CLOSE WINDOW

D3545
བོད་ཡིག

zhes pa'i sngags bzlas par bya'o/ /shes rab kyi pha rol tu phyin ma sku mdog ser mo'i sgrub thabs mdor bsdus pa rdzogs so//[ ]@##/ /rgya gar skad du/ shuklu pradz+nyA pA ra mi tA sA d+ha naM/ bod skad du/ shes rab kyi pha rol tu phyin ma dkar mo'i sgrub thabs/'phags ma shes rab kyi pha rol tu phyin ma la phyag 'tshal lo/ /sngon du gsungs pa'i cho gas rang gi snying gar chu skyes dkar po dang zla ba'i dkyil 'khor la pri yig dkar po rnam par bkod la de bzhin du sngon ma bzhin du thams cad bya'o/ /praM yig dang pad+ma yongs su gyur pa las bcom ldan 'das ma sku mdog dkar mo zhal gcig phyag gnyis pa lung dang rtogs pa'i gzugs can ma/rin po che'i cod pan bsnams pa/ shes rab kyi pha rol tu phyin pa'i pustis mtshan pa'i chu skyes gnyis g.yon dang g.yas kyi logs dag gi nang du langs pa bsnams pa'i phyag dag gis chos 'chad pa'i phyag rgya mdzad pa/pad+ma dkar po dang zla ba la rdo rje skyil krung gis bzhugs pa/ lang tsho gzhon zhing dar la bab pa/ na bza' dang rgyan rnam pa sna tshogs pas brgyan pa/ so sor snang ba tsam rab tu 'phro ba'i sna tshogs pa'i 'od zer kyi tshogs kyis nam mkha' gang ba/mar me'i phreng ba lta bu thogs pa med pa'i shes rab kyi pha rol tu phyin pa dpag tu med pa spro zhing bsdu ba'i sbyor bas thams cad rang bzhin gcig tu lhag par mos pas ji srid shes rab kyi pha rol tu phyin ma mngon du ma gyur pa de srid du bsgom par bya'o/ /de nas gang gi tshe dgod par gyur na pad+ma dkar po sna'i rtse mor tsa na ka'i tshad tsam kun nas bris pa bzhin du rnam par bsgoms la/de la bzhugs pa'i shes rab kyi pha rol tu phyin ma shin tu phra bar gsungs pa'i gzungs la rtse gcig pa'i yid kyis yang dang yang du mngon du bya zhing bsgom par bya'o/ /de nas bskyed pa'i rim pa'i phyogs kyi sngags ni oM praM swA hA/rdzogs pa'i rim pa'i phyogs la ni/ /sngags med don dam rim pa'o/ /shes rab pha rol phyin ma yi/ /man ngag thob pa'i rnal 'byor pa/ /dge 'dun byin kyi bu yis ni/ /rigs kyi ming gis kyang 'bad nas/ /sems can kun kyi don phyir du/