191b7 /rgol ba thams cad 'joms par byed do/ /lha dang mi rnams dga' bar 'gyur ro/ /gshin rje gshed nag po'i rgyud las phyung ba rdo rje dbyangs can ma'i sgrub thabs rdzogs so//[ ]@##/ /rgya gar skad du/ badzra swa ra swa tI sA d+ha naM/ bod skad du/ rdo rje dbyangs
192a1 can ma'i sgrub thabs/rdo rje dbyangs can ma la phyag 'tshal lo/ /rdo rje bzhi'i rim pas sgrub thabs bri bar bya'o/ /sngon ma bzhin du snying gar aM yig las zla ba bsgoms te sdig pa bshags nas dang por stong pa'i byang chub kyi mthar thug pa/ paM yig las
192a2 skyes pa'i chu skyes la zla ba/aM yig gi sa bon las spro ba la sogs pa las yang dag par byung ba'i sku mdog dkar mo yid du 'ong ba/ phyag g.yas na chu skyes dmar po bsnams pa/ g.yon na shes rab kyi pha rol tu phyin pa'i pu sti bsnams pa/ rdo rje bsdu ba'i phyag rgyas oM badzra sa mA dzaH
192a3 dzAHdzAHdzAHzhes pas ye shes sems dpa' gzhug pa la sogs pa sngon du 'gro bas shes rab kyi pha rol tu phyin ma rdo rje skyil mo krung gis bzhugs pa bsgom par bya'o//de'i thugs kar zla ba la gnas pa'i aM yig bsgoms nas spro ba dang bsdu ba la sogs pa'i rim pas sngags
192a4 bzlas par bya'o//oM pi tsu pi tsu pradz+nyA bar+d+ha ni/ dz+wa la dz+wa la me d+ha bar+d+ha ni/ d+hi ri d+hi ri bud+hi bar+d+ha ni swAhA/ mar me'i phreng ba bzhin du 'bar bzhin pa zhal nas 'thon te lte ba'i dkyil 'khor la rab tu zhugs par bsam par bya'o/ /de bzhin du gzhan yang 'dis blta bar bya'o/ /de bzhin du yang
gsungs te/