CLOSE WINDOW

D3740
བོད་ཡིག

/tshogs kyi bdag po chags pa rdo rje dam tshig gi bstod pa paN+Di ta dI paM ka ra shrI dz+nyA nas mdzad pa rdzogs so// //pan+Di ta chen po de nyid dang / lo tsA ba tshul khrims rgyal bas bsgyur ba'o//[ ]@##/ /rgya gar skad du/ /me g+ha a lo ka ga Na pa ti sA d+ha naM nA ma/ bod skad du/ sprin gyi sgron ma chogs kyi bdag po sgrub pa'i thabs zhes bya ba/ tshogs kyi bdag po la phyag 'tshal lo/ /khro rgyal khyu mchog phongs pa sel/ /mdog sngo de la bdag btud de/ /gter gyi sgron ma zhes bya ba'i/ /sgrub thabs bdag gi legs rtogs dang / /rgyud dang man ngag legs dran pas//yang dag bdag gis bshad par bya/ /mtshan nyid ldan pa'i sgrub pa pos/ /yid 'ong legs pa'i gnas dag tu/ /sngar langs khrus byas me tog gtor/ /tsan+dan chu yis man+Dal bya/ /me tog dri zhim tshom bu dgram/ /de nas rang nyid yi ge maM/ /de las 'od 'phros spyan drangs la//mchod cing gu gul nag po'i spos/ /btang zhing 'od kyi ngo bor bzhu/ /rang nyid nang du legs par gzhug /de yi stobs kyis bdag nyid kyang / /zhal gcig pa la phyag bzhi pa/ /sku mdog sngon po spyan gsum pa/ /dbu la ral pa'i cod pan te/ /zla tshes dang ldan sbrul gyis brgyan//phyag g.yas dgra sta mche ba dang / /g.yon pa rtse gsum zhags pa bsnams/ /stag gi pags pas smad dkris shing / /klu rgyal dkar po'i do shal can/ /'od zer tshogs ldan de bsgom bya/ /rin chen rten la ye shes gzhug/ /mchod pa bya zhing yi dags 'jigs//de yis de la bdag nas ni/ /sku yi sa bon dang po ste/ /bzhi pa'i lnga pa e yis brgyan/ /dang po'i gsum pa de 'og ste/ /de 'og dbyangs yig dang po'o/ /drug pa'i gsum pa'i sa bon la/ /o yig mgo bo legs par brgyan/ /dang po'i dang po de 'og gnas/ /rlung gi sa bon de 'og ste//zhi ba'i yi ge'i gdan du ni/ /dbyangs yig gnyis pa steng du sa/ /khro bo'i skad gdangs rjes la brjod/ /A li kA li legs par rtogs/ /de ltar btus pa'i rig pa de/ /nyin re khri tsho re re dang / /gu gul nag po'i ri lu la/ /brgya rtsa brgyad kyi sbyin sreg bya//de ltar 'bad pas zla re la/ /dong tsa 'bum 'bum rnyed par byed/ /rgyal gyi nyin par sngar langs nas/ /mchod pa dang ni gtor ma dang / /dri zhim spos kyis legs par mchod/ /rten ni gtsang ma'i gzhi'am ni/ /khyu mchog pags pa'i gzhi la ni/ /sgrub pos mtshon gang gong gzugs bri//rgyal gyi nyin par rdzogs pa la/ /rmugs 'dzin rgyal po khyod kyis mdzod/ /zhes brjod gar yang bcing bar bya/ /za ma tog gi nang du ni/ /me tog bzang dang dri bzangs kyis/ /legs par bsdams nas der gnas bya/ /rtag par de la mchod bya ste/ /rgya chen tshogs kyis legs par mchod//de ltar rgyun du byas pa yis/ /gter chen thams cad thob pa dang / /'byung po'i tshogs kyang 'dun par 'gyur/ /kun la gtsang zhing gtsang sbrar ldan/ /'di ni 'di yi dam tshig go/ /'di la 'bad gyur thams cad la/ /gter gyis re ba skong ba dang //dus rnams kun du khyod kyis gzigs/ /zhes ni legs par rtogs par mdzod/ /tshogs bdag gzigs gzugs gsal ba yi/ /sgrub thabs gter gyi sgron ma 'di/ /'gro rnams phongs las grol ba dang / /sbyin pa'i pha rol phyin rdzogs shog /tshogs kyi bdag po sprin gyi sgron ma'i sgrub thabs slob dpon bram ze rin chen rdo rjes mdzad pa rdzogs so/