CLOSE WINDOW

D3506
བོད་ཡིག

@##/ /rgya gar skad du/ sarba ar+tha sA d+hA n+ya Ar+yA pra san+na tA rA sA d+ha naM/ bod skad du/ don thams cad grub pa rab tu sbyin pa'i 'phags ma sgrol ma'i sgrub thabs/ 'phags ma sgrol ma la phyag 'tshal lo/ /sngon ma'i rim pa rab tu sbyor bas b+ha ga'i dbus su zla ba'i dkyil 'khor la lha mo sgrol ma chen mo gser gyi mdog lta bu 'jigs pa chen mo zhal brgyad pa/spyan gsum pa/ phyag bcu drug gis rnam par brgyan pa/ dbu skra kham pa gyen du brdzes pa/ mgo bo rlon pa'i phreng ba brgya phyed kyis do shal byas pa/ 'gro ba rnams skyob pa'i stobs chen mo zhabs g.yas brkyang ba dang ldan pa/bzhad cing lang tsho gzhon nu la sna tshogs pa'i gos kyis brgyan pa/ rtsa ba'i zhal ser po/ g.yas kyi gnyis pa ni nag po/ gsum pa ni ljang gu/ bzhi pa ni nam mkha' lta bu sngon po'o/ /g.yon pa ni kun+da lta bu/ gnyis pa ni dmar po/ gsum pa ni nam mkha' lta bu sngon po/steng ni du ba'i mdog lta bu 'jigs pa chen mo'o/ /zhal dbus ma rnam par gtsigs pa'o/ /phyag g.yas pa rnams na ral gri dang / ut+pa la dang mda' dang / rdo rje dang lcags kyu dang / dbyug pa dang / gri gug bsnams pa dang / mi 'jigs pa rnams so/ /g.yon gyi phyag rnams na zhags pa dang bcas pa'i sdigs mdzub dang /thod pa dang / gzhu dang / kha T+wAM ga dang / rdo rje dang bcas pa'i zhags pa dang / tshangs pa'i mgo bo dang / rin po che dang / bum pa rnams bsnams pa'o/ /sna tshogs pad+ma dang zla ba la bzhugs pa/ nyi ma'i 'od kyis rnam par brgyan pa/zhabs g.yon pas dbang po dang / zhabs gnyis kyi dbus su drag po dang / tshangs pa dang / 'khor lo can la gnas pa'o/ /sgrib pa thams cad rnam par 'joms pa/ rnal 'byor pas bsgoms pas myur du dngos grub rnams thob par 'gyur ro/ /bzlas pa'i sngags ni oM pra san+na tA rai a mr-i te/