CLOSE WINDOW

D3704
བོད་ཡིག

lag pa gnyis kyi bar du dung gzung / dung la kha gtad la sngags bzla/ bu tsha'i mgo la me tog gtor/ gtsang pa lo tsA ba'i phyag dpe las bris so//[ ]@##/ /rgya gar skad du/ swA ra swa tI sto tra nA ma/bod skad du/ lha mo dbyangs can gyi bstod pa/ ston zla rab rgyas ku mud dung dang chu shel gangs ri ltar dkar ba/ /rab dkar dkar gsal gzi ldan yid 'phrog lha mo dbyangs can la phyag 'tshal/ /bdag blo'i mi shes gti mug rmongs pa'i tshogs ni kun nas 'joms pa dang //smra ngan sun 'byin thogs med kun gzigs spobs pa'i gter mchog rgyas par mdzod/ /sgrib gnyis sprin bral blo gros 'od zer stong ldan rab tu 'char ka yi/ /nyi ma'i zer gyis gdul bya'i pad+mo rab dul kha 'byed rnam rgyas pas//rab tu dri zhim bsil ngad dang ldan pad+mo'i ze'u 'bru'i ngos dag la/ /bdag blos gus pas 'thungs pas blo gros cher rgyas sbrang rtsis 'gro rnams skyong / /gser gyi ri dang kun mkhyen chu gter lta bur kun nas lhun chags pa/ /rtsod pa'i phye ma leb dang /bdud sde dus kyi rlung gis bskyod ma yin/ /bcu drug na tshod lta bu'i bu mo rab mdzes sgeg pa'i nyams dang ldan/ /lha yi rgyan rnams du mas khyod kyi lus dang yan lag mdzes pa yis/ /chu gter 'gram gnas mgrin sngon dga' bskyed rgya mtsho'i lha mo dbyangs can ma//khyod la phyag 'tshal brtse bas bdag blo'i mi shes mun pa myur du sol/ /rab tu snyan pa'i dbyangs ldan dri za'i bu mo rab mdzes yid 'phrog ma/ /lag gi 'du byed rab tu bsgyur bas tshangs pa'i gsung dbyangs rnam 'byung bas/ /sgra dang tshad ma snyan dngags mngon brjod sdeb sbyor legs bshad chos rnams kun//pha rol yid 'phrog 'dzin par nus pa ci phyir bdag la mi stsol lags/ /khyod kyi thugs ni kun du mi g.yo rgya mtsho chen po lta bu ste/ /thugs rje'i rlabs shugs drag tu bskyed pas 'gro ba'i gdung ba rab tu sol//dbang gi rgyal po'i 'byung gnas yid bzhin re skong dbyangs can rgya mtsho yis/ /rmongs pa'i gdung bas gdungs pa'i skye bo rings par skyong ba dang / /gti mug dag gis blo dman skye bo'i re ba myur du skongs/ /bdag blo'i ku mu da ni rab tu kha zums rnam par gnag pa la//bsil zer byed pa rab tu sprin bral dkyil 'khor rnam par rgyas pa yis/ /ku mud kha bye rab rgyas ze'u 'bru yi bsil dngar rnam par spel bar mdzod/ /rab tu dri bral rkyen gyi dri mas ma phog ma 'gags khyod kyi sku/ /kun du tshangs pa'i dbyangs can ca co'i dri bral khyod kyi gsung //shes bya kun la thogs pa med pa'i ye shes dang ldan khyod kyi thugs/ /bstod pa 'di yis bstod la dbyangs can ma yis blo gros mchog rab stsol/ /dbyangs can gyi bstod pa 'di ni/ lho phyogs kyi rgyud du byung ba'i mkhas pa chen po paN+Di ta nag mo'i khol gyis dbyangs can ma zhal gzigs pa'i dus su dgyes te bstod pa rdzogs so// //gang zhig 'di 'don pa la shes rab stsol bar khas blangs so//rgya gar gyi mkhan po paN+Ti ta dz+nyA na shI la dang / lo tsA ba dge slong chos 'bar gyis bsgyur ba'o// //