CLOSE WINDOW

D3475
བོད་ཡིག

/chos kyi dung gi ting nge 'dzin 'jam dpal gyi sgrub thabs rdzogs so//[ ]@##/ /rgya gar skad du/ Ar+ya nA ma saM gI ti sA d+ha naM/ bod skad du/ 'phags pa mtshan yang dag par brjod pa'i sgrub thabs/ 'phags pa 'jam dpal la phyag 'tshal lo//dang por re zhig sgrub pa pos snga bar langs te kha bsang ba la sogs pa byas te bsam gtan gyi khang par rab tu zhugs nas stan bde ba la skyil mo krung gis nye bar 'dug ste/ snying gar pad+ma dang zla ba la dmar zhing dkar ba'i muHyig bsgom par bya'o/ /de nas de'i 'od zer gyi tshogs lcags kyu'i rnam pa can gyis bkug ste 'chad par 'gyur ba'i bcom ldan 'das sku mdog dang zhal dang phyag mtshan dang stan dang ldan pa mdun du rnam par bsgoms nas/yid kyis rang bzhin gyi me tog dang / bdug spos la sogs pas yang dag par mchod la de'i mdun du sdig pa bshags pa la sogs pa thams cad byas nas byams pa la sogs pa tshad med pa'i gnas bzhi bsgom par bya'o//chos thams cad stong pa nyid mngon du bya'o/ /oM shU n+ya tA dz+nyA na badzra swa b+hA wa At+ma kou0f85haM zhes pa'i sngags kyis byin gyis brlab par bya'o/ /de nas nam mkha' la hUM gi yi ge rdo rje rtse lnga pa'i sa bon dang bcas p a bsgoms la/de'i 'od zer rnams kyis ji ltar spyod pa'i rdo rje'i ra ba dang / rdo rje'i gur dang / rdo rje'i rang bzhin gyi sa gzhir dmigs nas/ rdo rje'i rang bzhin las 'od zer byung bas rdo rje'i ra ba'i phyi rol du phyogs bcings pa la sogs pa'i gzugs kyis nye bar gnas par blta'o/ /de'i rjes su rdo rje ra ba'i nang du hrIHyongs su gyur pa las pad+ma'o//pad+ma'i steng du a yig las zla ba'i dkyil 'khor ro/ /de'i steng du dkar dmar gyi muHyig las sangs rgyas dpag tu med pa spro ba dang bsdu ba'i rnam par bsgoms la/ de yongs su gyur pa las rje btsun 'jam dpal dmar zhing dkar ba pad+ma dang zla ba'i steng du rdo rje skyil mo krung gis bzhugs pa/dang po'i zhal dmar po/ g.yas pa sngon po/ g.yon pa dkar po zhes pa'i zhal gsum mo/ /phyag bzhis ji lta ba'i sbyor bas shes rab kyi po ti dang / ral gri dang / gzhu dang / mda' bsnams pa'o/ /rin po che'i dbu rgyan can/mtshan bzang po sum cu rtsa gnyis dang dpe byad brgyad cus rnam par mdzes pa/ gzhon zhing gzhon nu'i rgyan gyis brgyan pa'i bdag nyid du bsgom par bya'o/ /snying gar pad+ma dang zla ba'i steng du sems dpa'i skyil krung gis bzhugs pa'i sems ma dkar mo g.yon pa dril bu dkur brten pa/ g.yas pa rang gi snying gar 'degs par byed pa'i sbyor bas rdo rje 'chang ba/ smin mtshams su de bzhin du bzhugs pa'i rin chen rdo rje ma ser mo phyag gnyis kyis spyi bor me tog gi phreng ba 'ching bar mdzad pa'o/ /mgrin par pad+ma rdo rje ma dkar dmar g.yon pas snying po dang bcas pa'i pad+ma'i sdong bu 'dzin pa g.yas pas de'i 'dab ma rnam par 'byed par mdzad pa sngon ma ji lta ba bzhin du bzhugs pa'o//spyi bor las kyi rdo rje ma sku mdog ljang gu rdo rje rtse gsum dang ldan pa'i phyag gnyis bdag nyid kyi spyi bor 'chang bar mdzad cing de kho na bzhin du gnas par bsgom par bya'o/ /oM badzra aM ku sha dzaH/ oM badzra pA sha hUM/oM badzra s+pho Ta baM/ oM badzra A be sha hoHzhes pa'i sngags kyis pad+ma dang zla ba'i steng du go rims ji lta ba bzhin du ye shes kyi 'khor lo dgug pa dang / gzhug pa dang / bcing ba dang / dbang du bya'o/ /rdo rje khu tshur gnyis bcings te/ mdzub mo dang mthe'u chung rnams lcags sgrog tu byas te sprad pa gan rkyal du rang gi khar gzhag pa ni rdo rje 'khor lo'i phyag rgya'o//mchod yon dang / zhabs bsil dang / me tog dang / bdug spos la sogs pa rnams kyis yang dag par mchod nas skad cig gis rang gi lus la gzhug par bya'o/ /de'i rjes su de bzhin gshegs pa thams cad kyis dbang bskur ba sngon du 'gro bas mi bskyod pas dbu brgyan pa'i bdag nyid du rnam par bsam par bya'o//oM sarba d+harmAHswa b+hA ba bi shud+d+ha badzra tsak+ShuHa A aM aHpra kr-i ti pa ri shud+d+haHsarba d+harmA ya du ta sarba ta thA ga ta dz+nyA na kA ya many+dzu shrI pa ri shud+d+hi tA mu pA dA ya ti a AHsarba ta thA ga ta hr-i da ya ha ra ha ra/oM hUM hrIHb+ha ga wAn dz+nyA na mUrti wA gI shwa ra ma hA wA tsa sarba d+harma ga ga na a ma la su pa ri shud+d+ha d+harma d+hA tu dz+nyA na gar+b+ha AHzhes bya ba'i sngags kyis dang po dang bar dang mthar byin gyis brlab pa sngon du 'gro ba'i rje btsun mtshan yang dag par brjod pa nyi ma so so la so so'i thun mtshams la lan gsum mam lan grangs du mar skyil mo krung ma bshig par ting nge 'dzin dang ldan pa'i mkhas pas bklag par bya'o//de bzhin du ji srid dngos grub kyi mtshan ma ma mthong gi bar de srid du bsgom zhing bklag par bya'o/ /de'i rjes su rgyud ji lta ba bzhin du dngos grub kyi thabs la rjes su gnas par bya'o zhes so/