CLOSE WINDOW

D3760
བོད་ཡིག

dpal ldan man lungs kyi gtsug lag khang chen por paN+Ti ta go ta ma b+ha dra dang / lo tsA ba grags pa byang chub gnyis kyis bsgyur ba'o/ /[ ]@##/ /rgya gar skad du/ /maN+Dal bi d+hiH/ bod skad du/ /maN+Dal gyi cho ga /bcom ldan 'das 'jam dpal gzhon nur gyur pa la phyag 'tshal lo//rje btsun 'jam dpal gzhon nu la/ /phyag 'tshal maN+Dal cho ga bshad/ /maN+Dal bsdu na rnam gnyis te/ /yid kyis bsam dang dngos byed pa'o/ /yid kyis dbul ba yid kyis yin/ /dngos byed yan lag dgu rdzogs dbul/ /rgyu rkyen sngon 'gro mtshams dang tshad//dbyibs dang kha dog byin rlabs rgyan/ /sa bzang bye ma lci ba la/ /srog chags la sogs bsal ba las/ /'jim pa legs par bsgrub par bya/ /de nas tshad med stong nyid bsam/ /bdud rtsi 'khyil pa'i sngags 'di yis/ /thog mar mtshams bcad bdag nyid bsrung / / oM -i mra ta kuN+Da li ha na ha na hUM phaT/ zheng du khru gang yan chad tshad/ /dbyibs ni gru bzhi lham pa la/ /nang du zlum por bskor bar bya/ /kha dog kun ka sngo yang rung / /yang na yid dang ci 'thad bya/ /yang na tshad dang kha dog dbyibs/ /phrin las rnam bzhi'i tshul dang sbyar/ /de nas snying ga'i sa bon las//'od 'phros yi ge traM zhu bas/ /stegs ni rin chen rnam lngar bsam/ /oM pany+tsa rat+na maN+Dal hUM/ ba yi rnam lnga dri lnga la/ /sa bon 'od 'phros a zhu bas/ /bdud rtsi'i rang bzhin gyur par bsam/ /oM i mra te hUM phaT/ de nas legs par byug par bya/ /tsan+dan la sogs dri lnga la//'od 'phros yi ge du zhu bas/ /bdug pa'i mchog tu gyur par bsam/ /oM badzra d+hU b+be AHhUM/ /rnal 'byor 'byor pa chung na'ang rung / /tsan+dan med du mi rung ngo / /de ltar dri zhim legs par byugs/ /de nas me tog rgyan bkram pa/ /lnga sogs yang na lha grangs bstun//de steng paM las pad+mar bsam/ /oM pad+ma maN+Dal hUM/ de steng a las zla dkyil bsam/ /oM tsan+d+ra maN+Dal hUM/ de steng b+h+rUM las gzhal yas khang / /shin tu mdzes pa bsam par bya/ /de nas mgon po spyan drangs la/ /phyag 'tshal mchod dang sdig pa bshags/ /gzhan gyi dge la yi rang bya//chos kyi 'khor lo bskor bar bskul/ /mya ngan mi 'da' gsol ba gdab/ /dge ba dag ni thams cad la/ /'gro ba'i don du byang chub bsngo/ /de ltar phul ba'i yon tan ni/ /pha rol phyin bcu rdzogs ldan zhing / /sgrib pa gnyis byang tshogs rdzogs te/ /ting 'dzin dkyil 'khor gsal gyur nas//rang bzhin dkyil 'khor mthong bar 'gyur/ /de ltar ma byas nyes dmigs ni/ /rdzogs la brtan pa ma thob bar/ /maN+Dal 'jog na mkha' 'gros gsod/ /de bas nan tan gus par bya/ /lung dang man ngag bla ma las brgyud pa/ / maN+Dal cho ga rim par bkod pa 'di/ /blo zhen don du bdag gis cung zad bsdus/ /'khrul na bzod mdzod mkhas rnams gzhan du rtsoms/ /dri med blos bsdus dge ba 'dis/ /srid gsum ris drug 'gro kun gyis/ /mnyam pa nyid kyi don rtogs nas/ /bde chen thang la phyin par shog /