CLOSE WINDOW

D3747
བོད་ཡིག

/[ ]@##/ /rgya gar skad du/ Ar+ya dzam+b+ha la dza len+d+ra ye bi she Sha stod tra na ma/ bod skad du/ 'phags pa rmugs 'dzin chu'i dbang po la khyad par gyi bstod pa zhes bya ba/ 'jig rten dbang phyug la phyag 'tshal lo/ /nor gyi dbang phyug rin chen gter mnga' ba//lcags kyus lcag btab 'dod dgu sbyin par byed/ /nyi shu drug ldan gsang sngags yi ge yis/ /lha min lha dang mi'am cis 'dud rgyal/ /nyi shu lnga yi sman mchog gis gang ba'i/ /tshangs skyogs las grub dngos grub bdud rtsi'i rgyun/ /rab 'bab bcud kyi ril bu sbyin mdzad gang //nor rgyun lha mos legs bstan khyed la 'dud/ /thabs chen shes rab zab sbyangs rin chen gyi/ /snying po nyi zla'i sbyor ba las byung ba/ /dga' chen ye shes bzhi yi sam bu ti/ /mchog brnyes rmugs 'dzin khyed zhabs rtag tu 'dud/ /dzaM yig las skyes lha chen yi ge bzhis//legs drangs rdo rje'i thugs gsung skur ldan pa/ /sum cu rtsa gnyis mtshan brgya rab ldan pa/ /nyams dgu'i gar gyis brgyan la phyag 'tshal lo/ /Sh+ToM pa Ni ro d+ha'i rna ba mnan/ /phu brgyad kha yis dgra bo'i mdangs 'phrog byed/ /lugs bzlog lugs 'byung bzhi gnyis yi ge yis//byis pa'i srog dang gzugs 'jig mdzad la 'dud/ /klu brgyad rgyan gyis nor bu'i gdon 'grol zhing / /chu 'dzin sprin 'dra'i lus la char chen 'bebs/ /khyod ni nor bdag gzir bas sa gsum gyi/ /nor 'phrog zhal bzhis bgegs 'joms mdzad la bstod//stobs bcu mnga' ba khyod kyi yi ge bcus/ /rig 'dzin dgug dang gter 'byed 'jigs las skyob/ /rkun po srung dang bu ster tshe bsring dang / /phyugs skyong skyed shing dbang bskur shis mdzad 'dud/ /gang phyir sa gsum skye bo rmugs byed pa'i//nor 'dzin sa brgyad dbang phyug yud tsam zhig /mthong nas gus 'phel nyi shus bstod bgyis pas/ /sgrub rnams phrin las nyi shus rgyal gyur cig/ /'phags pa rmugs 'dzin chu'i dbang po la phrin las nyi shu'i sgo nas khyad par gyi bstod pa zhes bya ba/