CLOSE WINDOW

D3613
བོད་ཡིག

@##/ /rgya gar skad du/ uts+tshasma dzaM b+ha la sA d+ha naM/ bod skad du/ khro zhing dgyes pa dzaMb+ha la'i sgrub thabs/ dpal ldan dzaM b+ha la la phyag 'tshal lo/ /thub pa'i gzhon nu thub dbang dge ba yis/ /phun tshogs mchog gis dpag med rnam par brgyan/ /gang zhig zhabs la spyan gsum drag po yi//gtsug gi nor bu'i rgyan gyis btud gyur pa/ /bla med yon tan gnyis med pa'i/ /rin chen tshong 'dus 'dren pa ste/ /rang gi phun tshogs 'gro rnams kyi/ /rgya chen thob phyir brten par bgyi/ /de la dang por re zhig bdag gis dpal dzaM b+ha la sgrub la sa la sogs pa'i rim pa thob nas/de'i tshe bdag gis yang 'gro ba rnams 'di dang phyi ma'i phun sum tshogs pa'i gnas la dgod par bya'o zhes pa'i bsam pa dang ldan pas snying gi nang du bu ga nas rjes dbyangs dang bral ba'i a yig 'od zer dkar po 'phro zhing de las skyes pa'i zla ba'i dkyil 'khor la de la hUM yig dbus nag po phyi'i khor yug cung zad ser po'i 'od zer gyi tshogs mgo'i steng du 'phro ba'o//de las skyes pa'i rdo rje 'og tu rtse mo bzhi pa steng du rtse lnga pa sbyar ba las rtse mo dgu ste/ gsung rab yan lag dgu'i rnam par dag pa'o/ /gzhan nas steng dang 'og tu rtse mo gcig tu byas nas dbus kyi rtse mo dang dgu zhes so//hUM yig bzhin du kha dog dang bya ba dang tshangs pa'i nang du zla ba la gnas pa'i de dang 'dra ba'i hUM dang ldan pa bsgom par bya'o/ /de nas hUM yig dang rdo rje dag las 'od zer 'phros nas/ oM a zhes pa'i sngags brjod pa sngon du 'gro bas phyogs bcu'i sems can rnams kyi don mdzad pa'i dzaM b+ha la'i sku dpag tu med pa mar me las mar me gzhan 'byung ba bzhin du 'od zer gyis mdun du bkug nas de'i sku gcig tu bsgoms te/nyer spyod lngas mchod nas/ sdig pa bshags pa la sogs pa nas/ tshad med pa'i bar bsgom ste/ de'i rjes su yang hUM dang rdo rje'i 'od zer rnams ma lus pa lus kyi nang du bsgoms te/spros pa thams cad dang bral ba stong pa nyid kyi rang bzhin la/ zla ba dang rdo rje'i sa bon gyi 'od zer rnams la/ oM a zhes pa 'dis spros te/ bkug nas bcom ldan 'das rab tu gzhug par bya'o/ /rab tu bcug pa'i mthar skad cig gis zla ba la sogs pa rdzogs pa las bdag nyid bcom ldan 'das dzaM b+ha la gzhon nu lo lnga lon pa lta bu sna tshogs pad+ma dang zla ba'i steng du thung zhing rgyan thams cad kyis brgyan pa rin po che'i cod pan can no//kha nas rin po che skyug bzhin pa/ nor sbyin ser po gan rkyal du nyal ba'i dpral bar zhabs g.yas pas mnan pa/ rkang pa gnyis kyi steng du zhabs g.yon pas mnan cing /g.yon brkyang gi zhabs su mdzad pa/ gcer bu rtags steng du langs pa/ lto ba 'phyang ba/ thugs kar phyag g.yas pas thod pa khrag gis bkang ba la zhal mngon par gzigs pa/ brla g.yon pa'i steng du phyag g.yon pas rin po che'i snye ma skyug bzhin pa'i na gu li kha thur du bstan pa bsnams pa/mi'u thung rna ba ma phug pa/ zhal zla ba phyed pa lta bu/ mche ba gtsigs pa/ spyan gnyis zlum zhing dmar ba/ dpral bar khro gnyer bsdus pa/ dbu skra kham pa gyen du brdzes pa/ sa gnon gyi phyag rgya mdzad pa'i thub pa mi bskyod pa sngon pos dbu brgyan pa/dga' bo sngon po ta ma la lta bus dbu skra bcing pa/ 'jog po dmar pos snyan dkris pa/ pad+ma chen po pad+ma'i rtsa ba lta bu dkar pos do shal byas pa/ du ba'i mdog lta bu mtha' yas kyis mchod phyir thogs mdzad pa/ nor rgyas dkar pos ska rags mdzad pa/ pad+ma kun da ltar shin tu mdzes pas zhabs gdub byas pa/dung skyong ser pos lag gdub mdzad pa/ rigs ldan du ba lta bu khra bos dbu rgyan byas pa/ mdog nag cing phyi'i khor yug cung zad ser ba 'od zer gyi tshogs 'phro ba bsams nas/ dpral ba dang zhal dang dpung pa g.yas g.yon dang snying ga dang rdo rje'i steng dang brla g.yas g.yon dang zhabs g.yas g.yon dag gi nang du bu gar gnas pa'i zla ba'i dkyil 'khor bcu rnams la/oM dzaM b+ha la dza len+d+ra ye swA hA/ zhes pa'i yi ge rnams ser zhing 'od zer ser por blta bar bya'o/ /de'i dus su sna nas rlung 'byung ba'i dus su hUM yig la sogs pa'i 'od zer rnams kyis snying ga'i hUM dang rdo rje'i 'od zer rnams kyis yang phyogs rnams su 'phro zhing reg pa tsam gyis sems can rnams bcom ldan 'das kyi skur bsams te/yang rlung rngub pa'i dus su hUM yig gis rab tu 'jug par bsams nas sems brtan par bya ste sngags bzlas par bya'o//'jig rten gsum na gnas pa'i rin po che sna tshogs pa thams cad klu dang sre mo dang nor sbyin rnams kyi kha ru rab tu gzhug par bya'o/ /slar yang rlung 'byung ba na klu la sogs pas mid pa'i rin po che rnams mdun du skyug par bsam par bya'o/ /de bzhin du yang dang yang du spro zhing bsdu ba la sogs pa byas nas/de'i rjes su ngal na/ na mo rat+na tra yA ya/ na mo ma Ni b+ha drA ya/ ma hA yak+Sha se na pa ta ye/ oM dzaM b+ha la dza len+d+ra ye swA hA/ zhes pa'i sngags bzlas par bya'o/ /yang na yi ge bcu bkod pa'i sngags so/ /chu 'bul ba'i dus su lag pa g.yas pa gan rkyal du byas pa'i dbus su baM yig gi 'od zer gyis lag pa bum pa bzang po bzhin du bya'o//lag pa'i rtsa bar oM yig gi 'od zer gyis lag gdub kyi rnam pa dang ldan pa'i baM mo/ /dbus su dzaM ngo / /mdzub mo dang gung mo dang ming med dang mthe'u chung dang / mtheb chen gyi rtse mo rnams la/ b+ha la dza len+d+rA'i yi ge rnams rim pa ji lta ba bzhin no/ /oM dang baM yig ni dbus su'o/ /gang yaM yig gi g.yas dang g.yon du swA hA'i yi ge'o/ /'di rnams ni oM yig la sogs pa rang rang gi gnas la bu ga rnams su zla ba la gnas pa'i kha dog ser zhing 'od zer ser por bsams nas/lag pa chu dang me tog dang bcas pas kha mngon par phyogs te/ oM in+d+ra Ni mu khaM b+h+ra ma ri swA hA/ zhes pa'i sngags lan bdun mngon par bsngags nas/ de'i rjes su lag pa brkyang ste sbyin par bya ba'i chu rang gi zhal du zhugs shing dzaM yig gi 'od zer gyis snying ga'i gnas nas rdo rje hUM yig gi 'od zer gyis yang kha dog ser por byas te/rdo rje'i sgo nas thon te lag mthil du'o/ /mdun du skad cig gis bsgoms nas de'i zhal mngon par phyogs pas sku gzugs kyi zhal gyi nang du/ oM dz+luM swA hA/ zhes pa'i sngags kyis brgya rtsa brgyad do/ /rat+na tra yA zhes pa la sogs pas kyang lan bdun dbul bar bya'o/ /na mo rat+na tra yA zhes pa la sogs pa yang lan cig brjod nas/ bu ram dang bsres shing 'bras kyi khur ba la sogs pas gtor ma dbul bar bya'o/ /ji ltar gsungs pa bzhin du thun mtshams gsum dang yang na thun gcig tu gnas nas bstod pa dang smon lam yang gdab par bya'o//de bsgoms pa'i rjes la bcom ldan 'das oM badzra muHzhes pas gshegs par bya'o/ /'on kyang smin drug dang dbo dang sa ga dang chu stod dang / gzhan yang bzang zhing bzang ba'i nyi ma dge ba la/rdo rje'i dum bu la skad cig gis/ bcom ldan 'das kyi skur bskyed nas yang dag par mchod de/ gso sbyong blangs nas/ bzo bo gcig gis nyi ma gcig la dpa' bo'i rim pas sku gzugs bya'o/ /byas nas kyang bdag nyid kyi rim pa ji lta ba bzhin du bcom ldan 'das kyi sku la yi ge rnams dgod pa dang bsgom pa dang chu dbul ba la sogs pas bsgrub par bya'o zhes pa ni man ngag go//de nas gshegs su gsol bar bya'o/ /bcom ldan 'das kyi sku gzugs ni rtag tu gnas te bkur sti la sogs pa bya'o zhes so/ /paN+Di ta chen po 'jigs med 'byung gnas sbas pas mdzad pa'i uts+tshusma dzaM b+ha la'i sgrub thabs rdzogs so/