CLOSE WINDOW

D3553
བོད་ཡིག

/khu byug myos pa'i dbyangs dang ldan/ /snyan pa'i dbyangs ni skye 'gyur te/ /sems nyid bsgoms pa'i nus pa yis/ /'dir ni the tshom mi bya'o/ /dbyangs can ma chen mo'i sgrub thabs rdzogs so//[ ]@##/ /rgya gar skad du/ badzra swa ra swa stI sA d+ha naM/bod skad du/ rdo rje dbyangs can ma'i sgrub thabs/ 'phags ma dbyangs can ma la phyag 'tshal lo/ /sngon du gsungs pa'i cho gas snying gar chu skyes dmar po zla ba la doHyig dmar po'i sa bon yongs su gyur pa las chu skyes dmar po 'dab ma brgyad pa la rang gi sa bon gyi snying po can/de yongs su gyur pa las/ bcom ldan 'das ma rdo rje dbyangs can ma zhal gsum pa/ phyag drug pa/ sku mdog dmar mo spyan gsum ma/ sngon po dang dkar po ni g.yas dang g.yon gyi zhal lo/ /pad+ma dang / ral gri dang / gri gug rnams phyag g.yas pa rnams na bsnams pa/thod pa dang / rin po che dang / 'khor lo rnams phyag g.yon pa rnams na bsnams pa/ zhabs g.yon brkyang ba'i gzhon nu ma'i lang tsho dang ldan pa/ rgyan sna tshogs pa 'chang ba/ thugs kar gnas pa'i sa bon gyi mtshan mas gzhan gyi don mdzad par spro ba'i bdag nyid bsgoms nas/