CLOSE WINDOW

D3629
བོད་ཡིག

oM hrIHSh+T-IHbi kr-i tA na na hUM hUM phaT phaT swA hA/ zhes pa'i sngags bzlas par bya'o/ /gshin rje gshed nag po'i sgrub thabs rdzogs so//[ ]@##/ /rgya gar skad du/ kr-iSh+Na ya mA ri sA d+ha naM/ bod skad du/ gshin rje gshed nag po'i sgrub thabs/ bcom ldan 'das gshin rje'i dgra la phyag 'tshal lo//gang gis brtse ba'i dbang gis dman dang mchog rnams kyang / /stobs kyis gdul bya'i skye rnams drag por ston mdzad cing / /phan pa sna tshogs sgrub mdzad sgyu ma'i gar gyi skur/ /gshin rje mthar byed de la bdag ni phyag 'tshal lo//dang por bsgrub bcas mchog tu bde ster stan la 'dug /bsam gtan khang pa dri bzangs kyis byugs yid mngon dga'/ /bsam gtan ting 'dzin yid kyis snying gar aM yig las/ /dmar po'i rnam par rab byung gtum po smig rgyu'i gzugs/ /de yi steng gnas 'od zer dang bcas kha dog mthing //hUM yig 'od zer brgya 'gyed gshin rje gshed la sogs/ /yang dag mchod bya yid kyis rnam 'phrul me tog spos/ /mar me la sogs rnam mang gis mchod gus phyag 'tshal/ /sngon du byas pa'i sdig rnams bshags pa la sogs bya/ / 'gro rnams ma lus stong nyid mngon bya de nas kyang / /oM shU n+ya tA la sogs sngags mchog tshig tu bya/ /bdag nyid rang gi ngo bo gus pas yongs bsgoms pa/ /aM yig dmar po las byung nyi ma la gnas mthing / /hUM yig gzugs la rdo rjes mtshan pa'i dbyug pa mthing / /dbyug pa la gnas hUM yig rab 'phro dra ba can//rgyal ba ma lus bskul zhing gdan drangs rab tu gzhug /de nyid blta zhing ma lus yongs bsngo phyi nas ni/ /bdag nyid myur du gshin rje mthar byed rnam bsgom bya/ /sku mdog mthing nag zhal gcig phyag gnyis khro bcas pa/ /phyag g.yas na ni rdo rjes mtshan pa'i dbyug mthing bsnams//phyag g.yon thugs kar sdigs mdzub zhags pa dang bcas pa/ /zhal gyi pad+ma smin ma sma ra dmar ser 'bar/ /stag gi pags pa'i na bza' gsang phyogs yang dag ldan/ /zhal nas ljags ni ltos 'gro bzhin du rnam par bskyod/ / sna tshogs chu skyes 'dab bcas steng du nyi ma la/ /yang dag bzhugs shing drag po ma he la zhon sgrogs/ /zhal ni mche gtsigs mi'u thung lto ba rab tu 'phyang / /spyan ni gnyis pa nyi ma'i dkyil 'khor dang mtshungs pa/ /klu brgyad khros pa'i rgyan gyis brgyan cing thod pa yi/ /phreng ba dkar po mnyam gshibs bcings shing zhal 'phro ba//mi mgo rlon pa'i do shal mgul du rab bcings shing / /aSh+Ta ha yi gad rgyangs bdud kyi dpung las rgyal/ /phyi nas bcom ldan 'das kyi thugs kar nyi ma la/ /rab zhugs hUM yig dang ldan dbyug pa sngon po bsam/ /der gnas hUM yig 'od kyis khams gsum snang byas shing //der zhugs yun mi ring bar slar yang nang du bya/ /rim pa 'dis ni spro bsdu ji ltar 'dod par bya/ /slar yang dam tshig sngon ma bzhin du kun byas te/ /thun mtshams bzhi ru 'di ni ma lus bsgom bya zhing / /ngal bar gyur na ji bzhin bsgrubs la sngags bzlas bya/ / bcom ldan gshin rje mthar byed sgrub thabs bsdus byas pa'i/ /byams pa dpal bdag dpag med bsod nams gang 'di yis/ /'gro ba ma lus bcom ldan gshin rje mthar byed gyur/ /bdag kyang myur du 'dir ni gshin rje mthar byed shog /de la sngags kyi rgyal po 'di'o/ /oM hrIHSh+T+rIH bi kr-i tA na na hUM hUM phaT phaT swA hA/