CLOSE WINDOW

D3774
བོད་ཡིག

/[ ]@##//cha gsum 'bring po'i cho ga bzhugs so// @#/bla ma dang 'jam pa'i dbyangs la phyag 'tshal lo/ /gtor ma cha gsum gtong ba rnams kyis dang po maN+Dal byed du bcug la/mchod pa dang gtor ma bshams te bdag nyid lhar bskyed nas skad cig ma'i ting nge 'dzin gyis rigs kyi khro bor bskyed la/ de'i 'og tu gtor ma byin gyis brlab par bya ste/ gsang ba dang / sbyang ba dang / spel ba dang / bdud rtsir bsgyur ba dang / 'dod pa sgrub pa dang /thob pa dang / mnyam por thob pa dang / stobs brjod pa ste 'di tsam gyis ni gtor ma byin gyis brlab pa bstan to/ /spyan drangs pa dang mchod yon sbrengs te bzhugs su gsol ba dang / dam tshig gi phyag rgya bstan pa dang / mchod pa dang / bstod pa dang / bsngo ba dang / las bcol ba dang / slar gtong ba ste 'di tsam gyis ni gtor ma sbyin pa'i cho ga bstan to/ /de la dri chu la las thams cad pa'i sngags bzlas pa'i chus gtor ba ni bsang ba'o/ /gtor ma'i dbus su yi ge raM bsams te bsreg pa ni sbyang ba'o/ /oM swa b+hA ba bi shud+d+ha d+harmA te badzra sid+d+hi hUM zhes bya bas kyang sbyang bar bya'o//nam mkha' mdzod kyi sngags dang phyag rgyas spel bar bya ste/ thal mo gnyis bkan la snyim pa'i tshul du bya ba ni phyag rgya'o/ /sngags ni na maHsarba ta thA ga te b+h+yo bi shwa mu khe b+h+yaHsarba tad khaM ud+ga te s+pha ra Na i maM ga ga na khaM swA hA zhes pa ni spel ba'o//lag pa sor mo bsnol la gung mo gnyis rtse sprad/ /de nas bcag ste dpral bar bcings nas dgrol te/ oM a mr-i te hUM phaT ces brjod pa ni bdud rtsir bsgyur ba'o/ /lag pa g.yas pa mchog sbyin gyi phyag rgya bcas la ngag tu/ oM a kA ra mu khaM sarba d+harma NAM Ad+ya nu t+ba na n+t+wAd oM AHhUM phaT ces pa ni 'dod pa sgrub pa'o//g.yas pa khro bo'i khu tshur bcangs la rdzas la mdzub mo bsgrengs pa gtad de se gol brdab cing bkrol la/ na maHsarba ta tha ga ta a wa lo ki te oM sam+b+ha ra sam+b+ha ra hUM zhes pas thob par bya'o/ / lag pa g.yas pa mchog sbyin gyi phyag rgya bcas te oM ru ru s+phu ru dz+wA la tiSh+Tha sid+d+ha lo tsa ni sarba ar+tha sA d+ha ne swA hA zhes pa spyan gyi sngags kyis mnyam por thob pa'o/ /stobs brjod pa ni/ bdag gis bsod nams stobs dang ni/ /de bzhin gshegs pa'i byin stobs dang / /chos kyi dbyings kyi stobs rnams kyis//'phags pa'i tshogs rnams mchod pa dang / /sems can rnams la phan gdags phyir/ /don rnams gang dag bsam pa kun/ /'jig rten khams 'dir ma lus par/ /de dag thams cad ci rigs pa/ /thogs pa med par 'byung gyur cig /ces brjod do/ /mgon po kun gshegs gdan la bzhengs/ /da lta snyigs ma lnga yi dus/ /gshegs shing bzhugs pa'i gnas ngan yang / /shAkya'i bstan pa bsrung ba dang / /bdag cag rnams la phan gdags phyir/ /gnas 'di nyid du gshegs su gsol/ / phyogs skyong 'jig rten skyong ba dbang dang ldan/ /thugs rje thabs mkhas thugs dam dkyil po che/ /lha dang drang srong yi dags srin po klu/ /rig 'dzin rgyal po dang ni gdon gyi bdag /de dag so so'i dbang po'i skur ston cing / /phyogs bcu'i 'jig rten skyong ba bzhugs so 'tshal//bstan pa rgyas pa'i slad du spyan 'dren gyis/ /'gro ba'i don phyir mchod kyis gshegs su gsol/ /oM e h+ye hi da sha dika lo ka pA la sa pa ri wA ra sa ma ye swA hA zhes bya ba dang / dril bu dkrol zhing spos bsgrengs te rang rang gi sngags dang / phyag rgya dang / e h+ye hi zhes pas spyan drang ngo //mchod yon gyis spyan drangs nas me tog gi gdan phul la/ dam tshig gi phyag rgya bstan pa ni lag pa g.yon pa rdo rje'i phyag rgya bstan te/ g.yas pa rdo rje'i phyag rgya sta zur logs su bzhag ste g.yas pa'i mdzub mo'i lcags kyus g.yab pa ni brgya byin spyan drang ba'i phyag rgya'o//de nyid las mdzub mo lcags kyur ma byas pa ni brgya byin gyi dam tshig gi phyag rgya'o/ /spyan drang ba'i phyag rgya las mdzub mo brkyang ba ni slar gtang ba'i phyag rgya'o/ /lag pa g.yas pa'i mdzub mo zlum por bkug ste gung mo'i tshigs gsum pa bkug la mthe bong lag mthil du gzhag pa ni me lha spyan drang ba'i phyag rgya'o//spyan drang ba'i phyag rgya las mthe bong gi ngos la mdzub mo btsugs pa ni me lha'i dam tshig gi phyag rgya'o/ /de nyid las mdzub mo mthe bong gi ngos la btsugs pa phyir drag tu brkyang ba ni slar gtang ba'i phyag rgya'o//snyim pa mdun du bzhag ste sor mo phan tshun bsnol la khu tshur bcangs nas srin lag gnyis bsgrengs te gshibs la g.yabs te nang du gzhag pa ni gshin rje spyan drang ba'i phyag rgya'o/ /de bzhin du bsgrengs te snying gar gzhag pa ni dam tshig gi phyag rgya'o//de nyid las srin lag gnyis drag tu brkyang ba ni slar gtang ba'i phyag rgya'o/ /lag pa g.yas pa'i khu tshur bcas la mdzub mo dang gung mo gnyis ral gri 'dra bar gshibs la bsgrengs te gzhag /lag pa g.yon pa'ang de bzhin du byas te sta zur logs su bzhag la g.yon pa'i mdzub mo bkug ste g.yab pa ni bden bral spyan drang ba'i phyag rgya'o//phyag rgya de nyid las lag pa g.yon sta zur logs su ral gri 'dra bar gzhag pa ni bden bral gyi dam tshig gi phyag rgya'o/ /spyan drang ba'i phyag rgya las mdzub mo brkyang ba ni slar gtang ba'i phyag rgya'o/ /lag pa g.yon pa khu tshur bcangs nas mthe bong mdzub mo gcig tu sbyar te zhags mig ltar byas la/g.yas pa'i khu tshur yang de ltar byas te snying gar bzhag la g.yon pa'i mdzub mo lcags kyus g.yab pa ni chu lha spyan drang ba'i phyag rgya'o/ /phyag rgya de nyid las g.yon pa'i mdzub mo khu tshur du gzhag pa las zhags mig ltar byas pa ni chu lha'i dam tshig gi phyag rgya'o//g.yon pa'i mdzub mo brkyang ba ni slar gtang ba'i phyag rgya'o/ /lag pa g.yon pa khu tshur bcangs te gung mo bsgrengs pa'i tshigs dang por mdzub mo bkug pa'i thor to btsugs la sta zur la gzhag /g.yas pa'ang de bzhin sta zur logs su bzhag cing mthe bong bsgul ba ni rlung lha spyan drang ba'i phyag rgya'o//de nyid las mthe bong snga ma ltar byas pa ni rlung lha'i dam tshig gi phyag rgya'o/ /spyan drang ba'i phyag rgya las mthe bong brkyang ba ni slar gtang ba'i phyag rgya'o/ /lag pa gnyis thal mo khong stong du sbyar la rdo rje bcing ba nang du bzlog ste mthe chung gshibs la brkyang ste/de'i rgyab tu srin lag gnyis so sor bzhag nas gung mo gnyis rdo rje ltar bkug ste g.yab pa ni ku be ra spyan drang ba'i phyag rgya'o/ /de nyid las gung mo gnyis nang du rdo rje bcing ba'i tshul ltar bya ste snying gar gzhag pa ni ku be ra'i dam tshig gi phyag rgya'o//spyan drang ba'i phyag rgya las gung mo gnyis brkyang ba ni slar gtang ba'i phyag rgya'o/ /lag pa gnyis gcig tu sbyar te thal mo gcig tu sbyar ba'i srin lag dang mthe'u chung nang du bkug ste bsnol la/ gung mo gnyis gshibs te bsgrengs pa'i rgyab logs su mdzub mo gnyis dang gung mo gnyis rdo rje 'dra bar bya/mthe bong gnyis bar du gshibs te bzhag la de nas mdzub mo gnyis phan tshun rtse sprad nas nang du g.yab pa ni dbang ldan spyan drang ba'i phyag rgya'o/ /de nyid las snga ma ltar mdzub mo rdo rje'i tshul du snying gar gzhag pa ni dbang ldan gyi dam tshig gi phyag rgya'o//spyan drang ba'i phyag rgya las mdzub mo gnyis brkyang ba ni slar gtang ba'i phyag rgya'o/ /lag pa thal mo khong stong du sbyar te bzhag la steng du kha bltas te mdzub mo gnyis kyis lcags kyus g.yab pa ni tshangs pa la sogs pa spyan drang ba'o/ /de nyid las mdzub mo gnyis snga ma ltar byas te snying gar gzhag pa ni dam tshig gi phyag rgya'o//spyan drang ba'i phyag rgya las mdzub mo gnyis brkyang ba ni slar gtang ba'i phyag rgya'o/ /phyag rgya de rnams nyid las kha 'og tu bltas na 'og gi lha spyan drang ba la sogs par 'gyur ro/ /lag pa gnyis gcig tu sbyar te sor mo rnams bar mtshams med par phan tshun rtse sprad la/mthe bong dang mdzub mo gnyis zlum por byas pa'i lcags kyus g.yab pa ni sa'i lha mo la sogs pa spyan drang ba'i phyag rgya'o/ mdzub mo mi g.yab par snga ma ltar snying gar gzhag pa ni dam tshig gi phyag rgya'o/ mdzub mo gnyis brkyang ba ni slar gtang ba'i phyag rgya'o/ /sngags ni/oM ru d+hA ya gr-i h+Ne daM ar+g+haM swA hA/ de bzhin du pu shapaM swA hA/ d+hU paM swA hA/ dI paM swA hA/ gan+d+haM swA hA/ nai bi d+yaM swA hA/ oM shab+da swA ha/ sa ha shra a k+sha ye gr-i h+Ne daM ar+g+haM swA hA/ oM ag+na ye swA hA/ oM ya mA ya swA hA/ oM ni rI t+yA ya swA hA/ oM ba ru NA ya swA hA/ oM bA ya be swA hA/ oM ku be rA ya swA hA/ oM yI sha nA ya swA hA/ oM u r+d+d+haM bra h+ma NA ya swA ha/ oM sU r+ya gra ha a d+hi pa ta ye swA hA/ oM tsan+d+ra na k+sha tra a d+hi pa ta ye/ a d+hA pr-i thI b+h+yaHa su re b+h+yaHnA ge b+h+yaHgr-i h+Ne daM ar+g+haM swA hA zhes bya ba la sogs pas mchod la bstod pa bya ste/ dbang po rdo rje 'chang ba'i lha/ /lha yi rgyal po gdon gyi bdag/ shar phyogs gdon gyi tshogs bcas la/ /mchod cing bstod de phyag kyang 'tshal/ /me ste bsreg bya za ba'i lha/ /drang srong rgyal po gdon gyi bdag /shar lho gdon gyi tshogs bcas la/ /mchod cing bstod de phyag kyang 'tshal/ /gshin rje dbyug pa 'chang ba'i lha/ /ma mo'i rgyal po gdon gyi bdag /lho phyogs gdon gyi tshogs bcas la/ /mchod cing bstod de phyag kyang 'tshal/ /bden dang bral ba legs ldan lha/ /srin po'i rgyal po gdon gyi bdag /bden bral gdon gyi tshogs bcas la/ /mchod cing bstod de phyag kyang 'tshal/ /zhags pa thogs pa chu yi lha/ / klu yi rgyal po gdon gyi bdag /nub phyogs gdon gyi tshogs bcas la/ /mchod cing bstod de phyag kyang 'tshal/ /rlung ste srog kyang 'dzin pa'i lha/ /rig 'dzin rgyal po gdon gyi bdag /nub byang gdon gyi tshogs bcas la/ /mchod cing bstod de phyag kyang 'tshal/ / gnod sbyin lag na be con thogs/ /nor skyong gdon kyi bdag po ste/ /byang phyogs gdon gyi tshogs bcas la/ /mchod cing bstod de phyag kyang 'tshal/ /dbang dang ldan pa 'dren pa'i lha/ /'byung po'i rgyal po gdon gyi bdag /dbang ldan gdon gyi tshogs bcas la//mchod cing bstod de phyag kyang 'tshal/ /steng gi tshangs pa chen po dang / /nyi ma zla ba gza' chen po/ /gza' dang rgyu skar bcas pa la/ /mchod cing bstod de phyag kyang 'tshal/ /'og gi klu ste sa yi lha/ /sa 'dzin lag pa chen po ste/ /dam tshig shes pa'i tshogs bcas la//mchod cing bstod de phyag kyang 'tshal/ /zhes bstod de gtor ma sbyin no/ /oM pa shu pa te nI la kaN+Tha u ma pri yA ya na maH sarba ta thA ga te b+h+yo bi shwa mu khe b+h+yaHsarba tha khaM ud+ga te s+pha ra Na i maMg ga na khi gri h+ne daM ba bo ta swA hA/ oM sa ha shra a k+sha e oM asne ma hA te dzas ma ye swA hA/ oM karma nu sha ma d+harma rA dzA ya/oM rA k+Sha sa a d+hi pa ta ye rak+ta mA la rak+ta pri yA ya/ oM ma hA nA gA pri ya pad+ma pri ya/ pad+ma d+harA ya/ oM ga ga na bi sa ri sarba satwo an+ta kA ya/ oM du r+g+ra ha pri ya sarba de ba ta lA ya/ oM ur+d+haM bra h+ma NA ya swA hA/ oM sUr+ya gra ha a d+hi pa ta ye swA hA/ oM tsan+d+ra na k+Sha tra a d+hi pa ta ye swA hA/oM a d+h+wA pr-i th+w-I b+h+yaHa su re b+h+yaHnA ge b+h+yaHswA hA zhes bya ba'i sngags kyis gtor ma sbyin par bya'o/ /shar phyogs rdo rje can gyi lha tshogs 'khor dang bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag / chu bdag rlung bdag nor gyi bdag po dang / /dbang ldan lha ste 'byung po'i bdag po dang / /steng gi nyi zla tshangs pa chen po dang / /lha rnams kun dang sa yi klu rnams dang / /ri yi lha dang gtsang ma'i tshogs bcas la/ /de dag so sor gtor ma phul ba 'di/ /rab tu dgyes pa yis ni bzhes nas su/ /rang rang phyogs su legs par bzhugs nas kyang //rang gi bu smad mdza' bshes gnyen 'dun dang / /nang mi dmag dpung bcas dang lhan cig tu/ /gtor ma me tog dri dang bdug par bcas/ /'di dag gsol zhing legs par bsnams nas kyang / /bdag gi las 'di 'bras bu mchis par mdzod/ /ces bsngo bar bya'o//chos thams cad rang bzhin gyis rnam par dag pa ste ci yang ma yin pa'i bden pa dang / sangs rgyas dang byang chub sems dpa' thams cad kyi thugs rje rnam par dag pa'i byin gyi rlabs dang / gsang sngags dang / rig sngags dang / phyag rgya dang / bdag gi mos pa'i mthu dang /ting nge 'dzin dang / smon lam gyi dbang gis mchod sbyin gyi gtor ma 'di lha'i zhal zas dri dang ro dang kha dog dang bcud phun sum tshogs pa dang ldan pa/ gnas dang gos dang bkol ba dang bzhon pa dang rgyan la sogs pa ste 'dod pa'i yon tan lngas brgyan pa dbang po drug gi spyod yul dang 'tsham zhing tshim par byed pa yid bzhin gyi nor bu rin po che dang /dpag bsam gyi shing la sogs te 'phags pa kun du bzang po'i rnam par thar pa las byung ba'i mchod pa'i sprin gyi phung po chen po lta bur bsam gyis mi khyab pa zhig 'byung zhing 'khor ba'i mthas gtugs pa'i bar du gnas par gyur cig / chos rnams thams cad rgyu las byung / /de rgyu de bzhin gshegs pas gsungs/ /de la 'gog pa gang yin pa/ /dge sbyong chen pos 'di skad gsungs/ /sdig pa ci yang mi bya ste/ /dge ba phun sum tshogs par spyad/ /rang gi sems ni yongs su gdul/ /'di ni sangs rgyas bstan pa yin//lus kyi sdom pa legs pa ste/ /ngag gi sdom pa legs pa yin/ /yid kyi sdom pa'ang legs pa ste/ /thams cad du ni sdom pa legs/ /thams cad srung ba'i dge slong dag /sdug bsngal kun las nges grol lo/ /chos rnams gzugs brnyan lta bu ste/ /dag cing gsal la rnyog pa med//gzung du med cing brjod du med/ /rgyu dang las las kun du 'byung / /ngo bo med cing gnas pa med/ /de ltar chos rnams shes kyis la/ /sems can don ni mnyam med byos/ /'on kyang skyob pa'i sras su skye/ /da ltar gyur pa'i mchod sbyin gyi gtor ma rgya chen po 'di che ge mo'i don du bsngo zhing 'bul ba'i gnas ni phyogs skyong ba'i srung ma dam tshig can khyed rnams byin rlabs bsam gyis mi khyab pa dang ldan pa/sangs rgyas kyi bstan pa mtha' dag la gnas shing bstan pa dang 'khor rnam bzhi bsrung bar zhal gyis bzhes pa'i dam tshig can khyed rnams la mchod pa dam par dmigs te 'bul lo//mchod do/ /mgron no/ /de dag gi spyan lam mnga' ris su yang so so'i ci la dgyes pa dang / gang dag gang gis 'dul ba de lta bu'i chos dang zang zing gi longs spyod 'jig rten dang 'jig rten las 'das pa'i bde ba phun sum tshogs pa dang ldan pa sgrub pa po so so'i rnam par thar pa dang 'tsham zhing /thar pa'i sgor tshud pa bsam gyis mi khyab pa zhig 'khor ba'i mtha' ji srid du 'byung zhing rgyas par gyur cig /srung ma dam tshig can khyed rnams kyis che ge mo'i don du thugs brtse bar dgongs te gsol zhing bzhes su gsol/ bdag gi bar mdzad du gsol/che ge mo'i sngon gyi las las gyur kyang rung / 'phral gyi rkyen las gyur kyang rung ste/ da ltar gyi lus la gnod pa'i sbyor ba bgyid pa gang yang rung ba de dag thams cad sems zhi ba chen por bsgyur zhing gnod pa mi bgyid par mdzad du gsol/ gal te zhi bas bsgyur du mi btub na yang khyad par can khyed kyi mnga' ris su ma 'dus pa gang yang ma mchis pas so so'i rigs kyis chad pas bcad pa dang /bskrad cing mtshams bcad pa dang / gzhom pa dang / bsdigs pa dang / spa bkong bar mdzad du gsol/ che ge mo zhes bgyi ba 'di yon tan phun sum tshogs par byin gyis brlabs te/bdag cag gis bsngags pa'i las yid bzhin du 'grub par mdzad du gsol zhes bya bas las bcol lo/ /gong du smos pa'i rang rang gi sngags dang slar gtang ba'i phyag rgyas gats+tsha zhes brjod de slar gtang ngo / /'byung po spyi'i gtor ma yang bsang ba la sogs pa snga ma dang 'dra'o//dang po spyan drang bar bya ste/ lha dang klu dang gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bu smad bcas shing g.yog 'khor bcas pa la//bdag gis pus mo sa la btsugs nas ni/ /thal sbyar khyed rnams la ni gsol 'debs kyis/ /gsan nas phan gdags slad du 'dir spyon cig /ces bya bas gong ma bzhin du spyan drang ngo / /oM e h+ye hi lo ka ka rA ya/ de ba nA ga yak+Sha/ gan+d+harba a su ra/ ga ru Da ki n+na ra/ ma ho ra ga ma nu Sh+ya a ma nu Sh+ya sa pa ri wA ra sa ma ye swA hA zhes bya bas spyan drang ngo / /dam tshig gi phyag rgya ni gzhung na med do/ /mchod pa ni rang rang sngags dang gong ma bzhin du dbul lo/ /sngags ni 'di dag yin no/ /oM de ba gan+d+he b+h+yaHswA hA/ oM nA ga gan+d+he b+h+yaHswA hA/ oM yak+Sha gan+d+he b+h+yaHswA hA/ oM gan+d+harba gan+d+he b+h+yaHswA hA/ oM a su ra gan+d+he b+h+yaHswA hA/ oM ga ru Da gan+d+he b+h+yaHswA hA/ oM kin+na ra gan+d+he b+h+yaHswA hA/ oM ma ho ra ga gan+d+he b+h+yaHswA hA/ oM ma nu Sh+ya gan+d+he b+h+yaHswA hA/ oM a ma nu Sh+ya gan+d+he b+h+yaHswA hA zhes bya ba dang mchod yon nas gtor ma'i bar gyis mchod do/ /bstod pa'ang med do/ /bsngo ba ni/ 'byung po gang dag ri rab steng gnas dang / /dga' ba'i tshal dang lha yi gnas rnams dang / /shar nub ri dang nyi zla'i khyim rnams dang / /ri bo kun la gang dag gnas pa dang / /rin chen gnas na lhag par gnas gang dang / /chu bo kun dang chu yi mdo rnams dang / /mtsho dang rdzing bu lteng ka chu ngogs dang //g.ya' chu sil ma can na gang gnas dang / /grong dang phyugs lhas grong khyer stong pa dang / /khang stong dag dang lha yi khang pa dang / /gtsug lag khang dang mchod rten gnas dag dang / /dka' thub gnas dang glang chen bres dang ni/ /rgyal po'i dkor khang dag na gang gnas dang / /lam srang sum mdo dang ni bzhi mdo dang //gang dag lam chen dang ni shing gcig drung / /dur khrod chen po nags tshal chen po dang / /seng ge dred dang gcan gzan gnas rnams dang / /'brog chen 'jigs su rung bar gang gnas dang / /gang dag gling mchog dag na gnas pa dang / /lhun po dur khrod dag na gnas pa rnams//rab tu dgyes shing mgu bar gyur nas kyang / /phreng ba me tog dri dang bdug pa dang / /bstod dang gtor ma mar me gus phul ba/ /'di dag bzhes te btung zhing bsnams nas su/ /las 'di dag gi 'bras bu mchis par mdzod/ /ces bya bas bsngos la/de'i rjes la las bcol ba ni/ de ltar gyur pa'i mchod sbyin gyi gtor ma rgya chen po 'di brgya byin gtan pa med pa'i mchod par dmigs te lha klu khyed rnams la 'bul lo/ /mchod do/ /mgron no/ /sbyin no/ /stsal lo/ /de dag thams cad kyi gnas ris so so gang la mos pa dang ci dga' ba dang /gang gis 'dul zhing 'tsham pa'i mchod sbyin chos dang zang zing gi longs spyod 'jig rten las 'das pa'i bde ba phun sum tshogs pa dang ldan pa so so'i rnam par thar pa dang mthun pa/ nam mkha'i dbyings kyi mtha' klas pa phyi ma'i mtha'i mur thug pa'i bskal pa dang spyod pa grangs med par gnas pa dang /tshad med par bsam gyis mi khyab pa 'byung bar gyur cig /chos rnams thams cad rgyu las byung / /zhes pa nas/ sras su skye zhes pa'i bar du gong bzhin du brjod/ chos kyi sbyin pas sgrib pa rnam pa gnyis ni byang / tshogs rnam pa gnyis ni rdzogs nas mya ngan las 'das pa'i bde ba dam pa la myur du gnas par gyur cig /de ltar tshad med pa'i chos dang zang zing gi sbyin pa 'dis che ge mo zhes bya ba'i sngon gyi las las gyur kyang rung / 'phral gyi rkyen las gyur kyang rung ste da ltar gyi lus kyi na tsha dang / sems kyi sgrib pa dang bkra mi shis pa dang rmi lam ngan pa la sogs pa thams cad zhi bar gyur cig /tshe ring ba dang / nad med pa dang / mthu dang / longs spyod dang / gzi mdangs dang ldan pa dang / dpal dang 'byor pa phun sum tshogs pa dang / 'jig rten dang 'jig rten las 'das pa'i yon tan 'phel zhing rgyas par gyur cig ces brjod de/ las bcol nas gong du smos pa'i rang rang gi sngags dang gats+tshaHzhes brjod la mchod yon sbrengs la slar gtang ngo //bgegs gtor ni bsang ba nas stobs brjod pa'i bar du gong ma bzhin du bya ste/ de'i 'og tu bdag nyid khro bor gsal bar dmigs la khro bo gang yin pa de'i sngags brgya'am stong bzlas te bskul la/sangs rgyas kyi bden pa dang / chos kyi bden pa dang / dge 'dun gyi bden pa dang / gsang sngags dang / rig sngags dang / phyag rgya dang / snying po dang / ting nge 'dzin gyi bden pa'i byin gyi rlabs kyis/ bgegs kyi rigs gang yin pa de thams cad skad cig thang cig yud tsam la 'dir mchis par gyur cig ces brjod la lcags kyu'am/'dod pa'i rgyal po'i sngags dang phyag rgyas dgug par bya'o/ /mchod yon sbrengs la mdun du bzhag la/ oM guM ka ri guM ka ri swA hA/ pi tsi pi tsi swA hA/ oM guM guM swA hA zhes bya ba dang / phyogs skyong mchod pa'i sngags gri h+ne daM zhes bya bas mchod par bya'o//de nas tshigs su bcad pa 'dis bsngo bar bya'o/ /hUM gang dag mtshan mo rgyu ba yi/ /'byung po rnams dang sha za dang / /srin po sha rjen za ba dang / /sems can rnam pa sna tshogs pa/ /ljon shing gel pa la sogs pa/ /de dang de la gtor ma ni/ / bza' dang sha chang la phug bcas/ /'bras chan 'bras bu mang po dang / /mchod sbyin 'di yis mgu byos la/ /gnod pa'i bsam pa zhi ba dang / /bdag cag rnams la phan pa'i yid/ /di ring phan chad bskyed par gyis/ /zhes bya bas bsngo bar bya'o/ /des na tshig 'dis bden pa bdar ro/ /rgyan gyis brgyan par byas kyang chos spyod cing //dul zhing yang dag sdom la tshangs par spyod/ /'byung po kun la chad pa spangs pa ste/ /dge slong dge sbyong de yin bram ze'ang de/ /mtshon chas mi 'jigs gang yang med/ /'chi ba'i srog la kun kyang 'dzem/ /rang gi lus la dpe long la/ /gzhan la gnod pa ma byed cig//oM chen po 'am chung ngu gang dag gis/ /lus la mngon par gnod gyur pa'i/ /nad de rab tu dbyung bar bgyis/ /gdon rnams rang gi gnas su dengs/ /de ltar bdag gis ci nus su/ /mchod dang bsnyen bkur byas pa yis/ /dam tshig gnas la gnas nas su/ /bdag gi bsam pa skong bar mdzod//rtag tu dam tshig la gnas shing / /'dis ni che ge mo zhig gis/ /nad de rab tu bsal mdzod la/ /gdon rnams rang gi gnas su song / /zhes brjod la/ oM sarba bi g+h+nAn gats+tsha zhes bya bas slar gtang ngo / /de nas bdud rtsi 'khyil pa'i sngags kyis mtshams bcad pa ni/na maHsa man+ta kA ya bAka tsit+ta badzrA NAM/ na mo badzra kro d+hA ya/ ma hA daMthA+ota Ta b+hai ra bA ya/ a si mu sa la pa ra shu pA sha ha stA ya/ oM a mr-i ta kuN+Da li kha kha khA hi khA hi/ hu lu hu lu/ tiSh+Thi tiSh+Thi/ ban+d+ha ban+d+ha/ ha na ha na/ da ha da ha/ gardza gardza/ bi s+pho Ta ya bi s+pho Ta ya/ sarba big+h+nAM bi nA ya kAn ma hA ga Na pa ti dzI bi ta an+ta ka rA ya swA hA zhes brjod par bya'o/ /cha gsum 'bring po'i cho ga nor bu gling pa bde ba'i rdo rje'i gdams ngag la brten nas paN+Di ta shrad+d+ha ka ra warmas nye bar sbyar ba rdzogs so// //rgya gar gyi mkhan po de nyid dang bod kyi lo tsA ba dge slong rin chen bzang pos bsgyur ba'o/