CLOSE WINDOW

D3728
བོད་ཡིག

rgya gar shar phyogs dzA ga ta la'i paN+Di ta chen po bi b+hU ti tsan+d+ras mdzad de rang 'gyur du mdzad pa rdzogs so/ /[ ]@##/ /rgya gar skad du/ badzra yA na mU lA pat+ti karma bi d+hiH/ bod skad du/ rdo rje theg pa rtsa ba'i ltung ba'i las kyi cho ga// bcom ldan 'das dpal rdo rje sems dpa' la phyag 'tshal lo/ /rdo rje theg pa'i sgor zhugs pa'i/ /rnal 'byor pa yis dpyad bya ba/ /las kyi cho ga 'di ltar mdzod/ /spyi bo nyi zla pad steng du/ /bla ma sangs rgyas bsams byas te/ /rtag tu dran dang gsol gdab bya/ / srog gcod brdzun dang ma byin len/ /'dod pas log par g.yem pa ni/ /ci la bab kyang bsrung bar bya/ /byams dang snying rje dga' ba ni/ /lus grib bzhin du 'bral mi bya/ /bum pa'i dbang thob gyur nas ni/ /lha dang bzlas pa rnal 'byor dang / /phyag 'tshal mchod dang sdig bshags dang //rjes su yi rang bskor dang gsol/ /dge bsngo sdom pa byul ba dang / /sbyin pa bla ma dran dang chos/ /dam tshig rnam pa bco lnga 'di/ /nyin re thebs re ma byas na/ /zhag gsum 'das na bum dbang gi/ /dam tshig nyams pas bshags par bya/ /de yang brgya pa brgya rtsa brgyad//bzlas te phyis ni mi nyams bya/ /gsang ba'i dbang thob rnal 'byor pas/ /mi 'chi lnga dang sgron ma lnga/ /rlung dang lta stangs 'khrul 'khor dang / /tshogs dang gtor ma brtul zhugs dang / /glu dang gar dang ni raM shu/ /dam tshig rnam pa bcu gcig po/ / zla ba phyed du bral gyur na/ /gsang ba'i dam tshig nyams par gsungs/ /nyams na tshogs 'khor sbyin sreg bya/ /gsum pa'i dbang thob rnal 'byor bas/ /bde ba thig le rtsa gnas dang / /mi 'dzag bde ba skad cig dang / /phyag rgya ma dang sbyor ba dang / /zla ba gcig bral nyams par gsungs//dbang dang sbyin sreg bshags pa bya/ /bzhi pa'i dbang thob rnal 'byor pa/ /spang blang rtsol dang dngos dang zhen/ /skad cig skyes kyang nyams pas na/ /mi dmigs bde chen spros bral gzhag /dbang bzhi spyi yi dam tshig ni/ /rgya mtsho'i dkyil du gzings mi bshig /btsan dug gar ma bza' mi bya/ /'thab khang rtse nas dbab mi bya/ /za ma tog tu sbrul mi gzhug /pad+ma sad kyis bsad mi bya/ /g.yos legs gzhan la drang mi bya/ /de drug rdo rje dmyal ba'i rgyu/ /rgyal khrims bshig par mi bya zhing / /chung ma nyams par mi bya'o//pha ma btsongs nas rin mi bza'/ /me mdag 'gam par mi bya'o/ /'di bzhi ngan song gsum gyi rgyu/ /spu gri'i sbrang rtsi bldag mi bya/ /g.yos 'gyed bza' ru phyog mi bya/ /sman zos mi gseb skyug mi bya/ /ri rab rtse nas [(]brnyil [,]bsnyil [)]mi bya/ /gnyen la snying ring mi bya'o/ /de lta sems can dmyal ba'i rgyu//ma bu 'bral ba'i las mi bya/ /gdung sems thag pa rgyun mi gcad/ /chu zla bden par gzung mi bya/ /sbrang rtsi'i ro la chags mi bya/ /'di bzhi khams gsum 'khor ba'i rgyu/ /dug chu khol mar lus mi bkru/ /rtsi dug sbyar ba'i dug mi bldag /rdza snod seng ge'i zho mi bzho//chang rdza'i them bu gtang mi bya/ /de bzhi byol song phag gi rgyu/ /'dir yang tshe thung dngos grub 'gyang / /mthon po'i kha nas ldang mi bya/ /chags mi gseb bcag mi bya'o/ /ga zha gzhan la brjod mi bya/ /lam du tsher ma dgram mi bya/ /'di ni rang ngan sgrub pa'i rgyu//lce thog zas zhim bskyur mi bya/ /mdzod phugs dgra la bstan mi bya/ /rkun nor gzhan la bstan mi bya/ /ser ra'i ro tshogs mi bya zhing / /mi la nga ba mi shes min/ /khyi rgod pang du blang mi bya/ /'di drug dngos grub yal ba'i rgyu/ /lha khang dud pas mi bdug cing / /mchod rten bshig par mi bya'o//'di gnyis dman pa'i byang chub rgyu/ /me long g.ya' yis mi bsgo zhing / /khab rtse gnyis pas bcom mi bya/ /'di gnyis bdud kyis 'khyer ba'i rgyu/ /dug gi phyag tshang mi bya zhing / /stag la zhum bu mi bya'o/ /'di gnyis mkha' 'gros za ba'i rgyu/ /nam mkha' tshos kyis bsgyur mi bya//ri bong rwas phug 'jigs mi bya/ /'di gnyis 'khor bar sdod pa'i rgyu/ /myu gu than par bskur mi bya/ /lcug phran rtswa gug breg mi bya/ /'gro ba'i lam sna dgag mi bya/ /'di gsum ngan song bskyur ba'i rgyu/ /mchog la dman par gzung mi bya/ / byams tshig khyad du gsad mi bya/ /dgos pa yal bar dor mi bya/ /'di gsum gtan gyi bar chod yin/ /bde la skur pa gdab mi bya/ /ma la ngan tshig smra mi bya/ /bu mo sring mo skyi mi bya/ /'di gsum mkha' 'gro 'khrug pa'i rgyu/ /las kyi cho ga 'di rnams las/ /'gal na rtsa ba'i ltung bar 'gyur//ltung ba chen po byung gyur na/ /dbang rdzogs bdun dang sbyin sreg khri/ /tshogs 'khor brgya rtsa brgyad dang ni/ /'khor gsum yongs su dag pas bshags/ /ltung ba bzhi po byung gyur na/ /dbang bskur gcig dang sbyin sreg brgya/ /tshogs 'khor bdun dang mchod sbyin gcig /smre sngags drag pos bshags par bya/ /ltung ba chung ngu byung gyur na/ /lus la tshab ma smre bshags bya/ /maN+Dal gcig dbul bzod gsol bya/ /brgya pa bdun nam nyi shu gcig /bzlas pas de las ldang ba yin/ /ngag la rgyal dang smre bshags bya//maN+Dal dbul zhing bzod gsol bya/ /brgya pa brgya rtsa brgyad dang ni/ /lnga bcu nyer gcig bdun dag dang / /lan cig brjod pas 'dag par gsungs/ /yid la 'gyod dang maN+Dal dang / /brgya pa gong bzhin bzlas pas 'dag /kun gyi kha skong gtor ma dang / /maN+Dal bdun po rnam dag shis//brgya pa rtag tu bzlas par bya/ /yan lag dam tshig ces bya ba/ /sngags med btsan dug bza' mi bya/ /rtsi med ri mo bkru mi bya/ /stobs med ral kha sprad mi bya/ /tshod med zhal che bcad mi bya/ /dpung med skyel ma mi bya ste/ /rgyus med sa mkhan mi bya'o/ /yang rtsal med par mchong mi bya//dga' ba'i sa ru shags 'gyed min/ /bye ma'i ri la mkhar mi brtsig /rgya mtsho'i gling du yul mi gzung / /tsan+dan nags la me mi gzhug /me tog ldum sar sad mi bsad/ /rgyal pos 'bangs kyi g.yog mi bya/ /rang gi las la g.yo mi bya/ /rgyal po btsun mo brdeg mi bya//'dod la mi ster spang bar bya/ /mi 'dod ster ba spang bar bya/ /lcags sgrog bcing bar mi bya'o/ /byis pa rnams dang 'dris mi bya/ /mgyogs po 'gran bang mi bya'o/ /g.yang lug rtag tu 'go mi bya/ /stan la 'dug pa spang bar bya/ /mtshon cha'i snod kha dam par bya//rtag tu mda' ni bsrang bya zhing / /rtag tu gzhu ni bdung bar bya/ /rtag tu phub gzugs bya ra bya/ /mkhar dpe stod kyin 'obs btsang bya/ /shi ba'i ro la yang yang brtag /rang gi srog zon dus drug bya/ /mdor na de la sogs pa yi/ /dam tshig dpag tu med mod kyang //rang sems drang por bsrang byas te/ /rtag tu bla ma dran byed cing / /sgo gsum tha mal ma lus na/ /dam tshig sdom pa thams cad ni/ /gdon mi za bar bsrung bar nges/ /bag yangs chen po ci bder spyod/ /dam tshig dang sdom pa'i rnam par bshad pa rdo rje theg pa'i rtsa ba'i las kyi cho ga /