263a1 'phags pa khar+sa pA Ni 'jig rten mgon po'i sgrub thabs rdzogs so//[ ]@##/ /rgya gar skad du/ tA rA de bI sA d+ha naM/ bod skad du/ lha mo sgrol ma'i sgrub thabs/ lha mo sgrol ma la phyag 'tshal lo/ /
263a2 sngar bshad pa'i cho gas bdud rtsi'i dkyil 'khor de'i dbus su yi ge'i sde tshan lnga'i dang po'i sa bon la/ dang po'i gnyis pas rdzogs par byas pa la zla ba phyed pa dang / thig les brgyan pa/ de nyid las byung ba'i lha mo sgrol ma bsgom par bya'o/ /sku mdog ljang gu phyag gnyis pa/ g.yas kyis
263a3 mchog sbyin pa/g.yon na ut+pa la bsnams pa/ pad+ma dang zla ba la bzhugs pa/ rgyan thams cad kyis brgyan par bsam par bya'o/ /de nas phyag rgya bcing bar bya ste/ lag pa gnyis thal mo sbyar la/ mdzub mo gnyis gung mo bcings la bcar ba ni lha mo sgrol ma'i ut+pa la kha bye ba'i
phyag rgya'o/