CLOSE WINDOW

D3751
བོད་ཡིག

rgya gar gyi mkhan po d+har+m+ma d+hA ra dang yar lungs pa grags pa rgyal mtshan gyis dpal sa skya'i gtsug lag khang du bsgyur ba'o//[ ]@##/ /rgya gar skad du/ u tsuSh+ma dzam+b+ha la u pa de sha sto tra/ bod skad du/ rmugs 'dzin 'chol ba'i man ngag gi bstod pa/ dpal rdo rje sems dpa' la phyag 'tshal lo//mgon po nam mkha'i mdog can nor gyi char 'bebs pa/ /ma skyes rang bzhin dag pas sku mdog nag por bzhugs/ /khyod ni rdo rje sems dpa' nyid de bdag dran na/ /khyod la 'dud kyis thugs rjes ci yi phyir mi gzigs/ /lo drug byis pa'i gzugs la gzhon pa'i sha rgyas pa//'dzum la khro la byams pa'i mche ba dkar po gtsigs/ /khro gnyer dpral bar bsnyer zhing ral pa dmar ser langs/ /dbul ba sel mdzad spyan yangs snying rje can la 'dud/ /mi bskyod dbu la bzhugs pas thugs kyi rig 'dzin cing / / byams pas kun la khros te gcer bu sbrul gyis brgyan/ /oM a las skyes nor sbyin gdan la bzhugs shing 'gying / /re ba skong mdzad dpag bsam shing 'dra khyod la 'dud/ /phyag g.yas snying rjes don mdzad thod pa khrag gis bkang / /phyag g.yon nor sbyin ma bzung ne'u les rin chen 'bebs//g.yas g.yon zhabs kyis rnam thos sras kyi rkang brdzis/ /nor bdag gan rkyal gnon cing brgyad bskum bzhugs la 'dud/ /rna ba ma phug rigs ngan cha lugs lhag ma za/ /lag nas kha ru 'o ma'i bdud rtsi rtsa lam rdo rje nas byung ste/ /gur gum mdog 'dra zhal du phul bas mnyes mdzod la//nyid kyis bdag gi bsam mkhyen re ba myur du skongs/ /yi ge bcu pas byin brlabs me tog dang bcas pas/ /oM las 'od 'phros gdub bu rin chen spras pas brgyan/ /oM las byung ba'i bum pa bzang pos chu phul nas//bcom ldan mgon po ci phyir re ba mi bskong lags/ /'gro drug kun la re bskong nor gyi char pa dag /ci 'dod mang po 'bebs pa'i thugs rje grags lags na/ /bdag gis mos pas khyod kyi yon tan rtag tu brjod/ /thigs pa gcig kyang mi stsol skal ba med dam ci//nyi ma re re bzhin du rtag tu khyod 'bod na/ /bdag ni yi chad sgyid lugs gdong pa dag mod kyang / /khyod kyi sngon gyi dam bcas thugs rje gang du thal/ /gter chen skal ba med kyang log 'tsho med tsam byin/ /bdag gis snying nas smras kyang da dung ma gzigs na/ /sa gsum kun la snyoms par dam ni ma bcas sam//bdag la skal ba med kyang thugs rjes cis mi gzigs/ /sems can min nam dbul pa'i sdug bsngal bral bar mdzod/ /bdag gis bos pas khyod kyi thugs rje'i zhags pa yis/ /srid 'dir dbul ba sol ba bde chen gnas su drongs//'jigs la 'jigs par mi byed khyod kyis byin brlabs te/ /'di dang pha rol gnyis kar rtag tu bskyab par mdzod/ /rmugs 'dzin 'chol ba'i man ngag gi bstod pa bla ma d+ha byang chub sems dpas mdzad pa rdzogs so// //kha cig slob dpon nyi ma sbas pas mdzad do zhes kyang zer skad do/