CLOSE WINDOW

D3546
བོད་ཡིག

/sgrub thabs gsal po 'di bris so/ /shes rab kyi pha rol tu phyin ma dkar mo'i sgrub thabs slob dpon dge 'dun byin gyi bus mdzad pa rdzogs so//[ ]@##/ /rgya gar skad du/ shuklu pradz+nyA pA ra mi tA sA d+ha naM/ bod skad du/ shes rab kyi pha rol tu phyin ma dkar mo'i sgrub thabs/'phags ma shes rab kyi pha rol tu phyin ma la phyag 'tshal lo/ /shes rab pha rol phyin ma yi/ /lha mo sgrol ma'i gzi brjid can/ /zla ba gang zhig shar ba yis/ /rgol ba'i zhal pad gnyid log go/ /brtse ba dang ldan pa'i rnal 'byor pas stan bde ba la 'dug nas rang gi snying gar paM yig dkar po yongs su gyur pa las pad+ma/de la yang aM las byung ba'i zla ba'i dkyil 'khor de la oM dkar po'o/ /de las byung ba'i 'od zer gyis nam mkha' la bla ma dang / shes rab kyi pha rol tu phyin ma dang / sangs rgyas dang byang chub sems dpa' rnams bltas nas/sa bon de las gyur pa'i mchod pa'i nyer spyod rnams kyis mchod pas mchod nas/ de bzhin du phyag 'tshal ba dang / gsum la skyabs su 'gro ba dang / sdig pa bshags pa dang mi byed pa'i sdom pa dang / bsod nams la rjes su yi rang ba dang / bdag nyid dbul ba dang / bsod nams yongs su bsngo ba dang /byang chub tu sems bskyed pa dang / rgyal ba'i lam la brten pa dang / gzhan la bde ba phun sum tshogs par 'dod pa'i byams pa dang / gzhan sdug bsngal dang bral bar 'dod pa'i snying rje'i bdag nyid dang / sems can rnams la dga' ba'i rnam pa sbyin par 'dod pa dang /bshes dang bran mo dang dgra rnams la mthun pa dang / khro ba rnam par spang zhing mtshungs par byed pa ni btang snyoms zhes pa rnams bsam par bya'o/ /de nas stong pa nyid kyi byang chub kyi sngags/ oM shU n+ya tA dz+nyA na badzra swa b+hA wa At+ma kou0f85haM zhes so/ /de nas pad+ma de la z la ba rnam par bsgoms la/de'i dbus su sa bon las bcom ldan 'das ma shel dag pa las byas pa lta bu zhal gcig pa/ dbu skra nag po phyed phyed du 'khyil ba'i zhags pa can/ phyag gnyis pa/ skyil krung gis bzhugs pa/ mchu dang phyag dang zhabs kyi mthil dmar ba rgyan thams cad kyis brgyan pa/na bza' dkar po bsnams pa/ phyag g.yas na sdong bu dang bcas pa'i chu skyes bsnams pa/ phyag gzhan na thugs kar pu sti bsnams pa'i bdag nyid shes rab kyi pha rol tu phyin pa'i ngo bor bskyed nas/ lte ba'i dkyil 'khor du de bzhin du gzhan yang bcom ldan 'das ma rgyan thams cad bsnams par bsgom par bya'o//'di'i thugs kar yang pad+ma dang zla ba'i sa bon la/ de las 'phros pa'i 'od zer lcags kyu'i rnam pas ma 'ongs pa na grub pa'i bcom ldan 'das ma dzaH/ zhes pa'i sngags kyis gdan drangs nas/yang dag par mchod cing hUM zhes pas rab tu bcug nas baM zhes pas bcings te hoHzhes pas mnyes par bya'o/ /de'i rjes la sa bon las 'phro zhing byung ba'i 'od zer gyis dpag tu med pa'i 'jig rten gyi khams na gnas pa'i sems can rnams kyi don mdzad pa mtha' yas pa'i shes rab kyi pha rol tu phyin pa'i sprul pa'i sku slar yang de las sdud pa bsgom par bya'o//spro zhing bsdu bas ngal na bcom ldan 'das ma'i nga rgyal gyis gnas par bya'o/ /de bzhin du gung thun dang thun phyi ma'ang spro zhing rnam par bsgoms te/ bsdus nas de'i nga rgyal gyis gnas par bya'o zhes so//yang snga dro'i thun la muHyig gis gshegs nas de bzhin bsgom par bya'o/ /de la 'dir bzlas pa'i cho ga ni snying ga'i sa bon gyi yi ge nang dang phyi ru lha mo'i zhal gyi sgo nas thon nas lte ba'i dkyil 'khor du de la de bzhin du rab tu zhugs te sngags kyi yi ge rnams shel gyi phreng ba'i rnam pa dkar po spro zhing nye bar bsdus nas lha rnams kyi nga rgyal gyis bzlas par bya'o//de la bzlas pa'i sngags 'di'o/ /oM pi tsu pi tsu pradz+nyA bar+d+ha ni dz+wa la dz+wa la me d+ha bar+d+ha ni d+hi ri d+hi ri bu d+hi bar+d+ha ni swA hA/ de bzhin du bsgom pa'i rnal 'byor pas dus mi ring bar bstan bcos thams cad la mkhas par 'gyur ro zhes pa ni shes rab kyi pha rol tu phyin pa bsgom pa'i rim pa'o//shes rab pha rol phyin gyur pa'i/ /sgrub thabs gang byas bsod nams des/ /shes rab pha rol phyin gyur par/ /'gro ba 'di rnams 'gyur bar shog /shes rab kyi pha rol tu phyin ma dkar mo'i sgrub thabs rdzogs so/