CLOSE WINDOW

D3619
བོད་ཡིག

nges par 'grub par 'gyur zhes so/ /dzaM b+ha la'i sgrub thabs rgyas pa rdzogs so//[ ]@##/ /rgya gar skad du/ shrI dzaM b+ha la sA d+ha naM/ bod skad du/ dpal dzaM b+ha la'i sgrub thabs/ dzaM b+ha la la phyag 'tshal lo/ /dang po re zhig gnas kyi don thams cad dang rang gi lus kyang stong par bsgom pa'o//de'i rjes la cung zad dmar ba'i zla ba'i dkyil 'khor la thabs dang shes rab kyi rang bzhin nyid gnod sbyin gyi shing rta gru gsum pad+ma 'dab ma brgyad pa'i rnam pa'o/ /de'i dbus su baM yig las nor rgyun ma sku mdog ser mo phyag na 'bras kyi snye ma dang mchog sbyin mdzad pa/rgyan thams cad kyis brgyan pa/ gnod sbyin mo brgyad kyis yongs su bskor ba 'di lta ste/ bzang mo dang / rab tu bzang mo dang / sbas ma dang / rab tu sbas ma dang / lha mo dang / dbyangs can ma dang / 'phags ma dang / chu shel ma rnams kyis yongs su bskor ba'o/ /lha mo chen mo de'i b+ha ga'i dbus su/ dzaM yig gi bdag nyid sangs rgyas lnga'i cod pan can/ phyag g.yas na bI dza pU ra ka /g.yon na ne'u le bsnams pa'o/ /de bzhin gshegs pa lngas rin po che sna tshogs pa'i char 'bebs bzhin pa dung can gyi mgo dang /pad+ma can gyi mgo'i gter chen po la zhabs gnyis bzhugs pa rang gi khang pa'i phyogs gcig tu bsam par bya'o/ /sku mdog ser po ut+pa la sngon po'i phreng ba bsnams pa'i dpal ldan mgon po dzaM b+ha la nor rgyun ma la yang dag par 'khyud pa/byang chub sems kyi thig le las skyes pa'i rin po che'i tshogs kyis nam mkha' ma lus par khyab par bsgom par bya ste/ 'bab pa'i dus su shar phyogs su gang ba bzang po sngon po/ lho phyogs su rnam thos sras ser po/ nub phyogs su nor sbyin dmar po'o//byang phyogs su nor bu bzang po ser po'o/ /me'i mtshams su tsi pi kuN+Da li dmar po/ bden bral du ki li mi li sngon po/ rlung du spyod pa'i dbang po ser po/ dbang ldan du kha'i dbang po ser po'o/ /de thams cad kyang nor sbyin mo'i b+ha ga'i dbus na gnas pa'i rin po che'i char 'bebs bzhin pa'i dzaM b+ha la bzhin du bsgom par bya'o//shar sgor gnod sbyin chen po gcer bu 'bras bu 'chang ba rin po che'i char 'bebs pa'o/ /lho sgor pad+ma dang pad+ma chen po dag go/ /nub sgor ki li dang ma hA ki li dag go/ /byang sgor gang ba dang gang ba bzang po dag go//de dag rnams kyang gcer bu 'bras bu 'chang ba'o/ /mgon po dzaM b+ha la la go rims bzhin du sngags kyi yi ge rnams dgod par bya'o/ /oM ni spyi bor ro/ /dzaM ni zhal la'o/ /b+ha la ni phyag gnyis la'o/ /dza thugs kar ro/ /len lte ba la'o/ /drA ya ni brla gnyis la'o//swA hA ni pus mo gnyis la'o/ /spyi bor nor bu bzang po'o/ /spyan gnyis la rnam thos sras so/ /kha la mu khen+d+ra'o/ /nu ma'i bar du gang ba bzang po'o/ /lte bar nor sbyin no/ /brla gnyis la ki li mi li'o/ /rkang pa dag la tsi pi kuN+Da li'o/ /yan lag thams cad la tsa ren+d+ra'o//da ni yi ge dgod par bya'o/ /oM spyi bor ro/ /dz+luM dpral bar ro/ /ts+luM rna ba dag la'o/ /saM mgo bo'i rgyab tu dgod par bya'o/ /da ni lag pa la dgod par bya ba ste/ lha rnams kyi yi ge oM mkhrig mgul du/ dz+luM lag pa'i dbus su/ ts+luM sor mo thams cad kyi rtse mo la/saM sor mo thams cad kyi rtsa ba la'o/ /oM dzaM b+ha la dza len+d+ra ye swA hA/ zhes pas rab tu gnas par bya'o/ /mdzub mo la nor bu bzang po/ gung mo la gang ba bzang po/ ming med la nor sbyin/ mthe'u chung la rnam sras/ de bzhin du kha'i dbang po lag pa'i mthil du/mkhrig mgul du ki li mi li/ mtheb chen la tsi pi kuN+Da li/ mdzub mo dang bcas pa'i mtheb chen gyi bar du tsa ren+d+ra'o/ /lag pa'i dbus su dzaM b+ha la dza len+d+rA'o/ /rdo rje'i chu la sogs pa'i bdud rtsi lnga de'i ngo bo ma yin kyang / rdo rje chu dang chu bsres nas khyor bas btung ste/ khyor ba brgya rtsa brgyad thun mtshams gsum du dbul bar bya'o//ring por mi thogs par dzaM b+ha la dang 'dra bar 'gyur ro/ /nor dang gser 'phel zhing sa gzhi rdzas kyis yongs su gang bar 'gyur ro/ /oM dz+luM ts+luM saM zhes brjod cing chu khyor bas dbul bar bya'o/ /grub par ma gyur na dpal rdo rje hUM mdzad du bdag nyid bsgoms la dzaM b+ha la'i sku gzugs la dug dang ske tshe dang nim pa'i lo ma dang /d+ha du ra dang / dur khrod kyi sol bas byugs la bsro zhing skam par bya'o/ /phyi nas dur khrod kyi me la khros pas bdugs na nges par 'grub par 'gyur ro/ /dpal ldan dzaM b+ha la'i sgrub thabs rdzogs so/