127a7 /[ ]@##/ /rgya gar skad du/ maN+Dal bi d+hiH/ bod skad du/ maN+Dal gyi cho ga/ /thugs rje chen po rnam par skyob la phyag 'tshal lo/ /dkyil 'khor bzang pos nyid dang / /rin chen rang bzhin ngos mnyam la/ /dri zhim pa yi byug
127b1 pas byug /mu tig me tog nor bu dgod/ /dbus su 'dab brgyad 'dab bzhi yi/ /me tog dmar po sa bon can/ /bzhag la de steng thub pa bzhugs/ /gdugs dkar gyis ni steng nas dbub/ /sgrub po pad+ma'i phreng ba yi/ /nga rgyal 'dzin pas rdo rje'i lag /gnyis gshibs
127b2 gyen du bskyod pa'i rgyas//sa gsum gtso bo spar bar bya/ /rab tu dbyibs legs kha dog mdzes/ /dri bsung ro mchog reg bzang ba'i/ /me tog spungs pas go rims bzhin/ /gling sogs bkod pa ji bzhin brtag /oM AHbadzra tsa tur d+h+wI pa hUM/ /oM AHbadzra pa yASh+Ta dwI pa hUM/
127b3 oM AHbadzraSh+Ta rat+na hUM/ oM AHbadzrA Sh+Ta mang+ga la hUM/ oM AHbadzra sid+d+hi biM sha ti hUM/ oM AHbadzra sUr+ya tsan+d+ra hUM/ rnam dag zhing du phun tshogs gling dang rin chen dang / /bkra shis grub pa rim gsum phreng ba legs bkod la/ /gsal byed sgron ma 'bar ba gnyis kyis brgyan gyur pa/ /sngags
127b4 'chang rdo rje rol pa'i gar gyi bstabs pas dbul//de nas lus can thams cad la/ /'jig rten mgon po nyer mkho'i gzugs/ /dpag med rnam par 'phrul pa yis/ /zhing rnams kun du don yod spyod/ /ji srid snying po byang chub bar/ /de dag nam yang 'dren pa'i mthus/ /ngan
127b5 'gro'i sgra yang mi grag cing //rtag tu dga' skyid 'tsho bar byed/ /gal te blo gsal spobs spyod na/ /sku gsung la sogs gang bshad pa/ /cho ga de dag 'das pa yang / /gdon mi za bar bya ba nyid/ /gang tshe bsdu bar 'dod pa na/ /se gol brdabs pas spar byas la/ bzod par
gsol dang smon lam gdab/