CLOSE WINDOW

D3667
བོད་ཡིག

lo tsA ba zhang grub pa dpal bzang pos bsgyur ba'o//[ ]@##/ /rgya gar skad du/ shrI ma hA tA rA sto tra na ma/ bod skad du/ dpal chen mo sgrol ma'i bstod pa zhes bya ba/ dpal chen mo sgrol ma la phyag 'tshal lo/ /zhi ba'i grong khyer 'jug la grong sgo'i mi mo bzod byas 'dra ba dang //rgyal ba'i lam du 'jug la dbyibs can mdun na gnas pa'i gzhung lam lta bu dang / /shin tu bzlog par dka'i ba'i bdud kyi rgyu las thar mdzad yang na gsang sngags lha/ /kho bo blo gros blun po 'dis ni dpal chen mo bstod bgyi ba ji lta lags/ /gang yang rgyal sras bde bar gshegs pa'i rigs 'dzin sa bcu'i pha rol phyin rnams kyi//khyod kyi yon tan rin chen tshogs ni gsal mdzad lha rnams kyis kyang glu len te/ /de lta na yang gus pa 'ba' zhig gis bstod lha mo bdag la bzod mdzod kye/ /mi shes byis pa yis ni rang gi ma la thal gyis 'thor ba min nam ci/ /mtha' dag mi dbang 'dus pa'i gtsug gi nor bu rnams kyis btud byas 'dam skyes zhabs//gdugs dkar thig le gyen du 'bar zhing sa bdag khyed kyi 'dod pa yis ni 'gyur/ /rnam rgyas rdzing bur skyes pa'i 'od 'phrog spyan gyis gang la gzigs gyur de la ni/ /bcom ldan glang chen seng ge'i gdan rta shing rta rkang thang mchog rnams rjes su 'gro//rang gi phyag gi stobs kyis nyer skyes rnam grangs pha rol gnon pas dgra rnams thul/ /'bar ba chen po dkyil 'khor mchog gi phun sum tshogs gyur mi bdag rnams la ni/ /ster bar bsngags shing nges 'byed sngags kyi yul la mi dbang blon po'i blor gyur la/ / ri skyibs zab mor sa phug zab mo'i gzhi la rnal 'byor rnams kyis 'dzin par 'gyur/ /rab tu myos pa pad+ma'i tshal la ma la yar rlung dal bus g.yo zhing bskyod/ /'dab ma rnams la phul byung bung ba'i tshogs kyis nye bar glu len me tog gi/ /'byung gnas ya mtshan mdzes ma khyod yin lha mo khyod kyi bsngags pa rnams kyis ni//rgyal srid 'bras bu 'grub mdzad 'gram rgyas rtsi logs myos chu'i mtshan la 'gro// khyed zhabs bka' drin gyis ni rang dbang khang pa'i skyed mos tshal la yun ring du/ /rtsed mos spro la spyan mig drag tu g.yo zhing dga' mchog rnams kyis ni/ /zhal gyi pad+ma'i dbugs rlung gis bskyod bud med rnams dang nye bar longs spyad nas//de ni a mra sar pas bran las dri zhim sbrang rtsi rnams la 'thung bar 'gyur/ /rab dga'i nags la me tog khur 'phyang myos pa'i skad snyan khu byug gis khyab cing / /sbrang rtsis myos pa'i bung ba tshogs pa'i dar dir ldan la so ga'i dpal yin te//'o ma'i rgya mtsho rlabs phreng g.yo bar bzhad gad ku mu da yi 'byung gnas dang / /shel gyi sa gzhi bla gab med par phul byung zla ba'i cha shas nyid lags/ /bzo bos byas pa'i rtsed mo'i ri rtser bkod pa zla ba nor bu'i chu rgyun ni/ /bsrubs pa 'khrul 'khor chu srin kha nas 'thon cing rnyog bral lhung lhung sgrogs pa'i chu//dpyid dus chang gis myos zhing tshim pa'i khu byug skad snyan sgrogs pa'i nam mkha' la/ /sa skyong gis sprul khang pa dpe med pa la rab tu gnas mdzad khyed nyid lags/ /glang chen mche ba mnyen la bzo bos skar khung dra mig las 'thon bya 'dab la/ /gnas shing rnam par sgeg bcas myos pa'i phug ron sgra snyan mgrin pa nas grag ste//nor bu'i rkang gdub mchog tu 'jam zhing sil khrol bskyod pa btsun mo'i dkyil 'khor du/ /sa skyong dag gi khyim la ti se'i gangs mtshungs phun sum tshogs pa khyed nyid las/ /nu mar nyer bzhag lag pa gcig gis smad gos gsher ba g.yo ba'i mtha' bzung ste//rkyal zhing rtsed mo'i bde ba yun ring myos nas khang pa'i rdzing bu nas 'thon cing / /skye bo 'dris pas skra rtse zlum shing cung zad zur mig lta ba tsha ba'i dus/ /ri mo bris 'dra'i yan lag mchog ma rnams dang nyams dga' khyed kyi mthu yis su/ / zla ba'i chos las brdungs shing 'khrul 'khor khang khyim rtsed mo'i ri las bab/ /rab tu myos pa'i nags kyi nye logs pad+ma'i ljon shing khang par sa bdag rnams/ /rgyun chad med par rlung yab dal bus g.yabs pa yis ni dbu skra g.yo zhing bskyod/ /nyi ma tsha ba'i dus la khyed kyi bka' drin las ni nyin zhag 'da' bar 'gyur//chu 'bab sprin tshogs 'brug sgra sgrogs shing rma bya'i dkyil 'khor kun nas skad snyan 'don/ /'dam skyes me thon la ni 'jam rlung rab tu g.yo zhing glu dbyangs chu gter dus/ /snyan dngags mkhas pa'i dri zas bskor zhing 'jam pos bsnun pa'i gting ring rnga skad kyis//khang pa'i nang rnams yongs su gang ba khyed 'dod pas ni rgyun du thos par 'gyur/ /sbrang rtsi'i chang gis myos shing rig 'dzin grub pa'i chung ma'i chu skyes zhal la btud byas las/ /lhung ba'i man+d+ha ra yi rdul gyi kun nas mdog ser ma pad mtsho las rgyal/ /lha yi grong khyer gzhal med khang gi lha mo'i skye bo dam 'khyud spro ba la//khyed kyi mchog la sgrub pa po rnams bde nyid nyin rer rjes su myong bar 'gyur/ /sna tshogs 'gugs sngags phyag rgya'i tshogs sprul rdo rje'i gur gyis me stag 'bar ba la/ /bgegs kyi gtso bo rnams ni skrag cing 'jigs pas rgya mtsho dag tu 'bros 'gyur te//myur bar bskyod pa gtum po'i hUM yig sgra yis bsnun pas sgra ldan lcags sgrog gtor/ /lha mo khyed kyi gsang sngags zlos pa'i khang par rang nyid 'du zhing 'ong bar 'gyur/ /gar gnas khang sa'i skyor la glu dbyangs 'du sar rab brdungs gting ring rnga skad kyis//'dris shing yid 'ong gling bu'i rjes 'gro'i sgra dbyangs nye bar longs spyod mdzad nas ni/ /de rjes gya tshom bung ba me tog snyim par gar gyi cho ga yid 'phrog la/ /rab tu myos ma rnams kyis khyed nyid gar gyi dpon por nges par gar gyi lha/ /rgyun chad med par lag pa'i rtsol ba'i bya bas bsnun pa'i yid 'ong rdza rnga'i bzhin//g.yer ka'i sgra yis myur bar rnam rol 'degs shing rma bya'i mjug sgro rna bar btsugs/ /rnam pa sna tshogs mkhas shing yid 'ong snod ldan skye bos yongs gang khang khyim la/ /khyed la brten pas bde ldan glu dbyangs bde ba nyin rer bde la longs spyod 'gyur//rgyal mtshan dang ni gdugs dkar seng ge'i gdan dang gser gyi bum pa rnga yab dang / /zla zer dkar ba'i bsil khang mgyogs 'gro'i phreng ba dri zhim chang ldan glang chen rnams/ /khyed kyi gzugs brnyan rtag tu dran byed bud med de yi rna lung rin chen 'od/ /lha mo cung zad bzhad pa'i rnam pas rnam par rgyal ba de ma thag tu 'gyur//skad snyan ngang pa'i dbyangs ni mchog tu 'gying 'gro nor bu'i rkang gdub sgra yis pham/ /'gram logs dkyil 'khor 'jam rlung gis bdar g.yo zhing 'khyil pa'i sgra yis mdud pa 'byed/ /rked smad mdoms kyi cha ni 'od 'phro'i do shal nu ma'i khung bu'i ljid kyis dud//lha mos gang la gzigs pa de la rnga yab dkar 'dzin bud med 'du bar 'gyur/ /rgyun mi 'chad par lha mo khyod kyi yon tan rjes dran mi skyo gang yin de/ /nor bu'i rang bzhin zhal ba'i gzhi mar zla zer lo 'dab rnams la 'gying ba yis/ /nu mar lag gcig nyer gzhag bud med skye bo dag gis bzung ba'i ga bur chu//kha 'bus ut+pal sngon po dri ldan sbrang rtsi 'thungs 'gyur mi 'jigs sbyin pa kye/ /mo btsun rnams kyi 'gram pa'i logs la rna rgyan mchog tu 'gying zhing rgod/ /spyan mig la yang khro ba so mas bskyed pa'i mchi ma'i chu yis dba' rlabs g.yo//mkhregs shing 'bur ba nu ma so ma'i tshogs la gur gum 'dam gyis kha dog ser/ /rab rib sngon po dbu skra me tog kha 'bus tshogs la'ang mchog tu dga' bar 'gyur/ /sprul byas pad+ma rA ga'i stegs la 'gre ldog 'gyur ba lha mo'i skye bo las/ /sprul te gcal bkram mu tig do shal gyis khyab rin chen ljon shing khang pa'i nang //des lhung me tog rdul gyis kun nas yongs bsgos dga' ba'i sa yi dkyil 'khor la/ /bcom ldan 'das ma khyed kyi zhabs zung mchod byed gang de yun ring gnas par 'gyur/ /skad cig re rer rnga ring rdza rnga mtha' dag brdungs pa'i sgra yis rkang pa 'gying //glang po mdzangs pa'i spyi la lag pa'i rna lcag rab 'god phyed btsugs mig /a mra sar bran dri zhim 'bab cing 'gram pa'i dkyil 'khor dri ldan glang chen rnams/ /bcom ldan 'das ma mi gang yud tsam dran byed de la 'du bar 'gyur/ /spyi bo phug pas steng du 'bur te rna ba'i rnga yab dang ni lcags kyu g.yo//rkang pa srung byed rnams kyi rnam mang ca co'i bde bas chu thigs zer ma 'thor/ /rab tu rgol ba'i glang chen chang gis khong 'khrugs khyed mtshan grags pa las/ /glang po mi rnams g.yul 'gyed pa na dgra bo'i sgrib pa rnams kyis sgrib par 'gyur/ /gser gyi rang bzhin ri yi skyibs dang lha yi skyed mos tshal gyi khang pa dang //mjug sgro rnam par rgyas pa'i rma bya rtsed mor gnas pa sa bdag khang pa dang / /nam mkha' chu bo'i rlabs kyis byas pa dri med rin chen ljon shing khang pa dang / /bud med skye bo'i zhal gyi pad+ma'i 'byung gnas la yang gnas mdzad khyed nyid do//pad+ma'i skyo ma sbrang rtsi'i khu ba'i chang gi btung bas sred cing bskor/ /sbrang bu'i tshogs pas dar dir mang ldan me tog tshogs pa'i dri zhim ldan/ /ngang pa'i rgyal po rab dga'i tshogs kyis zos te pad+ma'i gzhon nus mche ba gtsigs/ /pad+ma'i lha mo'i ze 'bru'i rdul gyi mdog ser rlabs ldan yun ring gnas par 'gyur//bcom ldan 'das ma rgyal ba dkon mchog cod pan spyi bor ldan pa pad+ma'i rigs/ /khyod nyid kun don mdzad par lha rnams kyis kyang bstod de mang po smra mod kyi/ /de slad lha mo khyod kyis bstod pa 'di yis mchog tu dge ba bdag gis kyang //gang thob de yis 'gro ba khyad gsod dbul ba'i 'jigs pa zhi bar shog /paN+Di ta chen po tsan+t+ra go mis mdzad pa'i dpal chen mo sgrol ma'i bstod pa rdzogs so// //paN+Di ta chen po rgyal ba'i snyan gyi zhal snga nas/ lo tsA ba shAkya'i dge slong nyi ma rgyal mtshan gyis lo tsA ba blo gros rgyal pos bsgyur ba las cung zad dag par byas so/