CLOSE WINDOW

D3765
བོད་ཡིག

@/ /las dang po pa'i tshogs sog bzhugs/ /[ ]@##/ /ye shes nyi mas nyon mongs mtsho skems shing / /'jam pa'i gsung gis srid pa gsum sgrol ba/ /yid bzhin nor ltar sems can re skong ba'i/ /mgon po 'jam pa'i dbyangs la phyag 'tshal lo/ /tshogs sog rnal 'byor rnams la phan gdags phyir//bya ba'i cho ga'i rim pa bdag gis dbye/ /rnal 'byor rnam pa gnyis su bstan/ /dngos grub sgrub dang tshogs sog pa'o/ /dngos grub bsgrub par bya ba'i thabs/ /rgyud dang bla ma so so yi/ /gdams ngag dag las gsal bar bshad/ / tshogs sog rim pa gnyis yin te/ /rigs pa dang ni lung yin no/ /rigs pas phye na gnyis yin te/ /slob dpon byed dang slob mar gnas/ /slob dpon la yang rnam gsum ste/ /rab dang 'bring dang tha ma'o/ /slob ma la yang de bzhin no/ /gang zag drug gi bya ba ni/ / bye brag thun mong gnyis su bstan/ /slob dpon rab kyi bya ba ni/ /thun drug tu ni sgrub pa dang / /dbang bskur chos bshad dkyil 'khor dang / /sbyin sreg rab gnas gtor ma bya/ /slob dpon 'bring gi bya ba ni/ /thun bzhi ru ni sgom pa dang / /chos bshad sbyin sreg gtor rab gnas//slob dpon tha ma'i bya ba ni/ /thun gsum du ni sgom pa dang / /sbyin sreg rab gnas gtor ma bya/ /slob ma rab kyi bya ba ni/ /thun drug sgom dang mchod gtor gsum/ /slob ma 'bring gi bya ba ni/ /thun bzhir sgom dang mchod gtor gnyis/ /slob ma tha ma'i bya ba ni/ /thun gsum sgom dang mchod gtor gcig /de ni bye brag cho ga'o/ /slob dpon slob ma gnyis la yang / /dam bcas pa dang ma bcas pa'i/ /bye brag gnyis su shes par bya/ /thun mong rim pa'i cho ga ni/ /bsgrub dang sgrub thabs bsgom pa dang / /khrus dang bla ma phyag 'tshal dang / / kha ton 'don dang glegs bam klog /rgyun chags bdun dang chos spyod dang / /de nas kha zas rnal 'byor bya/ /sAts+tsha gdab dang bskor ba dang / /dus kun bya ba'i spyod lam dang / /nyin phyed dus kyi chos spyod dang / /dgongs dag chos spyod rgyas par bya/ /nyams bshags snying ga'i dkyil 'khor dang //gnyis med sbyor bas nyal ba'o/ /thun mong bsdus pa bcu dang gsum/ /de la ldang ba'i dus su ni/ /stong pa nyid la gnas pa las/ /lha mo bzhis bskul ldang bar bsam/ /sgrub thabs so so'i gzhung las gsal/ /khrus la rnam bzhir shes par bya/ /chu yi rdul phran 'dus pa las//khro bo bdud rtsi 'khyil par gyur/ /sku mdog ljang ser zhal gcig pa/ /phyag gnyis mtshan ldan 'jigs pa'i gzugs/ /g.yas na sna tshogs rdo rje la/ /g.yon na bdud rtsis bkang thod bsnams/ /de yis bgegs bskrad gyur par bsam/ / rang snying hUM las spyan sogs spros/ /bdud rtsi'i bum pa phyag na bsnams/ /rang gi lus la dbang bskur bsam/ /bskur bas lus kun bdes gang bas/ /dri ma kun nas dag par bsam/ /bdud rtsir byin brlabs chu yis ni/ /dzam+b+ha la yi dbu bkrus bsam/ /a kA ro yi sngags sogs kyis//yi dags kun la chu sbyin bya/ /phyag 'tshal cho ga gnyis shes bya/ /ting 'dzin ldan pa'i bla ma la/ /dus su gus pas phyag 'tshal bya/ /ting 'dzin ldan pa'i bla ma la/ /lag pa dal bas sgo brdungs nas/ /gus pas phyag 'tshal khams bde zhu/ /bya bar 'os pa'i gdams ngag nod//kha ton glegs bam klog pas ni/ /bsam pa'i rim pa bzhir shes bya/ /bdag nyid gsung gi rdo rje 'am/ /yi dam so so'i lhar bsams nas/ /mdun du lha klu la sogs bsam/ /zab mo'i mdo sogs legs gdon bya/ /de yis de rnams tshim gyur nas//gnyis med ye shes don rtogs bsam/ /rgyun bshags bdun ldan cho ga ni/ /bcu gsum du ni shes par bya/ /maN+Dal shin tu mdzes pa la/ /bdud rtsi la sogs dris byugs la/ /me tog yid 'ong sil bkram nas/ /phyogs bcu dus gsum bzhugs pa yi//dkon mchog gsum po de bsams nas/ /yon tan phun tshogs kyis bstod pa'i/ /gus pa'i tshul gyis phyag 'tshal bya/ /ci 'byor mchod pa bshams nas ni/ /rim pa ji bzhin sngags dang dbul/ /sdig pa thams cad bshags pa dang / / byed pa yang ni bsdam pa dang / /bsod nams kun la yi rang bya/ /dkon mchog gsum la skyabs 'gro bya/ /byang chub mchog tu sems bskyed bya/ /chos kyi 'khor lo bskor bskul bya/ /mya ngan 'da' la gsol 'debs dang / /bdag gi lus sogs dbul ba dang / /dge kun byang chub mchog tu bsngo//dkon mchog gsum dgyes gnang sbyin bsam/ /kha zas kyi ni rnal 'byor ni/ /sbyang dang za gtor sbyin sreg ni/ /nang dang bla med bzhir shes bya/ /sbyang dang za gtor so so'i gzhung / /snying gar yi dam lha bkod de/ /bdud rtsir byin brlabs zas kyis ni//dkyil 'khor de la tshim par bsam/ /de ni nang gi sbyin sreg go/ /tshim pa'i ye shes 'od 'phros pas/ /sems can sdig bsregs slar 'dus nas/ /bdag lus bsregs nas stong par bsam/ /bla med sbyin sreg yin par bshad/ /sAts+tsha gdab pa'i rnal 'byor ni//sa chu me dang bye ma la/ /nam mkha' la yang gdab par bya/ /cho ga'i rim pa gzhung bzhin bya/ /bskor ba'i rnal 'byor bshad par bya/ /dus gsum sangs rgyas mdun bsams nas/ /lus kyis g.yas nas bskor bar bya/ /ngag gis yi ge brgya pa bzla/ /yid kyis mchod pa sna tshogs mchod//sangs rgyas kun dgyes 'od zer ni/ /dus mtha'i me bzhin 'phros pa yis/ /bdag dang sems can ma lus pa'i/ /sgrib pa thams cad bsregs par bsam/ /dus kun bya ba'i spyod lam ni/ /lus ngag yid gsum bya ba'o/ /lus kyis phyag rgya la sogs bya//ngag gis sngags sogs bzlas par bya/ /yid kyis kun rdzob lhar bsgom dang / /rang bzhin med par mos par bya/ /mtho gang tsam gyis 'phags pa ni/ /spyi bor zla dkyil brtag par bya/ /oM ni dbus su gnas bsams nas/ /bdud rtsi lnga po 'bab par bya/ / rkang mthil bar du lus khyab nas/ /ngal dub bsal bar gyur par bsam/ /ji srid mi skyo'i bar du bsgom/ /rtsa ba yan lag dam tshig ni/ /shes bzhin bag yod bsgom ste bsrung / /nyin phyed chos spyod gong dang mthun/ /dgongs ka'i chos spyod gsum yin te/ /chos spyod dang ni mdo gdon dang //smon lam dag ni gdab par bya/ /chos spyod byed pa gong ma bzhin/ /bcu gsum du ni shes par bya/ /mdo gdon shes rab snying po de/ /zab mo'i don la bskul phyir ro/ /dge ba mi zad bsngo ba'i phyir/ /smon lam dam pa gdab par bya/ /nyams bshags snying ga'i dkyil 'khor ni//rang nyid yi dam lhar bsams nas/ /de snying pad+ma zla dkyil 'khor/ /rigs lnga'am yang na don grub ni/ /lha ni snying gar bskyed par bya/ /de la don grub bskyed pa ni/ /khaM bsam de las ral gri bsam/ ral gri khaM las 'od 'phos pas//sems can don byas slar 'dus pas/ /bde gshegs las rigs nyid du gyur/ /sku mdog ljang g.yas sngo g.yon dkar/ /zhal gsum pa la phyag drug pa/ /dang po gnyis ni yum la 'khyud/ /g.yas kyi gnyis pas ral gri 'dzin/ /gsum pa sna tshogs rdo rje ste//g.yon gyi gnyis pas 'khor lo 'dzin/ /g.yon gyi gsum par pad+ma bsnams/ /de la skye mched byin gyis brlab/ /sku gsung thugs kyang byin gyis brlab/ /dbang bskur rigs kyi gtso bor gyur/ /de yi thugs las 'od 'phros te/ /sangs rgyas kun la gsol 'di gdab//rdo rje 'dzin pas 'gro skyabs phyir/ /yon tan 'byung gnas stsol ba ltar/ /sangs rgyas kun gyis dbang bskur ba/ /de bzhin du ni bdag la stsol/ /de bzhin gsol ba btab pa yis/ /de bzhin gshegs pa kun mnyes nas/ /spyan la sogs pa'i lha mo rnams//bdud rtsi lngas gang bum pa yis/ /dbang bskur bar ni bsam par bya/ /zhal nas tshig 'di 'don par bsam/ /dbang bskur ba ni rdo rje che/ /khams gsum kun gyis phyag byas pas/ /gsang ba gsum gyi gnas las byung / /dbang bskur ba ni sbyin par bya//zhes ni tshigs bcad 'don par bsam/ /dbang bskur lus kun bde gang bas/ /dam tshig nyams pa'i sdig pa kun/ /bsal zhing rnam par dag par 'gyur/ /spyi bor thugs kyi bdag po bsam/ /gnyis med sbyor bas nyal ba ni/ /ye shes lha ni gshegs gsol cing //dam tshig lha rnams rang la bsdu/ /nyi zla kha sbyor dbus su ni/ /rang rang yum dang sbyor bar bsam/ /yang na stong nyid rnal 'byor bya/ /thun mong cho ga bcu gsum dang / /khyad par cho ga bcu gnyis ni/ /de gnyis bsdoms pas nyi shu lnga/ /slob dpon rab kyi bya ba yin//khyad par brgyad dang thun mong dang / /de dag bsdoms pas nyi shu gcig /slob dpon 'bring gi bya ba yin/ /khyad par cho ga drug dang ni/ /thun mong bsdoms pas bcu dang dgu/ /slob dpon tha ma'i bya ba yin/ /thun mong bcu gsum slob ma rab//'bring dang tha ma ci rigs bya/ /de ltar rigs pa bshad zin nas/ /da ni lung gis yid ches bya/ /mkha' 'gro ma yi rdor gur las/ /ji srid byang chub snying po'i bar/ /dkon mchog gsum ni spang mi bya/ /rtag tu dam tshig bsrung bar bya/ /rdo rje dril bu'ang gzung bar bya//rtag tu sbyin sreg gsal bar bya/ /rtag tu dkyil 'khor bzhengs par bya/ /rtag tu bde gshegs rab gnas bya/ /'byung po che la gtor ma sbyin/ /phyag rgya bcing ba rnams spang zhing / /mchod rten las ni mi bya zhing / /rdo rje gsum mchog phyag mi bya/ /dkyil 'khor la sogs lus kyi las//rmi lam du yang mi bya zhing / /slob dpon gzhan la phyag mi bya/ /bla ma rgan la phyag 'tshal te/ /rtag par rgyun du sngags bzla zhing / /bsam gtan gnyis kyang rnam par spang / /rtag tu slob ma bsdu mi bya/ /rtag pa ru ni chos bshad kyis/ / rtag tu sems can bskyang bar bya/ /rtag tu sangs rgyas cher mnyes bya/ /dzam+b+ha la la chu sbyin bya/ /las rnams thams cad yang dag spyad/ /bye ma'i mchod rten las la yang / /mkhas pas cho ga bzhin du bya/ /gzhan yang rgyud rnams du ma las/ /bya ba'i rim pa mang du gsungs//bsod nams ye shes tshogs 'dod pas/ /rtag tu dad dang brtson 'grus dran pa dang / /shes bzhin ting 'dzin mchog la gnas byas nas/ /g.yeng spangs bag yod tshul gyis ni/ /rtag tu de la bsten par gyis/ /bdag ni blo chung shes rab dman gyur kyang / /tshogs sog rnal 'byor rnams la phan don du//cho ga'i rim pa cung zad bsdebs pa las/ /'phags dang mkha' 'gro'i tshogs rnams bzod par mdzod/ /bdag phan snying rje'i sems kyis 'di brtsams pas/ /bsod nams dri med phun tshogs gang thob pas/ /nam mkha'i mthas klas sems can ma lus kun/