264b1 /don yod grub pas rgyas gdab bo//[ ]@##/ /rgya gar skad du/ dzaM b+ha la sA d+ha naM/ bod skad du/ gnod gnas kyi sgrub pa'i thabs/ bcom ldan 'das 'phags pa spyan ras gzigs dbang phyug la phyag 'tshal lo/ /byang chub sems dpa' gnod gnas la phyag 'tshal
264b2 lo//nor 'dod pa dag gis bsgom par 'dod na/ cho ga sngar bshad pa bzhin du byas la/ gzhan du na sa bon gsum pa'i gsum pa mdog ser po/ thig les mnan pa zla ba phyed pas brgyan pa/ de nyid las byung ba'i mgon po gnod gnas zhal gcig pa phyag gnyis pa/ g.yas na bI dza pU ri
264b3 bsnams pa/g.yon na ne'u le'i rkyal pa rin po che'i char 'bebs pa bsnams pa/ sangs rgyas lnga'i cod pan can/ zhabs gnyis kyis dung gi mgo can dang pad+ma'i mgo can gyi gter chen po mnan pa/ rin po che la sogs pa'i char 'bebs pa/ rang gi khyim gyi phyogs gcig tu bsam
264b4 par bya'o//ut+pa la sngon po'i phreng ba kha thur du bltas pa rgyan thams cad kyis brgyan pa'i gnod gnas su bdag nyid bsgom par bya'o/ /de nas phyag rgya ni lag pa thal mo khong stong du byas la/ gung mo gnyis kyi tshigs gsum pa bcag pa'i phyag rgyas snying ga dang / dpral ba dang / lkog ma dang / spyi
264b5 bor gtugs te bzlas brjod bya'o//oM dzaM b+ha la dza len+d+rA ya swA hA/ 'di nyid kyi chu sbyin blugs brgya rtsa brgyad dbul lo/ /mchod pa yang byas la bzlas pa brtsam par bya'o/ /de nas nor gyi bdag po chen por 'gyur bar the tshom med do/ /mgon po gnod gnas kyi sgrub thabs rdzogs so// //