70a6 / //sgra pa chen po rgyal ba'i snyan la legs par zhus shing bstan bcos kyi skad cung zad shes pa'i lo tsA ba shAkya'i dge slong nyi ma rgyal mtshan dpal bzang pos dpal thar pa'i gling gi gtsug lag khang du legs par bsgyur ba'o/ /[ ]@##/ /rgya gar skad du/ bai shra ba Na sA
70a7 d+ha naM nA ma/bod skad du/ rnam thos sras kyi sgrub pa'i thabs zhes bya ba/ bcom ldan 'das rin chen mang la phyag 'tshal lo/ /byang chub sems dpa' rin chen mang / /'gro ba kun gyi don gzigs nas/ /drang srong rnam mang thos pa dang / /lha mo dpal tshul bzang mo yi/ /sras
70b1 su smon lam btab pa yis//'gro ba'i bsam pa yongs rdzogs mdzad/ /lha rnams 'byor pa 'dod pa yi/ /lha rnams kyis ni phyag byas pa'i/ /bcom ldan lha yi lha zhes bstod/ /de yi sgrub thabs brtsam par bya/ /b+hUM las skyes pa'i 'khor lo la/ /drod mtha' nga ro lnga pas
70b2 brgyan//steng du rjes 'jug dbyangs dang ldan/ /'od zer 'phro 'dus 'gro don mdzad pa yi/ /rang gi phyag mtshan las skyes gtso bo ni/ /phyag na rdo rje ljang ser 'gying bcas bri/ /bsod nams tshogs bdun don dam stong nyid las/ /skyes pa'i rang bzhin sku gsung thugs ngo
70b3 bo//ye shes sems dpa' gzhug dang dbang bskur dang / /gnas gsum byin brlabs dbang sdud rdo rje bskyed/ /rdo rje dril bu rgyan rnams bcu dang ldan/ /'od zer spro bsdus khams gsum lhar bskyed nas/ /gsal byed oM dang chu yi yi ge dang / /gsum pa me yi bu dang yang
70b4 dag ldan//lnga pa'i thog ma bzhi pa'i tha ma la/ nga ro bzhi pa yis ni mnan pa la/ /gtum po chen po ma rungs tshig gis mnan/ /hUM gnyis phaT dang ldan pa'i sngags kyis ni/ /dus rnams kun du gtso bo'i thugs kar bskor/ /rgyun mi 'chad par rtse gcig yid kyis bzlas/ /
70b5 de yi mdun du b+hUM las ni/ /rin chen khang pa brtsegs pa bsgom/ /shar du shel gyi ka bas brgyan/ /lho ru rin chen bai DUr+ya/ /nub tu pad+ma rA ga ste/ /byang du gser gyi ka bas mdzes/ /zur bzhi rim gsum khang brtsegs dgu/ /dbus ma'i pho brang sum brtsegs ni/ /rtse mo
70b6 rin chen nor bu bzang //rnam pa bcu yis spras pa po/ /de dbus 'jigs byed yi ge las/ /seng ge'i gdan la legs bzhugs pa/ /ngal so dge ba'i lag pa na/ /g.yas na rin chen rgyal mtshan 'dzin/ /g.yon na gter gyi ne'u le bsnams/ /rin chen cod pan rna rgyan dang / /
70b7 mgul rgyan dang ni do shal dang / /dpung rgyan dang ni lag gdub bcas/ /ske rags phreng ba do shal can/ /nying lag rgyan gyis rnam par mdzes/ /gsus khyim che ba skyil krung bzhugs/ /bum pa bzang po rnam brgyad dang / /dpag bsam shing dang rin chen shing / /rdzing bu bzang
71a1 po'i rgyan mdzes pa//me tog bzang po 'dod 'jo'i ba/ /yid bzhin nor bu'i ra bas bskor/ /de yi dbus na mgon po ni/ /nam mkha' mdzod kyi ting 'dzin gyis/ /rin chen bdun gyi char pa 'bebs/ /de nas rgyal po spyan drangs te/ /mgon po kun gshegs
71a2 thugs rje can//da lta snyigs ma lnga yi dus/ /mtshams med lnga ni kun spyod cing / /thams cad nyon mongs 'dam bying bar/ /gzigs shing gshegs pa'i gnas ngan yang / /shAkya seng ge'i spyan sngar khyed/ /thugs dam gang bzhes de dgongs la/ /'dren pa'i bstan pa
71a3 bsrung ba dang //sems can kun la phan slad du/ /byang phyogs gnas na bzhugs pa rnams/ /sems can don phyir gshegs su gsol/ /spyan drang nas ni mchod pa dbul/ /dbang bskur nas ni na bza' gsol/ /rin chen bdun dang bkra shis brgyad/ /phyag tu phul la dngos
71a4 grub blang //bza' btung 'dod yon la sogs pa/ /rtag bsten lha la dbul bar bgyi/ /snying po chu yi yi ge la/ /dbyangs yig bcu gnyis pa yis brgyan/ /mig btsums sum cu rtsa gnyis bsring / /nye ba'i snying po ni/ /oM bai shra pa Na ye srA hA/ 'bum phrag gcig gis
71a5 mkha' la g.yo//'bum phrag gnyis kyis sa rnams g.yo/ /'bum phrag gsum gyis phyogs rnams sreg /'bum phrag bzhi yis bza' btung 'thob/ /'bum phrag lnga yis nor dang ldan/ /'bum phrag drug gis 'khor mang rnyed/ /'bum phrag bdun gyis rigs rgyud 'phel/ /
71a6 'bum phrag brgyad kyis tshe 'phel zhing / /dgus ni bcud len sman rnams rnyed/ /bcu yis mngon par shes pa 'thob/ /gshegs su gsol tshe bzod par gsol/ /smon lam btab cing phrin las bcol/ /yang phyis 'byon par gsol ba gdab/ /sna tshogs rab tu sgrub rgyud
71a7 dang //gar mkhan mchog gi rgyud las ni/ /phan pa'i yan lag gces pa bsdus/ /'gro kun gnas srung thob par shog /slob dpon shUraMg barmas mdzad pa rdzogs so// //paN+Di ta te dza de ba dang / lo tsA ba zangs dkar 'phags pa shes rab kyis bsgyur cing zhus pa'o/ /