CLOSE WINDOW

D3764
བོད་ཡིག

@##/ /rgya gar skad du/ maN+Dal bi d+hiH/ bod skad du/ maN+Dal gyi cho ga /sangs rgyas dang byang chub sems dpa' thams cad la phyag 'tshal lo/ /gdod nas zhi ba'i chos kun dang / /gang gi rang bzhin med par ni/ /sems ni ri rab ltar gnas pa/ /de la bden pa mthong zhes brjod//dam pa'i chos klog pa la sogs pa dang / bla ma'i maN+Dal gyi cho ga ni/ oM badzra b+hU mi AHhUM zhes brjod pas sems bskyed pa sngon du 'gro ba'i sgo nas lci ba chu dang bcas pas sa phyogs byug par bya'o/ /de nas dkyil 'khor gyi dbus su me tog bzhag ste/ oM badzra re khe AHhUM zhes bya bas ni byin gyis brlab par bya'o//de nas me tog dgram pa'i sngags ni/ oM haM ma hA me ra be+e na maH/ dbus so/ /oM yaM pUrba bi de hA ya na maH/ shar phyogs su'o/ /oM raM dzaM bu dwI pA ya na maH/ lho phyogs su'o/ /oM laM a pa ra go dA ni ye na maH/ nub phyogs su'o/ /oM baM ut+ta ra ku ra be+e na maH/byang phyogs su'o/ /oM yaHu pa dwI pA ya na maH/ 'di lan gnyis brjod de/ shar phyogs kyi mtshams g.yas g.yon gnyis su me tog gi tshom bu dgod do/ /de bzhin du/ oM raHu pa dwI pA ya na maH/ 'dis lho phyogs kyi g.yas g.yon du'o/ /oM laHu pa dwI pA ya na maH/nub phyogs kyi g.yas g.yon du'o/ /oM baHu pa dwI pA ya na maH/ byang phyogs kyi g.yas g.yon du'o/ /de nas nang gi phyogs dang mtshams su'o/ /oM ya ga dza ra t+nA ya na maH/ oM ra pu ru Sha rat+nA ya na maH/ oM la a shwa rat+nA ya na maH/ oM ba s+t+rI t+nA ya na maH/ oM yA khaD+ga rat+nA ya na maH/ oM rA ma Ni rat+nA ya na maH/ oM lA tsakra rat+nA ya na maH/ oM bA sarba ni d+hi b+h+yo namaH/ shar nas bzung ste g.yas skor du phyogs mtshams brgyad du bskor bar bya'o/ /nang gi shar dang nub tu/ oM sUr+ya ya na maH/ oM tsan+d+rA ya na maH/ 'di rnams kyis ni gling bzhi gling phran brgyad/rin po che sna bdun gter chen po dang brgyad/ ri rab nyi zla dang bcas pa rin po che sna tshogs kyis bkang bar dmigs te sangs rgyas dang byang chub sems dpa'am/ chos sam bla ma gang yang rung ba la dbul bar bsam mo/ /phan yon dpag tu med pa yod de gzhung gzhan nas shes par bya'o//bla ma dang sangs rgyas dang byang chub sems dpa' la sogs pa'i mdun du bsnyen bkur bya'o/ /maN+Dal gyi cho ga dngos grub brnyes pa'i slob dpon mkhas pa chen po rin chen 'byung gnas sbas pa'i zhal snga nas mdzad pa rdzogs so// //mtshan yongs su grags par gyur pa dge bshes rdo rje gdan pas mdzad pa lags so/ /zhu chen gyi lo tsA ba dge slong dar ma grags kyis bsgyur cing zhus te gtan la phab pa/ pha rol tu phyin pa'i theg pa'i maN+Dal gyi cho ga'o// //