CLOSE WINDOW

D3490
བོད་ཡིག

rdo rje sgrol ma'i sgrub thabs rdzogs so// //paN+Di ta chen po chos 'byung blo gros zhabs kyis mdzad pa'o// //[ ]@##/ /rgya gar skad du/ badzra tA rA sA d+ha naM/ bod skad du/ rdo rje sgrol ma'i sgrub thabs/ 'phags ma sgrol ma la phyag 'tshal lo/ /phun sum tshogs pa kun 'phel ba'i//sgrol ma la ni gus phyag 'tshal/ /man ngag ji bzhin bsdus nas ni/ /de yi sgrub thabs bri bar bya/ /dang por re zhig rnal 'byor pas/ me tog shin tu dri zhim po la sogs pa yid du 'ong ba'i bsam gtan gyi khang pa la sogs par zhugs nas stan bde ba la rdo rje skyil krung bcings te/rang gi snying gar tAM yig yongs su gyur pa las zla ba'i dkyil 'khor/ de'i steng du tAM yig ser po las rdo rje'o/ /de'i 'od zer gyis nam mkha'i phyogs su bcom ldan 'das ma'i 'khor lo blta zhing gdan drangs nas mngon du byas te/ rang gi snying ga'i sa bon las byung ba'i me tog ma la sogs pa'i lha mo rnams spros te/me tog la sogs pa rnams kyis mchod par bya'o/ /de nas bcom ldan 'das ma'i 'khor lo de'i mdun du sdig pa bshags pa la sogs pa bya'o/ /sdig pa thams cad bdag gis so sor bshags so/ /sangs rgyas dang byang chub sems dpa' dang 'phags pa so so'i skye bo thams cad kyi dge ba thams cad la rjes su yi rang ngo //bdag gis dge ba thams cad ni bla na med pa yang dag par rdzogs pa'i sangs rgyas su yongs su bsngo bar bgyi'o/ /'dir bdag byang chub ma thob kyi bar du rkang gnyis rnams kyi mchog sangs rgyas la skyabs su mchi'o/ /yang dag pa'i chos rnams kyi mchog theg pa chen po'i chos la skyabs su mchi'o//tshogs rnams kyi mchog byang chub sems dpa' phyir mi ldog pa'i tshogs la skyabs su mchi'o/ /kye ma bdag bla na med pa yang dag par rdzogs pa'i byang chub tu mngon par rdzogs par sangs rgyas nas sems can gyi don dang phan pa dang /bde ba'i phyir ji srid shin tu mi gnas pa'i mya ngan las 'das pa'i dbyings rdzogs pa'i byang chub la rab tu dgod cing drang ba'i phyir 'dir bdag bla na med pa yang dag rdzogs pa'i byang chub kyi lam la brten par bgyid de/ 'di ltar rdo rje'i theg pa'o/ /de nas gsum la skyabs su 'gro ba'i tshigs bcad brjod par bya'o//de nas sems can thams cad la bde ba nye bar sdud par byed pa ni byams pa'o/ /sdug bsngal thams cad sel bar byed pa ni snying rje'o/ /mtho ris kyi bde ba rnam par sbyor ba nges par byed pa ni dga' ba'o/ /nyon mongs pa'i gnyen po'i phyogs kyi lam nye bar sdud pa'i btang snyoms rnams bsgom par bya'o//de nas chos thams cad la yid kyis dmigs te rnam par spyad par bya'o/ /bsam pa de bzhin du 'dir de dang de'i rnam pas 'khrul pa rnams so sor bsal te dper na rmi lam gyi sems las phyi ru yod pa lta bu'o/ /sems kyi phyi rol du gzung ba rang bzhin med pas 'dzin pa'i sems kyang rang bzhin med par 'gyur ro//de la sems dang lus kyi chos thams cad de rnams kyis gzung ba dang 'dzin pa stong pa nyid kyi don dam pa zhes bya'o/ /de bzhin du gcig gi mtha' yang nges pa dang 'khrul pa yang dag par skye ba 'khrul pa'i rtags chos thams cad kyi rnam par spong ba de rnams kyi rang bzhin de bzhin nyid 'ba' zhig pa gnyis su med pa dag cing mtshan nyid shel dag pa lta bu ston ka'i dri ma med pa'i nyin gung gi nam mkha' lta bu mtha' yas pa blta bar bya'o//'dir 'jig rten las 'das pa'i stong pa nyid kyi ye shes spros pa dang bral ba rnam par mi rtog par gsungs so//de nas de'i sngags kyis byin gyis brlab par bya'o/ /oM shU n+ya tA dz+nyA na badzra swa b+hA ba At+ma kou0f85haM/ bsnyen pa ni bcom ldan 'das ma shes rab kyi pha rol tu phyin ma bsnyen pa'i cho ga bsrung bar bya'o/ /de nas de'i mi 'jigs par 'gyur ba'i rnam pa dang ldan pa bsrung shing dag pa 'jig rten p a'i ye shes kyi rang bzhin bsgom par bya'o//de nas ra yig las ni nyi ma bdun du bsgom/ /nyi mar hUM yig las byung sna tshogs rdor/ /de yis de bzhin rdo rje rnam bsgoms nas/ /ra ba dang ni gur yang bcing bar bya/ /sna tshogs rdo rje'i 'od kyis bskal pa'i me ltar bzod par dka' bas thams cad du 'phro zhing mkhregs par 'gyur bas spras pa'o//'phred du gru bzhi pa 'bar bzhin pa'i rdo rje'i ra ba'o/ /steng du rdo rje'i gur ro/ /'og tu rdo rje'i rang bzhin gyi sa gzhis ro gdan gyi 'og kun du rnam par spras par blta bar bya'o/ /de nas nyi ma dang sna tshogs rdo rje dag las 'od zer byung nas phyogs su 'phro zhing mkhregs par gyur pas phyi ru sgo'i mtshams bcing bar bya'o zhes pa ni tshigs su bcad pa'i don to//de'i dbus su nam mkhar 'byung ba chen po'i rang bzhin chos 'byung zhes bshad pa rdo rje chen po 'dzin pa'i rang bzhin ston ka'i zla ba ltar dkar ba smad phra zhing steng yangs pa zur gsum pa nam mkha'i rang bzhin no//de'i dbus su sna tshogs chu skyes kyi ze'u 'bru la gnas pa'i sna tshogs rdo rje chen po'o/ /de'i stegs bu la 'byung ba chen po bzhi las grub pa'i dkyil 'khor gyi rnam pa bzhi po lha mo bzhi'i rang bzhin rnams ni steng du yongs su blta bar bya'o/ /de la dang po yaM yig las rlung gzhu'i rnam pa nag po du ba'i mdog lta bu rtse mo gnyis la g.yo ba'i ba dan gyis brgyan pa'o//de nas raM yig las me gru gsum dmar po zur rnams raM yig gis mtshan pa'o/ /de nas baM yig las chu dkar po zlum po bum pas mtshan pa'o/ /de nas laM yig las dbang chen gyi dkyil 'khor gru bzhi ser po zur rnams su rdo rje rtse gsum pas mtshan pa'o//de'i steng du b+hUM yig las skyes pa'i 'khor lo'o/ /dang po ni de las ngo bo nyid kyi lha 'jig rten las 'das pa'i ye shes nyid kyis khyab cing gnas pa/ de nas sna tshogs rdo rje'o/ /stegs bu'i dbus su 'byung ba chen po bzhi yongs su gyur pa las skyes pa yongs su dag pa'i sangs rgyas kyi zhing bsdus pa'i gzugs thar pa'i grong khyer chen po rnam par snang mdzad kyi rang bzhin rin po che sna tshogs pa'i rang bzhin gyi gzhal yas khang gru bzhi sgo bzhi pa/ka ba brgyad kyis nye bar mdzes pa'i/ stegs bu bzhis yongs su bskor ba/ rta babs bzhis brgyan pa/ dra ba dang / dra ba phyed pa dang / dar dpyangs dang / me tog gi phreng ba dang / bla re dang / me long dang / rnga yab kyis mdzes pa/ rdo rje'i srad bu las 'phros pa'i sangs rgyas kyi tshogs kyi 'od zer gyis sems g.yo ba'i ba dan gyi rtse mo la dril bu'i sgra sna tshogs phyogs kun tu 'khrol ba/ lha mo mchog gis 'dod pa lnga po nye bar 'bul bas mnyes par mdzad pa'o//'khor lo gnyis te/ ge sar dang bcas pa bsgom par bya ba gcig pa dang / gzhan ni zur gsum pa dran par bya'o/ /de'i dbus su yon tan nyis 'gyur A li yongs su gyur pa las zla ba'o/ /de'i steng du tAM yig yongs su gyur pa las rdo rje'o/ /de'i lte ba la tAM yig go//de nas yang yon tan nyis 'gyur Da D+ha da d+ha ya la dang ldan pa'i yon tan nyis 'gyur kA li yongs su gyur pa las nyi ma'o/ /gnyis po sbyor ba ni bde ba chen po'i mchog tu dga' ba me long lta bu'i ye shes dang ldan pa ni zla ba'o/ /mnyam pa nyid dang ldan pa'i nyi ma dang / sa bon gyi rtags las rang gi lha ni so sor rtog pa zhes brjod do//bya ba thams cad gcig tu grub cing rdzogs pa dang / dag pa'i chos nyid do zhes pa ni rnam pa lngas mngon par byang chub pa'o/ /de'i sa bon gyi 'od zer gyis ye shes sems dpa' rnams bkug nas rang gi 'dod lha'i 'khor lo la de bzhin du gzhug cing / yang rnal 'byor pas mtshan ma dang sa bon yongs su gyur pa las lha mo sgrol ma rnam par bsgom par bya ste/ phyag brgyad pa dang zhal bzhi ma/ /rgyan thams cad kyis kun nas brgyan/ /gser gyi mdog can gzhon nu ma'i/ /mtshan nyid dang ldan gzi brjid 'bar/ /sangs rgyas bzhi yi cod pan can/ /rdo rje nyi mas dbang bskur skyes//na tshod gzhon zhing mdzes ldan ma/ /gser gyi rna cha g.yo ba can/ /sna tshogs pad+ma'i gdan la bzhugs/ /'od zer dmar pos rnam par brgyan/ /rdo rje zhags pa de bzhin dung / /mda' bstod pa ni g.yas kyi phyag /rdo rje lcags kyu ut+pal dang / /gzhu dang sdigs mdzub de bzhin g.yon//rdo rje sgrol bdag rnal 'byor pas/ /sems can kun don pha rol phyin/ /rdo rje skyil krung sbyor ba yis/ /sa gsum po ni bsgrub par bya/ /shar du me tog sgrol ma ste/ /sku mdog dkar mo yid 'ong ma/ /oM yig ye shes rdzogs pa yi/ /me tog phreng ba phyag na bsnams/ /zhal gcig pa dang phyag gnyis ma//rgyan rnams kun gyis rnam par brgyan/ /lho ru bdug spos sgrol ma ni/ /sku mdog nag mo gzugs mdzes ma/ /rgyan rnams kun gyis rnam par brgyan/ /phyag na spos kyi sdong po bsnams/ /nub tu mar me'i sgrol ma ni/ /mar me'i sdong bu phyag na bsnams/ /sku mdog ser mo rgyan chen ma//gser gyi rna cha g.yo ba can/ /byang du dri yi sgrol ma ni/ /dri yi dung chos phyag na bsnams/ /lha mo sku mdog dmar mo brjid/ /dkyil 'khor pa kun bsgom par bya/ /lcags kyu la sogs dbye ba yis/ /de nas sgo skyong ma rnams bsgom/ /phyag g.yas na ni lcags kyu dang / /g.yon pa bdud la sdigs mdzub mdzad//nyi ma'i dkyil 'khor dbus gnas pa'i/ /sku mdog dkar mo yid 'ong ma/ /lcags kyu ma'o/ /phyag g.yas na ni zhags pa dang / /g.yon pa gdug la sdig mdzub mdzad/ /dkyil 'khor dmar po'i dbus gnas pa'i/ /sku mdog dkar mo yid 'ong ma/ /zhags pa ma'o//phyag g.yas na ni lcags sgrog bsnams/ /g.yon gyi phyag ni sdigs mdzub mdzad/ /rdo rje skyil krung dbus gnas pa'i/ /sku mdog dmar mo bsgom par bya/ /rdo rje lcags sgrog ma'o/ /rdo rje dril bu phyag na bsnams/ /g.yon pa gdug la sdigs mdzub mdzad/ /'od zer dkyil 'khor dbus gnas pa'i//mar gad dang mtshungs ut+pal bsnams/ /rdo rje dril bu ma'o/ /zur cha rnams kyi mtshan ma ni/ /byang sems bum pa ri rab dang / /me thab dang ni rgyal mtshan che/ /steng du gtsug tor rnam rgyal ma/ /sku mdog dkar mo gzugs mdzes ma/ /phyag g.yas na ni 'khor lo dang / / g.yon pa gdug la sdigs mdzub mdzad/ /phyag g.yas sbrul gyi zhags pa dang / /g.yon pa gdug la sdigs mdzub mdzad/ /sku mdog nag mo 'jigs chen mo/ /'og tu gnod mdzes ma bsgom bya/ /de ltar bsgom zhing sngags spros nas bzlas par bya'o/ /oM tA re tut+tA re tu re swA hA//yi ge bcu yis lha mo bcu/ /pha rol phyin pa bcu la brten/ /bsgom pa rab tu sbyor ba yis/ /las kun rab tu grub par byed/ /gti mug rdo rje mig la dgod/ /zhe sdang rdo rje rna ba dag /ser sna rdo rje de bzhin sna/ /zhal la 'dod chags rdo rje ma/ /lus la phrag dog rdo rje ma/ /nyon mongs mun pa kun 'joms pa'i//skye mched rnams su shes par bya/ /snying gar bdag med rnal 'byor ma/ /zhes pa ni mig la sogs pa byin gyis brlab pa'o/ /zhal gcig ma dang phyag gnyis ma/ /sna tshogs gzugs rnams g.yo ba yis/ /gri gug thod pa phyag na bsnams/ /srog ni steng du yang dag gnas/ de nas lus ngag yid gsum byin gyis brlab pa ni/ oM yig sku yi rdo rje yis/ /rgyal po chen po rnam par brgyan/ /hUM yig thugs kyi rdo rje yis/ /rgyal chen rdor sems go 'phang gnas/ /AHyig mchog gi de nyid dag /ji ltar rnam snang mdzad par 'dod/ /kun la de bzhin yum gyur pa'i/ / ye shes rang bzhin thugs kar dgod/ /sems dpa' ye shes sbyor ba yis/ /sangs rgyas byang chub thob par 'gyur/ /rang sngags yi ge las byung ba'i/ /phyag rgya'i 'khor lo brtag pa yis/ /dkyil 'khor pa kun 'byung ba yi/ /spro dang bsdu ba byas nas ni/ /nam mkha'i khams kyi dbus gnas pa'i//ye shes dkyil 'khor bsgom par bya/ /ye shes lnga yi yon tan grags/ /sna tshogs gzugs dang ldan pa yi/ /mchod pa kun gyis mchod pa dang / /mngon par bstod pas mchod par bya/ /sgo skyong ma rnams rab sbyor bas/ /ye shes chu bo rab tu bsgrubs/ /dam tshig 'khor lor yang dag zhugs//ye shes 'khor lo shin tu 'bar/ /sangs rgyas kun mtshungs rnal 'byor pas/ /gnyis med gyur par skad cig la/ /oM badzrAM ku shi A kaR+Sha ya dzaH oM badzra pA shi pra be+e sha ya hUM/ oM badzra s+pho Ti ban+d+ha ya baM/ oM badzrA be sha ba shI ku ru hoHrang gi snying ga'i sa bon las byung ba'i 'od zer lcags kyu'i rnam pas khams gsum na bzhugs pa'i sangs rgyas rnams gdan drangs pa tsam gyis yang dag par mchod nas rjes su mgon du byed pas/oM a b+hi Shiny+tsan+tu mAM sarba ta thA ga ta/ byang chub rdo rje sangs rgyas la/ /ji ltar mchod chen stsal ba ltar/ /bdag kyang bskyab pa'i don gyi phyir/ /nam mkha'i rdo rje deng bdag stsol//zhes pas dbang bskur ba zhu'o/ /dbang bskur ba ni rdo rje che/ /khams gsum pa yis phyag byas pa/ /sangs rgyas kun gyi gsang ba gsum/ /gnas gyur bdag la stsal du gsol/ /zhes brjod nas sangs rgyas he ru ka'i gzugs kyis bdud rtsi lngas gang ba'i de bzhin gshegs pa lnga'i bdag nyid kyi bum pa lngas dbang bskur te/dbang bskur ba'i dus su me tog gi char 'bab par 'gyur ro/ /rnga bo che'i sgra 'byung bar 'gyur ro/ /gur gum gyi char 'bab par 'gyur ro/ /gzugs rdo rje ma la sogs pa rnams kyis mchod pa byed par 'gyur ro/ /spyan ma la sogs pa rnams kyis rdo rje'i glu dang bstod pa byed par 'gyur ro//dbang bskur ba dang ldan pa'i spyi bor rdo rje nyi mas dbu brgyan te/ cod pan gyi phyogs rnams su de bzhin gshegs pa rnam par snang mdzad dang / mi bskyod pa dang / 'od dpag med dang / don yod grub pa rnams so/ /dbus kyi 'khor lo'i rim pa ji lta ba bzhin du lha mo bzhi po rnams kyi cod pan can no//sgo skyong ma rnams kyi yang ste/ gtsug tor du rin chen dbang po dang / gnod mdzes ma la mi bskyod pa'i cod pan no/ /zhe sdang rdo rje khyod la 'dud/ /gti mug rdo rje phyag 'tshal 'dud/ /ser sna rdo rje bdag skrag pas/ /'dod chags rdo rje bdag la stsol//nga rgyal chen po phrag dog che/ /rdo rje thams cad bdag la stsol/ /rdo rje thams cad dam tshig mgon/ /las rnams thams cad rab tu sgrub/ /bstod pa'o/ /lha yi me tog dam pa 'di/ /gtsang zhing dag pa'i skye gnas te/ /bdag gis gus pas nges par 'bul/ / so sor bzhes nas bdag la skyobs/ /me tog go/ /nags kyi ro sogs yid 'ong ba/ /dri la sogs pa'i bdug spos mchog /bdag gis gus pas nges par 'bul/ /so sor bzhes nas bdag la skyobs/ /bdug spos so/ /bsrung ba'i tshogs dang dag pa dang / /yid kyi mun 'joms dge ba 'di//bdag gis gus pas nges par 'bul/ /so sor bzhes nas bdag la skyobs/ /mar me'o/ /lha yi dri mchog dam pa 'di/ /gtsang zhing dag pa'i skye gnas te/ /bdag gis gus pas nges par 'bul/ /so sor bzhes nas bdag la skyobs/ /dri'o/ /de'i rjes su yaM yig yongs su gyur pa las rlung gi dkyil 'khor gzhu'i rnam pa rgyal mtshan gyis mtshan pa'o//raM yig dmar po'i sa bon las byung ba'i me'i dkyil 'khor zur gsum gyi steng du a yig dmar po las byung ba'i pad+ma'i snod b+h+rUM AM dzrIM khaM hUM gi sa bon yongs su gyur pa las de'i sa bon byin gyis brlabs nas dri dang /nyi ma dang zla ba dang / sman dang / chu'i mtshan nyid grangs ji ltar de bzhin gshegs pa lnga'i rang bzhin bdud rtsi lnga go ku da ha na zhes pa'i sa bon lnga bsams nas/ de'i steng du mtho gang tsam 'phags pa'i zla ba la gnas pa'i hUM yig las byung ba'i rdo rje chen po rtse lnga pa bsgoms nas/ de'i 'og tu oM yig bsams nas rlung gis bskyod pa'i me'i dkyil 'khor/ me'i steng du rdo rje'i me/ de thams cad sdud par bltas nas de'i reg byas oM yig dang rdo rje zhu nas de la de bzhin du bdud rtsi dang mar zhu ba bzhin du ro gcig tu gyur par bsams nas/ de'i steng du tAM yig dkar po'i 'od zer gyis khams gsum gyi nang du zhugs nas bdud rtsi thams cad bkug ste/de'i nang du byas pas chos kyi dbyings dang mtshungs pa des de bzhin gshegs pa thams cad kyi thugs la zhugs shing ye shes kyi bdud rtsi bkug nas de bzhin du lhan cig tu byas te/ de'i steng du de nyid gsum bsams nas des de bzhin du mngon par bsngags te/dkyil 'khor pa thams cad kyi thugs kar dkyil 'khor gyi 'khor lo bsams nas ljags rnams la hUM yig dkar po las skyes pa'i rdo rje dkar po nas 'bru'i tshad tsam bsams nas de'i bdud rtsis dkyil 'khor pa'i bdag nyid kyang mnyes par bya'o//'dis dkyil 'khor rdzogs nas thun mtshams gsum du bsgoms nas ldang bar bya'o/ /rtag tu lha'i gzugs kyis gnas par bya'o/ /de la bzlas pa'i sngags ni 'di'o/ /oM tA re tut+tA re tu re swA hA/ /sngags mchog 'di ni gtso bo ste/ /sangs rgyas kun gyis phyag byas pa/bklags pas dngos grub myur du byed/ /rdo rje gur las gsal por gsungs/ /de nas gzhan yang gzungs kyi sngags ni/ na mo rat+na tra yA ya/ nam Ar+yA wa lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya tad+ya thA/ oM tA re tut+tA re tu re sarba duSh+TAn ma ma kr-i te dzaM b+ha ya/ stam+b+ha ya/ mo ha ya/ ban+d+ha ya hUM hUM hUM phaT phaT phaT sarba duSh+TAn stam+b+ha ni tA re swA hA/yi ge bcu'i cho ga'i sngags 'di gos kyi sna la lan bdun du mngon par bsngags nas mdud pa byas na/ /'jigs pa dang bcas pa'i sa gang du 'gro yang 'jigs par mi 'gyur ro/ /stag dang / chom po dang / chu srin dang / seng ge dang / sbrul dang /ma he dang / dom dang / dred la sogs pa ming dran pa tsam gyis zhi zhing 'jigs par mi 'gyur ro/ /sngags 'dis ut+pal la'i sbyin sreg brgya rtsa brgyad byas te/ oM tA re tut+tA re tu re a mu kaM me ba sa ma nA ya swA hA/ yang sngags des de bzhin du bya rog gi sgro la lan sum cu rtsa gnyis yongs su bzlas te dgra'i khyim du sbas na zhag bdun na skrod par 'gyur ro//oM tA re tut+tA re tu re tsa la pra tsa la shI g+h+raM gA mi ni de ba dat+ta uts+tsha Ta ya hUM phaT/ de nas gzhan la yang rab tu sbyor bar 'gyur te/ oM tA re tut+tA re tu re a mu kA b+hi d+hA nAM ku mA rI ma h+yA mud bA he na ta s+yAHpi tA pra yats+tshan+tu swA hA/ myos byed gtum po'i sa bon dang //myos byed 'bras bu de bzhin du/ /mya ngan med shing me tog bcas/ /sbyin sreg stong phrag lnga byas te/ /mar sbrang bu ram sbyin sreg ni/ /bu mo sgrub la mchog tu bsngags/ /de nas zhag bdun sbyor ba yis/ /rang 'dod bu mo thob par 'gyur/ /de nas gzhan la yang rab tu sbyor bar 'gyur te/oM tA re tut+tA re tu re a mu kA b+hI d+ha nAM swas+thA na ta A kaR+Sha ya ma mAn+ti ke dzaHsngags 'dis rag chung gi tsher ma rang byung gi me tog la bsnyugs te sbyin sreg stong phrag lnga byas na 'dis rgyal po'i bu mo yang 'gugs par byed do/ /de nas gzhan la yang rab tu sbyor bar 'gyur te/ rang byung gi me tog gis bskus pa'i ras la bcom ldan 'das ma zhal gcig phyag gnyis ma lcags kyu dang ut+pal la'i zhags pa phyag na bsnams pa bris la de'i mdun du mchod pa byas nas/lha yi me tog dam pa 'di/ /zhes pa la sogs pas mchod par bya'o/ /phyis bsgom pa dang ldan pas sngags bzlas par bya'o/ /oM tA re tut+tA re tu re a mu ki ma me ba si taM swa t+naM ka thA ya hUM phaT/stong phrag lngas 'ong bar 'gyur te/ zhags pas mgul pa bcings shing lcags kyus snying gar phug la bkug nas bsgrub bya rkang pa'i 'og tu bsams la bran mo'i tshul gyis spyad par bya'o/ /de nas gzhan la yang rab tu sbyor bar 'gyur te/sgrol ma'i gzungs lan bdun du mngon par bsngags nas bdag gi mig gnyis la byugs nas rgyal rigs kyi nang du zhugs na rgyal po dang bcas pa slob mar 'gyur zhing gus par byed do/ /'gal ba smra bar mi 'gyur ro/ /dad pas 'bul bar 'gyur ro/ /dga' ba'i gtam byed par 'gyur ro/ / de'i g.yog byed par 'gyur ro/ /khro ba yang dbang du 'gyur ro/ /mthong ba'i rkyen gyis ngo mtshar du 'gyur ro/ /de nas gzhan la yang rab tu sbyor bar 'gyur te/ sgrol ma'i gzungs lan brgya bzlas nas sbrul mgo gnyis pa'i mgo thal bar byas te ba dmar mo'i mar la arka'i bal la sdong bu byas te rab tu sbar nas mig sman byas te/de'i mig sman dang / rdo rje nyi ma dang rdo rje chos dag la mnyes shing rta mchog gis bdug par bya'o/ /thal ba dang lhan cig mig sman byas nas gang la rdo rje'i mig gis bltas pa de'i gal te pad+ma gar dbang 'dzag par ma gyur na/ de'i tshe sgrol ma bdag gis sangs rgyas bcom ldan 'das bslus par 'gyur ro//de nas gzhan la yang rab tu sbyor bar 'gyur te/ byis pa so ma skyes pa'i kha chu blangs nas sgrol ma'i gzungs lan bdun du mngon par bsngags te/ b+h+r-ing+ga rA dza'i rtsa ba dang gi'u wang dang lhan cig tu byas te dpral bar thig le byas nas gang dang gang la bltas pa de dang de dbang du 'gyur ro//de nas gzhan la yang rab tu sbyor bar 'gyur te/ lto ba'i srin bu la sgrol ma'i gzungs lan bdun du mngon par bsngags nas rdo rje chos dang bcas te so rtsi gzhon nu ma la byin na longs spyad pa tsam gyis sbyor ba'i mchog tu 'gyur ro/ /'di mi spong zhing gzhan la dga' bar mi 'gyur ro//gzhan du mi 'gro la skyes bu gzhan mi 'dod do/ /rang gi bdag po yang spong bar mi byed do/ /de nas gzhan la yang rab tu sbyor bar 'gyur te/ zhag chen po bdag nyid kyi lus la byugs te/ sgrol ma'i gzungs khri phrag gcig bzlas shing bsgoms te/ bzlas pa'i mtha' la 'bras sA lu'i phye mas dril phyis byas pa'i dri ma bsdus te gang la byin pa de ji srid 'tsho'i bar du gtong bar mi 'gyur ro/ /de nas gzhan la yang rab tu sbyor bar 'gyur te/ zla ba gzas zin pa'i dus su sgrol ma'i gzungs bzlas shing bsnyen pa byas nas de las yang dag par byung ba'i 'jig rten dbang phyug blangs te dung gi phye ma dang bsre bar bya'o//de nas sgeg mo la byin na de ji srid 'tsho'i bar du rjes su 'jug par 'gyur ro/ /de la de bzhin du bdag por 'dod cing gzhan du mi 'gro'o/ /de nas gzhan la yang rab tu sbyor bar 'gyur te/ sgrol ma'i gzungs sngags kyis myos byed kyi 'bras bu la lan brgya rtsa brgyad yongs su bzlas te myos byed kyi 'bras bu dang rta mgrin lhan cig tu mnyes la byugs na de dbang du 'gyur ro//de nas gzhan la yang rab tu sbyor bar 'gyur te/ oM tA re tut+tA re tu re a mu kA s+ya ban+d+ha na muk+ti kuM ru swAhA/ zhes pa'i sngags 'dis arka'i lo ma la bsgrub bya'i ming bar du bcug ste bris nas sdig pa'i tshang du sbas na de bcings pa las grol bar 'gyur ro//rdo rje sgrol ma'i sgrub pa'i thabs/ /yang dag bris las nyer bsags pa'i/ /bsod nams gang des 'jig rten 'di/ /bde gshegs gnas su 'jug par shog /rdo rje sgrol ma'i sgrub thabs rdzogs so// //paN+Di ta chen po rin chen 'byung gnas zhi ba'i zhabs kyis mdzad pa'o/ /lha mchod ka ra bI ra'i me tog la/ /thun mtshams gsum du brgya rtsa brgyad bzlas nas/ /'dod pa'i mchog nyid blang bya zla gcig gis/ /'phags ma sgrol mas nges par stsol bar mdzad/ /oM dzaM b+he mo he swAhA/