CLOSE WINDOW

D3742
བོད་ཡིག

/ //paN+Di ta chen po dI paM ka ra shrI dz+nyA na dang lo tsA ba rgya brtson 'grus seng ges yam bu karta rir legs par bsgyur ba'o//[ ]@##/ /rgya gar skad du/ utsuSh+ma sA d+ha naM/ bod skad du/ 'chol ba'i sgrub thabs/ 'phags pa dzam+b+ha la la phyag 'tshal lo//mi bskyod pa'am tha mal snying gar ni/ /a las zla steng hUM nag gser 'od can/ /las byung rdo rje rtse dgu'i lte ba la/ /zla steng hUM gi 'od kyis lha spyan drangs/ /mchod pas mnyes te rang gi snying gar zhugs/ /tshad med bzhi dang byang chub sems bskyed la/ / rdo rje 'od kyis dngos kun lhar bsgyur thim/ /oM As spyan drang der bstim lhar gsal bya/ /pad+ma nyi mar nor bdag rgyan spras ba/ /nor skyug mgo rkang gnon pa khro ba'i gzugs/ /mi bskyod dbu mdzes thod khrag ne'u le 'dzin/ /klus brgyan thugs kar zla ba sngar bzhin bsam/ / dbu zhal dpung pa g.yas g.yon thugs ka dang / /g.yas g.yon brla dang gsang gnas byin gnyis la/ /zla bar yi ge bcu gser 'od 'phro/ /'od kyis mchod dang lhar bsgyur nor bslus skyug /lag mthil baM las gser bum rin chen skyug /mdzub mo gung mo ming med mthe'u chung dang //mthe bong nor 'chang g.yas g.yon yi ge bcu/ /oM in+d+ra ni mu khaM b+h+ra ma ri swA hA/ oM dza luM swA hA/ rim bzhin byin gyis brlab dang dbul sngags so/ /phyag dang zhal dang gsang gnas nang nas phyag /de nas zhal du dmar ser chu rgyun 'jug /na mo rat+na tra yA ya/na mo ma Ni b+ha drA ya/ ma hA yak+Sha se nA pa ta ye/ oM dzam+b+ha la dza len+d+ra ye swA hA/ lo phyed thun drug chu phul 'byor chen 'grub/ /spogs na hUM mdzad khros pas dug khrag dang / /tsha ba ske tshe mar khus byugs te bskam/ /raM las khong par gru gsum me bsams dbul/ /sa'am rdo las mkhyid gang sku gzugs bya//lha bstim thab khung gzhug ste mchod par bya/ /rtsibs brgyad 'khor lor sku'am sngags bris te/ /lha bstims dril te rin chen 'bar gzugs 'chang / /sna tshogs rgyun du zhabs nas chu 'dzag pa'i/ /'og tu lha sku ye shes bstims pa gzhug/ mal logs sngas sam sku bri ye shes gzhug /gzugs brnyan snod nang 'chang byas chu dbul lo/ /u tsuSh+ma sgrub pa'i thabs thun mong ma yin pa slob dpon sgeg pa rdo rjes mdzad pa rdzogs so// //rgya gar shar phyogs kyi paN+Di ta chen po dA na shI las bsgyur ba'o// //