CLOSE WINDOW

D3692
བོད་ཡིག

bod kyi lo tsA ba dar ma blo gros kyis bsgyur ba'o//[ ]@##/ /rgya gar skad du/ sra ga d+hA ra sA d+ha naM sastu ti/ bod skad du/ me tog phreng 'dzin gyi sgrub pa bstod pa dang bcas pa/ bcom ldan 'das ma sgrol ma la phyag 'tshal lo//mi shes pa rnams 'joms pa'i phyir/ /bcom ldan sgrol ma phreng 'dzin gyi/ /sgrub pa'i thabs kyi rim pa 'di/ /de nyid 'dod pas rgyun du bya/ /yid 'phrog gtsang ma'i gnas su 'dug /dngos sam sngags kyis rnal 'byor bkru/ /mthun rkyen mchod pa'i rdzas rnams ni//dngos sam yid kyis brten par bya/ /shar du kha bltas rnal 'byor pas/ /gzhan phan sems kyis lha mo bsgom/ /mdangs dkar zla gnas bzhengs pa yi/ /dpag med yon tan rgyan gyis spras/ /ston ka'i dbang po lta bur dkar//rang bzhin gsar du shar bas brgyan/ /ut+pal 'dab ltar spyan mdzes shing / /dpral bar sin+d+hu ra yis bskus/ /rna ba mgul rgyan phyag gdub dang / /do shal rked pa rkang pa la/ /g.yer kha sil sil rab tu mdzes/ /dgyes pa'i sku can sgeg par mdzad//nu mar mu tig do shal ldan/ /sham thabs za 'og rgyan gyis brgyan/ /smin mas ut+pal mdangs 'phrog pa/ /rin chen gyis spras cod pan ni/ /'dzam bu'i gser gyi steng na bcings/ /ral par 'od dpag med pas brgyan/ /'di nyid yid 'ong mdzes pa ste//mthong dang brjod dang dran pa yis/ /khams gsum sems can thams cad kyi/ /snying gi sdig pa thams cad 'joms/ /gang zhig bcom ldan 'das ma ru/ /skad cig ma yis rnal 'byor gyis/ /bcom ldan 'das ma'i nga rgyal du//rgyun du bskyed par bya ba'o/ /mchod pa'i cho ga thams cad la/ /sngags kyi byin gyis brlab par bya/ /las kun byed pa'i sngags kyis ni/ /rnal 'byor pas ni bya ba'o/ /rtag tu'am ni thun gsum du/ /'dir ni gtsang ma'i khrus bya'o/ /tshangs par spyod pa gzung bar bya//gos ni thun gyi dus su spo/ /mi dge bcu po 'joms par bya/ /mi dge'i las ni thams cad la/ /yid ni sbyar bar mi bya'o/ /de bzhin sgrub pa po yis ni/ /bcom ldan 'das mar rang nyid ni/ /mngon sum ma byas bar du bsgom/ /de la sngon du byed pa yis//man ngag dam pa bshad par bya/ /srog 'dzin ma rig ling tog ni/ /'joms par byed pa kho na'o/ /'di ltar A li'i sbyor ba yis/ /gnyis med chu yi dkyil 'khor la/ /sgyu ma'i sa bon 'dzag pa yi/ /rgyun dang bcas pa blta bar bya//dag par mi byed de 'og tu/ /dkyil 'khor sprul pa'i rang bzhin la/ /kho na nyid kyi sa bon ni/ /nyi ma phyed pa'i 'od dang mtshungs/ /sgrol ma'i rnam pa thams cad kyis/ /mi shes sreg par mdzad pa ste/ /phyogs bcu po yang sbyong bar mdzad/ /steng gi sa bon 'dzag pa can//bdud rtsi'i rgyun du yid kyis ni/ /yun ring dus su bsgoms pa'o/ /de las skyo bar gyur pa na/ /lce ni chu skyes 'dab ma la/ /bla ma'i man ngag bsam par bya/ /de nas sngags kyi phreng ba ni/ /rdza mkhan 'khor lo lta bur bskor/ /nor bu sngags kyi stobs kyis ni/ / de bzhin gshegs pa'i ye shes dang / /bdud rtsi gzhan yang yon tan stobs/ /rdza ba khron par gzhug par bya/ /rgyun mi 'chad pa'i bsam gtan du/ /rnal 'byor pas ni bzlas pa nyid/ /gang zhig de ltar yid kyis ni/ /bya ba 'di ni goms pa na/ /bde ba chen po'i ting nge 'dzin//rgyun mi 'chad par skye bar 'gyur/ /'dir ni 'di yi bsam gtan gyis/ /nyi ma bdun du byas pa na/ /shes rab che dang ngag dbang rno/ /rkang drug tshogs kyi bdag por 'gyur/ /tshigs su bcad dang lhug pa dang / /'dres pa dang ni lha yi skad/ /tshegs med ngag gi dbang phyug ni//'bad pa med par 'grub pa ste/ /'di la the tshom ma byed cig /de nas bstod pa brjod pa yang / /me tog phreng ba nyid yin no/ /de dang de ni zhal las shes/ /shes rab pha rol phyin ma ni/ /dngos su grub par 'dod pa yis/ /rnal 'byor pas ni rig pa 'di//ri bong phyed la dus gsum du/ /gong du bshad pa'i cho ga yis/ /sngon gyi brtul zhugs spyad nas ni/ /dben pa'i gnas su sems gcig tu/ /bcom ldan 'das ma'i bstod pa ni/ /rgyun chad med par brjod par bya/ /de nas klog pa'i man ngag ni/ /brjod ma thag tu yid la ni//rtsa ba nas ni rtse mo'i bar/ /ji ltar rim pas rjes su ni/ /kho na nyid kyi sa bon dang / /nus pa'i sa bon byed par ldan/ /sgyu ma'i sa bon brjod pa nyid/ /rim pas bcom ldan 'das ma yi/ /yon tan brjod pa'i 'od zer gyis/ /g.yeng ba med par bdag nyid ni//yid ni brtan par klog pa nyid/ /de nyid shar kha'i nyi ma ste/ /de yi gdan la bsam par bya/ /sgyu ma phyed pa'i nyi ma ste/ /zla ba'i dkyil 'khor nyid du gnas/ /nus pa ston ka'i zla ba ste/ /pad+ma'i rtse la bsam pa nyid/ /bzlas pa'i dus su 'khor ba ste//klog pa'i dus su mchod pa nyid/ /rmongs dang 'jigs dang dug med dang / /mi mthun phyogs las rgyal bar 'gyur/ /'dod pa gzhan yang sgrub byed pa/ /'khor lo 'di la rab tu 'byung / /nor bus dgos 'dod 'byung ba ltar/ /'dir ni 'bad pa bsgrub par bya/ /sgrol ma me tog phreng 'dzin gyi//mngon par rab brtan cho ga bya/ /dge bas mnyam par 'gro ba kun/ /myur du sgrol ma nyid mtshungs shog /me tog phreng 'dzin sgrol ma'i bstod pa dang bcas pa'i sgrub pa rdzogs so// //ma hA paN+Di ta rat+na rak+Shi ta pA da'i zhal snga nas/ zhang lo tsA ba grub pa dpal bzang pos bsgyur ba'o/