228b1 @##/ /rgya gar skad du/ de wI ba su d+hA rA sA d+hA naM/ bod skad du/ lha mo nor rgyun ma'i sgrub thabs/ lha mo nor rgyun ma la phyag 'tshal lo/ /sngon ma bzhin du stong pa nyid kyi mthar thug par rnam par bsgoms nas skad cig gis bdag nyid dzaM b+ha la'i skur bsams
228b2 nas/rang gi snying gar zla ba'i dkyil 'khor gyi dbus su baM yig gi sa bon las byung ba'i bcom ldan 'das ma nor rgyun ma bsam par bya ste/ sku mdog gser lta bu rgyan thams cad kyis brgyan pa lo brgyad gnyis lon pa lta bu/ phyag g.yas pa mchog sbyin/ g.yon pa rin po che'i
228b3 phreng ba bsnams pa/mi bskyod pas dbu brgyan pa'o/ /bcom ldan 'das ma'i mdun du dpal gyi nor/ g.yas phyogs su nor ster ma/ rgyab kyi phyogs su dpal gyi nor zhal ma/ g.yon phyogs su nor gyi blo gros brten ma'o/ /de rnams kyang dang po'i sa bon gyi yi ge las rang gi gtso
228b4 mo dang mtshungs pa'i skur bsam par bya'o//de bzhin du bsgoms nas sngags bzlas par bya'o/ /oM ba su d+hA rI Ni swA hA/ oM shrI ba su swA hA/ oM ba su shrI ye swA hA/ oM shrI ba su mu khi swA hA/ oM ba su shrI ye swA hA/ so so'i bdag nyid la ba'i lci ba'i maN+Dal gru bzhi pa khru gnyis pa'i
228b5 tshad du byas nas thun mtshams gsum du me tog dri bzang pos stong phrag bzhir mchod par bya'o//zla ba drug tu bzlas pas yid kyi shing rta yongs su gang bar 'gyur ro/ /ji ltar rnyed pa'i me tog gi sbyin sreg 'bum phrag bzhi byas pas dpal chen mor 'gyur ba'o/ /nor rgyun ma'i sgrub
thabs rdzogs so/