159a4 /bcom ldan 'das 'phags ma dug sel ma'i rtog pa rdzogs so//[ ]@##/ /rgya gar skad du/ Ar+ya dzAM gu lI sA d+ha naM/ bod skad du/ 'phags ma dzAM gu lI'i sgrub thabs/ 'phags ma dug sel ma la phyag 'tshal lo/ /
159a5 sems can rnams la brtse ba can/ /'phags ma dug sel gzugs can ma/ /bcom ldan sgrol ma la btud nas/ /de yi sgrub thabs bri bar bya/ /dang po re zhig sngags pas gtsang zhing khrus byas nas/ phreng ba dang gos dkar po bzung ste/ skye bos dben pa'i sa phyogs
159a6 legs par byugs shing dri bzangs dkar po'i chus chag chag btab nas me tog dkar po gcal du bkram ste/stan bde ba la nye bar 'dug nas 'gro ba rnams la byams pa dang / snying rje dang / dga' ba dang / btang snyoms rnams rnam par bsgom par bya'o/ /oM swa b+hA ba shud+d+haHsarba
159a7 d+harmAHswab+hA wa shud+d+hou0f85haM zhes brjod par bya'o//de nas gzung ba dang 'dzin pa dang bral bar blta'o/ /de nas paM yig yongs su gyur pa las pad+ma dkar po 'dab ma brgyad pa rnam par bsam par bya'o/ /de'i ze'u 'bru la a yig dkar po yongs su gyur pa las zla ba'i dkyil 'khor
159b1 bltas nas/de'i steng du hrIHyig kha dog dkar po las skyes pa'i bdag nyid 'phags ma dug sel ma sku mdog thams cad dkar mo phyag bzhi pa/ zhal gcig pa/ ral pa'i cod pan can/ dkar mo gos dkar pos stod g.yogs byas pa/ rin po che'i rgyan dkar pos brgyan pa/
159b2 sbrul dkar pos brgyan pa/ sems dpa'i skyil krung gis bzhugs pa/ rtsa ba'i phyag dag gis pi wang bsgreng bar mdzad pa/ g.yon gyi gnyis pas sbrul dkar po bsnams pa/ g.yas kyi gnyis pas mi 'jigs pa rab tu sbyin pa/ zla ba'i 'od kyi phreng ba bsnams pa bsam par
159b3 bya'o//mgo bo dang mgrin pa dang nu ma'i bar du zla ba'i dkyil 'khor la AHhrIHhUM gi yi ge rnam par bsgom par bya'o/ /de'i rjes su hrIHyig gi 'od zer gyis nam mkha' la gnas pa'i ye shes sems dpa' gdan drangs te dam tshig sems dpa' dang gcig tu byas te rnam par bsgom
159b4 par bya'o//dzaHhUM baM hoHrab tu sbyor bas so/ /slar yang hrIHyig gi 'od zer gyis nam mkha' la bzhugs pa'i de bzhin gshegs pa thams cad gdan drangs te sems can gyi don la brtson pas kun nas dbang bskur zhing lus kyi nang du zhugs par bsam par bya'o/ /de bzhin du
159b5 bsams nas sngags bzlas par bya'o//hrIHzhes pa'i sngags 'bum phrag bdun bzlas nas me tog dkar po'i sbyin sreg khri phrag bdun bya'o/ /rgyan dkar pos rnam par brgyan par bya'o/ /'di'i rim pas nam mkha' lding gi dbang phyug nyid kyi mkhas par gyur nas bstan bcos
thams cad la 'jigs pa med cing dug thams cad 'joms pa nyid du 'gyur te the tshom med do/