyam pa dang mnyam pa zhes bya ba bzhin no//gsol pa/ bcom ldan 'das de ltar shes rab kyi pha rol tu phyin pa rab ces bgyi ba dang / gtso bo zhes bgyi ba dang / mchog ces bgyi ba dang / dam pa zhes bgyi ba dang / phul zhes bgyi ba dang / gya nom pa zhes bgyi ba dang / bla na med pa zhes bgyi ba dang /gong na med pa zhes bgyi ba dang / mnyam pa med pa zhes bgyi ba dang / mi mnyam pa dang mnyam pa zhes bgyi ba de ci las dgongs/ bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa 'di ni dge ba'i chos thams cad yongs su bzung zhing mi gnas pa'i tshul gyis rnam pa thams cad mkhyen pa nyid gang na ba der gnas par 'gyur ba'i phyir ro zhes bya ba ni rjes la 'gro ba'i rnam par rtog pa yin te/'di dag gis ni bzung ba'i rnam par rtog pa gnyis pa rnam pa dgu gsungs pa yin no// // gsol pa/ bcom ldan 'das shes rab kyi pha rol tu phyin pa chos gang yang yongs su 'dzin pa'am gtong ba mchis sam/ bcom ldan 'das kyis bka' stsal pa/ rab 'byor de ni ma yin te/ shes rab kyi pha rol tu phyin pa ni chos gang yang yongs su 'dzin pa'am gtong ba med do//de ci'i phyir zhe na/ rab 'byor de ni 'di ltar chos thams cad yongs su bzung ba med pa dang / btang ba med pa'i phyir ro/ /gsol pa/ bcom ldan 'das ji ltar na shes rab kyi pha rol tu phyin pa chos thams cad mi 'dzin mi gtong ba lags/ bcom ldan 'das kyis bka' stsal pa/rab 'byor shes rab kyi pha rol tu phyin pa ni gzugs yongs su mi 'dzin mi gtong ngo / /rab 'byor shes rab kyi pha rol tu phyin pa ni tshor ba dang / 'du shes dang / 'du byed rnams dang / rnam par shes pa yongs su mi 'dzin mi gtong ngo / /rab 'byor shes rab kyi pha rol tu phyin pa ni skye mched dang /khams dang / rten cing 'brel par 'byung ba yongs su mi 'dzin mi gtong ngo / /rab 'byor shes rab kyi pha rol tu phyin pa ni pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yongs su mi 'dzin mi gtong ngo //rab 'byor shes rab kyi pha rol tu phyin pa ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dgu dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yongs su mi 'dzin mi gtong ngo / /rab 'byor shes rab kyi pha rol tu phyin pa ni stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su mi 'dzin mi gtong ngo zhes rab 'byor shes rab kyi pha rol tu phyin pa ni bla na med pa yang dag par rdzogs pa'i byang chub kyi bar du yongs su mi 'dzin mi gtong ngo zhes bya ba ni 'dzin pa dang gtong ba'i rnam par rtog pa yin no// //gsol pa/ bcom ldan 'das ji ltar na gzugs yongs su ma bzung ma btang ba lags/ ji ltar na tshor ba dang / 'du shes dang / 'du byed rnams dang / rnam par shes pa yongs su ma bzung ma btang ba lags/ ji ltar rnam pa thams cad mkhyen pa nyid kyi bar du yongs su ma bzung ma btang ba lags/bcom ldan 'das kyis bka' stsal pa/ rab 'byor gzugs yid la mi byed pas gzugs yongs su ma bzung ma btang ba yin no/ /tshor ba dang / 'du shes dang / 'du byed rnams dang / rnam par shes pa yid la mi byed pas/rnam par shes pa yongs su ma bzung ma btang ba yin no/ /skye mched dang / khams dang / rten cing 'brel par 'byung ba yid la mi byed pas rten cing 'brel par 'byung ba yongs su ma bzung ma btang ba yin no/ /pha rol tu phyin pa thams cad dang / stong pa nyid thams cad dang /byang chub kyi phyogs kyi chos sum cu rtsa bdun yid la mi byed pas byang chub kyi phyogs kyi chos sum cu rtsa bdun yongs su ma bzung ma btang ba yin no/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la mi byed pas gzungs kyi sgo yongs su ma bzung ma btang ba yin no//stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la mi byed pas sangs rgyas kyi chos ma 'dres pa bcwa brgyad yongs su ma bzung ma btang ba yin no/ /rnam pa thams cad mkhyen pa nyid kyi bar du yid la mi byed pas rnam pa thams cad mkhyen pa nyid yongs su ma bzung ma btang ba yin no//rab 'byor de ltar na gzugs yongs su ma bzung ma btang ba yin no/ /rnam pa thams cad mkhyen pa nyid kyi bar du yongs su ma bzung ma btang ba yin no/ /gsol pa/ bcom ldan 'das gal te gzugs yid la mi bgyi/tshor ba dang / 'du shes dang / 'du byed rnams dang / rnam par shes pa yid la mi bgyi/skye mched dang / khams dang / rten cing 'brel par 'byung ba yid la mi bgyi/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yid la mi bgyi/ 'phags pa'i bden pa rnams dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la mi bgyi/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams yid la mi bgyi/rnam pa thams cad mkhyen pa nyid kyi bar du yid la mi bgyi na/ 'o na bcom ldan 'das gzugs yid la ma bgyis / tshor ba dang / 'du shes dang / 'du byed rnams dang / rnam par shes pa yid la ma bgyis/ skye mched dang / khams dang / rten cing 'brel par 'byung ba yid la ma bgyis/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yid la ma bgyis/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la ma bgyis/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la ma bgyis/ rnam pa thams cad mkhyen pa nyid kyi bar du yid la ma bgyis par dge ba'i rtsa ba rnams ji ltar rnam par 'phel bar 'gyur/ dge ba'i rtsa ba rnams rnam par ma 'phel bar yang ji ltar pha rol tu phyin pa drug yongs su rdzogs par 'gyur/ pha rol tu phyin pa drug yongs su ma rdzogs par yang ji ltar rnam pa thams cad mkhyen pa nyid thob par 'gyur/ bcom ldan 'das kyis bka' stsal pa/ rab 'byor nam gzugs yid la mi byed/tshor ba dang / 'du shes dang / 'du byed rnams dang / rnam par shes pa yid la mi byed/ skye mched dang / khams dang / rten cing 'brel par 'byung ba yid la mi byed/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yid la mi byed/'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yid la mi byed/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la mi byed/bla na med pa yang dag par rdzogs pa'i byang chub kyi bar du yid la mi byed na/ de'i tshe byang chub sems dpa' sems dpa' chen po'i dge ba'i rtsa ba rnams rnam par 'phel bar 'gyur te/ dge ba'i rtsa ba rnams rnam par 'phel bas/ pha rol tu phyin pa drug yongs su rdzogs par 'gyur ro//pha rol tu phyin pa drug yongs su rdzogs pas rnam pa thams cad mkhyen pa nyid thob par 'gyur ro/ /de ci'i phyir zhe na/ gzugs yid la ma byas/ tshor ba dang / 'du shes dang / 'du byed rnams dang / rnam par shes pa yid la ma byas/skye mched dang / khams dang / rten cing 'brel par 'byung ba yid la ma byas/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yid la ma byas/ 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo rnams yid la ma byas/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la ma byas par bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni yid la byed pa'i rnam par rtog pa yin no// //gsol pa/ bcom ldan 'das ci'i slad du de ltar gzugs yid la ma bgyis/ de ltar tshor ba dang / 'du shes dang / 'du byed rnams dang / rnam par shes pa yid la ma bgyis/ de ltar skye mched dang / khams dang / rten cing 'brel par 'byung ba yid la ma bgyis/ de ltar pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yid la ma bgyis/ de ltar 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo rnams yid la ma bgyis/ de ltar stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la ma bgyis/ bla na med pa yang dag par rdzogs pa'i byang chub yid la ma bgyis par rnam pa thams cad mkhyen pa nyid thob par 'gyur ro // //bam po lnga bcu drug pa/ bcom ldan 'das kyis bka' stsal pa/ yid la byed pas ni gal te 'dod pa'i khams sam/ gal te gzugs kyi khams sam/ gal te gzugs med pa'i khams su 'dre bar 'gyur te/yid la mi byed pas ni gang du'ang 'dre bar mi 'gyur ro/ /de bas na rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos gang dang yang 'dre bar mi bya'o zhes bya ba ni khams gsum char dang 'brel pa'i rnam par rtog pa yin no// //gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la de ltar spyod pa de gang la gnas par 'gyur/ bcom ldan 'das kyis bka' stsal pa/ rab 'byor de ltar spyod pa'i byang chub sems dpa' sems dpa' chen po ni gzugs la gnas par mi 'gyur ro//tshor ba dang / 'du shes dang / 'du byed rnams dang / rnam par shes pa la gnas par mi 'gyur ro/ /skye mched dang / khams dang / rten cing 'brel par 'byung ba la gnas par mi 'gyur ro//pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun la gnas par mi 'gyur ro/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la gnas par mi 'gyur ro/ /stobs bcu dang / mi 'jigs pa bzhi dang /so so yang dag par rig pa bzhi dang / sangs rgyas kyi chos ma 'dres pa bcwa brgyad la gnas par mi 'gyur ro/ /rnam pa thams cad mkhyen pa nyid kyi bar la gnas par mi 'gyur ro zhes bya ba ni gnas pa'i rnam par rtog pa yin no// //gsol pa/ bcom ldan 'das ci'i slad du rnam pa thams cad mkhyen pa nyid la yang gnas par mi 'gyur ba lags/bcom ldan 'das kyis bka' stsal pa/ mngon par chags pa med pa'i phyir gang la yang gnas par mi 'gyur ro/ /de ci'i phyir zhe na/ 'di ltar des gang la mngon par chags par bya ba'am/ gnas par bya ba'i chos de lta bu gang yang yang dag par rjes su mi mthong ste/ rab 'byor de ltar na byang chub sems dpa' sems dpa' chen po mngon par chags pa med pa dang / gnas med pa'i tshul gyis shes rab kyi pha rol tu phyin pa la spyod do zhes bya ba ni dngos po la mngon par zhen pa'i rnam par rtog pa yin no// //gal te yang byang chub sems dpa' sems dpa' chen po 'di snyam du sems shing gang de ltar spyod pa dang / de ltar bsgom pa de ni shes rab kyi pha rol tu phyin pa la spyod/ de ni shes rab kyi pha rol tu phyin pa la bsgom ste/ bdag ni shes rab kyi pha rol tu phyin pa la spyod/bdag ni shes rab kyi pha rol tu phyin pa la bsgom mo snyam zhing gal te de ltar 'du shes na shes rab kyi pha rol tu phyin pa las ring du byed pa yin no/ /gang shes rab kyi pha rol tu phyin pa las ring du gyur pa de ni bsam gtan gyi pha rol tu phyin pa dang / brtson 'grus kyi pha rol tu phyin pa dang /bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa las ring du gyur pa yin no / /nang stong pa nyid las ring du gyur pa yin/ dngos po med pa'i ngo bo nyid stong pa nyid kyi bar las ring du gyur pa yin/dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa las ring du gyur pa yin/ 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo las ring du gyur pa yin no/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad las ring du gyur pa yin no / /rnam pa thams cad mkhyen pa nyid kyi bar las ring du gyur pa yin no//de ci'i phyir zhe na/ shes rab kyi pha rol tu phyin pa ni gang la yang mngon par chags par mi byed de/ shes rab kyi pha rol tu phyin pa la mngon par chags pa gang yang med do/ /de ci'i phyir zhe na/ de ni 'di ltar gang la mngon par chags par gyur pa de lta bu'i rang bzhin de la med de/rab 'byor gal te byang chub sems dpa' sems dpa' chen po shes rab kyi pha rol tu phyin par 'du shes na yang byang chub sems dpa' sems dpa' chen po de shes rab kyi pha rol tu phyin pa las nyams par 'gyur te/ gang shes rab kyi pha rol tu phyin pa las nyams pa de ni chos thams cad las nyams par 'gyur ro//gal te yang de 'di snyam du shes rab kyi pha rol tu phyin pa ni pha rol tu phyin pa lnga yongs su 'dzin to snyam na yang byang chub sems dpa' sems dpa' chen po de shes rab kyi pha rol tu phyin pa las yongs su nyams par 'gyur ba yin no//gal te yang de 'di snyam du shes rab kyi pha rol tu phyin pa ni nang stong pa nyid yongs su 'dzin to/ /dngos po med pa'i ngo bo nyid stong pa nyid kyi bar du yongs su 'dzin to snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin no//gal te yang de 'di snyam du shes rab kyi pha rol tu phyin pa ni dran pa nye bar gzhag pa bzhi yongs su 'dzin to/ /'phags pa'i lam yan lag brgyad pa'i bar du yongs su 'dzin to snyam na yang byang chub sems dpa' sems dpa' chen po de shes rab kyi pha rol tu phyin pa las yongs su nyams pa yin no//gal te yang de 'di snyam du shes rab kyi pha rol tu phyin pa ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin rnams dang / gzungs kyi sgo yongs su 'dzin to snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin no//gal te yang de 'di snyam du shes rab kyi pha rol tu phyin pa ni stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su 'dzin to snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin no//gal te yang de 'di snyam du shes rab kyi pha rol tu phyin pa ni rnam pa thams cad mkhyen pa nyid kyi bar du yongs su 'dzin to snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin no //shes rab kyi pha rol tu phyin pa dang bral bas ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /gal te yang de 'di snyam du shes rab kyi pha rol tu phyin pa 'di la gnas pa ni bla na med pa yang dag par rdzogs pa'i byang chub tu lung bstan to snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin te/shes rab kyi pha rol tu phyin pa las nyams pa ni bla na med pa yang dag par rdzogs pa'i byang chub tu lung mi ston to/ /gal te yang de 'di snyam du shes rab kyi pha rol tu phyin pa 'di la gnas te byang chub sems dpa' sems dpa' chen po sbyin pa'i pha rol tu phyin pa mngon par bsgrub bo//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa mngon par bsgrub po/ /nang stong pa nyid mngon par bsgrub bo/ /dngos po med pa'i ngo bo nyid stong pa nyid kyi bar du mngon par bsgrub bo/ /dran pa nye bar gzhag pa rnams mngon par bsgrub bo/ /yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa mngon par bsgrub bo/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams mngon par bsgrub bo/ /de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad mngon par bsgrub bo snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin no//de ci'i phyir zhe na/ shes rab kyi pha rol tu phyin pa las nyams pas ni sbyin pa'i pha rol tu phyin pa mngon par sgrub par mi nus so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa mngon par sgrub par mi nus so/ /nang stong pa nyid mngon par sgrub par mi nus so/ /dngos po med pa'i ngo bo nyid stong pa nyid kyi bar du mngon par sgrub par mi nus so/ /dran pa nye bar gzhag pa mngon par sgrub par mi nus so//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa mngon par sgrub par mi nus so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams mngon par sgrub par mi nus so//de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad mngon par sgrub par mi nus so/ /rnam pa thams cad mkhyen pa nyid dang / byams pa chen po dang / snying rje chen po mngon par sgrub par mi nus so/ /gal te yang de 'di snyam du de bzhin gshegs pas ni chos thams cad yongs su ma bzung ste/ rang gis mngon par rdzogs par sangs rgyas nas bshad do/ /bstan to/ /rab tu phye'o snyam na yang byang chub sems dpa' sems dpa' chen po de shes rab kyi pha rol tu phyin pa las nyams pa yin no//de ci'i phyir zhe na/ de bzhin gshegs pas ni chos gang yang mngon par rdzogs par sangs rgyas pa med de/ rab 'byor de yang 'di ltar de bzhin gshegs pas ni chos gang yang 'dogs pa med na/chos la la zhig mngon par rdzogs par 'tshang mi rgya bar 'gyur ba lta ga la yod de/ de ni gnas ma yin no zhes bya ba ni dngos por btags par rnam par rtog pa yin no// //de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i skyon 'di dag ma mchis par 'gyur ba lags/ bcom ldan 'das kyis bka' stsal pa/ rab 'byor nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe 'di snyam du chos thams cad ni med pa ste yongs su ma bzung ba'o//de ltar chos thams cad med cing yongs su ma bzung ba ni mngon par rdzogs par 'tshang rgya bar mi nus so zhes bya bar yang dag par shes te/gal te de ltar spyod na shes rab kyi pha rol tu phyin pa la spyod pa yin no/ /gal te de ltar yongs su ma bzung ba'i chos thams cad la mngon par chags na byang chub sems dpa' sems dpa' chen po shes rab kyi pha rol tu phyin pa dang bral ba yin te/de ci'i phyir zhe na/ shes rab kyi pha rol tu phyin pa ni mngon par chags pas brjod pa ma yin no zhes bya ba ni chags pa'i rnam par rtog pa yin no// //gsol pa/ bcom ldan 'das ci lags/ shes rab kyi pha rol tu phyin pa shes rab kyi pha rol tu phyin pa dang ma bral ba lags sam/bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa sbyin pa'i pha rol tu phyin pa dang ma bral ba lags sam/ nang stong pa nyid nang stong pa nyid dang ma bral ba lags sam/dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid dang ma bral ba lags sam/ dran pa nye bar gzhag pa rnams dran pa nye bar gzhag pa rnams dang ma bral ba lags sam / yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa 'phags pa'i lam yan lag brgyad pa dang ma bral ba lags sam/ 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams gzungs kyi sgo rnams dang ma bral ba lags sam/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad sangs rgyas kyi chos ma 'dres pa bcwa brgyad dang ma bral ba lags sam/rnam pa thams cad mkhyen pa nyid kyi bar du rnam pa thams cad mkhyen pa nyid dang ma bral ba lags sam/ gal te shes rab kyi pha rol tu phyin pa yang shes rab kyi pha rol tu phyin pa dang ma bral/ bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang sbyin pa'i pha rol tu phyin pa dang ma bral/ rnam pa thams cad mkhyen pa nyid kyi bar yang rnam pa thams cad mkhyen pa nyid dang ma bral ba zhig lags na ni zhes bya ba ni gnyen po la rnam par rtog pa yin no// //'o na shes rab kyi pha rol tu phyin pa yang ji ltar mngon par bsgrub par bgyi/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang ji ltar mngon par bsgrub par bgyi/ rnam pa thams cad mkhyen pa nyid kyi bar du yang ji ltar mngon par bsgrub par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs she'am/ 'di ni gzugs so/ /'di ni gzugs so zhes bya bar mngon par chags pa med do/ /tshor ba dang / 'du shes dang / 'du byed rnams dang / rnam par shes pa zhe'am 'di ni rnam par shes pa'o 'di'i rnam par shes pa'o zhes bya bar mngon par chags pa med do//skye mched dang / khams dang / rten cing 'brel par 'byung ba'o zhe'am/ 'di ni rten cing 'brel par 'byung ba'o/ /'di'i rten cing 'brel par 'byung ba'o zhes bya bar mngon par chags pa med do//rnam pa thams cad mkhyen pa nyid kyi bar zhe'am/ 'di ni rnam pa thams cad mkhyen pa nyid do/ /'di'i rnam pa thams cad mkhyen pa nyid do zhes bya bar mngon par chags pa med do/ /gzugs rtag pa'am mi rtag par mngon par chags pa med do//tshor ba dang / 'du shes dang / 'du byed rnams dang / rnam par shes pa rtag pa'am mi rtag par mngon par chags pa med do/ /skye mched dang / khams dang / rten cing 'brel par 'byung ba rtag pa'am mi rtag par mngon par chags pa med do//rnam pa thams cad mkhyen pa nyid kyi bar du rtag pa'am mi rtag par mngon par chags pa med do/ /gzugs bde ba'am sdug bsngal bar mngon par chags pa med do/ /tshor ba dang / 'du shes dang / 'du byed rnams dang / rnam par shes pa bde ba'am sdug bsngal bar mngon par chags pa med do//skye mched dang / khams dang / rten cing 'brel par 'byung ba bde ba'am sdug bsngal bar mngon par chags pa med do/ /rnam pa thams cad mkhyen pa nyid kyi bar du bde ba'am sdug bsngal bar mngon par chags pa med do//gzugs bdag gam bdag med par mngon par chags pa med do/ /tshor ba dang / 'du shes dang / 'du byed rnams dang / rnam par shes pa bdag gam bdag med par mngon par chags pa med do/ /skye mched dang / khams dang / rten cing 'brel par 'byung ba bdag gam bdag med par mngon par chags pa med do//rnam pa thams cad mkhyen pa nyid kyi bar du bdag gam bdag med par mngon par chags pa med do/ /gzugs zhi ba'am ma zhi bar mngon par chags pa med do/ /tshor ba dang / 'du shes dang /'du byed rnams dang / rnam par shes pa zhi ba'am ma zhi bar mngon par chags pa med do/ /skye mched dang / khams dang / rten cing 'brel par 'byung ba zhi ba'am ma zhi bar mngon par chags pa med do/ /rnam pa thams cad mkhyen pa nyid kyi bar du zhi ba'am ma zhi bar mngon par chags pa med do//gzugs stong pa'am mi stong bar mngon par chags pa med do/ /tshor ba dang / 'du shes dang / 'du byed rnams dang / rnam par shes pa stong pa'am mi stong par mngon par chags pa med do/ /skye mched dang / khams dang / rten cing 'brel par 'byung ba stong pa'am mi stong par mngon par chags pa med do//rnam pa thams cad mkhyen pa nyid kyi bar du stong pa'am mi stong par mngon par chags pa med do/ /gzugs mtshan ma yod pa'am mtshan ma med par mngon par chags pa med do/ /tshor ba dang / 'du shes dang / 'du byed rnams dang /rnam par shes pa mtshan ma yod pa'am mtshan ma med par mngon par chags pa med do/ /skye mched dang / khams dang / rten cing 'brel par 'byung ba mtshan ma yod pa'am mtshan ma med par mngon par chags pa med do/ /rnam pa thams cad mkhyen pa nyid kyi bar du mtshan ma yod pa'am mtshan ma med par mngon par chags pa med do//gzugs smon pa yod pa'am smon pa med par mngon par chags pa med do/ /tshor ba dang / 'du shes dang / 'du byed rnams dang / rnam par shes pa smon pa yod pa'am smon pa med par mngon par chags pa med do/ /skye mched dang /khams dang / rten cing 'brel par 'byung ba smon pa yod pa'am smon pa med par mngon par chags pa med do/ /rnam pa thams cad mkhyen pa nyid kyi bar du smon pa yod pa'am smon pa med par mngon par chags pa med do/ /gzugs dben pa'am mi dben par mngon par chags pa med do//tshor ba dang / 'du shes dang / 'du byed rnams dang / rnam par shes pa dben pa'am mi dben par mngon par chags pa med do/ /skye mched dang / khams dang / rten cing 'brel par 'byung ba dben pa'am mi dben par mngon par chags pa med do/ / rnam pa thams cad mkhyen pa nyid kyi bar du dben pa'am mi dben par mngon par chags pa med do/ /de ci'i phyir zhe na/ rang bzhin med pa'i chos ni rtag ces bya ba'am/ mi rtag ces bya ba'am/ bde zhes bya ba'am/ sdug bsngal zhes bya ba'am/ bdag yod ces bya ba'am/bdag med ces bya ba'am/ zhi zhes bya ba'am/ ma zhi zhes bya ba'am/ stong zhes bya ba'am/ mi stong zhes bya ba'am/ mtshan ma yod ces bya ba'am/ mtshan ma med ces bya ba'am/ smon pa yod ces bya ba'am/ smon pa med ces bya ba'am/ dben zhes bya ba'am/mi dben zhes bya bar mngon par chags pa med do / /ngo bo nyid ni ngo bo nyid kyis mngon par sgrub par mi nus te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la spyod pa de ni rnam pa thams cad mkhyen pa nyid la gnas par 'gyur ro/ /rab 'byor 'di lta ste dper na/ 'khor los sgyur ba'i rgyal po'i dpung gi tshogs yan lag bzhi pa ni 'khor los sgyur ba'i rgyal po gang dang gang du 'gro ba de dang der 'gro'o//rab 'byor de bzhin du pha rol tu phyin pa lnga po 'di dag kyang shes rab kyi pha rol tu phyin pa'i rjes su 'brang ste/ rnam pa thams cad mkhyen pa nyid gang na ba der gnas par 'gyur ro zhes bya ba ni ji ltar 'dod pa bzhin du 'gro ba la thogs pa'i rnam par rtog pa yin te 'di dag gis ni 'dzin pa'i rnam par rtog pa dang po rnam pa dgu gsungs pa yin no// //rab 'byor 'di lta ste dper na/ kha lo sgyur ba ni rta zung bzhi pa'i shing rta la zhon zhing lam mnyam pa nas 'gro'o//de bzhin du pha rol tu phyin pa lnga'i kha lo sgyur ba shes rab kyi pha rol tu phyin pa yang rnam pa thams cad mkhyen pa nyid gang na ba der lam mnyam pa nas 'gro'o zhes bya ba ni ched du bya ba ji lta ba bzhin du nges par mi 'byung ba'i rnam par rtog pa yin no// //gsol pa/ bcom ldan 'das byang chub sems dpa' sems dpa' chen po rnams kyi lam ni gang lags/ lam ma lags pa ni gang lags/ bcom ldan 'das kyis bka' stsal pa/ rnam pa thams cad mkhyen pa nyid thob par bya ba la nyan thos kyi lam ni byang chub sems dpa' sems dpa' chen po rnams kyi lam ma yin no//rang sangs rgyas kyi lam ni byang chub sems dpa' sems dpa' chen po rnams kyi lam ma yin no/ /rnam pa thams cad mkhyen pa nyid thob par bya ba la shes rab kyi pha rol tu phyin pa sngon du 'gro ba'i pha rol tu phyin pa drug ni byang chub sems dpa' sems dpa' chen po rnams kyi lam ste/de ni byang chub sems dpa'i lam dang lam ma yin po'o zhes bya ba ni lam dang lam ma yin pa'i nges par 'dzin pa'i rnam par rtog pa yin no// //gsol pa/ bcom ldan 'das de ltar shes rab kyi pha rol tu phyin pa 'di lam dang lam ma lags pa ston pa ni byang chub sems dpa' sems dpa' chen po rnams la don chen po'i slad du nye bar gnas so//bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol tu phyin pa ni lam dang lam ma yin pa ston pas byang chub sems dpa' sems dpa' chen po rnams la don chen po'i phyir nye bar gnas so//shes rab kyi pha rol tu phyin pa ni byang chub sems dpa' sems dpa' chen po rnams la don tshad med pa'i phyir nye bar gnas so/ /shes rab kyi pha rol tu phyin pa ni byang chub sems dpa' sems dpa' chen po rnams la don grangs med pa'i phyir nye bar gnas so //shes rab kyi pha rol tu phyin pa ni don de yang brjod mod kyi gzugs yongs su mi 'dzin to/ /tshor ba dang / 'du shes dang / 'du byed rnams dang / rnam par shes pa yongs su mi 'dzin to/ /nyan thos dang rang sangs rgyas kyi sar ni 'gyur ba'i bar du yongs su gzung ba'i phyir nye bar gnas pa ma yin no//shes rab kyi pha rol tu phyin pa 'di ni byang chub sems dpa' sems dpa' chen po bla na med pa yang dag par rdzogs pa'i byang chub tu yongs su 'thob par byed pa ma yin no/ /nyan thos kyi sa dang / rang sangs rgyas kyi sa 'dor ba ma yin no/ /rnam pa thams cad mkhyen pa nyid dang sprod pa ma yin no//de ltar chos kyi gnas nyid tshad mar byas na shes rab kyi pha rol tu phyin pa 'di ni chos gang yang bskyed pa ma yin 'gog pa ma yin no/ /gsol pa/ bcom ldan 'das de ltar shes rab kyi pha rol tu phyin pa 'di chos gang yang bskyed pa ma lags 'gog pa ma lags na/bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas ji ltar sbyin pa yongs su gtang bar bgyi/ ji ltar tshul khrims bsrung bar bgyi/ ji ltar bzod pa bsgom par bgyi/ji ltar brtson 'grus brtsam par bgyi/ ji ltar bsam gtan la snyoms par 'jug par bgyi/ ji ltar shes rab bsgom par bgyi/ bcom ldan 'das kyis bka' stsal pa/ rnam pa thams cad mkhyen pa nyid du dmigs te sbyin pa sbyin par bya'o/ / rnam pa thams cad mkhyen pa nyid du dmigs te tshul khrims bsrung bar bya'o/ /rnam pa thams cad mkhyen pa nyid du dmigs te bzod pa bsgom par bya'o/ /rnam pa thams cad mkhyen pa nyid du dmigs te brtson 'grus brtsam par bya'o/ /rnam pa thams cad mkhyen pa nyid du dmigs te bsam gtan la snyoms par 'jug par bya'o//rnam pa thams cad mkhyen pa nyid du dmigs te shes rab bsgom par bya'o/ /des dge ba'i rtsa ba de dag kyang sems can thams cad dang thun mong du byas te bla na med pa yang dag par rdzogs pa'i byang chub tu yongs su bsngo bar bya'o//ji ltar 'di la blo rnam pa gsum po sngo bar byed pa de ni su zhig yin la / bsngo bar bya ba yang gang yin/ gang du yongs su bsngo bar bya ba yin snyam par mi 'gyur ba de ltar yongs su bsngo bar bya ste/ de ltar byang chub sems dpa' sems dpa' chen po'i dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na pha rol tu phyin pa drug bsgoms pa yongs su rdzogs par 'gyur ba nas/byang chub sems dpa' sems dpa' chen po byams pa bsgoms pa yongs su rdzogs pa'i byar du 'gyur ba dang /rnam pa thams cad mkhyen pa nyid kyi bar gyi bsgoms pa yongs su rdzogs par 'gyur ro/ /byang chub sems dpa' sems dpa' chen po gang pha rol tu phyin pa drug dang ma bral ba de ni rnam pa thams cad mkhyen pa nyid dang ma bral ba ste/ de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas pha rol tu phyin pa drug la spyad par bya'o//pha rol tu phyin pa drug la spyod pa'i byang chub sems dpa' sems dpa' chen po ni dge ba'i rtsa ba thams cad yongs su rdzogs nas rnam pa thams cad mkhyen pa nyid thob par 'gyur ro//rab 'byor de lta bas na byang chub sems dpa' sems dpa' chen po pha rol tu phyin pa drug la brtson par bya'o zhes bya ba ni/ skye ba dang 'gag pa'i rnam par rtog pa yin no// //gsol pa/ bcom ldan 'das byang chub sems dpa' sems dpa' chen po ji ltar pha rol tu phyin pa drug la brtson par bgyi/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po gzugs ldan pa yang ma yin mi ldan pa yang ma yin/ tshor ba dang / 'du shes dang / 'du byed rnams dang / rnam par shes pa ldan pa yang ma yin mi ldan pa yang ma yin/skye mched dang / khams dang / rten cing 'brel par 'byung ba ldan pa yang ma yin mi ldan pa yang ma yin/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun ldan pa yang ma yin mi ldan pa yang ma yin/'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams ldan pa yang ma yin mi ldan pa yang ma yin/rnam pa thams cad mkhyen pa nyid kyi bar du ldan pa yang ma yin mi ldan pa yang ma yin no zhes bya bar rab tu brtag par bya ste/ rab 'byor de ltar byang chub sems dpa' sems dpa' chen pos pha rol tu phyin pa drug la brtson par bya'o zhes bya ba ni ldan pa dang mi ldan pa'i rnam par rtog pa yin no// //rab 'byor gzhan yang byang chub sems dpa' sems dpa' chen pos gzugs la gnas par bya'o zhes brtson par mi bya'o/ /tshor ba dang / 'du shes dang / 'du byed rnams dang / rnam par shes pa la gnas par bya'o zhes brtson par mi bya'o//skye mched dang / khams dang / rten cing 'brel par 'byung ba la gnas par bya'o zhes brtson par mi bya'o/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun la gnas par bya'o zhes brtson par mi bya'o//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo rnams la gnas par bya'o zhes brtson par mi bya'o/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams la gnas par bya'o zhes brtson par mi bya'o//rnam pa thams cad mkhyen pa nyid kyi bar la gnas par bya'o zhes brtson par mi bya'o/ /de ci'i phyir zhe na/ gzugs ni gang la yang mi gnas so/ /tshor ba dang / 'du shes dang / 'du byed rnams dang / rnam par shes pa ni gang la yang mi gnas so//skye mched dang / khams dang / rten cing 'brel par 'byung ba ni gang la yang mi gnas so/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun ni gang la yang mi gnas so/ /'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ni gang la yang mi gnas so/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams ni gang la yang mi gnas so/ /rnam pa thams cad mkhyen pa nyid kyi bar ni gang la yang mi gnas pa ste/de ltar mi gnas pa'i tshul gyis byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes bya ba ni gzugs la sogs pa la gnas pa'i rnam par rtog pa yin no// //rab 'byor 'di lta ste dper na/ skyes bu zhig shing tog a mra'am pa na sa za bar 'dod na des shing tog a mra'am pa na sa bskyed par bya'o/ /bskyed nas kyang dus dus su chus bcu bar bya'o/ /gnod pa bsal lo/ /de rgyu rkyen tshogs pa'i dbang gis mthar gyis 'phel nas shing tog a mra'am shing tog pa na sa yod par 'gyur te/de shing tog a mra'am shing tog pa na sa za bar 'gyur ro/ /rab 'byor de bzhin du byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas kyang pha rol tu phyin pa drug la bslabs te/sems can rnams sbyin pas rjes su gzung bar bya'o/ /tshul khrims dang / bzod pa dang / brtson 'grus dang / bsam gtan dang / shes rab kyis rjes su gzung bar bya'o/ /sems can rnams 'khor ba las yongs su dgrol bar bya'o zhes bya ba ni rigs rnam par 'jig pa'i rnam par rtog pa yin no// //rab 'byor de lta bas na byang chub sems dpa' sems dpa' chen po gzhan gyi dring mi 'jog par 'dod pa dang / sangs rgyas kyi zhing yongs su sbyang bar 'dod pa dang / snying po byang chub la 'dug par 'dod pa dang / chos kyi 'khor lo bskor bar 'dod pas pha rol tu phyin pa drug la bslab par bya'o/ /gsol pa/ bcom ldan 'das shes rab kyi pha rol tu phyin pas shes rab kyi pha rol tu phyin pa la bslab par bya'o zhes gsung ngam/bcom ldan 'das kyis bka' stsal pa/ rab 'byor shes rab kyi pha rol tu phyin pas shes rab kyi pha rol tu phyin pa la bslab par bya'o zhes smras pa'o / /chos thams cad la dbang du 'gyur ba 'thob par 'dod pas shes rab kyi pha rol tu phyin pa la bslab par bya'o zhes smra'o zhes bya ba ni don du gnyer ba med pa la rnam par rtog pa yin no// //de ci'i phyir zhe na/ gang gi chos thams cad la dbang du 'gyur ba'i sa thob par 'gyur ba de ni shes rab kyi pha rol tu phyin pa'o/ /shes rab kyi pha rol tu phyin pa 'di ni chos thams cad kyi sgo ste/ 'di lta ste dper na rgya mtsho chen po ni chu klung thams cad kyi sgo'o//de bzhin du shes rab kyi pha rol tu phyin pa yang chos thams cad kyi sgo ste/ gang zag nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa rnams kyis shes rab kyi pha rol tu phyin pa 'di nyid la bslab par bya'o//rab 'byor de bas na byang chub sems dpa' sems dpa' chen pos sbyin pa'i pha rol tu phyin pa la bslab par bya'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa la bslab par bya'o/ /nang stong pa nyid la bslab par bya'o/ /phyi stong pa nyid la bslab par bya'o/ /phyi nang stong pa nyid la bslab par bya'o/ /dngos po med pa'i ngo bo nyid stong pa nyid kyi bar la bslab par bya'o/ /dran pa nye bar gzhag pa bzhi la bslab par bya'o//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la bslab par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la bslab par bya'o/ /de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la bslab par bya'o//rnam pa thams cad mkhyen pa nyid kyi bar la bslab par bya'o zhes bya ba ni rgyu med pa la rnam par rtog pa yin no// //rab 'byor 'di lta ste dper na/ 'phong gi slob dpon lag tshod dang 'byor pa'i gzhu thogs pa ni dgra dang phyir rgol ba rnams kyis thub par dka'o//rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang bdud dam bdud kyi ris kyi lha rnams kyis thub par dka'o/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa la bslab par bya'o//de ltar shes rab kyi pha rol tu phyin pa la spyod pa de la 'das pa dang / ma 'ongs pa dang / da ltar byung ba'i sangs rgyas bcom ldan 'das rnams dgongs pa mdzad do//gsol pa/ sangs rgyas bcom ldan 'das rnams ni ji ltar byang chub sems dpa' sems dpa' chen po sbyin pa'i pha rol tu phyin pa la spyod pa la dgongs pa mdzad/ ji ltar tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la spyod pa la dgongs pa mdzad/ ji ltar nang stong pa nyid la spyod pa la dgongs pa mdzad/ ji ltar dngos pa med pa'i ngo bo nyid stong pa nyid kyi bar la spyod pa la dgongs pa mdzad/ ji ltar dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod pa la dgongs pa mdzad/ ji ltar 'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / /gzungs kyi sgo rnams la spyod pa la dgongs pa mdzad/ ji ltar de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad la spyod pa la dgongs pa mdzad/ji ltar rnam pa thams cad mkhyen pa nyid kyi bar la spyod pa la dgongs pa mdzad/ bcom ldan 'das kyis bka' stsal pa/ rab 'byor 'di la sangs rgyas bcom ldan 'das rnams ni byang chub sems dpa' sems dpa' chen po sbyin pa'i pha rol tu phyin pa la spyod pa la dgongs pa mdzad de/ci nas kyang sbyin pa mi dmigs pa de ltar dgongs pa mdzad do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa la dgongs pa mdzad de/ ci nas kyang shes rab kyi pha rol tu phyin pa mi dmigs pa de ltar dgongs pa mdzad do/ /nang stong pa nyid la spyod pa la dgongs pa mdzad de/ ci nas kyang nang stong pa nyid mi dmigs pa de ltar dgongs pa mdzad do//dngos po med pa'i ngo bo nyid stong pa nyid kyi bar du spyod pa la dgongs pa mdzad de/ ci nas kyang dngos po med pa'i ngo bo nyid stong pa nyid kyi bar du mi dmigs pa de ltar dgongs pa mdzad do/ /dran pa nye bar gzhag pa rnams la spyod pa la dgongs pa mdzad de/ ci nas kyang dran pa nye bar gzhag pa rnams mi dmigs pa de ltar dgongs pa mdzad do//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod pa la dgongs pa mdzad de/ci nas kyang 'phags pa'i lam yan lag brgyad pa mi dmigs pa de ltar dgongs pa mdzad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la spyod pa la dgongs pa mdzad de/ ci nas kyang gzungs kyi sgo rnams ni mi dmigs pa de ltar dgongs pa mdzad do//de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad la spyod pa la dgongs pa mdzad de/ ci nas kyang sangs rgyas kyi chos ma 'dres pa bcwa brgyad mi dmigs pa de ltar dgongs pa mdzad do//rnam pa thams cad mkhyen pa nyid kyi bar du spyod pa la dgongs pa mdzad de/ ci nas kyang rnam pa thams cad mkhyen pa nyid mi dmigs pa de ltar dgongs pa mdzad de/ de ltar mi dmigs pa'i byang chub sems dpa' sems dpa' chen po la dgongs pa mdzad do//rab 'byor gzhan yang sangs rgyas bcom ldan 'das rnams ni byang chub sems dpa' sems dpa' chen po la gzugs su dgongs pa mi mdzad do/ /tshor ba dang / 'du shes dang / 'du byed rnams dang / rnam par shes par dgongs pa mi mdzad do/ /skye mched dang /khams dang / rten cing 'brel par 'byung bar dgongs pa mi mdzad do/ /sbyin pa'i pha rol tu phyin par dgongs pa mi mdzad do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin par dgongs pa mi mdzad do/ /nang stong pa nyid du dgongs pa mi mdzad do/ /phyi stong pa nyid du dgongs pa mi mdzad do/ /dngos po med pa'i ngo bo nyid stong pa nyid kyi bar du dgongs pa mi mdzad do/ /dran pa nye bar gzhag pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad par dgongs pa mi mdzad do/ /'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgor dgongs pa mi mdzad do//stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams su dgongs pa mi mdzad do/ /rnam pa thams cad mkhyen pa nyid kyi bar du dgongs pa mi mdzad do zhes bya ba ni phyir rgol ba'i chos la dmigs pa'i rnam par rtog pa yin te/'di dag gis ni 'dzin pa'i rtog pa gnyis rnam pa dgu gsungs pa yin no// //de nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa 'di ni zab pa ste/bcom ldan 'das byang chub sems dpa' sems dpa' chen po gang bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni dka' ba bgyid pa'o/ de ci'i slad du zhe na/ bcom ldan 'das de bzhin nyid la gnas pa zhes bgyi ba ni 'ga' yang ma mchis te/bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'ga' yang ma mchis/ chos ston pa yang 'ga' yang ma mchis mod kyi/ de lta na yang de zhum par mi 'gyur zhing nem nur du 'gyur ba'am rmongs par 'gyur ba ma mchis pa'i slad du'o//de nas gnas brtan rab 'byor gyis lha'i dbang po brgya byin la 'di skad ces smras so/ /kau shi ka gang khyod kyis 'di skad du bcom ldan 'das byang chub sems dpa' sems dpa' chen po chos zab mo 'di dag la nem nur du mi 'gyur/rmongs par mi 'gyur ba ni dka' ba bgyid pa'o zhes gsol pa ni/ kau shi ka chos thams cad stong pa nyid yin na de la nem nur du 'gyur ba'am/ rmongs par 'gyur ba lta su zhig yod/ brgya byin gyis smras pa/ gnas brtan rab 'byor ni gang ci ston kyang de thams cad ni stong pa nyid las brtsams shing ston te/ci la yang chags pa med do/ /'di lta ste dper na bar snang la 'phangs pa'i mda' ni ci la yang chags pa med do/ /de bzhin du gnas brtan rab 'byor gyis chos bstan pa yang ci la yang chags pa med do/ /de nas lha'i dbang po brgya byin gyis bcom ldan 'das la 'di skad ces gsol to//bcom ldan 'das ci lags/ bdag gis de skad du gsol te / de skad du brjod pas bcom ldan 'das kyis gsungs pa'i rjes su brjod pa dang / chos rjes su brjed cing chos kyis gnyer ba'i chos nyid yang dag par lung bstan pas lung bstan par 'gyur ba lags sam/bcom ldan 'das kyis bka' stsal pa/ kau shi ka gang khyod kyis de skad du smras te de skad du brjod pas de bzhin gshegs pas gsungs pa'i rjes su brjod pas / chos su brjod cing chos su gnyer ba'i chos nyid lung bstan par 'gyur ro//brgya byin gyis gsol pa/ bcom ldan 'das gnas brtan rab 'byor 'dis ci dang ci spobs pa de thams cad stong pa nyid las brtsams shing spobs/ mtshan ma ma mchis pa nyid las brtsams shing spobs/ smon pa ma mchis pa nyid las brtsams shing spobs pa dang /sbyin pa'i pha rol tu phyin pa nyid las brtsams shing spobs/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa nyid brtsams shing spobs pa dang /nang stong pa nyid brtsams shing spobs pa dang / dngos po med pa'i ngo bo nyid stong pa nyid kyi bar du brtsams shing spobs pa dang / dran pa nye bar gzhag pa rnams brtsams shing spobs pa dang / yang dag par spong ba rnams dang /rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa brtsams shing spobs pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams brtsams shing spobs pa dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang /ting nge 'dzin rnams dang / gzungs kyi sgo rnams brtsams shing spobs pa dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams brtsams shing spobs pa dang /rnam pa thams cad mkhyen pa nyid kyi bar du brtsams shing spobs pa ngo mtshar che'o/ /bcom ldan 'das kyis bka' stsal pa/ kau shi ka gnas brtan rab 'byor stong pa nyid la rnam par spyod pas sbyin pa'i pha rol tu phyin pa nyid kyang mi dmigs na/gang sbyin pa'i pha rol tu phyin pa la spyod pa lta ci smos/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa nyid kyang mi dmigs na/gang shes rab kyi pha rol tu phyin pa la spyod pa lta ci smos/ nang stong pa nyid kyang mi dmigs na/ gang nang stong pa nyid kyang sgom pa lta ci smos/ dngos po med pa'i ngo bo nyid stong pa nyid kyi bar du yang mi dmigs na/ gang dngos po med pa'i ngo bo nyid stong pa nyid kyi bar la sgom pa lta ci smos/dran pa nye bar gzhag pa rnams kyang mi dmigs na/ gang dran pa nye bar gzhag pa rnams sgom pa lta ci smos/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /'phags pa'i lam yan lag brgyad pa yang mi dmigs na/ gang 'phags pa'i lam yan lag brgyad pa la sgom pa lta ci smos/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang mi dmigs na/gang gzugs med pa'i snyoms par 'jug pa rnams la sgom pa lta ci smos/ rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang /ting nge 'dzin rnams dang / gzungs kyi sgo rnams kyang mi dmigs na/ gang gzungs kyi sgo rnams la sgom pa lta ci smos/ de bzhin gshegs pa'i stobs rnams kyang mi dmigs na/ gang de bzhin gshegs pa'i stobs rnams mngon par sgrub pa lta ci smos/mi 'jigs pa rnams kyang mi dmigs na/ gang mi 'jigs pa rnams mngon par sgrub pa lta ci smos/ so so yang dag par rig pa rnams kyang mi dmigs na/ gang so so yang dag par rig pa rnams mngon par sgrub pa lta ci smos/ snying rje chen po nyid kyang mi dmigs na/gang snying rje chen po la rnam par spyod pa lta ci smos/ sangs rgyas kyi chos ma 'dres pa rnams kyang mi dmigs na/ gang sangs rgyas kyi chos ma 'dres pa rnams mngon par sgrub pa lta ci smos/ byang chub nyid kyang mi dmigs na/ gang byang chub tu mngon par rdzogs par 'tshang rgya bar lta ci smos/rnam pa thams cad mkhyen pa nyid kyang mi dmigs na/ gang rnam pa thams cad mkhyen pa nyid rjes su thob pa lta ci smos/ de bzhin gshegs pa nyid kyang mi dmigs na/ gang de bzhin gshegs par 'gyur ba lta ci smos/ ma skyes pa nyid kyang mi dmigs na/gang ma skyes pa mngon du byed pa lta ci smos/ mtshan rnams kyang mi dmigs na/ gang gi lus la mtshan yod par 'gyur ba lta ci smos/ dpe byad rnams kyang mi dmigs na/ gang gi lus la dpe byad yod par 'gyur ba lta ci smos/ de ci'i phyir zhe na/ kau shi ka gnas brtan rab 'byor ni chos thams cad dben pa la gnas pa ste/ dmigs su med pa la gnas pa / stong pa nyid la gnas pa/ mtshan ma med pa la rnam par spyod pa/ smon pa med pa la rnam par spyod pa ste/ kau shi ka gnas brtan rab 'byor gyi gnas pa gang yin pa des ni byang chub sems dpa' sems dpa' chen po shes rab kyi pha rol tu phyin pa la rnam par spyod pa dang /shes rab kyi pha rol tu phyin pa la spyod pa'i rnam par spyod pa la brgya'i char yang nye bar mi 'gro'o / /stong gi cha dang / brgya phrag stong gi cha dang / grangs dang / cha dang / bgrang ba dang / rgyu dang / dper yang nye bar mi 'gro'o/ /de ci'i phyir zhe na/ de bzhin gshegs pa'i rnam par spyod pa ma gtogs par byang chub sems dpa' sems dpa' chen po shes rab kyi pha rol tu phyin pa la spyod pa'i rnam par spyod pa gang yin pa dang /nyan thos rnams kyi rnam par spyod pa gang yin pa dang / rang sangs rgyas kyi rnam par spyod pa gang yin pa'i rnam par spyod pa de dag las byang chub sems dpa' sems dpa' chen po shes rab kyi pha rol tu phyin pa la spyad pa'i rnam par spyod pa 'di nyid ni mchog ces bya'o/ /rab ces bya'o//phul zhes bya'o/ /dam pa zhes bya'o/ /gya nom pa zhes bya'o/ /bla na med pa/ gong na med pa/ mnyam pa med pa/ mi mnyam pa dang mnyam pa zhes bya'o/ /kau shi ka de bas na byang chub sems dpa' sems dpa' chen po sems can thams cad kyi mchog tu 'gyur bar 'dod pas 'di lta ste shes rab kyi pha rol tu phyin pa'i rnam par spyod pa 'di nyid kyis rnam par spyad par bya'o//de ci'i phyir zhe na/ kau shi ka shes rab kyi pha rol tu phyin pa 'di la spyod pa'i byang chub sems dpa' sems dpa' chen po ni nyan thos dang rang sangs rgyas kyi sa las 'das te/byang chub sems dpa'i skyon med par 'jug go/ /byang chub sems dpa'i skyon med par zhugs nas sangs rgyas kyi chos rnams yongs su rdzogs par 'gyur ro/ /sangs rgyas kyi chos rnams yongs su rdzogs par byas nas rnam pa thams cad mkhyen pa nyid kyi ye shes rjes su 'thob par 'gyur ro//rnam pa thams cad mkhyen pa nyid kyi ye shes rjes su thob nas bag chags kyi mtshams sbyor ba'i nyon mongs pa thams cad spangs pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bya ba ni mthong ba'i lam gyi phan yon yin no// //de nas 'khor de'i nang nas sum cu rtsa gsum gyi lha rnams kyis me tog man dA ra ba mang po thogs te/ bcom ldan 'das la gtor to/ /mngon par gtor to/ /rab tu gtor to/ /dge slong brgya phrag drug cu tsam yang stan las langs nas chos gos phrag pa gcig la gzar te/pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud nas bcom ldan 'das la mig mi 'dzums par blta zhing phyag 'tshal lo/ /dge slong de dag gis thal mo sbyar te btud pa'i tshe sangs rgyas kyi mthus snyim pa me tog man dA ra bas gang bar gyur nas man dA ra ba de dag gis de bzhin gshegs pa dgra bcom pa yang dag par rdzogs pa'i sangs rgyas la gtor to//mngon par gtor to/ /rab tu gtor to/ /de ltar 'thor zhing mngon par 'thor ba dang / rab tu 'thor ba'i tshe tshig 'di skad ces brjod de/bcom ldan 'das dge ba'i rtsa ba 'dis nyan thos dang / rang sangs rgyas thams cad kyi spyod yul ma lags pa'i gnas dam pas bdag cag gnas par gyur cig ces smras pa dang / de nas bcom ldan 'das kyis dge slong de dag gi bsam pa thugs su chud de de'i tshe 'dzum pa mdzad do//sangs rgyas bcom ldan 'das rnams kyi chos nyid kyis kyang de ste/ de ltar 'dzum pa mdzad pa'i tshe bcom ldan 'das kyi zhal gyi sgo nas 'di lta ste/ 'od zer sngon po dang / ser po dang / dmar po dang / dkar po dang / le brgan dang / shel dang /dngul gyi kha dog lta bu rnam pa sna tshogs byung ste de dag gis stong gsum gyi stong chen po'i 'jig rten gyi khams snang bas rgyas par bkang nas phyir 'dus te/ bcom ldan 'das la lan gsum du g.yas phyogs nas bskor ba byas nas bcom ldan 'das kyi dbu'i gtsug tu nub bo//de nas tshe dang ldan pa kun dga' bo stan las langs nas bla gos phrag pa gcig tu byas te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to//bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par 'dzum pa mi mdzad na/ 'dzum pa mdzad pa'i rgyu ci lags rkyen ci lags zhes gsol to/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to//kun dga' bo dge slong brgya phrag drug cu po 'di dag bskal pa dpe skar ma lta bu la bla na med pa yang dag par rdzogs pa'i byang chub tu mngon par rdzogs par 'tshang rgya ste/ me tog sil ma zhes bya ba'i de bzhin gshegs pa dgra bcom pa yang dag par rdzogs pa'i sangs rgyas sha stag 'jig rten du 'byung bar 'gyur ro//kun dga' bo me tog sil ma zhes bya ba'i de bzhin gshegs pa dgra bcom pa yang dag par rdzogs pa'i sangs rgyas de dag gi dge slong gi dge 'dun mtshungs par 'gyur/sangs rgyas kyi zhing mtshungs par 'gyur/ tshe'i tshad kyang 'di lta ste lo stong du mtshungs par 'gyur te/ de dag gang dang gang nas mngon par 'byung bar 'gyur ba dang / mngon par byung nas rab tu 'byung ba dang / rab tu byung nas bla na med pa yang dag par rdzogs pa'i byang chub tu mngon par rdzogs par 'tshang rgya ba de dang de dag tu me tog kha dog rnam pa lnga dang ldan pa'i me tog gi char mngon par 'bab par 'gyur ro//kun dga' bo de bas na byang chub sems dpa' sems dpa' chen po rnam par spyod pa'i dam pas spyod par 'dod pas shes rab kyi pha rol tu phyin pa 'di la spyad par bya'o//byang chub sems dpa' sems dpa' chen po de bzhin gshegs pa'i rnam par spyod pas rnam par spyod par 'dod pas shes rab kyi pha rol tu phyin pa la spyad par bya'o zhes bya ba ni byang chub chen po la gzhan la ston pa'i byed pa dang po yin no//kun dga' bo rigs kyi bu'am rigs kyi bu mo gang shes rab kyi pha rol tu phyin pa zab mo 'di la spyod pa'i rigs kyi bu dang / rigs kyi bu mo des 'di ltar bdag ni mi'i nang nas shi 'phos nas 'dir skyes pa'am/ dga' ldan gyi lha'i ris nas shi 'phos nas 'dir skyes pa ste/mi'i nang du shes rab kyi pha rol tu phyin pa zab mo 'di rgya cher thos pa'am/ dga' ldan gyi lha'i ris su shes rab kyi pha rol tu phyin pa zab mo 'di rgya cher thos pa'o zhes bya bar rtogs par rig par bya'o/ /kun dga' bo byang chub sems dpa' sems dpa' chen po gang shes rab kyi pha rol tu phyin pa zab mo 'di la spyod pa de dag de bzhin gshegs pas rnam par gzigs par blta ste/kun dga' bo rigs kyi bu'am/ rigs kyi bu mo la la zhig shes rab kyi pha rol tu phyin pa zab mo 'di nyan pa dang / thos nas kyang 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / gang zag byang chub sems dpa'i theg pa pa rnams la shes rab kyi pha rol tu phyin pa zab mo 'di ston zhing rjes su 'doms pa'i gang zag byang chub sems dpa'i theg pa pa des bdag gis de bzhin gshegs pa dgra bcom pa yang dag par rdzogs pa'i sangs rgyas rnams las shes rab kyi pha rol tu phyin pa zab mo 'di thos par gyur/bzung ba dang / bcangs pa dang / bklags pa dang / kun chub par byas par gyur te/ de bzhin gshegs pa dgra bcom pa yang dag par rdzogs pa'i sangs rgyas de dag la yang dge ba'i rtsa ba mang po bskyed par gyur to zhes bya bar rtogs par rig par bya ste/kun dga' bo rigs kyi bu'am/ rigs kyi bu mo des bdag gis ni nyan thos rnams la dge ba'i rtsa ba ma bskyed/ nyan thos rnams las shes rab kyi pha rol tu phyin pa zab mo 'di thos pa ma yin no zhes bya bar rig par bya'o//kun dga' bo rigs kyi bu'am rigs kyi bu mo gang la la shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa dang /don dang chos dang yi ge dang mthun par khong du chud par byed na/ kun dga' bo rigs kyi bu'am rigs kyi bu mo des bdag la ni de bzhin gshegs pa dgra bcom pa yang dag par rdzogs pa'i sangs rgyas mngon du gyur to zhes bya bar rtogs par rig par bya'o/ / kun dga' bo rigs kyi bu'am rigs kyi bu mo gang la la shes rab kyi pha rol tu phyin pa zab mo bstan pa 'di thos na phyir mi ldog cing don du mi brjod la/ thos nas kyang mos pa thob par gyur na/ kun dga' bo rigs kyi bu'am rigs kyi bu mo de sngon gyi rgyal ba la bya ba byas pa/ dge ba'i rtsa ba bskyed pa dge ba'i bshes gnyen gyis yongs su bzung bar rig par bya'o/ /kun dga' bo rigs kyi bu'am rigs kyi bu mo gang la las de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed pa lta yang mi slu ste/nyan thos sam/ rang sangs rgyas sam/ sangs rgyas su 'gyur mod kyi/ 'on kyang kun dga' bo byang chub sems dpa' sems dpa' chen po sbyin pa'i pha rol tu phyin pa la spyod pa dang / tshul khrims kyi pha rol tu phyin pa la spyod pa dang / bzod pa'i pha rol tu phyin pa la spyod pa dang /brtson 'grus kyi pha rol tu phyin pa la spyod pa dang / bsam gtan gyi pha rol tu phyin pa la spyod pa dang / shes rab kyi pha rol tu phyin pa la spyod pa dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang /smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la spyod pa dang /rnam pa thams cad mkhyen pa nyid kyi bar la spyod pas ni shin tu rtogs par bya ste/ shin tu rtogs pa'i byang chub sems dpa' sems dpa' chen po sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang / nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa rnams la spyod pa dang /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la spyod pa dang / sangs rgyas kyi chos ma 'dres pa bcwa brgyad kyi bar la spyod pa dang /rnam pa thams cad mkhyen pa nyid kyi bar la spyod pa ni nyan thos sam/ rang sangs rgyas su mi 'gyur ro/ /kun dga' bo de bas na shes rab kyi pha rol tu phyin pa zab mo 'di khyod la gtad de/ kun dga' bo gal te khyod kyis ngas chos gang ji snyed cig bshad pa las shes rab kyi pha rol tu phyin pa ma gtogs par ngas chos thams cad bstan pa de dag thams cad bzung ste/kun chub par byas nas de'i 'og tu chud gsan te bor yang de tsam gyis kun dga' bo khyod la ngas skyon du mi brtsi'o / /kun dga' bo gal te khyod kyis shes rab kyi pha rol tu phyin pa zab mo 'di bzung ste/kun chub par byas nas de'i 'og tu tshig gcig tsam chud gsan tam/ bor bar gyur na/ de tsam gyis ni kun dga' bo khyod la ngas skyon du bzung ngo / /kun dga' bo de bas na shes rab kyi pha rol tu phyin pa zab mo 'di khyod la gtad kyis/ci nas kyang gzung ba dang / bcang ba dang / bklag pa dang / kun chub par bya ba dang / shin tu yid la bzung ba gyis shig /legs par yongs su zin pa dang / legs par kun chub pa dang / legs par bcang bar gyis shig /yi ge dang / tshig dang / 'bru shin tu rdzogs pa dang / nges pa'i tshig legs par shin tu zin par bya'o/ /kun dga' bo rigs kyi bu'am rigs kyi bu mo gang la la shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang /kun chub par byed pa de ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub gzung bar 'gyur ro/ /kun dga' bo rigs kyi bu'am rigs kyi bu mo gang la la shes rab kyi pha rol tu phyin pa zab mo 'di 'dzin pa des ni 'das pa dang /ma byon pa dang / da ltar byung ba'i sangs rgyas bcom ldan 'das rnams kyi byang chub mthun par yongs su gzung bar 'gyur ro/ /kun dga' bo mngon du gyur pa gang nga la me tog dang / phreng ba dang / spos dang / byug pa dang / phye ma dang / na bza' dang / gdugs dang /rgyal mtshan dang / ba dan gyis rim gror bya ba dang / bkur stir bya ba dang / bsti stang du bya ba dang / mchod par bya bar 'dod pas des shes rab kyi pha rol tu phyin pa zab mo 'di gzung bar bya/ bcang bar bya/ bklag par bya/ kun chub par bya'o/ /shes rab pha rol tu phyin pa zab mo 'di bzung ste bcangs nas/bklags shing kun chub par byas te/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan gyis rim gror bya/ bkur stir bya/ bsti stang du bya/ mchod par bya'o/ /shes rab kyi pha rol tu phyin pa la rim gro dang / bkur sti dang / bsti stang dang / mchod par byas na des ni nga yang mchod par 'gyur/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyang mchod par 'gyur ro//kun dga' bo gang la la shes rab kyi pha rol tu phyin pa zab mo 'di bstan pa la rim gro dang / dga' ba dang / mos pa skyes pa des ni 'das pa dang / ma byon pa dang / da ltar byung ba'i sangs rgyas bcom ldan 'das rnams la rim gro dang / dga' ba dang / mos pa skye bar 'gyur ro/ /kun dga' bo gal te khyod nga la sdug cing yid du 'ong ba yongs su mi gtang zhe na/ kun dga' bo khyod kyis shes rab kyi pha rol tu phyin pa 'di sdug pa dang yid du 'ong ba yongs su mi btang ba gyis shig /ci nas kyang shes rab kyi pha rol tu phyin pa zab mo 'di las tshig 'ga' yang khyod kyis chud ma zos par gyis shig /kun dga' bo ngas shes rab kyi pha rol tu phyin pa zab mo 'di gtad par brtsams te/ khyod la shin tu mang du bstan pa yang mdor na kun dga' bo khyod la ngas ji ltar ston par 'gyur ba de bzhin du shes rab kyi pha rol tu phyin pa 'di yang khyod kyis ston pa yin gyis kun dga' bo de bas na ngas khyod la tshad med par gtad pas shes rab kyi pha rol tu phyin pa zab mo 'di yongs su gtad de/kun dga' bo de bas na lha dang / mi dang / lha ma yin du bcas pa'i 'jig rten gyi mdun du brjod do //sus sangs rgyas yongs su ma btang ba dang / chos yongs su ma btang ba dang / dge 'dun yongs su ma btang ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams yongs su ma btang ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub yongs su ma btang ba des shes rab kyi pha rol tu phyin pa 'di yongs su gtang bar mi bya ste 'di ni nga'i gdams ngag go/ /kun dga' bo rigs kyi bu'am rigs kyi bu mo gang la la shes rab kyi pha rol tu phyin pa zab mo 'di 'dzin pa dang /'chang ba dang / klog pa dang / 'phel bar byed pa dang / kun chub par byed pa dang / tshul bzhin du yid la byed pa dang / gzhan la yang shes rab kyi pha rol tu phyin pa zab mo 'di rnam grangs du mar rgya cher 'chad pa dang / ston pa dang / rab tu ston pa dang / shes par byed pa dang / rab tu gzhog pa dang / 'brel pa dang / rnam par 'byed pa dang / gsal bar byed pa dang / yang dag par ston pa'i rigs kyi bu dang rigs kyi bu mo de ni myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/rnam pa thams cad mkhyen pa nyid dang nye bar gyur pa yin no/ /de ci'i phyir zhe na/ kun dga' bo shes rab kyi pha rol tu phyin pa las byung ba ni sangs rgyas bcom ldan 'das rnams kyi bla na med pa yang dag par rdzogs pa'i byang chub ste/ kun dga' bo 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang shes rab kyi pha rol tu phyin pa 'di nyid las byung ngo / /kun dga' bo ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang shes rab kyi pha rol tu phyin pa 'di nyid las 'byung bar 'gyur ro//kun dga' bo da ltar byung ba'i dus na shar phyogs dang / lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi 'jig rten gyi khams grangs med tshad med dpag tu med pa dag na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang /chos ston pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang shes rab kyi pha rol tu phyin pa 'di nyid las byung ngo / /kun dga' bo de bas na bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa dang /pha rol tu phyin pa drug la slob par 'dod pa'i byang chub sems dpa' sems dpa' chen pos shes rab kyi pha rol tu phyin pa zab mo 'di la bslab par bya'o/ /de ci'i phyir zhe na/ kun dga' bo 'di lta ste/ shes rab kyi pha rol tu phyin pa ni byang chub sems dpa' sems dpa' chen po rnams kyi ma ste skyed par byed pa'o/ /kun dga' bo byang chub sems dpa' sems dpa' chen po gang pha rol tu phyin pa drug la slob pa de dag thams cad ni bla na med pa yang dag par rdzogs pa'i byang chub tu 'byung bar 'gyur te/kun dga' bo de bas na khyod la pha rol tu phyin pa drug po 'di dag yang dang yang yongs su gtad do/ /rjes su gtad do/ /de ci'i phyir zhe na/ kun dga' bo 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod mi zad pa'i mdzod de/'di lta ste shes rab kyi pha rol tu phyin pa'i mdzod do/ /kun dga' bo phyogs bcu'i 'jig rten gyi khams tshad med grangs med dpag tu med pa dag na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang /chos ston pa'i sangs rgyas bcom ldan 'das de dag kyang pha rol tu phyin pa drug gi mdzod 'di las chos ston to/ /kun dga' bo 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag kyang shes rab kyi pha rol tu phyin pa 'di nyid la bslabs nas bla na med pa yang dag par rdzogs pa'i byang chub tu mngon par rdzogs par sangs rgyas te chos ston to//kun dga' bo ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba de dag kyang shes rab kyi pha rol tu phyin pa 'di nyid la bslab ste /bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te chos kyang ston par 'gyur ro/ /kun dga' bo 'das pa dang /ma byon pa dang / da ltar byung ba'i sangs rgyas bcom ldan 'das rnams kyi nyan thos gang ji snyed cig yod pa de dag kyang shes rab kyi pha rol tu phyin pa 'di nyid la bslabs te yongs su mya ngan las 'das par gyur to/ /yongs su mya ngan las 'da'o/ /yongs su mya ngan las 'da' bar 'gyur ro zhes bya ba ni byang chub chen po'i rgyu shes rab kyi pha rol tu phyin pa yongs su gtad pa yin no//kun dga' bo gal te khyod kyis gang zag nyan thos kyi theg pa ba rnams la nyan thos kyi sa las brtsams te chos ston pa'i chos bstan pa des stong gsum gyi stong chen po'i 'jig rten gyi khams kyi sems can gang ji snyed pa de dag thams cad dgra bcom pa nyid mngon du byed par gyur kyang da dung nyan thos kyis nga'i nyan thos kyi bya ba byas par mi 'gyur gyi/kun dga' bo gal te khyod kyis byang chub sems dpa' sems dpa' chen po la shes rab kyi pha rol tu phyin pa dang ldan pa'i tshig 'ga' zhig brjod pa de bstan kyang nyan thos kyis nga dgyes par byas pa ma yin te/nyan thos kyis nyan thos kyi bya ba byas par 'gyur ro/ /kun dga' bo de ji snyam du sems/ chos bstan pa snga ma des stong gsum gyi stong chen po'i 'jig rten gyi khams kyi sems can gang ji snyed pa de dag thams cad snga phyi med par mi'i lus thob par gyur la/mi'i lus thob nas kyang dgra bcom pa nyid mngon du byas par gyur na/ dgra bcom pa de dag gis sbyin pa las byung ba'i bsod nams bya ba'i dngos po dang / tshul khrims las byung ba dang / bsgoms pa las byung ba'i bsod nams bya ba'i dngos po de dag mang ngam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kun dga' bo de bas gang zag nyan thos kyi theg pa pa gang byang chub sems dpa' sems dpa' chen po la chung ngu na nyi ma gcig cig shes rab kyi pha rol tu phyin pa dang ldan pa'i chos ston na/de'i bsod nams ches mang du 'phel bar 'gyur ro/ /kun dga' bo nyin gcig lta zhog gi gal te nyi ma phyed dam/ kun dga' bo nyi ma phyed lta zhog gi /gal te snga dro gcig gam/ kun dga' bo snga dro gcig lta zhog gi /gal te chu tshod gcig tsam mam/ kun dga' bo chu tshod gcig tsam lta zhog gi /gal te skad cig gam/ thang cig gam/ yud tsam mam/ tha na mig 'dzums pa tsam gyi tshod du yang gang zag nyan thos kyi theg pa bas byang chub sems dpa' sems dpa' chen po la shes rab kyi pha rol tu phyin pa dang ldan pa'i chos bstan na/kun dga' bo de'i bsod nams ches mang du 'phel bar 'gyur te/ nyan thos dang / rang sangs rgyas kyi theg pa pa'i rigs kyi bu dang /rigs kyi bu mo de dag thams cad kyi dge ba'i rtsa ba yang des zil gyis non par 'gyur ro/ /kun dga' bo gal te byang chub sems dpa' sems dpa' chen po gang zag byang chub sems dpa'i theg pa pa rnams la chung ngu na nyi ma gcig gam/ nyi ma phyed dam/ snga dro gcig gam/ chu tshod gcig tsam mam/ skad 'ga'/ yud 'ga'/ thang 'ga' zhig shes rab kyi pha rol tu phyin pa dang ldan pa'i chos ston na/ kun dga' bo byang chub sems dpa' sems dpa' chen po des nyan thos dang / rang sangs rgyas kyi theg pa pa'i rigs kyi bu dang /rigs kyi bu mo de dag thams cad kyi dge ba'i rtsa ba zil gyis non par 'gyur te/ de ci'i phyir zhe na/ 'di ltar de ni bdag kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'dong la/ gzhan yang bla na med pa yang dag par rdzogs pa'i byang chub tu yang dag par dga' bar byed pa yin /gzengs bstod/ yang dag par 'dzin du 'jug /yang dag par 'god par byed/ yang dag par rab tu gnas par byed pa'i phyir te/ kun dga' bo de ltar byang chub sems dpa' sems dpa' chen po pha rol tu phyin pa drug la spyod pa dang /dran pa nye bar gzhag pa bzhi la spyod pa dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la spyod pa dang /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bco brgyad la spyod pa dang / rnam pa thams cad mkhyen pa nyid kyi bar la spyod pa de dag dge ba'i rtsa ba mang pos rnam par 'phel ba ni bla na med pa yang dag par rdzogs pa'i byang chub las yongs su nyams pa'i gnas med skabs med de de ni gnas ma yin no//shes rab kyi pha rol tu phyin pa 'di bshad pa'i tshe bcom ldan 'das kyis 'khor bzhi dang / lha dang / mi dang / lha ma yin dang / klu dang / gnod sbyin dang / dri za dang / nam mkha' lding dang / mi'am ci dang / lto 'phye chen po de ltar 'khod pa rnams kyi mdun du rdzu 'phrul mngon par 'du mdzad pa gang mngon par 'du mdzad pas/thams cad kyis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'khor rgya mtsho lta bu 'khrugs pa med pa/ kun kyang dgra bcom pa/ zag pa med pa/nyon mongs pa med pa/ dbang du gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ rang gi don rjes su thob pa/ srid par sbyor ba/ yongs su zad pa dang / yang dag par kun shes pas sems shin tu rnam par grol ba/sems can thams cad la dbang dam pa'i pha rol tu phyin pa thob pa sha stag gi dge slong gi dge 'dun dang / byang chub sems dpa' sems dpa' chen po sha stag gis kun nas bskor zhing mdun du bdar ba mthong bar 'gyur ba de lta bu'i rdzu 'phrul mngon par 'du mdzad pa mngon par 'du mdzad do//de nas bcom ldan 'das kyis rdzu 'phrul mngon par 'du mdzad pa de phyir brtul bar gyur to / rdzu 'phrul mngon par 'du mdzad pa de phyir brtul bar gyur nas/ 'khor bzhi po de dag gis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang ma mthong /gang zag nyan thos sam/ byang chub sems dpa'i theg pa pa de dag kyang ma mthong ngo / /de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing de yang ma mthong ngo //sangs rgyas la sogs pa dge slong gi dge 'dun yang mig lam du mi snang bar gyur to/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyis rdzu 'phrul mngon par 'du mdzad pa phyir brtul bar mdzad pas de'i phyir de dag gis ma mthong bar gyur to//de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis de bzhin gshegs pa mi 'khrugs pa'i sangs rgyas kyi zhing dang / de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dang /dge slong gi dge 'dun dang / byang chub sems dpa'i dge 'dun mthong ngam/ gsol pa/ bcom ldan 'das sangs rgyas kyi zhing de yang ma mthong / de bzhin gshegs pa de yang ma mthong / dge slong gi dge 'dun de yang ma mthong /byang chub sems dpa'i dge 'dun de yang ma mthong ste/ mig lam du yang mi gda'o/ /bcom ldan 'das kyis bka' stsal pa/ kun dga' bo de bzhin du chos thams cad kyang mig lam du snang ba ma yin te/ chos la chos snang bar mi 'gyur/ chos kyis chos mi mthong / chos kyis chos mi shes so//kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dang / nyan thos de dag dang / gang zag byang chub sems dpa'i theg pa ba de dag dang / sangs rgyas kyi zhing de mig lam du snang bar ma gyur pa de bzhin du chos thams cad kyang mig lam du snang ba ma yin te/chos la chos snang bar mi 'gyur/ chos kyis chos mi mthong / chos kyis chos mi shes so/ /kun dga' bo chos thams cad ni shes pa med pa/ mthong ba med pa/ byed pa med pa/bya ba la mthu med pa sha stag ste/ de ci'i phyir zhe na/ kun dga' bo chos thams cad ni nam mkha' ltar g.yo ba med pa 'dzin pa med pas byed pa med cing 'dzin pa med pa'o/ /kun dga' bo chos thams cad ni sgyu ma'i skyes bu lta bu ste bsam gyis mi khyab pa'o//kun dga' bo chos thams cad ni sems dang bral zhing rnam par bsgrub pa la so sor gnas pa'i mtshan nyid de snying po med pa'i phyir tshor ba med pa'o/ /de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa ste/ chos gang la yang mngon par chags pa med do//kun dga' bo de ltar slob pa'i byang chub sems dpa' sems dpa' chen po ni shes rab kyi pha rol tu phyin pa la slob pa ste/ byang chub sems dpa' sems dpa' chen po pha rol tu phyin pa thams cad yongs su rdzogs par bya bar 'dod pas shes rab kyi pha rol tu phyin pa la slob par bya'o//de ltar slob pa ni rab ces bya'o/ /gtso bo zhes bya'o/ /mchog ces bya'o/ /dam pa zhes bya'o/ /phul zhes bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o//mi mnyam pa dang mnyam pa zhes bya'o/ /'jig rten thams cad la phan pa dang / 'jig rten thams cad la bde ba/ mgon med pa rnams la mgon du gyur pa/ sangs rgyas kyi snang ba/ sangs rgyas kyis bsngags pa ste/ de la gnas shing de bzhin gshegs pa dgra bcom pa yang dag par rdzogs pa'i sangs rgyas rnams stong gsum gyi stong chen po'i 'jig rten gyi khams 'di phyag g.yas pas gyen du bteg cing phyir gzhog kyang sems can de dag gis stong gsum gyi stong chen po'i 'jig rten gyi khams 'di bteg go zhes bya ba dang gzhog go zhes bya bar mi shes pa'o//de ci'i phyir zhe na/ kun dga' bo sangs rgyas bcom ldan 'das rnams kyang shes rab kyi pha rol tu phyin pa 'di nyid la bslabs pas 'das pa dang / ma byon pa dang / da ltar byung ba'i chos rnams la thogs pa mi mnga' ba'i ye shes kyi gzigs pa grub pa yin te/kun dga' bo bslab pa gang ji snyed cig yod pa'i bslab pa thams cad kyi nang na shes rab kyi pha rol tu phyin pa la bslab pa ni rab ces bya'o/ /gtso bo zhes bya'o/ /mchog ces bya'o/ /dam pa zhes bya'o/ /phul zhes bya'o//gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /kun dga' bo gang shes rab kyi pha rol tu phyin pa'i tshad gzung ba'am/ mtha' btsal bar 'dod pa ni nam mkha' tshad gzung ba'am/mtha' btsal bar 'dod du zad do/ /de ci'i phyir zhe na/ kun dga' bo shes rab kyi pha rol tu phyin pa ni tshad med pa ste/ kun dga' bo ngas shes rab kyi pha rol tu phyin pa la tshad ma bstan pa med do/ /ming mang po dang / tshig mang po dang 'bru mang po la ni tshad ma dang 'brel pa yod kyi/shes rab kyi pha rol tu phyin pa la ni tshad ma dang 'brel pa med do zhes bya ba ni byang chub chen po thob par byed pa'i rgyu gsum pa ste/ 'di dag gis ni rgyu gsungs pa yin no// //gsol pa/ bcom ldan 'das ci'i slad du shes rab kyi pha rol tu phyin pa la tshad ma dang 'brel pa ma mchis pa lags/bcom ldan 'das kyis bka' stsal pa/ kun dga' bo mi zad pa'i phyir shes rab kyi pha rol tu phyin pa la tshad ma dang 'brel pa med do/ /kun dga' bo dben pa'i phyir shes rab kyi pha rol tu phyin pa la tshad ma dang 'brel pa med do//kun dga' bo 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag kyang shes rab kyi pha rol tu phyin pa 'di nyid las byung yang shes rab kyi pha rol tu phyin pa zad par ma gyur to//kun dga' bo ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba de dag kyang shes rab kyi pha rol tu phyin pa 'di nyid las byung yang shes rab kyi pha rol tu phyin pa zad par 'gyur ba med do//kun dga' bo da ltar phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang / chos ston pa'i sangs rgyas bcom ldan 'das de dag kyang shes rab kyi pha rol tu phyin pa 'di nyid las byung yang shes rab kyi pha rol tu phyin pa ma zad do//de ci'i phyir zhe na/ kun dga' bo shes rab kyi pha rol tu phyin pa zad par bya bar sems pa de ni nam mkha' zad par bya bar sems su zad de / shes rab kyi pha rol tu phyin pa ni ma zad mi zad zad par mi 'gyur ro//bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni ma zad mi zad zad par mi 'gyur ro//nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar ni ma zad mi zad zad par mi 'gyur ro/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang /dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni ma zad mi zad zad par mi 'gyur ro/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams ni ma zad mi zad zad par mi 'gyur ro/ /de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni ma zad mi zad zad par mi 'gyur ro/ /rnam pa thams cad mkhyen pa nyid kyi bar ni ma zad mi zad zad par mi 'gyur ro/ /chos de dag la ni skye ba'ang med na de dag zad par 'gyur ba lta ga la yod ces bya ba ni zad pa dang skye ba med pa'i byang chub chen po yin no// //de nas bcom ldan 'das kyis ljags kyi dbang po bkram ste/ zhal gyi dkyil 'khor thams cad ljags kyi dbang pos yongs su bkab nas tshe dang ldan pa kun dga' bo la bka' stsal pa/kun dga' bo de ji snyam du sems/ lce'i dbang po 'di lta bu dang ldan pa log par smra'am/ gzhan du smra bar 'gyur ram/ gsol pa/ bcom ldan 'das ma lags so/ /bde bar gshegs pa ma lags so//bcom ldan 'das kyis bka' stsal pa/ kun dga' bo de bas na shes rab kyi pha rol tu phyin pa 'di 'khor bzhi la rgya cher ston cig /brjod cig /sgrogs shig /shod cig /khod cig /rab tu khod cig /khrol cig /rnam par phye shig /gsal bar byos shig /yang dag par ston cig /kun dga' bo shes rab kyi pha rol tu phyin pa zab mo 'di las gang la nyan thos kyi theg pa ba dang / rang sangs rgyas kyi theg pa ba dang / gang zag byang chub sems dpa'i theg pa pas bslab par bya ba dang / gang la ji ltar bstan pa bzhin du bslabs pas rang rang gi sa la gnas par 'gyur ba'i chos thams cad rgya cher bstan te/kun dga' bo shes rab kyi pha rol tu phyin pa zab mo 'di ni yi ge thams cad la 'jug pa'o/ /kun dga' bo shes rab kyi pha rol tu phyin pa zab mo 'di ni gzungs kyi sgo gang la byang chub sems dpa' sems dpa' chen pos bslab par bya ba'i gzungs thams cad kyi sgo yin te/gzungs 'di 'dzin pa'i byang chub sems dpa' sems dpa' chen po rnams la ni spobs pa dang so so yang dag pa'i rig pa'i sgo thams cad mngon du 'gyur ro//kun dga' bo shes rab kyi pha rol tu phyin pa zab mo 'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos mi zad pa'i mdzod yin par ngas bshad pa'o/ /kun dga' bo de bas na khyod mos par bya/ khong du chud par bya ste/gang shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub 'dzin pa yin te/ kun dga' bo khyod kyis shes rab kyi pha rol tu phyin pa'i gzungs gang bzung bas chos thams cad gzung bar 'gyur ba'i shes rab kyi pha rol tu phyin pa'i gzungs ngas bstan pa 'di yin no zhes bya ba ni byang chub chen po la yid ches pa'i rgyu gsungs pa yin no// //bam po lnga bcu bdun pa/de nas tshe dang ldan pa rab 'byor 'di snyam du sems par gyur te/ shes rab kyi pha rol tu phyin pa yang zab/ de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub kyang zab na/ bdag gis de bzhin gshegs pa dgra bcom pa yang dag par rdzogs pa'i sangs rgyas la de 'dri'o snyam ste/de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni mi bas pa'o/ /bcom ldan 'das kyis bka' stsal pa/rab 'byor nam mkha' mi zad pa'i phyir shes rab kyi pha rol tu phyin pa mi zad pa'o/ /gsol pa/ bcom ldan 'das ji ltar shes rab kyi pha rol tu phyin pa mngon par bsgrub par bgyi/ bcom ldan 'das kyis bka' stsal pa/ rab 'byor gzugs mi zad pas shes rab kyi pha rol tu phyin pa mngon par bsgrub par bya'o//tshor ba dang / 'du shes dang / 'du byed rnams dang / rnam par shes pa mi zad pas shes rab kyi pha rol tu phyin pa mngon par bsgrub par bya'o/ /rab 'byor skye mched dang / khams dang / rten cing 'brel par 'byung ba mi zad pas shes rab kyi pha rol tu phyin pa mngon par bsgrub par bya'o//rab 'byor sbyin pa'i pha rol tu phyin pa mi zad pas shes rab kyi pha rol tu phyin pa mngon par bsgrub par bya'o/ /tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa mi zad pas shes rab kyi pha rol tu phyin pa mngon par bsgrub par bya'o/ /rab 'byor nang stong pa nyid mi zad pas shes rab kyi pha rol tu phyin pa mngon par bsgrub par bya'o//dngos po med pa'i ngo bo nyid stong pa nyid kyi bar du mi zad pas shes rab kyi pha rol tu phyin pa mngon par bsgrub par bya'o/ /rab 'byor dran pa nye bar gzhag pa rnams mi zad pas shes rab kyi pha rol tu phyin pa mngon par bsgrub par bya'o/ / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa mi zad pas shes rab kyi pha rol tu phyin pa mngon par bsgrub par bya'o/ /rab 'byor 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo mi zad pas shes rab kyi pha rol tu phyin pa mngon par bsgrub par bya'o/ /rab 'byor de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa mi zad pas shes rab kyi pha rol tu phyin pa mngon par bsgrub par bya'o//rab 'byor rnam pa thams cad mkhyen pa nyid kyi bar du mi zad pas shes rab kyi pha rol tu phyin pa mngon par bsgrub par bya'o/ /rab 'byor gzhan yang gzugs nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor tshor ba nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /'du shes nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//'du byed rnams nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rnam par shes pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor skye mched rnams nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//khams rnams nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rten cing 'brel par 'byung ba nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor sbyin pa'i pha rol tu phyin pa nam mkha' ltar zad mi shes pas shes rab kyi pha rol tu phyin pa mngon par bsgrub par bya'o//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa nam mkha' ltar zad mi shes pas shes rab kyi pha rol tu phyin pa mngon par bsgrub par bya'o//rab 'byor nang stong pa nyid nam mkha' ltar zad mi shes pas shes rab kyi pha rol tu phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar du nam mkha' ltar zad mi shes pas shes rab kyi pha rol tu phyin pa mngon par bsgrub par bya'o//rab 'byor dran pa nye bar gzhag pa nam mkha' ltar zad mi shes pas shes rab kyi pha rol tu phyin pa mngon par bsgrub par bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa nam mkha' ltar zad mi shes pas shes rab kyi pha rol tu phyin pa mngon par bsgrub par bya'o//rab 'byor 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo nam mkha' ltar zad mi shes pas shes rab kyi pha rol tu phyin pa mngon par bsgrub par bya'o/ /rab 'byor de bzhin gshegs pa'i stobs dang /mi 'jigs pa dang / so so yang dag par rig pa dang / sangs rgyas kyi chos ma 'dres pa nam mkha' ltar zad mi shes pas shes rab kyi pha rol tu phyin pa mngon par bsgrub par bya'o/ /rab 'byor rnam pa thams cad mkhyen pa nyid kyi bar du nam mkha' ltar zad mi shes pas shes rab kyi pha rol tu phyin pa mngon par bsgrub par bya'o//rab 'byor gzhan yang ma rig pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor 'du byed nam mkha' ltar zad mi shes pas byang chub sems dpa' sems dpa' chen po shes rab kyi pha rol tu phyin pa mngon par bsgrub par bya'o//rab 'byor rnam par shes pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor ming dang gzugs nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor skye mched drug nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor reg pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor tshor ba nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor sred pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor len pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor srid pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor skye ba nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor rga shi dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrug pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya ste/ /rab 'byor de ltar byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o//rab 'byor 'di ni byang chub sems dpa' sems dpa' chen po'i rten cing 'brel par 'byung ba la rnam par blta ba dang / thog ma dang tha ma rnam par spangs par blta ba ste/ gang de ltar rten cing 'brel par 'byung ba la rnam par lta ba de ni byang chub sems dpa' sems dpa' chen po'i snying po byang chub la 'dug pa'i ma 'dres pa'i chos te/de ltar rten cing 'brel par 'byung ba la rnam par lta ba des ni rnam pa thams cad mkhyen pa nyid kyi ye shes thob par 'gyur ro/ /rab 'byor gang la la nam mkha' ltar zad mi shes pas mngon par bsgrub pa 'dis shes rab kyi pha rol tu phyin pa la spyod cing rten cing 'brel par 'byung ba la rnam par lta ba de ni nyan thos kyi sa'am/rang sangs rgyas kyi sa la gnas par mi 'gyur te/ de ni bla na med pa yang dag par rdzogs pa'i byang chub la gnas par 'gyur ro//rab 'byor gang zag byang chub sems dpa'i theg pa pa gang phyir ldog pa de dag thams cad ni shes rab kyi pha rol tu phyin pa yid la bya ba 'di la ma brten pa dang / shes rab kyi pha rol tu phyin pa la spyod pa'i tshe byang chub sems dpa' sems dpa' chen pos ji ltar nam mkha' ltar zad mi shes pas mngon par bsgrub pas rten cing 'brel par 'byung ba la rnam par blta bar bya ba dang /mngon par bsgrub par bya ba mi shes pas phyir ldog go /rab 'byor gang zag byang chub sems dpa'i theg pa pa phyir ldog pa de dag thams cad ni thabs mkhas pa 'di la ma brten pas bla na med pa yang dag par rdzogs pa'i byang chub las phyir ldog go//rab 'byor byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa de dag thams cad kyang shes rab kyi pha rol tu phyin pa 'di la brten nas bla na med pa yang dag par rdzogs pa'i byang chub las phyir mi ldog ste/de ltar thabs mkhas pas shes rab kyi pha rol tu phyin pa la spyod pa'i byang chub sems dpa' sems dpa' chen pos nam mkha' ltar zad mi shes pas mngon par bsgrub pas shes rab kyi pha rol tu phyin pa rnam par blta bar bya ste mngon par bsgrub par bya'o//rab 'byor de ltar byang chub sems dpa' sems dpa' chen po rten cing 'brel par 'byung ba la rnam par blta bas ni chos gang yang rgyu med pa las byung bar yang dag par rjes su mi mthong / chos gang yang skye bar yang dag par rjes su mi mthong /chos gang yang 'gag par yang dag par rjes su mi mthong / chos gang yang bdag dang / sems can dang / srog dang / 'gro ba dang / gso ba dang / skyes bu dang / gang zag dang / shed las skyes dang / shed bu dang / byed pa po dang / byed du 'jug pa po dang /slong ba po dang / yongs su slong ba po dang / tshor ba po dang / tshor du 'jug pa po dang / shes pa po dang / lta ba por yang dag par rjes su mi mthong / rtag pa dang / mi rtag pa dang / bde ba dang / sdug bsngal ba dang / bdag dang / bdag med pa dang /zhi ba dang / ma zhi bar yang dag par rjes su mi mthong ste/ rab 'byor de ltar shes rab kyi pha rol tu phyin pa la spyod pa'i tshe byang chub sems dpa' sems dpa' chen pos rten cing 'brel par 'byung ba la rnam par blta bar bya'o/ /rab 'byor gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs rtag pa'am/ mi rtag pa'am/ bde ba'am/ sdug bsngal ba'am/ bdag yod pa'am/ bdag med pa'am/ zhi ba'am/ ma zhi bar yang dag par rjes su mi mthong ngo //tshor ba dang / 'du shes dang / 'du byed rnams dang / rnam par shes pa rtag pa'am/ mi rtag pa'am/ bde ba'am/ sdug bsngal ba'am/ bdag yod pa'am/ bdag med pa'am/ zhi ba'am/ ma zhi bar yang dag par rjes su mi mthong ngo / / skye mched dang / khams dang / rten cing 'brel par 'byung ba rtag pa'am/ mi rtag pa'am/ bde ba'am/ sdug bsngal ba'am/ bdag yod pa'am/ bdag med pa'am/ zhi ba'am/ ma zhi bar yang dag par rjes su mi mthong ngo / /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun rtag pa'am/ mi rtag pa'am/ bde ba'am/ sdug bsngal ba'am/ bdag yod pa'am/ bdag med pa'am/ zhi ba'am/ ma zhi bar yang dag par rjes su mi mthong ngo / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa bzhi dang / so so yang dag par rig pa bzhi dang /sangs rgyas kyi chos ma 'dres pa bcwa brgyad rtag pa'am/ mi rtag pa'am/ bde ba'am/ sdug bsngal ba'am/ bdag yod pa'am/ bdag med pa'am/ zhi ba'am/ ma zhi bar yang dag par rjes su mi mthong ngo / /rnam pa thams cad mkhyen pa nyid kyi bar du rtag pa'am/mi rtag pa'am/ bde ba'am/ sdug bsngal ba'am/ bdag yod pa'am/ bdag med pa'am/ zhi ba'am/ ma zhi bar yang dag par rjes su mi mthong ngo / /de ci'i phyir zhe na/ rab 'byor de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/shes rab kyi pha rol tu phyin pa yang dag par rjes su mi mthong ste/ chos gang gis shes rab kyi pha rol tu phyin pa yang dag par rjes su mthong bar 'gyur ba'i chos de yang yang dag par rjes su mi mthong ngo / /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang dag par rjes su mi mthong ste/ chos gang gis sbyin pa'i pha rol tu phyin pa yang dag par rjes su mthong bar 'gyur ba'i chos de yang yang dag par rjes su mi mthong ngo //nang stong pa nyid yang dag par rjes su mi mthong ste/ chos gang gis nang stong pa nyid yang dag par rjes su mthong bar 'gyur ba'i chos de yang yang dag par rjes su mi mthong ngo / /dngos po med pa'i ngo bo nyid stong pa nyid kyi bar du yang dag par rjes su mi mthong ste/chos gang gis dngos po med [(]po'i [,]pa'i [)]ngo bo nyid stong pa nyid yang dag par rjes su mthong bar 'gyur ba'i chos de yang yang dag par rjes su mi mthong ngo / /dran pa nye bar gzhag pa dang / yang dag par spong ba dang / rdzu 'phrul gyi rkang pa bzhi dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang dag par rjes su mi mthong ste/ chos gang gis 'phags pa'i lam yan lag brgyad pa yang dag par mthong bar 'gyur ba'i chos de yang yang dag par rjes su mi mthong ngo / /'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yang dag par rjes su mi mthong ste/ chos gang gis gzungs kyi sgo yang dag par rjes su mthong bar 'gyur ba'i chos de yang yang dag par rjes su mi mthong ngo / /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad yang dag par rjes su mi mthong ste/ chos gang gis sangs rgyas kyi chos ma 'dres pa bcwa brgyad yang dag par rjes su mthong bar 'gyur ba'i chos de yang yang dag par rjes su mi mthong ngo / /rnam pa thams cad mkhyen pa nyid kyi bar du yang dag par rjes su mi mthong ste/chos gang gis rnam pa thams cad mkhyen pa nyid yang dag par rjes su mthong bar 'gyur ba'i chos de yang yang dag par rjes su mi mthong ngo / /chos gang gis bag chags kyi mtshams sbyor ba thams cad spang bar bya ba de yang yang dag par rjes su mi mthong ngo //rab 'byor de ltar byang chub sems dpa' sems dpa' chen pos chos thams cad mi dmigs pa'i tshul gyis shes rab kyi pha rol tu phyin pa la spyad par bya'o/ /rab 'byor gang gi tshe byang chub sems dpa' sems dpa' chen pos chos thams cad mi dmigs par shes rab kyi pha rol tu phyin pa la spyod pa'i tshe/bdud sdig can mya ngan gyi zug rngus zug par 'gyur ro/ /rab 'byor 'di lta ste dper na skyes bu zhig pha ma 'chi ba'i dus byas par gyur na mya ngan gyi zug rngus zug par 'gyur te/ mya ngan gyi zug rngu mi bzad par dang ldan par 'gyur ro//rab 'byor de bzhin du byang chub sems dpa' sems dpa' chen po chos thams cad mi dmigs par shes rab kyi pha rol tu phyin pa la spyod pa'i tshe/ bdud sdig can mya ngan gyi zug rngus zug par 'gyur te/ mya ngan gyi zug rngus mi bzad pas zug par 'gyur ro/ /rab 'byor gyis gsol pa/ci lags bcom ldan 'das bdud sdig can gcig 'ba' zhig mya ngan gyi zug rngus mi bzad pas zug par 'gyur ram/ 'on te stong gsum gyi stong chen po'i 'jig rten khams na bdud sdig can gang ji snyed cig mchis pa de dag thams cad mya ngan gyi zug rngu mi bzad pas zug par 'gyur/bcom ldan 'das kyis bka' stsal pa/ rab 'byor nam byang chub sems dpa' sems dpa' chen po shes rab kyi pha rol tu phyin pa la rnam par spyod pas rnam par spyod pa'i tshe/ stong gsum gyi stong chen po'i 'jig rten gyi khams na bdud sdig can gang ji snyed cig yod pa de dag thams cad mya ngan gyi zug rngu mi bzad pas zug par 'gyur te/rang rang gi stan la 'dug par mi 'dod do/ /de ltar rnam par spyod pa'i byang chub sems dpa' sems dpa' chen po la ni lha dang mi dang lha ma yin du bcas pa'i 'jig rten gyis gang gi phyir de bzung zhing phyir zlog pa'i glags mi rnyed gting mi rnyed do//rab 'byor de bas na byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa la rnam par spyod pas rnam par spyad par bya ste/shes rab kyi pha rol tu phyin pa la rnam par spyod pas rnam par spyod pa'i byang chub sems dpa' sems dpa' chen po ni sbyin pa'i pha rol tu phyin pa sgom pa yongs su rdzogs par 'gyur ro/ /tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa sgom pa yongs su rdzogs par 'gyur ro / /shes rab kyi pha rol tu phyin pa la rnam par spyod pas rnam par spyod pa'i byang chub sems dpa' sems dpa' chen po ni pha rol tu phyin pa thams cad sgom pa yongs su rdzogs par 'gyur ro zhes bya ba ni zad pa med pa'i rnam pa ni zad pa shes pa'o//skye ba med pa'i rnam pa ni mi skye ba shes pa yin no// //de nas tshe dang ldan pa rab 'byor gyis bcom ldan 'das la 'di skad ces gsol to/ / bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i sbyin pa'i pha rol tu phyin pa sgom pa yongs su rdzogs par 'gyur ba lags/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa sgom pa yongs su rdzogs par 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe/rnam pa thams cad mkhyen pa nyid du yongs su bsngo zhing sbyin pa de dag yongs su gtong ste/ rab 'byor de ltar na byang chub sems dpa' sems dpa' chen po'i sbyin pa'i pha rol tu phyin pa sgom pa yongs su rdzogs par 'gyur ro/ /rab 'byor 'di la byang chub sems dpa' sems dpa' chen po tshul khrims bsrung ba'i tshe/rnam pa thams cad mkhyen pa nyid du yongs su bsngo zhing tshul khrims de dag bsrung ste/ rab 'byor de ltar na byang chub sems dpa' sems dpa' chen po'i tshul khrims kyi pha rol tu phyin pa sgom pa yongs su rdzogs par 'gyur ro//rab 'byor 'di la byang chub sems dpa' sems dpa' chen po bzod pa sgrub pa'i tshe/ rnam pa thams cad mkhyen pa nyid du yongs su bsngo zhing bzod pa de sgom ste/ rab 'byor de ltar na byang chub sems dpa' sems dpa' chen po'i bzod pa'i pha rol tu phyin pa sgom pa yongs su rdzogs par 'gyur ro//rab 'byor 'di la byang chub sems dpa' sems dpa' chen po brtson 'grus rtsom pa'i tshe/ rnam pa thams cad mkhyen pa nyid du yongs su bsngo zhing brtson 'grus de rtsom ste/ rab 'byor de ltar na byang chub sems dpa' sems dpa' chen po'i brtson 'grus kyi pha rol tu phyin pa sgom pa yongs su rdzogs par 'gyur ro//rab 'byor 'di la byang chub sems dpa' sems dpa' chen po bsam gtan la snyoms par 'jug pa'i tshe/ rnam pa thams cad mkhyen pa nyid du yongs su bsngo zhing bsam gtan de dag la snyoms par 'jug ste/ rab 'byor de ltar na byang chub sems dpa' sems dpa' chen po'i bsam gtan gyi pha rol tu phyin pa sgom pa yongs su rdzogs par 'gyur ro//rab 'byor 'di la byang chub sems dpa' sems dpa' chen po shes rab kyi pha rol tu phyin pa sgom pa'i tshe/ rnam pa thams cad mkhyen pa nyid du yongs su bsngo zhing shes rab de sgom ste/rab 'byor de ltar na byang chub sems dpa' sems dpa' chen po'i shes rab kyi pha rol tu phyin pa sgom pa yongs su rdzogs par 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la gnas shing tshul khrims kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong zhing rnam pa thams cad mkhyen pa nyid du yongs su bsngo ba'i tshe/sems can rnams la byams pa'i lus kyi las dang / byams pa'i ngag gi las dang / byams pa'i yid kyi las nye bar gnas par 'gyur te/ dge ba'i rtsa ba de dag kyang nyan thos kyi sa dang / rang sangs rgyas su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas pas tshul khrims kyi pha rol tu phyin pa yongs su 'dzin to//gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la gnas shing bzod pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa gtong ba'i tshe len pa po de dag gshe zhing mtshang 'dru la mi bden pa'i ngag rtsub pos mi snyan pa brjod kyang de dag la gnod pa'i sems mi bskyed de/ dge ba'i rtsa ba de dag kyang nyan thos dang /rang sangs rgyas su yongs su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing bzod pa'i pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la gnas shing brtson 'grus kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa gtong ba'i tshe/len pa de dag gshe zhing mtshang 'dru la mi bden pa'i ngag rtsub pos mi snyan par brjod de/ de ltar spyo ba dang / 'khyal pa dang / tshul ma yin pa'i tshig rtsub pos mi snyan par brjod pa la sbyin pa'i blo dang / yongs su gtong ba'i blo nyid du 'gyur te/ bdag gis ni sbyin pa yongs su gtang bar bya ste/bdag gis ni sbyin pa yongs su mi gtong bar mi bya'o/ /de'i lus sems kyi brtson 'grus bskyed de/ dge ba'i rtsa ba de dag kyang nyan thos dang / rang sangs rgyas su yongs su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing brtson 'grus kyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la gnas shing bsam gtan gyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe rnam pa thams cad mkhyen pa nyid du dmigs te sems 'jug pa ma gtogs par nyan thos kyi sa'am/ rang sangs rgyas kyi sar yongs su mi bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing bsam gtan gyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po thabs mkhas pas sbyin pa yongs su gtong zhing shes rab kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po sbyin pa sbyin zhing sbyin pa yongs su gtong ba'i tshe de rtag tu sbyin pa la sgyu ma'i blo nye bar gnas shing sbyin pa des sems can gang la yang phan pa'am mi phan par 'gyur ba mi mthong ste/ dge ba'i rtsa ba de dag kyang nyan thos dang rang sangs rgyas su yongs su mi bsngo'i/sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po thabs mkhas pas sbyin pa'i pha rol tu phyin pa la gnas shing shes rab kyi pha rol tu phyin pa yongs su 'dzin pa yin no/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das ji ltar na byang chub sems dpa' sems dpa' chen po tshul khrims kyi pha rol tu phyin pa la gnas shing sbyin pa'i pha rol tu phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol tu phyin pa la gnas pa ni lus sam/ngag gam/ sems kyi sdom pa gang yang rung ste/ sdom pa des nyan thos kyi sa'am/ rang sangs rgyas kyi sa la 'chel bar mi byed de/ tshul khrims kyi pha rol tu phyin pa la gnas shing sems can rnams kyi srog mi gcod do//ma byin par mi len to/ /'dod pas log par mi g.yem mo/ /brdzun gyi tshig mi smra'o/ /phra ma'i tshig mi smra'o/ /zhe gcod pa'i tshig rtsub mo mi smra'o/ tshig 'khyal pa mi smra'o/brnab sems mi byed do/ /gnod sems su mi byed do/ /log par mi lta'o/ /de tshul khrims kyi pha rol tu phyin pa de la gnas shing zas 'dod pa la zas/ skom 'dod pa la skom/ bzhon pa 'dod pa la bzhon pa/ gos 'dod pa la gos/ me tog 'dod pa la me tog /phreng ba 'dod pa la phreng ba/ spos 'dod pa la spos/ byug pa 'dod pa la byug pa/ mal cha 'dod pa la mal cha/ gnas 'dod pa la gnas/ 'tsho ba 'dod pa la 'tsho ba/ yo byad 'dod pa la yo byad yongs su gtong ba nas mi'i yo byad ci yang rung ba'i bar du 'dod pa rnams la mi'i yo byad gang ci yang rung ba de dag thams cad yongs su gtong zhing sbyin pa de ltar gtong ba'i tshe/sbyin pa de nyan thos dang / rang sangs rgyas kyi sar yongs su mi bsngo'i/ sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ste/de yang ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo ste/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing sbyin pa'i pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol tu phyin pa la gnas shing bzod pa'i pha rol tu phyin pa yongs su 'dzin pa lags/ bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po tshul khrims kyi pha rol tu phyin pa la gnas pa'i drung du sems can thams cad lhag nas yan lag dang nying lag rnams bcad gtubs shing dong yang / de la byang chub sems dpa' sems dpa' chen po 'khrugs pa med de gnod pa'i sems gcig kyang mi bskyed do//gzhan du na de 'di snyam du sems te/ de ltar sems can thams cad kyis bdag gi yan lag dang nying lag bcad gtubs te dong ba ni bdag gis thob par bya ba legs par thob bo/ /bdag gi lus rul pa 'di yongs su btang bas de bzhin gshegs pa'i sku lha rdzas rdo rje las byung ba thob par bya'o snyam ste/dge ba'i rtsa ba de dag kyang nyan thos dang / rang sangs rgyas su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo ste/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing bzod pa'i pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol tu phyin pa la gnas shing brtson 'grus kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po tshul khrims kyi pha rol tu phyin pa la gnas shing sems can thams cad bdag gis 'khor ba las bsgral te 'chi ba med pa'i dbyings su dgod par bya'o zhes lus dang sems kyi brtson 'grus nyams par mi byed cing /dge ba'i rtsa ba de yang bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo ste/rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing brtson 'grus kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol tu phyin pa la gnas shing bsam gtan gyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor gang gi tshe byang chub sems dpa' sems dpa' chen po bsam gtan dang po la snyoms par 'jug pa dang /bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug pa dang / 'gog pa'i bar la snyoms par 'jug pa'i tshe/ nyan thos kyi sa dang / rang sangs rgyas kyi sar dmigs pa med de/gzhan du na de 'di snyam du bdag gis ting nge 'dzin gyi pha rol tu phyin pa 'di la gnas te/ sems can thams cad 'khor ba las yongs su dgrol bar bya'o snyam ste/ dge ba'i rtsa ba de dag kyang nyan thos dang / rang sangs rgyas su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing bsam gtan gyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol tu phyin pa la gnas shing shes rab kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol tu phyin pa la gnas shing chos gang yang 'dus byas su mi mthong / chos gang yang 'dus ma byas su mi mthong /dngos po yod pa 'dus byas su mi mthong / dngos po med pa 'dus ma byas su mi mthong / mtshan ma yod pa 'dus byas su mi mthong / mtshan ma med pa 'dus ma byas su mi mthong / gzhan du na chos gang yang de bzhin nyid las 'da' bar med pa las phar chos gang yang yod pa'am med par yang dag par rjes su mi mthong ste/shes rab kyi pha rol tu phyin pa dang thabs mkhas pa des nyan thos kyi sa'am/ rang sangs rgyas kyi sar mi lhung ste/ dge ba'i rtsa ba de dag kyang nyan thos dang / rang sangs rgyas su yongs su mi bsngo'i/sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing shes rab kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol tu phyin pa la gnas shing sbyin pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos sems dang po bskyed pa nas nye bar bzung ste/ snying po byang chub la 'dug gi bar du sbyin pa yongs su gtong ba'i tshe/sems can thams cad gshe zhing 'khyal la yan lag dang nying lag gcod par gyur kyang de la byang chub sems dpa' sems dpa' chen po bzod pa'i pha rol tu phyin pa la gnas pa de 'di snyam du sems te/ sems can 'di dag la ni bdag gis sbyin pa yongs su gtong bar bya'i/sbyin pa yongs su mi gtong bar bya ba ma yin no zhes te/ de sems can de dag zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos/ me tog 'dod pa la ni me tog /phreng ba 'dod pa la ni phreng ba/ spos 'dod pa la ni spos/ byug pa 'dod pa la ni byug pa/ mal cha 'dod pa la ni mal cha/ gnas 'dod pa la ni gnas/ 'tsho ba 'dod pa la ni 'tsho ba/ yo byad 'dod pa la ni yo byad gang ci yang rung ba'i bar du yongs su gtong ste/dge ba'i rtsa ba de dag kyang sems can thams cad dang thun mong du byas shing rnam pa thams cad mkhyen pa nyid du yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo ste/rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas shing sbyin pa'i pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol tu phyin pa la gnas shing tshul khrims kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste snying po byang chub la 'dug gi bar du sems can no cog gi srog mi gcod do//ma byin par mi len to/ /'dod pas log par mi g.yem mo/ /brdzun gyi tshig mi smra'o/ /phra ma'i tshig mi smra'o/ /zhe gcod pa'i tshig mi smra'o/ /tshig 'khyal pa mi smra'o/ /brnab sems su mi byed do/ /gnod sems su mi byed do/ /log par mi lta'o/ / de'i sems kyang nyan thos kyi sa'am/ rang sangs rgyas kyi sa la mi 'jug ste/ dge ba'i rtsa ba de yang sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo ste/rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas shing tshul khrims kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol tu phyin pa la gnas shing brtson 'grus kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol tu phyin pa la gnas shing brtson 'grus 'di lta bu yongs su bskyed de/bdag gis dpag tshad dam/ dpag tshad brgya'am/ dpag tshad stong ngam/ dpag tshad brgya phrag stong ngam/ dpag tshad bye ba'am / dpag tshad bye ba khrag khrig brgya stong gi bar ram/ 'jig rten gyi khams brgya'am/ 'jig rten gyi khams bye ba khrag khrig brgya phrag stong gi bar du song ste/de dag tu chung ngu na sems can 'ga' tsam yang skyabs su 'gro ba'am bslab pa'i gnas la gzhag par bya'o/ /rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub la rab tu gzhag par bya'o zhes brtson 'grus brtsom ste/ dge ba'i rtsa ba de dag kyang sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/ ji ltar 'di la blo rnam pa gsum po su zhig gis yongs su sngo bar byed/gang yongs su sngo bar byed/ gang du yongs su sngo bar byed ces bya ba mi 'jug pa de ltar yongs su sngo bar byed do/ /rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas shing brtson 'grus kyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol tu phyin pa la gnas shing bsam gtan gyi pha rol tu phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol tu phyin pa la gnas shing 'di ltar 'dod pa las dben pa/sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ bsam gtan gnyis pa la nye bar bsgrubs te gnas so/ /bsam gtan gsum pa la nye bar bsgrubs te gnas so/ /bsam gtan bzhi pa la nye bar bsgrubs te gnas so/ /'gog pa'i snyoms par 'jug pa'i bar la nye bar bsgrubs te gnas so/ /sems dang sems las byung ba'i chos dge ba'i rtsa ba dang ldan pa gang dang gang skyes pa thams cad mkhyen pa nyid du yongs su bsngo'o//de'ang ci nas kyang de'i tshe bsam gtan dang bsam gtan gyi yan lag rnams mi dmigs par de ltar yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas shing bsam gtan gyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol tu phyin pa la gnas shing shes rab kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol tu phyin pa la gnas shing gang gi tshe chos rnams dben pa'i rnam pa'am/ zhi ba'i rnam pa'am/ mi zad pa'i rnam par chos kyi rjes su lta zhing gnas kyang snying po byang chub la nam 'dug gi bar du chos nyid de mngon du mi byed de/snying po byang chub la 'dug nas kyang rnam pa thams cad mkhyen pa nyid thob par byed do/ /de las langs nas chos kyi 'khor lo yang bskor te/ dge ba'i rtsa ba de dag kyang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ji ltar de la 'du shes rnam pa gsum po gang zhig gis yongs su sngo bar byed/ gang yongs su sngo bar byed/ gang du yongs su sngo bar byed ces bya ba mi 'jug pa de ltar yongs su sngo bar byed do/ /rab 'byor de ltar na byang chub sems dpa' sems dpa' chen po bzod pa'i pha rol tu phyin pa la gnas shing shes rab kyi pha rol tu phyin pa yongs su 'dzin pa yin te/ci nas kyang mi spong mi 'dzin pa de ltar yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing sbyin pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol tu phyin pa la gnas shing lus dang sems kyi brtson pa mi 'dor ba yin te/ bdag gis bla na med pa yang dag par rdzogs pa'i byang chub tu mngon par rdzogs par 'tshang mi rgya bar mi bya'i/bdag gis ni gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes de sems can rnams kyi don du dpag tshad dam/ dpag tshad brgya 'am/ dpag tshad stong ngam/ dpag tshad brgya phrag stong ngam/ 'jig rten gyi khams sam/ 'jig rten gyi khams bye ba khrag khrig brgya phrag stong gi bar du song zhing brtson 'grus kyi pha rol tu phyin pa la gnas shing chung ngu na sems can 'ga' tsam yang byang chub la rab tu 'jog go/ /gal te gang zag byang chub sems dpa'i theg pa pa dang ma phrad na yang de dag tu gang zag nyan thos kyi theg pa pa ni nyan thos kyi sa la rab tu gzhog go//gang zag rang sangs rgyas kyi theg pa pa ni rang sangs rgyas kyi sa la rab tu gzhog ste/ chung ngu na sems can 'ga' tsam yang dge ba bcu'i las kyi lam la rab tu gzhog go//des chos kyi sbyin pa de dag byin nas zang zing gi sbyin pas sems can rnams tshim par byed do/ /dge ba'i rtsa ba de yang nyan thos kyi sa'am/ rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing sbyin pa'i pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing tshul khrims kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ snying po byang chub la 'dug gi bar du bdag gis kyang srog gcod pa spangs pa yin/ gzhan yang srog gcod pa spong ba la yang dag par bskul ba yin/srog gcod pa spong ba'i legs pa brjod pa yin/ gzhan gang gis srog gcod pa spangs pa de dag gi legs pa brjod cing mthun pas dga' bar byed pa yin/ bdag gis kyang ma byin par len pa spangs pa yin/ gzhan yang ma byin par len pa spong ba la yang dag par bskul ba yin/ma byin par len pa spong ba'i legs pa brjod pa yin/ gzhan gang gis ma byin par len pa spangs pa de dag gi legs pa brjod cing mthun pas dga' bar byed pa yin/ bdag gis kyang 'dod pas log par g.yem pa spangs pa yin/ gzhan yang 'dod pas log par g.yem pa spong ba la yang dag par bskul ba yin/'dod pas log par g.yem pa spong ba'i legs pa brjod pa yin/ gzhan gang gis 'dod pas log par g.yem pa spangs pa de dag gi legs pa brjod cing mthun pas dga' bar byed pa yin/ bdag gis kyang brdzun du smra ba spangs pa yin/gzhan yang brdzun du smra ba spong ba la yang dag par bskul ba yin/ brdzun du smra ba spong ba'i legs pa brjod pa yin/ gzhan gang gis brdzun du smra ba spangs pa de dag gi legs pa brjod cing mthun pas dga' bar byed pa yin/ bdag gis kyang phra ma spangs pa yin/gzhan yang phra ma spong ba la yang dag par bskul ba yin/ phra ma spong ba'i legs pa brjod pa yin/ gzhan gang gis phra ma spangs pa de dag gi legs pa brjod cing mthun pas dga' bar byed pa yin/ bdag gis kyang zhe gcod pa'i tshig spangs pa yin/ gzhan yang zhe gcod pa'i tshig spong ba la yang dag par bskul ba yin/zhe gcod pa'i tshig spong ba'i legs pa brjod pa yin/ gzhan gang gis zhe gcod pa'i tshig spangs pa de dag gi legs pa brjod cing mthun pas dga' bar byed pa yin/ bdag gis kyang tshig 'khyal pa spangs pa yin/ gzhan yang tshig 'khyal pa spong ba la yang dag par bskul ba yin/ tshig 'khyal pa spong ba'i legs pa brjod pa yin/ gzhan gang gis tshig 'khyal pa spangs pa de dag gi legs pa brjod cing mthun pas dga' bar byed pa yin/ bdag gis kyang chags sems spangs pa yin/ gzhan yang chags sems spong ba la yang dag par bskul ba yin/chags sems spong ba'i legs pa brjod pa yin/ gzhan gang gis chags sems spangs pa de dag gi legs pa brjod cing mthun pas dga' bar byed pa yin/ bdag gis kyang gnod sems spangs pa yin/ gzhan yang gnod sems spong ba la yang dag par bskul ba yin/ gnod sems spong ba'i legs pa brjod pa yin/ gzhan gang gis gnod sems spangs pa de dag gi legs pa brjod cing mthun pas dga' bar byed pa yin/ bdag gis kyang log par lta ba spangs pa yin/ gzhan yang log par lta ba spong ba la yang dag par bskul ba yin/log par lta ba spong ba'i legs pa brjod pa yin/ gzhan gang gis log par lta ba spangs pa de dag gi legs pa brjod cing mthun pas dga' bar byed pa yin te/ tshul khrims kyi pha rol tu phyin pa des 'dod pa'i khams su gnas par mi byed/gzugs kyi khams su gnas par mi byed/ gzugs med pa'i khams su gnas par mi byed/ nyan thos kyi sa'am rang sangs rgyas kyi sa la gnas par mi byed de/ gzhan du na dge ba'i rtsa ba de dag ni sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing tshul khrims kyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing bzod pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste snying po byang chub la 'dug gi bar du mir gyur pa'am mi ma yin par gyur pas sems rnam par 'khrugs par byas pa'am yan lag dang nying lag thams cad bcad gtubs shing khyer te dor yang de la byang chub sems dpa' sems dpa' chen po brtson 'grus kyi pha rol tu phyin pa la gnas pa de 'di snyam du bdag las ci zhig bcad pa'am gtubs pa'am khyer ro zhes bya bar mi sems to /gzhan du na de 'di snyam du gang gi phyir bdag gi lus yongs su bsgrubs pa de dag 'dir 'ong zhing yan lag dang nying lag bcad gtubs nas khyer zhing dor ba ni bdag gis thob par bya ba legs par thob bo snyam mo/ /de ni chos rnams kyi rang bzhin yang legs par yid la byas pa yin te/dge ba'i rtsa ba de dag kyang nyan thos kyi sa'am rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang /gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing bzod pa'i pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing bsam gtan gyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'dod pas dben pa /sdig to mi dge ba'i chos kyis dben pa/ rtog pa dang bcas dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dag dga' ba las 'dod chags dang bral bas dran pa dang ldan zhing shes bzhin du btang snyoms su gnas te/bde ba lus kyis myong ba 'phags pa rnams kyis de la dran pa dang ldan pa bde ba la rnam par dpyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing yid bde ba dang mi bde ba snga ma nas kyang nub pas bde ba yang med/sdug bsngal ba yang med pa btang snyoms dang dran pa yongs su dag pa'i bsam gtan bzhi pa la nye bar bsgrubs te gnas so/ /de sems can rnams la bde ba'i 'du shes yid la byed pas byams pa tshad med pa la nye bar bsgrubs te gnas so//de sems can rnams la sdug bsngal ba dang bral ba'i 'du shes yid la byed pas snying rje tshad med pa la nye bar bsgrubs te gnas so/ /de sems can rnams la dga' ba'i 'du shes yid la byed pas dga' ba tshad med pa la nye bar bsgrubs te gnas so/ /de sems can rnams la sdug bsngal ba dang bde ba med pa'i 'du shes yid la byed pas btang snyoms tshad med pa la nye bar bsgrubs te gnas so//de gzugs la rags par 'du shes shing nam mkha' la zhi bar 'du shes pa yid la byed pas nam mkha' mtha' yas skye mched la nye bar bsgrubs te gnas so/ /de nam mkha' la rags par 'du shes shing rnam par shes pa la zhi bar 'du shes pa yid la byed pas rnam shes mtha' yas skye mched la nye bar bsgrubs te gnas so//de rnam par shes pa la rags par 'du shes shing cung zad med pa la zhi bar 'du shes pa yid la byed pas cung zad med pa'i skye mched la nye bar bsgrubs te gnas so//de cung zad med pa la rags par 'du shes shing 'du shes med 'du shes med min skye mched la zhi bar 'du shes pa yid la byed pas 'du shes med 'du shes med min skye mched la nye bar bsgrubs te gnas so//de bsam gtan dang / tshad med pa dang / gzugs med pa'i snyoms par 'jug pa de dag gi rnam par smin pa yongs su mi len te/ gzhan du na sems can rnams kyi don bya ba'i phyir de dag tu skye zhing sems can de dag sbyin pa'i pha rol tu phyin pa dang / tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol tu phyin pa drug po de dag la yongs su smin par byed de/ dge ba'i rtsa ba bskyed pa'i don du sangs rgyas bcom ldan 'das rnams la bsnyen bkur byed cing sangs rgyas kyi zhing nas sangs rgyas kyi zhing du 'gro ste/dge ba'i rtsa ba de dag kyang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo'i/ nyan thos dang rang sangs rgyas su yongs su mi bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su sngo bar byed ces pa'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing bsam gtan gyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing shes rab kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol tu phyin pa la gnas shing sbyin pa'i pha rol tu phyin pa dngos po dang rdzas dang / mtshan mar yang dag par rjes su mi mthong / tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dngos po dang rdzas dang mtshan mar yang dag par rjes su mi mthong ngo / /nang stong pa nyid dngos po dang rdzas dang mtshan mar yang dag par rjes su mi mthong ngo //phyi nang stong pa nyid dngos po dang rdzas dang mtshan mar yang dag par rjes su mi mthong ngo / /dngos po med pa'i ngo bo nyid stong pa nyid kyi bar du dngos po dang rdzas dang mtshan mar yang dag par rjes su mi mthong ngo / /dran pa nye bar gzhag pa rnams dngos po dang rdzas dang mtshan mar yang dag par rjes su mi mthong /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dngos po dang rdzas dang mtshan mar yang dag par rjes su mi mthong /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dngos po dang rdzas dang mtshan mar yang dag par rjes su mi mthong / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa rnams dang / dngos po dang rdzas dang mtshan mar yang dag par rjes su mi mthong / ting nge 'dzin rnams dang / gzungs kyi sgo rnams dngos po dang rdzas dang mtshan mar yang dag par rjes su mi mthong /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dngos po dang rdzas dang mtshan mar yang dag par rjes su mi mthong / rnam pa thams cad mkhyen pa nyid kyi bar du dngos po dang rdzas dang mtshan mar yang dag par rjes su mi mthong ste/chos thams cad dngos po dang rdzas dang mtshan mar yang dag par rjes su mi mthong bas chos gang la yang gnas mi 'cha' zhing de ji skad du smra ba de ltar byed pa yin te/ de dge ba'i rtsa ba de dag kyang nyan thos dang rang sangs rgyas su mi bsngo'i/sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su sngo bar byed ces bya ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa la gnas shing shes rab kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas shing sbyin pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas nang yongs su dang ste sems kyi rgyud gcig tu gyur pas rtog pa med pa dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so//de dga' ba las 'dod chags dang bral bas dran pa dang ldan zhing shes bzhin du btang snyoms su gnas te/ bde ba lus kyis myong ba 'phags pa rnams kyis de la dran pa dang ldan pa bde ba la rnam par dpyod pas btang snyoms pa'o zhes brjod pa ste/dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing yid bde ba dang mi bde ba snga nas kyang nub pas bde ba yang med/sdug bsngal ba yang med pa btang snyoms dang dran pa yongs su dag pa/ bsam gtan bzhi pa la nye bar bsgrubs te gnas so/ /de 'du shes med 'du shes med min skye mched kyi bar la yang de bzhin du nye bar bsgrubs te gnas so/ / de bsam gtan gyi pha rol tu phyin pa de la gnas nas mi g.yeng ba'i yid kyis sems can de dag la zang zing gi sbyin pa dang chos kyi sbyin pa de yongs su gtong zhing gzhan zang zing gi sbyin pa dang chos kyi sbyin pa la yang dag par bskul lo/ /zang zing gi sbyin pa dang chos kyi sbyin pa'i legs pa brjod do //gzhan yang zang zing gi sbyin pa dang chos kyi sbyin pa yongs su gtong ba de dag gi legs pa brjod cing mthun pas dga' bar byed pa yin te/ dge ba'i rtsa ba de dag kyang nyan thos kyi sa'am rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/rab 'byor de ltar na byang chub sems dpa' sems dpa' chen po de ji ltar 'di la gang gis sngo bar byed pa'am gang sngo bar byed pa'am gang du sngo bar byed pa'i 'du shes rnam pa gsum mi 'jug pa de ltar yongs su sngo bar byed do//rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing sbyin pa'i pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas shing tshul khrims kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol tu phyin pa la gnas shing sems 'dod chags dang ldan pa mi bskyed/sems zhe sdang dang ldan pa dang / gti mug dang ldan pa dang / 'tshe ba dang ldan pa mi bskyed/ gzhan du na rnam pa thams cad mkhyen pa nyid dang ldan pa'i yid la byed pas rnam par spyod cing / dge ba'i rtsa ba de dag kyang nyan thos kyi sa'am/ rang sangs rgyas kyi sar yongs su mi bsngo'i/gzhan du na sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing tshul khrims kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas shing bzod pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol tu phyin pa la gnas shing gzugs la dbu ba lta bur rab tu rtog /tshor ba la chu bur lta bu dang / 'du shes la smig rgyu lta bu dang / 'du byed la chu shing lta bu dang / rnam par shes pa la sgyu ma lta bur rab tu rtog ste/ de de ltar nye bar len pa'i phung po lnga la so sor rtog cing snying po med par 'du shes pa nye bar gnas pa yin te/de ltar so sor rtogs pas de 'di snyam ste/ yan lag dang nying lag bcad gtubs kyang su la spyod / su la bcad/ lus ni su'i lus/ tshor ba ni su'i tshor ba/ 'du shes ni su'i 'du shes/ 'du byed ni su'i 'du byed/rnam par shes pa ni su'i rnam par shes pa snyam ste/ de de ltar so sor rtog pa'i tshe 'di snyam ste/ gang la spyod pa dang kyal pa byas na gnod sems skye ba de lta bu'i spyod pa yang gang zhig yod/ 'khyal pa yang gang zhig yod snyam ste/ dge ba'i rtsa ba de dag kyang nyan thos dang rang sangs rgyas su mi bsngo'i/sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing / bzod pa'i pha rol tu phyin pa yongs su 'dzin pa yin no// //bam po lnga bcu brgyad pa/ gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas shing brtson 'grus kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol tu phyin pa la gnas shing 'dod pas dben/sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas nang yongs su dang ste/sems kyi rgyud gcig tu gyur pas rtog pa med pa dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing shes bzhin du btang snyoms la gnas te/bde ba lus kyis myong la 'phags pa rnams kyis dran pa dang ldan pa bde ba la rnam par dpyod pa btang snyoms pa'o zhes brjod pa dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing /yid bde ba dang mi bde ba snga nas kyang nub pas/ bde ba yang med sdug bsngal ba yang med pa btang snyoms dang dran pa yongs su dag pa'i bsam gtan bzhi pa la nye bar bsgrubs shing gnas te/ /de bsam gtan dang bsam gtan gyi yan lag de dag la yang mtshan mar mi 'dzin te/de de ltar mnyam par gzhag pa'i sems dang ldan pas rdzu 'phrul rnam pa du ma nyams su myong bar byed de/ de sa chen po 'di yang rab tu g.yo bar byed do/ /gcig tu gyur zhing mang por 'gyur ro/ /mang por gyur zhing gcig tu 'gyur ro//snang ba dang mi snang ba yang nyams su myong bar byed do/ /rtsig pa las thal ba dang / ra ba las thal ba dang / ri las thal bar thogs pa med par 'gro ste/ dper na nam mkha' la bya ba bzhin no/ /nam mkha' la yang 'gro ste/ dper na 'dab chags bya bzhin no//sa la yang gyen du 'byung ba dang 'og tu 'dzul bar byed de/ dper na chu la bya ba bzhin no/ /chu la yang 'bying ba med par 'gro ste/ dper na sa la bya ba bzhin no/ /du bar 'thul zhing me 'bar te/ dper na me'i phung po chen po bzhin no/ / nyi ma dang zla ba 'di dag 'di ltar rdzu 'phrul che la 'di ltar mthu che zhing dbang che ba de dag kyang lag pas byugs shing tshangs pa'i 'jig rten gyi bar du lus kyis dbang sgyur ro/ /de lha'i rna ba rnam par dag pa mi'i las 'das pas lha dang mi'i sgra nye ba'am ring yang rung ste thos so/ / de sems can pha rol dang gang zag pha rol gyi sems la sems kyis yang dag pa ji lta ba bzhin du rab tu shes te/ 'dod chags dang ldan pa'i sems la 'dod chags dang ldan pa'i sems zhes bya bar yang dag pa ji lta ba bzhin du rab tu shes so/ / bla na med pa'i sems kyi bar la bla na med pa'i sems zhes bya bar yang dag pa ji lta ba bzhin du rab tu shes so/ /de ni sngon gyi gnas rnam pa du ma rjes su dran te sems gcig kyang rjes su dran pa nas/ sems brgya'i bar du yang rjes su dran no/ /bskal pa gcig rjes su dran pa nas bskal pa brgya'i bar du yang rjes su dran no//bskal pa bye ba khrag khrig brgya stong du ma'i bar du yang rjes su dran te/ bdag ni de lta bu zhig na 'dug 'dug ste/ ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za/ yun ni 'di srid cig tu 'dug 'dug /tshe'i mtha' ni 'di tsam zhig tu gyur te/ de ltar bdag 'di nas shi 'phos nas che ge mo zhig tu skyes so zhes bya ba nas/ de nas shi 'phos nas 'dir skyes so zhes bya ba'i bar du rnam pa dang bcas/ gtan tshigs dang bcas/ dan rtags dang bcas par bdag dang gzhan gyi gnas rnam pa du ma rjes su dran no//de ni lha'i mig rnam par dag pa mi las 'das pas sems can 'chi 'pho ba dang skye ba nas sems can rnams las ji lta ba bzhin du 'gro ba'i bar du yang dag pa ji lta ba bzhin du rab tu shes te/ de mngon par shes pa lnga po de dag la gnas nas sangs rgyas bcom ldan 'das rnams la bsnyen bkur bya ba dang /yongs su dri ba dang / yongs su zhu ba dang / dge ba'i rtsa ba bsags pa dang / sems can yongs su smin par bya ba dang / sangs rgyas kyi zhing yongs su dag par bya ba'i phyir sangs rgyas kyi zhing nas sangs rgyas kyi zhing du 'gro ste/dge ba'i rtsa ba de dag kyang nyan thos kyi sa'am rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang /gang yongs su bsngo ba dang / gang du yongs su bsngo ba'i 'du shes rnam pa gsum mi 'jug pa de ltar yongs su bsngo ste/ rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing brtson 'grus kyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas shing shes rab kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas pas gzugs mi dmigs so//tshor ba dang / 'du shes dang / 'du byed rnams dang / rnam par shes pa mi dmigs so/ /mig mi dmigs so/ /rna ba dang / sna dang / lce dang / lus dang / yid mi dmigs so//gzugs mi dmigs so/ /sgra dang / dri dang / ro dang / reg dang / chos mi dmigs so/ /mig gi rnam par shes pa mi dmigs so/ /yid kyi rnam par shes pa'i bar du mi dmigs so/ /mig gi 'dus te reg pa mi dmigs so/ /yid kyi 'dus te reg pa'i bar du mi dmigs so/ /mig gi 'dus te reg pa las byung ba'i tshor ba mi dmigs so//yid kyi 'dus te reg pa las byung ba'i tshor ba'i bar du mi dmigs so/ /sa'i khams mi dmigs so/ /rnam par shes pa'i khams kyi bar du mi dmigs so/ /ma rig pa mi dmigs so/ /rga shi'i bar du mi dmigs so/ /sbyin pa'i pha rol tu phyin pa mi dmigs so//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa mi dmigs so/ /nang stong pa nyid mi dmigs so//dngos po med pa'i ngo bo nyid stong pa nyid kyi bar du mi dmigs so/ /dran pa nye bar gzhag pa rnams mi dmigs so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi dmigs so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang /snying rje chen po dang / sangs rgyas kyi chos ma 'dres pa bco brgyad mi dmigs so/ /rnam pa thams cad mkhyen pa nyid kyi bar du mi dmigs so/ /'dus byas kyi khams mi dmigs so/ /'dus ma byas kyi khams mi dmigs so/ /de ltar mi dmigs pas na mngon par 'du mi byed do//mngon par 'du mi byed pas na skye ba dang 'gag par mi byed do/ /de ci'i phyir zhe na/ rab 'byor de ni 'di ltar de bzhin gshegs pa rnams byung yang rung ma byung yang rung ste/ chos rnams kyi chos kyi gnas nyid de ni gnas pa ste/ chos kyi dbyings de bzhin nyid gnas pa'i phyir de mi skye mi 'gag pas de g.yeng ba med pa'i sems dang ldan par rnam pa thams cad mkhyen pa nyid dang ldan pa'i yid la bya ba dang ma bral ba yin te dge ba'i rtsa ba de dag kyang nyan thos dang rang sangs rgyas su yongs su mi bsngo'i/sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su sngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing shes rab kyi pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas shing sbyin pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad stong pa'o zhes bya bar yang dag par rjes su mthong ngo / /gsol pa/bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad stong pa'o zhes bgyi bar yang dag par rjes su mthong ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nang stong pa nyid la nang stong pa nyid ces bya bar mi dmigs so/ /phyi stong pa nyid la phyi stong pa nyid ces bya bar mi dmigs so/ /phyi nang stong pa nyid la phyi nang stong pa nyid ces bya bar mi dmigs so/ /stong pa nyid stong pa nyid la stong pa nyid stong pa nyid ces bya bar mi dmigs so//chen po stong pa nyid la chen po stong pa nyid ces bya bar mi dmigs so/ /don dam pa stong pa nyid la don dam pa stong pa nyid ces bya bar mi dmigs so/ /'dus byas stong pa nyid la 'dus byas stong pa nyid ces bya bar mi dmigs so/ / 'dus ma byas stong pa nyid la 'dus ma byas stong pa nyid ces bya bar mi dmigs so/ /mtha' las 'das pa stong pa nyid la mtha' las 'das pa stong pa nyid ces bya bar mi dmigs so/ /thog ma dang tha ma med pa stong pa nyid la thog ma dang tha ma med pa stong pa nyid ces bya bar mi dmigs so//dor ba med pa stong pa nyid la dor ba med pa stong pa nyid ces bya bar mi dmigs so/ /rang bzhin stong pa nyid la rang bzhin stong pa nyid ces bya bar mi dmigs so/ /chos thams cad stong pa nyid la chos thams cad stong pa nyid ces bya bar mi dmigs so/ / rang gi mtshan nyid stong pa nyid la rang gi mtshan nyid stong pa nyid ces bya bar mi dmigs so / /byang chub sems dpa' sems dpa' chen po de stong pa nyid bcu bzhi po de dag la gnas shing gzugs stong zhes bya ba'am mi stong zhes bya bar mi dmigs so / /tshor ba dang / 'du shes dang / 'du byed rnams dang / rnam par shes pa stong zhes bya ba'am mi stong zhes bya bar mi dmigs so/ /skye mched dang khams dang rten cing 'brel par 'byung ba stong zhes bya ba'am mi stong zhes bya bar mi dmigs so/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos sum cu rtsa bdun stong zhes bya ba'am mi stong zhes bya bar mi dmigs so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang /mthar gyis gnas pa'i snyoms par 'jug pa dgu stong zhes bya ba'am mi stong zhes bya bar mi dmigs so/ /stong pa nyid dang / mtshan ma med pa dang / smon pa med pa stong zhes bya ba'am mi stong zhes bya bar mi dmigs so/ /mngon par shes pa dang / ting nge 'dzin dang / gzungs kyi sgo rnams stong zhes bya ba'am mi stong zhes bya bar mi dmigs so/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad stong zhes bya ba'am mi stong zhes bya bar mi dmigs so/ /bla na med pa yang dag par rdzogs pa'i byang chub kyi bar du stong zhes bya ba'am mi stong zhes bya bar mi dmigs so//'dus byas kyi khams stong zhes bya ba'am mi stong zhes bya bar mi dmigs so/ /'dus ma byas kyi khams stong zhes bya ba'am mi stong zhes bya bar dmigs te/ byang chub sems dpa' sems dpa' chen po shes rab kyi pha rol tu phyin pa 'di la spyod cing /zas sam/ skom mam/ bzhon pa'am/ gos sam/ me tog gam/ phreng ba'am/ spos sam/ byug pa'am/ mal cha'am/ gnas sam/ 'tsho ba'am/ yo byad dam/ mi'i yo byad gang ci yang rung sbyin pa gang dang gang gtong yang des sbyin pa de gtong zhes bya bar yang dag par rjes su mi mthong /gang yongs su gtong ba dang gang la yongs su gtong ba de dag gtong zhes bya bar rjes su mi mthong ste/ de la 'jungs pa'i sems sam yongs su 'dzin pa'i sems kyi skabs med do/ / de ci'i phyir zhe na/ shes rab kyi pha rol tu phyin pa la spyod pa'i byang chub sems dpa' sems dpa' chen po la sems dang po bskyed pa nas nye bar bzung ste/ snying po byang chub la 'dug gi bar du rnam par rtog pa de dag thams cad med de/ de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub tu mngon par rdzogs par sangs rgyas pa la ji ltar 'jungs pa'i thugs sam/yongs su 'dzin pa'i thugs mi mnga' ba de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'jungs pa'i sems sam yongs su 'dzin pa'i sems skye ba med de/de ni 'di ltar shes rab kyi pha rol tu phyin pa 'di nyid byang chub sems dpa' sems dpa' chen po'i ston pa'o/ /dge ba'i rtsa ba de dag kyang nyan thos dang rang sangs rgyas su yongs su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas shing sbyin pa'i pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas shing tshul khrims kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas shing nyan thos kyi sa'am / rang sangs rgyas kyi sa'i go skabs mi 'byed do/ / de ci'i phyir zhe na/ de ni 'di ltar de nyan thos kyi sa 'am/ rang sangs rgyas kyi sa yang mi dmigs so/ /sems de yang mi dmigs te/ de sems dang po bskyed pa nas nye bar bzung ste/ snying po byang chub la 'dug gi bar du bdag gis kyang srog gcod pa spangs pa yin/ gzhan yang srog gcod pa spong ba la yang dag par bskul ba yin/srog gcod pa spong ba'i legs pa brjod pa yin/ gzhan gang gis srog gcod pa spangs pa de dag gi legs pa brjod cing mthun pas dga' bar byed pa yin/ bdag gis kyang ma byin par len pa dang /'dod pas log par g.yem pa dang / brdzun du smra ba dang / phra ma dang / zhe gcod pa'i tshig dang / tshig kyal pa dang / brnab sems dang / gnod sems dang / log par lta ba spangs pa yin/ gzhan yang log par lta ba spong ba la yang dag par bskul ba yin/log par lta ba spong ba'i legs pa brjod pa yin/ gzhan gang gis log par lta ba spangs pa de dag gi legs pa brjod cing mthun pas dga' bar byed pa yin / tshul khrims des nyan thos sam rang sangs rgyas kyi chos gang la yang chags par mi 'gyur na/ gzhan man chad lta ci smos te/dge ba'i rtsa ba de dag kyang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar gang gis yongs su bsngo ba dang / gang du yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas shing tshul khrims kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas shing bzod pa'i pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas shing rjes su mthun pa'i bzod pa bskyed de/de 'di snyam du 'di la chos gang yang skye ba'am 'gag pa'am 'byung ba'am/ 'jig pa'am/ 'chi ba'am/ gshe ba'am/ spyo ba'am/ mtshang 'bru ba'am/ gcad pa'am/ gtub pa'am/ brdeg pa med do snyam pas de la sems dang po bskyed pa nas nye bar bzung ste snying po byang chub la 'dug gi bar du gal te sems can thams cad drung du lhags nas spyos te bskyel tam/rdo dbyig gis brdegs sam/ mtshon gyis btab ste gcad cing gtubs kyang de la 'di snyam ste/ kye ma chos rnams kyi chos nyid 'di ni ngo mtshar che ste/'di'i chos gang la yang spyo ba'am/ bskyel ba'am / gcad pa'am/ gtub pa'am/ brdeg pa'am/ bcing ba med do snyam ste/ dge ba'i rtsa ba de dag kyang nyan thos dang rang sangs rgyas su yongs su mi bsngo'i/ sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/de ji ltar gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas shing bzod pa'i pha rol tu phyin pa yongs su 'dzin pa yin no//gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas shing brtson 'grus kyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas shing rdzu 'phrul gyi rkang pa bzhi la gnas te/ thabs mkhas pa dang ldan pas lus dang sems kyi brtson 'grus bskyed de/'jig rten gyi khams gcig gam/ 'jig rten gyi khams brgya'am/ 'jig rten gyi khams stong ngam/ 'jig rten gyi khams bye ba khrag khrig brgya phrag stong gi bar du song ste/ sems can rnams la chos ston zhing sbyin pa'i pha rol tu phyin pa la rab tu 'god do//tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la rab tu 'god do/ /dran pa nye bar gzhag pa rnams la rab tu 'god do//'phags pa'i lam yan lag brgyad pa'i bar la rab tu 'god do/ /rgyun du zhugs pa'i 'bras bu la rab tu 'god do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la rab tu 'god do//bla na med pa yang dag par rdzogs pa'i byang chub kyi bar la rab tu 'god do/ /de yang ci nas kyang 'dus byas kyi khams la rab tu bkod pa yang ma yin/ 'dus ma byas kyi khams la rab tu bkod pa yang ma yin pa de ltar rab tu 'god de/ dge ba'i rtsa ba de dag kyang nyan thos dang rang sangs rgyas su yongs su mi bsngo'i/sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ de ji ltar na gang gis yongs su bsngo ba dang / gang yongs su bsngo ba dang / gang du yongs su bsngo ba'i 'du shes gsum mi 'jug pa de ltar yongs su bsngo'o//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas shing brtson 'grus kyi pha rol tu phyin pa yongs su 'dzin pa yin no/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas shing bsam gtan gyi pha rol tu phyin pa yongs su 'dzin pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas shing de bzhin gshegs pa'i ting nge 'dzin ma gtogs par nyan thos kyi ting nge 'dzin tam/rang sangs rgyas kyi ting nge 'dzin tam/ byang chub sems dpa'i ting nge 'dzin kyang rung ste/ ting nge 'dzin gang ji snyed pa de dag thams cad la snyoms par 'jug ste/ting nge 'dzin de dag la gnas shing rnam par thar pa brgyad la lugs dang mthun pa dang lugs dang mi mthun par snyoms par 'jug cing rnam par ldang ngo / /brgyad gang zhe na/ rab 'byor 'di la byang chub sems dpa' sems dpa' chen po gzugs can gzugs rnams mthong ba 'di ni rnam par thar pa dang po'o//nang gzugs med pa'i 'du shes dang ldan pas phyi rol gyi gzugs rnams mthong ba 'di ni rnam par thar pa gnyis pa'o/ /bzang bar mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes las yang dag par 'das te/thogs pa'i 'du shes rnams nub par gyur cing / sna tshogs kyi 'du shes yid la mi byed pas nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/rnam par shes pa mtha' yas so zhes rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ /de rnams thams cad du rnam shes mtha' yas skye mched las yang dag par 'das te cung zad ma yod do zhes cung zad med pa'i skye mched la nye bar bsgrubs te gnas pa 'di ni rnam par thar pa drug pa'o//de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o//de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa la nye bar bsgrubs te gnas pa 'di ni rnam par thar pa brgyad pa ste/ de ltar na rnam par thar pa brgyad po 'di dag la lugs dang mthun pa dang lugs dang mi mthun par snyoms par 'jug cing rnam par ldang ngo //mthar gyis gnas pa'i snyoms par 'jug pa dgu la lugs dang mthun pa dang lugs dang mi mthun par snyoms par 'jug cing rnam par ldang ste/ dgu gang zhe na/ rab 'byor 'di la byang chub sems dpa' sems dpa' chen po 'dod pas dben pa /sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ / dga' ba las 'dod chags dang bral bas dran pa dang ldan zhing shes bzhin du btang snyoms la gnas te/bde ba lus kyis myong la 'phags pa rnams kyis de la dran pa dang ldan pa bde ba la rnam par dpyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing /yid bde ba dang mi bde ba snga nas kyang nub pas bde ba yang med sdug bsngal ba yang med pa btang snyoms dang dran pa yongs su dag pa bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so zhes nam mkha' mtha' skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/rnam par shes pa mtha' yas so zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so//de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa la nye bar bsgrubs te gnas so//de ltar mthar gyis gnas pa'i snyoms par 'jug pa dgu po de dag la lugs dang mthun pa dang lugs dang mi mthun par snyoms par 'jug cing rnam par ldang ngo / /de rnam par thar pa brgyad po de dag dang mthar gyis gnas pa'i snyoms par 'jug pa dgu po de dag rnam par phye zhing seng ge rnam par bsgyings pa'i ting nge 'dzin la snyoms par 'jug go//ting nge 'dzin de la gnas nas rten cing 'brel par 'byung ba'i yan lag bcu gnyis lugs dang mthun pa dang lugs dang mi mthun pa las so sor rtog go/ /de la yan lag bcu gnyis gang dag ce na/rab 'byor 'di la byang chub sems dpa' sems dpa' chen po ma rig pa'i rkyen gyis 'du byed ces so sor rtog go/ /de bzhin du 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi/ rga shi'i rkyen gyis mya ngan dang smre sngags 'don pa dang /sdug bsngal ba dang / yid mi bde ba dang 'khrugs pa la so sor rtog par byed cing 'di ltar sdug bsngal gyi phung po chen po 'ba' zhig po 'di 'jig rten du 'byung bar 'gyur ro zhes so sor rtog go/ /rga shi med na mya ngan dang smre sngags 'don pa dang sdug bsngal ba dang yid mi bde ba dang 'khrugs pa rnams 'byung bar mi 'gyur ro zhes so sor rtog cing /de bzhin du skye ba med na rga shi 'byung bar mi 'gyur ro/ /srid pa med na skye ba 'byung bar mi 'gyur ro/ /len pa med na srid pa 'byung bar mi 'gyur ro/ /sred pa med na len pa 'byung bar mi 'gyur ro/ /tshor ba med na sred pa 'byung bar mi 'gyur ro//reg pa med na tshor ba 'byung bar mi 'gyur ro/ /skye mched drug med na reg pa 'byung bar mi 'gyur ro/ /ming dang gzugs med na skye mched drug 'byung bar mi 'gyur ro/ /rnam par shes pa med na ming dang gzugs 'byung bar mi 'gyur ro/ /'du byed med na rnam par shes pa 'byung bar mi 'gyur ro//ma rig pa med na 'du byed 'byung bar mi 'gyur ro zhes so sor rtog cing de ltar na sdug bsngal gyi phung po chen po 'ba' zhig po 'di 'gag par 'gyur ro zhes so sor rtog go/ /de ltar na rten cing 'brel par 'byung ba'i yan lag bcu gnyis po lugs dang mthun pa dang lugs dang mi mthun pa la so sor rtog cing dge ba'i rtsa ba de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su sngo bar byed do//de yang ji ltar yongs su sngo bar byed pa gang yin pa'am/gang yongs su bsngo ba'am/ gang du yongs su bsngo ba'i blo rnam pa gsum mi 'jug pa de ltar yongs su sngo bar byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas nas bsam gtan gyi pha rol tu phyin pa yongs su 'dzin pa yin no zhes bya ba ni mthong ba'i lam gsungs pa yin no// //rab 'byor byang chub sems dpa' sems dpa' chen po'i ting nge 'dzin seng ge rnam par bsgyings pa de gang zhe na/ rab 'byor 'di la byang chub sems dpa' sems dpa' chen po 'dod pas dben pa/sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /bsam gtan dang po las langs nas bsam gtan gnyis pa la snyoms par 'jug go//bsam gtan gnyis pa las langs nas bsam gtan gsum pa la snyoms par 'jug go/ /bsam gtan gsum pa las langs nas bsam gtan bzhi pa la snyoms par 'jug go/ /bsam gtan bzhi pa las langs nas nam mkha' mtha' yas skye mched la snyoms par 'jug go//nam mkha' mtha' yas skye mched las langs nas rnam shes mtha' yas skye mched la snyoms par 'jug go/ /rnam shes mtha' yas skye mched las langs nas cung zad med pa'i skye mched la snyoms par 'jug go/ /cung zad med pa'i skye mched las langs nas 'du shes med 'du shes med min skye mched la snyoms par 'jug go//'du shes med 'du shes med min gyi skye mched las langs nas 'gog pa la snyoms par 'jug go/ /'gog pa'i snyoms par 'jug pa las langs nas 'du shes med 'du shes med min skye mched la snyoms par 'jug go//'du shes med 'du shes med min skye mched las langs nas cung zad med pa'i skye mched la snyoms par 'jug go/ /cung zad med pa'i skye mched las langs nas rnam shes mtha' yas skye mched la snyoms par 'jug go/ /rnam shes mtha' yas skye mched las langs nas nam mkha' mtha' yas skye mched la snyoms par 'jug go//nam mkha' mtha' yas skye mched la langs nas/ bsam gtan bzhi pa la snyoms par 'jug go/ /bsam gtan bzhi pa las langs nas bsam gtan gsum pa la snyoms par 'jug go//bsam gtan gsum pa las langs nas bsam gtan gnyis pa la snyoms par 'jug go/ /bsam gtan gnyis pa las langs nas bsam gtan dang po la snyoms par 'jug ste/ de seng ge rnam par bsgyings pa'i ting nge 'dzin 'di rnam par dbye bar byas nas thod rgal gyi ting nge 'dzin la snyoms par 'jug go//rab 'byor byang chub sems dpa' sems dpa' chen po'i ting nge 'dzin thod rgal de gang zhe na/ rab 'byor 'di la byang chub sems dpa' sems dpa' chen po la 'dod pas dben/ sdig to mi dge ba'i chos kyis dben pa /rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /bsam gtan dang po las langs nas bsam gtan gnyis pa la nye bar bsgrubs te gnas so/ / bsam gtan gnyis pa las langs nas bsam gtan gsum pa la nye bar bsgrubs te gnas so/ /bsam gtan gsum pa las langs nas bsam gtan bzhi pa la nye bar bsgrubs te gnas so/ /bsam gtan bzhi pa las langs nas nam mkha' mtha' yas skye mched kyi snyoms par 'jug pa la nye bar bsgrubs te gnas so//nam mkha' mtha' yas skye mched kyi snyoms par 'jug pa las langs nas rnam shes mtha' yas skye mched kyi snyoms par 'jug pa la nye bar bsgrubs te gnas so/ /rnam shes mtha' yas skye mched kyi snyoms par 'jug pa las langs nas cung zad med pa'i skye mched kyi snyoms par 'jug pa la nye bar bsgrubs te gnas so//cung zad med pa'i skye mched kyi snyoms par 'jug pa las langs nas 'du shes med 'du shes med min skye mched kyi snyoms par 'jug pa la nye bar bsgrubs te gnas so/ /'du shes med 'du shes med min skye mched kyi snyoms par 'jug pa las langs nas 'du shes dang tshor ba 'gog pa la nye bar bsgrubs te gnas so//'gog pa'i snyoms par 'jug pa las langs nas bsam gtan dang po la snyoms par 'jug go/ /bsam gtan dang po las langs nas 'gog pa'i snyoms par 'jug pa la snyoms par 'jug go//'gog pa'i snyoms par 'jug pa las langs nas bsam gtan gnyis pa la snyoms par 'jug go/ /bsam gtan gnyis pa las langs nas 'gog pa'i snyoms par 'jug pa la snyoms par 'jug go//'gog pa'i snyoms par 'jug pa las langs nas bsam gtan gsum pa la snyoms par 'jug go/ /bsam gtan gsum pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas bsam gtan bzhi pa la snyoms par 'jug go//bsam gtan bzhi pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas nam mkha' mtha' yas skye mched kyi snyoms par 'jug pa la snyoms par 'jug go//nam mkha' mtha' yas skye mched kyi snyoms par 'jug pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas rnam shes mtha' yas skye mched kyi snyoms par 'jug pa la snyoms par 'jug go//rnam shes mtha' yas skye mched kyi snyoms par 'jug pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas cung zad med pa'i skye mched kyi snyoms par 'jug pa la snyoms par 'jug go//cung zad med pa'i skye mched kyi snyoms par 'jug pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas 'du shes med 'du shes med min skye mched kyi snyoms par 'jug pa la snyoms par 'jug go//'du shes med 'du shes med min skye mched kyi snyoms par 'jug pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas mnyam par ma bzhag pa'i sems su byed do/ / mnyam par ma bzhag pa'i sems las 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas mnyam par ma bzhag pa'i sems la gnas so/ /mnyam par ma bzhag pa'i sems las 'du shes med 'du shes med min skye mched kyi snyoms par 'jug pa la snyoms par 'jug go//'du shes med 'du shes med min skye mched kyi snyoms par 'jug pa las langs nas mnyam par ma bzhag pa'i sems la gnas so/ /mnyam par ma bzhag pa'i sems las cung zad med pa'i skye mched kyi snyoms par 'jug pa la snyoms par 'jug go//cung zad med pa'i skye mched la snyoms par 'jug pa las langs nas mnyam par ma bzhag pa'i sems la gnas so/ /mnyam par ma bzhag pa'i sems las rnam shes mtha' yas skye mched la snyoms par 'jug go/ /rnam shes mtha' yas skye mched las langs nas mnyam par ma bzhag pa'i sems la gnas so//mnyam par ma bzhag pa'i sems las nam mkha' mtha' yas skye mched la snyoms par 'jug go/ /nam mkha' mtha' yas skye mched las langs nas mnyam par ma bzhag pa'i sems la gnas so/ /mnyam par ma bzhag pa'i sems las bsam gtan bzhi pa la snyoms par 'jug go//bsam gtan bzhi pa las langs nas mnyam par ma bzhag pa'i sems su byed do/ /mnyam par ma bzhag pa'i sems las bsam gtan gsum pa la snyoms par 'jug go/ /bsam gtan gsum pa las langs nas mnyam par ma bzhag pa'i sems su byed do//mnyam par ma bzhag pa'i sems las bsam gtan gnyis pa la snyoms par 'jug go/ /bsam gtan gnyis pa las langs nas mnyam par ma bzhag pa'i sems su byed do//mnyam par ma bzhag pa'i sems las bsam gtan dang po la snyoms par 'jug go/ /bsam gtan dang po las langs nas mnyam par ma bzhag pa'i sems su byed do/ /de thod rgal gyi ting nge 'dzin 'di la gnas shing chos thams cad mnyam pa nyid rjes su thob par byed de/dge ba'i rtsa ba de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su sngo bar byed do/ /de yang 'di ltar su zhig sngo bar byed pa dang / ji ltar bsngo bar bya ba dang / gang du bsngo bar bya ba gsum gyi blo mi 'byung ba de ltar sngo bar byed do//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la gnas shing bsam gtan gyi pha rol tu phyin pa yongs su 'dzin pa yin no zhes bya ba ni bsgom pa'i lam gsungs pa yin no// //rab 'byor gyis gsol pa/ bcom ldan 'das byang chub sems dpa' sems dpa' chen pos gnas mang por yang bslab par bgyi la/ gang la yang bslab par mi bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos gnas mang por yang bslab par bya ste/gang la yang bslab par mi bya'o/ /de ci'i phyir zhe na/ de ni 'di ltar gang la byang chub sems dpa' sems dpa' chen pos bslab par bya ba'i chos de dag mi dmigs so/ /gsol pa/ bcom ldan 'das de ltar de bzhin gshegs pas chos 'di dag mdo dang rgyas par bstan na/de la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal bas pha rol tu phyin pa drug po 'di dag mdo dang rgyas par kun chub par bgyi'o/ /kun chub par bgyis nas tshig gis shin tu goms par bgyi'o//tshig gis shin tu goms par bgyis nas yid kyis rtogs par bgyi'o/ /de yang ci nas kyang sems dang sems las byung ba'i chos mi rgyu ba de ltar rtogs par bgyi'o/ /bcom ldan 'das kyis bka' stsal pa/ rab 'byor de de bzhin no//de de bzhin te/ pha rol tu phyin pa drug po 'di dag mdo dang rgyas par bstan pa 'di dag la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /gsol pa/ bcom ldan 'das ji ltar na byang chub sems dpa' sems dpa' chen po chos thams cad kyi mdo dang rgyas pa 'tshal bar 'gyur ba lags/bcom ldan 'das kyis bka' stsal pa/ gzugs kyi de bzhin nyid shes na chos thams cad kyi mdo dang rgyas pa shes par 'gyur ro/ /tshor ba dang / 'du shes dang / 'du byed rnams dang / rnam par shes pa'i de bzhin nyid shes na chos thams cad kyi mdo dang rgyas pa shes par 'gyur ro/ /skye mched dang / khams dang / rten cing 'brel par 'byung ba'i de bzhin nyid shes na chos thams cad kyi mdo dang rgyas pa shes par 'gyur ro/ /pha rol tu phyin pa thams cad dang / stong pa nyid thams cad dang /byang chub kyi phyogs kyi chos sum cu rtsa bdun gyi de bzhin nyid shes na chos thams cad kyi mdo dang rgyas pa shes par 'gyur ro/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams kyi de bzhin nyid shes na chos thams cad kyi mdo dang rgyas pa shes par 'gyur ro//stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyi de bzhin nyid shes na chos thams cad kyi mdo dang rgyas pa shes par 'gyur ro/ /rnam pa thams cad mkhyen pa nyid kyi bar gyi de bzhin nyid shes na chos thams cad kyi mdo dang rgyas pa shes par 'gyur ro//gsol pa/ bcom ldan 'das gzugs kyi de bzhin nyid ji lta bu lags/ bcom ldan 'das kyis bka' stsal pa/ de bzhin nyid gang la skye ba mi dmigs/ 'jig pa mi dmigs/ gnas pa las gzhan du 'gyur ba mi dmigs pa 'di ni gzugs kyi de bzhin nyid de/ de la byang chub sems dpa' sems dpa' chen pos bslab par bya'o/ /gsol pa/ bcom ldan 'das tshor ba dang / 'du shes dang / 'du byed rnams dang / rnam par shes pa'i de bzhin nyid ji lta bu lags/rnam pa thams cad mkhyen pa nyid kyi bar gyi de bzhin nyid ji lta bu lags/ bcom ldan 'das kyis bka' stsal pa/ de bzhin nyid gang la skye ba mi dmigs/ 'jig pa mi dmigs/ gnas pa las gzhan du 'gyur ba mi dmigs pa 'di ni tshor ba dang / 'du shes dang / 'du byed rnams dang / rnam par shes pa'i de bzhin nyid de/ de la byang chub sems dpa' sems dpa' chen pos bslab par bya'o/ /de bzhin nyid gang la skye ba mi dmigs/ 'jig pa mi dmigs/ gnas pa las gzhan du 'gyur ba mi dmigs pa 'di ni rnam pa thams cad mkhyen pa nyid kyi bar gyi de bzhin nyid de/de la byang chub sems dpa' sems dpa' chen pos bslab par bya'o/ /yang dag pa'i mtha' shes na chos thams cad kyi mdo dang rgyas pa shes par 'gyur ro/ /gsol pa/ bcom ldan 'das yang dag pa'i mtha' gang lags/bcom ldan 'das kyis bka' stsal pa/ mtha' med pa ni yang dag pa'i mtha' ste/ mtha' 'di la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /chos kyi dbyings shes na byang chub sems dpa' sems dpa' chen po chos thams cad kyi mdo dang rgyas pa shes par 'gyur ro//gsol pa/ bcom ldan 'das chos kyi dbyings gang lags/ bcom ldan 'das kyis bka' stsal pa/ chos kyi dbyings med pa ni chos kyi dbyings te/ chos kyi dbyings de la chad pa dang po dang yongs su chad pa mi dmigs so//chos kyi dbyings de ltar shes pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /gsol pa/ bcom ldan 'das ji ltar chos thams cad kyi mdo dang rgyas pa 'tshal bar bgyi/ bcom ldan 'das kyis bka' stsal pa/ci nas kyang chos thams cad ldan pa yang ma yin mi ldan pa yang ma yin par shes par bya'o/ /gsol pa/ bcom ldan 'das ldan pa yang ma lags/ mi ldan pa yang ma lags pa'i chos de dag kyang gang lags/ bcom ldan 'das kyis bka' stsal pa/ gzugs ldan pa yang ma yin mi ldan pa yang ma yin no/ /tshor ba dang / 'du shes dang / 'du byed rnams dang / rnam par shes pa ldan pa yang ma yin mi ldan pa yang ma yin no/ /skye mched dang / khams dang / rten cing 'brel par 'byung ba ldan pa yang ma yin mi ldan pa yang ma yin no//pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun ldan pa yang ma yin mi ldan pa yang ma yin no/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ldan pa yang ma yin mi ldan pa yang ma yin no/ / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad ldan pa yang ma yin mi ldan pa yang ma yin no/ /rnam pa thams cad mkhyen pa nyid kyi bar du ldan pa yang ma yin mi ldan pa yang ma yin no//'dus byas kyi khams ldan pa yang ma yin mi ldan pa yang ma yin no/ /'dus ma byas kyi khams ldan pa yang ma yin mi ldan pa yang ma yin no/ /de ci'i phyir zhe na/ gang ldan pa'am mi ldan par 'gyur ba de lta bu'i ngo bo nyid med de/ gang ngo bo nyid med pa de ni dngos po med pa'o//dngos po med pa ni dngos po med pa dang ldan pa yang ma yin mi ldan pa yang ma yin te da ltar chos thams cad shes par bya'o/ /rab 'byor 'di ni byang chub sems dpa' sems dpa' chen po rnams kyi mdor bsdus pa ste/ mdor bsdus pa'i pha rol tu phyin pa 'di la las dang po pa'i byang chub sems dpa' sems dpa' chen pos bslab par bya'o//byang chub sems dpa'i sa bcu pa la gnas te mdor bsdus pa la bslab par bya'o/ /mdor bsdus pa 'di la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro//gsol pa/ bcom ldan 'das 'di ni byang chub sems dpa' sems dpa' chen po dbang po rnon pos rtogs pa'o/ /bcom ldan 'das kyis bka' stsal pa/ rab 'byor 'di ni byang chub sems dpa' sems dpa' chen po dbang po zhan pas kyang rtogs par 'gyur ba'o//de ni byang chub sems dpa' sems dpa' chen po dbang po 'bring pos kyang rtogs par 'gyur ba'o/ /'di ni byang chub sems dpa' sems dpa' chen po dbang po mnyam par gzhag pas kyang rtogs par 'gyur ba ste/ 'di ni slob par 'dod pa'i byang chub sems dpa' sems dpa' chen po gang gis kyang rtogs par mi 'gyur ba med do//'di ni le lo can gyis rtogs par 'gyur ba ma yin/ brtson 'grus zhan pas rtogs par 'gyur ba ma yin/ dran pa nyams pas rtogs par 'gyur ba ma yin/ sems 'khrugs pas rtogs par 'gyur ba ma yin gyi/'di ni brtson 'grus brtsams pa/ le lo med pa/ dran pa nye bar gzhag pas rtogs par 'gyur ba'o/ /phyir mi ldog pa'i sa la slob par 'dod cing rnam pa thams cad mkhyen pa nyid thob par 'dod pas rtogs par 'gyur ro zhes bya ba ni mdor bsdus pa dang rgyas pa mi shes pa'i rnam par rtog pa yin no// //gal te ji skad du bstan pa'i shes rab kyi pha rol tu phyin pa la slob cing bslabs nas kyang sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa thob par byed pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang /stobs dang / byang chub kyi yan lag dang / 'phags pa'i lam yan lag brgyad pa thob par byed de / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / ting nge 'dzin dang / gzungs kyi sgo thob par byed pa dang /stong pa nyid dang / mtshan ma med pa dang / smon pa med pa dang / mngon par shes pa thob par byed pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad thob par byed pa dang / rnam pa thams cad mkhyen pa nyid kyi bar du thob par byed na/ byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ bdud kyi las ci byung yang rung ste/ de dag thams cad byung ba nyid kyi tshe rab tu spangs par 'gyur ro/ /de bas na thabs mkhas pas yongs su bzung bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o//gang gi tshe byang chub sems dpa' sems dpa' chen pos shes rab kyi pha rol tu phyin pa la spyod pa dang / shes rab kyi pha rol tu phyin pa bsgom pa dang / shes rab kyi pha rol tu phyin pa la brtson par byed pa de'i tshe/'jig rten gyi khams grangs med pa dag na sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag kyang byang chub sems dpa' sems dpa' chen po shes rab kyi pha rol tu phyin pa la spyod pa de la dgongs pa mdzad do//de ci'i phyir zhe na/ 'di lta ste/ pha rol tu phyin pa drug po 'di dag las byung ba ni 'das pa dang / ma byon pa dang / da ltar byung ba'i sangs rgyas bcom ldan 'das rnams te/ de bas na byang chub sems dpa' sems dpa' chen po shes rab kyi pha rol tu phyin pa la spyod pas 'di ltar yongs su brtag par bya ste/chos gang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis brnyes par gyur pa dang / brnyes pa dang / brnyes par 'gyur ba'i chos de dag bdag gis kyang thob par bya'o snyam du brtag par bya ste/rab 'byor byang chub sems dpa' sems dpa' chen po shes rab kyi pha rol tu phyin pa la spyod pas de ltar brtson par bya'o/ /da ltar brtson pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor de bas na byang chub sems dpa' sems dpa' chen pos rnam pa thams cad mkhyen pa nyid yid la bya ba dang ma bral bar bya ste/ gal te byang chub sems dpa' sems dpa' chen po rnam pa thams cad mkhyen pa nyid kyi don du de ltar spyod na chung ngu na se gol gtogs pa tsam du shes rab kyi pha rol tu phyin pa bsgom pa yang byang chub sems dpa' sems dpa' chen po de'i bsod nams ches mang du 'phel gyi /stong gsum gyi stong chen po'i 'jig rten gyi khams na sems can gang ji snyed cig 'khod pa de dag sbyin pas yongs su tshim par byas pa dang / tshul khrims la rab tu bkod pa dang /ting nge 'dzin la rab tu bkod pa dang / shes rab la rab tu bkod pa dang / rnam par grol ba la rab tu bkod pa dang / rnam par grol ba'i ye shes mthong ba la rab tu bkod pa dang / rgyun du zhugs pa'i 'bras bu la rab tu bkod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu bkod pa dang / rang byang chub la rab tu bkod pas ni ma yin te/ gang shes rab kyi pha rol tu phyin pa zab mo 'di se gol gtogs pa tsam du bsgom pa de'i bsod nams ni ches mang du 'phel lo//de ci'i phyir zhe na/ sbyin pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub ni 'di las byung ba ste/ phyogs bcu'i 'jig rten gyi khams dag na sangs rgyas bcom ldan 'das gang ji snyed cig bzhugs shing 'tsho skyong ba dang chos ston pa de dag kyang shes rab kyi pha rol tu phyin pa 'di las byung ngo / /sangs rgyas bcom ldan 'das gang 'das pa dang /ma byon pa dang / da ltar byung ba de dag kyang shes rab kyi pha rol tu phyin pa 'di nyid las byung ngo / /rab 'byor gzhan yang gang skad 'ga' 'am/ nyin 'ga' 'am/ nyi ma brgya'am/ lo 'ga' 'am/ lo brgya'am/ bskal pa 'ga' 'am/ bskal pa brgya nas bskal pa grangs med pa brgya'i bar du shes rab kyi pha rol tu phyin pa 'di rnam pa thams cad mkhyen pa nyid la dmigs pa'i yid la bya bas bsgom pa de'i bsod nams ni ches mang du 'phel gyi/'jig rten gyi khams gang gA'i klung gi bye ma snyed dag na sems can gang ji snyed cig 'khod pa de dag thams cad sbyin pa la rab tu bkod pa dang /tshul khrims la rab tu bkod pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu bkod pa dang / rgyun du zhugs pa'i 'bras bu la rab tu bkod pa dang / lan cig phyir 'ong ba'i 'bras bu la rab tu bkod pa dang /phyir mi 'ong ba'i 'bras bu la rab tu bkod pa dang / dgra bcom pa nyid la rab tu bkod pa dang / rang byang chub la rab tu bkod pas ni ma yin no/ /de ci'i phyir zhe na/ gang gis sbyin pa las byung ba'i bsod nams bya ba'i dngos po bstan pa dang /tshul khrims dang bsgom pa las byung ba'i bsod nams bya ba'i dngos po bstan pa dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub bstan pa'i sangs rgyas bcom ldan 'das de dag kyang 'di las byung ngo zhes bya ba ni sangs rgyas kyis bstangs pa med pa'i rnam par rtog pa yin no// //byang chub sems dpa' sems dpa' chen po gang de ltar bstan pa'i shes rab kyi pha rol tu phyin pa la gnas pa 'di ni phyir mi ldog par rig par bya ste/ byang chub sems dpa' sems dpa' chen po gang thabs mkhas pa 'di dang ldan pa de ni de bzhin gshegs pas dgongs par rig par bya'o//byang chub sems dpa' sems dpa' chen po de ni sangs rgyas bye ba khrag khrig brgya stong mang po bsnyen bkur bar rig par bya'o/ /byang chub sems dpa' sems dpa' chen po de ni dge ba'i rtsa ba bskyed par rig par bya'o//byang chub sems dpa' sems dpa' chen po de ni dge ba'i bshes gnyen gyis yongs su bzung bar rig par bya'o/ /byang chub sems dpa' sems dpa' chen po de ni pha rol tu phyin pa drug la spyad par rig par bya'o//byang chub sems dpa' sems dpa' chen po de ni stong pa nyid nyi shu la bsgoms par rig par bya'o/ /byang chub sems dpa' sems dpa' chen po de ni byang chub kyi phyogs kyi chos sum cu rtsa bdun la bsgoms par rig par bya'o/ /byang chub sems dpa' sems dpa' chen po de ni 'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la bsgoms par rig par bya'o/ /byang chub sems dpa' sems dpa' chen po de ni stobs bcu dang / mi 'jigs pa bzhi dang / so so yang dag par rig pa bzhi la bsgoms par rig par bya'o/ /byang chub sems dpa' sems dpa' chen po de ni mngon par shes pa drug dang ldan par rig par bya'o//byang chub sems dpa' sems dpa' chen po de ni gzhon nur gyur par rig par bya'o/ /byang chub sems dpa' sems dpa' chen po de ni bsam pa yongs su rdzogs par rig par bya'o/ /byang chub sems dpa' sems dpa' chen po de ni sangs rgyas mthong ba dang mi 'bral bar rig par bya'o//byang chub sems dpa' sems dpa' chen po de ni dge ba'i rtsa ba dang mi 'bral bar rig par bya'o/ /byang chub sems dpa' sems dpa' chen po de ni sangs rgyas kyi zhing dang mi 'bral bar rig par bya'o/ /byang chub sems dpa' sems dpa' chen po de ni spobs pa mi chod pa dang ldan par rig par bya'o//byang chub sems dpa' sems dpa' chen po de ni gzungs rab tu thob par rig par bya'o/ /byang chub sems dpa' sems dpa' chen po de ni gzungs yongs su rdzogs par rig par bya'o/ /byang chub sems dpa' sems dpa' chen po de ni lung bstan pa phun sum tshogs par rig par bya'o//byang chub sems dpa' sems dpa' chen po de ni ched du bsams shing srid pa 'dod par rig par bya'o/ /byang chub sems dpa' sems dpa' chen po de ni rnam par rtogs par bya ba la mkhas par rig par bya'o/ /byang chub sems dpa' sems dpa' chen po de ni lung bstan pa la mkhas par rig par bya'o//byang chub sems dpa' sems dpa' chen po de ni yi ge dang yi ge med par rtogs par bya ba la mkhas par rig par bya'o/ /byang chub sems dpa' sems dpa' chen po de ni byang chub sems dpa'i rnam par spyod pa la mkhas par rig par bya'o//byang chub sems dpa' sems dpa' chen po de ni brjod pa la mkhas par rig par bya'o/ /byang chub sems dpa' sems dpa' chen po de ni brjod pa med pa la mkhas par rig par bya'o/ /byang chub sems dpa' sems dpa' chen po de ni gcig gi lhag pa'i tshig la mkhas pa dang /gnyis kyi lhag pa'i tshig la mkhas pa dang / mang po lhag pa'i tshig la mkhas pa dang / bud med kyi lhag pa'i tshig la mkhas pa dang / skyes pa'i lhag pa'i tshig la mkhas pa dang / ma ning gi lhag pa'i tshig la mkhas par rig par bya'o//byang chub sems dpa' sems dpa' chen po de ni 'das pa dang / ma byon pa dang / da ltar byung ba la mkhas par rig par bya'o// //bam po lnga bcu dgu pa/ byang chub sems dpa' sems dpa' chen po de ni gzugs la mkhas par rig par bya'o/ /byang chub sems dpa' sems dpa' chen po de ni tshor ba dang /'du shes dang / 'du byed rnams dang / rnam par shes pa la mkhas par rig par bya'o/ /byang chub sems dpa' sems dpa' chen po de ni skye mched dang / khams dang / rten cing 'brel par 'byung ba la mkhas par rig par bya'o//byang chub sems dpa' sems dpa' chen po de ni pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun la mkhas par rig par bya'o/ /byang chub sems dpa' sems dpa' chen po de ni 'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo la mkhas par rig par bya'o/ /byang chub sems dpa' sems dpa' chen po de ni de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la mkhas par rig par bya'o//byang chub sems dpa' sems dpa' chen po de ni rnam pa thams cad mkhyen pa nyid kyi bar la mkhas par rig par bya'o/ /byang chub sems dpa' sems dpa' chen po de ni mya ngan las 'das pa'i bar la mkhas par rig par bya'o/ /chos kyi dbyings kyi mtshan nyid la mkhas par rig par bya'o//'dus byas kyi mtshan nyid dang / 'dus ma byas kyi mtshan nyid dang / dngos po dang / dngos po med pa dang / bdag gi dngos po dang / gzhan gyi dngos po dang / 'du ba dang / 'bral ba dang / 'du 'bral dang ldan pa dang / mi ldan pa dang / ldan pa yang ma yin/mi ldan pa yang ma yin pa la mkhas par rig par bya'o/ /byang chub sems dpa' sems dpa' chen po de ni de bzhin nyid la mkhas par rig par bya'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings la mkhas par rig par bya'o/ /byang chub sems dpa' sems dpa' chen po de ni rgyu dang / rkyen dang / rgyu rkyen med pa la mkhas par rig par bya'o/ /byang chub sems dpa' sems dpa' chen po de ni 'dus byas kyi khams dang /'dus ma byas kyi khams dang / khams yod pa dang / khams med pa la mkhas par rig par bya'o/ /byang chub sems dpa' sems dpa' chen po de ni gzugs yid la mi bya ba la mkhas par rig par bya'o/ /tshor ba dang /'du shes dang / 'du byed rnams dang / rnam par shes pa yid la mi bya ba la mkhas par rig par bya'o/ /skye mched dang / khams dang / rten cing 'brel par 'byung ba yid la mi bya ba la mkhas par rig par bya'o/ /pha rol tu phyin pa thams cad dang / stong pa nyid thams cad dang /byang chub kyi phyogs kyi chos sum cu rtsa bdun yid la mi bya ba la mkhas par rig par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la mi bya ba la mkhas par rig par bya'o/ /de bzhin gshegs pa'i stobs dang / mi 'jigs pa dang / so so yang dag par rig pa dang /sangs rgyas kyi chos ma 'dres pa yid la mi bya ba la mkhas par rig par bya'o/ /rnam pa thams cad mkhyen pa nyid kyi bar du yid la mi bya ba la mkhas par rig par bya'o/ /gzugs gzugs kyis stong ngo zhes bya ba la mkhas par rig par bya'o/ /tshor ba dang / 'du shes dang /'du byed rnams dang / rnam par shes pa rnam par shes pas stong ngo zhes bya ba la mkhas par rig par bya'o/ /skye mched dang / khams dang / rten cing 'brel par 'byung ba rten cing 'brel par 'byung bas stong ngo zhes bya ba la mkhas par rig par bya'o/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos rnams byang chub kyi phyogs kyi chos rnams kyis stong ngo zhes bya ba la mkhas par rig par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / stong pa nyid dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams gzungs kyi sgo rnams kyis stong ngo zhes pa la mkhas par rig par bya'o//stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad sangs rgyas kyi chos ma 'dres pa bco brgyad kyis stong ngo zhes bya ba la mkhas par rig par bya'o//bla na med pa yang dag par rdzogs pa'i byang chub kyi bar du bla na med pa yang dag par rdzogs pa'i byang chub kyis stong ngo zhes bya ba la mkhas par rig par bya'o/ /byang chub sems dpa' sems dpa' chen po de ni shin tu sbyangs pa'i lam dang / shin tu ma sbyangs pa'i lam dang /skye ba dang / 'gag pa dang / gnas pa las gzhan du 'gyur ba dang / 'dod chags dang / zhe sdang dang / gti mug la mkhas par rig par bya'o/ /'dod chags med pa dang / zhe sdang med pa dang / gti mug med pa la mkhas par rig par bya'o/ /lta ba dang / lta ba med pa dang /log par lta ba dang / log par lta ba med pa dang / lta ba thams cad kyi bar la mkhas par rig par bya'o/ /ming la mkhas par rig par bya'o/ /ming dang / gzugs dang / dmigs pa dang / bdag po dang / rnam pa dang / mtshan nyid la mkhas par rig par bya'o//sdug bsngal ba dang / kun 'byung ba dang / 'gog pa dang / lam la mkhas par rig par bya'o/ /sems can dmyal ba dang / sems can dmyal ba'i lam la mkhas par rig par bya'o/ /byol song gi skye gnas dang / byol song gi skye gnas kyi lam la mkhas par rig par bya'o//gshin rje'i 'jig rten dang / gshin rje'i 'jig rten gyi lam la mkhas par rig par bya'o/ /mi dang mi'i lam la mkhas par rig par bya'o/ /mi ma yin pa dang / mi ma yin pa'i lam la mkhas par rig par bya'o/ /lha dang lha'i lam la mkhas par rig par bya'o/ / rgyun du zhugs pa'i 'bras bu dang / rgyun du zhugs pa'i 'bras bu'i lam la mkhas par rig par bya'o/ /lan cig phyir 'ong ba'i 'bras bu dang / lan cig phyir 'ong ba'i 'bras bu'i lam la mkhas par rig par bya'o/ /phyir mi 'ong ba'i 'bras bu dang / phyir mi 'ong ba'i 'bras bu'i lam la mkhas par rig par bya'o//dgra bcom pa nyid dang / dgra bcom pa'i lam la mkhas par rig par bya'o/ /rang byang chub dang / rang byang chub kyi lam la mkhas par rig par bya'o/ /lam gyi rnam pa shes pa nyid dang / lam gyi rnam pa shes pa nyid kyi lam la mkhas par rig par bya'o//rnam pa thams cad mkhyen pa nyid dang / rnam pa thams cad mkhyen pa nyid kyi lam la mkhas par rig par bya'o/ /dbang po rnams la mkhas pa dang / dbang po yongs su rdzogs par bya ba la mkhas par rig par bya'o/ /shes rab myur ba dang / shes rab rno ba dang / shes rab mgyogs pa dang /nges par 'byed pa'i shes rab dang / yang dag pa'i shes rab dang / mi mnyam pa dang mnyam pa'i shes rab la mkhas par rig par bya'o/ /'das pa'i dus dang / ma 'ongs pa'i dus dang / da ltar byung ba'i dus la mkhas par rig par bya'o/ /thabs la mkhas par rig par bya'o//sems can gyi sems dang / bsam pa dang / lhag pa'i bsam pa la mkhas par rig par bya'o/ /don dang yi ge dang theg pa gsum rnam par dgod pa la mkhas par rig par bya'o/ /rab 'byor byang chub sems dpa' sems dpa' chen po de shes rab kyi pha rol tu phyin pa la spyod pa'i tshe phan yon 'di dag yod pa yin no zhes bya ba ni sbyor ba'i lam med pa'i rnam par rtog pa yin no// //shes rab kyi pha rol tu phyin pa mngon par bsgrub pas dang zhes bya ba ni mthong ba'i lam med pa'i rnam par rtog pa yin no/ /shes rab kyi pha rol tu phyin pa sgom par byed pa de la phan yon 'di dag yod par rig par bya'o zhes bya ba ni bsgom pa'i lam med pa'i rnam par rtog pa yin no//gsol pa/ bcom ldan 'das ji ltar shes rab kyi pha rol tu phyin pa la spyad par bgyi/ ji ltar shes rab kyi pha rol tu phyin pa mngon par bsgrub par bgyi/ ji ltar shes rab kyi pha rol tu phyin pa bsgom par bgyi/bcom ldan 'das kyis bka' stsal pa/ gzugs zhi ba dang / gzugs rag las pa dang / gzugs gsog dang / gzugs snying po med pas shes rab kyi pha rol tu phyin pa la spyad par bya'o/ /tshor ba dang / 'du shes dang / 'du byed rnams dang /rnam par shes pa zhi ba dang / rnam par shes pa rag las pa dang / rnam par shes pa gsog dang / rnam par shes pa snying po med pas shes rab kyi pha rol tu phyin pa la spyod par bya'o/ /skye mched dang / khams dang / rten cing 'brel par 'byung ba zhi ba dang / rten cing 'brel par 'byung ba rag las pa dang /rten cing 'brel par 'byung ba gsog dang / rten cing 'brel par 'byung ba snying po med pas shes rab kyi pha rol tu phyin pa la spyod par bya'o zhes bya ba ni sbyor ba'i lam mi shes pa'i rnam par rtog pa yin no// //gang yang 'di skad du ji ltar shes rab kyi pha rol tu phyin pa la mngon par bsgrub par bya zhes zer ba ni nam mkha' stong pa nyid mngon par bsgrub pas shes rab kyi pha rol tu phyin pa mngon par bsgrub par bya'o zhes bya ba ni mthong ba'i lam mi shes pa'i rnam par rtog pa yin no//gang yang 'di skad du ji ltar shes rab kyi pha rol tu phyin pa bsgom par bya zhes zer ba ni nam mkha' stong pa nyid du bsgom pas shes rab kyi pha rol tu phyin pa mngon par bsgom par bya'o zhes bya ba ni bsgom pa'i lam mi shes pa'i rnam par rtog pa yin te/'di dag gis ni gzung ba'i rnam par rtog pa dang po rnam pa dgu gsungs pa yin no// //rab 'byor gyis gsol pa/bcom ldan 'das byang chub sems dpa' sems dpa' chen po shes rab kyi pha rol tu phyin pa la yun ring po ji srid cig tu spyad na shes rab kyi pha rol tu phyin pa la spyad par 'gyur/ bcom ldan 'das kyis bka' stsal pa/ sems dang po bskyed pa nas nye bar bzung nas zhes bya ba ni byang chub kyi sems mi skye ba'i rnam par rtog pa yin no// //snying po byang chub la 'dug gi bar du shes rab kyi pha rol tu phyin pa la spyad par bya'o/ /de ltar mngon par bsgrub par bya'o/ /de ltar bsgom par bya'o zhes bya ba ni byang chub kyi snying po yid la mi byed pa'i rnam par rtog pa yin no// // gsol pa/ bcom ldan 'das ji ltar sems gzhan gyi go skabs mi 'byed par shes rab kyi pha rol tu phyin pa la spyad par bgyi'am/ bcom ldan 'das kyis bka' stsal pa/ yid la bya ba gzhan gyi go skabs mi 'byed pas shes rab kyi pha rol tu phyin pa la spyad par bya'o/ /shes rab kyi pha rol tu phyin pa mngon par bsgrub par bya'o //shes rab kyi pha rol tu phyin pa bsgom par bya'o zhes bya ba ni nyan thos dang / rang sangs rgyas kyi theg pa yid la bya ba'i rnam par rtog pa yin no// //rab 'byor rnam pa thams cad mkhyen pa nyid yid la bya ba mi 'dor bas ji ltar sems dang sems las byung ba'i chos rnams mi 'jug pa de ltar shes rab kyi pha rol tu phyin pa la spyad par bya/shes rab kyi pha rol tu phyin pa mngon par bsgrub par bya/ shes rab kyi pha rol tu phyin pa bsgom par bya'o/ /gsol pa/ bcom ldan 'das ci lags shes rab kyi pha rol tu phyin pa la spyod pa dang /shes rab kyi pha rol tu phyin pa mngon par bsgrub pa dang / shes rab kyi pha rol tu phyin pa bsgom pas rnam pa thams cad mkhyen pa nyid thob par 'gyur ram/ bcom ldan 'das kyis bka' stsal pa/ de ni ma yin no zhes bya ba ni yang dag par rdzogs pa'i byang chub yid la mi byed pa'i rnam par rtog pa yin no// //gsol pa 'o na ci lags/ sgom par byed pas rnam pa thams cad mkhyen pa nyid thob bam / bcom ldan 'das kyis bka' stsal pa/ rab 'byor de ni ma yin no zhes bya ba ni bsgom pa'i rnam par rtog pa yin no// //gsol pa 'o na ci lags/ ma bsgoms pas rnam pa thams cad mkhyen pa nyid thob bam/ bcom ldan 'das kyis bka' stsal pa/ de ni ma yin no zhes bya ba ni bsgom pa med pa'i rnam par rtog pa yin no// //gsol pa/ bcom ldan 'das 'o na ci lags/ bsgoms kyang bsgoms la/ ma bsgoms kyang ma bsgoms pas rnam pa thams cad mkhyen pa nyid thob bam /bcom ldan 'das kyis bka' stsal pa/ de ni ma yin no/ /gsol pa/ 'o na ci lags bsgoms pa yang ma lags/ ma bsgoms pa yang ma lags pas rnam pa thams cad mkhyen pa nyid thob bam/ bcom ldan 'das kyis bka' stsal pa/de ni ma yin no zhes bya ba ni bsgoms pas kyang ma yin ma bsgoms pas kyang ma yin pa'i rnam par rtog pa yin no// //gsol pa/ bcom ldan 'das 'o na rnam pa thams cad mkhyen pa nyid ji ltar thob par bgyi/ bcom ldan 'das kyis bka' stsal pa/de bzhin nyid ji lta ba bzhin no/ /gsol pa/ de bzhin nyid ji lta bu lags/ bcom ldan 'das kyis bka' stsal pa/ yang dag pa'i mtha' ji lta ba bzhin no/ /gsol pa/ yang dag pa'i mtha' ji lta bu lags/ bcom ldan 'das kyis bka' stsal pa/ chos kyi dbyings ji lta ba bzhin no zhes bya ba ni don ji lta ba bzhin ma yin pa'i rnam par rtog pa yin te/'di dag gis ni gzung ba'i rnam par rtog pa gnyis pa dgu yin no// //gsol pa/ chos kyi dbyings ji lta bu lags/ bcom ldan 'das kyis bka' stsal pa/ bdag gi khams dang / sems can gyi khams dang /srog gi khams dang / gang zag gi khams ji lta ba bzhin no/ /gsol pa/ bcom ldan 'das bdag gi khams dang / sems can gyi khams dang / srog gi khams dang / gang zag gi khams ji lta bu lags/ bcom ldan 'das kyis bka' stsal pa/ rab 'byor de ji snyam du sems/bdag gam/ sems can nam/ srog gam/ gang zag dmigs su yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor bdag gam sems can nam srog gam gang zag mi dmigs na ji ltar bdag gi khams dang /sems can gyi khams dang / srog gi khams dang / gang zag gi khams su gdags par bya/ de ltar shes rab kyi pha rol tu phyin par ma btags pa dang / chos thams cad du ma btags pas rnam pa thams cad mkhyen pa nyid thob par 'gyur ro/ /gsol pa/ bcom ldan 'das ci lags/ shes rab kyi pha rol tu phyin pa gdags su ma mchis pa lags sam/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa gdags su ma mchis pa lags sam/rnam pa thams cad mkhyen pa nyid kyi bar du gdags su ma mchis pa lags sam/ bcom ldan 'das kyis bka' stsal pa/ rab 'byor shes rab kyi pha rol tu phyin pa ni gdags su med pa'o/ /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni gdags su med pa'o/ /nang stong pa nyid ni gdags su med pa'o/ /dngos po med pa'i ngo bo nyid stong pa nyid kyi bar ni gdags su med pa'o/ / dran pa nye bar gzhag pa rnams ni gdags su med pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa ni gdags su med pa'o/ /sangs rgyas kyi chos ma 'dres pa bco brgyad kyi bar ni gdags su med pa'o//bla na med pa yang dag par rdzogs pa'i byang chub kyi bar ni gdags su med pa'o/ /'dus byas dang / 'dus ma byas dang / nyan thos dang / rang sangs rgyas kyi chos sam/ byang chub sems dpa'i chos sam/ sangs rgyas kyi chos kyang rung ste/chos thams cad ni gdags su med pa'o/ /gsol pa/ bcom ldan 'das gal te de ltar chos thams cad gdags su ma mchis pa lags na/ bcom ldan 'das ci'i slad du sems can dmyal ba mchis par 'gyur / byol song gi skye gnas dang / gshin rje'i 'jig rten mchis par 'gyur/lha dang mi mchis par 'gyur / rgyun du zhugs pa mchis par 'gyur / lan cig phyir 'ong ba mchis par 'gyur / phyir mi 'ong ba mchis par 'gyur / dgra bcom pa mchis par 'gyur / rang sangs rgyas mchis par 'gyur / byang chub sems dpa' mchis par 'gyur /yang dag par rdzogs pa'i sangs rgyas mchis par 'gyur / bcom ldan 'das kyis bka' stsal pa/ rab 'byor de ji snyam du sems/ sems can du gdags pa dmigs su yod snyam mam ci gsol pa/ bcom ldan 'das de ni ma lags so/ /bcom ldan 'das kyis bka' stsal pa/rab 'byor sems can dmigs su med na/ sems can dmyal ba par yang ji ltar gdags par bya/ byol song gi skye gnas sam/ gshin rje'i 'jig rten nam/ lha'am/ mi'am/ rgyun du zhugs pa'am/ lan cig phyir 'ong ba'am/phyir mi 'ong ba'am/ dgra bcom pa'am/ rang sangs rgyas su ji ltar gdags par bya/ byang chub sems dpa' 'am/ yang dag par rdzogs pa'i sangs rgyas su ji ltar gdags par bya/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas gdags su med pa'i chos thams cad la bslab par bya'o zhes bya ba ni sems can du btags pa'i rnam par rtog pa yin no// //gsol pa/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod pas gzugs la bslab pa dang /tshor ba dang / 'du shes dang / 'du byed rnams dang / rnam par shes pa la bslab pa dang / skye mched dang / khams dang / rten cing 'brel par 'byung ba la bslab pa dang / pha rol tu phyin pa thams cad dang / stong pa nyid thams cad la bslab pa dang /byang chub kyi phyogs kyi chos sum cu rtsa bdun la bslab pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la bslab pa dang / stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang /sangs rgyas kyi chos ma 'dres pa la bslab pa dang / rnam pa thams cad mkhyen pa nyid kyi bar la bslab par bgyi'o zhes bya ba ni chos su btags pa'i rnam par rtog pa yin no// bcom ldan 'das kyis bka' stsal pa/ gzugs la dbri ba dang bsnan pa med par bslab par bya'o//tshor ba dang / 'du shes dang / 'du byed rnams dang / rnam par shes pa la dbri ba dang bsnan pa med par bslab par bya'o/ /skye mched dang / khams dang / rten cing 'brel par 'byung ba la dbri ba dang bsnan pa med par bslab par bya'o/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos sum cu rtsa bdun la dbri ba dang bsnan pa med par bslab par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la dbri ba dang bsnan pa med par bslab par bya'o/ /stobs bcu dang / mi 'jigs pa dang /so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams la dbri ba dang bsnan pa med par bslab par bya'o/ /rnam pa thams cad mkhyen pa nyid kyi bar la dbri ba dang bsnan pa med par bslab par bya'o/ / gsol pa/ bcom ldan 'das ji ltar gzugs la dbri ba dang bsnan pa ma mchis par bslab par bgyi/ /ji ltar tshor ba dang / 'du shes dang / 'du byed rnams dang / rnam par shes pa la dbri ba dang bsnan pa ma mchis par bslab par bgyi/ ji ltar rnam pa thams cad mkhyen pa nyid kyi pha rol dbri ba dang bsnan pa ma mchis par bslab par bgyi/bcom ldan 'das kyis bka' stsal pa/ skye ba med pa dang 'gag pa med par bslab par bya'o/ /gsol pa/ bcom ldan 'das skye ba ma mchis pa dang 'gag pa ma mchis pa la ji ltar bslab par bgyi/ bcom ldan 'das kyis bka' stsal pa/'du byed rnams mngon par 'du byed pa med par bsgom pa'am/ rnam par bsgom pa la bslab par bya'o/ /gsol pa/ bcom ldan 'das ji ltar mngon par 'du bgyi ba ma mchis pa la bslab par bgyi/ bcom ldan 'das kyis bka' stsal pa// chos rnams rang gi mtshan nyid kyis stong par mthong nas mngon par 'du bya ba med pa la bslab par bya'o/ /gsol pa/ bcom ldan 'das chos rnams rang gi mtshan nyid kyis stong par ji ltar bslab par bgyi/ bcom ldan 'das kyis bka' stsal pa/ gzugs gzugs kyis stong par blta'o //tshor ba dang / 'du shes dang / 'du byed rnams dang / rnam par shes pa rnam par shes pas stong par blta'o / /skye mched dang / khams dang / rten cing 'brel par 'byung ba rten cing 'brel par 'byung bas stong par blta'o/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos sum cu rtsa bdun byang chub kyi phyogs kyi chos sum cu rtsa bdun gyis stong par blta'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams gzungs kyi sgo rnams kyis stong par blta'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bco brgyad sangs rgyas kyi chos ma 'dres pa rnams kyis stong par blta'o/ /bla na med pa yang dag par rdzogs pa'i byang chub kyi bar du byang chub kyis stong par blta'o/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pas chos thams cad rang gi mtshan nyid kyis stong pa la bslab par bya'o//gsol pa/ bcom ldan 'das gal te de ltar gzugs ni gzugs kyis stong / tshor ba dang / 'du shes dang / 'du byed rnams dang / rnam par shes pa ni rnam par shes pas stong / bla na med pa yang dag par rdzogs pa'i byang chub kyi bar du byang chub kyis stong na bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod par 'gyur/ bcom ldan 'das kyis bka' stsal pa/rab 'byor spyod pa med pa ni byang chub sems dpa' sems dpa' chen po'i shes rab kyi pha rol tu phyin pa la spyod do / /gsol pa/ bcom ldan 'das ci'i slad du spyod pa ma mchis pa shes rab kyi pha rol tu phyin pa la spyod pa lags/ bcom ldan 'das kyis bka' stsal pa/rab 'byor de ni 'di ltar shes rab kyi pha rol tu phyin pa yang mi dmigs/ byang chub sems dpa' yang mi dmigs/ spyod pa yang mi dmigs/ gang spyod pa dang gang gis spyod pa dang gang la spyod pa de yang mi dmigs te/ rab 'byor gang la spyod pa de dag thams cad mi dmigs pa de ni byang chub sems dpa' sems dpa' chen po'i spyod pa med pas shes rab kyi pha rol tu phyin pa la spyod pa'o//gsol pa/ bcom ldan 'das gal te de ltar spyod pa ma yin pas shes rab kyi pha rol tu phyin pa la spyod pa lags na las dang po pa'i byang chub sems dpa' sems dpa' chen pos shes rab kyi pha rol tu phyin pa la ji ltar spyod par bgyi/bcom ldan 'das kyis bka' stsal pa/ rab 'byor 'di ltar las dang po pa'i byang chub sems dpa' sems dpa' chen pos sems dang po bskyed pa nyid nas brtsams te/ chos thams cad dmigs su med pa la bslab par bya'o//des sbyin pa gtong ba'i tshe mi dmigs pa'i tshul gyis sbyin pa gtong bar bya'o/ /tshul khrims srung ba'i tshe mi dmigs pa'i tshul gyis tshul khrims bsrung bar bya'o/ /bzod pa sgrub pa'i tshe mi dmigs pa'i tshul gyis bzod pa bsgrub par bya'o//brtson 'grus rtsom pa'i tshe mi dmigs pa'i tshul gyis brtson 'grus brtsam par bya'o/ /ting nge 'dzin la snyoms par 'jug pa'i tshe mi dmigs pa'i tshul gyis ting nge 'dzin la mnyam par gzhag par bya'o/ /shes rab sgom pa'i tshe mi dmigs pa'i tshul gyis shes rab bsgom par bya'o//nang stong pa nyid sgom pa'i tshe mi dmigs pa'i tshul gyis nang stong pa nyid bsgom par bya'o/ /dngos po med pa'i ngo bo nyid stong pa nyid kyi bar du sgom pa'i tshe mi dmigs pa'i tshul gyis dngos po med pa'i ngo bo nyid stong pa nyid bsgom par bya'o/ /dran pa nye bar gzhag pa rnams sgom pa'i tshe mi dmigs pa'i tshul gyis dran pa nye bar gzhag pa rnams bsgom par bya'o//yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa sgom pa'i tshe mi dmigs pa'i tshul gyis 'phags pa'i lam yan lag brgyad pa bsgom par bya'o//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams sgom pa'i tshe mi dmigs pa'i tshul gyis gzungs kyi sgo rnams bsgom par bya'o/ /stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams sgom pa'i tshe mi dmigs pa'i tshul gyis sangs rgyas kyi chos ma 'dres pa rnams bsgom par bya'o/ /rnam pa thams cad mkhyen pa nyid kyi bar du sgom pa'i tshe mi dmigs pa'i tshul gyis rnam pa thams cad mkhyen pa nyid bsgom par bya'o//gsol pa/ bcom ldan 'das ji tsam gyis na dmigs par 'gyur/ ji tsam gyis na mi dmigs par 'gyur/ bcom ldan 'das kyis bka' stsal pa/ ji tsam du gnyis pa de tsam du dmigs pa ste/gnyis su med pa ni mi dmigs pa'o/ /gsol pa/ bcom ldan 'das gnyis zhes bgyi ba ji lta bu lags/ bcom ldan 'das kyis bka' stsal pa/ rab 'byor ji tsam du mig dang gzugs nas ji tsam du yid dang chos kyi bar dang / ji tsam du bla na med pa yang dag par rdzogs pa'i byang chub dang /rang sangs rgyas kyi bar te/ rab 'byor 'di dag ni gnyis so/ /rab 'byor 'di tsam du mig dang gzugs med pa nas ji tsam bla na med pa yang dag par rdzogs pa'i byang chub dang sangs rgyas kyi bar du med pa 'di ni gnyis su med pa'o/ /rab 'byor gyis gsol pa/bcom ldan 'das ci mi dmigs pa nyid dmigs sam/ 'on te mi dmigs pa nyid mi dmigs/ bcom ldan 'das kyis bka' stsal pa/ rab 'byor mi dmigs pa ni dmigs pa ma yin zhing mi dmigs pa yang ma yin te/ rab 'byor 'on kyang mi dmigs pa ni dmigs pa dang mi dmigs pa mnyam pa nyid yin te/rab 'byor de ltar byang chub sems dpa' sems dpa' chen pos dmigs pa dang mi dmigs pa mnyam pa nyid la bslab par bya'o/ /de ltar shes rab kyi pha rol tu phyin pa la slob pa'i byang chub sems dpa' sems dpa' chen po mi dmigs pa dang ldan par 'gyur ro zhes bya ba ni stong pa nyid ma yin pa'i rnam par rtog pa yin no// //gsol pa/ bcom ldan 'das gal te de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe dmigs pa la yang mi chags mi dmigs pa la yang mi chags pa lags na/'o na ji ltar byang chub sems dpa' sems dpa' chen po shes rab kyi pha rol tu phyin pa la spyod pas sa nas sa yongs su rdzogs par bgyi/ sa nas sa yongs su rdzogs nas ni rnam pa thams cad mkhyen pa nyid ji ltar thob par bgyi/ bcom ldan 'das kyis bka' stsal pa/rab 'byor byang chub sems dpa' sems dpa' chen po shes rab kyi pha rol tu phyin pa la spyod pa ni dmigs pa la gnas shing sa nas sa yongs su rdzogs par mi byed de/ byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ dmigs pa la gnas te sa nas sa yongs su rdzogs par bya bar mi nus so//de ci'i phyir zhe na/ shes rab kyi pha rol tu phyin pa yang dmigs su med/ byang chub kyang dmigs su med de/ gang shes rab kyi pha rol tu phyin pa la spyod pa de yang dmigs su med do/ /rab 'byor de ltar na byang chub sems dpa' sems dpa' chen pos shes rab kyi pha rol tu phyin pa la spyad par bya'o zhes bya ba ni chags pa'i rnam par rtog pa yin no// //gsol pa/ bcom ldan 'das gal te de ltar shes rab kyi pha rol tu phyin pa yang dmigs su ma mchis te/ gang byang chub tu spyod pa de yang dmigs su ma mchis lags na /'o na ji ltar byang chub sems dpa' sems dpa' chen pos shes rab kyi pha rol tu phyin pa la spyod pas 'di ni gzugs so/ /'di ni tshor ba dang / 'du shes dang / 'du byed rnams dang / rnam par shes pa'o/ /'di ni skye mched dang /khams dang / rten cing 'brel par 'byung ba'o/ /'di ni pha rol tu phyin pa'o/ /'di ni stong pa nyid do/ /'di ni byang chub kyi phyogs kyi chos so/ /'di ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa'o/ / 'di ni rnam par thar pa dang / mthar gyis gnas pa'i snyoms par 'jug pa'o/ /'di ni stong pa nyid dang / mtshan ma med pa dang / smon pa med pa'o/ /'di ni mngon par shes pa dang / ting nge 'dzin dang / gzungs kyi sgo rnams so/ /'di ni stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad do/ /'di ni bla na med pa yang dag par rdzogs pa'i byang chub kyi bar ro zhes bgyi bar chos thams cad rab tu dbye bar bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar byas pas gzugs dmigs par 'gyur ba dang / tshor ba dang / 'du shes dang / 'du byed rnams dang / rnam par shes pa dmigs par 'gyur ba dang / skye mched dang / khams dang / rten cing 'brel par 'byung ba dmigs par 'gyur ba dang / pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams dmigs par 'gyur ba dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams dmigs par 'gyur ba dang /stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dmigs par 'gyur ba dang / bla na med pa yang dag par rdzogs pa'i byang chub kyi bar du dmigs par 'gyur ba de ltar chos rnams rab tu rnam par dbye bar mi bya'o zhes bya ba ni chos rab tu 'byed pa'i rnam par rtog pa yin no// //gsol pa/ bcom ldan 'das gal te de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs kyang mi dmigs/tshor ba dang / 'du shes dang / 'du byed rnams dang / rnam par shes pa yang mi dmigs/ bla na med pa yang dag par rdzogs pa'i byang chub kyi bar du yang mi dmigs na/ 'o na ji ltar sbyin pa'i pha rol tu phyin pa yongs su rdzogs pa dang / tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par bgyis shing byang chub sems dpa'i skyon ma mchis par 'jug par 'gyur/ byang chub sems dpa' sems dpa' chen po skyon ma mchis par chud nas sangs rgyas kyi zhing yongs su sbyong bar 'gyur/sangs rgyas kyi zhing yongs su dag par bgyis nas/ sems can yongs su smin par bgyid par 'gyur/ sems can yongs su smin par bgyis nas rnam pa thams cad mkhyen pa nyid thob par bgyis par 'gyur/rnam pa thams cad mkhyen pa nyid thob nas chos kyi 'khor lo bskor bar 'gyur/ chos kyi 'khor bskor nas sangs rgyas kyi phrin las sgrub par 'gyur/ sangs rgyas kyi phrin las bsgrubs shing sems can rnams 'khor ba las yongs su 'grol bar 'gyur/bcom ldan 'das kyis bka' stsal pa/ rab 'byor byang chub sems dpa' sems dpa' chen po ni gzugs kyi don du shes rab kyi pha rol tu phyin pa la mi spyod do/ /tshor ba dang / 'du shes dang / 'du byed rnams dang / rnam par shes pa'i don du shes rab kyi pha rol tu phyin pa la mi spyod do//skye mched dang / khams dang / rten cing 'brel par 'byung ba'i don du shes rab kyi pha rol tu phyin pa la mi spyod do/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams kyi don du shes rab kyi pha rol tu phyin pa la mi spyod do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo rnams kyi don du shes rab kyi pha rol tu phyin pa la mi spyod do/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyi don du shes rab kyi pha rol tu phyin pa la mi spyod do//bla na med pa yang dag par rdzogs pa'i byang chub kyi bar gyi don du shes rab kyi pha rol tu phyin pa la mi spyod do/ /gsol pa/ bcom ldan 'das gang gi slad du byang chub sems dpa' sems dpa' chen po shes rab kyi pha rol tu phyin pa la spyod pa lags/bcom ldan 'das kyis bka' stsal pa/ gang gi phyir yang byang chub sems dpa' sems dpa' chen po shes rab kyi pha rol tu phyin pa la mi spyod do/ /de ci'i phyir zhe na/ de ni 'di ltar chos thams cad ni ma byas ma bsgyur/ mngon par 'du ma byas pa'o//shes rab kyi pha rol tu phyin pa yang ma byas pa ste/ mngon par 'du ma byas pa'o/ /byang chub kyang ma byas ma bsgyur mngon par 'du ma byas pa'o/ /byang chub sems dpa' yang ma byas pa ste/ mngon par 'du ma byas pa'o/ /rab 'byor de ltar byang chub sems dpa' sems dpa' chen pos ma byas pa dang /mngon par 'du ma byas pa'i tshul gyis shes rab kyi pha rol tu phyin pa la spyad par bya'o zhes bya ba ni dngos po'i ched du bya ba byed pa'i rnam par rtog pa yin no// //gsol pa/ bcom ldan 'das gal te de ltar chos thams cad ma bgyis pa ste/ mngon par 'du ma bgyis pa lags na/'o na ji ltar nyan thos kyi theg pa dang / rang sangs rgyas kyi theg pa dang / theg pa chen po dang / theg pa gsum po 'di dag rnam par dgod par 'gyur/ bcom ldan 'das kyis bka' stsal pa/ rab 'byor ma byas mngon par 'du ma byas pa'i chos rnams la ni rnam par dgod pa gang yang dmigs su med de/mngon par 'du byas pa dang / mngon par bsam pa'i chos rnams la rnam par dgod pa mi dmigs so/ /de ci'i phyir zhe na/ 'di ltar byis pa thos pa dang mi ldan pa so so'i skye bo rnams phung po lnga la mngon par zhen cing gzugs la mngon par zhen/tshor ba dang / 'du shes dang / 'du byed rnams dang / rnam par shes pa la mngon par zhen/ skye mched dang / khams dang / rten cing 'brel par 'byung ba la mngon par zhen/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams la mngon par zhen/'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang /smon pa med pa dang / mngon par shes pa dang / ting nge 'dzin dang / gzungs kyi sgo rnams la mngon par zhen/ stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams la mngon par zhen/rnam pa thams cad mkhyen pa nyid kyi bar la mngon par zhen nas/ gzugs kyis rlom sems su byed cing gzugs su dmigs so/ /tshor ba dang / 'du shes dang / 'du byed rnams dang / rnam par shes pas rlom sems su byed cing rnam par shes par dmigs so//skye mched dang / khams dang / rten cing 'brel par 'byung bas rlom sems su byed cing rten cing 'brel par 'byung bar dmigs so/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos kyis rlom sems su byed cing byang chub kyi phyogs kyi chos su dmigs so//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgos rlom sems su byed cing gzungs kyi sgor dmigs so/ /stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams kyis rlom sems su byed cing sangs rgyas kyi chos ma 'dres par dmigs so/ /bla na med pa yang dag par rdzogs pa'i byang chub kyi bar gyis rlom sems su byed cing / bla na med pa yang dag par rdzogs pa'i byang chub tu dmigs te/de 'di snyam du bdag gis byang chub tu mngon par rdzogs par 'tshang rgya bar bya'o/ /bdag gis sems can rnams 'khor ba las sgrol bar bya'o snyam du sems shing de 'di snyam du yang dag pa ma yin par rnam par rtog go/ /de ci'i phyir zhe na/ rab 'byor de ni 'di ltar gzugs dang / tshor ba dang / 'du shes dang / 'du byed rnams dang / rnam par shes pa dang / skye mched dang / khams dang / rten cing 'brel par 'byung ba dang / pha rol tu phyin pa thams cad dang / stong pa nyid thams cad dang / byang chub kyi phyogs kyi chos dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang /stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa dang / bla na med pa yang dag par rdzogs pa'i byang chub ni sangs rgyas kyi spyan lngas kyang ma dmigs na/ skyes bu glen pa long ba mig med pa de dag ni/sems can rnams 'khor ba las sgrol bar 'dod do/ /gsol pa/ bcom ldan 'das de ltar de bzhin gshegs pa dgra bcom pa yang dag par rdzogs pa'i sangs rgyas kyi spyan lngas kyang sems can gang 'khor ba las yongs su sgrol bar bgyi ba de lta bu ma gzigs na//bcom ldan 'das 'o na ji ltar bcom ldan 'das kyis bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams yang dag par nges pa dang / ma nges pa dang / log par nges pa'i phung po gsum du lung bstan pa mdzad/ bcom ldan 'das kyis bka' stsal pa/rab 'byor ngas ni bla na med pa yang dag par rdzogs pa'i byang chub tu mngon par rdzogs par sangs rgyas nas yang dag par nges pa dang / ma nges pa dang / log par nges pa'i sems can gang yang ma dmigs te/ rab 'byor 'on kyang sems can dngos po med pa la dngos por 'du shes pa de dag yang dag pa ma yin pa 'dzin pa las gdon pa 'di ni 'jig rten gyi tha snyad du'o//don dam par ni ma yin no/ /gsol pa/ bcom ldan 'das kyis don dam pa la bzhugs te/ /bla na med pa yang dag par rdzogs pa'i byang chub tu mngon par rdzogs par sangs rgyas sam/bcom ldan 'das kyis bka' stsal pa/ de ni ma yin no/ /gsol pa/ bcom ldan 'das 'o na phyin ci log la bzhugs te/ bla na med pa yang dag par rdzogs pa'i byang chub tu mngon par rdzogs par sangs rgyas sam/ bcom ldan 'das kyis bka' stsal pa/ de ni ma yin no//gsol pa/ bcom ldan 'das gal te de ltar don dam pa la bzhugs te/ bla na med pa yang dag par rdzogs pa'i byang chub tu mngon par rdzogs par sangs rgyas pa'ang ma lags la/ phyin ci log la bzhugs te bla na med pa yang dag par rdzogs pa'i byang chub tu mngon par rdzogs par sangs rgyas pa yang ma lags/bcom ldan 'das de bzhin gshegs pas bla na med pa yang dag par rdzogs pa'i byang chub tu mngon par rdzogs par sangs ma rgyas pa'am gcig tu mi 'gyur ram/ bcom ldan 'das kyis bka' stsal pa/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas te/de yang 'dus byas kyi khams dang 'dus ma byas kyi khams gang la yang gnas te/ mngon par rdzogs par sangs rgyas pa ma yin no//rab 'byor 'di lta ste dper na de bzhin gshegs pa'i sprul pa ni 'dus byas kyi khams sam/ 'dus ma byas kyi khams gang la yang gnas pa ma yin te/ 'on kyang de bzhin gshegs pa'i sprul pa de ni 'gro zhing 'ong ba dang gnas shing 'dug pa yang yod do/ / des gal te sbyin pa'i pha rol tu phyin pa la spyad/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyad/ nang stong pa nyid la spyad/ dngos po med pa'i ngo bo nyid stong pa nyid kyi bar la spyad/dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la bsgoms / 'phags pa'i bden pa bzhi la bsgoms/bsam gtan bzhi la nye bar bsgrubs te gnas/ tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid kyi ting nge 'dzin dang / mtshan ma med pa'i ting nge 'dzin dang /smon pa med pa'i ting nge 'dzin la nye bar bsgrubs te gnas so/ /mngon par shes pa rnams dang / ting nge 'dzin rnams dang / gzungs kyi sgo rnams la mngon par bsgrubs/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad bsgoms nas bla na med pa yang dag par rdzogs pa'i byang chub tu mngon par rdzogs par sangs rgyas par 'gyur la/ bla na med pa yang dag par rdzogs pa'i byang chub tu mngon par rdzogs par sangs rgyas nas chos kyi 'khor lo bskor te/de ltar chos kyi 'khor lo bskor nas/ sems can tshad med dpag tu med pa mngon par sprul te phung po gsum du lung bstan na/ rab 'byor de ji snyam du sems sprul pa des sems can gang yang phung po gsum du bstan pa yod dam/gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du de bzhin gshegs pas chos thams cad sprul pa lta bur mkhyen bzhin du thugs su chud de/ sprul pa lta bur mkhyen nas sems can gang yang dmigs pa med do//btul ba med do/ /rab 'byor de ltar byang chub sems dpa' sems dpa' chen pos 'di lta ste/ de bzhin gshegs pa'i sprul pa ltar shes rab kyi pha rol tu phyin pa la spyad par bya'o/ /gsol pa/ bcom ldan 'das gal te chos thams cad sprul pa lta bu lags na/de bzhin gshegs pa dang sprul pa lta bu la khyad par dang bye brag ci zhig mchis ci las dgongs pa lags/ bcom ldan 'das kyis bka' stsal pa/ rab 'byor de bzhin gshegs pa dang sprul pa la khyad par dang bye brag gang yang mi dmigs te/ rab 'byor de bzhin gshegs pa dang sprul pa la ni khyad par med do//de ci'i phyir zhe na/ rab 'byor de ni 'di ltar de bzhin gshegs pas phrin las gang mdzad pa'i las de ni sprul pa'ang byed do/ /gsol pa/ bcom ldan 'das ci lags de bzhin gshegs pa mi bzhugs na sprul pa las bgyid par 'gyur ram/bcom ldan 'das kyis bka' stsal pa/ rab 'byor byed do/ /gsol pa/ bcom ldan 'das de bzhin gshegs pa mi bzhugs na ji ltar sprul pa las bgyid par 'gyur/ bcom ldan 'das kyis bka' stsal pa/ rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas zhi ba'i blo gros kyis/ byang chub sems dpa' ma gzigs nas/ /de bzhin gshegs pa'i sku sprul te/ /yongs su mya ngan las 'das so/ /sprul pa des de'i phyir ni bskal pa gcig tu sangs rgyas kyi bya ba byas te/de'i rjes la byang chub sems dpa' sems dpa' chen po lung bstan nas yongs su mya ngan las 'das par grags kyang sprul pa de la skye ba'am/ yongs su mya ngan las 'da' ba gang yang med de/ rab 'byor de ltar byang chub sems dpa' sems dpa' chen pos 'di lta ste/chos thams cad sprul pa lta bur yid ches par byas shing shes rab kyi pha rol tu phyin pa la spyod par bya'o zhes bya ba ni theg pa gsum gyis nges par 'byung ba'i rnam par rtog pa yin no// //gsol pa/ bcom ldan 'das gal te de ltar sprul pa dang / de bzhin gshegs pa la khyad par ma mchis na yon yongs su dag par yang ji ltar 'gyur/bcom ldan 'das sems can bsod nams 'tshal ba dang / mya ngan las 'das pa don du gnyer ba 'di dag gis de bzhin gshegs pa dgra bcom pa yang dag par rdzogs pa'i sangs rgyas la yon phul na de ni sems can de dag phung po ma lus pa'i dbyings su yongs su mya ngan las 'das par ma gyur gyi bar du nam yang bas par mi 'gyur na/bcom ldan 'das ci lags/ de bzhin gshegs pa'i sprul pa la yon phul na yang sems can de dag phung po ma lus pa'i mya ngan las 'das pa'i dbyings su yongs su mya ngan las 'das par ma gyur gyi bar du nam yang bas par mi 'gyur ba lags sam /bcom ldan 'das kyis bka' stsal pa/ rab 'byor chos nyid gang gis de bzhin gshegs pa lha dang bcas pa'i 'jig rten gyi yon gyi gnas su gyur pa'i chos nyid de nyid kyis sprul pa yang lha dang bcas pa'i 'jig rten gyi yon gyi gnas so//rab 'byor de bzhin gshegs pa la yon phul ba lta zhog ste/ de bzhin gshegs pa'i sprul pa la yon phul ba lta yang zhog gi /rab 'byor rigs kyi bu'am rigs kyi bu mo gang la las byams pa dang ldan pas de bzhin gshegs pa yid la byas na/de thams cad dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pa'i yid la byed pa lta zhog gi /rab 'byor rigs kyi bu'am rigs kyi bu mo gang la la zhig de bzhin gshegs pa yid la byas shing / nam mkha' la me tog 'thor na de dag thams cad kyang dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pa'i yid la byed pa lta zhog ste / /nam mkha' la me tog 'thor ba lta yang zhog gi /rab 'byor rigs kyi bu'am rigs kyi bu mo gang la la zhig sangs rgyas la phyag 'tshal lo zhes brjod na de dag thams cad kyang rim gyis sdug bsngal gyi mthar phyin par 'gyur te/rab 'byor de bzhin gshegs pa la yon bstabs pa dang sprul pa la yon bstabs pa ni de ltar don che zhing de ltar phan yon che'o/ /rab 'byor rnam grangs des na chos rnams kyi chos nyid brtson par byas na de bzhin gshegs pa dang de bzhin gshegs pa'i sprul pa la bye brag gang yang med par rig par bya'o zhes bya ba ni yon ma dag pa'i rnam par rtog pa yin no// //rab 'byor de ltar byang chub sems dpa' sems dpa' chen pos chos rnams kyi chos nyid khong du chud par byas shing shes rab kyi pha rol tu phyin pa la spyad par bya'o//chos rnams kyi chos nyid de yang rnam par dkrug par mi bya ste/ 'di ni shes rab kyi pha rol tu phyin pa'o/ /'di ni shes rab kyi pha rol tu phyin pa'i chos nyid do zhes rnam par dkrug par mi bya'o//'di ni bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa'o/ /'di ni sbyin pa'i pha rol tu phyin pa'i chos nyid do zhes rnam par dkrug par mi bya'o//'di ni nang stong pa nyid do/ /'di ni nang stong pa nyid kyi chos nyid do zhes rnam par dkrug par mi bya'o/ /'di ni dngos po med pa'i ngo bo nyid stong pa nyid kyi bar ro/ /'di ni dngos po med pa'i ngo bo nyid stong pa nyid kyi chos nyid do zhes bya bar rnam par dkrug par mi bya'o//'di ni dran pa nye bar gzhag pa rnams so/ /'di ni dran pa nye bar gzhag pa rnams kyi chos nyid do zhes rnam par dkrug par mi bya'o/ /'di ni yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'o//'di ni 'phags pa'i lam yan lag brgyad pa'i chos nyid do zhes rnam par dkrug par mi bya'o/ /'di ni sangs rgyas kyi chos ma 'dres pa bco brgyad kyi bar ro/ /'di ni sangs rgyas kyi chos ma 'dres pa bco brgyad kyi chos nyid do zhes rnam par dkrug par mi bya'o//'di ni rnam pa thams cad mkhyen pa nyid do/ /'di ni rnam pa thams cad mkhyen pa nyid kyi chos nyid do zhes rnam par dkrug par mi bya'o/ /gsol pa/ bcom ldan 'das gal te de ltar chos rnams kyi chos nyid rnam par dkrug par mi bgyi ba lags na/de la de bzhin gshegs pas 'di ni gzugs so/ /'di ni tshor ba dang / 'du shes dang / 'du byed rnams dang / rnam par shes pa'o/ /'di ni skye mched do/ /'di ni khams so/ /'di ni rten cing 'brel par 'byung ba'o/ /'di ni pha rol tu phyin pa rnams so//'di ni stong pa nyid rnams so/ /'di ni byang chub kyi phyogs kyi chos rnams so/ /'di ni sangs rgyas kyi chos ma 'dres pa bco brgyad kyi bar ro/ /'di ni rnam pa thams cad mkhyen pa nyid kyi bar ro zhes bya bar bstan par mdzad pa de na bcom ldan 'das kyis chos rnams kyi chos nyid rnam par dkrug par ma gyur tam/bcom ldan 'das kyis bka' stsal pa/ rab 'byor de ni ma yin te ngas ji ltar na gzhan rnams khong du chud par 'gyur ro zhes ming dang mtshan mas chos rnams kyi chos nyid de dag bstan zhing chos rnams brjod kyi/ chos rnams kyi chos nyid rnam par dkrug pa med do//gsol pa/ bcom ldan 'das gal te gzhan rnams khong du chud par bgyi ba'i slad du bcom ldan 'das kyis ming dang mtshan mas chos rnams kyi chos nyid de dag bstan te chos rnams brjod pa mdzad na/ bcom ldan 'das chos thams cad ming ma mchis shing mtshan ma ma mchis pa la ji ltar ming dang mtshan mas tha snyad du mdzad ces bya ba ni spyod pa rnam par 'khrugs pa'i rnam par rtog pa yin no //'di dag gis ni 'dzin pa'i rtog pa dang po rnam pa dgu gsungs so/ /bcom ldan 'das kyis bka' stsal pa/ rab 'byor tha snyad ni ming dang mtshan ma'am mngon par zhen pa ma yin te/rab 'byor 'dir ming dang tha snyad du byed pa ma yin zhing mtshan ma dang mngon par zhen pa la tha snyad du byed pa yang ma yin no/ /rab 'byor de bzhin gshegs pa'am/ nyan thos ni ming ngam mtshan ma la mngon par mi zhen to/ /rab 'byor ming ni ming la mngon par mi zhen to//mtshan ma ni mtshan ma la mngon par mi zhen to/ /rab 'byor gal te ming la mngon par chags par 'gyur ram/ mtshan ma la mngon par chags par 'gyur na ni stong pa nyid kyang stong pa nyid la mngon par chags par 'gyur ro/ /mtshan ma med pa yang mtshan ma med pa la mngon par chags par 'gyur ro//smon pa med pa yang smon pa med pa la mngon par chags par 'gyur ro/ /de bzhin nyid kyang de bzhin nyid la mngon par chags par 'gyur ro/ /yang dag pa'i mtha' yang yang dag pa'i mtha' la mngon par chags par 'gyur ro/ /chos kyi dbyings kyang chos kyi dbyings la mngon par chags par 'gyur ro//'dus ma byas kyang 'dus ma byas la mngon par chags par 'gyur te/ chos 'di dag thams cad kyang ming tsam du zad pas na de dag ni ming tsam la gnas pa med do/ /rab 'byor de ltar na byang chub sems dpa' sems dpa' chen pos ming dang mtshan ma tsam la gnas te/shes rab kyi pha rol tu phyin pa la spyad par bya ste de la mngon par chags par mi bya'o/ /gsol pa/ bcom ldan 'das gal te de ltar 'dus byas 'di dag thams cad ming dang mtshan ma tsam du bas pa lags na byang chub sems dpa' sems dpa' chen po de dag gang gi don du byang chub tu sems bskyed cing /byang chub tu sems bskyed nas 'du byed rnam pa du ma nyams su myong bar bgyid pa dang byang chub sems dpa'i spyad pa spyod pa lags/ byang chub sems dpa'i spyad pa spyod cing sbyin pa sna tshogs yongs su gtong ba dang / tshul khrims srung ba dang / bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang / shes rab sgom pa dang / stong pa nyid thams cad la spyod pa dang / dran pa nye bar gzhag pa rnams la spyod pa dang / yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la spyod pa dang / de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la spyod pa lags// //bam po drug cu pa/ bcom ldan 'das kyis bka' stsal pa/ rab 'byor de skad du gal te 'dus byas thams cad ming dang mtshan ma tsam du zad na/'o na gang gi don du byang chub sems dpa' sems dpa' chen po rnams byang chub sems dpa'i spyad pa spyod ces zer ba ni/ rab 'byor de ltar 'dus byas thams cad ming dang mtshan ma tsam du zad de/ ming yang ming gis stong /mtshan ma yang mtshan mas stong pas na de'i phyir byang chub sems dpa' sems dpa' chen po byang chub sems dpa'i spyad pa spyod cing rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas chos kyi 'khor lo bskor ro/ /chos kyi 'khor lo bskor nas sems can rnams theg pa gsum gyi yongs su mya ngan las zlo ste/ming dang mtshan ma de la skye ba dang / 'jig pa dang gnas pa dang gnas pa las gzhan du 'gyur ba mi dmigs so zhes bya ba ni 'dzin pa'i rtog pa gnyis pa spyir nye bar dgod pa yin no// //gsol pa/bcom ldan 'das rnam pa thams cad mkhyen pa nyid rnam pa thams cad mkhyen pa nyid ces gsung ngam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid rnam pa thams cad mkhyen pa nyid ces smra'o/ /gsol pa/ bcom ldan 'das de bzhin gshegs pas thams cad shes pa nyid gsungs la/lam gyi rnam pa shes pa nyid ces mdor gsungs pa dang / rnam pa thams cad mkhyen pa nyid kyang de bzhin gshegs pas gsungs na/ bcom ldan 'das thams cad mkhyen pa nyid de gsum la khyad par ni ci zhig mchis/ bye brag ni ci zhig mchis/bcom ldan 'das kyis bka' stsal pa/ rab 'byor rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas rnams kyi yin no/ /lam gyi rnam pa shes pa nyid ni byang chub sems dpa' sems dpa' chen po rnams kyi yin no//thams cad shes pa nyid ni nyan thos dang rang sangs rgyas rnams kyi yin no/ /rab 'byor gyis gsol pa/ bcom ldan 'das ci'i slad du rnam pa thams cad mkhyen pa nyid de bzhin gshegs pa dgra bcom pa yang dag par rdzogs pa'i sangs rgyas rnams kyi lags/ bcom ldan 'das kyis bka' stsal pa/rab 'byor 'di ltar rnam pa gang dag dang / rtags gang dag dang / mtshan ma gang dag gis chos rnams brjod par bya ba'i rnam pa de dag dang / rtags de dag dang / mtshan ma de dag de bzhin gshegs pas thugs su chud pas/ de'i phyir rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas rnams kyi yin no zhes bya'o zhes bya ba ni rnam pa thams cad mkhyen pa nyid la rmongs pa'i rnam par rtog pa yin no// //rab 'byor gyis gsol pa/ bcom ldan 'das ci'i slad du lam shes pa nyid byang chub sems dpa' sems dpa' chen po rnams kyi lags/bcom ldan 'das kyis bka' stsal pa/ rab 'byor byang chub sems dpa' sems dpa' chen pos lam thams cad bskyed par bya/ lam thams cad shes par bya ste/ nyan thos kyi lam gang yin pa dang /rang sangs rgyas kyi lam gang yin pa dang / byang chub sems dpa'i byang chub kyi lam gang yin pa de dag thams cad yongs su rdzogs par bya zhing lam gyi bya ba yang ma byas la yang dag pa'i mtha' mngon du mi bya'o/ /rab 'byor gyis gsol pa/ bcom ldan 'das yang ci'i slad du byang chub sems dpas yang dag pa'i mtha' mngon du mi bgyid pa lags/bcom ldan 'das kyis bka' stsal pa/ smon lam yongs su rdzogs par ma byas pa dang / sems can yongs su smin par ma byas pa dang / sangs rgyas kyi zhing yongs su dag par ma byas pa de srid du byang chub sems dpa' sems dpa' chen po de yang dag pa'i mtha' mngon du mi byed do//de'i phyir lam gyi rnam pa shes pa nyid ni byang chub sems dpa' sems dpa' chen po rnams kyi yin no zhes bya'o zhes bya ba ni lam shes pa la kun du rmongs pa'i rnam par rtog pa yin no// //rab 'byor gyis gsol pa/ bcom ldan 'das ci'i slad du thams cad mkhyen pa nyid nyan thos dang rang sangs rgyas rnams kyi lags/ bcom ldan 'das kyis bka' stsal pa/ rab 'byor thams cad ces bya ba ni nang dang phyi'i bdag nyid can gyi chos 'di dag yin la/de dag thams cad ni nyan thos dang rang sangs rgyas rnams kyis shes kyi/ lam thams cad kyis kyang ma yin/ rnam pa thams cad kyis kyang ma yin no zhes bya ba ni thams cad shes pa nyid la kun du rmongs pa'i rnam par rtog pa yin no// //gsol pa/ bcom ldan 'das ci lags/byang chub sems dpa' sems dpa' chen pos lam la gnas te yang dag pa'i mtha' mngon du bgyi'am/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na lam ma lags pa la gnas te'am/ bcom ldan 'das kyis bka' stsal pa/ma yin no/ /gsol pa/ 'o na lam yang lags la lam ma lags pa la yang gnas te'am/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na lam yang ma lags la lam ma lags pa yang ma lags pa la gnas te'am/bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na ji ltar byang chub sems dpa' sems dpa' chen pos yang dag pa'i mtha' mngon du bgyi/ bcom ldan 'das kyis bka' stsal pa/ rab 'byor de ji snyam du sems/ khyod lam la gnas pas nye bar len pa med par zag pa las sems rnam par grol lam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na lam ma yin la la gnas te'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/'o na lam yang yin la lam ma yin pa la yang yin pa la gnas te'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na lam yang ma yin la lam ma yin pa la yang gnas te nye bar len pa med par zag pa las sems rnam par grol lam /gsol pa/ bcom ldan 'das de ni ma lags so/ /bcom ldan 'das bdag gi sems ni gang la yang gnas pas nye bar len pa ma mchis par zag pa las rnam par grol ba ma mchis te/ bcom ldan 'das bdag gi sems ni gang la yang mi gnas pas rnam par grol lo//bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos ci la yang mi gnas par yang dag pa'i mtha' mngon du bya'o/ /rab 'byor gang yang rnam pa thams cad mkhyen pa nyid rnam pa thams cad mkhyen pa nyid ces bya ba ni rnam pa gcig gis rnam pa thams cad mkhyen pa nyid ces bya ste/'di ltar zhi ba'i rnam pas rnam pa thams cad mkhyen pa nyid ces bya'o/ /rab 'byor 'di ltar yang rnam pa gang dang rtags gang dang mtshan ma gang gis chos rnams brjod par bya ba'i rnam pa de dag dang rtags de dag dang mtshan ma de dag de bzhin gshegs pas thugs su chud pas de'i phyir rnam pa thams cad mkhyen pa nyid ces bya'o//gsol pa/ bcom ldan 'das thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid ces bgyi ba/thams cad mkhyen pa 'di gsum las nyon mongs pa spangs pa'i rnam pa 'dis ni lhag ma ma lus par spangs so/ /'dis ni lhag ma ma lus par ma spangs so zhes bgyi ba'i bye brag mchis sam/ bcom ldan 'das kyis bka' stsal pa/ rab 'byor nyon mongs pa spangs pa la ni bye brag med de/de bzhin gshegs pa la ni bag chags kyi mtshams sbyor ba thams cad spang ba mnga'o/ /nyan thos dang rang sangs rgyas rnams la ni bag chags kyi mtshams sbyor ba thams cad spangs pa med do/ /gsol pa/ bcom ldan 'das ci lags/nyan thos dang rang sangs rgyas de dag thams cad kyis 'dus ma bgyis ma thob par nyon mongs pa spangs sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das ci lags/ 'dus ma bgyis la bye brag dmigs su mchis sam/bcom ldan 'das kyis bka' stsal pa/ de ni ma yin no/ /gsol pa/ bcom ldan 'das gal te de ltar dmigs su ma mchis na ci'i slad du bcom ldan 'das kyis de skad du 'di la bag chags kyi mtshams sbyor ba spang ba mnga'o/ /'di la bag chags kyi mtshams sbyor ba spangs pa med do zhes bka' stsal/bcom ldan 'das kyis bka' stsal pa/ rab 'byor bag chags kyi mtshams sbyor ba ni nyon mongs pa yang ma yin mod kyi nyan thos dang rang sangs rgyas rnams la 'dod chags dang zhe sdang dang gti mug gi lus kyi rnam pa dang ngag gi rnam pa yod de/de dag gi bag chags kyi mtshams sbyor ba de ni byis pa so so'i skye bo kun dang thun mong yang gnod par 'gyur ba ni ma yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams la thams cad rnam pa thams cad du thams cad mi mnga' zhing mi dmigs so//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te lam yang ma mchis la/ mya ngan las 'das pa yang ma mchis na/ 'o na ci'i slad du 'di skad du 'di ni rgyun tu zhugs pa'o/ /'di ni lan cig phyir 'ong ba'o//'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni byang chub sems dpa' sems dpa' chen po'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bshad/ bcom ldan 'das kyis bka' stsal pa/rab 'byor rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas zhes bya ba de dag thams cad kyang 'dus ma byas kyi bar du phye ba'o//gsol pa/ bcom ldan 'das ci lags/ 'dus ma bgyis pa de ni rgyun du zhugs pa dang / 'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ / 'di ni byang chub sems dpa' sems dpa' chen po'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi bar rab tu 'byed pa mchis sam/ bcom ldan 'das kyis bka' stsal pa/ rab 'byor 'dus ma byas ni rab tu 'byed pa med mod kyi/'on kyang tshig tshad mar byas shing brjod de/ don dam par ni rab tu dbye bar mi nus so/ /de ci'i phyir zhe na/ de la tshig gi lam gyi gdags pa med do/ /'on kyang gang dang gang gis mtha' ma chod pa de dang de dag la phyi ma'i mtha' gdags pa yin te/ rab 'byor chos thams cad rang gi mtshan nyid kyis stong pa la sngon gyi mtha' yang mi dmigs na/phyi ma'i mtha' dmigs par 'gyur ba lta ga la yod de gnas med do/ /rab 'byor sems can de dag chos rnams rang gi mtshan nyid kyis stong par mi [(]shas [,]shes [)]pas de dag la 'di skad du 'di ni sngon gyi mtha' zhes bya'o//'di ni phyi ma'i mtha' zhes bstan te/ rang gi mtshan nyid kyis stong pa'i chos thams cad la sngon gyi mtha' 'am/ phyi ma'i mtha' dmigs su med do/ /rab 'byor de ltar chos thams cad rang gi mtshan nyid kyis stong pas shes rab kyi pha rol tu phyin pa la spyad par bya ste/rang gi mtshan nyid kyis stong pa'i chos thams cad la spyad na/ nang ngam phyi'i chos sam/ 'dus byas sam/ 'dus ma byas sam/ nyan thos kyi chos sam/ rang sangs rgyas kyi chos sam/ sangs rgyas kyi chos gang la yang mngon par chags par mi 'gyur ro/ / de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa shes rab kyi pha rol tu phyin pa zhes bgyi ba ci'i slad du shes rab kyi pha rol tu phyin pa zhes bgyi/ bcom ldan 'das kyis bka' stsal pa/rab 'byor shes rab kyi pha rol tu phyin pa 'di ni chos thams cad kyi pha rol tu phyin pa'i dam pa thob pa yin te de'i phyir shes rab kyi pha rol tu phyin pa zhes bya'o/ /rab 'byor gzhan yang shes rab kyi pha rol tu phyin pa 'dis nyan thos dang rang sangs rgyas dang byang chub sems dpa' sems dpa' chen po dang de bzhin gshegs pa dgra bcom pa yang dag par rdzogs pa'i sangs rgyas thams cad chos thams cad kyi pha rol tu phyin par 'gyur /pha rol tu phyin pa pha rol tu phyin par 'gyur bas/ de'i phyir shes rab kyi pha rol tu phyin pa zhes bya'o/ /rab 'byor gzhan yang shes rab kyi pha rol tu phyin pa 'dis chos thams cad kyi mchog gi tshul du phyed de/chos de dag kun la yang 'khor ba ma dmigs pas de'i phyir shes rab kyi pha rol tu phyin pa zhes bya'o zhes bya ba ni lam la kun du rmongs pa'i rnam par rtog pa yin no// //rab 'byor gzhan yang shes rab kyi pha rol tu phyin pa 'dir de bzhin nyid kyang chud/yang dag pa'i mtha' yang chud/ chos kyi dbyings kyang chud de/ de'i phyir shes rab kyi pha rol tu phyin pa zhes bya'o/ /rab 'byor gzhan yang shes rab kyi pha rol tu phyin pa 'di ni chos gang gis kyang ldan pa'am/ mi ldan pa'am/bstan du yod pa'am/ bstan du med pa'am/ thogs pa dang bcas pa'am/ thogs pa med pa ma yin te/ de ci'i phyir zhe na/ 'di ltar shes rab kyi pha rol tu phyin pa 'di ni gzugs med pa bstan du med pa mtshan nyid med par mtshan nyid gcig pa'o zhes bya ba ni de bzhin nyid la sogs pa dang ldan pa dang mi ldan pa la kun du rmongs pa'i rnam par rtog pa yin no// //rab 'byor gzhan yang shes rab kyi pha rol tu phyin pa 'di ni chos thams cad kyi spobs pa thams cad dang snang ba thams cad bskyed pa ste/ rab 'byor shes rab kyi pha rol tu phyin pa 'di ni bdud dam bdud kyi ris kyi lha rnams sam/gang zag nyan thos dang rang sangs rgyas kyi theg pa nas mu stegs can gzhan gyi bar dang / sdig pa'i grogs po rnams kyis mi chod mi 'phrogs pa ste/ byang chub sems dpa' sems dpa' chen pos shes rab kyi pha rol tu phyin pa 'di la gcad par mi nus so//de ci'i phyir zhe na/ de ni 'di ltar rang gi mtshan nyid stong pa nyid kyi phyir shes rab kyi pha rol tu phyin pa 'di la de dag thams cad dmigs su med pa'i phyir te/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa 'di'i don la spyad par bya'o zhes bya ba ni mi mnyam pa nyid la rmongs pa'i rnam par rtog pa yin no// //rab 'byor gzhan yang byang chub sems dpa' sems dpa' chen po shes rab kyi pha rol tu phyin pa zab mo 'di'i don la spyod pas mi rtag pa'i don la spyad par bya'o/ /sdug bsngal gyi don la spyad par bya'o//bdag med pa'i don la spyad par bya'o/ /sdug bsngal shes pa'i don la spyad par bya'o/ /kun 'byung shes pa'i don dang / 'gog pa shes pa'i don dang / lam shes pa'i don la spyad par bya'o/ /zag pa shes pa'i don dang / mi skye ba shes pa'i don dang / chos shes pa'i don dang /rjes su 'gro ba shes pa'i don dang / kun rdzob shes pa'i don dang / yongs su rtog pa shes pa'i don dang / sgra ji bzhin shes pa'i don la spyad par bya'o/ /rab 'byor de ltar byang chub sems dpa' sems dpa' chen pos shes rab kyi pha rol tu phyin pa'i don la spyad par bya'o zhes bya ba ni sdug bsngal la sogs pa la kun du rmongs pa'i rnam par rtog pa yin no// //gsol pa/ bcom ldan 'das gal te shes rab kyi pha rol tu phyin pa zab mo 'di la don dang don ma lags pa mi dmigs na/ 'o na ji ltar byang chub sems dpa' sems dpa' chen pos shes rab kyi pha rol tu phyin pa zab mo 'di'i don la spyad par bgyi/bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa'i don zab mo 'di la spyod pas 'di ltar spyad par bya ste/ 'dod chags bdag gi don ce'am don ma yin zhes spyad par mi bya'o//zhe sdang bdag gi don ce'am don ma yin zhes spyad par mi bya'o/ /gti mug bdag gi don ce'am don ma yin zhes spyad par mi bya'o/ /'dod chags dang / zhe sdang dang / gti mug bdag gi don ce'am don ma yin zhes spyad par mi bya'o//log par lta ba bdag gi don ce'am don ma yin zhes spyad par mi bya'o/ /lta bar gyur pa thams cad bdag gi don ce'am don ma yin zhes spyad par mi bya'o/ /de ci'i phyir zhe na/ 'dod chags dang / zhe sdang dang / gti mug gi de bzhin nyid ni gang la yang don du mi byed don ma yin par mi byed do//lta ba'i rnam pa gang gi de bzhin nyid ni gang la'ang don du mi byed don ma yin par mi byed do/ /gzugs bdag gi don zhes spyad par mi bya'o/ /gzugs bdag gi don ma yin zhes spyad par mi bya'o/ /tshor ba dang / 'du shes dang / 'du byed rnams dang / rnam par shes pa bdag gi don zhes spyad par mi bya'o//rnam par shes pa bdag gi don ma yin zhes spyad par mi bya'o/ /skye mched dang / khams dang / rten cing 'brel par 'byung ba bdag gi don zhes spyad par mi bya'o/ /rten cing 'brel par 'byung ba bdag gi don ma yin zhes spyad par mi bya'o/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos sum cu rtsa bdun bdag gi don zhes spyad par mi bya'o/ /byang chub kyi phyogs kyi chos sum cu rtsa bdun bdag gi don ma yin zhes spyad par mi bya'o/ /'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo bdag gi don zhes spyad par mi bya'o//gzungs kyi sgo bdag gi don ma yin zhes spyad par mi bya'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad bdag gi don zhes spyad par mi bya'o/ / sangs rgyas kyi chos ma 'dres pa bco brgyad bdag gi don ma yin zhes spyad par mi bya'o/ /bla na med pa yang dag par rdzogs pa'i byang chub kyi bar du bdag gi don zhes spyad par mi bya'o/ /bla na med pa yang dag par rdzogs pa'i byang chub kyi bar du bdag gi don ma yin zhes spyad par mi bya'o//de ci'i phyir zhe na/ rab 'byor de ni 'di ltar de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas nas/ chos gang don du bya ba'am/ don med par bya ba de lta bu gang yang ma dmigs so//rab 'byor gzhan yang de bzhin gshegs pa rnams skyes kyang rung / de bzhin gshegs pa rnams ma skyes kyang rung ste/ chos rnams kyi chos nyid dang chos kyi gnas ni gnas pa chos kyi dbyings ni gnas te / de ni gang la don yang mi byed/ don ma yin pa yang mi byed do//rab 'byor de ltar byang chub sems dpa' sems dpa' chen pos don dang don ma yin pa spangs te shes rab kyi pha rol tu phyin pa la spyad par bya'o/ /gsol pa/ bcom ldan 'das ci'i slad du shes rab kyi pha rol tu phyin pa ni gang la yang don yang mi bgyid/ don ma lags pa'ang mi bgyid pa lags/bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa ni 'dus byas dang / 'dus ma byas kyi chos nyid gang yang mi byed de/ de'i phyir shes rab kyi pha rol tu phyin pa ni gang la yang don du byed pa yang ma yin/ don ma yin par byed pa yang ma yin no/ /gsol pa/ bcom ldan 'das 'o na 'dus ma bgyis sangs rgyas dang sangs rgyas kyi nyan thos 'phags pa thams cad kyi don ni ma lags sam/ bcom ldan 'das kyis bka' stsal pa/ 'dus ma byas ni sangs rgyas dang sangs rgyas kyi nyan thos 'phags pa thams cad kyi don kyang yin te/phan pa'am gnod par nye bar gnas pa ma yin no/ /rab 'byor 'di lta ste dper na/nam mkha'i de bzhin nyid ni gang la yang phan pa'am gnod par nye bar gnas pa ma yin no/ /rab 'byor de bzhin du byang chub sems dpa' sems dpa' chen po'i shes rab kyi pha rol tu phyin pa yang chos gang la yang phan pa'am gnod par nye bar gnas pa ma yin no//gsol pa/ bcom ldan 'das 'o na byang chub sems dpa' sems dpa' chen pos 'dus ma byas kyi shes rab kyi pha rol tu phyin pa la bslabs shing rnam pa thams cad mkhyen pa nyid thob pa mi bgyid dam/bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po ni shes rab kyi pha rol tu phyin pa zab mo 'di la bslabs shing rnam pa thams cad mkhyen pa nyid thob par byed de/gnyis kyi tshul gyis ma yin no zhes bya ba ni nyon mongs pa'i rang bzhin la kun du rmongs pa'i rnam par rtog pa yin no// //gsol pa/ bcom ldan 'das ci lags/ gnyis su ma mchis pa'i chos kyis gnyis su ma mchis pa'i chos thob par bgyid dam/ bcom ldan 'das kyis bka' stsal pa/ma yin no/ /gsol pa/ 'o na gnyis kyi chos shig gnyis kyi chos thob par bgyid pa lags sam/ bcom ldan 'das kyis bka' stsal pa/ ma yin no/ /gsol pa/ 'o na ji ltar thob par 'gyur/ bcom ldan 'das kyis bka' stsal pa/nam gnyis kyi chos sam gnyis su med pa'i chos kyang mi dmigs pa na thob par 'gyur ro/ /rab 'byor gyis gsol pa/ bcom ldan 'das ji ltar gnyis kyi chos sam/ gnyis su med pa'i chos mi dmigs par 'gyur ba lags/ bcom ldan 'das kyis bka' stsal pa/dmigs su med pa la gzugs dmigs su med cing thob pa med do/ /tshor ba dang / 'du shes dang / 'du byed rnams dang / rnam par shes pa dmigs su med cing thob pa med do zhes bya ba ni gnyis su med pa la kun du rmongs pa'i rnam par rtog pa yin te/ 'di dag gis ni 'dzin pa'i rtog pa gnyis pa dgu gsungs pa yin no// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni zab bo/ /bcom ldan 'das byang chub sems dpa' sems dpa' chen po gang bla na med pa yang dag par rdzogs pa'i byang chub tu zhugs pa yang dka' ba bgyid pa ste/sems can zhes bgyi ba'am / sems can du gdags pa gang yang mi dmigs na/ de dag ni sems can rnams kyi slad du bla na med pa yang dag par rdzogs pa'i byang chub tu yang dag par zhugs so/ / bcom ldan 'das 'di lta ste dper na skyes bu la la zhig nam mkha' gzhi ma mchis pa la ljang bu bskyed par 'tshal ba de bzhin du byang chub sems dpa' sems dpa' chen po rnams kyang sems can rnams kyi slad du rnam pa thams cad mkhyen pa nyid thob par 'tshal lo/ / bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang sems can rnams kyi phyir bla na med pa yang dag par rdzogs pa'i byang chub tu yang dag par 'jug pa dang / rnam pa thams cad mkhyen pa nyid du mngon par rdzogs par sangs rgyas nas sems can rnams sems can du 'dzin pa las yongs su 'grel pa ni dka' ba byed pa'o zhes bya ba ni dngos po med pa la dmigs pa'i ye shes ni rnam pa thams cad mkhyen pa nyid yin no// //rab 'byor 'di lta ste dper na skyes bu la la zhig ni ljang bu bskyed par 'dod la/skyes bu des ljang bu de'i rtsa ba ma dmigs/ yal ga dang / sdong bu dang / lo ma dang / me tog dang / 'bras bu ma dmigs par ljang bu de'i sdong bu skyed de/ dus dus su chus bran zhing de'i sdong bu de rim gyis yal ga phun sum tshogs par gyur/ lo ma phun sum tshogs par gyur /me tog phun sum tshogs par gyur / 'bras bu phun sum tshogs par gyur pa dang / de ljang bu de'i 'dab ma la spyod pa dang / me tog la spyod pa dang / 'bras bu la spyod pa de bzhin du byang chub sems dpa' sems dpa' chen po rnams kyang sems can rnams kyi phyir bla na med pa yang dag par rdzogs pa'i byang chub tu yang dag par 'jug ste/de dag rim gyis pha rol tu phyin pa drug la spyod cing rnam pa thams cad mkhyen pa nyid thob par byed de/ de dag lo ma dang me tog dang 'bras bu ltar sems can thams cad nye bar 'tsho bar 'gyur ro/ /rab 'byor de la lo ma ni byang chub sems dpa' sems dpa' chen po la brten zhing sems can rnams ngan song gsum las yongs su sgrol ba'o//me tog ni byang chub sems dpa' sems dpa' chen po la brten zhing rgyal rigs che zhing mtho ba dang / bram ze'i rigs che zhing mtho ba dang / khyim bdag gi rigs che zhing mtho bar skye ba dang / rgyal chen bzhi'i ris kyi lhar skye ba dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang /tshangs 'khor dang / tshangs chen dang / 'od chung dang / 'od gsal dang / tshad med 'od dang / dge chung dang / dge rgyas dang / tshad med dge dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi spong ba dang /mi gdung ba dang / legs mthong dang / rab lta dang / 'og min dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba'o/ /'bras bu ni byang chub sems dpa' sems dpa' chen po rnam pa thams cad mkhyen pa nyid thob nas sems can de dag rgyun du zhugs pa'i 'bras bu la rab tu 'god pa dang /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la rab tu 'god pa dang /byang chub sems dpa' sems dpa' chen po de nyid la brten zhing rnam pa thams cad mkhyen pa nyid thob par 'gyur ba dang / rnam pa thams cad mkhyen pa nyid thob nas sems can thams cad la 'bras bus brjid par 'gyur ba dang / de la gang gis yon phul ba de dag kyang rim gyis 'di lta ste/nyan thos kyi theg pa'am/ rang sangs rgyas kyi theg pa'am/ theg pa chen po'am/ theg pa gsum po de dag gis yongs su mya ngan las 'da' ba dang / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur yang de la sems can du'ang mi 'dogs/sems can du gdags pa'ang med par sems can de dag kyang sems can du 'dzin pa las yongs su 'grel pa ste/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod kyang gang gi don du bdag gis rnam pa thams cad mkhyen pa nyid thob par bya'o zhes bya ba'i sems can nam sems can du gdags pa gang yang mi dmigs so//rab 'byor gyis gsol pa/ bcom ldan 'das byang chub sems dpa' sems dpa' chen po de ni de bzhin gshegs pa nyid du rig par bya'o/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po la brten nas sems can dmyal ba thams cad rgyun chad par 'gyur ro/ /byol song gi skye gnas thams cad dang / gshin rje'i 'jig rten thams cad rgyun chad par 'gyur ro/ /mi khom pa dang / ngan song thams cad rgyun chad par 'gyur ro//dbul po thams cad rgyun chad par 'gyur ro/ /lam gyi rgyud dma' ba thams cad rgyun chad par 'gyur ro/ /'dod pa'i khams thams cad rgyun chad par 'gyur ro/ / gzugs kyi khams thams cad rgyun chad par 'gyur ro/ /gzugs med pa'i khams thams cad rgyun chad par 'gyur ro//bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni de bzhin gshegs pa nyid du rig par 'gyur ro / /rab 'byor gal te byang chub sems dpa' sems dpa' chen po med na 'das pa dang /ma byon pa dang / da ltar byung ba'i sangs rgyas bcom ldan 'das rnams kyi bla na med pa yang dag par rdzogs pa'i byang chub kyang yod par mi 'gyur/ rang sangs rgyas rnams kyang 'jig rten du 'byung bar mi 'gyur/ dgra bcom pa rnams dang /phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams kyang 'jig rten du 'byung bar mi 'gyur/ sems can dmyal ba thams cad kyang rgyun chad par mi 'gyur/ byol song gi skye gnas dang / gshin rje'i 'jig rten thams cad kyang rgyun chad par mi 'gyur/mi khom pa thams cad dang dbul po thams cad kyang rgyun chad par mi 'gyur/ 'gro ba dman pa thams cad rgyun chad par mi 'gyur/ 'dod pa'i khams thams cad kyang rgyun chad par mi 'gyur/ gzugs kyi khams thams cad dang /gzugs med pa'i khams thams cad kyang rgyun chad par mi 'gyur ro/ /rab 'byor de bas na gang 'di skad du byang chub sems dpa' sems dpa' chen po de ni de bzhin gshegs pa nyid du rig par bya'o zhes zer ba ni/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po de ni de bzhin gshegs pa nyid du rig par bya'o//de ci'i phyir zhe na/ rab 'byor de bzhin nyid gang gis de bzhin gshegs par gdags pa dang / de bzhin nyid gang gis rang sangs rgyas su gdags pa dang / de bzhin nyid gang gis 'phags pa thams cad du gdags pa dang /de bzhin nyid gang gis gzugs su gdags pa dang / de bzhin nyid gang gis tshor ba dang / 'du shes dang / 'du byed rnams dang / rnam par shes par gdags pa dang / de bzhin nyid gang gis skye mched dang / khams dang / rten cing 'brel par 'byung bar gdags pa dang /de bzhin nyid gang gis pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun du gdags pa dang / de bzhin nyid gang gis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams su gdags pa dang /de bzhin nyid gang gis de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad du gdags pa dang / de bzhin nyid gang gis rnam pa thams cad mkhyen pa nyid kyi bar du gdags pa dang /de bzhin nyid gang gis 'dus byas kyi khams dang / 'dus ma byas kyi bar du gdags pa de dag thams cad kyang de kho na bzhin te/ de bas na de bzhin nyid ces bya'o/ /byang chub sems dpa' sems dpa' chen po de ni de bzhin nyid de la bslabs shing rnam pa thams cad mkhyen pa nyid thob par byed pas/de'i phyir de bzhin gshegs pa zhes bya ste/ rab 'byor rnam grangs des na de bzhin nyid tshad mar byas te/ byang chub sems dpa' sems dpa' chen po de ni de bzhin gshegs pa nyid du rig par bya'o/ /rab 'byor de ltar byang chub sems dpa' sems dpa' chen pos ni de bzhin nyid kyi shes rab kyi pha rol tu phyin pa la bslab par bya ste/rab 'byor byang chub sems dpa' sems dpa' chen po de ni de bzhin nyid kyi shes rab kyi pha rol tu phyin pa la bslabs shing chos thams cad kyi de bzhin nyid la slob bo//chos thams cad kyi de bzhin nyid la bslabs shing chos thams cad kyi de bzhin nyid yongs su rdzogs par byed do/ /chos thams cad kyi de bzhin nyid yongs su rdzogs par byas shing chos thams cad kyi de bzhin nyid la dbang du gyur pa thob par byed do/ /chos thams cad kyi de bzhin nyid la dbang du gyur pa thob par byas shing sems can thams cad kyi dbang po la mkhas par byed do//dbang po la mkhas par byas shing dbang po yongs su rdzogs par bya ba la mkhas pa thob par byed do/ /dbang po yongs su rdzogs par bya ba la mkhas pa thob par byas shing sems can rnams kyi las rang gis byas pa shes par byed do//sems can rnams kyi rang gi las shes par byas shing smon pa'i ye shes yongs su rdzogs par byed do/ /smon pa'i ye shes yongs su rdzogs par byas shing dus gsum du ye shes rnam par dag par byed do/ /dus gsum du ye shes rnam par dag par byas shing byang chub sems dpa'i spyad pa spyod pas sems can rnams kyi don byed do//sems can rnams kyi don byed cing sangs rgyas kyi zhing yongs su dag par [(]byad [,]byed [)]do/ /sangs rgyas kyi zhing yongs su dag par byas shing rnam pa thams cad mkhyen pa nyid thob par byed do/ / rnam pa thams cad mkhyen pa nyid thob par byas shing chos kyi 'khor lo bskor ro/ /chos kyi 'khor lo bskor zhing sems can rnams theg pa gsum la rab tu 'god do/ /sems can rnams theg pa gsum la rab tu bkod nas phung po lhag ma ma lus pa'i mya ngan las 'das pa'i dbyings su yongs su mya ngan las 'da'o//rab 'byor de ltar byang chub sems dpa' sems dpa' chen pos yon tan dang legs pa thams cad mthong nas bdag gis kyang bla na med pa yang dag pa rdzogs pa'i byang chub tu sems bskyed par bya'o//gzhan yang bla na med pa yang dag par rdzogs pa'i byang chub tu sems bskyed du gzhug par bya'o/ /rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo ji skad du bstan pa 'di la spyod pa de dag ni lha dang mi dang lha ma yin du bcas pa'i 'jig rten gyis phyag bgyi bar 'os pa'o//bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang shes rab kyi pha rol tu phyin pa zab mo ji skad du bstan pa 'di la spyod pa de dag ni lha dang mi dang lha ma yin du bcas pa'i 'jig rten gyis phyag bgyi bar 'os pa'o zhes bya ba ni ji skad du gsungs pa'i bsgom pa'i lam gyi ye shes dang ldan pa ni yon tan thams cad phun sum tshogs pa yin no// //gsol pa bcom ldan 'das byang chub sems dpa' sems dpa' chen po sems dang po bskyed pa dang ldan pa sems can thams cad kyi don du bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de'i bsod nams ji tsam zhig tu 'phel bar 'gyur/bcom ldan 'das kyis bka' stsal pa/rab 'byor gal te stong gsum gyi stong chen po'i 'jig rten gyi khams kyi sems can ji snyed pa de dag thams cad nyan thos kyi sa la gnas par 'gyur / rang sangs rgyas kyi sa la gnas par gyur na sems can de dag gi bsod nams mang du 'phel lam/ gsol pa bcom ldan 'das mang ngo //bde bar gshegs pa mang ngo / /bcom ldan 'das tshad ma mchis so/ /bde bar gshegs pa tshad ma mchis so/ /bcom ldan 'das kyis bka' stsal pa/ rab 'byor stong gsum gyi stong chen po'i 'jig rten gyi khams kyi sems can thams cad nyan thos kyi theg pa'am/rang sangs rgyas kyi theg par 'gyur ba'i bsod nams dang / byang chub sems dpa' sems dpa' chen po sems dang po bskyed pa dang ldan pa'i bsod nams las byang chub sems dpa' sems dang po bskyed pa dang ldan pa'i bsod nams kyi tshogs de la ni stong gsum gyi stong chen po'i 'jig rten gyi khams kyi sems can thams cad nyan thos kyi theg pa'am/rang sangs rgyas kyi theg pa par gyur pa de dag gi bsod nams des brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba'i cha dang / bye ba brgya'i cha dang /bye ba stong gi cha dang / bye ba brgya phrag stong gi cha dang / bye ba khrag khrig brgya phrag stong gi char yang nye bar mi 'gro'o/ /grangs dang / cha dang / bgrang ba dang / dpe dang / rgyur yang mi bzod do/ /de ci'i phyir zhe na/ byang chub sems dpa' las byung ba ni gang zag nyan thos dang rang sangs rgyas kyi theg pa pa rnams te/nyan thos dang rang sangs rgyas las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad nyan thos kyi theg pa pa'am/ rang sangs rgyas kyi theg pa par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad nyan thos kyi yon tan dang ldan par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o//stong gi cha dang / brgya stong gi cha dang / bye ba khrag khrig brgya stong [(]gyi [,]gi [)]bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni nyan thos dang rang sangs rgyas kyi yon tan rnams te/nyan thos dang rang sangs rgyas kyi yon tan las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad nyan thos kyi yon tan dang ldan par gyur pa 'am/rang sangs rgyas kyi yon tan dang ldan par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad dkar po rnam par mthong ba'i sa la gnas par gyur kyang de dag gi bsod nams des byang chub sems dpa' sems dpa' chen po sems dang po bskyed pa'i bsod nams kyi brgya'i char yang nye bar mi 'gro'o//stong gi cha dang / brgya phrag stong gi cha dang / bye ba khrag khrig brgya phrag stong gi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni dkar po rnam par mthong ba'i sa la gnas pa rnams te/dkar po rnam par mthong ba'i sa 'byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad dkar po rnam par mthong ba'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad rigs kyi sa la gnas par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro/stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni rigs kyi sa la gnas pa rnams te/rigs kyi sa las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad rigs kyi sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad brgyad pa'i sa la gnas par gyur kyang /de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o//dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni brgyad pa'i sa rnams te/ brgyad pa'i sa las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can de dag thams cad brgyad pa'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad mthong ba'i sa la gnas par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o//stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni mthong ba'i sa rnams te/ mthong ba'i sa las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can de dag thams cad mthong ba'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad bsrabs pa'i sa la gnas par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang /brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni bsrabs pa'i sa la gnas pa rnams te/ bsrabs pa'i sa las byung ba ni byang chub sems dpa' sems dpa' chen po rnams ma yin no//stong gsum gyi stong chen po'i 'jig rten gyi khams kyi sems can thams cad bsrabs pa'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad 'dod chags dang bral ba'i sa la gnas par gyur kyang /de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o//dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni 'dod chags dang bral ba'i sa la gnas pa rnams te/ 'dod chags dang bral ba'i sa las byung ba ni byang chub sems dpa' sems dpa' chen po rnams ma yin no//stong gsum gyi stong chen po'i 'jig rten gyi khams kyi sems can thams cad 'dod chags dang bral ba'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad byas pa rtogs pa'i sa la gnas par gyur kyang /de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do//de ci'i phyir zhe na/ byang chub sems dpa' las byung ba ni byas pa rtogs pa'i sa la gnas pa rnams te/ byas pa rtogs pa'i sa las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad byas pa rtogs pa'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad rang sangs rgyas kyi sa la gnas par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o//stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni rang sangs rgyas rnams te/rang sangs rgyas las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad rang sangs rgyas kyi sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad byang chub sems dpa'i skyon med par zhugs par gyur kyang /de dag gi bsod nams des byang chub sems dpa' byang chub tu zhugs pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o//dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni byang chub sems dpa'i skyon med par zhugs pa rnams te/ byang chub sems dpa'i skyon med par zhugs pa las byung ba ni byang chub sems dpa' sems dpa' chen po rnams ma yin no//stong gsum gyi stong chen po'i 'jig rten gyi khams kyi sems can thams cad byang chub sems dpa'i skyon med par zhugs par gyur par lta zhog gi gal te stong gsum gyi stong chen po'i 'jig rten gyi khams kyi sems can de dag thams cad byang chub tu zhugs par gyur kyang de dag gi bsod nams des de bzhin gshegs pa dgra bcom pa yang dag par rdzogs pa'i sangs rgyas kyi bsod nams kyi brgya'i char yang nye bar mi 'gro'o//stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o//grangs su yang mi bzod / char yang mi bzod / bgrang bar yang mi bzod/ dper yang mi bzod/ rgyur yang mi bzod do zhes bya ba ni bar chad med pa'i ting nge 'dzin yin no// //gsol pa bcom ldan 'das byang chub sems dpa' sems dpa' chen po sems dang po bskyed pas ci yid la bgyi/bcom ldan 'das kyis bka' stsal pa/ rnam pa thams cad mkhyen pa nyid yid la bya'o zhes bya ba ni rnam pa thams cad mkhyen pa nyid kyi mtshan nyid sangs rgyas nyid yin no/ /gsol pa bcom ldan 'das rnam pa thams cad mkhyen pa nyid kyi dngos po ji lta bu zhig mchis/dmigs pa ji lta bu zhig mchis/ dbang sgyur ba ji lta bu zhig mchis/ rnam pa ji lta bu zhig mchis/ mtshan nyid ji lta bu zhig mchis/ bcom ldan 'das kyis bka' stsal pa/ rab 'byor rnam pa thams cad mkhyen pa nyid ces bya ba ni dngos po med pa/mtshan nyid med pa/ mtshan ma med pa/ byed pa med pa/ skye ba med pa/ 'byung ba med pa ste/ rab 'byor gang yang 'di skad du rnam pa thams cad mkhyen pa nyid kyi dmigs pa ni ji lta bu/ dbang sgyur ba ni ji lta bu/ rnam pa ni ji lta bu/ mtshan nyid ni ji lta bu zhes zer ba ni/ rab 'byor rnam pa thams cad mkhyen pa nyid kyi dmigs pa ni dngos po med pa/ bdag po ni dran pa/ rnam pa ni zhi ba/ mtshan nyid ni mtshan nyid med pa yin te/ rab 'byor 'di ni rnam pa thams cad mkhyen pa nyid kyi dmigs pa'o/ /'di ni dbang sgyur ba'o//'di ni rnam pa'o/ /'di ni mtshan nyid do zhes bya ba ni rnam pa thams cad mkhyen pa nyid kyi dmigs pa dang / bdag po dang rnam pa yin te/ 'di dag gis ni bar chad med pa'i ting nge 'dzin gsungs pa'o/ /gsol pa bcom ldan 'das ci lags/ rnam pa thams cad mkhyen pa nyid 'ba' zhig dngos po ma mchis pa lags sam/'on te gzugs kyang dngos po ma mchis pa lags/ tshor ba dang / 'du shes dang / 'du byed rnams dang / rnam par shes pa yang dngos po ma mchis pa lags/ skye mched dang / khams dang / rten cing 'brel par 'byung ba yang dngos po ma mchis pa lags/pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yang dngos po ma mchis pa lags/ 'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang /mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyang dngos po ma mchis pa lags/ byams pa chen po dang / snying rje chen po dang / dga' ba chen po dang / btang snyoms chen po yang dngos po ma mchis pa lags/'dus byas kyi khams dang / 'dus ma byas kyi khams kyang dngos po ma mchis pa lags/ bcom ldan 'das kyis bka' stsal pa/ rab 'byor rnam pa thams cad mkhyen pa nyid kyang dngos po med pa'o/ /gzugs dang / tshor ba dang / 'du shes dang / 'du byed rnams dang /rnam par shes pa yang dngos po med pa'o/ /skye mched dang / khams dang / rten cing 'brel par 'byung ba dngos po med pa'o/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun yang dngos po med pa'o/ / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyang dngos po med pa'o/ /byams pa chen po dang / snying rje chen po dang / dga' ba chen po dang / btang snyoms chen po yang dngos po med pa'o//'dus byas dang 'dus ma byas kyi khams kyang dngos po med pa'o/ /de ci'i phyir zhe na/ rab 'byor de ni 'di ltar rnam pa thams cad mkhyen pa nyid la ngo bo nyid med de/ rab 'byor gang la ngo bo nyid med pa de ni dngos po med pa'o/ /gsol pa/ bcom ldan 'das ci'i slad du rnam pa thams cad mkhyen pa nyid la ngo bo nyid ma mchis pa lags/ bcom ldan 'das kyis bka' stsal pa/ rab 'byor sbyor ba las byung ba ni ngo bo nyid med de/ gang la sbyor ba las byung ba'i ngo bo nyid med pa de ni dngos po med pa'o//rab 'byor rnam grangs des na chos thams cad ni dngos po med pa'i ngo bo nyid do zhes bya ba ni dmigs pa 'thad pa la log par rtog pa yin no// //rab 'byor 'di ltar yang chos thams cad ni stong pa nyid kyi ngo bo nyid do/ /chos thams cad ni mtshan ma med pa'i ngo bo nyid do/ / chos thams cad ni smon pa med pa'i ngo bo nyid do/ /rab 'byor 'di ltar yang chos thams cad ni de bzhin nyid kyi ngo bo nyid do/ /chos thams cad ni yang dag pa'i mtha'i ngo bo nyid do/ /chos thams cad ni chos kyi dbyings kyi ngo bo nyid do/ /rab 'byor rnam grangs des kyang 'di ltar chos thams cad ni dngos po med pa'i ngo bo nyid du rig par bya'o//gsol pa/ bcom ldan 'das de ltar gal te chos thams cad dngos po ma mchis pa'i ngo bo nyid lags na/ 'o na byang chub sems dpa' sems dpa' chen po sems dang po bskyed pa thabs gang dang ldan pas sbyin pa'i pha rol tu phyin pa la spyod cing sangs rgyas kyi zhing yongs su dag pa dang /sems can rnams yongs su smin par bgyid pa lags/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod cing sangs rgyas kyi zhing yongs su dag pa dang /sems can rnams yongs su smin par bgyid pa lags/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa la spyod cing sangs rgyas kyi zhing yongs su dag pa dang /sems can rnams yongs su smin par bgyid pa lags/ byams pa dang / snying rje dang / dga' ba dang / btang snyoms la spyod cing sangs rgyas kyi zhing yongs su dag pa dang / sems can rnams yongs su smin par bgyid pa lags/ nam mkha' mtha' yas skye mched dang /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la spyod cing sangs rgyas kyi zhing yongs su dag pa dang / sems can rnams yongs su smin par bgyid pa lags/ nang stong pa nyid dang / phyi stong pa nyid dang /phyi nang stong pa nyid dang / dngos po med pa'i ngo bo nyid stong pa nyid kyi bar du spyod cing sangs rgyas kyi zhing yongs su dag pa dang / sems can rnams yongs su smin par bgyid pa lags/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod cing sangs rgyas kyi zhing yongs su dag pa dang / sems can rnams yongs su smin par bgyid pa lags/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang /mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar la spyod cing sangs rgyas kyi zhing yongs su dag pa dang / sems can rnams yongs su smin par bgyid pa lags/ bcom ldan 'das kyis bka' stsal pa/rab 'byor de ltar chos thams cad dngos po med pa'i ngo bo nyid du yongs su 'dris par byed cing sangs rgyas kyi zhing yongs su dag pa dang / sems can rnams yongs su smin par byed la/ sangs rgyas kyi zhing yongs su dag pa dang / sems can de dag kyang dngos po med pa'i ngo bo nyid du shes pa de nyid byang chub sems dpa' sems dpa' chen po'i thabs mkhas pa ste/byang chub sems dpa' sems dpa' chen po de ni sbyin pa'i pha rol tu phyin pa la spyod cing byang chub kyi lam la yongs su 'dris par byed do/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod cing byang chub kyi lam la yongs su 'dris par byed do/ /nang stong pa nyid dang / phyi stong pa nyid dang /phyi nang stong pa nyid dang / dngos po med pa'i ngo bo nyid stong pa nyid [(]gyi [,]kyi [)]bar la spyod cing byang chub kyi lam la yongs su 'dris par byed do/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod cing byang chub kyi lam la yongs su 'dris par byed do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la spyod cing byang chub kyi lam la yongs su 'dris par byed do//rnam pa thams cad mkhyen pa nyid la spyod cing byang chub kyi lam la yongs su 'dris par byed do/ /byang chub kyi lam de yang dngos po med pa'i ngo bo nyid du rab tu shes te/ byang chub sems dpa' sems dpa' chen po de ni pha rol tu phyin pa drug la spyod cing nam de bzhin gshegs pa'i stobs bcu dang ldan par ma gyur pa dang /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / rnam pa thams cad mkhyen pa nyid dang ldan par ma gyur pa de'i bar du byang chub kyi lam de la yongs su 'dris par byed do//rab 'byor de ni byang chub sems dpa'i lam ste/ lam de la gnas shing pha rol tu phyin pa thams cad yongs su rdzogs par byed do/ /pha rol tu phyin pa yongs su rdzogs par byas nas skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro//de'i tshe de'i bag chags kyi mtshams sbyor ba'i nyon mongs pa thams cad kyang mi skye bar spangs pas yongs su spong bar 'gyur te zhes bya ba ni dmigs pa'i ngo bo nyid la log par rtog pa yin no// //des sangs rgyas kyi spyan gyis stong gsum gyi stong chen po'i 'jig rten gyi khams la rnam par lta ba na dngos po med par yang mi dmigs na/dngos po yod par lta smos kyang ci dgos so/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa yongs su gtong ste/ de ltar sbyin pa yongs su gtong yang mi rtog mtshan mar mi byed de/dngos po yod pa'am dngos po med par yang yid la mi byed do/ /len pa la yang mi rtog mtshan mar mi byed de/ dngos po yod pa'am dngos po med par yang yid la mi byed do/ /gtong ba la yang mi rtog mtshan mar mi byed de/ dngos po yod pa'am dngos po med par yang yid la mi byed do//byang chub kyi sems de yang mi dmigs te/ mtshan mar mi byed yul du mi byed yang dag par rjes su mi mthong ngo / /shes rab kyi pha rol tu phyin pa la spyod pa'i tshe/ tshul khrims srung / bzod pa sgom / brtson 'grus rtsom/ bsam gtan goms par byed/shes rab sgom ste/ de ltar shes rab sgom yang mi rtog mtshan mar mi byed de/ dngos po yod pa'am dngos po med par yang yid la mi byed do/ /gang shes rab de la sgom pa de yang mi rtog mtshan mar mi byed de/ dngos po yod pa'am dngos po med pa yang yid la mi byed do/ / sems can gang gi don du shes rab de la sgom pa de dag la'ang mi rtog mtshan mar mi byed de/ dngos po yod pa'am dngos po med par yang yid la mi byed do/ /nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang /sangs rgyas kyi chos ma 'dres pa dang / rnam pa thams cad mkhyen pa nyid kyi bar la spyod pa'i tshe/ rnam pa thams cad mkhyen pa nyid de la mi rtog mtshan mar mi byed de/ dngos po yod pa'am dngos po med par yang yid la mi byed do/ /bla na med pa yang dag par rdzogs pa'i byang chub kyi bar yang mi rtog mtshan mar mi byed de/dngos po yod pa'am dngos po med par yang yid la mi byed do/ /gang mngon par rdzogs par 'tshang rgya ba dang / gang mngon par rdzogs par 'tshang rgya bar bya ba dang / gang gis mngon par rdzogs par 'tshang rgya bar bya ba de la yang mi rtog mtshan mar mi byed de/dngos po yod pa'am dngos po med par yang yid la mi byed do/ /de ci'i phyir zhe na/ 'di ltar chos thams cad ni dngos po med pa'i ngo bo nyid de de dag sangs rgyas rnams kyis kyang ma mdzad/ rang sangs rgyas dang nyan thos rnams kyis kyang ma byas te/ chos thams cad ni byed pa po med pa byed pa po dang bral ba'o//rab 'byor gyis gsol pa/ bcom ldan 'das de ltar lags na/ chos rnams ni chos rnams nyid dang bral ba lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos rnams ni chos rnams nyid dang bral ba'o//gsol pa/ bcom ldan 'das gal te de ltar chos rnams chos rnams nyid dang bral ba lags na/ ji ltar chos kyis chos la dngos po mchis zhes bgyi ba'am/ dngos po ma mchis zhes bgyi bar yongs su 'tshal bar 'gyur/ bcom ldan 'das dngos po ma mchis pa'i chos kyis dngos po ma mchis pa'i chos yongs su 'tshal bar mi rung ste/dngos po mchis pa'i chos kyis kyang dngos po mchis pa'i chos yongs su 'tshal bar mi rung ngo / /dngos po ma mchis pa'i chos kyis kyang dngos po mchis pa'i chos 'tshal bar mi rung ngo / /dngos po mchis pa'i chos kyis kyang dngos po ma mchis pa'i chos 'tshal bar mi rung ngo //de ltar chos thams cad yongs su 'tshal ba ma mchis pas byang chub sems dpa' sems dpa' chen po la dngos po mchis pa'am dngos po ma mchis par sems par yang ga la 'gyur/ bcom ldan 'das kyis bka' stsal pa/byang chub sems dpa' sems dpa' chen po ni shes rab kyi pha rol tu phyin pa la spyod pa'i tshe/ 'jig rten gyi kun rdzob nye bar bzung bas dngos po yod ces bya ba'am dngos po med ces bya bar ston te/ don dam par ni ma yin no zhes bya ba ni rnam pa thams cad mkhyen pa nyid kyi ye shes la log par rtog pa yin no// //gsol pa/ bcom ldan 'das ci lags/ 'jig rten gyi kun rdzob kyang gzhan zhig la don dam pa yang gzhan zhig lags sam/ bcom ldan 'das kyis bka' stsal pa/ rab 'byor 'jig rten gyi kun rdzob kyang gzhan zhig la don dam pa'ang gzhan zhig yin zhes bya ba yang med de /'jig rten gyi kun rdzob kyi de bzhin nyid gang yin pa de nyid don dam pa'i de bzhin nyid yin yang / de la sems can de dag phyin ci log tu gyur pas de bzhin nyid de mi shes mi mthong ste/ de dag gi don du byang chub sems dpa' sems dpa' chen po 'jig rten gyi kun rdzob kyi dngos po yod ces bya ba'am dngos po med ces bya bar brjod do//rab 'byor 'di ltar yang sems can gang ji snyed cig phung po lnga la dngos po yod pa'i 'du shes su gyur te/ dngos po med par mi shes pa de dag gi don du chos rnams rab tu dbye ba nye bar bzung ste/ dngos po med pa ji ltar shes par 'gyur zhe na de skad du brjod do//rab 'byor byang chub sems dpa' sems dpa' chen pos shes rab kyi pha rol tu phyin pa la de ltar spyad par bya'o zhes bya ba ni bden pa gnyis la log par rtog pa yin no// //de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das byang chub sems dpa'i spyod pa byang chub sems dpa'i spyod pa zhes bgyi na/ de skad du byang chub sems dpa'i spyod pa zhes bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor byang chub sems dpa'i spyod pa byang chub sems dpa'i spyod pa zhes bya ba ni de byang chub kyi don du spyod pas na de'i phyir byang chub sems dpa'i spyod pa zhes bya'o//gsol pa/ bcom ldan 'das byang chub sems dpa' sems dpa' chen po gang la spyod pa lags/ bcom ldan 'das kyis bka' stsal pa/ gzugs stong pa zhes bya bar spyod de/ ci nas kyang blo rnam pa gnyis su mi 'gyur ba de ltar spyod do/ /tshor ba dang / 'du shes dang / 'du byed rnams dang / rnam par shes pa stong pa zhes bya bar spyod de ci nas kyang blo rnam pa gnyis su mi 'gyur ba de ltar spyod do/ /skye mched dang / khams dang / rten cing 'brel par 'byung ba stong pa zhes bya bar spyod do //ci nas kyang blo rnam pa gnyis su mi 'gyur ba de ltar spyod do/ /sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa stong pa zhes bya bar spyod/ nang stong pa nyid dang / dngos po med pa'i ngo bo nyid stong pa nyid kyi bar du stong pa zhes bya bar spyod/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang /byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched stong pa zhes bya bar spyod/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa stong pa zhes bya bar spyod/ 'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams stong pa zhes bya bar spyod/ rnam pa thams cad mkhyen pa nyid kyi bar du stong pa zhes bya bar spyod/ sangs rgyas kyi zhing yongs su dag par bya ba dang /sems can yongs su smin par bya ba dang / spobs pa dang / yi ge mngon par sgrub pa stong pa zhes bya bar spyod/ yi ge la 'jug pa dang / yi ge med pa la 'jug pa stong pa zhes bya bar spyod/ phra mo la 'jug pa stong pa zhes bya bar spyod / gzugs stong pa zhes bya bar spyod/'dus byas kyi khams dang / 'dus ma byas kyi khams stong pa zhes bya bar spyod de/ ci nas kyang blo rnam pa gnyis su mi 'gyur ba de ltar spyod / rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod pa ni byang chub tu spyod pa yin te/de'i phyir byang chub sems dpa'i spyod pa zhes bya'o zhes bya ba ni sbyor ba la log par rtog pa yin no// //bam po drug cu gcig pa/ de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das sangs rgyas sangs rgyas zhes bgyi na sangs rgyas zhes bgyi ba de gang gi tshigs bla dgas lags/bcom ldan 'das kyis bka' stsal pa/ rab 'byor yang dag pa'i don ni sangs rgyas zhes bya ste/ rab 'byor yang 'di ltar des yang dag pa'i chos mngon par rdzogs par sangs rgyas pas de'i phyir sangs rgyas zhes bya'o//yang dag pa'i don rab tu rtogs pas de'i phyir sangs rgyas zhes bya'o/ /rab 'byor yang 'di ltar de chos thams cad ji lta ba bzhin du mngon par rdzogs par sangs rgyas pas de'i phyir sangs rgyas zhes bya'o zhes bya ba ni sangs rgyas dkon mchog la log par rtog pa yin no// // rab 'byor gyis gsol pa/ bcom ldan 'das byang chub byang chub ces bgyi na byang chub ces bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor byang chub ces bya ba de ni stong pa nyid kyi tshig bla dgas so/ /de ni de bzhin nyid kyi tshig bla dgas so//de ni ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha'i tshig bla dgas so/ /rab 'byor yang 'di ltar byang chub ces bya ba de ni de bzhin nyid ma nor ba de bzhin nyid gzhan ma yin pa de bzhin nyid rnam pa gzhan du mi 'gyur ba ste/de'i phyir byang chub ces bya'o/ /rab 'byor 'di ltar yang 'di lta ste/ byang chub ces bya ba 'di ni ming dang mtshan ma tsam ste/ de'i phyir byang chub ces bya'o/ /rab 'byor yang 'di ltar yang dag pa'i don ni byang chub kyi don to//rab 'byor yang 'di ltar de ni chos thams cad ming dang mtshan ma tsam du rtogs par byed pa ste/ de'i phyir byang chub ces bya'o/ /rab 'byor yang 'di ltar dbyer med pa'i don ni byang chub kyi don to/ /rab 'byor yang 'di ltar de ni sangs rgyas bcom ldan 'das rnams kyi byang chub ste/de'i phyir byang chub ces bya'o/ /rab 'byor yang 'di ltar de ni sangs rgyas bcom ldan 'das rnams kyi mngon par rdzogs par sangs rgyas pas na/ de'i phyir byang chub ces bya'o zhes bya ba ni chos dkon mchog la log par rtog pa yin no// // gsol pa/ bcom ldan 'das byang chub sems dpa' sems dpa' chen po gang byang chub 'di'i don du spyod pa de ci pha rol tu phyin pa drug la spyod pa dang / stong pa nyid thams cad la spyod pa dang / byang chub kyi phyogs kyi chos sum cu rtsa bdun la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod pa dang /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod pa dang / rnam pa thams cad mkhyen pa nyid kyi bar la spyod pa lags sam/ chos gang zhig 'ong ba'am/ 'gro ba'am/ nyams pa'am/'phel ba'am/ skye ba'am/ 'gag pa'am/ kun nas nyon mongs pa'am/ rnam par byang ba la spyod pa lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang byang chub 'di la spyod pa dang / pha rol tu phyin pa drug la spyod pa dang /stong pa nyid thams cad la spyod pa dang / byang chub kyi phyogs kyi chos sum cu rtsa bdun la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod pa dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod pa dang /rnam pa thams cad mkhyen pa nyid kyi bar la spyod pa de la chos gang yang tshogs su 'gyur ba'am/ 'grib pa'am/ 'gong ba'am/ 'phel ba'am/ skye ba'am/ 'gag pa'am/ kun nas nyon mongs pa'am/ rnam par byang bar 'gyur ba gang yang med do/ / de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i byang chub ni chos gang yang tshogs su 'gyur ba'am/ 'grib par bya ba'am/ 'gong bar bya ba'am/ 'phel bar bya ba'am/ skye bar bya ba'am/ 'gag par bya ba'am/ kun nas nyon mongs par bya ba'am/rnam par byang bar bya ba'i phyir de dmigs pa'i tshul gyis nye bar gnas par bya ba ma yin no/ /gsol pa/ bcom ldan 'das de ltar gal te byang chub sems dpa' sems dpa' chen po shes rab kyi pha rol tu phyin pa la spyod pa'i byang chub ni chos gang yang tshogs su 'gyur ba'am/'grib par bgyi ba'am/ 'gong bar bgyi ba'am/ 'phel bar bgyi ba'am/ skye bar bgyi ba'am/ 'gag par bgyi ba'am/ kun nas nyon mongs par bgyi ba'am/ rnam par byang bar bgyi ba'i slad du dmigs pa'i tshul gyis nye bar gnas pa ma lags na/bcom ldan 'das 'o na de ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar sbyin pa'i pha rol tu phyin pa yongs su 'dzin par 'gyur/ ji ltar tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su 'dzin par 'gyur/ ji ltar nang stong pa nyid la spyod par 'gyur/ ji ltar dngos po med pa'i ngo bo nyid stong pa nyid kyi bar la spyod par 'gyur/ji ltar dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod par 'gyur/ ji ltar 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod par 'gyur/ ji ltar de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad la spyod par 'gyur/ ji ltar byang chub sems dpa'i sa bcu la spyod par 'gyur/ ji ltar nyan thos kyi sa dang / rang sangs rgyas kyi sa las 'da' bar 'gyur/ ji ltar byang chub sems dpa'i skyon ma mchis par 'jug par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po la ni gnyis su spyod pa'i blo med de/ rab 'byor byang chub sems dpa' sems dpa' chen po ni gnyis kyis sbyin pa'i pha rol tu phyin pa la mi spyod do/ /gnyis kyis tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa la mi spyod do/ /gnyis kyis nang stong pa nyid la mi spyod do/ /gnyis kyis dngos po med pa'i ngo bo nyid stong pa nyid kyi bar la mi spyod do/ /gnyis kyis dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /'phags pa'i lam yan lag brgyad pa la mi spyod do/ /gnyis kyis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mi spyod do/ /gnyis kyis de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la mi spyod do/ /gnyis kyis rnam pa thams cad mkhyen pa nyid kyi bar la mi spyod do//gsol pa/ bcom ldan 'das gal te de ltar gnyis kyis sbyin pa'i pha rol tu phyin pa la mi spyod do / /gnyis kyis tshul khrims kyi pha rol tu phyin pa la mi spyod/ bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa la mi spyod/ gnyis kyis stong pa nyid thams cad dang / byang chub kyi phyogs kyi chos sum cu rtsa bdun la mi spyod/ gnyis kyis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mi spyod/ gnyis kyis de bzhin gshegs pa'i stobs dang /mi 'jigs pa dang / so so yang dag par rig pa dang / sangs rgyas kyi chos ma 'dres pa la mi spyod/ gnyis kyis rnam pa thams cad mkhyen pa nyid kyi bar la mi spyod na/ 'o na de ji ltar byang chub sems dpa' sems dpa' chen po dge ba'i rtsa ba mang pos rnam par spyod pa de dag 'phel bar 'gyur bas sems dang po bskyed pa nas nye bar bzung ste/sems slad ma bskyed pa'i bar du dge ba'i rtsa ba mang pos rnam par 'phel bar 'gyur/ bcom ldan 'das kyis bka' stsal pa/ rab 'byor su gang gnyis la spyod pa de dag ni dge ba'i rtsa ba rnam par 'phel bar mi 'gyur ro//de ci'i phyir zhe na/ rab 'byor byis pa so so'i skye bo thams cad ni gnyis la brten pa ste/ de dag ni dge ba'i rtsa bas rnam par mi 'phel lo/ /byang chub sems dpa' sems dpa' chen po ni gnyis la mi spyod de/ de ni sems dang po bskyed pa nas nye bar bzung ste/sems phyi ma bskyed pa'i bar du dge ba'i rtsa bas rnam par 'phel te/ de ni lha dang mi dang lha ma yin du bcas pa'i 'jig rten gyis mi dge ba'i rtsa ba gang gis nyams smad pas nyan thos kyi sa'am/ rang sangs rgyas kyi sar lhung bar 'gyur ba'am/ mi dge ba'i chos gzhan gyis yongs su phrogs par gyur cing de dag gis yongs su phrogs pas sbyin pa'i pha rol tu phyin pa la spyod na/dge ba'i rtsa ba mang pos rnam par mi 'phel ba dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa la spyod na dge ba'i rtsa ba mang pos rnam par mi 'phel ba dang / nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod na dge ba'i rtsa ba mang pos rnam par mi 'phel ba dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod na dge ba'i rtsa ba mang pos rnam par mi 'phel ba dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod na dge ba'i rtsa ba mang pos rnam par mi 'phel ba dang /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod na dge ba'i rtsa ba mang pos rnam par mi 'phel ba dang / rnam pa thams cad mkhyen pa nyid kyi bar la spyod na dge ba'i rtsa ba mang pos rnam par mi 'phel pa de ltar nyams smad par mi nus te/rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ /gsol pa/ bcom ldan 'das ci lags/ byang chub sems dpa' sems dpa' chen pos dge ba'i rtsa ba rnams kyi slad du shes rab kyi pha rol tu phyin pa la spyad par bgyi'am/bcom ldan 'das kyis bka' stsal pa/ rab 'byor de ni ma yin no/ /byang chub sems dpa' sems dpa' chen po ni dge ba'i rtsa ba rnams kyi phyir shes rab kyi pha rol tu phyin pa la mi spyod do/ /mi dge ba'i rtsa ba rnams kyi phyir yang shes rab kyi pha rol tu phyin pa la mi spyod de/sangs rgyas bcom ldan 'das rnams la bsnyen bkur ma byas/ dge ba'i rtsa ba rnams yongs su rdzogs par ma byas/ dge ba'i bshes gnyen rnams kyis yongs su ma bzung bar byang chub sems dpa' sems dpa' chen pos rnam pa thams cad mkhyen pa nyid thob par mi nus so//gsol pa/ bcom ldan 'das ji ltar sangs rgyas bcom ldan 'das rnams la bsnyen bkur bgyis pa dang / dge ba'i rtsa bas yongs su bzung ba dang / dge ba'i bshes gnyen gyis yongs su bzung ba'i byang chub sems dpa' sems dpa' chen po rnam pa thams cad mkhyen pa nyid thob par 'gyur ba lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ sangs rgyas bcom ldan 'das rnams la bsnyen bkur byed/ sangs rgyas bcom ldan 'das de dag gis mdo dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin tu rgyas pa dang / chos rmad du byung ba dang / rtog pa brjod pa dang /gtan la phab pa bstan pa gang ci gsungs kyang de dag thams cad yongs su 'dzin to/ /yongs su bzung nas kyang tshig gis yongs su 'dris pa dang / yid kyis shin tu brtags pa dang / lta bas rab tu khong du chud par byas shing gzungs rab tu thob par byed do//gzungs rab tu thob nas so so yang dag par rig pa rab tu bskyed do/ /so so yang dag par rig pa bskyed pas de'i tshe rnam par 'phos kyang chos de dag rnam pa thams cad mkhyen pa nyid thob par gyur gyi bar du nam yang chud za bar mi 'gyur te/ de bzhin gshegs pa dgra bcom pa yang dag par rdzogs pa'i sangs rgyas de dag la dge ba'i rtsa ba bskyed cing /dge ba'i rtsa ba de dag gis yongs su bzung na nam yang ngan song dang mi khom par skye bar mi 'gyur ro/ /dge ba'i rtsa ba de dag gis kyang lus yongs su dag pa yongs su 'dzin te/ lus de dag gis kyang sangs rgyas kyi zhing yongs su dag par byed do sems can rnams yongs su smin par byed do//dge ba'i rtsa ba de dag gis yongs su bzung bas dge ba'i bshes gnyen sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos dang rang sangs rgyas kyi theg pa pa'i legs pa ston pa dag dang nam du yang 'bral bar mi 'gyur ro//rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas sangs rgyas bcom ldan 'das rnams la bsnyen bkur bar bya'o/ /dge ba'i rtsa ba rnams bskyed par bya'o//dge ba'i bshes gnyen rnams la brten par bya'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang sangs rgyas bcom ldan 'das rnams la yang bsnyen bkur mi bgyid/dge ba'i rtsa ba yang yongs su rdzogs par mi bgyid la/ dge ba'i bshes gnyen gyis kyang yongs su bzung bar ma gyur na/ byang chub sems dpa' sems dpa' chen po de rnam pa thams cad mkhyen pa nyid thob par mi 'gyur ram/ bcom ldan 'das kyis bka' stsal pa/rab 'byor byang chub sems dpa' sems dpa' chen po gang gis sangs rgyas bcom ldan 'das rnams la bsnyen bkur ma byas/ dge ba'i rtsa ba yongs su rdzogs par ma byas la dge ba'i bshes gnyen gyis yongs su ma bzung bar rnam pa thams cad mkhyen pa nyid thob par 'gyur ba med do//de ci'i phyir zhe na/ sangs rgyas bcom ldan 'das rnams la bsnyen bkur yang byas/ dge ba'i rtsa ba yang yongs su rdzogs par byas dge ba'i bshes gnyen la yang brten par byas kyang da dung rnam pa thams cad mkhyen pa nyid thob par mi nus na/ sangs rgyas bcom ldan 'das rnams la bsnyen bkur ma byas/dge ba'i rtsa ba yongs su rdzogs par ma byas/ dge ba'i bshes gnyen la ma brten pa rnams rnam pa thams cad mkhyen pa nyid thob par 'gyur ba lta ci smos te/ de ni gnas med do/ /rab 'byor de lta bas na byang chub sems dpa' sems dpa' chen po byang chub sems dpa'i ming bden pa la gnas par 'dod pa dang /myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas sangs rgyas bcom ldan 'das rnams la bsnyen bkur bya'o/ /dge ba'i rtsa ba mang po bskyed par bya'o//dge ba'i bshes gnyen la brten par bya'o/ /gsol pa/ bcom ldan 'das ci'i slad du byang chub sems dpa' sems dpa' chen pos sangs rgyas bcom ldan 'das rnams la bsnyen bkur bgyis/ dge ba'i rtsa ba bskyed/ dge ba'i bshes gnyen la brten par bgyis kyang rnam pa thams cad mkhyen pa nyid thob par mi 'gyur/bcom ldan 'das kyis bka' stsal pa/ de ni thabs mkhas pa dang mi ldan pa'i phyir te/ des sangs rgyas bcom ldan 'das de dag las thabs de thob par ma gyur pa'i phyir dge ba'i rtsa ba de lta bu yang ma bskyed/gang de la thabs ston pa'i dge ba'i bshes gnyen de lta bu de dag la'ang ma brten pas de ltar thob par mi 'gyur ro zhes bya ba ni dge 'dun dkon mchog la log par rtog pa yin no// //gsol pa/ bcom ldan 'das byang chub sems dpa' sems dpa' chen po thabs mkhas pa gang dang ldan pas rnam pa thams cad mkhyen pa nyid thob par 'gyur ba'i thabs mkhas pa de gang lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/sbyin pa'i pha rol tu phyin pa la nye bar spyod na rnam pa thams cad mkhyen pa nyid dang ldan pa'i yid la bya bas sangs rgyas bcom ldan 'das rnams dang / rang sangs rgyas dang / nyan thos dang / mi dang mi ma yin par gyur pa dag la sbyin pa yongs su gtong ba de rnam pa thams cad mkhyen pa nyid dang ldan pa'i yid la bya ba de dang ldan pas sbyin pa la yang sbyin pa'i 'du shes su mi 'gyur/len pa la yang len pa'i 'du shes su mi 'gyur/ gtong ba la yang gtong ba'i 'du shes su mi 'gyur ro/ /de ni 'di ltar chos thams cad rang gi mtshan nyid kyis stong par shes shing chos thams cad med pa dang /ma byung ba dang / yongs su ma rdzogs pa dang / mngon par ma grub par mthong zhing chos rnams kyi mtshan nyid la 'jug na yang chos thams cad ni nus pa gang yang med pa'o zhes bya bar 'du byed pa med pa'i mtshan nyid kyis 'jug ste/ de thabs mkhas pa de lta bu dang ldan pas na dge ba'i rtsa bas rnam par 'phel bar sbyin pa'i pha rol tu phyin pa la spyod de/de sbyin pa'i pha rol tu phyin pa la spyod cing sems can rnams yongs su smin par byed/ sangs rgyas kyi zhing yongs su dag par byed kyang gzhan du na sems can thams cad yongs su bskyab pa dang /sems can thams cad yongs su smin par bya ba'i phyir sbyin pa'i pha rol tu phyin pa la spyod pa ma gtogs par sbyin pa'i 'bras bu gang 'khor bar yongs su spyad par bya ba de lta bu'i 'bras bu la smon pa med do/ /rab 'byor gzhan yang byang chub sems dpa' sems dpa' chen po tshul khrims kyi pha rol tu phyin pa la spyod pa'i tshe/sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas tshul khrims bsrungs te/ de la 'dod chags kyi sems sgrib par mi 'gyur/ zhe sdang sgrib par mi 'gyur/gti mug sgrib par mi 'gyur ro/ /bag la nyal ba sgrib par mi 'gyur / kun nas ldang ba sgrib par mi 'gyur te/ mi dge ba'i chos gzhan byang chub kyi gegs su gyur pa 'di lta ste/ ser sna'am/ tshul khrims ngan pa'am/ 'khrugs pa'i sems sam/ le lo'i sems sam/brtson 'grus chung ba'i sems sam/ g.yeng ba'i sems sam/ shes rab 'chal pa'i sems sam/ nga rgyal lam/ brnyas pa'am/ che ba'i nga rgyal lam/ nga'i nga rgyal lam/ nyan thos kyi sems sam/ rang sangs rgyas kyi sems dag kyang sgrib par mi 'gyur ro//de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing chos thams cad med pa dang / ma byung ba dang / yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug na yang chos thams cad ni nus pa gang med pa'o zhes bya bar 'du byed pa med pa'i mtshan nyid kyis 'jug ste/de thabs mkhas pa de lta bu dang ldan pas na dge ba'i rtsa pas rnam par 'phel bar tshul khrims kyi pha rol tu phyin pa la spyod de/ tshul khrims kyi pha rol tu phyin pa la spyod cing sems can rnams yongs su smin par byed/sangs rgyas kyi zhing yongs su dag par byed kyang gzhan du na sems can thams cad yongs su bskyab pa dang / sems can thams cad yongs su smin par bya ba'i tshul khrims kyi pha rol tu phyin pa la spyod pa ma gtogs par tshul khrims kyi 'bras bu gang 'khor bar yongs su spyad par bya ba de lta bu'i 'bras bu la smon pa med do//rab 'byor gzhan yang byang chub sems dpa' sems dpa' chen po bzod pa'i pha rol tu phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas bzod pa sgom ste/de la 'dod chags kyi sems sgrib par mi 'gyur/ zhe sdang sgrib par mi 'gyur/ gti mug sgrib par mi 'gyur/ bag la nyal ba sgrib par mi 'gyur/ kun nas ldang ba sgrib par mi 'gyur/ mi dge ba'i chos gzhan byang chub kyi gegs su 'gyur ba 'di lta ste/ser sna'am/ tshul khrims ngan pa'am/ 'khrugs pa'i sems sam/ le lo'i sems sam/ brtson 'grus chung ba'i sems sam/ g.yeng ba'i sems sam/ shes rab 'chal pa'i sems sam/ nga rgyal lam/ brnyas pa'am/ che ba'i nga rgyal lam/nga'i nga rgyal lam/ nyan thos kyi sems sam/ rang sangs rgyas kyi sems de dag kyang sgrib par mi 'gyur ro/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing / chos thams cad med pa dang / ma byung ba dang / yongs su ma rdzogs pa dang / mngon par ma grub par mthong ste/ chos rnams kyi mtshan nyid la 'jug na yang chos thams cad ni nus pa gang yang med pa'o zhes bya bar 'du byed med pa'i mtshan nyid kyis 'jug ste/ de thabs mkhas pa de lta bu dang ldan pas na dge ba'i rtsa bas rnam par 'phel bar bzod pa'i pha rol tu phyin pa la spyod do//de bzod pa'i pha rol tu phyin pa la spyod cing sems can rnams yongs su smin par byed/ sangs rgyas kyi zhing yongs su dag par byed kyang gzhan du na sems can thams cad yongs su bskyab pa dang / sems can yongs su smin par bya ba'i phyir bzod pa'i pha rol tu phyin pa la spyod pa ma gtogs par bzod pa'i 'bras bu gang 'khor bar yongs su spyad par bya ba de lta bu'i 'bras bu la smon pa med do//rab 'byor gzhan yang byang chub sems dpa' sems dpa' chen po brtson 'grus kyi pha rol tu phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas brtson 'grus rtsom ste/ go cha brtan zhing pha rol gnon pa brtan pas le lo dang snyom las kyi sems mi byed de/ de byang chub kyi don du sdug bsngal yang rtsi bar mi byed do/ / de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing chos thams cad med pa dang / ma byung ba dang / yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug na yang chos thams cad ni nus pa gang yang med pa'o zhes bya bar 'du byed pa med pa'i mtshan nyid kyis 'jug ste/de thabs mkhas pa de lta bu dang ldan pas na dge ba'i rtsa bas rnam par 'phel bar brtson 'grus kyi pha rol tu phyin pa la spyod de / de brtson 'grus kyi pha rol tu phyin pa la spyod cing sems can rnams yongs su smin par byed/sangs rgyas kyi zhing yongs su dag par byed kyang gzhan du na sems can thams cad yongs su bskyab pa dang / sems can yongs su smin par bya ba'i phyir brtson 'grus kyi pha rol tu phyin pa la spyod pa ma gtogs par brtson 'grus kyi 'bras bu gang 'khor bar yongs su spyad par bya ba de lta bu'i 'bras bu la smon pa med do//rab 'byor gzhan yang byang chub sems dpa' sems dpa' chen po bsam gtan gyi pha rol tu phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas bsam gtan rnams la snyoms par 'jug ste/mig gis gzugs mthong na mtshan mar 'dzin par mi 'gyur/ mngon rtags su 'dzin par mi 'gyur zhing / gzhi ji lta ba bzhin du mig gi dbang po sdom pas ma bsdams par gnas pas na sems la gnas pa'i brnab sems dang /yid mi bde ba dang / sdig pa mi dge ba'i chos sems la brten pa de dag bsdam par bya ba'i phyir sgrub par byed cing mig gi dbang po srung bar byed do/ /de bzhin du rna bas sgra thos pa dang / snas dri bsnams pa dang / lces ro myangs pa dang / lus kyis reg bya la reg pa dang / yid kyis chos shes nas mtshan mar 'dzin par mi 'gyur/mngon rtags su 'dzin par mi 'gyur zhing / gzhi ji lta ba bzhin du yid kyi dbang po sdom pas ma bsdams par gnas pa na brnab sems dang / yid mi bde ba dang / sdig pa mi dge ba sems la brten par gyur pa de dag sdom pa'i phyir sgrub par byed cing yid kyi dbang po srung bar byed do//de 'gro ba'am / 'greng ba'am/ 'dug pa'am/ nyal ba dang mi smra bar gyur pa na yang mnyam par gzhag pa'i gnas skabs mi spong rnam par mi spong zhing de lag pa mi rgod par 'gyur/ rkang pa mi rgod par 'gyur/ kha mi rtsub par 'gyur/ngag mi mang bar 'gyur te/ mig mi g.yeng zhing dbang po mi g.yeng ba dang / mi rgod pa dang / sems mi g.yo ba dang / lus ma 'khrul pa dang / sems ma 'khrul pa dang / lus zhi ba dang / ngag zhi ba dang / sems zhi ba dang / ngo lkog med par spyod lam ma bcos pa dang /zas dang / skom dang / mal stan dang / na ba'i rkyen sman dang / yo byad ci 'dra 'dras chog shes pa dang / dgang sla ba dang / gso sla ba dang / chog dang / spyod yul dge ba dang / 'du 'dzi yang dben pa'i spyod yul can nyid dang / rnyed pa dang ma rnyed pa la yang mnyam zhing rnam par mi 'gyur la mtho dman med pa dang /bde ba dang sdug bsngal ba dang / bstod pa dang / smad pa dang / grags pa dang ma grags pa dang / gson pa dang / shi ba la yang snyoms shing rnam par mi 'gyur la/ mtho dman med pa dang / dgra dang bshes dang / legs pa dang / mi legs pa dang /yid du 'ong bar gnas pa dang / yid du mi 'ong bar gnas pa dang / sgra snyan pa dang / sgra mi snyan pa dang / 'dres pa dang / ma 'dres pa rnams la yang snyoms shing rnam par mi 'gyur la mtho dman med pa dang / gzugs sdug pa dang mi sdug pa rnams la rjes su mthun pa dang mi mthun pa dang bral ba yin te/de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing chos thams cad med pa dang / ma byung ba dang / yongs su ma rdzogs pa dang / mngon par ma grub par mthong ste/ chos rnams kyi mtshan nyid la 'jug na yang chos thams cad ni nus pa gang yang med pa'o zhes bya bar 'du byed pa med pa'i mtshan nyid kyis 'jug ste/de thabs mkhas pa de lta bu dang ldan pas na/ dge ba'i rtsa bas rnam par 'phel bar bsam gtan gyi pha rol tu phyin pa la spyod de/ de bsam gtan gyi pha rol tu phyin pa la spyod cing sems can rnams yongs su smin par byed/sangs rgyas kyi zhing yongs su dag par byed kyang gzhan du na sems can thams cad yongs su bskyab pa dang / sems can rnams yongs su smin par bya ba'i phyir bsam gtan gyi pha rol tu phyin pa la spyod pa ma gtogs par bsam gtan gyi 'bras bu gang 'khor ba yongs su spyad par bya ba de lta bu'i 'bras bu la smon pa med do//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas shes rab bsgom ste/shes rab 'chal par mi 'gyur/ gzhan gyis bkri bar mi 'gyur zhing ngar 'dzin pa dang / nga yir 'dzin pa dang bral ba dang / bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / tshor ba po dang / shes pa po dang / mthong ba por 'dzin pa dang bral ba dang / stong pa nyid thams cad du 'dzin pa dang bral ba dang / rnam par 'gyur ba med cing rnam par rtog pa med par 'gyur te/ de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing /chos thams cad med pa dang / ma byung ba dang / yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug pa na yang chos thams cad ni nus pa gang yang med pa'o zhes bya bar 'du byed pa med pa'i mtshan nyid kyis 'jug ste/de thabs mkhas pa de lta bu dang ldan pas na dge ba'i rtsa bas rnam par 'phel bar shes rab kyi pha rol tu phyin pa la spyod de/ de shes rab kyi pha rol tu phyin pa la spyod cing sems can rnams yongs su smin par byed/ sangs rgyas kyi zhing yongs su dag par byed kyang /gzhan du na sems can thams cad yongs su bskyab pa dang / sems can rnams yongs su smin par bya ba'i phyir shes rab kyi pha rol tu phyin pa la spyod pa ma gtogs par shes rab kyi 'bras bu gang 'khor bar yongs su spyad par bya ba de lta bu'i 'bras bu la smon pa med do/ /rab 'byor gzhan yang byang chub sems dpa' sems dpa' chen po bsam gtan dang po la snyoms par 'jug pa dang /bsam gtan gnyis pa la snyoms par 'jug pa dang / bsam gtan gsum pa la snyoms par 'jug pa dang / bsam gtan bzhi pa la snyoms par 'jug pa dang / tshad med pa dang /gzugs med pa'i snyoms par 'jug pa la snyoms par 'jug kyang / de dag gi rnam par smin pa yongs su mi 'dzin to/ /de ci'i phyir zhe na/ 'di ltar de ni thabs mkhas pa dang ldan pa yin te/ thabs mkhas pa des bsam gtan dang / tshad med pa dang /gzugs med pa'i snyoms par 'jug pa de dag rang gi mtshan nyid kyis stong par shes so/ /med pa dang / ma byung ba dang / yongs su ma rdzogs pa dang / mngon par ma grub par shes so/ /chos rnams kyi chos kyi mtshan nyid la yang 'jug ste/ chos thams cad kyi 'du byed kyi mtshan nyid cung zad nus pa med pa nyid la yang 'jug par byed do//de thabs mkhas pa de dang ldan pas dge ba'i chos rnams kyis rnam par 'phel te/ dge ba'i chos rnams kyis rnam par 'phel ba na bsam gtan dang / gzugs med pa'i snyoms par 'jug pa la snyoms par 'jug go/ / rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ thabs mkhas pa dang ldan pas mthong ba dang bsgom pas spang ba'i lam la spyod kyang rgyun du zhugs pa'i 'bras bu thob par mi byed/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par mi byed/ rang byang chub thob par mi byed do/ /de ci'i phyir zhe na/ 'di ltar de ni chos thams cad rang gi mtshan nyid kyis stong par shes shing chos thams cad med pa dang / ma byung ba dang / yongs su ma rdzogs pa dang / mngon par ma grub par shes te/byang chub kyi phyogs kyi chos de dag la spyod cing nyan thos kyi sa dang / rang sangs rgyas kyi sa las yongs su 'da' ste/ rab 'byor 'di ni byang chub sems dpa' sems dpa' chen po'i mi skye ba'i chos la bzod pa'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/rnam par thar pa brgyad la snyoms par 'jug /mthar gyis gnas pa'i snyoms par 'jug pa dgu la snyoms par 'jug /'phags pa'i bden pa bzhi sgom par byed/ stong pa nyid dang / mtshan ma med pa dang / smon pa med pa rnams la snyoms par 'jug ste/ rgyun du zhugs pa'i 'bras bu thob par mi byed/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par mi byed do/ /de ci'i phyir zhe na/ 'di ltar de ni chos thams cad rang gi mtshan nyid kyis stong par shes so//chos thams cad med pa dang / ma byung bar shes so/ /chos thams cad yongs su ma rdzogs par shes so/ /chos thams cad mngon par ma grub par shes so/ /chos thams cad kyi chos kyi mtshan nyid la yang 'jug ste/ chos thams cad kyi 'du byed kyi mtshan nyid cung zad mi byed pa nyid la yang 'jug par byed do//de thabs mkhas pa de dang ldan pas dge ba'i chos rnams kyis rnam par 'phel te/ de dge ba'i chos rnams kyis rnam par 'phel ba ni rnam par thar pa dang / ting nge 'dzin dang / snyoms par 'jug pa dang / 'phags pa'i bden pa dang / stong pa nyid dang /mtshan ma med pa dang / smon pa med pa rnams la spyod par byed do/ /de rnam par thar pa dang / ting nge 'dzin dang / snyoms par 'jug pa dang / 'phags pa'i bden pa dang / stong pa nyid dang / mtshan ma med pa dang / smon pa med pa rnams la spyod pa na/ nyan thos dang / rang sangs rgyas kyi sa las 'da' bar byed do//rab 'byor 'di ni byang chub sems dpa' sems dpa' chen po'i mi skye ba'i chos la lung bstan pa'i bzod pa'o/ /rab 'byor gzhan yang byang chub sems dpa' sems dpa' chen po de bzhin gshegs pa'i stobs bcu la yongs su 'dris par byed/ mi 'jigs pa bzhi dang / so so yang dag par rig pa bzhi la yongs su 'dris par byed/ sangs rgyas kyi chos ma 'dres pa bco brgyad la yongs su 'dris par byed/ byams pa chen po dang / snying rje chen po la yongs su 'dris par byed do / /nam sangs rgyas kyi zhing yongs su dag par ma gyur pa dang /sems can rnams yongs su smin par ma gyur gyi bar du rnam pa thams cad mkhyen pa nyid thob par mi byed do/ /de ci'i phyir zhe na/ 'di ltar de chos thams cad rang gi mtshan nyid kyis stong par shes so/ /chos thams cad med pa dang / ma byung ba dang / mngon par ma grub par mthong ngo //chos thams cad kyi mtshan nyid de la yang 'jug par byed de/ chos thams cad kyi 'du shes kyi mtshan nyid cung zad mi byed pa nyid la yang 'jug par byed do/ /de thabs mkhas pa dang ldan pas dge ba'i chos rnams kyis rnam par 'phel te/ de dge ba'i chos rnams kyis rnam par 'phel ba na stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / byams pa chen po dang / snying rje chen po la spyod cing sangs rgyas kyi zhing yongs su dag par byed/ sems can rnams kyang yongs su smin par byed par 'gyur ro//rab 'byor de ltar byang chub sems dpa' sems dpa' chen pos shes rab kyi pha rol tu phyin pa la spyad par bya'o/ /gsol pa/ bcom ldan 'das byang chub sems dpa' sems dpa' chen po de lta bu'i chos zab mo dag la spyod kyang rnam par smin pa yongs su mi 'dzin pa ni blo dam pa dang ldan pa lags so//bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang de lta bu'i chos zab mo dag la spyod cing rnam par smin pa yongs su mi 'dzin pa ni blo dam pa dang ldan pa'o//de ci'i phyir zhe na/ rab 'byor de ni byang chub sems dpa' sems dpa' chen po ngo bo nyid la mi g.yo'o/ /gsol pa/ bcom ldan 'das ngo bo nyid gang las mi g.yo ba lags/ bcom ldan 'das kyis bka' stsal pa/ dngos po med pa las mi g.yo ba yin te/ rab 'byor gang yang 'di skad du ngo bo nyid gang las mi g.yo zhes zer ba ni gzugs kyi ngo bo nyid las mi g.yo'o//tshor ba dang / 'du shes dang / 'du byed rnams dang / rnam par shes pa'i ngo bo nyid las mi g.yo'o/ /skye mched dang / khams dang / rten cing 'brel par 'byung ba'i ngo bo nyid las mi g.yo'o//sbyin pa'i pha rol tu phyin pa'i ngo bo nyid las mi g.yo'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid las mi g.yo'o//nang stong pa nyid dang / phyi stong pa nyid dang / phyi nang stong pa nyid kyi ngo bo nyid las mi g.yo'o/ /dngos po med pa'i ngo bo nyid stong pa nyid kyi bar gyi ngo bo nyid las mi g.yo'o/ /bsam gtan dang / tshad med pa dang / gzugs med pa'i snyoms par 'jug pa'i ngo bo nyid las mi g.yo'o//dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i ngo bo nyid las mi g.yo'o/ /'phags pa'i bden pa'i ngo bo nyid las mi g.yo'o/ /stong pa nyid kyi ting nge 'dzin dang /mtshan ma med pa'i ting nge 'dzin dang / smon pa med pa'i ting nge 'dzin gyi ngo bo nyid las mi g.yo'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa dang / ting nge 'dzin dang / gzungs kyi sgo'i ngo bo nyid las mi g.yo'o//byams pa chen po dang / snying rje chen po'i ngo bo nyid las mi g.yo'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa'i ngo bo nyid las mi g.yo'o/ /de ci'i phyir zhe na/ rab 'byor de ni 'di ltar chos 'di dag gi ngo bo nyid gang yin pa de ni dngos po med pa'o //rab 'byor dngos po med pas ni dngos po med pa mngon par rdzogs par 'tshang rgya bar bya bar mi nus so zhes bya ba ni thabs la mkhas pa la log par rtog pa yin no// //gsol pa/ bcom ldan 'das ci lags/ dngos po ma mchis pas dngos po ma mchis pa mngon par rdzogs par 'tshang rgya bar bgyi bar nus sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ 'o na dngos pos dngos po mngon par rdzogs par 'tshang rgya bar bgyi bar nus sam/ bcom ldan 'das kyis bka' stsal pa/rab 'byor de ni ma yin no/ /gsol pa/ bcom ldan 'das 'o na dngos pos dngos po ma mchis par mngon par rdzogs par 'tshang rgya bar bgyi bar nus sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das 'o na dngos po ma mchis pas dngos po ma mchis pa mngon par rdzogs par 'tshang rgya bar bgyi bar nus sam/bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das 'o na gal te de ltar dngos po ma mchis pas dngos po ma mchis pa mngon par rtogs par mi 'gyur/dngos pos kyang dngos po mngon par rtogs par mi 'gyur/ dngos pos kyang dngos po ma mchis pa mngon par rtogs par mi 'gyur/ dngos po ma mchis pas kyang dngos po mngon par rtogs par mi 'gyur na/ bcom ldan 'das de'i slad du thob pa ma mchis shing mngon par rtogs pa ma mchis pa'am gcig tu mi 'gyur ram/ bcom ldan 'das kyis bka' stsal pa/ mngon par rtogs pa ni yod mod kyi/ rnam pa bzhir mngon par sgrub pa de lta bus ni ma yin no/ /gsol pa/ bcom ldan 'das 'o na da mngon par rtogs par 'gyur ba ji lta bu zhig mchis/bcom ldan 'das kyis bka' stsal pa/ gang la dngos po yang med dngos po med pa yang ma yin pa de lta bu ni mngon par rtogs pa ste/ de la spros pa de dag med pas spros pa med cing spros pa dang bral ba ni mngon par rtogs pa'o zhes bya ba ni mngon par rtogs pa la log par rtog pa yin no// //gsol pa/ bcom ldan 'das byang chub sems dpa' sems dpa' chen po'i spros pa gang lags/ bcom ldan 'das kyis bka' stsal pa/ gzugs rtag ces bya ba'am/ mi rtag ces bya ba ni byang chub sems dpa' sems dpa' chen po'i spros pa'o//tshor ba dang / 'du shes dang / 'du byed rnams dang / rnam par shes pa rtag ces bya ba'am/ mi rtag ces bya ba ni byang chub sems dpa' sems dpa' chen po'i spros pa'o/ /gzugs bde zhes bya ba'am/ sdug bsngal zhes bya ba ni byang chub sems dpa' sems dpa' chen po'i spros pa'o//tshor ba dang / 'du shes dang / 'du byed rnams dang / rnam par shes pa bde zhes bya ba'am/ sdug bsngal zhes bya ba ni byang chub sems dpa' sems dpa' chen po'i spros pa'o/ /gzugs bdag ces bya ba'am bdag med ces bya ba ni byang chub sems dpa' sems dpa' chen po'i spros pa'o//tshor ba dang / 'du shes dang / 'du byed rnams dang / rnam par shes pa bdag ces bya ba 'am/ bdag med ces bya ba ni byang chub sems dpa' sems dpa' chen po'i spros pa'o/ /gzugs zhi zhes bya ba'am/ ma zhi zhes bya ba ni byang chub sems dpa' sems dpa' chen po'i spros pa'o//tshor ba dang / 'du shes dang / 'du byed rnams dang / rnam par shes pa zhi zhes bya ba'am/ ma zhi zhes bya ba ni byang chub sems dpa' sems dpa' chen po'i spros pa'o/ /gzugs yongs su shes par bya ba dang / yongs su shes par bya ba ma yin zhes bya ba ni byang chub sems dpa' sems dpa' chen po'i spros pa'o//tshor ba dang / 'du shes dang / 'du byed rnams dang / rnam par shes pa yongs su shes par bya ba dang / yongs su shes par bya ba ma yin zhes bya ba ni byang chub sems dpa' sems dpa' chen po'i spros pa'o//skye mched dang / khams dang / rten cing 'brel par 'byung ba rtag ces bya ba dang / mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / yongs su shes par bya ba dang / yongs su shes par bya ba ma yin zhes bya ba ni byang chub sems dpa' sems dpa' chen po'i spros pa'o//sdug bsngal yongs su shes par bya'o zhes bya ba ni byang chub sems dpa' sems dpa' chen po'i spros pa'o/ /kun 'byung ba spang bar bya'o zhes bya ba dang / 'gog pa mngon du bya'o zhes bya ba dang / lam bsgom par bya'o zhes bya ba ni byang chub sems dpa' sems dpa' chen po'i spros pa'o/ /pha rol tu phyin pa drug pa la spyad par bya'o zhes bya ba ni byang chub sems dpa' sems dpa' chen po'i spros pa'o/ /nang stong pa nyid bsgom par bya'o zhes bya ba ni byang chub sems dpa' sems dpa' chen po'i spros pa'o//dngos po med pa'i ngo bo nyid stong pa nyid kyi bar du bsgom par bya'o zhes bya ba ni byang chub sems dpa' sems dpa' chen po'i spros pa'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po dang / stobs dang / byang chub kyi yan lag bdun dang / 'phags pa'i lam yan lag brgyad pa bsgom par bya'o zhes bya ba ni byang chub sems dpa' sems dpa' chen po'i spros pa'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo bsgom par bya'o zhes bya ba ni byang chub sems dpa' sems dpa' chen po'i spras pa'o//rgyun du zhugs pa'i 'bras bu shes pa dang mthong bas bltas te de las 'da' bar bya'o zhes bya ba ni byang chub sems dpa' sems dpa' chen po'i spros pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa dang /rang byang chub shes pa dang / mthong ba bltas te de las 'da' bar bya'o zhes bya ba ni byang chub sems dpa' sems dpa' chen po'i spros pa'o/ /byang chub sems dpa'i sa bcu yongs su rdzogs par bya'o zhes bya ba ni byang chub sems dpa' sems dpa' chen po'i spros pa'o/ /byang chub sems dpa'i skyon med par 'jug par bya'o zhes bya ba ni byang chub sems dpa' sems dpa' chen po'i spros pa'o//sangs rgyas kyi zhing yongs su dag par bya'o zhes bya ba dang / sems can yongs su smin par bya'o zhes bya ba ni byang chub sems dpa' sems dpa' chen po'i spros pa'o/ / de bzhin gshegs pa'i stobs bcu bskyed par bya'o zhes bya ba dang / mi 'jigs pa bzhi bskyed par bya'o zhes bya ba dang / so so yang dag par rig pa bzhi bskyed par bya'o zhes bya ba dang / byams pa chen po dang / snying rje chen po dang / sangs rgyas kyi chos ma 'dres pa bco brgyad bskyed par bya'o zhes bya ba ni byang chub sems dpa' sems dpa' chen po'i spros pa'o//rnam pa thams cad mkhyen pa nyid thob par bya'o zhes bya ba ni byang chub sems dpa' sems dpa' chen po'i spros pa'o/ /bag chags kyi mtshams sbyor ba'i nyon mongs pa thams cad spang bar bya'o zhes bya ba ni byang chub sems dpa' sems dpa' chen po'i spros pa'o//de bas na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs rtag pa dang mi rtag par spro ba 'phro bar mi byed do/ /bde ba dang sdug bsngal zhes bya ba dang / bdag dang bdag med ces bya ba dang /zhi ba dang ma zhi zhes bya ba dang / yongs su shes par bya ba dang / yongs su shes par bya ba ma yin zhes bya bar spro ba 'phro bar mi byed do/ /tshor ba dang / 'du shes dang / 'du byed rnams dang / rnam par shes pa rtag ces bya ba'am mi rtag ces bya bar spro ba 'phro bar mi byed do//bde ba dang sdug bsngal zhes bya ba dang / bdag dang bdag med ces bya ba dang / zhi ba dang ma zhi zhes bya ba dang / yongs su shes par bya ba dang / yongs su shes par bya ba ma yin zhes bya bar spro ba 'phro bar mi byed do/ /skye mched dang / khams dang / rten cing 'brel par 'byung ba rtag pa dang mi rtag ces bya ba dang /bde ba dang sdug bsngal zhes bya ba dang / bdag dang bdag med ces bya ba dang / zhi ba dang ma zhi zhes bya ba dang / yongs su shes par bya ba dang / yongs su shes par bya ba ma yin zhes bya bar spro ba 'phro bar mi byed do/ /pha rol tu phyin pa thams cad dang / stong pa nyid thams cad dang /byang chub kyi phyogs kyi chos sum cu rtsa bdun rtag pa dang mi rtag pa zhes bya ba dang / bde ba dang sdug bsngal zhes bya ba dang / bdag dang bdag med ces bya ba dang / zhi ba dang ma zhi zhes bya ba dang / yongs su shes par bya ba dang / yongs su shes par bya ba ma yin zhes bya bar spro ba 'phro bar mi byed do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo rnams la bsgom par bya'o zhes bya bar spro ba 'phro bar mi byed do/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub shes pa dang mthong bas bltas te de las 'da' bar bya'o zhes bya bar spro ba 'phro bar mi byed do//byang chub sems dpa'i sa bcu yongs su rdzogs par bya'o zhes bya bar spro ba 'phro bar mi byed do/ /byang chub sems dpa'i skyon med par 'jug par bya'o zhes bya bar spro ba 'phro bar mi byed do//sangs rgyas kyi zhing yongs su dag par bya'o zhes bya ba dang / sems can rnams yongs su smin par bya'o zhes bya bar spro ba 'phro bar mi byed do/ /de bzhin gshegs pa'i stobs bcu bskyed par bya'o zhes bya bar spro ba 'phro bar mi byed do/ /mi 'jigs pa bzhi bskyed par bya'o zhes bya bar spro ba 'phro bar mi byed do//so so yang dag par rig pa bzhi bskyed par bya'o zhes bya bar spro ba 'phro bar mi byed do/ /byams pa chen po dang / snying rje chen po bskyed par bya'o zhes bya bar spro ba 'phro bar mi byed do/ /sangs rgyas kyi chos ma 'dres pa bco brgyad bskyed par bya'o zhes bya bar spro ba 'phro bar mi byed do//rnam pa thams cad mkhyen pa nyid thob par bya'o zhes bya bar spro ba 'phro bar mi byed do/ /bag chags kyi mtshams sbyor ba'i nyon mongs pa thams cad spang bar bya'o zhes bya bar spro ba 'phro bar mi byed do/ /de ci'i phyir zhe na/ ngo bo nyid ni ngo bo nyid la 'phro bar mi byed/dngos po med pa yang dngos po med pa la 'phro bar mi byed do/ /ngo bo nyid dang dngos po med pa ma gtogs pa chos gzhan gang yang 'phro bar byed pa'am/ gang la 'phro bar bya ba de lta bu gang yang med do/ /rab 'byor de lta bas na gzugs ni spror med pa'o/ /tshor ba dang / 'du shes dang /'du byed rnams dang / rnam par shes pa ni spror med pa'o/ /skye mched dang / khams dang / rten cing 'brel par 'byung ba ni spror med pa'o/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun ni spror med pa'o/ / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ni spror med pa'o/ /rgyun du zhugs pa'i 'bras bu ni spror med pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid ni spror med pa'o/ /rang byang chub ni spror med pa'o/ /byang chub sems dpa'i sa rnams ni spror med pa'o//byang chub sems dpa'i skyon med pa ni spror med pa'o/ /sangs rgyas kyi zhing yongs su dag par bya ba dang / sems can yongs su smin par bya ba ni spror med pa'o/ /de bzhin gshegs pa'i stobs bcu ni spror med pa'o/ /mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bco brgyad ni spror med pa'o/ /rnam pa thams cad mkhyen pa nyid ni spror med pa'o/ /bag chags kyi mtshams sbyor ba'i nyon mongs pa thams cad spangs pa ni spror med pa'o/ /rab 'byor de ltar byang chub sems dpa' sems dpa' chen pos spror med pa'i shes rab kyi pha rol tu phyin pa la spyad par bya'o//rab 'byor gyis gsol pa/ bcom ldan 'das ji ltar gzugs spros pa ma mchis pa nas rnam par shes pa'i bar du spros pa ma mchis pa lags/ de bzhin du sbyar te/ ji ltar byang chub kyi bar du spros pa med pa lags/bcom ldan 'das kyis bka' stsal pa/ rab 'byor 'di ltar yang gzugs la ngo bo nyid med do/ /tshor ba dang / 'du shes dang / 'du byed rnams dang / rnam par shes pa la ngo bo nyid med do/ /skye mched dang / khams dang / rten cing 'brel par 'byung ba la ngo bo nyid med do//pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum cu rtsa bdun la ngo bo nyid med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba brgyad dang /mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la ngo bo nyid med do/ /rgyun du zhugs pa'i 'bras bu la ngo bo nyid med do//lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la ngo bo nyid med do/ /rang byang chub la ngo bo nyid med do/ /byang chub sems dpa'i sa rnams la ngo bo nyid med do/ /byang chub sems dpa'i skyon med pa la ngo bo nyid med do//sangs rgyas kyi zhing yongs su dag par bya ba dang / sems can yongs su smin par bya ba la ngo bo nyid med do/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams la ngo bo nyid med do//rnam pa thams cad mkhyen pa nyid la ngo bo nyid med do/ /gang la ngo bo nyid med pa de ni spror med pa ste/ rab 'byor de'i phyir na gzugs dang / tshor ba dang / 'du shes dang / 'du byed rnams dang / rnam par shes pa ni spror med pa'o/ /skye mched dang / khams dang / rten cing 'brel par 'byung ba ni spror med pa'o/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos rnams ni spror med do / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ni spror med pa'o/ /rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid ni spror med pa'o/ /rang byang chub ni spror med pa'o/ /byang chub sems dpa'i sa rnams ni spror med pa'o/ /byang chub sems dpa'i skyon med pa ni spror med pa'o/ /sangs rgyas kyi zhing yongs su dag par bya ba dang / sems can yongs su smin par bya ba ni spror med pa'o//de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams ni spror med pa'o/ /rnam pa thams cad mkhyen pa nyid ni spror med pa'o//rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub sems dpa'i skyon med pa la 'jug go/ /gsol pa/ bcom ldan 'das gal te de ltar chos gang la yang ngo bo nyid dmigs su ma mchis na byang chub sems dpa' sems dpa' chen po nyan thos kyi lam mam/rang sangs rgyas kyi lam mam/ yang dag par rdzogs pa'i sangs rgyas kyi lam mam lam gang gis byang chub sems dpa'i skyon ma mchis par 'jug par 'gyur / bcom ldan 'das kyis bka' stsal pa/ rab 'byor byang chub sems dpa' sems dpa' chen po ni nyan thos kyi lam gyis byang chub sems dpa'i skyon med par mi 'jug /rang sangs rgyas kyi lam gyis byang chub sems dpa'i skyon med par mi 'jug /rab 'byor 'di ltar byang chub sems dpa' sems dpa' chen po ni lam thams cad la bslabs shing byang chub sems dpa'i skyon med par 'jug go//'di lta ste dper na dgra bcom pa ni chos thams cad la bslabs shing yang dag pa'i skyon med pa la 'jug ste/ nam 'bras bu'i lam ma grub kyi bar du 'bras bu thob par mi byed do/ /rab 'byor de bzhin du byang chub sems dpa' sems dpa' chen po yang lam thams cad bsgrubs shing byang chub sems dpa'i skyon med par 'jug ste/nam rdo rje lta bu'i ting nge 'dzin ma thob kyi bar du rnam pa thams cad mkhyen pa nyid thob par mi byed do/ /des ting nge 'dzin de thob ma thag tu skad cig gcig dang ldan pa'i shes rab kyis rnam pa thams cad mkhyen pa nyid thob par byed do zhes bya ba ni phyin ci log la log par rtog pa yin no// //gsol pa/ bcom ldan 'das gal te de ltar byang chub sems dpa' sems dpa' chen pos lam thams cad yongs su rdzogs par bgyis te/ byang chub sems dpa'i skyon ma mchis par 'jug par bgyi na/bcom ldan 'das 'di ltar brgyad pa'i lam yang gzhan/ rgyun du zhugs pa'i lam yang gzhan/ lan cig phyir 'ong bar zhugs pa'i lam yang gzhan/ lan cig phyir 'ong ba'i lam yang gzhan/ phyir mi 'ong bar zhugs pa'i lam yang gzhan/phyir mi 'ong ba'i lam yang gzhan/ dgra bcom par zhugs pa'i lam yang gzhan/ dgra bcom pa'i lam yang gzhan/ rang sangs rgyas su zhugs pa'i lam yang gzhan/ rang sangs rgyas kyi lam yang gzhan/ de bzhin gshegs pa dgra bcom pa yang dag par rdzogs pa'i sangs rgyas kyi lam yang gzhan te/bcom ldan 'das gal te lam de dag gzhan dang gzhan na/ ji ltar byang chub sems dpa' sems dpa' chen pos lam thams cad yongs su rdzogs par bgyis te/ byang chub sems dpa'i skyon ma mchis par 'jug par bgyi/bcom ldan 'das gal te byang chub sems dpa' sems dpa' chen pos lam thams cad yongs su rdzogs par bgyis na/ byang chub sems dpa' sems dpa' chen po de dag brgyad pa'i lam bsgrubs shing brgyad par mi 'gyur ram/ mthong ba'i lam bsgrubs shing rgyun du zhugs par mi 'gyur ram/bsgom pa'i lam bsgrubs shing lan cig phyir 'ong bar zhugs pa'am/ lan cig phyir 'ong bar mi 'gyur ram/ phyir mi 'ong bar zhugs pa'am/ phyir mi 'ong bar mi 'gyur ram/ dgra bcom par zhugs pa'am/ dgra bcom par mi 'gyur ram/ rang sangs rgyas kyi lam bsgrubs shing rang sangs rgyas su mi 'gyur ram/bcom ldan 'das byang chub sems dpa' sems dpa' chen po ni brgyad par gyur nas byang chub sems dpa'i skyon ma mchis par 'jug pa'i gnas dang skabs ma mchis te/ de ni gnas ma lags so/ /byang chub sems dpa'i skyon ma mchis par ma chud par yang rnam pa thams cad mkhyen pa nyid thob par 'gyur ba'i gnas ma mchis/rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob nas byang chub sems dpa'i skyon ma mchis par 'jug pa'i gnas ma mchis/byang chub sems dpa'i skyon ma mchis par ma chud par rnam pa thams cad mkhyen pa nyid thob par 'gyur ba'i gnas ma mchis na bcom ldan 'das de ltar byang chub sems dpa' sems dpa' chen po lam thams cad yongs su rdzogs par bgyis shing byang chub sems dpa'i skyon ma mchis par 'jug par 'gyur ba dang /byang chub sems dpa'i skyon ma mchis par chud par gyur nas rnam pa thams cad mkhyen pa nyid thob par 'gyur ba dang / bag chags kyi mtshams sbyor ba'i nyon mongs pa thams cad yongs su spong bar 'gyur ba ji ltar 'tshal bar bgyi/bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po brgyad par gyur to / /rgyun du zhugs pa'i 'bras bu thob pa dang / lan cig phyir 'ong ba'i 'bras bu dang / phyir mi 'ong ba'i 'bras bu thob pa'am/dgra bcom pa nyid thob pa'am/ rang byang chub thob par gyur nas byang chub sems dpa'i skyon med par 'jug pa'i gnas dang skabs med de/ de ni gnas ma yin no/ /byang chub sems dpa'i skyon med par ma chud par yang rnam pa thams cad mkhyen pa nyid thob par 'gyur ba'i gnas med do//rab 'byor gyis gsol pa/ bcom ldan 'das byang chub sems dpa' sems dpa' chen pos lam 'di snyed ma thob par rnam pa thams cad mkhyen pa nyid thob par ji ltar mi 'gyur lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po ni sems dang po bskyed pa nas nye bar bzung ste/pha rol tu phyin pa drug la spyod pa'i tshe/ shes pa dang mthong bas sa brgyad las yongs su 'da' ste/ brgyad gang zhe na/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang /'dod chags dang bral ba'i sa dang / byas pa rtogs pa'i sa dang / rang sangs rgyas kyi sa ste/ sa bstan pa brgyad po 'di dag las shes pa dang mthong ba las 'das nas lam gyi rnam pa shes pa nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas rnam pa thams cad mkhyen pa nyid kyi ye shes kyi bag chags kyis mtshams sbyor ba'i nyon mongs pa thams cad rab tu spong ngo //de ci'i phyir zhe na/ rab 'byor de la brgyad pa'i ye shes dang spong ba gang yin pa de yang byang chub sems dpa' sems dpa' chen po'i bzod pa'o / / rgyun du zhugs pa'i ye shes dang spong ba gang yin pa de yang byang chub sems dpa' sems dpa' chen po'i bzod pa/ lan cig phyir 'ong ba'i ye shes dang spong ba gang yin pa de yang byang chub sems dpa' sems dpa' chen po'i bzod pa/ phyir mi 'ong ba'i ye shes dang spong ba gang yin pa de yang byang chub sems dpa' sems dpa' chen po'i bzod pa/dgra bcom pa'i ye shes dang spong ba gang yin pa de yang byang chub sems dpa' sems dpa' chen po'i bzod pa/ rang sangs rgyas kyi ye shes dang spong ba gang yin pa de yang byang chub sems dpa' sems dpa' chen po'i bzod pa ste/de lta bas na byang chub sems dpa' sems dpa' chen po ni nyan thos dang rang sangs rgyas kyi lam yongs su rdzogs par byas shing lam gyi rnam pa shes pa nyid kyi ye shes kyis byang chub sems dpa'i skyon med par 'jug go/ /byang chub sems dpa'i skyon med par zhugs nas rnam pa thams cad mkhyen pa nyid kyi bag chags kyis mtshams sbyor ba'i nyon mongs pa thams cad rab tu spong ngo //rab 'byor de ltar na byang chub sems dpa' sems dpa' chen po ni lam thams cad yongs su rdzogs par byas nas bla na med pa yang dag par rdzogs pa'i byang chub tu mngon par rdzogs par sangs rgyas shing 'bras bu ltar sems can thams cad kyi nye bar 'tsho bar 'gyur ro// //bam po drug cu gnyis pa/ gsol pa/ bcom ldan 'das gang nyan thos kyi lam dang / rang sangs rgyas kyi lam dang / sangs rgyas kyi lam de dag las lam gyi rnam pa shes pa nyid kyi lam gang lags/bcom ldan 'das kyis bka' stsal pa/ rab 'byor byang chub sems dpa' sems dpa' chen pos lam gyi rnam pa shes pa nyid rnam par dag par bsgrub par bya ste/ de la lam gyi rnam pa shes pa nyid rnam par dag pa ni 'di yin te/ rnam pa gang dang gang dag dang rtags gang dang gang dag dang /mtshan ma gang dang gang gis lam du brjod pa'i rnam pa de dag dang / rtags de dag dang / mtshan ma de dag byang chub sems dpa' sems dpa' chen pos mngon par rdzogs par 'tshang rgya bar bya ba dang / mngon par rdzogs par sangs rgyas nas ci nas kyang gzhan gyis shes par 'gyur ba dang /gzhan 'dul ba'i don du gzhan la brjod pa dang / bstan pa dang / bshad pa dang / gdags pa dang / rnam par dgod pa ste/ de la byang chub sems dpa' sems dpa' chen pos sgra brnyan lta bur shes par bya ba'i don du sgra skad dang brdar byas pa gang gis stong gsum gyi stong chen po'i 'jig rten gyi khams su go bar 'gyur ba de lta bu'i sgra skad dang /brda thams cad brjod par bya/ yongs su gzung bar bya ste/ rab 'byor rnam grangs des kyang byang chub sems dpa' sems dpa' chen pos lam thams cad yongs su rdzogs par bya'o/ /lam thams cad shes pa nyid yongs su rdzogs par byas nas sems can thams cad kyi bsam pa rig par bya ste/sems can dmyal ba pa'i sems can rnams kyi sems can dmyal ba'i lam shes par bya'o/ /rgyu shes par bya'o/ /'bras bu shes par bya ste/ sems can dmyal ba'i lam de las bzlog par bya zhing rgyu las kyang bzlog par bya'o//'bras bu las kyang bzlog par bya'o/ /byol song gi skye gnas kyi sems can rnams kyi byol song gi skye gnas kyi lam shes par bya / rgyu shes par bya/ 'bras bu shes par bya ste/ byol song gi skye gnas kyi lam de las bzlog par bya zhing rgyu las kyang bzlog par bya'o//'bras bu las kyang bzlog par bya'o/ /gshin rje'i 'jig rten gyi sems can rnams kyi gshin rje'i 'jig rten gyi lam shes par bya/ rgyu shes par bya/ 'bras bu shes par bya ste/ gshin rje'i 'jig rten gyi lam de las kyang bzlog par bya zhing rgyu las kyang bzlog par bya'o//'bras bu las kyang bzlog par bya'o/ /mi 'am ci dang / lto 'phye chen po dang / klu dang / gnod sbyin dang / srin po dang / lha ma yin dang / nam mkha' lding dang / gsang ba pa dang / rig pa 'dzin pa dang / grub pa dang / sgrub par byed pa rnams kyi lam shes par bya/ rgyu shes par bya/'bras bu shes par bya'o/ /rgyal chen bzhi'i rigs kyi lha rnams dang / sum cu rtsa gsum gyi lha rnams dang / 'thab bral gyi lha rnams dang / dga' ldan gyi lha rnams dang / 'phrul dga'i lha rnams dang / gzhan 'phrul dbang byed kyi lha rnams kyi lam shes par bya/ rgyu shes par bya/'bras bu shes par bya / tshangs ris kyi lha rnams dang / tshangs pa mdun na 'don gyi lha rnams dang / tshangs 'khor ba'i lha rnams dang / tshangs chen gyi lha rnams kyi lam shes par bya/ rgyu shes par bya/ 'bras bu shes par bya'o/ /'od chung gi lha rnams dang /tshad med 'od kyi lha rnams dang / 'od gsal gyi lha rnams kyi lam shes par bya/ rgyu shes par bya/ 'bras bu shes par bya'o/ /dge chung gi lha rnams dang / tshad med dge ba'i lha rnams dang / dge rgyas [(]gyi [,]kyi [)]lha rnams kyi lam shes par bya/ rgyu shes par bya/ 'bras bu shes par bya'o//sprin med kyi lha rnams dang / bsod nams skyes kyi lha rnams dang / 'bras bu che ba'i lha rnams dang / 'du shes med pa'i sems can gyi lha rnams kyi lam shes par bya/ rgyu shes par bya/ 'bras bu shes par bya'o/ /mi spong ba'i lha rnams dang / mi gdung ba'i lha rnams dang /legs mthong gi lha rnams dang / rab lta'i lha rnams dang / 'og min gyi lha rnams kyi lam shes par bya/rgyu shes par bya/ 'bras bu shes par bya'o/ /nam mkha' mtha' yas skye mched kyi lha rnams dang / rnam shes mtha' yas skye mched kyi lha rnams dang / cung zad med pa'i skye mched kyi lha rnams dang / 'du shes med 'du shes med min skye mched kyi lha rnams kyi lam shes par bya/ rgyu shes par bya/ 'bras bu shes par bya'o/ /dran pa nye bar gzhag pa bzhi shes par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa shes par bya'o/ /rnam par thar pa'i sgo gsum dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang /mthar gyis gnas pa'i snyoms par 'jug pa dgu shes par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad shes par bya'o//lam de dag gis kyang sems can gang rgyun du zhugs pa'i 'bras bu la dgod par bya ba de dag ni rgyun du zhugs pa'i 'bras bu la dgod/ lan cig phyir 'ong ba'i 'bras bu la dgod par bya ba de dag ni lan cig phyir 'ong ba'i 'bras bu la dgod/ gang phyir mi 'ong ba'i 'bras bu la dgod par bya ba de dag ni phyir mi 'ong ba'i 'bras bu la dgod/gang dgra bcom pa nyid la dgod par bya ba de dag ni dgra bcom pa nyid la dgod/ gang rang byang chub la dgod par bya ba de dag ni rang byang chub la dgod de/ gang byang chub la dgod par bya ba de dag ni byang chub la dgod do//rab 'byor 'di ni byang chub sems dpa' sems dpa' chen po'i lam gyi rnam pa shes pa nyid do/ /de dag la bslabs shing byang chub sems dpa' sems dpa' chen po sems can rnams kyi bsam pa la 'jug go/ /sems can rnams kyi bsam pa la zhugs nas de bzhin nyid du chos ston to//des chos bstan pa de yang 'bras bu med par mi 'gyur ro/ /de ci'i phyir zhe na/ de ni 'di ltar des skyes pa'i dbang po shin tu shes par bya ba'i phyir te/ de ni sems can rnams kyi lam dang / lam ma yin pa dang / 'chi 'pho ba dang / skye ba yang rab tu shes so//rab 'byor byang chub sems dpa' sems dpa' chen pos shes rab kyi pha rol tu phyin pa la de ltar spyad par bya ste/ shes rab kyi pha rol tu phyin pa 'dir ni byang chub kyi phyogs gang la byang chub sems dpa' sems dpa' chen pos bslab par bya ba'am/ nyan thos kyis bslab par bya ba'am/rang sangs rgyas kyis bslab par bya ba'i chos gang yang ma 'dus pa med do/ /gsol pa/ bcom ldan 'das gal te de ltar byang chub kyi phyogs kyi chos gang lags pa dang / byang chub kyi bar gang lags pa'i chos de dag thams cad ldan pa'ang ma lags mi ldan pa'ang ma lags/gzugs ma mchis/ bstan du ma mchis / thogs pa ma mchis pa ste/ 'di ltar mtshan nyid ma mchis par mtshan nyid gcig na/ ji ltar byang chub kyi phyogs kyi chos rnams byang chub sgrub par 'gyur ba lags/ bcom ldan 'das ldan pa yang ma lags/mi ldan pa yang ma lags la / gzugs ma mchis shing bstan du ma mchis/ thogs pa ma mchis pa 'di ltar mtshan nyid ma mchis par mtshan nyid gcig pa ni chos gang la yang sgrub pa'am 'jig par bgyid pa ma mchis so/ /bcom ldan 'das 'di lta ste dper na/nam mkha' ni chos gang la yang sgrub pa'am 'jig par mi bgyid do/ /bcom ldan 'das de bzhin du rang gi mtshan nyid kyis stong pa'i chos ni chos gang la yang sgrub pa'am 'jig par bgyid pa ma mchis so/ /bcom ldan 'das kyis bka' stsal pa/ rab 'byor de de bzhin no//de de bzhin te/ rang gi mtshan nyid kyis stong pa'i chos ni chos gang la yang sgrub pa'am 'jig par byed pa med do/ /rab 'byor sems can gang rang gi mtshan nyid kyis stong pa'i chos mi shes pa de dag gi don du 'di skad du 'di dag ni byang chub kyi phyogs kyi chos byang chub thob par byed pa'o zhes bshad do zhes bya ba ni lam la log par rtog pa yin no// //rab 'byor 'on kyang 'di ltar gzugs gang yin pa dang / tshor ba dang / 'du shes dang / 'du byed rnams dang / rnam par shes pa gang yin pa dang / skye mched dang / khams dang / rten cing 'brel par 'byung ba gang yin pa dang /sbyin pa'i pha rol tu phyin pa gang yin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa gang yin pa dang /nang stong pa nyid gang yin pa dang / phyi stong pa nyid gang yin pa dang / phyi nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / bsam gtan dang po gang yin pa dang / bsam gtan gnyis pa dang / bsam gtan gsum pa dang / bsam gtan bzhi pa gang yin pa dang / byams pa gang yin pa dang / snying rje gang yin pa dang / dga' ba dang / btang snyoms la snyoms par 'jug pa gang yin pa dang / nam mkha' mtha' yas skye mched kyi snyoms par 'jug pa gang yin pa dang / rnam shes mtha' yas skye mched kyi snyoms par 'jug pa dang /cung zad med pa'i skye mched kyi snyoms par 'jug pa dang / 'du shes med 'du shes med min gyi skye mched kyi snyoms par 'jug pa gang yin pa dang / dran pa nye bar gzhag pa gang yin pa dang / yang dag par spong ba dang / rdzu 'phrul gyi rkang pa dang / dbang po dang /stobs dang / byang chub kyi yan lag dang / 'phags pa'i lam yan lag brgyad pa gang yin pa dang / 'phags pa'i bden pa dang / bsam gtan dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin rnams dang / gzungs kyi sgo rnams gang yin pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad gang yin pa dang / rnam pa thams cad mkhyen pa nyid kyi bar gang yin pa'i chos de dag thams cad ni chos 'dul ba 'di la ldan pa'ang ma yin/ mi ldan pa'ang ma yin/ gzugs med pa/ bstan du med pa/ thogs pa med pa/ mtshan nyid gcig pa ste/ 'di ltar mtshan nyid med kyang de dag de bzhin gshegs pas sems can rnams gzud par bya ba'i don du 'jig rten gyi tha snyad kyis de skad du brjod de /don dam par ni ma yin no/ /de dag thams cad la byang chub sems dpa' sems dpa' chen pos shes pa dang mthong bas bslab par bya ste/ ji lta ba de bzhin du shes pa dang mthong bas bslabs nas chos la la ni mngon du bya'i/la la ni mngon du mi bya'o/ /de la byang chub sems dpa' sems dpa' chen pos chos gang ni shes pa dang mthong bas bslabs te mngon du bya/ chos gang ni mngon du mi bya zhe na/ nyan thos dang rang sangs rgyas kyi chos rnams ni shes pa dang mthong bas bslabs te mngon du mi bya'o//rnam pa thams cad mkhyen pa nyid kyi ye shes kyis chos thams cad rnam pa thams cad du mngon du bya ste/ rab 'byor de ltar byang chub sems dpa' sems dpa' chen pos 'phags pa'i chos dang 'dul ba 'dir shes rab kyi pha rol tu phyin pa la bslab par bya'o//gsol pa/ bcom ldan 'das 'phags pa'i chos dang 'dul ba 'phags pa'i chos dang 'dul ba zhes bgyi ba de ji tsam gyis na 'phags pa'i chos 'dul ba zhes bgyi ba / bcom ldan 'das kyis bka' stsal pa/ rab 'byor 'di la nyan thos rnams dang /rang sangs rgyas rnams dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams ni 'dod chags dang ldan pa yang ma yin/ bral ba yang ma yin/ zhe sdang dang ldan pa yang ma yin/bral ba yang ma yin/ gti mug dang ldan pa yang ma yin/ bral ba yang ma yin/ 'jig [(]chogs [,]tshogs [)]su lta ba dang ldan pa yang ma yin/ bral ba yang ma yin/ the tshom dang ldan pa yang ma yin/ bral ba yang ma yin/ tshul khrims dang brtul zhugs snyems pa dang ldan pa yang ma yin/bral ba yang ma yin/ 'dod pa'i 'dod chags dang gnod sems dang ldan pa yang ma yin/ bral ba yang ma yin/ gzugs dang gzugs med pa'i 'dod chags dang ldan pa yang ma yin/ bral ba yang ma yin/ ma rig pa dang ldan pa yang ma yin/ bral ba yang ma yin/nga rgyal dang rgod pa dang ldan pa yang ma yin/ bral ba yang ma yin/ bsam gtan dang po dang ldan pa yang ma yin/ bral ba yang ma yin/ bsam gtan gnyis pa dang ldan pa yang ma yin/ bral ba yang ma yin/ bsam gtan gsum pa dang ldan pa yang ma yin/ bral ba yang ma yin/bsam gtan bzhi pa dang ldan pa yang ma yin/ bral ba yang ma yin/ byams pa dang ldan pa yang ma yin/ bral ba yang ma yin/ snying rje dang ldan pa yang ma yin/ bral ba yang ma yin/ dga' ba dang ldan pa yang ma yin/ bral ba yang ma yin/ btang snyoms dang ldan pa yang ma yin/bral ba yang ma yin/ nam mkha' mtha' yas skye mched kyi snyoms par 'jug pa dang ldan pa yang ma yin/ bral ba yang ma yin/ rnam shes mtha' yas skye mched kyi snyoms par 'jug pa dang ldan pa yang ma yin/ bral ba yang ma yin/ cung zad med pa'i skye mched kyi snyoms par 'jug pa dang /'du shes med 'du shes med min skye mched la snyoms par 'jug pa dang ldan pa yang ma yin/ bral ba yang ma yin/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang ldan pa yang ma yin/ bral ba yang ma yin/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams dang ldan pa yang ma yin/ bral ba yang ma yin/ de bzhin gshegs pa'i stobs dang / mi 'jigs pa dang / so so yang dag par rig pa dang /byams pa chen po dang / snying rje chen po dang / sangs rgyas kyi chos ma 'dres pa bco brgyad dang ldan pa yang ma yin/ bral ba yang ma yin/ 'dus byas kyi khams dang 'dus ma byas kyi khams dang ldan pa yang ma yin/ bral ba yang ma yin pas / de'i phyir de dag ni 'phags pa zhes bya ste/'di ni de dag gi chos 'dul ba yin pas de'i phyir 'phags pa'i chos 'dul ba zhes bya'o/ /de ci'i phyir zhe na/ de ni 'di ltar chos de dag thams cad ni gzugs med pa/ bstan du med pa/ thogs pa med pa/ mtshan nyid gcig pa/ 'di ltar mtshan nyid med pa ste/de dag ni gzugs med pa/ gzugs med pa dang ldan pa yang ma yin/ bral ba yang ma yin no/ /bstan du med pa dang / bstan du med par ldan pa yang ma yin bral ba yang ma yin no/ /thogs pa med pa dang / thogs pa med par ldan pa yang ma yin bral ba yang ma yin no/ / mtshan nyid med pa dang mtshan nyid med par ldan pa yang ma yin bral ba yang ma yin no zhes bya ba ni mi mthun pa'i phyogs dang gnyen po'i phyogs la log par rtog pa yin no// //rab 'byor 'di ni byang chub sems dpa' sems dpa' chen po rnams kyi gzugs med pa/ bstan du med pa/ thogs pa med pa/ mtshan nyid med pa/ mtshan nyid gcig pa'i pha rol tu phyin pa ste/ de la byang chub sems dpa' sems dpa' chen pos bslab par bya'o/ /des de la bslabs nas chos kyi mtshan nyid gang yang dmigs par mi 'gyur ro/ /rab 'byor gyis gsol pa/bcom ldan 'das 'o na gzugs kyi mtshan nyid la bslab par mi bgyi'am/ tshor ba dang / 'du shes dang / 'du byed dang / rnam par shes pa'i mtshan nyid la bslab par mi bgyi'am/ skye mched dang / khams dang / rten cing 'brel par 'byung ba'i mtshan nyid la bslab par mi bgyi'am/ sbyin pa'i pha rol tu phyin pa'i mtshan nyid la bslab par mi bgyi'am/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i mtshan nyid la bslab par mi bgyi'am/ nang stong pa nyid kyi mtshan nyid la bslab par mi bgyi'am/ dngos po med pa'i ngo bo nyid stong pa nyid kyi bar gyi mtshan nyid la bslab par mi bgyi'am/ bsam gtan dang po'i mtshan nyid la bslab par mi bgyi'am/ bsam gtan gnyis pa dang / bsam gtan gsum pa dang / bsam gtan bzhi pa'i mtshan nyid la bslab par mi bgyi'am/ byams pa chen po'i mtshan nyid la bslab par mi bgyi'am/ snying rje chen po dang / dga' ba chen po dang / btang snyoms chen po'i mtshan nyid la bslab par mi bgyi'am/ nam mkha' mtha' yas skye mched kyi snyoms par 'jug pa dang /rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa'i mtshan nyid la bslab par mi bgyi'am/ dran pa nye bar gzhag pa rnams kyi mtshan nyid la bslab par mi bgyi'am/yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i mtshan nyid la bslab par mi bgyi'am/ stong pa nyid dang mtshan ma med pa dang /smon pa med pa'i ting nge 'dzin dang / rnam par thar pa dang / mthar gyis gnas pa'i snyoms par 'jug pa dang / mngon par shes pa dang / ting nge 'dzin dang / gzungs kyi sgo rnams kyi mtshan nyid la bslab par mi bgyi'am/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po'i mtshan nyid la bslab par mi bgyi'am/ sangs rgyas kyi chos ma 'dres pa bco brgyad kyi mtshan nyid la bslab par mi bgyi'am/ sdug bsngal 'phags pa'i bden pa'i mtshan nyid la bslab par mi bgyi'am/ kun 'byung ba dang /'gog pa dang / lam 'phags pa'i bden pa'i mtshan nyid la bslab par mi bgyi'am/ rten cing 'brel par 'byung ba lugs dang mthun pa dang / lugs dang mi mthun pa'i mtshan nyid la bslab par mi bgyi'am/ 'dus byas kyi khams kyi mtshan nyid la bslab par mi bgyi'am/'dus ma byas kyi khams kyi mtshan nyid la bslab par mi bgyi'am/ bcom ldan 'das gal te chos 'di dag gi mtshan nyid la bslab par mi bgyi na/ bcom ldan 'das ji ltar byang chub sems dpa' sems dpa' chen pos chos thams cad kyi mtshan nyid la bslabs te/ nyan thos dang / rang sangs rgyas kyi sa las 'da' bar 'gyur/ nyan thos dang rang sangs rgyas kyi sa las ma 'das na ji ltar byang chub sems dpa'i skyon ma mchis par 'jug par 'gyur/ byang chub sems dpa'i skyon ma mchis par ma zhugs na/ ji ltar rnam pa thams cad mkhyen pa nyid thob par 'gyur/rnam pa thams cad mkhyen pa nyid ma thob na/ ji ltar chos kyi 'khor lo bskor bar bgyi/ chos kyi 'khor lo ma bskor na ji ltar nyan thos kyi theg pa'am/ rang sangs rgyas kyi theg pa'am/ theg pa chen pos sems can rnams 'khor ba las sgrol bar bgyi/ bcom ldan 'das kyis bka' stsal pa/rab 'byor gal te chos la la zhig la mtshan nyid yod na ni de'i phyir byang chub sems dpa' sems dpa' chen pos mtshan nyid de la bslab par yang 'gyur na/ chos thams cad la mtshan nyid med cing gzugs med pa/ bstan du med pa/ thogs pa med pa 'di ltar mtshan nyid med par mtshan nyid gcig pas na/de'i phyir byang chub sems dpa' sems dpa' chen pos mtshan nyid la yang bslab par mi bya/ mtshan nyid med pa la yang bslab par mi bya'o/ /de ci'i phyir zhe na/ sngan chad mtshan nyid med par gyur pa de phyis mtshan nyid yod par 'gyur ba ma yin gyi/rab 'byor chos 'di dag ni sngan chad kyang mtshan nyid med la/ de ltar yang mtshan nyid med pas na de'i phyir byang chub sems dpa' sems dpa' chen pos mtshan nyid la yang bslab par mi bya/ mtshan nyid med pa la yang bslab par mi bya'o/ / de ci'i phyir zhe na/ de bzhin gshegs pa rnams byung yang rung / de bzhin gshegs pa rnams ma byung yang rung ste mtshan nyid med pa'i dbyings 'di ni de bzhin du gnas pa'o zhes bya ba ni mtshan nyid la log par rtog pa yin no// //gsol pa/ bcom ldan 'das gal te de ltar chos thams cad la mtshan nyid ma mchis shing mtshan nyid tha dad pa yang ma lags/mtshan nyid gcig pa yang ma lags na/ de ji ltar byang chub sems dpa' sems dpa' chen po'i shes rab kyi pha rol tu phyin pa sgom pa mchis par 'gyur/ bcom ldan 'das shes rab kyi pha rol tu phyin pa sgom pa ma mchis par ni byang chub sems dpa' sems dpa' chen pos nyan thos kyi sa'am/rang sangs rgyas kyi sa las 'da' bar mi nus so/ /nyan thos kyi sa'am rang sangs rgyas kyi sa las ma 'das par ni byang chub sems dpa' sems dpa' chen pos byang chub sems dpa'i skyon ma mchis par 'jug par mi nus so//byang chub sems dpa'i skyon ma mchis par ma zhugs par ni byang chub sems dpa' sems dpa' chen pos mi skye ba'i chos la bzod pa skye bar mi nus so/ /mi skye ba'i chos la bzod pa ma skyes par ni mngon par shes pa sgrub par mi nus so/ /byang chub sems dpa'i mngon par shes pa ma bsgrubs par ni sangs rgyas kyi zhing yongs su dag par bgyi ba dang /sems can yongs su smin par bgyi bar mi nus so/ /sangs rgyas kyi zhing yongs su dag pa dang / sems can yongs su smin par ma bgyis par ni rnam pa thams cad mkhyen pa nyid thob par mi nus so//rnam pa thams cad mkhyen pa nyid thob par ma bgyis par ni chos kyi 'khor lo bskor bar mi nus so/ /chos kyi 'khor lo ma bskor bar ni sems can rnams rgyun du zhugs pa'i 'bras bu la dgod par mi nus so/ /lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa'i 'bras bu la dgod par mi nus so/ /rang byang chub la dgod par mi nus so/ /bla na med pa yang dag par rdzogs pa'i byang chub la dgod par mi nus so/ /sems can rnams sbyin pa las byung ba'i bsod nams bgyi ba'i dang po la dgod par mi nus so//tshul khrims las byung ba'i bsod nams bgyi ba'i dngos po dang / bsgom pa las byung ba'i bsod nams bgyi ba'i dngos po la dgod par mi nus so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni mtshan nyid med pa ste/mtshan nyid tha dad pa'ang ma yin/ mtshan nyid gcig pa'ang ma yin no / /gsol pa/ de ji ltar chos thams cad mtshan nyid ma mchis na ji ltar shes rab kyi pha rol tu phyin pa sgom par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos shes rab kyi pha rol tu phyin pa la sgom pa ni mtshan nyid tha dad pa yang ma yin/mtshan nyid gcig pa yang ma yin te/ rab 'byor mtshan nyid med pa sgom pa ni byang chub sems dpa' sems dpa' chen po'i shes rab kyi pha rol tu phyin pa sgom pa'o/ /gsol pa/ de ji ltar na mtshan nyid ma mchis pa sgom pa ni shes rab kyi pha rol tu phyin pa sgom par 'gyur/ bcom ldan 'das kyis bka' stsal pa/ chos thams cad rnam par sgom pa rnam par 'jig pa ni shes rab kyi pha rol tu phyin pa sgom pa'o/ /gsol pa/ bcom ldan 'das de ji ltar chos thams cad rnam par sgom pa rnam par 'jig pa shes rab kyi pha rol tu phyin pa sgom pa lags/bcom ldan 'das kyis bka' stsal pa/ gzugs rnam par sgom pa rnam par 'jig pa ni shes rab kyi pha rol tu phyin pa sgom pa'o/ /tshor ba dang / 'du shes dang / 'du byed rnams dang /rnam par shes pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /mig rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rna ba dang / sna dang / lce dang / lus dang / yid rnam par sgom pa rnam par 'jig pa ni shes rab kyi pha rol tu phyin pa sgom pa'o//gzugs rnam par sgom pa rnam par 'jig pa ni shes rab kyi pha rol tu phyin pa sgom pa'o/ /sgra dang / dri dang / ro dang / reg dang / chos rnam par sgom pa rnam par 'jig pa ni shes rab kyi pha rol tu phyin pa sgom pa'o//mig gi rnam par shes pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnam par sgom pa rnam par 'jig pa ni shes rab kyi pha rol tu phyin pa sgom pa'o//mig gi 'dus te reg pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rnam par sgom pa rnam par 'jig pa ni shes rab kyi pha rol tu phyin pa sgom pa'o//mig gi 'dus te reg pa'i rkyen gyis tshor ba rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang /lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rnam par sgom pa rnam par 'jig pa ni shes rab kyi pha rol tu phyin pa sgom pa'o/ /sa'i khams rnam par sgom pa rnam par 'jig pa ni shes rab kyi pha rol tu phyin pa sgom pa'o//chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rten cing 'brel par 'byung ba rnam par sgom pa rnam par 'jig pa ni shes rab kyi pha rol tu phyin pa sgom pa'o//ma rig pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /'du byed rnams dang / rnam par shes pa dang / ming dang / gzugs dang / skye mched drug dang / reg pa dang /tshor ba dang / sred pa dang / len pa dang / srid pa dang / skye ba dang / rga shi rnam par sgom pa rnam par 'jig pa ni shes rab kyi pha rol tu phyin pa sgom pa'o/ /mya ngan la sogs pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /blang ba rnam par sgom pa rnam par 'jig pa ni shes rab kyi pha rol tu phyin pa sgom pa'o//dor ba rnam par sgom pa rnam par 'jig pa ni shes rab kyi pha rol tu phyin pa sgom pa'o/ /bsam gtan dang po rnam par sgom pa rnam par 'jig pa ni shes rab kyi pha rol tu phyin pa sgom pa'o/ /bsam gtan gnyis pa dang / bsam gtan gsum pa dang / bsam gtan bzhi pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /byams pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /snying rje chen po dang / dga' ba dang / btang snyoms rnam par sgom pa rnam par 'jig pa ni shes rab kyi pha rol tu phyin pa sgom pa'o//nam mkha' mtha' yas skye mched kyi snyoms par 'jug pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang /'du shes med 'du shes med min skye mched kyi snyoms par 'jug pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /sangs rgyas rjes su dran pa rnam par sgom pa rnam par 'jig pa ni shes rab kyi pha rol tu phyin pa sgom pa'o//chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /mi rtag pa'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa'o/ /sdug bsngal gyi 'du shes dang / bdag med pa'i 'du shes dang /mi sdug pa'i 'du shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed las skyes kyi 'du shes dang /shed bu'i 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rtag pa'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa'o//mi rtag pa'i 'du shes dang / bde ba'i 'du shes dang / sdug bsngal gyi 'du shes dang / bdag gi 'du shes dang / bdag med pa'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa'o/ /zhi ba'i 'du shes dang /ma zhi ba'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa'o/ /dran pa nye bar gzhag pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnam par sgom pa rnam par 'jig pa ni shes rab kyi pha rol tu phyin pa sgom pa'o/ /stong pa nyid dang / mtshan ma med pa dang / smon pa med pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rnam par thar pa brgyad dang /mthar gyis gnas pa'i snyoms par 'jug pa dgu rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rtog pa dang bcas dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin rnam par sgom pa rnam par 'jig pa ni shes rab kyi pha rol tu phyin pa sgom pa'o//sdug bsngal 'phags pa'i bden pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /kun 'byung 'phags pa'i bden pa dang / 'gog pa 'phags pa'i bden pa dang /lam 'phags pa'i bden pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /sdug bsngal shes pa dang / kun 'byung shes pa dang / 'gog pa shes pa dang / lam shes pa rnam par sgom pa rnam par 'jig pa ni shes rab kyi pha rol tu phyin pa sgom pa'o//zad pa shes pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin pa shes pa rnam par sgom pa rnam par 'jig pa ni shes rab kyi pha rol tu phyin pa sgom pa'o//sbyin pa'i pha rol tu phyin pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa rnam par sgom pa rnam par 'jig pa ni shes rab kyi pha rol tu phyin pa sgom pa'o/ /nang stong pa nyid rnam par sgom pa rnam par 'jig pa ni shes rab kyi pha rol tu phyin pa sgom pa'o/ /dngos po med pa'i ngo bo nyid stong pa nyid kyi bar du rnam par sgom pa rnam par 'jig pa ni shes rab kyi pha rol tu phyin pa sgom pa'o//mngon par shes pa drug rnam par sgom pa rnam par 'jig pa ni shes rab kyi pha rol tu phyin pa sgom pa'o/ /ting nge 'dzin thams cad rnam par sgom pa rnam par 'jig pa ni shes rab kyi pha rol tu phyin pa sgom pa'o/ / gzungs kyi sgo thams cad rnam par sgom pa rnam par 'jig pa ni shes rab kyi pha rol tu phyin pa sgom pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po rnam par sgom pa rnam par 'jig pa ni shes rab kyi pha rol tu phyin pa sgom pa'o//sangs rgyas kyi chos ma 'dres pa bco brgyad rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rgyun du zhugs pa'i 'bras bu rnam par sgom pa rnam par 'jig pa ni shes rab kyi pha rol tu phyin pa sgom pa'o//lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid rnam par sgom pa rnam par 'jig pa ni shes rab kyi pha rol tu phyin pa sgom pa'o/ /rang byang chub rnam par sgom pa rnam par 'jig pa ni shes rab kyi pha rol tu phyin pa sgom pa'o//rnam pa thams cad mkhyen pa nyid kyi bar du rnam par sgom pa rnam par 'jig pa ni shes rab kyi pha rol tu phyin pa sgom pa'o/ /bag chags kyi mtshams sbyor ba'i nyon mongs pa thams cad spangs pa rnam par sgom pa rnam par 'jig pa ni shes rab kyi pha rol tu phyin pa sgom pa'o//rab 'byor gyis gsol pa/ bcom ldan 'das ji ltar na gzugs rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na tshor ba dang / 'du shes dang / 'du byed rnams dang / rnam par shes pa rnam par sgom pa rnam par 'jig pa ni shes rab kyi pha rol tu phyin pa sgom pa lags/ji ltar na skye mched dang / khams dang / rten cing [(]'drel [,]'brel [)]par 'byung ba rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na blang ba dang dor ba rnam par sgom pa rnam par 'jig pa ni shes rab kyi pha rol tu phyin pa sgom pa lags/ji ltar na bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang /rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa rnam par sgom pa rnam par 'jig pa ni shes rab kyi pha rol tu phyin pa sgom pa lags/ji ltar na sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skye ba rjes su dran pa dang / dbugs phyi nang du rgyu ba rjes su dran pa dang /'chi ba rjes su dran pa dang / lus kyi rnam pa rjes su dran pa rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / mi sdug pa'i 'du shes dang /dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed las skyes pa'i 'du shes dang /shed bu'i 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na rtag pa'i 'du shes dang / mi rtag pa'i 'du shes dang /bde ba'i 'du shes dang / sdug bsngal ba'i 'du shes dang / bdag gi 'du shes dang / bdag med pa'i 'du shes dang / zhi ba'i 'du shes dang / ma zhi ba'i 'du shes rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na byang chub kyi phyogs kyi chos rnams rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu rnam par sgom par rnam par 'jig pa ni shes rab kyi pha rol tu phyin pa sgom pa lags/ji ltar na rtog pa dang bcas/ dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin rnam par sgom pa rnam par 'jig pa ni shes rab kyi pha rol tu phyin pa sgom pa lags/ji ltar na sdug bsngal 'phags pa'i bden pa dang / kun 'byung 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang /sdug bsngal shes pa dang / kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa rnam par sgom pa rnam par 'jig pa ni shes rab kyi pha rol tu phyin pa sgom pa lags/ji ltar na pha rol tu phyin pa thams cad dang / stong pa nyid thams cad rnam par sgom pa rnam par 'jig pa ni shes rab kyi pha rol tu phyin pa sgom pa lags/ ji ltar na mngon par shes pa drug dang /ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad rnam par sgom pa rnam par 'jig pa ni shes rab kyi pha rol tu phyin pa sgom pa lags/ji ltar na rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar dang /ji ltar na bag chags kyi mtshams sbyor ba'i nyon mongs pa thams cad rnam par spong ba rnam par sgom pa rnam par 'jig pa ni shes rab kyi pha rol tu phyin pa sgom pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs dngos po yod ces bya bar mi sgom mo/ /tshor ba dang / 'du shes dang / 'du byed rnams dang / rnam par shes pa dngos po yod ces bya bar mi sgom mo/ /skye mched dang / khams dang / rten cing 'brel par 'byung ba dngos po yod ces bya bar mi sgom mo//blang ba dang dor ba dngos po yod ces bya bar mi sgom mo/ /bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang /btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa dngos po yod ces bya bar mi sgom mo//sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skye ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa dngos po yod ces bya bar mi sgom mo/ /mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / mi sdug pa'i 'du shes dang / dngos po med pa'i 'du shes dang /bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed las skyes kyi 'du shes dang / shed bu'i 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes dngos po yod ces bya bar mi sgom mo/ /rtag pa'i 'du shes dang / mi rtag pa'i 'du shes dang / bde ba'i 'du shes dang / sdug bsngal ba'i 'du shes dang / bdag gi 'du shes dang /bdag med pa'i 'du shes dang / zhi ba'i 'du shes dang / ma zhi ba'i 'du shes dngos po yod ces bya bar mi sgom mo/ /byang chub kyi phyogs kyi chos rnams dngos po yod ces bya bar mi sgom mo/ /stong pa nyid dang / mtshan ma med pa dang / smon pa med pa'i ting nge 'dzin dang /rnam par thar pa brgyad dang / mthar gyis gnas pa'i snyoms par 'jug pa dgu dngos po yod ces bya bar mi sgom mo/ /rtog pa dang bcas/ dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin dngos po yod ces bya bar mi sgom mo//sdug bsngal 'phags pa'i bden pa dang / kun 'byung 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang / sdug bsngal shes pa dang / kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin pa shes pa dngos po yod ces bya bar mi sgom mo/ /pha rol tu phyin pa thams cad dang /stong pa nyid thams cad dngos po yod ces bya bar mi sgom mo/ /mngon par shes pa drug dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang /snying rje chen po dang / sangs rgyas kyi chos ma 'dres pa bco brgyad dngos po yod ces bya bar mi sgom mo/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar dang /bag chags kyi mtshams sbyor ba'i nyon mongs pa thams cad spong ba dngos po yod ces bya bar mi sgom mo/ /de ci'i phyir zhe na/ rab 'byor dngos po'i 'du shes can la shes rab kyi pha rol tu phyin pa sgom pa med do/ /dngos po'i 'du shes can la bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa sgom pa med do/ /dngos po'i 'du shes can la bag chags kyi mtshams sbyor ba'i nyon mongs pa thams cad spangs pa'i bar du med do//de ci'i phyir zhe na/ 'di ltar de dngos po la 'di ni bdag go zhes bya bar mtha' gnyis la chags te/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / bag chags kyi mtshams sbyor ba'i nyon mongs pa thams cad spangs pa'i bar 'di ni bdag go zhes bya bar mtha' gnyis la chags par gyur pas /gang mtha' gnyis la chags par 'gyur ba de la ni thar pa med de/ de ci'i phyir zhe na/ rab 'byor dngos po'i 'du shes can la ni sbyin pa'ang med/ tshul khrims kyang med/ bzod pa yang med/brtson 'grus kyang med/ bsam gtan yang med/ shes rab kyang med/ bag chags kyi mtshams sbyor ba'i nyon mongs pa thams cad spangs pa'i bar du yongs su shes pa med na/ de thar par 'gyur ba lta ga las 'ong / gsol pa/ bcom ldan 'das dngos po mchis zhes bgyi ba ni ci lags/dngos po ma mchis zhes bgyi ba ni ci lags/ bcom ldan 'das kyis bka' stsal pa/ rab 'byor gnyis ni dngos po yod pa'o/ /mi gnyis pa ni dngos po med pa'o/ /gsol pa/ bcom ldan 'das gnyis zhes bgyi ba ni ji lta bu lags/ bcom ldan 'das kyis bka' stsal pa/rab 'byor gzugs kyi 'du shes ni gnyis so/ /tshor ba dang / 'du shes dang / 'du byed dang / rnam par shes pa'i 'du shes ni gnyis so/ /skye mched dang / khams dang / rten cing 'brel par 'byung ba'i 'du shes ni gnyis so/ /blang ba dang dor ba'i 'du shes ni gnyis so//bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang /cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa'i 'du shes ni gnyis so/ /sangs rgyas rjes su dran pa dang / chos rjes su dran pa dang / dge 'dun rjes su dran pa dang /tshul khrims rjes su dran pa dang / gtong ba rjes su dran pa dang / lha rjes su dran pa dang / skye ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa'i 'du shes ni gnyis so//mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang /gso ba'i 'du shes dang / skyes bu'i 'du shes dang / gang zag gi 'du shes dang / shed las skyes kyi 'du shes dang / shed bu'i 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes ni gnyis so/ / rtag pa'i 'du shes dang / bde ba'i 'du shes dang / sdug pa'i 'du shes dang / bdag gi 'du shes ni gnyis so/ /byang chub kyi phyogs kyi chos rnams kyi 'du shes ni gnyis so/ /stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa brgyad dang /mthar gyis gnas pa'i snyoms par 'jug pa dgu'i 'du shes ni gnyis so/ /rtog pa dang bcas dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin gyi 'du shes ni gnyis so/ /sdug bsngal 'phags pa'i bden pa dang /kun 'byung 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang / sdug bsngal shes pa dang / kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang /chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin pa shes pa'i 'du shes ni gnyis so/ /pha rol tu phyin pa thams cad dang / stong pa nyid thams cad kyi 'du shes ni gnyis so/ /mngon par shes pa drug dang / ting nge 'dzin thams cad dang /gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad kyi bar gyi 'du shes ni gnyis so//rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / bla na med pa yang dag par rdzogs pa'i sangs rgyas kyi 'du shes ni gnyis so/ /'dus byas kyi khams kyi 'du shes dang /'dus ma byas kyi khams kyi 'du shes ni gnyis so/ /rab 'byor de ltar de ji snyed du 'du shes dang bcas pa thams cad dang / de ji snyed du 'du shes med pa de dag thams cad ni gnyis te/ ji tsam du gnyis pa de tsam du dngos po'o/ /ji tsam du dngos po yod pa de tsam du 'khor ba'o/ / ji tsam du 'khor ba de tsam du sems can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa las yongs su mi 'grol lo/ /'du shes thams cad yid la mi byed pa de ni gnyis su med pa ste/rab 'byor rnam grangs des kyang 'di ltar gnyis kyi 'du shes can la sbyin pa med pa dang / tshul khrims med pa dang / bzod pa med pa dang / brtson 'grus med pa dang / bsam gtan med pa dang / shes rab med pa dang / lam med pa dang / thob pa med pa dang / mngon par rtogs pa med par rig par bya'o//rab 'byor gnyis kyi 'du shes can la ni chung ngu na mthun pa'i bzod pa yang med na/ gzugs yongs su shes par 'gyur ba lta ga la yod/ tshor ba dang / 'du shes dang / 'du byed rnams dang / rnam par shes pa yongs su shes par 'gyur ba lta ga la yod/ skye mched dang /khams dang / rten cing 'brel par 'byung ba yongs su shes par 'gyur ba lta ga la yod/ blang ba dang / dor ba yongs su shes par 'gyur ba lta ga la yod/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa yongs su shes par 'gyur ba lta ga la yod/sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skye ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa yongs su shes par 'gyur ba lta ga la yod/ mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / mi sdug pa'i 'du shes dang /dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed las skyes kyi 'du shes dang / shed bu'i 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes yongs su shes par 'gyur ba lta ga la yod/ rtag pa'i 'du shes dang / bde ba'i 'du shes dang / sdug pa'i 'du shes dang / bdag gi 'du shes yongs su shes par 'gyur ba lta ga la yod/byang chub kyi phyogs kyi chos rnams yongs su shes par 'gyur ba lta ga la yod/ stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu yongs su shes par 'gyur ba lta ga la yod/rtog pa dang bcas dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin yongs su shes par 'gyur ba lta ga la yod/ sdug bsngal 'phags pa'i bden pa dang /kun 'byung 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang /chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin pa shes pa yongs su shes par 'gyur ba lta ga la yod/ pha rol tu phyin pa thams cad dang / stong pa nyid thams cad yongs su shes par 'gyur ba lta ga la yod/ mngon par shes pa drug dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos 'dres pa rnams yongs su shes par 'gyur ba lta ga la yod/rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar du yongs su shes par 'gyur ba lta ga la yod/gang la lam sgom pa med pa de la rgyun du zhugs pa'i 'bras bu'ang ga la yod/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar yang ga la yod/ bag chags kyi mtshams sbyor ba'i nyon mongs pa thams cad spangs pa yang ga la yod/de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te de ltar dngos po'i 'du shes can la mthun pa'i bzod pa yang ma mchis pas thob pa lta ga la mchis te ma mchis/mngon par rtogs pa lta ga la mchis te ma mchis na/ ci lags/ bcom ldan 'das dngos po ma mchis pa'i 'du shes can la mthun pa'i bzod pa'am/ dkar po rnam par mthong ba'i sa'am/ rigs kyi sa'am/ brgyad pa'i sa'am/ mthong ba'i sa'am/ bsrabs pa'i sa'am/ 'dod chags dang bral ba'i sa'am/ byas pa rtogs pa'i sa'am/ rang sangs rgyas kyi sa'am/ byang chub sems dpa'i sa'am/ sangs rgyas kyi sa'am/ lam sgom pa gang la brten cing nyon mongs pa gang gis bsgribs pas byang chub sems dpa'i skyon ma mchis par chud par mi 'gyur ba dang /byang chub sems dpa'i skyon ma mchis par ma chud pas rnam pa thams cad mkhyen pa nyid thob par mi 'gyur ba dang / rnam pa thams cad mkhyen pa nyid ma thob pas bag chags kyi mtshams sbyor ba'i nyon mongs pa thams cad mi spong ba'i sgrib pa nyan thos dang ldan pa'am/rang sangs rgyas dang ldan pa'i nyon mongs pa de dag yongs su spong bar 'gyur ba'i lam mchis sam/ bcom ldan 'das gal te chos skye bar 'gyur ba gang yang skye ba ma mchis na / ji ltar chos de dag ma bskyed par rnam pa thams cad mkhyen pa nyid thob par 'gyur/bcom ldan 'das kyis bka' stsal pa/ rab 'byor de de bzhin no/ /de de bzhin te/ dngos po med pa'i 'du shes can la mthun pa'i bzod pa med do/ /mngon par rtogs pa'i sa med do/ /dkar po rnam par mthong ba'i sa med do/ /rigs kyi sa med do/ / brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med do/ /rang sangs rgyas kyi sa med do/ /byang chub sems dpa'i sa med do/ /sangs rgyas kyi sa med do/ /lam sgom pa gang la brten cing nyon mongs pa gang gis bsgribs pas byang chub sems dpa'i skyon med par chud par mi 'gyur ba dang /byang chub sems dpa'i skyon med par ma chud pas rnam pa thams cad mkhyen pa nyid thob par mi 'gyur ba dang / rnam pa thams cad mkhyen pa nyid ma thob pas bag chags kyi mtshams sbyor ba'i nyon mongs pa thams cad mi spong ba'i sgrib pa nyan thos dang ldan pa'am/rang sangs rgyas dang ldan pa'i nyon mongs pa de dag spong bar 'gyur ba'i lam med do/ /gsol pa/ bcom ldan 'das ci lags/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ dngos po mchis par 'du shes pa dang /dngos po ma mchis par 'du shes pa mchis sam/ gzugs su 'du shes pa dang / tshor ba dang / 'du shes dang / 'du byed rnams dang / rnam par shes par 'du shes pa dang / skye mched dang / khams su 'du shes pa dang / 'dod chags su 'du shes pa dang /'dod chags spang bar 'du shes pa dang / zhe sdang du 'du shes pa dang / zhe sdang spang bar 'du shes pa dang / gti mug tu 'du shes pa dang / gti mug spang bar 'du shes pa dang / ma rig par 'du shes pa dang / ma rig pa spang bar 'du shes pa dang / 'du byed du 'du shes pa dang /'du byed spang bar 'du shes pa dang / rnam par shes par 'du shes pa dang / rnam par shes pa spang bar 'du shes pa dang / ming dang gzugs su 'du shes pa dang / ming dang gzugs spang bar 'du shes pa dang / skye mched drug tu 'du shes pa dang / skye mched drug tu spang bar 'du shes pa dang / reg par 'du shes pa dang / reg pa spang bar 'du shes pa dang / tshor bar 'du shes pa dang / tshor ba spang bar 'du shes pa dang / sred par 'du shes pa dang / sred pa spang bar 'du shes pa dang / len par 'du shes pa dang / len pa spang bar 'du shes pa dang / srid par 'du shes pa dang / srid pa spang bar 'du shes pa dang /skye bar 'du shes pa dang / skye ba spang bar 'du shes pa dang / rga shir 'du shes pa dang / rga shi spang bar 'du shes pa dang / mya ngan dang smre sngags 'don par 'du shes pa dang / mya ngan dang smre sngags 'don pa spang bar 'du shes pa dang / sdug bsngal du 'du shes pa dang / sdug bsngal kun shes par bya ba spang bar 'du shes pa dang / kun 'byung bar 'du shes pa dang / kun 'byung ba spang bar 'du shes pa dang / 'gog par 'du shes pa dang / 'gog pa mngon du bya ba spang bar 'du shes pa dang / lam du 'du shes pa dang / lam sgom pa spang bar 'du shes pa dang / rnam pa thams cad mkhyen pa nyid du 'du shes pa dang / bag chags kyi mtshams sbyor ba'i nyon mongs pa thams cad spang bar 'du shes pa'i bar du mchis sam/ bcom ldan 'das kyis bka' stsal pa/ rab 'byor de ni med do/ /rab 'byor byang chub sems dpa' sems dpa' chen po ni shes rab kyi pha rol tu phyin pa la spyod pa'i tshe/chos gang la yang dngos po yod par 'du shes pa'am/ dngos po med par 'du shes pa med de / /gang la dngos po yod par 'du shes pa dang / dngos po med par 'du shes pa med pa de nyid ni byang chub sems dpa' sems dpa' chen po'i rjes su mthun pa'i bzod pa'o//gang la dngos po yod par 'du shes pa dang / dngos po med par 'du shes pa med pa de nyid ni lam sgom pa'o/ /gang la dngos po yod par 'du shes pa dang / dngos po med par 'du shes pa med pa de nyid ni 'bras bu'o/ /rab 'byor byang chub sems dpa' sems dpa' chen po'i lam ni dngos po med pa'o//mngon par rtogs pa yang dngos po med pa'o/ /rab 'byor de ltar rnam grangs des kyang 'di ltar chos thams cad ni dngos po med pa'i ngo bo nyid du rig par bya'o/ /gsol pa/ bcom ldan 'das gal te de ltar chos thams cad dngos po ma mchis pa'i ngo bo nyid lags na/bcom ldan 'das ji ltar de bzhin gshegs pas chos thams cad dngos po ma mchis pa'i ngo bo nyid du mngon par rdzogs par sangs rgyas par 'gyur ba 'am / de dag mngon par rdzogs par sangs rgyas pas chos thams cad la mnga' bsgyur ba'i yul la mnga' brnyes par 'gyur/de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la sngon byang chub sems dpa'i spyad pa spyod cing pha rol tu phyin pa drug la spyod pa'i tshe/ 'dod pas dben/ sdig to mi dge ba'i chos kyis dben pa/rtog pa dang bcas dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /bsam gtan bzhi pa'i bar la nye bar bsgrubs shing gnas par gyur te/ 'on kyang ngas bsam gtan de dag dang / bsam gtan gyi yan lag de dag gi mtshan mar ma bzung ste/bsam gtan de dag gis snyems par ma gyur/ bsam gtan gyi ro myang bar ma gyur/ bsam gtan du dmigs par ma gyur te/ de ltar ngas bsam gtan de dag gi rnam pa yongs su dag pa la mnyam par gzhag go/ /de ltar ngas bsam gtan de dag gis rnam par smin par byas nas/rdzu 'phrul gyi shes pa rnam pa tha dad pa mngon du bya ba'i phyir sems gzhol bar byas/ lha'i rna ba shes pa mngon du bya ba'i phyir sems gzhol bar byas/ pha rol gyi sems shes pa mngon du bya ba'i phyir sems gzhol bar byas/ sngon gyi gnas rjes su dran pa shes pa mngon du bya ba'i phyir sems gzhol bar byas/lha'i mig gi shes pa mngon du bya ba'i phyir sems gzhol bar byas te/ 'on kyang ngas mngon par shes pa mngon du byas pa de dag la mtshan mar ma bzung ste/ mngon par shes pa de dag gis rlom sems su ma gyur / ro myong bar ma gyur/dmigs par ma gyur te/ mngon par shes pa lnga po de dag nam mkha' lta bur yang dag par rjes su dran pas mnyam par gzhag ste/ de ltar ngas skad cig gcig dang ldan pa'i shes rab kyis bla na med pa yang dag par rdzogs pa'i byang chub tu mngon par rdzogs par sangs rgyas nas 'di ni sdug bsngal lo//'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam mo zhes yang dag pa ji lta ba bzhin du rab tu shes par gyur te/ de ltar nga de bzhin gshegs pa'i stobs bcu dang ldan par gyur/ mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa dang ldan par gyur nas sems can rnams phung po gsum du lung bstan par gyur to/ /rab 'byor gyis gsol pa/ bcom ldan 'das ji ltar de bzhin gshegs pa dgra bcom pa yang dag par rdzogs pa'i sangs rgyas kyis dngos po ma mchis pa'i ngo bo nyid kyi bsam gtan bzhi bskyed par gyur/ji ltar mngon par shes pa drug mngon par mkhyen pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad bskyed par gyur/ sems can rnams kyang sems can ma mchis par yang ji ltar phung po gsum du lung bstan par gyur/ bcom ldan 'das kyis bka' stsal pa/ rab 'byor gal te 'dod pa rnams dang sdig to mi dge ba'i chos rnams la rang gi ngo bo'am dngos po med pa zhig yod na ni/rab 'byor ngas sngon byang chub sems dpa'i spyad pa spyod pa'i tshe/ 'dod pa rnams dngos po med pa'i ngo bo nyid dang / sdig to mi dge ba'i chos rnams dngos po med pa'i ngo bo nyid du rig nas bsam gtan bzhi nye bar bsgrubs te gnas par yang mi 'gyur te/rab 'byor 'di ltar dngos po med pa'i ngo bo nyid ma gtogs par 'dod pa rnams dang / sdig to mi dge ba'i chos rnams la rang gi ngo bo'am dngos po med pa nyid med pa yin te/ rab 'byor de'i phyir sngon nga byang chub sems dpa'i spyad pa spyod pa'i tshe/'dod pas dben pa / sdig to mi dge ba'i chos kyis dben pa/ rtog pa dang bcas pa / dpyod pa dang bcas pa'i dben pa las skyes pa'i dga' ba dang bde ba can bsam gtan dang po la nye bar bsgrubs te gnas par gyur to/ /bsam gtan bzhi pa'i bar la nye bar bsgrubs te gnas par gyur to//rab 'byor gal te mngon par shes pa rnams la dngos po zhig yod de/ ngo bo 'am gzhan gyi dngos po zhig yod na ni/ rab 'byor ngas kyang mngon par shes pa thams cad dngos po med pa'i ngo bo nyid du rig nas/ bla na med pa yang dag par rdzogs pa'i byang chub tu mngon par rdzogs par sangs rgyas par mi 'gyur te/rab 'byor 'di ltar mngon par shes pa rnams la dngos po med de/ ngo bo nyid med pa/ gzhan gyi dngos po med pa ste/ gzhan du na dngos po med pa'i ngo bo nyid yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyis mngon par shes pa thams cad dngos po med pa'i ngo bo nyid du thugs su chud de/bla na med pa yang dag par rdzogs pa'i byang chub tu mngon par rdzogs par sangs rgyas te/ sems can rnams kyang phung po gsum du lung bstan to zhes bya ba ni bsgom pa'i lam la log par rtog pa ste/'di dag gis ni log par rtog pa gsungs te/ de ltar na rtse mo'i mngon par rtogs pa bstan pa yin no/ /'phags pa shes rab kyi pha rol tu phyin pa stong phrag nyi shu lnga pa mngon par rtogs pa'i rgyan gyi rjes su 'brangs nas yang dag par gtugs pa las rtse mo'i mngon par rtogs pa'i skabs te bslabs pa yongs su dag pa zhes bya ba'i le'u ste lnga pa'o// //bam po drug cu gsum pa/ de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te de ltar byang chub sems dpa' sems dpa' chen po chos thams cad dngos po ma mchis pa'i ngo bo nyid la bsam gtan bzhi dang /mngon par shes pa lngas bla na med pa yang dag par rdzogs pa'i byang chub tu mngon par rdzogs par 'tshang rgya na bcom ldan 'das ji ltar chos thams cad dngos po ma mchis pa'i ngo bo nyid la byang chub sems dpa' sems dpa' chen po mthar gyis spyad pa dang /mthar gyis bslab pa dang mthar gyis nan tan du bgyi ba gang gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i mthar gyis spyad pa dang mthar gyis bslab pa dang /mthar gyis nan tan du bgyi ba ma mchis par 'gyur/ bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos thog mar sangs rgyas bcom ldan 'das rnams dang / byang chub sems dpa' sems dpa' chen po dag dang /sangs rgyas mang po la bsnyen bkur ba'i dgra bcom pa dag dang / phyir mi 'ong ba dang / lan cig phyir 'ong ba dang / rgyun du zhugs pa dag las sangs rgyas bcom ldan 'das rnams dngos po med pa'i ngo bo nyid dang / byang chub sems dpa' sems dpa' chen po rnams dngos po med pa'i ngo bo nyid dang /rang sangs rgyas rnams dngos po med pa'i ngo bo nyid dang / dgra bcom pa rnams dngos po med pa'i ngo bo nyid dang / phyir mi 'ong ba rnams dngos po med pa'i ngo bo nyid dang / lan cig phyir 'ong ba rnams dngos po med pa'i ngo bo nyid dang /rgyun du zhugs pa rnams dngos po med pa'i ngo bo nyid dang / 'phags pa thams cad dngos po med pa'i ngo bo nyid dang / 'du byed rnams ni ngo bo nyid chung ngu na skra'i rtse mo'i cha shas kyi gnas tsam yang med do zhes bya bar thos nas/ byang chub sems dpa' sems dpa' chen po de ci ste/sangs rgyas bcom ldan 'das rnams kyang dngos po med pa'i ngo bo nyid dang / byang chub sems dpa' sems dpa' chen po dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams kyang dngos po med pa'i ngo bo nyid yin na/gal te bdag bla na med pa yang dag par rdzogs pa'i byang chub tu mngon par rdzogs par sangs rgyas kyang rung / gal te mngon par rdzogs par sangs ma rgyas kyang rung ste/ chos thams cad ni dngos po med pa'i ngo bo nyid yin gyi / ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas par byas te/sems can dngos po'i 'du shes la spyod pa thams cad dngos po med pa la rab tu dgod par bya'o snyam ste/ rab 'byor byang chub sems dpa' sems dpa' chen po de sems can thams cad yongs su mya ngan las 'da' ba'i phyir bla na med pa yang dag par rdzogs pa'i byang chub tu mngon par 'jug ste/mthar gyis pa'i bya ba dang / mthar gyis pa'i bslab pa dang / mthar gyis pa'i sgrub pa gang la bslabs pas sngon gyi byang chub sems dpa' sems dpa' chen po rnams bla na med pa yang dag par rdzogs pa'i byang chub tu mngon par rdzogs par sangs rgyas par gyur pa de lta bu'i mthar gyis pa'i bya ba dang /mthar gyis pa'i bslab pa dang / mthar gyis pa'i sgrub pa rtsom mo/ /de thog mar sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol tu phyin pa drug la spyod do zhes bya ba ni/ mthar gyis pa'i mngon par rtogs par spyir bkod pa yin no// //rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/de sbyin pa'i pha rol tu phyin pa la spyod pa'i tshe/ bdag kyang sbyin pa yongs su gtong ngo / /pha rol yang sbyin pa la rab tu 'jog go/ /sbyin pa'i legs pa brjod do/ /sems can gzhan gang sbyin pa yongs su gtong ba de dag gi yang legs pa brjod cing mthun pas dga' bar spyod do//de sbyin pa des longs spyod kyi phung po chen po thob nas ser sna med pa'i sems kyis sbyin pa yongs su gtong bar byed de/ zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos/ spos 'dod pa la ni spos/ phreng ba 'dod pa la ni phreng ba/ byug pa 'dod pa la ni byug pa/ mal cha 'dod pa la ni mal cha/ gnas 'dod pa la ni gnas/ mar me 'dod pa la ni mar me gtong ba nas/ mi'i yo byad gang ci yang rung ba dag kyang de la gtong ba'i bar du ste/de sbyin pa de nyid kyis sems can rnams tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god par byed do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang /rnam par grol ba'i ye shes mthong ba'i phung po de nyid dang ldan pas nyan thos dang rang sangs rgyas kyi sa las 'das nas byang chub sems dpa'i skyon med par 'jug go/ /byang chub sems dpa'i skyon med par zhugs nas sangs rgyas kyi zhing yongs su dag par byed do//sangs rgyas kyi zhing yongs su dag par byas nas sems can rnams yongs su smin par byed do/ /sems can rnams yongs su smin par byas nas rnam pa thams cad mkhyen pa nyid thob par byed do/ /rnam pa thams cad mkhyen pa nyid thob par byas nas chos kyi 'khor lo bskor ro/ /chos kyi 'khor lo bskor nas sems can rnams theg pa gsum la so sor 'god par byed do//theg pa gsum la so sor bkod nas 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po sbyin pas mthar gyis pa'i bya ba rab tu 'dogs te/ mthar gyis pa'i bslab pa dang /mthar gyis pa'i sgrub pa rab tu 'dogs te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do zhes bya ba ni sbyin pa'i pha rol tu phyin pa'i mthar gyis pa'i mngon par rtogs pa yin no// //rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/bdag kyang tshul khrims kyi pha rol tu phyin pa la spyod do/ /gzhan yang tshul khrims kyi pha rol tu phyin pa la yang dag par bskul lo/ /tshul khrims kyi pha rol tu phyin pa'i legs pa brjod do//gzhan tshul khrims kyi pha rol tu phyin pa la spyod pa de dag gi yang legs pa brjod cing mthun pas dga' bar spyod do/ /de tshul khrims des sems can rnams lha'i che ba nyid dang mi'i che ba nyid rab tu thob par byed do/ /de nor med pa'i sems can rnams la nor byin zhing tshul khrims la rab tu 'god pa dang /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang rang sangs rgyas kyi sa las 'das nas tshul khrims kyi phung po dang /ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go//byang chub sems dpa'i skyon med par zhugs nas sangs rgyas kyi zhing yongs su dag par byed do/ /sangs rgyas kyi zhing yongs su dag par byas nas sems can yongs su smin par byed do/ /sems can yongs su smin par byas nas rnam pa thams cad mkhyen pa nyid thob par byed do//rnam pa thams cad mkhyen pa nyid thob par byas nas chos kyi 'khor lo bskor ro/ /chos kyi 'khor lo bskor nas sems can rnams theg pa gsum la so sor 'god do/ /theg pa gsum la so sor bkod nas 'khor ba las yongs su grol bar byed do//rab 'byor de ltar na byang chub sems dpa' sems dpa' chen pos tshul khrims kyis mthar gyis pa'i bya ba rab tu 'dogs te/ mthar gyis pa'i bslab pa dang / mthar gyis pa'i sgrub pa de rab tu 'dogs te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do zhes bya ba ni tshul khrims kyi pha rol tu phyin pa la mthar gyis pa'i mngon par rtogs pa yin no// //rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang bzod pa'i pha rol tu phyin pa la spyod do//gzhan yang bzod pa'i pha rol tu phyin pa la yang dag par bskul lo/ /bzod pa'i pha rol tu phyin pa'i legs pa brjod do/ /gzhan yang bzod pa'i pha rol tu phyin pa la spyod pa de dag gi yang legs pa brjod cing mthun pas dga' bar spyod do/ /de bzod pa des sems can rnams tshul khrims la rab tu 'god do//ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang rang sangs rgyas kyi sa las 'das nas tshul khrims kyi phung po dang /ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go//byang chub sems dpa'i skyon med par zhugs nas sangs rgyas kyi zhing yongs su dag par byed do/ /sangs rgyas kyi zhing yongs su dag par byas nas/ sems can rnams yongs su smin par byed do/ /sems can rnams yongs su smin par byas nas rnam pa thams cad mkhyen pa nyid thob par byed do//rnam pa thams cad mkhyen pa nyid thob nas chos kyi 'khor lo bskor ro/ /chos kyi 'khor lo bskor nas sems can rnams theg pa gsum la so sor 'god do/ /theg pa gsum la so sor bkod nas 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po bzod pas mthar gyis pa'i bya ba dang /mthar gyis pa'i bslab pa dang / mthar gyis pa'i sgrub pa rab tu 'dogs te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do zhes bya ba ni bzod pa'i pha rol tu phyin pa'i mthar gyis pa'i mngon par rtogs pa yin no// //rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang dge ba'i chos rnams la brtson 'grus rtsom mo/ /gzhan yang brtson 'grus la yang dag par bskul lo//brtson 'grus kyi legs pa brjod do/ /gzhan brtson 'grus rtsom pa de dag gi yang legs pa brjod cing mthun pas dga' bar spyod do/ /de brtson 'grus des sems can rnams tshul khrims la rab tu 'god do/ /ting nge 'dzin dang / shes rab dang /rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang rang sangs rgyas kyi sa las 'das nas tshul khrims kyi phung po dang /ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go / /byang chub sems dpa'i skyon med par zhugs nas sangs rgyas kyi zhing yongs su dag par byed do//sangs rgyas kyi zhing yongs su dag par byas nas sems can rnams yongs su smin par byed do/ /sems can rnams yongs su smin par byas nas rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas chos kyi 'khor lo bskor ro//chos kyi 'khor lo bskor nas sems can rnams theg pa gsum la so sor 'god do/ /theg pa gsum la bkod nas 'khor ba las yongs su grol bar byed do/ /rab 'byor de ltar byang chub sems dpa' sems dpa' chen po brtson 'grus kyis mthar gyis pa'i bya ba rab tu 'dogs te/mthar gyis pa'i bslab pa dang / mthar gyis pa'i sgrub pa de rab tu 'dogs te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do zhes bya ba ni brtson 'grus kyi pha rol tu phyin pa'i mthar gyis pa'i mngon par rtogs pa yin no// //rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang tshad med pa dang / bsam gtan dang / gzugs med pa'i snyoms par 'jug pa la snyoms par 'jug go/ /gzhan yang tshad med pa dang /bsam gtan dang / gzugs med pa'i snyoms par 'jug pa la gzhog go/ /gzhan yang tshad med pa dang / bsam gtan dang / gzugs med pa'i snyoms par 'jug pa la mnyam par gzhog pa de dag gi yang legs pa brjod cing mthun pas dga' bar spyod do/ /de tshad med pa dang / bsam gtan dang / gzugs med pa'i snyoms par 'jug pa de dag gis sems can rnams tshul khrims la rab tu 'god do/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang /shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis nyan thos dang rang sangs rgyas kyi sa las 'das nas/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang /rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byed do/ /sangs rgyas kyi zhing yongs su dag par byas nas sems can rnams yongs su smin par byed do//sems can rnams yongs su smin par byas nas rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas chos kyi 'khor lo bskor ro/ /chos kyi 'khor lo bskor nas sems can rnams theg pa gsum la so sor 'god do//theg pa gsum la bkod nas 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po bsam gtan gyis mthar gyis pa'i bya ba dang / mthar gyis pa'i bslab pa dang / mthar gyis pa'i sgrub pa rab tu 'dogs te/ de thams cad kyang dmigs su med do//de ci'i phyir zhe na/ de ni 'di ltar de la ngo bo nyid med do zhes bya ba ni bsam gtan gyi pha rol tu phyin pa'i mthar gyis pa'i mngon par rtogs pa yin no// //rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/bdag nyid kyang shes rab kyi pha rol tu phyin pa la spyod cing sbyin pa yongs su gtong ngo / /tshul khrims srung ngo / /bzod pa sgrub bo/ /brtson 'grus rtsom mo/ /bsam gtan la mnyam par gzhog go/ /shes rab sgom mo/ /gzhan yang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la rab tu gzhog go/ /sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi legs pa brjod do/ /gang gzhan sbyin pa yongs su gtong ba dang / tshul khrims srung ba dang / bzod pa sgrub pa dang / brtson 'grus rtsom pa dang / bsam gtan la mnyam par gzhog pa dang / shes rab sgom pa de dag gi legs pa brjod cing mthun pas dga' bar spyod do/ /de shes rab de nyid kyis sems can rnams tshul khrims dang / ting nge 'dzin dang /shes rab dang / rnam par grol ba dang / rnam par grol ba'i ye shes mthong ba la rab tu 'god par byed do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid dang ldan pas nyan thos dang rang sangs rgyas kyi sa las 'das nas byang chub sems dpa'i skyon med par 'jug go//byang chub sems dpa'i skyon med par zhugs nas sangs rgyas kyi zhing yongs su dag par byed do/ /sangs rgyas kyi zhing yongs su dag par byas nas sems can rnams yongs su smin par byed do//sems can rnams yongs su smin par byas nas rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas chos kyi 'khor lo bskor ro/ /chos kyi 'khor lo bskor nas sems can rnams theg pa gsum la so sor 'god do/ /theg pa gsum la bkod nas 'khor ba las yongs su grol bar byed do//rab 'byor de ltar na byang chub sems dpa' sems dpa' chen po shes rab kyis mthar gyis pa'i bya ba 'dogs/ mthar gyis pa'i bslab pa dang / mthar gyis pa'i sgrub pa 'dogs te de thams cad kyang dmigs su med do/ /de ci'i phyir zhe na/de ni 'di ltar de la ngo bo nyid med do zhes bya ba ni shes rab kyi pha rol tu phyin pa'i mthar gyis pa'i mngon par rtogs pa yin no// //rab 'byor gzhan yang byang chub sems dpa' sems dpa' chen po mthar gyis pa'i bya ba dang / mthar gyis pa'i bslab pa dang / mthar gyis pa'i sgrub pa la bslab ste/de sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas chos thams cad dngos po med pa'i ngo bo nyid du lhag par mos pas sangs rgyas rjes su dran pa sgom mo/ /chos rjes su dran pa dang / dge 'dun rjes su dran pa dang / tshul khrims rjes su dran pa dang /gtong ba rjes su dran pa dang / lha rjes su dran pa sgom mo/ /rab 'byor ji ltar na byang chub sems dpa' sems dpa' chen po sangs rgyas rjes su dran pa sgom pa yin zhe na/ rab 'byor 'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas gzugs su yid la mi byed de /tshor ba dang / 'du shes dang / 'du byed dang / rnam par shes pa yid la mi byed do/ /de ci'i phyir zhe na/ de ni 'di ltar gzugs la ngo bo nyid med de/ gang la ngo bo nyid med pa de ni dngos po med pa'o/ /tshor ba dang /'du shes dang / 'du byed rnams dang / rnam par shes pa la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la bya ba med pa ni sangs rgyas rjes su dran pa'o zhes bya ba ni gzugs la sogs pa yid la mi byed pas sangs rgyas rjes su dran pa yin no// //rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas mi chen po'i mtshan sum cu rtsa gnyis kyis yid la mi byed/sku gser gyi kha dog gis yid la mi byed/ 'od 'dom gang bas yid la mi byed/ dpe byad bzang po brgyad cus yid la mi byed de/ de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med par dran par mi nus te/ de ci'i phyir zhe na/ dran pa med cing yid la byed pa med pa ni sangs rgyas rjes su dran pa'o zhes bya ba ni mtshan la sogs pa yid la mi byed pas sangs rgyas rjes su dran pa yin no// // rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas tshul khrims kyi phung por yid la mi byed/ ting nge 'dzin gyi phung po dang / shes rab kyi phung po dang / rnam par grol ba'i phung po dang /rnam par grol ba'i ye shes gzigs pa'i phung por yid la mi byed de/ de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la bya ba med pa ni sangs rgyas rjes su dran pa'o zhes bya ba ni tshul khrims la sogs pa'i phung po yid la mi byed pas sangs rgyas rjes su dran pa yin no// //rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas de bzhin gshegs pa'i stobs bcur yid la mi byed/mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad kyis yid la mi byed de/ de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la byed pa med pa ni sangs rgyas rjes su dran pa'o zhes bya ba ni stobs bcu la sogs pa yid la mi byed pas sangs rgyas rjes su dran pa yin no// //rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas rten cing 'brel par 'byung bar yid la mi byed do/ /de ci'i phyir zhe na/de ni 'di ltar de dag la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la byed pa med pa ni sangs rgyas rjes su dran pa'o zhes bya ba ni rten cing 'brel par 'byung ba yid la mi byed pas sangs rgyas rjes su dran pa yin no// //rab 'byor de ltar byang chub sems dpa' sems dpa' chen po chos thams cad dngos po med pa'i ngo bo nyid la shes rab kyi pha rol tu phyin pa la spyod pa la sangs rgyas rjes su dran pa bsgom par bya'o/ /de ltar na mthar gyis pa'i bya ba 'dogs par byed pa dang /mthar gyis pa'i bslab pa dang / mthar gyis pa'i sgrub pa 'dogs par byed do/ /de mthar gyis pa'i bya ba dang / mthar gyis pa'i bslab pa dang / mthar gyis pa'i sgrub pa la slob pa na/ dngos po med pa'i ngo bo nyid kyi tshul gyis pha rol tu phyin pa thams cad dang / stong pa nyid thams cad dang /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu yongs su rdzogs par byed do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed do//mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po yongs su rdzogs par byed do/ /sangs rgyas kyi chos ma 'dres pa bco brgyad yongs su rdzogs par byed do//rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa 'am/dngos po med par 'du shes pa yang med na/ dran pa'i las rdul tsam yang yod pa'am/ dran pa dang bral bar 'gyur ba lta ci zhig smos zhes bya ba ni sangs rgyas rjes su dran pa yin no// //rab 'byor ji ltar na byang chub sems dpa' sems dpa' chen po chos rjes su dran pa sgom pa yin zhe na/rab 'byor 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos rjes su dran pa sgom pa na dge ba'i chos yid la mi byed/ mi dge ba dang lung du ma bstan pa'i chos yid la mi byed/ 'jig rten pa'i chos dang / 'jig rten las 'das pa'i chos dang /zang zing dang bcas pa'i chos dang / zang zing med pa'i chos dang / 'phags pa'i chos dang / 'phags pa ma yin pa'i chos dang / zag pa dang bcas pa'i chos dang / zag pa med pa'i chos dang / 'dod pa'i khams su gtogs pa'i chos dang / gzugs kyi khams su gtogs pa'i chos dang /gzugs med pa'i khams su gtogs pa'i chos dang / 'dus byas kyi chos dang / 'dus ma byas kyi chos yid la mi byed do/ /de ci'i phyir zhe na/ de ni 'di ltar chos de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/de ci'i phyir zhe na/ de ni 'di ltar dran pa med cing rjes su dran pa med pa ni chos rjes su dran pa'o/ /rab 'byor de ltar byang chub sems dpa' sems dpa' chen po chos rjes su dran pa de la bslabs shing dngos po med pa'i ngo bo nyid kyi tshul gyis rnam pa thams cad mkhyen pa nyid kyi bar du yongs su rdzogs par byed do//de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa'am/ dngos po med par 'du shes pa yang med na/ dran pa'i las rdul tsam yang yod pa'am/dran pa dang bral bar 'gyur ba lta ci zhig smos zhes bya ba ni chos rjes su dran pa yin no// //rab 'byor ji ltar na byang chub sems dpa' sems dpa' chen po dge 'dun rjes su dran pa sgom pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/dge 'dun rjes su dran pa sgom ste/ bcom ldan 'das kyi nyan thos kyi dge 'dun dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba phun sum tshogs pa'i skyes bu zung bzhi dang /skyes bu gang zag brgyad po de dag dngos po med pa'i ngo bo nyid du yid la byed do/ /de ci'i phyir zhe na/ de ni 'di ltar de dag la ngo bo nyid med do/ /gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni dge 'dun rjes su dran pa'o//rab 'byor de ltar byang chub sems dpa' sems dpa' chen po dge 'dun rjes su dran pa de la bslabs shing dngos po med pa'i ngo bo nyid kyi tshul gyis rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/de la dngos po yod par 'du shes pa'am/ dngos po med par 'du shes pa'ang med na/ dran pa'i las rdul tsam yang yod pa'am/ dran pa dang bral bar 'gyur ba lta ci zhig smos zhes bya ba ni dge 'dun rjes su dran pa yin no// //rab 'byor ji ltar na byang chub sems dpa' sems dpa' chen po tshul khrims rjes su dran pa sgom pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshul khrims rjes su dran pa sgom pa na/ tshul khrims ma nyams pa/skyon med pa/ ma 'dres pa/ nag nog med pa/ mchog tu 'dzin pa med pa/ dbang 'byor pa/ mkhas pas bsngags pa/ shin tu rdzogs pa / ting nge 'dzin rdzogs par byed pa la gnas te/ de tshul khrims des dngos po med pa'i ngo bo nyid du yid la byed do/ /de ci'i phyir zhe na/ de ni 'di ltar de la ngo bo nyid med de/gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni/ tshul khrims rjes su dran pa'o/ /rab 'byor de ltar byang chub sems dpa' sems dpa' chen po tshul khrims rjes su dran pa de la bslabs shing /dngos po med pa'i ngo bo nyid kyi tshul gyis rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/de la dngos po yod par 'du shes pa'am/ dngos po med par 'du shes pa yang med na/ dran pa'i las rdul tsam yang yod pa'am/ dran pa dang bral bar 'gyur ba lta ci zhig smos zhes bya ba ni tshul khrims rjes su dran pa yin no// //rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gtong ba rjes su dran par 'gyur zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gtong ba rjes su dran pa sgom nas dngos po med pa'i ngo bo nyid kyi tshul gyis gtong ba rjes su dran par bya ste/gang zang zing gtong ba dang / chos gtong ba yid la mi byed do / /de yan lag dang nying lag kyang yongs su gtong na dngos po gzhan lta ci zhig smos/ de ltar sbyin pa yongs su gtong yang 'di ltar bdag ni sbyin pa yongs su gtong ba'o/ /dngos po ni 'di btang ba'o/ / 'di la gtang bar bya'o snyam du mi sems so/ /de ci'i phyir zhe na/ de ni 'di ltar dngos po med pa de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la byed pa med pa ni gtong ba rjes su dran pa'o//rab 'byor de ltar byang chub sems dpa' sems dpa' chen po gtong ba rjes su dran pa la bslabs shing dngos po med pa'i ngo bo nyid kyi tshul gyis rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/de la dngos po yod par 'du shes pa'am/ dngos po med par 'du shes pa yang med na/ dran pa'i las rdul tsam yod pa'am/ dran pa dang bral bar 'gyur ba lta ci zhig smos zhes bya ba ni gtong ba rjes su dran pa yin no// //rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/lha rjes su dran pa yin zhe na/ rab 'byor 'di la byang chub sems dpa' sems dpa' chen po lha rjes su dran pa sgom pa na/ rgyal chen bzhi'i ris kyi lhar skye ba dang / sum cu rtsa gsum gyi lhar skye ba dang /'thab bral dang / dga' ldan dang / 'phrul dga' dang / gzhan 'phrul dbang byed kyi lhar skye ba'i rgyun du zhugs pa'i lha gang yin pa de dag dang / gzugs na spyod pa dang / gzugs med pa na spyod pa skye ba'i phyir mi 'ong ba'i lha gang yin pa de dag dngos po med pa'i ngo bo nyid kyi tshul gyis yid la byed do//de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni lha rjes su dran pa'o/ /rab 'byor de ltar byang chub sems dpa' sems dpa' chen po lha rjes su dran pa de la bslabs shing rnam pa thams cad mkhyen pa nyid kyi bar du yongs su rdzogs par byed do//de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa 'am/dngos po med par 'du shes pa'ang med na/ dran pa'i las rdul tsam yang yod pa'am dran pa dang bral bar 'gyur ba lta ci zhig smos zhes bya ba ni lha rjes su dran pa yin no// //rab 'byor de ltar na byang chub sems dpa' sems dpa' chen po rjes su dran pa drug yid la byed pa'i mthar gyis pa'i bya ba 'dogs te/mthar gyis pa'i bslab pa dang / mthar gyis pa'i sgrub pa de rab tu 'dogs te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do zhes bya ba ni rjes su dran pa drug yin no// //rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa mthar gyis pa'i bya ba yongs su rdzogs par 'dod pa dang /mthar gyis pa'i bslab pa dang / mthar gyis pa'i sgrub pa yongs su rdzogs par bya bar 'dod pas sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas dngos po med pa'i ngo bo nyid kyi tshul gyis nang stong pa nyid la bslab par bya'o//phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la bslab par bya'o/ /dran pa nye bar gzhag pa rnams la bslab par bya'o/ /yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / lam la bslab par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /ting nge 'dzin la snyoms par 'jug pa dang / gzungs kyi sgo rnams la bslab par bya'o/ /stong pa nyid dang / mtshan ma med pa dang / smon pa med pa'i ting nge 'dzin dang / dngos po med pa'i ngo bo nyid kyi tshul gyis de bzhin gshegs pa'i stobs dang /mi 'jigs pa dang / so so yang dag par rig pa dang / sangs rgyas kyi chos ma 'dres pa bco brgyad la bslab par bya'o/ /pha rol tu phyin pa bcu po rnams la bslab par bya'o/ /snying rje chen po la bslab par bya'o/ / de byang chub kyi sems la de ltar slob pa na/ chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/de la dran pa'i las rdul tsam yang med na/ gzugs sam/ tshor ba'am/ 'du shes sam/ 'du byed dam/ rnam par shes pa'am/ skye mched rnams sam/ khams rnams sam/ rten cing 'brel par 'byung ba rnams sam/pha rol tu phyin pa rnams sam/ stong pa nyid thams cad dang / byang chub kyi phyogs kyi chos rnams sam/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa'am / mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/so so yang dag par rig pa rnams sam/ byams pa chen po'am/ snying rje chen po'am/ sangs rgyas kyi chos ma 'dres pa'am/ rnam pa thams cad mkhyen pa nyid kyi bar du yod par gyur pa'am/ rnam pa thams cad mkhyen pa nyid kyi ye shes yod par 'gyur ba lta ga la yod de/ de ni gnas med do//rab 'byor de ltar na byang chub sems dpa' sems dpa' chen po chos thams cad dngos po med pa'i ngo bo nyid la slob pa'i mthar gyis pa'i spyod pa yod pa yin/ mthar gyis pa'i bslab pa yod pa yin/ mthar gyis 'jug pa'i lam yod pa yin te/ de la sems dang spyod pa dang bslab pa 'jug par 'gyur ro// de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te de ltar chos thams cad dngos po ma mchis pa'i ngo bo nyid lags na/ 'o na ni gzugs kyang ma mchis/ tshor ba dang / 'du shes dang / 'du byed dang / rnam par shes pa'ang ma mchis/ skye mched rnams dang / khams rnams dang / rten cing 'brel par 'byung ba yang ma mchis/ rten cing 'brel par 'byung ba'i yan lag rnams kyang ma mchis/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang ma mchis/'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyang ma mchis/ rnam pa thams cad mkhyen pa nyid kyi ye shes kyi bar yang ma mchis/sangs rgyas dang chos dang dge 'dun yang ma mchis/ lam yang ma mchis/ 'bras bu yang ma mchis/ nyon mongs pa yang ma mchis/ rnam par byang ba yang ma mchis/ thob pa'ang ma mchis/ mngon par rtogs pa'ang ma mchis/chos thams cad kyang ma mchis pa lags sam / bcom ldan 'das kyis bka' stsal pa/ rab 'byor de ji snyam du sems/ chos thams cad dngos po med pa'i ngo bo nyid la yod pa'am med pa zhig dmigs su yod snyam mam / rab 'byor gyis gsol pa/ bcom ldan 'das de ni ma lags te/chos thams cad dngos po med pa'i ngo bo nyid la mchis pa'am ma mchis pa mi dmigs so/ /bcom ldan 'das kyis bka' stsal pa/ rab 'byor 'o na ci'i phyir khyod de ltar gal te chos thams cad dngos po med pa'i ngo bo nyid yin na gzugs kyang med/ tshor ba dang / 'du shes dang / 'du byed dang / rnam par shes pa'ang med/ skye mched dang / khams dang / rten cing 'brel par 'byung ba'ang med/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang med/ 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs rnams dang /mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams kyang med/ rnam pa thams cad mkhyen pa nyid kyi ye shes kyi bar yang med/ sangs rgyas dang / chos dang / dge 'dun yang med/ lam yang med/ 'bras bu yang med/ nyon mongs pa yang med/ rnam par byang ba yang med/ 'thob pa'ang med/ mngon par rtogs pa'ang med/ chos thams cad kyang med do zhes bya bar sems par gyur / rab 'byor gyis gsol pa/ bcom ldan 'das bdag ni chos 'di dag la [(]ner [,]nem [)]nur yang ma mchis/the tshom yang ma mchis te/ 'on kyang bcom ldan 'das ma byung ba'i dus na dge slong nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa dag 'di skad du/ gal te chos thams cad dngos po med pa'i ngo bo nyid yin na/chos thams cad dngos po med pa la su zhig kun nas nyon mongs pa'am/ rnam par byang bar 'gyur zhes mchi zhing / de dag kun nas nyon mongs pa dang / rnam par byang ba ma 'tshal bas tshul khrims log par 'gyur/ lta ba log par 'gyur/ spyod pa log par 'gyur/ 'tsho ba log par 'gyur te/tshul khrims log par gyur pa dang / lta ba log par gyur pa dang / spyod pa log par gyur pa dang / 'tsho ba log par gyur pas de dag sems can dmyal ba'am/ byol song gi skye gnas sam/ gshin rje'i 'jig rten gyi ngan song gsum las gcig tu mchis par 'gyur te/ bcom ldan 'das bdag gis ma byung ba'i 'jig pa de mthong nas/ de bzhin gshegs pa dgra bcom pa yang dag par rdzogs pa'i sangs rgyas la don de zhu ba lags kyis bcom ldan 'das bdag ni chos 'di dag la nem nur ram the tshom ma mchis so/ /bcom ldan 'das kyis bka' stsal pa/ rab 'byor legs so legs so//de de bzhin te/ ji skad du smra ba de bzhin no/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ don gyi dbang ci zhig mthong na byang chub sems dpa' sems dpa' chen po sems can rnams kyi don gyi slad du bla na med pa yang dag par rdzogs pa'i byang chub tu 'jug pa lags/bcom ldan 'das kyis bka' stsal pa/ rab 'byor gang gi phyir chos thams cad dngos po med pa'i ngo bo nyid yin pa de nyid kyi phyir byang chub sems dpa' sems dpa' chen po bla na med pa yang dag par rdzogs pa'i byang chub tu 'jug ste/de ci'i phyir zhe na/ rab 'byor dmigs pa ni rgya chung ba ste/ dmigs pa'i 'du shes can la thob pa med do/ /mngon par rtogs pa med do/ /bla na med pa yang dag par rdzogs pa'i byang chub med do/ / gsol pa/ bcom ldan 'das dmigs pa ma mchis pa la thob pa'am/ mngon par rtogs pa'am/ bla na med pa yang dag par rdzogs pa'i byang chub mchis sam/ bcom ldan 'das kyis bka' stsal pa/ rab 'byor chos kyi dbyings la rnam par 'khrug pa med pa'i phyir mi dmigs pa nyid thob pa'o//mi dmigs pa nyid mngon par rtogs pa'o/ /mi dmigs pa nyid bla na med pa yang dag par rdzogs pa'i byang chub po/ /gang mi dmigs pa la thob pa'am/ mngon par rtogs pa'am/ bla na med pa yang dag par rdzogs pa'i byang chub 'dod pa de ni chos kyi dbyings la rnam par 'khrug par 'dod du zad do//gsol pa/ bcom ldan 'das gal te de ltar dmigs pa ma mchis pa la yang 'thob pa ma mchis/ mngon par rtogs pa ma mchis/ bla na med pa yang dag par rdzogs pa'i byang chub ma mchis la/ mi dmigs pa nyid thob pa/ mi dmigs pa nyid mngon par rtogs pa/mi dmigs pa nyid bla na med pa yang dag par rdzogs pa'i byang chub lags na/ bcom ldan 'das byang chub sems dpa' sems dpa' chen po'i sa dang po yang ga la mchis/ sa gnyis pa yang ga la mchis/ sa gsum pa yang ga la mchis/ sa bcu pa'i bar yang ga la mchis/mi skye ba'i chos la bzod pa thob pa yang ga la mchis/ rnam par smin pa las byung ba'i mngon par shes pa yang ga la mchis/ rnam par smin pa las byung ba'i sbyin pa'ang ga la mchis/ rnam par smin pa las byung ba'i tshul khrims dang / bzod pa dang / brtson 'grus dang /bsam gtan dang / rnam par smin pa las byung ba'i shes rab kyang ga la mchis/ rnam par smin pa las byung ba'i byang chub kyi phyogs kyi chos rnams kyang ga la mchis / rnam par smin pa'i chos de dag la gnas shing sems can rnams yongs su smin par bgyis pa dang / sangs rgyas kyi zhing yongs su dag par bgyid pa dang /sangs rgyas bcom ldan 'das rnams la zhal zas dang / btung ba dang / na bza' dang / gzims cha dang / pho brang dang / yo byad dang / me tog dang / bdug spos dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / mar me dang / phreng ba dang / lha dang mi'i phun sum tshogs pa gzhan gang yang rung ba dag gis rim gro bgyid cing de la de dag rgyun mi 'chad par yongs su mya ngan las 'das kyi bar du sku gdung dang / nyan thos dag la rnam par smin par gyur kyang bas bar mi 'gyur na/bcom ldan 'das de ci'i slad du byang chub sems dpa' sems dpa' chen po chos kyi dbyings rnam par 'khrug par bgyid par mi 'gyur ram/ bcom ldan 'das kyis bka' stsal pa/ rab 'byor gang gi phyir mi dmigs pa de nyid kyi phyir byang chub sems dpa' sems dpa' chen po chos kyi dbyings rnam par 'khrug par mi byed de/de nyid kyi phyir byang chub sems dpa' sems dpa' chen po'i sa dang po yod do/ /de nyid kyi phyir sa gnyis pa dang / sa gsum pa dang / sa bcu pa'i bar du yod do/ /de nyid kyi phyir mi skye ba'i chos la bzod pa yod do/ /de nyid kyi phyir rnam par smin pa las byung ba'i mngon par shes pa yod do//de nyid kyi phyir rnam par smin pa las byung ba'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab yod do/ /de nyid kyi phyir rnam par smin pa las byung ba'i byang chub kyi phyogs kyi chos rnams yod do//de nyid kyi phyir rnam par smin pa las byung ba'i dge ba'i rtsa ba rnams te/ dge ba'i rtsa ba de dag gis byang chub sems dpa' sems dpa' chen po sems can rnams yongs su smin par byed do/ /sangs rgyas kyi zhing yongs su dag par byed do/ /sangs rgyas bcom ldan 'das rnams la yang zhal zas dang /btung ba dang / na bza' dang / gzims cha dang / pho brang dang / yo byad dang / me tog dang / bdug spos dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / mar me dang / lha dang / mi'i phun sum tshogs pa gzhan gang yang rung ba dag gis rim gro byed cing de la de dag la rgyun mi 'chad par yongs su mya ngan las 'das pa'i sku gdung rnams kyi bar dang / nyan thos dag la rnam par smin par gyur kyang zad par mi 'gyur ro/ /gsol pa/ bcom ldan 'das mi dmigs pa dang /sbyin pa dang / tshul khrims dang / bzod pa dang / brtson 'grus dang / ting nge 'dzin dang / shes rab dang / mngon par shes pa rnams la bye brag ni ci zhig mchis/ tha dad du bgyi ba ni ci zhig mchis/ bcom ldan 'das kyis bka' stsal pa/ rab 'byor mi dmigs pa dang /sbyin pa dang / tshul khrims dang / bzod pa dang / brtson 'grus dang / ting nge 'dzin dang / shes rab dang / mngon par shes pa rnams la tha dad du bya ba gang yang med do/ /rab 'byor gos pa med pa'i sbyin pa dang / tshul khrims dang / bzod pa dang / brtson 'grus dang /bsam gtan dang / shes rab dang / gos pa med pa'i mngon par shes pa dag la tha dad du bya ba bstan to/ /gsol pa/ bcom ldan 'das gos pa ma mchis pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa rnams la ji ltar tha dad du bgyi ba bstan/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa mi dmigs/ gtong ba mi dmigs/ len pa mi dmigs par sbyin pa gtong ngo //tshul khrims mi dmigs par tshul khrims srung ngo / /bzod pa mi dmigs par bzod pa sgom mo/ /brtson 'grus mi dmigs par brtson 'grus rtsom mo/ /ting nge 'dzin mi dmigs par ting nge 'dzin la snyoms par 'jug go/ /shes rab mi dmigs par shes rab sgom mo//mngon par shes pa mi dmigs par mngon par shes pa rnams la spyod do/ /dran pa nye bar gzhag pa rnams mi dmigs par dran pa nye bar gzhag pa rnams la spyod do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /lam mi dmigs par lam la spyod do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams mi dmigs par gzugs med pa'i snyoms par 'jug pa rnams la spyod do/ /rnam par thar pa rnams dang / mthar gyis gnas pa'i snyoms par 'jug pa rnams mi dmigs par mthar gyis gnas pa'i snyoms par 'jug pa rnams la spyod do//stong pa nyid dang / mtshan ma med pa dang / smon pa med pa mi dmigs par smon pa med pa la spyod do/ /mngon par shes pa rnams dang / ting nge 'dzin rnams dang / gzungs kyi sgo rnams dang /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams mi dmigs par so so yang dag par rig pa rnams la spyod do/ /byams pa chen po dang / snying rje chen po dang / sangs rgyas kyi chos ma 'dres pa rnams mi dmigs par sangs rgyas kyi chos ma 'dres pa rnams la spyod do//sems can rnams mi dmigs par sems can rnams yongs su smin par byed do/ /sangs rgyas kyi zhing mi dmigs par sangs rgyas kyi zhing yongs su dag par byed do/ /sangs rgyas kyi chos rnams mi dmigs par byang chub tu mngon par rdzogs par 'tshang rgya'o//rab 'byor de ltar byang chub sems dpa' sems dpa' chen po mi dmigs pa'i tshul gyis shes rab kyi pha rol tu phyin pa la spyod do/ /rab 'byor byang chub sems dpa' sems dpa' chen po de ltar shes rab kyi pha rol tu phyin pa la spyod pa na/ de la bdud sdig can rnams sam/ bdud kyi ris kyi lha rnams kyis thub par dka' ba yin no zhes bya ba ni chos thams cad dngos po med pa'i ngo bo nyid du shes pa'i mthar gyis pa'i mngon par rtogs pa yin no//'di dag gis ni mthar gyis pa'i mngon par rtogs pa gsungs so/ /'phags pa bcom ldan 'das ma shes rab kyi pha rol tu phyin pa stong phrag nyi shu lnga pa mngon par rtogs pa'i rgyan gyi rjes su 'brangs nas dag par gtugs pa las mthar gyis pa'i mngon par rtogs pa'i dbang du mdzad pa rim gyis 'jug pas bslab pa'i le'u ste drug pa'o// //de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar sems bskyed pa gcig gis pha rol tu phyin pa drug yongs su 'dzin pa lags/ bcom ldan 'das bsam gtan bzhi dang / tshad med pa bzhi dang /gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su 'dzin pa lags/rnam par thar pa'i sgo gsum dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga yongs su 'dzin pa lags/ nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du yongs su 'dzin pa lags/ ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang /sangs rgyas kyi chos ma 'dres pa bco brgyad dang / mi chen po'i mtshan sum cu rtsa gnyis dang / dpe byad bzang po brgyad cu yongs su 'dzin pa lags zhes bya ba ni sems kyi skad cig ma gcig gis mngon par rtogs pa spyir gsungs pa yin no// //bcom ldan 'das kyis bka' stsal pa/rab 'byor 'di la byang chub sems dpa' sems dpa' chen po sbyin pa gang yongs su gtong ba de shes rab kyi pha rol tu phyin pas yongs su zin pa las gzhan du ma yin no/ /tshul khrims gang srung ba dang / bzod pa gang sgom pa dang / brtson 'grus gang rtsom pa dang / ting nge 'dzin gang la snyoms par 'jug pa dang /shes rab gang la sgom pa de shes rab kyi pha rol tu phyin pas yongs su zin pa las gzhan du ma yin no/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams la gang snyoms par 'jug pa dang / dran pa nye bar gzhag pa rnams la gang sgom pa dang /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la gang sgom pa dang / rnam par thar pa'i sgo gsum dang / 'phags pa'i bden pa dang / rnam par thar pa rnams dang /mthar gyis gnas pa'i snyoms par 'jug pa rnams dang / mngon par shes pa rnams la gang sgom pa de shes rab kyi pha rol tu phyin pas yongs su zin pa las gzhan du ma yin [(]na[,]no[)]/ /nang stong pa nyid dang / dngos po med pa'i ngo bo nyid stong pa nyid kyi bar la sgom pa dang / ting nge 'dzin rnams dang /gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams la gang sgom pa de shes rab kyi pha rol tu phyin pas yongs su zin pa las gzhan du ma yin no//mtshan rnams dang / dpe byad bzang po rnams gang mngon par sgrub pa de shes rab kyi pha rol tu phyin pas yongs su zin pa las gzhan du ma yin no/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod pa ni sems bskyed pa gcig gis pha rol tu phyin pa drug yongs su rdzogs par byed do//bsam gtan rnams dang / tshad med pa rnams dang / gzugs med pa'i snyoms par 'jug pa rnams yongs su rdzogs par byed do/ /dran pa nye bar gzhag pa rnams dang / yang dag par spong ba rnams dang /rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yongs su rdzogs par byed do/ /rnam par thar pa'i sgo rnams dang / 'phags pa'i bden pa rnams dang / rnam par thar pa rnams dang /mthar gyis gnas pa'i snyoms par 'jug pa rnams dang / mngon par shes pa rnams yongs su rdzogs par byed do/ /nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang /mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par byed do/ /skyes bu chen po'i mtshan rnams dang / dpe byad bzang po rnams yongs su rdzogs par byed do//gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pas yongs su zin pa de sems can sems bskyed pa gcig gis ji ltar pha rol tu phyin pa drug yongs su 'dzin pa lags/ bsam gtan rnams dang / tshad med pa rnams dang / gzugs med pa'i snyoms par 'jug pa rnams yongs su 'dzin pa lags/ dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yongs su 'dzin pa lags/rnam par thar pa'i sgo rnams dang / 'phags pa'i bden pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / mngon par shes pa rnams yongs su 'dzin pa lags/ stong pa nyid thams cad yongs su 'dzin pa lags/ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su 'dzin pa lags/skyes bu chen po'i mtshan sum cu rtsa gnyis dang / dpe byad bzang po brgyad cu yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa gang gtong ba de shes rab kyi pha rol tu phyin pas yongs su zin par gtong ste/de la gnyis kyi 'du shes su mi 'gyur ro/ /tshul khrims gang srung ba dang / bzod pa gang sgom pa dang / brtson 'grus gang rtsom pa dang / ting nge 'dzin gang la snyoms par 'jug pa dang / shes rab gang sgom pa de shes rab kyi pha rol tu phyin pas yongs su zin par sgom ste/de la gnyis kyi 'du shes su mi 'gyur ro/ /nang stong pa nyid gang sgom pa dang / dngos po med pa'i ngo bo nyid stong pa nyid kyi bar du gang sgom pa de shes rab kyi pha rol tu phyin pas yongs su zin par sgom ste/ de la gnyis kyi 'du shes su mi 'gyur ro/ /byang chub kyi phyogs kyi chos rnams gang sgom pa de shes rab kyi pha rol tu phyin pas yongs su zin par sgom ste/de la gnyis kyi 'du shes su mi 'gyur ro/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa rnams dang /rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /byams pa chen po dang / snying rje chen po dang / sangs rgyas kyi chos ma 'dres pa rnams gang sgom pa de shes rab kyi pha rol tu phyin pas yongs su zin par sgom ste/ de la gnyis kyi 'du shes su mi 'gyur ro/ /mtshan rnams dang / dpe byad bzang po rnams gang mngon par sgrub pa de shes rab kyi pha rol tu phyin pas yongs su zin par mngon par sgrub ste/de la gnyis kyi 'du shes su mi 'gyur ro/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar na sbyin pa gtong ba dang / de la gnyis kyi 'du shes su mi 'gyur ba lags/ji ltar na tshul khrims dang / bzod pa dang / brtson 'grus dang / bsam gtan dang / shes rab sgom pa dang / de gnyis kyi 'du shes su mi 'gyur ba lags/ ji ltar na nang stong pa nyid dang / dngos po med pa'i ngo bo nyid stong pa nyid kyi bar du sgom pa dang / de la gnyis kyi 'du shes su mi 'gyur ba lags/ ji ltar na byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang /sangs rgyas kyi chos ma 'dres pa rnams sgom pa dang / de la gnyis kyi 'du shes su mi 'gyur ba lags/ ji ltar na skyes bu chen po'i mtshan sum cu rtsa gnyis dang / dpe byad bzang po brgyad cu mngon par sgrub pa dang / de la gnyis kyi 'du shes su mi 'gyur ba lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa yongs su rdzogs par byed do/ /de sbyin pa'i pha rol tu phyin pa der pha rol tu phyin pa drug po thams cad 'dus par byas shing sbyin pa gtong ba nas/byang chub kyi phyogs kyi chos thams cad kyi bar du 'dus par byas nas sbyin pa gtong ngo / /sbyin pa'i pha rol tu phyin pa yongs su rdzogs par byed do/ /de tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par byed de/ de shes rab kyi pha rol tu phyin pa der pha rol tu phyin pa drug po thams cad 'dus par byas shing shes rab kyi pha rol tu phyin pa yongs su rdzogs par byed do//de shes rab kyi pha rol tu phyin pa la spyod pa'i tshe/ byang chub kyi phyogs kyi chos rnams yongs su rdzogs par byed de/ de byang chub kyi phyogs kyi chos der pha rol tu phyin pa drug po thams cad 'dus par byas shing byang chub kyi phyogs kyi chos rnams yongs su rdzogs par byed do/ / rab 'byor byang chub sems dpa' sems dpa' chen po de gang gi tshe shes rab kyi pha rol tu phyin pa la spyod cing sbyin pa gtong ba de'i tshe/ zag pa med pa'i sems la gnas shing sbyin pa yongs su gtong ste/ de zag pa med pa'i sems de dag la gnas te/ gang la sbyin pa dang / gang sbyin pa dang /gang gis sbyin pa'i mtshan ma yang dag par rjes su mi mthong ngo / /de mtshan ma dang bral ba'i sems zag pa med pa'i sems sred pa dang bral zhing dngos po dang bral bas sbyin pa gtong ste/ des sbyin pa de yang yang dag par rjes su mi mthong / sems de yang yang dag par rjes su mi mthong /len pa po de yang yang dag par rjes su mi mthong ba nas/ des sangs rgyas kyi chos rnams kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing mtshan ma dang bral ba'i sems kyis tshul khrims srung ba'i tshe/tshul khrims de yang yang dag par rjes su mi mthong ste/ sems de yang yang dag par rjes su mi mthong ba nas/ sangs rgyas kyi chos thams cad kyi bar du yang yang dag par rjes su mi mthong ngo // //bam po drug cu bzhi pa/rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing mtshan ma dang bral ba'i sems kyis bzod pa sgom pa'i tshe/ bzod pa de yang yang dag par rjes su mi mthong ste/ sems de yang yang dag par rjes su mi mthong ba nas/sangs rgyas kyi chos ma 'dres pa'i bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing mtshan ma dang bral ba'i sems kyis brtson 'grus rtsom pa'i tshe/ des brtson 'grus de yang yang dag par rjes su mi mthong ste/sems de yang yang dag par rjes su mi mthong ba nas/ sangs rgyas kyi chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing mtshan ma dang bral ba'i sems kyis bsam gtan la snyoms par 'jug pa'i tshe/bsam gtan de yang yang dag par rjes su mi mthong ste/ sems de yang yang dag par rjes su mi mthong ba nas/ sangs rgyas kyi chos thams cad kyi bar du yang yang dag par rjes su mi mthong ngo //rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing mtshan ma dang bral ba'i sems kyis shes rab sgom pa'i tshe/ shes rab de yang yang dag par rjes su mi mthong ste/ sems de yang yang dag par rjes su mi mthong ba nas/sangs rgyas kyi chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing / mtshan ma dang bral ba'i sems kyis nang stong pa nyid dang /dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams dang / mi chen po'i mtshan sum cu rtsa gnyis dang /dpe byad bzang po brgyad cu mngon par sgrub pa'i tshe/ sems de yang yang dag par rjes su mi mthong ba nas sangs rgyas kyi chos de dag kyang yang dag par rjes su mi mthong ste/ chos thams cad kyi bar du yang yang dag par rjes su mi mthong ngo / /rab 'byor gyis gsol pa/bcom ldan 'das ji ltar chos thams cad mtshan ma ma mchis pa dang / mngon par 'du bgyi ba ma mchis pa la byang chub sems dpa' sems dpa' chen po'i sbyin pa'i pha rol tu phyin pa yongs su rdzogs par 'gyur ba lags/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par 'gyur ba lags/ nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang /mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan ma dang bral ba'i sems kyis sbyin pa gtong ba yin te/ bza' ba dang / btung ba dang / bgo ba dang / bzhon pa dang / mal cha dang / gnas dang / khyim dang / nor dang / 'bru dang / dbyig dang / gser dang / nor bu dang / mu tig dang / bai DUr+ya dang / dung dang / man shel dang / byi ru dang / sa le sbram dang / dngul dang / mi'i cha dang / yo byad gang ci yang rung ba'i bar dag dang / chung ma dang / bu dang / bu mo dang / phyi dang / nang ngam/ yan lag dang / nying lag dang / rgyal srid kyang rung / rgyan gyis brgyan cing slong ba rnams la yongs su gtong ste/gal te de'i drung du la la zhig 'ongs shing / 'di skad du khyod kyi sbyin pa de lta bur de ltar phan pa med pa/ mi brtan pa yongs su btang ba des ci zhig bya zhes zer na/ de la byang chub sems dpa' sems dpa' chen po shes rab kyi pha rol tu phyin pa la spyod pa de 'di snyam du bdag la sems can 'di dag khyod kyi sbyin pa de ltar phan pa med pa mi brtan pa yongs su btang ba des ci zhig bya zhes zer mod kyi/'on kyang bdag gis sbyin pa yongs su gtang bar bya'i/ bdag gis sbyin pa mi sbyin par mi bya'o snyam nas/ des sbyin pa de sems can thams cad dang thun mong du byas shing /bla na med pa yang dag par rdzogs pa'i byang chub tu yongs su bsngo ste/ ci nas kyang yongs su bsngo ba'i tshe/ gang la sbyin pa dang / gang sbyin pa dang / gang gis sbyin pa dang / su yongs su gtong ba dang / ci yongs su gtong ba dang /su la yongs su gtong ba dang / ci yongs su bsngo ba dang / gang la yongs su bsngo ba dang / gang gis yongs su bsngo ba dang / su yongs su bsngo ba dang / ci yongs su bsngo ba dang / gang la yongs su bsngo ba'i mtshan ma gang yang yang dag par rjes su ma mthong ba de ltar yongs su bsngo ste/de gang gtong ba dang / gang gi phyir btang ste/ bla na med pa yang dag par rdzogs pa'i byang chub tu yongs su bsngo ba de lta bus dngos po yang dag par rjes su mi mthong ngo / /de ci'i phyir zhe na/ 'di ltar dngos po thams cad ni nang stong pa nyid kyis stong / phyi stong pa nyid kyis stong / phyi nang stong pa nyid kyis stong /dngos po med pa'i ngo bo nyid stong pa nyid kyi bar gyis stong ngo / /des de ltar chos thams cad stong par yang rjes su mthong na/ ci zhig yongs su bsngo bar 'gyur/ gang la yongs su bsngo bar 'gyur/ gang gis yongs su bsngo bar 'gyur te/ de'i bsngo ba de lta bu'i bsngo ba ni dam pa yin te dug med pa'i bsngo ba dang /chos kyi dbyings kyi bsngo ba yin te/ rab 'byor byang chub sems dpa' sems dpa' chen po de ni shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang /mngon par 'du bya ba med pa la sems can rnams yongs su smin par byed de/ sangs rgyas kyi zhing yongs su 'dzin to/ /sbyin pa'i pha rol tu phyin pa yongs su rdzogs par byed do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par byed do/ /stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa dang / tshad med pa dang / gzugs med pa'i snyoms par 'jug pa dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang /so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par byed do/ /de thog ma nyid du sbyin pa'i pha rol tu phyin pa yongs su rdzogs par byed kyang / rnam par smin pa yongs su mi 'dzin te/ 'on kyang de'i yo byad bsams pa tsam gyis 'grub bo// rab 'byor 'di lta ste dper na/ gzhan 'phrul dbang byed kyi lha rnams kyi yo byad phun sum tshogs pa thams cad ni bsams pa tsam gyis 'byung ngo / /rab 'byor de bzhin du byang chub sems dpa' sems dpa' chen po yo byad phun sum tshogs pa thams cad kyang bsams pa tsam gyis 'byung ngo //de yo byad de dag gis sangs rgyas bcom ldan 'das rnams la yang bsnyen bkur byed/ lha dang mi dang lha ma yin du bcas pa'i 'jig rten yang tshim par byed do/ /des sems can de dag sbyin pa'i pha rol tu phyin pa des yang dag par bsdus te/thabs mkhas pas theg pa gsum la rab tu 'jog go/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ zag pa dang bral ba'i sems kyis de ltar sbyin pa'i pha rol tu phyin pa yongs su rdzogs par byed do/ /rab 'byor gyis gsol pa/bcom ldan 'das ji ltar byang chub sems dpa' sems dpa' chen po tshul khrims kyi pha rol tu phyin pa yongs su rdzogs par bgyid pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan ma dang bral ba'i sems kyis sems dang po bskyed pa nas nye bar bzung ste/ tshul khrims kyi pha rol tu phyin pa yongs su rdzogs par byed do/ /de 'phags pa'i tshul khrims zag pa med pa/ lam gyi khongs su chud pa dang / chos nyid kyis thob pa de rab tu 'thob ste/de'i tshul khrims kyi phung po de yang ma nyams pa skyon med pa mkhas pas bstod pa yin te/ tshul khrims des chos 'ga' yang mchog tu 'dzin pa med de gzugs sam/ tshor ba'am/ 'du shes sam/ 'du byed dam/ rnam par shes pa'am/ mi chen po'i mtshan sum cu rtsa gnyis dang / dpe byad bzang po brgyad cu'i bar ram/ rgyal rigs shing sA la chen po lta bu'am/ bram ze'i rigs shing sA la chen po lta bu'am/ khyim bdag gi rigs shing sA la chen po lta bu'am/ rgyal chen bzhi'i rigs kyi lha rnams sam / sum cu rtsa gsum dang /'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha rnams sam/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang /'du shes med 'du shes med min skye mched kyi lha rnams sam/ rgyun du zhugs pa'i 'bras bu'am / lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang sangs rgyas sam/ 'khor los sgyur ba'i rgyal po'i dbang phyug tshul khrims 'dis thob par bya'o zhes mchog tu 'dzin pa med do//gzhan du na tshul khrims de sems can thams cad dang thun mong du byas shing rnam pa thams cad mkhyen pa nyid du mtshan ma med pa'i yongs su bsngo ba dang / dmigs pa med pa dang / gnyis su med pa'i yongs su bsngo bas yongs su bsngo ste/de yang 'jig rten gyi tha snyad du / don dam par ni ma yin no/ /de tshul khrims kyi pha rol tu phyin pa yongs su rdzogs pa de dang / thabs mkhas pas ro myang ba med pa'i tshul gyis bsam gtan bzhi sgrub po/ /de lha'i mig mngon par sgrub ste/ lha'i mig rnam par smin pa las byung ba des shar phyogs kyi 'jig rten gyi khams tshad med grangs med dpag tu med pa dag na sangs rgyas bcom ldan 'das gang ji snyed cig bzhugs shing 'tsho skyong ba dang /chos ston pa de dag thams cad mthong ste/ de'i mthong ba de ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du chud za bar mi 'gyur ro//lha'i mig rnam par smin pa las byung ba des lho dang nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams tshad med grangs med dpag tu med pa dag na sangs rgyas bcom ldan 'das gang ji snyed cig bzhugs shing 'tsho skyong ba dang chos ston pa de dag thams cad mthong ste/de'i mthong ba de ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du chud za bar mi 'gyur ro/ /de lha'i rna ba'i khams rnam par dag pa mi'i las 'das pas sangs rgyas bcom ldan 'das de dag gis gsungs pa'i sgra thos te/de'i thos pa de yang ji srid du thos pa des bdag dang gzhan gyi don byas par ma gyur gyi bar du chud za bar mi 'gyur ro/ /sems kyi rnam par shes pas sangs rgyas bcom ldan 'das de dag gi thugs sems kyis rab tu shes te/des sems kyi rnam pa shes pa de yang ji srid du sems kyi rnam pa shes pa des sems can thams cad kyi don byas par ma gyur gyi bar du chud za bar mi 'gyur ro/ /de sngon gyi gnas rjes su dran pa'i shes pas sems can de dag gi 'das pa dang ma 'ongs pa'i dge ba'i rtsa ba rnams shes shing dge ba'i rtsa ba de dag gis sems can de dag yang dag par ston to//yang dag par bskul lo/ /yang dag par gzengs bstod do/ /yang dag par dga' bar byed do/ /de dag de ltar yang dag par bstan pa dang / yang dag par dga' ba'i bar du byas pa rnams kyang khyad par du 'dong bar 'gyur ro//zag pa zad pa'i shes pas kyang sems can rnams rgyun du zhugs pa'i 'bras bu la rab tu gzhog go/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu gzhog go/ /rang byang chub la rab tu gzhog go//byang chub la rab tu gzhog go/ / de bzhin du sems can rnams dge ba'i chos gang dang gang la mthu yod pa de dang de la rab tu gzhog go / /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan ma dang bral ba'i sems kyis tshul khrims kyi pha rol tu phyin pa yongs su rdzogs par byed do/ /rab 'byor gyis gsol pa/ bcom ldan 'das ji ltar mtshan ma ma mchis pa dang / dmigs su ma mchis pa dang / spob pa med pa rnams la bzod pa'i pha rol tu phyin pa yongs su rdzogs par bgyid pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan ma dang bral ba'i sems kyis sems dang po bskyed pa nas nye bar bzung ste/ snying po byang chub la 'dug gi bar du de'i drung du sems can thams cad yang dang yang 'ongs te/rdo ba dang dbyig pas brdegs shing mtshon gyis btab kyang de la byang chub sems dpa' sems dpa' chen pos 'khrugs pa dang ldan pa'i sems bskyed pa 'ga' tsam gyi go skabs kyang mi dbye'o/ /de la byang chub sems dpa' sems dpa' chen pos bzod pa gnyis bsgom par bya'o//gnyis gang zhe na/ spyo ba dang / dbyig pa dang / bong ba la sogs pas brdeg pa'i sems can rnams thams cad la bzod par bya ba gang yin pa dang / 'di'i mi skye ba'i chos rnams la bzod pa skyed par byed pa gang yin pa'o//de la byang chub sems dpa' sems dpa' chen pos spyo ba dang / mtshang 'dru ba dang / bong ba dang / dbyig pa la sogs pas brdeg pa la 'di ltar so sor brtag par bya ste/ nga la spyo bar byed pa'am/ mtshang 'dru bar byed pa'am/ bong ba dang dbyig pa dang mtshon gyis rdeg par byed pa su zhig yod ces 'di ltar so sor brtag par bya'o//des chos rnams kyi rang bzhin la so sor brtag par bya ste/ chos thams cad la so sor brtags pa na chos nyid kyang ma dmigs na/ chos rnams kyi rang bzhin lta ga la mchis zhes brtag par bya'o/ / de de ltar chos kyi rang bzhin la so sor rtog pa na 'di snyam du bdag la 'bigs pa'am gcod par byed pa su yod snyam du sems so/ /des chos kyi rang bzhin la de ltar rtog pa na mi skye ba'i chos rnams la bzod pa rab tu thob bo/ /de ci'i phyir bzod pa zhes bya zhe na/ nyon mongs pa mi skye ba dang ye shes mi chod pa'i phyir bzod pa ni mi skye ba'i chos la bzod pa'o//de bzod pa de gnyis la gnas shing bsam gtan bzhi yongs su rdzogs par byed do/ /tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par byed do/ /de 'phags pa'i chos zag pa med pa/ 'jig rten las 'das pa/ nyan thos dang rang sangs rgyas thams cad dang thun mong ma yin pa de dag la gnas te/'phags pa'i mngon par shes pa rnams yongs su rdzogs par byed do/ /mngon par shes pa de dag yongs su rdzogs nas pha rol tu phyin pa drug yang dag par sgrub po/ /de mngon par shes pa de la gnas te/ lha'i mig gis shar phyogs kyi 'jig rten gyi khams tshad med grangs med dpag tu med pa dag na sangs rgyas bcom ldan 'das gang ji snyed cig bzhugs shing 'tsho skyong ba dang /chos ston pa de dag thams cad mthong ste/ sangs rgyas bcom ldan 'das de dag mthong nas sangs rgyas rjes su dran pa 'thob po/ /de'i sangs rgyas rjes su dran pa de yang nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du rgyun mi 'chad do//de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi phyogs re re zhing 'jig rten gyi khams tshad med grangs med dpag tu med pa dag na sangs rgyas bcom ldan 'das gang ji snyed cig bzhugs pa de dag thams cad mthong ste/sangs rgyas bcom ldan 'das de dag mthong nas sangs rgyas rjes su dran pa 'thob po/ /de'i sangs rgyas rjes su dran pa de yang nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du rgyun mi 'chad do//de lha'i rna ba mi las 'das pas sangs rgyas bcom ldan 'das de dag gis gsungs pa thos te/ thos nas kyang 'dzin to/ /bzung nas kyang de bzhin du nan tan byed do/ /de bzhin nyid du nan tan byas nas kyang de bzhin nyid du sems can rnams la chos ston to//de sems kyi rnam grangs shes pas sangs rgyas bcom ldan 'das de dag gi thugs sems kyis rab tu shes so/ /'phags pa nyan thos dang rang sangs rgyas thams cad dang / sems can thams cad kyi sems kyang rab tu shes so/ /de sems can thams cad kyi sems sems [(]gyis [,]kyis [)]yongs su shes par byas shing de bzhin nyid du chos ston to//de sngon gyi gnas rjes su dran pa shes pas sems can de dag gi sngon gyi dge ba'i rtsa ba rnams yongs su shes par byas shing yang sems can de dag la dge ba'i rtsa ba yang dag par ston to/ /yang dag par bskul lo/ /yang dag par gzengs bstod do//yang dag par dga' bar byed do/ /de zag pa zad pa shes te/ de zag pa zad pa shes pa des sems can rnams theg pa gsum la rab tu 'god do/ /rab tu 'jog par 'gyur ro/ /byang chub sems dpa' sems dpa' chen po de ni shes rab kyi pha rol tu phyin pa la spyod cing thabs mkhas pas sems can rnams yongs su smin par byed do//sangs rgyas kyi zhing yongs su dag par byed do/ /rnam pa thams cad mkhyen pa nyid yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgya'o/ /bla na med pa yang dag par rdzogs pa'i byang chub tu mngon par rdzogs par sangs rgyas nas chos kyi 'khor lo bskor ro//chos kyi 'khor lo bskor nas sems can rnams theg pa gsum gyis 'khor ba las yongs su 'grel to/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan ma dang bral ba'i sems kyis bzod pa'i pha rol tu phyin pa yongs su rdzogs par byed pa yin no/ /rab 'byor gyis gsol pa/ bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan ma med pa dang /zag pa med pa/ 'bad rtsol med pa/ snang ba med pa'i chos rnams la brtson 'grus kyi pha rol tu phyin pa yongs su rdzogs par bgyid pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan ma dang bral ba'i sems kyis sems dang po bskyed pa nas nye bar bzung ste/ lus kyi brtson 'grus dang ldan pa yin/ sems kyi brtson 'grus dang ldan pa yin te/ de lus kyi brtson 'grus la gnas nas/ bsam gtan dang po la nye bar bsgrubs te gnas so/ /bsam gtan gnyis pa dang /bsam gtan gsum pa dang / bsam gtan bzhi pa la nye bar bsgrubs te gnas so/ /des bsam gtan bzhi pa la mnyam par gzhag cing / rdzu 'phrul gyi rnam pa du ma nyams su myong bar byed do/ /nyi ma dang zla ba'i bar du lag pas byugs shing tshangs pa'i 'jig rten gyi bar du lus kyis dbang bsgyur te/de lus kyi brtson 'grus de lta bu dang ldan pas rdzu 'phrul gyi rnam pa des phyogs bcu'i 'jig rten gyi khams tshad med grangs med dpag tu med pa dag na sangs rgyas bcom ldan 'das gang ji snyed cig bzhugs shing 'tsho skyong ba dang chos ston pa de dag tu song zhing sangs rgyas bcom ldan 'das de dag la na bza' dang /bsod snyoms dang / gzims cha dang / snyun gyi rkyen sman dang / yo byad mang pos bsnyen bkur byed de / na bza' dang / bsod snyoms dang / gzims cha dang / snyun gyi rkyen sman dang / yo byad mang po de dag kyang nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du zad par mi 'gyur te/byang chub tu mngon par rdzogs par sangs rgyas nas kyang gos dang / bsod snyoms dang / mal cha dang / nad kyi rkyen rtsi dang / yo byad mang pos lha dang / mi dang lha ma yin du bcas pa'i 'jig rten bde bar 'gyur ro//yongs su mya ngan las 'das kyang ring bsrel la ring bsrel gyi mchod pa mang po 'byung bar 'gyur ro/ /rdzu 'phrul mngon par 'du bya ba de nyid kyis sangs rgyas bcom ldan 'das de dag gi drung du song zhing chos nyan te/ ji skad du thos pa de yang bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam yang chud za bar mi 'gyur ro//rnam pa thams cad mkhyen pa nyid la spyod cing sems can rnams kyang yongs su smin par byed/ sangs rgyas kyi zhing yang yongs su 'dzin to/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la lus kyi brtson 'grus dang ldan pas brtson 'grus kyi pha rol tu phyin pa yongs su rdzogs par byed do//rab 'byor ji ltar na byang chub sems dpa' sems dpa' chen po chos ci ltar sems kyi brtson 'grus 'phags pa zag pa med pa lam gyi yan lag gi khongs su gtogs pa dang ldan pas brtson 'grus kyi pha rol tu phyin pa yongs su rdzogs par byed ce na/ sems kyi brtson 'grus dang ldan pas lus kyi las mi dge ba'i skabs mi 'byed / ngag gi las mi dge ba'i skabs mi 'byed/ yid kyi las mi dge ba'i skabs mi 'byed de/ rtag ces bya ba'am/ mi rtag ces bya ba'am/ bde zhes bya ba'am/ sdug bsngal zhes bya ba'am/ bdag ces bya ba'am/bdag med ces bya ba'am/ zhi zhes bya ba'am/ ma zhi zhes bya ba'am/ 'dod pa'i khams sam/ gzugs kyi khams sam/ gzugs med pa'i khams sam/ zag pa dang bcas pa'i khams sam/ zag pa med pa'i khams sam/ bsam gtan dang po'am/ bsam gtan gnyis pa'am/bsam gtan gsum pa'am/ bsam gtan bzhi pa'am/ byams pa'am/ snying rje'am/ dga' ba'am/ btang snyoms sam/ nam mkha' mtha' yas skye mched dam/ rnam shes mtha' yas skye mched dam/ cung zad med pa'i skye mched dam/ 'du shes med 'du shes med min skye mched dam/dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/ stobs rnams sam/ byang chub kyi yan lag rnams sam/ 'phags pa'i lam yan lag brgyad pa'am/ 'phags pa'i bden pa rnams sam/bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dam/ mtshan ma med pa'am/ smon pa med pa'am/mngon par shes pa'am/ ting nge 'dzin tam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po'am/ snying rje chen po'am/ sangs rgyas kyi chos ma 'dres pa rnams la yang rtag ces bya ba'am/mi rtag ces bya ba'am/ bde zhes bya ba'am/ sdug bsngal zhes bya ba'am/ bdag ces bya ba'am/ bdag med ces bya ba'am/ zhi zhes bya ba'am/ ma zhi zhes bya ba'am/ dge zhes bya ba'am/ mi dge zhes bya ba'am/ 'jig rten pa zhes bya ba'am/ 'jig rten las 'das pa zhes bya ba'am/ nyon mongs pa dang bcas pa zhes bya ba'am/ nyon mongs pa med pa zhes bya ba'am/ kha na ma tho ba dang bcas pa zhes bya ba'am/ kha na ma tho ba med pa zhes bya ba'am/ zag pa dang bcas pa zhes bya ba'am/ zag pa med pa zhes bya ba'am/ kun nas nyon mongs pa zhes bya ba'am/rnam par byang ba zhes bya ba'am/ 'dus byas zhes bya ba'am/ 'dus ma byas zhes bya ba snyems pa med do/ /rgyun du zhugs pa'i 'bras bu snyems pa med do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang /byang chub sems dpa' nyid dang / bla na med pa yang dag par rdzogs pa'i byang chub tu snyems pa med do/ /rgyun du zhugs pa zhes bya ba dang / lan cig phyir 'ong ba zhes bya ba dang / phyir mi 'ong ba zhes bya ba dang / dgra bcom pa zhes bya ba dang / rang sangs rgyas zhes bya ba dang / byang chub sems dpa' zhes bya ba dang / sangs rgyas zhes bya bar snyems pa med do/ /sems can de dag ni mthong ba'i lam gyis rab tu phye ba/ 'di dag ni bsrabs pa'i sas rab tu phye ba/ 'di dag ni 'og ma'i cha dang mthun pas rab tu phye ba/ 'di dag ni gong ma'i cha dang mthun pas rab tu phye ba/'di dag ni rang sangs rgyas nyid kyis rab tu brjod pa/ 'di dag ni lam gyi rnam pa shes pa nyid kyis rab tu brjod pa/ 'di dag ni rnam pa thams cad mkhyen pa nyid kyis rab tu brjod pa zhes bya bar snyems pa med do/ /de ci'i phyir zhe na/ de ni 'di ltar/ de dag la ngo bo nyid gang gis rab tu dbye bar bya ba de dag gi ngo bo nyid med de /de sems las byung ba'i brtson 'grus de lta bu dang ldan pas mngon du gyur kyang sems can de dag kyang mi dmigs so/ /brtson 'grus kyi pha rol tu phyin pa yang yongs su rdzogs par byed / brtson 'grus kyi pha rol tu phyin pa de yang mi dmigs so//sangs rgyas kyi chos rnams kyang yongs su rdzogs par byed de/ sangs rgyas kyi chos de dag kyang mi dmigs so/ /sangs rgyas kyi zhing yang yongs su rdzogs par byed de/ sangs rgyas kyi zhing de yang mi dmigs so/ /de sems kyi brtson 'grus de lta bu dang ldan pas dge ba'i chos thams cad yongs su 'dzin kyang de la chags pa med de/de chags pa med par sems can rnams kyi don byed cing sangs rgyas kyi zhing nas sangs rgyas kyi zhing du 'gro/ 'jig rten gyi khams nas 'jig rten gyi khams su 'gro zhing sems can rnams kyi don byed do/ /sems can rnams kyi don byed pa na rdzu 'phrul dang cho 'phrul gang dang gang gis rnam par 'phrul pa 'dod pa'i rdzu 'phrul de dang cho 'phrul de dang des rnam par 'phrul te/me tog gi char dbab pa'am/ spos kyi ngad 'gyed pa'am/ 'brug gi sgra bsgrags pa'am / glu bro dang sil snyan gyi sgra bsgrags pa'am / sa bskyod pa'am/snang ba bstan pa'am/ rin po che sna bdun gyi 'jig rten gyi khams bstan pa rnam par 'phrul te/ gang dang gang du gang sems can rnams kyi don du 'gyur ba de dag kyang bdag gi lus las 'gyed de/ sems can rnams kyi don du bar 'ga' bdag 'gyed do/ / bar 'ga' dri zhim por 'gyed do//bar 'ga' srog gcod pa med pa'i mchod sbyin chen po byed do/ /bar 'ga' sems can mtha' yas pa lam ma yin pa nas 'don te/ srog gcod pa las ldog go/ /ma byin par len pa dang / 'dod pas log par g.yem pa dang / phra ma smra ba'am/ zhe gcod pa'i tshig dang / brdzun du smra ba dang / tshig kyal pa dang / chags sems dang / gnod sems dang / log par lta ba las yongs su 'grel to/ /la la la ni sbyin pas phan 'dogs so/ /la la la ni tshul khrims kyis phan 'dogs so/ /la la'i don du ni yan lag dang nying lag yongs su gtong ngo // la la'i don du ni bu dang chung ma yongs su gtong ngo / /la la'i don du ni rgyal srid yongs su gtong ngo / /la la'i don du ni bdag kyang yongs su gtong ngo / /de ltar thabs gang dang gang gis sems can rnams kyi don du 'gyur ba'i thabs de dang des sems can rnams kyi don byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos thams cad mtshan ma med pa dang / sems kyi brtson 'grus dang ldan pas brtson 'grus kyi pha rol tu phyin pa yongs su rdzogs par byed do/ /rab 'byor gyis gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa na/mtshan ma med pa'i chos rnams la gnas nas bsam gtan gyi pha rol tu phyin pa yongs su rdzogs par bgyid pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/de bzhin gshegs pa'i ting nge 'dzin ma gtogs par ting nge 'dzin gzhan thams cad yongs su rdzogs par byed do/ /de 'dod pas dben pa/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /bsam gtan gnyis pa dang / bsam gtan gsum pa dang / bsam gtan bzhi pa la nye bar bsgrubs te gnas so/ /de byams pa dang ldan pa'i sems dang / snying rje dang ldan pa'i sems dang /dga' ba dang ldan pa'i sems dang / btang snyoms dang ldan pa'i sems kyis 'jig rten gyi chos kyi dbyings kyis klas pa/ nam mkha'i mthas gtugs pa thams cad rnam pa thams cad du rgyas par bkang zhing nye bar bsgrubs te gnas so//de nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la nye bar bsgrubs te gnas so/ /de bsam gtan gyi ting nge 'dzin gyi pha rol tu phyin pa de la gnas shing rnam par thar pa brgyad la lugs dang mthun pa dang lugs dang mi mthun par snyoms par 'jug cing rnam par ldang ngo //mthar gyis gnas pa'i snyoms par 'jug pa dgu dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin la nye bar bsgrubs te gnas so/ /bar chad med pa'i ting nge 'dzin la nye bar bsgrubs te gnas so//glog lta bu'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin la nye bar bsgrubs te gnas so/ /byang chub kyi phyogs kyi chos sum cu rtsa bdun la nye bar bsgrubs te gnas so/ /de ting nge 'dzin gyi pha rol tu phyin pa 'di la gnas nas lam gyi rnam pa shes pa nyid kyi ye shes kyis lam gyi rnam pa shes pa nyid kyi khongs su ting nge 'dzin thams cad chud par byas shing dkar po rnam par mthong ba'i sa las 'da'o//dkar po rnam par mthong ba'i sa las 'das nas rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa las 'da'o/ /rang sangs rgyas kyi sa las 'das nas byang chub sems dpa'i skyon med par 'jug go/ /byang chub sems dpa'i skyon med par zhugs nas sangs rgyas kyi sa yongs su rdzogs par byed do//des de dag la spyod cing rnam pa thams cad mkhyen pa nyid kyi ye shes ma thob kyi bar du 'bras bu bar ma dor thob par mi byed de/ ting nge 'dzin gyi pha rol tu phyin pa 'di la gnas shing mngon par shes pa rnams yongs su rdzogs par byas nas sangs rgyas bcom ldan 'das rnams la bsnyen bkur byed cing sangs rgyas kyi zhing nas sangs rgyas kyi zhing du 'gro ste/sangs rgyas bcom ldan 'das de dag la bsnyen bkur byed do/ /sangs rgyas bcom ldan 'das de dag la yang dge ba'i rtsa ba gang gis sangs rgyas kyi zhing yongs su dag par 'gyur ba dang / sems can rnams yongs su smin par 'gyur ba'i dge ba'i rtsa ba skyed par byed de/'jig rten gyi khams nas 'jig rten gyi khams su 'gro zhing sems can rnams kyi don byed de / de la sems can la la ni sbyin pas yongs su sdud do/ /la la ni tshul khrims kyis yongs su sdud do/ /la la ni bzod pas yongs su sdud do / / la la ni brtson 'grus kyis yongs su 'dzin to/ /la la ni ting nge 'dzin gyis yongs su sdud do/ /la la ni shes rab kyis yongs su sdud do/ /la la ni rnam par grol bas yongs su sdud do/ /la la ni rnam par grol ba'i ye shes mthong bas yongs su sdud do/ /la la ni rgyun du zhugs pa'i 'bras bu la rab tu gzhog go//la la ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu gzhog go/ /la la ni rang byang chub la rab tu gzhog go/ /la la ni bla na med pa yang dag par rdzogs pa'i byang chub la rab tu gzhog go/ /de de ltar dge ba'i chos gang dang gang gis sems can rnams mthong bar 'gyur ba de dang de la sbyor te/de ting nge 'dzin gyi pha rol tu phyin pa de la gnas shing gzungs kyi sgo thams cad mngon par sgrub po/ /so so yang dag par rig pa bzhi rab tu thob bo/ /rnam par smin pa las byung ba'i mngon par shes pa rnams kyang thob pa yin te/de nam yang las dang nyon mongs pa'i dbang gis ma'i mngal du skye bar mi 'gyur ro/ /nam yang 'dod pa la brten par mi 'gyur ro/ /sems can yongs su smin par bya ba'i don du skye ba yongs su mi 'dzin pa'ang gang yang med do/ /skye ba'i nyes pas kyang gos par mi 'gyur ro//de ci'i phyir zhe na/ de ni 'di ltar des sgyu ma lta bu'i chos thams cad rab tu mthong rab tu rig rab tu rtogs pas na de sgyu ma lta bu'i 'du byed thams cad rig par byas shing snying rje chen pos yongs su bzung ste/ sems can thams cad kyi don byed do/ /de la yang sems can nam sems can du gdags pa dmigs su med do//des chos thams cad mi dmigs nas 'jig rten gyi tha snyad nye bar bzung ste dmigs su med pa de nyid la sems can rnams 'god de/ don dam par ni ma yin no/ /de ting nge 'dzin gyi pha rol tu phyin pa 'di la gnas shing bsam gtan dang /rnam par thar pa dang / ting nge 'dzin dang / snyoms par 'jug pa thams cad la spyod de/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam yang ting nge 'dzin gyi pha rol tu phyin pa dang bral bar mi 'gyur ro/ /ting nge 'dzin gyi pha rol tu phyin pa 'di dag la gnas shing lam gyi rnam pa shes pa nyid kyis rnam pa thams cad mkhyen pa nyid mngon par bsgrubs te/de la gnas nas bag chags kyi mtshams sbyor ba'i nyon mongs pa thams cad rab tu spong ngo / /de la gnas shing bag chags kyi mtshams sbyor ba'i nyon mongs pa thams cad rab tu spangs nas/bdag gi don kyang byed/ gzhan gyi don kyang byed/ des bdag dang gzhan gyi don byas nas lha dang / mi dang / lha ma yin du bcas pa'i 'jig rten gyi rim gro'i gnas su gyur pa yin te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos thams cad mtshan ma med pa dang / mtshan ma dang bral ba'i sems kyi ting nge 'dzin gyi pha rol tu phyin pa yongs su rdzogs par byed do zhes bya ba ni sbyin pa la sogs pa gang yang rung bar zag pa med pa'i chos thams cad skad cig ma gcig gis bsdus pa'i mtshan nyid can gyi sems kyi skad cig ma gcig pa'i mngon par rtogs pa ste dang po'o// //rab 'byor gyis gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan ma med pa'i chos rnams la gnas nas shes rab kyi pha rol tu phyin pa yongs su rdzogs par 'gyur ba lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ yang dag pa'am yongs su grub pa'i chos gang yang yang dag par rjes su mthong ba med de/gzugs kyi yang dag pa dang yongs su grub pa yang dag par rjes su mi mthong ngo / /tshor ba dang / 'du shes dang / 'du byed dang / rnam par shes pa'i yang dag pa dang / yongs su grub pa yang dag par rjes su mi mthong ngo / /de de ltar rtogs pa'i tshe/ gzugs kyi rang bzhin mi dmigs so//tshor ba dang / 'du shes dang / 'du byed rnams dang / rnam par shes pa'i rang bzhin mi dmigs so/ /rnam pa thams cad mkhyen pa nyid kyi bar gyi rang bzhin mi dmigs so/ /de shes rab kyi pha rol tu phyin pa la spyod pa'i tshe/ chos thams cad dngos po med pa'i rang bzhin du rtogs par byed de/ de de ltar rtogs par byed cing nang stong pa nyid la spyod pa dang /phyi stong pa nyid la spyod pa dang / phyi nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa'i tshe/ gzugs sam/ tshor ba'am/ 'du shes sam/ 'du byed dam/ rnam par shes pa'am/ skye mched dam/ khams sam/rten cing 'brel par 'byung ba'am/ pha rol tu phyin pa rnams sam/ stong pa nyid thams cad dam/ byang chub kyi phyogs kyi chos rnams sam/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa rnams sam/ mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po'am/ snying rje chen po'am/ sangs rgyas kyi chos ma 'dres pa rnams sam/ bla na med pa yang dag par rdzogs pa'i byang chub kyi bar ram/ chos gang la yang mngon par chags pa med do/ /de dngos po med pa'i ngo bo nyid kyis shes rab kyi pha rol tu phyin pa la spyod pa'i tshe/byang chub kyi lam yongs su rdzogs par byed de/ 'di ltar pha rol tu phyin pa drug dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / bsam gtan rnams dang /tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par byed de/ skyes bu mi chen po'i mtshan sum cu rtsa gnyis dang /dpe byad bzang po brgyad cu yongs su 'dzin to/ /de byang chub sems dpa'i lam rnam par smin pa'i chos can la gnas pas pha rol tu phyin pa drug po yongs su rdzogs pa dang / stong pa nyid thams cad dang / byang chub kyi phyogs kyi chos sum cu rtsa bdun yongs su rdzogs pa dang /rnam par smin pa las byung ba'i mngon par shes pa lnga'i bar du yongs su rdzogs par gyur nas sems can gang la sbyin pas phan gdags par bya ba de dag la yang sbyin pas phan 'dogs so/ /gang la tshul khrims kyis phan gdags par bya ba de dag la yang tshul khrims kyis phan 'dogs so//gang la bzod pas phan gdags par bya ba de dag la yang bzod pas phan 'dogs so/ /gang la brtson 'grus kyis phan gdags par bya ba de dag la yang brtson 'grus kyis phan 'dogs so/ /gang la ting nge 'dzin gyis phan gdags par bya ba de dag la yang ting nge 'dzin gyis phan 'dogs so//gang la shes rab kyis phan gdags par bya ba de dag la yang shes rab kyis phan 'dogs so/ /gang la rnam par grol bas phan gdags par bya ba de dag la yang rnam par grol bas phan 'dogs so/ /gang la rnam par grol ba'i ye shes mthong bas phan gdags par bya ba de dag la yang rnam par grol ba'i ye shes mthong bas phan 'dogs so//gang rgyun du zhugs pa'i 'bras bu la 'god par bya ba de dag kyang rgyun du zhugs pa'i 'bras bu la rab tu 'god do/ /gang lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub dang / bla na med pa yang dag par rdzogs pa'i byang chub la rab tu 'god par bya ba de dag kyang bla na med pa yang dag par rdzogs pa'i byang chub la rab tu 'god do/ /de bzhin du rgyas par sbyar bar bya'o/ /de rdzu 'phrul gyi rnam pa du mas rnam par 'phrul zhing 'jig rten gyi khams gang gA'i klung gi bye ma snyed du 'gro ste/de 'dod na 'jig rten gyi khams gang gA'i klung gi bye ma snyed po de dag rin po che gang las 'dod pa'i rin po che de dag las grub par mngon par sgrub ste/ de sems can rnams kyi bsam pa yongs su rdzogs par byed cing 'jig rten gyi khams nas 'jig rten gyi khams su 'gro ste/des 'jig rten gyi khams de dag mthong nas ci 'dod par sangs rgyas kyi zhing yongs su 'dzin te/ 'di ltar dper na/ gzhan 'phrul dbang byed kyi lha'i ris kyi longs spyod dang / skyid pa lta bu dag dang / sangs rgyas kyi zhing gzhan btsal ba dang bral ba dag na longs spyod dang skyid pa gang ji snyed pa de dag der 'byung ste/de rnam par smin pa las byung ba'i sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa dang / rnam par smin pa las byung ba'i mngon par shes pa rnams dang / rnam par smin pa las byung ba'i byang chub kyi lam des lam gyi rnam pa shes pa nyid la spyod cing chos thams cad yongs su rdzogs pa thob nas/ rnam pa thams cad mkhyen pa nyid rjes su thob ste/gal te ji tsam du gzugs yongs su gzung ba med pa dang / tshor ba dang / 'du shes dang / 'du byed rnams dang / rnam par shes pa yongs su gzung ba med pa dang / skye mched dang / khams dang / rten cing 'brel par 'byung ba yongs su gzung ba med pa dang /dge ba dang / mi dge ba dang / 'jig rten pa dang / 'jig rten las 'das pa dang / zag pa dang bcas pa dang / zag pa med pa dang / 'dus byas dang / 'dus ma byas kyi chos rnams yongs su gzung ba med pa de bzhin du bla na med pa yang dag par rdzogs pa'i byang chub tu mngon par rdzogs par sangs rgyas nas sangs rgyas kyi zhing der longs spyod pa dang /skyid pa thams cad yongs su gzung ba med par 'gyur ro/ /de ci'i phyir zhe na/ de ltar chos thams cad ni dmigs su med pa'i tshul gyis yongs su gzung ba med pa dang / chos thams cad yongs su gzung ba med pa'i phyir yang sems can rnams la chos ston to//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / byung ba med pa dang /mngon par 'du bya ba med pa la shes rab kyi pha rol tu phyin pa yongs su rdzogs par byed pa yin te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs pa med pa dang /'byung ba med pa dang / mngon par 'du bya ba med pa la pha rol tu phyin pa rnams yongs su rdzogs par 'gyur ro/ /sangs rgyas kyi chos ma 'dres pa'i bar du yongs su rdzogs par 'gyur ro zhes bya ba ni rnam par smin pa'i chos nyid kyi gnas skabs kyi zag pa med pa'i chos thams cad skad cig gcig gis rtogs pa'i mtshan nyid can gyi sems kyi skad cig gis mngon par rtogs pa ste gnyis pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de ltar chos thams cad dbyer ma mchis shing mtshan ma ma mchis pa rang gi mtshan nyid kyis stong pa nyid lags na/ji ltar pha rol tu phyin pa drug po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa sgom pa yongs su rdzogs par 'gyur/zag pa dang bcas pa dang / zag pa med pa'i chos de dag kyang ji ltar na tha dad du gyur par gdags pa lags/ ji ltar na shes rab kyi pha rol tu phyin par sbyin pa'i pha rol tu phyin pa 'dus pa lags/ ji ltar na shes rab kyi pha rol tu phyin par tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa 'dus pa lags/ ji ltar na shes rab kyi pha rol tu phyin par sangs rgyas kyi chos ma 'dres pa rnams kyi bar du 'dus pa lags/ bcom ldan 'das de ltar mtshan ma ma mchis pa'i chos mtshan nyid gcig pa 'di lta ste/ mtshan nyid med pa rnams la 'di ltar tha dad du byed pa dag rab tu 'byed pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad [(]cis [,]ces [)]bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/rmi lam lta bu'i nye bar len pa'i phung po lnga la gnas shing sbyin pa yongs su gtong ngo / /tshul khrims srung ngo / /bzod pa sgom mo/ /brtson 'grus rtsom mo/ /ting nge 'dzin sgom mo/ /shes rab sgom mo//sgyu ma lta bu dang / smig rgyu lta bu dang / chu zla lta bu dang / mig yor lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang / sprul pa lta bu'i nye bar len pa'i phung po lnga la nye bar gnas shing sbyin pa yongs su gtong ngo / /tshul khrims srung ngo // bzod pa sgom mo/ /brtson 'grus rtsom mo/ /ting nge 'dzin sgom mo/ /shes rab sgom mo/ /de 'di ltar rtogs te/ nye bar len pa'i phung po lnga ni rmi lam lta bu ste/ mtshan nyid med pa'o/ /nye bar len pa'i phung po lnga ni sgyu ma lta bu dang / smig rgyu lta bu dang / chu zla lta bu dang / mig yor lta bu dang /sgra brnyan lta bu dang / gzugs brnyan lta bu dang / dri za'i grong khyer lta bu dang / sprul pa lta bu ste/ mtshan nyid med pa'o/ /de ci'i phyir zhe na/ rmi lam la rang bzhin gang yang med do/ /sgyu ma dang / smig rgyu dang / chu zla dang / mig yor dang / sgra brnyan dang / gzugs brnyan dang /dri za'i grong khyer dang / sprul pa la rang bzhin gang yang med do/ /gang la rang bzhin med pa de la mtshan nyid med de gang la mtshan nyid med pa de ni 'di ltar mtshan nyid med par mtshan nyid gcig pa'o zhes bya bar rtogs par byed do/ /rab 'byor rnam grangs des na khyod kyis 'di ltar rig par bya ste/sbyin pa ni mtshan nyid med pa'o/ /gtong ba ni mtshan nyid med pa'o/ /len pa ni mtshan nyid med pa'o zhes bya bar shes par bya ste/ gang de ltar shes nas sbyin pa gtong ba de ni sbyin pa'i pha rol tu phyin pa yongs su rdzogs par byed pa yin te/ de sbyin pa'i pha rol tu phyin pa yongs su rdzogs par byed na/ tshul khrims kyi pha rol tu phyin pa las phyir mi ldog go/ /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las phyir mi ldog go/ /de pha rol tu phyin pa drug po de dag la gnas shing bsam gtan bzhi yongs su rdzogs par byed do//tshangs pa bzhi dang / gzugs med pa'i snyoms par 'jug pa bzhi yongs su rdzogs par byed do/ /dran pa nye bar gzhag pa bzhi yongs su rdzogs par byed do/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad yongs su rdzogs par byed do/ /nang stong pa nyid dang / dngos po med pa'i ngo bo nyid stong pa nyid kyi bar du yongs su rdzogs par byed do/ /stong pa nyid kyi ting nge 'dzin dang /mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa dang / ting nge 'dzin dang / gzungs kyi sgo dang / so so yang dag par rig pa rnams dang /de bzhin gshegs pa'i stobs bcu dang / mi 'jigs pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par [(]byad [,]byed [)]do/ /de 'phags pa'i chos 'jig rten las 'das pas thun mong ma yin pa rnam par smin pa las byung ba rnams la gnas shing phyogs bcu'i 'jig rten gyi khams tshad med pa grangs med dpag tu med pa dag na sangs rgyas bcom ldan 'das gang ji snyed cig bzhugs pa de dag gi drung du rdzu 'phrul gyis song zhing na bza' dang /bsod snyoms dang / gzims cha dang / snyun gyi rkyen sman dang /yo byad mang pos bsnyen bkur byed de/ longs spyod dang skyid pa thams cad kyis kyang sems can rnams kyi don byed do/ /de na sems can gang sbyin pas yongs su bsdu ba de dag kyang / /sbyin pas yongs su sdud do/ /gang tshul khrims kyis yongs su bsdu ba de dag dang / gang bzod pas yongs su bsdu ba de dag dang /gang brtson 'grus kyis yongs su bsdu ba de dag dang / gang bsam gtan gyis yongs su bsdu ba de dag dang / gang shes rab kyis yongs su bsdu ba de dag kyang shes rab kyis yongs su sdud do/ /gang rnam pa thams cad mkhyen pa nyid kyi bar gyis yongs su bsdu ba de dag kyang rnam pa thams cad mkhyen pa nyid kyis yongs su sdud do//de ltar gang dang gang dge ba'i chos gang dang gang gis yongs su bsdu ba de dag kyang dge ba'i chos de dang de dag gis yongs su sdud do/ /de dge ba'i rtsa ba de dag dang ldan zhing chos thams cad la dbang bsgyur bas 'khor ba de nye bar len kyang 'khor ba'i sdug bsngal gyis mi gos te/de sems can rnams kyi don du mi dang lha'i phun sum tshogs pa nye bar len te/ phun sum tshogs pa de dag gis sems can rnams yongs su sdud do/ /de chos thams cad mtshan nyid med par shes pas rgyun du zhugs pa'i 'bras bu shes kyang de la mi gnas so//lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid shes kyang de la mi gnas so/ /rang byang chub shes kyang de la mi gnas so/ /de ci'i phyir zhe na/ 'di ltar nyan thos dang rang sangs rgyas thams cad dang thun mong ma yin pa'i rnam pa thams cad mkhyen pa nyid thob par bya ba'i phyir te/rab 'byor de ltar byang chub sems dpa' sems dpa' chen po ni/ chos thams cad mtshan nyid med par shes pas pha rol tu phyin pa drug mtshan nyid med par shes so/ /rnam pa thams cad mkhyen pa nyid kyi bar du mtshan nyid med par shes so/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/rmi lam lta bu'i nye bar len pa'i phung po lnga la gnas/ sgyu ma lta bu dang / smig rgyu lta bu dang / chu zla lta bu dang / mig yor lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang /sprul pa lta bu'i nye bar len pa'i phung po lnga la gnas shing tshul khrims kyi pha rol tu phyin pa yongs su rdzogs par byed do/ /rab 'byor gzhan yang byang chub sems dpa' sems dpa' chen po de yang nye bar len pa'i phung po lnga rmi lam lta bur shes/ sgyu ma lta bu dang /smig rgyu lta bu dang / chu zla lta bu dang / mig yor lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang / sprul pa lta bur shes nas tshul khrims kyi pha rol tu phyin pa mtshan nyid med pa ma zhig pa/ ma ral ba/ skyon med pa/ rnyog pa med pa/ nyams pa med pa/dpang du gyur pa/ mkhas pas bsngags pa/ shin tu rdzogs pa/ 'phags par gyur pa/ zag pa med pa/ lam gyi khongs su chud pa/ 'jig rten las 'das pa/ yongs su rdzogs par byed do / de la gnas shing yang dag par blang ba'i brda dang ldan pa'i tshul khrims dang chos nyid kyis thob pa'i tshul khrims dang /sdom pa'i tshul khrims dang / dmigs pa'i tshul khrims dang / spyad pa'i tshul khrims dang / mi spyad pa'i tshul khrims bsrung ngo / /de tshul khrims de lta bu dang ldan yang 'dis bdag rgyal rigs shing sA la chen po lta bu che zhing mtho ba'i rigs dang skal ba mnyam pa'am/bram ze'i rigs shing sA la chen po lta bu che zhing mtho ba'i rigs dang / khyim bdag gi rigs shing sA la chen po lta bu che zhing mtho ba'i rigs dang skal ba mnyam par skye bar bya'o zhe'am/ rgyal phran nam/ 'khor los sgyur ba'i rgyal por 'gyur bar bya'o zhe'am/ rgyal chen bzhi'i rigs kyi lha rnams dang skal ba mnyam par skye bar bya'o zhe'am/sum cu rtsa gsum pa'am/ 'thab bral lam / dga' ldan nam/ 'phrul dga' 'am/ gzhan 'phrul dbang byed kyi lha rnams dang skal ba mnyam par skye bar bya'o zhe'am/ tshangs ris sam/ tshangs 'khor ram/ tshangs pa'i mdun na 'don nam/tshangs chen nam/ 'og min gyi lha rnams dang skal ba mnyam par skye bar bya'o zhe'am/ rgyun du zhugs pa'i 'bras bu thob par bya'o zhe'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/ byang chub thob par bya'o zhes tshul khrims des mchog tu 'dzin pa med do/ /de ci'i phyir zhe na/ 'di ltar chos thams cad ni mtshan nyid med pa ste/ 'di ltar dngos po med pa'i ngo bo nyid kyi mtshan nyid du mtshan nyid gcig pas na mtshan nyid med pa'i chos kyis mtshan nyid med pa'i chos thob par mi rung ngo //mtshan nyid tha dad pa'i chos kyis mtshan nyid tha dad pa'i chos thob par mi rung ngo / /mtshan nyid tha dad pa'am/ mtshan nyid med pa'i chos kyis kyang mtshan nyid tha dad pa'am/ mtshan nyid med pa'i chos thob par mi 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod cing tshul khrims kyi pha rol tu phyin pa mtshan nyid med pa yongs su rdzogs par byas nas byang chub sems dpa'i skyon med par 'jug go//byang chub sems dpa'i skyon med par 'jug pa'i tshe/ mi skye ba'i chos la bzod pa thob ste/ lam gyi rnam pa shes pa nyid la spyod pa'i tshe/rnam par smin pa las byung ba'i mngon par shes pa lnga rab tu thob nas/ gzungs kyi sgo lnga brgya dang / ting nge 'dzin gyi sgo lnga brgya la gnas te/ so so yang dag par rig pa bzhi thob nas sangs rgyas bcom ldan 'das rnams la bsnyen bkur byed cing / sangs rgyas kyi zhing nas sangs rgyas kyi zhing du 'gro ste/sems can rnams kyang yongs su smin par byed do/ /sangs rgyas kyi zhing yongs su 'dzin to/ /de 'gro ba lnga'i 'khor ba na 'khor yang 'khor ba'i las kyi rnam par smin pas gos par mi 'gyur te/ 'di lta ste dper na sprul pa ni 'gro ba 'am 'ong ba'am sdod pa'am 'dug pa'am nyal bar byed kyang de la 'gro ba'am 'ong ba'am sdod pa'am 'dug pa'am nyal ba yang mi dmigs te/de sems can rnams kyi don yang byed do/ /sems can dang sems can du gdags pa yang mi dmigs so// //bam po drug cu lnga pa/ rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas shin tu zhi ba zhes bya ba bla na med pa yang dag par rdzogs pa'i byang chub tu mngon par rdzogs par sangs rgyas nas chos kyi 'khor lo bskor te sems can tshad med pa theg pa gnyis kyis yongs su mya ngan las 'das kyang gang bla na med pa yang dag par rdzogs pa'i byang chub tu lung bstan par bya ba'i byang chub sems dpa' de lta bu gang yang ma gzigs nas des tshe'i 'du byed spangs nas sprul pa sprul pa mdzad de/phung po ma lus pa'i mya ngan las 'das pa'i dbyings su yongs su mya ngan las 'das so//rab 'byor de ltar sprul pa des bskal pa gcig lon nas byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan te yongs su mya ngan las 'das par gyur to/ /yongs su mya ngan las 'das par gyur pa de'i gzugs sam/tshor ba'am/ 'du shes sam/ 'du byed dam/ rnam par shes pa'am/ dngos po gang yang dmigs su med do/ /rab 'byor de bzhin du byang chub sems dpa' sems dpa' chen po yang sems can nam sems can du gdags par mi dmigs la sems can rnams kyi don kyang byed do//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan nyid med pa'i tshul khrims kyi pha rol tu phyin pa yongs su rdzogs par byed do/ /de yongs su rdzogs pas mtshan nyid med pa'i chos thams cad khong du chud par shes so//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam lta bu'i nye bar len pa'i phung po lnga la gnas/ sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga la gnas te/ mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor gyis gsol pa/ bcom ldan 'das ji ltar byang chub sems dpa' sems dpa' chen po mtshan nyid med pa'i nye bar len pa'i phung po lnga po rnams la gnas nas bzod pa'i pha rol tu phyin pa yongs su rdzogs par bgyid pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa gnyis kyis bzod pa'i pha rol tu phyin pa yongs su rdzogs par byed de/ gnyis gang zhe na/ nyams su len pa'i bzod pa dang / chos khong du chud pa'i bzod pa'o/ /de la nyams su len pa'i bzod pa gang zhe na/ sems dang po bskyed pa nas nye bar bzung ste/ snying po byang chub la 'dug gi bar du byang chub sems dpa' sems dpa' chen po'i drung du gal te sems can thams cad yang dang yang du 'ongs shing gshe ba'am mi snyan par brjod cing ma klas pa'i tshig brlang bar zer bar gyur tam/rdo dbyug dang mtshon chas brdegs sam btab kyang de la byang chub sems dpa' sems dpa' chen po bzod pa'i pha rol tu phyin pa yongs su rdzogs par 'dod pas/ sems bskyed pa 'ga' tsam yang 'khrugs pa dang ldan pa'am/gnod sems dang ldan pa bskyed par mi bya ste/ phyir sems can de dag la kye ma sems can 'di dag ni nyon mongs pa'i nad kyis mnar ba ste/ 'di dag la bdag gis sdig to'i sems mi bskyed kyi/ 'di ni bdag nyid kyis phung po dgrar gyur pa 'di rnams blangs pas lan to zhes de dag la lhag par snying rje bskyed par bya'o//byams pa dang ldan te snying rje bar gyur nas rnam pa de ltar rtogs pa de ni nyams su len pa'i bzod pa zhes bya'o/ /de la chos khong du chud pa'i bzod pa gang zhe na/ sems can de dag kyang don dam par dmigs su med na/ bdag la gshe ba'am/ mi snyan par brjod pa'am/ ma klas pa'i tshig brlang po zer ba'am/ rdo dbyug gis brdeg cing mtshon 'debs pa lta bu zhig yod de/ 'du byed thams cad ni sgyu ma lta bu gsob gsog rag las pa nam mkha' lta bu/ bdag dang sems can dang srog dang / 'gro ba dang /gso ba dang / skyes bu dang / gang zag dang / shed can dang / shed bdag dang bral ba ste/ rnam par rtog pa de dag thams cad ni yongs su rtog pa las byung ba yin na/ bdag la gshe ba dang / mi snyan par brjod pa dang / ma klas pa'i tshig brlang po zer ba dang / rdo dbyug gis brdeg cing mtshon 'debs pa lta bu zhig yod de/bdag gis ngo bo nyid stong pa nyid dang / don dam pa stong pa nyid nye bar bzung ste/ de ltar rnam par brtag par mi bya'o zhes bya ba 'di ni chos khong du chud pa'i bzod pa zhes bya ste/ de de ltar yongs su rtog cing bzod pa'i pha rol tu phyin pa yongs su rdzogs par byed de/de bzod pa'i pha rol tu phyin pa yongs su rdzogs pa des mi skye ba'i chos la bzod pa thob pa'o/ /rab 'byor gyis gsol pa/ bcom ldan 'das mi skye ba'i chos la bzod pa thob pa zhes bgyi ba ni gang lags/ de la spangs pa ni ci mchis ye shes ni ci mchis/bcom ldan 'das kyis bka' stsal pa/ rab 'byor chos gang la yang rdul tsam yang skye ba med pa de ni mi skye ba'o/ /de gang gis shes pa de ni bzod pa zhes bya ba ste/ shes pa des mi skye ba'i chos la bzod pa 'thob po/ /gsol pa/ bcom ldan 'das nyan thos rnams dang / rang sangs rgyas rnams kyi mi skye ba'i chos la bzod pa gang lags pa dang /byang chub sems dpa' sems dpa' chen po'i mi skye ba'i chos la bzod pa gang lags pa'i bzod pa de dag la bye brag tu bgyi ba ci mchis/ bcom ldan 'das kyis bka' stsal pa/ rab 'byor rgyun du zhugs pa'i shes pa gang yin pa dang /spong ba gang yin pa de ni byang chub sems dpa' sems dpa' chen po'i bzod pa'o/ /lan cig phyir 'ong ba'i shes pa gang yin pa dang spong ba gang yin pa de ni byang chub sems dpa' sems dpa' chen po'i bzod pa'o/ /phyir mi 'ong ba'i shes pa gang yin pa dang spong ba gang yin pa de ni byang chub sems dpa' sems dpa' chen po'i bzod pa'o//dgra bcom pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /rang sangs rgyas kyi shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa ste/rab 'byor de ni nyan thos dang / rang sangs rgyas kyi bzod pa dang / byang chub sems dpa'i bzod pa'i bye brag yin no/ /rab 'byor byang chub sems dpa' sems dpa' chen po de ni bzod pa de lta bu dang ldan pas nyan thos dang rang sangs rgyas de dag thams cad zil gyis gnon te/de rnam par smin pa las byung ba'i mi skye ba'i chos [(]gyi [,]kyi [)]bzod pa la gnas te/ byang chub sems dpa'i lam la spyod cing lam gyi rnam pa shes pa nyid yongs su rdzogs par byed de/ de yongs su rdzogs pas byang chub kyi phyogs kyi chos sum cu rtsa bdun dang / stong pa nyid dang /mtshan ma med pa dang / smon pa med pa'i ting nge 'dzin rnams dang mi 'bral ba yin/ de mngon par shes pa rnams dang mi 'bral ba yin/ de mngon par shes pa rnams dang mi 'bral bas sems can rnams yongs su smin par byed pa yin/ sangs rgyas kyi zhing yongs su rdzogs par byed pa yin/de sems can rnams yongs su smin par byas/ sangs rgyas kyi zhing yongs su dag par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par byed de/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam lta bu'i nye bar len pa'i phung po lnga la gnas/ sgra brnyan lta bu dang / mig yor lta bu dang /sgyu ma lta bu dang / sprul pa lta bu'i nye bar len pa'i phung po lnga la gnas shing mtshan ma med pa'i lus dang sems kyi brtson 'grus rtsom mo/ /rab 'byor gyis gsol pa/ bcom ldan 'das ji ltar byang chub sems dpa' sems dpa' chen po mtshan nyid med pa'i nye bar len pa'i phung po lnga po rnams la gnas nas brtson 'grus kyi pha rol tu phyin pa yongs su rdzogs par bgyid pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po ni lus dang sems kyi brtson 'grus rtsom par byed do/ /de lus kyi brtson 'grus kyis rdzu 'phrul mngon par bsgrubs te phyogs dang phyogs mtshams thams cad kyi 'jig rten gyi khams dag tu song nas/sangs rgyas bcom ldan 'das rnams la bsnyen bkur byed cing sems can rnams kyi don byed do/ /sangs rgyas kyi zhing yongs su dag par byed do/ /de lus kyi brtson 'grus des sems can rnams yongs su smin par byas nas theg pa gsum la 'dzud cing 'dul la rab tu 'god do//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan nyid med pa'i brtson 'grus kyi pha rol tu phyin pa yongs su rdzogs par byed do/ /de sems kyi brtson 'grus zag pa med pa lam gyi yan lag tu gyur pa lam gyi khongs su chud pas brtson 'grus kyi pha rol tu phyin pa gang du dge ba'i chos 'di lta ste/dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang /stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad khongs su 'dus pa/ yongs su rdzogs par byed do//de la spyod cing byang chub sems dpa' sems dpa' chen po rnam pa thams cad mkhyen pa nyid yongs su rdzogs par byed do / /de yongs su rdzogs par byas pas bag chags kyi mtshams sbyor ba thams cad spangs par 'gyur ro/ /bag chags kyi mtshams sbyor ba thams cad spangs nas mtshan phun sum tshogs pa thams cad yongs su rdzogs par byed do//mtshan phun sum tshogs pa yongs su rdzogs nas kun nas snang ba thob par byed do/ /kun nas snang ba thob par byas nas chos kyi 'khor lo rnam pa bcu gnyis lan gsum du bzlas pa bskor bar 'gyur ro/ /de bskor bas stong gsum gyi stong chen po'i 'jig rten gyi khams rnam pa drug tu g.yo ba dang /rab tu g.yo ba dang / kun nas g.yo ba dang / 'gul ba dang / rab tu 'gul ba dang / kun nas 'gul ba dang / ldeg pa dang / rab tu ldeg pa dang / kun nas ldeg par 'gyur te/ stong gsum gyi stong chen po'i 'jig rten gyi khams thams cad kyang snang ba chen pos rgyas par gang bar 'gyur ro//de bzhin gshegs pa dgra bcom pa yang dag par rdzogs pa'i sangs rgyas de'i sgra gang du byung zhing dbyangs grag par gyur pa'i sgra de stong gsum gyi stong chen po'i 'jig rten gyi khams kyi sems can gang ji snyed kyis thos pa de dag thams cad theg pa gsum la nges par 'gyur te/rab 'byor de ltar phan pa chen po dang ldan pa ni byang chub sems dpa' sems dpa' chen po'i brtson 'grus kyi pha rol tu phyin pa ste/ brtson 'grus kyi pha rol tu phyin pa de la gnas te/ byang chub sems dpa' sems dpa' chen pos sangs rgyas kyi chos thams cad yongs su rdzogs par byed do//rnam pa thams cad mkhyen pa nyid thob par byed do/ /rab 'byor de ltar na byang chub sems dpa' sems dpa' chen po mtshan nyid med pa'i brtson 'grus kyi pha rol tu phyin pa yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/rmi lam lta bu'i nye bar len pa'i phung po lnga la gnas/ sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga la gnas shing mtshan nyid med pa'i bsam gtan gyi pha rol tu phyin pa yongs su rdzogs par byed do//rab 'byor gyis gsol pa/ bcom ldan 'das ji ltar byang chub sems dpa' sems dpa' chen po mtshan nyid med pa'i nye bar len pa'i phung po lnga po rnams la gnas nas bsam gtan gyi pha rol tu phyin pa yongs su rdzogs par bgyid pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na / bsam gtan dang po la nye bar bsgrubs te gnas so/ /bsam gtan gnyis pa dang / bsam gtan gsum pa dang / bsam gtan bzhi pa la nye bar bsgrubs te gnas so//byams pa dang / snying rje dang / dga' ba dang / btang snyoms la nye bar bsgrubs te gnas so/ /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la nye bar bsgrubs te gnas so//stong pa nyid dang / mtshan ma med pa dang / smon pa med pa'i ting nge 'dzin sgom mo/ /glog lta bu'i ting nge 'dzin sgom mo/ /yang dag pa'i ting nge 'dzin sgom mo/ /rdo rje lta bu'i ting nge 'dzin sgom par byed de/ ting nge 'dzin de la gnas shing de bzhin gshegs pa'i ting nge 'dzin ma gtogs par nyan thos dang thun mong ba'am /rang sangs rgyas dang ldan pa'i ting nge 'dzin gang ji snyed pa dang / gzhan yang ting nge 'dzin dang snyoms par 'jug pa'i tshogs gang ji snyed pa de dag thams cad lus kyis khyab par byas shing nye bar bsgrubs te gnas kyang ting nge 'dzin de dag dang snyoms par 'jug pa'i 'bras bu'i ro myong bar yang mi byed do//de ci'i phyir zhe na/ de ni 'di ltar byang chub sems dpa' sems dpa' chen po des ting nge 'dzin de dag gi mtshan nyid med pa dang / dngos po med pa'i ngo bo nyid du shes pas na/ mtshan nyid med pa'i chos mtshan nyid med pa'i chos kyis ro myong bar byed pa yang ga la 'gyur ro / /dngos po med pa'i chos kyang dngos po med pa'i chos kyis ro myong bar byed par yang ga la 'gyur te / de ro myong bar byed pa med pas ting nge 'dzin de dag gis kyang gzugs kyi khams sam/ gzugs med pa'i khams su skye bar mi 'gyur ro//de ci'i phyir zhe na/ 'di ltar des khams de nyid kyang mi dmigs/ gang snyoms par 'jug pa dang / gang gis snyoms par 'jug pa de yang mi dmigs so/ /de mi dmigs pas mtshan nyid med pa'i ting nge 'dzin gyis pha rol tu phyin pa yongs su rdzogs par byed do/ / ting nge 'dzin gyi pha rol tu phyin pa des nyan thos dang / rang sangs rgyas kyis las yongs su 'da'o/ /rab 'byor gyis gsol pa/ bcom ldan 'das ji ltar na byang chub sems dpa' sems dpa' chen po ting nge 'dzin gyis pha rol tu phyin pa yongs su rdzogs par bgyis shing nyan thos dang rang sangs rgyas kyi sa las yongs su 'da' ba lags/bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos nang stong pa nyid la shin tu bslabs pa dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la shin tu bslabs pa'i phyir te/stong pa nyid 'di dag la ni rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/ gang la gnas par bya ba'i chos de lta bu gang yang mi dmigs te/ rnam pa thams cad mkhyen pa nyid ces bya ba de'ang stong pa nyid rnams kyis stong ste/stong pa nyid de dag gis byang chub sems dpa' sems dpa' chen po nyan thos dang rang sangs rgyas kyi sa las yongs su 'das nas byang chub sems dpa'i skyon med par 'jug go/ /gsol pa/ bcom ldan 'das byang chub sems dpa' sems dpa' chen po'i skyon ni gang lags/skyon ma mchis pa de gang lags/ bcom ldan 'das kyis bka' stsal pa/ rab 'byor dmigs pa thams cad ni byang chub sems dpa' sems dpa' chen po'i skyon no/ /mi dmigs pa thams cad ni skyon med pa'o/ /gsol pa/bcom ldan 'das dmigs pa ni gang lags/ mi dmigs pa ni gang lags/ bcom ldan 'das kyis bka' stsal pa/ rab 'byor gzugs ni byang chub sems dpa' sems dpa' chen po'i dmigs pa'o/ /rab 'byor tshor ba dang / 'du shes dang / 'du byed rnams dang / rnam par shes pa ni byang chub sems dpa' sems dpa' chen po'i dmigs pa'o//mig dang gzugs ni byang chub sems dpa' sems dpa' chen po'i dmigs pa'o/ /rna ba dang / sgra dang / sna dang / dri dang / lce dang / ro dang / lus dang / reg bya dang / yid dang chos ni byang chub sems dpa' sems dpa' chen po'i dmigs pa'o//mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis tshor ba ni dmigs pa'o/ /rna ba dang / sna dang / lce dang / lus dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis tshor ba ni dmigs pa'o//sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni dmigs pa'o/ /ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang /tshor ba dang / sred pa dang / len pa dang / srid pa dang / skye ba dang / rga shi ni dmigs pa'o/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos thams cad dang / 'phags pa'i bden pa rnams dang / bsam gtan rnams dang / tshad med pa rnams dang /gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad ni dmigs pa'o/ /rnam pa thams cad mkhyen pa nyid kyi bar ni dmigs pa ste skyon no//rab 'byor skyon med pa ni gang la gzugs dang / tshor ba dang / 'du shes dang / 'du byed rnams dang / rnam par shes pa dang / skye mched dang / khams dang / rten cing 'brel par 'byung ba dang / pha rol tu phyin pa thams cad dang / stong pa nyid thams cad dang /byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang /mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang /sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar dang / chos de dag gis brjod pa yang dmigs su med pa'o/ /de ci'i phyir zhe na/ rab 'byor de ni 'di ltar gzugs la rang bzhin med de/ gang la rang bzhin med pa de ni brjod du med pa'o//tshor ba dang / 'du shes dang / 'du byed dang / rnam par shes pa la rang bzhin med de/ gang la rang bzhin med pa de ni brjod du med pa'o/ /skye mched dang / khams dang / rten cing 'brel par 'byung ba la rang bzhin med de/ gang la rang bzhin med pa de ni brjod du med pa'o/ /pha rol tu phyin pa thams cad dang /stong pa nyid thams cad dang / byang chub kyi phyogs kyi chos rnams la rang bzhin med de/ gang la rang bzhin med pa de ni brjod du med pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la rang bzhin med de / gang la rang bzhin med pa de ni brjod du med pa'o//de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la rang bzhin med de/ gang la rang bzhin med pa de ni brjod du med pa'o//rnam pa thams cad mkhyen pa nyid kyi bar la rang bzhin med de/ gang la rang bzhin med pa de ni brjod du med pa'o/ /rab 'byor 'di ni byang chub sems dpa' sems dpa' chen po'i skyon med pa ste/ byang chub sems dpa' sems dpa' chen po skyon med par zhugs pa/ ting nge 'dzin dang /snyoms par 'jug pa thams cad yongs su rdzogs par byed pa de ni ting nge 'dzin dang snyoms par 'jug pa'i dbang gis kyang mi skye na 'dod chags sam/ zhe sdang ngam/ gti mug gis skye bar 'gyur zhing de la gnas te/ de la las mngon par 'du byed pa dang / las de mngon par 'du byas pas 'gro ba lnga'i 'khor bar ltung bar 'gyur ba lta ci smos te/de ni gnas med do/ /gzhan du na sgyu ma lta bu'i chos rnams la gnas shing sems can thams cad kyi don byed de/ sems can nam sgyu mar yang dmigs pa med do/ /de sems can dang sgyu mar mi dmigs pas sems can rnams yongs su smin par byed cing sangs rgyas kyi zhing yongs su 'dzin to//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ting nge 'dzin gyi pha rol tu phyin pa yongs su rdzogs par byas nas chos kyi 'khor lo bskor ba'i bar du ste/mi dmigs pa'i 'khor lo dang / stong pa nyid dang / mtshan ma med pa dang / smon pa med pa'i 'khor lo bskor ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad rmi lam lta bur yongs su shes so//chos thams cad sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bur yongs su shes so zhes bya ba ni chos thams cad mtshan ma med par skad cig ma gcig gis mngon par rtogs pa'i mtshan nyid can gyi sems kyi skad cig gis mngon par rtogs pa ste gsum pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar na chos thams cad rmi lam lta bur yang dag pa ji lta ba bzhin du yongs su 'tshal ba lags/ji ltar na chos thams cad sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bur yang dag pa ji lta ba bzhin du yongs su 'tshal ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/rmi lam mi mthong ngo / /rmi lam mthong ba mi mthong ngo / /sgra brnyan mi thos so/ /sgra brnyan nyan pa mi thos so/ / mig yor mi mthong ngo / /mig yor mthong ba mi mthong ngo / /sgyu ma mi mthong ngo / / sgyu ma mthong ba mi mthong ngo / /smig rgyu mi mthong ngo / /smig rgyu mthong ba mi mthong ngo / /sprul pa mi mthong ngo / /sprul pa mthong ba mi mthong ngo / /de ci'i phyir zhe na/ 'di ltar byis pa so so'i skye bo rnams kyi rmi lam ni phyin ci log go/ /sgra brnyan ni phyin ci log go/ /mig yor ni phyin ci log go//sgyu ma ni phyin ci log go/ /smig rgyu ni phyin ci log go/ /sprul pa ni phyin ci log go/ /dgra bcom pa ni rmi lam mi mthong ngo / /rmi lam mthong ba mi mthong ngo / /sgra brnyan mi thos so/ /sgra brnyan nyan pa mi thos so/ /mig yor mi mthong ngo / /mig yor mthong ba mi mthong ngo / /sgyu ma mi mthong ngo //sgyu ma mthong ba mi mthong ngo / /smig rgyu mi mthong ngo / /smig rgyu mthong ba mi mthong ngo / /sprul pa mi mthong ngo / /sprul pa mthong ba mi mthong ngo / /rang sangs rgyas kyi bar dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas ni rmi lam mi gzigs so//rmi lam mthong ba mi gzigs so/ /sgra brnyan mi gsan to/ /sgra brnyan nyan pa mi gzigs so/ /mig yor mi gzigs so/ /mig yor mthong ba mi gzigs so/ /sgyu ma mi gzigs so/ /sgyu ma mthong ba mi gzigs so/ /smig rgyu mi gzigs so/ /smig rgyu mthong ba mi gzigs so//sprul pa mi gzigs so/ /sprul pa mthong ba mi gzigs so/ /de ci'i phyir zhe na/ 'di ltar yang dag pa ma yin pas chos thams cad ni dngos po med pa'i ngo bo nyid de/ yongs su mya ngan las 'das pa dang mnyam pa ste yang dag pa ma yin pa'i phyir chos thams cad yongs su grub pa med na/de la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ dngos po'i 'du shes sam/ yongs su grub pa'i 'du shes sam/ yang dag pa'i 'du shes su 'gyur ba lta ga la yod de/ de ni gnas med do/ /de ci'i phyir zhe na/ gal te chos la la zhig gi ngo bo nyid dam/yongs su grub pa'am/ yang dag par gyur pa zhig dmigs na ni shes rab kyi pha rol tu phyin par yang mi 'gyur te/ byang chub sems dpa' sems dpa' chen po shes rab kyi pha rol tu phyin pa la de ltar spyod pa na/ gzugs la chags pa med do/ /tshor ba dang / 'du shes dang / 'du byed rnams dang / rnam par shes pa la chags pa med do/ /khams dang / skye mched dang / rten cing 'brel par 'byung ba la chags pa med do/ /'dod pa'i khams la chags pa med do/ /gzugs kyi khams la chags pa med do / /gzugs med pa'i khams la chags pa med do//sbyin pa'i pha rol tu phyin pa la chags pa med do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la chags pa med do/ /nang stong pa nyid la chags pa med do//dngos po med pa'i ngo bo nyid stong pa nyid kyi bar la chags pa med do/ /byang chub kyi phyogs kyi chos sum cu rtsa bdun la chags pa med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la chags pa med do/ /ting nge 'dzin dang / gzungs kyi sgo rnams la chags pa med do//de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams la chags pa med do/ /rnam pa thams cad mkhyen pa nyid kyi bar la chags pa med do/ /de shes rab kyi pha rol tu phyin pa 'di la gnas shing sa dang po yongs su rdzogs par byed do //de la 'dod pa'i 'dod chags mi bskyed do/ /de ci'i phyir zhe na/ de ni 'di ltar des sa de yang mi dmigs na/ de la 'dod pa'i 'dod chags skye bar lta ga la 'gyur te/ shes rab kyi pha rol tu phyin pa 'di la gnas shing sa gnyis pa dang /sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa yongs su rdzogs par byed de/ de la 'dod pa'i 'dod chags mi bskyed do/ /de ci'i phyir zhe na/ de ni 'di ltar des sa de yang mi dmigs na/ de la 'dod pa'i 'dod chags bskyed par lta ga la 'gyur te/shes rab kyi pha rol tu phyin pa la spyod cing shes rab kyi pha rol tu phyin pa de yang mi dmigs so/ /de mi dmigs pa'i shes rab kyi pha rol tu phyin pa la spyod pa'i tshe/ shes rab kyi pha rol tu phyin pa der chos thams cad kyang 'dus par mthong ste/ chos de dag kyang mi dmigs so/ /de ci'i phyir zhe na/ de ni 'di ltar chos de dag dang shes rab kyi pha rol tu phyin pa de la gnyis su med de gnyis su byar med do/ /de ci'i phyir zhe na/ de ni 'di ltar chos de dag ni tha dad du bya ba gang yang med do/ /chos kyi dbyings su bstan pa dang / de bzhin nyid du bstan pa dang /yang dag pa'i mtha' bstan pas chos thams cad dbyer med do / /gsol pa/ bcom ldan 'das de ltar chos thams cad dbyer med pa lags na ji ltar dge ba dang / mi dge ba'i chos rnams bstan pa lags/ ji ltar 'jig rten dang 'jig rten las 'das pa'i chos rnams bstan pa lags/ji ltar zag pa dang bcas pa dang / zag pa ma mchis pa'i chos rnams bstan pa lags/ ji ltar 'dus byas dang / 'dus ma byas kyi chos rnams bstan pa lags/ bcom ldan 'das kyis bka' stsal pa/ rab 'byor de ji snyam du sems/ chos rnams kyi chos nyid gang yin pa de la 'dus byas sam/'dus ma byas sam/ rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/ byang chub bam/ sems gang yang brjod du yod dam/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor de bas na khyod kyis rnam grangs des 'di ltar chos thams cad dbyer med pa dang / chos thams cad mtshan nyid med pa dang / skye ba med pa dang / 'gag pa med par rig par bya'o/ /rab 'byor nga sngon byang chub sems dpa'i spyad pa spyod pa'i tshe/gzugs zhes bya ba'am/ tshor ba zhes bya ba'am/ 'du shes zhes bya ba'am/ 'du byed ces bya ba'am/ rnam par shes pa zhes bya ba'am/ skye mched dang / khams dang / rten cing 'brel par 'byung ba zhes bya ba'am/ pha rol tu phyin pa rnams dang / stong pa nyid thams cad dang /byang chub kyi phyogs kyi chos rnams zhes bya ba'am/ sangs rgyas kyi chos ma 'dres pa rnams kyi bar zhes bya ba'am/ dge ba dang mi dge ba'i chos rnams zhes bya ba'am/ nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang /zag pa dang bcas pa dang / zag pa med pa dang / thun mong dang thun mong ma yin pa dang / 'dus byas dang / 'dus ma byas kyi chos rnams zhes bya ba'am/ rgyun du zhugs pa'i 'bras bu zhes bya ba'am/ lan cig phyir 'ong ba'i 'bras bu'am/ phyir mi 'ong ba'i 'bras bu dang / dgra bcom pa nyid ces bya ba'am/ rang byang chub ces bya ba'am/ rnam pa thams cad mkhyen pa nyid kyi bar zhes bya ba'i chos gang gi rang bzhin yang mi dmigs so/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sems dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du mi dmigs pa'i tshul gyis chos thams cad kyi rang bzhin la mkhas par bya'o/ /byang chub sems dpa' sems dpa' chen po chos thams cad kyi rang bzhin la mkhas pa ni/byang chub kyi lam yongs su rdzogs par bya'o / /sems can rnams yongs su smin par byed do/ /sangs rgyas kyi zhing yongs su 'dzin to/ /de la gnas te bla na med pa yang dag par rdzogs pa'i byang chub tu mngon par rdzogs par sangs rgyas nas/sems can rnams ci nas kyang 'dul bar gyur nas srid pa gsum na mi snang ba de ltar rnam par btul lo/ /rab 'byor de ltar byang chub sems dpa' sems dpa' chen pos mtshan ma med pa'i tshul gyis shes rab kyi pha rol tu phyin pa la bslab par bya'o zhes bya ba ni gnyis su med pa nyid du chos thams cad skad cig ma gcig la mngon par rtogs pa'i mtshan nyid can sems kyi skad cig ma gcig gis mngon par rtogs pa ste bzhi pa'o//'di dag gis ni skad cig ma gcig gis mngon par rtogs pa gsungs pa yin no/ /'phags pa bcom ldan 'das ma shes rab kyi pha rol tu phyin pa stong phrag nyi shu lnga pa mngon par rtogs pa'i rgyan gyi rjes su 'brangs nas dag par gtugs pa las/skad cig ma gcig gis mngon par rtogs pa'i dbang du byas pa bslab pa yongs su rdzogs pa zhes bya ba'i le'u ste bdun pa'o// //rab 'byor gzhan yang zag pa med pa'i chos rmi lam lta bu dngos po dang mi ldan pa dngos po med pa'i rang bzhin can rang gi mtshan nyid kyis stong pa rnam pa thams cad du yongs su dag par 'gyur ba de dag thams cad kyi rang bzhin gang yin pa mtshan nyid gcig po 'di lta ste/mtshan nyid med pa de ni de bzhin gshegs pa dgra bcom pa yang dag par rdzogs pa'i sangs rgyas yin par rig par bya ste/rab 'byor byang chub sems dpa' sems dpa' chen po de ltar shes rab kyi pha rol tu phyin pa la bslab par bya'o/ /rab 'byor gyis gsol pa/ bcom ldan 'das zag pa med pa'i chos de dag thams cad kyang gang dag lags/bcom ldan 'das kyis bka' stsal pa/ byang chub kyi phyogs kyi chos sum cu rtsa bdun dang / tshad med pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / zad par gyi skye mched bcu dang / zil gyis gnon pa'i skye mched brgyad dang /nyon mongs pa med pa'i ting nge 'dzin dang / smon nas mkhyen pa dang / mngon par shes pa drug dang / so so yang dag par rig pa bzhi dang / rnam pa thams cad du yongs su dag pa bzhi dang / dbang bcu dang stobs bcu dang / mi 'jigs pa bzhi dang /bsrung ba med pa gsum dang / dran pa nye bar gzhag pa gsum dang / bsnyel ba mi mnga' ba'i chos nyid dang / bag chags yang dag par bcom pa dang / thugs rje chen po dang / sangs rgyas kyi chos ma 'dres pa bco brgyad dang / rnam pa thams cad mkhyen pa nyid dang / lam gyi rnam pa shes pa nyid dang / thams cad mkhyen pa nyid dag ste/ rab 'byor 'di dag ni zag pa med pa'i chos thams cad ces bya'o/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa 'di la bslab par bya'o zhes bya ba ni ngo bo nyid kyi sku yin no// //rab 'byor gzhan yang shes rab kyi pha rol tu phyin pa 'di la bslabs shing chos de dag thams cad thob nas bla na med pa yang dag par rdzogs pa'i byang chub tu mngon par rdzogs par sangs rgyas te/ thams cad du thams cad rnam pa thams cad nas thams cad du de bzhin gshegs pa dgra bcom pa yang dag par rdzogs pa'i sangs rgyas rnams kyi sku skyes bu chen po'i mtshan sum cu rtsa gnyis kyis brgyan pa/dpe byad bzang po brgyad cus brgyan pa/ byang chub sems dpa' sems dpa' chen po rnams la theg pa chen po mchog gi chos kyi longs spyod bla na med pa'i dga' ba dang /bde ba dang / tshim pa dang / rab tu dga' ba ston par mdzad par 'gyur ro zhes/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni longs spyod rdzogs pa'i sku yin no// //rab 'byor gzhan yang shes rab kyi pha rol tu phyin pa la bslab pa na chos de dag thams cad rtogs par byas nas bla na med pa yang dag par rdzogs pa'i byang chub tu mngon par rdzogs par sangs rgyas nas phyogs bcu'i 'jig rten gyi khams dpag tu med mtha' med par dus thams cad du de bzhin gshegs pa dgra bcom pa yang dag par rdzogs pa'i sangs rgyas kyi sku'i sprul pa sna tshogs kyi sprin gyis sems can thams cad kyi don mdzad pa de ltar rab 'byor byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba ni sprul pa'i sku yin no// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das chos thams cad rmi lam lta bu dngos po ma mchis pa dngos po ma mchis pa'i ngo bo nyid rang gi mtshan nyid kyis stong pa rnams la 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so//'di dag ni 'jig rten las 'das pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni rgyun du zhugs pa'i 'bras bu mngon du bya ba'i rgyur 'gyur ba'o//'di dag ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o/ /'di dag ni rang byang chub kyi rgyur 'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bgyi bar ji ltar rnam par dgod par 'gyur chos thams cad sgra brnyan lta bu dang /mig yor lta bu dang / sgyu ma lta bu dang / smig rgyu lta bu dang / dngos po ma mchis pa dngos po ma mchis pa'i ngo bo nyid dang / rang gi mtshan nyid kyis stong pa rnams la 'di dag ni dge ba'i chos so/ /'di dag ni mi dge ba'i chos so//'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni rgyun du zhugs pa'i 'bras bu mngon du bya ba'i rgyur 'gyur ro //'di dag ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o / /'di dag ni rang byang chub kyi rgyur 'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bgyi bar ji ltar rnam par dgod par 'gyur/bcom ldan 'das kyis bka' stsal pa/ rab 'byor 'di la byis pa thos pa dang mi ldan pa'i so so'i skye bo ni rmi lam yang dmigs la rmi lam mthong ba yang dmigs so/ /sgra brnyan yang dmigs la sgra brnyan nyan pa yang dmigs so/ /mig yor yang dmigs la mig yor mthong ba yang dmigs so//sgyu ma yang dmigs la sgyu ma mthong ba yang dmigs so/ /smig rgyu yang dmigs la smig rgyu mthong ba yang dmigs so/ /sprul pa yang dmigs la sprul pa mthong ba yang dmigs so/ /des rmi lam yang dmigs la rmi lam mthong ba yang dmigs so//sprul pa'i bar yang dmigs la sprul pa mthong ba yang dmigs nas/ lus dang ngag dang yid kyis dge ba'i 'du bya ba yang mngon par 'du byed do/ /lus dang ngag dang yid kyis mi dge ba'i 'du bya ba yang mngon par 'du byed do/ /lus dang ngag dang yid kyis bsod nams dang bsod nams ma yin pa dang /mig yo ba'i 'du bya ba yang mngon par 'du byed do/ /de bas na byang chub sems dpa' sems dpa' chen po shes rab kyi pha rol tu phyin pa la spyod pa mtha' las 'das pa stong pa nyid dang / thog ma dang tha ma med pa stong pa nyid dang / stong pa nyid 'di gnyis la gnas shing sems can rnams la chos ston te/khams gsum po 'di ni stong pa ste/ 'di la gzugs sam/ tshor ba'am/ 'du shes sam/ 'du byed dam/ rnam par shes pa'am/ skye mched rnams sam/ khams rnams med do/ /'di ni rmi lam/ 'di ni sgra brnyan/ 'di ni mig yor/ 'di ni sgyu ma/'di ni smig rgyu / 'di ni sprul pa ste/ 'di la phung po rnams sam/ khams rnams sam/ skye mched rnams med do/ /'di la ni rmi lam med do/ /rmi lam mthong ba med do/ /sgra brnyan med do/ /sgra brnyan nyan pa med do/ /mig yor med do/ /mig yor mthong ba med do//sgyu ma med do/ /sgyu ma byed pa med do/ /smig rgyu med do/ /smig rgyu mthong ba med do/ /sprul pa med do/ /sprul pa byed pa med do/ /chos 'di dag thams cad ni dngos po med pa dngos po med pa'i ngo bo nyid yin na/ 'on kyang khyod ni phung po med pa la phung por 'du shes pa/ skye mched med pa la skye mched du 'du shes pa dang /khams med pa la khams su 'du shes pa dag ste/ chos 'di dag thams cad ni rten cing 'brel par 'byung ba phyin ci log las skye ba las kyi rnam par smin pas yongs su bzung ba yin na/ khyed rnams ci'i phyir chos thams cad dngos po med pa la dngos po'i 'du shes su byed ces te/byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can ser sna can de dag ser sna las rnam par bzlog nas sbyin pa'i pha rol tu phyin pa la sbyor te sbyin pa yongs su btang ba de yang de dag la longs spyod chen po'i rgyur 'gyur ba'o//des de dag las bskyod nas tshul khrims kyi pha rol tu phyin pa la sbyor te/ tshul khrims yang dag par blangs pa de yang de dag la mtho ris su skye ba'i rgyur 'gyur ro/ /des de dag las bskyod nas ting nge 'dzin la sbyor te/ ting nge 'dzin de yang de dag la tshangs pa'i 'jig rten du skye ba'i rgyur 'gyur ro//des de dag las bskyod nas bsam gtan dang po la sbyor te/ bsam gtan dang po las bsam gtan gnyis pa / bsam gtan gnyis pa las bsam gtan gsum pa/ bsam gtan gsum pa las bsam gtan bzhi pa/ bsam gtan bzhi pa las nam mkha' mtha' yas skye mched kyi snyoms par 'jug pa/nam mkha' mtha' yas skye mched kyi snyoms par 'jug pa las rnam shes mtha' yas skye mched kyi snyoms par 'jug pa/ rnam shes mtha' yas skye mched kyi snyoms par 'jug pa las cung zad med pa'i skye mched kyi snyoms par 'jug pa/cung zad med pa'i skye mched kyi snyoms par 'jug pa las 'du shes med 'du shes med min skye mched kyi snyoms par 'jug pa la sbyor ro/ /des sbyin pa dang sbyin pa'i 'bras bu dma' ba de las rnam grangs su bskyed de/ phung po ma lus pa'i mya ngan las 'das pa'i dbyings su dbugs 'byin to//gzhog go/ /rab tu 'god do/ /de tshul khrims dang tshul khrims kyi 'bras bu de las rnam grangs du mas bskyed de/ phung po ma lus pa'i mya ngan las 'das pa'i dbyings su rab tu gzhog go/ /des ting nge 'dzin dang ting nge 'dzin gyi 'bras bu de las rnam grangs du mas bskyed de/phung po ma lus pa'i mya ngan las 'das pa'i dbyings su rab tu gzhog go/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la 'god do//rab tu 'jog go/ /de zag pa med pa'i chos gzugs med pa bstan du med pa thogs pa med pa de dag gis gang rgyun du zhugs pa'i 'bras bu don du gnyer ba de dag rgyun du zhugs pa'i 'bras bu la rab tu 'god do/ /gang lan cig phyir 'ong ba'i 'bras bu don du gnyer ba de dag lan cig phyir 'ong ba'i 'bras bu la rab tu 'god do//gang phyir mi 'ong ba'i 'bras bu don du gnyer pa de dag phyir mi 'ong ba'i 'bras bu la rab tu 'god do/ /gang dgra bcom pa nyid don du gnyer ba de dag dgra bcom pa nyid la rab tu 'god do/ /gang rang byang chub don du gnyer pa de dag rang byang chub la rab tu 'god do//gang bla na med pa yang dag par rdzogs pa'i byang chub don du gnyer ba de dag la byang chub kyi lam brjod cing ston to/ /yang dag par bskul lo/ /yang dag par gzengs bstod do/ /yang dag par dga' bar byed do/ /'dul lo/ /gzhog go/ / rab tu 'god do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad rmi lam lta bu dang / sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu dang / dngos po med pa dang / dngos po med pa'i ngo bo nyid dang / rang gi mtshan nyid kyis stong pa la rnam par 'god par byed do/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de ltar byang chub sems dpa' sems dpa' chen po de shes rab kyi pha rol tu phyin pa zab mo 'di la spyod pa'i tshe/chos thams cad dngos po med pa'i ngo bo nyid dang / chos thams cad mtha' las 'das pa stong pa nyid dang / thog ma dang tha ma med pa stong pa nyid la 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so//'di dag ni 'jig rten las 'das pa'i chos so/ /'di dag ni kha na ma tho ba dang bcas pa'i chos so/ /'di dag ni kha na ma tho ba med pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so//'di dag ni rgyun du zhugs pa'i 'bras bu mngon du bya ba'i rgyur 'gyur ba'o/ /'di dag ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o/ /'di dag ni rang byang chub kyi rgyur 'gyur ba'o/ / 'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bya bar rnam par dgod par bgyid pa de dag ni ngo mtshar te rmad du byung ba'i chos so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no//de de bzhin te/ de ltar byang chub sems dpa' sems dpa' chen po shes rab kyi pha rol tu phyin pa zab mo 'di nyid la spyod pa'i tshe/ chos thams cad dngos po med pa'i ngo bo nyid dang / chos thams cad mtha' las 'das pa stong pa nyid dang / thog ma dang tha ma med pa stong pa nyid la 'di dag ni dge ba'i chos so//'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni kha na ma tho ba dang bcas pa'i chos so/ /'di dag ni kha na ma tho ba med pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so//'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni rgyun du zhugs pa'i 'bras bu mngon du bya ba'i rgyur 'gyur ba'o/ /'di dag ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o//'di dag ni rang byang chub kyi rgyur 'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bya bar rnam par dgod par byed pa de ni ngo mtshar te rmad du byung ba'i chos so/ /rab 'byor gal te khyod kyis byang chub sems dpa' sems dpa' chen po gang gi ngo mtshar rmad kyi chos de shes kyang nyan thos dang rang sangs rgyas thams cad kyis byang chub sems dpa' sems dpa' chen po de la slar phan gdags par bya ba sla ba ma yin te/khyed cag thams cad kyis kyang byang chub sems dpa' sems dpa' chen po'i chos de dag zil gyis mnan par mi nus so//rab 'byor gyis gsol pa/ bcom ldan 'das nyan thos dang rang sangs rgyas thams cad la ma mchis pa'i ngo mtshar rmad kyi chos byang chub sems dpa' sems dpa' chen po ma mchis pa gang lags/ bcom ldan 'das kyis bka' stsal pa/ rab 'byor de'i phyir shin tu legs par nyon la yid la zung shig dang bshad par bya'o//rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam par smin pa las byung ba'i pha rol tu phyin pa drug la gnas/ rnam par smin pa las byung ba'i stong pa nyid thams cad dang /byang chub kyi phyogs kyi chos sum cu rtsa bdun dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang /snying rje chen po dang / sangs rgyas kyi chos ma 'dres pa bco brgyad la gnas shing phyogs dang phyogs mtshams kyi 'jig rten gyi khams dag tu song zhing sems can gang la sbyin pas phan gdags par bya ba de ni sbyin pas phan 'dogs so/ /de sems can gang la tshul khrims dang / bzod pa dang /brtson 'grus dang / ting nge 'dzin dang / shes rab kyis phan gdags par bya ba de dag la ni shes rab kyis phan 'dogs so/ /sems can gang la bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pas phan gdags par bya ba de dag la ni bsam gtan bzhi pas phan 'dogs so//sems can gang la nam mkha' mtha' yas kyi skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min gyi skye mched kyi snyoms par 'jug pas phan gdags par bya ba de dag la ni 'du shes med 'du shes med min skye mched la snyoms par 'jug pas phan 'dogs so//sems can gang la byams pas phan gdags par bya ba de dag la ni byams pas phan 'dogs so/ /sems can gang la snying rje dang /dga' ba dang / btang snyoms kyis phan gdags par bya ba de dag la ni btang snyoms kyis phan 'dogs so/ /sems can gang la dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /'phags pa'i lam yan lag brgyad pa dang / 'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad kyis phan gdags par bya ba de dag la ni sangs rgyas kyi chos ma 'dres pa bco brgyad kyis phan 'dogs so//gang la rnam pa thams cad mkhyen pa nyid kyi bar gyis phan gdags par bya ba de dag la rnam pa thams cad mkhyen pa nyid kyis phan 'dogs so/ /rab 'byor gyis gsol pa/ bcom ldan 'das ji ltar na byang chub sems dpa' sems dpa' chen po sbyin pas sems can rnams la phan 'dogs pa lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ zas 'dod pa rnams la zas/ skom 'dod pa rnams la skom/ bzhon pa 'dod pa rnams la bzhon pa/ phreng ba 'dod pa rnams la phreng ba/ spos 'dod pa rnams la spos/ byug pa 'dod pa rnams la byug pa/ gos 'dod pa rnams la gos/ mal cha 'dod pa rnams la mal cha/ gnas 'dod pa rnams la gnas/ mi'i yo byad gang ci yang rung ba'i bar du yongs su gtong ste/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams la dbul zhing yongs su gtong ba dang /ji ltar rang sangs rgyas rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams dang / yang dag par spong ba rnams dang /yang dag par zhugs pa rnams la yongs su gtong ba de bzhin du mir gyur pa rnams dang / de bzhin du byol song gi skye gnas su gtogs pa'i sems can thams cad la yang tha dad du bya ba med pa'i 'du shes nye bar gzhag cing sbyin pa yongs su gtong ngo / /de ci'i phyir zhe na/ 'di ltar chos thams cad ni tha dad du bya ba med pa ste/des tha dad du bya ba med pa'i sbyin pa byin pas tha dad du bya ba med pa'i chos 'di lta ste/ rnam pa thams cad mkhyen pa nyid thob par 'gyur ro/ /rab 'byor gal te byang chub sems dpa' sems dpa' chen po byol song gi skye gnas su gtogs pa'i srog chags sbyin pa'i gnas ma yin pa mthong nas/'di snyam du bdag gi sbyin gnas ni yang dag par rdzogs pa'i sangs rgyas te/ byol song gi skye gnas su gtogs pa ma yin no snyam na byang chub sems dpa' sems dpa' chen po'i chos ma yin no/ /de ci'i phyir zhe na/ byang chub sems dpa' sems dpa' chen pos ni byang chub tu sems bskyed nas 'di ltar bdag gis sems can 'di dag la ni sbyin pas phan gdags par bya'o/ /'di dag la ni phan gdags par mi bya'o zhes bya bar bla na med pa yang dag par rdzogs pa'i byang chub tu yang dag par zhugs pa ma yin te/ de dag sbyin pas phan btags nas rgyal rigs shing sA la chen po lta bu'i rigs su skye/ bram ze'i rigs shing sA la chen po lta bu'i rigs su skye/ khyim bdag gi rigs shing sA la chen po lta bu'i rigs su skye bar 'gyur te/ sbyin pa de nyid kyis phan btags pa de dag theg pa gsum gyis rim gyis phung po ma lus pa'i mya ngan las 'das pa'i dbyings su yongs su mya ngan las 'da' bar 'gyur ro//gal te byang chub sems dpa' sems dpa' chen po la skye bo'i tshogs thams cad kyis bsad par gsol ba btab na/ de la byang chub sems dpa' sems dpa' chen pos sbyin no snyam pa'am /mi sbyin no snyam pa'i sems gzhan bskyed par mi bya'i/ 'khrug pa med pa'i sems kyis skye bo'i tshogs de dag la sbyin par bya'o/ /de ci'i phyir zhe na/ 'di ltar de ni sems can thams cad kyi don du bla na med pa yang dag par rdzogs pa'i byang chub tu yang dag par zhugs pa'i phyir/ gal te rnam par rtog na sangs rgyas bcom ldan 'das de dag dang / byang chub sems dpa' sems dpa' chen po de dag dang / rang sangs rgyas rnams dang / dgra bcom pa rnams dang / slob pa rnams dang / lha dang mi dang lha ma yin du bcas pa'i 'jig rten gyis smad par 'gyur te/ de la thog mar sems can thams cad kyi mgon gyis shig ce'am/gnas dang skyabs dang dpung gnyen gyis shig ces gsol ba btab ces smad par 'gyur ro/ /rab 'byor gzhan yang gal te byang chub sems dpa' sems dpa' chen po'i drung du mir gyur pa'am/ mi ma yin par gyur pa dag 'ongs nas bdag ni slong mo pa'o zhes yan lag dang nying lag bcad par gsol ba btab na de'i tshe des sbyin nam mi sbyin snyam pa'i sems gnyis su bskyed par mi bya'o//de ci'i phyir zhe na/ de ni 'di ltar byang chub sems dpa' sems dpa' chen po des sems can rnams kyi don du ched du bsams te/ lus 'dis bdag gis sems can thams cad kyi don bya'o zhes lus yongs su bzung bas na de 'di snyam du bdag gis sems can 'di dag gi don du lus yongs su bzung bas na de dag blang mi dgos par khyer cig dengs shig ces sems bskyed par bya ste/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa la bslab par bya'o//rab 'byor gzhan yang byang chub sems dpa' sems dpa' chen pos slong mo pa mthong na 'di snyam du chos 'di dag thams cad kyi rang bzhin dmigs su med na/ 'di la su zhig ni sbyin pa yongs su gtong / su la ni sbyin par bya/ ci zhig ni sbyin par bya zhes sems bskyed par bya'o//de ci'i phyir zhe na/ 'di ltar chos 'di dag ni mtha' las 'das pa stong pa nyid kyis stong pa ste/ stong pa nyid la ni gang la yang yongs su stong pa'am gang las kyang phrogs pa med do/ /rab 'byor de ltar byang chub sems dpa' sems dpa' chen pos shes rab kyi pha rol tu phyin pa dang /'di lta ste nang stong pa nyid nas dngos po med pa'i ngo bo nyid stong pa nyid kyi bar la bslab par bya'o/ /de stong pa nyid la gnas shing sbyin pa yongs su gtong ba de'i sbyin pa'i pha rol tu phyin pa rtag tu rgyun mi 'chad par yongs su rdzogs par 'gyur te/ de la sbyin pa'i pha rol tu phyin pa yongs su rdzogs pa des phyi nang gi dngos po gcad cing gtubs kyang bdag la su yang gtub pa'am gcod do snyam pa'i sems mi 'byung ngo zhes pa ni sprul pa'i sku'i sgo nas chos kyi sku'i phrin las spyir bstan pa yin no// //rab 'byor ngas 'di nas sangs rgyas kyi spyan gyis 'jig rten la rnam par gzigs na/shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag ched du bsams te/ sems can dmyal ba chen po dag tu dong zhing sems can dmyal ba chen po'i sdug bsngal zhi bar byas nas/ rdzu 'phrul gyi cho 'phrul dang /kun brjod pa'i cho 'phrul dang / rjes su bstan pa'i cho 'phrul dang / cho 'phrul gsum po de dag gis sems can dmyal ba pa'i sems can de dag la chos ston cing / rdzu 'phrul gyi cho 'phrul gyis sems can dmyal ba chen po'i sdug bsngal zhi bar byas te/ kun brjod pa'i cho 'phrul dang /rjes su bstan pa'i cho 'phrul gyis chos ston pa dang / byang chub sems dpa' sems dpa' chen po de dag byams pa chen po dang / snying rje chen po dang / dga' ba chen po dang / btang snyoms chen pos chos ston te/ des sems can dmyal ba pa'i sems can de dag byang chub sems dpa' sems dpa' chen po de dag la sems mos par byas shing sems can dmyal ba chen po de dag nas rnam par ldang ba dang /de dag sems can dmyal ba chen po de dag nas rnam par langs nas lha dang mi dag dang skal ba mnyam par skyes shing rim gyis theg pa gsum gyis sdug bsngal mthar 'byin pa mthong ngo / / rab 'byor ngas 'di nas sangs rgyas kyi spyan gyis 'jig rten la rnam par gzigs na/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po de dag la ched du bsams te/sems can dmyal ba chen po dag tu dong zhing sems can dmyal ba chen po'i sdug bsngal zhi bar byas nas/ rdzu 'phrul gyi cho 'phrul dang / kun brjod pa'i cho 'phrul dang / rjes su bstan pa'i cho 'phrul dang / cho 'phrul gsum po de dag gis sems can dmyal ba pa'i sems can de dag la chos ston zhing rdzu 'phrul gyi cho 'phrul gyis sems can dmyal ba chen po'i sdug bsngal de dag zhi bar byas te/kun brjod pa'i cho 'phrul dang / rjes su bstan pa'i cho 'phrul gyis chos ston pa dang / byang chub sems dpa' sems dpa' chen po de dag byams pa chen po dang / snying rje chen po dang / dga' ba chen po dang / btang [(]snyams [,]snyoms [)]chen pos chos ston te/ des sems can dmyal ba pa'i sems can de dag byang chub sems dpa' sems dpa' chen po de dag la sems mos par byas shing sems can dmyal ba chen po de dag nas rnam par ldang ba dang / de dag sems can dmyal ba chen po de dag nas rnam par langs nas/lha dang mi dag dang skal ba mnyam par skyes shing rim gyis theg pa gsum gyis sdug bsngal mthar 'byin pa mthong ngo zhes bya ba ni dmyal ba'i 'gro ba zhi bar mdzad pa'i phrin las yin no// //rab 'byor ngas 'di nyid nas sangs rgyas kyi spyan gyis 'jig rten la rnam par gzigs na/shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po sangs rgyas bcom ldan 'das rnams la bsnyen bkur byed pa rnams mthong ste/ byang chub sems dpa' sems dpa' chen po de dag sangs rgyas bcom ldan 'das de dag la dgyes par mi 'gyur bas ma yin gyi dgyes par 'gyur ba dang /thugs su mi byon pas ma yin gyi thugs su byon pa dang / ma gus pas ma yin gyi/ gus pas shin tu dad pas bsnyen bkur byed cing / byang chub sems dpa' sems dpa' chen po de dag sangs rgyas bcom ldan 'das de dag gis chos bstan pa de yang 'dzin zhing bzung nas bla na med pa yang dag par rdzogs pa'i byang chub tu mngon par rdzogs par sangs rgyas kyi bar du 'chang zhing nam du yang chud mi gson no//rab 'byor ngas 'di nyid nas sangs rgyas kyi spyan gyis 'jig rten la rnam par gzigs na/lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po sangs rgyas bcom ldan 'das rnams la bsnyen bkur byed pa dag mthong ste/byang chub sems dpa' sems dpa' chen po de dag sangs rgyas bcom ldan 'das de dag la dgyes par mi 'gyur bas ma yin gyi/ dgyes par 'gyur ba dang / thugs su mi byon pas ma yin gyi/ thugs su byon pa dang / ma gus pas ma yin gyi / gus pas shin tu dad par bsnyen bkur byed cing /byang chub sems dpa' sems dpa' chen po de dag sangs rgyas bcom ldan 'das de dag gis chos gang bstan pa de yang 'dzin zhing bzung nas/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du 'chang zhing nam du yang chud mi gson to// //bam po drug cu drug pa/ rab 'byor ngas yang 'di nas sangs rgyas kyi spyan gyis 'jig rten la rnam par gzigs na / shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag [(]byel sang [,]byol song [)]gi skye gnas pa'i sems can rnams kyi don du bdag yongs su gtong bar byed cing /de la byang chub sems dpa' sems dpa' chen po de dag yan lag dang nying lag bcad cing gtubs te phyogs bcur rnam par 'thor ba dang / byol song gi skye gnas su gtogs pa'i sems can de dag gis byang chub sems dpa' sems dpa' chen po de dag gi sha zos nas de dag byang chub sems dpa' sems dpa' chen po de dag la byams pa thob pa dang /de dag la byams pa thob pa des byol song gi skye gnas nas rnam par ldang zhing rnam par langs nas lha dang mi'i nang du skye ba dang / de dag tu skyes nas kyang sangs rgyas bcom ldan 'das rnams mnyes par byed pa dang /de dag sangs rgyas bcom ldan 'das de dag la bsnyen bkur byed pa dang / de dag sangs rgyas bcom ldan 'das las chos thos te/ de bzhin nyid du nan tan du byed pa dang / de dag nyan thos kyi theg pa'am/ rang sangs rgyas kyi theg pa'am/theg pa chen po'am/ theg pa gsum po de dag gis phung po ma lus pa'i mya ngan las 'das pa'i dbyings su rim gyis yongs su mya ngan las 'das pa mthong ste/ rab 'byor de ltar na byang chub sems dpa' sems dpa' chen po gang bla na med pa yang dag par rdzogs pa'i byang chub tu sems bskyed cing /de bzhin nyid du nan tan du byed pa de dag ni de ltar phan pa mang po byed pa'o/ /rab 'byor ngas 'di nas sangs rgyas kyi spyan gyis 'jig rten la rnam par gzigs na/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i [(]glung [,]klung [)]gi bye ma snyed dag na/byang chub sems dpa' sems dpa' chen po dag byol song gi skye gnas pa'i sems can rnams kyi don du bdag yongs su gtong bar byed cing / de la byang chub sems dpa' sems dpa' chen po de dag yan lag dang nying lag bcad cing gtubs te phyogs bcur rnam par 'thor ba dang /byol song gi skye gnas su gtogs pa'i sems can de dag gis byang chub sems dpa' sems dpa' chen po de dag gi sha zos nas de dag byang chub sems dpa' sems dpa' chen po de dag la byams pa thob pa dang / de dag byams pa thob pa des byol song gi skye gnas nas rnam par ldang zhing rnam par langs nas lha dang mi'i nang du skye ba dang /de dag tu skyes nas kyang sangs rgyas bcom ldan 'das rnams la mnyes par byed pa dang / de dag sangs rgyas bcom ldan 'das de dag la bsnyen bkur byed pa dang / de dag sangs rgyas bcom ldan 'das de dag las chos thos te/de bzhin nyid du nan tan byed pa dang / de dag nyan thos kyi theg pa dang / rang sangs rgyas kyi theg pa'am/ theg pa chen po'am/ theg pa gsum po de dag gis phung po ma lus pa'i mya ngan las 'das pa'i dbyings su rim gyis yongs su mya ngan las 'da' ba mthong ste/rab 'byor de ltar na byang chub sems dpa' sems dpa' chen po gang bla na med pa yang dag par rdzogs pa'i byang chub tu sems bskyed cing de bzhin nyid du nan tan du byed pa de dag ni de ltar phan pa mang po byed pa'o zhes bya ba ni byol song gi skye gnas zhi bar mdzad pa'i phrin las yin no// //rab 'byor ngas 'di nas sangs rgyas kyi spyan gyis 'jig rten la rnam par gzigs na/ shar phyogs [(]gyi [,]kyi [)]'jig rten gyi khams gang gA'i klung gi bye ma snyed dag na byang chub sems dpa' sems dpa' chen po sems can yi dags kyi yul pa rnams kyi yi dags kyi yul de dag na sdug bsngal ji snyed cig yod pa de dag thams cad rab tu 'jil zhing /ser sna spang ba'i phyir chos ston pa dang / de dag na sems can yi dags kyi yul pa de dag byang chub sems dpa' sems dpa' chen po de dag la byams pa'i sems bskyed cing / yi dags kyi skye gnas de dang de dag nas rnam par ldang ba dang /de dag yi dwags kyi skye gnas de dag nas rnam par langs nas dge ba'i rtsa ba de nyid kyis lha'i 'jig rten dang mi'i 'jig rten du skyes te/ phung po ma lus pa'i mya ngan las 'das pa'i dbyings su yongs su mya ngan las 'das pa'i bar du sangs rgyas bcom ldan 'das rnams dang nam yang bral bar mi 'gyur bdag mthong ngo //rab 'byor ngas 'di nas sangs rgyas kyi spyan gyis 'jig rten la rnam par gzigs na/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po sems can yi dags kyi yul pa rnams kyi yi dags kyi yul de dag na sdug bsngal ji snyed cig yod pa de dag thams cad rab tu 'jil zhing ser sna spang ba'i phyir chos ston pa dang /de dag na sems can yi dgas kyi yul pa de dag byang chub sems dpa' sems dpa' chen po de dag la byams pa'i sems bskyed cing /yi dags kyi skye gnas de dag nas rnam par ldang ba dang / de dag yi dags kyi skye gnas de dag nas rnam par langs nas de dge ba'i rtsa ba de nyid kyis lha'i 'jig rten dang / mi'i 'jig rten du skyes te/phung po ma lus pa'i mya ngan las 'das pa'i dbyings su yongs su mya ngan las 'das kyi bar du sangs rgyas bcom ldan 'das rnams dang nam yang 'bral bar mi 'gyur ba dag mthong ngo zhes bya ba ni yi dags kyi 'jig rten zhi bar mdzad pa'i phrin las yin no// //rab 'byor ngas yang 'di nas sangs rgyas kyi spyan gyis 'jig rten la rnam par gzigs na/shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po rgyal chen bzhi'i rigs kyi lha rnams la chos ston pa dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams la chos ston pa dang / byang chub sems dpa' sems dpa' chen po de dag las lha'i bu de dag gis chos de thos nas theg pa gsum pos rim gyis yongs su mya ngan las 'das par gyur pa dang / yongs su mya ngan las 'da' ba dang / yongs su mya ngan las 'da' bar 'gyur ba mthong ste/rab 'byor de la lha'i bu gang 'dod pa'i yon tan lngas shas cher myos pa de dag la gzhal med khang de dag 'bar bar snang bar byas shing / de la skyo bar gyur par shes nas/ 'di skad du grogs po dag 'du byed thams cad ni mi rtag pa/ 'du byed thams cad ni sdug bsngal pa/'du byed thams cad ni bdag med pa/ 'du byed thams cad ni mi brtan pa/ 'du byed thams cad ni yid brtan du mi rung ba/ 'du byed thams cad ni rnam par 'gyur ba'i chos can yin na/ 'du byed thams cad la lta su zhig yid la 'bebs par gnas zhes chos ston to/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po rgyal chen bzhi'i ris kyi lha rnams la chos ston pa dang /sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams la chos ston pa dang / byang chub sems dpa' sems dpa' chen po de dag las lha'i bu de dag gis chos de thos nas theg pa gsum pos rim gyis yongs su mya ngan las 'das par gyur pa dang /yongs su mya ngan las 'da' ba dang / yongs su mya ngan las 'da' bar 'gyur bar mthong ste/ rab 'byor de la lha'i bu gang 'dod pa'i yon tan lngas shas cher myos pa de dag la gzhal med khang de dag 'bar bar snang bar byas shing de dag skyo bar gyur par shes nas 'di skad du grogs po dag 'du byed thams cad ni mi rtag pa/'du byed thams cad ni sdug bsngal ba/ 'du byed thams cad ni bdag med pa/ 'du byed thams cad ni mi brtan pa/ 'du byed thams cad ni yid brtan du mi rung ba/ 'du byed thams cad ni rnam par 'gyur ba'i chos can yin na/'du byed rnams la lta su zhig yid phebs par gnas zhes chos ston to/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po rnams sems can gang tshangs pa'i lta ba la mngon par zhen pa de dag la/kye grogs po dag chos thams cad stong pa la ci zhig lta ba bskyed/ chos thams cad gsog dang / gsob sha stag la ci zhig lta ba bskyed ces lta ba'i rnam pa de dag dang bral bar byed pa de dag mthong ste/rab 'byor de ltar byang chub sems dpa' sems dpa' chen po rnams snying rje chen po la gnas shing sems can rnams la chos ston to/ /rab 'byor de ni ngo mtshar che ste/ byang chub sems dpa' sems dpa' chen po rnams kyi rmad du byung ba'i chos so//rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po rnams sems can gang tshangs pa'i lta ba la mngon par zhen pa de dag la kye grogs po dag chos thams cad stong pa la ci zhig lta ba bskyed/chos thams cad gsog dang gsob sha stag la ci zhig lta ba bskyed ces lta ba'i rnam pa de dag dang bral bar byed pa mthong ste/ rab 'byor de ltar byang chub sems dpa' sems dpa' chen po rnams snying rje chen po la gnas shing sems can rnams la chos ston to//rab 'byor de ni ngo mtshar che ste/ byang chub sems dpa' sems dpa' chen po rnams kyi rmad du byung ba'i chos so zhes bya ba ni lha'i 'gro ba zhi bar mdzad pa'i phrin las yin no// //rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag mi rnams bsdu ba'i dngos po bzhis sdud pa mthong ste/ bzhi gang zhe na/sbyin pa dang / tshig snyan pa dang / don spyod pa dang / don mthun pa'o/ /rab 'byor ngas 'di nas sangs rgyas kyi spyan gyis 'jig rten la rnam par gzigs na/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag mi rnams bsdu ba'i dngos po bzhis sdud pa mthong ste/bzhi gang zhe na/ sbyin pa dang / tshig snyan pa dang / don spyod pa dang / don mthun pa'o/ /rab 'byor ji ltar na byang chub sems dpa' sems dpa' chen po sbyin pas sems can rnams sdud pa yin zhe na/rab 'byor 'di la byang chub sems dpa' sems dpa' chen po sbyin pa gnyis kyis sems can rnams sdud de/ gnyis gang zhe na/ 'di lta ste/ zang zing gi sbyin pa dang / chos kyi sbyin pa'o/ /rab 'byor ji ltar na byang chub sems dpa' sems dpa' chen po zang zing gi sbyin pas sems can rnams sdud pa yin zhe na/rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe gser ram/ dngul lam/ nor bu'am/ mu tig gam/ bai DUR+Ya 'am/ dung ngam/ man shel lam/ byi ru'am/ sa le sbram mam/ zas sam/ skom mam/ gdugs sam/ gos sam/ spos sam/ phreng ba'am/ byug pa'am/ mal cha'am/ stan nam/ 'tsho ba'am/ bud med dam/ skyes pa'am/ rta'am/ glang po'am/ bdag yongs su gtong na/ 'di skad du kye sems can dag tshur shog /bdag nyid kyi dang 'dra bar bslang mi dgos par khyer cig /long la dengs shig ces brjod do/ /sbyin pa des sbyin pa byin nas sangs rgyas la skyabs su gtong ngo / /chos la skyabs su gtong ngo / /dge 'dun la skyabs su gtong ngo / /la la ni bslab pa'i gnas lnga 'dzin du 'dzud do//la la ni yan lag brgyad dang ldan pa'i gso sbyong la nye bar gnas par byed do/ /la la ni dge ba bcu'i las kyi lam la rnam par 'god do/ /la la ni bsam gtan dang po la/ la la ni bsam gtan gnyis pa la/ la la ni bsam gtan gsum pa la/ la la ni bsam gtan bzhi pa la 'god do/ /la la ni byams pa la/ la la ni snying rje la/ la la ni dga' ba la/ la la ni btang snyoms la 'god do/ /la la ni nam mkha' mtha' yas skye mched la/ la la ni rnam shes mtha' yas skye mched la/ la la ni cung zad med pa'i skye mched la/ la la ni 'du shes med 'du shes med min skye mched la 'god do/ /la la ni sangs rgyas rjes su dran pa la/ la la ni chos rjes su dran pa la/ la la ni dge 'dun rjes su dran pa la/ la la ni tshul khrims rjes su dran pa la/ la la ni gtong ba rjes su dran pa la/ la la ni lha rjes su dran pa la yang dag par bskul lo//la la ni lus la mi gtsang ba la sogs pa'i 'du shes so sor brtag pa la/ la la ni rnam par dag pa la yang dag par bskul lo/ /la la ni dran pa nye bar gzhag pa bzhi la/ la la ni yang dag par spong ba bzhi la / la la ni rdzu 'phrul gyi rkang pa bzhi la/la la ni dbang po lnga la/ la la ni stobs lnga la/ la la ni byang chub kyi yan lag bdun la/ la la ni 'phags pa'i lam yan lag brgyad pa la yang dag par bskul lo/ /la la ni stong pa nyid dang / mtshan ma med pa dang / smon pa med pa'i ting nge 'dzin la / la la ni rnam par thar pa brgyad la/la la ni mthar gyis gnas pa'i snyoms par 'jug pa dgu la/ la la ni de bzhin gshegs pa'i stobs bcu la/ la la ni mi 'jigs pa bzhi la/ la la ni so so yang dag par rig pa bzhi la yang dag par bskul lo/ /la la ni byams pa chen po la/ la la ni snying rje chen po la/la la ni sangs rgyas kyi chos ma 'dres pa bco brgyad la yang dag par bskul lo/ /la la ni skyes bu chen po'i mtshan sum cu rtsa gnyis yongs su grub par bya ba la yang dag par bskul lo/ /la la ni dpe byad bzang po brgyad cu la yang dag par bskul lo/ /la la ni rgyun du zhugs pa'i 'bras bu la /la la ni lan cig phyir 'ong ba'i 'bras bu la/ la la ni phyir mi 'ong ba'i 'bras bu la/ la la ni dgra bcom pa nyid la/ la la ni rang byang chub la yang dag par bskul lo/ /la la ni byang chub la/ la la ni lam gyi rnam pa shes pa nyid la/ la la ni rnam pa thams cad mkhyen pa nyid kyi bar la yang dag par bskul lo//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems can rnams la zang zing gi sbyin pa yongs su gtong zhing / thabs mkhas pas bla na med pa'i bde ba dang ldan par 'god do / / rab 'byor de ni byang chub sems dpa' sems dpa' chen po'i ngo mtshar rmad du byung ba'i chos so/ /rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos kyi sbyin pas sems can rnams sdud pa yin zhe na/ rab 'byor gnyis po 'di dag ni chos kyi sbyin pa ste/'jig rten dang / 'jig rten las 'das pa'o/ /rab 'byor 'jig rten pa'i chos kyi sbyin pa gang zhe na/ 'jig rten pa'i chos rnams brjod pa dang / bshad pa dang / ma nor bar bstan pa ste/ 'di ltar mi gtsang ba'i rnam pa dang / bsam gtan bzhi dang / tshangs pa'i rnam par spyod pa bzhi dang /gzugs med pa'i snyoms par 'jug pa bzhi dang / mngon par shes pa lnga dang / gzhan yang 'jig rten pa'i chos byis pa so so'i skye bo dag dang thun mong du gyur pa rnams te/ rab 'byor de ni 'jig rten pa'i chos kyi sbyin pa'o/ /rab 'byor byang chub sems dpa' sems dpa' chen po des 'jig rten pa'i chos kyi sbyin pa de btang nas rnam grangs du mas 'jig rten gyi chos rnams ma nor bar blangs pa de las bskyod de/de dag las bskyod nas/ thabs mkhas pas 'phags pa'i chos rnams dang / 'phags pa'i chos kyi 'bras bu dag la rab tu 'god do/ /de la 'phags pa'i chos rnams ni gang /'phags pa'i chos kyi 'bras bu ni gang zhe na 'phags pa'i chos zhes bya ba ni byang chub kyi phyogs kyi chos sum cu rtsa bdun dang / rnam par thar pa'i sgo gsum mo/ /'phags pa'i chos rnams kyi 'bras bu ni rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid de/ rab 'byor byang chub sems dpa' sems dpa' chen po 'phags pa'i chos ni rgyun du zhugs pa'i 'bras bu shes pa'o/ /lan cig phyir 'ong ba'i 'bras bu shes pa'o/ /phyir mi 'ong ba'i 'bras bu shes pa'o//dgra bcom pa'i 'bras bu nyid shes pa'o/ /sbyin pa'i pha rol tu phyin pa shes pa'o/ /tshul khrims kyi pha rol tu phyin pa shes pa'o/ /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa shes pa'o/ /nang stong pa nyid shes pa'o/ /dngos po med pa'i ngo bo nyid stong pa nyid kyi bar du shes pa'o/ /byang chub kyi phyogs kyi chos sum cu rtsa bdun shes pa'o/ /'phags pa'i bden pa bzhi dang / bsam gtan bzhi dang / tshad med pa bzhi dang /gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams shes pa'o/ /ting nge 'dzin dang / gzungs kyi sgo rnams shes pa'o//de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad shes pa'o/ /byams pa chen po dang / snying rje chen po dang / dga' ba chen po dang / btang snyoms chen po shes pa'o/ /gzhan yang 'jig rten pa dang /'jig rten las 'das pa'i chos rnams dang / zag pa dang bcas pa dang / zag pa med pa'i chos rnams dang / 'dus byas dang / 'dus ma byas kyi chos rnams shes pa ste/ rnam pa thams cad mkhyen pa nyid kyi ye shes ma gtogs par de dag byang chub sems dpa' sems dpa' chen po'i 'phags pa'i chos rnams so//byang chub sems dpa' sems dpa' chen po'i 'phags pa'i chos rnams kyi 'bras bu gang zhe na/ bag chags kyi mtshams sbyor ba'i nyon mongs pa thams cad spong ba ste / 'di ni byang chub sems dpa' sems dpa' chen po'i 'phags pa'i chos rnams kyi 'bras bu'o//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ci lags/ byang chub sems dpa' sems dpa' chen pos rnam pa thams cad mkhyen pa nyid thob par 'gyur ram/ bcom ldan 'das kyis bka' stsal pa/rab 'byor de de bzhin no/ /de de bzhin te/ byang chub sems dpa' sems dpa' chen pos ni rnam pa thams cad mkhyen pa nyid thob par 'gyur ro/ /gsol pa/ bcom ldan 'das gal te byang chub sems dpa' sems dpa' chen pos rnam pa thams cad mkhyen pa nyid thob par 'gyur na/byang chub sems dpa' sems dpa' chen po dang / de bzhin gshegs pa la bye brag ni ci zhig mchis/ bcom ldan 'das kyis bka' stsal pa/ bye brag yod do/ /gsol pa/ bye brag ni ji lta bu zhig mchis/ bcom ldan 'das kyis bka' stsal pa/ byang chub sems dpa' sems dpa' chen po ni rnam pa thams cad mkhyen pa nyid thob par 'gyur ba'o//de bzhin gshegs pa ni ye shes brnyes pa zhes bya'o/ /de ci'i phyir zhe na/ gang la gnas shing chos thams cad la mun pa med pa thob pa la byang chub sems dpa'i sems kyang gzhan la/ de bzhin gshegs pa dgra bcom pa yang dag par rdzogs pa'i sangs rgyas kyi thugs kyang gzhan zhes bya ba med do//rab 'byor de ni byang chub sems dpa' sems dpa' chen po'i 'jig rten pa'i chos kyi sbyin pa ste/ de la brten pas 'jig rten las 'das pa'i chos kyi sbyin pa 'byung ngo / /rab 'byor de ltar na byang chub sems dpa' sems dpa' chen po sems can rnams 'jig rten pa'i chos kyi sbyin pa la sbyor zhing thabs mkhas pas 'phags pa'i chos 'jig rten las 'das pa'i sbyin pa la bkod nas rnam pa thams cad mkhyen pa nyid kyi bar la 'god pa yin no zhes bya ba ni mi'i 'gro ba zhi bar mdzad pa'i phrin las yin no// //rab 'byor byang chub sems dpa' sems dpa' chen po'i 'jig rten las 'das pa'i chos kyi sbyin pa byis pa so so'i skye bo thams cad dang thun mong ma yin pa gang zhe na/ 'di lta ste/ dran pa nye bar gzhag pa bzhi dang / yang dag par spong ba bzhi dang /rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / zad par gyi skye mched bcu dang /zil gyis gnon pa'i skye mched brgyad dang / nyon mongs pa med pa dang / smon nas shes pa dang / mngon par shes pa drug dang / yongs su dag pa bzhi dang / dbang bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /bsrung ba med pa gsum dang / dran pa nye bar gzhag pa gsum dang / nyams pa med pa'i chos nyid dang / bag chags yang dag par bcom pa dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / rnam pa thams cad mkhyen pa nyid dang /[ (]skyas [,]skyes [)]bu chen po'i mtshan sum cu rtsa gnyis dang / dpe byad bzang po brgyad cu dang / gzungs kyi sgo lnga brgya dang / ting nge 'dzin gyi sgo rnams te/ de dag ni 'jig rten las 'das pa'i chos kyi sbyin pa zhes bya'o/ /rab 'byor de la dran pa nye bar gzhag pa bzhi gang zhe na/ 'di lta ste/ nang gi lus dang / phyi'i lus dang / phyi nang gi lus la lus kyi rjes su lta zhing brtson 'grus can shes bzhin dang ldan pa dran pa dang ldan pas 'jig rten gyi chags sems dang yid mi bde ba rnam par bsal zhing rnam par spyod do/ /lus la kun 'byung ba'i rjes su lta zhing rnam par spyod do//lus la zad pa'i rjes su lta zhing rnam par spyod do/ /lus la kun 'byung ba dang zad pa'i rjes su lta zhing rnam par spyod do/ /lus la mi gnas par rnam par spyod cing 'jig rten du gang la yang nye bar len pa med do/ /nang gi tshor ba dang / phyi'i tshor ba dang / phyi nang gi tshor ba dang / nang gi sems dang /phyi'i sems dang / phyi nang gi sems dang / nang gi chos dang / phyi'i chos dang / phyi nang gi chos la chos kyi rjes su lta zhing brtson 'grus can shes bzhin dang ldan pa dran pa dang ldan pas 'jig rten gyi chags sems dang yid mi bde ba rnam par bsal zhing rnam par spyod do/ /chos la kun 'byung ba'i rjes su lta zhing rnam par spyod do//chos la zad pa med pa'i rjes su lta zhing rnam par spyod do/ /chos la mi gnas par rnam par spyod cing 'jig rten du gang yang nye bar len pa med do/ /rab 'byor yang dag par spong ba bzhi gang zhe na/ sdig to mi dge ba'i chos ma skyes pa rnams mi bskyed pa'i phyir mos pa skyed pa dang /skyes pa rnam par spang ba'i phyir rtsol ba dang / dge ba'i chos ma skyes pa rnams bskyed pa'i phyir mos pa bskyed cing brtson 'grus rtsom pa dang / skyes pa rnams shin tu 'phel zhing shin tu rgyas par bya ba dang / sgom pa yongs su rdzogs par bya ba'i phyir mos pa bskyed pa'o//rab 'byor rdzu 'phrul gyi rkang pa bzhi gang zhe na/ mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems dang / brtson 'grus dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rab 'byor dbang po lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / de dag ni dbang po lnga zhes bya'o/ /stobs lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang /shes rab kyi stobs dang / de dag ni stobs lnga zhes bya'o / /rab 'byor byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang /shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ de dag ni byang chub kyi yan lag bdun zhes bya'o/ /rab 'byor 'phags pa'i lam yan lag brgyad pa gang zhe na/'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ de dag ni 'phags pa'i lam yan lag brgyad ces bya'o//de la ting nge 'dzin gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /stong pa nyid kyi ting nge 'dzin gang zhe na/ stong pa'i rnam pa dang / dben pa'i rnam par sems rtse gcig pa ste/ de ni stong pa nyid kyi ting nge 'dzin zhes bya'o//mtshan ma med pa'i ting nge 'dzin gang zhe na/ zhi ba'i rnam pa dang / mtshan ma med pa'i rnam par sems rtse gcig pa ste/ de ni mtshan ma med pa'i ting nge 'dzin zhes bya'o/ /smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam par sems rtse gcig pa ste/de ni smon pa med pa'i ting nge 'dzin zhes bya'o/ /rnam par thar pa brgyad gang zhe na/ gzugs can gyi gzugs rnams mthong ba 'di ni rnam par thar pa dang po'o/ /nang gzugs med pa'i 'du shes dang ldan pas phyi rol gyi gzugs thams cad mthong ba 'di ni rnam par thar pa gnyis pa'o//bzang bar mos pa 'di ni rnam par thar pa gsum pa'o/ /nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o/ /rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o//cung zad med pa'i skye mched la nye bar bsgrubs te gnas pa 'di ni rnam par thar pa drug pa'o/ /'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o/ /'du shes dang tshor ba 'gog pa la nye bar bsgrubs te gnas pa 'di ni rnam par thar pa brgyad pa ste/de dag rnam par thar pa brgyad ces bya'o/ /mthar gyis gnas pa'i snyoms par 'jug pa dgu gang zhe na/ 'di la la la 'dod pas dben sdig to mi dge ba'i chos kyi dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/bsam gtan dang po la nye bar bsgrubs te gnas so/ /rnam par rtog pa dang / rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so//de dga' ba las 'dod chags dang bral bas dran pa dang ldan zhing shes bzhin du btang snyoms su gnas te/ bde ba lus kyis myong la 'phags pa rnams kyis dran pa dang ldan pa bde ba las rnam par spyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang med sdug bsngal ba yang med pa btang snyoms dang dran pa yongs su dag pa/ bsam gtan bzhi pa la nye bar bsgrubs te gnas so//de rnam pa thams cad du gzugs kyi 'du shes las yang dag par 'das te/[ (]thags [,]thogs [)]pa'i 'du shes rnams nub par gyur cing / sna tshogs kyi 'du shes yid la mi byed pas nam mkha' mtha' yas so zhes/ nam mkha' mtha' yas skye mched la nye bar bsgrubs te gnas so//de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/'du shes dang / tshor ba 'gog pa la nye bar bsgrubs te gnas so/ /'di ni mthar gyis gnas pa'i snyoms par 'jug pa dgu zhes bya'o/ /de la zad par gyi skye mched bcu gang zhe na/ zad par sa dang / zad par chu dang / zad par me dang /zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa dang / zad par nam mkha' ste/ de dag ni zad par gyi skye mched bcu zhes bya'o/ /de la zil gyis gnon pa'i skye mched brgyad gang gang zhe na/nang gzugs su 'du shes shing phyi rol gyi gzugs phra mo dang / kha dog sdug pa dang / kha dog mi sdug pa mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched dang po'o/ /nang gzugs su 'du shes shing phyi rol gyi gzugs rags pa dang /kha dog sdug pa dang / kha dog mi sdug pa mthong yang gzugs de dag zil gyis mnan te shes/ zil gyis mnan te mthong zhing de ltar 'du shes pa de ni zil gyis gnon pa'i skye mched gnyis pa'o/ /nang gzugs med par 'du shes shing phyi rol gyi gzugs rags pa dang /kha dog sdug pa dang / kha dog mi sdug pa mthong yang gzugs de dag zil gyis mnan te shes/ zil gyis mnan te mthong zhing de ltar 'du shes pa de ni zil gyis gnon pa'i skye mched gsum pa'o/ /nang gzugs med par 'du shes shing phyi rol gyi gzugs rags pa dang /kha dog sdug pa dang / kha dog mi sdug pa dag mthong yang gzugs de dag zil gyis mnan te shes/ zil gyis mnan te mthong zhing de ltar 'du shes pa de ni zil gyis gnon pa'i skye mched bzhi pa'o/ /nang gzugs med par 'du shes shing phyi rol gyi gzugs sngon po/ kha dog sngon po/ /sngon por snang ba/ mdog sngon po 'di lta ste/ dper na/ me tog o ma ka lta bu'am/ yul bA rA Na sIr byas pa'i gos ltar sngo ba/ sngon po kha dog sngo ba/ sngon por snang ba/ mdog sngo ba mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched lnga pa'o//nang gzugs med par 'du shes shing phyi rol gyi gzugs ser po/ /kha dog ser po/ ser po snang ba/ mdog ser po 'di lta ste/ dper na/ shing kar shi ka ra'i me tog lta bu'am/ yul bA rA Na sIr byas pa'i gos ltar ser ba/ kha dog ser ba/ser bar snang ba/ mdog ser ba mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched drug pa'o/ /nang gzugs med par 'du shes shing phyi rol gyi gzugs dmar po/ kha dog dmar po/ dmar por snang ba/mdog dmar po 'di lta ste/ dper na/ ban+du dzi ba ka'i me tog lta bu'am/ yul bA rA Na sIr byas pa'i gos ltar dmar ba/ kha dog dmar ba/ dmar bar snang ba/ mdog dmar bar mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched bdun pa'o//nang gzugs med par 'du shes shing phyi rol gyi gzugs dkar po/ /kha dog dkar po/ dkar por snang ba/ mdog dkar po 'di lta ste/ dper na/ skar ma pa bsangs kyi 'od lta bu'am/ yul bA rA Na sIr byas pa'i gos ltar dkar ba/ kha dog dkar ba/ dkar bar snang ba/ mdog dkar bar mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched brgyad pa'o/ /de la nyon mongs pa med pa gang zhe na/ bsam gtan la gnas nas byang chub sems dpa' sems dpa' chen po rnams rnam par spyod pa sems can pha rol dang gang zag pha rol gyi nyon mongs pa mi skye ba'i mthu yod pa ting nge 'dzin gang gis 'grub pa de ni nyon mongs pa med pa zhes bya'o//smon lam gyi shes pa gang zhe na/ bsam gtan la gnas te 'di shes par bya'o zhes byang chub sems dpa' sems dpa' chen po dus gsum gyi shes bya'am /shes pa gang dang gang 'dod par 'gyur ba de la yid kyis smon par byed de/ ting nge 'dzin de las langs nas de'i smon lam de yongs su grub par gyur cing shes bya de'ang shes pa de ni smon lam gyi shes pa zhes bya'o/ / de la mngon par shes pa drug gang zhe na/ rdzu 'phrul gyi mngon par shes pa dang / lha'i mig gi mngon par shes pa dang / lha'i rna ba'i mngon par shes pa dang / pha rol gyi sems shes pa'i mngon par shes pa dang / sngon gyi gnas rjes su dran pa'i mngon par shes pa dang / zag pa zad pa'i mngon par shes pa ste drug po de dag go//de la yongs su dag pa bzhi gang zhe na/ lus yongs su dag pa dang / dmigs pa yongs su dag pa dang / sems yongs su dag pa dang / ye shes yongs su dag pa ste bzhi po de dag go/ /de la dbang bcu gang zhe na/ tshe la dbang ba dang / sems la dbang ba dang /yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste/ bcu po de dag go/ /rab 'byor de bzhin gshegs pa'i stobs bcu gang zhe na/rab 'byor 'di la de bzhin gshegs pa ni gnas la yang gnas su yang dag pa ji lta ba bzhin du rab tu mkhyen to/ /gnas ma yin pa la yang gnas ma yin par yang dag pa ji lta ba bzhin du rab tu mkhyen to/ /'das pa dang ma 'ongs pa dang da ltar byung ba'i las dang las yongs su blangs pa'i rnam par smin pa gnas kyi rnam pa dang rgyu'i rnam par yang dag pa ji lta ba bzhin du rab tu mkhyen to//khams sna tshogs can dang khams du ma can gyi 'jig rten yang dag pa ji lta ba bzhin du rab tu mkhyen to/ /sems can gzhan dang gang zag gzhan gyi mos pa sna tshogs dang mos pa du ma yang dag pa ji lta ba bzhin du rab tu mkhyen to//sems can gzhan dang gang zag gzhan gyi dbang po rab dang tha ma shes par bya ba yang dag pa ji lta ba bzhin du rab tu mkhyen to/ /kun du 'gro ba'i lam yang dag pa ji lta ba bzhin du rab tu mkhyen to/ /dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par dgod pa yang dag pa ji lta ba bzhin du rab tu mkhyen to/ /rnam pa du mar sngon gyi gnas rjes su dgongs te/ tshe rabs gcig kyang rjes su dgongs pa nas/tshe rabs brgya dang / tshe rabs stong dang / tshe rabs brgya stong dang / tshe rabs bye ba khrag khrig brgya stong gi bar du yang rjes su dgongs te / bskal pa gcig kyang rjes su dgongs pa nas/ bskal pa brgya'i bar dang / bskal pa brgya phrag du ma dang / bskal pa brgya stong phrag du ma dang /bskal pa bye ba khrag khrig brgya stong du ma'i bar dag kyang rjes su dgongs te/ bdag ni 'di lta bu zhig na 'dug 'dug go/ /ming ni 'di zhes bya bar gyur to/ /rigs ni 'di zhes bya bar gyur to/ /rus ni 'di zhes bya bar gyur to/ /zas ni 'di lta bu zhig za za'o/ /yun ni 'di srid cig tu gnas gnas so//tshe'i mtha' ni 'di tsam zhig tu gyur te/ bdag de nas shi 'phos nas che ge mo zhig tu skyes so zhes bya ba nas/ de nas shi 'phos nas 'dir skyes so zhes bya ba'i bar du rnam pa dang bcas/ sa mal dang bcas/ gtan tshigs dang bcas pa rnam pa du mar sngon gyi gnas rjes su dgongs so//lha'i mig rnam par dag pa mi las 'das pas/ sems can 'chi 'pho ba dang / skye ba dag kyang gzigs so/ /kha dog sdug pa dang / mi sdug pa dang / bzang ba dang / ngan pa dang / bde 'gro na 'khod pa dang / ngan 'gro na 'khod pa dang / las ji lta ba bzhin du nye bar 'dong ba'i sems can rnams rab tu mkhyen te/sems can 'di dag ni lus kyis ngan du spyod pa dang ldan pa/ ngag gis ngan du spyod pa dang ldan pa / yid kyis ngan du spyod pa dang ldan pa/ 'phags pa la skur ba 'debs pa/ log par lta ba dag ste/ de'i rgyu de'i rkyen gyis lus zhig nas ngan song log par ltung ba sems can dmyal bar skye'o//sems can 'di dag ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa la skur pa mi 'debs pa yang dag par lta ba dag ste/ de'i rgyu de'i rkyen gyis lus zhig nas bde 'gro mtho ris kyi 'jig rten lha'i nang du skye'o zhes bya ba rab tu mkhyen to//zag pa rnams zad pa'i phyir sems rnam par grol ba dang / shes rab rnam par grol ba dang / zag pa med pa yang dag pa ji lta ba bzhin du rab tu mkhyen te / bcu po de dag ni de bzhin gshegs pa'i stobs so/ /rab 'byor de bzhin gshegs pa'i mi 'jigs pa bzhi gang zhe na/bdag gis yang dag par rdzogs par sangs rgyas so zhes dam bcas na/ 'di la chos gang yang mngon par sangs ma rgyas so zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ skye dgu'i tshogs gzhan su yang rung ste/'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ste/ rgyu yang dag par rjes su ma mthong bas bdag bde ba thob pa dang / bag tsha ba med pa thob pa dang / mi 'jigs pa thob pa rnam par spyod de/ khyu mchog rlabs po che'i gnas su dam bca'o 'khor gyi nang du seng+ge'i sgra bsgrag go//tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung ste/ chos dang ldan par bskor bar mi nus pa bdag gis rab tu bskor bar bya'o/ /bdag zag pa zad do zhes dam bcas na/de la zag pa 'di rnams yongs su zad par ma gyur to zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ skye dgu'i tshogs gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ste/rgyu yang dag par rjes su mi mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob pa rnam par spyod do / /khyu mchog rlabs po che'i gnas su dam bca'o/ /'khor gyi nang du seng+ge'i sgra bsgrag go//tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan sus kyang rung ste/ chos dang ldan par bskor bar mi nus pa bdag gis rab tu bskor bar bya'o/ /gang yang bdag gis bar chad kyi chos su bstan pa de dag la brten na bar chad kyi chos su mi 'gyur zhes dge sbyong ngam/bram ze'am/ lha'am/ bdud dam/ tshangs pa'am/ skye dgu'i tshogs gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ste/ rgyu yang dag par rjes su ma mthong bas de la bdag bde ba thob pa dang /bag tsha ba med pa thob pa dang / mi 'jigs pa thob pa rnam par spyod de/ khyu mchog rlabs po che'i gnas su dam bca'o/ /'khor gyi nang du seng+ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung ste/ chos dang ldan par bskor bar ma nus pa bdag gis rab tu bskor bar bya'o/ /gang yang bdag gis lam 'phags pa'i 'byung ba rtogs par 'gyur ba de byed pa'i sdug bsngal yang dag par zad par 'gyur bar bstan pa de dag la nan tan byas nas sdug bsngal yang dag par zad pa 'byung bar mi 'gyur ro zhes dge sbyong ngam/bram ze'am/ lha'am/ bdud dam/ tshangs pa'am/ skye dgu'i tshogs gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ste/ rgyu yang dag par rjes su mi mthong bas de la bdag bde ba thob pa dang /bag tsha ba med pa dang / mi 'jigs pa thob pas rnam par spyod de/ khyu mchog rlabs po che'i gnas su dam bca'o/ /'khor gyi nang du seng+ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/lha'am/ bdud dam/ tshangs pa'am/ gzhan sus kyang rung ste/ chos dang ldan par bskor bar mi nus pa bdag gis rab tu bskor bar bya'o zhes bya ba ste bzhi po de dag ni mi 'jigs pa'o/ /de bzhin gshegs pa'i so so yang dag par rig pa bzhi gang zhe na/ 'di lta ste/don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ de dag kyang gang zhe na/ don la dmigs pa dang / chos la dmigs pa dang / nges pa'i tshig la dmigs pa dang /spobs pa la dmigs pa'o/ /rab 'byor de bzhin gshegs pa'i bsrung ba med pa gsum gang zhe na/ de bzhin gshegs pa ni sku'i spyod pa yongs su dag pa dang ldan pa ste/ de bzhin gshegs pa la sku'i spyod pa yongs su ma dag pa mi mnga' bas la las shes su 'ong zhes gang yang bcab par dgongs pa de bzhin gshegs pa la mi mnga' ste/'di ni bsrung ba med pa dang po'o/ /de bzhin gshegs pa ni gsung gi spyod pa yongs su dag pa dang ldan pa ste/ de bzhin gshegs pa la gsung gi spyod pa yongs su ma dag pa mi mnga' bas la las shes su 'ong zhes gang yang bcab par dgongs pa de bzhin gshegs pa la mi mnga' ste/'di ni bsrung ba med pa gnyis pa'o/ /de bzhin gshegs pa ni thugs kyi spyod pa yongs su dag pa dang ldan pa ste/ de bzhin gshegs pa ni thugs kyi spyod pa yongs su ma dag pa mi mnga' bas la las shes su 'ong ngo zhes gang yang bcab par dgongs pa de bzhin gshegs pa la mi mnga' ste/'di ni bsrung ba med pa gsum pa'o/ /de la de bzhin gshegs pa'i dgongs pa nye bar gzhag pa gsum gang zhe na/ de bzhin gshegs pa chos ston pa'i tshe la la rna ba btud de rim gror nyan zhing bka' mnyan pa'i sems nye bar gzhag pa dang /chos dang nye bar chos la nan tan du byed na yang des de bzhin gshegs pa dgyes par mi 'gyur/ yid bde bar mi 'gyur/ thugs yeng yeng por mi 'gyur te/ 'di ni dgongs pa nye bar gzhag pa dang po'o/ /la la rna ba btud de rim gror nyan zhing bka' nyan pa'i sems nye bar gzhog pa med pa dang /chos dang gnyer ba'i chos nan tan du mi byed na yang des de bzhin gshegs pa'i thugs khro bar mi 'gyur/ mi bzod par mi 'gyur/ thugs mi ches par mi 'gyur te/ 'di ni de bzhin gshegs pa'i dgongs pa nye bar gzhag pa gnyis pa'o//la la rna ba btud de rim gror nyan zhing bka' mnyan pa'i sems nye bar gzhog la chos dang gnyer ba'i chos la nan tan du byed/ la la rna ba btud de rim gror mi byed cing / bka' mnyan pa'i sems nye bar gzhog pa med pa ste / chos dang gnyer ba'i chos nan tan du mi byed kyang /des de bzhin gshegs pa dgyes pa'am/ thugs khro bar gnyis su mi 'gyur te/ thams cad du dgongs pa dang ldan zhing mkhyen par btang snyoms su rnam par spyod pa 'di ni dgongs pa nye bar gzhag pa gsum pa'o/ /de la de bzhin gshegs pa'i nyams pa med pa'i chos nyid gang zhe na/gang gis sangs rgyas bcom ldan 'das rnams don yod pa'i chos ston pa'i phyir/ sems can thams cad kyi don mdzad pa la dus las mi 'da' ba ste/ de ni nyams pa med pa'i chos nyid ces bya'o/ /de la de bzhin gshegs pa'i bag chags kyi sgrib pa rab tu spangs pa gang zhe na/nyan thos dang rang sangs rgyas thams cad ni nyon mongs pa spangs kyang lus kyi 'gyur ba yod kyi/ de bzhin gshegs pa la ni de lta bu yang mi mnga' ste/ de ni bag chags kyi sgrib pa rab tu spangs pa zhes bya'o/ /de la de bzhin gshegs pa'i thugs rje chen po gang zhe na/de bzhin gshegs pa'i thugs rje chen po gang dang ldan pas 'jig rten gyi brda nye bar bzung ste/ dge ba'i rtsa ba gzigs pa'i phyir dus thams cad du 'jig rten la nyin lan gsum mtshan lan gsum du rtog pa mdzad ces bya ba ste/ dngos su na sangs rgyas bcom ldan 'das rnams kyi thugs rje chen po sems can mtha' yas pa yongs su smin par bya ba la gzigs pa rtag par 'byung ste/de ni de bzhin gshegs pa'i thugs rje chen po zhes bya'o/ /rab 'byor de bzhin gshegs pa'i sangs rgyas kyi chos ma 'dres pa bco brgyad gang zhe na/ de bzhin gshegs pa la 'khrul pa mi mnga'o//ca co mi mnga'o/ /dgongs pa nyams pa mi mnga'o/ /'du shes sna tshogs mi mnga'o/ /thugs mnyam par ma bzhag pa mi mnga'o/ /so sor ma brtags pa'i btang snyoms mi mnga'o/ /mos pa yongs su nyams pa mi mnga'o/ /brtson 'grus yongs su nyams pa mi mnga'o//dran pa yongs su nyams pa mi mnga'o/ /ting nge 'dzin yongs su nyams pa mi mnga'o/ /shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes gzigs pa yongs su nyams pa mi mnga'o//sku'i phrin las thams cad ye shes sngon du 'gro ba ste/ ye shes kyi rjes su 'brang ba'o/ /gsung gi phrin las thams cad ye shes sngon du 'gro ba ste/ ye shes kyi rjes su 'brang ba'o/ /thugs kyi phrin las thams cad ye shes sngon du 'gro ba ste/ ye shes kyi rjes su 'brang ba'o/ / 'das pa'i dus la ma chags ma thogs pa'i ye shes gzigs pa 'jug go/ /ma 'ongs pa'i dus la ma chags ma thogs pa'i ye shes gzigs pa 'jug go/ /de ltar byung ba'i du la ma chags ma thogs pa'i ye shes gzigs pa 'jug ste/ de dag ni sangs rgyas kyi chos ma 'dres pa rnams so//rab 'byor de bzhin gshegs pa'i rnam pa thams cad mkhyen pa nyid gang zhe na/ gang la dmigs pa med pa dran pas dbang bsgyur ba zhi ba'i rnam pa dang ldan pa mtshan nyid med pa'i mtshan nyid ni rnam pa thams cad mkhyen pa nyid ces bya'o// //bam po drug cu bdun pa/de la de bzhin gshegs pa'i skyes bu chen po'i mtshan sum cu rtsa gnyis gang zhe na/ phyag dang zhabs 'khor lo'i mtshan dang ldan pa dang / zhabs shin tu gnas pa dang / phyag dang zhabs dra bas 'brel pa dang / phyag dang zhabs gzhon zhing 'jam pa dang / bdun shin tu mtho ba dang / sor mo ring ba dang / rting pa yangs pa dang / sku che zhing drang ba dang / zhabs legs par mtho ba dang / yan lag gi spu gyen du 'khyil pa dang / ri dgas e na ya'i byin pa lta bu dang / phyag brla drang por slebs pa dang / gsang ba'i gnas sbubs su nub pa dang / gser gyi kha dog dang / mdog shin tu 'jam pa dang / spu re re nas g.yas phyogs su 'khyil pa dang / zhal mdzod spus brgyan pa dang / seng+ge'i ro stod lta bu dang / phrag pa'i lhun mdzes par grub pa dang / phrag so shin tu rgyas pa dang / ro bro ba'i mchog dang / shing n+ya gro d+ha ltar chu zheng gab pa dang /dbu spyi gtsug dang ldan pa dang / ljags shin tu yangs pa dang / tshangs pa'i dbyangs dang / seng+ge'i 'gram pa lta bu dang / tshems shin tu dkar ba dang / tshems shin tu mnyam pa dang / tshems thags bzang ba dang / tshems mnyam zhing bzhi bcu tshang ba dang / spyan dkar nag 'byes pa dang /ba'i rdzi ma lta bu ste/ de la de bzhin gshegs pa'i phyag dang zhabs kyi mthil la 'khor lo rtsibs stong dang ldan pa/ mu khyud can lte ba dang bcas pa rnam pa thams cad yongs su rdzogs pa 'di lta ste/ rus pa'am/ ba so la gzugs su brkos pa dang 'dra ba mnga' bas phyag dang zhabs 'khor lo'i mtshan dang ldan pa'o//zhabs kyi mthil gnyis mnyam par sa la 'jog cing zhabs zhum pa med pas zhabs shin tu gnas pa'o/ /ngang pa'i rgyal po ltar phyag dang zhabs kyi sor mo dra bas 'brel pas phyag dang zhabs dra bas 'brel ba'o/ /shing bal gyi sgo nga ltar shin tu 'jam zhing gzhon pas phyag dang zhabs gzhon zhing 'jam pa'o//phyag dang zhabs dang mgur gyi lhun shin tu mtho bas bdun shin tu mtho ba'o/ /phyag dang zhabs kyi sor mo ring bas sor mo ring ba'o/ /rting pa ring bas rting pa yangs pa'o/ /sku khru bdun du 'phags la drang bas sku che zhing drang ba'o//pus mo'i lha nga dang long bu mdzes par nub pas zhabs legs par mtho ba'o/ /spu gyen du g.yas phyogs su 'khyil pas yan lag gi spu gyen du 'khyil ba'o/ /ri dgas e na ya'i byin pa dang / smyig ma dang ldum bu dar ba ltar drang zhing ma nyams la rim gyis gzhol bar grub cing byin pa zlum pas ri dgas e na ya'i byin pa lta bu'o//brla drang por bzhag ste ma btud kyang phyag gi mthil gnyis kyis pus mo'i lha nga la reg pas phyag brla drang por slebs pa'o/ /glang po dang rta cang shes ltar gsang ba'i gnas shin tu mdzes shing sbubs su nub pas gsang ba'i gnas sbubs su nub pa'o//shin tu sbyangs pa'i gser gyi kha dog lta bu dang ldan pas gser gyi kha dog go/ /gser dang dngul shin tu sbyangs pa ltar 'jam zhing gzhon pa'i mdog tu 'dug la sku la rdul gyis mi 'go bas kha dog shin tu 'jam pa'o/ /shin tu rnam par phye ba'i spu re rer skyes shing gnyis su med pas spu re re nas g.yas phyogs su 'khyil pa'o//me tog kun da dang zla ba dang / 'o ma dang / ba mo'i mdog ltar 'dug pa nyi ma dang zla ba brgya las kyang 'phags par 'od gsal ba'i mdzod spus smin mtshams shin tu brgyan pas zhal mdzod spus brgyan pa'o//ro stod tshe bas seng+ge'i ro stod do/ /mgur dang rgyud legs par 'brel zhing lhun zlum pas phrag pa'i lhun mdzes par grub pa'o/ /gser gyi gtan pa shin tu phyis pa la phrag so legs par grub pas phrag so shin tu legs par rgyas pa'o/ /rlung dang mkhris pa dang bde kan gyis ma nyams shing rnam par shes pa 'dra ba med pas ro bro ba'i mchog go//sku chu zheng 'dom du mnyam pas shing n+ya gro d+ha ltar chu zheng gab pa'o/ /spyi gtsug zlum zhing legs la g.yas phyogs su 'khyil pa dang ldan pa'i dbu mnyam zhing legs par grub la mdzes pa mnga' bas dbu spyi gtsug dang ldan pa'o//me tog ut+pal dmar po'i 'dab ma'i mdog ltar 'dug cing shin tu yangs pas ljags shin tu yangs shing srab pa'o/ /tshangs pa dang bya ka la ping ka lta bu'i gsung mnga' bas tshangs pa'i dbyangs so/ /'gram pa me long gi dkyil 'khor ltar legs par grub cing mdzes par skyes te/yid du 'ong bas seng+ge'i 'gram pa lta bu'o/ /me tog kun da dang dung gi bcag 'phro ltar shin tu dkar ba'i tshems mnga' bas tshems shin tu dkar ba'o/ /tshems la mtho dman med pas tshems mnyam pa'o/ /tshems la mtshams ma dod pas tshems thags bzang ba'o/ /bla 'og dgye gu med pas tshems mnyam zhing bzhi bcu tshang ba'o//dkar nag gi cha ma 'dres la shin tu rnam par dag cing mdog dmar pos ma g.yogs pas spyan dkar nag 'byes pa'o/ /rdzi ma bla 'og tu legs par gnas la ma 'dzings pas ba'i rdzi ma lta bu'o/ /de la bla ma la bsu skyel dang /chos nyan pa la bstod pa dang / gtsug lag khang dang / mchod rten la sogs pa'i bsti stang byas pas phyag dang zhabs 'khor lo'i mtshan dang ldan pa ste/ da ni 'khor shin tu mang ba'i snga ltas so/ /yid dam la brtan pas zhabs shin tu gnas pa ste/ de ni mi g.yo zhing shin tu brtan pa'i snga ltas so//sbyin pa dang / ngag snyan pa dang / don spyod pa dang / don mthun pa'i bsdu ba rnam pa bzhi goms par byas pas/ phyag dang zhabs dra bas 'brel pa ste/ de ni myur du 'du ba'i snga ltas so/ /bza' ba dang bca' ba dang btung ba zhim zhing nyams su bde ba byin pas phyag dang zhabs gzhon zhing 'jam pa dang /bdun shin tu mtho ba ste/ de gnyis ni bza' ba dang btung ba zhim zhing nyams su bde ba thob pa'i snga ltas so/ /bcings pa bkrol ba dang / srog gi rim gro byas pa dang srog gcod pa spangs pas/ sor mo ring ba dang / rting pa yangs pa dang sku che zhing drang ba ste/de ni sku tshe ring ba'i snga ltas so/ /dge ba'i chos yang dag par blangs pa dang bzung ba mngon par spel zhing 'grib par ma byas pas zhabs kyi gong mtho ba dang / yan lag gi spu gyen du 'khyil pa ste/ de ni mi nyams pa'i chos dang ldan pa'i snga ltas so/ /rig pa dang bzo'i las la rim gror byas shing gzhan la byin pa dang /bdag gis blangs pas ri dgas e na ya'i byin pa lta bu ste/ de ni myur du 'dzin pa'i snga ltas so/ /bdog cing yod pa'i nor la bslangs nas mi god par gtong zhing med ces ma byas pas phyag brla drang por slebs pa ste/ de ni yo byad la dbang ba dang dul ba'i snga ltas so//'grogs pa dang mdza' bshes dang gnyen pa ma phye ba dang / dbye bar gyur pa'i sems can rnams tshangs pa'i spyod pa la yang dag par bskul ba dang / gsang ba'i tshig yongs su bsrungs pas gsang ba'i gnas sbubs su nub pa ste/ de ni bu mang ba'i snga ltas so//stan dang gos dang khang pa dang gzhal med khang dang / gnas bzang po byin pas gser gyi kha dog dang mdog shin tu 'jam pa ste/ de gnyis ni gdan dang na bza' dang / khang pa dang gzhal med khang dang gnas bzang po 'thob pa'i snga ltas so/ /'du 'dzi spangs pa dang / mkhan po dang /slob dpon dang / pha ma dang / phu nu la sogs pa bla ma rnams la tshul dang 'dra bar rim gro byas pa dang / btsun par byas pa dang / bsgo ba rnal ma gzan pas spu re re nas g.yas phyogs su 'khyil pa dang / zhal mdzod spus brgyan pa ste/ de ni mnyam pa med pa'i snga ltas so/ /mi snyan pa mi zer zhing mi smod pa snyan par smra zhing legs par bshad pa mthun par 'dzin pas seng+ge'i ro stod lta bu dang phrag pa'i lhun mdzes par grub pa ste/de ni thub pa med pa'i snga ltas so/ /na ba rnams la rtsis dang rim gro dang sman dang nyams su phan pa'i zas byin pa dang / rim gror byas pas phrag so shin tu rgyas pa dang /ro bro ba'i mchog ste/ de ni nad nyung ba'i snga ltas so/ /skyed mos tshal dang / 'khor dang btung ba dang / rdzing bu dang / rgal dka' ba'i zam pa dang / kha zas dang / phreng ba'i gnas dang / stegs dang gtsug lag khang bya ba la sogs pa la gzhan mos par bya ba sngon du gtong zhing bdag gis gzhan la byin pas shing n+ya gro d+ha ltar chu zheng gab pa dang /dbu spyi gtsug dang ldan pa ste/ de ni mnga' chen po mnga' ba'i snga ltas so/ /yun ring por tshig snyan zhing 'jam pa dang nyams su bde bar smras pas ljags shin tu yangs shing srab pa dang tshangs pa'i dbyangs te/de gnyis ni yan lag lnga dang ldan pa'i gsung mnga' ba'i snga ltas so/ /gsung yan lag lnga dang ldan pa zhes bya ba ni/ yongs su shes shing rnam par shes par 'gyur ba dang / mnyan na dga' zhing mi mthun pa med pa dang / zab cing dbyangs rjes su 'byung ba dang / btang mi bra zhing rnar snyan pa dang /ma 'khrugs shing gsal ba'o/ /yun ring po nas tshig 'khyal pa spangs shing dus su smra smra bas seng+ge'i 'gram pa lta bu ste/ de ni tshig kun gyis snyan pa'i snga ltas so/ /rim gror bya ba dang brnyas pa med pa gnyis kyis 'tsho ba yongs su dag pas tshems shin tu dkar ba dang mnyam pa ste/de ni 'khor snga nas bsags pa'i snga ltas so/ /yun ring po nas bden zhing phra ma med pa'i tshig smra smra bas tshems thags bzang ba dang / tshems mnyam zhing bzhi bcu tshang ba ste/ de ni 'khor dbyer mi phyed pa'i snga ltas so/ /pang gis 'khyud pa bzhin du nyes par bsam pa med pa la ma chags shing mi sdang ba dang /rmongs pa med pa'i mig gis lta lta bas spyan dkar nag 'byes pa dang / ba'i rdzi ma lta bu ste de ni kun nas mdzes pa'i snga ltas so/ /rab 'byor de dag ni de bzhin gshegs pa'i mi chen po'i mtshan sum cu rtsa gnyis so/ /de la de bzhin gshegs pa'i dpe byad bzang po brgyad cu gang zhe na/'di lta ste/ sangs rgyas bcom ldan 'das rnams ni mngon par 'du bya ba thams cad las dben pa ste/ sen mo zangs kyi mdog ltar 'dug pa yin/ sangs rgyas bcom ldan 'das rnams ni gnyen bshes byams pa dang 'dra bar sems can la phan pa dang bde ba'i thugs mnga' ba ste/sen mo mdog snum pa yin/ sangs rgyas bcom ldan 'das rnams ni rigs dang rgyud mthon por byung ba ste/ sen mo mtho ba yin/ sangs rgyas bcom ldan 'das rnams ni tshul kha na ma tho ba mi mnga' ba ste/ sor mo zlum pa yin/ sangs rgyas bcom ldan 'das rnams ni dge ba'i rtsa ba shin tu tshogs pa ste/sor mo rgyas pa yin/ sangs rgyas bcom ldan 'das rnams ni dge ba'i rtsa ba rim gyis grub pa ste/ sor mo rim gyis gzhol ba yin/ sangs rgyas bcom ldan 'das rnams ni thugs dang gsung dang sku'i phrin las dang 'tsho ba shin tu dben pa ste/ rtsa mi mngon pa yin/ sangs rgyas bcom ldan 'das rnams ni nyon mongs pa'i mdud pa 'grol ba ste/ rtsa mdud pa med pa yin/ sangs rgyas bcom ldan 'das rnams ni shin tu dben pa'i chos mnga' ba ste/ long bu mi mngon pa yin/ sangs rgyas bcom ldan 'das rnams ni mi mnyam pa thams cad las sgrol ba ste/zhabs mi mnyam pa med pa yin/ sangs rgyas bcom ldan 'das rnams mi'i seng+ge ste/ seng+ge'i 'gros su bzhud pa yin/ sangs rgyas bcom ldan 'das rnams ni mi'i glang po ste/ glang po'i 'gros su bzhud pa yin/ sangs rgyas bcom ldan 'das rnams ni ngang pa'i rgyal po ltar nam mkha' la bzhud pa ste/ngang pa'i stabs su bzhud pa yin/ sangs rgyas bcom ldan 'das rnams ni mi'i khyu mchog ste/ khyu mchog gi stabs su bzhud pa yin/ sangs rgyas bcom ldan 'das rnams ni mthun pa'i lam mnga' ba ste/ g.yas phyogs su bzhud pa yin/sangs rgyas bcom ldan 'das rnams ni blta na mdzes pa ste/ mdzes par bzhud pa yin/ sangs rgyas bcom ldan 'das rnams ni rtag tu thugs yon po mi mnga' ba ste/ ma yo bar bzhud pa yin/ sangs rgyas bcom ldan 'das rnams ni tshul rnam par dag pa'i yon tan ston pa ste/ sku shin tu legs pa yin/sangs rgyas bcom ldan 'das rnams ni sdig pa'i chos thams cad shin tu sbyangs pa ste/ sku shin tu sbyangs pa yin/ sangs rgyas bcom ldan 'das rnams ni chos rim gyis ston pa ste/ sku rim gyis gzhol ba yin/ sangs rgyas bcom ldan 'das rnams ni sku dang gsung dang thugs gtsang ma dang ldan pa ste/sku shin tu gtsang ba yin/ sangs rgyas bcom ldan 'das rnams ni rang bzhin gyis 'jam pa'i thugs dang ldan pa ste/ sku shin tu 'jam pa yin/ sangs rgyas bcom ldan 'das rnams ni rang bzhin gyis rnam par dag pa'i thugs mnga' ba ste/ sku shin tu rnam par dag pa yin/sangs rgyas bcom ldan 'das rnams ni chos dang 'dul ba shin tu rdzogs pa ste/ dpe byad shin tu rdzogs pa yin/ sangs rgyas bcom ldan 'das rnams ni yon tan shin tu yangs shing bzang po ston pa ste/ sku che zhing mdzes pa yin/ sangs rgyas bcom ldan 'das rnams ni sems can thams cad la mnyam pa'i thugs mnga' ba ste/sku legs par mnyam pa yin/ sangs rgyas bcom ldan 'das rnams ni shin tu 'jam pa'i chos ston pa ste/ sku shin tu gzhon pa yin/ sangs rgyas bcom ldan 'das rnams ni rtag tu zhum pa med pa'i thugs mnga' ba ste/ sku zhum pa med pa yin/sangs rgyas bcom ldan 'das rnams ni mi dge ba'i rtsa ba thams cad byang ba ste/ sku shin tu rgyas pa yin/ sangs rgyas bcom ldan 'das rnams ni yang 'byung ba shin tu bcom zhing zad pa ste/ sku shin tu mkhregs pa yin/ sangs rgyas bcom ldan 'das rnams ni rten cing 'brel par 'byung ba'i yan lag dang nying lag legs par ston pa ste/yan lag dang nying lag dpa' bar mdzes pa yin/ sangs rgyas bcom ldan 'das rnams ni gzigs pa shin tu dag pa ste/ snang ba rab rib med ces rnam par dag pa yin/ sangs rgyas bcom ldan 'das rnams ni tshul dang ldan pa'i slob ma mnga' ba ste/phyal zlum pa yin/ sangs rgyas bcom ldan 'das rnams ni 'khor ba'i nyes pa thams cad shin tu sbyangs pa ste/ phyal shin tu byang ba dang ldan pa yin/ sangs rgyas bcom ldan 'das rnams ni nga rgyal gyi de'u bcom pa ste/phyal ma zhom pa yin/ sangs rgyas bcom ldan 'das rnams ni chos zad pa rnams bzlog pa ste/ phyal phyam mer 'dug pa yin/ sangs rgyas bcom ldan 'das rnams ni chos zab mo shin tu thugs su chud pa ste/ lte ba zab pa yin/ sangs rgyas bcom ldan 'das rnams ni mthun par 'dzin pa'i slob ma mnga' ba ste/lte ba g.yas phyogs su 'khyil pa yin/ sangs rgyas bcom ldan 'das rnams ni slob ma kun nas mdzes pa'i dge 'dun mnga' ba ste/ kun nas mdzes pa yin/ sangs rgyas bcom ldan 'das rnams ni thugs shin tu gtsang ba dang ldan pa ste/ kun tu spyod pa shin tu gtsang ba yin/sangs rgyas bcom ldan 'das rnams ni chos nag po bstan pa dang bral ba'i chos dang 'dul ba mnga' ba ste/ sku la sme ba med pa yin/ sangs rgyas bcom ldan 'das rnams ni shing bal ltar rab tu yang ba rab tu mtho ba'i chos ston pa ste/ phyag shing bal ltar shin tu 'jam pa yin/sangs rgyas bcom ldan 'das rnams ni rang gi skye bo dang skye bo phal pa byams pas dge sbyong chen po mnyes pa ste/ phyag gi ri mo snum pa yin/ sangs rgyas bcom ldan 'das rnams ni shin tu zab cing brtan par bzhugs pa ste/ phyag gi ri mo zab pa yin/ sangs rgyas bcom ldan 'das rnams ni bzod pa'i chos yangs pa ston pa ste/phyag gi ri mo ring ba yin/ sangs rgyas bcom ldan 'das rnams ni bslab pa'i gnas ha cang yang mi ring bar 'cha' ba ste/ zhal ha cang mi ring ba yin/ sangs rgyas bcom ldan 'das rnams ni gzugs brnyan 'jig rten du skye ba ste/zhal gzugs kyi gzugs brnyan snang ba yin/ sangs rgyas bcom ldan 'das rnams ni 'jam pa sngon du btang zhing 'dul ba ste/ ljags shin tu 'jam pa yin/ sangs rgyas bcom ldan 'das rnams ni yon tan phra ba'i tshogs dang ldan pa ste/ ljags shin tu srab pa yin/ sangs rgyas bcom ldan 'das rnams ni byis pa so so'i skye bo 'dod chags pa rnams kyis [(]ches [,]chos [)]dang 'dul ba gting dpag par dka' ba ste/ ljags shin tu dmar ba yin/ sangs rgyas bcom ldan 'das rnams ni glang po'i sgra dang 'brug gi sgra lta bus bsnyengs pa mi mnga' ba ste/ glang po'i nga ro dang / 'brug gi sgra dbyangs dang ldan pa yin/ sangs rgyas bcom ldan 'das rnams ni snyan zhing 'jam pa dang / nyams su bde bar smra ba'i slob ma mnga' ba ste/ snyan zhing 'jam pa dang nyams su bde ba'i gsung dang ldan pa yin/ sangs rgyas bcom ldan 'das rnams ni srid pa kun tu sbyor ba las 'das pa ste/tshems mche ba shin tu zlum pa yin/ sangs rgyas bcom ldan 'das rnams ni skye bo rno ba rnams 'dul ba ste/ tshems mche ba rno ba dang ldan pa yin/ sangs rgyas bcom ldan 'das rnams ni chos dang 'dul ba shin tu dkar ba ste/ tshems mche ba shin tu dkar ba yin/ sangs rgyas bcom ldan 'das rnams ni sa'i phyogs mnyam pa la bzhugs pa ste/ tshems mche ba mnyam pa dang ldan pa yin/ sangs rgyas bcom ldan 'das rnams ni rim gyis mngon par rtogs pa'i chos ston pa ste/ tshems mche ba rim gyis gzhol ba yin/ sangs rgyas bcom ldan 'das rnams ni shes rab kyi ri bo mthon po la bzhugs pa ste/shangs legs par mtho ba dang ldan pa yin/ sangs rgyas bcom ldan 'das rnams ni 'dul ba'i skye bo gtsang ba mnga' ba ste/ shangs shin tu gtsang ba yin/ sangs rgyas bcom ldan 'das rnams ni sangs rgyas kyi chos phul du yangs pa mnga' ba ste/spyan ring ba dang ldan pa yin/ sangs rgyas bcom ldan 'das rnams ni gzigs pa shin tu rnam par dag pa ste/ spyan rnam par dag pa yin/ sangs rgyas bcom ldan 'das rnams ni sems can gyi tshogs shin tu bsags pa ste/ rdzi ma stug pa yin/sangs rgyas bcom ldan 'das rnams ni lha dang mi dang lha ma yin dang skyes bu dang na chung mchog mig dkar nag 'byes shing pad+mo'i 'dab ma ltar 'dug pa rnams kyis mngon par dga' bar byas pa ste/ spyan dkar nag 'byes shing pad+mo'i 'dab ma ltar 'dug pa yin/ sangs rgyas bcom ldan 'das rnams ni rtag tu yangs par gzigs pa ste/smin ma ring ba dang ldan pa yin/ sangs rgyas bcom ldan 'das rnams ni 'jam par 'dul ba la mkhas pa ste/ smin ma 'jam pa dang ldan pa yin/ sangs rgyas bcom ldan 'das rnams ni skyon thams cad mkhyen pa ste/[ (]smig [,]smin [)]ma'i spu mnyam pa dang ldan pa yin/ sangs rgyas bcom ldan 'das rnams ni dge ba'i rtsa ba'i snum gyis sems can snum par 'gyur ba'i skye bo 'dul ba ste/ smin ma snum pa dang ldan pa yin/ sangs rgyas bcom ldan 'das rnams ni chos mchog tu yangs shing don dang ldan pa mnga' ba ste/snyan shal legs shing snyan shal ring ba yin/ sangs rgyas bcom ldan 'das rnams ni nyon mongs pa'i rgyud las rnam par rgyal ba ste/ snyan 'jam pa yin/ sangs rgyas bcom ldan 'das rnams ni sems can bsam pa ma nyams pa 'dul ba ste/ snyan gyi dbang po ma nyams pa dang ldan pa yin/sangs rgyas bcom ldan 'das rnams ni lta ba'i rnam pa thams cad yongs su sbyangs pa ste/ zhal 'phral ba legs par grub pa dang ldan pa yin/ sangs rgyas bcom ldan 'das rnams ni phas kyi rgol ba shin tu 'dul ba ste/ zhal 'phral ba yangs pa dang ldan pa yin/sangs rgyas bcom ldan 'das rnams ni smon lam dam pa shin tu rdzogs pa ste/ dbu shin tu rgyas pa yin/ sangs rgyas bcom ldan 'das rnams ni yul gyi bung ba rnams bzlogs pa ste/ dbu skra bung ba ltar gnag pa dang ldan pa yin/ sangs rgyas bcom ldan 'das rnams ni mthong ba dang bsgom pa spang ba'i bag la nyal ba zad par byas pa ste/dbu skra stug pa yin/ sangs rgyas bcom ldan 'das rnams ni thugs 'jam pas bstan pa'i snying po thugs su chud pa ste/ dbu skra 'jam pa yin/ sangs rgyas bcom ldan 'das rnams ni rtag tu ma 'khrugs pa'i thugs dang ldan pa ste/dbu skra mi 'dzings pa dang ldan pa yin/ sangs rgyas bcom ldan 'das rnams ni brlangs pa'i gsung dang yongs su bral ba ste/ dbu skra mi rtsub pa yin/ sangs rgyas bcom ldan 'das rnams ni byang chub kyi yan lag spos kyi me tog gi skye bo mthun par bsgrubs pa ste/dbu skra dri zhim pa yin/ sangs rgyas bcom ldan 'das rnams ni phyag dang zhabs dpal gyi be'u dang / bkra shis dang / g.yung drung 'khyil pas brgyan pa yin / rab 'byor de dag ni de bzhin gshegs pa dgra bcom pa yang dag par rdzogs pa'i sangs rgyas kyi dpe byad bzang po brgyad cu'o//rab 'byor de ltar de lta bu'i chos kyi rnam pa de dag gzhan la bshad pa dang / bstan pa dang / yang dag par bstan pa de ni 'jig rten las 'das pa'i chos kyi sbyin pa zhes bya ste/ rab 'byor de ltar na byang chub sems dpa' sems dpa' chen po sems can rnams zang zing gi sbyin pa dang chos kyi sbyin pas sdud pa yin te/rab 'byor 'di ni byang chub sems dpa' sems dpa' chen po rnams kyi ngo mtshar rmad du byung ba'i chos so/ /rab 'byor ji ltar na byang chub sems dpa' sems dpa' chen po tshig snyan pas sems can rnams sdud pa yin zhe na/ rab 'byor 'di la byang chub sems dpa' sems dpa' chen po pha rol tu phyin pa drug gis sems can rnams sdud pa yin te/'di ltar sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa dang / pha rol tu phyin pa drug po 'di dag gis byang chub sems dpa' sems dpa' chen po tshig snyan par smra bas sems can rnams sdud do/ /de ci'i phyir zhe na/ de ni 'di ltar pha rol tu phyin pa drug po 'di dag gis dge ba'i chos thams cad ma 'dus pa med de/rab 'byor de ltar na byang chub sems dpa' sems dpa' chen po tshig snyan par smra bas sems can rnams sdud do/ /rab 'byor ji ltar na byang chub sems dpa' sems dpa' chen po don byas pas sems can rnams sdud pa yin zhe na/ rab 'byor 'di la byang chub sems dpa' sems dpa' chen po pha rol tu phyin pa drug po de dag gis don bya bas sems can rnams sdud do//de ci'i phyir zhe na/ 'di ltar pha rol tu phyin pa drug po de dag gis dge ba'i chos thams cad ma 'dus pa med de/ rab 'byor de ltar na byang chub sems dpa' sems dpa' chen po'i don bya bas sems can rnams sdud do//rab 'byor ji ltar na byang chub sems dpa' sems dpa' chen po don mthun pas sems can rnams sdud pa yin zhe na/ rab 'byor 'di la byang chub sems dpa' sems dpa' chen po pha rol tu phyin pa drug po de dag gis don mthun pas sems can rnams sdud do//de ci'i phyir zhe na/ 'di ltar pha rol tu phyin pa drug po de dag gis dge ba'i chos thams cad ma 'dus pa med de/ rab 'byor de ltar na byang chub sems dpa' sems dpa' chen po don mthun par sems can rnams sdud do/ /rab 'byor de yang byang chub sems dpa' sems dpa' chen po rnams kyi ngo mtshar rmad du byung ba'i chos so zhes bya ba ni bsdu ba'i dngos po bzhi la 'god pa'i phrin las yin no//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub sems dpa' sems dpa' chen po gzhan dag la 'di skad du 'doms shing 'di skad ston to //rigs kyi bu khyod tshur shog yi ge mngon par sgrub pa la mkhas par gyis shig /yi ge gcig la mkhas par gyis shig /yi ge gnyis nas yi ge bzhi bcu rtsa gnyis kyi bar la mkhas par gyis shig /yi ge gcig gis byang ba'i rang bzhin thams cad shes par gyis shig /yi ge gnyis kyis byang ba'i rang bzhin thams cad shes par gyis shig /yi ge bzhi bcu rtsa gnyis kyi bar gyis byang ba'i rang bzhin thams cad shes par gyis shig /yi ge gcig tu yi ge bzhi bcu rtsa gnyis 'dus par sgoms shig /yi ge bzhi bcu rtsa gnyis su yi ge gcig 'dus par sgoms shig ces chos ston to//rab 'byor byang chub sems dpa' sems dpa' chen po de yang yi ge gcig la mkhas pa yin/ yi ge bzhi bcu rtsa gnyis kyi bar la mkhas pa yin/ yi ge gcig gi nang du yi ge bzhi bcu rtsa gnyis su 'dus par sgom pa la mkhas pa yin/yi ge bzhi bcu rtsa gnyis su yi ge gcig 'dus par sgom pa la mkhas pa yin / de de ltar yi ge mngon par sgrub pa la mkhas par bya na/ lam la goms shing yi ge med par mngon par sgrub pa la mkhas pa yin no/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas chos la mkhas pa dang yi ge la mkhas pa yin te/chos la mkhas pa dang yi ge la mkhas pas yi ge mang pos yi ge med pa'i chos ston kyang / rab 'byor chos de yi ge'i rnam pa dang bral ba yang ma yin te/ rab 'byor de yang byang chub sems dpa' sems dpa' chen po rnams kyi ngo mtshar rmad du byung ba'i chos te/gang nyan thos dang rang sangs rgyas thams cad dang thun mong ma yin pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te mtha' las 'das pa dang /thog ma dang tha ma med pa stong pa nyid nye bar bzung ste/ sems can yang shin tu mi dmigs/ chos kyang mi dmigs/ chos kyi dngos po yang mi dmigs pa lags na/ bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa dang / bsam gtan gyi pha rol tu phyin pa dang /brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la spyod pa dang / bsam gtan bzhi dang / tshad med pa dang / gzugs med pa'i snyoms par 'jug pa bzhi la spyod pa dang /byang chub kyi phyogs kyi chos sum cu rtsa bdun la spyod pa dang / stong pa nyid bcu bzhi la spyod pa dang / stong pa nyid dang / mtshan ma med pa dang / smon pa med pa'i ting nge 'dzin la spyod pa dang / rnam par thar pa brgyad la spyod pa dang / mthar gyis gnas pa'i snyoms par 'jug pa dgu dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang / skyes bu chen po'i mtshan sum cu rtsa gnyis dang / dpe byad bzang po brgyad cu la spyod cing /rnam par smin pa las byung ba'i mngon par shes pa drug la gnas nas sems can rnams la chos ston par 'gyur/ de la ni sems can mi dmigs te/ sems can gdags pa'ang mi dmigs so/ /sems can mi dmigs pas gzugs dmigs su ma mchis so//sems can mi dmigs pas tshor ba dang / 'du shes dang / 'du byed rnams dang / rnam par shes pa dmigs su ma mchis so/ /sems can rnams mi dmigs pas sangs rgyas kyi chos ma 'dres pa bco brgyad kyi bar du dmigs su ma mchis so//sems can mi dmigs pas rnam pa thams cad mkhyen pa nyid kyi bar du dmigs su ma mchis so/ /sems can mi dmigs pas skyes bu chen po'i mtshan sum cu rtsa gnyis dmigs su ma mchis so/ /dpe byad bzang po brgyad cu dmigs su ma mchis so/ /sems can dmigs su ma mchis pa la ni sems can ma mchis so//gzugs ma mchis so/ /tshor ba dang / 'du shes dang / 'du byed rnams dang / rnam par shes pa ma mchis so/ /sangs rgyas kyi chos ma 'dres pa bco brgyad kyi bar du ma mchis so/ /rnam pa thams cad mkhyen pa nyid kyi bar du ma mchis so//skyes bu chen po'i mtshan sum cu rtsa gnyis ma mchis so/ /dpe byad bzang po brgyad cu ma mchis so/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub sems dpa' nyid kyang mi dmigs na/byang chub kyi phyogs kyi chos rnams dmigs par 'gyur ba lta ga la mchis/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa bzhin no/ /rab 'byor de ltar na sems can mi dmigs pas nang stong pa nyid du rig par bya'o/ /phyi stong pa nyid du rig par bya'o//phyi nang stong pa nyid du rig par bya'o/ /dngos po med pa'i ngo bo nyid stong pa nyid kyi bar du rig par bya'o/ /phung po stong pa nyid kyi bar du rig par bya'o/ /khams stong pa nyid du rig par bya'o/ /skye mched stong pa nyid du rig par bya'o/ /rten cing 'brel par 'byung ba stong pa nyid du rig par bya'o//bden pa stong pa nyid du rig par bya'o/ /bdag stong pa nyid du rig par bya'o/ /sems can stong pa nyid du rig par bya'o/ /srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / byed du 'jug pa po dang / slong ba po dang /kun nas slong ba po dang / tshor ba po dang / tshor bar byed pa po dang / shes pa po dang / mthong ba po stong pa nyid du rig par bya'o/ /dran pa nye bar gzhag pa stong pa nyid du rig par bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang /'phags pa'i lam yan lag brgyad pa stong pa nyid du rig par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad stong pa nyid du rig par bya'o//rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub stong pa nyid du rig par bya'o/ /lam gyi rnam pa shes pa nyid dang / rnam pa thams cad mkhyen pa nyid stong pa nyid du rig par bya'o//sangs rgyas kyi zhing stong pa nyid du rig par bya'o/ /sangs rgyas stong pa nyid du rig par bya'o/ /byang chub sems dpa' stong pa nyid du rig par bya'o/ /rab 'byor de la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos de dag thams cad stong par mthong na /phyin ci log tu gyur pa'i sems can rnams la chos ston te/ ji ltar stong pa nyid de dag la yang mi 'jug pa de ltar ston to/ /des de ltar mthong nas chos thams cad sgrib pa med par shes te/ chos gang la yang 'khrug par mi byed gnyis su mi byed de/ yang dag pa ji lta ba bzhin du yang ston par byed do//rab 'byor 'di lta ste dper na/ de bzhin gshegs pa'i sprul pa ni sprul pa bye ba phrag du mar sprul zhing sems can la la sbyin pa'i pha rol tu phyin pa la sbyor/ la la tshul khrims kyi pha rol tu phyin pa la sbyor/ la la bzod pa'i pha rol tu phyin pa la sbyor/ la la brtson 'grus kyi pha rol tu phyin pa la sbyor/ la la bsam gtan gyi pha rol tu phyin pa la sbyor/ la la shes rab kyi pha rol tu phyin pa la sbyor/ la la bsam gtan bzhi la/ la la tshad med pa bzhi la/ la la gzugs med pa'i snyoms par 'jug pa bzhi la sbyor/la la byang chub kyi phyogs kyi chos sum cu rtsa bdun la sbyor/ la la 'phags pa'i bden pa bzhi dang / la la rnam par thar pa brgyad dang / la la mthar gyis gnas pa'i snyoms par 'jug pa dgu dang / la la stong pa nyid dang / mtshan ma med pa dang / smon pa med pa dang / la la mngon par shes pa lnga la sbyor/la la ting nge 'dzin thams cad dang / la la gzungs kyi sgo thams cad la sbyor/ la la de bzhin gshegs pa'i stobs bcu dang / la la mi 'jigs pa bzhi dang / la la so so yang dag par rig pa bzhi dang / la la byams pa chen po dang / la la snying rje chen po dang /la la sangs rgyas kyi chos ma 'dres pa bco brgyad la sbyor/ la la rgyun du zhugs pa'i 'bras bu dang / la la lan cig phyir 'ong ba'i 'bras bu dang / la la phyir mi 'ong ba'i 'bras bu dang / la la dgra bcom pa nyid dang / la la rang byang chub la sbyor/ la la rnam pa thams cad mkhyen pa nyid kyi bar la sbyor na/rab 'byor de la ji snyam du sems/ sprul pa des chos la la zhig tha dad du phye ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po yang shes rab kyi pha rol tu phyin pa la spyod pa'i tshe/sems can rnams la chos ston te/ de dag phyin ci log rnams las yongs su bkrol nas ma bcings ma grol ba'i tshul du yang dag pa ji lta ba bzhin du rab tu 'god do/ /de ci'i phyir zhe na/ rab 'byor de ni 'di ltar gzugs ma bcings ma grol ba / tshor ba dang / 'du shes dang / 'du byed rnams dang / rnam par shes pa rnams ma bcings ma grol ba/ rnam pa thams cad mkhyen pa nyid kyi bar du ma bcings ma grol ba ste/ gzugs kyi ma bcings ma grol ba gang yin pa de ni gzugs ma yin no/ /tshor ba dang / 'du shes dang / 'du byed rnams dang /rnam par shes pa'i ma bcings ma grol ba nyid gang yin pa de rnam par shes pa ma yin no/ /rnam pa thams cad mkhyen pa nyid kyi bar gyi ma bcings ma grol ba nyid gang yin pa de rnam pa thams cad mkhyen pa nyid ma yin no/ /de ci'i phyir zhe na/ de ni 'di ltar gzugs ni shin tu rnam par dag pa'o//tshor ba dang / 'du shes dang / 'du byed rnams dang / rnam par shes pa shin tu rnam par dag pa'o/ /rnam pa thams cad mkhyen pa nyid kyi bar ni shin tu rnam par dag pa'o/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sems can rnams la chos ston kyang sems can du mi dmigs so/ /byang chub sems dpa' sems dpa' chen po ni chos thams cad mi dmigs pa la de mi dmigs pa'i tshul gyis gnas te/ gzugs stong pa nyid mi dmigs pa'i tshul dang / tshor ba dang / 'du shes dang /'du byed rnams dang / rnam par shes pa stong pa nyid mi dmigs pa'i tshul dang / rnam pa thams cad mkhyen pa nyid kyi bar du stong pa nyid mi dmigs pa'i tshul gyis gnas te/ 'dus byas dang / 'dus ma byas kyi chos rnams la ni gang la yang gnas pa med do/ /de ci'i phyir zhe na/ de ni 'di ltar gang la gnas par bya ba de lta bu'i ngo bo nyid mi dmigs te/dngos po med pa la dngos po med pa mi gnas so/ /rang bzhin la rang bzhin mi gnas so/ /gzhan gyi dngos po la gzhan gyi dngos po mi gnas so/ /de ci'i phyir zhe na/ de ni 'di ltar de dag thams cad dmigs su med de/ gang dmigs su med pa de ni gang la yang mi gnas so/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos de dag thams cad stong pa nyid thams cad kyi rab tu 'byed de/ rab 'byor shes rab kyi pha rol tu phyin pa la de ltar spyod pa'i byang chub sems dpa' sems dpa' chen po sangs rgyas bcom ldan 'das rnams dang /byang chub sems dpa' sems dpa' chen po rnams dang / rang sangs rgyas rnams dang / nyan thos rnams dang / 'phags pa thams cad kyis skyon du mi bya'o/ /de ci'i phyir zhe na/ de ni 'di ltar sangs rgyas bcom ldan 'das de dag dang /byang chub sems dpa' sems dpa' chen po de dag dang / rang sangs rgyas de dag dang / nyan thos de dag gis kyang chos nyid de'i rjes su rtogs te/ chos nyid rjes su rtogs nas kyang sems can rnams la chos ston te/de'ang chos rnams kyi chos nyid las mi 'da'o/ /de ci'i phyir zhe na/ rab 'byor chos kyi dbyings ni 'da' ba med do/ /de bzhin nyid dang yang dag pa'i mtha' ni 'da' ba med do/ /de ci'i phyir zhe na/ de dag la'ang 'da' bar 'gyur ba'i rang bzhin med do/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das gal te de ltar chos kyi dbyings la 'da' ba yang ma mchis/ de bzhin nyid dang yang dag pa'i mtha' la'ang 'da' ba ma mchis na/ ci lags 'o na gzugs kyang gzhan la chos kyi dbyings kyang gzhan/ de bzhin nyid kyang gzhan/yang dag pa'i mtha' yang gzhan zhig lags sam/ tshor ba dang / 'du shes dang / 'du byed rnams dang / rnam par shes pa yang gzhan la chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan zhig lags sam/ rnam pa thams cad mkhyen pa nyid kyi bar yang gzhan la chos kyi dbyings kyang gzhan/de bzhin nyid kyang gzhan/ yang dag pa'i mtha' yang gzhan zhig lags sam/ bcom ldan 'das kyis bka' stsal pa/ rab 'byor de ni ma yin no/ /gzugs kyang gzhan la chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma yin no//tshor ba dang / 'du shes dang / 'du byed rnams dang / rnam par shes pa yang gzhan la chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma yin no/ /rnam pa thams cad mkhyen pa nyid kyi bar yang gzhan / chos kyi dbyings kyang gzhan/de bzhin nyid kyang gzhan/ yang dag pa'i mtha' yang gzhan ma yin no/ /gsol pa/ bcom ldan 'das gal te de ltar gzugs kyang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma lags/ tshor ba dang /'du shes dang / 'du byed rnams dang / rnam par shes pa yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma lags/ rnam pa thams cad mkhyen pa nyid kyi bar du yang gzhan la/ chos kyi dbyings kyang gzhan/ de bzhin nyid kyang gzhan/yang dag pa'i mtha' yang gzhan ma lags na/ 'o na ji ltar chos rnams kyi 'bras bu rnam par 'god cing nag po'i chos rnams kyi rnam par smin pa nag po ni sems can dmyal ba dang / byol song gi skye gnas dang / gshin rje'i 'jig rten dkar po'i chos rnams kyi rnam par smin pa dkar po ni lha dang mi/dkar nag gi chos rnams kyi rnam par smin pa dkar nag gi bde ba dang sdug bsngal nyams su myong ba/ mi gnag cing dkar ba'i chos kyi rnam par smin pa mi gnag cing dkar ba ni rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub dang / bla na med pa yang dag par rdzogs pa'i byang chub bo zhes bgyi bar rnam par dgod par 'gyur/ bcom ldan 'das kyis bka' stsal pa/ rab 'byor kun rdzob kyi bden pa tshad mar byas te/ 'bras bu rnam par dgod pa bstan gyi/ don dam pa'i bden par ni 'bras bu rnam par dgod pa bstan par mi nus so//de ci'i phyir zhe na/ chos de ni rnam par brtag tu med pa/ brjod du med pa/ tha snyad med pa ste/ 'di ltar mi bden pa dang / gzugs med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ste/ 'di ni mtha' las 'das pa stong pa nyid dang / thog ma dang tha ma med pa stong pa nyid do/ /gsol pa/ bcom ldan 'das gal te de ltar kun rdzob kyi bden pa nye bar bzung ste/ 'bras bu rnam par 'god pa lags kyi don dam pa'i bden pas ma lags na/ byis pa so so'i skye bo thams cad kyang rgyun du zhugs pa'i 'bras bu dang /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub tu 'gyur ro/ /bcom ldan 'das kyis bka' stsal pa/ rab 'byor ci byis pa so so'i skye bo rnams kun rdzob kyi bden pa'am/don dam pa'i bden pa shes sam/ gal te shes na ni de dag kyang rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/bla na med pa yang dag par rdzogs pa'i byang chub tu rnam par 'god par 'gyur na/ rab 'byor gyis pa so so'i skye bo rnams la lam yang med/ lam rnam par dgod pa yang med/ lam sgom pa yang med par byis pa so so'i skye bo rnams la 'bras bu rnam par dgod pa lta ga la 'ong / rab 'byor 'phags pa'i gang zag la ni lam yang yod/ lam sgom pa yang yod pas na/ de'i phyir 'phags pa'i gang zag de dag la 'bras bu rnam par bkod pa yod do/ /gsol pa/ bcom ldan 'das ci lags lam bsgoms pas 'bras bu 'thob pa'am/ 'bras bu 'thob par bgyi ba ma mchis sam/bcom ldan 'das kyis bka' stsal pa/ rab 'byor de ni ma yin no / /lam bsgoms pas 'bras bu 'thob pa'am/ 'bras bu thob par bya ba med do/ /rab 'byor lam ma bsgoms par yang 'bras bu thob pa med de/ lam gyi 'bras bu thob par bya ba yang med do//lam la ma gnas par yang 'bras bu thob par mi 'gyur te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas par sems can rnams kyi 'bras bu rnam par dgod par byed de/ 'dus byas kyi khams dang / 'dus ma byas kyi khams ris su bcad cing 'bras bu rnam par dgod par mi byed do/ /gsol pa/ bcom ldan 'das gal te de ltar 'dus byas kyi khams sam 'dus ma byas kyi khams ris su bcad cing 'bras bu rnam par dgod pa ma mchis na/ bcom ldan 'das kyis 'di ni kun du sbyor ba gsum spangs pas rgyun du zhugs pa'i 'bras bu'o//'dod pa'i 'dod chags dang gnod sems bsrabs pas lan cig phyir 'ong ba'i 'bras bu'o/ /'og ma'i cha can gyi kun du sbyor ba lnga spangs pas phyir mi 'ong ba'i 'bras bu'o/ /bla ma'i cha can gyi kun du sbyor ba lnga spangs pas dgra bcom pa nyid do//gang ci yang rung ste kun 'byung ba'i chos de dag thams cad 'gog pa'i chos can du shes pas rang byang chub bo/ /bag chags kyi mtshams sbyor ba'i nyon mongs pa thams cad spangs pas yang dag par rdzogs pa'i byang chub bo zhes gsungs na/ bcom ldan 'das ris su bcad cing 'dus byas sam/'dus ma byas kyi chos rnams kyi 'bras bu rnam par gzhag pa ma mchis na gsungs pa'i don de bdag gis ji ltar 'tshal bar bgyi/ bcom ldan 'das kyis bka' stsal pa/ rab 'byor rgyun du zhugs pa'i 'bras bu'am/ lan cig phyir 'ong ba'i 'bras bu'am/phyir mi 'ong ba'i 'bras bu'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub 'dus byas sam/ 'on te 'dus ma byas pa yin/ gsol pa/ bcom ldan 'das de ni 'dus ma bgyis pa'o/ /bde bar gshegs pa de ni 'dus ma bgyis pa'o//bcom ldan 'das kyis bka' stsal pa/ rab 'byor 'o na 'dus ma byas kyi chos la ris su bcad pa yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gang gi tshe rigs kyi bu'am/rigs kyi bu mo gang la las 'dus byas sam 'dus ma byas kyi chos rnams 'di lta ste/ mtshan nyid med par mtshan nyid gcig tu chud par gyur na/ de'i tshe 'dus byas shes sam/ 'dus ma byas shes chos gang la yang ris su gcod pa yod dam/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po yang shes rab kyi pha rol tu phyin pa la spyod pa'i tshe/ 'di lta ste/ nang stong pa nyid dang / dngos po med pa'i ngo bo nyid stong pa nyid kyi bar du nye bar bzung ste/ sems can rnams la ris su bcad pas chos mi ston to//de dag kyang sbyin pa'i pha rol tu phyin pa'am/ tshul khrims kyi pha rol tu phyin pa'am/ bzod pa'i pha rol tu phyin pa'am/ brtson 'grus kyi pha rol tu phyin pa'am/ bsam gtan gyi pha rol tu phyin pa'am/ shes rab kyi pha rol tu phyin pa'am/ bsam gtan dang po'am/bsam gtan gnyis pa'am/ bsam gtan gsum pa'am/ bsam gtan bzhi pa'am/ byams pa'am/ snying rje'am/ dga' ba'am/ btang snyoms sam/ nam mkha' mtha' yas skye mched kyi snyoms par 'jug pa'am/ rnam shes mtha' yas skye mched kyi snyoms par 'jug pa'am/cung zad med pa'i skye mched kyi snyoms par 'jug pa'am/ 'du shes med 'du shes med min skye mched kyi snyoms par 'jug pa'am / dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/stobs rnams sam/ byang chub kyi yan lag rnams sam/ lam mam/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/stong pa nyid dang / mtshan ma med pa dang / smon pa med pa dang / mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/byams pa chen po'am/ snying rje chen po'am/ sangs rgyas kyi chos ma 'dres pa rnams sam/ rnam pa thams cad mkhyen pa nyid kyi bar ram/ chos gang la yang mngon par zhen pa med do/ /de la mngon par zhen pa med pas gang la yang chags pa med do/ / 'di lta ste/ dper na de bzhin gshegs pa'i sprul pa sbyin pa yongs su gtong ba yang sbyin pa'i 'bras bu la chags pa med de/ sbyin pa'i 'bras bu nyams su myong ba med do/ /gzhan du na sems can thams cad yongs su mya ngan las 'da' ba'i don du sbyin pa yongs su gtong ngo / /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / zag pa dang bcas pa dang / zag pa med pa'i chos rnams sam/ 'jig rten pa dang 'jig rten las 'das pa dang / 'dus byas dang / 'dus ma byas kyi chos rnams sgom yang / 'dus byas dang 'dus ma byas kyi chos kyi 'bras bu la chags pa med / 'dus byas dang 'dus ma byas kyi chos kyi 'bras bu nyams su myong ba med de/ gzhan du na sems can thams cad yongs su mya ngan las 'da' ba'i don du/ 'dus byas dang 'dus ma byas kyi chos rnams sgom mo/ /rab 'byor de bzhin du byang chub sems dpa' sems dpa' chen po yang pha rol tu phyin pa drug dang / chos thams cad la spyod de/ chos gang la yang gnas pa'am chags pa med do/ /de ci'i phyir zhe na/ 'di ltar des chos rnams kyi chos kyi mtshan nyid shin tu khong du chud pa med do//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen pos chos rnams kyi chos kyi mtshan nyid rab tu rtogs pa lags/ bcom ldan 'das kyis bka' stsal pa/rab 'byor sprul pa ni 'dod chags dang / zhe sdang dang gti mug la yongs su spyod pa med do/ /bag la nyal ba dang kun nas ldang ba la yongs su spyod pa med do/ /phyi nang gi chos thams cad la spyod pa med do/ /zag pa dang bcas pa dang zag pa med pa'i chos rnams la yongs su spyod pa med do//'dus byas dang 'dus ma byas kyi chos rnams la yongs su spyod pa med do/ /gzugs la yongs su spyod pa med do/ /tshor ba dang / 'du shes dang / 'du byed rnams dang / rnam par shes pa la yongs su spyod pa med do/ /skye mched dang / khams dang / rten cing 'brel par 'byung ba la yongs su spyod pa med do//pha rol tu phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun la yongs su spyod pa med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la yongs su spyod pa med do/ /ting nge 'dzin rnams dang / gzungs kyi sgo rnams la yongs su spyod pa med do//de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la yongs su spyod pa med do/ /rnam pa thams cad mkhyen pa nyid kyi bar la yongs su spyod pa med do//rab 'byor de bzhin du byang chub sems dpa' sems dpa' chen po yang chos thams cad la yongs su spyod pa med do/ /rab 'byor de ltar na byang chub sems dpa' sems dpa' chen pos chos thams cad kyi chos kyi mtshan nyid rab tu rtogs pa yin no// // bam po drug cu brgyad pa/ gsol pa/ bcom ldan 'das sprul pas lam bsgoms pa la brten kyang kun nas nyon mongs par yang mi 'gyur/ rnam par byang bar yang mi 'gyur / 'gro ba lnga'i 'khor ba na yang mi snang na lam bsgom du ci mchis/ bcom ldan 'das kyis bka' stsal pa/ rab 'byor de ji snyam du sems/de bzhin gshegs pa'i sprul pa dngos po la la zhig la brten te/ kun nas nyon mongs par gyur pa'am / rnam par byang bar 'gyur ba'am/ 'gro ba lnga'i 'khor ba na snang bar gyur pa de lta bu'i dngos po gang yang yod dam/ gsol pa/ bcom ldan 'das de ni ma lags te/ bcom ldan 'das de bzhin gshegs pa'i sprul pas dngos po la la zhig la brten te/kun nas nyon mongs par 'gyur ba'am/ rnam par byang bar 'gyur ba'am/ 'gro ba lnga'i 'khor ba nas gdon par 'gyur ba'i dngos po de lta bu gang yang ma mchis so/ /bcom ldan 'das kyis bka' stsal pa/ rab 'byor de ltar na byang chub sems dpa' sems dpa' chen pos chos rnams kyi tshul rab tu rtogs pa yin no/ /gsol pa/ bcom ldan 'das ci lags gzugs thams cad sprul pa lta bu lags sam/ tshor ba dang / 'du shes dang / 'du byed rnams dang / rnam par shes pa thams cad sprul pa lta bu lags sam/bcom ldan 'das kyis bka' stsal pa/ rab 'byor gzugs thams cad ni sprul pa lta bu'o/ /tshor ba dang / 'du shes dang / 'du byed rnams dang / rnam par shes pa thams cad ni sprul pa lta bu'o/ /gsol pa bcom ldan 'das de ltar gzugs thams cad ni sprul pa lta bu/tshor ba dang / 'du shes dang / 'du byed rnams dang / rnam par shes pa thams cad sprul pa lta bu lags na/ bcom ldan 'das sprul pa la ni gzugs ma mchis/ tshor ba ma mchis/ 'du shes dang / 'du byed rnams dang / rnam par shes pa ma mchis/ kun nas nyon mongs pa ma mchis/rnam par byang ba ma mchis/ gang las grol bar 'gyur ba'i 'gro ba lnga'i 'khor ba ma mchis na/ ji ltar na byang chub sems dpa' sems dpa' chen po'i skyes bu'i byed par 'gyur/ bcom ldan 'das kyis bka' stsal pa/ rab 'byor de ji snyam du sems/ byang chub sems dpa' sems dpa' chen po byang chub sems dpa'i spyad pa spyod pa'i tshe/sems can dmyal ba'am/ byol song gi skye gnas sam/ gshin rje'i 'jig rten nam/ lha'am mi dag las yongs su dgrol bar bya ba'i sems can gang yang dmigs sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/rab 'byor de de bzhin no/ /de de bzhin te/ byang chub sems dpa' sems dpa' chen po khams gsum nas yongs su dgrol bar bya ba'i sems can gang yang mi dmigs so/ /de ci'i phyir zhe na/ 'di ltar de ni chos thams cad sgyu ma lta bur shes so/ /mthong ngo / /rtogs so/ sprul pa lta bur shes so/ /mthong ngo / /rtogs so/ /de ni byang chub sems dpa' sems dpa' chen po'i skyes bu'i byed par rig par bya'o/ /gsol pa/ bcom ldan 'das gal te de ltar byang chub sems dpa' sems dpa' chen pos chos thams cad sgyu ma lta bur 'tshal zhing mthong ste rtogs pa la/ sprul pa lta bur 'tshal zhing mthong ste rtogs pa lags na/ gang gi don du byang chub sems dpa' sems dpa' chen po pha rol tu phyin pa drug la spyod pa lags/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / byang chub kyi phyogs kyi chos sum cu rtsa bdun dang /sangs rgyas kyi chos ma 'dres pa bco brgyad kyi bar la spyod pa lags/ ci'i slad du byang chub sems dpa' sems dpa' chen po byang chub kyi lam gyi bar la spyod pa lags/ sangs rgyas kyi zhing yongs su dag par bgyid pa lags/ sems can yongs su smin par bgyid pa lags/bcom ldan 'das kyis bka' stsal pa/ rab 'byor gal te sems can rnams rang rang gis chos thams cad sprul pa lta bur shes su zin na ni byang chub sems dpa' sems dpa' chen po yang sems can rnams kyi don du bskal pa grangs med par byang chub sems dpa'i spyad pa mi spyod de/rab 'byor sems can rnams rang rang gis chos thams cad sprul pa lta bu mi shes pas/ de'i phyir byang chub sems dpa' sems dpa' chen po bskal pa grangs med par pha rol tu phyin pa drug la spyod do/ /sems can rnams yongs su smin par byed do//sangs rgyas kyi zhing yongs su dag par byed do/ /rab 'byor gyis gsol pa/ bcom ldan 'das gal te chos thams cad rmi lam lta bu/ sgra brnyan lta bu/ smig rgyu lta bu/ mig yor lta bu/ sgyu ma lta bu/ sprul pa lta bu lags na/ bcom ldan 'das sems can rnams ci la gnas na byang chub sems dpa' sems dpa' chen po shes rab kyi pha rol tu phyin pa la spyod cing sems can rnams gyen du bskyod par bgyid/bcom ldan 'das kyis bka' stsal pa/ rab 'byor sems can rnams ni ming dang mtshan mar yang dag pa ma yin par yongs su brtags pa la gnas pas na/ byang chub sems dpa' sems dpa' chen po shes rab kyi pha rol tu phyin pa la spyod cing /de dag ming dang mtshan ma la gyen du bskyod do/ /gsol pa/ bcom ldan 'das ming ni gang lags/ mtshan ma ni gang lags/ bcom ldan 'das kyis bka' stsal pa/ rab 'byor 'di lta ste ming zhes bya ba'am/ mtshan ma zhes bya ba ni glo bur du ming gis sgro btags pa'o//'di lta ste/ ming zhes bya ba'am/ mtshan ma zhes bya ba'am/ gzugs zhes bya ba'am/ tshor ba zhes bya ba'am/ 'du shes zhes bya ba'am/ 'du byed rnams zhes bya ba'am/ rnam par shes pa zhes bya ba'am/ bud med ces bya ba'am/ skyes pa zhes bya ba'am/khye'u zhes bya ba'am/ bu mo zhes bya ba'am/ sems can dmyal ba zhes bya ba'am/ byol song gi skye gnas zhes bya ba'am/ gshin rje'i 'jig rten pa zhes bya ba'am/ lha zhes bya ba'am/ mi zhes bya ba'am/ 'dus byas kyi chos zhes bya ba'am/ 'dus ma byas kyi chos zhes bya ba'am/ rgyun du zhugs pa'i 'bras bu zhes bya ba'am/ lan cig phyir 'ong ba'i 'bras bu zhes bya ba'am/ phyir mi 'ong ba'i 'bras bu zhes bya ba'am/ dgra bcom pa nyid ces bya ba'am/ rang byang chub ces bya ba'am/ yang dag par rdzogs pa'i byang chub ces bya ba de ni sgyu ma'i ming gis sgro btags pa ste/ rab 'byor ming thams cad ni ming gi don [(]kyis [,]gyis [)]btags pa ste/byis pa so so'i skye bo rnams gang la chags par 'gyur ba'i 'dus byas thams cad ni ming tsam ste/ de dag la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas ming thams cad ni yongs su rtogs pa las byung ba yin gyis/yongs su brtags pa dngos po med pa'i ngo bo nyid kyis stong pa la khyed chags par ma byed cig /chos thams cad stong pa la mkhas pa rnams ni mngon par zhen par mi byed do zhes skul bar byed de/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa de thabs mkhas pas sems can rnams la chos ston pa yin no//rab 'byor mtshan ma gang zhe na/ gnyis po 'di dag ni byis pa so so'i skye bo rnams gang la chags par 'gyur ba'i mtshan ma ste/ gnyis gang zhe na/ 'di lta ste/ gzugs kyi mtshan ma dang / gzugs med pa'i mtshan ma'o//rab 'byor gzugs kyi mtshan ma gang zhe na/ 'das pa dang / ma 'ongs pa dang / da ltar byung ba'i gzugs rags pa'am/ phra ba'am/ bzang ba'am/ ngan pa'am/ rgyang ring ba'am/ thag nye ba gang chos thams cad skad cig ma la kun du rtog pas bzung ba ste/ 'di ni gzugs kyi mtshan ma zhes bya'o//rab 'byor gzugs med pa'i mtshan ma gang zhe na/ gzugs med pa'i chos gang la yang rung ste/ mtshan mar bzung bas yongs su brtags shing nyon mongs pa skye bar 'gyur te/ 'di ni gzugs med pa'i mtshan ma zhes bya'o/ /de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pas mtshan ma de dag las bkrol zhing mtshan ma med pa'i dbyings su 'god cing rab tu gzhog ste/ ci nas kyang 'di ni mtshan ma'o/ /'di ni mtshan ma med pa'o zhes bya ba gnyis su mi ltung ba de ltar 'god cing gzhog ste/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pas sems can rnams mtshan ma las rnam par bkrol zhing mtshan ma med pa'i dbyings su rab tu 'god do/ /gsol pa/ gal te chos 'di dag thams cad ni de tsam du bas te/ming dang mtshan mar bas la btags pa tsam du bas te/ yongs su btags pa las byung ba lags na/ bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bdag kyang dge ba'i chos kyi khyad par thob la/ gzhan yang dge ba'i chos kyi khyad par 'thob pa la gzhog cing dge ba'i rtsa ba de dag gis sa nas sa yongs su rdzogs par bgyid pa lags/sems can rnams theg pa gsum la sbyor ba lags/ bcom ldan 'das kyis bka' stsal pa/ rab 'byor gal te dngos po'am dngos po'i mtshan ma zhig yod na ni/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/khyad par 'thob par yang mi 'gyur te/ gzhan yang khyad par 'thob pa la sbyor bar mi 'gyur gyi/ 'di ltar dngos po'i mtshan ma yang med/ dngos po yang med pas na/ rab 'byor de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mtshan ma med pa'i tshul gyis bsam gtan gyi pha rol tu phyin pa yongs su rdzogs par byed do/ /mtshan ma med pa'i tshul gyis brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yongs su rdzogs par byed do/ /mtshan ma med pa'i tshul gyis bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi yongs su rdzogs par byed do/ /mtshan ma med pa'i tshul gyis dran pa nye bar gzhag pa bzhi dang / yang dag par spong ba bzhi dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yongs su rdzogs par byed do/ /mtshan ma med pa'i tshul gyis nang stong pa nyid dang / phyi stong pa nyid dang / phyi nang stong pa nyid yongs su rdzogs par byed do/ / mtshan ma med pa'i tshul gyis dngos po med pa'i ngo bo nyid stong pa nyid kyi bar du yongs su rdzogs par byed do/ /mtshan ma med pa'i tshul gyis rnam par thar pa brgyad dang / mthar gyis gnas pa'i snyoms par 'jug pa dgu dang / 'phags pa'i bden pa bzhi dang / rnam par thar pa'i sgo stong pa nyid dang /mtshan ma med pa dang / smon pa med pa yongs su rdzogs par byed do/ /mtshan ma med pa'i tshul gyis mngon par shes pa dang / ting nge 'dzin dang / gzungs kyi sgo rnams yongs su rdzogs par byed do/ /mtshan ma med pa'i tshul gyis de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par byed do/ /de dge ba'i chos de dag yongs su rdzogs par byas nas mtshan ma med pa'i tshul gyis gzhan yang dge ba'i chos de dag la sbyor te/ rab 'byor gal te chung ngu na skra'i rtse mo'i cha shas bzhag pa tsam gyi khyon cig mtshan ma yod na yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos mtshan ma med pa dang dran pa med pa dang / yid la byed pa med pa de mngon par rdzogs par 'tshang rgya bar mi 'gyur te/ sems can rnams kyang de bzhin nyid dang /zag pa med pa'i chos rnams la gzhog par mi 'gyur ro/ /rab 'byor zag pa med pa'i chos rnams ni mtshan ma med pa/ dran pa med pa/ yid la bya ba med pa ste/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/zag pa med pa'i chos rnams kyis sems can thams cad kyi don byed do/ /gsol pa/ bcom ldan 'das gal te de ltar chos thams cad mtshan ma ma mchis shing / dran pa ma mchis te/ yid la bgyi ba ma mchis na/ bcom ldan 'das 'di ltar 'di dag ni dge ba'i chos so/ /'di dag ni mi dge ba'i chos so//'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni thun mong gi chos so/ / 'di dag ni thun mong ma yin pa'i chos so/ /'di dag ni nyan thos kyi chos so/ /'di dag ni rang sangs rgyas kyi chos so/ /'di dag ni byang chub sems dpa'i chos so/ /'di dag ni sangs rgyas kyi chos so zhes ji ltar bgrang bar bgyi/ bcom ldan 'das kyis bka' stsal pa/ rab 'byor de ji snyam du sems/ mtshan ma med pa yang gzhan la/ nyan thos kyi chos rnams kyang gzhan nam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mtshan ma med pa yang gzhan la/ rang sangs rgyas kyi chos rnams kyang gzhan nam/ mtshan ma med pa yang gzhan la/byang chub sems dpa'i chos rnams kyang gzhan nam/ mtshan ma med pa yang gzhan la/ sangs rgyas kyi chos rnams kyang gzhan nam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor mtshan ma med pa nyid rgyun du zhugs pa'i 'bras bu'o//lan cig phyir 'ong ba'i 'bras bu'o/ /phyir mi 'ong ba'i 'bras bu'o/ /dgra bcom pa nyid do/ /rang byang chub bo/ /byang chub sems dpa'i chos so/ /sangs rgyas kyi chos so/ /gsol pa/ bcom ldan 'das de de lta lags so/ /bde bar gshegs pa de de lta lags so//bcom ldan 'das kyis bka' stsal pa/ rab 'byor rnam grangs des na/ 'di ltar chos thams cad ni mtshan ma med par rig par bya ste / rab 'byor chos thams cad ni mtshan ma med pa 'di la slob pa'i byang chub sems dpa' sems dpa' chen po ni dge ba'i chos mang po rnam par 'phel te/ 'di lta ste pha rol tu phyin pa drug dang /nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang /mngon par shes pa lnga dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang /de ma yin pa'i sangs rgyas kyi chos dpag tu med pa dag gis rnam par 'phel lo/ /de ci'i phyir zhe na/ byang chub sems dpa' sems dpa' chen pos ni stong pa nyid dang / mtshan ma med pa dang / smon pa med pa la bslab par bya ba ma gtogs par gzhan la bslab par bya ba med do/ / de ci'i phyir zhe na/ rnam par thar pa'i sgo 'di gsum du dge ba'i chos thams cad ma 'dus pa med de / 'di ltar rang gi mtshan nyid kyis stong pa nyid ni stong pa nyid rnam par thar pa'i sgo'o/ /mtshan ma dang bral ba ni mtshan ma med pa rnam par thar pa'i sgo'o/ /mngon par 'du bya ba med pa ni smon pa med pa rnam par thar pa'i sgo ste/rnam par thar pa'i sgo gsum po 'di dag la slob pa'i byang chub sems dpa' sems dpa' chen po ni phung po lnga la slob pa yin/ skye mched bcu gnyis la slob pa yin/ khams bco brgyad la slob pa yin/ rten cing 'brel par 'byung ba'i yan lag bcu gnyis la slob pa ste /pha rol tu phyin pa drug la slob pa yin/ nang stong pa nyid la slob pa yin/ dngos po med pa'i ngo bo nyid stong pa nyid kyi bar la slob pa yin/ dran pa nye bar gzhag pa bzhi la slob pa yin/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang /stobs lnga dang / byang chub kyi yan lag bdun dang / 'phags pa'i lam yan lag brgyad pa la slob pa yin/ 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin thams cad dang / gzungs kyi sgo thams cad la slob pa yin/ de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos pa 'dres pa bco brgyad la slob pa yin/ rnam pa thams cad mkhyen pa nyid kyi bar la slob pa yin no/ /rab 'byor gyis gsol pa/ bcom ldan 'das rnam pa gang gi tshul du ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/nye bar len pa'i phung po lnga la slob pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gzugs rab tu shes te/ gzugs ji ltar skye ba dang / gzugs ji ltar 'gag pa dang / gzugs kyi de bzhin nyid ji lta bu yin par rab tu shes so/ /de la ji ltar na gzugs shes pa yin zhe na/ 'di lta ste dper na dbu ba'i phung po snying po med pa ltar shin tu gsong ldong dang /shin tu gse tshags dang / shin tu snying po med par rab tu shes te / de ltar gzugs shes pa yin no/ /ji ltar gzugs kyi skye ba dang / 'jig pa shes pa yin zhe na/ gzugs ni gang nas kyang 'ong ba med cing gang du yang 'gro ba med pas gang nas kyang mi 'ong / gang du yang mi 'gro ste/gang gang nas kyang ma 'ongs pa de gang du yang ma song bar shes te/ de ltar na gzugs kyi skye ba dang / 'jig pa shes pa yin no/ /ji ltar na gzugs kyi de bzhin nyid shes pa yin zhe na/ gzugs kyi de bzhin nyid ni mi skye mi 'gag 'ong ba med 'gro ba med kun nas nyon mongs pa ma yin/ rnam par byang ba ma yin/'bri ba ma yin/[ (]'phal [,]'phel [)]ba ma yin te/ phyin ci log ma yin zhing de bzhin nyid du gnas pa ste/ de'i phyir de bzhin nyid ces bya'o/ /de ltar na gzugs kyi de bzhin nyid shes pa yin no/ /ji ltar na tshor ba shes pa yin zhe na/ 'di lta ste dper na chu'i chu bur gsog tu 'dug pa skye zhing 'gag pa ltar shes pa ste/de ltar na tshor ba shes pa yin no/ /ji ltar na tshor ba'i skye ba dang / 'jig pa shes pa yin zhe na/ tshor ba ni gang nas kyang 'ong ba med cing gang du yang 'gro ba med pas gang nas kyang mi 'ong gang du yang mi 'gro ba ste/ gang gang nas kyang ma 'ongs pa de gang du yang ma 'ongs par shes pa ste/de ltar na tshor ba'i skye ba dang / 'jig pa shes pa yin no/ /ji ltar na tshor ba'i de bzhin nyid shes pa yin zhe na/ tshor ba'i de bzhin nyid ni mi skye ste mi 'gag 'ong ba med 'gro ba med kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing de bzhin nyid du gnas pa ste/de'i phyir de bzhin nyid ces bya'o/ /de ltar na tshor ba'i de bzhin nyid shes pa yin no/ /ji ltar na 'du shes shes pa yin zhe na/ 'di lta ste dper na/ smig rgyu la chu shin tu mi dmigs pa ltar shes pa ste/ de ltar na 'du shes shes pa yin no/ /ji ltar na 'du shes kyi skye ba dang /'jig pa shes pa yin zhe na/ 'du shes ni gang nas kyang 'ong ba med cing gang du yang 'gro ba med pas gang nas kyang mi 'ong gang du yang mi 'gro ste/ gang gang nas kyang ma 'ongs pa de gang du yang ma song bar shes pa ste/ de ltar na 'du shes kyi skye ba dang 'jig pa shes pa yin no/ /ji ltar na 'du shes kyi de bzhin nyid shes pa yin zhe na/'du shes kyi de bzhin nyid ni mi skye mi 'gag 'ong ba med 'gro ba med/ kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ de phyin ci log ma yin zhing de bzhin nyid du gnas pa ste/ de'i phyir de bzhin nyid ces bya'o/ / de ltar na 'du shes kyi de bzhin nyid shes pa yin no/ /ji ltar na 'du byed rnams shes pa yin zhe na/ 'di lta ste dper na/ chu shing gi shun pa so sor phye na snying po shin tu mi dmigs pa ltar shes par bya ste/ de ltar na 'du byed rnams shes pa yin no/ /ji ltar na 'du byed rnams kyi skye ba dang 'jig pa shes pa yin zhe na/'du byed rnams ni gang nas kyang 'ong ba med cing gang du yang 'gro ba med pas gang nas kyang mi 'ong / gang du yang mi 'gro ste/ gang gang nas kyang ma 'ongs pa de gang du yang ma song bar shes pa ste/ de ltar na 'du byed rnams kyi skye ba dang 'jig pa shes pa yin no/ /ji ltar na 'du byed kyi de bzhin nyid shes pa yin zhe na/'du byed kyi de bzhin nyid ni mi skye mi 'gag 'ong ba med 'gro ba med/ kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing de bzhin nyid du gnas pa ste/ de'i phyir de bzhin nyid ces bya'o/ /de ltar na 'du byed rnams kyi de bzhin nyid shes pa yin no//ji ltar na rnam par shes pa shes pa yin zhe na/ 'di lta ste dper na/ sgyu ma byed par sprul pa'i dpung gi tshogs yan lag bzhi pa ltar shes pa ste/ de ltar na rnam par shes pa shes pa yin no/ /ji ltar na rnam par shes pa'i skye ba dang 'jig pa shes pa yin zhe na/rnam par shes pa ni gang gang nas kyang 'ong ba med cing gang du yang 'gro ba med pas gang nas kyang mi 'ong ba gang du yang mi 'gro ba ste/ gang gang nas kyang ma 'ongs pa de gang du yang ma song bar shes pa ste/ de ni rnam par shes pa'i skye ba dang 'jig pa shes pa yin no/ /ji ltar na rnam par shes pa'i de bzhin nyid shes pa ma yin zhe na/rnam par shes pa'i de bzhin nyid ni mi skye mi 'gag 'ong ba med 'gro ba med/ kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing de bzhin nyid du gnas pa ste/ de'i phyir de bzhin nyid ces bya'o/ /de ltar na rnam par shes pa'i de bzhin nyid shes pa yin no//ji ltar na skye mched rnams shes pa yin zhe na/ mig dang / rna ba dang / sna dang / lce dang / lus dang / yid rnams ni mig dang / rna ba dang / sna dang / lce dang / lus dang / yid rnams kyis stong ngo / /nang gi chos rnams ni nang gi chos rnams kyis stong ngo / /phyi'i chos rnams kyang phyi'i chos rnams kyis stong par shes te/de ltar na skye mched rnams shes pa yin no/ /ji ltar na khams rnams shes pa yin zhe na/ mig gi khams kyang mig gi khams kyi rang bzhin gyis stong ngo / /gzugs kyi khams kyang gzugs kyi khams kyi rang bzhin gyis stong ngo / /mig gi rnam par shes pa'i khams kyang mig gi rnam par shes pa'i khams kyi rang bzhin gyis stong ngo //rna ba dang / sna dang / lce dang / lus dang / yid kyi khams kyang yid kyi khams kyi rang bzhin gyis stong ngo / /chos kyi khams kyang chos kyi khams kyi rang bzhin gyis stong ngo / /yid kyi rnam par shes pa'i khams kyang yid kyi rnam par shes pa'i khams kyi rang bzhin gyis stong ngo zhes bya bar shes te/de ltar na khams rnams shes pa yin no/ /sa'i khams ni sa'i khams kyi rang bzhin gyis stong ngo / /de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni rang gi ngo bos stong par shes so/ /ji ltar na rten cing 'brel par 'byung ba shes pa yin zhe na/rten cing 'brel par 'byung ba skye ba med par shes pa dang / de bzhin du rten cing 'brel par 'byung ba 'gag pa med pa dang / chad pa med pa dang / rtag pa med pa dang / don gcig pa ma yin pa dang / don tha dad pa ma yin pa dang / 'ong ba med pa dang / 'gro ba med pa dang / spros pa dang bral zhing zhi bar shes pa de ltar na rten cing 'brel par 'byung ba shes pa yin no/ /ji ltar na 'phags pa'i bden pa rnams shes pa yin zhe na/ sdug bsngal 'phags pa'i bden pa shes pa yin/ kun 'byung ba dang / 'gog pa dang / 'gog par 'gro ba'i lam 'phags pa'i bden pa shes pa yin te/ ji ltar na sdug bsngal 'phags pa'i bden pa shes pa yin zhe na/sdug bsngal shes pa yin/ bden pa shes pa yin/ 'phags pa'i bden pa shes pa yin/ gnyis las rnam par grol ba 'phags pa'i bden pa ste/ gnyis su med pa ni 'phags pa'i bden pa zhes bya ba shes pa yin no/ /de bzhin du kun 'byung ba dang /'gog pa dang / 'gog par 'gro ba'i lam 'phags pa'i bden pa shes pa yin te/ de ltar na 'phags pa'i bden pa rnams shes pa yin no/ /ji ltar na sdug bsngal gyi de bzhin nyid shes pa yin zhe na/ sdug bsngal gyi de bzhin nyid ni ma nor ba zhes bya bar shes pa yin no/ /de bzhin du kun 'byung ba dang /'gog pa dang / lam gyi de bzhin nyid kyang rab tu shes pa yin te/ de ltar na 'phags pa'i bden pa rnams kyi de bzhin nyid shes pa yin no/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/phan tshun tha dad pa'i chos de dag de ltar 'tshal na/ des chos kyi dbyings rnam par dkrugs par mi 'gyur ram/ bcom ldan 'das kyis bka' stsal pa/ rab 'byor gal te chos kyi dbyings su ma gtogs pa'i chos la la zhig yod na ni rnam par dkrugs par yang 'gyur te/rab 'byor chos kyi dbyings su ma gtogs pa'i chos gzhan gang yang mi dmigs so/ /gal te dmigs na ni chos kyi dbyings kyang rnam par dkrugs par 'gyur ro/ /de ci'i phyir zhe na/ rab 'byor de bzhin gshegs pa'am/ byang chub sems dpa' 'am/ rang sangs rgyas sam/ de bzhin gshegs pa'i nyan thos kyis chos kyi dbyings su ma gtogs pa'i chos gang yang mi dmigs so/ /de ltar mi dmigs pas chos kyi dbyings su ma gtogs pa'i chos gzhan no zhes btags pa med do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i chos kyi dbyings la bslab par bya'o//rab 'byor gyis gsol pa/ bcom ldan 'das byang chub sems dpa' sems dpa' chen po chos kyi dbyings la slob pas gang la bslab par 'gyur/ bcom ldan 'das kyis bka' stsal pa/ rab 'byor chos kyi dbyings la spyod pa'i byang chub sems dpa' sems dpa' chen pos ni chos thams cad la bslab par 'gyur te/de ci'i phyir zhe na/ rab 'byor 'di ltar chos thams cad chos kyi dbyings so/ /gsol pa/ bcom ldan 'das ci'i slad du chos thams cad chos kyi dbyings lags/ bcom ldan 'das kyis bka' stsal pa/ rab 'byor 'di lta ste/ de bzhin gshegs pa rnams byung yang rung ma byung yang rung ste/ dbyer med pa'i tshul gyis chos rnams kyi chos kyi dbyings ni de bzhin nyid du gnas pa ste/ rab 'byor chos kyi dbyings ni 'di lta ste/ dge ba dang mi dge ba'i chos dang / 'jig rten pa dang 'jig rten las 'das pa dang /zag pa dang bcas pa dang / zag pa med pa'i chos dang / kha na ma tho ba dang bcas pa dang / kha na ma tho ba med pa'i chos dang / 'dus byas dang 'dus ma byas kyi chos thams cad de rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa chos kyi dbyings la slob pas chos thams cad la bslab par 'gyur ro//gsol pa/ bcom ldan 'das gal te chos thams cad chos kyi dbyings lags na/ byang chub sems dpa' sems dpa' chen po shes rab kyi pha rol tu phyin pa la spyod pas ji ltar gzugs la bslab par bgyi/ ji ltar tshor ba dang / 'du shes dang / 'du byed rnams dang / rnam par shes pa la bslab par bgyi/ ji ltar skye mched dang / khams dang / rten cing 'brel par 'byung ba la bslab par bgyi/ ji ltar sbyin pa'i pha rol tu phyin pa la bslab par bgyi/ ji ltar tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la bslab par bgyi/ ji ltar nang stong pa nyid la bslab par bgyi/ ji ltar dngos po med pa'i ngo bo nyid stong pa nyid kyi bar la bslab par bgyi/ ji ltar dran pa nye bar gzhag pa bzhi la bslab par bgyi/ji ltar yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la bslab par bgyi/ ji ltar 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa drug dang / ting nge 'dzin thams cad dang / gzungs kyi sgo thams cad la bslab par bgyi/ji ltar de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa bco brgyad la bslab par bgyi/ ji ltar mi chen po'i mtshan sum cu rtsa gnyis dang /dpe byad bzang po brgyad cu yongs su grub par bgyi ba la bslab par bgyi/ ji ltar rgyal rigs che zhing mtho ba'i rigs su skye bar bgyi ba la bslab par bgyi/ ji ltar bram ze'i rigs che zhing mtho ba'i rigs dang / ji ltar khyim bdag gi rigs che zhing mtho ba'i rigs su skye bar bgyi ba la bslab par bgyi/ji ltar rgyal chen bzhi'i ris kyi lhar skye bar bgyi ba dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang /snang ba dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can gyi lha rnams su skye bar bgyi ba'i slad du bslab par bgyi/ ji ltar gnas gtsang ma'i ris kyi lhar skye bar bgyi ba la bslab cing /der yang mi skye bar bgyi/ ji ltar nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min gyi skye mched kyi lhar skye bar bgyi ba la bslab cing der yang mi skye bar bgyi/ji ltar sems dang po bskyed pa la bslab par bgyi/ ji ltar sems bskyed pa gnyis pa dang / gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa dang / sems bskyed pa bcu pa la bslab par bgyi/ ji ltar nyan thos kyi sa dang / rang sangs rgyas kyi sa la bslab par bgyi/ji ltar byang chub sems dpa'i skyon ma mchis pa dang / sems can yongs su smin par bgyi ba dang / sangs rgyas kyi zhing yongs su dag par bgyi ba la bslab par bgyi/ ji ltar byang chub kyi lam la bslabs shing chos thams cad rnam pa thams cad du btsal bar bgyi ba'i byang chub kyi lam la bslab par bgyi/bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pas gzugs la bslab par bgyi/ tshor ba dang / 'du shes dang / 'du byed rnams dang / rnam par shes pa la bslab par bgyi/ skye mched dang / khams dang / rten cing 'brel par 'byung ba la bslab par bgyi/sbyin pa'i pha rol tu phyin pa la bslab par bgyi/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la bslab par bgyi/ nang stong pa nyid la bslab par bgyi/dngos po med pa'i ngo bo nyid stong pa nyid kyi bar la bslab par bgyi/ byang chub kyi phyogs kyi chos sum cu rtsa bdun la bslab par bgyi/ 'phags pa'i bden pa rnams dang / bsam gtan dang / tshad med pa dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la bslab par bgyi/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams la bslab par bgyi/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu la bslab par bgyi/ dgra bcom pa nyid dang / rang byang chub la bslab par bgyi/rnam pa thams cad mkhyen pa nyid kyi bar la bslab par bgyi na/ bcom ldan 'das de'i slad du byang chub sems dpa' sems dpa' chen po phyin ci log la spyod pa'am/ mi spro ba spro bar bgyid par mi 'gyur ba lags grang / bcom ldan 'das de ci'i slad du zhe na/ chos kyi dbyings la ni rnam par rtog pa de dag ma mchis te/gzugs kyang chos kyi dbyings ma lags/ gzugs las gud na yang chos kyi dbyings ma mchis te/ gzugs nyid kyang chos kyi dbyings so/ /chos kyi dbyings kyang gzugs so/ /tshor ba dang / 'du shes dang / 'du byed rnams dang / rnam par shes pa'ang chos kyi dbyings ma lags/rnam par shes pa las gud na yang chos kyi dbyings ma mchis te/ rnam par shes pa nyid kyang chos kyi dbyings so/ /chos kyi dbyings nyid kyang rnam par shes pa'o/ /skye mched dang / khams dang / rten cing 'brel par 'byung ba yang chos kyi dbyings ma lags/ rten cing 'brel par 'byung ba las gud na yang chos kyi dbyings ma mchis te/rten cing 'brel par 'byung ba nyid kyang chos kyi dbyings so/ /chos kyi dbyings nyid kyang rten cing 'brel par 'byung ba'o/ /pha rol tu phyin pa rnams dang / stong pa nyid rnams dang / byang chub kyi phyogs kyi chos sum cu rtsa bdun yang chos kyi dbyings ma lags/ byang chub kyi phyogs kyi chos las gud na yang chos kyi dbyings ma mchis te /byang chub kyi phyogs kyi chos rnams kyang chos kyi dbyings so/ /chos kyi dbyings nyid kyang byang chub kyi phyogs kyi chos rnams so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang /rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyang chos kyi dbyings ma lags/ gzungs kyi sgo rnams las gud na yang chos kyi dbyings ma mchis te/ gzungs kyi sgo nyid kyang chos kyi dbyings so/ /chos kyi dbyings nyid kyang gzungs kyi sgo rnams so/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /byams pa chen po dang / snying rje chen po dang / sangs rgyas kyi chos ma 'dres pa rnams kyang chos kyi dbyings ma lags/ sangs rgyas kyi chos ma 'dres pa rnams las gud na yang chos kyi dbyings ma mchis te/ sangs rgyas kyi chos ma 'dres pa rnams kyang chos kyi dbyings so/ /chos kyi dbyings nyid kyang sangs rgyas kyi chos ma 'dres pa rnams so//rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyang chos kyi dbyings ma lags/ rang byang chub las gud na yang chos kyi dbyings ma mchis te/ rang byang chub nyid kyang chos kyi dbyings so//chos kyi dbyings nyid kyang rang byang chub bo/ /rnam pa thams cad mkhyen pa nyid kyi bar yang chos kyi dbyings ma lags/ rnam pa thams cad mkhyen pa nyid las gud na yang chos kyi dbyings ma mchis te/ rnam pa thams cad mkhyen pa nyid kyang chos kyi dbyings so/ /chos kyi dbyings nyid kyang rnam pa thams cad mkhyen pa nyid do//bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin no/ /gzugs nyid kyang chos kyi dbyings so/ /chos kyi dbyings nyid kyang gzugs so/ /de bzhin du tshor ba dang / 'du shes dang / 'du byed rnams dang /rnam par shes pa nyid kyang chos kyi dbyings so/ /chos kyi dbyings nyid kyang rnam par shes pa'o/ /skye mched dang / khams dang / rten cing 'brel par 'byung ba nyid kyang chos kyi dbyings so/ /chos kyi dbyings nyid kyang rten cing 'brel par 'byung ba'o/ /pha rol tu phyin pa rnams dang / stong pa nyid thams cad dang /byang chub kyi phyogs kyi chos sum cu rtsa bdun nyid kyang chos kyi dbyings so/ /chos kyi dbyings nyid kyang byang chub kyi phyogs kyi chos rnams so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo nyid kyang chos kyi dbyings so/ /chos kyi dbyings nyid kyang gzungs kyi sgo rnams so/ /de bzhin gshegs pa'i stobs dang /mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bco brgyad nyid kyang chos kyi dbyings so/ /chos kyi dbyings nyid kyang sangs rgyas kyi chos ma 'dres pa rnams so/ /rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid dang / rang byang chub nyid kyang chos kyi dbyings so/ /chos kyi dbyings nyid kyang rang byang chub bo/ /rnam pa thams cad mkhyen pa nyid kyi bar yang chos kyi dbyings so/ /chos kyi dbyings nyid kyang rnam pa thams cad mkhyen pa nyid do//rab 'byor gal te yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos kyi dbyings las ma gtogs pa'i chos gzhan 'ga' zhig mthong na ni bla na med pa yang dag par rdzogs pa'i byang chub la gnas par mi 'gyur te/ chos thams cad ni chos kyi dbyings yin pas/de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad chos kyi dbyings su shes nas chos thams cad ming med pa la ming gi brdas chos ston te/ 'di ni gzugs zhes bya'o/ /tshor ba dang / 'du shes dang / 'du byed rnams dang /rnam par shes pa zhes bya'o/ /'di dag ni skye mched dang / khams dang / rten cing 'brel par 'byung ba zhes bya'o/ /'di dag ni pha rol tu phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun zhes bya'o/ /'di dag ni 'phags pa'i bden pa rnams so / / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams zhes bya'o/ /'di dag ni de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams so/ /'di ni bla na med pa yang dag par rdzogs pa'i byang chub kyi bar zhes bya'o zhes chos ston to zhes bya ba ni kun nas nyon mongs pa dang rnam par byang ba rtogs pa la 'god pa'i phrin las yin no// //rab 'byor 'di lta ste dper na sgyu ma'i mkhan po'am sgyu ma byed pa'i mchan bu mkhas pa zhig gis rdzas kyi rnam pa 'ga' zhig la brten te/ gzugs kyi bye brag sna tshogs 'di lta ste/ glang po'i gzugs sam/ rta'i gzugs sam/ ba lang gi gzugs sam/ rnga mo dang lug gi gzugs sam/ skyes pa dang / bud med dang / khye'u dang / bu mo'i gzugs sam/ skyed mos tshal lam/ gzhal med khang dang / dka' thub kyi nags tshal dang / kun dga'i ra ba mdangs dga' ba dang /rdzing bu mdangs dga' ba dang / nags tshal mdangs dga' ba dag sprul zhing de dag tu bstan / 'khor gyi stan dang / gzhi rnam pa sna tshogs bting ste/ me tog dang / phreng ba dang / spos dang / byug pa dang / kha zas dang / spyan gzigs zhim po dag bstan tam/ glu dang sil snyan gyis skye bo dga' bar byas sam/sbyin pa yongs su gtong ba'am/ tshul khrims srung ba'am/ bzod pa sgrub pa'am/ brtson 'grus rtsom pa'am/ ting nge 'dzin gyis rnam par rtse ba'am/ shes rab sgom pa'am/ rnam pa de lta bu dag gis skye bo dga' bar byas te/ rgyal rigs shing sA la chen po lta bu'i rigs bstan tam/bram ze'i rigs shing sA la chen po lta bu'i rigs dang / khyim bdag gi rigs shing sA la chen po lta bu'i rigs bstan tam/ ri rab bstan tam/ rgyal chen bzhi'i ris kyi lha rnams bstan tam/ sum cu rtsa gsum gyi lha rnams dang / 'thab bral dang / dga' ldan dang /'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang /'du shes med pa'i sems can gyi lha rnams bstan tam/ mi che ba'i lha rnams bstan tam/ mi gdung ba'i lha rnams bstan tam/ legs mthong gi lha rnams dang / rab lta'i lha rnams dang / 'og min gyi lha rnams bstan tam/ nam mkha' mtha' yas skye mched dang / rnam shes mtha' yas skye mched dang /cung zad med pa'i skye mched dang / 'du shes med 'du shes med min skye mched kyi lha gzugs med pa rnams bstan tam/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas mang po bstan tam/ byang chub sems dpa' sems dpa' chen po sems dang po bskyed pa nas nye bar bzung ste/sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang /stong pa nyid thams cad dang / byang chub kyi phyogs kyi chos rnams dang / bsam gtan dang / rnam par thar pa dang / ting nge 'dzin dang /[ (]snyems [,]snyoms [)]par 'jug pa la spyod pa dang / sa dang po yongs su rdzogs par byed pa dang / sa bcu pa'i bar du yongs su rdzogs par byed pa dang / byang chub sems dpa'i [(]skyen [,]skyon [)]med pa dang /mngon par shes pa mngon par sgrub pa dang / mngon par shes pa de dag gis rnam par rtse zhing 'jig rten gyi khams snang bar byed pa dang / sems can rnams yongs su smin par byed pa dang / sangs rgyas kyi zhing yongs su dag par byed pa dang / yan lag dang nying lag yongs su gtong ba dang /spyad par dka' ba'i spyad pa spyod pa dang / de bzhin gshegs pa'i stobs rnams yongs su sgrub pa dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams yongs su sgrub pa dang / snying rje chen po yongs su sgrub pa de dag bstan tam/sangs rgyas kyi sku yan lag dang nying lag thams cad yongs su rdzogs par bstan na/ de la sems can byis pa'i ngang tshul can dag 'di snyam du sems te/ kye ma mi 'dis legs par bslabs pa ngo mtshar che'o/ /re mdzes dag byed/ de ltar skye bo dga' bar byed cing / gzugs kyi bye brag sna tshogs 'di lta ste/glang po'i gzugs dang / rta'i gzugs dang / sangs rgyas kyi sku yan lag dang / nying lag thams cad yongs su rdzogs pa'i bar du ston pa ni ngo mtshar che'o zhes ngo mtshar cher 'dzin to/ /de la skyes bu mkhas shing gsal ba yid rno ba dang ldan pa spyod pa dam pa dang ldan pa rnams ni 'di snyam ste/'di la chos gang yang dmigs su med na mi 'di de ltar med pa'i chos kyis skye bo mang po 'di dag dga' bar byed pa ni ngo mtshar rmad du byung ba'i chos so snyam ste/ sems can de dag ni dngos po med pa la dngos por 'du shes pa'o zhes bya bar de dag gis shes par 'byung ngo //rab 'byor de bzhin du byang chub sems dpa' sems dpa' chen po yang shes rab kyi pha rol tu phyin pa la spyod pa'i tshe/ chos kyi dbyings su ma gtogs pa'i chos gang yang mi mthong ste/ thabs mkhas pas sems can rnams yongs su smin par byed kyang / sems can mi dmigs sems can du gdags pa yang mi dmigs te zhes bya ba ni sems can rnams don ji lta ba bzhin du 'god pa'i phrin las yin no// //de bdag kyang sbyin pa gtong ba yin/ gzhan yang sbyin pa la yang dag par bskul ba yin/ sbyin pa'i legs pa brjod pa yin/ sems can gang sbyin pa gtong ba de dag gi legs pa brjod cing mthun pas dga' bar byed pa yin/bdag kyang tshul khrims srung ba yin/ gzhan yang tshul khrims la yang dag par bskul ba yin/ tshul khrims kyi legs pa brjod pa yin/ sems can gzhan gang tshul khrims srung ba de dag gi legs pa brjod cing mthun pas dga' bar spyod pa yin/bdag kyang bzod pa sgom pa yin/ gzhan yang bzod pa sgom pa la yang dag par bskul ba yin/ bzod pa'i legs pa brjod pa yin/ sems can gzhan gang bzod pa sgom pa de dag gi legs pa brjod cing mthun pas dga' bar spyod pa yin/ bdag kyang brtson 'grus rtsom pa yin/gzhan yang brtson 'grus rtsom pa la yang dag par bskul ba yin/ brtson 'grus kyi legs pa brjod pa yin/ sems can gzhan gang brtson 'grus rtsom pa de dag gi legs pa brjod cing mthun pas dga' bar spyod pa yin/ bdag kyang ting nge 'dzin la snyoms par 'jug pa yin/gzhan yang ting nge 'dzin la yang dag par bskul ba yin/ ting nge 'dzin gyi legs pa brjod pa yin/ sems can gzhan gang gis ting nge 'dzin la snyoms par 'jug pa de dag gi legs pa brjod cing mthun pas dga' bar spyod pa yin/ bdag kyang shes rab sgom pa yin/ gzhan yang shes rab sgom pa la yang dag par bskul ba yin/shes rab kyi legs pa brjod pa yin/ sems can gzhan gang shes rab sgom pa de dag gi legs pa brjod cing mthun pas dga' bar spyod pa yin zhes bya ba ni pha rol tu phyin pa drug la 'god pa'i phrin las yin no// //bam po drug cu dgu pa/ bdag kyang dge ba bcu'i las kyi lam yang yang dag par 'dzin pa yin/ gzhan yang dge ba bcu'i las kyi lam la yang dag par bskul ba yin/ dge ba bcu'i las kyi lam gyi legs pa brjod pa yin/ sems can gzhan yang dge ba bcu'i las kyi lam yang dag par 'dzin pa de dag gi legs pa brjod cing mthun pas dga' bar spyod pa yin/bdag kyang bslab pa'i gnas lnga yang dag par 'dzin pa yin/ gzhan yang bslab pa'i gnas lnga la yang dag par bskul ba yin/ bslab pa'i gnas lnga'i legs pa brjod pa yin/ sems can gzhan gang bslab pa'i gnas lnga yang dag par 'dzin pa de dag gi legs pa brjod cing mthun pas dga' bar spyad pa yin/bdag kyang yan lag brgyad dang ldan pa'i gso sbyong la nye bar gnas pa yin/ gzhan yang yan lag brgyad dang ldan pa'i gso sbyong la yang dag par bskul ba yin/ yan lag brgyad dang ldan pa'i gso sbyong gi legs pa brjod pa yin/sems can gzhan gang yan lag brgyad dang ldan pa'i gso sbyong la nye bar gnas pa de dag gi legs pa brjod cing mthun pas dga' bar spyod pa yin/ bdag kyang bsam gtan dang po la snyoms par 'jug pa yin/ gzhan yang bsam gtan dang po la yang dag par bskul ba yin/bsam gtan dang po'i legs pa brjod pa yin/ sems can gzhan gang bsam gtan dang po la snyoms par 'jug pa de dag gi legs pa brjod cing mthun pas dga' bar spyod pa yin/ bdag kyang bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug pa yin/gzhan yang bsam gtan bzhi pa la yang dag par bskul ba yin/ bsam gtan bzhi pa'i legs pa brjod pa yin/ sems can gzhan gang bsam gtan bzhi pa la snyoms par 'jug pa de dag gi legs pa brjod cing mthun pas dga' bar spyod pa yin/bdag kyang byams pa dang / snying rje dang / dga' ba dang / btang snyoms la snyoms par 'jug pa yin/ gzhan yang btang snyoms la yang dag par bskul ba yin/ btang snyoms kyi legs pa brjod pa yin/ sems can gzhan gang btang snyoms la snyoms par 'jug pa de dag gi legs pa brjod cing mthun pas dga' bar spyod pa yin/bdag kyang nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la snyoms par 'jug pa yin/ gzhan yang 'du shes med 'du shes med min skye mched la yang dag par bskul ba yin/'du shes med 'du shes med min skye mched kyi legs pa brjod pa yin/ sems can gzhan gang 'du shes med 'du shes med min skye mched la snyoms par 'jug pa de dag gi legs pa brjod cing mthun pas dga' bar spyod pa yin/ bdag kyang byang chub kyi phyogs kyi chos sum cu rtsa bdun sgom pa yin/ gzhan yang byang chub kyi phyogs kyi chos sum cu rtsa bdun la yang dag par bskul ba yin/ byang chub kyi phyogs kyi chos sum cu rtsa bdun gyi legs pa brjod pa yin/ sems can gzhan gang byang chub kyi phyogs kyi chos sum cu rtsa bdun sgom pa de dag gi legs pa brjod cing mthun pas dga' bar spyod pa yin/bdag kyang rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga dang / ting nge 'dzin rnams dang / gzungs kyi sgo rnams sgom pa yin/gzhan yang gzungs kyi sgo la yang dag par bskul ba yin/ gzungs kyi sgo rnams kyi legs pa brjod pa yin/ sems can gzhan gang gzungs kyi sgo rnams sgom pa de dag gi legs pa brjod cing mthun pas dga' bar spyod pa yin/ bdag kyang de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad sgom pa yin/ gzhan yang sangs rgyas kyi chos ma 'dres pa bco brgyad la yang dag par bskul ba yin/ sangs rgyas kyi chos ma 'dres pa bco brgyad kyi legs pa brjod pa yin/sems can gzhan gang sangs rgyas kyi chos ma 'dres pa bco brgyad sgom pa de dag gi legs pa brjod cing mthun pas dga' bar spyod pa yin/ bdag kyang skyes bu chen po'i mtshan sum cu rtsa gnyis dang / dpe byad bzang po brgyad cu sgrub pa yin/ gzhan yang skyes bu chen po'i mtshan sum cu rtsa gnyis dang /dpe byad bzang po brgyad cu la yang dag par bskul ba yin/ skyes bu chen po'i mtshan sum cu rtsa gnyis dang / dpe byad bzang po brgyad cu'i legs pa brjod pa yin/ sems can gzhan gang skyes bu chen po'i mtshan sum cu rtsa gnyis dang / dpe byad bzang po brgyad cu sgrub pa de dag gi legs pa brjod cing mthun pas dga' bar spyod pa yin zhes bya ba ni sangs rgyas kyi lam la 'god pa'i phrin las yin no// //rab 'byor gal te chos kyi dbyings sngon ji lta bar phyis kyang de bzhin ma yin / bar du yang de bzhin du ma yin du zin na ni byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pas sems can rnams la chos kyi dbyings ston par mi 'gyur/ sems can rnams yongs su smin par byed par mi 'gyur/ sangs rgyas kyi zhing yongs su dag par byed par mi 'gyur te/ rab 'byor chos kyi dbyings de sngon ji lta bar phyis kyang de bzhin/bar du yang de bzhin du bas/ de'i phyir byang chub sems dpa' sems dpa' chen po yang shes rab kyi pha rol tu phyin pa la spyod pa'i tshe/ thabs mkhas pas sems can rnams la chos kyi dbyings ston to/ /sems can rnams kyi don du byang chub sems dpa'i spyod pa spyod do/ /sems can rnams yongs su smin par byed do//sangs rgyas kyi zhing yongs su dag par byed do/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de ltar gal te sems can yang shin tu dmigs su ma mchis la/ sems can du dmigs pa yang ma mchis na/ su'i don du byang chub sems dpa' sems dpa' chen po shes rab kyi pha rol tu phyin pa la sgom pa lags/de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po ni yang dag pa'i mtha' tshad mar byas shing shes rab kyi pha rol tu phyin pa la sgom ste/rab 'byor gal te yang dag pa'i mtha' yang gzhan la/ sems can gyi mtha' yang gzhan zhig yin na ni byang chub sems dpa' sems dpa' chen po yang shes rab kyi pha rol tu phyin pa la bsgom par mi 'gyur te/ rab 'byor yang dag pa'i mtha' yang gzhan ma yin/sems can gyi mtha' yang gzhan ma yin pas/ de'i phyir byang chub sems dpa' sems dpa' chen po yang sems can rnams kyi don du shes rab kyi pha rol tu phyin pa sgom ste/ shes rab kyi pha rol tu phyin pa sgom pa'i byang chub sems dpa' sems dpa' chen po yang dag pa'i mtha' rnam par 'khrugs pa med par sems can rnams yang dag pa'i mtha' la 'god do//gsol pa/ bcom ldan 'das gal te de ltar yang dag pa'i mtha' yang gzhan ma lags/ sems can gyi mtha' yang gzhan ma lags na/ yang dag pa'i mtha' yang dag pa'i mtha' la gnas par 'gyur ram/bcom ldan 'das gal te yang dag pa'i mtha' yang dag pa'i mtha' la gnas par 'gyur na ni des rang bzhin rang bzhin la gnas par 'gyur te/ bcom ldan 'das rang bzhin la rang bzhin gnas pa ma mchis na/ bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sems can rnams yang dag pa'i mtha' la 'god pa lags/ bcom ldan 'das kyis bka' stsal pa/ rab 'byor yang dag pa'i mtha' la yang dag pa'i mtha' gnas par 'gyur ba yang med/ rang bzhin la rang bzhin gnas par 'gyur ba yang med na/'on te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can gyi mtha' yang dag pa'i mtha' la 'god de / yang dag pa'i mtha' rnam par 'khrug par mi byed do/ /de ci'i phyir zhe na sems can gyi mtha' yang gzhan ma yin/yang dag pa'i mtha' yang gzhan ma yin te/ de ltar na sems can gyi mtha' dang / yang dag pa'i mtha' de la gnyis su med de gnyis su byar med do/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pa dang ldan pas sems can rnams yang dag pa'i mtha' la 'god kyang yang dag pa'i mtha' rnam par 'khrug par mi bgyid pa de lta bu'i thabs gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sems dang po bskyed pa nas nye bar bzung ste/ sems can rnams sbyin pa la rab tu 'god do/ /sbyin pa la rab tu bkod nas/ sbyin pa de'i thog ma'i mtha' dang / tha ma'i mtha' dang dbus ston te/ ji ltar sbyin pa de'i thog ma'i mtha' yang stong / tha ma'i mtha' yang stong / dbus kyang stong pa de ltar sbyin pa'i 'bras bu yang stong / sbyin bdag kyang stong / len pa yang stong par ston zhing / rigs kyi bu de ltar yang dag pa'i mtha' la don de dag med kyis / sbyin pa yang gzhan la sbyin pa'i 'bras bu yang gzhan no snyam du ma sems shig / sbyin bdag kyang gzhan la/ len pa yang gzhan no snyam du ma sems shig /rigs kyi bu khyod nam sbyin pa yang gzhan la sbyin pa'i 'bras bu yang gzhan no snyam du mi sems / sbyin bdag kyang gzhan la len pa yang gzhan no snyam du mi sems pa de'i tshe/ khyod kyi sbyin pa 'di bdud rtsi dang bdud rtsi'i 'bras bu dang mthar bdud rtsir 'gyur te/sbyin pa 'dis gzugs yongs su ma 'dzin cing / /tshor ba dang / 'du shes dang / 'du byed rnams dang / rnam par shes pa yongs su ma 'dzin cig /de ci'i phyir zhe na/ 'di ltar khyod kyis sbyin pa 'di ni sbyin pas stong ngo / /de'i 'bras bu yang 'bras bus stong ngo //sbyin bdag kyang sbyin bdag gis stong ngo / /len pa yang len pas stong ste/ stong pa nyid la ni sbyin pa mi dmigs/ sbyin pa'i 'bras bu dang / sbyin bdag dang len pa mi dmigs so/ /de ci'i phyir zhe na/ 'di ltar chos de dag ni ngo bo nyid kyis shin tu stong ngo zhes brjod do/ /gzhan yang rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pas sems can rnams tshul khrims la 'god de/ tshur rigs kyi bu srog gcod pa spongs la srog gcod pa las phyir ldog par gyis shig /ma sbyin par len pa dang 'dod pas log par g.yem pa dang /brdzun du smra ba dang / phra ma dang / zhe gcod pa dang / tshig 'khyal pa dang / chags sems dang / gnod sems dang / log par lta ba spongs la/ log par lta ba las phyir ldog par gyis shig /rigs kyi bu chos de dag la ji ltar yongs su brtags pa de lta bu'i rang bzhin gang yang med kyis/rigs kyi bu soms dang / gang gis srog gcad par bya ba'i srog chags dang / gang gis srog gcod par byed pa de lta bu'i chos kyang gang zhig yin/ gang ma byin par len pa dang / 'dod pas log par g.yem pa dang / brdzun du smra ba dang / phra ma dang / zhe gcod pa'i tshig dang / tshig 'khyal pa dang / chags sems dang / gnod sems dang / gang log par lta ba dang / gang gis log par lta bar brtogs pa dang / gang gis log par lta bar mthong ba de lta bu'i chos kyang gang zhig yin zhes ston zhing tshul khrims la 'god de/ rab 'byor byang chub sems dpa' sems dpa' chen po thabs mkhas pa de lta bu dang ldan pas shes rab kyi pha rol tu phyin pa la spyod pa'i tshe/sems can rnams yongs su smin par byed do/ /de la sbyin pa dang tshul khrims kyi 'bras bu bstan te/ sbyin pa'i 'bras bu dang / tshul khrims kyi 'bras bu de yang ngo bo nyid kyis stong par bstan pas rigs kyi bu des sbyin pa dang tshul khrims kyi 'bras bu ngo bo nyid stong par rig nas de la mngon par zhen par mi byed do//mngon par zhen pa med pas 'khrug par mi 'gyur zhing shes rab bskyed do/ /shes rab des kyang bag la nyal ba dang / kun nas ldang ba thams cad bcad nas phung po ma lus pa'i mya ngan las 'das pa'i dbyings su yongs su mya ngan las 'da' ste/de yang 'jig rten gyi tha snyad kyi don dam par ni ma yin no/ /de ci'i phyir zhe na/ stong pa nyid la gang yongs su mya ngan las 'da' ba'am/ yongs su mya ngan las 'das pa zhes bya ba de lta bu'i chos gang yang mi dmigs te/ de'i mya ngan las 'das pa zhes bya ba ni/'di lta ste/ mtha' las 'das pa stong pa nyid do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems can phan tshun gnod par sems shing 'khrug par 'gyur ba dang ldan pa dag mthong na 'di snyam du 'dems shing ston te/rigs kyi bu bzod pa sgrubs shig /bzod pa sgoms shig /des pa dang sems zhi ba dang nang du sems pa'i ngang tshul du gyis shig /gang gnod pa byed pa dang / gang gis gnod par bya ba dang / gang la gnod par bya ba'i chos de dag ni thams cad kyang rang bzhin gyis stong pa yin gyis/rigs kyi bu gnod par byed pa ni su yod/ gnod par ni su la bya/ cis ni gnod par bya/ sems dang chos de dag thams cad ni rang bzhin gyis stong pa ste/ rang bzhin gyis stong pa gang yin pa de ni nam yang mi stong par mi 'gyur te/ de ni de bzhin gshegs pa rnams kyis ma mdzad do/ / byang chub sems dpa' dang / rang sangs rgyas dang / nyan thos rnams kyis ma byas so/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams kyis ma byas so/ /rgyal chen bzhi'i ris kyi lha rnams kyis ma byas so/ /sum cu rtsa gsum dang /'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa dang / dge rgyas dang / gnas gtsang ma dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lha rnams kyis ma byas te/de ni rtag par yang rang bzhin gyis stong ngo / /rang bzhin gyis stong pa ni su la yang gnod par mi byed do zhe na / rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod cing sems can rnams thabs mkhas pas rang bzhin gyis stong pa nyid dang rgyu dang 'bras bu la sbyor te/rang bzhin gyis stong pa nyid la bkod cing rim gyis bla na med pa yang dag par rdzogs pa'i byang chub tu yang dag par ston to/ /yang dag par bskul lo/ /yang dag par gzengs bstod do/ /yang dag par dga' bar byed do/ /gzhog go/ /'dul lo/ /rab tu 'god do//de yang 'jig rten gyi tha snyad kyi don dam par ni ma yin no/ /de ci'i phyir zhe na/ rang bzhin gyis stong pa nyid la gang thob par byed pa dang / gang gis thob par bya ba dang / gang thob par bya ba gang yang med do/ /rab 'byor 'di ni yang dag pa'i mtha' stong pa nyid de/ de la gnas shing byang chub sems dpa' sems dpa' chen po sems can rnams kyi don du gang shes rab kyi pha rol tu phyin pa la spyod de/de la sems can du dmigs pa med do/ /sems can du gdags pa dmigs su med do/ /de ci'i phyir zhe na/ 'di ltar chos thams cad sems can gyis dben pa'o/ / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can le lo can brtson 'grus chung ba dag mthong na/ 'di ltar lus dang sems kyis brtson 'grus la yang dag par bskul te/ rigs kyi bu dag [#(]ngang [,]rang [)]bzhin gyis stong pa nyid la ni chos gang yang zhum zhing le lor 'gyur ba'am/gang la zhum zhing le lor 'gyur ba'am/ gang gis zhum zhing le lor 'gyur ba'am/ gang zhum zhing le lor 'gyur ba'i chos gang yang med do/ /chos de dag thams cad kyang rang bzhin gyis stong pa nyid las mi 'da' ba yin gyis/ lus dang sems kyis brtson 'grus bskyed la/ le lo bor te dge ba'i chos sbyin pa'am/ tshul khrims sam/ bzod pa'am/ brtson 'grus sam/ bsam gtan nam/ shes rab bam/ nang stong pa nyid dam/ dngos po med pa'i ngo bo nyid stong pa nyid kyi bar ram/ dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/ stobs rnams sam/ byang chub kyi yan lag rnams sam/ 'phags pa'i lam yan lag brgyad pa'am/ 'phags pa'i bden pa rnams sam/ bsam gtan rnams sam/ tshad med pa rnams sam/gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa dang / mngon par shes pa rnams sam/ ting nge 'dzin rnams sam/ gzungs kyi sgo rnams sam/de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po dang / snying rje chen po dang / sangs rgyas kyi chos ma 'dres pa dag la brtson par gyis shig /rigs kyi bu dag stong pa nyid kyis chos de dag thams cad sgrib pa med par rtogs shig /sgrib pa med pa'i chos la zhum par 'gyur ba gang yang med do zhes rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can rnams la rang bzhin gyis stong pa nyid kyis stong pa nyid yang dag par ston to/ /yang dag par bskul lo//yang dag par gzengs bstod do/ /yang dag par dga' bar byed do/ /gzhog go /'dul lo/ /rab tu 'god do/ /ci nas kyang gnyis la mi gnas par de ltar rab tu 'god do/ /de ci'i phyir zhe na/ rang bzhin gyis stong pa nyid ni gnyis su med de gnyis su byar med do/ /gnyis su med pa'i chos ni gang la yang gnas par 'gyur ba med do//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can rnams rang bzhin gyis stong pa nyid kyi brtson 'grus la 'dems shing rjes su ston te/ tshur rigs kyi bu sbyin pa'am/ tshul khrims sam/bzod pa'am/ brtson 'grus sam/ bsam gtan nam/ shes rab bam/ nang stong pa nyid dam/ dngos po med pa'i ngo bo nyid stong pa nyid kyi bar ram/ dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/ stobs rnams sam/byang chub kyi yan lag rnams sam/ 'phags pa'i lam yan lag brgyad pa'am/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/stong pa nyid dang / mtshan ma med pa dang / smon pa med pa dang / mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/byams pa chen po'am/ snying rje chen po'am/ sangs rgyas kyi chos ma 'dres pa de dag la brtson 'grus rtsoms la/ chos de dag gnyis par yang yid la ma byed cig /mi gnyis par yang yid la ma byed cig /de ci'i phyir zhe na/ chos de dag ni rang bzhin gyis stong pa ste/rang bzhin gyis stong pa nyid ni gnyis par yid la bya ba ma yin/ mi gnyis par yang yid la bya ba ma yin no/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can rnams rang bzhin gyis stong pa nyid la yongs su smin par byed de/yongs su smin par byas nas rim gyis rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la 'god do/ /lam gyi rnam pa shes pa nyid dang / bla na med pa yang dag par rdzogs pa'i byang chub la rab tu 'god do//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can sems g.yeng ba rnams la 'di skad du 'dems shing rjes su ston te/ tshur rigs kyi bu ting nge 'dzin sgoms shig /g.yeng ba'i 'du shes sam/ ting nge 'dzin gyi 'du shes su ma byed cig /de ci'i phyir zhe na/ chos de dag ni rang bzhin gyis stong pa ste/ rang bzhin gyis stong pa nyid la ni gang yang g.yeng ba'am/ rtse gcig tu 'gyur ba'i chos de yang dmigs su med do/ /khyed kyi ting nge 'dzin de la gnas te/rang bzhin gyis stong pa nyid la spyad na/ lus dang ngag dang yid kyis dge ba'i chos gang ci byed kyang rung ste/ sbyin pa gtong ba'am/ tshul khrims srung ba'am/ bzod pa sgom pa'am/ brtson 'grus rtsom pa'am/ bsam gtan skyed pa'am/ shes rab sgom pa'am/ nang stong pa nyid la spyod dam/dngos po med pa'i ngo bo nyid stong pa nyid kyi bar la spyod dam/ dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la spyod dam/'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la spyod dam/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa bco brgyad la spyod dam/ skyes bu chen po'i mtshan sum cu rtsa gnyis la spyod dam/ dpe byad bzang po brgyad cu la spyod dam/ nyan thos kyi lam dang / rang sangs rgyas kyi lam la spyod dam/ byang chub sems dpa'i lam dang / sangs rgyas kyi lam la spyod dam/rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la spyod dam/ rnam pa thams cad mkhyen pa nyid kyi bar la spyod dam/ sems can yongs su smin par bya ba la spyod dam/ sangs rgyas kyi zhing yongs su dag par bya ba la spyod kyang rung ste/dge ba'i chos de dag tshegs chung ngus 'grub par 'gyur ro zhes 'dems shing rjes su ston te/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can rnams kyi don byas te/ sems dang po bskyed pa nas nye bar bzung nas bar 'ga' yang las mi byed par mi 'gyur gyi/ dge ba thams cad tshol zhing sems can rnams kyi don byed de/ sangs rgyas bcom ldan 'das rnams la rtag tu rgyun mi 'chad par bsnyen bkur byed cing / sangs rgyas kyi zhing nas sangs rgyas kyi zhing du yongs su 'gro ste/ sangs rgyas bcom ldan 'das de dag la chos thob pa de yang bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du tshe rabs brjes kyang nam du'ang rnam par chud mi za ste/ rtag tu rgyun mi 'chad par gzungs thob cing lus kyi dbang po'am/ ngag gi dbang po'am/yid kyi dbang po mi nyams pa yin/de ci'i phyir zhe na/ de ni 'di ltar byang chub sems dpa' sems dpa' chen po des rtag tu rgyun mi 'chad par rnam pa thams cad mkhyen pa nyid shin tu bsgoms pa des lam thams cad shin tu bsgom par 'gyur te/ nyan thos kyi lam mam/ rang sangs rgyas kyi lam mam/byang chub sems dpa'i lam mam/ sangs rgyas kyi lam la shin tu bsgom par 'gyur/ mngon par shes pa gang byang chub sems dpa' sems dpa' chen po la rnam par chud mi za ba'i tshul gyis phan par 'gyur ba de dag kyang shin tu bsgom par 'gyur te/ rnam par smin pa las byung ba'i mngon par shes pa de dag la gnas shing sems can rnams kyi don byed na 'gro ba lnga'i 'khor bar 'khor ba yang rnam pa thams cad mkhyen pa nyid las kyang yongs su mi nyams so//rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rang bzhin stong pa nyid la gnas shing thabs mkhas pas sems can rnams kyi don byed do//rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rang bzhin stong pa nyid la gnas shing sems can shes rab 'chal ba can blo chung ba rnams mthong na/ 'di skad du 'dems shing rjes su ston te/ tshur rigs kyi bu lus dang / ngag dang yid kyi las ci byed kyang rung ste/ de dag thams cad rang bzhin gyis stong pa nyid du rtogs shig dang / khyod kyi las thams cad bdud rtsi'i 'bras bur 'gyur te/ mthar bdud rtsir 'gyur ro/ /rang bzhin stong pa nyid la ni gang mngon par shes par 'gyur ba'am/yongs su nyams par 'gyur ba de lta bu'i chos gang yang dmigs su med do/ /de ci'i phyir zhe na/ 'di ltar rang bzhin stong pa nyid ni yongs su nyams par mi 'gyur/ rang bzhin stong pa nyid la yongs su nyams pa'i chos kyang gang yang med do/ /de ci'i phyir zhe na/ 'di ltar rang bzhin gyis stong pa nyid ni dngos po yod pa yang ma yin/ dngos po med pa yang ma yin/ chos thams cad dngos po med pa'i ngo bo nyid la ci zhig yongs su nyams par 'gyur zhes rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can rnams la 'dems shing rjes su ston to/ /de ltar 'dems shing rjes su ston pa'i tshe/ nam yang rjes su ma bsgrubs pa ma yin/ de ni bdag kyang dge ba bcu'i las kyi lam yang dag par blangs shing gnas pa yin/ gzhan yang dge ba bcu'i las kyi lam la yang dag par bskul ba yin/bdag kyang bslab pa'i gnas lnga la yang dag par blangs shing gnas pa yin/ gzhan yang bslab pa'i gnas lnga la yang dag par bskul ba yin/ bdag kyang yan lag brgyad dang ldan pa'i gso sbyong la nye bar gnas par yang dag par blangs shing gnas pa yin/ gzhan yang yan lag brgyad dang ldan pa'i gso sbyong la nye bar gnas par yang dag par bskul ba yin/ bdag kyang bsam gtan dang po la snyoms par 'jug pa yin/ gzhan yang bsam gtan dang po la yang dag par bskul ba yin/ bdag kyang bsam gtan gnyis pa dang / bsam gtan gsum pa dang /bsam gtan bzhi pa la yang dag par snyoms par 'jug pa yin/ gzhan yang bsam gtan bzhi pa la yang dag par bskul ba yin/ bdag kyang rtag tu rgyun mi 'chad par byams pa la gnas pa yin/ gzhan yang rtag tu rgyun mi 'chad par byams pa sgom pa la yang dag par bskul ba yin/bdag kyang rtag tu rgyun mi 'chad par snying rje dang / dga' ba dang / btang snyoms la gnas pa yin gzhan yang rtag tu rgyun mi 'chad par btang snyoms sgom pa la yang dag par bskul ba yin/ bdag kyang rtag tu nam mkha' mtha' yas skye mched kyi snyoms par 'jug pa dang /rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa la snyoms par 'jug pa yin/ gzhan yang 'du shes med 'du shes med min skye mched kyi snyoms par 'jug pa la yang dag par bskul ba yin/bdag kyang pha rol tu phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun la sgom pa yin/ gzhan yang byang chub kyi phyogs kyi chos sum cu rtsa bdun la yang dag par bskul ba yin/ bdag kyang rnam par thar pa'i sgo gsum la slob pa yin/gzhan yang rnam par thar pa'i sgo gsum la yang dag par bskul ba yin/ bdag kyang 'phags pa'i bden pa rnams dang / bsam gtan rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang /mngon par shes pa rnams dang / ting nge 'dzin rnams dang / gzungs kyi sgo rnams la slob pa yin/ gzhan yang gzungs kyi sgo rnams la yang dag par bskul ba yin/ bdag kyang de bzhin gshegs pa'i stobs bcu la slob pa yin/ gzhan yang de bzhin gshegs pa'i stobs bcu la yang dag par bskul ba yin/bdag kyang mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la slob pa yin/ gzhan yang sangs rgyas kyi chos ma 'dres pa bco brgyad la yang dag par bskul ba yin no//bdag kyang skyes bu chen po'i mtshan sum cu rtsa gnyis dang / dpe byad bzang po brgyad cu la slob pa yin/ gzhan yang skyes bu chen po'i mtshan sum cu rtsa gnyis dang dpe byad bzang po brgyad cu la yang dag par bskul ba yin/ bdag kyang rgyun du zhugs pa'i 'bras bu'i shes pa bskyed cing de la mi gnas pa yin/gzhan yang rgyun du zhugs pa'i 'bras bu la 'god pa dang / bdag kyang lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu'i shes pa bskyed cing de la mi gnas pa yin/ gzhan yang dgra bcom pa'i 'bras bu la rab tu 'god pa yin/ bdag kyang rang byang chub kyi lam bskyed cing de la mi gnas pa yin/ gzhan yang rang byang chub la rab tu 'god pa yin/ bdag kyang bla na med pa yang dag par rdzogs pa'i byang chub kyi lam bskyed pa yin/ gzhan yang de la 'dems shing rjes su ston pa dang / gzhog cing 'dul ba dang 'god pa yin te/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems dang po bskyed pa nas nye bar bzung ste/ rang bzhin stong pa nyid la gnas shing sems can rnams kyi don byed pa'i tshe/ nam yang las med par gnas pa ma yin no/ /gsol pa/ bcom ldan 'das gal te de ltar chos thams cad rang bzhin gyis stong pa nyid lags na/ rang bzhin gyis stong pa nyid la ni sems can yang mi dmigs/ chos kyang mi dmigs/ chos ma lags pa yang mi dmigs na/ bcom ldan 'das ji ltar byang chub sems dpa' sems dpa' chen po rnam pa thams cad mkhyen pa nyid kyi don du yang dag par zhugs pa lags/bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin no/ /chos thams cad ni rang bzhin gyis stong pa ste/ rang bzhin gyis stong pa nyid la ni sems can mi dmigs so/ / chos mi dmigs so/ /chos ma yin pa mi dmigs so/ /rab 'byor gal te chos thams cad rang bzhin gyis stong pa zhig ma yin na ni/ byang chub sems dpa' sems dpa' chen po yang rang bzhin gyis stong pa nyid la gnas par mi 'gyur te/ bla na med pa yang dag par rdzogs pa'i byang chub tu mngon par rdzogs par sangs rgyas nas kyang chos rnams rang bzhin gyis stong par mi ston to//rang bzhin gyis stong pa'i chos de dag kyang gang zhe na/ rab 'byor gzugs ni rang bzhin gyis stong ngo / /tshor ba dang / 'du shes dang / 'du byed rnams dang / rnam par shes pa ni rang bzhin gyis stong ngo / /skye mched dang /khams dang / rten cing 'brel par 'byung ba ni rang bzhin gyis stong ngo / /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams ni rang bzhin gyis stong ngo / /'phags pa'i bden pa rnams dang / bsam gtan rnams dang / tshad med pa rnams dang /gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams ni rang bzhin gyis stong ngo //de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa rnams ni rang bzhin gyis stong ngo //mi chen po'i mtshan sum cu rtsa gnyis dang / dpe byad bzang po brgyad cu ni rang bzhin gyis stong ngo / /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni rang bzhin gyis stong ngo //rnam pa thams cad mkhyen pa nyid kyi bar ni rang bzhin gyis stong ngo / /de bas na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ phung po lnga ni rang bzhin gyis stong ngo zhes bya bar chos ston to/ /skye mched bcu gnyis ni rang bzhin gyis stong ngo zhes bya bar chos ston to//khams bco brgyad ni rang bzhin gyis stong ngo zhes bya bar chos ston to/ /rten cing 'brel par 'byung ba ni rang bzhin gyis stong ngo zhes bya bar chos ston to/ /pha rol tu phyin pa thams cad ni rang bzhin gyis stong ngo zhes bya bar chos ston to/ /stong pa nyid thams cad ni rang bzhin gyis stong ngo zhes bya bar chos ston to//dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ni rang bzhin gyis stong ngo zhes bya bar chos ston to/ /'phags pa'i bden pa bzhi dang /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa lnga dang /ting nge 'dzin thams cad dang / gzungs kyi sgo thams cad ni rang bzhin gyis stong ngo zhes bya bar chos ston to/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang /btang snyoms chen po ni rang bzhin gyis stong ngo zhes bya bar chos ston to/ /sangs rgyas kyi chos ma 'dres pa bco brgyad ni rang bzhin gyis stong ngo zhes bya bar chos ston to/ /skyes bu chen po'i mtshan sum cu rtsa gnyis dang / dpe byad bzang po brgyad cu ni rang bzhin gyis stong ngo zhes bya bar chos ston to/ / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni rang bzhin gyis stong ngo zhes bya bar chos ston to/ /rnam pa thams cad mkhyen pa nyid dang / bag chags kyi mtshams sbyor ba'i nyon mongs pa thams cad spong ba ni rang bzhin gyis stong ngo zhes bya bar chos ston to//rab 'byor gal te nang stong pa nyid rang bzhin gyis stong pa zhig ma yin na ni byang chub sems dpa' sems dpa' chen pos kyang chos thams cad rang bzhin gyis stong ngo zhes bya bar chos ston par mi 'gyur ro/ /gal te phyi stong pa nyid dang / nang stong pa nyid dang / phyi nang stong pa nyid dang /stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang /rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid rang bzhin gyis stong pa zhig ma yin na ni byang chub sems dpa' sems dpa' chen pos kyang chos thams cad rang bzhin gyis stong ngo zhes bya bar chos ston par mi 'gyur te/de'i phyir rang bzhin stong pa nyid kyang bshig par mi 'gyur na/ rang bzhin gyis stong pa nyid ni 'jig par mi 'gyur/ rtag par mi 'gyur / phyis med par 'gro ba ma yin no/ /de ci'i phyir zhe na/ de ni yul na mi gnas/ phyogs na mi gnas te/de ni gang nas kyang 'ong ba ma yin/ gang du yang 'gro ba ma yin / de ni chos gnas pa nyid do/ /de la ni chos gang yang 'phel ba dmigs pa'am/ 'grib pa dmigs pa'am/ 'grib pa'am/ skye ba'am/ 'byung ba'am/ 'gag pa'am/ kun nas nyon mongs pa'am/ rnam par byang ba dmigs pa med do//de ni chos rnams kyi rang bzhin te/ de la gnas shing byang chub sems dpa' sems dpa' chen po rnams bla na med pa yang dag par rdzogs pa'i byang chub tu yang dag par 'jug ste/ chos gang la yang 'jug pa'am mi 'jug par mthong ba med do/ /chos thams cad 'jug pa med cing gnas pa med pa ste/de ni chos rnams kyi chos gnas pa'o/ /de bas na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad rang bzhin gyis stong par mthong nas/ bla na med pa yang dag par rdzogs pa'i byang chub las phyir mi ldog go//de ci'i phyir zhe na/ de ni 'di ltar des sgrib pa'i chos gang yang yang dag par rjes su mi mthong ste/ chos thams cad sgrib pa med par yang dag par rjes su mthong ngo / /de ni 'di ltar rang bzhin stong pa nyid la ni bdag mi dmigs/ bdag tu btags pa yang mi dmigs/ sems can dang / srog dang /'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / tshor bar byed pa po dang / slong ba po dang / kun nas slong ba po dang / shes pa po dang / mthong ba por yang mi dmigs/ mthong ba por btags pa yang mi dmigs/ gzugs kyang mi dmigs/gzugs su btags pa yang mi dmigs/ tshor ba dang / 'du shes dang / 'du byed rnams dang / rnam par shes pa yang mi dmigs/ rnam par shes par btags pa yang mi dmigs/ skyes bu chen po'i mtshan sum cu rtsa gnyis kyi bar dang / dpe byad bzang po brgyad cu yang mi dmigs/ dpe byad bzang po brgyad cur btags par yang mi dmigs na/ bla na med pa yang dag par rdzogs pa'i byang chub la the tshom za bar 'gyur ba lta ga la'ang zhes bya ba ni rang bzhin stong pa nyid la 'god pa'i phrin las yin no// //rab 'byor 'di lta ste dper na/ de bzhin gshegs pa'i sprul pas / dge slong ngam/ dge slong ma'am/ dge bsnyen nam/ dge bsnyen ma la bskal pa bye ba khrag khrig brgya stong du mar rgyun du chos bstan na / rab 'byor de ji snyam du sems/ sprul pa de dag la rgyun du zhugs pa'i 'bras bu rjes su thob par 'gyur ba'i skal ba yod dam/ lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub bam/ bla na med pa yang dag par rdzogs pa'i byang chub 'thob par 'gyur ba'i skal ba yod dam/ gsol pa/ bcom ldan 'das de ni ma lags te/ de ci'i slad du zhe na/ 'di ltar de dag la dngos po ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad la dngos po med na sems can gang zhig byang chub sems dpa' sems dpa' chen pos rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub la 'god par bya ste/gzhan du na phyin ci log gis yongs su 'khris pa'i skye dgu dag phyin ci log med pa la gzhog go/ /'dul lo/ /rab tu 'god do/ /phyin ci log gang yin pa de yang rtog pa'i rgyu las byung ba'i phyir phyin ci log ma yin pa ste/ rnam par rtog pa med pa ni phyin ci log ma yin pa'o//gang la phyin ci log med pa la bdag med do/ /sems can med do/ /srog med do/ /'gro ba med do/ /gso ba med do/ /skyes bu med do/ /gang zag med do/ /shed can med do/ /shed bdag med do/ /byed pa po med do/ /tshor ba po med do/ /shes pa po med do/ /mthong ba po med do/ /de la gzugs med do//tshor ba med do/ /'du shes med do/ /'du byed rnams med do/ /rnam par shes pa med do/ /de la skye mched dang khams dang / rten cing 'brel par 'byung ba med do/ /de la pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams med do/ /de ni 'phags pa'i bden pa dang /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams med do//de la de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad med do/ /de la rnam pa thams cad mkhyen pa nyid kyi bar du med do/ /gang la gzugs med pa dang /tshor ba med pa dang / 'du shes med pa dang / 'du byed rnams med pa dang / rnam par shes pa med pa dang / gang la skye mched dang / khams dang / rten cing 'brel par 'byung ba med pa dang / gang la pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams med pa dang /bla na med pa yang dag par rdzogs pa'i byang chub kyi bar du med pa de ni rang bzhin stong pa nyid de/ de la gnas shing byang chub sems dpa' sems dpa' chen po shes rab kyi pha rol tu phyin pa la spyod de/ shes rab kyi pha rol tu phyin pa la spyod cing sems can phyin ci log tu gyur pa rnams sems can gyi 'du shes las 'grel to //gzugs kyi 'du shes las 'grel to/ /gzugs med pa'i 'du shes las 'grel to/ /zag pa dang bcas pa'i chos thams cad kyi bar las 'grel to/ /gang zag pa med pa'i chos 'di lta ste/ byang chub kyi phyogs kyi chos rnams dang /rnam par thar pa'i sgo gsum dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad po de dag kyang de la don dam pa'i rnam pa gang yin pa de lta bu ma yin te/ de ltar 'dus ma byas pa dang / ma skyes pa dang / dngos po med pa dang / 'byung ba med pa de ni rang bzhin stong pa nyid do/ /de ni sangs rgyas bcom ldan 'das rnams kyi byang chub ste de la bdag med do/ /sems can dang / srog dang / skye ba po dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po med do/ /gzugs med do/ /tshor ba dang / 'du shes dang / 'du byed rnams dang / rnam par shes pa med do/ /skye mched dang / khams dang / rten cing 'brel par 'byung ba med do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams med do/ /rnam pa thams cad mkhyen pa nyid kyi bar du med do//byang chub sems dpa' sems dpa' chen po de ni rang bzhin stong pa nyid yongs su shes pa las ma gtogs pa lam gyi don du bla na med pa yang dag par rdzogs pa'i byang chub kyi don du 'jug pa med de/ rang bzhin stong pa nyid de yang snga nas kyang rang bzhin gyis stong pa nyid/phyin chad kyang rang bzhin gyis stong pa nyid/ bar du yang rang bzhin gyis stong pa nyid de / de nam yang rang bzhin gyis mi stong ba ma yin no/ /de bas na byang chub sems dpa' sems dpa' chen po yang rang bzhin gyis stong pa nyid kyi pha rol tu phyin pa la spyod cing / sems can du 'du shes pa'i sems can rnams kyi sems can gyi 'du shes yongs su dgrol ba'i phyir lam gyi rnam pa shes pa nyid la spyod do//de lam gyi rnam pa shes pa nyid la spyod pa'i tshe/ 'di lta ste/ nyan thos kyi lam dang / rang sangs rgyas kyi lam dang / byang chub sems dpa'i lam dang / lam thams cad la spyod do / /byang chub sems dpa' sems dpa' chen po de lam thams cad yongs su rdzogs par byas/sems can rnams yongs su smin par byas/ sangs rgyas kyi zhing yongs su dag par byas nas/ des tshe'i 'du byed byin gyis brlabs te/ bla na med pa yang dag par rdzogs pa'i byang chub tu mngon par rdzogs par 'tshang rgya'o//de bla na med pa yang dag par rdzogs pa'i byang chub tu mngon par rdzogs par sangs rgyas nas 'di lta ste/ sangs rgyas kyi tshul rang bzhin stong pa nyid kyi rgyun mi gcod do/ /de ni sangs rgyas bcom ldan 'das rnams kyi sangs rgyas kyi tshul te/ 'das pa'i dus kyi sangs rgyas bcom ldan 'das gang ji snyed cig byung ba de dag gi sangs rgyas kyi tshul yang 'di lta ste/rang bzhin gyis stong pa nyid do/ /ma 'ongs pa'i dus na sangs rgyas bcom ldan 'das gang ji snyed cig 'byung bar 'gyur ba de dag gi sangs rgyas kyi tshul 'di lta ste/ rang bzhin gyis stong pa nyid do/ /da ltar phyogs bcu'i 'jig rten gyi khams na sangs rgyas bcom ldan 'das gang ji snyed cig bzhugs shing 'tsho skyong ba de dag gi sangs rgyas kyi tshul yang 'di lta ste/rang bzhin gyis stong pa nyid de/ rang bzhin stong pa nyid las gzhan du ni 'jig rten du sangs rgyas bcom ldan 'das rnams 'byung bar mi 'gyur ro/ /de bas na byang chub sems dpa' sems dpa' chen po rnams kyis thams cad du ji ltar spyad na rnam pa thams cad mkhyen pa nyid las yongs su nyams par mi 'gyur ba de ltar rang bzhin stong pa nyid la spyad par bya'o//rang bzhin stong pa nyid kyi bar pha rol tu phyin pa la spyad par bya ste/ de la spyod pa'i byang chub sems dpa' sems dpa' chen po ni rnam pa thams cad mkhyen pa las yongs su nyams par mi 'gyur ro//rab 'byor gyis gsol pa/ bcom ldan 'das gal te de ltar na byang chub sems dpa' sems dpa' chen po rnams rang bzhin stong pa nyid kyi chos thams cad la spyod cing gzugs kyang gzhan no//rang bzhin stong pa nyid kyang gzhan no/ /tshor ba dang / 'du shes dang / 'du byed rnams dang / rnam par shes pa yang gzhan no/ /rang bzhin stong pa nyid kyang gzhan no/ /skye mched dang / khams dang / rten cing 'brel par 'byung ba yang gzhan no/ /rang bzhin stong pa nyid kyang gzhan no/ / pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang gzhan no/ /rang bzhin stong pa nyid kyang gzhan no/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams kyang gzhan no/ /rang bzhin stong pa nyid kyang gzhan no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma [(]'dras [,]'dres [)]pa rnams kyang gzhan no/ /rang bzhin stong pa nyid kyang gzhan no/ /rnam pa thams cad mkhyen pa nyid kyi bar yang gzhan no/ /rang bzhin stong pa nyid kyang gzhan no zhes bgyi bar rang bzhin stong pa nyid rnam par 'khrug par mi bgyid kyi/gzugs nyid kyang rang bzhin stong pa nyid do/ /rang bzhin stong pa nyid kyang gzugs so/ /tshor ba dang / 'du shes dang / 'du byed rnams dang / rnam par shes pa nyid kyang rang bzhin stong pa nyid do/ /rang bzhin stong pa nyid kyang rnam par shes pa'o/ /rnam pa thams cad mkhyen pa nyid kyi bar yang rang bzhin stong pa nyid do//rang bzhin stong pa nyid kyang rnam pa thams cad mkhyen pa nyid do zhes bgyi bar spyod pa ngo mtshar che'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad smras pa de bzhin no/ /rab 'byor gal te gzugs kyang gzhan la rang bzhin stong pa nyid kyang gzhan/tshor ba yang gzhan/ 'du shes kyang gzhan/ 'du byed rnams kyang gzhan/ rnam par shes pa yang gzhan la/ rang bzhin stong pa nyid kyang gzhan/ phung po dang khams dang / skye mched dang / rten cing 'brel par 'byung ba yang gzhan la/ rang bzhin stong pa nyid kyang gzhan/ pha rol tu phyin pa yang gzhan la/rang bzhin stong pa nyid kyang gzhan/ byang chub kyi phyogs kyi chos rnams kyang gzhan la rang bzhin stong pa nyid kyang gzhan/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / byams pa chen po dang / snying rje chen po dang /sangs rgyas kyi chos ma 'dres pa rnams kyang gzhan la/ rang bzhin stong pa nyid kyang gzhan/ rnam pa thams cad mkhyen pa nyid kyi bar yang gzhan la rang bzhin stong pa nyid kyang gzhan ma yin no/ /gal te gzugs rang bzhin gyis stong pa zhig ma yin na ni byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/rab 'byor gang gi phyir gzugs rang bzhin gyis stong pas na de'i phyir byang chub sems dpa' sems dpa' chen po gzugs rang bzhin gyis stong ngo zhes bya bar khong du chud par byas shing bla na med pa yang dag par rdzogs pa'i byang chub tu mngon par rdzogs par 'tshang rgya'o//gal te tshor ba dang / 'du shes dang / 'du byed rnams dang / rnam par shes pa rang bzhin gyis stong pa zhig ma yi na ni byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/rab 'byor gang gi phyir rnam par shes pa rang bzhin gyis stong pas na de'i phyir byang chub sems dpa' sems dpa' chen po rnam par shes pa rang bzhin gyis stong ngo zhes bya bar khong du chud par byas shing bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor gal te rnam pa thams cad mkhyen pa nyid kyi bar du rang bzhin gyis stong pa zhig ma yin na ni byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor gang gi phyir rnam pa thams cad mkhyen pa nyid rang bzhin gyis stong pas na/de'i phyir byang chub sems dpa' sems dpa' chen po rnam pa thams cad mkhyen pa nyid rang bzhin gyis stong ngo zhes bya bar khong du chud par byas shing bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor gal te bla na med pa yang dag par rdzogs pa'i byang chub rang bzhin gyis stong pa zhig ma yin na ni byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor gang gi phyir bla na med pa yang dag par rdzogs pa'i byang chub rang bzhin gyis stong pas na/de'i phyir byang chub sems dpa' sems dpa' chen po bla na med pa yang dag par rdzogs pa'i byang chub rang bzhin gyis stong ngo zhes bya bar khong du chud par byas shing rnam pa thams cad mkhyen pa nyid rjes su 'thob par byed de/ rang bzhin gyis stong pa nyid la ni chos gang yang rnam par 'jig par 'gyur ba'am/rtag tu gnas pa'am 'gro ba med de/ gzhan du na lha dang bcas pa'i 'jig rten dang bdud dang tshangs par bcas pa'i 'jig rten rnams 'di ni gzugs so/ /bdag gi gzugs so/ /bdag ni gzugs dang ldan pa'o/ /'di ni rnam par shes pa'i bar ro//bdag gi rnam par shes pa'o/ /bdag ni rnam par shes pa dang ldan pa'o snyam du rmongs shing / de dag gzugs la mngon par zhen/ rnam par shes pa'i bar la mngon par zhen te/ bdag tu bya ba dang bdag gir bya ba la spyod do/ /bdag tu bya ba dang bdag gir bya ba la mngon par zhen nas phyi nang gi dngos po la mngon par zhen cing chags so//de ltar mngon par zhen cing chags nas skye ba'i skye mched dag tu gzugs dang / tshor ba dang / 'du shes dang / 'du byed rnams dang / rnam par shes pa la nye bar len te/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrug pa las yongs su mi 'gro la / 'gro ba lnga'i 'khor ba las yongs su mi 'grol lo// //bam po bdun cu pa/ de'i phyir byang chub sems dpa' sems dpa' chen po rang bzhin gyis stong pa nyid kyi pha rol tu phyin pa rnams la spyod cing /gzugs stong pa'am/ 'on tam mi stong zhes bya bar rnam par 'khrug par mi byed do/ /tshor ba dang / 'du shes dang / 'du byed rnams dang / rnam par shes pa stong pa'am/ 'on tam mi stong zhes bya bar rnam par 'khrug par mi byed do/ /skye mched dang / khams dang / rten cing 'brel par 'byung ba rnams stong pa'am/'on tam mi stong zhes bya bar rnam par 'khrug par mi byed do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams stong pa'am / 'on tam mi stong zhes bya bar rnam par 'khrug par mi byed do/ /'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams stong pa'am/'on tam mi stong zhes bya bar rnam par 'khrug par mi byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad stong pa'am/ 'on tam mi stong zhes bya bar rnam par 'khrug par mi byed do//bla na med pa yang dag par rdzogs pa'i byang chub kyi bar du stong pa'am/ 'on tam mi stong zhes bya bar rnam par 'khrug par mi byed do/ /de ci'i phyir zhe na/ rang bzhin stong pa nyid ni 'di ni gzugs so/ /'di ni gzugs kyi stong pa nyid do zhes gzugs rnam par 'khrug par mi byed do//rang bzhin stong pa nyid ni 'di ni tshor ba dang / 'du shes dang / 'du byed rnams dang / rnam par shes pa'o/ /'di ni rnam par shes pa'i stong pa nyid do zhes rnam par shes pa rnam par 'khrug par mi byed do/ /rang bzhin stong pa nyid ni 'di dag ni skye mched dang / khams dang / rten cing 'brel par 'byung ba'o//'di dag ni rten cing 'brel par 'byung ba'i stong pa nyid do zhes rten cing 'brel par 'byung ba rnam par 'khrug par mi byed do/ /rang bzhin stong pa nyid ni 'di dag ni pha rol tu phyin pa dang / stong pa nyid dang / byang chub kyi phyogs kyi chos rnams so/ / 'di dag ni byang chub kyi phyogs kyi chos kyi stong pa nyid do zhes byang chub kyi phyogs kyi chos rnams rnam par 'khrug par mi byed do/ /rang bzhin stong pa nyid ni 'di dag ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams so/ /'di dag ni gzungs kyi sgo rnams kyi stong pa nyid do zhes gzungs kyi sgo rnams rnam par 'khrug par mi byed do/ /rang bzhin stong pa nyid ni 'di dag ni de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams so/ /'di dag ni sangs rgyas kyi chos ma 'dres pa rnams kyi stong pa nyid do zhes sangs rgyas kyi chos ma 'dres pa rnams rnam par 'khrug par mi byed do//rang bzhin stong pa nyid ni 'di dag ni rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang byang chub bo/ /'di ni byang chub kyi stong pa nyid do zhes byang chub rnam par 'khrug par mi byed do//rab 'byor 'di lta ste dper na/ nam mkha' ni nam mkha' rnam par 'khrug par mi byed do/ /nang gi nam mkha' ni phyi'i nam mkha' rnam par 'khrug par mi byed do/ /phyi'i nam mkha' ni nang gi nam mkha' rnam par 'khrug par mi byed do/ /rab 'byor de bzhin du gzugs kyang stong pa nyid rnam par 'khrug par mi byed do//stong pa nyid kyang gzugs rnam par 'khrug par mi byed do/ /de ci'i phyir zhe na/ de dag la gang 'di ltar 'di ni gzugs so/ /'di ni stong pa nyid do zhes rnam par 'khrug par mi byed pa de lta bu'i rang bzhin med do/ /de bzhin du chos thams cad la sbyar ro//tshor ba dang / 'du shes dang / 'du byed rnams dang / rnam par shes pa'ang stong pa nyid rnam par 'khrug par mi byed do / /stong pa nyid kyang rnam par shes pa rnam par 'khrug par mi byed do/ /skye mched dang / khams dang / rten cing 'brel par 'byung ba rnams kyang stong pa nyid rnam par 'khrug par mi byed do //stong pa nyid kyang rten cing 'brel par 'byung ba rnams rnam par 'khrug par mi byed do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang stong pa nyid rnam par 'khrug par mi byed/ stong pa nyid kyang byang chub kyi phyogs kyi chos rnams rnam par 'khrug par mi byed do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa rnams dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo rnams kyang stong pa nyid rnam par 'khrug par mi byed/ stong pa nyid kyang gzungs kyi sgo rnams rnam par 'khrug par mi byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad kyang stong pa nyid rnam par 'khrug par mi byed do //stong pa nyid kyang sangs rgyas kyi chos ma 'dres pa bco brgyad rnam par 'khrug par mi byed do/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang /rang byang chub dang / bla na med pa yang dag par rdzogs pa'i byang chub kyang stong pa nyid rnam par 'khrug par mi byed do / /stong pa nyid kyang bla na med pa yang dag par rdzogs pa'i byang chub rnam par 'khrug par mi byed do/ /de ci'i phyir zhe na/ de dag la gang 'di ltar 'di ni gzugs/ 'di ni stong pa nyid do//'di ni tshor ba dang / 'du shes dang / 'du byed rnams dang / rnam par shes pa 'di ni stong pa nyid do/ /'di ni bla na med pa yang dag par rdzogs pa'i byang chub kyi bar du 'di ni stong pa nyid do zhes rnam par 'khrug pa de lta bu'i rang bzhin med do/ /rab 'byor gyis gsol pa/ bcom ldan 'das gal te chos thams cad dbyer ma mchis na ci'i slad du byang chub sems dpa' sems dpa' chen po bdag ni bla na med pa yang dag par rdzogs pa'i byang chub tu yang dag par zhugs te/mngon par rdzogs par 'tshang rgya bar bya'o zhes bgyi bar sems par 'gyur/ bcom ldan 'das byang chub ni gnyis su dbyer ma mchis te/gnyis su dbyer ma mchis pas ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub ni gnyis su dbyer med pa ste/gnyis la spyod pa la byang chub med do/ /rab 'byor byang chub ni gnyis su med de gnyis su byar med pas byang chub sems dpa' sems dpa' chen po'i byang chub ni byang chub bo/ /byang chub sems dpa'o zhes bya bar gnyis su bya ba la mi spyod de/ byang chub sems dpa' sems dpa' chen po'i byang chub de ni gzugs la mi spyod do//tshor ba dang / 'du shes dang / 'du byed rnams dang / rnam par shes pa la mi spyod do/ /skye mched dang / khams dang / rten cing 'brel par 'byung ba rnams la mi spyod do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams la mi spyod do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo rnams la mi spyod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la mi spyod do/ /de ci'i phyir zhe na/byang chub ni bdag gam bdag gir bya ba med pa ste/ bdag gis gzugs la spyad par bya'o zhe'am/ bdag gi gzugs so zhe'am/ bdag gi tshor ba dang / 'du shes dang / 'du byed rnams dang / rnam par shes pa la spyad par bya'o zhe'am/ bdag gi rnam par shes pa'o zhe'am/ bdag gis skye mched dang /khams dang / rten cing 'brel par 'byung ba la spyad par bya'o zhe'am/ bdag gi rten cing 'brel par 'byung ba'o zhe'am/ bdag gis pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams la spyad par bya'o zhe'am/ bdag gi byang chub kyi phyogs kyi chos rnams so zhe'am/bdag gis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la spyad par bya'o zhe'am/ bdag gi gzungs kyi sgo rnams so zhe'am/ bdag gis de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang /sangs rgyas kyi chos ma 'dres pa bco brgyad la spyad par bya'o zhe'am/ bdag gi sangs rgyas kyi chos ma 'dres pa bco brgyad do zhe'am/ bdag gis bla na med pa yang dag par rdzogs pa'i byang chub kyi bar la spyad par bya'o zhe'am/ bdag gi bla na med pa yang dag par rdzogs pa'i byang chub bo zhes bya bar bdag dang bdag gir bya ba med do//byang chub sems dpa' sems dpa' chen po'i byang chub ni 'dzin pa la mi spyod do/ /mi 'dzin pa la yang mi spyod do/ /rab 'byor gyis gsol pa/ bcom ldan 'das gal te de ltar byang chub sems dpa' sems dpa' chen po'i byang chub 'dzin pa la'ang mi spyod mi 'dzin pa la'ang mi spyod na/byang chub sems dpa' sems dpa' chen po'i byang chub ci la spyod pa lags/ bcom ldan 'das kyis bka' stsal pa/ rab 'byor de ji snyam du sems/ de bzhin gshegs pas sprul pa'i byang chub 'dzin pa'am/ mi 'dzin pa'am/ ci la yang spyod pa yod dam/gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ dgra bcom pa'i rmi lam gyi blo 'dzin pa'am/ mi 'dzin pa'am gang la yang spyod dam/ gsol pa/ bcom ldan 'das de ni ma lags te/ dgra bcom pa la yong ye nyal ba yang ma mchis na/de'i rmi lam gyi blo 'dzin pa'am/ mi 'dzin pa la spyod par 'gyur ba lta ga la mchis/ bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po'i byang chub kyang 'dzin pa'am mi 'dzin pa la spyod pa med do//gsol pa/ bcom ldan 'das gal te de ltar byang chub sems dpa' sems dpa' chen po'i byang chub 'dzin pa la yang mi spyod mi 'dzin pa la yang mi spyod/ gzugs la yang mi spyod/ tshor ba dang / 'du shes dang / 'du byed rnams dang / rnam par shes pa la yang mi spyod/ skye mched dang /khams dang / rten cing 'brel par 'byung ba la yang mi spyod/ pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams la'ang mi spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la yang mi spyod/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad la yang mi spyod/ rnam pa thams cad mkhyen pa nyid kyi bar la yang mi spyod na/ ji ltar na byang chub sems dpa' sems dpa' chen po pha rol tu phyin pa drug la spyad/ stong pa nyid bcu bzhi dang /byang chub kyi phyogs kyi chos sum cu rtsa bdun dang / rnam par thar pa'i sgo gsum dang / bsam gtan dang / rnam par thar pa dang / ting nge 'dzin dang / snyoms par 'jug pa thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad la spyad/ byang chub sems dpa'i sa bcu yongs su rdzogs par bgyis/ mngon par shes pa lnga la gnas/ byang chub sems dpa'i skyon ma mchis par zhugs/ sangs rgyas kyi zhing yongs su dag par bgyis sems can rnams yongs su smin par bgyis/skyes bu chen po'i mtshan sum cu rtsa gnyis dang / dpe byad bzang po brgyad cu yongs su bsgrubs shing / rnam pa thams cad mkhyen pa nyid du mngon par rdzogs par 'tshang rgya bar 'gyur/ bcom ldan 'das pha rol tu phyin pa drug la ma spyad/ stong pa nyid bcu bzhi la ma spyad/byang chub kyi phyogs kyi chos sum cu rtsa bdun la ma spyad/ rnam par thar pa'i sgo gsum la ma spyad/ bsam gtan dang / rnam par thar pa dang / ting nge 'dzin dang / snyoms par 'jug pa thams cad la ma spyad/ de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la ma spyad/ byang chub sems dpa'i sa bcu yongs su rdzogs par ma bgyis/ mngon par shes pa lnga la ma gnas/ byang chub sems dpa'i skyon ma mchis par ma zhugs/sangs rgyas kyi zhing yongs su dag par ma bgyis/ sems can rnams yongs su smin par ma bgyis/ skyes bu chen po'i mtshan sum cu rtsa gnyis dang / dpe byad bzang po brgyad cu yongs su ma bsgrubs par ni/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so//bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin te/ pha rol tu phyin pa drug yongs su rdzogs par ma byas/ stong pa nyid bcu bzhi dang / byang chub kyi phyogs kyi chos sum cu rtsa bdun dang / rnam par thar pa'i sgo gsum dang /bsam gtan dang / rnam par thar pa dang / ting nge 'dzin dang / snyoms par 'jug pa thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par ma byas/byang chub sems dpa'i sa bcu yongs su ma rdzogs/ mngon par shes pa lnga la ma gnas/ byang chub sems dpa'i skyon med par ma zhugs/ sangs rgyas kyi zhing yongs su dag par ma byas/ sems can rnams yongs su smin par ma byas/skyes bu chen po'i mtshan sum cu rtsa gnyis dang / dpe byad bzang po brgyad cu yongs su ma bsgrubs par ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus te/ rab 'byor byang chub sems dpa' sems dpa' chen pos pha rol tu phyin pa drug dang /stong pa nyid thams cad dang / dran pa nye bar gzhag pa dang / 'phags pa'i lam yan lag brgyad pa'i bar dang / rnam par thar pa'i sgo stong pa nyid dang / mtshan ma med pa dang / smon pa med pa dang / bsam gtan dang / rnam par thar pa dang / ting nge 'dzin dang /snyoms par 'jug pa thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang / byang chub sems dpa'i sa bcu yongs su rdzogs par byas/mngon par shes pa lnga la gnas/ byang chub sems dpa'i skyon med par zhugs/ sangs rgyas kyi zhing yongs su dag par byas/ sems can rnams yongs su smin par byas/ skyes bu chen po'i mtshan sum cu rtsa gnyis dang / dpe byad bzang po brgyad cu yongs su bsgrubs/ mi nyams pa'i chos nyid dang /rtag tu btang snyoms su rnam par spyod pa yongs su rdzogs par byas nas/ rnam pa thams cad mkhyen pa nyid thob par 'gyur ro/ /rab 'byor de yang gzugs kyi rang bzhin la gnas/ tshor ba dang / 'du shes dang / 'du byed rnams dang / rnam par shes pa'i rang bzhin la gnas/bla na med pa yang dag par rdzogs pa'i byang chub kyi bar gyi rang bzhin la gnas te/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rang bzhin de yang nye bar zhi ba ste/ chos gang yang 'phel bar byed pa'am/'grib par byed pa'am/ skye ba'am/ 'gag pa'am/ kun nas nyon mongs pa'am/ rnam par byang ba'am/ thob pa'am/ mngon par rtogs par byed pa med do zhes bya ba ni gnyis su med pa'i chos la 'god pa'i phrin las yin no// //rab 'byor de yang 'jig rten gyi tha snyad du btags pa'i chos nye bar bzung nas/byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'i don dam par ni gzugs sam/ tshor ba'am/ 'du shes sam/ 'du byed rnams sam / rnam par shes pa'am/ skye mched dam/ khams sam/ rten cing 'brel par 'byung ba'am/ pha rol tu phyin pa rnams sam/ stong pa nyid thams cad dang / byang chub kyi phyogs kyi chos rnams sam/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams sam/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang /sangs rgyas kyi chos ma 'dres pa rnams sam/ bla na med pa yang dag par rdzogs pa'i byang chub kyi bar ram/ gang byang chub tu spyod pa'i chos de lta bu yang med de/ chos de dag thams cad ni 'jig rten gyi tha snyad nye bar bzung ste btags pa yin gyi don dam par ni ma yin no/ /de bas na byang chub sems dpa' sems dpa' chen po sems dang po bskyed pa nas nye bar bzung ste/byang chub tu spyod kyang sems de dag mi dmigs te/ sems can rnams dang byang chub dang sangs rgyas dang / byang chub sems dpa' yang mi dmigs so/ /rab 'byor de ji snyam du sems/ gang gi tshe rab 'byor khyod kyis 'jig tshogs la lta ba spang ba'i phyir dbang po rnams thob par 'gyur ba dang /bar chad med pa'i ting nge 'dzin dang / rgyun du zhugs pa'i 'bras bu thob pa'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur ba de'i tshe rmi lam mam/ sems sam/ lam mam/ 'bras bu dmigs par 'gyur ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na ci ltar rab 'byor zhes bya ba'i ming can gyi gnas brtan khyod kyis dgra bcom pa thob bo zhes btags pa yin/ gsol pa/ bcom ldan 'das 'jig rten gyi tha snyad nye bar bzung nas lags so//bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po yang 'jig rten gyi tha snyad du btags pa'o/ /gzugs kyang 'jig rten gyi tha snyad du btags pa'o/ /tshor ba dang / 'du shes dang / 'du byed rnams dang /rnam par shes pa yang 'jig rten gyi tha snyad du btags pa'o/ /skye mched dang / khams dang / rten cing 'brel par 'byung ba yang 'jig rten gyi tha snyad du btags pa'o/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang 'jig rten gyi tha snyad du btags pa'o//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo rnams kyang 'jig rten gyi tha snyad du btags pa'o/ /de bzhin gshegs pa'i stobs dang / mi 'jigs pa dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad kyang 'jig rten gyi tha snyad du btags pa'o//rnam pa thams cad mkhyen pa nyid kyi bar yang 'jig rten gyi tha snyad du btags pa'o/ /byang chub sems dpa' sems dpa' chen pos ni chos gang la yang 'phel bar byed pa'am/ 'grib par byed pa'am/ phan 'dogs pa'am/ gnod par byed pa de lta bu gang yang mi dmigs te/chos kyi rang bzhin nye bar bzung nas chos rnams kyi chos kyi rang bzhin de yang ma dmigs na/ sems dang po bskyed pa dmigs par 'gyur ba lta ci smos te de ni gnas med do/ /sa bcu pa'i bar dang / pha rol tu phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun dmigs par 'gyur ba lta ci smos te de ni gnas med do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams su dmigs par 'gyur ba lta ci smos te de ni gnas med do/ /de bzhin gshegs pa'i stobs bcu dang / mi 'jigs pa dang / so so yang dag par rig pa bzhi dang / byams pa chen po dang /snying rje chen po dang / sangs rgyas kyi chos ma 'dres pa bco brgyad dmigs par 'gyur ba lta ci smos te de ni gnas med do/ /rnam pa thams cad mkhyen pa nyid kyi bar du dmigs par 'gyur ba lta ci smos te de ni gnas med do/ /rab 'byor de ltar byang chub sems dpa' sems dpa' chen po pha rol tu phyin pa drug la spyod cing bla na med pa yang dag par rdzogs pa'i byang chub tu mngon par rdzogs par sangs rgyas te sems can rnams kyi don byed do zhes bya ba ni brdar btags pa'i shes pa la 'god pa'i phrin las yin no// //de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das gal te byang chub sems dpa' sems dpa' chen po pha rol tu phyin pa drug la spyod pa dang / stong pa nyid bcu bzhi dang / byang chub kyi phyogs kyi chos sum cu rtsa bdun la spyod pa dang / rnam par thar pa'i sgo gsum dang / bsam gtan dang / rnam par thar pa dang / ting nge 'dzin dang /snyoms par 'jug pa thams cad dang / 'phags pa'i bden pa dang / mngon par shes pa dang / ting nge 'dzin dang / gzungs kyi sgo rnams la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang /snying rje chen po dang / sangs rgyas kyi chos ma 'dres pa bco brgyad la spyod pas byang chub kyi lam yongs su rdzogs par bgyis kyang bla na med pa yang dag par rdzogs pa'i byang chub tu mngon par rdzogs par 'tshang rgya ba'i skal ba ma mchis na/ bcom ldan 'das de ci ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lags/bcom ldan 'das kyis bka' stsal pa/ rab 'byor nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sbyin pa'i pha rol tu phyin pa la spyod kyang sbyin pa dang sbyin pa'i bdag po dang len pa yang mi dmigs/chos de dag las gzhan du yang mi spyod na de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshul khrims kyi pha rol tu phyin pa la spyod kyang /tshul khrims dang tshul khrims dang ldan pa'ang mi dmigs/ chos de gnyis las gzhan du mi spyod na de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bzod pa'i pha rol tu phyin pa la spyod kyang /bzod pa dang bzod pa dang ldan pa yang mi dmigs/ chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ brtson 'grus kyi pha rol tu phyin pa la spyod kyang / brtson 'grus dang brtson 'grus rtsom pa yang mi dmigs/chos de gnyis las gzhan du yang ma dmigs na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bsam gtan gyi pha rol tu phyin pa la spyod kyang / bsam gtan dang bsam gtan pa'ang mi dmigs/ chos de gnyis las gzhan du'ang mi spyod na de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/ thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa sgom yang shes rab dang shes rab dang ldan pa'ang mi dmigs/chos de gnyis las gzhan du'ang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/ thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sangs rgyas kyi chos ma 'dres pa bco brgyad kyi bar la spyod kyang / sangs rgyas kyi chos ma 'dres pa rnams dang /sangs rgyas kyi chos ma 'dres pa sgom pa yang mi dmigs/ chos de gnyis las gzhan du'ang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de nas tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/byang chub kyi lam la brtson par bgyid pa lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas gzugs la mi sbyor mi 'byed de/de ci'i phyir zhe na/ de ni 'di ltar gang sbyar ba'am/ dbye bar bya ba'i gzugs la ngo bo nyid med do/ /tshor ba dang / 'du shes dang / 'du byed rnams dang / rnam par shes pa la mi sbyor mi 'byed de/ de ci'i phyir zhe na/ de ni 'di ltar gang la sbyar ba'am dbye bar byed pa'i rnam par shes pa la ngo bo nyid med do//skye mched dang / khams dang / rten cing 'brel par 'byung ba rnams la mi sbyor mi 'byed de/ de ci'i phyir zhe na/ de ni 'di ltar gang la sbyar ba'am dbye bar bya ba'i rten cing 'brel par 'byung ba la ngo bo nyid med do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams la mi sbyor mi 'byed de/de ci'i phyir zhe na/ de ni 'di ltar gang la sbyar ba'am dbye bar bya ba'i byang chub kyi phyogs kyi chos rnams la ngo bo nyid med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang /mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la mi sbyor mi 'byed de/ de ci'i phyir zhe na/ de ni 'di ltar gang sbyar ba'am/ dbye bar bya ba'i gzungs kyi sgo rnams la ngo bo nyid med do//de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams la mi sbyor mi 'byed do/ /de ci'i phyir zhe na/ de ni 'di ltar gang sbyar ba'am/dbye bar bya ba'i sangs rgyas kyi chos ma 'dres pa rnams la ngo bo nyid med do/ /gsol pa/ bcom ldan 'das chos gang la yang sbyar ba'am dbye bar bgyi ba'i ngo bo nyid ma mchis na/ gang la byang chub sems dpa' sems dpa' chen pos bslab par bgyi ba'i shes rab kyi pha rol tu phyin pa ji ltar mngon par sgrub par 'gyur/shes rab kyi pha rol tu phyin pa la ma bslabs par ni byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ shA ri'i bu de de bzhin no//de de bzhin te/ ji skad du smras pa de bzhin te/ shes rab kyi pha rol tu phyin pa la ma bslabs par byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus te/ de yang thabs mkhas pas yin gyi/ thabs mi mkhas pas ma yin no/ /shA ri'i bu gal te byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ chos gang la la zhig gi ngo bo nyid dmigs na ni de'i phyir 'dzin par mi 'gyur na/ 'on te mi dmigs na 'di ni gzugs so/ /'di ni tshor ba'o/ /'di ni 'du shes so//'di ni 'du byed rnams so/ /'di ni rnam par shes pa'o zhes bya bar yang ci zhig bzung / 'di dag ni skye mched dang / khams dang / rten cing 'brel par 'byung ba'o/ /'di dag ni pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams so/ / 'di dag ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo rnams so/ /'di dag ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams so/ /'di dag ni rnam pa thams cad mkhyen pa nyid kyi bar ro zhes bya bar yang ci zhig bzung ste/shA ri'i bu shes rab kyi pha rol tu phyin pa ni gzung du med do / /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang gzung du med do //stong pa nyid thams cad dang / byang chub kyi phyogs kyi chos rnams ni gzung du med do / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ni gzung du med pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad ni gzung du med pa'o/ /shA ri'i bu de ni gzung du med pa'i pha rol tu phyin pa ste/ 'di ltar shes rab kyi pha rol tu phyin pa'o/ /de la byang chub sems dpa' sems dpa' chen pos bslab par bya ste/de la slob pa'i byang chub sems dpa' sems dpa' chen pos ni slob par bya ba yang mi dmigs na/ shes rab kyi pha rol tu phyin pa lta ci smos/ byang chub lta yang ci smos/ byang chub kyi phyogs kyi chos rnams lta yang ci smos/ sangs rgyas kyi chos rnams lta yang ci smos/ rang sangs rgyas kyi chos rnams lta yang ci smos/nyan thos kyi chos rnams lta yang ci smos/ so so'i skye bo'i chos rnams lta yang ci smos/ de ci'i phyir zhe na/ shA ri'i bu de ni 'di ltar chos gang la yang ngo bo nyid med do/ /de ltar chos thams cad dngos po med pa'i ngo bo nyid la so so'i skye bo ni gang rgyun du zhugs pa ni gang zhig yod/lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas ni gang zhig yod/ byang chub sems dpa' ni gang zhig yod/ de bzhin gshegs pa dgra bcom pa yang dag par rdzogs pa'i sangs rgyas ni gang zhig yod/ gal te gang zag de dag dmigs su med na/chos gang gis so so'i skye bo'am/ rgyun du zhugs pa'am/ lan cig phyir 'ong ba'am/ phyir mi 'ong ba'am/ dgra bcom pa dang / rang sangs rgyas sam/ byang chub sems dpa' 'am/ de bzhin gshegs pa dgra bcom pa yang dag par rdzogs pa'i sangs rgyas zhes bya bar brjod pa'i chos de dag 'byung bar yang ga la 'gyur/gsol pa/ bcom ldan 'das chos thams cad dngos po ma mchis pa la ni 'di dag ni so so'i skye bo zhes bgyi ba nas/ 'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi ba'i bar du 'byung ba ci'i slad du dmigs par 'gyur/bcom ldan 'das kyis bka' stsal pa/ shA ri'i bu ci gzugs kyi dngos po gang la byis pa so so'i skye bo rnams mngon par zhen par 'gyur ba de lta bu yod dam/ yod par gyur tam/ yod par 'gyur ram/ gsol pa/ bcom ldan 'das phyin ci log ma gtogs par de ni ma lags so//bcom ldan 'das kyis bka' stsal pa/ shA ri'i bu ci tshor ba dang / 'du shes dang / 'du byed rnams dang / rnam par shes pa'i dngos po gang la byis pa so so'i skye bo rnams mngon par zhen par gyur pa de lta bu yod dam/ yod par gyur tam/ yod par 'gyur ram/ gsol pa/bcom ldan 'das phyin ci log ma gtogs par de ni ma lags so/ /bcom ldan 'das kyis bka' stsal pa/ shA ri'i bu sangs rgyas kyi chos ma 'dres pa bcom brgyad kyi bar gyi dngos po gang la byis pa so so'i skye bo rnams mngon par zhen par gyur pa de lta bu yod dam/ yod par gyur tam/ yod par 'gyur ram/gsol pa/ bcom ldan 'das phyin ci log ma gtogs par de ni ma lags so/ /bcom ldan 'das kyis bka' stsal pa/ shA ri'i bu de de bzhin no/ /de de bzhin te/ chos thams cad la dngos po med pa phyin ci log gi dbang gis sems can rnams rnam par rtog ste/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pas chos thams cad dngos po med par mthong nas bla na med pa yang dag par rdzogs pa'i byang chub tu yang dag par 'jug go zhes bya ba ni dmigs su med pa'i ye shes la 'god pa'i phrin las yin no// //gsol pa/ bcom ldan 'das thabs mkhas pa gang gis byang chub sems dpa' sems dpa' chen po chos thams cad dngos po med par mthong nas/bla na med pa yang dag par rdzogs pa'i byang chub tu yang dag par 'jug pa'i thabs mkhas pa de gang lags/ bcom ldan 'das kyis bka' stsal pa/ shA ri'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos gang yang gang la thogs par 'gyur ba'i dngos po'am/ gang la thogs par gyur nas zhum par 'gyur ba'am/ zhum par gyur nas sgyid lug par 'gyur ba'am / sgyid lug par gyur nas tshi chad par 'gyur ba'am/tshi chad par gyur nas le lor 'gyur ba'i dngos po yang dag par rjes su mi mthong ste/ shA ri'i bu sems can rnams rmongs pas phung po zhes bya ba'am/ skye mched ces bya ba'am/ khams zhes bya ba'am/ rten cing 'brel par 'byung ba zhes bya ba'am/ rten cing 'brel par 'byung ba'i chos zhes bya bar mngon par zhen pa ma gtogs par chos thams cad ni dngos po med pa'o//srog med pa'o/ /srog dang bral ba'o/ /dngos po med pa'i ngo bo nyid do/ /rang bzhin stong pa'o/ /rang gi mtshan nyid stong pa'o/ /de lta bas na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/chos thams cad dngos po med pa'i ngo bo nyid dang / rang bzhin stong pa nyid dang / rang gi mtshan nyid kyis stong par yang dag par rjes su mthong bas sgyu ma'i mkhan po lta bu'i lus byin gyis brlabs nas sems can rnams la chos ston te/ sems can gang ser sna can du gyur pa de dag la sbyin pa'i gtam byed do//tshul khrims ngan pa can rnams la tshul khrims kyi gtam byed do/ /gnod sems can rnams la bzod pa'i gtam byed do/ /le lo can rnams la brtson 'grus kyi gtam byed do/ /sems g.yeng ba rnams la ting nge 'dzin gyi gtam byed do/ /shes rab 'chal ba can rnams la shes rab kyi gtam byed do//gang gi tshe sems can de dag sbyin pa la bkod par gyur pa dang / tshul khrims dang / bzod pa dang / brtson 'grus dang / ting nge 'dzin dang / shes rab la bkod par gyur pa de'i tshe/ de las gong du sems can de dag la 'phags pa'i gtam 'byung bar 'gyur ba gang gis rgyun du zhugs pa'i 'bras bu thob par 'gyur ba dang /lan cig phyir 'ong ba'i 'bras bu thob par 'gyur ba dang / phyir mi 'ong ba'i 'bras bu thob par 'gyur ba dang / dgra bcom pa nyid thob par 'gyur ba dang / rang byang chub thob par 'gyur ba dang / rnam pa thams cad mkhyen pa nyid kyi bar du thob par 'gyur ba de lta bu'i gtam byed do//gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar sems can ma mchis shing yang dag par ma mchis pa rnams sbyin pa la sbyor/ tshul khrims dang /bzod pa dang / brtson 'grus dang / ting nge 'dzin dang / shes rab la sbyor zhing de las gong du 'phags pa'i gtam 'byung bar 'gyur ba gang gis rgyun du zhugs pa'i 'bras bu thob par 'gyur ba dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang /rang byang chub thob par 'gyur ba dang / rnam pa thams cad mkhyen pa nyid kyi bar du thob par 'gyur ba de lta bu'i gtam bgyid pa ji ltar dmigs par ma mchis par 'gyur/ bcom ldan 'das kyis bka' stsal pa/ shA ri'i bu byang chub sems dpa' sems dpa' chen po shes rab kyi pha rol tu phyin pa spyod pa la dmigs pa gang yang med de/de ci'i phyir zhe na/ de ni 'di ltar byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ kun rdzob kyi brdas tha snyad du yod pa ma gtogs par sems can gang yang mi dmigs te/ shA ri'i bu de la byang chub sems dpa' sems dpa' chen po 'di lta ste/kun rdzob kyi bden pa dang / don dam pa'i bden pa dang / bden pa gnyis la gnas nas sems can rnams la chos ston kyang / shA ri'i bu bden pa gnyis la sems can du dmigs pa med de/ sems can du gdags pa yang med do/ /'on kyang byang chub sems dpa' sems dpa' chen po thabs mkhas pas shes rab kyi pha rol tu phyin pa la spyod pa'i tshe/sems can rnams la chos ston na des sems can de dag tshe 'di nyid la bdag tu mi dmigs na/ gang thob par bya ba dang / gang gis thob par bya ba lta ci smos te/ shA ri'i bu de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/thabs mkhas pas sems can rnams la chos ston to/ /gsol pa/ bcom ldan 'das de ltar byang chub sems dpa' sems dpa' chen po chos gang la yang gcig pa'am tha dad par ma dmigs na/ 'di lta bu'i go cha 'tshal ba dang /go cha de 'tshal bas 'dod pa'i khams na yang mi gda'/ gzugs mchis pa'i khams na yang mi gda'/ gzugs ma mchis pa'i khams na yang mi gda'/ 'dus byas kyi khams dang / 'dus ma byas kyi khams na yang mi gda' la/ sems can rnams khams gsum nas 'grel zhing sems can du yang mi dmigs/sems can du gdags pa yang mi dmigs pa ni spro ba chen po dang ldan pa ste/ sems can du gdags pa ma mchis pas sems can bcings pa dang 'grol ba ma mchis/ sems can bcings pa dang 'grol ba ma mchis pas kun nas nyon mongs pa dang /rnam par byang ba ma mchis/ kun nas nyon mongs pa dang / rnam par byang ba ma mchis pas/ lam gyi rgyud tha dad pa ma mchis/ lam gyi rgyud tha dad pa ma mchis pa las dang nyon mongs pa ma mchis te/ las dang nyon mongs pa ma mchis na rnam par smin pa gang gis bdag gam sems can 'gro ba lnga'i 'khor ba na gda' bar gyur pa'i rnam par smin pa de lta bu yang ga la mchis/bcom ldan 'das kyis bka' stsal pa/ shA ri'i bu de de bzhin no/ /de de bzhin te/ tshig ji skad du brjod pa bzhin te/ gal te sngon sems can zhig byung bar gyur pa phyis byung ba med par byung bar gyur tam/ 'o na de ni de bzhin du sngon yod pa las phyis med par gyur tam/ 'gro ba lnga'i 'khor ba sngon yod pa la phyis med par gyur/ de bzhin gshegs pa dang byang chub sems dpa' yang sngon yod pa las phyis med par gyur na ni skyon 'dir 'gyur ba zhig na/ shA ri'i bu de bzhin gshegs pa rnams byung yang rung /de bzhin gshegs pa rnams ma byung yang rung / chos de dag ni de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings de bzhin du gnas pa ste/de la bdag kyang med/ sems can yang med/ srog kyang med/ 'gro ba yang med/ gso ba yang med/ skyes bu yang med/ gang zag kyang med/ shed can yang med/ shed bdag kyang med/ byed pa po yang med/ tshor ba po yang med/ shes pa po yang med/mthong ba po yang med na/ de la gzugs lta ga la yod/ tshor ba dang / 'du shes dang / 'du byed rnams dang / rnam par shes pa lta ga la yod/ skye mched dang khams dang / rten cing 'brel par 'byung ba lta ga la yod/ rten cing 'brel par 'byung ba'i chos rnams lta ga la yod/ chos de dag med na 'gro ba lnga'i 'khor ba gang na sems can sgrol bar bya ba de lta bu dag lta ga la yod /shA ri'i bu de la byang chub sems dpa' sems dpa' chen po sngon gyi sangs rgyas bcom ldan 'das rnams las de lta bu'i chos ngo bo nyid kyis stong pa de dag thos nas sems can rnams kyi don du bla na med pa yang dag par rdzogs pa'i byang chub tu mngon par 'jug ste/phyin ci log gis byis pa so so'i skye bo rnams mngon par zhen pa ma gtogs par sems can nam/ chos gang yang dmigs pa med do/ /shA ri'i bu byang chub sems dpa' sems dpa' chen po ni de lta bu'i go cha chen po gyon te/ go cha de bgos pas bla na med pa yang dag par rdzogs pa'i byang chub las phyir mi ldog ste/bdag gis ni bla na med pa yang dag par rdzogs pa'i byang chub tu mngon par rdzogs par 'tshang mi rgya ba bya ba ma yin gyis / gdon mi za bar bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o//de ltar mngon par rdzogs par sangs rgyas nas kyang sems can rnams kyi don chos bzhin du byas te/ don byas pa des sems can rnams phyin ci log las yongs su sgrol bar bya'o snyam mo/ /shA ri'i bu 'di lta ste dper na/ sgyu ma'i mkhan pos sprul pa'i skyes bu zhig gis srog chags bye ba khrag khrig brgya stong mang po sprul te/sprul nas bza' ba dang bca' ba zhim zhing nyams su bde ba shin tu mang bas tshim par byas te / de ltar tshim par byas nas bdag gis ni bsod nams mang po spel to/ /bdag gis ni bsod nams mang po spel to zhes ched du brjod pa ched du brjod na/shA ri'i bu de ji snyam du sems/ ci de la la la zhig ston mo byas pa'am/ tshim par byas pa'am/ la las bsod nams 'phel bar byas pa yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu de bzhin du byang chub sems dpa' sems dpa' chen po yang sems dang po bskyed pa nas nye bar bzung ste/pha rol tu phyin pa rnams la spyod pa dang / stong pa nyid thams cad la spyod pa dang / byang chub kyi phyogs kyi chos sum cu rtsa bdun la spyod pa dang / 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin thams cad dang / gzungs kyi sgo thams cad la spyod pa dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la spyod pa dang / byang chub kyi lam yongs su rdzogs par byed pa dang / sangs rgyas kyi zhing yongs su dag par byed pa'i tshe sems can rnams yongs su smin par byed de/ sems can la la zhig dmigs par byas shing gdul bar bya ba de lta bu'i sems can gang yang mi dmigs so zhes bya ba ni sems can yongs su smin par byed pa la 'god pa'i phrin las yin no// // bam po bdun cu gcig pa/ de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rang byang chub kyi lam gang la spyad de/ sems can rnams yongs su smin par bgyis pa dang / sangs rgyas kyi zhing yongs su dag par bgyi ba'i byang chub sems dpa' sems dpa' chen po'i byang chub kyi lam gang lags/bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ sbyin pa'i pha rol tu phyin pa la spyod/ tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod/ nang stong pa nyid la spyod/ phyi stong pa nyid la spyod/ phyi nang stong pa nyid la spyod/ dngos po med pa'i ngo bo nyid stong pa nyid kyi bar la spyod/dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la spyod/ 'phags pa'i bden pa bzhi dang / bsam gtan bzhi dang /tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad la spyod/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la spyod cing sems can rnams yongs su smin par byed do/ / sangs rgyas kyi zhing yongs su dag par byed do/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing sems can rnams yongs su smin par bgyis pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sems can rnams la sbyin pa yongs su gtong ste/ sbyin pa byin nas 'di skad ces 'dems shing rjes su ston te/ rigs kyi bu dag sbyin pa la bzung bas ma 'dzin cig /sbyin pa la bzung bas 'dzin zhing lus gang mngon par grub pas sdug bsngal mang po nyams su myong bar 'gyur ba de lta bu'i lus mngon par grub par gyur ta re/rigs kyi bu dag 'di la don dam par ni sbyin pa yang med/ sbyin pa'i 'bras bu yang med/ sbyin pa'i bdag po yang med/ len pa yang med de/ chos de dag thams cad ni rang bzhin gyis stong pa'o//rang bzhin gyis stong pa'i chos ni len pa yang med de/ rang bzhin gyis stong pa nyid ni bzung du med pa'o zhes 'dems shing rjes su ston to/ /rab 'byor byang chub sems dpa' sems dpa' chen po ni sbyin pa'i pha rol tu phyin pa la spyod pa'i tshe/ de ltar sems can rnams la sbyin pa yongs su gtong yang sbyin pa mi dmigs so//sbyin pa'i bdag po mi dmigs so/ /len pa mi dmigs so/ /de ni mi dmigs pa'i pha rol tu phyin pa ste/ 'di ltar sbyin pa'i pha rol tu phyin pa'o/ /de chos gsum po de dag mi dmigs pas sems can rnams rgyun du zhugs pa'i 'bras bu la sbyor ro//lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la sbyor ro/ /rang byang chub la sbyor ro/ /bla na med pa yang dag par rdzogs pa'i byang chub la sbyor ro/ /rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa'i tshe/sems can rnams yongs su smin par byed de/ bdag nyid kyang sbyin pa yongs su gtong ngo / /gzhan yang sbyin pa la yang dag par bskul lo/ /sbyin pa'i legs pa brjod do/ /sems can gzhan gang sbyin pa yongs su gtong ba de dag gi legs pa brjod cing mthun pas dga' bar spyod do//de ltar byang chub sems dpa' sems dpa' chen po de/ de lta bu'i sbyin pa chen po byin zhing rgyal rigs shing sA la chen po lta bu'i rigs dang skal ba mnyam par skye'o/ /bram ze'i rigs shing sA la chen po lta bu'i rigs dang skal ba mnyam par skye'o/ /khyim bdag gi rigs shing sA la chen po lta bu'i rigs dang skal ba mnyam par skye'o//khams kyi rgyal por 'gyur ro/ /'khor los sgyur ba'i rgyal po 'thob bo/ /de de dag na yang sems can de dag bsdu ba'i dngos po bzhis yongs su sdud de bzhi gang zhe na/ sbyin pa dang / tshig snyan pa dang / don spyod pa dang / don mthun pas yongs su sdud do//de de ltar sbyin pas yongs su bsdus pa'i sems can de yang rim gyis tshul khrims la rab tu dgod do/ /bzod pa dang / brtson 'grus dang / ting nge 'dzin dang / shes rab la rab tu dgod do/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la rab tu dgod do//dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la rab tu 'god do/ /'phags pa'i bden pa bzhi dang /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang /mngon par shes pa lnga dang / ting nge 'dzin rnams dang / gzungs kyi sgo rnams la rab tu 'god do/ /yang dag pa'i skyon med par 'jug par byed do/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par byed do//rang byang chub thob par byed do/ /bla na med pa yang dag par rdzogs pa'i byang chub tu yang dag par bskul lo/ /kye skyes bu dag bla na med pa yang dag par rdzogs pa'i byang chub ni mngon par rdzogs par 'tshang rgya bar mi dka' ste/ phyin ci log gis rmongs pa'i sems can rnams kyi khong du mi chud pa ma gtogs par chos gang la sems can rnams chags par gyur pa'i chos de lta bu gang yang ngo bo nyid kyis yod pa med kyis/phyin ci log gi 'dzin pa thams cad rgyun chod la 'khor ba las bdag kyang thar par gyis shig /gzhan yang thar par gyis shig /de ltar khyed cag kyang don chen po gyis shig /gzhan yang don chen po la sbyor cig ces yang dag par skul bar byed de/ rab 'byor de ltar byang chub sems dpa' sems dpa' chen pos sbyin pa'i pha rol tu phyin pa la spyad par bya ste/ de ltar spyod pa'i tshe ci nas kyang sems dang po bskyed pa nas nye bar bzung ste/nam yang ngan song du mi ltung ba dang / nam yang 'khor los sgyur ba'i rgyal po mi byed par mi 'gyur ba de ltar spyod do / /de ci'i phyir zhe na/ sa bon ji lta ba bzhin du 'bras bu 'byung ste/ 'khor los sgyur ba'i rgyal po de'i drung du slong mo pa gang ji snyed cig 'ongs kyang / 'khor los sgyur ba'i rgyal po de 'di snyam du sems te/bdag gis sems can rnams kyi don ma gtogs par gzhan du na 'khor los sgyur ba yongs su ma bzung ngo zhes de 'di skad ces zer te/ su ci 'dod pa de khyod la byin gyis 'di ni nga'i ma yin gyi khyed kyi'o/ /nga ni nang gi gzugs la yang don du gnyer ba med na/gzhan lta ci smos te/ gzhan du na ngas sems can rnams kyi don du 'khor ba yongs su bzung gi /bdag gi don du ni 'khor ba don du gnyer ba ma yin no zhes te/ de snying brtse bas snying rje chen po yongs su rdzogs par byas shing snying rje chen pos sems can rnams kyi don byed kyang sems can gang yongs su grub pa de lta bu mi dmigs te/gzhan du na 'du shes dang / ming dang tha snyad kyis rnam par spyod de/ rnam par spyod pa de yang sgra brnyan lta bur rnam par spyad du med par shes so/ /rab 'byor byang chub sems dpa' sems dpa' chen pos sbyin pa'i pha rol tu phyin pa la de ltar spyad par bya ste/spyod pa'i tshe ci nas kyang bdag gi sha yan chad kyang sems can rnams la yongs su ma btang ba med par bya na/ phyi rol gyi yo byad gang gis sems can rnams 'khor ba las yongs su thar bar bya ba dag lta smos su yang med pa de ltar spyad par bya'o/ /gsol pa/ bcom ldan 'das yo byad de dag gang lags/ bcom ldan 'das kyis bka' stsal pa/ sbyin pa'i pha rol tu phyin pa ni yo byad do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni yo byad do//nang stong pa nyid ni yo byad do/ /phyi stong pa nyid ni yo byad do/ /phyi nang stong pa nyid ni yo byad do/ /dngos po med pa'i ngo bo nyid stong pa nyid kyi bar ni yo byad do/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa ni yo byad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ni yo byad do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams ni yo byad do//de dag ni yo byad de/ yo byad de dag gis sems can rnams yongs su bsdus shing rim gyis nyan thos kyi theg pa'am/ rang sangs rgyas kyi theg pa'am/ theg pa chen po'am/ theg pa gsum po de dag gis yongs su mya ngan las zlo ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing sbyin pa'i pha rol tu phyin pas sems can rnams yongs su sdud pa yin no//rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing sems can rnams tshul khrims kyi pha rol tu phyin pa la sbyor ba yin zhe na/rab 'byor 'di la byang chub sems dpa' sems dpa' chen po sbyin pa'i pha rol tu phyin pa la gnas shing sems can rnams la sbyin pa yang yongs su gtong ste/ de sbyin pa gtong ba'i tshe 'di skad ces brjod do/ /rigs kyi bu dag tshur shog /tshul khrims srungs shig /ngas khyed la zas dang / skom dang / gos dang / bzhon pa dang / mal cha dang / me tog dang / bdug spos dang / spos dang / phreng ba dang / byug pa dang / khyim dang / nor dang / 'bru dang / nor bu dang / mu tig dang / bai DUr+ya dang / dung dang / man shel dang / byi ru dang / gser dang / dngul dang / mi'i rkyen dang / yo byad gang ci yang rung ba'i bar gyis phongs pa med par bya'o/ /khyed kyang phongs pas tshul khrims ngan pa la spyod grang na/ khyed yo byad thams cad dang / rin po che sna bdun gyi bar gyis phongs pa med par byas/ des khyed sdom pa'i tshul khrims la gnos la rim gyis nyan thos kyi theg pa'am/rang sangs rgyas kyi theg pa'am/ rnam pa thams cad mkhyen pa nyid kyi theg pa'am/ theg pa gsum po de dag gis sdug bsngal mthar phyin par gyis shig ces nas byang chub sems dpa' sems dpa' chen po de bdag nyid kyang tshul khrims bsrungs so / / gzhan yang tshul khrims la yang dag par bskul lo/ /tshul khrims kyi legs pa brjod do/ /sems can gzhan gang tshul khrims bsrung ba de dag gi yang legs pa brjod cing mthun pas dga' bar spyod do/ /de ltar byang chub sems dpa' sems dpa' chen po de sems can de dag de ltar tshul khrims la sbyar zhing tshul khrims la rab tu bkod de/rim gyis theg pa gsum pos yongs su mya ngan las zlo ste/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la gnas shing tshul khrims kyi pha rol tu phyin pas sems can rnams yongs su sdud pa yin no//rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing sems can rnams bzod pa'i pha rol tu phyin pa la sbyor ba yin zhe na/ rab 'byor 'di la byang chub sems dpa' sems dpa' chen po sbyin pa'i pha rol tu phyin pa la gnas shing sems can gang khro ba dang gnod sems su byed pa dag mthong na/de la 'di skad ces zer ro/ /rigs kyi bu dag khyed ci'i rgyus gnod sems su byed par gyur/ khyed gang gis phongs shing gnod sems su byed par gyur pa de dang de nga las [(]long [,]longs [)]shig /ngas khyed zas dang / skom dang /mi'i rkyen gyi yo byad gang ci rung ba'i bar gyis phongs pa med par byas/ khro ba dang gnod sems med par gyis shig ces de ltar byang chub sems dpa' sems dpa' chen po sbyin pa'i pha rol tu phyin pa la gnas shing sems can de dag bzod pa la sbyor te/ 'di skad du gcugs gang gis khro ba skye bar gyur pa de ni snying po med pa ste/de la dngos po gang yang med do/ /khro ba de ni yang dag pa ma yin par yongs su brtags pa ste/ dngos po gang gi phyir khyed 'thab cing 'khon pa dang gnod sems su byed par gyur pa dang / de ltar 'thab cing 'khon te gnod sems su gyur nas dbyig pa 'gyed pa dang / mtshon gyis 'debs pa dang / phan tshun gyi srog la rgal bar 'gyur ba'i dngos po de la dngos po'i rang bzhin gang yang med na/ de ltar yin yang khyed yang dag pa ma yin pa'i yongs su rtog pas 'khrugs na/ sems can dmyal ba dag tu ltung bar 'gyur/ byol song gi skye gnas dang / gshin rje'i 'jig rten dag tu ltung bar 'gyur/de ma yin pa'i ngan song gzhan dag tu yang khyed sdug bsngal mi bzad pa dang / tsha zhing rtsub pa yid du mi 'ong ba'i tshor ba nyams su myong bar 'gyur gyis/ skyes bu khyed rnams dngos po med pa'i chos kyi don du las gang yongs su bzung bas mir skye ba yang thob par mi 'gyur na/sangs rgyas 'byung ba dang phrad par 'gyur ba lta smos su med pa de lta bu'i las yongs su ma 'dzin cig /grogs po dag sangs rgyas 'byung ba ni dkon no/ /mir skye ba thob pa ni dkon no/ /dal ba phun sum tshogs pa ni dkon no/ /'khor ba las thar pa ni dkon no/ /de ltar yin gyi dal ba 'di ni don med par ma byed cig /mi khom par gyur cing gsor mi rung bar gyur ta re zhes de la byang chub sems dpa' sems dpa' chen po bdag nyid kyang bzod pa sgrub bo/ /gzhan yang bzod pa la yang dag par bskul lo/ /bzod pa'i legs pa brjod do/ /sems can gzhan gang bzod pa sgom pa de dag gi legs pa brjod cing mthun pas dga' bar byed do//de ltar byang chub sems dpa' sems dpa' chen po de sems can de dag de ltar bzod pa la sbyar zhing bzod pa la rab tu bkod do / /rim gyis theg pa gsum gyis yongs su mya ngan las zlo ste/ rab 'byor de ltar byang chub sems dpa' sems dpa' chen po sbyin pa'i pha rol tu phyin pa la gnas shing bzod pa'i pha rol tu phyin pas sems can rnams yongs su sdud pa yin no//rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing / sems can rnams brtson 'grus kyi pha rol tu phyin pa la sbyor ba yin zhe na/rab 'byor 'di la byang chub sems dpa' sems dpa' chen po sems can le lo can brtson 'grus chung ba dag mthong ba na/ 'di skad du khyod ci'i phyir le lo byed ces brjod de/ de dag rkyen dang mi ldan pa'i phyir ro zhes zer na/ de la byang chub sems dpa' sems dpa' chen po sbyin pa'i pha rol tu phyin pa la spyod cing sems can de dag la 'di skad ces zer te/kye skyes bu dag ngas sbyin pa'i rkyen tam/ tshul khrims kyi rkyen tam/ bzod pa'i rkyen tam/ gzhan yang rnam pa gang dang gang gis brtson 'grus rtsom du rung ba de dag khyed la ngas nye bar bsgrub par byas/brtson 'grus rtsoms shig ces nas sems can de dag byang chub sems dpa' sems dpa' chen po de'i yo byad la spyod cing lus sam/ sems kyis brtson 'grus rtsom ste/ de dag lus dang sems kyi brtson 'grus kyis dge ba'i chos thams cad yongs su rdzogs par byed de/dge ba'i chos de dag gis 'phags pa zag pa med pa'i chos rnams sgom mo/ /de dag bsgoms pas rgyun du zhugs pa'i 'bras bu 'thob po/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid 'thob po//rang byang chub 'thob bo/ /bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de la byang chub sems dpa' sems dpa' chen po bdag nyid kyang brtson 'grus rtsom mo/ /gzhan yang brtson 'grus la yang dag par bskul lo/ / brtson 'grus kyi legs pa brjod do/ /sems can gzhan gang brtson 'grus rtsom pa de dag gi legs pa brjod cing mthun pas dga' bar spyod do/ /de ltar byang chub sems dpa' sems dpa' chen po de sems can de dag de ltar brtson 'grus la sbyor zhing brtson 'grus la rab tu bkod do //rim gyis theg pa gsum pos yongs su mya ngan las zlo ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing brtson 'grus kyi pha rol tu phyin pas sems can rnams yongs su sdud pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing bsam gtan gyi pha rol tu phyin pa la sems can rnams sbyor ba yin zhe na/rab 'byor 'di la byang chub sems dpa' sems dpa' chen pos sems g.yeng bar gyur pa'i sems can dag mthong na 'di skad du sems can khyed ci'i phyir bsam gtan la mnyam par mi 'jog ces brjod do //de dag rkyen dang mi ldan pa'i phyir ro zhes zer na/ de la byang chub sems dpa' sems dpa' chen po sbyin pa'i pha rol tu phyin pa la spyod cing sems can de dag la 'di skad du 'dems te/ kye sems can dag ngas rkyen gang dang gang gis phyi nang gi chos la rnam par rtog par mi 'gyur ba de lta bu'i rkyen nye bar bsgrub par bya'o zhes nas byang chub sems dpa' sems dpa' chen po de sems can de dag la rkyen gang dang gang nye bar bsgrubs pas rnam par rtog par mi 'gyur ba de lta bu'i rkyen nye bar bsgrubs te/de'i phyir de dag rnam par rtog pa chad nas bsam gtan dang po la snyoms par 'jug go//bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug go/ /byams pa la snyoms par 'jug go/ /snying rje dang / dga' ba dang / btang snyoms la snyoms par 'jug go/ /nam mkha' mtha' yas skye mched la snyoms par 'jug go//rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la snyoms par 'jug go/ /de dag bsam gtan dang / tshad med pa dang / gzugs med pa'i snyoms par 'jug pa de dag gis sems 'dul bar gyur pas dran pa nye bar gzhag pa bzhi sgom mo//yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom mo/ /rnam par thar pa'i sgo gsum sgom mo/ / de dag bsgoms pas rim gyis theg pa gsum pos yongs su mya ngan las 'das te / de ni bla na med pa yang dag par rdzogs pa'i byang chub kyi bar du byang chub kyi lam las yongs su mi nyams te/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing ting nge 'dzin gyi pha rol tu phyin pas sems can rnams yongs su sdud pa yin no//rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing shes rab kyi pha rol tu phyin pas sems can rnams yongs su sdud pa yin zhe na/ rab 'byor 'di la byang chub sems dpa' sems dpa' chen po sbyin pa'i pha rol tu phyin pa la gnas shing shes rab 'chal bar gyur pa'i sems can dag mthong na/'di skad du sems can khyed ci'i phyir shes rab mi sgom zhes brjod de/ de dag rkyen dang mi ldan pa'i phyir ro zhes zer na/ de la byang chub sems dpa' sems dpa' chen po sbyin pa'i pha rol tu phyin pa la gnas shing sems can de dag la 'di skad du 'dems te/nga las yo byad rnams long la sbyin pa byin cig /tshul khrims srungs shig /bzod pa sgoms shig /brtson 'grus rtsoms shig /ting nge 'dzin la mnyam par zhog cig /rnam pa de dag yongs su rdzogs par gyis la/shes rab kyi pha rol tu phyin pa sgom pa la bdag gam/ sems can nam/ srog gam/ 'gro ba'am/ gso ba'am/ skyes bu'am/ gang zag gam/ shed can nam/ shed bdag gam/ byed pa po'am/ tshor ba po'am/ shes pa po'am/ mthong ba po'am/ gzugs sam/ tshor ba'am/ 'du shes sam/ 'du byed rnams sam / rnam par shes pa'am/ skye mched dang / khams dang / rten cing 'brel par 'byung ba'am/ pha rol tu phyin pa rnams sam/ stong pa nyid thams cad dam / byang chub kyi phyogs kyi chos rnams sam/ 'phags pa'i bden pa'am/ bsam gtan nam/ tshad med pa'am/ gzugs med pa'i snyoms par 'jug pa'am/ rnam par thar pa'am/ mthar gyis gnas pa'i snyoms par 'jug pa'am/ stong pa nyid dang / mtshan ma med pa dang / smon pa med pa dang / mngon par shes pa'am/ ting nge 'dzin tam/ gzungs kyi sgo'am/ de bzhin gshegs pa'i stobs sam/ mi 'jigs pa'am/ so so yang dag par rig pa'am/ byams pa chen po dang / snying rje chen po'am/ sangs rgyas kyi chos ma 'dres pa rnams dang / rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang byang chub bam/ rnam pa thams cad mkhyen pa nyid kyi bar ram/ chos gang yang yod dam/ yongs su rtogs shig ces 'dems shing rjes su ston te/ des byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ chos gang la yang dmigs pas mngon par zhen par 'gyur ba de lta bu'i chos gang yang mi dmigs te/de la mngon par zhen pa med pas chos gang yang skye ba'am 'gag pa'am/ kun nas nyon mongs pa'am/ rnam par byang bar yang dag par rjes su mi mthong ste/ yang dag par rjes su ma mthong bas 'di ni sems can dmyal ba'o//'di ni byol song gi skye gnas pa'o/ /'di ni gshin rje'i 'jig rten pa'o/ /'di ni lha ma yin gyi rigs su gtogs pa'o/ /'di ni lha'o/ /'di ni mi'o/ /'di ni tshul khrims dang ldan pa'o/ /'di ni tshul khrims ngan pa can no/ /'di ni rgyun du zhugs pa'o/ /'di ni lan cig phyir 'ong ba'o//'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bya bar rnam par mi rtog ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing shes rab kyi pha rol tu phyin pas sems can rnams yongs su sdud pa yin no//rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas shing byang chub kyi phyogs kyi chos sum cu rtsa bdun gyi bar la sems can rnams sbyor ba yin zhe na/ rab 'byor 'di la byang chub sems dpa' sems dpa' chen po sems can dag la yo byad rnams nye bar bsgrubs te/yo byad de dag gis yongs su zin pa'i sems can rnams byang chub kyi phyogs kyi chos rnams sgom mo/ /byang chub kyi phyogs kyi chos rnams bsgoms pas 'khor ba las yongs su thar par 'gyur te/ rab 'byor de ltar na byang chub sems dpa' sems dpa' chen po pha rol tu phyin pa drug la gnas shing byang chub kyi phyogs kyi chos sum cu rtsa bdun la sems can rnams sbyor ba yin no//rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la spyod cing sems can mgon med pa sdug bsngal ba/ kha zas dang gos kyis phongs pa dag mthong na 'di ltar yongs su smin par byed de/rigs kyi bu dag tshur [(]sheg[,]shog[) ]/nga las zas dang / skom dang / gos dang / bzhon pa dang / mal cha dang / me tog dang / bdug spos dang / spos dang / phreng ba dang / byug pa dang / mi'i rkyen dang / yo byad gang ci yang rung ba rin po che bdun gyi bar du long la/sems can rnams la phan thogs shig /de ni khyed la yun ring po'i don dang phan pa dang bde bar 'gyur gyis/ 'di ltar don 'di ni pha bi yin gyi/ bdag gi ma yin no snyam du bsam par mi bya'o/ /don 'di ni bdag gis yun ring po nas sems can rnams kyi don du bsgrubs pa yin no zhes de ltar khyed kyis bdag gi yin par soms la/sems can rnams la yongs su [(]thong [,]thongs [)]shig /sbyin pa des kyang tshul khrims la sbyor cig /bzod pa dang / brtson 'grus dang / bsam gtan dang / shes rab la sbyor cig /stong pa nyid thams cad dang / byang chub kyi phyogs kyi chos rnams la sbyor cig /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo rnams la sbyor cig /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams la sbyor cig /de tsam gyis dga' bar ma sems par gong du 'phags pa'i chos zag pa med pa rnams la khod cig /'di lta ste rgyun du zhugs pa'i 'bras bu la khod cig /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la khod cig ces 'dems shing rjes su ston to//rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing sems can rnams yongs su smin par byed de/ de ltar yongs su smin par byas pa'i sems can rnams ngan song gsum las yongs su thar pa nas/'khor ba thams cad kyi bar las yongs su thar ro/ /rab 'byor gzhan yang byang chub sems dpa' sems dpa' chen po tshul khrims kyi pha rol tu phyin pa la gnas te/ sems can rnams 'di ltar yongs su smin par bya'o/ /rkyen gang dang ma ldan pas khyed tshul khrims ngan par byed par 'gyur ba'i rkyen de dag ngas khyed la bshugs kyis /zas dang / skom dang / gos dang / bzhon pa dang / mal cha dang / me tog dang / bdug spos dang / spos dang / phreng ba dang / byug pa dang / mi'i rkyen dang / yo byad gang ci yang rung ste/ rin po che bdun gyi bar du long la sems can rnams la phan thogs shig ces 'dems shing rjes su ston to//de tshul khrims kyi pha rol tu phyin pa la gnas shing sems can de dag la phan pa de lta bus phan 'dogs te/ phan pa de lta bus phan btags pas de dag dge ba bcu'i las kyi lam la yang dag par blangs shing gnas te/ de dag sdom pa'i tshul khrims ma zhig ma gong ma 'dres pa skyon med pa ma nyams pa rang dbang yod pa mkhas pas bsngags pa shin tu rdzogs pa ting nge 'dzin gyi rgyur 'gyur ba la gnas shing pha rol tu phyin pa drug la gnas/stong pa nyid thams cad dang / byang chub kyi phyogs kyi chos rnams la gnas shing / rnam pa thams cad mkhyen pa nyid rjes su thob par byed do//rab 'byor gzhan yang byang chub sems dpa' sems dpa' chen po bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas shing sems can shes rab 'chal par gyur pa blo chung ba dag mthong na/'di ltar yongs su smin par byed de/ rkyen gang dang ma ldan pas khyed shes rab 'chal par 'gyur ba'i rkyen de dag ngas khyed la bshugs kyis zas dang / skom dang / gos dang / bzhon pa dang / mal cha dang / me tog dang / bdug spos dang / spos dang / phreng ba dang / byug pa dang / mi'i rkyen dang /yo byad gang ci yang rung ba rin po che bdun gyi bar du long shig ces nas/ de shes rab kyi pha rol tu phyin pa la gnas shing / sems can de dag la phan pa de lta bus phan 'dogs te/ phan pa de lta bus phan btags pas rmongs pa med cing / shes rab dang ldan par gyur pa de dag shes rab kyi pha rol tu phyin pa la gnas shing /pha rol tu phyin pa drug la gnas/ stong pa nyid thams cad dang / byang chub kyi phyogs kyi chos rnams la gnas/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la gnas/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad la gnas shing / rnam pa thams cad mkhyen pa nyid kyi rjes su thob par byed de/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la gnas shing /sems can rnams yongs su smin par byed de/ de ltar yongs su smin par byas pa rnams/ ngan song gsum nas yongs su thar pa nas/ 'khor ba thams cad kyi bar las yongs su thar ro/ / de nas tshe dang ldan pa rab 'byor 'di snyam du gyur te/ byang chub sems dpa' sems dpa' chen pos de lta bu'i go bgo bar bya na/de la byang chub sems dpa' sems dpa' chen po'i byang chub kyi lam ni ji lta bu zhig yod snyam pa dang / de nas bcom ldan 'das kyis tshe dang ldan pa rab 'byor gyi sems kyi yongs su rtog pa thugs su chud nas tshe dang ldan pa rab 'byor la 'di skad ces bka' stsal to/ / rab 'byor pha rol tu phyin pa drug ni byang chub sems dpa' sems dpa' chen po'i byang chub kyi lam mo/ /rab 'byor stong pa nyid thams cad ni byang chub sems dpa' sems dpa' chen po'i byang chub kyi lam mo/ /byang chub kyi phyogs kyi chos sum cu rtsa bdun ni byang chub sems dpa' sems dpa' chen po'i byang chub kyi lam mo//rab 'byor 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /mngon par shes pa dang / ting nge 'dzin dang / gzungs kyi sgo thams cad ni byang chub sems dpa' sems dpa' chen po'i byang chub kyi lam mo/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad ni byang chub sems dpa' sems dpa' chen po'i byang chub kyi lam mo/ /rab 'byor gzhan yang chos thams cad ni byang chub sems dpa' sems dpa' chen po'i byang chub kyi lam mo/ /rab 'byor de ji snyam du sems/ chos gang la byang chub sems dpa' sems dpa' chen pos bslab par mi bya ba dang /gang la ma bslabs kyang bla na med pa yang dag par rdzogs pa'i byang chub tu mngon par rdzogs par 'tshang rgya ba de lta bu'i chos gang yang yod dam/ rab 'byor gang la byang chub sems dpa' sems dpa' chen pos bslab par mi bya ba de lta bu'i chos gang yang med do //chos thams cad la ma bslabs pa'i byang chub sems dpa' sems dpa' chen pos ni rnam pa thams cad mkhyen pa nyid thob par mi nus so/ /rab 'byor gyis gsol pa/ bcom ldan 'das gal te chos thams cad stong pa lags na/ byang chub sems dpa' sems dpa' chen po chos thams cad la ji ltar bslab par bgyi ste/bcom ldan 'das 'di snyed do zhes bgyi ba'am/ 'di dag go zhes bgyi ba'am/ 'jig rten pa'i chos ni 'di dag go/ /'jig rten las 'das pa'i chos ni 'di dag go/ /zag pa dang bcas pa'i chos ni 'di dag go/ /zag pa med pa'i chos ni 'di dag go//'dus byas kyi chos ni 'di dag go/ /'dus ma byas kyi chos ni 'di dag go/ /so so'i skye bo'i chos ni 'di dag go/ /rgyun du zhugs pa'i chos ni 'di dag go/ /lan cig phyir 'ong ba dang / phyir mi 'ong ba dang / dgra bcom pa'i chos ni 'di dag go/ /rang sangs rgyas kyi chos ni 'di dag go/ /byang chub sems dpa'i chos ni 'di dag go//sangs rgyas kyi chos ni 'di dag go zhes bgyi ba ni spros pa ma mchis pa 'phro bar mi bgyid pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni stong pa'o/ /rab 'byor gal te chos thams cad ngo bo nyid kyis stong pa ma yin na ni byang chub sems dpa' sems dpa' chen po yang chos thams cad la bslabs shing bla na med pa yang dag par rdzogs pa'i byang chub tu mngon par rdzogs par 'tshang mi rgya ste/rab 'byor chos thams cad ngo bo nyid kyis stong pas de'i phyir byang chub sems dpa' sems dpa' chen pos chos thams cad la bslabs shing bla na med pa yang dag par rdzogs pa'i byang chub tu mngon par rdzogs par 'tshang rgya'o//rab 'byor khyod kyis gzhan yang gang 'di skad du gal te chos thams cad ngo bo nyid kyis stong na byang chub sems dpa' sems dpa' chen pos 'di snyed do zhes bya ba'am/ 'di dag go zhes bya ba dang / 'jig rten pa'i chos ni 'di dag go/ /'jig rten las 'das pa'i chos ni 'di dag go/ /zag pa dang bcas pa'i chos ni 'di dag go/ /zag pa med pa'i chos ni 'di dag go/ /'dus byas kyi chos ni 'di dag go/ /'dus ma byas kyi chos ni 'di dag go/ /so so'i skye bo'i chos ni 'di dag go//rgyun du zhugs pa'i chos ni 'di dag go/ /lan cig phyir 'ong ba dang / phyir mi 'ong ba dang / dgra bcom pa'i chos ni 'di dag go/ /rang sangs rgyas kyi chos ni 'di dag go/ /byang chub sems dpa'i chos ni 'di dag go/ /sangs rgyas kyi chos ni 'di dag go zhes bya bar ji ltar chos rnam par dbye bar 'gyur zhes bya ba ni/rab 'byor ci sems can 'di dag gis de ltar chos thams cad stong ngo zhes bya bar shes sam/ gal te shes na ni byang chub sems dpa' sems dpa' chen po yang chos thams cad la bslabs shing / rnam pa thams cad mkhyen pa nyid thob par mi byed de/ rab 'byor sems can 'di dag chos thams cad stong ngo zhes bya bar mi shes pas de'i phyir byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/chos rnam par 'god par byas shing sems can rnams la chos ston to zhes bya ba ni byang chub sems dpa'i lam la dgod pa'i phrin las yin no// //rab 'byor de la byang chub sems dpa' sems dpa' chen po byang chub kyi lam la spyod pas thog ma nyid du 'di ltar yongs su brtag par bya ste/ mngon par 'du bya ba ma gtogs par 'di la chos gang yang ngo bo nyid kyis dmigs su med do zhes bya bar yongs su brtag par bya'o//de chos thams cad kyi ngo bo nyid la de ltar rtogs pas pha rol tu phyin pa rnams sam/ stong pa nyid thams cad dam/ byang chub kyi phyogs kyi chos sum cu rtsa bdun nam/ 'phags pa'i bden pa dang / bsam gtan dang / tshad med pa dang /gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams sam/ de bzhin gshegs pa'i stobs dang /mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams sam/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang /rang byang chub bam/ bla na med pa yang dag par rdzogs pa'i byang chub kyi bar ram/ chos gang la yang mngon par chags par mi 'gyur ro/ /de ci'i phyir zhe na/ de ni 'di ltar chos thams cad ni ngo bo nyid kyis chos thams cad kyi stong pa ste/ stong pa nyid ni stong pa nyid la mngon par zhen par mi 'gyur ro//stong pa nyid kyang dmigs su med na/ gang stong pa nyid la mngon par zhen par 'gyur ba lta ci smos te/ rab 'byor de ltar na byang chub sems dpa' sems dpa' chen po chos thams cad la mngon par zhen pa med par chos thams cad kyis rnam par spyod do/ /de bslab pa 'di la gnas shing sems can 'di dag ci la spyod ces sems can gyi spyod pa la lta ste/de 'di snyam du kye ma sems can 'di dag ni yang dag pa ma yin pa'i 'dzin pa la spyod do/ /kye ma sems can 'di dag ni yang dag pa ma yin pa'i 'dzin pa las dgrol bar bya ba dka' ba med do zhes nas de'i tshe thabs mkhas pas shes rab kyi pha rol tu phyin pa la gnas te 'di skad du ston to//kye sems can dag tshur sheg /sbyin pa byin cig /des khyed longs spyod dang ldan par 'gyur gyi / longs spyod des kyang rlom sems su ma byed cig /de la snying po gang yang med do/ /de bzhin du tshul khrims la 'dems te/kye sems can dag tshur sheg /tshul khrims srungs shig /tshul khrims des kyang rlom sems su ma byed cig /de la snying po gang yang med do/ /de bzhin du bzod pa la 'dems te/ kye sems can dag tshur sheg /bzod pa sgoms shig /bzod pa des kyang rlom sems su ma byed cig /de la snying po gang yang med do/ /de bzhin du brtson 'grus la 'dems te/ kye sems can dag tshur sheg /brtson 'grus rtsoms shig /brtson 'grus des kyang rlom sems su ma byed cig /de la snying po gang yang med do/ /de bzhin du ting nge 'dzin la 'dems te/kye sems can dag tshur sheg /ting nge 'dzin la mnyam par zhog cig /ting nge 'dzin des kyang rlom sems su ma byed cig /de la snying po gang yang med do/ /de bzhin du shes rab la 'dems te/ kye sems can dag tshur sheg /shes rab sgoms shig /shes rab des kyang rlom sems su ma byed cig /de la snying po gang yang med do/ /de bzhin du stong pa nyid thams cad la 'dems te/ kye sems can dag tshur sheg /stong pa nyid sgoms shig /stong pa nyid des kyang rlom sems su ma byed cig /de la snying po gang yang med do/ /de bzhin du byang chub kyi phyogs kyi chos sum cu rtsa bdun la 'dems te/kye sems can dag tshur sheg /byang chub kyi phyogs kyi chos rnams sgoms shig /byang chub kyi phyogs kyi chos de dag gis kyang rlom sems su ma byed cig /de la snying po gang yang med do/ /de bzhin du 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la 'dems te/ kye sems can dag tshur sheg /gzungs kyi sgo rnams sgoms shig /gzungs kyi sgo de dag gis kyang rlom sems su ma byed cig /de la snying po gang yang med do/ /de bzhin du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang /snying rje chen po dang / sangs rgyas kyi chos ma 'dres pa rnams la 'dems te/ kye sems can dag tshur sheg /sangs rgyas kyi chos ma 'dres pa rnams sgoms shig /sangs rgyas kyi chos ma 'dres pa de dag gis kyang rlom sems su ma byed cig /de la snying po gang yang med do/ /de bzhin du rgyun du zhugs pa'i 'bras bu la 'dems te/kye sems can dag tshur sheg /rgyun du zhugs pa'i 'bras bu sgoms shig /rgyun du zhugs pa'i 'bras bu des kyang rlom sems su ma byed cig /de la snying po gang yang med do/ /de bzhin du lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub la 'dems te/ kye sems can dag tshur sheg /rang byang chub sgoms shig /rang byang chub des kyang rlom sems su ma byed cig /de la snying po gang yang med do/ /de bzhin du rnam pa thams cad mkhyen pa nyid kyi bar la 'dems te/ kye sems can dag tshur sheg /rnam pa thams cad mkhyen pa nyid sgoms shig /rnam pa thams cad mkhyen pa nyid des kyang rlom sems su ma byed cig /de la snying po gang yang med do zhes de lta de ltar sems can rnams la 'dems pa dang / rjes su ston pa dang / byang chub sems dpa'i lam la spyad kyang gang la yang mngon par zhen pa med do//de ci'i phyir zhe na/ chos thams cad ni mngon par zhen pa med pa ste/ de ni 'di ltar de dag la stong pa nyid kyi ngo bo nyid kyi phyir/ gang gis mngon par zhen par bya ba'i ngo bo nyid med do/ /rab 'byor de ltar na byang chub sems dpa' sems dpa' chen po byang chub kyi lam la spyod kyang gang la yang mi gnas te/de gnas pa med pa'i tshul gyis sbyin pa'i pha rol tu phyin pa la spyod kyang de la mi gnas so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod kyang de la mi gnas so//de bsam gtan dang po la snyoms par 'jug kyang de la mi gnas te/ de ci'i phyir zhe na/ de ni 'di ltar bsam gtan dang po ni bsam gtan gyi rang bzhin gyis stong ngo / /gang mnyam par gzhog pa de yang rang bzhin gyis stong ngo / /rnam pa gang gis mnyam par gzhag pa'i rnam pa de dag kyang rang bzhin gyis stong ngo //de bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug /byams pa dang / snying rje dang / dga' ba dang / btang snyoms la snyoms par 'jug /nam mkha' mtha' yas skye mched dang / rnam shes mtha' yas skye mched dang /cung zad med pa'i skye mched dang / 'du shes med 'du shes med min skye mched la snyoms par 'jug /rnam par thar pa brgyad dang / mthar gyis gnas pa'i snyoms par 'jug pa dgu dang / byang chub kyi phyogs kyi chos sum cu rtsa bdun dang / 'phags pa'i bden pa dang / / stong pa nyid dang / mtshan ma med pa dang / smon pa med pa dang / mngon par shes pa la snyoms par 'jug kyang de la mi gnas te/ de ci'i phyir zhe na/ de ni 'di ltar mngon par shes pa rnams ni mngon par shes pa rnams kyi rang bzhin gyis stong ngo / /gang mnyam par gzhag pa de yang rang bzhin gyis stong ngo //rnam pa gang gis mnyam par gzhag pa'i rnam pa de dag kyang rang bzhin gyis stong ngo / /de rgyun du zhugs pa'i 'bras bu thob kyang de la mi gnas so/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob kyang de la mi gnas so/ / de rang byang chub thob kyang de la mi gnas so/ /gsol pa/ de ci'i slad du mi gnas/ bcom ldan 'das kyis bka' stsal pa/ rnam pa gnyis kyi phyir mi gnas te/ gnyis gang zhe na/ ngo bo nyid dang / ngo bo nyid med pa ste/ de gnyis kyi phyir gang la gnas pa'am/ gang gis gnas pa'am/ gang gnas par 'gyur ba de lta bu'i 'bras bu de dag la gnas med do//de tsam gyis dga' bar yang mi 'dzin te/ de ci'i phyir zhe na/ 'di ltar de 'di snyam du bdag gis rgyun du zhugs pa'i 'bras bu thob par mi bya ba ma yin te/ de la gnas par mi bya'o/ /bdag gis lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid thob par mi bya ba ma yin te/ de la gnas par mi bya'o/ /bdag gis rang sangs rgyas kyi sa'i bar du thob par mi bya ba ma yin te/ de la gnas par mi bya'o/ /bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar bya'o//de ci'i phyir zhe na/ bdag gis ni sems dang po bskyed pa nas nye bar bzung ste/ bla na med pa yang dag par rdzogs pa'i byang chub tu sems bskyed pa ma gtogs par sems gzhan gang yang mi skyed do/ /de ci'i phyir zhe na/ bdag gis ni sa dang po nas nye bar bzung ste/ bla na med pa yang dag par rdzogs pa'i byang chub tu sems bskyed pa ma gtogs par sems gzhan gang yang ma bskyed do//bdag gis ni sa bcu pa'i bar nas nye bar bzung ste/ bla na med pa yang dag par rdzogs pa'i byang chub tu sems bskyed pa ma gtogs par sems gzhan gang yang ma bskyed do/ /byang chub sems dpa'i skyon med par zhugs nas/bla na med pa yang dag par rdzogs pa'i byang chub tu sems bskyed pa ma gtogs par sems gzhan gang yang ma bskyed do snyam ste/ rab 'byor byang chub sems dpa' sems dpa' chen po ni sems g.yeng ba med par lus sam/ ngag gam yid kyis gang spyod kyang rung ste/byang chub kyi sems kyis mi spyod pa med de/ byang chub sems dpa' sems dpa' chen po de ni byang chub kyi sems la gnas nas/ yid g.yeng ba med par byang chub kyi lam sgrub po/ /gsol pa/ bcom ldan 'das gal te chos thams cad ma skyes pa lags na/byang chub sems dpa' sems dpa' chen pos byang chub kyi lam ji ltar sgrub par bgyi/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni ma skyes pa ste/ de ji lta bu zhes bya na/ gang mngon par 'du mi byed pa de dag la ni chos thams cad ma skyes pa'o//gsol pa/ bcom ldan 'das 'o na de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid de bzhin du gnas pa ma lags sam/ bcom ldan 'das kyis bka' stsal pa/ rab 'byor de de bzhin no// de de bzhin te/ de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid ni de bzhin du gnas so/ /de la yang gang chos kyi gnas nyid de lta bu mi shes pa de dag gi don du byang chub sems dpa' sems dpa' chen pos byang chub kyi lam bskyed de/lam des sems can rnams 'khor ba las yongs su thar par byed do zhes bya ba ni chos thams cad la mngon par zhen pa spangs pa la 'god pa'i phrin las yin no// //gsol pa/ bcom ldan 'das ci lags skyes par gyur pa'i lam gyis byang chub 'thob par 'gyur ba lags sam/bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na ma skyes pa'i lam gyis byang chub 'thob par 'gyur ba lags sam/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na skyes kyang skyes la ma skyes kyang ma skyes pa'i lam gyis byang chub 'thob par 'gyur ba lags sam/bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na skyes pa yang ma lags/ ma skyes pa yang ma lags pa'i lam gyis byang chub 'thob par 'gyur ba lags sam/bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na ji ltar byang chub 'thob par 'gyur/ bcom ldan 'das kyis bka' stsal pa/ rab 'byor byang chub ni lam gyis thob pa yang ma yin/ lam ma yin pas thob pa yang ma yin te/ byang chub nyid kyang lam mo/ /lam nyid kyang byang chub po/ /gsol pa/ bcom ldan 'das gal te de ltar byang chub nyid kyang lam mo/ /lam nyid kyang byang chub lags na/ byang chub sems dpa' sems dpa' chen pos byang chub snga nas kyang thob par 'gyur na/ de bzhin gshegs pa dgra bcom pa yang dag par rdzogs pa'i sangs rgyas kyi skyes bu chen po'i mtshan sum cu rtsa gnyis dang /dpe byad bzang po brgyad cu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / thugs rje chen po dang / sangs rgyas kyi chos ma 'dres pa bco brgyad kyis brjod do zhes kyang ci'i slad du bstan/bcom ldan 'das kyis bka' stsal pa/ rab 'byor de ji snyam du sems/ sangs rgyas shig byang chub thob par byed pa yin nam/ gsol pa/ bcom ldan 'das de ni ma lags so/ /sangs rgyas ni byang chub thob par mi mdzad do/ /sangs rgyas nyid kyang byang chub bo//byang chub nyid kyang sangs rgyas so/ /bcom ldan 'das kyis bka' stsal pa/ rab 'byor gang khyod kyis 'di skad du/ byang chub sems dpa' sems dpa' chen pos byang chub snga nas thob par 'gyur ro zhes smras pa/ rab 'byor 'di la byang chub sems dpa' sems dpa' chen pos ni pha rol tu phyin pa rnams yongs su rdzogs par byas/stong pa nyid thams cad yongs su rdzogs par byas/ byang chub kyi phyogs kyi chos sum cu rtsa bdun yongs su rdzogs par byas/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yongs su rdzogs par byas/ de bzhin gshegs pa'i stobs bcu dang /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par byas shing rdo rje lta bu'i ting nge 'dzin gyis skad cig gcig dang ldan pa'i shes rab kyis bla na med pa yang dag par rdzogs pa'i byang chub tu mngon par rdzogs par 'tshang rgya ste/bla na med pa yang dag par rdzogs pa'i byang chub tu mngon par rdzogs par sangs rgyas phyin chad de de bzhin gshegs pa'i thams cad gzigs pa/ chos thams cad la dbang bsgyur ba zhes bya'o zhes bya ba ni yang dag par rdzogs pa'i byang chub thob pa la dgod pa'i phrin las yin no// //rab 'byor gyis gsol pa/ bcom ldan 'das gal te chos thams cad rang bzhin gyis dben pa la gnas na/ ji ltar byang chub sems dpa' sems dpa' chen pos sangs rgyas kyi zhing yongs su dag par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/bdag dang gzhan gyi lus kyi gnas ngan len dang / ngag gi gnas ngan len dang / yid kyi gnas ngan len yongs su sbyong ste/ de yongs su dag par byas pas sangs rgyas kyi zhing yongs su dag par byed do// //bam po bdun cu gnyis pa/ gsol pa/ bcom ldan 'das lus kyi gnas ngan len ni gang lags/ ngag gi gnas ngan len ni gang lags/ yid kyi gnas ngan len ni gang lags/ bcom ldan 'das kyis bka' stsal pa/ lus kyi las mi dge ba srog gcod pa dang /ma byin par len pa dang / 'dod pas log par g.yem pa ni byang chub sems dpa'i lus kyi gnas ngan len to/ /ngag gi las ni mi dge ba brdzun du smra ba dang / phra ma dang / zhe gcod pa'i tshig dang / tshig 'khyal pa ni byang chub sems dpa'i ngag gi gnas ngan len to/ /yid kyi las mi dge ba chags sems dang /gnod sems dang / log par lta ba ni byang chub sems dpa'i yid kyi gnas ngan len to/ /rab 'byor gzhan yang ser sna'i sems ni byang chub sems dpa'i yid kyi gnas ngan len to/ /tshul khrims ngan pa'i sems dang / 'khrugs pa'i sems dang /le lo'i sems dang / g.yeng ba'i sems dang / mnyam par ma bzhag pa'i sems dang / shes rab 'chal ba'i sems ni byang chub sems dpa'i yid kyi gnas ngan len to/ /rab 'byor gzhan yang tshul khrims yongs su ma dag pa ni byang chub sems dpa'i gnas ngan len to/ /rab 'byor gzhan yang dran pa nye bar gzhag pa bzhi dang bral ba ni byang chub sems dpa'i gnas ngan len to//yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang bral ba ni byang chub sems dpa'i gnas ngan len to//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang bral ba ni byang chub sems dpa'i gnas ngan len to//rab 'byor gzhan yang rgyun du zhugs pa'i 'bras bu mngon du byed pa'am/ de la 'dod pa bskyed pa ni byang chub sems dpa'i gnas ngan len to/ lan cig phyir 'ong ba'i 'bras bu mngon du byed pa'am/ de la 'dod pa bskyed pa ni byang chub sems dpa'i gnas ngan len to//phyir mi 'ong ba'i 'bras bu mngon du byed pa'am/ de la 'dod pa bskyed pa ni byang chub sems dpa'i gnas ngan len to/ /dgra bcom pa nyid mngon du byed pa'am/ de la 'dod pa bskyed pa ni byang chub sems dpa'i gnas ngan len to/ /rang byang chub mngon du byed pa'am/de la 'dod pa bskyed pa ni byang chub sems dpa'i gnas ngan len to/ /rab 'byor gzhan yang gzugs kyi 'du shes ni gnas ngan len to / /tshor ba dang / 'du shes dang / 'du byed rnams dang / rnam par shes pa'i 'du shes ni gnas ngan len to/ /mig gi 'du shes ni ga gnas ngan len to//rna ba dang / sna dang / lce dang / lus dang / yid kyi 'du shes ni gnas ngan len to/ /gzugs kyi 'du shes ni gnas ngan len to/ /sgra dang / dri dang / ro dang / reg dang / chos kyi 'du shes ni gnas ngan len to/ /mig gi rnam par shes pa'i 'du shes ni gnas ngan len to/ / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'du shes ni gnas ngan len to/ /mig gi 'dus te reg pa'i 'du shes ni gnas ngan len to/ /rna ba'i 'dus te reg pa dang / sna'i 'dus te reg pa dang /lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'du shes ni gnas ngan len to/ /mig gi 'dus te reg pa'i rkyen gyis tshor ba'i 'du shes ni gnas ngan len to/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang /lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'du shes ni gnas ngan len to/ /sa'i khams kyi 'du shes ni gnas ngan len to/ /chu'i khams dang / mi'i khams dang / rlung gi khams dang /nam mkha'i khams dang / rnam par shes pa'i khams kyi 'du shes ni gnas ngan len to/ /ma rig pa'i 'du shes ni gnas ngan len to/ /'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i 'du shes ni gnas ngan len to/ /bud med kyi 'du shes ni gnas ngan len to/ /skyes pa'i 'du shes ni gnas ngan len to/ /'dod pa'i khams kyi 'du shes ni gnas ngan len to/ /gzugs kyi khams dang / gzugs med pa'i khams kyi 'du shes ni gnas ngan len to//dge ba'i 'du shes dang / mi dge ba'i 'du shes dang / 'jig rten pa'i 'du shes dang / 'jig rten las 'das pa'i 'du shes dang / zag pa dang bcas pa'i 'du shes dang / zag pa med pa'i 'du shes dang / 'dus byas kyi 'du shes dang / 'dus ma byas kyi 'du shes ni gnas ngan len to//rab 'byor de dag ni byang chub sems dpa'i lus kyi gnas ngan len to / /ngag gi gnas ngan len dang / yid kyi gnas ngan len te/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gnas ngan len de thams cad rnam par spangs shing bdag kyang sbyin pa yongs su gtong ngo //gzhan yang sbyin pa la yang dag par bskul te/ de zas 'dod pa la ni zas yongs su gtong ngo / /skom 'dod pa la ni skom/ gos 'dod pa la ni gos yongs su gtong ngo / /mi'i rkyen dang yo byad gang ci yang rung ba'i bar du 'dod pa la ni de dag yongs su gtong ste/gzhan yang mi'i rkyen dang yo byad gang ci yang rung ba'i bar du yongs su gtong ba la yang dag par bskul zhing rab tu 'god de/ de'i dge ba'i rtsa ba gang ji snyed pa de dag kyang sems can thams cad dang thun mong du byas shing sangs rgyas kyi zhing yongs su dag par bya ba'i phyir yongs su bsngo'o//de bdag nyid kyang tshul khrims bsrung ngo / /gzhan yang tshul khrims la yang dag par bskul lo/ /bdag kyang bzod pa sgom mo/ /gzhan yang bzod pa la yang dag par bskul lo/ /bdag kyang brtson 'grus rtsom mo/ /gzhan yang brtson 'grus la yang dag par bskul lo//bdag kyang bsam gtan la snyoms par 'jug go/ /gzhan yang bsam gtan la yang dag par bskul lo/ /bdag kyang shes rab sgom mo/ /gzhan yang shes rab la yang dag par bskul zhing gzhog go/ /'dul lo/ /rab tu 'god do/ /dge ba'i rtsa ba de dag kyang sems can thams cad dang thun mong du byas shing sangs rgyas kyi zhing yongs su dag par bya ba'i phyir yongs su bsngo ste/stong gsum gyi stong chen po'i 'jig rten gyi khams rin po che sna bdun gyis yongs su bkang zhing dkon mchog gsum la 'bul bar byed kyang de 'di snyam du dge ba'i rtsa ba 'dis bdag gi sangs rgyas kyi zhing rin po che sna bdun gyi rgyu las grub par gyur cig ces bya bar sems bskyed do//rab 'byor gzhan yang byang chub sems dpa' sems dpa' chen po sangs rgyas kyi spyan mnga' 'am/ sangs rgyas kyi mchod rten gyi drung du lha rdzas kyi rol mo brdung ba dkrol bar byed kyang de 'di snyam du dge ba'i rtsa ba 'dis bdag gi sangs rgyas kyi zhing du lha rdzas kyi sgra yid du 'ong ba rtag tu rgyun mi 'chad par 'byung bar gyur cig ces bya bar sems bskyed do//rab 'byor gzhan yang stong gsum gyi stong chen po'i 'jig rten gyi khams lha rdzas kyi spos kyis yongs su bkang zhing sangs rgyas rnams sam/ sangs rgyas kyi mchod rten dag la 'bul bar byed kyang de 'di snyam du dge ba'i rtsa ba 'dis bdag gi sangs rgyas kyi zhing der rtag tu rgyun mi 'chad par lha rdzas kyi spos kyi ngad ldang bar gyur cig ces bya bar sems bskyed do//rab 'byor gzhan yang byang chub sems dpa' sems dpa' chen po ro brgya dang ldan pa'i kha zas de bzhin gshegs pa rnams dang /de bzhin gshegs pa'i nyan thos la 'bul bar byed cing de 'di snyam du dge ba'i rtsa ba 'dis bdag gi sangs rgyas kyi zhing der bdag bla na med pa yang dag par rdzogs pa'i byang chub tu mngon par rdzogs par sangs rgyas par gyur pa dang / nyan thos kyi dge 'dun dang bcas pa la man bus brtsal ro brgya dang ldan pa mngon par 'grub par gyur cig ces bya bar sems bskyed do//rab 'byor gzhan yang byang chub sems dpa' sems dpa' chen po de bzhin gshegs pa rnams sam/ de bzhin gshegs pa'i mchod rten dag la lha rdzas kyi byug pa yongs su 'bul bar byed kyang de 'di snyam du dge ba'i rtsa ba 'dis bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de'i sems can thams cad kyang lha rdzas kyi reg pa dang ldan par gyur cig ces bya bar sems bskyed do//rab 'byor gzhan yang byang chub sems dpa' sems dpa' chen po 'di snyam du yid kyis bsams pa tsam gyis yid du 'ong ba'i gzugs dang /sgra dang / dri dang / ro dang / reg rnams sangs rgyas bcom ldan 'das rnams dang / nyan thos rnams dang / sems can thams cad la dbul zhing yongs su gtang bar bya'o snyam du sems te/ de de ltar sems pa'i tshe 'di snyam du dge ba'i rtsa ba 'dis bdag gi sangs rgyas kyi zhing der bdag bla na med pa yang dag par rdzogs pa'i byang chub tu mngon par rdzogs par sangs rgyas pa dang /nyan thos kyi dge 'dun dang bcas pa dang / sems can thams cad kyang yid kyis bsams pa tsam gyis yid du 'ong ba'i gzugs dang /sgra dang / dri dang / ro dang / reg yongs su 'grub par gyur cig ces bya bar sems bskyed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di snyam du sems te/ ma la bdag nyid kyang bsam gtan dang po la mnyam par gzhag go//sems can thams cad kyang bsam gtan dang po la 'god do/ /ma la bdag nyid kyang bsam gtan gnyis pa dang / bsam gtan gsum pa dang / bsam gtan bzhi pa la mnyam par gzhag go/ /sems can thams cad kyang bsam gtan bzhi pa la 'god do//ma la bdag nyid kyang byams pa la mnyam par gzhag go/ /sems can thams cad kyang byams pa la 'god do/ /ma la bdag nyid kyang snying rje dang / dga' ba dang / btang snyoms la mnyam par gzhag go/ /sems can thams cad kyang btang snyoms la 'god do/ /ma la bdag nyid kyang nam mkha' mtha' yas skye mched la mnyam par gzhag go//sems can thams cad kyang nam mkha' mtha' yas skye mched la 'god do/ /ma la bdag nyid kyang rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la mnyam par gzhag go//sems can thams cad kyang 'du shes med 'du shes med min skye mched la 'god do/ /ma la bdag nyid kyang dran pa nye bar gzhag pa rnams bsgom par bya'o/ /sems can thams cad kyang dran pa nye bar gzhag pa rnams la 'god do/ /ma la bdag nyid kyang yang dag par spong ba dang /rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa bsgom par bya'o/ /sems can thams cad kyang 'phags pa'i lam yan lag brgyad pa la 'god do/ /ma la bdag nyid kyang rnam par thar pa'i sgo stong pa nyid dang /mtshan ma med pa dang / smon pa med pa bsgom par bya'o/ /sems can thams cad kyang rnam par thar pa'i sgo stong pa nyid dang / mtshan ma med pa dang / smon pa med pa la 'god do snyam ste/ de de ltar sems pa'i tshe/ de 'di snyam du dge ba'i rtsa ba 'dis bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de'i sems can thams cad bsam gtan bzhi dang mi 'bral zhing tshad med pa bzhi dang mi 'bral ba dang /gzugs med pa'i snyoms par 'jug pa bzhi dang / byang chub kyi phyogs kyi chos sum cu rtsa bdun dang / rnam par thar pa'i sgo stong pa nyid dang / mtshan ma med pa dang / smon pa med pa dang mi 'bral bar shog shig ces bya bar sems bskyed do/ /rab 'byor de ltar byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ sangs rgyas kyi zhing yongs su dag par byed do/ /de nam bsam pa de dag thams cad yongs su rdzogs par ma gyur gyi bar du bla na med pa yang dag par rdzogs pa'i byang chub tu mngon par rdzogs par 'tshang mi rgya ste/de bdag nyid kyang dge ba'i rtsa ba thams cad dang ldan pa yin/ sems can de dag thams cad kyang dge ba'i rtsa ba dang ldan par byed pa yin te/de bdag nyid kyi lus kyang mdzes pa yin te/ sems can gang byang chub sems dpa' sems dpa' chen po des yongs su smin par byas pa de dag kyang 'di lta ste/ bsod nams kyis yongs su bzung ba'i phyir gzugs bzang zhing mdzes la yid du 'ong ba'i gzugs mngon par 'grub ste/rab 'byor byang chub sems dpa' sems dpa' chen po ni sangs rgyas kyi zhing de ltar yongs su dag par byed de/ ci nas kyang ngan song gsum du gdags pa'i ming yang mi srid pa dang / lta ba'i rnam par gdags pa'i ming yang mi srid pa dang / 'dod chags dang / zhe sdang dang / gti mug tu gdags pa'i ming yang mi srid pa dang /bud med dang / skyes par gdags pa'i ming yang mi srid pa dang / theg pa gnyis su gdags pa'i ming yang mi srid pa dang / mi rtag pa dang / sdug bsngal ba dang / bdag med par gdags pa'i ming yang mi srid pa dang / yongs su 'dzin par gdags pa'i ming yang mi srid pa dang /bdag dang bdag gir bya bar gdags pa'i ming yang mi srid pa dang / bag la nyal ba dang / kun nas ldang bar gdags pa'i ming yang mi srid pa dang / phyin ci log tu gdags pa'i ming yang mi srid pa dang / 'bras bur gdags pa'i ming yang mi srid cing gzhan du na sems can de dag 'dod pa bzhin du shing rlung gis btab pa'am phyi nang gi dngos po dag las 'di lta ste/stong pa nyid kyi sgra dang / mtshan ma med pa'i sgra dang / smon pa med pa'i sgra dang / mi skye mi 'gag pa'i sgra dang / chos thams cad ngo bo nyid med pa'i sgra dang / chos thams cad chos thams cad kyis stong pa'i sgra 'byung ba dang /chos de dag gi ngo bo nyid ji lta ba bzhin ngo bo nyid med pa'i sgra dang / de bzhin gshegs pa rnams byung yang rung / de bzhin gshegs pa rnams ma byung yang rung ste/ chos thams cad chos thams cad kyis stong ngo / /gang stong pa nyid de la ni mtshan ma med do//gang la ni mtshan ma med pa de la ni smon pa med do zhes bya ba'i chos bstan pa'i sgra nyin mtshan rgyun mi 'chad par 'gro yang rung / 'dug kyang rung / ldang yang rung / nyal yang rung ste/ rtag tu rgyun mi 'chad pa 'byung bar 'gyur ba de lta bur sangs rgyas kyi zhing yongs su sbyong ngo / /de lta bu'i sangs rgyas kyi zhing der bla na med pa yang dag par rdzogs pa'i byang chub tu mngon par rdzogs par sangs rgyas nas kyang de bzhin gshegs pa dgra bcom pa yang dag par rdzogs pa'i sangs rgyas de la phyogs bcu'i 'jig rten gyi khams dag na sangs rgyas bcom ldan 'das gang ji snyed cig bzhugs pa de dag thams cad legs pa brjod par 'gyur te/sems can gang gis de bzhin gshegs pa'i mtshan thos pa de dag thams cad kyang bla na med pa yang dag par rdzogs pa'i byang chub tu nges par 'gyur te/ de bzhin gshegs pa dgra bcom pa yang dag par rdzogs pa'i sangs rgyas des chos bstan na/sems can gang yang 'di ni chos so/ /'di ni chos ma yin zhes bya bar the tshom za bar mi 'gyur ro/ /de ci'i phyir zhe na/ de ni 'di ltar chos rnams kyi chos nyid gang yin pa de la ni chos ma yin pa gang yang med de thams cad kyang chos so/ /de la sems can gang mi dge ba'i rtsa bas non pa dang /sangs rgyas sam/ sangs rgyas kyi nyan thos rnams la dge ba'i rtsa ba ma bskyed pa mi dge ba'i bshes gnyen gyis yongs su zin pa/ bdag tu lta bar bying ba nas lta ba'i rnam pa thams cad kyi bar du bying ba rtag pa'am chad pa'i mtha' la gnas pa/ log par 'dzin pas yang dag par rdzogs pa'i sangs rgyas ma yin pa la ni yang dag par rdzogs pa'i sangs rgyas yin par 'du shes pa/ yang dag par rdzogs pa'i sangs rgyas yin pa la ni yang dag par rdzogs pa'i sangs rgyas ma yin par 'du shes pa de dag ni chos ma yin pa yang chos so zhes zer/chos la yang chos ma yin no zhes zer ro / /de dag chos spong bar 'gyur te/ de ltar chos spangs nas lus zhig pa'i 'og tu shi nas ngan song dang / ngan 'gro dang / log par ltung ba sems can dmyal ba dag tu skye bar 'gyur te/ de lta bu dag la yang sangs rgyas bcom ldan 'das de dag bla na med pa yang dag par rdzogs pa'i byang chub tu mngon par rdzogs par sangs rgyas zhing 'khor ba'i khongs su chud pa'i sems can de dag sdig par lta ba'i rnam pa de dag las rnam par 'grol te /de ltar rnam par bkrol nas nges pa'i phung por rab tu bkod do / /der bkod pa rnams phyin chad ngan song du ltung bar mi 'gyur ro//rab 'byor de ltar na byang chub sems dpa' sems dpa' chen po sangs rgyas kyi zhing yongs su dag par byed pa yin te/ de ltar yongs su sbyangs pas sems can rnams 'jig rten pa'i chos sam/ 'jig rten las 'das pa'i chos sam/zag pa dang bcas pa'i chos sam/ zag pa med pa'i chos sam/ 'dus byas kyi chos sam/ 'dus ma byas kyi chos gang la yang gnas par mi 'gyur te/ bla na med pa yang dag par rdzogs pa'i byang chub kyi bar du nges par 'gyur ro zhes bya ba ni sangs rgyas kyi zhing yongs su dag pa la 'god pa'i phrin las yin no// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po nges zhes bgyi'am/ ma nges zhes bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni nges pa ste/ma nges pa ma yin no/ /gsol pa/ bcom ldan 'das nyan thos kyi phung po'am/ rang sangs rgyas kyi phung po'am/ sangs rgyas kyi phung po'am/ phung po gang du nges pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni nyan thos kyi phung por nges pa'am/ rang sangs rgyas kyi phung por nges pa ma yin gyi/ rab 'byor byang chub sems dpa' sems dpa' chen po ni sangs rgyas kyi phung por nges so / /gsol pa/ bcom ldan 'das sems dang po bskyed pa'i byang chub sems dpa' sems dpa' chen po ni nges zhes bgyi'am/'on tam phyir mi ldog par nges zhes bgyi/ skye ba gcig gis thogs par nges zhes bgyi'am/ 'on tam srid pa tha mar nges zhes bgyi/ bcom ldan 'das kyis bka' stsal pa/ rab 'byor sems dang po bskyed pa'i byang chub sems dpa' sems dpa' chen po ni nges pa'o//phyir mi ldog pa ni nges pa'o/ /srid pa gcig gis thogs pa ni nges pa'o/ /gsol pa/ bcom ldan 'das nges pa'i byang chub sems dpa' sems dpa' chen po ngan song rnams su skye bar 'gyur ram mi 'gyur/ bcom ldan 'das kyis bka' stsal pa/rab 'byor de ni ma yin te/ rab 'byor nges pa'i byang chub sems dpa' sems dpa' chen po ni ngan song du mi skye'o/ /rab 'byor de ji snyam du sems/ brgyad pa'am/ rgyun du zhugs pa'am/ lan cig phyir 'ong ba'am/ phyir mi 'ong ba'am/ dgra bcom pa'am/ rang sangs rgyas ngan song du skye bar 'gyur ram/ gsol pa/bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po gang sems dang po bskyed pa nas nye bar bzung ste/ sbyin pa gtong ba dang / tshul khrims srung ba dang / bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang /shes rab sgom pa dang / mi dge ba'i chos thams cad spang ba'i don du gnas pa de ni ngan song du skye bar 'gyur ba'i gnas med do/ /lha tshe ring por skye ba'i gnas med do/ /gang na dge ba'i chos rnams mi spyod pa de lta bur skye ba'i gnas med do/ /glen pa dang lkugs par 'gyur ba'i yul du skye ba'i gnas med do//mtha' 'khob kyi kla klo dang / mi srun zhing 'khor bzhi rgyur med pa'i yul du skye ba'i gnas med do/ /log par lta ba'i rigs su skye ba'i gnas med do/ /gang na sangs rgyas kyi sgra mi grag pa dang / chos kyi sgra mi grag pa dang / dge 'dun gyi sgra mi grag par 'gyur ba de lta bur skye ba'i gnas med do//bya ba ma yin par lta bar ltung ba'i gnas med do/ /rab 'byor byang chub sems dpa' sems dpa' chen po sems dang po bskyed pa nas nye bar bzung ste/ bla na med pa yang dag par rdzogs pa'i byang chub tu lhag pa'i bsam pas yang dag par zhugs pa ni mi dge ba bcu'i las kyi lam la spyod ces bya ba'i gnas med do//gsol pa/ bcom ldan 'das gal te de ltar nges pa'i byang chub sems dpa' sems dpa' chen po de lta bu'i dge ba'i rtsa ba dang ldan zhing tshul dang mi 'dra ba'i gnas su mi skye ba lags na / gang 'di ltar de bzhin gshegs pa nyid kyang byol song gi rgyud du skyes pa'i rabs bstan na/de'i tshe dge ba'i rtsa ba de dag gang du mchis/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni mi dge ba'i las kyis byol song gi rgyud du skye ba ma yin gyi/ lus gang dang gang gis sems can rnams don du 'gyur ba de dang de lta bu'i lus ched du bsams shing sems can rnams kyi don du yongs su 'dzin kyang /rab 'byor de ni 'di ltar thabs mkhas pas byang chub sems dpa' sems dpa' chen po byol song gi skye gnas su skyes shing de la la zhig gsod du 'ongs kyang bla na med pa'i bzod pas bdag yongs su gtong zhing sems can de dag la gnod par mi byed pa de lta bu'i thabs mkhas pa dag dgra bcom pa'am/rang sangs rgyas dag la yod dam/ rab 'byor de bas na rnam grangs des kyang 'di ltar byang chub sems dpa' sems dpa' chen po ni sems can rnams kyi phyir bla na med pa yang dag par rdzogs pa'i byang chub kyi don du snying rje chen po yongs su rdzogs par byed cing byol song gi skye gnas su skye ba yang byol song gi skye gnas kyi rgyud kyi nyes pas mi gos par rig par bya'o//gsol pa/ bcom ldan 'das dge ba'i chos gang la gnas shing byang chub sems dpa' sems dpa' chen po de lta bu'i lus yongs su 'dzin/bcom ldan 'das kyis bka' stsal pa/ rab 'byor byang chub sems dpa' sems dpa' chen pos yongs su rdzogs par mi bya ba'i dge ba'i chos de lta bu gang yang med de/ dge ba'i chos thams cad yongs su rdzogs pa ni bla na med pa yang dag par rdzogs pa'i byang chub ste/de ltar byang chub sems dpa' sems dpa' chen po sems dang po bskyed pa nas nye bar bzung ste snying po byang chub la 'jug gi bar du dge ba'i chos gang yang yongs su rdzogs par mi bya ba med do/ /dge ba'i chos gang yang yongs su rdzogs par ma byas par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu med de/de ni gnas ma yin no/ /rab 'byor de lta bas na byang chub sems dpa' sems dpa' chen pos sems dang po bskyed pa nas nye bar bzung ste/ dge ba'i chos thams cad yongs su rdzogs par bya ba la bslab par bya ste/de la bslabs nas rnam pa thams cad mkhyen pa nyid rjes su 'thob bo/ /bag chags kyi mtshams sbyor ba'i nyon mongs pa thams cad kyang yongs su spong ngo / /gsol pa/ bcom ldan 'das ji ltar na byang chub sems dpa' sems dpa' chen po 'phags pa'i chos dkar po zag pa ma mchis pa de lta bu dang ldan pa ngan song ngam/byol song gi skye gnas su skye bar 'gyur/ bcom ldan 'das kyis bka' stsal pa/ rab 'byor de bzhin gshegs pa 'phags pa zag pa med pa yin nam/ gsol pa/ bcom ldan 'das de de lags so//bde bar gshegs pa de de lags te de bzhin gshegs pa ni 'phags shing zag pa mi mnga' ba'o/ /bcom ldan 'das kyis bka' stsal pa/ rab 'byor de bzhin gshegs pas byol song gi skye gnas su gtogs pa'i srog chags mngon par sprul pa mdzad cing /de mngon par sprul nas sangs rgyas kyi phrin las mdzad pa de lta bu yod dam/ gsol pa/ bcom ldan 'das ma mchis so/ /bcom ldan 'das kyis bka' stsal pa/ rab 'byor des de bzhin gshegs pa byol song gi skye gnas par 'gyur ram/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor de bzhin gshegs pa byol song gi skye gnas kyi sdug bsngal myong bar 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos zag pa med pa dang ldan pa yang ched du bsams shing de lta bu'i lus yongs su 'dzin te/lus de dag gis sems can rnams ci rigs ci tshul du yongs su smin par byed do/ /rab 'byor de ji snyam du sems/ dgra bcom pas sprul pa mngon par sprul na/sprul pa des dgra bcom pa'i las byas shing las des gzhan gyi dge ba'i rtsa ba skye bar 'gyur ba yod dam/ rab 'byor gyis gsol pa/ bcom ldan 'das de de bzhin te mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos zag pa med pa dang ldan pa yang ched du bsams shing de lta bu'i lus yongs su 'dzin te/ci rigs ci tshul du sems can rnams yongs su smin par byed do/ /de lta bu'i lus des sdug bsngal du yang mi 'gyur te/ sdug bsngal gyi tshor ba yang nyams su mi myong ngo / /rab 'byor de ji snyam du sems/sgyu ma'i mkhan pos sgyu ma las glang po'i gzugs sam/ rta'i gzugs sam/ glang gi gzugs shig bstan tam/ gzhan yang sgyu ma rnam pa sna tshogs bstan na/ de dag glang po'i gzugs sam/ rta'i gzugs sam/ glang gi gzugs sam/ srog chags kyi rigs gzhan dag tu yang 'gyur ba yod dam/gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos zag pa med pa dang ldan pa yang ched du bsams shing de lta bu'i lus yongs su 'dzin te/lus de dag gis sems can rnams kyi don byed de/ sdug bsngal gyi tshor bar 'gyur ba gang yang med do/ /rab 'byor gyis gsol pa/ kye ma bcom ldan 'das de ltar byang chub sems dpa' sems dpa' chen po 'phags pa'i ye shes zag pa ma mchis pa dang ldan zhing lus gang dang gang gis sems can rnams kyi don du 'gyur ba de dang de lta bu'i lus yongs su 'dzin pa ni thabs shin tu mkhas pa ste de ni ngo mtshar che'o zhes bya ba ni yang dag par rdzogs pa'i byang chub la nges par 'jog pa'i phrin las yin no// //bcom ldan 'das byang chub sems dpa' sems dpa' chen po ni chos dkar po gang dang gang la gnas shing de lta bu'i thabs mkhas pa bgyid kyang las de lta bus mi gos par spyod pa lags/bcom ldan 'das kyis bka' stsal pa/ rab 'byor shes rab kyi pha rol tu phyin pa la gnas shing byang chub sems dpa' sems dpa' chen po de lta bu'i thabs mkhas pa la spyod de/thabs mkhas pa de dag gis phyogs bcu'i phyogs re re'i 'jig rten gyi khams gang gA'i klung gi bye ma snyed dag tu sems can rnams kyi don byed kyang des de la gang yang reg par 'gyur ba med do/ /de ci'i phyir zhe na/ de ni 'di ltar byang chub sems dpa' sems dpa' chen pos gang reg par byed pa dang /gang gis reg par byed pa dang / gang la reg par bya ba de lta bu'i chos gsum po de dag thams cad mi dmigs te/ de ci'i phyir zhe na/ de ni 'di ltar chos gsum po de dag thams cad ngo bo nyid kyis stong pas stong pa nyid ni stong pa nyid la reg par mi byed do//stong pa nyid kyis chos gang la yang reg par mi 'gyur ro/ /stong pa nyid kyang reg par bya ba ma yin no/ /de ci'i phyir zhe na/ de ni 'di ltar stong pa nyid la stong pa nyid mi dmigs so/ /de ni mi dmigs pa stong pa nyid de/ de la gnas shing byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o//gsol pa/ bcom ldan 'das ci lags/ byang chub sems dpa' sems dpa' chen po chos gzhan la mi gnas kyi/ shes rab kyi pha rol tu phyin pa 'ba' zhig la gnas shing rnam pa de lta bu'i thabs mkhas pa la spyod pa lags sam/bcom ldan 'das kyis bka' stsal pa/ rab 'byor chos gang shes rab kyi pha rol tu phyin pa'i khongs su ma chud pa de lta bu yod dam/ gsol pa/ bcom ldan 'das gal te shes rab kyi pha rol tu phyin pa ngo bo nyid kyis stong na/ ji ltar shes rab kyi pha rol tu phyin pa'i khongs su chos thams cad 'dus pa lags/bcom ldan 'das stong pa nyid la ni chos gang yang khongs su chud pa'am/ khongs su ma chud pa zhes bgyi ba ma mchis so/ /bcom ldan 'das kyis bka' stsal pa/ rab 'byor chos thams cad chos thams cad kyis mi stong ngam/ gsol pa/ bcom ldan 'das stong ngo / /bcom ldan 'das kyis bka' stsal pa/ rab 'byor de ste chos thams cad chos thams cad kyis stong na/ chos thams cad stong pa nyid du ma 'dus sam/ gsol pa/ bcom ldan 'das de de lags so/ /bcom ldan 'das kyis bka' stsal pa/ rab 'byor rnam grangs des na /khyod kyis 'di ltar byang chub sems dpa' sems dpa' chen po ni shes rab kyi pha rol tu phyin pa la gnas shing de lta bu'i thabs mkhas pa la spyod par rig par bya'o zhes bya ba ni sems can gyi don tshad med pa la 'god pa'i phrin las yin no// //de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod cing chos thams cad stong pa nyid la gnas te/ mngon par shes pa gang la gnas shing phyogs bcu'i phyogs re re'i 'jig rten gyi khams gang gA'i klung gi bye ma snyed dag tu mchi ba dang /'jig rten gyi khams de dag na sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag la yang bsnyen bkur bgyid pa dang / chos nyan zhing sangs rgyas bcom ldan 'das de dag la dge ba'i rtsa ba bskyed pa'i mngon par shes pa'i pha rol tu phyin pa mngon par sgrub pa lags/de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ phyogs bcu'i phyogs re re'i 'jig rten gyi khams gang gA'i klung gi bye ma snyed po de dag thams cad ngo bo nyid kyis stong par mthong ngo //'jig rten gyi khams de dag na sangs rgyas bcom ldan 'das gang ji snyed cig bzhugs pa'i sangs rgyas bcom ldan 'das de dag kyang ngo bo nyid kyis stong par mthong ngo / / gzhan du na ming dang brdar btags pa nye bar bzung zhing bstan pa ma gtogs te/ gdags pa kun kyang ngo bo nyid kyis stong ngo / /gal te 'jig rten gyi khams de dag kyang ngo bo nyid kyis mi stong la/ sangs rgyas bcom ldan 'das de dag kyang ngo bo nyid kyis mi stong ste/ gdags pa'i rgyu de dag kyang ngo bo nyid kyis mi stong pa zhig yin na ni/nyi tshe'i stong pa nyid du 'gyur te/ de yang stong pa nyi tshe ba ma yin no/ /de'i phyir chos thams cad chos thams cad kyis stong ste/ de nyid kyi phyir byang chub sems dpa' sems dpa' chen po thabs mkhas pas shes rab kyi pha rol tu phyin pa la spyod cing /mngon par shes pa'i pha rol tu phyin pa mngon par bsgrubs te/ mngon par shes pa de dag la gnas shing lha'i mig dang / lha'i rna ba dang / rdzu 'phrul gyi rnam pa dang / pha rol gyi sems shes pa dang / sngon gyi gnas dran pa dang / 'chi 'pho shes pa mngon par bsgrubs te /mngon par shes pa med par byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /de ci'i phyir zhe na/ 'di ltar byang chub sems dpa' sems dpa' chen po'i byang chub ni mngon par shes pa'i pha rol tu phyin par 'dus pa ste/mngon par shes pa de dag las byang chub yongs su btsal bar bya'o/ /de tshol ba'i tshe lha'i mig rnam par dag pa mi las 'das pas bdag nyid kyang dge ba'i chos thams cad mthong la/ gzhan yang dge ba'i chos thams cad la sbyor te/ dge ba'i chos de dag la mngon par zhen par 'gyur ba med do//de ci'i phyir zhe na/ dge ba'i chos de dag thams cad ni ngo bo nyid kyis stong pa ste/ stong pa nyid ni gang la mngon par zhen cing ro myong bar byed par mngon par zhen par 'gyur ba med de / stong pa nyid ni ro myong bar byed pa med do/ /de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/lha'i mig mngon par bsgrubs te / lha'i mig des chos thams cad kyang stong pa nyid du mthong ste/ de chos de dag la gnas shing las mngon par sgrub bo/ /las mngon par sgrub pa des sems can rnams la chos ston te/ sems can nam sems can du gdags par dmigs pa med do//de ltar mi dmigs pa'i tshul gyis byang chub sems dpa' sems dpa' chen po mngon par shes pa'i pha rol tu phyin pa mngon par bsgrubs te/ mngon par shes pa de dag gis mngon par shes par bya ba'i chos gang ji snyed pa de dag byed do//de lha'i mig rnam par dag pa mi las 'das pa de nyid kyis shar phyogs kyi 'jig rten gyi khams thams cad mthong ste/ de dag tu rdzu 'phrul gyis song zhing sbyin pa'am/ tshul khrims sam/ bzod pa'am/ brtson 'grus sam/ bsam gtan nam/ shes rab bam/ byang chub kyi phyogs kyi chos rnams sam/rnam par thar pa'i sgo stong pa nyid dang / mtshan ma med pa dang / smon pa med pa dang / bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ ting nge 'dzin rnams sam/ mthar gyis gnas pa'i snyoms par 'jug pa rnams sam/de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ sangs rgyas kyi chos ma 'dres pa rnams sam/ nyan thos kyi chos sam/ rang sangs rgyas kyi chos sam/ byang chub sems dpa'i chos sam/sangs rgyas kyi chos kyis sems can rnams kyi don byed cing / sems can de dag gi bya ba byed de/ de la sems can ser sna can gang ji snyed pa de dag la 'di skad du chos ston te/ sbyin pa byin cig /phongs pa ni sdug bsngal ba ste/ phongs pas ni bdag gi don kyang mi nus na/ gzhan gyi don lta ci smos kyis/de ltar khyed kyis sbyin pa byin la bdag kyang bde bar gyis shig /gzhan yang bde bar gyis shig /phongs pas zil gyis non zhing nying sha nying gis zos te/ ngan song gsum las mi thar bar gyur ta re zhes chos ston to/ /sems can tshul khrims ngan pa can gang ji snyed pa de dag la 'di skad du chos ston te /skyes bu dag tshul khrims ngan pa ni sdug bsngal ba ste/ tshul khrims ngan pas ni bdag gi don yang bya bar mi nus na/ gzhan gyi don lta ci smos te/ tshul khrims ngan pa'i rnam par smin pa ni sems can dmyal ba'am/ byol song gi skye gnas sam/gshin rje'i 'jig rten yin te/ de ltar khyed ngan song gsum du ltung na/ bdag kyang gdon par mi nus na/ gzhan gdon par lta ci smos kyis/ de'i phyir khyed kyis tshul khrims ngan pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to//sems can phan tshun gnod sems su gyur pa ji snyed pa de dag la 'di skad du chos ston te/ de ltar khyed gcig la gcig gnod sems su ma byed cig /sems 'khrugs par gyur pa la dge ba'i chos gang yang skye bar mi 'gyur te/ de lta bas na khyed phan tshun sems 'khrugs par gyur na sems can dmyal bar skye ba'am/byol song gi skye gnas su skye ba'am/ gshin rje'i 'jig rten du skye ba'i gnas yin gyis/ de bas na khyed kyis 'khrugs pa'i sems 'ga' tsam gyi go skabs yang mi dbye'o/ /phyis 'gyod pa can du gyur ta re zhes chos ston to//sems can le lo can gang ji snyed pa de dag la 'di skad du chos ston te / kye skyes bu dag le lo ni sdug bsngal ba ste/ le los ni bdag gi don kyang bya bar mi nus na/ gzhan gyi don lta ci smos te/ le lo'i rnam par smin pa ni sems can dmyal ba'am/ byol song gi skye gnas sam/gshin rje'i 'jig rten yin te/ de ltar khyed ngan song gsum du ltung na/ bdag kyang gdon par mi nus na/ gzhan gdon par lta ci smos kyis/ de'i phyir khyed kyis le lo'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ / sems can sems g.yeng ba gang ji snyed pa de dag la 'di skad du chos ston te/ kye skyes bu dag sems g.yeng ba ni sdug bsngal ba ste/ gang sems g.yeng ba'i rnam par smin pa ni sems can dmyal ba'am/ byol song gi skye gnas sam/ gshin rje'i 'jig rten yin te/ de ltar khyed ngan song gsum du ltung na bdag kyang gdon par mi nus na/gzhan gdon par lta ci smos kyis/ de'i phyir khyod kyis g.yeng ba'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can shes rab 'chal pa can gang ji snyed pa de dag la 'di skad du chos ston te/kye skyes bu dag shes rab 'chal pa ni sdug bsngal ba ste/ shes rab 'chal pas ni bdag gi don yang bya bar mi nus na/ gzhan gyi don lta ci smos te/ gang shes rab 'chal ba'i rnam par smin pa ni sems can dmyal ba'am/ byol song gi skye gnas sam/ gshin rje'i 'jig rten yin te/de ltar khyed kyis shes rab 'chal pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /'dod chags kyi spyod pa can gang ji snyed pa de dag thams cad ni mi sdug pa la sbyor ro/ /zhe sdang gi spyod pa can gang ji snyed pa de dag thams cad ni byams pa la sbyor ro//gti mug gi spyod pa can gang ji snyed pa de dag thams cad ni rten cing 'brel par 'byung ba la sbyor ro/ /lam ngan par zhugs pa gang ji snyed pa de dag thams cad ni yang dag pa'i lam la sbyor te/ nyan thos kyi lam mam/ rang sangs rgyas kyi lam mam/ sangs rgyas kyi lam la sbyor zhing de dag la 'di skad du chos ston te/khyed chos gang la mngon par zhen par gyur pa'i chos de dag ni ngo bo nyid kyis stong ste/ ngo bo nyid kyis stong pa'i chos rnams ni mngon par zhen par mi nus te/ stong pa nyid la mngon par zhen pa med do zhes chos ston to/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mngon par shes pa la gnas shing sems can rnams kyi don byed pa yin no/ /de lha'i mig rnam par dag pa mi las 'das pa de nyid kyis lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams thams cad mthong ste/ de dag tu rdzu 'phrul gyis song zhing / sbyin pa'am/ tshul khrims sam/ bzod pa'am/ brtson 'grus sam/ bsam gtan nam/ shes rab bam/ byang chub kyi phyogs kyi chos rnams sam/ rnam par thar pa'i sgo stong pa nyid dang /mtshan ma med pa dang / smon pa med pa'am/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ ting nge 'dzin rnams sam/gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ sangs rgyas kyi chos ma 'dres pa rnams sam/ nyan thos kyi chos sam/ rang sangs rgyas kyi chos sam/ byang chub sems dpa'i chos sam/sangs rgyas kyi chos kyis sems can rnams kyi don byed cing sems can de dag gi bya ba byed de/ de la sems can ser sna can gang ji snyed pa de dag la 'di skad du chos ston te/ sbyin pa byin cig /phongs pa ni sdug bsngal ba ste/ phongs pas ni bdag gi don yang bya bar mi nus na/gzhan gyi don lta ci smos kyis de ltar khyod kyis sbyin pa byin la/ bdag kyang bde bar gyis shig /gzhan yang bde bar gyis shig /phongs pas zil gyis non zhing nying sha nying gis zos te/ ngan song gsum las mi thar bar gyur ta re zhes chos ston to//sems can tshul khrims ngan pa can gang ji snyed pa de dag la 'di skad du chos ston te/ kye skyes bu dag tshul khrims ngan pa ni sdug bsngal ba ste/ tshul khrims ngan pas ni bdag gi don kyang bya bar mi nus na gzhan gyi don lta ci smos te/ tshul khrims ngan pa'i rnam par smin pa ni sems can dmyal ba'am/byol song gi skye gnas sam/ gshin rje'i 'jig rten yin te/ de ltar khyed ngan song gsum du ltung na bdag cag kyang gdon par mi nus na/ gzhan gdon pa lta ci smos kyis/ de'i phyir khyed kyis tshul khrims ngan pa'i sems 'ga' tsam gyi go skabs kyang mi dbye'o//phyis 'gyod pa can du gyur ta re zhes chos ston to/ /sems can phan tshun gnod sems su gyur pa gang ji snyed pa de dag la 'di skad du chos ston te / de ltar khyed gcig la gcig gnod sems su ma byed cig sems 'khrugs par gyur pa la dge ba'i chos gang yang skye bar mi 'gyur te/de lta bas na khyed phan tshun sems 'khrugs par gyur na/ sems can dmyal bar skye ba'am/ byol song gi skye gnas su skye ba'am/ gshin rje'i 'jig rten du skye ba'i gnas yin gyis/ de bas na khyed kyis 'khrugs pa'i sems 'ga' tsam gyi go skabs kyang mi dbye'o/ / phyis 'gyod pa can du gyur ta re zhes chos ston to/ /sems can le lo can gang ji snyed pa de dag la 'di skad du chos ston te/ kye skyes bu dag le lo ni sdug bsngal ba ste/ le los ni bdag gi don kyang byed par mi nus na gzhan gyi don lta ci smos te/ le lo'i rnam par smin pa ni sems can dmyal ba'am/byol song gi skye gnas sam/ gshin rje'i 'jig rten yin te/ de ltar khyed ngan song gsum du ltung na bdag kyang gdon par mi nus na/ gzhan gdon pa lta ci smos kyis/ de'i phyir khyed kyis le lo'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to//sems can sems g.yeng ba gang ji snyed pa de dag la 'di skad du chos ston te/ kye skyes bu dag sems g.yeng ba ni sdug bsngal ba ste/ gang sems g.yeng ba'i rnam par smin pa ni sems can dmyal ba'am/ byol song gi skye gnas sam/ gshin rje'i 'jig rten yin te/ de ltar khyed ngan song gsum du ltung na bdag cag kyang gdon par mi nus na/gzhan gdon pa lta ci smos kyis/ de'i phyir khyed kyis g.yeng ba'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can shes rab 'chal pa can gang ji snyed pa de dag la 'di skad du chos ston te/kye skyes bu dag shes rab 'chal pa ni sdug bsngal ba ste/ shes rab 'chal pas ni bdag gi don yang bya bar mi nus na/ gzhan gyi don lta ci smos te/ gang shes rab 'chal ba'i rnam par smin pa ni sems can dmyal ba'am/ byol song gi skye gnas sam/ gshin rje'i 'jig rten yin te/de ltar khyed kyis shes rab 'chal pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /'dod chags kyi spyod pa can gang ji snyed pa de dag ni mi sdug pa la sbyor ro/ /zhe sdang gi spyod pa can gang ji snyed pa de dag ni byams pa la sbyor ro//gti mug gi spyod pa can gang ji snyed pa de dag ni rten cing 'brel par 'byung ba la sbyor ro/ /lam ngan par zhugs pa gang ji snyed pa de dag ni yang dag pa'i lam la sbyor ro / /nyan thos kyi lam mam/ rang sangs rgyas kyi lam mam/ sangs rgyas kyi lam la sbyor zhing / de dag la 'di skad du chos ston te/khyed kyis chos gang la mngon par zhen par 'gyur ba'i chos de dag ni ngo bo nyid kyis stong ste/ ngo bo nyid kyis stong pa'i chos rnams ni mngon par zhen par mi nus te/ stong pa nyid la mngon par zhen pa med do zhes chos ston to/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/mngon par shes pa rnams la gnas shing sems can rnams kyi don byed pa yin no/ /rab 'byor byang chub sems dpa' sems dpa' chen pos ni mngon par shes pa rnams la ma gnas par sems can rnams la chos bstan par mi nus te/lam gol par zhugs pa'i sems can rnams kyang lam du gzud par mi nus so/ /rab 'byor 'di lta ste dper na/ bya 'dab ma med pa ni nam mkha' la 'gro bar mi nus so/ /rab 'byor de bzhin du byang chub sems dpa' sems dpa' chen pos kyang mngon par shes pa rnams la ma brten par sems can rnams la chos bstan par mi nus so//rab 'byor de lta bas na byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ mngon par shes pa rnams mngon par bsgrub par bya ste/ de mngon par shes pa mngon par bsgrubs pa de dag gis sems can rnams kyi don ji ltar bya bar dga' ba de bde bar byed do//des lha'i mig gis shar phyogs kyi 'jig rten gyi khams gang gA'i klung gi bye ma snyed mthong ste/ de dag tu sems can gang ji snyed cig skyes pa de dag kyang mthong / de ltar mthong nas kyang rdzu 'phrul gyis de dag tu song zhing sems can de dag gi sems sems kyis khong du chud par byas nas/de dang mthun par sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/'byung ba'i gtam gyi bar du chos ston to/ /des lha'i mig gis lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed mthong ste/ de dag tu sems can gang ji snyed cig skyes pa de dag kyang mthong ngo //de ltar mthong nas kyang rdzu 'phrul gyis de dag tu song zhing sems can de dag gi sems sems kyis khong du chud par byas nas/ de dang mthun pa'i sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang /shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston to/ /des lha'i rna ba'i khams kyis 'di lta ste/ lha dang mi gnyis ka'i sgra yang thos te/ de shar phyogs kyi 'jig rten gyi khams gang gA'i klung gi bye ma snyed dag na sangs rgyas bcom ldan 'das gang ji snyed cig chos ston pa de dag gi chos lha'i rna bas nyan te/thos nas kyang de bzhin nyid du 'dzin to/ /de bzhin nyid du bzung nas de bzhin nyid du sems can rnams la chos ston to/ /sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston te/ de lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig chos ston pa de dag gi chos lha'i rna bas nyan te/thos nas kyang de bzhin nyid du 'dzin to/ /de bzhin nyid du bzung nas de bzhin nyid du sems can rnams la chos ston te/ sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston to/ /de sems kyi rnam grangs shes pa shin tu rnam par dag pa dang ldan pa yin te/ de sems kyi rnam grangs shes pa des sems can rnams kyi sems shes par byas shing de dag la de bzhin nyid du chos ston te/sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston to/ /des bdag gam gzhan gyi sngon gyi gnas rnam pa du ma rjes su dran te/sngon gyi gnas rjes su dran pa'i shes pa des sngon gyi de bzhin gshegs pa dgra bcom pa yang dag par rdzogs pa'i sangs rgyas mtshan 'di zhes bya ba nyan thos kyi dge 'dun dang bcas pa byung ngo zhes bya bar yang shes te/ sems can sngon gyi gnas rjes su dran pa la mos pa gang ji snyed pa de dag la yang dag pa nyid du chos ston te/sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston to//de rdzu 'phrul gyis phyogs bcu'i 'jig rten gyi khams gang gA'i klung gi bye ma snyed dag tu song zhing sangs rgyas bcom ldan 'das rnams la bsnyen bkur byed de/ bsnyen bkur byas nas mngon par shes pa'i ye shes kyis sems can rnams la chos ston te / sbyin pa'i gtam mam/tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston to/ /de zag pa med pa mngon du bya ba'i shes pa shin tu rnam par dag pa dang ldan pa yin te/de zag pa med pa mngon du bya ba'i shes pa shin tu rig pa des sems can rnams la chos ston te/ sbyin pa'i gtam mam/ tshul khrims dang / bzod pa dang / brtson 'grus dang / bsam gtan dang / shes rab kyi gtam mam/ 'phags pa'i bden pa'i gtam mam/ 'byung ba'i gtam gyi bar du chos ston te/rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mngon par shes pa rnams mngon par bsgrub par byas te / de mngon par shes pa shin tu 'dris pa de dag gis lus ci dang ci lta bu yongs su bzung bar 'dod pa de dang de lta bu'i lus yongs su bzung zhing mos pa ji lta ba bzhin du sems can rnams kyi don byed de/bde ba'am/ sdug bsngal ba de dag gis gos par mi 'gyur ro/ /rab 'byor 'di lta ste dper na/ de bzhin gshegs pa'i sprul pa'i skyes bu ni dgos pa thams cad byed kyang bde ba'am/sdug bsngal ba des gos par 'gyur ba med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la gnas shing mngon par shes pas rnam par rtse zhing phyogs bcu'i 'jig rten gyi khams gang gA'i klung gi bye ma snyed dag tu mos pa ji lta ba bzhin du chos ston kyang bde ba'am/sdug bsngal ba des 'phrogs par mi 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar mngon par shes pas rnam par rtse bar byas te/ ci nas kyang sangs rgyas kyi zhing yongs su dag par 'gyur ba dang /sems can yongs su smin par 'gyur ba de ltar rtse bar bya ste/ rab 'byor byang chub sems dpa' sems dpa' chen pos ni sangs rgyas kyi zhing yongs su dag par ma byas/ sems can rnams yongs su smin par ma byas par bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so//rab 'byor de ci'i phyir zhe na/ lam gyi yan lag dang mi ldan pa'i byang chub sems dpa' sems dpa' chen po la bla na med pa yang dag par rdzogs pa'i byang chub med do zhes bya ba ni sangs rgyas rnams kyi drung du nye bar 'gro ba dang / bsnyen bkur bya ba la sogs pa la dgod pa'i phrin las yin no// //rab 'byor gyis gsol pa/ bcom ldan 'das byang chub sems dpa' sems dpa' chen po lam gyi yan lag yongs su rdzogs par bgyis shing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i lam de dag gang lags/bcom ldan 'das kyis bka' stsal pa/ rab 'byor dge ba'i chos thams cad ni byang chub sems dpa' sems dpa' chen po'i lam gyi yan lag go/ /gsol pa/ bcom ldan 'das lam gyi yan lag gang gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i lam gyi yan lag dge ba'i chos de dag gang lags// //bam po bdun cu gsum pa/ bcom ldan 'das kyis bka' stsal pa/ sems dang po bskyed pa nas nye bar bzung ste/ dge ba'i chos sbyin pa'i pha rol tu phyin pa la spyod kyang de la mi rtog cing de yongs su gtong ba'i tshe ngo bo nyid stong pa nyid kyi phyir 'di ni sbyin pa'o//'di la gtang bar bya'o/ /bdag gis sbyin par bya'o zhes gsum po de dag la mi rtog pa ste/ sbyin pa'i pha rol tu phyin pa gang gis bdag kyang 'khor ba las sgrol zhing gzhan yang sgrol ba 'di ni lam gyi yan lag dge ba'i chos so//sems dang po bskyed pa nas nye bar bzung ste/ dge ba'i chos tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa la spyod kyang de la mi rtog cing shes rab sgom pa'i tshe/ ngo bo nyid stong pa nyid kyi phyir 'di ni shes rab po/ /bdag gis shes rab sgom mo/ /'di'i don du shes rab sgom mo zhes gsum po de dag la mi rtog pa ste/ shes rab kyi pha rol tu phyin pa gang gis bdag kyang 'khor ba las sgrol zhing gzhan yang sgrol ba 'di ni lam gyi yan lag dge ba'i chos so//sems dang po bskyed pa nas nye bar bzung ste/ byang chub sems dpa' sems dpa' chen po dge ba'i chos stong pa nyid thams cad dang / byang chub kyi phyogs kyi chos rnams dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bco brgyad la spyod kyang de la mi rtog cing sangs rgyas kyi chos ma 'dres pa bco brgyad sgom pa'i tshe/ngo bo nyid stong pa nyid kyi phyir 'di dag ni sangs rgyas kyi chos ma 'dres pa rnams so/ /bdag gis sangs rgyas kyi chos ma 'dres pa rnams bsgom par bya'o/ /'di'i don du sangs rgyas kyi chos ma 'dres pa rnams sgom mo zhes gsum po de dag la mi rtog pa ste/sangs rgyas kyi chos ma 'dres pa gang gis bdag kyang 'khor ba las sgrol zhing gzhan yang sgrol ba 'di ni lam gyi yan lag dge ba'i chos so/ /rab 'byor dge ba'i chos de dag ni byang chub sems dpa' sems dpa' chen po'i bla na med pa yang dag par rdzogs pa'i byang chub kyi lam ste/lam des 'das pa dang / ma 'ongs pa dang / da ltar gyi byang chub sems dpa' sems dpa' chen po rnams sems can tshad med pa rnams ded de 'khor ba'i rgya mtsho las rgal bar gyur pa dang / rgal ba dang / rgal bar 'gyur ba ste/ lam de yongs su rdzogs par byas shing byang chub sems dpa' sems dpa' chen po rnam pa thams cad mkhyen pa nyid thob par byed do//rnam pa thams cad mkhyen pa nyid thob par byas nas chos kyi 'khor lo bskor ro/ /chos kyi 'khor lo bskor te sems can rnams kyi don byed do/ /de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das gal te chos de dag thams cad byang chub sems dpa' sems dpa' chen po'i chos lags na/ sangs rgyas kyi chos gang lags/ bcom ldan 'das kyis bka' stsal pa/ rab 'byor gang 'di skad du gal te chos de dag thams cad byang chub sems dpa'i chos yin na/ sangs rgyas kyi chos gang yin zhes zer ba ni/rab 'byor sangs rgyas kyi chos kyang chos de dag nyid rnam pa thams cad du mngon par rdzogs par 'tshang rgya bar zad de/ rnam pa thams cad mkhyen pa nyid thob nas bag chags kyi mtshams sbyor ba thams cad yongs su spong ngo / /de la byang chub sems dpa' sems dpa' chen po ni mngon par rdzogs par 'tshang rgya ba'o//de bzhin gshegs pa dgra bcom pa yang dag par rdzogs pa'i sangs rgyas ni chos thams cad skad cig gcig dang ldan pa'i shes rab kyis mngon par rdzogs par sangs rgyas pas de bzhin gshegs pa zhes bya ba'i grangs su 'gro ste/ byang chub sems dpa' sems dpa' chen po dang /de bzhin gshegs pa dgra bcom pa yang dag par rdzogs pa'i sangs rgyas la khyad par de yod do/ /rab 'byor 'di lta ste dper na/ zhugs pa yang gzhan la/ 'bras bu la gnas pa'ang gzhan te/ de gnyis ka yang 'phags pa'i gang zag ma yin zhes mi bya'o//rab 'byor de bzhin du byang chub sems dpa' sems dpa' chen po ni bar chad med pa'i lam du zhugs pa yin/ de bzhin gshegs pa dgra bcom pa yang dag par rdzogs pa'i sangs rgyas ni chos thams cad la sgrib pa med pa'i ye shes brnyes pa ste/ rab 'byor de ni byang chub sems dpa' sems dpa' chen po dang /de bzhin gshegs pa dgra bcom pa yang dag par rdzogs pa'i sangs rgyas kyi khyad par ro zhes bya ba ni byang chub kyi yan lag la 'god pa'i phrin las yin no// //rab 'byor gyis gsol pa/ bcom ldan 'das gal te chos thams cad rang gi mtshan nyid kyis stong pa lags na/rang gi mtshan nyid kyis stong pa'i chos de dag la ni sems can dmyal ba pa'o/ /'di ni byol song gi skye gnas pa'o/ /'di ni gshin rje'i 'jig rten pa'o/ /'di ni lha'o/ /'di ni mi'o/ /'di ni rigs kyi sa'o/ /'di ni brgyad pa'o/ /'di ni rgyun du zhugs pa'o/ /'di ni lan cig phyir 'ong ba'o//'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bya bar khyad par dang rnam par dbye ba ji ltar 'gyur/ bcom ldan 'das ji ltar gang zag de dag dmigs su ma mchis pa de bzhin du las kyang dmigs su ma mchis/las ji ltar dmigs su ma mchis pa de bzhin du las kyi rnam par smin pa yang dmigs su ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin te/chos thams cad rang gi mtshan nyid kyis stong pa la las dang las kyi rnam par smin pa mi dmigs so/ /rab 'byor gang gis rang gi mtshan nyid kyis stong pa'i chos thams cad de ltar ma shes pa de dag ni ngan par spyad pa'am/ legs par spyad pa'am/ mi g.yo ba'i las mngon par 'du byed de/de dag ngan par spyad pa'i las kyis ngan song gsum du ltung ngo / /legs par spyad pa'i las kyis lha dang mir skye'o/ /nyams pa med pa'i las kyis gzugs kyi khams sam/ gzugs med pa'i khams su skye'o/ /de la byang chub sems dpa' sems dpa' chen po ni sbyin pa'i pha rol tu phyin pa la spyad/tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyad/ nang stong pa nyid la spyad/ dngos po med pa'i ngo bo nyid stong pa nyid kyi bar la spyad/ dran pa nye bar gzhag pa rnams la spyad/yang dag par spong ba rnams la spyad/ rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la spyad/ 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la spyad/de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bco brgyad la spyad de/ nyams pa med pa'i spyod pas byang chub kyi lam bskyed nas/ rdo rje lta bu'i ting nge 'dzin byang chub kyi yan lag gi 'khor dang ldan pa la mnyam par gzhag cing bla na med pa yang dag par rdzogs pa'i byang chub tu mngon par rdzogs par 'tshang rgya ste/mngon par rdzogs par sangs rgyas nas/ sems can rnams kyi don byed de/ don byas nas ci nas kyang phyis chud zos shing rgyud lnga'i 'khor bar mi ltung ba de ltar don byed do//gsol pa/ bcom ldan 'das ci lags/ bcom ldan 'das kyis bla na med pa yang dag par rdzogs pa'i byang chub tu mngon par rdzogs par sangs rgyas nas rgyud lnga'i 'khor bar gzigs sam/ bcom ldan 'das kyis bka' stsal pa/ rab 'byor ma yin no/ /gsol pa/bcom ldan 'das ci lags/ de bzhin gshegs pas chos nag po'am/ dkar po'am/ gnag pa'am/ dkar ba'am/ mi gnag mi dkar bar dmigs lags sam/ bcom ldan 'das kyis bka' stsal pa/ ma yin no/ /gsol pa/ bcom ldan 'das de ste ma dmigs na/ sems can dmyal ba'am/byol song gi skye gnas sam/ gshin rje'i 'jig rten du ji ltar gdags par mdzad/ lha dang mir ji ltar gdags par mdzad/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas su ji ltar gdags par mdzad/ byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas su ji ltar gdags par mdzad/ bcom ldan 'das kyis bka' stsal pa/ rab 'byor ci sems can 'di dag chos rnams rang gi mtshan nyid kyis stong par shes sam/gsol pa ma lags so/ /bcom ldan 'das kyis bka' stsal pa/ rab 'byor gal te sems can de dag 'di ltar chos rnams rang gi mtshan nyid kyis stong ngo zhes bya bar shes na ni byang chub sems dpa' sems dpa' chen po yang bla na med pa yang dag par rdzogs pa'i byang chub tu mi 'jug ste/bla na med pa yang dag par rdzogs pa'i byang chub tu ma zhugs na sems can rnams kyang ngan song gsum dang / 'khor ba'i rgyud rnams las mi 'grol te/ rab 'byor sems can de dag chos rnams rang gi mtshan nyid kyis stong par mi shes la mi shes pas rgyud lnga'i 'khor ba las yongs su mi 'grol bas/de'i phyir byang chub sems dpa' sems dpa' chen po yang sangs rgyas bcom ldan 'das de dag las chos thams cad rang gi mtshan nyid kyis stong par mthong nas/ sems can rnams kyi don du bla na med pa yang dag par rdzogs pa'i byang chub tu 'jug ste/ chos 'di dag ni ji ltar byis pa so so'i skye bo rnams kyis mngon par chags par bya ba de lta bu yod pa ma yin na/de dag ni med cing yang dag pa ma yin pa'i chos rnams la yod par brtags shing sems can med pa la sems can du 'du shes/ gzugs med pa la gzugs su 'du shes pa dang / tshor ba dang / 'du shes dang / 'du byed dang / rnam par shes pa med pa la rnam par shes par 'du shes/ skye mched rnams med pa la skye mched du 'du shes/ khams rnams med pa la khams su 'du shes/ rten cing 'brel par 'byung ba rnams med pa la rten cing 'brel par 'byung bar 'du shes/ 'jig rten pa'i chos med pa la 'jig rten pa'i chos su 'du shes/'jig rten las 'das pa'i chos med pa la 'jig rten las 'das pa'i chos su 'du shes/ zag pa dang bcas pa'i chos med pa la zag pa dang bcas pa'i chos su 'du shes/ zag pa med pa'i chos med pa la zag pa med pa'i chos su 'du shes/'dus byas kyi chos med pa la 'dus byas kyi chos su 'du shes/ 'dus ma byas kyi chos med pa la 'dus ma byas kyi chos su 'du shes nas yod pa ma yin pa'i phyin ci log gis phyin ci log tu gyur pa'i sems dang ldan pa rnams/ lus dang ngag dang yid kyi las mngon par 'du byed pa de dag rgyud lnga'i 'khor ba las yongs su mi 'grol ba'i phyir/byang chub sems dpa' sems dpa' chen po shes rab kyi pha rol tu phyin pa dge ba'i chos thams cad 'dus par byas te/ byang chub sems dpa'i spyad pa spyod cing bla na med pa yang dag par rdzogs pa'i byang chub tu mngon par rdzogs par 'tshang rgya'o//mngon par rdzogs par sangs rgyas nas rgyud lnga'i 'khor ba las sems can rnams yongs su 'grel to zhes bya ba ni las dang 'bras bur 'brel pa chud mi za ba la dgod pa'i phrin las yin no// //rab 'byor gyis gsol pa/ gal te chos thams cad rang gi mtshan nyid kyis stong pa lags na/ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ste/ rgyud lnga'i 'khor ba las sems can rnams yongs su 'grel pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas te/sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam sems can rnams la ston to//'chad do/ /'jog go/ /'god do/ /'grel to/ /rnam par 'byed do/ /gsal bar byed do/ /yang dag par brjod do/ /'phags pa'i bden pa bzhi po 'dir dge ba'i chos byang chub kyi phyogs gang ci snyed pa gang gis dkon mchog gsum rnam par dgod pa de dag thams cad yongs su 'dus te/ sangs rgyas dkon mchog dang / chos dkon mchog dang / dge 'dun dkon mchog gsum 'jig rten du byung bas sems can rnams lam rgyud lnga'i 'khor ba las yongs su 'grel to/ /rab 'byor gyis gsol pa/ bcom ldan 'das sdug bsngal 'tshal bas yongs su mya ngan las 'da' bar 'gyur ram/'on te sdug bsngal gyis yongs su mya ngan las 'da' bar 'gyur/ kun 'byung ba 'tshal bas yongs su mya ngan las 'da' bar 'gyur ram/ 'on te kun 'byung bas mya ngan las 'da' bar 'gyur/ sdug bsngal 'gog pa 'tshal bas yongs su mya ngan las 'da' bar 'gyur ram/'on te sdug bsngal 'gog pas yongs su mya ngan las 'da' bar 'gyur/ lam 'tshal bas yongs su mya ngan las 'da' bar 'gyur ram/ 'on te lam gyis yongs su mya ngan las 'da' bar 'gyur/ bcom ldan 'das kyis bka' stsal pa/ rab 'byor sdug bsngal shes pas yongs su mya ngan las mi 'da' ste/sdug bsngal gyis kyang ma yin no/ /kun 'byung ba shes pas yongs su mya ngan las mi 'da' ste/ kun 'byung bas kyang ma yin no/ /sdug bsngal 'gog pa shes pas yongs su mya ngan las mi 'da' ste/ sdug bsngal 'gog pas kyang ma yin no//lam shes pas yongs su mya ngan las mi 'da' ste/ lam gyis kyang ma yin no/ /rab 'byor 'phags pa'i bden pa bzhi po de dag mnyam pa nyid gang yin pa de ni mya ngan las 'da' bar ngas gsungs te/ sdug bsngal shes pas yongs su mya ngan las 'da' ba ma yin/ sdug bsngal gyis kyang ma yin no//kun 'byung ba shes pas yongs su mya ngan las 'da' ba ma yin/ kun 'byung bas kyang ma yin no/ /sdug bsngal 'gog pa shes pas yongs su mya ngan las 'da' ba ma yin/ sdug bsngal 'gog pas kyang ma yin no/ /lam shes pas yongs su mya ngan las 'da' ba ma yin/lam gyis kyang ma yin no/ /gsol pa/ bcom ldan 'das gang la sdug bsngal ba yang ma mchis/ sdug bsngal 'tshal ba yang ma mchis/ kun 'byung ba yang ma mchis/ kun 'byung ba 'tshal ba yang ma mchis/ 'gog pa yang ma mchis/ 'gog pa 'tshal ba yang ma mchis/ lam yang ma mchis/lam 'tshal ba yang ma mchis pa'i 'phags pa'i bden pa bzhi mnyam pa nyid ces bgyi ba de gang lags/ bcom ldan 'das kyis bka' stsal pa/ de ni 'phags pa'i bden pa bzhi po de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang /chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' de bzhin gshegs pa rnams byung yang rung / de bzhin gshegs pa rnams ma byung yang rung ste/ de bzhin du gnas pa'i dbyings dang / chos kyi dbyings mi 'phel mi 'grib par 'dug pa ste/de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bden pa khong du chud pa ji lta ba bzhin du bden pa khong du chud par bya ba'i don du spyod do/ /rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la ji ltar spyod na bden pa rtogs pa'i don du spyod pa lags/ji ltar spyod na bden pa rtogs shing 'tshal te khong du chud nas nyan thos kyi sa'am/ rang sangs rgyas kyi sar mi ltung zhing byang chub sems dpa'i skyon ma mchis par 'jug pa lags/ bcom [(]ldan ldan [,]ldan [)]'das kyis bka' stsal pa/rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos de dag ci nas kyang chos gang yang dmigs su med pa de ltar mthong ste/ chos thams cad ma dmigs pas bden par rtogs pa'am/ bden par ma rtogs pa'i chos thams cad stong par mthong ste/des de ltar mthong bas skyon med par chud pa'i byang chub sems dpa' sems dpa' chen po rigs kyi sa la gnas par 'gyur te/ rigs kyi sa la gnas pa de spyi bor ltung ba gang gis nyan thos kyi sa'am/ rang sangs rgyas kyi sar ltung bar 'gyur ba spyi bor ltung bar mi 'gyur ro//byang chub sems dpa' de rigs kyi sa de la gnas shing bsam gtan bzhi sgrub bo/ /tshad med pa bzhi dang / gzugs med pa'i snyoms par 'jug pa bzhi sgrub bo/ /de lhag mthong gi sa de la gnas shing chos thams cad rab tu shes par byed do/ / 'phags pa'i bden pa bzhi khong du chud par byed do/ /de sdug bsngal yongs su shes kyang sdug bsngal la dmigs pa'i sems mi bskyed do/ /kun 'byung ba rab tu spangs kyang kun 'byung ba la dmigs pa'i sems mi bskyed do/ /'gog pa mngon du byed kyang 'gog pa la dmigs pa'i sems mi bskyed do//lam bsgom yang lam la dmigs pa'i sems mi bskyed de / gzhan du na byang chub la gzhol ba'i sems kyis chos thams cad yang dag pa ji lta ba bzhin du mthong bar byed do/ /gsol pa/ bcom ldan 'das chos thams cad kyi yang dag pa ji lta ba bzhin du zhes bgyi ba gang lags/bcom ldan 'das kyis bka' stsal pa/ stong pa nyid do/ /gsol pa/ stong pa nyid gang lags/ bcom ldan 'das kyis bka' stsal pa/ rang gi mtshan nyid stong pa nyid de/ rnam pa de lta bu'i lhag mthong gis chos thams cad stong pa'o zhes bya bar blta ste/ ngo bo nyid gang la gnas shing byang chub tu mngon par rdzogs par 'tshang rgya ba de lta bu'i ngo bo nyid chos gang la yang ngo bo nyid yod par mi mthong ngo //dngos po med pa ni byang chub ste/ de ni sangs rgyas kyis ma mdzad/ rang sangs rgyas kyis ma byas/ dgra bcom pa dang / phyir mi 'ong ba dang / lan cig phyir 'ong ba dang / rgyun du zhugs pas ma byas/de dag la zhugs pas kyang ma byas/ gang byang chub 'di la spyod pa'i byang chub sems dpa' sems dpa' chen po de dag gis kyang ma byas te/ gzhan du na yang dag pa ji lta ba de sems can rnams kyis ma shes mi mthong bas de'i phyir byang chub sems dpa' sems dpa' chen po shes rab kyi pha rol tu phyin pa la spyod cing thabs mkhas pas sems can rnams la chos ston to zhes bya ba ni bden pa mthong ba la dgod pa'i phrin las yin no// //de nas byang chub sems dpa' sems dpa' chen po byams pas bcom ldan 'das la 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/bcom ldan 'das de'i tshe shes rab kyi pha rol tu phyin pa la spyod pa'i byang chub sems dpa' sems dpa' chen po byang chub sems dpa'i bslab pa la slob par 'tshal bas gzugs la ji ltar bslab par bgyi/ tshor ba dang / 'du shes dang / 'du byed rnams dang / rnam par shes pa la ji ltar bslab par bgyi/ mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched la ji ltar bslab par bgyi/ gzugs kyi skye mched dang / sgra'i skye mched dang /dri'i skye mched dang / ro'i skye mched dang / reg bya'i skye mched dang / chos kyi skye mched la ji ltar bslab par bgyi/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang /sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang /chos kyi khams dang / yid kyi rnam par shes pa'i khams la ji ltar bslab par bgyi/ mig gi 'dus te reg pa'i skye mched dang / rna ba dang / sna dang /[ (]lca [,]lce [)]dang / lus dang / yid kyi 'dus te reg pa'i skye mched la ji ltar bslab par bgyi/ ma rig pa dang / 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la ji ltar bslab par bgyi/ sdug bsngal gyi bden pa dang / kun 'byung gi bden pa dang / 'gog pa'i bden pa dang / lam gyi bden pa la ji ltar bslab par bgyi/gzugs can gyi chos rnams dang / gzugs can ma lags pa dang / bstan du mchis pa rnams dang / bstan du ma mchis pa rnams dang / thogs pa dang bcas pa rnams dang / thogs pa ma mchis pa rnams dang / 'dus bgyis pa rnams dang / 'dus ma bgyis pa rnams dang / zag pa dang bcas pa rnams dang / zag pa ma mchis pa rnams dang / kha na ma tho ba dang bcas pa rnams dang / kha na ma tho ba ma mchis pa rnams dang / dman pa rnams dang / gya nom pa rnams dang / nang gi bdag nyid rnams dang / phyi'i bdag nyid rnams dang / mthong ba dang /thos pa dang / rnam par shes pa rnams dang / 'das pa dang / ma 'ongs pa dang / da ltar byung ba rnams dang / dge ba dang / mi [(]dag [,]dge [)]ba dang / lung du ma bstan pa rnams dang / 'dod pa dang rab tu ldan pa rnams dang / gzugs dang rab tu ldan pa rnams dang / gzugs med pa dang rab tu ldan pa rnams dang /slob pa rnams dang / mi slob pa rnams dang / slob pa yang ma lags/ mi slob pa yang ma lags pa rnams la ji ltar bslab par bgyi/ 'dod chags dang / khong khro dang / nga rgyal dang / ma rig pa dang / lta ba dang / the tshom la ji ltar bslab par bgyi/ser sna dang / sbyin pa dang / 'chal pa'i tshul khrims dang / tshul khrims dang / gnod sems dang / bzod pa dang / le lo dang / brtson 'grus dang / rnam par g.yeng ba dang / bsam gtan dang / 'chal pa'i shes rab dang / shes rab la ji ltar bslab par bgyi/ rnam par rtog pa dang / stong pa nyid dang / mtshan ma dang / mtshan ma ma mchis pa dang / log pa'i smon lam dang / smon pa ma mchis pa dang / sdug pa dang mi sdug pa'i chos rnams la ji ltar bslab par bgyi/ nyon mongs pa rnams dang / nyon mongs pa spangs pa dang / kun nas nyon mongs pa dang / rnam par byang ba dang /'khor ba dang mya ngan las 'das pa dang / sangs rgyas kyi chos rnams la ji ltar bslab par bgyi/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa byang chub sems dpa' sems dpa' chen po shes rab kyi pha rol tu phyin pa la spyod pa byang chub sems dpa'i bslab pa la slob par 'dod pas gzugs ming tsam mo zhes bya bar bslab par bya'o//tshor ba dang / 'du shes dang / 'du byed rnams dang / rnam par shes pa ming tsam mo zhes bya ba nas sangs rgyas kyi chos ma 'dres pa rnams kyi bar du ming tsam mo zhes bya bar bslab par bya'o//de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das gang gi tshe 'di ni gzugs so 'di ni ming ngo zhes dngos po dang bcas par dmigs/ gang gi tshe 'di ni tshor ba dang /'du shes dang / 'du byed rnams dang / rnam par shes pa 'di ni ming ngo zhes dngos po dang bcas par dmigs/ gang gi tshe 'di ni sangs rgyas kyi chos rnams kyi bar ro/ /'di ni ming ngo zhes 'du byed kyi mtshan ma nye bar bzung ste dngos po dang bcas par dmigs pa de'i tshe ji ltar byang chub sems dpas gzugs ming tsam mo zhes bgyi bar bslab par bgyi/tshor ba dang / 'du shes dang / 'du byed rnams dang / rnam par shes pa ming tsam zhes bgyi ba dang / sangs rgyas kyi chos rnams kyi bar du ming tsam zhes bgyi bar bslab par bgyi/ gal te dngos po ma mchis pa lags na de'i ming de yang ming tsam kho na zhes bgyi bar mi rung lags te/gzugs zhes bgyi ba gang lags pa de ni ming tsam kho na zhes bgyi bar mi rung lags so/ /tshor ba dang / 'du shes dang / 'du byed rnams dang / rnam par shes pa zhes bgyi ba dang / sangs rgyas kyi chos rnams zhes bgyi ba gang lags pa 'di yang ming tsam kho na zhes bgyi bar mi rung lags so//de skad ces gsol pa dang / bcom ldan 'das kyis byang chub sems dpa' sems dpa' chen po byams pa la bka' stsal pa/ gzugs zhes bgyi ba gang yin pa 'di ni 'du byed kyi mtshan ma'i dngos po de dang der glo bur du ming du btags pa'o//tshor ba dang / 'du shes dang / 'du byed rnams dang / rnam par shes pa zhes bya ba gang yin pa de ni glo bur du ming du btags pa'o/ /sangs rgyas kyi chos zhes bya ba'i bar gang yin pa 'di yang glo bur du ming du btags pa'o/ /byams pa gang las 'du byed kyi mtshan ma'i dngos po des gzugs zhes bya ba'i ming der gzugs zhes bya bar yang dag par rtogs pa dang /rab tu rtogs pa dang / so so yang dag par rig par 'gyur te/ byams pa rnam grangs des na gzugs zhes bya ba gang yin pa 'di dang / tshor ba dang / 'du shes dang / 'du byed rnams dang / rnam par shes pa zhes bya ba gang yin pa 'di dang / sangs rgyas kyi chos rnams zhes bya ba gang yin pa 'di ni 'du byed kyi mtshan ma'i dngos po de dang der glo bur du ming du btags pa yin par de ltar rig par bya'o/ /byams pa 'di ji snyam du sems/ 'du byed kyi mtshan ma'i dngos po 'dir 'ga' zhig 'du shes sam/nye bar btags pa'am ming ngam tha snyad dam/ mngon par shes par gyur pa yin nam/ gsol pa/ bcom ldan 'das de lta ma lags so/ /byams pa rnam grangs 'dis kyang gzugs zhes bya ba gang yin pa dang / tshor ba dang / 'du shes dang / 'du byed rnams dang /rnam par shes pa zhes bya ba gang yin pa 'di dang / sangs rgyas kyi chos rnams zhes bya ba'i bar gang yin pa 'di ni 'du byed kyi mtshan ma'i dngos po der glo bur du ming du btags pa yin par rig par bya'o/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to//bcom ldan 'das de ltar lags na ni gzugs zhes bgyi ba gang lags pa 'di dang / tshor ba dang / 'du shes dang / 'du byed rnams dang / rnam par shes pa zhes bgyi ba gang lags pa 'di dang / sangs rgyas kyi chos rnams zhes bgyi ba'i bar du gang lags pa 'di 'du byed kyi mtshan ma'i dngos po gang nye bar bzung nas ming dang 'du shes dang btags pa dang /rjes su tha snyad 'dogs pa gzugs kyi ngo bo nyid du dmigs pa kho na lags sam/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la bka' stsal pa/'du byed kyi mtshan ma'i dngos po la gzugs zhes bya bar ming dang 'du shes dang / 'dogs pa dang / rjes su tha snyad 'dogs par byed pa la/ byams pa 'di ji snyam du sems/ de gzugs kyi ngo bo nyid yin nam btags pa tsam du zad/ gsol pa/ btags pa tsam du bas so/ /bcom ldan 'das btags pa tsam du bas lags so/ /byams pa'o na gzugs zhes bya ba gang yin pa 'di 'du byed kyi mtshan ma'i dngos po gang nye bar bzung nas ming dang 'du shes dang 'dogs pa dang rjes su tha snyad 'dogs pa gzugs kyi ngo bo nyid du dmigs pa kho na'o zhes de ltar sems/byams pa 'di ji snyam du sems/ tshor ba dang / 'du shes dang / 'du byed rnams dang / rnam par shes pa dang sangs rgyas kyi chos rnams kyi bar gyi ngo bo nyid yin nam btags pa tsam du zad/ gsol pa/ bcom ldan 'das btags pa tsam du bas so//bcom ldan 'das btags pa tsam du bas lags so/ /byams pa 'o na de ji ltar tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi ngo bo nyid dmigs pa kho na'o zhes ji ltar de snyam du sems/ byams pas gsol pa/bcom ldan 'das gal te gzugs ming dang 'du shes dang brda dang btags pa dang / tha snyad tsam kho na lags la/ bcom ldan 'das gal te tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du ming dang 'du shes dang brda dang btags pa dang tha snyad tsam kho na lags na/de ltar na ming dang 'du shes dang brda dang btags pa dang tha snyad tsam zhes bgyi ba gang lags pa 'di gzugs kyi ngo bo nyid du dmigs pa kho nar mi 'gyur lags sam/ de ltar na ming dang 'du shes dang brda dang btags pa dang tha snyad tsam zhes bgyi ba gang lags pa 'di tshor ba dang /'du shes dang / 'du byed rnams dang / rnam par shes pa dang / sangs rgyas kyi chos rnams kyi ngo bo nyid du dmigs pa kho nar mi 'gyur lags sam/ bcom ldan 'das kyis bka' stsal pa/ byams pa 'di ji snyam du sems/gzugs zhes bya ba'i ming dang 'du shes dang brda dang btags pa dang / tha snyad tsam kho na gang yin pa dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang / sangs rgyas kyi chos zhes bya ba'i bar gyi ming dang 'du shes dang brda dang btags pa dang tha snyad tsam kho na gang yin pa de la ci gang skye ba'am 'jig pa'am/kun nas nyon mongs pa dang rnam par byang ba yod dam/ gsol pa/ bcom ldan 'das de ni ma mchis lags so/ /bka' stsal pa/ byams pa'o na khyod 'di ji snyam du sems/ gzugs dang / tshor ba dang / 'du shes dang / 'du byed rnams dang / rnam par shes pa dang / de bzhin du sbyar te/ sangs rgyas kyi chos rnams kyi bar gyi ngo bo nyid dmigs pa'o snyam du gang las sems par 'gyur/ byams pas gsol pa/ bcom ldan 'das ci rnam pa thams cad du mtshan nyid thams cad kyis gzugs ma mchis pa kho na lags sam/bcom ldan 'das ci rnam pa thams cad du mtshan nyid thams cad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams ma mchis pa kho na lags sam/ bcom ldan 'das kyis bka' stsal pa/ byams pa rnam pa thams cad du mtshan nyid thams cad kyis gzugs med do zhes nga mi smra'o/ /byams pa rnam pa thams cad du mtshan nyid thams cad kyis tshor ba dang / 'du shes dang / 'du byed rnams dang / rnam par shes pa dang /sangs rgyas kyi chos rnams kyi bar du med do zhes nga mi smra'o/ /byams pas gsol pa/ bcom ldan 'das ji ltar na gzugs ma mchis pa lags/ ji ltar na tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du ma mchis pa lags/bcom ldan 'das kyis bka' stsal pa/ byams pa 'jig rten gyi brda dang tha snyad kyis gzugs yod kyi/ don dam par ni ma yin no/ /byams pa 'jig rten gyi brda dang / tha snyad kyis tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du yod kyi/don dam par ni ma yin no/ /byams pas gsol pa/ bcom ldan 'das bdag gis bcom ldan 'das kyis gsungs pa'i don 'tshal ba ltar na don dam par dbyings 'di ni brjod du ma mchis pa'o/ /bcom ldan 'das gal te don dam par dbyings brjod du ma mchis pa lags na/de ji ltar 'du byed kyi mtshan ma'i dngos po gang la gzugs zhes bgyi bar glo bur du ming du 'dogs par 'gyur/ 'du byed kyi mtshan ma'i dngos po gang la tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams zhes bgyi ba'i bar du glo bur du ming du 'dogs par ji ltar 'gyur/gal te don dam par ma mchis na ni 'o na brjod du ma mchis pa'i dbyings su yang ji ltar 'gyur te/ 'du byed kyi mtshan ma'i dngos po ni brjod du ma mchis pa'i dbyings zhes bgyir mi rung lags so/ /bcom ldan 'das kyis bka' stsal pa/byams pa de'i phyir khyod nyid la dris ji ltar bzod pa de bzhin du lan thob cig /byams pa 'di ji snyam du sems gang gi tshe brjod du med pa'i dbyings su shes rab 'jug pa de'i tshe 'du byed kyi mtshan ma'i dngos po gang la gzugs zhes bya ba dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang / sangs rgyas kyi chos rnams zhes bya ba'i bar du glo bur du ming du btags pa 'di khyod kyis dmigs sam/ bcom ldan 'das de ni ma lags so/ /bka' stsal pa/ byams pa rnam grangs 'dis 'du byed kyi mtshan ma'i dngos po gang yin pa de brjod du med pa'i dbyings kyang ma yin la/'du byed kyi mtshan ma'i dngos po de las brjod du med pa'i dbyings gzhan pa yang ma yin par rig par bya'o/ /byams pa 'du byed kyi mtshan ma'i dngos po der gzugs zhes bya ba dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang / sangs rgyas kyi chos rnams zhes bya ba'i bar du glo bur du ming du btags pa gang yin pa 'di brjod du med pa'i dbyings yin du zin na ni 'o na byis pa so so'i skye bo thams cad kyang yongs su mya ngan las 'das par 'gyur zhing bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro//byams pa gal te 'du byed kyi mtshan ma'i dngos po las brjod du med pa'i dbyings gzhan yin du zin na ni 'o na mtshan ma de yang mi dmigs na/ ji ltar brjod du med pa'i dbyings de rtogs par 'gyur ram/byams pa rnam grangs 'dis kyang 'du byed kyi mtshan ma de las brjod du med pa'i dbyings gzhan pa yang ma yin/ gang la gzugs zhes bya ba dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang / sangs rgyas kyi chos rnams zhes bya ba'i bar du glo bur du ming du btags pa gang yin pa 'di las brjod du med pa'i dbyings gzhan ma yin par rig par bya'o/ /byams pas gsol pa/ bcom ldan 'das gal te byang chub sems dpa' brjod du ma mchis pa'i dbyings dang 'brel par shes rab 'jug par gnas pa ni 'du byed kyi mtshan ma'i dngos po gang la gzugs zhes bgyi ba dang /tshor ba zhes bgyi ba dang / 'du shes zhes bgyi ba dang / 'du byed rnams zhes bgyi ba dang / rnam par shes pa zhes bgyi ba dang / sangs rgyas kyi chos rnams zhes bgyi ba'i bar du glo bur du ming du btags pa de mi dmigs na/bcom ldan 'das ci mchis pa mi dmigs lags sam/ 'on te ma mchis pa mi dmigs pa lags/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/byams pa 'du byed kyi mtshan ma'i dngos po de ni yod pa nyid dam med pa nyid gang yang med do/ /de ci'i phyir zhe na/ byams pa gang gi tshe khyod 'du byed kyi mtshan ma'i dngos po de la rnam par rtog pa de'i tshe 'du byed kyi mtshan ma'i dngos po de mngon par rtogs pa rnams kyis gzung bar 'gyur ram/gang gi tshe brjod du med pa'i dbyings dang 'brel par shes rab 'jug par gnas te/ rnam par mi rtog pa de'i tshe rnam par mi rtog par bzung bar 'gyur ram/ bcom ldan 'das de lta lags so/ /bcom ldan 'das kyis bka' stsal pa/ byams pa de ltar yin na 'di lta ste/ 'du byed kyi mtshan ma'i dngos po gang du gzugs zhes bya ba dang /tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang / sangs rgyas kyi chos rnams zhes bya ba'i bar du glo bur du ming du btags pa gang yin pa de rnam par rtog pa tsam du zad dam/rnam par rtog pa tsam nyid do/ /de de ltar rnam par mi rtog pa'i dbyings la gnas te/ rnam par rtog pa rnams dang 'brel par gyur pa na gzugs zhes bya ba dang / tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang /sangs rgyas kyi chos rnams zhes bya ba'i bar du gang la glo bur du ming du btags pa gang yin pa de la yod pa gang yin gang yod pa ni dmigs par 'gyur ro/ /bcom ldan 'das la byams pas gsol pa/ bcom ldan 'das byang chub sems dpa' shes rab kyi pha rol tu phyin pa la spyod pa'i chos rab tu dbye ba la mkhas pa la zhugs pas gzugs rab tu dbye ba'i brtags pa rnam pa du zhig tu rtogs par bgyi/tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i brtags pa rnam pa du zhig tu rtogs par bgyi ba lags/bcom ldan 'das kyis bka' stsal pa/ byams pa byang chub sems dpa' shes rab kyi pha rol tu phyin pa la spyod pa chos rab tu dbye ba la mkhas pa la zhugs pas gzugs rab tu dbye ba la zhugs pa'i brtags pa rnam pa gsum du rtogs par bya/tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du rab tu dbye ba'i brtags pa rnam pa gsum du rtogs par bya ste/ 'di lta ste/ 'di dag ni kun du brtags pa'i gzugs so/ /'di dag ni rnam par brtags pa'i gzugs so//'di dag ni chos nyid kyi gzugs so/ /'di lta ste/ 'di dag ni kun du brtags pa'i tshor ba'o/ /'di ni rnam par brtags pa'i tshor ba'o/ /'di ni chos nyid kyi tshor ba'o/ /'di lta ste/ 'di ni kun du brtags pa'i 'du shes so/ /'di ni rnam par brtags pa'i 'du shes so/ / 'di ni chos nyid kyi 'du shes so/ /'di lta ste/ 'di ni kun du brtags pa'i 'du byed rnams so/ /'di ni rnam par brtags pa'i 'du byed rnams so/ /'di ni chos nyid kyi 'du byed rnams so/ /'di lta ste/ 'di ni kun du brtags pa'i rnam par shes pa'o/ /'di ni rnam par brtags pa'i rnam par shes pa'o//'di ni chos nyid kyi rnam par shes pa'o/ /'di lta ste/ 'di dag ni kun du brtags pa'i sangs rgyas kyi chos rnams kyi bar dag go/ /'di dag ni rnam par brtags pa'i sangs rgyas kyi chos rnams so/ /'di dag ni chos nyid kyi sangs rgyas kyi chos rnams so zhes bya ba'o / /byams pas gsol pa/bcom ldan 'das kun du brtags pa'i gzugs ni gang lags/ rnam par brtags pa'i gzugs ni gang lags/ chos nyid kyi gzugs ni gang lags/ bcom ldan 'das kun du brtags pa'i tshor ba dang / 'du shes dang / 'du byed rnams dang / rnam par shes pa dang / kun du brtags pa'i sangs rgyas kyi chos rnams kyi bar ni gang lags/ rnam par brtags pa'i sangs rgyas kyi chos rnams ni gang lags/ chos nyid kyi sangs rgyas kyi chos rnams ni gang lags/ bcom ldan 'das kyis bka' stsal pa/ byams pa gang 'du byed kyi mtshan ma'i dngos po de dang de la gzugs zhes bya ba'i ming dang 'du shes dang btags pa dang tha snyad la brten nas gzugs kyi ngo bo nyid du yongs su rtogs pa 'di ni kun du brtags pa'i gzugs so//byams pa gang 'du byed kyi mtshan ma'i dngos po de dang de la tshor ba zhes bya ba dang / 'du shes zhes bya ba dang /'du byed rnams zhes bya ba dang / rnam par shes pa zhes bya ba dang / sangs rgyas kyi chos rnams zhes bya ba'i bar gyi ming dang / 'du shes dang btags pa dang / tha snyad la brten nas/ tshor ba'i ngo bo nyid dang / 'du shes kyi ngo bo nyid dang / 'du byed rnams kyi ngo bo nyid dang / rnam par shes pa'i ngo bo nyid dang /sangs rgyas kyi chos rnams kyi bar gyi ngo bo nyid du yongs su rtog pa 'di ni kun du brtags pa'i tshor ba dang / 'du shes dang / 'du byed rnams dang / rnam par shes pa'o/ /'di dag ni kun du brtags pa'i sangs rgyas kyi chos rnams kyi bar dag go/ /'du byed kyi mtshan ma'i dngos po de rnam par rtog pa tsam gyi chos nyid la gnas pa'i rnam par rtog pa la brten nas mngon par brjod do //gang la 'di ni gzugs so zhes bya ba dang / tshor ba'o zhes bya ba dang / 'du shes so zhes bya ba dang / 'du byed rnams so zhes bya ba dang / rnam par shes pa'o zhes bya ba dang / sangs rgyas kyi chos rnams kyi bar zhes bya ba'i ming dang 'du shes dang btags pa dang tha snyad gang yin pa 'di ni rnam par brtags pa'i gzugs so//'di ni rnam par brtags pa'i tshor ba'o/ /'di ni rnam par brtags pa'i 'du shes so/ /'di ni rnam par brtags pa'i 'du byed rnams so/ /'di ni rnam par brtags pa'i rnam par shes pa'o//'di dag ni rnam par brtags pa'i sangs rgyas kyi chos rnams kyi bar dag go/ /gang de bzhin gshegs pa rnams byung yang rung / de bzhin gshegs pa rnams ma byung yang rung ste/ chos nyid dang / chos gnas pa nyid dang / chos kyi dbyings dang / gang kun du brtags pa'i gzugs des rnam par brtags pa'i gzugs rtag pa rtag pa'i dus dang /ther zug ther zug gi dus su ngo bo nyid med pa kho na dang / chos bdag med pa dang / de bzhin nyid dang / yang dag pa'i mtha' 'di ni chos nyid kyi gzugs so/ /'di ni chos nyid kyi tshor ba dang / 'du shes dang / 'du byed rnams dang / rnam par shes pa'o/ /'di dag ni chos nyid kyi sangs rgyas kyi chos rnams kyi bar dag go/ /byams pas gsol pa/ bcom ldan 'das gzugs gsum po 'di dag la rdzas su ma mchis par lta ba'i gzugs ni gang lags/ rdzas su ma mchis pa ni gang lags/rdzas su ma mchis pa yang ma lags la rdzas su mchis pa yang ma lags shing don dam pas rab tu phye ba ni gang lags/ tshor ba gsum po 'di dag dang / 'du shes gsum po 'di dag dang / 'du byed gsum po 'di dag dang / rnam par shes pa gsum po 'di dag dang /sangs rgyas kyi chos rnams kyi bar du gsum po 'di dag las rdzas su ma mchis pa ni gang lags/ rdzas su mchis pa ni gang lags/ rdzas su ma mchis pa yang ma lags la rdzas su mchis pa yang ma lags shing don dam pas rab tu phye ba de dag ni gang lags/ bcom ldan 'das kyis bka' stsal pa/byams pa gang kun du brtags pa'i gzugs de ni rdzas su med par blta bar bya'o/ /rnam par brtags pa'i gzugs gang yin pa de ni rnam par rtog pa rdzas su yod pa'i phyir rdzas su yod par blta bar bya ste/ rang dbang du 'byung ba'i phyir ni ma yin no/ /gang chos nyid kyi gzugs de ni rdzas su med pa yang ma yin rdzas su yod pa yang ma yin zhing don dam pas rab tu phye bar blta bar bya'o//byams pa gang kun du brtags pa'i tshor ba dang / 'du shes dang / 'du byed rnams dang / rnam par shes pa dang / gang kun du brtags pa'i sangs rgyas kyi chos rnams kyi bar de dag ni rdzas su med par blta bar bya'o//gang rnam par brtags pa'i tshor ba dang / 'du shes dang / 'du byed rnams dang / rnam par shes pa dang / gang rnam par brtags pa'i sangs rgyas rnams kyi bar de dag ni rnam par rtog pa rdzas su yod pa'i phyir rdzas su yod par blta bar bya ste/rang dbang du gyur pa'i phyir ni ma yin no/ /byams pa gang chos nyid kyi tshor ba dang / 'du shes dang / 'du byed rnams dang / rnam par shes pa dang / byams pa gang chos nyid kyi sangs rgyas kyi chos rnams kyi bar de dag ni rdzas su med pa yang ma yin la rdzas su yod pa yang ma yin zhing don dam pas rab tu phye bar blta bar bya'o//byams pas gsol pa/ bcom ldan 'das gzugs zhes bya ba de ni gnyis su med pa'i grangs su byas pa'o/ /'di lta ste/ tshor ba zhes bya ba dang / 'du shes zhes bya ba dang / 'du byed rnams zhes bya ba dang /rnam par shes pa zhes bya ba dang / sangs rgyas kyi chos rnams kyi bar zhes bya ba 'di ni gnyis su med pa'i grangs su byas pa'o zhes bcom ldan 'das kyis bka' stsal pa de bcom ldan 'das kyis ci la dgongs nas 'di lta ste/ gzugs zhes bya ba de ni gnyis su med pa'i grangs su byas pa'o//'di lta ste tshor ba zhes bya ba dang / 'du shes zhes bya ba dang / 'du byed rnams zhes bya ba dang / rnam par shes pa zhes bya ba dang / sangs rgyas kyi chos rnams kyi bar zhes bya ba de ni gnyis su med pa'i grangs su byas pa'o zhes bka' stsal/ bcom ldan 'das kyis bka' stsal pa/ byams pa 'di ji snyam du sems/ kun du brtags pa'i gzugs la rdzas su med pa nyid gang yin pa de gzugs yin nam 'on te ma yin/ gsol pa/ bcom ldan 'das de ni ma lags so/ /de la gzugs zhes bya ba ming dang 'du shes dang btags pa dang tha snyad tsam gang yin pa de ci gzugs yin nam/gsol pa/ bcom ldan 'das de ni ma lags so / /byams pa rnam grangs des kyang kun brtags pa'i gzugs de gzugs kyang ma yin la gzugs ma yin pa yang ma yin te/ gang gzugs kyang ma yin la gzugs ma yin pa yang ma yin pa de ni gnyis su med pa ste/ ngas 'di la dgongs nas 'di lta ste/gzugs zhes bya ba gang yin pa de ni gnyis su med pa'i grangs su byas pa'o zhes bka' stsal par rig par bya'o/ /byams pa 'di ji snyam du sems/ gang la brten nas gzugs zhes bya ba'i ming dang btags pa dang tha snyad du gyur pa rnam par brtags pa'i gzugs rdzas su yod pa nyid gang yin pa de ci ga gzugs ma yin pa yin nam/gsol pa/ bcom ldan 'das de ni ma lags so/ /byams pa 'di ji snyam du sems/ rnam par brtags pa'i gzugs de nyid la kun du brtags pa'i gzugs des de'i ngo bo nyid ma yin zhing de'i mtshan nyid ma yin pa gang yin pa de gzugs yin nam/gsol pa/ bcom ldan 'das de ni ma lags so/ /byams pa rnam grangs 'dis kyang 'di ltar gang rnam par brtags pa'i gzugs de yang gzugs kyang ma yin la gzugs ma yin pa yang ma yin te/ gang gzugs kyang ma yin la gzugs ma yin pa yang ma yin pa de ni gnyis su med pa ste/ngas de la dgongs nas 'di lta ste/ gzugs zhes bya ba de ni gnyis su med pa'i grangs su byas pa'o zhes bka' stsal par rig par bya'o/ /byams pa 'di ji snyam du sems/ gang chos nyid kyi gzugs bdag med pas rab tu phye ba'i gzugs de ci gang gzugs yin nam/gsol pa/ bcom ldan 'das de ni ma lags so/ /chos nyid kyi gzugs de nyid gzugs kyi chos nyid gang yin pa de gzugs ma yin nam/ gsol pa/ bcom ldan 'das de ni ma lags so/ /byams pa rnam grangs 'dis kyang chos nyid kyi gzugs gang yin pa de yang gzugs kyang ma yin la gzugs ma yin pa yang ma yin te/gang gzugs kyang ma yin la gzugs ma yin pa yang ma yin pa de ni gnyis su med pa ste/ ngas de la dgongs nas 'di lta ste/ gzugs zhes bya ba de ni gnyis su med pa'i grangs su byas pa'o de bzhin du tshor ba dang / 'du shes dang /'du byed rnams dang / rnam par shes pa dang / sangs rgyas kyi chos rnams kyi bar rnams la sbyar bar bya'o/ /byams pas gsol pa/ bcom ldan 'das byang chub sems dpa' shes rab kyi pha rol tu phyin pa la spyod pa de ltar gzugs gnyis su ma mchis pa'i mtshan nyid la mkhas shing de ltar tshor ba dang /'du shes dang / 'du byed rnams dang / rnam par shes pa dang / sangs rgyas kyi chos rnams kyi bar dag la gnyis su ma mchis pa'i mtshan nyid la mkhas pa mtha' gnyis spangs nas dbu ma'i lam la zhugs pas yongs su shes pa'i mtshan nyid ni ji lta bu/ spong ba'i mtshan nyid ni ji lta bu/mngon sum du bgyid pa'i mtshan nyid ni ji lta bu/ sgom pa'i mtshan nyid ni ji lta bur lta bar bgyid/ bcom ldan 'das kyis bka' stsal pa/ byams pa byang chub sems dpa' shes rab kyi pha rol tu phyin pa la spyod pa mtha' gnyis spangs nas 'di ltar dbu ma'i lam la zhugs pas gang gzugs yongs su shes pa yang ma yin/yongs su mi shes pa yang ma yin pa de nyid de'i yongs su shes pa'o/ /tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du yongs su shes pa yang ma yin/yongs su ma shes pa yang ma yin pa de nyid de'i yongs su shes pa'o/ /gang gzugs spong ba yang ma yin pa de nyid de'i spong ba'o/ /gang tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du spong ba yang ma yin mi spong ba yang ma yin pa de nyid de'i spong ba'o//gang gzugs spong ba mngon sum du byed pa yang ma yin la mngon sum du mi byed pa yang ma yin pa de nyid de'i mngon sum du byed pa'o/ /gang gzugs spang ba'i phyir lam sgom pa yang ma yin mi sgom pa yang ma yin pa de nyid de'i sgom pa'o//gang tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar du spang ba'i phyir lam sgom pa yang ma yin mi sgom pa yang ma yin pa de nyid de'i sgom pa'o/ /byams pas gsol pa/ bcom ldan 'das byang chub sems dpa' shes rab kyi pha rol tu phyin pa la spyod pa 'di lta bu'i yongs su 'tshal ba dang /spong ba dang / mngon sum du bgyid pa dang / sgam pa dang ldan pa'i mya ngan las 'das pa gang lags/ bcom ldan 'das kyis bka' stsal pa/ byams pa byang chub sems dpa' rnams kyi mya ngan las 'das pa ni zab po//mchog tu zab po/ /byams pas gsol pa/ bcom ldan 'das ci'i slad du byang chub sems dpa' rnams kyi mya ngan las 'das pa 'di ltar zab pa dang mtshag tu zab pa lags/ bcom ldan 'das kyis bka' stsal pa/ byams pa byang chub sems dpa' sems dpa' chen po rnams kyi mya ngan las 'das pa ni 'di ltar mya ngan las 'das pa yang ma yin/mya ngan las ma 'das pa yang ma yin te/ de'i phyir zab pa dang mchog tu zab pa zhes bya'o/ /byams pas gsol pa/ bcom ldan 'das ji ltar na byang chub sems dpa' rnams kyi mya ngan las 'das pa ni mya ngan las 'das pa yang ma lags/mya ngan las ma 'das pa yang ma lags / bcom ldan 'das kyis bka' stsal pa/ byams pa gzhan gyi don las brtsams te 'khor ba yongs su mi gtong bas mya ngan las 'das pa yang ma yin no/ /bdag gi don las brtsams te mya ngan las ma 'das pa yongs su mi gtong bas mya ngan las ma 'das pa yang ma yin no//byams pas gsol pa/ bcom ldan 'das gal te byang chub sems dpa' gzhan gyi don las bsams te 'khor ba yongs su mi gtong na/ de 'khor ba yongs su mi gtong bas ji ltar mya ngan las 'das pa la yongs su gtong bar mi 'gyur/bcom ldan 'das gal te byang chub sems dpa' bdag gi don las brtsams te/ mya ngan las 'das pa yongs su mi gtong na 'dis ji ltar 'khor ba yongs su gtang bar mi 'gyur ba lags/ bcom ldan 'das kyis bka' stsal pa/ byams pa 'di la byang chub sems dpa' shes rab kyi pha rol tu phyin pa la spyod pa 'khor ba la 'khor ba nyid du rnam par mi rtog mya ngan las 'das pa la yang mya ngan las 'das pa nyid du rnam par mi rtog ste/de de ltar rnam par mi rtog pas 'di lta ste/ 'khor ba dang mya ngan las 'das pa de dag mnyam pas mnyam par 'gyur ro//de ci'i phyir zhe na/ de ni 'di ltar de 'khor ba la 'khor ba nyid de rnam par mi rtog pas 'khor ba las yid 'byung bar mi 'gyur ro/ /de bzhin du mya ngan las 'das pa la mya ngan las 'das pa nyid du mi rtog pas mya ngan las 'das pa la yang yongs su mi rtog par rig par bya'o/ /byams pas gsol pa/bcom ldan 'das 'o na byang chub sems dpa' shes rab kyi pha rol tu phyin pa la spyod pa rnam par mi rtog pa'i dbyings pa gnas pas 'khor ba ji ltar ma btang ba de ltar blangs pa yang ma mchis shing mya ngan las 'das pa ji ltar ma btang ba de ltar blangs pa yang ma mchis par mi 'gyur ba lags sam/bcom ldan 'das gal te blangs pa ma mchis na ji ltar ma btang ba lags/ bcom ldan 'das kyis bka' stsal pa/ byams pa nga ni 'di ltar 'khor ba len to zhe'am mi len to zhes mi smra'o/ /mya ngan las 'das pa len to zhe'am mi len to zhes mi smra'o/ /byams pa 'on kyang shes rab kyi pha rol tu phyin pa la spyod pa'i byang chub sems dpa' rnam par mi rtog pa'i dbyings la dmigs pa'i ye shes sems la dbang thob pas thabs la mkhas pas phyogs bcu'i 'jig rten gyi khams gang gA'i klung gi bye ma snyed dag tu 'khor ba bstan pa'i phyir yongs su mya ngan las 'das pa'i byang chub sems dpa' rnams la 'khor ba yongs su mi gtong ba'o zhes nga smra'o//stong pa nyid mi dmigs pa'i dbyings la gnas pa'i phyir mya ngan las 'das pa yongs su mi gtong ba'o zhes nga smra'o/ /byams pas gsol pa/ bcom ldan 'das rnam par mi rtog pa'i mtshan nyid 'dus pa ji ltar blta bar bgyi/bcom ldan 'das kyis bka' stsal pa/ byams pa gzugs gang yin pa dang / tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / sangs rgyas kyi chos rnams kyi bar du gang yin pa dang /gzugs kyi stong pa nyid gang yin pa dang / tshor ba dang / 'du shes dang / 'du byed rnams dang / rnam par shes pa dang / sangs rgyas kyi chos rnams kyi bar gyi stong pa nyid gang yin pa dang / chos de dag dang stong pa nyid de'i dngos po dang dngos po med pa gnyis su med pa spros pa med pa gang yin pa de ni/byams pa rnam par mi rtog pa'i mtshan nyid 'dus par blta'o/ /byams pas gsol pa/ bcom ldan 'das ji ltar nyan thos thams cad gcig tu nges par gtan du mya ngan las 'das pa la gnas pa lags sam/ bcom ldan 'das kyis bka' stsal pa/ byams pa de ni ma yin no//de ci'i phyir zhe na/ byams pa 'jig rten 'di ni khams sna tshogs pa khams du ma ste/ khams sna tshogs can der 'byung ba ni sems can gyi rigs dang rang bzhin mang du dmigs te/ byams pa gang thog ma nyid nas bzang po'i bye brag don du gnyer ba ste/ bzang po'i bye brag nyid thob par 'gyur ba yang yod/gang thog ma nyid nas dman pa'i bye brag don du gnyer ba ste/ dman pa nyid thob pa de nyid kyis chog par 'dzin pa'i rigs kyi rnam pa de lta bu yang yod/ gang thog ma nyid nas dman pa'i bye brag don du gnyer ba ste/ dman pa'i bye brag thob la de tsam gyis chog par mi 'dzin gyi de'i gong du bzang po'i bye brag tshol zhing bzang po thob par 'gyur ba'i rigs kyi bye brag de lta bu yang yod do//byams pas gsol pa/ bcom ldan 'das sems can gyi rigs kyi rnam pa gsum po gang lags pa de dgra bcom pa nyid thob nas bla na med pa yang dag par rdzogs pa'i byang chub don du gnyer yang skye ba ma mchis pas ji ltar thob par 'gyur/sgrub pa nyid de'i skye ba lags par ni bcom ldan 'das kyis bka' stsal pa lags/ bcom ldan 'das kyis bka' stsal pa/ byams pa de'i skye ba ni las dang nyon mongs pa'i dbang gis skye bar ni nga mi smra'o/ /de'i skye ba bsam gyis mi khyab pa dang sprul pa dang yongs su bsgyur ba'o zhes nga 'dogs so//byams pas gsol pa/ bcom ldan 'das 'di ltar thog ma nyid nas bzang po'i bye brag don du gnyer zhing bzang po'i bye brag nyid thob par 'gyur ba byang chub sems dpa' sems dpa' chen po'i bsam pa rlabs po che dang / che ba'i lhag pa'i bsam pa ni ngo mtshar lags so//bcom ldan 'das byang chub sems dpa'i bsam pa rlabs po che ni gang lags/ che ba'i lhag pa'i bsam pa nyid ni gang lags/ bcom ldan 'das kyis bka' stsal pa/ byams pa byang chub sems dpa' sems dpa' chen po rnams brgya byin nyid dang / 'jig rten skyong ba nyid dang / 'khor los sgyur ba nyid thams cad dang / 'jig rten gyi phun sum tshogs pa thams cad don du gnyer ba ma yin gyi de dag la ma chags shing mi 'dzin pas dge ba'i rtsa ba de dag bla na med pa yang dag par rdzogs pa'i byang chub tu yongs su sngo bar byed pa 'di ni byang chub sems dpa' rnams kyi bsam pa rlabs po che'o//byang chub sems dpa' rnams ma chags pa'i bde ba dang / 'dzin pa med pa'i bde ba dang / mya ngan las 'das pa'i bde ba sems can thams cad dang thun mong du bya bar 'dod cing dge ba'i rtsa ba bla na med pa yang dag par rdzogs pa'i byang chub tu sngo bar byed pa gang yin pa 'di ni 'di lta ste/'khor ba yongs su mi gtong ba che ba'i lhag pa'i bsam pa nyid du blta bar bya'o/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das byang chub sems dpa'i chos rnams ni ngo mtshar rmad du byung ba lags so//byang chub sems dpa'i bslab pa ni ngo mtshar rmad du byung ba lags so/ /bcom ldan 'das rigs kyi bu'am rigs kyi bu mo byang chub sems dpa'i chos ngo mtshar rmad du byung ba rnams la slob par 'tshal bas/ bla na med pa yang dag par rdzogs pa'i byang chub tu sems bskyed par bgyi lags so//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos thams cad dngos po ma mchis te/ de dag sangs rgyas bcom ldan 'das kyis kyang ma mdzad/ rang sangs rgyas dang /dgra bcom pa dang / phyir mi 'ong ba dang / lan cig phyir 'ong ba dang / rgyun du zhugs pas kyang ma bgyis/ de dag la zhugs pas kyang ma bgyis/ gang byang chub 'di la spyod pa'i byang chub sems dpa' sems dpa' chen po de dag gis kyang ma bgyis na chos de dag la 'di dag ni sems can dmyal ba pa'o//'di ni byol song gi skye gnas pa'o/ /'di ni gshin rje'i 'jig rten pa'o/ /'di ni lha'o/ /'di ni mi'o/ /las 'dis ni sems can dmyal ba dang / byol song gi skye gnas dang / gshin rje'i 'jig rten par 'gyur ro/ /las 'dis ni mir 'gyur ro/ /las 'dis ni rgyal chen bzhi'i ris kyi lhar 'gyur ro//las 'dis ni sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang /dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can rnams dang / mi spong ba dang / mi gdung ba dang / legs mthong dang / rab lta dang / 'og min gyi lhar 'gyur ro/ /las 'dis ni nam mkha' mtha' yas skye mched dang /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar 'gyur ro/ /las 'dis ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas su 'gyur ro//las 'dis ni byang chub sems dpa' sems dpa' chen por 'gyur ro/ /las 'dis ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bgyi bar tha dad du dbye ba'am/ rnam par dgod pa yang ji ltar 'gyur/ bcom ldan 'das dngos po ma mchis pa la ni bgyi ba gang yang ma mchis te/bgyi ba gang gis sems can dmyal bar mchi ba'am/ byol song gi skye gnas su mchi ba'am/ gshin rje'i 'jig rten du mchi ba'am/ mir skye ba'am/ rgyal chen bzhi'i ris kyi lhar skye ba'am/ sum cu rtsa gsum gyi lhar skye ba'am/'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang /bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang / cung zad [(]med med [,]med [)]pa'i skye mched dang /'du shes med 'du shes med min skye mched kyi lhar skye ba'am/ rgyun du zhugs pa'i 'bras bu thob par 'gyur ba'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ba'am/ byang chub sems dpa' sems dpa' chen po'i lam la spyod par 'gyur ba'am/rnam pa thams cad mkhyen pa nyid thob par 'gyur ba'am/ thob par gyur nas sems can rnams 'khor ba las yongs su 'grol bar 'gyur ro zhes bgyi ba de lta bu gang yang ma mchis so/ /de skad ces gsol pa dang / bcom ldan 'das [(]gyis [,]kyis [)#]tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ ji skad smras pa de bzhin te/ rab 'byor dngos po med pa la ni las kyang med/ bya ba yang med/ 'bras bu yang med na/ 'on kyang byis pa so so'i skye bo 'phags pa'i chos la mi mkhas pa rnams kyis chos rnams dngos po med pa'i ngo bo nyid du mi shes te/phyin ci log las byung ba'i sems kyis las sna tshogs mngon par 'du byed pas de dag gi lus rnam pa de bzhin du mngon par 'grub ste/ sems can dmyal ba'am/ byol song gi skye gnas sam/gshin rje'i 'jig rten nam/ mi'am/ rgyal chen bzhi'i ris kyi lha'am/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha 'am/ nam mkha' mtha' yas skye mched dang /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lha'i nang du lus mngon par 'grub ste/ dngos po med pa la ni las sam/ bya ba'am 'bras bu med de/ dngos po med pa gang yin pa de ni dngos po med pa nyid do//rab 'byor de la 'di skad du dngos po med pa la ni bya ba gang yang med de/ bya ba gang gis sems can dmyal bar 'gro ba'am/ byol song gi skye gnas su 'gro ba'am/ gshin rje'i 'jig rten du 'gro ba'am/ mir skye ba'am/ rgyal chen bzhi'i ris kyi lhar skye ba'am/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang /dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang /cung zad med pa'i skye mched dang / 'du shes med 'du shes med min gyi skye mched kyi lhar skye ba'am/ rgyun du zhugs pa'i 'bras bu thob par 'gyur ba'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ba'am/byang chub sems dpa' sems dpa' chen po'i lam la spyod pa'am/ rnam pa thams cad mkhyen pa nyid thob par 'gyur ba'am/ de thob nas sems can rnams 'khor ba las yongs su sgrol bar 'gyur ba de lta bu'i bya ba gang yang med do zhes zer ba ni/ rab 'byor de ji snyam du sems/lam dngos po med pa ma yin nam/ rgyun du zhugs pa'i 'bras bu dngos po med pa ma yin nam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dngos po med pa ma yin nam/ rnam pa thams cad mkhyen pa nyid kyi bar du dngos po med pa ma yin nam/gsol pa/ bcom ldan 'das lam ni dngos po ma mchis pa'o/ /rgyun du zhugs pa'i 'bras bu ni dngos po ma mchis pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni dngos po ma mchis so //rnam pa thams cad mkhyen pa nyid kyi bar ni dngos po ma mchis pa'o/ /bcom ldan 'das kyis bka' stsal pa/ rab 'byor de ji snyam du sems/ dngos po med pa'i chos shig dngos po med pa'i chos thob par byed snyam mam/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor de ltar na dngos po med pa gang yin pa dang / lam gang yin pa'i chos de gnyis ka ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa/ mtshan nyid gcig pa ste/ 'di ltar mtshan nyid med pa'o//rab 'byor de la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can phyin ci log bzhis phung po lnga la mngon par zhen pa/ mi rtag pa la rtag pa'i 'du shes su gyur pa/ sdug bsngal ba la bde ba'i 'du shes su gyur pa/bdag med pa la bdag tu 'du shes su gyur pa/ mi sdug pa la sdug pa'i 'du shes su gyur pa/ dngos po la mngon par zhen pa rnams dngos po las rnam par 'grel to zhes bya ba ni phyin ci log spangs pa la dgod pa'i phrin las yin no// //rab 'byor gyis gsol pa/bcom ldan 'das ci lags byis pa so so'i skye bo rnams gang la dngos po'o zhes nas mngon par zhen par 'gyur ba de lta bu'i dngos po de bzhin ma nor ba de bzhin zhes bgyi ba ma mchis sam/ de ste ma mchis na ni mngon par 'du bgyid par yang ji ltar 'gyur/ sug las des kyang shul rgyud lnga'i 'khor ba na ci ste mi 'grol/bcom ldan 'das kyis bka' stsal pa/ rab 'byor phyin ci log ma gtogs par gang la gnas na ste/ byis pa so so'i skye bo rnams las mngon par 'du byed pa'i dngos po ni chung ngu na skra'i rtse mo'i cha shas bzhag pa tsam yang med do/ /rab 'byor de lta bas na ci nas kyang don 'di gsal zhing rdzogs pa dang /mkhas pas shes par bya ba'i phyir khyod la dpe bshad do/ /rab 'byor de ji snyam du sems/ rmi lam du mthong ba la rmi lam mthong ba de gang la gnas shing 'dod pa'i yon tan lngas yongs su spyod pa de lta bu'i dngos po gang yang yod dam/gsol pa/ bcom ldan 'das rmi lam nyid kyang ma mchis na rmi lam mthong ba de gang la gnas shing / 'dod pa'i yon tan lngas yongs su spyod pa lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ 'jig rten pa'am/'jig [(]rtan [,]rten [)]las 'das pa'am/ zag pa dang bcas pa'am/ zag pa med pa'am/ 'dus byas sam/ 'dus ma byas kyi chos gang la yang rmi lam dang 'dra ba ma yin pa de lta bu yod dam/ gsol pa/ bcom ldan 'das 'jig rten pa'am/ 'jig rten las 'das pa'am/zag pa dang bcas pa'am/ zag pa ma mchis pa'am/ 'dus byas sam/ 'dus ma byas kyi chos gang la yang rmi lam lta bu ma lags pa de lta bu ma mchis so/ /bcom ldan 'das kyis bka' stsal pa/ ci rmi lam lta bu rgyud lnga'i 'khor ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ rmi lam la lam bsgoms pas kun nas nyon mongs par yang mi 'gyur rnam par byang bar yang mi 'gyur ba de lta bu'i lam sgom pa yod dam/ gsol pa/ bcom ldan 'das de ni ma lags so//bcom ldan 'das de ni dngos po ma mchis pa ste/ brjod pa dang / tshig dang / sgra dang / yi ge thams cad kyis gdags su ma mchis pa'o/ /bcom ldan 'das kyis bka' stsal pa/ rab 'byor de ji snyam du sems/ me long la gzugs brnyan snang ba de la gang las mngon par 'du byed cing mngon par 'dus byas pas sems can dmyal bar 'gro ba'am/byol song gi skye gnas su 'gro ba'am/ gshin rje'i 'jig rten du 'gro ba'am/ mi dang lhar 'gro ba de lta bu'i dngos po yod dam/ gsol pa/ bcom ldan 'das de ni ma lags so/ /bcom ldan 'das de ni gzhan du na byis pa rnams slu ba ma gtogs par dngos po ma mchis pa ste/gzugs brnyan nyid kyang ma mchis na/ gang mngon par 'du bgyid cing mngon par 'du bgyis pas sems can dmyal bar mchi ba'am/ byol song gi skye gnas su mchi ba 'am/ gshin rje'i 'jig rten du mchi ba'am/mi dang lhar gyur pa'i sug las lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ de la lam bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam sgom pa yod dam/gsol pa/ bcom ldan 'das de ni ma lags so/ /bcom ldan 'das gzugs brnyan nyid kyang dngos po ma mchis na/ lam bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam sgom pa lta smos kyang ci 'tshal te ma mchis so//bcom ldan 'das kyis bka' stsal pa/ rab 'byor de ji snyam du sems/ nags stug po dang / ri dang / gcong rong dang / lung pa nas sgra brnyan byung na sgra brnyan de las mngon par 'du byed cing mngon par 'du byas pas sems can dmyal bar 'gro ba'am/ byol song gi skye gnas su 'gro ba'am/gshin rje'i 'jig rten du 'gro ba'am/ lha dang mir gyur pa de lta bu'i dngos po yod dam/ gsol pa/ bcom ldan 'das de ni ma lags so/ /bcom ldan 'das sgra brnyan de nyid kyang dngos po ma mchis na/ de la gang sug las mngon par 'du bgyid cing mngon par 'du bgyis na sems can dmyal bar mchi ba'am/byol song gi skye gnas su mchi ba'am/ gshin rje'i 'jig rten du mchi ba'am/ lha dang mir skye ba'am/ rgyal chen bzhi'i ris kyi lhar skye ba'am/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang /'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba lta smos kyang ci 'tshal te ma mchis so//bcom ldan 'das kyis bka' stsal pa/ rab 'byor de ji snyam du sems/ sgra brnyan gyi lam gang la bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam sgom pa yod dam/gsol pa/ bcom ldan 'das de ni ma lags te/ bcom ldan 'das sgra brnyan nyid kyang shin tu ma mchis pa lags na/ lam gang bsgoms pas kun nas nyon mongs par yang mi 'gyur la/ rnam par byang bar yang mi 'gyur ba'i lam sgom pa lta smos kyang ci 'tshal te ma mchis so//bcom ldan 'das kyis bka' stsal pa/ rab 'byor de ji snyam du sems/ smig rgyu la chu med par chur 'du shes su gyur pa dang / chu klung med par chu klung gi 'du shes su gyur pa dang / grong khyer med par grong khyer gyi 'du shes su gyur pa dang / skyed mos tshal med par skyed mos tshal gyi 'du shes su gyur pa de la 'du shes kyi lam gang mngon par 'du byas pas sems can dmyal bar 'gro ba'am/byol song gi skye gnas su 'gro ba'am/ gshin rje'i 'jig rten du 'gro ba'am/ mir skye ba'am/ rgyal chen bzhi'i ris kyi lhar skye ba'am/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang /dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang /cung zad med pa'i skye mched dang / 'du shes med 'du shes med min skye mched kyi lhar skye ba de lta bu yod dam/ gsol pa/ bcom ldan 'das smig rgyu la 'du shes phyin ci log tu gyur pa dang / mig gis log par mthong ba ma gtogs par chu klung dang / grong khyer dang / skyed mos tshal shin tu ma mchis na sug las gang mngon par 'du bgyis pas/sems can dmyal bar mchi ba'am/ byol song gi skye gnas su mchi ba'am/ gshin rje'i 'jig rten du mchi ba'am/ mir skye ba'am/ rgyal chen bzhi'i ris kyi lhar skye ba'am/ sum cu rtsa gsum dang / 'thab bral dang /dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spang ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye bar 'gyur ba lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ phyin ci log gi 'du shes de la lam gang bsgoms pas kun nas nyon mongs par yang mi 'gyur la/rnam par byang bar yang mi 'gyur ba de lta bu'i lam sgom pa yod dam/ gsol pa/ bcom ldan 'das de ni ma lags te/ bcom ldan 'das phyin ci log gi 'du shes de nyid kyang dngos po ma mchis pa lags na/ lam gang bsgoms pas kun nas nyon mongs par yang mi 'gyur la/rnam par byang bar yang mi 'gyur ba'i lam sgom pa lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma'i mkhan pos sgyu ma sna tshogs glang po'i tshogs sam/ rta'i tshogs sam/ glang gi tshogs sam/ dpung bu chung gi tshogs sam/bud med kyi gzugs sam/ skyes pa'i gzugs mngon par sprul nas/ sgyu ma de la gang mngon par 'du byas pas sems can dmyal bar 'gro ba'am/ byol song gi skye gnas su 'gro ba'am/ gshin rje'i 'jig rten du 'gro ba'am/ mir skye ba'am/ rgyal chen bzhi'i ris kyi lhar skye ba'am/sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang /dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am / nam mkha' mtha' yas skye mched dang /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba de lta bu'i dngos po yod dam/ gsol pa/ bcom ldan 'das de ni ma lags te/ sgyu ma de gang la gnas te sug las de gang mngon par 'du bgyid pa dang /sug las gang mngon par 'du bgyis pas/ sems can dmyal bar mchi ba'am/ byol song gi skye gnas sam/ gshin rje'i 'jig rten du mchi ba'am/ mir skye ba'am/ rgyal chen bzhi'i ris kyi lhar skye ba'am/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang /'du shes med 'du shes med min skye mched kyi lhar skye bar 'gyur ba ni skra'i rtse mo'i cha shas bzhag pa tsam yang ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma la gang lam bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam sgom pa gang yang yod dam/gsol pa/ bcom ldan 'das de ni ma lags te/ bcom ldan 'das dngos po ma mchis pa'i chos la nyon mongs pa'am/ rnam par byang bar 'gyur ba lta ga la mchis/ bcom ldan 'das kyis bka' stsal pa/ rab 'byor de ji snyam du sems/de bzhin gshegs pas sprul pa mdzad na/ sprul pa de las gang mngon par 'du byas pas sems can dmyal bar 'gro ba'am/ byol song gi skye gnas su 'gro ba'am/ gshin rje'i 'jig rten du 'gro ba 'am/ mir skye ba 'am/ rgyal chen bzhi'i ris kyi lhar skye ba'am/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang /dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lhar skye ba'am/ nam mkha' mtha' yas skye mched dang / rnam shes mtha' yas skye mched dang /cung zad med pa'i skye mched dang / 'du shes med 'du shes med min skye mched kyi lhar skye bar 'gyur ba de lta bu'i dngos po yod dam/ gsol pa/ bcom ldan 'das de ni ma lags te/ bcom ldan 'das sprul pa de la dngos po ma mchis so/ /bcom ldan 'das kyis bka' stsal pa/rab 'byor de ji snyam du sems/ sprul pa de la lam gang bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam sgom pa yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/de la gang la la zhig kun nas nyon mongs pa'am/ rnam par byang bar 'gyur ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ ci ltar kun nas nyon mongs pa dang / rnam par byang bar 'gyur ba gang yang med pa de bzhin du kun nas nyon mongs pa dang rnam par byang ba yang med do//de ci'i phyir zhe na/ bdag dang bdag gir bya ba la gnas shing sems can rnams kun nas nyon mongs pa 'am/ rnam par byang bar 'gyur gyi/ yang dag pa mthong ba ni kun nas nyon mongs pa'am/ rnam par byang bar 'gyur ba med do//ji ltar yang dag pa mthong ba la kun nas nyon mongs pa'am/ rnam par byang bar 'gyur ba med pa de bzhin du kun nas nyon mongs pa dang / rnam par byang ba med do zhes bya ba ni phyin ci log bzhi med pa spang ba'i 'du shes la rab tu dgod pa'i phrin las yin no// //de nas tshe dang ldan pa rab 'byor gyis bcom ldan 'das la 'di skad ces gsol to//bcom ldan 'das yang dag par mthong ba la kun nas nyon mongs par 'gyur ba'am/ rnam par byang bar 'gyur ba yang ma mchis pa de bzhin du yang dag par ma mthong ba la yang kun nas nyon mongs pa'am/ rnam par byang bar 'gyur ba ma mchis te/de ni chos thams cad dngos po ma mchis pa'i ngo bo nyid pas bcom ldan 'das dngos po ma mchis pa la ni kun nas nyon mongs pa'am/ rnam par byang ba ma mchis te/ bcom ldan 'das ngo bo nyid la kun nas nyon mongs pa dang / rnam par byang ba ma mchis te/dngos po ma mchis pa'i ngo bo nyid la yang kun nas nyon mongs pa dang / rnam par byang ba ma mchis na/ bcom ldan 'das kyis rnam par byang bar gsungs pa ste ji lta bu lags/ bcom ldan 'das kyis bka' stsal pa/ rab 'byor chos thams cad kyi mnyam pa nyid gang yin pa de ni ngas rnam par byang bar gsungs so//gsol pa/ bcom ldan 'das chos thams cad kyi mnyam pa nyid de gang lags/ bcom ldan 'das kyis bka' stsal pa/ de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang /chos skyon med pa nyid dang / yang dag pa'i mtha' gang de bzhin gshegs pa rnams byung yang rung / de bzhin gshegs pa rnams ma byung yang rung / de bzhin du gnas pa'i chos kyi gnas nyid dang dbyings 'di lta ste/ chos kyi dbyings zhes bya ba 'di ni rab 'byor rnam par byang ba ste/de ni 'jig rten gyi tha snyad kyis brjod kyi/ de ni brjod du med cing smos su med pa yin te/ sgra dang tshig thams cad kyi lam las 'das pa'i chos so zhes bya ba ni rnam par byang ba la dgod pa'i phrin las yin no// //gsol pa/ bcom ldan 'das gal te chos thams cad rmi lam lta bu/sgra brnyan lta bu/ mig yor lta bu/ smig rgyu lta bu/ sgyu ma lta bu/ sprul pa lta bu lags na/ ji ltar byang chub sems dpa' sems dpa' chen po chos thams cad rmi lam lta bu dang / sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / chos thams cad sprul pa lta bu ste/dngos po ma mchis pa rdzas ma mchis pa la bdag gis sbyin pa'i pha rol tu phyin pa yongs su rdzogs par bya'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa dang / thabs mkhas pa'i pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa yongs su rdzogs par bya'o/ /nang stong pa nyid yongs su rdzogs par bya'o/ /phyi stong pa nyid dang /phyi nang stong pa nyid dang / dngos po med pa'i ngo bo nyid stong pa nyid kyi bar du yongs su rdzogs par bya'o/ /dran pa nye bar gzhag pa bzhi yongs su rdzogs par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /'phags pa'i lam yan lag brgyad pa yongs su rdzogs par bya'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang /stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad yongs su rdzogs par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /byams pa chen po dang / snying rje chen po dang / sangs rgyas kyi chos ma 'dres pa bco brgyad yongs su rdzogs par bya'o/ /skyes bu chen po'i mtshan sum cu rtsa gnyis yongs su rdzogs par bya'o/ /dpe byad bzang po brgyad cu yongs su rdzogs par bya'o/ /'od chen po yongs su rdzogs par bya'o //phyogs bcu'i 'jig rten gyi khams kyi sems can rnams kyi sems kyi rtog pa sems kyis yongs su shes par bya ste / dbyangs gcig gis mos pa ji lta ba bzhin du chos bstan pa'i tshangs pa'i dbyangs yongs su rdzogs par bya'o zhes bgyi bar bla na med pa yang dag par rdzogs pa'i byang chub tu sems bskyed pa lags/bcom ldan 'das kyis bka' stsal pa/ rab 'byor de ji snyam du sems/ gang khyod kyis brjod pa'i chos de dag rmi lam lta bu dang / sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu yin no/ / gsol pa/ bcom ldan 'das gal te chos de dag rmi lam lta bu dang / sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu lags na/ ji ltar byang chub sems dpa' sems dpa' chen pos shes rab kyi pha rol tu phyin pa la spyad par bgyi/ bcom ldan 'das rmi lam ni yang dag pa ma lags/sgra brnyan dang / mig yor dang / smig rgyu dang / sgyu ma dang / sprul pa ni yang dag pa ma lags te/ bcom ldan 'das yang dag pa ma lags pas sbyin pa'i pha rol tu phyin pa la spyad pa dang / tshul khrims kyi pha rol tu phyin pa dang / bzod pa'i pha rol tu phyin pa dang /brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyad pa dang / nang stong pa nyid la spyad pa dang / dngos po med pa'i ngo bo nyid stong pa nyid kyi bar la spyad pa dang / byang chub kyi phyogs kyi chos sum cu rtsa bdun la spyad pa dang /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo thams cad dang / de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa bco brgyad la spyad pas bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so//bcom ldan 'das kyis bka' stsal pa/ rab 'byor de de bzhin no/ /de de bzhin te/ yang dag pa ma yin pas sbyin pa'i pha rol tu phyin pa la spyad pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /bsam gtan gyi pha rol tu phyin pa dang / shes rab kyi pha rol tu phyin pa la spyad pa dang / nang stong pa nyid la spyad pa dang / dngos po med pa'i ngo bo nyid stong pa nyid kyi bar la spyad pa dang / byang chub kyi phyogs kyi chos sum cu rtsa bdun la spyad pa dang / 'phags pa'i bden pa dang / bsam gtan dang /tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo thams cad la spyad pa dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa bco brgyad la spyad pas bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so//rab 'byor de ji snyam du sems/ sbyin pa'i pha rol tu phyin pa bla na med pa yang dag par rdzogs pa'i byang chub tu mngon par rdzogs par 'tshang rgya'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa bla na med pa yang dag par rdzogs pa'i byang chub tu mngon par rdzogs par 'tshang rgya'am/ stong pa nyid thams cad dang /byang chub kyi phyogs kyi chos rnams bla na med pa yang dag par rdzogs pa'i byang chub tu mngon par rdzogs par 'tshang rgya'am/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams bla na med pa yang dag par rdzogs pa'i byang chub tu mngon par rdzogs par 'tshang rgya'am/ de bzhin gshegs pa'i stobs dang /mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bco brgyad bla na med pa yang dag par rdzogs pa'i byang chub tu mngon par rdzogs par 'tshang rgya'am/ gsol pa/ bcom ldan 'das de ni ma lags so// //bam po bdun cu bzhi pa ste tha ma'o / /bcom ldan 'das kyis bka' stsal pa/ rab 'byor de de bzhin no/ /de de bzhin te/ sbyin pa'i pha rol tu phyin pa bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /tshul khrims kyi pha rol tu phyin pa dang /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /nang stong pa nyid bla na med pa yang dag par rdzogs pa'i byang chub tu mngon par rdzogs par 'tshang mi rgya'o//dngos po med pa'i ngo bo nyid stong pa nyid kyi bar du bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /dran pa nye bar gzhag pa rnams bla na med pa yang dag par rdzogs pa'i byang chub tu mngon par rdzogs par 'tshang mi rgya'o//yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa bla na med pa yang dag par rdzogs pa'i byang chub tu mngon par rdzogs par 'tshang mi rgya'o//'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang /mngon par shes pa rnams dang / ting nge 'dzin rnams dang / gzungs kyi sgo rnams bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /byams pa chen po dang / snying rje chen po dang / sangs rgyas kyi chos ma 'dres pa bco brgyad bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /rab 'byor de ci'i phyir zhe na/ 'di ltar chos 'di dag thams cad kyang 'dus byas pa/ mngon par 'dus byas pa ste/'dus byas pa dang / mngon par 'dus byas pa'i chos kyis ni rnam pa thams cad mkhyen pa nyid thob par mi nus so/ /rab 'byor 'on kyang chos de dag ni thams cad kyang lam bsgrubs pa dang / lam bskyed pa'i rgyur 'gyur ba ste/ 'bras bu thob pa'i phyir na ma yin no//chos de dag gi mi skye ba dang / mi 'byung ba gang yin pa de ni mtshan nyid med pa yang yin te/ de lta bas na byang chub sems dpa' sems dpa' chen po sems dang po bskyed pa nas nye bar bzung ste/ dge ba'i chos sbyin pa'i pha rol tu phyin pa'am/ tshul khrims kyi pha rol tu phyin pa'am/bzod pa'i pha rol tu phyin pa'am/ brtson 'grus kyi pha rol tu phyin pa'am/ bsam gtan gyi pha rol tu phyin pa'am/ shes rab kyi pha rol tu phyin pa'am/ nang stong pa nyid dang / dngos po med pa'i ngo bo nyid stong pa nyid kyi bar ram/ byang chub kyi phyogs kyi chos sum cu rtsa bdun nam/ 'phags pa'i bden pa rnams sam/bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa brgyad dam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa dang /mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po'am/ snying rje chen po'am/ sangs rgyas kyi chos ma 'dres pa rnams sam/dge ba'i chos gang dang gang brtsams [#(]yang [,]kyang [)]de thams cad sgyu ma lta bu zhes bya bar rab tu shes te/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang /byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa dang / mthar gyis gnas pa'i snyoms par 'jug pa rnams dang /stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bco brgyad po de dag yongs su rdzogs par ma byas pa dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / rnam pa thams cad kyi mchog dang ldan pa'i ye shes yongs su rdzogs par ma byas pa dang /sems can rnams yongs su smin par ma byas par byang chub sems dpa' sems dpa' chen pos rnam pa thams cad mkhyen pa nyid thob par bya ba ni gnas med do/ /de'i phyir de lta bas na byang chub sems dpa' sems dpa' chen po shes rab kyi pha rol tu phyin pa la spyod cing dge ba'i chos gang dang gang brtsams pa de thams cad rmi lam lta bur shes so//sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur shes so/ /de shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang /sangs rgyas kyi chos ma 'dres pa bco brgyad dang / rnam pa thams cad mkhyen pa nyid kyi bar du rmi lam lta bur shes so/ /sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur shes so/ /sems can de dag thams cad kyang rmi lam la spyod do zhes bya bar shes so//sgra brnyan dang / mig yor dang / smig rgyu dang / sgyu ma dang / sprul pa la spyod do zhes bya bar shes so/ /de bas na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam lta bu'i chos rnams dngos po med par 'dzin te/ de ltar bzung zhing rnam pa thams cad mkhyen pa nyid thob par byed do//shes rab kyi pha rol tu phyin pa la spyod pa'i tshe/ sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i chos rnams dngos po med par 'dzin te/ de ltar bzung zhing rnam pa thams cad mkhyen pa nyid thob par byed do//shes rab kyi pha rol tu phyin pa yang bzung du med do/ /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang bzung du med do/ /nang stong pa nyid kyang bzung du med do//dngos po med pa'i ngo bo nyid stong pa nyid kyi bar du yang bzung du med do/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang bzung du med do//'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang /ting nge 'dzin dang / gzungs kyi sgo rnams kyang bzung du med do/ /de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa rnams kyang bzung du med do/ /de bas na byang chub sems dpa' sems dpa' chen po chos thams cad bzung du med par shes par byas shing bla na med pa yang dag par rdzogs pa'i byang chub don du gnyer to//de ci'i phyir zhe na/ 'di ltar chos thams cad ni bzung du med cing dngos po med pa ste/ rmi lam lta bu dang / sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu ste/ sems can rnams kyis chos de dag ma shes ma mthong ma rtogs par bzung du med pa'i chos gang yang 'thob par mi nus pas de'i phyir byang chub sems dpa' sems dpa' chen po sems can thams cad kyi don du bla na med pa yang dag par rdzogs pa'i byang chub tu yang dag par 'jug ste/de sems dang po bskyed pa nas nye bar bzung ste/ sbyin pa gang ci gtong yang sems can thams cad kyi don du gtong ngo / /tshul khrims gang ci srung ba dang / bzod pa gang ci sgom pa dang / brtson 'grus gang ci rtsom pa dang / bsam gtan gang ci la mnyam par gzhog pa dang / shes rab gang ci sgom yang sems can thams cad kyi don du sgom ste/bdag gi don du ma yin no/ /byang chub sems dpa' sems dpa' chen po ni sems can rnams kyi don ma gtogs par bla na med pa yang dag par rdzogs pa'i byang chub tu mi 'jug ste/ de shes rab kyi pha rol tu phyin pa la spyod pa'i tshe/ sems can gang sems can med pa la sems can gyi 'du shes su gnas pa dang / bdag med pa la bdag gi 'du shes su gnas pa dang / srog med pa la srog gi 'du shes su gnas pa dang / 'gro ba med pa la 'gro ba'i 'du shes su gnas pa dang / gso ba med pa la gso ba'i 'du shes su gnas pa dang /skyes bu med pa la skyes bu'i 'du shes su gnas pa dang / gang zag med pa la gang zag gi 'du shes su gnas pa dang / shed can med pa la shed can gyi 'du shes su gnas pa dang / shed bdag med pa la shed bdag gi 'du shes su gnas pa dang / byed pa po med pa la byed pa po'i 'du shes su gnas pa dang /byed du 'jug pa po med pa la byed du 'jug pa po'i 'du shes su gnas pa dang / slong ba po med pa la slong ba po'i 'du shes su gnas pa dang / slong du 'jug pa po med pa la slong du 'jug pa po'i 'du shes su gnas pa dang / tshor ba po med pa la tshor ba po'i 'du shes su gnas pa dang /tshor du 'jug pa po med pa la tshor du 'jug pa po'i 'du shes su gnas pa dang / shes pa po med pa la shes pa po'i 'du shes su gnas pa dang / mthong ba po med pa la mthong ba po'i 'du shes su gnas pa de dag phyin ci log las rnam par 'grol te phyin ci log las rnam par bkrol zhing /'chi ba med pa'i dbyings su 'god do/ /de la bkod nas rgyu ba 'di dag yongs su mi rgyu ste/ bdag gi 'du shes sam/ sems can gyi 'du shes sam/ srog gi 'du shes sam/ 'gro ba'i 'du shes sam/ gso ba'i 'du shes sam/ skyes bu'i 'du shes sam/ gang zag gi 'du shes sam/shed can gyi 'du shes sam/ shed bdag gi 'du shes sam/ byed pa po'i 'du shes sam/ byed du 'jug pa po'i 'du shes sam/ slong ba po'i 'du shes sam/ slong du 'jug pa po'i 'du shes sam/ tshor ba po'i 'du shes sam/ tshor du 'jug pa po'i 'du shes sam/shes pa po'i 'du shes sam/ mthong ba po'i 'du shes sam/ mthong ba po'i 'du shes yongs su mi rgyu ste/ de g.yo ba dang / rlom sems dang 'bar ba dang spros pa 'di dag btang nas spros pa med pa'i sems kyis nye bar bsgrubs shing mang du spyad pa spyod de/ rab 'byor rnam grangs des byang chub sems dpa' sems dpa' chen po shes rab kyi pha rol tu phyin pa la spyod pa'i tshe/bdag nyid kyang chos gang la yang mngon par zhen pa med la/ sems can thams cad kyang mngon par zhen pa med pa la rab tu 'god de/ de ni 'jig rten gyi tha snyad kyi don dam par ni ma yin no/ /gsol pa/ bcom ldan 'das de bzhin gshegs pas chos gang mngon par rdzogs par sangs rgyas pa de 'jig rten gyi tha snyad du mngon par rdzogs par sangs rgyas sam/ ma lags kyi don dam par mngon par rdzogs par sangs rgyas/ bcom ldan 'das kyis bka' stsal pa/ de bzhin gshegs pas chos 'di mngon par rdzogs par sangs rgyas so zhes bya ba ni 'jig rten gyi tha snyad du brjod pa ste/de la chos 'dis chos 'di lta bu zhig mngon par rdzogs par sangs rgyas so zhes bya ba de lta bu gang yang mi dmigs te/ de ci'i phyir zhe na/ 'di lta ste/ chos 'dis chos 'di lta bu zhig mngon par rdzogs par sangs rgyas so zhes bya ba ni dmigs pa ste/gnyis kyis ni gang yang thob pa'am mngon par rtogs par 'gyur ba med do/ /gsol pa/ bcom ldan 'das de ste gnyis kyis thob pa dang mngon par rtogs par 'gyur ba ma mchis na gnyis su ma mchis pas thob pa dang / mngon par rtogs par 'gyur ram/bcom ldan 'das kyis bka' stsal pa/ gnyis kyis kyang thob pa dang / mngon par rtogs par 'gyur ba med/ gnyis su med pas kyang thob pa dang mngon par rtogs par 'gyur ba med de / gang la gnyis kyang med la mi gnyis pa yang med pa ni thob pa dang mngon par rtogs pa zhes bya'o//de ci'i phyir zhe na/ 'di ltar 'di ni thob pa'o/ / 'di ni mngon par rtogs pa'o zhes bya ba ni spros pa ste/ chos mnyam pa nyid la spros pa med de/ spros pa med pa ni chos mnyam pa nyid do/ /gsol pa/ bcom ldan 'das chos dngos po ma mchis pa'i ngo bo nyid rnams la chos mnyam pa nyid ces bgyi ba yang gang zhig mchis/bcom ldan 'das kyis bka' stsal pa/ gang la dngos po med pa dang / dngos po med pa yang ma yin pa dang / ngo bo nyid med pa dang / yongs su brjod du med pa 'di ni chos mnyam pa nyid de/ chos mnyam pa nyid de ni brjod du med pa'o/ /chos mnyam pa nyid ma gtogs par yang dmigs par 'gyur ba'i chos gang yang med de/chos mnyam pa nyid ni chos thams cad las rnam par 'das pa'o/ /chos mnyam pa nyid ni byis pa'am/ 'phags pa'am/ chos gang gis kyang shes par mi rung zhing yul ma yin pa'o/ /gsol pa/ bcom ldan 'das chos mnyam pa nyid do de bzhin gshegs pa'i yul yang ma lags sam/bcom ldan 'das kyis bka' stsal pa/ rab 'byor chos mnyam pa nyid ni 'phags pa thams cad kyi yul ma yin te/ rgyun du zhugs pa'am/ lan cig phyir 'ong ba'am/ phyir mi 'ong ba'am/ dgra bcom pa'am/ rang byang chub bam/ byang chub sems dpa' 'am/ de bzhin gshegs pa'i yul ma yin no/ /gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni chos thams cad kyi yul la mnga' bsgyur ba lags sam/ bcom ldan 'das kyis bka' stsal pa/rab 'byor gal te chos mnyam pa nyid kyang gzhan la/ de bzhin gshegs pa dgra bcom pa yang dag par rdzogs pa'i sangs rgyas kyang gzhan zhig yin na ni de bzhin gshegs pa dgra bcom pa yang dag par rdzogs pa'i sangs rgyas chos thams cad kyi yul la mnga' bsgyur bar yang 'gyur na/rab 'byor so so'i skye bo rnams kyi chos mnyam pa nyid gang yin pa dang / dad pas rjes su 'brang ba dang / chos kyis rjes su 'brang ba dang / brgyad pa rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang /rang sangs rgyas rnams dang / byang chub sems dpa' rnams dang / de bzhin gshegs pa rnams kyi chos mnyam pa nyid gang yin pa de ni mnyam pa nyid gcig pa ste/ mnyam pa nyid dang mi mnyam pa nyid la bye brag gang yang med do/ /de ltar so so'i skye bo rnams kyi mnyam pa nyid gang yin pa dang /'phags pa thams cad kyi mnyam pa nyid gang yin pa de ni mnyam pa nyid gcig pa ste/ mnyam pa nyid gcig pa la 'di ni so so'i skye bo'o/ /'di ni rgyun du zhugs pa'o/ /'di ni lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa'o/ / 'di ni de bzhin gshegs pa dgra bcom pa yang dag par rdzogs pa'i sangs rgyas so zhes bya bar gnyis su bya ba med de/ rnam par rtog pa de dag ni mnyam pa nyid la mi dmigs so/ /gsol pa/ bcom ldan 'das de ste chos thams cad mnyam pa nyid la 'di ni so so'i skye bo'o/ / 'di ni rgyun du zhugs pa'o//'di ni lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi ba'i rnam par rtog pa de dag mi dmigs so/ /des so so'i skye bo rnams dang /dad pas rjes su 'brang ba rnams dang / chos kyis rjes su 'brang ba rnams dang / brgyad pa rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang /de bzhin gshegs pa dgra bcom pa yang dag par rdzogs pa'i sangs rgyas rnams khyad par ma mchis par 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad mnyam pa nyid la so so'i skye bo rnams dang / dad pas rjes su 'brang ba rnams dang /chos kyis rjes su 'brang ba rnams dang / brgyad pa rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams la khyad par med do//gsol pa/ bcom ldan 'das de ste chos thams cad mnyam pa nyid la so so'i skye bo rnams dang / dad pas rjes su 'brang ba rnams dang / chos kyis rjes su 'brang ba rnams dang / brgyad pa rnams dang /rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams la khyad par ma mchis na/bcom ldan 'das ci'i slad du sangs rgyas dkon mchog dang / chos dkon mchog dang / dge 'dun dkon mchog dang / dkon mchog gsum po de dag 'jig rten du 'byung bar 'gyur ba lags/ bcom ldan 'das kyis bka' stsal pa/ rab 'byor de ji snyam du sems/sangs rgyas dkon mchog kyang gzhan la chos dkon mchog kyang gzhan te/ dge 'dun dkon mchog kyang gzhan zhig la/ chos mnyam pa nyid kyang gzhan zhig yin snyam mam/ gsol pa/ bcom ldan 'das bdag gis bcom ldan 'das kyis gsungs pa'i don 'tshal ba ltar na sangs rgyas dkon mchog kyang gzhan la chos dkon mchog kyang gzhan te/dge 'dun dkon mchog kyang gzhan zhig la chos mnyam pa nyid kyang gzhan ma lags kyi/ bcom ldan 'das sangs rgyas dkon mchog gang lags pa dang / chos dkon mchog gang lags pa dang /dge 'dun dkon mchog gang lags pa de nyid chos mnyam pa nyid de/ chos de dag thams cad ni ldan pa yang ma lags/ mi ldan pa yang ma lags/ gzugs ma mchis pa/ bstan du ma mchis pa/ thogs pa ma mchis pa/ mtshan nyid gcig pa ste/ 'di ltar mtshan nyid ma mchis pa'o//de ltar chos rnams mtshan nyid ma mchis pa 'di ni so so'i skye bo'o/ /'di ni dad pas rjes su 'brang ba'o/ /'di ni chos kyis rjes su 'brang ba'o/ /'di ni brgyad pa'o/ /'di ni rgyun du zhugs pa'o/ /'di ni lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang /byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes rnam par 'god par bgyi ba de ni bcom ldan 'das [(]gyi [,]kyi [)]yul lo/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ mtshan nyid med pa'i chos rnams rnam par dgod pa de ni de bzhin gshegs pa'i yul/de bzhin gshegs pa'i mthu'o/ /rab 'byor de ji snyam du sems/ de ste de bzhin gshegs pa dgra bcom pa yang dag par rdzogs pa'i sangs rgyas byang chub tu mngon par rdzogs par sangs rgyas la mngon par rdzogs par sangs rgyas pa'i phyir chos rnam par dgod par mdzad na/sems can dmyal ba yod par mngon nam/ byol song gi skye gnas sam/ gshin rje'i 'jig rten dang / mi yod par mngon nam/ rgyal chen bzhi'i ris kyi lha yod par mngon nam/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang /'bras bu che dang / 'du shes med pa'i sems can dang / mi spong ba dang / mi gdung ba dang / legs mthong dang / rab lta dang / 'og min gyi lha yod par mngon nam/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lha yod par mngon nam/ sbyin pa'i pha rol tu phyin pa yod par mngon nam/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yod par mngon nam/byang chub sems dpa'i sa bcu yod par mngon nam/ nang stong pa nyid yod par mngon nam/ dngos po med pa'i ngo bo nyid stong pa nyid kyi bar du yod par mngon nam/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang /byang chub kyi yan lag dang / 'phags pa'i lam yan lag brgyad pa yod par mngon nam/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang /mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yod par mngon nam/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams yod par mngon nam/skyes bu chen po'i mtshan sum cu rtsa gnyis dang / dpe byad bzang po brgyad cu yod par mngon nam/ sangs rgyas dkon mchog dang / chos dkon mchog dang / dge 'dun dkon mchog yod par mngon nam/ nyan thos kyi theg pa dang / rang sangs rgyas kyi theg pa dang /theg pa chen po yod par mngon nam/ dad pas rjes su 'brang ba dang / chos kyis rjes su 'brang ba dang / brgyad pa yod par mngon nam/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang /de bzhin gshegs pa dgra bcom pa yang dag par rdzogs pa'i sangs rgyas yod par mngon nam/ gsol pa/ bcom ldan 'das chos de dag thams cad ni ma mchis par mngon par mi 'gyur ro/ /bcom ldan 'das kyis bka' stsal pa/ rab 'byor de lta bas na de ltar chos mnyam pa nyid las kyang mi g.yo la/chos rnams rnam par dgod par mdzad pa ni de bzhin gshegs pa'i skyes bu'i byed pa'o/ /gsol pa/ bcom ldan 'das ji ltar de bzhin gshegs pa chos mnyam pa nyid las mi g.yo ba de bzhin du so so'i skye bo rnams kyang chos mnyam pa nyid las mi g.yo ba lags sam/de bzhin du dad pas rjes su 'brang ba rnams dang / chos kyis rjes su 'brang ba dang / brgyad pa dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' yang chos mnyam pa nyid las mi g.yo ba lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni chos mnyam pa nyid las mi g.yo'o/ chos mnyam pa nyid las mi 'da'o/ /rab 'byor de ci'i phyir zhe na/de na 'di ltar de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' gang yin pa de nyid ni so so'i skye bo rnams kyi de bzhin nyid dang /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ste/ de nyid ni dad pas rjes su 'brang ba rnams dang /chos kyis rjes su 'brang ba rnams dang / brgyad pa dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos skyon med pa nyid dang / yang dag pa'i mtha' ste/ de dag thams cad ni chos mnyam pa nyid de/ de las rnam par mi 'da'o/ /de ci'i phyir zhe na/ de dag ni chos nyid dang /chos kyi dbyings dang / chos kyi gnas nyid dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' ni de bzhin nyid yin te/ de dag las chos mnyam pa nyid ces bya ba gang yang med do zhes bya ba ni rnam par byang ba'i tshogs la dgod pa'i phrin las yin no// //rab 'byor gyis gsol pa/ bcom ldan 'das gal te de ltar so so'i skye bo rnams kyi chos mnyam pa nyid gang lags pa de nyid dad pas rjes su 'brang ba rnams dang / chos kyis rjes su 'brang ba rnams dang / brgyad pa dang / rgyun du zhugs pa rnams dang /lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams kyi chos mnyam pa nyid dang / de bzhin gshegs pa dgra bcom pa yang dag par rdzogs pa'i sangs rgyas rnams kyi chos mnyam pa nyid lags na/bcom ldan 'das mtshan nyid mi 'dra ba'i chos 'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa dang / skye mched dang / khams dang / rten cing 'brel par 'byung ba dang / 'dod chags dang / zhe sdang dang / gti mug dang /lta ba'i rnam pa thams cad dang / bsam gtan dang / tshad med pa dang / gzugs med pa'i snyoms par 'jug pa dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang /shes rab kyi pha rol tu phyin pa dang / thabs mkhas pa'i pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa dang / byang chub sems dpa'i sa bcu dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rnams dang / 'phags pa'i bden pa rnams dang / rnam par thar pa'i sgo stong pa nyid dang /mtshan ma med pa dang / smon pa med pa dang / nang stong pa nyid dang / dngos po med pa'i ngo bo nyid stong pa nyid kyi bar dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga dang / ting nge 'dzin thams cad dang / gzungs kyi sgo thams cad dang /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang / skyes bu chen po'i mtshan sum cu rtsa gnyis dang / dpe byad bzang po brgyad cu dang /'dus byas kyi khams dang / 'dus ma byas kyi khams te/ bcom ldan 'das chos de dag ni kun kyang gcig dang gcig tu mi 'dra ba gcig las gcig 'das pa'o/ /bcom ldan 'das de ci'i slad du zhe na/ de ni 'di ltar gzugs kyi chos nyid kyang gzhan/ tshor ba dang / 'du shes dang / 'du byed rnams dang / rnam par shes pa'i chos nyid kyang gzhan/ skye mched dang / khams dang / rten cing 'brel par 'byung ba'i chos nyid kyang gzhan/ 'dod chags kyi chos nyid kyang gzhan/ zhe sdang gi chos nyid kyang gzhan/ gti mug gi chos nyid kyang gzhan/ lta ba'i rnam pa'i chos nyid kyang gzhan/sbyin pa'i pha rol tu phyin pa'i chos nyid kyang gzhan/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i chos nyid kyang gzhan/nang stong pa nyid kyi chos nyid kyang gzhan/ dngos po med pa'i ngo bo nyid stong pa nyid kyi bar gyi chos nyid kyang gzhan/ dran pa nye bar gzhag pa rnams kyi chos nyid kyang gzhan/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i chos nyid kyang gzhan/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang /stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi chos nyid kyang gzhan/ de bzhin gshegs pa'i stobs rnams dang / mi 'jigs pa rnams dang /so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bco brgyad kyi chos nyid kyang gzhan/ skyes bu chen po'i mtshan sum cu rtsa gnyis dang / dpe byad bzang po brgyad cu'i chos nyid kyang gzhan/ 'dus byas kyi khams dang /'dus ma byas kyi khams kyi chos nyid kyang gzhan/ bcom ldan 'das ji ltar mtshan nyid mi 'dra ba'i chos rnams kyi chos nyid mtshan nyid gcig par 'gyur ba lags/ chos rnam par dgod pa ni ji ltar 'gyur/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/gang la gnas shing chos rnams tha dad du bgyid pa lags/ chos rnams tha dad du ma bgyis par ni byang chub sems dpa' sems dpa' chen pos kyang shes rab kyi pha rol tu phyin pa la spyod par mi nus na/ ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/sa nas sar 'phar zhing skyon med par 'jug pa lags/ ji ltar skyon med par zhugs nas nyan thos dang / rang sangs rgyas kyi sa las 'das te/ mngon par shes pa yongs su rdzogs par bgyid pa lags/ ji ltar mngon par shes pas rnam par rtse zhing sbyin pa'i pha rol tu phyin pa yongs su rdzogs par bgyid pa dang /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par bgyid pa dang /de dag la rnam par rtse bas sangs rgyas kyi zhing nas sangs rgyas kyi zhing du mchi ba lags/ sangs rgyas bcom ldan 'das rnams la bsnyen bkur bgyid pa lags/ de dag tu yang dge ba'i rtsa ba bskyed pa lags/ dge ba'i rtsa ba des sems can rnams yongs su smin par bgyid pa lags/sangs rgyas kyi zhing yongs su 'dzin pa lags/ bcom ldan 'das kyis bka' stsal pa/ rab 'byor gang 'di skad du de ste chos thams cad kyi chos mnyam pa nyid gang yin pa de nyid so so'i skye bo rnams kyi chos mnyam pa nyid de/de nyid dad pas rjes su 'brang ba rnams dang / chos kyis rjes su 'brang ba rnams dang / brgyad pa rnams dang / rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams dang /de bzhin gshegs pa dgra bcom pa yang dag par rdzogs pa'i sangs rgyas rnams kyi chos mnyam pa nyid yin na/ mtshan nyid mi 'dra ba'i chos rnams kyi mnyam pa nyid ji ltar gcig par 'gyur zhes zer ba 'di rab 'byor de ji snyam du sems/ gzugs kyi chos nyid gang yin pa de nyid stong pa nyid ma yin nam/ tshor ba dang / 'du shes dang / 'du byed rnams dang / rnam par shes pa'i chos nyid gang yin pa de nyid stong pa nyid ma yin nam/ skye mched dang / khams dang / rten cing 'brel par 'byung ba'i chos nyid gang yin pa de nyid stong pa nyid ma yin nam/sbyin pa'i pha rol tu phyin pa'i chos nyid gang yin pa de nyid stong pa nyid ma yin nam/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i chos nyid gang yin pa de nyid stong pa nyid ma yin nam/nang stong pa nyid kyi chos nyid gang yin pa de nyid stong pa nyid ma yin nam/ dngos po med pa'i ngo bo nyid stong pa nyid kyi bar gyi chos nyid gang yin pa de nyid stong pa nyid ma yin nam/ byang chub kyi phyogs kyi chos rnams kyi chos nyid gang yin pa de nyid stong pa nyid ma yin nam/'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi chos nyid gang yin pa de nyid stong pa nyid ma yin nam/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang /snying rje chen po dang / sangs rgyas kyi chos ma 'dres pa rnams kyi chos nyid gang yin pa de nyid stong pa nyid ma yin nam/ rgyun du zhugs pa'i 'bras bu'i chos nyid gang yin pa de nyid stong pa nyid ma yin nam/ lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid dang / rang byang chub dang / rnam pa thams cad mkhyen pa nyid kyi chos nyid gang yin pa de nyid stong pa nyid ma yin nam/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa'i chos nyid gang yin pa de nyid stong pa nyid ma yin nam/gsol pa/ bcom ldan 'das de ni stong pa nyid do/ /bcom ldan 'das kyis bka' stsal pa/ 'o na stong pa nyid la gzugs kyi mtshan nyid dam/ tshor ba dang / 'du shes dang / 'du byed rnams dang / rnam par shes pa'i mtshan nyid dam/ skye mched dang /khams dang / rten cing 'brel par 'byung ba'i mtshan nyid dam/ sbyin pa'i pha rol tu phyin pa'i mtshan nyid dam/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i mtshan nyid dam/ nang stong pa nyid kyi mtshan nyid dam/ dngos po med pa'i ngo bo nyid stong pa nyid kyi bar gyi mtshan nyid dam/ byang chub kyi phyogs kyi chos rnams kyi mtshan nyid dam/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /gzungs kyi sgo rnams kyi mtshan nyid dam/ de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa rnams kyi mtshan nyid dam/ rgyun du zhugs pa'i 'bras bu'i mtshan nyid dam/lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar gyi mtshan nyid dam/ rgyun du zhugs pa'i mtshan nyid dam/ lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa'i mtshan nyid dam/ chos kyi mtshan nyid tha dad par 'gyur ba de lta bu'i chos gang yang dmigs sam/ gsol pa/ bcom ldan 'das de ni ma lags so//bcom ldan 'das kyis bka' stsal pa/ rab 'byor de ltar rnam grangs des 'di ltar rig par bya ste/ chos thams cad kyi chos nyid gang yin pa de la yang so so'i skye bo med/ so so'i skye bo las gud na yang de med/ de la yang dad pas rjes su 'brang ba med/ dad pas rjes su 'brang ba las gud na yang de med/de la yang chos kyis rjes su 'brang ba med/ chos kyis rjes su 'brang ba las gud na yang de med/ de la yang brgyad pa med/ brgyad pa las gud na yang de med/ de la yang rgyun du zhugs pa med/ rgyun du zhugs pa las gud na yang de med/de la yang lan cig phyir 'ong ba med/ lan cig phyir 'ong ba las gud na yang de med/ de la yang phyir mi 'ong ba med/ phyir mi 'ong ba las gud na yang de med/ de la yang dgra bcom pa med/ dgra bcom pa las gud na yang de med/ de la yang rang sangs rgyas med/ rang sangs rgyas las gud na yang de med/de la yang byang chub sems dpa' med/ byang chub sems dpa' las gud na yang de med/ de la yang de bzhin gshegs pa med/ de bzhin gshegs pa las gud na yang de med par rig par bya'o/ /gsol pa/ chos nyid de 'dus bgyis pa lags sam/'dus ma bgyis pa lags/ bcom ldan 'das kyis bka' stsal pa/ de ni 'dus byas kyang yin/ 'dus ma byas kyang yin te/ 'dus byas las gud na yang 'dus ma byas dmigs su med do/ /'dus ma byas las gud na yang 'dus byas dmigs su med do //rab 'byor de ltar 'dus byas kyi khams gang yin pa dang / 'dus ma byas kyi khams gang yin pa'i chos de gnyis ka ldan pa yang ma yin/ mi ldan pa yang ma yin te/ gzugs med pa bstan du med pa thogs pa med pa/ mtshan nyid gcig pa ste/ 'di ltar mtshan nyid med pa'o//de yang de bzhin gshegs pa'i 'jig rten gyi tha snyad du brjod kyi/ don dam par ni ma yin te/ don dam pa la lus kyi 'du byed dam / ngag gi 'du byed dam/ yid kyi 'du byed med de/ lus kyi 'du byed dam/ ngag gi 'du byed dam/ yid kyi 'du byed las gud na yang don dam pa dmigs su med do//'on kyang 'dus byas dang / 'dus ma byas kyi chos rnams kyi mnyam pa nyid gang yin pa de ni don dam pa ste/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ don dam pa las kyang mi g.yo la byang chub sems dpa'i spyod pa yang byed do//de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das chos thams cad kyi mnyam pa nyid ni rang bzhin stong pa ste/ de'i slad du chos gang la yang gang ci yang bgyid pa ma mchis na/de ltar chos thams cad ci yang bgyid pa ma mchis shing ci yang ma lags pa la/ ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ don dam pa las kyang mi g.yo la sbyin pa dang tshig snyan pa dang / don bgyi ba dang /don mthun pas kyang sems can thams cad kyi don bgyid pa lags/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin te/ stong pa nyid gang yin pa de ni gang la yang ci yang byed pa med ci yang mi byed pa yang med de/gal te sems can 'di dag bdag cag nyid kyis stong pa nyid shes na ni de ltar stong pa nyid las kyang mi g.yo la/ sems can rnams kyang bdag gi 'du shes dang bral bar byed cing bdag gi 'du shes dang bral nas stong pa nyid kyis 'khor ba las 'grel pa dang /sems can gyi 'du shes dang / srog gi 'du shes dang / 'gro ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes dang bral bar byed cing mthong ba po'i 'du shes dang bral nas stong pa nyid kyis 'khor ba las 'grel pa dang / gzugs kyi 'du shes dang bral bar byed cing / gzugs kyi 'du shes dang bral nas stong pa nyid kyis 'khor ba las 'grel pa dang /tshor ba dang / 'du shes dang / 'du byed rnams dang / rnam par shes pa'i 'du shes dang bral bar byed cing / rnam par shes pa'i 'du shes dang bral nas stong pa nyid kyis 'khor ba las 'grel pa dang / skye mched dang / khams dang / rten cing 'brel par 'byung ba'i 'du shes dang bral bar byed cing rten cing 'brel par 'byung ba'i 'du shes dang bral nas stong pa nyid kyis 'khor ba las 'grel pa dang /'dus byas kyi khams kyi 'du shes dang bral bar byed cing / 'dus byas kyi khams kyi 'du shes dang bral nas 'dus ma byas kyi dbyings stong pa yin yang 'dus ma byas kyi dbyings su 'god pa yang de bzhin gshegs pa'i khyu mchog gi mthur mi 'gyur ro zhes bya ba ni 'dus byas dang /'dus ma byas tha mi dad par yongs su shes pa la 'god pa'i phrin las yin no// //gsol pa/ bcom ldan 'das de cis stong pa lags/ bcom ldan 'das kyis bka' stsal pa/ 'du shes thams cad kyis stong ste/ rab 'byor la la zhig gis sprul pa zhig sprul na/ de la gang stong pa nyid ma yin pa de lta bu'i dngos po gang yang yod dam/ gsol pa/ bcom ldan 'das de ni ma lags so/ / sprul pa de la gang stong pa nyid ma lags pa de lta bu'i dngos po gang yang ma mchis te/ stong pa nyid gang lags pa dang / sprul pa gang lags pa'i chos de gnyis ka ldan pa yang ma lags/ mi ldan pa yang ma lags te/ de gnyis ga yang stong pa nyid kyis stong na de ci'i slad du 'di ni stong pa nyid do//'di ni sprul pa'o zhes bgyi bar rnam par bcab par mdzad/ de ci'i slad du zhe na/ de ni 'di lta ste/ stong pa nyid dang / sprul pa gnyis ka yang stong pa nyid la dmigs su ma mchis pa'o/ /bcom ldan 'das kyis bka' stsal pa/ rab 'byor gzugs sam/tshor ba'am/ 'du shes sam/ 'du byed rnams sam / rnam par shes pa gang sprul pa ma yin pa de lta bu yod dam/ gang sprul pa de ni stong pa'o/ /gsol pa/ bcom ldan 'das gal te 'jig rten pa'i chos sprul pa lags kyang 'jig rten las 'das pa'i chos 'di lta ste/dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / 'phags pa'i bden pa bzhi dang / stong pa nyid thams cad dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang /so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang / de dag gi 'bras bu gang gis gang zag rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang /rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas zhes gang zag rnam par dgod pa'i chos 'di dag kyang sprul pa lta bu lags sam/ bcom ldan 'das kyis bka' stsal pa/ rab 'byor chos thams cad ni sprul pa ste/de la la la ni nyan thos kyis sprul pa'o/ /la la ni rang sangs rgyas kyis sprul pa'o/ /la la ni byang chub sems dpas sprul pa'o/ /la la ni de bzhin gshegs pas sprul pa'o/ /la la ni nyon mongs pas sprul pa'o/ /la la ni las kyis sprul pa'o/ / rab 'byor rnam grangs des na chos thams cad sprul pa'o/ /gsol pa/ bcom ldan 'das gang spangs pa zhes bgyi ba rgyun du zhugs pa'i 'bras bu'am/ lan cig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid dam/ rang sangs rgyas kyi sa'am/sangs rgyas kyi sa'am / bag chags kyi mtshams sbyar ba thams cad spangs pa'i chos de dag kyang sprul pa lags sam/ bcom ldan 'das kyis bka' stsal pa/ rab 'byor skye ba'am/ 'gag pa'i chos gang ci yang rung ste/ de thams cad sprul pa'o/ /gsol pa/ bcom ldan 'das gang ma sprul pa'i chos de dag gang lags/ bcom ldan 'das kyis bka' stsal pa/ chos gang la skye ba yang med/ 'gag pa yang med pa de ni ma sprul pa'o/ /gsol pa/ de dag gang lags/ bcom ldan 'das kyis bka' stsal pa/ mi mnyam pa'i rmongs pa med pa'i chos can gyi mya ngan las 'das pa ste/chos de ni ma sprul pa'o/ /gsol pa/ bcom ldan 'das kyis 'di skad du stong pa nyid las kyang mi g.yo la/ gnyis su yang mi dmigs te/ chos gang yang stong pa nyid ma yin pa de lta bu med do zhes bka' stsal pa de ltar na/ bcom ldan 'das rmongs pa med pa'i chos can yang sprul par 'gyur ro//bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni stong pa ste/ de dag ni nyan thos kyis ma byas/ rang sangs rgyas kyis ma byas/ byang chub sems dpa' sems dpa' chen pos ma byas/ de bzhin gshegs pa dgra bcom pa yang dag par rdzogs pa'i sangs rgyas kyis ma byas te/ ngo bo nyid kyi stong pa nyid gang yin pa de ni mya ngan las 'das pa'o/ /rab 'byor gyis gsol pa/ bcom ldan 'das las dang po pa'i gang zag gis ngo bo nyid stong pa nyid yongs su 'tshal bar bgyi na ji ltar gdams shing rjes su bstan par bgyi/bcom ldan 'das kyis bka' stsal pa/ rab 'byor ci sngon dngos po yod par 'gyur la phyis dngos po med par gyur pa yod dam/ rab 'byor 'di la dngos po yod pa yang med/ dngos po med pa yang med/ ngo bo nyid kyang med/ gzhan gyi dngos po yang med na/ de la gang yongs su shes par bya ba'i ngo bo nyid stong pa nyid ces bya ba lta yod par 'gyur re skan zhes bya ba ni mya ngan las 'das pa la dgod pa'i phrin las yin te /'di dag gis ni phrin las rnams gsungs so/ /chos kyi sku'i mngon par rtogs pa bstan zin to/ /'phags pa bcom ldan 'das ma shes rab kyi pha rol tu phyin pa stong phrag nyi shu lnga pa/ mngon par rtogs pa'i rgyan gyi rjes su 'brangs nas dag par gtugs pa las /chos kyi sku'i dbang du byas pa bslab pa'i 'bras bu'i le'u ste brgyad pa'o// //bcom ldan 'das kyis de skad ces bka' stsal pa dang / byang chub sems dpa' sems dpa' chen po byams pa la sogs pa grangs med pa dang /tshe dang ldan pa rab 'byor dang / tshe dang ldan pa shA ri'i bu dang / tshe dang ldan pa maud gal gyi bu chen po dang / tshe dang ldan pa 'od srungs chen po dang / tshe dang ldan pa byams ma'i bu gang po dang / tshe dang ldan pa kA t+yA ya na chen po dang /tshe dang ldan pa ma 'gags pa dang / tshe dang ldan pa re ba ta dang / tshe dang ldan pa sgra gcan zin dang / 'khor rnam pa bzhi dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do// //phun sum tshogs gnyis 'byung ba bde ba'i go 'phang 'jig rten rnams kyis thob bya'i phyir/ /sangs rgyas bcom ldan 'das thugs rje ldan pa'i thugs kyis gang zhig rab tu gsal mdzad pa//ma lus chos kyi de nyid gnas gyur mdo 'di don du gnyer bas thos gyur nas/ /rang gi gnas su song la nyin dang mtshan du mnyam par gzhag pas bsgom par gyis/ /lta ba mang pos kun du dkrugs pas da ltar rtsod pa'i dus 'dir klog pa'ang shin tu nyung //glegs bam du ma'i tshig rnams mi mthun tha dad gyur pa mthong nas dad pas 'dir/ /rgol ba'i glang po'i dbang po khros pas 'ong ba'i klad 'gems seng ge bzang po bdag /gang gis dag par gtugs pa 'jig rten don du mnyam par gzhag pa mkhas pas blang bar gyis//'phags pa bcom ldan 'das ma shes rab kyi pha rol tu phyin pa stong phrag nyi shu lnga pa mngon par rtogs pa'i rgyan gyi rjes su 'brangs nas dag par gtugs pa phyogs bcu dus gsum gyi sangs rgyas dang / byang chub sems dpa' thams cad dang /'phags pa nyan thos dang / rang sangs rgyas thams cad kyi yum/ chos kyi phyag rgya/ chos kyi snang ba/ chos kyi snying po/ /chos kyi rnga bo che/ chos rin po che mi zad pa'i gter/ chos rnams kyi mdzod/ chos rmad du byung ba bsam gyis mi khyab pa'i mig tu gyur pa/lha dang / mi dang / lha ma yin du bcas pas phyag byas pa bde ba thams cad kyi rgyud rdzogs so// //bal yul yam bu'i bsod nams rgyun 'byung gi gtsug lag khang du paN+Di ta zhi ba bzang po dang / lo tsA ba dge slong tshul khrims rgyal bas bsgyur cing zhus te gtan la phab pa'o// //