CLOSE WINDOW

D3699
བོད་ཡིག

/ //sum pa lo tsA ba dar ma yon tan gyis bsgyur ba'o//[ ]@##/ /rgya gar skad du/ shrI badzra swa ra swa tI de wI no pi kaM/ bod skad du/ dpal lha mo rdo rje dbyangs can ma'i sgrub thabs/ rdo rje dbyangs snyan ma la phyag 'tshal lo/ /gangs ri ltar dkar zla rgyas zhal mnga' dri med bsil zhing gsal ba'i 'od zer phreng ba can//sgeg chags 'gying dul 'dzum pa'i mdangs dkar lha yi lha mo kun nas mdzes pa'i gzi ldan ma/ /stong phrag drug cu'i yan lag dbyangs snyan rgyud mangs rol mo ut+pal ral gris phyag mtshan cing //'jig rten gsum skyabs mkha' dang rgya mtsho'i rgyan gyur blo gros lha mo rgyal gyur cig /pha rol rgol ba tshar gcad dang / /mtha' yas spobs pa kun bskyed dang / /sna tshogs phrin las bde bsgrub phyir/ /dbyangs can lha mo bsgrub par bya/ /'phags ma de rtag mgon bzung nas//'gro skyabs don kun myur brtson pas/ /sman ljongs rab dgar brag rir ni/ /rnam g.yeng spangs te tshogs bsag dang / /dus snyigs bar chad kun bsal phyir/ /sngon du sngags pas rdo rje 'dzin/ /mnyes byas de rjes snying rje'i yid/ /rab sbyangs rdo rje lha mo bsgom//sngags bdag nga rgyal la brtan srog /rtsa ba'i yi ge sgron 'dra yi/ /zer spros nas ni rgya mtsho nas/ /dbyangs can 'khor lo mdun du dgug /oM e h+ye hi badzra de wI ma hA tsakra sa ma ya s+t+waM sa ma ya dzaH/ gzhal med srog gi 'od zer gyis/ /'khor lo sku dang thugs 'khor lo//sna tshogs 'od 'bar dri med mdzes/ /mkha' ltar zla rgyas ltar drangs te/ /rab dang kun dgas khrus sogs dbul/ /me tog bdug pa mar me dri/ /zhal zas rol mo rgyan phreng dag /pi wang lhan cig sngags bcas mchod/ /'bru gsum glu gar ldan byas bstod//phyag mchod la sogs rgyud kun gyis/ /mnyes bya gsol bya bstim par bya/ /gnas la gnas dang lus la sku/ /snying dkyil 'khor lo phyag rgyas gdab/ /shel dang baiDUr rA ga dang / /gser bzang las grub gzhal yas khang / /gru bzhi sgo bzhi rta babs mdzes//sna tshogs rgyan rnams kun gyis spras/ /de dbus rdo rje lha mo ni/ /pad zla rdo rje skyil krung mnan/ /brgyad gnyis na tshod yid 'ong ma/ /'jig rten gsum na mtshungs med pa'o/ /de sku ldem sgeg zhal 'dzum phyag /bzhi ldan ral gri ut+pal dang / /rgyud mangs pi wang sbreng mdzad brtson//nyi shar gangs ri ltar dkar blta/ /thugs kar rab dkar shes rab kyi/ /snying po dkar mdzes hrIM yig gi/ /'od tshogs rab 'jam dkar skye bas/ /bum nang sgron ma 'bar ba bzhin/ /sprin med mkha' dkyil zla skar ltar/ /rnam dag 'khor lo 'od mdzad gzi//rim pas dbus nas mthar snang bya/ /nyi zer kha phye pad 'dab tshul/ /rtsa ba'i 'bru 'di snying 'dab kyi/ /dbus bzhugs bzhi gnyis kha phye nas/ /gnyis gnyis nga ro bcu drug rgyas/ /de spros ge sar ze'u 'bru phye/ /'dab bcas yi ge 'od 'bar bas/ /slar yang bdud rtsi'i zil mngar blang //dkar 'jam snum mnyen mkhregs dang srab/ /yid 'ong dri mas ma gos pa'o/ /zil mngar snying gi mun sel la/ /snying 'dab snying pos slar yang de'i/ /zil mngar rgyas byed yang tshur 'od/ /rab spros phyi nang kun dag byed/ /ji srid ma yengs mi skyo bar//bdag gzhan mkha' khyab kun bkang la/ /sdig sdug yid kyi mun pa rnams/ /nyi mas mun bsal ji bzhin no/ /rtsa ba'i yi ge mchog gcig la/ /g.yeng med 'bum phrag bco lnga bzlas/ /dngos dang rmi lam brda gzugs kyi/ /ltas gsum phyi rol mthong bar 'gyur//de 'og pad+ma 'khor lo sgyur/ /dbyangs yig ral gri phyed mtshan par/ /skad cig rnam pas bsgyur zhing bskor/ /gsang sngags 'bum phrag bzlas par bya/ /oM badzra de wI pi tsu pi tsu pra dz+nyA baD+D+ha hrIM hUM/ rang snying mun sel brtan pa dang / /gzhan yid mun sel g.yo ba yis//'bum phrag gsum ni rtse gcig bzlas/ /lkugs pa'ang ngag gi dbang phyug 'gyur/ /nang skye zla rgyas pa wa sangs/ /gsung ba sgron ma 'bar ba mthong / /brda gsum gzugs sgra yid shes te/ mtshon cha'i 'khor lo rtags gzhan yin//de la sbyin sreg sngon song bas/ /brgya rtsa brgyad mchod blo gros spel/ /de yis tshar gcad rjes gzung las/ /lnga phrag gnyis 'grub the tshom med/ /rtsod dang dgra 'dul dug gzhil dang / /'chi bdag bzlog pa dang po ste/ /blo gros sngags rig snyan dngags dang //klog dang sngags 'grub gnyis pa yin/ /yang na thog ma gnyis rtse mos/ /lhag ma bzhi bzhi lha mo gzhan/ /'khor yin lnga gnyis dkyil 'khor mdzes/ /de bzhin gnyis gtso gzhan brgyad 'khor/ /rdo rje lha mo la gnas lce/ /'khor la dbyangs ldan ral gri bskor//pha rol srog dang lce bskum nas/ /gsal byed mgrin bkang rtsod las rgyal/ /mtshan ngan thod pa dgra bo'i gzugs/ /mA ra ya nan la 'bum bzlas/ /gri mtshon gyis gtubs ro ras dkris/ /'dre gnas sar mnan nges par 'chi/ /lhag pa'i lhas brgyan lha mo nyid//khro mo zhal brgya phrag stong can/ /lcags kyu zhags pa ral gri yis/ /bkug cing bsnun na shin tu 'joms/ /dam tshig lha mos ye shes kyi/ /lha drangs bum par bdud rtsi bsgrub/ /smin mtshams pad+mo'i hrIM thig le/ /rgyun 'dzag dug gzhil 'byung bar bya//snying dkyil srog yig rin chen sgron/ /rdo rje 'bar ba'i me 'od gsal/ /a phreng ka phreng spel bskor gzigs/ /gur phub rgyun 'bebs 'chi med 'gyur/ /ji skad sngar bshad lha mo nyid/ /de bzhin lha mo lnga lnga dgu/ /sna gsum bdag gi snying la bsgom//blo gros rab 'phel gdon mi za/ /dpal mo'i mgrin par chu skyes dbus/ /dung dkar g.yas 'khyil sbubs ltar ba/ /nga ro bcu drug gsang bstod sgrogs/ /de myur tshangs dbyangs ngag thob 'gyur/ /gtsang zhing rab gtsang pad snying dbus/ /gzha' ris dpal be'u 'od zer gsal//glog phreng rgyun 'dra rdo rje'i lce/ /rnam bskyod snyan dngags mkhan 'drar 'gyur/ /'dam skyes ri bong rdo rje yis/ /sbyor bas lce rtser tshangs yid bskyed/ /lha mo'i ljags skyes rdo rje ltung / /de blangs ka la ping ga mtshungs/ /rje btsun ljags pad zla steng du/ /dbyangs gsal rdo rje ral gris mtshan/ /bro gar 'gyu bklags ye shes bkug /de rgyun sus 'thungs 'grub par 'gyur/ /thun mtshams gtsang zhing rab dkar zas/ /mngar bsil sna tshogs btung bar byas/ /'bru gsum rang sngags byin brlabs la/ /bdud rtsi'i sbyor bas gtor ma sbyin/ /oM AHbadzr-i shrI de wI sa pa ri wA ra a mr-i te ba liM ta khA hi khA hi/ma ma sarba sid+d+hi hUM phaT swA hA/ 'jam dbyangs lha mo dbyangs snyan ma/ /rab mdzes tshangs dbyangs blo bzangs ma/ /mtshungs med snying dbus mgrin skyong ma/ /'dod dgur bsgyur la phyag 'tshal lo/ /bde ldan ngag gi dbang phyug ma/ /mi 'tshe mi slu tshe 'dzin ma/ /bag yod yid 'ong nor ster ma//tshangs spyod tshangs rigs ma khyod 'dud/ /dpal ldan dbyangs can brtag pa'i de nyid rgya mtsho mkha' dang gter ltar zab cing rgya che sbas pa las/ /rdo rje lha mo ri dbang phung po sangs rgyas khang bzangs lnga phrag gnyis sgrub nyes tshogs dri ma kun bsal 'di/ /zla zer bsil bas ku mud ltar phye de yi lam nas dge 'od rin chen 'bar ba'i sgron mthus gang thob des//ma lus lus can rdo rje lha mo'i dbyangs snyan myur thob tshangs chen nga ros sa gsum rnam par rol bar shog /dpal rdo rje dbyangs snyan ma'i sgrub thabs snyan ngag mkhan chen po slob dpon zla ba gzhon nus mdzad pa rdzogs so/