CLOSE WINDOW

D3777
བོད་ཡིག

@##/ /rgya gar skad du/ ba liM ta br-i t+ti/ bod skad du/ gtor ma'i 'grel pa/ 'phags pa 'jam dpal la phyag 'tshal lo/ /'gro mgon byams ldan thugs rje che mchog nyid kyi gsung ngag skyon gyis ma gos pa'i/ /sangs rgyas nyid dang dgongs mnyam gdan mchog de dang nyer gyur de la phyag 'tshal te//drug pa'i don du cher bsgrubs zhal mthong gsol btab brtser dgongs bka' stsal pa/ /de'i don dza ya se nas gsal bshad de lam gsal gang yin dang ldan pas bdag la mang du gsol btab nas/ dad ldan de dang rgyud lngar brtse phyir shugs phyung lung dang bden gnyis mi 'gal mdo tsam zhig /bdag gis 'di brtsams de la skyes bu mchog gyur mang thos mang mkhas rnams kyis bzod par mdzod/ /ji ltar 'phags pa rnams kyis bka' stsal pa yang / dbang po rab 'bring gsum gyi don du gsungs te/'dir yang dbang po rnon po rnams kyi ni/ mtshan bstan pas go ba la dbang po rnon po zhes bya ste/ mtshan bstan pa ni theg pa chen po nyid kyi gzhung gi gtor ma zhes bya ba thabs dang shes rab zung du 'brel pa la bya ste/ dbang po rnon po rnams la de tsam zhig bstan pas go bar 'gyur ro//dbang po 'bring po rnams kyi don du bstan pa ni spyi don drug tu bsdus nas bstan te/ drug po de dag nyid rnam par phye ste bstan pas go bar 'gyur ro/ /dbang po tha ma'i don du bstan pa ni/ /dkon mchog gsum la phyag 'tshal lo/ /zhes bya ba la sogs pa re re nas bstan pa ste/'on kyang dkon mchog gsum la zhes bya bas ni/ don drug gi skabs dang po bsdus te/ udum+bA re'i u dus+thA ri'i me tog la dkon pa'i dpe bzhag pa dang / che ba'i yon tan gyi mchog dam pa dang ldan pa dang sangs rgyas chos dang dge 'dun dang gsum du grangs nges par bzhag pas na/dkon mchog gsum zhes bya'o/ /la zhes bya ba ni gong ma de nyid dang 'brel to/ /phyag 'tshal lo zhes bya ba ni bdag nyid dang 'brel to/ /de yan chad kyis ni rnam par dbye ba dang po bsdus so/ /da ni skabs gnyis pa ston te/ dad pa zhes bya ba ni/ 'dir dad pa gsum dang ldan pa ste/'di la sems dang ba dang / dang ba'i sgo nas 'di nyid la 'bad par 'dod pa dang / 'bad par 'dod pa'i sgo nas 'di la yid ches pa dang gsum la dad pa zhes bya'o/ /can zhes bya ba ni gsum po nyid dang 'brel to/ /gang zhig gis zhes bya ba ni thams cad kyis mi dmigs pa'i sbyin gtang bya'o zhes bya ba'i tha tshig go//las su bya ba la zhes bya ba ni gang zag gi las dge sdig rnam pa mang po'i nang nas zhes bya ba'i don to/ /phan yon che la bla ba ni chu gtor 'di yin pas 'di la brtson par bya'o zhes bya ba ni las su bya bar zhes bya ba'i tshig dang 'brel te/de yang phan yon che la zhes bya ba ni 'di dang phyi ma gnyis kar mngon par mtho ba dang / nges par legs pa'i lam gnyis dang / phan yon gzhan dag kyang 'byung zhes bya ba'i tha tshig go/ /bla ba zhes bya ba ni 'bad rtsol chen po bskyed mi dgos pa'i tha tshig go/ /chu gtor 'di yin pas zhes bya ba ni don stong pa nyid dang 'brel to//'di la brtson par bya'o zhes bya ba ni gong ma'i tshig rnams dang 'brel te go bar bla'o/ /de yan chad kyis ni rnam par dbye ba gnyis pa bsdus so/ /da ni skabs gsum pa ston te/ de la zhes bya ba ni skabs gsum pa bkar ba'i tha tshig go/ /rin po che'i snod mdzes pa'i nang du chu blugs la/phye dang me tog la sogs pa ci 'byor pa dang / gser dngul la sogs pa rin po che sna lnga bdar ba dang / kha zas ma smas pa sna tshogs pa dang / sman dang / 'bru dang / dri sna tshogs pa dang sbyar na lhag par yang bzang ngo zhes bya ba skabs gnyis pa'i chu gtor zhes bya ba dang 'brel te/de nyid kyis snod dang rdzas kyi khyad par bstan pa yin te/ de ni dkyus ma nyid brjod pas go bla'o/ /de yan chad kyis ni rnam par dbye ba gsum pa bsdus so/ /da ni skabs bzhi pa ston te/ spyir gtor ma'i las bgyi'o 'tshal zhes bya ba ni gtor ma thams cad kyi mtshan nyid ston te 'og nas 'byung ba rnams dang ldan par bya ba'i don to//brtag pa rnam pa drug ste zhes bya ba ni 'dir dngos po dang mtshan mar brtag par bya ba ni ma yin te/ rang rig pa'i ting nge 'dzin gyis bdag dang gzhan dang rdzas gsum du dmigs su med par bsgom pa'am brtag pa la grangs nges pa drug tu bstan te bstan pa de yang dngos gang zhe na zhes bris pa'i tha tshig go//de'i lan du grangs drug po nyid bstan pa la rdzas dang yo byad rnams kyi nyes pa'i skyon rnam par dag par sbyang ba dang / rdzas dang yo byad grangs nyung ba rnams mang por spel ba dang / spel ba rnams mgron so so la 'dod pa bzhin du mos par bsgyur ba dang /de ltar mos par bsgyur ba rnams mgron so so la spyod par dbang bskur ba na de ltar dbang bskur ba rnams kyi nang na 'dod pa bzhin du ma thob pa rnams la ji ltar 'dod pa bzhin du so sor thob par bya ba dang / de ltar so sor thob nas mgron rnams bdag gi dbang du bya bar bsdu ba dang drug go//de la zhes bya ba ni bkur nas ston pa'i tha tshig go /nyes pa'i skyon sbyang ba ni chos nyid rnam par dag pa'i sngags dang phyag rgyas sbyang bar bya'o zhes bya ba'i tha tshig go/ /mang por spel ba ni nam mkha' mdzod kyi sngags dang phyag rgyas spel bar bya'o zhes bya ba'i tha tshig go//mgron so so la mos par bsgyur ba ni bdud rtsi thab sbyor gyi sngags dang phyag rgyas mos par bsgyur ro zhes bya ba'i tha tshig go/ /mgron so so la spyod par dbang bskur ba ni rgya chen shugs ldan 'od kyi sngags dang phyag rgyas spyod par dbang bskur ro zhes bya ba'i tha tshig go / so so'i yid la 'dod pa bzhin du ma thob pa rnams la so sor 'dod pa bzhin du thob par bya ba ni ye shes skar mda'i sngags dang phyag rgyas 'dod pa bzhin du thob par bya'o zhes bya ba'i don to/ /mgron rnams bdag gi dbang du bsdu ba ni/ lha mgon spyi'i sngags dang phyag rgya ste ming dbang sgyur 'khor lo'i sngags dang phyag rgyas mgron rnams bdag gi dbang du bsdu'o zhes bya ba'i don to//de yan chad kyis ni rnam par dbye ba bzhi pa bsdus so/ /da ni skabs lnga pa ston te/ de la zhes bya ba ni skabs lnga bkar nas ston pa'i tha tshig go/ /bsam rgyud ni zhes bya ba ni bdag nyid 'brel te/ bdag 'dzin gyis bsgom par bya ba'i yul bcad pa'am bsgom pa zhes bya ba'i tha tshig go/ /gnas skabs 'dir ma gtogs pa'i gang zag zhig dge ba'i bshes gnyen la mi bsten pa rnams sun dbyung ba'i phyir dkyus ma dkrugs te de bas na bstan to/ /dang por tshad med pa bzhis byang chub tu sems bskyed la zhes bya ba ni phyogs med pa'i byams pa dang phan 'dogs pa'i snying rje dang /'gyod pa med pa'i dga' ba dang / dmigs pa med pa'i btang snyoms dang bzhi'o/ /de rnams la ci'i phyir tshad med pa zhes bya zhe na/ bsgom pa'i yul dang bsgoms pa'i 'bras bu dang de dag gi rang bzhin gsum gyi tshad 'di tsam mo zhes gzung du med pa'i phyir ro//byang chub tu sems bskyed la zhes bya ba ni/ don dam pa byang chub kyi sems ji lta bur yang dmigs su med pa dang kun rdzob kyi byang chub kyi sems phyag rgya chen po'i sgo nas sems can gyi don bya bas na byang chub tu sems bskyed pa la zhes bya'o//de'i 'og tu lha'i sku phyag rgya chen por dran pa bskyed dgos te/ de yang bya ba'i rgyud kyi gzhung gis lha drug gi sgo nas bskyed par gsungs te/ lha drug kyang dngos po gang zhe na sme brtsegs kyi rgyud las/ dang por stong pa chos kyi sgra/ /yig 'bru phyag mtshan ye shes lha/ /yongs su rdzogs pa sku yi lha//zhes 'byung ste/ drug po de'i sgo nas bdag nyid dam tshig gi sems dpar gsal bar bsgom pa yin te/ de yang bdag nyid kyi sgo gsum dang lha'i sgo gsum mnyam par dam tshig gi sems dpa' bsgoms pas na dran pa bskyed ces bya'o/ /de'i 'og tu bdag gi lus bsrung ste/lus srung ba yang yi ge hUM gi 'phro 'du las rdo rje phra mos bdag gi lus la dper na shing ka ran+ta byi ra'i tsher ma ltar gtams pa las rdo rje go cha'i phyag rgyas gnas lngar gtugs pas go cha rnams rdo rje'i go char bgo ba dang / de'i 'og tu mi 'jigs pa'i mdzub mo la khro bo gshin rje gshed dang /rdo rje gnod sbyin bsgom pa'i ting nge 'dzin gyis ka nan lu gu rgyud gnas lngar bcings pa dang / ting nge 'dzin phra mo gzhan dag kyang bsgoms pas na lus bsrung zhing zhes bya'o/ /de'i 'og tu lus dang ngag dang yid kyi sgo gsum nas ci ran de/ dkon mchog gsum la skyabs su gsol zhing /de'i 'og tu lha ye shes sems dpa' yang bsgom par bya'o/ /de ltar bdag lha'i sku phyag rgyar nga rgyal chen por bskyed pa de/ gol ba'i sa dag tu song gis dogs pa'i phyir snying rje chen pos 'gro ba'i don bya bar bdag gis dran par bya'o zhes bya ba'i tha tshig go/ /de yan chad kyis ni rnam par dbye ba lnga pa bsdus so//da ni skabs drug pa ston te dge ba'i rtsa ba gang thabs gang gis bla na med pa'i byang chub tu bsngo ba yin te/ de la yang bsngo ba zhes bya ba ni/ skabs drug pa la gsum gyis bstan pa'i dang po ston te/ dge ba'i rtsa ba rnams bsngo ba yang zhes bya ba'i don to/ /gang zhig gar bsngo zhe na/dang por sems bskyed nas tha ma byang chub kyi bar gyi dge ba'i rtsa ba rnams dang / mchod sbyin 'di nyid 'jig rten 'di dang 'jig rten phyi mar bsngo ba yang ma yin/ bdag dang gzhan gyi don du bsngo ba yang ma yin/ 'o na gar bsngo zhe na/ bdag dang sems can thams cad kyi don bya ba'i phyir/bla na med pa'i byang chub chen por mi dmigs par bsngo ste zhes bya ba'i tha tshig go/ /bla na med pa'i byang chub tu 'di dag la yang mnyam snyoms su bsngo mod kyi re zhig mgron de yang dmigs kyis 'di dag yin no zhes bsngo ba ni zhes bya ba'i don to/ /'di la mgron ni rnam pa bzhir nges te/ snang ba dang mi snang ba kun kyang bzhi po 'dir ni ma 'dus pa med do/ /bzhi po nyid bstan pa la sri zhu'i mgron zhes bya ba ni/ lha dang bcas pa'i 'jig rten pa rnams kyis gus pa'i sgo nas mchod cing bstod pa'i gnas yin pas na/ sri zhu'i mgron zhes bya'o/ /dngos gang zhe na/ 'dir mgron dag la ngo bo dang nges pa'i tshig dag tu shes par bya'o//sangs rgyas dang zhes bya ba ni/ chos kyi sku la sogs pa'i sku gsum gyis bsdus pa'o/ /ci'i phyir zhe na rgyud las/ ma rig gnyid las sangs phyir dang / /blo rgyas nyid phyir sangs rgyas yin/ /zhes 'byung ba lta bu'o/ / byang chub sems dpa' dang zhes bya ba ni nges par 'byed pa'i las la mos par spyod pa nas/ sa dang po nas sa bcu'i bar la rtogs pa'i khyad par gyis gnas pa dag go/ /de yang rnam par snang mdzad dag las/ byang chub nam mkha'i mtshan nyid de/ /rtog pa thams cad spangs pa yin/ / gang zhig de rtogs 'dod pa de/ /byang chub sems dpa' zhes bya'o/ /zhes 'byung ba lta bu'o/ /ci'i phyir zhe na/ spang ba'i rgyu gnyis po dag mi gnas par spangs pa dang / shes rab kyis rtogs par bya ba'i yul shes bya rtogs nas/ tshogs gnyis rdzogs shing chub pa dang /bsam pa'i yul gnyis la cher sems shing de nyid la dpa' ba'i phyir ro/ /nyan thos dang zhes bya ba ni/ sgo bzhir zhugs nas rgyu 'bras brgyad po sgrub cing thob pa'i skyes bu dag go/ /ci'i phyir zhe na/ rdzu 'phrul gyi rna ba lta bus zhal nas gsungs pa dag thos shing shes pa ste/de'i phyir ming du btags pa'o/ /rang sangs rgyas dang zhes bya ba ni/ shes rab chen po dag gcig pur gnas pa dang / de ma yin pa dag ni gcig gi slob dpon gcig la ltos pa'i phyir khyus gnas pa dag go/ /ci'i phyir zhe na/ rang gi shes rab kyis brtags nas 'bras bu thob par 'dod cing thob pa dag go//de dag kyang thugs kyi sras dang / gsung gi sras dang / byin gyi rlabs kyi sras so/ /la sogs pa dang zhes bya ba ni/ byang chub de gsum gyi sgor zhugs pa dag bsdus so/ /mgron gnyis pa bstan pa la yon tan gyi mgron zhes bya ba ni/ yon tan chen po can du byin gyis brlabs pa'i srung ma dam tshig can rnams kho na ste/de nyid bstan pa la tshangs pa dang zhes bya ba ni/ gzhan 'phrul dbang byed kyi gnas na tshangs ris kyis bskor zhing de dag la dbang byed pa ste/ ci'i phyir zhe na/ 'dod pa'i khams kyi 'dod chags dang / mi dge ba bcu'i gyod khrin dang 'dra ba las tshangs pa'i phyir ro//brgya byin dang zhes bya ba ni/ sum cu rtsa gsum gyi gnas na sum cu rtsa gsum gyi lha'i rgyal po blon po nye dbang rnams kyis bskor ba ste/ ci'i phyir zhe na/ 'dod pa'i khams kyi lha'i rgyal po ya ba ti na ka pa tis longs spyod kyi rkyen yid bzhin gyi nor bu brgya byin pas de las byung ba'i longs spyod brgya brgyas mchod pa byed cing sbyin pa brgya brgya 'gyed pa'i phyir brgya byin no//'jig rten skyong ba bzhi dang zhes bya ba ni/ yul 'khor srung la sogs pa bzhi/ ri rab kyi ngos bzhin dri za la sogs pa bzhi la dbang byed cing gnas pa la bya ste/ ci'i phyir zhe na/ phyi nang snod dang bcud kyi 'jig rten la so so'i phyogs phyogs nas chags 'jig ma byung gi bar du/ sngon gyi dam tshig dran pa la bzhag nas bde bar skyong ba bzhi dang zhes bya'o/ /phyogs skyong ba bcu gcig dang zhes bya ba ni/ 'byung po'i rgyal po dbang ldan la sogs pa bcu gcig tu nges so/ / dang / bsam pa'i yul gnyis la cher sems shing de nyid la dpa' ba'i phyir ro/ /nyan thos dang zhes byas ba ni/ sgo bzhir zhugs nas rgyu 'bras brgyad po sgrub cing thob pa'i skyes bu dag go/ /ci'i phyir zher/ rdzu 'phrul gyi rna ba lta bus zhal nas gsungs bdag zos shing shes pa ste/de'i phyir ming du btags pa'o/ /rang sangs rgyas dang zhes bya ba ni/ shes rab chen po bdag gcig pur gnas pa dang / de ma yin pa dag ni gcig gi slob dpon gcig la ltos pa'i phyir byus gnas bdag go/ /ci'i phyir zhe na/ rang gi shes rab kyis brtags nas 'bras po can du byin gyis brlabs pa'i srung ma dam tshig can rnams kho na ste/de nyid bstan pa la tshangs pa dang zhes bya ba ni/ gzhan 'grul dbang byed kyi gnas na tshangs ris kyis bskor zhing de dag la dbang byed pa ste/ /mgron gnyis pa bstan pa la yon tan gyi mgron zhes byas ba ni/ yon tan chen po can du byin gyis brlabs pa'i srung ma dam tshig can rnams kho na ste/de nyid bstan pa la tshangs pa dang zhes bya ba ni/ gzhan 'grub dbang byed kyi gnas na tshangs ris kyis bskor zhing de dag la dbang byed pa ste/ ci'i phyir zhe na/ 'dod pa'i khams kyi 'dod chags dang / mi dge ba bcu'i gyon khrin dang 'dra ba las tshangs pa'i phyir ro//brgya byin dang zhes bya ba ni/ sum cu rtsa gsum gyi gnas na sum cu rtsa gsum gyi lha'i rgyal po blon po nye dbang rnams kyis bskor ba ste/ ci'i phyir zhe na/ 'dod pa'i khams kyi lha'i rgya po yab tin ka pa tis longs spyod kyi rkyen yid bzhin gyi nor bu brgya byin pas de las byung pa'i longs spyod brgya brgyas mchod pa byed cing sbyin pa brgya brgya 'gyen pa'i phyir brgya byin no//'jig rten skyong ba bzhi dang zhes bya ba ni/ ri rab ngos bzhin dri zal sogs pa bzhi la dbang byed cing gnas pa la ste/ ci'i phyir zhe na/ phyi nang snod dang bcud kyi 'jig rten la so so'i phyogs phyogs nas chags 'jig ma byung gi bar du/ sngon gyi dam tshig dran pa la bzhag nas bde bar skyong ba bzhi dang zhes bya'o/ /phyogs skyongs bcu gcig dang zhes bya ba ni/ 'byung po'i rgyal po dbang ldan la sogs pa bcu gcig tu nges so/ / ste/ de ci'i phyir zhe na/ 'phral du bar chad byed pa'i phyir bgegs dang zhes bya'o/ /de dag kun la mnyam snyoms kyi ting nge 'dzin bstan pa la phan pa byed pa la tshig bla dgas su lha zhes bya ba dang / gnod par byed pa la tshig bla dgas su gnod par byed pa'i 'dre zhes bya ba gnyis kyis bsdus pa gzhan dag dang /'gro ba ris drug kun la yang bdag gi ting nge 'dzin gyis mnyam snyoms su bsngo bar bya'o zhes bya ba ni/ gcig tu bsdus nas 'pham rgyal med par bya ba'i phyir te/ gong gi bla na med pa'i byang chub tu bsngo ba dang 'brel to/ /de la zhes bya ba ni sngags dang phyag rgya dang /yig 'bru dang / de bzhin gshegs pa rnams dang / ting nge 'dzin rnams nyi tshe zhig bkar te bstan pa la de la zhes bya'o/ /'dir brjod pa rnams ni skabs bzhi pa dang 'brel te/ skabs bzhi pa las sbyang ba dang zhes bya ba ste/ de la sbyang pa ni chos nyid rnam par dag pa'i sngags dang phyag rgyas so zhes bya ba la sogs pa'i sngags dang phyag rgya nyid rnam par phye ba drug pa'i skabs 'dir gsal bar byas pa ste/de yang sngags ni 'dir slob dpon gyis sngags kyi mthu nyams su dogs pa'i phyir ma bshad do/ /phyag rgya rnams ni dkyus ma nyid brjod pas go bar sla'o//yig 'bru rnams ni a ste skye ba med pa dang / swa ste 'dod pa 'byung ba'i rgyu dang / raM ste mos par bsgyur ba'i rten dang / ha ste spyod par dbang bskur ba'i rgyu dang / oM ste skye ba med pa las skye ba'i cho 'phrul gyis ma thob pa rnams thugs rje myur pos thob par gdon par bya ba dang /dz+dza ste mgron dbang du bsdu ba rnams ni go rims bzhin du sbyar ro/ /de bzhin gshegs pa rnams ni/ de bzhin gshegs pa shAkya thub pa dang / de bzhin gshegs pa rin chen 'byung ldan dang / de bzhin gshegs pa snang ba mtha' yas dang / de bzhin gshegs pa phyag na rdo rje dang /de bzhin gshegs pa mi 'khrugs pa dang / de bzhin gshegs pa rnam par snang mdzad rnams kyang rim pa bzhin sbyar ro/ /ting nge 'dzin rnams ni chos nyid rnam par dag pas sbyang ba dang / nam mkha' mdzod du byin gyis rlob pa dang / bdud rtsi thab sbyor dang / rgyal chen shugs ldan 'od dang / ye shes skar mda' dang / dbang sgyur 'khor lo dang drug kyang go rims bzhin du sbyar ro/ /gong du bstan pa'i sngags dang phyag rgya 'di gcig la yang lan bdun bdun gyi bca' zhing bzlas pa'i dgos ched ni/ ting nge 'dzin ma gsal gyi bar grangs bdun yan chad bzlas so//ting nge 'dzin de rnams bstan pa la/ ting nge 'dzin de yang sngags dang phyag rgya dang pos ni gtor ma 'di nyid la mtshan ma la sogs pa nyes pa'i skyon med cing dag pa chen por byin gyis brlab po/ /sngags dang phyag rgya gnyis pas ni mchod pa'i rdzas kyi khyad par 'jig rten dang 'jig rten las 'das pa'i longs spyod bsam gyis mi khyab pa dang /'gro ba ris drug gi sems can thams cad kyi so so'i yid la mos pa ji lta ba bzhin du nam mkha'i khams rin po che'i rgyu las byung ba'i 'dod pa'i yon tan lngas gang zhing rgyas par byin gyis brlab po/ gong mas de ltar spel nas sngags dang phyag rgya gsum pas ni bdud rtsi'i rgya mtsho dang zhes bya ba ni skabs gsum pa dang 'brel te/chu blugs la zhes bya ba'i tshig kho na ste/ chu thigs pa gcig la bdud rtsi'i rgya mtshor byin gyis brlab po zhes bya ba'i tha tshig go/ /zas la sogs pa'i zhes bya ba de yang skabs gsum pa las phye dang zhes bya ba nas/kha zas ma smas pa zhes bya ba'i bar dang 'brel te/ zas rtsam pa nyag gcig la yang ri rab tsam du byin gyis brlab po zhes bya ba'i tha tshig go/ /sogs pa'i khongs su ni me tog dang rin po che dang dri la sogs pa skabs gsum pa'i yo byad bsdu'o/ /'dod pa'i yon tan yang dngos gang zhe na/'gro ba ris drug so so'i longs spyod la yid la ji ltar mgron so so'i mos pa ji lta ba bzhin du longs spyod 'dod pa rnams la longs spyod kyi rkyen 'dod chags la sogs pa dug lnga'i gsos/ de yang dngos gang zhe na ye shes lngar byin gyis brlab po/ /sngags dang phyag rgya bzhi pas ni 'khor ba'i sdug bsngal las khyad ches 'phags pa dang /'gro ba'i don la dgongs pas sri zhu'i mgron ma lus pa thams cad kyi spyan lam du yang gnas kyi khyad par rin po che'i gzhal med khang brtsegs pa la sogs pa'i nang du longs spyod kyi khyad par 'jig rten dang / 'jig rten las 'das pa'i mchod pa'i sprin phung mang por sprul nas 'phags pa rnams la mchod pa dang /yon tan gyi mgron dang / snying rje'i mgron dang / lan chags kyi mgron dag ste/ de dag kyang dam tshig can dang / ris drug dang / gnod pa byed pa la sogs pa ste/ sems can thams cad kyi so so'i dbang po lnga'i spyod yul dang /so so'i 'dod pa'i khyad par gyis ji ltar 'dod pa bzhin du/ 'dod pa'i yon tan lngas dper bya na char gyi rgyun bzhin du 'byung bar bsam zhing / snying rje'i mgron khud pa ste/ de nyid bstan pa la khyad par du yang yi dags kyi sdug bsngal bkres skom dang /dbyug to can gyis srung ba la sogs pa'i sdug bsngal gyi rnam pa mang po can dang / gzhan yang bzhi po dag gis bsdus pa'i sems can ma lus pa kun gyi so so'i bsam pa yongs su rdzogs par byin gyis brlab cing dbang bskur ro/ /sngags dang phyag rgya lnga pas ni/ bdag nyid kyi lus rdul phra mo snyed du sprul nas/rdul phra mo re re las mchod sbyin rdul phra mo re re'i grangs ri rab tsam mang po 'byung bas/ 'phags pa thams cad la phul bas mnyes pa dang / ting nge 'dzin skar mda' lta bus sems can rnams la byin pas thob pa dang ma thob pa'i 'pham rgyal med pa dang /de dag kyang phan tshun 'thab rtsod med par so sor yid la mos pa bzhin thob par byin gyis brlab po/ /sngags dang phyag rgya drug pas ni/ sri zhu'i mgron dang / yon tan gyi mgron dang / snying rje'i mgron dang / lan chags kyi mgron dang / de ma yin pa'i bzhis bsdus pa gzhan gang dag mgron du gyur pa kun la yang sngon ston pas dam tshig phog pa rnams ni/dam tshig gi dbang gis 'go zhing bstong grogs byed par 'gyur la/ dam tshig ma phog pa rnams la mchod sbyin byin pa de dran pa la bzhag nas/ 'gro zhing bstong grogs su gyur par mngon sum du dmigs so/ /de ltar gyur pa dang /sems can gyi don du gyur pa'i las sems can gyi don dang mi 'gal ba ci bcol ba yang 'grub ste/ phyag rgya yang phyogs bcur bstan la/ mgron rnams bdag gi dbang du bya'o/ /phrin las ji ltar bdag 'dod pa de yang sems can gyi don bya ba dang bdag dang gzhan dgrol ba'i phrin las bcol ba'i tha tshig go /gzhan du na mgron dang bdag gnyis don dam par ma skyes pa'i phyir bcol ba nyid med/ med pa'i phyir mchod sbyin nyid kyang med ces bya'o/ /'di man chad tshigs su bcad nas/ sbyin pa gnyis bdag dang gzhan gyi don du bsngo bar ston te/ ston pa de nyid bstan pa la/ mchod sbyin la sogs pa zang zing rnams tshul ji ltar gang dag bsngo zhe na/lan nyid ston pa la de nas tshigs su bcad pa 'di dag gis kyang bsngo bar bya'o zhes bya ba smos pa ni/ de nas zhes bya ba la sogs pa ni rting thogs su smos pa ste/ 'di dag ni mngon sum pa kho na'o/ /gtan pa med pa zhes bya ba ni/ 'khor gsum yongs su dag pa'i bsngo ba mi dmigs pa de la dmigs pa'i gtan pa med pas na gtan pa med ces bya ba'am/gzhan du na chos nyid chos kyi dbyings shes rab kyis rtogs pa'i dus na mi rtog dmigs pa'i gtan pa med pa'o zhes bya ba'i don to/ /mchod sbyin rgyal po 'di zhes smos pa ni 'phags pa la mchod pa dang /sems can la sbyin pa rnams kyi nang na mi dmigs pa'i sbyin pa 'di ni dam pa yin pas na rgyal po zhes bya ba'i tha tshig go/ /gong ma lta bu'i mi dmigs pa de las byin rlabs dgu pas bsngo ste/ de nyid bstan pa la chos nyid rnam par dag pa'i byin rlabs dang / zhes smos pa ni/ chos nyid rnam par dag pa ni ji ltar sngon du smos pa'i phyir 'dir yang sngon du smos pa ste/ nam mkha' mdzod la sogs te tshogs drug car gyis ji ltar byin gyis brlabs pa'i byin rlabs gang yin pa dang zhes bya ba'i tha tshig go/ /ji ltar skabs dang por bstan pa'i dkon mchog gsum gyi che ba'i yon tan khams gsum dag las khyad ches dpags te che ba gang yin pa dang zhes bya ba'i tha tshig go//ji skad du gong du smos pa'i a la sogs pa'i snying po rnams dang / thal mo khong stong la sogs pa'i phyag rgya rnams don ma nor pa'i phyir nges pa'o/ /ci'i phyir zhe na/ ji ltar ting nge 'dzin gyis bsgrub pa sems la gnas pa dang /bdag nyid chen po rnams kyi phyag rgya'i mtshan ma'i gzugs su gyur pa'i don de las pha rol pos 'da' bar bya ba ma yin pa'i phyir dam tshig dang zhes smos pa yin no/ /skabs gsum pa las smos pa'i rgyu dang skabs lnga pa las smos pa'i rkyen gnyis dmigs pa'i rten dang /don zab mo dang 'brel pa de dang bdag rnal 'byor pa gnyis gang du tshogs pa'i dus na bsam pa rnam par dag pa'i nus pa'i mthu gang yin pa dang zhes bya ba'i don to/ /'dir byang chub sems dpa' rnams kyi che ba'i yon tan gyi ming bstan pa ste/ 'khor ba'i sems can 'khyogs po'i lam ngan par 'gro ba gang yin pa dag thabs dang thugs rje'i mdzad spyod kyis mngon par mtho ba dang /nges par legs pa'i lam drang pos srong bas na drang srong zhes bya ba'i don to/ /'di'i sgo nas byang chub sems dpa' rnams kyi rigs ma nor bar 'dzin pa dang / gzhan du na theg pa chen po la 'bad par byed pa'i phyag rgya chen po dang /lhun gyis grub pa dang / tshe la dbang ba'i grub pa tshe gcig gis thogs pa ste/ de lta bu grangs mang po rnams kyis bsgrubs nas/ sgrub pa dag gis byin gyi rlabs gang yin pa dang zhes bya ba'i tha tshig go/ /ji ltar rnal 'byor pa bdag gis smon lam rgya chen po btab ste dngos gang zhe na/'di nyid kyi skabs lnga pa las tshad med pa bzhi po dag gis smon lam rgya chen por btab pa de dag shes rab kyis rtogs shing / ting nge 'dzin gyis bsgoms pa'i byin gyi rlabs kyis zhes bya ba'i don to/ /de lta bu'i byin rlabs dgu yis so//mchod sbyin 'di ji ltar snang zhes dris pa'i lan du/ ye shes lnga yi 'od zer rnam par 'phro/ /zhes bya ba la sogs pa smos te/ de ni sems can gyi dug 'dod chags la sogs pa lnga'i gsos te dngos gang zhe na/ ye shes lngar byin gyis brlab pa dang 'brel te dug lnga gsos nas/kha dog dkar po la sogs pa lngar 'phros te/ 'od zer de yang rigs dang go rims su kha dog dang ye shes su sbyar te/ rtags kyi 'od zer de kha dog gi 'od zer rnam pa lngar 'phro zhes bya ba'i tha tshig go/ /dbang po lnga'i longs spyod mkho dgur ldan/ /zhes bya ba ni mig gi dbang po la sogs pa lnga'i yon tan lnga 'byung ste/ji ltar mkho ba'i rdzas kyang lnga po nyid yin pa'i phyir ro/ /de ltar 'dod pa lnga dag bsngos pa'i rdzas te mang nyung gi tshad ji tsam zhe na/ nam mkha'i mtha' klas zhes bya ba smos te/ ji ltar nam mkha' la mthar thug pa med pa de kun 'dod pa'i yon tan lngas gang bar bsngo'o//'o na de ltar bsngo ba de yun ji tsam zhe na/ gter chen gyur pa 'di zhes bya ba smos te/ gter chen po yod pa la zad pa'i dus med pa dang 'dra bar gong ma ltar phyogs bcu'i nam mkha' la thug pa'i mtha' med pa de kun kyang sbyin pa'i gter 'di zad pa'i mtha' med par bsngo'o zhes bya ba'i tha tshig go//de lta bu de yang gang la bsngo zhe na/ lan du gnyis bstan pa/ mchod gnas bla ma khyed kyi pho brang du/ /zhes bya ba smos te/ de ni sangs rgyas dang byang chub sems dpa' dang zhes bya ba la sogs pa dang 'brel to/ /sri zhu'i gnas kyi gan du zhes bya ba'i don to//ji lta bu zhe na/ mchod pa'i sprin gyis rgyas shing gtibs par smon/ /zhes bya ba smos te/ 'dod pa'i yon tan lnga las gyur pa'i mchod pa'i sprin mang pos kun nas kun du rgyas shing gtibs par smon no zhes bya ba'i don to/ /yon tan gyi mgron dang / snying rje'i mgron la yang bsngo ste sems can thams cad ces bya ba ni/sangs rgyas pa'i sa bon rtsa ba rang gi sems yod pa ste/ de nyid bstan pa la tshangs pa dang zhes bya ba la sogs pa'i lha dang / 'gro ba ris lnga dang / yi dags bgegs kyi rigs pi shA tsi pa la sogs pa thams cad sbyin pa 'dis bde bar gyur cig ces bya ba'i don to//de lta bu'i mgron kun kyang gnod pa'i 'tshe ba rnams dang bral bar gyur cig ces bya ba'i don to/ /de'i thog tu sbyin pa dag bsnan pa la/ yang ni de bzhin gshegs bsngags pa'i/ /'dod pa phun sum tshogs gyur cig /ces bya ba ni de bzhin gshegs pas byin gyis brlabs nas/mchod pa'i rkyen du bsngags pa'i 'dod pa lnga po dag gis yid la 'dod pa phun sum tshogs par gyur cig ces bya ba'i tha tshig go/ /yang bsnan pa la/ yang ni sems can thams cad kyang / /bsam pa yid bzhin grub gyur cig /ces bya ba ni gong du sems can zhes smos pa dag la 'dod cing dgos pa'i bsam pa dag dper bya na nor bu dam pa rnyed pa ltar grub par gyur cig ces bya ba'i tha tshig go//de yan chad du mgron dag la spyir bsngos nas/ da ni snying rje'i mgron khud pa sdug bsngal can dag la bsngo ste/ de dag gi go rims ni mngon no//dud 'gro gcig la gcig za ba'i/ /gnod pa de dag yong mi 'byung / /zhes bya ba ni/ ji ltar chu srin nya mid lta bu dang / khra dang 'phar spyang lta bu dang / brdeg brdung dang bkol bsad dang glan lkugs la sogs pa'i sdug bsngal yong gis ma byung cig ces bya ba'i tha tshig go//yi dags rnams la zas skom sogs/ /thogs pa med par 'byung gyur cig /ces bya ba ni zas 'dod pa la zas/ skom 'dod pa la skom/ sogs pa'i nang du sdug bsngal phyi dang nang gi sgrib pas bsgribs te bskal pa mtha'i bar du gong ma ma myong nas rid cing skems pa dag la lha dang mi'i kha zas lta bu thogs pa med par 'byung gyur cig ces bya ba'i tha tshig go//sems can dmyal ba'i sdug bsngal gang / /mi bzad rnam pa sna tshogs pa/ /bsod nams byin pa'i byin rlabs kyis/ /de dag myur du zhi gyur cig /ces bya ba ni/ sdug bsngal gyi rnam pa gang zhe na brjod kyis mi lang ste/ sna tshogs pa zhes bya ba'i khongs su btso zhing bsregs pa dang / gsheg cing gtub pa dang / a tsha tsha dang / a chu chu la sogs pa ste/ sdug bsngal de dag kun kyang sbyin pa'i stobs kyis myur du zhi bar gyur cig ces bya ba'i tha tshig go/ /sa 'am chu 'am mkha' la 'khod pa yi/ /lha klu gnod sbyin dri za dang //'byung po mang po gang 'khod pa/ /dge ba'i bsam pa rdzogs gyur cig /ces bya ba ni yul gang na gnas pa'i zhes bya ba dang 'brel te/ yul gang na gnas shing skye 'khrungs lo tog skyed pa'am/ sa'i bdag tu gyur pa la sogs pa'i bya ba byed pa dang gnas skabs kun du klan ka tshol du 'byung ba'i 'dre srin la sogs pa yul khams gang dag na 'khod pa rnams so so'i sdug bsngal zhi nas/mi dge ba zhe la 'chang ba gang dag dge ba'i bsam pa rdzogs gyur cig ces bya ba'i tha tshig go/ /mchod sbyin la sogs pa'i zang zing de ltar bsngos nas da ni chos kyi sbyin pa rgya chen po bsngo ste/de yang ji ltar bsngo zhe na/ lan gnyis bstan pa la skabs lnga pa las/ bdag nyid lha'i rnal 'byor du byas pa gang yin pa de'i zhal gyi sgo nas ljags kyi dbang po bye ba phrag brgya phyung nas/ ljags kyi dbang po de re re las kyang gsung dbyangs kyi yan lag brgya phrag drug cu drug cu phyung bas 'dzam bu'i gling bye ba phrag brgyar sprul pa bye ba phrag brgyas gsung gi sgo nas/'gro ba so so'i skad dang mthun par 'gro ba re re la yang theg pa'i khyad par mi mthun pa sna tshogs pas so so'i mos pa dang / skal ba ji lta ba bzhin du chos bstan pas sems can thams cad grol zhing smin pa'i rnal 'byor ro//de ltar rnal 'byor pas de nas zang zing las gzhan pa de gang zhe na de nas chos kyi sbyin pa rgya cher bya'o zhes bya ba smos te chos kyi sbyin pa ni 'di lta ste/ chos rnams thams cad rgyu las byung / /de rgyu de bzhin gshegs pas gsungs/ /de la 'gog pa gang yin pa/ /dge sbyong chen pos 'di skad gsungs//zhes bya ba smos te/ de la chos rnams thams cad ces bya ba ni sdug bsngal bdun gyis bsdus pa'i zag pa dang bcas pa'i chos rnams thams cad la bya ste/ de dag ni rang 'byung mi srid de rgyu rkyen la brten nas 'byung ba'i phyir rgyu las byung zhes bya'o/ /rgyu rkyen de yang gang yin zhe na/lan du rten cing 'brel pa bcu gnyis la/ dang po ma rig pa dang / brgyad pa sred pa dang / dgu pa len pa ni nyon mongs pa ste rgyu'o/ /gnyis pa 'du byed dang / bcu pa sred pa ni las te rkyen no/ /gsum pa rnam par shes pa dang / bzhi pa ming dang gzugs dang / lnga pa skye mched drug dang /drug pa reg pa dang / bdun pa tshor ba'i bar dag dang / bcu gcig pa skye ba dang / bcu gnyis pa rga shi ste bdun ni sdug bsngal ba ste 'bras bu'o/ /de ltar 'bras bu sdug bsngal bdun po de ni rgyu nyon mongs pa gsum dang zhes bya ba dang rkyen las gnyis zhes bya ba dang / gnyis las byung bas na/chos rnams thams cad rgyu las byung / /zhes bya'o/ /gzhan du na kun nas nyon mongs pa dang / rnam par byang bas bsdus pa'i chos rnams thams cad kyi rgyu ni dge ba dang / mi dge ba las byung la/ dge ba dang mi dge ba de ni 'khrul pa'i rtog pa rang snang ba can/ rtsa ba rang gi sems las byung bas na//chos rnams thams cad rgyu las byung / /zhes bya ba'i don to/ /'on kyang kun rdzob tu rten cing 'brel par 'byung ba las dang 'bras bu dang / kun nas nyon mongs pa dang / don dam par rtsa ba rang gi sems de ni chos thams cad kyi rgyu yin par gang gis gsungs she na/ lan du de lta zhig yid brtan du rung ba'i tshad ma/de bzhin gshegs pas gsungs na/ de rgyu de bzhin gshegs pas gsungs/ /zhes bya ba'o/ /de la 'gog pa gang yin pa/ /zhes bya ba ni/ 'khor ba'i yan lag bcu gnyis dang / rtsa ba rang gi sems chos kyi rgyu gnyis la lugs las bzlog pa'i thabs gang gis 'khor ba rgyu dang 'bras bur bcas pa dang /sems kyi rtog pa chos kyi rgyu de la 'gog pa ni mya ngan las 'das pa ste/ de ni skye rga na 'chi sdug bsngal bzhi dang bral ba yin la/ de thob par bya ba'i thabs gang yin pa ni/ dge sbyong chen po shAkya thub pas 'di skad gsungs so zhes bya ba'i tha tshig go//da ni sdom pa bshad de/ sdig pa ci yang mi bya ste/ /zhes bya ba ni lhag pa'i tshul khrims la bzhag pa ste/ sdig pa ci yang ni dper bya na ltas ngan dang 'dra ste sdig pa byas pa nas bzung ste/ 'di dang phyi ma la sdug bsngal 'byung ba'i phyir/ sdig pa ci yang mi bya ste/ /zhes bya ba'i don to//dge ba phun sum tshogs par spyad/ /ces bya ba ni sgo gsum gyi kha na ma tho ba dag par byas la spyod pa bcu dang / shes rab gsum gyi sgo nas phun sum tshogs par spyad do zhes bya ba'i tha tshig go/ /de las lhag pa'i shes rab 'phel bar 'gyur ro/ /rang gi sems ni yongs su gdul//zhes bya ba ni sems ni thog ma med pa nas nyon mongs pa la rang yan du 'phyan pa'i dpe ni rta dmu rgod dang 'dra ste/ de dag 'dul ba ni srab yin pa'i dpe de bzhin du sems rang yan du yul la 'phyan pa'i rtog ge 'dul ba'i thabs ni/ lhag pa'i ting nge 'dzin gyis sems mnyam par bzhag pas yongs su 'dul zhes bya ba'i tha tshig go//de ltar lhag pa'i bslab pa gsum la gnas par bstan pa de ni dus gsum gyi de bzhin gshegs pa de dag gis 'gro ba rnams sangs rgyas par bya ba'i phyir bstan pa yin zhes bya ba la sogs pa ston pa'i zhal nas gsungs pa'i mdo sde rnams kyi nang nas 'byung ba'i tshigs bcad mang pos chos kyi sbyin pa yang rgya cher bya'o//gong du gsungs pa'i tshul de ltar chos kyi sbyin pas the tshom bsal ba dang / de'i sgo nas shes bya'i sgrib pa spangs la/ zang zing gi sbyin pas 'dod pa'i nyon mongs pa zhi bar byas pa dang / de'i sgo nas nyon mongs pa'i sgrib pa spong ste/de ltar chos dang zang zing gnyis kyis nyon mongs pa'i sgrib pa dang shes bya'i sgrib pa gnyis byang nas/ de'i gnyen po bsod nams dang / ye shes kyi tshogs chen po gnyis rdzogs nas/ /bla na med pa'i sangs rgyas su 'grub par shes par bya'o/ /de yan chad du rnam par phye ba drug pa bsdus so//gtor ma las rnams kun gyi mchog /las rnams kun gyi sna la 'gro/ /shes rab dman la bstan pa'i phyir/ /gtor ma'i don 'di rgya che ba/ /don chen yi ge dam pa 'dis/ /rgyud lngar skyes pa dgrol ba'i phyir/ /ma nor tsam du bshad pa yin/ / 'di byas bsod nams ci yod pas/ /mtha' yas sems can ma lus kun/ /bden gnyis chu gter don rtogs nas/ /bla med byang chub thob par shog/ /gtor ma'i 'grel pa slob dpon chen po ban+di dz+nyA nas mdzad pa rdzogs so// //rgya gar gyi mkhan po shAn+tiM gar+b+ha dang / zhu chen gyi lo tsA ba A tsAr+ya rin chen mchog gis bsgyur cing zhus te gtan la phab pa'o/