170b3 @##/ /rgya gar skad du/ oM Di yA na mA rI ts+yai sA d+ha naM/ bod skad du/ o Di yA na'i 'od zer can gyi sgrub thabs/ 'phags ma 'od zer can la phyag 'tshal lo/ /o Di yA na'i 'od zer can gyi sgrub thabs su gyur pa ni/ dang por re zhig rang gi snying gar oM yig yongs su gyur pa las nyi ma'i dkyil
170b4 'khor/de'i steng du dang po'i bcu gsum pa'i sa bon las zla phyed dang thig les brgyan pa'o/ /de bzhin du yang sdig pa thams cad so sor bshags pa la sogs pa byas nas/ des de bzhin du bskyed pa'i maM yig /de yongs su gyur pa las 'od zer can sku mdog dmar mo zhal drug pa phyag bcu
170b5 gnyis pa ste/zhal dang po ni dmar po/ gnyis pa ni nag po/ gsum pa ni ljang gu/ bzhi pa ni ser po/ lnga pa ni dkar po/ dbu'i steng du gnas pa ni phag zhal nag po ste/ zhal drug pa'o/ /mya ngan med pa dang / mchod rten gyis brgyan pa'o/ /rnam par snang mdzad ser pos mgon du byas pa/ lto ba 'phyang
170b6 zhing thod pa'i phreng bas brgyan pa/skra kham pa gyen du brdzes pa/ sbrul gyi rgyan gyis brgyan pa/ stag gi pags pa'i sham thabs can/ g.yon brkyang gis phag dang bgegs mnan pa/ phyag g.yas pa rnams kyis ral gri dang / rdo rje dang / chang snod dang / mda' dang / rdo rje rtse gcig pa dang sta gri bsnams
170b7 pa'o//g.yon rnams kyis sdigs mdzub dang bcas pa'i zhags pa dang / gtun shing dang / mya ngan med pa'i yal ga dang / tshangs pa'i mgo bo dang / gzhu dang / rtse gsum bsnams pa'o/ /spyan gsum pa dmar la zlum pa/ zhal mche ba gtsigs pa shing rta'i dbus su bzhugs pa'o/ /lha mo gzhan rnams ni
171a1 phyag gnyis pa/sdigs mdzub dang bcas pa'i zhags pa dang / mya ngan med pa'i yal ga bsnams pa bsgom par bya'o/ /bdag nyid bcom ldan 'das ma'i phyag rgya bcing bar bya ste/ rdo rje'i thal mo sbyar nas ting nge 'dzin gyis gung mo dag bkug nas mthe bong gnyis skyil krung rtse mo
bkug nas bzung ba'o/