113b4 @##/ /rgya gar skad du/ /gu ru pa ra ma pu N+ya shri na ma sto tra/ bod skad du/ bla ma dam pa bsod nams dpal zhes bya ba la bstod pa/ chos 'byung rab gzigs shin tu yangs pa'i sku mnga' ba/ /bsod nams dpal gyi zhabs zung dag la brten par bgyi/ /mkhas pa 'di ni
113b5 kun du bskyod par gyur pa la//sngon chad ma mthong stong nyid rtse mos ngo mtshar mthong / /shin tu rgya chen zab pa 'di ni chen po'i tshul/ /mchod rten bskyod pa lta bu'i sku la lhag par brten/ /dpal mchog bla ma ston pa'i bstan pa la/ /dus des gsal ba 'od gsal chen po'i
113b6 tshul//mtshungs med snying rje'i bcud kyis sems can bde mdzad pa/ /'di ni ngo mtshar bsod nams dpal gyi ye shes sku/ /de ni kun la byams pas phyag kyang rab tu 'tshal/ /bde zhing bde ba'i snang ldan spros pa mi mnga' ba/ /bzod pa'i gter chen bsam gtan dga' ba'i ro mchog dang / /
113b7 rnam pa kun du rdzogs sangs byang chub lam rnams mkhyen/ /gti mug mun ldongs 'gro la rab tu gsal bar mdzad/ /de ni brtse ldan bsod nams dpal gyi ye shes sku/ /po Ta la kar spyan ras gzigs dbang zhabs pad la/ /bung ba rol pa zhes bya'i stobs ldan spyan dag gis/ /lho
114a1 phyogs yul du lam tshol yang dag bskyod pa yis//rim bzhin 'chag la dub pa med pa'i bsod nams dpal/ /sangs rgyas mthu yis rgya mtsho zla bas gang ba bzhin/ /dpal mchog bla ma 'di ni lam mchog ded dpon mkhas/ /ye shes bdud rtsi'i rlabs kyi
114a2 lam gyis dub pa la//nyer phyin lam la mkhas rnams kun gyis brten par bya/ /dpal mchog bla ma 'di ni ston pa'i bstan pa la/ /dus la rab gsal 'od gsal chen po'i tshul/ /mtshungs med bla ma'i zhabs la rab tu 'dud/ /rgya gar lho phyogs kyi yul dpal ldan 'bras kyi
114a3 phung po zhes bya ba'i mchod rten bzhugs pa'i gnas der bla ma man lungs pa'i sku gsung thugs kyi spyod pa rlabs po che/byang chub sems dpa'i rnam par thar pa dang cha mthun pa la mos pa'i paN+Ti ta bi ma la shrI zhes bya ba mkhas shing btsun pa des tshigs su bcad pa 'dis bstod pa'o/ /