CLOSE WINDOW

D3661a
བོད་ཡིག

lha mo 'od zer can gyi sgrub thabs rdzogs so// //[{Da}]yang na sgrub thabs ras ris kyi cho ga las bsgom par 'dod na/ sngar bshad pa'i cho ga dang / de bzhin du rang gi snying gar zla ba'i dkyil 'khor/ de'i steng du yi ge maM zhes bya ba/ yi ge a dang thig le dang ldan pa'i snying po'i mchog bsams la/de nas 'od zer sna tshogs pa spros pa las byung ba des/ bla ma dang yang dag par rdzogs pa'i sangs rgyas dang byang chub sems dpar bsams la/ mchod pa lnga la sogs pa byas nas/ chos bdag med par bsgom par bya ste/ oM swa b+ha wa shud+d+haHsarba d+harmAHswa b+hA wa shud+d+hou0f85haM/ zhes bya ba'i sngags kyis de ltar l hag par mos par byas pas/khams gsum pa 'di dag mig yor tsam du shes par byas la/ de'i sa bon las byung ba'i a shwa ka'i yal ga /de'i steng du yi ge maM de thams cad yongs su gyur pa las rje btsun lha mo de'i skur bdag nyid bsam pa ni/ yum lha mo 'od zer can sku mdog 'dzam bu chu bo'i gser ltar shin tu ser ba/sku'i 'od zer nyi ma ltar 'bar ba/ spyi bor mchod rten gyis brgyan pa/ na bza' dmar po dang / sku stod tshi gu can gyi zhing chung du bsnams pa/ gdu bu sna tshogs dang / rgyan thams cad kyis brgyan pa/ sor gdub dang / rna rgyan dang / 'og pag dang / g.yer kha dang / zhabs gdub kyi sgra 'khrol ba/ zhal gsum pa/ spyan gsum pa/ phyag brgyad pa/ 'od zer gyi phreng ba 'bar ba/ me tog ban+d+hu ka dang / rgya skyegs kyi mdog 'dra ba 'phro ba/ spyi bor rnam par snang mdzad kyis mnan pa/ a shwa ka'i phreng bas dbu la brgyan pa/ phyag g.yas na rdo rje 'od 'phro ba dang /khab dang / lcags kyu dang / mda' gsor ba la dgyes pa/ phyag g.yon zhags pa dang / gzhu dang a shwa ka'i yal ga dang / skud pa bsnams pa/ zhal dang po zhi ba/ zhal ras rgyas pa/ gser sbyangs pa ltar shin tu ser ba/ spyan shin tu rgyas pa/ zhal gyi sgros li khri'i rdul gyis btsos pa 'dra ba/sgeg pa'i nyams kyis gnas par gyur pa/ zhal g.yas pa pad+ma rA ga ltar shin tu dmar ba/ 'od zer bzang po 'bar ba 'phro ba/ zhal g.yon pa phag gi gdong 'phro ba dang bcas shing mi sdug pa/ mche ba rnam par gtsigs shing 'jigs su rung ba/ in+d+ra nI la'i mdog 'dra ba/ nyi ma bcu gnyis dang 'od mnyam pa/smin ma bsdus shing khro gnyer dang ldan pa/ mche ba gtsigs pa 'jigs pa rnams kyang 'jigs par mdzad pa'o/ /dbu la bcom ldan 'das rnam par snang mdzad sku mdog gser sbyangs pa ltar shin tu dag pa/ byang chub mchog gi phyag rgya can/ ral pa dang thor tshugs mnga' bar bzhugs pa/gzhal yas khang mchod rten gyi dbyibs la shing a shwa ka'i me tog gis khyab pa'i nang na/ phag gi steng na g.yon brkyang ba'i gnas pas bzhugs pa/ gzhon nu ma dar la bab pa'i tshul can/ shing rta'i 'og na ha las byung ba'i rlung gi dkyil 'khor gyi steng na/ gza' chen po sgra gcan 'dzin nyin mo nyi ma 'dzin pa mtshan mo zla ba 'dzin gnas pa/lha mo bzhis yongs su bskor bar bdag nyid bsgom par bya'o/ /de'i mdun du/ oM mA rI ts+yai bat+tA li/ ba dA li/ ba rA li/ bA rA hA mu khi/ A kaR+Sha ya dzaHswA hA/ zhes bya bas lha mo sku mdog dmar ba zhal gcig pa/ phag gi gdong pa can spyan gsum pa/phyag bzhi pa g.yas na khab dang rdo rje bsnams pa/ g.yon na gzhu dang a shwa ka'i yal ga bsnams pa/ zhing chung du stod g.yogs dmar po bsnams pa/ rtog pa las gsungs pa'i cho ga yid la gang zhig sgrub par 'dod pa'i bud med 'gugs par mdzad pa'o//de bzhin du g.yas su/ oM mA rI ts+yai bat+tA li/ ba dA li/ ba rA li/ bA rA hA mu khi/ sarba duSh+TA naM/ pra duSh+TA naM/ mu khaM ban+d+ha ban+d+ha hUM swA hA/ lha mo sngar bshad pa'i na bza' dang rgyan dang gzugs dang ldan mod kyi/ 'on kyang 'di ni sku mdog ser ba/ g.yas na a shwa ka'i yal ga dang khab bsnams pa/g.yon na zhags pa dang rdo rje bsnams pa/ gdug pa rnams kyi kha dang mig 'tshem par mdzad pa'o/ /de bzhin du rgyab tu/ oM mA rI ts+yai bat+tA li/ ba dA li/ ba rA li/ bA rA hA mu khi/ sarba duSh+Ta naM/ staM b+ha ya baM swA hA/ zhes bya bas lha mo 'di yang na bza' dang rgyan la sogs pa sngar dang 'dra mod kyi/'on kyang phyag g.yas na rdo rje dang khab g.yon na gzhu dang a shwa ka'i yal ga bsnams pa/ sku mdog in+d+ra nI la lta bu gdug pa can thams cad rengs par mdzad pa bsgom par bya'o/ /g.yon du/ oM mA rI ts+yai/ bat+tA li/ ba dA li/ ba rA li/ bA rA hA mu khi/ sarba satwa na me pa sha ma nA ya hoHswA hA/zhes bya bas lha mo 'di yang na bza' dang rgyan la sogs pa snga ma dang mthun mod kyi 'on kyang sku mdog nyi ma 'char ka 'dra ba/ phyag g.yas na mda' dang rdo rje bsnams pa/ g.yon na gzhu dang a shwa ka'i yal ga bsnams pa/ sems can thams cad la rjes su chags par mdzad pa bsgom par bya'o//de nas rdo rje lcags kyu ma la sogs pa'i sngags dang phyag rgyas dgug pa la sogs pa byas la/ ye shes sems dpa' dang dam tshig gi lha gcig tu bya'o/ /de nas bzlas brjod bya ba'i sngags ni 'di'o/ /oM mA rI ts+yai oM mAM hUM hUM phaT phaT swA hA/ zhes ci nus bzlas la sngar bshad pa'i cho gas gnas par bya'o//'od zer can gyi sgrub thabs byas pa las/ /bdag gis dge ba'i rtsa ba gang bsags des/ /sems can thams cad 'od zer can gyi ni/ /ye shes dri med gnas thob shog /lha mo 'od zer can gyi sgrub thabs slob dpon kun dga' snying pos mdzad pa rdzogs so/