CLOSE WINDOW

D3642
བོད་ཡིག

/'jig rten gsum po'i sdig pa mtha' dag 'joms par shog /dpal 'byung po 'dul byed kyi sgrub thabs mdor bsdus pa rdzogs so//[ ]@##/ /rgya gar skad du/ b+hU ta DA ma ra sA d+ha no pa yi ka / bod skad du/ 'byung po 'dul byed kyi sgrub thabs kyi cho ga dpal 'byung po 'dul byed la phyag 'tshal lo//'byung po'i snyems pa rnam 'joms pa'i/ /khro bo 'dul byed phyag 'tshal nas/ /ji ltar rnyed pa'i man ngag gis/ /de yi sgrub thabs bshad par bya/ /dang por re zhig lag pa gnyis la zla ba'i dkyil 'khor rnam par bsgoms te/de'i dbus su hUM yig 'bar bar bsams nas/ sngags 'di bzlas par bya'o/ /oM sid+d+hi badzra hUM/ de nas phyag rgya bcing bar bya'o/ /sor mo rnams phan tshun du 'khyud nas sdigs mdzub gnyis po rtse mo bzhin du rab tu brkyang bar bya'o/ /snying gar zla ba'i dkyil 'khor rnam par bsam par bya'o//de la ra yig dmar po thig le dang bcas pa 'bar zhing 'bar ba'i phreng ba 'khrigs pa bsam par bya'o/ /'dir sdig pa thams cad zhi ba brjod par bya ste/ oM ha na bi d+h+waM sa ya nA sha ya pA paM hUM phaT/ de'i rjes la stong pa nyid du bsgom par bya'o/ /mdun du kun+da dang / shel bzhin du blta bar bya'o/ /de'i dbus su hUM yig dang hrIHyig yongs su gyur pa las pad+ma 'dab ma brgyad pa rnam par bsam par bya'o/ /de'i steng du aM yig yongs su gyur pa las zla ba'i dkyil 'khor ro/ /de la de bzhin du hUM yig 'bar zhing 'khrigs pa rnam par bsgoms nas/ khro bo 'bebs pa'i phyag rgya dang sngags kyis gdab par bya'o//phan tshun du khu tshur bcings te/ sdigs mdzub gnyis 'khyud par bya'o/ /oM AHkro d+ha be sha hUM hUM hUM aH/ de'i 'od kyis yang dag par bskul zhing gzhug par bya'o/ /de la de bzhin du dpag tu med pa'i khro bo'i sku rab tu bzhugs par bsam par bya'o//de la bsod nams dang ye shes las mngon par grub pa'i rdo rje rtse lnga pa 'bar bzhin pa'i rdo rje nag po las 'od zer 'phro zhing 'bar ba'i phreng ba 'khrigs pa bsgom par bya'o/ /rdo rje de las dpag tu med pa'i khro bo la sogs pa phyogs bcur 'phros te/ sems can thams cad kyi don du rdzu 'phrul la sogs pa mdzad par blta bar bya'o//de la phyag rgya de bzhin du/ mngon du phyogs pas dgug par bya/ /sngags ni brjod pas de nyid la/ /rdo rje dang ni zhags pa bsam/ /oM badzra be sha pa ta ye hUM/ de nas khro bo chen po'i skur bdag nyid bsgom par bya ste/ drag po 'bar ba'i phreng ba 'khrigs pa'i 'od can/phyag bzhi pa/ khro bo chen po mig sman phyis pa'i 'od lta bu/ phyag g.yas pas rdo rje gsor ba/ g.yon pas sdigs mdzub mdzad pa/ zhal mche ba gtsigs pa/ klu brgyad kyis brgyan pa/ mtha' yas kyis tshangs skud byas pa/ nor rgyas kyis ska rags byas pa/dung skyong gis lag gdub byas pa/ gzhan yang 'di rnams dkar po'o/ /phyag g.yon pa la rigs ldan gyis lag gdub byas pa ste/ dngul chu'i kha dog lta bu'o/ /dga' bo dang nye dga' bos rna rgyan byas pa/ 'jog pos mgul rgyan byas pa/ dpung rgyan ni gzhan te 'di rnams ni ser po'o//pad+ma dang pad+ma chen po dmar pos rkang gdub byas pa/ stobs kyi rgyu nag pos dbu skra bcings pa'o/ /thod pa'i phreng bas dbu brgyan cing / /'jig rten gsum yang 'joms byed pa'i/ /aSh+Ta ha yi gad chen sgrogs/ /khyab bdag 'jig rten gsum na gnas/ /g.yon brkyang zhabs kyis legs bzhugs pa'i//nyi ma bye ba'i 'od dang mtshungs/ /gzhan gyis mi thub zhabs kyis gnon/ /phyag rgya sngags kyis rab tu gnas/ /ming med gnyis po 'khyud bya zhing / /mdzub mo gnyis po bskum par bya/ /mthe'u chung gung mo'ang de bzhin du//mtheb chen gyis ni mnan par bya/ /mchog gi phyag rgya 'di yis ni/ /dpal ldan 'jig rten gsum rgyal bsgrub/ /de nas khro bo'i bdag po khro bo phyag rgya dang / sngags kyis yan lag drug la dgod par bya'o/ /phan tshun du khu tshur bcings nas gung mo dag rab tu brkyang bar bya'o/ / spyi bor phyag rgya'i sngags ni/ oM ha na badzra hUM/ phyag rgya 'dis de bzhin du gung mo dag nang du bcug ste/ mdzub mo dag rtse mor byas pa ni thor tshugs kyi phyag rgya'o/ /sngags ni/ oM da ha badzra hUM/ de bzhin du phyag rgya 'dis mtheb chen dag logs su byas te/ mtheb chen g.yas pa ni mig g.yas pa la mtheb chen/g.yon pa ni mig g.yon pa la/ oM dIp+ta badzra hUM/ phan tshun khu tshur bcings nas mthe'u chung gnyis 'khyud par bya'o/ /mdzub mo dag rab tu brkyang bar bya'o/ /snying ga'i phyag rgya'o/ /sngags ni/ oM badzra ro Sha hUM/ de bzhin du phyag rgya 'dis mdzub mo dag rna rgyan du bya'o/ / go cha'i phyag rgya'i sngags ni/ oM Di D+ha badzra hUM/ mdzub mo gnyis rab tu brkyang ba ni mtshon cha'i phyag rgya'o/ /sngags ni/ oM ha na da ha pa tsa kro d+ha badzra sarba duSh+TA na mA ra ya hUM/ de nas rdo rje khro bo dbab par bya'o/ /phan tshun du byas nas mdzub mo gnyis bskum par bya'o/ /oM badzra kro d+ha sa ma ya ma nu pA la ya shI g+h+raM gats+tsha hIHdzaHhUM phaT swAhA/de nas mchod yon thal mo gan rkyal du byas nas mtheb chen gnyis logs su sbyar bar bya'o/ /oM sarba de ba dIp+ta sI da b+ha ga bAn ma hA kro d+ha ar+g+haM pra tIts+tsha hUM aHde nas gdan dbul bar bya'o/ /lag pa g.yon pa gan rkyal du byas nas mtheb chen bsgreng ste/ lag pa g.yas pa'i khu tshur gyis g.yon pa'i mtheb chen gzung bar bya'o//g.yas pa'i mtheb chen bsgreng bar bya'o/ /oM dza ya dza ya ma hA kro ti kro d+ha rA dza i daM b+hU ta se naM dar shA ya rak+Sha rak+Sha pra ti grih+Na swAhA/ thal mo sbyar bar byas nas sor mo thams cad ma sbyar bar byas pa ni pad+ma'i phyag rgya zhes brjod par bya'o//gdan gyi phyag rgya'i sngags ni/ oM pad+mod b+ha ba ni Sha na NA ya sarba de bat+ta swAhA/ de nas 'phang bar bya ste/ phan tshun du khu tshur bcings nas mtheb chen rab tu brkyang ste/ khu tshur g.yon pa snying gar bzhag ste/ khu tshur g.yas pa mtshon cha 'phen pa'i tshul du bya'o/ /oM nA sha ya sarba duSh+TA na da ha pa tsa duSh+TA na b+hasmI ku ru hUM phaT/de nas sngags 'dis phyogs bcing bar bya ste/ phan tshun du khu tshur so sor bcings te/ lag pa g.yon pa'i sdigs mdzub rab tu brkyang ste g.yas pa'i dpung pa'i rtsa bar gzhag par bya'o/ /g.yas pa'i mtheb chen gyis mthe'u chung gi sen mo mnan te sor mo lhag ma rnams rab tu brkyang nas phyogs bcur bskor bar bya'o//oM badzra kro d+ha ma hA tsaN+Da/ ban+d+ha ban+d+ha/ sha di shAM hUM hUM phaT phaT/ de nas 'di brjod nas rdo rje gsor bar bya ste/ khro bo'i dngos grub dngos grub che/ /dngos grub rgya chen dam tshig bstan/ /lha rnams kun gyi dngos grub dang //bla med dngos grub bdag myur mdzod/ /khro bo'i rgyal po rtsa ba'i phyag rgya bcings nas hUM badzra phaT/ blta zhing dam tshig sbyin par bya'o/ /de nas bcom ldan 'das la mchod par byas nas khro bo dbab pa'i phyag rgya bcings nas rdo rje khro bo rang gi lus la rab tu gzhug par bya'o//oM pra bi sha kro d+ha hUM hUM hUM AHdz+wa lA mA lA ku la b+hi sha Na badzra AHrang gi lus kyi nang du bsgoms te go cha la sogs pa byas nas thams cad 'dir rdzogs par bya ba'i don du snyim pas thal mo sbyar nas rdzogs par bya ba'i sngags brjod par bya'o/ /oM sid+d+ha badzra a pU ra ya a pU ra ya hUM phaT/'dis lhag chad thams cad yongs su kha skong bar 'gyur ro/ /de nas khro bo'i nga rgyal bskyed pas dngos grub thams cad 'gugs par byed do/ /sngags 'dis phan tshun du khu tshur bcings te mthe'u chung gnyis po 'khyud par bya'o/ /mdzub mo rab tu brkyang ste bkug nas cung zad bskyod par bya'o//oM badzra ro Sha ma hA kro d+ha sid+h+yA ka ra hUM dzaHde nas rang gi snying gar zla ba'i dkyil 'khor la yi ge rnams bung ba nag po'i phreng ba me 'bar ba bzhin du bsam par bya'o/ /hUM badzra phaT/ rang gi ba spu'i bu ga nas khro bo'i sku spro ba dang bsdu bar byed par bsam par bya'o/ /de'i yi ge dang sems rtse gcig tu gyur pas so//bzlas pas ngal na khro bo'i sku rang gi snying ga'i nang du bsgoms te/ thal mo sbyar nas dngos grub thams cad zhu bar bya'o/ /sid+d+hi badzra a pU ra ya sarba satwA nAM/ A paM sarba sid+d+hi m+me pra yats+tsha hUM dzaH/ de nas pad+ma'i phyag rgyas mtheb chen gnyis po bskyod par bya zhing /lha thams cad gshegs su gsol ba'i phyag rgya dang / sngags ni oM sA ra sA ra/ bi sa ra bi sa ra/ gats+tsha gats+tsha/ sarba de ba tA na shrI badzra d+ha ra sa mA dz+nyA pa ya ti swA hA/ de nas rang gi lus la go cha byas te/ khro bo'i nga rgyal gyi yid kyis spyod lam ci bde bar bya'o/ /rim pa 'dis sngags 'bum phrag gcig bzlas pas myur du 'grub bo//de nas sngags pas dbang bskur ba rjes su gnang ba byas te/ sngon du bsnyen pas rdo rje 'dzin pa bsgrub par 'dod pas zla ba gcig tu thun mtshams gsum du stong phrag re bzlas par bya'o/ /de nas bco lnga la ji ltar 'byor pa'i mchod pa byas nas/ting nge 'dzin la legs par gnas te/ khro bo'i phyag rgya bcings nas mtshan mo ril po bzlas pa bya'o/ /de nas nang par snga bar sa g.yo ba'i phyag rgya 'bar te/ 'bar ba tsam gyis rdo rje 'dzin pa dang mtshungs par 'gyur te/ rgas pa dang / 'chi ba med par lha'i lus su 'gyur bar bcom ldan 'das rdo rje 'dzin pas gsungs so//mdor bsdus pa yongs su rdzogs shing rgyas pa'i rim par gyur pa 'byung po 'dul byed kyi sgrub thabs kyi cho ga dam pa thams cad 'dren pa'i 'jig rten gsum gyi rdo rjes mdzad pa rdzogs so//[ ]@##/ /rgya gar skad du/ shrI man+ma hA kA la sA d+ha naM/