CLOSE WINDOW

D3732
བོད་ཡིག

/ //rgya gar dbus kyi paN+Di ta chen po te dza de ba dang / bod kyi lo tsA ba dge slong zangs dkar 'phags pa shes rab kyis bsgyur ba'o/ /[ ]@##/ /rgya gar skad du/ yak+Sha rA dza sA d+ha naM/ bod skad du/ /gnod sbyin rgyal po sgrub pa'i thabs/dpal phyag na rdo rje la phyag 'tshal lo/ /rnam dag ye shes dngos rang bzhin/ /skyob pa'i stobs chen la phyag 'tshal/ /bstan pa dam pa'i gnas 'chang ba'i/ /de yi dgos pa bsgrub pa'i phyir/ /gnod sbyin kun bdag sgrub thabs bri/ /de la dben zhing nyams dga' ba'i gnas su sdig bshags lan chags sbyang /de nas phan gnod gang gi las kyang grub cing bdag gir sgrub ste stegs bu khru gang ba la rin po che'i gzhal yas khang bris te/ de ru rgyal po sku dmar nag /g.yas pa na mdung dmar ram dbyug to/ /g.yon pa dbyig gi rkyal pa/ dbu cod pan gyi dbus na rin po che yod pa/seng ge dang sprin gyi gdan la bzhugs pa/ rin po che'i phreng bas phyag dang zhabs brgyan pa/ g.yas kyi dpung rgyan rin po che dang seng thod kyis brgyan pa'o/ /g.yas g.yon du dung rna/ bum rna/ rna gsum/ rna ba che/ ser ljang / dmar ljang / ljang nag /dkar ljang gsus pa ldir ba mdung dmar dang / rgyal mtshan dang mdung dang dbyig to bcas pa dang ne'u le'o/ /mdun du yum rgyal po dang mthun pa la phyag g.yas pa bum pa/ zhabs brkyang bskum mo/ /de lta bu legs par bris pa bzhugs par bya'o/ / de la dar ser po'am za 'og gi gdugs/ /dar dmar po'i yol ba/ dkar po'i rgyal mtshan/ ljang gu dang mthing ga'i ru mtshon bri bar bya'o/ /spos dang me tog gi phreng ba la sogs pa dgram par bya'o/ /de nas dri dang ldan pa'i steng du mchod yon dang / me tog dang / spos dang / mar me dang /dri chab dang / lha bshos dang / lha bshos khru gang ba gcig la smyug ma gtsang ma la rtse mo rtsi tra ka dang snying zho sha//de'i 'og tu chu srin gyi rgyal mtshan/ de'i 'og tu rin po che sna lnga/ spos lnga/ za 'og dang / dar sna dang / stag ras dang / bse'i me long / de'i steng du bu ram dang /sbrang rtsi dang / sman sna tshogs dang / mar dang thud dang / lug dang g.yag gi snying dang dkor cha rnams kyis brgyan te thad du gzhag go/ /de'i rtsar chang la rin po che dang ldan par bya'o/ /de nas byang du kha bltas te stan la 'dug nas/ bdag nyid phyag na rdo rje sku gsung thugs su bskyed do//mchod pa rnams byin gyis brlabs te/ spos la sogs pa rang rang gi sngags kyis rgya che bar byin gyis brlab bo/ /rten gyi dkor cha swa yongs su gyur pa las rten rnams mang zhing mdzes par bya'o/ /chang a yongs su gyur pa las bdud rtsir bya'o/ /de nas rang gi mchod pa dang bstod pa yan chad yongs su rdzogs par bya'o//de nas nyams dga' ba nyid kyis chos skyong ba mnyes par bya ba'i phyir bsnyen pa byas te de la 'jug pa ni/ oM sarba de wa maN+Dal ye dzaHhUM baM hoH/ e ma ho sa na ka ga nan+ta pa ka re sle dzaHhUM baM hoHsa ma ya swA hA/ /mchod pa'i dus su gdags so zhes brjod pa'i don to//thugs ka'i hUM las brjod pa'i nyi zer ltar 'thon nas rgyal po'i thugs kar thim pas/ des chos skyong ba'i thugs sngon bzhin du g.yos nas gdan seng ge'i shugs kyis rin po che'i khang pa dang nyid la so sor thim par bsams te stong brjod do/ /de nas mchod pa dbul te/rtsa ba'i sngags sbyar ba dang bcas pas dbul te/ oM ni ri te hUM khaM/ zhal du'o/ /badzra puSh+pe hUM swA hA/ me tog spyi bor ro/ /oM badzra d+hU pe hUM swA hA/ dri thugs kar ro/ /oM badzra dI p+pe hUM swA hA/ mar me rgyab tu'o/ oM badzra gan+d+he hUM swA hA/ dri chab mdun du'o/ /oM badzra nai bi bye hUM swA hA/lha bshos phyag tu'o/ /dkor cha dag thogs te sngags kyi tshig brjod/ rang gi lus zhing gi rdul snyed du sprul te nyes pa ma lus pa dang bas mthol zhing rdzas gcig kyang 'jig rten gang bar sprul te/ nyes pa byang zhing rjes su mthun pa'i tshig gis gsol ba gdab bo/ /de nas bstod cing bskul ba ni//sngon tshe gsang bdag spyan snga ru/ /dam chos bsrung bar zhal bzhes bzhin/ /sku gsung thugs kyi gdung 'tshob pa'i/ /sems bskyed ldan pa'i rnal 'byor pa'i/ /gnod pa'i bar chod mang po rnams/ /stobs ldan rgyal chen yab yum dang / /gnod sbyin pho mo sde brgyad bcas//bstan pa bsrung bar gnyer gtad bzhin/ /rdzu 'phrul bye ba sna tshogs kyis/ /gnod pa thams cad rdul du rlog /dam bcas las la ma brtson na/ /sangs rgyas kun gyi sems gyur pa'i/ /rang gi byang sems gnyen por 'gyur/ /de dran byos la las rnams gyis//zhes brjod la/ dam tshig rtsa ba'i sngags kyis bdud rtsi zhal du dbul lo/ /de nas dgongs pa sngags zhal du thim pas nyid kyi dam tshig de thugs ka nas phyung la bdag la thim pas rgyal po dang dbyer med par bsgoms pas brtan par bya'o/ /mchod pa rnams stong ngam lnga stong zhing dbul lo//de ltar byas pas nyes pa byang ba'i rtags rim par 'byung ste/ 'khru ba dang / bkur ba dang / dbang bskur ba dang / sems la dogs pa med pa la sogs pa 'byung ngo / /de ltar 'bum tsho gcig bzlas par bya'o/ /de de la yid brtan pa dang / chang gi nang du sha dang bdud rtsi dang /mi rta'i dngas ma'i khrag blugs la bsgrub par bya ste/ nye bar dgug pa la/ na mo rat+na tra yA ya/ na mo bai shra ba Na ye ma hA yak+Sha ku be ra pa ra mA r+tha ni dzaHdza he dza hi zhes brjod pa'i don ni bdag la rgyal po bstims la/ 'khor gnod sbyin pho mo sde brgyad khugs par bkug la drang /rgyal po yang mdun du bzhugs te 'khor dang bcas pa'i dgug pa gnyis ni bsnyen pa'i nyams las rig par bya'o/ /dgongs pa ni sngags nyid dgug bya'i srog yin pa'i nus pa dang ldan pa'i phyir 'khor lo phreng ba lta bu so sor bstims pas/ rab tu dang bas mang po dbul zhing gus pas bdag gir gyur pa'i rtse gcig pa'i bsam gtan gyis bzlas te/de la ma brten na nus pa 'ga' byung yang dbang du mi 'gyur/ mchod pa sngags dang bsdoms la dbul la bzlas pa drug 'bum du bya'o/ /rtags rab sku 'byung ba dang / 'bring sa dang bar snang la sgra dang 'od 'byung /tha ma dmag tshogs dang 'gro ba la dbang byed pa'o/ /cho 'phrul ni tha dad do/ /phan pa ni bzlas pa 'di rdzogs pa dang rdzas ci 'byor pa phul la gshegs su gsol/ rdzas ri rtse la bskyal lo/ /dus kyi mchod pa bya'o/ /des ni chad pa dang bral bar 'gyur ro//chad pas gnod pa'i sbyor ba ni/ /sbyor ba'i rim pa nus pa rdzogs pa dang khru gang pa'i brub khung gyen thur du phyed phyed brtsig cing brus la ra khyi phag gi brus pa dur khrod kyi sol bas byugs la/ de'i nang du 'bru sna lnga'i ling+ga byas la/ ming rus pa ma chad pa'i rgyu gro ga la bris la snying gar bcug la mar gas gdab/sha'i gtor ma dang / rag+ta dang / bdud rtsi dang / lha bshos gru gsum mthing nag go/ /a nu ru ki pi khA hi/ su ru pa na khA hi/ ku be+e ra tsan+d+ra khA hi/ ku be ra marta khA hi zhes dbul zhing bstabs so/ /de nas khrag gsum dang tsha gsum dang pad+ma'i sha khrag la thun sngags la/dun dun rmugs shang ha la ha la/ tsa la tsa la/ pa tsa pa tsa/ hi ma hi ma/ rbad na rbad na/ rbad pu le rbad me sha ya mA ra ya mA ra ya phaT ces zhag bdun bar du ma chad par brdeg go/ /tha ma be con dang gris btub cing brdung ngo / /de'i don ni rlung la sngags zhon nas srog gi gnas su thim pas sems 'khrul nas gnod sbyin pho mos sgo kun nas bcud bsreg cing bzhu bar bya'o//de nas gzugs kyang mchod par dbul zhing bstabs la gtor ma dug zor du 'phang bar bya'o/ /de nas mchod pa'i ring lugs kyis bshags pa phul la gshegs su gsol lo//las rjes snang ba med par bya/ /'grub na ming dang rjes la btab pa chad pa 'byung ngo / /rgyun du mchod cing bsnyen pa byas na ci yang 'grub nges pas yal bar mi gnas so/ /rnal 'byor dge sbyor brtan pa yis/ /dngos grub brtan pa'i rgyas bstan phyir/