CLOSE WINDOW

D3711
བོད་ཡིག

/ //rgya gar gyi mkhan po pad+mA ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa//[ ]@##/ /rgya gar skad du/ tat+t+wa sA ra saM gra ha/ bod skad du/ de kho na nyid kyi snying po bsdus pa/ gsung gi mnga' bdag 'jam dpal gzhon nur gyur pa la phyag 'tshal lo//mi shes mun pa kun bsal ba/ /'jam dpal mgon la phyag 'tshal te/ /tshig nyung don ni mang ba yi/ /de nyid bsdus pa'i snying po bya/ /'di na theg pa chen po'i tshul la blo chung ba la la dag zab pa dang / /rgya che ba nyid kyis yang dag par rtogs par mi nus kyi theg pa chen po'i ming gi sngags tsam thos pa cung zad rtogs par 'dod pa theg pa chen po'i don ma thos pa dang /de bzhin du theg pa chen po'i tshul gyi don shes pa'i slob dpon dge ba'i bshes gnyen du gyur pa la bsnyen bkur ma byas pa/the tshom gyis blo dkrugs pa/ theg pa chen po'i rgya mtsho la 'jug mi nus pa de rnams kyis mi shes pa'i rab rib bsal bar bya ba'i phyir lung dang rigs pa dag gis cung zad cig brjod par bya'o/ /gang 'di slob dpon klu sgrub kyi zhal snga la sogs pas thugs rje chen po'i thugs rig pa dam pa dang ldan pa rnams kyis rang gi bstan bcos su theg pa chen po'i don thar pa 'dod pa rnams la bstan pa dag yod mod kyi/de ni blo gros rnon po rnams kyis rtogs par nus kyi gang yang rgya che ba nyid dang zab pa nyid kyis blo chung ba rnams kyis theg pa chen po'i don rtogs par mi nus so//de bas na de rnams kyi tshul de'i rang gi ngo bo nyid rtogs par bya ba'i phyir/ bdag gis bstan bcos de dag las yan lag dang bcas pa cung zad cig bshad par bya'o/ /theg pa chen po'i tshul 'di la snying rje chen po'i go cha bgos pa'i byang chub sems dpa' sems dpa' chen po rnams dang /thugs rje chen po'i bdud rtsis thugs brlan pa'i sangs rgyas bcom ldan 'das rnams kyis mdo sde dang rgyud kyi rgyal po dpag tu med pa las/ sa dang pha rol tu phyin pa la sogs pa rnam grangs mtha' yas par tshangs pa'i gsung gi bdud rtsi lta bus gsungs pa ni gnyis su med pa'i ye shes skye ba med pa dang /chos kyi dbyings la sogs pa rnam grangs du mas ro gcig pa'i mtshan nyid can du gsungs pa yin la/ de nyid ni thar pa 'dod pa rnams kyi mchog tu blang bar bya ba'i de kho na nyid du gsungs la/de thos pa dang / bsam pa dang / bsgom pa'i rim gyis brtson 'grus 'bar bar bslabs pa'i stobs kyis ring po mi thogs par tshe 'di nyid la bla na med pa'i ye shes thob par 'gyur ba yin no/ /de yang bcom ldan 'das kyis/ bdag gzhan don ni rab grub pa'i//thabs gzhan 'khor bar yod ma yin/ /zhes bya ba la sogs pa gsungs pa yin no/ /dris pa/ sdug bsngal gyi bden pa la sogs pa gzhan dag kyang de kho na nyid yin par gsungs la/ ye shes de yang 'jig rten las 'das pa'i ye shes yin no/ /de goms par byed pa'i rim pa nyid kyis zad pa dang mi skye ba'i ye shes skyes pas dgra bcom pa bya ba byas pa zhes pa la stsogs par gsungs na/ji ltar na gnyis su med pa'i ye shes de nyid gcig tu blang bar bya ba'i de kho na nyid du bshad pa 'di ni sangs rgyas kyi bka' ma yin no zhes brjod par nus pa yang ma yin te/bde bar gshegs pa'i bstan pa la ni de kho na nyid gtso bor gyur pa yin zhing / theg pa chen por yang der khas blangs pa yin pa'i phyir ro/ /yang na 'di dag ni sangs rgyas kyi bka' yin du zin kyang tshad ma dang mi ldan pas de kho na nyid ma yin no zhe na/'dir de ltar na ni thams cad mkhyen pa ni mi shes pa yin no zhes sangs rgyas spangs pa'i phyir nyes pa chen por 'gyur ro/ /de lta ma yin na ni theg pa chen po la yang su zhig yid ches par 'gyur/ 'di ni tshad ma dang mi ldan pa yang ma yin te/ 'dir tshad ma ni tshad ma rnam 'grel nyid du smras pas 'dir ma bshad do//de bas na sdug bsngal la sogs pa bden pa ma yin zhes ni lung las kyang ma gsungs la/ tshad ma las kyang ma yin no/ /'dir brjod par bya ste/ de la re zhig gang sdug bsngal gyi bden pa la sogs pa yang de kho na nyid yin no zhes gsungs pa zhes gang smras pa de la/dper na mi gtsang sems byed ltar/ /nyon mongs spong phyir bden pa dag /ston par mdzad kyi de nyid ni/ /don dam bdag cag yin par 'dod/ /bden pa bsgoms pa las nyon mongs pa spong bas de kho na nyid du mi 'gyur te/ mi gtsang ba bsgoms pa la sogs pa yang 'dod chags la sogs pa rnam par spong ba'i phyir/ de'i dmigs pa rus gong la sogs pa yang de kho na nyid yin par thal bar 'gyur la/ yang de'i tshe 'jig rten pa'i lam la dmigs pa'am/ nam mkha' la sogs pa cung zad kyang de kho na nyid ma yin par mi 'gyur ro//de bas na don dam pa'i de kho na nyid yin gyi sdug bsngal la sogs pa don dam pa ma yin te/ de las dman pa nyid yin pa'i phyir ro/ /phyin ci ma log pa nyid kyi sdug bsngal don dam pa nyid yin no zhes kho bo cag smra'o/ /de nyid kyi phyir bcom ldan 'das kyis sdug bsngal gyi bden pa zhes gsungs so zhe na/de ni yang dag pa ma yin te/ gang gi phyir nyan thos rnams ni 'jug pa'i phyir/ sdug bsngal la sogs bden gsungs pa/ /med du zin kyang thugs rje yi/ /bdag yod ces gsungs lta bu yin/ /zhes bya ba yin te/bcom ldan 'das kyis nyan thos rnams brtson 'grus chung bas byang chub sems dpa'i spyod pa chen po la la 'jug par mi nus par mkhyen nas thugs rje chen po dang ldan pa'i thugs kyis sdug bsngal la sogs pa bden pa ma yin du zin kyang bden par gsungs pa yin no//yang gal te 'di dag sgra ji bzhin nyid du bzung na de'i tshe bdag yod do zhes kyang gsungs pas bdag kyang de kho na nyid yin pa'i phyir ro/ /de yang 'di ltar rab tu 'bar ba'i khyim gyi nang na gnas pa'i byis pa rnams gdon pa'i phyir/ pha'i chang pa stong pa bstan pa la nyes pa ci zhig yod/bya ba rnams ni bsam pa'i dbang las dge ba dang mi dge bar 'gyur te/ de ni 'og nas bshad par bya'o/ /yang 'di ni kho bo cag gis sor mo bskyod pa tsam gyis bshad pa yang ma yin te/ gzhan du na bcom ldan 'das nyid kyis de bzhin gshegs pa'i ye shes kyi phyag rgya'i ting nge 'dzin gyi mdo las byang chub par 'dug pa na bden pa gcig kyang ji lta ba bzhin du mthong na bzhi lta smos kyang ci dgos zhes gsungs pa dang /'phags pa chos yang dag par sdud pa las kyang / /skye ba med pa ni bden gyi chos gzhan dag ni bden pa ma yin no zhes gsungs pa dang /gzhan yang don 'di ni mdo sde gzhan dag las kyang mang du snang na/ ci'i phyir sangs rgyase kyi gsung de'i rjes su 'jug pa'i kho bo cag la khyed rnams smod par byed/ tshad ma ni tshad ma rnam 'grel nyid du smras pas zhes gang smras pa de yang de tshad ma dang 'gal bar yang gnyis su med pa'i tshul gyis rjes su 'brangs nas de nyid du bshad pa ma yin nam// de bzhin du 'phags pa klu sgrub kyi zhal snga nas la sogs pas kyang don dam pa dang kun rdzob kyi bden pa bstan pas/ bden pa dang cig shos nyid kho na gsal ba kho nar rtogs par mdzad pa dang / gdod ma nas ma skyes par ni bcom ldan 'das kyis mdo mtha' yas pa las rab tu bstan pa yin no//de yang glang po'i mchan bcings kyi mdo las kyang / /gang gis skye bar 'byung ba ni/ /dngos po med pa'i ngo bo la/ /byis pa rnams ni 'byung bar 'dod/ /ces gsungs pa dang / de bzhin du dkon mchog 'byung gnas las/gang zhig dngos po nyid ni yod min pa/ /de dngos gzhan gyi rkyen du ji ltar 'gyur/ /dngos med gzhan ni ci zhig skye 'gyur zhes/ /rgyu 'di bde bar gshegs pas gsungs pa yin/ /zhes gsungs pa dang / 'phags pa klu'i rgyal po rgya mtshos zhus pa las kyang /sngon gyi mtha' stong phyi ma'i mtha' stong zhing / /skye dang 'jig dang gnas pa'i dngos po stong / /dngos po nyid med dngos po med pa'ang med/ /chos rnams thams cad stong pa'i ngo bo nyid/ /ces gsungs pa dang / yab sras mjal ba las kyang /chos 'di dag thams cad ni dus gsum mnyam pa nyid kyis mnyam ste/ 'das pa'i dus kyi chos thams cad ni ngo bo nyid dang bral ba'o/ /ma 'ongs pa dang da ltar ba'i chos thams cad ni ngo bo nyid kyis stong pa'o zhes gsungs pa dang / yang de nyid las gsal bar mdzad pa ni/chos thams cad ni ngo bo nyid kyis stong pa ste/ chos gang dngos po med pa de ni 'das pa ma yin/ ma 'ongs pa ma yin/ de ltar byung ba ma yin no/ /de ci'i phyir zhe na/ dngos po yod pa ma yin pa'i phyir ro/ /'das pa'o zhes rnam par 'jog par mi nus ma 'ongs pa ma yin/da ltar byung bar 'jog par nus pa ma yin no zhes bya ba gsungs pa yin no/ /de bzhin du bden pa gnyis la 'jug pa las kyang / yang 'jam dpal yang dag par sbyor ba gang zhig yin/ 'jam dpal gyis smras pa/ lha'i bu don dam pa dang / de bzhin nyid dang / chos kyi dbyings dang / skye ba med pa gang dang mnyam pa mtshams med pa lnga byed pa de dang mnyam mo zhes bya ba la sogs pa kun nas nyon mongs pa dang / rnam par byang ba'i chos thams cad mnyam pa nyid du rgya cher bshad nas smras pa/ yang 'jam dpal don dam pa'i mnyam pa nyid gang gis rnam par byang ba mnyam pa nyid yin pa chos thams cad de dang mnyam pa nyid yin nam/'jam dpal gyis smras pa/ lha'i bu don dam par chos thams cad ma skyes pa'i mnyam pa nyid dang / don dam par chos thams cad shin tu ma byung ba'i mnyam pa nyid dang /don dam par chos thams cad dngos po med pa'i mnyam pa nyid kyis chos thams cad mnyam pa nyid yin zhes rgya cher gsungs pa dang / 'phags pa ting nge 'dzin gyi rgyal po'i mdo las kyang / dper na chu shing rlon pa'i phung po las/ /snying po 'dod pa'i skyes bus rnam btsal na//phyi dang nang na snying po yod ma yin/ /chos rnams thams cad de 'drar shes par gyis/ /zhes gsungs pa dang / yang de nyid las/ dper na gzhon nu rmi lam nang gnas tshe/ /des ni bu skyes shi bar gyur pa mthong / /skyes pas dga' la shi bas gdung bar 'gyur//chos rnams thams cad de 'drar shes par gyis/ /zhes gsungs pa dang / sangs rgyas thams cad kyi yul la 'jug pa'i ye shes snang ba'i rgyan las kyang / rtag tu skye med chos ni de bzhin gshegs/ /chos rnams thams cad de bzhin gshegs dang 'dra//byis pa'i blo can mtshan mar 'dzin pa rnams/ /'jig rten dag na med pa'i chos la spyod/ /ces gsungs pa dang / de bzhin du sangs rgyas thams cad dang mnyam par sbyor ba'i rgyud las kyang / thams cad nam mkha'i mtshan nyid de/ /nam mkha' la yang mtshan nyid med//khams gsum dag ni ma lus pa/ /thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te/ /de bzhin 'gro ba kun gyi tshul/ /zhes gsungs pa dang / de bzhin du bcom ldan 'das yum shes rab kyi pha rol tu phyin pa las kyang /rab 'byor gzugs ni ngo bo nyid kyis stong pa ste zhes bya ba nas rnam par shes pa'i bar du nye bar bzung ste/ stong pa'i mtshan nyid can du gsungs pa dang / dkon mchog gi za ma tog las kyang / 'jam dpal sangs rgyas kyi chos thams cad kyang chos ma yin nam/smras pa btsun pa rab 'byor sangs rgyas kyi chos rnams yang dag par 'byung ba ni 'ga' yang med de/ gang 'byung ba de ni chos rnams kyi chos nyid do zhes brjod par mi bya'o/ /des na bcom ldan 'das kyis 'di ltar chos ma yin pa'o zhes gsungs pa yin no//de bas na/ 'di dag thams cad yongs su brtags pa'i ngo bo nyid las dgongs nas gsungs so zhes gang bshad pa de yang bden pa nyid yin no/ /yongs su brtags pa'i ngo bo nyid brjod pa ni tshad ma dang 'gal ba yin yang byis pa rnams kyis de kho na nyid du nye bar gzung ba yin no zhe na/de lta na ni skye ba la sogs pa nyid yongs su brtags pa yin pa tshad ma dang 'gal te/ des na ma skyes pa nyid yin te/ de kho na nyid yin par grub pa yin no/ /'di ni bcom ldan 'das kyis chos yang dag par sdud pa las gsal ba kho nar gsungs pa yin te/rigs kyi bu skye ba dang 'gag pa la mngon par zhen pa la 'jig rten rnams zhugs pa yin te/ de la de bzhin gshegs pa'i thugs rje chen pos 'jig rten gyi skrag pa'i gnas spang bar bya ba'i phyir skye ba dang 'gag par 'gyur ro zhes tha snyad du gsungs pa yin gyis/'di la chos 'ga' yang skye ba med do zhes gsungs pa yin no/ /de bas na skye ba med pa dang stong pa nyid la sogs pa'i tshig gis bstan pa gnyis su med pa'i de kho na nyid yin no zhes bya bar gnas so/ /gang yang 'dul ba la sogs par gnyis su med pa 'di ci'i phyir ma bstan zhes smra na/de ni brtson 'grus chung ba'i phyir/ /zhes bshad pa nyid kyi phyir te/ de yang rang don tsam la brtson zhing bden pa bstan pa nyid kyi don byed la/ chos thams cad bdag med pa'i ting nge 'dzin la ni g.yang sa dang 'dra bas gnyis su med pa la bstan pa yin te/ston pa po rnams ni thams cad la thams cad ston par mi mdzad de/ nye bar ston pa de ni dgongs pa'i dbang du mdzad pa yin pa'i phyir ro/ /byang chub sems dpa' rnams ni zab pa dang rgya che ba'i bsam pa can yin pa'i phyir/rnam pa thams cad dgos pa yin pas na/ thams cad la nye bar sbyar ba'i phyir de rnams la gnyis su med pa'i ye shes nye bar ston par mdzad pa yin te/ gzhan gyi don gcig tu byed pa'i bsgrub par bya ba ni bla na med pa'i byang chub yin la/ de yang sems can thams cad la phan par brtson par byang chub sems dpa' nyid kyis 'jug par nus pa yin te/gang gi phyir de rnams kyi 'jug pa ni rtag tu gzhan gyi don byed par ro gcig pa yin pa'i phyir ro/ /mang du bshad pa ci zhig bya ste/ rim pa gang gis bsod nams dang ye shes dri ma med pa ma lus par bsags pa kun du bzang po nyid dam sangs rgyas nyid ces bya ba thob nas/'gro ba ma lus pa'i dgos pa'i don mdzad par spyod pa bla na med pa'i bde bar gshegs pa'i go 'phang thob par 'gyur ba/ de lta de ltar sems can ma lus pa'i dgos pa byed pa'i thabs su gyur pa'i snying rje chen po'i brtul zhugs la spyod cing /gzhan gyi dgos pa byed pa nyid la lhag par 'jug pa yin gyi/ de rnams sangs rgyas su gyur kyang nyan thos kyi theg pa ltar rang gi dgos pa bya bar dgos pa sngon du 'gro bas 'jug pa ni ma yin gyi/ 'dir dper bstan pa ni ci ltar byang chub sems dpa' chos 'phags kyis/byang chub sems dpa' rnams ni 'dod chags la rgyab kyis phyogs par mi byed pa ni/ byang chub sems dpa' chen po rnams kyi lam shes pa nyid yin te/ gang 'dod chags la sogs pa la rgyab kyis phyogs par yang mi 'dod par bla na med pa'i go 'phang yang sgrub par byed do zhes gsungs pas/'dod chags la sogs pa nyid byang chub kyi rkyen du gyur pa yin no/ /nyon mongs pa ma spangs pa rnams ji ltar mngon par byang chub par 'gyur zhes rtog na/ chos thams cad gdod ma nas ma skyes pa yin pa'i phyir nyon mongs pa rnams sam de spang ba de kho na nyid ma yin pa med pas/nyon mongs pa de gang yin ci zhig spang bar bya ba de ma mthong ngo / /rim pa 'dis ci ma lus pa'i phun sum tshogs pa'i gnas thob par 'gyur ram mi 'gyur zhes dpyad par byas te/ gal te 'dod chags ma spangs par gyur kyang kun du bzang po gang yin pa 'dir gyur na/de spangs pas ci zhig bya/ yang 'dir khyed la 'dod chags spang ba bstan du zin kyang ci'i phyir rtogs par ma gyur/ de yang 'di ltar bdag tu mngon par zhen pa sngon du 'gro bas rang dang gzhan rnam par phye ba'i yul rnams la kun du zhen pa la sogs pa ni kun du 'dod chags la sogs pa rnams yin la/gang yang bdag tu 'dzin pa rtsa ba nas bton pa rnams la ni bdag dang gzhan gyi rnam par dbye ba yod pa ma yin te/ de rnams kyi chos thams cad ngo bo nyid mnyam pa nyid kyi bsam pas yongs su mya ngan las 'das pa nyid du 'jig rten na rnam par gnas te/'dod par bya ba dang mi mthun pa'i yul du sgro 'dogs pa med pa yin na/ ci'i phyir phyin ci log las byung ba'i 'dod chags la sogs ma byung bar 'gyur/ yang smras pa/ gang zhig nyes pa ma lus skyed byed 'jig tshogs lta ba'i bud shing nges bsregs shing //bdag gzhan rab dbye'i yul rnams rtsa nas 'byin pa de ni nyes pa skyed pa yin/ /nyes med zin kyang rig ltar snying rjes sgyu ma'i skyes bu lta bur las rnams la/ /blo bzang sngon gyi smon lam nyid kyis 'khor lo 'khor ba'i shugs bzhin sbyor bar 'gyur//gal te theg pa chen po la mngon par zhugs pa la snying rje chen po'i go cha bgos pa'i byang chub sems dpa' rnams ni chos thams cad la bdag med par rtog par sems can gyi ming tsam yang ma dmigs shing / dmigs su med pa'i snying po la gnas pa yin mod kyi 'on kyang sngon gyi smon lam gyi stobs kyis 'phen pa'i shugs 'bad pa med par 'jug pas ma rig pa'i rgyu can thog ma med pa na byung ba'i srid pa'i 'dam gyi chu bor nub pa'i 'gro ba rnams gdon pa la rab tu 'jug par mdzad pa yin no//de yang / gang zhig srog dang bu dang de bzhin chung ma nor//phongs pa rnams kyi don du rtswa bzhin legs par gtong byed cing / /sa gsum gdon par bya phyir go bgos sems can dam pa ni/ /de nas lhag pa'i chags la brten pa sa steng gzhan su yod/ /ces bshad pa yin te/ gang gi phyir sa gsum gyi dgongs pa'i thabs la gzhol ba de rnams ni rang don tsam la ched cher sems pa ma yin no//de nyid kyis na snying rje chen po'i 'dod chags la brten pa nyid yin pas na lhag pa'i chags pa la brten pa zhes bshad pa yin la/ snying rje chen po yang rab kyi mthar thug par 'gro bas gzhan gyi dgos pa'i bag chags kyi stobs yongs su rdzogs par byas pas don thams cad phun sum tshogs pa'i thams cad mkhyen pa nyid du 'gyur ba ni rigs pa ma yin no zhes shin tu spros pas chog go//dris pa/ chos thams cad bdag med par rtog pa dang /dmigs su med pa la gnas pa'i byang chub sems dpa' rnams ji ltar 'khor bar sems can gyi don byed pa la 'jug par 'gyur/ gal te sems can gyi don byed pa la 'jug na/ dmigs su med pa'i ye shes la gnas pa nyid du mi 'gyur te/ dgos pa bya ba dang / dgos pa byed pa dang / dgos pa dmigs pa'am/ mi dmigs pas 'jug par mi 'gyur ro zhe na/ 'di ni sngon gyi smon lam gyi 'phen shugs kyi stobs kyis/ 'phags pa de rnams 'bad pa med par sems can gyi don byed pa la 'jug go zhes sngar smras zin pa ma yin nam/de yang / de yi byin rlabs tsam gyis ni/ /skyes bu yid bzhin nor bu ltar/ /rtsig sogs las kyang chos ston par/ /ci 'dod par ni 'byung bar 'gyur/ /zhes bshad pa yin no/ /de ltar na theg pa chen po'i don nyid ni mchog tu blang bar bya ba yin no zhes bya bar gnas so//dris pa theg pa gzhan dag las theg pa chen po khyad par ci zhig yod de/ 'bras bu mtshungs pa nyid yin pa'i phyir ro zhe na/ 'dir khyad par gang zhig yod pa de brjod par bya ste/ smon lam dang ni 'jug pa dang / /de bzhin zab dang rgya che nyid/ /mi ldog 'bras bu thob pas kyang //theg pa chen po khyad par 'phags/ /smon lam la sogs pa 'di dag gong nas gong du rgyur gyur pas/ bla na med pa'i bde bar gshegs pa'i go 'phang thob par 'gyur ro zhes bya ba ni theg pa chen po'i don yin no/ /yang don 'di nyid gsal bar bya ba'i theg pa thams cad kyi mchog tu gyur pas na theg pa chen po zhes bya ba'i don ni gang phyir nges par legs pa 'thob par bya ba la ni/de ma gtogs par thabs gzhan yod pa ma yin no/ /de yang 'phags pa klu sgrub kyi zhal snga nas kyis theg pa chen po nyi shu pa las/ rtog pa'i chu yis gang ba yi//'khor ba'i rgya mtsho chen por ni/ /theg chen gru la ma zhugs par/ /su zhig pha rol 'gro bar 'gyur/ /zhes bshad pa yin no/ /gal te bla na med pa'i ye shes thob par bya ba'i phyir thabs kyi mchog ni theg pa chen po gcig pu kho na yin na/ bcom ldan 'das ci'i phyir theg pa gsum ston par mdzad ces rtog na/ de brjod par bya ste/ gdul bya ma rig pa'i spros pas rgyud nye bar bcom par gyur pa/ mos pa rnam pa sna tshogs par gyur pa du ma dag la bcom ldan 'das thugs rje chen po'i shugs kyi dbang gis sems can thams cad kyi bsam pa dang /yid la re ba rdzogs par mdzad pa'i phyir/ theg pa sna tshogs ston par mdzad pas srid pa'i rgya mtsho las sgrol bar mdzad pa'i phyir/ theg pa sna tshogs gsungs pa yin no/ /de yang bcom ldan 'das kyis/ ji srid sems ni 'jug gi bar/ / theg pa mthar thug yod ma yin/ /sems ni ldog par gyur pa na/ /theg pa med cing 'gro ba med/ /theg pa'i nges pa yod min pas/ /theg pa gcig tu nges gsungs pa/ /byis pa rnams ni drang pa'i phyir/ /theg pa dbye ba'ang ngas bshad do/ /zhes gsungs pa yin no/ /yang don 'di nyid slob dpon klu sgrub kyi zhal snga nas kyis mnyam pa med par bstod pa las gsal bar mdzad pa ni/chos dbyings dbye ba yod min pas/ /khyed theg dbye ba yod min gyi/ /sems can rnams ni 'jug pa'i phyir/ /theg pa gsum du gsungs pa yin/ /zhes bshad pa yin no//de bzhin du bcom ldan 'das kyis gdul bya rnams kyi ngor mdzad pa dang / dbang po rnams kyi dbye ba'i dbang du mdzad nas/ nyan thos kyi theg pas sdug bsngal gyi bden pa la sogs pa blang bar bya ba'i de kho na nyid yin par gsungs la/ de yang stobs dang ldan pa'i 'bad pas bsgrub par bya ba yin gyi/shin tu yun ring mo zhig gi dus gzhan zhig na/ dka' ba spyod pas zad pa dang mi skye ba'i ye shes thob pas nyon mongs pa'i sgrib pa spangs pa tsam gyis dgra bcom pa nyid du gyur pa yin la/ de yang rang gi 'bras bu tsam gyi byang chub yin pas/bla na med pa yang dag par rdzogs pa'i byang chub tu ni mi 'gyur ba nyid de/ gang gi phyir nyan thos kyi theg par bya ba byas so/ /nga'i skye ba zad do/ /tshangs par spyod pa spyad do/ /da srid pa 'di las gzhan mi shes so zhes bya ba ni/ bsgrub par bya ba'i mchog tu bshad pa de ltar na de rnams ni 'khor ba la rgyab kyis phyogs shing rang gi don tsam la dga' bas gnas pa yin pas na/byang chub chen po thob par mi 'gyur ro/ /'di ni rang gi rtog pa tsam gyis smras pa ni ma yin gyi/ gzhan du na ston pa nyid kyis lang kar gshegs pa'i mdo las/ ting 'dzin dregs pas myos pa de//zag pa med pa'i dbyings na 'khod/ /ces gsungs pa dang / de bzhin du byang chub kyi sems bshad pa las kyang / ye shes lus su gcig pa de/ /ting 'dzin dregs pas brgyal nas ni/ /ji srid sangs rgyas kyis ma bskul/ /de srid nyan thos gnas par 'gyur//slar yang tshul ni sna tshogs pa'i/ /thabs ni mang pos bskul ba yin/ /zhes bshad pa yin no/ /de rnams kyang rang gi don tsam gyis 'bras bu'i mtshan nyid can gyi byang chub la gnas pa yin la/ de yang bcom ldan 'das kyis mdo sde dang rgyud kyi rgyal po mtha' yas pa'i nang nas byang chub zhan pa nyid yin par gsungs pa dang /de bzhin du nyan thos kyi theg pa ni theg pa dman pa'o zhes gsungs pa yin la/ de nyid kyis na bcom ldan 'das kyis/ byang chub sems dpa' rnams kyis bslabs par nyan thos rnams dang lhan cig gnas pa dang kun du smra ba la sogs pa bkag par mdzad pa yin la/kho bo cag rnams kyang de ltar 'dod pa yin no/ /dris pa/ gal te bcom ldan 'das kyis nyan thos kyi theg pa la sogs pa bstan pa ni bsgrub par bya ba'i mchog nyid yin par ma gsungs na/ ci'i phyir ston par mdzad ces rtog na/de ni 'di nyid du smras zin pa yin te/ nyan thos kyi theg pa la sogs pa ston par mdzad pa ni gdul bya mang po'i bsam pa tha dad pa las/ mos pa dman pa la la dag don dam pa la 'jug pa'i phyir yin te/ gang gi phyir bcom ldan 'das kyi thugs rje'i gnas su gyur pa ni/sems can thams cad yin la/ de dag kyang sems can gyi spyod pa mtha' yas pa yin zhing / thams cad tshul mtha' yas pas gdul bar bya ba yin pas na/ bcom ldan 'das kyis sangs rgyas kyi chos bstan pa yang mtha' yas shing sna tshogs pa nyid yin no//yang dris pa/ mu stegs pa rnams kyang 'di dag thams cad ni bdag 'ba' zhig yin no zhes zer bas gnyis su med pa'i shes pa yod pa nyid yin te/ de bas na 'di dang khyad par ci zhig yod ces rtog na/ de brjod par bya ste/ bdag med pa nyid khyad par yin na gzhan dris pas ci zhig bya/yang 'dir mu stegs byed gzhan dang rtsod par smra bar rtsom pa ni ma yin gyi gang gi phyir bde bar gshegs pa'i lam la gnas pa nyid ni thar pa'i lam la 'jug par spro ba nyid yin pa dang / dbang po'i dbye bas myur ba dang / ring ba dang /shin tu yun ring bas rnam par grol ba'i skal ba can rnams lung gi don la phan tshun rnam par dpyod pa ni mdzes kyi/ lta ba ngan pas sems rgyud tshig par gyur pa/ shin tu tsha ba'i mdag me'i tshogs kyi nang du ltung bar gyur pa/bde ba'i lam las shin tu yun ring du yongs su nyams pa/dmus long 'o ma'i yon tan yongs su rtog par byed pa lta bu'i mu stegs pa gzhan dag dang / theg pa chen po yongs su brtag pas ci zhig bya/ gang gi phyir gang thams cad mkhyen pa'i go 'phang thams cad kyi bdag nyid can don dam pa'i de bzhin nyid kyi rang bzhin de bzhin gshegs pa'i rang rig pa/nyan thos rnams kyi spyod yul ma yin pa/ gcig dang du ma'i rnam par rtog pa'i dra ba dang bral ba/ dpe thams cad kyis spangs pa/ thugs rje chen po'i nyams kyis khyab pa/ /dngos po thams cad kyi rtog pa dang bral ba/chos kyi dbyings kyi rang bzhin can/ phyin ci ma log pa'i thabs/ zhing dam pa'i gnas/ gzhan gyi dgos pa rjes su mthun pa'i smon lam gyi sa bon dang rjes su 'jug pa'i 'dus byas pa la mya ngan las mi 'da' ba'i chos can 'gro ba'i don mdzad pa'i gnas su gyur pa ni bde bar gshegs pa yin na/log par lta ba'i gdon gyis zin pa'i sems dang ldan pa'i nyon mongs pa de rnams kyis rtogs par ji ltar 'gyur/ gang yang rang gi sde pa rnams la yang theg pa chen por de bzhin gshegs pa thugs rje chen po'i thugs dang ldan pas snying rje chen po'i go bgos pa'i byang chub sems dpa' sems dpa' chen po rnams la mdo sde mtha' yas pas rnam grangs du mar gsungs pa ni ro gcig pa'i mtshan nyid can dngos po med pa gnyis su med pa'i ye shes mchog tu blang bar bya ba nyid yin par mi shes pas/gal te 'gro ba rnams dngos po med pa yin na/ bcom ldan 'das nyan thos rnams la phung po rnams kyi mtshan nyid ci'i phyir ston par mdzad ces spong bar byed pa dag yod pas/ de'i phyir brjod par bya ste/ de ni byis pa'i skye bo rnams kyi dbang du mdzad nas gdul bya'i bsam pa'i dbang gis bcom ldan 'das kyis phung po'i mtshan nyid ston par mdzad pa yin gyi don dam par ni ma yin no//de yang slob dpon dbyig gnyen gyi zhal snga nas nyi shu pa las/ gzugs sogs skye mched yod pa ni/ /des 'dul ba yi skye bo la//dgongs pa'i dbang gis bshad pa ste/ /rdzus te skye ba'i sems can bzhin/ /zhes bshad pa yin no/ /de yang gang gi phyir byis pa log pa'i shes pas zil gyis mnan pa/ ma rig pa'i dri mas yid dri ma can du gyur pa rnams ni don dam pa'i chos nyid du chos bdag med par bstan pas nye bar skrag par 'gyur ro//de bas na phung po la sogs pa ston par mdzad kyi gzugs la sogs pa don dam par yod pa ni ma yin no/ /de yang / gzugs ni dbu ba lta bur bshad/ /tshor ba chu yi chu bur bzhin/ /'du shes smig rgyu lta bu ste//'du byed rnams ni chu shing 'dra/ /rnam par shes pa sgyu 'dra zhes/ /de ltar phung po bstan pa ni/ /rkang gnyis mchog gis rnam kun du/ /byang chub sems dpa' rnams la bshad/ /ces gsungs pa yin no/ /de ltar bcom ldan 'das kyis gsungs shing bstan par mdzad pa na shin tu zab pas rtogs par mi 'gyur gyi/slar zhing sun 'byin par byed de/ gang gi phyir de rnams 'di skad du/ dbang po thams cad kyi yul du gyur pa'i gzugs la sogs pa med pa ji ltar rung zhes smra'o/ /'dir brjod par bya ste/ gzugs kyi phung po ni 'byung ba chen po bzhi'i rang bzhin can yin par bshad la/lhag ma rnams ni gzugs med par dpyad mi dgos par grub pa yin no/ /de la gzugs kyi phung po ni 'byung ba dang 'byung ba las gyur pa'i 'dus pa yin no/ /de las 'byung ba ni sa la sogs pa rnam pa bzhi'o//'byung ba las gyur pa ni gzugs dang / sgra dang / dri dang / ro dang / reg bya rnams so/ /de yang thog ma dang tha ma med cing 'brel par 'byung ba yin la/ ngo bo nyid dang bral ba'i phyir dang / de bzhin rdul phra rab 'dus pa yin pas/ gcig dang du ma dmigs su med pas/gzugs brnyan ltar med pa nyid yin pa'i phyir yod pa ma yin no/ /de yang slob dpon zhi ba 'tshos/ dbu ma rgyan las/ bdag dang gzhan smra'i dngos 'di dag /yang dag tu na gcig pa dang / /du ma'i rang bzhin bral ba'i phyir/ /rang bzhin med de gzugs brnyan bzhin//zhes bshad pa yin no/ /yang gzhan dag las/ dngos por brtags pa gang dang gang / /de dang de yi gcig nyid med/ /gang la gcig pa nyid med pa/ /de la du ma ga la yod/ /ces bshad pa yin no/ /yang rigs pa drug cu pa las/ rgyu yod pa las gang 'byung zhing / / rkyen med par ni gnas pa med/ /rkyen med phyir ni 'jig 'gyur ba/ /de ni yod par ji ltar shes/ /zhes bshad pa dang / yang de nyid las/ de dang de brten gang byung ba/ /rang gi ngo bo nyid ma skyes/ /rang gi ngo bo gang ma skyes/ /de la skyes zhes ji skad bya/ /zhes bshad pa yin no//'dir mdor bsdu ba'i don ni 'di yin te/ de dang de'i zhes bya ba ni bsnan pa'i don gyi tshig ste/ sa la sogs pa'i rgyu la brten nas 'byung ba gang yin pa ni rgyu la rag las pa yin pa'i phyir/ yang dag par na ngo bo nyid kyis ma skyes pa yin no/ /de ltar shes par gyur pa ni rten cing 'brel par 'byung ba mthong ba zhes bya'o//de bas na rigs pa drug cu pa las/ rten 'byung las 'byung ma skyes par/ /de nyid smra ba mchog gis gsungs/ /zhes bshad pa yin no/ /yang don 'di nyid gsal bar bya ba'i phyir/ 'phags pa klu sgrub kyi zhal snga nas kyis 'jig rten las 'das pa'i bstod pa las/gang zhig rgyu las byung ba rnams/ /de med pas ni med gyur na/ /de dag gzugs brnyan dang mtshungs pa/ /gsal ba nyid du cis mi 'dod/ /'byung ba mig gis gzung bya min/ /de las byung min ji lta bu/ /khyod kyis de ltar gzugs gsungs pa//gzugs su 'dzin pa bzlog par mdzad/ /ces bshad pa yin no/ /dris pa/ rten cing 'brel bar 'byung ba ni ngo bo nyid dang bral ba'i phyir/ gzugs kyi phung po med par bstan pa gang yin pa de re zhig yin du chug la/ gzugs rtsom par byed pa'i rdul phra rab 'di ni shin tu phra ba yin pa'i phyir dang gzugs med pa nyid kyi rtag pa nyid yin pa'i phyir dang /gcig pu nyid yin pa gang yin pa de med par ji ltar rung zhes zer na/ de'i phyir brjod par bya ste/ drug po rnams lhan cig 'dus pa dang / de bzhin du phyogs kyi cha'i dbye bas rdul phra rab ni phyogs cha drug yod par grub bo//gang la phyogs cha yod pa de ni gcig pa nyid du mi rigs te/ slob dpon dbyig gnyen gyis/ ji ltar rdul phran mi 'grub phyir/ /drug gi cig car sbyar bas na/ /phra rab phyogs cha drug tu 'gyur/ /drug po dag ni go gcig na/ /gong bu rdul phran tsam du 'gyur//zhes bshad pa yin no/ /de bas rdul phra rab ni rdzas gcig tu yod pa ma yin te/ gcig med pas rdul phra rab mang po mtha' yas pa nyid du rdzas de'i dbye bas bstan pas/ rdul phra rab yod pa yin no/ /rdul phra rab ma grub pas/ gzugs kyi phung po ni shin tu med par bstan pa yin no//tshor ba la sogs pa lhag ma rnams ni gzugs med pa nyid du dpyad mi dgos par grub pa yin te/ gzugs can gyi rang bzhin ma yin pa'i phyir ro/ /yang de rnams gzugs kyi phung po yod na gnas shing dmigs pa las yod par bstan pa yin pa tha dad par brtags par yod pa ma yin no//de bas na gzugs kyi phung po med pa'i phyir mdor na 'dir de rnams kyang med par bshad pa yin te/ de ltar na chos bdag med par yang dag par bstan pa yin no/ /de lta na yang blo dman pa rnams thog ma med pa can gyi spros pa'i bag chags yongs su smin pa'i dbang gis khong du chud cing yid ches par mi 'gyur gyi slar zhing sun 'byin par byed de/de yang 'di ltar gzugs la stsogs pa'i rdul phra rab 'dus pas/ med pa yin pa'i phyir chos bdag med pa yin du chug na sems 'di ni 'dzin par byed pa'i rnam pas de rtogs par byed pa nyid kyis yang dag par yod pa nyid yin no zhes smra bar byed do//'dir brjod par bya ste/ sngar bshad pa'i rnam pa gzugs la sogs pa gzung bar bya ba'i don rnams ni rten cing 'brel par 'byung ba yin zhing / ngo bo nyid dang bral ba yin pa'i phyir dang /de bzhin du rdul phra rab 'dus pa yin pas med pa nyid du bstan la/ de ltar gzung bar bya ba med pas/ 'dzin pa po yang med pa nyid du bstan par 'gyur te/ 'dzin pa po ni gzung bar bya ba la ltos pa nyid yin pa'i phyir ro/ /de bzhin du rtogs pa po nyid du bshad pa gang yin pa de yang yod pa ma yin no//de yang byang chub kyi sems bshad pa las/ rtogs pa po yis rtogs bya gang / /shes bya med pas shes pa med/ /de ltar shes dang shes bya dag/ /dngos po med par cis mi 'dod/ /ces bshad pa dang / rtogs bya rtogs byed rnam par sems//de bzhin gshegs pas ma gzigs so/ /gang du rtogs bya rtogs byed dag /der na byang chub yod pa yin/ /mtshan nyid med cing skye ba med/ /bstan du med cing brjod du med/ /byang chub sems ni mkha' 'dra zhing / /byang chub gnyis med mtshan nyid can//zhes bya ba la sogs pa rgya cher bshad pa yin no/ /gal te sems rnam pa thams cad du med pa yin na/ bcom ldan 'das sems tsam mo zhes ston par mi mdzad de/ de yang bcom ldan 'das kyis kye rgyal ba'i sras khams gsum po 'di dag ni sems tsam mo zhes mdo las gsungs pa/bcom ldan 'das ni rang bzhin med la dgos pa med par ston par mi mdzad do zhe na/ de ni bden te bcom ldan 'das ni dgos pa med par mi mdzad kyi gzhan du na dgos pa med pa nyid dgos pa yod pa nyid yin no/ /de yang gang zhig yin pa brjod par bya ste/bcom ldan 'das kyis byis pa'i skye bo'i dbang du mdzad nas thugs rje chen po'i shugs kyi dbang gis sems tsam du ston par mdzad de/ gang gi phyir ma rig pas sems phyin ci log tu gyur pa'i byis pa rnams kyis chos thams cad bdag med par thos na kun du skrag par 'gyur zhing g.yang sa lta bur 'du shes par 'gyur ro//de bas na de rnams kyi nye bar skrag pa spang bar bya ba'i phyir/ bcom ldan 'das kyis sems tsam du bstan par mdzad pa yin gyi don dam par ni ma yin no/ /de yang / byang chub kyi sems bshad pa las/ /'di dag thams cad sems tsam zhes//de ltar thub pas gang bstan pa/ /de ni don dam nyid min gyis/ /byis pa skrag pa spang phyir yin/ /stong nyid gcig pu'i bdag nyid du/ /sems tshul brtags pa 'di yin no/ /zhes bshad pa dang / de bzhin du snang ba'i phreng ba las kyang / sems tsam las ni brten nas su/ /phyi rol don la mi rtog go/ /de bzhin nyid dmigs gnas nas su/ /sems tsam las ni 'da' bar bya/ /sems tsam las ni 'das nas su/ /snang ba med la gnas par 'gyur/ /snang med gnas pa'i rnal 'byor pa/ /de yis theg pa chen po mthong //zhes bshad pa yin no/ /dris pa/ sems 'dzin pa po'i rnam pa dang rtogs pa po nyid du gyur par med du zin kyang / 'on kyang rnal 'byor pa'i gzhung gis sems tsam yongs su gyur cing / /dag pa de so so rang gis rig pa'i bdag nyid kyi spyod yul nyid kyis yang dag par yod do zhe na/de brjod par bya ste/ sems ni gzugs med pa nyid dang / de bzhin du thog ma dang tha ma med pa dang / skad cig ma nyid yin pas dus gsum gnas pa med pas na yod pa ma yin no/ /de yang / gang zhig 'das pa med pa yin/ / ma 'ongs pa ni thob med na/ /gnas ni yongs su gyur pa yin/ /da ltar byung ba ga la gnas/ /ji lta ba nyid de mi snang / /snang ba de nyid de lta min/ /rnam shes bdag gi gzugs min te/ /shes pa med pa gnas kyi mchog /ces bshad pa yin te/ 'dir rgya cher ma spros so//chos thams cad bdag med do zhes bya ba ji skad bstan pa de ltar gnas so zhes bya ba ni kho bo cag kyang khas len na/ ji skad du bshad pa'i rnam pas chos thams cad bdag med pa'i 'gro ba rnams ni sna tshogs par snang ngo zhes zer na de brjod par bya ste/ thog ma med pa'i rang bzhin gyis/ma rig pa'i dbang gis yang dag pa ma yin pa'i don la 'khrul pa tsam du 'gro ba rnams snang ste/ dper na rmi lam dang / sgyu ma dang / smig rgyu dang / dri za'i grong khyer la sogs pa rnams ni yang dag par med du zin kyang snang ba dang 'dra'o/ /dris pa/rmi lam dang mtshungs pa la sogs pa'i dpes 'gro ba rnams med par bstan pa de ni bden pa ma yin te/ rmi lam la sogs pa ni don gyi bya bas stong pa yin la/ 'gro ba rnams ni don gyi bya ba dang ldan par snang ngo zhe na/ brjod par bya ste/ rmi lam la sogs pa ni yul du snang ba med du zin kyang don gyi bya ba ni yod de/dper na rmi lam la skyes pa dang / bud med kyi dbang po gnyis 'dus pa med du zin kyang / khu ba byung ba'i mtshan nyid can gyis bya ba ni yod par snang ngo / /de bzhin du gzugs brnyan dang 'dra ba'i 'gro ba med du zin kyang / 'khrul pa tsam du 'gro ba rnams snang ba yin no/ /dris pa/ rmi lam dang / sgyu ma la sogs pa'i dpes 'gro ba rnams med pa dang / 'khrul pa tsam yin du chug na/ 'on kyang dmigs pa'i rnam pa'i 'khrul ba'i shes pa ni yod de/ dper na sgyu ma dri za'i grong khyer la sogs pa med pa yin yang /de la dmigs pa'i rnam pa 'khrul pa'i shes pa ni yod do zhe na/ brjod par bya ste/ 'khrul pa'i shes pa de ngo bo nyid gang gis 'gro ba rnams rtogs shing shes pa'i ngo bo nyid des 'gro ba 'dis sems med par bstan pa yin la/ 'gro ba rnams med par med bzhin du 'gro bar snang ba rang nyid kyang ma dag par 'gyur ro/ /ma dag pa nyid kyis na de'i ngo bo nyid kyis 'khrul pa'i shes pa yang dag par yod par ji ltar 'gyur te med do/ /'jig rten na yang gang sa bon la sogs pa med par myu gu la sogs pa'i chos 'di ni ma mthong ngo //de ltar bshad pa'i rnam pas chos thams cad dngos po med par bstan du zin kyang la la dag gal te chos thams cad ngo bo nyid kyis stong pa yin na chad par smra bar ci ltar mi 'gyur/ chad par smra bar khas len na ni 'jig rten pha rol med par smra bas phal cher 'jig rten rgyang pan pa'i gzhung dang 'dra bar 'gyur ro zhes rgol bar byed do//'dir brjod par bya ste/ stong nyid tshig tu smra ba la/ /chad par smra ba yod min te/ /mya ngan 'das dang 'khor ba ru/ /bdag nyid chen po 'di mi gnas/ /zhes bshad pa dang / de bzhin du 'phags pa klu sgrub kyi zhal snga nas kyis bsam gyis mi khyab pa'i bstod pa las/de nyid shes la chad pa dang / /rtag pa nyid du 'dod min te/ /'gro kun dngos po stong pa ste/ /smig rgyu dag dang mtshungs par 'dod/ /ci ltar smig rgyu dag gi chu/ /rtag dang chad pa yod ma yin/ /de bzhin 'gro ba thams cad dag /rtag dang chad pa med par bshad/ /ces bshad pa yin pas chos thams cad dmigs su med pa'i ye shes la brten pa nyid kyis bdag nyid chen po rnams su med pa'i snying rje chen po la gnas pa rnams sngon gyi smon lam gyi stobs kyis sems can rnams gdon par go bgos pa de rnams ni 'khor ba dang mya ngan las 'das pa la gnas pa yod pa ma yin no//don 'di dag gnas par bya ba'i phyir/ 'phags pa klu sgrub kyi zhal snga nas kyis byang chub kyi sems bshad pa las/ chos 'di dag ni chos rnams kyi/ /rang gi ngo bo las mi 'da'//dper na bu ram mngar ba dang / /me yi rang bzhin tsha ba mtshungs/ /de bzhin chos rnams thams cad kyi/ /rang bzhin stong pa yin par 'dod/ /rang bzhin smra bar byed pa na/ /gang yang chad par smra ma yin/ /des ni rtag pa nyid du yang / /gang yang smra bar mi 'gyur ro/ / zhes bshad pa yin no/ /gal te chos thams cad stong pa nyid yin no/ chos thams cad de'i bdag nyid du nye bar dmigs par ci'i phyir ma gyur ces rtog na/ de brjod par bya ste/ gang 'di bcom ldan 'das thugs rje chen po'i shugs kyi dbang gis thar pa 'dod pa rnams la chos thams cad bdag med pa nyid ni blang bar bya ba'i mchog tu bstan par mdzad la/de ni so so rang gis rig pa'i bdag nyid du phyin ci ma log par 'phags pa rnams kyi thugs su chud pa yin la/ gang yang mi rigs pas phyin ci log tu gyur pa'i byis pa rnams kyis ni de mthong bar mi 'gyur ro//de yang slob dpon phyogs kyi glang po'i zhal snga nas kyis/ 'di ni mya ngan 'das grong lam gcig pu/ /bde gshegs nyi ma'i gsung 'od snang ba can/ /bdag med rang bzhin 'phags pa stong phrag 'jug /rnam par rgyal ba blo dman mig mi mthong //zhes bshad pa dang / yang 'phags pa klu sgrub kyi zhal snga nas kyis 'di'i che ba'i bdag nyid kyi phul du byung ba bstan pa'i phyir dang / chos nyid so so rang rig pa nyid la gus pa bskyed par bya ba'i phyir/ byang chub kyi sems bshad pa las/ /gang gis stong nyid mi shes pa//de ni thar pa'i skal can min/ /rmongs pa de ni 'gro drug gi / srid pa'i btson ra 'dir 'khyams 'gyur/ /zhes bshad pa dang / yang de nyid las/ dge dang mi dge rnam rtog gi/ /rgyun chad pa ni mtshan nyid can/ /ston pa sangs rgyas kyis gsungs pa/ /med pa'i mtshan nyid ma yin no//zhes bshad pa dang / yang de bzhin du/ lta ba dag ni ji snyed pa/ /lus can rnams ni 'jug 'gyur ba'i/ /lta ba nyes pa bzlog pa'i phyir/ /rgyal bas stong nyid bstan pa yin/ /gang gis stong pa nyid thos nas/ /lta ngan dag las mi ldog pa//lta ba gos pa med 'gyur te/ /sman pas spangs pa'i nad par mtshungs/ /dper na me yis shing bsregs nas/ /bsreg bya med pas gnas mi 'gyur/ /de bzhin lta ba'i shing bsregs nas/ /stong pa'i me ni 'gag par 'gyur/ /lta ba 'gag pa'i dus su ni/ / ye shes me ni yang dag 'byung / /nyon mongs thams cad sreg byed pa/ /nyon mongs bsregs nas rnam par mdzes/ /zhes bshad pa dang / /de bzhin slob dpon kam+pa la'i zhal snga nas kyis snang ba'i phreng ba las/ nyon mongs shes bya'i sgrib pa mun/ /gnyen po stong pa nyid yin na//myur du thams cad mkhyen 'dod pas/ /de ni ci'i phyir bsgom mi bya/ /zhes bshad pa dang / de bzhin du stong pa nyid shes pa las mchog tu gyur pa bstan pa'i phyir/ ji snyed sems can thams cad kyis/ /bsod nams tshogs ni yongs gzung ba/ /de snyed byang chub sems dpa' yi//byang chub sems las rab tu 'byung / /ji snyed byang chub sems dpa' yi/ /byang chub sems las 'byung 'gyur ba/ /de bas mang ba'i bsod nams ni/ /dam chos yongs su 'dzin las byung / /byang chub sems byung bsod nams gang / /dam chos 'dzin las gang 'byung ba//stong pa nyid la mos pa yi/ /bcu drug char yang mi phod do/ /zhes bshad pa yin no/ /de bzhin du stong pa nyid du lta bas 'jigs pa so so'i skye bo rnams kyi dbang du mdzad nas/ de rnams kyi 'jigs pa spangs pa'i phyir shes rab kyi le'u las/ gang zhig 'jigs pa bskyed pa'i dngos//de las 'jigs pa skye 'gyur gyi/ /stong nyid 'jigs pa 'joms byed na/ /de las 'jigs pa ci phyir skye/ /gal te bdag ces bya yod na/ /ci yang rung las 'jigs 'gyur na/ /bdag nyid ci yang yod min na/ /'jigs pa gang las 'byung bar 'gyur/ / zhes bshad pa dang / de bzhin du/ 'phags pa klu sgrub kyi zhal snga nas kyis rin po che'i phreng ba las/ nges par legs pa'i chos dag kyang / /phra zhing zab par snang ba dang / /byis pa thos dang mi ldan la/ /skrag pa byed par rgyal bas gsungs/ /bdag yod ma yin yod mi 'gyur//bdag gi yod min mi 'gyur zhes/ /byis pa dag ni de ltar skrag /mkhas pa la ni skrag pa zad/ /ces bshad pa dang / yang 'di nyid gsal bar bya ba'i phyir/ 'phags pa klu sgrub kyi zhal snga nas kyis/ 'jig rten las 'das pa'i bstod pa las/ kun rtog thams cad spong ba'i phyir//stong nyid bdud rtsi bstan pa ni/ /gang yin de yi 'dzin pa yang / /khyed kyis med par mdzad pa yi/ /'dod pa med dbang dang ldan stong / /sgyu ma bzhin du rkyen byung bar/ /mgon po khyod kyis chos kun ni/ /dngos po med par ston par mdzad/ / ces bshad pa yin no/ /de ltar chos thams cad stong pa nyid kyi ye shes su shin tu gsal bar bstan kyang byis pa gang dag thog ma med pa'i tshul can gyi srid pa'i chu bor ma rig pa'i dbang gis yang dag pa ma yin pa'i don la mngon par zhen pa'i gdon gyis zin pa rnams kyis/ don dam pa'i chos thams cad stong pa nyid chos kyi dbyings la sogs pa rnam grangs du mas yang dag par bstan pa ro gcig pa'i mtshan nyid nges par legs pa 'dod pa rnams kyi mchog tu blang bar bya bar gyur pa mi shes pa ste/ de rnams log pa'i shes pas zil gyis mnan pa/nges par med pa nyid kyis rang bzhin can gyis ma rig pa'i rgyu can/ las dang nyon mongs pa'i mtshan nyid skad cig ma gcig nas gcig tu brgyud de nyams su myong ba'i sdug bsngal gyi bdag nyid kyi srid pa'i 'khor lo'i lam du lam yongs su 'khyams pa yin no/ /de yang /dmyal ba'i gnas nas yi dags gnas te sum cu rtsa gsum gnas/ /dge ba zad pas sum cu rtsa gsum gnas nas dud 'gro'i skye gnas 'gro/ /dud 'gro'i skye gnas las 'pho slar yang mi yi skye gnas thob 'gyur te/ /'gro ba las kyi 'ching bas dbang med shing rta'i 'khor lo bzhin du 'khor//zhes bshad pa yin no/ /de ltar ji skad bshad pa'i mtshan nyid can gyis 'gro ba sgyu ma dang mtshungs pa la log pa'i shes pas zil gyis mnan pa'i byis pa bden pa'i tshul du shes pas bcom ldan 'das kyis gsungs pa'i rten cing 'brel par 'byung ba bstan pa mi shes kyi ma rig pa'i dbang gis yod pa ma yin pa'i bdag nyid can gyis nga dang bdag ces bya ba la sogs pa'i mtshan nyid can gyi rnam par rtog pa'i sa bon las/phung po la sogs pa'i gzugs kyis rnam pa nyid du 'khor bar kun du 'khor bar 'gyur ro//dris pa/ yod pa ma yin pa'i bdag nyid can gyi nga rgyal yod pa nyid kyis srid pa'i sa bon nyid yin par mi 'thad la/ de ni yang dag par rig pa'i mtshan nyid can gyi rnam par shes pa gcig pu nyid srid par 'jug pa'i sa bon du yang dag pa'i tshul du yod pa nyid yin la/de ltar rgyu yod pa nyid kyis 'bras bu yang yod pa nyid yin pas dngos po med par mi 'thad do/ /de ltar yang 'dir slob dpon chos kyi grags pas/ yang dag par rig pa'i tshul 'di gcig pu nyid/ /dga' ba dang zhum pa la sogs pa'i rnam pa du mar mthong ngo zhes bya ba la sogs pa rgya cher bshad pa yin no//'dir brjod par bya ste/ rnam par shes pa ni rang bzhin med pa'i ngo bo nyid yin pas yod pa'i tshul gyis srid pa'i sa bon du mi rigs so/ /rnam par shes pa ni ming tsam du yod pa yin no zhes sngar rgya cher bstan zin mod kyi 'on kyang cung zad cig brjod par bya ste/don dam pa'i bden pa nyid kyis 'gro ba rnams ngo bo nyid med pa las ma rig pa'i dbang gis rnam par shes pa dang bdag ces bya ba la sogs pa'i tshul gyis yul nye bar spyod pa nyid kyis bden pa nyid du yod par snang ba de ni sngar bshad pa'i gtan tshigs kyis rigs te/sa bon bdag med pas de las byung ba yang bdag med pa nyid yin te/ de yang klu sgrub kyi zhal snga nas kyis/ rin po che'i phreng ba las/ ngar 'dzin las byung phung po rnams/ /ngar 'dzin de ni don du brdzun/ /gang gi sa bon brdzun pa de'i/ /skye ba bden pa gang la zhig / ces bshad pa dang / de bzhin du slob dpon Ar+ya de ba'i zhal snga nas kyis kyang / srid pa'i rtsa ba rnam shes te/ /yul rnams de yi spyod yul min/ /yul la bdag med gyur na ni/ /srid pa'i sa bon ldog par 'gyur/ /zhes bshad pa dang / yang 'di nyid gsal bar bya ba'i phyir/slob dpon chos kyi grags pas tshad ma rnam 'grel las/ bdag yod na ni gzhan du 'du shes 'gyur/ /bdag gzhan cha la yongs su 'dzin dang sdang / /'di gnyis dang ni kun du 'brel pa las/ /nyes pa thams cad rab tu 'byung bar 'gyur/ /zhes bshad pa yin no/ / de ltar na ma rig pa'i rgyu can nyid kyis 'khor ba 'di na nga dang bdag ces bya ba la sogs par rtog pa'i dbang gis nyes pa thams cad de'i rang gi phyogs 'dzin cing gzhan gyi phyogs la rgyab kyis phyogs pa'i mtshan nyid can 'byung bar 'gyur ro/ /'di nyid don dam pa'i bden pa nyid kyis gsal bar mdzad pa'i phyir/'phags pa klu sgrub kyi zhal snga nas kyis rigs pa drug cu pa las/ rtsod med che ba'i bdag nyid can/ /de dag la ni phyogs med do/ /gang rnams la ni phyogs med pa/ /de la gzhan phyogs ga la yod/ /ces bshad de/ dmigs su rtsig pa'i ri mor mtshungs//skyob pas 'di dag ma lus de ltar gzigs/ /spros de yongs rtog yin par mkhyen nas ni/ /dngos med mtshan ma med cing mi zad pa/ /yongs su rtog pa tsam nyid 'ba' zhig yin/ /zhes bshad pa dang yang de nyid las/ ci srid ci srid rnam rtog pa/ / re zhig de srid thams cad brdzun/ /gang zhig de nyid mi rtog pa/ /de bden de ni de bzhin nyid/ /ces bshad pa dang / de bzhin du 'phags pa klu sgrub kyi zhal snga nas kyis theg pa chen po nyi shu pa las/ yang dag ma yin rtog byas pas/ /dmyal la sogs par bsregs 'gyur te//'od ma yi ni me bzhin du/ /rang gi nyes pas sreg par byed/ /sems can sgyu ma ji bzhin du/ /yul ni yongs su spyod par byed/ /de bzhin rten 'brel las byung ba/ /sgyu ma'i rang bzhin bgrod par 'gro/ /gang tshe sgyu mkhan sgyu ma ni/ /spangs shing nye bar bsdus pa na//de tshe ci yang mi snang ste/ /de ni chos kyi chos nyid yin/ /dper na ri mo mkhan gyis ni/ /gnod sbyin gzugs ni rab 'jigs pa/ /bris nas rang nyid 'jigs pa ltar/ /'khor bar mi mkhas de dang mtshungs/ /ji ltar byis pa rang gis 'dam//byas nas la la ltung bar byed/ /de bzhin kun du rtog pa'i 'dam/ /rgal dkar sems can bying ba dang / /dngos med dngos por mthong nas ni/ /sdug bsngal sna tshogs myong 'gyur te/ /log pa'i bsam pa las byung bas/ /rtog pa'i dug gis 'chi bar 'gyur//zhes bshad pa dang / de bzhin du 'phags pa 'jam dpal la bstod pa las kyang / rnam par rtog pa ma rtogs pa/ /'khor ba zhes bya 'ga' yang med/ /des na rnam par rtog bral ba'i/ /srid pa mya ngan 'das bdag nyid/ /ces bshad pa dang / yang de bzhin du/rnam rtog gti mug chen po ste/ /'khor ba'i rgya mtshor ltung byed yin/ /mi rtog ting 'dzin la gnas na/ /mkha' ltar dri ma med par snang / /zhes bshad pa dang / yang de bzhin du/ ji srid rnam dag blo yis gzung dang 'dzin bral ba'i/ /don dam de nyid ji bzhin shes par ma gyur pa//de srid rnam rtog brgya yi rlung gis g.yeng ba'i blo/ /'jig rten rnams rmongs dbang med 'di ni rtag tu 'khor/ /zhes bshad pa yin no/ /de ltar na 'di ni chos kyi dbyings la sogs pa'i rnam grangs du mas bshad pa/ ro gcig pa'i mtshan nyid can skye ba med pa gnyis su med pa'i ye shes zhes bya bar gnas so//dris pa/ gal te mchog tu blang bar bya ba'i de kho na nyid ni ma skyes shing gnyis su med pa'i ye shes gcig pu kho na yin na/ bcom ldan 'das kyis mchod rten dang / sku gzugs la sogs pa bzhengs su gsol ba dang /de bzhin du sbyin pa dang / tshul khrims dang / bzod pa la sogs pa dang / dge ba'i las sna tshogs pa gzhan dag bya ba gsungs pa dang / de bzhin du de'i rnam par smin pa las bsod nams dang ye shes kyi tshogs mtha' yas pa 'byung bar gsungs pa dang /de bzhin du sngags kyi lha sna tshogs pa'i gzugs kyi rnam pa dang / bzlas brjod dang / sbyin sreg dang / dkyil 'khor gyi bya ba la sogs pa ye shes thob par bya ba ci'i phyir gsungs/ 'dir brjod par bya ste/ de la re zhig mchod rten dang sku gzugs la sogs pa bzhengs su gsol ba la sogs pa dang /dge ba'i las mang po gzhan dag bcom ldan 'das kyis ci'i phyir gsungs zhes gang smras pa de la de bzhin gshegs pas thugs rje chen po'i shugs kyi dbang gis sems can thams cad kyi bsam pa dang /yid la re ba yongs su rdzogs par mdzad pa yin pas/ byis pa de kho na nyid ma rtogs pa dang / gso ba dang po'i spyod yul du gyur pa rnams la don dam pa la 'jug par bya ba'i thabs su kun rdzob kyi bden pa gsungs pa yin gyi/ don dam pa nyid kyis thabs las byung ba'i tshul du gsungs pa ni ma yin no//de yang slob dpon kam pa la'i zhal snga nas kyis snang ba'i phreng ba las/ chos dang chos min dka' thub stong / /dul dang sdom dang zhi ba dang / /dmyal ba yi dags dud 'gro dang / /mi rnams lha dang bcas pa dang / /'byung dang 'byung 'gyur phung po dang /khams gsum thub pas bstan pa dang / /ston pa dang ni nyan thos nyid/ /thams cad kun rdzob dag tu bstan/ /sems can dang po'i las can rnams/ /dam pa'i don la 'jug pa'i phyir/ /thabs 'di rdzogs pa'i sangs rgyas kyis/ /skas kyi rim pa lta bur gzhag /de ltar byis pa brid pa'i thabs/ /mthar ni thams cad 'jig par 'gyur/ /zhes bshad pa yin no/ /de bzhin du gzhan yang gsang sngags kyi lha tshogs la sogs pa'i sku'i rnam pa dang / de bzhin du bzlas pa dang sbyin sreg dang / dkyil 'khor la sogs pa'i bya ba bcom ldan 'das kyis ci'i phyir gsungs zhes gang smras pa de brjod par bya ste/gang don dam pa mngon par rtogs par mi nus pa med pa'i ngo bo nyid mi shes pa de'i bdag nyid can gyi chos la mngon par dga' bar bya ba dang / yul gyi 'bras bu yod pa la nye bar longs spyod par 'dod pa'i skad cig gis med pa las 'das par gyur par 'phags pa dngos po dang /dngos po med pa'i brten pa dang bral ba rnams ni sgrib pa thams cad dang bral bas/ mchog tu zab pa'i tshul du bstan pa'i gnyis su med pa'i ye shes rtogs par 'gyur ro//de yang 'phags pa klu sgrub kyi zhal snga nas kyis rigs pa drug cu pa las/ gang blo yod dang med pa las/ /rnam par 'das shing mi gnas pa/ /de dag zab mo dmigs med pa/ /rkyen gyi don la rnam par bsgom/ /zhes bshad pa yin no/ /dris pa/ de ltar theg pa chen por ye shes ni ma skyes pa'i mtshan nyid can zab pa dang /dmigs su med pa zhes bshad pas bstan du zin kyang / 'on kyang de ci yang ma yin te/ mtshan nyid med pa'i phyir dang / ngo bo nyid med pa'i phyir dang dngos po yod pa dang bral ba'i phyir de mtshan nyid ji lta bu yin pa kho bo cag gis mi shes so//de brjod par bya ste/ theg pa chen po'i tshul la ye shes brjod du med pa de ni 'di yin no zhes bstan pa dang bral ba/ mtshan nyid dang mtshan gzhi spangs pa/ de bzhin nyid du ro gcig pa'i bdag nyid can/ gcig dang du ma dang bral ba/ dngos po dang dngos po med pa rnam par spangs pa/zab pa dmigs su med pa/ nyan thos rnams kyi spyod yul ma yin pa/ yod pa dang med pa'i rnam par rtog pa las nges par grol ba/ rtog pa las 'das pa'i spyod yul can/ spros pa thams cad dang bral ba/ skye ba dang 'jig pa spangs pa/ brjod du med pa/ chad pa med pa/rtag pa med pa/ chos kyi dbyings kyi rang bzhin du thams cad du yang dag par gnas pa de ni rang gi rig pa phra ba'i phyir/ sangs rgyas shin tu phra bar gzigs pa rnams kyi spyod yul du gyur pa yin no/ /de yang snang ba'i phreng ba las/ de ni rang rig phra bas na/ /sangs rgyas phra bar gzigs pa yin//bdag cag lta bur rang gnas nas/ /blo gros rtsing bas mi mthong ngo / /zhes bshad pa dang / de bzhin du/ chos kyi dbyings ni ma skyes shing / /nam yang 'gag par mi 'gyur la/ /dus kun du ni nyon mongs med/ /thog mtha' dbus dang bral ba yin/ /zhes bshad pa dang /'di dag nyid 'phags pa klu sgrub kyis don dam par bstod pa las/ nye bar ma yin ring bar min/ /nam mkhar ma yin sar yang min/ /'khor dang mya ngan 'das par min/ /gnas med khyod la phyag 'tshal lo/ /zhes bshad pas gsal bar mdzad pa dang / yang 'phags pa klu sgrub kyi zhal snga nas kyis bsam gyis mi khyab pa'i bstod pa las/ gang zhig gcig min du ma min/ /gnyis min gnyi ga min pa'ang min/ /gnas med gsal ba med pa dang / /bsam du med cing bstan du med/ /gang zhig skye med 'jig pa med/ /chad pa med cing rtag pa med//des na mkha' ltar so sor snang / /yi ges shes pa'i spyod yul min/ /de ni rten cing 'brel par 'byung / /de ni stong pa yin byed bzhad/ /dam pa'i chos kyang de 'dra ste/ /de bzhin gshegs pa'ang de dang mtshungs/ /de ni de nyid don dam pa/ /de bzhin nyid kyi dngos por 'dod//ces bshad pa dang / yang de bzhin du/ gang gis rten cing 'brel par 'byung / /'gag pa med pa skye med pa/ /rtag pa med pa chad med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ /rdzogs pa'i sangs rgyas smra rnams kyi//dam pa de la phyag 'tshal lo/ /gang zhig sangs rgyas spros las 'das/ /'jig rten spros pa med pa dag /rmongs de spros pas bcom pas na/ /de bzhin gshegs pa mi mthong ngo / /de bzhin gshegs pa'i rang bzhin gang / /'gro ba 'di yi rang bzhin de//de bzhin gshegs pa rang bzhin med/ /'gro ba 'di yang rang bzhin med/ /ces bshad pa dang / de bzhin du 'phags pa shes rab kyi pha rol tu phyin pa las kyang / gang gis nga la gzugs su mthong / /gang gis nga la sgrar shes pa/ /log pas spong bar zhugs pa ste//skye bo de yis nga mi mthong / /sangs rgyas rnams ni chos kyi sku/ /'dren pa rnams ni chos nyid blta/ /chos nyid shes par bya min pas/ /de ni rnam par shes mi nus/ /zhes gsungs pa dang / de bzhin du bcom ldan 'das kyis 'phags pa shes rab kyi pha rol tu phyin pa la sogs pa'i mdo sde mtha' yas pa las/chos thams cad ngo bo nyid kyis stong pa dang / skye ba med pa dang / 'gag pa med pa ste/ chos gang la'ang gnas pa'am skye ba'am/ 'gag pa yod pa ma yin te/ chos thams cad ni gdod ma nyid nas skyes pa'i phyir rang bzhin gyis yongs su dag pa'o zhes/bcom ldan 'das de bzhin gshegs pas gsungs te/ de kho na nyid ji lta ba bzhin du gsung bar mdzad pas na de bzhin gshegs pa zhes bya'o/ /de kho na nyid ma mthong ba'i byis pa'i skye bo blo phyin ci log pa'i bsam pa'i dregs pa spangs pa theg pa chen po'i tshul du rnam grangs kyi mtshan nyid mang pos ye shes bshad pa dang /bcom ldan 'das kyi gsung bla na med pa'i ye shes rtog par spro ba med pa/ shin tu yun ring ba'i dus gzhan dag tu bla na med pa'i byang chub mngon par rdzogs par 'tshang rgya bar 'gyur ro zhes bya ba skrag par 'gyur bas de'i dbang du mdzad nas/bcom ldan 'das kyis de dag gsungs pa yin no/ /de yang slob dpon pad+ma'i zhal snga nas kyis/ sgyu ma shes pa las byung ba/ /sgyu ma nyid las ldog byed yin/ /sgyu ma lta bu'i 'jig rten na//sgyu ma'i thabs ni rab tu bstan/ /ces bshad pa dang / yang 'di dag gsal bar bya ba'i phyir/ 'phags pa klu sgrub kyi zhal snga nas kyis/ dmigs su med par bstod pa las/ bsam byed bsam gtan bsam bya dag /spangs pa bden pa mthong ba yin//'di kun rtog pa tsam nyid du/ /gang gis rtogs pa de grol 'gyur/ /zhes gsungs pa dang / mkha' dang mtshungs par mnyam 'gyur dang / /rnam par mi rtog ngo bo nyid/ /chos rnams rang bzhin dag pa las/ /rol mo 'di dag rnam par bsgom/ /zhes gsungs pa dang /yang 'di nyid gsal bar bya ba'i phyir/ ji ltar rmi lam sgyu ma dang / /dri za'i grong khyer mthong ba bzhin/ /rnal 'byor spyod pa mkhas pa yi/ /sna tshogs 'di dag de bzhin mthong / /kun rdzob tu ni thams cad skye/ /des na rtag pa yod ma yin/ /thams cad yang dag par mi 'gyur//des na chad pa yod ma yin/ /zhes bshad pa yin no/ /de bas na ji skad du bshad pa'i rnam pas bstan pa'i gnyis su med pa'i ye shes nyid ma skyes pa'i mtshan nyid can gyi de kho na nyid yin par bshad pa legs par smras pa yin no/ /de ltar ji skad du bshad pa'i mtshan nyid can gyi gnyis su med pa'i ye shes yun ring du bsgoms shing goms par byas pas so so rang gi rig pas mngon sum du ma byas par thos pa tsam gyi tshig la brten nas bya ba byas zin pa nyid sems pa de'i dbang du mdzad nas/'phags pa klu sgrub kyi zhal snga nas kyis/rigs pa drug cu pa las/ rnam par dben don mi shes par/ /thos pa tsam du 'jug byed cing / /gang yang bsod nams mi shes pa/ /skyes bu tha shal de dag brlag /ces bshad pa dang / de bzhin du slob dpon kam+wa la'i zhal snga nas kyis snang ba'i phreng ba las/ rtag tu brtson 'grus ldan pa yis//'di ltar lam gyi rjes 'jug can/ /ring po mi thogs chos kun ni/ /stong pa nyid du rtogs par 'gyur/ /chos kyi chos nyid thob pa'i phyir/ /yongs su ma bsgoms pas mi 'gyur/ /chu ma 'thungs par thos pa'am/ /mthong bas skom pa sel 'gyur ram//zhes bshad pa yin no/ /chos nyid kyi rang bzhin ci zhig yin zhes rtog na/ de brjod par bya ste/ chos thams cad kyi ngo bo nyid gang yin pa don dam pa'i tshul ji lta ba bzhin du gnas pa gnyis su med pa dang / de bzhin nyid ces bya ba la sogs pa'i rnam grangs kyi mtshan nyid dang ldan pa'i chos thams cad stong pa nyid yin no//'di yang bla ma'i man ngag dang snying rje sngon du 'gro ba'i bsgom pa goms par byas pa'i stobs kyis so so rang gi rig pa'i shes pa nyid kyis rab kyi mthar thug pas srid pa las nges par grol ba dang / bla na med pa'i ye shes thob par 'gyur ro/ /de yang grub pa'i slob dpon klu sgrub kyi zhal snga nas kyis chos nyid kyi mtshan nyid bstan pa ni/'di la bsal bya gang yang med/ /gzhag par bya ba ci yang med/ /yang dag nyid la yang dag lta/ /yang dag mthong na rnam par grol/ /zhes bshad pa dang / yang / mya ngan 'das mtha' gang yin pa//de ni 'khor ba'i mtha' yin te/ /de dag bye brag cung zad du/ /shin tu phra ba'ang yod ma yin/ /zhes pa yin no/ /dris pa/ theg pa chen por ma skyes pa la sogs pa'i rnam grangs kyis bstan pa'i gnyis su med pa'i ye shes gzung bar bya ba dang / 'dzin pa po dang bral ba/stong pa nyid kyi ngo bo nyid mchog tu blang bar bya ba'i de kho na nyid du bshad pa gang yin pa de ni phal cher stong pa nyid kyi ngo bo nyid yin pa'i phyir med pa nyid kyis na ming tsam du zad pas ri bong gi rwa dang 'dra ste/ de ni shin tu chad par lta ba yin pas log pa'i shes pa nyid yin par shes so zhe na/ 'dir brjod par bya ste/ 'di ltar sngar chos thams cad gdod ma nas ma skyes par bshad pas/ rtag pa dang chad pa'i mtha' gnyis kyi glags yod pa ma yin gyi ma rig pas phyin ci log tu gyur pa'i byis pa log pa'i shes pa'i ling tog gis blo'i mig khebs pa/ dngos po dang dngos po med pa dag la yod pa nyid du mngon par zhen pa'i shing gi mes rgyud bsregs pa/log pa'i gdon gyis sems kyi rgyud dkrugs pa/ blo shin tu rags pa'i nyon mongs pa de rnams kyis theg pa chen por chos kyi dbyings la sogs pa'i tshig gi rnam grangs kyis bstan pa ma skyes pa'i mtshan nyid can skye ba dang 'jig pa dang bral ba/mchog tu blang bar bya ba'i don dam pa'i de kho na nyid thabs las byung ba'i bdag nyid can gnyis su med pa'i ye shes sangs rgyas kyi spyod yul du gyur pa/ de la 'jug pa'i go skabs rnyed par ga la 'gyur/ des na de rnams nges par chad par lta ba dang log pa'i shes pa yin no snyam du sems so//gang yang blo gros phyin ci ma log pa yang dag pa'i ye shes so so rang gi rig pas rtogs par gyur pa dang / de bzhin du blo yod pa dang / med pa'i ye shes la brten pa nyid kyis bdag nyid che ba gang yin pa de ni bdag nyid chen po ste/ 'phags pa nyid la bya la de rnams la ni rang gi phyogs dang gzhan gyi phyogs yod pa ma yin no zhes bya ba ni bsdus pa'i don yin no/ /gzhan dag ni ma rig pa'i dbang gis nga dang bdag ces bya ba la sogs pa bdag tu lta ba yod pas dngos po la mngon par zhen pa 'byung bar 'gyur la/ dngos po la mngon par zhen pa'i rtsa ba las 'dod chags la sogs pa skye bar 'gyur te/ yang de nyid las/ dngos por khas len yod na ni/ /'dod chags zhe sdang mi bzad 'byung / /lta ba ma rungs yongs su 'dzin/ /de las byung ba'i rtsod par 'gyur/ /zhes bshad pa yin no/ / 'di'i bsdus pa'i don ni 'di yin te/ dngos por khas blang zhing dngos po yod par 'dod pa la ni 'dod chags la sogs pa'i nyes pa rnams rab tu skye bar 'gyur ro/ /don 'di nyid yang dang yang du gsal bar bya ba'i phyir de nyid las/ gnas yod na ni 'dod chags dang / /'dod chags bral ba dmigs 'gyur na//gnas med bdag nyid chen po rnams/ /chags pa med cing chags bral min/ /zhes bshad do/ /de'i don ni 'di yin te/ dngos po med pa'i ye shes la brten pa gang yin pa de ni bdag nyid chen po gnas pa med pa yin la/ de ni dngos po la brten pas gang la yang chags pa'am chags pa dang bral bar mi 'gyur ro//dris pa/ gal te dngos po la dmigs pa de kho na nyid ma yin na/ ci dngos po med pa la dmigs pa de kho na nyid yin nam zhe na/ 'dir brjod par bya ste/ 'di dag ni sgyu ma dang rmi lam la sogs pa'i dpe sngar bstan zin mod kyi 'on kyang cung zad tsam zhig brjod par bya ste/gang gi tshe ma rig pa'i dbang gis thog ma med pa'i rang bzhin gyis 'khor bar dngos po med par gcig la gcig ltos nas gnas pa yin la/ de nas gnyis ka yang med pa yin no/ /de yang slob dpon klu sgrub kyi zhal snga nas kyis rigs pa drug cu pa las/yod pas rnam par mi grol te/ /yod pas srid pa 'di las min/ /yod dang med pa yongs shes pas/ /bdag nyid chen po rnam par grol/ /zhes bshad pa yin te/ byis pa'i skye bo'i spyod yul las 'das pa'i dmigs su med pa'i ye shes la brten nas/bdag nyid chen po ni 'phags pa ste/ de rnams gang dngos po dang dngos po med pa dag don dam pa'i bden par dmigs su med pas dngos po med pa nyid du so so rang gi rig pa nyid kyis yongs su mkhyen pa yin la/ mkhyen pa nyid kyis rnam par grol ba brnyes pa yin no//rigs pa 'di nyid kyis dngos po dang dngos po med par nye bar dmigs pa ni de kho na nyid yin no zhes bya ba'i don to/ /de yang / mya ngan 'das pa dngos med pa/ /min na de dngos gang la yin/ /dngos dang dngos po med zin pa/ /zad pa mya ngan 'das zhes bya//zhes bshad pa dang / yang / blo chung gang gis yod pa dang / /med pa nyid du mthong gyur pa/ /des ni spros pa nyer zhi ba'i/ /zhi ba'i dngos po mthong mi 'gyur/ /zhes bshad pa dang / /gang tshe dngos dang dngos med pa/ /blo yi mdun na mi gnas la/ /de tshe bgrod pa gzhan med pas//dmigs med rab tu zhi bar 'gyur/ /zhes bshad pa yin no/ /de bzhin du bcom ldan 'das kyis lang kar gshegs pa'i mdo las/ ji ltar me long dag las gzugs/ /gcig dang du ma rnam spangs par/ /snang yang der ni yod ma yin/ /de bzhin dngos po'i dngos nyid dang //zhes gsungs pa dang / yang 'di dag nyid bcom ldan 'das kyis gsal bar mdzad pa'i phyir/ blo yis rnam par brtags pa na/ /ngo bo nyid ni dmigs su med/ /de bas de ni brjod med pa/ /dngos po med par bstan pa yin/ /zhes gsungs pa dang /yang 'di nyid gsal bar bya ba'i phyir/ slob dpon kam+pa la'i zhal snga nas kyis snang ba'i phreng ba las/ gal te dngos po dngos gyur na/ /slar ni dngos med ji ltar 'gyur/ /de nyid brtan pa'i tshul can pas/ /gzhan du 'gyur bar mi 'thad do/ /ming dang rigs stsogs yon tan gyis//gang gis chos rnams brdzun par mthong / /de ni phyin ci log pa yin/ /mkha' la ri mo 'dri dang mtshungs/ /de bas dngos po sna tshogs pa/ /ngo bo nyid kyi rang bzhin med/ /gang gis chos rnams gzhan du shes/ /de ni don dam dang bral 'gyur/ / zhes bshad pa dang / de bzhin du slob dpon klu sgrub kyi zhal snga nas kyis bsam gyis mi khyab par bstod pa las/ gang zhig dngos po nyer dmigs pa/ /de ni gal te de nyid 'gyur/ /byis pa de nyid rig 'gyur bas/ /de tshe de nyid shes ci dgos/ /zhes bshad pa yin no/ / 'dir la la dag 'di skad du gal te dbang po thams cad kyi nye bar dmigs pa'i don rnam par shes pa yongs su gyur pa nyid du mi 'dod na dngos po sna tshogs par snang ba la 'jug pa 'di ga la 'byung zhes rgol bar byed na/ 'dir brjod par bya ste/ de ni ma rig pa'i dbang gis yang dag pa ma yin pa'i yongs su rtog pa tsam du snang ngo //de yang snang ba'i phreng ba las/ bdag nyid sems kyis yongs rtogs phyir dang ni/ /bkod pa'i dri med phyi rol song gyur pa/ /skye ba du mar yongs bsgos nyer 'bar ba/ /'gro ba gsum po cung zad kyi rjes su 'brangs nas bstan pa yin no//dris pa/ ji skad du bshad pa'i mtshan nyid kyis na brjod du med pa de ni 'di yin no zhes bstan du med pa sangs rgyas bcom ldan 'das kyi rang rig pa'i ye shes dang / de bzhin du sgrib pa thams cad dang nges par bral ba'i 'phags pa rnams kyi spyod yul de la thog ma med pa nas zhugs pa'i ma rig pa'i dri mas yid dri ma can du gyur pa/bdag dang bdag gir mngon par zhen pa'i dug gis brgyal ba/ srid pa'i 'dam du bying ba'i so so'i skye bo rnams ji ltar 'jug par 'gyur/ de rtogs par 'gyur ba bstan pa la ga las 'jug par 'gyur ba'i thabs kyi rgyu ni gang zhig yin zhe na/'dir brjod par bya ste/ srid pa'i rgya mtsho 'dir sngon thog ma med pa'i sangs rgyas bcom ldan 'das rnams kyis las dang po pa'i gnas skabs su thugs dang po bskyed pa nas thugs rjes non pa'i shugs kyis 'gro ba ma lus pa gdon par bya zhing /sangs rgyas nyid thob par bya ba'i phyir smon lam gyi rgyal po mngon du mdzad pa yin la/ smon lam gyi shugs de'i dbang gis sku gsum bdag nyid lhun gyis grub pa'i tshul gyis de rnams sangs rgyas kyi mdzad pa la 'jug pa yin no//sangs rgyas kyi mdzad pa de gang zhig yin zhe na/ brjod par bya ste/ sngon bla na med pa'i sangs rgyas kyi zhing du byang chub thob par byed pa'i dge ba'i las sna tshogs pa'i sa bon btab pa la goms par byas pa gang yin pa dang / zhing dam pa la bskrun pa'i dbang gis 'khor bar sangs rgyas kyis 'dul ba'i sems can rnams 'byung bar 'gyur ro//de yang bcom ldan 'das kyis sangs rgyas la bskrun pa'i dge ba'i rtsa ba ni 'khor bar yongs su zad par mi 'gyur zhing yongs su gtugs par mi 'gyur gyis/ mi zad pa'i mya ngan las 'das pa thob par 'gyur ro zhes gsungs pa dang /de bzhin du dper na/ chu yi thigs pa rgya mtsho cher ltung ba/ /bskal pa mi 'jig bar du de mi zad/ /de bzhin byang chub yongs bsngo dge ba ni/ /thar pa ma thob bar du zad mi 'gyur/ /zhes gsungs pa dang / /yang de bzhin du/ dri zhim yal zhing rnying la shun phrags dengs 'gyur me tog gcig cig ni//snang ba la brten dang pa rnam pas rgyal gyur la phul bas/ /bsod nams des ni ngan 'gro'i 'jigs pa las grol mtho ris sa steng gi /bde ba dpag med dus spyad blo bzang bde bas thar pa thob par 'gyur/ / zhes gsungs pa dang / de bzhin du/ bum pas rgya mtsho tshad gzhal dang / /srang gis ri rab gom pas sa/ /tshad gzhal bar ni nus srid kyi/ /rgyal la phul tshad gzung mi nus/ /zhes bshad pa yin no/ /de bas na 'di dam pa'i bdag nyid che ba las sangs rgyas kyis 'dul ba'i sems can rnams 'byung bar 'gyur ro//sangs rgyas kyis mngon sum du 'dul ba'i skye bo de la thugs rjes rjes su bzung nas/ /sangs rgyas bcom ldan 'das kyis skye bo de nyid srid pa'i rgya mtsho las bsgral bar bya ba'i phyir 'khor bar 'jug par mdzad nas/ mos pa sna tshogs dang ldan pa'i sems can de rnams la sna tshogs par ston par mdzad pa dang gzigs par mdzad pas sangs rgyas kyis mngon sum du 'dul bar 'gyur ba de thams cad bsgral nas lhag ma lkog tu gdul bar bya ba ma 'ongs pa na sangs rgyas kyi chos bstan pas 'dul zhing /sangs rgyas kyi chos rab tu bstan pa dang /ye shes nye bar bstan pas dbang po rab dang 'bring dang tha ma'i dbye bas myur ba dang / yun ring po dang / shin tu ring pos 'tshang rgya bar byed pa'i theg pa gsum las nye bar ston pa thob par mdzad pa dang / de bzhin du sna tshogs pa'i bsam pa dang mos pa tha dad pa de rnams srid pa'i rgya mtsho las bsgral bar bya ba'i phyir/sangs rgyas bcom ldan 'das thugs rje chen po'i shugs kyi dbang gis slob ma dam pa rnams la bsam pa sna tshogs pa'i dbang du mdzad de thabs sna tshogs bstan nas/ de'i 'og tu sangs rgyas bcom ldan 'das kyis nyid kyi mdzad pa rdzogs par gyur pa dang /'khor ba las yongs su mya ngan las 'das par 'gyur ro/ /bcom ldan 'das yongs su mya ngan las 'das nas/ de'i 'og tu slob ma dam pa 'phags pa nyan thos dang rang sangs rgyas dang byang chub sems dpa' de rnams rang rang gi theg pa de la lhag par mos shing de bstan pas 'dul ba rnams kyis sangs rgyas nyid thob par bya ba'i phyir/sangs rgyas bcom ldan 'das kyis bstan pa'i thabs rang rang gi rgyud dang rjes su mthun par nye bar ston par byed do/ /de ltar bla ma gcig nas gcig tu brgyud pa'i rim gyis ye shes bstan pa de rtogs pa la 'jug pa rnams thos pa dang bsam pa dang bsgom pa'i rim gyis goms pa'i stobs kyis ye shes la 'jug par 'gyur ro//de'i thabs goms pa la sogs pa la goms par byas pa la 'jug ste/ de la theg pa chen po'i rnal 'byor pa la la dge ba'i rtsa ba la 'bad pa dang ldan zhing /dbang po rno ba dang brtson 'grus 'bar bas nyin dang mtshan du bsgom pa la goms par byas pa'i stobs kyis tshe 'di nyid la log pa'i shes pa spangs pa dang / yang dag pa'i ye shes thob par 'gyur ba yin no/ /de bzhin du dge ba'i rtsa ba la shin tu 'bad pa de goms par byed pa la cung zad 'jug pa dang spro ba chung ba de rnams ni skye ba gzhan du 'thob par 'gyur ro//de ltar gzhan gyi rgol ba'i dogs pa bsal nas/ sangs rgyas kyi ye shes la ji ltar 'jug par 'gyur ba de ltar bstan pa yin no/ /dris pa/ bcom ldan 'das yongs su mya ngan las 'das nas de'i 'og tu bla ma gcig nas gcig tu brgyud pa'i rim gyis bla na med pa'i ye shes bstan pa de la theg pa chen po'i rnal 'byor pas tshe 'di nyid la log par shes pa spangs nas yang dag pa'i ye shes 'thob par 'gyur ro zhes bya ba ni mi rigs te/gang gi phyir gang thog ma med pa'i tshul can gyi ma rig pa'i rgyud dang ldan pa'i log pa'i rang bzhin las dang nyon mongs pa'i bdag nyid can skye ba la sogs pa'i sdug bsngal mtha' yas pa skad cig ma gcig nas gcig tu brgyud pa'i bdag nyid can 'khor ba'i rgya mtsho zhes bya ba ni shin tu rgal bar dka' ba yin te/de ni nyan thos la sogs pa'i thub pa dpag tu med pa rnams kyis skye ba grangs med par dka' ba spyod pa dang / de bzhin du 'phags pa'i bden pa bsgom pas dge ba'i las sna tshogs pa la sogs pa la goms par byas pa'i dga' bas dus shin tu yun ring po zhig na spong bar byed do zhes de ltar nyan thos kyi theg pa las bshad de/de bas na tshe 'di nyid la theg pa chen po'i rnal 'byor pas log pa'i shes pa spangs te/ yang dag pa'i shes pa 'thob par ji ltar 'gyur/ 'dir brjod par bya ste/ theg pa chen po'i rnal 'byor pas tshe rabs snga ma dag tu phyin ci ma log pa'i thabs la bslabs pa dang /theg pa mchog la gnas pa'i rang bzhin gyi che ba'i bdag nyid che ba nyid dang / dge ba'i rtsa ba la mi g.yel bar 'bod pa nyid dang / yang dag pa'i ye shes kyi thabs kyi man ngag dang / de bzhin du brtson 'grus kyi shugs drag po bsgom pa la goms pa'i phyir/tshe 'di nyid la ye shes thob par 'gyur ba yin no/ /de yang 'di skad thos te/ 'phags pa klu sgrub kyi zhal snga nas la sogs pa tshe 'di nyid la phyin ci ma log pa'i thabs kyis man ngag bsgoms pa goms par mdzad pas rab tu dga' ba la sogs pa'i sa la bzhugs shing sbyin pa la sogs pa'i sa la sogs pa'i pha rol tu phyin pa yongs su rdzogs pa dang /ye shes dang skye ba'i chos la bzod pa thob pa'i ye shes brnyes pa yin no/ /de ltar de rnams tshe 'di nyid la las dang nyon mongs pa dang / shes bya'i sgrib pa'i mtshan nyid can log pa'i shes pa spangs nas yang dag pa'i ye shes thob po zhes thos la/ de bzhin du gzhan dag las 'byung bar 'gyur te/ gang gi phyir rgya che ba'i chos nyid kyi bdag nyid che ba 'di ni rang bzhin gyis yod pa yin no/ /de ltar yang sdong po bkod pa'i mdo las//dper na me yis shing gi ri/ /skad cig gis ni thal bar byed/ /ye shes me yis rnal 'byor pa'i/ /las kun skad cig dag gis bsreg /las kyi bag chags ldan pa yi/ /kun rdzob dus ni ring po can/ /rnal 'byor ye shes bag chags kyis/ /thams cad skad cig gis 'jig byed//dper na mun pa rab gtugs pa/ /mar mes skad cig ngag gis 'joms/ /thub pas ye shes sgron ma yis/ /mi shes 'di ni sel bar mdzad/ /ces gsungs pa yin no/ /de ltar na gnyis su med pa'i ye shes ni thar pa 'dod pa rnams kyi mchog tu blang bar bya ba'i de kho na nyid ji ltar yin/de ltar lung dang rigs pa dag gis bstan pa yin no/ /'dir byis pa rnams kyi blo'i rnam par 'phrul pa'i 'bras bu yang dag pa ma yin pa'i rnam par rtog pa des chog go/ /da ni theg pa chen po la lhag par mos pa'i dad pa can gyi rigs kyi bus gsol ba btab pa dag la spro ba bskyed cing thar pa ma lus pa 'dod pa la sngar bshad pa'i mtshan nyid can gyis ye shes rtogs par bya ba'i phyir thabs nye bar bstan pas na/bdag dang gzhan gyi don rab tu grub par bya ba'i phyir shes rab kyi tshul rjes su dran nas de bstan pa'i man ngag bsgom pa'i rim pa'i cho ga 'dir cung zad cig bshad par bya'o//theg pa chen por ji skad du bshad pa'i ye shes mngon par rtogs pa dang / gus pa dang ldan pas de'i tshul las bshad pa'i cho ga'i rim par sngon du 'gro bas bla ma la gsol ba btab ste/de'i drin gyis thob pa'i lung gis bla na med pa'i ye shes kyi man ngag gi rnal 'byor bsgom pa brtsam par bya'o/ /de la dang po re zhig /bstan bcos rgya chen po ni thos nas su/ /don dam de bzhin nyid ni nges byas la/ /dad ldan de ni 'jam pa'i stan gnas te/ /blo dang ldan pas rnal 'byor rtsom par byed//gzung dang 'dzin dang gnyi ga gnyis min dang / /bdag dang gzhan dang mya ngan 'das pa dang / /'khor ba zhes bya'i rnam rtog mang po ni/ /rab tu spangs la yid ni mnyam par gzhag/sgyu ma dri za'i grong khyer lta bur ni/ /shes bya ma lus rnam par bltas nas su//de bzhin nyid kyi ye shes rdo rje yis/ /lus kyi 'khrul 'khor rab tu gzhig par bya/ /rnam pa thams cad du ni rab mdzes la/ /thog dang tha ma'i cha bral rnam mi rig /dri ma med pa'i 'od zer stong gis ni/ /mun pa nges bsal mkha' dang mtshungs pa yi//rang gi rnam pa tsam gyi ngo bo ru/ /gzod nas skye ba med pa'i rang sems mthong / /gang gis kyang ni de mthong gyur pa dag /de yang de bzhin du ni blta bar bya/ /dmigs pa med pa dang bcas pa'i sems nyid ni/ /de bzhin nyid dang yang dag mtha' ru bshad//de ltar rim gyis bslabs par gyur pa las/ /ming du shes pa 'gog pa 'thob par 'gyur/ /de la yang dag reg par sbyor ba las/ /'bad pa med par mngon shes lnga ldan 'gyur/ /de dang mngon par ldan pa'i rnal 'byor pa/ /'gro ba'i don ni dpag tu med pa byed//'di ni yongs su rdzogs pa'i rnal 'byor pa/ /shin tu yun rings dus su gnas par 'gyur/ /lus ni rdo rje lta bur mi shigs shing / /nyon mongs bdud la sogs pas g.yo mi 'gyur/ /shes rab pha rol phyin pa zhes bya ba'i/ /rnal 'byor 'di dang rtag tu rab ldan pas/ / nam mkha' mdzod la sogs pa'i ting nge 'dzin/ /mang po rnams ni yang dag rdzogs par 'gyur/ /'di zab mo'i don gang ci yang rung ba rtogs dka' ba de ni bla ma'i zhal nas cho ga ji lta ba bzhin du bshad pa gzung bar bya'o/ /rigs kyi bu'am rigs kyi bu mo dad pa dang ldan pa gang la la pha rol tu phyin pa'i tshul gyis spyad pa spyod pa ji skad du bshad pa'i rim pa'i cho gas sems can thams cad gdon par bya ba'i phyir sems bskyed nas/bla na med pa'i ye shes kyi man ngag gi rnal 'byor brtsams nas brtson 'grus dang ldan pas bslabs pa'i stobs dang ldan pa de ni ring po mi thogs par tshe 'di nyid la ji skad du bshad pa'i ye shes thob par 'gyur ro//gang yang ji skad du bshad pa'i cho ga med par glegs bam tsam la brten pa tsam gyis 'jug pa de dag ji skad du bshad pa'i dngos grub la rgyab kyis phyogs par 'gyur zhing sdug bsngal dang yid mi bde ba sna tshogs pa dag 'byung bar 'gyur ro zhes zab mo'i tshul la de bzhin gshegs pas gsungs so//dris pa/ bcom ldan 'das thugs rje chen po'i shugs kyi dbang gis theg pa chen po la lhag par mos shing thar pa 'dod pa rnams kyi mchog tu blang bar bya ba nyid du dbang po dman pa dang /bar ma dang / chen po'i dbye bas theg pa chen po'i tshul khrims dbye ba rnam pa gsum du gsungs la/ dbye ba gsum po de dag nyid bcom ldan 'das 'dul ba'i bsam pa mang po'i dbang gis dbye ba mang po'i mtshan nyid la 'jug par mdzad pa yin la/de rnams kyang thabs kyi dbye bas phye ba yin gyi thabs las byung ba las ni khyad par med do zhes bshad do/ /de rnams las gong nas gong du khyad par du 'phags pa'i mtshan nyid can thabs kyis rab mchog gi khyad par ni sngags kyi theg pa yin par gsungs la/de bas na sngags kyi theg pa'i khyad par gang yin pa de brjod par bya ste/ tshul gsum gyi sgron ma las/ /don gcig na yang ma rmongs dang / /thabs mang dka' ba med pa dang / /dbang po rnon po'i dbang mdzad pas/ /sngags kyi theg pa khyad par 'phags/ /zhes bshad pa dang / de bzhin du dpal mchog dang po zhes bya ba'i sngags kyi tshul las/ /bdag nyid sangs rgyas thams cad de/ /byang chub sems dpa' kun kyang yin/ /de bas rang lha'i sbyor ba yis/ /bdag nyid nye bar bsgrub par bya/ /zhes gsungs pa dang / yang de bzhin du/ ldang ngam yang na 'dug pa'am//'chag pa'am ji ltar gnas pa'am/ /dgod dam rab tu smra ba'am/ /gang dang gang du ji ltar gnas/ /dkyil 'khor dag tu ma zhugs pa'am/ /sgrib pa kun dang ldan yang rung / /rang lha'i sbyor ba'i bdag nyid can/ /bsod nams chung yang 'grub par 'gyur/ /zhes gsungs pa dang /yang de bzhin du/ mtshams med lnga la sogs pa yi/ /sdig pa chen po byed pa yang / /theg pa bla na med pa yi/ /theg mchog 'di la 'grub par 'gyur/ /zhes gsungs pa dang / yang de'i khyad par gsungs pa ni/ bde bas byang chub thob 'gyur gyi/ /lus kyi gdung ba byang chub min//gang phyir ting 'dzin las byung ba'i/ /sems bde ba las 'tshang rgyar 'gyur/ /zhes bya ba la sogs pa rgya cher gsungs pa yin no/ /de ltar ji skad du gsungs pa'i mtshan nyid can gyi sngags kyi theg pa chen po ni dka' ba med pa'i spyod pas skad cig ma gcig la mngon par byang chub pa thob par byed pa yin zhing /gong nas gong du phyin ci ma log pa'i thabs kyis khyad par du bcom ldan 'das thugs rje chen po'i dbang gis gang gsungs pa de/ de kho na nyid kyi snying po bsdus pa 'dir bstan tam zhes 'dir brjod par bya ste/ 'di na da ltar srid pa'i lam du da ltar skyes pa dang /skye bar 'gyur ba'i sems can mthong ba dang / /thos pa rnams ni sngags kyi spyod pa'i snod ji lta ba ma yin no/ /de yang re zhig da ltar byung ba rnams ni ma rig pa'i dbang gis bdag dang bdag gir 'dzin pa la sogs pa lta ba ngan pa'i shing gis sbar ba'i mes rgyud bsregs pa/rang gi rnam par rtog pa'i rlung gis blo rnam par g.yengs pa dman pa'i blo can log par 'dzin pa la mngon par zhen pa sna tshogs pa'i rims kyis btab pa'i sems dang ldan pa'i nyam thag pa nyon mongs pa'i dba' rlabs kyis blo rnam par g.yengs pa de rnams kyis gsang sngags kyi tshul las bstan pa'i phyin ci ma log pa'i thabs kyi khyad par zab mo rnam par phye ba'i mtshan nyid can/shin tu rgya che ba'i 'jig rten las 'das pa'i spyod pa spyad par ga la nus/ de lta bu'i mtshan nyid dang ldan pa'i sems can nyid la dgongs nas sngon bcom ldan 'das thams cad mkhyen cing thams cad gzigs pa nyid kyis ma 'ongs pa'i sems can rnams kyi spyod pa mkhyen nas sngags kyi tshul la dgag pa gsungs pa yin no//de yang bcom ldan 'das kyis gsang sngags kyi theg pa'i tshul las/ /shes rab de ni mi shes shing //ngar 'dzin dri mas spags pa rnams/ /de yi 'jig rten 'das spyod pa/ /dmyal bar 'gro ba kho nar zad/ /ces gsungs pa dang / yang de nyid las/ thabs bzang rnam par spangs nas ni/ /'gal ba'i dam tshig la sogs pa/ /gang zhig gzhan du byed pa dag /de ni ngu 'bod dag tu 'tshed//dper na 'di na rab 'bar mer/ /rtswa dang shing la sogs pa'i tshogs/ /bcug pa thal ba nyid 'gyur gyis/ /slar ni rab tu skye mi 'gyur/ /de bzhin de nyid rnam bral bar/ /shin tu rmad byung las byed pa/ /ji srid nam mkha' gnas bar du/ /shi nas dmyal bar 'gro bar 'gyur//zhes gsungs pa dang / gzhan yang / legs brtags legs par dpyad nas ni/ /mkhas pas rab tu 'jug bya yin/ /gzhan du mer ni 'jug pa yis/ /bcu drug char yang mi phod do/ /zhes gsungs pa dang / yang / de nyid de nyid kyis shes nas/ / lhag par mos par nges brten gang / /des grub 'gyur gyi gzhan du de/ /dmyal ba chen por thong bar 'gyur/ /zhes bya ba la sogs pa rgya cher gsungs pas sems can phal ba rnams la sngags kyi tshul bstan pa dgag par mdzad pa yin no/ /kho bo cag gis kyang bcom ldan 'das kyis dgag par gsungs pa'i bka' 'di nyid kyis/de kho na nyid kyi snying po bsdus pa 'dir gsang sngags kyi tshul la bstan pa'i thabs kyi khyad par ma bstan pa yin no/ /theg chen don ni cung zad cig /btus nas snying por bsdus pa la/ /gang 'dir cung zad mi gsal ba/ /de ni gzhan du legs par brtag /'di ni chos grangs la sogs pas/ /dbu ma'i lung du mang por ni/ /spros pas rnam par phye bas na/ /rnam par rmongs pa bshol ba yin/ /theg chen la dga'i bdag nyid can/ /sems can dang po'i las can rnams/ /yang dag de nyid rtogs pa'i phyir/ / de nyid snying po bdag gis bshad/ /snying rje bdud rtsi'i ros brlan cing / /sems can don la dga' sems kyis/ /dad pas byang chub 'dod pa'i phyir/ /nga yis 'di ni bsdus pa yin/ /'dir gang blo gros dman gyur pa'am/ /ma dpyad par ni gang byas pa/ /cung zad rgol bcas de dag kun//mkhas pas bdag la bzod par mdzod/ /de nyid bdud rtsi dag pa 'dis/ /thugs rjes rgyud ni dag pa yin/ /de bzhin gshegs pa ma gtogs gzhan/ /nyer longs spyod don ma rungs yin/ /de nyid kyis na bshad dka' ba/ /grub mtha'i rjes 'gro'i blo can la/ /blo gros de ni dag bya'i phyir//snying rjes bstan la 'jug pa yin/ /rang zab shin tu rgya che la/ /sbyangs pa ma byas bdag nyid can/ /rmongs pa'i dgra bos bdag gzhan gyi/ /theg pa che la smod par byed/ /la la rmongs pas bsgribs nas ni/ /de nyid la ni 'gegs byed gang / /de la bde 'gro'ang yod min na//thar pa thob par ga la 'gyur/ /theg pa chen po'i tshul gnas pa/ /bram ze klu yi dbang po'i bu/ /chos kyi dbang po dpal ldan gyis/ /de nyid bsdus pa'i snying po byas/ /de bzhin gshegs pa'i de nyid bdud rtsi mtsho nang nas/ /'gro la snying rjes blangs nas yang dag dge ba gang //bstsags pa des ni 'gro ba'i nyes pa kun bsal te/ /lus can thams cad de bzhin nyid gcig la gzhol shog /de kho na nyid kyi snying po bsdus pa/ slob dpon chos kyi dbang pos mdzad pa rdzogs so// //rgya gar gyi mkhan po dza nar dA na dang /