CLOSE WINDOW

D3481
བོད་ཡིག

/de la sngags ni 'di'o/ /oM tsaN+Da ma hA ro Sha Na hUM phaT/ gtum po chen po'i sgrub thabs rdzogs so//[ ]@##/ /rgya gar skad du/ tsaN+Da ma hA ro Sha Na sA d+ha naM/ bod skad du/ gtum po chen po'i sgrub thabs/ bcom ldan 'das mi g.yo ba la phyag 'tshal lo//yid dang mthun pa'i sa phyogs 'ga' zhig tu stan bde ba la 'dug ste/ rang gi snying gar pad+ma 'dab ma brgyad pa'i steng du nyi ma'i dkyil 'khor la hUM yig nag po bsam par bya'o/ /de'i 'od zer gyis nam mkha'i phyogs bla ma dang / sangs rgyas dang /byang chub sems dpa' dang / 'chad par 'gyur ba'i gtum po chen po gdan drangs nas yang dag par mchod nas/ sdig pa bshags pa dang / mi byed par sdom pa dang / dkon mchog gsum la skyabs su 'gro ba dang / bsod nams la rjes su yi rang ba dang /bdag nyid dbul ba dang / byang chub tu sems bskyed pa la sogs pa byas nas/ byams pa dang / snying rje dang / dga' ba dang / btang snyoms te tshad med pa'i gnas bzhi bsgom par byas nas/ 'gro ba 'di rnams rang bzhin med pa'i ngo bo nyid gzung ba dang 'dzin pa las nges par grol ba rmi lam dang sgyu ma dang chu bur ltar stong pa nyid du bsgom par bya'o//oM shU n+ya tA dz+nyA na badzra swa b+hA wa At+ma kou0f85haM/ de'i rjes su dri ma med pa'i nam mkha'i phyogs su pad+ma 'dab ma brgyad pa'i steng du nyi ma'i dkyil 'khor la hUM yig nag po las skyes pa'i r al gri'i chang par hUM yig go//de'i 'od zer rnams kyis sangs rgyas kyi tshogs thams cad gdan drangs nas hUM gi yi ge la rab tu gzhug par bya'o/ /de nas hUM yig las byung ba'i me bskal ba'i me lta bur 'bar ba'i phreng ba 'khrigs pas gdug pa can gyi bdud 'joms pa/ sprin nag chen po lta bu'i sku mdog can/ sna tshogs pa'i rgyan dang rin po ches brgyan pa/ rin po che'i cod pan can/ gzhon nu zur phud lnga 'phro ba/ kun+da bzhin du zhal gtsigs shing ya sos ma mchu bsdams pa/ gdug pa can skrag par 'jigs su rung ba'i sku la brten pa/ khro gnyer bsdus pas rab tu 'jigs shing spyan gnyis zur mig tu blta ba/zhabs kyi pus mo g.yas pa nyi ma'i dkyil 'khor la btsugs pa/ chu skyes la gnas pa'i nyi ma'i steng du zhabs g.yon pa 'degs par 'dod pa/ phyag g.yas na hUM yig gi chang pa nas 'bar bzhin pa'i ral gri nag po/g.yon pa'i khu tshur sdigs mdzub kyis dpag tu med par 'khrugs pa'i khyab 'jug dang / dbang phyug dang / tshangs pa la sogs pa rnams la bsdigs shing nyon mongs pa'i dgra'i tshogs 'ching ba'i rdo rjes mtshan pa'i gser gyi zhags pa bsnams pa'o/ /'gro ba rnams kyi mngon par 'dod pa phun sum tshogs pa'i dga' ba ster bas gcig tu 'bar ba'i dpal ldan gtum po chen po bsgom par bya'o//bcom ldan 'das khro bo'i rgyal po chen po mi g.yo ba'i thugs kar pad+ma dang nyi ma la gnas pa'i hUM yig las byung ba'i chang pa hUM gis mtshan pa'i ral gri yongs su gyur pa las hUM yig las skyes pa'i gtum po chen po gnyis pa thugs kar bzhugs pa'i bcom ldan 'das bsam par bya'o//de'i yang thugs ka'i pad+ma dang nyi ma la gnas pa'i hUM yig nag po las drang por skyes pa/ de'i ral gri'i yu ba hUM yig gis mtshan pa/ de'i 'od zer gyis bkug pa'i ye shes sems dpa' dam tshig sems dpa' dang 'dra bar bltas nas dzaHyig gis dgug cing /zhal bsil dang bsang gtor la sogs pas phyogs su byon nas hUM yig gis de la de bzhin du gzhug par bya'o/ /baM yig gis bcing bar bya'o//hoHyig gis mnyes par bya ste/ 'o ma dang 'o ma 'dres pa bzhin du ro gcig tu gyur pa'i gtso bo bsgom par bya'o/ /bcom ldan 'das kyi spyan dag dang / snyan dag dang / shangs kyi bu ga dag dang / zhal dang / dbu dang / thugs rnams su ji ltar sbyor ba'i rim pas rnam par snang mdzad dang /mi bskyod pa dang / rin chen 'byung ldan dang / 'od dpag tu med pa dang / don yod grub pa dang / bdag med ma rnams te/ yan lag drug rnams la dgod par bya'o/ /thugs kar gnas pa'i hUM yig las byung ba'i 'od zer gyis de bzhin gshegs pa lnga dang lha mo'i tshogs rnams bkug nas bdud rtsi lngas gang ba'i bum pas khrus bya zhing mi bskyod pas dbu brgyan pa'o//lha mo rnams kyis rnam pa sna tshogs pa'i gar dang / rol mo la sogs pa sna tshogs pa'i mchod pa la sogs pas mnyes par bya'o/ /de nas bcom ldan 'das gzhan don la brtson pas sems can thams cad la 'dod chags dang /zhe sdang dang / gti mug la sogs pa khyab 'jug dang / dbang phyug dang / tshangs pa dang / 'dod lha la sogs pa rnams kyi gti mug chen po'i dra ba dang / zhe sdang chen po'i dra ba dang / 'dod chags chen po'i dra ba rnams kyi ma rig pa'i mun pas srid pa'i 'khor lor 'khyams pa de rnams blta bar bya'o//de nas snying ga'i sngags las 'phros pa'i khro bo'i rgyal po chen po dpag tu med pas bdud kyi dpung gi tshogs rnams gcer bu skra grol ba ngu bzhin pa skyabs med pa rnams la rdo rje'i zhags pas bcings shing ral gri rnon pos dum bur gtubs shing bcad nas slar yang byams pa'i sems kyis dri ma med pa'i chos la bcug nas rang gi go 'phang la dgod par bya'o//bsam gtan gyis skyo na sngags bzlas par bya'o/ /thugs ka dang smin ma'i bar du mnyam du gnas pas sna tshogs de bzhin nyid gcig tu gyur pa'i sku mgon po gtum po chen po'i sngags bzlas pa tsam gyis gdul dka' ba rnams 'dul ba dang /dul ba rnams dbang du bya ba dang / zhi ba dang / srung ba dang / sbed pa dang / mnyes pa dang / rgyas pa dang / de bzhin du bskrad pa dang / dgug pa dang / gsad pa dang / skrag pa'i las thams cad 'grub par 'gyur ro/