CLOSE WINDOW

D377
བོད་ཡིག

@##/ /rgya gar skad du/ A khyA ta tan+t+rot+ta ra badzra bA h+ya b+hi d+ha nA da bA rA h+ya b+hi bo d+ha naM nA ma/ bod skad du/ phag mo mngon par brjod pa bshad pa'i rgyud phyi ma las/ phag mo mngon par byang chub pa zhes bya ba/ sangs rgyas la phyag 'tshal lo/ /de nas rnal 'byor bshad bya ba/ /'dod pa'i don kun sgrub byed pa'o/ / phyi ma las kyang phyi ma ste/ /mkha' 'gro ma yi dra ba sdom/ /phag mo yi ni gtso mo yong / /rnal 'byor rnams kyi grub ster ma'o/ /rnal 'byor ma lus rnams kyi yang / /snying po rnal 'byor btus pa'o/ /sgrub pa po la phan don phyir/ /bla ma'i rgyud pa gsal ba'o/ /phyi rol rnam rtog med pa dang //kun tu dam tshig chos nyid dang / /spyod dang dogs pa med pa dang / /kun tu ser sna rnams spangs te/ /tshes grangs dang ni rgyu skar med/ /bsnyen gnas cho ga gcor med de/ /dag dang mi dag gtsang yang med/ /chu yi gtsang sbra bya ba med//dus dang tshes las rnam par grol/ /gtsang sbra'i spyod pa rnam par spangs/ /rang rgyud sngags dang rnal 'byor shes/ /sems can kun gyi don brtson pas/ /ri sul tshang tshing phug rnams dang / /chu bo'i 'gram dang 'dus pa dang / /rgya mtsho chen po'i 'gram dag dang //shing gcig sa dang khang stong dang / /ma mo'i khyim dang dur khrod dang / /skyed mos tshal mchog sna tshogs dang / /lha khang dang ni mchod rten gnas/ /khyim mam yang ni bzhi mdo ru/ /'dod pa thams cad rab ster ba'i/ /sgrub pa po yis bsgrub par bya//gnas ni bstan par byas pa'am/ /gang du yid ni dga' ba ru/ /sdom pa sna tshogs bsrung 'dod pa'i/ /der ni dngos grub yang dag 'grub/ /gdul bya'i bsam pa'i sbyor ba yis/ /bsgom pa'i dbye ba mang po'o/ /ye shes lnga yi bdud rtsi yis/ / sa gzhi byug pa bya ba dang / /bzod pa'i pha rol phyin nan tan/ /me tog gcal du dgram par bya/ /sna tshogs phyag rgya'i gdan dag la/ /gtong bar shin tu mnyam par gzhag /bsam gtan pha rol phyin dmigs te/ /sems ni rtse gcig pa yis su/ /tshangs pa'i gnas ni bzhi po dang //bsdu ba'i dngos po bzhi dag dang / /sems can kun la bde 'byung ba'i/ /dge ba bcu ni dmigs par bya'o/ /chos rnams stong pa nyid du ni/ /phyi nang bdag nyid mthong bya ste/ /de nas sems tsam du gnas te/ /byang chub kyi ni tshogs mchog go//snying gi mkha' dbyings pad dbus gnas/ /nyi ma'i dkyil 'khor bsgom par bya/ /ye shes lnga yi rang bzhin ni/ /mchog gi de nyid der mthong ste/ /'od zer sna tshogs rang bzhin bzang / /kun tu rnam par spros pa las/ /sngar grub rnams ni yang dag bskul//nam mkha'i khams ni nyams dga' bar/ /dkyil 'khor dam pa mthong ba ste/ /byin gyis brlab pa dag kyang byed/ /til gyi gang bu bzhin mthong ste/ /khro bo lha mo thams cad dang / /sangs rgyas byang chub sems dpa' dang / /bla ma byang chub sems dpa' dag /mchod dang mchod pa byed pa'i bdag /lha mo rnam pa dgu mthong ste/ /sangs rgyas tshogs kyi sprul pa spro/ /khro bo'i rgyal po rnal 'byor ma/ /'gro ba rigs drug sems can yang / /de ni sangs rgyas nyid du gzhag /nam mkha'i khams zhes bya ba'i dbus/ / de nyid du ni zhugs mthong ste/ /ji srid byang chub snying po'i bar/ /thams cad du ni skyabs su mchi/ /sems can ma lus gyur pa rnams/ /sangs rgyas go 'phang la gzhag bya/ /sgrub pos de la gsol ba gdab/ /rtag tu skyabs su gsol bar bya/ /phung po lnga la nga rgyal ni//sems bzang po ni bskyed par bya/ /gzugs dang tshor dang 'du shes dang / /'du byed rnam par shes nyid kyang / /bru~M a~M hrIHhoHhU~M zhes pa/ /rnam snang rdo rje nyi ma dang / /de bzhin pad+ma gar gyi dbang / /rdo rje rgyal po zhes grags dang / /de bzhin rdo rje sems dpa' mchog /de bzhin gshegs pa thams cad nyid/ /dpal ldan rdo rje he ru ka/ /mig dang rna ba sna dag dang / /lus dang ngag dang de bzhin yid/ /oM hU~M trA~M AHkha~M hU~M/ gti mug zhe sdang phrag dog dang / /'dod chags ser sna nyid kyang ngo / /skye mched kun la rdo rje dbang //sa dang chu dang me dang ni/ /rlung dang nam mkha' nyid dang ni/ /lA~M bA~M pA~M tA~M khA~M zhes pas/ /ltung bar byed dang gsod pa dang / /'gugs par byed dang gar byed nyid/ /pad+ma'i dra ba lha mo ni/ /nam mkha' dang mnyam lta bu'o/ /de ltar phung po khams dang skye mched rnams la rnal 'byor pa tha mal pa'i rang bzhin gyis rang bzhin yongs su dag pa'o//zhes rnam par dag pa'i nga rgyal bya'o/ /de'i 'og tu gsum la skyabs su gsol te/ /sngags kyi lus su 'gyur bar bya'o/ /bdag nyid he ru kar bsgoms te//sems can kun gyi don kyang byed/ /he ru ka yi gnas thob par/ /bla na med pa'i go 'phang la/ /sems can thams cad gzhag par bya/ /o~M swa b+ha ba shud+d+haHsarbad+hAr+m+mA swa b+hA ba shud+d+hou0f85 haM/ zhes lan gsum brjod d o//nyi ma'i 'od zer phreng lta bu'i/ /dngos po kun brtse phyogs bcu ru/ /'od zer de las ra ba dang / /de bzhin du ni dra bar blta/ /rdo rje sa gzhi byin gyis brlab/ /bla re mda' yi ra ba dang / /rdo rje me 'bar dra ba ni/ /de yi phyi rol ring du bsam/ /o~M me di nI badzrI b+ha ba badzra ban d+ha hU~M/o~M badzra prA kA ra hU~M baM hU~M/ o~M badzra pany+dza ra hU~M baM hU~M/ o~M badzra bi tA na hU~M khaM hU~M/ o~M sha ra dzA la traM saM traM/ o~M badzra dz+wa la a na lA rka hU~M hU~M hU~M/ mdzub mo mthe bong dag sbyar te/ /se gol gtogs te phyogs bcur yang / /o~M suM b+ha ni sum b+ha hU~M hU~M phaT shar du'o/ / o~M grih+Na grih+Na hU~M hU~M phaT byad du'o/ /o~M grih+NA pa ya grih+NA pa ya hU~M hU~M phaT nub tu'o/ /o~M A na ya ho b+ha ga bA na badzra hU~M hU~M phaT lho ru'o/ /sngags kyi rgyal po 'dis bgegs thams cad kyi mgo la phur bu btab ste/ g.yas skor dang g.yon pa bskor ba ma yin pa'o/ /oM g+ha g+ha g+ha ta ya g+hA ta ya/sarba du Sh+TA na big+h+nAM hU~M phaT/ kI li kI la ya/ sar+b+ba pA paM hU~M hU~M hU~M/ badzra kI la ya badzra d+hA ra Adz+nyA pa ya ti/ sar+b+ba duSh+TAn big+h+nAM kA ya ba ka tsit+taM badzra kI la ya hU~M phaT/ brdung bar bya ste/ rdo rje phur pa la khro bo'i lta bas bltas nas/ dang ma yin pas rdo rjes sgrub pa bos brdungs te/o~M badzra mung+ga ra badzra kI lA ko Ta ya hU~M phaT/ bdud med bdud kyi las kyang med/ /rang gi sems kyis bcings pa bzhin/ /gang gis rang gi sems 'dul na/ /gang las bdud ni gnas par 'gyur/ /stong nyid ye shes rdo rje yang / /mnyam gzhag dang bas dran par bya//oM ma hA shUn+ya tA dz+nyA na badzra swa b+ha ba At+ma kou0f85 haM/ oM a ni mit+ta dz+nyA na badzra swa b+hA ba At+ma kou0f85 haM/ o~M a pra Ni hi ta dz+nyA na badzra swa b+hA ba At+ma kou0f85 haM/ mig yor tsam gyi ye shes ni/ /sems tsam rnam par brtag par bya/ /nam mkha' lta bu'i cho s 'di dag /chos can med cing chos nyid med/ /nam mkha' lta bur gos pa med/ /dngos po med cing rtog pa med/ /snying rje'i bdag nyid phan bya'i phyir/ /smon lam dbang gis dmigs bya ste/ /ji srid sa yi 'og dmigs pa/ /rlung gi dkyil 'khor bsam par bya//yaM gi yi ge las byung ba/ /gzhu 'dra kha dog sngo dang ldan/ /rgyal mtshan gyis mtshan bsam bya ste/ /du ba'i phreng ba 'khrigs pa'o/ /de yi steng du raM las ni/ /me yi dkyil 'khor mchog yin te/ /zur gsum po la kha dog dmar/ /'bar ba'i phreng ba 'khrug cing dmar//nyi ma bye ba lta bur gnas/ /rdo rjes mtshan pa bsam par bya/ /de yi steng du chu nyid kyang / /baM las bum pa mchog tu gyur/ /zlum zhing 'od zer phreng bar ldan/ /kha ba lta bu nyid kyang ngo / /de yi steng du bsam bya ba/ /laM las byung ba ser por ldan//gru bzhi pa la rdo rjes mtshan/ /'od zer ser po'i tshogs 'khrugs pa'o/ /de steng rnal 'byor pa bsgoms pa/ /ri yi rgyal po ri rab mchog /zur bzhi rin chen bzhi rang bzhin/ /rtse mo brgyad kyis nye bar mdzes/ //suM las byung ba bzang po'o//'od zer bzang po mchog gi mchog /de yi steng du bsgom bya ba/ /bruM las byung ba brtag pa ste/ /de yongs gyur las 'khor lo mchog /gzhal yas khang pa rnam par bsam/ /gru bzhi pa la sgo bzhi pa/ /rta babs bzhi yis rnam par brgyan/ /dra ba dra ba phyed pas spras//dar dang me tog chun pos brgyan/ /grwa yi cha ni thams cad dang / /sgo khyud kyi ni mtshams rnams su/ /rdo rje rin po che yis spras/ /phyi yi dkyil 'khor thig gdab ba/ /pad+ma 'dab ma brgyad pa bri/ /sna tshogs kha dog mchog gi mchog / lte ba dang ni ge sar bcas/ /thams cad dag pa nyid kyi gdan/ /de yi dbus su zla ba'i cha/ /gsal ba'i rang bzhin dri ma med/ /de steng a li kA li ni/ /dbus su baM gis brgyan pa'o/ /de yi dbus bzhengs gtso mo ni/ /phag mo rdo rje rnal 'byor ma/ /zhal bzhi phyag ni bcu gnyis te//spyan gsum shin tu chags pa'o/ /gdan la phyed skyil gyis bzhugs te/ /shin tu mdzes pas gar byed pa'o/ /phyogs kyi gos can skra grol ba/ /phyed ni dbus ma dbang phyug zhal/ /dkar dang dmar dang 'di 'dra'i gzugs//thod pa yi ni dbu rgyan mdzes/ /rdo rje dril bu phyag rgya bsnams/ /pad+ma bskor cing 'khor bar ldan/ /dpral bar phyag rgya 'bar ba dang / /mi yi pags pa'i bla gos dang / /thod pa kha T+wAM ga 'dzin cing / /zhags pa lcags kyu 'dzin pa gzhag/ /cang te'u gri gug mgo bo yang //zhal bzhi pa ni tshangs pa yi/ /sngo dang ser dang ljang gu yi/ /bzang po'i zhal gyis nye bar mdzes/ /zhal ni mche ba gtsigs pa ste/ /zla ba phyed pas steng du brgyan/ /sna tshogs rdo rje dbu rgyan mtshan/ /dngos grub thams cad rab sbyin byed/ / lha mo phyag rgya drug gis brgyan/ /dum bu brgyad pas ska rags ni/ /ska rags sil sil sgra sgrogs pa/ /rkang pa'i gdub kyis nye bar mdzes/ /dpung rgyan mdzes par byed pa dang / /dpral bar rdo rje phreng ba dang / /phyag rgya rdo rjes mtshan pas so/ /shin tu gzugs bzang yid du 'ong //shar gyi 'dab mar mkha' 'gro ma/ /seng gdong ma ste 'jigs par byed/ /byang gi phyogs su phag gdong ma/ /lha mo la ma 'jigs byed ma/ /nub tu lha mo glang po'i gdong / /dum skyes ma ste drag mo'o/ /lho ru lha mo gzugs can ma/ /rta yi gdong pa lhag pa'i gzugs//spyan gsum sna tshogs gzugs can ma'o/ /thod pa kha T+wAM ga 'dzin cing / /mgo bo gri gug 'dzin pa can/ /gcer bu skra ni grol ba ste/ /gar byed pa yis shin tu mdzes/ /gdan la phyed skyil gyis/ /drag cing gtum pa 'jigs ba'o//'jigs byed dang ni dus mtshan ma/ /lha mo'i zhabs kyi 'og tu mnan/ /me la sogs pa mtshams bzhi ru/ /byang chub sems la sogs pa'i snod/ /bum pa'i steng du rnam par dgod/ /dung dang kun da zla 'dra ba'i/ /byang shar la sogs phyogs bzhi ru//rtsibs drug pa yi 'khor lo bri/ /'khor lo'i dbus su bri bya ba/ /rigs kyi lha mo bzhi po ni/ /lha mo mA ma kI dang spyan/ /sgron ma gos dkar mo dag ste/ /sngo dang dkar dang dmar ba ste/ /lha mo rdo rje rigs dbang phyug/ /dkar dang sngo dang dmar ba yi//lha mo rtag pa'i rigs yin no/ /ljang gu dkar dang dmar ba yi/ /lha mo las kyi rigs yin no/ /dmar dang ser dang ljang gu yi/ /lha mo pad+ma'i rigs las byung / /spyan gsum skra ni grol ba yin/ /phyogs kyi gos ni 'dzin pa yin/ / rgyan rnams thams cad yang dag rdzogs/ /phyag rgya drug gis rnam par brgyan/ /thod pa kha T+wAM ga 'dzin cing / /rang gi mtshan ma rnam pa bzhi/ /rdo rje 'khor lo rgya gram dang / /pad+ma dmar po mchog gi mchog /de bzhin thams cad dril bu 'dzin/ /pad+ma skor ba byed pa'o//bdud bzhi po ni zhabs kyis mnan/ /gar dang bcas shing bzhad pa'i zhal/ /sna tshogs pad+ma zla dbus bzhugs/ /rigs kyi dngos grub rang bzhin byed/ /mgo dang cang te'u phyag na bsnams/ /rdo rje gri gug gis kyang mdzes/ /thod pa'i phreng ba'i dbu rgyan can//mgo bo'i phreng bas brgyan pa'o/ /mtshams kyi cha ni thams cad du/ /gnas la sogs pa'i rim pa dgod/ /shar gyi 'khor lo rtsibs drug la/ /lha mo ji ltar rjes mthun dgod/ /'khor lo'i rtsibs drug dang po la/ /pU l+lir ma la yar rab tu gtum ma'o//rtsibs gnyis pa la dza lan da rar/ /gtum pa'i mig can no/ /gsum pa la o Di yan du 'od ldan ma'o/ /bzhi pa ar bu dar sna chen mo'o/ /lnga pa go da ba rir brtan pa'i blo can ma'o/ /drug pa rA me shwa rar mi thung ma'o/ /gnyis pa byang gi 'khor lo rtsibs drug la/dang po de bi ko Tar laM ka'i dbang phyug ma'o/ /gnyis pa mA la yar shing grib ma'o/ /gsum pa ka ma rU par sa srung ma'o/ /bzhi pa o Der 'jigs byed chen mo'o/ /lnga pa tri sha ku ni ra rlung gi shugs can ma'o/ /drug pa ko sa lar chang 'thud ma'o//gsum pa nub kyi 'khor lo rtsibs drug gi shar gyi 'khor lo'i rtsibs dang po la ka liM kar ljang lha mo'o/ /gnyis pa lam ba kar shin tu bzang mo'o/ /gsum pa kany+tsi kAr rta rna ma'o/ /bzhi pa kha ba can du bya gdong ma'o/ /lnga pa pre ta pu rir 'khor lo'i shugs can ma'o//drug pa gr-i ha de pa tAr dum skyes ma'o/ /bzhi pa lho'i 'khor lo'i rtsibs kyi shar du sau rASh+Tar chang 'tshong ma'o/ /gnyis pa gser gyi gling du 'khor lo'i go cha ma'o/ /gsum pa nA ga rang shin tu dpa' mo'o/ /bzhi pa sin d+hur stobs chen ma'o//lnga pa ma rur 'khor los sgyur ma'o/ /drug pa ku lu tAr brtson 'grus chen mo'o/ /dang po dkar ljang thod pa dang / /kha T+wAM ga dang 'khor lo dang / /cang te'u dang gri gug go/ /gnyis pa byang du ljang ser/ rdo rje dang / thod pa dang / kha T+wAM ga dang /cang te'u dang / /gri gug go/ /gsum pa nub tu dmar ser thod pa dang / kha T+wAM ga dang / pad+ma dang / cang te'u dang / gri gug go/ /bzhi pa lho'i lha mo ser dmar sna tshogs rdo rje dang / cang te'u dang / gri gug dang / thod pa dang / kha T+wAM ga 'dzin pa'o/ / lha mo thams cad bud med phyed dbang phyug spyan gsum pa/ phyag bzhi pa/ gcer bu/ skra grol ba/ phyed skyil gyi gar gyi zhabs kyis bzhugs pa/ kyi gdan gyi steng na/ thod pa'i phreng ba'i dbu rgyan can/ phyag rgya lngas brgyan pa/ rkang gdub dang ska rags dang /dbu rgyan rnams rdo rjes mtshan pa'o/ /de nas 'khor lo phyir bskor te/ rdo rje'i phreng ba shar du'o/ /'khor lo'i phreng ba byang du'o/ /sna tshogs rdo rje'i phreng ba nub tu'o/ /pad+ma'i phreng ba lho ru'o/ /dbus su rdo rje ra bas mdzes/ /mtshams kyi cha rnams thams cad du//sna tshogs rdo rje yang dag bri/ /blo ldan de yi phyi rol bskor/ /phreng ba sna tshogs ldan/ /phyi rol dkyil 'khor sgo rnams dang / /mtshams kyi cha ni bzhi rnams su/ /mkha' 'gro drag po'i gzugs can no/ /de la mnyam par gzhag pas dgod/ / khwa gdong ma ni shar du dgod/ /kha dog sngon mo yid 'phrog ma'o/ /'ug gdong ma ni byang gi sgor/ /dmar zhing ljang la mdzes pa'o/ /khyi gdong ma ni nub kyi sgor/ /drag cing ser mo du ba 'dra/ /lho yi ngos su phag gdong ma/ /ljang zhing sngo ba'i gzugs can ma'o/ / spyan gsum drag po 'jigs pa'o/ /phyogs kyi gos ni 'dzin pa'i mchog /'bru tshugs lta zhing pod thung ma/ /g.yas brkyang pa yi zhabs kyis bzhugs/ /sna tshogs pad+ma nyi dbus gnas/ /phyag rgya lngas ni rnam par brgyan/ /thod pa'i phreng ba'i dbu rgyan can/ / dbu skra grol zhing rnam par brtags/ /gshin rje brtan ma ma he'i gdong / /me yi phyogs su bzhugs pa'o/ /gshin rje pho nya bong bu'i gdong / /bden bral gyi ni phyogs su bzhugs/ /gshin rje'i mche ba rnga mo'i gdong / /rlung du rten cing drag por ldan/ / gshin rje'i 'joms ma rta yi gdong / /dbang ldan rten cing rnam par 'khor/ /thod pa'i phreng ba'i dbu rgyan can/ /sna tshogs gzugs can yid 'phrog ma/ /gcer bu skra ni grol ba dang / /phyed skyil gyi ni gar dang ldan/ /mche ba rnam par gtsigs pa'i zhal/ /spyan gsum zhal ni g.yo ba ste//sna tshogs pad+ma nyi dbus gnas/ /'dod pa drag pos brtags pa'o/ /'khor gyi lha mo dkyil 'khor rnams/ /thams cad steng du bzhugs/ /thod pa kha T+wAM ga 'dzin cing / /gri gug mgo bo 'dzin par byed/ /lag pa g.yon na rnga chung ni//rdung bar byed cing shin tu 'jigs/ /phyi rol bskor ba'i rnam pa ni/ /gzhan yang rnam pa mang por 'gyur/ /glu dang gar gyi yo byad dang / /sna tshogs dam tshig mchog rnams dang / /spos dang me tog mar me sogs/ /dri dang phreng ba byug pa dang / /lha yi na bza' gzhal yas khang //lha yi rol mo mchog gi rnams/ /kun nas yongs su bskor ba yis/ /phyi yi rnal 'byor mas mchod byed/ /de la sogs pa mtha' yas mchog /nam mkha'i khams ni yongs gang las/ /rnal 'byor ma yi sbyor ba mchog /phag mo mngon par 'byung ba'i mchog /gsang ba chen mo'i mchog 'di ni/ /cung zad smra bar mi bya ste/ /phyi rol phreng ba dang / /dkyil 'khor dam pa bsgom par bya/ /'di ltar dgod par bya ba yi/ /ji ltar 'khor lo de rnams dgod/ / sen mo dang so dag la ni rab tu gtum ma'o/ /skra dang ba spu dag la gtum pa'i mig can ma'o/ /pags pa dang dri ma dag la 'od ldan ma'o/ /sha la sna chen ma'o/ /rtsa rgyus la brtan pa'i blo can ma'o/ /rus pa la mi'u thung ma'o/ /mkhal ma la lang ka'i dbang phyug ma'o//snying la ni shing grib ma'o/ /mig la sa srung ma'o/ /mkhris pa la 'jigs byed chen mo'o/ /glo ba la rlung gi shugs can ma'o/ /rgyu ma la chang 'thung ma'o/ /gnye ma la ljang lha mo'o/ /lte ba la ni shin tu bzang mo'o/ /rkang pa la rta rna ma'o/ / mdoms su bya gdong ma'o/ /bad kan la 'khor lo'i shugs can ma'o/ /rnag la dum skyes ma'o/ /khrag la chang 'tshong ma'o/ /rdul la 'khor lo'i go cha ma'o/ /tshil la shin tu dpa' mo'o/ /mchin pa la shin tu stobs can ma'o/ /mchil ma la 'khor los sgyur ma'o//snabs la brtson 'grus chen mo'o/ /pu l+lI ra ma la ya ste mgo la rab tu gtum ma'o/ /dzA lan d+ha ra ste spyi gtsug la gtum pa'i mig can ma'o/ /o Di yan te rna ba g.yas pa 'od ldan ma'o/ /ar bud ste ltag par sna chen ma'o/ /go dA pa ri ste rna ba g.yon pa la brtan pa'i blo can ma'o//rA me shwa ra ste smin ma'i dbus su mi'u thung ma'o/ /de bi ko T+Ta ste mig gnyis la lang ka'i dbang phyug ma'o/ /mA la wA ste phrag pa gnyis la shing grib ma'o/ /kA ma rU pa ste mchan khung gnyis su sa srung ma'o/ /o Di ste nu ma gnyis su 'jigs byed chen mo'o//tri sha ku ni ste lte ba la rlung gi shugs can ma'o/ /ko sa la ste rna rtser chang 'thung ma'o/ /ka ling+ka ste kha la ljang lha mo'o/ /lam pa ka ste mgrin par shin tu bzang ma'o/ /kAny+tsi ste snying gar rta rna ma'o/ /hi ma la ya ste mdoms su bya gdong ma'o//pre ta pu ri ste gsang bar 'khor lo'i shugs can ma'o/ /gr-i ha de ba tA ste bshad lam dum skyes ma'o/ /sau rASh+Ta ste brla gnyis la chang 'tshong ma'o/ /su war+Na dwI pa ste rje ngar gnyis la 'khor lo'i go cha ma'o/ /na ga ra ste sor mo rnams la shin tu dpa' mo'o//sin+d+hu ste rkang pa'i bol la stobs chen mo'o/ /ma ru ste mthe bong gnyis la 'khor los sgyur ma'o/ /ku lu tA ste pus mo gnyis la brtson 'grus chen mo'o/ /sa'i khams ni ltung bar byed ma'o/ /chu'i khams ni gsod par byed ma'o/ /me'i khams ni 'gugs par byed ma'o//rlung gi khams ni gar gyi dbang phyug ma'o/ /nam mkha'i khams ni pad+ma'i dra ba can no/ /gzugs kyi phung po ni rnam par snang mdzad do/ /tshor ba'i phung po ni rdo rje nyi ma'o/ /'du shes kyi phung po la pad+ma gar gyi dbang phyug go/ / 'du byed kyi phung po la rdo rje rgyal po'o/ /rnam par shes pa'i phung po la rdo rje sems dpa'o/ /de bzhin gshegs pa thams cad nyid la dpal he ru ka'o/ /mig gnyis la gti mug rdo rje'o/ /rna ba gnyis la zhe sdang rdo rje'o/ /sna gnyis la phrag dog rdo rje'o/ /kha la 'dod chags rdo rje'o//reg la ser sna rdo rje'o/ /skye mched thams cad la dbang phyug rdo rje'o/ /thugs la rdo rje mi bskyod pa/ /kha la rdo rje 'od dpag med/ /sku la rdo rje rnam snang mdzad/ /oM baM lte ba la rdo rje phag mo'o/ /haM yoM snying gar ya mi nI'o/ /hrIM moM kha la rmongs byed ma'o//hriM hriM mgo bo la skyod byed ma'o/ /hU~M hU~M spyi gtsug la skrag byed ma'o/ /phaT phaT yan lag thams cad la mtshon cha ma ste gtum byed ma'o/ /de ltar rab tu dgod byas te/ /ye shes 'khor lo de mthong nas/ /de yi rnal 'byor brtsam par bya/ /dngos po kun gyi ngo bo 'dis//mdzub mo mdud bya gung mo nges par sbyar/ /mthe bong rdo rje brtan por rab sbyar ste/ /de ni dpral ba'i dbus su rab sbyar nas/ /bskor zhing bskor zhing kun tu bskor bar bya/ /rkang pa mnan cing gyen du blta/ /gyen du phaiM gyi sgra sgrogs pas/ / phyogs bcu 'jig rten khams gnas pa'i/ /dpa' bo rnal 'byor ma rnams 'gugs/ /dzaHhU~M baM hoH/ rdo rje lcags kyu la sogs pa'i sbyor bas dgug pa dang / gzhug pa dang / bcing ba dang / dbang du bya ba'o/ /dpa' bo dang rnal 'byor ma rnams kyis/nam mkha'i dkyil yongs su gang bar bltas te/ bdud rtsi lngas yongs su gang ba'i bum pas mngon par dbang bskur ba'i tshul gyis de dag la dbang bskur ba sbyin par bya'o/ /ji ltar bltams pa tsam gyis kyang / /de bzhin gshegs kun khrus gsol ba'i/ / lha yi chu 'di dag pa yis/ /de bzhin bdag gis khrus bya'o/ /oM sarba ta tha ga ta a b+hi She ka ta sa ma ya shrI hU~M AHhU~M/ rlung dang me'i dkyil 'khor gyi steng du a las byung ba'i thod par ye shes lnga'i bdud rtsis gang ba cha bcu drug dang / hU~M ba~M dang / oM gyis byin gyis brlabs te yi ge gsum du gyur par bsam la 'khor lo gsum bsgom par bya'o//oM sa ma ya shud d+hAHsarba d+har+m+mAHsa ma ya shud d+hou0f85 ha~M/ chos thams cad kun tu ro gcig pas gnas par sems kyis bya'o/ /ye shes bdud rtsi sbyin pa yis/ /ye shes bdud rtsi'i chu btung n go //oM a mr-i ta u da ka hU~M hU~M Tha Tha le hu~M/ A khaM hU~M phaT swA hA/ ye shes bzlas pa'i sbyor ba yis/ /'khor lo'i tshogs mchog spro bar bya/ /rus pa chen po'i phreng ba yis/ /phyis ni bzlas pa de gnas bya/ /srog dang rtsol ba rab bsdams te/ /bsams na skad cig gis 'char ro//dbang bskur mchod dang dam tshig ni/ /ro gcig byas te bsgoms pa yis/ /de snying ye shes sems dpa' dang / /mchod pa ye shes bdud rtsi yis/ /lus dang ngag yid dam tshig ni/ /sems ni bsam med shin tu brtag /bzlas dang bsgom pa yang dag ldan//rtog pa thams cad rnam spangs te/ /dam tshig mchog gi bzlas pa 'dis/ /gsang sngags rgyal po'i mchog bzlas so/ /oM bai ro tsa nI ye hU~M hU~M phaT swA hA/ oM sarba bud d+ha DA ki nI ye hU~M hU~M phaT swA hA/ oM dang ming ni yang dag ldan/ /hU~M hU~M phaT dang yang dag ldan//rab tu gtum sogs de sngags sogs/ /bzlas pa'i mchog la sbyar bar bya/ /oM badzra bA rA hi pro taM ge pro taM ge pro taM ge /ha na ha prA NAM kiM ki Ni khiM khi Ni d+hu na d+hu na/ badzra ha ste sho Sha ya sho Sha ya/ badzra kha T+wAM ga ka pa la d+hA ri Ni/ ma hA bi shi ta mAM sA sha ni/ma nu ShAn+t+ra/ phra br-it+te san+ni d+h+ya na ra shi ro mA lA graM thi ta d+hA ri Ni suM b+ha ni suM b+ha/ ha na ha na/ prA NAM sar+b+ba pA pa/ sa twA nAM sar+b+ba pa shUnAM ma hA mAM sa ts+tshe da ni/ kro d+ha mUr te daM Sh+TA ka rA li ni/ ma hA mu dre shrIHhe ru ka de ba s+yA gra ma hi Shi sa ha sra shi re sa ha sra/ bA ha be sha ta sa ha srA na ne dz+wa li ta te dza se dz+wA la mu khi piM ga la lo tsa ni//badzra sha rI re/ badzra A sa ni mi li mi li/ ti mi li ti mi li/ he he/ ha ha/ hU~M hU~M/ kha kha/ d+hu d+hu/ ru ru/ d+hu ru d+hu ru/ /mu ru mu ru/ a dwai te ma ha yo gi nI pa Tha ta sid+d+he draiM d+haM draiM d+haM graM graM he he ha ha/ b+hI me ha sa ha sa bI re hA hA hoHhoH/hU~M hU~M trai lokya bi nA sha ni sha ta sa ha sra ko Ti ta thA ga ta pa ri wA ri te hU~M hU~M phaT/ siM ha rU pe khaHga dza rU pe gaHtrai lokya u da re ma hA sa mu dra me kha le gra sa gra sa hU~M hU~M phaT/ bI rA dwai te/ hU~M hU~M haHhaH/ ma hA pa shu mo ha ni ma hA yo gI shwa rI twaM/ DA ki nI sar+b+ga lo kA nAM ban d+hA ni sad+yaHpra t+ya ya kA ri Ni hU~M hU~M phaT/b+hu ta trA sa ni ma hA bI re pa ra ma sid d+he yo gI shwa ri phaT/ hU~M hU~M phaT hU~M hU~M hU~M phaT swA hA/ de ltar rdo rje phag mo'i mchog tu grub pa'i snying po dam pa'o/ /oM na mo b+ha ga wa te badzra bA rA hi baM hU~M hU~M phaT/ o~M na ma Ar+yA pa rA dzi te trai lokya mA te ma hA bid+ye shwa ri hU~M hU~M phaT/oM na maHsarba b+hu ta b+ha ya ba he ma hA badzre hU~M hU~M phaT/ oM na mo badzrAs ni a dzi ti a pa rA dzi te ba sh+yaM ka ri ne tra b+h+ra ma Ni hU~M hU~M phaT/ oM na maHsho Sha Ni ro Sha Ni kro d+he kA rA le hU~M hU~M phaT/ o~M na ma s+t+rA sa ni mA ra Ni su pra b+he da ni pa rA dza ye hU~M hU~M phaT/ oM na mo dza ye bi dza ye dzam+b+ha ni stam+b+ha ni mo ha ni hU~M hU~M phaT/oM na mo badzra bA rA hi ma ha yo gi ni ka me shwa ri kha ge hU~M hU~M phaT/ sngags 'di thams cad du byas te/ A li kA li rdo rje phag mo'i bdag nyid kyi dngos por bya ste/ rkang pa brgyad pa cho ga'i bdag nyid kyis mchod par bya'o/ / bzlas pa yongs su rdzogs nas ni/ /zhi ba'i btung ba btung ba'i mchog /chos rnams mnyam nyid dam tshig mchog /sum cu rtsa bdun gnas kyi mchog /de 'og rnam par dag pa bsgom/ /lus rjes su dran pa mkha' 'gro ma'o/ /tshor ba rjes su dran pa lA mA'o//chos rjes su dran pa khaN+Da ro hA'o/ /sems rjes su dran pa rU pi nI'o/ /'dun pa'i rdzu 'phrul bskyed pa ni rab tu gtum ma'o/ /brtson 'grus kyi rdzu 'phrul bskyed pa ni gtum pa'i mig can ma'o/ /dpyod pa'i rdzu 'phrul bskyed pa ni 'od ldan ma'o/ /sems kyi rdzu 'phrul bskyed pa ni sna chen ma'o//dad pa'i dbang po ni brtan pa'i blo can ma'o/ /brtson 'grus kyi dbang po ni mi'u thung ma'o/ /dran pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni sa srung ma'o/ /dad pa'i stobs ni 'jigs byed chen mo'o//brtson 'grus kyi stobs ni rlung gi shugs can ma'o/ /dran pa'i stobs ni chang 'thung ma'o/ /ting nge 'dzin gyi stobs ni ljang lha mo'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o//brtson 'grus yang dag byang chub kyi yan lag ni bya gdong ma'o/ /dga' ba yang dag byang chub kyi yan lag ni 'khor lo'i shugs can ma'o/ /shin tu sbyangs pa yang dag byang chub kyi yan lag ni dum skyes ma'o/ /chos rnam par 'byed pa yang dag byang chub kyi yan lag ni chang 'tshong ma'o//dran pa yang dag byang chub kyi yan lag ni 'khor lo'i go cha ma'o/ /btang snyoms yang dag byang chub kyi yan lag ni shin tu dpa' mo'o/ /yang dag pa'i lta ba ni stobs chen mo'o/ /yang dag pa'i rtog pa ni 'khor los sgyur ma'o/ /yang dag pa'i ngag ni brtson 'grus chen mo'o//yang dag pa'i las kyi mtha' ni khwa gdong ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phag gdong ma ste/ rnam par thar pa'i sgo bzhi'o/ /yang dag pa'i ting nge 'dzin ni bcom ldan 'das ma rdo rje phag mo'o//dge ba'i chos ma skyes pa rnams skyed par byed pa ni gshin rje brtan ma'o/ /dge ba'i chos skyes pa rnams rjes su gnas pa dang srung bar byed pa ni gshin rje'i pho nya ma'o/ /mi dge ba'i chos skyes pa rnams spong bar byed pa ni gshin rje mche ba ma'o//mi dge ba'i chos ma skyes pa rnams mi skye bar byed pa ni gshin rje 'joms ma'o/ /chos bdag med pa'i lam gnas su/ /dkyil 'khor dam par bzhugs pa ni/ /shes rab pha rol phyin sbyor ba/ /de bzhin rnal 'byor pa gnas bya/ /snang ba med pa'i gnas la gnas//snang ba med la yang dag brten/ /spyod pa med pa'i chos rnams la/ /chos can med cing chos nyid med/ /rten 'brel mkha' dang mnyam pa'i chos/ /dngos med mtshan ma med pa'o/ /'di ni de nyid go 'phang gnas/ /ye shes dag gi mig gis mthong //phra rab rdul bral dang mnyam pa/ /'khor lo'i gnas mthong shin tu nges/ /skra rtse stong phrag brgya yis ni/ /cha dang cha ru yongs su brtag /he ru ka dang rnal 'byor ma/ /lhan cig b+ha ga'i gnas mthong ba/ /'khor los sgyur ba rab brtson pas/ /khwa gdong ma ni phyi rol dgod//he ru ka sogs bdag po khyod/ /mkha' 'gro bzhi yis yongs su bskor/ /phan tshun du ni bdag po byed/ /rdo rje sems sogs sbyor bar ldan/ /phyi rol dur khrod drag po dang / /kha dog sna tshogs mchog gi mchog /shing mchog sna tshogs mdzes pa dang //khyi dang ce spyang 'jigs pa dang / /khwa dang 'ug pa bya gar rgod/ /ce spyang de bzhin ro bsregs pa/ /keng rus gsal shing gis phug dang / /'gegs nas 'phyang dang phyed bsregs dang / /thod pa skam po pus mo dang / /mgo med lag na thod pa dkar/ /rnam pa sna tshogs sbrul gyis mdzes//drag po'i sbrul dang de bzhin rnga/ /seng ge phag dang stag dang ni/ /de bzhin ra dang lug dag dang / /glang po rta dang bong bu dang / /rnga mo sna tshogs dam tshig mchog /rnam pa sna tshogs chang dang ni/ /'bru chang btung ba'i mchog rnams kyis/ /dpal bo bzang po 'dus pa dang //sna tshogs rnal 'byor ma tshogs dang / /thod pa kha T+wAM ga dag dang / /gri gug cang te'u mchog rnams 'dzin/ /sna tshogs rol mo bzang po dang / /bza' ba'i ro mchog longs spyod dang / /sna tshogs 'o dang 'khyud pa dang / /bca' dang bldag pa'i mchog rnams kyis//rnam pa de ltar dur khrod ni/ /gnod sbyin ro langs srin po rnams/ /he ru ka yi nga rgyal gyis/ /de la gtor ma sbyin par bya/ /cang te'u rdo rje dril bu dang / /gar dang rol mo byed pa dang / /phyogs kyi gos can phyag rgyar ldan/ /hU~M hU~M phaT ki li ki la bya//g.yas brkyang pa yi sbyor ba yis/ /'bar ba'i phyag rgya bcing bar bya/ /dam tshig kha ru bcug nas ni/ /sngags 'di rjes su dran par bya/ /o~M A ra li ho/ /badzra DA ki nI sa ma ya s+t+waM dr-i sh+ya ho/ /de skad gsum dang bzhi dang lnga brjod par bya'o/ /g.yas skor dang g.yon skor gyis kyang thod pa'i nang gi sbyin par bya ba rnams//rdo rje thal mo kha gyen du phye la sngags 'di brjod do/ /oM kha kha khA hi khA hi/ sarba yak+Sha rAk+Sha sa sarba b+hU ta pre ta pi shA tsa un mA da a pasmA ra DA ka DA kin+yA da ya i maM ba liM gr-ih+NaM tu/ sa ma ya rak+Shan tu ma ma sar+b+ba sid d+hi m+me pra yats+tshan tu/ ya thai baM ya theSh+TaM b+huny+dza thA/pi ba tha dzig+h+ra tha mA ti kra ma thA/ ma ma sar+b+ba r+t+tA ya sat+su khaM/ bi shud d+ha ya sa hA yi ka b+ha ban+tu hU~M hU~M phaT phaT swA hA/ /de ltar cho ga dang cho gas thun mtshams bzhir sbyin par bya'o/ /de nas bcom ldan 'das de bzhin gshegs pa thams cad kyi ye shes gsang ba'i gsang chen 'di gsungs pa/dngos po med pa'i bdag nyid chos/ /nam mkha' lta bu dri ma med/ /stong nyid ye shes rdo rje yis/ /stong pa shin tu rnam par bsgom/ /legs so zhes ni bya ba byin/ /rgyud rdzogs pa yi sbyor ba las/ /legs so legs so ye shes che/ /bshad pa'i rgyud phyi ma las phag mo mngon par byang chub pa zhes bya ba rdzogs so// //rgya gar gyi mkhan po dz+nyA nA ka ra'i zhal snga nas dang / zhu chen gyi lo ts+tsha ba khu ston dngos grub kyis bsgyur te gtan la phab pa// //

CLOSE WINDOW