CLOSE WINDOW

D3494
བོད་ཡིག

zhes so/ /rgya nag rim pa'i 'phags ma sgrol ma'i sgrub thabs rdzogs so// //[ ]@##/ /rgya gar skad du/ ma hA tsI na kra ma tA rA sA d+ha naM/ bod skad du/ rgya nag chen po'i rim pa'i sgrol ma'i sgrub thabs/ bcom ldan 'das ma sgrol ma la phyag 'tshal lo/ /g.yon brkyang zhabs kyis ro yi snying gar mnan cing mi bzad mchog gi gad rgyangs dgod//ral gri ut+pal gri gug thod pa phyag bsnams hUM yig sa bon las byung ma/ /thung zhing sngo la sbom pa ral pa'i thor tshugs ser po mchog gi klu dang ldan/ /'gro ba rnams kyi mi shes thod pa la bkod 'joms shing drag po'i sgrol ma nyid/ /sgrol ma srid pa gsum sgrol ma//rgya nag rim 'ongs la btud de/ /bla ma'i man ngag ji lta bar/ /de yi sgrub thabs bdag gis brjod/ /ling+ga gcig dang dur khrod dang / /yang na khyim ni stong pa ru/ /thams cad du ni der gnas nas/ /srid pa gsum las sgrol ba yi/ /rig pa rnal 'byor ba yis bsgrub/ /stan 'jam nang tshangs can la gnas//gzhan yang 'jam por gyur pa yi/ /shing stan la sogs mnyam gnas la/ /dngos grub mchog ni bsgrub par bya/ /skad cig rnam pa'i sbyor ba yis/ /rdo rje gsum las legs mnyam gzhag /gnas gsum du ni de bsam bya/ /de las 'od zer rnam 'phros nas//srid gsum spyod pa'i sems can rnams/ /gsal bar mdzad nas slar yang ni/ /bsdus nas khams gsum mtha' dag kyang / /stong pa nyid du bsam par bya/ /de nas rgyal ba'i gsang sngags brjod/ /oM shU n+ya tA sogs rang bzhin no/ /de nas nam mkha' AHyig las//chu skyes dmar po bsam par bya/ /slar yang de steng bsam bya ba/ /tAM yig las ni pad+ma'i snod/ /slar yang de dbus bsam par bya/ /hUM yig mthon mthing dang mtshungs pa/ /de las hUM yig las skyes pa'i/ /gri gug sa bon gyis brgyan blta/ /gri gug yongs su gyur pa las/ / bdag nyid sgrol ma dang mtshungs bsgom/ /zhabs ni g.yon brkyang mi bzad ma/ /mgo bo'i phreng ba rab tu 'phyang / /thung zhing lto 'phyang 'jigs byed ma/ /chu skyes sngon pos rnam par brgyan/ /bzang mo zhal gcig spyan gsum ma/ /mi bzad gad rgyangs 'od dang ldan/ /rab tu dgyes shing ro la zhon//klu brgyad kyis ni rnam par brgyan/ /spyan ni dmar zhing zlum pa ste/ /stag gi pags pa rked la mnabs/ /lang tsho gzhon zhing phun sum tshogs/ /phyag rgya lnga yis rnam par brgyan/ /ljags ni bsgril zhing mche ba gtsigs/ /'jigs chen 'jigs par byed pa mo/ /phyag g.yas ral gri gri gug ste//g.yon na ut+pal thod pa bsnams/ /dmar ser ral gcig gyen du brdzes/ /mi bskyod dbu brgyan bsam par bya/ /bsgoms pa'i stobs ni rdzogs pa yis/ /rnal 'byor snyan ngag chen por 'gyur/ /gal te blun zhing rmongs gyur kyang / /bsgom pa'i ro la brtson byed na/ / 'jam pa'i dbyangs nyid thob par 'gyur/ /'bum phrag gcig ni bzlas par bya/ /yi ge gsum gyi sngags chen po/ /phaT yig mtha' ru snying gar dgod/ /'od zer lnga dang yang dag ldan/ /ma shes bud shing bsreg pa po/ /rnal 'byor spyod pa'i rjes 'brangs nas/ /de yis btu ba'i cho ga brjod//dang po sa yi pha rol phyin/ /dbyangs yig bzhi pas rnam par brgyan/ /ra yig la zhon 'od zer 'phro/ /zla ba thig le yang dag ldan/ /de ni ta yig la yang sbyin/ /de bzhin bzhi pas rnam par brgyan/ /slar yang ha yig la sbyor te/ /u yig ring po yang dag ldan/ /phaT kyi yi ge'ang de nas sbyin//yongs rdzogs grub pa'i sngags nyid do/ /mkhas pas ral gri'i gnas su ni/ /mi yi rus pa'i phreng ba bsam/ /spro dang bsdu ba'i sbyor ba yis/ /sngags mchog yang dag bzlas par bya/ /brtan pa'i sems kyis brtag byas na/ /bdag nyid mkhas shing snyan ngag che/ /rtag tu bsgom pa goms pa yis//de nyid the tshom med par 'gyur/ /sgrol ma'i sgrub thabs brtsams pa las/ /bdag gis dge ba gang bsags pa/ /de yis srog chags thams cad ni/ /rgyal ba'i bstan la mkhas par shog /de 'dir rtag pa'i rdo rje yis/ /blo 'phel sgrub thabs byas pa yis/