CLOSE WINDOW

D3671
བོད་ཡིག

/slob dpon tsan+d+ra go mi zhes bya bas bstod pa rdzogs so//[ ]@##/ /rgya gar skad du/ Ar+ya tA re de bI sto tra nA ma/ bod skad du/ 'phags ma lha mo sgrol ma la bstod pa zhes bya ba/ rje btsun ma 'phags ma sgrol ma la phyag 'tshal lo/ / bzlog dka' srid pa'i mun pa ni/ /'joms byed nyi ma'i 'od dang mtshungs/ /thugs rjes brlan pa'i thugs mnga' ba/ /sgrol ma la ni rtag tu 'dud/ /shin tu rno ba'i sems rnams kyis/ /glang po che rnams gsol byed pa/ /lha mo seng ge khros pa yang / /khyod bstod pa las 'jigs shing 'bros//mche ba'i mdung rtse rnon po yis/ /brag 'joms shing gi rtsa ba 'don/ /khyod kyi sngags ni bzlas pa las/ /'jigs shing glang chen 'bros par 'gyur/ /phyogs dang nam mkha' ma lus pa/ /du bas khyab cing bzod par dka'/ /'bar ba yis ni khro tshig pa/ /khyod bstod char pas me zhir 'gyur//ma rungs gdengs ka las byung ba'i/ /phuT sgra sgrogs shing dug mang can/ /sbrul ni lha mo khyod bstod pas/ /nam mkha' lding ni bzhin du 'jigs/ /ral gris gcod cing 'dral ba rnams/ /khrag gis yan lag bskus pa ste/ /khyod kyi ming tsam dran pa yis//chom rkun nus pa med par 'gyur/ /rgyal po khros pas bran rnams kyi/ /skra nas bzung zhing zhags pas bcings/ /btson ra spangs te lha mo kye/ /khyod la bstod byed 'jigs med 'gyur/ /dba' rlabs tshogs kyis phyogs bcu dang / /nam mkha' yang dag khyab byed pa/ /gru log na yang rgya mtsho las//khyod kyi 'phangs ni pha rol phyin/ /khrag dang klad pa'i 'dam gyis byugs/ /de dag bza' ba la chags pa/ /khyod la bstod pa tsam gyis ni/ /sha za de ltar 'jigs par 'gyur/ /yan lag chad cing dri nga ba/ /khrag dang rnag ni sna nas 'dzag /khyod la bstod pa tsam gyis ni//mdze can 'dod pa'i lha 'drar 'gyur/ /bkres skom kyis gdungs gcer bu dang / /slong ba yi dwags dang 'dra ba/ /khyod la bstod pa tsam kyis ni/ /'khor los sgyur ba'i rgyal por 'gyur/ /'jigs pa chen po 'jigs byed pa/ /de ltar sems nas khyod bstod pas/ /dge ba gang bsags de yis ni//'jig rten bde ba can thob shog /'phags ma sgrol ma'i bstod pa slob dpon chen po tsan+d+ra go mis mdzad pa rdzogs so// //seng ge glang chen me sbrul chom rkun dang / /lcags sgrog chu dang sha za'i 'jigs pa ni/ /'joms mdzad zla 'od phung po ltar 'dzin ma/ /sgrol ma bcom ldan 'das la phyag 'tshal 'dud/