150b3 / //[ ]@##/ /rgya gar skad du/ sI ta tA rA sA d+ha naM/ bod skad du/ sgrol ma dkar mo'i sgrub thabs/ 'phags ma sgrol ma la phyag 'tshal lo/ /sngon ma bzhin du stong pa nyid la sogs pa'o/ /de nas suM yig yongs su gyur pa las rin po che sna tshogs kyi rang
150b4 bzhin gyi ri rab bo//de'i steng du paM yig las pad+ma dkar po'o/ /de'i steng du a yig las zla ba'i dkyil 'khor ro/ /de'i steng du hUM yig dkar po yongs su gyur pa las bcom ldan 'das ma sgrol ma dkar mo spyan gsum pa/ phyag bzhi pa/ de bzhin gshegs pa lnga'i dbu rgyan can/ sna
150b5 tshogs pa'i rgyan gyis brgyan pa/phyag gnyis kyis ut+pa la'i phyag rgya mdzad pa/ phyag g.yas na yid bzhin gyi nor bu rin po che dang yang dag par ldan pa'i mchog sbyin gyis sems can thams cad kyi bsam pa yongs su rdzogs par mdzad pa/ g.yon na ut+pa la'i snye ma bsnams pa bsam
150b6 par bya'o//de'i g.yas phyogs su 'od zer can sku mdog ser mo zla ba'i dkyil 'khor la bzhugs pa na bza' sngon po can/ phyag gnyis pa/ phyag g.yon na mya ngan med pa'i shing dmar po'i yal ga bsnams pa/ g.yas na rnga yab dkar po bsnams pa/ stod gos dmar pos brgyan pa'o/ /
150b7 g.yon phyogs logs su rma bya chen mo pri yaM ku'i me tog lta bu ljang gu phyag gnyis pa/ g.yon na rma bya'i mjug sgro bsnams pa/ g.yas na rnga yab bsnams pa de lta bu'i rnam pa gsal ba la/ oM b+ha ga ba ti tA re ma ma hr-i da yaM pra bi sha swA hA/ zhes pas bdag nyid byin gyis brlab par bya'o/ /de
nas sngags bzlas par bya'o/