239b1 @##/ /rgya gar skad du/ saM k+Ship+ta dzaM b+ha la sA d+ha naM/ bod skad du/ dzaM b+ha la'i sgrub thabs mdor bsdus pa/ bcom ldan 'das dzaM b+ha la la phyag 'tshal lo/ /sngon du gsungs pa'i cho gas snying gar pad+ma dang / zla ba la dzaM yig las byung ba'i 'od zer gyis sangs
239b2 rgyas la sogs pa yang dag par mchod nas/sdig pa bshags pa la sogs pa bya'o/ /de nas stong pa nyid sngon du bya ste/ de la de bzhin du gnas pa'i sna tshogs pad+ma dang zla ba la dzaM las byung ba'i sa bon gyi 'od zer gyis sems can gyi don mdzad nas/ de yongs su gyur pa las dzaM b+ha la
239b3 gser gyi mdog lta bu sangs rgyas lnga'i cod pan can/mdzes pa'i gos dang / rgyan gyis spras pa/ zhal gcig phyag gnyis pa/ phyag g.yas na bI dza pU ra ka dang / g.yon na kha nas rin po che sna tshogs skyug pa'i ne'u le bsnams pa/ ut+pa la sngon po'i phreng ba can/ logs
239b4 gnyis na rin po che'i snye ma'i char 'bebs pa'i gnod sbyin gnyis gnas pa/zhabs kyi 'og na gnas pa'i rin po che'i snye ma'i bum pa dpag tu med pa'i 'od zer gyi phreng ba 'khrigs pa'i bdag nyid du bsam par bya'o/ /oM dzaM b+ha la dza len+d+ra ye swA hA/ zhes pa'i sngags bzlas so/ /lag pa gnyis khu
239b5 tshur bcings te gung mo'i dbus su tshigs gsum pa bcag pa'i phyag rgyas snying ga dang /mgrin pa dang / spyi bo dang mdzod spu rnams su sbyin par bya'o/ /snga bar yang de bzhin du skad cig gis bsgoms nas/ 'dis chu snyim pa brgya rtsa brgyad dbul bar bya'o/ /oM dzaM b+ha la dza len+d+ra ye d+ha na me
de hi da da pA ya swA hA/