CLOSE WINDOW

D3768
བོད་ཡིག

/dran pa'i rgyu yis gzungs gdab bya/ /maN+Dal gyi cho ga kha che'i paN chen gyis mdzad pa rdzogs so// //gnubs byams pa'i dpal gyis bsgyur ro/[ ]@##/ /de kho na nyid bsdus pa'i man ngag bzhugs/ / @##/ /bcom ldan 'das rdo rje sems dpa' la phyag 'tshal lo//de la gang zag gcig gi nyin zhag gcig gi bya ba brjod par bya ste/ dang po tho rangs kyi cha nas brtsams te ji srid nyal ba la thug pa'i bar la bya ba bsdus pa ni rnam pa brgyad de/ gos dang khrus dang bla ma mchod/ /zas dang skom dang spyod lam dang / /ting 'dzin nyal ba'i mthar thug pa//brgyad po 'di ni bsdus pa'o/ /zhes sprin las grol bas gsungs te mdor bsdus pa'o/ /da ni de dag gi mtshan nyid re re nas rgyas par bshad par bya ste de la dang por gos dang zhes pa ni/ thog mar mal nas langs/ gos bgo ba'i phyir gos kyi rnal 'byor bya ste rang gis byin gyis brlabs pa'am/ma brlabs pa yang rung ste gos cung zad stong pa nyid du bsams te/ rang gi snying gnas 'od 'phros pas bcom ldan 'das rdo rje 'chang gi thugs kar phog ste de las yi ge hUM dpag tu med pa bkug ste rang gi gos la bstim/ de zhu rdo rje rgya gram du gyur//rang gi sngags brjod gos gyur te/ /rang lha'i nga rgyal la gnas pas/ /bgos pas bar chad rnams sel dang / /ma 'ongs pa na rdo rje 'chang / /'gro ba'i don rnams byed par 'gyur/ /de phyir nan tan thams cad kyis/ /dang po dbang bskur dus dag tu//gos kyi dbang bskur bya ba gces/ /khrus dang zhes pa ni/ de nas khrus kyi dus dag tu/ /rang gi lha yi nga rgyal gyis/ /bum pa'am gzhan yang rung ba ni/ /chu yis bkang ste mdun bzhag nas/ /thugs ka'i hUM las 'od 'phros pas/ /dbang bskur bla ma'i thugs kar phog /de las kyang 'od 'phros pa las/ /phyogs bcur bzhugs pa'i sangs rgyas dang / /rang 'dod lha yi 'od zer las/ /sgra byung gsol ba btab par bsam/ /byang chub rdo rjes sangs rgyas la/ /ji ltar mchod chen bgyis pa ltar/ /bdag kyang rab tu bsgral slad du'o/ /nam mkha' rdo rje deng bdag stsol//zhes bskul bas de dag gi thugs ka nas/ bgegs rnams ma lus tshar gcod pa'i/ /rig pa'i rgyal po ma lus dang / /byang chub sems dpa' grangs med rnams/ /ji ltar bltams pa tsam gyis ni/ /lha rnams kyis ni khrus gsol ltar/ /lha yi chu ni dag pa yis//de bzhin bdag gis khrus bya'o/ /oM sarba ta thA ga ta ka la sha a b+hi She ka sa ma ya shri hUM/ zhes brjod mkha' la sprin phung bzhin/ /lha mo phyag na bum pa ni/ /bdud rtsis gang ba pad kor gyi/ /phyag rgyas gzung ste glu 'di len/ /dbang bskur rdo rje chen po ni/ /khams gsum kun gyis phyag byas pa//gsang gsum gnas las byung ba 'di/ /sangs rgyas kun gyis byin pa yin/ /zhes pas bdag la dbang bskur bsam/ /lus kyi dri ma dag pa ltar/ /sgrib pa rnams ni dag par bsam/ /chu yi zer ma 'phros pa las/ /mtha' yas sems can ma lus pa'i//sgrib pa rnams ni dag par bsam/ /rang gi khrus zin spyi bor ni/ /mi bskyod bsam zhing sngags 'di bzlas/ /oM badzra snA na hUM/ bla ma mchod ces pa ni/ de nas bla ma mchod pa ni/ /dad la maN+Dal byug bya zhing / /byin gyis brlab par bya ba ste/ /lci ba chu dang bcas pa yis//badzra re khe zhes brjod cing / /ra ri ya yo med par byug /de nas rang snying sa bon las/ /yi ge trAM 'phros maN+Dal steng / /gnas la sngags 'di brjod par bya/ /oM trAM rat+na maN+Dal badzra re khe hUM/ lan bdun gsum mam gcig kyang rung / /brjod pas zhu ste sa gzhi ni//rin po che yi rang bzhin gyur/ /de yi steng du a dkar 'phros/ /sngags 'di bzlas la zla bar bsam/ /oM tsan+d+ra maN+Dal la badzra re khe hUM/ de yi steng du tsan+dan gyi/ /chus gtor yi ge hUM gyur te/ /sngags 'di bzlas zhu dri zhim pa'i/ /rang bzhin maN+Dal gyur par bya//oM d+hUM pa ra ya rat+na maN+Dal badzra re khe hUM/ de nas nor bu'am sman nam 'bru/ /me tog nyid kyis dgram bya ste/ /rang gi 'dod pa'i bye brag gis/ /ji snyed 'dod pa'i tshom bu bya/ /de dag paM bsam sngags 'dis zhu/ /pad+ma'i gdan du gyur par bsam/ /oM paM pad+ma maN+Dal badzra re khe hUM/de yi steng du b+hUM yig bsam/ /oM b+h+rUM bi shwa bi shud+d+he maN+Dal badzra ri khe hUM/ rin chen las byung gzhal yas khang / /mdzes pa nyid du gyur par bsam/ /de dbus bla ma yi dam lha/ /phyogs bcur bzhugs pa'i sangs rgyas rnams/ /sras dang bcas pa spyan drangs la//dang por lus ngag yid kyis ni/ /gus pa yis ni phyag 'tshal te/ /phyi nang gsang ba bla med pa'i/ /mchod pa'i sprin gyis mchod par bya/ /bla ma dkon mchog gsum po dang / /zhes pa la sogs tshig rnams kyis/ /sdig bshags sdom pa gzung bar bya/ /de yis rang rgyud dag 'gyur te//bdud rtsi'i snod de 'gyur ba yin/ /de nas yi ge brgya brjod cing / /bzod gsol oM AHhUM muHyis/ /gshegs gsol smon lam gdab par bya/ /zas dang zhes pa ni/ de nas zas kyi dus dag tu/ /sbyang ba rnam pa bzhi bya ste/ / zas sbyang gtor ma dang mthun no/ /de nas lte ba'i lkog tu yaM/ /zhu bas rlung gi dkyil 'khor bsam/ /de steng raM las tsaN+Da lI/ /mar me'i rtse mo lta bur gsal/ /de ni lto ba sbyang ba'o/ /de nas rlung gis me sbar bas/ /snying nas lha dang phung po khams/ /skye mched la sogs lhar gsal bya//de ni snying gar sbyar bar 'dod/ /gal te la la 'di skad du/ /snying ga'i lha nyid gsal ba ni/ /snying ga sbyang bar rigs mod kyi/ /phung po khams la sogs pa la/ /snying ga sbyang zhes ci yi phyir/ /zhe na de ni gtso bo ste/ /dang po dbang bskur dus na ni/ /ye shes lha ni du ma dag /lus la bcug cing byin brlabs la/ /snying ga gcig pur bcug pa ni/ /mthong dang thos pa med phyir dang / /rnal 'byor rgyud ni du ma las/ /phung po khams dang skye mched sogs/ /lha nyid yin par gsungs phyir ro/ /de nas kha ni thab khung la/ /lci la me lha rnam par bsam//de nas lag gnyis dgang blugs kyis/ /zas za sbyin sreg yin par 'dod/ /yang na lce la rdo rje la/ /rkan la pad+ma rab bsams te/ de gnyis sbyor ba byas pa las/ /byang chub sems byung lha rnams kun/ /tshim par byed pa la la 'dod/ /de ni lci lkog sbyang ba'o//de nas lus kyi dkyil 'khor ni/ /tshim par bya phyir ma yengs par/ /za ba 'di ni mchog yin no/ /skom dang zhes pa ni/ de nas skom gyi rnal 'byor ni/ /rang nyid lha yi rnal 'byor gyis/ /lag mthil g.yas par nyi ma ni/ /maM las skyes pa blta bar bya/ /de steng chang snod a las ni//thod pa chang gis bkang ba yi/ /kha ni zla bas mnan pa'o/ /de nang ha zhu kha dog sbyangs/ /hos ni ro yi rtog pa sbyangs/ /hrIHsa ni bdud rtsi chen por zhu/ /de nas ye shes dbab pa'i phyir/ /srin lag tshigs ni dang po la/ /mthe bo rtse mo sbyar byas te/ /suM las srin lag ri rab bskyed//hUM las mthe bong sa gzhir bsam/ /bar du maM dmar bsam byas te/ /de las 'od 'phros 'og min du/ /rang 'dod lha yi smin mtshams phog /yab yum snyoms zhugs bdud rtsi dbab/ /thod par bab ste sa gzhi dang / /ri rab bcas pa dkrugs pas ni//sa gzhi ri rab nyid kyang zhu/ /oM AHhUM ma ha ho hrIH/ /lan gsum bdun sogs bzlas par bya/ /de yi nang du chos 'byung dang / /zla ba lta bu bri bya la/ /de steng bla ma yi dam lha/ /gzhan sogs bsams te mchod pa'am/ /yang na mdun gyi bar snang la/ /de dag bsams la mchod par bya//rang rang sngags la bdud rtsi'i sngags/ /btags pas lus ngag yid gsum dang / /bla ma la ni dbul bar bya/ /de nas gong du bshad mchod bya/ /de nas ji ran gnod med par/ /tshod zin par ni btung bar bya/ /tshogs kyi mchod pa'i dus su ni//nad la gnod par gyur na yang / /thigs pa gsum ni dam tshig go/ /de ltar ma byas glang po che/ /smyon pa bzhin du 'thung byed na/ /skye ba lnga brgyar smyon par 'gyur/ /spyod lam dang zhes pa ni/ de nas spyod lam gyi dus su so sor brtag pa rnam pa gnyis te/ snod kyi 'jig rten gzhal yas khang //bcud kyi sems can bye brag gi /lha dang lha mor mos par bya/ /rang gi bya ba ci byed kyang / /lha yi nga rgyal la gnas nas/ /shes rab pha rol phyin la sogs/ /po ti klog pa'i tshe bdag nyid/ /lce la rnga rdung rdo rje bsam/ /rkan la rnga chen rab bsams te//rdo rjes rnga la rab brdungs pas/ /sgra skad chen pos phyogs bcur khyab/ /mtha' yas sems can ma lus kyi/ /rna bar gang dang gang mos la/ /de dang de ltar rtogs par bsam/ /yang na mtha' yas sems can rnams/ /ma lus mdun du bkug byas la//bdag gi skad ni gang mos par/ /so sor go bar chos bshad la/ /rtag tu dag par bsgrag par bya/ /'dir mang smra bas ci zhig bya/ /gang byed lha yi nga rgyal gyis/ /bdag dang gzhan gyis byang chub ni/ /thob par bsam zhing bya ba'o/ /ting nge 'dzin zhes pa ni/ de nas phyi dro'i thun dag la//rang gi rtog pa'i don la ni/ /blo gzhag lha yi nga rgyal ni/ /cho ga lnga'am cho ga gsum/ /skad cig bsdus rgyas shin tu bsdus/ /gang mos pa la blo bzhag la/ /thun mong dngos grub 'dod pa'am/ /ngag gi sgrib pa sbyong 'dod pas/ /bzlas pa gang mos las bzhi la//mi skyo'i bar du bzlas par bya/ /bzlas pas skyon rdzogs rim ni/ /steng dang 'og gi sgo dag la/ /bsten nas bsgom par bya ba'o/ /de nas gal te gtong 'dod na/ /man ngag bzhin du gtor ma ni/ /byin gyis brlabs te dbul bar bya'o/ /de nas bstod dang bshags pa dang //phrin las bcol la gshegs su gsol/ /rang gi ye shes gshegs par bya'o/ /de nas smon lam gdab pa dang / /stong pa nyid kyi rgyas gdab bya/ /nyal ba'i mthar thug zhes pa ni/ /de nas nyal na rnam gsum ste/ /stong pa nyid kyis nyal ba dang / /bskyed pa'i rim pa'i nyal lugs dang //'chi ba slu ba'i nyal lugs so/ /stong pa nyid kyis nyal ba ni/ /snod kyi 'jig rten bcud la bsdu/ /bcud kyi sems can yum la bsdu/ /yum yang bdag la bsdus nas ni/ /bdag nyid ye shes sems dpa' la'o/ /ye shes sems dpa' rdo rje la'o//rdo rje hUM ste hUM rim gyis/ /nA da'i bar du bsdu ba'o/ /nA da stong pa nyid la bsdu/ /de yi ngang la nyal ba'o/ /bskyed pa'i rim pa'i nyal lugs ni/ /ye shes lha rnams gshegs gsol te/ /dam tshig sems dpa'i nga rgyal gyis/ /gnyid kyis dub pa bsal ba dang / /snga bar ldang zhing snang ba yi//dran pa yid la bzhag pas nyal/ /'chi ba slu ba ka pA la/ /skam po dmigs te nyal ba'o/ /brgyad pa 'di ni bsdus pa'o/ /zhes pa'i don ni/ nang par langs te snga ma bzhin/ /gos nas brtsams te nyal ba'i bar/ /bya ba brgyad po rdzogs par bya/ /'di lta'i bya ba brgyad po ni//dbang bskur thob cing dam tshig skyong / /bla ma la gus gtong phod che/ /dad ldan brtson 'grus che ba dang / /lus ngag spyod pa mdzes pa yis/ /bla ma rdo rje spun la gus/ /nga rgyal chung zhing bshags la brtson/ /gsong por smra zhing gzhan don byed/ /de lta bu la sbyin bya yi//bla ma mi bsten dam tshig med dang rnam par smin la mi 'dzem rang tshul dregs/ /thos bsam bsgom la ma sbyangs blo ni rtog pa'i dra bas rnam par g.yengs/ /tsan+dan shing bzhin yon tan chung la nga rgyal che phyir bla ma rdo rje spun sogs la/ /bkur sti'i sems bral 'jig rten grags pa don du gnyer zhing gzhan tshig khyad du gsod//'di 'dra'i gang zag rnams dang stan gcig la yang mi 'dug po ti'ang mi bstan na/ /bshad dang gdams ngag sbyin par bya ba yid kyis kyang ni bsam par mi bya dngos su smos ci dgos/ /de kho na nyid bsdus pa'i man ngag slob dpon shI la sam+b+ha bas las dang po'i ngor bsdus te mdzad pa rdzogs so/