CLOSE WINDOW

D3514
བོད་ཡིག

/'phags ma dzAM gu lI'i sgrub thabs rdzogs so//[ ]@##/ /rgya gar skad du/ e ka dzA TI sA d+ha naM/ bod skad du/ ral pa gcig ma'i sgrub thabs/ ral pa gcig ma la phyag 'tshal lo//de nas gzhan yang rab bshad bya/ /rtog pa'i man ngag ji bzhin du/ /sgrol ma ral gcig la btud nas/ /de yi sgrub thabs bshad par bya/ /oM hUM badzrI gi ma ma ma rak+Sha rak+Sha phaT phaT swA hA/ zhes pa 'dis bdag nyid byin gyis brlab par byas nas dang por re zhig rnal 'byor pas kha bsang ba la sogs pa byas nas skye bos dben pa'i dur khrod stug po dang bzhi mdo la sogs pa 'gro ba thams cad mngon par spro zhing mnyes gshin pas mchog tu bde ba'i stan la 'dug nas/rang gi snying gar pad+ma dmar po'i steng du zla ba'i dkyil 'khor la hUM yig nag po 'od zer dang bcas pa bsam par bya'o//de'i 'od zer gyis nam mkhar bla ma dang sangs rgyas dang / byang chub sems dpa' rnams bltas nas mchod par bya'o/ /sdig pa bshags pa dang / bsod nams la rjes su yi rang ba dang / gsum la skyabs su 'gro ba dang / byang chub tu sems bskyed pa la sogs pa byas nas bdag nyid nges par dbul ba dang /lam la brten pa dang / lhag pa'i bsam pa rnam par dag pas nga rgyal dang bdag gir byed pa yongs su spangs te byams pa dang / snying rje dang / dga' ba dang / btang snyoms rnam par bsgom par bya'o/ /de nas sems tsam la gnas par bya'o//byang chub kyi tshogs bsgoms pas so sor snang ba tsam gyi ye shes te/ oM shU n+ya tA dz+nyA na badzra swa b+hA ba At+ma kou0f85haM/ rang dang gzhan stong pa rnam par bsgoms nas sngon gyi smon lam rjes su dran par bya'o/ /raM yig las mdun du nyi ma rnam par bsgoms nas/ nyi ma d e las hUM yig las byung ba'i sna tshogs rdo rje'o//sna tshogs rdo rje'i nang du nyi ma'i dkyil 'khor ro/ /nyi ma'i dkyil 'khor gyi steng du zla ba'i dkyil 'khor la rin po che sgron ma 'phro ba lta bu'i hUM yig mi g.yo bar bsam par bya'o/ /de nas de las byung ba'i 'od zer kha dog sna tshogs pa sngon po dang / ser po dang / dmar po dang ljang gu'i tshogs ba spu'i khung nas rnam par 'thon nas paM yig dmar po las skyes pa'i pad+ma dmar po la sku mdog dmar po'i rnam par snang mdzad la sogs pa'i rdul phra rab kyi rang bzhin gyis shar la sogs pa'i phyogs rnams su rim pas gshin rje mthar byed la sogs pa rnams de la bkug nas de nyid kyi mchod pa la sogs pas yang dag par mchod nas yang gsum la skyabs su 'gro ba la sogs pa bsam par bya'o//de rnams de bzhin du rab tu gzhug par bya'o zhes pa ni sangs rgyas nye bar sdud pa zhes bya ba'i ting nge 'dzin to/ /de nas snying rje'i rlan gyis snying gar rim pa ji lta ba bzhin du dmyal ba dang dud 'gro dang yi dwags dang mi dang lha ma yin dang /lha rnams bltas nas de nas de las byung ba'i 'od zer sna tshogs pas yang dag par reg nas rnam par snang mdzad la sogs pa'i de bzhin gshegs pa'i skur bskyed cing de la de bzhin du rab tu gzhug par bya'o zhes pa'i don ni dam tshig sems dpa' nye bar sgrub pa zhes pa'i ting nge 'dzin to//de nas nam mkha'i phyogs su paM yig dmar po las skyes pa'i chu skyes dmar po sna tshogs pa'i 'dab ma dang ge sar gyis brgyan pa la de'i dbus su raM yig dmar po yongs su gyur ba las nyi ma'i dkyil 'khor de'i steng du hUM yig nag po hUM yig las skyes pa'i nyi ma la gnas pa'i hUM yig las byung ba'i sna tshogs rdo rje rgyas pa nas kyi tshad tsam rdo rje'i rang bzhin 'od zer rnams brkyang bas bdud kyi dpung thams cad 'joms pa dang ldan par rnam par bsam par bya'o//de nas de'i steng du song ste des rdo rje'i gur dang /logs su song ste des rdo rje'i ra ba dang / rdo rje'i bla bre'o/ /'og tu song ste des rdo rje'i rang bzhin gyis gzhi ru bya'o/ /de nas de'i dbus su ston ka'i zla ba dkar po'i bu ga'i nang du spyi bor gnas pa zur gsum pa e yig las skyes pa'i chos 'byung bsgom par bya'o/ /de la nam mkha'i mthil du son pa'i yaM yig yongs su gyur pa las rlung gi dkyil 'khor nag po gzhu'i rnam pa lta bu ba dan gyis mtshan pa'o//de'i steng du ra yig las skyes pa'i zur gsum ser po ra yig gis mtshan pa'i me'i dkyil 'khor ro/ /de'i steng du baM yig yongs su gyur pa las chu'i dkyil 'khor kha dog dkar po 'khor lo'i rnam pa bum pas mtshan pa'o//de'i steng du laM yig las skyes pa'i sa'i dkyil 'khor kha dog ljang gu gru bzhi sna tshogs rdo rjes mtshan pa'o/ /de'i steng du suM yig yongs su gyur pa las ri'i rgyal po ri rab chen po rin po che bzhi'i rang bzhin rtse mo brgyad kyis nye bar mdzes pa'o//de'i steng du skad cig gis chu skyes dmar po 'dab ma sna tshogs pa ji srid 'dod pa'i rgya la/ de'i ze'u 'bru la nyi ma dang zla ba yang dag par sbyor ba'i dbus su hUM yig go/ /hUM las bdag nyid bsgom par bya'o/ /sku gsung thugs kyi bdag nyid hUM yig nag po'o/ /yang hUM yig nag po las sna tshogs rdo rje yongs su gyur pa las skyes pa'i gzhal yas khang gru bzhi sgo bzhi pa ka ba brgyad kyis nye bar mdzes pa'o//de'i dkyil 'khor gyi 'khor lo'i nang du nyi ma dang zla ba yang dag par sbyor ba'i dbus su chos 'byung nam mkha'i nang du song ba'i hUM yig nag po bsam par bya'o//de la AHyig las nyi ma'i dkyil 'khor bsgom par bya'o/ /de'i steng du hUM yig nag po yongs su gyur pa las rdo rje 'dzin pa chen po sku mdog dkar po bsam par bya ste/ zhal gcig pa/ phyag gnyis pa/ spyan gsum pa/ rdo rje dang dril bu bsnams pa/ bsam gtan la gnas pa'i bdag nyid do//de'i thugs kar hUM yig nag po 'od zer sna tshogs 'phro bas phyogs bcu'i mthar thug pa na bzhugs pa'i de bzhin gshegs pa dang / sangs rgyas dang byang chub sems dpa' dang / rig pa'i lha mo rnams dang / khro bo la sogs pa rnams yang dag par bskul nas slar 'ong ste/de la de bzhin du nyi ma la rab tu zhugs par bsam par bya'o/ /de la de bzhin du rdo rje 'dzin pa chen po gang la dpag tu med pa'i de bzhin gshegs pa la sogs pa dang ro gcig tu gyur nas nyi ma la rab tu zhugs par blta bar bya'o/ /'od zer 'bar bas dpag tshad stong du khyab pa'o//de'i steng du hUM yig nag po 'od zer sna tshogs dang yang dag par ldan pa'o/ /de nas hUM yig las 'od zer 'phro bar blta zhing slar yang de la de bzhin du zhugs te/ de bzhin du yi ge'i rnam par gyur pa las rdo rje nag po chen po thod pa dkar po la gnas pa 'od zer sna tshogs 'phro bar bsams nas sangs rgyas dang byang chub sems dpa' dang khro bo dang /rig pa'i lha mo rnams kyis nam mkha'i mthil til gyi gang bu bzhin du nyi ma la bzhugs par blta bar bya'o/ /sangs rgyas la sogs pa de rnams kyis sems can rnams yongs su smin par mdzad nas slar 'ongs te rdo rje'i gzugs la rab tu zhugs par blta bar bya'o//rdo rje'i gzugs de la de bzhin du zhal bcu gnyis pa/ sku mdog nag mo phyag nyi shu rtsa bzhi pa/ bdud bzhi mnan pa/ thod pa dkar po'i steng na zhabs g.yon brkyang gis bzhugs pa/ bskal pa chen po'i me dang mtshungs pa/ bzhin 'jigs su rung ba zhal gdangs shing ljags brkyang ba/khro zhing mi sdug pa shin tu 'jigs pa/ khro gnyer bsdus pa/ mig zlum zhing g.yo ba/ 'jigs shing 'jigs par byed pa/ thod pa'i phreng bas dbu brgyan pa sbrul gyis brgyan pa/ phyag rgya drug dang ldan pa/ zhal dang po ni nag po chen po'o//de bzhin du g.yas kyi lnga ni dkar po dang / ser po dang / ljang gu dang / dmar po dang / du ba'i mdog lta bu'o/ /g.yon gyi zhal ni dmar po dang / dkar po dang / ser po dang / ljang gu dang / dkar dmar rnams so/ /steng gi zhal ni du ba chen po'i mdog lta bu mi sdug pa/ zhal thams cad khro zhing mche ba gtsigs pa/zhal rnams ni spyan gsum pa'o/ /skra dmar ser gyen du brdzes pa/ khro ba dang bcas shing thung la lto ba 'phyang ba/ nu ma rgyas shing steng du mtho ba/ stag gi pags pa'i sham thabs can/ g.yas kyi phyag bcu gnyis rnams na ral gri dang / rdo rje dang / 'khor lo dang / rin po che'i 'khri shing dang / lcags kyu dang / mda' dang / mdung dang / tho ba dang / gtun shing dang / gri gug dang / Da ma ru dang / bgrang phreng rnams bsnams pa'o/ /g.yon gyi phyag bcu gnyis rnams na/ gzhu dang zhags pa dang / sdigs mdzub dang / ba dan dang dbyug pa dang / rtse gsum dang /chang snod dang / ut+pa la dang / dril bu dang / sta gri dang / tshangs pa'i mgo bo dang / thod pa bsnams pa'o/ /shin tu dgyes shing ro'i gdan la bzhugs pa/ klu brgyad kyis rnam par brgyan pa/ lang tsho gzhon zhing phun sum tshogs pa/ hA hA TA'i gad rgyangs sgrogs pa/ ral pa gcig ma'i skra kham pa gyen du brdzes pa bsam par bya'o//spyi bor mi bskyod pas dbu brgyan pa'o/ /oM AHhUM zhes pas sku gsung thugs byin gyis brlab par bya'o/ /oM hrIHtruM hUM rlung dang chu dang / dbang chen dang / me'i dkyil 'khor rnams la ji ltar nye bar bstan pa bzhin du de lta bur gyur pa la sngags pas slar yang nam mkha'i mthil du ye shes kyi 'khor lo gdan drangs shing mdun du spros nas phreng ba bzhin du rang gi dam tshig sems dpa'i 'khor lo la rab tu gzhug par bya'o//bcug nas gcig tu byas te lha rnams kyi nga rgyal bskyed nas rang gi yul la 'od zer gyi tshogs byung ste/ de bzhin gshegs pa dang byang chub sems dpa' dang /rig pa'i lha mo rnams dang / khro bo la sogs pa rnams kyis bdud rtsi lngas yongs su gang ba'i bum pa rnams kyis dbang bskur zhing / sna tshogs pa'i mchod pa khyad par can rnams kyis yang dag par mchod pa byed par bdag nyid bsgom par bya'o//gtsug tor du hUM/ dpral bar oM mgrin par AHsnying gar hrIHlte bar trAM lte ba'i 'og tu hUM/ gsang bar trAM/ rkang pa dag la oM AHphaT swAhA/ zhes pa rnams yan lag rnams la dgod par bya'o/ /de lta bur gyur pa'i dam tshig gi cho ga 'dis sngags kyi yi ge rnams kyang nye bar brjod cing de rnams lha mo rnams kyi zhal las byung ba'i 'od zer rnams rang gi snying gar rab tu zhugs te/rdo rje'i lam nas 'thon te lha mo'i pad+ma'i nang du rab tu zhugs nas/ slar yang lha mo'i zhal nas rang gi khar zhugs shing rim pa 'dis rgyun ma chad par sngags rnams 'khor bar bya'o/ /de bzhin du ji srid mi ngal gyi bar du bzlas par bya'o//de nas rang gi snying ga'i 'od zer gyi tshogs kyi rnam pa'i rim pas ji srid mar me'i rtse mo bzhin du dmigs pa med par bya'o/ /ji ltar gsungs pa'i ut+pa la'i phyag rgya bcings nas spyi bo dang / dpral ba dang / mgrin pa dang / snying ga dang / lte ba'i 'og dang /gsang ba dang / rkang pa gnyis rnams la rnam par bkod pa'i sngags mtshan ma med pa'i sbyor bas bzlas par bya'o/ /de la sngags 'di'o/ /hrIM trIM hUM phaT/ rtsa ba'i sngags so/ /oM hrIM trIM hUM hUM phaT swAhA/ hrIM trIM hUM snying po dang nye ba'i snying po'i sngags so/ /de bzhin du rnam par bsams nas brtan par byas te bdag nyid bsgom par bya'o//yang na ri mo bkram nas bcom ldan 'das ma bsgom par bya'o/ /sngon du bsnyen pa 'bum phrag gcig bzlas nas bcu cha'i sbyin sreg bya'o/ /dpal gyi 'bras bu dang / lo ma'am/ arka dkar po'i me tog dang ka ra bI ra dkar po'i me tog kyang rung ste ba'i mar dang sbyin sreg bya'o//ji ltar ras ris kyi cho gas ri mo bris nas mchod pa dang / bsam gtan dang / bzlas pa bya'o/ /mtshams med pa lnga byed pas kyang bye ba bzlas pas 'grub par 'gyur ro/ /dngos po thams cad rang bzhin med par byas nas skad cig gis snying gar chu skyes kyi steng du nyi ma dang zla ba'i dbus su hUM yig dmar po shin tu phra ba'i gzugs can skra'i rtse mo brgyar gshags pa'i cha tsam thig le'i gzugs can hUM yig gis brgyan pa/rdo rje dang mi'i sna la bsam par bya'o/ /hUM yig las byung ba'i rdo rje rnal 'byor ma sku mdog dmar mo zhal gcig phyag gnyis ma/ spyan gsum pa/ gcer bu skra grol ba rol zhing khro ba/phyag rgya drug dang ldan pa chos 'byung gi nang du son pa dang / ro la gnas pa/ zhabs steng dang 'og tu gnas pa/ gri gug dang / thod pa bsnams pa/ khro ba dang bcas pa nyin dang mtshan du bsgom par bya'o/ /'od zer 'bar zhing mche ba gtsigs pa ral pa gcig ma zhes bya ba'i sgrub thabs rdzogs so/