CLOSE WINDOW

D3575
བོད་ཡིག

/[ ]@##/ /rgya gar skad du/ shuklA ku ru kul+le sA d+ha naM/ bod skad du/ rigs byed ma dkar mo'i sgrub thabs/ /rigs byed ma la phyag 'tshal nas/ /byis pa rnams kyi blo 'phel phyir/ /bla ma'i zhal gyi sku drin gyis/ /bsgom pa'i rim pa brjod par bya//dang por sngags pas bdag dang sems can thams cad sdug bsngal ba rnams rnam par grol bar 'dod pas snga dro'i thun la langs nas gdong bkru ba la sogs pa byas nas/ yid dang mthun pa'i gnas su stan bde ba la 'dug ste/ bsam pa thams cad snga bar byas nas bdag nyid rnal 'byor la gnas nas zhal bsil gyis de nyid gsum gyi sngags kyis srung ba byas nas/rang gi snying gar ri bong 'dzin pa'i dkyil 'khor dkar po bsgom par bya'o/ /de'i steng du rang gi sa bon las 'od zer 'phros te/ 'od zer de rnams kyis chos kyi dbyings nas bcom ldan 'das ma spyan drangs te/mdun du bzhugs nas mchod pa rnam pa sna tshogs pa'i mchod pas bde bar gshegs pa rnams mchod cing tsan+dan la sogs pa'i cho gas bzod par gsol zhing bsod nams yongs su bsngo ba dang smon lam btab ste/ phyi nas oM shU n+ya tA dz+nyA na badzra swa b+hA wa At+ma kou0f85haM zhes pa'i sngags 'dis stong pa nyid du bsgoms la de nyid gsum gyis byin gyis brlab bo//slar yang bdag nyid nam mkha'i ri mo bzhin du 'od gsal gyi skur bsam par bya'o/ /de'i rjes la zla ba'i dkyil 'khor dkar po/ de'i steng du hrIHyig gi sa bon las skyes pa'i ut+pal//de'i steng du zla ba'i dkyil 'khor gyi steng du gnas pa'i sa bon byin gyis brlabs la/ spro ba dang bsdu ba byas nas de nyid gsum gyi sngags kyis bdag nyid bcom ldan 'das ma phyag g.yas pa dang / g.yon pa dag gis ut+pal la'i bgrang phreng dang / bdud rtsi'i bum pa bsnams pa/spyan gsum pa/ pad+ma 'dzin pa la sogs pa'i de bzhin gshegs pa thams cad dang / /pi wang ma la sogs pa'i lha mo bcu drug gis dbang bskur zhing 'od dpag tu med pas dbu brgyan pa/ me tog sna tshogs pas nye bar mdzes shing ral pa'i thor tshugs can/ sgeg pa la sogs pa'i nyams dang ldan pa/phyag g.yas pa'i yal ga cung zad bgrang phreng gi 'od kyis snang bar mdzad pa 'o ma'i rgya mtshor chu skyes 'dab ma dkar po la gnas pa'i zla ba'i steng du sems dpa'i skyil krung gis bzhugs pa/ lag gdub dang / dpung rgyan dang / rna rgyan dang / rkang gdub dang /mu tig gi do shal dang / lha'i na bza' la sogs pa rnams kyis brgyan pa/ klu'i rgyal po mtha' yas nag pos dbu skra bcings pa/ nor rgyas bdud rtsi'i kha dog lta bus do shal byas pa/ 'jog po dmar pos rna rgyan byas pa/ stobs kyi rgyu ljang gus mchod phyir thogs byas pa/klu'i dbang po pad+ma dkar pos do shal phyed pa byas pa/ pad+ma chen po pad+ma'i sdong bu'i kha dog gis rkang gdub byas pa dung skyong ser pos lag gdub byas pa/ rigs ldan du ba'i kha dog lta bus dpung rgyan byas pa/ sku mdog dkar mo sku las bdud rtsi 'dzag bzhin du thugs snying rjes brlan pa bsgom par bya'o//de'i rjes la rang gi snying gar zla ba'i dkyil 'khor gyi steng du sngon gyi sa bon las 'od 'phros par bsgom zhing de'i 'od zer rnams kyis sems can thams cad bcom ldan 'das ma'i skur bskyed nas bkug ste/ oM dzaHhUM baM hoH zhes pa'i sngags 'dis chu dang 'o ma 'dres pa bzhin du ro gcig tu byas nas rang gi lus la zhugs te/mchod pa sngon du 'gro bas bcom ldan 'das ma yang de nyid gsum gyis dkar po dang / dmar po dang nag pos mnyes shing brtan par byas nas spyi bo dang mgrin pa dang snying ga rnams su rgyas gdab par bya'o//de'i rjes su snying ga'i sa bon las 'od zer 'phros nas bde ba can la sogs pa'i 'jig rten gyi khams na bzhugs pa'i mgon po 'od dpag tu med pa la sogs pa'i de bzhin gshegs pa thams cad spyan drangs nas pi wang ma la sogs pa'i lha mo bcu drug dang ldan pas de bzhin gshegs pa lnga'i bdag nyid bdud rtsi lnga dang ga bur dang gur gum dang /gla rtsi dang / dri bzang pos yongs su gang ba'i bum pa rnams bzung nas tshigs su bcad pa sngon du 'gro bas dbang bskur bar bya ste/ de la tshigs su bcad pa 'di'o/ /byang chub rdo rjes sangs rgyas la//mchod chen phul ba ji bzhin du/ /bdag kyang bskyab pa'i don gyi phyir/ /nam mkha'i rdo rje bdag la stsol/ /dbang bskur rnam gsum dbyer med la/ /khams gsum rnams kyis phyag byas pa/ /sangs rgyas kun gyi gsang ngag gsum gyi/ /gnas las byung ba bdag gis gzung //ji ltar de bzhin gshegs pa kun/ /'khrungs pa tsam gyis khrus gsol ba/ /de bzhin bdag kyang khrus bgyi ste/ /lha yi chu bo dag pa yis/ /mgon po 'od dpag tu med pa la sogs pa'i de bzhin gshegs pa rnams dang / pi wang ma la sogs pa'i lha mo bcu drug dang ldan pas dbang bskur zhing / oM sarba ta thA ga ta a b+hi She ka ta sa ma ya shri ye AHhUM zhes pa 'dis dbang bskur zhing dbu rgyan rab tu sbyin no/ /'od dpag med kyang spyi bor bzhugs shing dran pas so/ /dbang bskur blangs nas de'i rjes su rang gi lte ba'i chu skyes la gnas pa'i zla ba'i steng du gnas pa me'i sa bon la zhon pa'i sa'i mtha' dang zla ba dang thig le nA da dang bcas shing bzhi pa'i dbyangs kyis brgyan pa A li dang kA li 'phro ba can/bdud rtsi'i rang bzhin gyi 'od dkar po las sgron me bzhin du 'bar ba zhal gyi sgo nas 'thon te/ nor bu dang sngags dang /sman thams cad skad cig gis blangs nas lte ba'i sgo nas rab tu gzhug par bya'o/ /yang nas yang du rnal 'byor gyi rang bzhin dran pa dang ldan pas so/ /gzhon nu mas bkal ba'i skud pa dgu sgril du byas nas shel gyi bgrang phreng rdog po lnga bcu rtsa gcig brgyus te yang na bo d+he tse'o//gung mo dang mthe bos bzung nas zhi ba la'o/ /gcig gis lhag pa'i brgya yis mdzub mo dang mthe bo dag gis thun mtshams gsum bzhir yun mi ring bar bsgoms te ye shes pa spyan drangs nas rnal 'byor pas de bzhin du sngags kyi yi ge bzlas pa bya ste sems brtan zhing yid chags pas so//sngon du bsnyen pa 'bum byas nas nyi ma so so la zla ba phyed dang gsum du khri phrag re bzlas na snyan ngag mkhan du 'gyur ro/ /dug zhi bar byed do/ /'bum phrag nyi shu rtsa gcig bzlas nas nyi shu rtsa gcig gis sa dkar la mngon par bsngags nas lag pas dril te lan nyi shu rtsa gcig tu mngon par bsngags nas gang gi mgo bor lag pas byin pa de rmongs pa yin yang snyan ngag mkhan du 'gyur ro//'khor rnams kyang rgol bas zil gyis non par mi 'gyur te 'jam dpal dang mtshungs par 'gyur ro/ /gzhan yang ma thos pa'i bstan bcos thams cad kyang shes par 'gyur ro//sngags 'di'am/ yang na bla ma'i man ngag gis bzlas pa byas na shes rab 'phel bar 'gyur ro/ /oM ku ru kul+le hrIHba da ba da bA khA di ni swA hA/ yi ge bdun pa'i sngags kyi yi ge 'bum bzlas nas sbyin sreg gsungs pa'i cho ga dang ldan pas me tog dkar pos mngar gsum la bsgres nas stong phrag brgyad cus sbyin sreg byas na klu'i bu mo rnams kyang 'gugs par 'gyur ro//ma bslangs par yang mi'i bu mo mdzes ma rnams rnyed do/ /'di ni ngo mtshar ma yin par 'grub ste/sangs rgyas bcom ldan bsam mi khyab/ /sangs rgyas chos kyang bsam mi khyab/ /sangs rgyas rdzu 'phrul bsam mi khyab/ /nor bu sman dang sngags rnams kyi/ /mthu yang bsam gyis mi khyab po/ /sngon ma bzhin du gzhon nu mas bkal ba'i skud pa 'thag mkhan gso sbyong byas nas btags shing /ri mo mkhan po yang ste bris sku'i cho gas dus gsum du byas te dri bzang po'i me tog gis mchod nas nga rgyal dang bcas pa'i sngags bzlas par bya'o/ /byams pa'i sems kyis rmugs pa dang gnyid dang rgod pa dang / the tshom dang / zhum pa dang / yid gnyis dang ldan pa gzhan dang / sems dman pa dang / don med pa'i sems rnams thams cad mkhyen pa'i gsung la rmugs pa la sogs pa'i sems bzung ba rnams 'bad pas de rnams myur du spangs par gsungs so/ /sgrol ma'i yi ge bcu'i sngags bzlas par bya zhing 'dis ku ru kul+le'i sbyor bas bgegs thams cad nye bar zhi zhing sems can rnams kyi dbang du byed pa yang sgrol ma dang ku ru kul+le dbyer med pa las so//shes rab kyi cho ga ni khyim ming can gyi lo ma dang / sha thi dang / shing mngar dang / de bzhin du tshangs pa dang / pi pi ling dang / sbrang rtsi rnams bza' bar bya'o zhes pa 'di man ngag gis byas te/ yi ge bdun pa'i sngags kyis lan mang du mngon par bsngags te/ sman rnams bdud rtsi'i rang bzhin du bskyed nas/ bdag nyid bcom ldan 'das ma'i skur dmigs la/ bcom ldan 'das ma'i bris sku la sogs pa bkram nas nam langs pa dang mchod pa byas nas bza' bar bya'o//nyal ba'i dus su thum bu byas te khar bcug nas nyal bar bya'o/ /'dis shes rab chen por 'gyur ro/ /oM ku ru kul+le swA hA/ zhes so/ /shes rab rgyud kyi cho ga'o/ /mar dang ta ka ra'i rtsa dang / /'khor los mtshan pa de bzhin du/ / mche ba'i rma la byugs pa'am/ /'thungs pas dug ni 'joms par byed/ /dug gi rgyud ni/ sngon du gsungs pa'i mtshan ma'i sa bon kha dog dmar po yongs su gyur pa las bcom ldan 'das ma brtse bas brlan pa'i sems kyis mthar thug pa rnam par bsgoms nas rang gi snying gar zla ba dmar po'i steng du 'khor lo rtsibs drug la gnas pa'i oM ku ru kul+le swA hA/zhes pa'i sa bon bdun gyi 'od zer gyis bcom ldan 'das ma ye shes sems ma'i sku gdan drangs nas zhal gyi sgo nas sngon du gsungs pa'i sngags kyis sngon ma bzhin du rab tu zhugs te/ de nyid gsum la sogs pas thams cad ro gcig tu byas nas rang gi snying ga'i sa bon gyi 'od zer gyis bsgrub bya bkug nas bgrang phreng gi zhags pas bcing shing bkug nas rkang pa'i mthil du 'gyel te/skra grol zhing myos pa ro bzhin du bltas nas bgrang phreng gi zhags pa'am/ lcags kyus bde ba chen po'i sgo nas a ba d+hU tI'i zla bas bsgrub bya'i bshad ba'i sgo nas rnam par shes pa bkug ste/tsan+dan dmar po'am byi ru'i bgrang phreng nyi shu rtsa drug ming med dang mtheb chen gyis bzung nas shin tu chags pa'i sems kyis yi ge bdun gyi sngags bzlas par bya'o/ /sngon ma bzhin du hrIHyig dmar po chu skyes kyi ze'u 'bru la blta bar bya'o//dbang du bya ba'i cho ga'o/ /slar yang rab tu myos shing dbang du byed par 'dod pas dbo zla'i tshes brgyad la mya ngan med pa'i shing gi 'og tu song ste/ gos dmar po gyon nas sems rtse gcig tu gnas pas shin tu dga' ba'i bsam pas ku ru kul+le sbyor ba'i cho gas myos byed kyi 'bras bu bza' zhing kA ma tsi ka'i khu bas thig le byas nas chags pa'i sems kyis sngags bzlas par bya'o//de la sngags ni 'di'o/ /oM hrIHche ge mo bdag gi dbang du gyis shig swA hA/ yang na yi ge bdun pa'i sngags la ming nang du byas te swA hAs mtha' brten nas sngags bzlas pas lha rnams kyang dbang du byed na phra mo'i mi rnams smos kyang ci dgos/ku ru kul+le'i sngags 'dis nag po chen po dang / 'phrog ma dang / gnod sbyin chen mo rnams kyang dbang du byed do/ /dbang du bya ba'i cho ga'o/ /dzA rI gtum mo ji bzhin du/ /sne he ma li rang gi khu/ /ro yi lte ba'i srin bu yang / / dbang du byed pas bza' bar bya'o/ /ro yi mig dang snying dang mchin pa dang / /dpral ba'i sha dang de bzhin du ni sna/ /blangs shing mnur nas 'bru mar dag gis btso/ /rgyu skar rgyal la drag po'ang dbang du byed/ /dbang du bya ba'i rgyud do/ /oM ku ru kul+le sarba duSh+TAn nA sha ya nA sha ya kI la ya kI la ya/b+hany+dza ya b+hany+dza ya/ mar da ya mar da ya/ d+hAM sa yad+hAM sa ya/ a pa sA ra ya/ a pa sA ra ya/ a bi mi taM me ku ru shAn+tiM me ku ru puSh+TiM me ku ru sarba satAM pa sh+yaM me swA hA/ oM hrIM shrIM hUM haM hoHhaHsngags 'dis yang me'i dkyil 'khor gyi steng du mgo bo gsum la gnas pa'i pad+ma'i snod du zan la sogs pa rnams bdud rtsi'i rang bzhin dngul chu bzhin du bltas la yi ge gsum gyi sngags kyis byin gyis brlabs la bcom ldan 'das ma dang 'byung po thams cad la 'bul bar bya'o//oM muHzhes pa 'dis mchod pa la sogs pa thams cad gshegs par bya'o/ /'dis ni bgegs chen po rnams zhi bar 'gyur ro//gtor ma'i cho ga'o/ /zhi la zhi ba'i sems kyis te/ /rgyas la rgyas pa'i sems kyis so/ /shin tu chags pas dbang du dgug /khro ba'i sems kyis gsad pa'o/ /zhi la maN+Dal rnam pa ste/ /rgyas la rdzing gi rnam pa'o/ /dbang la zla ba phyed pa ste/ /nam mkha'i khams 'dra gsad pa la//zhi ba khru gang tshad kyis te/ /rgyas pa la ni khru do'o/ /rgyas pa ji lta de bzhin dbang / /gsad pa sor mo nyi shu'o/ /zhi la khru phyed gting du'o/ /khru yi tshad kyis rgyas pa la/ /mthe bo lnga yis gsad pa la/ /rgyas pa ji lta de bzhin dbang / /zhi ba'i sbyin sreg tshes gcig la/ /rgyas pa zla ba gang ba la//bcu bzhi la ni mngon spyod do/ /brgyad la dbang gi las yin no/ /zhes pa ni gzhan no/ /de nas yang na sngags kyis bri/ /sbyin sreg thab khung tshad ldan pa/ /zhi ba la ni zlum por bya/ /khru gang gi ni tshad kyi thig /khru phyed gting du sa brkos nas/ /tshon rtsi dkar pos byug par bya/ /sbyin sreg thab khung tshad ldan pa//logs dag yang dag bri byas te/ /kun nas 'khor lo'i rnam pa can/ /rgyas pa la ni khru do ste/ /khru gang de nas brko bar bya/ /kha dog ser skya dag gis ni/ /kun nas gru bzhi bri bar bya/ /mngon spyod la ni zur gsum ste/ /rgya la sor mo nyi shu'o/ /nyi shu'i phyed ni brko bar bya/ /'bar ba'i phreng ba 'khrigs pa bri//de bzhin dbang dang dgug pa la/ /zla ba phyed pa yang dag bri/ /sbyin sreg thab khung yang dag bltas/ /phyogs dang phyogs mtshams snang bar byas/ /sngags pas byang phyogs kha phyogs nas/ /dbang du bya ba brtsam par bya/ /rgyas pa rtag tu shar phyogs la/ /mngon spyod la ni lho phyogs su//nub phyogs su ni rtag gsungs pa/ /dbang du dgug dang bskrad la sogs/ /mngon spyod rtag tu kha dog gnag /kha dog lnga yi dbang du bya/ /til dang 'bras dang 'o ma dang / /mar dang sbrang rtsi dang bcas pa/ /bdud rtsi lnga dang ldan pa yis/ /zhi ba dang ni rgyas par 'dod/ /yam shing dag ni thams cad kyang //'o ma dang bcas dri bzangs shing / /bza' ba rnam pa sna tshogs pa/ /'byung po kun la gtor ma sbyin/ /zhi ba ston ka'i dus su ni/ /de bzhin rgyas pa dgun gyi dus/ /dbang dang dgug ni dpyid du gsungs/ /sos ka'i dus su mngon spyod dang / /las rnams thams cad bsgrub par bya//tho rangs dus su zhi ba ste/ /nam langs de bzhin rgyas pa dang / /nyi ma phyed dang nam phyed la/ /de bzhin mngon spyod las rnams bya/ /nga med sbyin sreg las la mkhas/ /de nyid gang zhig smra byed pa'i/ /slob dpon zhi ba chen po des/ /sangs rgyas bstan la mos pas so/ /'dod chags sems gyur gzhan rnams la//zhe sdang pha rol sun 'byin pa/ /khengs shing rmongs pa dang ldan pa/ /de rnams sangs rgyas bstan la spong / /sbyin sreg gi cho ga'o/ /gzhan yang mche ba'i dug langs pa'i dus su zhi bar 'dod pas bla ma'i man ngag gis dug shes nas bdag nyid klu ma lus pa'i gzugs su bsgoms te/kha dog dkar po rang gi snying gar chu skyes 'dab ma brgyad pa'i steng du shes rab kyi dkyil 'khor la gnas pa'i shes rab kyi sa bon la bde ba chen po'i bdud rtsi 'thung zhing mig dag nas 'thon te/ bsgrub bya'i mgo bo dang / mig dang kha dang / snying ga dang / gsang ba dang / rkang pa'i mthar thug par g.yo zhing 'gro ba rtse gcig pa'i sems brtan pos bsam par bya'o//yang na bi Sha'i sman dang ldan pa ming med kyis sngon du gsungs pa'i dkyil 'khor gyi sa bon gyi gnas su bsgrub bya legs par bya ste/ sa bon dang ldan pas dril bu'i 'og tu reg par bya'o/ /dbyug pa byin nas mdzub mos sa bon gyi gnas la gos kyis g.yogs par bya'o//yang na ma bsnun par sngon du gsungs pa'i gnas su reg par bya zhing sngon ma'i sman sbyin par bya'o/ /yang na zla ba'i dkyil 'khor gyi gnas la g.yo bzhin pa bsgom par bya'o/ /chang dang bi Sha dang tsha la dang sbrang gi btung ba sbyin par bya'o//yan lag dgod pa lag pas rtag tu bya'o/ /de nyid gsum gyis mche ba grol bar bya'o/ /'dis ni langs par the tshom med do/ /slar yang gdengs ka'i dbang po'i mgrin pa bcings te mche bas mchu gzung bar bya'o/ /nam mkha' lding dbang pos nam mkha' la khyer te/ nam mkhar rab tu zhugs pas dug med par 'gyur ro/ /gzhan yang g.yo ba'i skar ma dang bcas pa'i zla ba las 'og tu bsgoms pas chus khyab cing thod pa can bzhin du gar byed cing dug med par 'gyur te gzhan du ma yin no/ /khyab 'jug bzhin du mthong zhing mche ba nyal ba mtha' yas pa gdengs ka yongs su blta ba chu 'dzin gyi chus khrus byas pas dug med par 'gyur te gzhan du ma yin no//ma tA shin tu zhi byed cing / /rmongs par byed pa gzhan yin no/ /dkar pos dug ni 'joms byed shes/ /slar yang ser pos rengs par byed/ /nag po yis ni g.yo byed 'dod/ /ji ltar 'byung bzhi sbyor ba yis/ /sa bon bzhi dang ldan pas ni//rengs pa dang ni skrod pa dag/ /legs par bkod pas nges par 'grub/ /gzhan du rengs pa ri rab sbyor/ /ci ste rengs dang g.yo ba la/ /so so'i bsam gtan sbyar bar bya/ /gang 'gog rang gi lag gnyis kyis/ /kha mig rna ba sna rnams so/ /bla ma'i man ngag haM sa yis/ /brjod pas nges par dug ni 'joms//lag pas dug ni 'gugs pa yis/ /rim pa yi ni the tshom med/ /rang nyid stong pa'i sbyor ba las/ /de nyid bi Sha bza' ba las/ /dug 'joms rgya mtsho las skyes pa/ /rgya mtsho'i btung ba sbyor bas kyang / /'khor lo dkar pos mtshan pa yi/ /gdengs ka yan lag slar yang gzhon/