132a2 /de nas oM tA re tut+tA re tu re swA hA zhes pa'i sngags brjod par bya'o/ /sgrol ma chen mo'i sgrub thabs rdzogs so//[ ]@##/ /rgya gar skad du/ ba ra da tA rA sA d+ha naM/ bod skad du/ mchog sbyin sgrol ma'i sgrub thabs/ 'phags
132a3 ma sgrol ma la phyag 'tshal lo//sngon ma bzhin du stong pa nyid kyi mthar thug pa bsgoms nas paM yig las skyes pa'i sna tshogs chu skyes kyi dbus su aM yig las skyes pa'i zla ba la tAM yig ljang gu las skyes pa'i sgrol ma sku mdog ljang gu rgyan thams cad kyis brgyan pa/ phyag g.yon na
132a4 ut+pa la bsnams shing g.yas pa mchog sbyin dang ldan pa/skyil krung phyed pas bzhugs pa'o/ /g.yas phyogs logs na mya ngan med pa'i 'od zer can ser mo rin po che sna tshogs pa'i cod pan can/ g.yon dang g.yas kyi phyag dag gis mya ngan med pa'i shing gi yal ga dang ba ku li
132a5 bsnams pa'o//de bzhin du rma bya chen mo g.yon pa dang cig shos kyi phyag dag gis rma bya'i sgro dang rnga yab bsnams pa'o/ /g.yon phyogs logs su ral gcig ma thung zhing gnag pa/ stag gi pags pa'i na bza' bsnams pa/ spyan gsum pa/ zhal mche ba gtsigs pa/ skra kham
132a6 pa gyen du 'bar ba/gri gug dang thod pa bsnams pa'o/ /de bzhin du 'phags ma dug sel ma ljang gu g.yon pa dang g.yas pa'i phyag dag gis sbrul nag po dang rnga yab bsnams pa bsgom par bya'o/ /de bzhin du bsgoms pas ngal na sngags bzlas par bya'o/ /oM tA re tut+tA re tu re swA hA zhes so/ /