CLOSE WINDOW

D3769
བོད་ཡིག

/[ ]@##/ /rgya gar skad du/ nA nA tan+t+ra ud+d+h+r-i to ba liM bi d+hiH/ bod skad du/ rgyud sna tshogs las btus pa'i gtor ma'i cho ga /oM rdo rje sems dpa' la phyag 'tshal lo/ /ye shes lnga yi rang bzhin can//sku mchog rang gi snang bas 'khyud/ /skyob pa ma lus spro mdzad pa/ /rdo rje sems dpa' phyag 'tshal nas/ /de bzhin gshegs rnams rab ster ba/ /lha mo chos dbyings dbang phyug ma/ /ma lus rgyal ba rnams kyi yum/ /'gro ba skyob la rab btud nas/ / gang gi sku drin chen po yis/ /gsung ni bla med thob 'gyur ba/ /'jam pa'i dbyangs kyi zhabs pad+ma/ /chu skyes gnyis la phyag 'tshal lo/ /gang gis reg pas 'khor ba yi/ /gdung ba dag ni zhi 'gyur ba/ /bla ma'i zhal snga nas kyi zhabs/ /pad+ma dang 'brel rdul bstod nas/ / sems can rnams la phan pa'i phyir/ /gtor ma'i sgrub thabs bdud rtsi mtshungs/ /sna tshogs rgyud kyi rgya mtsho las/ /yang dag btus nas bdag gis bshad/ /sngon gyi dus su bcom ldan gyis/ /zhal gyi man ngag gsungs par gyur/ /de tsam kho nas sems can rnams/ /grub gyur glegs ba ma dag las min//de nas gsum ldan dus gyur nas/ /rtsa ba'i rgyud rnams spel bar 'gyur/ /de las don gyi 'brel rtogs nas/ /bsams te skye bos dngos grub thob/ /gnyis ldan du ni gtsor rgyal bas/ /bshad pa rgya chen mdzad par 'gyur/ /de don rtogs pa nyid kyis ni//mkhas pas dngos grub thob par 'gyur/ /rtsod pa'i dus gyur deng sang ni/ /gsung rab yan lag bcu gnyis po/ /bcom ldan 'das kyis mang du gsungs/ /'on kyang skye bo zhi mi gyur/ /ci phyir 'di ltar sems can rnams/ /rtag tu tshe dang brtson 'grus chung //chags sogs nyon mongs gdung ba yis/ /rtag tu rang gi sems gdungs gyur/ /rang gi lto ba dag la brtson/ /'ba' zhig lhur len yid ldan pa/ /rgyal po mnyes sogs bya ba dag/ /tho rangs langs nas spyod pa byed/ /nang par bshang gcig dag gis te//nyi ma phyi 'phred zas skom gyis/ /tshim nas 'dod pas gnod 'gyur te/ /skye bo mtshan mo gnyid kyis so/ /re zhig lo ni brgya thub pa/ /tshe yi mchog tu brjod par bya/ /sems can de dag nyid kyis ni/ /phyed ni yongs su zad bar 'gyur/ /byis pa rgas pa nad rnams kyis//de las kyang ni phyed zad 'gyur/ /tshe yi cha shas lhag ma yi/ /nang du dge ba ji snyed byed/ /'on kyang gal te dge ba yi/ /las la brtson 'grus dang bcas 'gyur/ /sangs rgyas nyid ni 'thob 'gyur na/ /de min gzhan gyi dbang gyur pas/ /'dod ngan kha cig bud med kyi//dbang po'i chu sgo nyam nga ru/ /lhung bar gyur na 'khor ba yi/ /rgya mtshor rab tu nub par 'gyur/ /chos kyi lam las yongs nyams shing / /skad cig longs spyod la bskul brtson/ /rang nyid nyams pa'i grogs ngan gyis/ /kha cig rnam par nyams par 'gyur/ / kha cig tshol ba'i sdug bsngal nyen/ /bza' btung dag ni btsal ba'i phyir/ /rmongs pa 'bad pa dang ldan pas/ /phyogs bcu dag tu 'khyams par 'gyur/ /nyin mtshan gnyid ni mi log cing / /rgyal po mnyes sogs nyon mongs kyis/ /yongs gdungs pa yi sems ldan pa//gzhan dag 'bras bu med par 'gyur/ /de ltar sems can rnam dpyad nas/ /rtag tu mi khom pa yi tshogs/ /brtson 'grus mi ldan de bas na/ /bdag gis ngal 'di 'bras bur bcas/ /sems can la ni phan 'dod pas/ /rtogs par sla zhing gzhung nyung la/ / rab tu don mang yid 'ong ba/ /gtor ma'i las kyi cho ga bshad/ /'di na kha cig phyogs snga ma/ /rab tu byed pa 'di lta ste/ /chos rnams dag ni ma skyes shing / /gnyis kyis stong la sngags rig pas/ /ji ltar gtor sbyin gang zhig la/ /yang dag par ni bgegs gang yod/ / byung nas rab tu zhig 'gyur na/ /sngags kyis gang zhig rab rgyas byed/ /rang bzhin gyis ni skal ba yi/ /lha chogs rnams la gtor ma ni/ /de nyid rig pas ji ltar gtang / /de rnams de ni ji ltar za/ /mtshan ma gcig sogs gnas su ni/ /gtor ma ji ltar dor bar bya/ / gzhan du min zhing der gtor yang / /de rnams kyis de ji ltar 'khyer/ /gzhan yang shin tu nyung ba yi/ /chu dang bza' ba la sogs pas/ /nam mkha' dang mtshungs grangs med pa'i/ /'byung po kun ni ji ltar tshim/ /yi dags la sogs gang 'ga' zhig /khrag gi btung ba 'thung byed pa//sngags pas gtor ma tsam gyis ni/ /de dag ji ltar mgu bar 'gyur/ /gzod nas ma skyes rdzogs byang chub/ /thob pa'i skyob pa rnams dang ni/ /mkha' 'gro ma dang de rnams la/ /gtor sbyin rigs pa ci zhig yod/ /de tsam gyis ni mnyes gyur nas/ /bskal pa mang por rnal 'byor pa//thob 'gyur 'dod pa'i dngos grub gang / /mi rnams la ni ji ltar ster/ /'dir ni brjod bya rang bzhin gyis/ /chos rnams re zhig bdag med cing / /sgyu ma smig rgyu dri za yi/ /grong khyer dang ni rmi lam mtshungs/ /'on kyang sangs rgyas rnams kyis ni//'gro 'di bden pa gnyis su bstan/ /rnam rtog dang bcas cig shos las/ /kun rdzob dang ni don dam mo/ /chos nyid la ni rab zhugs pa/ /gnyis med reg pa'i rnal 'byor pas/ /re zhig gtor ma dag gi las/ /dam pa'i don du ji ltar bya/ /'on kyang kun rdzob phyogs brten nas//bsod nams tshogs ni 'phel bya'i phyir/ /de la dang po'i las can gyis/ /gtor ma'i las ni bya ba yin/ /de nyid kyi ni rim gyis 'dir/ /bgegs rnams kun du 'byung ba yod/ /de bas de rab zhi bya'i phyir/ /mkhas pa rnams kyis gtor ma bsngags//dngos rnams skad cig nyid yin yang / /sngags rnams la ni nus pa yod/ /dug 'joms pa yi sngags bzhin du/ /de dag mngon sum nyid du 'grub/ /sngags rnams nus pa 'di 'dra ste/ /mi snang lha tshogs gang yin pa/ /de nyid re zhig spyan drangs pas//mig gi mngon sum nyid du 'gyur/ /shing gcig drung la sogs pa yang / /dngos grub gnas su bcom ldan gsungs/ /des na rnam pa de lta bu/ /gtor ma'i gnas su gsungs par gyur/ /lha rnams rang mthus gtor ma las/ /ro dag myong bar byed pa nyid//des na snang bar gyur kyang ni/ /nyes pa yod pa ma yin no/ /gzhan yang dngos grub mchog thob ba'i/ /rnal 'byor lag nas gtor ma ni/ /blangs na lha rnams za bar byed/ /nags su klu yi byang chub bzhin/ /sngags kyis bdud rtsi lngar byas nas/ /mkhas pa rnams kyis gtor ma gtong //de yi mthu yis lha tshogs rnams/ /mnyes 'gyur chung ba'i nyes pa med/ /zang zing la sogs rab dbye ba/ /de bzhin gshegs pas sbyin rnam bzhi/ /gsungs te de bas yi dags kyi/ /gtor ma la ni chos bshad gyur/ /'di ltar 'dam gyis rnyogs pa dang //bral ba'i chu bo dag gi rgyun/ /mthong nas kyang ni khyed rnams khrag /lag pa dag gis ci phyir 'thung / /des na ma byin blangs pa yis/ /'di yi rnam smin mi bzad yin/ /de bas tshim byed gtor ma 'di/ /khyed rnams kyis ni blang bar gyis/ /de ltar rim pa 'di bzhin du//rnal 'byor pa 'dis yi dags rnams/ /chos 'dod par ni de bas skyon/ /cung zad tsam ni yod ma yin/ /bcom ldan 'das dang ma mo la/ /cung zad dogs pa med mod kyi/ /'on kyang bsod nams tshogs dag la/ /dang po'i las can bskul bar bya//rim gyis ye shes tshogs dag kyang / /thob nas rnal 'byor pa dag ni/ /rdzogs pa'i byang chub sdod 'gyur te/ /des na dngos grub cis mi 'thob/ /grangs med bskal bas byang chub ni/ /thob 'gyur 'di ni bden mod kyang / /thabs dang ma tshang nyid gyur pa/ /rim 'di theg pa chen po yin//sngags tshul chen po'i rnal 'byor pas/ /skad cig gcig gis nges pa ru/ /rdo rje 'chang ni chen po'i gnas/ /thob 'gyur blo yi khyad par gyis/ /de ltar phyogs rnams brtsams nas ni/ /gtor ma'i cho ga'i gzhung lugs 'grub/ /yang dag byang chub 'dod rnams kyis//de yang mgu bar bya ba yin/ /nyin dang mtshan du rnal 'byor pas/ /de thun gsum mam bzhi dag tu/ /bsod nams tshogs dang ye shes kyi/ /tshogs ni spel phyir bya ba yin/ /tshogs kyi 'khor lo'i cho ga gang / /de ni gtor ma chen por bshad/ /gang phyir dkyil 'khor 'khor lo yi//rnam pa dang bcas rab mnyes phyir/ /re zhig de yi rim pa 'di/ /ji ltar dkyil 'khor 'khor lo yi/ /phyi rol mkhas pas tshim bya ba/ /mkhas pa rnams kyis mnyen par gyis/ /re zhig dang po rnal 'byor bas rang gi 'dod pa'i nga rgyal dang ldan pas dang po sbyor ba la sogs pa'i ti nga nge 'dzin gyi bar la langs te//sngar bsdus pa pul+lI ra mA la sogs pa gnas nyi shu rtsa bzhi'i mkha' 'gro ma'i 'khor lo sna khung g.yas pa dang g.yon pa'i srog dang rtsol bas bskul ba ji lta ba bzhin du rjes su 'od zer spro ba'i sbyor ba sa'i rdul tshon la sogs pas sprul pa'i phyi rol gyi dkyil 'khor 'khor lor so so'i gnas su rnam par spros te bkod la mchod pa'i cho ga'i rim pa bzhin du yang dag par mchod de gtor ma'i las bya'o//de la re zhig dang po dkyil 'khor gyi phyi rol na gnas pa'i lha dang / klu dang / gnod sbyin dang /'byung po rnams la rim pa 'dis gtor ma sbyin par bya'o/ /de la 'jig rten pa'i lha rnams dkyil 'khor gyi phyi rol du rnam par dgod pa'i rim pa ni 'di yin te/ nang gi dkyil 'khor las phyi rol gyi rdo rje'i ra ba las phyi rol gyi shar du dur khrod ma dang / dra mi tri dang / gtum mo bdud rtsi'i chu'i snod lag na thogs pa dkar mo dang /ser mo dang / dmar mo'i bdag nyid can dgod par bya'o/ /byang du drag mo dang / khrag ma dang / sha za ma lcags kyu lngas gang ba'i snod lag na thogs pa ser mo dang dkar mo dang / dmar mo'i mdog can rnams so/ /nub tu mi bzad ma dang /'bar ma dang / 'jigs rung ma lag na gtor ma'i snod thogs pa dmar mo dang / ser mo dang / sngon mo'i mdog can rnams so/ /lho ru thod pa mo dang / rdo rje ma dang / bum pa ma bza' ba dang btung ba la sogs pas gang ba'i snod thogs pa nag mo dang /dmar mo dang / dkar mo'i mdog can rnams so/ /dbang ldan gyi phyogs su sgeg mo dang / dri ma dkar mo dang / ser mo'i mdog go/ /me'i phyogs su pi wang ma dang / me tog ma dkar mo dang / nag mo'i mdog can rnams so/ /bden bral gyi phyogs su glu ma dang /bdug pa ma nag mo dang / dmar mo dag go/ /rlung gi phyogs su gar ma dang / mar me ma dmar mo dang / ser mo dag go/ /de dag thams cad 'bar ba'i phreng bas khyab pa'i 'ong dang ldan pa/ skra bshig pa sprul rnams kyis brgyan pa/ gos dang rgyan sna tshogs kyis nga rgyan pa bzang po'i 'dug stangs kyis gnas pa rnams so//de nas phyi rol gyi sa gzhi'i g.yas phyogs nas bskor bar 'chad par 'gyur ba'i gtor ma'i sngags kyi rjes su 'brangs nas zhing skyong brgyad yongs su brtag ste/ phyogs brgyad du drag po nag po la sogs pa zhing gi bdag po rnams blo yis dgod par bya'o//de la rim pa 'di yin te/ shar du drag po nag po/ byang du drag po chen po/ nub tu lha sbyin/ lho ru drag po/ dbang ldan gyi phyogs su gtsigs pa/ me'i phyogs su 'jigs su rung ba/ bden bral gyi phyogs su rnon po/ rlung gi phyogs su log 'dren te de dag thams cad kyang mig gsum pa/lag pa bzhi pa/ gdong gcig pa/ ji skad bshad pa'i phyag mtshan dang gos dang rgyan gyis brgyan pa nag po dang ser po dang dkar po dang dmar po'i mdog can dang / dbang ldan la sogs pa'i mtshams rnams kyi ni dkar nag dang /dkar ser dang / dmar ser dang / dmar nag rnams te 'khor dang bcas pa dag go/ /nag po drag po'i mdun du tsA muN+DI/ g.yon du drag mo/ rgyab tu 'jigs su rung ma/ g.yas su lha mo u ma bsam par bya'o/ /lha mo de dag kyang mkha' 'gro ma la sogs pa'i mdog can mchod pa rnam pa lnga la sogs pas lag pa brel ba mchod pa rnam pa lnga kho nas yang dag par mchod par byed pa'o//de bzhin du byang du rgyal ma dang / rnam par rgyal ma dang / rgyal byed ma dang / gzhan gyis mi thub ma zhes bya ba drag po chen po'i 'khor rnams te thugs kyi 'khor lo'i mkha' 'gro ma rnams kyi mdog can no//de bzhin du nub tu nag mo chen mo dang / nag mo sbom ma dang / rnal 'byor ma dang / lha sbyin gyi mkha' 'gro ma gsung gi 'khor lo'i mkha' 'gro ma'i mdog can rnams bsam par bya'o/ /de bzhin du lho ru dbang ma dang /zla ba ma dang / drag mo dang / gdug pa zhi byed ma dang / 'phyang ma dang / lha'i dbang phyug ma zhes bya ba nag mo'i lha mo sku'i 'khor lo'i mkha' 'gro ma'i mdog can rnams so/ /dbang ldan gyi phyogs su kam po dzi ma dang / 'bar ma dang / 'jib ma dang / grong na kun du gnas pa'i rnal 'byor ma gtsigs pa'i ma kha'i 'gro ma khwI gdong can ma'i mdog can rnams so//me'i phyogs su drag po'i gzugs can ma dang / mche ba'i gzugs can ma dang / gtsigs ma zhes bya ba 'jigs su rung ba'i mkha' 'gro ma 'ug pa'i gdong can ma'i mdog can rnams so//bden bral gyi phyogs su thod pa'i phreng ba can ma dang / phreng ldan ma dang / mgo can ma dang / mthu chen ma zhes bya ba rnon po'i mkha' 'gro ma khyi'i gdong can ma'i mdog can rnams so/ /rlung gi phyogs su lag na ral gri ma dang / lag na dgra sta ma dang /rdo rje ma dang / lag na gzhu thogs ma zhes bya ba log 'dren gyi mkha' 'gro ma phag gi gdong can ma'i mdog can rnams so/ /de nas shar gyi sgor khyab 'jug dbyig pa thogs pa/ lhor tshangs pa rnga yab thogs pa/ nub tu drag po mtshan nas sgrogs pa lhur len pa/byang du dbang po gdugs thogs pa/ de bzhin du lho'i snam bu la dbang ldan gyi phyogs su brgya byin/ me'i phyogs su lus ngan po/ bden bral gyi phyogs su 'byung po'i bdag po/ klu'i phyogs su rlung gi bdag po'o/ /de rnams bu dang chung ma dang 'khor dang bcas pa ste/kha dog dang lag pa dang phyag mtshan ni sgrub thabs gzhan gyi rjes su 'brang bar bya'o/ /de la phyi rol gyi khyams kyi shar gyi char rus gong 'jigs byed dang / kha T+wAM ga dang ldan pa'i tshogs kyi srin po dang / tshogs kyi dbang phyug dang / dril bu'i rna ba can zhes bya ba mkha' 'gro ma la sogs pa'i mdog can rnams bsam par bya'o//de bzhin du byung du gtum mo'i dbang phyug dang / 'du na sa'i lha dang / rgan po'i dbang phyug dang / sil sgra sa 'jigs byed ces bya ba la sogs pa'i mdog can rnams so/ /lho ru ni gtum bu ra'i dbang phyug dang /sgra chen dang / mche ba gtsigs pa dang / gzhu 'dzin zhes bya ba kam po dzi ma la sogs pa'i mdog can rnams so/ /de bzhin du nu ba tu ni 'dod pa drag po dang / gnas kyi dbang phyug dang / cad te'u 'dul ba dang / rnga'i sgras 'jigs byed ces bya ba 'jig byed ma la sogs pa'i mdog can rnams so//'di rnams kyang lag pa bzhi pa kha T+wAM thogs pa lha mo la khyud cing lag na rtse gsum thogs pa mig gsum pa stag gi pags pa'i sham thabs can sbrul gyi rgyan gyis brgyan pa thong pa'i phreng ba can rnams so/ /de nas phyi rol gyi mu khyud kyis gzhi la 'byung po dang /sha za la sogs pa ca co'i sgra sgrogs pa rnams dang / de dag gi 'khor rnams kyang blta bar bya'o/ /drag po la sogs pa dang / rus gong 'jigs byed la sogs pa rnams kyi chos kyi yi ge ni rang gi ming gi dang po'i yi ge de kho na yin no/ /rdo rje khu tshur gnyis bcings te gung mo dang mdzub mo dag brkyang nas lcags kyu'i rnam par sbyar bar bya'o//oM A kaR+Sha ya hUM phaT ces bya ba ni 'jig rten pa'i lha rnams spyan drang ba'i sngags so/ /oM yuM swA hA zhes bya ba dang / rtse gsum gyi phyag rgya ni dur khrod ma la sogs pa rnams kyi dam tshig gi phyag rgya dang sngags so//thal mo sbyar nas de nyid g.yas su phab ste gzung bar bya zhing / oM g+h+raM swA hA bya ba ni drag mo la sogs pa rnams kyi'o/ /rdo rje thal mo bcings nas dbye bar bya zhing / oM ku ru ku ru swA hA zhes bya ba ni gtsigs ma la sogs pa rnams kyi'o/ /lag pa g.yas pa brkyang nas rgyab gnyis sbyar te sor mo rnams so sor bcings zhing /oM be tA lI hUM swA hA zhes bya ba ni mi bzad ma la sogs pa rnams kyi'o/ /rdo rje khu tshur gnyis bcings te dku dag tu gzung zhing / oM hUM swA hA zhes bya ba ni sgeg mo'i 'o/ /g.yon pa brkyang ste mthe bong dang srin lag sbyar nas g.yas pas gzung bar bya zhing /oM su pri ya gan+d+he hUM zhes bya ba ni dri ma'i 'o/ /pi wang gi zlos gar dang / oM hUM ho swA hA zhes bya ba ni pi wang ma'i 'o/ /thal mo sbyar ba spyi bor gzhag nas/ oM shrI swA hA zhes bya ba ni me tog ma'i 'o/ /rdo rje khu tshur gnyis bcings nas mdzub mo bsgrengs te khar bskyod nas hUM hUM hUM swA hA zhes bya ba ni glu ma'i 'o//rdo rje khu tshur gnyis bcings te lag pa bskyod pa'i tshigs su gzung zhing / oM i swA hA zhes pa ni bdug pa ma'i 'o/ /lag pa g.yon pas g.yas kyi rked pa'i char sgeg pa dang bcas par bzhag nas g.yas phrag par gzhag cing /oM su nirte swA hA zhes bya ba ni gar ma'i 'o/ /bral mo sbyar ba spyi bor gzung zhing / oM k+ShuM swA hA zhes bya ba ni mar me ma'i 'o/ /g.yas pa khu tshur bcings nas mdzub mo dang gung mo dag bsgrengs te dpral bar reg par bya zhing / oM mu mu hUM swA hA zhes bya ba ni brgya byin gyi'o//rdo rje bsdams pa bcings nas mdzub mo gnyis rin po che'i rnam par sbyar zhing / oM rat+ne gre swA hUM zhes bya ba ni nor sbyin gyi'o/ /g.yas pa rdo rje khu tshur bcings te sdigs mdzub bsgrengs nas/ oM gA ta ni hUM phaT ces bya ba ni 'byung po'i bdag po'i 'o/ /g.yas pa khu tshur bcings te/oM b+hur b+hu ba swA hA zhes bya ba ni klu'i bdag po'i 'o/ /rdo rje khu tshur spyi bor bzhag cing / oM kha sa swA hA zhes bya ba ni khyab 'jug gi'o/ /g.yas pa'i ba dan gsum spyi bor bzhag nas/ oM hUM swA zhes bya ba nu drag po'i 'o/ /g.yas pa'i khu tshur snying gar bskyod cing /oM swA hA zhes bya ba ni tshangs pa'i 'o/ /lag pa g.yas pa brkyang ste kha sbubs nas g.yon pa'i khu tshur gyi khro bo'i sor mo brkyang ste dbus su sbyar zhing gdugs kyi rnam par byas nas/ oM mu swA hA zhes bya ba ni dbang po'i 'o/ /drag po nag po la sogs pa rnams dang / rus gong 'jigs byed la sogs pa rnams kyi ni drag po'i dam tshig gi sngags dang phyag rgya kho na yin no//de la lha rnam par bkod pa'i rjes thogs la mchod pa rnam pa nyi shus yang dag par mchod de/ sgeg mo'i phyag rgya bcings te yi ge hUM gi sgra brjod nas/ hUM hUM hUM g+huM TuM hUM hUM hUM/oM g+he g+he g+he hUM/ oM g+he t+ya g+he t+ya hUM swA hA zhes bya ba'i sngags 'dis shin tu mnyes par bya'o/ /de nas/ rdo rje de nyid kyis bzung nas/ /dril bu chos kyis dkrol bar bya/ /rdo rje khu tshur gnyis bcings nas/ /rgyab tu rgyab ni sbyar bar bya/ /mthe'u chung gnyis ni bcings byas nas/ / cung zad du ni bcing bar bya/ /oM badzra g+ha N+De ho/ /de nas oM badzra g+haN+De/ ra Na ra Na/ pra ra Na pra ra Na/ saM pra ra Na saM pra ra Na/ sarba bud+d+he k+She tra pra tsa ni te/ pra dz+nyA pA ra mi tA nAM sam+b+ha be/ badzra hr-id yaM sa n+to Sha ni hUM hUM swA hA zhes bya ba'i sngags kyis dril bu bzung ste/ dpal mchog dang po'i rgyud las gsungs pa'i mtshan brgya rtsa brgyad kyis yang dag par bstod la rdo rje'i glu blangs te/de bzhin du rnam pa sna tshogs pa'i bstod pa dang mchod pa byas la/ yang dag par mnyes par bya ba'i phyir dril bu dkrol bar bya'o/ /de nas snying gar rdo rje thal mo bcings te snying gar gzhag la/oM shud+d+he d+ha rme hUM A A oM a zhes bya ba brjod pas lha'i nga rgyal brtan par byas la phyi rol gyi lha rnams la gtor ma sbyin par bya'o/ /ji skad bshad pa'i gos dang rgyan gyis rnam par brgyan pa/ rdo rje dang dril bu thogs pa/ brgya byin la sogs pa'i 'khor dang ldan pa'i slob dpon rkang pa g.yas pa sems dpa'i skyil mo krung du gnas pa g.yon brkyang bas rol pa'i tshul du gnas pas rdzas dri zhim po rnams kyis dkyil 'khor grub bzhir byas la/kha dog dkar po la sogs pa'i me tog la sogs pas yang dag par mchod de/ 'bras sA lu dri zhim po'i 'bras can zho dang kha ra dang /sbrang rtsi dang / mar nag dag bsres pa zangs la sogs pa las byas pa'i snod rnams su gzhag pas shar gyi sgor gtor ma sbyin par bya'o/ /'dod pa'i rgyal po'i phyag rgya bcings la/ oM bat+ta le ma hA bat+ta li/ hUM hUM hUM dzaHswA hA zhes bya ba'i sngags 'dis lha rnams dgug par bya'o//oM wa hi ni ma hA wa hi ni sUr+ya tsan+d+ra sid+d+h+ya mu khi/ dza ya ra dzi sau ma dzi u ma de bi ga ga su ru pi ta ra ya/ sa tod gra ha ga Na s+r+be ga Na pa ti ka rti ka shri sha shi de bI de ga lo a su ra sa ro tse/ puk+ka sI/ ma hA puk+ka sI hUM he ho/ A kA R+Sha ya A kA R+Sha ya/ sa ma ya de bI hUM hUM hUM phaT swA hA/spyan drang ba'i phyag rgya mdzub mo gnyis bsgreng ba dang / oM b+ha k+Sha ya b+ha k+Sha ya/ sa ma ye tiSh+Tha dzraM hri ba hUM phaT swA hA/ zhes bya bas mnyes par byas te se gol gsum brdabs la gtang bar bya'o/ /de nas shar gyi phyogs su sa gtsang mar dor bar bya'o/ /de ni lha'i gtor ma'o//de nas sngar bshad pa'i cho ga bzhin du byas pa'i dkyil 'khor 'o ma la sogs pa las byas pa'i lha bshos kyis yongs su bskor bar mang ra gsum dang bsres pa'i 'o thug gis bkang ba'i gser la sogs pa las byas pa'i snod du bzhag ste/ sngags dang phyag rgya de nyid kyis mtha' yas dang /nor rgyas dang / 'jog po dang / stobs kyi rgyu dang / pad+ma dang / pad+ma chen po dang / dung skyong dang / rigs ldan dang / lnga ldan dang / lnga ldan chen po dang / zla ba dang / gtsug tor dang / gtsug tor chen po dang / dbyig pa thogs pa dang / hu lu ta dang /dga' bo dang / nye dga' bo dang / rgya tsho chen po dang / gdung ba dang / gdung ba chen po dang / dpal 'dod dang / 'od chen dang / rin po che'i 'od dang / gzugs bzang dang / gzugs chen dang / sprul bzangs dang / gsus po che dang / ji li dang / ma hA ji li bo ste/oM A gatsh+tsha A gatsh+tsha/ ma hA nA ad+hi pa ti sarba b+hur b+hu phruM phruM phruM phu/ rdo rje khu tshur bcings nas ni/ /mthe bong dang ni mthe'u chung sbyar/ dbus kyi sor mo dag brkyang nas/ /gdengs ka'i rnam par sbyar bar bya/ /de lta bu 'dis srin lag gzung ste gtad par bya'o/ / byang phyogs su chu bo la dor bar bya'o/ /klu'i gtor ma'o/ /de nas nub phyogs su mngon par phyag pa'i rnal 'byor pa dkyil 'khor gyi 'gram na gnas pas tsan+dan dmar po la sogs pa la byas pa'i dkyil 'khor gru gsum me tog dmar po la sogs pas mdzes par bya la/ snga ma bzhin du zho dang sbrang rtsi dang bcas pa'i 'bras chan bdud rtsi lnga dang yang dag par ldan pa'i snod mdun du bzhag la snga ma bzhin du nor bu bzang po dang //gang ba bzang po dang / rgyal ba bzang po la sogs pa gnod sbyin gyi bdag po rnams bos te/ rdo rje bsdams pa snying gar bcings la bzung zhing /oM nA gA d+hi pa ti ba ta li hUM swA hA zhes bya ba'i sngags 'dis mnyes par bya'o/ /de kho na bzhin du btang nas lho'i phyogs su shing gcig par dor bar bya'o/ /de ni gnod sbyin gyi gtor ma'o/ /yang de kho na bzhin du lho ru mngon par phyogs bar gnas pa rdo rje'i 'gros dang ldan pas tsan+dan dmar po la sogs pa las byas pa'i dkyil 'khor gru gsum me tog dmar po la sogs pa bkram par lha bshos la sogs pa yang phul te/nya sha skam po dang / sgog pa dang / btsong dang / khrag dang / til dang / bag phye la sogs pa'i khur ba dang / bdud rtsi lnga dang / bza' ba dang / bca' ba dang / btung ba dang / myang ba dang / gzhib pa rnam pa tha dad pa dang nya'i gzugs brnyan gyis gang ba'i snod mdun du bzhag la/ sngags dang phyag rgya de rnams kyis snod la reg ste/ gdan bzhi pa'i rgyud las gsungs pa'i e ka br-ik+Sha zhes bya ba la sogs pa'i sngags brjod la 'jig rten gsum las rnam par rgyal ba'i phyag rgya bcings te mdzub mo gnyis lu gu rgyud byas la phyag rgya de dang /oM tiSh+Tha tiSh+Tha hUM/ b+hak+Sha b+ha k+Sha dzaHphaT swA hA/ zhes bya ba'i sngags kyis mgu bar byas te btang la rnga la sogs pa'i sgra dang /dril bu'i sgra dang / 'byung po'i gtor ma yo byad kyi sngags dang / phyag rgya nyid kyis gang na dkyil 'khor gyi gzhi yod pa de la phyi rol gyi mtshams kyi phyogs brgyad du gtor ma dor bar bya'o/ /de ni 'byung po'i gtor ma'o/ /gtor ma de dag thams cad la/ /sngags pa bzang pos gtong dus su//dge bsnyen gyi ni spyi bo ru/ /lan gsum du ni bskor bar bya/ /gtor ma skyel byed dad ldan gang / /'phags pa 'khyil pa'i sngags kyis ni/ /de la bsang gtor bya ba nyid/ /min na de rnams kyis zos 'gyur/ /nang gi dkyil 'khor dag gi ni/ / gtor ma dag gis rnal 'byor pas/ /dngos grub mchog ni 'grub 'gyur ba/ /de nas yang dag bshad bya ba/ /sgyu ma'i rgyud las ji skad bshad pa bzhin/ /skra bshig rkang pa yis ni gar thabs byas/ /gcer bu lho phyogs gnas pa'i bdag nyid kyis/ /thun mtshams kun du gtor ma rab sbyin bya//dang por phyogs ni brgyad rnams su/ /khro mo mkha' 'gro ma bsam bya/ /de rnams la ni blo rgya ches/ /bdud rtsi lnga ldan gtor ma sbyin/ /bdud rtsi lnga dang yang dag ldan/ /thun bzhi ru ni rab tu bya/ /snga dro rdo rje mkha' 'gro la/ /mkha' spyod rnams la nyin phyed na//mtshan dus sa spyod rnams la'o/ /mkha' 'gro ma la mtshan phyed na/ /g.yas brkyang gnas pas mkha' 'gro la/ /g.yon brkyang ba yis mkha' spyod la/ /sa spyod rnams la khyad par du/ /rkang pa mnyam par bya ba yin/ /pad+ma bskor ba'i sbyor ba yis/ /gcer bu gar dang yang dag ldan//drag po'i lta stangs dang ldan pa/ /mig ni g.yon pa dag gis blta/ /rus sbal phyag rgya bcings nas ni/ /dpral ba'i steng du yang dag gzhag /skad cig rnam pa'i tshul gyis ni/ /he ru ka yi gzugs su bya/ /cig car sngags ni brjod bya zhing / /cig car phyogs ni rgyas gdab cing //dur khrod dam ni chu bo'i 'gram/ /mtshan ma gcig gam bzhi mdo ru/ /'dod pa'i 'bras bu rab ster ba/ /rnal 'byor rgyal pos rtag tu sbyin/ /bdud rtsis kha ni bkang nas su/ /rus gong steng dag gnas byas la/ /phyag rgya lnga ni 'ching ba yis//sngags ni brjod cing gtor ma sbyin/ /oM sarba krod+haDA ki n+ya i maM ba liM pra tI ts+tshan+tuhUM phaT swA hA/ de nas/ gtor ma dur khrod la sogs su/ /rnal 'byor skyes mchog dag gis dor/ /de nas me tog mgor bzhag ste/ /rang gi gnas su 'jug par bya/ /de ni nang gi rdo rje mkha' 'gro ma rnams kyi gtor ma'o//grangs ni bzhi ru gyur ba yi/ /rgyal chen ji ltar tshim gyur pa/ /gtor ma'i las ni yid 'ong ba/ /de yi rjes la bshad par bya/ /rtsa ba'i dkyil 'khor shar sogs kyi/ /phyogs rnams su ni 'khor lo bzhi/ /rnam par bsgoms nas gang ba'i snod//bzhi ni de ru gzhag par bya/ /yul 'khor skyong gi snod gang yin/ /de ni bza' ba chang spangs pas/ /yongs su gang bar rab tu bya/ /de bzhin rnam thos sras kyi ni/ /sha dang chang la sogs pas dgang / /de bzhin lus 'phags po yi snod//khrag gis gang bar gyur par bya/ /mig mi bzang gi snod dag ni/ /'o ma dag gis dgang bar bya/ /der ni snod kyi cho ga'i rim/ /byas nas rgyal po chen po ni/ /bskyed pa'i phyir ni bsgom par bya/ /dang po'i yi ge las byung ba'i/ /rgyal po chen po bzhi po ni/ / yi ge gsum gyis byin brlabs shing / /ye shes sems dpa' dang ldan bsgom/ /he ru ka yi skur gnas te/ /lag na rdo rje dril bu thogs/ /brtul zhugs bzang pos sngags 'di yis/ /de rnams so sor gtor ma sbyin/ /oM d+h+r-i ta rASh+TA ya gan+d+har+b+ha se nA d+hi pa ta ye i maM ba liM pra tI ts+tsha sa ma ya ma nu sas ra AHhUM hUM phaT swA hwA/oM na mo bai shra ba NA ya yak+Sha se nA d+hi pa ta ye i maM ba liM pra tI ts+tsha sa ma ya ma nu sma ra A hUM hUM phaT swA hA/ oM bi rU D+ha kA ya ma hA ku be rAd+hi pa ta ye i maM ba liM pra tI ts+tsha sa ma ya ma nu sma ra AHhUM hUM phaT swA hA/ oM bi rU pA k+ShA ya ma hA na gA d+hi pa ta ye i maM ba liM pra tI ts+tsha ma ya ma nu sma ra AHhUM hUM phaT swA hA//sngags tshigs bla med 'di rnams kyis/ /snod bzhi byin gyis brlabs nas ni/ /rnal 'byor pa yis rim bzhin du/ /shar la sogs par dor bar bya/ /de ni rgyal po chen po bzhi'i gtor ma'i cho ga'o// // bde mchog cho ga las gsungs pa'i/ /skye bo rnams ni mchod 'gyur ba/ /gtor ma 'byung po thams cad la/ /de nas yang dag rab bshad bya/ /dam tshig 'khor lo'i phyi rol du/ /hUM gi sa bon las byung ba/ /shing gcig dang bcas dur khrod brgyad/ /rnal 'byor rig pas bsam par bya//gnod sbyin srin po 'byung po dang / /de bzhin yi dags sha za dang / /grul bum brjed byed mkha' 'gro dang / /mkha' 'gro ma yi tshogs nyid dag /shing drung gcig ni brgyad po yi/ /rtse mor drag po rnams bsam bya/ /shing gi rtsa ru de mtshungs pa'i/ / 'khor dag rnam par bsam par bya/ /khwa yi gdong can la sogs pa'i/ /'khor gyi rang gi gzugs dag ni/ /thams cad hUM las yang dag byung / /mtshon cha sna tshogs dag thogs pa/ /chang dang sha dang btsong la sogs/ /khu ba de bzhin sha yi gzugs/ /snod du bcug nas de nyid ni//bdud rtsi'i rang bzhin nyid du bya/ /sngar bzhin skra bshig la sogs ldan/ /g.yon brkyang la sogs sbyor byas pa/ /brtul zhugs bzang pos sngags 'di yis/ /de rnams nyid ni bod par bya/ /oM badzra a ra li ho dzaHhUM baM hoH/ badzra DA ki nI sa ma ya s+t+waM dr-i sh+ya hoH/sngags 'di lan gsum brjod nas ni/ /rang nyid kyi ni snying gar yang / /snod kyi phyag rgya lan gsum du/ /bskor nas gtor ma sbyin par bya/ /mkha' spyod phyag rgya bcings nas ni/ /khro tshig mtshan gcig la sogs su/ /sgrub ba po yis sngags 'di yis/ /dogs pa med par gtor ma gtang //oM kha kha khA hi khA hi/ sarba yak+Sha rAk+Sha sa b+hU ta bre ta bi sha tson+ma da a pa sma ra DA ka DA ki n+ya da ya i maM ba liM gr-i h+Nan+tu sa ma ya ra k+Shan+tu ma ma sarba sid+d+hi m+me pra ya ts+tsha n+tu/ ya thai baM/ ya The Sh+TaM/ b+huny+dza tha pi pa tha/ mA ti kra ma tha ma ma sarba karta ya sta su kha bi shud+ha ye/ sa ha yi ka b+ha ban+tu hUM hUM phaT swA hA/ de 'dra'i sngags chen brjod byas nas/ /dur khrod du ni gtor ma sbyin/ /'jigs byed sems can drag po'i bdag /snying rjer ldan pas gtor ma dor/ /de lta bu yi rim 'di yis/ /'di ni 'byung po thams cad brjod/ /bgegs rnams zhi bar bya phyir yang //gtor ma 'di ni bsngags pa yin/ /de ni 'byung po thams cad pa'i gtor ma'i cho ga'o// //gzhan yang rdo rje mkha' 'gro ma/ /gur las gsungs pa'i gtor ma'i las/ /khams gsum dag tu cig car du/ /tshim par bya phyir yang dag bya/ /nam mkha' dbyings kyi dbus su ni//chu skyes 'dab brgyad dbus su bsgom/ /dbang po shar gyi 'dab mar bsam/ /gshin rje lho ru dgod par bya/ /chu lha nub kyi 'dab mar te/ /byang du gnod sbyin dgod par bya/ /me yi phyogs su me chen po/ /bden bral phyogs su bden bral te//rlung gi phyogs su rlung lha bsam/ /'byung po'i bdag po dbang ldan du/ /zla ba nyi ma tshangs la sogs/ /tshangs ris dam pa rnams dang ni/ /tshangs pa'i 'dun na 'don bdag nyid/ /dga' ldan mtha' bral na gnas dang / /rgyal po chen po kun du skyes//gzhan 'phrul dbang byed dag dang ni/ /'phrul dga' yi ni lha rnams dang / /gang dag gtsang ma'i gnas 'dug dang / /bde ba can na kun du gnas/ /'og min na ni gnas pa dang / /'od can 'jig rten khams gnas dang / /sum cu rtsa gsum na gnas pa/ / de dag thams cad steng du bsam/ /stobs rgyu dang ni dung skyong dang / /mtha' yas de bzhin nor rgyas dang / /'jog po dang ni rigs ldan nyid/ /pad+ma che dang pad+ma ni/ /chos 'byung gi ni dbus na gnas/ /lha ma yin dang sems dmyal dang / chos 'byung gi ni 'og tu'o/ /oM las tshangs pa la sogs pa//yi ge hUM las dbang po sogs/ /a las stobs rgyu la sogs pa/ /zhal gcig phyag ni gnyis pa'o/ /steng gi lha ni shin tu dkar/ /dbang po la sogs mdog sngon po/ /stobs rgyu la sogs shin tu dmar/ /rang snang rig mas yan lag 'khyud/ / rdo rje dril gus phyag brel ba/ /g.yas brkyang ba yi gnas pas gnas/ /changs sogs rtag pas rgyas gdab bcing / /rdo rje can gyis brgya byin sogs/ /ltos 'gro la sogs gar dbang gis/ /thams cad rigs las byung ba yi/ /gau rI yis ni dgug par bya/ /rkun mos gzhug par bya ba ste//ro langs ma yis zhags pas bcings/ /dril bu za phod mas dbang bya/ /de nas mchod yon zhal bsil dbul/ /de bzhin me tog bdug pa sogs/ /mnyam par gzhag pa'i sems kyis ni/ /sngags 'di yis ni tshim par bya/ /oM AHhUM/ gsang sngags 'di dag nyid kyis ni//sngar bzhin rdzas kyis gang ba yi/ /thod pa de rnams dag la dbul/ /mtshan gcig la sogs rnams su dor/ /gtor ma'i cho ga bzhin byas nas/ /dogs pa med pa'i sems kyis ni/ /de nas 'thor 'thung phul byas nas/ /sngags 'di yis ni gshegs su gsol//oM badzra DA ki sa ma ya ma nu pA la ya/ badzra DA ki twe no pa tiSh+Tha dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra ya ts+tsha/ sarba karma su tsa me tsi t+taM shre yaHku ru hUM ha ha ha ha hoH/ b+ha ga bAn sarba ta thA ga ta mA me muny+tsa DA ki b+ha ba ma hA/ sa ma ya sa twa aHmuH/ de nas gtor ma'i las byas nas/ /dkyil 'khor rang gi yan lag la/ /bsdu ba byas nas sngar rim bzhin/ /ye shes 'khor lo gshegs su gsol/ /snga dro'i thun la de bzhin du/ /thams cad mnyam par gzhag pas bya/ /thun bzhi dag ni thams cad la//skad cig gis ni bsgom par bya/ /de ltar gur gyi rgyud gsungs pa/ /cig car 'byung po thams cad ni/ /tshim pa ru ni byed pa'i mchog /gtor ma bdag gis bshad pa yin/ /de ni dus gcig tu khams gsum pa tshim par byed pa'i gtor ma'i cho ga'o// // gang tshe rnal 'byor sngar bshad pa'i/ /gtor ma'i cho ga byed pas ni/ /gnod pa bya byed bgegs mthong ba/ /de tshe de rab zhi bya'i phyir/ /gtor ma bya ba de rim pa/ /dpal ldan rgyud dra dgyes rdo rje/ /rgyud gnyis kyi ni rjes 'brangs nas/ /bdag gis bzang por bshad par bya//re zhig dang por rnal 'byor pas chos thams cad stong pa nyid du bsams te/ de nas raM las byung ba'i nyi ma'i dkyil 'khor gyi steng du yi ge hUM kha dog sngon po las byung ba'i bcom ldan 'das rdo rje hUM mdzad zhal gsum pa phyag drug pa phyag g.yas pa ba na ral gri dang / rdo rje dang / rtse gsum bsnams pa/g.yon pa na dril bu dang / dgra sta dang tho ba bsnams pa/ mche ba gtsigs pa/ ljags bskyed pa/ dbu skra ser po/ spyan dmar po/ mgul pa sprul gyis brgyan pa/ g.yon pa brkyang pas sa'i steng mnan pa/ khro bo 'bar ba'i phreng ba 'phro ba/ snying gar yi ge hUM gis mtshan pa/ ha ha zhes sgrogs par bdag nyid bsgoms la/ de nas mdun du ci nus par rdul tshon la sogs pas dkyil 'khor kun du bris te/ bum pa srog chags med pa'i chu dri bzang po dang ldan pas yongs su bkang pa lcug mas kha rgyan byas pa/ gos kyis mgrin pa dkris pa/nang du 'bru dang / rin po che dang / sman bcug pa bcu'am lnga'am gcig de nyid du bzhag la/ g.yon du mchod yon gyi snod dang / g.yas su me tog la sogs pa'i yo byad bzhag ste/ mchod yon gyi snang la rang gi 'dod pa'i lha'i sngags lan nyi shu rtsa gcig bzlas par bya'o//las thams cad pa'i snang la yang bdud rtsi 'khyil pa'i sngags de kho na bzhin du yongs su bzlas par bya'o/ /de nas zla ba dang rdo rje la sogs pa'i rim pa mdor bsdus pas bum pa rnams su rdo rje sems dpa' la sogs pa bdud rtsi 'khyil pa la thub pa'i gzugs bskyed la rje btsun gyi yi ge brgya pa lan gsum brjod nas oM AHhUM zhes bya ba'i sngags kyis rdo rje yang dag par mchod de//oM badzra g+haN+De ra Na zhes bya ba'i sngags kyis mchod la spos kyis bdugs te/ oM badzra d+h+r-i ka ces bya ba la sogs pa'i sngags kyis bum pa dag spyan drang bar bya'o//de nas me tog dang spos dang yon chab dang dri dang lha bshos phul la/ rang rang gi sngags rnams yi ge brgya pa 'don pa sngon du 'gro ba can rdo rje rtse gsum pa'i phyag rgyas bum pa rnams la brgya rtsa brgyad yongs su bzlas te ras la sogs pa la bzhugs pa'i bcom ldan 'das khrus bya'o//ri mo bris pa rnams la ni me long la sku gzugs rnams ni dngos su'o/ /sku khrus kyi yo byad 'bru la sogs pa rnams ni khrus kyi cho ga las bstan te de nyid las shes bar bya'o/ /de nas rang gi sngags kyis dkyil 'khor gyi bum pa dag gis dbang bskur la dkyil 'khor mchod pa lnga la sogs pas mchod par bya'o//de'i rjes la phyogs bcu na gnas pa'i sprin nag po dang mtshungs pa'i gnod sbyin dang srin po dang sha za la sogs pa lag na ral gri dang tho ba dang mda' bo che la sogs pa thogs pa rnams bsams te/nam mkha' la yang paM las byung ba'i pad+ma chen po de'i 'dab ma brgyad la 'jig rten skyong ba brgyad kha dog dang dbyibs dang cha byad ji lta ba bzhin dang ldan pa/ lte ba'i dbus su bgegs kyi rgyal po log 'dren mdog dmar po glang po che'i gdong can gdong gcig pa/lag pa bzhi pa/ lag pa g.yas na dgra sta dang ral gri thogs pa/ lag pa g.yon na phreng ba dang la du thogs pa/ gsus pa 'phyang ba gar byed pa/ tshangs pa'i rgyab tu rkang pa gnyis kyis mnan pa/ glang po che'i sgras gang ba'i mchu'i rtse mo'i sgras phyogs bcu'i gtos kyi nang 'gengs pa/me tog gi mche ba can gyi tshogs kyis rkang pa'i pad+ma gnyis la phyag byas pa rnam par bsgoms la/ oM badzra a ra li ho dzaHhUM baM hoH/ /badzra DA ki ni sa ma s+t+waM dr-i sh+ya ho zhes bya ba'i sngags kyis bos la/ dkyil 'khor gyi phyogs bcu kun du bsam par bya'o//de nas yi ge hUM gi sgra 'jigs su rung ba brjod nas 'khyil pa'i sngags kyis nyungs kar byin gyis brlabs te bgegs thams cad la dmigs nas oM ri ri ti ti phaT swAhA zhes bya ba'i sngags dang / oM sarba pA paM da ha na badzrA ya swA hA zhes bya ba'i sngags kyis me'i snod du gzhug par bya'o//de nas bgegs rnams kyi spyi bo dang snying ardza ka'i dog pa bzhin du 'gas par 'gyur ro/ /gal te dam tshig la gnas par mi byed na de'i tshe bag phye las bgegs rnams kyi gzugs brnyan byas/ dkyil 'khor gyi dbus su gsor ba'i rdo rjes phye mar byas na skad cig de nyid la de rnams dam tshigs la gnas par 'gyur ro//de nas sum+b+ha ni sum+b+ha zhes bya ba la sogs pas phur bu gdab cing / de bzhin du sngags rkang pa phyi mas brdung bar bya'o/ /de'i rjes la sa la sogs pa'i bum pa'am phru ba tshad chen po dang ldan pa chus yongs su gang bar bya ste nya'i sha rlon pa dang /btsos pa dang / bsegs pa'i dbye ba rnam pa gsum dang / de bzhin du pri yang ku dang ko la d+tha dang tsa na ka dang / 'breng bu'i chun po dang / 'bras yos dang / star ka'i 'bras bu dang / snum khur dang / sha dang / ma yo sta dang / thug pa dang / btsong dang / btsong dang / sgog skya dang / ke'u dang / khab dang / 'gron bu dang / snye ma'i 'bru dang / gong bu'i 'bru dang / lan tshwa dang / sbrang rtsi dang / 'bru'i chang dang / rgun chang dang / gos sngon po dang / sgron bu'i tshogs kyis gang bar byas la khro bo bdud rtsi 'khyil pa'i sngags brgya rtsa brgyad yongs su bzlas par bya'o//'dir sngags ni 'di yin te/ oM na maHsa man+ta kA ya wA ka tsi t+ta badzrA NA na mo badzra kro d+ha ya ma hA daM Sh+Tod ka Ta b+hai ra bA ya/ a si mu sa la pa la shu pA sha hastA ya/oM a mr-i ta kuN+Da li kha kha khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ pa tsa pa tsa/ gardza gardza/ bis+pho Ta ya/ bi s+pho Ta ya/ sarba bi g+han bi nA ya kan ma hA ga Na pa ti dzI bi ta an+ta ka rA ya swA hA/ de'i rjes la rje btsun yi ge brgya pas me tog dang spos rnams kyis mchod la/g.yas brkyang ba'i 'dug stangs nye bar bcings te dril bu dkrol zhing rdo rje gsor bas sngags 'di brjod par bya'o/ /oM in+d+ha/ dza ma/ dza la/ dza k+kha/ b+hU ta/ bah+ni/ bA u/ rak+kha/ tsand/ sudz+dza/ mAd/ pap+pa/ ta la pA tA le/ aT+Tha sap+pa swA hA/ i daM ba li m+b+huny+dza/ dzi g+ha/ phul+la/ d+hU p+pa/ mAM sa/ piM g+ha/ aM b+ha/ sap+pa/ kadz+dza/ sA da/ khan+ti/ khu Ni/ pheDa/ gA da/ de bzhin du oM a kA ro mu khaM sarba d+harmA NAM Ad+yA nu t+pa n+na twat+ta oM AHhUM phaT swA hA/ yang na sngags so sos gtor ma sbyin par bya'o/ /'di sta ste/ oM in+d+re ye swA hA/ dbang po'i phyogs su'o/ /be ba swa ye swA hA/ gshin rje'i phyogs su'o//oM a pAM pa ta ye swA hA/ chu'i phyogs su'o/ /oM ya k+Sha biR+Ya d+ha ri swA hA/ lus ngan po'i phyogs su'o/ /oM ru drA ya swA hA/ dbang ldan gyi phyogs su'o/ /oM a gnA ya swA hA/ mi'i phyogs su'o/ /oM r+k+Sha sid+d+hi pa ta ye sA hA/ bden bral gyi phyogs su'o/ / oM wa ya be swA hA/ rlung gi phyogs su'o/ /oM kaM ka ri swA hA/ srin po rnams kyi'o/ /oM pi tsi pi tsi swA hA/ sha za rnams kyi'o/ /oM g+huM g+huM swA hA/ 'byung po rnams kyi'o/ /oM ga ra la ye swA hA/ lha ma yin rnams kyi'o/ /oM ma ti b+h+yo swA hA/ ma mo rnams kyi'o/ /oM bi shud+d+ha swA hA ba bi ni swA hA/dri za rnams kyi'o/ /oM yak+Sha shra ya swA hA/ gnod sbyin rnams kyi'o/ /oM pi shA tsa ga ti swA hA/ sha za rnams kyi'o/ /oM gra he sardza prab+ta dz+yo ti ma ya swA hA/ rgyu skar rnams kyi'o/ /rim pa 'di kho na bzhin du sngags 'di rnams kyis chu snyim pa gsum sbyin par bya'o//de nas thams cad phur bu las thar bar 'gyur ro/ /'dir phyag rgya yang 'byung ste/ mdzub mo 'dus byas gung mo sbyar/ /mthe bong rdo rje brtan por sbyar/ /de ni dpral ba'i dbus bzhag nas/ /bskor zhing bskor nas bskyod par bya/ /lho ru lus ni bltas byas nas//gcer bu skra ni bshig gyur cing / /drag cing khros pa'i sems ldan pas/ /thun gsum du ni gtor ma sbyin/ /yang na rked pa'i phyogs su lag pa g.yon pa dril bu dang bcas pa bzhag la g.yas pas bsnyems tshul dang bcas pa'i rdo rje gsor zhing gtor ma sbyin par bya'o//yang na gung mo dang srin lag dag bkug nas de dag gi rtsa bar mthe bong bcug ste mdzub mo dang mthe'u chung dag lcags kyu'i rnam par bya zhing lag pa g.yon pa'i tshigs rgyab tu lag pa g.yas pa'i rgyab tshigs gzhag ste snying ga'i gnas su bzhag par bya'o/ /de lta bu de yang gtor ma'i phyag rgya yin no//thun mtshams thams cad du rgyu'i rgyud las gsungs pa'i cho ga bzhin du gtor ma sbyin par bya'o/ /de nas sgrub pa'i grogs mchog gis oM a mr-i te hUM phaT ces pa'i sngags brjod pas sgrub pa pos srung ba byas nas thor tshugs bcing bar byas te shing gcig gam/ lam gyi bzhi mdo'am/ sum mdo'am/ mtshan ma gcig pa'am/ chu bo dag tu gtor mdor bar bya ba'am bkres pa rnams la sbyin par bya'o/ /de nas dkyil 'khor gyi rdul tshon chu bo la dbo bar bya'o/ /dkyil 'khor gyi sa gzhi ba'i lci bas byugs la bcom ldan 'das ma shes rab kyi pha rol tu phyin ma bklag par bya'o//bsod nams yongs su bsngos te/ de bzhin gshegs pa thams cad la phyag byas nas bskor ba byas te langs nas khyed kyis zhes bya ba la sogs pa dang / ngo mtshar gyi phyag rgyas btab la rang gi lha'i nga rgyal gyis spyod lam rnam bzhi'i sgo nas ji ltar 'dod pas gnas par bya'o//de ni bgegs rab tu zhi bar byed pa'i gtor ma'i cho ga'o// //gdon dang phyogs skyong tshim bya'i phyir/ /dpung bzangs rgyud las ji skad gsungs/ /gtor ma'i las ni lung bzhin du/ /de nas dang por rab bshad bya/ /re zhig dang por sngar bshad pa'i bza' ba dang bca' ba la sogs pa nye bar bsogs te cha gnyis su byas nas cha gcig la gdon rnams tshim par bya ba'i phyir tshigs su bcad pa 'di rnams brjod par bya'o//lha dang lha min gnod sbyin lto 'phye grul/ /nam mkha' lding dang 'dab bzang lus srul po//dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bdag cag pus mo sa la btsugs nas ni/ /thal sbyar khyed rnams la yang gsol 'debs na/ /bu smad bcas shing g.yog 'khor bcas pa rnams/ /gsan nas phan 'dogs slad du 'dir spyon cig /'byung po gang dag ri rab steng gnas dang / /dga' ba'i tshal dang lha yul kun gnas dang / /shar nub ri dang nyi zla'i khyim rnams dang / /grong khyer kun na gang dag gnas pa dang / /chu bo kun dang chu bo'i ngogs rnams dang / /rin chen gnas na lhag par gang gnas dang //rdzing dang mtsho dang lu ma lteng ka dang / /khron pa dang ni ngam grog chu mig dang / /grong dang phyugs lhas dang ni nags tshal dang / /khang stong dang ni lha yi khang pa dang / /gang dag gtsug lag khang dang mchod rten gnas/ /so nam khyim dang glang po'i khang rnams dang //gang dag rgyal po'i dkor khang gnas pa dang / /srang dang khyams dang grong dang 'dun sa dang / /gang dag shing gcig drung dang lam chen gnas/ /dur khrod dang ni nags tshal che gnas dang / /seng ge glang chen dred kyi gnas rnams dang //'jigs su rung ba'i dgon pa che gnas dang / /chu gling mchog dag tu ni gnas bcas dang / /gang dag 'brog dgon dur khrod gnas na gnas/ /dga' zhing mgu nas dri dang me tog phreng / /spos dang me tog mar me gus phul ba/ /'di dag bsnams te so sor bzhes nas kyang //las 'di dag gi 'bras bu mchis par mdzod/ /gdon la mchod pa bya ba'i phyir de ltar bya ste/ de nas cha gcig la phyogs skyong rnams la mchod par bya ba'i phyir tshigs su bcad pa 'di rnams brjod par bya'o/ /shar phyogs rdo rje can te lha tshogs bcas//gtor ma phul ba 'di dag bzhes su gsol/ /me dang gshin rje bden bral srin po'i bdag /chu bdag rlung bdag nor gyi bdag po dang / /steng gi nyi zla tshangs pa chen po dang / /lha rnams ma lus sa yi klu dag dang / /ri yi lha dang gsang ba'i tshogs 'dus la//so so so sor gtor ma phul ba rnams/ /rang rang gi ni phyogs su bzhugs nas kyang / /rang gi bu smad grogs dang g.yog 'khor bcas/ /dpung dang sde bcas mnyes nas bzhes su gsol/ /spos dang me tog gtor ma lha bshos ni/ /'di dag bzhes shing so sor bsnams nas kyang //bya ba 'di ni 'bras bu mchis par mdzod/ /'di ni bgegs nye bar zhi bar byed pa'i don du'am/ dgos pa gzhan 'dod pa'i mkhas pa rnams kyis bsgrub par bya'o/ /gtor ma 'di la sngags rnams ni/ /kun du 'byung ba med mod kyi/ /'on kyang tshigs bcad tsam gyis ni//'dir ni gdon sogs rim par 'gyur/ /dka' thub mthu dang bden pa rnams/ /lhag par yang dag thob 'gyur ba/ /bcom ldan 'das kyi bka' lung ni/ /'di ltar sngags dang mtshungs par 'dod/ /slu ba med pa'i tshig gang yin/ /de ni gsang sngags nyid du 'dod//mu stegs kyis ni bstan pa'i sngags/ /de nyid phyir na chad ma min/ /de bas dngos grub thob rnams kyi/ /tshig gang de sngags nyid yin te/ /spyod lam bzhi po de dag ni/ /phyag rgya nyid du bshad pa yin/ /de bas gtor ma'i las 'di la/ /tshigs bcad gsang sngags nyid du 'grub//de bas 'dir ni swA hA sogs/ /spel ba'i sngags ni dgos pa med/ /de ni gdon dang phyogs skyong rnams kyi gtor ma'i cho ga'o// //dkyil 'khor thams cad tshim bya'i phyir/ /dus kyi 'khor lo las gsungs pa/ /gtor ma'i las ni shin tu gsang / /de bzhen gshegs dang lha mo rnams//dkyil 'khor gyi ni 'khor rnams dang / /khro bo mkha' 'gro ma rnams kyis/ /sum cu drug gi bar gsal bar/ /de nas gzhan yang rab bshad bya/ /dang po sbyor ba sogs dbye bas/ /ting nge 'dzin ni gsum du 'dod/ /de yi mtha' mar rnal 'byor pas/ /phyi rol dkyil 'khor tshim par bya//ye shes 'khor lo rang snying nas/ /sna yi bu ga g.yas dang g.yon/ /gnyis nas kun du spro bya zhing / /dkyil 'khor la ni yang dag dgod/ /chos kyi 'khor lo'i phyogs kyi mtha'/ /bzhi po las kyang mkha' 'gro sogs/ /gnas ni nyi shu rtsa bzhi las//rab tu gtum mo la sogs spro/ /khwa yi gdong can la sogs pa/ /thams cad za byed mkha' 'gro ma/ /rul ba'i dri ldan la sogs sgo/ /dur khrod rnams nas yang dag spro/ /'khor lo'i dkyil 'khor nang du ni/ /mkha' 'gro ma yi dkyil 'khor mchog /mthong nas mchod yon zhabs bsil sogs//sngar bzhin rnal 'byor so sor dbul/ /de nas sngar bzhin chu skyes sogs/ /rnal 'byor pas ni rnam par bsam/ /bdud rtsi lnga yang bsam par bya/ /rang gi sa bon byin brlabs shing / /'od kyi tshogs ni rnam par 'phro/ /byang chub sems kyi rang bzhin du//de dag brtul zhugs chen pos bsam/ /de nas rnam par sbyang ba la sogs pa'i sngags kyi tshig ni 'di rnams yin no/ /oM na maHshrI badzra DA ki ya oM AHhUM/ yi ge oM gyis sbyang bar bya'o/ /yi ge AHyis spel bar bya'o/ /yi ge hUM gis bdud rtsir bya'o/ / lag pa g.yon pas sbyang bar bya'o/ /lag pa g.yas pas rtogs par bya'o/ /thal mo bkab nas spar bar bya'o/ /nam mkha' lding gi phyag rgyas zla bzhu ba'i rang bzhin du bdud rtsir bya'o/ /de nas g.yon pa'i srin lag gis dbus nas thig le blangs te sa la chos 'byung gru gsum bya zhing /de'i nang du zlum po'i thig le'i gzugs can bya'o/ /de'i nang du me long gi gzugs brnyan bzhin du gsal ba'i dkyil 'khor gyi 'khor lo bsam zhing de tshim par bya'o/ /oM AHhUM/ a A/ i I/ u U/ r-i r-I/ l-i l-I zhes bya ba ni rnam par shes pa la sogs pa'i phung po rnams dang nam mkha' la sogs pa'i khams rnams so//a A/ i I/ e ai/ ar A ra/ o au/ a' Al/ oM AHhUM zhes bya ba ni dbang po drug go/ /ya yA/ ra rA/ wa wA/ la lA/ ha hA zhes bya ba ni thabs dang shes rab kyi sku can gyi khro bo bcu dang / las kyi dbang po dang zhe sdang rdo rje la sogs pa'i bdag nyid can dag go//ka kA kha khA ga gA g+ha g+hA nga ngA/ tsa tsA tsha tshA dza dzA dz+ha dz+hA nya nyA/ Ta TA Tha ThA Da DA D+ha D+hA Na NA/ pa pA pha phA ba bA b+ha b+hA ma mA/ ta tA tha thA da dA d+ha d+hA na nA/ sha shA Sha ShA sa sA ha hA tsh+ya tsh+yA ha hA/ ya yA ra rA wa wA la lA k+Sha k+ShA zhes bya ba ni thabs dang shes rab kyi rigs sum cu rtsa drug tshim par bya ba'i cho ga'i sngags so//de ltar brjod nas dkyil 'khor gyi 'khor lo'i mkha' 'gro ma tshim par bya ba'i phyir srin lag dang mthe bong dag gis thig le phul te/ dkyil 'khor rang gi yan lag la bsdu bar byas nas/ rang gi kha mtshan ma gcig par bdud rtsi lnga'i thig le mkha' 'gro ma'i grangs dang mnyam pa sngags 'di sa gtor bar bya'o//oM sarba kro d+ha DA ka n+ya i maM ba liM pra tI ts+tshan+tu sa ma ya ma nu sma ra AHhUM phaT swA hA/ de nas yongs su mnyes par bya ba'i don du yang sngags 'di brjod par bya ste/ oM di byAn ne sa mA d+hi d+h+ya na pr-i Na ne swA hA/ de'i rjes la mkha' 'gro ma'i 'khor lo ma lus pa yongs su mnyes par gyur nas khams gsum pa yang de kho na bzhin du bsgom par bya'o//de nas langs te ye shes kyi 'khor lo gshegs su gsol ba/ dam tshig gi 'khor lo nang du bcug ste/ smon lam btab la bsod nams yongs su bsngos te/ rang gi lha'i nga rgyal du dmigs la snang ba tsam gyis rang gi ngo bo'i spyod lam rnams kyis gnas par bya'o//de ni dus kyi 'khor lo'i man ngag gi rim pa'i rdo rje mkha' 'gro ma rnams kyi gtor ma'i cho ga'o// //gang gi lus ni rab rgyas shing / /bde ba chen po thob 'gyur ba/ /yi dags tshim byed gtor ma ni/ /de nas gzhan yang rab bshad bya//dang po chu ni drag zug pa'i/ /chu bo nub bltas song nas ni/ /lag pa la sogs bkrus nas ni/ /gus pa yis ni bzlas par bya/ /pad+ma'i phreng ba blangs nas ni/ /mkhas pas brgya dang rtsa brgyad bzlas/ /sngags ni yi ge drug pa ste/ /dngos su 'phags pa spyan ras gzigs//oM dang ma Ni pad+me dang / /hUM gi mtha' can sngags rgyal po/ /yi dags rnams kyi bkres skom sogs/ /nyon mongs gdung ba 'dzoms byed pa/ /'o ma'i mtsho ltar dkar ba'i 'od/ /zhi ba 'phags pa spyan ras gzigs/ /ral pa'i thor tshugs kyis brgyan pa//zhal gcig phyag ni gnyis pa ste/ /mchog sbyin chu skyes dag gis mtshan/ thugs rje'i rang gi shugs kyis ni/ /gdung par 'gyur ba'i yid mnga' ba/ /mtsho skyes chen po'i ge sar gyi/ /lte ba'i dbus na yang dag bzhugs/ / skyil krung phyed par bzhugs gyur pa/ /'od dpag med pas dbu rgyan byas/ /zla ba'i 'od kyis brgyan gyur cing / /'od kyi 'khor los rnam par brgyan/ /sdug bsngal gsum gyis sdug bsngal gyur/ /ma lus 'gro ba skyob brtson pa/ /rnal 'byor pas ni bdag nyid bsam/ / skrag 'gyur ri dgas gzhon nu ma'i/ /g.yo ba'i mig ni zil gnon mdzad/ /yid 'ong lha mo sgrol ma ni/ /g.yas logs su ni bsgom bar bya/ /g.yon du de bzhin ser por snang / /phyag byed pa la yang dag brtson/ /zla ba phyed pa dang mtshungs pa'i/ /dpral ba dang ldan khro gnyer can/ /de nas snying gi'i pad dbus su//yi ge hrIHni yang dag bsam/ /de yi 'od kyis 'gro ba kun/ /gsal bar byas nas rab tu dgang / /'od zer mang po de nyid kyis/ /shin tu skem pa'i yi dags ltar/ /rang gi skra dang ba spus g.yogs/ /gsus pa ri bo dag dang mtshungs/ /mgrin pa'i wa las byung ba yi//rnag ni 'thung bar kun du 'dod/ /rus pa snabs lud bkres zas nyen/ /rang gi mchu dang lkog ma rnams/ /de rnams bltas nas bsod ldan pas/ /snying rje chen po bskyed byas nas/ /de rnams steng du lus byung ba'i/ /'od zer 'khor lo dbab par bya/ /de nas snying rje'i shugs kyis ni//lag pa dag las shin tu byung / /'o ma'i rgyun gyi de dag ni/ /snyim ba kha dang 'brel ba dgang / /de nas lo ma 'bras chan dang / /'o ma dang ni mngar gsum gyis/ /snod ni shin tu gang byas nas/ /de rnams 'di ltar bod par bya/ /oM A yan+tu A yan+tu ma hA pre ta sang+g+ha shuSh+ka ma kan+thoShA pU ta/ k+Sha dI pA sA wa shrI kri ta d+hi ni tsi t+ta/i maM ba liM gr-i h+Natadzi g+ha tha bi ba thab+hUny+dza tha su khawa t+yaM ra ma tha/ pu nar ku shal d+hi ma ra tha swA hA/ sngags 'di yis ni yi dags kyi/ /rigs chen po la de nas ni/ /gtor ma sbyin phyir sngags 'di ni/ /rnal 'byor pa ni gsal bar brjod/ /oM na mo b+ha ga ba te a pa ya b+hi ru ka te dzo rA dzA ya ta thA ga ta ya ar+ha te samyak+saM bud+d+hA ya/tad+ya thA/ oM sarba ta thA ga ta a ba lo ki te/ b+ha ra b+ha ra/ sam+b+ha ra sam+b+ha ra/ hUM dz+dza sarba pre ta ka la ni san+tar+pa ni swA hA/ de nyid kyi phyag rgya 'byung ste lag pa gnyis kyis thal mo kha cung zad phye ba byas la mdzub mo dag rna cha'i rnam par byas pa'i phyag rgya byas te/ yi dags kyi gtor ma'i sngags dang phyag rgya'o/ de nas chu bo de nyid 'o mar 'brub par bsams la de nyid du gtor ma de dor bar bya'o//yi dags de rnams kyang lus yongs su rgyas pa 'od zer gyi tshogs de nyid kyi steng du bteg la/ bde ba can gyi 'jig rten gyi khams 'jig rten dbang phyug bzhin du pad+ma'i stan la nye bar gnas pa bsam gtan la dga' ba'i yid can du bsgom par bya'o//de ni yi dags kyi gtor ma'o// //bdag nyid skal bzang sgrub pa dang / /rgyal po la sogs dbang bya'i phyir/ /dri za'i gtor ma bsgrub pa ni/ /de nas gtor ma rab bshad bya/ /dkyil 'khor gru bzhi bya ste/ gla rtsi dang / ga pur dang / bzhi mnyam dang / gur kum dang / tsan+dan dang / si la ra sa dang / ba la la sogs pa rnams kyis nye bar byugs la dbus kyi gnas su a ka ru'i spos dud sna tshogs kyi dri bsrung yid du 'ong ba/ nor bu mthing shun rang bzhin can shin tu mtho ba/ dngul dang byi ru dang gser las byas pa'i rtse mo gsum gyis nye bar mdzes pa'i gzugs can dri zi'i rgyal po rnams rked pa'i cha sna tshogs la sna tshogs rgyan ldan dang /sna tshogs mthu ldan la sogs pa dri za'i rgyal pos rnam par brgyan pa'i ri'i rgyal po spos kyi ngad ldang rnam par bsgoms la de'i steng du sngar bshad pa'i dri za'i bdag po lus rdzas dri zhim po dag gis nye bar byugs pa dra zhim po'i tshogs kyis phyogs bcur gtogs pa'i khong gang bar byas la/lus lha'i me tog sna tshogs kyi phreng bas rnam par brgyan pa/ dri za'i bu mo nu ma'i ljid kyis dbyibs dgu ba la 'khyud pa las byung ba'i dga' ba dang ldan pa/ sa 'dzin pa la sogs pa klu'i bye brag glu yongs su len pa'i sgra snyan pas lkog ma khyab pa dag rnam par bsgoms te dkyil 'khor gyi 'gram du gtor ma'i snod chu dri zhim po dang /zho dang / 'bras yos dang / sman thams cad dang / nyungs kar dang / tsan+dan dkar po dang / tsan+dan dmar po dang / gla rtsi dang / gur kum dang / spang spos dang / dwa tshwa dang / a ka ru la sogs pa'i dri zhim po rnams kyis yongs su bkang la/ snod gzhan yang zho dang / sbrang rtsi dang / mar sar dang / sha kha ra dang / kha d+ha dang / bu ram dang / 'bras chan dag gis gang bar bya ste/ de rnams bod pa'i don du sngags 'di gsum brjod par bya'o/ /oM gan+d+ha rba sarba a d+hi pa ta ye/bi tsi tra ang+ga d+ha d+ha yi/ ma ma ka t+ya sid+d+ha ye/ i tA a yan+tu/ sa sa ma yaM pa la yan+tu/ b+ha ga bAn/ badzra d+ha ra shA sa ne tiSh+Than+tu/ a tra san+ni hi ta b+ha ban+tu swA hA/ dri rdo rje ma'i phyag rgyas gtor ma'i snod yongs su rgyas btab ste sngags brjod par bya'o/ /oM swa b+hA ba shud+haHsarba d+harmAHswa b+hA ba shud+d+hou0f85haM/oM a kA ro mu khaM sarba d+harma NAM Ad+ya nu d+pan+na twA ta oM AHhUM phaT swA hA/ de nas gtor ma'i snod ri'i rtsa ru dor bar bya'o/ /khyod kyis zhes bya ba la sogs pas btang ste rnal 'byor pas gnas par bya'o/ /de nas rgyal po la sogs pa rnams 'dis dbang du 'gyur ro/ /de ni dri za'i gtor ma'o// zhing ni srung bar byed pa dag /thams cad kyis ni rab mnyes 'gyur/ /zhing srung gtor ma'i bya ba ni/ /de nas gzhan yang rab bshad bya/ /de nas bcom ldan 'das kyis zhing / /thod pa'i dum bu la sogs dang / /dngos grub don du gang du gnas/ /nyi shu rtsa bzhi gsungs par gyur/ / de la 'di rnams ni zhing rnams kyi brnga'i ming yin te/ pu dza o a go ra de ma/ ka o tri ko ka la ka hi/ pra gr-i so su nA si ma ku/ pul+li ma ra ya dang / dzA lan+d+ha ra dang / o Di ya na dang / arbu ta rnams ni gnas dag yin no/ /go dA wa rI dang / rA me shwa ra dang / de bI ko TI dang / mA lA ba rnams ni nye ba'i gnas so//kA ma rU pa dang / o Te dag ni zhing ngo / /tri sha ku ne dang / ko sa la dag ni nye ba'i zhing ngo / /ka liM ka dang / lam+ba ka dag ni ts+tsha n+ho ha'o/ /kAny+tsi dang / hi ma la ya dag ni nye ba'i ts+tshan+do ha'o/ /pre ta pu ri dang / gr-i ha de ba ta dag ni 'dus pa'o/ /so rA Sh+Ta dang / su wa r+N+Na dwI pa dag ni nye ba'i 'dus pa'o//na ga ra dang / sin+d+hu sha dag ni dur khrod do/ /ma ru dang / ku lu tA dag ni nye ba'i dur khrod do/ /zhing de rnams kyi bdag po dag gi ming rnams brjod par bya ste/ rgas pa med dang chur 'gyur dang / /de bzhin i dang rkun po dang / /zla ba'i gzugs can 'ug gdong dang / /drod za dang ni drag po 'joms/ /lus med byug pa'i lus can dang //rol pas 'don byed mche ba can/ /sa srung dang ni rlabs can dang / /de bzhin du ni sman 'joms dang / /mtha' yas dang ni nyon mongs sems/ /a smra len dang mi bzad gdong / /ba lang gdong can dril bu'i 'od/ /za byed gtum po dang ldan dang / /ral pas 'gying ba zhing srung rnams/ /go rims bzhin du shes par bya//spyan ser dbu skra gyen du brdzes/ /mche gtsigs pa yi zhal mnga' dang / /thod pa'i phreng ba'i rgyan dang ldan/ /phyag na thod pa kha T+wAM ga /nag dang 'phrog dang grong so so/ /ri dang tshang tshing chu 'gram dang / /chu bo rdzing 'gram dag dang ni/ /khang stong dang ni bzhi mdo dang / / dben pa tshong 'dus yul 'khor dang / /grong khyer shing drung dag dang ni/ /dur khrod dang ni tshang tshing khyim/ /smad 'tshong khyim dang mun khung dang / /gnas gzhan dag tu de dag ni/ /gnas bcas nas ni rtag tu gnas/ /hUM gi sa bon las byung ba/ /nang gi yig gsum byin gyis brlabs/ rnal 'byor pas ni mdun gnas par/ /'bad pa yis ni bsgom par bya/ /chang dang sha dang 'bru yi chang / /'bras kyi rgyal po'i chan gyis dgang / /snod ni nyi shu rtsa bzhi dag/ /blangs nas gtor ma dbul bar bya/ /dril bu'i sgra bcas sbos phul nas/ /rnal 'byor rig pas spyan drang bya/ /de nas spyan drang don du na//de yi sngags 'di brjod par bya/ /oM a yAn+tu/ oM a yAn+tu/ k+Shi ta a d+hi pa ta ye/ mA ma shAn+di puSh+Ti wa sh+ye di d+hi sA d+ha na ya/ na mo g+ha naM nash+tsa D+ha na pa te sa pa ri wAr sa rak+ShA r+thAM sa n+ni hi ta i ha b+ha ban+tu swA hA/ de na bos te dri yi chus/ /zhal bsil mchod yon dag phul nas/ / sngags 'di gsang sngags rig pa yis/ /de rnams la ni gtor ma dbul/ /oM hrIHhUM a mu ka a ba ta ra k+She tra pA la/ ma hA ba la ka pi la dza Ta la ma hA ba la b+ha su ra tri ne tre dz+wa la mu kha/ gan+d+ha d+hU pa ba liM pU dza gr-i h+na gr-i h+na/ b+hai ra ba rU be ta ra ta ra/ tu ru tu ru/ mu ru mu ru/kha kha khA khA/ la la la/ he he ha ha/ ma hA d+ha ma ra a ti pa ta ye swA hA/ zhes bya ba brjod la/ dpal bde mchog 'khor lo'i rgyud las bshad ba'i mkha' 'gro ma'i phyag rgyas btab ste/ shing gcig gi drung du gtor ma dor bar bya'o/ /de ltar byas na rnal 'byor pa/ / gang gis sems can dag gi don/ /rgyun mi chad par byed pa'i las/ /zhi ba la sogs de 'grub 'gyur/ /gal te thun ni gsum mam bzhir/ /rnal 'byor pas ni gtor ma sbyin/ /des na de la zhing srung rnams/ /rtag tu srung bar byed par 'gyur/ /dgra bo dang ni rgyal po dang / seng ge stag la sogs pa dang / /gzhan yang gsod byed rigs can dang / /rkun ma 'ang de la gnod mi byed/ /langs ba 'am ni 'dug pa 'am/ /nyal lam 'gro bar gyur kyang rung / /spyod lam thams cad dang ldan ba/ /de la de rnams srung bar byed/ /bdag nyid dang ni gzhan dag la/ / gang zhig myur du skyob 'dod pa/ /de yis zhing srung gtor ma ni/ /gus pa yis ni rtag tu bya/ /de ni nam mkha' dang mnyam pa'i rgyud kyi man ngag gi sgo nas dpal bde mchog gi zhing gi bdag po'i gtor ma'i cho ga'o// //gang gis rims sogs rnal 'byor pas/ /skad cig gis ni rab zhi byed/ / sha za'i gtor ma'i sgrub pa ni/ /de nas gzhan yang rab bshad bya/ /dang por ting 'dzin las langs te/ /'jigs rung dur khrod song nas ni/ /dogs pa med pa'i yid kyis ni/ /de ru dkyil 'khor bri bar bya/ /dur khrod kyi ni so phag tshogs/ /lag pas brdungs te phyer byas nas/ /tshon rtsi kha dog lnga pa dag /de ni rnal 'byor rig pas bya/ /de ni bde mchog dkyil 'khor ni/ /go rims bzhin du legs bris nas/ /me tog ka ra bI ra sogs/ /go ku da ha na rnams dang / /bdud rtsi yi ni rdzas dag dang / /bza' btung de bzhin shes rab dang / snyoms 'jug mchod pas sgrub pa pos//gtso bo he ru ka mchod bya/ /ji srid dkyil 'khor las 'od zer/ /kha dog sngon po rnam byung ba/ /de srid rkang pa brgyad pa'i sngags/ /mnyam gzhag rnal 'byor pa yis bzla/ /de mthong yid ches shes byas nas/ /sha za'i gtor ma brtsam par bya/ /chang gi btung ba dang ldan khrag /nya sha rlon pa dag dang ni//bsregs dang btsos pa'i bye brag dang / /dri zhim me tog dmar po dang / /khab dang ras ni sngon po dang / /zangs dang 'khar ba las byas dang / /lcags kyi phye ma dag dang ni/ /'bru sna'i chan gyis yongs gang ba/ /byas nas spos dang me tog sogs/ /byin te bod pa yang dag brtsam//khro bo'i sems ldan thub dka' ba/ /dogs med yid kyis sngags pa yis/ /dur khrod gnas pa'i shing gcig la/ /'dzegs nas rtse mo la gnas pa/ /gcer bu skra bshig gyur pa yis/ /dpa' bo drug gi go cha dgod/ /Ta dang ma las yang dag byung / /zla ba dang ni nyi ma dag /mig la bsams nas gnod mdzes ni/ /rgyal pos phyogs dag bcing bar bya/ /oM a ra l+li ho dzaHhUM baM hoHbadzra TA ki n+ya sa ma ya s+t+waM dr-i sh+ya ho/ /de nas sha za blo ldan gyis/ /'di yis bod pa byas nas su/ /brtse ba'i bdag nyid khro tshig gis/ /tshigs bcad 'di ni brjod par bya/ /sha za 'am de'i yid 'ong ba//'dir ni mi bzad su zhig gnas/ /ming ni 'di zhes bya ba ngas/ /kye lus gtor ma sbyin par bya/ /nga yi lus las sha khrag sogs/ /bza' ba dang ni btung bar gyis/ /tshigs dang rkang dang klad pa dang / /de bzhin khams ni bdun po dag /'ongs te khas blangs nas ni//ci bde bar ni gnas par gyis/ /rnal 'byor ba ni de de yi tshig /de skad mtshan phyed nas thos nas/ /rab tu dga' ba'i yid ldan pa/ /sha za kun kyang mthong bar 'gyur/ /gus pas sha ni bza' ba'i phyir/ /byin cig ces ni nges par smra/ /de nas de yi tshig thos te/ /'di ni khyer cig ces brjod bya//gal te nus yod pa'i lus las/ /khrag la sogs pa dag khyer cig /de nas he ru ka'i gzugs su/ /mthong nas de dag 'jigs par 'gyur/ /rnal 'byor pa yi rang lag nas/ /gtor ma blangs te 'gro bar byed/ /de la gtor ma'i sngags ni 'di yin te/ /oM pi tsi pi tsi pi sma shA na wa si b+h+yo//ma hA pi shA tsi b+h+yo/ /i maM ba liM gr-i h+Na tu/ b+huny+dza tha/ pi ba tha/ ya thaiSh+Ta da ma me pra ya ts+tshan tu swA hA/ de nas rab tu gsang bar bya/ /tshig brgyad pa yi sngags brjod cing / /de ni shing rtse nas babs te/ /ye shes 'khor lo gshegs su gsol/ /rims la sogs pa'i nad zhi ba//de nas de yi rab 'grub 'gyur/ /rnal 'byor pa ni ji ltar 'dod/ /las byed 'gyur 'dir the tshom med/ /de nas rang gi gnas phyin te/ /chu yi gtor ma gtang bar bya/ /de yis sngar bshad rim pa bzhin/ /snyim pa gsum ni sbyin par bya/ /de ni rdo rje can 'byung ba zhes bya ba'i rgyud kyi man ngag gi sha za'i gtor ma'i cho ga'o// //rgyud chen sgyu 'phrul dra ba las/ /btus nas dug ni zhi bya'i phyir/ /mkha' lding gtor ma bya ba ni/ /de nas gzhan yang rab bshad bya/ /pha rol tshu rol med pa'i mchog /'o ma'i rgya mtsho zab mo ni/ /chu srin 'dzin khris kun du khyab//g.yo zhing nam mkha'i gtos rig pa/ /rlabs kyis chu ni kun du 'khrugs/ /'o ma mu tig kun da mtshungs/ /chu ni dkar po mkha' gsal ba/ /yi ge saM las byung bar bsam/ /de yi dbus gnas yi ge tAM/ /shin tu dkar po bsam par bya/ /de las yongs su grub pa'i gru//gser gyi rgyan ni sna tshogs pas/ /phyogs bzhi nas ni rnam spras ba'i/ /ka pa dag gis brgyan pa bsam/ /de'i steng paM las byung ba yi/ /pad+ma dkar po 'dab brgyad pa/ /lte ba ge sar dang bcas shing / /'od kyi tshogs kyis rab 'bar bsam/ /yaM sogs sa bon las byung ba/ /rlung la sogs pa'i dkyil 'khor bzhi//de yi steng du phyogs su ni/ /go rims bzhin du bsam par bya/ /sngar bzhin bdud rtsi zhes bya ba/ /spro dang bsdu ba'i rim pa yis/ /mkha' lding bdag po skyed byed pa/ /sa bon de yi steng du dgod/ /de nas de ni gyur pa las/ /mkha' lding bdag po bsam par bya/ / gdong gcig lag pa bzhi pa ste/ /kha dog dkar po 'od chen ldan/ /gser gyi gshog pa'i dbu rgyan can/ /nor bu bai DUr+ya yi mchu/ /rkang sder byu ru las byung ba/ /shel ltar dkar ba'i gdong dang ldan/ /rked lte bar du bdud rtsis gang / /bum pa lag pa gnyis kyis ni/ /snying gar 'dzin byed gzhan dag ni//phyag byed pa la rab tu brtson/ /mig sogs la ni gti mug sogs/ /rdo rje gsum la tshigs gsum dgod/ /bskyed nas de yi yan lag gi / tshigs rnams la ni hUM dgod bya/ /rig byed yi ge dang po ni/ /de yi spyi bor bsam par bya/ /snying ga'i yi ge hUM byung ba'i/ /'od zer mang po'i chogs kyis ni//mkha' lding dbang phyug 'khor rnams ni/ /rang gi rnam pa can nyid spro/ /de nas mkha' lding dbang phyug gi / dkyil 'khor rdzogs par ba ltas nas ni/ /dri zhim chu yis de nyid la/ /mchod yon byin nas de bzhin bod/ /dug 'joms pa la brtson ldan pa'i/ / phyag rgya 'bar ba bcing bar bya/ /oM pa k+Shi swA hA/ snying ga'o/ /oM k+Shi pa swA hA/ mgo bo'o/ /oM swA k+Shi pa swA hA/ gtsug phud do/ /oM hA k+Shi pa swA hA/ cho ga'o/ /hA swA k+Shi pa oM mtshon cha'o/ /yang oM pa k+Shi swA hA/ lte ba'o/ /de ni yan lag drug la go cha dgod pa'o/ /de bzhin du bod pa'i phyag rgya 'byung ste/ lag pa g.yon pa'i gung mo bsgreng ste mdzub mo dang srin lag cung zad bkug nas mthe'u chung dang mthe bong dag dgug par bya'o/ /de ni nam mkha' lding bod pa'i phyag rgya'o/ /oM hriHpak+She rA dzA ya A gats+tsha ya A gats+tsha ya sarba duSh+TA nAM mu khaM ban+d+ha ku ru ma hA kA la kU Ta bi ShA pa ha ri ni shI g+h+raM sa ma ya Sh+Ta sbruM sbruM shruM/ sa sa sa hUM hUM hUM phaT phaT phaT swA hA/nam mkha' lding bod pa'i sngags so/ /de nas mdun du ba lang dang ma he la sogs pa'i kha na ma tho ba med pa'i srog chags kyi rigs rnams kyi 'o mas snod yongs su bkang ste/ gang+gA'i chu dang yang bsres nas de bzhin du snod gnyis pa 'o thug gis yongs su gang bar byas la sngags 'dis byin rlabs bya'o//oM sarba ta thA ga ta mi bai R+Ya sa ma ya mu tra spa ra Na shri ye hUM/ de nas spos dang me tog dang mar me dang / dri dang / lha bshos rnams dzA ti pha la dang / gla gor zho sha la sogs pa rnams kyis gtor ma la mchod de rtse gsum pa'i nam mkha' lding gi phyag rgyas mngon par btab la yi ge brgya pa lan gsum bzlas te gtor ma'i sngags brjod par bya'o//oM na mo b+ha ga ba t+yai AR+Ya pa ra ma a sh+ya ya/ ta thA ga tA ya [(]ar+hatesamya [,]ar+ha te samya [)]k+saM bu d+d+hA ya/ oM tA re tu t+tA re tu re swA hA/ oM gr-ih+Na gr-ih+Na pu Sh+pa d+hU pa ba liM i maM sarba u pa tsa ra saM pan+naM/ kha g+hA d+hi pa te/ kha kha khA hi khA hi sa ma ya ma nu sma ra AHhUM phaT swA hA/zhes brjod la/ snying gar pad+ma bskor ba la lan lnga byas te/ rdo rje dang dril bu dkrol ba sngon du 'gro ba can gyi snying po 'jug pa'i phyag rgya bcings la/ rta'i rgyal po'i nga rgyal dang ldan pas gtor ma dor ba bya ste/ pad+ma'i mtsho 'gram mam/ rdzing chen po'i 'gram du gtor ma dor bar bya'o//de nas langs te/ oM b+ha k+Sha swA hA/ zhes bya ba'i yi ge lnga'i sngags kyis lag pa g.yon pa'i sor mo rnams byin gyis brlabs la/ lag pa'i dbus su dbyangs drug pa rnams par bkod de/ de yongs su gyur pa las zla ba'i dkyil 'khor rnam par bsgoms la/ de'i steng du ba'i 'o ma ltar mdog dkar po dang ldan pa'i yi ge haM rnam par bkod de/lag pa des chu la mngon par bsngags la/ ku ru kul+le'i sngags kyis gang gi kha ru chu blugs pa de skad cig de nyid la dug skyug par 'gyur ro/ /brtan pa 'am ni g.yo ba 'am/ /bcos pa yi ni dug kyang rung / /mche ba'i dug gam dran pa'i ngag reg dang mthong ba'i dug la sogs//sbrul dag gis ni zos pa yi/ /dug ni skad cig de la 'joms/ /tha na drag po'i mgrin gnas pa'ang / /ma lus par ni 'joms byed na/ /kA la ku Ta'ang 'joms pa ni/ /'gyur ba ru ni the tshom med/ /de bas mkha' lding mchod pa'i phyir/ /rnal 'byor pas ni gtor ma'i las//gzhan la phan pa'i sems kyis ni/ /brtson pa yis ni kun du bya/ /bza' btung khyad par can sogs dang / /gos dang rgyan dang byug pa yis/ /sems can khams ni ma lus pa/ /rab gsol las byung bsod nams gang / /bsod nams de ni sems can gcig / srog ni yongs su bsrungs las byung / /de bas dug ni gzhom pa'i phyir/ /mkha' lding bdag po'i gtor mar 'dod/ /de ni rig pa 'dzin pa'i sde snod las/ /bdag gis gtor ma'i cho ga gsal bar btus/ /mkhas pas sems can la ni phan gdags phyir/ /'bad pa yis ni rtag pa nyid du bya//dpal rig pa 'dzin pa'i sde snod kyi nang nas btus pa'i mkha' lding gi gtor ma'i cho ga'o// //ro langs gtor ma bsgrub pa ni/ /rdo rje bdud rtsi'i rgyud las gsungs/ /cho ga yis ni rim bzhin du/ /gsal bar de nas yang dag bshad/ /gtor ma'i las ni thams cad la/ /bsgoms pa'i stobs kyis 'byung po rnams//bskyed nas mgu bar bya zhes grags/ /rnal 'byor pas 'dir de bzhin min/ /dang por ro langs dag gi tshogs/ /sngags kyi mthu yis bslangs nas ni/ /de nas 'das sogs kun dris nas/ /snying rje chen pos gtor ma sbyin/ /re zhig dang por shin tu 'jigs//dur khrod ro yis 'jigs byed par/ /song nas dogs med sems kyis ni/ /mtshan mo ro ni btsal bar bya/ /rgyal pos nyes pa la brten nas/ /sgegs par gyur pa gang yin dang / /bsal shing la bskyon yan lag ni/ /ma nyams ro chen btsal bar bya/ /'khyud pa dang ni'o byas te//de bzhin dpyang thag bya ba yis/ /dgyes gang bcom ldan 'das kyis ni/ /'di gsungs mA ma kI la gsungs/ /ro langs chen po bsgrub pa ni/ /de nas yang dag rab bshad bya/ /mar ngo'i brgyad dam bcu bzhi la/ /mtshan ma gcig gam bzhi mdo 'am/ /shing gcig gam ni dur khrod dam//chu yi 'gram dang ri bo ru/ /bya ba dag ni thams cad bsgrub/ /de bzhin ro langs bslang ba na/ /mtshan rnams thams cad yang dag rdzogs/ /'gegs nas shi ba gang yin pa/ /gdol pa 'am ni g.yung mo 'ang rung / /sdug cing mdzes la rma med pa/ /sum cu rtsa gnyis so dang ldan//lo ni nyi shu rtsa lnga lon/ /yang na btsa' ba'i dus su ni/ /shi ba'i bud med bslang bar bya/ /sngags dang sman dang ldan pa yi/ /chu mdog dag gis khrus bya zhing / /tsan+dan dkar po gla rtsi yis/ /de la rnam par byug par bya/ /spos dang me tog dag gis mchod/ /gtor ma sna tshogs sbyin par bya//til mar chen pos byugs nas na/ /nyungs kar gyis ni gdong la rdeg /sgrub pa pos ni he ru ka / zhes bya'i dkyil 'khor de bri bya/ /zla ba phyed pa thod mtshungs pa/ /gzhu bdungs pa yi rnam pa can/ /rig ma brgyad dang yang dag ldan/ /thod pa rnams kyis nye bar mdzes/ / gzhi ni thod pa dag yin te/ /thams cad kha T+w+'aM ga bsnams pa/ /spyan gsum drag po'i gzugs can te/ /spyan drug ral gri phyag bsnams pa/ /dkyil 'khor 'di yi phyi rol du/ /sgo srung dag ni rab tu brtag /ba lang sna dang glang po'i sna/ /bzhin bzangs de bzhin bzhin ngan pa/ /drag po'i zhags pa lcags kyu thogs//mi sdug rnam gtsigs 'jigs rung ba/ /zhal gcig pa la phyag gnyis pa/ /spos dang me tog la sogs bri/ /rol cha rnam pa sna tshogs mchog /dkyil 'khor du ni rim bzhin bri/ /de nas dpa' bo sgrub pa po/ /he ru ka yi gzugs 'dzin pa/ /dud chen dag gis rnam par brgyan//kha na sha chen za byed pa/ /thod pa'i phreng ba'i dbu rgyan can/ /shin tu rnam gtsigs 'jigs rung bas/ /de ru cang te'u brdung bya zhing / /gar gyis grong khyer 'jug par bya/ /lus la sngags kyis go bgos pas/ /der ni yi ge phaT brjod bya/ /dkyil 'khor mchog ni sngar bzhin du/ / khrag chen po yis bsang gtor bya/ /he ru ka yi sngags chen po/ /sgrub pa pos ni bzlas par bya/ /khro bo bcas nas ro langs ni/ /'brug gi sgra ni sgrogs par 'gyur/ /sngags pas 'jigs par mi bya zhing / /he ru ka ni rjes dran bya/ /he ru ka ni 'jigs rung bshad/ /tshangs pa'i yul sa za byed brtson//drag po chen po lcags bskyod pa/ /'gro ba kun du sdud pa po/ /ha ha zhes ni sgrogs bshad pa/ /'jigs byed ji bzhin 'jigs rung ba/ /rgya mtsho'i gling gi me ltar 'bar/ /nyi ma bcu gnyis dang mtshungs 'od/ /dpa' bo dbang phyug gzugs can dpa'/ /khams gsum dag ni g.yo mdzad pa//sgom pa'i bdag ldan de yi gzugs/ /sgrub pa pos ni dbang po bsam/ /langs par gyur nas ro langs de/ /sgrub pa po la 'di skad smra/ /dpal chen bdag gis ci zhig bgyi/ /rdo rje can mchog bka' stsol cig /ral gri mig sman sa 'og dang / /mkha' spyod phan par bya ba dag /ji ltar bsgrub par 'dod bzhin bu//las de rab tu sgrub par byed/ /yid la 'dod pa'i las gang yin/ /sgrub pa pos ni de la brjod/ /de dag thams cad sgrub par byed/ /pad+ma rgya chen mA ma kI/ /de nas de yi kha las ni/ /'das dang ma 'ongs sogs zhes bya/ /rgyal po la sogs tshe tshad dang / /bdag nyid kyi yang de las yin//sha chen rgun chang zang zing dang / /skye ba bdun pa las byung ba/ /sha ni chen po dag gis kyang / /de nas de la gtor ma sbyin/ /yang na lus ni ma nyams pa/ /gzhon nu'i gzugs can yon tan ldan/ /ba lang kha na ma tho med/ /rnyed nas gtor ma'i snod du gzhug / bdud rtsi dag gis kha bkang nas/ /he ru ka yi gzugs 'dzin cing / /sngags pa phyag rgya lnga 'chang ba/ /rdo rje dril bu snyems bcas pas/ /bshang gci khrag ldan bud med gos/ /bdud rtsi gu gul gyis thod par/ /ro bsregs me la spos gtul te/ /sgra yi mchod pa phyir ldan zhing / / de byas sor gdub dang ldan pas/ /'bebs par byed pa'i mchog 'gyur te/ /gsang sngags 'di ni brjod par bya/ /oM b+hur b+hu ba swaH/ shrI he ru ka khA ya bid ma he/ /bid+yA rA dza yA d+hi ma he swA hA/ zhes bya de yis phab nas ni/ /mkha' spyod phyag rgya bcings nas su/ /blo gros chen pos ro langs la//lag pa gnyis su gtor ma sbyin/ /'di yi sngags ni 'di yin te/ /hUM badzra ka ra mu kha ya na maHshrI badzra rA ga sa mA yA na maHkha T+'aM ga badzra pra dza la ya ya na maHshrI badzra g+haN+Da tsa la yA ya na maHlag pa g.yas dang g.yon dag gis/ /sgeg bcas rtsed mo'i gar dag gis/ /bskal bzang rdo rje ha har bshad//gtor ma'i mchod pa sbyin par bya/ /de ni rnal 'byor gyis bteg ste/ /che mchog las byung mchog 'dzin pas/ /dpral ba ru ni bskor byas te/ /spyi bo'i gtsug tu gzung bar bya/ /de nas gar byed phab byas nas/ /lha mo'i rnal 'byor gyis glu dag /blang zhing phyag rgya brgyad kyis ni//de nyid gsang ba la sbyar bya/ /de ltar thams cad byas nas ni/ /gtor ma'i cho ga rab rdzogs nas/ /de nas ro langs de yid ni/ /mgu bar rtogs nas gus bcas pas/ /de la rnal 'byor bde mchog gis/ /tshig ni 'di skad brjod par bya/ /khyod kyi mgul nas zhags pa gang / /de ni grogs mchog nga la byin//kha nas byung bar gyur pa yin/ /pe ne 'di ni nga la byin/ /de nas zhags pa pe ne dag/ /de yis de la ster bar 'gyur/ /de dag blangs nas rnal 'byor pa'i/ /rmad chen las ni byed par 'gyur/ /zhags pa'i thal ba blangs nas ni/ /chu grang lhan cig 'thung byed gang / /brjed byed 'jigs pa chen po las//de ni skad cig gis grol 'gyur/ /gtsang ba'i don du gang zhig la/ /sngags pa gang gis pe ne byin/ /de ni lag tu slar ldog par/ /'gyur ba ru ni the tshom med/ /de nas btang bar byas nas ni/ /rnal 'byor rang gi gnas 'gro bya/ /smon lam btab ste dge ba nyid/ /yongs su bsngos te bde bar gnas//de ni rdo rje bdud rtsi'i rgyud las btus pa'i ro langs kyi gtor ma'i cho ga'o// //dpal ldan gdan bzhi'i rgyud gsungs pa'i/ /cho gas rgyas pa'i las la ni/ /chu yi las bya gtor ma'i las/ /de nas yang dag bshad par bya/ /ngo mtshar gyur pa'i lha thos te/ / chu yi sbyin sreg ji lta bu/ /de nyid chu yi sbyin sreg gi/ /mtshan nyid ji ltar shes par gyis/ /bcom ldan 'das kyis bka' stsal pa/ /chu sogs mtshan nyid yang dag pa/ /rdo rje de nyid yang dag byin/ /bla re dag ni rnam par bres/ /sna tshogs gos ni rab tu 'phyang / /dri dag gis ni kun du byugs/ /gru bzhi shin tu rgya che ba//dbus su snod ni dkar po gzhag /rdzas ni dkar pos byug par bya/ /chu ni 'o ma dang bsres shing / /gtsang ma'i chu yis yongs gang ba/ /dri yi chu yis kun du gang / /lcug ma dag gis brgyan gyur pa/ /bum pa brgyad po dag kyang ni/ /phyogs brgyad du ni gzhag par bya/ /skad cig rnam pas bskyed pa yi//ye shes mkha' 'gro bdag nyid la/ /spos dang me tog dri sogs kyis/ /bdag gi dngos po mchod par bya/ /de nas phyi rol gnas su ni/ /chu yi las rnams bya ba yin/ /lag gnyis thal mo sbyar byas nas/ /pad+ma'i rnam par gzung bar bya/ /oM ka ma la ye swA hA/ /pad+ma'i sngags dang phyag rgya'o//chu'i dbus su pad+ma ni/ /zla ba'i dkyil 'khor brgyan pa dgod/ /gdugs ni dkar pos g.yogs pa yi/ /sa bon dbus su bsgom par bya/ /rang gi dbugs las byung gyur pa/ /sa bon gyis ni gzugs bskyed bya/ /phyag gnyis sems dpa'i skyil krung bcas/ /rgyan ni thams cad kyis brgyan pa/ / phyag na rdo rje dbyug pa bsnams/ /sku mdog dkar por rab tu grags/ /bzhad cing khro bo sgeg ldan pa/ /rab tu mdzes pa'i gos kyis brgyan/ /dam tshig phyag rgya bstan bya zhing / /dam tshig sngags ni brjod par bya/ /lag gnyis phan tshun khu tshur bcas/ /mdzub mo gnyis ni rab brkyang zhing / /bkug cing mdud pa byas pa ni//dam tshig phyag rgyar rab tu bsgrags/ /oM sa ma ye tiSh+Tha hUM phaT/ /dam tshig sngags dang phyag rgya'o/ /shar gyi bum par nor bu bzang / /lho ru gang ba bzang po ste/ /nor sbyin nub kyi bum par ro/ /de bzhin byang du rnam thos sras/ /rna cha bzang po dbang ldan du/ /rtse ldan zhes bya me phyogs su/ / bden bral phyogs su phreng ldan nyid/ /mu cor smra ba rlung phyogs su/ /yang dang yang du mngon bsngags nas/ /dzaM b+ha la ni dbus su dgod/ /de ni bum pa dgod pa'o/ /nor 'dod pa yi rnal 'byor pas/ /de nas lag pa la dgod bya/ /lag pa dri yis byugs pa la/ /nor bu bzang sogs yang dag dgod/ /nor bu bzang po mdzub mo la//gang ba bzang po gung mo la/ /nor sbyin gnod sbyin srin lag la/ /rnam thos sras ni mthe'u chung la/ /mthe bong la ni rna cha bzang / /mkhrig mar rtse ldan phreng can dag /lag pa yi ni lag ngar la/ /kun du mu cor smra dbang phyug /yang dang yang du mngon bsngags te/ /dzaM b+ha la ni dbus su dgod//oM dzuM puM buM sa zhes bya ba'i sa bon rnams gung mo nas brtsams te mthe bong la thug pa la dgod par bya'o/ /de nas so so'i phyag mtshan ni/ /dam tshig phyag rgya bzhin du bstan/ /spos dang me tog la sogs dris/ /mkhas pa yis ni mchod par bya/ /rdo rje khu tshur gnyis bcings te/ /g.yon pa snying gar gzhag bya zhing //g.yas pa gong du gzhag bya ba/ /rtsa yi phyag rgyar rab tu bsgrags/ /oM na mo rat+na tra yA ya/ oM dziM hUM swA hA/ rtsa ba'i sngags so/ /me tog dkar po kun+da sogs/ /dUr ba mdun du dbul bar bya/ /khyor ba brgya rtsa brgyad pa ni/ /mkhas pas mgo po'i sting du blugs/ /khyor ba re re zhing ni blugs//lan gcig brjod nas dbul bar bya/ /khri phrag gcig gis de yi las/ /thams cad dag ni 'grub par 'gyur/ /me tog ka ra bI ra sogs/ /me tog kha dog dkar po 'ang rung / /khyor ba khri phrag gcig phul na/ /khyim ni zhi bar byas par 'gyur/ /yam shing nA ga puSh+pa dag /'o ma dang bsres dbul bya zhing //khyor ba khri phrag gcig phul na/ /de bzhin grong ni zhi bar 'gyur/ /las rnams kun la sbyar bya zhing / /pad+ma rnam pa sna tshogs pa/ /khri phrag phul ba tsam gyis ni/ /yul ni zhi bar byas par 'gyur/ /pri yang ku dang bil ba dang / /ut+pal dang ku mu da/ /rgyal po'i skyon la sbyar byas na/ /pha rol yul 'khor 'jig par 'gyur//gang zhig nang par brgya rtsa brgyad/ /chu la gtor ma sbyin byed pa/ /sngags pa de la yid 'ong pa'i/ /nor dag rgyas par gyur pa yin/ /de nas snga ma bzhin du gser la sogs pa las byas pa'i snod dgu chu dri zhim pos gang bar byas te de'i nad du 'bru dang rin po che dang sman dang de bzhin du ba'i 'o ma bcug la/me tog dang spos la sogs pa'i mchod pa rnam pa lngas yang dag pa mchod de/ /sngar bshad pa'i phyag rgyas kyang mngon par rgyas btab nas dril bu dkrol ba sngon du 'gro bas sngags 'di brjod par bya'o/ /oM dzaM b+ha la dza len+d+rA ya swA hA/ ji srid oM mu khe shwa rA ya swA hA zhes bya ba la thug pa'i sngags dgu brjod la spyan drang ste//de rnams mngon sum du gyur par bltas la gtor ma sbyin pa'i phyir yang sngags 'di brjod par bya'o/ /oM na mo b+ha ga pa te dzaM b+ha la dza len+d+rA ya ma hA yak+Sha se nA pa ta ye/ i maM ba liM pra tI ts+tsha sa ma ya ma nu sma ra hUM badzra dzaM phaT swA hA/ ma ma hi ra N+ya su bar+Na ma Ni muk+ta rat+na he ma ni d+ha ni de hi mAM/ dzi g+h+ran+tu/ pi ban+tu kha dan+tu/ ma ma shAn+ti puSh+Ti ku ru badzra d+ha ri ka ba liM pra tI ts+tsha sa ma ya ma nu sma ra dzaM dzaM dzaM hUM dzUM dzi dza phaT swA hA zhes bya ba brjod la/ drag tu 'brub pa'i chu bo la gtor ma'i snod dgu po dag dor bar bya'o/ /de nas khyod kyis zhes bya ba la sogs pa'i tshigs su bcad pas gshegs su gsol lo/ / de ni gdan bzhi pa'i rgyud las gsungs pa'i man ngag gi rim pa'i chu'i sbyin sreg gi chu'i gtor ma'i cho ga'o/ /de nas gtor ma bsgrub pa dang / /de'i bdag rdo rje gnod sbyin dang / /bu ste rnam thos sras kyi ni/ /de bas gzhan yang rab bshad bya/ /re zhig dang por rang gi khyim mam/ lha khang ngam mchod rten gyi gnas sam lha'i khang pa 'am/gang yang rung bar gnas pas nyin zhag rtag tu bya ba'i rim pas gtor ma'ang bya'o/ /bza' bar bya ba'i dang por yi ge dang po yongs su gyur pa las gnod sbyin ma chen mo 'phrog ma gdong gcig pa lag pa gnyis pa kha'i nang mche ba gtsigs pas 'jigs su rung ba kha na lce 'dril ba/rkang pa'i cha mi'i pags pas g.yogs pa/ lag pa g.yon pas mi'i mgo bo bzung ba g.yas na ngo mtshar gyi phyag rgya 'dzin pa/ gar gyi 'gying tshul byas pa sna tshogs mdog can rnam par bsgoms la/ de bzhin du de'i bdag po rdo rje gnod sbyin de kho na bzhin du byung ba ste/ 'on kyang gcer bu skra bshig pa rnam par bsgoms te/ de bzhin du de'i bu rnam thos sras yi ge dang po las byung ba mdog dmar po lag pa gnyis pa gdong gcig pa mche ba cung zad gtsigs pa'i gdong can seng ge la zhon pa g.yon seng ge'i rgyal mtshan thogs pa/ g.yas na rin po che'i gter thogs pa/dung gi gter dang / pad+ma'i gter gnyis sgeg pad dang bcas pa'i lag pa g.yon dang g.yas pa na thogs pa'i rnga yab dkar po g.yob par yang rnam par bsgoms la/ de nas de rnams bod pa'i phyir ut+pa la'i phyag rgya bcing bar bya'o/ /'dir sngags ni oM e h+ye hi ri te yA pa shu pu tra sha ta pa ri bA re badzra yak+Sha pri ye asmin san+ni hi to b+ha ba swA hA/bod pa'i sngags so/ /de nas zas kyi snod nas 'bras chan gyi chang bu gsum byas te sa la gzhag par bya'o/ /chang dang sha la sogs pa ji ltar rnyed par cung zad tsam byin la sngags brjod par bya'o/ /oM ha ri t+yai ma hA yak+Sha se nA pa ta ye ha ra ha ra/ sarba pA paM ni k+ShiM sarba yak+Sha ni pra be sha ta pa ri bA ra i maM ba liM gr-i h+na gr-i h+na hUM phaT swA hA/ oM badzra yak+Sha ru dra phaT swA hA/ oM bai shra ba NA ya swA hA/ zhes bya ba'i sngags brjod la chu'i snod du bcug ste dben par gzhag par bya'o/ /de ni rtag par bya ba'i gtor ma'i cho ga'o/ /mkha' spyod gtor ma'i rim pa ni/ /cho ga rab gsal la brten nas//rnal 'byor ma rgyud rjes 'brangs nas/ /de nas gzhan yang rab bshad bya/ /gtor ma'i las la bya rnams las/ /bya rog gi ni rigs rnams bsngags/ /'di ltar de dag mkhas rnams kyis/ /gtor zan nyid du bshad pa yin/ /sngags pas bza' ba'i sngon rol du/ /dur khrod chen por song nas ni//bya rog lha yi bdag nyid can/ /tshim phyir de ru gtor ma bya/ /mngon brjod bla ma'i rim pa bzhin/ /de ru dkyil 'khor bsam par bya/ /ge sar lte ba dang ldan pa'i/ /pad+ma 'dab ma brgyad pa bsam/ /de yi dbus su lha mo dgod/ /drag po'i gzugs can mdangs can ma/ /zhal gcig phyag ni bzhi pa ste//thod pa kha T+wAM ga yis brgyan/ /phyag na gri gug ma go bsnams nyid/ /lte ba'i dbus su bsgom par bya/ /spyan gsum smin ma kham ldan pa/ /rol pa'i 'dug stangs gar dang ldan/ /sgeg pa la sogs ro ldan pa/ /gar gyi sbyor ldan bsgom par bya/ /khro bo'i rgyal po stobs chen rnams//phyag rnams kun na tho sogs bsnams/ /mi sdug drag po 'jigs rung ba/ /'dab ma brgyad la rnam dgod bya/ /de nas rang rang sngags rnams dang / /spro dang sdud pa byed pa yin/ /mkha' spyod phyag rgya bcings nas ni/ /de nas kun du spyan drang bya/ /spos dang me tog mar me dang / /dri dang lha bshos lnga rnams dang //mchod yon zhabs bsil rim gyis ni/ /dkyil 'khor mchog ni mchod par bya/ /khwa yi gdong can mkha' 'gro mar/ /bdag nyid kyang ni bsam par bya/ /ji ltar dkyil 'khor 'khor lo bzhin/ /'khor rnams brgyad po bsam par bya/ /de nas shing rtse la gnas pa'i//bya rog tshogs rnams gus bcas pas/ /khwa gdong cha byad gzugs can dag /rim pa la ni brten nas bsgom/ /de nas de yi sngags kyis ni/ /de rnams kyang ni spyan drang bya/ /rnal 'byor pas ni spyan drangs nas/ /de rnams la ni gtor ma dbul/ /zho dang 'bras chan yid 'ong bas//snod ni rab tu gang byas nas/ /blo ldan gyis ni chang pu dgus/ /gnyis pa yang ni dgang bar bya/ /mchod yon me tog sogs rnams kyis/ /sngar bzhin snod gnyis mchod par bya/ /de nas rnal 'byor mnyam gzhag pa/ /khwa yi gdong can gzugs 'dzin cing / /dpa' bo'i sems ldan brtse bdag gis//gtor ma'i sngags ni brjod par bya/ /de nas thugs kyi 'khor lo gnas/ /mkha' spyod ma yi tshogs ji snyed/ /'od ba bya rog gzugs nyid du/ /de dag thams cad der 'ong 'gyur/ /phyogs bcu'i 'jig rten khams gnas pa'i/ /mkha' spyod dag ni ci 'dra dang //ji snyed yod pa de dag kun/ /bya rog rnam par de gnas 'gyur/ /oM na maH shrI badzra DA kA ya oM kA kA s+ye hUM hUM phaT/ /de yis rab tu gang ba'i snod/ /snying gar rab tu bskor byas nas/ /de nas mdun sbyin [(]rnam [,]rnal [)]'byor pas/ /de ru mtshan ma brtag par bya/ /des ni sa rab g.yo bar gyur//phyogs rnams las ni 'brug sgra 'byung / /gla rtsi mtsho skyes dag gi ni/ /dri bsrung yid du 'ong ba'ang 'byung / /de yis slar yang tshim bya zhing / /se gol bcu po dag gis ni/ /phyogs bcu bcings pa sngon 'gro bas/ /sdom brtson gyis ni sngags 'di brjod/ /oM badzra DA ki nya khe tsa ri ru ka kA pa s+ya tsi la la ga ru Da i maM ba liM gr-i h+NaM tu sa ma ya rak+Shan+tu/ya thaiSh+TaM sarba sid+d+hi pra yats+tshan+tu hUM hUM phaT swA hA/ de nas shing gcig drung du ni/ /gtor ma chen po der dor nas/ /sngar bzhin gshegs su gsol byas te/ /bstod pa'i tshigs bcad 'di rnams brjod/ /kun du rtog pa'i 'ching ba bcad/ / 'jig rten bya ba grub byed pa'i/ /ji snyed rdo rje mkha' 'gro ma/ /de snyed rnams la rtag phyag 'tshal/ /mkha' 'gro ma yi 'khor los sgyur/ /sku gsum ye shes lnga ldan pa/ /'gro ba skyob mdzad dpal ldan pa'i/ /rdo rje mkha' 'gror phyag 'tshal lo/ /de ni mkha' gror phyag 'tshal lo/ /de ni mkha' spyod ma'i gzugs can gyi bya rog gi gtor ma'i cho ga'o//gang gis sa spyod tshogs dag ni/ /mchog tu tshim par 'gyur pa yi/ /phyi'i gtor ma'i rim pa ni/ /de nas gzhan yang rab bshad bya/ /dgon pa chen po'i rnal 'byor ches/ /dkyil 'khor chen po bsam par bya/ /sngar bzhin 'dab brgyad dag gis ni/ /yongs su mdzes byas pad+ma ni//de dbus lha mo khyi gdong can/ /snga ma bzhin du bsams nas ni/ /rnal 'byor dbang phyug bdag nyid kyang / /de bzhin kho nar rnam par bsam/ /de nas mchod pa rnam lnga yang / /cho ga ji bzhin mchod byas nas/ /'bras chan sha dang khrag rnams kyis/ /gtor ma'i snod ni rab dgang bya/ /gtor snod yang dag mchod byas nas//phyogs bcing bar ni rab byas nas/ /phyag rgya bcings te bzlas byas la/ /de yis spyan drang nyid kyang bya/ /oM A yan+t+ra yan+tu r+d+ra kin+ya sha na wa gA tra ma ho gra b+hI ma wa pu Sha i maM ba liM b+huny+dza/ dzig+h+ra tha/ pi pa tha/ grih+na twaM/ asma kaM/ /puSh+TiM/ ku ru sa ma ya ma nu sma ra AHhUM phaT swA hA/ sngags 'di yis ni spyan drangs pas//phyogs bcu nas ni khyi'i gzugs can/ /khyi gdongs spyod 'khor lo dang / /gtor ma bza' phyir mdun 'ong 'gyur/ /de rnams tshim par byas nas ni/ /smon lam btab nas gshegs gsol te/ /shin tu mnyam gzhag sgrub pa po/ /ci 'dod gzugs kyis gnas par bya/ /yang na cho ga gzhan gyis ni/ /ji ltar 'jig rten thams cad la//'bras bu bde 'gro ster 'gyur ba/ /khyi rnams la ni gtor ma sbyin/ /mngon par 'dod pa'i don sgrub phyir/ /'pho zhag gnyis la brten nas ni/ /bza' ba'i sngon du gus bcas pas/ /khyi rnams la ni gtor ma sbyin/ /phyi dro khang pa'i sgo khang du/ /tshon rtsi dkar pos dkyil 'khor ni/ /gru bzhi shin tu mdzes gyur pa//ri mo brgyad par rab tu bya/ /kham phor 'bras chan dag dang gzhan/ /tshod ma yid 'ong de bzhin du/ /lha yi yo byad rnams kyis bkang / /sa las byas pa der gzhag bya/ /gnyis pa chang gis kun du dgang / /snod ni de yi 'gram du gzhag /gsum pa spos dang me tog sogs/ /snod ni g.yas kyi 'gram du'o//de nas khyi ni bos nas su/ /dkyil 'khor mdun du gzhag par bya/ /khyi gdong rtsa ba'i sngags kyis ni/ /de la bsang gtor kun du bya/ /de la me tog sngags sogs kyis/ /go rims bzhin du mchod par bya/ /de nas sngags ni 'di dag gis/ /gtor ma mdun du sbyin par bya/ /oM shwa na s+ye b+hu rtsa ri ye i maM ba liM gr-ih+Na gr-ih+Na hUM hUM phaT/ji srid mdun du khyi gtor za/ /de nas bzlas pa rab tu bya/ /zos pa yi ni tha ma ru/ /sngar bzhin rab tu gtang bar bya/ /gtor ma 'di ni nyin re bzhin/ /gal te sngags pas byas na ni/ /blo ldan de yi las rnams ni/ /thams cad 'grub par 'gyur ba yin/ /tshogs pa med na sngar bshad pa'i/ /rim pa nyid la brtan par bya//yang na zla ba re re zhing / /yar gyi ngo yi bcu gnyis la/ /de ni sa spyod ma'i gzugs can gyi/ khyi'i gtor ma'i cho ga'o/ /gang gis sa ni gser byugs pa/ /rnal 'byor bas ni 'grub 'gyur pa/ /sa 'og gnas pa'i gtor ma'i las/ /de nas nga yis bshad par bya/ /bsod nams 'bras chen thob bya'i phyir/ /nyin re zhing ngam bco lnga'am//bcu gnyis bar gyis gtor ma'i las/ /'di ni rnal 'byor dbang pos bya/ /chu bo'am rgya mtsho'i chu 'gram du/ /sa 'og gnas pa'i sems can rnams/ /tshim par bya phyir rdul tshon gyi/ /dkyil 'khor dag ni chen po bya/ /gau rI nag mo phyag gnyis ma/ /zhal gcig phyag ni gnyis ba ste/ /nya dang gri gug bsnams pa mchog/ /nya yi gdan can nya gsol ba//nya yi rgyan dag gis brgyan pa/ /dkyil 'khor dbus su dgod par bya/ /'dab ma gzhan la snga ma bzhin/ /gar gyi 'gying tshul la brtson pa/ /ha ha hi hi zhes sgrogs 'jigs/ /khro bo'i gzugs dag rnam par dgod/ /de nas dkyil 'khor de nyid ni/ /spos dang me tog lha bshos sogs/ /dri yis cho ga bzhin mchod nas//gtor ma'i las ni yang dag bya/ /gau rI'i gzugs 'dzin rnal 'byor pa/ /sems dpa' gsum dag sku 'dzin pas/ /skad cig gis ni sngar brjod nas/ /cig car du ni phyogs bcing bya/ /skad cig tu ni bsgom par bya/ /de ni dbang rnon rim pa'o/ /de nas yi ge tha las byung / /nya rnams khyab 'jug gzugs can du/ /rnam par bsams nas sgrub pa pos//de rnams sngags kyis bod par bya/ /oM e h+ye hi ma hA ba la biR+Ya par kra ma/ ma hA yo dza na sa hA sra pra laM ba wa pu ShA/ ti li ti mi gi li/ ma hA ti mi gi li pra b+hi ta yo ma hA ma Ni a r+hi pa ta ye/ a tra san ni hi to b+ha ban+tu/ ma ma a b+hi phre tAr+tha sid+d+hi ma bi ta ra n+tu swA hA/ de nas de rnams bod byas nas/ /khar khaN+Da 'bras chan phye//la du glo kha sa sogs kyis/ /gtor ma'i snod ni rab tu dgang / /chu ni gtsang ma dri zhim pa/ /srog chags dag ni rnam spangs pa/ /khyab 'jug gis ni chang bsrung phyir/ /chang ma gtogs pa sbyin par bya/ /mchod yon zhabs bsil mchod nang du/ /byin nas me tog la sogs gzhug /byin nas sngags ni 'di nyid kyis/ / gtor ma'i snod ni dor bar bya/ /oM a A i I u U/ r-i r-I l-i l-I e ai o au am aH swA hA/ de nas de dag sngar bzhin du/ /myur du btang ba byas nas ni/ /dkyil 'khor gyi ni rdul tshon de/ /dogs pa med par dor par bya/ /de ltar byas nas sa 'og na/ /gnas pa rnams ni mgu bar 'gyur/ /de la mkha' 'gro ma yi tshogs/ /dngos grub yid 'ong ster bar 'gyur//'dod chags bral ba stong phrag la/ /nyin re bza' ba mchog phul las/ /byung ba'i bsod nams gang yin de/ /nya rnams tshim par byas las 'byung / /rang rgyal gyi ni dge 'dun la/ /bsod snyoms phul las dge gang 'byung / /nya rnams tshim par byas pa las/ /bsod nams de ni thob par 'gyur/ /de ni sa 'og na gnas pa'i gzugs can gyi nya'i gtor ma'i cho ga'o//gang gi spyod lam rnam bzhi ru/ /rnal 'byor pa yis 'grub 'gyur ba/ /phyogs spyod gtor ma bsgrub pa ni/ /de nas gzhan yang rab bshad bya/ /rab tu grags pa'i bzhi mdo ru/ /rgyal po'i skyed mos tshal brten nas/ /rdul tshon kha dog lnga pa yis/ /de ru dkyil 'khor bri bar bya//pad+ma 'dab brgyad lte bar bcas/ /pad+ma sna tshogs dang ldan pa/ /rnal 'byor pa yis der bri bya/ /dbus su thod pa bri bar bya/ /sdigs mdzub rdo rje 'gying bcas pas/ /shin tu mi bzad 'jigs mdzad pa/ /sprin ni sngon po'i mdog dang ldan/ /'bar ba sngon po rab tu khyab/ /gau rI gau rI'i bdag po yis/ /snying gar g.yas brkyang zhabs kyis mnan//lte ba'i dbus su bcom ldan 'das/ /rdo rje hUM mdzad bsgom par bya/ /shar 'dab tshangs pa'i lha mo bsam/ /khyab 'jug gi ni lho na gnas/ /gzhon nu yi ni nub tu bsgom/ /gshin rje byang gi phyogs na gnas/ /srin po'i phyogs su lus ngan po/ /me yi phyogs su tsa mu N+DI/ /dbang ldan phyogs su dbang ldan ma//rlung gi lha mo rang phyogs gnas/ /zhal gcig spyan ni gsum pa ste/ /phyag gnyis gar la rab brtson pa/ /g.yas pa yi ni phyag rnams su/ /phreng ba de bzhin 'khor lo dang / /rtse gsum dbyug pa dbyug to dang / /ral gri mdung dang gos nyid de/ /phyag mtshan 'di rnams bsam par bya/ /spyi blugs dang ni pad+ma dang / /phreng ba dang ni de bzhin mgo//seng ge'i rgyal mtshan thod pa dang / /kha T+wAM ga dang ngo mtshar gzhan/ /g.yon pa rnams su bsam par bya/ /dmar po ljang gu ser dang mtshungs/ /sngon po dmar po dmar dkar 'od/ /in+d+ra nI la'i 'od ldan pa/ /mi mo mchog ni 'di rnams bsam/ /sngags dang dam tshig phyag rgya yis/ /de ru spyan ni drang bar bya/ /de nas gtor ma rgya chen po//sngags pas sbyin bya lung rje bzhin/ /oM na mo b+ha ga wa te badzra hUM ka ra/ hrIHSh+T+r-i sarba b+hU ta ni staM b+ha ya swA hA/ oM brah+ma Ni le hUM hUM phaT/ oM baiSh+Na bI ye hrIHphaT/ oM kau mA rI ye hrIHhUM phaT/ oM ya mA nI ye hrIHhUM phaT/ oM ku bai rA ye hrIHhUM phaT/ oM tsA mu N+DA ye hrIHhUM phaT/ oM e Sha b+h+yo hrIHhUM phaT/ oM ba ya byai hrIHhUM phaT/ lag pa gnyis ni brkyang nas su/ /gung mo'i rtsa bar mthe bong dag/ /thal sbyar tshig 'don sbyor ba ni/ /tshangs pa'i phyag rgyar rab tu bsgrags/ /rdo rje khu tshur gnyis bcings nas/ /mdzub mo rna cha'i dbyibs byas pa/ /khyab 'jug lha mo'i phyag rgya yin/ /g.yas pa'i khu tshur gzhon nu ma'i//kha tshur gnyis ni gshin rje ma'i/ /gnyis kyis mchog sbyin nor sbyin ma'i/ /lag gnyis khu tshur bcings byas nas/ /mdzub gnyis bsgreng ba tsA muN+DI'i/ /mthe'u chung mthe bong dag bkug nas/ /gzhan dag bsgreng ba dbang ldan ma'i/ /gos kyi rol pas lag pa gnyis/ / spyi bo ru ni gzhag par bya/ /phyag rgya 'di ni rlung gi ste/ /de ni phyag rgya'i tshogs rim pa/ /de nas snod ni gang ba dgu/ /khyad par du ni bdud rtsi ldan/ /snga ma bzhin du gzhag par bya/ /ba lang khyim bya las byung dang / /bong mi rus sbal rnga mo dang / /khyi dang ce spyang rta las byung / /sha rnams kyis ni go rims bzhin//rnal 'byor pa yis dgang bar bya/ /dogs pa med pa'i sems kyis ni/ /spos dang me tog sogs phul nas/ /sngar bshad sngags dang phyag rgya yis/ /de rnams lam gyi bzhi mdor dor/ /ma mo rnams ni rang gnas su/ /de nas gshegs su gsol byas nas/ /bsod nams bsngos te rnal 'byor pa//skyes mchog ji ltar 'dod gnas bya/ /'gro ba 'am ni 'greng yang rung / /gnyid log pa'am sad pa'ang rung / /mi gtsang ba'am gtsang yang rung / /ma mo rnams ni bsrung bar 'gyur/ /blo mchog rnams ni zhi rgyas sogs/ /las ni cung zad gang byed pa/ /de la gtor ma dag gis ni//mnyes nas de yi grogs byed 'gyur/ /de yi bka' nod la brtson pa/ /bgegs la sogs pa 'ga' yang rung / /de rnams kyang ni de nyid la/ /srung dang skyob dang sbed par 'gyur/ /mar ngo yi ni tshes brgyad dam/ /yang na tshes ni bcu bzhi la/ /mtshan phyed la ni gtor ma bya/ /de ni dus kyi cho ga'i rim pa'o//de ni phyogs na spyod pa'i sgo nas ma mo rnams kyi gtor ma'i cho ga'o/ /byas na bsod nams mtha' yas pa/ /mi zad gang du 'byung 'gyur ba/ /gang zhig thang la spyod rnams kyi/ /gtor ma gzhan yang rab bshad bya/ /thang spyod rnams kyi nang nas ni/ /ba lang mchod pa rab tu bsngags//skyugs ldang byed pa'i lha yin pas/ /bde mchog las ni bcom ldan gsungs/ /sgrub pa pos ni yar ngo yi/ /bcu bzhi la ni sngar langs te/ /chu bo dri med chu ldan par/ /song nas khrus ni kun du bya/ /mdo las gsungs pa'i cho ga bzhin/ /lus ni rab tu bkru bar bya/ /sdom brtson gyis ni gdong la sogs//dben bar bshang gci dor byas te/ /mtshan mar bdun dang 'phongs su bdun/ /lag par sa phur bdun blugs shing / /de nas chu yis bkrus nas ni/ /de nas lan gsum 'thor 'thung bya/ /rna sogs lte ba la thug par/ /lan bdun nye reg byas nas ni/ /dbang bskur byas pas lan gsum du//chu la byi zul byas nas ni/ /khyor ba dag ni brgya rtsa brgyad/ /dzaM b+ha la la sbyin par bya/ /rdo rje 'dzin pa'i dkyil 'khor la'ang / /chu ni snyim pa gsum dag nyid/ /re re zhing ni rang sngags kyis/ /mkhas pa rnams kyis dbul bar bya/ /de nas snyim par gsum gyis ni//yi ge brgya pas tshim par bsngo/ /yi dags rnams la chu snyim lnga/ /'jig rten dbang po'i sngags kyis ni/ /de nas langs te ba brgyad ni/ /khyu mchog mthon po dang ldan pa/ /'khor lo'i tshul du bzhag nas ni/ /dbus su khyu mchog mthon po gzhag /de nas mchod yon dag gi snod//ba'i rnam lngas dgang bar bya/ /dUr ba'i chun pos bsangs nas ni/ /mkha' 'gra drag mo ro langs ma/ /de bzhin gzhan yang gtum mo dang / /seng mo stag mo 'ug pa mo/ /de bzhin gzhan yang ce spyang ma'i/ /sa bon de dag la dgod bya/ /rdo rje sems dpa'i sa bon gyis/ dbus su khyu mchog byin rlabs bya/ /de la sa bon ni 'di rnams yin te/ /ye shes mkha' 'gro ma rnams kyi sa bon ni yi ge hUM/ /drag mo'i sa bon ni yi ge k+ShuM/ /ro langs ma'i sa bon ni yi ge yuM/ /gtum mo'i sa bon ni yi ge hUM/ seng mo'i sa bon ni yi ge s+m+r+yuM/ stag mo'i sa bon ni yi ge k+Sh+m+r+yuM 'ug pa mo'i sa bon ni yi ge y+m+yuM ce spyang ma'i sa bon ni yi ge k+Sh+m+r+yuM/sa bon brgyad po de dag dang / /dgu pa ye shes sa bon ni/ /de dag snying gar bkod nas ni/ /de nas gtor ma sbyin par bya/ /'bras chan chang bu rnams kyis kyang / /snod ni dgu dag dgang bar bya/ /'o thug lan tshwa dang ldan pa/ /de rnams kyi ni nang du ba/ /de rnams logs su sa la ni//chu ni snyim pa gsum blugs bya/ /me tog spos la sogs rnams kyis/ /mnyam par gzhag pas mchod par bya/ /bdag nyid zhi bar mthu ldan pa/ /bcom ldan sgrol ma dbang phyug ma/ /ma du lung ga rtse gsum bsnams/ /khyu mchog la ni bcings par bsgom/ /de nas gsang sngags 'di yis ni//gang gi sems can khams rnams ni/ /bde byed rnal 'byor pas 'grub 'gyur/ /gtor ma de yi mdun du sbyin/ /oM a A aM a kA ro mu khaM sarba d+hA r+m+mA NAM Ad+ya nu t+pa n+na twA ta/ zhes bya ba yi sngags 'di yis/ /gtor ma'i snod ni gus bcas pas/ /lan gsum byin gyis brlabs nas su/ /de nas de rnams la sbyin bya//ji srid pa la za 'gyur pa/ /bzhi pa'i mthu ldan sgrol ma yi/ /de nyid gsum dang yongs spel ba'i/ /sngags 'di de srid brjod par bya/ /oM tA re tu t+tA re tu re AHhUM phaT swA hA/ muH'i mtha' can sngags kyis ni/ /de nas sngags pas gshegs gsol bya/ /gus pa yis ni bza' ba dag/ dge slong dge 'dun dag phul nas/ /dge ba bsngos te bstod pa dag /brjod nas sgrol ma'i rigs dag la/ /phyag byas na ni kun langs te/ /de nas ji ltar 'dod bzhin gnas/ /de ni thang la spyod pa'i gzugs can gyi ba lang rnams kyi gtor ma'o/ /gang gis 'khor lo gsum mkha' 'gro/ /sgrub pa po la kun du srung //gzhon nu ma yi gtor sgrub pa/ /de nas yang dag rab bshad bya/ /re zhig dang por nam mkha' nyi ma'i steng gi zla ba'i mchod rten gyi dbus su yi ge maM las yongs su sprul pa gzhon nu ma'i gzugs can/ gser btso ma lta bu nyi ma 'char ka'i 'od zer gyi phreng ba stong phrag 'phro ba'i me tog ban+tu dzi ba ka dang /dza ba lta bu'i gos dang ldan pa/ ang ga rag dang stod g.yogs dmar po rnam pa sna tshogs pa dang ldan pa/ lag gdub dang / rna rgyan dang / ske rags dang / rkang gdub dang / g.yer ka rnams kyi sgra dang / sor gdub kha dog sna tshogs pa'i rgyan dag gis rnams par brgyan pa/ rnam par snang mdzad kyis dbu rgyan byas pa/mgo la mya ngan med pa'i phreng bas rnam par brgyan pa/ phyag brgyad pa/ zhal gsum pa/ spyan gsum pa phyag g.yon pa rnams na gzhu dang / shing mya ngan med pa dang / skud pa dang zhags pa bsnams pa/ phyag g.yas pa rnams na rdo rje 'bar ba dang / khab dang / lcags kyu dang /mda' gsor ba la brtson pa/ zhal dang po zhi ba pad+ma kha rab tu bye ba lta bu gser rab tu ser po'i me tog can/ mig rab tu yangs pa/ mchu li khri'i phye ma bzhin du dmar ba sgeg cing rol pa dang bcas pa/ zhal g.yon pa phag gi gdong can khro ba dang bcas shing rnam par gtsigs pa la/ mi sdug cing drag po 'jigs su rung ba in+d+ra nI la'i mdog dang mtshungs pa mthing shun ltar snang ba/nyi ma stong phrag bcu gnyis dang mtshungs pa'i 'od dang ldan pa/ khro gnyer gtsigs pa dang bcas pa 'jigs par mdzad pa/ zhal g.yas pa pad+ma rA ga ltar shin tu dmar ba mchog tu 'bar ba'i nyi ma stong phrag ltar rab tu gsal zhi'i zhi ba mchod rten gyi bum pa las byung ba'i shing mya ngan med pa'i me tog gis g.yogs pa/de'i 'og tu rnam par snang mdzad ral pa'i thor tshugs kyis brgyan cing zhi ba/ gser rab tu ser po'i mdog ltar 'bar ba/ byang chub mchog gi phyag rgya dang yongs su ldan par bzhugs pa/phag pa'i gdan la g.yon brkyang ba'i gnas pas gzhon nu ma'i tshod du bzhugs pa/ de'i 'og tu rlung gi dkyil 'khor la yi ge raM las yongs su sprul pa'i gza' chen po sgra gcan nyin dang / mtshan du zla ba dang nyi ma dag za bar byed pa rnam par bsgoms la/ rang gi sngags kyis bdag nyid byin gyis brlabs te/oM mArI ts+yai swA hA zhes bya ba'i sngags 'di bzlas par bya'o/ /de nas mdun du khye'u gcig dang bu mo brgyad bkug ste go rims bzhin du dkyil 'khor gyi rim pas rnam par bzhag la/ de dag lo ni bcu gnyis lon pa'i mig yangs rab tu mdzes rnyed nas/ / sa phyogs dben par khrus legs byas shing gos ni gar dgar gon pa yi/ /gur kum dang ni gla rtsi la sogs byugs shing spos kyis rab bdugs la/ /de dag thams cad de kho na bzhin nye bar byugs te bdug byas nas/ /de'i mdun sa gzhi ba yi lci bas byugs te de nyid du bzhag la/ / gu gul bdug pa rab byin gsang sngags brgya rtsa brgyad bzlas bsgrub bya yi/ /snying gar zla ba'i dkyil 'khor rnam par bkod de de yi steng du yi ge maM/ /rnam par bkod pas 'od zer can gyi nga rgyal rab tu bsnyems tshul gyis/ /dril bu'i sgra dang gu gul bdugs pas skad cig de nyid la 'bab 'gyur//'dir ni sngags kyang 'byung ba ste/ oM mA rI ts+yai A be sha ya A be sha ya/ kaM pa kaM pa/ d+hu na d+hu na/ gr-ih+na gr-i h+na/ hUM mA rI ts+yai swA hA/ zhes bya ba'i sngags 'dis phab ste/ de nas de rnams la me tog dang spos la sogs pas ji ltar rjes su mthun pa nyid kyi sngags rnams kyis byin la/me tog phreng ba gtsug phud kyi nang du bcug ste mdun du bza' ba dang bca' ba dang btung ba la sogs pas yongs su gang ba'i snod gzhon nu ma'i grangs dang mnyam pa rnams oM mA rI ts+yai ba ra li ba da li/ bat+ta li bA rA hA mu khI sarba du Sh+Ta pra du Sh+TA nAM mu khaM ban+d+ha ban+d+ha hUM hUM phaT/ i maM bi liM pra tI ts+tsha sa ma ya ma nu sma ra AHhUM swA hA zhes bya ba'i sngags kyis sbyin par bya'o//de nas ji srid gtor ma za ba de srid du bcom ldan 'das ma'i rtsa ba'i sngags bzlas par bya'o/ /zas kyi bya ba'i mtha' mar 'gron bu dang / star ka'i 'bras bu dang / tshon sna lnga'i skud pa sna tshogs pa dang / rna ba dang lag pa dang / mgul rgyan ci 'byor pa'i yo byad byin te/khyed kyis zhes bya ba la sogs pa'i tshigs bcad kyis btang ste/ ye shes kyi 'khor lo gshegs su gsol nas 'od zer can gyi nga rgyal gyis gnas par bya'o/ /de ni gzhon nu ma'i gtor ma'i cho ga'o/ /gang gis sa gnyi ji srid par/ /mchod rten rgyal ba'i gnas srung 'gyur//nag po chen po'i gtor ma'i rim/ /de nas gzhan yang bshad bya/ /lha khang la sogs zin nas ni/ /rab gnas rgyud las gsungs pa yi/ /cho gas de rab gnas byas te/ /de nas gtor ma kun du bya/ /rgyal ba'i gnas ni bsrung ba'i phyir/ /gtsug lag khang gi sgor gnas shing / / dri gtsang khang gi nang gnas par/ /nag po che dgod rnal 'byor pas/ /sku mdog nag po zhal bzhi pa/ /lto ba chen po phyag bcu pa/ /nam mkha'i gos can stag lpags kyis/ /smad kyi cha ni rab dkris pa/ /dbu la thod pa'i phreng bar ldan/ /mche ba gtsigs shing mi bzad pa/ /thod pa'i phreng ba bkod pa yis//mgrin pa rkang pa rnam brgyan pa/ /smin ma kham pa'i smin 'khyug dang / /spyan gsum gyis ni rnam par spras/ /dang po'i zhal ni nag po mtshungs/ /g.yas pa sngon por snang ba ste/ /g.yon pa dmar po shin tu mdzes/ /nyi ma khri dang mtshungs pa'i 'od/ /rgyab ni dri bcas du ba'i mdog /de yi gdong ni bsam par bya/ /ral gri dang ni tho ba dang / /rtse gsum rgyud mangs dag gi rgyud/ /sbreng ba la ni brtson 'gyur ba/ /de yi g.yas kyi phyag tu bsam/ /g.yon du thod pa kha T+wAM ga /pi wang de bzhin gar byed pa/ /mi yi pags pa khrag 'dzag pa/ /steng gi phyag dag na bsnams shing //g.yas brkyang 'dug stang sa gar byed pa/ /mnyam par gzhag pas bsgom par bya/ /de bzhin du ni de yi 'khor/ /mi sdug gdong can mkha' 'gro ma/ /seng ge glang po dred dang sbrul/ /byi la khyi yi gdong can te/ /ha ha zhes sgrogs ca co'i sgras/ /rmongs pa rnams ni skrag byed pa/ / thod pa'i nang du blugs pa'i khrag /'thung byed pa ni bsgom par bya/ /de ltar bsams nas rnal 'byor dbang / /bdag nyid ma he la zhon cing / /drag po chen po gshin rje gshed/ /gdug pa thams cad 'joms mdzad pa/ /zhal drug dang ni zhabs drug dang / /phyag drug nyid kyis rnam brgyan pa//lha dang lha min za byed pa/ /g.yas pa'i phyag rnams na tho ba/ /ral gri lcags kyu bsnams sdigs mdzub/ /zhags pa dang ni dril bu yis/ /g.yon pa rnams ni mdzes byas pa/ /g.yas brkyang ba dang g.yon brkyang dang / /de bzhin mnyam pa'i 'dug stangs kyis/ /lha yi tshogs rnams drug po yi//stobs ni kun du mnan nas bzhugs/ /snying ga'i yi ge hUM las byung / /'od zer 'khor lo 'bar ba las/ /khro ba'i sprin gyi tshogs dag ni/ /cha byad mtshungs pa'i tshogs rnams spro/ /in+d+ra nI la ltar snang bsam/ /de 'dra'i gzugs su gnas nas ni/ /nag po chen po snying 'gas par//brtson par gyur pa'i sngags 'di yang / /khro bo'i tshig gis brjod par bya/ /oM hrIHSh+T-iHbi kr-i tA na na sarba sha truM nA sha ya staM b+ha ya hUM hUM phaT swA hA/ de'i rjes la 'di skad du bka' bsgo bar bya'o/ /sngar bshad pa'i sngags nyid kyis bkug ste bcings/ de dbang du byas nas gshin rje gshed kyi rnal 'byor nyid kyis bka' bsgo bar bya ste/kye nag po chen po gtsug lag khang 'di ji srid gnas pa de srid du khyod kyis bsrung bar bya zhing 'khor dang bcas pa khyod kyis 'phags pa'i dge 'dun gyi bka' yang mnyan par bya'o/ /de'i rjes la rnal 'byor pa de nyid kyis yongs su mnyes par bya ba'i phyir de la gtor ma sbyin par bya'o//zangs la sogs pa las byas pa'i snod tshad chen po dang ldan pa tsan+dan dmar po las byas pa'i dkyil 'khor gru bzhi pa bzhag ste/ thug pa nag po dang / glo ba dang / 'o thug dang / rlon pa dang / btsos pa dang / bsregs pa'i dbye bas nya'i sha rnam pa gsum dang / khrag dang / zhag dang / klad pa dang / tshil rnams dang / rgun chang dang / 'bru'i chang dang / nya'i gzugs brnyan dang / 'greng bu'i chun po dang / sgog pa'i bye brag bdun dang / snum khur dang / nas dang / gro la sogs pa'i bye brag gi 'bru rnams dang /zangs dang / lcags las byas pa'i khab kyi tshogs kyis yongs su bkang la/ me tog dang spos la sogs pa'i mchod pa'i yo byad rnam pa lngas yongs su mchod de/ gshin rje gshed kyi phyag rgyas kyang mngon par btab la phyogs bcing ba bya ste/ khros pa'i sems dang ldan zhing dril bu dang rdo rje gsor ba la brtson pa'i rnal 'byor pas sngags 'dis spyan drang bar bya'o//oM ma hA kA la a ya ti ma hA bi ha ra pA la nA ya/ sarba DA ki nI yak+Sha rAk+Sha sa sa pa ri wA rA na tra sinan hi to b+ha ba swA hA/ de'i rjes la sngags 'di dang snyoms par 'jug pa'i phyag rgyas tshim par bya pa'i phyir gtor ma byin gyis brlab par bya'o//oM AHda sha dika th+wa saM bya ba s+thi tA/ sarba da sha di ka d+hA tu pa ra ma Nu pa ran+ta ra ba ti sarba ba ti ka lo ka pA la/ ma hA kA la badzra A yu d+ha mA yA badzra/ badzrA na la/ badzra kA la/ badzra mu sa la/ nA ga badzra/ badzra nil/ badzra shauN+Da/ badzra b+he ra wa/badzra kro d+ha/ badzra kuN+Da le/ badzra pra b+ha/ mo na badzra/ be ma tse tri/ pr-i thi bai de ba tA/ sarba i t+yu pa sarba u pa shAn+ta ye/ sarba gan+d+ha puSh+pa d+hU pa/ dI pa/ nai bi t+ya/ sarbo pa tra a laM ka ra di na sh+tsa pra tIts+tsha/ u pa pU dz+ya/ sarba Sha naM/ kA ya wA ka tsi t+taM/ staM b+ha ya staM b+ha ya/ ma ma sarba A shaM pa ri pU ra ya thA ya ba dA saM sA ra/ma ma sarba satwA nAM tsa/ sat+su kha sid+d+ha ye sa ha ya kA b+ha ban+tu hUM hUM phaT swA hA/ zhes brjod la/ gtor ma'i snod sgrub pa'i grogs mchog thor tshugs bcings pa'i lag tu byin te dur khrod chen por dor bar bya'o/ /de nas nag po chen po ni/ /'khor dang bcas pa mnyes gyur nas/ / ji srid nam mkha' nyi zla dang / /ji srid skar ma dag dang sa/ /ji srid rgya mtsho dang ni gling / /ji srid 'gro ba rigs drug gnas/ /de srid rgyal bcas gtsug lag khang / /mchod rten bcas pa des srung 'gyur/ /de ni 'phags pa'i dge 'dun yang / /tshe ni ring por byed par 'gyur/ / me la sogs pa bgegs kyi tshogs/ /'byung ba de yis 'jigs par byed/ /rab gnas dus su rnal 'byor pas/ /gtor ma 'di ni yang dag bya/ /phan phyir bya ba'i rgyud las ni/ /bcom ldan 'das kyis de skad gsungs/ /de ni nag po chen po'i gtor ma'o/ /skye bo sdig pa byed pa rnams/ / gang gis bde 'gror skye 'gyur ba/ /'chi ba'i dus kyi gtor ma ni/ /bzang po de nas bshad par bya/ /blo gros chen pos bud med dam/ /skyes pa shi ba mthong nas ni/ /de tshe bdag nyid byang chub sems/ /phyag na rdo rje bsam par bya/ /zhal gcig pa la phyag gnyis pa/ /ut+pal sngon po'i 'dab 'dra'i 'od//mche ba cung zad gtsigs pa ste/ /sgeg pa yi ni ro yis brgyan/ /g.yon pa sdigs mdzub dang ldan zhing / /g.yas pa rdo rje gsor mdzad pa/ /gar bcas de dag mtshungs nyid kyis/ /'dren pa rnams kyis yongs su bskor/ /sa snying la sogs sa bon gyis/ /yan lag drug gi go cha dgod//mig la sogs pa byin brlabs na/ /de nas lha yi mig sogs 'gyur/ /de yi mgo dang logs sogs su/ /de yis gshin rje'i pho nya mthong / /pag pa dbyug pa'i tho ba can/ /de nas mthong nas 'di ltar bsdigs/ /gshin rje pho nya khyed rnams ni/ /'di ni mdun nas 'gro bar gyis//nga ni gnas pa 'di ru khyed/ /skad cig tsam yang gnas skabs med/ /de min rdo rje rnon po yis/ /khrag dang rnag rdzab 'jigs rung bar/ /khyod kyi mgo ni 'gas par bya/ /rdo rje 'dzin pa'i rnal 'byor pa/ /de yi tshig de thos nas ni/ /mi bzad gshin rje'i pho nya sogs//phyogs rnams kun tu 'bros par 'gyur/ /de nas de yi snying ga nas/ /'byung bar 'gyur ba'i rlung dag dang / /rnam par shes pa tshim bya'i phyir/ /gtor ma dag ni bya ba yin/ /rna ba'i drung du sngags 'di ni/ /rnal 'byor rigs pas gsang nas ni/ /bzlas na de las rdor 'dzin dang //mtshungs pa nyid du 'grub bar 'gyur/ /oM [(]namo [,]na mo [)]b+ha ga ba te sarba durga ti pa ri sho d+ha ni rA dzA ya ta thA ga tA ya ar+ha te/ samyak+saM bud+d+hA ya/ tad+ya thA/ oM b+h+yo ma bya bi ni/ b+h+yo ma ru spA ya/ sarba b+h+ya bi ne/ shri ba ya hriM/ bra h+ma mA ha/ hrIM biSh+Nu da yai te/ k+Sh+yaM ru du k+Sha bi sarbi ni hUM ru tra sa ru pe/hri nA dA A ta ma ke/ hUM bin+du sha rI re ai shag saM ya dza ni ma b+h+yo ma yo dza ni/ bI shA ta ke be l+ye pa de bra h+ma bi d+h+ye na maH/ yuM rluM lbuM k+ShaM k+Sh+m+yuM na mA tha oM oM IM a mUM b+h+yo ma bya ba ni b+h+yo ma bya ba ni b+h+ya phaT/ de nas gsang sngags 'di yis ni/ /mi skyong gnas ni nyams dga' ba/ /rga dang 'chi ba rnams spangs par/ / rnam par shes pa byung nas 'gro/ /de yi tshangs pa'i sgo nas ni/ /rnam shes myur du 'byung bar 'gyur/ /bzhin ni rab tu 'dzum byed cing / /ngo ni ngo mtshar phyag rgyar ldan/ /rlung rnams kyi sngags 'di yis ni/ /oM hUM pra nA ya swA hA/ oM aM pA nA ya swA hA/ oM a sa mA nA ya swA hA/oM sa u d+ha nA ya swA hA/ oM hA byA nA ya swA hA/ oM k+ShaM ud wa ha ya swA hA/ oM dzraM bi wa ha yA swA hA/ oM gaM saM wa hA yA swA hA/ oM k+ShaSh+Ta ni wa hA ya swA hA/ oM saM bi dz+nyA na ya a ru pi ni ga ga na rU pa ya/ e h+ye hi pra b+hA swA hA b+hA ba badzra d+ha ra rU pi Ne hUM bo shaT/ sngags mchog bzang po 'di rnams kyis/ /tshigs dag nas ni rlung 'byung bas//skye bo bde bar byed par 'gyur/ /nam mkha'i rang bzhin du mar 'gyur/ /de'i rjes la nam mkhar srid pa bar ma'i yi ge hoHgnyis kyis brten pa rnam par bsgoms te de'i mngon sum kho nar shi ba'i ro bsreg par bya'o/ /'phags pa 'khyil pa'i sngags kyis ni/ / byin gyis brlabs nas chus bsangs te/ /de nas chu bor khrus byas nas/ /ba yi rnam lngas dgang bar bya/ /de nas dri ma dag byugs te/ /kha ru go la gzhug par bya/ /me tog spos la sogs rnams kyis/ /mchod byas nas ni spos kyis dkris/ /glu dang rol mo yid 'ong bas/ /de la rab tu mchod par bya//yig gsum byin brlabs me lha ni/ /sbyin sreg las bshad cho gas gzhag/ /tshig par gyur gyi bar du ni/ /mkhas pas lan brgya rtsa brgyad dam/ /stong ngam khri ni bzlas nas ni/ /'di ni shi ba'i mchog rim pa/ /rus pa blangs nas dag byas de/ /rdul ni chu bo la dor bya/ / rdul tshon kha dog dmar po yis/ /khro bo'i gzugs can gshin rje gshed/ /dkyil 'khor de ru bri bar bya/ /khro bo brgyad dang yang dag ldan/ /sngar bshad sku mdog phyag mtshan sogs/ /gdan bcas khro bo'i sku 'dzin pa/ /de nas mnyam gzhag gyur pa yis/ /sngags kyi bzlas brjod sngon 'gro ba'i//me tog la sogs yid 'ong ba'i/ /dkyil 'khor de ru bri bar bya/ /khro bo brgyad dang yang dag ldan/ /sngar bshad sku mdog phyag mtshan sogs/ /gdan bcas khro bo'i sku 'dzin pa/ /de nas mnyam gzhag gyur pa yis/ /sngags kyi bzlas brjod sngon 'gro ba'i/ /me tog la sogs yid 'ong ba'i//dkyil 'khor pa yang mchod nas ni/ /mar me dag gi snod rnams ni/ /brgyad po go rims bzhin du 'bul/ /dbus su yang ni mar me'i snod/ /cho ga bzhin du gzhag par bya/ /mchod pa byas nas gtor ma sbyin/ /kham pa'i snod ni bcu gcig dang / /'o ma sbrang rtsi de bzhin du//tsan+dan dkar po'i chus bkang ste/ /me tog bkram pa mdzes gyur ba'i/ /pa yi rnam lngas dag byas nas/ /de nas 'bras chan chang bu gcig /snod gcig tu ni gzhag par bya/ /gnyis pa gnyis te gsum pa la/ /de bzhin gsum ste bcu gcig par/ /bcu gcig par du gzhag pa 'di//gtor ma sbyin pa'i chog rim pa/ /sngar bshad sngags ni bcu drug gis/ /byin gyis brlabs nas me tog spos/ /sogs pas de rnams rab mchod de/ /de nas chu bor dor bar bya/ /dkyil 'khor gshegs su gsol nas kyang / /rdul tshon chu bor dor nas na/ / nam mkha' srid pa phar ma ni/ /de bzhin gshegs pas yongs bskor cing / /chos ston pa ni lhur len pa/ /mi bskyod gzugs can blta bar bya/ /de nas langs nas de nyid kyi/ /rus pa blangs te phye mar bya/ /sa las byas pa'i mchod rten gyi/ /nang du rab tu gzhug par bya/ /de la rim pa 'di yin te//oM wa ra d+he dzin go le ya sho te sarba bud+d+ha a d+hi Sh+Thi te swA hA/ 'jim pa la lan nyi shu rtsa gcig yongs su bzlas te mchod rten bya'o/ /oM badzra A yu She swA hA zhes byas pas skol phor du gzhug par bya/ /mchod rten 'byin pa na yang 'di skad brjod par bya ste/ oM d+har+m+ma d+hA tu gar+b+he swA hA/oM a b+hA ba swa b+hA ba d+har+m+ma te swA hA/ oM pra marda nA ya swA hA/ oM su pra tiSh+Tha ta stU pe swA hA/ oM na mo rat+na tra yA ya/ oM na mo b+ha ga ba te ak+Sho b+h+yA ya ta thA ga tA ya ar+ha te samyak+saM bud+d+hA ya/ oM na mo b+ha ga wa te/ na ma Ar+yA ba lo ki te shwA rA ya/ bo d+hi sa twA ya/ ma hA sa twA ya/ ma hA kA ru ni kA ya/ tad+ya thA/ oM tsi li ban+d+ha mi mi li ban+d+ha mi tsi li mi li ban+d+ha mi/ si maM ban+d+ha mi/ /si maM de ba dAt+ta sh+tsa ma ka shin bya ti kra ma tu swa hA/ sngags 'dis nyungs kar la lan nyi shu rtsa gcig yongs su bzlas te phyogs bcur gtor na phyogs bcing pa byas par 'gyur ro/ /des ni mchod rten rab tu gnas par bya'o//de'i rjes la bdag dang gzhan bsrung ba'i sngon du sngags 'di brjod par bya'o/ /oM na mo rat+na tra yA ya/ na ma sh+tsaN+Da badzra pA ta ye/ ma hA yak+Sha se nA pa ta ye/ oM badzra kro d+ha ma hA ba la ma hA te dza ya/ ma hA te dza ya/ ma hA ha na da ha pa tsa ma tha/ bi ki ra Na bi d+h+wAM sa ya/ ba dra pa ya/dzA Ti laM bod ra/ uts+tshu sma kro d+ha d+hUM phaT/ rak+Sha rak+Sha/ dzI baM ma ma de ba da t+ta s+ya tsa sarba bai yo pa dra be b+h+yaHswA hA/ 'dis bdag bsrung ba dang / gzhan bsrung bar bya'o/ /de nas langs te ci bder gnas par bya'o/ /'chi ba'i dus kyi gtor ma'i cho ga'o/ /de nas zos pa'i mtha' ma ru/ /gang gi rnal 'byor zhi ba dang //rgyas par 'gyur ba'i gtor ma ni/ /lhag ma zhes bya rab bshad bya/ /tshogs kyi 'khor lor zos pa yang / /yang na rang gis zos pa'i mthar/ /bza' ba la sogs kun 'dus te/ /snod gcig tu ni gzhug par bya/ /chang dang 'bru yi chang lhag gang / /de yang gcig tu blugs par bya//de ru 'bras kyi phye ma yis/ /de ni dkyil 'khor gru gsum bya/ /dbus su dang po'i dbyangs dgod cing / /zur gsum du ni yi ge gsum/ /bcom ldan 'khor ba las sgrol ba/ /dbus su sgrol ma bsam par bya/ /spyan ni rtag pa dang ldan pa/ /oM gyi grwa ru yang dag bsam/ /AH yi grwa ru lha mo ni//gos dkar mo ni bsgom par bya/ /mi bskyod dang ldan mA ma kI/ /hUM gi grwa ru yang dag bsam/ /'bar ba'i phreng bas khyab cing dag/ /gru gsum mkhas pas bsgom par bya/ /de yi dbus su bum pa ni/ /sa las byas pa la sogs gzhag/ /bza' dang bca' ba sogs gang de/ /bum pa de ru rab tu gzhug//de nas gru gsum mtha' ma ru/ /dur khrod chen po bsam par bya/ /kha T+wAM ga dang mgo la sogs/ /thod pa rnams kyis yongs su brgyan/ /shing gcig dang ni ldan pa nyid/ /khro dang khyi sogs rnam 'jigs pa/ /dpa' bo rnal 'byor ma tshogs kyis/ /nye bar spras pa'i gzugs 'dzin pa/ /keng rus mkha' 'gro ma nyid ni//dur khrod gnas par de bsgom bya/ /drag mo gri gug snod thogs pa/ /skra bshig spyan ni gsum pa ste/ /kha ni yi dwags za byed cing / /rgyas pa mi bzang gsus pa 'phyang / /stag gi pags pa'i gos kyis ni/ /smad kyi cha ni rnam par brgyan/ /mgo po'i steng du rkang pa gnyis/ / gar gyi 'gying tshul la brtson pa/ /thod pa'i phreng ba'i rgyan dang ldan/ /rgyu ma'i phreng bas rnam par brgyan/ /yi dags klad pa tshil dang zhag/ /rab tu byugs pa la dgyes pa/ /mi yi rus pa'i phreng ldan pa'i/ /ska rags khrag gi thig le can/ /lag 'gro chen po'i rna cha can/ /brang 'gro'i rkang gdub 'jigs rung ba//kha dog dmar po 'bar pa'i tshogs/ /gzi brjid thub par dka' ba yi/ /shin tu mi bzad khros pa yis/ /gnod sbyin la sogs sdigs byed pa/ /yak+Sha chen po'i sgra sgrogs pa/ /sha za la sogs rnams kyis bskor/ /de bltas nas ni rtse gsum gyi/ /phyag rgya bcings nas rnal 'byor pas//spyan 'dren sngags ni bzlas bya zhing / /chang gi btung ba dbul bar bya/ /oM e h+ye hi sh+ma shA na wa si ni ma ma sa pa ri bA ra s+ya rak+ShaM ku ru i ha sa n+ni hi to b+ha ba swA hA/ rang rang sngags kyis go rims bzhin/ /de nas me tog sogs phul nas/ /sngags kyi rgyal po 'di yis ni/ /de la gtor ma dbul bar bya//oM ku ru ku ru/ wa tA li ma hA wa t+ta li/ sit+ta mu khi sh+ma shA na wa si ni/ pre ta wA da ni tsaN+Da ka rA li ru d+hi ra pri ye/ sa ma ya rak+Shi ta/ yo ga d+ha ri/ ki li ki li/ ra bai badzra pri ti wa ma na d+he pU dza taM/ bak+ti gU ha na dU te/ hUM maM ga gra ri/ tsaN+Da ka rA li/ /tiSh+Tha tiSh+Tha i maM uts+tsha ShaT ba liM gr-i h+na sarba du Sh+Ta na b+ha kaSha ya/ho phruM phreM phaT swA hA/ zhes bya ba'i lhag ma'i sngags brjod la/ gtor ma'i snod lan gsum bskor la mtshan ma gcig par dor bar bya'o/ /de nas langs te lag pa dang kha bkrus la dkyil 'khor phyis te/ snga ma bzhin du gshegs gsol la ci bder nyal bar bya'o/ /de ni lhag ma'i gtor ma'i cho ga'o/ nyal ba'i dus sam rab gnas sam/ /sbyin sreg mthar yang rnal 'byor pas/ /phyogs bcu tshim par bya ba'i phyir/ /khro bo'i rgyal po'i gtor ma bya/ /gshin rje mthar byed nas brtsams te/ /gnod mdzes rgyal po la thug pa/ /sku mdog phyag mtshan cha lugs ni/ /ji bzhin khro bo bcu po bsgom//mdun du dkyil 'khor bsam par bya/ /yang na rdo rgyus dag gis bri/ /mtsho skyes 'dab ma brgyad pa ste/ /de la khro bo rnam par bsam/ /dbus su dpal ldan rdo rje sems/ /gshin rje gtsug tor la thug rnams/ /go rims bzhin du shar phyogs dang / /'og dang steng gi phyogs su bsam/ sha dang 'bras chan chang btung bas//gang bar gyur pa'i snod bcu dag /rim pa bzhin du gzhag bya zhing / /mchod yon phul te de nas mchod/ /sngags 'di yis ni sgrub pa pos/ /de nas spyan ni drang bar bya/ /oM e h+ye hi b+ha ga bAn/ i hA b+hak+t+ya tsa sa ma ye na tsa ar+g+haM puSh+pa pra tI ts+tsha i daM pUM dza wA d+yaM pra sA da mi/ de nas rang rang gi sngags bcu po kho nas gtor ma'i snod rnams byin gyis brlab par bya'o//oM na maHsa man+ta bud+d+he b+h+yo/ na mo badzra mung+ga ra hastA ya tsan+d+ra maN+Da la a kaSho pa rA ya hUM phaT/ gshin rje gshed kyi'o/ /oM na maHsa man+ta bud+d+he b+h+yo/ ma ha na d+ha ra/ bi bi d+ha/ so ra so ra/ ba ra da na bud+d+ha/ nirma tha ni rma tha hUM phaT/ shes rab mthar byed kyi'o//oM na maHsa man+ta bud+d+he b+h+yo hu lu hu lu/ ma hA pad+ma a mi tA ku ru ma hA bi sha na A/ pad+ma mthar byed kyi'o/ /oM na maHsa man+ta bud+d+ho b+h+yo/ na mo badzra kro d+hA ya/ ma hA daM Sh+T+ra ung+ga te b+hai ra bA ya/ badzra san+d+d+ha ra pA ya/ a mraM ta kuN+Da li hUM phaT/ bgegs mthar byed kyi'o/ /oM na maHsa man+ta bud+d+he b+h+yo/ ya ma daN+DA ya/ tu ru tu ru// mu ru mu ru/ sarba du ShaT mA ra ya hUM phaT/ dbyug pa sngon po can gyi'o/ /oM na maHsa man+ta bud+d+he b+h+yo/ na mo ma hA ba lA ya uts+tshu Sh+ma kro d+ha rA dzA ya/ sarba nA ga nAM hr-i da ya hUM phaT/ stobs po che'i'o/ /oM na maHsa man+ta bud+d+he b+h+yo/ na mo a tsa la ka na tse Ta tse Ta/ mu T+Ta mu T+Ta/ tu Ta tu Ta/ g+ha ta g+ha ta/ g+ha g+ha g+hA ta yaM hUM phaT/ mi g.yo ba'i'o//oM na maHsa man+ta bud+d+he b+h+yo/ oM Ta k+ki hUM dza/ 'dod pa'i rgyal po'i'o/ /oM suM b+ha ni suM b+ha hUM/ gr-i h+Na gr-i h+Na hUM/ gr-i h+NA pa ya gr-i h+NA pa ya hUM/ A na ya ho b+ha ga bA na bid+ya rA dzA hUM phaT/ gnod mdzes rgyal po'i'o/ /oM na maHsa man+ta bud+d+hA nAM/ na maHsa man+ta d+har+m+mA nAM/ na maHsa man+ta saM g+hA nAM/ oM si tA ta pa tre/ oM bi ma la/ oM shaM ka ra/ oM pra t+ya ng+gi ra/ badzra uSh+NI Sha tsakra warti sarba yan+t+ra man+t+ra mU la karma/ ban+d+ha nAM/ tA Da naM/ kI la naM wA/ ma ma kr-i t+ya ya na ke na tsit+ta kr-i taM tat+sarbAn+du/ ts+tshen+da ts+tshin+da/ b+hin+da b+hin+da/ tsi ri tsi ri/ gi ri gi ri/ ma ra ma ra/ hUM hUM hUM hUM hUM hUM hUM hUM hUM hUM/ phaT phaT phaT/ gtsug tor 'khor los sgyur ba'i'o/ /thams cad srung bar byed pa'o//sngags mchog bzang po 'di rnams kyis/ /khro bo'i rgyal po bcu bo ni/ /rdzogs par tshim par byas par 'gyur/ /de nas shar sogs phyogs rnams su/ /sngags kyi go rims [(]ngi [,]ji [)]bzhin du/ /khro bo rnams kyi go rims bzhin/ /gtor ma'i snod rnams dor bar bya/ /de yis nam yang rmi lam ni//ngan pa nyid ni mthong mi 'gyur/ /khro bo tshim las rnal 'byor dbang / /rmi lam bzang po nyid mthong 'gyur/ /rab gnas mtha' mar gtor ma 'dis/ /lha khang shin tu brtan par 'gyur/ /sbyin sreg mtha' ma mkha' 'gro ma/ /stobs chen ma dag rab mnyes 'gyur/ /gang phyir sna tshogs ma lus 'di//phyogs bcu'i sems can dang bcas pa/ /khro rgyal gyis ni rang gi mthus/ /rtag tu pham par byas te gnas/ /da phyir de ni tshim byas pas/ /klu dang 'byung po drang srong dang / /gnod sbyin lha min bcas 'gro ba/ /rgyu dang mi rgyu tshim par 'gyur/ /rang gi 'dod lha'i rnal 'byor ram//rta yi rgyal po'i rim gyis ni/ /rtse gcig sems ldan sgrub pa pos/ /khro rgyal rnams la gtor ma dbul/ /des khro bo'i rgyal po bcu'i gtor ma'i cho ga'o/ /gang zhig byas pas rnal 'byor dbang / /rdo rje sems dpa' nyid thob 'gyur/ /gang gi gtor ma zhes bya ba/ /de bas gzhan yang rab bshad bya//bzhin bzangs mig ni rab yangs pa'i/ /si h+la ga pur dag gis brgyan/ /pang pa ru ni gzhag bya ste/ /nu ma gzung bar rab tu bsam/ /rdo rje pad+ma 'o byas shing / /rdo rje bskyod pas mnye bar bya/ /rdo rje 'khyud nas ni/ /rdo rje mchu ni rab tu gzhib/ /rdo rje sor mo'i sbyor ba yis/ /rdo rje gnas ni rab tu bskyod/ / rdo rje sems ni rab phyung nas/ /rdo rje'i lce yis bza' bar bya/ /de nas de yi bde chen du/ /rdo rje sems dpa' rab tu gzhug/ /rdo rje bsdams pa'i sbyor ba yis/ /rdo rje'i mchod pa rab tu brtsam/ /rdo rje sems dpa' thob pa na/ /brtul zhugs can gyis rdor sems spro/ /pad+ma'i me tog yang dag ldan/ /me tog dmar pos mchod par bya/ /pad+ma mnyes gyur rdo rje can//pad+ma dmar pos khyad par du/ /dri lnga yi ni sbyor ba dang / /spos dang ga bur mchod pas so/ /'di yis rgyas par 'gyur ba ste/ /stobs dang mthu dang rtsal ldan 'gyur/ /bltas pa tsam gyis bskul nas ni/ /'jig rten dag ni dbang du 'gyur/ /shes rab yan lag sbyor ba yis/ /nang gi gtor ma'i rim 'di bshad//gzhan yang bza' ba'i sbyor bas kyang / /nang gi gtor ma bshad par bya/ /ji skad du dpal ldan lha mo bzhis chos kyi dbyings zhus pa las lha mo sgrol ma'i the tshom bsal ba'i phyir bcom ldan 'das kyis te/ rdzas kyi sgrub pa yan lag brgyad/ /chos rnams bsgrub pa bshad par bya/ /mi dang glang po rta dang ni//ba lang khyi dang bod bu nyid/ /rnga mo dang ni ma he nyid/ /cha dag mnyam par byas nas ni/ /mthe bong gi ni rtse mo tsam/ /mnyam par mnyam pas nges par sbyar/ /bshang gci khrag dang khu ba dag /nas kyi 'bru yi tshad tsam yang / /sngags kyi sgo nas sbyar bya zhing / /byin gyis kyang ni brlab par bya/ /oM dang yi ge AHdang ni//dbus su yi ge hUM nyid dang / dz+wa la dz+wa la ya hri ste/ /'di ni dgu par rab tu grags/ /lan grangs nyi shu rtsa gcig gam/ /sngags 'di brjod pas gdags par bya/ /tshes brgyad dam ni bcu bzhi la/ /lnga lnga dang ni bsre bya zhing / /nyungs kar lnga yi tshad tsam gyis/ /de nas ri la dag byas nas/ /pad+ma'i snod du bzhag nas su/ / stong phrag brgya ni bzlas par bya/ /nyin re bzhin du bza' bya zhing / /thun bzhi dag tu bsgoms byas na/ /bskal pa'i mtha' la thug par ru/ /dngos grub rgya chen thob par 'gyur/ /ri lu chen po zos pa yis/ /mdog dang gzi brjid stobs dang mthu/ /lnga ba smon lam nyid dang ni/ /mngon par shes pa lnga thog 'gyur/ /zhes gsungs pa bzhin no/ / de ltar nang gi gtor ma ni/ /rtag tu bya ba rnal 'byor pas/ /'dir ni dpal ldan rdo rje sems/ /rga shi med pa'i gnas myur 'grub/ /de ni nang gi gtor ma'i cho ga'o/ /sna tshogs rgyud kyi rgya mtsho las/ /bdag gis gtor ma'i cho ga ni/ /ma lus thams cad mnyes byed pa/ /rin chen tshogs mtshungs sum cu btus/ /rgya chen rgyud 'dzin 'jigs pa la//gzhung tshad dgu brgyad dang ldan pa/ /lag mthil 'bras mtshungs gtor ma yi/ /sgrub thabs 'di ni bdag gis byas/ /rnam pa sna tshogs rgyud las btus/ /ngal bar gyur pa bdag gis ni/ /phan dang bde phyogs yang dag sgrub byed gtor ma'i sgrub thabs byas pa las/ /de ring zla ba'i 'od mtshungs shin tu rgya chen dge ba gang bsags pa//de yis deng sang skye bo mang po bde gshegs nyid ni rab thob shog /bdag kyang srid pa 'di rung ni/ /rdo rje sems dpar 'gyur par shog /ma lus bde gshegs bsam bya ba/ /lha chen sogs kyis bsdam mi khyab/ /rtog pa'i rlabs ni 'joms byed blo mchog skye bo ye/ /snying la rtag tu shin tu brtan par gnas par byed par shog /rgyud sna tshogs las btus pa'i gtor ma'i cho ga slob dpon dpal klu sgyur gyi zhal snga nas mdzad pa rdzogs so// //rgya gar gyi mkhan po rdo rje slob dpon chen po karma badzra'i zhal snga nas dang / /lo tsA ba dge slong gzhon nu tshul khrims kyis bsgyur cing zhus pa'o// //