CLOSE WINDOW

D3775
བོད་ཡིག

/[ ]@##/ /rgya gar skad du/ dza la ba liM bi d+hi nA ma/ bod skad du/ chu gtor gyi cho ga zhes bya ba/ dkon mchog gsum la phyag 'tshal lo/ /dad pa can gang zhig gis las su bya ba la phan yon che la sla ba ni chu gtor yin pas 'di la brtson par bya'o//de la rin po che'i snod mdzes pa'i nang du chu blugs la phye dang me tog la sogs pa ci 'byor pa dang / gser la sogs pa rin po che rnam pa lnga bdar ba dang / kha zas ma smras pa ma smos pa sna tshogs dang / sman dang 'bru dang dri la sogs pa sbyar na lhag par yang bzang ngo / /spyir gtor ma'i las bgyi'o 'tshal la rtag pa drug ste sbyang ba la sogs pa'o//de la sbyang ba ni chos nyid rnam par dag pa'i sngags dang phyag rgyas so/ /spel ba ni nam mkha' mdzod kyi sngags dang phyag rgyas so/ /mos par bsgyur ba ni bdud rtsi thab sbyor gyi sngags dang phyag rgyas so/ /spyod pa la dbang ba ni rgya chen shugs ldan 'od kyi sngags dang phyag rgyas so//thob par byed pa ni ye shes skar mda'i sngags dang phyag rgyas so/ /dbang du bya ba ni lha mgon spyi'i sngags dang phyag rgyas te dbang sgyur 'khor lo'i sngags dang phyag rgyas so/ /de la bsam rgyud ni dang por bdag nyid lus bsrung zhing lha'i sku phyag rgya chen por dran pa skyed la/tshad med pa bzhis byang chub mchog tu sems bskyed la dkon mchog gsum la skyabs su gsol zhing snying rje chen pos 'gro ba'i don dran par bya'o/ /bsngo ba yang bla na med pa'i byang chub chen por bsngo bar bya ste/ de yang dmigs kyi bsngo ba ni sri zhu'i mgron sangs rgyas byang chub sems dpa' dang /nyan thos rang sangs rgyas la sogs pa dang / yon tan gyi mgron tshangs pa dang brgya byin dang 'jig rten skyong ba bzhi dang / phyogs skyong bcu dang srung ma dam tshig can rnams dang / snying rje'i mgron 'gro ba ris drug gi sems can dang /khyad par du yang bdag gi lha mgon dang / yul gang na gnas pa'i sa bdag lha klu dang / lan chags kyi mgron tshe rabs bgrangs pa'i rkyen bgegs dang / phan gnod byed pa'i lha 'dre kun la yang mnyam snyoms su bsngo bar bya'o/ /de la dang po lag pa thal mo khong stong du sbyar la 'di skad du brjod do//oM swa b+hA ba bi shud+d+haHsarba d+har+m+mAHswa b+hA ba bi shud+d+ho nya haM/ lag pa thal mo khong stong du sbyar la sor mo rnams rtse sprad de tshigs zur can rin po che lta bur byas la sngags 'di brjod do/ /na maHsarba ta thA ga te b+h+yo bi shwa mu khe b+h+yaHsarba tha khaM ud+ga te s+pha ra Na i maM ga ga na kha swA hA/ lag pa thal mo sbyar la phyir bskyed de mthe bong gnyis bsnol la sngags 'di brjod do/ /oM a mr-i ta kuN+Da li ha na ha na hUM phaT/ lag pa g.yas pa rdo rje khu tshur bcangs la mdzub mo bsgrengs te sngags 'di brjod do/ /na maHsarba ta thA ga ta a ba lo ki te oM saM b+ha ra saM b+ha ra hUM/ lag pa g.yas pa rdo rje khu tshur snying gar bstan la/g.yon pa mchog sbyin gyi snod 'degs pa'i tshul du byas te sngags 'di brjod do/ /oM dz+nyA na a ba lo ki te sa man+ta s+pha ra Na rasmi b+ha ba sa ma ya ma hA ma Nidu ru du ru hr-i da ya dza la ni hUM/ lag pa thal mo khong stong du sbyar la/ sor mo rnams nang du bsnol te mthe bong gnyis gshibs te brkyang la sngags 'di brjod do//namaHsa man+ta bud+d+hA nAM/ gra he shwA ra pra b+ha dz+yo ti ma hA sa ma ya swA hA/ sngags dang phyag rgya 'di gcig la yang lan bdun bdun bzlas so/ /de yang dang pos ni gtor ma skyon med cing dag pa chen por byin gyis brlab/ /gnyis pas ni mchod pa'i rdzas kyi khyad par bsam gyis mi khyab pa dang /sems can thams cad kyi mos pa ji lta ba bzhin nam mkha'i khams 'dod pa'i yon tan lngas gang bar byin gyis brlab bo/ /de ltar spel nas gsum pas ni bdud rtsi'i rgya mtsho dang / zas la sogs pa longs spyod la ji ltar so sor mos pa bzhin du longs spyod kyi rkyen dug lnga'i gsos dang /ye shes lngar byin gyis brlab po/ /bzhi pas ni 'phags pa rnams kyi spyan lam du yang gzhal med khang brtsegs ma la sogs pa mchod pa'i sprin phung mang por sprul nas mchod pa dang / sems can rnams kyi dbang po'i spyod yul du ji ltar 'dod pa bzhin 'dod pa'i yon tan lnga char bzhin du 'byung bar bsam zhing /khyad par du yang yi dags kyi rnam pa mang po dang sems can kun gyi bsam pa yongs su skong bar byin gyis brlab po/ /lnga pas ni bdag gi lus zhing gi rdul snyed du sprul nas 'phags pa rnams la mchod pa phul nas mnyes pa dang /sems can la byin pas pham rgyal med pa dang 'thab rtsod med pa so so'i mos pa bzhin thob par byin gyis brlab po/ /drug pas ni sri zhu'i mgron dang yon tan gyi mgron dang / snying rje'i mgron dang / lan chags kyi mgron du gyur pa'i rigs la yang dam tshig gi dbang gis 'go zhing stong grogs su gyur par mngon sum du dmigs so//sems can gyi don du 'gyur ba'i las mi 'gal bar ci bcol ba yang 'grub ste phyag rgya yang phyogs bcur bstan la dbang du bya'o/ /de nas tshigs su bcad pa 'di dag gis kyang bsngo bar bya'o/ /gtan pa med pa'i mchod sbyin rgyal po 'di//chos nyid rnam par dag pa'i byin rlabs dang / /dkon mchog yon tan dpag med che ba dang / /snying po phyag rgya nges pa'i dam tshig dang / /rgyu rkyen rten 'brel tshogs pa'i nus mthu dang / /drang srong rig 'dzin rnams kyi grub pa dang / /bdag gi smon lam ting 'dzin shes rab kyis/ /ye shes lnga yi 'od zer rnam par 'phro//dbang po lnga yi longs spyod mkho dgur ldan/ /nam mkha'i mtha' klas gter chen gyur pa 'di/ /mchod gnas bla ma khyed kyi pho brang du/ /mchod pa'i sprin gyis rgyas shing 'phel bar bsngo/ /sems can thams cad bde gyur cig /kun kyang gnod pa rnams dang bral//yang ni de bzhin gshegs bsngags pa'i/ /'dod pa phun sum tshogs gyur cig /yang ni sems can thams cad kyang / /bsam pa yid bzhin grub gyur cig /byol song gcig la gcig za ba'i/ /gnod pa de dag yongs ma 'byung / /yi dags rnams la zas skom sogs//thogs pa med par 'byung gyur cig /sems can dmyal ba'i sdug bsngal gang / /mi bzad rnam pa sna tshogs pa/ /bsod nams byin pa'i byin rlabs kyis/ /de dag myur du zhi gyur cig /sa'am mkha' la 'khod pa yi/ /lha klu gnod sbyin dri za dang / /'byung po mang po gang 'khod pa//dge ba'i bsam pa rdzogs gyur cig/ /de nas chos kyi sbyin pa yang rgya cher bya'o/ /chos rnams thams cad rgyu las byung / /de rgyu de bzhin gshegs pas gsungs/ /de la 'gog pa gang yin pa/ /dge sbyong chen pos de skad gsungs/ /sdig pa ci yang mi bya ste/ /dge ba phun sum tshogs par spyad//rang gi sems ni yongs su gdul/ /'di ni sangs rgyas bstan pa yin/ /zhes bya ba la sogs pa zhal nas gsungs pa'i tshigs su bcad pa mang pos chos dang zang zing gnyis su med pa'i sbyin pa rgya chen por bya'o/ /de ltar chos dang zang zing gi sbyin pa rnam pa gnyis kyis sgrib pa rnam pa gnyis byang tshogs gnyis rdzogs te bla na med pa'i byang chub 'grub par shes par bya'o/