CLOSE WINDOW

D3496
བོད་ཡིག

/dngos grub thams cad thob 'gyur zhing / /'chi ba'i skyon gyis mi gos so/ /'chi ba slu ba'i sgrol ma'i sgrub thabs rdzogs so// //[ ]@##/ /rgya gar skad du/ mr-i t+yu pany+tsa na sI ta tA rA sA d+ha naM/ bod skad du/ 'chi ba slu ba sgrol ma dkar mo'i sgrub thabs/'phags ma sgrol ma la phyag 'tshal lo/ /sgrol ma'i thugs kyi 'khor lo bsgom/ /ched du zla ba drug gis ni/ /dngos grub thams cad thob 'gyur zhing / /'chi ba'i skyon gyis mi gos so/ /ngag dbang phyug gis bstan mdzad pa'i/ /'chi ba slu ba bsdus pa las/ /phyung nas sgrol ma dkar mo yi//bsgoms pas 'jigs pa 'joms byed pa/ /sde bzhi'i dang po aM yig bcas/ /nam mkha' la ni 'od zer 'phro/ /pad dkar zla ba'i gdan bltas nas/ /mdun du gsum la skyabs 'gro brjod/ /rang bzhin sgro btags gzhom phyir du/ /skad cig stong nyid blta bar bya/ /de nas smon lam mthu yis ni//byang chub sems kyi yi ger gyur/ /chu skyes dkar po'i dbus gnas pa'i/ /zla ba'i gdan gyi steng du ni/ /rdo rje skyil mo krung gis bzhugs/ /mchog sbyin dang ni ut+pa la bsnams/ /ston ka'i zla ba lta bu'i 'od/ /zla ba'i steng du yang dag bzhugs/ /rgyan rnams thams cad yongs su rdzogs/ / bcu drug lo lon lus can ma/ /sangs rgyas kun dang de yi sras/ /yum ni 'dod pa'i gzugs 'dzin ma/ /'phags ma sgrol ma snying gar bsgom/ /de yi 'khor lo'i 'od zer dkar/ /re'u mig brgyad la yi ge brgyad/ /mngon par yongs su bskor gyur te/ /oM hA gsal byed dbus gnas pa/ / bsgrub bya'i ming ni lte bar bya/ /mkhas pas rtse gcig yid kyis ni/ /nges par brtan pos zla drug bsgom/ /yi ge bcu yi sngags 'di ni/ /mi skyo'i yid kyis bzlas par bya/ /oM gyi yi ge dang por sbyin/ /phyi nas tA re rab tu sbyar/ /tut+tA re las tu re phyis/ /swA hA mtha' ru las kun byed/ /tshangs dbang khyab 'jug nyi zla dang //drag po phyogs skyong 'dod lhas kyang / /ba spu'i rtse mo'ang gcod mi nus/ /'chi bdag las rgyal grol ba bzhin/ /skra dkar gnyer ma skal ngan dang / /nad dang dbul sogs mdor bsdus na/ /seng ge la sogs 'jigs chen brgyad/ /sdug bsngal tshogs rnams rab tu 'joms//bskul ba med par gos dang ni/ /khang bzangs rin chen la sogs 'thob/ /ral gri mig sman rkang mgyogs dang / /bum pa bzang po la sogs 'grub/ /snyan ngag dang ni smra ba mkhas/ /blo rno shes rab dri ma med/ /gzhan yang 'dod pa'i dngos grub rnams/ / 'khor lo 'di las rab tu 'byung / /nad dang 'chi bdag 'joms byed pa/ /sgrol ma dkar mo sgrub pa'i thabs/ /byas pa'i dge ba gang de yis/ /'gro rnams rang byung sgrol mar shog /'chi ba slu ba'i sgrol ma dkar mo'i sgrub thabs rdzogs so// //slob dpon ngag gi dbang phyug grags pa'i slob ma thu bos mdzad do/